ነገ መስከረም 26 ቀን በተለያዩ አካባቢዎች የኤሌክትሪክ ኃይል ይቋረጣል
#ethiopia | የኢትዮጵያ ኤሌክትሪክ አገልግሎት ባቀደው የጥገና ሥራ ምክንያት ነገ መስከረም 26 ቀን 2019 ዓ.ም በአዲስ አበባ፣ በባህር ዳር እና በበደሌ ከተሞች እንዲሁም በዙሪያቸው በሚገኙ አካባቢዎች ለተወሰኑ ሰዓታት የኤሌክትሪክ ኃይል አቅርቦት እንደሚቋረጥ አስታወቀ።

በዚሁ መሠረት በአዲስ አበባ ከተማ ከጠዋቱ 2፡00 እስከ ቀኑ 10፡30 ባለው ጊዜ ውስጥ በአዲሱ ቤተ መንግሥት፣ ልደታ ቤተ ክርስቲያን፣ ራሽያ፣ እንግሊዝ እና ኬንያ ኤምባሲዎች፣ ሚናሮል ህንጻ፣ ሰላም ታወር፣ ቹቹ ሜዳ፣ ሾላ ጤና ጣቢያ፣ ሾላ በግ ተራ፣ የካ ሚካኤል ጀርባ እና ደረጀ ጋራጅ አካባቢዎች የኃይል ማቋረጥ ይኖራል።

በተመሳሳይ የሰዓት ክልል በሜክሲኮ ደብረወርቅ ሕንጻ፣ ለገሐር ጀርባና አሸዋ ተራ፣ ኤግዚቢሽን ሴንተር፣ ፍላሚንጎ፣ ኦሎምፒያ፣ ደንበልና ደንበል ጀርባ፣ ፐርፕል ካፌ፣ ቦሌ ማተሚያ ቤት እንዲሁም በከፊል በወሎ ሰፈር አካባቢዎች አገልግሎቱ ይቋረጣል።

በሌላ በኩል ከቀኑ 5፡00 እስከ 7፡00 ባለው ጊዜ ደግሞ በኮካ ማዞሪያ፣ ፍተሻ፣ እንጦጦ ማርያም፣ ሽሮ ሜዳ፣ ስፔስ ሳይንስ፣ ሽንቁሩ ሚካኤል፣ አካኮ ገብርኤል፣ ካራ ሰብስቴሽን፣ ሳህሌ ብረታ ብረት፣ ጀሞ 1 መግቢያ፣ ጀሞ-2 ኮንዶሚኒየም፣ የስ ውሃ፣ ዓለምገና ማርስ ብስኩት፣ ዳለቲ እና በዙሪያቸው በሚገኙ ስፍራዎች የኤሌክትሪክ ኃይል የማይኖር ይሆናል።

ከክልል ከተሞች መካከል በባህር ዳር ከረፋዱ 4፡00 እስከ ምሽቱ 11፡30 ድረስ በቀበሌ 08፣ ሰላም ካምፓስ፣ ፔዳ ጊቢ፣ ዊዝደም ታወር፣ ፓፒረስ ሆቴል፣ ቀበሌ 15፣ ሳፋሪ ሞል፣ አባይ ማዶ፣ አዲስ ዓለም እና ጨርጨራ ቪሌጅ አካባቢዎች አገልግሎቱ ይቋረጣል።

በተመሳሳይ በበደሌ ከተማና ዙሪያዋ ከጠዋቱ 12፡00 እስከ ቀኑ 6፡00 ድረስ በበደሌ ቢራ ፋብሪካ፣ አርጆ ዲዴሳ ስኳር ፋብሪካ፣ ገቺ፣ ቦረቻ እና ጮራ ወረዳዎች፣ እንዲሁም በየምበሮ፣ ገመዳ፣ አሌሳርዶ፣ ጫራ፣ ቦሮካ፣ ብዶ፣ የባላ፣ ጎሌ፣ ጃሚያ፣ አብደላ፣ ጉደኔ፣ ብርቅቻ፣ ያምንፋ እና ሰኬቻ አካባቢዎች ኃይል የሚቋረጥ በመሆኑ ተቋሙ ደንበኞቹ ከወዲሁ አስፈላጊውን ቅድመ ዝግጅት እንዲያደርጉ አሳስቧል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

የትልቅ ሀገርና ህዝብ መዲና፤ የአዲስ አበባ የዘላቂ ልማትና የሰላም ጉዞ
****************

የአንዲት ሀገር መዲና የዚያች ሀገር ፖለቲካዊ፣ ኢኮኖሚያዊ እና ማህበራዊ ገጽታ ትክክለኛ ነጸብራቅ ናት። ለዘመናት የበርካታ ውጣ ውረዶች ማዕከል የነበረችው አዲስ አበባ ፡ ዛሬ ላይ የኢትዮጵያ የብልጽግና ጉዞ ተምሳሌት ሆናለች።

ባለፉት አምስት ዓመታት መዲናዋ ያስመዘገበችው ፈጣንና ሁለንተናዊ ለውጥ "የትልቅ ሀገር፣ ትልቅ ህዝብ እና ታላቅ ርዕይ" መገለጫ መሆን ችላለች፡፡

ትናንት ከተማዋ የልዩነት፣ የመጠላለፍ እና የንትርክ አውድማ ለማድረግ ይሞክሩ የነበሩ አፍራሽ ትርክቶች ዛሬ ወደ አሰባሳቢነት ተቀይረዋል።

የዚህ ታላቅ ማሳያ የጥቁር ህዝቦች የነፃነት ቀንዲል የሆነው የዓድዋ ድል መታሰቢያ ግንባታ ነው። ይህ ግዙፍ ማዕከል ትውልዱ በጋራ እንዲቆምና የጋራ ታሪኩን በኩራት እንዲዘክር የተደረገበት የጸና ሀገረ-መንግሥት ግንባታ መሠረት ነው።

ሌሎች ሀገራት ያሳኩትን የዕድገት ማማ እኛም እንደ ኢትዮጵያ ማሳካት እንችላለን የሚለው አሸናፊ ሥነ-ልቦና መሬት የረገጠው በእነዚህ ተግባራዊ እንቅስቃሴዎች መሆኑን ብዙዎች ይመሰክራሉ።

ከተማዋ የትልቅ ሀገርና አህጉር መዲናነቷን እንዲሁም የዲፕሎማሲ ማዕከልነቷን በሚመጥን መልኩ ራሷን አድሳለች። የሸገር ማስዋብ ፕሮጀክት አካል የሆኑት የእንጦጦ፣ ወዳጅነት እና አንድነት ፓርኮች እንዲሁም የሳይንስ ሙዚየምና አብርሆት ቤተ-መጻሕፍት አሁን ላለው ብቻ ሳይሆን ለነገው ትውልድ የሚሻገሩ አሻራዎች ሆነዋል።

ፒያሳን፣ አራት ኪሎን እና ቦሌን ጨምሮ በተለያዩ አካባቢዎች የተተገበረው የኮሪደር ልማት የከተማዋን ገጽታ ከመቀየራቸዉ ባሻገር ዘመናዊ ከተማ አድርጓታል።

በዚህ ታላቅ ርዕይ የከተማዋ አረንጓዴ ሽፋን ከ2.8 በመቶ ወደ 24 በመቶ አድጓል። በተመሳሳይ የመንገድ ሽፋን ከ12.8 በመቶ ወደ 20 በመቶ ሲያድግ ከለውጡ በፊት 400 ለሚሆኑ መኪኖች ብቻ የፐብሊክ ፓርኪንግ የነበራት አዲስ አበባ ከተማ ዛሬ በአንድ ጊዜ 180 ሺህ መኪናዎችን ማስተናገድ የሚችሉ 3 ሺህ ፓርኮች ተገንብተውላታል። የመጠጥ ውሃ ሽፋን በ60 በመቶ ማደጉ እንዲሁም አንድ ብቻ የነበረው ዘመናዊ የፍሳሽ ማጣሪያ አሁን ወደ 47 ከፍ ማለቱ የዜጎችን ጤና ከመጠበቅ አኳያ የተሰራ ግዙፍ ስኬት ነው።

በከተማዋ ዜጎች ሰብዓዊ ክብራቸውን በማይመጥን የጭቃ ቤቶች ይኖሩ የነበረው ታሪክ ተቀይሮ በመንግሥትና በግሉ ዘርፍ 480 ሺህ መኖሪያ ቤቶች መገንባታቸውም ለነዋሪዎቿ ምቹ አድርጓታል።

አንድ መንግሥት የጸና የሚባለውም ለዜጎቹ በተለይም ለደካሞች በሚሰጠው ከለላና ማህበራዊ ፍትህ ጭምር በመሆኑ ከተማ አስተዳደሩ በህንጻዎች ብቻ ሳይሆን ባለፉት አምስት ዓመታት በሰው ተኮር ልማት ላይም ትልቅ ትኩረት አድርጓል።

የትውልድ ግንባታን መሠረት በማድረግ በሚሊዮን የሚቆጠሩ የአዲስ አበባ ተማሪዎች በቀን ሁለት ጊዜ ትምህርት ቤት ይመገባሉ፤ የደንብ ልብስና ቁሳቁስ ያገኛሉ።

ከተማዋን ለህጻናት ምቹ ለማድረግ ከመንግሥት ምንም ካልነበረበት ተነስተው የህፃናት መዋያዎች አሁን ላይ 1 ሺህ 100 የደረሱ ሲሆን የህፃናት መጫወቻ ስፍራዎች ከ20 ወደ 5 ሺህ 500 አድገዋል።

በአምስት ዓመታት ውስጥ ከተፈጠረው ከ2.2 ሚሊዮን በላይ የስራ ዕድል ውስጥ ከ1.1 ሚሊዮን በላይ የሚሆኑት ሴቶች መሆናቸው እንዲሁም ኑሯቸዉን ጎዳና ላይ ያደረጉ እህቶች እና ሀገር አገልግለው ለተረሱ አረጋውያን በክብር የሚመገቡባቸው የምገባ ማዕከላት መከፈታቸው የትልቅ ህዝብን አብሮነትና የመንግሥትን ርህራሄ በተግባር ያሳየ ነው።

ይህ ሁሉ ስኬት ግን አልጋ በአልጋ በሆነ መንገድ የመጣ አይደለም። አስተዳደሩ ህገ-ወጥ የመሬት ወረራን፣ ዘመናት ያስቆጠሩ የመልካም አስተዳደር እጦቶችን እና የኑሮ ውድነትን በፅናት መጋፈጥ ነበረበት። የኑሮ ውድነትን ለማቃለል ሰባት ግዙፍ የገበያ ማዕከላት እና ከ250 በላይ የቅዳሜና እሁድ ገበያዎችን ከማስፋፋት ባለፈ "ማዕድ ማጋራት" አዲስ የአብሮነት ባህል ሆኖ ጸንቷል።

የከተማዋ ዓመታዊ ገቢ ከ30 ቢሊዮን ብር ወደ 351 ቢሊዮን ብር አድጓል። ከዚህ ቀደም ከ50 በመቶ በላይ የነበረው የአስተዳደር ወጪ ወደ 29 በመቶ ወርዶ፣ ቀሪው 71 በመቶ በጀት ለዘላቂ ልማትና ፕሮጀክቶች እንዲውል መደረጉ የብክነት ቀዳዳዎች መዘጋታቸውንና ራስን በራስ የማስተዳደር አቅም መጎልበቱን ያመለክታል።

በቀጣይ ዓመታትም በኢትዮጵያ ማንሰራራት ውስጥ አዲስ አበባ የብልጽግና ተምሳሌትነቷ ሙሉ በሙሉ የተረጋገጠ ከተማ ትሆናለች የሚል ጽኑ እምነት እንዳላቸው ከንቲባ አዳነች አበቤ ገልጸዋል።

በአጠቃላይ ባለፉት አምስት ዓመታት በአዲስ አበባ የታየው ለውጥ የከተማዋን ነዋሪዎች ህይወት ከመቀየር ባለፈ፣ የጸና ሀገረ-መንግሥት ግንባታ ምን እንደሚመስል ለሀገራችን ትልቅ ትምህርት የሰጠ ነው።

አዲስ አበባ ዛሬ የትልቅ ሀገር ግርማ ሞገስ የምትላበስባት፣ የትልቅ ህዝብ አብሮነት የሚንፀባረቅባት እና የታላቅ ርዕይ ተግባራዊ ማሳያ የሆነች እውነተኛ ውብ አበባ ሆናለች።

ከንቲባዋ አጽንኦት ሰጥተው እንደተናገሩት የተሰሩት ስራዎች እንችላለን ለሚለው ማሳያዎች እንጂ መኩራሪያዎች አይደሉም፤ ከፊት ለፊት የሚቀረን ይበልጣልና ሁሉም አካል እጅና ጓንት ሆኖ አብሮነቱን ሊያጠናክር ይገባል።

በበረከት ሽመልስ
#ትልቅሀገር_ትልቅሕዝብ_ታላቅርዕይ #addisababa #development


የትልቅ ሀገርና ህዝብ መዲና፤ የአዲስ አበባ የዘላቂ ልማትና የሰላም ጉዞ
****************

የአንዲት ሀገር መዲና የዚያች ሀገር ፖለቲካዊ፣ ኢኮኖሚያዊ እና ማህበራዊ ገጽታ ትክክለኛ ነጸብራቅ ናት። ለዘመናት የበርካታ ውጣ ውረዶች ማዕከል የነበረችው አዲስ አበባ ፡ ዛሬ ላይ የኢትዮጵያ የብልጽግና ጉዞ ተምሳሌት ሆናለች።

ባለፉት አምስት ዓመታት መዲናዋ ያስመዘገበችው ፈጣንና ሁለንተናዊ ለውጥ "የትልቅ ሀገር፣ ትልቅ ህዝብ እና ታላቅ ርዕይ" መገለጫ መሆን ችላለች፡፡

ትናንት ከተማዋ የልዩነት፣ የመጠላለፍ እና የንትርክ አውድማ ለማድረግ ይሞክሩ የነበሩ አፍራሽ ትርክቶች ዛሬ ወደ አሰባሳቢነት ተቀይረዋል።

የዚህ ታላቅ ማሳያ የጥቁር ህዝቦች የነፃነት ቀንዲል የሆነው የዓድዋ ድል መታሰቢያ ግንባታ ነው። ይህ ግዙፍ ማዕከል ትውልዱ በጋራ እንዲቆምና የጋራ ታሪኩን በኩራት እንዲዘክር የተደረገበት የጸና ሀገረ-መንግሥት ግንባታ መሠረት ነው።

ሌሎች ሀገራት ያሳኩትን የዕድገት ማማ እኛም እንደ ኢትዮጵያ ማሳካት እንችላለን የሚለው አሸናፊ ሥነ-ልቦና መሬት የረገጠው በእነዚህ ተግባራዊ እንቅስቃሴዎች መሆኑን ብዙዎች ይመሰክራሉ።

ከተማዋ የትልቅ ሀገርና አህጉር መዲናነቷን እንዲሁም የዲፕሎማሲ ማዕከልነቷን በሚመጥን መልኩ ራሷን አድሳለች። የሸገር ማስዋብ ፕሮጀክት አካል የሆኑት የእንጦጦ፣ ወዳጅነት እና አንድነት ፓርኮች እንዲሁም የሳይንስ ሙዚየምና አብርሆት ቤተ-መጻሕፍት አሁን ላለው ብቻ ሳይሆን ለነገው ትውልድ የሚሻገሩ አሻራዎች ሆነዋል።

ፒያሳን፣ አራት ኪሎን እና ቦሌን ጨምሮ በተለያዩ አካባቢዎች የተተገበረው የኮሪደር ልማት የከተማዋን ገጽታ ከመቀየራቸዉ ባሻገር ዘመናዊ ከተማ አድርጓታል።

በዚህ ታላቅ ርዕይ የከተማዋ አረንጓዴ ሽፋን ከ2.8 በመቶ ወደ 24 በመቶ አድጓል። በተመሳሳይ የመንገድ ሽፋን ከ12.8 በመቶ ወደ 20 በመቶ ሲያድግ ከለውጡ በፊት 400 ለሚሆኑ መኪኖች ብቻ የፐብሊክ ፓርኪንግ የነበራት አዲስ አበባ ከተማ ዛሬ በአንድ ጊዜ 180 ሺህ መኪናዎችን ማስተናገድ የሚችሉ 3 ሺህ ፓርኮች ተገንብተውላታል። የመጠጥ ውሃ ሽፋን በ60 በመቶ ማደጉ እንዲሁም አንድ ብቻ የነበረው ዘመናዊ የፍሳሽ ማጣሪያ አሁን ወደ 47 ከፍ ማለቱ የዜጎችን ጤና ከመጠበቅ አኳያ የተሰራ ግዙፍ ስኬት ነው።

በከተማዋ ዜጎች ሰብዓዊ ክብራቸውን በማይመጥን የጭቃ ቤቶች ይኖሩ የነበረው ታሪክ ተቀይሮ በመንግሥትና በግሉ ዘርፍ 480 ሺህ መኖሪያ ቤቶች መገንባታቸውም ለነዋሪዎቿ ምቹ አድርጓታል።

አንድ መንግሥት የጸና የሚባለውም ለዜጎቹ በተለይም ለደካሞች በሚሰጠው ከለላና ማህበራዊ ፍትህ ጭምር በመሆኑ ከተማ አስተዳደሩ በህንጻዎች ብቻ ሳይሆን ባለፉት አምስት ዓመታት በሰው ተኮር ልማት ላይም ትልቅ ትኩረት አድርጓል።

የትውልድ ግንባታን መሠረት በማድረግ በሚሊዮን የሚቆጠሩ የአዲስ አበባ ተማሪዎች በቀን ሁለት ጊዜ ትምህርት ቤት ይመገባሉ፤ የደንብ ልብስና ቁሳቁስ ያገኛሉ።

ከተማዋን ለህጻናት ምቹ ለማድረግ ከመንግሥት ምንም ካልነበረበት ተነስተው የህፃናት መዋያዎች አሁን ላይ 1 ሺህ 100 የደረሱ ሲሆን የህፃናት መጫወቻ ስፍራዎች ከ20 ወደ 5 ሺህ 500 አድገዋል።

በአምስት ዓመታት ውስጥ ከተፈጠረው ከ2.2 ሚሊዮን በላይ የስራ ዕድል ውስጥ ከ1.1 ሚሊዮን በላይ የሚሆኑት ሴቶች መሆናቸው እንዲሁም ኑሯቸዉን ጎዳና ላይ ያደረጉ እህቶች እና ሀገር አገልግለው ለተረሱ አረጋውያን በክብር የሚመገቡባቸው የምገባ ማዕከላት መከፈታቸው የትልቅ ህዝብን አብሮነትና የመንግሥትን ርህራሄ በተግባር ያሳየ ነው።

ይህ ሁሉ ስኬት ግን አልጋ በአልጋ በሆነ መንገድ የመጣ አይደለም። አስተዳደሩ ህገ-ወጥ የመሬት ወረራን፣ ዘመናት ያስቆጠሩ የመልካም አስተዳደር እጦቶችን እና የኑሮ ውድነትን በፅናት መጋፈጥ ነበረበት። የኑሮ ውድነትን ለማቃለል ሰባት ግዙፍ የገበያ ማዕከላት እና ከ250 በላይ የቅዳሜና እሁድ ገበያዎችን ከማስፋፋት ባለፈ "ማዕድ ማጋራት" አዲስ የአብሮነት ባህል ሆኖ ጸንቷል።

የከተማዋ ዓመታዊ ገቢ ከ30 ቢሊዮን ብር ወደ 351 ቢሊዮን ብር አድጓል። ከዚህ ቀደም ከ50 በመቶ በላይ የነበረው የአስተዳደር ወጪ ወደ 29 በመቶ ወርዶ፣ ቀሪው 71 በመቶ በጀት ለዘላቂ ልማትና ፕሮጀክቶች እንዲውል መደረጉ የብክነት ቀዳዳዎች መዘጋታቸውንና ራስን በራስ የማስተዳደር አቅም መጎልበቱን ያመለክታል።

በቀጣይ ዓመታትም በኢትዮጵያ ማንሰራራት ውስጥ አዲስ አበባ የብልጽግና ተምሳሌትነቷ ሙሉ በሙሉ የተረጋገጠ ከተማ ትሆናለች የሚል ጽኑ እምነት እንዳላቸው ከንቲባ አዳነች አበቤ ገልጸዋል።

በአጠቃላይ ባለፉት አምስት ዓመታት በአዲስ አበባ የታየው ለውጥ የከተማዋን ነዋሪዎች ህይወት ከመቀየር ባለፈ፣ የጸና ሀገረ-መንግሥት ግንባታ ምን እንደሚመስል ለሀገራችን ትልቅ ትምህርት የሰጠ ነው።

አዲስ አበባ ዛሬ የትልቅ ሀገር ግርማ ሞገስ የምትላበስባት፣ የትልቅ ህዝብ አብሮነት የሚንፀባረቅባት እና የታላቅ ርዕይ ተግባራዊ ማሳያ የሆነች እውነተኛ ውብ አበባ ሆናለች።

ከንቲባዋ አጽንኦት ሰጥተው እንደተናገሩት የተሰሩት ስራዎች እንችላለን ለሚለው ማሳያዎች እንጂ መኩራሪያዎች አይደሉም፤ ከፊት ለፊት የሚቀረን ይበልጣልና ሁሉም አካል እጅና ጓንት ሆኖ አብሮነቱን ሊያጠናክር ይገባል።

በበረከት ሽመልስ
#ትልቅሀገር_ትልቅሕዝብ_ታላቅርዕይ #addisababa #development

የጀመሩትን መፈፀም፡- የኢትዮጵያ አዲሱ መገለጫ እና የድል ጉዞ

አዲስ አበባ፣ መስከረም 13፣ 2019 (ኤፍ ኤም ሲ) በአንድ ሀገር የእድገት እና የለውጥ ታሪክ ውስጥ ትልቁ ፈተና ሀሳብ ማመንጨት ሳይሆን የተጀመሩ ታላላቅ ፕሮጀክቶችን ዳር ማድረስ ነው።

ኢትዮጵያ ባለፉት ጥቂት ዓመታት ውስጥ በበርካታ መስኮች ያሳየችው በተግባር የተደገፈ ተጋድሎ "የጀመሩትን መፈፀም" የሚለውን እሴት የሀገሪቱ አዲስ መገለጫ እንዲሆን አድርጎታል።

ኢትዮጵያ በእቅድ እና በቁርጠኝነት የጀመረቻቸውን ሜጋ ፕሮጀክቶች በድል በማጠናቀቅ ላይ ትገኛለች።
የኢትዮጵያ ታላቁ ህዳሴ ግድብ ለዚህ ህያው ምስክር ነው።

ግድቡ በርካታ የጂኦፖለቲካዊ እና የኢኮኖሚ ጫናዎችን ተሻግሮ ዛሬ ላይ የውሃ ሙሌቱ ተጠናቆ ሃይል ማመንጨት ጀምሯል።

ፕሮጀክቱ በኢትዮጵያ በራሷ አቅም እና በህዝቦቿ አስተዋፅኦ የተገነባ በመሆኑ የኢትዮጵያውያንን አንድነት እና "የጀመርነውን እንጨርሳለን" የሚለውን የይቻላል ምንፈስ ውጤት ያሳየ ትልቅ የታሪክ ምዕራፍ ሆኗል።

ኢትዮጵያ በመስኖ ስንዴ ልማት ያመጣችው ውጤት ሌላው አስደናቂ ስኬት ነው።

በጥቂት ዓመታት ውስጥ የተካሄደው ውጤታማ ስራ ሀገሪቱን ከስንዴ ተረጅነት ነፃ ማድረግ ብቻ ሳይሆን፣ ለአጎራባች ሀገራት መላክ እንድትጀምር አድርጓታል።

ይህ በበጋ መስኖ የተመዘገበው ድል የኢትዮጵያን የምግብ ዋስትና ለማረጋገጥ የተጀመረው ጉዞ እንዴት ፍሬያማ እንደሆነ ያሳያል።

"ኢትዮጵያ ታምርት እኛም እንሸምት" በሚል መሪ ቃል የተጀመረው ሀገራዊ ንቅናቄም በኢንዱስትሪው ዘርፍ ከፍተኛ መነቃቃትን ፈጥሯል።

ስራ ያቆሙ ፋብሪካዎችን መልሶ በማንቀሳቀስ፣ የሀገር ውስጥ ምርትን በማሳደግ እና ከውጪ የሚገቡ ምርቶችን በሀገር ውስጥ በመተካት ረገድ የተመዘገቡት ውጤቶች የኢኮኖሚውን መዋቅራዊ ሽግግር ያፋጠኑ ናቸው።

በተመሳሳይ መልኩ፣ በአዲስ አበባ እና በልዩ ልዩ የሀገሪቱ ክልሎች የተካሄዱት የኮሪደር ልማት ስራዎች የከተሞችን ገፅታ ከመቀየር ባለፈ ለዜጎች ምቹ የኑሮ ከባቢን ፈጥረዋል።

የእንጦጦ፣ የአንድነት እና የሸገር ፓርኮች ግንባታ በተያዘላቸው ጊዜ እና ጥራት ተጠናቀው ለአገልግሎት መብቃታቸው፣ የፕሮጀክት አመራር ጥበብ እና የፈጣን አፈፃፀም ባህል በኢትዮጵያ መስረፁን ያሳያሉ።

የጀመሩትን መፈፀም የተስፋ ብቻ ሳይሆን የተግባርና የምግባር ጉዳይ በመሆኑ፣ ኢትዮጵያ ዛሬ በቃሏ የምትገኝ ሀገር መሆኗን በተግባር እያረጋገጠች ትገኛለች።

ሀገራችን ዛሬ ላይ የጀመረችውን የማጠናቀቅ፣ እቅዷን ወደ ተግባር የመቀየር እና ፈተናዎችን ወደ እድል የመቀየር አዲስ ምዕራፍ ውስጥ ትገኛለች።

የህዳሴው ግድብ፣ የግብርናው አብዮት፣ የኢንዱስትሪው ንቅናቄ እና የከተሞች ውበት ሁሉም የሚያመለክቱት አንድ እውነት አለ ኢትዮጵያ የጀመረችውን በድል ታጠናቅቃለች ፤ለዜጎችዋ ምቹ ከባቢን ትፈጥራለች፤ ለአፍሪካ ሀገራትም ምሳሌ ሆናለች፣ ትሆናለችም የሚል፡፡

በእመቤት ሲሳይ



u12e8u1300u1218u1229u1275u1295 u1218u1348u1340u121du1361- u12e8u12a2u1275u12eeu1335u12eb u12a0u12f2u1231 u1218u1308u1208u132b u12a5u1293 u12e8u12f5u120d u1309u12de

u12a0u12f2u1235 u12a0u1260u1263u1363 u1218u1235u12a8u1228u121d 13u1363 2019 (u12a4u134d u12a4u121d u1232) u1260u12a0u1295u12f5 u1200u1308u122d u12e8u12a5u12f5u1308u1275 u12a5u1293 u12e8u1208u12cdu1325 u1273u122au12ad u12cdu1235u1325 u1275u120du1241 u1348u1270u1293 u1200u1233u1265 u121bu1218u1295u1328u1275 u1233u12edu1206u1295 u12e8u1270u1300u1218u1229 u1273u120bu120bu1245 u1355u122eu1300u12adu1276u127du1295 u12f3u122d u121bu12f5u1228u1235 u1290u12cdu1362

u12a2u1275u12eeu1335u12eb u1263u1208u1349u1275 u1325u1242u1275 u12d3u1218u1273u1275 u12cdu1235u1325 u1260u1260u122du12abu1273 u1218u1235u12aeu127d u12ebu1233u12e8u127du12cd u1260u1270u130du1263u122d u12e8u1270u12f0u1308u1348 u1270u130bu12f5u120e \

‎የሕንድ ማላንካራ ፓትርያርክ በቅድስት ሥላሴ ካቴደራል ደማቅ አቀባበል ተደረገላቸው
‎
‎♦️ ቅዱስ ፓትርያርኩ በዘንድሮው የመስቀል ደመራ ይገኛሉ
‎
‎#ethiopia | የሕንድ ማላንካራ ኦርቶዶክስ ቤተ ክርስቲያን ፓትርያርክ ብፁዕ ወቅዱስ ባስልዮስ ማርቶማ ማቴዎስ ፫ኛ በዛሬው እለት በመንበረ ጸባዖት ቅድስት ሥላሴ ካቴድራል ደማቅ መንፈሳዊ አቀባበል ተደረገላቸው።
‎
‎የፓትርያርኩ ልዑካን ቡድን በካቴድራሉ ሲደርስ፣ የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ ብፁዕ ወቅዱስ አቡነ ማትያስ ቀዳማዊ፣ ብፁዓን አበው ሊቃነ ጳጳሳት፣ ካህናት፣ ሊቃውንተ ቤተ ክርስቲያንና የሰንበት ትምህርት ቤት ዘማርያን በዝማሬና በመንፈሳዊ ሥነ ሥርዓት ተቀብለዋቸዋል።
‎
‎የኢኦተቤ መገናኛ ብዙኀን አገልግሎት ሥርጭት ድርጅት እንደዘገበው፣ ብፁዕ ወቅዱስ አቡነ ማትያስ በእንኳን ደህና መጡ ንግግራቸው ሁለቱ አብያተ ክርስቲያናት ጥንታዊ አኃት አብያተ ክርስቲያናት በመሆናቸው በየጊዜው መገናኘትና መወያየት እንደሚጠበቅባቸው ገልጸዋል።
‎
‎ፓትርያርኩ ከአሥር ዓመት በፊት እሳቸውና የቅዱስ ሲኖዶስ አባላት በሕንድ ያደረጉትን ጉብኝት በማስታወስ፣ ብፁዕ ወቅዱስ አቡነ ባስልዮስ ማርቶማ ማቴዎስ ፫ኛ የኢትዮጵያን ጥሪ አክብረው በአገሪቱ መገኘታቸው ደስ እንደተሰኙ ገልጸዋ በቆይታቸውም ኢትዮጵያን በጸሎታቸው እንዲያስቡ ጠይቀዋል።
‎
‎በምላሻቸው የሕንድ ማላንካራ ኦርቶዶክስ ቤተ ክርስቲያን ፓትርያርክ ብፁዕ ወቅዱስ አቡነ ባስልዮስ ማርቶማ ማቴዎስ ፫ኛ በማላንካራ ኦርቶዶክስ ቤተ ክርስቲያን ቅዱስ ሲኖዶስ፣ በካህናትና በምእመናን ስም ሰላምታቸውን አቅርበዋል። ከአሥር ዓመት በፊት ብፁዕ ወቅዱስ አቡነ ማትያስ በሕንድ ባደረጉት ሐዋርያዊ ጉብኝት ወቅት እሳቸው በቅርበት በማስተናገድና ጉብኝቱን በማስተባበር ተሳትፈው እንደነበር አስታውሰዋል።
‎
‎የኢኦተቤ መገናኛ ብዙኀን አገልግሎት ሥርጭት ድርጅት እንደዘገበው፣ ብፁዕ ወቅዱስ አቡነ ባስልዮስ ይህ በካቴድራሉ የሚያደርጉት ሁለተኛ ጉብኝታቸው መሆኑን ጠቅሰው፣ ቀደም ሲል የቀድሞው ፓትርያርክ ብፁዕ ወቅዱስ አቡነ ጳውሎስ የቀብር ሥነ ሥርዓት ላይ ተገኝተው እንደነበር ገልጸዋል።
‎
‎ፓትርያርኩ በዓለም ዙሪያ ባደረጓቸው ሐዋርያዊ ጉዞዎች መካከል ከኢትዮጵያ ኦርቶዶክስ ተዋሕዶ ቤተ ክርስቲያን ያገኙትን አቀባበል በልዩ ሁኔታ አድንቀዋል። በካቴድራሉ የቀረበላቸው ዝማሬና ክብር ልባቸውን በጥልቅ እንደነካ ተናግረዋል።
‎
‎በተጨማሪም በሁለቱ አብያተ ክርስቲያናት መካከል ያለውን ጥንታዊ ታሪካዊና መንፈሳዊ ትስስር በማስታወስ፣ ቀደምት የሕንድ መምህራን በኢትዮጵያ መንፈሳዊ ሴሚናሪዎች እንዳስተማሩ ጠቁመዋል። ወደፊትም በሴሚናሪዎች ደረጃ የተማሪዎችና የመምህራን ልውውጥ እንዲኖር፣ በነገረ መለኮት፣ በባህልና በሥርዓተ አምልኮ ዙሪያም በበለጠ በጋራ ለመሥራት ግንኙነቱን ማጠናከር እንደሚገባ አስረድተዋል።
‎
‎በአቀባበሉ መርሐ ግብር ላይ ብፁዕ አቡነ ሳዊሮስ፣ የጠቅላይ ቤተ ክህነት ዋና ሥራ አስኪያጅና የደቡብ ምዕራብ ሸዋና ሸገር አህጉረ ስብከት ሊቀ ጳጳስ፣ ብፁዕ አቡነ ዲዮስቆሮስ፣ የቅዱስ ሲኖዶስ ዋና ጸሐፊና የራያ ሀገረ ስብከት ሊቀ ጳጳስ፣ ሌሎች ብፁዓን አበው ሊቃነ ጳጳሳት፣ የጠቅላይ ቤተ ክህነት የመምሪያ ኃላፊዎች፣ የአዲስ አበባ ሀገረ ስብከት ኃላፊዎች፣ ሊቃውንትና በርካታ ምእመናን ተገኝተዋል። መርሐ ግብሩም በብፁዓን ቅዱሳን አባቶች የጋራ ጸሎትና ቡራኬ ተጠናቋል።
‎
‎የኢኦተቤ መገናኛ ብዙኀን አገልግሎት ሥርጭት ድርጅት እንደዘገበው፣ ብፁዕ ወቅዱስ አቡነ ባስልዮስ ማርቶማ ማቴዎስ ፫ኛ ከመስከረም 14 እስከ 18 ቀን 2019 ዓ.ም ድረስ በሚኖራቸው የአምስት ቀናት የኢትዮጵያ ቆይታ የተለያዩ መንፈሳዊ መርሐ ግብሮችን ያከናውናሉ።
‎
‎በመስከረም 15 ቀን በጠቅላይ ቤተ ክህነት ከቤተ ክርስቲያኒቱ ከፍተኛ የሥራ ኃላፊዎችና አካላት ጋር የሁለትዮሽ ውይይት የሚያካሂዱ ሲሆን፣ በመቀጠልም እንጦጦ ቅድስት ማርያም ሙዚየምና ሰበታ ቤተ ደናግል ጠባባት ገዳምን ይጎበኛሉ።
‎
‎በዘንድሮ የመስቀል ደመራ በዓል መስከረም 16 ቀን በመስቀል አደባባይ በመገኘት ቃለ ምዕዳንና ሐዋርያዊ ቡራኬ እንደሚሰጡም ተገልጿል። መስከረም 17 ቀን ጠዋት ደግሞ በቦሌ ደብረ ሣሌም መድኃኔዓለም ካቴድራል በመገኘት ሥርዓተ ቅዳሴ እንደሚያደርጉ የኢኦተቤ መገናኛ ብዙኀን አገልግሎት ሥርጭት ድርጅት ዘግቧል።
‎
‎#ethiopia #orthodoxtewahedo #ethiopianorthodoxchurch #malankaraorthodox #baseliosmarthomamathewsiii #patriarch #abunemathias #holytrinitycathedral
‎

የኢትዮጵያ ቱሪዝም አዲስ ምዕራፍ

አዲስ አበባ፣ መስከረም 13፣ 2019 (ኤፍ ኤም ሲ) የኢትዮጵያ ቱሪዝም ልማት በመሰረተ ልማት ግንባታ፣ በኮሪደር ልማት እና በኮንፈረንስ ቱሪዝም ማዕቀፍ ውስጥ አዲስ ምዕራፍ ላይ ይገኛል።

በሀገር በቀል የኢኮኖሚ ማሻሻያ እቅድ ውስጥ የውጭ ምንዛሬን ለማሳደግ ትኩረት ከተሰጠው አንዱ የቱሪዝም ዘርፍ ነው።

በጠቅላይ ሚኒስትር ዐቢይ አሕመድ (ዶ/ር) ሀሳብ አመንጪነት የተከናወኑ የመዳረሻ ልማት ስራዎች የኢትዮጵያን የቱሪዝም ገጽታ በጽኑ መሰረት ላይ የገነቡና ዘርፉን ወደ ላቀ ደረጃ ያሸጋገሩ ናቸው።

በአዲስ አበባ ከተማ ከተከናወኑት የኮሪደር ልማቶችና ፓርኮች ጀምሮ በክልሎች የተገነቡት የገበታ ለሀገር እና የገበታ ለትውልድ ፕሮጀክቶች የኢትዮጵያን የቱሪዝም አቅም ሙሉ በሙሉ በመቀየር አዲስ ምዕራፍ ከፍተዋል።

አንድነት ፓርክ፣ ወዳጅነት ፓርክ፣ እንጦጦ ፓርክ እንዲሁም በክልሎች የሚገኙት የጎርጎራ፣ ወንጪ፣ ደንቢ ኢኮ ሎጅ፣ ኒኢን ሌ ፓልም ሎጅ፣ ሸበሌ ሪዞርት ፕሮጀክቶች ኢትዮጵያ ቀደም ሲል የነበሯትን የታሪክና የተፈጥሮ መስህቦች ከዘመናዊ የመስተንግዶና የመዝናኛ አገልግሎቶች ጋር አስተሳስረዋል።

እነዚህ አዳዲስ መዳረሻዎች የቱሪስቶችን የቆይታ ጊዜ ከማራዘማቸውም በላይ ኢትዮጵያን በዓለም አቀፍ ደረጃ ተመራጭ የቱሪዝም ማዕከል አድርገዋታል።

አዳዲስና ነባር መዳረሻዎች ለሀገር ውስጥና ለውጭ ሀገር ጎብኚዎች ምቹና ደህንነቱ የተጠበቀ አገልግሎት በመፍጠር ረገድ ከፍተኛ አስተዋጽኦ እያበረከቱ ይገኛሉ።

የለሙት መዳረሻዎች ለብዙ ሺህ ዜጎች፤ በተለይም ለወጣቶችና ሴቶች አዳዲስ የሥራ ዕድሎችን ፈጥረዋል።

በተጨማሪም የከተሞች የኮሪደር ልማት እና የአካባቢ ጥበቃ ስራዎች የኢትዮጵያን አረንጓዴ ልማት ከቱሪዝም ጋር በማስተሳሰር ረገድ አርአያነት ያለው ተግባር ነው።

እነዚህ ፕሮጀክቶች የከተሞችን ውበትና ንጽህና ከመጠበቅ ባሻገር፤ የተፈጥሮ ሀብቶች ሳይበላሹ ለወደፊት ትውልድ ለማስተላለፍ የሚያስችል ዘላቂ የቱሪዝም ልማት መሰረት ጥለዋል።

በቅርብ ዓመታት በኢትዮጵያ እውን የሆኑትና ሥራ የጀመሩት አዳዲስ የቱሪዝም መስህቦች የኢትዮጵያን የቱሪዝም ምህዳር ከመሰረቱ በመቀየር እና በዓለም አቀፉ የቱሪዝም ኢንዱስትሪ ውስጥ ተወዳዳሪና ዘመናዊ መድረክ በመፍጠር ረገድ ሁለንተናዊ ፋይዳ አላቸው።

ዘመናዊ አገልግሎትና ዲጂታል የመረጃ አሰጣጥ እንዲሁም የአየር መንገድ ትስስርን ከእነዚህ መስህቦች ጋር በማቀናጀት ኢትዮጵያ በዓለም አቀፉ የቱሪዝም ገበያ ውስጥ ያላትን ድርሻ በከፍተኛ ደረጃ እንድታሳድግና የዘርፉን ሁለንተናዊ የልማት አስተዋጽኦ እንድታረጋግጥ ያላቸው ፋይዳ ከፍተኛ ነው።

በኢትዮጵያ የተገነቡት አዳዲስ መስህቦች ኢትዮጵያ በምስራቅ አፍሪካ ብቻ ሳይሆን፤ በመላው አፍሪካ ቀዳሚ የቱሪዝም መዳረሻ እንድትሆን መሰረት የጣሉ ናቸው።

በወንድማገኝ ጸጋዬ

የኮሪደር ልማት የኮንፈረንስ ቱሪዝምን ለማጠናከር

አዲስ አበባ፣ ጳጉሜን 2፣ 2018 (ኤፍ ኤም ሲ) ኢትዮጵያ በቱሪዝም መዳረሻዎች እና መሰረተ ልማት ግንባታዎች በርካታ አህጉራዊና ዓለም አቀፋዊ እውቅናን ያተረፉ ታሪካዊ ስኬቶችን አስመዝግባለች፡፡

ይህ መጠነ-ሰፊ የልማት እንቅስቃሴ ቱሪዝምን አዲሱ የኢኮኖሚ ሞተር ለማድረግ የተነደፈውን ሀገራዊ የሪፎርም እቅድ እያሳካ ይገኛል።
በአዲስ አበባ የተጀመረውና በአሁኑ ወቅት ወደ ሌሎች የሀገሪቱ ከተሞች እየተስፋፋ ያለው የኮሪደር ልማት፣ የከተማ ነዋሪዎችን የኑሮ ጥራት ወደ ላቀ ደረጃ ከማሸጋገር በተጨማሪ የቱሪዝም መስህብም እየሆነ ነው፡፡

አዲስ አበባ ለኮንፈረንስ ቱሪዝም ማደግ አስፈላጊ የሆኑ መሰረተ ልማቶችን በመገንባት በአጭር ጊዜ አስደማሚ ውጤት አስመዝግባለች፡፡ ለአብነትም በ2018 ብቻ ከ200 በላይ ዓለም አቀፍ እና አህጉር አቀፍ ስብሰባዎችን በስኬት ለማስተናገድ ተችሏል፡፡

አዲስ አበባ በኮሪደር ልማትና በከተማ ማዘመን ስራዋ ከ36 የአፍሪካ ከተሞች ቀዳሚ በመሆን የአፍሪካ ስልጡን ከተሞች ሽልማትን ለመቀበል በቅታለች፡፡ ይህም የመዲናይቱን ገፅታ ከፍ በማድረግ የጎብኝዎችን ቀልብ እየሳበ ይገኛል፡፡ ኢትዮጵያ በአዲስ መልክ የገነባቻቸው የተፈጥሮና የሰው ሰራሽ መዳረሻዎች ከተማዋን ከትራንዚት ማረፊያነት ወደ ቀጥታ የቱሪስት መዳረሻነት ቀይረዋታል።

እንደ ዓድዋ ድል መታሰቢያ፣ የእንጦጦ ፓርክ፣ የሸገር እና ወዳጅነት ፓርኮች የመሳሰሉ የቱሪዝም መስህቦች ተገንብተው የሀገር ውስጥና የውጭ ጎብኝዎችን በመስሐብ ላይ ናቸው።

በአረንጓዴ ዐሻራ መርሃ-ግብር አማካኝነት በአዲስ አበባ ብቻ ባለፉት ጥቂት ዓመታት ውስጥ የተተከሉ ችግኞች የከተማዋን የደንና የአረንጓዴ ሽፋን ማሳደግ አስችለዋል።

በወንዞች ዳርቻ ልማት ቀደም ሲል ተጥለውና ተበክለው የነበሩ ቦታዎች አሁን ላይ ውብ፣ ንጹህና ለሕዝብ መዝናኛ ምቹ የሆኑ ፓርኮች ሆነው ተገንብተዋል።

በማኅበራዊ እና ምጣኔ ሀብታዊ ስኬቶች ውስጥ እነዚህ ግዙፍ የኮሪደርና የቱሪዝም ፕሮጀክቶች ለግንባታ ባለሙያዎች፣ ለሆቴልና አገልግሎት ዘርፍ፣ ለባህላዊ አልባሳትና ቅርጻቅርጽ አቅራቢዎች በመቶ ሺዎች የሚቆጠሩ ሰፊ የሥራ ዕድሎችን ፈጥረዋል።

የከተሞች ውበት፣ ፅዳትና ዝመና የግል ባለሀብቶች በሆቴል፣ በሪዞርትና በቱሪዝም ዘርፍ ላይ በልበ ሙሉነት መዋዕለ ንዋያቸውን እንዲያፈሱ ምቹ ሁኔታ ፈጥሯል።

የቱሪስት መዳረሻ በሆኑት በሌሎች ከተሞች የነበረውን ያረጀ መሠረተ ልማት በማደስ፣ የታሪክና የባህል ቅርሶችን ሳይነኩ በማልማት እና የቱሪስት መስህብነታቸውን በማሳደግ ረገድ ትልቅ ለውጥ ተመዝግቧል፡፡

ለአብነት የሐረር ከተማ የኮሪደር ልማት ልዩ የሚያደርገው የተባበሩት መንግስታት የትምህርት፣ ሳይንስና ባህል ድርጅት (ዩኔስኮ) ያስመዘገበውን የጀጎል ግንብ እና ጥንታዊ ቅርሶችን ታሪካዊ ይዘት ሳይበርዝ ዘመናዊ መሠረተ ልማትን ማሻሻል መቻሉ ነው፡፡

በተጨማሪም ሐረርን ልክ እንደ ክፍት ሙዚየም በማድረግ፣ የውጭ ቱሪስቶች በእግር እየተጓዙ የከተማዋን ባህል፣ የጅብ መመገብ ስነ-ስርዓትና ጥንታዊ መስጊዶችን በምቾት እንዲጎበኙ አስችሏል።

እንዲሁም በባህር ዳር የከተማዋ ዋና ዋና መንገዶች ተስፋፍተው፣ ዘመናዊ የስማርት መብራቶች እና አረንጓዴ ፓርኮች ተገንብተው የከተማዋን የምሽት ውበት አድምቀውታል።

በሐዋሳ ከተማና በሐይቁ ዳርቻዎች በኮሪደር ልማቱ ሙሉ በሙሉ ታድሰዋል፡፡ ውብና ረጅም የእግረኛ መንገዶች፣ የማረፊያ ቦታዎች እና አስተማማኝ የብስክሌት መስመሮች በሐይቁ ዙሪያ መገንባታቸው የጎብኝዎችን ዓይን የሚማርክ ገጽታ አላብሰውታል ።

በቅርብ ጊዜ በተመዘገበው ስኬት በቱሪዝም ዘርፍ የታየው መነቃቃት ኢንቨስተሮች በአገልግሎት ዘርፉ እንዲሰማሩ ሳቢ ሁኔታን የፈጠረ ነው፡፡

የኮሪደር ልማቱ የከተማ መሠረተ ልማት ፕሮጀክት ብቻ ሳይሆን ሌሎች የሀገሪቱን ቁልፍ የኢኮኖሚ ዘርፎች ያነቃቃ ትስስር እየፈጠረ ነው፡፡ በአሁኑ ወቅት የኮሪደር ልማቱ ከከተሞች አልፎ ወደ ገጠር እና አርሶ አደር አካባቢዎች እየተስፋፋ በመሆኑ፣ ከመስህብነት ባለፈ ለዘርፉ ጥራት ያለው አገልግሎት ለማቅረብ ያስችላል፡፡

በአጠቃላይ መንግስት ለቱሪዝም ዘርፍ በልኩ የሚገባውን ትኩረት በመስጠት በሰራው ስራ በአጭር ጊዜ ከፍተኛ ዕምርታ የተመዘገበ ሲሆን፣ ይህም የአገራችን ማንሰራራት ማሳያ ተደርጎ የሚወሰድ ነው፡፡

በትዕግስት ግዛቸው

ከተስፋ ወደ ፍሬ

አዲስ አበባ፣ ነሐሴ 29፣ 2018 (ኤፍ ኤም ሲ) ኢትዮጵያ ባለፉት አምስት ዓመታት የልማት ታሪኳን በተግባር በአዲስ መልክ ጽፋለች።

በዓለም አቀፍ ታዛቢዎች ዘንድ የማይሳካ እቅድ ተብሎ የተፈረጀው የልማት ርዕይ ዛሬ ለመላው ዓለም የሚታይ የሚዳሰስ እውነታ ሆኗል።

የፖሊሲ ማሻሻያዎች የተዳከመውን የማሳካት አቅም ወደ ተጨባጭ ኢኮኖሚያዊ ስኬት ሲቀይሩት ማየት ተችሏል፡፡

በባለፉት 5 ዓመታት ከተመዘገቡ ስኬች አንዱ የታላቁ የኢትዮጵያ ሕዳሴ ግድብ ሙሉ በሙሉ መጠናቀቅና መመረቅ ነው።

በራስ አቅምና በሀገር ውስጥ ሀብት የተገነባው ይህ ሜጋ ፕሮጀክት፤ የሀገራዊ አንድነት ህያው ምስክር ሆኗል።

የልማት እንቅስቃሴው በዓባይ ግድብ ብቻ አልቆመም። ባለፉት አምስት ዓመታት በሀገር በቀል የኢኮኖሚ ማሻሻያ አጀንዳ ስር በርካታ ሀገራዊ ስኬቶች ተመዝግበዋል፡፡

በከተሞች የኮሪደር ልማት ሰፋፊ የእግረኛ እና የተሸከርካሪ መንገዶች የዘመናዊ ትራፊክ ፍሰት መቆጣጠሪያዎች እና አረንጓዴ የህዝብ ስፍራዎችን በማስፋፋት የዋና ከተማዋን እንዲሁም የክልል ከተሞችን ገጽታ ሙሉ በሙሉ ቀይሯል።

በግብርና የመስኖ ስንዴ ልማት ኢትዮጵያን ከስንዴ አስመጪነት ወደ ውጭ ሀገር ላኪነት ያሸጋገረ ትልቅ ስኬት ሆኗል።

እንደ አንድነትና እንጦጦ ፓርክ እንዲሁም የዓድዋ ድል መታሰቢያ ስራዎች እና የቅርስ እድሳት ፕሮጀክቶች ሀገራዊ ኩራትን በማደስ አዲስ የከተማ ቱሪዝም ገቢ ሆነዋል።

በዲጂታል ኢትዮጵያ 2025 የቴሌኮም ዘርፍ ክፍት መደረጉ አዲስ የገበያ ውድድር እንዲፈጠር፣ የ4G እና 5G የሞባይል ሽፋን በመላ ሀገሪቱ እንዲስፋፋና የሞባይል ገንዘብ ዝውውር እንዲለመድ አድርጓል።

የአፈር መሸርሸርን በመከላከል የኃይል ምርትን ከአካባቢ ጥበቃ ጋር ባጣጣመው የአረንጓዴ ዐሻራ መርሐ ግብር በቢሊየኖች የሚቆጠሩ ችግኞችን በመትከል ኢትዮጵያ ተምሳሌት ሀገርነቷን አስቀጥላለች፡፡

የቀጣይ 5 ዓመታት የልማት እቅድም በተለያዩ ዘርፎች የሀገሪቱን ከፍታ እና ተጽዕኖ ፈጣሪነቷን የሚጨምር ነው፡፡

የተቀናጁ የግብርና-ኢንዱስትሪ ፓርኮችን በቀጥታ ከሕዳሴ ግድብ የኃይል መስመሮች ጋር በማገናኘት ተጨማሪ እሴት ያላቸውን ምርቶች ወደ ውጭ በመላክ በማኑፋክቸሪንግ ዘርፍ ለሚሊየኖች የሥራ እድል መፍጠር የሚያስችል ነው።

በንግድ እና ሎጅስቲክስ ዘርፎች የኬንያውን ላሙ ወደብ ከኢትዮጵያ እና ከደቡብ ሱዳን ጋር በሚያገናኝ ግዙፍ የመሠረተ ልማት ኮሪደር ፕሮጀክት ትስስርን እና የኤሌክትሪክ ባቡር የጭነት መስመሮችን በማስፋፋት የወደብ ማጓጓዣ ጊዜን የሚቀንስ እና የወጪ ንግድ አቅምን እጥፍ የሚያደርግ ይሆናል።

እቅዱ የመረጃ እና የቴክኖሎጂ ማዕከላትን በማስፋፋት በህዝባዊ መሠረተ ልማቶች አዲስ አበባን የምስራቅ አፍሪካ ዋና የዲጂታል አገልግሎት ማዕከል ያደርጋታል፡፡

ሀገራዊ ርዕይ ከጠንካራ አመራር ጋር ሲጣመር ታሪካዊ ፈተናዎችን ወደ ዘላቂ ስኬት መቀየር እንደሚያስችል የሀገሪቱ ያለፈ ጉዞ አመላካች ነው፡፡

የኢኮኖሚውን መዋቅራዊ ማሻሻያ እና ፈጣን እድገትን ታላቅ ግብ አድርጎ የተጀመረው ሁለንተናዊ ልማት በቀጣዮቹ አምስት ዓመታት ፍሬው ወደ እያንዳንዱ ኢትዮጵያዊ ቤት ይገባል።

በምሕረት ደምሴ

ሰላም፤ እንደምን አደራችሁ?

ጥንታዊቷና ውቢቷ ኢትዮጵያ፤ በተፈጥሮ ጸጋዎቿ፣ በታሪኳና ማህበራዊ እሴቶቿ ታላቅ የቱሪዝም ገነት ስለመሆኗ ምስክር አያስፈልገውም።

ከተራሮች እስከ ዝቅተኛው የጨው ሜዳ፣ ከጥንታውያን የድንጋይ ውቅር ሕንጻዎች እስከ ዘመናዊ የከተማ መዝናኛዎች ድረስ ኢትዮዽያ ለዓለም ህዝብ የምታቀርበው አስደናቂ እይታና የማይረሳ ገጠመኝ እጅግ ብዙ ነው።

የኢትዮጵያን ተፈጥሮአዊ ውበት ልዩ ከሚያደርጉት መዳረሻዎች መካከል የሰሜን ተራሮች ብሔራዊ ፓርክ በግንባር ቀደምትነት ይጠቀሳል።

በአስደናቂ የተራራ ሰንሰለቶቹ የሚታወቀው ይህ ስፍራ እንደ ዋልያ፣ ጭላዳ ዝንጀሮ እና የኢትዮጵያ ቀይ ቀበሮ ያሉ ብርቅዬ እንስሳት መኖሪያ ነው።

በተመሳሳይ መልኩ የባሌ ተራሮች ብሔራዊ ፓርክ የአፍሮ-አልፓይን ሥነ ምህዳር መገለጫ በመሆን ለተፈጥሮ አፍቃሪያን ልዩ እርካታን ይሰጣል።

ወደ ምስራቁ የሀገራችን ክፍል ስናቀና ደግሞ በአፋር ክልል የሚገኙት ኤርታአሌ እና ዳሎል የተፈጥሮ ተአምራትን ይገልጡልናል።

ኤርታአሌ በዓለም ላይ ካሉ ጥቂት ንቁ የእሳተ ገሞራ ሐይቆች አንዱ ሲሆን ዳሎል ደግሞ በተለያዩ ቀለማት ባበቡ የጨው ሜዳዎቹ የሚታወቅ ልዩ ተፈጥሮ ነው።

በተጨማሪም የዓባይ ምንጭ የሆነው ጣና ሐይቅ በዙሪያው ከሚገኙት ደሴት ገዳማትና ከታላቁ የዓባይ ፏፏቴ ጋር ተደምሮ ጎብኚዎችን በምትሐታዊ ውበቱ ያፈዝዛል።

የሰው ልጅ መገኛ ብቻ ሳትሆን የጥንታዊ ሥልጣኔዎች ባለቤትም የሆነችው ኢትዮጵያ ከድንጋይ ተፈልፍለው የተሰሩት የላሊበላ አብያተ ክርስቲያናት እና የአክሱም ሐውልቶች የኢትዮዽያን የገዘፈ ጥንታዊ ሥልጣኔ ይመሰክራሉ።

እንዲሁም የጎንደር ፋሲል አብያተ መንግሥታት የመካከለኛውን ዘመን ታሪክ ቁልጭ አድርጎ ያሳያል። በቅርቡ የተከናወነው የቅርስ እድሳት ደግሞ ታሪክን ከውበት ጋር በማጣመር ለጎብኚዎች ተመራጭ መዳረሻ አድርጎታል።

በዩኔስኮ የተመዘገበችው የሐረር ከተማ በኮሪደር ልማት በተዋቡ ጎዳናዎቿ፣ በቀለም ባሸበረቁ ባህላዊ ቤቶቿ እና እንግዳ ተቀባይ ባህሏ ልዩ ውበትን ትፈነጥቃለች።

ከዚህ በተጨማሪ በቅርብ ዓመታት ውስጥ የመዲናዋ አዲስ አበባ ከተማ ገጽታ በከፍተኛ ደረጃ እየተቀየረ ይገኛል።

የከተማ ቱሪዝምን በአዲስ መልክ ያደሱት ብሔራዊ ቤተ መንግሥት፣ አንድነት ፓርክ እና ወዳጅነት ፓርክ ታሪካዊ እሴቶችን ከዘመናዊ የመዝናኛ ስፍራዎች ጋር አጣምረው ለህዝብ ክፍት ሆነዋል።

ከዚህም በተጨማሪ የታሪክ ታላቅነት የሚያወሳው የዓድዋ ድል መታሰቢያ፣ ከተፈጥሮ ጋር ስፖርታዊ እንቅስቃሴዎችን የሚያጣመረው እንጦጦ ፓርክ እና ዘመናዊ ቴክኖሎጂን ከቱሪዝም ጋር የሚያገናኘው የሳይንስ ሙዚየም የመዲናዋን የወደፊት ራዕይ እና የፈጠራ አቅም ለዓለም የሚያሳይ ድንቅ እይታዎች ሆነዋል።

ኢትዮጵያ የተፈጥሮ፣ የታሪክ፣ የባህል እና የዘመናዊነት ውህደት የሆነች፣ እያንዳንዱ እርምጃ አዲስ ታሪክና ውበት የሚተርክባት፣ በዓለም አቀፍ ደረጃ ወደር የሌላት እውነተኛ የቱሪዝም ገነት ናት።

ሰላም፣ እንደምን አደራችሁ?

ይበልጥ የተጠናከረው የኢትዮጵያ ዓለም አቀፍ መዳረሻነት

ኢትዮጵያ ተፈጥሮ በወርቅ ብዕሯ ያሸበረቀቻት፣ ታሪክ በክብርና በግርማ ያነጻት፣ የአስራ ሶስት ወር ጸጋ ባለቤት፤ የሰው ዘር መገኛና የጥንታዊ ጥበባት ማህደር ናት።

የዚህች ታላቅ ሀገር የቱሪዝም ሀብት በቃላት ድርደራ የሚገለጽ ተራ ገጽታ ሳይሆን፤ ከሰሜን ጫፍ እስከ ደቡብ፣ ከምስራቅ እሳታማ ምድር እስከ ምዕራብ አረንጓዴ ገበታ ድረስ እያንዳንዱን ተጓዥ በድንቅ አግራሞት የሚይዝ፣ የሚጨበጥና የሚዳሰስ እምቅ ኃይል ነው።

የአክሱም ድንቅ ሐውልቶች የቀደሙ አባቶቻችንን ምህንድስና እና የግዛት ግርማ ይመስክራሉ። ከአንድ ወጥ ዓለት የተፈለፈሉት የላሊበላ ውቅር አብያተ ክርስቲያናትም፣ ጥበብና እምነት ውህደት ፈጥረው ጽንፍ የረገጡበት ተአምራት ናቸው።

በምስራቅ፣ ተፈጥሮ ከሰው ልጅ ጥበብ ጋር የተቀላቀለችበት የሶፍ ዑመር ዋሻ የጥበብን ጥግ ያሳያል። ወደ አፋር ድንበር ስንሻገር ደግሞ፣ የዳሎል ቀለማትና የኤርታሌ የመሬት ውስጥ እሳት ድምቀት ሰውን ከምድር አውጥተው ሌላ የጠፈር አካል ላይ የረገጡ ያህል መንፈስን የሚያስደምም ተአምራዊ ስሜት ይፈጥራሉ።

በተጨማሪም ሀገራችን በዓለም ላይ በሌላ ቦታ የማይገኙ ሀገር በቀል የእጽዋት፣ የአዕዋፍና የእንስሳት ዝርያዎች ማዕከላዊ መኖሪያ በመሆን የተፈጥሮ ተመራማሪዎችንና ቱሪስቶችን ቀልብ ትስባለች።

ይህንን ዘመን ተሻጋሪ የታሪክና የተፈጥሮ ሀብት ከወትሮው የዝምታና የመዘናጋት ካባ በማውጣት፣ የመደመር መንግሥት ላለፉት ጥቂት ዓመታት የወሰደው የቆራጥነት ርምጃ የዘርፉን አቅጣጫ ሙሉ በሙሉ ቀይሮታል፤ ቱሪዝምንም የሀገራዊ ብልጽግና ዋና አምድ አድርጎታል።

ገበታ ለሀገር እና ገበታ ለትውልድ፡ እነዚህ ግዙፍ ሀገራዊ ፕሮጀክቶች ተፈጥሮ የሰጠችንን በረከት ወደ ዘመናዊ፣ ማራኪና ዓለም አቀፍ ደረጃቸውን ወደጠበቁ የመዳረሻ ስፍራዎች ቀይረዋቸዋል።

የእንጦጦ ፓርክ፣ የወንጪ፣ የኮይሻ፣ የሃላላ ኬላ እና የጎርጎራ ፕሮጀክቶችም ተፈጥሮን ከማደንቅ ባሻገር፣ ተፈጥሮን በመንከባከብና ለትውልድ በሚመች ውበት አዘጋጅቶ ማቅረብ እንደሚቻል ማረጋገጫ ሆነዋል።

የላሊበላ እና የጎንደር ፋሲለደስ ጥገና፣ የአባ ጅፋር ቤተ መንግሥት እድሳት፣ እንዲሁም የብሔራዊ ቤተ መንግሥት፤ዘመናዊ ቅርስ ጥበቃ፣ ታሪክን ከዘመናዊ የእንግዳ ተቀባይነት አገልግሎት ጋር አስተሳስረዋል።

ዘርፉን ሙሉ በሙሉ ለማዘመንና መረጃዎችን ለዓለም አቀፍ ጎብኚዎች በቀላሉ ተደራሽ ለማድረግ፣ አገልግሎቶች በዘመናዊ ቴክኖሎጂና በዲጂታል አማራጮች የታገዙ እንዲሆኑም ተደርጓል።

በጥቅሉ፣ ኢትዮጵያ የነበራትን እምቅ ሀብት ወደ ዘላቂ የኢኮኖሚ ጥንካሬና ፍጹም ሀገራዊ ምስል በመቀየር ላይ ትገኛለች።

የቀደመ ታሪካችን ግርማ ከዘመናዊ የልማት ራዕይ ጋር ተዋህዶ ሀገራችንን በዓለም ቱሪዝም መድረክ ላይ በደማቅ ብርሃን እያበራት ይገኛል።

ለኑሮ ምቹ፣ ለዓይን ሳቢ፦ ውቧ አዲስ አበባ
*******************

የኢትዮጵያ መዲና የአፍሪካ የዲፕሎማሲና የፖለቲካ ማእከል የሆነችው አዲስ አበባ በአሁኑ ወቅት እያካሄደችው ያለችው ሁለንተናዊ የከተማና የመሰረተ ልማት ማደስ የመዲናዋን መልክ ከመቀየር ባለፈ የኢትዮጵያን አዲስ የምስልና የእድገት ገፅታ ለአለም አቀፉ ማህበረሰብ በማስተዋወቅ ላይ ይገኛል።

አዲስ አበባ ከአሮጌ የከተማ አቀማመጥና አሰራር ወጥታ ወደ ዘመናዊ ለኑሮ ምቹ አረንጓዴና ተወዳዳሪ ከተማነት እየተሸጋገረችበት ያለው መንገድ በሀገር አቀፍ ደረጃ ከፍተኛ ኢኮኖሚያዊ ማህበራዊና ፖለቲካዊ መነቃቃትን ፈጥሯል።

ይህ ታሪካዊ ለውጥ የመዲናዋን ነዋሪዎች የህይወት ጥራት ከማሻሻሉም በላይ ኢትዮጵያ በቱሪዝም በኢንቨስትመንትና በዲፕሎማሲ ዘርፍ ያላትን ስትራቴጂካዊ ቦታ በከፍተኛ ሁኔታ እያጠናከረው ይገኛል።

ይህንን ዘመናዊና ስትራቴጂካዊ ሽግግር እውን ካደረጉት ዋና ዋና አበይት ልማቶች መካከል የኮሪደር ልማትና የቱሪስት መዳረሻዎች ግንባታ ቀዳሚውን ስፍራ ይይዛሉ።

ቀደም ሲል ለነዋሪዎች በቂ የመዝናኛና የአረንጓዴ ስፍራ ባለመኖሩ ይስተዋል የነበረውን ክፍተት በዘላቂነት ለመሙላት የተከናወኑት የልማት ስራዎች መዲናዋን አዲስ ህይወት ዘርተውባታል።

በእንጦጦ ተራራ ላይ የተገነቡት ዘመናዊ የስፖርት የመዝናኛና የባህል ማእከል የሆኑት የእንጦጦና የሸገር ፓርኮች በከተማዋ እምብርት የሚገኘውና ሰው ሰራሽ ሀይቅን ከውሃ መብራት ትእይንት ጋር ያቀፈው የወዳጅነት አደባባይ እንዲሁም የኢትዮጵያውያንና የጥቁር ህዝቦችን የነፃነት ታሪክ የሚያዝክረው የአድዋ ድል መታሰቢያ የመዲናዋ አዳዲስ የኩራት ድምቀቶች ሆነዋል።

በተጨማሪም የወደፊቱን የፈጠራና የቴክኖሎጂ አቅም የሚያሳየው የሳይንስ ሙዚየም እና ሰሞኑን ግንባታው ተጠናቆ ለአገልግሎት ክፍት የሆነው ቀድሞ ለጎርፍና ለቆሻሻ ተጋላጭ የነበሩ ቦታዎችን ወደ አረንጓዴና ምቹ ስፍራ የቀየረው የእንጦጦ ቀበና ወንዝና የወንዝ ዳርቻ ልማት ፕሮጀክት የከተማዋን የስህበት ማእከልነት አጎልተውታል።

እነዚህ ሰፋፊ የአረንጓዴ ቦታዎችን የእግረኛ የብስክሌትና የሩጫ መንገዶችን ያካተቱ የልማት ስራዎች የነዋሪዎችን ማህበራዊ ትስስርና የኑሮ ዘይቤ ከማሻሻላቸው ባሻገር ለከተማዋ ኢኮኖሚ ትልቅ አንቀሳቃሽ ሞተር ሆነዋል።

በግንባታ በምህንድስና በሎጂስቲክስና በንግድ ዘርፎች ለበርካታ ወጣቶች ሰፊ የሥራ እድል የተፈጠረ ሲሆን እንደ አራዳ ፓርክ ባሉ ልማቶች ውስጥ የተካተቱ የንግድ ሱቆች ካፌዎችና ሬስቶራንቶች የአገልግሎት ዘርፉን ገቢ በማሳደግ የከተማዋን ምጣኔ ሀብት አነቃቅተውታል።

ይህም አዲስ አበባን የአፍሪካ ሞዴል የቱሪዝም መዳረሻ ለማድረግ የተያዘውን የረጅም ጊዜ ስትራቴጂካዊ እቅድ እውን ለማድረግ ትልቅ መነቃቃት ፈጥሯል።

የአዲስ አበባ መለወጥ የሀገሪቱ የቱሪስት መግቢያ በር በመሆን የኮንፈረንስና የዲፕሎማሲ ቱሪዝምን ለማሳደግ ከፍተኛ አቅም መፍጠሩን ጠቅላይ ሚኒስትር አቢይ አህመድ (ዶ/ር) መግለፃቸው ይታወሳል።

የውጭ ሀገር ጎብኚዎች ዲፕሎማቶችና ኢንቨስተሮች በከተማዋ የሚያሳልፉትን የቆይታ ጊዜ በማራዘም ሀገሪቱ የምታገኘውን የውጭ ምንዛሬ ገቢ በእጥፍ ለማሳደግ ያስቻለው ይህ ለውጥ አዲስ አበባን እንደ ስሟ ውብና ዘመናዊ በማድረግ የኢትዮጵያን አለም አቀፍ ገፅታና የኢንቨስትመንት ተወዳዳሪነት በአዲስ መልክ እየገነባ ይገኛል።

በብሌን ደምበሎ

ከካናዳ የመጡት ትውልደ ኢትዮጵያውያን ታዳጊዎች አዲስ አበባን በመጎብኘት ላይ ናቸው
#ethiopia | በካናዳ የሚኖሩ ትውልደ ኢትዮጵያውያን ታዳጊዎች የስፖርት ቡድን አባላት በአዲስ አበባ ከተማ የተለያዩ አካባቢዎችን እየጎበኙ ይገኛሉ።

የቀድሞው የኢትዮጵያ ብሔራዊ ቡድን ተጫዋች አሸናፊ ግርማ በሚመራው የአሸናፊ ግርማ ስፖርት አካዳሚ ስር የተደራጁት እነዚህ ታዳጊዎች የታሪካዊውን እንጦጦ ፓርክ ጨምሮ በርካታ መስህቦችን ተዟዙረው ተመልከተዋል።

ይህ አጋጣሚ ህፃናቱ የሀገራቸውን ባህል፣ ታሪክና የተፈጥሮ ሀብት በግንባር አውቀው እንዲረዱ ትልቅ ዕድል እንደፈጠረላቸው ተገልጿል።

የቡድኑ አባላትና አብረዋቸው የመጡ ቤተሰቦቻቸው በትውልድ ሀገራቸው በመገኘታቸው ከፍተኛ ደስታ እንደተሰማቸው መገናኛ ብዙሃን ዘግበዋል።

በተለይም በመዲናዋ እየተከናወነ ባለው ሁለንተናዊ የልማት እንቅስቃሴና ፈጣን እድገት መደመማቸውን የተናገሩ ሲሆን፡ እንዲህ ያሉ ክስተቶች የሀገርን መልካም ገጽታ ከመገንባት ባለፈ የስፖርት ቱሪዝምን ለማሳደግ ከፍተኛ አስተዋፅኦ እንዳላቸው ተጠቅሷል።
#አዲስአበባ #ትውልደኢትዮጵያዊ #ካናዳ #ቱሪዝም #ኢትዮጵያ #ስፖርት #አሸናፊግርማ #እንጦጦፓርክ #getutemesgen #getu #ጌጡ #ጌጡተመስገን #addisababa

በኢትዮጵያ ካሉ የቱሪስት መስዕቦች ውስጥ የትኛውን ቢጎበኙ ነው ነፍሰና መንፈስዎትን የሚያድሱት ?
- ላሊበላ
- አክሱም
- የጎንደር የፋሲል ግቢ
- ⁠ጎርጎራ ኢኮ ሪዞርት
- የሀረር ጀጎል ግንብ
- የጢስ አባይ ፏፏቴ
- የሶፍ ኡመር ዋሻ

ባሕር ዳር በጣና ሀይቅ ዙሪያ የሚገኙ አብያተ ክርስቲያናትና ገዳማት
-ኡራ ኪዳነምህረት :
-ዳጋ እሰቲፋኖስ :
-ጣና ቂርቆስ
-ናርጋ ስላሴ

ተፈጥሯዊና ብሔራዊ ፓርኮች

ሰሜን ተራሮች ብሔራዊ ፓርክ
ባሌ ተራሮች ብሔራዊ ፓርክ
የኦሞና ማጎ ብሔራዊ ፓርኮች
ሎጎ ሐይቅ ሪዞርት
አርባ ምንጭ ፖርክ

በአዲስ አበባ ያሉ ሰዉ ሰራሽ ፓርኮች
እንጦጦ ፓርክ፡
አንድነት :ፓርክ
ወዳጁነት : ፓርክ እንዲሁም ከፓርክ ወጭ እንደ ቱሪስት መስዕብ የሚቆጠረው
የኢትዮጵያ ብሔራዊ ሙዚየም ናቸው ።

ምርጫዎን በኮመንት ያስቀምጡልን

የእንጦጦ መንበረ ንግሥት ቊስቋም ማርያም ቤተክርስቲያን የምዕተ ዓመት በዓል የማብሰሪያ መርሐ ግብር በደመቀ ሁኔታ ተከናወነ
#ethiopia | ታሪካዊዋ የእንጦጦ መንበረ ንግሥት ቊስቋም ማርያም ቤተ ክርስቲያን የተመሠረተችበትን 100ኛ ዓመት የምስረታ በዓል የሚያበስር መርሐ ግብር ነሐሴ 10 ቀን 2018 ዓ.ም. በተለያዩ መንፈሳዊ ሥነ ሥርዓቶች ተካሂዷል።

የደብሩ ዋና አስተዳዳሪ መልአከ ሣህል ቆሞስ አባ ፍቅረማርያም ምሕረቱ እንደገለጹት፣ የታላቁ በዓል አከባበር ከመጪው ኅዳር 6/2019 ዓ.ም. ዋዜማ ጀምሮ በልዩ ልዩ ዝግጅቶች በደመቀ ሁኔታ ይከበራል።

ከበዓሉ ጋር ተያይዞም እየጨመረ የመጣውን ምዕመናን ለማስተናገድና የደብሯን ታሪካዊ ደረጃ ለመጠበቅ የማስፋፊያና የእድሳት ሥራዎች እየተከናወኑ ይገኛሉ።

በስነ ሥርዓቱ ላይ የተገኙት የአራዳና ጉለሌ ክፍላተ ከተማ ቤተ ክህነት ዋና ሥራ አስኪያጅ መልአከ ምሕረት አባ ገብረእግዚአብሔር ታደለ፣ አባቶች ያቆዩልንን እምነትና ታሪክ አስበልጦ ለቀጣዩ ትውልድ ማስተላለፍ እንደሚገባ ገልጸው፣ በሀገር ውስጥና በውጭ ሀገር የሚኖሩ ኦርቶዶክሳውያን ለደብሯ እድገት ድጋፍ እንዲያደርጉ ጥሪ አቅርበዋል።

የበዓሉ አዘጋጅ ኮሚቴ አባል ዶክተር ተስፋዬ ወርቁ በበኩላቸው የደብሯን አመሠረረት ሲያብራሩ፣ ቤተ ክርስቲያኗ በንግሥተ ነገሥታት ዘውዲቱ ምኒልክ አማካይነት ኅዳር 6 ቀን 1919 ዓ.ም. መተከሏን ገልጸዋል።

በወቅቱ በተሠራው መቃኞ ውስጥ ታቦተ ሕጉ ገብቶ በግብፃዊው ጳጳስ በብፁዕ አቡነ ማቴዎስ ተባርኮ ቅዳሴ ቤቱ ተከብሯል።

በኋላም በቀዳማዊ ዓፄ ኃይለ ሥላሴ አማካይነት መስከረም 25 ቀን 1925 ዓ.ም. የተጀመረው ግንባታ ግንቦት 24 ቀን 1925 ዓ.ም. ተጠናቅቆ ታቦቱ አሁን ወደሚገኝበት ህንፃ ገብቷል።

በ1928 ዓ.ም. የጣሊያን ወረራ ወቅት የተቋቋመው ማኅበረ ሰላምም እስከ አሁንም ድረስ በዕለተ መድኃኔዓለም በጸሎትና በጠበል ሕሙማን የሚፈወሱበትን አገልግሎት እየሰጠ ይገኛል።

የማበሰሪያ መርሐ ግብሩን ተከትሎ የደብሩ ምዕራፈ ሕይወት ሰንበት ትምህርት ቤት አባላትና ካህናት በቅዱስ ጴጥሮስ አጠቃላይ ስፔሻላይዝድ ሆስፒታልና በጌርጌሴኖን የአእምሮ ሕሙማን መርጃ ማዕከል በመገኘት ሕሙማንን ጎብኝተዋል።

የአዲስ አበባን ከተማ ቁልቁል በሚያሳይ ውብ ቦታ ላይ የምትገኘው የዚች ታሪካዊ ደብር የ100ኛ ዓመት በዓልን ምክንያት በማድረግ የሕንፃ እድሳት፣ የማስተር ፕላን ዝግጅት፣ የመጽሔትና የዘጋቢ ፊልም ማዘጋጀት፣ አውደ ርዕይና አውደ ጥናት ማካሄድ እንዲሁም ቅርሶችን የማሰባሰብ ሥራዎች እየተከናወኑ ይገኛሉ።

ድጋፍ ማድረግ የሚፈልጉ በኢትዮጵያ ንግድ ባንክ ሒሳብ ቁጥር 1000779660757 በመጠቀም ማበርከት ይችላሉ።
#entoto #kuskuammaryam #ethiopianorthodox #addisababanews #churchhistory #getutemesgen #getu #ጌጡ #ጌጡተመስገን #addisababa

የቱሪዝም ካርታችን ሲቀየር፡ ከመሸጋገሪያነት ወደ መዳረሻነት
*******************

አዲስ አበባ የዲፕሎማሲ ማዕከልነቷን ወደ ላቀ ደረጃ ለማሸጋገር የጀመረችው የኮሪደር ልማት እና የስማርት ሲቲ ግንባታ፤ የከተማዋን ውበት ከመቀየር ባለፈ በቱሪዝም ኢንዱስትሪው ላይ አዲስ መነቃቃት እየፈጠረ ይገኛል።

የከተማ ቱሪዝም በዘመናችን እጅግ አዋጭ ከሚባሉ ዘርፎች አንዱ ሲሆን፣ አዲስ አበባም በዚህ ረገድ ያላትን እምቅ አቅም አሁን ላይ በተጨባጭ ማውጣት ጀምራለች።

በቅርቡ የተሠሩት ሰፊ እና ደረጃቸውን የጠበቁ የእግረኛ መንገዶች፣ የብስክሌት መሄጃዎች እንዲሁም በምሽት ደማቅ ብርሃን የሚፈነጥቁ የሕዝብ መዝናኛ ሥፍራዎች የከተማዋን የኑሮ ዘይቤ እያዘመኑት ነው። ይህ ደግሞ ቱሪዝም እንዲያንሰራራ ትልቅ መደላድል ፈጥሯል።

ጎብኚዎች ያለምንም የፀጥታ ስጋት በምሽት ወጥተው መዝናናት መቻላቸው ለመስተንግዶው ዘርፍ፣ ለካፌዎች፣ ለሬስቶራንቶች እና ለባህል ምሽት ቤቶች ተጨማሪ የገበያ ዕድል ይዞ መጥቷል።

አብዛኛውን ጊዜ የውጭ ቱሪስቶች አዲስ አበባን የሚጠቀሙባት ወደ ክልል የቱሪስት መዳረሻዎች ለማለፍ እንደ መሸጋገሪያ ብቻ ነበር።

አሁን ግን እየተሠሩ ያሉት ማራኪ የኮሪደር ልማት ሥራዎች፣ የውኃ ትዕይንት እና አረንጓዴ ሥፍራዎች ጎብኚዎች በከተማዋ የሚያሳልፉትን ጊዜ እንዲያራዝሙ አስገዳጅ ሁኔታ እየፈጠሩ ነው። የጎብኚዎች የቆይታ ጊዜ መራዘሙ ደግሞ በቀጥታ ወደ ኢኮኖሚያዊ ትርፍ የሚተረጎም ነው።

በመዲናዋ እየተከናወነ ያለው የኮሪደር ልማት ስኬት ባለፉት አምስት ዓመታት በጠቅላይ ሚኒስትር ዐቢይ አሕመድ (ዶ/ር) አመራር በሀገር አቀፍ ደረጃ በቱሪዝም ሴክተሩ የተከናወነው ሰፊ የመዋቅር ሽግግር አንድ አካል ነው።

ዘመናትን የተሻገረ ገናና ታሪክ እና ውብ ባህል እያለን፣ የቱሪዝም ዘርፋችን ከኢትዮጵያ ታላቅነት ጋር የማይመጣጠን ሆኖ የቆየበት ጊዜ አሁን አብቅቷል።

ተዘንግተው አቧራ የለበሱ የተፈጥሮ ሀብቶቻችን አቧራቸው እየተራገፈ ወደ ኢኮኖሚያዊ ጥቅም እንዲቀየሩ ያስቻሉ አዳዲስ ስትራቴጂዎች ተግባራዊ ሆነዋል።

ሀገር በቀል የኢኮኖሚ ማሻሻያውን ተከትሎም ቱሪዝም ከአምስቱ ዐበይት የኢኮኖሚ አምዶች አንዱ ሆኖ ተቀርጿል።

የጠቅላይ ሚኒስትር ዐቢይ አሕመድ (ዶ/ር) እይታ ግልጽ ነው፤ ኢትዮጵያ የታደለቻቸው የተፈጥሮ፣ የታሪክ እና የባህል ሀብቶች ሌሎች ሀገራት በሰው እጅ ከሠሯቸው መስህቦች በእጥፍ ይበልጣሉ።

ምድራችን ተፈጥሮ በራሷ የሠራቻት ታላቅ ፓርክ በመሆኗ፤፣ ይህን የተፈጥሮ ጸጋ በማልማት ለዓለም ማሳየት ቀዳሚ ተግባር ሆኗል።

በዚህም ኢትዮጵያን በርሃብ እና በችግር ሳይሆን በውበቷና በታሪኳ የማስተዋወቅ ራዕይ ከቃል አልፎ ተጨባጭ ተግባር በመሆን የቱሪዝም ካርታችንን ሙሉ በሙሉ እየቀየረው ይገኛል።

የዚህ ታላቅ ራዕይ ትልቅ ማሳያ ከሆኑ ሥራዎች መካከል የሸገር ፕሮጀክቶች ይገባቸዋል። በታላቁ ቤተ መንግሥት ግቢ ውስጥ የሚገኘው አንድነት ፓርክ፣ የአዲስ አበባን የወንዝ ዳርቻ ወደ ዘመናዊ መዝናኛነት የለወጠው የወዳጅነት ፓርክ እንዲሁም አቧራማ የነበረውን ስፍራ ወደ ሥነ ምህዳር ቱሪዝም ማዕከልነት የቀየረው እንጦጦ ፓርክ ግንባር ቀደም ተጠቃሾች ናቸው።

በተጨማሪም የሳይንስ ሙዚየም ለቴክኖሎጂ ቱሪዝም በር ሲከፍት፣ የዓድዋ ድል መታሰቢያ የጥቁር ሕዝቦች የነፃነት ምልክት የሆነውን ዓድዋን በጥበባዊ መልኩ በመግለጥ ጎብኚዎችን እየሳበ ይገኛል።

ከእንጦጦ እስከ ቀበና፣ የራስ መኮንን ድልድይ እንዲሁም የጊዮን አካባቢ የወንዝ ዳርቻ ልማቶች የኮሪደር ልማቱን አድማስ አስፍተውታል። ይህ የልማት ተሞክሮ በገበታ ለሀገር እና ገበታ ለትውልድ ፕሮጀክቶች አማካኝነት ከመዲናዋ ወደ ክልሎች በመስፋት አዳዲስ የቱሪስት መዳረሻዎችን ፈጥሯል።

በዚህም በጣና ሐይቅ ዳርቻ ታሪካዊውን ጎርጎራን፣ ተፈጥሮን በጠበቀ መልኩ ለኢኮ ቱሪዝም ያመቻቸውን ወንጪ-ደንዲን እንዲሁም የተፈጥሮ ውበትን ከሃይድሮ ኤሌክትሪክ ማመንጫ ያጣመረውን ኮይሻን ማልማት ተችሏል።

የዱር አራዊትን በተለይም ዝሆኖችን ለመመልከት ምቹ የሆነው የጨበራ ጩርጩራ የዝሆን ዳና ሎጅ እና ሌሎችም ፕሮጀክቶች ኢትዮጵያ ያላትን ያልተነካ ፀጋ ለዓለም እያስተዋወቁ ይገኛሉ።

የእነዚህ ፕሮጀክቶች ትልቁ ስኬት የቱሪስት መዳረሻዎችን ከመገንባት ባለፈ ያመጡት ማኅበራዊ እና ኢኮኖሚያዊ ትስስር ነው።

ቱሪዝም ለውጭ ቱሪስቶች ብቻ የተከለለ ያስመስል የነበረውን አስተሳሰብ ቀይሮ ዜጎች ኢትዮጵያን እንዲያውቁ በማድረግ የሀገር ውስጥ ቱሪዝም ባህልን አሳድገዋል።

በአጠቃላይ ዘርፉ አመርቂ በሆነ መልኩ እያደገ መምጣቱ ለኢኮኖሚያችን ትልቅ አቅም አድርጎታል።

በበረከት ሽመልስ
#ethiopia #ebc #tourism #addisababa #smartcity #travelethiopia

ቱሪዝም፦ የተረሳው ጸጋችን ሲያብብ፤ የተሰበረው የድህነት ትርክት
*****************

(የዕለቱ መልዕክት)

ኢትዮጵያ ለዘመናት በ“ግብርና መር” እሳቤ ብቻ ተቆልፎ የነበረውን የኢኮኖሚ መዋቅር በመስበር፣ ቱሪዝምን እንደ አንዱና ዋነኛው የልማት ምሰሶ በማድረግ መጠቀም ጀምራለች፡፡

በታሪክ፣ በባህልና በተፈጥሮ ሃብት እጅግ የበለፀገችው ሀገራችን፣ ለረጅም ዘመናት ድንቅ ቅርሶቿ እንደ ሀብት ሳይሆን እንደ መከፋፈያ ዕዳ ሲታዩ ስሟም በረሃብና በችግር ትርክት ሲጠለሽ ቆይቷል።

ዛሬ ግን ይህ የድቅድቅ ጨለማ ትረካ በስትራቴጂካዊ መሪነትና በተጨባጭ ተግባር ተሰብሮ፣ ቱሪዝም የሀገር ግንባታ፣ የሰላም እና የኢኮኖሚያዊ ትንሣኤያችን አንቀሳቃሽ ሞተር ወደመሆን ተሸጋግሯል።

ባለፉት የለዉጥ ዓመታት የተመዘገቡት ስኬቶች ይህንን የፖሊሲ እመርታ በሚገባ ያረጋግጣሉ። “ገበታ ለሸገር”፣ “ገበታ ለሀገር” እና “ገበታ ለትውልድ” በሚሉ ሀገራዊ የሃብት ማሰባሰቢያ ፕሮጀክቶች እንደ እንጦጦ፣ ወንጪ፣ ጎርጎራ፣ ኮይሻ፣ቤኑና ፣ሎጎ ሀይቅ፣ ሃላላ ኬላ እና ሌሎችም ግዙፍ የኢኮ-ቱሪዝም መዳረሻዎች ተገንብተው ለአገልግሎት በቅተዋል።

በአዲስ አበባና በክልል ከተሞች በስፋት የተተገበሩት የኮሪደር ልማት ፕሮጀክቶችም፣ ከተሞቻችንን ለነዋሪዎችም ሆነ ለዓለም አቀፍ ቱሪስቶች እጅግ ምቹ፣ ደህንነታቸው የተጠበቀ እና ማራኪ አድርገዋቸዋል። እነዚህ የህንፃና የፓርክ ግንባታዎች ብቻ ሳይሆኑ የሀገርን ኢኮኖሚ ወደ ተለያዩ የገቢ ምንጮች የማሸጋገር ግዙፍ የሥርዓት ለውጥ ማሳያዎች ናቸው።

በእነዚህ መጠነ-ሰፊ የመዳረሻ፣ የመሰረተ-ልማት እና የዲጂታል ትራንስፎርሜሽን ስራዎች ምክንያት በቱሪዝም ዘርፉ ታይቶ የማይታወቅ አሃዛዊ ስኬት ተመዝግቧል። በዘንድሮው ዓመት ብቻ ከ1.4 ሚሊዮን በላይ የውጭ ጎብኚዎችን በመቀበል ከ5.2 ቢሊዮን ዶላር በላይ የውጭ ምንዛሬ ወደ ሀገር ማስገባት ተችሏል።

የሀገር ውስጥ ቱሪዝምም ከ50 ሚሊዮን በላይ ዜጎችን በማንቀሳቀስ ከ79 ቢሊዮን ብር በላይ ገቢ አስገኝቷል።

አዲስ አበባም የአፍሪካ የፖለቲካ መዲናነቷንና የተገነቡላትን ዓለም አቀፍ ደረጃቸውን የጠበቁ ማዕከላት በመጠቀም፣ዘንድሮ ብቻ ከ204 በላይ ዓለም አቀፍ ኮንፈረንሶችን በማስተናገድ የ"ማይስ" ቱሪዝም ማዕከል መሆኗን በተግባር አሳይታለች።

ለዚህ ስኬት የዲጂታላይዜሽን ሚና እጅግ ከፍተኛ ነው። የኢ-ቪዛ አገልግሎት መዘመኑ እንዲሁም እንደ ‘መሶብ’ ያሉ የተቀናጁ የዲጂታል መተግበሪያዎች ስራ ላይ መዋላቸው ቱሪስቶች ያለምንም እንግልት የትራንስፖርት፣ የሆቴል እና የመዳረሻ ትኬቶችን በዲጂታል መንገድ እንዲቆርጡ በማድረግ የጥሬ ገንዘብ አልባ ኢኮኖሚ ግንባታን እያፋጠነ ይገኛል።

በሌላ በኩል መንግስት ከ35 በላይ ተዘርፈዉ ወደ ውጭ የወጡ ታሪካዊ ቅርሶችን ወደ ሀገር ቤት በማስመለስ፣ የነበሩትን በማደስና አዳዲስ ቅርሶችን በዩኔስኮ በማስመዝገብ ያሳየው ጽኑ የዲፕሎማሲ ጥረት፣ ቅርሶቻችንን ውብ አድርጎ በማውጣት ሀብት እንዲያስገኙ አስችሏል።

ይህ ሁሉ ስኬት ዘላቂ የሚሆነው ግን እያንዳንዱ ዜጋ የአመለካከትና የአስተሳሰብ ለውጥ ሲያመጣ ብቻ ነው። ቱሪዝም የሁላችንም የጋራ ፕሮጀክት ነው። የታክሲ አሽከርካሪዎቻችን እንግዶችን ከኤርፖርት ሲቀበሉ የሀገራችንን መልካም ገጽታ የመግለጥ ጥበብ ሲላበሱ፣ የሆቴል ባለሙያዎቻችን ከፍተኛ የመስተንግዶ ደረጃን ሲጠብቁ እንዲሁም የጥበብ ሰዎቻችን የሀገራችንን ውብ ገፅታዎች በቀዳሚነት ሲያስተዋውቁ ዘርፉ ይበልጥ ያብባል።

እያንዳንዷን የተፈጥሮና የታሪክ ጸጋ ወደ ሃብት በመለወጥ የበለጸገች፣ የተለወጠችና የተከበረች ሀገር ለልጆቻችን ለማስረከብ ለሀገራችን አምባሳደር መሆን ይገባናል፡፡

ኢቢሲ ዶትስትሪም ኤዲቶሪያል

የአዲስ አበባ ውበት የተገለጠበት እንጦጦ ፓርክ #ethiopia #pmabiyahmed #entotopark #addisababa Ethiopian Broadcasting Corporation

የሳምንቱ መጨረሻ ቀናትና አረንጓዴ ውበት

አዲስ አበባ፣ ነሐሴ 3፣ 2018 (ኤፍ ኤም ሲ) ከቀናት የስራ ድካም አረፍ ለማለት፤ ከተፈጥሮ ጋር ለማውጋት የእያንዳንዱ ሰው ነፍስ የሳምንቱን ማክተሚያ ቀናት በናፍቆት ትጠብቃለች።

እነዚህ ቀናት ከአድካሚው የኑሮ እሽቅድምድም በኋላ አካልና አዕምሮን የሚያድሱበት፣ የህይወትን ትንፋሽ አድሰው የሚቀጥሉበት ወርቃማ ገፆች ናቸው።

በእነዚህ ቀናቶች የሰዎች ነፍስ አብዝታ ወደ ተፈጥሮ መጠጋትን ትሻለች፤ እረፍትና አረንጓዴነት የማይነጣጠሉ የአንድ ሳንቲም ሁለት ገፅታዎች ናቸው።

በቅርብ ዓመታት ውስጥ በኢትዮጵያ በተከታታይነት በከፍተኛ የሕዝብ ተሳትፎ እየተከናወነ የሚገኘው የአረንጓዴ ዐሻራ መርሐ ግብር ሰዎች የዕረፍት ጊዜያቸውን በሚያጣጥሙባቸው ቀናት አዲስ የህይወት ቀለም ጨምሯል።

የሰው ልጅ ከቤቱ ወጥቶ መዝናናትን ሲፈልግ በለመለሙ ስፍራዎችና በለስላሳ ነፋስ የሚወዘወዙ ዛፎች ስር አረፍ ብሎ የሰላምን አየር መማግ ቀዳሚ ምርጫው ያደርጋል፡፡

ከትርምስምሱ ገለል ብሎ በተፈጥሮ እቅፍ ውስጥ መሆን ለአእምሮ ሰላም የሚሰጠው ፈውስ ወደር የለውም።

በአረንጓዴ ዐሻራ እጆች የተደገፉና ዳግም ያገገሙ ስፍራዎች አሁን ላይ በተለይም በሳምንቱ መጨረሻ ቀናት የነዋሪዎች ዋነኛ የመዝናኛ ስፍራ ሆነዋል።

ለአብነትም እንደ አንድነትና እንጦጦ ፓርክ ያሉ ማራኪ የከተማ መናፈሻዎች ሰዎችን በሰፊው እቅፋቸው በመቀበል ላይ ይገኛሉ።

እነዚህ የአረንጓዴነት ምልክቶች ማህበራዊ ትስስርን የሚያጠብቁ ውብ መድረኮችም ናቸው።

ቤተሰቦችና ወዳጆች እጅ ለእጅ ተያይዘው ያልተበከለ አየር እየሳቡ ረጅም የእግር ጉዞዎችን ያደርጋሉ።

ንፁህ አየር እየማጉ፣ በደስታ እየተጨዋወቱ የአካል ብቃት እንቅስቃሴዎችን ከተፈጥሮ ውበት ጋር አዋህደው ያጣጥማሉ።

ይህ አይነቱ ውብ መስተጋብር በሰዎች መካከል ያለውን ፍቅር ከማጠናከሩም በላይ፤ ተፈጥሮን የመንከባከብን ጥልቅ ባህል በየቀኑ ህይወታችን ውስጥ በሂደት እንዲሰርፅ እያደረገ ይገኛል።

የዕረፍት ቀናትና የአረንጓዴ ዐሻራ ቁርኝት በመዝናናት ብቻ የሚገደብ አይደለም።

ንቁ ዜጎች፣ ወጣቶችና ቤተሰቦች የሳምንቱ መጨረሻ ቀናትን ወደ በጎ ተግባር በመቀየር በጥላ ስር ይሰበሰባሉ፤ እረፍታቸውን አዳዲስ ችግኞችን በመትከልና ለነገው ህይወት አሻራቸውን በማኖር ያሳልፋሉ።

ዛሬ የትናንቶቹን ዛፎች ጥላ ተጠልለን እንደምንዝናናው ሁሉ፤ እኛም በእረፍታችን የምንተክላቸው ችግኞች ለነገው ትውልድ ምቹ የመዝናኛና የህይወት ዋስትና ሆነው ያገለግላሉ።

የሰዎች የእረፍት ቀናት ምርጫና የአረንጓዴ ዐሻራ ስኬት ፈትል በጥብቅ የተሳሰሩ ናቸው።

በእመቤት ሲሳይ

ኩባንያችን 8ኛውን ዙር የችግኝ ተከላ መርሃ-ግብር በይፋ አስጀመረ!

ኩባንያችን የአረንጓዴ ኦፕሬተርነት ጉዞውን በማጠናከር፣ ዛሬ በሀገር አቀፍ ደረጃ “ለአረንጓዴ ኢትዮጵያ” በሚል መሪ ቃል 250 ሺህ ችግኞችን በስኬት ተክሏል፡፡ በዚህም በአዲስ አበባ እንጦጦ (ቁስቋም ማዞሪያ) እንዲሁም በመላው ሀገሪቱ በሚገኙ ከተሞች አረንጓዴ አሻራችንን አሳርፈናል፡፡

በመርሃ-ግብሩ ላይ ዋና ሥራ አስፈጻሚያችን ፍሬሕይወት ታምሩ እንደገለጹት፤ ይህ ተግባር ኩባንያችን በዘላቂነት ስትራቴጂው (Sustainability Strategy) የሚያከናውናቸው ተግባራት አካል ሲሆን፣ ባለፉት ሰባት ዓመታት ከተተከሉ ከ4.6 ሚሊዮን በላይ ችግኞች 82.7% እንዲጸድቁ መደረጉን አብራርተዋል።

በተጨማሪም በታዳሽ የኃይል ኢንቨስትመንቶች፣ በፀሐይ ኃይል የሚሠሩ የኔትወርክ መሠረተ-ልማቶች እና ኃይል ቆጣቢ አረንጓዴ የዳታ ማዕከላት አማካኝነት የካርቦን ልቀት ቅነሳን ማሳካት ተችሏል። በተመሳሳይ በገነባናቸው ከ9 በላይ የኤሌክትሪክ ተሽከርካሪ መሙያ ጣቢያዎች ከ481 ሺህ በላይ ተሽከርካሪዎችን በማስተናገድ፣ ከ15.4 ሚሊዮን ኪሎግራም በላይ የካርቦን ልቀትን መከላከል ተችሏል፤ ይህም ከ76 ሺህ በላይ ዛፎችን ከመትከል ጋር እኩል ፋይዳ አለው።

የጉለሌ ክፍለ ከተማ ዋና ሥራ አስፈጻሚ አቶ ወልዴ ወገሴ በመርሃ-ግብሩ ባስተላለፉት መልዕክት፤ ኢትዮ ቴሌኮም ችግኝ መትከል ብቻ ሳይሆን ለመንከባከብ ትኩረት የሚሰጥ ተቋም መሆኑን ገልጸው፣ ከዚህ ቀደም የተተከሉ ችግኞች ወደ ጫካነት መቀየራቸውን በመጥቀስ ልባዊ ምስጋናቸውን አቅርበዋል፡፡

በ8ኛው ዙር መርሃ-ግብር ለተከላና እንክብካቤ ሥራዎች ከ2,000 በላይ ለሚሆኑ ዜጎች የሥራ ዕድል የሚፈጠር ሲሆን፣ ባለፉት ሰባት ዓመታት ውስጥ በአጠቃላይ ከ24.8 ሺህ በላይ ለሚሆኑ ዜጎች የሥራ ዕድል መፍጠር ተችሏል፡፡

በዚህ የችግኝ ተከላ መርሃ-ግብር ላይ በንቃት ለተሳተፋችሁ የኩባንያችን ቤተሰቦች፣ አጋሮቻችን እና የመትከያ ቦታ ላመቻቻችሁ የመንግስት አካላት ምስጋና እናቀርባለን፡፡

ለበለጠ፡ https://bit.ly/4xhlXxF
#digitalethiopia #digitalafrica #gsma #itu #worldbank #oecd #g6countries

ኩባንያችን 8ኛውን ዙር የችግኝ ተከላ መርሃ-ግብር በይፋ አስጀመረ!

ኩባንያችን የአረንጓዴ ኦፕሬተርነት ጉዞውን በማጠናከር፣ ዛሬ በሀገር አቀፍ ደረጃ “ለአረንጓዴ ኢትዮጵያ” በሚል መሪ ቃል 250 ሺህ ችግኞችን በስኬት ተክሏል፡፡ በዚህም በአዲስ አበባ እንጦጦ (ቁስቋም ማዞሪያ) እንዲሁም በመላው ሀገሪቱ በሚገኙ ከተሞች አረንጓዴ አሻራችንን አሳርፈናል፡፡

በመርሃ-ግብሩ ላይ ዋና ሥራ አስፈጻሚያችን ፍሬሕይወት ታምሩ እንደገለጹት፤ ይህ ተግባር ኩባንያችን በዘላቂነት ስትራቴጂው (Sustainability Strategy) የሚያከናውናቸው ተግባራት አካል ሲሆን፣ ባለፉት ሰባት ዓመታት ከተተከሉ ከ4.6 ሚሊዮን በላይ ችግኞች 82.7% እንዲጸድቁ መደረጉን አብራርተዋል።

በተጨማሪም በታዳሽ የኃይል ኢንቨስትመንቶች፣ በፀሐይ ኃይል የሚሠሩ የኔትወርክ መሠረተ-ልማቶች እና ኃይል ቆጣቢ አረንጓዴ የዳታ ማዕከላት አማካኝነት የካርቦን ልቀት ቅነሳን ማሳካት ተችሏል። በተመሳሳይ በገነባናቸው ከ9 በላይ የኤሌክትሪክ ተሽከርካሪ መሙያ ጣቢያዎች ከ481 ሺህ በላይ ተሽከርካሪዎችን በማስተናገድ፣ ከ15.4 ሚሊዮን ኪሎግራም በላይ የካርቦን ልቀትን መከላከል ተችሏል፤ ይህም ከ76 ሺህ በላይ ዛፎችን ከመትከል ጋር እኩል ፋይዳ አለው።

የጉለሌ ክፍለ ከተማ ዋና ሥራ አስፈጻሚ አቶ ወልዴ ወገሴ በመርሃ-ግብሩ ባስተላለፉት መልዕክት፤ ኢትዮ ቴሌኮም ችግኝ መትከል ብቻ ሳይሆን ለመንከባከብ ትኩረት የሚሰጥ ተቋም መሆኑን ገልጸው፣ ከዚህ ቀደም የተተከሉ ችግኞች ወደ ጫካነት መቀየራቸውን በመጥቀስ ልባዊ ምስጋናቸውን አቅርበዋል፡፡

በ8ኛው ዙር መርሃ-ግብር ለተከላና እንክብካቤ ሥራዎች ከ2,000 በላይ ለሚሆኑ ዜጎች የሥራ ዕድል የሚፈጠር ሲሆን፣ ባለፉት ሰባት ዓመታት ውስጥ በአጠቃላይ ከ24.8 ሺህ በላይ ለሚሆኑ ዜጎች የሥራ ዕድል መፍጠር ተችሏል፡፡

በዚህ የችግኝ ተከላ መርሃ-ግብር ላይ በንቃት ለተሳተፋችሁ የኩባንያችን ቤተሰቦች፣ አጋሮቻችን እና የመትከያ ቦታ ላመቻቻችሁ የመንግስት አካላት ምስጋና እናቀርባለን፡፡

ለበለጠ፡ https://bit.ly/4xhlXxF
#digitalethiopia #digitalafrica #gsma #itu #worldbank #oecd #g6countries

የእንጦጦ ሐመረ ኖኅ ቅድስት ኪዳነ ምሕረት አንድነት ገዳም የሚያስገነባውን ሕንፃ

የፕሮጀክቱ ዓላማ
(Project Overview)

የገዳሙ አበው መነኮሳት እና ሊቃውንተ ቤተ ክርስቲያን ማረፊያ ቤት።

2. ሕንፃው በውስጡ የሚያካታታቸው
(Building Facilities)

* የአበው መነኮሳት እና ሊቃውንት ማረፊያ
* ክርስትና መጠመቂያ ቤት
* ሙዚየም
* የተለያዩ አዳራሾች
* ለቢሮ አገልግሎት የሚሆኑ ክፍሎች

3. የባንክ ሂሳብ ቁጥሮችና መዋጮ ማድረጊያ
(Donation Accounts)

ሀ) የገዳሙ አካውንት
ኢትዮጵያ ንግድ ባንክ፡ 1000003517504
አባይ ባንክ፡ 9841111014325318
አጭር ቁጥር፡ 1612

ለ) የልማት ኮሚቴ አካውንት
ኢትዮጵያ ንግድ ባንክ፡ 1000003780779
አባይ ባንክ፡ 9841011002322017
አጭር ቁጥር፡ 1216

4. ወቅታዊ ሁኔታ
(Current Status)

በስተቀኝ በኩል በሚታዩት ፎቶዎች ላይ እንደሚታየው ሕንፃው አሁን ያለበት የስትራክቸርና የሲቪል ግንባታ ደረጃ ("አሁን ያለበት ደረጃ") ይታያል።

እናታችን ቅድስት ኪዳነ ምሕረት ሁላችሁንም በበረከቷ ትጎብኛችሁ፤ አሜን!

አዲስ አበባ እንጦጦ የሚገኘው የእግር ኳስ መጫወቻ ሜዳ

ቱሪዝም፦ የመደመር እሳቤ የተፈጥሮ ጸጋዎቻችንን ወደ ኢኮኖሚ ሞተርነት የለወጠበት ተጨባጭ ማሳያ
***************************

ኢትዮጵያ እጅግ አስደናቂ የታሪክ፣ የተፈጥሮ፣ የመልክዓ ምድር እና እምቅ የባህል ሀብት ያላት ሀገር ብትሆንም፣ እነዚህን ጸጋዎች አቀናጅቶ እና አልምቶ ለመጠቀም የሚያስችል ሥልታዊ ዕቅድ እና ቁርጠኝነት ባለመኖሩ ለዘመናት ለሀገር ኢኮኖሚያዊ ዕድገት ተጨባጭ አስተዋጽኦ ሳያበረክቱ ቆይተዋል።

ነገር ግን ባለፉት ስምንት ዓመታት ውስጥ በሀገራችን ተግባራዊ የተደረጉት ዘርፈ ብዙ ማሻሻያዎች ይህንን የአስተሳሰብ አጥር በመስበር፣ የሀገራችንን እውነተኛ አቅም ወደ መግለጥ ተሸጋግረዋል።

ይህ ስኬት የመጣው የመንግሥትን፣ የግሉን ዘርፍ፣ የማኅበረሰቡን እና የተፈጥሮን አቅም በአንድ የጋራ ሕልም ዙሪያ አስተባብሮ ከሚመራው የመደመር ፍልስፍና ነው። ዜጎች ሀገራቸውን እንዲያውቁ፣ እንዲወዱ እና እንዲኮሩባት የተደረገው ብሔራዊ ጥሪ ቱሪዝምን ከተለመደው የታሪክ ጥበቃ አልፎ ወደ ተጨባጭ የኢኮኖሚ ሞተርነት አሸጋግሮታል።

በቱሪዝም ዘርፍ የታየው ይህ ሥር ነቀል ለውጥ የመጣው ታዲያ ፈጣን እና ፈጠራ በተሞላበት የፕሮጀክት አመራር የተመራ ሥልታዊ ለውጥ ነው። ይህ ጉዞ በ2011 ዓ.ም አዲስ አበባን ለማስዋብ ከተጀመረው እና እንጦጦ እንዲሁም ሸገር ፓርኮችን እውን ካደረገው "ገበታ ለሸገር" መርሐ ግብር ጅማሮውን አድርጓል።

የዚህ ፕሮጀክት መሳካት በ2012 ዓ.ም ልማቱን ወደ ክልሎች በማስፋፋት በጎርጎራ፣ ወንጪ እና ኮይሻ የተፈጥሮ መዳረሻዎችን በከፍተኛ ጥራት ያለማውን "ገበታ ለሀገር" ፕሮጀክትን ወልዷል።

በአሁኑ ወቅት ደግሞ ስምንት አዳዲስ መዳረሻዎችን በሀገር አቀፍ ደረጃ ያለማው "ገበታ ለትውልድ" መርሐ ግብር ሀገራዊ የቱሪዝም ገጽታን በመሠረታዊነት እየቀየረ ይገኛል።

የእነዚህን ዓለም አቀፍ ደረጃቸውን የጠበቁ መዳረሻዎች አስተዳደር ለኢትዮጵያ አየር መንገድ እና ለተመረጡ ባለሀብቶች መሰጠቱ ደግሞ ዓለም አቀፍ ጎብኚዎችን ለመሳብ ሥልታዊ ድልድይ ሆኗል።

በእነዚህ መርሐ ግብሮች የተገነቡት ፕሮጀክቶች የመደመር እሳቤን በተግባር የሚያሳዩ ተጨባጭ የልማት ዕንቁዎች ናቸው።

በደቡብ ኢትዮጵያ የተመረቀው የአርባ ምንጭ ኮንፈረንስ ሪዞርት የኮንፈረንስ ቱሪዝምን ከአዲስ አበባ ውጪ በማስፋፋት እና ከአባያ እንዲሁም ጫሞ ሐይቆች ተፈጥሯዊ ውበት ጋር በመዋሃድ ለአካባቢው ኢኮኖሚ አዲስ ምዕራፍ ከፍቷል።

በተመሳሳይ በአማራ ክልል የተገነባው የሎጎ ሐይቅ ሪዞርት 13.3 ሔክታር ላይ ያረፈ ዘመናዊ መገልገያዎችን እና የሔሊኮፕተር ማረፊያን ያካተተ ሲሆን፣ የሰሜኑን የሀገራችን የቱሪስት መስመር የሚያስተሳስር ወሳኝ ማዕከል ሆኗል።

በአፋር ክልል የተገነባው የኒዒን ሌ ፓልም ስፕሪንግ ሎጅ ከአዋሽ ብሔራዊ ፓርክ ጋር ባለው ቅርበት የተፈጥሮ ፍል ውኃን እና ሐይቅን በማቀናጀት የቱሪዝም አቅምን እያጎላ ይገኛል።

በደቡብ ምዕራብ ኢትዮጵያ የተገነባው ደንቢ ኢኮ ሎጅ በበካ የቡና እርሻ አጠገብ ሙሉ በሙሉ ከአካባቢው የተገኙ የተፈጥሮ ቁሳቁሶችን በመጠቀም የተገነባ የዘላቂ የአካባቢ ጥበቃ ሞዴል ነው። በዚሁ ክልል የሚገኘው የሀላላ ኬላ ሪዞርትም በጊቤ ሦስት ሰው ሠራሽ ሐይቅ ዳርቻ የተገነባ ሌላው አስደናቂ ማሳያ ነው።

እነዚህ ታላላቅ የቱሪዝም መዳረሻዎች በማክሮ ኢኮኖሚክስ ዕይታ የቱሪዝምን ኢኮኖሚያዊ ፋይዳ በከፍተኛ ደረጃ የሚያባዙ ናቸው። ፕሮጀክቶቹ ሙሉ በሙሉ በሀገር ውስጥ ቁሳቁሶች እና በኢትዮጵያውያን አቅም መገንባታቸው በአካባቢው ማኅበረሰብ ውስጥ የሚፈጠረውን የግብይት ዝውውር በከፍተኛ ደረጃ አሳድጎታል።

ይህ ስትራቴጂ ኢትዮጵያ በ2018 በጀት ዓመት የ10.2 በመቶ የኢኮኖሚ ዕድገት ለማስመዝገብ ከያዘችው ግብ ጋር በቀጥታ የሚጣጣም ሲሆን፣ ዘንድሮ ከቱሪዝም ዘርፍ ከ5.2 ቢሊዮን ዶላር በላይ ገቢ መገኘቱ የዚህ የመደመር ቀመር ተግባራዊ ስኬት ነው።

የገበታ መርሐ ግብሮች ከተለመደው የቢሮክራሲ አሠራር ወጥተው በፈጠራ የታገዘ የፕሮጀክት አመራርን በማሳየት፣ የኢትዮጵያን የተዳፈነ ጸጋ ወደ ተግባራዊ ሀብት በመቀየር ለቀጣዩ ትውልድ የበለጸገች ሀገርን ለማስረከብ የተጀመረው ጉዞ ስኬታማ ማሳያዎች ናቸው።

በለሚ ታደሰ
#ethiopia #ebc #tourism #medemer #gebetainitiatives #economicgrowth #landoforigins

የኢትዮጵያ ቱሪዝም ዘርፍ አዲስ ዕይታና ዕድሎች
**********************

ኢትዮጵያ በታሪክ፣ በባህልና በተፈጥሮ ሀብት የታደለች፣ የበርካታ የዓለም ቅርሶች ባለቤት የሆነች ሀገር ናት። ይሁን እንጂ ይህን እምቅ አቅም ወደ ተጨባጭ የኢኮኖሚ ጥቅም ከመቀየር አንጻር ዘርፉ ለብዙ ዓመታት በርካታ ተግዳሮቶች ሲገጥሙት ቆይቷል።

በአሁኑ ወቅት ግን፣ የመደመር መንግሥት በሰጠው ልዩ ትኩረት የኢትዮጵያ ቱሪዝም ዘርፍ አሮጌውን አካሄድ በመቀየር፣ በአዳዲስ ስትራቴጂዎችና ሜጋ ፕሮጀክቶች የታገዘ አዲስ የዕድገት ምዕራፍ ላይ ይገኛል።

ቀደም ሲል የኢትዮጵያ ቱሪዝም በአብዛኛው የታሪክና የሃይማኖት ቅርሶችን ብቻ ማዕከል ያደረገ ነበር። አሁን ላይ ይህ አካሄድ ተቀይሮ የቱሪስት መዳረሻዎች ብዝኃነትን እንዲያካትቱ ተደርጓል።

በአዲስ አበባ በ“ገበታ ለሸገር” ፕሮጀክት የተገነቡት እንደ አንድነት ፓርክ፣ እንጦጦ ፓርክ፣ የሳይንስ ሙዚየም እና የወዳጅነት አደባባይ ያሉ ፕሮጀክቶች ዋና ከተማዋን የቱሪስት ማረፊያና መስኅብ አድርገዋታል።

አንዲሁም በገበታ ለሀገር እና ገበታ ለትውልድ ፕሮጀክቶች የተገነቡት የቱሪዝም መስኅቦች የሀገራችን የተፈጥሮ ውበት እና ሥነ-ምህዳር ለዓለም አቀፍ ጎብኝዎች በአዲስ መልክ እያስተዋወቁ ይገኛሉ።

በሌላ በኩል የቱሪዝም ዕድገት ያለ አስተማማኝ መሠረተ-ልማት ሊታሰብ የማይችል ሲሆን፣ በዚህ ረገድ የተሠሩ ሥራዎችም ለዘርፉ መነቃቃት ትልቅ አስተዋጽዖ አበርክተዋል።

የኢትዮጵያ አየር መንገድ አዳዲስ ዓለም አቀፍ መዳረሻዎችን በመጨመር እና የአውሮፕላን ማረፊያ መሠረተ-ልማቶችን በሀገር ውስጥ በማስፋፋት ተጓዦችን ከዓለም ዙሪያ በቀላሉ የማገናኘት ሚናውን እየተወጣ ይገኛል።

በተጨማሪም የኢ-ቪዛ አሰጣጥ መዘርጋት እና የኦንላይን የክፍያ ሥርዓቶች መዘመን የጎብኝዎችን እንግልት በመቀነስ የጉዞ ሂደቱን ቀላልና ፈጣን በማድረግ ሀገራችን ከዘርፉ ተጠቃሚ እንድትሆን እያስቻላት ነው።

የቱሪዝም ዕድገት ስትራቴጂ ትኩረት የነዋሪውን ማኅበረሰብ ሕይወት መለወጥ ላይ ነው። በአዳዲስ መዳረሻዎች አካባቢ የሚኖሩ ማኅበረሰቦች በዕደ-ጥበብ፣ በቅርስ ጥበቃ፣ በሎጅና በእንግዳ ተቀባይነት ዘርፍ ቀጥተኛ ተጠቃሚ እየሆኑ ነው። ይህም ቅርሶችና ተፈጥሯዊ ሀብቶችን በባለቤትነት ስሜት እንዲጠበቁ አድርጓቸዋል።

የኢትዮጵያ ቱሪዝም ዘርፍ ካለበት "የማይነካ እምቅ አቅም" ተሻግሮ ወደ ተግባራዊ የኢኮኖሚ ምሰሶነት እየተቀየረ ይገኛል። አዳዲስ መዳረሻዎችን ማልማት፣ ጥራትን ማሻሻል እና ዲጂታል ስትራቴጂዎችን በአግባቡ መጠቀም ከተቻለ፣ ቱሪዝም ለሀገራችን የውጭ ምንዛሪ ግኝትና ለሥራ ዕድል ፈጠራ ቀዳሚው አንቀሳቃሽ ኃይል መሆኑ አይቀሬ ነው።

በአድማሱ አራጋው
#ethiopianbroadcastingcorporation #tourismethiopia #landoforigins #visitethiopia

ኢትዮጵያ የአፍሪካን አዲስ የቱሪዝም ካርታ በጥበብ እየሳለች ነው
******************

"ኢትዮጵያ ታሪክ ብቻ ናት" የሚለው የቆየ አስተሳሰብ ከጊዜ ጋር በከፍተኛ ፍጥነት እየተቀየረ ይገኛል። ዛሬ ኢትዮጵያ የሺህ ዓመታት ጥንታዊ ቅርሶቿን ከዘመናዊ የቱሪዝም ልማቶች ጋር በስምምነት እያጣመረች፣ ለዓለም አቀፍ ጎብኚዎች አዲስና ተመራጭ የጉዞ መስመር እየሆነች ነው።

ኢትዮጵያ ታሪክን፣ ተፈጥሮን፣ ባህልን እና ዘመናዊ መሠረተ-ልማትን በአንድ ወጥ የጉዞ ተሞክሮ ውስጥ አጣምራ የምታቀርብበት አዲስ ምዕራፍ ተከፍቷል።

ዛሬ ኢትዮጵያ የቱሪዝም ታሪኳን ብቻ አትተርክም፤ ይልቁንም አዲስ የቱሪዝም ታሪክ በተግባር እየጻፈች ትገኛለች። ለምሳሌ ያህል፣ በቅርቡ ተገንብተው ለፍሬ የበቁት የ"ገበታ ለሀገር" እና "ገበታ ለትውልድ" ታላላቅ ፕሮጀክቶች፣ የአዲስ አበባ የኮሪደር ልማት፣ ዘመናዊ መናፈሻዎች፣ ሰፋፊ የእግረኛ መንገዶች እና አረንጓዴ ስፍራዎች ኢትዮጵያን ከባህላዊ መዳረሻነት ወደ ዘመናዊ የጉዞ ልምድ እየቀየሯት ይገኛሉ።

በጎርጎራ የጣና ሐይቅ ዳርቻ ላይ የተገነቡት ዘመናዊ የመስተንግዶ ማዕከላት፣ በወንጪ የተራራ ሐይቅን የሚያቅፉት አስደናቂ የእይታ መድረኮች፣ እንዲሁም በሀላላ ኬላ የተፈጥሮንና የታሪክን ውበት የሚያሳዩት መዝናኛዎች የሀገሪቱን የቱሪዝም ገጽታ በአዲስ መልክ የሳሉት ትልልቅ ስኬቶች ናቸው። ከዚህ በተጨማሪም የአንድነት ፓርክ፣ የወዳጅነት ፓርክ፣ የእንጦጦ ተፈጥሮ ፓርክ፣ የሳይንስ ሙዚየም እና የአዲስ አበባ አዳዲስ አረንጓዴ መናፈሻዎች የከተማ ቱሪዝምን ወደ ላቀ የደረጃ ማማ አሸጋግረውታል።

ነገር ግን ሀገራችን የዘመናዊ ቱሪዝም ልማትን በከፍተኛ ደረጃ ስታስፋፋ የትናንት ታሪኳንና ማንነቷን ከቶም አልዘነጋችም። እንደ ላሊበላ ውቅር አብያተ-ክርስቲያናት፣ የአክሱም ሐውልቶች፣ የፋሲል ግቢ፣ የሰሜንና የባሌ ተራሮች ብሔራዊ ፓርኮች፣ እሳተ-ገሞራማው የዳናኪል ምድር እና የአንትሮፖሎጂ መገኛ የሆነው የኦሞ ሸለቆ ያሉ ዓለም አቀፍ ቅርሶች ከአዳዲሶቹ መዳረሻዎች ጋር ተደምረው ለጎብኚዎች ልዩና ድንቅ የጉዞ ተሞክሮ እየፈጠሩ ይገኛሉ።

ዓለም ዛሬ መዝናናትንና መጎብኘትን ብቻ ሳይሆን፣ የማይረሳ ሕያው ተሞክሮን አጥብቆ በሚሻበት በዚህ ዘመን፤ ኢትዮጵያ ያንን ፍላጎት በተፈጥሮ፣ በታሪክ፣ በሕዝቦቿ ሞቅ ያለ ፈገግታና በዘመናዊ ልማቶቿ በአንድ ላይ አሟልታ ታቀርባለች። ዛሬ ጎብኚዎች ወደ ኢትዮጵያ እንዲመጡ የምትጋብዝበት ምክንያት ትናንቷ ብቻ አይደለም፤ ብሩህ የሆነው ነገዋም ጭምር ነው። በአጠቃላይ ኢትዮጵያ ታሪኳን በአግባቡ ጠብቃ፣ የወደፊቱን የአፍሪካ የቱሪዝም ካርታ በበላይነት እየሳለች ያለች ታላቅ ሀገር መሆኗን በተግባር እያረጋገጠች ትገኛለች።

በልዩ እሸቱ
#ebc #ethiopia #tourism #landoforigins #visitethiopia

አሐዱ ባንክ 4ኛ ዓመቱን በእንጦጦ የችግኝ ተከላ እና በበጎ አድራጎት ሥራዎች እያከበረ ይገኛል
‎
‎#ethiopia | ​አሐዱ ባንክ ወደ ስራ የገባበትን አራተኛ ዓመት የምስረታ በዓል ምክንያት በማድረግ በጉለሌ ክፍለ ከተማ እንጦጦ ተራራ ላይ የችግኝ ተከላ መርሃ ግብር አካሄደ።
‎
‎ዛሬ ሐምሌ 9 ቀን 2018 ዓ.ም የባንኩ ከፍተኛ አመራሮችና ሰራተኞች በተገኙበት በእንጦጦ ተራራ የአፈር መሸርሸርን ለመከላከልና ብዝሃ ሕይወትን ለመጠበቅ የሚያግዙ ከ600 በላይ አገር በቀል ችግኞች ተተክለዋል።
‎
‎​የአሐዱ ባንክ የማርኬቲንግ እና ኮሚኒኬሽንስ ዳይሬክተር አቶ አብይ መልካ ለዝግጅት ክፍላችን እንደገለጹት፣ በዛሬው እለት ከ600 በላይ የሚሆኑና ለአካባቢው ሥነ-ምህዳር ዘላቂ ጠቀሜታ ያላቸው ሀገር በቀል ችግኞች ተተክለዋል ብለዋል።
‎
‎ተለይተው ከተተከሉት ዝርያዎች መካከል እንደ ኮሶ፣ ብርብራ፣ ዋንዛ፣ ዝግባ እና ቀረሮ ያሉ እፅዋት የሚገኙበት ሲሆን፣ ይህም ቀደም ሲል በቦታው ላይ በስፋት ይስተዋል የነበረውንና ከፍተኛ የውሃ ፍጆታ የሚጠይቀውን የባህር ዛፍ ተክል በሀገር በቀል ዛፎች ለመተካት ያለመ ነው።
‎
‎አቶ አብይ አክለውም፣ ባንኩ ችግኞቹን ከመትከል ባለፈ በየሦስት ወሩ ክትትልና እንክብካቤ እንደሚያደርግላቸውና ይህንንም ሥራ ከኢትዮጵያ ቅርስ ባለአደራ ተቋም ጋር በመተባበር በኃላፊነት እያከናወነ እንደሚገኝ ገልጸዋል።
‎
‎​የአሐዱ ባንክ የኩባንያ ሴክሬተሪ እና የዳይሬክተሮች ቦርድ ጽሕፈት ቤት ተወካይ የሆኑት አቶ ቢኒያም አህመድ በበኩላቸው ለዝግጅት ክፍላችን እንደገለጹት፣ ይህ የአካባቢ ጥበቃ እንቅስቃሴ ባንኩ በአምስት ዓመት ስትራቴጂያዊ ዕቅዱ ውስጥ ካካተታቸውና ትኩረት ከሰጣቸው መርሆዎች ጋር ቀጥተኛ ትስስር አለው ብለዋል።
‎
‎አቶ ቢኒያም እንደገለጹት፣ የችግኝ ተከላው በአንድ ጀንበር ዘመቻ ብቻ የሚያበቃ ሳይሆን፣ ባንኩ በቋሚነት ከተረከበው ቦታ በተጨማሪ በአገር አቀፍ ደረጃ ባሉት ከ108 በላይ በሚሆኑ ቅርንጫፎችም ጭምር በየአካባቢው ተጨባጭ ሁኔታ ተግባራዊ የሚደረግና የባንኩን መሠረታዊ እሴት የሚያንጸባርቅ ዘላቂ ተግባር መሆኑን ገልጸዋል።
‎
‎​ባንኩ ከአካባቢ ጥበቃ በተጨማሪ ዘርፈ ብዙ በሆኑ የማህበራዊ ኃላፊነት ሥራዎች ላይ በንቃት እየተሳተፈ ይገኛል። የማርኬቲንግ ዳይሬክተሩ አቶ አብይ እንደገለጹት፣ ባንኩ በየዓመቱ እንደ መቄዶንያ፣ ጌርጌሴኖን እና የሰበታ ደናግላን ገዳም ላሉ ተቋማት የሚሰጠውን ድጋፍ አጠናክሮ የቀጠለ ሲሆን፣ በአሁኑ ወቅት የ204 የሚሆኑ አቅመ-ደካማ ሕፃናትን የትምህርትና የመኖሪያ ወጪዎች በየወሩ በመሸፈን እያሳደገ ይገኛል።
‎
‎ከዚህም ባሻገር የፊታችን ቅዳሜ ሐምሌ 11 ቀን 2018 ዓ.ም የአሐዱ ባንክ ሠራተኞቹ እና ደንበኞች በተደጋጋሚ የሚሳተፉበት የደም ልገሳ መርሃ ግብር ዘንድሮሞ በተጠናከረ መልኩ እንደሚቀጥል ገልጸዋል።
‎
‎​በአራት ዓመታት የአገልግሎት ዘመኑ ፈጣን ዕድገት እያሳየ የመጣው አሐዱ ባንክ፣ በበጀት ዓመቱ 1.15 ቢሊዮን ብር ያልተጣራ ትርፍ ማስመዝገቡንና በቀጣይም ከኢትዮጵያ ካፒታል ማርኬት ባለሥልጣን ፈቃድ ሲያገኝ ወደ ሰፊ የአክሲዮን ሽያጭ እንቅስቃሴ በመግባት ደንበኞቹንና ባለአክሲዮኖቹን ይበልጥ ተጠቃሚ ለማድረግ ዝግጅት እያጠናቀቀ መሆኑ ይታወሳል።
‎
‎ጌትነት ተመስገን
‎Getu Temesgen - (ጌጡ ተመስገን)
‎
‎#getutemesgen #getu #ጌጡ
‎
‎​#greenlegacy ​#greeninitiative
‎​#indigenoustrees ​#entotomountain
‎​#gullele ​#addisababa ​#ethiopia
‎#ahadubank #ahadubank4thanniversary
‎

የቱሪዝም ዘርፍ ትንሳኤ እና አዳዲስ መዳረሻዎች

የዛሬ አምስት ዓመት መንግሥት ሲመሠርት፣ ሀገር ለመምራት በምርጫ የህዝብ ድምጽ ያገኘው ፓርቲ በቱሪዝም ዘርፍ ለማሳካት ቃል የገባቸው በርካታ ጉዳዮች ነበሩ፡፡

እነዚህም በሀገሪቱ የነበሩ የቱሪስት መዳረሻዎችን ማዘመን፣ አዳዲስ ሰው ሰራሽ የቱሪስት መስህቦችን መገንባት፣ የሀገር ገፅታን ማሻሻል እና ከዘርፉ የሚገኘውን የውጭ ምንዛሪ ገቢ በከፍተኛ ሁኔታ ማሳደግ የሚሉ ታላላቅ ቃሎች ነበሩ፡፡

በዝርዝር ስናይ፡-

1. የገበታ ለሀገር እና ገበታ ለትውልድ ሜጋ ፕሮጀክቶች፡-

የተገባ ቃል፦ ከባህላዊ እና ታሪካዊ ቅርሶች በተጨማሪ አዳዲስና ዘመናዊ የተፈጥሮ የቱሪዝም መዳረሻዎችን በመላ ሀገሪቱ በከፍተኛ ጥራት መገንባት።

አፈጻጸም፦

የገበታዎች ስኬት፦ ይህ ዘርፍ መንግሥት ባለፉት አምስት ዓመታት እጅግ አስደናቂ እና ፈጣን አፈጻጸም ካሳየባቸው መርሃ ግብሮች መካከል አንዱ ነው። መንግሥት በአዲስ አበባ በገበታ ለሸገር ፕሮጀክቶች አመርቂ ውጤቶችን አስመዝግቧል፡፡ ቀጥሎ በገበታ ለሀገር መዳረሻ ፕሮጀክቶች ሀገር ተጨማሪ ሀብቶችን በዘርፉ አፍርታለች፡፡

የገበታ ለሸገርና የገበታ ለሀገር ስኬትን ተከትሎ የተጀመረው የገበታ ለትውልድ መርሃ ግብር በርካታ ታሪካዊ ስፍራዎችን ወደ ዘመናዊ ሪዞርት እና መዝናኛነት በመቀየር አዲስ የሀገር ውስጥና የውጭ ቱሪስቶች ፍሰት መፍጠር ችሏል።

2. የአዲስ አበባ ከተማ ገፅታ ግንባታ :-

የተገባ ቃል፦ ዋና ከተማዋን አዲስ አበባን ለአፍሪካ እና ለዓለም አቀፍ ጎብኚዎች ምቹ፣ ውብ እና ማራኪ የቱሪዝም ማዕከል ማድረግ።

አፈጻጸም፦

የኮሪደር ልማት እና አዳዲስ መስህቦች፦ ባለፉት አምስት ዓመታት በአዲስ አበባ የተከናወኑት ታላላቅ የኮሪደር ልማት ሥራዎች፣ የሳይንስ ሙዚየም፣ የአብርሆት ቤተ መጻሕፍት፣ የዓድዋ ድል መታሰቢያ፣ የእንጦጦ ፓርክ፣ የወዳጅነት እና የአንድነት ፓርኮች ግንባታ የከተማዋን ገፅታ ሙሉ በሙሉ ቀይረውታል።

የኮንፈረንስ ቱሪዝም ማደግ፦ እነዚህ አዳዲስ መሠረተ ልማቶች ከተማዋ የዓለም አቀፍ ስብሰባዎችን፣ ኤክስፖዎችን እና የአፍሪካ ሕብረት ጉባኤዎችን በከፍተኛ የደኅንነትና የውበት ደረጃ እንድታስተናግድ በማድረግ ረገድ ትልቅ አስተዋፅኦ አበርክተዋል።

3. የቪዛ ሥርዓትን ማዘመን እና የሀገር ውስጥ ቱሪዝም፡-

የተገባ ቃል፦ የውጭ ቱሪስቶች ወደ ሀገር ውስጥ የሚገቡበትን የቪዛ አሰጣጥ ሥርዓት ማቅለል እና የሀገር ውስጥ የቱሪዝም ባህልን ማሳደግ።

አፈጻጸም ፦

የኢ-ቪዛ መስፋፋት፦ የኢሚግሬሽን ሥርዓቱን በማዘመን የውጭ ዜጎች በጥቂት ደቂቃዎች ውስጥ በኦንላይን ቪዛ የሚያገኙበት ሥርዓት ይበልጥ ተጠናክሯል።

የሀገር ውስጥ ቱሪዝም መነቃቃት፦ ቀደም ሲል ቱሪዝም በውጭ ዜጎች ላይ ብቻ ተደግፎ የነበረ ቢሆንም፣ ባለፉት አምስት ዓመታት በተሰሩት ሰፊ ሥራዎች የሀገር ውስጥ ተወላጆች፣ ተማሪዎች እና ድርጅቶች አዳዲስ ፓርኮችንና መዳረሻዎችን የመጎብኘት ባህላቸው በከፍተኛ ደረጃ አድጓል።

በአጠቃላይ ባለፉት አምስት የመደመር መንግሥት ዓመታት መንግሥት በቱሪዝም ዘርፍ በኢትዮጵያ ታሪክ ታይቶ የማይታወቅ ታላቅ እና ስኬታማ አፈጻጸም አስመዝግቧል።

ሰላም፤ እንደምን አደራችሁ?

የመደመር መንግሥት በአምስቱ የኢኮኖሚ ምሰሶዎች ሲመዘን

የመደመር መንግሥት ወደ ሥልጣን ሲመጣ የኢትዮጵያን የምጣኔ ሀብት መዋቅር ካረጀውና በአንድ ዘርፍ ላይ ብቻ ከተደገፈው የግብርና ምህዳር በማውጣት ሀገር በቀል የኢኮኖሚ ማሻሻያ ስትራቴጂን ቀረጸ።

በዚህ ስትራቴጂ ውስጥ አምስት ቁልፍ የኢኮኖሚ ምሰሶዎች፡ ግብርና፣ ቱሪዝም፣ ማዕድን፣ አይሲቲ እና አምራች ኢንዱስትሪ ተለይተው ከፍተኛ ትኩረት ተሰጥቷቸዋል።

መንግሥት በነዚህ ዘርፎች የገባውን ቃል እና ባለፉት አምስት ዓመታት የታየውን አፈጻጸም በአጭር በአጭሩ ለማየት እንሞክር፡፡

1. ግብርና፡-

ቃል የተገባው፡ የግብርናውን ዘርፍ ማዘመን፣ የምግብ ዋስትናን (ራስን መቻል) ማረጋገጥ እና ኢትዮጵያን ከእህል አስመጪነት ወደ ላኪነት ማሸጋገር።

አፈጻጸም ፦ ግብርናው በመደመር መንግሥት ስር ትልቅ የመዋቅር ለውጥ ያሳየበት ዘርፍ ነው። በተለይም በበጋ መስኖ ስንዴ ልማት የተመዘገበው ውጤት ሀገሪቱን ወደ ስንዴ ላኪነት ያሸጋገረ ታሪካዊ ምዕራፍ ሆኗል።

2. ቱሪዝም ፡-

ቃል የተገባው፦ የቱሪስት መስህቦቻችንን አቧራ አራግፈን አሻራ እናኖራለን በሚል መርህ፣ ዘርፉን የሀገር ገጽታ መገንቢያና የውጭ ምንዛሬ ማግኛ ምሰሶ ማድረግ።

አፈጻጸም ፦ ዘርፉ ከፍተኛ መነቃቃት የታየበት ነው። በገበታ ለሸገር፣ ገበታ ለሀገር እና ገበታ ለትውልድ ፕሮጀክቶች አማካኝነት እንደ እንጦጦ፣ አንድነት ፓርክ፣ ጎርጎራ፣ ወንጪ እና በቅርቡ የተመረቀው የአርባምንጭ ኮንፈረንስ ሪዞርት ያሉን ጨምሮ አዳዲስና ዘመናዊ መዳረሻዎች ተገንብተዋል።

3. ማዕድን ፡-

ቃል የተገባው፦ የሀገሪቱን የማዕድን ሀብት በአግባቡ ማልማት፣ ህገ-ወጥ የማዕድን ዝውውርን መቆጣጠር እና ዘርፉን የብሔራዊ ኢኮኖሚ ሉዓላዊነት ምሰሶ ማድረግ።

አፈጻጸም ፦ መንግሥት የድንጋይ ከሰል ምርትን በማሳደግ የውጭ ምንዛሪን ለማዳን የጀመረው ስራ እና የወርቅ ግዢ አሰራርን በማዘመን የሀገር ውስጥ ገበያ ድርሻን ከፍ ለማድረግ ያደረገው ጥረት የሚጠቀስ ነው።

4. አይሲቲ እና ዲጂታል ኢኮኖሚ:-

ቃል የተገባው፦ የቴሌኮም ገበያውን ለግሉ ዘርፍ ክፍት ማድረግ፣ ዲጂታል ኢትዮጵያ 2025 ስትራቴጂን መተግበር እና የቢሮክራሲ አገልግሎቶችን ዲጂታላይዝ ማድረግ።

አፈጻጸም ፦ የመደመር መንግሥት በትልቅ ቁርጠኝነት ካሳካቸው ጉዳዮች አንዱ የኢትዮ ቴሌኮም ሞኖፖሊን ሰብሮ ሳፋሪኮምን ወደ ገበያ ማስገባት እና የዲጂታል ክፍያ ስርዓትን ማስፋፋት ነው። የፋይዳ ብሔራዊ መታወቂያ እና የቴሌብር/ባንኪንግ መተግበሪያዎች የዜጎችን የዕለት ተዕለት ሕይወትና የንግድ እንቅስቃሴ አቅልለዋል።

5. አምራች ኢንዱስትሪ:-

ቃል የተገባው፦ የሀገር ውስጥ አምራችነትን ማሳደግ፣ ከውጭ የሚገቡ ምርቶችን መተካት እና ለዜጎች ሰፊ የሥራ ዕድል መፍጠር።

አፈጻጸም ፦ በሀገር አቀፍ ደረጃ በተከፈተው ኢትዮጵያ ታምርት ንቅናቄ አማካኝነት ከውጭ የሚገቡ ምርቶችን በሀገር ውስጥ የመተካት አቅም 58 በመቶ ደርሷል።

በአጠቃላይ ባለፉት አምስት ዓመታት
በአምስቱ የኢኮኖሚ ምሰሶዎች በመደመር መንግሥት መሪነት የተመዘገቡት ስኬቶች መንግሥት ገቢር-ነበብ እና ተግባር ተኮር መሆኑን ያሳዩ ናቸው።

እንደገና የተወለደው ቀበና…

አዲስ አበባ፣ ሰኔ 25፣ 2018 (ኤፍ ኤም ሲ) የእንጦጦ-ቀበና የወንዝ እና የወንዝ ዳርቻ ልማት ፕሮጀክት በቅርቡ ጠቅላይ ሚኒስትር ዐቢይ አሕመድ (ዶ/ር) እና ከንቲባ አዳነች አቤቤ በተገኙበት ተመርቆ ለአገልግሎት ክፍት ሆኗል፡፡

በ87 ነጥብ 6 ሔክታር መሬት ያረፈው እና 10 ነጥብ 5 ኪሎ ሜትር የሚረዝመው ፕሮጀክቱ የወንዝ መከላከያ ግንቦችን፣ ዘመናዊ ድልድዮችን እና ሰፊ አረንጓዴ ሥፍራዎችን ይዟል።

ይህ ቀበናን ውብ ገጽታ ያለበሰው እና የትውልድ ዐሻራ ያረፈበት ፕሮጀክት ነዋሪዎቿን አስደስቷል።

የቀበና ነዋሪዎቹ አቶ አለማየሁ፣ አቶ አወቀ እና ወ/ሮ መሰሉ ስለ ቀበና ልማት ድሮና ዘንድሮን እያነሱ ከፋና ፖድካስት ጋር ቆይታ አድርገዋል፡፡

አቶ አወቀ÷ የነዋሪው ቁጥር እየጨመረ ሲመጣ ንጹህ የነበረው የቀበና ወንዝ እየተበከለ እና የመጸዳጃ ቤት ፍሳሽ እየተለቀቀበት ቀድሞ የነበረውን ውበትና ገፅታውን እንዳጣ ያስታውሳሉ፡፡ በዚህ ምክንያት ለነዋሪው የማይመች እና ጤናን የሚነሳ ሆነ ይላሉ፡፡

ቀበና አካባቢ ተወልደው ላለፉት 49 ዓመታት የኖሩት ወ/ሮ መሰሉ በበኩላቸው÷ የቀበና የቀድሞ ገፅታ በጫካ የተሸፈነ መሆኑን ይናገራሉ። በቀበና ወንዝ ቅዳሜ እና እሑድ ልጆች ጊዜያቸውን በዋና እና ሌሎች ጨዋታዎች የሚያሳልፉበት እንደነበር ያስታውሳሉ።

በሒደትም ቦታው መበከሉንና ለመዋኘት ቀርቶ ለማየት ደስ ወደማይል ገጽታ መቀየሩን ነው የሚያስረዱት፡፡

ሌላው የቀበና ነዋሪ አቶ አለማየሁ በ1959 ዓ.ም ነው በቀበና የተወለዱት፡፡ ስለአከባቢውም ብዙ ትዝታ አላቸው፡፡ መንገዱ አስቸጋሪ ስለነበር እና በአንድ ወቅት አዳልጧቸው ቀበና ወንዝ ውስጥ በመግባታቸው ከስራ እንደቀሩ ያስታውሳሉ፡፡ አሁን ያ ሁሉ ተለውጦ እንዲህ ተውቦ በማየታቸው "ራሴን እንደ እድለኛ እቆጥረዋለሁ" ይላሉ፡፡

"ቀደምት ሰዎች እኔ ያየሁትን ቢያዩ" ሲሉ ቁጭታቸውን የገለፁት ነዋሪው በተወለዱበት ቦታ ላይ በአሁኑ ወቅት ውብ የህጻናት መጫወቻ መሰራቱን በማየታቸው እንደተደሰቱ ተናግረዋል። አቶ አለማየሁ በዚህ ምክንያት "አባቴ እዛ ቦታ ላይ ሐውልት እንደተሰራለት እቆጥረዋለሁ" ሲሉም የተሰማቸውን ደስታ ገልጸዋል፡፡

ወ/ሮ መሰሉ በተሰራው ልማት የቀበና ገጽታ ተለውጦ በማየታቸው መደሰታቸውን ገልጸው÷ ልጆች እና ወጣቶች ምቹና ጤናማ በሆነ አካባቢ እንዲያድጉ ያስችላል ብለዋል፡፡

በልማቱ ቀበና ውበት መላበሷ እንዳስደሰታቸው የሚናገሩት አቶ አወቀ÷ የአካባቢው ማሕበረሰብ ከልማቱ ተጠቃሚ በመሆኑ ሊጠብቀውና ሊንከባከበው ይገባል ሲሉ አስገንዝበዋል፡፡

ቀበና ድምጻዊ ጸሀዬ ዮሐንስ የተወለደባት፣ የቦረቀባት፣ የዋኘባትና ያዜመላት መሆኗን የገለጹት አቶ አወቀ÷ "ጸሐዬ ቀበና ላይ የሙዚቃ ድግስ አዘጋጅቶ ቀበናን ቀበና ማሰኘት አለበት" ነው ያሉት፡፡

በቴዎድሮስ ሳህለ

የቀበና ነዋሪዎች ከፋና ፖድካስት ጋር ያደረጉትን ቆይታ ለመከታተል ማስፈንጠሪያውን ይጫኑ https://youtube.com/watch?...

የአዲስ አበባ ሯጮች በአፍሪካ እምብርት ላይ በሚካሄድ ማራቶን ላይ እንዲሳተፉ ግብዣ ቀረበ
#ethiopia | በኢትዮዽያ ሩጫ ከስፖርት በላይ ነው ፤ ሩጫ የሀገር ኩራት፣ የጋራ በዓል፣ የጤና ፣ የህብረተሰብ ትስስር እና የነፍስ ደስታ ነው።

በአፍሪካ ዕምብርቷ ኡጋንዳም ተመሳሳይነት ያለውን ስሜት ለመጋራት፣ ታላቁ ሩጫ በኢትዮዽያ ከተስከር ላይት ሩዌንዞሪ ማራቶን ጋር በመተባበር ለሩጫ ወዳጆች ጥሪን አቅርቧል።

ኢትዮጵያ እና ኡጋንዳ የምስራቅ አፍሪካን ተራራማ መልክዓ ምድር ብቻ ሳይሆን፣ እያንዳንዱን የሩጫ ውድድር ወደ ታላቅ በዓል የመቀየር ተመሳሳይ ባህል አላቸው። ከአዲስ አበባ ለሚሄዱ ሯጮች በካሴሴ የሚስተዋለው የባህል ድባብ፣ ሙዚቃ እና የህዝብ አቀባበል እንደ ቤት እንዲሰማ የሚያደርግ የቅርብነት ስሜት አለው።

በሰኔ 27 ቀን 2018 ዓ.ም. በአዲስ አበባ፣ በእንጦጦ ፓርክ ሲቢኢ ሩጫ ላይ የሚሳተፉ እና ሌሎችም የሩጫ አፍቃሪያን፣ ያንኑ የሩጫ መንፈስ በመያዝ ከሀገር ውጪ በመጓዝ ውድድሩን እንዲቀላቀሉ እንጋብዛለን።

ነሐሴ 16 ቀን 2018 ዓ.ም. በኡጋንዳ፣ ካሴሴ ከተማ የሚካሄደው ተስከር ላይት ሩዌንዞሪ ማራቶን፣ ከአዲስ አበባ የባህር ዛፍ ጠረን ካለው ቀዝቃዛ አየር ወደ ሳቫናው ግርማ ሞገስ እና ወደ ሩዌንዞሪ ተራሮች ግርጌ የሚያደርጉት ልዩ የሩጫ ጉዞ ነው። በኢትዮጵያ የክረምቱ ዝናብና ቅዝቃዜ ሲጠነከር፣ በዩጋንዳ ካሴሴ ደግሞ ሞቅ ያለ ፀሐይና የኢኩዌተር መስመር ላይ የሚደረግ ውድድር ይጠብቅዎታል።

የተስከር ላይት ሩዌንዞሪ ማራቶን የዓለም አትሌቲክስ ሌብል (World Athletics Label Road Race) ደረጃ ያለዉ ዉድድር ነዉ። ይህም በአትሌቶች ጥራት እና በአደረጃጀት በዓለም ላይ ካሉ ምርጥ 200 ውድድሮች አንዱ ያደርገዋል። በውድድሩ ከማራቶን በተጨማሪ በ5 ኪ.ሜ.፣ 10 ኪ.ሜ.፣ እና 21 ኪ.ሜ . (ግማሽ ማራቶን) መሳተፍ ይችላሉ።

የሩጫው መስመር በዩኔስኮ የዓለም ቅርስ በሆነው የንግስት ኤልሳቤጥ ብሔራዊ ፓርክ ይጀምራል። በከበሮና በሙዚቃ በምትደምቀው የካሴሴ ከተማ መንገዶች አድርጎ፣ በበረዶ በተሸፈኑት የሩዌንዞሪ ተራሮች ግርጌ በሚገኘው አስደናቂው የኪሌምቤ ሸለቆ ይዘልቃል። ማጠናቀቂያው ላይ ሲደርሱ፣ ከኋላዎ የተዘረጋው ግዙፍ የተራራ ሰንሰለት ለእርስዎ የሚሰጠው ስሜት ምን ያህል ድንቅ እንደሆነ በራስዎ ይመሰክራሉ።

እንዴት መመዝገብ ይቻላል?

ይህንን ታላቅ የሩጫ በዓል ለመቀላቀል እና በውድድሩ ላይ ለመሳተፍ፣ አሁኑኑ ከዚህ በታች በተቀመጠው ድረ-ገጽ አማካኝነት በመግባት መመዝገብ ይችላሉ።

www.rwenzorimarathon.com/r...

ቀደም ሲል በባህር ዛፍ ደን ብቻ ይታወቅ የነበረው ታሪካዊው የእንጦጦ ተራራ፣ ዛሬ ለገበያ ከፍተኛ እሴት ያለው እና ለሥነ-ምግብ ጠቃሚ የሆነው እንጆሪ በስፋት የሚመረትበት ስፍራ መሆኑ በተግባር ተረጋግጧል።

➡https://youtu.be/5UyyrcjM8...
#ethiopia #ebc #pmabiyahmed #strawberry #entoto