(ዘ-ሐበሻ ዜና) ‹‹ሩሲያ የኬይቭ ነዋሪዎችን በግዳጅ ከዋና ከተማዋ ለማስወጣት እየሞከረች ነው›› ሲሉ ዘለንስኪ ገለፁ፡፡ የዩክሬይኑ ፕሬዝደንት ቮሎዶሚር ዘለንስኪ ዛሬ በሰጡት ቃለምልልስ የሩሲያ ሀይሎች በኬይቭ ሲቪል መሰረተ ልማቶችና ትምህርት ቤቶች ላይ የሚፈፅሙትን ጥቃት አጠናክረው መቀጠላቸውን አስታወቁ፡፡ ይህንንም የዋና ከተማዋ ነዋሪዎች ለቀው እንዲወጡ የሚደረግ ጫና አድርገው ገልፀውታል፡፡

ፕሬዝደንቱ ኤል ፓይስ ከተሰኘው የስፔን ጋዜጣ ጋር ባደረጉት ቃለ ምልልስ ሩሲያ ከቀናት በፊት በኬይቭ አንድ ትምህርት ቤት አቅራቢያ የድሮን ጥቃት መፈፀሟን አስረድተዋል፡፡ እንዲህ አይነት ድርጊት እየተደጋገመ መምጣቱን ገልፀውም የሩሲያ ስትራቴጂ አንድም ከተማዋን ማውደም፣ ሁለትም ነዋሪዎቹ ለቀው እንዲወጡ ማስገደድ እንደሆነ ተናግረዋል፡፡ ጨምረውም ከቅርብ ጊዜያት ወዲህ ሩሲያ ጥቃቷን አጠናክራ መቀጠሏን ገልፀው ይህንንም ‹‹ከአሜሪካ ፖለቲካ ጊዜ ሰሌዳ ጋር የተጣጠመ ነው›› ብለውታል፡፡ ሲያስረዱም በአሜሪካ በቅርቡ የሚካሄደውን የአጋማሽ ወይንም ሚድ ተርም ምርጫ ጠቅሰዋል፡፡ ፕሬዝደንቱ እንደገለፁት አሁን የሞስኮ መንግስት እየተጠቀመበት ያለው ስልት ይህ ጦርነት በተጀመረበት ወቅት ከነበረው ጋር ተመሳሳይ ነው፡፡ በየካቲት ወር 2022 ሩሲያ ወረራውን ስትጀምር ኬይቭን ለመቆጣጠርና የዩክሬይንን መንግስት በማዳከም መጠነ ሰፊ ጥቃት መክፈቷን አውስተዋል፡፡









(ዘ-ሐበሻ ዜና) ‹‹ሩሲያ የኬይቭ ነዋሪዎችን በግዳጅ ከዋና ከተማዋ ለማስወጣት እየሞከረች ነው›› ሲሉ ዘለንስኪ ገለፁ፡፡ የዩክሬይኑ ፕሬዝደንት ቮሎዶሚር ዘለንስኪ ዛሬ በሰጡት ቃለምልልስ የሩሲያ ሀይሎች በኬይቭ ሲቪል መሰረተ ልማቶችና ትምህርት ቤቶች ላይ የሚፈፅሙትን ጥቃት አጠናክረው መቀጠላቸውን አስታወቁ፡፡ ይህንንም የዋና ከተማዋ ነዋሪዎች ለቀው እንዲወጡ የሚደረግ ጫና አድርገው ገልፀውታል፡፡

ፕሬዝደንቱ ኤል ፓይስ ከተሰኘው የስፔን ጋዜጣ ጋር ባደረጉት ቃለ ምልልስ ሩሲያ ከቀናት በፊት በኬይቭ አንድ ትምህርት ቤት አቅራቢያ የድሮን ጥቃት መፈፀሟን አስረድተዋል፡፡ እንዲህ አይነት ድርጊት እየተደጋገመ መምጣቱን ገልፀውም የሩሲያ ስትራቴጂ አንድም ከተማዋን ማውደም፣ ሁለትም ነዋሪዎቹ ለቀው እንዲወጡ ማስገደድ እንደሆነ ተናግረዋል፡፡ ጨምረውም ከቅርብ ጊዜያት ወዲህ ሩሲያ ጥቃቷን አጠናክራ መቀጠሏን ገልፀው ይህንንም ‹‹ከአሜሪካ ፖለቲካ ጊዜ ሰሌዳ ጋር የተጣጠመ ነው›› ብለውታል፡፡ ሲያስረዱም በአሜሪካ በቅርቡ የሚካሄደውን የአጋማሽ ወይንም ሚድ ተርም ምርጫ ጠቅሰዋል፡፡ ፕሬዝደንቱ እንደገለፁት አሁን የሞስኮ መንግስት እየተጠቀመበት ያለው ስልት ይህ ጦርነት በተጀመረበት ወቅት ከነበረው ጋር ተመሳሳይ ነው፡፡ በየካቲት ወር 2022 ሩሲያ ወረራውን ስትጀምር ኬይቭን ለመቆጣጠርና የዩክሬይንን መንግስት በማዳከም መጠነ ሰፊ ጥቃት መክፈቷን አውስተዋል፡፡

የብሪክስ+ የፋሽን ጉባዔ እና የሞስኮ የፋሽን ሳምንት የዓለምን ትኩረት ስቧል
******************

የዓለም አቀፍ የፋሽን ማዕከል ትኩረት ወደ ሞስኮ የዞረበት የብሪክስ+ የፋሽን ጉባኤ እና የሞስኮ የፋሽን ሳምንት ትናንት በይፋ የጀመረ ሲሆን፣ በታሪካዊው ክሬምሊን አቅራቢያ የሚገኘውን ማኔዥ የኤግዚቢሽን አዳራሽን በደማቅ የፋሽን ድባብ አድምቆታል።

ከ70 በላይ ማራኪ የመድረክ ትርዒቶች እና የቀይ ምንጣፍ ሥነ-ሥርዓቶችን ያካተተው ይህ መርሐ ግብር፣ ትናንት በከፍተኛ የፋሽን ዲዛይኖች፣ በዘመናዊ የጎዳና አልባሳት እና በባህላዊ እሴቶች ቅንብር የተከፈተ ሲሆን፣ ዛሬም በበርካታ ደማቅ ዝግጅቶች ቀጥሎ ይገኛል።

በትናንቱ የመክፈቻ ዝግጅት ከዓለም ዙሪያ የተውጣጡ የፈጠራ ባለቤቶች ያቀረቧቸው ስብስቦች ከፍተኛ አድናቆትን አትርፈዋል።

ትርዒቱ ታዋቂ ዓለም አቀፍ እና የሩስያ ብራንዶች ባህላዊ የእጅ ጥበብን ከዘመናዊ ፋሽን ጋር በማቀናጀት ያቀረቡበት ነበር።

ዲዛይነሮቹ ባህላዊ ጥልፎችን፣ ማራኪ ቅርጾችን እና ባህላዊ የሸማ ጥበቦችን በመጠቀም ጥንታዊ የባህል እሴቶችን ለዝነጣ ተስማሚ ወደሆኑ ዘመናዊ አልባሳት ቀይረው አቅርበዋል።

በመክፈቻው ከበርካታ ሀገራት የተውጣጡ ታዋቂ የፋሽን ተፅዕኖ ፈጣሪዎች እና የመገናኛ ብዙኃን ባለሙያዎች በመገኘት ለዝግጅቱ ልዩ ድምቀት ሰጥተውታል።

ከመድረክ ትርዒቶቹ ጎን ለጎን የዓለም አቀፍ ፋሽን መሪዎች እና ልዑካን በወደፊቱ የፋሽን ኢንዱስትሪ፣ በሰው ሰራሽ አስተውሎት (AI) ዲዛይን፣ ለአካባቢ ተስማሚ በሆኑ ጨርቃጨርቅ እና በአዲስ አህጉር አቋራጭ የፋሽን ትስስሮች ላይ ያተኮሩ ውይይቶችን ያደርጋሉ።

ዲዛይነሮች አዳዲስ ሥራዎቻቸውን ቀኑን ሙሉ በሚያቀርቡበት በዚህ ዝግጅት፣ ፋሽን የዓለም ሕዝቦችን የሚያገናኝ ማራኪ የፈጠራ ጥበብ መሆኑን በድጋሚ አስመስክሯል።

ኢቢሲ ከቦታው የሚካሄዱትን ዝግጅቶች እየተከታተለ ወደናንተ የሚያደርስ ይሆናል።
#russia #moscow #brics +FashionSummit #moscowfashionweek #fashion #ebc



































የብሪክስ+ የፋሽን ጉባዔ እና የሞስኮ የፋሽን ሳምንት የዓለምን ትኩረት ስቧል
******************

የዓለም አቀፍ የፋሽን ማዕከል ትኩረት ወደ ሞስኮ የዞረበት የብሪክስ+ የፋሽን ጉባኤ እና የሞስኮ የፋሽን ሳምንት ትናንት በይፋ የጀመረ ሲሆን፣ በታሪካዊው ክሬምሊን አቅራቢያ የሚገኘውን ማኔዥ የኤግዚቢሽን አዳራሽን በደማቅ የፋሽን ድባብ አድምቆታል።

ከ70 በላይ ማራኪ የመድረክ ትርዒቶች እና የቀይ ምንጣፍ ሥነ-ሥርዓቶችን ያካተተው ይህ መርሐ ግብር፣ ትናንት በከፍተኛ የፋሽን ዲዛይኖች፣ በዘመናዊ የጎዳና አልባሳት እና በባህላዊ እሴቶች ቅንብር የተከፈተ ሲሆን፣ ዛሬም በበርካታ ደማቅ ዝግጅቶች ቀጥሎ ይገኛል።

በትናንቱ የመክፈቻ ዝግጅት ከዓለም ዙሪያ የተውጣጡ የፈጠራ ባለቤቶች ያቀረቧቸው ስብስቦች ከፍተኛ አድናቆትን አትርፈዋል።

ትርዒቱ ታዋቂ ዓለም አቀፍ እና የሩስያ ብራንዶች ባህላዊ የእጅ ጥበብን ከዘመናዊ ፋሽን ጋር በማቀናጀት ያቀረቡበት ነበር።

ዲዛይነሮቹ ባህላዊ ጥልፎችን፣ ማራኪ ቅርጾችን እና ባህላዊ የሸማ ጥበቦችን በመጠቀም ጥንታዊ የባህል እሴቶችን ለዝነጣ ተስማሚ ወደሆኑ ዘመናዊ አልባሳት ቀይረው አቅርበዋል።

በመክፈቻው ከበርካታ ሀገራት የተውጣጡ ታዋቂ የፋሽን ተፅዕኖ ፈጣሪዎች እና የመገናኛ ብዙኃን ባለሙያዎች በመገኘት ለዝግጅቱ ልዩ ድምቀት ሰጥተውታል።

ከመድረክ ትርዒቶቹ ጎን ለጎን የዓለም አቀፍ ፋሽን መሪዎች እና ልዑካን በወደፊቱ የፋሽን ኢንዱስትሪ፣ በሰው ሰራሽ አስተውሎት (AI) ዲዛይን፣ ለአካባቢ ተስማሚ በሆኑ ጨርቃጨርቅ እና በአዲስ አህጉር አቋራጭ የፋሽን ትስስሮች ላይ ያተኮሩ ውይይቶችን ያደርጋሉ።

ዲዛይነሮች አዳዲስ ሥራዎቻቸውን ቀኑን ሙሉ በሚያቀርቡበት በዚህ ዝግጅት፣ ፋሽን የዓለም ሕዝቦችን የሚያገናኝ ማራኪ የፈጠራ ጥበብ መሆኑን በድጋሚ አስመስክሯል።

ኢቢሲ ከቦታው የሚካሄዱትን ዝግጅቶች እየተከታተለ ወደናንተ የሚያደርስ ይሆናል።
#russia #moscow #brics +FashionSummit #moscowfashionweek #fashion #ebc

(ዘ-ሐበሻ ዜና) በዛሬው ዕለት እሁድ መስከረም 17 ቀን በስዊዘርላንድ በሚካሄደው ሀገር አቀፍ የህዝበ ውሳኔ ላይ ሀገሪቱ ያላትን የገለልተኝነት ፖሊሲ ይበልጥ የሚያጠብቅ አዲስ የህግ ማሻሻያ ቀርቧል። ይሁን እንጂ የስዊዘርላንድ መንግስት እና ፓርላማው፣ ህዝቡ ይህንን ጥያቄ ውድቅ እንዲያደርገው አጥብቀው እየጠየቁ ይገኛሉ።

የውዝግቡ መነሻ የሆነውና "የስዊዘርላንድን ገለልተኝነት መጠበቅ" የተሰኘው ይህ አዲስ የህግ ጥያቄ የመጣው፣ እንደ አውሮፓውያኑ አቆጣጠር በ2022 የዩክሬን ጦርነት መባባሱን ተከትሎ ስዊዘርላንድ ከአውሮፓ ህብረት ጋር በማበር በሩሲያ ላይ የጣለችውን ማዕቀብ የሚቃወሙ የፖለቲካ ኃይሎች ባደረጉት ግፊት ነው። እስካለፈው ሀምሌ ወር ድረስ ስዊዘርላንድ 8.5 ቢሊዮን የስዊዝ ፍራንክ የሚገመት የሩሲያ ኩባንያዎችና ግለሰቦች ሀብት፣ እንዲሁም 6.8 ቢሊዮን ፍራንክ የሩሲያ ማዕከላዊ ባንክ ገንዘብ አግዷል። በዚህም ምክንያት ሞስኮ ስዊዘርላንድ ታማኝ ገለልተኛ አሸማጋይ መሆኗ አብቅቷል ስትል ደጋግማ ወቅሳለች።
በቀኝ ዘመሙ የስዊዘርላንድ ህዝቦች ፓርቲ በዋናነት የሚደገፈው ይህ አዲስ ህግ ቢጸድቅ የሀገሪቱን ገለልተኝነት ህገ-መንግስታዊ እና ዘላለማዊ ያደርገዋል። ይኸውም ሀገሪቱ በተባበሩት መንግስታት ድርጅት ካልተፈቀደ በስተቀር በየትኛውም ሀገር ላይ በግሏ ማዕቀብ መጣል እንደማትችል እና ቀጥተኛ ወታደራዊ ጥቃት ካልተሰነዘረባት በቀር ከየትኛውም ወታደራዊ ጥምረት ጋር መተባበር እንደማትችል የሚደነግግ ነው። የፓርቲው መሪዎች ገለልተኝነት ተለዋዋጭ ሊሆን እንደማይችል እና አሁን መንግስት እየሄደበት ያለው መንገድ የሀገሪቱን ታማኝነት የሚያሳጣ መሆኑን ይገልጻሉ።

የስዊዘርላንድ መንግስት በበኩሉ ይህ የጠነከረ ህግ የሀገሪቱን የድርጊት ነፃነት የሚገድብ እና ብሄራዊ ደህንነቷን የሚያዳክም ነው በሚል አጥብቆ ተቃውሞታል። የውጭ ጉዳይ ሚኒስትሩ ኢግናዚዮ ካሲስ እንዳሉት፣ ቀውሶች እስኪከሰቱ መጠበቅ አደጋ አለው በማለት፣ ገለልተኝነት ማለት ቀጥተኛ ምላሽ መስጠት ማለት እንዳልሆነና ኃላፊነትን መውሰድ እንዲሁም የሀገርን ጥቅም ማመዛዘንን እንደሚጠይቅ አብራርተዋል። በዚህም ማዕቀብ የመጣል መብታቸውን አሳልፈው እንደማይሰጡ አስታውቀዋል።

ከህዝበ ውሳኔው አስቀድሞ በ12,948 መራጮች ላይ የተደረገ የዳሰሳ ጥናት እንዳመለከተው፣ 68 በመቶ የሚሆነው መራጭ አዲሱን የገለልተኝነት ህግ ሲቃወመው፣ 31 በመቶው ብቻ ድጋፉን ሰጥቷል። በስዊዘርላንድ የፖለቲካ ታሪክ መራጮች በአብዛኛው የመንግስትን የውሳኔ ሃሳብ የመደገፍ አዝማሚያ አላቸው።









(ዘ-ሐበሻ ዜና) በዛሬው ዕለት እሁድ መስከረም 17 ቀን በስዊዘርላንድ በሚካሄደው ሀገር አቀፍ የህዝበ ውሳኔ ላይ ሀገሪቱ ያላትን የገለልተኝነት ፖሊሲ ይበልጥ የሚያጠብቅ አዲስ የህግ ማሻሻያ ቀርቧል። ይሁን እንጂ የስዊዘርላንድ መንግስት እና ፓርላማው፣ ህዝቡ ይህንን ጥያቄ ውድቅ እንዲያደርገው አጥብቀው እየጠየቁ ይገኛሉ።

የውዝግቡ መነሻ የሆነውና "የስዊዘርላንድን ገለልተኝነት መጠበቅ" የተሰኘው ይህ አዲስ የህግ ጥያቄ የመጣው፣ እንደ አውሮፓውያኑ አቆጣጠር በ2022 የዩክሬን ጦርነት መባባሱን ተከትሎ ስዊዘርላንድ ከአውሮፓ ህብረት ጋር በማበር በሩሲያ ላይ የጣለችውን ማዕቀብ የሚቃወሙ የፖለቲካ ኃይሎች ባደረጉት ግፊት ነው። እስካለፈው ሀምሌ ወር ድረስ ስዊዘርላንድ 8.5 ቢሊዮን የስዊዝ ፍራንክ የሚገመት የሩሲያ ኩባንያዎችና ግለሰቦች ሀብት፣ እንዲሁም 6.8 ቢሊዮን ፍራንክ የሩሲያ ማዕከላዊ ባንክ ገንዘብ አግዷል። በዚህም ምክንያት ሞስኮ ስዊዘርላንድ ታማኝ ገለልተኛ አሸማጋይ መሆኗ አብቅቷል ስትል ደጋግማ ወቅሳለች።
በቀኝ ዘመሙ የስዊዘርላንድ ህዝቦች ፓርቲ በዋናነት የሚደገፈው ይህ አዲስ ህግ ቢጸድቅ የሀገሪቱን ገለልተኝነት ህገ-መንግስታዊ እና ዘላለማዊ ያደርገዋል። ይኸውም ሀገሪቱ በተባበሩት መንግስታት ድርጅት ካልተፈቀደ በስተቀር በየትኛውም ሀገር ላይ በግሏ ማዕቀብ መጣል እንደማትችል እና ቀጥተኛ ወታደራዊ ጥቃት ካልተሰነዘረባት በቀር ከየትኛውም ወታደራዊ ጥምረት ጋር መተባበር እንደማትችል የሚደነግግ ነው። የፓርቲው መሪዎች ገለልተኝነት ተለዋዋጭ ሊሆን እንደማይችል እና አሁን መንግስት እየሄደበት ያለው መንገድ የሀገሪቱን ታማኝነት የሚያሳጣ መሆኑን ይገልጻሉ።

የስዊዘርላንድ መንግስት በበኩሉ ይህ የጠነከረ ህግ የሀገሪቱን የድርጊት ነፃነት የሚገድብ እና ብሄራዊ ደህንነቷን የሚያዳክም ነው በሚል አጥብቆ ተቃውሞታል። የውጭ ጉዳይ ሚኒስትሩ ኢግናዚዮ ካሲስ እንዳሉት፣ ቀውሶች እስኪከሰቱ መጠበቅ አደጋ አለው በማለት፣ ገለልተኝነት ማለት ቀጥተኛ ምላሽ መስጠት ማለት እንዳልሆነና ኃላፊነትን መውሰድ እንዲሁም የሀገርን ጥቅም ማመዛዘንን እንደሚጠይቅ አብራርተዋል። በዚህም ማዕቀብ የመጣል መብታቸውን አሳልፈው እንደማይሰጡ አስታውቀዋል።

ከህዝበ ውሳኔው አስቀድሞ በ12,948 መራጮች ላይ የተደረገ የዳሰሳ ጥናት እንዳመለከተው፣ 68 በመቶ የሚሆነው መራጭ አዲሱን የገለልተኝነት ህግ ሲቃወመው፣ 31 በመቶው ብቻ ድጋፉን ሰጥቷል። በስዊዘርላንድ የፖለቲካ ታሪክ መራጮች በአብዛኛው የመንግስትን የውሳኔ ሃሳብ የመደገፍ አዝማሚያ አላቸው።

(ዘ-ሐበሻ ዜና) ሩሲያ በኬይቭ ላይ መጠነ ሰፊ ጥቃት ስትፈፅም ዩክሬይን ደግሞ በሞስኮ የሚገኝ ነዳጅ ማጣሪያን መታች፡፡ በዛሬው እለት በሩሲያ ባሽኮርቶስታን ክልል ውስጥ በተፈፀሙ የድሮን ጥቃቶች የእሳት ቃጠሎዎች መነሳታቸው ተዘግቧል፡፡ እነዚህ ቃጠሎዎች የደረሱት ከዩክሬይን ድንበር 1300 እና 1400 ኪሎ ሜትር ርቀት ላይ ሲሆን የዩክሬይን መከላከያ ሀይል እንደገለፀው ኢላማ ያደረገው በኖቮ ኡፋ የነዳጅ ማጣሪያ ግቢ ውስጥ የሚገኙ ማማዎችን ነው፡፡

በዚህም በማጣሪያው የስራ እንቅስቃሴ ላይ ከፍተኛ ጉዳት ማድረሱን አስታውቋል፡፡ ይህንን ጥቃት የሩሲያ ባለስልጣናት ያላረጋገጡ ቢሆንም በተሰራጩ ፎቶግራፎች ግን በነዳጅ ማጣሪያው አካባቢ ጭስ እንደነበር ለመረዳት ተችሏል፡፡ የሩሲያ አየር መከላከያ እንደገለፀው በዛሬው እለት ክሬሚያንና አዞቭን ጨምሮ ወደተለያዩ የሩሲያ ግዛቶች የተላኩ 514 ድሮኖችን ለመጥለፍና ለማውደም ችሏል፡፡ ዩክሬይን ይህንን ጥቃት የፈፀመችው በዋና ከተማዋ ኬይቭ ላይ የተደረገውን መጠነ ሰፊ ጥቃት ተከትሎ ነው፡፡

ፕሬዝደንት ዘለንስኪ በተመድ ጠቅላላ ጉባኤ እየተሳተፉ በሚገኙበት በዚህ ወቅት በደረሰው ጥቃት ቢያንስ 2 ሰዎች ሲገደሉ ከ22 በላይ ቆስለዋል፡፡ እንዲሁም የኬይቭ የባቡር ጣቢያ በደረሰበት ጉዳት አገልግሎት ለማቋረጥ ተገዷል፡፡

28 ሰአት የሚፈጀውን የሩሲያ የባቡር ጉዞ «በአሸናፊ ማስታወሻ»
(ባሪያስ በዛብህ)

​ከስፋቷ የተነሳ ከአሥራ አንድ በላይ የሰዓት አቆጣጠር ያላት የአለማችን ቁጥር አንድ ግዙፍ ሀገር ራሽያ፤ የInternational Festival of Youth 2026 መድረክን ለመታደም በሩሲያ ግብዣ እዚያ ተገኝቼ ነበር። የሩሲያ ዘንድሮ ፌስቲቫል በየካተሪንበርግ ከተማ እንዲካሄድ የሩሲያ ፕሬዚዳንት ቭላድሚር ፑቲን ትእዛዝ ስለነበር፣ ሞስኮ ከገባን በኋላ ለሃያ ስምንት ሰዓታት በባቡር መጓዝ ነበረብኝ (ደርሶ መልስ ሐምሳ ስድስት ሰዓት ማለት ነው)።

​ታዲያ ጉዞዎ እንዴት ነበር ካላችሁኝ፦ «ሦስት ነገሮች አጠገብዎ ካሉ ጉዞ ቀላል ነው፤ ሦስቱ ነገሮች ምን ምን ናቸው ካላችሁኝ ደግሞ፡ ቆንጆ ሙዚቃ፣ ቆንጆ ሴት እና ቆንጆ መጽሐፍ»። ታዲያ ከሦስቱ ሁለቱ አብረውኝ ነበሩ—ሙዚቃው እና መጽሐፉ። መጽሐፉም በቅርቡ ለገበያ የቀረበው የወንድሜ የአርቲስት አሸናፊ ማህሌት «የአሸናፊ ማስታወሻ» የተሰኘው መጽሐፍ ነው።

​ታዲያ በመጽሐፉ ምን አገኘህ ካላችሁኝ፦
​በህይወት ስትኖሩ በምን አይነት የህይወት መከራ ውስጥ አልፋችኋል? የናንተንስ የገጠማችሁን ችግር ከሰዎች ጋር ስታነጻጽሩ «አረ የኔ በስንት ጣዕሙ!» ትላላችሁ ወይስ «በኔ ልክ የአለምን መከራ የቀመሰ የለም» ብላችሁ «ለምን እኔ ብቻ?» በማለት ከራሳችሁ ጋር እንድታወሩ መጽሐፉ እድል ይሰጣችኋል።

​በተለምዶ «የኢትዮጵያ እናትነት ከሁሉ ይለያል» ለሚለው ሀገራዊ ወሬ፣ ይሄ መጽሐፍ ማረጋገጫ ይሰጣችኋል። ጠንቃቃ እናት አጠገብህ ከሌለች፣ ያለ አባት ያደጉ ልጆች ለአለም ምን አይነት ሰው እንደሚሆኑ የሚጠቁም ምክረ ሀሳብ ይሰጣችኋል። እንደሚያልፍ ስለምታውቅ፣ ለጊዜውም ቢሆን በማይመጥንህ ቦታ ታሳልፋለህ።
​በህይወት ዘመንህ በሩጫህ ወቅት ውሃ የሚቀብሉህ ደጋግ ሰዎች በህይወትህ ይገጥሙሃል። ተስፋ ቆርጠህ ከትራክህ ልትወጣ ስትል በቁጣና በግጻጼ ያበረቱህና ትራክህን ያስጨርሱሃል። ይህንን በመጽሐፉ ውስጥ ሳነብ፣ በህይወት አጋጣሚ ወደ ህይወታችን የመጡ ደጋግ ሰዎችን ብንሸጣቸው እንኳ መልሰን የምንከስረው እኛ መሆናችንን እንዲገባኝ አድርጎኛል።

​በአጠቃላይ፣ «ምን ገጥሟችሁ ከእግዚአብሔር ጋር እንዴት አሳለፋችሁት?» ይህንን እና ሌሎች ነገሮችን ስታነቡ ታገኙታላችሁ።
​አሸናፊ፣ ይህን መጽሐፍ ስትጽፍ መንፈስ ቅዱስ አብሮክ ነበርና አመስግን! ስለሰጠኸን ነገር ሁሉ በብዙ አመስግነናል።

የኢትዮጵያ ዲፕሎማሲ አዲስ ምዕራፍ፤ ደጅ የሚጠና ሳይሆን ደጅ የሚጠናለት
*******************

የብሪክስ አባል ሀገራት በአለምአቀፍ ደረጃ የተጽዕኖ አድማሳቸው የሰፋ፣ የዓለም አቀፍ የሀብት፣ የቴክኖሎጂ እና የሰፊ ገበያ ማዕከል መዳረሻ ናቸው።

የኢትዮጵያ በሳል ዲፕሎማሲያዊ አካሄድም ብዙ ሀገራት የሚመኙትን የዚህ ጥምረት አባል የመሆን መሻት እንድታሳካና ተጠቃሚ እንድትሆን አድርጓታል።

ከኢቲቪ ጋር ቆይታ ያደረጉ ምሁራን እንደገለፁት፣ ሀገራችን የጥምረቱ አባል መሆኗ በዓለም አቀፍ ደረጃ የሚደረጉ ጫናዎችን ተገዳድራ ተፅዕኖ መፍጠር የሚያስችላትን አቅም እንድትገነባ አስችሏታል።

የፖለቲካ ሳይንስ ምሁሩ ጌትነት ትርፌ (ዶ/ር)፤ የብሪክስ አባል መሆን በዓለም የበላይነት የሚደረጉ የዲፕሎማሲ እና የኢኮኖሚ ጫናዎችን መቋቋም የሚያስችል ትልቅ አቅም ይፈጥራል ብለዋል።

ኢትዮጵያ በብሪክስ ውስጥ የውሳኔ ሰጪነት ሚና፣ የትሩፋቱ ተሳታፊነት፣ ድርሻና መብት እንደሚኖራትም ጠቁመዋል።

አባልነቱ ቀድሞ የነበሩ የዲፕሎማሲ ግንኙነቶች በይበልጥ እንዲጠናከሩ ትልቅ ዕድል እንደሚፈጥር የጠቆሙት ዶክተር ጌትነት፤ "ከዚህ በኋላ የኢትዮጵያ ዲፕሎማሲ ደጅ የሚጠና ሳይሆን ደጅ የሚጠናለት ነው" ብለዋል።

የብሪክስ ብሔራዊ ጥቅም በተጠናከረ ቁጥር የኢትዮጵያ ዲፕሎማሲም አብሮ እየተጠናከረ እንደሚሄድም አብራርተዋል።

የፖለቲካ ኢኮኖሚ ተመራማሪው አሊ ሁሴን (ዶ/ር) በበኩላቸው፤ ኢትዮጵያ የብሪክስ አባልና ተፅዕኖ ፈጣሪ መሆኗ ለራሷ ብቻ ሳይሆን የአፍሪካ ድምፅ በዓለም አቀፍ መድረክ ከፍ ብሎ እንዲሰማ ትልቅ ዕድል እንደሚፈጥር ገልፀዋል።

በተጨማሪም ከብሪክስ አባል ሀገራት ጋር የሚኖረው የንግድ እና የኢንቨስትመንት ትስስር የኢትዮጵያን የኢኮኖሚ እድገት እንደሚያፋጥነው ተመራማሪው ተናግረዋል።

ኢትዮጵያ ከህንድ እስከ ቻይና፣ ከሞስኮ እስከ አቡዳቢ፣ ከደቡብ አፍሪካ እስከ ብራዚል ያለውን የንግድ እና ኢንቨስትመንት ግንኙነት በማጠናከር አዳዲስ ገበያዎችንና የፋይናንስ ምንጮችን እንድታገኝ ያስችላታል ነው ያሉት።

ኢትዮጵያ ወደ ብሪክስ ጥምረት መቀላቀሏ ከደህንነት ስጋት ወጥታ ወደ ብልፅግና ጎዳና የመሸጋገሯ ታላቅ ማረጋገጫ መሆኑን ያነሱት ተመራማሪው፣ ለአፍሪካ አህጉርም የድልድይነት ሚናዋን እንድትጫወት የሚያስችላት አዲስ ምዕራፍ መሆኑን አመልክተዋል።

በሀይማኖት ከበደ

(ዘ-ሐበሻ ዜና) ሩሲያ እና ቻይና፣ አሜሪካ በኢራን ላይ የተጣለውን ማዕቀብ አፈጻጸም የሚከታተሉ የተመድ ባለሙያዎችን የሥራ ጊዜ ለአንድ ተጨማሪ ዓመት ለማራዘም ያቀረበችውን የውሳኔ ሃሳብ በቬቶ ድምጻቸው ውድቅ አደረጉት። ሐሙስ ዕለት በተካሄደው የፀጥታው ምክር ቤት ድምጽ አሰጣጥ ላይ አስራ አንድ አገራት የአሜሪካንን ሃሳብ ሲደግፉ፣ ፓኪስታን እና ሶማሊያ ድምጽ ከመስጠት ተቆጥበዋል። ይህንን የዋሽንግተን ሽንፈት ተከትሎ በሩሲያ የኢራን አምባሳደር የሆኑት ካዜም ጃላሊ ሞስኮን እና ቤጂንግን በእጅጉ አሞካሽተዋል። አምባሳደሩ በኤክስ ገጻቸው ዛሬ ባሰፈሩት ጽሑፍ፣ አሜሪካ የፀጥታውን ምክር ቤት ለራሷ ጥቅም በማዋል በኢስላሚክ ሪፐብሊኳ ላይ ሕገ-ወጥ ማዕቀብ ለመመለስ ያደረገችው ተስፋ የቆረጠ ሙከራ በሩሲያ እና ቻይና የቬቶ ድምጽ ከሽፏል ሲሉ ተሳልቀዋል። ማዕቀቡ እ.ኤ.አ በ2015ቱ የኒውክሌር ስምምነት መሠረት ቀድሞውኑ በቋሚነት መነሳቱን አምባሳደሩ አስታውሰዋል።

እዚህ ጋ እየተቀየረ ያለውን የዓለም የኃይል ሚዛን (Global Power Shift) በጥልቀት እንመርምር። አሜሪካ እንደ ቀድሞው የተባበሩት መንግሥታት ድርጅትን እንደ ብቸኛ መሪ የፈለገችውን ውሳኔ የምታሳልፍበት ዘመን እያከተመ መሆኑን ይህ ክስተት ቁልጭ አድርጎ ያሳያል። ሩሲያ፣ ቻይና እና ኢራን የፈጠሩት "የምሥራቁ ኅብረት"፣ የዋሽንግተንን ተጽዕኖ በይፋ መሞገት እና ማክሸፍ ወደሚችሉበት ደረጃ ደርሷል። በሌላ በኩል ደግሞ የእስልምናው ዓለም የኒውክሌር ባለቤት የሆነችው ፓኪስታን፣ እንዲሁም በአፍሪካ ቀንድ የአሜሪካ የቅርብ ወዳጅ እየሆነች የመጣችው ሶማሊያ እንኳ ከአሜሪካ ጎን ቆመው ድምጽ ከመስጠት መቆጠባቸው፣ ሀገራት ከዋሽንግተን የጥቅም ማዕቀፍ ውጭ የራሳቸውን ሉዓላዊ የዲፕሎማሲ መስመር እየቀየሱ መሆኑን የሚያመላክት ትልቅ የፖለቲካ ንቃት ነው።

የዓለም ፖለቲካ በአንድ ኃያል አገር አዛዥነት የሚመራበት የ"ዩኒ-ፖላር" (Unipolar) ዘመን እያበቃለት ነው! ዛሬ ላይ ማዕቀብ እና ዛቻ በዲፕሎማሲው ዓለም እንደ ቀድሞው አይሰሩም፤ ሩሲያ እና ቻይና የፈጠሩት አዲስ ግንብ የዋሽንግተንን ፖለቲካዊ ክንድ እያደከመው ይገኛል!

(ዘ-ሐበሻ ዜና) የዩክሬን የረጅም ርቀት የድሮን ጥቃቶች፣ የሞስኮን የጦርነት ማሽን በቀጥታ ይደግፋሉ በተባሉት የሩሲያ የነዳጅ እና ጋዝ ኢንዱስትሪዎች ላይ ከፍተኛ ዒላማ ማድረጋቸውን ቀጥለዋል። በሁለቱ ሀገራት መካከል የድሮን ጥቃቶች ተጠናክረው በቀጠሉበት በዚህ ወቅት፣ በሩሲያ ታታርስታን ግዛት በዩክሬን ድሮን ጥቃት የሁለት ሰዎች ሕይወት ሲያልፍ፣ በዩክሬን በኩል ደግሞ በኦዴሳ ወደብ እና ከፖላንድ ድንበር አቅራቢያ በሚገኝ ስፍራ ላይ የሩሲያ ድሮኖች ከባድ ጥቃት ፈጽመዋል። የሩሲያ ኃይሎች በቅርብ ሳምንታት ውስጥ ባሊስቲክ ሚሳኤሎችን እና ጄት ድሮኖችን በመጠቀም የዩክሬንን የመከላከያ አቅም እያዳከሙ ሲሆን፣ በተለይም ክረምቱ ከመግባቱ በፊት የዩክሬንን የኤሌክትሪክ መሠረተ ልማት በማውደም የሕዝቡን ሥነ-ልቦና ለመስበር ሰፊ የአየር ዘመቻ ከፍተዋል።

በሌላ በኩል ዩክሬን በሩሲያ የነዳጅ ማጣሪያዎች ላይ የከፈተችው ዘመቻ፣ ሩሲያ ዋነኛ የነዳጅ ላኪ ሀገር ብትሆንም በሀገር ውስጥ የነዳጅ እጥረት እና ራሽን እንዲከሰት አድርጓል። በተለይም በታታርስታን ኒዥኔካምስክ ከተማ እና በክራስኖዳር ግዛት ስሎቭያንስክ-ኦን-ኩባን በሚገኘው ግዙፍ የነዳጅ ማጣሪያ ላይ የተፈጸሙት ጥቃቶች ከፍተኛ ቃጠሎ እና ውድመት አስከትለዋል። የሩሲያ መከላከያ ሚኒስቴር በበኩሉ፣ በታታርስታን፣ በክሪሚያ እና በሌሎችም ግዛቶች ላይ የተተኮሱ 389 የዩክሬን ድሮኖችን በአንድ ሌሊት መትቶ መጣሉን አስታውቋል።

ይህ የጦር ሜዳ ፍልሚያ እጅግ በተካረረበት በአሁኑ ሰዓት፣ የዲፕሎማሲው በርም በተወሰነ መልኩ መንኳኳት ጀምሯል። የክሬምሊን ቃል አቀባይ ዲሚትሪ ፔስኮቭ፣ ሞስኮ በመጪው ጥቅምት ወር ሩሲያን፣ ዩክሬንን እና አሜሪካን ያካተተ የሰላም ድርድር ለመጀመር በሯ ክፍት መሆኑን አረጋግጠዋል። ይህንንም ተከትሎ ባለፈው ሳምንት መጨረሻ የአሜሪካው ፕሬዝዳንት ዶናልድ ትራምፕ መልዕክተኞች የሆኑት ጃሬድ ኩሽነር እና ስቲቭ ዊትኮፍ፣ በሞስኮ ከፕሬዝዳንት ፑቲን እንዲሁም በኪየቭ ከፕሬዝዳንት ዘለንስኪ ጋር ተከታታይ ውይይቶችን አድርገዋል። የትራምፕ አማካሪ እና አማች የሆነው ኩሽነር፣ የሁለቱ ሀገራት ዋና የልዩነት ነጥብ 'የግዛት ይገባኛል' ጥያቄ መሆኑን ጠቅሶ፣ አሜሪካ የዩክሬንን ፍላጎት በማይጻረር እና ሩሲያም ጦርነቱን እንድታቆም በሚያስገድድ 'የፈጠራ መፍትሔ' ላይ አደራዳሪ ሆና እየሠራች መሆኑን አብራርቷል።

ጦርነቱ ወደ አዲስ የስትራቴጂ ምዕራፍ ተሸጋግሯል። ሩሲያ የዩክሬንን ሕዝብ በብርድ እና በጨለማ ለመቅጣት የኤሌክትሪክ መሠረተ ልማት ላይ ስታተኩር፣ ዩክሬን ደግሞ የሩሲያን የጦርነት የደም ሥር የሆነውን የነዳጅ ኢንዱስትሪ እያደማች ትገኛለች። በሌላ በኩል፣ ጃሬድ ኩሽነር እና የትራምፕ አስተዳደር የሚያራምዱት የዲፕሎማሲ ጥረት፣ በግዛት ይገባኛል ላይ የማይታረቅ አቋም ይዘው የሚፋለሙትን ፑቲን እና ዘለንስኪን ወደ ጠረጴዛ ማምጣት ከባድ የፖለቲካ ፈተና መሆኑን ያመላክታል። "እያደሙ መደራደር" የሚለው የኃያላኑ ፖለቲካ በዚህም በግልጽ እየታየ ነው።

(ዘ-ሐበሻ ዜና) ‹‹ዘለንስኪ ሞስኮ መጥቶ መደራደር ይችላል›› ሲሉ የሩሲያ ውጭ ጉዳይ ሚኒስትር ገለፁ፡፡ የሩሲያው የውጭ ጉዳይ ሚኒስትር ሰርጌይ ላቭሮቭ የዩክሬይኑ መሪ በሞስኮ ድርድር ማድረግ እንደሚችሉ ገለፁ፡፡ በኒው ዴልሂ እየተከናወነ ባለው የብሪክስ ጉባኤ ላይ የተገኙት ሚኒስትሩ ለጋዜጠኞች በሰጡት መግለጫ ሲናገሩ ‹‹ዘለንስኪ ከፕሬዝደንት ፑቲን ጋር ለመነጋገር ከፈለጉ ሞስኮ ይምጡ፡፡ ይህ በእኛ በኩል ትልቅ የመልካም ፈቃድ እርምጃ ነው፡፡ ምክንያቱም እሳቸው ድርድርን የሚከለክለውን አዋጅ እስካሁን አልሰረዙትም›› ብለዋል፡፡

ሩሲያ በማንኛውም ጊዜ ለድርድር ዝግጁ መሆኗን የጠቀሱት ሚኒስትሩ ይሁንና ድርድር በሚደረግበት ወቅትም ‹‹ልዩ ወታደራዊ ዘመቻውን›› እንደማያቋርጡ ገልፀዋል፡፡ ፕሬዝደንት ዘለንስኪ በአሜሪካ ከፑቲን ጋር ለመነጋገር ያቀረቡትን ሀሳብ በተመለከተ ተጠይቀው ሲመልሱ ደግሞ ‹‹ከሞስኮ ውጭ አይሆንም›› ማለታቸው ተዘግቧል፡፡

"ኢትዮጵያ አስተማማኝ አጋሬ ናት" - ሩሲያ
#ethiopia | ኒው ዴልሂ፣ ሕንድ — የኢትዮጵያ ጠቅላይ ሚኒስትር ዐቢይ አሕመድ በኒው ዴልሂ ከሩሲያው ፕሬዚዳንት ቭላድሚር ፑቲን ጋር ተገናኝተው በሁለቱ አገራት መካከል ያለውን ስትራቴጂካዊ አጋርነት ይበልጥ ለማጠናከር በሚቻሉ ጉዳዮች ላይ መወያየታቸውን ገለጹ።

በውይይቱ ወቅት የመከላከያና ደኅንነት፣ የንግድና ኢንቨስትመንት፣ ትምህርት እና ቴክኖሎጂ ዘርፎች የትብብር ቀጣይ አቅጣጫዎች ተነስተዋል። በተጨማሪም የትምህርት ልውውጥን ማስፋት፣ በባህልና በሕዝብ-ለሕዝብ ግንኙነት ያለውን ትብብር ማጠናከር ላይ መክረዋል።

ሁለቱ መሪዎች በአየር ንብረት ለውጥና በልማት ግቦች ዙሪያ ትብብርን ማጠናከር፣ እንዲሁም በCOP32 ዝግጅት ዙሪያ ያለውን ትብብር ማሳደግ ስለሚቻልበት ሁኔታ መወያየታቸውም ተገልጿል።

ሩሲያ ለኢትዮጵያ የBRICS አባልነት ቁልፍ ሚና ተጫውታለች

ጠቅላይ ሚኒስትር ዐቢይ አሕመድ (ዶ/ር) ኢትዮጵያ የBRICS ሙሉ አባል እንድትሆን ሩሲያ እና ፕሬዚዳንት ቭላድሚር ፑቲን ለተጫወቱት ሚና ምስጋና አቀረቡ።

ኢትዮጵያ ከጥር 1 ቀን 2024 ጀምሮ የBRICS ሙሉ አባል መሆኗን ያስታወሱት ፑቲን፣ ኢትዮጵያ በBRICS ውስጥ አዎንታዊና ገንቢ አስተዋጽኦ እያደረገች መሆኗን ገልጸዋል።

ፕሬዚዳንት ፑቲን የሩሲያና የኢትዮጵያ ግንኙነት በእኩልነትና በጋራ ተጠቃሚነት መርሆች ላይ መመሥረቱን ጠቁመው፣ ኢትዮጵያን ለሩሲያ “ታማኝ አጋር” በማለት ገልጸዋል።

እንዲሁም ዶ/ር ዐቢይ አሕመድ በሞስኮ በሚካሄደው የሩሲያ-አፍሪካ ጉባኤ እንዲሳተፉ ፑቲን ጋብዘዋል።

የላቭሮቭ የኢትዮጵያ ጉብኝት እና የዐቢይ ቀልድ

በውይይታቸው ወቅት ዐቢይ አሕመድ የሩሲያ የውጭ ጉዳይ ሚኒስትር ሰርጌ ላቭሮቭ በቅርቡ ወደ ኢትዮጵያ ያደረጉትን ጉብኝት በቀልድ አንስተዋል።

ዶ/ር ዐቢይ እንደተናገሩት፣ ላቭሮቭ ወደ ኢትዮጵያ ሲመጡ “የ2026 ሰው” ነበሩ፤ ከጉብኝታቸው በኋላ ግን “የ2019 ሰው” ሆነው ተመልሰዋል።

ይህም ላቭሮቭ ከኢትዮጵያ በኋላ ሰባት ዓመት ወጣት ሆነው ተመልሰዋል የሚል በቀልድ የተቀላቀለ አስተያየት ነበር። ዶ/ር ዐቢይ በቀልዳቸው፣ ኢትዮጵያ ላቭሮቭ ወጣትነታቸውን እንዲመልሱ እንደረዳቻቸው ጠቁመዋል።

ትምህርትና ኢኮኖሚያዊ ትብብር

ዶ/ር ዐቢይ አሕመድ ሩሲያ ለኢትዮጵያውያን ተማሪዎች ለሰጠችው የትምህርት ዕድል እና በሁለቱ አገራት መካከል ያለው የሁለትዮሽ ግንኙነት እየጠናከረ በመምጣቱ ምስጋና አቅርበዋል።

በተጨማሪም ሩሲያና ኢትዮጵያ በወታደራዊ ትብብር፣ በንግድና በኢንቨስትመንት ዘርፎች ያላቸው ትብብር እየጠናከረ መምጣቱ ተጠቁሟል።

ፕሬዚዳንት ፑቲንም የሁለቱ አገራት የንግድና የኢኮኖሚ ልውውጥ እድገት እያሳየ መሆኑን ጠቁመው፣ በጋራ ተጠቃሚነት ላይ የተመሠረቱ የኢኮኖሚ ግንኙነቶችን ለማስፋፋት የጋራ ሥራ እንደሚያስፈልግ ገልጸዋል።

ለኢትዮጵያ አዲስ ዓመት የፑቲን መልዕክት

በውይይቱ መጨረሻም ፕሬዚዳንት ቭላድሚር ፑቲን ለኢትዮጵያውያን አዲስ ዓመት 2019 ዓ.ም. የእንኳን አደረሳችሁ መልዕክት አስተላልፈዋል።

የሁለቱ መሪዎች ምልልስ በኒው ዴልሂ ከሚካሄደው የBRICS ጉባኤ ጎን ለጎን የተካሄደ ሲሆን፣ የኢትዮጵያና የሩሲያ ግንኙነትን በስትራቴጂክ፣ በኢኮኖሚ፣ በትምህርትና በቴክኖሎጂ ዘርፎች ይበልጥ ለማስፋት ያለውን የጋራ ፍላጎት ያሳየ ነው።

ኢትዮጵያና ሩሲያ — በጋራ ተጠቃሚነት፣ በስትራቴጂካዊ አጋርነት!

Getu Temesgen - (ጌጡ ተመስገን)

Special thanks : #india in Ethiopia (Embassy of India, Addis Ababa) #indiaethiopia #brics #financialcooperation #banking #economiccooperation #ministry of External Affairs, #government of IndiaIndia in Ethiopia (Embassy of India, #addis Ababa)Press Information Bureau - PIB, #government of IndiaDiaspora India ConnectMinistry of Information & Broadcasting, #government of #indiamygovindiaddnewsliveasian News #international (ANI)All India Radio News #india in ethiopia (embassy of india addis ababa) #manohar Lal #ethiopian Airlines #ministry of External Affairs
Government of India
# India - External Publicity & Public Diplomacy Division External Language Media Section #mr . Amit Raghav, Publicity Officer (XLM) #unesco #brics #narendramodi #india #bricsbusinessforum #economy #trade #ethiopia #getutemesgen #getu #ጌጡ #ጌጡተመስገን #addisababa #brics #bricssummit #india #pmoethiopia #getutemesgen #getu #ጌጡ #ጌጡተመስገን #addisababa

(ዘ-ሐበሻ ዜና) በፕሬዝዳንት ቭላድሚር ፑቲን የሚመራው የሩሲያ ከፍተኛ ልዑክ፣ ከጠቅላይ ሚኒስትር ዐቢይ አህመድ ጋር የሁለትዮሽ የዲፕሎማሲ እና የኢኮኖሚ ውይይት አካሂዷል። በዚህ ወሳኝ መድረክ ላይ የሩሲያው ፕሬዝዳንት ኢትዮጵያን የረጅም ጊዜ ታሪካዊ እና አስተማማኝ አጋር ሲሉ ያሞገሷት ሲሆን፣ የሁለቱ ሀገራት ግንኙነት በእኩልነት እና በጋራ ተጠቃሚነት መርሆዎች ላይ ተመሥርቶ እያደገ መምጣቱን አስገንዝበዋል።

በተለይም በኢኮኖሚው ዘርፍ ያለውን የጎላ መሻሻል በተመለከተ ፕሬዝዳንት ፑቲን በሰጡት ማብራሪያ፣ የሁለትዮሽ የንግድ ልውውጣችን ጠንካራ መሠረት ይዟል፤ የንግድ መጠናችን ከሦስት እጥፍ በላይ ያደገ ሲሆን አሁንም በቀጣይነት በማደግ ላይ ይገኛል፤ ይህም እጅግ በጎ ማሳያ ነው ብለዋል። በተጨማሪም ፕሬዝዳንቱ በመጪው የሩሲያ-አፍሪካ ጉባኤ ላይ ጠቅላይ ሚኒስትር ዐቢይ አህመድን በሞስኮ ለማስተናገድ በጉጉት እንደሚጠብቁ አክለው ገልጸዋል።

ይህ የፕሬዝዳንት ፑቲን አዎንታዊ ንግግር ሩሲያ በአፍሪካ ቀንድ ያላትን ስትራቴጂካዊ ተጽዕኖ ይበልጥ ለማጠናከር እና ከምዕራባውያን ጫና ውጭ የሆኑ ጠንካራ የንግድ አጋሮችን ለማፍራት የምታደርገውን የዲፕሎማሲ ጥረት በግልጽ የሚያሳይ ነው። የንግድ ልውውጡ ከሦስት እጥፍ በላይ ማደጉም፣ ኢትዮጵያ በቅርቡ ከተቀላቀለችው የብሪክስ ስብስብ እና ከሩሲያ-አፍሪካ የኢኮኖሚ ትስስር አንጻር እያገኘች ያለውን የገበያ አማራጭ ያመለክታል። ፑቲን ጠቅላይ ሚኒስትሩን በሞስኮው ጉባኤ ላይ ለማየት ጓጉቻለሁ ማለታቸው፣ ሞስኮ አዲስ አበባን በአፍሪካ ፖለቲካ ውስጥ እንደ ቁልፍ መግቢያ በር እያየቻት መሆኑን የሚያረጋግጥ ነው።

ለኢትዮጵያ ማን ይሻላታል?
1. ሩሲያ
2. አሜሪካ
3. ዥዋዥዌ

(ዘ-ሐበሻ ዜና) የአሜሪካ ልዑካን ስቲቭ ዊትኮፍ እና ጃሬድ ኩሽነር በዩክሬን ባደረጉት ጉብኝት ምክንያት ለሦስት ቀናት ቆሞ የነበረውን ጥቃት ሩሲያ ዳግም በመጀመሯ፣ ማክሰኞ ንጋት ላይ በዋና ከተማዋ ኪየቭ ከባድ ፍንዳታዎች መሰማታቸው ተዘገበ።

በስፍራው የሚገኝ የሲኤንኤን ዘጋቢ እንዳረጋገጠው፣ ንገተኛው ፍንዳታ የተሰማው በአካባቢው ሰዓት አቆጣጠር ሌሊት 9፡30 (3:30 a.m.) ገደማ ነው። የኪየቭ ከተማ ባለስልጣናት ወደ ከተማዋ የባሊስቲክ ሚሳኤሎች መተኮሳቸውን በማረጋገጥ፣ በሁለት ወረዳዎች በሚገኙ የመኖሪያ ሕንፃዎች ላይ ጉዳት መድረሱን አመልክተዋል።

ባለስልጣናቱ በቴሌግራም ገጻቸው ባስተላለፉት አስቸኳይ መልእክት፤ "የአየር ጥቃት ማስጠንቀቂያው እስኪነሳ ድረስ እባካችሁ በመጠለያ ስፍራዎች ውስጥ ቆዩ" ሲሉ ለነዋሪዎች ጥብቅ ማሳሰቢያ ሰጥተዋል።

ዋሽንግተን በዩክሬን ያለውን ጦርነት ለማስቆም የጀመረችውን አዲስ የሰላም ጥረት ተከትሎ፣ የአሜሪካው ፕሬዚዳንት ዶናልድ ትራምፕ አማች ጃሬድ ኩሽነር እና ስቲቭ ዊትኮፍ እሁድ ዕለት በኪየቭ ከዩክሬን ከፍተኛ ባለስልጣናት ጋር ተወያይተዋል። ልዑካኑ ይህንን ጉብኝት ያደረጉት፣ በሞስኮ ከሩሲያው ፕሬዚዳንት ቭላድሚር ፑቲን ጋር ጥልቅ እና ሰፊ ምክክር ባደረጉ ማግስት መሆኑ ይታወሳል።

(ዘ-ሐበሻ ዜና) የሩሲያው ፕሬዝዳንት ቭላድሚር ፑቲን የዩክሬኑን ጦርነት በስምምነት ለማጠናቀቅ አላማ ካደረጉ ሁለት የአሜሪካ ልዑካን ጋር ቅዳሜ ዕለት ከሶስት ሰዓታት በላይ የፈጀ "እጅግ ጠቃሚ" የተባለ ውይይት ማድረጋቸውን ክሬምሊን አስታውቋል። ይሁን እንጂ በውይይቱ የተገኘው ተጨባጭ የሰላም ስምምነት ስለመኖሩ የተገለጸ ነገር የለም።

የክሬምሊን አማካሪ የሆኑት ዩሪ ኡሻኮቭ እንደገለጹት አሜሪካውያኑ ልዑካን ስቲቭ ዊትኮፍ እና ጃሬድ ኩሽነር ለሰላም ስምምነት ሊረዱ የሚችሉ በርካታ ሀሳቦችን አቅርበዋል። ፕሬዝዳንት ፑቲን በበኩላቸው ሩሲያ በጦር ሜዳው "እውነተኛ ግስጋሴ" እያሳየች መሆኗን እና ግቧን እንደምትመታ እርግጠኛ መሆናቸውን ለልዑካኑ የገለጹ ሲሆን፣ የግጭቱን መሰረታዊ መንስኤዎች መፍታት አስፈላጊ መሆኑንም አስምረውበታል።
ፕሬዝዳንት ዶናልድ ትራምፕን በመወከል ከጥር ወር ወዲህ ለመጀመሪያ ጊዜ ሞስኮን የጎበኙት ልዑካኑ፣ ከውይይቱ በኋላ ወደ ኪየቭ ያቀኑ ሲሆን እሁድ ዕለት ከዩክሬኑ ፕሬዝዳንት ቮሎዲሚር ዘለንስኪ ጋር ይገናኛሉ ተብሎ ይጠበቃል። አማካሪው ዩሪ ኡሻኮቭ አክለውም፣ ውይይቱ የዩክሬንን ቀውስ ከመፍታት ባለፈ የኢኮኖሚ ጉዳዮችን እና ለሁለቱም ሀገራት የጋራ ተጠቃሚነትን ሊያመጡ የሚችሉ ትላልቅ የሩሲያ እና አሜሪካ ፕሮጀክቶችን በዝርዝር የዳሰሰ እንደነበር አስረድተዋል። ከዚህም በተጨማሪ የፑቲን የኢንቨስትመንት ተወካይ ኪሪል ዲሚትሪቭ በኤክስ (X) ገጻቸው ላይ ጉብኝቱን "አስፈላጊ የሰላም ማስከበር ጉዞ" ሲሉ አወድሰውታል።

ፕሬዝዳንት ፑቲን ጦርነቱን ለማስቆም ፕሬዝዳንት ትራምፕ እያደረጉ ያሉትን ጥረት አድንቀዋል። ትራምፕ አስቸጋሪ ሁኔታ ውስጥ መግባታቸውን ቢያውቁም፣ የሩሲያ እና ዩክሬን ግጭትን ለመፍታት የሚያደርጉትን ጥረት አለማቆማቸውን ፑቲን በውይይቱ መክፈቻ ላይ ተናግረዋል። የዋይት ሃውስ ባለስልጣናት በበኩላቸው ውይይቱ "አንኳር እና ፍሬያማ" እንደነበር በመግለጽ፣ ቀጣይ እርምጃዎች በሚቀጥሉት ሳምንታት ይፋ እንደሚደረጉ አስታውቀዋል።

በድርድሩ ወቅት የልዑካኑን ደህንነት ለመጠበቅ ሲባል ፑቲን የሩሲያ ጦር ለሶስት ቀናት በኪየቭ ላይ ጥቃት እንዳይፈጽም ትዕዛዝ ማስተላለፋቸውን የክሬምሊን ቃል አቀባይ ዲሚትሪ ፔስኮቭ ቀደም ብለው ገልጸው ነበር። በተመሳሳይ ፕሬዝዳንት ዘለንስኪ ኪየቭ እስከ ሰኞ ድረስ በሞስኮ ላይ ከምታደርገው ጥቃት እንደምትታቀብ አስታውቀዋል።

ይሁን እንጂ ሁለቱ ሀገራት ጦርነቱን በሚያቆሙበት መንገድ ላይ አሁንም የሰፋ ልዩነት አላቸው። ክሬምሊን ዩክሬን አራት ግዛቶችን አሳልፋ እንድትሰጥ እና የኔቶ አባል የመሆን እቅዷን እንድትተው የሚያቀርበውን የፑቲን ጥያቄ "የማይናወጥ" ሲል የገለጸው ሲሆን፣ ዩክሬን በበኩሏ ብዙ መስዋዕትነት ከፍላ የተከላከለቻቸውን ግዛቶች አሳልፋ ላለመስጠት እና ይህን መሰል ቅድመ ሁኔታ እንደ እጅ መስጠት በመቁጠር ውድቅ ማድረጓን ቀጥላለች።

(ዘ-ሐበሻ ዜና) የታንዛኒያ አየር መንገድ ወደሞስኮ የሚያደርገውን በረራ ለጊዜው አቋረጠ፡፡ የታንዛኒያ አየር መንገድ ወይንም ኤይር ታንዛኒያ ከዛሬ አንስቶ ወደሞስኮ የሚያደርገውን በረራ ለአንድ ሳምንት ማቋረጡን አስታወቀ፡፡ ይህንን እርምጃ የወሰደው የዩክሬይኑ ፕሬዝደንት ዘለንስኪ የሩሲያ አየር ክልል አደገኛ መሆኑን መግለፃቸውን ተከትሎ ነው፡፡

ዘለንስኪ በማስጠንቂያቸው ‹‹በሩሲያ የአየር ክልል ላይ የዩክሬይን ድሮኖች እየበረሩ በመሆናቸው ለደህንነት አስጊ ናቸው›› ብለው ነበር፡፡ የታንዛኒያ አየር መንገድ በመግለጫው ‹‹በመንገደኞች ማጓጓዝ ስራ ውስጥ የደህንነት ጉዳዮች ሁሌም ቅድሚያ የሚሰጣቸው ናቸው›› ካለ በኋላ በረራውን ያቋረጠው በአካባቢው ባለው ሁኔታ ላይ የአደጋ ግምገማ በማድረጉ መሆኑን አስታውቋል፡፡ የታንዛኒያ አየር መንገድ ይህን ውሳኔ ያሳለፈው ወደሞስኮ በረረ በጀመረ በሁለተኛ ወሩ ነው፡፡

ለጠቅላላ እውቀት‼️
አማርኛ ቋንቋ ትምህርት የሚሰጥባቸው አለም አቀፍ ዩኒቨርሲቲዎች‼️
የአማርኛ ቋንቋ በዓለም አቀፍ ደረጃ በበርካታ ሀገራት በሚገኙ ታዋቂ ዩኒቨርሲቲዎች፣ የምርምር ተቋማት እና የቋንቋ ማዕከላት ውስጥ በጥናት፣ በምርምር እንዲሁም በዲግሪና በሰርተፊኬት ደረጃ ይሰጣል።

ለአብነት ለመጥቀስ ያህል፣

ጀርመን፡-
በሀምቡርግ ዩኒቨርሲቲ (University of Hamburg)፣ በፍራንክፈርት ዩኒቨርሲቲ እና በላይፕዚግ ዩኒቨርሲቲ በኢትዮጵያ ጥናት (Ethiopian Studies) እና በሴማዊ ቋንቋዎች ትምህርት ክፍል ሥር።

ሩሲያ፦
በሞስኮ ስቴት ዩኒቨርሲቲ (Moscow State University - ISAA) እና በሴንት ፒተርስበርግ ስቴት ዩኒቨርሲቲ በአፍሪካ ጥናት ክፍሎች።

ጣሊያን፡-
በናፖሊ ዩኒቨርሲቲ (University of Naples "L'Orientale") እና በሮም ሳፒየንዛ ዩኒቨርሲቲ (Sapienza University of Rome)።

እንግሊዝ (ብሪታንያ)፡-
በለንደን ዩኒቨርሲቲ የአፍሪካ እና ምስራቅ ጥናት ትምህርት ቤት (SOAS - School of Oriental and African Studies)።

ፈረንሳይ፡-
በፓሪስ ከንቲባ የውጭ ቋንቋዎች እና ሥልጣኔዎች ተቋም (INALCO)።

ፖላንድ፡-
በዋርሶ ዩኒቨርሲቲ (University of Warsaw) በአፍሪካ ቋንቋዎችና ባህሎች ክፍል ውስጥ።

አሜሪካ (ዩናይትድ ስቴትስ)፡-

- በሃርቫርድ ዩኒቨርሲቲ (Harvard University)

- በኮሎምቢያ ዩኒቨርሲቲ (Columbia University)

- በስታንፎርድ ዩኒቨርሲቲ (Stanford University)

- በኢንዲያና ዩኒቨርሲቲ (Indiana University)

- በፎሎሪዳ ዩኒቨርሲቲ (University of Florida)

- በሚቺጋን ስቴት ዩኒቨርሲቲ (Michigan State University)

እስራኤል፡-
በቴል አቪቭ ዩኒቨርሲቲ እና በኢየሩሳሌም ዕብራይስጥ ዩኒቨርሲቲ (Hebrew University of Jerusalem)።

ጃፓን፡-
በኦሳካ ዩኒቨርሲቲ እና በቶኪዮ የውጭ ሀገራት ጥናት ዩኒቨርሲቲ (TUFS)።

ቻይና፡-
በቤጂንግ የውጭ ሀገራት ጥናት ዩኒቨርሲቲ (Beijing Foreign Studies University)።

ኬንያ፡-
በናይሮቢ ዩኒቨርሲቲ እና በሌሎች የቋንቋ ማዕከላት።

ጂቡቲ፡-
በጂቡቲ ዩኒቨርሲቲ እና በባህል ማዕከላት።

ደቡብ አፍሪካ፡-
በኬፕ ታውን ዩኒቨርሲቲ (በአፍሪካ ጥናቶች ሥር በተለያዩ ጊዜያት)።

Seledadotio
Seledadotio

(ዘ-ሐበሻ ዜና) የአሜሪካው የገንዘብ ሚኒስትር ስኮት ቤሰንት ለሩሲያ አቻቸው አንቶን ሲሉአኖቭ፣ በዩክሬን ያለው ጦርነት እስካላበቃ ድረስ በሞስኮ ላይ የተጣለው ማዕቀብ እንደማይነሳና ምንም ዓይነት አዲስ ስምምነት ማድረግ እንደማይቻል በግልጽ አሳወቁ። ሁለቱ ባለስልጣናት ይህንን ውይይት ያደረጉት በሰሜን ካሮላይና ግዛት፣ አሽቪል ከተማ በተካሄደው የቡድን ሃያ (ጂ20) የፋይናንስ መሪዎች ስብሰባ ጎን ለጎን ነው።

ከሁለት ሺህ ሃያ ሁለቱ የዩክሬን ወረራ ወዲህ የሩሲያው የገንዘብ ሚኒስትር በስብሰባ ላይ በአካል ሲገኙ ይህ የመጀመሪያቸው ሲሆን፣ መገኘታቸውም በአውሮፓ መሪዎች ዘንድ ከፍተኛ ተቃውሞ አስነስቷል። የአውሮፓ መንግስታት የሩሲያን ኢኮኖሚ ይበልጥ ለማዳከም ተጨማሪ ማዕቀቦችን ለመጣል እየተዘጋጁ ባለበት በአሁኑ ወቅት፣ ይህ ያልተለመደ የአሜሪካ እና የሩሲያ ባለስልጣናት ፊት ለፊት መገናኘት አሜሪካ ከሞስኮ ጋር ያላትን ከፍተኛ የዲፕሎማሲ መስመር ክፍት ለማድረግ ያላትን ፍላጎት ያሳየ ሆኗል።

በውይይቱ ወቅት የሩሲያው ሚኒስትር የሁለቱን ሀገራት የጋራ ጥቅም በሚመለከቱ ሌሎች ጉዳዮች ላይ ለማውራት ጥያቄ ቢያነሱም፣ አሜሪካዊው አቻቸው ግን ጦርነቱ እስካላበቃ ድረስ ምንም ነገር ማድረግ እንደማይቻል አቋማቸውን በግልጽ ነግረዋቸዋል። ውይይቱ በዋናነት ፕሬዚዳንት ዶናልድ ትራምፕ ለዩክሬን ባቀረቡት የሰላም ዕቅድ እና በኢኮኖሚ ዕድገት ዙሪያ ያተኮረ እንደነበር ተዘግቧል። በሌላ በኩል ሩሲያ በስብሰባው ላይ በድንገት መገኘቷ ያበሳጫቸው የአውሮፓ መሪዎች ከሩሲያው ሚኒስትር ጋር አብረው ፎቶ አንነሳም በማለታቸው፣ የጂ20 መሪዎች ባህላዊ የጋራ ፎቶ ያለ ሚኒስትሩ ተነስቷል።

ሩሲያ በኒጀር የመፈንቅለ መንግሥት ሙከራ እንዲከሽፍ ድጋፍ ማድረጓን አስታወቀች

ቅዳሜ ዕለት በኒጀር የተሞከረውን የመፈንቅለ መንግሥት ሙከራ በማክሸፍ ሂደት ጦሯ ድጋፍ ማድረጉን ሩሲያ ገለፀች።
በዕለቱ ጠዋት ላይ ፕሬዝዳንታዊው ቤተ መንግሥት እና የአገሪቱ ቁልፍ ወታደራዊ የአየር ማረፊያን ጨምሮ በዋና ከተማዋ ኒያሜ ፍንዳታዎች እና ተኩሶች ተሰምተዋል።
ከሰዓታት በኋላ አመጹ በቁጥጥር ሥር መዋሉን የኒጀር ባለሥልጣናት ገልፀዋል።
"በሩሲያ የመከላከያ ሚኒስቴር የአፍሪካ ጦር አባላት እገዛ" የኒጀር ጦር ጥቃቱን ማክሸፉን የሞስኮ የውጭ ጉዳይ ሚኒስቴር እሁድ ዕለት አስታውቋል።

ሚኒስቴሩ አክሎም፣ ኒጀር በጽንፈኞች ላይ ለምታደርገው ውጊያ "ድጋፍ ማድረጌን እቀጥላለሁ" ብሏል። አሁን ሁኔታው "በፕሬዝደንት [ጌነራል አብዱራህማን] ቲያኒ በሚመሩት ሕጋዊ ባለሥልጣናት" ቁጥጥር ስር መሆኑንም ጠቅሷል።
በአፍሪካ የሚገኘው የሩሲያ ጦር፣ ለረጅም ጊዜ የቆየውን የጂሃዲስት ሰርጎ ገቦች እንቅስቃሴ መከላከል ፈተና ለሆነባቸው የሳህል ቀጣና ወታደራዊ መንግሥታት ቁልፍ የደኅንነት አጋር ሆኖ በመሥራት ላይ ይገኛል።
ኒጀር፣ ማሊ እና ቡርኪና ፋሶን ያካተተው የሳህል አገራት ጥምረት፣ የመፈንቅለ መንግሥት ሙከራው "አለመረጋጋትን ለመፍጠር በሚጥሩ ወታደሮች የተፈፀመ ክህደት ነው" ሲሉ አውግዘዋል።

በመፈንቅለ መንግሥት ሙከራው ላይ ምን ያህል ወታደሮች እንደተሳተፉም ሆነ ስለደረሰው የጉዳት መጠን ባለሥልጣናት ያሉት ነገር የለም።
በምርጫ ወደ ሥልጣን የመጡትን የአገሪቱን ፕሬዝደንት በማውረድ ባለፈው ዓመት ቃለ መሃላ ፈፅመው ሥልጣኑን የተረከቡት የኒጀር ወታደራዊ መሪ ጌነራል ቲያኒ ስለ ቅዳሜ ማለዳው ክስተት በይፋ አልተናገሩም።
የሀገሪቱ ብሔራዊ ጣቢያ፣ በፕሬዝዳንታዊ ዘብ የተያዙ እና "ከዳተኞች" የተባሉ በርካታ ወታደሮችን የሚያሳይ ቪዲዮ አቅርቧል።

የኒጀር ፕሬስ አገልግሎት፣ የነዳጅ ማደያዎች፣ ሱቆች እና ሌሎች የንግድ ማዕከላት መከፈታቸውን ጠቅሶ እንቅስቃሴዎች ወደ መደበኛ ሁኔታ መመለሳቸውን እሁድ ዕለት ዘግቧል።
የመንግሥት ደጋፊዎች በማዕከላዊ ኒያሜ በሚገኝ ህዝባዊ አደባባይ ወጥተው ለአገሪቱ ጦር እና ለቲያኒ አስተዳደር ያላቸውን ድጋፍ ገልፀዋል።
ቅዳሜ ዕለት ጥቃት የተፈፀመበት ወታደራዊው 'የአየር ሰፈር 101' በአገሪቱ የመጀመሪያ ፕሬዝደንት ዲዮሪ ሃማኒ የተሰየመው አየር ማረፊያ አካል ነው።
ስፍራው፣ የኒጀር ወታደራዊ አውሮፕላኖችን እና ድሮኖችን እንዲሁም የሳህል አገራትን የፀረ ሽብርተኝነት ወታደራዊ ጥምረት ያስተናግዳል። የሩሲያ እና የጣሊያን ኃይሎችም በቦታው እንደሚገኙ ሮይተርስ የዜና ወኪል ዘግቧል።
ኒጀር፣ ማሊ እና ቡርኪናፋሶ በወታደራዊ መንግሥት የሚመሩ አገራት ሲሆን፣ ከምዕራባውያን አጋሮቻቸው ጋር ያላቸውን ግንኙነት አቋርጠው ከሩሲያ ጋር ትስስራቸውን እያጠናከሩ ይገኛሉ።
ምንም እንኳ አጋርነታቸውን ከምዕራቡ ወደ ምስራቁ ዓለም ቢቀይሩም፣ በሦስቱም አገሮች የሃይማኖታዊ አክራሪ ጂሃዲስቶች የአመፅ እንቅስቃሴ ተስፋፍቶ ይገኛል።
የቅዳሜው አመፅ፣ የኒጀር መንግሥት ከውጫዊ ሰርጎ ገቦች ጋር ከሚያደርገው ፍልሚያ በተጨማሪ በራሱ ቡድን ውስጥም ደስተኛ ያልሆኑ አካላት መኖራቸውን የሚያሳይ ነው።

አመፁ የተቀሰቀሰበት የአየር ጦር ሰፈር፣ በዚህ ዓመት ብቻ ሁለት ጊዜ በጂሃዲስቶች ዒላማ ሆኗል።
የመፈንቅለ መንግሥት ሙከራውን ተከትሎ የፀጥታ ኃይሎች በኒያሜ ቁልፍ ቦታዎች የሚያደርጉት ክትትል መጨመሩን የኒጀር ባለሥልጣናት ተናግረዋል።

BBC

(ዘ-ሐበሻ ዜና) "የዩክሬይን ጥቃት ጉዳት ቢያስከትልም ወሳኝ መዘዝ ግን አላመጣም" ሲሉ ፕሬዝደንት ፑቲን ገለፁ፡፡ የሩሲያው ፕሬዝደንት ቭላድሚር ፑቲን ዛሬ በሰጡት ገለፃ ዩክሬይን በአገራቸው መሰረተ ልማት ላይ የፈፀመችው ጥቃት ወሳኝ የሚባል ጉዳት አለማድረሷን አስታውቀዋል፡፡

በሞስኮ ከተማ በተካሄደ የስትራቴጂ ልማትና ብሄራዊ ፕሮጀክቶች ምክር ቤት ስብሰባ ላይ ሲናገሩ ‹‹ከእንደዚህ አይነት ጥቃት የሚመጣ ምንም ትልቅ መዘዝ የለም፡፡ አልነበረም፣ ሊኖርም አይችልም፡፡ ግን ጉዳት ማስከተላቸው ግልፅ ነው፡፡ ያንን እንረዳለን›› ብለዋል፡፡

በመሆኑም በጥቃቱ የተበላሹ መሰረተ ልማቶችን ወደነበሩበት መመለስ ስራ ላይ በስፋት መሰማራት እንደሚያስፈልግ የጠቆሙት ፑቲን የሩሲያ ኢኮኖሚ መጠነኛ ቢሆንም እድገት ማሳየቱን አስታውቀዋል፡፡ በያዝነው በጀት አመት የመጀመሪያው ሩብ አመት የአገሪቱ ጥቅል ምርት በ0.6 ፐርሰንት ማደጉን ገልፀው በሁለተኛው ሩብ ደግሞ የ1.3 ፐርሰንት ጭማሪ ማሳየቱን አስታውቀዋል፡፡ በአጠቃላይ በዚህ አመት የ1 ፐርሰንት እድገት ይኖራል የሚል ግምት እንዳለም ገልፀዋል፡፡

በሩሲያ-ዩክሬን ጦርነት የዜጎቿ መሞት ያሳሰባት ጋና በሞስኮ ያደረገችው ውይይት
#ethiopia | ​በሩሲያ እና ዩክሬን ጦርነት ውስጥ እንዲሳተፉ በተደረጉ 62 ዜጎቿ መገደላቸውንና የ15ቱ ደብዛ መጥፋቱን የገለጸችው ጋና በሀገሯ ዜጎች ላይ የሚካሄደው ህገ-ወጥ የወታደር መልመላ በአስቸኳይ እንዲቆም ጥሪ አቀረበች።

የጋናው የውጭ ጉዳይ ሚኒስትር ሳሙኤል ኦኩዜቶ አብላክዋ በሞስኮ ከሩሲያው የውጭ ጉዳይ ሚኒስትር ሰርጌይ ላቭሮቭ ጋር ባደረጉት ውይይት ጉዳዩን በስፋት ያነሱ ሲሆን የሩሲያ ወገን በበኩሉ በጦርነቱ የሚሳተፉ የውጭ ሀገር ዜጎች በሰራዊቱ ውስጥ የሚቀላቀሉት በገዛ ፈቃዳቸው ውል በመፈረም እንደሆነ ምላሽ ሰጥቷል።

​በአሁኑ ወቅት በመካሄድ ላይ የሚገኘውን የሶስት ቀናት የጋና ልዑካን ቡድን የሞስኮ ጉብኝት የሚመሩት አብላክዋ ከጸጥታው ጉዳይ ባሻገር ከሩሲያ ጋር ያለውን የሁለትዮሽ ትብብር የሚያጠናክሩ ውይይቶችን አድርገዋል።

በዚህም መሠረት ሩሲያ ለጋና ተማሪዎች የምትሰጠውን ዓመታዊ የነፃ ትምህርት ዕድል (ስኮላርሺፕ) ከ120 ወደ 240 ከፍ በማድረግ እጥፍ ያደረሰችው ሲሆን ትኩረቱም ፣በአርቴፊሻል ኢንተለጀንስ ፣ በኢንጂነሪንግ፣ በፔትሮሊየም ሳይንስ እና በፋርማሲዩቲካልስ ዘርፎች ላይ እንደሚሆን ታውቋል።

በተጨማሪም ሁለቱ ሀገራት በንግድ፣ በኢንቨስትመንት እንዲሁም ጋና ለሰላማዊ ዓላማ ልታውለው ባቀደችው የኒውክሌር ኃይል ልማት ዙሪያ አብሮ የመሥራት ሁኔታዎችን እያመቻቹ ይገኛሉ።

📸 DW

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ዜና) የኢትዮጵያ አየር መንገድ በሩሲያ የተቀመጠውን 45 ሚሊዮን ዶላር ለማግኘት መቸገሩን ገለፀ፡፡ የኢትዮጵያ አየር መንገድ በውጭ አገራት ከሚያደርገው የትኬት ሽያጭ ገቢውን ለመሰብሰብ ተግዳሮቶች እየገጠሙት መሆኑን ጠቅሶ በአሁኑ ወቅት በሩሲያ 45 ሚሊዮን ዶላር እንዳለው አስታውቋል፡፡ ይሁንና በዩክሬይን ጦርነት የተነሳ የአውሮፓ አገራት በጣሉት ማእቀብ ይህንን ገንዘቡን ማግኘት እንዳልቻለ አስረድቷል፡፡

ይህ በሞስኮ የሚገኘው የአየር መንገዱ ገንዘብ በጠቅላላው ለማግኘት ከተቸገረው 90 ቢሊዮን ዶላር ግማሽ ያህሉን የሚሸፍን ነው፡፡ የኢትዮጵያ አየር መንገድ ቺፍ ኮሜርሺያን ኦፊሰር አቶ ለማ ያዴቻ ለሪፖርተር መፅሄት ሲናገሩ ‹‹በሩሲያ ላይ በተጣለው ማእቀብ የተነሳ ከባንክ ወደባንክ መደበኛ የገንዘብ ዝውውር ማድረግ አልቻልንም›› ብለዋል፡፡ ጨምረውም ‹‹ቀደም ሲል በሞስኮ ከሚገኘው አካውንታችን በቀጥታ ወደአሜሪካ፣ እንግሊዝ፣ የተባበሩት አረብ ኤመሬትስ፣ ጀርመን ወይንም አዲስ አበባ ወደሚገኙ የባንክ አካውንታችን ማስተላለፍ እንችል ነበር፡፡

አሁን ግን ሲቲ ባንክን ጨምሮ የኢትዮጵያ አየር መንገድ አጋር የሆኑ አለም አቀፍ ባንኮች ከሩሲያ ባንኮች ገንዘብ መቀበልም ሆነ መላክን ከልክለዋል›› በማለት ገልፀዋል፡፡ በሩሲያ ውስጥ የሚገኘውን ይህንን 45 ሚሊዮን ዶላር ለማስለቀቅ ከኢትዮጵያ ውጭ ጉዳይ ሚኒስቴርና ከዲፕሎማሲያዊ ልኡካን ጋር እየሰሩ መሆናቸውንም አስረድተዋል፡፡ በአዲስ አበባ የሚገኘው የሩሲያ ኤምባሲ ፕሬስ ሰክሪተሪ ሊዮኔል ባርዘንዩክ ስለጉዳዩ ተጠይቀው ኤምባሲው በዚህ ላይ አስተያየት ያለመስጠት አቋም እንዳለው ገልፀዋል፡፡

(ዘ-ሐበሻ ዜና) በዩክሬን ዋና ከተማ ኪየቭ አቅራቢያ ሩሲያ በሌሊት በፈጸመችው ጥቃት አንድ ህጻንን ጨምሮ ቢያንስ የሶስት ሰዎች ህይወት ማለፉ ተነገረ። ቅዳሜ ማለዳ ላይ ከዋና ከተማዋ በስተምስራቅ በሚገኙ አካባቢዎች ሚሳኤሎች ያረፉ ሲሆን፣ የዓይን እማኞች እጅግ ኃይለኛ የፍንዳታ ድምጾችን መስማታቸውን ገልጸዋል። ይህ ጥቃት የተፈጸመው በመላው ዩክሬን 21 ሰዎችን የገደለ ጥቃት ከተፈጸመ ከጥቂት ቀናት በኋላ ነው።

የክልሉ ወታደራዊ አስተዳደር ኃላፊ ቲሙር ትካቼንኮ እንደገለጹት፣ በተተኮሱት ባላስቲክ ሚሳኤሎች ፍንጣሪዎች እና ስብርባሪዎች አፓርታማዎች እና መኪኖች ላይ ጉዳት ደርሷል፤ በተለየ ህንጻ ላይም እሳት ተነስቷል። በተጨማሪም ሶስት ሌሎች ሰዎች በጥቃቱ መቁሰላቸውን ኃላፊው አክለዋል።

የኪየቭ ከንቲባ ቪታሊ ክሊችኮ በቴሌግራም ገጻቸው ላይ ባሰፈሩት መልእክት፣ የአደጋ ጊዜ ሰራተኞች በአንድ ህንጻ እና የነዳጅ ማጠራቀሚያ ላይ የተነሳውን እሳት ለማጥፋት ርብርብ እያደረጉ መሆኑን አሳውቀዋል። የዩክሬን የመንግስት የአደጋ ጊዜ አገልግሎት (DSNS) በበኩሉ ጋራዦች፣ የንግድ ተቋማት እና ሌሎች ህንጻዎች በእሳት ሲቃጠሉ የሚያሳዩ ምስሎችን በማጋራት "የተጎጂዎች ቁጥር እየተጣራ ነው" ብሏል።

ይህ በእንዲህ እንዳለ ፕሬዝዳንት ቮሎዲሚር ዘለንስኪ በሰርቢያ የመጀመሪያ የሆነውን ጉብኝት እያደረጉ ይገኛሉ። ዘለንስኪ ዩክሬን የሩሲያን የሚሳኤል ጥቃቶች ለመመከት ያላት አቅም እየተዳከመ መምጣቱን እና የመከላከያ ሚሳኤሎች ክምችት እያለቀ መሆኑን ስጋታቸውን አጋርተዋል።

ከአጋር ሀገራት የሚመጡ ፀረ-ባላስቲክ ስርአቶች መዘግየት "ለአሰቃቂ እልቂት እና ውድመት" እየዳረጋቸው መሆኑን ፕሬዝዳንቱ በሳምንቱ መጀመሪያ ላይ ተናግረው ነበር፤ ጠንካራ የመከላከል አቅም ቢኖራቸው ኖሮ በቅርቡ በደረሱት ገዳይ ጥቃቶች የሰዎችን ህይወት ማትረፍ ይቻል እንደነበርም አስገንዝበዋል። ዘለንስኪ አክለውም ዘንድሮ ከአጋሮች የሚቀርበው የመከላከያ መሳሪያ አቅርቦት "በከፍተኛ ሁኔታ መቀነሱን" ገልጸዋል።

በቅርቡ ዩክሬን በሩሲያ ግዛት ውስጥ በሚገኙ ሁለት የነዳጅ ማጣሪያዎች እና በጥቁር ባህር ላይ በሚንቀሳቀሱ ከሞስኮ ጋር ግንኙነት ባላቸው መርከቦች ላይ ጥቃት መሰንዘሯ ይታወሳል። ዘለንስኪ ይህ ጥቃት ሩሲያ ጦርነቱን "ለማገዝ" የምትጠቀምበትን የነዳጅ ገቢ ለመገደብ ያለመ መሆኑን አስረድተዋል። ሆኖም በቅርቡ የተጀመሩት የሽምግልና ድርድሮች መስተጓጎላቸውን ተከትሎ፣ በሁለቱም ወገኖች መካከል የሚካሄደው የጥቃት ልውውጥ ይበልጥ ተባብሶ ቀጥሏል።

(ዘ-ሐበሻ ዜና) በሩሲያ ትልቁ የኦንላይን የገበያ መድረክ የሆነው 'ዋይልድቤሪስ' መጋዘኖች ላይ ዩክሬን እያደረሰች ያለው ተደጋጋሚ የድሮን ጥቃት፣ በሺዎች የሚቆጠሩ የሩሲያ አነስተኛ ንግዶችን ለከፍተኛ ኪሳራ እና መዘጋት እየዳረገ መሆኑ ተዘገበ።

ከጁላይ 18 ጀምሮ በተከታታይ በተፈጸሙ ጥቃቶች ወደ 20 በሚጠጉ የኩባንያው ግዙፍ ማከማቻዎች ላይ ቃጠሎ የተነሳ ሲሆን፣ የሳተላይት ምስሎች እንደሚያሳዩት ከ1.18 ሚሊዮን ካሬ ሜትር በላይ (ወይም ከኩባንያው አጠቃላይ አቅም አንድ አምስተኛው) የመጋዘን ቦታ ወድሟል። በዚህም ምክንያት የኩባንያው የሎጂስቲክስ መስመር ክፉኛ በመስተጓጎሉ፣ በገበያ መድረኩ ላይ ጥገኛ የሆኑ ቸርቻሪዎች ምርቶቻቸውን ማቅረብ ተስኗቸዋል።

በሞስኮ የዕቃ መቀበያ ጣቢያ የሚያስተዳድረው ቫሲሊ ክሊሞቭ የተባለ ነጋዴ፣ የዕቃ አቅርቦት በመቆሙ ምክንያት ሽያጭ በ50 በመቶ ማሽቆልቆሉን እና ንግዱን ለመሸጥ መገደዱን ተናግሯል። የችግሩን ስፋት በሚያሳይ መልኩ፣ በአሁኑ ወቅት በመላው ሩሲያ ከ3,100 በላይ የዋይልድቤሪስ የፍራንቻይዝ ማከፋፈያ ጣቢያዎች በኪሳራ ምክንያት በኦንላይን ገበያ ለሽያጭ ቀርበዋል።

የዚህ ጥቃት ጫና ከአነስተኛ ነጋዴዎች አልፎ በሀገሪቱ ኢኮኖሚ ላይ ስጋት ደቅኗል። የሩሲያ ማዕከላዊ ባንክ ይህ የአቅርቦት መስተጓጎል የዋጋ ግሽበትን ሊያባብስ እንደሚችል ሲያስጠነቅቅ፣ ትልቁ የሀገሪቱ ባንክ 'ስበርባንክ' በበኩሉ የብድር መክፈል አቅማቸው በተዳከሙ የኦንላይን ቸርቻሪዎች ምክንያት ወደ 300 የሚጠጉ ኩባንያዎች የብድር መክፈያ ጊዜያቸው እንዲራዘምላቸው መጠየቃቸውን አሳውቋል።

ዩክሬን ኩባንያው የሌሊት እይታ መነጽሮችን እና የጥይት መያዣዎችን ጨምሮ ወታደራዊ አገልግሎት ሊሰጡ የሚችሉ ቁሳቁሶችን በማቅረብ የሩሲያን ጦር ይደግፋል ስትል ትከሳለች። ይሁን እንጂ ዋይልድቤሪስም ሆነ የሩሲያ መንግስት ኩባንያው ለጦር ኃይሉ አቅርቦት እንደማያደርግ በማስታወቅ ክሱን ያስተባብላሉ። በአደጋው መጋዘን ውስጥ የነበሩ ቢያንስ 13 ሰዎች ህይወታቸውን ያጡ ሲሆን፣ የሩሲያ መንግስት ኪሳራ ለደረሰባቸው ሻጮች የብድር እና የታክስ ድጋፍ ስለማድረግ እየመከረ መሆኑ ተገልጿል።

ከወርቅ በእጅጉ ውድ የሆነ አዲስ ማዕድን በሩሲያ ተገኘ? ሳይንቲስቶች ምን አገኙ?
#ethiopia | ሞስኮ – በሩሲያ ሰሜን ምዕራብ በሚገኘው የኮላ (Kola) ባሕረ-ገብ መሬት የኪቢኒ (Khibiny) ተራራ አካባቢ የሚገኘው የኪሮቭስኪ ማዕድን ማውጫ ውስጥ የሩሲያ ተመራማሪዎች ከቀድሞው የአሽክሮፍታይን (Ashcroftine) ቤተሰብ ጋር የተያያዘ አዲስ የማዕድን ዓይነት መለየታቸው በሳይንስ ዓለም ትልቅ ትኩረት ስቧል።

ይህ አዲሱ ማዕድን በጊዜያዊነት “Kola Ashcroftine” በሚል ስያሜ እየተጠራ ሲሆን ከታዋቂው Ashcroftine-(Y) የተለየ ክሪስታል መዋቅር እንዳለው የሳይንሳዊ ጥናቶች ያመለክታሉ።

የሩሲያ የሳይንስና ከፍተኛ ትምህርት ሚኒስቴር እንደገለጸው፣ ማዕድኑ የኢትሪየም (Yttrium)፣ ሲሊከን፣ ፖታሲየም፣ ሶዲየም፣ ካልሲየም፣ ማንጋኒዝ እና ፍሎሪንን ጨምሮ በርካታ ንጥረ ነገሮችን የያዘ እጅግ ውስብስብ የሲሊኬት ማዕድን ነው።

በነጠላ ክሪስታል ኤክስሬይ ትንተና የተደረገበት ጥናትም ይህ ዓይነት ክሪስታል በውስጡ የናኖ ቱቦችን (nanotubules) የያዘ ልዩ መዋቅር እንዳለው አረጋግጧል።

በማኅበራዊ ሚዲያ የተሰራጨው "በ1 ሚሊሜትር 145 ዶላር ይሸጣል" ወይም "ከወርቅ በእጅጉ ይበልጣል" የሚለው መረጃ ግን በአሁኑ ጊዜ በታተሙ ሳይንሳዊ ጥናቶች ወይም በዓለም የማዕድን ገበያ መረጃዎች የተረጋገጠ አይደለም።

ባለሙያዎች ይህ ግኝት የሳይንስ እና የማዕድን ጥናት እሴት እንዳለው ቢገልጹም፣ የንግድ ዋጋው ገና በግልጽ መልኩ አልተወሰነም።

የኪቢኒ ተራራ እና የኮላ ባሕረ-ገብ መሬት በዓለም ላይ በብዙ ብርቅዬ ማዕድናት የሚታወቅ ክልል ነው። በዚህ አካባቢ ከመቶዎች በላይ አዳዲስ ማዕድናት ተገኝተዋል፤ ከእነዚህም ብዙዎቹ በሌላ የዓለም ክፍል አይገኙም።

ክልሉ በተለይ በሬር አርዝ (Rare Earth Elements) ማዕድናት ምክንያት ለሳይንስና ለከፍተኛ ቴክኖሎጂ ኢንዱስትሪ ከፍተኛ ጠቀሜታ አለው።

ባለሙያዎች እንደሚሉት፣ እንዲህ ዓይነት አዲስ ማዕድናት መገኘታቸው የምድር አፈጣጠርን ለመረዳት፣ አዳዲስ ቁሶችን ለማዘጋጀት እና በወደፊት በኤሌክትሮኒክስ፣ በኃይል ቴክኖሎጂና በሌሎች የኢንዱስትሪ ዘርፎች ላይ አዳዲስ አጠቃቀሞችን ለማስገኘት የሚያስችሉ ናቸው።

ሆኖም ይህ ማዕድን በንግድ ደረጃ መመረት ወይም በስፋት መጠቀም ይቻል እንደሆነ ለመወሰን ተጨማሪ የምርምር ሥራዎች እንደሚያስፈልጉ ተገልጿል።

በዓይነቱ የመጀመሪያ የሆነው "ወርልድ ፐብሊክ ሰሚት አፍሪካ" ጉባኤ በአዲስ አበባ ተካሄደ!
#fastmereja I የአፍሪካ ሕዝቦችን ቁርኝትና አህጉራዊ ትብብር ለማጠናከር ያለመውና በዓይነቱ የመጀመሪያ የሆነው "ወርልድ ፐብሊክ ሰሚት አፍሪካ" (World Public Summit Africa) ጉባኤ በዛሬዉ እለት በአዲስ አበባ ተካሄደ።

«አዲስ ዓለም አፍሪካ የጋራ መፃኢ እድልን በመቅረጽ ረገድ» በሚል መሪ ቃል በተባበሩት መንግሥታት የአፍሪካ ኢኮኖሚ ኮሚሽን (ECA) አዳራሽ በተካሄደው በዚህ ታላቅ መድረክ ላይ ከ700 በላይ የመንግሥት ከፍተኛ ኃላፊዎች፣ ዲፕሎማቶች፣ የቢዝነስ ባለሀብቶች፣ የሲቪል ማህበራት ተወካዮች፣ ምሁራንና ወጣቶች ከመላው አፍሪካና ከሌሎች የዓለም ክፍሎች ተሳትፈዋል።

ጉባኤው በስፖርት፣ በባህልና በትምህርት ዘርፎች ሕዝብ ለሕዝብ ግንኙነትን በሚያጠናክሩ ጉዳዮች ላይ ባተኮሩ አምስት የፓናል ውይይቶች የተከናወነ ሲሆን፤ አፍሪካ አዲስ በሚፈጠረው ዘብዙኃን ዓለም አቀፍ ሥርዓት (Multipolar World) ውስጥ ያላትን ማዕከላዊ ሚና የሚያንፀባርቅና በ"ኡቡንቱ" የፍልስፍና መርህ ላይ ያተኮረ ምክክር ተደርጎበታል።

በስብሰባው ማጠቃለያ ላይ የአፍሪካ ህብረት አጀንዳ 2063ን ለማሳካት የሚረዳ “የአፍሪካ ኮሙኒኬ” (African Communiqué) የጸደቀ ሲሆን፣ ሶስት ዋና ዋና አህጉራዊ ፕሮጀክቶችም ይፋ ሆነዋል።

ከእነዚህም መካከል አንጎላ፣ ዚምባብዌ፣ ዛምቢያ፣ ናሚቢያ፣ ቦትስዋና እና ሞዛምቢክን የሚያስተሳስረው «የዛምቤዚ ወንዝ፡ ኢኮኖሚ፣ ማህበረሰብ እና መንፈስ» በሚል ርዕስ የቀረበው ሳይንሳዊ ጥናት ይገኝበታል። በተጨማሪም በሕዝብ ዲፕሎማሲ ከፍተኛ አስተዋፅኦ ላበረከቱ 10 አፍሪካውያን ልዩ እውቅናና ሽልማት ተሰጥቷል።

ጉባኤው የእውነተኛ አንድነትን በማሳየት ለሁሉም የዓለም ሕዝቦች የሚሰራ አዲስ ዓለም ለመገንባት መንገድ የሚጠርግ ሲሆን የአዲስ አበባው ጉባኤ በመጪው መስከረም ወር በሞስኮ ለሚካሄደው ሁለተኛው የዓለም የህዝብ ለህዝብ ጉባኤ የአፍሪካን አቋም ያዘጋጀበት መድረክ መሆኑ ተገልጿል።

የጉባኤው አካል የሆነውና ከ16 የአፍሪካ ሀገራት የተውጣጡ ታዋቂ አርቲስቶች ሥራዎቻቸውን የሚያቀርቡበት «አንድነት» (Unity) የተሰኘ ዓለም አቀፍ የኪነ-ጥበብ ኤግዚቢሽን በአድዋ ድል መታሰቢያ ሙዚየም መከፈቱ ታውቋል።

ይህ አህጉራዊ መድረክ መቀመጫውን በሩሲያ ሞስኮ ባደረገው "ወርልድ ፒፕልስ አሴምብሊ" (World Peoples Assembly) ከአገር በቀልና ዓለም አቀፍ አጋሮቹ ሰርቨ ግሎባል እና ግሎባል ብላክ ሴንተር ጋር በመተባበር የተዘጋጀ ነው።

የዓለም የጸሐፍት ድርጅት (WOW) ዓለም አቀፍ ጉባኤ ዛሬ በአዲስ አበባ ይካሄዳል

ዕዝራ እጅጉ
#ethiopia | በኢትዮጵያውያን ደራሲያን እና በውጭ አገር የሥነ-ጽሑፍ ባለሙያዎች ተሳትፎ የሚካሄደው የዓለም የጸሐፍት ድርጅት (WOW) ዓለም አቀፍ ጉባኤ ዛሬ ሐምሌ 22 ቀን 2018 ዓ.ም. ከ10:00 ሰዓት ጀምሮ በአዲስ አበባ ኢሊሊ ሆቴል ይካሄዳል።

ጉባኤው "Africa in Shaping a Common Future" በሚል መሪ ቃል የሚካሄድ ሲሆን፣ በአፍሪካ ሥነ-ጽሑፍ፣ ባህላዊ እሴቶች እና የደራሲያን ዓለም አቀፍ ትብብር ዙሪያ የሚያተኩሩ ርዕሰ ጉዳዮች ይቀርባሉ።

በመድረኩ ላይ በአፍሪካ ሥነ-ጽሑፍ ላይ ጥናት ያካሄዱት የአዲስ አበባ ዩኒቨርሲቲ መምህር ዶክተር አቢይ ዳንኤል የጥናት ወረቀት እንደሚያቀርቡ ሲገለጽ፣ ፀሐፌ ተውኔት አያልነህ ሙላቱም ከዋና የጽሑፍ አቅራቢዎች መካከል ይገኛሉ።

የድርጅቱ ፕሬዝዳንት ማርጋሪታ አል ለጉባኤው በተለይ ወደ አዲስ አበባ የመጡ ሲሆን፣ የጉባኤው ሁሉም የቅድመ ዝግጅት ሥራዎች መጠናቀቃቸው ተገልጿል።

ጉባኤው በኢትዮጵያ መካሄዱ የኢትዮጵያ ደራሲያን ከዓለም አቀፍ የሥነ-ጽሑፍ ማኅበረሰብ ጋር ያላቸውን ትስስር በማጠናከር የራሱን አስተዋጽኦ እንደሚኖረው ይጠበቃል።

በመጽሐፍ ዝግጅትና ሥነ-ጽሑፍ ሥራ ላይ የተሰማራው "ተወዳጅ ሚዲያ እና ኮምዩኒኬሽን" መሥራች ዕዝራ እጅጉን ጨምሮ የዝግጅት ኮሚቴው አባላትም በጉባኤው ይሳተፋሉ ተብሏል።

ስለ WOW

የዓለም የጸሐፍት ድርጅት (WOW) ዓለም አቀፍ ደራሲያንን ለማገናኘት፣ የሥነ-ጽሑፍ ሥራዎችን ለማበረታታት እና በባህሎች መካከል ውይይትን ለማጠናከር የተቋቋመ ዓለም አቀፍ ማኅበር ነው። ዋና መሥሪያ ቤቱ በሞስኮ የሚገኝ ሲሆን፣ በፕሬዝዳንት ማርጋሪታ አል ይመራል።

የድርጅቱ የምሥረታ ሀሳብ በ2019 በባኩ፣ አዘርባጃን የቀረበ ሲሆን፣ በ2023 በካይሮ፣ ግብፅ በስምምነት ሰነድ ተመስርቶ በዚያው ዓመት በይፋ ተመዝግቧል። የመጀመሪያው ዓለም አቀፍ ጉባኤውም በ2024 በዓቡጃ፣ ናይጄሪያ ተካሂዶ ነበር።

WOW በአሁኑ ጊዜ አባልነቱን በተለያዩ አገሮች እያስፋፋ ሲሆን፣ የፓናል ውይይቶችን፣ የልጆች የሥነ-ጽሑፍ መድረኮችን እና የጋራ የትርጉም ፕሮጀክቶችን በማካሄድ የዓለም አቀፍ የሥነ-ጽሑፍ ትብብርን ለማጠናከር እየሠራ ነው።

ከ700 በላይ የዓለም መሪዎችንና ፈጣሪዎችን የሚያሰባስበው ጉባኤ በአዲስ አበባ ሊካሄድ ነው!
#fastmereja :- ታሪካዊው «የዓለም አቀፍ የሕዝቦች ጉባኤ አፍሪካ» (World Public Summit Africa) ከሐምሌ 22 እስከ 23 ቀን 2018 ዓ.ም. በዲፕሎማሲያዊቷ መዲና አዲስ አበባ በደመቀ ሁኔታ እንደሚካሄድ በዛሬዉ እለት በሰጡት ጋዜጣዊ መግለጫ አስታወቁ።

«አዲስ ዓለም አፍሪካ የጋራ መፃኢ እድልን በመቅረጽ ረገድ» በሚል መሪ ቃል በሚካሄደው በዚህ ጉባኤ ላይ ከ700 በላይ የመንግሥት መሪዎች፣ ዲፕሎማቶች፣ የቢዝነስ ባለሀብቶች፣ የፈጠራ አውጪዎች፣ ምሁራን፣ የሲቪል ማህበራት ተወካዮች፣ የብዙሃን መገናኛ ባለሙያዎች እና የባህል መሪዎች ከመላው አፍሪካና ከሌሎች የዓለም ክፍሎች ይሳተፋሉ።

ጉባኤው በስፖርት አማካኝነት በቢሊዮን የሚቆጠሩ ሰዎችን ከሚያቀራርበው የዓለም ዋንጫ ጋር በሚመሳሰል መልኩ፡ የተለያዩ ዓለም አቀፍ አካላትን በማሰባሰብ በጋራ ሀሳብ የመለዋወጥ፣ ጠንካራ አጋርነቶችን የመፍጠር እና ለዓለማችን መሠረታዊ ኢኮኖሚያዊ፣ ቴክኖሎጂያዊ፣ ማህበራዊ እና የልማት ጉዳዮች መፍትሔ የመፈለግ ዓላማን ማሰናዳቱን ተገልጿል።

ይህ ታላቅ መድረክ በአፍሪካ አህጉር ሲካሄድ ለመጀመሪያ ጊዜ ሲሆን፣ ይህም አፍሪካ በዓለም አቀፍ የንግድ፣የፈጠራ፣ የዘላቂ ልማት፣ የሕዝብ ዲፕሎማሲ እና የሁለገብ ትብብር ውይይቶች ላይ ያላትን እየጎለበተ የመጣ ማዕከላዊ ሚና የሚያንፀባርቅ እንደሆነ በመግለጫው ወቅት ተመላክቷል።

የጉባኤው ዋና ማዕከል ከሆኑት ዝግጅቶች አንዱ «አንድነት» (Unity) የተሰኘው ዓለም አቀፍ ዘመናዊ የኪነ-ጥበብ ኤግዚቢሽን መሆኑን አዘጋጆቹ ጠቁመዋል።

ኤግዚቢሽኑ ከ16 የአፍሪካ ሀገራት (ኢትዮጵያ፣ ካሜሩን፣ ኮንጎ ዲ/ሪ፣ ጋና፣ ኬንያ፣ ማዳጋስካር፣ ናሚቢያ፣ ናይጄሪያ፣ ሩዋንዳ፣ ሴኔጋል፣ ደቡብ አፍሪካ፣ ሱዳን፣ ታንዛኒያ፣ ቱኒዚያ፣ ዛምቢያ እና ዚምባብዌ) የተጣጣሙ ታዋቂ አርቲስቶችን እንዲሁም የአፍሪካና የዳያስፖራውን ታሪካዊ ቁርኝት የሚያሳይ አፍሮ-ብራዚላዊ አርቲስትን ያሰባስባል።

በተጨማሪም «የዛምቤዚ ወንዝ፡ ኢኮኖሚ፣ ማህበረሰብ እና መንፈስ» በሚል ርዕስ የተዘጋጀ ሳይንሳዊ ጥናት የሚቀርብ ሲሆን፣ ጥናቱ ወንዙ በስድስት የአፍሪካ ሀገራት (አንጎላ፣ ዚምባብዌ፣ ዛምቢያ፣ ናሚቢያ፣ ቦትስዋና እና ሞዛምቢክ) እድገት ላይ ያለውን ማህበራዊና ኢኮኖሚያዊ ተፅዕኖ በስፋት እንደሚመረምር ነዉ የተገለፀዉ።

የጠቅላላው ምክር ቤት ሊቀመንበር አማካሪ ያኒና ዱቤይኮቭስካያ እንደገለፁት «አንድነት ማለት ወጥ መሆን ማለት አይደለም፤ ይልቁንም ለባህል ብዝሃነት ከሚሰጥ አክብሮት፣ ከእርስ በእርስ እምነት፣ ክፍትነት እና ለመደማመጥ ከሚኖር ፈቃደኝነት የሚወለድ መሆኑን ገልፀዉ ስለዚህም ጥበብ ልክ እንደ ስፖርት ሁሉ የሰው ልጅ የጋራ ቋንቋ እና የሕዝብ ዲፕሎማሲ መሣሪያ ነው። ቃላት ብቻቸውን ማሳካት በማይችሉበት ቦታ ሰዎችን ያቀራርባል።» ብለዋል።

የሰርቭ ግሎባል (Serve Global) ምክትል የሀገርውስጥ ዳይሬክተር አቶ ታሪኩ ነጋሽ እንደገለፁት«ጉባኤው በንግድ ድርድር ላይ ሳይሆን አልሞ የተነሳና የእውነተኛ አንድነትን በማሳየት ለሁሉም የዓለም ሕዝቦች የሚሰራ አዲስ ዓለም ለመገንባት መንገድ ይጠርጋል።» ሲሉ ገልጸዋል።

ይህ በአዲስ አበባ የሚካሄደው የአፍሪካ ጉባኤ ዓመቱን ሙሉ የሚቀጥል ዓለም አቀፍ የትብብር መድረክ አካል ሲሆን፣ ቀጣዩ ዓለም አቀፍ መድረክ በመስከረም ወር በሩሲያ ሞስኮ እንደሚካሄድ ያኒና ዱቤይኮቭስካያ እና ታሪኩ ነጋሽ ጨምረው አስታውቀዋል።

(ዘ-ሐበሻ ዜና) የሩሲያው የውጭ ጉዳይ ሚኒስትር ሴርጌይ ላቭሮቭ እና የአሜሪካው የውጭ ጉዳይ ሚኒስትር ማርኮ ሩቢዮ በፊሊፒንስ ማኒላ በተካሄደው የአሴያን ቀጠናዊ ፎረም ጎን ለጎን ባደረጉት ስብሰባ፣ በዩክሬን ግጭት እና በሁለቱ አገራት መካከል ያለውን ግንኙነት ወደ መደበኛ ሁኔታ በመመለስ ዙሪያ መምከራቸውን የሩሲያ ውጭ ጉዳይ ሚኒስቴር አስታወቀ።

የሩሲያ ውጭ ጉዳይ ሚኒስቴር ባወጣው መግለጫ መሠረት፣ ሴርጌይ ላቭሮቭ ሩሲያ የዩክሬንን ግጭት በፖለቲካዊና ዲፕሎማሲያዊ መንገድ ለመፍታት ያላትን ዝግጁነት በድጋሚ ያረጋገጡ ሲሆን፤ ሞስኮ በነሐሴ 2025 (እ.ኤ.አ.) በአላስካ በተካሄደው ጉባኤ በፕሬዝዳንት ዶናልድ ትራምፕ እና በፕሬዝዳንት ቪላዲሚር ፑቲን የቀረቡትን የመፍትሔ ሀሳቦች አሁንም እንደምትቀበልና እንደምትደግፍ ገልጸዋል።
ሁለቱ ከፍተኛ ዲፕሎማቶች በቀጣይም በሁለቱ አገራት እና በዓለም አቀፍ ጉዳዮች ላይ የሚያደርጉትን ግንኙነትና ውይይት አጠናክረው ለመቀጠል መስማማታቸውን መግለጫው አክሎ አመልክቷል።

የፑቲን "ስውሯ ልጅ" በፓሪስ መሸታ ቤቶች እየሰራች ነው ተባለ
#ethiopia | ​የሩሲያው ፕሬዝዳንት ቭላድሚር ፑቲን ድብቅ ልጅ እንደሆነች የሚነገርላት ኤሊዛቬታ ክሪቮኖጊክ (ሉኢዛ ሮዞቫ) ከሞስኮ የሥልጣን ማዕከል ርቃ በፈረንሳይ ዋና ከተማ ፓሪስ ውስጥ ፍጹም የተለየ ሕይወት እየመራች ይገኛል።

ምንም እንኳን ፕሬዝዳንቱ በይፋ አባትነታቸውን አምነው ተቀብለው ባያውቁም እና ጉዳዩ በይፋ ባይረጋገጥም የተሾለኩ ሰነዶችና የምርመራ ዘገባዎች ግን የጉዞ መረጃዎቿን ዋቢ በማድረግ ደምድመዋል።

የክሬምሊን ቤተ መንግሥት ለጉዳዩ ምንም ዓይነት ማረጋገጫ አለመስጠቱም የታሪኩን ምስጢራዊነት ይበልጥ አጉልቶታል።

​ይህች አወዛጋቢ ወጣት በፓሪስ የስነ-ጥበብ እና የባህል አስተዳደር ትምህርቷን የተከታተለች ሲሆን በምሽት ቤቶች ውስጥ ከመስራቷም በላይ በተለያዩ ስሞች በዲጄነት የሙዚቃ አጫዋችነት ሙያ ላይ ተሰማርታ ትገኛለች።

አባቷ ተብሎ የሚገመቱት ፑቲን የዓለማችንን ኃያል ሀገር ሩሲያን ከክሬምሊን ሆነው በብረት እጅ ሲመሩ እሷ ግን ማንነቷን ደብቃ በፓሪስ የምሽት ክለቦችና በስነ-ጥበብ ዓለም ውስጥ አዲስ ሕይወት መገንባቷ እጅግ አስደናቂ ንፅፅርን ፈጥሯል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ዜና) የሰሜን ኮሪያ እና የሩሲያ የውጭ ጉዳይ ሚኒስትሮች በሞስኮ ተገናኝተው መወያየታቸውን ተከትሎ፣ ፕዮንግያንግ በዩክሬን ላይ ለምታካሂደው ጦርነት ለሞስኮ ያላትን ሙሉና ፅኑ ድጋፍ በድጋሚ ማረጋገጧን የሀገሪቱ መንግሥት መገናኛ ብዙኃን ዘግበዋል። ይህ ስብሰባ የሰሜን ኮሪያው መሪ ኪም ጆንግ ኡን በቅርቡ ክሬምሊንን ሊጎበኙ ይችላሉ የሚለውን ግምት ከፍ አድርጎታል።

በዲፕሎማሲው መስክ የተገለሉት ሰሜን ኮሪያ እና ሩሲያ፣ እ.ኤ.አ. በ2022 መጀመሪያ ላይ ሩሲያ በዩክሬን ላይ ሙሉ በሙሉ ወታደራዊ ወረራ ከሰነዘረችበት ጊዜ ጀምሮ በመካከላቸው ያለውን ሁለንተናዊ ትብብር በከፍተኛ ፍጥነት እያሰፉት ይገኛሉ። የፖለቲካ ተንታኞች እንደሚያስረዱት፣ ፕዮንግያንግ የጦር ግንባር በሆነችው የሩሲያ ኩርስክ (Kursk) ግዛት ውስጥ የጦር ሰራዊት ያሰማራች ሲሆን፣ ለሞስኮም የተለያዩ የጦር መሣሪያ ሥርዓቶችን አቅርባለች። ሰሜን ኮሪያ ይህንን ያደረገችው ከሩሲያ የምታገኘውን የፋይናንስ ድጋፍ፣ የምግብ፣ የኃይል አቅርቦት እና የወታደራዊ ቴክኖሎጂ ሽግግር ዋስትና ለማረጋገጥ ነው።

የሰሜን ኮሪያ የውጭ ጉዳይ ሚኒስትር ቾይ ሶን ሁዪ ከሩሲያ አቻቸው ሰርጌይ ላቭሮቭ ጋር በሞስኮ ካደረጉት ስብሰባ በኋላ፣ የሁለቱ ሀገራት የሁለትዮሽ ግንኙነት በረጅም ጊዜ እና በዘርፈ ብዙ መስኮች ይበልጥ ለማፋጠን ያላቸውን "የማይናወጥ የፖለቲካ ፍላጎት" በድጋሚ ማረጋገጣቸውን የፕዮንግያንግ መንግሥት ሚዲያ ዘግቧል። በሌላ በኩል ሩሲያ፣ ሰሜን ኮሪያ ሉዓላዊነቷን እና ደኅንነቷን ለመጠበቅ ለምታደርገው ጥረት ሙሉ ድጋፏን መግለጿ በሪፖርቱ ተመልክቷል።

ዩክሬይን በሁለት የሩስያ ግዛቶች ሌሊቱን ለዛሬ አጥቢያ ፈጸመችው በተባለ የድሮን ጥቃቶች 8 ሰላማዊ ሰዎች መገደላቸውን የሩስያ ባለስላጣናት አስታወቁ።

በጥቃቱ ከ60 በላይ መቁሰላቸውንም አክሏል። ጥቃቱ ኮቶቭስክ በተባለች በዩክሬይን ድንበር አቅራቢያ በምትገኝ ከተማና ከሞስኮ በስተምስራቅ 50 ኪሎሜትሮችን ርቃ በምትገኝ ኤሌክትሮስታል በተባለች ከተማ ውስጥ ነው ተብሏል። ከከአካባቢው የወጡ ተንቀሳቃሽ ምስሎች ከፍተኛ ፍንዳታና ቃጠሎ እንደነበረ አመላክቷል።የሞስኮ ክልል ገዥ አንድሬይ ቮሮቢዮቭ እንደገለፁት ጥቃቱ የተፈፀመው በከተማዋ ዋይልድቤሪ በተባለው የሩሲያ ኩባንያ መጋዘን ሲሆን የተጎዱትም የሌሊት ተረኛ የመጋዘን ሰራተኞችን ናቸው።የዋይልድቤሪስ ተባባሪ መስራች እና ዋና ሥራ አስፈፃሚ ታትያና ኪም ለሩሲያ እና ለኩባንያው "አስፈሪ ምሽት" እንደነበር ተናግረዋል። ለተጎጂዎቹ ቤተሰቦችም ሀዘናቸውን ገልጸዋል።

ሮይተርስ የዜና ምንጭ እንደዘገበው የዩክሬን ፕሬዝዳንት ቮሎዲሚር ዘለንስኪ ኪየቭ ሩሲያ ድሮን ለማምረት ፣ ለማሰስ እና መሳሪያዎችን ለማቅረብ የምትጠቀምባቸውን ሁለት የሎጂስቲክስ ተቋማት መምታቷን ዛሬ ቅዳሜ ገልፀዋል። በጥቃቱ የነዳጅ ተቋምም መመታቱን ዘለንስኪ በኤክስ ገፃቸው ላይ ጽፈዋል።

DW Amharic