ኢትዮጵያን ይምረጡ | Vote

አትሌት ትዕግሥት አሰፋ በ2026 የዓለም አትሌቲክስ የዓመቱ የላቀ አትሌት ሽልማት እጩዎች ስብስብ ውስጥ ተካተተች
#ethiopia | ስመ-ገናናዋ የኢትዮጵያ የማራቶን አትሌት ትዕግሥት አሰፋ ለ2026 የዓለም አትሌቲክስ የዓመቱ ምርጥ አትሌት ክብር በዕጩነት መመረጧን የዓለም አትሌቲክስ በዛሬው ዕለት ባወጣው መግለጫ አስታውቋል።

አትሌቷ በ2026 የለንደን ማራቶን በሴቶች ብቻ ውድድር የዓለም ክብረወሰንን በ2 ሰዓት ከ15 ደቂቃ ከ41 ሴኮንድ በማሻሻል አንደኛ ወጥታለች።

በተጨማሪም በበርሊን ማራቶን የቦታውን ውድድር ለሦስተኛ ጊዜ በበላይነት ማጠናቀቋ የሚታወስ ሲሆን፣ ያስመዘገበችው የ2 ሰዓት ከ11 ደቂቃ ከ04 ሴኮንድ ሰዓት በሴቶች ማራቶን ታሪክ ሦስተኛው ፈጣን ሰዓት ሆኖ ተመዝግቧል።

በ2023 የዓለም አትሌቲክስ ከስታዲየም ውጭ የዓመቱ ምርጥ አትሌት ተብላ የተሸለመችው አትሌት ትዕግሥት አሰፋ፣ በያዝነው ዓመት በማራቶን ያሳየችው የላቀ ብቃት አሁንም ለታላቁ ሽልማት በዕጩነት እንድትቀርብ አድርጓታል።

አሸናፊውን ለመለየት የሚረዳው የደጋፊዎች የድምፅ አሰጣጥ ስነ-ስርዓት ከመስከረም 26 እስከ ጥቅምት 7 ቀን 2019 ዓ.ም ድረስ የሚካሄድ ሲሆን፣ የስፖርቱ አፍቃሪያንና የኢትዮጵያ አትሌቲክስ ቤተሰቦች ድምፅ በመስጠት ድጋፋቸውን እንዲሰጡ ጥሪ ቀርቧል።

ድምፅዎን ለትዕግሥት አሰፋ ለመስጠት ከታች ያለውን ሊንክ ይጠቀሙ።

Who has your vote?
👉 https://bit.ly/4y66IHT
#tigistassefa #worldathletics #marathon #ethiopianathletics #athletics #getutemesgen #getu #ጌጡ #ጌጡተመስገን #addisababa

በተለያዩ የጎዳና ውድድሮች በርካታ ኢትዮጵያውያን አትሌቶች ድል ቀንቷቸዋል

በዛሬው ዕለት በተለያዩ ሀገራት በተካሄዱ የጎዳና ላይ ውድድሮች በርካታ ኢትዮጵያውያን አትሌቶች አሸናፊነትን ጨምሮ የመድረክ ላይ ውጤቶችን አስመዝግበዋል።

በኖርዌይ በተካሄደው የ5 ኪሎ ሜትር ውድድር አቡዱሰላም ወርቁ 3ኛ ደረጃን ይዞ ሲያጠናቅቅ፣ በተመሳሳይ ሀገር በተካሄደው የ10 ኪሎ ሜትር ውድድር ቢኒያም መላክ 27:29 በሆነ ሰዓት በመግባት የውድድሩን ድል አስመዝግቧል።

በሮማኒያ በተካሄደው የብራዞቭ 10 ኪሎ ሜትር ውድድር ካህሪ ቤጂጋ አሸናፊ ሲሆን፣ ንብረት ክንዴ 2ኛ እና ዘነበ አየለ 3ኛ ደረጃን ይዘዋል።

በሴቶች ውድድር ደግሞ አሰፉ አብርሃ 1ኛ ስትወጣ፣ አይናዲስ መብራቱ 2ኛ እና የኔነሽ ሽመክት 3ኛ ደረጃን አግኝተዋል።

በስፔን አልባሴቴ ግማሽ ማራቶን ከይሩ ከድር የወንዶችን ውድድር አሸንፏል። በሴቶች ደግሞ ሲሳይ እሸቱ 3ኛ ደረጃን ይዛ አጠናቃለች።

በእንግሊዝ የካርዲፍ ግማሽ ማራቶን የባለፈው ዓመት አሸናፊ የነበረው ይስማው ድሉ በዚህ ዓመት 2ኛ ደረጃን ይዞ አጠናቋል። በሴቶች ውድድር ደግሞ ውዴ ከፋለ 2ኛ፣ ትግስት ከተማ 3ኛ ደረጃን አግኝተዋል።

በፖላንድ የፓዝናን ማራቶን ባሬቻ ቶሎሳ አሸናፊ ሆኗል። በሴቶች ውድድር ብርቱካን አበራ 2ኛ እና ትግስት ቢቂላ 3ኛ ደረጃን ይዘዋል።

በስሎቫኪያ ኮዜክ ማራቶን አበራሽ ፈይሳ የሴቶችን ውድድር አሸንፋለች።

በጀርመን ኮሎኝ ማራቶን በወንዶች ሀብታሙ ብርሌው 2ኛ ደረጃን ሲይዝ፣ በሴቶች ፋንቱ ሹጌ 2ኛ እና አያንቱ ኩሜላ 3ኛ ደረጃን አግኝተዋል።

በተለያዩ ሀገራት በአንድ ዕለት የተመዘገቡት እነዚህ ውጤቶች፣ ኢትዮጵያውያን አትሌቶች በጎዳና ላይ ውድድሮች ያላቸውን ተወዳዳሪነት እንደገና ያሳዩበት ነው።
#ethiopia #ethiopianathletics #running #marathon #getutemesgen







በተለያዩ የጎዳና ውድድሮች በርካታ ኢትዮጵያውያን አትሌቶች ድል ቀንቷቸዋል

በዛሬው ዕለት በተለያዩ ሀገራት በተካሄዱ የጎዳና ላይ ውድድሮች በርካታ ኢትዮጵያውያን አትሌቶች አሸናፊነትን ጨምሮ የመድረክ ላይ ውጤቶችን አስመዝግበዋል።

በኖርዌይ በተካሄደው የ5 ኪሎ ሜትር ውድድር አቡዱሰላም ወርቁ 3ኛ ደረጃን ይዞ ሲያጠናቅቅ፣ በተመሳሳይ ሀገር በተካሄደው የ10 ኪሎ ሜትር ውድድር ቢኒያም መላክ 27:29 በሆነ ሰዓት በመግባት የውድድሩን ድል አስመዝግቧል።

በሮማኒያ በተካሄደው የብራዞቭ 10 ኪሎ ሜትር ውድድር ካህሪ ቤጂጋ አሸናፊ ሲሆን፣ ንብረት ክንዴ 2ኛ እና ዘነበ አየለ 3ኛ ደረጃን ይዘዋል።

በሴቶች ውድድር ደግሞ አሰፉ አብርሃ 1ኛ ስትወጣ፣ አይናዲስ መብራቱ 2ኛ እና የኔነሽ ሽመክት 3ኛ ደረጃን አግኝተዋል።

በስፔን አልባሴቴ ግማሽ ማራቶን ከይሩ ከድር የወንዶችን ውድድር አሸንፏል። በሴቶች ደግሞ ሲሳይ እሸቱ 3ኛ ደረጃን ይዛ አጠናቃለች።

በእንግሊዝ የካርዲፍ ግማሽ ማራቶን የባለፈው ዓመት አሸናፊ የነበረው ይስማው ድሉ በዚህ ዓመት 2ኛ ደረጃን ይዞ አጠናቋል። በሴቶች ውድድር ደግሞ ውዴ ከፋለ 2ኛ፣ ትግስት ከተማ 3ኛ ደረጃን አግኝተዋል።

በፖላንድ የፓዝናን ማራቶን ባሬቻ ቶሎሳ አሸናፊ ሆኗል። በሴቶች ውድድር ብርቱካን አበራ 2ኛ እና ትግስት ቢቂላ 3ኛ ደረጃን ይዘዋል።

በስሎቫኪያ ኮዜክ ማራቶን አበራሽ ፈይሳ የሴቶችን ውድድር አሸንፋለች።

በጀርመን ኮሎኝ ማራቶን በወንዶች ሀብታሙ ብርሌው 2ኛ ደረጃን ሲይዝ፣ በሴቶች ፋንቱ ሹጌ 2ኛ እና አያንቱ ኩሜላ 3ኛ ደረጃን አግኝተዋል።

በተለያዩ ሀገራት በአንድ ዕለት የተመዘገቡት እነዚህ ውጤቶች፣ ኢትዮጵያውያን አትሌቶች በጎዳና ላይ ውድድሮች ያላቸውን ተወዳዳሪነት እንደገና ያሳዩበት ነው።
#ethiopia #ethiopianathletics #running #marathon #getutemesgen

ከድል ባሻገር ያለው የሕመም መስዋዕትነት እና
የኃይሌ ገብረሥላሴ ወንድማዊ እቅፍ!
#ethiopia | ፎቶው ብዙ ይናገራል።

አንዳንድ ምስሎች ከሺህ ቃላት በላይ ይናገራሉ። ይህ ፎቶም ኢትዮጵያዊነት በታላላቅ ድሎች ብቻ ሳይሆን፣ በመተሳሰብ፣ በመደጋገፍ እና በሕመም ጊዜ እርስ በርስ በመቆም የሚገለጽ እሴት መሆኑን ያሳያል።

በበርሊን ማራቶን አትሌት ትዕግስት አሰፋ ያስመዘገበችው ታሪካዊ ድል የጽናትና የትጋት ውጤት ነው። ነገር ግን ከማጠናቀቂያው መስመር በኋላ የታየው ትዕይንት የድሉን ያህል ልብ የሚነካ ሆኖ ታይቷል።

ትዕግስት የውድድሩን መስመር ስትሻገር የድል ደስታ ብቻ አልነበረም፤ ከባድ የሰውነት ድካምና የሕመም ስሜትም አብሮ ነበር። ሀገርን በክብር ለማስጠራት የሚከፈለው ዋጋ በዚያ አፍታ በፊቷ ላይ በግልጽ ይነበብ ነበር።

በዚህ ወቅት በስፍራው የነበረው ኃይሌ ገብረስላሴ ያደረገው ወንድማዊ ድጋፍ ደግሞ የዚህን አፍታ ትርጉም የበለጠ አጠናክሮታል።

ኃይሌ ከሩቅ ሆኖ እንኳን ደስ አለሽ ብሎ ከመለየት ይልቅ፣ ወደ ማጠናቀቂያው በመድረስ ታናሽ የሀገሩን ልጅ አቅፎ አጽናና። የድል ደስታዋን ብቻ ሳይሆን የድካሟንና የሕመሟን ጊዜም አብሮ ተጋራ።

ይህ እቅፍ የሁለት ታላላቅ አትሌቶች ምስል ብቻ አይደለም። የትውልድ ቅብብል፣ የሀገር ፍቅር፣ የመተሳሰብና የመደጋገፍ መልዕክት የያዘ አፍታ ነው።

የዓለምን መድረክ በሩጫ ያንቀጠቀጠው ኃይሌ ገብረስላሴ ዛሬ ደግሞ ታናሹን አትሌት በእቅፉ ደግፎ ሲታይ፣ አንድ ትልቅ እውነትን አስታውሶናል፦ ድል በመድረክ ላይ ብቻ አይገነባም፤ በመተሳሰብም ይገነባል።

የትዕግስት ድል የግል ስኬቷ ቢሆንም፣ የኢትዮጵያውያን የጋራ ኩራት ነው።

ሔኖክ ወ/ገብርኤል

Getu Temesgen – (ጌጡ ተመስገን)
#ethiopia #getutemesgen #tigstassefa #hailegebrselassie #berlinmarathon #ethiopianathletics






ከድል ባሻገር ያለው የሕመም መስዋዕትነት እና
የኃይሌ ገብረሥላሴ ወንድማዊ እቅፍ!
#ethiopia | ፎቶው ብዙ ይናገራል።

አንዳንድ ምስሎች ከሺህ ቃላት በላይ ይናገራሉ። ይህ ፎቶም ኢትዮጵያዊነት በታላላቅ ድሎች ብቻ ሳይሆን፣ በመተሳሰብ፣ በመደጋገፍ እና በሕመም ጊዜ እርስ በርስ በመቆም የሚገለጽ እሴት መሆኑን ያሳያል።

በበርሊን ማራቶን አትሌት ትዕግስት አሰፋ ያስመዘገበችው ታሪካዊ ድል የጽናትና የትጋት ውጤት ነው። ነገር ግን ከማጠናቀቂያው መስመር በኋላ የታየው ትዕይንት የድሉን ያህል ልብ የሚነካ ሆኖ ታይቷል።

ትዕግስት የውድድሩን መስመር ስትሻገር የድል ደስታ ብቻ አልነበረም፤ ከባድ የሰውነት ድካምና የሕመም ስሜትም አብሮ ነበር። ሀገርን በክብር ለማስጠራት የሚከፈለው ዋጋ በዚያ አፍታ በፊቷ ላይ በግልጽ ይነበብ ነበር።

በዚህ ወቅት በስፍራው የነበረው ኃይሌ ገብረስላሴ ያደረገው ወንድማዊ ድጋፍ ደግሞ የዚህን አፍታ ትርጉም የበለጠ አጠናክሮታል።

ኃይሌ ከሩቅ ሆኖ እንኳን ደስ አለሽ ብሎ ከመለየት ይልቅ፣ ወደ ማጠናቀቂያው በመድረስ ታናሽ የሀገሩን ልጅ አቅፎ አጽናና። የድል ደስታዋን ብቻ ሳይሆን የድካሟንና የሕመሟን ጊዜም አብሮ ተጋራ።

ይህ እቅፍ የሁለት ታላላቅ አትሌቶች ምስል ብቻ አይደለም። የትውልድ ቅብብል፣ የሀገር ፍቅር፣ የመተሳሰብና የመደጋገፍ መልዕክት የያዘ አፍታ ነው።

የዓለምን መድረክ በሩጫ ያንቀጠቀጠው ኃይሌ ገብረስላሴ ዛሬ ደግሞ ታናሹን አትሌት በእቅፉ ደግፎ ሲታይ፣ አንድ ትልቅ እውነትን አስታውሶናል፦ ድል በመድረክ ላይ ብቻ አይገነባም፤ በመተሳሰብም ይገነባል።

የትዕግስት ድል የግል ስኬቷ ቢሆንም፣ የኢትዮጵያውያን የጋራ ኩራት ነው።

ሔኖክ ወ/ገብርኤል

Getu Temesgen – (ጌጡ ተመስገን)
#ethiopia #getutemesgen #tigstassefa #hailegebrselassie #berlinmarathon #ethiopianathletics

አትሌት ገመቹ ጎዳና በ3 ሺህ ሜትር መሰናክል የዳይመንድ ሊግ ዋንጫን ጨበጠ
#ethiopia | በ2026 የዳይመንድ ሊግ ውድድር ማጠቃለያ ኢትዮጵያዊው አትሌት ገመቹ ጎዳና በወንዶች 3000 ሜትር መሰናክል የደረጃው የበላይ በመሆን አጠቃላይ አሸናፊነትን ተቀናጅቷል።

በመጀመሪያው ቀን የዙሪክ ዳይመንድ ሊግ የፍፃሜ ውድድር በ5 ሺህ ሜትር ቀዳሚ ሆና ካጠናቀቀችው ኢትዮጵያዊቷ አትሌት ፍሬወይኒ ኃይሉ በተጨማሪ አምስት አፍሪካውያን አትሌቶች የአጠቃላይ አሸናፊነት ክብርን ተጎናጽፈው ነበር።

በሁለተኛው ቀን ውድድር ደግሞ ገመቹ ጎዳና ከኢትዮጵያ ሁለተኛው እንዲሁም ከአፍሪካ ስድስተኛው የዳይመንድ ሊግ አሸናፊ መሆን ችሏል።

ገመቹ የርቀቱን አሸናፊነት ያረጋገጠው 8 ሚኒት ከ08 ሰከንድ ከ67 ማይክሮሰከንድ በመግባት ሲሆን፣ ሞሮኮአዊውን የዓለምና የኦሊምፒክ ሻምፒዮን ሱፊያን ኤል ባካሊን በማስከተል ቀዳሚ ሆኖ አጠናቅቋል።

በዚህ ውድድር ሱፊያን ኤል ባካሊ ሁለተኛ፣ ኬንያዊው አትሌት ሲሞን ኮዌች ሶስተኛ ደረጃን ሲይዙ ሌላኛው ኢትዮጵያዊ አትሌት ሳሙኤል ፍሬው ሰባተኛ በመውጣት አጠናቅቋል።

በሌሎች የምሽቱ መርሃ ግብሮች በወንዶች 5 ሺህ ሜትር ቢኒያም መሀሪ አራተኛ፣ በሴቶች 800 ሜትር ሳይዳ ፀሀዬ ሶስተኛ እንዲሁም በ1500 ሜትር ብርቄ ኃየሎም ዘጠነኛ ደረጃን ይዘው ማጠናቀቃቸው የዳይመንድ ሊጉ ተጠቀሽ ውጤቶች ናቸው።
#athletics #ethiopianathletics #worldathletics #diamondleague #sports #ebc #getutemesgen #getu #ጌጡ #ጌጡተመስገን #addisababa

አትሌት ፍሬወይኒ ሀይሉ በብራሰልስ የዳይመንድ ሊግ የ5,000 ሜትር ሩጫ አሸነፈች
#ethiopia | በቤልጂየም ብራሰልስ አስተናጋጅነት በተካሄደው የ2026 ዳይመንድ ሊግ የ5,000 ሜትር የሴቶች ማጠቃለያ ውድድር አትሌት ፍሬወይኒ ሀይሉ ድንቅ ብቃቷን በማሳየት የርቀቱ አሸናፊ ሆናለች።

አትሌት ፍሬወይኒ ውድድሩን በ14 ደቂቃ ከ35 ሴኮንድ ከ20 ማይክሮሴኮንድ በማጠናቀቅ የመጀመሪያውን ደረጃ ይዛ አጠናቃለች።

በዚህ የሩጫ መድረክ የድል መድረኩ ሙሉ በሙሉ በኢትዮጵያውያን አትሌቶች የተያዘ ነበር።

አትሌት ልቅና አምባው በ14 ደቂቃ ከ36 ሴኮንድ ከ31 ማይክሮሴኮንድ ሁለተኛ በመሆን ስታጠናቅቅ፣ አትሌት ሰናይት ጌታቸው ደግሞ በ14 ደቂቃ ከ37 ሴኮንድ ከ09 ማይክሮሴኮንድ ሶስተኛ ደረጃን በመያዝ አጠናቃለች።

ይህ ስኬት ለሀገራችን ሌላው ትልቅ ደስታና ኩራት ነው፤ አትሌት ፍሬወይኒ ሀይሉ፣ ልቅና አምባው እና ሰናይት ጌታቸው በብራሰልስ ዳይመንድ ሊግ የክብር መድረኩን ሙሉ በሙሉ በኢትዮጵያ አትሌቶች በመሸፈን ያስመዘገቡት ድል እጅግ የሚያስደስት ተግባር ሆኗል።

የውድድሩ የመጨረሻ ውጤት፡

1ኛ. ፍሬወይኒ ሀይሉ 14:35.20 ወርቅ
2ኛ. ልቅና አምባው 14:36.31 ብር
3ኛ. ሰናይት ጌታቸው 14:37.09 ነሐስ

አትሌቶቻችን ሀገራችንን በዓለም አቀፍ ስፖርት መድረክ በላቀ ጽናትና ብቃት ስላስጠሩ እንኳን ደስ አለን።
#diamondleague #athletics #brusselsdl #ethiopianathletics #freweynihailu #running #sport #getutemesgen #getu #ጌጡ #ጌጡተመስገን #addisababa

ከግለሰቦች በላይ - የክብር ማኅተም የሆነው አትሌቲክሳችን እና የተፈተነው ንግሥናችን
********************

የኢትዮጵያ አትሌቲክስ ከግለሰቦች ፍላጎት እና ከወቅታዊ የሥልጣን ውዝግብ በላይ የሆነ፣ የሀገር ፍቅር እና የማንነታችን መገለጫ የሆነ ታላቅ ሀገራዊ ሀብት ነው።

በዓለም አደባባይ የአረንጓዴ፣ ቢጫ እና ቀይ ሰንደቃችን ከፍ ብሎ ሲውለበለብ፣ ከድል በላይ የሆነ ስሜት ይፈጠራል። የብዙ ሚሊዮን ኢትዮጵያውያን የደስታ፣ የጽናት እና የጋራ ኅብረት ምንጭ ሆኖ ኖሯል።

የኢትዮጵያ አትሌቲክስ ታሪክ በባዶ እግራቸው ዓለምን ካስደመሙት የጀግንነት ገድሎች ጀምሮ እስከ አሁኖቹ ወጣት ባለታሪኮች ድረስ በደም፣ በላብና በጥቁር ሕዝቦች የነጻነት አርማ ተምሳሌትነት የተገነባ የክብር ማኅተም ነው።

አትሌቶቻችን የሚሮጡት ለግል ዝና ብቻ ሳይሆን፣ የሕዝብን ተስፋ እና ሀገራዊ ክብር በልቦቻቸው ተሸክመው ነው።

ይህ ታላቅ የድል ታሪክ ሕዝቡን የዘር፣ የሃይማኖት እና የፖለቲካ ልዩነት ሳይገድበው መላውን ኢትዮጵያዊ በአንድ ልብ የሚያቆም የኅብረታችን ጠንካራ ምሶሶ ነው።

ሆኖም ስፖርቱ አሁን ካለበት የአመራር ውጥረት እና የውጤት ውጣ ውረድ ወጥቶ ዘላቂ ተቋም ይሆን ዘንድ የሁሉም አትሌቲክስ ወዳድ የበሰለ ውሳኔ እና ጥረት ያስፈልገዋል።

አትሌቲክሱ ከግለሰባዊ ሽኩቻ በላይ በመሆኑ ሕግን፣ ተቋማዊ አሠራርን እና የሙያ የበላይነትን ማስቀደም ለነገ የማይባል ጉዳይ ነው።

የፌዴሬሽኑ አሠራር በግልጽነት፣ በተጠያቂነት እና በግልጽ የሥራ ድርሻ ክፍፍል ላይ የተመሠረተ መሆን አለበት። ደንብ እና መመሪያ በማክበር፣ የሥራ ድርሻን በግልጽ በመለየት እና ውሳኔዎችን በሙያዊ መርሕ በመወሰን ተቋሙን ከግለሰባዊ ተጽዕኖ መጠበቅ ይገባል።

ውስጣዊ አለመግባባቶችን በሰከነ ውይይት በመፍታት የአትሌቶቻችንን ሥነ-ልቦና ከአደጋ መጠበቅ ይገባል።

የአትሌቲክሱ ዘላቂ ስኬት የሚለካው በዛሬ ሜዳሊያ ብቻ አይደለም። የነገ አትሌቶችን በማፍራት፣ የሥልጠና ማዕከላትን በማጠናከር፣ የአሠልጣኞችን እና የቴክኒክ ባለሙያዎችን አቅም በማሳደግ እንዲሁም ሳይንስ እና ቴክኖሎጂን ከስፖርቱ ጋር በማቀናጀት ነው።

ማንኛውም በስፖርቱ ላይ የሚደረግ ሪፎርም የግለሰቦችን የበላይነት ሳይሆን፣ የረጅም ጊዜ ሀገራዊ ጥቅም፣ የፋይናንስ አጠቃቀም፣ የአትሌቶች መረጣ፣ የዓለም አቀፍ ጉዞዎች እና የውድድር ዝግጅቶች በግልጽ መሥፈርት እና በሙያዊ ጥናት እንዲመሩ ሊያግዝ መሆን አለበት።

ይህ የሚጠቅመው ተቋሙን ብቻ ሳይሆን፣ የአትሌቶችን መብት፣ ዕድል እና የወደፊት ሕልም እንዲሁም ስፖርቱንም ነው።

በተለይ የወጣቶች ተሰጥኦ ልየታ እና ልማት ላይ የሚደረገው ሥራ የአትሌቲክሱ የነገ መሠረት ነው። የዛሬን ሻምፒዮኖች ለማክበር ብቻ ሳይሆን፣ የነገ ሻምፒዮኖችን ለማፍራት የሚችል ሥርዓት መገንባት ይገባል።

ኢትዮጵያ በዓለም አትሌቲክስ ያላትን የንግሥና ዙፋንን አጠናክራ እንድትቀጥል፤ የስፖርቱ አስተዳደር በይቅርታ፣ በአንድነት እና በበሰለ አመራር ሊመራ ይገባል። የዛሬ ውሳኔ የነገን አትሌቲክስ ስለሚወስን፣ የግል ሽኩቻን በማስቀረት የትውልድን አደራ ማስቀደም ግድ ይላል።

የኢትዮጵያ አትሌቲክስ የትናንት ትውልድ በባዶ እግሩ የገነባው፣ የዛሬው ትውልድ የተረከበው እና የነገው ትውልድ የሚወርሰው ሀገራዊ አደራ ነው።

ስፖርቱን የሚመሩ ሰዎች ይቀየራሉ፤ አመራሮች ይመጣሉ፣ ይሄዳሉ፤ የኢትዮጵያ አትሌቲክስ ግን ከሁሉም በላይ ሆኖ መቀጠል አለበት።

የአትሌቲክሱ ጉዳይ የግለሰቦች ወይም የተቋም ብቻ ሳይሆን የሀገር ጉዳይ ነው። ምክንያቱም አትሌቲክሳችን ስፖርት ብቻ አይደለም፤ የኢትዮጵያ ክብር፣ የሕዝቧ አንድነት እና የትውልዶች ተስፋም ጭምር ነው።

በአዲስ የሺዋስ
#athletics #athlete #ethiopia #ethiopianathletics #sportleadership #sports #ebc

አዲሱ ጎበና የሲድኒ ማራቶን ክብረ ወሰንን በመሰበር አሸናፊ ሆነ
#ethiopia | በአለም አትሌቲክስ የፕላቲኒየም ማዕረግ በተሰጠው የሲድኒ ማራቶን ውድድር አትሌት አዲሱ ጎበና የመጀመሪያ ደረጃን በመያዝ አሸንፏል።

አትሌቱ ርቀቱን ለማጠናቀቅ የወሰደበት 2 ሰዓት ከ04 ደቂቃ ከ42 ሰከንድ የቦታውን የክብረ ወሰን በአዲስ መልክ ማሻሻል ችሏል።
#sydneymarathon #marathon #athletics #ethiopianathletics #getutemesgen #getu #ጌጡ #ጌጡተመስገን #addisababa

6ኛው የኬር ኦድ ሩጫ በወልቂጤ ከተማ ሊካሄድ ነው
#ethiopia | በወልቂጤ ከተማ በልዩ ሁኔታ ለሚካሄደው 6ኛው የኬር ኦድ ሩጫ ቅድመ ዝግጅትን አስመልክቶ ጋዜጣዊ መግለጫ ሊሰጥ መሆኑ ተገለጸ።

መግለጫው ነሐሴ 26 ቀን 2018 ዓ.ም ከቀኑ 5 ሰዓት በመካኒሳ አካባቢ በሚገኘው ዮድ አቢሲኒያ ሆቴል ይሰጣል።

በዚሁ መርሃ ግብር ላይ የሀገራችን ገናና እና ስመ ጥር አትሌቶች የሚገኙ ሲሆን ስለ ውድድሩ ዝግጅት እና ስለ ተሳትፎው ሁኔታ ዝርዝር መረጃዎች ይፋ ይደረጋሉ።

የስፖርቱ ቤተሰቦች በቦታው በመገኘት ድጋፋቸውን እንዲገልጹ ጥሪ ተ አስተላልፏል።
#careodrun #welkite #ethiopianathletics #sports #getutemesgen #getu #ጌጡ #ጌጡተመስገን #addisababa

የዓለም ክብረወሰን ያስመዘገቡት አትሌት ዮሚፍ ቀጄልቻ እና አትሌት ፎቴን ተስፋይ አዲስ አበባ ሲገቡ ደማቅ አቀባበል ተደረገላቸው
#ethiopia | በአርጀንቲና ቦነስ አይረስ በተካሄደው የግማሽ ማራቶን ውድድር አዲስ የዓለም ክብረወሰን ያስመዘገበው አትሌት ዮሚፍ ቀጄልቻ እና የቦታውን ክብረወሰን በማሻሻል በሴቶች ያሸነፈችው አትሌት ፎቴን ተስፋይ አዲስ አበባ ሲገቡ በቦሌ ዓለም አቀፍ ኤርፖርት ደማቅ አቀባበል ተደርጎላቸዋል።

አትሌት ዮሚፍ ቀጄልቻ ርቀቱን 56 ደቂቃ ከ51 ሰከንድ በሆነ ጊዜ በመጨረስ፣ በዩጋንዳዊው አትሌት ጃኮብ ኪፕሊሞ ተይዞ የነበረውን 57 ደቂቃ ከ20 ሰከንድ የዓለም ክብረወሰን በማሻሻል አዲሱን የዓለም ፈጣን ሰዓት አስመዝግቧል።

በሴቶች ውድድር ደግሞ አትሌት ፎቴን ተስፋይ 1 ሰዓት ከ03 ደቂቃ ከ57 ሰከንድ በሆነ ጊዜ በመግባት የቦታውን ክብረወሰን በመስበር በአንደኝነት አጠናቃለች።

አትሌቶቹ አዲስ አበባ ሲደርሱ የባህልና ስፖርት ሚኒስቴር የስፖርት ልማት ዘርፍ ሚኒስትር ዴኤታ አቶ መኪዩ መሐመድ፣ የኢትዮጵያ አትሌቲክስ ፌዴሬሽን ፕሬዚዳንት ኮማንደር አትሌት ስለሺ ስህን፣ ተቀዳሚ ምክትል ፕሬዚዳንት ኢንጅነር ጌቱ ገረመው፣ የኢትዮጵያ አትሌቶች ማህበር ፕሬዚዳንት ኮሎኔል አትሌት የማነ ፀጋይ፣ የፌዴሬሽኑ ጽህፈት ቤት ኃላፊ ዶክተር አመንሲሳ ከበደ፣ አሰልጣኝ ገመዶ ደደፎ፣ የአትሌቶቹ ቤተሰቦችና ጥሪ የተደረገላቸው እንግዶች በተገኙበት በፌዴራል ፖሊስ ማርሽ ባንድ አጃቢነት አቀባበል ተደርጎላቸዋል።
#ethiopianathletics #yomifkejelcha #foteintesfay #halfmarathon #worldrecord #ethiopianews #getutemesgen #getu #ጌጡ #ጌጡተመስገን #addisababa

የአትሌቲክስ አሰልጣኞች እና አትሌቶች ኮብለላ
#ethiopia | የአትሌቲክስ አሰልጣኞች እና አትሌቶች ኮብለላ ለአትሌቲክሱ ትልቅ ኪሳራ መሆኑን ረዳት ኮሚሽነር ሁሴን ሼቦ ገለጹ

µ በአሜሪካ በተካሄደው ከ20 ዓመት በታች የዓለም አትሌቲክስ ሻምፒዮና ላይ ተሳትፎ ለማድረግ ከተጓዘው የኢትዮጵያ የልኡካን ቡድን ውስጥ ሶስት አሰልጣኞች እና አራት አትሌቶች ወደ ሀገር ሳይመለሱ መቅረታቸውን ተከትሎ ረዳት ኮሚሽነር ሁሴን ሼቦ ጥበቃና ክብካቤ ካልተደረገላቸው ተመሳሳይ ክስተቶች እንደሚቀጥሉ አሳስበዋል።

በፖርትላንድ እና ቺካጎ አየር መንገድ አባላቱ ተለይተው የቀሩ ሲሆን የቡድኑ መሪዎች ለፖሊስ አመልክተው ቢፈልጉም ሊያገኟቸው አልቻሉም።

የፌዴሬሽኑ አመራሮች አግኝተው ለማነጋገር ቢሞክሩም እስካሁን የተመለሰ የለም።

ረዳት ኮሚሽነር ሁሴን ሼቦ በሁኔታው ማዘናቸውን ገልጸው አሰልጣኞቹ ከፍተኛ የትምህርትና የሙያ ደረጃ ያላቸው በመሆናቸው ማጣታቸው ለአትሌቲክሱ ትልቅ ጉድለት ነው ብለዋል።

ከአሰልጣኞች አያያዝ ጋር ተያይዞ ያሉ ችግሮች ስር የሰደዱ መሆናቸውን በመጥቀስ እንደ ዶክተር ወልደመስቀል ኮስትሬ ያሉ ትልልቅ ባለውለተኞች እንኳን ተገቢውን ክብር ሳያገኙ ማለፋቸውን አስታውሰዋል።

በአሁኑ ወቅት ለአሰልጣኞች የሚከፈለው ደሞዝ ከጊዜው የኑሮ ውድነት ጋር የማይመጣጠንና ዝቅተኛ መሆኑን የተናገሩት አሰልጣኙ ቀደም ሲል ይሰጡ የነበሩ ማበረታቻዎች መቅረታቸው አሰልጣኞችን ወደ ስደት እንደሚገፋ ገልጸዋል።

የአሰልጣኞችን አያያዝ የማያሻሽልና ተገቢውን ክብር የማይሰጥ አሰራር ካልተቀየረ አትሌቶችና አሰልጣኞች የተሻለ ህይወት ፍለጋ መሰደዳቸው የሚቀጥል መሆኑን አሳስበዋል።

በጋዜጠኛ ይስሀቅ በላይ(ሀትሪክ ስፖርት ኦፊሺያል)
#athletics #ethiopianathletics #sports #husseinshebo #getutemesgen #getu #ጌጡ #ጌጡተመስገን #addisababa

የወርቅ ሜዳሊያ አሸናፊዋ አትሌት አልማዝ ዮሐንስ በዋና ከተማው ከፍተኛ አክብሮት ተቸራት
#ethiopia | በአሜሪካዋ ኦሬጎን ግዛት በተካሄደው የዓለም የ20 ዓመት በታች አትሌቲክስ ሻምፒዮና በ3,000 ሜትር መሰናክል ውድድር አንደኛ በመውጣት የወርቅ ሜዳሊያ የተቀዳጀችው አትሌት አልማዝ ዮሐንስ በአዲስ አበባ የሲዳማ ኮሚኒቲ ማህበር አዘጋጅነት ደማቅ የእንኳን ደስ አለሽ አቀባበል ተደረገላት።

በዚህ የክብር መርሃ ግብር ላይ የከተማዋ የሲዳማ ተወላጆች፣ የማህበሩ አመራሮች እና በርካታ ጥሪ የተደረገላቸው እንግዶች የተገኙ ሲሆን፣ አትሌቷ ያስመዘገበችው ይህ ታላቅ ድል የሀገሪቱን ታላቅ የስፖርት አቅም ያሳየና ሙሉውን የኢትዮጵያ ህዝብ ያስደሰተ መሆኑ ተገልጿል።

በዝግጅቱ ወቅት ባህላዊ የክብር አቀባበል የተከናወነ ሲሆን፣ ማህበሩ ለአትሌቷ የምስጋና እና የእውቅና ስጦታዎችን አበርክቶላታል።

አትሌት አልማዝ ዮሐንስ በበኩሏ የተደረገላት ይህ ድንቅ አቀባበልና ማበረታቻ ለቀጣይ የስፖርት ጉዞዋ ትልቅ ሀይልና መነሳሳት እንደሚሆናት ገልጻ አመስግናለች።

አትሌቷ በቀጣይ ወደ ሀዋሳ ከተማና ወደ ትውልድ ስፍራዋ አርበጎና ስትጓዝም ተመሳሳይ ስፋት ያለው ደማቅ አቀባበል ይደረግላታል ተብሎ ይበልጣል።
#almazyohannes #worldu20 #ethiopianathletics #goldmedal #sidamacommunity #ethiopiansport #ethiopia #getutemesgen #getu #ጌጡ #ጌጡተመስገን #addisababa

ከዚህ ድርጊት ጀርባ የተቀመጠው አካል ማነው?!
#ethiopia | ከፌዴሬሽኑ የሥራ ኃላፊነት የለቀቁና በአሁኑ ወቅት በሀገር ውስጥ የማይገኙ የቀድሞ የተሳትፎና ውድድር ዳይሬክተር በሲልቨር ደረጃ የዳኝነት ሥልጠና እንዲሳተፉ መደረጉ ከፍተኛ ቅሬታና ጥያቄ አስነስቷል

ከሕገወጥ የሰዎች ዝውውርና ከአስተዳደራዊ ግድፈቶች ጋር ተያይዞ ሕጋዊ ምርመራ የሚደረግባቸው ግለሰብ በማን ይሁንታና ውክልና ሥልጠናውን ሊወስዱ ቻሉ የሚለው ጉዳይ ብዙዎችን አነጋግሯል።

የዓለም አትሌቲክስ አህጉራዊ ማኅበራትና አባል ፌዴሬሽኖችን በማስተባበር በየሁለት ዓመቱ በእንግሊዝኛ፣ በፈረንሳይኛና በስፓኒሽ ቋንቋዎች የሚሰጠውን የሲልቨር ደረጃ የዳኝነት በይነመረብ ሥልጠና በመስጠት ላይ ይገኛል።

ይህ የትምህርት መርሃ ግብር ቢያንስ የ4 ዓመት የሥራ ልምድ ያላቸውንና ዕድሜያቸው 23 ዓመት ወይም ከዚያ በላይ የሆኑ የነሐስ ደረጃ ዳኞችን ታሳቢ ያደረገ ሲሆን፣ ተሳታፊዎች ውድድሮችን የማስፈጸም፣ ቅሬታዎችን የመፍታትና ውሳኔዎችን የማብራራት ብቃት እንዲኖራቸው ይጠይቃል።

በዚሁ ከባለፈው ሳምንት ጀምሮ እየተሰጠ በሚገኘው ሥልጠና ላይ በኢትዮጵያ አትሌቲክስ ፌዴሬሽን በይፋ ተመርጠው የተላኩት አቶ አሠፋና አቶ ተከተል የተባሉ ሁለት ባለሙያዎች በመከታተል ላይ ናቸው። ሆኖም ግን ሀትሪክ ስፖርት ኦፊሺያል እንደደረሰችበት መረጃ ከሆነ ከእነዚህ ሁለት ሰዎች በተጨማሪ ሦስተኛ ግለሰብ በስልጠናው ላይ እንዲካተቱ ተደርጓል።

ታማኝ የመረጃ ምንጮች እንደጠቆሙት ከሆነ ከሥራ ኃላፊነታቸው የለቀቁና നിലവിൽ በሀገር ውስጥ የማይገኙት የቀድሞ የተሳትፎና ውድድር ዳይሬክተር አቶ አስፋው ዳኜ በዚሁ የሲልቨር ደረጃ የዳኝነት ሥልጠና ውስጥ ስማቸው ተካቶ እንዲሰለጥኑ መደረጉ በርካታ ወገኖችን አስገርሟል፣ ጥያቄም ፈጥሯል።

ከሕገወጥ የሰዎች ዝውውርና ከአስተዳደር ግድፈቶች ጋር ተያይዞ የስም ጥፋትና የሕግ ጥያቄ ያለባቸው ግለሰብ በሥልጠናው ውስጥ እንዲካተቱ የተደረገበት አሰራር አጠራጣሪ መሆኑ ተገልጻል።

የቀድሞው ዳይሬክተር አቶ አስፋው ዳኜ ይህንን ዕድል ሊያገኙ የቻሉት የየትኛውን የፌዴሬሽን አመራር ውክልናና ፈቃድ አግኝተው ነው በማለት በርካታ የስፖርቱ ባለሙያዎች ጥብቅ ጥያቄ እያቀረቡ ይገኛሉ።

ከዚህ አጠራጣሪ ድርጊት ጀርባ ያለው አካል ማን እንደሆነ ተጨማሪ ማጣራቶችን በማድረግ ዝርዝሩን ይዘን የምንመለስ ይሆናል።

በጋዜጠኛ ይስሀቅ በላይ
ከሀትሪክ ስፖርት ኦፊሺያል
#athletics #worldathletics #ethiopianathletics #sportsnews #ethiopiansport #getutemesgen #getu #ጌጡ #ጌጡተመስገን #addisababa

በዓለም ከ20 ዓመት በታች አትሌቲክስ ሻምፒዮና ሀገራቸውን ሲወክሉ የቆዩት የኢትዮጵያ አትሌቶች ደማቅ አቀባበል ተደረገላቸው
#ethiopia | በአሜሪካዋ ኦሪገን ግዛት በተካሄደው የዓለም ከ20 ዓመት በታች አትሌቲክስ ሻምፒዮና ላይ የተሳተፈው የኢትዮጵያ አትሌቲክስ ልዑካን ቡድን አዲስ አበባ ሲደርስ አቀባበል ተደርጎለታል።

ኢትዮጵያ በዚሁ ዓለም አቀፍ የውድድር መድረክ 2 የወርቅ፣ 3 የብር እና 1 የነሐስ በድምሩ 6 ሜዳሊያዎችን በማስመዝገብ ከዓለም 5ኛ ደረጃን እንዲሁም ከአፍሪካ 2ኛ ደረጃን በመያዝ ውድድሯን አጠናቃለች።

ይህ ታላቅ ሻምፒዮና በአሜሪካ ኦሪገን ግዛት ዩጂን ከተማ በሚገኘው ሄይዋርድ ፊልድ ስታዲየም ከሐምሌ 29 እስከ ነሐሴ 3 ቀን 2018 ዓ.ም ድረስ ሲካሄድ መቆየቱ ይታወሳል።
#athletics #worldu20 #ethiopianathletics #sports #getutemesgen #getu #ጌጡ #ጌጡተመስገን #addisababa

በዓለም ከ20 ዓመት በታች አትሌቲክስ ሻምፒዮና አትሌቶች ዮርዳኖስ ጥጋቡ እና ሽቶ ጉሚ ተጨማሪ የወርቅ እና የብር ሜዳሊያዎችን ለኢትዮጵያ አስገኙ
#ethiopia | በዓለም ከ20 ዓመት በታች አትሌቲክስ ሻምፒዮና በ3 ሺህ ሜትር የሴቶች ፍጻሜ ውድድር አትሌት ዮርዳኖስ ጥጋቡ ድንቅ ብቃቷን በማሳየት የግል ምርጥ ሰዓቷን አሻሽላ የወርቅ ሜዳሊያ አውትራለች።

አትሌቷ ርቀቱን ለማጠናቀቅ የወሰደባት ሰዓት 8 ደቂቃ ከ43.65 ሰከንድ ነው።

በዚሁ ውድድር ሌላኛዋ ኢትዮጵያዊት አትሌት ሽቶ ጉሚ ሁለተኛ ደረጃን በመያዝ የብር ሜዳሊያ ባለቤት ሆናለች። ሽቶ ርቀቱን በ8 ደቂቃ ከ45.06 ሰከንድ ማጠናቀቅ ችላለች።

አትሌት ሽቶ ጉሚ በሻምፒዮናው መክፈቻ ዕለት በተካሄደው የ5 ሺህ ሜትር ፍጻሜ ውድድርም ሁለተኛ በመውጣት የብር ሜዳሊያ ማስገኘቷ ይታወሳል።
#athletics #worldu20 #ethiopianathletics #sports #getutemesgen #getu #ጌጡ #ጌጡተመስገን #addisababa

በዓለም ከ20 ዓመት በታች ሻምፒዮና ኢትዮጵያ 2ኛ የወርቅ ሜዳሊያ አገኘች
************************

በሴቶች 3 ሺህ ሜትር የተወዳደሩት ዮርዳኖስ ፅጋብ እና ሽቶ ጉሚ 1ኛ እና 2ኛ በመሆን ውድድራቸውን አጠናቀዋል።

ዮርደዳኖስ ፅጋብ የውድድሩ አሸናፊ ስትሆን ርቀቱን ለማጠናቀቅ 8:43.65 ወስዶባታል። ሽቶ ጉሚ 8:45.06 በሆነ ጊዜ 2ኛ በመሆን የብር ሜዳሊያ ስታገኝ፣ ዩጋንዳዊቷ ቻሪቲ ቼሮፕ 3ኛ ደረጃን በመያዝ ውድድሯን አጠናቃለች።

ይህ ውድድር ትናንት በሴቶች 3000 ሜትር መሰናክል ከተመዘገበው የወርቅ ሜዳሊያ በኋላ በዓለም ከ20 ዓመት በታች ሻምፒዮናው የተገኘ 2ኛው ወርቅ ሆኗል።
#ethiopia #worldu20 #oregon2026 #ethiopianathletics #3000metere #athletics

ኢትዮጵያ ከ20 ዓመት በታች የዓለም ሻምፒዮና የመጀመሪያውን የወርቅ ሜዳሊያ አስመዘገበች
**************************

በአሜሪካ ኦሪገን እየተካሄደ ባለው የዓለም ከ20 ዓመት በታች አትሌቲክስ ሻምፒዮና፤ በሴቶች 3 ሺህ ሜትር መሰናክል ውድድር ኢትዮጵያ የወርቅና ብርና ሜዳሊያ አግኝታለች።

አትሌት አልማዝ ዮሐንስ ርቀቱን በ9:15.81 በሆነ ጊዜ ቀዳሚ በመሆን የወርቅ ሜዳሊያ አስገኝታለች።

አትሌት ወሰኔ አሰፋ ደግሞ 9:30.50 በሆነ ጊዜ በመግባት ሁለተኛ ደረጃን በመያዝ የብር ሜዳሊያ ባለቤት ሆናለች።

ኢትዮጵያ እስካሁን በውድድሩ አንድ የወርቅ ፣ ሁለት የብር እና አንድ የነሀስ ሜዳልያ አግኝታለች።
#ethiopia #worldu20 #oregon2026 #ethiopianathletics #3000msteeplechase

በ21ኛው የዓለም ከ20 ዓመት በታች አትሌቲክስ ሻምፒዮና ኢትዮጵያ ሁለት ሜዳሊያዎችን አገኘች

በአሜሪካ ኦሪገን ግዛት ዩጂን ከተማ በሚገኘው ሄይዋርድ ፊልድ ስታዲየም በተጀመረው 21ኛው የዓለም ከ20 ዓመት በታች (U20) የአትሌቲክስ ሻምፒዮና ኢትዮጵያ በመጀመሪያው ቀን ሁለት ሜዳሊያዎችን አስመዝግባለች።

በሴቶች 5000 ሜትር ፍጻሜ ሽቶ ጉሚ 15 ደቂቃ ከ07.91 ሰከንድ በሆነ ሰዓት ርቀቱን በማጠናቀቅ ሁለተኛ ደረጃን በመያዝ የብር ሜዳሊያ አግኝታለች። የኡጋንዳዋ ቻሪቲ ቼሮፕ የወርቅ ሜዳሊያውን ስታሸንፍ፣ የኬንያዋ ጆይስሊን ችፕኬሞይ ደግሞ የነሐስ ሜዳሊያ አግኝታለች።

በወንዶች 5000 ሜትር ፍጻሜ ደግሞ ዳምጠው ከበደ ሶስተኛ ደረጃን በመያዝ የነሐስ ሜዳሊያ ለኢትዮጵያ አበርክቷል። በዚህ ውድድር ኬንያውያን ፍራንክሊን ኪቤት እና ነህሚያ ኪፕንጌኖ በቅደም ተከተል አንደኛና ሁለተኛ ደረጃዎችን ይዘው አጠናቀዋል።

በዚህም ኢትዮጵያ የሻምፒዮናውን የመጀመሪያ ቀን በአንድ የብር እና በአንድ የነሐስ ሜዳሊያ በድምሩ ሁለት ሜዳሊያዎች በማግኘት ጀምራለች።

Getu Temesgen - (ጌጡ ተመስገን)
#ethiopia #ethiopianathletics #worldathletics #u20athletics #sports

አትሌት ጥሩነሽ ዲባባ የረዳት ኮሚሽነርነት ከፍተኛ የማዕረግ ዕድገት ተሰጣት
#ethiopia | ታዋቂዋ እና ተወዳጇ የረጅም ርቀት አትሌት ኮማንደር ጥሩነሽ ዲባባ የረዳት ኮሚሽነርነት ማዕረግ ተሸላሚ ሆናለች።

ይህ የሹመት መርሃ ግብር የተከናወነው የፌዴራል ማረሚያ ቤት ኮሚሽን የስፖርት ክለብ እንዲሁም የሙዚቃና ቴአትር ቡድን የተመሰረተበትን 40ኛ ዓመት በዓል ባከበረበት ወቅት ነው።

በዛሬው ዕለት ሰኔ 6 ቀን 2018 ዓ.ም በአድዋ ድል መታሰቢያ በተካሄደው የክብር ስነ ሥርዓት ላይ የፍትህ ሚኒስትሯ ሀና አርዕያ ስላሴን ጨምሮ በርካታ የሀገር መሪዎች፣ ከፍተኛ የመንግስት የስራ ኃላፊዎች እንዲሁም የስፖርትና የኪነጥበብ ዘርፍ ተወካዮች ታድመዋል።

ረዳት ኮሚሽነር አትሌት ጥሩነሽ ዲባባ በዓለም አቀፍ የውድድር መድረኮች ላይ የሀገሯን ሰንደቅ ዓላማ ከፍ አድርጋ ያወለበለበች መሪ አትሌት ናት።

በአራት የኦሎምፒክ መድረኮች ላይ በመሳተፍ 3 የወርቅ እና 1 የነሀስ ሜዳሊያዎችን ያስመዘገበች ሲሆን በአጠቃላይ በተለያዩ ዓለም አቀፍ ውድድሮች ከ15 በላይ የወርቅ ሜዳሊያዎችን ለሀገሯ በማበርከት ስሟ በግንባር ቀደምትነት የሚጠቀስ ጀግና ናት።

ይህ አሁን የተሰጣት የረዳት ኮሚሽነርነት ማዕረግ በተቋሙ ውስጥ የሚሰጥ ከፍተኛ የማዕረግ ዕድገት መሆኑ ተገልጿል።

በዚሁ ታላቅ መርሃ ግብር ላይ ከጥሩነሽ ዲባባ በተጨማሪ ለሌሎች የሀገር ባለውለታ የሆኑ አንጋፋ ስፖርተኞች እና የኪነጥበብ ባለሙያዎች የዕውቅና እና የሽልማት ስነ ሥርዓት ተካሂዶላቸዋል።

በዚህም መሰረት በአትሌቲክስ ታሪክ የመጀመሪያዋ ጥቁር አፍሪካዊት የኦሎምፒክ አሸናፊ የሆነችው ረዳት ኮሚሽነር ደራርቱ ቱሉ፣ የማራቶን ጀግናዋ ኮማንደር ፋጡማ ሮባ፣ የኢትዮጵያ አትሌቲክስ ፌዴሬሽን ፕሬዘዳንትና የሁለት ጊዜ የኦሎምፒክ እንዲሁም የሦስት ጊዜ የዓለም ሻምፒዮና የብር ሜዳሊያ ባለቤቱ አትሌት ስለሺ ስህን፣ ኮማንደር ሰለሞን ባረጋ እና ምክትል ኮሚሽነር ሰንበሬ ተፈሪ የክብር ሽልማታቸውን ተቀብለዋል።

በተጨማሪም በኢትዮጵያ አትሌቲክስ ውስጥ ከሶስት አስርት ዓመታት በላይ በማሰልጠን ያገለገለው፣ በ7 ኦሎምፒክ እና በ12 የዓለም ሻምፒዮናዎች ላይ በመሳተፍ በርካታ ስኬታማ አትሌቶችን ያፈራው አዳኙ አሰልጣኝ ረዳት ኮሚሽነር ሁሴን ሸቦ የኒሻን ሽልማት ተበርክቶለታል።

በኪነጥበብ ዘርፍም የኮሚሽኑ የሙዚቃና ቴያትር ቡድን አባላት የነበሩት ድምፃዊ ደመረ ለገሰ፣ ድምፃዊ ተፈራ ነጋሽ፣ ድምፃዊ ምክትል ኮሚሽነር መላኩ እንግዳ፣ አርቲስት ፍሬህይወት ስዩም፣ ሳክስፎኒስት ዘሪሁን በለጠ እና ሌሎች ባለሙያዎች ላበረከቱት አስተዋጽኦ ተገቢው ዕውቅና ተሰጥቷቸዋል።
#tiruneshdibaba #athletics #sport #ethiopianathletics #news #getutemesgen #getu #ጌጡ #ጌጡተመስገን #addisababa

አትሌት ጉዳፍ ጸጋዬ አዲስ መግለጫ አወጣች
#ethiopia | ታዋቂዋ አትሌት ጉዳፍ ጸጋዬ ለስፖርት ወዳጆችና ለደጋፊዎቿ ወቅታዊ መረጃ አጋርታለች።

ከእርሷ ጋር ተያይዞ ለቀረበው ዜና ምላሽ በሰጠችበት እንደገለጸችው የመውለድ አቅሟን ለማሻሻል በሃኪሟ ትዕዛዝ መሠረት የሌትሮዞል የተሰኘ ማሟያ መድኃኒት ስትወስድ ቆይታለች።

በአሁኑ ወቅት እርግዝናዋ በጥሩ ሁኔታና በጥሩ ጤንነት ላይ እንደሚገኝ የገለጸችው አትሌቷ ልጇ እንደተወለደች ወደምትወደው የስፖርት ውድድር በፍጥነት ለመመለስ ተስፋ እንደምታደርግ አስታውቃለች።

በተጨማሪም ለደጋፊዎቿ በሙሉ ላሳዩዋት ፍቅርና ድጋፍ ምስጋናዋን ያቀረበች ሲሆን የዓለም አትሌቲክስ ክፍል ላሳያት ግንዛቤና ድጋፍ አድናቆቷን ገልጻለች።
#gudaftsegay #athletics #ethiopianathletics #sportsnews #getutemesgen #getu #ጌጡ #ጌጡተመስገን #addisababa

የመጀመሪያው የኢትዮጵያ 10 ኪሎ ሜትር የጎዳና ላይ ሩጫ ውድድር በባህርዳር ከተማ ሊካሄድ ነው
#ethiopia | የመጀመሪያው የኢትዮጵያ 10 ኪሎ ሜትር የጎዳና ላይ ሩጫ ውድድር የፊታችን እሁድ ሰኔ 7 ቀን 2018 ዓ.ም በባህርዳር ከተማ በደመቀ ሁኔታ እንደሚካሄድ ተነገረ።

የኢትዮጵያ አትሌቲክስ ፌዴሬሽን በውድድሩ ቅድመ ዝግጅት ስራዎች ዙሪያ ለመገናኛ ብዙሃን በሰጠው መግለጫ፣ የፌዴሬሽኑ ከፍተኛ የቴክኒክ ባለሙያዎች ወደ ስፍራው በማቅናት አስፈላጊውን ዝግጅት እያከናወኑ እንደሚገኙ አስታውቋል።

ይህ የውድድር መድረክ በዋናነት አዳዲስ ተተኪ አትሌቶችን ለማፍራትና የውድድር እድሎችን ለመፍጠር ያለመ መሆኑም ተገልጿል።

በዚሁ የጎዳና ላይ ሩጫ ውድድር ላይ የግል ተሳታፊዎችን ጨምሮ ከ6 የተለያዩ ክለቦች የተውጣጡ 91 አትሌቶች እንደሚሳተፉ ታውቋል። በውድድሩ ከ1ኛ እስከ 8ኛ ያለውን ደረጃ ይዘው ለሚያጠናቅቁ አትሌቶችም የገንዘብ ሽልማት እንደሚበረከትላቸው ተገልጿል።

ይህንን ጋዜጣዊ መግለጫ የኢትዮጵያ አትሌቲክስ ፌዴሬሽን የውድድርና ተሳትፎ ዳይሬክተር ተወካይ አቶ ጊዜ አድነው እና አቶ መሐሪ ነጋሽ በጋራ የሰጡት ሲሆን፣ ውድድሩ በአማራ ሚዲያ ኮርፖሬሽን በቀጥታ ስርጭት ለተመልካች እንደሚተላለፍ ታውቋል።
#ethiopianathletics #bahirdar #streetrace #10krun #ethiopiansport #getutemesgen #getu #ጌጡ #ጌጡተመስገን #addisababa

የኢትዮጵያ አትሌቶች በሞስኮ የደመቀ ድል አስመዘገቡ
#ethiopia | በሩሲያ ዋና ከተማ ሞስኮ በተካሄደው የ2026 የዝናሜንስኪ ሜሞሪያል የዓለም አትሌቲክስ ውድድር ላይ የኢትዮጵያ አትሌቲክስ ልዑክ ከፍተኛ የበላይነት በመቀዳጀት አራት የወርቅ፣ ሁለት የብር እና ሁለት የነሐስ በድምሩ ስምንት ሜዳሊያዎችን ለሀገራቸው አበርክተዋል።

በሴቶች የ1 ሺህ 500 ሜትር ፉክክር አትሌት ብርቄ ኃይሎም አንደኛ በመሆን የወርቅ ሜዳሊያ ስታሸንፍ ሳሮን በርሔ ሁለተኛ ደረጃን ይዛ አጠናቃለች።

በተመሳሳይ በሴቶች የ10 ሺህ ሜትር ውድድር ፈንታዬ ጫኔ፣ ቤተልሄም ኦላና እና ሰላማዊት ሻምበል ከአንደኛ እስከ ሶስተኛ ያለውን ደረጃ ሙሉ በሙሉ በመቆጣጠር የሀገራቸውን የበላይነት አስመስክረዋል።

በወንዶች የ10 ሺህ ሜትር የመስመር ውድድር አትሌት እዮብ ስመኝ የሩሲያ አትሌቶችን አስከራሪ ፉክክር በመስበር የወርቅ ሜዳሊያ ባለቤት መሆን የቻለ ሲሆን ሽመልስ ንጉሴ ሶስተኛ ደረጃን ይዞ የወጣበት ነበር።

በወንዶች የ3 ሺህ ሜትር መሰናክል ውድድር ዲንቃ ፍቃዱ ቀዳሚ በመሆን የወርቅ ሜዳሊያ ሲያጠልቅ ሂርኮ ኃይሉ ሶስተኛ ሆኖ አጠናቋል።

በተጨማሪም በሴቶች የ3 ሺህ ሜትር መሰናክል አትሌት ብርቱካን ገዳሙ የብር ሜዳሊያ ያስገኘች ሲሆን በ800 ሜትር የሴቶች ማጣሪያ ሀብታም ገበየሁ ስድስተኛ ደረጃን በመያዝ ውድድሯን ፈጽማለች።
#ethiopianathletics #znamenskymemorial2026 #ethiopianpride #runningchampions #greenflood #moscow2026 #athletics #running #sportnews #getutemesgen #getu #ጌጡ #ጌጡተመስገን #addisababa

ኢትዮጵያ በ3 ሺህ ሜትር መሰናክል የወርቅ እና የነሐስ ሜዳሊያዎችን በድል አጠናቀቀች
#ethiopia | በጋና እየተካሄደ ባለው 24ኛው የአፍሪካ አትሌቲክስ ሻምፒዮና የኢትዮጵያ የልዑካን ቡድን በወንዶች 3 ሺህ ሜትር መሰናክል የፍጻሜ ውድድር ከፍተኛ ውጤት አስመዝግቧል።

በብርቱ ፉክክር በተሞላው በዚህ ርቀት አትሌት ገመቹ ጎዳና አስደናቂ የሆነ የሩጫ ብቃት በማሳየት ውድድሩን በአንደኝነት አጠናቆ የወርቅ ሜዳሊያውን ለሀገሩ አስገኝቷል።

ገመቹ በተለይም ወደ ማጠናቀቂያው መስመር በቀረበበት ወቅት የነበረውን ፍጥነት በመጨመርና መሰናክሎችን በብቃት በመዝለል ቀዳሚ መሆን ችሏል።

በሌላ በኩል በዚሁ የፍጻሜ ፉክክር ላይ የተሳተፈው አትሌት ሳሙኤል ፍሬው በሦስተኛነት በመጨረስ የነሐስ ሜዳሊያ ባለቤት ሆኗል።

ይህ ድል ኢትዮጵያ በዚሁ የአህጉራዊ ሻምፒዮና ያገኘችው ሦስተኛው የነሐስ ሜዳሊያ ሆኖ ተመዝግቧል።
#athletics #africanathletics #goldmedal #running #ethiopianathletics #getutemesgen #getu #ጌጡ #ጌጡተመስገን #addisababa

አትሌት የብርጓል መለሰ በድንገተኛ አደጋ ከዚህ ዓለም በሞት ተለየች
****************

ኢትዮጵያን በዓለም አቀፍ የጎዳና ላይ ውድድሮች ስታስጠራ የቆየችው አትሌት የብርጓል መለሰ በዛሬው ዕለት በደረሰባት ድንገተኛ አደጋ በ36 ዓመቷ ከዚህ ዓለም በሞት ተለይታለች።

አትሌቷ ዛሬ ማለዳ በጃን ሜዳ የስፖርት ማዘውተሪያ ስፍራ ልምምድ ላይ ሳለች በድንገት የመውደቅ አደጋ ደርሶባት ወደ ጤና ተቋም ብትወሰድም ሕይወቷን ማትረፍ ሳይቻል ቀርቷል።

ሚያዝያ 1982 ዓ.ም የተወለደችው አትሌት የብርጓል መለሰ፤ ከ2003 ዓ.ም የኢትዮጵያ አትሌቲክስ ሻምፒዮና አንስታ በበርካታ አህጉራዊና ዓለም አቀፍ ውድድሮች ላይ በመሳተፍ ስኬታማ ውጤቶችን አስመዝግባለች።

በተለይም በሂዩስተን፣ በፕራግ እና በሻንጋይ ማራቶን በተለያዩ ዓመታት በቀዳሚነት ያጠናቀቀች ሲሆን፣ እ.ኤ.አ በ2018 የሻንጋይ ማራቶንን ስታሸንፍም የስፍራውን ክብረ ወሰን በማሻሻል ጭምር ነበር።

በፓሪስ ግማሽ ማራቶን ሁለት ጊዜ፣ በፖርቹጋል ግማሽ ማራቶን ደግሞ አንድ ጊዜ ባለድል ለመሆን የበቃችው የብርጓል፤ በ2015 ኮንጎ ብራዛቪል ላይ በተካሄደው ውድድር ኢትዮጵያን ወክላ የነሐስ ሜዳሊያ አስመዝግባለች።

በዚሁ ዓመት በቺካጎ ማራቶን ደግሞ ሁለተኛ ደረጃን በማግኘት በ"ማራቶን ሜጀርስ" ስሟን አስጠርታለች።

የኢትዮጵያ አትሌቲክስ ፌዴሬሽን በአትሌቷ ሕልፈት የተሰማውን ጥልቅ ሐዘን ገልጾ፤ ለቤተሰቦቿ፣ ለወዳጅ ዘመዶቿ፣ ለአድናቂዎቿ እንዲሁም ለመላው የስፖርት ቤተሰብ መጽናናትን ተመኝቷል።
#ethiopianbroadcastingcorporation #yebrgualmelese #ethiopianathletics #marathon

ዮሚፍ ቀጄልቻ ለንደን ላይ ነገሰ

ዮሚፍ ቀጄልቻ ከ2 ሰዓት በታች በመግባት የኢትዮጵያን ሪኮርድ ሰበረ
#ethiopia | ​የዛሬው የለንደን ማራቶን በዓለም አትሌቲክስ ታሪክ ውስጥ የማይረሳ ቀን ሆኖ ውሏል። በወንዶች ማራቶን ለመጀመሪያ ጊዜ የሁለት ሰዓት አጥር የተሰበረበትና የኢትዮጵያ የምንግዜም የፍጥነት ክብረ ወሰን በዮሚፍ ቀጄልቻ የተሻሻለበት ታሪካዊ ውድድር ተካሂዷል።

​የለንደን ማራቶን 2026 አስደናቂ ውጤቶች

​አትሌት ዮሚፍ ቀጄልቻ በማራቶን የመጀመሪያ ተሳትፎው 1:59:41 በሆነ አስገራሚ ሰዓት በመግባት፣ ማራቶንን ከሁለት ሰዓት በታች የጨረሰ የመጀመሪያው ኢትዮጵያዊ ሆኗል።

​አዲስ የዓለም ሪኮርድ

ኬንያዊው ሰባስትያን ሳዌ በ1:59:30 አንደኛ በመውጣት አዲስ የዓለም ሪኮርድ ሲያስመዝግብ፣ ዮሚፍ በሰከንዶች ልዩነት ሁለተኛ ወጥቷል።

​የኪፕቱም ሪኮርድ ተሰበረ

የዛሬው ውድድር ከአንደኛ እስከ ሦስተኛ የወጡት አትሌቶች በሙሉ፣ ኬልቪን ኪፕቱም ይዞት የነበረውን 2:00:35 የዓለም ሪኮርድ አሻሽለውታል።

​የኢትዮጵያውያን ተሳትፎ፦ ታምራት ቶላ (5ኛ)፣
ደረሰ ገለታ (6ኛ) እና አዲሱ ጎበና (7ኛ) በመሆን ውድድሩን በከፍተኛ ፉክክር አጠናቅቀዋል።

​ የኢትዮጵያ የምንግዜም ፈጣን 5 የማራቶን ሰዓቶች (ከዛሬው በኋላ)፦

​ዮሚፍ ቀጄልቻ (1:59:41) - 2026 ለንደን ማራቶን 🥇 (አዲስ ሪኮርድ)

​ቀነኒሳ በቀለ (2:01:41) - 2019 በርሊን ማራቶን

​ሲሳይ ለማ (2:01:48) - 2023 ቫሌንሲያ ማራቶን

​ደሬሳ ገለታ (2:02:38) - 2024 ቫሌንሲያ ማራቶን

​ብርሀኑ ለገሰ (2:02:48) - 2019 በርሊን ማራቶን

ዮሚፍ ዛሬ የሰራው ስራ እጅግ የሚደንቅ ነው። ገና በመጀመሪያ ተሳትፎው የቀነኒሳንና የሌሎችን ታላላቅ አትሌቶች ሰዓት አሻሽሎ ከሁለት ሰዓት በታች መግባቱ፣ ወደፊት በማራቶን የሚኖረውን የበላይነት ያረጋገጠበት ነው። ዛሬ ለንደን ላይ በትዕግስት አሰፋና በዮሚፍ ቀጄልቻ ድል የኢትዮጵያ ስም በአለም ፊት በደመቀ ሁኔታ ታውጇል!

​ከሁለት ሰዓት በታች!

ዮሚፍ ቀጄልቻ አዲሱ የኢትዮጵያ የማራቶን ንጉሥ!"
​#ethiopianathletics #yomifkejelcha #londonmarathon2026 #newrecord #marathonhistory #tigistassefa #ethiopiapride #ዮሚፍቀጄልቻ #ለንደንማራቶን #ሰበርዜና #ጌጡተመስገን #getutemesgen

ትዕግስት አሰፋ የለንደን ማራቶንን በታሪካዊ ድል አሸነፈች

​የለንደን ጎዳናዎች ዛሬም የኢትዮጵያዊቷን የጥንካሬ አሻራ ተመልክተዋል! በዓለም አትሌቲክስ የፕላቲኒየም ደረጃ የተሰጠውና በጉጉት ሲጠበቅ የነበረው የለንደን ማራቶን፣ በአትሌት ትዕግስት አሰፋ ፍጹም የበላይነት ተጠናቅቋል።

​ ትዕግስት አሰፋ የለንደን ማራቶንን ለሁለተኛ ተከታታይ ዓመታት በማሸነፍ ታሪክ ሰርታለች።

​በከፍተኛ ፉክክርና በታላላቅ አትሌቶች መካከል በተደረገው በዚህ ውድድር፣ ትዕግስት ብቃቷ ምን ያህል አስተማማኝ መሆኑን አሳይታለች።

የትዕግስት ድል የለንደንን አየር በኢትዮጵያዊነት ወኔ እንዲሞላ አድርጎታል።

ትዕግስት አሰፋ ማለት የጽናትና የትጋት ተምሳሌት ነች። ለሁለተኛ ጊዜ የለንደንን አክሊል መድፋት ቀላል ስራ አይደለም። በበርሊን የዓለም ሪከርድን የሰበረችበትን ወኔ ዛሬ ለንደን ላይ ደግማዋለች። እንኳን ደስ አለሽ ትዕግስት! እንኳን ደስ አለን ኢትዮጵያውያን!

​የአትሌቲክስ ንግሥቲቷ ለንደንን ዳግም ድል አድርጋለች!

​#getu #tigistassefa #londonmarathon2026 #ethiopianathletics #champion #worldathletics #breakingnews #londonmarathon #ትዕግስትአሰፋ #የለንደንማራቶን #ኢትዮጵያ #ሰበርመረጃ #ጌጡተመስገን #getutemesgen

"ኢትዮጵያ ታምርት" የጎዳና ላይ ሩጫ
ነገ በመስቀል አደባባይ ይካሄዳል
#ethiopia | ​የኢንዱስትሪ ሚኒስቴር "ለሁለንተናዊ ሉዓላዊነት ኢትዮጵያ ታምርት" በሚል መሪ ቃል ያዘጋጀው 4ኛው የ10 ኪሎ ሜትር የጎዳና ላይ ሩጫ፣ ነገ እሁድ ሚያዝያ 18 ቀን 2018 ዓ.ም. በመስቀል አደባባይ በድምቀት ይካሄዳል።

​ዓላማው
የሀገር ውስጥ አምራች ኢንዱስትሪዎችን ማነቃቃት፣ የሀገር ውስጥ ምርትን ማስተዋወቅና በራስ አቅም የተመረቱ የስፖርት ትጥቆችን ለገበያ ማሳየት ነው።

​ተሳታፊዎ
ከተለያዩ ክለቦች የተውጣጡ አትሌቶች፣ ከፍተኛ የመንግስት የስራ ኃላፊዎች፣ ዲፕሎማቶችና በግል የሚወዳደሩ ከ15,000 በላይ ተሳታፊዎች ይጠበቃሉ።

​የገንዘብ ሽልማት
በሁለቱም ጾታዎች አሸናፊ ለሚሆኑ አትሌቶች ከፍተኛ የገንዘብ ሽልማት ተዘጋጅቷል፦

​1ኛ፦ 550,000 (አምስት መቶ ሃምሳ ሺህ) ብር

​2ኛ፦ 300,000 (ሶስት መቶ ሺህ) ብር

​3ኛ፦ 200,000 (ሁለት መቶ ሺህ) ብር

​ይሄ ሩጫ ተራ ስፖርታዊ ውድድር አይደለም፤ የኢኮኖሚ ነጻነታችንን የምናውጅበት መድረክ ነው። 'ኢትዮጵያ ታምርት' በሚል መሪ ቃል የምናደርገው ይሄ ንቅናቄ፣ የሀገር ውስጥ ምርትን የመጠቀም ባህላችንን ያሳድጋል። ነገ መስቀል አደባባይ የሚገኙ 15 ሺህ ሯጮች የሀገራቸውን ምርት እየለበሱ ለሀገራዊ ብልጽግና እንደሚሮጡ ጥርጥር የለኝም።

​ነገ መስቀል አደባባይ ለሀገር ምርትና ለጤና እንሮጣለን

​#getu #ethiopiatamirt #industryethiopia #10krun #addisababaevents #localproduction #economicgrowth #ethiopianathletics #ኢትዮጵያታምርት #የጎዳናላይሩጫ #አዲስአበባ #ጌጡተመስገን #getutemesgen

የኢትዮጵያ የርምጃ አትሌቶች ብራዚል ገቡ

​#ethiopia | በደቡብ አሜሪካ ምድር የኢትዮጵያን ሰንደቅ ዓላማ ለማውለብለብ የጀግኖቹ ጉዞ ተጀምሯል!

​በብራዚል በሚካሄደው የዓለም አትሌቲክስ የእርምጃ ውድድር ላይ የሚሳተፈው የኢትዮጵያ ብሔራዊ ቡድን ዛሬ ጠዋት ከቦሌ ዓለም አቀፍ አውሮፕላን ማረፊያ ተነስቷል። ቡድኑ በፌዴሬሽኑ አመራሮች ደማቅ ሽኝት ተደርጎለታል።

​ኢትዮጵያን የሚወክሉ ጀግኖች፦

​አትሌት ምስጋና ዋቁማ
በፓሪስ ኦሎምፒክ ድንቅ ብቃት ያሳየውና በ20 ኪ.ሜ የሚወዳደረው።

​አትሌት ህይወት አምባው
የአፍሪካ ወጣቶች ኦሎምፒክ የወርቅ ሜዳሊያ ባለቤት (በ10 ኪ.ሜ ሴቶች)።

​አትሌት አቡዱሰላም አቡዱልወሀብ፦ በድሬደዋና በአዲስ አበባ የወጣቶች ሻምፒዮና አሸናፊ (በ10 ኪ.ሜ ወንዶች)።

​ውድድሩ መጪው እሁድ በብራዚል የሚካሄድ ሲሆን፣ አትሌቶቻችን በድል ተመልሰው ሀገራዊ ኩራት እንደሚሆኑ ይጠበቃል።

​ለመላው የልዑካን ቡድን መልካም ዕድል እንመኛለን!

​#getu #ethiopianathletics #racewalking #worldathletics #brazil2026 #misganawakuma #teamethiopia #sportsnews #addisababa #አትሌቲክስ #እርምጃ #ኢትዮጵያ #ብራዚል #ጌጡተመስገን #getutemesgen

የፓሪስ ኦሎምፒክ ኮከብ ጋቢ ቶማስ በአዲስ አበባ ሊትገኝ ነው!
#ethiopia | በአለም አትሌቲክስ አውድ ውስጥ ደማቅ ስም ያላት አሜሪካዊቷ የ200 ሜትር የኦሎምፒክ ሻምፒዮን ጋቢ ቶማስ፣ በኢትዮጵያ በሚካሄደው ታሪካዊ የግራንድ ፕሪክስ ውድድር ላይ እንደምትሳተፍ አረጋገጠች።

ታሪካዊ ውድድር በአዲስ አበባ
ኢትዮጵያ ለመጀመሪያ ጊዜ የምታስተናግደው የአንድ ቀን ዓለም አቀፍ የውድድር መድረክ (World Athletics Continental Tour) ሚያዝያ 10 ቀን 2018 ዓ.ም በአዲስ አበባ ይካሄዳል። ይህ ውድድር የአለም የጥቁር ህዝቦች ኩራት በሆነችው አዲስ አበባ መካሄዱ ልዩ ትርጉም የሚሰጠው ሲሆን፣ የጋቢ ቶማስ መገኘት ደግሞ ውድድሩን በጉጉት እንዲጠበቅ አድርጎታል።

የጋቢ ቶማስ ድንቅ ስኬቶች
ጋቢ ቶማስ በዓለም አቀፍ መድረኮች ያስመዘገበቻቸው ውጤቶች በአጭሩ፦

በ200 ሜትር የወርቅ ሜዳሊያ ባለቤት።

በዚሁ ኦሎምፒክ በ4x100 ሜትር እና በ4x400 ሜትር የሪሌ ውድድሮች ከአጋሮቿ ጋር ተጨማሪ ሁለት የወርቅ ሜዳሊያዎችን ለአሜሪካ አስገኝታለች።

በቡዳፔስት ዓለም ሻምፒዮና የብር እንዲሁም በቶኪዮ ኦሎምፒክ የነሐስ ሜዳሊያ አሸናፊ ናት።

የኢትዮጵያ አትሌቲክስ ፌዴሬሽን (ኢአፌ) እንደገለጸው፣ የዚህች አንጋፋ አትሌት መምጣት ለኢትዮጵያ ስፖርት እድገትና ለቱሪዝም ዘርፉ ትልቅ ፋይዳ ይኖረዋል።

Getu Temesgen - (ጌጡ ተመስገን)
#getutemesgen #getu #ኢትዮfm #gabbythomas #addisababagrandprix #ethiopianathletics #paris2024champion #continentaltour #addisababa #ethiopia #athleticsnews

የጀግኖች መታሰቢያ በአዲስ ፓርክ
ከአበበ ቢቂላ እስከ ቀነኒሳ በቀለ! ✨
#ethiopia | ​የኢትዮጵያ የአትሌቲክስ ዝና በዓለም ዙሪያ እንዲናኝ ያደረጉ 15 ታዋቂ አትሌቶቻችን፣ በአዲሱ አዲስ ፓርክ (Addis Park) ደማቅ የመታሰቢያ ሐውልት ቆመላቸዋል።

ይህ ስፍራ የጀግኖቻችንን የድል ታሪክና የሀገራችንን ስፖርታዊ ልዕልና የሚዘክር ድንቅ የጥበብ ሥራ ሆኗል።

​በሐውልት የተዘከሩት ዋና ዋና ጀግኖች፦

​ሻምበል አበበ ቢቂላ፦
በባዶ እግሩ ሮጦ ለኢትዮጵያና ለአፍሪካ የመጀመሪያውን የኦሊምፒክ ወርቅ ያስገኘው ታሪካዊ ጀግና።

​ሻምበል ማሞ ወልዴ፦
በሜክሲኮ ኦሊምፒክ የኢትዮጵያን የበላይነት ያስቀጠለው ድንቅ አትሌት።

​ሻለቃ ኃይሌ ገብረሥላሴ፦
በዓለም አቀፍ መድረክ በርካታ ክብረ ወሰኖችን በመስበር የኢትዮጵያ አምባሳደር የሆነው "ንጉሥ"።

​ሻለቃ ደራርቱ ቱሉ፦
የአፍሪካ ሴቶች የኦሊምፒክ ወርቅ ፋና ወጊና ተምሳሌት።

​ሻለቃ ቀነኒሳ በቀለ፦
የረጅም ርቀት ሩጫን የበላይነት በክብር ወሰኖች ያረጋገጠው ታላቁ አትሌት።

ኮማንደር ጥሩነሽ ዲባባ -
(በኦሎምፒክና በዓለም መድረክ ድልን የለመደችው የረጅም ርቀት ንግሥት)

አትሌት መሰረት ደፋር -
(በአምስት ሺህ ሜትር ሩጫ ስሟ በወርቅ የተጻፈ ድንቅ አትሌት)

​... እና ሌሎችም በድምሩ 15 የሚሆኑ የኢትዮጵያ የአትሌቲክስ ስም ማዕረጎች።

​የመታሰቢያው ፋይዳ፦
እነዚህ ሐውልቶች ለቱሪስት መስህብነት ብቻ ሳይሆን፣ ለታዳጊ አትሌቶችና ለወጣቱ ትውልድ "መስራትና ማሸነፍ ይቻላል" የሚል ትልቅ የሞራል ስንቅ የሚሰጡ ናቸው።

ጀግኖቻችንን በሕይወት እያሉ ማክበርና ታሪካቸውን በሐውልት መዘከር ትልቅ ባህላዊ ዕድገት ነው።

​የጀግና ስም ከመቃብር በላይ ይውላል!

​#getu #addispark #ethiopianathletics #heroesmemorial #abebebikila #hailegebrselassie #kenenisabekele #derartutulu #visitaddis #ethiopia #athleticslegend #አዲስፓርክ #አትሌቲክስ #ጀግኖች #አበበቢቂላ #ኃይሌገብረሥላሴ #ቀነኒሳበቀለ #ጌጡተመስገን #getutemesgen

ቅሬታ በአትሌቲክስ ፌዴሬሽን ላይ
"ላባችን ሳይደርቅ ክፍያችን ይፈጸምልን!" 🏃‍♂️⚖️
#ethiopia | ​በአዳማ ሳይንስና ቴክኖሎጂ ዩኒቨርሲቲ የተካሄደው አገር አቀፍ የታዳጊ ወጣቶች አትሌቲክስ ውድድር በድምቀት ቢጠናቀቅም፣ ከጀርባው ግን የባለሙያዎች እሮሮና ምሬት ሰፍኖ ይገኛል። ከመላ ሀገሪቱ የተውጣጡ ከ50 በላይ ዳኞችና የፌዴሬሽኑ ባለሙያዎች ላለፉት 10 ቀናት አበላቸው ሳይከፈላቸው ለእንግልት መዳረጋቸውን ገልጸዋል።

​📌 ዋና ዋና ቅሬታዎች፦

​የክፍያ መዘግየት፦
ውድድሩ ካለቀ 10 ቀናት ቢቆጠሩም፣ በህጉ መሠረት መከፈል የነበረበት አበል እስካሁን አልተከፈለንም ብለዋል።

​ማህበራዊ ቀውስ፦
"በቀን 900 ብር አበል እየተሰጠን፣ በዚህ የኑሮ ውድነት መኝታና ምግብ ችለን፣ አንድ መኝታ ላይ ሁለት እየተኛን ስራችንን ብንሰራም አበላችንን በመከልከላችን ለከፍተኛ ችግርና ለብድር ተጋልጠናል" ሲሉ ምሬታቸውን ገልጸዋል።

​የሚኒስቴሩ ድጋፍና የፌዴሬሽኑ ዝምታ፦ የባህልና ስፖርት ሚኒስቴር ለውድድሩ አስፈላጊውን ፈሰስ ቀደም ብሎ ቢያደርግም፣ ፌዴሬሽኑ ለምን ክፍያውን እንዳዘገየው ግልጽ እንዳልሆነ ተገልጿል።

​🚨 የመረጃ መውጣትና የፌዴሬሽኑ ድንገተኛ ሩጫ፦

ይህ መረጃ ለሚዲያ መድረሱ ከተሰማ በኋላ፣ ፌዴሬሽኑ "መረጃው ቀድሞን እንዳይወጣ" በሚል ስጋት ለዳኞቹ በአካውንታቸው ክፍያውን ለመፈጸም ሩጫ መጀመሩን የሀትሪክ ስፖርት ዘገባ አመልክቷል።

​🔇 የተቋሙ ምላሽ፦
በጉዳዩ ላይ ተጨማሪ ማብራሪያ ለማግኘት የተደረገው ጥረት፣ "ከሚዲያ የሚደወል ስልክ አታንሱ" በሚል መመሪያ ምክንያት ሳይሳካ ቀርቷል። ይህ የህዝብን የመረጃ ባለቤትነት የሚክድ አሰራር በስፖርቱ አመራር ላይ ያለውን የአመለካከት ክፍተት ያሳያል።

​#ethiopianathletics #athleticsfederation #adama #fairpay #sportnews #hattricksport #getutemesgen #getu #ጌጡ #ጌጡተመስገን