"20 ትሪሊዮን ዶላር በየአመቱ ለጥፋት እየዋለ ነው!"
#ethiopia | ለጦርነት ከሚወጣው 20 ትሪሊዮን ዶላር ውስጥ ረሀብ ለማጥፋት 10 በመቶ ብቻ እንደሚበቃ ተጠቆመ።

በየዓመቱ በጦርነትና በግጭት ምክንያት የዓለም ኢኮኖሚ 20 ትሪሊዮን ዶላር ያጣል።

በመላው በሚደረጉ ጦርነቶች ሰብአዊ ጥፋት ብቻ ሳይሆን የኢኮኖሚ ውድመታቸው ማህበረሰቡ ከሚያስበው በላይ እጅግ ግዙፍ መሆኑን መረጃዎች አመላክተዋል።

በየዓመቱ በዓለም አቀፍ ደረጃ በጦርነት፣ በግጭት እና በሁከት ምክንያት አለማችን 20 ትሪሊዮን ዶላር ታወጣለች።

ዓለም አቀፉ የሰላም አመልካች (Global Peace Index) በሚያዘጋጀው የምጣኔ ሀብትና የሰላም ጥናት ላይ ነው ይህ የተገለፀው።

ተቋሙ የጦርነትና የግጭትን የኢኮኖሚ ተፅዕኖ ሲያሰላ ዋና ዋና ወጪዎች አካቷል።

ከእነዚህ ወጪዎች መካከል በጦር መሳሪያ ግዢ፣ በመከላከያ በጀቶች፣ በወታደራዊ አገልግሎት እና የጉዳት ጥገና ላይ የሚወጡት ቀጥተኛ ወጪዎች ይገኙበታል።

በጥናቱ የተካተቱ ሌሎች ተዘዋዋሪ ወጪዎች ደግሞ በግጭት ምክንያት የሚጠፋው የሰው ህይወት፣ የአካል ጉዳቶች፣ የስነ-ልቦና ጉዳቶች፣ የምርታማነት ማጣት እና የተቋረጡ የንግድና የኢንቨስትመንት እንቅስቃሴዎች ናቸው።

የተፈናቀሉ ዜጎችን የማቋቋም እና የሰብአዊ ድጋፍ ማቅረቢያ ወጪዎች ተጠቃሽ ናቸው።

በተባበሩት መንግስታት ድርጅት መረጃ መሠረት በዓለም ዙሪያ ያለውን ረሃብ እስከ ፈረንጆቹ 2030 ሙሉ በሙሉ ለማጥፋት በየዓመቱ የሚያስፈልገው 300 ቢሊዮን ዶላር ነው።

ይህም ከ20 ትሪሊዮን ዶላሩ 2 በመቶ ያነሰ ነው።

ከዚህ ወጪ 10 በመቶ ያህሉ እንኳን ቢቀነስ በዓለም ላይ የሚገኙ ሁሉንም ህፃናት ነፃ እና ጥራት ያለው ትምህርት ማስተማር ይቻላል።

እንዲሁም ለሁሉም ዜጎች የመጀመሪያ ደረጃ የጤና አገልግሎት ማዳረስ ይቻል ነበር ብሏል።

በየዓመቱ የሚባክነው 20 ትሪሊዮን ዶላር የቁጥር ጉዳይ ብቻ ሳይሆን የሰው ልጅ የትምህርት፣ የጤና፣ የምግብ እና የሰላም ዕድል መታጣት መገለጫ መሆኑ ነው የተገለፀው።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #globalpeaceindex #peacedividend #stopwar #globalnews #economicimpact #peaceforworld

"በኤአይ ቴክኖሎጂ ጉዳት እንዲደርስበት የሚፈልግ የለም፤ ወደኋላ መቅረት የሚፈልግም እንዲሁ!" — ማርኮ ሩቢዮ
#ethiopia | አርቲፊሻል ኢንተለጀንስ በፍጥነት እየተስፋፋ በመጣበት በዚህ ወቅት አሜሪካን ጨምሮ በርካታ የዓለም አገራት ትልቅ የስጋት እና የተወዳዳሪነት ፍልሚያ ውስጥ መሆናቸው ተገለጸ።

የአሜሪካው የውጭ ጉዳይ ሚኒስትር ማርኮ ሩቢዮ ጉዳዩን አስመልክተው በሰጡት አስተያየት "በኤአይ ቴክኖሎጂ ምክንያት ጉዳት እንዲደርስበት የሚፈልግ ማንም የለም ብለዋል።

በሌላ በኩል ግን ከቴክኖሎጂው እድገት ወደኋላ መቅረት የሚፈልግም አካል የለም" ሲሉ የችግሩን አሳሳቢነት ገልጸዋል።

ሚኒስትሩ አክለውም ለብዙ አገራት ትልቁ ፈተና የቴክኖሎጂውን ያልተጠበቁ ጉዳቶች እና ስጋቶች እየተቆጣጠሩ በኤአይ እድገት ግንባር ቀደም ሆኖ መቀጠል እንደሆነ ተናግረዋል።

ሌሎች በርካታ አገራትም በዚሁ ዘርፍ ቀዳሚ ለመሆን ሌት ተቀን እየተወዳደሩ እንደሚገኙ ጠቁመዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #artificialintelligence #ai #marcorubio #technologynews #globalnews #usa #techupdates

የስጋ ፍጆታ በበለፀጉ እና በታዳጊ ሀገራት የ10 እጥፍ ልዩነት አሳየ!
#ethiopia | ዓለም አቀፍ የስጋ ፍጆታ በቀን ከ1 ሚሊዮን ቶን በላይ ማለፉ ተገለጸ።

በዓለም አቀፍ ደረጃ በቀን ከ1 ሚሊዮን ቶን በላይ የስጋ ምርት ጥቅም ላይ እንደሚውል የወጡ መረጃዎች ጠቆሙ።

እንደ ዘገባው ከሆነ በዓመት ከ350 ሚሊዮን ቶን በላይ ስጋ ተመርቶ ሙሉ በሙሉ ጥቅም ላይ ይውላል።

በአማካኝ አንድ ሰው በቀን 120 ግራም ያህል ስጋ የሚመገብ ሲሆን የምግብ ፍጆታ መጠኑ እንደ ሀገራቱ የኢኮኖሚ አቅምና ባህል ሰፊ ልዩነት ያሳያል።

በበለፀጉ ሀገራት የአንድ ሰው ዕለታዊ የስጋ ፍጆታ እስከ 300 ግራም የሚደርስ ሲሆን በታዳጊ ሀገራት ግን ከ30 ግራም በታች መሆኑ ተመልክቷል።

የስጋ ፍጆታ መጠን በቀጥታ ከሀገራቱ የኢኮኖሚ አቅም እና ከህዝቡ የገቢ ደረጃ ጋር የተያያዘ መሆኑን መረጃው አመላክቷል።

ከኢኮኖሚ አቅም በተጨማሪ የየሀገራቱ የምግብ ባህል እና ልማድ በስጋ ፍጆታ መጠን ላይ ከፍተኛ ተፅዕኖ እንዳለው ያሳያል።

በአሁኑ ወቅት ከዓለም አጠቃላይ ሕዝብ 80 በመቶ የሚሆነው ስጋ ተመጋቢ እንደሆነ ተገልጿል።

በብዛት ጥቅም ላይ የሚውሉ የስጋ ዓይነቶች የፍጆታ መጠናቸው ከፍ ብሏል።

የዶሮ ስጋ በቀን ከ350,000 ቶን በላይ ጥቅም ላይ የሚውል ሲሆን በ1ኛ ደረጃ ላይ ይገኛል።

የአሳማ ስጋ ደግሞ በቀን ከ310,000 ቶን በላይ ለምግብነት የሚውል የስጋ አይነት ሆኖ 2ኛ ደረጃን ይዟል።

የበሬ ስጋ በቀን ከ200,000 ቶን በላይ ጥቅም ላይ ይውላል።

የበግና የፍየል ስጋ በቀን ከ45,000 ቶን በላይ በአለም አቀፍ ደረጃ በፍጆታነት ይውላል።

ከአለም ሀገራት መካከል ህዝቦቿ ከፍተኛ የስጋ ተጠቃሚ የሆኑባት ሀገር
ሆንግ ኮንግ ስትሆን አንድ ሰው በአመት በአማካኝ ከ136 ኪሎ ግራም በላይ ስጋ እንደሚመገብ ተገልጿል።

በአንጻሩ ዝቅተኛ የፍጆታ መጠን የተመዘገበባት ሀገር ብሩንዲ ስትሆን በዓመት አንድ ሰው በአማካኝ 5 ኪሎ ግራም ስጋ እንደሚመገብ ነው የተገለፀው።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #meatconsumption #globalnews #globaleconomy #foodstatistics

በቀን ከ36 ሚሊዮን በርሜል በላይ ነዳጅ የሚያቃጥሉት ሁለቱ ሀገራት
#ethiopia | ከነዳጅ ጥገኝነት መላቀቅ ያልቻለችው ዓለማችን በቀን 16 ቢሊዮን ሊትር ነዳጅ ትጠቀማለች።

ይህ ከፍተኛ የነዳጅ ፍጆታ ከዓለም አቀፍ የትራንስፖርት የኢንዱስትሪ እንቅስቃሴ እና የኤቪዬሽን ዘርፍ ማደግ ጋር ተያይዞ በየቀኑ እየጨመረ የመጣ ነው ተብሏል።

በዚህ ዓለም አቀፍ የነዳጅ ፍጆታ ውስጥ ቀዳሚውን ድርሻ የሚወስዱት ሁለቱ የኢኮኖሚ ሃያላን ሀገራት አሜሪካ እና ቻይና ናቸው፡

ከሜሪካ በቀን ከ20 ሚሊዮን በርሜል በላይ ነዳጅ በመጠቀም በዓለም አቀፍ ደረጃ በግንባር ቀደምትነት ተሰልፋለች።

ይህ መጠን ዓለም አቀፉ አጠቃላይ ፍጆታ ከ20 በመቶ በላይ የሚሸፍን ሲሆን በዋናነት ለትራንስፖርት እና ለኢንዱስትሪ ዘርፎች የሚውል እንደሆነ ተገልጿል።

ቻይና በቀን ወደ 16 ሚሊዮን በርሜል ገደማ ነዳጅ በመጠቀም ሁለተኛዋ ትልቋ ተጠቃሚ ሀገር ሆናለች።

የሀገሪቱ የፋብሪካዎች መስፋፋት እና የህዝብ እንቅስቃሴ የነዳጅ ፍላጎቷ በከፍተኛ ፍጥነት እንዲያድግ አድርጎታል ተብሏል።

የምጣኔ ሀብት ባለሞያዎች እንደሚሉት ከሆነ ምንም እንኳን ዓለም ወደ ታዳሽ ኃይል ለመሸጋገር ጥረት እያደረገች ቢሆንም ከነዳጅ ጥገኝነት መላቀቅ አልቻለችም።

የትራንስፖርት የመርከብ እና የአቪዬሽን ዘርፎች አሁንም በከፍተኛ ሁኔታ በነዳጅ ላይ የተመሰረቱ በመሆናቸው ዕለታዊው የፍጆታ መጠን በከፍተኛ ደረጃ እያደገ ይገኛል ብለዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #globalnews #oilmarket #globaleconomy #usaeconomy #chinaeconomy #renewableenergy #energysector

የ251 ሚሊዮን ህጻናት የእውቀት በር ተዘግቷል
#ethiopia | በመላው ዓለም 251 ሚሊዮን ሕፃናት ከትምህርት ገበታ ውጪ መሆናቸው ተገለጸ።

ይህ አኃዝ በዓለም አቀፍ ደረጃ በትምህርት እኩልነት ላይ ትልቅ ክፍተት መኖሩን የሚያሳይ ሲሆን በተለይም በታዳጊ እና በጦርነት በሚታመሱ ሀገራት ላይ ችግሩ እጅግ የከፋ መሆኑን አመላክቷል።

የመንግስታቱ ድርጅት ባወጣው መረጃ መሠረት በተለያዩ ሀገራት በተከሰቱ ጦርነቶች እና የፖለቲካ አለመረጋጋቶች ትምህርት ቤቶች እንዲወድሙ እንዲዘጉ ወይም ለተፈናቃዮች መጠለያነት እንዲያገለግሉ ተደርገዋል ብሏል።

ይህም ሚሊዮኖች ከትምህርት ገበታቸው እንዲፈናቀሉ ምክንያት ሆኗል።

እንደዚሁም አነስተኛ ገቢ ያላቸው ቤተሰቦች የትምህርት ቁሳቁስ የዩኒፎርም እና የትራንስፖርት ወጪዎችን መሸፈን ባለመቻላቸው ህጻናት ከትምህርት እንዲርቁ ምክንያት ሆኗል ብሏል።

በተጨማሪም ሕፃናት ለቤተሰቦቻቸው ተጨማሪ ገቢ ለማስገኘት ሲሉ ገና በለጋ እድሜያቸው ወደ ሥራ ዓለም እንዲሰማሩ ይገደዳሉ።

በገጠር አካባቢዎች በሚገኙ ትምህርት ቤቶች የሰለጠኑ መምህራን እጥረት በመኖሩ ምክንያት በርካታ ሕፃናት የመማር ዕድላቸው መዘጋቱን ድርጅቱ ገልጿል።

በዓለም አቀፍ ደረጃ በትምህርት እኩልነት ላይ ትልቅ ክፍተት መኖሩን ያሳየ ሲሆን በተለይም በታዳጊ እና በጦርነት በሚታመሱ ሀገራት ላይ ችግሩ እጅግ የከፋ መሆኑን አመላክቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #educationforeverychild #unesco #globalnews #educationmatters

በሰሜናዊ ቆጵሮስ የጉዞ ጀልባ በመስመጧ የ8 ሰዎች ህይወት አለፈ
#ethiopia | በሰሜናዊ ቆጵሮስ የባህር ዳርቻ 267 ሰዎችን አቃፊ የነበረች የመንገደኞች ጀልባ በመስመጧ ቢያንስ የስምንት ሰዎች ህይወት ማለፉ የተረጋገጠ ሲሆን የ 18 ሰዎች ደግሞ አሁንም የደረሱበት አልታወቀም።

ፊሎ ጄት በመባል የምትታወቀው እና 259 መንገደኞችን እንዲሁም 8 የሰራተኛ አባላትን የያዘችው ይህች ጀልባ ከኪሬኒያ ወደ ቱርክ ታሱቹ የምታደርገውን ጉዞ እንደጀመረች በገጠማት ከፍተኛ ማዕበል ምክንያት በውሃ በመሞላቷ ተገልብጣ ሙሉ በሙሉ ወደ ባህር ሰጥማለች።

አደጋውን ተከትሎ በቱርክ እና በሰሜናዊ ቆጵሮስ አየር እና ባህር ኃይሎች አማካኝነት በተካሄደው አፋጣኝ የነፍስ አድኖ ስራ ከ 240 በላይ ሰዎች በህይወት መታደግ ተችሏል።

የአካባቢው ባለስልጣናት በአደጋው ምክንያት የሦስት ቀናት ብሄራዊ የሀዘን ቀን ያወጁ ሲሆን፣ የአደጋውን መንስኤ የማጣራት ስራ መጀመሩን እና የጀልባዋ ካፕቴንን ጨምሮ ስምንት የሰራተኛ አባላት በቁጥጥር ስር ውለው ምርመራ እየተደረገባቸው እንደሚገኝ አስታውቀዋል።
#northerncyprus #shipwreck #maritimedisaster #mediterranean #rescueoperation #globalnews #getutemesgen #getu #ጌጡ #ጌጡተመስገን #addisababa

ሰበር - ኮሎምቢያ በአዲስ አበባ የሚገኘውን ኤምባሲዋን ልትዘጋ ነው! #ethiopia #colombia #addisababa #globalnews #foreignpolicy

የቻይና የእርዳታ እህል ኩባ ገብቷል
#ethiopia | ቻይና ለከባድ የምግብና የኃይል ቀውስ ውስጥ ለምትገኘው ኩባ ቃል ከገባችው 60 ሺህ ቶን የአደጋ ጊዜ የምግብ ድጋፍ ውስጥ የመጀመሪያውን 15 ሺህ ቶን ሩዝ በሃቫና ወደብ በኩል አስረከበች።

​ይህ በቤጂንግ የተላከው ግዙፍ ጭነት በኩባ በቅርብ ታሪክ የተደረገ ትልቁ የምግብ ድጋፍ ሲሆን፥ በአሜሪካ ማዕቀብና ከቬንዙዌላ የሚመጣው ነዳጅ በመቋረጡ ምክንያት በደሴቲቱ ላይ የተከሰተውን ታይቶ የማይታወቅ የሸቀጦችና የኃይል እጥረት ለመቅረፍ ያለመ ነው።

​የኩባው ፕሬዝዳንት ሚጌል ዲያዝ-ካኔል ዕርዳታው በሁሉም ግዛቶች ለሚገኙ በሚሊዮን ለሚቆጠሩ ዜጎች፣ ለሆስፒታሎችና ለትምህርት ቤቶች እንደሚሰራጭ የገለጹ ሲሆን፥ በኩባ የቻይና አምባሳደር ሁዋ ሺን በበኩላቸው እርምጃው በሁለቱ ሀገራት መካከል ያለውን ጠንካራ ዲፕሎማሲያዊ አጋርነት የሚያሳይ መሆኑን ተናግረዋል።

​#china #cuba #havana #foodaid #geopolitics #globalnews #chinacubarelations

ቻይና እና አሜሪካ የሆርሙዝ የባሕር ሰርጥ ክፍት ሆኖ እንዲቆይ ተስማሙ
**********************

የአሜሪካው ፕሬዚዳንት ዶናልድ ትራምፕ እና የቻይናው ፕሬዚዳንት ሺ ጂንፒንግ በቤጂንግ ባደረጉት የፊት ለፊት ውይይት በሆርሙዝ የባሕር ሰርጥ ዙሪያ መክረዋል።

በውይይታቸውም በኢራን ጦርነት ሳቢያ በዓለም አቀፍ ገበያ ላይ ያለው ውጥረት በበረታበት በዚህ ወቅት፣ ስትራቴጂያዊው የሆርሙዝ ባሕር ሰርጥ “ነፃ የኃይል አቅርቦት ፍሰትን ለመደገፍ ሲባል የግድ ክፍት ሆኖ መቆየት አለበት” በሚለው ነጥብ ላይ ፕሬዚዳንት ሺ መስማማታቸውን ኋይት ሐውስ አስታውቋል።

በሌላ በኩል፣ የኢራን የውጭ ጉዳይ ሚኒስትር አባስ አራቅቺ በኒው ዴልሂ፣ በተካሄደው ስብሰባ ላይ የብሪክስ (BRICS) አባል ሀገራት አሜሪካ እና እስራኤል በኢራን ላይ የከፈቱትን ጦርነት እንዲያወግዙት አሳስበዋል።

ሚኒስትሩ “ቴህራን ለማንኛውም ዓይነት ውጫዊ ጫና በፍጹም እጅ እንደማትሰጥ” በአፅንኦት መናገራቸውን አልጀዚራ ዘግቧል።

ይህ በእንዲህ እንዳለ፣ በደቡብ ሊባኖስ ከተሞች እና መንደሮች ላይ የእስራኤል ጥቃቶች አሁንም የቀጠሉ ቢሆንም፣ ግጭቱን በዘላቂነት ለማስቆም ያለመ የሊባኖስ እና የእስራኤል ተደራዳሪዎች ሦስተኛ ዙር የቀጥታ ውይይት በዋሽንግተን ዲሲ በመካሄድ ላይ እንደሚገኝ ተገልጿል።
#globalnews #usa #china #iran #hormuzstrait #brics #diplomacy

በህንድ በደረሰ ከባድ አውሎ ንፋስ የ90 ሰዎች ህይወት አለፈ
#ethiopia | ​በህንድ በህዝብ ብዛቷ ቀዳሚ በሆነችው ኡታር ፕራዴሽ ግዛት የተከሰተ ከባድ ዝናብ እና በረዶ የቀላቀለ አውሎ ንፋስ የ90 ሰዎችን ህይወት መቅጠፉ ተረጋግጧል።

የግዛቲቱ ባለስልጣናት ለሮይተርስ እንደገለጹት ከሆነ፣ የተከሰተው የተፈጥሮ አደጋ በክልሉ ሰፊ በሆኑ አካባቢዎች ላይ ከፍተኛ የንብረት ውድመት እና የሰው ህይወት መጥፋት ምክንያት ሆኗል።

​በአሁኑ ወቅት የአደጋው ሰለባ የሆኑ ወገኖችን ለመርዳት የነፍስ አድን ስራዎች በከፍተኛ ሁኔታ እየተከናወኑ ቢሆንም፣ የጉዳቱ መጠን ሰፊ በመሆኑ የሟቾች ቁጥር ከዚህም በላይ ሊጨምር እንደሚችል ስጋት ተፈጥሯል።

አውሎ ንፋሱ በቤትና በመሠረተ ልማቶች ላይ ያደረሰው ውድመት በነፍስ አድን ስራው ላይ ተግዳሮት መፍጠሩም ተነግሯል።

Getu Temesgen - (ጌጡ ተመስገን) #getutemesgen #getu
​#india #uttarpradesh #disasternews #weatherupdate #indianews #globalnews #getutemesgenmedia

ቻይና ታይዋን የምትባል ሀገር ስለማላውቅ በዓለም ጤና ድርጅት ጉባኤ ላይ እንዳትሳተፍ አለች
#ethiopia | ​በመጪው ግንቦት 18 የሚከፈተው 79ኛው የዓለም ጤና ድርጅት ጉባኤ ላይ ታይዋን እንዳትሳተፍ መወሰኗን ቻይና ይፋ አደረገች። የቻይና የውጭ ጉዳይ ሚኒስቴር ቃል አቀባይ በሰጡት መግለጫ፣ ታይዋን የቻይና ግዛት የማይነጠል አካል በመሆኗ በጉባኤው ላይ የሚኖረው ተሳትፎ ቻይናን ብቻ የሚመለከት መሆኑን አፅንኦት ሰጥተዋል።

​ቃል አቀባዩ አክለውም፣ የቻይና ሕዝባዊ ሪፐብሊክ መንግስት መላውን ቻይና የሚወክል ብቸኛ ሕጋዊ መንግስት መሆኑንና ይህም በተባበሩት መንግስታት ድርጅት ደንብ የተደገፈ መርህ መሆኑን ገልጸዋል።

በታይዋን የሚገኘው "ዴሞክራቲክ ፕሮግረሲቭ ፓርቲ" የነፃነት አቋም በማራመድ የ"አንድ ቻይና" መርህን ጥሷል ሲሉ የወቀሱት ቃል አቀባዩ፣ የታይዋንን ካርድ በመጠቀም የሚደረግ ማንኛውም የፖለቲካ ማጭበርበር ተቀባይነት እንደሌለው አስታውቀዋል።

​በዚህም መሰረት የዓለም ጤና ድርጅትና የተባበሩት መንግስታት ድርጅትን ውሳኔዎች ለማስከበር ታይዋን በዘንድሮው ጉባኤ ላይ እንደማትሳተፍ ግሎባል ታይምስ የቃል አቀባዩን መግለጫ ዋቢ በማድረግ ዘግቧል።

Getu Temesgen - (ጌጡ ተመስገን) #getutemesgen #getu
​#china #taiwan #who #worldhealthassembly #onechinapolicy #geopolitics #globalnews

"የዩክሬን ግጭት ወደ ማብቂያው እየተቃረበ ነው"፦ ፕሬዚዳንት ቭላድሚር ፑቲን
*************************

የሩሲያው ፕሬዚዳንት ቭላድሚር ፑቲን የዩክሬን ግጭት ወደ ማብቂያው ምዕራፍ እየተቃረበ መሆኑን ገልጸዋል።

ፕሬዚዳንቱ ይህንን ያሉት በሩሲያና በመላው ዓለም የተከበረውን የ79ኛው የድል ቀን በዓል ተከትሎ በሞስኮ ከጋዜጠኞች ጋር በነበራቸው ቆይታ ነው።

ፕሬዚዳንት ፑቲን በሰጡት ማብራሪያ "ጉዳዩ ወደ ዩክሬን ግጭት ማጠቃለያ እያመራ ነው ብዬ አስባለሁ" ሲሉ ተናግረዋል።

አክለውም በሩሲያና በዩክሬን መካከል የመጨረሻው የሰላም ስምምነት ላይ መድረስ ከተቻለ፣ ከዩክሬኑ ፕሬዚዳንት ቮሎዲሚር ዘለንስኪ ጋር በሦስተኛ ሀገር ለመገናኘትና ለመወያየት ዝግጁ መሆናቸውን ገልጸዋል።

በሞስኮ በተካሄደው የድል ቀን በዓል ላይ ለመሳተፍ ከመጡ የውጭ ሀገራት መሪዎች ጋር ተከታታይ ስብሰባዎችን ያደረጉት ፑቲን፣ ስለ ሩሲያ-ቻይና ግንኙነትና ስለ ዓለም አቀፍ ጉዳዮችም ሰፊ ገለጻ አድርገዋል።

ፕሬዚዳንቱ በንግግራቸው ግጭቱን በዘላቂነት ለመፍታት የሚያስችሉ ስምምነቶች ላይ መድረስ ወሳኝ መሆኑን አጽንኦት ሰጥተውበታል።

በብሌን ደምበሎ
#russia #ukraine #vladimirputin #globalnews #peacetalks

የአሜሪካ እና የኢራን ጦርነት አሁንም ዓለምን እያሳሰባት ነው።
#usa #iran #uspolitics #warcosts #republicanparty #middleeastconflict #globalnews #economicimpact

የቴክኖሎጂው ጦርነት ጋለ! ቻይና የአሜሪካን የAI ምስጢሮች ሰርቃለች ተባለ
#ethiopia | ​ዋይት ሀውስ (White House) በይፋ ባወጣው መግለጫ፣ ቻይና እጅግ ዘመናዊ የሆኑ የአሜሪካን የAI ቴክኖሎጂ ምስጢሮችን በመስረቅ የራሷን AI ገንብታለች ሲል ከሰሰ። ይህ ድርጊት በሁለቱ ሀገራት መካከል ያለውን ግንኙነት እጅግ አሳሳቢ ደረጃ ላይ ጥሎታል።

​ ድርጊቱ እንዴት ተፈጸመ?
(The "Distillation" Method)

​በአስር ሺዎች የሚቆጠሩ የሀሰት አካውንቶችን በመጠቀም ወደ አሜሪካ የAI ሲስተሞች ዘልቀው በመግባት መረጃዎችን ቀድተዋል።

​የቴክኖሎጂ ስርቆት (Distillation)
ሌላው ሰው ለፍቶ የሰራውን የቤት ስራ ኮርጆ እንደራስ አድርጎ እንደማቅረብ ማለት ነው። ቻይና የአሜሪካን ምርጥ የAI ክፍሎች በመቅዳት ያለምንም ወጪ የራሷን ቴክኖሎጂ ገንብታለች ተብሏል።

​የአሜሪካ መንግስት በዚህ ድርጊት እጅግ መቆጣቱን የገለጸ ሲሆን፣ ቻይና ግን ክሱን "መሰረተ ቢስ" ስትል አጣጥላለች።

​ የትራምፕና የፕሬዝዳንት ዢ መገናኘት

የሚቀጥለው ወር ዶናልድ ትራምፕ ከቻይናው ፕሬዝዳንት ዢ ጂንፒንግ ጋር የሚያደርጉት ስብሰባ፣ በዚህ አዲስ የስርቆት ክስ ምክንያት እጅግ አሳሳቢና "Awkward" እንደሚሆን ይጠበቃል።

​ ዛሬ ዓለም በጉልበት ብቻ ሳይሆን በቴክኖሎጂም እየተፋለመች ነው። AI የወደፊቱ ዓለም ቁልፍ በመሆኑ፣ እንዲህ ያሉ የስርቆት ክሶች የሀገራትን ደህንነት አደጋ ላይ ይጥላሉ።

ቴክኖሎጂው ለበጎ ነገር ከመዋል ይልቅ ለስለላና ለስርቆት መዋሉ ያሳስባል። ትራምፕ በሚቀጥለው ወር ለሚያደርጉት ጉብኝት ይህ ክስ ትልቅ ራስ ምታት እንደሚሆንባቸው ግልጽ ነው!

​የቴክኖሎጂው ጦርነት ወዴት ያመራ ይሆን?

​#getu #techwar #usvschina #aisecrets #artificialintelligence #trumpximeeting #cybersecurity #globalnews #ቴክኖሎጂ #አርቴፊሻልኢንተለጀንስ #አሜሪካናቻይና #ሰበርመረጃ #ጌጡተመስገን #getutemesgen

በዋይት ሃውስ የእራት ግብዣ ላይ ተኩስ ተሰማ

* ፕሬዝዳንት ትራምፕ በድንገት ተወሰዱ
#ethiopia | ​ዛሬ ሌሊት በዋሽንግተን ሒልተን ሆቴል በተካሄደው የዋይት ሃውስ የጋዜጠኞች የእራት ግብዣ (White House Correspondents' Dinner) ላይ ያልተጠበቀ የተኩስ ድምፅ በመሰማቱ ከፍተኛ ግርግር ተፈጥሯል። ፕሬዝዳንት ዶናልድ ትራምፕ በደህንነት አካላት ጥበቃ ተደርጎላቸው በአስቸኳይ ከቦታው እንዲወጡ ተደርጓል።

​ እንደ የጸጥታ አካላት ገለፃ ከ7 እስከ 8 የሚደርሱ የጥይት ድምፆች ተሰምተዋል። በወቅቱ የነበሩ ታዳሚዎች በድንጋጤ ከጠረጴዛ ስር ተሸሽገው ነበር።

ፕሬዝዳንት ትራምፕ በራሳቸው የትሩዝ ሶሻል (Truth Social) ገፃቸው ላይ "ተኳሹ በቁጥጥር ስር ውሏል" ሲሉ አረጋግጠዋል። የደህንነት መስሪያ ቤቱም አንድ ግለሰብ መያዙን ገልጿል።

​ፕሬዝዳንቱ፣ ቀዳማዊት እመቤቷና ሌሎች ከፍተኛ ባለስልጣናት (የኤፍቢአይ ዳይሬክተር ካሽ ፓቴልን ጨምሮ) በሰላም ከቦታው መውጣታቸው ታውቋል።

​ ትራምፕ "ዝግጅቱ መቀጠል አለበት" (Let the show go on) የሚል አስተያየት የሰጡ ቢሆንም፣ የጸጥታ አካላት ግን ጥብቅ ክትትል እያደረጉ ይገኛሉ።

ይህ ክስተት አሜሪካ ውስጥ ያለውን የፖለቲካ ውጥረትና የደህንነት ስጋት ዳግም ያሳየ ነው። የጋዜጠኞች የእራት ግብዣ ላይ እንዲህ ያለ ድፍረት የተሞላበት ሙከራ መደረጉ አፍን በእጅ አስከድኗል።

ፕሬዝዳንት ትራምፕ በሰላም ቢወጡም የደህንነት አካላቱ እንዴት እንዲህ ያለ ክፍተት እንደተፈጠረ ትልቅ ምርመራ ይጠብቃቸዋል።

​ዲፕሎማሲውና ፖለቲካው በጥይት ድምፅ ታውኳል!

የዓለም ዓይኖች ወደ አሜሪካ ዞሯል።

Getu Temesgen - (ጌጡ ተመስገን)

​#getu #trumpnews #breakingnews #whitehousedinner #washingtondc #trumpsafety #secretservice #globalnews #ትራምፕ #ሰበርመረጃ #ዋሽንግተን #ጌጡተመስገን #getutemesgen

ፓኪስታን ድጋሜ እንምከር አለች
#ethiopia | በአሜሪካ እና በኢራን መካከል ያለውን ውጥረት ለማርገብ የሚደረገውን ጥረት ተከትሎ፣ ፓኪስታን ሁለተኛውን ዙር ድርድር በዋና ከተማዋ ኢስላማባድ ለማስተናገድ ፍላጎት እንዳላት ገለጸች።

አሶሼትድ ፕሬስ (AP) የፓኪስታን ባለስልጣናትን ጠቅሶ እንደዘገበው፣ ይህ የውይይት ጥያቄ የቀረበው አሁን ያለው የተኩስ አቁም ስምምነት ከማብቃቱ በፊት ቀጣይ የዲፕሎማሲ መፍትሄዎችን ለመፈለግ ነው። ድርድሩ እንደታቀደው የሚቀጥል ከሆነ በመጪው ሐሙስ ሊካሄድ እንደሚችል ይጠበቃል።

ሁለቱ ወገኖች ሌላ የተለየ ቦታ እንዲሆን ካልጠየቁ በስተቀር ኢስላማባድ ለውይይቱ ዝግጁ መሆኗ ተገልጿል።

ምንም እንኳ የመጀመሪያው ዙር ድርድር ያለ ስምምነት ቢጠናቀቅም፣ ዲፕሎማሲያዊ ጥረቱ የአንድ ጊዜ ሳይሆን ቀጣይነት ያለው ሂደት አካል መሆኑን ባለስልጣናቱ አረጋግጠዋል።

አዲሱ የአሜሪካ እና የኢራን ግንኙነት በመጪው ሐሙስ በይፋ ሊጀመር እንደሚችል የአሜሪካ ባለስልጣናት ፍንጭ ሰጥተዋል።

ይህ የፓኪስታን ተነሳሽነት በክልሉ ያለውን የፀጥታ ሁኔታ ለማረጋጋትና በሁለቱ ሀገራት መካከል ያለውን ልዩነት በውይይት ለመፍታት ትልቅ ዕድል እንደሚፈጥር ይታመናል።

Getu Temesgen - (ጌጡ ተመስገን)
#getutemesgen #getu #ethiopia #pakistan #usa #iran #diplomacy #islamabad #globalnews #geopolitics #ፓኪስታን #አሜሪካ #ኢራን #ድርድር #ዜና

ቶታል ኢነርጂስ እና የቱርኩ ቲፓኦ (TPAO) በጥቁር ባሕር የጋራ የነዳጅ ፍለጋ ለማድረግ ተስማሙ
#ethiopia | የፈረንሳዩ የኢነርጂ ግዙፍ ቶታል ኢነርጂስ እና የቱርክ ብሔራዊ የነዳጅ ኩባንያ (TPAO) በጥቁር ባሕር ውስጥ የሃይድሮካርቦን ፍለጋ ለማካሄድ የሚያስችል የመጀመሪያ ደረጃ ስምምነት ተፈራረሙ። ሰኞ ዕለት ይፋ የሆነው ይህ ስምምነት የሁለቱን ኩባንያዎች የቴክኒክ ትብብር የሚያጠናክርና በጥቁር ባሕርም ሆነ በሌሎች ዓለም አቀፍ መድረኮች በጋራ ለመሰማራት የሚያስችል ማዕቀፍ የፈጠረ ነው።

ይህ ስምምነት ባለፈው ወር በቱርክ የኢነርጂ ሚኒስትር ቀርቦ የነበረውን የትብብር ሐሳብ ወደ ተግባር የለወጠ መሆኑ ተገልጿል።

የሁለቱ ኩባንያዎች ስምምነት ይፋ በሆነበት ወቅት፣ በዓለም አቀፍ የነዳጅ ገበያ ላይ ከፍተኛ የዋጋ መናር ታይቷል። አሜሪካ በኢራን ላይ የባሕር ላይ እገዳ ልታደርግ ትችላለች በሚል በተፈጠረ ስጋት፣ የነዳጅ ዋጋ በ 8% ጭማሪ አሳይቶ አንድ በርሜል ድፍድፍ ነዳጅ ከ 102 ዶላር በላይ ተመዝግቧል።
ይህን ተከትሎ የዓለም አገራት የተለያዩ እርምጃዎችን እየወሰዱ ይገኛሉ፦

በነዳጅ ዋጋ መናር ሳቢያ ለዜጎቿ የሚሆን የ 1.9 ቢሊዮን ዶላር የዋጋ ማቅለያ ዕርዳታ ለማድረግ አቅዳለች።

ከሰባት ዓመታት ቆይታ በኋላ ለመጀመሪያ ጊዜ የኢራን ነዳጅ መረከብ መጀመሯ ታውቋል ሲል የዘገበው ካፒታል ነው።

Getu Temesgen - (ጌጡ ተመስገን)
#getutemesgen #getu #totalenergies #tpao #blacksea #oilprice #energycrisis #turkey #iran #globalnews #ኢነርጂ #ነዳጅ #ጥቁርባሕር

አሜሪካ የሆርሙዝ ሰርጥን እየዘጋች ነው
#ethiopia | በመካከለኛው ምስራቅ እጅግ ወሳኝ በሆነው የሆርሙዝ የባህር መስመር ላይ የአሜሪካ ባህር ኃይል ጥብቅ የቁጥጥር እርምጃ መውሰድ መጀመሩ ተሰማ። ይህ እርምጃ የተወሰደው የአሜሪካ ማዕከላዊ ዕዝ (CENTCOM) ከሚያዚያ 5/2018 ዓ.ም (እንደ ኢትዮጵያ አቆጣጠር) ጀምሮ ሰርጡን እንደሚዘጋ ካስታወቀ በኋላ ነው።

የአሜሪካ ማዕከላዊ ዕዝ በሰርጡ ላይ የሚደረገውን ማንኛውንም እንቅስቃሴ የመቆጣጠርና የመገደብ ሙሉ ኃላፊነት ወስዶ ወደ ተግባር መግባቱ ተገልጿል።

የአሜሪካው ፕሬዚዳንት ዶናልድ ትራምፕ የኢራን መርከቦች በተከለከለው የሰርጡ ክልል ውስጥ ቢገኙ "እስከወዲያኛው ይሰናበታሉ" (ይደመሰሳሉ) የሚል ጠንካራ ማስጠንቀቂያ አስተላልፈዋል። ዕዙም ከኢራን ወደቦች ወደ ሰርጡ የሚደረጉ እንቅስቃሴዎችን ሙሉ በሙሉ ለማገድ እየሰራ መሆኑን አስታውቋል።

የቴህራን አብዮታዊ ዘብ (IRGC) በበኩሉ አሜሪካ የወሰደችው እርምጃ ዓለም አቀፍ የባህር ህግጋትን የጣሰ ነው በማለት ወቅሷል። የኢራን ወታደራዊ ኃይሎች ለአሜሪካ እርምጃ ተመጣጣኝ ምላሽ እንደሚሰጡ ዝተዋል።

በአሁኑ ወቅት አንድ የአሜሪካ አውሮፕላን ተሸካሚ የጦር መርከብ እና ሁለት አውዳሚዎች በኦማን ባህረ ሰላጤ ላይ ተሰማርተው ዝግጁነታቸውን እያረጋገጡ መሆኑ ታውቋል።

ይህ በሆርሙዝ ሰርጥ ላይ የተጀመረው ወታደራዊ እንቅስቃሴ በዓለም አቀፉ የነዳጅ ገበያና በባህር ትራንስፖርት ደህንነት ላይ ከፍተኛ ስጋት ሊፈጥር እንደሚችል ተገምቷል።

Getu Temesgen - (ጌጡ
#nbc #getutemesgen #getu #hormuzstrait #usnavy #centcom #iran #trump #middleeasttension #maritimesecurity #globalnews #ኢራን #አሜሪካ #ሆርሙዝ #ወታደራዊዜና

''የዩክሬኑ ፕሬዝዳንት ቮሎዲሚር ዘለንስኪ እኛንም አትርሱን አሉ''
#ethiopia | የዩክሬኑ ፕሬዝዳንት ቮሎዲሚር ዘለንስኪ፣ የአሜሪካ እና የእስራኤል ትኩረት ወደ ኢራን ማዘንበል ለዩክሬን የሚደረገውን ወታደራዊ ድጋፍ ሊያዳክም ይችላል በሚል ከፍተኛ ስጋታቸውን ገልጸዋል። እንደ ዘለንስኪ ገለጻ፣ የዓለም ትኩረት ወደ መካከለኛው ምስራቅ መዞሩ ለሩሲያ ምቹ ሁኔታን ሊፈጥር ይችላል።

የመከላከያ አቅርቦት መቀነስ፦ ዋሽንግተን ትኩረቷን ወደ መካከለኛው ምስራቅ የምታደርግ ከሆነ፣ ለኬይቭ እጅግ አስፈላጊ የሆኑት የፓትሪዮት የአየር መከላከያ ሚሳኤሎች አቅርቦት ሊቀንስ እንደሚችል ፕሬዝዳንቱ አሳስበዋል።

የሩሲያ ጥቃት መጠናከር፦ የዓለም አቀፉ ማህበረሰብ ትኩረት መከፋፈል፣ ሩሲያ በዩክሬን ላይ የምታደርገውን መጠነ-ሰፊ ጥቃት ይበልጥ እንድታፋፍም ዕድል ይሰጣታል ተብሏል። ባለፉት አራት ዓመታት ብቻ በሩሲያ የአየር ጥቃት በሺዎች የሚቆጠሩ ንጹኃን መሞታቸው ይታወሳል።

የኢነርጂ መሰረተ ልማቶች ኢላማ መሆን፦ ሩሲያ በዩክሬን የኃይል ማመንጫዎች ላይ የምታደርሰው ጥቃት ሁለት ዋና ዓላማዎች እንዳሉት ተገልጿል፦

ዩክሬን አዲስ የጀመረችውን የድሮን እና ሚሳኤል ምርት ለማስተጓጎል።

በክረምት ወቅት ንጹኃን ዜጎች ሙቀትና የቧንቧ ውሃ እንዳያገኙ በማድረግ ሰብዓዊ ቀውስ ለመፍጠር።

በአጠቃላይ፣ የጂኦፖለቲካዊ ለውጦች በዩክሬን የመከላከል አቅም ላይ ሊያሳድሩ የሚችሉት ጫና በኬይቭ በኩል ትልቅ ስጋት ሆኖ ቀጥሏል።

Getu Temesgen - (ጌጡ ተመስገን)
#getutemesgen #getu #ukraine #zelenskyy #russiaukrainewar #middleeastconflict #geopolitics #globalnews #patriotmissiles #internationalrelations

''የዩክሬኑ ፕሬዝዳንት ቮሎዲሚር ዘለንስኪ እኛንም አትርሱን አሉ''
#ethiopia | የዩክሬኑ ፕሬዝዳንት ቮሎዲሚር ዘለንስኪ፣ የአሜሪካ እና የእስራኤል ትኩረት ወደ ኢራን ማዘንበል ለዩክሬን የሚደረገውን ወታደራዊ ድጋፍ ሊያዳክም ይችላል በሚል ከፍተኛ ስጋታቸውን ገልጸዋል። እንደ ዘለንስኪ ገለጻ፣ የዓለም ትኩረት ወደ መካከለኛው ምስራቅ መዞሩ ለሩሲያ ምቹ ሁኔታን ሊፈጥር ይችላል።

የመከላከያ አቅርቦት መቀነስ፦ ዋሽንግተን ትኩረቷን ወደ መካከለኛው ምስራቅ የምታደርግ ከሆነ፣ ለኬይቭ እጅግ አስፈላጊ የሆኑት የፓትሪዮት የአየር መከላከያ ሚሳኤሎች አቅርቦት ሊቀንስ እንደሚችል ፕሬዝዳንቱ አሳስበዋል።

የሩሲያ ጥቃት መጠናከር፦ የዓለም አቀፉ ማህበረሰብ ትኩረት መከፋፈል፣ ሩሲያ በዩክሬን ላይ የምታደርገውን መጠነ-ሰፊ ጥቃት ይበልጥ እንድታፋፍም ዕድል ይሰጣታል ተብሏል። ባለፉት አራት ዓመታት ብቻ በሩሲያ የአየር ጥቃት በሺዎች የሚቆጠሩ ንጹኃን መሞታቸው ይታወሳል።

የኢነርጂ መሰረተ ልማቶች ኢላማ መሆን፦ ሩሲያ በዩክሬን የኃይል ማመንጫዎች ላይ የምታደርሰው ጥቃት ሁለት ዋና ዓላማዎች እንዳሉት ተገልጿል፦

ዩክሬን አዲስ የጀመረችውን የድሮን እና ሚሳኤል ምርት ለማስተጓጎል።

በክረምት ወቅት ንጹኃን ዜጎች ሙቀትና የቧንቧ ውሃ እንዳያገኙ በማድረግ ሰብዓዊ ቀውስ ለመፍጠር።

በአጠቃላይ፣ የጂኦፖለቲካዊ ለውጦች በዩክሬን የመከላከል አቅም ላይ ሊያሳድሩ የሚችሉት ጫና በኬይቭ በኩል ትልቅ ስጋት ሆኖ ቀጥሏል።

Getu Temesgen - (ጌጡ ተመስገን)
#getutemesgen #getu #ukraine #zelenskyy #russiaukrainewar #middleeastconflict #geopolitics #globalnews #patriotmissiles #internationalrelations

አብዛኛው አሜሪካዊ ከኢራን ጋር የሚደረገው ጦርነት በአስቸኳይ እንዲቆም መጠየቁ ተገለጠ

​#ethiopia | አዲስ የሕዝብ አስተያየት መለኪያ እንደሚያመለክተው፣ አብዛኛው የአሜሪካ ሕዝብ ሀገሪቱ ከኢራን ጋር ከምትሰነዝረው ወታደራዊ ጥቃት እንድትወጣና ግጭቱ በአስቸኳይ እንዲቆም እንደሚፈልግ አመልክቷል።
​
​66% የሚሆኑ አሜሪካውያን ውጤቱ ሽንፈት ቢሆን እንኳ አሜሪካ ከኢራን ጋር ከሚደረግ ማንኛውም ወታደራዊ እንቅስቃሴ እንድትወጣ ይፈልጋሉ።

​60% የሚሆኑት ዜጎች አሜሪካ በኢራን ላይ የምታካሂደውን ወታደራዊ ጥቃት እንደማይቀበሉ ገልጸዋል።

​40% የሚሆኑት የሪፐብሊካን ደጋፊዎችም ጥቃቱ በአስቸኳይ እንዲቆም ፍላጎታቸውን ገልጸዋል፤ ይህም በሀገሪቱ የፖለቲካ ውሳኔ ሰጪዎች ላይ ከፍተኛ ጫና ሊፈጥር እንደሚችል ተገምቷል።

​ይህ የሕዝብ ስሜት አሜሪካውያን ከቀድሞዎቹ የኢራቅና አፍጋኒስታን ጦርነቶች በመነሳት ለዲፕሎማሲያዊ መፍትሔ ቅድሚያ እየሰጡ መሆኑን ያሳያል ተብሏል።

​#usa #iran #breakingnews #peace #reuters #ipsos #getutemesgen #ethiopianjournalist #warpost #globalnews #addisababa #ethiopia #nowar #foreignpolicy

የቻይናው ፕሬዝዳንት ዢ ጂንፒንግ አረንጓዴ አሻራን ተቀላቀሉ

📌 ዢ ጂንፒንግ "ውብና አረንጓዴ ቻይናን" ለመገንባት የችግኝ ተከላ ጥሪ አቀረበዋል
#ethiopia | የቻይናው ፕሬዝዳንት ዢ ጂንፒንግ መላው የሀገሪቱ ዜጋ በአረንጓዴ አሻራ እና በችግኝ ተከላ መርሃ ግብሮች ላይ በነቃ ሁኔታ እንዲሳተፍ ጥሪ አቀረቡ።

ፕሬዝዳንቱ ይህንን ጥሪ ያስተላለፉት በቤጂንግ በተካሄደ የበጎ ፈቃድ የችግኝ ተከላ መርሃ ግብር ላይ ተገኝተው በተሳተፉበት ወቅት ነው።

በመርሃ ግብሩ ላይ ለህዝቡ አርአያ የሚሆኑ ሀገር በቀል ችግኞችን የተከሉት ፕሬዝዳንቱ፣ የነገዋን ውብ ቻይና ለመገንባት እያንዳንዱ ዜጋ የድርሻውን ሊወጣ እንደሚገባ አሳስበዋል።

የነገዎቹ ተረካቢዎችና የአረንጓዴው ጉዞ
በዕለቱ በተካሄደው ስነስርዓት ላይ አዳጊ ተማሪዎችም የተሳተፉ ሲሆን፣ ዢ ጂንፒንግ ከተማሪዎቹ ጋር በነበራቸው ቆይታ በስፖርት፣ በትምህርትና በተፈጥሮ ጥበቃ ዙሪያ ሰፊ ውይይት አድርገዋል። ፕሬዝዳንቱ ለልጆቹ በለገሱት ምክር፦

* ትልቅ ህልም እንዲኖራቸው፤
* ለትምህርትና ለስራ ትጋት እንዲኖራቸው፤
* ተፈጥሮን የሚወዱና የሚንከባከቡ

የህብረተሰቡ አለኝታ እንዲሆኑ አሳስበዋል። ቻይና በአረንጓዴ ልማት ያስመዘገበችው ስኬት
ፕሬዝዳንት ዢ እንደገለጹት፣ ቻይና ደኖችን በማስፋትና በረሃማነትን በመከላከል ረገድ በአለም አቀፍ ደረጃ ከፍተኛ ስኬት እያስመዘገበች ትገኛለች። ይህም ሀገሪቱን በአረንጓዴ ልማት ረገድ ከአለም ቀዳሚ ተርታ እያሰለፋት መሆኑን ጠቁመዋል።

ቤጂንግ በአየር ንብረት ለውጥና በስነ-ምህዳር ጥበቃ ዙሪያ የምትከተለው ጠንካራ ህግና መመሪያ ለቀጣዩ ትውልድ የምትመችና ውብ ቻይናን ለመፍጠር መሰረት እየጣለ መሆኑንም ፕሬዝዳንቱ በንግግራቸው አረጋግጠዋል።

Getu Temesgen - (ጌጡ ተመስገን)
#getutemesgen #getu #china #xijinping #greendevelopment #afforestation #climateaction #sustainability #environment #globalnews

የቻይናው ፕሬዝዳንት ዢ ጂንፒንግ አረንጓዴ አሻራን ተቀላቀሉ

📌 ዢ ጂንፒንግ "ውብና አረንጓዴ ቻይናን" ለመገንባት የችግኝ ተከላ ጥሪ አቀረበዋል
#ethiopia | የቻይናው ፕሬዝዳንት ዢ ጂንፒንግ መላው የሀገሪቱ ዜጋ በአረንጓዴ አሻራ እና በችግኝ ተከላ መርሃ ግብሮች ላይ በነቃ ሁኔታ እንዲሳተፍ ጥሪ አቀረቡ።

ፕሬዝዳንቱ ይህንን ጥሪ ያስተላለፉት በቤጂንግ በተካሄደ የበጎ ፈቃድ የችግኝ ተከላ መርሃ ግብር ላይ ተገኝተው በተሳተፉበት ወቅት ነው።

በመርሃ ግብሩ ላይ ለህዝቡ አርአያ የሚሆኑ ሀገር በቀል ችግኞችን የተከሉት ፕሬዝዳንቱ፣ የነገዋን ውብ ቻይና ለመገንባት እያንዳንዱ ዜጋ የድርሻውን ሊወጣ እንደሚገባ አሳስበዋል።

የነገዎቹ ተረካቢዎችና የአረንጓዴው ጉዞ
በዕለቱ በተካሄደው ስነስርዓት ላይ አዳጊ ተማሪዎችም የተሳተፉ ሲሆን፣ ዢ ጂንፒንግ ከተማሪዎቹ ጋር በነበራቸው ቆይታ በስፖርት፣ በትምህርትና በተፈጥሮ ጥበቃ ዙሪያ ሰፊ ውይይት አድርገዋል። ፕሬዝዳንቱ ለልጆቹ በለገሱት ምክር፦

* ትልቅ ህልም እንዲኖራቸው፤
* ለትምህርትና ለስራ ትጋት እንዲኖራቸው፤
* ተፈጥሮን የሚወዱና የሚንከባከቡ

የህብረተሰቡ አለኝታ እንዲሆኑ አሳስበዋል። ቻይና በአረንጓዴ ልማት ያስመዘገበችው ስኬት
ፕሬዝዳንት ዢ እንደገለጹት፣ ቻይና ደኖችን በማስፋትና በረሃማነትን በመከላከል ረገድ በአለም አቀፍ ደረጃ ከፍተኛ ስኬት እያስመዘገበች ትገኛለች። ይህም ሀገሪቱን በአረንጓዴ ልማት ረገድ ከአለም ቀዳሚ ተርታ እያሰለፋት መሆኑን ጠቁመዋል።

ቤጂንግ በአየር ንብረት ለውጥና በስነ-ምህዳር ጥበቃ ዙሪያ የምትከተለው ጠንካራ ህግና መመሪያ ለቀጣዩ ትውልድ የምትመችና ውብ ቻይናን ለመፍጠር መሰረት እየጣለ መሆኑንም ፕሬዝዳንቱ በንግግራቸው አረጋግጠዋል።

Getu Temesgen - (ጌጡ ተመስገን)
#getutemesgen #getu #china #xijinping #greendevelopment #afforestation #climateaction #sustainability #environment #globalnews

ትራምፕ በኢራኗ ኻርግ ደሴት ላይ አይናቸውን ጥለዋል
#ethiopia | የአሜሪካው ፕሬዚዳንት ዶናልድ ትራምፕ አሜሪካ የኢራንን የነዳጅ ዘይት ሀብት ለመቀራመትና ስልታዊ ጠቀሜታ ያላትን የኻርግ ደሴትን በቀላሉ ልትቆጣጠር እንደምትችል ገለጹ። ፕሬዚዳንቱ ከፋይናንሺያል ታይምስ ጋር ባደረጉት ቆይታ፤ የኢራንን የነዳጅ ምርት የመረከብ ፍላጎት እንዳላቸው በግልጽ ተናግረዋል።

ትራምፕ አሜሪካ ኻርግ ደሴትን ለመቆጣጠር የሚያግዳት አንዳችም የኢራን መከላከያ እንደሌለ ገልጸው፣ "በቀላሉ ልንወስዳት እንችላለን" ብለዋል።

"እውነቱን ለመናገር ከኢራን የነዳጅ ዘይት መውሰድ እፈልጋለሁ" ያሉት ፕሬዚዳንቱ፤ ይህንን እርምጃ የሚቃወሙ ወገኖችን "የማይረቡ" ሲሉ ነቅፈዋል።

ከነዳጅ በተጨማሪ አሜሪካ በኢራን የሚገኘውን የዩራኒየም ክምችት ለማውጣት እያሰበች መሆኑን ዘገባው ጠቁሟል

ፕሬዚዳንቱ ወታደራዊ እርምጃውን እንደ አማራጭ ቢያነሱም፣ ጉዳዩ "በፍጥነት እና ፍትሃዊ" በሆነ የሰላም ስምምነት እንዲቋጭ እንደሚፈልጉም አልሸሸጉም።

ይህ ንግግር የወጣው 3,500 የሚጠጉ የአሜሪካ ወታደሮች በመካከለኛው ምስራቅ መድረሳቸው በታወቀበት ወቅት መሆኑ ጉዳዩን ይበልጥ አሳሳቢ አድርጎታል። ኻርግ ደሴት ለኢራን የነዳጅ ኤክስፖርት ወሳኝ የባህር በር መሆኗ ይታወቃል።

Getu Temesgen - (ጌጡ ተመስገን)
#getutemesgen #getu #trump #iran #khargisland #middleeast #oilpolitics #globalnews #usa #geopolitics2025

የኢራን ያልተደፈሩት "የሚሳኤል ከተሞች''
#ethiopia | በመካከለኛው ምስራቅ እየናረ የመጣውን ወታደራዊ ውጥረት ተከትሎ፣ የኢራን ስትራቴጂካዊ የጥቃት አቅምና ከመሬት በታች የተገነቡት "የሚሳኤል ከተሞች" የዓለም አቀፍ ተንታኞችን ትኩረት ስበዋል። ኢራን በተራራማ ስንጥቆችና በከፍተኛ ጥልቀት ውስጥ የገነባቻቸው እነዚህ ምስጢራዊ ማከማቻዎች ከማንኛውም የአየር ጥቃት የተጠበቁ መሆናቸው ስጋቱን እጥፍ አድርጎታል።

እነዚህ ከመሬት በታች ያሉ ምሽጎች በሺዎች የሚቆጠሩ ባሊስቲክ ሚሳኤሎችን የያዙ ሲሆን፣ በማንኛውም ቅፅበት ወደ ተፈለገው ኢላማ ለመተኮስ ዝግጁ መሆናቸው ይነገራል። በተለይም እስከ 2,000 ኪሎ ሜትር ርቀት ድረስ መምታት የሚችሉት እንደ 'ሻሀብ-3' ያሉ ሚሳኤሎች፣ እስራኤልንና በቀጣናው ያሉ የአሜሪካ የጦር ሰፈሮችን በቀጥታ ኢላማ ውስጥ ያስገባሉ።

የኢራንን ወታደራዊ ጡንቻ ይበልጥ አስፈሪ የሚያደርገው በቅርቡ ይፋ የሆነው 'ፋታህ' የተሰኘው የሃይፐርሶኒክ ሚሳኤል ነው። ከድምፅ ፍጥነት በላቀ ሁኔታ የሚጓዝ በመሆኑ፣ በአሁኑ ሰዓት ያሉ ዘመናዊ የአየር መከላከያ ሥርዓቶች ሊያቆሙት እንደማይችሉ ይገመታል።

* ሚሳኤሎቹን ከረቂቅ ሰው አልባ አውሮፕላኖች (ድሮኖች) ጋር በማቀናጀት ማጥቃት።
* የተቃራኒ ወገንን የመከላከል አቅም የማጨናነቅ ከፍተኛ ብቃት።
* በገዛ አቅም የሚመረቱ የጦር መሣሪያዎች መበራከት።

ወታደራዊ ተንታኞች እንደሚሉት፣ ኢራን እስካሁን በነበሩ ግጭቶች የተጠቀመችው ከጠቅላላ ክምችቷ እጅግ ጥቂቱን ብቻ ነው። ይህም "የኢራን እውነተኛ አቅም ገና አልተነካም" የሚለውን መላምት ሚዛን እንዲደፋ አድርጎታል። ምዕራባውያን ማዕቀቦችን ቢያጠነክሩም፣ አገሪቱ በራሷ ቴክኖሎጂ የምታከናውነው የጦር መሣሪያ ግንባታ የቀጣናውን የኃይል ሚዛን እየቀየረው ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #iran #middleeasttension #missilecity #militarypower #globalnews #breakingnews #persiangulf #defensetechnologytrainingacademy

በቤት ውስጥ መሥራት የውልደት መጠንን በከፍተኛ ሁኔታ እየጨመረ መሆኑ ተገለጸ
#ethiopia | ከጀርመን የኢኮኖሚ ምርምር ተቋም እና ከታዋቂው ስታንፎርድ ዩኒቨርሲቲ የወጣ አዲስ ጥናት እንደሚያመለክተው፣ በቤት ውስጥ ሆኖ የመሥራት ባህል መስፋፋት በዓለም አቀፍ ደረጃ የውልደት መጠን እንዲጨምር ትልቅ አስተዋጽኦ እያበረከተ ይገኛል።

የጥናቱ ዝርዝር ነጥቦች፦

* የጥናቱ ስፋት፦ ጥናቱ እ.ኤ.አ ከ2023 እስከ 2025 ባሉት ዓመታት ውስጥ በ38 አገራት ላይ የተካሄደ ሰፊ ዳሰሳ ነው።

* የቁጥር ልዩነት፦ ቢያንስ በሳምንት አንድ ቀን በቤት ውስጥ የሚሠሩ ጥንዶች፣ ሙሉ በሙሉ ከቤት ውጭ ከሚሠሩት ጋር ሲነፃፀሩ የ14% የውልደት ብልጫ አሳይተዋል።

* ተጽዕኖ፦ ይህ ግኝት የሥራ ዓለም ለውጥ (Remote Work) በቤተሰብ መዋቅርና በሥነ-ሕዝብ እድገት ላይ እያመጣ ያለውን አዎንታዊ ተጽዕኖ በግልጽ የሚያሳይ መሆኑ ተመልክቷል።

ተመራማሪዎቹ እንደሚሉት የሥራ ሰዓት ተለዋዋጭ መሆንና ጥንዶች በቤት ውስጥ የሚያሳልፉት ጊዜ መጨመር ለዚህ ውጤት ዋነኛው ምክንያት ሳይሆን አልቀረም ተብሏል።

Getu Temesgen - (ጌጡ ተመስገን)
#getutemesgen #getu #ጌጡ #fidelpost #remotework #birthrate #stanforduniversity #research #familylife #globalnews #workfromhome #populationgrowth #trendingnews #ethionews

የኢራን ሪያል ቀውስ፡ አዲሱ የ10 ሚሊዮን ኖት የኢኮኖሚው መዳን ወይስ የውድቀት አውራጅ?
#ethiopia | የኢራን ማዕከላዊ ባንክ አዲስ ባለ 10 ሚሊዮን ሪያል የገንዘብ ኖት (ቼክ) ይፋ ማድረጉን ተከትሎ፣ የሀገሪቱ የኢኮኖሚ አቅጣጫ ወዴት ያመራል? የሚለው ጥያቄ በብዙዎች ዘንድ መነጋገሪያ ሆኗል። ይህ ግዙፍ ቁጥር ያለው ኖት መታተሙ የሀገሪቱ ገንዘብ የመግዛት አቅም በከፍተኛ ሁኔታ ማሽቆልቆሉን በግልጽ የሚያሳይ ክስተት ተደርጎ ተወስዷል።

የቁጥሮች ተቃርኖ

ምንም እንኳን ኖቱ 10 ሚሊዮን የሚል ግዙፍ ቁጥር ቢኖረውም፣ በዓለም አቀፍ የገንዘብ ገበያ ያለው ዋጋ ግን እጅግ አነስተኛ ነው። በአሁኑ ወቅት ይህ ኖት የሚመነዘረው በ650 የህንድ ሩፒ ገደማ ብቻ መሆኑ፣ የሪያል ዋጋ ከጊዜ ወደ ጊዜ እየኮሰመነ መምጣቱን ቁልጭ አድርጎ ያሳያል።

ለምን እንዲህ ሆነ?

የኢኮኖሚ ባለሙያዎች ለዚህ ከቁጥጥር ውጭ ለሆነው የዋጋ ግሽበት ሦስት ዋና ዋና ምክንያቶችን ያስቀምጣሉ፦
* በሀገሪቱ ላይ የተጣሉ ጠንካራ ዓለም አቀፍ ማዕቀቦች።
* ከነዳጅ ሽያጭ የሚገኘው የውጭ ምንዛሬ ገቢ በከፍተኛ ሁኔታ መቀነስ።
* በመካከለኛው ምስራቅ ያለው ቀጣይነት ያለው ቀጠናዊ አለመረጋጋት።

ፋይዳውና ስጋቱ

አዲሱ ኖት ዜጎች ለዕለት ተዕለት ግብይት የሚይዙትን የገንዘብ ክምር በመቀነስ ረገድ መጠነኛ "ቴክኒካዊ" እገዛ ቢያደርግም፣ በባንኮችና በዜጎች ኑሮ ላይ የተጋረጠውን ጥልቅ የፋይናንስ ቀውስ ግን አላገገመውም። ኢራን ከዚህ ቀደም አራት ዜሮዎችን በመቀነስ ከሪያል ወደ 'ቶማን' ለመቀየር ያደረገችው ጥረትም ቢሆን፣ መሰረታዊ የኢኮኖሚ ችግሮቿን መፍታት አልቻለም።

በአጠቃላይ፣ ይህ 10 ሚሊዮን ሪያል ኖት የኢኮኖሚ ጥንካሬ ሳይሆን፣ የኢራን የገንዘብ ፖሊሲ ከዋጋ ግሽበት ጋር የሚያደርገው ትንቅንቅ ምን ያህል ፈታኝ ደረጃ ላይ መድረሱን የሚያሳይ ምልክት ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #iraneconomy #rialcrisis #globalnews #economicinflation #middleeastupdate #financenews #currencydevaluation

ዓለም ለከፋ የኒውክሌር ስጋት ዝግጁ እንድትሆን የዓለም ጤና ድርጅት ጥሪ አቀረበ!
#ethiopia | በዓለማችን ላይ እየታየ ያለው የጂኦፖለቲካዊ ውጥረት አሳሳቢ ደረጃ ላይ መድረሱን ተከትሎ፣ የዓለም ጤና ድርጅት (WHO) ሊከሰቱ ለሚችሉ የኒውክሌር ወይም የራዲዮአክቲቭ ድንገተኛ አደጋዎች ከፍተኛ የዝግጅት ሥራ መጀመሩን አስታውቋል።
የድርጅቱ የቀጠና ዳይሬክተር ዶክተር ሃናን ባልኪ እንደገለጹት፣ ተቋሙ በአሁኑ ወቅት የጤና ባለሙያዎችን በማሰልጠን፣ የሕክምና ምላሽ ዕቅዶችን በማሻሻል እና የድንገተኛ ጊዜ ግብዓቶችን በማደራጀት ላይ በትኩረት እየሰራ ይገኛል።

⚠️ ዋና ዋና ነጥቦች፦

* የዝግጅቱ ስፋት፦ ዝግጅቱ በኒውክሌር ተቋማት ላይ ከሚደርሱ ድንገተኛ አደጋዎች ጀምሮ እስከ ከፋ የጦርነት ሁኔታዎች ድረስ ያሉትን እጅግ አስከፊ ስጋቶች ታሳቢ ያደረገ ነው።

* ምክንያቱ፦ በሀገራት መካከል ያለው አለመረጋጋት እና ወቅታዊው የዓለም ሁኔታ ለማንኛውም ያልተጠበቀ ክስተት አስቀድሞ መዘጋጀትን የግድ ማድረጉ ተገልጿል።

* የድርጅቱ አቋም፦ ምንም እንኳ እንዲህ ያሉ አደጋዎች በፍጹም እንዳይከሰቱ ምኞታቸው ቢሆንም፣ የሰው ልጆችን ደህንነት ለመጠበቅ ቅድመ መከላከል ቀዳሚ ግብ መሆኑን አሳስበዋል።

ይህ የዓለም ጤና ድርጅት እርምጃ፣ ዓለም አቀፍ ውጥረቶች በሰው ልጆች ጤና ላይ ሊያመጡ የሚችሉትን ከፍተኛ ስጋት በግልጽ የሚያሳይ ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #መናኸሪያFm #worldhealthorganization #nuclearsafety #globalnews #publichealth #breakingnews #stayinformed #emergencypreparedness

የዓለም የነዳጅ ዋጋ የ2008ቱን ታሪካዊ ከፍተኛ የዋጋ ጣሪያ ሊሰብር እንደሚችል ተጠቆመ
#ethiopia | ታዋቂው የኢንቨስትመንት ባንክ ጎልድማን ሳክስ ባወጣው አዲስ መግለጫ፤ በመካከለኛው ምስራቅ በተለይም በኢራን አካባቢ እየተባባሰ የመጣው ግጭት በነዳጅ አቅርቦት ላይ መስተጓጎል መፍጠሩን ተከትሎ የነዳጅ ዋጋ እ.ኤ.አ በ2008 ተመዝግቦ የነበረውን ከፍተኛ ዋጋ ሊበልጥ እንደሚችል አስጠንቅቋል።

ባንኩ እንዳመለከተው፥ በተለይ ስትራቴጂካዊ በሆነው የሆርሙዝ ሰርጥ በኩል ያለው የነዳጅ ዝውውር መገታት በገበያው ላይ ከፍተኛ ስጋት የፈጠረ ሲሆን፤ በዚህም ምክንያት የብሬንት ድፍድፍ ነዳጅ ዋጋ በቅርቡ በተደረገ የንግድ ውሎ እስከ 119 ዶላር ደርሶ ነበር። ምንም እንኳን ዋጋው ረገብ ብሎ በ108.65 ዶላር ቢዘጋም የአቅርቦት እጥረቱ ስጋት ግን አሁንም ዓለም አቀፍ የዋጋ ግሽበትን እያባባሰው ይገኛል።

እንደ ጎልድማን ሳክስ ትንበያ ከሆነ፦
* መስተጓጎሉ ረዘም ላለ ጊዜ የሚቆይ ከሆነ እስከ 2027 ድረስ የነዳጅ ዋጋ ከ100 ዶላር በላይ ሆኖ ሊቆይ ይችላል።

* ምንም እንኳን የነዳጅ ፍሰቱ በሚያዝያ ወር ወደ መደበኛ ሁኔታው ይመለሳል ተብሎ ቢታሰም፤ በምርት መሰረተ ልማቶች ላይ የደረሰው ጉዳት ግን ጥርጣሬን ፈጥሯል።

* የኦፔክ (OPEC) አባል ሀገራት ያሏቸው ትርፍ የማምረት አቅሞች ክፍተቱን በከፊል ሊሞሉ እንደሚችሉ ቢታመንም፤ አሁን ያለው የኃይል አቅርቦት ቀውስ ግን ከነዳጅ ገበያ ባለፈ በዓለም አቀፍ የቦንድ፣ የውጭ ምንዛሬ እና የአክሲዮን ገበያዎች ላይ ከፍተኛ ጫና እያሳደረ ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #globalnews #fuelprice #goldmansachs #economy #oilmarket #energycrisis #internationaltrade #opec

አዲሱ የኢራን መሪ ሞጅታባ ኻሚኒ ቆሰሉ
#ethiopia | የኒው ዮርክ ታይምስ ዘገባ እንደጠቆመው፣ በቅርቡ የኢራን የበላይ መሪ ሆነው የተሾሙት የ56 ዓመቱ ሞጅታባ ኻሚኒ በእስራኤል እና አሜሪካ ጥቃት እግራቸው ላይ ጉዳት ደርሶባቸዋል።

ቁልፍ መረጃዎች፦

* የሹመት ታሪክ፦ ሞጅታባ ኻሚኒ የሀገሪቱ የበላይ መሪ የነበሩት አባታቸው አሊ ኻሚኒ በእስራኤል ጥቃት መገደላቸውን ተከትሎ ባለፈው እሁድ ስልጣን መረከባቸው ይታወሳል።

* ከዕይታ መራቅ፦ መሪው ከተሾሙ ሦስተኛ ቀናቸውን ቢያስቆጥሩም፣ እስካሁን በአደባባይም ሆነ በቪዲዮ አለመታየታቸው የደረሰባቸው ጉዳት ከባድ ሊሆን እንደሚችል ግምቶችን አክሮታል።

* የባለስልጣናት ምላሽ፦ የኢራን ፕሬዝዳንት ልጅ መሪው "በሰላም እና በጤና" ላይ እንደሚገኙ ቢገልጹም፣ ስለመቁሰላቸው የተሰራጨውን መረጃ ግን በቀጥታ አላስተባበሉም።

* የእስራኤል ማስጠንቀቂያ፦ የእስራኤል መከላከያ ሚኒስትር ኢዝራኤል ካትዝ "ማንኛውም የኢራን መሪ የጥቃት ኢላማችን ነው" በማለት መዛታቸው፣ አዲሱ መሪ ለደህንነታቸው ሲሉ ተደብቀው ሊሆን እንደሚችልም ሌላኛው መላምት ሆኗል።
በአሁኑ ወቅት አዲሱ መሪ በአደባባይ አለመታየታቸው በኢራን የፖለቲካ መረጋጋት ላይ ጥያቄ እያስነሳ ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #iran #mojtabakhamenei #israel #middleeastnews #breakingnews #iranconflict #globalnews #ኢራን #እስራኤል