"ከ44 ሚሊዮን በላይ መምህራን ያስፈልጋሉ!"—ዩኔስኮ
#ethiopia | ዩኔስኮ "በ2030 ጥራት ያለው ትምህርት ለሁሉም ለማዳረስ እስከ 44 ሚሊዮን መምህራን ያስፈልጋሉ!" ብሏል።

የተባበሩት መንግሥታት የትምህርት የሳይንስና የባህል ድርጅት ይፋ ያደረገው ሪፖርት እንዳመለከተው በዓለም ዙሪያ ሁለንተናዊ የትምህርት ተዳራሽነትን ለማረጋገጥ ከ44 ሚሊዮን በላይ መምህራን ያስፈልጋሉ ብሏል።

በዓለም ዙሪያ ከ90 ሚሊዮን በላይ የሚሆኑ መምህራን በተለያዩ የትምህርት ደረጃዎች ከመዋዕለ ሕፃናት እስከ ከፍተኛ ትምህርት ዘርፍ ድረስ እያገለገሉ ይገኛሉም ብሏል።

ከዚህ ቁጥር ውስጥ ከ13 ሚሊዮን በላይ መምህራንና ፕሮፌሰሮች በኮሌጆችና ዩኒቨርሲቲዎች እያስተማሩ እንደሚገኙ ሪፖርቱ ገልጿል።

በዓለም ዙሪያ ያለው የመምህራን ቁጥር ከፍተኛ ቢሆንም አሁንም ጥራት ያለው ትምህርት ለሁሉም ለማዳረስ ከ44 ሚሊዮን በላይ ተጨማሪ መምህራን ያስፈልጋሉ።

የመምህራን እጥረቱ በዓለም ደረጃ እኩል ባይሆንም ከፍተኛው ጫና የሚገኘው በታዳጊ ሀገራት ላይ እንደሆነ አመላክቷል።

በዓለም አቀፍ ደረጃ ከሚፈለገው 44 ሚሊዮን ተጨማሪ የመሠረታዊና ሁለተኛ ደረጃ መምህራን መካከል 15 ሚሊዮኑ ወይም አንድ ሶስተኛው የሚያስፈልገው ከከሰሃራ በታች ባሉ የአፍሪካ ሀገራት ነው ተብሏል።

ይህ ማለት የቀጣናው ሀገራት እስከ 2030 ድረስ ያለውን የልማት ግብ ለማሳካት አሁን ካላቸው የመምህራን ኃይል በተጨማሪ ከፍተኛ ቁጥር ያለው አካዳሚክ ሰራተኛ መቅጠር ማሰልጠንና በስራ ላይ ማቆየት ይጠበቅባቸዋል ሲል ድርጅቱ አመላክቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #unesco #teacher #worldteachersday #education #africa #teachershortage

ነገ መስከረም 26 ቀን በተለያዩ አካባቢዎች የኤሌክትሪክ ኃይል ይቋረጣል
#ethiopia | የኢትዮጵያ ኤሌክትሪክ አገልግሎት ባቀደው የጥገና ሥራ ምክንያት ነገ መስከረም 26 ቀን 2019 ዓ.ም በአዲስ አበባ፣ በባህር ዳር እና በበደሌ ከተሞች እንዲሁም በዙሪያቸው በሚገኙ አካባቢዎች ለተወሰኑ ሰዓታት የኤሌክትሪክ ኃይል አቅርቦት እንደሚቋረጥ አስታወቀ።

በዚሁ መሠረት በአዲስ አበባ ከተማ ከጠዋቱ 2፡00 እስከ ቀኑ 10፡30 ባለው ጊዜ ውስጥ በአዲሱ ቤተ መንግሥት፣ ልደታ ቤተ ክርስቲያን፣ ራሽያ፣ እንግሊዝ እና ኬንያ ኤምባሲዎች፣ ሚናሮል ህንጻ፣ ሰላም ታወር፣ ቹቹ ሜዳ፣ ሾላ ጤና ጣቢያ፣ ሾላ በግ ተራ፣ የካ ሚካኤል ጀርባ እና ደረጀ ጋራጅ አካባቢዎች የኃይል ማቋረጥ ይኖራል።

በተመሳሳይ የሰዓት ክልል በሜክሲኮ ደብረወርቅ ሕንጻ፣ ለገሐር ጀርባና አሸዋ ተራ፣ ኤግዚቢሽን ሴንተር፣ ፍላሚንጎ፣ ኦሎምፒያ፣ ደንበልና ደንበል ጀርባ፣ ፐርፕል ካፌ፣ ቦሌ ማተሚያ ቤት እንዲሁም በከፊል በወሎ ሰፈር አካባቢዎች አገልግሎቱ ይቋረጣል።

በሌላ በኩል ከቀኑ 5፡00 እስከ 7፡00 ባለው ጊዜ ደግሞ በኮካ ማዞሪያ፣ ፍተሻ፣ እንጦጦ ማርያም፣ ሽሮ ሜዳ፣ ስፔስ ሳይንስ፣ ሽንቁሩ ሚካኤል፣ አካኮ ገብርኤል፣ ካራ ሰብስቴሽን፣ ሳህሌ ብረታ ብረት፣ ጀሞ 1 መግቢያ፣ ጀሞ-2 ኮንዶሚኒየም፣ የስ ውሃ፣ ዓለምገና ማርስ ብስኩት፣ ዳለቲ እና በዙሪያቸው በሚገኙ ስፍራዎች የኤሌክትሪክ ኃይል የማይኖር ይሆናል።

ከክልል ከተሞች መካከል በባህር ዳር ከረፋዱ 4፡00 እስከ ምሽቱ 11፡30 ድረስ በቀበሌ 08፣ ሰላም ካምፓስ፣ ፔዳ ጊቢ፣ ዊዝደም ታወር፣ ፓፒረስ ሆቴል፣ ቀበሌ 15፣ ሳፋሪ ሞል፣ አባይ ማዶ፣ አዲስ ዓለም እና ጨርጨራ ቪሌጅ አካባቢዎች አገልግሎቱ ይቋረጣል።

በተመሳሳይ በበደሌ ከተማና ዙሪያዋ ከጠዋቱ 12፡00 እስከ ቀኑ 6፡00 ድረስ በበደሌ ቢራ ፋብሪካ፣ አርጆ ዲዴሳ ስኳር ፋብሪካ፣ ገቺ፣ ቦረቻ እና ጮራ ወረዳዎች፣ እንዲሁም በየምበሮ፣ ገመዳ፣ አሌሳርዶ፣ ጫራ፣ ቦሮካ፣ ብዶ፣ የባላ፣ ጎሌ፣ ጃሚያ፣ አብደላ፣ ጉደኔ፣ ብርቅቻ፣ ያምንፋ እና ሰኬቻ አካባቢዎች ኃይል የሚቋረጥ በመሆኑ ተቋሙ ደንበኞቹ ከወዲሁ አስፈላጊውን ቅድመ ዝግጅት እንዲያደርጉ አሳስቧል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

"የሕገ መንግሥት ማሻሻያ ይደረጋል!"
#ethiopia | በሀገራዊ ምክክሩ ምክረ-ሐሳብ መሠረት በቀጣይ የሕገ መንግሥት ማሻሻያ ይኖራል።

በ7ኛው የሕዝብ ተወካዮች ምክር ቤት መደበኛ ስብሰባ ላይ ቃለ መሐላ ፈጽመው የተሾሙት ጠቅላይ ሚኒስትር ዶ/ር ዐቢይ አሕመድ ባደረጉት ንግግር “ኢትዮጵያ አሸናፊ እንጂ ተሸናፊ ልጆች የሌሏት ሀገር ናት” ሲሉ ገልጸዋል።

ሀገርን መገንባት የሚቻለው በውይይት በመሆኑ፣ በየጫካው የታጠቁና ያኮረፉ ኃይሎች የሰላም አማራጭን ተቀብለው ከሕዝብና ከመንግሥት ጋር እንዲሰሩ ጥሪ ቀርቧል።

54 ሚሊዮን ዜጎች የተሳተፉበት 7ኛው ብሔራዊ ምርጫ በብዙ ፈተናዎች ውስጥ አልፎ የኢትዮጵያን ዲሞክራሲ ያጠናከረና ለጠንካራ የመንግሥት ሥርዓት መሠረት የጣለ ነው።

ኢትዮጵያ ባለፉት የኢንዱስትሪ አብዮቶች ተጠቃሚ ሳትሆን ማለፏን በማስታወስ፣ ከአለም አቀፍ ተለዋዋጭ ሁኔታዎች ጋር ለመራመድ አሁናዊ ዝግጅት ማድረግ አስፈላጊ መሆኑ ገልጸዋል።

በሀገራዊ ምክክር ኮሚሽኑ ከሚቀርቡ የምክረ-ሐሳብ ውጤቶች በመነሳት አስፈላጊ የሕገ መንግሥት ማሻሻያዎችን እንደሚኖሩ አመላክተዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen

ዶ/ር ዐቢይ አህመድ በድጋሜ የኢትዮጵያ ጠቅላይ ሚኒስትር ሆነው ተመረጡ
#ethiopia | ዶክተር ዐቢይ አህመድ ሀገሪቱን ለቀጣዮቹ አምስት ዓመታት በጠቅላይ ሚኒስትርነት ለመምራት ከአዲሱ የሕዝብ ተወካዮች ምክር ቤት ሙሉ ድጋፍ አግኝተዋል።

ዛሬ ሰኞ፣ መስከረም 25 ቀን 2019 ዓ.ም. በተካሄደው የፓርላማ መደበኛ ስብሰባ የዶክተር ዐቢይ አህመድ የጠቅላይ ሚኒስትርነት ሹመት በምክር ቤቱ አባላት በደመቀ ጭብጨባ የጸደቀ ሲሆን፣ እርሳቸውም በምክር ቤቱ ፊት ቀርበው የመሐላ ሥነ-ሥርዓት ፈጽመዋል።

ገዢው ብልጽግና ፓርቲ በቅርቡ በተካሄደው ሰባተኛው ሀገራዊ ምርጫ 438 የፓርላማ መንበሮችን በማሸነፍ የበላይነቱን ያረጋገጠ ሲሆን፣ አብላጫ ድምፅ ያለው በመሆኑም ዶክተር ዐቢይን ለጠቅላይ ሚኒስትርነት ዕጩ አድርጎ አቅርቧል።

ዶክተር ዐቢይ አህመድ ለመጀመሪያ ጊዜ ወደ ሥልጣን የመጡት በመጋቢት 2010 ዓ.ም. አቶ ኃይለማርያም ደሳለኝን በመተካት የነበረ ሲሆን፣ በ2014 ዓ.ም. ከተካሄደው ስድስተኛው ጠቅላላ ምርጫ በኋላም በድጋሚ የመንግሥት መሪ ሆነው መመረጣቸው ይታወሳል።

የዘንድሮው የመንግሥት ምሥረታ ሥነ-ሥርዓት ከአምስት ዓመታት በፊት በመስቀል አደባባይ በርካታ የውጭ ሀገራት መሪዎችና ጥሪ የተደረገላቸው እንግዶች በተገኙበት ከተካሄደው ደማቅ ሥነ-ሥርዓት የተለየ ሆኖ አልፏል።

ጠቅላይ ሚኒስትሩ ከዚህ ቀደም በሰጡት አስተያየት አዲሱ መንግሥት ከተመሠረተ በኋላ ጊዜ ሳያባክኑ በቀጥታ ወደ ሥራ መግባት እንደሚገባ በመግለጽ፣ በዚህ ወቅት ተመሳሳይ ትልቅ ሥነ-ሥርዓት እንደማይዘጋጅ ማሳወቃቸው ይታወሳል።

በዚህም መሠረት ዶክተር ዐቢይ አህመድ በሀገሪቱ ታሪክ ለሦስተኛ ጊዜ የጠቅላይ ሚኒስትርነት ሥልጣንን ተረክበው አዲሱን የመንግሥት የሥራ ዘመን ጀምረዋል።
#pmabiy #abiyahmed #parliament #ethiopianpolitics #getutemesgen #getu #ጌጡ #ጌጡተመስገን #addisababa #ethiopia #abiyahmed #primeminister #getutemesgen

ሊዮናርዶ ዲካፕሪዮ የአፍሪካዊቷ ሀገር ዕዳ ከፈለ!
#ethiopia | ሊዮናርዶ ዲካፕሪዮ ለሲሼልስ ዕዳ ቅነሳ የሚሆን የ1 ሚሊዮን ዶላር ድጋፍ አደረገ።

ሊዮናርዶ ዲካፕሪዮ ለሲሼልስ ዕዳ ቅነሳና ለውቅያኖስ ጥበቃ ፕሮግራም የ1 ሚሊዮን ዶላር ድጋፍ ማድረጉ ተገልጿል።

ዝነኛው የሆሊውድ ተዋናይ ሊዮናርዶ ዲካፕሪዮ ፋውንዴሽን ለሲሼልስ የዕዳ ቅነሳ እና አካባቢ ጥበቃ ስምምነት የ1 ሚሊዮን ዶላር ድጋፍ ማድረጉ ተገለጸ።

በዚህ ድጋፍ አማካኝነት ሲሼልስ 410,000 ስኩዌር ኪሎ ሜትር የውቅያኖስ አካል ከብክለት እንድትጠብቅ አስችሏል ተብሏል።

አካባቢ ጥበቃ እና የተፈጥሮ ሀብት እንክብካቤ ላይ በንቃት የሚሳተፈው ሊዮናርዶ ዲካፕሪዮ ይህ ድጋፉ የደሴቶች ስነ-ምህዳር እንዳይጎዳ ለማስቻል መሆኑ ተገልጿል።

የሲሼልስ መንግስት እና የተለያዩ የአካባቢ ጥበቃ ድርጅቶች በጋራ የጀመሩት ይህ ፕሮጀክት ሌሎች ሀገራትም የተፈጥሮ ሀብታቸውን እየጠበቁ ዕዳቸውን የሚያቃልሉበት አዲስ መንገድ ማሳያ ሆኗል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #leonardodicaprio #seychelles #oceanconservation #debtfornature









ሊዮናርዶ ዲካፕሪዮ የአፍሪካዊቷ ሀገር ዕዳ ከፈለ!
#ethiopia | ሊዮናርዶ ዲካፕሪዮ ለሲሼልስ ዕዳ ቅነሳ የሚሆን የ1 ሚሊዮን ዶላር ድጋፍ አደረገ።

ሊዮናርዶ ዲካፕሪዮ ለሲሼልስ ዕዳ ቅነሳና ለውቅያኖስ ጥበቃ ፕሮግራም የ1 ሚሊዮን ዶላር ድጋፍ ማድረጉ ተገልጿል።

ዝነኛው የሆሊውድ ተዋናይ ሊዮናርዶ ዲካፕሪዮ ፋውንዴሽን ለሲሼልስ የዕዳ ቅነሳ እና አካባቢ ጥበቃ ስምምነት የ1 ሚሊዮን ዶላር ድጋፍ ማድረጉ ተገለጸ።

በዚህ ድጋፍ አማካኝነት ሲሼልስ 410,000 ስኩዌር ኪሎ ሜትር የውቅያኖስ አካል ከብክለት እንድትጠብቅ አስችሏል ተብሏል።

አካባቢ ጥበቃ እና የተፈጥሮ ሀብት እንክብካቤ ላይ በንቃት የሚሳተፈው ሊዮናርዶ ዲካፕሪዮ ይህ ድጋፉ የደሴቶች ስነ-ምህዳር እንዳይጎዳ ለማስቻል መሆኑ ተገልጿል።

የሲሼልስ መንግስት እና የተለያዩ የአካባቢ ጥበቃ ድርጅቶች በጋራ የጀመሩት ይህ ፕሮጀክት ሌሎች ሀገራትም የተፈጥሮ ሀብታቸውን እየጠበቁ ዕዳቸውን የሚያቃልሉበት አዲስ መንገድ ማሳያ ሆኗል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #leonardodicaprio #seychelles #oceanconservation #debtfornature

“እኛ ህንዶች የሰውን ህይወት የምንቀማ ሳንሆን ህይወት የምናድን ህዝቦች ነን” — ናሬንድራ ሞዲ
#ethiopia | የህንድ ጠቅላይ ሚኒስትር ናሬንድራ ሞዲ “እኛ ህንዶች የሰውን ህይወት የምንቀማ ሳንሆን ህይወት የምናድን ህዝቦች ነን” ሲሉ ተናገሩ።

ይህ የጠቅላይ ሚኒስትሩ ንግግር ህንድ በአለም አቀፍ መድረክ የምታንጸባርቀውን ሰላማዊ እና ህይወትን የማዳን መርህ የሚያጎላ ነው።

ህንድ ለታዳጊ እና ለበለጸጉ ሀገራት ተመጣጣኝ ዋጋ ያላቸውን አስፈላጊ መድኃኒቶች እና ክትባቶችን በማቅረብ በሚሊዮን የሚቆጠሩ ሰዎችን ህይወት በማዳን ላይ ትገኛለች ብለዋል።

በተለያዩ ሀገራት የተፈጥሮ አደጋዎች፣ ግጭቶች ወይም ወረርሽኞች በሚከሰቱበት ወቅት ህንድ ቀድማ በመድረስ ፈጣን የሰብአዊ እና የህክምና እርዳታ በማቅረብ ትታወቃለች ነው ያሉት።

የህንድ ታሪክ እና ባህል በግጭት እና በጦርነት ሳይሆን በሰላም በወንድማማችነት እሴቶች ላይ የተገነባ መሆኑን ጠቅላይ ሚኒስትሩ አጽንኦት ሰጥተውበታል።

በአጠቃላይ ሞዲ በንግግራቸው ህንድ ከአለም ሀገራት ጋር ያላትን ግንኙነት በኃይል እና በግጭት ሳይሆን በህይወት አድኚነት፣ በህክምና ድጋፍ እና በወንድማማችነት መንፈስ ላይ ተመስርታ እንደምትቀጥል ገልጸዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #pmmodi #narendramodi #india #indiaforeignpolicy #globalsouth #humanitarianaid

የፍላይዱባይ አውሮፕላንን በቴል አቪቭ ረጅም ሕንፃዎች ላይ የመከስከስ ሕልም ነበረኝ ሲል ኦማናዊው ረዳት አብራሪ ገለጸ
#ethiopia | ወደ እስራኤል ይበር የነበረውን የፍላይዱባይ አውሮፕላን ለመጠለፍና ለመከስከስ ሞክሯል በሚል የተጠረጠረው ኦማናዊው ረዳት አብራሪ ሀማም አል-ሀማሚ ለመርማሪዎች በሰጠው ቃል፣ ዋነኛ ፍላጎቱ አውሮፕላኑን በቤን ጉሪዮን ኤርፖርት ወይም በቴል አቪቭ በሚገኙ ረጅም ሕንፃዎች ላይ መከስከስ እንደነበር ተናግሯል።

ጀሩሳሌም ፖስት የእስራኤልን ምንጭ ጠቅሶ እንደዘገበው፣ ረዳት አብራሪው በተደረገለት ምርመራ ወቅት ይህንን ዕቅዱን አምኖ ተናግሯል።
#flydubai #israel #telaviv #oman #aviation #news #getutemesgen #getu #ጌጡ #ጌጡተመስገን #addisababa

''የአንበሳ ጭራ ከመሆን የውሻ ጭንቅላት መሆን ይሻላል''

*የአእምሮ ጤና ዘገባዎች ጥንቃቄ እንዲደረግባቸው ለባለሙያዎች ስልጠና የተሰጠ ሲሆን ለመድኃኒት እጥረት መፍትሔ እንዲበጅ ተጠይቋል
#ethiopia | አዕምሮ ሁለተናችንን የሚያዝ ዋና ነገር ሆኖ ሲያበቃ ነገሬ ያላንለው የሰውነታችን ክፍል ነው።ታዲያ እንደማንኛውም የሰውነታችን ክፍል ይታመማል ከታከመም ይድናል።

በሀገራችን ኢትዮጵያ በሚዲያ አውታሮች በአዕምሮ ጤና ላይ የሚሰሩ ዘገባዎችን ለማሻሻል ያለመ የኢትዮጵያ የአዕምሮ ህክምና ማህበር ከአምሬፍ ሄልዝ አፍሪካ እና ከስፓኒሽ ኮርፖሬሽን ጋር በመተባበር ስልጠና ተሰጥቷል።

የማህበሩ አባልና የአዕምሮ ህክምና ስፔሻሊስት ዶክተር እስጢፋኖስ እንደገለጹት የስልጠናው ዋና ዓላማ የሚዲያ ባለሙያዎች በአእምሮ ጤና ላይ በቂ ግንዛቤ እንዲይዙና ዘገባዎችን በሚሰሩበት ጊዜ ሊከተሏቸው የሚገቡ የሙያ ስነ-ምግባሮችን ለማሳወቅ ነው።

በተለይም ራስን ማጥፋትን የመሳሰሉ ጉዳዮች ሲዘገቡ ሌሎች ሰዎችን ወደ ተመሳሳይ ድርጊት በማይገፋፋ ጥንቃቄ በተሞላበት መልኩ መሆን እንደሚገባው የገለጹት ዶክተር እስጢፋኖስ በማህበራዊም ሆነ በሌሎች ሚዲያዎች የሚተላለፉ ይዘቶች ችግሩን ከማባባስ ይልቅ በመፍትሔ፣ በመከላከል እና ተስፋ በመስጠት ላይ ትኩረት ሊያደርጉ እንደሚገባ አሳስበዋል።

በአሁኑ ወቅት በኢትዮጵያ ከ120 ሚሊዮን በላይ ለሚሆነው ህዝብ አገልግሎት የሚሰጡት ከ200 ገደማ የሳይካትሪስት ባለሙያዎች ብቻ በመሆናቸው በዘርፉ ከፍተኛ የባለሙያ እጥረት መኖሩ ተጠቅሷል።

ከዚህ በተጨማሪም ለህክምናው አስፈላጊ የሆኑ የመድኃኒቶች እጥረት ያለ ሲሆን፣ በተለይም ለ'ባይፖላር' ህመምተኞች እጅግ አስፈላጊ የሆነው 'ሊቲየም' የተባለው መድኃኒት በገበያ ላይ በመጥፋቱ ምክንያት ታካሚዎች ለከፍተኛ ችግር መዳረጋቸው ተገልጻል።

በመሆኑም የኢትዮጵያ መድኃኒት አቅራቢ አገልግሎት (EPSS) እና የሚመለከታቸው አካላት ለመድኃኒት አቅርቦት ችግሩ አስቸኳይ መፍትሔ እንዲሰጡ ማህበሩ ጥሪ አቅርቧል።

በተያያዘ ዜና፣ የዘንድሮው የዓለም የአእምሮ ጤና ቀን በዓለም አቀፍ ደረጃ ኦክቶበር 10፣ በሀገራችን ደግሞ መስከረም 30 ቀን በኤካ ኮተቤ ሆስፒታል በብሔራዊ ደረጃ ይከበራል።

የዘንድሮው በዓል የአእምሮ ህመም አጋጥሟቸው ያለፉ ሰዎችን እውነተኛ ድምጽ እና ተሞክሮ በማዳመጥ ላይ ትኩረቱን ያደረገ ሲሆን፣ በዕለቱም ከህመሙ ያገገሙ ሰዎች ተሞክሯቸውን የሚያካፍሉበት፣ የምርምር ውጤቶች፣ የፓናል ውይይቶች እና ዘጋቢ ፊልሞች ለታዳሚው የሚቀርቡበት ፕሮግራም መዘጋጀቱ ተገልጾል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

"ክርስቲያኖ ሮናልዶ ሁልጊዜም የፖርቱጋል ታላቁ የእግር ኳስ ምልክት ሆኖ ይኖራል" — ብሩኖ ፈርናንዴዝ
#ethiopia | የፖርቱጋል ብሔራዊ ቡድን አማካኝ ብሩኖ ፈርናንዴዝ ከክርስቲያኖ ሮናልዶ ወቅታዊ ሁኔታ ጋር ተያይዞ በሰጠው አስተያየት፣ ሮናልዶ ለሀገሩ እና ለብሔራዊ ቡድኑ ያበረከተው አስተዋጽኦ እና ታላቅነት በምንም መልኩ የማይቀየር መሆኑን ገለጸ።

ብሩኖ ከሮናልዶ ጋር መነጋገሩን ጠቅሶ፣ "ክርስቲያኖ ለብሔራዊ ቡድናችን እና ለሀገራችን ሁልጊዜም ቢሆን የሁሉጊዜም ታላቁ ምልክት እንደሆነ እና እንደሚቀጥል ነግሬዋለሁ" ሲል ተናግሯል።

የፖርቱጋል ብሔራዊ ቡድን የተከፋፈለ ሳይሆን ሙሉ በሙሉ አንድ እንደሆነ እና ይህ አንድነት ለቡድኑ ስኬት ወሳኝ መሆኑን ገልጿል።

መፈታት ያለባቸው ጉዳዮች በቡድኑ ውስጥ በሚደረግ ውይይት ለሁለቱም ወገኖች መልካም በሆነ መንገድ መጠናቀቅ እንዳለባቸው አስምሮበታል።

ሮናልዶ ከታሪክ ታላላቅ ተጫዋቾች ተራ መመደቡ ብቻ ሳይሆን፣ በሁሉም ፖርቱጋላውያን ልብ ውስጥ ሁልጊዜም ልዩ እና የጸና ቦታ ያለው ተጫዋች መሆኑን አረጋግጧል።

​#portugal #ronaldo #cristianoronaldo #brunofernandes #football #getutemesgen #getu #ጌጡ #ጌጡተመስገን #addisababa

በ‘ቤርሙዳ ትሪያንግል’ ምስጢራዊ ክልል አቅራቢያ አውሮፕላኑ ተሰወረ
#ethiopia | ከበርሙዳ ወደ ቦስተን ሲበር የነበረ የህክምና አውሮፕላን (Air Ambulance) መሰወሩ ተገለጸ።

ከበርሙዳ ተነስቶ ወደ አሜሪካ ቦስተን ከተማ በመጓዝ ላይ የነበረ የህክምና አውሮፕላን በድንገት ከራዳር እይታ ውጭ መሆኑንና የፍለጋ ስራ መጀመሩን የአሜሪካ የባህር ጥበቃ አስታወቀ።

በካናዳው 'Latitude Air Ambulance' ተቋም የሚንቀሳቀሰው በዚህ አውሮፕላን ውስጥ አብራሪዎችንና የህክምና ባለሙያዎችን ጨምሮ 6 ሰዎች ተሳፍረውበት እንደነበር ተገልጿል።

አውሮፕላኑ በማሳቹሴትስ ግዛት ከሚገኘው የናንቱኬት ደሴት አቅራቢያ በሚገኘው የአትላንቲክ ውቅያኖስ አካባቢ ሲደርስ የቁጥጥር ማዕከሉ ግንኙነት ተቋርጧል ተብሏል።

አውሮፕላኑ በ24,000 ጫማ ከፍታ ላይ እየበረረ በነበረበት ወቅት በሁለት ደቂቃ ውስጥ በፍጥነት 13,000 ጫማ ያህል ወደ ታች ወርዶ ከራዳር መሰወሩን የበረራ መከታተያ መረጃዎች ያሳያሉ።

የአሜሪካ የባህር ጥበቃ እና የፌደራል ኤቪዬሽን አስተዳደር (FAA) ከአየርና ከባህር ላይ ፈጣን የፍለጋ ስራ መጀመራቸው ታውቋል።

በቅርብ በተገኘ መረጃም የአውሮፕላኑ ስብርባሪዎች በውቅያኖሱ ላይ መታየታቸው ተጠቅሷል።

የአቪዬሽን ደህንነት ባለሙያዎች አደጋው በትክክል በምን እንደተከሰተ ሙሉ በሙሉ ለማወቅ የአውሮፕላኑ የድምፅ እና የበረራ መረጃ መዝጋቢዎች ከውቅያኖሱ ተፈልገው መውጣት እንዳለባቸው አጽንኦት ሰጥተዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #airambulance #uscoastguard #bermuda #nantucket #missingaircraft #aviationnews






በ‘ቤርሙዳ ትሪያንግል’ ምስጢራዊ ክልል አቅራቢያ አውሮፕላኑ ተሰወረ
#ethiopia | ከበርሙዳ ወደ ቦስተን ሲበር የነበረ የህክምና አውሮፕላን (Air Ambulance) መሰወሩ ተገለጸ።

ከበርሙዳ ተነስቶ ወደ አሜሪካ ቦስተን ከተማ በመጓዝ ላይ የነበረ የህክምና አውሮፕላን በድንገት ከራዳር እይታ ውጭ መሆኑንና የፍለጋ ስራ መጀመሩን የአሜሪካ የባህር ጥበቃ አስታወቀ።

በካናዳው 'Latitude Air Ambulance' ተቋም የሚንቀሳቀሰው በዚህ አውሮፕላን ውስጥ አብራሪዎችንና የህክምና ባለሙያዎችን ጨምሮ 6 ሰዎች ተሳፍረውበት እንደነበር ተገልጿል።

አውሮፕላኑ በማሳቹሴትስ ግዛት ከሚገኘው የናንቱኬት ደሴት አቅራቢያ በሚገኘው የአትላንቲክ ውቅያኖስ አካባቢ ሲደርስ የቁጥጥር ማዕከሉ ግንኙነት ተቋርጧል ተብሏል።

አውሮፕላኑ በ24,000 ጫማ ከፍታ ላይ እየበረረ በነበረበት ወቅት በሁለት ደቂቃ ውስጥ በፍጥነት 13,000 ጫማ ያህል ወደ ታች ወርዶ ከራዳር መሰወሩን የበረራ መከታተያ መረጃዎች ያሳያሉ።

የአሜሪካ የባህር ጥበቃ እና የፌደራል ኤቪዬሽን አስተዳደር (FAA) ከአየርና ከባህር ላይ ፈጣን የፍለጋ ስራ መጀመራቸው ታውቋል።

በቅርብ በተገኘ መረጃም የአውሮፕላኑ ስብርባሪዎች በውቅያኖሱ ላይ መታየታቸው ተጠቅሷል።

የአቪዬሽን ደህንነት ባለሙያዎች አደጋው በትክክል በምን እንደተከሰተ ሙሉ በሙሉ ለማወቅ የአውሮፕላኑ የድምፅ እና የበረራ መረጃ መዝጋቢዎች ከውቅያኖሱ ተፈልገው መውጣት እንዳለባቸው አጽንኦት ሰጥተዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #airambulance #uscoastguard #bermuda #nantucket #missingaircraft #aviationnews

በተለያዩ የጎዳና ውድድሮች በርካታ ኢትዮጵያውያን አትሌቶች ድል ቀንቷቸዋል

በዛሬው ዕለት በተለያዩ ሀገራት በተካሄዱ የጎዳና ላይ ውድድሮች በርካታ ኢትዮጵያውያን አትሌቶች አሸናፊነትን ጨምሮ የመድረክ ላይ ውጤቶችን አስመዝግበዋል።

በኖርዌይ በተካሄደው የ5 ኪሎ ሜትር ውድድር አቡዱሰላም ወርቁ 3ኛ ደረጃን ይዞ ሲያጠናቅቅ፣ በተመሳሳይ ሀገር በተካሄደው የ10 ኪሎ ሜትር ውድድር ቢኒያም መላክ 27:29 በሆነ ሰዓት በመግባት የውድድሩን ድል አስመዝግቧል።

በሮማኒያ በተካሄደው የብራዞቭ 10 ኪሎ ሜትር ውድድር ካህሪ ቤጂጋ አሸናፊ ሲሆን፣ ንብረት ክንዴ 2ኛ እና ዘነበ አየለ 3ኛ ደረጃን ይዘዋል።

በሴቶች ውድድር ደግሞ አሰፉ አብርሃ 1ኛ ስትወጣ፣ አይናዲስ መብራቱ 2ኛ እና የኔነሽ ሽመክት 3ኛ ደረጃን አግኝተዋል።

በስፔን አልባሴቴ ግማሽ ማራቶን ከይሩ ከድር የወንዶችን ውድድር አሸንፏል። በሴቶች ደግሞ ሲሳይ እሸቱ 3ኛ ደረጃን ይዛ አጠናቃለች።

በእንግሊዝ የካርዲፍ ግማሽ ማራቶን የባለፈው ዓመት አሸናፊ የነበረው ይስማው ድሉ በዚህ ዓመት 2ኛ ደረጃን ይዞ አጠናቋል። በሴቶች ውድድር ደግሞ ውዴ ከፋለ 2ኛ፣ ትግስት ከተማ 3ኛ ደረጃን አግኝተዋል።

በፖላንድ የፓዝናን ማራቶን ባሬቻ ቶሎሳ አሸናፊ ሆኗል። በሴቶች ውድድር ብርቱካን አበራ 2ኛ እና ትግስት ቢቂላ 3ኛ ደረጃን ይዘዋል።

በስሎቫኪያ ኮዜክ ማራቶን አበራሽ ፈይሳ የሴቶችን ውድድር አሸንፋለች።

በጀርመን ኮሎኝ ማራቶን በወንዶች ሀብታሙ ብርሌው 2ኛ ደረጃን ሲይዝ፣ በሴቶች ፋንቱ ሹጌ 2ኛ እና አያንቱ ኩሜላ 3ኛ ደረጃን አግኝተዋል።

በተለያዩ ሀገራት በአንድ ዕለት የተመዘገቡት እነዚህ ውጤቶች፣ ኢትዮጵያውያን አትሌቶች በጎዳና ላይ ውድድሮች ያላቸውን ተወዳዳሪነት እንደገና ያሳዩበት ነው።
#ethiopia #ethiopianathletics #running #marathon #getutemesgen







በተለያዩ የጎዳና ውድድሮች በርካታ ኢትዮጵያውያን አትሌቶች ድል ቀንቷቸዋል

በዛሬው ዕለት በተለያዩ ሀገራት በተካሄዱ የጎዳና ላይ ውድድሮች በርካታ ኢትዮጵያውያን አትሌቶች አሸናፊነትን ጨምሮ የመድረክ ላይ ውጤቶችን አስመዝግበዋል።

በኖርዌይ በተካሄደው የ5 ኪሎ ሜትር ውድድር አቡዱሰላም ወርቁ 3ኛ ደረጃን ይዞ ሲያጠናቅቅ፣ በተመሳሳይ ሀገር በተካሄደው የ10 ኪሎ ሜትር ውድድር ቢኒያም መላክ 27:29 በሆነ ሰዓት በመግባት የውድድሩን ድል አስመዝግቧል።

በሮማኒያ በተካሄደው የብራዞቭ 10 ኪሎ ሜትር ውድድር ካህሪ ቤጂጋ አሸናፊ ሲሆን፣ ንብረት ክንዴ 2ኛ እና ዘነበ አየለ 3ኛ ደረጃን ይዘዋል።

በሴቶች ውድድር ደግሞ አሰፉ አብርሃ 1ኛ ስትወጣ፣ አይናዲስ መብራቱ 2ኛ እና የኔነሽ ሽመክት 3ኛ ደረጃን አግኝተዋል።

በስፔን አልባሴቴ ግማሽ ማራቶን ከይሩ ከድር የወንዶችን ውድድር አሸንፏል። በሴቶች ደግሞ ሲሳይ እሸቱ 3ኛ ደረጃን ይዛ አጠናቃለች።

በእንግሊዝ የካርዲፍ ግማሽ ማራቶን የባለፈው ዓመት አሸናፊ የነበረው ይስማው ድሉ በዚህ ዓመት 2ኛ ደረጃን ይዞ አጠናቋል። በሴቶች ውድድር ደግሞ ውዴ ከፋለ 2ኛ፣ ትግስት ከተማ 3ኛ ደረጃን አግኝተዋል።

በፖላንድ የፓዝናን ማራቶን ባሬቻ ቶሎሳ አሸናፊ ሆኗል። በሴቶች ውድድር ብርቱካን አበራ 2ኛ እና ትግስት ቢቂላ 3ኛ ደረጃን ይዘዋል።

በስሎቫኪያ ኮዜክ ማራቶን አበራሽ ፈይሳ የሴቶችን ውድድር አሸንፋለች።

በጀርመን ኮሎኝ ማራቶን በወንዶች ሀብታሙ ብርሌው 2ኛ ደረጃን ሲይዝ፣ በሴቶች ፋንቱ ሹጌ 2ኛ እና አያንቱ ኩሜላ 3ኛ ደረጃን አግኝተዋል።

በተለያዩ ሀገራት በአንድ ዕለት የተመዘገቡት እነዚህ ውጤቶች፣ ኢትዮጵያውያን አትሌቶች በጎዳና ላይ ውድድሮች ያላቸውን ተወዳዳሪነት እንደገና ያሳዩበት ነው።
#ethiopia #ethiopianathletics #running #marathon #getutemesgen

በ40 ዓመታት ልዩነት የተነሱት የሞርጋን ፍሪማን ፎቶዎች ያው ናቸው
#ethiopia | በሆሊዉድ የፊልም ኢንዱስትሪ ውስጥ ታዋቂ የሆነው ተዋናይ ሞርጋን ፍሪማን በ40 ዓመታት ልዩነት የተነሱ ሁለት ምስሎቹ በማህበራዊ ሚዲያ ኤክስ (X) ላይ ተሰራጭተው ከ2.9 ሚሊዮን በላይ እይታዎችን በማግኘት የብዙዎችን አግራሞት ጭረዋል።

በእነዚህ ሁለት ምስሎች መካከል የአራት አሥርተ ዓመታት ልዩነት ቢኖርም፣ የ89 ዓመቱ ተዋናይ ሞርጋን ፍሪማን የጎላ የዕድሜ ለውጥ ሳይታይበት በተመሳሳይ ገጽታ ላይ መገኘቱ ተመልካቾችን አስደምሟል።

በሁለቱም ፎቶዎች ላይ የሚታየው ተመሳሳይ የሸበተ ጢም፣ ሞቅ ያለ የፊት ገጽታና በስክሪን ላይ ያለው ወጥ አቋም ተዳምሮ ሰዎችን አስገርሟል።

በአሁኑ ወቅት በ89 ዓመቱ አሁንም በስራ ላይ የሚገኘው ፍሪማን የጊዜ ፍሰት ከሌሎች ሰዎች በተለየ መልኩ ለእርሱ የተለየ እቅድ ያለው ይመስላል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu






በ40 ዓመታት ልዩነት የተነሱት የሞርጋን ፍሪማን ፎቶዎች ያው ናቸው
#ethiopia | በሆሊዉድ የፊልም ኢንዱስትሪ ውስጥ ታዋቂ የሆነው ተዋናይ ሞርጋን ፍሪማን በ40 ዓመታት ልዩነት የተነሱ ሁለት ምስሎቹ በማህበራዊ ሚዲያ ኤክስ (X) ላይ ተሰራጭተው ከ2.9 ሚሊዮን በላይ እይታዎችን በማግኘት የብዙዎችን አግራሞት ጭረዋል።

በእነዚህ ሁለት ምስሎች መካከል የአራት አሥርተ ዓመታት ልዩነት ቢኖርም፣ የ89 ዓመቱ ተዋናይ ሞርጋን ፍሪማን የጎላ የዕድሜ ለውጥ ሳይታይበት በተመሳሳይ ገጽታ ላይ መገኘቱ ተመልካቾችን አስደምሟል።

በሁለቱም ፎቶዎች ላይ የሚታየው ተመሳሳይ የሸበተ ጢም፣ ሞቅ ያለ የፊት ገጽታና በስክሪን ላይ ያለው ወጥ አቋም ተዳምሮ ሰዎችን አስገርሟል።

በአሁኑ ወቅት በ89 ዓመቱ አሁንም በስራ ላይ የሚገኘው ፍሪማን የጊዜ ፍሰት ከሌሎች ሰዎች በተለየ መልኩ ለእርሱ የተለየ እቅድ ያለው ይመስላል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

"የአንተን ውለታ ከፍለን የምንጨርሰው አይደለም!"— የዱባይ አልጋ ወራሽ
#ethiopia | አልጋ ወራሹ የ174 ሰዎችን ህይወት የታደገውን አብራሪ በሆስፒታል ጠየቁ!

ከዱባይ ወደ ቴል አቪቭ ይበር በነበረው የ Flydubai FZ1073 አውሮፕላን ላይ ከተከሰተው አስፈሪ ጥቃት በኋላ የዱባይ አልጋ ወራሽ እና የመከላከያ ሚኒስትር አብራሪውን ጠይቀዋል።

አልጋ ወራሹ ሼክ ሀምዳን ቢን መሀመድ በሆስፒታል ህክምና ላይ የሚገኘውን ህንዳዊውን ዋና አብራሪ በዛሬው እለት ጎብኝተዋል።

ሼክ ሀምዳን አብራሪውን አድንቀው "ካፕቴን ማቻር ከፍተኛ በሆነ ጀግንነትና የሀላፊነት ስሜት ለሰው ልጅ ህይወት ያለውን ክብር አሳይቷል" ሲሉ ገልጸዋል።

የተባበሩት አረብ ኤመሬትስ አቃቤ ህግ ድርጊቱ "የሽብር ጥቃት ሙከራ" ሊሆን እንደሚችል የሚያሳዩ ምልክቶች መገኘታቸውንና ሙሉ ምርመራ እየተካሄደ መሆኑን አስታውቋል።

በስለት ጥቃት ያደረሰው የኦማን ዜጋ የሆነው ረዳት አብራሪ ባለፈው ዓመት ከኦማን ብሔራዊ አየር መንገድ በስነምግባር ምክንያት ተባርሮ እንደነበር CNN ዘግቧል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #flydubai #fz1073 #sheikhhamdan #captainsmitmachchhar







"የአንተን ውለታ ከፍለን የምንጨርሰው አይደለም!"— የዱባይ አልጋ ወራሽ
#ethiopia | አልጋ ወራሹ የ174 ሰዎችን ህይወት የታደገውን አብራሪ በሆስፒታል ጠየቁ!

ከዱባይ ወደ ቴል አቪቭ ይበር በነበረው የ Flydubai FZ1073 አውሮፕላን ላይ ከተከሰተው አስፈሪ ጥቃት በኋላ የዱባይ አልጋ ወራሽ እና የመከላከያ ሚኒስትር አብራሪውን ጠይቀዋል።

አልጋ ወራሹ ሼክ ሀምዳን ቢን መሀመድ በሆስፒታል ህክምና ላይ የሚገኘውን ህንዳዊውን ዋና አብራሪ በዛሬው እለት ጎብኝተዋል።

ሼክ ሀምዳን አብራሪውን አድንቀው "ካፕቴን ማቻር ከፍተኛ በሆነ ጀግንነትና የሀላፊነት ስሜት ለሰው ልጅ ህይወት ያለውን ክብር አሳይቷል" ሲሉ ገልጸዋል።

የተባበሩት አረብ ኤመሬትስ አቃቤ ህግ ድርጊቱ "የሽብር ጥቃት ሙከራ" ሊሆን እንደሚችል የሚያሳዩ ምልክቶች መገኘታቸውንና ሙሉ ምርመራ እየተካሄደ መሆኑን አስታውቋል።

በስለት ጥቃት ያደረሰው የኦማን ዜጋ የሆነው ረዳት አብራሪ ባለፈው ዓመት ከኦማን ብሔራዊ አየር መንገድ በስነምግባር ምክንያት ተባርሮ እንደነበር CNN ዘግቧል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #flydubai #fz1073 #sheikhhamdan #captainsmitmachchhar

"ይህንን ጥቃት ያዘዘና የላከ ማንኛውም አካል ከባድ ዋጋ ይከፍላል!"
#ethiopia | ኔታንያሁ በ Flydubai አውሮፕላን ላይ የተፈጸመውን ጥቃት ያዘዘ አካል "ከባድ ዋጋ ይከፍላል" ሲሉ አስጠንቀቁ

የእስራኤሉ ጠቅላይ ሚኒስትር ቤንጃሚን ኔታንያሁ ረዳት አብራሪው "አሸባሪ ሲሉ ወንጅለዋል።

አብራሪው አውሮፕላኑን ከነ 174 ተሳፋሪዎቹ እና 8 የበረራ አባላቱ ጨምሮ ለመክስከስ አቅዶ እንደነበር ገልጸዋል።

አክለውም ከዚህ ግለሰብ ጀርባ አንድ አካል እንዳለ ገልጸው "ይህንን ጥቃት ያዘዘና የላከ ማንኛውም አካል ከባድ ዋጋ ይከፍላል"ሲሉ ጠንካራ ማስጠንቀቂያ አስተላልፈዋል።

የተባበሩት አረብ ኤምሬትስ (UAE) በበኩሏ ድርጊቱን "አስፈሪ የሽብር ጥቃት" ስትል ኮንናለች።

ዋና አብራሪው ስሚት ማችሃር አውሮፕላኑን እና የሰው ህይወት ታደገ ስትል ታላቅ ምስጋና አቅርባለች።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #flydubai #fz1073 #benjaminnetanyahu #smitmachchhar #israel #dubai #telaviv

የአስዋን ግድብ ያለ ተፋሰስ ሀገራት ስምምነት የተገነባና በርካቶችን ለጉዳት የዳረገ ፕሮጀክት መሆኑ ተገለጸ
#ethiopia | የውሃና ኢነርጂ ሚኒስትሩ ዶክተር ሃብታሙ ኢተፋ እንደተናገሩት፣ ግብፅ በዓባይ ወንዝ ላይ የገነባችው የአስዋን ግድብ ከማንኛውም ቅድመ ውይይትና የጋራ ስምምነት ውጭ በራሷ ውሳኔ ብቻ የተከናወነና የጥፋት አሻራ ያረፈበት ስራ ነው።

ካይሮ የዓባይ ውሃ ዋነኛ ምንጭ የሆነችውን ኢትዮጵያን ሳታማክርና ፈቃድ ሳታገኝ ግድቡን በመገንባቷ፣ ሌሎች ሀገራት ከወንዙ ፍትሃዊ ጥቅም እንዳያገኙ እንቅፋት ሆና ቆይታለች ብለዋል።

ግንባታው በተካሄደበት ወቅት ከ100 ሺህ በላይ የሚሆኑ የኑቢያ ማህበረሰብ አባላት ከቀያቸውና ከተወለዱበት መኖሪያቸው እንዲፈናቀሉ መደረጉን ታሪካዊ መረጃዎች ያረጋግጣሉ።

ይህም በዜጎች ላይ ከፍተኛ የማህበራዊና የኢኮኖሚ ቀውስ አስከትሏል።

በተቃራኒው ኢትዮጵያ የገነባችው የታላቁ ህዳሴ ግድብ እ.ኤ.አ በ2015 በተፈረመው የመርሆች መግለጫ መሠረት በግልጽ ውይይት የተከናወነ ነው።

በመሆኑም ግብፅ በኢትዮጵያ ላይ የምታቀርበው ትችት ምንም ዓይነት የሞራልም ሆነ የምክንያታዊነት መሠረት የለውም።

በመጨረሻም ሚኒስትሩ አክለው እንደተናገሩት፣ ግብፅ የሌሎችን ፍትሃዊ የልማት ጥያቄ ከመኮነኗ በፊት፣ የአስዋን ግድብን ያለ ተፋሰሱ ሀገራት ፈቃድ ለምን እንደገነባችና ንጹሃን ኑቢያውያንን ለምን ለስደትና ለእንግልት እንዳዳረገች ግልጽ ምላሽ መስጠት አለባት።
#ህዳሴግድብ #አባይ #የአስዋን_ግድብ #ኢትዮጵያ #ግብፅ #gerd #nile #aswandam #ethiopia #egypt #getutemesgen #getu #ጌጡ #ጌጡተመስገን #addisababa

ቦይንግ 737 MAX 10 ምን ገጠመው?
#ethiopia | ቦይንግ አዲስ የሶፍትዌር ችግር ቢገጥመውም FAA በረራዎች እንዲቀጥሉ ፈቀደ።

የአሜሪካው የፌዴራል ሲቪል አቪዬሽን አስተዳደር (FAA) በቦይንግ 737 MAX የበረራ ኮምፒውተሮች ላይ የተገኘው የሶፍትዌር ችግር ምንም አይነት የደህንነት ስጋት እንደማያመጣ ገለጸ።

ይህ ውሳኔ ለዓመታት የፈቃድ መዘግየት ሲገጥመው ለቆየውና የ MAX ተቋም ትልቁ አውሮፕላን ለሆነው MAX 10 ይፋዊ ማረጋገጫ ለማግኘት መንገድ የከፈተ ሆኗል።

ተመሳሳይ ሶፍትዌር ለሚጠቀመው MAX 7 ተጠቃሚ አየር መንገዶችም እፎይታን ሰጥቷል ተብሏል።

አስተዳደሩ አብራሪዎች የአውሮፕላኑን ሙሉ ተቆጣጣሪነት የመያዝ ብቃት ስላላቸው እና የኮክፒት መረጃዎች ግልጽ በመሆናቸው ሶፍትዌሩ የበረራ አደጋ አያደርስም ብሏል።

ቦይንግ ለአብራሪዎች የማብራሪያ መመሪያ የሚያወጣ ሲሆን FAA ደግሞ ለአለም አቀፍ አቪዬሽን ተቆጣጣሪዎች ማብራሪያ እንደሚልክ ገልጻል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #aviationnews #boeing #boeing737max

የቀድሞው ጠቅላይ ሚኒስትር ኃይለማርያም ደሳለኝ ወንድም አቶ ዳዊት ደሳለኝ የደቡብ ኢትዮጵያ ክልል ጤና ቢሮ ኃላፊ ሆነው ተሾሙ
#ethiopia | የደቡብ ኢትዮጵያ ክልል ምክር ቤት ባካሄደው የመንግሥት ምስረታ ጉባኤ የቀድሞው የኢፌዴሪ ጠቅላይ ሚኒስትር አቶ ኃይለማርያም ደሳለኝ ወንድም የሆኑትን አቶ ዳዊት ደሳለኝን የክልሉ ጤና ቢሮ ኃላፊ አድርጎ ሾሟል።

አቶ ዳዊት ደሳለኝ በጤናው ዘርፍ የካበተ ልምድና ከፍተኛ ሙያዊ ብቃት ያላቸው ባለሙያ እንደሆኑ የሚነገርላቸው ሲሆን፣ አዲሱን የክልሉን የጤና መዋቅር በበላይነት እንዲመሩ ኃላፊነቱ ተሰጥቷቸዋል።

ከአካባቢው ነዋሪዎችና ከስራ ባልደረቦቻቸው የተሰጡ አስተያየቶች እንደሚጠቁሙት፣ እሳቸው በዘርፉ ያላቸው ረጅም የአገልግሎት ዘመን የተጣለባቸውን አዲስ ኃላፊነት በብቃት ለመወጣት ያስችላቸዋል።

አዲስ በተደራጀው የደቡብ ኢትዮጵያ ክልል ውስጥ የመሰረታዊ ጤና አገልግሎትን በተለይም በገጠራማ አካባቢዎች ተዳራሽ ማድረግ፣ የሆስፒታሎችንና የጤና ጣቢያዎችን አቅም ማሳደግ፣ የእናቶችና ሕፃናት ጤና አጠባበቅን ማሻሻል እንዲሁም የተላላፊ በሽታዎችን መከላከል ቀዳሚ ትኩረት የሚሹ ተግባራት ናቸው።

የአቶ ዳዊት ደሳለኝ ወደ አመራርነት መምጣትም እነዚህን የጤና ዘርፍ ግቦች ለማሳካትና ለአካባቢው ህብረተሰብ ጥራት ያለው የህክምና አገልግሎት ለማቅረብ በሚደረገው ጥረት ውስጥ ትልቅ አስተዋጽኦ እንደሚያበረክት ታምኖበታል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu






የቀድሞው ጠቅላይ ሚኒስትር ኃይለማርያም ደሳለኝ ወንድም አቶ ዳዊት ደሳለኝ የደቡብ ኢትዮጵያ ክልል ጤና ቢሮ ኃላፊ ሆነው ተሾሙ
#ethiopia | የደቡብ ኢትዮጵያ ክልል ምክር ቤት ባካሄደው የመንግሥት ምስረታ ጉባኤ የቀድሞው የኢፌዴሪ ጠቅላይ ሚኒስትር አቶ ኃይለማርያም ደሳለኝ ወንድም የሆኑትን አቶ ዳዊት ደሳለኝን የክልሉ ጤና ቢሮ ኃላፊ አድርጎ ሾሟል።

አቶ ዳዊት ደሳለኝ በጤናው ዘርፍ የካበተ ልምድና ከፍተኛ ሙያዊ ብቃት ያላቸው ባለሙያ እንደሆኑ የሚነገርላቸው ሲሆን፣ አዲሱን የክልሉን የጤና መዋቅር በበላይነት እንዲመሩ ኃላፊነቱ ተሰጥቷቸዋል።

ከአካባቢው ነዋሪዎችና ከስራ ባልደረቦቻቸው የተሰጡ አስተያየቶች እንደሚጠቁሙት፣ እሳቸው በዘርፉ ያላቸው ረጅም የአገልግሎት ዘመን የተጣለባቸውን አዲስ ኃላፊነት በብቃት ለመወጣት ያስችላቸዋል።

አዲስ በተደራጀው የደቡብ ኢትዮጵያ ክልል ውስጥ የመሰረታዊ ጤና አገልግሎትን በተለይም በገጠራማ አካባቢዎች ተዳራሽ ማድረግ፣ የሆስፒታሎችንና የጤና ጣቢያዎችን አቅም ማሳደግ፣ የእናቶችና ሕፃናት ጤና አጠባበቅን ማሻሻል እንዲሁም የተላላፊ በሽታዎችን መከላከል ቀዳሚ ትኩረት የሚሹ ተግባራት ናቸው።

የአቶ ዳዊት ደሳለኝ ወደ አመራርነት መምጣትም እነዚህን የጤና ዘርፍ ግቦች ለማሳካትና ለአካባቢው ህብረተሰብ ጥራት ያለው የህክምና አገልግሎት ለማቅረብ በሚደረገው ጥረት ውስጥ ትልቅ አስተዋጽኦ እንደሚያበረክት ታምኖበታል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

አቶ አብዱላሂ አደን የድሬዳዋ አስተዳደር ከንቲባ ሆነው ተሾሙ

*የቀድሞ የከተማዋ ከንቲባ አቶ ከድር ጁሃር ምክትል ከንቲባ በመሆን ተመርጠዋል
#ethiopia | የድሬዳዋ አስተዳደር ምክር ቤት ባካሄደው 4ኛ የሥራ ዘመን፣ 1ኛ ዓመት፣ 1ኛ መደበኛ ጉባኤ የተከበሩ አቶ አብዱላሂ አደንን የድሬዳዋ አስተዳደር ከንቲባ አድርጎ አሾመ።

ምክር ቤቱ የከንቲባውን ሹመት በሙሉ ድምፅ ያጸደቀ ሲሆን፣ ተሾሚው አቶ አብዱላሂ አደን በምክር ቤቱ አባላት ፊት ቀርበው የተሰጣቸውን የመንግሥትና የሕዝብ አደራ በታማኝነት፣ በቅንነትና በትጋት ለማገልገል ቃለ መሐላ ፈጽመዋል።

አዲሱ ከንቲባ ከተሾሙ በኋላ ባደረጉት ንግግር፣ በከተማ አስተዳደሩ የተጀመሩ የልማትና የመልካም አስተዳደር ሥራዎችን አጠናክሮ ለማስቀጠል፣ የከተማዋን ምጣኔ ሀብታዊ እንቅስቃሴ ለማፋጠን እና የነዋሪዎችን ሁለገብ ተጠቃሚነት ለማረጋገጥ በቁርጠኝነት እንደሚሰሩ ገልጸዋል።

አክለውም ድሬዳዋ ያላትን የንግድ፣ የኢንዱስትሪና የኮሪደር ማዕከልነት አቅም የበለጠ ለማሳደግ ከሕዝቡና ከሚመለከታቸው አካላት ጋር በቅንጅት እንደሚሰሩ ተናግረዋል።

የድሬዳዋ አስተዳደር ምክር ቤት በጉባኤው
በከንቲባው ሹመት ላይ ከመከረ በኋላ፣ በተለያዩ የአስተዳደሩ አደረጃጀቶች እና የካቢኔ አባላት ሹመቶች እንዲሁም በወቅታዊ የአስተዳደሩ አጀንዳዎች ላይ ተወያይቶ ውሳኔዎችን ማሳለፉን ቀጥሏል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu







አቶ አብዱላሂ አደን የድሬዳዋ አስተዳደር ከንቲባ ሆነው ተሾሙ

*የቀድሞ የከተማዋ ከንቲባ አቶ ከድር ጁሃር ምክትል ከንቲባ በመሆን ተመርጠዋል
#ethiopia | የድሬዳዋ አስተዳደር ምክር ቤት ባካሄደው 4ኛ የሥራ ዘመን፣ 1ኛ ዓመት፣ 1ኛ መደበኛ ጉባኤ የተከበሩ አቶ አብዱላሂ አደንን የድሬዳዋ አስተዳደር ከንቲባ አድርጎ አሾመ።

ምክር ቤቱ የከንቲባውን ሹመት በሙሉ ድምፅ ያጸደቀ ሲሆን፣ ተሾሚው አቶ አብዱላሂ አደን በምክር ቤቱ አባላት ፊት ቀርበው የተሰጣቸውን የመንግሥትና የሕዝብ አደራ በታማኝነት፣ በቅንነትና በትጋት ለማገልገል ቃለ መሐላ ፈጽመዋል።

አዲሱ ከንቲባ ከተሾሙ በኋላ ባደረጉት ንግግር፣ በከተማ አስተዳደሩ የተጀመሩ የልማትና የመልካም አስተዳደር ሥራዎችን አጠናክሮ ለማስቀጠል፣ የከተማዋን ምጣኔ ሀብታዊ እንቅስቃሴ ለማፋጠን እና የነዋሪዎችን ሁለገብ ተጠቃሚነት ለማረጋገጥ በቁርጠኝነት እንደሚሰሩ ገልጸዋል።

አክለውም ድሬዳዋ ያላትን የንግድ፣ የኢንዱስትሪና የኮሪደር ማዕከልነት አቅም የበለጠ ለማሳደግ ከሕዝቡና ከሚመለከታቸው አካላት ጋር በቅንጅት እንደሚሰሩ ተናግረዋል።

የድሬዳዋ አስተዳደር ምክር ቤት በጉባኤው
በከንቲባው ሹመት ላይ ከመከረ በኋላ፣ በተለያዩ የአስተዳደሩ አደረጃጀቶች እና የካቢኔ አባላት ሹመቶች እንዲሁም በወቅታዊ የአስተዳደሩ አጀንዳዎች ላይ ተወያይቶ ውሳኔዎችን ማሳለፉን ቀጥሏል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

አሚጎስ እና አሸናፊ ግርማ ሶከር አካዳሚ የጋራ መግባቢያ ሰነድ ተፈራረሙ
#ethiopia | አሚጎስ እና በቀድሞ የኢትዮጵያ ታዋቂ የእግር ኳስ ተጫዋችና አሰልጣኝ አቶ አሸናፊ ግርማ የተቋቋመው አሸናፊ ግርማ ሶከር አካዳሚ፣ በጋራ ለመሥራት የሚያስችላቸውን የጋራ መግባቢያ ሰነድ ተፈራርመዋል።

ስምምነቱ በእግር ኳስ ዘርፍ ያሉ ተሳታፊዎችንና የኢትዮጵያ ዲያስፖራ ማኅበረሰብን አሚጎስ በሚሰጣቸው የቁጠባና የብድር አገልግሎቶች ተጠቃሚ ለማድረግ ያለመ የጋራ የሥራ ማዕቀፍን ያካትታል።

አቶ አሸናፊ ግርማ ነዋሪነቱን በካናዳ ካደረገ በኋላ በስሙ የተቋቋመውን ሶከር አካዳሚ በማስፋፋት፣ የእግር ኳስ ፍቅር ባላቸው ታዳጊዎች ላይ ትኩረት በማድረግ የአሰልጣኝነት ሙያውን ቀጥሏል።

በበኩሉ አሚጎስ ወጣቶችን በስፖርት ዘርፍ ለማበረታታት በእግር ኳስ መሣሪያዎች በመደገፍ ከ300 በላይ ታዳጊዎችን እያሰለጠነ መሆኑ ተገልጿል።

በሁለቱ ተቋማት መካከል በሚኖረው የጋራ የሥራ ትብብር የተለያዩ የስፖርትና የፋይናንስ አገልግሎቶችን በማገናኘት የዲያስፖራ ማኅበረሰቡ ከአሚጎስ የቁጠባና የብድር አገልግሎቶች ተጠቃሚ እንዲሆን ለማስቻል አሰልጣኝ አሸናፊ ግርማ በካናዳ የማስተባበር ሚና እንዲወጣ በስምምነቱ ተካቷል።

በፊርማ ሥነ-ሥርዓቱ ላይ አሰልጣኝና የቀድሞ የኢትዮጵያ እግር ኳስ ተጫዋች አቶ አሸናፊ ግርማ፣ አሚጎስ ይህንን ሥራ በጋራ እንዲሠሩ ዕድሉን በመስጠቱ ምስጋና አቅርበዋል።

አሰልጣኝ አሸናፊ ግርማ እንደገለጹት፣ ትብብሩ ኢትዮጵያን ናፍቀው በውጭ አገራት ለሚኖሩ የዲያስፖራ ማኅበረሰብ በሀገራቸው የቁጠባ፣ የብድርና የኢንቨስትመንት ዕድሎችን ለመጠቀም አማራጭ ይፈጥራል።

በፊርማ ሥነ-ሥርዓቱ ላይ በማኅበር ወይም በግል ብድር መጠቀም ለሚፈልጉ ዲያስፖራዎች፣ እንዲሁም በተለያዩ የኢንቨስትመንት አማራጮች ለመሳተፍ ፍላጎት ላላቸው የአሚጎስ የፋይናንስ አገልግሎት አሰጣጥ መንገዶች ላይም ውይይት ተደርጓል።

በዚህም የሁለቱ ተቋማት ትብብር የስፖርት ልማትን ከዲያስፖራ ተሳትፎና ከፋይናንስ አገልግሎት ጋር በማጣመር ወጣቶችንና የዲያስፖራ ማኅበረሰቡን የሚያገናኝ የጋራ የሥራ ማዕቀፍ ለመፍጠር ያለመ መሆኑ ተገልጿል።

​#amigos #ashenafigirma #sports #diaspora #finance #ethiopiansports #getutemesgen #getu #ጌጡ #ጌጡተመስገን #addisababa






አሚጎስ እና አሸናፊ ግርማ ሶከር አካዳሚ የጋራ መግባቢያ ሰነድ ተፈራረሙ
#ethiopia | አሚጎስ እና በቀድሞ የኢትዮጵያ ታዋቂ የእግር ኳስ ተጫዋችና አሰልጣኝ አቶ አሸናፊ ግርማ የተቋቋመው አሸናፊ ግርማ ሶከር አካዳሚ፣ በጋራ ለመሥራት የሚያስችላቸውን የጋራ መግባቢያ ሰነድ ተፈራርመዋል።

ስምምነቱ በእግር ኳስ ዘርፍ ያሉ ተሳታፊዎችንና የኢትዮጵያ ዲያስፖራ ማኅበረሰብን አሚጎስ በሚሰጣቸው የቁጠባና የብድር አገልግሎቶች ተጠቃሚ ለማድረግ ያለመ የጋራ የሥራ ማዕቀፍን ያካትታል።

አቶ አሸናፊ ግርማ ነዋሪነቱን በካናዳ ካደረገ በኋላ በስሙ የተቋቋመውን ሶከር አካዳሚ በማስፋፋት፣ የእግር ኳስ ፍቅር ባላቸው ታዳጊዎች ላይ ትኩረት በማድረግ የአሰልጣኝነት ሙያውን ቀጥሏል።

በበኩሉ አሚጎስ ወጣቶችን በስፖርት ዘርፍ ለማበረታታት በእግር ኳስ መሣሪያዎች በመደገፍ ከ300 በላይ ታዳጊዎችን እያሰለጠነ መሆኑ ተገልጿል።

በሁለቱ ተቋማት መካከል በሚኖረው የጋራ የሥራ ትብብር የተለያዩ የስፖርትና የፋይናንስ አገልግሎቶችን በማገናኘት የዲያስፖራ ማኅበረሰቡ ከአሚጎስ የቁጠባና የብድር አገልግሎቶች ተጠቃሚ እንዲሆን ለማስቻል አሰልጣኝ አሸናፊ ግርማ በካናዳ የማስተባበር ሚና እንዲወጣ በስምምነቱ ተካቷል።

በፊርማ ሥነ-ሥርዓቱ ላይ አሰልጣኝና የቀድሞ የኢትዮጵያ እግር ኳስ ተጫዋች አቶ አሸናፊ ግርማ፣ አሚጎስ ይህንን ሥራ በጋራ እንዲሠሩ ዕድሉን በመስጠቱ ምስጋና አቅርበዋል።

አሰልጣኝ አሸናፊ ግርማ እንደገለጹት፣ ትብብሩ ኢትዮጵያን ናፍቀው በውጭ አገራት ለሚኖሩ የዲያስፖራ ማኅበረሰብ በሀገራቸው የቁጠባ፣ የብድርና የኢንቨስትመንት ዕድሎችን ለመጠቀም አማራጭ ይፈጥራል።

በፊርማ ሥነ-ሥርዓቱ ላይ በማኅበር ወይም በግል ብድር መጠቀም ለሚፈልጉ ዲያስፖራዎች፣ እንዲሁም በተለያዩ የኢንቨስትመንት አማራጮች ለመሳተፍ ፍላጎት ላላቸው የአሚጎስ የፋይናንስ አገልግሎት አሰጣጥ መንገዶች ላይም ውይይት ተደርጓል።

በዚህም የሁለቱ ተቋማት ትብብር የስፖርት ልማትን ከዲያስፖራ ተሳትፎና ከፋይናንስ አገልግሎት ጋር በማጣመር ወጣቶችንና የዲያስፖራ ማኅበረሰቡን የሚያገናኝ የጋራ የሥራ ማዕቀፍ ለመፍጠር ያለመ መሆኑ ተገልጿል።

​#amigos #ashenafigirma #sports #diaspora #finance #ethiopiansports #getutemesgen #getu #ጌጡ #ጌጡተመስገን #addisababa

ዲኬቲ ኢትዮጵያ በ11 ከተሞች 135 ክሊኒኮችን ያቀፈ የ‘ሳባ’ የሥነ ተዋልዶ ጤና መረብ ይፋ አደረገ
#ethiopia | ዲኬቲ ኢትዮጵያ የሥነ ተዋልዶ ጤና አገልግሎት ተዳራሽነትን ለማስፋፋት ያለመ "ሳባ" (SABA) የተሰኘ አገር አቀፍ የትብብር ክሊኒኮች መረብ በይፋ አስጀምሯል።

መርሃ ግብር ላይ የጤና ሚኒስቴር የኢትዮጵያ የምግብና መድኃኒት ባለሥልጣን፣ የክልል ጤና ቢሮ ተወካዮችና የልማት አጋሮች ተገኝተዋል።

በ11 ከተሞች የሚገኙ 135 እውቅና ያላቸው የግል ክሊኒኮች መረቡን ተቀላቅለዋል።

የቤተሰብ እቅድ፣ ደህንነቱ የተጠበቀ የፅንስ ማቋረጥ (በሕጉ መሠረት) ከፅንስ ማቋረጥ በኋላ የሚደረግ እንክብካቤ እና የሥነ-ተዋልዶ ጤና መረጃዎች የሚሰጡ አገልግሎቶች ናቸው።

አገልግሎት ፈላጊዎች በ9169 በመደወል የባለሙያ ምክር ማግኘትና በአቅራቢያቸው ወደሚገኝ የሳባ ክሊኒክ ማምራት ይችላሉ ተብሏል።

"ሳባ" የሚለው ስም ከንግሥተ ሳባ የተወሰደ ሲሆን ሴቶች በክብርና በሚስጥራዊነት አገልግሎት እንዲያገኙ ያለመ ነው።

የዲኬቲ ኢትዮጵያ ሀገር አቀፍ ዳይሬክተር የሆኑት አድትያ አኑግራህ ፑትራ እንደገለጹት መረቡ የግል ክሊኒኮችን አቅም በማጠናከር የአገሪቱን የጤና ሚኒስቴር ግቦች የሚያግዝ ነው ብለዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen





ዲኬቲ ኢትዮጵያ በ11 ከተሞች 135 ክሊኒኮችን ያቀፈ የ‘ሳባ’ የሥነ ተዋልዶ ጤና መረብ ይፋ አደረገ
#ethiopia | ዲኬቲ ኢትዮጵያ የሥነ ተዋልዶ ጤና አገልግሎት ተዳራሽነትን ለማስፋፋት ያለመ "ሳባ" (SABA) የተሰኘ አገር አቀፍ የትብብር ክሊኒኮች መረብ በይፋ አስጀምሯል።

መርሃ ግብር ላይ የጤና ሚኒስቴር የኢትዮጵያ የምግብና መድኃኒት ባለሥልጣን፣ የክልል ጤና ቢሮ ተወካዮችና የልማት አጋሮች ተገኝተዋል።

በ11 ከተሞች የሚገኙ 135 እውቅና ያላቸው የግል ክሊኒኮች መረቡን ተቀላቅለዋል።

የቤተሰብ እቅድ፣ ደህንነቱ የተጠበቀ የፅንስ ማቋረጥ (በሕጉ መሠረት) ከፅንስ ማቋረጥ በኋላ የሚደረግ እንክብካቤ እና የሥነ-ተዋልዶ ጤና መረጃዎች የሚሰጡ አገልግሎቶች ናቸው።

አገልግሎት ፈላጊዎች በ9169 በመደወል የባለሙያ ምክር ማግኘትና በአቅራቢያቸው ወደሚገኝ የሳባ ክሊኒክ ማምራት ይችላሉ ተብሏል።

"ሳባ" የሚለው ስም ከንግሥተ ሳባ የተወሰደ ሲሆን ሴቶች በክብርና በሚስጥራዊነት አገልግሎት እንዲያገኙ ያለመ ነው።

የዲኬቲ ኢትዮጵያ ሀገር አቀፍ ዳይሬክተር የሆኑት አድትያ አኑግራህ ፑትራ እንደገለጹት መረቡ የግል ክሊኒኮችን አቅም በማጠናከር የአገሪቱን የጤና ሚኒስቴር ግቦች የሚያግዝ ነው ብለዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen

''መልክሽ አይበልጥሸ''
#ethiopia | ​በታህሳስ ወር 2014 እ.ኤ.አ. የቀረበላትን የጋብቻ ጥያቄ ውድቅ በማድረጓ ምክንያት በ30 ዓመት ጎልማሳ የአሲድ ጥቃት የደረሰባት ህንዳዊቷ ሬሽማ ኻቱን፣ የቀረባትን የመጨረሻ 6 በመቶ የዓይን ብርሃን ላለማጣት የአስቸኳይ ቀዶ ሕክምና እርዳታ ተማፅኖ አቀረበች።

​በወቅቱ ገና የ18 ዓመት ወጣት የነበረችው ሬሽማ፣ በተፈጸመባት ዘግናኝ ጥቃት በእጆቿ፣ በእግሮቿ፣ በአንገቷ፣ በፊቷ እና በሆዷ ላይ ከፍተኛ የቃጠሎ ጉዳት ደርሶባታል።

ባለፉት 10 ዓመታት ውስጥ 33 ቀዶ ሕክምናዎችን ያደረገች ቢሆንም፣ የደረሰባት ሥቃይና ሕመም እስካሁን ሊቆም አልቻለም።

በጥቃቱ አንድ ዓይኗን ሙሉ በሙሉ ያጣች ሲሆን፣ በጉንጯ ላይ በተወሰደ ቆዳ በተሰራው ሁለተኛ ዓይኗ ደግሞ ጨርሶ የመዘጋት አቅም ስለሌለው ከፍተኛ ሕመም እና ተከታታይ የእንባ ፈሳሽ እያስከተለባት ይገኛል።

​ለሕክምናዋ ወጪ ሲባል እናቷ የመኖሪያ ቤታቸውን እና ንብረታቸውን በሙሉ የሸጡ ሲሆን አሲዱ ያደረሰባት ቃጠሎ የፊት ገጽታዋን ቢቀይረውም ''መልክሽ አይበልጥሽም'' ካላት ጥቃቱ በደረሰ በ4 ዓመቱ ከተጋባችው አሾክ ኩማር ጋር የአራት ዓመት ልጅ አፍርታ ትኖራለች።

ባለቤቷ አሾክ የሞተር ብስክሌት ታክሲ (ራፒዶ) አሽከርካሪ በመሆን በቀን ከ300 እስከ 500 ሩፒ የሚያገኝ ሲሆን፣ የቤት ውስጥ ሥራዎችን በመስራት እና ቤተሰቡን በመንከባከብ ከፍተኛ የኢኮኖሚ ጫና ውስጥ ይገኛል።

​በወር ለመድኃኒት ብቻ 5 ሺህ ሩፒ የምታወጣው ሬሽማ፣ አሁን ላይ የሚያስፈልጋትን የ500 ሺህ ሩፒ ቀዶ ሕክምና ለማድረግ አቅም በማጣቷ የለጋሾችን እጅ እየጠበቀች ነው።

ባለቤቷ አሾክ ኩማር "የዕለት ጉርሳችንን ለመሸፈን እንኳን በተቸገርንበት ሁኔታ ተጨማሪ ቀዶ ሕክምና ማድረግ ከእቅማችን በላይ ሆኗል፤ ከዚህ ሥቃይ እንድትገላገል የሁላችሁም ድጋፍ ያስፈልገናል" ሲል ተማፅኗል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu






''መልክሽ አይበልጥሸ''
#ethiopia | ​በታህሳስ ወር 2014 እ.ኤ.አ. የቀረበላትን የጋብቻ ጥያቄ ውድቅ በማድረጓ ምክንያት በ30 ዓመት ጎልማሳ የአሲድ ጥቃት የደረሰባት ህንዳዊቷ ሬሽማ ኻቱን፣ የቀረባትን የመጨረሻ 6 በመቶ የዓይን ብርሃን ላለማጣት የአስቸኳይ ቀዶ ሕክምና እርዳታ ተማፅኖ አቀረበች።

​በወቅቱ ገና የ18 ዓመት ወጣት የነበረችው ሬሽማ፣ በተፈጸመባት ዘግናኝ ጥቃት በእጆቿ፣ በእግሮቿ፣ በአንገቷ፣ በፊቷ እና በሆዷ ላይ ከፍተኛ የቃጠሎ ጉዳት ደርሶባታል።

ባለፉት 10 ዓመታት ውስጥ 33 ቀዶ ሕክምናዎችን ያደረገች ቢሆንም፣ የደረሰባት ሥቃይና ሕመም እስካሁን ሊቆም አልቻለም።

በጥቃቱ አንድ ዓይኗን ሙሉ በሙሉ ያጣች ሲሆን፣ በጉንጯ ላይ በተወሰደ ቆዳ በተሰራው ሁለተኛ ዓይኗ ደግሞ ጨርሶ የመዘጋት አቅም ስለሌለው ከፍተኛ ሕመም እና ተከታታይ የእንባ ፈሳሽ እያስከተለባት ይገኛል።

​ለሕክምናዋ ወጪ ሲባል እናቷ የመኖሪያ ቤታቸውን እና ንብረታቸውን በሙሉ የሸጡ ሲሆን አሲዱ ያደረሰባት ቃጠሎ የፊት ገጽታዋን ቢቀይረውም ''መልክሽ አይበልጥሽም'' ካላት ጥቃቱ በደረሰ በ4 ዓመቱ ከተጋባችው አሾክ ኩማር ጋር የአራት ዓመት ልጅ አፍርታ ትኖራለች።

ባለቤቷ አሾክ የሞተር ብስክሌት ታክሲ (ራፒዶ) አሽከርካሪ በመሆን በቀን ከ300 እስከ 500 ሩፒ የሚያገኝ ሲሆን፣ የቤት ውስጥ ሥራዎችን በመስራት እና ቤተሰቡን በመንከባከብ ከፍተኛ የኢኮኖሚ ጫና ውስጥ ይገኛል።

​በወር ለመድኃኒት ብቻ 5 ሺህ ሩፒ የምታወጣው ሬሽማ፣ አሁን ላይ የሚያስፈልጋትን የ500 ሺህ ሩፒ ቀዶ ሕክምና ለማድረግ አቅም በማጣቷ የለጋሾችን እጅ እየጠበቀች ነው።

ባለቤቷ አሾክ ኩማር "የዕለት ጉርሳችንን ለመሸፈን እንኳን በተቸገርንበት ሁኔታ ተጨማሪ ቀዶ ሕክምና ማድረግ ከእቅማችን በላይ ሆኗል፤ ከዚህ ሥቃይ እንድትገላገል የሁላችሁም ድጋፍ ያስፈልገናል" ሲል ተማፅኗል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

የምግብ ምርቶች ማስታወቂያ ቁጥጥር ይደረጋል!
- የሚዲያ ተቋማትና አስተዋዋቂዎች ተጠያቂዎች ናቸው
#ethiopia | አዳማ — የኢትዮጵያ ምግብ፣ መድኃኒትና ጤና አገልግሎት ቁጥጥር ባለሥልጣን የምግብ ምርቶች ማስታወቂያ ለሕዝብ ከመሰራጨቱ በፊት በሕግና በሳይንሳዊ ማስረጃ ላይ የተመሠረተ፣ እውነተኛና አሳሳች ያልሆነ መሆኑን ለማረጋገጥ የሚያስችል የማስታወቂያ ቁጥጥር መመሪያ መኖሩን አስታወቀ።

ባለሥልጣኑ በአዳማ ክሎቨርዴል ሆቴል ዛሬ ባዘጋጀው የሚዲያ ግንዛቤ መድረክ፣ የምግብ ምርቶች ማስታወቂያ ቁጥጥርን በተመለከተ ለሚዲያ አካላት ሰፊ ማብራሪያ ተሰጥቷል።

የምግብ ምዝገባና ፈቃድ ባለሙያዋ ዳግማዊት ንጋቱ እንዳብራሩት፣ የማስታወቂያ አሰራጮች ከአስተዋዋቂዎች የሚቀበሉት መረጃ ትክክለኛነትና ማስታወቂያው የቁጥጥር መመሪያውን ማሟላቱን የማረጋገጥ ግዴታ አለባቸው።

በመመሪያው መሠረት የማስታወቂያ አሰራጭ ድርጅቶች በባለሥልጣኑ የተሰጠ ሕጋዊ የብቃት ማረጋገጫ ሊኖራቸው እንደሚገባና ባለሥልጣኑ በሚጠይቅበት ጊዜ ያስተላለፏቸውን ማስታወቂያዎች ቅጂና አስፈላጊ መረጃዎችን ማቅረብ እንዳለባቸው ገልጸዋል።

ያልተረጋገጡና የተጋነኑ የጤና ጥቅም ጥያቄዎች አይፈቀዱም

የምግብ ማስታወቂያዎች በተገቢ ሳይንሳዊ ማስረጃ ያልተደገፉ የጤና ጥቅም ወይም የፈውስ ተግባር እንዳላቸው አድርገው ማቅረብ እንደማይችሉ ተመላክቷል።

እንዲሁም “ብቸኛ”፣ “ለመጀመሪያ ጊዜ”፣ “ከዚህ ቀደም ያልነበረ”፣ “የሁሉም ምርጫ”፣ “ልዩ” እና “አንደኛ” የመሳሰሉ የተጋነኑ መግለጫዎች በተገቢው ማስረጃ ሳይደገፉ መጠቀም እንደማይፈቀድ ተገልጿል።

የአልኮል መጠጦች ማስታወቂያ ላይ ገደቦች

መመሪያው የአልኮል መጠጦች ለጤና ተስማሚ፣ ለማህበራዊ ስኬት ወይም ለአካላዊ ብቃት ጠቃሚ እንደሆኑ አድርጎ ማስታወቅን ይከለክላል።

በተጨማሪም ከ12 በመቶ በላይ የአልኮል ይዘት ያላቸው መጠጦችን ከቤት ውጭ ማስታወቂያ በስተቀር በቴሌቪዥን፣ በሬዲዮና በሌሎች የሚዲያ አውታሮች ማስታወቅ ላይ ገደቦች መኖራቸው ተጠቁሟል።

ከዚህ ባለፈ አካለ መጠን ያልደረሱ ሕፃናትን በአልኮል ማስታወቂያ ላይ መጠቀም፣ በሕፃናት ፕሮግራሞች ላይ የአልኮል ማስታወቂያ ማስተላለፍና ከ12 በመቶ በላይ የአልኮል ይዘት ያላቸው መጠጦች አምራቾች ወይም ነጋዴዎች ፕሮግራሞችን ስፖንሰር ማድረግ እንደማይችሉ ተገልጿል።

የጨቅላ ሕፃናት ምግብ ማስታወቂያ

የጨቅላ ሕፃናት ምግብን በቴሌቪዥን፣ በሬዲዮ፣ በጋዜጣና በኢንተርኔት ጨምሮ በማንኛውም የሚዲያ መድረክ ማስታወቅ እንደተከለከለ ተብራርቷል።

በምርቶቹ ማሸጊያ ላይም ከእናት ጡት ወተት ጋር ማወዳደር ወይም “የማይተካ” የሚሉ መግለጫዎችን መጠቀም እንደማይፈቀድ ተጠቁሟል። በሽያጭ ቦታዎች ናሙና መስጠትና የዋጋ ቅናሽ ማስታወቂያ መለጠፍም ከተገደቡት ተግባራት መካከል ናቸው።

ሕፃናትን ያማከሉ ማስታወቂያዎች

ሕፃናትን ያማከሉ ማስታወቂያዎች የልጆችን ዕድሜና የማስተዋል ደረጃ ያገናዘቡ መሆን እንዳለባቸው ተገልጿል።

አንድ ምግብ የተጠቀመ ልጅ ካልተጠቀመ ልጅ በላይ የማህበራዊ ወይም የአእምሮ ብልጫ እንዳለው ማሳየትና ሕፃናት ፈጣን ምግቦችን ከመጠን በላይ እንዲወስዱ ማበረታታት እንደማይፈቀድ ተመላክቷል።

በተጨማሪም የግለሰቦችን ምስክርነት ወይም የግል ልምድ በመጠቀም ስለ አንድ ምግብ ጣዕም፣ ይዘት ወይም ጥቅም ማስታወቅ በመመሪያው የተገደበ መሆኑ ተብራርቷል።

ለሚዲያ ተቋማት የተሰጠው መልዕክት

የምግብ ምርት ማስታወቂያን ከማስተላለፍ በፊት ይዘቱ ከተደነገጉት የሕግና የቁጥጥር መስፈርቶች ጋር መጣጣሙን ማረጋገጥ የሚዲያና የማስታወቂያ አሰራጭ ተቋማት ኃላፊነት መሆኑ በመድረኩ ተገልጿል።

መመሪያው ከነሐሴ 2 ቀን 2004 ዓ.ም. ጀምሮ የፀና መሆኑን የገለጸው ማብራሪያው፣ መመሪያውን በመጣስ የሚተላለፍ ማስታወቂያ ለሚያስተላልፉ አካላት ሕጋዊ ተጠያቂነት ሊያስከትል እንደሚችል አመልክቷል።

Getu Temesgen - (ጌጡ ተመስገን)

​#adama #media #foodregulation #getutemesgen #getu #ጌጡ #ጌጡተመስገን #addisababa








የምግብ ምርቶች ማስታወቂያ ቁጥጥር ይደረጋል!
- የሚዲያ ተቋማትና አስተዋዋቂዎች ተጠያቂዎች ናቸው
#ethiopia | አዳማ — የኢትዮጵያ ምግብ፣ መድኃኒትና ጤና አገልግሎት ቁጥጥር ባለሥልጣን የምግብ ምርቶች ማስታወቂያ ለሕዝብ ከመሰራጨቱ በፊት በሕግና በሳይንሳዊ ማስረጃ ላይ የተመሠረተ፣ እውነተኛና አሳሳች ያልሆነ መሆኑን ለማረጋገጥ የሚያስችል የማስታወቂያ ቁጥጥር መመሪያ መኖሩን አስታወቀ።

ባለሥልጣኑ በአዳማ ክሎቨርዴል ሆቴል ዛሬ ባዘጋጀው የሚዲያ ግንዛቤ መድረክ፣ የምግብ ምርቶች ማስታወቂያ ቁጥጥርን በተመለከተ ለሚዲያ አካላት ሰፊ ማብራሪያ ተሰጥቷል።

የምግብ ምዝገባና ፈቃድ ባለሙያዋ ዳግማዊት ንጋቱ እንዳብራሩት፣ የማስታወቂያ አሰራጮች ከአስተዋዋቂዎች የሚቀበሉት መረጃ ትክክለኛነትና ማስታወቂያው የቁጥጥር መመሪያውን ማሟላቱን የማረጋገጥ ግዴታ አለባቸው።

በመመሪያው መሠረት የማስታወቂያ አሰራጭ ድርጅቶች በባለሥልጣኑ የተሰጠ ሕጋዊ የብቃት ማረጋገጫ ሊኖራቸው እንደሚገባና ባለሥልጣኑ በሚጠይቅበት ጊዜ ያስተላለፏቸውን ማስታወቂያዎች ቅጂና አስፈላጊ መረጃዎችን ማቅረብ እንዳለባቸው ገልጸዋል።

ያልተረጋገጡና የተጋነኑ የጤና ጥቅም ጥያቄዎች አይፈቀዱም

የምግብ ማስታወቂያዎች በተገቢ ሳይንሳዊ ማስረጃ ያልተደገፉ የጤና ጥቅም ወይም የፈውስ ተግባር እንዳላቸው አድርገው ማቅረብ እንደማይችሉ ተመላክቷል።

እንዲሁም “ብቸኛ”፣ “ለመጀመሪያ ጊዜ”፣ “ከዚህ ቀደም ያልነበረ”፣ “የሁሉም ምርጫ”፣ “ልዩ” እና “አንደኛ” የመሳሰሉ የተጋነኑ መግለጫዎች በተገቢው ማስረጃ ሳይደገፉ መጠቀም እንደማይፈቀድ ተገልጿል።

የአልኮል መጠጦች ማስታወቂያ ላይ ገደቦች

መመሪያው የአልኮል መጠጦች ለጤና ተስማሚ፣ ለማህበራዊ ስኬት ወይም ለአካላዊ ብቃት ጠቃሚ እንደሆኑ አድርጎ ማስታወቅን ይከለክላል።

በተጨማሪም ከ12 በመቶ በላይ የአልኮል ይዘት ያላቸው መጠጦችን ከቤት ውጭ ማስታወቂያ በስተቀር በቴሌቪዥን፣ በሬዲዮና በሌሎች የሚዲያ አውታሮች ማስታወቅ ላይ ገደቦች መኖራቸው ተጠቁሟል።

ከዚህ ባለፈ አካለ መጠን ያልደረሱ ሕፃናትን በአልኮል ማስታወቂያ ላይ መጠቀም፣ በሕፃናት ፕሮግራሞች ላይ የአልኮል ማስታወቂያ ማስተላለፍና ከ12 በመቶ በላይ የአልኮል ይዘት ያላቸው መጠጦች አምራቾች ወይም ነጋዴዎች ፕሮግራሞችን ስፖንሰር ማድረግ እንደማይችሉ ተገልጿል።

የጨቅላ ሕፃናት ምግብ ማስታወቂያ

የጨቅላ ሕፃናት ምግብን በቴሌቪዥን፣ በሬዲዮ፣ በጋዜጣና በኢንተርኔት ጨምሮ በማንኛውም የሚዲያ መድረክ ማስታወቅ እንደተከለከለ ተብራርቷል።

በምርቶቹ ማሸጊያ ላይም ከእናት ጡት ወተት ጋር ማወዳደር ወይም “የማይተካ” የሚሉ መግለጫዎችን መጠቀም እንደማይፈቀድ ተጠቁሟል። በሽያጭ ቦታዎች ናሙና መስጠትና የዋጋ ቅናሽ ማስታወቂያ መለጠፍም ከተገደቡት ተግባራት መካከል ናቸው።

ሕፃናትን ያማከሉ ማስታወቂያዎች

ሕፃናትን ያማከሉ ማስታወቂያዎች የልጆችን ዕድሜና የማስተዋል ደረጃ ያገናዘቡ መሆን እንዳለባቸው ተገልጿል።

አንድ ምግብ የተጠቀመ ልጅ ካልተጠቀመ ልጅ በላይ የማህበራዊ ወይም የአእምሮ ብልጫ እንዳለው ማሳየትና ሕፃናት ፈጣን ምግቦችን ከመጠን በላይ እንዲወስዱ ማበረታታት እንደማይፈቀድ ተመላክቷል።

በተጨማሪም የግለሰቦችን ምስክርነት ወይም የግል ልምድ በመጠቀም ስለ አንድ ምግብ ጣዕም፣ ይዘት ወይም ጥቅም ማስታወቅ በመመሪያው የተገደበ መሆኑ ተብራርቷል።

ለሚዲያ ተቋማት የተሰጠው መልዕክት

የምግብ ምርት ማስታወቂያን ከማስተላለፍ በፊት ይዘቱ ከተደነገጉት የሕግና የቁጥጥር መስፈርቶች ጋር መጣጣሙን ማረጋገጥ የሚዲያና የማስታወቂያ አሰራጭ ተቋማት ኃላፊነት መሆኑ በመድረኩ ተገልጿል።

መመሪያው ከነሐሴ 2 ቀን 2004 ዓ.ም. ጀምሮ የፀና መሆኑን የገለጸው ማብራሪያው፣ መመሪያውን በመጣስ የሚተላለፍ ማስታወቂያ ለሚያስተላልፉ አካላት ሕጋዊ ተጠያቂነት ሊያስከትል እንደሚችል አመልክቷል።

Getu Temesgen - (ጌጡ ተመስገን)

​#adama #media #foodregulation #getutemesgen #getu #ጌጡ #ጌጡተመስገን #addisababa

ኢብራሂም ትራኦሬ ሌላ ታሪካዊ እርምጃ ወሰዱ!
#ethiopia | ቡርኪና ፋሶ ከወርቅ የሚገኘውን ትርፍ በሀገር ውስጥ ለማስቀረት የሚያስችላትን ግዙፍ የወርቅ ማጣሪያ ፋብሪካ መረቀች።

ካፒቴን ትራውሬ በሀገሪቱ ታሪክ የመጀመሪያውን ግዙፍ የወርቅ ማጣሪያ ፋብሪካ መርቀው ከፍተዋል።

ቡርኪና ፋሶ የሀገሯን የወርቅ ሀብት እሴት ለመጨመር እና ገቢዋን በሀገር ውስጥ ለማስቀረት የመጀመሪያውን ግዙፍ የወርቅ ማጣሪያ ፋብሪካ መረቀች

የቡርኪና ፋሶ ወታደራዊ መንግሥት መሪ ካፕቴን ኢብራሂም ትራኦሬ ሀገሪቱ ከማዕድን ሀብቷ የምታገኘውን ጥቅም በሀገር ውስጥ ለማስቀረት ያለመ ግዙፍ የወርቅ ማጣሪያ ፋብሪካ በዋና ከተማዋ ዋጋዱጉ መርቀው ክፍት አድርገዋል።

ይህ በሀገሪቱ ታሪክ የመጀመሪያው የሆነው የማጣሪያ ፋብሪካ ቡርኪና ፋሶ ቀደም ሲል ወርቋን ሳይጣራ ወደ ውጭ ትልክ ነበር።

አሁን ወደ ውጭ ሀገር ከመላክ ይልቅ በሀገር ውስጥ አጣርታ ከፍተኛ ኢኮኖሚያዊ ጥቅም እንድታገኝ ያስችላታል ተብሏል።

ካፕቴን ኢብራሂም ትራኦሬ በምረቃው ወቅት እንደተናገሩት እርምጃው ሀገሪቱ በተፈጥሮ ሀብቷ ላይ ሙሉ ቁጥጥር እንድታደርግ አቅም ይፈጥራል ብለዋል።

እንደዚሁም የሀገሪቱ ሀብት ለውጭ ኩባንያዎች ከመዳረግ ይልቅ የወርቅ ማዕድን ቁፋሮው ክፍያና ትርፍ በሀገር ውስጥ እንዲቀር የሚያስችል ወሳኝ ምዕራፍ ነው ብለዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #burkinafaso #ibrahimtraore #goldrefinery #africaneconomy #ouagadougou

"የኢትዮጵያ አንድነትና ሉአላዊነት ሊከበር ይገባል!"
#ethiopia | የኡጋንዳው ጄኔራል በኢትዮጵያ የተቀሰቀሰው ጦርነት በአስቸኳይ እንዲቆም ጥሪ አቀረቡ፡፡

የኡጋንዳ ጦር ሀይል ዋና አዛዥ የሆኑት ጄኔራል ሙሁዚ ካይኔሩጋባ ዛሬ በኤክስ ገፃቸው ላይ በፃፉት መልእክት ‹‹የኡጋንዳ ጦር ሀይል በቅርቡ በሰሜን ኢትዮጵያ ዳግም በተቀሰቀሰው ግጭት ለኢትዮጵያ መከላከያ ሰራዊት ያለውን አጋርነት ይገልፃል›› በማለት ጀምረዋል፡፡

ሲቀጥሉም ‹‹ይህ ግጭት እንዳይባባስና በአስቸኳይ እንዲቆም ጥሪ እናቀርባለን፡፡

በፕሪቶሪያ የተፈፀመው የሰላም ስምምነት እንዲከበርና እንዲተገበርም እንጠይቃለን፡፡

የኢትዮጵያ አንድነትና ሉአላዊነት በሁሉም ሊከበርና ሊጠበቅ ይገባል›› ብለዋል፡፡

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ethiopia #uganda #peace #pretoriaagreement #hornofafrica

አብራሪው አየር ላይ እያለ በስለት ተወጋ
#ethiopia | ከዱባይ ተነስተው ወደ እስራኤል በመብረር ላይ የነበረው የ"ፍላይ ዱባይ" ቦይንግ 737 MAX አውሮፕላን አየር ላይ እያለ አስደንጋጭ ክስተት አስተናግዷል።

በዋናው አብራሪ እና በምክትል አብራሪው መካከል በተፈጠረ የሃይል ግጭት ምክንያት አውሮፕላኑ አቅጣጫውን ቀይሮ በሳዑዲ አረቢያ ኤርፖርት እንዲያርፍ ተገዷል።

እንደ አለም አቀፍ የዜና ምንጮች ዘገባ ከሆነ አውሮፕላኑ የመደበኛ በረራ መንገዱን ይዞ በመጓዝ ላይ እያለ በአየር ላይ ባለው የአብራሪዎች ክፍለ ውስጥ በሁለቱ አብራሪዎች መካከል ከፍተኛ ጭቅጭቅ ተከሰተ።

የኦማን ዜግነት ያለው ምክትል አብራሪ የኤምሬትስ ዜግነት ያለውን ዋና አብራሪ በስለት ወግቶ ከባድ ጉዳት አድርሶበታል ተብሏል።

በግጭቱ ምክንያት ዋናው አብራሪ በደረሰበት ጉዳት በረራውን መቀጠል ባለመቻሉ እና አውሮፕላኑ አደጋ ውስጥ መሆኑን የተረዱት የኩባንያው አብራሪዎች በፍጥነት ወደ ኮክፒት በመግባት ግጭቱን መቆጣጠራቸው ታውቋል።

የእስራኤል የደህንነት እና የመረጃ ተቋም (ሞሳድ) ድርጊቱን አስመልክቶ በሰጠው የመጀመሪያ ደረጃ ፍንጭ በሁለቱ አብራሪዎች መካከል የተከሰተው ጥቃት "የሽብር ድርጊት" ሊሆን እንደሚችል ጠቁሟል።

ተቋሙ ድርጊቱ የታቀደ ይሁን ወይም አጋጣሚ በአየር ላይ የነበሩ ተሳፋሪዎችን እና የበርካታ ሀገራትን ደህንነት አደጋ ላይ የጣለ በመሆኑ ሰፊ የምርመራ ቡድን መመደቡን አስታውቋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #breakingnews #flydubai #aviationnews #dubaitotelaviv #flightsafety #saudiarabia #emergencylanding #mossad

የአዲስ አበባ ከተማ ምክር ቤት በምክትል ከንቲባ ማዕረግ የቀረቡ አራት የኃላፊዎች ሹመትን አጸደቀ

የአዲስ አበባ ከተማ አስተዳደር ምክር ቤት፣ በከንቲባ ወ/ሮ አዳነች አቤቤ አቅራቢነት በምክትል ከንቲባ ማዕረግ የተሰየሙ የአራት የተለያዩ ቢሮ ኃላፊዎችን ሹመት አጽድቋል።
በዚሁ መሠረት በምክትል ከንቲባ ማዕረግ ሹመታቸው የጸደቀላቸው አዳዲስ ቢሮ ኃላፊዎች፦

አቶ ሀፍታይ ገብረእግዚአብሄር፦ የባህል እና ቱሪዝም ቢሮ ኃላፊ

አቶ ሚሊዮን ማቲዎስ፦ የሥራ እና ክህሎት ቢሮ ኃላፊ

አቶ ጥላሁን ከበደ፦ የፐብሊክ ሰርቪስ እና የሰው ሃብት ልማት ቢሮ ኃላፊ

አቶ አብዱልቃድር ሬድዋን፦ የፋይናንስ ቢሮ ኃላፊ

ምክር ቤቱ በከንቲባዋ የቀረቡለትን እጩዎች መርምሮ ሹመታቸውን ያጸደቀ መሆኑ ተገልጿል።

(AMN)

በያፌት ገ/ህይወት

Getu Temesgen - (ጌጡ ተመስገን) #getutemesgen #getu








የአዲስ አበባ ከተማ ምክር ቤት በምክትል ከንቲባ ማዕረግ የቀረቡ አራት የኃላፊዎች ሹመትን አጸደቀ

የአዲስ አበባ ከተማ አስተዳደር ምክር ቤት፣ በከንቲባ ወ/ሮ አዳነች አቤቤ አቅራቢነት በምክትል ከንቲባ ማዕረግ የተሰየሙ የአራት የተለያዩ ቢሮ ኃላፊዎችን ሹመት አጽድቋል።
በዚሁ መሠረት በምክትል ከንቲባ ማዕረግ ሹመታቸው የጸደቀላቸው አዳዲስ ቢሮ ኃላፊዎች፦

አቶ ሀፍታይ ገብረእግዚአብሄር፦ የባህል እና ቱሪዝም ቢሮ ኃላፊ

አቶ ሚሊዮን ማቲዎስ፦ የሥራ እና ክህሎት ቢሮ ኃላፊ

አቶ ጥላሁን ከበደ፦ የፐብሊክ ሰርቪስ እና የሰው ሃብት ልማት ቢሮ ኃላፊ

አቶ አብዱልቃድር ሬድዋን፦ የፋይናንስ ቢሮ ኃላፊ

ምክር ቤቱ በከንቲባዋ የቀረቡለትን እጩዎች መርምሮ ሹመታቸውን ያጸደቀ መሆኑ ተገልጿል።

(AMN)

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

TK Industrial Group ከኢንዶኔዢያና ሲንጋፖር ኩባንያዎች ጋር የጋራ ኢንቨስትመንት ስምምነት ተፈራረመ
#ethiopia | አዲስ አበባ፦ የኢትዮጵያ፣ ኢንዶኔዢያ እና ሲንጋፖር ኩባንያዎች በኢንዱስትሪና በግብርና ምርቶች ዕሴት ጭማሪ ዙሪያ በጋራ ለመሥራት የሚያስችል የጋራ ኢንቨስትመንት (Joint Venture) ስምምነት ተፈራርመዋል።

የኢትዮጵያው TK Industrial Group ከኢንዶኔዢያው PT. INDO SULTAN JAYA እና ከሲንጋፖሩ OLiviaOlea PTE Ltd ጋር የሶስትዮሽ የጋራ ኢንቨስትመንት ስምምነቱን ተፈራርመዋል።

የTK Industrial Group ባለቤትና የኢትዮጵያ የዘይት አምራች ኢንዱስትሪዎች ማኅበር ፕሬዚዳንት ሼክ ቶፊቅ ከድር ተቋማቸውን ወክለው ስምምነቱን ፈርመዋል።

በስምምነት ፊርማ ሥነ-ሥርዓቱ ላይ የኢንዱስትሪ ሚኒስቴር ሚኒስትር ዴኤታ አቶ ሀሰን ሙሐመድ ተገኝተው ንግግር አድርገዋል።

አቶ ሀሰን እንደገለጹት፣ ኢትዮጵያ ካፒታል ብቻ ሳይሆን ዕውቀትና ቴክኖሎጂ ሽግግር እንዲኖር፣ እንዲሁም የሥራ ዕድል ፈጠራን የሚያጠናክሩ ኢንቨስተሮችን ትፈልጋለች።

የዘርፉ ባለሙያዎች ዕውቀትና ክህሎት እንዲዳብር፣ አርሶ አደሩ ተጠቃሚ እንዲሆን፣ የኤክስፖርት አቅም እንዲያድግ፣ ለዜጎች የሥራ ዕድል እንዲፈጠርና የሀገር ውስጥ ገበያ ፍላጎት እንዲሟላ መንግሥት መሰል ኢንቨስትመንቶችን ለማበረታታት በትኩረት እንደሚሠራም ገልጸዋል።

አቶ ሀሰን አክለውም፣ የተመሳሳይ ኢንቨስትመንቶች መስፋፋት የኢንዱስትሪ ፓርኮችን አቅምና ተወዳዳሪነት ለማሳደግ የሚያግዝ መሆኑን ተናግረዋል።

በስምምነቱ መሠረት የግብርና ምርቶችን ዕሴት መጨመር፣ የግብርና ምርቶችን በዘመናዊ ቴክኖሎጂ ማቀናበር፣ የቴክኖሎጂና የዕውቀት ሽግግር፣ ለሴቶችና ወጣቶች የሥራ ዕድል መፍጠር፣ የኢንዱስትሪ ትስስርን ማጠናከር፣ ከውጭ የሚገቡ ምርቶችን በሀገር ውስጥ ምርት መተካት፣ ኤክስፖርትን ማሳደግና የኢትዮጵያ አምራቾች ዓለም አቀፍ ገበያን እንዲያገኙ ማስቻል ዋና ትኩረቶች መሆናቸው ተገልጿል።

በፊርማ ሥነ-ሥርዓቱ ላይ የኢንዶኔዢያና የፓኪስታን አምባሳደሮች፣ የኦሮሚያ ኢንዱስትሪ ፓርኮች ልማት ኮርፖሬሽን ዋና ሥራ አስፈጻሚ ወይዘሮ ሰናይት መብሬ፣ እንዲሁም ከፍተኛ የፌዴራልና የኦሮሚያ ክልል የሥራ ኃላፊዎች ተገኝተዋል።
#ኢንቨስትመንት #ኢንዱስትሪ #ግብርና #ንግድ #ኢኮኖሚ #getutemesgen #getu #ጌጡ #ጌጡተመስገን #addisababa






TK Industrial Group ከኢንዶኔዢያና ሲንጋፖር ኩባንያዎች ጋር የጋራ ኢንቨስትመንት ስምምነት ተፈራረመ
#ethiopia | አዲስ አበባ፦ የኢትዮጵያ፣ ኢንዶኔዢያ እና ሲንጋፖር ኩባንያዎች በኢንዱስትሪና በግብርና ምርቶች ዕሴት ጭማሪ ዙሪያ በጋራ ለመሥራት የሚያስችል የጋራ ኢንቨስትመንት (Joint Venture) ስምምነት ተፈራርመዋል።

የኢትዮጵያው TK Industrial Group ከኢንዶኔዢያው PT. INDO SULTAN JAYA እና ከሲንጋፖሩ OLiviaOlea PTE Ltd ጋር የሶስትዮሽ የጋራ ኢንቨስትመንት ስምምነቱን ተፈራርመዋል።

የTK Industrial Group ባለቤትና የኢትዮጵያ የዘይት አምራች ኢንዱስትሪዎች ማኅበር ፕሬዚዳንት ሼክ ቶፊቅ ከድር ተቋማቸውን ወክለው ስምምነቱን ፈርመዋል።

በስምምነት ፊርማ ሥነ-ሥርዓቱ ላይ የኢንዱስትሪ ሚኒስቴር ሚኒስትር ዴኤታ አቶ ሀሰን ሙሐመድ ተገኝተው ንግግር አድርገዋል።

አቶ ሀሰን እንደገለጹት፣ ኢትዮጵያ ካፒታል ብቻ ሳይሆን ዕውቀትና ቴክኖሎጂ ሽግግር እንዲኖር፣ እንዲሁም የሥራ ዕድል ፈጠራን የሚያጠናክሩ ኢንቨስተሮችን ትፈልጋለች።

የዘርፉ ባለሙያዎች ዕውቀትና ክህሎት እንዲዳብር፣ አርሶ አደሩ ተጠቃሚ እንዲሆን፣ የኤክስፖርት አቅም እንዲያድግ፣ ለዜጎች የሥራ ዕድል እንዲፈጠርና የሀገር ውስጥ ገበያ ፍላጎት እንዲሟላ መንግሥት መሰል ኢንቨስትመንቶችን ለማበረታታት በትኩረት እንደሚሠራም ገልጸዋል።

አቶ ሀሰን አክለውም፣ የተመሳሳይ ኢንቨስትመንቶች መስፋፋት የኢንዱስትሪ ፓርኮችን አቅምና ተወዳዳሪነት ለማሳደግ የሚያግዝ መሆኑን ተናግረዋል።

በስምምነቱ መሠረት የግብርና ምርቶችን ዕሴት መጨመር፣ የግብርና ምርቶችን በዘመናዊ ቴክኖሎጂ ማቀናበር፣ የቴክኖሎጂና የዕውቀት ሽግግር፣ ለሴቶችና ወጣቶች የሥራ ዕድል መፍጠር፣ የኢንዱስትሪ ትስስርን ማጠናከር፣ ከውጭ የሚገቡ ምርቶችን በሀገር ውስጥ ምርት መተካት፣ ኤክስፖርትን ማሳደግና የኢትዮጵያ አምራቾች ዓለም አቀፍ ገበያን እንዲያገኙ ማስቻል ዋና ትኩረቶች መሆናቸው ተገልጿል።

በፊርማ ሥነ-ሥርዓቱ ላይ የኢንዶኔዢያና የፓኪስታን አምባሳደሮች፣ የኦሮሚያ ኢንዱስትሪ ፓርኮች ልማት ኮርፖሬሽን ዋና ሥራ አስፈጻሚ ወይዘሮ ሰናይት መብሬ፣ እንዲሁም ከፍተኛ የፌዴራልና የኦሮሚያ ክልል የሥራ ኃላፊዎች ተገኝተዋል።
#ኢንቨስትመንት #ኢንዱስትሪ #ግብርና #ንግድ #ኢኮኖሚ #getutemesgen #getu #ጌጡ #ጌጡተመስገን #addisababa

"እኔ ቆምኩ አልቆምኩ የሚመጣ የውጤት ለውጥ የለም" - አሰልጣኝ ዮሐንስ ሳህሌ
#ethiopia | አሰልጣኝ ዮሐንስ ሳህሌ በቅርቡ ትናንት ከስፖርት ጋዜጠኞች ለቀረቡላቸው ጥያቄዎች በሰጡት ጋዜጣዊ መግለጫ፣ በቡድናቸው አጨዋወት፣ በሜዳ ላይ በሚያሳዩት እንቅስቃሴ እና በግብ ማስቆጠር ችግሮች ዙሪያ ሰፊ ማብራሪያ ሰጥተዋል።

አሰልጣኙ በጨዋታ 90 ደቂቃ ውስጥ ከወንበራቸው ተነስተው መመሪያ ሲሰጡ ለምን እንደማይታዩ ለቀረበላቸው ጥያቄ በሰጡት ምላሽ፣ ይህ የራሳቸው የቆየ አሰራር መሆኑን ገልጸዋል።

በልምምድ ወቅት በቂ ዝግጅት እንደሚሰሩና በጨዋታው ወቅት ተጫዋቾቹ የተማሩትን እንዲተገብሩ ነጻነት እንደሚሰጧቸው ያስረዱት አሰልጣኙ፣ ጣልቃ የሚገቡት ታክቲካዊ ስህተቶች ሲፈጠሩ ብቻ መሆኑን ተናግረዋል።

አክለውም አጋዥ አሰልጣኙ በዚሁ ሂደት ውስጥ የራሱን ድርሻ እንደሚወጣ አስታውቀዋል።

በሌላ በኩል ቡድኑ ተደጋጋሚ የግብ ማስቆጠር ችግር ለምን እንደገጠመው ለተነሳላቸው ጥያቄ፣ ችግሩ እድል ከመፍጠር ጋር የተያያዘ እንዳልሆነ አብራርተዋል። ቡድኑ ወደ ተጋጣሚ የግብ ክልል በተደጋጋሚ እንደሚደርስ የገለጹት አሰልጣኝ ዮሐንስ፣ ነገር ግን የተፈጠሩትን እድሎች ወደ ግብነት የመቀየር ኃላፊነቱን ተጫዋቾች በአግባቡ እየተወጡ እንዳልሆነ ጠቁመዋል።

በተለይም አንዳንዴ ተጫዋቾች የተሻለ ቦታ ላይ ላለ አጋራቸው ኳስን አሳልፎ ከመስጠት ይልቅ፣ ራሳቸው አግብተው አድናቆትን ለማግኘት በሚያደርጉት ጥረት የግብ እድሎች እንደሚባክኑ ተችተዋል።

በመጨረሻም የግብ አግቢ (ስትራይከር) እጥረትም የብሔራዊ ቡድኑ ብቻ ሳይሆን የጠቅላላ ሀገሪቱ እግርኳስ ችግር መሆኑን አጽንኦት ሰጥተዋል።

በሀገር ውስጥ ፕሪሚየር ሊግ ከፍተኛ ግብ አግቢ የሚባሉት ተጫዋቾች እንኳን ከ30 በላይ ጨዋታዎችን አድርገው የሚያስቆጥሩት ከ13 እስከ 14 ግቦችን ብቻ መሆኑን በማንሳት፣ የችግሩን ሀገር አቀፋዊ ስፋትና አሳሳቢነት አመላክተዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu





"እኔ ቆምኩ አልቆምኩ የሚመጣ የውጤት ለውጥ የለም" - አሰልጣኝ ዮሐንስ ሳህሌ
#ethiopia | አሰልጣኝ ዮሐንስ ሳህሌ በቅርቡ ትናንት ከስፖርት ጋዜጠኞች ለቀረቡላቸው ጥያቄዎች በሰጡት ጋዜጣዊ መግለጫ፣ በቡድናቸው አጨዋወት፣ በሜዳ ላይ በሚያሳዩት እንቅስቃሴ እና በግብ ማስቆጠር ችግሮች ዙሪያ ሰፊ ማብራሪያ ሰጥተዋል።

አሰልጣኙ በጨዋታ 90 ደቂቃ ውስጥ ከወንበራቸው ተነስተው መመሪያ ሲሰጡ ለምን እንደማይታዩ ለቀረበላቸው ጥያቄ በሰጡት ምላሽ፣ ይህ የራሳቸው የቆየ አሰራር መሆኑን ገልጸዋል።

በልምምድ ወቅት በቂ ዝግጅት እንደሚሰሩና በጨዋታው ወቅት ተጫዋቾቹ የተማሩትን እንዲተገብሩ ነጻነት እንደሚሰጧቸው ያስረዱት አሰልጣኙ፣ ጣልቃ የሚገቡት ታክቲካዊ ስህተቶች ሲፈጠሩ ብቻ መሆኑን ተናግረዋል።

አክለውም አጋዥ አሰልጣኙ በዚሁ ሂደት ውስጥ የራሱን ድርሻ እንደሚወጣ አስታውቀዋል።

በሌላ በኩል ቡድኑ ተደጋጋሚ የግብ ማስቆጠር ችግር ለምን እንደገጠመው ለተነሳላቸው ጥያቄ፣ ችግሩ እድል ከመፍጠር ጋር የተያያዘ እንዳልሆነ አብራርተዋል። ቡድኑ ወደ ተጋጣሚ የግብ ክልል በተደጋጋሚ እንደሚደርስ የገለጹት አሰልጣኝ ዮሐንስ፣ ነገር ግን የተፈጠሩትን እድሎች ወደ ግብነት የመቀየር ኃላፊነቱን ተጫዋቾች በአግባቡ እየተወጡ እንዳልሆነ ጠቁመዋል።

በተለይም አንዳንዴ ተጫዋቾች የተሻለ ቦታ ላይ ላለ አጋራቸው ኳስን አሳልፎ ከመስጠት ይልቅ፣ ራሳቸው አግብተው አድናቆትን ለማግኘት በሚያደርጉት ጥረት የግብ እድሎች እንደሚባክኑ ተችተዋል።

በመጨረሻም የግብ አግቢ (ስትራይከር) እጥረትም የብሔራዊ ቡድኑ ብቻ ሳይሆን የጠቅላላ ሀገሪቱ እግርኳስ ችግር መሆኑን አጽንኦት ሰጥተዋል።

በሀገር ውስጥ ፕሪሚየር ሊግ ከፍተኛ ግብ አግቢ የሚባሉት ተጫዋቾች እንኳን ከ30 በላይ ጨዋታዎችን አድርገው የሚያስቆጥሩት ከ13 እስከ 14 ግቦችን ብቻ መሆኑን በማንሳት፣ የችግሩን ሀገር አቀፋዊ ስፋትና አሳሳቢነት አመላክተዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

CNN እንሰትን "ተአምረኛው ሰብል" በሚል ሰፊ ዘገባ ይዞ ወጥቷል!
#ethiopia | ዓለም አቀፍ የዜና ተቋም በደቡብ እና ደቡብ ምዕራብ ኢትዮጵያ ለዘመናት ለምግብነት የሚውለውን እንሰት አስመልክቶ ሰፊ ዘገባ ይዞ ወጥቷል።

ተክሉን "የተራበን ሰው የሚታደግ ዛፍ" "በስቴሮይድ የበለፀገ ሙዝ" እና "ተአምረኛው ሰብል"ሲል ገልጾታል።

በኢትዮጵያ ከ20 ሚሊዮን በላይ ሰዎች ዕለታዊ ምግባቸውን የሚያገኙት ከዚሁ ከእንሰት ከሚዘጋጁት ምግቦች አማካኝነት ነው ብሏል።

ለአለም አቀፍ የምግብ እጥረት ዋነኛ መፍትሔ መሆን የሚችል ተክል ሲል ነው ሲ.ኤን.ኤን የገለፀው።

በኢትዮጵያ ባህላዊ እና ሀገር በቀል እውቀት ተጠብቆ የቆየው እንሰት ወደፊት ለሚከሰተው ዓለም አቀፍ የምግብ እጥረት እና የአየር ንብረት መዛባት ትልቅ ሳይንሳዊ መፍትሔ እንደሆነ ዓለም አቀፉ የዜና ተቋም አብራርቷል።

የዜና ተቋሙ እንሰት በማንኛውም የወራት ወቅት ተቆፍሮ ለምግብነት ማዋል ይቻላል ብሏል።

ይህም ገበሬዎች በድርቅ ጊዜ እንኳን ሳይቀር ለምግብ እጥረት እንዳይጋለጡ ያደርጋቸዋል ሲል ጽፏል።

የእንሰት አመራረት ዘዴ ከኢትዮጵያ ውጭ ባሉ የሰሃራ በታች የአፍሪካ ሀገራት (በተለይም በኡጋንዳ ኬንያ እና ሩዋንዳ) ቢስፋፋ በሚሊዮን የሚቆጠሩ ሰዎችን ከረሃብ አደጋ ማዳን ይቻላል ብሏል።

ዓለም በአሁኑ ወቅት በድርቅ በከፍተኛ ሙቀት እና በአየር ንብረት መዛባት እየተፈተነች ባለችበት ወቅት እንሰት የውሃ እጥረትን ተቋቁሞ ለረጅም ጊዜ መቆየት የሚችል ልዩ የተፈጥሮ ባህሪ አለው።

እንሰት የአየር ንብረት ለውጥን የሚቋቋም የተፈጥሮ ጋሻ ብሎታል።

የአየር ንብረት ለውጥ በምስራቅ እና ማዕከላዊ አፍሪካ በሚያደርሰው ጫና ምክንያት ተክሉ ወደ ሌሎች የአፍሪካ ሀገራት ቢስፋፋ ከ60 ሚሊዮን በላይ ሰዎችን ከምግብ እጥረት ማዳን እንደሚችል በዘገባው ተመልክቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #enset #treeagainsthunger #wondercrop #foodsecurity #climateresilience #africanagriculture #cnn #superfood







CNN እንሰትን "ተአምረኛው ሰብል" በሚል ሰፊ ዘገባ ይዞ ወጥቷል!
#ethiopia | ዓለም አቀፍ የዜና ተቋም በደቡብ እና ደቡብ ምዕራብ ኢትዮጵያ ለዘመናት ለምግብነት የሚውለውን እንሰት አስመልክቶ ሰፊ ዘገባ ይዞ ወጥቷል።

ተክሉን "የተራበን ሰው የሚታደግ ዛፍ" "በስቴሮይድ የበለፀገ ሙዝ" እና "ተአምረኛው ሰብል"ሲል ገልጾታል።

በኢትዮጵያ ከ20 ሚሊዮን በላይ ሰዎች ዕለታዊ ምግባቸውን የሚያገኙት ከዚሁ ከእንሰት ከሚዘጋጁት ምግቦች አማካኝነት ነው ብሏል።

ለአለም አቀፍ የምግብ እጥረት ዋነኛ መፍትሔ መሆን የሚችል ተክል ሲል ነው ሲ.ኤን.ኤን የገለፀው።

በኢትዮጵያ ባህላዊ እና ሀገር በቀል እውቀት ተጠብቆ የቆየው እንሰት ወደፊት ለሚከሰተው ዓለም አቀፍ የምግብ እጥረት እና የአየር ንብረት መዛባት ትልቅ ሳይንሳዊ መፍትሔ እንደሆነ ዓለም አቀፉ የዜና ተቋም አብራርቷል።

የዜና ተቋሙ እንሰት በማንኛውም የወራት ወቅት ተቆፍሮ ለምግብነት ማዋል ይቻላል ብሏል።

ይህም ገበሬዎች በድርቅ ጊዜ እንኳን ሳይቀር ለምግብ እጥረት እንዳይጋለጡ ያደርጋቸዋል ሲል ጽፏል።

የእንሰት አመራረት ዘዴ ከኢትዮጵያ ውጭ ባሉ የሰሃራ በታች የአፍሪካ ሀገራት (በተለይም በኡጋንዳ ኬንያ እና ሩዋንዳ) ቢስፋፋ በሚሊዮን የሚቆጠሩ ሰዎችን ከረሃብ አደጋ ማዳን ይቻላል ብሏል።

ዓለም በአሁኑ ወቅት በድርቅ በከፍተኛ ሙቀት እና በአየር ንብረት መዛባት እየተፈተነች ባለችበት ወቅት እንሰት የውሃ እጥረትን ተቋቁሞ ለረጅም ጊዜ መቆየት የሚችል ልዩ የተፈጥሮ ባህሪ አለው።

እንሰት የአየር ንብረት ለውጥን የሚቋቋም የተፈጥሮ ጋሻ ብሎታል።

የአየር ንብረት ለውጥ በምስራቅ እና ማዕከላዊ አፍሪካ በሚያደርሰው ጫና ምክንያት ተክሉ ወደ ሌሎች የአፍሪካ ሀገራት ቢስፋፋ ከ60 ሚሊዮን በላይ ሰዎችን ከምግብ እጥረት ማዳን እንደሚችል በዘገባው ተመልክቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #enset #treeagainsthunger #wondercrop #foodsecurity #climateresilience #africanagriculture #cnn #superfood

አሜሪካን ያስደነገጠው የጋና መንግስት ውሳኔ!
#ethiopia | የጋና መንግሥት ከወደ ዋሽንግተን የቀረበለትን የ109 ሚሊዮን ዶላር የጤና ድጋፍ ስምምነት "ብሔራዊ ክብርንና ሉዓላዊነትን ይነካል" ሲል ውድቅ አደረገ።

የምዕራብ አፍሪካዊቷ ሀገር ጋና ከአሜሪካ የጤና ድጋፍ ጀርባ የተቀመጡት ቅድመ ሁኔታዎች "የሚያዋርዱ እና የአገሪቱን ሉዓላዊነት የሚጋፉ ናቸው" ብላለች።

በዚህም የቀረበላትን የ5 ዓመት ዕቅድ እንደማትቀበለው አስታውቃለች።

የጋናው ፕሬዚዳንት ጆን ማሃማ ካቢኔያቸው ስምምነቱን ውድቅ ማድረጉን ሲገልጹ ለአሜሪካ እጅ ላለመስጠት ምክንያት የሆኑትን ዋና ዋና ነጥቦች ይፋ አድርገዋል።

ስምምነቱ ጋና አጠቃላይ የዜጎቿን የሕክምና መረጃዎች ለዋሽንግተን እንድታስረክብ የሚያስገድድ አንቀጽ ይዟል።

አሜሪካ በዚሁ ፕሮግራም ሥር ወደ ጋና የምታስገባቸውን መድኃኒቶችና የሕክምና ቁሳቁሶች የጋና ምግብና መድኃኒት ቁጥጥር ባለሥልጣን እንዳይመረምርና እንዳይፈትሽ የሚከለክል አ አሰራር ተካቶበታል ብለዋል።

አሜሪካ ድጋፍ እንደምታደርግ ብትገልጽም ጋና ለፕሮግራሙ ማስፈጸሚያ የራሷን በጀት አውጥታ እንድትመድብ መጠየቋ ቅሬታን ፈጥሯል።

ፕሬዚዳንት ማሃማ ሁኔታውን "አዋራጅ" ሲሉ የገለጹት ሲሆን ጋና ይህ ድጋፍ ቢቀርባትም በራሷ አቅም መቆም እንደምትችል ገልጸዋል።

በጉዳዩ ላይ ምላሽ የሰጠው በአክራ የሚገኘው የአሜሪካ ኤምባሲ በበኩሉ ውዥንብር መፈጠሩን ጠቅሷል።

ኤምባሲው የቀረበው ጥያቄ የሕመምተኞችን ግላዊ ማንነት የሚያሳይ መረጃ ሳይሆን የፕሮግራሙን ውጤታማነት ለመለካት የሚያግዝ አጠቃላይ የጤና መረጃ ብቻ መሆኑን አስረድቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ghana #presidentmahama #ghanaus #healthfunding #nationalsovereignty #dataprivacy #biosecurity






አሜሪካን ያስደነገጠው የጋና መንግስት ውሳኔ!
#ethiopia | የጋና መንግሥት ከወደ ዋሽንግተን የቀረበለትን የ109 ሚሊዮን ዶላር የጤና ድጋፍ ስምምነት "ብሔራዊ ክብርንና ሉዓላዊነትን ይነካል" ሲል ውድቅ አደረገ።

የምዕራብ አፍሪካዊቷ ሀገር ጋና ከአሜሪካ የጤና ድጋፍ ጀርባ የተቀመጡት ቅድመ ሁኔታዎች "የሚያዋርዱ እና የአገሪቱን ሉዓላዊነት የሚጋፉ ናቸው" ብላለች።

በዚህም የቀረበላትን የ5 ዓመት ዕቅድ እንደማትቀበለው አስታውቃለች።

የጋናው ፕሬዚዳንት ጆን ማሃማ ካቢኔያቸው ስምምነቱን ውድቅ ማድረጉን ሲገልጹ ለአሜሪካ እጅ ላለመስጠት ምክንያት የሆኑትን ዋና ዋና ነጥቦች ይፋ አድርገዋል።

ስምምነቱ ጋና አጠቃላይ የዜጎቿን የሕክምና መረጃዎች ለዋሽንግተን እንድታስረክብ የሚያስገድድ አንቀጽ ይዟል።

አሜሪካ በዚሁ ፕሮግራም ሥር ወደ ጋና የምታስገባቸውን መድኃኒቶችና የሕክምና ቁሳቁሶች የጋና ምግብና መድኃኒት ቁጥጥር ባለሥልጣን እንዳይመረምርና እንዳይፈትሽ የሚከለክል አ አሰራር ተካቶበታል ብለዋል።

አሜሪካ ድጋፍ እንደምታደርግ ብትገልጽም ጋና ለፕሮግራሙ ማስፈጸሚያ የራሷን በጀት አውጥታ እንድትመድብ መጠየቋ ቅሬታን ፈጥሯል።

ፕሬዚዳንት ማሃማ ሁኔታውን "አዋራጅ" ሲሉ የገለጹት ሲሆን ጋና ይህ ድጋፍ ቢቀርባትም በራሷ አቅም መቆም እንደምትችል ገልጸዋል።

በጉዳዩ ላይ ምላሽ የሰጠው በአክራ የሚገኘው የአሜሪካ ኤምባሲ በበኩሉ ውዥንብር መፈጠሩን ጠቅሷል።

ኤምባሲው የቀረበው ጥያቄ የሕመምተኞችን ግላዊ ማንነት የሚያሳይ መረጃ ሳይሆን የፕሮግራሙን ውጤታማነት ለመለካት የሚያግዝ አጠቃላይ የጤና መረጃ ብቻ መሆኑን አስረድቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ghana #presidentmahama #ghanaus #healthfunding #nationalsovereignty #dataprivacy #biosecurity