13ኛ ዙር የደም ልገሳ መርሃ ግብር
አዲስ ዓመትን በተስፋ እና በሕይወት እንቀበል

መስከረም 30 እና ጥቅምት 1, 2019 ዓ.ም.በኢትዮጵያ 20+ ከተሞች

አንድ የደም ልገሳ እስከ ሦስት ሰዎች ሕይወት ሊያድን ይችላል።
አዲስ ዓመት አዲስ ተስፋን ይዞ ይመጣል። በዚህ የበዓል ወቅት ለራሳችን ብቻ ሳይሆን ለሌሎችም ተስፋ እንሁን።

በየቀኑ በሆስፒታሎቻችን ውስጥ ለቀዶ ሕክምና፣ ለአደጋ ተጎጂዎች፣ ለካንሰር ሕክምና ላይ ላሉ ሕፃናት፣ ለእናቶች እና ለሌሎች በርካታ ሕሙማን ደም በአስቸኳይ ያስፈልጋል።

ይህ 13ኛው ዙር የደም ልገሳ መርሃ ግብር በአዲሱ ዓመት የሕይወት ስጦታን ለመጀመር የሚያስችለን የሰብዓዊነት ጥሪ ነው።

እርስዎ የሚለግሱት ደም...
ለአንድ ልጅ ነገን፣
ለአንድ ቤተሰብ ተስፋን፣
ለአንድ ታማሚ ሕይወትን፣
ለአንድ እናት ፈገግታን ሊሰጥ ይችላል።

በጎ ፈቃደኞች፣ ወጣቶች፣ ቤተሰቦች፣ ተቋማት እና መላው ማኅበረሰብ በዚህ ታላቅ የሕይወት ማዳን ተግባር እንዲሳተፉ በክብር እንጋብዛለን።

አዲስ አበባ ያላችሁ ስታዲየም አካባቢ በሚገኘው የቀይ መስቀል ጊቢ የደም ልገሳው የሚደረግ ሲሆን በየክልሎቹ በሚገኙ የደም ባንክ ቅርጫፎች በመሄድ ደም እንድትለግሱ ጥሪ እናስተላልፋለን

ደም መለገስ ሕይወት መስጠት ነው!

ኑ! በደማችን አዲስ ታሪክ እንፃፍ!

ሼር
አስገራሚው የነፃ ዳቦ ማሽኖች!

በቅንጦት ህንፃዎቿ እና በዘመናዊ የቴክኖሎጂ ግስጋሴዋ በምትታወቀው የተባበሩት አረብ ኤምሬትስ ዱባይ ውስጥ፣ ቴክኖሎጂን ለከፍተኛ ሰብዓዊ ርህራሄ ያዋለ አንድ አስገራሚ ተግባር የዓለምን ትኩረት እየሳበ ይገኛል። በከተማዋ ዝቅተኛ ገቢ ያላቸውና ድጋፍ የሚሹ ወገኖች፣ ምንም አይነት የሰው ልጅ ንክኪ በሌለበትና ክብራቸውን ሙሉ በሙሉ በጠበቀ መልኩ በነፃ ትኩስ ዳቦ የሚያገኙባቸው ዘመናዊ አውቶማቲክ ማሽኖች (Smart Vending Machines) አገልግሎት እየሰጡ ነው።

"ዳቦ ለሁሉም" (Bread for All) በተሰኘው በዚህ በጎ አድራጎታዊ መርሃ ግብር አማካኝነት የተገጠሙት እነዚህ ማሽኖች፣ ችግረኞች በየቀኑ በማንኛውም ሰዓት (24/7) ያለ ምንም ክፍያ፣ እንግልት እና ወረፋ ምግብ ማግኘት እንዲችሉ ታስበው የተዘጋጁ ናቸው።
ማሽኖቹን እጅግ አስገራሚ የሚያደርጋቸው የተገጠመላቸው ረቂቅ ቴክኖሎጂ ነው!

እነዚህ ማሽኖች ተራ የዳቦ መደርደሪያዎች አይደሉም። በመጀመሪያ ደረጃ፣ ማሽኖቹ ዳቦው እንዳይቀዘቅዝና ትኩስነቱን ጠብቆ እንዲቆይ የሚያደርግ አውቶማቲክ የሙቀት መቆጣጠሪያ (Heater) አላቸው። አንድ ተጠቃሚ ወደ ማሽኑ ሲቀርብ፣ በስማርት ስክሪኑ (Touch Screen) ላይ ከቀረቡት የተለያዩ የዳቦ አማራጮች (እንደ አረብኛ ፒታ ዳቦ፣ የህንድ ቻፓቲ፣ ወይም ተራ ዳቦ) የሚፈልገውን ይመርጣል።

ማሽኑም ልክ እንደ ኤቲኤም (ATM) ትኩስ ዳቦውን በሰከንዶች ውስጥ አውጥቶ ይሰጠዋል። ከዚህም ባሻገር ማሽኖቹ ከማዕከላዊ የዳቦ መጋገሪያዎች ጋር በኢንተርኔት የተሳሰሩ (IoT Connected) በመሆናቸው፣ በውስጣቸው ያለው የዳቦ መጠን ሲያልቅ ራሳቸው ወዲያውኑ ለመጋገሪያ ቤቶቹ "ዳቦ አልቋልና ሙሉ።" የሚል የጽሁፍ መልዕክት (Alert) ይልካሉ። በመሆኑም ማሽኖቹ በማንኛውም ሰዓት ባዶ አይሆኑም።

የፕሮጀክቱ ሌላኛው ልብ የሚነካው ክፍል ደግሞ "የማይታየው ልገሳ" ስርዓት ነው። ማንኛውም መንገድ አላፊ ወይም ደግ አድራጊ ሰው ማሽኑ ላይ በተገጠመው የካርድ ንባብ (Credit Card Reader) አማካኝነት 10 ዲርሃምም ሆነ 100 ዲርሃም አስገብቶ ለችግረኞች የሚሆን ዳቦ እዛው ማሽኑ ላይ መግዛትና መለገስ ይችላል። ሰጪውም ሆነ ተቀባዩ ሳይተያዩ፣ ትልቅ የሰብዓዊነት ትስስር ይፈጠራል።

አብዛኛውን ጊዜ የእርዳታ አሰጣጥ ሂደቶች ሰዎች እንዲሰለፉ በማድረግ ወይም ማንነታቸውን በማጋለጥ የሥነ-ልቦና ጫና ሲፈጥሩ ይታያል። ይህ የዱባይ ተግባር ግን የሰዎችን ክብር በጠበቀና መብታቸውን ባከበረ መልኩ፣ ማንም ሰው ፊቱን ሳይሸፍን ወይም ሳያፍር ልክ እንደማንኛውም ገዢ ወደ ማሽኑ ሄዶ ምግቡን እንዲወስድ አድርጓል።

ሀገሪቷ ይህንን ስራ ከጀመረች አሁን ላይ አራት አመታት የተቆጠሩ ሲሆን፣ እቅዱ ከመቼውም ጊዜ በላይ አቅሙን እያሰፋ መጥቷል። መጀመሪያ ላይ በተወሰኑ ሱፐርማርኬቶች አካባቢ ብቻ የነበሩት ማሽኖች አሁን ላይ በተለያዩ የከተማዋ ክፍሎች የተተከሉ ሲሆን፣ አሁን ላይ አገልግሎቱ ከዳቦ ባለፈ የተለያዩ ምግቦችን፣ ክሪፕሶችንና ኬኮችን ጭምር በነፃ ማሰራጨት ጀምሯል።

ቴክኖሎጂን ከርህራሄ ጋር በማዋሃድ የሰውን ልጅ ክብር የጠበቀው ይህ አስገራሚ የዱባይ ተሞክሮ፣ ለሌላው ዓለም በተለይም ለታዳጊ ሀገራት ትልቅ ትምህርት የሚሰጥ አበረታች ዜና ነው!

(ዘ-ሐበሻ ዜና) ለሶስት አስርት ዓመታት ሱዳንን በብረት መዳፍ የመሩትና በዓለም አቀፉ የወንጀለኞች ፍርድ ቤት የሚፈለጉት የቀድሞው ፕሬዚዳንት ኦማር አል-በሽር፣ የጤና ሁኔታቸው በከፍተኛ ደረጃ በማሽቆልቆሉ በሰሜናዊቷ ሜሮዌ ከተማ በሚገኝ ሆስፒታል መተኛታቸውን የሱዳን መገናኛ ብዙሃን ዘገቡ።

የሱዳን ዜና ምንጮች እንደገለጹት በባለስልጣናት ጥብቅ ክትትል ስር በሜሮዌ ከተማ ሲኖሩ የቆዩት የ80 ዓመቱ የቀድሞ መሪ፣ ድንገተኛ የጤና መታወክ ስላጋጠማቸው ወደ ህክምና ተቋም እንዲዘዋወሩ ተደርጓል። ምንም እንኳን ስለ ጤናቸው ሁኔታ ዝርዝር መረጃ የያዘ ይፋዊ የህክምና መግለጫ ባይወጣም፣ ህክምናቸውን የተመለከቱ ጉዳዮች በሱዳን ጦር አዛዥ ጄኔራል አብደል ፈታህ አል-ቡርሃን አማካሪ በኩል ክትትል እየተደረገባቸው እንደሆነ ታውቋል።

የሱዳኑ ጸሐፊ ሀሰን እስማኤል በማህበራዊ ትስስር ገጻቸው እንዳስታወቁት፣ አል-በሽር አስቸኳይ የሆስፒታል ህክምና የሚሻ የጤና እክል አጋጥሟቸዋል። የቀድሞውን ፕሬዚዳንት በሆስፒታል ለመጠየቅ ያደረጉት ሙከራ እንዳልተሳካ የገለጹት ጸሐፊው፣ በዕድሜያቸው መግፋት እና በህመማቸው ክብደት ምክንያት በሰብዓዊነት ታይተው ከሱዳን ውጭ የላቀ ህክምና እንዲያገኙ መንግስት እንዲፈቅድላቸው ጥሪ አቅርበዋል።

በ1989 ዓ.ም በወታደራዊ መፈንቅለ መንግስት ስልጣን ይዘው የነበሩት ኦማር አል-በሽር፣ ለወራት የቀጠለውን ህዝባዊ አብዮት ተከትሎ በ2019 ዓ.ም ከስልጣን መወገዳቸው ይታወሳል። ከዚያም በሙስና ወንጀል ተፈርዶባቸው በእስር ላይ ሳሉ፣ ሀገሪቱ በ2023 ዓ.ም ወደ እርስ በርስ ጦርነት መግባቷን ተከትሎ የፍርድ ሂደታቸው ተስተጓጉሎ ቆይቷል። አል-በሽር በዳርፉር በፈጸሙት የዘር ማጥፋት፣ የጦር ወንጀል እና በሰብዓዊነት ላይ በተፈጸሙ ወንጀሎች በዓለም አቀፉ የወንጀለኞች ፍርድ ቤት የእስር ማዘዣ ወጥቶባቸው እስከዛሬ የሚፈለጉ ግለሰብ ናቸው።

የኦማር አል-በሽር የጤና መታወክ እና ወደ ውጭ ሀገር ሄደው እንዲታከሙ የሚቀርበው ተደጋጋሚ ጥያቄ፣ በአሁኑ ወቅት በአስከፊ የእርስ በርስ ጦርነት ውስጥ ለምትገኘው ሱዳን እና ለጄኔራል አል-ቡርሃን አስተዳደር እጅግ አጣብቂኝ የሆነ የፖለቲካ እና የዲፕሎማሲ ፈተና ይዞ መጥቷል።

በአንድ በኩል አል-በሽርን ወደ ውጭ ሀገር እንዲወጡ መፍቀድ የቀድሞውን ስርዓት ባለስልጣናት እና ደጋፊዎች ለማባበል የፖለቲካ እድል ሊሰጥ ይችላል። በሌላ በኩል ግን የዓለም አቀፉ የወንጀለኞች ፍርድ ቤት የእስር ማዘዣ እያለባቸው ግለሰቡ ከሀገር እንዲወጡ መፍቀድ የሱዳን ጦር መንግስትን ከዓለም አቀፉ ማህበረሰብ ጋር ከባድ ፍጥጫ ውስጥ የሚከተው ይሆናል።

ከዚህም ባሻገር በዳርፉር እልቂት ፍትህ የተነፈጋቸው በሚሊዮኖች የሚቆጠሩ ሱዳናውያን ቁጣን የሚቀሰቅስ በመሆኑ፣ የካርቱም ወታደራዊ አመራር በሰብዓዊ ምክንያት ሽፋን የፖለቲካ ስምምነት ለማድረግ የሚያደርገው ማንኛውም እርምጃ በቀጠናው ተጨማሪ ውዝግብ ማስከተሉ አይቀሬ ነው።







(ዘ-ሐበሻ ዜና) ለሶስት አስርት ዓመታት ሱዳንን በብረት መዳፍ የመሩትና በዓለም አቀፉ የወንጀለኞች ፍርድ ቤት የሚፈለጉት የቀድሞው ፕሬዚዳንት ኦማር አል-በሽር፣ የጤና ሁኔታቸው በከፍተኛ ደረጃ በማሽቆልቆሉ በሰሜናዊቷ ሜሮዌ ከተማ በሚገኝ ሆስፒታል መተኛታቸውን የሱዳን መገናኛ ብዙሃን ዘገቡ።

የሱዳን ዜና ምንጮች እንደገለጹት በባለስልጣናት ጥብቅ ክትትል ስር በሜሮዌ ከተማ ሲኖሩ የቆዩት የ80 ዓመቱ የቀድሞ መሪ፣ ድንገተኛ የጤና መታወክ ስላጋጠማቸው ወደ ህክምና ተቋም እንዲዘዋወሩ ተደርጓል። ምንም እንኳን ስለ ጤናቸው ሁኔታ ዝርዝር መረጃ የያዘ ይፋዊ የህክምና መግለጫ ባይወጣም፣ ህክምናቸውን የተመለከቱ ጉዳዮች በሱዳን ጦር አዛዥ ጄኔራል አብደል ፈታህ አል-ቡርሃን አማካሪ በኩል ክትትል እየተደረገባቸው እንደሆነ ታውቋል።

የሱዳኑ ጸሐፊ ሀሰን እስማኤል በማህበራዊ ትስስር ገጻቸው እንዳስታወቁት፣ አል-በሽር አስቸኳይ የሆስፒታል ህክምና የሚሻ የጤና እክል አጋጥሟቸዋል። የቀድሞውን ፕሬዚዳንት በሆስፒታል ለመጠየቅ ያደረጉት ሙከራ እንዳልተሳካ የገለጹት ጸሐፊው፣ በዕድሜያቸው መግፋት እና በህመማቸው ክብደት ምክንያት በሰብዓዊነት ታይተው ከሱዳን ውጭ የላቀ ህክምና እንዲያገኙ መንግስት እንዲፈቅድላቸው ጥሪ አቅርበዋል።

በ1989 ዓ.ም በወታደራዊ መፈንቅለ መንግስት ስልጣን ይዘው የነበሩት ኦማር አል-በሽር፣ ለወራት የቀጠለውን ህዝባዊ አብዮት ተከትሎ በ2019 ዓ.ም ከስልጣን መወገዳቸው ይታወሳል። ከዚያም በሙስና ወንጀል ተፈርዶባቸው በእስር ላይ ሳሉ፣ ሀገሪቱ በ2023 ዓ.ም ወደ እርስ በርስ ጦርነት መግባቷን ተከትሎ የፍርድ ሂደታቸው ተስተጓጉሎ ቆይቷል። አል-በሽር በዳርፉር በፈጸሙት የዘር ማጥፋት፣ የጦር ወንጀል እና በሰብዓዊነት ላይ በተፈጸሙ ወንጀሎች በዓለም አቀፉ የወንጀለኞች ፍርድ ቤት የእስር ማዘዣ ወጥቶባቸው እስከዛሬ የሚፈለጉ ግለሰብ ናቸው።

የኦማር አል-በሽር የጤና መታወክ እና ወደ ውጭ ሀገር ሄደው እንዲታከሙ የሚቀርበው ተደጋጋሚ ጥያቄ፣ በአሁኑ ወቅት በአስከፊ የእርስ በርስ ጦርነት ውስጥ ለምትገኘው ሱዳን እና ለጄኔራል አል-ቡርሃን አስተዳደር እጅግ አጣብቂኝ የሆነ የፖለቲካ እና የዲፕሎማሲ ፈተና ይዞ መጥቷል።

በአንድ በኩል አል-በሽርን ወደ ውጭ ሀገር እንዲወጡ መፍቀድ የቀድሞውን ስርዓት ባለስልጣናት እና ደጋፊዎች ለማባበል የፖለቲካ እድል ሊሰጥ ይችላል። በሌላ በኩል ግን የዓለም አቀፉ የወንጀለኞች ፍርድ ቤት የእስር ማዘዣ እያለባቸው ግለሰቡ ከሀገር እንዲወጡ መፍቀድ የሱዳን ጦር መንግስትን ከዓለም አቀፉ ማህበረሰብ ጋር ከባድ ፍጥጫ ውስጥ የሚከተው ይሆናል።

ከዚህም ባሻገር በዳርፉር እልቂት ፍትህ የተነፈጋቸው በሚሊዮኖች የሚቆጠሩ ሱዳናውያን ቁጣን የሚቀሰቅስ በመሆኑ፣ የካርቱም ወታደራዊ አመራር በሰብዓዊ ምክንያት ሽፋን የፖለቲካ ስምምነት ለማድረግ የሚያደርገው ማንኛውም እርምጃ በቀጠናው ተጨማሪ ውዝግብ ማስከተሉ አይቀሬ ነው።

''ጦርነት ይቁም' ኢሰመኮ
#ethiopia | የኢትዮጵያ ሰብዓዊ መብቶች ኮሚሽን (ኢሰመኮ) በትግራይ፣ በአማራ እና በአፋር አዋሳኝ አካባቢዎች በድጋሚ ያቀረሸው የትጥቅ ግጭት በአፋጣኝ እንዲቆም ጥሪ አቀረበ።

ኮሚሽኑ እንዳወጣው መግለጫ፣ በነዚህ አዋሳኝ ስፍራዎች እንደገና ያገረሸው ግጭት በሰብዓዊ መብቶች አጠባበቅ ላይ ተደራራቢ ጉዳት እንደሚያደርስ በመጠቆም፣ ልዩነቶች በውይይት ብቻ እንዲፈቱና ለሲቪሎች እንዲሁም ለሲቪል መሠረተ-ልማቶች አስፈላጊው ጥበቃ እንዲደረግ አሳስቧል።

የኢሰመኮ ዋና ኮሚሽነር ብርሃኑ አዴሎ የፕሪቶሪያውን የግጭት ማቆም ስምምነት ፈራሚዎች ጨምሮ ሁሉም አካላት ዓለም አቀፍ የሰብዓዊነት ሕጎችን እንዲያከብሩና ዓለም አቀፉ ማኅበረሰብም በዲፕሎማሲያዊ ጥረቱ በኩል ወገኖችን ወደ ንግግር እንዲመልስ ጠይቀዋል።

​በያፌት ገ/ህይወት

Getu Temesgen - (ጌጡ ተመስገን)
​#ethiopia #ehrc #humanrights #news #amhara #tigray #afar





''ጦርነት ይቁም' ኢሰመኮ
#ethiopia | የኢትዮጵያ ሰብዓዊ መብቶች ኮሚሽን (ኢሰመኮ) በትግራይ፣ በአማራ እና በአፋር አዋሳኝ አካባቢዎች በድጋሚ ያቀረሸው የትጥቅ ግጭት በአፋጣኝ እንዲቆም ጥሪ አቀረበ።

ኮሚሽኑ እንዳወጣው መግለጫ፣ በነዚህ አዋሳኝ ስፍራዎች እንደገና ያገረሸው ግጭት በሰብዓዊ መብቶች አጠባበቅ ላይ ተደራራቢ ጉዳት እንደሚያደርስ በመጠቆም፣ ልዩነቶች በውይይት ብቻ እንዲፈቱና ለሲቪሎች እንዲሁም ለሲቪል መሠረተ-ልማቶች አስፈላጊው ጥበቃ እንዲደረግ አሳስቧል።

የኢሰመኮ ዋና ኮሚሽነር ብርሃኑ አዴሎ የፕሪቶሪያውን የግጭት ማቆም ስምምነት ፈራሚዎች ጨምሮ ሁሉም አካላት ዓለም አቀፍ የሰብዓዊነት ሕጎችን እንዲያከብሩና ዓለም አቀፉ ማኅበረሰብም በዲፕሎማሲያዊ ጥረቱ በኩል ወገኖችን ወደ ንግግር እንዲመልስ ጠይቀዋል።

​በያፌት ገ/ህይወት

Getu Temesgen - (ጌጡ ተመስገን)
​#ethiopia #ehrc #humanrights #news #amhara #tigray #afar

#ጥቆማ

የኢትዮጵያ ቀይ መስቀል ማኅበር የሰብዓዊነት ትምህርት ቤት (ERCS - School of Humanity) በሰብዓዊነት ትምህርት በልዩ የሰርተፊኬት ፕሮግራም በተከታዮቹ ሁለት ፕሮግራሞች ፍላጎት ያላቸውን 60 አመልካቾችን ተቀብሎ ለሦስት ወራት #በነጻ ማሰልጠን ይፈልጋል፡፡

ልዩ የሰርተፊኬት ፕሮግራሞች፦
1. Special Certificate in Humanity
2. Special Certificate in Humanitarian Leadership and Diplomacy

መስፈርቶች
➻ በማንኛውም የትምህርት መስክ የመጀመሪያ ዲግሪ (BA/BSc) ያለው/ያላት፣
➻ ወጣት አመልካቾች ይበረታታሉ፣
➻ የእንግሊዘኛ ቋንቋ ብቃት ያስፈልጋል፣
➻ በሰብዓዊነት መስክ ለማገልገል ጥልቅ ፍላጎት ያለው/ያላት፣
➻ ስልጠናውን በሳምንት ለሦስት ቀናት በአካል ለመከታተል የሚችሉ፣
➻ የትምህርት ማስረጃዎቻችሁ ዋናውና ኮፒው፣
➻ አመልካቾች ትምህርት ቤቱ የሚሰጠውን የፅሑፍ እና የቃል ፈተና ማለፍ ይጠበቅባቸዋል፡፡

የማመልከቻ ቦታ፦
ሳሪስ፣ አደይ አበባ የኢትዮጵያ ቀይ መስቀል ማኅበር ግቢ፣ የሰብዓዊነት ትምህርት ቤት

የማመልከቻ ጊዜ፦
መስከረም 25 እና 26/2019 ዓ.ም

ፍላጎት ያላችሁ አመልካቾች በኢትዮጵያ ቀይ መስቀል ማኅበር ግቢ፣ የሰብዓዊነት ትምህርት ቤት በተገለፁት ቀናት ብቻ በአካል በመቅረብ ማመልከት ትችላላችሁ ተብሏል፡፡

@tikvahuniversity

(ዘ-ሐበሻ ዜና) ጭንቅላት ለጭንቅላት ተጣብቀው የተወለዱት ኢትዮጵያውያን መንታ ሕጻናት በ25 ሰዓታት አስገራሚ ቀዶ ጥገና መለያየታቸውን ከትናንት ወዲያ መዘገባችን ይታወቃል። ዛሬ ሲቢኤስ ኒውስ ባቀረበው ዘገባ ደግሞ በዚህ የሞትና የሕይወት ትግል ውስጥ፣ ወላጆቻቸው ልጆቻቸው አጠገብ እንዳይሆኑ አሜሪካ ቪዛ ከልክላለች።

ሒያብ እና ውህብቶ ይባላሉ። የተወለዱት ኢትዮጵያ ውስጥ ሲሆን፣ በተፈጥሮ ጭንቅላት ለጭንቅላት ተጣብቀው፣ ፊታቸው በተቃራኒ አቅጣጫ ዞሮ ነበር ወደዚች ዓለም የመጡት። ይህ ሁኔታ በ2.5 ሚሊዮን ልደቶች ውስጥ አንዴ ብቻ የሚያጋጥም እጅግ ብርቅዬ ክስተት ነው። ሆኖም ሚዙሪ በሚገኘው የቅዱስ ሉዊስ የሕጻናት ሆስፒታል፣ 30 ስፔሻሊስቶችን ያሳተፈ እና ለ25 ሰዓታት የዘለቀ እጅግ ውስብስብ ቀዶ ጥገና ተደርጎላቸው በተሳካ ሁኔታ የተለያዩ ሲሆን፣ በሕይወታቸው ለመጀመሪያ ጊዜ ፊት ለፊት ተያይተዋል። ይሁን እንጂ፣ የሁለት ዓመት ህጻናቱ ይህንን ከባድ የሕይወት እና የሞት ቀዶ ጥገና ሲያደርጉ፣ ወላጆቻቸው የአሜሪካ ቪዛ በመከልከላቸው ምክንያት ኢትዮጵያ ውስጥ ሆነው በጭንቀት ለመጠበቅ ተገደዋል። ሕጻናቱ አሜሪካ የገቡት በሞግዚት ታጅበው ነበር።

እዚህ ጋ የዓለማችንን የፖለቲካ እና የሰብዓዊነት ርቀት እናስተውል! በአንድ በኩል የአሜሪካ የሕክምና ቴክኖሎጂ እና የዶክተሮቹ ሰብዓዊነት እነዚህን የሁለት ዓመት ሕጻናት ከሞት ታድጓቸዋል፤ ይህም እጅግ የሚያስመሰግን እና የሳይንስ ጥግ ነው። በሌላ በኩል ግን፣ የዚሁ አገር የኢሚግሬሽን ሥርዓት እና ኤምባሲ፣ የገዛ ልጆቻቸው አናታቸው ተከፍቶ፣ የደም ሥሮቻቸው ሲነጠል አጠገባቸው ሆነው እንዳያጽናኑ ኢትዮጵያውያኑን ወላጆች ቪዛ ነፍጓቸዋል። ይህ የሚያሳየው ቴክኖሎጂ እና ሕክምና ዓለምን አንድ ሲያደርጉ፣ ፖለቲካ እና የድንበር ሕጎች ግን አሁንም የሶስተኛውን ዓለም ዜጎች ሰብዓዊ ስሜት ከግምት እንደማያስገቡ ነው።

የሕክምና ሳይንስ የቱንም ያህል ቢረቅና ተዓምር ቢሰራ፣ የፖለቲካ እና የኢሚግሬሽን ሥርዓቱ ከሰብዓዊነት ከራቀ ሙሉ አይሆንም! ሒያብ እና ውህብቶ በቴክኖሎጂ አቅም አዲስ ሕይወት ሲያገኙ፣ ወላጆቻቸው ግን በቪዛ ክልከላ ምክንያት የልጆቻቸውን የዳግም መወለድ ደስታ በስካይፕ ለማየት ተገደዋል!

የሕክምናው ስኬት ቢያስደስትም፣ የአሜሪካ ኤምባሲ ለወላጆች ቪዛ መከልከሉን እንዴት ታዩታላችሁ? ሀሳባችሁን ኮመንት ላይ አስቀምጡልን ቪዲዮውን ላይክ እና ሼር ማድረግ አትርሱ!

አበሽጌ ወረዳን ወደ ኦሮሚያ ክልል ለማጠቃለል የታሰበ ሴራ መኖሩን አብን አስታወቀ

በአማራ ተወላጆች ላይ የሚፈጸመው ማፈናቀልና ንብረታቸውን ለአመራሮች የመከፋፈል አደገኛ ሁኔታ በማስመልከት ከአብን የተሰጠ መግለጫ

የአማራ ብሔራዊ ንቅናቄ አብን በአማራ ሕዝብ ላይ የሚፈጸመውን መዋቅራዊ የዘር ማፅዳት የሕዝብ ቁጥር ስብጥር የመቀየር የጅምላ አፈና እና የህልውና ስጋት ላይ የመጣል የተቀናጀ የፕሮፓጋንዳ ዘመቻ በማስመልከት ከባድ የአቋም መግለጫ አውጥቷል ንቅናቄው በማዕከላዊ ኢትዮጵያ ክልል በጉራጌ ዞን አበሽጌ ወረዳና ወልቂጤ ከተማ እንዲሁም በአዋሳኝ የኦሮሚያ ክልል የምዕራብ ሸዋ ደቡብ ምዕራብ ሸዋ እና ጅማ ዞኖች በታጠቁ ኃይሎችና በአካባቢው የአስተዳደር መዋቅር ጭምር በቅንጅት ጥቃት እየተፈጸመ መሆኑን ገልጿል

ይህ ጥቃት ተራ የፀጥታ መደፍረስ ሳይሆን በአካባቢው ለዘመናት የሚኖረውን የአማራ ማህበረሰብ ከቀዬው በማፈናቀል መሬትና ንብረቱን በመንጠቅ የአበሽጌ ወረዳ አስተዳደራዊ ወሰኖችን በኃይል የመለወጥ አደገኛ ስትራቴጂ አካል ነው ብሏል በምዕራብ ሸዋና ደቡብ ምዕራብ ሸዋ ዞኖች የአማራ ተወላጆች ከተፈናቀሉ በኋላ የመሬት ይዞታቸው ለየደረጃው አመራሮችና አጋር ባለሀብቶች እየተከፋፈለ እንደሚገኝና ዋና አላማውም አበሽጌ ወረዳን ወደ ኦሮሚያ ክልል ለማጠቃለል መሆኑን አብን አስታውቋል

በ2016 ዓ ም የካቲት ወር ማህበረሰቡ ከአካባቢው ፖሊስ ጋር በመተባበር ቀጠናውን ከኦነግ ሸኔ ጥቃት ለመከላከል ጥያቄ ያቀረበ ቢሆንም ከሽብር ቡድኑ ጋር ትስስር ያላቸው የፀጥታ አመራሮች የታጠቀውን መሳሪያ በመግፈፍ ህዝቡን ለጭፍጨፋ አጋልጠው ሰጥተዋል ብሏል በመቀጠልም በአመያ ወረዳ ቆታ እና በዳርጌ አካባቢዎች በኦሮሚያ አድማ ብተና እና በሸኔ ታጣቂዎች የተቀናጀ ጥቃት ከ54 በላይ ሕፃናት ነፍሰጡር እናቶች አርሶ አደሮች እንዲሁም በጊዮርጊስ ቤተክርስቲያን ውስጥ የነበሩ 6 መነኮሳትና 3 አገልጋዮች መጨፍጨፋቸውን መግለጫው ያረጋገጣል

ከሐምሌ 2016 ዓ ም ጀምሮ በወልቂጤ ከተማ እና በአበሽጌ ወረዳ የታፈሱ ከ1,000 በላይ ሰላማዊ የአማራ ተወላጆች ያለ ምንም ፍርድቤት ትዕዛዝ ታፍነው በወልቂጤ እና በዋልጋ ማሰቃያዎች ታስረው ኢሰብአዊ አካላዊና ስነ-ልቦናዊ ስቃይ ሲደርስባቸው መቆየቱ ተገልጿል ይህ አፈና ሆን ተብሎ በዋናው የእርሻና የክረምት ወቅት በመከናወኑ የተዘራው አዝመራ በየሜዳው እንዲበላሽ መደረጉንና በትራንስፖርት እገዳ ምክንያት አርሶ አደሩ ለተደራጀ የኢኮኖሚ ውድቀት መዳረጉን አብን አመልክቷል

በመንግሥት ጥሪ መሠረት ሰላምና ልማትን ሲያስከብሩ የነበሩ አርሶ አደሮችን ባለሀብቶችን እና ወጣቶችን ፋኖ ናችሁ በሚል የሐሰት ስም በመፈረጅ በሰላማዊው የአማራ ማህበረሰብ ላይ ሰፊና የተቀናጀ ማዋከብና የማጥቃት ዘመቻ መከፈቱን ንቅናቄው ኮንኗል በዚህ የጥቃት ሂደት ውስጥ ከአማራ ሕዝብ ባሻገር የጉራጌና የኦሮሞ ተወላጅ የሆኑ በርካታ ንጹኃን ዜጎች የሁከትና የፖለቲካ ሴራ ሰለባ መሆናቸውን የገለጸው አብን ድርጊቱን በጽኑ እንደሚያወግዝ አስታውቋል

ዜጎችን ከጥቃት የመጠበቅ ኃላፊነት ያለበት የመንግሥት መዋቅር ራሱ የዜጎችን ሕጋዊ መሣሪያ በመገፈፍ ለታጣቂዎች ጥቃት ማጋለጡ ጥቃቱ የፖለቲካ ሥርዓቱ አካል መሆኑን እንደሚያሳይና የፌደራል መንግሥቱ ዝምታ ለድርጊቱ ይሁንታ መስጠት እንደሆነ ጠቅሷል

አብን በመግለጫው የፌደራል መንግሥት እና የደኅንነት መዋቅሮች በአማራ ተወላጆች ላይ የሚያካሂዱትን መዋቅራዊ እስራት እና የእንቅስቃሴ ገደብ በአስቸቋይ እንዲያቆሙና በወልቂጤ እና በወልጋ ታስረው የሚገኙ ንጹሃን ያለ ምንም ቅድመ ሁኔታ እንዲፈቱ ጠይቋል

በተጨማሪም የተፈናቀሉ የአማራ ተወላጆች ወደ ቀዬአቸው እንዲመለሱ የተወሰዱ የሕዝብ መከላከል መሣሪያዎች እና የተዘረፉ ንብረቶች በአስቸቋይ ለባለቤቶቻቸው እንዲመለሱ አብን በጥብቅ ጠይቋል

በጅምላ ጭፍጨፋዎች እና በሰብዓዊነት ላይ በተፈጸሙ ወንጀሎች ላይ እጃቸው ያለበት የመንግሥት አመራሮች የፀጥታ አካላትና ታጣቂዎች ለፍትሕ እንዲቀርቡና የመከላከያ ሠራዊትና የፌደራል ፖሊስ ገለልተኛ ጥበቃ እንዲያደርጉ ጥሪ አቅርቧል

የአማራ ሕዝብ ከአካባቢው እህትና ወንድም የጉራጌና የኦሮሞ ሕዝብ ጋር ለዘመናት የገነባውን ወንድማማችነት አጠናክሮ እንዲቀጥልና የጥቂት አክራሪ ፖለቲከኞችን የከፋፍለህ ግዛ ሴራ በንቃት እንዲመክት አብን ጥሪ አስተላልፏል

የኢትዮጵያ ሰብዓዊ መብቶች ኮሚሽን የነጻ መርማሪዎች አጣሪ ቡድን ወደ ቦታው በመላክ የሚፈጸመውን የዘር ማፅዳት እንዲያጣራ እና ዓለም አቀፉ ማኅበረሰብ በኢትዮጵያ መንግሥት ላይ አስፈላጊውን ዲፕሎማሲያዊና ፖለቲካዊ ጫና እንዲያደርግ አብን ጠይቋል

በመጨረሻም የአማራ ብሔራዊ ንቅናቄ ለተበደሉና በሕገ-ወጥ መንገድ ለታሰሩ ወገኖች ፍትሕ እስኪረጋገጥ ድረስ ትግሉን አጠናክሮ እንደሚቀጥልና በህዝብ ላይ ግፍ የፈጸሙ አካላት በፍትህ አደባባይ መቆማቸው እንደማይቀር አስታውቋል

የ2026 የአፍሪካ ኢምፓክት አዋርድ ተሸላሚዎች ይፋ ኾኑ
#ethiopia | ዋሽንግተን ዲ.ሲ.፡- የአፍሪካ ኢምፓክት አዋርድ የ2026 ተሸላሚዎችን ዛሬ በይፋ አስታወቀ። በዘንድሮው ሽልማት በየሙያ ዘርፋቸው ላስመዘገቡት ከፍተኛ ስኬት፣ ለአመራር አስተዋጽኦቸውና ለማኅበረሰብ ላበረከቱት አገልግሎት አምስት ታዋቂ ግለሰቦች ተመርጠዋል። ተሸላሚዎቹ በአሜሪካ፣ በአፍሪካዊ ዲያስፖራ እና በዓለም አቀፍ ደረጃ በሥራቸው በጎና ዘላቂ ተፅዕኖ ያሳደሩ ናቸው።

የ2026 የአፍሪካ ኢምፓክት አዋርድ ተሸላሚዎች፣

ፕሮፌሰር ዶናልድ ጆሃንሰን፣ “ሉሲ” ወይም “ድንቅነሽ”ን በማግኘታቸው በዓለም የሚታወቁ ታዋቂ የሰው ዘር አመጣጥ ተመራማሪ፤

ፖል ቴርጋት፣ ታላቁ የኬንያ የረጅም ርቀት ሯጭና የኦሎምፒክ ሜዳሊያ አሸናፊ፤

ኢዮብ “ጆ” ማሞ፣ ውጤታማ ሥራ ፈጣሪና የንግድ መሪ፤

አለምፀሐይ ወዳጆ፣ ስመጥር የኪነ ጥበብና ባህል ሰው እንዲሁም የሰብዓዊነት አገልግሎት አበርካች፤ እና

ማክዳ አሰፋ ፣ በግል ሚዲያ ታራክ ቀደሚ የሆነዉን ebs ቴሌቪዥን መስራች የነበሩት የአ/ቶ አማን ፍሥሐጽዮን ባለቤትና ከጎናቸው የቆዩ የሚዲያ ቢዝነስ መሪ ናቸው።

እነዚህ አምስት ተሸላሚዎች በሳይንስ፣ በስፖርት፣ በንግድ፣ በኪነ ጥበብና ባህል እንዲሁም በማኅበረሰብ አገልግሎት ዘርፎች የተመዘገቡ የላቀ ስኬቶችንና አስተዋጽኦዎችን የሚወክሉ ናቸው።

ተሸላሚዎቹ ኦክቶበር 11፣ 2026 በሜሪላንድ በሚካሄደው የ2026 የአፍሪካ ኢምፓክት አዋርድ ሥነ ሥርዓት ላይ በይፋ ይሸለማሉ።

“የ2026 ተሸላሚዎች ከተለያዩ የሙያና የሥራ ዘርፎች የመጡ ቢሆኑም፣ እያንዳንዳቸው በስኬታቸው፣ በአመራራቸውና በአገልግሎታቸው ጉልህ አስተዋጽኦ አበርክተዋል።

ኦክቶበር 11 ስኬታቸውን ለመዘከርና ያሳደሩትን በጎ ተፅዕኖ ለማክበር በታላቅ ጉጉት እንጠባበቃለን።” ሲሉ የአፍሪካ ኢምፓክት አዋርድ ዳይሬክተር ዶ/ር ጋሻው አብዛ ተናግረዋል።

የዘንድሮው የአፍሪካ ኢምፓክት አዋርድ በስምንት ዓመታት ውስጥ ለሰባተኛ ጊዜ የሚካሄድ ሲሆን፣ ባለፉት ስድስት የሽልማት ዓመታት በተለያዩ ዘርፎች ለላቀ ስኬታቸውና አስተዋጽኦቸው 26 ግለሰቦች ተሸላሚ ሆነዋል።

ከዚህ ቀደም በስፖርት ዘርፍ የተሸለሙት መካከል ደራርቱ ቱሉ፣ ቀነኒሳ በቀለ፣ ጥሩነሽ ዲባባ፣ ጉዳፍ ፀጋይ እና ትዕግስት አሰፋ ይገኙበታል።

በኪነ ጥበብና ባህል ዘርፍ አስቴር አወቀ፣ ቴዲ አፍሮ፣ ሙላቱ አስታጥቄ እና ሰይፉ ፋንታሁን ተሸላሚዎች ሲሆኑ፣ በንግድና ማኅበረሰብ አመራር ዘርፍ ግርማ ዋቄ፣ መስፍን ጣሰው እና በረከት ወልዱ ከሌሎች ተሸላሚዎች መካከል ይጠቀሳሉ።

የአፍሪካ ኢምፓክት አዋርድ፣ በሙያቸው፣ በአመራራቸውና በማኅበረሰብ አገልግሎታቸው በአሜሪካ፣ በአፍሪካዊ ዲያስፖራ እና ከዚያም ባሻገር በማኅበረሰቦች ላይ አዎንታዊና ዘላቂ ተፅዕኖ የፈጠሩ ግለሰቦችን የሚያከብርና የሚያስተዋውቅ መድረክ ነው።

ለተጨማሪ መረጃ፦ www.africanrun.com

የ2026 የአፍሪካ ኢምፓክት አዋርድ ተሸላሚዎች ይፋ ኾኑ

ዋሽንግተን ዲ.ሲ.፡- የአፍሪካ ኢምፓክት አዋርድ የ2026 ተሸላሚዎችን ዛሬ በይፋ አስታወቀ። በዘንድሮው ሽልማት በየሙያ ዘርፋቸው ላስመዘገቡት ከፍተኛ ስኬት፣ ለአመራር አስተዋጽኦቸውና ለማኅበረሰብ ላበረከቱት አገልግሎት አምስት ታዋቂ ግለሰቦች ተመርጠዋል። ተሸላሚዎቹ በአሜሪካ፣ በአፍሪካዊ ዲያስፖራ እና በዓለም አቀፍ ደረጃ በሥራቸው በጎና ዘላቂ ተፅዕኖ ያሳደሩ ናቸው።

የ2026 የአፍሪካ ኢምፓክት አዋርድ ተሸላሚዎች፣

ፕሮፌሰር ዶናልድ ጆሃንሰን፣ “ሉሲ” ወይም “ድንቅነሽ”ን በማግኘታቸው በዓለም የሚታወቁ ታዋቂ የሰው ዘር አመጣጥ ተመራማሪ፤

ፖል ቴርጋት፣ ታላቁ የኬንያ የረጅም ርቀት ሯጭና የኦሎምፒክ ሜዳሊያ አሸናፊ፤

ኢዮብ “ጆ” ማሞ፣ ውጤታማ ሥራ ፈጣሪና የንግድ መሪ፤

አለምፀሐይ ወዳጆ፣ ስመጥር የኪነ ጥበብና ባህል ሰው እንዲሁም የሰብዓዊነት አገልግሎት አበርካች፤ እና

ማክዳ አሰፋ ፣ በግል ሚዲያ ታራክ ቀደሚ የሆነዉን ebs ቴሌቪዥን መስራች የነበሩት የአ/ቶ አማን ፍሥሐጽዮን ባለቤትና ከጎናቸው የቆዩ የሚዲያ ቢዝነስ መሪ ናቸው።

እነዚህ አምስት ተሸላሚዎች በሳይንስ፣ በስፖርት፣ በንግድ፣ በኪነ ጥበብና ባህል እንዲሁም በማኅበረሰብ አገልግሎት ዘርፎች የተመዘገቡ የላቀ ስኬቶችንና አስተዋጽኦዎችን የሚወክሉ ናቸው።

ተሸላሚዎቹ ኦክቶበር 11፣ 2026 በሜሪላንድ በሚካሄደው የ2026 የአፍሪካ ኢምፓክት አዋርድ ሥነ ሥርዓት ላይ በይፋ ይሸለማሉ።

“የ2026 ተሸላሚዎች ከተለያዩ የሙያና የሥራ ዘርፎች የመጡ ቢሆኑም፣ እያንዳንዳቸው በስኬታቸው፣ በአመራራቸውና በአገልግሎታቸው ጉልህ አስተዋጽኦ አበርክተዋል።
ኦክቶበር 11 ስኬታቸውን ለመዘከርና ያሳደሩትን በጎ ተፅዕኖ ለማክበር በታላቅ ጉጉት እንጠባበቃለን።” ሲሉ የአፍሪካ ኢምፓክት አዋርድ ዳይሬክተር ዶ/ር ጋሻው አብዛ ተናግረዋል።
የዘንድሮው የአፍሪካ ኢምፓክት አዋርድ በስምንት ዓመታት ውስጥ ለሰባተኛ ጊዜ የሚካሄድ ሲሆን፣ ባለፉት ስድስት የሽልማት ዓመታት በተለያዩ ዘርፎች ለላቀ ስኬታቸውና አስተዋጽኦቸው 26 ግለሰቦች ተሸላሚ ሆነዋል።

ከዚህ ቀደም በስፖርት ዘርፍ የተሸለሙት መካከል ደራርቱ ቱሉ፣ ቀነኒሳ በቀለ፣ ጥሩነሽ ዲባባ፣ ጉዳፍ ፀጋይ እና ትዕግስት አሰፋ ይገኙበታል።
በኪነ ጥበብና ባህል ዘርፍ አስቴር አወቀ፣ ቴዲ አፍሮ፣ ሙላቱ አስታጥቄ እና ሰይፉ ፋንታሁን ተሸላሚዎች ሲሆኑ፣ በንግድና ማኅበረሰብ አመራር ዘርፍ ግርማ ዋቄ፣ መስፍን ጣሰው እና በረከት ወልዱ ከሌሎች ተሸላሚዎች መካከል ይጠቀሳሉ።

የአፍሪካ ኢምፓክት አዋርድ፣ በሙያቸው፣ በአመራራቸውና በማኅበረሰብ አገልግሎታቸው በአሜሪካ፣ በአፍሪካዊ ዲያስፖራ እና ከዚያም ባሻገር በማኅበረሰቦች ላይ አዎንታዊና ዘላቂ ተፅዕኖ የፈጠሩ ግለሰቦችን የሚያከብርና የሚያስተዋውቅ መድረክ ነው።

ለተጨማሪ መረጃ፦ www.africanrun.com

"የቴክኖሎጂ ዕድገት ለሰብአዊ ክብርና ለፍትህ ልንጠቀምበት ይገባል!" ካርዲናል አቡነ ብርሀነየሱስ
#ethiopia | የኢትዮጵያ ካቶሊካዊት ቤተክርስቲያን ለ2019 አዲሱ ዓመት የአንኳን አደረሳችሁ መልዕክት አስተላለፈች

የቀድሞ የኢትዮጵያ ካቶሊካዊት ቤተክርስቲያን ሊቀጳጳሳትና የኢትዮጵያ ካቶሊካዊ ጳጳሳት ጉባዔ ፕሬዚዳንት ብፁዕ ካርዲናል አቡነ ብርሃነኢየሱስ ለ2019 ዓ.ም የዘመን መለወጫ በዓል የአንኳን አደረሳችሁ መልዕክት አስተላልፈዋል።

ብጹዕነታቸው ባስተላለፉት መልዕክት፣ አዲሱ ዓመት የተጣሉ የሚታረቁበትና ይቅር የሚባባሉበት፣ ፍጹም ሰላምና ፍቅር የሚሰፍንበት ዓመት እንዲሆን ተመኝተዋል።

አዲሱ ዓመት የሰላም፣ የዕርቅና የምሕረት ዘመን እንዲሆን መልካም ምኞታቸውን የገለጹት ብፁዕ ካርዲናል አቡነ ብርሃነኢየሱስ፣ ሕዝቡ ላለፉት መልካም ነገሮች ሁሉ አምላክን እንዲያመሰግን፣ ጥፋቶችና ኃጢአቶች ደግሞ በትሕትና ይቅርታንና ምሕረትን እንዲለምን ጥሪ አቅርበዋል።

የሰው ልጅ የደረሰበትን የቴክኖሎጂ ዕድገትና እውቀት ለሰብዓዊ ክብርና ለፍትሕ ማሰፈኛ ሊጠቀምበት እንደሚገባም በማሳሰብ፣ የሰውን ልጅ ክብርና ሰብዓዊነት የሚረግጡ መሣሪያዎችንና ተግባራትን ማከናወን ስህተት መሆኑንም አስገንዝበዋል።

በዓሉን ስናከብር የተቸገሩትን በመርዳት፣ ሕመምተኞችን፣ የታሰሩትንና በጭንቀት ውስጥ ያሉትን ወገኖች በማሰብና በመደገፍ ሊሆን እንደሚገባም አጽንዖት ሰጥተዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ethiopiannewyear #ethiopiancatholic

ከልማዳዊ አሠራር ወደ ተቋማዊነት እየተሸጋገረ ያለው የመረዳዳት ባህላችን
****************

በእኛ በኢትዮጵያውያን ማህበራዊ ሕይወት ውስጥ ሰብዓዊነትና መረዳዳት አዲስ ሀሳብ አይደለም።

በችግርናም ሆነ በደስታ ጊዜያት አብረን የመቆም፣ ደካሞችን የመደገፍና ያለንን የማጋራት ጥንታዊ ባህል አለን።

በ2018 ዓ.ም የተከናወኑ ሰው ተኮር የልማትና የበጎ አድራጎት ሥራዎች ይህን ባህላዊ ዕሴት ከዕለት ተለት መፍትሔነት አውጥተው ወደ ተቋማዊና ዘላቂ የልማት ባህል ያሸጋገሩ ሆነዋል።

በአሁኑ ወቅት በመላው ሀገራችን በስፋት እየተተገበረ ያለው ሰው ተኮር ልማት የዜጎችን የዕለት ተለት ሕይወት ጥራት የመቀየርና የማኅበረሰብ አብሮነትን የማጠናከር ትልቅ ዓላማ ያለው ነው።

በበዓላትና በክረምት ወራት የሚከናወኑ የማዕድ የማጋራት መርሐ ግብሮች ለበርካታ አረጋውያንና ዝቅተኛ ገቢ ላላቸው ዜጎች የማኅበራዊ ዋስትና መረቦች ሆነዋል።

በተመሳሳይ መልኩ በክረምት ወራት በሺዎች የሚቆጠሩ ያረጁ የአቅመ-ደካሞች መኖሪያ ቤቶች የዜጎችን ክብርን በሚያስጠብቅ ደረጃ በበጎ ፈቃደኞች በመታደስ ላይ ይገኛሉ።

የከተሞች ጽዳትና ውበት ሥራዎችም መሠረተ ልማትን ከማስፋፋት ባለፈ የዜጎችን ጤና በመጠበቅ፣ ሰብዓዊ ክብርን ማዕከል ያደረገ የከተማ ሕይወት እንዲፈጠር አድርገዋል።

የክረምት በጎ ፈቃድ አገልግሎት ሕይወትን የማዳን ቅዱስ ተግባር ከሆነው የደም ልገሳ በተጨማሪ በርካታ ዜጎች ነፃ ሕክምና ያገኙበት ሀገራዊ ባህል እየሆነ መጥቷል።

እነዚህ በላቀ ደረጃ የተፈፀሙ ተግባራት ትልቁ ፋይዳቸው በዜጎች ቀጥተኛ ተሳትፎ የተከናወኑ መሆናቸው ነው።

ወጣቶች፣ ባለሀብቶች፣ የመንግሥት ሠራተኞችና የተለያዩ የኅብረተሰብ ክፍሎች ጉልበታቸውን፣ ዕውቀታቸውንና ሀብታቸውን አስተባብረው በመሥራታቸው በዜጎች መካከል የጠበቀ የማኅበራዊ ትስስር ፈጥሯል።

አቅመ-ደካማ ጎረቤቱን የሚረዳ፣ ቤቱን የሚያድስለት ወይም ደሙን የሚለግሰው አንድ ወጣት፣ የሀገሩና የማኅበረሰቡ ዋና አካል እንደሆነ ይሰማዋል።

ይህ ደግሞ በዜጎች መካከል አለኝታነትንና የጋራ ኃላፊነት ስሜትን በመገንባት ለሀገራዊ ጽናት፣ ለሰላም እና ለዘላቂ ልማት የማይተካ ምሰሶ ይሆናል።

ሰብዓዊነትን የልማት ማዕከል ማድረግ ማለት ድህነትንና ማኅበራዊ ፈተናዎችን በጋራ አቅም የመቀነስ ስትራቴጂ ነው።

በዚህ ዓመት የተከናወኑ ሰው ተኮር የልማት ተግባራት እንደሚያሳዩት፣ የበጎ አድራጎትና የመረዳዳት ሥራ ከጊዜያዊ ድጋፍነት አልፎ ሀገራዊ የልማት ማዕቀፍና የመልካም አስተዳደር አካል በመሆኑ ለነገዋ ኢትዮጵያ ግንባታ ትልቅ መንገድ ከፍቷል።

በኢንቲሃድ አብራር
#ethiopia #communityservice #socialsafetynet #socialcohesion #ebc

ኩባንያችን በመላ ሀገራችን ለሚገኙ ከ50 በላይ የሰብዓዊ ድጋፍ ሰጪ ተቋማት ጋር ከፋና ሚዲያ ኮርፖሬሽን ጋር በመተባበር የ2019 አዲስ ዓመት አቀባበል መርሃ-ግብር አከናውኗል።

ይህ መድረክ “ከግንኙነት ባሻገር ለወገን አጋር” በሚል መሪ ሀሳብ፤ ለሌሎች ተስፋ ለሚሰጡ ተቋማት ዕውቅና ለመስጠትና የሰዎችን ሕይወት በመለወጥ ረገድ በጋራ የተመዘገቡ ስኬቶችን ቃኝተዋል።

የኩባንያችን ዋና ሥራ አስፈጻሚ ፍሬሕይወት ታምሩ እንደገለጹት፤ ማህበራዊ ኃላፊነት ከተረፈን የምንሰጠው ሳይሆን የሰብዓዊነት ዕሴታችንና የሰው-ተኮር ስትራቴጂያችን መገለጫ ነው።

አክለውም፤ በመርሃ-ግብሩ ለተገኙና በመላው ሀገራችን ሕፃናትን፣ አረጋውያንንና ልዩ ልዩ ድጋፍ የሚሹ ወገኖችን ለሚረዱ ተቋማት በሙሉ ልባዊ ምስጋናቸውን አቅርበዋል።

የበጎ አድራጎት ተቋማቱ ለሌሎች ተስፋ እንደሰጡ ሁሉ፤ ኩባንያችን ኢትዮ ቴሌኮምም ከጎናቸው በመሆን ለበጎ አድራጎት ድርጅቶቹ የሁልጊዜም ተስፋ እንደሚሆን አረጋግጠዋል።

የበጎ አድራጎት ተቋማቱ በበኩላቸው ኢትዮ ቴሌኮም ቴክኖሎጂን ለሰብዓዊነት በማዋል በአጭር የጽሑፍ መልዕክት ገቢ ከማሰባሰብ ባለፈ፣ በገንዘብና በሞራል አለኝታ በመሆን የሚያደርግላቸውን ሁለንተናዊ ድጋፍ አርአያነት እንዳለው ገልጸዋል።

ኩባንያችን አዲሱን ዓመት በአዲስ ጅማሮ፣ ተስፋና ዕይታ በመቀበል፤ ሰውን በማክበርና ለሀገር ዕሴት በመፍጠር ረገድ ያለውን አገራዊ አጋርነት አጠናክሮ የሚቀጥል ይሆናል።

ፕሮግራሙን ለመመልከት፡ https://bit.ly/3V1j8CV ይጫኑ
#በበጎነት #ከግንኙነት_ባሻገር_ለወገን_አጋር #አዲስ_ዓመት_2019 #ethiotelecom #csr

ኩባንያችን በመላ ሀገራችን ከሚገኙ ከ50 በላይ የሰብዓዊ ድጋፍ ሰጪ ተቋማት ጋር ከፋና ሚዲያ ኮርፖሬሽን ጋር በመተባበር የ2019 አዲስ ዓመት አቀባበል መርሃ-ግብር አከናውኗል።

ይህ መድረክ “ከግንኙነት ባሻገር ለወገን አጋር” በሚል መሪ ሀሳብ፤ ለሌሎች ተስፋ ለሚሰጡ ተቋማት ዕውቅና ለመስጠትና የሰዎችን ሕይወት በመለወጥ ረገድ በጋራ የተመዘገቡ ስኬቶችን ቃኝተዋል።

የኩባንያችን ዋና ሥራ አስፈጻሚ ፍሬሕይወት ታምሩ እንደገለጹት፤ ማህበራዊ ኃላፊነት ከተረፈን የምንሰጠው ሳይሆን የሰብዓዊነት ዕሴታችንና የሰው-ተኮር ስትራቴጂያችን መገለጫ ነው።

አክለውም፤ በመርሃ-ግብሩ ለተገኙና በመላው ሀገራችን ሕፃናትን፣ አረጋውያንንና ልዩ ልዩ ድጋፍ የሚሹ ወገኖችን ለሚረዱ ተቋማት በሙሉ ልባዊ ምስጋናቸውን አቅርበዋል።

የበጎ አድራጎት ተቋማቱ ለሌሎች ተስፋ እንደሰጡ ሁሉ፤ ኩባንያችን ኢትዮ ቴሌኮምም ከጎናቸው በመሆን ለበጎ አድራጎት ድርጅቶቹ የሁልጊዜም ተስፋ እንደሚሆን አረጋግጠዋል።

የበጎ አድራጎት ተቋማቱ በበኩላቸው ኢትዮ ቴሌኮም ቴክኖሎጂን ለሰብዓዊነት በማዋል በአጭር የጽሑፍ መልዕክት ገቢ ከማሰባሰብ ባለፈ፣ በገንዘብና በሞራል አለኝታ በመሆን የሚያደርግላቸውን ሁለንተናዊ ድጋፍ አርአያነት እንዳለው ገልጸዋል።

ኩባንያችን አዲሱን ዓመት በአዲስ ጅማሮ፣ ተስፋና ዕይታ በመቀበል፤ ሰውን በማክበርና ለሀገር ዕሴት በመፍጠር ረገድ ያለውን አገራዊ አጋርነት አጠናክሮ የሚቀጥል ይሆናል።

ፕሮግራሙን ለመመልከት፡ https://bit.ly/3V1j8CV ይጫኑ
#በበጎነት #ከግንኙነት_ባሻገር_ለወገን_አጋር #አዲስ_ዓመት_2019 #ethiotelecom #csr

ኢትዮ ቴሌኮም  ከ188 ሚ ብር በላይ ድጋፍ አደረገ

ኢትዮ ቴሌኮም «በበጎነት» እና «ለነገ ተስፋዎች» መርኃ ግብሮች በመላው ሀገሪቱ ለሚገኙ 50 የበጎ አድራጎት ተቋማት እና ከ105 ሺህ በላይ ተማሪዎች ከ188 ሚሊዮን ብር በላይ የሚገመት የገንዘብና የቁሳቁስ ድጋፍ አደረገ። በዋና ሥራ አስፈፃሚዋ ወ/ት ፍሬሕይወት ታምሩ የተመራው ይህ ማህበራዊ ኃላፊነት ማስፈጸሚያ መርሃ ግብር 22 ሺህ አረጋውያን፣ ሕፃናት እና አቅመ ደካሞችን ተጠቃሚ ያደረገ ሲሆን፣ ኩባንያው ባለፉት አምስት ዓመታት ውስጥም በርካታ ተቋማትን መደገፉን አስታውሷል።

ከዚህ በተጨማሪም ተቋሙ «በጎነት ለሰብዓዊነት» በሚል መሪ ቃል ከብሔራዊ የደም ባንክ ጋር በመተባበር ባዘጋጀው የደም ልገሳ መርሃ ግብር የሥራ ኃላፊዎችና በጎ ፈቃደኛ ሠራተኞች በ22 የተለያዩ ቦታዎች በመገኘት ደም ለግሰዋል።

Seledadotio
Seledadotio

“ህፃናትን ለማሳደግ ምርጧ ከተማ” - የዓለም አቀፍ ሽልማቶቿ ምስጢር
*******************

አዲስ አበባ ያሸነፈቻቸው ዓለም አቀፍ ሽልማቶች ዋነኛ ምስጢር የገነባቻቸው መሠረተ ልማቶችና ውጤታማ ሥራዎቿ ብቻ ሳይሆኑ፣ መዲናዋን “ህፃናትን ለማሳደግ ምርጧ ከተማ” ለማድረግ የሁለንተናዊ ብልፅግና ጉዟችን ማዕከል በሆነው ሰብዓዊ ልማት እና ትውልድን ማነጽ ላይ ባመጣችው ስር ነቀል ለውጥ ጭምር ነው።

ከንቲባ አዳነች አቤቤ “የቀዳማይ ልጅነት ልማት ፕሮግራም”ን በብቃት በመምራታቸው በዓለም አቀፉ “አክት ፎር ኧርሊ ይርስ” (Act for Early Years) ኢኒሼቲቭ “የቅድመ ልጅነት ዕድገት ሻምፒዮን” ተብለው ተሸልመዋል።

ይህ ትልቅ እውቅና ከተማዋን ለህፃናት የምትመች ከተማ እና ህፃናትን ለማሳደግ ምርጧ የአፍሪካ መዲና ለማድረግ የሰነቀችውን ራዕይ የሚያንፀባርቅ፣ እንዲሁም ለትውልድ ግንባታ የሚደረገው ኢንቨስትመንት ያመጣውን ለውጥ በጉልህ የሚያሳይ ነው።

የዚህ ስኬት እና የከተማዋ አስደናቂ ዕድገት መገለጫ የሆነው ከቁጥር በላይ ማሳያ፣ የመጫወቻ ስፍራዎች እና የሕፃናት ማቆያዎች መስፋፋት ነው።

ከ20 ብቻ የመጫወቻ ስፍራዎች የተነሳው የከተማዋ አስተዳደር፣ በሦስት ዓመታት ውስጥ ብቻ ቁጥሩን ከጥራት ጋር 5 ሺህ 500 ማድረስ ችሏል።

በሌላ በኩል 5 ሺህ 3 የሚሆኑ የልጆችን የዕድገት ደረጃና ሥርዓት ታሳቢ ያደረጉ የመጫወቻ ቦታዎችም ተገንብተው አገልግሎት እየሰጡ ይገኛሉ።

በተጨማሪም የሕዝብ የሕፃናት ማቆያዎች ከ11 ብቻ ተነስተው በአሁኑ ወቅት 1 ሺህ 100 ደርሰዋል።

ይህ በተለያዩ ሞዴሎች የተደራጀው የማቆያ ቁጥር በጥቅሉ 1 ሺህ 155 የደረሰ ሲሆን፣ 27 ሺህ 302 ሕፃናት የአገልግሎቱ ተጠቃሚ ሆነዋል።

ይህ ስኬታማ የቀዳማይ ልጅነት ልማት ፕሮግራም በመዲናችን የሚገኙ 1.3 ሚሊዮን ገደማ ሕፃናትን፣ በተለይም አነስተኛ ገቢ ካላቸው ቤተሰቦች 330 ሺህ ታዳጊዎችን ተደራሽ ለማድረግ ያለመና 5 አንኳር ጉዳዮችን ያካተተ ነው።

አዲስ አበባ ዛሬ ዓለምን ያስገረመችው እና የትኩረት ማዕከል የሆነችው በአስደናቂው የኮሪደር ልማቷ፣ በወንዝ ዳርቻዎቿ ውበት ወይም በሌሎች ፕሮጀክቶቿ ብቻ አይደለም።

ብሩህ አእምሮ ያለው ጤናማ ትውልድ በማፍራት ህፃናትን ለማሳደግ ምርጧ ከተማ መሆኗን በተግባር በማሳየትና የዜጎችን በተለይም የሕፃናትን ሕይወት በሚቀይር የሰብዓዊ ልማት ሥራዋ ጭምር ነው።

ይህ በሰብዓዊነት እና በትውልድ ላይ የተደረገው ጥልቅ ኢንቨስትመንት የመንግሥትን የመደመር እሳቤ መሬት ያወረደና ዜጎችን በአንድነት በማስተባበር ከተማዋን እውነተኛ የብልፅግና ተምሳሌት ያደረጋት ነው።

አዲስ አበባ ተደጋጋሚ ዓለም አቀፍ ሽልማቶችን እንድትቀዳጅ ያስቻላት ዋነኛ ምስጢርም ይኸው መሆኑን የአዲስ አበባ ከተማ ኮሙኒኬሽን ቢሮ መረጃ ይገልጻል።
#ethiopia #addisababa #adanechabiebie #championforearlychildhood #ebc

ሁሉም አገራት የአሜሪካን ማዕቀብ ከመተግበር እንዲቆጠቡ ኢራን አሳሰበች

የኢራን የውጭ ጉዳይ ሚኒስቴር “የኢኮኖሚ ሽብር” ሲል የገለፀውን የአሜሪካን ማዕቀብ በማውገዝ፣ ሁሉም አገራት እና መንግሥታት ማዕቀቡን ተግባራዊ ከማድረግ እንዲቆጠቡ አሳሰበ።
ሚኒስቴሩ በመግለጫው፣ አሜሪካ በኢራን ላይ የጣለችውን የአንድ ወገን ማዕቀብ በመተግበር መሳተፍ የአንድን አገር "ሕገ ወጥ ፈቃድ" በሉዓላዊ አገር ላይ በመጣል ሕጋዊ የሆነውን "የኢኮኖሚ እና የንግድ ግንኙነትን ለማወክ ከመተባበር" ጋር ተመሳሳይ ነው ብሏል።
ይህም የተባበሩት መንግሥታት ቻርተር የሚያረጋግጠው ‘የሉዓላዊ አገራት እኩልነት’ መርኅ ጥሰት ላይ መሳተፍ እንደሆነ መግለጫው አስረድቷል።

የአሜሪካ ማዕቀቦች "ሙሉ በሙሉ ሕገ ወጥ እና ኢ- ፍትሃዊ እንዲሁም የተባበሩት መንግሥታትን ቻርተር፣ ዓለም አቀፍ የሰብዓዊነት ሕግን እና የሰብዓዊ መብቶችን" የሚጥስ እንደሆነም መግለጫው ጠቅሷል።
በመሆኑም ሁሉም አገራት እና መንግሥታት ለእንደዚህ ዓይነት ማዕቀቦች ዕውቅና ከመስጠት እና ከማጽደቅ እንዲሁም ሕገ ወጥ እርምጃን ከመተግበር መቆጠብ እንዳለባቸው አሳስቧል።

ሚኒስቴሩ ጨምሮም አሜሪካ ኢራንን በኢኮኖሚ ለማግለል የወጠነችው ዕቅድ “በውስጥ ጉዳዮች ጣልቃ መግባትን እና በአገራት መካከል የሚደረገውን ትብብር ማወክን” የሚከለክለውን የተባበሩት መንግሥታትን መርኅ የሚጥስ ነው ብሏል።
ሚኒስቴሩ ይህን ያለው አሜሪካ ከኢራን ጋር የንግድ ግንኙነት ባላቸው ተቋማት፣ ባንኮች እና አገራት ላይ ጭምር ማዕቀቦችን በመጣል እንደምትቀጣ ካስታወቀች በኋላ ነው።

BBC

(ዘ-ሐበሻ ሕይወት) በህይወት ጎዳና ላይ ለተቸገሩት የደግነት እጅን መዘርጋት ሰብዓዊነት ቢሆንም፣ ይህ በጎ ተግባር የሞት ወጥመድ ሆኖ ሲገኝ ግን ልብን ክፉኛ ያደማል። የ25 ዓመቷ ታዳጊ ኤሪዮን ቴክሰን ያጋጠማት ይህንኑ አሳዛኝ እና ዘግናኝ እጣ ፈንታ ነበር።

ታህሳስ 7 ቀን 2025 በኦክላሆማ ግዛት፣ ጨለማው ተጭኖት በነበረ አንድ አውራ ጎዳና ዳርቻ ላይ፣ ቴክሰን አንዲት ሴት ብቻዋን ቆማ ትመለከታለች። ይህቺ ሴት ዴይና ፌስለር ትባላለች፤ ከፍቅረኛዋ ጋር ተጣልታ መንገድ ላይ የቀረች ነበረች። ቴክሰን ንጹህ ሰብዓዊነት አነሳስቷት ፌስለርን በመኪናዋ አሳፍራ ዘመዶቿ ዘንድ ልታደርሳት ጉዞ ጀመረች። ሆኖም... ይህች በጎ አሳቢ ወጣት እየተጓዘች የነበረው ወደ ራሷ ሞት መሆኑን አላወቀችም ነበር።
ጄንክስ በተባለው ስፍራ ሲደርሱ፣ የፌስለር ፍቅረኛ ዩሪኤል ካዛሬስ እዚያው እየጠበቃቸው ነበር። ቴክሰን ከመኪናዋ ወርዳ ወደ እሱ ስትጠጋ፣ የጭካኔው ጥግ ተፈጸመ። ካዛሬስ መኪናውን በከፍተኛ ፍጥነት በማስነሳት ሆን ብሎ ገጫት፤ በመቀጠልም መኪናውን ወደ ኋላ መልሶ በድጋሚ ፍጥነቱን በመጨመር በተሽከርካሪው ስር አስገብቶ ደፍጥጦ ገደላት።

የበለጠ የሚያሳዝነው ደግሞ ከድርጊቱ በኋላ የተፈጠረው ነው። ቴክሰን በደም ተጨማልቃ ህይወቷ እያለፈ ባለበት በዚያች አስከፊ ሰዓት፣ ገዳዩ ካዛሬስ እና ፌስለር የአምቡላንስ ወይም የፖሊስ ጥሪ ከማድረግ ይልቅ፣ ለ15 ደቂቃዎች ያህል አካባቢውን ጥለው ስለሚያመልጡበት መንገድ ሲመክሩ ነበር።

በመጀመሪያ ፖሊስ ቦታው ሲደርስ ካዛሬስ ድርጊቱን እንደ ድንገተኛ የመኪና አደጋ አድርጎ ለማቅረብ ሞክሮ ነበር። ነገር ግን በአቅራቢያው ከሚገኝ ትምህርት ቤት የተገኘ የደህንነት ካሜራ ምስል፣ የተፈጸመውን ሆን ተብሎ የተወጠነ አረመኔያዊ ግድያ ፍንትው አድርጎ አጋልጦታል።
በዚህ ዘግናኝ ወንጀል ፌስለር "በግድያ ተባባሪነት" ጥፋተኛ ሆና የተገኘች ሲሆን፣ ማክሰኞ ዕለት የ10 ዓመት ጽኑ እስራት ተፈርዶባታል። በአንደኛ ደረጃ የሰው ግድያ የተከሰሰው ካዛሬስ ከሕግ አምልጦ ተሰውሯል።

ተስፋ የተጣለባት የቲያትር ባለሙያ የነበረችው የቴክሰን አባት በሰጠው ልብ ሰባሪ አስተያየት “የልጄ ሞት ሰዎች ለሌሎች መልካም ከማድረግ ወደኋላ እንዲሉ ሊያደርጋቸው አይገባም፤ የእሷ ደግነት ለዘላለም ሲታወስ ይኖራል” በማለት ለዓለም ትልቅ መልእክት አስተላልፏል።

ወገኖቻችን ይህ ምን ያስተምረናል?

(ዘ-ሐበሻ ዜና) የአሜሪካ የአረብ እና አፍሪካ ጉዳዮች ከፍተኛ አማካሪ ማሳድ ብሎስ፣ የሱዳን ጦር (SAF) በጎረቤት ቻድ ግዛት ውስጥ የፈጸመውን የአየር ጥቃት በጽኑ አወገዙ።

ከፍተኛ አማካሪው ባወጡት ይፋዊ መግለጫ በሱዳንም ሆነ ከሱዳን ውጭ እየተካሄደ ያለው ደም አፋሳሽ ግጭት በአስቸኳይ ሊቆም እንደሚገባ አሳስበዋል። "ለዚህ ጦርነት ምንም ዓይነት ወታደራዊ መፍትሔ የለም፤ ግጭቱን ከሱዳን ድንበር ባሻገር ማስፋፋትም በምንም መልኩ ተቀባይነት የሌለውና ሊጸድቅ የማይችል ድርጊት ነው" ሲሉ አቋማቸውን በግልጽ አስቀምጠዋል።

ተፋላሚ ወገኖች ሰብዓዊነትን መሠረት ያደረገ የተኩስ አቁም ስምምነትን በአስቸኳይ እንዲቀበሉ፣ ሰላማዊ ዜጎችን እንዲታደጉ፣ እንዲሁም የሰብዓዊ እርዳታ አቅርቦት ያለ ምንም ገደብ ለተጎጂዎች እንዲደርስ አሜሪካ ጥሪዋን አስተላልፋለች።

ከዚህም ባሻገር፣ የተባበሩት መንግሥታት ድርጅት የጸጥታው ምክር ቤት አሁን ያለውን የጦርነቱን ተጨባጭ ሁኔታ በሚያንጸባርቅ መልኩ የጦር መሣሪያ ማዕቀቡን እና የቅጣት እርምጃዎችን በአስቸኳይ እንዲያሻሽል ተጠይቋል። ጦርነቱን ለሚያቀጣጥሉ እና ግጭቱን ለሚያስፋፉ አካላትም ተጠያቂነት ሊሰፍን እንደሚገባ መግለጫው አጽንዖት ሰጥቷል።
በመጨረሻም፣ ለተፋላሚ ወገኖች ከውጭ አካላት የሚደረገው ማንኛውም ዓይነት የገንዘብ እና የወታደራዊ ድጋፍ በአስቸኳይ መቆም እንዳለበት ከፍተኛ አማካሪው አሳስበዋል።

እውቋ የአገረሰብ ሙዚቃ ንግሥት ዶሊ ፓርተን ከዚህ ዓለም በሞት ተለየች
******************

በአገረሰብ ሙዚቃ በዓለም ዙሪያ ከፍተኛ እውቅናን ያተረፈችው አንጋፋዋ አሜሪካዊት የሙዚቃ ደራሲ፣ አቀንቃኝ እና የፊልም ተዋናይ ዶሊ ፓርተን በ80 ዓመቷ ከዚህ ዓለም በሞት መለየቷን ዓለም አቀፍ የመገናኛ ብዙሀን ዘግበዋል።

ዶሊ ፓርተን በ60 ዓመታት የሙዚቃ ሕይወቷ፣ በዓለም ዙሪያ በሚሊዮኖች ዘንድ የሚወደዱትን እንደ “ጆሊ”፣ “አይ ዊል ኦልዌይስ ላቭ ዩ”፣ “9 ቱ 5”፣ “ኮት ኦፍ መኒ ከለርስ” እና ሌሎች በርካታ የጥበብ ስራዎቿን አበርክታለች።

የዶሊን ሕልፈት ተከትሎ በርካታ ታዋቂ ግለሰቦች፣ የሞያ አጋሮቿ እና አድናቂዎቿ ሀዘናቸውን በማህበራዊ ሚድያዎች ላይ እየገለጹ ሲሆን የአሜሪካው ፕሬዚዳንት ዶላንድ ትራምፕ የአገሪቱ ባንዲራ ለአንድ ሳምንት ዝቅ ብሎ እንዲውለበለብ ማዘዛቸውን ሲኤንኤን ዘግቧል።

በዘመን አይሽሬ ስራዎቿ የ"ካንትሪ ሙዚቃ ንግሥት" የሚለውን የክብር ስም ያተረፈችው ዶሊ ፓርተን ከሙዚቃ ሕይወቷ ባሻገር በደግነቷ፣ በሰው ወዳድነቷ እና በሰብዓዊነት ተግባሮቿ ለብዙዎች አርዓያ በመሆኗ ትታወሳለች።

49 የስቱዲዮ አልበሞቿ እና ከ200 በላይ ነጠላ ዜማዎቿ በቢልቦርድ 'ሆት ካንትሪ ሶንግስ' ቻርት ላይ 25 ቁጥር አንድ ዘፈኖችን ያስገኙላት ሲሆን፣ ይህም በማንኛውም ሴት የካንትሪ ሙዚቃ አርቲስት ከፍተኛው ሆኖ ተመዝግቧል።

ዶሊ ፓርተን ባስደናቂ ስራዎቿ 11 የግራሚ ሽልማቶችን ያገኘች ሲሆን ከ20 በላይ በሚሆኑ ፊልሞች ላይም በተዋናይነት ተሳትፋለች።

Ethiopian Broadcasting Corporation EBC-መዝናኛ #ዶሊ #dolly

የማህበራዊ ትስስር እና የአብሮነት ገመድን የሚያጠናክረው የመውሊድ በዓል
***********

ነገ በመላው ዓለም በሚገኙ የእስልምና እምነት ተከታዮች ዘንድ የነቢዩ ሙሐመድ (ሰ.ዐ.ወ) የልደት ቀን (መውሊድ) በታላቅ መንፈሳዊ ሥነ-ሥርዓት፣ በፍቅር እና በደስታ በድምቀት ይከበራል።

በዓሉ የታላቁን ነቢይ ሕይወት፣ መልካም አርዓያነትና አስተምህሮ የምንዘክርበት ነው።

መንደሮች በመንዙማ (በነቢዩ ሙሐመድ ውዳሴ) ድምፅ ሲደምቁ፣ የመኖሪያ ቤቶች ደጃፎች በቡና እና በዕጣን መዓዛ ሲታወዱ፣ የደስታ መንፈስ እያንዳንዱን ማዕዘን ይሞላዋል።

በመስጂዶች፣ በታሪካዊ ሐድራዎች እና በመኖሪያ ቤቶች የነቢዩ ሙሐመድን (ሰ.ዐ.ወ) ምጡቅ ስብዕና፣ ገድል፣ ፍቅርና እዝነት የሚዘክሩ መንዙማዎች (ውዳሴዎች) ይከናወናሉ።

በሀገራችን የመውሊድ በዓል ሃይማኖታዊ ይዘቱን እንደጠበቀ፣ ከተለያዩ ብሔረሰቦች ባህላዊ ትውፊቶች ጋር ተዋህዶ የሚከበርበት መንገድ ለየት ያለ ኅብረ-ብሔራዊ ውበትን አጎናፅፎታል።

ከሐረር ጀጎል ታሪካዊ ግንቦች እስከ ወሎ የእስልምና ትምህርት ማዕከላት፣ ከጅማና ባሌ ሐድራዎች እስከ አዲስ አበባ መስጂዶች በዓሉ በየአካባቢው በድምቀት ይከበራል።

በየመንደሩ የሚደረጉ የጋራ ማዕድ ዝግጅቶች እና መስተንግዶዎች የኢትዮጵያውያንን የቆየ የእንግዳ ተቀባይነት ባህል ቁልጭ አድርገው የሚያሳዩ ናቸው።

መውሊድ ከመንፈሳዊነቱ በተጓዳኝ አቅመ-ደካሞችን በመደገፍና ማዕድ በማጋራት እንዲሁም የቲሞችን (ወላጅ አልባ ህፃናትን) በማስደሰት የማህበራዊ ትስስር እና የአብሮነት ገመድን እያጠናከረ ያለ ነው።

የነቢዩ ሙሐመድ (ሰ.ዐ.ወ) የሰላም፣ የፍትህ እና የሰብዓዊነት አስተምህሮ ለሀገራችን ዘላቂ ሰላምና አንድነት አስፈላጊ እሴት በመሆኑ፣ ይህን ታላቅ በዓል ስናከብር ልዩነቶችን በመደማመጥና በምክክር በመሻገር ሊሆን ይገባል።

መልካም የመውሊድ በዓል!

በሔዋን ጌታቸው
#ethiopia #mawlid #mawlidalnabi #peace #justice #mawlidmubarak #ebc

(ዘ-ሐበሻ ሕይወት) ኤርትራ ለመጀመሪያ ጊዜ ወክላ በሚስ ወርልድ የቁንጅና ውድድር ላይ የምትሳተፈው ሞዴል ስኒት ሃብተአብ ከጋዜጠኛ ሳብሪና ሰለሞን "ያለፈችውን እናትሽን መታሰቢያ ለማክበር የጡት ካንሰር ግንዛቤን ለማስጨበጥ ባሉሽ መድረኮች ስትጠቀሚ ቆይተሻል። ይህን የግል የሐዘን ስሜት ወደ አደባባይ የማስተማር ሥራም ሆነ ማህበራዊ ንቅናቄ መቀየርሽ የራስሽን ውስጣዊ ጥንካሬ እና የሰብዓዊነት ሥራዎችሽን እንዴት ቀርጾታል?" ስትል ጠይቃት ነበር።
ስኒት ስትመልስ እንዲህ ብላለች፡ "እናቴን በሞት ማጣት እጅግ ከባድ ፈተና ነበር፤ ልክ ቤተሰቤ እህቴ 'ዳውን ሲንድረም' ንዳለባት ሲያውቅ ሁኔታውን ለመቀበል እንደተቸገረው ዓይነት ማለት ነው። ያም ሆኖ፣ የሕይወት እጅግ ፈታኝ ወቅቶች ብዙውን ጊዜ የመጨረሻውን የሕልውናችንን ግብ ፍንትው አድርገው እንደሚያሳዩን አምናለሁ። የእናቴን ትዝታ በልቤ ሰንቄ፣ የእህቴን መንከባከብ ኃላፊነት መረከቤ ለሕይወቴ አዲስና በዓላማ የተቃኘ አቅጣጫ ሰጥቶታል። በአሁኑ ጊዜ... ዋነኛ ተልእኮዬ ለእህቴም ሆነ ለእናቴ ድምፅ መሆን ነው።

"እናቴ አሁን በሕይወት ብትኖር ኖሮ፣ ሁሉም ሰው የጡት ካንሰር ቅድመ ምርመራን ቅድሚያ እንዲሰጠው ትወተውት ነበር። ምክንያቱም በሽታውን በጊዜ ማወቅ ሕይወትን ከማትረፉም በላይ፣ እናቶች ከቤተሰቦቻቸው ጋር ተጨማሪ ውድ ዓመታትን እንዲያሳልፉ ዕድል ይሰጣል። እኔም ይህንን የእርሷን መልእክት ተሸክሜ በመጓዝ፣ ሌሎች ሰዎች የገጠማቸውን መከራ በተለየ እና ገንቢ በሆነ መነጽር እንዲመለከቱት አበረታታለሁ። የምንጋፈጠው እያንዳንዱ ፈተና በእኛ ላይ የተጣለ አደራ ነው፤ ያንን የሐዘን ስብራትም ለሌሎች ትርጉም ወዳለው እና በጎ ወደሆነ ተግባር የመቀየር ሙሉ አቅም አለን።"

የኢትዮጵያ ሠራዊት፤ የጀግንነት እና የሰብዓዊነት ሕያው ተምሳሌት
******************

የኢትዮጵያ ወታደራዊ ታሪክ የሀገር ሉዓላዊነትን ከማስከበር እና ከጦር ሜዳ ጀግንነት ጋር ተያይዞ በስፋት ይነሳል።

ከዚህም ባሻገር የሠራዊቱ መሠረታዊ የሥነ ልቦና ግንባታ ከሰብዓዊነት እና ከሕዝብ ደጀንነት እሴቶች ጋር የተሳሰረ መሆኑ ልዩ ያደርገዋል።

የኢትዮጵያ ወታደር በውጊያ ሜዳ የሚያሳየው ጥንካሬ እንደተጠበቀ ሆኖ በሰላምም ሆነ በግጭት ወቅት ለሰው ልጅ የሚያሳየው ርኅራኄ በዓለም አቀፍ ደረጃ ዕውቅና ያገኘ መገለጫው ነው። ይህ ሰውነትን የማስቀደም ፍልስፍና ከማኅበረሰባችን የዳበረ ባህላዊ እና መንፈሳዊ እሴት የሚቀዳ እውነት ነው።

በዓለም አቀፍ የሰላም ማስከበር ስምሪቶች የኢትዮጵያ ሠራዊት ከተሰጠው ወታደራዊ ግዳጅ ባሻገር ማኅበራዊ አወቃቀራቸው በወደመባቸው ስፍራዎች ለሚገኙ ዜጎች የሰብዓዊነት አለኝታነቱን በተግባር አሳይቷል።

ይህንንም የተባበሩት መንግሥታት ድርጅት ዋና ጸሐፊ አንቶኒዮ ጉተሬዝ የኢትዮጵያ ሰላም አስከባሪ ኃይል በዓለም አቀፍ መድረክ የሚያሳየውን ተነሳሽነት እና ርኅራኄ በማድነቅ በተደጋጋሚ ገልጸዋል።

እንዲሁም የቀድሞው የድርጅቱ ዋና ጸሐፊ ባን ኪሙን የኢትዮጵያ ሠራዊት በሰላም ማስከበር ታሪክ ውስጥ ከፍተኛ መስዋዕትነት የከፈለ እና የብዙ ዜጎችን ሕይወት የታደገ መሆኑን መስክረዋል።

ይህ ዓለም አቀፍ ምስክርነት መሬት ላይ ከሚታየው የሠራዊቱ ተግባር የመነጨ ነው። እ.አ.አ በ1994 በሩዋንዳ በነበረው የዘር ማጥፋት እልቂት ማግሥት፣ በላይቤሪያ የሰላም ማስከበር ተልዕኮ፣ እንዲሁም በአብዬ ስምሪት የኢትዮጵያ ሠራዊት ያከናወናቸው ተግባራት ለዚህ አስረጂ ናቸው።

በነዚህ ስፍራዎች ሠራዊቱ የተራራቁ ማኅበረሰቦችን ከማስታረቅ ባሻገር፣ የፈረሱ መንገዶችን፣ ድልድዮችን እና የትምህርት ቤት ሕንፃዎችን በራሱ ጉልበት ጠግኗል።

በተለይም ሰላማዊ ሰዎች በተጠለሉባቸው ካምፖች ውስጥ የምግብ እጥረት በነበረበት ጊዜ የኢትዮጵያ ወታደሮች የራሳቸውን የዕለት ስንቅ (ሬሽን) በመቀነስ ለተራቡ ህጻናትና እናቶች ሲያካፍሉ ቆይተዋል።

በወታደራዊ ሳይንስ የዕለት ስንቅ በከባድ ግዳጅ ወቅት የሚፈስስን ላብ እና የሚቃጠልን ኃይል ለመተካት በካሎሪ መጠን ተሰልቶ የሚሰጥ ነው።

የኢትዮጵያ ወታደር ይህን ጉልበት ማደሻ ስንቁን ቀንሶ ለተቸገሩ ማካፈሉ፣ የራሱን አካላዊ አቅም አሳልፎ በመስጠት እውነተኛ ሰብዓዊነትን በተግባር ያረጋገጠበት የሞራል ልዕልና ማሳያ ነው።

በሀገር ውስጥም የኢትዮጵያ መከላከያ ሠራዊት የሀገሩን ሉዓላዊነት ከመጠበቅ እና ከሕግ ማስከበር ሚናው ባለፈ ከማኅበረሰቡ የዕለት ተዕለት ሕይወት ጋር የተቆራኘ ነው። ሠራዊቱ ዜጎችን ከውስጥ እና ከውጭ ትንኮሳዎች ከመጠበቅ ባሻገር፣ በምርት ዘመን የአርሶ አደሩ ቀኝ እጅ ነው።

በአቅም ማነስ፣ በበሽታ ወይም በእርጅና ምክንያት ማሳቸውን ማረስ ላልቻሉ አቅመ ደካሞች መሬት ያርሳል፣ ዘር ይዘራል፣ ምርት ይሰበስባል። ይህም የምግብ ዋስትናን ከማረጋገጥ አልፎ አርሶ አደሩን ከኪሳራ ይታደጋል።

በተጨማሪም የሠራዊቱ አባላት ከደመወዛቸው እና ከስንቃቸው በማካፈል የፈረሱ ትምህርት ቤቶችን እና ማኅበራዊ ተቋማትን ይገነባሉ።

አቅም ለሌላቸው ተማሪዎች የትምህርት ቁሳቁስና የደንብ ልብስ በነፃ ከማደል አልፈው፣ በቋሚነት በማስተማር የዕውቀት ብርሃን ያካፍላሉ።

የኢትዮጵያ መከላከያ ሠራዊት በዓለም አቀፍም ሆነ በሀገር ውስጥ የሚያከናውናቸው እነዚህ ተግባራት የእውነተኛ የሕዝብ ልጅነቱ ማረጋገጫዎች ናቸው።

ሠራዊቱ ጠላትን በጀግንነት ከመመከት ባለፈ ለሰው ልጅ ሁሉ የሚያሳየው ርኅራኄ፣ የሚያካፍለው ጉልበት እና የሚለግሰው ዕውቀት የኢትዮጵያዊነት ሕያው መገለጫ ሆኖ ይቀጥላል።

በለሚ ታደሰ
#ethiopia #ebc #ethiopianarmy #humanityfirst #peacekeepers #beyondheroism #militaryforpeace

ማኀበረሰባችንን በማብቃት ዓለም አቀፍ አንድነትን እናጠናክር!

ነሐሴ 13/2018 ዓ.ም
ዓለም አቀፍ የሰብዓዊነት ቀን!
#worldhumanitarianday #strengtheningsolidarity #empoweringcommunities #ethiotelecom #telebirr #telebirrsuperapp #digitalethiopian #realizingdigitalethiopia

ማኀበረሰባችንን በማብቃት ዓለም አቀፍ አንድነትን እናጠናክር!

ነሐሴ 13/2018 ዓ.ም
ዓለም አቀፍ የሰብዓዊነት ቀን!
#worldhumanitarianday #strengtheningsolidarity #empoweringcommunities #ethiotelecom #telebirr #telebirrsuperapp #digitalethiopian #realizingdigitalethiopia

(ዘ-ሐበሻ ዜና) ለ17 ዓመታት ኢትዮጵያን ያስተዳድር ለነበረው የደርግ ሥርዓት በሰላይነት ይሠራ የነበረና፣ እሱ በሰጠው ጥቆማ ሰዎች ታስረው ድብደባና ስቃይ እንደደረሰባቸው ያመነው ግለሰብ በካናዳ የመቆየት ተጨማሪ የሕግ ዕድል አገኘ።

የ54 ዓመቱ አቶ ማስረሻ ዘውዴ ከ22 ዓመታት በፊት በስደተኝነት ወደ ካናዳ ያቀና ሲሆን፣ በሰኔ 2008 (እ.ኤ.አ) ከኢህአዴግ መንግሥት ሊደርስብኝ ከሚችል ጥቃት በሚል የጥገኝነት መብት አግኝቶ ነበር። ነገር ግን ቋሚ የመኖሪያ ፈቃድ ለመጠየቅ በሂደት ላይ እያለ፣ በሚያዝያ 2017 የኢሚግሬሽን ባለሥልጣናት ከደርግ ሥርዓት ጋር በነበረው ግንኙነት እና በሰብዓዊ መብት ጥሰት ወንጀሎች ተሳትፎ ምክንያት በካናዳ መኖር እንደማይችል በመወሰን ከሀገር እንዲባረር ትዕዛዝ አስተላልፈው ነበር።

የቶሮንቶ ፌዴራል ፍርድ ቤት ዳኛ ጆን ኖሪስ በቅርቡ ባሳለፉት የፍርድ ውሳኔ ላይ እንደተገለጸው፣ ግለሰቡ በሰኔ 1989 (እ.ኤ.አ) በ17 ዓመቱ በአዲስ አበባ ውስጥ ለአካባቢው ቀበሌ እንዲሠራ በግዴታ ተመልምሎ ነበር። ለሁለት ዓመታት ያህል የኢህአዴግ (EPRDF) እና የኤርትራ ህዝብ ነጻነት ግንባር (EPLF) አባላት ናቸው ብሎ የጠረጠራቸውን ግለሰቦች መረጃ በመሰብሰብ ለሥርዓቱ አሳልፎ ሰጥቷል። ውሳኔው አክሎም "እሱ በጠቆመባቸው ሰዎች ላይ እስራት፣ ድብደባ እና ስቃይ ደርሶባቸዋል" ብሏል።

ኢህአዴግ በግንቦት 1991 ደርግን ከገለበጠ በኋላ፣ አቶ ማስረሻ ታስሮ ለአንድ ወር ያህል በማረፊያ ቤት ከቆየ በኋላ አምልጦ ወደ ካናዳ መግባቱ ተገልጿል።

ከካናዳ እንዲባረር ከተወሰነበት በኋላ አቶ መስረሻ በሰብዓዊነት እና ርህራሄ ምክንያቶች ውሳኔው እንዲነሳለት ጠይቆ ነበር። ለዚህም በካናዳ ያሳለፈውን መልካም ማህበራዊ ሕይወት፣ በአሜሪካ የምትገኘውን ልጁን ጥቅም፣ እንዲሁም ይህ ድርጊት የተፈጸመው በወጣትነቱ በግዴታ በተመለመለበት ወቅት መሆኑን በምክንያትነት አቅርቧል።

ሆኖም የካናዳ ኢሚግሬሽን፣ ስደተኞች እና ዜግነት (IRCC) ከፍተኛ ውሳኔ ሰጪ አካል ግለሰቡ ለሰራው ወንጀል ፀፀት አላሳየም፤ ይልቁንም "ምርጫ አልነበረኝም" በማለት ድርጊቱን ተከላክሏል በሚል ጥያቄውን ውድቅ አድርጎት ነበር።

ጉዳዩን በይግባኝ የተመለከቱት ዳኛ ኖሪስ ግን የኢሚግሬሽን ኃላፊው ያሳለፈው ውሳኔ "ምክንያታዊነት የጎደለው" ነው በማለት ውድቅ አድርገውታል። ዳኛው እንዳብራሩት፣ አቶ ማስረሻ ድርጊቱን ትክክል ነው ብሎ አላጸደቀም፤ የደርግ ሥርዓትም ሆነ የእሱ ድርጊት ስህተት መሆኑን አምኖ፣ ነገር ግን በወቅቱ በነበረበት የዕድሜ ክልል ምክንያት ሌላ አማራጭ እንዳልነበረው ነው ያስረዳው።

በመሆኑም ፍርድ ቤቱ የኢሚግሬሽን ውሳኔ ሰጪው አካል የግለሰቡን መከራከሪያ በተሳሳተ መንገድ ተረድቶታል በማለት፣ አቶ መስረሻ አዳዲስ ማስረጃዎችን አቅርቦ ጉዳዩ በሌላ አዲስ የውሳኔ ሰጪ አካል በድጋሚ እንዲታይለት በማዘዝ በካናዳ የመቆየት ተጨማሪ ዕድል ሰጥቶታል።

(ዘ-ሐበሻ ዜና) በሰሜን ኢትዮጵያ ትግራይ ክልል ኦገስት 1 ቀን በትግራይ ኃይሎች እና በኢትዮጵያ ብሔራዊ መከላከያ ሠራዊት (ENDF) መካከል ዳግም ያመረቀዘውን ግጭት ተከትሎ፣ የክልሉ ነዋሪዎች ለአዲስ የሰብዓዊ መብት ጥሰት አደጋ መጋለጣቸውን አምነስቲ ኢንተርናሽናል አስታወቀ። የምስራቅ እና ደቡባዊ አፍሪካ የአምነስቲ ኢንተርናሽናል ቀጠናዊ ዳይሬክተር ቲጌሬ ቻጉታህ ባወጡት መግለጫ፣ ማህበረሰቡ ከዚህ ቀደም የተፈጸሙበትን አሰቃቂ በደሎች ያለ ምንም ፍትህ እና ተጠያቂነት እያስተናገደ ባለበት በአሁኑ ወቅት፣ አዲሱ የትጥቅ ግጭት ነዋሪዎቹን ወደ ከፋ አደጋ ውስጥ ጥሏቸዋል ብለዋል።

ቀጠናዊ ዳይሬክተሩ አክለውም ይህ በትግራይ ዳግም ያገረሸው ጦርነት በአማራ እና በኦሮሚያ ክልሎች ቀጥሎ ከሚገኘው እና ተቋማቸው ከባድ የሰብዓዊ መብት ጥሰቶችን እየመዘገበበት ካለው የትጥቅ ግጭት ጋር ሲደመር፣ ሀገሪቱ አፋጣኝ የሆነ ቀጠናዊ እና ዓለም አቀፋዊ የሰብዓዊ መብት ምርመራ ዘዴዎችን ወደ ነበረበት መመለስ እንዳለባት አመላካች ነው ሲሉ አሳስበዋል። ከህዳር 2013 እስከ ህዳር 2015 ዓ.ም. በተካሄደው ጦርነት የጦር ወንጀል እና በሰብዓዊነት ላይ የሚፈጸሙ ወንጀሎች ሊባሉ የሚችሉ ከባድ ጥሰቶች መመዝገባቸውን ያስታወሰው ተቋሙ፣ የኢትዮጵያ መንግስት ታማኝ ምርመራ አለማድረግን እና የጥፋተኞችን የህግ ተጠያቂነት ማስፈን አለመቻልን እንደ መደበኛ አሰራር ሊቆጥረው አይገባም ሲል አስጠንቅቋል።

በመሆኑም አምነስቲ ኢንተርናሽናል የፌደራል እና የትግራይ ባለስልጣናት የሲቪሎችን ጥበቃ ጨምሮ ዓለም አቀፍ የሰብዓዊ መብት መስፈርቶችን እንዲያከብሩ ጥሪ አቅርቧል። ከዚህም ባሻገር ገለልተኛ የሰብዓዊ መብት ታዛቢዎች እና የሰብዓዊ እርዳታ አቅራቢዎች ያለምንም እንቅፋት በቦታው ተገኝተው ስራቸውን እንዲያከናውኑ ሊፈቀድላቸው እንደሚገባ ተማጽኗል። ዓለም አቀፉ ማህበረሰብም በአዲስ አበባ እና በመቀሌ ከሚገኙ ባለስልጣናት ጋር በአስቸኳይ በመነጋገር በግጭቱ ለተጎዱ የትግራይ አካባቢዎች የነጻ ሚዲያዎች እና የሰብዓዊ መብት ታዛቢዎች ተደራሽነት እንዲረጋገጥ ተቋሙ ወትውቷል።

በኢትዮጵያ ውስጥ ይደረግ የነበረው ቀጠናዊ እና ዓለም አቀፋዊ የሰብዓዊ መብት ክትትል የተቋረጠው፣ የተባበሩት መንግስታት ድርጅት የሰብዓዊ መብት ባለሙያዎች ኮሚሽን (ICHREE) እና የአፍሪካ የሰብዓዊ እና ህዝቦች መብት ኮሚሽን አጣሪ ቡድን የስራ ጊዜ ማብቃቱን ተከትሎ መሆኑን መግለጫው አስታውሷል። ይህንንም ተከትሎ የኢትዮጵያ መንግስት ዓለም አቀፍ የተጠያቂነት ጥረቶችን ለመከላከል ሲጠቀምበት የነበረውን የሽግግር ፍትህ ሂደት እርግፍ አድርጎ ትቶታል ሲል መግለጫው ወቅሷል። በሌላ በኩል ባለፉት ሁለት ወራት ውስጥ የትግራይ ባለስልጣናት ነጻ ሚዲያዎችን ከማፈን፣ በሺዎች የሚቆጠሩ ሰዎችን በግዳጅ ወደ ጦርነት ከመመልመል እና የዜጎችን ከቦታ ቦታ የመንቀሳቀስ መብት ከመገደብ ጋር የተያያዙ አፋኝ እርምጃዎችን እየወሰዱ መሆኑን የሰብዓዊ መብት ተሟጋች ድርጅቶች መመዝገባቸውን አምነስቲ አጋልጧል።

የኢሰመጉ 158ኛ ልዩ መግለጫ፡

በምስራቅ አርሲ ዞን በሃይማኖትና ማንነት ላይ ያነጣጠሩ የሰብዓዊ መብቶች ጥሰቶች መቀጠላቸውን ኢሰመጉ ይፋ አደረገ

የኢትዮጵያ ሰብዓዊ መብቶች ጉባዔ (ኢሰመጉ) ሐምሌ 2018 ዓ.ም ባወጣው 158ኛ ልዩ መግለጫው፣ በኦሮሚያ ክልል ምስራቅ አርሲ ዞን በሚገኙ በርካታ ወረዳዎች ከ2014 ዓ.ም እስከ ግንቦት 2018 ዓ.ም ባለው ጊዜ ውስጥ ሃይማኖትንና ማንነትን መሰረት ያደረጉ ከባድ የሰብዓዊ መብቶች ጥሰቶች መፈጸማቸውን ገለጸ።

ተቋሙ ከመጋቢት 3 እስከ 9 ቀን 2018 ዓ.ም ባካሄደው የምርመራ ወቅት በተሰበሰቡ አስረጂዎች፣ በዞኑ የሚንቀሳቀሱ የታጠቁ ቡድኖች በዋናነት የኦርቶዶክስ ተዋሕዶ እምነት ተከታዮች ላይ ያነጣጠረ የግድያ፣ የአካል ጉዳት፣ የእገታ፣ የመፈናቀል እና የንብረት ውድመት ድርጊት መፈጸማቸውን አረጋግጫለሁ ብሏል።

የጥቃቶቹ ስፋትና የደረሰው ጉዳትበኢሰመጉ የምርመራ ግኝት መሰረት በተጠቀሱት ዓመታት ውስጥ በምስራቅ አርሲ ዞን ወረዳዎች በግድያ ህይወታቸውን ያጡ ሰላማዊ ሰዎች ቁጥር የሚከተለውን ይመስላል፦

መርቲ ወረዳ፦ 117 ሰዎች

-ሽርካ ወረዳ፦ 116 ሰዎች

-ጀጁ ወረዳ፦ 101 ሰዎች

-ሮቤ ወረዳ፦ 47 ሰዎች

-ጉና ወረዳ፦ 26 ሰዎች (በአንድ ጉድጓድ የተቀበሩ 5 ሰዎችን ጨምሮ)

-ሆንቆሎ ዋቤ ወረዳ፦ 20 ሰዎች

-አሰኮ ወረዳ፦ 5 ንጹሃን ዜጎች እና
4 የመንግስት ሚሊሻዎች

አርሲ ሲሬ ወረዳ፦ 3 ሰዎች

በተጨማሪም በህጻናትና አረጋውያን ላይ የከፋ የአካል ጉዳት መድረሱን የጠቆመው ሪፖርቱ፣ በጉና ወረዳ በፈጸመ ጥቃት የ4 እና የ8 ዓመት ህጻናት በጥይት መመታታቸውንና የአንዱ ህጻን እግር ሊቆረጥ መቻሉን በአብነት ጠቅሷል።

እገታ፣ መፈናቀል እና የንብረት ውድመት

ኢሰመጉ ባቀረበው ዝርዝር መረጃ መሰረት፦

እገታ፦

በሮቤ ወረዳ 156 ሰዎች፣
በጀጁ 182 ሰዎች፣
በምርቲ 29 ሰዎች እንዲሁም
በሽርካ 39 ሰዎች ታግተው ከፍተኛ የገንዘብ ransom የተጠየቀባቸው ሲሆን
በርካቶቹ በገንዘብ ቢለቀቁም የበርካታ ታጋቾች ያሉበት ሁኔታ እስካሁን አይታወቅም።

መፈናቀል፦

በጥቃቱ ስጋት ምክንያት በሺዎች የሚቆጠሩ ዜጎች ከቀያቸው የተፈናቀሉ ሲሆን፤ ከጀጁ ወረዳ 6,216፣ ከሽርካ 3,746፣ ከአሰኮ 2,133፣ ከሮቤ 1,270 እና ከመርቲ 1,036 ሰዎች ተፈናቅለው በከፍተኛ ችግር ውስጥ ይገኛሉ።

የንብረት ውድመት፦

በርካታ አብያተ ክርስቲያናት መዘረፋቸውንና መቃጠላቸውን (ለምሳሌ በ101 ዓመት ዕድሜ ያለው የጠለታ ጨፋ ቅዱስ ገብርኤል ቤተክርስቲያን)፣ ቤቶች መፍረሳቸውንና መቃጠላቸውን እንዲሁም በርካታ የጋማና የቀንድ ከብቶች መዘረፋቸውን ሰነዱ ያመላክታል።

የህግ ግዴታዎችና የኢሰመጉ ጥሪ

ኢሰመጉ ድርጊቶቹ በስልታዊና በተስፋፋ መልኩ በሲቪል ህዝብ ላይ የተፈጸሙ በመሆናቸው በሰብዓዊነት ላይ የሚፈጸሙ ወንጀሎች (Crimes Against Humanity) ባህሪ ያላቸው መሆኑን በመጠቆም፣ የፌደራል እና የኦሮሚያ ክልል መንግስታት የሚከተሉትን እርምጃዎች እንዲወስዱ ጥሪ አቅርቧል፦

ተጠያቂነትን ማረጋገጥ፦ በጥቃቱ የተሳተፉ ታጣቂዎችንና ሀላፊነታቸውን ያልተወጡ የጸጥታና የአስተዳደር አካላትን በአስቸኳይ ለህግ ማቅረብ።

ሰብዓዊ እርዳታና መልሶ ማቋቋም፦ ለተፈናቀሉ ዜጎች ህክምና ማቅረብ እንዲሁም በይስሙላ ሳይሆን በዘላቂ ሰላም ወደ ቀያቸው የሚመለሱበትን መንገድ ማመቻቸት።

የፌደራል መንግስት ጣልቃ ገብነት፦ የክልሉ መንግስት የዜጎችን ደህንነት ማስጠበቅ ካልቻለ፣ በህግ በተደነገገው መሰረት (አዋጅ ቁጥር 359/2003) የፌደራል መንግስት ጣልቃ በመግባት የዜጎችን ህይወት እንዲታደግ።

የበጎነት ዋጋ በቢሊዮኖች ሲሰላ፡ ያልተነካው የሀገር ውስጥ አቅም
*****************
(የዕለቱ መልዕክት)

ያለአንዳች ደመወዝ የሚሰራ፣ ነዳጅ የማይጠይቅ፣ ነገር ግን በቢሊዮኖች የሚቆጠር ሀብት በማዳን የሀገርን ሸክም የሚያቀል ግዙፍ የኢኮኖሚ ሞተር አለ ብንልዎስ? ይህ ከርህራሄና ከሰብዓዊነት ካባ ጀርባ የማክሮ ኢኮኖሚውን መዋቅር በፀጥታ እያንቀሳቀሰ የሚገኘው ‘የበጎ ፈቃድ አገልግሎት’ እውነተኛ ገፅታ ነው፡፡

የበጎ ፈቃድ አገልግሎትን ስናስብ፣ አእምሯችን ቀድሞ የሚስለው የበጎ አድራጎትን ሰብዓዊነት ቢሆንም በዘመናዊ የምጣኔ ሀብት እሳቤ ግን ይህ ዘርፍ በቀጥታ በሀገር ጠቅላላ ምርት (GDP) ውስጥ ያልተካተተ ግዙፍ "የህዝብ ካፒታል" ነው።

የዓለም አቀፉ የሰራተኞች ድርጅት (ILO) እና የተባበሩት መንግስታት ሪፖርቶች እንደሚያረጋግጡት የበጎ ፈቃድ ዘርፍ መንግስታት ሊያወጡት የሚችሉትን በጀት የሚተካ እና በመንግስትና በግሉ ዘርፍ መካከል ያለውን ክፍተት የሚሞላ ከፍተኛ የኢኮኖሚ ሞተር ሆኖ እያገለገለ ይገኛል።

ሀገራችን ኢትዮጵያ ለዚህ ጥልቅ እሳቤ ባዳ አይደለችም፤ ማህበረሰባችንን ለዘመናት አስተሳስረው ያቆዩት እንደ ደቦ፣ እድር እና እቁብ ያሉ ሀገር በቀል የትብብር ተቋማት የዚሁ ማህበራዊ ካፒታል መገለጫዎች ናቸው።

ኖርጂያን ‘ዱግናድ’ በሚሉት የትብብር ባህላቸው እንዲሁም አሜሪካና ካናዳ በቢሊዮን ዶላሮች በሚገመት የዜጎቻቸው ነፃ አገልግሎት የፈጠሩትን የኢኮኖሚ አቅም፣ እኛም ዛሬ በራሳችን ዐውድ እና ጥበብ በተግባር እያሳየነው እንገኛለን።

በተለይም ከ2010 ዓ.ም ወዲህ "የመደመር ትውልድ" በሚለው ሀገራዊ እሳቤ አማካኝነት ይህ ዘርፍ መሰረታዊ እና መዋቅራዊ ለውጥን አስተናግዷል።

ያለፈውን ስብራት የመጠገን፣ ያለውን የማፅናት እና የነገውን አቅም የመገንባት ጥልቅ ትልም በበጎ ፈቃድ አገልግሎት ውስጥ በተግባር ሲተረጎም በመንግስት አቅም ብቻ ሊሸፈን የማይችለውን ግዙፍ የልማት ክፍተት በመድፈን ተጨባጭ ማክሮ-ኢኮኖሚያዊ ትርጉም አምጥቷል።

በየዓመቱ በአማካይ ከ20 እስከ 25 ሚሊዮን ዜጎች በሚሳተፉበት በዚህ ሀገራዊ ንቅናቄ የተገኙት ውጤቶች በገንዘብ ሲተመኑ ሀገርን የታደጉበት መጠን እጅግ አስገራሚ ነው። ለአብነት ያህል በክረምት ወራት በተከናወኑ የአቅመ ደካማ ቤቶች እድሳት ስራዎች ከ30 ቢሊዮን ብር በላይ የሚገመት የመንግስት የኮንስትራክሽን እና የማህበራዊ ዋስትና በጀት መታደግ ተችሏል።

ከዚህም ጋር ተያይዞ ከ2011 ዓ.ም ጀምሮ በተተገበረው የአረንጓዴ አሻራ መርሃ-ግብር ከ48 ቢሊዮን በላይ ችግኞች በዜጎች ነፃ ጉልበት በመትከልና በመንከባከብ በዋጋ ሊተመን የማይችል ግዙፍ ሀብት ተፈጥሯል።

ይህ መነቃቃት በጤናውና በትምህርት ዘርፉም ደማቅ አሻራ አሳርፏል፤ በየዓመቱ ከ300 ሺህ ዩኒት በላይ ደም በመለገስ የህክምና ግብዓት ወጪን ከማዳንም ባሻገር የበርካታ ዜጎች ህይወት የታደገ ሲሆን በሚሊዮን የሚቆጠሩ ደብተሮች፣ የማጠናከሪያ ትምህርቶች እና የቁሳቁስ ድጋፎች ዝቅተኛ ገቢ ያላቸው ቤተሰቦችን ጫና በእጅጉ አቅልለዋል።

የዚህ ሁሉ ሀገራዊ ጥረት ትልቁ ድል፣ የበጎ ፈቃድ ስራ ከ"ክረምት የዘመቻ ስራነት" ተላቆ ዓመቱን ሙሉ የሚተገበር ተቋማዊ ባህል እና የኑሮ ዘይቤ መሆኑ ነው። ይህ ወደ ዘላቂነት የተደረገ ሽግግር ወጣቶች ቋሚ የስራ ልምድ፣ የጊዜ አጠቃቀም እና የአመራር ክህሎት እንዲያገኙ በማድረግ ለስራ ገበያው ብቁ እያደረጋቸው ይገኛል።

ይህ ሂደት በተዘዋዋሪ የስራ አጥነትን ጫና ከማቃለሉም ባሻገር፣ አምራች ኢንዱስትሪዎች እና ተቋማት የሰለጠነ እና ስነ-ምግባር ያለው የሰው ኃይል በቀላሉ እንዲያገኙ ምቹ ሁኔታን ፈጥሯል። ከሚያመነጨው ቁሳዊ ትርፍ በዘለለም፣ የበጎ ፈቃድ አገልግሎት የተለያየ ዳራ፣ ባህል እና እምነት ያላቸውን ዜጎች በአንድ የጋራ ዓላማ በማሰባሰብ "የእኔ" ከሚለው ጠባብ አስተሳሰብ ወደ "የእኛ" ሰፊ ሀገራዊ ማንነት እያሸጋገራቸው ይገኛል።

በዚህ የበጎነት መድረክ አዛውንቶች የህይወት ተሞክሯቸውን ሲያካፍሉ ወጣቱ ደግሞ ጉልበቱንና የዘመኑን እውቀት ይለግሳል፤ ይህ ውብ የትውልድ ቅብብሎሽ ማህበረሰባዊ መተማመንን በማሳደግ በፍትህና ፀጥታ ተቋማት ላይ ያለውን ጫና በእጅጉ ይቀንሳል።

ጠንካራ መተማመን እና ትስስር ያለው ማህበረሰብ ደግሞ ተፈጥሯዊም ሆነ ሰው ሰራሽ ቀውሶችን በጋራ የመቋቋም አቅሙ እጅግ የላቀ ነው።

የኢኮኖሚ እድገት ትክክለኛ ትርጉም እና ጣዕም የሚኖረውም የተሳሰረ እና አንዱ ለአንዱ የሚቆረቆር ጠንካራ ማህበረሰብ ሲኖር ነው። በገንዘብ ሲተመን በቢሊዮኖች የሚገመት ሀብት የፈጠረውን ይህን ግዙፍ ሀገራዊ ካፒታል ይበልጥ ለማሳደግ እና ቀጣይነቱን ለማረጋገጥ ዘመኑ በሚጠይቀው የቴክኖሎጂ ስርአት መደገፍ የግድ ይላል።

በመሆኑም የሚመለከታቸው አካላት የምዝገባ እና የዕውቅና አሰጣጥ ስርአቱን በማዘመን፣ ይህ ያልተነካ የህዝብ ካፒታል በማክሮ ኢኮኖሚ እቅድ ውስጥ እንደ አንድ ራሱን የቻለ የሀብት ምንጭ ተደርጎ በይፋ ሊሰላ እና የበለጠ ሀገራዊ ትኩረት ሊያገኝ ይገባል

የኢቢሲ ዶትስትሪም ኤዲቶሪያል

«የጥላቻ ንግግር ፍጻሜ፦ ዛሬ በስሜት የተነገረ ቃል ነገ ዘብጥያ ያወርዳል!»

ከአስቴር በዳኔ ንግግር በመነሳት የተዘጋጀ

በቅርቡ አርቲስት አስቴር በዳኔ የተወሰኑ ማህበረሰቦችን በጅምላ በመፈረጅ እና በዜጎች ላይ የሚደርሰውን ጥቃት «የበቀል እርምጃ» አስመስላ በማቅረብ የተናገረችው ንግግር በማህበራዊ ሚዲያ ከፍተኛ ቅሬታን አስነስቷል።

ብዙዎች የሚናገሩት አደገኛ ቃል በጊዜ ሂደት የታሪክ እና የሕግ ተጠያቂነት ያስከትላል ወይንስ እንዲሁ አየር ላይ በኖ ይቀራል በሚል ሲጠይቁ ይደመጣል።

የዓለም አቀፍ የፍትሕ ታሪክ የሚያሳየን ግን የጥላቻ ንግግሮች የትም ያህል ጊዜ ቢወስዱ የሕግ ተጠያቂነት ማስከተላቸው እንደማይቀር ነው ዛሬ በችኮላ ወይም በስሜት የሚነገሩ የሚያጋጩ ቃላት ነገ ፍትሕ በሚነግስበት ጊዜ ዘብጥያ የሚያወርዱ የሕግ ማስረጃዎች ሆነው ይመዘገባሉ።
የጥላቻ ንግግር በተለይም ታዋቂ ሰዎች ወይም የህዝብ ልሳኖች የሚያሰራጩት ሲሆን በሰላማዊ ዜጎች ላይ ለሚደርስ የጅምላ ጥቃት ማበራቻ እንደሚሆን በታሪክ በተደጋጋሚ ታይቷል።

የዓለም አቀፍ ፍርድ ቤቶችም ይህንን በግልጽ እንደ ወንጀል ፈርጀው እርምጃ ወስደዋል። እ.ኤ.አ በ1994 በሩዋንዳ ከተከሰተው አሰቃቂ የጅምላ ጨፍጨፋ በኋላ የሩዋንዳ ዓለም አቀፍ ወንጀል ትሪቡናል (ICTR) በታዋቂው የ«Media Trial» ውሳኔው መሳሪያ አንስተው የተዋጉትን ብቻ ሳይሆን በሬዲዮ እና በጋዜጣ የጥላቻ ንግግር እና የጥቃት ጥሪ ያቀረቡ የህዝብ ተሰሚነት ያላቸውን ሰዎች ለፍርድ አቅርቧል።

በዚሁ መዝገብ የRTLM ሬዲዮ ጣቢያ መስራች የነበረው ፈርዲናንድ ናሂማና እና ጋዜጠኛ ሀሰን ንጌዜ በቀጥታ ሰውን ባይገድሉም በቃላቶቻቸው ጥላቻን በመዝራታቸው እና ጥቃትን በማበራታታቸው በዓለም አቀፍ ፍርድ ቤት የጽኑ እስራት ፍርድ ተፈርዶባቸዋል።

ከዚህ በተጨማሪም ከሁለተኛው የዓለም ጦርነት በኋላ በተካሄደው የኑረምበርግ ፍርድ ቤት (Nuremberg Trials)፣ «ደስ ስቱርመር» በተባለው ጋዜጣ የናዚን የጥላቻ ፕሮፓጋንዳ ያሰራጭ የነበረው ጁሊየስ ሺራይቸር፣ በቀጥታ የጦር መሳሪያ ባያነሳም በቃላቱ ባሰራጨው አደገኛ ጥላቻ ምክንያት በሰው ልጅ ላይ ወንጀል በመፈጸሙ ለፍርድ ውሏል።

በተመሳሳይ ሁኔታ ከዩጎዝላቪያ መፍረስ በኋላ በተቋቋመው ዓለም አቀፍ ፍርድ ቤት (ICTY) የፖለቲከኞች እና የብዙኃን መገናኛ ሰዎች አጋጫኝ ንግግሮች በሰብዓዊነት ላይ የተፈጸሙ ወንጀሎች ተደርገው ተወስደው ለዓመታት ተከታትለው ለፍትሕ እንዲቀርቡ ተደርገዋል።

አርቲስት አስቴር በዳኔ «አማራ እና ኦርቶዶክስ የሀገር ባለቤት ነኝ ብሎ ተቀምጧል፤ ቶለሬት የማያደርግ ትውልድ ተነስቶ እየተበቀላቸው ነው» ስትል ያደረገችው ንግግር በሰላማዊ ዜጎች ላይ የሚደርስን ጥቃት እንደ «በቀል» አድርጎ በማቅረብ ወንጀልን የማበረታታት ይዘት ያለው በመሆኑ በዲጂታል ዘመን ማናቸውም የማህበራዊ ሚዲያ ንግግሮች እና መረጃዎች በቀላሉ የማይጠፉ የታሪክ ሰነዶች ናቸው።

ፍትሕ እና የሕግ የበላይነት ሙሉ በሙሉ በሚሰፍንበት ጊዜ እነዚህ ንግግሮች ማህበረሰብን ለጥቃት አጋልጠዋል በሚል በሕግ ፊት የመጠየቂያ ማስረጃዎች መሆናቸው አይቀሬ ነው።

ከሁሉም በላይ ደግሞ ማንኛውም ዜጋ ወይም ማህበረሰብ «የሀገሬ ባለቤት ነኝ» ብሎ ማሰቡና መናገሩ ህገ-መንግስታዊ እና ዜጋዊ መብቱ እንጂ በፍጹም ወንጀል ሊሆን አይችልም።

ይህንን ዜጋዊ መብት እንደ «የበላይነት ጥያቄ» አድርጎ በመተርጎም፣ በሰላማዊ ሰዎች ላይ የሚደርሰውን ግፍና ጥቃት እንደ «ተገቢ የበቀል እርምጃ» አድርጎ ማቅረብ ግን ነገ ምንይዞ እንደሚመጣ ታሪክ ይፈርዳል

በቃላት የሚዘራ ጥላቻ በሰዎች ህይወት ላይ ጥፋት ያመጣል ዛሬ በስሜት ወይም በኃይል አሰላለፍ ተሸፍነው የሚያልፉ ይመስሉ እንጂ በሕግ እና በፍትሕ ስርዓት ውስጥ የጥላቻ ንግግሮች ጊዜ አይሽራቸውም።

አርቲስቶች እና ታዋቂ ሰዎች የሚናገሩት እያንዳንዱ ቃል ነገ በፍርድ ቤት እና በታሪክ ፊት እንደሚያስጠይቅ ተረድተው ከህዝብ አጋጫኝ ንግግሮች ሊቆጠቡ ይገባል።

ሰው በመሆን የምትጸና ሀገር፡ የመረዳዳት ባህላችን ትሩፋት
***************
(የዕለቱ መልዕክት)

የኢትዮጵያውያን የመረዳዳት ባህል ከበጎ አድራጎትነትም በላይ ጥልቅ የህይወት ፍልስፍናችን እና የህልውናችን መሰረት ነው።
ሰብዓዊነት የሚጀምረው ከራስ አልፎ ለሌላው መትረፍ ሲቻል ሲሆን አንድ ሰው የሌላውን እንባ ሲያብስና የወደቀውን ሲያነሳ የራሱን ሰብዓዊ ክብር ወደ ላቀ የሞራል ጣሪያ ከፍ ያደርጋል።

ዕድር፣ ዕቁብ፣ ደቦ እና ማህበር በሀገራችን ማህበራዊ ስያሜዎች ብቻ ሳይሆኑ ዘመናዊው ዓለም ዛሬ 'ማህበራዊ ዋስትና' ብሎ የደረሰበትን ጽንሰ-ሀሳብ እኛ ቀድመን በአገር በቀል ጥበብ የገነባንባቸው ጠንካራ መዋቅሮቻችን ናቸው።

የጎረቤታችን ችግር የኛም ጭምር መሆኑን አምነን፣ በሀዘን አብሮ በማልቀስና ላዘመመ ቤት በጋራ በመቆም የምንገልጸው ማንነት የህዝቦቻችንን ጥብቅ ትስስር ያሳያል።

በሁሉም አካባቢ ይህ እሴት ጎልቶ የሚታይ ሲታይ የታረዘውን ማልበስና ማዕዱን ለሌለው ማጋራት የህዝባችን ዋነኛ መገለጫ ሆኖ እናገኘዋለን።

ይህንን የህዝብ እሴት ወደ መንግስታዊ መሪነት በማሸጋገር፣ በሀገር አቀፍ ደረጃ እየተተገበሩ ያሉ ሰው ተኮር የልማት ስራዎች የዚሁ አብሮነታችን ዘመናዊ መገለጫዎች ናቸው።

በተለይም በሚሊዮኖች የሚቆጠሩ ህጻናትን በትምህርት ገበታ ላይ ያቆየው የተማሪዎች ምገባ መርሃ ግብር፣ እናቶችና አባቶችን ከፈረሰ ጎጆ ወደ ምቹ ማረፊያ ያሸጋገረው የአቅመ ደካሞች ቤት እድሳት እንዲሁም ወጣቱ ትውልድ በክረምት በጎ ፈቃድ አገልግሎት የሚያደርገው የደም ልገሳና የትምህርት ቁሳቁስ ድጋፍ የሰው ተኮር ልማቱ ዋነኛ ማሳያዎች ናቸው።

እነዚህ ተግባራት መረዳዳትን ከተቋማዊ ኃላፊነት ጋር ያቆራኙ ናቸው። ይህ የሚያሳየው እውነተኛ ልማት ትርጉም የሚኖረው ግዙፍ የመሰረተ ልማት አውታሮችን ከመገንባት ባለፈ ሰውን ማዕከል ሲያደርግ፣ የዜጎችን ህይወት በቀጥታ ሲነካ እና የወደቁትን ሲያነሳ መሆኑን ነው።

በመሆኑም መደጋገፍና አብሮነት ጊዜያዊ ስሜቶች ሳይሆኑ ዘላቂ ሰላምን ለማምጣትና ጠንካራ ሀገርን ለመገንባት የሚያስፈልጉን ዋነኛ መሰረቶቻችን ናቸው።

አንዱ የሌላውን ችግር በመካፈል፣ የብሔርና የሃይማኖት ድንበሮችን ተሻግረን ሰው በመሆናችን ብቻ ስንተሳሰር የሀገራችን አንድነት ይበልጥ የጠነከረ ይሆናል።

መረዳዳት ልዩነቶችን የሚያከስም፣ ግጭቶችን የሚያረክስና ብሔራዊ ማንነታችንን የሚያጸና ታላቅ ሀብታችን ነው። ይህን አኩሪ የሞራል ከፍታ ለትውልድ እያወረስን በሰብዓዊነት ጥላ ስር ጠንካራና አንገቷን ቀና የምታደርግ ህብረ-ብሔራዊት ኢትዮጵያን በጋራ እንገንባ።

የኢቢሲ ዶትስትሪም ኤዲቶሪያል