መንግሥት ሌብነትን እና ሕገወጥነትን ለመከላከል ጠንካራ እርምጃ እየወሰደ መሆኑን ገለፀ | Anti Corruption Operation |
#breakingnews #anticorruption #macroeconomy

" target="_blank" class="inline-link">https://new-en.yenevibe.co...

ማዕድ ከማድመቅ፣ የማክሮ ኢኮኖሚ የጀርባ አጥንት እስከመሆን የዘለቀው ቡናችን
******************

የኢትዮጵያ ብሔራዊ ኢኮኖሚ አንቀሳቃሽ ሞተር እና መለያችን የሆነው አረንጓዴው ወርቅ ዛሬ ላይ ከሀገር ውስጥ የፍጆታ ገበያ አልፎ የሀገራችንን ማክሮ ኢኮኖሚ በውጭ ምንዛሬ በመደገፍ ረገድ ታሪካዊ የተባለለትን ስኬት እያስመዘገበ ይገኛል።

ኢትዮጵያ የቡና መገኛ እንደመሆኗ ምርቱ በባሕላችን ውስጥ ጥልቅ ሥር አለው። ሀገራችን በዓመት ከምታመርተው አጠቃላይ የቡና ምርት ውስጥ ግማሽ ያህሉን ለሀገር ውስጥ ፍጆታ ታውላለች።

ይህን ከፍተኛ የሕዝብ ፍላጎት እያሟላችም በዓለም ገበያ ላይ ተወዳዳሪ በመሆን ከፍተኛ የውጭ ምንዛሬ ማግኘት ችላለች።

በተለይም በ2018 በጀት ዓመት ማጠናቀቂያ ላይ ከ600 ሺህ ቶን በላይ ምርት ለዓለም ገበያ በማቅረብ 3.1 ቢሊዮን የአሜሪካ ዶላር ገቢ ማስገኘት መቻሏ ታሪካዊ ክንውን ሆኗል።

ይህ የገቢ መጠን በ2014 ዓ.ም ተመዝግቦ ከነበረው 1.4 ቢሊዮን ዶላር ጋር ሲነጻጸር ከእጥፍ በላይ ማደጉን ያሳያል።

የዚህ አስደናቂ ስኬት መሠረት መንግሥት ለዘርፉ የሰጠው ልዩ የፖሊሲ ትኩረት መሆኑን ጠቅላይ ሚኒስትር ዐቢይ አሕመድ (ዶ/ር) ደጋግመው ገልጸዋል።

ሀገራዊ የሪፎርም ሥራው ከመጀመሩ በፊት ኢትዮጵያ ከቡና ወጪ ንግድ በዓመት ታገኝ የነበረው ገቢ 700 ሚሊዮን ዶላር ገደማ ብቻ እንደነበር የሚታወስ ነው።

ጠቅላይ ሚኒስትሩ በቅርቡ በሕዝብ ተወካዮች ምክር ቤት በሰጡት ማብራሪያ መንግሥት የሰጠው ልዩ ትኩረት ኢትዮጵያን በዓለም አቀፍ ደረጃ ከፍተኛ የ'አረቢካ' ቡና ወደ ውጭ በመላክ ሦስተኛዋ ሀገር እንድትሆን እንዳስቻላት አስገንዝበዋል።

አክለውም እያደገ የመጣው የሕዝብ ቁጥር እና የቡና ፍጆታ ምርቱ በሀገር ውስጥም ሆነ በውጭ ከፍተኛ ተፈላጊነት እንዳለው እንደሚያሳይ እና ይህም በዘርፉ ላይ ስር ነቀል ለውጥ ማምጣቱን አስረድተዋል።

ይህ ማክሮ ኢኮኖሚያዊ ስኬት በተከታታይ በተተገበሩ ስር ነቀል መዋቅራዊ ማሻሻያዎች የመጣ ውጤት ነው።

ከእነዚህም ውስጥ ዋነኛው የግብይት ሰንሰለቱን በማሳጠር፣ በመሀል ከ40 በመቶ በላይ የቡና ዋጋ ይወስዱ የነበሩ ደላሎችን በማስወገድ አርሶ አደሩ ምርቱን በቀጥታ ወደ ውጭ የሚልክበት "የቀጥታ ግብይት ትስስር" መፈጠሩ ነው።

በዚህም ምክንያት የአርሶ አደሩ የትርፍ ድርሻ ከ40 በመቶ ወደ 80 እና 90 በመቶ ከፍ ሊል ችሏል።

በተጨማሪም በአረንጓዴ ዐሻራ መርሐ ግብር በሚሊዮኖች የሚቆጠሩ የተሻሻሉ የቡና ችግኞችን በመትከል፣ ያረጁ ዛፎችን በመጎንደል እንዲሁም ከቀረጥ ነፃ በገቡ የግብርና ሜካናይዜሽን ቴክኖሎጂዎች አማካኝነት የምርት መጠኑን በከፍተኛ ደረጃ ማሳደግ ተችሏል።

በዚህም የይርጋጨፌ፣ የሲዳማ፣ የሀረር፣ የጂማ እና የሌሎችም አካባቢዎች መለያ የሆነው አረንጓዴው ወርቃችን ታሪካዊውን የውጭ ምንዛሬ ግብ ማሳካት ችሏል።

በሌላ በኩል ኢትዮጵያ ይህንን ስኬት ያስመዘገበችው ተፈጥሮን ሳይጎዳ፣ ከደን ጋር በተዋሃደ የጥላ ሥር የቡና እርሻ ሥርዓት (Shade-grown coffee) መሆኑ፣ በዓለም አቀፉ ማኅበረሰብ ዘንድ ለአየር ንብረት ለውጥ ተቆርቋሪነቷን በማሳየት ትልቅ ትምህርት የሚሰጥ አኩሪ ገጽታዋ ነው።

በለሚ ታደሰ
#ethiopia #ebc #ethiopiancoffee #macroeconomy #coffeeexport #greenlegacy

u1260u1200u1308u122d u1309u12f3u12ed u12a0u1295u12f0u122bu12f0u122du121d
u27a1 https://youtu.be/VqcG92nnI... #ebcdotstream #ethiopianpolitics #macroeconomy #nationaldialogueethiopia ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"ExternalUrl","__isEntity":"ExternalUrl","url":"https://l.facebook.com/l.p...
በሀገር ጉዳይ አንደራደርም
➡ https://youtu.be/VqcG92nnI... #ebcdotstream #ethiopianpolitics #macroeconomy #nationaldialogueethiopia

"የማክሮ ኢኮኖሚ ማሻሻያው የነበረውን ስብራት ሙሉ በሙሉ ጠግኗል" - አቶ አህመድ ሺዴ
******************

የሕዝብ ተወካዮች ምክር ቤት የፕላን፣ በጀትና ፋይናንስ ጉዳዮች ቋሚ ኮሚቴ በ2019 በጀት ዓመት የፌደራል መንግሥት በጀት ረቂቅ አዋጅ ላይ ከሚመለከታቸው ባለድርሻ አካላት ጋር ሰፊ የአስረጅ መድረክ አካሂዷል።

በዚሁ መድረክ ላይ የቋሚ ኮሚቴው አባላት እና የሕግ ማዕከል ባለሙያዎች በረቂቅ በጀቱ ይዘት፣ አወቃቀርና አፈጻጸም ዙሪያ ሰፊ ሙያዊ ማብራሪያና ጥያቄዎችን አቅርበዋል።

ለቀረቡት ጥያቄዎችና አስተያየቶች በሙሉ የገንዘብ ሚኒስትሩ አቶ አህመድ ሺዴ ዝርዝር ማብራሪያና ምላሽ ሰጥተዋል።

ሚኒስትሩ በማብራሪያቸው ወቅት መንግሥት ተግባራዊ ባደረገው ሀገራዊ የማክሮ ኢኮኖሚ ማሻሻያ ላይ ትኩረት ያደረጉ ሲሆን፣ የተወሰደው የፖሊሲ እርምጃ በአሁኑ ወቅት እጅግ አወንታዊ ውጤት እያስመዘገበ መሆኑን ገልጸዋል።

አክለውም የማክሮ ኢኮኖሚ ማሻሻያው ቀደም ሲል በሀገሪቱ የነበረውን የኢኮኖሚ ስብራት ሙሉ በሙሉ የጠገነ መሆኑን አስታውቀዋል።

የ2019 በጀት ዓመት ረቂቅ በጀት የሀገሪቱን ወቅታዊ የኢኮኖሚ ሁኔታ ያገናዘበና ቅድሚያ ለሚሰጣቸው ዋና ዋና የልማት ዘርፎች ልዩ ትኩረት የሰጠ መሆኑ በመድረኩ የተገለጸ ሲሆን፣ ከተለያዩ ባለድርሻ አካላት የተሰበሰቡ ጠቃሚ ግብዓቶችም በጀቱ በምክር ቤቱ ከመጽደቁ በፊት የላቀ ሚና እንደሚኖራቸው ተመላክቷል።

በወይንሸት ደጀኔ
#ethiopianbroadcastingcorporation #ethiopia #macroeconomy #parliamentethiopia #financialpolicy

ከ7ኛው ጠቅላላ ምርጫ ውጤት ማግስት፦ የነገዋ ኢትዮጵያ አቅጣጫ እና ከመንግሥት የሚጠበቁ ኃላፊነቶች
***************************

የዘንድሮው 7ኛ ጠቅላላ ምርጫ በኢትዮጵያ የፖለቲካ ጉዞ ውስጥ ትልቅ ትርጉም ያለው ታሪካዊ ምዕራፍ ነው።

ምርጫውን አሸንፎ መንግሥት የሚመሰርተው ፓርቲ የሕዝብን አደራ ተቀብሎ ሀገራችንን ወደ ተሻለ ምዕራፍ የማሻገር ከባድ ኃገራዊ ኃላፊነት ይወድቅበታል።

ጠቅላይ ሚኒስትር ዐቢይ አሕመድ (ዶ/ር) በተለያዩ መድረኮች ባስተላለፏቸው መልዕክቶች፣ የፓርላማውን አብላጫ ድምጽ በማግኘት መንግሥት የሚመሰርተው ፓርቲ ድርብ ኃላፊነት እንዳለበት አጽንኦት ሰጥተዋል።

ኢትዮጵያን ወደ ተሻለ ምዕራፍ ለማሻገር የተጀመሩ እና በዕቅድ የተያዙ ሀገራዊ ፕሮጀክቶችን በተሻለ ሁኔታ መፈጸም ቅድሚያ የሚሰጠው ጉዳይ ነው። ከእነዚህ ዋና ዋና የትኩረት አቅጣጫዎች መካከል የሚከተሉት ይገኙበታል፡-

ሰብዓዊነትን ማዕከል ያደረገ አመራር እና የጸጥታ ተቋማት ግንባታ

ጠቅላይ ሚኒስትር ዐቢይ አሕመድ (ዶ/ር)፣ "ሰብዓዊነትን ማዕከል ያደረገ አመራር" አስፈላጊነትን ደጋግመው አንስተዋል።

አዲስ የሚመሰረተው መንግሥትም ይህን መርህ በተግባር በመተርጎም የዜጎችን ደኅንነት እና ሰላም ማስቀደም ይጠበቅበታል።

የጸጥታ እና የደኅንነት ተቋማትን ከፖለቲካ ወገንተኝነት ነፃ የሆኑ፣ ዘመናዊ እና ሕዝብን የሚያገለግሉ አድርጎ የመገንባቱ የሪፎርም ሥራ ልዩ ትኩረት ተሰጥቶት ሲሠራ ቆይቷል። ይህ አሁንም ተጠናክሮ ሊቀጥል ይገባል።

የዜጎች ደኅንነት በእኩልነት ሲረጋገጥ እና የጸጥታ መዋቅሩ የሁሉንም ኢትዮጵያዊ መብት ለማስጠበቅ ሲቆም ብቻ ሀገራዊ መረጋጋትን እና የዴሞክራሲ ሥርዓት ግንባታን ማሳካት ይቻላል።

ጎረቤትን ያስቀደመ ዲፕሎማሲ እና ቀጣናዊ ትስስር

በውጭ ግንኙነት ረገድ አሸናፊው ፓርቲ የኢትዮጵያን ብሔራዊ ጥቅም የሚያስጠብቅ ጠንካራ የዲፕሎማሲ ሥራ መሥራት ይኖርበታል።

መንግሥት የሚከተለውን ጎረቤት ተኮር የዲፕሎማሲ ስትራቴጂ ይበልጥ በማጠናከር ኢትዮጵያ በምሥራቅ አፍሪካ ቀጣናዊ የኢኮኖሚ ትስስር ውስጥ ያላትን የመሪነት ሚና ማስቀጠል ይጠበቅበታል።

ከዚህም ባሻገር ለመካከለኛው ምሥራቅ እና ለባሕረ ሰላጤው ጂኦፖለቲካዊ እንቅስቃሴዎች የቅርብ ትኩረት ሊሰጥ ይገባል።

በቀጣናው ሊፈጠሩ የሚችሉ ፖለቲካዊ እና ኢኮኖሚያዊ ጫናዎችን የሚቋቋም ሚዛናዊ የውጭ ግንኙነት ፖሊሲን መተግበር በቀጣይ ከመንግሥት የሚጠበቅ ወሳኝ ኃላፊነት ነው።

የአረንጓዴ ኢኮኖሚ ግንባታ

አዲስ የሚመሰረተው መንግሥት ሌላው ትልቅ ኃላፊነት ዘላቂ የኢኮኖሚ ዕድገትን ማረጋገጥ ነው።

የአረንጓዴ ዐሻራ መርሐ ግብርን በማስፋት የኢትዮጵያን የደን ሽፋን ከማሳደግ ባለፈ፣ ሀገራችን ከካርበን ንግድ ተጠቃሚ የምትሆንበትን "የአረንጓዴ ወርቅ" የኢኮኖሚ ሥርዓት መገንባት ይገባዋል።

ይህ አካሄድ የአየር ንብረት ለውጥን ከመከላከል ባሻገር፣ አዲስ የውጭ ምንዛሬ ማስገኛ አቅም በመፍጠር የዜጎችን ተጠቃሚነት ያረጋግጣል።

የሀገራዊ ምክክር ውጤትን ተግባራዊ ማድረግ

አዲሱ መንግሥት ትልቅ ትኩረት ሊሰጣቸው ከሚገቡ ጉዳዮች መካከል የሀገራዊ ምክክሩን ውጤት ተቀብሎ ወደ ተግባር መቀየር ቀዳሚው ነው።

የምክክሩ ውጤት የነገዋን የበለጸገች እና የተረጋጋች ኢትዮጵያን ለመገንባት ጠንካራ መሰረት የሚጥል ነው።

የምክክሩ ውጤት የሕግ የበላይነት የነገሰባት፣ ሰብዓዊ መብቶች ይበልጥ የሚከበሩባት እና የተጠናከረ የፍትሕ ሥርዓት የተረጋገጠባት ሀገር ለመገንባት ወሳኝ ግብዓት ነው።

የማክሮ ኢኮኖሚ ሪፎርም

ኢትዮጵያ የተገበረችው የማክሮ ኢኮኖሚ ሪፎርም ውጤታማነቱ እየታየ ይገኛል። በዚህም ኢትዮጵያ በዘንድሮው በጀት ዓመት ማጠቃለያ የ10.2 በመቶ የኢኮኖሚ ዕድገት እንደምታስመዘግብ ይጠበቃል።

የመንግሥት ቀጣዩ ዋና ሥራ ይህ ዕድገት ወደ እያንዳንዱ ዜጋ ሕይወት እንዲወርድ ማድረግ ነው።

ለዚህም የዋጋ ንረትን መቆጣጠር፣ የኑሮ ውድነትን ማቃለል እና የውጭ ብድር ጫናን ማስተካከል ከአዲሱ መንግሥት የሚጠበቁ እና ፈጣን ምላሽ የሚሹ አንገብጋቢ የቤት ሥራዎች ናቸው።

በአድማሱ አራጋው
#ethiopia #economicreform #macroeconomy #diplomacy #greenlegacy #ebc