አዋሽ ባንክ ከማስተር ካርድ ጋር በመተባበር አምስት አዳዲስ የክፍያ ካርዶችን ይፋ አደረገ
​ #fastmereja I ​አዋሽ ባንክ ከአለም አቀፉ የክፍያ ቴክኖሎጂ ኩባንያ ማስተርካርድ ጋር በመተባበር፣ የደንበኞችን ፍላጎት ያማከሉ አምስት አዳዲስ እና ልዩ ጥቅም የሚያስገኙ የውጭ ምንዛሬ እንዲሁም የሀገር ውስጥ የክፍያ ካርዶችን ይፋ አደረገ። ባንኩ መስከረም 28 ቀን 2019 ዓ.ም. በኢሊሊ ሆቴል ባካሄደው ይፋዊ ስነ-ስርዓት፣ አዲሶቹን የካርድ ክፍያ አማራጮች ለግል ተጠቃሚዎች እና ለድርጅት ደንበኞች አስተዋውቋል። አዲሶቹ ካርዶች የኢትዮጵያ ብሔራዊ ባንክ የውጭ ምንዛሬ ገበያን ለማሻሻል ካወጣው መመሪያ ጋር ተጣጥመው የተዘጋጁ መሆናቸው ተገልጿል።

​በዚህም መሰረት ይፋ ከተደረጉት አምስት የካርድ አይነቶች መካከል ለአለም አቀፍ ግብይት የሚያገለግሉት፡- “አዋሽ ወርልድ ኤሊት ዴቢት” (Awash World Elite Debit)፣ “አዋሽ ፕላቲነም የቅድመ ክፍያ” (Awash Platinum Prepaid)፣ “አዋሽ ጎልድ የቅድመ ክፍያ” (Awash Gold Prepaid) እና ለድርጅቶች የታለመው “አዋሽ ኮርፖሬት የቅድመ ክፍያ” (Awash Corporate Prepaid) ካርዶች ይገኙበታል። በተጨማሪም በሀገር ውስጥ በኤቲኤም (ATM) እና በPOS መሳርያዎች ላይ በንክኪ አልባ (Contactless) ቴክኖሎጂ የሚሰራው “አዋሽ ፕላስ” የዴቢት ካርድ ለተጠቃሚዎች ቀርቧል።
እነዚህ ካርዶች የውጭ ምንዛሬ ሂሳብ ላላቸውም ሆነ ለሌላቸው ዜጎች፣ ለኦንላይን (E-Commerce) ግብይት፣ ለጉዞ እና ለተለያዩ የድርጅት ወጪዎች አገልግሎት የሚሰጡ ናቸው።

​በስነ-ስርዓቱ ላይ የተገኙት የአዋሽ ባንክ ዋና ስራ አስፈፃሚ አቶ ፀሐይ ሺፈራው እንደገለጹት፤ አዲሶቹ የካርድ ምርቶች የኢትዮጵያ ብሔራዊ ባንክ በወሰደው የፋይናንስ ሪፎርም መሰረት የተዘጋጁ እና የደንበኞችን የዲጂታል ክፍያ ፍላጎት ዘመናዊ በሆነ መንገድ የሚያሟሉ ናቸው። የማስተርካርድ ምስራቅ አፍሪካ እና ህንድ ውቅያኖስ ደሴቶች ሲኒየር ምክትል ፕሬዚዳንት እና ካንትሪ ማኔጀር ሸህሪያር አሊ በበኩላቸው፣ ከአዋሽ ባንክ ጋር የተደረገው ይህ አጋርነት በኢትዮጵያ የዲጂታል ክፍያ ስነ-ምህዳርን ለማጠናከር እና አካታች የፋይናንስ አገልግሎትን ለማስፋፋት ትልቅ አስተዋፅኦ እንደሚኖረው ገልጸዋል።

​አዲሶቹ የካርድ ምርቶች ደህንነታቸው የተጠበቀ፣ ለአጠቃቀም ቀላል እና ደንበኞች በሀገር ውስጥም ሆነ በውጭ ሀገር ያሉ የዲጂታል ክፍያዎችን በቅልጥፍና እንዲፈጽሙ የሚያስችሉ መሆናቸው ተመላክቷል።

መንግስት ሙስና እና የዘመድ አሰራርን ለማስቀረት ጠንካራ እርምጃ ሊወስድ መሆኑን አስታወቀ

ሙስናን እና የወገንተኝነት አሰራርን ለማስቀረት መንግስት ጠንካራ እርምጃዎችን እንደሚወስድ ጠቅላይ ሚኒስትር ዐብይ አህመድ አስታወቁ፡፡

ጠቅላይ ሚኒስትሩ ይህንን የገለጹት የኢትዮጵያ ፌዴራላዊ ዴሞክራሲያዊ ሪፐብሊክ 7ኛው የሕዝብ ተወካዮች ምክር ቤት 1ኛ ዓመት የስራ ዘመን የምክር ቤቱ መመስረቻ 1ኛ መደበኛ ስብሰባውን ባካሄደበት እለት ነው፡፡

በዚህም በሃገር ሰላም፣ አገልግሎት አሰጣጡ የተሻለ ለማድረግ፣ ምርታማነት እንዲጨምር እና ጠንካራና ቁጥጥር ያለበት የበጀት አካሄድን አጠናክረው እንደሚሰሩም አንስተዋል፡፡

በተለይ ለህብረ ብሔራዊ ሃገረ መንግስት ግንባታ ወሳኝ የሆነው የወል ትርክት ተገቢውን ትኩረት እንደሚያገኝ ጠቁመዋል፡፡

ከዚህ በተጨማሪም የሰላም ሁኔታዎችን የበለጠ ለማስጽናት የውይይትና የይቅርታ መንገድ እንደሚከተሉም አመላክተዋል፡፡ እንዲሁም ጸጥታና ደህነነት ዝግጅትና ክትትል ብሎም ስምሪት እንደሚኖር ተናግረዋል፡፡

የሚዲያ ምህዳሩ ህግን ሃገራዊ እሴቶችን እና ፍላጎቶችን ባከበረ መልኩ እንዲንቀሳቀስ እንደሚደረግ ጠቅላይ ሚኒስትሩ ገልጸዋል፡፡

በዚህም መሰረት እንደ መሶብ አንድ ማዕከል ያሉ አገልግሎቶችን እስከታችኛው እርከን ለማድረስ እና የተጀመረውን የሲቪል ሰርቪስ ሪፎርም በማጠናከር የአገልግሎት አሰጣጥ እንዲዘምን ይደርጋልም ብለዋል፡፡

በአለምነው ሹሙ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

አዋሽ ባንክ በዶ/ር አብይ አህመድ ዳግም መመረጥ የተሰማውን ደስታ ገለጸ

​ክቡር ዶክተር አብይ አህመድ የኢፌዲሪ ጠቅላይ ሚኒስቴር ሆነው በድጋሚ በመመረጣቸው የአዋሽ ባንክ ማህበረሰብ የተሰማውን ታላቅ ደስታ በይፋ ገለጸ። የአዋሽ ባንክ የዳይሬክተሮች ቦርድ፣ የሥራ አመራር አባላትና መላው ሠራተኞች በሰጡት መግለጫ፣ ጠቅላይ ሚኒስትሩ ለቀጣይ የስራ ዘመን ዳግም መመረጣቸው ታላቅ ኩራትና ደስታ የፈጠረ መሆኑን አስታውቀዋል።

​ባንኩ በመግለጫው እንዳመለከተው፣ መጪው ጊዜ በእርሳቸው በሳል አመራር ሀገሪቱ የጀመረችው ሁለገብ የሀገር በቀል የኢኮኖሚና የፋይናንሺያል ሪፎርም ተጠናክሮ እንደሚቀጥል ሙሉ እምነት አለው። በተለይም በአፍሪካ በዓይነቱ የመጀመሪያ የሆነው ይህ የኢኮኖሚ ማሻሻያ ሂደት ሀገራችን ተወዳዳሪና የላቀ ለውጥ እንድታስመዘግብ ትልቅ ድርሻ እንዳለው ተገልጿል።

​የአዋሽ ባንክ ማህበረሰብ ለጠቅላይ ሚኒስትር ዶክተር አብይ አህመድ የቀጣይ የስራ ዘመን የተሳካ እንዲሆን መልካም ምኞቱን ያስተላለፈ ሲሆን፣ ተቋማዊና ሀገራዊ ግቦችን እውን ለማድረግ ለሚደረጉ ጥረቶች ባንኩ አጋርነቱን አጠናክሮ እንደሚቀጥል አረጋግጧል።

የታጠፈው ትራፊክ ማኔጅመንት ባለስልጣን

በድጋሚ በተሻሻለውና የከተማዋ አስፈጻሚ አካላትን ስልጣንና ተግባር ለመወሰን በወጣው አዋጅ ሥልጣና ተግባሩ እንዲታጠፍ የተወሰነው የትራፊክ ማኔጅመንት ባለስልጣን ዝርዝር የአፈጻጸም መመሪያው ገና እንዳልደረሰው ገለጸ።

• የባለሥልጣኑ አጠቃላይ የሰራተኞቹ ብዛት ከ 1 ሺ 200 በላይ መሆኑን ቲክቫህ ኢትዮጵያ አረጋግጧል።

​የአዲስ አበባ ከተማ አስተዳደር ምክር ቤት የአስፈጻሚ አካላትን ስልጣንና ተግባር ለመወሰን የወጣውን አዋጅ ትላንት ያሻሻለ ሲሆን፣ የተሻሻላው አዋጅ አንዳንድ ተቋማት ላይ የመታጠፍ፣ የመክፈልና የማዋሃድ ውሳኔዎች አሳልፏል።

​ከእነዚህም ውሳኔዎች መካከል ቀደም ሲል በአዋጅ ቁጥር 84/2016 መሰረት ከአገልግሎት ሰጪ «ኤጀንሲ» ወደ «ባለስልጣን» ከፍ ብሎ ተቋቁሞ የነበረው የትራፊክ ማኔጅመንት ባለስልጣን፣ ስልጣንና ተግባሩ ለሌሎች መስሪያ ቤቶች ተከፋፍሎ እንዲሰጥ ተደርጎ እንዲታጠፍ መወሰኑ ይገኝበታል።

ቲክቫህ ኢትዮጵያ ​ጉዳዩን አስመልክቶ ያነጋገርናቸው የትራፊክ ማኔጅመንት ባለስልጣን ከፍተኛ የስራ ኃላፊ በሰጡት ምላሽ "ዝርዝር የአፈጻጸም መመሪያው ገና አልደረሰንም፤ እንደደረሰን ይፋ የምናደርግ ይሆናል" ብለዋል።

በመስሪያ ቤቱ ስራቸውን ሲያከናውኑ የነበሩ ሰራተኞች ቀጣይ ዕጣ ፈንታ ምን ይሆናል ? ሲል ቲክቫህ ኢትዮጵያ የጠየቃቸው ሌላኛው የተቋሙ የበላይ አመራር ደግሞ " ውሳኔውን የሰማሁት ምክር ቤት ላይ ሲነሳ ነው የሪፎርም ተቋማት ጥናት አዳማ ላይ እየተደረገ ይገኛል ጥናቱ ሰራተኞቹ ወዴት እንደሚጠቃለሉ አያሳይም ቀጣዩን ሂደት በተመለከተ መረጃው የለኝም " ብለውናል።

በአሁኑ ሰአት በተቋሙ ስራቸውን እያከናወኑ የሚገኙ ሰራተኞች ቁጥር ከ1ሺ 200 በላይ መሆኑንም ቲክቫህ ኢትዮጵያ ከተቋሙ ማረጋገጥ ችሏል።

​ውሳኔው የተላለፈበት ምክንያትና የስልጣን ክፍፍሉ ​በከተማዋ የትራፊክ ህግ ማስከበር ስራ ላይ የተለያዩ አካላት በተበታተነ መልኩ መሰማራታቸው ያስከተለውን የመልካም አስተዳደር ችግርና የሚነሱ ቅሬታዎችን ለመፍታት ሲባል የተላለፈ ውሳኔ መሆኑ በምክር ቤቱ ተብራርቷል።

​በዚህም መሰረት የታጠፈው ባለስልጣን ስልጣንና ኃላፊነቶች ለከተማዋ ትራንስፖርት ቢሮ፣ የመንገዶች ባለስልጣን እና ​አዲስ የሚደራጀው የትራንስፖርት ማኔጅመንት ማዕከል መተላላለፉን ይፋ ተደርጓል።

ቲክቫህ ኢትዮጵያ
አዲስ አበባ
መስከረም 22 ቀን 2019 ዓ/ም

@tikvahethiopia Photo

የኢትዮጵያ ብሔራዊ ባንክ ተቀማጭ የውጭ ምንዛሬ ክምችት መጠን 20 በመቶ ማደጉን ገለጸ

​የብር የመግዛት አቅም በገበያ እንዲወሰን ከተደረገ በኋላ የኢትዮጵያ ተቀማጭ የውጭ ምንዛሬ ክምችት መጠን 20 በመቶ ማደጉን እና ማዕከላዊ ባንኩ በጨረታ ለባንኮች ያቀረበው የውጭ ምንዛሬ 2.3 ቢሊዮን ዶላር መድረሱን የብሔራዊ ባንክ ገዢ ዶክተር ኢዮብ ተካልኝ በፋይናንስ ፎረም ላይ ገለጹ።

​የውጭ ምንዛሬ እና የትይዩ ገበያ ሁኔታ፦ የውጭ ምንዛሬ በገበያ ከተወሰነ በኋላ የመደበኛ እና የትይዩ (ጥቁር) ገበያ የዋጋ ልዩነት ከአንድ ዓመት በፊት ከነበረበት 15.3 በመቶ ወደ 11–12 በመቶ ዝቅ ቢልም፣ ወደ ነጠላ አሃዝ ባለመውረዱ የተቀመጠው ግብ ገና እንዳልተሳካ ተጠቅሷል።

​የዋጋ ግሽበት እና የፖሊሲ ውጤት፦ የዋጋ ግሽበትን ወደ አንድ ዲጂት ለማውረድ የተያዘው ግብ አለመሳካቱ በውጭ ተጽዕኖ እንጂ በሀገር ውስጥ ፖሊሲ ውድቀት እንዳልሆነ የተገለጸ ሲሆን፤ ከማክሮ ኢኮኖሚ ማዕቀፍ ውጪ የሚካሄዱ ኢንቨስትመንቶች መንገድ እንዳይጀምሩ ማስጠንቀቂያ ተሰጥቷል።

​የባንኮች ውህደት (Merger & Acquisition) ጥሪ፦ የባንኮች ተቀማጭ ገንዘብ ቢያድግም ክምችቱ ወጥ አለመሆኑን የጠቆሙት ገዢው፤ ጠንካራ የፋይናንስ ተቋማትን ለመፍጠር ትንንሽ ባንኮች በመዋሃድ እና በመሰብሰብ (Merger and Acquisition) መጠናከር እንዳለባቸው አሳስበዋል።

​የህዝብ ኑሮ እና የኢኮኖሚ ሪፎርም፦ ጉባኤውን በንግግር የከፈቱት ምክትል ጠቅላይ ሚኒስትር ተመስገን ጥሩነህ የኢኮኖሚ ሪፎርሙ ውጤት ከቁጥር ባለፈ በእያንዳንዱ ኢትዮጵያዊ የእለት ተእለት ኑሮ እና ኪስ ላይ የሚታይ ለውጥ ማምጣት እንዳለበት ተናግረዋል።

Seledadotio
Seledadotio

ኢትዮጵያ - ታላቅ ሀገር፣ ትልቅ ሕዝብ፣ ታላቅ ርዕይ

አዲስ አበባ መስከረም 19፣ 2019 (ኤፍ ኤም ሲ) ኢትዮጵያ በዓለም ፈጣን የኢኮኖሚ ዕድገት እያስመዘገቡ ካሉ ሀገራት ትጠቀሳለች፡፡

ከአፍሪካ ሁለተኛዋ ብዙ ሕዝብ ያላት ኢትዮጵያ፤ ሁለቱን ሀብቶች አቀናጅታ የልማት ሞተር ለማድረግ ዘርፈ ብዙ የሪፎርም ሥራዎችን እየተገበረች ትገኛለች፡፡

በሀገሪቱ ከሐምሌ 2016 ዓ.ም ጀምሮ ተግባራዊ የተደረገው የተሟላ የማክሮ ኢኮኖሚ ማሻሻያ የረጅም ጊዜ የኢኮኖሚ መዋቅራዊ ስብራቶችን በመጠገን ወሳኝ ስኬቶችን አስመዝግቧል።

በዛሬው ዕለት በተካሄደው የ2ኛው የኢትዮጵያ ፋይናንስ ፎረም ላይ ንግግር ያደረጉት ምክትል ጠቅላይ ሚኒስትር ተመስገን ጥሩነህ፥ ኢትዮጵያ በኢኮኖሚው ትልቅ ምዕራፍ ላይ እንደምትገኝ ገልጸዋል።

ኢኮኖሚ ሲነሳ የፋይናንስ ጉዳይ የአንበሳውን ድርሻ እንደሚወስድ ይታወቃል።

ባለፉት ዓመታት ሀገሪቱ በወሰደቻቸው ሁለንተናዊ የማክሮ ኢኮኖሚ ማሻሻያዎች የፋይናንስ ዘርፉን የሚያጠናክሩ፣ የውጭ ምንዛሬ ሥርዓትን የሚያሻሽሉ፣ የገንዘብ ፖሊሲን የሚያዘምኑና የፊስካል ፖሊሲና የዕዳ አስተዳደርን የሚለውጡ እንዲሁም ምቹ የኢንቨስትመንትና የንግድ ከባቢ የሚፈጥሩ ዘርፈ ብዙ ውጤቶችን ማስመዝገብ ተችሏል፡፡

የውጭ ምንዛሪ ቀደም ባሉት የሀገሪቱ ቁልፍ ተግዳሮት ሆኖ መቆየቱ ይታወሳል።

የአቅርቦት ችግርን ለመቅረፍና ሕገወጥ ግብይትን ለመቆጣጠር በለውጡ መንግሥት በቁርጠኝነት ተሠርቷል።

ምክትል ጠቅላይ ሚኒስትር ተመስገን እንደገለጹት፥ በማሻሻያው ምክንያት የወጪ ንግድ አድጓል፣ የውጭ ምንዛሪና የካፒታል ክምችት ከፍ ብሏል።

የብሔራዊ ባንክ ገዥ ኢዮብ ተካልኝ (ዶ/ር) በበኩላቸው፥ በተተገበሩት የሪፎርም ሥራዎች ጠንካራ የፋይናንስ ተቋማት መገንባት ተችሏል ብለዋል፡፡

በተቀማጭ ገንዘብ፣ በተንቀሳቃሽ ሀብት፣ በኢንሹራንስና በልማት ድጋፍ አማራጮች ፈጣን ዕድገት ማስመዝገብ እንደተቻለ አንስተዋል፡፡

የኢኮኖሚ ማሻሻያው እውነተኛ መለኪያ በዜጎች ሕይወት ላይ የሚያመጣው ተጨባጭ ለውጥና የፋይናንስ አካታችነት ነው፡፡

አርሶ አደሮች፣ ወጣቶች፣ ሴት ሥራ ፈጣሪዎችና አነስተኛ ኢንተርፕራይዞች የፋይናንስ አቅርቦት እንዲያገኙና ምርታማነታቸውን እንዲያሳድጉ አስችሏቸዋል።

በቀጣይም በግብርና፣ በቤቶች ግንባታ፣ በአምራች ዘርፍና በዲጂታል መሠረተ ልማት የብድር አቅርቦት ላይ መንግሥት በትኩረት እየሠራ ይገኛል፡፡

የኢትዮጵያ የሰነደ መዋዕለ ነዋይ ገበያ በኢትዮጵያ ታሪክ ለመጀመሪያ ጊዜ ጥር 2017 ዓ.ም በይፋ ሥራ የጀመረ ሲሆን፤ ኩባንያዎች ለኢንቨስትመንት የሚሆን የረጅም ጊዜ ካፒታል በሰፊው እንዲያገኙ የሚያስችል የካፒታል ገበያ ሥርዓት ነው።

ይህም የፋይናንስ ዘርፉ ትልቅ እምርታ ተደርጎ የሚወሰድ ነው፡፡

የመንግሥትና የግሉ ዘርፍ አጋርነትን በማጠናከር፣ በጽኑ ዲሲፕሊንና በጠንካራ ተቋማት ሁለንተናዊ ሉዓላዊነት ያላትን ታላቋን ኢትዮጵያ የመገንባት ሥራ በጠንካራ መሠረት ላይ መጣሉን የሚያመላክት ነው፡፡

በፋይናንስ ዘርፍ አካታች፣ ዘመናዊና ተደራሽ የፋይናንስ ሥርዓት ለመገንባት የተያዘውን ታላቅ ራዕይ አጠናክሮ በመተግበር ታላቅ ሀገር የመገንባት ጉዞው ተጠናክሮ ይቀጥላል፡፡

በቴዎድሮስ ሳህለ




ኢትዮጵያ - ታላቅ ሀገር፣ ትልቅ ሕዝብ፣ ታላቅ ርዕይ

አዲስ አበባ መስከረም 19፣ 2019 (ኤፍ ኤም ሲ) ኢትዮጵያ በዓለም ፈጣን የኢኮኖሚ ዕድገት እያስመዘገቡ ካሉ ሀገራት ትጠቀሳለች፡፡

ከአፍሪካ ሁለተኛዋ ብዙ ሕዝብ ያላት ኢትዮጵያ፤ ሁለቱን ሀብቶች አቀናጅታ የልማት ሞተር ለማድረግ ዘርፈ ብዙ የሪፎርም ሥራዎችን እየተገበረች ትገኛለች፡፡

በሀገሪቱ ከሐምሌ 2016 ዓ.ም ጀምሮ ተግባራዊ የተደረገው የተሟላ የማክሮ ኢኮኖሚ ማሻሻያ የረጅም ጊዜ የኢኮኖሚ መዋቅራዊ ስብራቶችን በመጠገን ወሳኝ ስኬቶችን አስመዝግቧል።

በዛሬው ዕለት በተካሄደው የ2ኛው የኢትዮጵያ ፋይናንስ ፎረም ላይ ንግግር ያደረጉት ምክትል ጠቅላይ ሚኒስትር ተመስገን ጥሩነህ፥ ኢትዮጵያ በኢኮኖሚው ትልቅ ምዕራፍ ላይ እንደምትገኝ ገልጸዋል።

ኢኮኖሚ ሲነሳ የፋይናንስ ጉዳይ የአንበሳውን ድርሻ እንደሚወስድ ይታወቃል።

ባለፉት ዓመታት ሀገሪቱ በወሰደቻቸው ሁለንተናዊ የማክሮ ኢኮኖሚ ማሻሻያዎች የፋይናንስ ዘርፉን የሚያጠናክሩ፣ የውጭ ምንዛሬ ሥርዓትን የሚያሻሽሉ፣ የገንዘብ ፖሊሲን የሚያዘምኑና የፊስካል ፖሊሲና የዕዳ አስተዳደርን የሚለውጡ እንዲሁም ምቹ የኢንቨስትመንትና የንግድ ከባቢ የሚፈጥሩ ዘርፈ ብዙ ውጤቶችን ማስመዝገብ ተችሏል፡፡

የውጭ ምንዛሪ ቀደም ባሉት የሀገሪቱ ቁልፍ ተግዳሮት ሆኖ መቆየቱ ይታወሳል።

የአቅርቦት ችግርን ለመቅረፍና ሕገወጥ ግብይትን ለመቆጣጠር በለውጡ መንግሥት በቁርጠኝነት ተሠርቷል።

ምክትል ጠቅላይ ሚኒስትር ተመስገን እንደገለጹት፥ በማሻሻያው ምክንያት የወጪ ንግድ አድጓል፣ የውጭ ምንዛሪና የካፒታል ክምችት ከፍ ብሏል።

የብሔራዊ ባንክ ገዥ ኢዮብ ተካልኝ (ዶ/ር) በበኩላቸው፥ በተተገበሩት የሪፎርም ሥራዎች ጠንካራ የፋይናንስ ተቋማት መገንባት ተችሏል ብለዋል፡፡

በተቀማጭ ገንዘብ፣ በተንቀሳቃሽ ሀብት፣ በኢንሹራንስና በልማት ድጋፍ አማራጮች ፈጣን ዕድገት ማስመዝገብ እንደተቻለ አንስተዋል፡፡

የኢኮኖሚ ማሻሻያው እውነተኛ መለኪያ በዜጎች ሕይወት ላይ የሚያመጣው ተጨባጭ ለውጥና የፋይናንስ አካታችነት ነው፡፡

አርሶ አደሮች፣ ወጣቶች፣ ሴት ሥራ ፈጣሪዎችና አነስተኛ ኢንተርፕራይዞች የፋይናንስ አቅርቦት እንዲያገኙና ምርታማነታቸውን እንዲያሳድጉ አስችሏቸዋል።

በቀጣይም በግብርና፣ በቤቶች ግንባታ፣ በአምራች ዘርፍና በዲጂታል መሠረተ ልማት የብድር አቅርቦት ላይ መንግሥት በትኩረት እየሠራ ይገኛል፡፡

የኢትዮጵያ የሰነደ መዋዕለ ነዋይ ገበያ በኢትዮጵያ ታሪክ ለመጀመሪያ ጊዜ ጥር 2017 ዓ.ም በይፋ ሥራ የጀመረ ሲሆን፤ ኩባንያዎች ለኢንቨስትመንት የሚሆን የረጅም ጊዜ ካፒታል በሰፊው እንዲያገኙ የሚያስችል የካፒታል ገበያ ሥርዓት ነው።

ይህም የፋይናንስ ዘርፉ ትልቅ እምርታ ተደርጎ የሚወሰድ ነው፡፡

የመንግሥትና የግሉ ዘርፍ አጋርነትን በማጠናከር፣ በጽኑ ዲሲፕሊንና በጠንካራ ተቋማት ሁለንተናዊ ሉዓላዊነት ያላትን ታላቋን ኢትዮጵያ የመገንባት ሥራ በጠንካራ መሠረት ላይ መጣሉን የሚያመላክት ነው፡፡

በፋይናንስ ዘርፍ አካታች፣ ዘመናዊና ተደራሽ የፋይናንስ ሥርዓት ለመገንባት የተያዘውን ታላቅ ራዕይ አጠናክሮ በመተግበር ታላቅ ሀገር የመገንባት ጉዞው ተጠናክሮ ይቀጥላል፡፡

በቴዎድሮስ ሳህለ

ቀደም ሲል 21 የነበሩት የኦሮሚያ ክልል ዞኖች ወደ 6 ዞኖች ተዋቀሩ

ጨፌ ኦሮሚያ ባካሄደው መደበኛ ጉባዔ የኦሮሚያ ክልላዊ መንግሥት አስፈጻሚ አካላት የማቋቋሚያ አዋጅ ማጽደቁን አስታወቀ። በአዲሱ አዋጅ መሠረት ቀደም ሲል በክልሉ የነበሩ 21 ዞኖች ተጠቃለው ወደ 6 ትላልቅ ዞኖች አዲስ አደረጃጀት ተዘርግቷል።

ይህ የዞኖች አደረጃጀት ሪፎርም በሕግ የተደገፈ ሲሆን፣ አገልግሎትን ከክልል ደረጃ ወደ ዞን፣ ወረዳና ቀበሌዎች በማውረድ የሕዝቡን ተጠቃሚነት ለማረጋገጥ ያለመ ነው ተብሏል። በመንግሥት ተቋማት መካከል ጠንካራ ቅንጅት በመፍጠር ኅብረተሰቡን ቀልጣፋና ዘመናዊ አገልግሎት ለመስጠት እንደሚያስችልም ተገልጿል።

በአዲሱ መዋቅር መሠረት ምሥራቅ ኦሮሚያ፣ ደቡብ ምሥራቅ ኦሮሚያ፣ ደቡብ ኦሮሚያ፣ ደቡብ ምዕራብ ኦሮሚያ፣ ምዕራብ ኦሮሚያ እና ማዕከላዊ ኦሮሚያ ዞኖች ተዋቅረዋል። ለእነዚህም አዳዲስ ዞኖች በምክትል ፕሬዚዳንት ማዕረግ የሚመሩ አስተዳዳሪዎች በጨፌው መመደባቸውን ለመረዳት ተችሏል።

Via capital

የሚኒስትሮች ምክር ቤት በዛሬው ዕለት ባካሄደው 59ኛ መደበኛ ስብሰባ በተለያዩ ጉዳዮች ላይ ተወያይቶ ውሳኔ አሳልፏል

1. ምክር ቤቱ በቅድሚያ የተወያየው የአስፈጻሚ አካላትን አደረጃጀት፣ ሥልጣንና ተግባር ለመወሰን በቀረበ ረቂቅ አዋጅ ላይ ነው፡፡ በኢ.ፌ.ዴ.ሪ ህገ መንግስት እና ምርጫ ህግ በየአምስት አመቱ የሚደረገውን ሀገራዊ ምርጫ ተከትሎ በህገ መንግስቱ አንቀጽ 56 መሰረት አዲስ የአስፈጻሚ አካላት ስልጣንና ተግባር ማደራጀት የሚጠበቅ በመሆኑ፣ በ2018 ዓ.ም በተደረገው ሀገራዊ ምርጫ ተከትሎ የፌዴራል አስፈጻሚ አካላትን በአዲስ መልክ ለማቋቋም እንዲያስችል ረቂቁ ተዘጋጅቶ ለምክር ቤቱ ቀርቧል፡፡ ምክር ቤቱም በረቂቅ አዋጁ ላይ በሰፊው ከተወያየበት በኋላ ግብአቶችን በማከል ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

2. ቀጥሎም ምክር ቤቱ የተወያየው ብሔራዊ የዳታ አስተዳደር ረቂቅ አዋጅ ላይ ነው፡፡ የኢትዮጵያ የዲጂታል ትራንስፎርሜሽን ግቦችን ለማሳካት፣ የዳታ ደህንነትንና ሉዓላዊነትን ለማረጋገጥ፣ የዳታ መጋራትን፣ የዳታ ተናባቢነትንና የዳታ መልሶ አጠቃቀምን በማጠናከር የመንግሥት አገልግሎቶችን ለማዘመን፣ የአርቲፊሻል ኢንተለጀንስ ምርምርና የፈጠራ አቅምን ለማጎልበት፣ የኢኖቬሽንና የዲጂታል ኢኮኖሚ እድገትን ለማፋጠን እና በዳታ የተመራ የኢኮኖሚ ልማት ሥርዓት ለመገንባት እንዲያስችል ረቂቅ አዋጁ ተዘጋጅቶ ለሚኒስትሮች ምክር ቤት ቀርቧል፡፡ ምክር ቤቱም በረቂቁ ላይ በሰፊው ከተወያየበት በኋላ ግብአቶችን በማከል ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

3. ከዚያም ምክር ቤቱ የተወያየው ከዓለም አቀፍ የልማት ማህበር ጋር በተፈረመው ለኃይል ሴክተር ሪፎርም፣ ኢንቨስትመንትና ዝመና ምዕራፍ አንድ ፕሮጀክት ማስፈጸሚያ የሚውል የአንድ መቶ አርባ አምስት ሚሊዮን ስምንት መቶ ሺ ኤስ.ዲ.አር ብድር ስምምነት ማጽደቂያ ረቂቅ አዋጅ ላይ ነው፡፡ ምክር ቤቱም ስምምነቱ ከሀገራችን የብድር ፖሊሲ ጋር የሚጣጣም መሆኑን በማጋገጥ ረቂቅ አዋጁ ለህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

4. የፌዴራል ገቢ ግብር ማሻሻያ ደንብ ሌላው ምክር ቤቱ የተወያየበት አጀንዳ ነው፡፡ ደንቡ የፌዴራል የገቢ ግብር ግልጽነትንና አስተዳደራዊ ቅልጥፍናን ለማረጋገጥ እና ከተሻሻለው የፌዴራል ገቢ ግብር አዋጅ ቁጥር 979/2008 ጋር የተጣጣመ እንዲሆን ለማድረግ እንዲቻል የተሻሻለውን የሚኒስትሮች ምክር ቤት የገቢ ግብር ደንብ ቁጥር 410/2009 እንደገና ማሻሻል አስፈላጊ ሆኖ በመገኘቱ ረቂቁ ተዘጋጅቶ ለምክር ቤቱ ቀርቧል፡፡ ምክር ቤቱም በረቂቅ ደንቡ ላይ በሰፊው ከተወያየ በኋላ ግብአቶችን በማከል በፌዴራል ነጋሪት ጋዜጣ ታትሞ ከወጣበት ቀን ጀምሮ በስራ ላይ እንዲውል በሙሉ ድምጽ ወስኗል፡፡

5. እንዲሁም ምክር ቤቱ የፌዴራል ተጨማሪ እሴት ታክስ ማሻሻያ ደንብ ላይ ተወያይቷል፡፡ ቀደም ሲል የሙያ አገልግሎት እና ሌሎች አቅርቦቶችን እየሰጡ የተርን ኦቨር ታክስ ይሰበስቡ የነበሩ ግብር ከፋዮች የተርን ኦቨር ታክስ የተሻረ በመሆኑ እነዚህ ግብር ከፋዮች ለተጨማሪ እሴት ታክስ ተመዝግበው ታክሱን እንዲሰበስቡ ለማድረግ፣ በአንዳንድ አቅርቦቶች ላይ የተጣለው ታክስ ለህብረተሰቡ በሚቀርቡ መሰረታዊ አቅርቦቶች እና በአገር ውስጥ ኢንዱስትሪዎች ተወዳዳሪነት ላይ ጫናን ያሳደረ በመሆኑ አቅርቦቶቹን ከታክሱ ነፃ ለማድረግ እንዲያስችል ማሻሻያ ደንቡ ተዘጋጅቶ ለምክር ቤቱ ቀርቧል፡፡ ምክር ቤቱም በረቂቅ ደንቡ ላይ በሰፊው ከተወያየ በኋላ ግብአቶችን በማከል በፌዴራል ነጋሪት ጋዜጣ ታትሞ ከወጣበት ቀን ጀምሮ በስራ ላይ እንዲውል በሙሉ ድምጽ ወስኗል፡፡

6. በመጨረሻም ምክር ቤቱ የተወያየው የመከላከያ ሠራዊት አዋጅን ለማሻሻል የቀረበ ረቂቅ አዋጅ ላይ ነው፡፡ ተቋሙ በኢ.ፌ.ዴ.ሪ ህገ መንግስት አንቀጽ 87 ድንጋጌዎች መሰረት የተሰጡትን ሃገራዊ ተልዕኮዎች በህግ አግባብ ለመፈፀም እንዲችል የመከላከያ ሠራዊት አዋጅ ቁጥር 1286/2015 ማሻሻል አስፈላጊ ሆኖ በመገኘቱ ረቂቁ ተዘጋጅቶ ለምክር ቤቱ ቀርቧል፡፡ ምክር ቤቱም በጉዳዩ ላይ በሰፊው ከተወያየበት በኋላ ግብአቶችን በማከል ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

የኢትዮጵያ የማይበገር የደኅንነት ቁመና እና የተቋማዊ ሪፎርም ስኬቶች
***************

ሰፊ መልክዓ ምድር እና ትልቅ የሕዝብ ቁጥር ያላት ኢትዮጵያ ብሔራዊ ህልውናዋን ለማስጠበቅ እና ዘላቂ ሰላሟን ለማረጋገጥ አስተማማኝ የመከላከያ እና የደኅንነት አቅም መገንባት መሠረታዊ ጉዳይ ነው።

የኢፌዴሪ መከላከያ ሠራዊት፣ የፌዴራል ፖሊስ እና የደኅንነት ተቋማት ላለፉት ስምንት ዓመታት ያካሄዱት መዋቅራዊ እና ቴክኖሎጂያዊ ማሻሻያ የሀገር ውስጥ ወታደራዊ ምርትን በማሳደግ፣ የሳይበር ምህዳር ጥበቃን በማጠናከር፣ ዘመናዊ የፖሊስ አወቃቀርን በመዘርጋት እና የባሕር ኃይልን እንደገና በመገንባት ረገድ ሙሉ ዝግጁነት ያለው ቁመና ፈጥሯል።

ይህ ሁለንተናዊ አቅም ኢትዮጵያ በምሥራቅ አፍሪካ ያላትን የፀረ-ሽብርተኝነት እና የሰላም ማስከበር ሚና ከማጠናከሩ ባሻገር፣ የቀይ ባሕር እና የቀጣናውን ደኅንነት በአስተማማኝ ሁኔታ ለመጠበቅ የሚያስችል የጽናት መሠረት ጥሏል።

በመከላከያ ሪፎርም የተገኘው ትልቁ ስኬት በራስ አቅም የመቆም እና የቴክኖሎጂ ሽግግርን የማፋጠን አቅም ነው።

የመከላከያ ኢንዱስትሪው በተደረገለት መዋቅራዊ ማሻሻያ የሠራዊቱን የወታደራዊ ቁሳቁስ እና የትጥቅ ፍላጎት በሀገር ውስጥ የማምረት አቅሙን በከፍተኛ ደረጃ አሳድጓል።

የመከላከያ ሎጂስቲክስ መዋቅር በምርምር እና ልማት ውስብስብ ወታደራዊ መሣሪያዎችን የመጠገን፣ የማሻሻል እና የመገጣጠም አቅም ገንብቷል።

ይህ የቴክኖሎጂ ሽግግር ለወታደራዊ ፍላጎት ብቻ ሳይሆን ለሲቪል ኢንዱስትሪ ዕድገት መሠረት በመሆን ለኢኮኖሚው ትልቅ አቅም ፈጥሯል።

ከሁሉም በላይ ደግሞ ለትጥቅ ግዢ የሚወጣውን የውጭ ምንዛሬ በመቀነስ ኢትዮጵያ በውጭ ገበያ ላይ የነበራትን ወታደራዊ ጥገኝነት በእጅጉ እንድትቀንስ አድርጓል።

ዘመናዊ የውጊያ ቴክኖሎጂዎችን ከሀገር ውስጥ ምርት ጋር በማቀናጀት የመከላከል አቅምን ወደ ላቀ ደረጃ አሸጋግሮታል።

በሀገር ውስጥ የተመረቱ ዘመናዊ ሰው አልባ አውሮፕላኖች፣ የላቀ የአየር ኃይል ቁመና እና የመድፎች ሥርዓት የተቀናጀ አሠራርን በመፍጠር ማንኛውንም ስጋት በአጭር ጊዜ ውስጥ የማክሸፍ አቅም ተገንብቷል።

ሌላው የደኅንነት መዋቅሩን ጥንካሬ ይበልጥ የተሟላ የሚያደርገው ደግሞ በፌዴራል ፖሊስ ላይ የተተገበረው ስኬታማ ሪፎርም ነው።

የኢትዮጵያ ፌዴራል ፖሊስ ባለፉት ዓመታት ባደረገው መዋቅራዊ እና ቁመናዊ ለውጥ፣ የራሱን ዘመናዊ የአቪዬሽን ኃይል በማቋቋም፣ የፎረንሲክ ምርመራ አቅሙን በቴክኖሎጂ በማዘመን እና የሰው ኃይሉን በከፍተኛ ሁኔታ በማብቃት የውስጥ ሰላምን በማስከበር ረገድ ትልቅ እመርታ አሳይቷል።

የደንብ ልብስ እና ትጥቅ ማሻሻያዎችን ከማድረግ አልፎ፣ ከሌሎች የጸጥታ አካላት ጋር በመቀናጀት የተደራጁ ወንጀሎችን፣ የኢኮኖሚ አሻጥሮችን እና ቀውሶችን በፍጥነት የመቆጣጠር አቅም ፈጥሯል።

የፌዴራል ፖሊስ ሪፎርም በሕዝብ ዘንድ የፈጠረው አመኔታ የኢትዮጵያን የውስጥ ደኅንነት ይበልጥ አስተማማኝ አድርጎታል።

የፖሊስ እና የመከላከያ አቅም ከደኅንነት ተቋማት ጋር ያለው ጠንካራ አጋርነት ሌላው የሪፎርሙ ስኬት ነው።

የኢንፎርሜሽን መረብ ደኅንነት አስተዳደር (INSA) እና የብሔራዊ መረጃና ደኅንነት አገልግሎት (NISS) የሳይበር እና መረጃ ምህዳሩን ከመጠበቃቸውም በላይ መረጃን መሠረት ያደረገ ቅድመ-መከላከል በመተግበር ብሔራዊ እና ቀጣናዊ ደኅንነትን በአስተማማኝ ሁኔታ አስጠብቀዋል።

የመከላከያ፣ የፖሊስ፣ የደኅንነት እና የሳይበር ተቋማት ጥምረት ለብሔራዊ ህልውና የማይበገር የብረት ክንድ ሆኗል።

በሌላ በኩል ፈርሶ የነበረው የኢትዮጵያ ባሕር ኃይል እንደገና ተደራጅቶ ወደ ሥራ መግባቱ የቀጣናውን የባሕር ደኅንነት ለማስጠበቅ ትልቅ ምዕራፍ ነው።

ባሕር ኃይሉ ባከናወናቸው የተቋም ግንባታ እና የሰው ኃይል ሥልጠናዎች የወደፊት የባሕር ላይ ደኅንነትን የሚያስከብር አቅም ፈጥሯል።

በቅርቡ በደቡብ አፍሪካ የባሕር ወሰን ላይ በተካሄደው የብሪክስ ፕላስ የባሕር ኃይል ልምምድ ላይ መሳተፉ ዓለም አቀፍ ዕውቅናው፣ የሎጅስቲክስ ቅንጅቱ እና የቴክኒክ ብቃቱ ከፍተኛ ደረጃ ላይ ለመድረሱ ማረጋገጫ ነው።

በሀገር ውስጥ የሚመረት ወታደራዊ ኢንጂነሪንግ እና የተቀናጀ የደኅንነት ተቋማት ቁመና ኢትዮጵያ በውጭ ኃይሎች ላይ ያላትን ጥገኝነት በመቀነስ፣ የውጭ ፖሊሲዋን እና የማክሮ ኢኮኖሚ ውሳኔዎቿን ያለ ውጫዊ ጫና በገለልተኝነት እንድትወስድ ስትራቴጂያዊ ነፃነት ሰጥቷታል።

ይህ ነፃነት እና የተቀናጀ የደኅንነት አቅም የውስጥ እና የውጭ ስጋቶችን የመመከት ሙሉ ብቃት በመፍጠር ለቀጣናው እና ለቀይ ባሕር አካባቢ ዘላቂ ሰላም እና መረጋጋት የማይበገር ምሰሶ ሆኖ ይቀጥላል።

በለሚ ታደሰ
#ethiopia #endf #defensereform #strategicautonomy #hornofafrica #redseasecurity #insa #niss #brics






























የኢትዮጵያ የማይበገር የደኅንነት ቁመና እና የተቋማዊ ሪፎርም ስኬቶች
***************

ሰፊ መልክዓ ምድር እና ትልቅ የሕዝብ ቁጥር ያላት ኢትዮጵያ ብሔራዊ ህልውናዋን ለማስጠበቅ እና ዘላቂ ሰላሟን ለማረጋገጥ አስተማማኝ የመከላከያ እና የደኅንነት አቅም መገንባት መሠረታዊ ጉዳይ ነው።

የኢፌዴሪ መከላከያ ሠራዊት፣ የፌዴራል ፖሊስ እና የደኅንነት ተቋማት ላለፉት ስምንት ዓመታት ያካሄዱት መዋቅራዊ እና ቴክኖሎጂያዊ ማሻሻያ የሀገር ውስጥ ወታደራዊ ምርትን በማሳደግ፣ የሳይበር ምህዳር ጥበቃን በማጠናከር፣ ዘመናዊ የፖሊስ አወቃቀርን በመዘርጋት እና የባሕር ኃይልን እንደገና በመገንባት ረገድ ሙሉ ዝግጁነት ያለው ቁመና ፈጥሯል።

ይህ ሁለንተናዊ አቅም ኢትዮጵያ በምሥራቅ አፍሪካ ያላትን የፀረ-ሽብርተኝነት እና የሰላም ማስከበር ሚና ከማጠናከሩ ባሻገር፣ የቀይ ባሕር እና የቀጣናውን ደኅንነት በአስተማማኝ ሁኔታ ለመጠበቅ የሚያስችል የጽናት መሠረት ጥሏል።

በመከላከያ ሪፎርም የተገኘው ትልቁ ስኬት በራስ አቅም የመቆም እና የቴክኖሎጂ ሽግግርን የማፋጠን አቅም ነው።

የመከላከያ ኢንዱስትሪው በተደረገለት መዋቅራዊ ማሻሻያ የሠራዊቱን የወታደራዊ ቁሳቁስ እና የትጥቅ ፍላጎት በሀገር ውስጥ የማምረት አቅሙን በከፍተኛ ደረጃ አሳድጓል።

የመከላከያ ሎጂስቲክስ መዋቅር በምርምር እና ልማት ውስብስብ ወታደራዊ መሣሪያዎችን የመጠገን፣ የማሻሻል እና የመገጣጠም አቅም ገንብቷል።

ይህ የቴክኖሎጂ ሽግግር ለወታደራዊ ፍላጎት ብቻ ሳይሆን ለሲቪል ኢንዱስትሪ ዕድገት መሠረት በመሆን ለኢኮኖሚው ትልቅ አቅም ፈጥሯል።

ከሁሉም በላይ ደግሞ ለትጥቅ ግዢ የሚወጣውን የውጭ ምንዛሬ በመቀነስ ኢትዮጵያ በውጭ ገበያ ላይ የነበራትን ወታደራዊ ጥገኝነት በእጅጉ እንድትቀንስ አድርጓል።

ዘመናዊ የውጊያ ቴክኖሎጂዎችን ከሀገር ውስጥ ምርት ጋር በማቀናጀት የመከላከል አቅምን ወደ ላቀ ደረጃ አሸጋግሮታል።

በሀገር ውስጥ የተመረቱ ዘመናዊ ሰው አልባ አውሮፕላኖች፣ የላቀ የአየር ኃይል ቁመና እና የመድፎች ሥርዓት የተቀናጀ አሠራርን በመፍጠር ማንኛውንም ስጋት በአጭር ጊዜ ውስጥ የማክሸፍ አቅም ተገንብቷል።

ሌላው የደኅንነት መዋቅሩን ጥንካሬ ይበልጥ የተሟላ የሚያደርገው ደግሞ በፌዴራል ፖሊስ ላይ የተተገበረው ስኬታማ ሪፎርም ነው።

የኢትዮጵያ ፌዴራል ፖሊስ ባለፉት ዓመታት ባደረገው መዋቅራዊ እና ቁመናዊ ለውጥ፣ የራሱን ዘመናዊ የአቪዬሽን ኃይል በማቋቋም፣ የፎረንሲክ ምርመራ አቅሙን በቴክኖሎጂ በማዘመን እና የሰው ኃይሉን በከፍተኛ ሁኔታ በማብቃት የውስጥ ሰላምን በማስከበር ረገድ ትልቅ እመርታ አሳይቷል።

የደንብ ልብስ እና ትጥቅ ማሻሻያዎችን ከማድረግ አልፎ፣ ከሌሎች የጸጥታ አካላት ጋር በመቀናጀት የተደራጁ ወንጀሎችን፣ የኢኮኖሚ አሻጥሮችን እና ቀውሶችን በፍጥነት የመቆጣጠር አቅም ፈጥሯል።

የፌዴራል ፖሊስ ሪፎርም በሕዝብ ዘንድ የፈጠረው አመኔታ የኢትዮጵያን የውስጥ ደኅንነት ይበልጥ አስተማማኝ አድርጎታል።

የፖሊስ እና የመከላከያ አቅም ከደኅንነት ተቋማት ጋር ያለው ጠንካራ አጋርነት ሌላው የሪፎርሙ ስኬት ነው።

የኢንፎርሜሽን መረብ ደኅንነት አስተዳደር (INSA) እና የብሔራዊ መረጃና ደኅንነት አገልግሎት (NISS) የሳይበር እና መረጃ ምህዳሩን ከመጠበቃቸውም በላይ መረጃን መሠረት ያደረገ ቅድመ-መከላከል በመተግበር ብሔራዊ እና ቀጣናዊ ደኅንነትን በአስተማማኝ ሁኔታ አስጠብቀዋል።

የመከላከያ፣ የፖሊስ፣ የደኅንነት እና የሳይበር ተቋማት ጥምረት ለብሔራዊ ህልውና የማይበገር የብረት ክንድ ሆኗል።

በሌላ በኩል ፈርሶ የነበረው የኢትዮጵያ ባሕር ኃይል እንደገና ተደራጅቶ ወደ ሥራ መግባቱ የቀጣናውን የባሕር ደኅንነት ለማስጠበቅ ትልቅ ምዕራፍ ነው።

ባሕር ኃይሉ ባከናወናቸው የተቋም ግንባታ እና የሰው ኃይል ሥልጠናዎች የወደፊት የባሕር ላይ ደኅንነትን የሚያስከብር አቅም ፈጥሯል።

በቅርቡ በደቡብ አፍሪካ የባሕር ወሰን ላይ በተካሄደው የብሪክስ ፕላስ የባሕር ኃይል ልምምድ ላይ መሳተፉ ዓለም አቀፍ ዕውቅናው፣ የሎጅስቲክስ ቅንጅቱ እና የቴክኒክ ብቃቱ ከፍተኛ ደረጃ ላይ ለመድረሱ ማረጋገጫ ነው።

በሀገር ውስጥ የሚመረት ወታደራዊ ኢንጂነሪንግ እና የተቀናጀ የደኅንነት ተቋማት ቁመና ኢትዮጵያ በውጭ ኃይሎች ላይ ያላትን ጥገኝነት በመቀነስ፣ የውጭ ፖሊሲዋን እና የማክሮ ኢኮኖሚ ውሳኔዎቿን ያለ ውጫዊ ጫና በገለልተኝነት እንድትወስድ ስትራቴጂያዊ ነፃነት ሰጥቷታል።

ይህ ነፃነት እና የተቀናጀ የደኅንነት አቅም የውስጥ እና የውጭ ስጋቶችን የመመከት ሙሉ ብቃት በመፍጠር ለቀጣናው እና ለቀይ ባሕር አካባቢ ዘላቂ ሰላም እና መረጋጋት የማይበገር ምሰሶ ሆኖ ይቀጥላል።

በለሚ ታደሰ
#ethiopia #endf #defensereform #strategicautonomy #hornofafrica #redseasecurity #insa #niss #brics

የፈተና ክፍያ ተመን ጭማሪ ተደረገ

​የትምህርት ምዘናና ፈተናዎች አገልግሎት በሚመራበት ደንብ ቁጥር 260/2004 መሠረት የሚሰጣቸውን የፈተና አገልግሎቶች በመንግሥት በጸደቀ ተመን መሠረት ያስተዳድራል።

በአዲሱ የመንግሥት አገልግሎት አስተዳደር ሪፎርም መሠረት የተሻሻለው ክፍያ ተመን በሚኒስትሮች ምክር ቤት ደንብ ቁጥር 593/2016 መሠረት ከሐምሌ 22/2016 ዓ.ም. ጀምሮ ተገቢ ሆኗል።

​በመሆኑም በተሻሻለው ተመን መሠረት በእያንዳንዱ ተፈታኝ ላይ ለምዝገባና ለፈተና አሰጣጥ:-

👉 ለዩኒቨርሲቲ መውጫ ፈተና 2,000 ብር

👉 ለድህረ ምረቃ መግቢያ ፈተና 3,500 ብር

👉 ለሙያ ብቃት ፈተና ምዘና 3,500 ብር  እና

👉 ለሊቃውንት ማረጋገጫ ፕሮግራም ፈተና 950 ብር በምዝገባ ሲስተሙ ላይ በተቀመጠው የክፍያ ሥርዓት የሚፈጸም ይሆናል።

እንዲሁም የተሻሻለው ተመን ከመውጣቱ በፊት ለተከፈሉ ፈተናዎች የሚከፈል ቀሪ ክፍያዎች 750 ብር በእያንዳንዱ ተፈታኝ ተሰልፎ እንዲፈጸም፤ ያልተከፈሉ ክፍያዎችም የተሻሻለው ተመን በሲስተሙ ላይ ከመጫኑ በፊት በመክፈል ተገቢውን አገልግሎት እንድታገኙ እናሳስባለን።

Seledadotio
Seledadotio

በፈተናዎች የማትናወጥ ሀገር፤ የተቋማት ሪፎርም ለኢትዮጵያ ያጎናጸፈው አስተማማኝ የደህንነት ጋሻ
**********************

ጠንካራና ዘመን ተሻጋሪ ተቋማት የአንድ ሀገር ቀጣይነት ያለው ልማት ሰላም እና የህግ የበላይነት ዋነኛ ማረጋገጫ በመሆናቸው በሰው ልጅ መለዋወጥ ሳይሆን በተቋማዊ ስርዓት ላይ የተመሰረተ የሀገረ መንግስት ግንባታ በቁርጠኝነት እየተከናወነ ይገኛል።

በአሁኑ ወቅት በኢትዮጵያ እየተገበሩ ያሉ የፖለቲካና የልማት እንቅስቃሴዎች አዲሱ የመንግስት ምስረታ ሂደት እንዲሁም በየአካባቢው የሚገነቡ ግዙፍ ፕሮጀክቶች ተራ የስልጣን ሽግግር ወይም ጊዜያዊ ተግባራት ሳይሆኑ ለትውልድ የሚሻገር ፅኑ ሀገረ መንግስት የመገንባት ሰፊ የዴሞክራሲ ስርዓት አካል ናቸው።

እንደ ኢትዮጵያ ባሉ በፍጥነት እያደጉ ባሉ ሀገራት ከልማቱ ጋር የተሰናሰሉ ጠንካራ ተቋማትን መገንባት ወሳኝ በመሆኑ የመደመር መንግስት የአሰራር ስርዓትን ማዘመን ቀልጣፋ አገልግሎት ማብዛት የዲፕሎማሲና የፈፀመ አቅምን ማሳደግ ላይ አተኩሮ እየሰራ ይገኛል።

የዚሁ መዋቅራዊ የሪፎርም እርምጃ ዋነኛ ማሳያ ደግሞ ሀገራችንን የደህንነትና የፀጥታ ተቋማት ላይ የተከናወነው ስር ነቀል ለውጥ ነው።

ከቅርብ ኣመታት በፊት የነበረው የፀጥታ መዋቅር ለጥቂት የፖለቲካ ልሂቃን ጥቅም የቆመ በቴክኖሎጂ ወደ ኋላ የቀረና የሀገርን ደህንነት በአስተማማኝ ሁኔታ የመጠበቅ አቅሙ የተገደበ በመሆኑ ለሀገራችን የልማት ጉዞ ማነቆ ሆኖ ቆይቷል።

ይህን ክፍተት በመገንዘብ ሀገራችን የፀጥታ ተቋማቷን መዋቅራዊ ስብጥር የሰው ሀይል እና የቴክኖሎጂ አቅም ባሳደገ መልኩ ታሪካዊ የለውጥ ስራዎችን አከናውናለች።

በዚህም መሰረት የኢትዮጵያ መከላከያ ሰራዊት ራሱን በዘመናዊ የመከላከያ መሳሪያዎች፣ ድሮኖች እና ራዳሮች በማደራጀት የምድርና የአየር መከላከያ አቅሙን ያዘመነ ሲሆን በሀገር ውስጥ የመከላከያ ኢንዱስትሪዎች የሚከናወነው የማምረት ስራ የውጭ ሀገር የትጥቅ ጥገኝነትን በከፍተኛ ሁኔታ ቀንሶታል።

ጠቅላይ ሚኒስትር ዐቢይ አሕመድ (ዶ/ር) እንደገለጹት ሀገራችን በገዛ ልጆቿ እውቀትና አቅም ሰው አልባ አውሮፕላኖችን፣ ተተኳሽ ጥይቶችን እና ዘመናዊ መሳሪያዎችን ማምረት መቻሏ ለስልታዊ ራስን መቻል ለህዝብ ሰላምና ለኢኮኖሚ እድገት ጠንካራ መሰረት ሆኗል።

በዚህም መሰረት የኢንፎርሜሽን መረብ ደህንነት አስተዳደር እና የአርቲፊሻል ኢንተለጀንስ ኢንስቲትዩት አቅም በመጎልበቱ የዲጂታል ሉኣላዊነትን የማስከበር ሙሉ ብቃት የተገኘ ሲሆን የብሄራዊ መረጃ እና ደህንነት አገልግሎትም የተራቀቀ የመረጃ ትንተና ብቃቱን አሳድጓል።

በአጠቃላይ የተከናወኑት ስር ነቀል የተቋማት ሪፎርሞች የሀገርን ሰላም ከማስከበር ባለፈ በቀጠናው የሚንቀሳቀሱ አለም አቀፍ የሽብር ቡድኖችን ቀድሞ በመመከት ህዝብ ኩራት የሀገር ሉኣላዊነት ጋሻ እና ኢትዮጵያ በፈተናዎች መካከል የማትናወጥበትን የታሪካዊ ጥንካሬ ማማ እውን ያደረጉ ናቸው።

በብሌን ደምበሎ
በፈተናዎች የማትናወጥ ሀገር፤ የተቋማት ሪፎርም ለኢትዮጵያ ያጎናጸፈው አስተማማኝ የደህንነት ጋሻ
**********************

ጠንካራና ዘመን ተሻጋሪ ተቋማት የአንድ ሀገር ቀጣይነት ያለው ልማት ሰላም እና የህግ የበላይነት ዋነኛ ማረጋገጫ በመሆናቸው በሰው ልጅ መለዋወጥ ሳይሆን በተቋማዊ ስርዓት ላይ የተመሰረተ የሀገረ መንግስት ግንባታ በቁርጠኝነት እየተከናወነ ይገኛል።

በአሁኑ ወቅት በኢትዮጵያ እየተገበሩ ያሉ የፖለቲካና የልማት እንቅስቃሴዎች አዲሱ የመንግስት ምስረታ ሂደት እንዲሁም በየአካባቢው የሚገነቡ ግዙፍ ፕሮጀክቶች ተራ የስልጣን ሽግግር ወይም ጊዜያዊ ተግባራት ሳይሆኑ ለትውልድ የሚሻገር ፅኑ ሀገረ መንግስት የመገንባት ሰፊ የዴሞክራሲ ስርዓት አካል ናቸው።

እንደ ኢትዮጵያ ባሉ በፍጥነት እያደጉ ባሉ ሀገራት ከልማቱ ጋር የተሰናሰሉ ጠንካራ ተቋማትን መገንባት ወሳኝ በመሆኑ የመደመር መንግስት የአሰራር ስርዓትን ማዘመን ቀልጣፋ አገልግሎት ማብዛት የዲፕሎማሲና የፈፀመ አቅምን ማሳደግ ላይ አተኩሮ እየሰራ ይገኛል።

የዚሁ መዋቅራዊ የሪፎርም እርምጃ ዋነኛ ማሳያ ደግሞ ሀገራችንን የደህንነትና የፀጥታ ተቋማት ላይ የተከናወነው ስር ነቀል ለውጥ ነው።

ከቅርብ ኣመታት በፊት የነበረው የፀጥታ መዋቅር ለጥቂት የፖለቲካ ልሂቃን ጥቅም የቆመ በቴክኖሎጂ ወደ ኋላ የቀረና የሀገርን ደህንነት በአስተማማኝ ሁኔታ የመጠበቅ አቅሙ የተገደበ በመሆኑ ለሀገራችን የልማት ጉዞ ማነቆ ሆኖ ቆይቷል።

ይህን ክፍተት በመገንዘብ ሀገራችን የፀጥታ ተቋማቷን መዋቅራዊ ስብጥር የሰው ሀይል እና የቴክኖሎጂ አቅም ባሳደገ መልኩ ታሪካዊ የለውጥ ስራዎችን አከናውናለች።

በዚህም መሰረት የኢትዮጵያ መከላከያ ሰራዊት ራሱን በዘመናዊ የመከላከያ መሳሪያዎች፣ ድሮኖች እና ራዳሮች በማደራጀት የምድርና የአየር መከላከያ አቅሙን ያዘመነ ሲሆን በሀገር ውስጥ የመከላከያ ኢንዱስትሪዎች የሚከናወነው የማምረት ስራ የውጭ ሀገር የትጥቅ ጥገኝነትን በከፍተኛ ሁኔታ ቀንሶታል።

ጠቅላይ ሚኒስትር ዐቢይ አሕመድ (ዶ/ር) እንደገለጹት ሀገራችን በገዛ ልጆቿ እውቀትና አቅም ሰው አልባ አውሮፕላኖችን፣ ተተኳሽ ጥይቶችን እና ዘመናዊ መሳሪያዎችን ማምረት መቻሏ ለስልታዊ ራስን መቻል ለህዝብ ሰላምና ለኢኮኖሚ እድገት ጠንካራ መሰረት ሆኗል።

በዚህም መሰረት የኢንፎርሜሽን መረብ ደህንነት አስተዳደር እና የአርቲፊሻል ኢንተለጀንስ ኢንስቲትዩት አቅም በመጎልበቱ የዲጂታል ሉኣላዊነትን የማስከበር ሙሉ ብቃት የተገኘ ሲሆን የብሄራዊ መረጃ እና ደህንነት አገልግሎትም የተራቀቀ የመረጃ ትንተና ብቃቱን አሳድጓል።

በአጠቃላይ የተከናወኑት ስር ነቀል የተቋማት ሪፎርሞች የሀገርን ሰላም ከማስከበር ባለፈ በቀጠናው የሚንቀሳቀሱ አለም አቀፍ የሽብር ቡድኖችን ቀድሞ በመመከት ህዝብ ኩራት የሀገር ሉኣላዊነት ጋሻ እና ኢትዮጵያ በፈተናዎች መካከል የማትናወጥበትን የታሪካዊ ጥንካሬ ማማ እውን ያደረጉ ናቸው።

በብሌን ደምበሎ

አፍሪካን የዘነጋው የጸጥታው ምክር ቤት

አዲስ አበባ፣ መስከረም 13፣ 2019 (ኤፍ ኤም ሲ) በተባበሩት መንግሥታት የጸጥታው ምክር ቤት 80 በመቶ ውሳኔዎች አፍሪካን የሚመለከት ሆኖ ሳለ፤ አፍሪካ ቋሚ መቀመጫ እስከመቼ ትነፈጋለች ብሎ መጠየቅ ተገቢነት አለው፡፡

በዓለም አቀፍ ደረጃ የሚታዩ ተቋማዊ አሰራሮች፣ የኃይል ሚዛኖች እና የፖለቲካዊ ውሳኔ ሰጪነት ማዕከላት ለዘመናት የአንድ ወገን የበላይነትን ሲያንጸባርቁ መቆየታቸው የማይካድ እውነታ ነው።

በተለይም አፍሪካ ከቅኝ ግዛት ቀንበር ነጻ ከወጣችበት ጊዜ ጀምሮ በዓለም አቀፍ ተቋማት ውስጥ ተገቢና ትክክለኛ ውክልና እንዲኖራትና ድምጿ እንዲሰማ ስታደርገው የነበረው ትግል ዛሬ ላይ ተጨባጭና የማይመለስ የታሪክ ምዕራፍ ላይ ደርሷል።

በኒውዮርክ እየተካሄደ ባለው 81ኛው የተባበሩት መንግሥታት ጠቅላላ ጉባኤ ላይ የድርጅቱ ዋና ጸሐፊ አንቶኒዮ ጉቴሬዝ ባደረጉት ንግግር አፍሪካ በጸጥታው ምክር ቤት ቋሚ መቀመጫ እንዲኖራት በግልጽ ጥሪ ማቅረባቸውም የዚሁ ዘመናት የተሻገረ ጥያቄ ሕጋዊነት ማረጋገጫ ነው።

የጸጥታው ምክር ቤት የሁለተኛው የዓለም ጦርነት አሸናፊ ሀገራት በበላይነት እንደሚቆጣጠሩት የጠቆሙት ዋና ጸሐፊው የድርጅቱ መስራች የሆኑት አፍሪካውያን ግን ተገቢው ውክልና እንደሌላቸው አብራርተዋል።

15 አባላት ባሉት የጸጥታው ምክር ቤት ውስጥ አምስቱ ቋሚ አባላት ድምጽን በድምጽ የመሻር መብት ያላቸው ሲሆን ቀሪዎቹ 10 ወንበሮች ለሁለት ዓመት የስራ ዘመን ለሚመደቡ ጊዜያዊ አባላት የተሰጡ ናቸው።

አፍሪካ በዚሁ ምክር ቤት የምትሳተፈው በጊዜያዊ ውክልና ብቻ በመሆኑ ከቋሚ አባላት ጋር እኩል የመወሰን እድል ተነፍጓታል።

አህጉሪቱ በህዝብ ቁጥር፣ በፖለቲካ ተፅዕኖ እና በኢኮኖሚ ከፍተኛ እድገት ብታስመዘግብም፣ በቢሊየን የሚቆጠር ህዝብ ያላት እና ከ70 በመቶ በላይ ወጣት አምራች ኃይል ያላት አፍሪካ በዓለም አቀፍ ተቋማት ውስጥ የወሳኝነት ሚና እንዳይኖራት መደረጉ በግልጽ የሚታይ ኢፍትሃዊነት ነው።

ባለፉት አስር ዓመታት በምክር ቤቱ ከቀረቡት 437 ጉዳዮች መካከል 354 ጉዳዮች አፍሪካን የሚመለከቱ ቢሆኑም አፍሪካ በሌለችበት፣ የአፍሪካን እጣ ፈንታ፣ የሰላም ማስከበርና የማዕቀብ ውሳኔዎችን ሌሎች አካላት የሚወስኑበት ይህ አሰራር በአስቸኳይ ሊታረም የሚገባው ነው።

ይህንኑ የተዛባን አሰራር ለመቀየር እና የዓለም አስተዳደር ፍትሃዊ እንዲሆን በማድረግ ሂደት ውስጥ የኢትዮጵያ የመሪነትና የታሪካዊ በኩርነት ድርሻ ያለው ነው።

ኢትዮጵያ ከመንግስታቱ ማህበር (ሊግ ኦፍ ኔሽንስ) ምስረታ ጀምሮ የነጻነት፣ የእኩልነትና የፓን አፍሪካኒዝም ማዕከል በመሆን የነበራትን ታሪካዊ መሠረት ዛሬም በላቀ ደረጃ አጠናክራ አስቀጥላለች።

ኢትዮጵያ ከብሪክስ ጉባኤ እስከ ተባበሩት መንግሥታት ጠቅላላ ጉባኤ ድረስ በተለያዩ ዓለም አቀፍ መድረኮች የአፍሪካን ድምጽ በተገቢው መንገድ እንዲደመጥ እና መዋቅራዊ ሪፎርም እንዲደረግ ሳታቋርጥ ጥሪ ስታቀርብ ቆይታለች።

አፍሪካውያን የቀደመውን የተዛባ የዓለም ካርታ አመለካከት በተግባርና በዲፕሎማሲያዊ ጥረት በመቀየር የቀጣናውንና የአህጉሪቱን ድምጽ ማጉላት የተደረገው ሁለንተናዊ ትግል ፍሬ ማፍራት ላይ ይገኛል።

የተባበሩት መንግሥታት የጸጥታው ምክር ቤት አፍሪካን ያገለለ አሰራር ይዞ መቀጠሉ ድርጅቱ በዓለም ህዝቦች ዘንድ ያለውን አመኔታና ሕጋዊነት አደጋ ላይ የሚጥለው በመሆኑ ተቋማዊ ማሻሻያ ማድረግ ለአፍሪካ ብቻ ሳይሆን ለራሱ ለድርጅቱ ህልውናና ለዓለም አቀፍ ሰላም ወሳኝ ነው።

በዚህ ታሪካዊ ሂደት ውስጥም ኢትዮጵያ ቀደምት መሪነቷን ጠብቃ፣ የአፍሪካን ብልጽግናና ተደማጭነት ለማረጋገጥ የሚጠበቅባትን ሀገራዊና አህጉራዊ ኃላፊነት በጽናት መወጣቷን ታስቀጥላለች።

በዮናስ ጌትነት



አፍሪካን የዘነጋው የጸጥታው ምክር ቤት

አዲስ አበባ፣ መስከረም 13፣ 2019 (ኤፍ ኤም ሲ) በተባበሩት መንግሥታት የጸጥታው ምክር ቤት 80 በመቶ ውሳኔዎች አፍሪካን የሚመለከት ሆኖ ሳለ፤ አፍሪካ ቋሚ መቀመጫ እስከመቼ ትነፈጋለች ብሎ መጠየቅ ተገቢነት አለው፡፡

በዓለም አቀፍ ደረጃ የሚታዩ ተቋማዊ አሰራሮች፣ የኃይል ሚዛኖች እና የፖለቲካዊ ውሳኔ ሰጪነት ማዕከላት ለዘመናት የአንድ ወገን የበላይነትን ሲያንጸባርቁ መቆየታቸው የማይካድ እውነታ ነው።

በተለይም አፍሪካ ከቅኝ ግዛት ቀንበር ነጻ ከወጣችበት ጊዜ ጀምሮ በዓለም አቀፍ ተቋማት ውስጥ ተገቢና ትክክለኛ ውክልና እንዲኖራትና ድምጿ እንዲሰማ ስታደርገው የነበረው ትግል ዛሬ ላይ ተጨባጭና የማይመለስ የታሪክ ምዕራፍ ላይ ደርሷል።

በኒውዮርክ እየተካሄደ ባለው 81ኛው የተባበሩት መንግሥታት ጠቅላላ ጉባኤ ላይ የድርጅቱ ዋና ጸሐፊ አንቶኒዮ ጉቴሬዝ ባደረጉት ንግግር አፍሪካ በጸጥታው ምክር ቤት ቋሚ መቀመጫ እንዲኖራት በግልጽ ጥሪ ማቅረባቸውም የዚሁ ዘመናት የተሻገረ ጥያቄ ሕጋዊነት ማረጋገጫ ነው።

የጸጥታው ምክር ቤት የሁለተኛው የዓለም ጦርነት አሸናፊ ሀገራት በበላይነት እንደሚቆጣጠሩት የጠቆሙት ዋና ጸሐፊው የድርጅቱ መስራች የሆኑት አፍሪካውያን ግን ተገቢው ውክልና እንደሌላቸው አብራርተዋል።

15 አባላት ባሉት የጸጥታው ምክር ቤት ውስጥ አምስቱ ቋሚ አባላት ድምጽን በድምጽ የመሻር መብት ያላቸው ሲሆን ቀሪዎቹ 10 ወንበሮች ለሁለት ዓመት የስራ ዘመን ለሚመደቡ ጊዜያዊ አባላት የተሰጡ ናቸው።

አፍሪካ በዚሁ ምክር ቤት የምትሳተፈው በጊዜያዊ ውክልና ብቻ በመሆኑ ከቋሚ አባላት ጋር እኩል የመወሰን እድል ተነፍጓታል።

አህጉሪቱ በህዝብ ቁጥር፣ በፖለቲካ ተፅዕኖ እና በኢኮኖሚ ከፍተኛ እድገት ብታስመዘግብም፣ በቢሊየን የሚቆጠር ህዝብ ያላት እና ከ70 በመቶ በላይ ወጣት አምራች ኃይል ያላት አፍሪካ በዓለም አቀፍ ተቋማት ውስጥ የወሳኝነት ሚና እንዳይኖራት መደረጉ በግልጽ የሚታይ ኢፍትሃዊነት ነው።

ባለፉት አስር ዓመታት በምክር ቤቱ ከቀረቡት 437 ጉዳዮች መካከል 354 ጉዳዮች አፍሪካን የሚመለከቱ ቢሆኑም አፍሪካ በሌለችበት፣ የአፍሪካን እጣ ፈንታ፣ የሰላም ማስከበርና የማዕቀብ ውሳኔዎችን ሌሎች አካላት የሚወስኑበት ይህ አሰራር በአስቸኳይ ሊታረም የሚገባው ነው።

ይህንኑ የተዛባን አሰራር ለመቀየር እና የዓለም አስተዳደር ፍትሃዊ እንዲሆን በማድረግ ሂደት ውስጥ የኢትዮጵያ የመሪነትና የታሪካዊ በኩርነት ድርሻ ያለው ነው።

ኢትዮጵያ ከመንግስታቱ ማህበር (ሊግ ኦፍ ኔሽንስ) ምስረታ ጀምሮ የነጻነት፣ የእኩልነትና የፓን አፍሪካኒዝም ማዕከል በመሆን የነበራትን ታሪካዊ መሠረት ዛሬም በላቀ ደረጃ አጠናክራ አስቀጥላለች።

ኢትዮጵያ ከብሪክስ ጉባኤ እስከ ተባበሩት መንግሥታት ጠቅላላ ጉባኤ ድረስ በተለያዩ ዓለም አቀፍ መድረኮች የአፍሪካን ድምጽ በተገቢው መንገድ እንዲደመጥ እና መዋቅራዊ ሪፎርም እንዲደረግ ሳታቋርጥ ጥሪ ስታቀርብ ቆይታለች።

አፍሪካውያን የቀደመውን የተዛባ የዓለም ካርታ አመለካከት በተግባርና በዲፕሎማሲያዊ ጥረት በመቀየር የቀጣናውንና የአህጉሪቱን ድምጽ ማጉላት የተደረገው ሁለንተናዊ ትግል ፍሬ ማፍራት ላይ ይገኛል።

የተባበሩት መንግሥታት የጸጥታው ምክር ቤት አፍሪካን ያገለለ አሰራር ይዞ መቀጠሉ ድርጅቱ በዓለም ህዝቦች ዘንድ ያለውን አመኔታና ሕጋዊነት አደጋ ላይ የሚጥለው በመሆኑ ተቋማዊ ማሻሻያ ማድረግ ለአፍሪካ ብቻ ሳይሆን ለራሱ ለድርጅቱ ህልውናና ለዓለም አቀፍ ሰላም ወሳኝ ነው።

በዚህ ታሪካዊ ሂደት ውስጥም ኢትዮጵያ ቀደምት መሪነቷን ጠብቃ፣ የአፍሪካን ብልጽግናና ተደማጭነት ለማረጋገጥ የሚጠበቅባትን ሀገራዊና አህጉራዊ ኃላፊነት በጽናት መወጣቷን ታስቀጥላለች።

በዮናስ ጌትነት

የማይደፈር ሀገረ መንግሥት፤ ዘመናዊ የጸጥታና ደህንነት አቅም ግንባታ
*****************

(የዕለቱ መልዕክት)

የሀገረ መንግሥት ግንባታ ታላቁ ፈተና ሕግና ሥርዓትን መዘርጋት ሳይሆን ያንን ሕግና የጋራ ኅልውና ያለማወላወል የሚያቆም፣ ከፖለቲካ ንፋስ የጸዳ፣ ሕጋዊና የተማከለ የኃይል ባለቤት የሆነ ጽኑ ተቋም መፍጠር ነው።

በፖለቲካ ፍልስፍናም ሆነ በታሪክ አደባባይ እንደታየው ሀገረ መንግሥት የሚጸናው ተቋማት በተለይም የፀጥታ ተቋማት የኅብረተሰቡ የጋራ የደኅንነት ውል ማረጋገጫ ሲሆኑ ነው።

ባለፉት የለውጥ ዓመታት በኢትዮጵያ የተካሄደው የጸጥታና ደኅንነት ተቋማት ሪፎርም ዋና ፍሬ ነገርም ይኸው ነው፤ ተቋማቱን ወደ ሀገረ መንግሥት ምሰሶነት የማሸጋገር መሠረታዊ የታሪክ ስብራት ጥገና።

ኢትዮጵያ ለዘመናት የገጠማት የፖለቲካ ቀውስ ተቋማቱ በግለሰቦችና በቡድኖች ዙሪያ ይዋቀሩ ስለነበር ነው።

ዛሬ ላይ የተከናወነው ተቋማዊ ግንባታ ግን ገለልተኝነትን፣ ሙያዊ ብቃትን እና ሕገ-መንግሥታዊ ታማኝነትን ማዕከል በማድረግ፣ ሀገር የማትናወጥበትን ጽኑ የሀገረ መንግሥት መሠረት ጥሏል።

ይህ የተቋማት ማበብ የሀገረ መንግሥት አቅምን በውል የሚተረጉመው በተግባራዊ ብቃቱና በሉዓላዊነት ማስከበር ልዕልናው ነው።

የኢትዮጵያ አየር ኃይል ያስመዘገበው የቴክኖሎጂ ሽግግርና በአፍሪካ ቀንድ የፈጠረው የአየር የበላይነት፣ ምድር ኃይሉ የራስን ትጥቅ ከማምረት ጀምሮ የገነባው የውጊያ ዝግጁነት እንዲሁም ኢንሳ እና ብሔራዊ የመረጃና ደኅንነት አገልግሎት የፈጠሩት የሳይበርና የቅድመ-መከላከል አውታር ተነጣጥለው የሚታዩ የቴክኒክ ስኬቶች አይደሉም።

እነዚህ አቅሞች አንድ ሀገረ መንግሥት በጂኦ-ፖለቲካዊ ፉክክርና በቀጣናዊ ሽኩቻ ውስጥ ጥቅሙን ሳያስደፍር፣ በውጭ ተጽዕኖ ሳይንበረከክና ሉዓላዊ ውሳኔውን ሳያስነጥቅ ጸንቶ እንዲቆም የሚያስችሉ የህልውና ዋስትናዎች ናቸው።

እንደ ታላቁ የህዳሴ ግድብ ያሉ የሀገረ መንግሥቱ የመደመር ትውልድ ፕሮጀክቶች ያለ አንዳች ስጋት ወደ ፍጻሜ እንዲደርሱ የተደረገው፣ እነዚህ ተቋማት የፈጠሩት አየርና ምድርን ያካለለ የብረት አጥር ስላለ ነው።

በአገር ውስጥ የሕግ የበላይነትን የማስፈን ተግባርም ቢሆን ከዚሁ ከሀገረ መንግሥት ጽናት ጋር ጥብቅ ቁርኝት አለው።

ፌዴራል ፖሊስን ጨምሮ የተቀናጁ የጸጥታ አውታሮች የታጠቁ ጽንፈኞችን እኩይ ተግባር በማምከን፣ ሕገ-ወጥ የጦር መሣሪያ ዝውውርና የኢኮኖሚ አሻጥሮችን በመግታት እንዲሁም ስትራቴጂካዊ ተቋማትን በመጠበቅ የሚያሳዩት ጥንካሬ ሀገረ መንግሥቱ በግዛቱ ላይ ያለውን ሙሉ ቁጥጥር ያረጋገጠበት ማሳያ ነው።

ባለፉት ዓመታት የተገነባው የጸጥታ መዋቅር ይኸንኑ የሕዝብና የሀገር ደኅንነት በማስቀደም፣ ሀገርን ከመበታተን አዙሪት የታደገ እውነተኛ የጽናት ማገር ሆኗል።

ስለሆነም የጸጥታና ደኅንነት ተቋማት ሪፎርም በራሱ ግብ ሳይሆን ዘመናዊ፣ ዲሞክራሲያዊና አስተማማኝ ሀገረ መንግሥትን ዕውን የማድረጊያ ዋነኛ ስልት ነው።

ተቋማቱ በሰው ኃይል ጥራት፣ በዘመናዊ ትጥቅና በላቀ ቴክኖሎጂ ተገንብተው የሕዝብ ወገንተኝነታቸውን በተግባር ሲያስመሰክሩ የሀገረ መንግሥቱ አቅም እጥፍ ድርብ ይሆናል። የጥፋት ኃይሎች የቱንም ያህል የሐሰት ፕሮፓጋንዳ ቢረጩ ሕዝቡ ከተቋማቱ ጎን የቆመው የትውልድ ማረፊያ የሆነችው ኢትዮጵያ ዘላለማዊ ምሰሶዎች መሆናቸውን ስለተረዳ ነው።

ዛሬ በተቋማቱ የተጣለው የማይናወጥ መሠረት፣ ኢትዮጵያ በሉዓላዊ ክብሯ ጸንታ፣ የውስጥ አንድነቷን አጠናክራና ቀጣናዊ ተጽዕኖዋን አስከብራ ወደ ላቀ የብልጽግና ከፍታ እንድትሸጋገር የሚያደርጋት የፀና ሀገረ መንግሥት እውነተኛ የሕልውና አውታር ነው።

የኢቢስ ዶትስትሪም ኤዲቶሪያል

ለተግዳሮቶች የማትበገር ሀገር

አዲስ አበባ፣ መስከረም 11፣ 2019 (ኤፍ ኤም ሲ) ኢትዮጵያ ባለፉት ከስምንት በላይ ዓመታት በርካታ የውስጥና የውጭ ተግዳሮቶችን እየተሻገረች ጠንካራ ኢኮኖሚ እየገነባች ትገኛለች፡፡

የለውጡ መንግሥት ወደ ሥልጣን ከመጣ አንድ ዓመት እንኳን ሳይሞላው ነበር የዓለምን ኢኮኖሚ ሥርዓት ያንገዳገደው የኮሮና ቫይረስ ወረርሽኝ የተከሰተው፡፡

ዓለም በአራቱም አቅጣጫዎች በያለበት ቀጥ አለ፤ በረራዎች፣ የባቡር ጉዞዎች፣ የአቅርቦትና የምርት እንቅስቃሴዎች ተገቱ፤ አልፎ ተርፎም ከቤት መውጣት ጭምር ተከለከለ፡፡

ይህ እንደ ኢትዮጵያ ላለ በኢኮኖሚው ጠንካራ ላልነበረና መሠረታዊ ሸቀጦችን ጭምር ከውጭ ለሚያስገባ ሀገር ከፍተኛ ተግዳሮት ነበር፡፡

በዚህም ሳያበቃ ኢትዮጵያ በሰሜኑ የሀገሪቱ ክፍል የተከፈተባት ጦርነት ከኮሮና ወረርሽኝ ለማገገም ለምትታገለው ሀገር እጅግ የሚያስቆጭ ክስተት ነበር፡፡

በጦርነቱ ከፍተኛ ሰብዓዊና ቁሳዊ ጉዳት ደርሷል፤ ይህ ሁኔታ ባይፈጠር ኖሮ ኢትዮጵያ በብዝሃ ዘርፍ ኢኮኖሚ የተሻለ ዕድገት ልታስመዘግብ ትችል እንደነበር መገመት አያስቸግርም፡፡

ከዚህ ባሻገር በተለያዩ የሀገሪቱ ክፍሎች ለውጭ ታሪካዊ ጠላቶች የመላላክ፤ የሀገርን ሉዓላዊነት አደጋ ላይ የመጣል፤ ልማቷን የማስተጓጎልና ሰላሟን የማወክ ተልዕኮ ያነገቡ ቡድኖች የልማት ጉዞዋን ለማደናቀፍ እየተፍጨረጨሩ ይገኛሉ፡፡

ከላይ ከተጠቀሱትና ከአየር ንብረት ለውጥ ጋር የተያያዙ ተደጋጋሚ የድርቅና ሌሎች ችግሮች ውስጥ ሆናም፤ ኢትዮጵያ በዓለም ላይ በዚህ ወቅት ፈጣን የኢኮኖሚ ዕድገት እያስመዘገቡ ካሉ ሀገራት ዝርዝር በመጀመሪያው ረድፍ ላይ ትገኛለች፡፡

የመደመር መንግሥት ሀገራችንን ተብትበው የያዟትንና እንዳታድግ መሰናክል የሆኑትን ችግሮች በመለየት የወሰዳቸው ተከታታይነት ያላቸው መሠረታዊ የለውጥ ርምጃዎች ለችግር የማይበገር ኢኮኖሚያዊ ዕምርታ እንዲመዘገብ አስችለዋል፡፡

ለአብነትም የሰሜኑን ጦርነት ለማስቆም "ለአፍሪካዊ ችግሮች አፍሪካዊ መፍትሔ" በሚለው መርህ በፕሪቶሪያ የሰላም ስምምነት መፈረም ተችሏል፡፡

በዚህም መንግሥት በጦርነቱ በተጎዱ አካባቢዎች በአጭር ጊዜ ውስጥ መሠረታዊ አገልግሎቶችን እንደገና በማስጀመር የመልሶ ግንባታ ሥራዎችን ከውኗል፡፡

በሁለት ዋና ዋና ምዕራፎች፥ ማለትም
ከ2012 እስከ 2015 ዓ.ም እና በሐምሌ 2016 ዓ.ም ጀምሮ አሁንም በትግበራ ላይ የሚገኘውን ሀገር በቀል የማክሮ-ኢኮኖሚ ሪፎርም ተግባራዊ አድርጓል።

የመጀመሪያው ምዕራፍ በዋናነት የማክሮ ኢኮኖሚ አለመረጋጋትን መቅረፍ፣ መዋቅራዊ ስብራቶችን ማከምና የግሉን ዘርፍ ማነቃቃት ላይ አተኩሮ በርካታ ወሳኝ ውጤቶችን አስመዝግቧል።

ሁለተኛው ምዕራፍ የተሟላ የማክሮ ኢኮኖሚ ማሻሻያ ሪፎርም ሲሆን፤ በኢትዮጵያ ታሪክ ትልቁ የኢኮኖሚ ሪፎርም ርምጃ ነው፡፡

ሪፎርሙ ከተጀመረበት ጊዜ አንስቶ በሀገሪቱ የፋይናንስ፣ የንግድና የፊስካል መዋቅር ላይ ተጨባጭ ለውጦች እየተመዘገቡ ይገኛሉ፡፡

የውጭ ምንዛሪ ገበያውን ማረጋጋትና ትይዩ ገበያውን ማዳከም ተችሏል፤ ታሪካዊ የተባለ ከፍተኛ የወጪ ንግድ ገቢ ተመዝግቧል።

ጥብቅ የሆነ የፊስካልና የገንዘብ ፖሊሲ በመከተል መንግሥት ቀጥተኛ ብድር እንዳይበደር ከማድረግ አንጻር ስኬታማ ሥራ ተሠርቷል፡፡

ከዚህ በተጨማሪ የሀገሪቱን የፋይናንስና ሌሎች ዘርፎች ለውጭ ባለሀብቶች ክፍት ማድረግ እንዲሁም የእዳ ክለሳና ሽግሽግ በማድረግ የኢኮኖሚ ጫናን የማቅለል ሥራ ተሠርቷል፡፡

ኢትዮጵያ ለግብርና፣ ማዕድን፣ ቱሪዝም፣ ኢንዱስትሪና ቴክኖሎጂ ዘርፎች እኩል ትኩረት የሰጠ የኢኮኖሚ መሠረት በመጣል መጠነ ሰፊ ሥራዎችን ሠርታ ከፍተኛ ውጤት አስመዝግባለች፡፡

ከኩታ ገጠም የበጋ ስንዴ ምርት እስከ ገበታ ለሸገር፣ ገበታ ለሀገር እና ገበታ ለትውልድ ልማቶች፤ ከመሶብ የአንድ ማዕከል አገልግሎት እስከ ኢትዮጵያ ታምርት እንዲሁም የኢንዱስትሪ ፓርኮች መስፋፋት፣ የከሰል ድንጋይ፣ ወርቅና የግንባታ ግብዓቶች ምርት ከብዙ በጥቂቱ የሚጠቀሱ ስኬቶች ናቸው፡፡

ኢትዮጵያ ለዘመናት የተሸጋገሩ ልዩነቶችንና የሕዝብ ጥያቄዎችን በሀገራዊ የምክክር መድረክ በጠረጴዛ ዙሪያ በውይይት የመፍታት ታሪካዊ ስኬት አስመዝግባለች፡፡

ሀገሪቱ ውስጣዊ ተግዳሮቶች ሳይበግሯት በልጆቿ ቆራጥ ተሳትፎ ሁለት ምርጫዎችን አካሂዳለች።

ለ8 ዓመታት የአረንጓዴ ዐሻራ መርሐ ግብርን አካሂዳለች፤ ታላቁ የሕዳሴ ግድብን አጠናቅቃ አስመርቃለች፤ ፈጣን ኢኮኖሚያዊና ዲፕሎማሲያዊ ድሎችንም ተቀዳጅታለች፡፡

አሁንም የውስጥ ችግሮችን በሰላም የመፍታቱ ተግባር የሚቀጥል ሲሆን፤ እየተመዘገበ ያለውም ፈጣን ኢኮኖሚያዊ እምርታና ለትውልድ በሚሻገሩ ታላላቅ ፕሮጀክቶችና የልማት ስራዎች የታጀበው ሀገራዊ የብልፅግና ጉዞ ተጠናክሮ ይቀጥላል፡፡

በቴዎድሮስ ሳህለ

ኅብረተሰቡ ሕጋዊ ፈቃድ በሌላቸው የስፖርት ውርርድ መድረኮች ላይ እንዳይሳተፍ የኢትዮጵያ ሎተሪ አገልግሎት አሳሰበ
******************

የኢትዮጵያ ሎተሪ አገልግሎት በስፖርት ውርርድ እና ሎተሪ ዘርፍ ባካሄደው ምርመራ ፈቃድ ያላቸው ኦፕሬተሮች የፋይናንስ ግዴታቸውን በአግባቡ ባለመወጣታቸው መንግሥት ማግኘት የነበረበትን 27.5 ቢሊዮን ብር ገቢ እስካሁን እንዳላገኘ አስታውቋል።

የድርጅቱ ዋና ሥራ አስፈጻሚ ወ/ሮ ቤዛ ግርማ ለኢትዮጵያ ብሮድካስቲንግ ኮርፖሬሽን እንደገለጹት ድርጅቶቹ ባንቀሳቀሱት 199 ቢሊዮን ብር ላይ 30 ቢሊዮን ብር የኮሚሽን ክፍያ ቢጠበቅባቸውም እስካሁን የከፈሉት 3.6 ቢሊዮን ብር ብቻ ነው።

ሳይሰበሰብ ከቀረው ገቢ ውስጥ 8.64 ቢሊዮን ብሩ ዳሽ ቤት በተባለ የስፖርት ውርርድ ድርጅት ላይ የተከማቸ ዕዳ መሆኑን ረቂቅ የኦዲት ሪፖርቱ ያመለክታል።

መረጃው ረቂቅ የኦዲት ሪፖርት መሆኑን ያስገነዘቡት ዋና ሥራ አስፈጻሚዋ፤ የመጨረሻው የኦዲት ውጤት እንደተረጋገጠ ከሚመለከታቸው የመንግሥት አካላት ጋር በመተባበር ያልተከፈለውን ገቢ ለማስመለስ ሕጋዊ እና አስተዳደራዊ እርምጃ እንደሚወሰድ ገልጸዋል።

ከዚሁ ጋር በተያያዘ የዲጂታል ሎተሪን በሚመለከት ከግል አጋር ጋር የነበረው ስምምነት የሚጠበቁ የውል እና የቴክኖሎጂ ግዴታዎች ባለመሟላታቸው ምክንያት መቋረጡን አስረድተዋል።

የስፖርት ውርርድ እንቅስቃሴ መቆሙን በተመለከተ መንግሥት ዘርፉን በሕግ እና በጠንካራ የቁጥጥር ሥርዓት ውስጥ ለማስገባት የወሰደው የሪፎርም እርምጃ መሆኑን ወ/ሮ ቤዛ ጠቁመዋል።

አሠራሩ ከዲጂታል ኢትዮጵያ 2030 ስትራቴጂ ጋር በተጣጣመ መልኩ መንግሥት በኦፕሬተሮች የፋይናንስ እና አጠቃላይ እንቅስቃሴ ላይ ሙሉ እና ቀጥተኛ እይታ በሚኖረው አዲስ የቴክኖሎጂ ሥርዓት ከተዋቀረ በኋላ የስፖርት ውርርድ በአዲስ መልክ እንደገና ይጀመራል ብለዋል።

የተቋሙን አቅም ለማሳደግም በቴክኖሎጂ ዘርፍ የሥራ ልምድ ያላቸው አዲስ የፈቃድ አሰጣጥ እና ቁጥጥር ምክትል ዋና ሥራ አስፈጻሚ ተመድበዋል።

በአሁኑ ወቅት የኦፕሬተሮች ፈቃድ ከተሰረዘ በኋላም የሚካሄዱ ሕገ-ወጥ የውርርድ እንቅስቃሴዎችን ለማስቆም ከፀጥታ፣ ከፋይናንስና ከቴክኖሎጂ ተቋማት ጋር በቅንጅት እየተሠራ ይገኛል።

በመሆኑም ኅብረተሰቡ ሕጋዊ ፈቃድ በሌላቸው የስፖርት ውርርድ መድረኮች ላይ እንዳይሳተፍ እና ምንም ዓይነት የገንዘብ ግብይት እንዳይፈጽም አገልግሎቱ ጥብቅ ወ/ሮ ቤዛ አሳስበዋል።
#ethiopia #ebc #sportsbetting #digitalethiopia2030 #businessnews #addisababa

ፀደይ ባንክ ከታክስ በፊት 4 ነጥብ 3 ቢሊዮን ብር ጠቅላላ ትርፍ አስመዘገበ
#ethiopia | ባንኩ የ2025/26 በጀት ዓመት እቅድ አፈጻጸም እና የ2026/27 እቅድ ትውውቅ መድረኩን ማካሔድ ጀምሯል፡፡

ከሐምሌ 26-28/2018 ዓ.ም በባንኩ ዋና መሥሪያ ቤት እየተካሔደ በሚገኘው የአፈጻጸም ውይይትና የእቅድ ትውውቅና መድረክ፣ የዳይሬክተሮች ቦርድ አባላት፣ የባንኩ ከፍተኛ የሥራ ኃላፊዎች፣ መካከለኛ የሥራ መሪዎች፣ የዐሥራ አንዱም ዲስትሪክቶች ሥራ አስኪያጆች፣ በመላ ሀገሪቱ ከሚገኙ 637 የፀደይ ባንክ ቅርንጫፎች የመጡ ሥራ አስኪያጆች እንዲሁም ጥሪ የተደረገላቸው እንግዶች እየተሳተፉ ይገኛሉ፡፡

ይህ መድረክ ፀደይ ባንክ በተጠናቀቀው በጀት ዓመት በዋና ዋና መመዘኛዎች ማለትም በሀብት አሰባሰብ፣ በብድር አቅርቦትና ማስመለስ፣ በውጭ ምንዛሬ ክምችት፣ የባንኩን ጥሬ ገንዘብ (ሊኩዊዲቲ) በአግባቡ በማሥተዳደር እና በሌሎችም መመዘኛዎች አመርቂ ውጤት ባስመዘገበበት ወቅት የሚካሔድ፣ ትልቅ ትርጉም ያለው፣ ለአንድ ዓላማ በመትጋት ባንኩን ወደ ላቀ ከፍታ ለማሸጋገር ውይይት የሚደረግበትና መግባባት ላይ የሚደረስበት እንደሚሆን የባንኩ ፕሬዝዳንት ዶክተር ዮሐንስ አያሌው ተናግረዋል።

የፀደይ ባንክ የዳይሬክተሮች ቦርድ ሰብሳቢ ዶክተር ድረስ ሳህሉ፣ ባንኩን ውጤታማ ለማድረግ ቦርዱ አፋጣኝ ውሳኔዎችን በማሳለፍ ተቋማዊ ሪፎርም ማድረጉን አስታውሰዋል።

በዚህም ጠንካራ አመራር እና ታታሪ ሠራተኛን ማገናኘት መቻሉንና በአጭር ጊዜ አስደናቂ ውጤት ማስመዝገቡን ዶክተር ድረስ አስታውቀዋል፡፡

ባንኩን ወደ ላቀ ደረጃ ለማሸጋገርና ራእዩን ለማሳካት በጋራ መትጋት እንደሚገባም አሳስበዋል።

ሙሉ ዘገባውን ለማንበብ ማስፈንጠሪያውን ይጫኑ፡- https://www.tsedeybank.com...

የምክክር ድል፡ የኢትዮጵያን ሕልውና እና ብሔራዊ ጥቅም ማረጋገጥ
(የዕለቱ መልዕክት)
*******************

የኢትዮጵያ ፖለቲካዊ ታሪክ ለዘመናት ልዩነቶችን በጠመንጃ አፈሙዝ ለመፍታት በሚደረግ ተደጋጋሚ አዙሪት ውስጥ ያለፈ መሆኑ አያጠያይቅም።

ይሁን እንጂ ሀገራችን ይህን አጥፊ የፖለቲካ ባህል በመስበር በቅርቡ ያካሄደችው አካታች ሀገራዊ ምክክር፣ ልዩነቶችን በጦር ሜዳ ሳይሆን በጠረጴዛ ዙሪያ በሰለጠነ መንገድ የመፍታት ባህልን ለማዳበር አዲስ ምዕራፍና ታሪካዊ እርምጃ ነው።

ያለፉት ታሪኮቻችን ውስብስብ እና በርካታ ቂምና ቁርሾዎችን ያዘሉ ቢሆኑም መጻኢው ጊዜያችን በእነዚህ የታሪክ ስብራቶች ተተብትቦ ሊቀር አይገባም።

የኢትዮጵያን ብሔራዊ ጥቅም ለማስጠበቅ የሚደረገው ዘርፈ ብዙ የልማት፣ የዲፕሎማሲ እና ሉዓላዊነትን የማስከበር ስራ ስኬታማ ሊሆን የሚችለው በሀገራዊ መግባባት እና በይቅርታ ላይ የተመሰረተ የፖለቲካ ማዕቀፍ ሲፈጠር ነው።

የጸና ሀገረ-መንግሥት ግንባታችን እውን የሚሆነውም ሕብረ-ብሔራዊ አንድነታችንን በማክበር እንዲሁም ባህላዊ እና ዘመናዊ የእርቀ ሰላም እሴቶቻችንን በማቀናጀት የጥላቻ እና የቂም ታሪክን ለዘለቄታው መዝጋት ስንችል መሆኑን መገንዘብ ያሻል።

ብሔራዊ መግባባት፣ አንድነት እና የሀገርን ጥቅም የማስጠበቅ ኃላፊነት የጥቂት ልሂቃን ወይንም የመንግሥት ብቻ ሊሆን አይችልም፤ መሆንም የለበትም።

ከታች ጀምሮ የመላው የሀገራችንን ሕዝቦች ቀጥተኛ ተሳትፎ ባረጋገጠ መልኩ ሊገነባ የሚገባው ይህ ሂደት፣ ሀገራችንን በኢኮኖሚ፣ በዓለም አቀፍ ዲፕሎማሲ እና በጸጥታው ዘርፍ ጠንካራ አቅም ያላት ሀገር እንድትሆን ያደርጋታል።

የኢትዮጵያ ሰላምና መረጋጋት ለቀጣናውም ያለው ፋይዳ እጅግ የላቀ በመሆኑ፣ የውስጥ ጥንካሬያችን የውጭ ዲፕሎማሲያዊ አቅማችንን እና ቀጣናዊ ተሰሚነታችንን በከፍተኛ ደረጃ እንደሚያጎላው ልብ ልንል ይገባል።

ዘላቂ ሰላምን የማረጋገጥ ግብ ከዴሞክራሲ፣ ከመልካም አስተዳደር እና ከሕግ የበላይነት ጋር በእጅጉ የተቆራኘ ነው።

የፍትሕ ተቋማት ገለልተኝነት እና የዜጎች እኩልነት መረጋገጥ ለመግባባት ዲሞክራሲ መጎልበት የጀርባ አጥንቶች በመሆናቸው የበለጠ ሊጠናከሩ ይገባል።

ይህ የተጀመረው የሀገራዊ ምክክር እና የመግባባት ሂደት በቀጣይ ሀገራዊ ለውጥ እንዲያመጣ የሁሉም ዜጎችና ባለድርሻ አካላት ድጋፍ ያሻል።

በተጨማሪም ፍትሕና የሕግ የበላይነት መረጋገጥ ለዴሞክራሲ መጽናት ቅድመ ሁኔታ በመሆኑ፣ በተቋማት ግንባታ ላይ የተጀመሩ የሪፎርም ስራዎች ተጠናክረው መቀጠል አለባቸው።

ወጣቱ ትውልድም የቂም እና የጥላቻ ውርስ ተቀባይ እንዳይሆን ትምህርት ቤቶች፣ የኃይማኖት ተቋማት እና ሲቪክ ማኅበረሰቡ የሰላም፣ የይቅርታ እና አብሮ የመኖር ባህልን በማስተማር፣ በማለማመድ እና በማስረጽ ረገድ የጎላ ሚናቸውን መወጣት ይገባቸዋል።

ትናንትን በይቅርታ ተሻግረን ዛሬን በብሔራዊ መግባባት ካጸናን፣ ሕልውናዋ የተጠበቀና ሁለንተናዊ ብልጽግናዋ የተረጋገጠ ጠንካራ ኢትዮጵያን ለቀጣዩ ትውልድ ማስተላለፍ እንደምንችል ጽኑ እምነታችን ነው።

የኢቢሲ ዶትስትሪም ኤዲቶሪያል

በሀገር ግንባታ መንገድ ላይ የሚታየው የብርሃን ወጋገን
***************

በአዲስ ተስፋ እና በታላቅ ራዕይ ዋዜማ ላይ የምትገኘው ኢትዮጵያ፣ አዲስ መንግስት ለመመስረት በዝግጅት ላይ ትገኛለች።

ይህ ታሪካዊ ምዕራፍ ወደ አዲስ የልማትና የብልፅግና ከፍታ የሚያሸጋግሩ በርካታ መልካም እድሎችን፣ ሜጋ ፕሮጀክቶችን እና የወደፊት ተስፋዎችን ሰንቆ መጥቷል።

ከሚሰሩ ሜጋ ፕሮጀክቶች መካከልም የኢነርጂና የታዳሽ ኃይል ፕሮጀክቶች የኢትዮጵያን የኃይል አቅርቦት ከማረጋገጣቸው ባሻገር ለአህጉራዊ የኢኮኖሚ ትስስር መንገድ የከፈቱ ናቸው።

በከተማ ልማት እና ግንባታ መስክ አዲስ አበባን እንደ አፍሪካ መዲናነቷ ውብ፣ ጽዱ እና ለኑሮ ተስማሚ የማድረግ ስራ በከፍተኛ ፍጥነት በመከናወን ላይ ይገኛል።

በቱሪዝም ዘርፉ የገበታ ለሀገር እና የገበታ ለትውልድ ፕሮጀክቶች ደግሞ በመላ ሀገሪቱ የተፈጥሮ መስህቦችን በማልማት ለዘርፉ አዲስ ህይወት ዘርተዋል።

በቱሪዝም ዘርፍ እንደ ዋና የኢኮኖሚ ሞተር በታደሱትና አዲስ በተገነቡት የቱሪስት መስህቦች ምክንያት ዘርፉ የውጭ ምንዛሬ እና የሥራ ዕድል ፈጠራ ዋነኛ ምንጭ እየሆነ መጥቷል።

የአቪዬሽን ኢንዱስትሪው መስፋፋት እና በከተሞች የሚገነቡ ዘመናዊ ሆቴሎች ሀገሪቱን የአፍሪካ የቱሪዝም እና የስብሰባዎች ማዕከል እያደረጓት ነው።

ይህ ሪፎርም ለወጣቶች ሰፊ የሥራ እድል ለመፍጠር እና የአገልግሎት አሰጣጥን ለማዘመን የተጀመሩ ዲጂታል እንቅስቃሴዎች ተጠናክረው እንዲቀጥሉ ሀላፊነት ተጥሎበታል።

በስንዴ ልማት እና በሀገር ውስጥ ምርት የተመዘገበው ውጤት ሀገርን በምግብ የመቻል እና ወጪን የመተካት ተስፋን አጎልቶታል።

አዲሱ መንግስት እነዚህን የተጀመሩ ግዙፍ ስራዎች አጠናክሮ በማስቀጠል፣ የህዝቦችን አብሮነት በመገንባት እና ሀገራዊ የኢኮኖሚ እድገቱን በማፋጠን ኢትዮጵያን ወደተሻለ የብልፅግና ማዕረግ ያሸጋግራታል ተብሎ በተስፋ መንገድ የተስፋ ወጋገንን ያሳያል።

በልዩ እሸቱ

የጸጥታ ተቋማት ሪፎርም፡ ሉዓላዊነትን ከመጠበቅ እስከ የዜጎችን ደኅንነት ማረጋገጥ
**************

የአንድ ሀገር ሉዓላዊነት፣ ሰላምና የዜጎች ደኅንነት በጠንካራ የጸጥታ ተቋም ላይ የተመሠረቱ ናቸው። የዘመኑ የጸጥታ ምህዳር ግን ቀድሞ ከነበረው በእጅጉ ተለውጧል። ዛሬ ሀገራት ከባህላዊ የደኅንነት ስጋቶች በተጨማሪ ሳይበር ጥቃት፣ የተደራጀ ወንጀል፣ ሕገወጥ የሰዎች ዝውውርና ሌሎች ድንበር ተሻጋሪ ስጋቶችን መቋቋም ይጠበቅባቸዋል።

ይህ ሁኔታ የጸጥታ ተቋማት የሚሠሩበትን መንገድ እንዲቀይሩ አስገድዷቸዋል። በኢትዮጵያም በቅርብ ዓመታት የተካሄዱ የጸጥታ ዘርፍ ሪፎርሞች ተቋማትን በአደረጃጀት፣ በሰው ኃይል፣ በቴክኖሎጂ፣ በመሠረተ ልማትና በአሠራር ለማዘመን ያተኮሩ ናቸው።

የጸጥታ ተቋማት ተልዕኮ የሀገርን ሉዓላዊነትና ሕገመንግሥታዊ ሥርዓት ከመጠብቅ ባሻገር የሕዝብን ሰላምና ደኅንነት ማረጋገጥ፣ ወንጀልን መከላከልና ሕግ ማስከበርን ያካትታል።

በዘመናዊ የጸጥታ አሠራር ውስጥ ደግሞ ተቋም አደጋ ከተፈጠረ በኋላ ብቻ ምላሽ የሚሰጥ ሳይሆን ስጋቶችን ቀድሞ መለየት፣ መተንበይና መከላከል የሚችል አቅም መገንባት ይጠበቅበታል። በዚህ ረገድ የመረጃ አቅም፣ የምርመራ ብቃት፣ የቴክኖሎጂ አጠቃቀምና ተቋማዊ ቅንጅት ወሳኝ ናቸው።

በተለይ የፌዴራል ፖሊስ የፎረንሲክ ሳይንስ አቅምን ማሳደጉ የወንጀል ምርመራን ከግምትና ከግል ግንዛቤ ወደ ሳይንሳዊ ማስረጃ ለማሸጋገር የሚያግዝ ለውጥ ነው። የፌዴራል ፖሊስ የፎረንሲክ ምርመራ የምርመራ ቴክኒኮችን ጨምሮ ዘመናዊ አቅምን እንድገነባ ትልቅ አስተዋጽዖ አበርክቷል።

የጸጥታ ምህዳሩ ወደ ዲጂታል ዓለም በመስፋፋቱ የሳይበር ደኅንነት የብሔራዊ ደኅንነት ዋና አካል ሆኗል። የኢትዮጵያ ብሔራዊ የሳይበር ደኅንነት ፖሊሲም ዲጂታል ለውጥ ከሚያመጣቸው ዕድሎች ጎን ለጎን በዜጎች፣ በመረጃዎችና በወሳኝ መሠረተ ልማቶች ላይ የሚደርሱ የሳይበር ስጋቶችን መቋቋም አስፈላጊ መሆኑን ያስቀምጣል።

ዘመናዊ መሣሪያ መግዛት ብቻ የጸጥታ ተቋምን ዘመናዊ አያደርገውም። ቴክኖሎጂውን በብቃት የሚጠቀም፣ መረጃን የሚተነትን፣ ሕግንና የሰብዓዊ መብት መርሆዎችን የሚያከብር የሰው ኃይል ከመሣሪያው እኩል ወሳኝ ነው።

በዚህም የፖሊስ ምርምርና ስልጠና ተቋማት የግጭት አመራር፣ የሰላም ግንባታ፣ ድንበር ተሻጋሪ ወንጀሎችና ሕገ ወጥ የሰዎች ዝውውር ያሉ ዘርፎችን በምርምር መዳሰሳቸው የሙያዊ አቅም ግንባታው አካል ነው።

የጸጥታ ተቋማት ሪፎርም በአንድ ጊዜ ተከናውኖ የሚያበቃ ሂደት አይደለም። የስጋቶች ባህሪ በየጊዜው ስለሚለዋወጥ ተቋማትም በተመሳሳይ ፍጥነት መማር፣ መላመድና መታደስ ይኖርባቸዋል።

በመሆኑም የኢትዮጵያ የጸጥታ ተቋማት ሽግግር ከባህላዊ የጸጥታ አሠራር ወደ ተቋማዊ አደረጃጀት፣ ሳይንሳዊ ምርመራ፣ ዲጂታል አቅም፣ የሰው ኃይል ግንባታና የተቀናጀ የጸጥታ አሠራር የሚያመራ ሂደት ነው። የዚህ ሽግግር ዋና ግብም ቴክኖሎጂን ለመጠቀም ብቻ ሳይሆን የሀገርን ሉዓላዊነት በማስጠበቅ፣ ሕግን በማስከበር እና የሕዝብን ሰላምና ደኅንነት በዘላቂነት ማረጋገጥ ነው።

በአድማሱ አራጋው
#ethiopia #ebc #securityreform #regionalstability #endf #nationalsecurity #institutionbuilding

ትውልድን የማነፅ አዲስ ምዕራፍ

አዲስ አበባ፣ መስከረም 5፣ 2019 (ኤፍ ኤም ሲ) ትምህርት የማኅበራዊ፣ የኢኮኖሚና የቴክኖሎጂ ሽግግር ዋና መንገድ ከመሆኑም በላይ የትኛውንም ማኅበረሰብ ወደ ተሻለ የዕድገትና የብልጽግና ማዕረግ የሚያሸጋግር የማይተካ መሠረት ነው።

የሀገርን የነገ ተስፋ በጽኑ መሠረት ላይ ለመገንባት፣ በዕውቀትና በክህሎት የበለፀገ፣ በበጎ ሥነ ምግባር የታነፀ እንዲሁም የአካባቢውንና የሀገሩን መሠረታዊ ችግሮች መፍታት የሚችል ብቁ የሰው ኃይል ማፍራት የቀዳሚነት ድርሻ የሚሰጠው ተግባር ነው።

ባለፉት ዓመታት የተመዘገቡትን ዘላቂ የልማት ውጤቶች አጠናክሮ ለማስቀጠልም የትምህርት ጥራትን ማረጋገጥና የላቀ ብቃት ያለው የሰው ኃይል ማፍራት የኢትዮጵያ የኢኮኖሚና ማኅበራዊ ትራንስፎርሜሽን ዋና ማዕከል ሆኖ ቀጥሏል።

በዛሬው ዕለትም በመላው ሀገሪቱ የ2019 ትምህርት ዘመን በይፋ የተጀመረ ሲሆን፤ በሚሊየኖች የሚቆጠሩ ተማሪዎች፣ መምህራንና የትምህርት ማኅበረሰብ አባላት ወደ ትምህርት ገበታቸው ተሰማርተዋል።

የመደመር መንግሥትም የትምህርት ዘርፉን ወሳኝነት የሪፎርም አጀንዳው ዋና አካል በማድረግ ሰፋፊ የማሻሻያ ተግባራትን ሲያከናውን ቆይቷል።

በተለይም ባለፉት 3 ዓመታት በተካሄደውና የመላውን ሕዝብ አቅም ባንቀሳቀሰው የትምህርት ለትውልድ ንቅናቄ ከ146 ቢሊየን ብር በላይ ሀብት በማሰባሰብ አዳዲስ ትምህርት ቤቶች፣ የመማሪያ ክፍሎችና ልዩ ልዩ የመሠረተ ልማቶች ተገንብተው ለተማሪዎች አገልግሎት ክፍት ሆነዋል።

በሁለተኛ ደረጃ ትምህርት ቤቶች መጽሐፍትን ማሰራጨት የተቻለ ሲሆን፤ በአንደኛ ደረጃ ትምህርት ቤቶች የሚስተዋለውን የመጻሕፍት እጥረት ለመፍታት ተጨማሪ 25 ሚሊየን መጻሕፍት ታትመው እየተሰራጩ ይገኛሉ፡፡

ከዚህ ጎን ለጎን የተማሪዎችን የማቋረጥ ምጣኔ ለመቀነስና የመማር ፍላጎታቸውን ለማሳደግ ባለፈው ዓመት 8 ነጥብ 9 ሚሊየን ተማሪዎችን ተጠቃሚ ያደረገውን የትምህርት ቤት ምግብ ፕሮግራም ዘንድሮም አጠናክሮ ለመቀጠል ዝግጅት ተደርጓል፡፡

የመምህራንንና የትምህርት ዘርፉን አመራሮች ሙያዊ ብቃት ለማሳደግ በተከናወኑ ጥረቶች ባለፉት ሁለት ዓመታት ብቻ ከ100 ሺህ በላይ የሁለተኛ ደረጃ መምህራንን ማሰልጠን ተችሏል፡፡

ሁለተኛ ደረጃ ትምህርት ቤቶች በዘመናዊ ቴክኖሎጂ እንዲደራጁ የኮምፒውተርና የዲጂታል አሰራሮች ዝርጋታ በስፋት ሲካሄድ ቆይቷል፡፡

የመደመር መንግሥት በዘርፉ እየተገበራቸው የሚገኙት አጠቃላይ ጥረቶችና የፖሊሲ ማሻሻያዎች አዎንታዊ ፍሬዎችን ማሳየት ጀምረዋል።

ለአብነትም የቅድመ መደበኛ ትምህርት ተሳትፎ ከ36 ነጥብ 7 ወደ 59 ነጥብ 8 በመቶ ያደገ ሲሆን፤ በ6ኛ፣ 8ኛ እና 12ኛ ክፍል ሀገር አቀፍ ፈተናዎች የተማሪዎች ውጤትና የማለፍ ምጣኔ አበረታች መሻሻል አሳይቷል።

በዛሬው ዕለት በሀገር አቀፍ ደረጃ ከ20 ሚሊየን በላይ ተማሪዎች በትምህርት ዘመኑ የመጀመሪያ ቀን ወደ ትምህርት ቤቶች በመግባት የትምህርት ጉዟቸውን ጀምረዋል።

በተለያዩ ምክንያቶች በዛሬው ዕለት ሥራ ያልጀመሩ ትምህርት ቤቶች በሚቀጥሉት ጥቂት ቀናት ውስጥ ሙሉ በሙሉ የማስተማር ሥራቸውን እንደሚጀምሩ ተጠቁሟል።

በዮናስ ጌትነት

ከፖለቲካዊ ጣልቃ ገብነት ወደ ብቃት ማዕከል የኢትዮጵያ የትምህርት ዘርፍ አዲስ ምዕራፍ
**************

የኢትዮጵያ የትምህርት ሥርዓት ለረጅም ጊዜ ለከፍተኛ የፖለቲካ ጣልቃ ገብነት ተጋልጦ በመቆየቱ፣ ትምህርት የፖለቲካ መሣሪያ ሆኖ ዘልቋል።

አሠራሩ በብቃትና በታማኝነት ላይ የተመሠረተ ባለመሆኑም፣ ተማሪዎች በራሳቸው ችሎታና እውቀት መለካት ተስኗቸው ነበር።

የትምህርት ሚኒስትሩ ፕሮፌሰር ብርሃኑ ነጋ ከኢዜአ ጋር በነበራቸው ቆይታ እንደጠቀሱት በፊት የትምህርት ቤቶች አስተዳደር በፖለቲካዊ ታማኝነት ላይ መመሥረቱ በትምህርት ጥራት ላይ ቀጥተኛ አሉታዊ ተጽዕኖ ፈጥሯል ።

የመምህራን የማስተማር ፍላጎት መዳከም፣ የግብዓት እጥረት እና በክፍል ውስጥ ከፍተኛ የተማሪዎች ብዛት መኖር፣ የትምህርቱን ውጤታማነት በእጅጉ ጎድቶት እንደነበርም ሚኒስትሩ አስታውሰዋል።

ሥርዓቱ ተማሪዎችን ለገበያ ፍላጎት ወይም ለሕይወት ክህሎት ማዘጋጀት ባለመቻሉ፣ ከዩኒቨርሲቲ የሚመረቁ ተማሪዎች በሥራ ዓለም አቅም ማሳየት የማይችሉበት ደረጃ ላይ ደርሰው ነበር።

ኢትዮጵያን የአፍሪካ የብልፅግና ተምሳሌት ለማድረግ የሰለጠነ የሰው ኃይል የማይተካ ሚና እንዳለው በመገንዘብ፣ መንግሥት የትምህርት ዘርፉን የጥራትና የተደራሽነት ችግር ለመቅረፍ ስር ነቀል የሪፎርም እርምጃዎችን ወስዷል።

በዚህም የትምህርት ሥርዓቱን ከገበያ እና ከኢትዮጵያ ነባራዊ ፍላጎት ጋር ለማጣጣም የሥርዓተ ትምህርት ክለሳ ተደርጓል።

የግብረገብነት ትምህርትን ወደ ትምህርት ቤቶች መመለስ እና ቴክኒክና ሞያ በመባል የሚታወቁት የተግባር ክህሎቶች በትምህርት ስርአቱ እንዲካተቱ ተደርጓል፡፡

በትምህርት ዘርፉ የነበረው የፖለቲካ ጣልቃ ገብነት በመወገዱ፣ መምህራን እና የትምህርት ቤት አስተዳደሮች የሚመዘኑት በብቃታቸው፣ በችሎታቸው እና ለተማሪዎች በሚሰጡት እውቀት ብቻ ሆኗል።

ከዚህም በላይ የከፍተኛ ትምህርት ተቋማትን ከፖለቲካ ጣልቃ ገብነት ነፃ የማውጣትና ወደ ራስ-ገዝ አስተዳደርነት የመቀየር ሂደት ተጀምሯል።

የዩኒቨርሲቲ አመራሮችን በውድድር እና በብቃት የመምረጥ አዲስ ሥርዓት በመዘርጋቱ፣ ከኢትዮጵያም ሆነ ከውጭ አገር ብቁ ባለሙያዎች በዩኒቨርሲቲ አመራርነት እንዲወዳደሩ ዕድል ተከፍቷል።

ለተግባር ተኮር ትምህርት ትኩረት በመስጠት፣ ለተግባር እውቀቶች (እንደ አናጢነት፣ ግንበኝነት፣ ወዘተ) የነበረውን ዝቅተኛ የህብረተሰብ አመለካከት በመለወጥ፣ ተማሪዎች ወደ ተግባር ተኮር ትምህርቶች በስፋት እንዲገቡ እየተደረገ ነው።

ሪፎርሙ ተግባራዊ መሆን ከጀመረበት ጊዜ አንስቶ የመማር ማስተማር ሂደቱ መሻሻል እያሳየ ነው። ተማሪዎች በአካዳሚክ እና በተግባራዊ ክህሎት የተሻሉ መሆናቸውም በሥራ ገበያው ላይ በግልጽ እየታየ ነው፡፡

በላሉ ኢታላ
#ebc #ebcdotstream #ethiopian #education #reform

አዲሱ የትምህርት ዘመን እና የትምህርት ጥራት ጉዞ በነገዋ ኢትዮጵያ እጣ ፈንታ
******************

በኢትዮጵያ የሚገኙ ትምህርት ቤቶች በአዳዲስ ተስፋዎችና እቅዶች ተማሪዎችን ተቀብለው የ2019 ዓ.ም የትምህርት ዘመን የመማር-ማስተማር ሂደቱን በዛሬው ዕለት በይፋ ጀምረዋል።

የትምህርት ዘመኑ መጀመር የተማሪዎችንና የወላጆችን ስሜት ከማነቃቃቱም በላይ፣ የሀገራችን የትምህርት ዘርፍ አጠቃላይ ሁኔታ፣ የትምህርት ጥራትን እና የወደፊት የትውልድ እጣ ፈንታን በድጋሚ እንድንፈትሽ ትልቅ እድል ይፈጥራል።

ትምህርት የአንድ ሀገር ማህበራዊና ኢኮኖሚያዊ እድገት መሰረት ከመሆኑ አንጻር፣ በትምህርት ጥራት ላይ የሚታዩ ክፍተቶች ቀጥተኛ ተጽዕኖ የሚያሳድሩት በነገዋ ሀገር ተረካቢ ትውልድ ላይ ነው።

በቅርብ ዓመታት የተካሄዱ ሀገራዊ የ12ኛ ክፍል እና የሌሎች ደረጃዎች ፈተና ውጤቶች እንደሚያሳዩት፣ የተማሪዎች የትምህርት አቀባበልና የውጤት ደረጃ ከፍተኛ ትኩረት የሚሻ ነው። የተማሪዎች ውጤት ዝቅ ማለት በቀጣይ የከፍተኛ ትምህርትና የሙያ ሥልጠና ብቃታቸው ላይ ቀጥተኛ ተጽዕኖ ያሳድራል።

መሰረታዊ የጽሑፍ፣ የንባብ እና የሒሳብ ስሌት ብቃት በመጀመሪያ ደረጃ ትምህርት ቤቶች ላይ በበቂ ሁኔታ አለመገንባቱ ለከፍተኛ ክፍል ውጤት ማነስ እንደ ዋና ምክንያት ይጠቀሳል።

መምህራን የትምህርት ጥራት ዋና አሸጋጋሪዎች ናቸው። የመምህራን የሙያ ማሻሻያ፣ የአቅም ግንባታ ስልጠናዎች እና የትምህርት ዝግጅት ጥራት በቀጥታ ከተማሪዎች ስኬት ጋር የተያያዘ ነው።

የትምህርት ቤቶች ደረጃ፣ የቤተ-ሙከራዎችና ቤተ-መጻሕፍት መሟላት፣ የመማሪያ መጻሕፍት ከተማሪዎች ቁጥር ጋር ያለው ተመጣጣኝነት እና የዲጂታል ቴክኖሎጂ አቅርቦት ለጥራት ወሳኝ ናቸው።

ከትምህርት ሚኒስቴር እስከ ትምህርት ቤት ባለው መዋቅር ውስጥ የሚከናወን የነፃና ገለልተኛ የጥራት ቁጥጥር ሥርዓት ወሳኝ ነው። የትምህርት አመራሮች በሙያ ብቃትና በትምህርት አስተዳደር የበሰሉ መሆናቸው፣ አሰራርን ግልጽና ተጠያቂነት ያለው በማድረግ የትምህርት ጥራትን ያረጋግጣል።

ትምህርት የቤትና የትምህርት ቤት ጥምር ውጤት ነው። የወላጅ እና መምህራን ሕብረት ካልተጠናከረ፣ ወላጆች የተማሪዎችን የቤት ሥራና ክትትል ካላደረጉ እና ማህበረሰቡ ትምህርት ቤቶችን የራሱ አድርጎ በሀብትና በክትትል ካልደገፈ የትምህርት ጥራትን በሙሉ አቅም ማረጋገጥ አይቻልም።

በኢትዮጵያ የትምህርት ጥራትን ለመመለስ በቅርብ ዓመታት ጉልህ የሪፎርም እርምጃዎች ተወስደዋል። በዚሁም የ12ኛ ክፍል ሀገራዊ ፈተና በዩኒቨርሲቲዎች ውስጥ እንዲሰጥ መደረጉ የኩረጃ እና የማጭበርበር ባህልን በማስቀረት፣ ትክክለኛውን የተማሪዎች ብቃትና የትምህርት ቤቶችን እውነተኛ ደረጃ ለማየት አስችሏል።

የዘመኑን የሀገር ውስጥና የዓለም አቀፍ ሁኔታ ያገናዘበ አዲስ ሥርዓተ-ትምህርት ተቀርጾ ወደ ተግባር ገብቷል። ሕብረተሰቡንና ባለሀብቱን ያሳተፉ የትምህርት ቤት ግንባታና የግብዓት ማሟላት ዘመቻዎች በማካሄድ ደረጃቸውን የጠበቁ ትምህርት ቤቶችን መገንባት ተችሏል።

የ2019 የትምህርት ዘመን ሲጀመር፣ ከተማሪዎች የደብተርና የዩኒፎርም ዝግጅት ባሻገር የጠቅላላ ትምህርት ሥርዓታችን የጥራት ዝግጅት የመንግሥት ብቻ ሳይሆን የወላጆች፣ የመምህራን፣ የባለሀብቶችና አጠቃላይ የማህበረሰቡ የጋራ ኃላፊነት ሊሆን ይገባል።

አሁን የሚደረግ ማንኛውም አስተማማኝ የትምህርት ኢንቨስትመንት፣ የነገዋን ብቁና ተወዳዳሪ ኢትዮጵያን የመገንባት መሰረት ነው።

በአድማሱ አራጋው
#ethiopia #ebc #ethiopianeducation #educationreform #qualityeducation

የትምህርትና ስልጠና ባለስልጣን 24 ለሚጠጉ የግል ከፍተኛ ትምህርት ተቋማት የተቀመጡ መስፈርቶችን እንዲያሟሉ የሰጠው የ12 ወራት የዕፎይታ ጊዜ መጠናቀቁን አስታወቀ

​ከትምህርት ጥራት ማሻሻያ (ሪፎርም) በፊት ከነበሩት 375 የግል ተቋማት ውስጥ 290ዎቹ ለድጋሚ ምዝገባ ያመለከቱ ሲሆን፣ 85ቱ ራሳቸውን አግልለዋል። እስካሁንም ያሉትን መስፈርቶች አሟልተው ሙሉ እውቅና (Accreditation) ማግኘት የቻሉት ሦስት ተቋማት፣ ሦስት ካምፓሶች እና 17 የትምህርት ፕሮግራሞች ብቻ መሆናቸው ታውቋል።

​በአሁኑ ወቅት በመላው አገሪቱ በሚገኙ የግል ተቋማት ውስጥ 340,038 (አጠቃላይ የከፍተኛ ትምህርት ተማሪዎች 41 በመቶ) ተማሪዎች ትምህርታቸውን ይከታተላሉ።

የተቋማቱ ባለቤቶች በአንድ ዓመት ጊዜ ውስጥ ሆስፒታል መገንባትና የፒኤችዲ መምህራንን በበቂ ሁኔታ ማሟላት አዳጋች መሆኑን በማንሳት ቅሬታቸውን ቢያቀርቡም፤ የባለስልጣኑ ዋና ዳይሬክተር ዶ/ር አህመድ አቢተው በትምህርት ጥራት ላይ ምንም ዓይነት ድርድር እንደማይደረግ አቋማቸውን አንጸባርቀዋል።

Seledadotio
Seledadotio

የጸጥታው ም/ቤት ሪፎርምን በተመለከተ ኢትዮጵያ የአፍሪካ ሕብረትን አቋም ትደግፋለች #brics_2026_summit

የብሪክስ መሪዎች የተባበሩት መንግሥታት ድርጅት አጠቃላይ ሪፎርም እንዲደረግበት ጠየቁ
*****************

በሕንድ ኒው ዴልሂ እየተካሄደ ባለው 18ኛው የብሪክስ የመሪዎች ጉባኤ፣ የተባበሩት መንግሥታት ድርጅት (ተመድ) እና የፀጥታው ምክር ቤትን ጨምሮ ዓለም አቀፍ ተቋማት ይበልጥ ዴሞክራሲያዊ እና ውክልናን ያረጋገጡ እንዲሆኑ አጠቃላይ የማሻሻያ (ሪፎርም) ዕርምጃዎች እንዲወሰዱ ጠየቀ።

ከዚህ ቀደም ተመድ እና የፀጥታው ምክር ቤት ሪፎርም እንዲደረግባቸው እና አፍሪካ ተገቢውን ውክልና እንድታገኝ ጠቅላይ ሚኒስትር ዐቢይ አሕመድ (ዶ/ር) መጠየቃቸው አይዘነጋም።

የብሪክስ መሪዎች ባወጡት የጋራ የአቋም መግለጫ ላይ፣ በተለይም አሁን ያለውን የዓለም አቀፍ ግንኙነት መዋቅር የወቅቱን ነባራዊ ሁኔታዎች ይበልጥ እንዲያንጸባርቅ አድርጎ ማሻሻል እንደሚያስፈልግ አፅንኦት ሰጥተዋል።

መግለጫው በተለየ ሁኔታ አሁን እየተካሄደ ያለውን የቀጣዩን የተመድ ዋና ጸሐፊ ምርጫ ሒደት በማንሣት፣ በድርጅቱ ታሪክ እስካሁን ድረስ አንዲትም ሴት ለዋና ጸሐፊነት ተመርጣ እንደማታውቅ በትኩረት አንሥቷል።

ከዚህም በተጨማሪ ከላቲን አሜሪካ እና ካሪቢያን አንድ ሰው ብቻ፣ ከአፍሪካ እና ከእስያ ደግሞ እያንዳንዳቸው ሁለት ሰዎች ብቻ ይህንን ቦታ መያዛቸውን በማስታወስ የውክልና ክፍተቱን አመላክቷል።

የተመድን የፀጥታው ምክር ቤት ሪፎርምን በተመለከተም መሪዎቹ ጠንካራ አቋም አንፀባርቀዋል። ምክር ቤቱ አሁን ላለው ዓለም አቀፍ ፈተና ተገቢውን ምላሽ መስጠት እንዲችል የአዳጊ ሀገራትን ውክልና ማሳደግ እንደሚያስፈልግ እና በተለይም በአፍሪካ ሀገራት በ‘ኤዙልዊኒ ስምምነት’ እና በ‘ሲርቴ የአቋም መግለጫ’ ላይ የተንጸባረቀው ሕጋዊ ጥያቄ ዕውቅና ሊኖረው እንደሚገባ አጽንኦት ሰጥተዋል።

የፀጥታው ምክር ቤት ሪፎርም የደቡቡን ክፍለ ዓለም ድምፅ እንዲጎላ የሚያደርግ መሆን እንዳለበትም አስገንዝበዋል። የፀጥታው ምክር ቤት ቋሚ አባላት የሆኑት ቻይና እና ሩሲያ፣ ብራዚል እና ሕንድ በተመድ ውስጥ የላቀ ሚና እንዲጫወቱ ያላቸውን ድጋፍ ዳግም አረጋግጠዋል።

በተመድ ሴክሬታሪያት እና በሌሎች ዓለም አቀፍ ድርጅቶች የውሳኔ አሰጣጥ ሒደቶች ላይ አፍሪካን፣ እስያን እና ላቲን አሜሪካን ጨምሮ አዳጊ ሀገራት ፍትሐዊ የጂኦግራፊያዊ ውክልና ሊኖራቸው እንደሚገባ የብሪክስ መሪዎች አሳስበዋል።

በእነዚህ ተቋማት ከፍተኛ የኃላፊነት ቦታዎች ላይ የሴቶችን በተለይም ከአዳጊ ሀገራት የመጡ ሴቶችን ተሳትፎ ማሳደግ እንደሚያስፈልግም ጠቁመዋል።

የተመድ የሥራ አስፈጻሚዎች እና የከፍተኛ ኃላፊዎች ሹመት የትኛውንም ሀገር ወይም የሀገራት ስብስብ የበላይነት የሌለበት እና ግልጽነትን የተከተለ መሆን እንዳለበት አቋማቸውን አንፀባርቀዋል።

መሪዎቹ የተባበሩት መንግሥታት ድርጅት ኃላፊነቱን እንዲወጣ የሚያስፈልገውን ድጋፍ ሁሉ ለመስጠት ቁርጠኛ መሆናቸውን ገልጸዋል።

ጠቅላላ ጉባኤውን ለማነቃቃት፣ የኢኮኖሚ እና ማኅበራዊ ምክር ቤቱን (ECOSOC) ለማጠናከር እና የሰላም ግንባታ መዋቅሩን ሙሉ በሙሉ ተግባራዊ ለማድረግ የሚደረገውን ጥረት እንደሚደግፉ አስታውቀዋል።

በሌላ በኩል ሆን ብሎ የገንዘብ መዋጮን በመከልከል የዓለም አቀፍ የባለብዙ ወገን ተቋማትን ሥራ ለማዳከም የሚደረጉ የተናጠል ሙከራዎችን አጥብቀው አውግዘዋል።

በዮናስ በድሉ
#ethiopia #ebc #brics #newdelhideclaration #brics2026

ኢትዮጵያ በብሪክስ ጉባዔ አጀንዳዎች ማዕቀፍ ያከናወነቻቸው ውጤታማ ሥራዎች

አዲስ አበባ፣ መስከረም 2፣ 2019 (ኤፍ ኤም ሲ) 18ኛው የብሪክስ ጉባዔ "ጽናትን፣ ፈጠራን፣ ትብብርን እና ዘላቂነትን መገንባት" በሚል መሪ ሃሳብ ከመስከረም 2 እስከ 3 ቀን 2018 በህንዷ ኒውደልሂ ከተማ እየተካሄደ ነው፡፡

በዚህ ጉባዔ የዓለም አስተዳደርና ባለብዙ ወገን ስርዓት፣ የሴክተሮች ደህንነት፣ ኢኮኖሚያዊ ትብብርን ንግድ፣ ቴክኖሎጂ እና ፈጠራ፣ እንዲሁም ጂኦፖለቲካዊ ግጭቶች ትኩረት የተሰጣቸው አጀንዳዎች ናቸው፡፡

እናም ኢትዮጵያ እነዚህን ጉዳዮች በሌሎች የዓለም አቀፍና አህጉራዊ ባለ ብዙ ወገን መድረኮች በአጀንዳነት እንዲቀርቡ እና መፍትሄ እንዲሰጣቸው አፍሪካን እንዲሁም ደቡባዊ ዓለም ሀገራትን ወክላ ስታራምድ ቆታለች፡፡

በዚህ ረገድ አንዱ ሊጠቀስ የሚችለው ጥረቷ እንደ የዓለም ባንክ፣ ዓለም አቀፉ የገንዘብ ድርጅት፣ የተባበሩት መንግሥታት የመሳሰሉ የዓለም አቀፍ ተቋማት ደቡባዊ ዓለም ሀገራትን በሚጠቅምና ለገቢ ውክልና እንዲኖራቸው ተደርጎ ሪፎርም እንዲደረጉ ጥሪ ስታደርግ ቆይታለችለ፡፡

ባለፈው ዓመት ጥቅምት ላይ በደቡብ አፍሪካ በተካሄደው የቡድን -20 ሀገራት ጉባዔ ላይ የተገኘቱት ኢትዮጵያ የዓለም አቀፍ ተቋማት ሁሉንም ሀገራት በሚጠቅም መልኩ ሪፎርም እንዲደረግ እና የዕዳ እፎይታ እና ሽግሽግ ጥሪ አቅርባለች።

ከዚህ በተጨማሪም በ80ኛው የተባሩት መንግሥታት ጠቅላላ ጉባዔም ላይም ኢትዮጵያ "የአገራት ፍትሃዊ ያልሆነ ውክልና" ጉዳይ መፍትሄ ማግኘት እንዳለበት አጥብቃ አሳስባለች። ከዚህ በተጨማሪ አፍሪካ በዓለም አቀፍ የደህንነት፣ የፖለቲካ እና የፋይናንስ መዋቅር ውስጥ ቋሚ መቀመጫ እና ሰፊ ውክልና እንዲኖራት አጽንኦት ሰጥታለች።

በተለያዩ ዘርፎች ዋስትናን ማረጋገጥ በሚለው ጉባዔ ሌላው የዘንድሮው አጀንዳ ሲሆን የምግብ ዋስትናን፣ የኃይል ዋስትናንና የህዝብ ጤናን አቅምን ማጎልበት እንደሚያስፈልግ ተነስቷል፡፡

በዚህ ረገድ ኢትዮጵያ በምግብ ዋስትና በኩታ ገጠም የበጋ ስንዴ ልማት ፕሮጀክት ከሀገር ውስጥ ፍጆታ አልፎ ወደ ውጭ መላክ ጀምራለች፡፡ በታዳሽ ኃይል ልማት ረገድ ከውሃ፣ ከነፋስ፣ ከጸሀይ ኃይልና ከእንፋሎት ንጹህ ኃይል በማመንጨት ለቀጣናው ሀገራት ጭምር እየላከች ነው፡፡

በጉባዔው እየተሳተፉ ያሉት ጠቅላይ ሚስትር ዐቢይ አሕመድ (ዶ/ር) በማህበራዊ ትስስር ገጻቸው ባሰፈሩት መልዕክት፣ ኢትዮጵያ በታዳሽ ኃይል እና እያደገ በሚገኘው የኢንዱስትሪ መሠረቷ ላይ እነዚህን አጋርነቶች ለመገንባት ዝግጁ መሆኗን ገልጸዋል።

ዲጂታል ሽግግርን እንዲሁም የሳይንስና ቴክኖሎጂ ትብብርን ማሳደግ የሚለው የ18ኛው የብሪክስ የመሪዎች ጉባዔ ሌላው አጀንዳ ነበር፡፡

ኢትዮጵያ ኢንፎርሜሽን ኮሙኒኬሽን ቴክኖሎጂን ከአምስቱ የኢኮኖሚ ዋልታዎች አንዱ አድርጋ በልዩ ትኩረት እየሰራች ትገኛለች፡፡

በመደመር መንግሥት ቆራጥ አመራር ከዓለም ዲጂታል ስርዓት ጋር የሚራመድ ኢኮኖሚ ለመፍጠር በሰው ሰረሽ አስተውሎት፣ በፋይናንሺያል ቴክኖሎጂ፣ በሳይበርና ሌሎች ዘርፎች ከፍተኛ እመርታ አሳይታለች፡፡ ጠቅላይ ሚኒስትር ዐቢይ (ዶ/ር) በጉባዔው ላይ የሰው ሰራሽ አስተውሎት የአህጉራችንን ፍላጎት እንዲያገለግል ማድረግ እንደሚስፈልግ አሳስበዋል፡፡

ቀጣናዊ፣ አህጉራዊና ዓለም አቀፋዊ ኢኮኖሚያዊ ትብብሮችና የንግድ ግንኙነቶች እንዲጠናከሩም ኢትዮጵያ በግንባር ቀደምትነት እየሰራች ትገኛለች፡፡

አህጉሪቱን ወደ ታላቅ የኢኮኖሚ ኃይል ለመቀየር የቀረጸው የአጀንዳ 2063 በመባል የሚጠራው አፍሪካ አህጉራዊ ነፃ የንግድ ቀጣና ተግባራዊ እንዲሆን የመሰረተ ልማት ግንባታ እና ሌሎች ቁርጠኝነቷን የሚመሰክሩ ተግባራትን አከናውናለች፡፡

በአጠቃላይ ኢትዮጵያ በታላላቅ ዓለም አቀፍና አህጉር አቀፍ መድረኮች የደቡብ ዓለም ክፍልን አጀንዳዎች በማቅረብና በማራመድ ታሪካዊ ሚናዋን ዛሬም እየተወጣች ትገኛለች።

በቴዎድሮስ ሳህለ

ኢትዮጵያን ለመገንባት የሳይበር ደኅንነትና የቴክኖሎጂ ሉዓላዊነት መሠረታዊ ምሰሶዎች ናቸው - በለጠ ሞላ (ዶ/ር)

አዲስ አበባ፣ ጳጉሜን 4፣ 2018 (ኤፍ ኤም ሲ) ኢትዮጵያን ለመገንባት የሳይበር ደኅንነትና የቴክኖሎጂ ሉዓላዊነት መሠረታዊ ምሰሶዎች ናቸው አሉ የኢኖቬሽንና ቴክኖሎጂ ሚኒስትር በለጠ ሞላ (ዶ/ር)፡፡

ነገ የጳጉሜን 5 ቀን በሀገር አቀፍ ደረጃ "የነገ ቀን" በሚል ስያሜ የዲጂታል ትራንስፎርሜሽን የሳይበር ሉዓላዊነትና የኢትዮ ኮደርስ ስኬቶችን በማሳየት እና አዲሷን ኢትዮጵያ በሚያመላክት መልኩ በተለያዩ ዝግጅቶች ተከብሮ ይውላል።

ሚኒስትሩ በሰጡት መግለጫ እንዳሉት፤ የሀገሪቱን ዲጂታል ትራንስፎርሜሽን እውን ለማድረግና ብሩህ ተስፋ ያላትን አዲስ ኢትዮጵያን ለመገንባት የሳይበር ደኅንነትና የቴክኖሎጂ ሉዓላዊነት መሠረታዊ ምሰሶዎች ናቸው።

ኢትዮጵያ በራሷ አቅም እና በዘመናዊ ቴክኖሎጂ የተጎናጸፈች እንድትሆን ለማድረግ ዛሬ እየተከናወኑ ያሉ ተግባራት መሠረት መሆናቸውን ጠቁመዋል።

የጳጉሜን 5 ቀን "የነገ ቀን" በሚል ስያሜ የመንግስት አገልግሎት ሪፎርም፣ በሳይበር ሉዓላዊነትና ደህንነት፣ በሰዉ ሰራሽ አስተዉሎት፣ በግብርና ትራንስፎርሜሽን እና የምግብ ሉዓላዊነት፣ በዲጂታል ክህሎትቶች ዙሪያ ትኩረት ይደረጋል።

ከዚህ በተጨማሪ የፈጠራ ምህዳር እና የስራ ዕድል፣ በምግብ ሉዓላዊነትና የአደጋ ስጋት መከላከል እንዲሁም የኢትዮጵያ ማንሠራራት በዕለቱ ትኩረት የሚደረግባቸው ጉዳዮች መሆኑን ተናግረዋል።

በሳይንስ ሙዚየም የሚካሄደው ይህ ዝግጅት የፓናል ዉይይቶች እና የተለያዩ የሚጎበኙ ሁነቶች የተዘጋጁበት መሆኑን ያመለክታል፡፡

በአመለወርቅ መኳንንት

ክብር፣ ጽናትና ዘመናዊት - የኢትዮጵያ አየር ኃይል

አዲስ አበባ፣ጳጉሜን 3፣ 2018 (ኤፍ ኤም ሲ) ከተለመደው የባህላዊ ጄት ውጊያ ባሻገር የዘመኑን የዲጂታል መረጃ፣ የቅኝትና የትክክለኛ ጥቃት ቴክኖሎጂዎች ባለቤት የሆነው የኢትዮጵያ አየር ኃይል ዛሬም የሰላም ዋስትናና የሉዓላዊነት ማኅተም ሆኖ ዘልቋል።

ነሐሴ 12 ቀን 1921 ዓ.ም የአቪዬሽን ቴክኖሎጂ ወደ ኢትዮጵያ የገባ ሲሆን፤ የኢትዮጵያ አየር ኃይል እንደ ተቋም አደረጃጀት ይዞ በይፋ የተመሰረተው ሕዳር 20 ቀን 1928 ዓ.ም ነው።

በወቅቱ ከስዊድን የአቪዬሽን ድርጅቶች ጋር በተደረገ ሁለገብ ትብብር የመጀመሪያው የሰው ኃይል ሥልጠና ተጀምሮ የተለያዩ የጦር አውሮፕላኖችን የታጠቀ ዘመናዊ ኃይል ለመገንባት አስችሎ ነበር።

ይህ ጅምር በደርግ ዘመነ መንግሥት ከሶቪየት ኅብረት ጋር በተደረገው ስልታዊ ወታደራዊ ትብብር ጎልብቷል።

ጀግናው የኢትዮጵያ አየር ኃይል 90 ዓመታትን ባስቆጠረው የምስረታ ታሪኩ በየዘመናቱ ሁሉ የሀገርን ሉዓላዊነት በመጠበቅ አኩሪ ታሪክ ያለው ስመ ገናና ተቋም ነው፡፡

ተቋሙ የኢትዮጵያን የአየር ክልል በጀግንነት ከመጠበቅ ባሻገር በዓለም አቀፍ የሠላም ማስከበር ተልዕኮዎች በመሰማራት የኢትዮጵያን ሰንደቅ ዓላማ ከፍ አድርጎ አውለብልቧል፡፡

ከለውጡ በኋላም የመደመር መንግሥት ባካሄደው አጠቃላይ የመከላከያ ሪፎርም የአየር ኃይሉን አቅም መሠረታዊ በሆነ መንገድ የሚቀይሩ ታላላቅ የዘመናዊነት ሥራዎች ተከናውነዋል።

በዚህም የኢትዮጵያን አየር ኃይል ከተለመደው የባህላዊ ጄት ውጊያ ባሻገር፤ የዘመኑን የዲጂታል መረጃ፣ የቅኝትና የቴክኖሎጂዎች ባለቤት የሆነ የተቀናጀ የአየር መከላከያ መዋቅር አድርጎ ገንብቶታል።

ዛሬ ላይ አየር ኃይሉ በሳተላይትና በዘመናዊ ድሮኖች ሰማይን የሚቆጣጠርበት፣ ያለ አላስፈላጊ ጉዳት ግብን በትክክል የመምታት ልዕልናን የተቀዳጀበትና ከመሬት እስከ ሰማይ የሚዘልቅ ሉዓላዊ የደህንነት ጋሻ የተገነባበት የብቃት ማማ ሆኗል።

ዘመናዊ ተዋጊ አውሮፕላኖችን በመታጠቅ የኢትዮጵያ ብሎም የአፍሪካ ግዙፍ አየር ኃይል በመሆን በተለያዩ ጊዜያት በውጣ ውረዶችና ታሪካዊ ጦርነቶች የአየር ላይ የበላይነቱን፣ የቴክኒክ ብቃቱንና የውጊያ ጽናቱን በግልጽ አስመስክሯል።

የ90 ዓመታት አኩሪ ታሪክና ድል ባለቤት የሆነው የኢትዮጵያ አየር ኃይል ትናንትም ሆነ ዛሬ የሰላም ዋስትናና የሉዓላዊነት ማኅተም ሆኖ ዘልቋል።

በሶስና አለማየሁ

የፌደራል ቤቶች ኮርፖሬሽን ከ2ሺህ 500 በላይ የሚሆኑ ሱቆችን ግንባታ በይፋ አስጀመረ

አዲስ አበባ፣ ጳጉሜን 3፣ 2018 (ኤፍ ኤም ሲ) የፌደራል ቤቶች ኮርፖሬሽን በዛሬው ዕለት ከ2ሺህ 500 በላይ የሚሆኑ ሱቆችን ግንባታ በይፋ አስጀምሯል።

የኮርፖሬሽኑ ዋና ስራ አስፈጻሚ ረሻድ ከማል (ዶ/ር) በዚሁ ወቅት ፥ ተቋሙ በተለያዩ መልኮች ከነበረበት አስቸጋሪ ሁኔታዎች ውስጥ በሪፎርም ወደ ትርፋማ ምዕራፍ ተሸጋግሯል ብለዋል።

በዚህም ተቋሙ ትርፉን በ42 እጥፍ ማሳደግ መቻሉንና በዛሬው ዕለትም ከ2ሺ 500 በላይ የሚሆኑ ሱቆችን ግንባታ በይፋ ማስጀመሩን ተናግረዋል።

በዛሬው ዕለት የተጀመረው ግንባታ በ4 ነጥብ 3 ቢሊየን ብር ወጪ በአልሚዎች ትብብር የሚገነባ ሲሆን ባለስድስት ወለል ሕንፃና በቂ የመኪና ማቆሚያ፣ዘመናዊ መዝናኛ ቦታዎችን ከነሱቆቹ የያዘ ነው።

ዋና ስራ አስፈጻሚው በሱቆቹ ለልማቱ የሚነሱት 230 ነባር ተከራዮችን ጨምሮ ተጨማሪ ዜጎች እድል እንደሚፈጠርላቸውም አስረድተዋል።

ኮርፖሬሽኑ በአንድ ዓመት ውስጥ አስር ህንፃዎችን ለማጠናቀቅ እቅድ መያዙንና ወደ 10 ሺ ለሚሆኑ ሰዎች የስራ እድል መፍጠር የሚችሉ ግንባታዎች እየተሰሩ እንደሚገኙም አንስተዋል።

በሌላ በኩል የፌደራል ቤቶች ኮርፖሬሽን በመርካቶ ያስገነባውቸን 399 ሱቆችንም በዛሬው ዕለት አስመርቋል።

በአሸናፊ ሽብሩ

የኮሪደር ልማት የኮንፈረንስ ቱሪዝምን ለማጠናከር

አዲስ አበባ፣ ጳጉሜን 2፣ 2018 (ኤፍ ኤም ሲ) ኢትዮጵያ በቱሪዝም መዳረሻዎች እና መሰረተ ልማት ግንባታዎች በርካታ አህጉራዊና ዓለም አቀፋዊ እውቅናን ያተረፉ ታሪካዊ ስኬቶችን አስመዝግባለች፡፡

ይህ መጠነ-ሰፊ የልማት እንቅስቃሴ ቱሪዝምን አዲሱ የኢኮኖሚ ሞተር ለማድረግ የተነደፈውን ሀገራዊ የሪፎርም እቅድ እያሳካ ይገኛል።
በአዲስ አበባ የተጀመረውና በአሁኑ ወቅት ወደ ሌሎች የሀገሪቱ ከተሞች እየተስፋፋ ያለው የኮሪደር ልማት፣ የከተማ ነዋሪዎችን የኑሮ ጥራት ወደ ላቀ ደረጃ ከማሸጋገር በተጨማሪ የቱሪዝም መስህብም እየሆነ ነው፡፡

አዲስ አበባ ለኮንፈረንስ ቱሪዝም ማደግ አስፈላጊ የሆኑ መሰረተ ልማቶችን በመገንባት በአጭር ጊዜ አስደማሚ ውጤት አስመዝግባለች፡፡ ለአብነትም በ2018 ብቻ ከ200 በላይ ዓለም አቀፍ እና አህጉር አቀፍ ስብሰባዎችን በስኬት ለማስተናገድ ተችሏል፡፡

አዲስ አበባ በኮሪደር ልማትና በከተማ ማዘመን ስራዋ ከ36 የአፍሪካ ከተሞች ቀዳሚ በመሆን የአፍሪካ ስልጡን ከተሞች ሽልማትን ለመቀበል በቅታለች፡፡ ይህም የመዲናይቱን ገፅታ ከፍ በማድረግ የጎብኝዎችን ቀልብ እየሳበ ይገኛል፡፡ ኢትዮጵያ በአዲስ መልክ የገነባቻቸው የተፈጥሮና የሰው ሰራሽ መዳረሻዎች ከተማዋን ከትራንዚት ማረፊያነት ወደ ቀጥታ የቱሪስት መዳረሻነት ቀይረዋታል።

እንደ ዓድዋ ድል መታሰቢያ፣ የእንጦጦ ፓርክ፣ የሸገር እና ወዳጅነት ፓርኮች የመሳሰሉ የቱሪዝም መስህቦች ተገንብተው የሀገር ውስጥና የውጭ ጎብኝዎችን በመስሐብ ላይ ናቸው።

በአረንጓዴ ዐሻራ መርሃ-ግብር አማካኝነት በአዲስ አበባ ብቻ ባለፉት ጥቂት ዓመታት ውስጥ የተተከሉ ችግኞች የከተማዋን የደንና የአረንጓዴ ሽፋን ማሳደግ አስችለዋል።

በወንዞች ዳርቻ ልማት ቀደም ሲል ተጥለውና ተበክለው የነበሩ ቦታዎች አሁን ላይ ውብ፣ ንጹህና ለሕዝብ መዝናኛ ምቹ የሆኑ ፓርኮች ሆነው ተገንብተዋል።

በማኅበራዊ እና ምጣኔ ሀብታዊ ስኬቶች ውስጥ እነዚህ ግዙፍ የኮሪደርና የቱሪዝም ፕሮጀክቶች ለግንባታ ባለሙያዎች፣ ለሆቴልና አገልግሎት ዘርፍ፣ ለባህላዊ አልባሳትና ቅርጻቅርጽ አቅራቢዎች በመቶ ሺዎች የሚቆጠሩ ሰፊ የሥራ ዕድሎችን ፈጥረዋል።

የከተሞች ውበት፣ ፅዳትና ዝመና የግል ባለሀብቶች በሆቴል፣ በሪዞርትና በቱሪዝም ዘርፍ ላይ በልበ ሙሉነት መዋዕለ ንዋያቸውን እንዲያፈሱ ምቹ ሁኔታ ፈጥሯል።

የቱሪስት መዳረሻ በሆኑት በሌሎች ከተሞች የነበረውን ያረጀ መሠረተ ልማት በማደስ፣ የታሪክና የባህል ቅርሶችን ሳይነኩ በማልማት እና የቱሪስት መስህብነታቸውን በማሳደግ ረገድ ትልቅ ለውጥ ተመዝግቧል፡፡

ለአብነት የሐረር ከተማ የኮሪደር ልማት ልዩ የሚያደርገው የተባበሩት መንግስታት የትምህርት፣ ሳይንስና ባህል ድርጅት (ዩኔስኮ) ያስመዘገበውን የጀጎል ግንብ እና ጥንታዊ ቅርሶችን ታሪካዊ ይዘት ሳይበርዝ ዘመናዊ መሠረተ ልማትን ማሻሻል መቻሉ ነው፡፡

በተጨማሪም ሐረርን ልክ እንደ ክፍት ሙዚየም በማድረግ፣ የውጭ ቱሪስቶች በእግር እየተጓዙ የከተማዋን ባህል፣ የጅብ መመገብ ስነ-ስርዓትና ጥንታዊ መስጊዶችን በምቾት እንዲጎበኙ አስችሏል።

እንዲሁም በባህር ዳር የከተማዋ ዋና ዋና መንገዶች ተስፋፍተው፣ ዘመናዊ የስማርት መብራቶች እና አረንጓዴ ፓርኮች ተገንብተው የከተማዋን የምሽት ውበት አድምቀውታል።

በሐዋሳ ከተማና በሐይቁ ዳርቻዎች በኮሪደር ልማቱ ሙሉ በሙሉ ታድሰዋል፡፡ ውብና ረጅም የእግረኛ መንገዶች፣ የማረፊያ ቦታዎች እና አስተማማኝ የብስክሌት መስመሮች በሐይቁ ዙሪያ መገንባታቸው የጎብኝዎችን ዓይን የሚማርክ ገጽታ አላብሰውታል ።

በቅርብ ጊዜ በተመዘገበው ስኬት በቱሪዝም ዘርፍ የታየው መነቃቃት ኢንቨስተሮች በአገልግሎት ዘርፉ እንዲሰማሩ ሳቢ ሁኔታን የፈጠረ ነው፡፡

የኮሪደር ልማቱ የከተማ መሠረተ ልማት ፕሮጀክት ብቻ ሳይሆን ሌሎች የሀገሪቱን ቁልፍ የኢኮኖሚ ዘርፎች ያነቃቃ ትስስር እየፈጠረ ነው፡፡ በአሁኑ ወቅት የኮሪደር ልማቱ ከከተሞች አልፎ ወደ ገጠር እና አርሶ አደር አካባቢዎች እየተስፋፋ በመሆኑ፣ ከመስህብነት ባለፈ ለዘርፉ ጥራት ያለው አገልግሎት ለማቅረብ ያስችላል፡፡

በአጠቃላይ መንግስት ለቱሪዝም ዘርፍ በልኩ የሚገባውን ትኩረት በመስጠት በሰራው ስራ በአጭር ጊዜ ከፍተኛ ዕምርታ የተመዘገበ ሲሆን፣ ይህም የአገራችን ማንሰራራት ማሳያ ተደርጎ የሚወሰድ ነው፡፡

በትዕግስት ግዛቸው