እናት ባንክ የGABV የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው
‎
‎#ethiopia | እናት ባንክ የዓለም አቀፍ እሴት መር ባንኮች ህብረት (GABV) የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው።
‎
‎“የባንክ ሥርዓትን መለወጥ፤ የአካባቢ፣ የማህበራዊና የአስተዳደር መርሆችን እና ቴክኖሎጂን ለፋይናንስ ተጽዕኖ ማዋል” በሚል መሪ ሃሳብ የሚካሄደው ስብሰባው መስከረም 21 እና 22 ቀን 2019 ዓ.ም. በአዲስ አበባ እየተካሄደ ሲሆን፣ የGABV የአፍሪካ ቀጠና ስብሰባ በኢትዮጵያ ሲካሄድ ይህ የመጀመሪያ መሆኑ ተገልጿል።
‎
‎የእሴት መር ባንክ አሠራር የፋይናንስ ተቋማት የኢኮኖሚ ጥቅምን ብቻ ሳይሆን ማህበራዊና አካባቢያዊ ተጽዕኖንም በማገናዘብ ዘላቂ እና ረጅም ጊዜ የሚያስገኝ እሴት ለመፍጠር የሚያተኩር የባንክ አሠራር ነው።
‎
‎GABV በ45 አገራት የሚገኙ ከ70 በላይ የባንክና የፋይናንስ ተቋማትን ያሰባስባል። በአፍሪካ ቀጠናውም ከኢትዮጵያ፣ ኡጋንዳ፣ ማዳጋስካር፣ ናይጄሪያ፣ ዲሞክራቲክ ኮንጎ እና ጋና የተውጣጡ ዘጠኝ ባንኮች ተሳታፊ ናቸው። እነዚህ ባንኮች በጋራ ወደ 12 ሚሊዮን የሚጠጉ ደንበኞችን እንደሚያገለግሉ፣ ወደ 2 ቢሊዮን የአሜሪካ ዶላር ሀብት እንደሚያስተዳድሩና 15 ሺህ የሚጠጉ ሰራተኞችን እንደሚያሰማሩ ተገልጿል።
‎
‎የዘንድሮው የአፍሪካ ቀጠና ስብሰባ ከተለያዩ የአፍሪካ አገራት የተውጣጡ የባንክና የፋይናንስ ተቋማት መሪዎችን፣ የልማት ፋይናንስ አጋሮችን፣ ተቆጣጣሪዎችንና የዘርፉን ባለሙያዎች በአንድ መድረክ አሰባስቧል። ተሳታፊዎቹም የአፍሪካ የባንክ ዘርፍ እየተጋፈጣቸው ባሉ ዕድሎችና ተግዳሮቶች ላይ ልምድና ሀሳብ እየተለዋወጡ ነው።
‎
‎በስብሰባው ከሚመከሩ ቁልፍ ጉዳዮች መካከል የሳይበር ደህንነት፣ ሰው ሰራሽ እውቀት፣ ዲጂታል ለውጥ፣ የዘላቂነት ሪፖርት አያያዝ እና ለታዳሽ ኃይል ፕሮጀክቶች ፋይናንስ መስጠት ይገኙበታል።
‎
‎የGABV ዋና ሥራ አስፈጻሚ ማርቲን ሮነር ኢትዮጵያ በፋይናንስ ዘርፍ ልማት አዲስ ምዕራፍ ውስጥ እየገባች መሆኗን ጠቁመው፣ በዘርፉ የሚካሄዱ ማሻሻያዎች ለአዳዲስ ዕድሎችና ለበለጠ ውድድር መንገድ እየከፈቱ መሆናቸውን ገልጸዋል። ፈጠራን፣ አካታችነትንና የረጅም ጊዜ እሴት መፍጠርን የሚያጣምሩ የባንክ አሠራሮች እንደሚያስፈልጉም አመልክተዋል።
‎
‎የእናት ባንክ የቦርድ ሰብሳቢ ወ/ሮ አስቴር ሰሎሞን በበኩላቸው፣ ባንኩ የተመሰረተው በኢትዮጵያ ሴቶችና ቤተሰቦች የፋይናንስ ተደራሽነትን በማስፋት የኢኮኖሚ ዕድል ለመፍጠር መሆኑን ገልጸዋል። የእሴት መር የባንክ አሠራርና ዘላቂ የንግድ እድገት ተቃራኒ ጉዳዮች ሳይሆኑ ተደጋጋፊ መሆናቸውንም አስረድተዋል።
‎
‎እናት ባንክ በ11 ራዕይ ባላቸው ሴቶች የተመሰረተ ሲሆን፣ ከመጋቢት 5 ቀን 2005 ዓ.ም. ጀምሮ የባንክ አገልግሎት ሲሰጥ ቆይቷል። ባንኩ ከ24 ሺህ በላይ ባለአክሲዮኖችና ከ1.5 ሚሊዮን በላይ ንቁ ደንበኞች እንዳሉት ሲገለጽ፣ በመላ አገሪቱ 225 ቅርንጫፎችን በመክፈት ዘመናዊ የዲጂታል ባንክ አገልግሎቶችንም እያቀረበ ይገኛል።
‎
‎የሁለት ቀናት የGABV የአፍሪካ ቀጠና ስብሰባ በኢትዮጵያ ከሚካሄደው የፋይናንስ ዘርፍ ለውጥ ጋር የአፍሪካና የዓለም አቀፍ የባንክ ተቋማትን ልምድ ለማገናኘት፣ ትብብርን ለማጠናከር እንዲሁም በፈጠራ፣ በዲጂታል ለውጥ፣ በአካታች ፋይናንስና በዘላቂ ፋይናንስ ዙሪያ የጋራ ልምድ ለመፍጠር ያለመ መድረክ መሆኑ ተገልጿል።
‎
‎ጌትነት ተመስገን
‎📷 ከበደ መክብብ
‎
‎#enatbank #gabv #ethiopia #banking #finance #digitaltransformation #financialinclusion #sustainablefinance






እናት ባንክ የGABV የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው
‎
‎#ethiopia | እናት ባንክ የዓለም አቀፍ እሴት መር ባንኮች ህብረት (GABV) የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው።
‎
‎“የባንክ ሥርዓትን መለወጥ፤ የአካባቢ፣ የማህበራዊና የአስተዳደር መርሆችን እና ቴክኖሎጂን ለፋይናንስ ተጽዕኖ ማዋል” በሚል መሪ ሃሳብ የሚካሄደው ስብሰባው መስከረም 21 እና 22 ቀን 2019 ዓ.ም. በአዲስ አበባ እየተካሄደ ሲሆን፣ የGABV የአፍሪካ ቀጠና ስብሰባ በኢትዮጵያ ሲካሄድ ይህ የመጀመሪያ መሆኑ ተገልጿል።
‎
‎የእሴት መር ባንክ አሠራር የፋይናንስ ተቋማት የኢኮኖሚ ጥቅምን ብቻ ሳይሆን ማህበራዊና አካባቢያዊ ተጽዕኖንም በማገናዘብ ዘላቂ እና ረጅም ጊዜ የሚያስገኝ እሴት ለመፍጠር የሚያተኩር የባንክ አሠራር ነው።
‎
‎GABV በ45 አገራት የሚገኙ ከ70 በላይ የባንክና የፋይናንስ ተቋማትን ያሰባስባል። በአፍሪካ ቀጠናውም ከኢትዮጵያ፣ ኡጋንዳ፣ ማዳጋስካር፣ ናይጄሪያ፣ ዲሞክራቲክ ኮንጎ እና ጋና የተውጣጡ ዘጠኝ ባንኮች ተሳታፊ ናቸው። እነዚህ ባንኮች በጋራ ወደ 12 ሚሊዮን የሚጠጉ ደንበኞችን እንደሚያገለግሉ፣ ወደ 2 ቢሊዮን የአሜሪካ ዶላር ሀብት እንደሚያስተዳድሩና 15 ሺህ የሚጠጉ ሰራተኞችን እንደሚያሰማሩ ተገልጿል።
‎
‎የዘንድሮው የአፍሪካ ቀጠና ስብሰባ ከተለያዩ የአፍሪካ አገራት የተውጣጡ የባንክና የፋይናንስ ተቋማት መሪዎችን፣ የልማት ፋይናንስ አጋሮችን፣ ተቆጣጣሪዎችንና የዘርፉን ባለሙያዎች በአንድ መድረክ አሰባስቧል። ተሳታፊዎቹም የአፍሪካ የባንክ ዘርፍ እየተጋፈጣቸው ባሉ ዕድሎችና ተግዳሮቶች ላይ ልምድና ሀሳብ እየተለዋወጡ ነው።
‎
‎በስብሰባው ከሚመከሩ ቁልፍ ጉዳዮች መካከል የሳይበር ደህንነት፣ ሰው ሰራሽ እውቀት፣ ዲጂታል ለውጥ፣ የዘላቂነት ሪፖርት አያያዝ እና ለታዳሽ ኃይል ፕሮጀክቶች ፋይናንስ መስጠት ይገኙበታል።
‎
‎የGABV ዋና ሥራ አስፈጻሚ ማርቲን ሮነር ኢትዮጵያ በፋይናንስ ዘርፍ ልማት አዲስ ምዕራፍ ውስጥ እየገባች መሆኗን ጠቁመው፣ በዘርፉ የሚካሄዱ ማሻሻያዎች ለአዳዲስ ዕድሎችና ለበለጠ ውድድር መንገድ እየከፈቱ መሆናቸውን ገልጸዋል። ፈጠራን፣ አካታችነትንና የረጅም ጊዜ እሴት መፍጠርን የሚያጣምሩ የባንክ አሠራሮች እንደሚያስፈልጉም አመልክተዋል።
‎
‎የእናት ባንክ የቦርድ ሰብሳቢ ወ/ሮ አስቴር ሰሎሞን በበኩላቸው፣ ባንኩ የተመሰረተው በኢትዮጵያ ሴቶችና ቤተሰቦች የፋይናንስ ተደራሽነትን በማስፋት የኢኮኖሚ ዕድል ለመፍጠር መሆኑን ገልጸዋል። የእሴት መር የባንክ አሠራርና ዘላቂ የንግድ እድገት ተቃራኒ ጉዳዮች ሳይሆኑ ተደጋጋፊ መሆናቸውንም አስረድተዋል።
‎
‎እናት ባንክ በ11 ራዕይ ባላቸው ሴቶች የተመሰረተ ሲሆን፣ ከመጋቢት 5 ቀን 2005 ዓ.ም. ጀምሮ የባንክ አገልግሎት ሲሰጥ ቆይቷል። ባንኩ ከ24 ሺህ በላይ ባለአክሲዮኖችና ከ1.5 ሚሊዮን በላይ ንቁ ደንበኞች እንዳሉት ሲገለጽ፣ በመላ አገሪቱ 225 ቅርንጫፎችን በመክፈት ዘመናዊ የዲጂታል ባንክ አገልግሎቶችንም እያቀረበ ይገኛል።
‎
‎የሁለት ቀናት የGABV የአፍሪካ ቀጠና ስብሰባ በኢትዮጵያ ከሚካሄደው የፋይናንስ ዘርፍ ለውጥ ጋር የአፍሪካና የዓለም አቀፍ የባንክ ተቋማትን ልምድ ለማገናኘት፣ ትብብርን ለማጠናከር እንዲሁም በፈጠራ፣ በዲጂታል ለውጥ፣ በአካታች ፋይናንስና በዘላቂ ፋይናንስ ዙሪያ የጋራ ልምድ ለመፍጠር ያለመ መድረክ መሆኑ ተገልጿል።
‎
‎ጌትነት ተመስገን
‎📷 ከበደ መክብብ
‎
‎#enatbank #gabv #ethiopia #banking #finance #digitaltransformation #financialinclusion #sustainablefinance

በቴክኖሎጂ እና በፈጠራ የታጀበው የዲጂታል ትራንስፎርሜሽን ጉዞ
**************************

ኢትዮጵያ ባለፉት ዓመታት በዲጂታል ዘርፍ በተለይም በቴክኖሎጂ ፈጠራ እና በመሠረተ ልማት ዝርጋታ ያስመዘገበችው ውጤት ሀገራችን በዘርፉ ያላትን የላቀ የመፈጸም አቅም በግልጽ ያሳየ ነው።

የመደመደር መንግሥት በ“ዲጂታል ኢትዮጵያ 2030” ስትራቴጂ በመመራት እያከናወናቸው ያሉት ሰፊ ሥራዎች፣ ሀገራችን በፈጣን ለውጥ ላይ ካለው ዲጂታል ዓለም ጋር አብራ ለመጓዝ ያላትን ቁርጠኝነት እና አቅም የሚያረጋግጡ ናቸው።

በዚህ ፈጣን የለውጥ ጉዞ ውስጥ እንደ “5 ሚሊዮን ኢትዮጵያውያን ኮደሮች” ያሉ ሀገራዊ ኢኒሼቲቮች ወጣቶች ዲጂታል ክህሎት እንዲታጠቁ በማድረግ የነገ የቴክኖሎጂ መሪዎችን ከወዲሁ እያፈሩ ይገኛሉ።

በ3 ዓመታት ለማሳካት የታቀደውን ግብ ከ2 ዓመታት ባነሰ ጊዜ ማሳካት መቻሉ መንግሥት ለዘርፉ ፈጣን ዕድገት ያለውን ቁርጠኝነት የሚያሳይ ነው።

መርሐ ግብሩ ከጀመረበት ሐምሌ 16 ቀን 2016 ዓ.ም አንስቶ በኮምፒዩተር ፕሮግራሚንግ፣ በመረጃ ትንተና፣ በአንድሮይድ ሶፍትዌር ልማት እና በአርቴፊሻል ኢንተለጀንስ መሠረታዊ ትምህርቶች 5 ሚሊዮን 5 ሺህ 146 ሰልጣኞች ተመዝግበው ከ3 ሚሊዮን በላይ የሚሆኑት ስልጠናውን አጠናቀዋል።

ይህ አስደናቂ ስኬት የሀገራችንን ቁርጠኝነት እና አቅም ከማሳየቱ በተጨማሪ በሶፍትዌር ልማት እና ፈጠራ ረገድ ከፍተኛ መዋቅራዊ ለውጥ እያመጣ ይገኛል።

በተመሳሳይ የፋይዳ ብሔራዊ ዲጂታል መታወቂያ ሥርዓት ትግበራም ለዜጎች ቀልጣፋ እና አስተማማኝ አገልግሎት ለመስጠት የዲጂታል ትራንስፎርሜሽን መሠረት የጣለ ትልቅ እመርታ ነው።

ፋይዳ መታወቂያ የዲጂታል ኢኮኖሚው መሠረት በመሆን በፋይናንስ ዘርፍ አካታችነትን ከማረጋገጥ በተጓዳኝ ተቋማት አገልግሎቶቻቸውን በዲጂታል ሥርዓት አቀናጅተው ግልጽነትና ተጠያቂነት ባለው መልኩ እንዲሰጡ አስችሏቸዋል።

በተጨማሪም “መሶብ” የአንድ ማዕከል አገልግሎት ዜጎች የተለያዩ የመንግሥት አገልግሎቶችን በአንድ ዲጂታል አውድ እንዲያገኙ ለማድረግ አስችሏል።

ይህም ቢሮክራሲን በማስቀረት እና ጊዜን በመቆጠብ ረገድ የፈጠረው ትልቅ እፎይታ፣ የሀገራችንን የዲጂታል አሠራር ብቃት ከፍ አድርጎታል።

እነዚህ በዲጂታል ዘርፉ የተከናወኑ መሠረታዊ ሥራዎች ሐሳብን መሬት ወርዶ የሕዝብን ሕይወት ወደሚለውጥ ተጨባጭ የቴክኖሎጂ ውጤት የመቀየር አቅማችንን በተግባር ያሳዩ ናቸው።

የተያያዝነው የዲጂታል ትራንስፎርሜሽን ጉዞ ኢትዮጵያ ለነገው አዲስ ምዕራፍ እየተዘጋጀች መሆኗንም የሚያበስር ነው።

በሔዋን ጌታቸው
#ethiopia #digitalethiopia #5millioncoders #fayda #digitaltransformation #ebc

የሞጆ ደረቅ ወደብ፡ የኢትዮጵያ የንግድ ሎጂስቲክስ ዘመናዊነት እና የቀጣናው የኢኮኖሚ ትስስር ማዕከል
*********************

ከጅቡቲ ወደብ እስከ ሀገር ውስጥ ማከፋፈያ ማዕከላት የተዘረጋው የሎጂስቲክስ አውታረ መረብ የኢትዮጵያ ኢኮኖሚ የደም ሥር ነው።

በዚህ የንግድ ሰንሰለት ውስጥ የሞጆ ደረቅ ወደብ ዕቃ ከማስተናገድ ባለፈ የሀገራችንን ወጪ ንግድ ከዓለም ገበያ ጋር የሚያስተሳስር ወሳኝ የሎጂስቲክስ መገናኛ ሆኖ እያገለገለ ይገኛል።

ከጅቡቲ ወደብ የሚነሱ የኢንዱስትሪ ግብዓቶች፣ የነዳጅ ምርቶች፣ ማሽነሪዎች እና ሌሎች የንግድ ሸቀጦች ወደ ኢትዮጵያ ገብተው ለተለያዩ መዳረሻዎች የሚሰራጩበት ዋነኛ ማዕከል የሆነው ሞጆ አሁን አዲስ የሎጂስቲክስ አቅም ተላብሷል።

በዓለም ባንክ ድጋፍ በ60 ሄክታር መሬት ላይ ያረፈው የዘመናዊ ሎጂስቲክስ ማዕከል የማስፋፊያ ግንባታ የመጀመሪያ ምዕራፍ መመረቅ ይህን የለውጥ ጉዞ የሚያጠናክር ትልቅ እርምጃ ነው።

ማዕከሉ በዓመት እስከ አንድ ሚሊዮን ባለ ሃያ ጫማ ኮንቴይነሮችን ማስተናገድ የሚችሉ ጣቢያዎች እና ዘመናዊ መጋዘኖችን በውስጡ ይዟል።

ከዚህም ባሻገር የደረቅ ብትን ጭነቶችን በሀገር ውስጥ ማሸግ እንዲቻል በማድረግ የሎጂስቲክስ ወጪን ለመቀነስ፣ የውጭ ምንዛሬን ለመቆጠብ እና ለዜጎች የሥራ ዕድል ለመፍጠር የሚያስችል ሰፊ አቅም ፈጥሯል።

የማዕከሉን የአሠራር ፍጥነት ከሚያሳድጉ አዳዲስ መሠረተ ልማቶች መካከል በኢትዮጵያ ለመጀመሪያ ጊዜ የተተከለው የባቡር ላይ ክሬን በዋናነት ይጠቀሳል።

ይህ ቴክኖሎጂ በባቡር መስመር የሚደረገውን የኮንቴይነር ዝውውር በፍጥነት በማከናወን የጭነት ማስተናገጃ ጊዜን በእጅጉ ያሳጥራል።

ከዚህ ቀደም የነበረውን የኮንቴይነሮች የቆይታ ጊዜ በመቀነስም የባለብዙ ዘርፍ የትራንስፖርት ትስስርን ውጤታማነት በተግባር ያረጋገጠ ነው።

የሞጆ ደረቅ ወደብ ዘመናዊነት የሚለካው በመሬት እና በሕንፃ ስፋት ብቻ አይደለም። በዲጂታል መሠረተ ልማት የተሳሰረ አሠራር መዘርጋቱ የማዕከሉን የአገልግሎት ፍጥነት እና ቅልጥፍና ወደ አዲስ ምዕራፍ አሸጋግሮታል።

ዘመናዊ የጣቢያ አስተዳደር ሥርዓትን ጨምሮ የጭነት መቆጣጠሪያ ቴክኖሎጂዎች እና የኤሌክትሮኒክ ክፍያ አሠራሮች ተግባራዊ መደረጋቸው የመረጃ ፍሰቱን ፈጣን፣ አሠራሩንም ግልጽ አድርጎታል።

በዚህም ቀደም ሲል ከወረቀት ሰነዶች፣ ከተደጋጋሚ ሂደቶች እና ከረጅም መዘግየቶች ጋር ተያይዘው የነበሩ የሥራ ጫናዎች ተቀርፈዋል።

የጉምሩክ ሂደቶች በፍጥነት እንዲጠናቀቁ እንዲሁም አስመጪዎች፣ ላኪዎች፣ አምራቾች እና ጠቅላላ የንግዱ ማኅበረሰብ በተሻለ ፍጥነት ሥራቸውን እንዲያከናውኑ ምቹ ሁኔታ ተፈጥሯል።

ይህ የሎጂስቲክስ አብዮት የሞጆ ደረቅ ወደብን ብቻ የሚመለከት ሳይሆን፣ የኢትዮጵያን የንግድ ሎጂስቲክስ ከባህላዊ አሠራር ወደ ዲጂታል፣ ፈጣን እና ተወዳዳሪ ሥርዓት የሚያሸጋግር ነው።

በተለይም የባቡር፣ የመንገድ፣ የደረቅ ወደብ እና የዲጂታል ሥርዓት ትስስር የሎጂስቲክስ ሰንሰለቱን የበለጠ ቀልጣፋ በማድረግ የንግድ ወጪን እና ጊዜን ለመቀነስ ወሳኝ አቅም ይፈጥራል።

ማዕከሉ ኢትዮጵያን፣ ደቡብ ሱዳንን እና ኡጋንዳን የሚያስተሳስረው የ‘ደሱ ኮሪደር' አካል በመሆኑ፣ የሀገራችንን የሎጂስቲክስ አቅም ከቀጣናዊ ገበያዎች ጋር ለማስተሳሰር የላቀ ድርሻ አለው።

ይህም በአፍሪካ አህጉራዊ ነፃ የንግድ ቀጣና ውስጥ ኢትዮጵያ የሚኖራትን ተሳትፎ ለማሳደግ እና ቀጣናዊ የኢኮኖሚ ትስስርን ለማጠናከር የጀርባ አጥንት ሆኖ ያገለግላል።

ከጅቡቲ ወደብ የሚጀምረው የጭነት ጉዞ በባቡር እና በመንገድ ተጓጉዙ፣ በሞጆ ዘመናዊ የሎጂስቲክስ ማዕከል በተሳለጠ አሠራር ትራንዚት አድርጎ ወደ ተለያዩ የሀገር ውስጥ እና ቀጣናዊ ገበያዎች ሲሰራጭ፤ የንግድ ፍሰቱን ከማቀላጠፍ ባለፈ የኢትዮጵያን ኢኮኖሚያዊ ተወዳዳሪነት የሚያረጋግጥ ይሆናል።

በኢንቲሃድ አብራር
#ethiopia #ebc #trade #logistics #economy #digitaltransformation #supplychain #afcfta

"በምዕራቡ ዓለም ለበርካታ አስርት ዓመታት የነበረውን የካርድና የፖስ አሰራር በመዝለል... ቀጥታ በሞባይል ስልክ ግብይት ወደሚደረግበት የዲጂታል ከፍታ ተሸጋግረናል"
#ethiopia #ebc #pagume1 #digitalization #digitaltransformation

በቴክኖሎጂ እና በእውቀት የሚጻፍ አዲስ ታሪክ፡ የባሕር በር አጀንዳችን እና የዲጂታሉ ትውልድ አሸናፊነት
***********************

ለዘመናት ሀገራዊ ፈተናዎችን የመጋፈጥ እና የመሸጋገር ታሪካችንን ስንቃኝ፣ ትውልዶች ነፃነትን ለማስጠበቅ በጽናት ተዋግተዋል፤ አባቶቻችንም የተበታተነውን ለመገንባት ሌት ተቀን ጥረዋል።

በዚህ ዘመን ግን የሀገሩን ነገ በመቀየር ሂደት ውስጥ የተሰለፈው አዲሱ ትውልድ በእውቀት፣ በቴክኖሎጂ እና በፈጠራ የተቃኘ አዲስ የትግል ምዕራፍ ከፍቷል።

በአሁኑ ወቅት የሀገራት ድንበር በጦርነትና በኃያላን ጣልቃ ገብነት ሲታመስ፣ የዓለም ፍላጎትና ውድድር በቴክኖሎጂ፣ በኢኮኖሚ እና በፈጠራ በሚገነቡ አዳዲስ መስኮች ላይ ያተኮረ ሆኗል።

የዛሬው ወጣት በኮድ የሚገነባ፣ በፈጠራ የሚያስብ እና በቴክኖሎጂ መፍትሔ የሚፈልግ ሲሆን፣ የባሕር በር ጉዳይም ከምኞትና ከቁጭት ባለፈ በጠንካራ ኢኮኖሚ፣ በልማት፣ በዲፕሎማሲ፣ በእውቀት እና በቴክኖሎጂ በተገነባ አቅም የሚረጋገጥ መሆኑን በጥበብ ተረድቷል።

በየትኛውም መንገድ የውስጥም ሆነ የውጭ ጫናዎች ቢበዙብን፣ የቱንም ያህል ፈተናዎች ቢደቀኑብን ዓይናችን ከባሕር በር አጀንዳችን ፈጽሞ አይነቀልም፤ ይህ ትውልድም የታሪክ እና የጂኦግራፊ ስብራታችንን በጽናት ያሳካዋል።

አንድ መሐንዲስ የወደብ ቴክኖሎጂን ሲያጠና፣ አንድ ተመራማሪ የባሕር ኢኮኖሚን ሲመረምር ወይም አንድ የቴክኖሎጂ ባለሙያ የዘመናዊ ሎጂስቲክስ መፍትሔ ሲያመጣ እየተገነባ ያለው ከአንድ ሙያ በላይ የሆነ ሀገራዊ ህልውና ነው።

የዛሬው ትውልድ ቀድሞ ያልነበሩ የዲጂታል መሳሪያዎች በእጁ የሚገኙ በመሆናቸው፣ በአዲስ አበባ የሚገኝ ወጣት ከዓለም የቴክኖሎጂ ማዕከላት ጋር የመማር፣ የመወዳደር፣ ሀሳቡን ወደ ሶፍትዌር እና ፈጠራውን ወደ ንግድ የመቀየር ሙሉ አቅም አለው።

በቴክኖሎጂ የተደገፈ፣ በእውቀት የታጠቀ እና በራዕይ የተመራ ትውልድ ሀገሩን አይቻልም ወደሚባለው ህልም የማድረስ ችሎታ ያለው ሲሆን፣ በወጣቶች እጅ ያለው ስልክ የመዝናኛ ብቻ ሳይሆን የመማሪያ፣ የፈጠራ እና የዓለም ግንኙነት መስኮት ሆኗል።

ዛሬ የሚጻፈው ኮድ የነገን ኢኮኖሚ ይገነባል፤ ዛሬ የሚደረገው ምርምርም የሀገርን የዲፕሎማሲና የባሕር በር አቅም ያጠናክራል።

ምናልባትም የባሕር በርን የሚያስመልሰው ትውልድ በባሕር ዳርቻ ላይ ቆሞ የሚያልም ሳይሆን በዩኒቨርሲቲዎች እየተማረ፣ በላቦራቶሪዎች እየተመራመረ፣ በኮምፒዩተር ኮድ እየጻፈ እና አዳዲስ ሀሳቦችን ወደ እውነታ እየቀየረ ያለው ትውልድ ነው።

ይህ ትውልድ ታሪክን በቁጭት ብቻ የሚያስታውስ ሳይሆን ታሪክን በአዲስ መልክ የሚሰራ፣ የባሕር በር መብታችንን በእውቀት፣ በፈጠራ፣ በጠንካራ ሀገራዊ አቅም እና በሰለጠነ ዲፕሎማሲያዊ መንገድ በተግባር የሚያሳካ የጽናት ትውልድ ነው።

በልዩ እሸቱ
#ebc #redseaaccess #techforethiopia #ethiopianyouth #digitaltransformation #ethiopiarising

የመደመር አንቀጽ

በሀገራችን የአገልግሎት አሰጣጥ የማገልገል ባህል የጎደለው ነው። ገና ከባላባታዊ ሥርዓትና ጠባይ አልተላቀቀም። አገልጋይ ባላባት፣ ተገልጋይ ጢሰኛ ነው።

በተለይ በከተሞች አገልግሎት ዘመኑ ከደረሰበት ፍጥነት አንጻር የተንቀራፈፈ ነው። ችግሩ የመልካም አስተዳደር ብቻ ሳይሆን ኢኮኖሚያዊ አንድምታውም ትልቅ ነው።

ከተሞች የሚሰጡት አገልግሎት በዘመኑ ልክ እንዲሆን የአገልጋይነት ባህልን መገንባትና የአሠራር ሥርዓቶችን ማዘመን ይገባል።

በመሆኑም የፌዴራልና የክልል ተቋማት እንዲሁም የከተማ አስተዳደሮች የአገልግሎት አሰጣጣቸውን ወደ ዲጂታል ሽግግር እያደረጉ ነው።

የመደመር መንግስት
ገጽ 237

Ethiopian Broadcasting Corporation #nationalid #digitaltransformation #medemer #ethiopia #አገልግሎት #ኢትዮጵያ

የኢትዮጵያን የሕክምና ዘርፍ የሚያዘምን የዲጂታል ኢንቨስትመንት መርሐ ግብር ይፋ ሆነ
********************

የጤና ሚኒስቴር ሀገራዊ የሕክምና ዘርፍ በቴክኖሎጂ ለማዘመንና የኢንጂነሪንግ ሕክምና ትራንስፎርሜሽንን ለማሳካት ያለመ "የብሔራዊ የኢንጂነሪንግ ሕክምና ኢንቨስትመንት ማስተዋወቂያ መርሐ ግብር" በአዲስ አበባ በይፋ አስጀምሯል።

ይፋ የተደረገው የዲጂታል ሥርዓት በሀገር አቀፍ ደረጃ እስካሁን የተሠሩና ወደፊት የሚከናወኑ የጤና መረጃዎችን በአንድ የመረጃ ማዕከል ስር ለማሰባሰብ የሚያስችል መሆኑ ተገልጿል።

ይህም የተቀናጀና ዘመናዊ የመረጃ ፍሰት እንዲኖር በማድረግ፣ የኢትዮጵያን የጤና ሥርዓት ወደ ዲጂታል ምዕራፍ ለማሸጋገር የሚደረገውን ጥረት የሚያግዝ ሲሆን፣ ሥርዓቱ በተለይም ጊዜንና ወጪን በመቆጠብ ረገድ ከፍተኛ አስተዋጽኦ እንደሚኖረው ታምኖበታል።

የጤና ሚኒስትር ዴኤታ ሳህረላ አብዱላሂ በማስጀመሪያ መርሐ ግብሩ ላይ እንደገለጹት፣ ተበታትነው የሚገኙ የጤና መረጃዎችን ወደ አንድ የተቀናጀ የዲጂታል ሥርዓት ማምጣት እጅግ አስፈላጊ ነው።

ይህም ለዜጎች ቀልጣፋና አስተማማኝ አገልግሎት ለመስጠት ከማስቻሉም በላይ፣ ተገልጋዮች የሚገጥሟቸውን እንግልቶች የሚያስቀር መሆኑን ጠቁመዋል።

"ከሐሳብ ወደ ተግባር ለዘላቂ የኢንጂነሪንግ ሕክምና ትራንስፎርሜሽን" በሚል መሪ ሐሳብ የተዘጋጀው ይህ መርሐ ግብር፣ የዘርፉን ትራንስፎርሜሽን በተግባር ለመተርጎም የሚያስችል መሠረት ይጥላል ተብሏል።

የዲጂታል አገልግሎቱን ተግባራዊ ለማድረግም የተለያዩ ሀገራት ተሞክሮዎች በጥልቀት የተጠኑ ሲሆን፣ የሀገራችንን ነባራዊ ሁኔታ ያገናዘቡ ምርምሮች ተካሂደውበታል።

የቴክኖሎጂ ልማት ኢትዮጵያ ወደ ዲጂታሉ ዓለም እያደረገች ላለው ሰፊ ጉዞ አዲስ በር የሚከፍትና የጤናው ዘርፍ የዲጂታል ትራንስፎርሜሽን አካል መሆኑን የጤና ሚኒስቴር አስታውቋል፡፡

በመሃሪ አለሙ
#ethiopia #ebc #heathsector #healthsystemdigitalization #digitaltransformation

የነገዋ ኢትዮጵያ አስተማማኝ ምሶሶ፡ ዲጂታል ቴክኖሎጂ እና ያልተነካው የወጣቶች አቅም
*******************************

ኢትዮጵያ በጥቂት ዓመታት ውስጥ በበርካታ ዘርፎች እያሰመዘገበችው ያለው ሁለንተናዊ የልማትና የመዋቅር ለውጥ የሀገራችንን ገጽታ ሙሉ በሙሉ እየቀየረው ይገኛል። ከተሞች ከነበሩበት የቆየ አሰራር ወጥተው ዘመናዊና ለኑሮ ምቹ ሆነው እንዲደራጁ ከተደረገበት የኮሪደር ልማት ጀምሮ፣ በግብርናው ዘርፍ የተመዘገበው እመርታ፣ የኢንዱስትሪ ፓርኮች መስፋፋት እና የፋይናንስ ዘርፉ መከፈት ሀገራችንን ወደ አዲስ የዕድገት ምዕራፍ ያሸጋገሩ ታላላቅ ማሳያዎች ናቸው።

ነገር ግን ከእነዚህ ሁለንተናዊ እመርታዎች ሁሉ በላይ የነገዋን ኢትዮጵያ ቅርፅና አቅም የሚወስነው ዋናው አስተማማኝ ምሶሶ በጠቅላይ ሚኒስትር ዐቢይ አሕመድ (ዶ/ር) የተቀረጸው «ዲጂታል ኢትዮጵያ 2030» ስትራቴጂ ነው።

ጠቅላይ ሚኒስትሩ በተደጋጋሚ እንደገለጹት፥ የቴክኖሎጂ ዘርፉ የአሠራር ማሻሻያ ብቻ ሳይሆን ሀገራዊ ብልጽግናችንን የሚያረጋግጥና የዜጎችን ህይወት በዘላቂነት የሚያቃና ዋና የኢኮኖሚ ሞተር ነው። የኢትዮጵያን የወደፊት እጣ ፈንታ በውጭ እርዳታ ወይም በባህላዊ አሠራሮች ላይ ብቻ መመስረት እንደማይቻል በመገንዘብ ሀገራችን፣ የዕውቀትና የቴክኖሎጂ መሪ ኢኮኖሚ የመገንባቱን ሂደት በጥንካሬ ተያይዛዋለች።

ዲጂታል 2030 የመንግሥት አገልግሎቶችን ግልጽና ፈጣን ከማድረግ ባሻገር፣ እንደ «ፋይዳ» ዲጂታል መታወቂያ፣ «መሶብ» የአንድ ማዕከል አገልግሎት ቋት እና ዲጂታል የክፍያ ስርዓቶችን በመዘርጋት ሀገራችንን ከአካታች የዲጂታል አሠራር ጋር አስተስስሯታል።

ሆኖም ግን ይህ ታላቅ ሀገራዊ ራዕይ ያለ ወጣቱ ንቁ ተሳትፎ እና ግንባር ቀደም መሪነት እውን ሊሆን አይችልም። ጠቅላይ ሚኒስትር ዐቢይ አሕመድ (ዶ/ር) በተደጋጋሚ እንደሚሉት፤ የኢትዮጵያ ትልቁና ያልተነካ ተፈጥሮአዊ ሀብት ወጣቱ ህብረተሰብ ነው።

ከ130 ሚሊዮን በላይ ከሚሆነው የሀገራችን ህዝብ አብዛኛው ክፍል ወጣት በመሆኑ፣ ይህን አቅም በቴክኖሎጂ፣ በፈጠራና በክህሎት ማነጽ ከተቻለ ኢትዮጵያ በአፍሪካ ብቻ ሳይሆን በዓለም አቀፍ ደረጃ ተወዳዳሪና አሸናፊ መሆን እንደምትችል ይታመናል።

ወጣቱ የቴክኖሎጂ ተጠቃሚ ብቻ ሳይሆን የችግር ፈቺ መፍትሔዎች አቅራቢና የራሱን ቢዝነስ የሚፈጥር እንዲሆን የተዘረጉት የኢኖቬሽን ስነ-ምህዳሮች የዚሁ አመለካከት ውጤቶች ናቸው።ለዚህም ነው ወጣቱን የዲጂታል አብዮቱ ዋና መሪ ለማድረግ ታሪካዊው የ«5 ሚሊዮን ኢትዮጵያውያን ኮደሮች» ኢኒሼቲቭ በይፋ የተበሰረው።

ወጣቶች በሶፍትዌር ልማት፣ በዳታ ሳይንስ፣ በአንድሮይድ አፕሊኬሽን እና በአርቲፊሻል ኢንቴሊጀንስ በነጻ ሰልጥነው በዓለም አቀፍ ደረጃ ተወዳዳሪ እንዲሆኑ መንገድ ተከፍቶላቸዋል። ይህ ስልጠና ወጣቶች በሀገራቸው ተቀምጠው የዓለም አቀፍ ኩባንያዎችን የቴክኖሎጂ ስራዎች በመስራት የውጭ ምንዛሬ እንዲያመጡ፣ የራሳቸውን ስታርት-አፕ ኩባንያዎች እንዲመሰርቱና ለሌሎችም የሥራ እድል እንዲፈጥሩ የሚያስችል ታላቅ የክህሎት ድልድይ ሆኗል።

በሀገራችን በጥቂት ዓመታት ውስጥ የተመዘገቡት የልማት ስኬቶች መነሻ ተደርገው ሲወሰዱ፣ ዲጂታል ኢትዮጵያ 2030 የቴክኖሎጂ እቅድ ብቻ ሳይሆን የወጣቱን ዘመናዊ አቅም በመጠቀም የኢትዮጵያን ብሩህ ነገ እውን የሚያደርግ ታላቅ ህዝባዊና ሀገራዊ ንቅናቄ ነው።

የመንግስት ፖሊሲ፣ የቴክኖሎጂ መሰረተ ልማት እና የወጣቱ የፈጠራ አቅም ሲቀናጁ፣ በጠቅላይ ሚኒስትሩ እንደተገለጸው በ2030 ኢትዮጵያን በአፍሪካ አህጉር በዲጂታል ኢኮኖሚ የጎለበተችና የበለፀገች ተፎካካሪ ሀገር የማድረግ ህልማችን በትብብርና በጋራ እውን ይሆናል።

በሔዋን ጌታቸው
#ethiopia #digitalethiopia2030 #youthintech #5millioncoders #digitaltransformation #innovation #ebc

ከ“ምናባዊ ዕቅድ” ወደ ተጨባጭ አህጉራዊ የኢኮኖሚ ልዕልና
******************

ጠቅላይ ሚኒስትር ዐቢይ አሕመድ (ዶ/ር)፣ የኢትዮጵያ ዲጂታል ትራንስፎርሜሽን ጉዞ የወደፊቱን የማክሮ-ኢኮኖሚ መዋቅር እና የአፍሪካን አህጉራዊ ተወዳዳሪነት የሚወስን ስትራቴጂያዊ መሳሪያ ስለመሆኑ በተደጋጋሚ ያስገነዝባሉ።

ይህ አቋም፣ ዲጂታል ኢትዮጵያ 2030 ተዓምራዊ ለውጥ ይዞ እንደሚመጣ እና በ2036 የኢትዮጵያ ኢኮኖሚ በአፍሪካ ትልቁ ኢኮኖሚ እንደሚሆን በሙሉ ልበ-ሙሉነት ከገለጹባቸው መልዕክቶች ጋር በጥብቅ የተቆራኘ ነው።

ይህ ስትራቴጂያዊ ራዕይ ቀደም ሲል “ዲጂታል ኢትዮጵያ 2025” ሲቀረጽ “መሬት የማይነካ ምናባዊ ዕቅድ ነው” በማለት ይሞግቱ የነበሩ ወገኖችን ትችት በተግባር በተረጋገጡ እውነታዎች እና ስኬቶች የቀለበሰ ነው።

የዲጂታል ኢኮኖሚ ግንባታው አዳዲስ የገበያ ዕድሎችን ከመፍጠር ባሻገር የመንግሥት አገልግሎቶችን ግልጽነት በማረጋገጥ፣ የታክስ አሰባሰብ አቅምን በማሳደግ እንዲሁም የፋይናንስ አካታችነትን በማስፋት ጠቅላላ ብሔራዊ ምርትን በከፍተኛ ሁኔታ በማሳደግ ላይ ይገኛል።

ለዚህም የዘመናዊ ቴሌኮም መሠረተ ልማቶች መስፋፋት፣ የአራተኛው ትውልድ (4G) እና አምስተኛው ትውልድ (5G) ኔትወርክ ተደራሽነት እንዲሁም የግዙፍ የዳታ ማዕከላት ግንባታ ዋነኛ ሞተሮች በመሆን እያገለገሉ ነው።

የዲጂታል ጉዞው ስኬት ይበልጥ ጎልቶ የሚታየው ደግሞ በዲጂታል የፋይናንስ ሥርዓት እና በዲጂታል መታወቂያ ዘርፎች በተመዘገቡት ተጨባጭ እመርታዎች ነው።

የዚህ ተግባራዊ ለውጥ ማሳያዎች የቴሌብር እና የፋይዳ ዲጂታል መታወቂያ ተጠቃሚዎች ፈጣን ዕድገት ነው። ወቅታዊ የኢቲዮ ቴሌኮም ሪፖርቶች እንደሚያሳዩት፥ የቴሌብር ተጠቃሚዎች ቁጥር 60.6 ሚሊዮን የደረሰ ሲሆን፣ የመተግበሪያው ጠቅላላ የግብይት መጠን ከ9.13 ትሪሊዮን የኢትዮጵያ ብር አልፏል።

መተግበሪያው በቀን በአማካይ 11 ቢሊዮን ብር የገንዘብ ዝውውር የሚያስተናግድበት ደረጃ ላይ የደረሰ ሲሆን፣ ከ19.72 ሚሊዮን በላይ ዜጎች ደግሞ የዲጂታል ብድር አገልግሎት ተጠቃሚ መሆን ችለዋል።

በተመሳሳይ በብሔራዊ ዲጂታል መታወቂያ ፕሮግራም መረጃ መሠረት፣ የፋይዳ ዲጂታል መታወቂያ ተመዝጋቢዎች ቁጥር 50 ሚሊዮን ተቃርቧል። ይህ የፋይዳ አሠራር ሥርዓት ከ150 በላይ ተቋማት ጋር በመተሳሰር ከ190 ሚሊዮን በላይ ደኅንነታቸው የተጠበቀ ማረጋገጫዎችን አስተናግዷል።

በዲጂታል አገልግሎት አሰጣጥ በኩልም ሰፋፊ የለውጥ ሥራዎች በመተግበር ላይ ናቸው። ከ800 በላይ የመንግሥት አገልግሎቶችን በኤሌክትሮኒክ ፖርታል የማቅረብ እና የመሶብ የአንድ ማዕከል አገልግሎትን በስፋት የማዳረስ ሥራ በከፍተኛ ፍጥነት እየተከናወነ ነው።

በተቋማት መካከል የዲጂታል ፊርማ እና የክላውድ ቴክኖሎጂዎችን በመተግበር የተቀናጀ ወረቀት-አልባ የመንግሥት አሠራር እየተዘረጋ ይገኛል።

የፋይዳ ዲጂታል መታወቂያ፣ የመረጃ ልውውጥ ሥርዓት እና የተቀናጀ የዲጂታል ክፍያ ሥርዓት በጋራ የሚሠሩበት ዲጂታል የሕዝባዊ መሠረተ ልማት ማዕቀፍ የቴክኖሎጂ አጠቃቀምን ወደ ተጨባጭ ኢኮኖሚያዊ ውጤት የቀየረ ጠንካራ መሠረት ጥሏል።

እነዚህን የ“ዲጂታል ኢትዮጵያ 2025” ስኬቶች መሠረት በማድረግ የ“ዲጂታል ኢትዮጵያ 2030” ስትራቴጂያዊ ማዕቀፍ በ2030 የዲጂታል ኢኮኖሚውን የጥቅል ሀገራዊ ምርት ድርሻ ወደ 12 በመቶ ለማሳደግ አቅዶ ወደ ሥራ ገብቷል።

ይህ ስትራቴጂ፥ ዜጎችን እና ተቋማትን ማብቃት፣ አካታች የዲጂታል ኢኮኖሚ ዕድገትን ማፋጠን፣ ሁለንተናዊ የዲጂታል ተደራሽነትን ማረጋገጥ እና ኢትዮጵያን የዲጂታል የውጭ ቀጥታ ኢንቨስትመንት ቀዳሚ መዳረሻ ማድረግ የሚሉ ዓላማዎችን አንግቧል።

በተለይም በሰው ሠራሽ አስተውሎት፣ ‘ማሽን ለርኒንግ' እና የነገሮች ኢንተርኔትን (The Internet of Things) የመሳሰሉ የኢንዱስትሪ 5.0 ቴክኖሎጂዎችን በስፋት መተግበር የስትራቴጂው ዋነኛ አካል ነው።

ከዚህ ጋር ተያይዞ ከተባበሩት ዓረብ ኢምሬትስ ጋር በመተባበር የተጀመረውን የ5 ሚሊዮን ኮደሮች ስልጠና ፕሮግራም አድማስ በማስፋት 7 ሚሊዮን ኮደሮችን ለማፍራት የተያዘው ግብ በቴክኖሎጂው ዘርፍ ያለውን የክህሎት ክፍተት ለመሙላት ወሳኝ ሚና ይጫወታል።

መደበኛ ያልሆነውን ኢኮኖሚ ወደ መደበኛው የፋይናንስ ሥርዓት በማስገባት እና የታክስ መሠረትን በማስፋት ኢትዮጵያ በ2036 በአፍሪካ ትልቁ ኢኮኖሚ ለመሆን የሰነቀችው ብሔራዊ ራዕይ በጠንካራ የዲጂታል መሠረት ላይ እውን እየሆነ ይገኛል።

በለሚ ታደሰ
#ethiopia #digitaleconomy #digitalethiopia2030 #digitaltransformation #techinnovation #ebc

ኢትዮ ቴሌኮም በተጠናቀቀው በጀት አመቱ 215.82 ቢሊዮን ብር ገቢ ማግኘቱን አስታወቀ
‎
‎#ethiopia | ​ኢትዮ ቴሌኮም በ2018 በጀት ዓመት የ“ቀጣዩ አድማስ፡ ዲጂታልና ከዚያም ባሻገር 2028” ስትራቴጂውን በመተግበር በሁሉም የሥራ ክንውንና የፋይናንስ መለኪያዎች የላቀ ስኬት ማስመዝገቡን የኩባንያው ዋና ሥራ አስፈጻሚ ፍሬሕይወት ታምሩ ገለጹ።
‎
‎ተቋሙ በበጀት ዓመቱ 215.82 ቢሊዮን ብር ገቢ በማመንጨት የዕቅዱን 99.7 በመቶ ማሳካቱንና ከባለፈው ዓመት ጋር ሲነጻጸር የ33.2 በመቶ ዕድገት ማሳየቱን ዋና ሥራ አስፈጻሚዋ አስታውቀዋል።
‎
‎በዚህም የታሪካዊ ስኬት ምዕራፍ ውስጥ ለመጀመሪያ ጊዜ ከዳታና ኢንተርኔት አገልግሎት የተገኘው ገቢ 31.1 በመቶ ከሞባይል ድምፅ ገቢ 23.5 በመቶ ብልጫ በመውሰድ ኩባንያው ወደ ዲጂታል ትራንስፎርሜሽን ያደረገውን ስኬታማ ሽግግር በግልጽ አሳይቷል።
‎
‎​በተጨማሪም የኩባንያው ደንበኞች ቁጥር 90.12 ሚሊዮን የደረሰ ሲሆን፣ የፋይናንስ አካታችነትን በማስፋፋት ረገድ ትልቅ ድርሻ ያለው የቴሌብር አገልግሎት ተጠቃሚዎች 60.6 ሚሊዮን ደርሰዋል።
‎
‎ቴሌብር በበጀት ዓመቱ ብቻ 4.19 ትሪሊዮን ብር የሚያንቀሳቅስ 2.61 ቢሊዮን ግብይቶችን ማስተናገዱን የጠቀሱት አበይት ማብራሪያዎች፣ ተቋሙ ከወትሮው የቴሌኮም ኦፕሬተርነት ወደ ሁለንተናዊ የቴክኖሎጂ ተቋም የመሸጋገር ጉዞውን በተሳካ ሁኔታ እያከናወነ መሆኑን የሚያረጋግጡ ናቸው።
‎
‎​የኔትወርክ ጥራትንና ተደራሽነትን ለማስፋፋት በተደረገው ጥረት 603 አዳዲስ የሞባይል ጣቢያዎች ተገንብተው የ4ጂ የሕዝብ ቁጥር ሽፋን 82.23 በመቶ ደርሷል።
‎
‎ከዚህ ጎን ለጎን ኢትዮ ቴሌኮም ወደ ሕዝባዊ አክሲዮን ማኅበርነት በመሸጋገር በኢትዮጵያ ሴኪውሪቲስ ኤክስቼንጅ የመጀመሪያውን ይፋዊ የአክሲዮን ምዝገባ ማካሄዱን፣ እንዲሁም በበጀት ዓመቱ 73.5 ቢሊዮን ብር ታክስ በመክፈል ለአገራዊ ኢኮኖሚ ግንባታ ያለውን አስተዋፅኦ አጠናክሮ መቀጠሉን ዋና ሥራ አስፈጻሚዋ ፍሬሕይወት ታምሩ አብራርተዋል።
‎
‎​#ethiotelecom ​#ethiotelecomreport ​#digitalethiopia ​#telebirr ​#techco
​#telecomnews ​#ethiopiatech
​#digitaltransformation

Ethio telecom and Inspur Software Technology Explore Strategic Partnership to Accelerate Ethiopia's Digital Infrastructure Transformation

Ethio telecom CEO, Frehiwot Tamru, hosted high-level strategic discussions with a senior delegation from Inspur Software Technology Co., Ltd., led by its Board Chairman, Mr. Lin Shuai. Joining the delegation was Mr. Gao Xinjie, Deputy General Manager of Shandong Hi-Speed Road & Bridge International Engineering, reflecting a shared commitment to fostering an integrated partnership that combines advanced digital technologies with state-of-the-art infrastructure development.

Aligned with Ethio telecom's "Next Horizon: Digital & Beyond 2028" strategy, the discussions focused on establishing a strategic partnership that integrates next-generation digital technologies with modern infrastructure to accelerate Ethiopia's digital transformation and strengthen the nation's digital economy. By combining cutting-edge computing capabilities with robust physical infrastructure, the collaboration aims to create a resilient, intelligent, and future-ready digital ecosystem that supports inclusive economic growth and national development.

As part of the proposed collaboration, Inspur Software Technology will contribute its expertise in advanced digital infrastructure by supporting the design and deployment of high-performance computing, AI-ready data center solutions, cloud computing platforms, and intelligent digital infrastructure. These capabilities are expected to strengthen Ethiopia's sovereign digital infrastructure, enhance national computing capacity, support AI-driven innovation, and enable the delivery of next-generation digital and enterprise services.

The discussions also explored opportunities to jointly develop localized digital applications and industry-specific solutions tailored to Ethiopia's market, with the aim of accelerating digital adoption across key sectors of the economy. Furthermore, the companies discussed collaboration in areas including AI computing infrastructure, cloud services, enterprise digital transformation, smart industry solutions, talent development, technology transfer, research and innovation. They also explored leveraging their complementary strengths to expand cooperation beyond Ethiopia and jointly pursue strategic opportunities across Africa, contributing to regional digital transformation, digital inclusion, and sustainable economic growth.

During the discussions, Mr. Lin Shuai and Mr. Gao Xinjie highly commended Ethio telecom's visionary leadership, remarkable transformation journey, and outstanding achievements in evolving from a traditional telecommunications operator into one of Africa's leading digital services and technology companies. They expressed their admiration for the company's strategic direction, rapid digital transformation, continuous investment in advanced technologies, and its growing role in driving Ethiopia's digital economy. Reaffirming their confidence in Ethio telecom's future, they conveyed their strong interest in establishing a long-term strategic partnership that extends beyond Ethiopia to jointly pursue opportunities across the African market.

Concluding the meeting, CEO Frehiwot Tamru directed the respective technical teams to expedite the development of a comprehensive cooperation framework and implementation roadmap. This preparatory work will pave the way for a subsequent executive-level engagement to formalize the partnership and initiate the implementation of high-impact strategic initiatives that will contribute to Ethiopia's and Africa's digital future.
#ethiotelecom #inspur #sdhs #telebirr #nexthorizon #digitalethiopia #digitaltransformation #gsma #itu

Ethio telecom and Huawei Strengthen Strategic Partnership to Accelerate Enterprise and SME Growth Through Digital Innovation

Ethio telecom Chief Executive Officer, Frehiwot Tamru, and Huawei Northern Africa President, Mr. Li Shen, together with their executive leadership teams, held high-level strategic discussions to further strengthen their long-standing strategic partnership and accelerate the growth of Ethiopia's Enterprise and Small & Medium Enterprise (SME) markets through innovative digital solutions.

The discussions were aligned with Ethio telecom's Next Horizon: Digital & Beyond 2028 strategy and focused on expanding the partnership beyond traditional telecommunications infrastructure toward a broader business, innovation, and digital ecosystem collaboration. Both companies reaffirmed their shared commitment to jointly driving Ethiopia's digital transformation by creating sustainable value for businesses, communities, and the wider digital economy.

A key focus of the meeting was the joint development of integrated, industry-specific digital solutions that combine advanced connectivity, cloud computing, artificial intelligence (AI), cybersecurity, Internet of Things (IoT), data center services, and digital platforms to accelerate the digital transformation of enterprises across key sectors of the economy.

The leadership teams also discussed strengthening the digital ecosystem for Enterprise and SME customers by integrating innovative business solutions with the telebirr platform, enabling digital payments, financial services, business management tools, e-commerce, and other value-added services that empower businesses to improve productivity, expand their markets, and enhance competitiveness.

Recognizing the importance of local innovation and faster service delivery, the discussions emphasized strengthening local software development, solution customization, system integration, and technical support through enhanced local engineering capabilities, solution architects, and research and development collaboration. Both companies agreed that closer collaboration between their technical teams will accelerate innovation, improve responsiveness to customer requirements, and enable the rapid development of solutions tailored to Ethiopia's evolving market needs.

The meeting further explored opportunities to strengthen collaboration in expanding smartphone affordability and digital device accessibility through innovative financing models and broader market initiatives. Both companies recognized that increasing access to affordable smart devices is fundamental to accelerating digital inclusion and enabling greater participation in Ethiopia's growing digital economy.

Beyond technology and business growth, both companies emphasized the importance of expanding collaboration in Environmental, Social, and Governance (ESG) initiatives and corporate social responsibility. The discussions highlighted opportunities to work together in promoting digital inclusion, digital literacy, rural connectivity, digital education, community empowerment, and sustainable digital infrastructure, reaffirming their shared commitment to delivering meaningful social and economic impact.

The leadership also agreed to strengthen collaboration in marketing communications, customer education, and digital awareness initiatives to accelerate the adoption of innovative digital services. Joint efforts will focus on developing creative campaigns, educational content, promotional materials, and customer engagement initiatives that enhance awareness and maximize the value of Ethio telecom's expanding portfolio of digital products and services, including telebirr and enterprise digital solutions.

Huawei reaffirmed its unwavering commitment to supporting Ethio telecom's transformation into a leading technology-driven digital services company (TechCo). The company expressed its readiness to deepen collaboration in enterprise innovation, SME empowerment, digital ecosystem development, solution co-creation, and regional growth opportunities, supporting Ethio telecom's ambition to expand digital innovation beyond Ethiopia into regional and African markets.

The meeting concluded with a shared commitment to translate these strategic priorities into concrete initiatives that will accelerate Ethiopia's digital transformation, unlock new opportunities for enterprises and SMEs, strengthen digital inclusion, and create scalable digital solutions capable of serving markets across Africa.
#ethiotelecom #huawei #nexthorizon #digitalbeyond2028 #digitaltransformation #enterprisesolutions #sme #telebirr #digitalinclusion #techco #innovation #africa #cloud #ai #cybersecurity

የኢትዮጵያ አዲሱ የዲጂታል ዘመን ስኬቶች
*************

ኢትዮጵያ ባለፉት ጥቂት ዓመታት በዲጂታል ቴክኖሎጂ እና በቴሌኮሙኒኬሽን ዘርፍ እያስመዘገበች ያለችው ፈጣን ዕድገት ከተበታተኑ አሠራሮች ወጥታ የተቀናጀ የኢኮኖሚ መሠረት እንድትጥል እያስቻላት ይገኛል።

የቴሌኮም ዘርፉን በማዘመን እና ለገበያ ክፍት በማድረግ የተጀመረው ይህ ጉዞ ሀገራችንን ወደ ላቀ የዲጂታል ዘመን እያሸጋገራት ነው።

የመሠረተ ልማት እና የክፍያ ሥርዓት አብዮት

በቅርብ ዓመታት የቴሌኮም ደንበኞች ቁጥር ከ37.9 ሚሊዮን ወደ 85 ሚሊዮን በላይ መድረሱ ለሀገራዊው የዲጂታል ትሥሥር እና ለገበያ ተሳትፎ የማይናወጥ መሠረት ጥሏል።

የዲጂታል ክፍያ ሥርዓት መስፋፋት ደግሞ ሌላው ታሪካዊ ስኬት ነው። ከዚህ ቀደም በውል የማይታወቀው ዓመታዊ የዲጂታል ግብይት መጠን አሁን ላይ ወደ 24.2 ትሪሊዮን የኢትዮጵያ ብር ከፍ ብሏል።

ይህ ግዙፍ አሃዝ በጥሬ ገንዘብ ላይ የተመሠረተውን ግብይት በመቀነስ ግልጽነትን የፈጠረ ሲሆን፣ ለፖሊሲ አውጪዎች ግልጽ የሆነ እና የታለመ የፋይናንስ እርምጃ ለመውሰድ የሚያስችል ምቹ ሥርዓት ፈጥሯል።

አካታችነትን ያረጋገጠው ዲጂታል መታወቂያ

የፋይዳ ብሔራዊ ዲጂታል መታወቂያ ሥርዓት የዜጎችን ማኅበራዊ እና ኢኮኖሚያዊ ተሳትፎ በማሳደግ በኩል ቁልፍ ሚና እየተጫወተ ነው።

ይህ ፕሮጀክት ከባዶ ተነሥቶ በአጭር ጊዜ ውስጥ ከ46.4 ሚሊዮን በላይ ዜጎችን መመዝገብ ቸሏል።

ፋይዳ በገበያ የሚጠየቀውን የምዝገባ እና የማረጋገጫ ወጪዎችን በእጅጉ በመቀነስ ረገድ ትልቅ አስተዋፅኦ እያበረከተ ይገኛል።

አስተማማኝ የማንነት ማረጋገጫ በመስጠትም የፋይናንስ አካታችነትን ይበልጥ እውን እያደረገ ነው።

ሀገር በቀል የቴክኖሎጂ አቅም እና የወደፊቱ ራዕይ

በሦስት ዓመታት ውስጥ ለማሳካት ታቅዶ ከሁለት ዓመት ባነሰ ጊዜ ውስጥ የተሳካው የ"5 ሚሊዮን የኢትዮጵያ ኮደሮች" ኢኒሼቲቭ የዲጂታል ኢትዮጵያን መጻኢ ተስፋ ያረጋገጠ ነው።

ሐምሌ 16 ቀን 2016 ዓ.ም ከተጀመረበት ጊዜ አንሥቶ በኮምፒውተር ፕሮግራሚንግ፣ በመረጃ ትንተና፣ በአንድሮይድ ሶፍትዌር ልማት እና በአርቴፊሻል ኢንተለጀንስ 5 ሚሊዮን 5 ሺህ 146 ሰልጣኞች ተመዝግበዋል።

ከ4 ሚሊዮን በላይ የሚሆኑት ደግሞ በዓለም አቀፍ ደረጃ እውቅና ያለውን የምስክር ወረቀት አግኝተዋል።

ይህ በዲጂታሉ ዓለም የተጀመረው ታሪካዊ ምዕራፍ የጉዞው ማብቂያ ሳይሆን ብሔራዊ ራዕይን ይበልጥ ማፋጠኛ መነሻ ነው።

በመሆኑም እስከ ነሐሴ 2018 ዓ.ም ድረስ የሠልጣኞችን ቁጥር 7 ሚሊዮን ለማድረስ አዲስ ግብ ተሰንቋል።

በተለይም ወጣት ተማሪዎች የክረምቱን ወቅት በዋዛ ከማሳለፍ ይልቅ ሙሉ በሙሉ በነጻ የሚሰጠውን ይህንን ሥልጠና በመውሰድ በዓለም አቀፍ ደረጃ ዕውቅና ያላቸው የዲጂታል መሪዎች እንዲሆኑ ጥሪ ቀርቧል።

እነዚህ ሁሉ እመርታዎች ኢትዮጵያ በዓለም አቀፉ የዲጂታል ኢኮኖሚ ፉክክር ውስጥ ተወዳዳሪ ብቻ ሳትሆን መሪም እንድትሆን የሚያደርጓት ጽኑ መሠረቶች ናቸው።

በለሚ ታደሰ
#ethiopia #ebc #digitalethiopia #digitaltransformation #techinnovation

ከቴክኖሎጂ ጥገኝነት ወደ ቴክኖሎጂ አመንጪነት
***************

ኢትዮጵያ በቴክኖሎጂ ዘርፍ የነበራትን የጥገኝነት ምዕራፍ በታሪክ ሰነድነት በማስቀመጥ በአፍሪካ ደረጃ አዲስ የፈጠራ ምዕራፍ ከፍታለች።

በጠቅላይ ሚኒስትር ዐቢይ አሕመድ (ዶ/ር) መሪነት የተጀመረው ‘ዲጂታል ለልህቀት’ ጉባኤ፣ ኢትዮጵያ ከቴክኖሎጂ ተጠቃሚነት ወደ ቴክኖሎጂ አመንጪነት መሸጋገሯን በተግባር ያረጋገጠ እና የቴክኖሎጂ ውጤቶችን በዘላቂነት ለማምረት የተዘረጋው የስትራቴጂያዊ ማዕቀፍ መገለጫ ነው።

በጉባኤው በይፋ የተመረቀው በአፍሪካ ቀዳሚው የተቀናጀ የዲጂታል አገልግሎት መተግበሪያ የተለያዩ ተቋማትን አገልግሎት በአንድ መድረክ በማምጣት የቢሮክራሲ ሂደትን የሚያቀል ነው።

ይህን መተግበሪያ ጨምሮ እንደ መሶብ ያሉ በሀገር በቀል ዕውቀት የተደራጁ ዲጂታል መድረኮች፣ የዜጎችን የዕለት ተለት ኢኮኖሚያዊና ማሕበራዊ እንቅስቃሴዎች በዘመናዊ መረብ የሚያስተሳስሩ የፈጠራ ውጤቶች ናቸው።

በዚህ መልኩ አገልግሎቶችን በዲጂታል መንገድ ማቅረብ የዜጎችን ጊዜ፣ ጉልበት እና ወጪ በመቆጠብ የሀገርን ምርታማነት በከፍተኛ ደረጃ ያሳድጋል።

ቴክኖሎጂ ለልማት ሥራዎች ሲውል፣ ለሀገር ውስጥ አቅም ግንባታ ወሳኝ ሚና ይጫወታል። አገልግሎቶች በአንድ መድረክ ሲሰባሰቡ ለምርታማነት ዕድገት፣ ለፍትሐዊ የሀብት ክፍፍል እና ለዘመናዊ የንግድ አሠራር መሠረት ይጥላሉ።

የዲጂታል ሽግግር አሠራሮችን ግልጽ እና ቀልጣፋ በማድረግ በዘመናዊው ዓለም ተወዳዳሪ ለመሆን የሚደረገውን ጥረት ያፋጥነዋል።

አዲሱ የተቀናጀ የዲጂታል አገልግሎት መተግበሪያ ለነገው ዲጂታል ኢኮኖሚ የጀርባ አጥንት በመሆን ዲጂታል የንግድ ልውውጥን ከማዘመን፣ መሠረታዊ አገልግሎት እስከ መስጠት ባለው ሰንሰለት ውስጥ የሚጫወተው ሚና የላቀ ነው።

በሃና ምንዳሁን
#ethiopia #digitaltransformation #digitalexcellence #techdevelopment #digitalservices #ebc

ዩኒቲ ብድርና ቁጠባ ዘመናዊውን የፋይናንስ ሥርዓት ቴክኖሎጂ በይፋ ሥራ ላይ አዋለ።

ዩኒቲ ብድርና ቁጠባ ተቋም በአጭር ጊዜ ውስጥ ወደ ትግበራ ያስገባውን ዘመናዊ የባንክ ሥርዓት ቴክኖሎጂ ዛሬ ባካሄደው ደማቅ ሥነ ሥርዓት በይፋ መርቋል።

በዚህ የምረቃ መርሃ ግብር ላይ ከፍተኛ የመንግሥት የሥራ ኃላፊዎች፣ ባለድርሻ አካላት፣ የተቋሙ የቦርድ አባላትና ሥራ አስኪያጆች፣ የሀገር ሽማግሌዎች እንዲሁም ጥሪ የተደረገላቸው እንግዶች ተገኝተዋል።

ይህ አዲስ የቴክኖሎጂ ሥርዓት ሥራ ላይ መዋሉ ተቋሙ ለአባላቱ ፈጣን፣ ቀልጣፋ፣ አስተማማኝና ዘመናዊ የፋይናንስ አገልግሎት ለማቅረብ ለጀመረው የዲጂታል ሽግግር ጉዞ ትልቅ እርምጃ መሆኑ ተገልጿል።

ዩኒቲ ብድርና ቁጠባ በቀጣይም ተደራሽነቱን በማስፋትና አሠራሩን በማዘመን ለአባላቱ የተሻለ አገልግሎት ለመስጠት ያለውን ዝግጁነት አረጋግጧል።
#unitysavingandcredit #corebanking #digitaltransformation

በባሕር ዳር የሚንቀሳቀሱ የመኖሪያ ቤት አልሚ አክሲዮን ማኅበራት አሠራራቸውን ዘመናዊ የሚያደርግ አዲስ መተግበሪያ እና ድረገጽ አስገመገሙ
#ethiopia | በቤት ልማት ዘርፍ ላይ የተሰማሩና መቀመጫቸውን በባሕር ዳር ከተማ ያደረጉ አራት የአክሲዮን ማኅበራት፣ አጠቃላይ የሥራ እንቅስቃሴያቸውን ወደ ዲጂታል ሥርዓት ለማሸጋገር ያዘጋጁትን አዲስ የቴክኖሎጂ መተግበሪያ በባለሙያዎች አስገምግመዋል።

ዋዜማ፣ ፕላኔት፣ ዋን ሩፍ እና ታውን አፓርትመንት የተባሉት እነዚህ ማኅበራት፣ ለአባላቶቻቸው ዘመናዊ የመኖሪያ ቤቶችን ለመገንባት ተቋቁመው ወደ ሥራ የገቡ ኩባንያዎች ናቸው።

የኩባንያዎቹ መሥራች አቶ ዘላለም እሸቱ በምክክር መድረኩ ላይ እንደተናገሩት፣ አሠራርን በቴክኖሎጂ መደገፍ በአሁኑ ወቅት አማራጭ የሌለው ጉዳይ ሆኗል። ማኅበራቱ በአገር ውስጥና በውጭ አገር ከሚኖሩ ባለአክሲዮኖች በሚሰበሰብ መዋጮ የሚንቀሳቀሱ በመሆናቸው፣ አዲሱ መተግበሪያ በሥራዎች ላይ ፍጹም ግልጸኝነትን ለመፍጠር ትልቅ እገዛ እንደሚያደርግ አብራርተዋል።

ቀደም ሲል የነበረው አሠራር የቤት ግንባታ ገቢና ወጪዎችን በዓመት አንድ ጊዜ ብቻ በሚደረግ ጠቅላላ ጉባኤ ላይ የሚያቀርብ በመሆኑ የመረጃ ክፍተት ይፈጥር ነበር።

አዲሱ የቴክኖሎጂ አማራጭ ግን እያንዳንዱ የገንዘብ እንቅስቃሴ የወቅቱን የገበያ ዋጋ ባገናዘበ ማስረጃ እንዲደገፍ የሚያደርግ ሲሆን፣ ባለአክሲዮኖችም ባሉበት ሆነው መረጃዎችን በቀጥታ መከታተል እንዲችሉ ያስችላቸዋል።

በዕለቱ የተገኙት የክልሉ ንግድ ቢሮ የአክሲዮን ክትትል ባለሙያ አቶ ደሳለኝ ጓንቻ በበኩላቸው፣ በአሁኑ ወቅት የአክሲዮን ማኅበራት ዋነኛ ፈተና የአሠራር ግልጸኝነት ማጣት መሆኑን ጠቅሰው ይህ ጅማሮ ለሌሎችም አርአያ የሚሆንና ትልቅ መፍትሔ ይዞ የመጣ መሆኑን ገልጸዋል።

በምክክር መድረኩ ላይ በባለሙያዎች የተነሱ ጠቃሚ ማሻሻያዎችን በማካተት መተግበሪያው በፍጥነት ወደ ሥራ እንዲገባ መግባባት ላይ ተደርሷል።
#bahirdar #digitaltransformation #realestateethiopia #technology #housingdevelopment #getutemesgen #getu #ጌጡ #ጌጡተመስገን #addisababa

የፕላንና ልማት ሚኒስትር ዴኤታ አቶ በረከት ፍስሃጽዮን በሰጡት ማብራሪያ ፤ የኢትዮጵያ የልማት አስተዳደር ሪፎርም ሀገሪቱ የምታቅድበትን፣ ክትትል የምታደርግበትንና ውጤት የምታስመዘግብበትን አካሄድ መሠረታዊ በሆነ መልኩ እየቀየረው ይገኛል።
#ethiopia #digitalethiopia #digitaltransformation #governance #techethiopia

የኢትዮጵያ ኤሌክትሪክ አገልግሎት በ48.8 ሚሊዮን ዶላር የዲጂታል ክፍያ ሥርዓቱን እያፋጠነ ነው
#ethiopia | የኢትዮጵያ ኤሌክትሪክ አገልግሎት የቅድመ ክፍያ የኤሌክትሪክ ቆጣሪዎችን የክፍያ ሥርዓት ወደ ዘመናዊ የዲጂታል መንገድ ለመቀየር የጀመረውን ግዙፍ ፕሮጀክት በስፋት እያከናወነ ይገኛል። ተቋሙ 500 ሺህ ስማርት የቅድመ ክፍያ ቆጣሪዎችን ለመግጠም ለጀመረው ለዚሁ ፕሮጀክት 48.8 ሚሊዮን የአሜሪካ ዶላር ወጪ ማድረጉ ተገልጿል።

እስካሁን ባለው መረጃ መሠረት ከ67 ሺህ በላይ ደንበኞች የዘመናዊው ቆጣሪ ተጠቃሚ መሆን የጀመሩ ሲሆን፣

ዝርዝር አፈጻጸሙም 🔎

* 60,457 ነጠላ ፌዝ (Single Phase) ቆጣሪዎች፦ እስከ 7.5 ኪሎ ዋት ለሚጠቀሙ መኖሪያና ንግድ ቤቶች አገልግሎት እየሰጡ ነው።
* 7,013 ባለ ሦስት ፌዝ (Three Phase) ቆጣሪዎች፦ ከ8 እስከ 24 ኪሎ ዋት ለሚጠቀሙ አነስተኛ ኢንዱስትሪዎችና ቤቶች ተገጥመዋል።

ይህ አዲስ የቴክኖሎጂ ሽግግር ደንበኞች ቀደም ሲል የኤሌክትሪክ ቶክን ለመግዛት ወደ አገልግሎት መስጫ ማዕከላት በማቅናት ያባክኑት የነበረውን ጊዜና ጉልበት ሙሉ በሙሉ የሚያስቀር ነው።

ደንበኞች በፈለጉት ሰዓት (በ24 ሰዓት) ባሉበት ሆነው፦

* በኢትዮጵያ ንግድ ባንክ (CBE Birr/App)
* በቴሌ ብር (telebirr)
* በአዋሽ ባንክ መተግበሪያዎች አማካኝነት
በቀላሉ ክፍያቸውን መፈጸም ይችላሉ።

ይህ እርምጃ የሀገሪቱን የዲጂታል ኢኮኖሚ ጉዞ ከማሳለጡ ባለፈ፣ ለኤሌክትሪክ አገልግሎት ተደራሽነትና አስተማማኝነት ትልቅ ሚና ይጫወታል ተብሎ ይጠበቃል።

Getu Temesgen - (ጌጡ ተመስገን)
#getutemesgen #getu #ጌጡ #ethiopianelectricutility #eeu #digitaltransformation #smartmeter #prepaidelectric #ethiopiatech #cbe #telebirr #awashbank #energyupdate

አዋሽ ባንክ ሦስት አዳዲስ የዲጂታል መተግበሪያዎችን ሥራ ማስጀመሩን አስታወቀ
#ethiopia | ​አዋሽ ባንክ ለደንበኞቹ የሚሰጠውን አገልግሎት በዲጂታል ቴክኖሎጂ የታገዘና ዘመናዊ ለማድረግ የሚያስችሉ ሦስት አዳዲስ የዲጂታል መተግበሪያዎችን በይፋ ሥራ ማስጀመሩን አስታወቀ።

ባንኩ ዛሬ መጋቢት 03 ቀን 2018 ዓ.ም በስካይላይት ሆቴል ይፋ ያደረጋቸው መተግበሪያዎች

👉 “አዋሽ ሬሚት”፣
👉 “አዋሽ ኢ-ቲኬቲንግ” እና
👉 “አዋሽ ኢ-ፕሮፐርቲ ማኔጅመንት” የተሰኙ መተግበሪያዎችን ማስተዋወቁን ገልጿል።

​ባንኩ እነዚህን የዲጂታል አገልግሎቶች በዝርዝር እንደሚከተለው አብራርቷል፡-

​1. አዋሽ ሬሚት (Awash Remit)
​ይህ መተግበሪያ በውጭ አገር የሚኖሩ ኢትዮጵያውያንና ትውልደ ኢትዮጵያውያን ለወዳጅ ዘመዶቻቸው ፈጣንና ደህንነቱ የተጠበቀ የገንዘብ ዝውውር እንዲያደርጉ የሚያስችል ነው። ደንበኞች የቪዛ (Visa) ወይም የማስተር ካርድ (MasterCard) በመጠቀም በቀጥታ ወደ አዋሽ ባንክ አካውንት፣ ወደ አዋሽ ብር ፕሮ ዋሌት ወይም በቅርንጫፎች በኩል የሚከፈል ገንዘብ በቀላሉ መላክ ይችላሉ።

​2. አዋሽ ኢ-ቲኬቲንግ (Awash e-Ticketing)
​ይህ አገልግሎት ኮንሰርቶችን ጨምሮ ማንኛውንም ሁነት (Event) የሚያዘጋጁ አካላት ትኬቶቻቸውን በኢንተርኔት አማካኝነት እንዲሸጡና እንዲያስተዳድሩ የሚያስችል ነው። የወረቀት ትኬቶችን በQR ኮድ በመተካት ለአዘጋጆችም ሆነ ለታዳሚዎች ምቹ፣ ግልጽና ደህንነቱ የተጠበቀ አሠራርን ይፈጥራል። አገልግሎቱ ለኮንፈረንሶች፣ ለስፖርታዊ ኩነቶችና ለሃይማኖታዊ ስብሰባዎች እጅግ ጠቃሚ መሆኑ ተገልጿል።

​3. አዋሽ ኢ-ፕሮፐርቲ ማኔጅመንት (Awash e-Property Management)
​ይህ መተግበሪያ የህንጻ ባለቤቶችና ተከራዮች ግንኙነትን በዲጂታል መንገድ የሚያቀላጥፍ ነው። የቤት ኪራይ አሰባሰብን፣ የፋይናንስ ክትትልንና የውል ስምምነቶችን በዘመናዊ መልኩ ለማስተዳደር ይረዳል። በተጨማሪም የሚከራዩ ክፍሎችን፣ የንግድ ቦታዎችንና የመኪና ማቆሚያዎችን በዝርዝር ለመለየትና ለማስተዳደር ከፍተኛ ፋይዳ እንዳለው ተመላክቷል።

ባንኩ በመግለጫው እንዳመለከተው፣ ከሐምሌ እስከ ታኅሣሥ 2025 ባሉት ስድስት ወራት ውስጥ ብቻ በዲጂታል የክፍያ ሥርዓት የተከናወነው የገንዘብ ልውውጥ መጠን ከአንድ ትሪሊዮን ብር በላይ መድረሱን ገልጿል።

ይህም ባንኩ ከመንግሥታዊና መንግሥታዊ ካልሆኑ ተቋማት ጋር በቅንጅት በመሥራቱ የተመዘገበ ውጤት መሆኑ ተጠቅሷል።

Getu Temesgen - (ጌጡ ተመስገን)
#getutemesgen #getu #ጌጡ

​#awashbank #digitalbanking #fintechethiopia #awashremit #eticketing #propertymanagement #ethiopiabanking #digitaltransformation #financialinnovation #cashlessethiopia

AI የሰው ልጅን ከሥራ አያፈናቅልም፤ ይልቁንም አቅምን ያሳድጋል!
#​ብዙዎቻችን "አርቲፊሻል ኢንተለጀንስ (AI) ሥራዬን ይነጥቀኝ ይሆን?" የሚል ስጋት ነበረብን። ሆኖም የጆንስ ሆፕኪንስ ዩኒቨርሲቲ ያወጣው አዲስ ጥናት ይህንን ስጋት የሚቀይር አስገራሚ ውጤት ይፋ አድርጓል።

​ AIን መጠቀም የሚያስገኘው ትርፍ በቁጥር፦
ጥናቱ AIን በሥራቸው ላይ የጨመሩ ሠራተኞች ካልተጠቀሙት በተሻለ የሚከተሉትን ለውጦች እንዳሳዩ አረጋግጧል፦
​የፈጠራ ችሎታ (Creativity)፦ በ 40% ጨምሯል!
​የሥራ ፍጥነት (Efficiency)፦ በ 25% አድጓል!
​የሥራ ጥራት (Quality)፦ በ 18% መሻሻል አሳይቷል!

AI አድካሚና ተደጋጋሚ ሥራዎችን በፍጥነት ቢሰራም፣ የሚከተሉት የሰው ልጅ ተፈጥሯዊ ክህሎቶች ግን በማሽኖች ሊተኩ እንደማይችሉ ጥናቱ ይገልጻል፦
​ሂሳዊ አስተሳሰብ (Critical Thinking)
​ሥነ-ምግባራዊ ውሳኔ አሰጣጥ (Ethics)
​ጥልቅ ስሜታዊ ግንኙነት (Emotional Intelligence)

እንደ ዓለም ኢኮኖሚክ ፎረም (WEF) ትንበያ፣ በቴክኖሎጂው ምክንያት አንዳንድ ነባር ሥራዎች ቢቀየሩም፣ 97 ሚሊዮን የሚደርሱ አዳዲስና ዘመናዊ የሥራ ዕድሎች ይፈጠራሉ። ቁልፉ ያለው ራስን ከቴክኖሎጂው ጋር በማላመድና አዳዲስ ዲጂታል ክህሎቶችን በማዳበር ላይ ነው።

AIን በዕለት ተዕለት ሥራዎ ወይም ትምህርትዎ ላይ መጠቀም ጀምረዋል? የሥራ ጫናዎን ቀንሶልዎታል ወይስ ይበልጥ አሳስቦዎታል? ራስዎን ለነገው የሥራ ገበያ እንዴት እያዘጋጁ ነው?

​#artificialintelligence #ai #futureofwork #technology #productivity #digitaltransformation #innovation #getutemesgen #getu #ጌጡ #ጌጡተመስገን

ሳውዲ አረቢያ ለግመሎቿ "ዲጂታል ፓስፖርት" አዘጋጀች
#ethiopia | ሳውዲ አረቢያ በባህላዊ እና ኢኮኖሚያዊ ዘርፏ ትልቅ ድርሻ ያለውን የግመል ሃብት አያያዝ ወደ ላቀ ደረጃ ለማሸጋገር፣ ዘመናዊ የዲጂታል ፓስፖርት አሰራርን በይፋ አስጀመረች።

ይህ አዲስ የቴክኖሎጂ እርምጃ በሀገሪቱ የሚገኙ ግመሎችን መረጃ በዘመናዊ መንገድ ለመሰብሰብ፣ ለመቆጣጠር እና የግብይት ሂደቱን አስተማማኝ ለማድረግ ያለመ ነው።

በአካባቢ፣ ውሃ እና ግብርና ሚኒስቴር ስር በተካሄደው እና የእንስሳትና አሳ ሀብት ልማት ብሔራዊ ፕሮግራም አካል በሆነው በዚህ ፕሮጀክት፤ እያንዳንዱ ግመል የራሱ የሆነ ዲጂታል መታወቂያ ወይም "ፓስፖርት" ይኖረዋል። ይህ አሰራር የግመሎቹን የዘር ሐረግ፣ የባለቤትነት መብት እና የጤና ታሪክ በአንድ ቋት ውስጥ በማካተት የመረጃ ፍሰቱን ቀልጣፋ ያደርገዋል ተብሏል።

የፕሮጀክቱን ማስጀመሪያ መርሃ ግብር የመሩት ምክትል ሚኒስትሩ ማንሱር አል-ሙሻይቲ እንደገለጹት፣ ይህ የዲጂታል ሽግግር ለዘርፉ ተዋንያን ትልቅ እፎይታን የሚሰጥ ነው። በተለይም በእንስሳት ህክምና አገልግሎት አሰጣጥ ላይ ቅልጥፍናን ከመፍጠሩም ባሻገር፣ በግመሎች ግብይት ወቅት የሚነሱ የባለቤትነት ውዝግቦችን በመፍታት እና የገበያ ተዓማኒነትን በመገንባት ረገድ ከፍተኛ ሚና ይጫወታል።

ይህ እርምጃ ሳውዲ አረቢያ ባህላዊ የግመል እርባታን ከዘመናዊ ቴክኖሎጂ ጋር ለማስተሳሰር የጀመረችው ሰፊ ዕቅድ አንድ አካል ሲሆን፣ በመላው የንጉሳዊው መንግስት ግዛቶች ውስጥ ተግባራዊ ይደረጋል።

Getu Temesgen - (ጌጡ ተመስገን)
#getutemesgen #getu #ጌጡ #ሳውዲአረቢያ #ግመል #ዲጂታል_ፓስፖርት #ቴክኖሎጂ #ግብርና #saudiarabia #camelpassport #digitaltransformation

ኢትዮ ቴሌኮም በስድስት ወራት ውስጥ የ85 ቢሊዮን ብር ገቢ አስመዘገበ
#ethiopia | ኢትዮ ቴሌኮም የ2018 በጀት ዓመት የመጀመሪያ አጋማሽ የሥራ አፈጻጸሙን ይፋ ባደረገበት መግለጫ፣ በስድስት ወራት ውስጥ 85 ቢሊዮን ብር ገቢ ማግኘቱን አስታውቋል። የኩባንያው ዋና ሥራ አስፈጻሚ ፍሬሕይወት ታምሩ እንደገለጹት፣ ተቋሙ በገቢውም ሆነ በደንበኞች ቁጥር በኩል ከፍተኛ መሻሻል አሳይቷል።

የአፈጻጸሙ ዋና ዋና ነጥቦች፦

* የደንበኞች ቁጥር፦ አጠቃላይ የቴሌኮም ተጠቃሚዎች ቁጥር 87.1 ሚሊዮን የደረሰ ሲሆን፣ ይህም ካለፈው ዓመት ተመሳሳይ ወቅት ጋር ሲነጻጸር የ8.2 በመቶ ጭማሪ አሳይቷል።

* የቴሌብር ስኬት፦ የቴሌብር ደንበኞች ቁጥር 58.6 ሚሊዮን ያለፈ ሲሆን፣ በግማሽ ዓመቱ ብቻ በዘርፉ 1.9 ትሪሊዮን ብር ማንቀሳቀስ ተችሏል።

* ስትራቴጂያዊ እቅድ፦ ኩባንያው ለቀጣይ ሦስት ዓመታት የሚተገበር ስትራቴጂ በመቅረጽ፣ የዲጂታል ኢትዮጵያን ጉዞ ለማሳካት በቁርጠኝነት እየሰራ እንደሚገኝ ተገልጿል።

ይህ አስደናቂ ውጤት ተቋሙ የጀመረውን የዲጂታል ትራንስፎርሜሽን ጉዞ ይበልጥ እንደሚያፋጥነው ተነግሯል።

Getu Temesgen - (ጌጡ ተመስገን)

📸 ከበደ መክብብ
#getutemesgen #getu #ጌጡ #ጌጡተመስገን #ኢትዮቴሌኮም #ኢትዮጵያ #ዲጂታልኢትዮጵያ #ቴሌብር #ኢኮኖሚ #ethiotelecom #telebirr #ethiopia #digitaltransformation