የመስቀል ደመራ ሥነ-ሥርዓት አሁናዊ ድባብ በመስቀል አደባባይ በጥቂቱ፡-

📸 በዮሴፍ እሸቴ እና አሰግድ ሲሳይ #meskel #demera #meskelsquare #ethiopianheritage #ethiopia


የመስቀል ደመራ ሥነ-ሥርዓት አሁናዊ ድባብ በመስቀል አደባባይ በጥቂቱ፡-

📸 በዮሴፍ እሸቴ እና አሰግድ ሲሳይ #meskel #demera #meskelsquare #ethiopianheritage #ethiopia

"ጊፋታ" በዓል ማህበራዊ አንድነትንና ወድማማችነትን በማጠናከር ለሀገራዊ አንድነት መሰረት ይጥላል፡- ርዕሰ መስተዳድር ጥላሁን ከበደ
********************

የወላይታ ብሔር ዘመን መለወጫ "ጊፋታ" በዓል የደቡብ ኢትዮጵያ ክልል ርዕሰ መስተዳድር ጥላሁን ከበደ፣ የፌዴራልና የክልሉ መንግሥት ከፍተኛ የሥራ ኃላፊዎች በተገኙበት ወላይታ ሶዶ ከተማ እየተከበረ ይገኛል፡፡

በበዓሉ ላይ ንግግር ያደረጉት የክልሉ ርዕሰ መስተዳድር ጥላሁን ከበደ እንደገለፁት፣ በወላይታ ሕዝብ ዘንድ ልዩ ስፍራ የሚሰጠው 'ጊፋታ' በዓል የሰላም፣ የአንድነት እና የመሻገር ምልክት ነው።

"ጊፋታ" በዓል የተራራቁና የተነፋፈቁ የሚገናኙበት፣ ቂምና ቁርሾን በዕርቅና በይቅርታ በመሻገር እንዲሁም የጥላቻን ግንብ በፍቅር በማፍረስ ሰላም ነግሶ በአንድነት ወደ አዲስ ዘመን መሸጋገሪያ ተደርጎ የሚወሰድ ድንቅ የክልላችን እሴት ነው ብለዋል፡፡

የወላይታ ሕዝብ ከሌሎች ወንድም ሕዝቦች ጋር በጋራ የሚያከብረው የ'ጊፋታ' በዓል አብሮነትና ወንድማማችነት የሚጎለብትበት፣ ኅብረ-ብሔራዊነት የሚያድግበት እና የሕዝቦች ትስስር ይበልጥ የሚጠናከርበት በዓል መሆኑን ገልጸዋል።

የበዓሉን እሴቶች ለሀገር ሰላምና አንድነት፣ ለሕዝቦች የጋራ ልማትና ዕድገት መጠቀም እንደሚገባም አስገንዝበዋል።

ባህላዊ እሴቱን ጠብቆ የሚከበረው ጊፋታ፣ የሕዝቦች አንድነትን ከማጠናከርና የሀገራችንን በጎ ገፅታ ለዓለም ከማስተዋወቅ ባለፈም፣ በቱሪዝም መስህብነት የጎላ ኢኮኖሚያዊ ጠቀሜታ ያለው በመሆኑ በዓሉን ዋነኛ የቱሪዝም መዳረሻ እንዲሆን ለማስቻል የተለያዩ ሥራዎች እየተሰሩ እንደሚገኝ ጠቁመዋል፡፡

‘የጊፋታ’ በዓል ባለፈው ዓመት በዓለም አቀፍ የትምህርት፣ የሳይንስ እና የባህል ድርጅት (ዩኔስኮ) በማይዳሰስ ቅርስነት መመዝገቡ የሚታወስ ነው፡፡

በሐይማኖት ከበደ
#ebc #gifata #wolaitanewyear #ethiopianheritage #unescoculturalheritage

የኢትዮጵያውያን ካናዳውያን ቀን በቶሮንቶ በድምቀት ተከበረ
#ethiopia | የኢትዮጵያውያን ካናዳውያን ቀን በካናዳ ቶሮንቶ ከተማ በመስከረም 5 እና 6 ቀን በድምቀት ተከብሯል።

የዝግጅቱን ድባብ የኢትዮ ፊደል የዩቲዩብ ቻናል በአማርኛ አቀላጥፋ በምትናገር በትውልድ ቻይናዊት በሆነች ታዳጊ አማካኝነት በአዝናኝ ሁኔታ ዘግቧል።

በካናዳ የሚኖሩ ኢትዮጵያውያን በዝግጅቱ ላይ የሀገር ናፍቆታቸውን፣ የልጅነት ትውስታቸውን እንዲሁም ለሀገራቸው ያላቸውን መልካም ምኞት ሲገልጹ ውለዋል።

በዝግጅቱ የኢትዮጵያ በዓል ድባብ የተላበሰ ድባብ ተፈጥሯል፤ የባህል ልብስ የለበሱ ታዳሚዎች፣ ቡና የሚያፈሉ እንስቶች፣ የባህላዊ ምግብ ዝግጅትና የሙዚቃ ድግስ ዝግጅቱን አድምቀውታል።

የቶሮንቶ ከንቲባ ኦሊቪያ ቻው መስከረም ወር የኢትዮጵያ የቅርስ ወር መሆኑን በማስታወስ፣ በሚሊዮኖች የሚቆጠሩ ካናዳውያን ቡና በጠጡ ቁጥር የቡና መገኛ የሆነችውን ኢትዮጵያን ማሰብ እንዳለባቸው ገልጸዋል።

እንዲህ ያሉ ዝግጅቶች የኢትዮጵያን ባህል፣ ታሪክና ቅርስ በዓለም አቀፍ ደረጃ ለማስተዋወቅ ከፍተኛ ሚና ይጫወታሉ።

ዝግጅቱን ያዘጋጀው የኢትዮጵያ ማህበር በቶሮንቶ እና አካባቢው ነው።

መልካም አዲስ ዓመት!

ሙሉ ቪዲዮውን በኢትዮ ፊደል የዩቲዩብ ቻናል ለመመልከት፦https://youtu.be/JK7T3QeJB...
#ethiopia #canada #toronto #ethiopiannewyear #ethiopianheritage #ethiofidel #ኢትዮጵያ #ካናዳ #ቶሮንቶ #መልካምአዲስአመት

የሞቼ ቦራጎ ዋሻ ድንቅ ውበት #mocheborago #ethiopia #ethiopianheritage #ethiopiatourism #travelethiopia #tourism

በቅዱስ ላሊበላ ደብር የብራና አጻጻፍና የቅዱሳት ሥዕላት ሥልጠና እየተሰጠ ነው
‎
♦️ ‎​ህብረተሰቡ "መስተፋቅር እንሠራለን" በሚሉ አታላዮች እንዳይታለል ተጠየቀ
‎
‎​#ethiopia | በቅዱስ ላሊበላ ደብር በጥንታዊ የብራና አጻጻፍ፣ በቅዱሳት ሥዕላት፣ በቁም ጽሑፍና በቤተ ክርስቲያን ዜማ ትምህርቶች ላይ ያተኮረ ሥልጠና ከ30 በላይ ለሚሆኑ ተማሪዎች እየተሰጠ ይገኛል።
‎
‎​በቅዱስ ላሊበላ ደብር ተወልደው ያደጉትና በኢትዮጵያ የተለያዩ አካባቢዎች በመሄድ የቤተ ክርስቲያን ከፍተኛ ትምህርታቸውን ያጠናቀቁት አሁን ላይ በደብሩ እያገለገሉ የሚገኙት መምህር ልሳነ ጥበብ ሸዋንግዛው፣ የቤተ ክርስቲያኒቱን ጥንታዊ የብራና አጻጻፍና የቅዱሳት ሥዕላት ጥበብ ለትውልድ ከማስተላለፍ ባለፈ ለውጭና ለአገር ውስጥ ጎብኚዎች በማስተዋወቅ ላይ ናቸው።
‎
‎​አሁን ላይ ደብሩ አዳሪ ትምህርት ቤት በመክፈትና በቋሚነት በጀት በመደብ 30 ተማሪዎችን በሥዕል፣ በቁም ጽሑፍ፣ በብራና ዝግጅትና በድግሰት ዘርፍ በማሰልጠን ላይ ይገኛል። ከወንዶች በተጨማሪ ሴቶችም በሚሳተፉበት በዚህ ትምህርት እንደ አቋቋም፣ ዜማ፣ ጾመ ድጓ፣ ንባብና ዳዊት ያሉ የቤተ ክርስቲያን ትምህርቶች ጎን ለጎን የሚሰጡ ሲሆን፣ በቅርቡም በርካታ ተማሪዎች ተመርቀው ለተግባራዊ ሥራ መብቃታቸው ተገልጿል።
‎
‎​መምህር ልሳነ ጥበብ ሸዋንግዛው እንደሚገልጹት፣ የሚሠሩት ማንኛውም የብራና ጽሑፍም ሆነ የቅዱሳን ሥዕል ከቤተ ክርስቲያኗ አስተምህሮ ውጭ ያልሆነ፣ የሃይማኖቷ መገለጫና የታሪክ ማስተላለፊያ ሀብት ነው።
‎
‎​መምህሩ ጥንታዊውን የብራና ጽሑፍ እና የቤተ ክርስቲያን ሥዕል ለትውልድ የሚያስተላልፉ፣ የእግዚአብሔርን ቃል የሚያስተምሩና ደቀ መዛሙርትን የሚያሰለጥኑ መንፈሳዊ አባት እንጂ ከኢትዮጵያ ኦርቶዶክስ ተዋሕዶ እምነት አስተምህሮ ውጭ ከሚደረጉ መጥፎ ተግባራት ጋር ምንም ዓይነት ግንኙነት እንደሌላቸው ገልጸዋል።
‎
‎​ሆኖም ግን በቅርብ ጊዜያት ወዲህ ጥቂት አታላይ ግለሰቦች በማኅበራዊ ሚዲያ ላይ የሰው ሰራሽ አስተውሎት (ኤአይ) ቴክኖሎጂን በመጠቀም የመምህር ልሳነ ጥበብ ሸዋንግዛውን እና የሌሎች ሊቃውንትን ምስልና ድምፅ በመቀየር "መርጌታ እገሌ ነኝ፣ መስተፋቅር እንሠራለን፣ የገበያ እናስከፍታለን፣ የጠፋ ፍቅር እንመልሳለን፣ የወደቀን እናቃናለን" በሚሉ አሳሳችና ጸያፍ ማስታወቂያዎች ሕዝቡን እያታለሉ ይገኛሉ።
‎
‎​ይህ ድርጊት የመምህሩን መልካም ስም ለማጎደፍ፣ የላስታ ላሊበላን መንፈሳዊ ታሪክ ለማራከስና በማኅበረሰቡ መካከል አላስፈላጊ ግጭት ለመቀስቀስ የታቀደ እኩይ ሴራ በመሆኑ፣ ድርጊቱ የቅዱስ ላሊበላን፣ የኢትዮጵያ ኦርቶዶክስ ተዋሕዶ ቤተ ክርስቲያንን፣ የላስታን ጨዋ ሕዝብ፣ የቅዱስ ላሊበላ ደብርን እንዲሁም የካህናት አባቶችንና ሊቃውንትን ሙሉ በሙሉ የማይወክል መሆኑ ተገልጿል።
‎
‎​ስለሆነም ሕዝቡ በእነዚህ አታላዮች ሳይታለል አስፈላጊውን ጥንቃቄ እንዲያደርግና በቤተ ክርስቲያኗ፣ በካህናት አባቶችና በሊቃውንት ስም የሚነግዱ አካላት ከድርጊታቸው እንዲቆጠቡ ጥሪ ቀርቧል።
‎
‎ጌትነት ተመስገን
‎ከ ላስታ - ላሊበላ

‎​#lalibela #ethiopia #lalibelamonastery #ethiopianorthodox #ethiopianheritage #parchmentart #ethiopianmanuscripts #sacredart #traditionalarts #aifake #getutemesgen #getu #ጌጡ #ጌጡተመስገን #addisababa

አፍሪካ አንድ ሀገር ብትሆን… ዋና ከተማዋ አዲስ አበባ ትሆን ነበር | Davud Akhundzada|
#ethiopia #ethiopiatourism #tourism #visitethiopia #africatourism #ethiopianheritage #economicgrowth

" target="_blank" class="inline-link">https://new-en.yenevibe.co...

በሀገር አቀፍ ደረጃ ከ800 በላይ አዳዲስ የቱሪስት መስህቦች ተለይተዋል - የቱሪዝም ሚኒስትር
#ethiopia | በ2018 በጀት ዓመት የመጀመሪያዎቹ ሦስት ሩብ ዓመታት ኢትዮጵያ በቱሪዝም መስክ የላቀ ገጽታ የገነባችበት እና በርካታ ዓለም አቀፍ መድረኮችን በውጤታማነት ያስተናገደችበት ወቅት መሆኑን የቱሪዝም ሚኒስትሯ ሰላማዊት ካሳ ገለጹ።

ሚኒስትሯ ይህንን ያመለከቱት ተቋማቸው በበጀት ዓመቱ ያከናወናቸውን ዋና ዋና ተግባራት ለመገምገም እና በቀጣይ አቅጣጫዎች ላይ ለመወያየት ዛሬ ግንቦት 28 ቀን 2018 ዓ.ም ከሠራተኞች ጋር ባደረጉት ጠቅላላ ስብሰባ ላይ ነው።

በዚሁ ወቅት እንደተናገሩት በዓመቱ አዲሱ የቱሪዝም ፖሊሲ መጽደቁ ለዘርፉ ዕድገት ትልቅ መሠረት ጥሏል።

ከግሉ ዘርፍ እና ከክልል መስተዳድሮች ጋር ጠንካራ የሥራ ግንኙነት እንደነበር የገለጹት ሚኒስትሯ፣ አገሪቱን የስብሰባ፣ የጉዞ እና የዝግጅቶች ወይም የማክ ቱሪዝም መዳረሻ አድርጎ ለማስተዋወቅ ሰፊ ጥረት መደረጉንና በሀገር አቀፍ ደረጃ ከ800 በላይ አዳዲስ የቱሪስት መስህቦች መለየታቸውን አብራርተዋል።

በቀጣዩ አንድ ወር ውስጥ የተጀመሩ ፕሮጀክቶችን በውጤታማነት ማጠናቀቅ እንደሚገባ የጠቆሙት ሰላማዊት ካሳ፣ የፈጠራ አቀራረብ ያላቸውን የፕሮሞሽን ሥራዎች ማጠናከር፣ የአገልግሎት አሰጣጥ ጥራትን ማሳደግ እና የመንግሥት መሥሪያ ቤቶች ሪፎርም የዝግጅት ምዕራፍን ማጠናቀቅ በትኩረት እንደሚሠራበት አስገንዝበዋል።

የቱሪዝም መዳረሻዎችና መሠረተ ልማት ዘርፍ ሚኒስትር ዴኤታ አቶ ስለሺ ግርማ በበኩላቸው፣ ከተለመዱት የቱሪዝም ዓይነቶች በተጨማሪ አዳዲስ አማራጮችን ለይቶ በፖሊሲ ደረጃ ትኩረት እንዲያገኙ ማድረግ መቻሉ የዓመቱ ትልቅ ስኬት መሆኑን ገልጸዋል።

የማርኬቲንግ እና ፕሮሞሽን ዘርፍ ሚኒስትር ዴኤታ ዶክተር እንደገና አበበ በበጀት ዓመቱ የተመዘገቡ መልካም ተሞክሮዎችን በማስቀጠልና የታዩ ክፍተቶችን በማረም የዘርፉን ተወዳዳሪነት ይበልጥ ማሳደግ እንደሚገባ አሳስበዋል።
#tourismethiopia #ethiopiatourism #micetourism #ethiopianheritage #tourismpolicy #getutemesgen #getu #ጌጡ #ጌጡተመስገን #addisababa

ኢትዮጵያ : የሰው ልጅ መገኛነቷን ዳግም ለዓለም አረጋገጠች
#ethiopia | ​ኢትዮጵያ አሁንም "የሰው ዘር መገኛ" መሆኗን በሳይንስ ዳግም አረጋገጠች።

በአፋር ስምጥ ሸለቆ በመካከለኛው አዋሽ (ሀሊቢ) አካባቢ በተደረገ የምርምር ፕሮጀክት፣ ከ100 ሺህ ዓመታት በፊት ይኖሩ የነበሩ የጥንታዊ ሆሞ ሳፒየንስ (Homo sapiens) ቅሪተ አካላት እና የድንጋይ መሣሪያዎች መገኘታቸውን የኢትዮጵያ ቅርስ ባለሥልጣን ይፋ አድርጓል።

ግኝቱ በአፍሪካ የሰው ዘር አመጣጥ ታሪክ ውስጥ ትልቅ ክፍተት የነበረበትን ከ900,000 እስከ 200,000 ዓመታት ያለውን ጊዜ የሚዘክሩ አዳዲስ መረጃዎችን ይዟል።

ጥናቱ በዓለም አቀፍ ደረጃ እውቅና ባለው የአሜሪካ የሳይንስ ጆርናል (PNAS) ላይ ዛሬ ታትሞ ወጥቷል።

በሺዎች የሚቆጠሩ የድንጋይ መሣሪያዎች መገኘታቸው፣ የሰው ልጅ የቴክኖሎጂ እድገት በወቅቱ ምን ይመስል እንደነበር ትልቅ ማሳያ ሆኗል።

​ በጥናቱ የተገኙ የእንስሳት ቅሪቶች (ጉሬዛ፣ ዝንጀሮ...) አፋር በወቅቱ ዛሬ እንደምናየው በረሃማ ሳይሆን ለምለምና ጫካማ እንደነበር ያረጋግጣሉ።

​በዶ/ር ዮናስ በየነ የተመራውና ከ24 ሀገራት የተውጣጡ ሳይንቲስቶች የተሳተፉበት ይህ ምርምር፣ ለሀገራችን የቱሪዝም ዘርፍና ለታሪክ ጥናት ትልቅ ግብዓት ነው።

​ኢትዮጵያ - የሰው ዘር ሁሉ ቤት!

​#getu #humanorigins #ethiopiacradleofmankind #archaeologynews #afardepression #homosapiens #scientificdiscovery #yonasbeyene #ethiopianheritage #አፋር #አርኪዮሎጂ #ኢትዮጵያ #የሰውዘርመገኛ #ጌጡተመስገን #getutemesgen

🍽️ ክትፎን ጨምሮ አራት የጉራጌ ዕሴቶች ወደ ዩኔስኮ (UNESCO) ሊያመሩ ነው
#ethiopia | የጉራጌ ዞን ባህልና ቱሪዝም መምሪያ፣ ታዋቂውን የጉራጌ ክትፎን ጨምሮ አራት የጉራጌ ባህላዊ እሴቶችን በዓለም የማይዳሰሱ ቅርሶች ዝርዝር ውስጥ ለማስመዝገብ ጥናት መጀመሩን አስታወቀ።

🥩 ክትፎ፦ ከምግብነት በላይ የሆነ የማንነት መገለጫ

የጉራጌ ክትፎ በዩኔስኮ ቅድሚያ ከተሰጣቸው እሴቶች መካከል ቀዳሚው ነው። ክትፎ ለጉራጌ ማህበረሰብ ምግብ ብቻ ሳይሆን የእንግዳ መቀበያ፣ የማህበራዊ ትስስር እና የጥበብ መገለጫ ነው። በአሁኑ ወቅት የክትፎ አዘገጃጀት፣ ከቆጮ፣ ከሚጥሚጣ እና ከንጥር ቅቤ ጋር ያለው ቁርኝት በጥልቀት እየተጠና ይገኛል።

📜 ሊመዘገቡ የታጩት አራት የኩራት ምንጮች፦

* የክትፎ አዘገጃጀት ጥበብ፦ ልዩ የሆነው የማክተፍ፣ የቅመማ ቅመም አጠቃቀምና የማቅረብ ስነስርዓት።
* ባህላዊ የክብ ቤት አሰራር፦ ያለ ሚስማር የሚገነባውና ለዘመናት የሚቆየው፣ የምህንድስና ጥበብ የታየበት የቤት አሰራር።
* የጎርደና የዳኝነት ስርአት፦ ለማህበራዊ ሰላምና ፍትህ የሚጠቀሙበት ጥንታዊና ውጤታማ የዳኝነት ስርዓት።
* የጀፎረ (መንደር) አወቃቀር፦ ለጋራ መስተጋብር በሚመች መልኩ የሚሰሩ ሰፋፊ መንገዶችና ማራኪ የመንደር አቀማመጥ።

📍 የጥናቱ ሂደት ምን ደረጃ ላይ ይገኛል?

የመምሪያው ኃላፊ ወይዘሮ መሰረት አመረጋ እንደገለጹት፣ ለኢትዮጵያ ቅርስ ጥበቃ ባለስልጣን የቀረበው ጥያቄ ተቀባይነት አግኝቷል። ጥናቱ እንደተጠናቀቀ ሰነዱ በቀጥታ በፈረንሳይ ፓሪስ ለሚገኘው የዩኔስኮ ዋና መስሪያ ቤት ለውሳኔ ይላካል።
ከዚህ በተጨማሪ በዞኑ የሚገኙ ዕድሜ ጠገብ መስጂዶች፣ ጥንታዊ ኪታቦች፣ ገዳማትና ታሪካዊ ዋሻዎች ለቱሪስት መስህብነት እንዲውሉ በትኩረት እየተሰራ መሆኑ ተገልጿል።

​ Getu Temesgen - (ጌጡ ተመስገን)
#ጉራጌ #ክትፎ #ዩኔስኮ #ቅርስ #ኢትዮጵያ #ባህል #ቱሪዝም #የጉራጌባህል #gurage #kitfo #unesco #ethiopianheritage #tourismethiopia