በሴቶች 3000 ሜትር ኢትዮጵያ ወርቅና ብር ሜዳሊያ አገኘች!

እንኳን ደስ አለን !

በአሜሪካ ኦሪገን እየተካሄደ ባለው የዓለም ከ20 ዓመት በታች አትሌቲክስ ሻምፒዮና በሴቶች 3000 ሜትር ውድድር አትሌቶቻችን ተከታትሎ በመግባት ተጨማሪ ሜዳልያዎች ለኢትዮጵያ አስገኝቷል

አትሌት ዮርዳኖስ ፅጋብ በ8:43.65 በመግባት የግል ምርጥ ሰዓቷን በማስመዝገብ በአንደኝነት አሸንፋለች ።

አትሌት ሽቶ ጉሚ በ8:45.06 በመግባት የብር ሜዳሊያ አስገኝታለች።

ይህም በ3000 ሜትር ውድድር ወርቅና ብር በኢትዮጵያ እጅ እንዲገባ ያደረገ አስደናቂ የስኬት ጊዜ ሆኗል።

አትሌት ሽቶ ጉሚ በዚህ ሻምፒዮና በ5000 ሜትር ለኢትዮጵያ የብር ሜዳሊያ ማስገኘቷም ይታወሳል።

በሌሎች ውድድሮች በሴቶች 800 ሜትር የፍፃሜ ውድድር አትሌት ሀብታም ገበየሁ በ2:03.99 አራተኛ ስትወጣ፣ አትሌት ደራርቱ ሽብሩ በ2:04.81 ሰባተኛ በመሆን ውድድራቸውን አጠናቀዋል።

በወንዶች 5000 ሜትር እርምጃ ፍፃሜ የተሳተፈው አትሌት ነገሮ አዱኛ በ20:22.82 የግል ምርጥ ሰዓቱን በማስመዝገብ 19ኛ ሆኖ ውድድሩን አጠናቋል።

ሻምፒዮናው ዛሬ ፍፃሜውን የሚያገኝ ይሆናል።

የህወሓት አመራር ከኤርትራና ከሌሎች ኃይሎች ጋር ፈጠርነው ያሉት ጥምረት "የጥፋት ቀመር ነው" - ጌታቸው ረዳ‼️
​
​የትግራይ ክልል ጊዜያዊ አስተዳደር ፕሬዚዳንት አቶ ጌታቸው ረዳ፣ የህወሓት አመራሮች ከኤርትራው የኢሳይያስ አፈወርቂ ሥርዓትና ከሌሎች የፌደራል መንግሥቱን በሚቃወሙ ኃይሎች ጋር የፈጠሩት ጥምረት በትግራይና በመላው አገሪቱ ላይ ታላቅ ጥፋት የሚያመጣ «የጥፋት ቀመር» ነው ሲሉ ኮነኑ።

​አቶ ጌታቸው በማኅበራዊ ትስስር ገጻቸው ባስተላለፉት መልእክት እንዳመለከቱት፣ የህወሓት አመራር ቀደም ሲል የፌደራል መንግሥቱን ለማፍረስ ከውስጥና ከውጭ ኃይሎች ጋር የሚያደርገውን እንቅስቃሴ ሲክድ ቢቆይም፣ አሁን ላይ ግን «የማይመለሱበትን ወሳኝ እርምጃ መውሰዱን» እና ወደ ኃይል አማራጭ መሸጋገሩን በአደባባይ እያወጀ ይገኛል።
​
​ የጥምረቱ ዋና ዓላማ፦ የህወሓት አመራር ዓላማ የምዕራብ ትግራይን ቦታዎች በሰላማዊ መንገድ ማስመለስ ወይም የፕሪቶሪያውን ስምምነት ማስፈጸም ሳይሆን፣ አዲስ አበባ ያለውን የፌደራል መንግሥት በኃይል መገልበጥ ነው ብለዋል።

​የኢሳይያስ አፈወርቂ ሚና፦ በቅርቡ በሸረሪና የተከሰተውን ግጭትና የተማረከውን በርካታ የጦር መሣሪያ እንደ ማሳያ በማቅረብ፣ የኤርትራው ፕሬዚዳንት ኢሳይያስ አፈወርቂ ትግራይን ከለላ ለማድረግ «ጠቃሚ ሞኞች»ን በመመልመል በትግራይና በአማራ እናቶችና ሕፃናት ላይ ቁማር እየተጫወቱ ነው ሲሉ ከሰውታል።

​ለትግራይ ሰራዊት የቀረበ ጥሪ፦ ሰራዊቱ ሊገድደው የሚገባው የሕዝቡ ህልውና እንጂ ጦርነትን እንደ ጡረታ ማውጫቸው ያደረጉ ጥቂት አካላት አለመሆናቸውን በመገንዘብ «በቃ» ሊላቸው እንደሚገባና የተደቀነውን ስጋት በሰላማዊ መንገድ ብቻ መፍታት እንደሚቻል አሳስበዋል።

​ለፌደራል መንግሥቱ፦ የፌደራል መንግሥቱ ለፕሪቶሪያው የሰላም ስምምነት ሙሉ ትግበራ ታማኝ ሆኖ እንዲቀጥልና ተደጋጋሚ ትንኮሳዎች ቢኖሩም ትዕግሥቱን አጠናክሮ የሰላም አማራጮችን ክፍት እንዲያደርግ ጠይቀዋል።
​
⨳ በድንበር አካባቢ የሚደረጉ የጦር እንቅስቃሴዎችን ለማረጋገጥ የሳተላይትና የመሬት ላይ ክትትል እንዲደረግ፤
⨳ ግጭት የሚቀሰቅሱ ወታደራዊና ፖለቲካዊ አካላት ተጠያቂ እንዲሆኑ፤
⨳ የሲቪሎችን ደህንነት ቅድሚያ በመስጠት ከሁሉም ወታደራዊ ኃይሎች ሙሉ ወታደራዊ ግልጽነት እንዲጠየቅ።

​"በጦርነት ዝግጅት ፊት ዝምታን መምረጥ የጥፋቱ ተባባሪ መሆን ነው" ሲሉ አቶ ጌታቸው መልእክታቸውን አጠናቀዋል።

Seledadotio
Seledadotio

(ዘ-ሐበሻ ዜና) በዓለም ከፍተኛው ተራራ በሆነው ኤቨረስት ላይ "አረንጓዴ ቦት ጫማዎች" በሚል የሚታወቅና ለ30 ዓመታት በበረዶ ውስጥ የቆየ አስከሬን አለ። ይህ አስከሬን ተራራውን ለሚወጡ ሌሎች ሰዎች እንደ አስደንጋጭ የመንገድ ጠቋሚ ምልክት ሆኖ አገልግሏል። አሁን ላይ ህንድ ይህን አስከሬን (የዶርጄ ሞሩፕ ነው ተብሎ የሚገመተውን) ለቤተሰቦቹ ለመመለስ እጅግ አደገኛ እና ውስብስብ የሆነ ግዳጅ የሚወጣ ልዩ ቡድን እያፈላለገች ነው።

የሞሩፕ ባለቤት ኮንቻክ ያንግስኪት አስከሬኑ ባለመገኘቱ ምክንያት አሁንም ድረስ ባለቤቷ እንደሞተ ለማመን ይከብዳታል። "አንዳንድ ቀናት ከመተኛቴ በፊት በሩ ይንኳኳል፣ ስከፍትም እሱ እዛ ይቆማል ብዬ አስብ ነበር" ስትል ለቢቢሲ ተናግራለች። አክላም "ወደ ቤት ሲመጣ፣ 'እነዚህን ሁሉ ዓመታት የት ነበርክ?' ብዬ እጠይቀዋለሁ" ብላለች።

ሞሩፕ የህንድ ታሪካዊ የኤቨረስት ጉዞ አካል ሆኖ ከመሄዱ በፊት ዋዜማ ላይ፣ የህንድ አስተዳደር በሆነው ላዳክ ውስጥ ከሚስቱ ጋር ነበር። በወቅቱ ጀግና ሆኖ እንደሚመለስ እና ሀገሩን እንደሚያኮራ ቃል ገብቶላት እንደነበር ሚስቱ ታስታውሳለች።

የ48 ዓመቱ ሞሩፕ በህንድ-ቲቤት የድንበር ፖሊስ ውስጥ ያገለግል የነበረ ሲሆን፣ የሂማላያ ተራራ ጉዞዎች አዲስ አልነበሩበትም። ሞሩፕ ኤቨረስትን ለመውጣት ከሞከሩት ስድስት የድንበር ፖሊስ ቡድን አባላት አንዱ ነበር። አብዛኛዎቹ ተራራ ወጪዎች የኔፓልን አቅጣጫ የሚመርጡ ቢሆንም፣ የሞሩፕ ቡድን ግን በታሪክ ለመጀመሪያ ጊዜ አደገኛ ከሆነው የቻይና አቅጣጫ ተራራውን ለመውጣት ሞክሮ ነበር።

ከስድስቱ አባላት ሦስቱ በበረዶ ማዕበል ምክንያት ወደ ኋላ ሲመለሱ፣ ሞሩፕ፣ ጼዋንግ ስማንላ እና ጼዋንግ ፓልጆር ግን ትግላቸውን በመቀጠል 8,849 ሜትር ከፍታ ባለው ጫፍ ላይ መድረስ ችለው ነበር። ሆኖም፣ ወደ ታች በመውረድ ላይ እያሉ ባጋጠማቸው የበረዶ አውሎ ንፋስ ምክንያት ሦስቱም ህይወታቸውን አጥተዋል።

ለሁለት አስርት ዓመታት ያህል የ"አረንጓዴ ቦት ጫማዎች" ባለቤት ጼዋንግ ፓልጆር ነው ተብሎ ሲታሰብ ቆይቷል። ነገር ግን ከ1996ቱ ጉዞ የተረፉት አባላት በሰጡት ምስክርነት እና የመጨረሻው የሬዲዮ ግንኙነት የተደረገበትን ቦታ መነሻ በማድረግ፣ አስከሬኑ የሞሩፕ መሆኑን ባለስልጣናት ማመን ችለዋል። አንድ ስማቸው ያልተጠቀሰ የድንበር ፖሊስ ኃላፊ ለቢቢሲ ሂንዲ እንደገለጹት፣ አስከሬኑን ለመለየት የሞሩፕ ልብሶች እና የተራራ መውጫ መሳሪያዎች ትልቅ እገዛ አድርገዋል።

በኤቨረስት ተራራ ላይ የሞቱ ሰዎችን አስከሬን ማውረድ እጅግ አደገኛ እና አድካሚ ስራ ነው። እንደ ሞሩፕ ያሉ አብዛኛዎቹ አስከሬኖች በኤቨረስት የሞት ቀጠና ውስጥ ይገኛሉ፤ በዚህ ቀጠና የሙቀት መጠኑ እስከ -40 ዲግሪ ሴንቲግሬድ የሚወርድ ሲሆን፣ የኦክስጅን መጠኑም በባህር ወለል ላይ ካለው ሲሶ ብቻ ነው።

በነፍስ አድን ስራዎች ላይ የተሳተፈው ኔፓላዊው የተራራ ወጪ ሺሪንግ ጃንግቡ ሸርፓ እንደገለጸው፣ የቻይና በኩል ያለው የተራራው ክፍል እጅግ ገደላማ ከመሆኑም በላይ እንደ ደቡባዊው የኔፓል አቅጣጫ በሄሊኮፕተር ለማዳን የሚረዱ የድጋፍ መዋቅሮች የሉትም። "አስከሬኑን ወደ ታች ማውረድ፣ የተሻለ የአየር ጸባይ በሚኖርበት የጸደይ ወቅት እንኳን በጣም ከባድ ነው" ይላል ፔምባ ኦንግቹ ሸርፓ። አስከሬኑን ወደ ታች ለማውረድ የድጋፍ ገመዶችን ለመዘርጋት ብቻ ከ10 እስከ 12 የሚደርሱ የተራራ መውጣት አቅም ያላቸው ሰዎች ያስፈልጋሉ።

በተጨማሪም በበረዶ የጠነከሩ አስከሬኖች ክብደታቸው ከተራ ሰው ክብደት እጥፍ ሊሆን ስለሚችል፣ በዚያ አስቸጋሪ መልክዓ ምድር ላይ ማውረዱን ይበልጥ አደገኛ ያደርገዋል። እንዲህ ዓይነቱ ኦፕሬሽን ከ40,000 እስከ 80,000 የአሜሪካ ዶላር ሊጠይቅ እንደሚችል ባለሙያዎች ይናገራሉ። የህንድ ተራራ ወጪ ኩንታል ጆይሸር "ዋናው ነገር በሞተ ሰው ምክንያት የሸርፓዎችን (የአካባቢው ተራራ መሪዎች) ህይወት አደጋ ላይ አለመጣል ነው" በማለት ያስጠነቅቃል።

አስከሬኑን የማውረዱን ስራ በገንዘብ የሚደግፈው ይሄው የድንበር ፖሊስ ተቋም፣ አስከሬኑ እስከ መስከረም ወር ድረስ እንዲመለስለት ይፈልጋል። አስከሬኑ ህንድ ከገባ በኋላ የዲኤንኤ ምርመራ ይደረግለታል፤ የሞሩፕ መሆኑ ከተረጋገጠም ለቤተሰቦቹ ይሰጣል።

የሞሩፕ ቤተሰቦች ከእሱ ማስታወሻነት የሚቀሩት ሜዳሊያዎች፣ የዋንጫ ሽልማቶች፣ ከተራራ ጉዞዎቹ የተነሱ ጥቂት የቆዩ ፎቶግራፎች፣ እንዲሁም ግንቦት 10 ቀን 1996 እ.ኤ.አ. ከቀኑ 11፡30 ላይ ሞሩፕ የኤቨረስትን ጫፍ መርገጡን የሚያረጋግጥ ከቻይና መንግስት የተሰጠ የምስክር ወረቀት ናቸው። የሞሩፕ ልጅ የሆነው ፑንቾክ ዶርጃይ፣ አስከሬኑ ከተመለሰ ቤተሰቡ በላዳክ መዲና ሌህ በሚገኘው የሰማዕታት ፓርክ አቅራቢያ የቀብር ስነ-ስርዓት እንደሚፈጽም ተናግሯል። ቤተሰቡ እንደ ትዝታ "አረንጓዴ የቦት ጫማዎቹን" በቤታቸው ውስጥ ለማስቀመጥ አቅደዋል።

ሕገ ወጡ ህወሓት ትናንትም ለብቻው አቅም ኑሮት ስልጣን አልያዘም ፤ በሌሎች ተደግፎ እንጂ - ጠቅላይ ሚኒስትር ዐቢይ (ዶ/ር)፡፡

አዲስ አበባ፣ ነሐሴ 2፣ 2018 (ኤፍ ኤም ሲ) ሕገ ወጡ ህወሓት ትናንት ስልጣን ሲይዝ ራሱን ችሎ አልነበረም፤ የተለያዩ ሃይሎችን ተደግፎና ከሌሎች ሀገራት ድጋፍ ተቀብሎ ነው አሉ አሉ ጠቅላይ ሚኒስትር ዐቢይ አሕመድ (ዶ/ር)፡፡

ጠቅላይ ሚኒስትር ዐቢይ (ዶ/ር) በማህበራዊ፣ ፖለቲካዊና ኢኮኖሚያዊ ጉዳዮች ዙሪያ ከኦቢኤን ጋር ቆይታ አድርገዋል፡፡

በቆይታቸውም÷ ሕገ ወጡ ሕወሓት ደርግን ለብቻው አሸንፎት ወደ ስልጣን አለመምጣቱን አስታውሰዋል፡፡

በወቅቱ የደርግ መንግሥት በሌሎች ጉዳዮች ተይዞ ስለነበር ያንንም እንደምቹ አጋጣሚ መጠቀሙን ነው ያስረዱት፡፡

ህወሓት ትናንትም ለብቻው አቅም ኑሮት ስልጣን አልያዘም፤ በሌሎች ተደግፎ እንጂ ያሉት ጠቅላይ ሚኒስትሩ ÷ አሁን ግን እሱን መድገም አይችልም፤ ያ ዘመን አልፏል ሲሉ አስገንዝበዋል፡፡

ሕገ ወጡ ህወሓት አሁንም በድሮው መንገድ ለመሄድ በማሰብ ለመረበሽ እየሞከረ መሆኑን ጠቁመው÷ይህ አይሳካም የወቅቱን ነባራዊ ሁኔታና የኢትዮጵያን አቅም ማገናዘብ ያስፈልጋል ብለዋል፡፡

ህወሓት በወቅቱ ይደግፉኝ የነበሩ የኢትዮጵያ ስትራቴጂካዊ ጠላቶች አሁን የሚያደርጉት ድጋፍ ከኢትዮጵያ አቅም ጋር ይጣጣማል ወይ? የሚሉና መሰል ነባራዊ ሁኔታዎችን ያገናዘቡ ጥናቶችን ማድረግ ይገባዋል ነው ያሉት፡፡

በሌላ በኩል ምንም አይነት ተመሳሳይ ግብ የሌላቸው ሶስቱ ሸኔዎች ትብብር መፍጠራቸው እየተዳከሙ፣ አቅም እያጡና ተስፋ እየቆረጡ መምጣታቸውን እንደሚያሳይ አመልክተዋል፡፡

በዚህ እኩይ ድርጊታቸው ያልተቆጠቡት እነዚህ ሃይሎች እንደ ኤርትራ እና ሱዳን ያሉ የውጭ አካላትን ለእርዳታ እየጋበዙ እንደሚገኙም አረጋግጠዋል፡፡

በአመለወርቅ ደምሰው

”ትውልድ ከእናንተ የሚፈልገው ሀገር እንጂ መንደር አይደለም!”
#ethiopia | በሀገራዊ ምክክር ልዩነቶች ተነሱ ብሎ “ቡራ ከረዩ” የሚሉ ሰዎች መስማት ያስገርማል፡፡ ለምክክር የተቀመጥነው የልዩነት ጉዳዮች ሰላሉን መስሎኝ፡፡ ዋናው ቁምነገር ልዩነት ለመፍታት የምንሄድበት መንገድ ነው፡፡ በዚህ የሀገራዊ ጉዳይ ተወያዮች ካልተቀራረቡ መሃል የሚባል መንገድ ከጠፋ ጉዳዩ ይደር ሊባል ይችላል፡፡ ባለበት ልንቀጥል የምንችልበት ሁኔታ ሊኖር ይችላል፡፡

ጎበዝ ጉዳዩ ለሕዝብ ብይን ይቅርብ ለማለትም ጉዳዮ ግራ እና ቀኝ በደንብ እንዲበስል ማሳደር የብልህ ተግባር ነው፡፡ ዝርዝር ኪስ ይቀዳል- ይህ የአናሎግ ጊዜ ተረት ቢሆንም ጠቃሚ ነው፡፡ አሁን ክፍያ በሞባይል ነው፡፡

ሀገራዊ ምክክሩ ወደ ወሳኝ ምዕራፍ እየተቃረበ መሆኑን ግን ተሳታፊዎች ይገባናል፡፡ ጠቅልሎ ለመውሰድም ሆኖ ሁሉን ሰጥቶ ባዶ አጭብጭቦ መውጣት የምክክር ተግባር ሊሆን አይችልም፡፡ አርቆ አጥሮ ግማሽ መንገድ ላይ ጥቅሜን አገኛለሁ የሚል የብልጣ ብልጥ አካሄደም ብዙ ሊያስኬድ አይችልም፡፡

ሁሉም በሚዛኑ ሀገር እንድታሸንፍ ብቻ መሆን አለበት፡፡ ሀገር ስንል ኢትዮጵያ ማለታችን ነው፡፡ ሀገር ማለት ኢትዮጵያ፣ ኢትዮጵያ ደግሞ የኢትዮጵያዊያን፣ ኢትዮጵያዊያን ደግሞ ሙስሊም ክርስቲያን እንዲሁም ሌሎች እምነቶች/አምልኮዎች፣ የተለያዩ ብሔረሰቦች፣ ውህድ የብሔር ማንነቶች፣ ወንድ ሴቶች፣ ከሕፃን እስከ አዋቂው፣ ወዘተ… ማለታችን ነው፡፡ ይህ ብዝሃ ማንነት ሊያስማማ የሚችል አማካኝ ፍለጋ የሚደረግ ጥረት ቀላል እንዳልሆነ የማይረዳ ቢኖር እርሱ ብዙ ይቀረዋል ብለን ማለፍ ብቻ ነው፡፡

ለኢትዮጵያ ሲባል ከወጣነው ዳገት ከወረድነው ቁልቁለት በላይ ብዙ እንደሚቀር ቀሪውን ደግሞ እኔው እራሴ እወጣለሁ እወርዳለሁ ማለት ተገቢ አይደለም፡፡ ወጣቶች ይህ የእናንተ ጊዜ ነው፡፡ ሀገር የእናንተ ለትውልድ የምታስተላልፉት ነው፡፡

ትውልድ ከእናንተ የሚፈልገው ምቾት ያለው ሕይወት ለመኖር የሚያስፈልገው ሀገር እንጂ፣ መንደር አይደለም፡፡ ዓለም ጠባ የዛሬ ኩነት በሰከንድ በሚሰማበት ጊዜ ወደኋላ መመልከት አይቻለም፡፡ ቢቻልም አያዋጣም፡፡

ለሀገር ግንባታ የሚያስፈልገው ጠጠር በቅንነት ለምታስቀምጡ ጀግኖች ሁሉ ምስጋና እና ክብር አለኝ፡፡

ከምክክር ሰፈር- ግርማ ሰይፉ

በፌደራል ልዩ አዳሪ ትምህርት ቤቶች የ10ኛ ክፍል ተማሪዎች ምዝገባ ሊጀምር ነው
#ethiopia | ​የትምህርት ሚኒስቴር በ2018 የትምህርት ዘመን ሥራ በጀመሩት አምስት የፌደራል ልዩ አዳሪ ሁለተኛ ደረጃ ትምህርት ቤቶች ለ2019 የትምህርት ዘመን ተጨማሪ የ10ኛ ክፍል ተማሪዎችን ተቀብሎ ለማስተማር አስፈላጊውን ቅድመ ዝግጅት እያደረገ መሆኑን አስታወቀ።

​የተማሪዎች ምዝገባ በቅርቡ እንደሚጀምር የጠቆመው ሚኒስቴሩ፣ የምዝገባ መስፈርቶችን፣ የተወሰነውን ጊዜ እና ሌሎችንም ዝርዝር መረጃዎች በቀጣይ በይፋ ይፋ እንደሚያደርግ ገልጻል።

በመሆኑም ፍላጎቱ ያላቸው ተማሪዎች፣ ወላጆች እና አሳዳጊዎች አስፈላጊውን ቅድመ ዝግጅት እያደረጉ እንዲጠባበቁና የትምህርት ሚኒስቴርን ኦፊሴላዊ የመረጃ ማሰራጫ መንገዶች እንዲከታተሉ ጥሪ አስተላልፏል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

ኮሜርሺያል ኖሚኒስ ከ800 ሚሊዮን ብር በላይ ያልተጣራ ትርፍ አገኘ
#ethiopia | የኮሜርሺያል ኖሚኒስ የሥራ አመራር ቦርድ የኮሜርሺያል ኖሚኒስን የ2018 በጀት ዓመት አፈጻጸም እና የ2019 በጀት ዓመት ዕቅድን ገምግሟል፡፡

በ2018 በጀት ዓመት ኮሜርሺያል ኖሚኒስ ከሚያቀርባቸው የአውትሶርሲንግ እና ሌሎች አገልግሎቶች ከ6 ነጥብ 4 ቢሊዮን ብር በላይ ገቢ በማግኘት 805 ሚሊዮን ብር ያልተጣራ ትርፍ አስመዝግቧል፡፡

የ2018 በጀት ዓመት የገቢ እና ትርፍ እቅድ አፈጻጸም ከ2017 በጀት ዓመት አፈጻጸም ጋር ሲነጻጸር የ14 ነጥብ 34 በመቶ የገቢ እና የ15 ነጥብ 4 በመቶ ያልተጣራ ትርፍ ጭማሪ አሳይቷል፡፡

በ2018 በጀት ዓመት ከተያዘው የገቢ እና ትርፍ ዕቅድ አንጻር ኮሜርሺያል ኖሚኒስ 94 ነጥብ 8 በመቶ የገቢ እና 80 ነጥብ 4 በመቶ የትርፍ አፈጻጸም አስመዝግቧል፡፡

የተመዘገበው አፈጻጸም አበረታች መሆኑን የገለጸው የሥራ አመራር ቦርዱ በቀጣይ የገቢ ስብጥርን በማስፋት፣ ወጪን በመቀነስ፣ እየቀረቡ ያሉ አገልግሎቶችን ጥራት በማሳደግ፣ ደንበኛ ተኮር አገልግሎቶችን በማቅረብ እና ተጨማሪ ደንበኞችን በማፍራት የተሻለ ውጤት ማምጣት እንደሚገባ አቅጣጫ አስቀምጧል፡፡

በተመሳሳይ የ2019 በጀት ዓመት ዕቅድ በኮሜርሺያል ኖሚኒስ የሥራ አመራር ቦርድ የተገመገመ ሲሆን በበጀት ዓመቱ ከ9 ነጥብ 9 ቢሊዮን ብር በላይ ገቢ በማግኘት ከታክስ በፊት ከ1 ነጥብ 2 ቢሊዮን ብር በላይ ገቢ ገቢ ለማግኘት ታቅዷል፡፡

ከ2018 በጀት ዓመት ተመሳሳይ ዕቅድ ጋር ሲነጻጸር የ53 ነጥብ 4 የገቢ እና የ56 በመቶ ያልተጣራ ትርፍ ጭማሪ ያለውን ይህን ዕቅድ ለማሳካት ሁሉም አመራር እና ሰራተኛ ርብርብ ማድረግ እንዳለበት በዕቅድ ግምገማው ወቅት ተገልጿል፡፡

በ2019 በጀት ዓመት ጥራት ያለው አገልግሎት በማቅረብ የደንበኞች እርካታን የማሳደግ እና ተጨማሪ ደንበኞችን የማፍራት እንዲሁም ገቢን ከማሳደግ አኳያ የታቀዱ አዳዲስ አገልግሎቶች እና ሌሎች የገቢ ምንጮች ትኩረት ተሰጥቷቸው ተግባራዊ እንደሚደረጉ ተገልጿል፡፡

የሥራ አመራር ቦርዱ በ2019 በጀት ዓመት የተያዙ ቁልፍ ስትራቴጂያዊ ግቦችን ለማሳካት የሚረዱ እቅዶች ትኩረት ተሰጥቷቸው እንዲተገበሩ አቅጣጫ አስቀምጧል፡፡

(ዘ-ሐበሻ ዜና) በቦስተን እና ቺካጎ የሚገኙ ሁለት የፌደራል ዳኞች፣ የፕሬዝዳንት ዶናልድ ትራምፕ አስተዳደር ከደቡብ ሱዳን እና ምያንማር (በርማ) ለመጡ ስደተኞች ተሰጥቶ የነበረውን ጊዜያዊ የጥበቃ ደረጃ (TPS) እና ከሀገር ያለመባረር ከለላ እንዲያቋርጥ ፈቅደዋል።

ይህ ውሳኔ የተላለፈው የዩናይትድ ስቴትስ ጠቅላይ ፍርድ ቤት ባለፈው ሰኔ ወር ከሄይቲ እና ሶሪያ ለመጡ በሺዎች የሚቆጠሩ ስደተኞች ተመሳሳይ ጥበቃዎች እንዲነሱ መፍቀዱን ተከትሎ ነው። የሰብአዊ መብት ተሟጋቾች ለሁለቱ ሀገራት ዜጎች የተሰጠው ጊዜያዊ የጥበቃ ደረጃ እንዲቀጥል ያደረጉትን የመጨረሻ የህግ ክርክር የፌደራል ዳኞቹ ዓርብ ዕለት ውድቅ አድርገውታል።

ጊዜያዊ የጥበቃ ደረጃ (TPS) የውጭ ሀገራት ዜጎች ሀገራቸው በጦርነት፣ በተፈጥሮ አደጋ ወይም በሌሎች አስገዳጅ ሁኔታዎች ውስጥ ስትሆን አሜሪካ ውስጥ የመሥራት ፈቃድ እና ከእስር ወይም ከማባረር ከለላ የሚሰጥ ሥርዓት ነው። የሮይተርስ የዜና ወኪል እንደዘገበው፣ የዚህ ጥበቃ መቋረጥ ወደ 232 የሚጠጉ የደቡብ ሱዳን ዜጎችን እና 4,000 የሚደርሱ የምያንማር ስደተኞችን ከለላ ያሳጣል።

የሰብአዊ መብት ተሟጋቾች፣ እነዚህ ስደተኞች በህግ ክርክሩ ወቅት ባገኙት "የአስተዳደር እግድ" አሜሪካ ውስጥ ሰርተው የመኖር መብት አግኝተው የነበረ ቢሆንም፣ አዲሱ የፍርድ ቤት ውሳኔ አሁንም በግጭት እና አለመረጋጋት ውስጥ ወዳሉ ሀገሮቻቸው እንዲባረሩ ክፍተት ይፈጥራል ሲሉ አስጠንቅቀዋል።

የጠቅላይ ፍርድ ቤቱ ቀዳሚ ውሳኔ፣ የአሜሪካ የሀገር ውስጥ ደህንነት መምሪያ (DHS) በተለያዩ ሀገራት ዜጎች ላይ የጥበቃ ደረጃውን ለማንሳት የሚያደርገውን ጥረት የበታች ፍርድ ቤቶች እንዳያግዱ ገድቦ ነበር። የኢሚግሬሽን ጠበቆች በመምሪያው ላይ "ይህንን መብት የማቋረጥ ስልጣን የለውም" በማለት አዲስ ክርክር ቢያነሱም፣ በቦስተን የዲስትሪክት ዳኛ ፓቲ ሳሪስ ክርክሩን ውድቅ አድርገውታል። ዳኛዋ፣ ይህን ክርክር መቀበል መምሪያው የጥበቃ ጊዜውን የማራዘም ስልጣኑን ጭምር ጥያቄ ውስጥ የሚጥል ነው ብለዋል። በቺካጎ ዳኛ ማቲው ኬኔሊም በምያንማር ስደተኞች ላይ በተመሳሳይ ክርክሩን ውድቅ አድርገዋል።

የአሜሪካ የሀገር ውስጥ ደህንነት መምሪያ (DHS) ከ2011 ጀምሮ ግጭት በማያባራባት ደቡብ ሱዳን፣ እና ከ2021 ወታደራዊ መፈንቅለ መንግስት ወዲህ የፖለቲካ ቀውስ ውስጥ በገባችው ምያንማር ዜጎች ላይ የተሰጠውን ጊዜያዊ ጥበቃ ለማንሳት በህዳር 2025 እንቅስቃሴ መጀመሩ ይታወሳል።

የ DHS ጠቅላይ አማካሪ ጄምስ ፐርሲቫል፣ አዲሶቹ የፍርድ ቤት ውሳኔዎች መምሪያው ከወሰናቸው ውስጥ በፍርድ ቤት የታገዱት የኢትዮጵያ እና ሶማሊያ ዜጎች የጥበቃ መቋረጥ ጉዳዮችን ብቻ እንዳስቀረ ገልጸዋል። በኤክስ (X) ገጻቸው ላይም፣ "እነዚህ 'የአስተዳደራዊ እግዶች' በሚቆዩበት እያንዳንዱ ቀን፣ የአሜሪካ ህዝብ የመረጠውን እና የፈለገውን እንዳያገኝ የሚነፈግበት ቀን ነው" ሲሉ አቋማቸውን አንጸባርቀዋል።

(ዘ-ሐበሻ ዜና) ኢትዮጵያ የአርቴፊሻል ኢንተለጀንስ የመከላከያ ምርምር ላብራቶሪ መክፈቷ ተገለፀ፡፡ ሚሊተሪ ኤአይ ድረገፅ እንደዘገበው ኢትዮጵያ የአርቴፊሻል ኢንተለጀንስ የመከላከያ ምርምር ላብራቶሪን ከፍታ ስራ አስጀምራለች፡፡ እንደዘገባው ይህ ላብራቶሪ የተከፈተው በዩናይትድ አረብ ኤመሬትስ ድጋፍ ሲሆን አላማውም በአገሪቱ የመከላከያ ሀይልን ማዘመን ስራ ውስጥ አርቴፊሻል ኢንተለጀንስን ዋነኛ ማእከል ማድረግ ነው፡፡ በኢትዮጵያ መከላከያ ዩኒቨርስቲ ውስጥ የሚገኘው ይህ ላብራቶሪ ለመከላከያ ምርምር፣ ለቴክኖሎጂ ልማትና ልዩ ስልጠና እንደብሄራዊ ማእከል ሆኖ እንደሚያገልግልም አስረድቷል፡፡

የኢትዮጵያ መከላከያ ሚኒስቴርን በምንጭነት የጠቀሰው ዘገባው ይህ አዲሱ ተቋም በአርቴፊሻል ኢንተለጀንስ፣ በሳይበር ደህንነት፣ በኮሚኒኬሽን፣ በአውቶሜሽን፣ በኤሌክትሪክ ሀይል ሲስተም፣ በስሪ ዲ ህትመትና ሌሎችም ከኮምፒውተር ጋር በተያያዙ ላብራቶሪዎችን ያካተተ መሆኑን አስታውቋል፡፡

ላብራቶሪዎቹ ምርምርን በአነስተኛ የሰው ሀይል ስልጠና ከነባራዊው አለም አፕሊኬሽኖች ጋት በማስተሳሰር አገር በቀል ወታደራዊ ቴክኖሎጂዎችን እድገት የማፋጠን እቅድ እንደተጣለባቸው ጨምሮ ገልጿል፡፡ ይህ ላብራቶሪ በዩናይትድ አረብ ኤመሬትስ ድጋፍ የተከፈተው ሁለቱ አገራት በቴክኖሎጂና ወታደራዊ መስክ ያላቸውን የሁለትዮሽ ትብብር ስምምነት ተከትሎ መሆኑን ከዘገባው ተመልክተናል፡፡

(ዘ-ሐበሻ ዜና) በዩክሬን ዋና ከተማ ኪየቭ አቅራቢያ ሩሲያ በሌሊት በፈጸመችው ጥቃት አንድ ህጻንን ጨምሮ ቢያንስ የሶስት ሰዎች ህይወት ማለፉ ተነገረ። ቅዳሜ ማለዳ ላይ ከዋና ከተማዋ በስተምስራቅ በሚገኙ አካባቢዎች ሚሳኤሎች ያረፉ ሲሆን፣ የዓይን እማኞች እጅግ ኃይለኛ የፍንዳታ ድምጾችን መስማታቸውን ገልጸዋል። ይህ ጥቃት የተፈጸመው በመላው ዩክሬን 21 ሰዎችን የገደለ ጥቃት ከተፈጸመ ከጥቂት ቀናት በኋላ ነው።

የክልሉ ወታደራዊ አስተዳደር ኃላፊ ቲሙር ትካቼንኮ እንደገለጹት፣ በተተኮሱት ባላስቲክ ሚሳኤሎች ፍንጣሪዎች እና ስብርባሪዎች አፓርታማዎች እና መኪኖች ላይ ጉዳት ደርሷል፤ በተለየ ህንጻ ላይም እሳት ተነስቷል። በተጨማሪም ሶስት ሌሎች ሰዎች በጥቃቱ መቁሰላቸውን ኃላፊው አክለዋል።

የኪየቭ ከንቲባ ቪታሊ ክሊችኮ በቴሌግራም ገጻቸው ላይ ባሰፈሩት መልእክት፣ የአደጋ ጊዜ ሰራተኞች በአንድ ህንጻ እና የነዳጅ ማጠራቀሚያ ላይ የተነሳውን እሳት ለማጥፋት ርብርብ እያደረጉ መሆኑን አሳውቀዋል። የዩክሬን የመንግስት የአደጋ ጊዜ አገልግሎት (DSNS) በበኩሉ ጋራዦች፣ የንግድ ተቋማት እና ሌሎች ህንጻዎች በእሳት ሲቃጠሉ የሚያሳዩ ምስሎችን በማጋራት "የተጎጂዎች ቁጥር እየተጣራ ነው" ብሏል።

ይህ በእንዲህ እንዳለ ፕሬዝዳንት ቮሎዲሚር ዘለንስኪ በሰርቢያ የመጀመሪያ የሆነውን ጉብኝት እያደረጉ ይገኛሉ። ዘለንስኪ ዩክሬን የሩሲያን የሚሳኤል ጥቃቶች ለመመከት ያላት አቅም እየተዳከመ መምጣቱን እና የመከላከያ ሚሳኤሎች ክምችት እያለቀ መሆኑን ስጋታቸውን አጋርተዋል።

ከአጋር ሀገራት የሚመጡ ፀረ-ባላስቲክ ስርአቶች መዘግየት "ለአሰቃቂ እልቂት እና ውድመት" እየዳረጋቸው መሆኑን ፕሬዝዳንቱ በሳምንቱ መጀመሪያ ላይ ተናግረው ነበር፤ ጠንካራ የመከላከል አቅም ቢኖራቸው ኖሮ በቅርቡ በደረሱት ገዳይ ጥቃቶች የሰዎችን ህይወት ማትረፍ ይቻል እንደነበርም አስገንዝበዋል። ዘለንስኪ አክለውም ዘንድሮ ከአጋሮች የሚቀርበው የመከላከያ መሳሪያ አቅርቦት "በከፍተኛ ሁኔታ መቀነሱን" ገልጸዋል።

በቅርቡ ዩክሬን በሩሲያ ግዛት ውስጥ በሚገኙ ሁለት የነዳጅ ማጣሪያዎች እና በጥቁር ባህር ላይ በሚንቀሳቀሱ ከሞስኮ ጋር ግንኙነት ባላቸው መርከቦች ላይ ጥቃት መሰንዘሯ ይታወሳል። ዘለንስኪ ይህ ጥቃት ሩሲያ ጦርነቱን "ለማገዝ" የምትጠቀምበትን የነዳጅ ገቢ ለመገደብ ያለመ መሆኑን አስረድተዋል። ሆኖም በቅርቡ የተጀመሩት የሽምግልና ድርድሮች መስተጓጎላቸውን ተከትሎ፣ በሁለቱም ወገኖች መካከል የሚካሄደው የጥቃት ልውውጥ ይበልጥ ተባብሶ ቀጥሏል።

(ዘ-ሐበሻ ስፖርት) ዛሬ በስዊድኗ ጎተንበርግ ከተማ ፒኤስጂ ከማንችስተር ዩናይትድ ጋር ከሚያደርገው የቅድመ-ውድድር (ፕሪ-ሲዝን) ጨዋታ አስቀድሞ፣ የፒኤስጂው አሰልጣኝ ሉዊስ ኤንሪኬ ለማንችስተር ዩናይትዱ ማይክል ካሪክ ማስጠንቀቂያ ምላሽ ሰጥተዋል።

ጋዜጠኛ "ማይክል ካሪክ እስካሁን በታላላቅ አሰልጣኞች ላይ እያደረገ ባለው ነገር (በሚያስመዘግበው ውጤት) ምክንያት ቡድንህን ይዘህ እንዳትመጣ አስጠንቅቆሃል፤ ለዚህ ምን ምላሽ አለህ?" ሲል ጠይቋል። ሉዊስ ኤንሪኬ ሲመልስም.... "ካሪክን እና እስካሁን ያደረገውን ሁሉ አከብራለሁ፤ ነገር ግን ትንሽ ከመጠን ያለፈ በራስ መተማመን ውስጥ የገባ ይመስለኛል። አዎ፣ ጥሩ የሚባሉ አሰልጣኞችን አሸንፎ ሊሆን ይችላል፤ ነገር ግን ነገ ሙሉ ለሙሉ የተለየ ፈተና ነው የሚጠብቀው።

"እሱ እንዳለው አለቃዬን (ፔፕን) ከኃላፊነቱ እንዲለቅ እንዳደረገው አውቃለሁ፤ ይህንኑ ለማረጋገጥም ለፔፕ ደውዬለት ነበር። እሱም 'አዎ፣ የካሪክ ኳስ (Carrick Ball) አደገኛ ነው' ብሎኛል። የካሪክን የጨዋታ አቀራረብ ተመልክቼዋለሁ፤ በጥንቃቄም አጥንቼዋለሁ። ትናንት ማታ እንኳን ጨዋታዎቹን ስመለከት አምሽቻለሁ... እውነቱን ለመናገር፣ ምን እያደረገ እንዳለ ይገባኛል። በእርሱ ላይ ተጫውቶ ማሸነፍ ቀላል አይደለም።

"ነገር ግን ለእርሱ አንድ መልእክት አለኝ፡ አትጨነቅ ማይክል! ቡድኔን ይዤ እመጣለሁ፤ ነገ ለእርሱ መጥፎ ቀን ይሆን እንደሆነ አብረን የምናየው ይሆናል። እሱ እና ሌሎች ታላላቅ አሰልጣኞች እንደሚሉት 'የካሪክ ኳስ' ያን ያህል አደገኛ ከሆነ፣ በፒኤስጂ ፊት መቆም ይችል እንደሆነ ነገ እናረጋግጣለን። ጎተንበርግ ላይ እንገናኝ! የካሪክ ኳስ ከ ፒኤስጂ (Carrick Ball vs PSG)።"

ኢትዮጵያ ቅኝ ያልተገዛችው መስዋዕትነት ስለተከፈለላት ነው - ጠቅላይ ሚኒስትር ዐቢይ (ዶ/ር)

አዲስ አበባ፣ ነሐሴ 1፣ 2018 (ኤፍ ኤም ሲ) ጠቅላይ ሚኒስትር ዐቢይ አሕመድ (ዶ/ር) ኢትዮጵያ ቅኝ ያልተገዛችው መስዋዕትነት ስለተከፈለላት ነው አሉ።

ጠቅላይ ሚኒስትሩ ከኦቢኤን ጋር ባደረጉት ቆይታ ስለ ኦሮሞ ሕዝብ ጥያቄዎች እና ትግሎች፣ የኢትዮጵያ ታሪክ እና የኦሮሞ ሕዝብ አበርክቶ ማብራሪያ ሰጥተዋል።

በማብራሪያቸውም ኦሮሞ የኢትዮጵያ አንድ መገለጫ መሆኑን አንስተው፤ ኦሮሞ ከሌለ ኢትዮጵያ የለችም ብለዋል።

ኦሮሞ በኢትዮጵያ ምስረታ ውስጥ የማዕዘን ድንጋይ መሆኑን ጠቅሰው፤ በዳግማዊ ምኒሊክ ጊዜ የጦር መሪ የነበሩት ጎበና ዳጪ የኢትዮጵያን ድንበር በማስመር የነበራቸውን ሚና አስታውሰዋል።

የሚያዋጣው የተከፈለ መስዕዋትነትን ማሳነስ ሳይሆን በጉድለቱን እየሞሉ መሄድ ነው ያሉት ጠቅላይ ሚኒስትሩ፤ ኢትዮጵያ ቅኝ ያልተገዛችው መስዋዕትነት ስለተከፈለላት ነው ሲሉ ገልጸዋል፡፡

ገበየሁ ከዚህ ሄዶ ዓድዋ ላይ ተዋድቆላታል፤ ባልቻም ሰንደቋን ከፍ አድርጓል፤ የጃጋማ ኬሎ፣ የታደሰ ብሩ፣ የሀይሌ ፊዳም ሆነ የሌሎች ጀግኖች ታሪክ የሚነግረን በኢትዮጵያ ሀገረ መንግሥት ግንባታ ውስጥ ኦሮሞ ሙጫ ሆኖ ማሰባሰቡን ነው ብለዋል፡፡

በምሕረት ደምሴ

(ዘ-ሐበሻ ስፖርት) የአፍሪካ እግር ኳስ ኮንፌዴሬሽን ለፊፋ ፕሬዝደንት ድጋፍ እንደሚሰጥ አስታወቀ፡፡ የአፍሪካ እግር ኳስ ኮንፌዴሬሽን(ካፍ) ለፊፋ ፕሬዝደንት ጂያኒ ኢንፋንቲኖ በሙሉ ድምፅ ድጋፍ ለመስጠት መወሰኑን ገለፀ፡፡ በኢንፋንቲኖ አመራር ላይ በመላው አለም ተቃውሞ እየተነሳ ባለበት በዚህ ወቅት ካፍ ተቃራኒ አቋም በማንፀባረቅ ፕሬዝደንቱን ደግፏል፡፡ ካፍ ይህንን አቋሙን ዛሬ ይፋ ያደረገው የአውሮፓ እግር ኳስ ማህበር ኢንፋንቲኖ በስልጣን ላይ የሚቆዩ ከሆነ በፊፋ ውድድሮች ራሱን እንደሚያገል ማስታወቁን ተከትሎ ነው፡፡ ለአህጉሪቱ እግር ኳስ እድገት ያበረከቱትን አስተዋፅኦ ያደነቀው ካፍ የፊፋ ፕሬዝደንትና ዋና ፀሀፊው ያቀረቡለትን ወቅታዊ ገለፃ እንደተቀበለው አስረድቷል፡፡

በዚህም በፊፋ ውስጥ ግልፅነት ያለው መልካም አስተዳደር ለማስፈን የሚደረገውን ጥረት እንደሚደግፍ አስታውቋል፡፡ የካፍ ፕሬዝደንት ፓትሪስ ሞትሴፕ ሲናገሩ ‹‹ለእኛ ለአፍሪካዊያን በአስተዳደርና በፍትህ ሂደት ውስጥ ግልፅነት ለድርድር የማይቀርብ ነው፡፡

ስለዚህም ከመንግስቶቻችን፣ ከንግድ ድርጅቶችና ከሌሎችም ተቋማት ይህንን እንጠብቃለን፡፡›› ያሉ ሲሆን ካፍ እነዚህን መርሆዎች በማክበር ከፊፋ፣ ከአባል ማህበራትና ሌሎችም አህጉራዊ ኮንፌዴሬሽኖችና የእግር ኳስ ባለድርሻ አካላት ጋር መስራቱን እንደሚቀጥል ገልፀዋል፡፡ በጉዳዩ ላይ የካፍ ስራ አስፈፃሚ ኮሚቴ ውይይት አድርጎ በሙሉ ድምፅ ለኢንፋንቲኖ ድጋፍ ለመስጠት ውሳኔ እንደደረሰም አስታውቀዋል፡፡

(ዘ-ሐበሻ ዜና) አውሮፓ በከባድ የሙቀት ማእበል ውስጥ ወደቀች፡፡ በበርካታ የአውሮፓ አገራት ውስጥ የሙቀት መጠኑ ከ40 ዲግሪ ሰልሺየስ ወይንም ከ104 ዲግሪ ፋራናይት በላይ እየሆነ መምጣቱን ኤኤፍፒ ዛሬ ባቀረበው ዘገባ ገልጿል፡፡ ይህም በሚሊዮን ለሚቆጠሩ ሰዎች የጤና ማስጠንቀቂያ እስከ መስጠት እንዳደረሳቸው አስታውቋል፡፡ ሳይንቲስቶችና ባለስልጣናት እንዲህ አይነት ከባድ የሙቀት ማእበሎች እየተደጋገሙና እየተለመዱ መምጣታቸውን በመግለፅ ላይ መሆናቸውን የጠቀሰው ዘገባው ይህ ማእበል በማህበረሰብ ጤና ስርአቶች፣ በሀይል ማመንጫዎች፣ በትራንስፖርት ኔትወርኮችና በቱሪዝም መሰረተ ልማቶች ላይ ተፅእኖ መፍጠሩን አስረድቷል፡፡

ከእነዚህ አገራት መካከል በቀዳሚነት የጠቀሰው ጣሊያንን ሲሆን በዚህ አገር ለመጀመሪያ ጊዜ በዋና ዋና ከተሞች የጤና ማስጠንቀቂያ አዋጅ መተላለፉን አስረድቷል፡፡ የጣሊያን ጤና ሚኒስትር ትላንት ባወጣው መግለጫ በ27 ከተሞች ውስጥ ከፍተኛ ሙቀት መከሰቱ መመዝገቡን ገልፆ ማስጠንቀቂያ ሰጥቷል፡፡ ይህ ማስጠንቀቂያ እንደወትሮው አረጋዊያንንና ስር የሰደደ ህመም ያለባቸውን ብቻ የሚመለከት አይደለም፡፡ በማስጠንቀቂያው ሁሉም ነዋሪዎችና ቱሪስቶች ከፍተኛ ሙቀት በሚከሰትበት ወቅት ከፀሀይ ቀጥተኛ ብርሀን እንዲቆጠቡና በተቻለ መጠን ቤት ውስጥ በመቆየት ብዙ ውሀ እንዲጠጡ አሳስቧል፡፡ የተከሰተው ሙቀት በቱሪስት መስህቦች ጉብኝት ላይ ማስተካከያዎች እንዲረጉም ያስገደደ ነው፡፡

የጣሊያን ቱሪዝምና ባህል ቢሮ የሮም ኮሎሲምና ፓንቴዎንን ጨምሮ የትልልቅ መስህቦች በሮች በምሽት እንዲከፈቱ ትእዛዝ ማስተላለፉን ዘገባው ጠቅሷል፡፡ እንደዘገባው ኦስትሪያና ስሎቫኪያ ብሄራዊ የሙቀት ሪከርዳቸውን ሰብረዋል፡፡ ትላንት ሀሙስ በስሎቫኪያ ደቡባዊ ክፍል 42.2 ዲግሪ ሰልሺየስ ሙቀት መከሰቱን የአገሪቱ ሜትሮሎጂ ያረጋገጠ ሲሆን ይህም በአገሪቱ ውስጥ ከተፈጠረው ሙቀት ትልቁ ሆኖ ተመዝግቧል፡፡ ይህ በእንዲህ እንዳለ በዚህች አገር በጋብቺኮቮ የሚገኘው ትልቁ የሀይድሮ ኤሌክትሪክ ሀይል ማመንጫ ግድብ በውሀ እጥረት የተነሳ ከስምንቱ ተርባይኖች ሰባቱን መዝጋቱም ተዘግቧል፡፡

በኦስትሪያም ሮብ እለት 41.2 ዲግሪ ሰልሺየስ የሆነ በአገሪቱ ታሪክ ትልቁ የሚባል ሙቀት እንደነበረ ተገልጿል፡፡ በሌላ በኩል በሀንጋሪ ለረጅም ጊዜ የዘለቀው ድርቅ የዳኑቢ ወንዝን የውሀ መጠን በመቀነሱ በአገሪቱ ብቸኛ የሆነው የኒውክሌይር ሀይል ማመንጫ ላይ ተፅእኖ አሳድሯል፡፡ እንደዘገባው ይህ ሀይል ማመንጫ ማብላያዎቹን ለማቀዝቀዝ የሚጠቀመው የዚህን ወንዝ ውሀ ነበር፡፡ በዚህ የተነሳ መንግስት የሀይል ቁጠባን በግዳጅ ማስተዋቅ የጀመረ ሲሆን ከቀኑ 5 ሰአት እስከ ምሽቱ 10 ባለው ጊዜ ኢንዱስትሪዎችና ቤተሰቦች የኤሌክትሪክ ፍጆታቸውን እንዲቀንሱ ማሳሰቢያ ሰጥቷል፡፡ የጭነት ባቡሮች በእነዚህ ሰአታት አገልግሎት እንዳይሰጡም ታግደዋል፡፡

ቡዳፔስት የምታትወቅበት የምሽት ላይ የሚያብለጨልጩ መብራቶችም እንዲጠፉ ተደርገዋል፡፡ በጀርመንም ቢሆን በራይንና በሌሎችም ወንዞች እየተከሰተ ያለው የውሀ መጠን መቀነስ በትራንስፖርትና ኢንዱስትሪ ዘርፎች ላይ ተፅእኖ እያሳደረ ነው፡፡ በፈረንሳይ የተከሰተው ሰደድ እሳትም የዚሁ የሙቀት መጨመሩ ተፅእኖ እንደሚገኝበት ዘገባው ገልጿል፡፡ ጁላይ 20 የጀመረው ሰደድ እሳት ከ60 ኪሎ ሜትር በላይ ስፋት ላይ ቃጠሎ መፍጠሩን ጠቅሶ ይህም ከቅርብ አስርታት ወዲህ በአገሪቱ ከተከሰቱ ትልልቅ ሰደድ እሳቶች አንዱ ሆኖ እንዳስመዘገበው አስረድቷል፡፡ ከአውሮፓ ውስጥ ቀዝቀዝ ያለ ሙቀት ያለው በእንግሊዝ ብቻ ነው፡፡ ይሁን እንጂ ባለፈው ወር በነበረው ከፍተኛ ሙቀት የደረቁት ሳሮች ላይ ትላንት በተነሳው ቃጠሎ የተነሳ የሂዝሮው አየር ማረፊያ ደቡባዊ አውሮፕላን ማኮብኮቢያ ለጊዜውም ቢሆን እንዲዘጋ አስገድዶ እንደነበር ዘገባው ጠቅሷል፡፡

አርትስ ፕላስ እና ተራኪ በጋራ ለመስራት የሚያስችላቸውን አጋርነት መስረቱ
#ethiopia | አዲስ አበባ - አርትስ ፕላስ የድምፅ መጻሕፍትን ለአድማጮች በማቅረብ ከሚታወቀው ተራኪ መተግበሪያ ጋር የይዘት ስምምነት ተበየነ። ይህ ስምምነት በተራኪ መተግበሪያ ላይ የሚገኙ የድምፅ መጻሕፍትን በአርትስ ፕላስ በኩል ተደራሽ ለማድረግ ያለመ ነው።

ተራኪ መጻሕፍትን በድምፅ በማቅረብ በኢትዮጵያ ውስጥ ከፍተኛ ተወዳጅነት ያገኘ ሲሆን፣ በዚህ ትብብር አማካኝነት ይዘቶቹን ለተጨማሪ ተጠቃሚዎች ማቅረብ ያስችለዋል።

በትብብሩ የመጀመሪያ ምዕራፍ በተራኪ የሚገኙ የልጆች የድምፅ መጻሕፍት በአርትስ ፕላስ መተግበሪያ ላይ ይቀርባሉ። እነዚህ ይዘቶች በአርትስ ፕላስ ኪድስ ምድብ ስር የሚስተናገዱ ሲሆን፣ ለሕፃናት እና ለታዳጊዎች በጎ ሥነ ምግባርን፣ እውቀትን እና የፈጠራ ክህሎትን የሚያጎለብቱ ይሆናሉ።

የሁለቱም ተቋማት አመራሮች ይህ አጋርነት የሀገሪቱን የኪነ ጥበብ እና የፈጠራ ዘርፍ ለማጠናከር ትልቅ አስተዋጽኦ እንዳለው ገልጸዋል።

አርትስ ፕላስ በቅርቡ አገልግሎቱን በይፋ የሚጀምር ሲሆን፣ በሂደቱ ስለሚካተቱ መጻሕፍት እና ሌሎች ዝርዝር ጉዳዮች ወደፊት ይፋ ይደረጋሉ።

ድረ ገጽ https://artsplus.tv/
አንድሮይድ https://play.google.com/st...
አይኦኤስ https://apps.apple.com/app... #artsplus #teraki #audiobooks #ethiopianliterature #getutemesgen #getu #ጌጡ #ጌጡተመስገን #addisababa

በስደተኞች ጉዳይ ጣሊያንና ስፔን እሳትና ጭድ ሆነዋል
#ethiopia | የስፔን መንግሥት ጣሊያን የወሰደችው ውሳኔ የአውሮፓ ህብረት የሼንገን መርህና ስምምነት የሚጥስ ነው በሚል ከሷል።

በስፔኗ የሰሜን አፍሪካ ግዛት ሰኡታ አቅራቢያ አጋጥሞ የነበረውን ከፍተኛ የስደተኞች ፍሰት ተከትሎ ጣሊያን ከስፔን በሚመጡ የአየር እና የባህር መንገደኞች ላይ የጣለችውን ጊዜያዊ ቁጥጥር ይቀጥላል ብላለች።

ስፔን የአጸፋ እርምጃ እወስዳለሁ ብላ ብታስፈራራም ጣሊያን ቁጥጥሩ እንደምትቀጥልበት አስታውቃለች።

በቅርቡ ከ60,000 በላይ የሚሆኑ ህገ ወጥ ስደተኞች ከሞሮኮ ወደ ስፔኗ ሰኡታ መግባታቸውን ይታወሳል።

የጣሊያኗ ጠቅላይ ሚኒስትር ጆርጂያ ሜሎኒ የአውሮፓ ሼንገን ስምምነትን በጊዜያዊነት በማገድ ከስፔን ወደ ጣሊያን በሚገቡ መንገደኞች ላይ ቁጥጥር እንዲደረግ ወስነዋል።

የስፔን መንግሥት የጣሊያን ውሳኔ የሼንገን መርህና ስምምነት የሚጥስ ነው በሚል ከሳለች።

ጣሊያን የስፔን ዜጎችን እንደ ሌሎች የአውሮፓ ሕብረት ሀገራት ዜጎች የማታስተናግድ ከሆነ ተመሳሳይ የአጸፋ እርምጃ እንደምትወስድ ስፔን ማስጠንቀቂያ ሰጥታለች።

የጣሊያን ባለስልጣናት በበኩላቸው እርምጃው የሀገሪቱን የውስጥ ደህንነት ለመጠበቅና ቁጥጥር የሌለው የስደተኞች እንቅስቃሴ ወደ ሌሎች አውሮፓ ሀገራት እንዳይስፋፋ ለመከላከል ያለመ መሆኑን ገልጸዋል።

ሔኖክ ወ/ገብርኤል
#ethiopia #getutemesgen #getunews #europeanunion #spain #italy #migration

(ዘ-ሐበሻ ዜና) የኤርትራ የማስታወቂያ ሚኒስትር አቶ የማነ ገብረመስቀል፣ በዓለም አቀፍ ደረጃ ውጥረት በነገሰበት በአሁኑ ወቅት፣ የቀይ ባህር ቀጠና ሀገራት የራሳቸውን የጋራ ደህንነት እና ሰፋ ያለ የትብብር ማዕቀፍ መዘርጋት ከምንጊዜውም በላይ አጣዳፊ መሆኑን ገልጸዋል። ሚኒስትሩ ይህንን ያስታወቁት ኤርትራ ከጥቂት ዓመታት በፊት በቀይ ባህር እና አደን ባህረ ሰላጤ ዳርቻ ሀገራት ምክር ቤት አቅርባው የነበረውን ባለ 12 ነጥብ የደህንነት እና የትብብር ሰነድ ዳግም በትዊተር (ኤክስ) ገጻቸው ይፋ ባደረጉበት ወቅት ነው።

ከዚህ የጸጥታ ማዕቀፍ ጀርባ ያለው ዋነኛ የፖለቲካ እና የኦፕሬሽን ስሌት፣ የቀጠናው ሀገራት በጉዳያቸው ላይ ሙሉ ባለቤትነት እና ወሳኝነት እንዲኖራቸው ማድረግ መሆኑን ሰነዱ ያብራራል። በተለይም ቀጠናውን ከዓለም አቀፍ ኃያላን ሀገራት የፉክክር እና የፖላራይዜሽን አውድማነት ማዳን፣ እንዲሁም የሀገር ውስጥ አቅምን በመገንባት በዋና ባለድርሻ አካላት መካከል ዘላቂ ሰላም ማረጋገጥ የኤርትራ ቁልፍ የውጭ ጉዳይ ፖሊሲ ፍላጎት መሆኑ ተጠቁሟል። ይህ ማዕቀፍ አሁን ካለው ተለዋዋጭ የቀጠናው የጂኦ-ፖለቲካዊ እውነታ አንጻር፣ በየጊዜው በሚደረጉ ጥልቅ ውይይቶች ሊዳብር የሚችል መሰረታዊ ግብዓት መሆኑንም ሚኒስትሩ አጽንኦት ሰጥተዋል።

ሚኒስትሩ ይፋ ያደረጉት ሰነድ በዋናነት በቀይ ባህር እና ተያያዥ ጉዳዮች ላይ ያሉትን እውነታዎች ከሁሉም አቅጣጫዎች አድልዎ በሌለው መንገድ መገምገም እና ግቦችን በግልጽ ማስቀመጥ ላይ ያተኩራል። ከዚህም ባሻገር በቀይ ባህር ሰላም እና ደህንነት ላይ የተጋረጡ ስጋቶችን በዝርዝር በመለየት እና በመፈረጅ፣ እነዚህን ስጋቶች ለመቆጣጠር እና ለማስወገድ የሚያስችሉ ተግባራዊ ስትራቴጂዎችን ከገንቢ የትብብር ፖሊሲዎች ጋር በማስተሳሰር መንደፍ እንደሚያስፈልግ ሰነዱ ያብራራል። እነዚህን ስትራቴጂዎች ወደ መሬት ለማውረድም ዝርዝር እቅዶችን፣ የአፈጻጸም ዘዴዎችን፣ መዋቅሮችን እና አስፈላጊ ግብዓቶችን ማሰባሰብ ወሳኝ መሆኑ ተመላክቷል።

የዚህ ስትራቴጂካዊ ሰነድ እጅግ አሳሳቢ እና ትልቁን ፖለቲካዊ አንድምታ የያዘው ክፍል፣ የባህር ዳርቻ ሀገራት የሉዓላዊነት እና ራስን በራስ የመከላከል መብትን የሚመለከተው ነው። ማንኛውም የሚዋቀር የቀጠናው የደህንነት ማዕቀፍ በሉዓላዊነት መከበር እና በዓለም አቀፍ ህግ ላይ የተመሰረተ መሆን እንዳለበት ሰነዱ ያስገድዳል። በተለይም ሁሉም የባህር ዳርቻ ሀገራት የራሳቸውን የባህር ኃይል እና የመከላከያ አቅም በራሳቸው መገንባት እንዳለባቸው እና ይህንንም የጸጥታ ኃላፊነት ለሌሎች የውጭ ኃይሎች በውክልና መስጠት እንደሌለባቸው ኤርትራ በጥብቅ አሳስባለች።

በተናጠል አቅም ሊፈቱ የማይችሉ ጉዳዮች ሲያጋጥሙ ሀገራቱ በጋራ ጥረት እና ቅንጅት መፍታት እንደሚገባቸው ሰነዱ ያስቀምጣል። ሆኖም ከቀጠናው የጋራ አቅም በላይ ለሆኑ ልዩ ተልዕኮዎች የውጭ ኃይሎችን ማሳተፍ የሚቻለው፣ ሁሉም የሚመለከታቸው የቀጠናው ሀገራት በመግባባት ላይ በተመሰረተ ማዕቀፍ ሲስማሙ ብቻ መሆኑን ሰነዱ ይደነግጋል። በመጨረሻም እነዚህን ውስብስብ ጉዳዮች በሙያዊ መንገድ የሚከታተሉ እና የሚፈቱ ብቁ ኮሚቴዎች መቋቋም እንዳለባቸው በማስገንዘብ ሰነዱ ይቋጫል።

(ዘ-ሐበሻ ዜና) 'ትብብር ለኢትዮጵያ አንድነት' የተሰኘው ስብስብ በቅርቡ ሶስት ሰላማዊ የፖለቲካ ታጋዮች መታሰራቸውን ተከትሎ ባወጣው መግለጫ፣ ድርጊቱ በሀገሪቱ የፖለቲካ ምህዳር ላይ ከፍተኛ አሉታዊ ጫና እንደሚያሳድር ገልጾ፣ መንግስት የታሰሩትን ግለሰቦች ያለ ቅድመ ሁኔታ እንዲፈታ አሳሰበ። ስብስቡ በዚሁ ወቅታዊ መግለጫው "የሠላማዊ ትግል በሮችን በሙሉ ዘግቶ የጦርነት በሮች እንዲከፈቱ ሳይታክት የሚሠራ አለ ወይ?" ሲል ጠንከር ያለ ጥያቄ አቅርቧል።

ስብስቡ ነሐሴ 1 ቀን 2018 ዓ.ም ባወጣው መግለጫ እንዳመለከተው፣ በሰላማዊ የፖለቲካ ትግል ለውጥ ማምጣት ይቻላል ብለው የሚያምኑት አቶ አበበ አካሉ፣ አቶ ይስኃቅ ወልዳይ እና ጠበቃ አበራ ንጉሥ ሐምሌ 27 ቀን 2018 ዓ.ም ለእስር መዳረጋቸው በህዝቡ ዘንድ ከፍተኛ ድንጋጤን ፈጥሯል። ይህንን ክስተትም እጅግ አስደንጋጭ ሆኖ እንዳገኘው አስታውቋል።

አሁን ስራ ላይ ባለው ህገ መንግስት አንቀጽ 29 ንዑስ አንቀጽ 2 ላይ ማንኛውም ሰው ያለ ማንም ጣልቃ ገብነት ሀሳቡን በነጻነት የመግለጽ፣ በምንም አይነት የማሰራጫ ዘዴ መረጃን የመሰብሰብ፣ የመቀበልና የማሰራጨት መብቱ የተረጋገጠ መሆኑን መግለጫው አስታውሷል። ይሁን እንጂ አሁን ባለው ተጨባጭ ሁኔታ፣ ከህገ መንግስቱ ባፈነገጠ መልኩ ከውዳሴ በስተቀር ምንም አይነት የተቃውሞ እና የትችት ድምጾች እንዳይሰሙ ማሳደድ ያልተጻፈ ህግና መርህ መሆኑን ስብስቡ በመግለጫው አትቷል።

ይህ አካሄድ "ሰላማዊ ትግል ሙሉ በሙሉ ተዘግቶ ሌሎች አማራጮች እንዲናኙ የሚሰራ ግራ ሃይል ተፈጥሯል ወይ?" የሚል ጥርጣሬ እንዳሳደረበት 'ትብብር ለኢትዮጵያ አንድነት' በግልጽ አስቀምጧል። በመሆኑም መንግስት በጠባብ ቀዳዳ የምትታየውን የፖለቲካ ምህዳር ጭራሹኑ ከማጥፋት ክፉኛ ሊጠነቀቅ ይገባል በማለት፣ በእስር ላይ የሚገኙት የሰላማዊ ፖለቲካ ታጋዮች የዋስትና መብታቸው ተከብሮ ያለምንም ቅድመ ሁኔታ በአስቸኳይ እንዲፈቱ ጥሪውን አስተላልፏል።

በበጀት አመት ከ118 ቢሊዮን ብር በላይ ማግኘት ተችሏል
#eghiopia | የኢትዮጵያ ኤሌክትሪክ አገልግሎት በተጠናቀቀው የ2018 በጀት አመት 118 ነጥብ 91 ቢሊየን ብር ገቢ ማግኘቱን ገለፀ።

የተቋሙ ዋና ሥራ አስፈፃሚ ጌቱ ገረመው (ኢ/ር) በሰጡት መግለጫ ገቢው ከኢነርጂ ሽያጭ ከአዲስ ደንበኞች መስተንግዶ፣ ከማያገለግሉ ንብረቶች ሽያጭ እና ከሌሎች ልዩ ልዩ የገቢ ምንጮች መገኘቱን ተናግረዋል፡፡

በዚህ መሰረትም ከኢነርጂ ሽያጭ 75 ነጥብ 17 ቢሊየን ብር ለማግኘት ታቅዶ የውጭ ሀገር ሽያጭን ጨምሮ 76 ነጥብ 53 ቢሊየን ብር ገቢ መገኘቱን አስረድተዋል፡፡

በተጨማሪም ከአዲስ ደንበኞች መስተንግዶ 37 ነጥብ 74 ቢሊየን ብር ለመሰብሰብ ታቅዶ 39 ነጥብ 23 ቢሊየን ብር መገኘቱን ነው የገለጹት፡፡

የማያገለግሉ ንብረቶችን በመሸጥ 275 ሚሊየን ብር የተገኘ ሲሆን ከልዩ ልዩ ገቢዎች ደግሞ 2 ነጥብ 68 ቢሊየን ብር መገኘቱን አስረድተዋል፡፡

የገቢ አፈጻጸሙ 103 በመቶ መሆኑንና ከ2017 በጀት ዓመት ተመሳሳይ ወቅት ጋር ሲነፃፀር የ88 ነጥብ 4 በመቶ እድገት ማሳየቱን አመልክተዋል፡፡

የዲጂታል ክፍያ አማራጭ የሚጠቀሙ ደንበኞች ቁጥር ከጊዜ ወደ ጊዜ እያደገ መጥቶ በአሁን ወቅት 95 ነጥብ 3 በመቶ መደረሱን ተናግረዋል፡፡

በተጨማሪም የኤሌክትሪክ ተሽከርካሪዎች ቻርጅ ማድረጊያ ጣቢያዎች ገንብቶ ወደ ስራ በማስገባትና ስራ በማስጀመር 14 ነጥብ 25 ሚሊየን ብር ገቢ ተገኝቷል ብለዋል፡፡

ሔኖክ ወ/ገብርኤል
#ethiopia #getutemesgen #getunews #የኢትዮጵያ #ኤሌክትሪክአገልግሎት #ኤነርጂ #ገበያ #ትርፍ

የትራፊክ ጉዳት ካደረሱ አሽከርካሪዎች ውጪ የአሽከርካሪ ብቃት ማረጋገጫ ማገድ ለጊዘው እንዲቆም ተደረገ

የደንብ 557/2016 ዝርዝር የአፈጻጸም መመሪያ አስኪጸድቅ የትራፊክ ጉዳት ካደረሱ አሽከርካሪዎች ውጪ የአሽከርካሪ ብቃት ማረጋገጫ ማገድ ለጊዘው እንዲቆም ተደርጓል::

የአዲስ አበባ ትራፊክ ማጅመንት ባለሰልጣን የደንብ ተላላፊዎችን የአሽከርካሪ ብቃት ማረጋገጫ ፈቃድ መቀበልም ሆነ ሰሌዳ መፍታት ሳያስፈልግ የዲጂታል የትራፊክ ቁጥጥር እና ቅጣት ማስፈጸሚያ ሲስተም ስርዓት በመዘርጋት የመንገድ ትራንስፖርት ትራፊክን ለመቆጣጣር የወጣውን የሚኒስትሮች ምክር ቤት ደንብ ቁጥር 557/2016 የቅጣት አወሳሰንን እየተገበረ ይገኛል፡፡

በመሆኑም ከደንቡ ተግባር ጋር በተያያዘ በተደጋጋሚ በደንብ መተላላፍ የነጥብ ጣሪያ ደርሰው የአሽከርካሪ ብቃት ማረጋገጫቸው ታግዶ የተሀድሶ ስልጠና እንዲወስድና እና ነጥባቸው ሳይሞላም አስቀድሞ ስልጠና ወስደው ነጥብ የሚቀንስላቸው ደንብ ተላላፊዎች በደንቡ አንቀፅ 96 ንኡስ አንቀጽ 1 እና 2 ላይ በሁለቱም የእውቅና ክህሎት ስልጠና ወስደው የወሰዱበትን ማረጋጋጫ ሲያቀርቡ እግዱ እንደሚነሳ ይደነግጋል፡፤

ይሁን እንጂ ከአፈጻጸም አንጻር ይኸው አገራዊ ደንብ በሌሎች ክልሎች ተግባራዊ ባለመደረጉ እና በአዲስ አበባ ከተማ በሚያሽከረክሩ ደንብ ተላላፊዎች ላይ ብቻ መተግበሩ በደንብ ተላላፊዎች ዘንድ የፍትሀዊነት ጥያቄ ሲያስነሳ ቆይቷል፡፡

ባለሰልጣን መ/ቤቱም ይህንኑ የፍትሀዊነት ጥያቄ ለመንገድ ደህንነት ፈንድ አገልግሎት ባሳወቀው መሰረት አና ተቋሙም ችግሩን በመረዳት በቀን 23/11/2018 በቁጥር 1904/18 በተጻፈ ደብዳቤ ምላሽ ሰጥቶበታል፡፡

በምላሹም ከደንብ ትግበራ ጋር በተያያዘ ተደጋጋሚ ደንብ ተላላፊዎች የአሽከርካሪ ብቃት ማረጋገጫ ፈቃዳቸው ታግዶ የተሀድሶ ስልጠና የሚያገኙበትን ሂደት የተሳካ ለማድረግ መመሪያ ሲዘጋጅ መቆየቱን አመላክቷል፡፡

እንዲሁም መመሪያውም ያለበትን ሂደቶች አልፎ በአሁኑ ወቅት ለፍትህ ሚኒስቴር መላኩንና በሌሎች ክልሎችም ወጥ የሆነ አሰራር ለመዘርጋት ሲባል ለጊዜው የአሽከርካሪ ብቃት ማረጋገጫ ፍቃዱን የማገዱ ተግባር አንዲዘገይ በማለት አሳውቋል ፡፡

በመሆኑም የደንብ መተላለፉ የገንዘብ ቅጣቶቹ እንደተጠበቁ ሆነው ዝርዝር የአፈጻጸም መመሪያው ጸድቆ እስኪላክ ድረስ የትራፊክ ጉዳት ካደረሱ አሽከርካሪዎች ውጪ ለጊዜው በነጥብ እና በቆይታ /ሳይከፍል 6 ወር የቆየ/ ከዚህ በፊት የታገዱትም ሆነ በቀጣይ የሚታገድ የአሽከርካሪ ብቃት ማረጋገጫ መቆሙን ገልጿል፡፡ ከእግዱ መቆም በስተቀር ደንብ ተላላፊዎች ያሉባቸውን የቅጣት ክፍያ መክፈል እንደሚጠበቅባቸውም ባለስልጣኑ አስታውቋል፡፡

የአዲስ አበባ ትራፊክ ማኔጅመንት ባለስልጣን

በአርባምንጭ ከተማ የኮሪደር ልማት የመብራት ምሰሶ ላይ ጉዳት ያደረሰው አሽከርካሪ 1 ሚሊዮን ብር ተቀጣ

በአርባምንጭ ከተማ በኮሪደር ልማት ሥራ የተተከለ ዘመናዊ የመንገድ ዳር መብራት ምሰሶ (ፖል) በመግጨት ውድመት ያደረሰ አሽከርካሪ በቁጥጥር ሥር ውሎ 1 ሚሊዮን ብር እንዲቀጣና የወደመውን ሀብት በራሱ ወጪ ወደ ነበረበት እንዲመልስ ተወሰነ።

በከተማዋ ሲቀላ ክፍለ ከተማ አሽከርካሪው ተሽከርካሪ ለማንቀሳቀስ ባልተፈቀደ ቦታ ላይ በማሽከርከር በከፍተኛ ወጪ የተተከለውን ስማርት የመብራት ምሰሶ በመግጨት ከፍተኛ ጉዳት ማድረሱ ተገልጿል።

ድርጊቱ ከተፈጸመ በኋላ የአርባምንጭ ከተማ ደንብ አስከባሪ ጽሕፈት ቤት ከከተማው ትራፊክ ፖሊስ ጋር ባደረጉት የተቀናጀ ክትትል ጥፋተኛውን አሽከርካሪ በቁጥጥር ሥር ማዋል ተችሏል።

የከተማው ደንብ አስከባሪ ጽሕፈት ቤት ኃላፊ አቶ ሰራዊት ገዛኸኝ እንዳስታወቁት፣ በቸልተኝነት በሚፈጸሙ ጥፋቶች የመንግሥትና የሕዝብ ሀብት እንዳይባክን እና አስተማሪ ሕጋዊ እርምጃ ለመውሰድ ሲባል የተሰበረውንና የወደመውን ስማርት የመብራት ምሰሶ በራሱ ወጪ ወደ ነበረበት እንዲመልስ።

ጥፋተኛውን በቁጥጥር ሥር ለማዋል ከነዋሪዎች የተገኘው የጥቆማ ትብብር ከፍተኛ ሚና እንደነበረው የገለጹት አቶ ሰራዊት፣ ለኅብረተሰቡ ምስጋናቸውን አቅርበዋል።

ኃላፊው አክለውም ለከተማዋ እድገትና ለነዋሪዎች ምቾት በከፍተኛ ወጪ የተገነቡ የኮሪደር ልማት ሥራዎችንና ሌሎች መሠረተ ልማቶችን በሚያበላሹ ወይም ሕግ በሚተላለፉ አካላት ላይ የሚወሰደው ሕጋዊ እርምጃ ተጠናክሮ እንደሚቀጥል አሳስበዋል።

Seledadotio
Seledadotio

የኢትዮጵያ ኤሌክትሪክ አገልግሎት 118 ነጥብ 91 ቢሊየን ብር ገቢ አገኘ

የተቋሙ ዋና ሥራ አስፈፃሚ ጌቱ ገረመው (ኢ/ር) በሰጡት መግለጫ ÷ ገቢው ከኢነርጂ ሽያጭ፣ ከአዲስ ደንበኞች መስተንግዶ፣ ከማያገለግሉ ንብረቶች ሽያጭ እና ከሌሎች ልዩ ልዩ የገቢ ምንጮች መገኘቱን ተናግረዋል፡፡

በዚህ መሰረትም ከኢነርጂ ሽያጭ 75 ነጥብ 17 ቢሊየን ብር ለማግኘት ታቅዶ የውጭ ሀገር ሽያጭን ጨምሮ 76 ነጥብ 53 ቢሊየን ብር ገቢ መገኘቱን አስረድተዋል፡፡ 

በተጨማሪም ከአዲስ ደንበኞች መስተንግዶ 37 ነጥብ 74 ቢሊየን ብር ለመሰብሰብ ታቅዶ 39 ነጥብ 23 ቢሊየን ብር መገኘቱን ነው የገለጹት፡፡

የማያገለግሉ ንብረቶችን በመሸጥ 275 ሚሊየን ብር የተገኘ ሲሆን ÷ ከልዩ ልዩ ገቢዎች ደግሞ 2 ነጥብ 68 ቢሊየን ብር መገኘቱን አስረድተዋል፡፡

የገቢ አፈጻጸሙ 103 በመቶ መሆኑንና ከ2017 በጀት ዓመት ተመሳሳይ ወቅት ጋር ሲነፃፀር የ88 ነጥብ 4 በመቶ እድገት ማሳየቱን አመልክተዋል፡፡

የዲጂታል ክፍያ አማራጭ የሚጠቀሙ ደንበኞች ቁጥር ከጊዜ ወደ ጊዜ እያደገ መጥቶ በአሁን ወቅት 95 ነጥብ 3 በመቶ መደረሱን ተናግረዋል፡፡

በተጨማሪም የኤሌክትሪክ ተሽከርካሪዎች ቻርጅ ማድረጊያ ጣቢያዎች ገንብቶ ወደ ስራ በማስገባትና ስራ በማስጀመር 14 ነጥብ 25 ሚሊየን ብር ገቢ ተገኝቷል ብለዋል፡፡ 

Seledadotio
Seledadotio

‎የኢትዮጵያ ኤሌክትሪክ አገልግሎት በ2018 በጀት ዓመት 118.91 ቢሊዮን ብር ገቢ ሰበሰበ
‎
‎#ethiopia | ​የኢትዮጵያ ኤሌክትሪክ አገልግሎት በ2018 በጀት ዓመት አስመዝግቦት የነበረውን አጠቃላይ የሥራ አፈጻጸም እና የ2019 በጀት ዓመት ዕቅዱን አስመልክቶ የድርጅቱ ዋና ሥራ አስፈጻሚ ኢንጂነር ጌቱ ገረመው ለሚዲያ አካላት መግለጫ ሰጥተዋል።
‎
‎በመግለጫቸውም ተቋሙ በበጀት ዓመቱ ያቀዳቸውን አብዛኞቹን ዋና ዋና ግቦች በላቀ ደረጃ ማሳካት መቻሉን እና በተለይም በአዳዲስ ደንበኞች ትስስር ረገድ በተቋሙ ታሪክም ሆነ በአፍሪካ ደረጃ አዲስ ምዕራፍ የከፈተ ውጤት ማስመዝገቡን ይፋ አድርገዋል።
‎
‎​በበጀት ዓመቱ 800 ሺህ አዳዲስ ደንበኞችን የአገልግሎቱ ተጠቃሚ ለማድረግ ታቅዶ የነበረ ሲሆን፣ 664 ሺህ 505 አባወራዎችን በማገናኘት የ83.1 በመቶ ስኬት ተመዝግቧል።
‎
‎ይህም አፈጻጸም ከቀደመው ዓመት ጋር ሲነጻጸር የ32.5 በመቶ እድገት ያሳየ ሲሆን፣ ተቋሙን በዓይነቱ ከአፍሪካ መሰል የኃይል አቅርቦት ኩባንያዎች የመሪነት ደረጃ ላይ አሰልፎታል።
‎
‎በተጨማሪም የገጠር ኤሌክትሪፊኬሽን ፕሮግራሙን በማጠናከር ከዋናው ግሪድ እና ከኦፍ-ግሪድ የፀሐይ ኃይል አማራጮች 205 አዳዲስ የገጠር ቀበሌዎችንና መንደሮችን የኃይል ተጠቃሚ ማድረግ የተቻለ ሲሆን፣ ይህም በአገሪቱ አጠቃላይ የኤሌክትሪክ ተደራሽ የሆኑ የገጠር አካባቢዎችን ቁጥር ወደ 7 ሺህ 908 አድርሶታል።
‎
‎​በፋይናንስና በገቢ አሰባሰብ ረገድም ተቋሙ አስደናቂ ስኬት ያስመዘገበ ሲሆን፣ ከኢነርጂ ሽያጭ፣ ከአዳዲስ ደንበኞች መስተንግዶና ከሌሎች ልዩ ልዩ የገቢ ምንጮች 115.86 ቢሊዮን ብር ለመሰብሰብ አቅዶ 118.91 ቢሊዮን ብር በመሰብሰብ የ103 በመቶ አፈጻጸም አሳይቷል።
‎
‎ይህ የገቢ መጠን ከቀደመው በጀት ዓመት ጋር ሲነጻጸር የ88.4 በመቶ ከፍተኛ እድገት ያሳየ ነው። ለዚህ አፈጻጸም መሻሻል የዲጂታል ክፍያ አማራጮች መስፋፋት ከፍተኛ አስተዋጽኦ ያበረከተ ሲሆን፣ በአሁኑ ወቅት የዲጂታል ክፍያ የሚጠቀሙ ደንበኞች ቁጥር 95.3 በመቶ ደርሷል።
‎
‎በተጨማሪም ተቋሙ ከስርቆትና ከኃይል ብክነት የመከላከል ሥራዎችን በማጠናከር ከ2.2 ቢሊዮን ብር በላይ ለተቋሙ ገቢ ማድረግ ችሏል።
‎
‎​ተቋሙ የአገልግሎት ጥራትን ለማሻሻልና የኃይል መቆራረጥን ለመቀነስ ሰፊ የዲስትሪቢዩሽን መስመሮች ማሻሻያ፣ የትራንስፎርመር ጥገናና የአቅም ማሳደግ ሥራዎችን ያከናወነ ቢሆንም፣ አሁንም የመሰረተ ልማት እርጅና፣ የግብዓትና የነዳጅ እጥረት እንዲሁም የመሰረተ ልማቶች ስርቆትና ውድመት ዋና ዋና ተግዳሮቶች እንደነበሩ ተገልጿል።
‎
‎ሆኖም ተቋሙ የተደቀኑበትን ተግዳሮቶች በመቋቋም የቴክኖሎጂ ትግበራዎችን አጠናክሮ በመቀጠል፣ ለሀገር ኢኮኖሚ እድገትና ለዲጂታል ኢትዮጵያ 2030 ስኬት የሚጠበቅበትን የላቀ ሚና አጠናክሮ እንደሚቀጥል ዋና ሥራ አስፈጻሚው ገልጸዋል።
‎
‎ጌትነት ተመስገን
‎
‎#ethiopianelectricutility #eeu #ethiopia #energysector #ethiopianeconomy #digitalethiopia2030 #ruralelectrification #offgridenergy #performancereport #africaenergy

የኢትዮጵያ መንግሥትና ህወሓት ለተጨማሪ ዉጊያ እየተዘጋጁ መሆናቸዉ ተነገረ‼️

የኢትዮጵያ መንግሥት ጦርና ህዝባዊ ወያኔ ሓርነት ትግራይ ታጣቂዎች ለተጨማሪ ዉጊያ የሚያደርጉት ዝግጅት መቀጠሉን የተለያዩ ወገኖች አስታወቁ።የአዉሮጳ የሰላም ተቋም መገናኛ ዘዴዎችንና ሌሎች ምንጮችን ጠቅሶ እንደዘገበዉ የመቀሌና የአዲስ አበባ ግንኙነት ይበልጥ እየተበላሸ ነዉ።ሁለቱ ወገኖች የሚያደርጉት የጦር ኃይል ንቅናቄም ሌላ ጦርነት ሊጫር ይችላል የሚለዉን ሥጋት አንሮታል።ሁለቱ ወገኖች ልዩነታቸዉን ሰላማዊ፣ ሁሉን አካታችና ገንቢ በሆነ ዉይይት እንዲፈቱ ተቋሙ ጠይቋል።

የአይን ምሥክሮች በበኩላቸዉ የትግራይ ኃይል የሚባለዉ የታጣቂዎች ስብስብ በርካታ ተዋጊዎችን ወደ ምዕራብ ትግራይ እያዘመተ ነዉ።እንደሚሉት የትግራይ ተዋጊዎች ትግራይ ክልልን ከአፋርና ከአማራ ክልሎች ጋር በሚያዋስነዉ ድንበር አካባቢም ምሽግ እየቆፈሩ መሆኑንም የዓይን ምሥክሮች አስታዉቀዋል። የኢትዮጵያ መከላከያ ጦር ባንፃሩ አማራና አፋር ክልሎች ከፍተኛ የወታደራዊ ንቅናቄ እያደረገ መሆኑን የዓይን ምሥክሮች ተናግረዋል።

ከአፋር ክልል በደረሰን መረጃ መሠረት  በክልሉ የዞን አራት ተለያዩ ወረዳዎችና ቀበሌዎች ተጨማሪ ወታደሮች ሠፍረዋል።ነዋሪዎቹ በሥም በዘረዘሯቸዉ ወረዳና ቀበሌዎች  ወታደሮችን ከቦታ ቦታ ማንቀሳቀሱና ተጨማሪ ኃይል ማስሩ እስከ ትናንት ማታ ድረስ ቀጥሎ ነበር።

Seledadotio
Seledadotio

ሴንቸሪ ኢንቨስትመንት ግሩፕ እና ኩባንያዎቹ ምን እየሰሩ ነው?

👉የብረት ፋብሪካው በከፍተኛ ኢንቨስትመንት ከአካባቢ ብከላ ነጻ የሆነ የምርት ሂደት መጀመሩ ተነግሯል፡፡

በሴንቸሪ ኢንቨስትመንት ግሩፕ ስር የሚገኙት ስቲሊ አር ኤም አይ እና አስመን ኃ/የተ/ግ/ማ እንደ አገር በአካባቢ ጥበቃ ባለስልጣን የተቀመጠውን የኢንደስትሪ ቅጥር ግቢ ሁለት በመቶ ከባቢ በአረንገዴ የመሸፈን ሃላፊነት ተወጥተው ኢንደስትሪዎቹ በሚገኙበት አቅራቢያ የማህበረሰብ አቀፍ የአካባቢ ልማት ላይ በጉልህ መሳተፍ እንደቀጠሉ ተገለጠ፡፡

ባለፉት ሁለት አስርት አመታት ኢንደስትሪዎቹ በሚገኙበት የቢሾፍቱ ከተማ ቅጥር ግቢ እና አካባቢው በሚገኙ የተራቆቱ ስፍራዎቸን በአረንጓዴ የመሸፈን ስራ አጠናክረው የቀጠለ መሆኑ ታውቋል፡፡

በዚህም ዘንድሮው የክረምት ወቅት ከመንግስት ተረክበው መልሶ እንዲያገግም እየተንከባከቡት በሚገኘው ዲባዬ ተራራ በተከታታይ ለ 5ኛ አመት የተከላ መርሃ ግብር ተከናውኗል፡፡

ሀሙስ ሐምሌ 30 ቀን በተከናወነው እና የሁለቱ ኩባንያ ሰራተኞች በተሳተፉበት የአረንጓዴ አሻራ መርሃ ግብር ላይ ተገኝተው ንግግር ያደረጉት የቢሾፍቱ ከተማ የአካባቢ ጥበቃ ባለስልጣን ፅ/ቤት ኃላፊ ጣይቱ ያሚ የሁለቱ ድርጅቶች የአረንጓዴ ልማት ተግባር በአካባቢው ለሚገኙ በርካታ ኢንደስትሪዎች አርአያ እና ቀዳሚ ነው ብለዋል፡፡

እንደ አካባቢ ጥበቃ ባለስልጣን ከኢንደስትሪ ግቢ 2 በመቶ በአረንጓዴ መሸፈን አለበት የሚለውን ህግ በተገቢው ሁለቱም ድርጅቶች መወጣታቸውን አስታውሰው፡፡

በተጨማሪነት በሴንቸሪ ኢንቨስትመንት ግሩፕ ስር የሚገኙት ስቲሊ አር ኤም አይ እና አስመን ከኢንደስትሪ ስፍራዎቻቸው ባለፈ በአዋሳኝ የመንገድ አካባቢዎች እንዲሁም የተራቆቱ ቦታዎችን ወደ ጫካ የመለወጥ ስራን እንዲወጡ በከተማ አስተዳደሩ የተሰጣቸውን ቦታዎች በዛፍ የመሸፈን ስራ ለአመታት በከፍተኛ ሃላፊነት ሲሰሩ እንደቆዩ ነው የተናገሩት፡፡

ከተማ አሰስተዳደሩ በአረንጓዴ ልማት ሆነ ሌሎች ማህበራዊ ሃላፊነት ስራዎች ጥሪ ባደረገ ጊዜ ቀድመው የሚገኙ መሆናቸውን ያስታወሱት የከተማ አስተዳደሩ የአካባቢ ጥበቃ ባለስልጣን ፅ/ቤት ሃላፊ ወ/ሮ ጣይቱ ይህን መልካም ተግባር ሌሎች በተሞክሮ እንዲወስዱት ነው ያሳሰቡት፡፡

በተከላው ወቅት የግዙፉ ብረት አምራች ስቲሊ አር ኤም አይ ስራ አስኪያጅ ኢ/ር ሰለሞን ደስታ እንደገለፁት ድርጅታቸው ስቲሊ በመርህ ደረጃ የተያዘውን የማህበራዊ ሃላፊነት የመወጣት ተግባር በህብረተሰብ ድጋፍ ላይ ብቻ ያተኮረ አለመሆኑን አስታውሰው፡፡

በአካባቢ ጠበቃ የሚሰራው ስራ የኩባንያው አይነተኛ መርህ መሆኑን እንደ ተጨማሪ የማህበራዊ ሃላፊነት ስራ ተግባር ለአብነት አንስተዋል፡፡

በዚህም ስቲሊ አር ኤም አይ ማምረት ከጀመረበት ያለፉት ሁለት አስርት አመታት ወደ ስራ ካስገባቸው እንደ ዘመናዊ ትምህርት ቤት እንዲሁም የውሃ አቅርቦት አይነት ጉልህ ማህበራዊ ሃላፊነት ባልተናነሰ በአረንጓዴ ልማት ከፍተኛ ስራ ተሰርቷል ብለዋል፡፡

በግቢያችን በመንግስት ከተቀመጠው የሁለት በመቶ አረንጓዴ ሽፋን አልፈናል ያሉት ኢ/ር ሰለሞን ለምግብነት የሚያገለግሉ ዛፎችን የመትከል ግቡም ውጤታማ እየሆነልን ነው ሲሉ ነው ያከሉት።

ዋና ስራ አስኪያጁ በተጨማሪነት በአካበቢው በሚገኙ ተራራማ ቦታዎች ችግኝ በመትከል እና በቋሚነት ባለሞያ ቀጥሮ በመንከባከብ ከፍተኛ ውጤት ማስገኘት መቻሉንም እንደ ከፍተኛ ተጠቃሽ ውጤት አንስተዋል፡፡

በተጨማሪም ኩባያው ከፍተኛ ኢንቨስትመንት በማድረግ ዘመናዊ የምርት ሂደትን ያስተዋወቀ መሆኑን ጠቅሰው። ይህም የአካባቢ ጥበቃ አካል ነው ሲሉ በአገር ደረጃ በዘመናዊነት ቀዳሚ የሆነው የብረት ፋብሪካ የስራ ሂደት ጠቅሰዋል፡፡

በተመሳሳይ ከፍተኛ ተኪ የብረት ምርት እና የግንባታ ግብአቶችን በማምረት ላለፉት ሩብ ክፍለ ዘመናት መቆየት የቻለው የአስመን ስራ አስኪያጅ አቶ ኑሩ እሸቱ የአረንጓዴ አሻራ ስራ የኩባንያቸው ባህል መሆኑን ጠቅሰው በቀጣይ ይህ ተግባር ተጠናክሮ የሚቀጠል መሆኑን ነው የገለፁት፡፡

እንደ አስመን ስራ አስኪያጅ ገለፃ የኩባንያውን ሰራተኛና የአካበባቢውን ነዋሪ በማሳተፍ ሲከናወን የቆየው የአካባቢ ጥበቃ ስራ በተለይ አሁን በፋብሪካዎቹ እና የችግኝ ተከላ በሚከናወንበት አቅራቢያ በሚገኘው በአቡሴራ እየተገነባ የሚገኘው የቢሾፍቱ አየር መንገድ ምቹ እና አረንጓዴ ከባቢ በመፍጠር የራሱ ሚና አለው ሲሉ ነው የገለጹት፡፡

የሴንቸሪ ኢንቨስትመንት ግሩፕ የቦርድ ተወካይ አቶ ግርማ አዲስ በበኩላቸው ስቲሊ አር ኤም አይ እና አስመን አረጋውያን የማገዝ፣ ተንከባካቢ የሌላቸው ህጻናትን ከጎናቸው በመሆን አሌንታነት በማረጋገጥ፣ የምገባ ማዕከላትን በማቋቋም፣ በተለያየ ምክንያት እና እንደ የተፈጥሮ እና ሰው ሰራሽ አደጋ አይነት አጣዳፊ ሁኔታ ሲያጋጥም ድጋፍ ለሚሹ ወገኖች ድጋፍ በማድረግ የወገን ደራሽ የመሆን ሚናቸውን ከምስረታቸው ጀምሮ እንደተገበሩ ገልፀዋል፡፡
ይህንኑ ተግባር ወደ ፊትም በተቀናጀ መልኩ እንደ ግሩፕ ለማከናወን ፋውንዴሽን መቋቋሙን ነው አክለው የገለጹት፡፡

የኢራን ፓርላማ አሜሪካ እና እስራኤል በሆርሙዝ ወሽመጥ እንዳያልፉ የሚከለክል ረቂቅ ሕግ አቀረበ

የኢራን ፓርላማ በሆርሙዝ ወሽመጥ በኩል እና በፐርዢያ ባሕረ ሰላጤ በኩል የሚያልፉ መርከቦች ላይ ያለውን ቁጥጥር የሚያጠብቅ ረቂቅ ሕግ ላይ ተወያየ።
ረቂቅ ሕጉ ከአሜሪካ፣ እስራኤል እና ቴህራን ጠብ አጫሪ ናቸው ስትል ከምትፈርጃቸው አገራት ጋር ግንኙነት ያላቸው መርከቦችን ማገድ እንደሚያካትት ታስኒም የዜና ወኪል ዘግቧል።

ታስኒም የፓርላማ አባል የሆኑትን አባስ ሳሊሚን ጠቅሶ እንደዘገበው የፓርላማው ብሔራዊ ደህንነት እና የውጭ ጉዳይ ፖሊሲ ኮሚቴ በወሽመጡ እና በፐርዢያ ባሕረ ሰላጤ ላይ አገሪቱ የሚኖራትን ቁጥጥር በሚመለከት ተወያይቷል።
በረቂቅ ሕጉ መሠረት አሜሪካ፣ እስራኤል እና ኢራን ጠብ አጫሪ ብላ ከፈረጀቻቸው ሌሎች አገራት ጋር ግንኙነት ያላቸውን መርከቦች በወሽመጡ እንዳያልፉ ይከለከላከሉ።
በረቂቅ ሕጉ በተጨማሪም ከእስራኤል ገር ግንኙነት ያላቸው ወታደራዊ እና የሲቪል የጭነት መርከቦች እንዲሁም በኢራን ላይ በተከፈተው ዘመቻ ድጋፍ ያደረጉ እንዳያልፉ ይከለከላሉ።

በተጨማሪም በኢራን ላይ ጉዳት በማድረስ ረገድ ኃላፊነት አለባቸው ተብለው የሚታመኑ አገራትና ግለሰቦች፣ ካሳ እስኪከፍሉ ድረስ በሆርሙዝ የባሕር ወሽመጥ እና በፋርስ ባሕረ ሰላጤ በኩል የማለፍ ፈቃድ አይሰጣቸውም።
ረቂቅ ሕጉ ለሚፈጸሙ ጥሰቶች ከባድ ቅጣቶችን፤ ከእነዚህም መካከል በመርከብ ላይ የተጫነው ሸቀጥ ካለው ዋጋ እስከ 20 በመቶ የሚደርስ የገንዘብ ቅጣትን አካትቷል።
በሕጉ መሠረት፣ መንግሥት በፋርስ ባህረ ሰላጤ ውስጥ የአሰሳ ስራን ለመቆጣጠር፣ የመርከቦችን እንቅስቃሴ ለመከታተል እንዲሁም ደህንነትን እና የአካባቢ ጥበቃን ለማረጋገጥ ከጦር ኃይሎች ጋር በጋራ እንዲሰራ ይጠበቅበታል።
ሳሊም ሕጉ በባለሙያዎች እየታየ መሆኑን እና ከመጽደቁ በፊት የማሻሻያ ሃሳባቸውን እንዲያቀርቡ ይጠበቃል ብለዋል።

የኢራን ፓርላማ ረቂቅ ሕጉ ላይ የተወያየው አገሪቱ ከኦማን ጋር በወሽመጡ አስተዳደር ላይ እየተነጋገረች ባለችበት እና ከሥምምነት ይደረሳል ተብሎ በሚጠበቅበት ወቅት ነው።

BBC

ከ4መቶ በላይ ፌስታል የሚያመርቱ ተቋማት ላይ ክትትልና ቁጥጥር ማድረጉን የአዲስ አበባ አካባቢ ጥበቃ ባለስልጣን ተናገረ

ባለስልጣኑ የፕላስቲክ ምርቶች ለገበያ እንዳይቀርቡና ምርቱም እንዲቆም የሚያደርገዉ ህግ ወደ ስራ መግባቱን ተከትሎ ቁጥጥር እያደረጉ እገኛለሁ ብሏል።

በዚህም መሠረት በተጠናቀቀው በጀት አመት ከረጢት ስራ ላይ እንዳይውል ለማድረግ በተሰራው ስራ 4መቶ 88 ፌስታል የሚያመርቱ ተቋማት ላይ ክትትልና ቁጥጥር ተደርጓል ተብሏል።

አሁንም በርካታ የምርት ክምችቶች በቁጥጥር ስር እየዋሉ እንደሚገኝ የገልፁት የባለስልጣኑ ዋና አማካሪ አቶ አዱኛ ወንድሙ ባለስልጣኑ በደረሰበት ልክ ክትትል እያደረገ ቢሆንም ህብረተሰቡ ስለፌስታል ያለውን ግንዛቤ መቀየር ካልተቀየሩ ምርቱን በቀላሉ ማስቆም እንዳልተቻለ ተናግረዋል።

አምራች ተቋማቱ ከድርጊታቸው እንዲቆጠቡ እና ወደ ሌሎች ተኪ ምርቶች እንዲሰማሩ በማድረግ ያላሻሻሉት ላይ እስከማሸግ የደረሰ እርምጃ መውሰድ እንደተቻለም አያይዙዉ ገልፀዋል።

በበጀት አመቱ ከብክለት ጋር በተያያዘ ከ17ሺ 1መቶ በላይ ተቋማት ላይ ባደረገው ክትትልና ቁጥጥር መደረጉ ተነግሯል።

ህግ ተላልፈው የተገኙ 3ሺ 3መቶ 18 ተቋማት ላይ አስተዳደራዊ እርምጃ ተወስዷልም ተብሏል።

ቁምነገር አየለ

እንኳን ለጾመ ፍልሰታ በሰላም አደረሳችሁ፤አደረሰን🙏

ፍልሰታ የሚለው ቃል የተገኘው ፈለሰ ከሚለው የግዕዝ ቃል የተገኘ ሲሆን በጥሬ ትርጉሙ መለየት፣ ማረግ፣ ወደላይ መውጣት የሚለውን ትርጉም ይይዛል። ኢትዮጵያዊው ሊቅ ቅዱስ ያሬድ “ቅድስት ድንግል ማርያም ከሚያልፈው ዓለም ወደማያልፈው ዓለም፣ ከምድር ሕይወት ወደ ሰማያዊ ሕይወት፣ ተሻገረች” በማለት ፍልሰታ የሚለውን ቃል ትርጓሜ አመሥጥሮ ገልጾታል፡፡ ጾመ ፍልሰታ የእመቤታችን የቅድስት ድንግል ማርያም ሥጋዋ ከሞትና መቃብር መለየትና ማረግን ያመለክታል። ይህ በቅድስት ቤተ ክርስቲያናችን ከተወሰኑት ሰባቱ አጸዋማት ለዓመቱ የመጨረሻው ጾም ነው። እመቤታችን በዚህ ዓለም ለ64 ዓመታት ከኖረች በኋላ ጥር 21 ቀን 49 ዓመተ ምሕረት ዐርፈለች፡፡ ዕረፍቷም እንደሌላው ሰው በሕማምና በድካም አይደለም፡፡ በገነት ዕፀዋት መዓዛ ተመስጣ ቅድስት ነፍሷ ከሥጋዋ ተለይታለች፡፡

ቅዱሳን ሐዋርያት እመቤታችንን በአጎበር አድርገው ሊቀብሯት ወደ ጌቴሴማኒ ይዘዋት ሲሄዱ አይሁድ ለምቀኝነት አያርፉምና፣ ቀድሞ ልጇን ተነሣ ዐረገ እያሉ ሲያውኩን ኖረዋል፤ እርሷን ደግሞ ተነሣች ዐረገች እያሉ ሊያውኩን ነውና ኑ የማርያምን ሥጋ በእሳት እናቃጥለው ብለው ተነሱ፡፡ ከመካከላቸው አንድ ታውፋንያ የሚባል አይሁዳዊ ከሐዋርያት እጅ ለመንጠቅ ዘሎ ሄዶ የአልጋውን ሸንኮር ሲይዝ የታዘዘ መልአክ በረቂቅ ሰይፉ እጆቹን ቆረጠው፡፡ እጆቹም በአልጋው ሸንኮር ላይ ተንጠልጥለው ቀሩ፡፡ የምሕረት እናት የሆነችው ድንግል ማርያም ቅዱስ ጴጥሮስ ጸልዮ እጆቹን እንዲመልስለት ነግራው እንደነበረ አድርጎለታል፡፡ መላእክት የእመቤታችን ሥጋዋን መላእክት ከዮሐንስ ወንጌላዊ ጋር በገነት ከዕፀ ሕይወት ሥር ወስደው አስቀምጠውታል፡፡ በስምንተኛው ወር በነሐሴ ሐዋርያት ቅዱስ ይህን በረከት አይቶ እኛ ሳናይ ቀረን ብለው ከነሐሴ 1 እስከ 14 ሁለት ሱባዔ ይዘው ከጌታችን ተቀብለው በጸሎትና በምህላ ቀበሯት።

ከአሥራ ሁለቱ ሐዋርያት አንዱ ቅዱስ ቶማስ ለሐዋርያዊ አገልግሎት ወጥቶ ነበርና ሲቀብሯት አልተገኘም። እመቤታችን በተቀበረች በሦስተኛው ቀን እንደ ልጇ ከሙታን ተነሥታ ስታርግ ቶማስ ከሀገረ ስብከቱ በደመና ተጭኖ ወደ ኢየሩሳሌም ሲመጣ አገኛት። በዚህን ጊዜ ትንሣኤዋን ሌሎች ሐዋርያት አይተው እርሱ የቀረበት መስሎት “ቀድሞ የልጅሽን ትንሣኤ ሳላይ ቀረሁ አሁን ደግሞ ያንችን ትንሣኤ ሳላይ ቀረሁ” ብሎ ራሱን ከደመና ላይ ሊወረውር ቃጣው። እመቤታችን ከእርሱ በስተቀር ትንሣኤዋን ያየ አለመኖሩን ነግራ ግን ቶማስን አፅናናችው፡፡ ለምስክርነት እንዲሆንም በቀብሯ ጊዜ የነበረውን ሰበኗን ሰጥታው አረገች። ቅዱስ ቶማስም ኢየሩሳሌም ሲደርስ የእመቤታችን ነገር እንዴት ሆነ አላቸው፡፡ እነርሱም አግኝተን ቀበናት አሉት፡፡

እርሱም “ሞት በጥር፤ በነሐሴ መቃብር፤ ለሰሚውም አያምር፤ ይህ እንዴት ይሆናል?” ቢላቸው ቅዱስ ጴጥሮስ “ድሮም አንተ ተጠራጣሪ ነህ፤ ገንዘን የቀበረን እኛ እያለን እንዴት ትጠራጠራለህ” ብሎት ወደ መቃብሯ ሄደው መቃብሯን ቢከፍቱት ባዶ ሆኖ አገኙት፡፡ በዚህ ተደናግጠው ተያዩ፤ በዚህ ጊዜ ቅዱስ ቶማስ “አታምኑኝም ብዬ ነው እንጂ እመቤታችን ተነሣች፤ ዐረገች፤ ይኸው ምልክቱ” ብሎ ገንዘው የቀበሩበትን ሰበን አሳያቸውና ሰበኗን ለበረከት ተካፈሉት፡፡ በዓመቱም ቶማስ ትንሣኤሽን አይቷልና እኛም በረከት አይቅርብን ብለው ከነሐሴ አንድ ጀምረው ሱባዔ ገቡ። ነሐሴ 16 ጌታችን እመቤታችን አምጥቶ ሐዋርያትን ቀድሶ አቁርቧቸዋል። ገዳውያን ይህን የጾም ወቅት ውዳሴዋንና ቅዳሴዋን በመጸለይ ያሳልፉታል፡፡ ገዳማቸውን ስንደግፍ በዓታቸውን ስናጸና የበረከታቸው ተሳታፊ እንሆናለን፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

እንኳን ለጾመ ፍልሰታ በሰላም አደረሳችሁ፤አደረሰን🙏

ፍልሰታ የሚለው ቃል የተገኘው ፈለሰ ከሚለው የግዕዝ ቃል የተገኘ ሲሆን በጥሬ ትርጉሙ መለየት፣ ማረግ፣ ወደላይ መውጣት የሚለውን ትርጉም ይይዛል። ኢትዮጵያዊው ሊቅ ቅዱስ ያሬድ “ቅድስት ድንግል ማርያም ከሚያልፈው ዓለም ወደማያልፈው ዓለም፣ ከምድር ሕይወት ወደ ሰማያዊ ሕይወት፣ ተሻገረች” በማለት ፍልሰታ የሚለውን ቃል ትርጓሜ አመሥጥሮ ገልጾታል፡፡ ጾመ ፍልሰታ የእመቤታችን የቅድስት ድንግል ማርያም ሥጋዋ ከሞትና መቃብር መለየትና ማረግን ያመለክታል። ይህ በቅድስት ቤተ ክርስቲያናችን ከተወሰኑት ሰባቱ አጸዋማት ለዓመቱ የመጨረሻው ጾም ነው። እመቤታችን በዚህ ዓለም ለ64 ዓመታት ከኖረች በኋላ ጥር 21 ቀን 49 ዓመተ ምሕረት ዐርፈለች፡፡ ዕረፍቷም እንደሌላው ሰው በሕማምና በድካም አይደለም፡፡ በገነት ዕፀዋት መዓዛ ተመስጣ ቅድስት ነፍሷ ከሥጋዋ ተለይታለች፡፡

ቅዱሳን ሐዋርያት እመቤታችንን በአጎበር አድርገው ሊቀብሯት ወደ ጌቴሴማኒ ይዘዋት ሲሄዱ አይሁድ ለምቀኝነት አያርፉምና፣ ቀድሞ ልጇን ተነሣ ዐረገ እያሉ ሲያውኩን ኖረዋል፤ እርሷን ደግሞ ተነሣች ዐረገች እያሉ ሊያውኩን ነውና ኑ የማርያምን ሥጋ በእሳት እናቃጥለው ብለው ተነሱ፡፡ ከመካከላቸው አንድ ታውፋንያ የሚባል አይሁዳዊ ከሐዋርያት እጅ ለመንጠቅ ዘሎ ሄዶ የአልጋውን ሸንኮር ሲይዝ የታዘዘ መልአክ በረቂቅ ሰይፉ እጆቹን ቆረጠው፡፡ እጆቹም በአልጋው ሸንኮር ላይ ተንጠልጥለው ቀሩ፡፡ የምሕረት እናት የሆነችው ድንግል ማርያም ቅዱስ ጴጥሮስ ጸልዮ እጆቹን እንዲመልስለት ነግራው እንደነበረ አድርጎለታል፡፡ መላእክት የእመቤታችን ሥጋዋን መላእክት ከዮሐንስ ወንጌላዊ ጋር በገነት ከዕፀ ሕይወት ሥር ወስደው አስቀምጠውታል፡፡ በስምንተኛው ወር በነሐሴ ሐዋርያት ቅዱስ ይህን በረከት አይቶ እኛ ሳናይ ቀረን ብለው ከነሐሴ 1 እስከ 14 ሁለት ሱባዔ ይዘው ከጌታችን ተቀብለው በጸሎትና በምህላ ቀበሯት።

ከአሥራ ሁለቱ ሐዋርያት አንዱ ቅዱስ ቶማስ ለሐዋርያዊ አገልግሎት ወጥቶ ነበርና ሲቀብሯት አልተገኘም። እመቤታችን በተቀበረች በሦስተኛው ቀን እንደ ልጇ ከሙታን ተነሥታ ስታርግ ቶማስ ከሀገረ ስብከቱ በደመና ተጭኖ ወደ ኢየሩሳሌም ሲመጣ አገኛት። በዚህን ጊዜ ትንሣኤዋን ሌሎች ሐዋርያት አይተው እርሱ የቀረበት መስሎት “ቀድሞ የልጅሽን ትንሣኤ ሳላይ ቀረሁ አሁን ደግሞ ያንችን ትንሣኤ ሳላይ ቀረሁ” ብሎ ራሱን ከደመና ላይ ሊወረውር ቃጣው። እመቤታችን ከእርሱ በስተቀር ትንሣኤዋን ያየ አለመኖሩን ነግራ ግን ቶማስን አፅናናችው፡፡ ለምስክርነት እንዲሆንም በቀብሯ ጊዜ የነበረውን ሰበኗን ሰጥታው አረገች። ቅዱስ ቶማስም ኢየሩሳሌም ሲደርስ የእመቤታችን ነገር እንዴት ሆነ አላቸው፡፡ እነርሱም አግኝተን ቀበናት አሉት፡፡

እርሱም “ሞት በጥር፤ በነሐሴ መቃብር፤ ለሰሚውም አያምር፤ ይህ እንዴት ይሆናል?” ቢላቸው ቅዱስ ጴጥሮስ “ድሮም አንተ ተጠራጣሪ ነህ፤ ገንዘን የቀበረን እኛ እያለን እንዴት ትጠራጠራለህ” ብሎት ወደ መቃብሯ ሄደው መቃብሯን ቢከፍቱት ባዶ ሆኖ አገኙት፡፡ በዚህ ተደናግጠው ተያዩ፤ በዚህ ጊዜ ቅዱስ ቶማስ “አታምኑኝም ብዬ ነው እንጂ እመቤታችን ተነሣች፤ ዐረገች፤ ይኸው ምልክቱ” ብሎ ገንዘው የቀበሩበትን ሰበን አሳያቸውና ሰበኗን ለበረከት ተካፈሉት፡፡ በዓመቱም ቶማስ ትንሣኤሽን አይቷልና እኛም በረከት አይቅርብን ብለው ከነሐሴ አንድ ጀምረው ሱባዔ ገቡ። ነሐሴ 16 ጌታችን እመቤታችን አምጥቶ ሐዋርያትን ቀድሶ አቁርቧቸዋል። ገዳውያን ይህን የጾም ወቅት ውዳሴዋንና ቅዳሴዋን በመጸለይ ያሳልፉታል፡፡ ገዳማቸውን ስንደግፍ በዓታቸውን ስናጸና የበረከታቸው ተሳታፊ እንሆናለን፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

(ዘ-ሐበሻ ዜና) የፕሬዝዳንት ዶናልድ ትራምፕ አስተዳደር በህጻናት ክትባት እና በኦቲዝም ዙሪያ አዲስ አስፈጻሚ ትዕዛዝ በቀጣዩ ሳምንት ሊያወጣ እንደሚችል ጉዳዩን በቅርበት የሚያውቁ ምንጮች አጋለጡ። አስርተ ዓመታትን ያስቆጠሩ ሳይንሳዊ ምርምሮች በክትባት እና በኦቲዝም መካከል ምንም ዓይነት ግንኙነት እንደሌለ በተደጋጋሚ ቢያረጋግጡም፣ ፕሬዝዳንቱ በዚህ ጉዳይ ላይ ተጨማሪ እርምጃዎች እንዲወሰዱ ፍላጎት ማሳየታቸው ተገልጿል።

የዋይት ሀውስ ቃል አቀባይ ኩሽ ዴሳይ እንዳሉት፣ "አሜሪካ በዓለም ምርጡን የህጻናት የክትባት መርሐ-ግብር ሊኖራት ይገባል" የሚለው የፕሬዝዳንቱ አቋም ግልጽ ነው። አስተዳደሩም ጥያቄ እና ስጋት ላላቸው በርካታ ወላጆች በሳይንስ ላይ የተመሰረተ ምላሽ ለመስጠት ቁርጠኛ መሆኑን ቃል አቀባዩ አስታውቀዋል። ከዚህ ቀደም ትራምፕ በግንቦት ወር ባወጡት ትዕዛዝ የክትባት መጠኖችን በመቀነስ ከሌሎች ሀገራት ጋር ለማስተካከል የሞከሩ ሲሆን፣ የጤና እና የሰብዓዊ አገልግሎት ጸሐፊው ሮበርት ኤፍ. ኬኔዲ ጁኒየር መደበኛ የክትባት መርሐ-ግብሮችን ለመቀየር ያደረጉት ሙከራ በፍርድ ቤት መታገዱ ይታወሳል።

ባለፈው ሳምንት በካምፕ ዴቪድ በተካሄደ የካቢኔ ስብሰባ ላይ ፕሬዝዳንት ትራምፕ፣ ቀደም ሲል የጸረ-ክትባት ቡድንን ሲመሩ ለነበሩት ሮበርት ኤፍ. ኬኔዲ ጁኒየር ስለ ኦቲዝም መንስኤ ምርምር ሂደት በአደባባይ የጠየቋቸው ሲሆን፣ ኬኔዲም "መልስ ይዘን እንመጣለን" ሲሉ ምላሽ ሰጥተዋል። ይህ አዲስ ትዕዛዝ፣ ከመጪው የአጋማሽ ዘመን ምርጫ በፊት አወዛጋቢ ጉዳዮችን ላለማንሳት የጤና ባለስልጣናት ይዘውት የነበረውን ስትራቴጂ የሚቀለብስ እና ርዕሱን ዳግም ወደ አደባባይ የሚያመጣው እንደሚሆን ተገምቷል።