"በፈርኒቸር ኢንዱስትሪ ምቾትን ከጥራት እና ውበት ጋር እያቀረብን ከ30 ዓመታት በላይ ቆይተናል።"

ፈርኒቸርን ከፍ ባለ ቴክኖሎጂና ዲዛይን፣ በጥራት እና በእውቀት በመስራት በተደጋጋሚ ሽልማቶችን ወስደናል። ‘የኢትዮጵያ ታምርት ኤክስፖ’ የ2018 አሸናፊዎች ነን።

ከቤት እስከ ቢሮ፣ ከካፌ እስከ ሆቴል፣ ከድርጅት እስከ መንግስት ተቋም በፈርኒቸር ስራዎች ሁሉ አለን።

ከ 10 - 25% ከሚደርስ እውነተኛ ቅናሽ ጋር የዳሽን ባንክ ዱቤ አገልግሎትን አክለን ከሁለት አመት ዋስትና ጋር በዊንጌት ፒያሳና ሲኤምሲ ሾውሩሞቻችን እንጠብቆታለን።

የውበት፣ ጥራትና ምቾት ዳር ድንበር
ዮናታን ቢቲ ፈርኒቸር!
📍አድራሻችን
1. ፒያሳ እሪ በከንቱ ቢቲ ታወር (ከኢቲዮ ሴራሚክ ዝቅ ብሎ)
2. ከዊንጌት አደባባይ አለፍ ብሎ ከአቢሲኒያ ባንክ ፊትለፊት
3. ከሲኤምሲ አደባባይ ወደ አያት መንገድ መሪ ሳይደርስ (ዘመን ባንክ አጠገብ)

☎️ ይደውሉልን +251957868686 ፣ +251995272727 ፣ +251993828282

Telegram | Facebook | Instagram | TikTok

#ታላቅቅናሽ

የጀመሩትን መፈፀም፡- የኢትዮጵያ አዲሱ መገለጫ እና የድል ጉዞ

አዲስ አበባ፣ መስከረም 13፣ 2019 (ኤፍ ኤም ሲ) በአንድ ሀገር የእድገት እና የለውጥ ታሪክ ውስጥ ትልቁ ፈተና ሀሳብ ማመንጨት ሳይሆን የተጀመሩ ታላላቅ ፕሮጀክቶችን ዳር ማድረስ ነው።

ኢትዮጵያ ባለፉት ጥቂት ዓመታት ውስጥ በበርካታ መስኮች ያሳየችው በተግባር የተደገፈ ተጋድሎ "የጀመሩትን መፈፀም" የሚለውን እሴት የሀገሪቱ አዲስ መገለጫ እንዲሆን አድርጎታል።

ኢትዮጵያ በእቅድ እና በቁርጠኝነት የጀመረቻቸውን ሜጋ ፕሮጀክቶች በድል በማጠናቀቅ ላይ ትገኛለች።
የኢትዮጵያ ታላቁ ህዳሴ ግድብ ለዚህ ህያው ምስክር ነው።

ግድቡ በርካታ የጂኦፖለቲካዊ እና የኢኮኖሚ ጫናዎችን ተሻግሮ ዛሬ ላይ የውሃ ሙሌቱ ተጠናቆ ሃይል ማመንጨት ጀምሯል።

ፕሮጀክቱ በኢትዮጵያ በራሷ አቅም እና በህዝቦቿ አስተዋፅኦ የተገነባ በመሆኑ የኢትዮጵያውያንን አንድነት እና "የጀመርነውን እንጨርሳለን" የሚለውን የይቻላል ምንፈስ ውጤት ያሳየ ትልቅ የታሪክ ምዕራፍ ሆኗል።

ኢትዮጵያ በመስኖ ስንዴ ልማት ያመጣችው ውጤት ሌላው አስደናቂ ስኬት ነው።

በጥቂት ዓመታት ውስጥ የተካሄደው ውጤታማ ስራ ሀገሪቱን ከስንዴ ተረጅነት ነፃ ማድረግ ብቻ ሳይሆን፣ ለአጎራባች ሀገራት መላክ እንድትጀምር አድርጓታል።

ይህ በበጋ መስኖ የተመዘገበው ድል የኢትዮጵያን የምግብ ዋስትና ለማረጋገጥ የተጀመረው ጉዞ እንዴት ፍሬያማ እንደሆነ ያሳያል።

"ኢትዮጵያ ታምርት እኛም እንሸምት" በሚል መሪ ቃል የተጀመረው ሀገራዊ ንቅናቄም በኢንዱስትሪው ዘርፍ ከፍተኛ መነቃቃትን ፈጥሯል።

ስራ ያቆሙ ፋብሪካዎችን መልሶ በማንቀሳቀስ፣ የሀገር ውስጥ ምርትን በማሳደግ እና ከውጪ የሚገቡ ምርቶችን በሀገር ውስጥ በመተካት ረገድ የተመዘገቡት ውጤቶች የኢኮኖሚውን መዋቅራዊ ሽግግር ያፋጠኑ ናቸው።

በተመሳሳይ መልኩ፣ በአዲስ አበባ እና በልዩ ልዩ የሀገሪቱ ክልሎች የተካሄዱት የኮሪደር ልማት ስራዎች የከተሞችን ገፅታ ከመቀየር ባለፈ ለዜጎች ምቹ የኑሮ ከባቢን ፈጥረዋል።

የእንጦጦ፣ የአንድነት እና የሸገር ፓርኮች ግንባታ በተያዘላቸው ጊዜ እና ጥራት ተጠናቀው ለአገልግሎት መብቃታቸው፣ የፕሮጀክት አመራር ጥበብ እና የፈጣን አፈፃፀም ባህል በኢትዮጵያ መስረፁን ያሳያሉ።

የጀመሩትን መፈፀም የተስፋ ብቻ ሳይሆን የተግባርና የምግባር ጉዳይ በመሆኑ፣ ኢትዮጵያ ዛሬ በቃሏ የምትገኝ ሀገር መሆኗን በተግባር እያረጋገጠች ትገኛለች።

ሀገራችን ዛሬ ላይ የጀመረችውን የማጠናቀቅ፣ እቅዷን ወደ ተግባር የመቀየር እና ፈተናዎችን ወደ እድል የመቀየር አዲስ ምዕራፍ ውስጥ ትገኛለች።

የህዳሴው ግድብ፣ የግብርናው አብዮት፣ የኢንዱስትሪው ንቅናቄ እና የከተሞች ውበት ሁሉም የሚያመለክቱት አንድ እውነት አለ ኢትዮጵያ የጀመረችውን በድል ታጠናቅቃለች ፤ለዜጎችዋ ምቹ ከባቢን ትፈጥራለች፤ ለአፍሪካ ሀገራትም ምሳሌ ሆናለች፣ ትሆናለችም የሚል፡፡

በእመቤት ሲሳይ



u12e8u1300u1218u1229u1275u1295 u1218u1348u1340u121du1361- u12e8u12a2u1275u12eeu1335u12eb u12a0u12f2u1231 u1218u1308u1208u132b u12a5u1293 u12e8u12f5u120d u1309u12de

u12a0u12f2u1235 u12a0u1260u1263u1363 u1218u1235u12a8u1228u121d 13u1363 2019 (u12a4u134d u12a4u121d u1232) u1260u12a0u1295u12f5 u1200u1308u122d u12e8u12a5u12f5u1308u1275 u12a5u1293 u12e8u1208u12cdu1325 u1273u122au12ad u12cdu1235u1325 u1275u120du1241 u1348u1270u1293 u1200u1233u1265 u121bu1218u1295u1328u1275 u1233u12edu1206u1295 u12e8u1270u1300u1218u1229 u1273u120bu120bu1245 u1355u122eu1300u12adu1276u127du1295 u12f3u122d u121bu12f5u1228u1235 u1290u12cdu1362

u12a2u1275u12eeu1335u12eb u1263u1208u1349u1275 u1325u1242u1275 u12d3u1218u1273u1275 u12cdu1235u1325 u1260u1260u122du12abu1273 u1218u1235u12aeu127d u12ebu1233u12e8u127du12cd u1260u1270u130du1263u122d u12e8u1270u12f0u1308u1348 u1270u130bu12f5u120e \

ለተግዳሮቶች የማትበገር ሀገር

አዲስ አበባ፣ መስከረም 11፣ 2019 (ኤፍ ኤም ሲ) ኢትዮጵያ ባለፉት ከስምንት በላይ ዓመታት በርካታ የውስጥና የውጭ ተግዳሮቶችን እየተሻገረች ጠንካራ ኢኮኖሚ እየገነባች ትገኛለች፡፡

የለውጡ መንግሥት ወደ ሥልጣን ከመጣ አንድ ዓመት እንኳን ሳይሞላው ነበር የዓለምን ኢኮኖሚ ሥርዓት ያንገዳገደው የኮሮና ቫይረስ ወረርሽኝ የተከሰተው፡፡

ዓለም በአራቱም አቅጣጫዎች በያለበት ቀጥ አለ፤ በረራዎች፣ የባቡር ጉዞዎች፣ የአቅርቦትና የምርት እንቅስቃሴዎች ተገቱ፤ አልፎ ተርፎም ከቤት መውጣት ጭምር ተከለከለ፡፡

ይህ እንደ ኢትዮጵያ ላለ በኢኮኖሚው ጠንካራ ላልነበረና መሠረታዊ ሸቀጦችን ጭምር ከውጭ ለሚያስገባ ሀገር ከፍተኛ ተግዳሮት ነበር፡፡

በዚህም ሳያበቃ ኢትዮጵያ በሰሜኑ የሀገሪቱ ክፍል የተከፈተባት ጦርነት ከኮሮና ወረርሽኝ ለማገገም ለምትታገለው ሀገር እጅግ የሚያስቆጭ ክስተት ነበር፡፡

በጦርነቱ ከፍተኛ ሰብዓዊና ቁሳዊ ጉዳት ደርሷል፤ ይህ ሁኔታ ባይፈጠር ኖሮ ኢትዮጵያ በብዝሃ ዘርፍ ኢኮኖሚ የተሻለ ዕድገት ልታስመዘግብ ትችል እንደነበር መገመት አያስቸግርም፡፡

ከዚህ ባሻገር በተለያዩ የሀገሪቱ ክፍሎች ለውጭ ታሪካዊ ጠላቶች የመላላክ፤ የሀገርን ሉዓላዊነት አደጋ ላይ የመጣል፤ ልማቷን የማስተጓጎልና ሰላሟን የማወክ ተልዕኮ ያነገቡ ቡድኖች የልማት ጉዞዋን ለማደናቀፍ እየተፍጨረጨሩ ይገኛሉ፡፡

ከላይ ከተጠቀሱትና ከአየር ንብረት ለውጥ ጋር የተያያዙ ተደጋጋሚ የድርቅና ሌሎች ችግሮች ውስጥ ሆናም፤ ኢትዮጵያ በዓለም ላይ በዚህ ወቅት ፈጣን የኢኮኖሚ ዕድገት እያስመዘገቡ ካሉ ሀገራት ዝርዝር በመጀመሪያው ረድፍ ላይ ትገኛለች፡፡

የመደመር መንግሥት ሀገራችንን ተብትበው የያዟትንና እንዳታድግ መሰናክል የሆኑትን ችግሮች በመለየት የወሰዳቸው ተከታታይነት ያላቸው መሠረታዊ የለውጥ ርምጃዎች ለችግር የማይበገር ኢኮኖሚያዊ ዕምርታ እንዲመዘገብ አስችለዋል፡፡

ለአብነትም የሰሜኑን ጦርነት ለማስቆም "ለአፍሪካዊ ችግሮች አፍሪካዊ መፍትሔ" በሚለው መርህ በፕሪቶሪያ የሰላም ስምምነት መፈረም ተችሏል፡፡

በዚህም መንግሥት በጦርነቱ በተጎዱ አካባቢዎች በአጭር ጊዜ ውስጥ መሠረታዊ አገልግሎቶችን እንደገና በማስጀመር የመልሶ ግንባታ ሥራዎችን ከውኗል፡፡

በሁለት ዋና ዋና ምዕራፎች፥ ማለትም
ከ2012 እስከ 2015 ዓ.ም እና በሐምሌ 2016 ዓ.ም ጀምሮ አሁንም በትግበራ ላይ የሚገኘውን ሀገር በቀል የማክሮ-ኢኮኖሚ ሪፎርም ተግባራዊ አድርጓል።

የመጀመሪያው ምዕራፍ በዋናነት የማክሮ ኢኮኖሚ አለመረጋጋትን መቅረፍ፣ መዋቅራዊ ስብራቶችን ማከምና የግሉን ዘርፍ ማነቃቃት ላይ አተኩሮ በርካታ ወሳኝ ውጤቶችን አስመዝግቧል።

ሁለተኛው ምዕራፍ የተሟላ የማክሮ ኢኮኖሚ ማሻሻያ ሪፎርም ሲሆን፤ በኢትዮጵያ ታሪክ ትልቁ የኢኮኖሚ ሪፎርም ርምጃ ነው፡፡

ሪፎርሙ ከተጀመረበት ጊዜ አንስቶ በሀገሪቱ የፋይናንስ፣ የንግድና የፊስካል መዋቅር ላይ ተጨባጭ ለውጦች እየተመዘገቡ ይገኛሉ፡፡

የውጭ ምንዛሪ ገበያውን ማረጋጋትና ትይዩ ገበያውን ማዳከም ተችሏል፤ ታሪካዊ የተባለ ከፍተኛ የወጪ ንግድ ገቢ ተመዝግቧል።

ጥብቅ የሆነ የፊስካልና የገንዘብ ፖሊሲ በመከተል መንግሥት ቀጥተኛ ብድር እንዳይበደር ከማድረግ አንጻር ስኬታማ ሥራ ተሠርቷል፡፡

ከዚህ በተጨማሪ የሀገሪቱን የፋይናንስና ሌሎች ዘርፎች ለውጭ ባለሀብቶች ክፍት ማድረግ እንዲሁም የእዳ ክለሳና ሽግሽግ በማድረግ የኢኮኖሚ ጫናን የማቅለል ሥራ ተሠርቷል፡፡

ኢትዮጵያ ለግብርና፣ ማዕድን፣ ቱሪዝም፣ ኢንዱስትሪና ቴክኖሎጂ ዘርፎች እኩል ትኩረት የሰጠ የኢኮኖሚ መሠረት በመጣል መጠነ ሰፊ ሥራዎችን ሠርታ ከፍተኛ ውጤት አስመዝግባለች፡፡

ከኩታ ገጠም የበጋ ስንዴ ምርት እስከ ገበታ ለሸገር፣ ገበታ ለሀገር እና ገበታ ለትውልድ ልማቶች፤ ከመሶብ የአንድ ማዕከል አገልግሎት እስከ ኢትዮጵያ ታምርት እንዲሁም የኢንዱስትሪ ፓርኮች መስፋፋት፣ የከሰል ድንጋይ፣ ወርቅና የግንባታ ግብዓቶች ምርት ከብዙ በጥቂቱ የሚጠቀሱ ስኬቶች ናቸው፡፡

ኢትዮጵያ ለዘመናት የተሸጋገሩ ልዩነቶችንና የሕዝብ ጥያቄዎችን በሀገራዊ የምክክር መድረክ በጠረጴዛ ዙሪያ በውይይት የመፍታት ታሪካዊ ስኬት አስመዝግባለች፡፡

ሀገሪቱ ውስጣዊ ተግዳሮቶች ሳይበግሯት በልጆቿ ቆራጥ ተሳትፎ ሁለት ምርጫዎችን አካሂዳለች።

ለ8 ዓመታት የአረንጓዴ ዐሻራ መርሐ ግብርን አካሂዳለች፤ ታላቁ የሕዳሴ ግድብን አጠናቅቃ አስመርቃለች፤ ፈጣን ኢኮኖሚያዊና ዲፕሎማሲያዊ ድሎችንም ተቀዳጅታለች፡፡

አሁንም የውስጥ ችግሮችን በሰላም የመፍታቱ ተግባር የሚቀጥል ሲሆን፤ እየተመዘገበ ያለውም ፈጣን ኢኮኖሚያዊ እምርታና ለትውልድ በሚሻገሩ ታላላቅ ፕሮጀክቶችና የልማት ስራዎች የታጀበው ሀገራዊ የብልፅግና ጉዞ ተጠናክሮ ይቀጥላል፡፡

በቴዎድሮስ ሳህለ

ፈተናዎችን ወደ ድል የቀየሩ የዕድገት ምዕራፎች
*************

የኢትዮጵያ የልማት ጉዞ በወረቀት ላይ በሰፈረ ዕቅድ ብቻ ሳይወሰን ወደ መሬት በወረዱ ተጨባጭ ሥራዎች እና የዜጎችን የዕለት ተዕለት ሕይወት በሚቀይሩ ውጤቶች እየተመዘነ ይገኛል።

ባለፉት አምስት ዓመታት በተለያዩ የልማት መስኮች የተከናወኑ ግዙፍ ሥራዎች የዚህ ጽኑ ጥረት ሕያው ምስክሮች ናቸው።

ሀገራችን ከባድ የኢኮኖሚ ጫናዎችን፣ የዓለም አቀፍ ቀውሶችን እና የውስጥ ፈተናዎችን በጽናት ስትጋፈጥ መቆየቷ አይዘነጋም።

ይሁን እንጂ እነዚህ ፈተናዎች የልማት ጉዞውን ከማስቆም ይልቅ የተሻለ የመቋቋም አቅም እንድትገነባ አድርገዋታል።

በዚህም መሠረተ ልማትን ከማስፋፋት ጀምሮ የምግብ ዋስትናን እስከ ማረጋገጥ እና የዲጂታል ኢኮኖሚን እስከ መገንባት የሚደርሱ ዘርፈ ብዙ ስኬቶች ተመዝግበዋል።

የከተማ ኮሪደር ልማት እና አዳዲስ የፍጥነት መንገዶች ግንባታ የከተሞችን ገጽታ በዘመናዊ መንገድ ከመቀየር ባሻገር የንግድ እና የትራንስፖርት ፍሰትን በእጅጉ አሳልጠዋል።

በሌላ በኩል ታላቁ የሕዳሴ ግድብን ጨምሮ የተከናወኑ የኃይል ማመንጫ ፕሮጀክቶች ለኢንዱስትሪ፣ ለግብርና እና ለቴክኖሎጂ ዘርፎች የጀርባ አጥንት የሆነውን የኃይል አቅርቦት በአስተማማኝ ሁኔታ እያሳደጉት ይገኛሉ።

በግብርናው መስክ የተመዘገበው ለውጥ የኢኮኖሚው ዋነኛ ሞተር ሆኗል።

በተለይም ከዝናብ ጥገኝነት በመላቀቅ በበጋ ስንዴ ልማት የተመዘገበው ሀገራዊ ስኬት እንዲሁም በ'ሌማት ትሩፋት' መርሐግብር የተገኙ የሥጋ፣ የወተት እና የማር ምርት ዕድገቶች ግብርናው ከተለምዷዊ አሠራር ወደ ገበያ ተኮር እሴት ፈጠራ መሸጋገሩን ያረጋግጣሉ።

ይህም ምርታማነትን ከማሳደግ አልፎ ኢትዮጵያ በምግብ ራሷን እንድትችል ትልቅ መሠረት ጥሏል።

ይህንን የግብርና ግብዓት ወደ ላቀ ደረጃ ለማሸጋገር ደግሞ 'ኢትዮጵያ ታምርት' በሚል ንቅናቄ የኢንዱስትሪው ዘርፍ እየተነቃቃ ነው።

የሀገር ውስጥ የማምረት አቅምን በማሳደግ የተዘጉ ፋብሪካዎችን መልሶ በማንቀሳቀስ እና አዳዲስ አምራች ኢንዱስትሪዎችን በመሳብ ከጥሬ እቃ ወደ እሴት ፈጠራ የሚደረገው ሽግግር የውጭ ገበያ ተወዳዳሪነትን በእጅጉ አጠናክሯል።

በተመሳሳይ የ'ዲጂታል ኢትዮጵያ 2030' ስትራቴጂ ትግበራ ፈጣን የኢኮኖሚና የአገልግሎት አሰጣጥ አብዮት እየፈጠረ ነው።

እንደ ቴሌ ብር ያሉ የዲጂታል ክፍያ ሥርዓቶች፣ ብሔራዊ መታወቂያ እና የኢ-አገልግሎቶች መስፋፋት የዜጎችን እንግልት ከማስቀረት ባለፈ ለወጣቶች እና ለግሉ ዘርፍ ሰፊ የፈጠራ ሥራ ዕድሎችን ከፍተዋል።

እነዚህ ስኬቶች በየዘርፉ የተነጣጠሉ ሳይሆኑ ምርትን፣ ገበያን፣ መሠረተ ልማትን እና ቴክኖሎጂን በአንድ ላይ በማስተሳሰር ጠንካራ ማክሮ ኢኮኖሚ ለመገንባት የተደረጉ የተቀናጁ ጥረቶች ናቸው።

የአምስት ዓመቱ ጉዞ ከተገኙት ድሎች ይልቅ በቀጣይ ለሚሠሩ ታላላቅ ሀገራዊ ፕሮጀክቶች አቅም የፈጠረ ምዕራፍ ሆኖ አልፏል።

ያለፉትን ስኬቶች ይበልጥ ማጠናከር፣ የታዩ ክፍተቶችን በውጤታማ አሠራር መሙላት እና አዳዲስ ዕድሎችን ወደ ላቀ ሀብትነት መቀየር የቀጣዩ የልማት ጉዟችን ማዕከላዊ ትኩረት ይሆናል።

በኢንቲሃድ አብራር
#ethiopia #ebc #gerd #economicgrowth #infrastructure #agriculture #digitalethiopia

ኢትዮጵያውያን ዛሬ ለትውልድ የሚተርፉ አስደናቂ ታሪኮችን እየሰራን ነው። አረንጓዴ ኢኮኖሚን በአረንጓዴ ዐሻራ፤ ቱሪዝምን በገበታ ፕሮጀክቶች፤ የምግብ ሉዓላዊነትን በበጋ ስንዴና በሌማት ትሩፋት፤ የማኑፋክቸሪንግ ኢንዱስትሪን በኢትዮጵያ ታምርት እየገነባን እና እያጸናን ነው - ጠቅላይ ሚኒስትር ዐቢይ አሕመድ (ዶ/ር)

የኢትዮጵያ ሁለንተናዊ ሉዓላዊነት እና የትውልድ ተሻጋሪ ብልጽግና መንገድ፡ የአዲሱ ዓመት አቅጣጫ
*****************

ጠቅላይ ሚኒስትር ዐቢይ አሕመድ (ዶ/ር) አዲሱ ዓመት ሁለንተናዊ ሉዓላዊነታችን ይበልጥ የሚከበርበት፣ ኅብረ ብሔራዊ አንድነታችን ይበልጥ የሚጸናበት፣ በሁሉም ዘርፎች የጀመርነው ምርታማነት በዓይነትና በጥራት የሚጨምርበት፣ ሀገራችንም የቀጣናው እና የአፍሪካ መሪነቷን ሥር መሠረት የምታስይዝበት እንዲሁም የኢትዮጵያ ብልጽግና ትውልድ ተሻጋሪ እንዲሆን ተደርጎ የሚገነባበት ዓመት እንደሚሆን አመላክተዋል።

ጠቅላይ ሚኒስትሩ ለአዲሱ ዓመት ያስተላለፉት ይህ መልዕክት፣ የነባር ስኬቶችን ቀጣይነት የሚያረጋግጥና የሀገራችን መፃኢ እድል ግልጽ በሆነ ስትራቴጂካዊ እይታ የሚያመላክት እንዲሁም የሀገራችንን ዘመናዊ የልማትና የፖሊሲ አቅጣጫዎች በግልጽ የሚያንጸባርቁ ናቸው።

ሀገራዊ ሉዓላዊነት ከባህላዊው የድንበር ጥበቃ አስተሳሰብ ተሻግሮ የምግብ፣ የዲጂታል፣ የኢኮኖሚ እና የቴክኖሎጂ ሉዓላዊነትን የሚያካትት እንደሆነ ተስፋ ተጥሎበታል።

በምግብ ራስን የመቻል ጥረት፣ በዲጂታል ትራንስፎርሜሽን እና በቴክኖሎጂ እድገት የሚመዘገቡ ስኬቶች ሀገራችን በውጫዊ ጫናዎች ሳትበገር በራሷ እግር እንድትቆም የሚያስችሉ የሁለንተናዊ ሉዓላዊነት መሠረቶች ናቸው።

የኢትዮጵያ ዘላቂ ሰላምና ልማት መሠረት የኅብረ ብሔራዊ አንድነቷ ጥንካሬ ነው። አዲሱ ዓመት የሕዝቦችን አብሮነት በሚያጠናክሩ፣ በውይይትና በምክክር ሂደቶች እንዲሁም የጋራ እሴቶችን በሚያጎሉ ተግባራት የታጀበ እንደሚሆን ይጠበቃል። ልዩነቶችን በውይይት በመፍታትና የጋራ ማንነትን በመገንባት ሂደት ሀገራዊ አንድነት ይበልጥ እንደሚጸና ያመላክታል።

ባለፉት ዓመታት በግብርና እንደ “ሌማት ትሩፋት” ያሉ ፕሮግራሞች፣ በኢንዱስትሪ “ኢትዮጵያ ታምርት” ንቅናቄ እና በአገልግሎት ዘርፎች የተጀመሩት ሥራዎች አሁን ወደ አዲስ ደረጃ የሚሸጋገሩበት ምዕራፍ ላይ ይገኛሉ። ትኩረቱም ከምርት መጠን መጨመር ባሻገር የምርቶችን ዓይነት ማስፋፋትና የጥራት ደረጃቸውን በማሳደግ በሀገር ውስጥና በውጭ ገበያ ተወዳዳሪ ማድረግ ላይ ይሆናል።

ኢትዮጵያ በምስራቅ አፍሪካና በመላው አህጉሪቱ የምትጫወተው ዲፕሎማሲያዊ፣ ኢኮኖሚያዊና መሰረተ-ልማታዊ ሚና ይበልጥ የሚጎላበት ዓመት ይሆናል። የኃይል አቅርቦት ትስስር፣ የቀጣናዊ የንግድ ማቀላጠፍ፣ የአቪዬሽንና የሎጂስቲክስ ኤክስፓንሽን እንዲሁም የአካባቢ ጥበቃ እንቅስቃሴዎች ሀገራችን በቀጣናውና በአፍሪካ ያላትን መሪነት በጽኑ መሠረት ላይ የሚያስቀምጡ ናቸው።

ልማት ለዛሬው ትውልድ ፍላጎት ብቻ ሳይሆን፣ ለነገው ትውልድ የተሻለች ሀገር የሚያስረክብ መሆን አለበት። እንደ ኮሪደር ልማት ያሉ የከተሞች ዘመናዊነት፣ የሜጋ ፕሮጀክቶች ግንባታ፣ የአካባቢ ጥበቃ እና በሰው ሀብት ልማት እንደ የኮዲንግና ዲጂታል ክህሎት ስልጠናዎች ላይ የሚደረጉ ኢንቨስትመንቶች ሁሉ ትውልድ ተሻጋሪ የሆነ ጠንካራ የብልጽግና መሠረት የሚጥሉ ናቸው።

በመሆኑም የጠቅላይ ሚኒስትሩ መልዕክት ግልጽ የሆነ ሀገራዊ ራዕይን የሚያስቀምጥ ሲሆን፣ የተጣሉትን ግቦች ለማሳካት የሁሉም ዜጋ የተቀናጀ ጥረት፣ የሥራ ባህል ማደግና ለጋራ ዓላማ መቆም ወሳኝ ሚና ይጫወታሉ።

በአድማሱ አራጋው
#ethiopia #ebc #pmabiyahmed #sovereignty #ethiopianprosperity

አዲስ ዓመት፤ አዲስ ተስፋና የተግባር ዘመን
************

(የዕለቱ መልዕክት)

ዘመን ፈጣሪ ለሰው ልጆች የሰጠውና የራሳችንን ታሪክ እንድንጽፍበት የተቸረን ባዶ ማስታወሻ ነው። በዚህ ማስታወሻ ላይ የዕድገትን፣ የሥልጣኔንና የፈጠራን ብሩህ ገጾች መጻፍ እንደሚቻለው ሁሉ፤ የጥፋትን፣ የጦርነትንና የኋላቀርነትን ታሪክም ማሰፈር ይቻላል።

እኛ ኢትዮጵያውያን በረጅም ታሪካችን በዘመን መጽሐፋችን ላይ ዓለምን ያስደነቁ የሥነ-ሕንፃ፣ የንግድ፣ የጥበብና የነፃነት ታሪኮችን ጽፈናል።

በሌላ በኩል ደግሞ የእርስ በርስ ግጭት፣ የረሃብ፣ የመለያየትና የውድቀት መራራ ገጾችንም አኑረናል። ይሁን እንጂ ከትናንት ስሕተታችን ተምረን ዛሬን በብሩህ ተስፋ ለመቅረጽ የቆረጥንበት ወሳኝ ምዕራፍ ላይ እንገኛለን።

የተሰናበትነው 2018 ዓ.ም የዚህ አዲስ ንቅናቄ ማሳያ ሲሆን የተቀበልነው አዲሱ የ2019 ዓ.ም ደግሞ የጀመርናቸውን ዐበይት ሀገራዊ ራእዮች ይበልጥ አጽንተን የምናሰፋበት የብልጽግና ዘመን እንደሚሆን ጠቅላይ ሚኒስትር ዐቢይ አሕመድ( ዶ/ር) ለ2019 ዓ.ም አዲስ ዓመት ባስተላለፉት መልዕክት ያለቸዉን እምነት ገልጸዋል።

ባለፉት ጥቂት ዓመታት ኢትዮጵያን ወደ አዲስ ከፍታ የሚያሸጋግሩ በርካታ ታላላቅ ተግባራት እውን ማድረግ ተችሏል። በአረንጓዴ አሻራን የተፈጥሮ ሚዛንን ከመጠበቅ ጀምሮ በቱሪዝም የገበታ ፕሮጀክቶች፣ በበጋ ስንዴና በሌማት ትሩፋት የምግብ ሉዓላዊነትን ለማረጋገጥ እየተሠራ ነው። በተጨማሪም 'ኢትዮጵያ ታምርት' በሚል ንቅናቄ የማኑፋክቸሪንግ ዘርፉ እየተነቃቃ ይገኛል።

የሕዳሴው ግድብ ለፍጻሜ ማብቃቱ፣ የኮሪደር ልማቱ የከተሞቻችንን ውበትና ጤናማነት መቀየሩ እንዲሁም ሰፊው የማክሮ ኢኮኖሚ ማሻሻያና የዲጂታል 2030 ስኬቶቻችን፤ አዲሱ ዓመት ይበልጥ ፍሬያማ እንደሚሆን የሚያበስሩ ማሳያዎች ናቸው።

ከሁሉ በላይ ግን ይህንን አዲስ ዓመት ልዩ የሚያደርገው የዘመናት የፖለቲካ ስብራታችንን ለመጠገን የሚያስችለውን ታሪካዊ ሀገራዊ ምክክር በስኬት ማጠናቀቃችን ነው።

ይህ የምክክር መድረክ "ኢትዮጵያውያን ሊግባቡ አይችሉም፤ ሐሳብ ለሐሳብ መሸማገል አይችሉም" የሚለውን ሟርት ያከሸፈ ነው። ከልሂቃን የሥልጣን ክፍፍልና "እኛ እናውቅልሃለን" ባይነት ወጥተን፤ ሕዝብ ራሱ ለችግሮቹ መፍትሔ የሚያመነጭበትን አዲስ የዴሞክራሲ ባህል ተፈጥሯል።

በምክክሩ የተደረሰባቸው ስምምነቶች የነገይቱን ኢትዮጵያ ጽኑ መሠረት የጣሉ ሲሆን የዚህ ሀገራዊ መግባባት የመጀመሪያ ፍሬም በአዲስ ዓመት ዋዜማ በመቶዎች የሚቆጠሩ ታራሚዎች በይቅርታ እንዲፈቱ መደረጉ ነው።

ይህ እርምጃ መንግሥት ለሰላምና ለዕርቅ ያለውን ቁርጠኝነት የሚያሳይ ከመሆኑም በላይ የጉልበትና የመሣሪያ ፖለቲካ አብቅቶ የብዕር፣ የሐሳብና የውይይት ዘመን መጀመሩን ያረጋግጣል። ከዚህ በኋላ በኢትዮጵያ የዘመን መጽሐፍ ላይ አሮጌው የጦርነትና የመጠላለፍ ታሪክ ዳግም ሊጻፍ አይገባም።

በመሆኑም አዲሱ የ2019 ዓ.ም የዴሞክራሲ ባህላችን የበለጠ የሚጎለብትበት፤ ኢትዮጵያ የባሕር በር ለማግኘት የጀመረችሁ ጥረት ፍሬ የሚያፈራበትና በማክሮ ኢኮኖሚ ማሻሻያው የተሻለ ውጤት የምታስመዘግብበት የዕመርታ ዘመን ይሆናል። ይህ ታላቅ ራእይ እውን ሊሆን የሚችለው ግን የፖለቲካ ፓርቲዎች፣ የሃይማኖት አባቶች፣ አምራቹ ዘርፍ፣ ሲቪል ሰርቪሱ፣ ወጣቶች፣ ሴቶች እንዲሁም መላው ሕዝብ በብሔራዊ ጥቅማችን ዙሪያ በአንድነት ሲቆሙ ብቻ ነው።

ልዩነቶቻችንን በውይይት እየፈታን፣ አንድነታችንን እያጸናን፣ አዲሱን ዓመት በኢትዮጵያ ታሪክ አዲስ ሥልጣኔ የምንጽፍበት የሰላምና የብልጽግና ዘመን እናድርገው!

የኢቢሲ ዶትስትሪም ኤዲቶሪያል

በማንሠራራት ወደ ብልፅግና!
**************

ኢትዮጵያ በፈተናዎች ውስጥ አልፋ የማንሠራራትና የትንሣኤ ጉዞዋን በማፋጠን ላይ ትገኛለች።

ባለፉት ዓመታት የተመዘገቡት ዐበይት ሀገራዊ ስኬቶች የነገዋን የበለፀገች ኢትዮጵያ በጽኑ መሠረት ላይ እየገነባን ለመሆናችን ተጨባጭ ማሳያ ናቸው።

የሀገር ውስጥ የስንዴ ፍጆታን መሸፈን ብቻ ሳይሆን ለውጭ ገበያ ማቅረብ እንደሚቻል የታየበት የመስኖ ስንዴ ልማት አብዮት የኢትዮጵያ የግብርና ዘርፍ ወደ ሜካናይዜሽን የተሸጋገረበት ታሪካዊ ምዕራፍ ነው።

የኢትዮጵያውያን የጋራ ሕልምና ጽናት ውጤት የሆነው እና ኃይል ማመንጨት ጀምሮ ለኢንዱስትሪና ለቀጣናዊ ትስስር መንገድ የከፈተው ታላቁ የሕዳሴ ግድብ ለሀገራችን ኢኮኖሚያዊ ሉዓላዊነት ባለው ትልቅ ፋይዳ “ዳግማዊ ዓድዋ” ለመሰኘት በቅቷል።

በቢሊዮን የሚቆጠሩ ችግኞችን በመትከል የተፈጥሮ ሚዛንን የመጠበቅ፣ የአፈር መሸርሸርን የመከላከል እና የደን ሽፋንን የማሳደግ ዓለም አቀፍ አርዓያነት ያለው የኢትዮጵያ አረንጓዴ ዐሻራ ንቅናቄ ሀገራችንን ወደ አዲስ የኢኮኖሚ እና የዲፕሎማሲ ምዕራፍ እያሸጋገራት ነው።

አዲስ አበባን ጨምሮ በርካታ ከተሞችን ለነዋሪዎቻቸው ምቹ እና ለቱሪስቶች ሳቢ በማድረግ መልሰን የገነባንበት የኮሪደር ልማት እና ውበት ኢኒሼቲቭ ታላቅ ማኅበራዊ እና ኢኮኖሚያዊ ትርጉም ያለው የከተሞች ትራንስፎርሜሽን ሥራ ነው።

የሀገራችንን የፋይናንስ፣ የንግድ እና የኢንቨስትመንት ምህዳር በማዘመን ዘላቂ የኢኮኖሚ ዕድገት ለማረጋገጥ ወደ ሥራ የገባው ሀገር በቀል የኢኮኖሚ ማሻሻያም የኢትዮጵያ ማንሠራራት የተፋጠነበት ደፋር እና ውጤታማ እርምጃ ነው።

በ"ኢትዮጵያ ታምርት" ንቅናቄ እና በሌሎች ወሳኝ የፖሊሲ እርምጃዎች በመታገዝ የሀገር ውስጥ አምራች ኢንዱስትሪዎች አቅም እንዲያንሠራራና ተወዳዳሪ እንዲሆን የተደረገው ጥረት ለሀገራዊ ምርት ዕድገትና ለሥራ ፈጠራ ትልቅ መሠረት ጥሏል።

የጉባ ብስራቶችን ጨምሮ በአሁኑ ወቅት በተለያዩ የሀገራችን ክፍሎች እየተከናወኑ ያሉ ሜጋ የልማት ውጥኖቻችን በግልፅ የሚያሳዩት፣ አንድነታችንን አጠናክረን ከተጋን የተፋጠነው የማንሠራራት ጉዟችን በአጭር ጊዜ ወደ ሁለንተናዊ ብልፅግና እንደሚያደርሰን ነው።
#ethiopia #greenlegacy #gerd #homegrowneconomicreform #madeinethiopia #revival #prosperity #ebc

ኢትዮጵያ ታምርት፤ የማኑፋክቸሪንግ ዘርፉን ወደ አዲስ ትንሳኤ ያሸጋገረ ንቅናቄ

አዲስ አበባ፣ ጳጉሜን 1፣ 2018 (ኤፍ ኤም ሲ) የኢትዮጵያ ማኑፋክቸሪንግ ዘርፍ ከቅርብ ዓመታት ወዲህ አዲስ ትንሳኤ እያሳየ ይገኛል።

ዘርፉ የምርት አቅምን በማሳደግና ከውጪ የሚገቡ ምርቶችን በሀገር ውስጥ በመተካት ወደ አዲስ የልማት ምዕራፍ እየተሸጋገረ ነው።

ይህን ለማፋጠን በመደመር መንግሥት ከተነደፉ ተግባራት መካከል አንዱ “ኢትዮጵያ ታምርት” ሀገር አቀፍ ንቅናቄ ሲሆን÷ የሀገሪቱን የሰው ኃይልና የተፈጥሮ ሀብት ከምርታማነትና ከቴክኖሎጂ ጋር በማቀናጀት የአምራች ዘርፉን ሚና ለማጠናከር ያተኮረ ነው።

ኢትዮጵያ በርካታ የሰው ሀብትና የተፈጥሮ ሀብት ቢኖራትም ለረጅም ዓመታት በርካታ ምርቶችን ከውጭ በማስገባት ጥገኛ ሆና ቆይታለች።

ይህን ጥገኝነት ለመቀነስ በሀገር ውስጥ ሊመረቱ የሚችሉ ምርቶችን በመለየት፣ የአምራቾችን አቅም በማሳደግና የምርት ጥራትን በማሻሻል የተኪ ምርት ሥራ ትኩረት ተሰጥቶታል።

በዚህም ቀደም ሲል በአብዛኛው ከውጭ ይገቡ የነበሩ አንዳንድ ምርቶች በሀገር ውስጥ በማምረት ላይ ሲሆኑ÷ ይህም የውጭ ምንዛሪ ወጪን ለመቀነስና የሀገር ውስጥ ምርትን ለማሳደግ ያግዛል።

የማምረት አቅምን ማሳደግ በፋብሪካዎች ብቻ የሚወሰን ሳይሆን ከግብርና፣ ከእንስሳት ሀብትና ከሌሎች የምርት ዘርፎች ጋር ተያይዞ የሚታይ ነው።

በበጋ መስኖ የሚመረተው ስንዴ፣ በ“ሌማት ትሩፋት” የተሰሩ የምግብና የምግብ ግብዓት ምርቶች፣ እንዲሁም ከእንስሳት ሀብት የሚገኙ ጥሬ ዕቃዎች የሀገር ውስጥ ማምረትን ለማስፋፋት የሚያግዙ የምርት ሰንሰለቶች ናቸው።

ይህም ጥሬ ዕቃን በውጭ ከመሸጥ ይልቅ በሀገር ውስጥ በማቀነባበር ተጨማሪ እሴት የመፍጠር እድልን ያሰፋል።

“ኢትዮጵያ ታምርት” ንቅናቄ የሀገር ውስጥ አምራቾች ምርቶቻቸውን ለማስተዋወቅና ከገበያ ጋር ለማገናኘት የኤግዚቢሽንና የማስተዋወቂያ መድረኮችን በመፍጠር የግሉ ዘርፍን ተሳትፎ ለማጠናከር ሚናውን እየተጫወተ ነው።

በተጨማሪም ወደ ምርት ያልገቡ ወይም በአቅም ማነስ ምክንያት ምርታቸውን ያቋረጡ ፋብሪካዎች ያሉባቸውን ችግሮች በመለየት የቴክኒክ፣ የፋይናንስ፣ የግብዓትና የገበያ ድጋፍ እንዲያገኙ የሚደረጉ ጥረቶች የአምራች ዘርፉን አቅም ለማነቃቃት ያግዛሉ።

የአምራች ኢንዱስትሪው ዋና ግብ የውጭ ምርቶችን በመተካት ብቻ ሳይወሰን፣ በጥራትና በዋጋ ተወዳዳሪ ሆኖ የውጭ ገበያን መቀላቀል ነው።

ለዚህም የኢንዱስትሪዎችን የማምረት አቅም ሙሉ በሙሉ መጠቀም፣ የምርት ጥራትን ማሻሻል፣ የቴክኖሎጂ አጠቃቀምን ማሳደግና የምርት ወጪን መቀነስ ወሳኝ ይሆናል።

በዚህ ሒደት ማኑፋክቸሪንግ፣ ምግብ ማቀነባበር፣ ኬሚካል ምርትና የግንባታ ዕቃዎች ምርት የሀገር ውስጥ ፍላጎትን ከመሙላት ባለፈ ለወጪ ንግድ የሚያበረክቱ ዘርፎች ሊሆኑ ይችላሉ።

የአምራች ዘርፉ እድገት የምርት መጠንን ከማሳደግ ባለፈ የሥራ ዕድል ለመፍጠር፣ የወጣቶችን ተሳትፎ ለማስፋትና የሙያ ክህሎትን ለማሳደግ የሚያስችል ዘርፍ ነው።

በተለይም ከሀገር ውስጥ ጥሬ ዕቃ ጋር የተሳሰሩ ኢንዱስትሪዎች ሲስፋፉ ከእርሻ እስከ ፋብሪካ፣ ከማቀነባበር እስከ ማከፋፈልና ገበያ ድረስ ባለው የምርት ሰንሰለት ተጨማሪ የሥራ ዕድሎች ይፈጠራሉ።

በአጠቃላይ “ኢትዮጵያ ታምርት” ንቅናቄና የተኪ ምርት አቅጣጫ የሚያተኩሩት የሀገር ውስጥ የማምረት አቅምን በማጠናከር ኢኮኖሚውን ከጥገኝነት ወደ ምርታማነት ለማሸጋገር ነው።

የተኪ ምርት ሥራ በተሳካ ሁኔታ ከተጠናከረ፣ የውጭ ምንዛሪ ወጪን መቀነስ፣ የሀገር ውስጥ ምርትን ማሳደግ፣ የሥራ ዕድልን ማስፋትና የኢንዱስትሪ መሠረቱን ማጠናከር ይቻላል።

በመሆኑም የኢትዮጵያ የማኑፋክቸሪንግ ትንሳኤ የፋብሪካዎች ብዛትን ከማሳደግ በላይ፣ የሀገሪቱን ሀብት ወደ ምርት፣ ምርትን ወደ ገበያ፣ ገበያን ወደ ዕድገት በመቀየር ዘላቂ የኢኮኖሚ መሠረት የመገንባት ጉዞ ነው።

በትዕግስት ግዛቸው

ዘመንን በሥራ መዋጀት፦ ኢትዮጵያ በአዲስ ዓመት የሰነቀችው ተስፋ
***************

ፈጣሪ ለሰው ልጅ ከሰጣቸው ስጦታዎች ሁሉ እጅግ ውዱ እና ለሁሉም እኩል የተቸረው ጸጋ ጊዜ ነው።

ዘመን ለአዲስ ዕድል እና ለላቀ ከፍታ ትልቅ በር ቢሆንም፤ በሀገር እና በትውልድ ሕይወት ውስጥ የሚፈጠር እውነተኛ ልዩነት ግን በጊዜው ማለፍ ብቻ ሳይሆን፣ በዚያ ዘመን ውስጥ በሚከናወን የሥራ ውጤት እና የላብ ፍሬ የሚወሰን ነው።

ጠቅላይ ሚኒስትር ዐቢይ አሕመድ (ዶ/ር)፣ "ዘመን ዕድል ነው፤ ዘመንን መጠቀም ግን የሥራ ውጤት ነው፤ ዘመንን ፈጣሪ ለሁላችንም በእኩልነት ሰጥቶናል፤ ልዩነት የሚፈጠረው ግን በዘመን በመሥራት እና ባለመሥራት ነው" ሲሉ የገለጹት ጥልቅ ሀሳብ ይህን እውነት የሚያረጋገጥ ነው።

ዛሬ ኢትዮጵያ ይህን ሕያው እውነት መሬት አስረግጣ በተግባር እያሳየች ትገኛለች። የተሰጣትን ዘመን በከንቱ ሳታሳልፍ፣ የዜጎቿን ዕውቀት እና ጉልበት አስተባብራ ወደ ታላቅ የልማት እና የማንሠራራት ምዕራፍ ተሸጋግራለች።

ሀገራችን ዘመንን በፍሬ የማስጌጥ ጥበቧን በየስፍራው በሚታዩ የልማት ሥራዎቿ እያረጋገጠች ነው።

በትናንት ስብራቶች ሳንበገር በየማሳዎቻችን ላይ በስንዴ እና በቡና ምርት የፈጠርነው አብዮት፣ በ"ኢትዮጵያ ታምርት" ንቅናቄ አዲስ ሕይወት በዘሩት አምራች ፋብሪካዎቻችን እንዲሁም በ"መሶብ" እና መሰል ዘመናዊ ዲጂታል አውታሮች የተዘረጋው ቀልጣፋ አሠራር የዚሁ ሥራ ባህል ፍሬዎች ናቸው።

ይህ በልፋት ያገኘነው የልማት ስኬት እና እየተገነባ ያለው ግዙፍ የማምረት አቅም ግን ያለ ገደብ ወደ ዓለም ገበያ መውጣት ይኖርበታል። የኢትዮጵያ የባሕር በር ጥያቄ ከአዲስ ዓመት ተስፋችን ጋር በቀጥታ የሚገናኘውም እዚህ ላይ ነው።

በግብርናውም ሆነ በኢንዱስትሪው ዘርፍ የተመረተው ምርት የላቀ ትርፍ የሚያስገኘው፣ የራሳችን የሆነ አስተማማኝ የባሕር በር እና የሎጅስቲክስ መውጫ ሲኖረን ነው።

ስለዚህም ኢትዮጵያ በአዲሱ ዓመት ከምትሰንቃቸው ታላላቅ ተስፋዎች መካከል የኢኮኖሚ ዕድገቷን የሚያፋጥነውን እና ብልጽግናዋን የሚያረጋግጠውን የባሕር በር ባለቤትነት ዕውን ማድረግ አንዱና ዋነኛው ነው።

ዘመንን የመጠቀም ትልቁ ምስጢር በዛሬው አዲስ ትውልድ ላይ ይንጸባረቃል። አካባቢያዊ ማንነቱን ከሀገራዊ ታላቅነቱ ጋር አዋህዶ ያስማማ፣ ጋራ እና ሸንተረሩን በደንና በምርት ለመሸፈን ሌት ተቀን በቁርጠኝነት የሚተጋ አዲስ አርበኛ ትውልድ ተፈጥሯል።

በየዘርፉ የተቀመጡ ሀገራዊ ዕቅዶቻችንን በጥራት እና በጊዜ በማጠናቀቅ፣ ዘመናት የወለዷቸውን ስብራቶች በምክክርና በሽግግር ፍትሕ በማከም እንዲሁም ውስብስብ ግጭቶችን በውይይት በመፍታት ረገድ ያስመዘገብናቸው ስኬቶች የዚሁ ዘመኑን የተገነዘበ ትውልድ ውጤቶች ናቸው።

አሁን አዲስ ዘመንን ልንቀበል ጥቂት ቀናት ብቻ ቀርተውናል። ይህ የሚተካው ዘመን አዲስ ዕድል እና አዲስ ተስፋን ይዞ የሚመጣ ሲሆን፣ ያን ዕድል ተጠቅመን በኢኮኖሚ ራሷን የቻለች እና የባሕር በር ራዕይዋን ያሳካች የበለፀገች ኢትዮጵያን የመገንባት ኃላፊነት በሁላችንም ትከሻ ላይ ወድቋል።

በአዲሱ ዓመት የገጠሙንን ፈተናዎች ተሻግረን፣ ዘመኑን በሥራ በመቀየር የኢትዮጵያን የከፍታ ጉዞ በጋራ እናፋጥናለን።

በሔዋን ጌታቸው
#ethiopia #ethiopiannewyear #ethiopiarising #ethiopiatamrit #economicgrowth #ebc

ላብና ደም ያጸናው መሰረት አዲሱ የኢትዮጵያ የዘመን ገጽ በገዛ እጃችን ሲጻፍ
****************
(የዕለቱ መልዕክት)

የኢትዮጵያ መንሰራራት ታሪክን ወደ ኋላ መለስ ብሎ ከማውሳት አልፎ ዛሬ ላይ በተግባር እየኖርነው ያለ ተጨባጭ እውነት ሆኗል።

ከገጠሙን ፈተናዎችና ከተጓዝንበት የውጣ ውረድ መንገድ አንጻር ሲታይ ሀገራችን ዳግም የማትነሳ መስሎ የታያቸው ብዙዎች ነበሩ።

ነገር ግን ኢትዮጵያ እንደ ልማዷ ፈተናን ወደ ድል፣ ውድቀትን ወደ መነሳት በመቀየር ደማቅ የማንሰራራት ምዕራፍ ውስጥ ገብታለች።

ይህ መንሰራራት በቃላት ብቻ የሚነገር ሳይሆን በማሳዎቻችን ላይ በስንዴና በቡና ምርት፣ በፋብሪካዎቻችን ውስጥ በኢትዮጵያ ታምርት ንቅናቄ እንዲሁም በመሶብና መሰል ዘመናዊ የዲጂታል ቴክኖሎጂ አውታሮች እውን እየሆነ ያለ ሀቅ ነው።

ቀጣዩና ብሩህ ተስፋችን የተገነባው ዛሬ ላይ በጣልነው ጠንካራ መሰረት ላይ ነው። በከተሞቻችን ቀድሞ የቆሻሻ መጣያና የብልሽት መገለጫ የነበሩ ስፍራዎች፣ ዛሬ ላይ በኮርደር ልማትና በአረንጓዴ አሻራ ደምቀው ትውልድ የሚታነጽበትና ማህበራዊ ትስስር የሚጠናከርበት መሆኑ፤ ሀገርን የመለወጥ ተስፋችን በምን ያህል ፍጥነት እውን እየሆነ እንደሆነ ትልቅ ማሳያ ነው።

ይሁንና ይህ የማንሰራራት ጉዞ ዘላቂ የሚሆነው ሁላችንም አሮጌውንና የማይጠቅመውን አስተሳሰብ አውልቀን ጥለን፣ አዲሱን የለውጥና የስራ ባህል ስንላበስ ነው።

ከእንግዲህ እርስ በእርስ ከመጠላለፍና ጣት ከመቀሳሰር ይልቅ በጋራ ለመቆም፣ ከጥላቻ ይልቅ ፍቅርን ለማንገስ እንዲሁም የሕግ የበላይነትን የበለጠ ለማስፈን መቁረጥ ይኖርብናል።

ትላንት በጨለማ ውስጥ አልፈን ሊሆን ይችላል፤ ዛሬ ግን የንጋት ጮራ ፈንጥቋል። አዲሱ የዘመን መጽሐፍ በፊታችን እየተገለጠ ነው፤ በዚህ ባዶ ገጽ ላይ የራሳችንን የብልጽግና ዕጣ ፈንታ ከላብና ከደማችን በተቀዳ ቀለም የምንጽፈው እኛው ራሳችን ነን።

ኢትዮጵያ በልጆቿ ተስፋዋን በጽኑ ሰንቃለች። በሀገር ፍቅር የነደደ፣ አካባቢያዊ ማንነቱን ከሀገራዊ ማንነቱ ጋር ያስማማ፣ ጋራ ሸንተረሩን በደንና በምርት ለመሸፈን የሚተጋ አዲስ ትውልድ እየተፈጠረ ነው።

በመሆኑም ፈተናችን ከኋላችን ቀርቷል፤ ተስፋችን ደግሞ ከፊታችን ደምቆ ይታያል። የጀመርነው የማንሰራራት ጉዞ ዳር ደርሶ፣ ኢትዮጵያችን ወደሚመጥናት የከፍታ ማማ እንደምትወጣ የማይናወጥ እምነት አለን።

ይህ ብሩህ ተስፋችን በተሟላ ሁኔታ እውን የሚሆነው፣ ሁላችንም እጅ ለእጅ ተያይዘን ለጋራ ራዕያችን ስንተጋ ብቻ ነው፡፡

የኢቢሲ ዶትስትሪም ኤዲቶሪያል

ኢትዮጵያ የቀጣናው የኢንዱስትሪ ማዕከል ለመሆን የጀመረችውን ጉዞ ያፋጠነው ግራንዴር ሴራሚክ ፋብሪካ
*****************

ኢትዮጵያ ከውጭ ጥገኝነት በመላቀቅ ራሷን የመቻል ራዕይዋን እውን ለማድረግ በተያያዘችው ትግል፣ የአምራች ኢንዱስትሪው ዘርፍ የቀጣይ ብልጽግናችን የማይናወጥ መሠረት ሆኖ ብቅ ብሏል።

ይህን ሀገራዊ ራዕይ መሬት ለማውረድና የማምረት አቅምን ወደ አዲስ የታሪክ ምዕራፍ ለማሸጋገር ከተገነቡ ግዙፍ ኢንዱስትሪዎች መካከል ግራንዴር ሴራሚክ ፋብሪካ ተጠቃሽ ነው።

ይህ በዘመናዊ ቴክኖሎጂ የተደራጀው ግዙፍ የሴራሚክ ፋብሪካ፣ ቀደም ሲል በከፍተኛ የውጭ ምንዛሬ ከውጭ ይገቡ የነበሩ የኮንስትራክሽን ግብዓቶችን ጥራትና ደረጃቸውን በጠበቀ መልኩ በሀገር ውስጥ ለመተካት ያስቻለ ትልቅ ስኬት ነው።

ፋብሪካው በኢትዮጵያ ታምርት ንቅናቄ ማዕቀፍ በተዘረጉ የድጋፍና ማበረታቻ ሥርዓቶች በመታገዝ እንዲሁም በአካባቢው የሚገኙ የተፈጥሮ ሀብቶች እና ጥሬ ዕቃዎችን በመጠቀም ውጤታማ ሥራ እያከናወነ ይገኛል።

ከፍተኛ የማምረት አቅም ያለው ግራንዴር ሴራሚክ ፋብሪካ ለበርካታ ዜጎች ሰፊ የሥራ ዕድል የፈጠረ ሲሆን፣ የሙያ እና የቴክኖሎጂ ሽግግር እንዲፋጠን በማድረግም የላቀ አስተዋጽኦ እያበረከተ ነው።

በተጨማሪም ፋብሪካው ተኪ ምርት በማምረት ከፍተኛ የውጭ ምንዛሬ ወጪን ከማዳን በተጓዳኝ በፍጥነት እያደገ የመጣውን የኮንስትራክሽን ዘርፍ የሴራሚክ ፍላጎት በራስ አቅም በመሸፈን በቀጣይ በሴራሚክ ምርት ኤክስፖርት የወጪ ንግድ ገቢን የማሳደግ ራዕይን የሚደግፍ ነው።

የግራንዴር ሴራሚክ ፋብሪካ እውን መሆን ኢትዮጵያ የቀጣናው የኢንዱስትሪ ማዕከል ለመሆን እና በየዘርፉ ከጥገኝነት ተላቅቃ ራሷን ለመቻል የጀመረችውን የማይቀለበስ ጉዞ ይበልጥ የሚያፋጥን እርሾ ነው።

በሔዋን ጌታቸው
#ethiopia #industry #manufacturing #ethiopiatamirt #madeinethiopia #grandeurceramic #ebc

ከውጭ ጥገኝነት የመላቀቅ እና ራስን የመቻል ታሪካዊ ጉዞ፦ የአምራች ኢንዱስትሪው አዲስ ምዕራፍ
***************

ኢኮኖሚያዊ ነፃነትን ሳያረጋግጡ የሀገር ሉዓላዊነትን ሙሉ ማድረግ አይቻልም።

ሀገራችን ኢትዮጵያ በምስራቅ አፍሪካ የኢንዱስትሪ ማዕከል ለመሆን እና የዜጎቿን ብልጽግና ለማረጋገጥ በምታደርገው ያላሰለሰ ጥረት፣ የማምረት አቅምን ማሳደግ ከምንጊዜውም በላይ ወሳኝ ጉዳይ ሆኗል።

ጠቅላይ ሚኒስትር ዐቢይ አሕመድ (ዶ/ር) አበክረው እንደገለጹት፣ «ኢትዮጵያ በሁለንተናዊ መልኩ ራሷን ለመቻል በምታደርገው ጥረት ውስጥ አምራች ኢንዱስትሪ አይተኬ ሚና አለው»።

ጠቅላይ ሚኒስትሩ ይህን ያሉት ዘርፉ የሀገር ውስጥ አቅምን በማጎልበት፣ ከውጭ የሚገቡ ምርቶችን በመተካት እና ለበርካታ ሺህ ዜጎች ሰፊ የሥራ ዕድል በመፍጠር የኢኮኖሚው ዋና መሠረት እየሆነ መምጣቱን ተከትሎ ነው።

በተለይም "ኢትዮጵያ ታምርት" በተሰኘው ሀገራዊ ንቅናቄ አማካይነት በዘርፉ ይስተዋሉ የነበሩ የመሠረተ ልማት፣ የፋይናንስ እና የጥሬ ዕቃ አቅርቦት ማነቆዎች መንግሥት በወሰዳቸው ወሳኝ የፖሊሲ እርምጃዎች ተፈትተው ከአቅም በታች ሲያመርቱ የቆዩ በርካታ ፋብሪካዎች ወደ ሙሉ አቅማቸው ተመልሰዋል።

ከዚህም ባሻገር በመላ ሀገራችን የተገነቡት የኢንዱስትሪ ፓርኮች፣ የኢንዱስትሪ መንደሮች እና ልዩ የኢኮኖሚ ዞኖች የውጭ ቀጥተኛ ኢንቨስትመንትን በመሳብ፣ የቴክኖሎጂ ሽግግርን በማፋጠን እና የወጪ ንግድ ገቢን በማሳደግ ረገድ ከፍተኛ አስተዋጽኦ እያበረከቱ ይገኛሉ።

የጨርቃጨርቅ፣ ቆዳ እና የቆዳ ውጤቶች እንዲሁም የአግሮ ፕሮሰሲንግ እና የኮንስትራክሽን ግብዓት ፋብሪካዎች በዘርፉ ተወዳዳሪ አቅም እየገነቡ ካሉ ኢንዱስትሪዎች መካከል በግንባር ቀደምነት ይጠቀሳሉ።

የአምራች ኢንዱስትሪ ዘርፍን በማጠናከር እና የሥራ ባህልን ወደ 24/7 በመቀየር ምርታማነትን ከፍ ማድረግ የዜጎችን የኑሮ ደረጃ የሚያሻሽል፣ ሀገራዊ የውጭ ምንዛሬ ግኝትን የሚያሳድግ የኢኮኖሚ ዕድገት እና የሁለንተናዊ ብልጽግና ትክክለኛው መንገድ ነው።

በሔዋን ጌታቸው
#ethiopia #industry #manufacturing #ethiopiatamirt #madeinethiopia #ebc

“ኢትዮጵያ ታምርት የሚለው ሐሳብ ‘ምን ታምርት?’ ከሚለው ጋር በቀጥታ የተያያዘ ነው፤ ኢትዮጵያ ፍቅርን፣ ሰላምን፣ አንድነትን፣ ልማትን ማምረት ትችላለች።”

ጠቅላይ ሚኒስትር ዐቢይ አሕመድ (ዶ/ር)
#ethiopia #ebc #pmabiyahmed #industry #madeinethiopia

ከጥገኝነት ወደ አምራችነት፦ የኢትዮጵያ የማኑፋክቸሪንግ ዘርፍ እመርታ እና የ“ኢትዮጵያ ታምርት” ስኬቶች
***************************

የአንዲት ሀገር የኢኮኖሚ ሉዓላዊነት እና የረጅም ጊዜ ዕድገት የሚረጋገጠው ከውጭ ጥገኝነት ተላቅቃ የራሷን ፍላጎት በራሷ ማምረት ስትችል ነው።

የመደመር መንግሥት ይህንኑ ታሳቢ በማድረግ የጀመራቸው “ኢትዮጵያ ታምርት” በሚል ሀገራዊ ንቅናቄ እና በሀገር በቀል የኢኮኖሚ ማሻሻያ መርሐ ግብር፣ የማኑፋክቸሪንግ ዘርፉን በማነቃቃት አስደናቂ ለውጦችን ማምጣት ጀምረዋል።

ጠቅላይ ሚኒስትር ዐቢይ አሕመድ (ዶ/ር) በቅርቡ በሕዝብ ተወካዮች ምክር ቤት ቀርበው የሰጡት ማብራሪያ፣ እንዲሁም የኢንዱስትሪ ሚኒስቴር የአፈጻጸም ሪፖርቶች እንደሚያመለክቱት፣ የኢትዮጵያ የኢንዱስትሪ ዘርፍ ከውጭ ጥገኝነት በመላቀቅ የሀገር ውስጥ አቅምን ወደ መገንባት በተኪ ምርት የተሳካ ሽግግር እያደረገ ይገኛል።

የማምረት አቅም ማደግ እና የ“ኢትዮጵያ ታምርት” ሚና

ለረጅም ጊዜ የኢትዮጵያ አምራች ኢንዱስትሪዎች ከነበራቸው የማምረት አቅም ከግማሽ በታች (በአማካይ 47 በመቶ) ብቻ ሲጠቀሙ ቆይተዋል። ይህ ዝቅተኛ አፈጻጸም በኃይል አቅርቦት መቆራረጥ፣ በውጭ ምንዛሬ እጥረት እና በጥሬ ዕቃ አቅርቦት ችግሮች የተተበተበ ነበር።

ሆኖም ጠቅላይ ሚኒስትሩ በምክር ቤቱ እንዳብራሩት፣ አሁን ላይ አጠቃላይ የማኑፋክቸሪንግ የማምረት አቅም ከ47 በመቶ ወደ 67 በመቶ ከፍ ሊል ችሏል።

የዚህ ከፍተኛ ለውጥ ዋነኛ ሞተር በኢንዱስትሪ ሚኒስቴር እየተመራ ያለው የ“ኢትዮጵያ ታምርት” ንቅናቄ ነው። ይህ ንቅናቄ በተለያዩ ምክንያቶች ተዘግተው የነበሩ በመቶዎች የሚቆጠሩ ፋብሪካዎች ወደ ሥራ እንዲመለሱ በማድረግ፣ እንዲሁም የአምራቾችን የፋይናንስ እና የመሠረተ ልማት ማነቆዎች በመፍታት ምርታማነትን በእጅጉ አነቃቅቷል።

➡ የኢንዱስትሪ ፓርኮች መስፋፋት እና የውጭ ቀጥታ ኢንቨስትመንት

የኢትዮጵያ የኢንዱስትሪ ፖሊሲ ሌላኛው የትኩረት አቅጣጫ ምቹ የኢንቨስትመንት መሠረተ ልማት ማቅረብ ነው። እንደ ጠቅላይ ሚኒስትሩ ገለጻ፣ ነባር ከሆኑት የኮምቦልቻ፣ የመቐለ እና የሐዋሳ ኢንዱስትሪ ፓርኮች በተጨማሪ ዐሥር አዳዲስ የኢንዱስትሪ ፓርኮችን መገንባት ተችሏል።

የእነዚህ ፓርኮች መስፋፋት የሀገር ውስጥ አቅምን ከማጎልበት ባለፈ፣ ከ80 በመቶ በላይ የሚሆነውን የውጭ ቀጥተኛ ኢንቨስትመንት (FDI) ወደ ማኑፋክቸሪንግ ዘርፉ ለመሳብ ትልቅ ሚና ተጫውቷል።

የውጭ ኢንቨስተሮች ቴክኖሎጂን ወደ ሀገር ውስጥ እንዲያመጡ እና የዕውቀት ሽግግር እንዲያደርጉ ከፍተኛ አስተዋጽኦ እያደረጉ ይገኛሉ።

➡ የገቢ ምርቶችን በሀገር ውስጥ መተካት፦ የ5 ቢሊዮን ዶላር ስኬት

ለዘመናት የኢትዮጵያን ማክሮ ኢኮኖሚ ሲፈታተን የነበረው ዋነኛ ችግር፣ የውጭ ምንዛሬ እጥረት እና በገቢ ምርቶች ላይ ያለ ከፍተኛ ጥገኝነት ነበር።

ይህንን ለመቀልበስ "የውጭ ምርቶችን በሀገር ውስጥ ምርት የመተካት" ስትራቴጂ በተጠናከረ መልኩ ተግባራዊ እየተደረገ ይገኛል።

ሲሚንቶ፣ ብረት፣ ብርጭቆ እና ሴራሚክስን የመሳሰሉ ከባድ እና ወሳኝ የግንባታ/የኢንዱስትሪ ምርቶችን በሀገር ውስጥ በማምረት ብቻ ወደ 5 ቢሊዮን ዶላር የሚጠጋ የውጭ ምንዛሬ ማዳን ተችሏል።

መንግሥት ቀደም ሲል በብዙ ቢሊዮን ዶላር ወደ ሀገር ውስጥ ይገቡ የነበሩ ምርቶችን በሒደት በሀገር ውስጥ ምርት የመተካት ፖሊሲውን በተግባር እያረጋገጠ ይገኛል።

በግብርናው (በተለይም በስንዴ ምርት) የተገኘው የገቢ ምርትን የመተካት ስኬት ወደ ኢንዱስትሪው ዘርፍም በተጨባጭ ተሸጋግሯል።

➡ የተቀናጀ የዘርፎች ዕድገት

የማኑፋክቸሪንግ ዘርፉ መነቃቃት በሌሎች ተያያዥ ዘርፎች ላይም አዎንታዊ ተጽዕኖ አሳድሯል። የኢንዱስትሪ ዕድገት ብቻውን ሊመጣ አይችልም፤ ኃይል እና የጥሬ ዕቃ ግብዓት ይፈልጋል። ጠቅላይ ሚኒስትሩ ዘርፉ እያስመዘገበ ባለው ፈጣን ዕድገት ምክንያት፦ በማዕድን ዘርፍ 24 በመቶ፣ በማኑፋክቸሪንግ 20.3 በመቶ፣ እና በኢነርጂ ዘርፍ 23 በመቶ ጭማሪ መታየቱን አብራርተዋል። እነዚህ ሦስቱ ዘርፎች (ማዕድን፣ ኢንዱስትሪ እና ኢነርጂ) እርስ በርስ በመመጋገባቸው የመጣ "የተቀናጀ ዕድገት" (Synergy) መሆኑን ያሳያል።

➡ የወደፊቱ አቅጣጫ እና ራዕይ

የተገኙት ስኬቶች የጉዞው ጅማሮ እንጂ ማቆሚያ አይደሉም። ይህንን ስኬት ዘላቂ ለማድረግ በመጪው ዓመት ግልጽ ዒላማዎች ተቀምጠዋል። እነዚህም፦

በኢንዱስትሪ ፓርኮች ብቻ የ12.7 በመቶ ዕድገት ለማስመዝገብ እና ከኢንዱስትሪ ምርቶች ኤክስፖርት (ወጪ ንግድ) የ1 ቢሊዮን ዶላር ገቢ ማግኘት ሲሆኑ ለስኬቱም በትኩረት እየተሠራ ይገኛል።

የኢትዮጵያ የኢንዱስትሪ ዘርፍ እውነተኛ ዕምርታ እያሳየ ነው። “ኢትዮጵያ ታምርት” በሚለው ብሔራዊ ንቅናቄ በመመራት፣ የፋብሪካዎችን የማምረት አቅም ወደ 67 በመቶ ማሳደግ ተችሏል።

አዳዲስ የኢንዱስትሪ ፓርኮችን በመክፈት ኢንቨስትመንትን መሳብ እና ቁልፍ የገቢ ምርቶችን በሀገር ውስጥ በመተካት 5 ቢሊዮን ዶላር ማዳን መቻሉም ሀገራችን ከሸማችነት ወጥታ ጠንካራ እና ራሷን የቻለች አምራች ኢኮኖሚ ወደ መገንባት የተጨበጠ ዕርምጃ መጀመሯን ቁልጭ አድርጎ ያሳያል።

ራዕዩ ግቡን ሲመታም፣ የኢትዮጵያ የማኑፋክቸሪንግ ዘርፍ የብልጽግናዋ ዋነኛ የጀርባ አጥንት መሆኑ አይቀርም።

በዮናስ በድሉ
#ethiopia #ebc #industry #madeinethiopia #successstory

የሚያመርቱ ዜጎች፣ የሚረጋገጠዉ ሉዓላዊነት፡ ኢንዱስትሪዎቻችን የፈጠሩት ተስፋ
*****************

(የዕለቱ መልዕክት)

አንድ ሀገር እውነተኛ የኢኮኖሚ ሉዓላዊነቷን በተግባር የምታረጋግጠው የዜጎቿን መሠረታዊ ፍላጎቶች በገዛ አቅሟ አምርታ ማቅረብ ስትችል ነው።

ለዓመታት ከቀላል የፍጆታ ዕቃዎች እስከ ከባድ ማሽነሪዎች ድረስ የውጭ ገበያን ስትማተር የኖረችው ሀገራችን ዛሬ ላይ ታሪካዊ የሆነ የመዋቅር ሽግግር በማድረግ ላይ ትገኛለች።

የመደመር መንግሥት በወሰዳቸው ስትራቴጂካዊ የሪፎርም እርምጃዎች ቀደም ሲል በከፍተኛ የውጭ ምንዛሪ ከውጭ ይገቡ የነበሩ ምርቶች አሁን በሀገር ውስጥ በስፋት መመረት መጀመራቸው የዚህ ጉዞ ማሳያ ነው።

በመደመር ዕሳቤ የተቃኘው የሀገራችን አዲሱ የኢኮኖሚ ፖሊሲ፣ ማኑፋክቸሪንግን የብልጽግናችን ዋነኛ ምሰሶ አድርጎ አስቀምጦታል።

በተለይም "ኢትዮጵያ ታምርት" በሚል ሀገራዊ ንቅናቄ የተፈጠረው መነቃቃት በዘርፉ ለዓመታት ተንሰራፍተው የነበሩ ማነቆዎችን በመፍታት ተጨባጭ ውጤቶችን አምጥቷል። የኢንዱስትሪዎቻችን የማምረት አቅም አጠቃቀም ከነበረበት ዝቅተኛ ደረጃ በእጅጉ ከፍ ማለቱ፣ ፋብሪካዎቻችን ዳግም ሕይወት ዘርተው ሌሊት ተቀን ወደ ማምረት መግባታቸውን ያመላክታል።

ከዚህም በላይ፣ የሀገር ውስጥ አምራቾችን በማበረታታት ከውጭ የሚገቡ ምርቶችን በሀገር ውስጥ ምርት ለመተካት በተደረገው ልዩ ጥረት ባለፉት የለውጥ ዓመታት ውስጥ ከፍተኛ የውጭ ምንዛሪ ሊያወጡ የሚችሉ በርካታ ምርቶችን በሀገር ውስጥ ማምረት ተችሏል። ይህ የውጭ ምንዛሪን ከማዳን ባለፈ ለበርካታ ዜጎች አዳዲስ የሥራ ዕድሎችን የፈጠረ እና የኑሮ ደረጃን ያሻሻለ እውነተኛ የለውጥ ፍሬ ነው።

ይህንን ስኬት ዘላቂ ለማድረግ፣ መንግሥት ለግሉ ዘርፍ ምቹ የኢንቨስትመንት ከባቢን በመፍጠር ረገድ መሠረታዊ የሚባሉ ማሻሻያዎችን አድርጓል። ዘመናዊ መሠረተ ልማት የተሟላላቸው የኢንዱስትሪ ፓርኮችና ነጻ የኢኮኖሚ ዞኖች መቋቋማቸው፣ የውጭ ቀጥታ ኢንቨስትመንትን ከመሳብ ባለፈ የቴክኖሎጂና የዕውቀት ሽግግርን እውን እያደረጉ ነው።

በተለይም በነፃ የንግድ ቀጣናዎች ለተሰማሩ ባለሀብቶች ከታክስ ነፃ መብቶች መወሰኑ፣ መንግሥት ዘርፉ ዓለም አቀፍ ተወዳዳሪነትን አግኝቶ የወጪ ንግድ (ኤክስፖርት) የጀርባ አጥንት እንዲሆን ያለውን ቁርጠኝነት ነዉ።

በአግሮ-ፕሮሰሲንግ፣ በጨርቃጨርቅና አልባሳት፣ በቆዳ ውጤቶች እንዲሁም እንደ ስሚንቶና ብረት ባሉ ከባድ የግንባታ ግብዓቶች ላይ እየታየ ያለው መነቃቃት የዚሁ ስትራቴጂ አካል ነው።

ሆኖም ጉዟችን በዚህ ብቻ የሚያበቃ አይደለም፤ ዛሬ የተዘራው ዘር የነገውን ግዙፍ የኢንዱስትሪዎች ማብቀሉ አይቀሬ ነው። የነበሩብንን የአቅርቦት ሰንሰለት ፈትተን በቀጣዮቹ ዓመታት ከምንጊዜውም በላይ ላቅ ወዳለ ምዕራፍ መሸጋገር ያስፈልገናል፡፡ ከቀላል የፍጆታ ዕቃዎች ባለፈ፣ ተሽከርካሪዎችን፣ ኬሚካሎችን፣ የጨርቃ ጨርቅና የቆዳ ዉጤቶችን፣ እንዲሁም የሕክምና መሣሪያዎችን በሀገራችን በስፋት ማምረት ወሳኝ ይሆናል። ይህንን ለማሳካትም የሰውን ኃይል ዕውቀትና ክህሎት የሚያሳድጉ የሥልጠናና የኢንኩቤሽን ማዕከላት ግንባታ ተጠናክሮ መቀጠል አለበት፡፡

የአምራች ኢንዱስትሪው ትናንት የውጭ ምርቶችን ተቀባይ የነበረችውን ሀገር፣ ነገ የቴክኖሎጂና የኢንዱስትሪ ውጤቶች ላኪ ወደሆነች ሉዓላዊ ሀገርነት የመቀየር አቅም አለው።

"ኢትዮጵያ ታምርት" የሕዝባችን የዕለት ተዕለት የሥራ ባህል በመሆን የብልጽግናችን አምድ ሆኖ ይቀጥላል። እጃችንን አጣምረን የውጭውን ዓለም ከመጠበቅ፣ እጃችንን አብዝተን በማሠራት ሉዓላዊነታችንን የምናረጋግጥበት ጊዜ ላይ ደርሰናል።

የኢቢሲ ዶትስትሪም ኤዲቶሪያል

ኢትዮጵያ ታምርት

ዳለቲ ማረሚያ ቤት በጨርቃ ጨርቅና ዲዛይኒንግ ያሰለጠናቸውን ታራሚዎች አስመረቀ
‎
‎#ethiopia | ​በሸገር ሲቲ የሚገኘው የዳለቲ ማረሚያ ቤት ከባውዘር ትሬዲንግ ጋር በመተባበር ለወራት በጨርቃ ጨርቅና ዲዛይኒንግ ሙያ ሲያሰለጥናቸው የነበሩትን የህግ ታራሚዎች በልዩ ስነ-ስርዓት አስመርቋል።
‎
‎ሙሉ ወጪው በባውዘር ትሬዲንግ የተሸፈነው ይህ ስልጠና በኦሮሚያ ክልል ደረጃ ለ3ኛ ጊዜ፣ በሸገር ሲቲ ደግሞ ለ2ኛ ጊዜ የተካሄደ ሲሆን፣ ተመራቂዎቹ በሙሉ የሲኦሲ ምዘና ፈተናን በስኬት ማለፋቸው ለትምህርቱ የሰጡትን ከፍተኛ ትኩረት አሳይቷል።
‎
‎በዕለቱ የታራሚዎች የፈጠራ ስራ የሆኑ አልባሳትና የፋሽን ትርኢት ለታዳሚዎች ቀርቦ የተደነቀ ሲሆን፣ የታራሚ ቤተሰቦች፣ የመንግስት የስራ ኃላፊዎችና ጥሪ የተደረገላቸው እንግዶችም በምረቃው ላይ ተገኝተዋል።
‎
‎​በምረቃው ስነ-ስርዓት ላይ የተገኙት የኦሮሚያ ክልል ማረሚያ ቤቶች ኮሚሽን ኮሚሽነር ሻፊ ሁሴን፣ ተመራቂዎቹ የቀሰሙትን እውቀት ከማረሚያ ቤት ሲወጡ በኃላፊነት ስሜት ሊጠቀሙበት እንደሚገባ አሳስበዋል።
‎
‎በሸገር ሲቲ የሚገኘው የዳለቲ ማረሚያ ቤት እያሳየ ያለው የስራ እንቅስቃሴ የሚያኮራ መሆኑን የገለጹት ኮሚሽነሩ፣ ብዙዎች ለማረሚያ ቤት ያላቸውን አመለካከት ባልቀየሩበት በዚህ ወቅት ባውዘር ትሬዲንግ ያደረገው በጎ ተግባር እጅግ የሚያስመሰግን መሆኑን ጠቁመዋል።
‎
‎ይህ በሸገር ሲቲ እና በጅማ ለወንዶችና ሴት ታራሚዎች የተሰጠው ስልጠና ቀጣይነት ያለው ከመሆኑም በላይ፣ ሀገሪቱ የምትከተለውን "ኢትዮጵያ ታምርት" የተሰኘውን ፖሊሲ ለማስፈጸም ትልቅ አጋዥ አካል መሆኑንም አብራርተዋል።
‎
‎​የዳለቲ ማረሚያ ቤት ረዳት ኮሚሽነር ዋጋሪ ጫላ በበኩላቸው እድሉን ላመቻቹ አካላት ምስጋናቸውን ያቀረቡ ሲሆን፣ የባውዘር ትሬዲንግ መስራች እና ዋና ስራ አስፈጻሚ አቶ ሙሀመድ ሰኢድ ይህ ስልጠና ድርጅታቸው ከሚያከናውናቸው የማህበረሰብ አገልግሎቶች አንዱ መሆኑን አስረድተዋል።
‎
‎ድርጅታቸው ለታራሚዎቹ 64 የሚደርሱ የዲዛይን ልብስ ስፌት ማሽኖችን ያበረከተ ሲሆን፣ በስራው ላይ በየደረጃው አስተዋጽኦ ላበረከቱ አካላትም የዋንጫ ሽልማት በመስጠት አበረታቷል።
‎
‎#dalatiprison #shegercity #ethiopia #inmaterehabilitation #skilltraining #fashionanddesign #textiletraining #bowsertrading #ethiopiatamirt

የኢትዮጵያ ማኑፋክቸሪንግ ዘርፍ እመርታ
****************

ኢትዮጵያ ግብርና መር ኢኮኖሚዋን ወደ ማኑፋክቸሪንግ እና ኢንዱስትሪ ለማሸጋገር በምታደርገው ጥረት፣ የኢንዱስትሪ ፓርኮችን ወደ ልዩ የኢኮኖሚ ዞኖች ማሳደጓ ጠንካራ መዋቅራዊ መደላድል እየፈጠረ ይገኛል።

በሀገር በቀል የኢኮኖሚ ማሻሻያው ማዕቀፍ የተተገበሩት ፖሊሲዎች የፓርኮቹን አስተዳደር ወደ ግል ዘርፉ በማሸጋገር የሀገራችንን የኢንዱስትሪ መዋቅር ሙሉ በሙሉ እየቀየሩት ነው።

ይህ ታሪካዊ ሽግግር በተለይም አዳዲስ ኢንቨስትመንቶችን በመሳብ ረገድ አስደናቂ ውጤት አስመዝግቧል።

በማሳያነትም በተጠናቀቀው የ2018 በጀት ዓመት ብቻ ከ750 ሚሊዮን ዶላር በላይ የመነሻ ካፒታል ያስመዘገቡ 166 አዳዲስ ባለሀብቶች ወደ ዘርፉ ተቀላቅለዋል።

ይበልጥ ተስፋ የሚሰጠው ደግሞ ከእነዚህ ውስጥ 84 በመቶ የሚሆኑት የሀገር ውስጥ ባለሀብቶች መሆናቸው ነው። ይህ አዲሱ የኢኮኖሚ ሪፎርም የፈጠረውን የኢኮኖሚ ሉዓላዊነት እና አቅም በግልጽ የሚያሳይ ነው።

ልዩ የኢኮኖሚ ዞኖቹ በሥራ ዕድል ፈጠራ በኩል የዜጎችን በተለይም የወጣት ሴቶችን ሕይወት በተጨባጭ እየቀየሩ ነው። በመላው ሀገራችን በሚገኙ ፓርኮች ውስጥ ከ100 ሺህ በላይ ለሚሆኑ ዜጎች ቀጥተኛና ቋሚ የሥራ ዕድል ተፈጥሯል።

በኢንዱስትሪ ፓርኮቹ ትክክለኛ የኢንዱስትሪ ግብዓት ትስስር በመፍጠር የአርሶ አደሩን ምርት ከፋብሪካዎች ጋር በቀጥታ ማስተሳሰር ተችሏል። እስካሁን ባለው ሂደት ከ100 ሺህ በላይ አምራቾች እና አርሶ አደሮች ከትላልቅ ገዢዎች ጋር በቀጥታ ተገናኝተዋል።

በዚህም በአርሶ አደሮች እና በፋብሪካዎች መካከል ከ17 ቢሊዮን ብር በላይ የሚገመት የንግድ ግብይት መፈጸሙ፣ የኢንዱስትሪው ትስስር ምን ያህል ወደ ታችኛው የኅብረተሰብ ክፍል እንደወረደ ያመላክታል።

የውጭ ምንዛሬን በማመንጨት እና የገቢ ምርቶችን በመተካት በኩል የተመዘገቡት ስኬቶች የኢትዮጵያን የማክሮ-ኢኮኖሚ መረጋጋት በማረጋገጥ ረገድ ከፍተኛ አስተዋጽኦ እያበረከቱ ይገኛሉ።

በ2018 በጀት ዓመት ፓርኮቹ ከወጪ ንግድ 266.9 ሚሊዮን ዶላር የውጭ ምንዛሬ በማስገኘት በታሪካቸው ከፍተኛ የተባለ ውጤት አስመዝግበዋል።

በሌላ በኩል ደግሞ ከ26.7 ቢሊዮን ብር በላይ ዋጋ ያላቸውን የገቢ ምርቶች በሀገር ውስጥ በመተካት ከፍተኛ የውጭ ምንዛሬ ወደ ውጭ እንዳይወጣ ታድገዋል።

ይህ በፓርኮች የታየው ስኬት በሀገር አቀፍ ደረጃ በኢንዱስትሪ ሚኒስቴር አስተባባሪነት እየተተገበረ ካለው "ኢትዮጵያ ታምርት" ንቅናቄ ጋር ተጣምሮ ታላቅ ሀገራዊ ውጤት አምጥቷል።

ንቅናቄው የማኑፋክቸሪንግ ዘርፉን ዕድገት ከ4.8 በመቶ ወደ 13 በመቶ ያሳደገው ሲሆን፣ በአንድ ዓመት ውስጥ ከ5 ቢሊዮን ዶላር በላይ የሚያወጡ የገቢ ምርቶችን በሀገር ውስጥ ምርት ለመተካት አስችሏል።

ለእነዚህ ተጨባጭ ለውጦች እና ስኬቶች በዋናነት በምክንያትነት የሚጠቀሰው በቅርቡ የፀደቀው የልዩ ኢኮኖሚ ዞን አዋጅ እና መንግሥት ያቀረባቸው ሰፊ ማበረታቻዎች ናቸው።

አዲሱ የሕግ ማዕቀፍ ፓርኮቹን በጨርቃጨርቅ ምርት ላይ ብቻ ከነበረ ጥገኝነት አውጥቶ ግብርናን፣ ሳይንስን እና የሎጂስቲክስ አገልግሎትን እንዲያካትቱ አድርጓል።

ከዚህም በተጨማሪ የጉምሩክ ቀረጥ ነፃ መብቶች፣ የዜሮ ምጣኔ የተጨማሪ እሴት ታክስ፣ ለኤክስፖርት አምራቾች የተሰጡ የአምስት ዓመት የግብር እፎይታዎች፣ እንዲሁም የውጭ ሀገር ባንኮች በዞኖቹ ውስጥ በነፃነት እንዲሠሩ መፈቀዱ ዘርፉን በዓለም አቀፍ ደረጃ ተወዳዳሪ አድርጎታል።

የጥራት፣ የአካባቢ ጥበቃ እና የሠራተኞች ደህንነት (ISO) ደረጃዎችን ያካተተ የተቀናጀ የአመራር ሥርዓት መዘርጋቱም የኢትዮጵያን የማኑፋክቸሪንግ ዘርፍ ዕድገት ቀጣይነት የሚያረጋግጥ ጽኑ መሠረት ነው።

በለሚ ታደሰ
#ethiopia #industrialparks #specialeconomiczones #investinethiopia #ethiopiatamirt

የዜጎችን ሕይወት በዘላቂነት የሚያሻሽሉ ተግባራት ተከናውነዋል - አቶ ሙስጠፋ ሙሀመድ
****************

የሶማሊ ክልል የሴክተር መሥሪያ ቤቶች፣ የዞን እና የከተማ አስተዳደሮች የ2018 በጀት ዓመት አጠቃላይ የሥራ አፈጻጸም ግምገማ በስኬት ተጠናቅቋል።

በዚሁ የሥራ አፈጻጸም ግምገማ መድረክ ላይ የተገኙት የክልሉ ርዕሰ መስተዳድር አቶ ሙስጠፋ ሙሀመድ፤ በበጀት ዓመቱ በሥራ አፈጻጸም የታዩ ጠንካራ ጎኖችን አጠናክሮ ማስቀጠልና የተመዘገቡ ድክመቶችንም ደረጃ በደረጃ እያረሙ ለበለጠ ስኬትና ልማት መትጋት እንደሚገባ አሳስበዋል።

በተለይም የዜጎችን ሕይወት በዘላቂነት የሚያሻሽሉ፣ እንዲሁም ማኅበራዊና ኢኮኖሚያዊ ተጠቃሚነትን በከፍተኛ ደረጃ የሚያጎለብቱ ተግባራት ላይ ልዩ ትኩረት ተሰጥቶ ሊሠራ እንደሚገባ በአጽንኦት ገልጸዋል።

ርዕሰ መስተዳድሩ አክለውም፣ ሀገራዊ ለውጡን ማግስት ጀምሮ በክልሉ በመንገድ መሠረተ-ልማት፣ በውኃ አቅርቦት፣ በጤና አገልግሎት እና በዘላቂ ሰላም ግንባታ ዘርፎች የተመዘገቡ ታሪካዊ ዕድገቶችን አጠናክሮ ማስቀጠል እንደሚገባ አስገንዝበዋል።

በአሁኑ ወቅት በክልሉ የልማት ፕሮጀክቶች አፈጻጸም ከጊዜ ወደ ጊዜ ትልቅ እምርታ እያሳየ እንደሚገኝ የጠቀሱት አቶ ሙስጠፋ፤ በቀጣይም ማንኛውም ልማታዊ ፕሮጀክት በተቀመጠለት የጊዜ ገደብና የጥራት ደረጃ ተጠናቆ ለሕዝብ አገልግሎት እንዲበቃ በቁርጠኝነት መሥራት እንደሚገባ ጥሪ አቅርበዋል።

የክልሉ ምክትል ርዕሰ መስተዳድር አቶ ኢብራሂም ኡስማን በበኩላቸው፤ መንግሥት በተለያዩ ዘርፎች የሕዝባዊ አገልግሎት አሰጣጥን ለማቅለልና ለማዘመን በርካታ መዋቅራዊ የአሠራር ማሻሻዮችን እያደረገ እንደሚገኝ ገልጸዋል።
በዚህም መሠረት በክልሉ በስፋት የተጀመረውን የ"ፋይዳ" (ብሔራዊ) መታወቂያ አገልግሎት እስከ ታችኛው የቀበሌ መዋቅር ድረስ በስፋት ተደራሽ ለማድረግ የተጀመሩ ስኬታማ ሥራዎች ተጠናክረው እንደሚቀጥሉ አመልክተዋል።

በሀገር አቀፍ ደረጃ በከፍተኛ ተነሳሽነት እየተገበረ በሚገኘው የ"ኢትዮ ኮደርስ" የስልጠና ፕሮግራም አማካኝነት የበርካታ የክልሉ ወጣቶችና ዜጎችን የዲጂታል ክህሎት ማሳደግ መቻሉን ምክትል ርዕሰ መስተዳድሩ ገልጸው፤ ይህንን ዘመናዊ ዲጂታል ንቅናቄ በቀጣይም ይበልጥ ለማስፋፋት በትኩረት እንደሚሠራ ጠቁመዋል።

በተጨማሪም በ"ኢትዮጵያ ታምርት" ብሔራዊ ንቅናቄ አማካኝነት በሶማሊ ክልል የሚገኘውን የአምራች ኢንዱስትሪ ዘርፍ ይበልጥ ማነቃቃትና ማገዝ መቻሉን አብራርተዋል።

በቴዎድሮስ ታደሰ

ሰላም፤ እንደምን አደራችሁ?

የመደመር መንግሥት በአምስቱ የኢኮኖሚ ምሰሶዎች ሲመዘን

የመደመር መንግሥት ወደ ሥልጣን ሲመጣ የኢትዮጵያን የምጣኔ ሀብት መዋቅር ካረጀውና በአንድ ዘርፍ ላይ ብቻ ከተደገፈው የግብርና ምህዳር በማውጣት ሀገር በቀል የኢኮኖሚ ማሻሻያ ስትራቴጂን ቀረጸ።

በዚህ ስትራቴጂ ውስጥ አምስት ቁልፍ የኢኮኖሚ ምሰሶዎች፡ ግብርና፣ ቱሪዝም፣ ማዕድን፣ አይሲቲ እና አምራች ኢንዱስትሪ ተለይተው ከፍተኛ ትኩረት ተሰጥቷቸዋል።

መንግሥት በነዚህ ዘርፎች የገባውን ቃል እና ባለፉት አምስት ዓመታት የታየውን አፈጻጸም በአጭር በአጭሩ ለማየት እንሞክር፡፡

1. ግብርና፡-

ቃል የተገባው፡ የግብርናውን ዘርፍ ማዘመን፣ የምግብ ዋስትናን (ራስን መቻል) ማረጋገጥ እና ኢትዮጵያን ከእህል አስመጪነት ወደ ላኪነት ማሸጋገር።

አፈጻጸም ፦ ግብርናው በመደመር መንግሥት ስር ትልቅ የመዋቅር ለውጥ ያሳየበት ዘርፍ ነው። በተለይም በበጋ መስኖ ስንዴ ልማት የተመዘገበው ውጤት ሀገሪቱን ወደ ስንዴ ላኪነት ያሸጋገረ ታሪካዊ ምዕራፍ ሆኗል።

2. ቱሪዝም ፡-

ቃል የተገባው፦ የቱሪስት መስህቦቻችንን አቧራ አራግፈን አሻራ እናኖራለን በሚል መርህ፣ ዘርፉን የሀገር ገጽታ መገንቢያና የውጭ ምንዛሬ ማግኛ ምሰሶ ማድረግ።

አፈጻጸም ፦ ዘርፉ ከፍተኛ መነቃቃት የታየበት ነው። በገበታ ለሸገር፣ ገበታ ለሀገር እና ገበታ ለትውልድ ፕሮጀክቶች አማካኝነት እንደ እንጦጦ፣ አንድነት ፓርክ፣ ጎርጎራ፣ ወንጪ እና በቅርቡ የተመረቀው የአርባምንጭ ኮንፈረንስ ሪዞርት ያሉን ጨምሮ አዳዲስና ዘመናዊ መዳረሻዎች ተገንብተዋል።

3. ማዕድን ፡-

ቃል የተገባው፦ የሀገሪቱን የማዕድን ሀብት በአግባቡ ማልማት፣ ህገ-ወጥ የማዕድን ዝውውርን መቆጣጠር እና ዘርፉን የብሔራዊ ኢኮኖሚ ሉዓላዊነት ምሰሶ ማድረግ።

አፈጻጸም ፦ መንግሥት የድንጋይ ከሰል ምርትን በማሳደግ የውጭ ምንዛሪን ለማዳን የጀመረው ስራ እና የወርቅ ግዢ አሰራርን በማዘመን የሀገር ውስጥ ገበያ ድርሻን ከፍ ለማድረግ ያደረገው ጥረት የሚጠቀስ ነው።

4. አይሲቲ እና ዲጂታል ኢኮኖሚ:-

ቃል የተገባው፦ የቴሌኮም ገበያውን ለግሉ ዘርፍ ክፍት ማድረግ፣ ዲጂታል ኢትዮጵያ 2025 ስትራቴጂን መተግበር እና የቢሮክራሲ አገልግሎቶችን ዲጂታላይዝ ማድረግ።

አፈጻጸም ፦ የመደመር መንግሥት በትልቅ ቁርጠኝነት ካሳካቸው ጉዳዮች አንዱ የኢትዮ ቴሌኮም ሞኖፖሊን ሰብሮ ሳፋሪኮምን ወደ ገበያ ማስገባት እና የዲጂታል ክፍያ ስርዓትን ማስፋፋት ነው። የፋይዳ ብሔራዊ መታወቂያ እና የቴሌብር/ባንኪንግ መተግበሪያዎች የዜጎችን የዕለት ተዕለት ሕይወትና የንግድ እንቅስቃሴ አቅልለዋል።

5. አምራች ኢንዱስትሪ:-

ቃል የተገባው፦ የሀገር ውስጥ አምራችነትን ማሳደግ፣ ከውጭ የሚገቡ ምርቶችን መተካት እና ለዜጎች ሰፊ የሥራ ዕድል መፍጠር።

አፈጻጸም ፦ በሀገር አቀፍ ደረጃ በተከፈተው ኢትዮጵያ ታምርት ንቅናቄ አማካኝነት ከውጭ የሚገቡ ምርቶችን በሀገር ውስጥ የመተካት አቅም 58 በመቶ ደርሷል።

በአጠቃላይ ባለፉት አምስት ዓመታት
በአምስቱ የኢኮኖሚ ምሰሶዎች በመደመር መንግሥት መሪነት የተመዘገቡት ስኬቶች መንግሥት ገቢር-ነበብ እና ተግባር ተኮር መሆኑን ያሳዩ ናቸው።

የ5ቱ ዓመታት ገፆች፤ ታሪክ ተሰርቷል!
***************

የዘመናት ታሪክ ገፆች ሲገለጡ የአንድ ሀገር ዕጣ ፈንታ በአጭር ጊዜ ውስጥ ከስር መሰረቱ ተነቅንቆ አዲስ መልክ የሚይዝበት አጋጣሚ እጅግ ጥቂት ነው።

ላለፉት አምስት ዓመታት በኢትዮጵያ የተዘረጉትን የልማትና የለውጥ ገፆች ስናነብ፣ የተካሄደው ጉዞ "ለውጥ" ወይም "ሪፎርም" በሚሉ ቃላት ብቻ የሚገለፅ አይደለም።

ይልቁንም ከሪፎርም ባሻገር ወደ አብዮት የተጠጋ፣ የኢትዮጵያን አጠቃላይ ገፅታ የለወጠና ሥር ነቀል መዋቅራዊ ሽግግርን ያረጋገጠ ታላቅ ብሔራዊ ንቅናቄ ነው።

በዓለም የኢኮኖሚ ታሪክ ውስጥ፣ ጥቂት ሀገራት ብቻ ናቸው በፈጣን ጊዜ ውስጥ አስደናቂ የሚባል የዕድገት ዝላይ (Leapfrogging) ማሳየት የቻሉት።

ቻይና በሰላሳ ዓመታት ያመጣችው መዋቅራዊ ለውጥ፣ ደቡብ ኮሪያ በጄኔራል ፓርክ ቹንግ ሂ ቆራጥ መሪነት የተጓዘችው የኢንዱስትሪ ሽግግር፣ እንዲሁም ታይዋን ያስመዘገበችው የቴክኖሎጂ ስኬት ሁሌም በምሳሌነት ይነሳሉ።

ነገር ግን፣ ኢትዮጵያ በአምስት ዓመታት ውስጥ ብቻ እያስመዘገበች ያለው የለውጥ ፍጥነትና ስፋት እጅግ አስደናቂ ሆኖ እናገኘዋለን። በጠንካራና ቁርጠኛ አመራር እየተመራች፣ ኢትዮጵያ በሁሉም መስክ ወደ ታላቅነት የምታደርገው ሽግግር ከግምት በላይ የሆነ ጉዞ ነው።

ይህ ተአምራዊ የሚባል ዝላይ በገሃድ ከሚታይባቸው መስኮች አንዱ ግብርና ነው። ለዘመናት በልመናና በስንዴ ዕርዳታ ጥገኝነት ስትታወቅ የነበረችው ሀገር፣ በአምስት ዓመት ጊዜ ውስጥ የምግብ ሉዓላዊነቷን አረጋግጣ ወደ ስንዴ ላኪነት መሸጋገሯ እውነተኛ የኢኮኖሚ "ሉዓላዊነት" ማረጋገጫ ነው።

በተጠናከረ የኩታገጠም እና የበጋ መስኖ ስንዴ ልማት፣ የስንዴ ምርት በ2017 በጀት ዓመት 280 ሚሊዮን ኩንታል መድረሱ የዚህ ፈጣን ስኬት ማሳያ ነው። ኢኮኖሚው ከአንድ ወጥ ጥገኝነት ወጥቶ ወደ ብዝሃ-ዘርፍ ልማት በማደግ ፈጣን የኢኮኖሚ ዕድገት ማስመዝገቡ በጥቂት ሀገራት ብቻ የሚሳካ ታላቅ ድል ነው።

የለውጡ ጅረት በግብርና ብቻ አልተገታም። በአረንጓዴ ኢኮኖሚው ዘርፍ፣ እስከ ኮፕ ጉባኤ ድረስ ከ65 ቢሊዮን በላይ ችግኞችን በመትከል በእስካሁኑ ጉዞ የሀገራችንን የደን ሽፋን ከ17 በመቶ ወደ 23.6 በመቶ ከፍ በማድረግ ኢትዮጵያ የዓለም የአየር ንብረት ለውጥ መከላከያ ተምሳሌት ሆናለች።

በውሃና ኃይል (ኤነርጂ) ሽግግር፣ ታላቁን የሕዳሴ ግድብን ጨምሮ በርካታ ፕሮጀክቶችን በማጠናቀቅ የኃይል ማመንጨት አቅምን ወደ 9,554 ሜጋ ዋት አሳድጋለች።

በተለይም የኤሌክትሪክ ተሽከርካሪዎችን (EV) በመጠቀም የነዳጅ ጥገኝነትን መቀነስና የኢኮኖሚ ሉዓላዊነትን ማረጋገጥ ሌላው የዘርፉ ስኬት ነው።

በከተማ ልማት ዘርፍም የኮሪደር ልማት ፕሮጀክቶች ከተሞቻችንን የውበት፣ የንፅህናና የሥልጣኔ ማዕከል አድርገዋቸዋል።

በኢንዱስትሪና በዲጂታል ዘርፍ፣ "ኢትዮጵያ ታምርት" ንቅናቄንና የዲጂታል ኢትዮጵያ 2030 ስትራቴጂን በመተግበር፣ እንዲሁም ከ58 ሚሊዮን በላይ የቴሌብር ተጠቃሚዎችን በማፍራትና የኢንዱስትሪ ፓርኮችን ቁጥር በማስፋፋት ዘመኑን የዋጀ የቴክኖሎጂ አብዮት ተካሂዷል።

በማዕድን ዘርፍ የተከናወኑት የሪፎርም ስራዎችም እንዲሁ እጅግ አስደናቂ ናቸው። የኮንትሮባንድ ንግድን በመግታትና የወርቅ ምርትን ከ3.3 ቶን ወደ 38.8 ቶን በማሳደግ፣ ዘርፉ የውጭ ምንዛሬ ግኝታችንን ወደ ላቀ ደረጃ አሸጋግሯል።

የቱሪዝም ዘርፉም በተመሳሳይ በገበታ ለሀገርና በሌሎች የቱሪዝም መዳረሻዎች ልማት፣ የውጭ ቱሪስት ፍሰትን ወደ 1.3 ሚሊዮን በማድረስ ሀገራችንን ወደ ተፈጥሯዊ የቱሪዝም መዳረሻነት ቀይሯታል።

በዲፕሎማሲውና በፖለቲካው መስክም የተመዘገበው ስኬት የሚያስደምም ነው። ኢትዮጵያ የነበሩባትን ውስብስብ ጫናዎች በብልሃት ተቋቁማ፣ የውጭ ፖሊሲዋን ሚዛናዊ በማድረግ ወደ ብሪክስ (BRICS) አባልነት መቀላቀሏ ዓለም አቀፍ ተደማጭነቷን አረጋግጧል።

በድምሩ ሲታይ እነዚህ ሁሉ ስኬቶች በአንድ ላይ ሲገመገሙ ኢትዮጵያ በእርግጥም ተአምራዊ በሚባል የለውጥ ጎዳና ላይ ትገኛለች። ይህን ሁሉ ውስብስብ ሀገራዊ፣ ቀጠናዊና ዓለም አቀፍ ጫና ተቋቁሞ ማሳካት የቻለው "መፍጠር፣ መፍጠንና መዝለል" በሚል መርህ የተቃኘው የፖለቲካ ኢኮኖሚ ሥርዓትና ቆራጥ አመራር በመኖሩ ነው።

ይህ እንደ አዲስ የጀመረው የለውጥና የዝላይ ጉዞ በአጭር ጊዜ ከግብ ሲደርስ፣ ኢትዮጵያ በብልፅግና ማማ ላይ ደምቃ በመውጣት የአፍሪካዊ ተምሳሌትነትን አልፋ የዓለም የብልፅግና ተምሳሌት እንደምትሆን አያጠራጥርም።

የ5ቱ ዓመታት ገፆች፣ የዚህችን ታላቅ ሀገር አይበገሬነትና ትንሣኤ በደማቁ የፃፉ ህያው የድል ድርሳናት ናቸው!

በአዶኒያስ ወ/አረጋይ
#ethiopiarising #historyinthemakinget #foodsovereigntyet #greenlegacyethiopia #ethiopiainbrics

ተግባራዊ ቅቡልነት፦ በቃላት ሳይሆን በውጤት የሚለካው አዲሱ የሀገር ግንባታ
*****************************

(የዕለቱ መልዕክት)

የኢትዮጵያ ፖለቲካ ለዘመናት በማይፈጸሙ የተስፋ ቃላት እና በብሔር ማንነት አጀንዳ ሲታመስ ቆይቷል። አሁን ግን ሀገራችን ከዚህ የቃላት እና የተስፋ ፖለቲካ ወጥታ የመንግሥት ቅቡልነት በሚያወራው ሳይሆን በተግባር በሚሠራው ሥራ እና በሚያመጣው ተጨባጭ ውጤት ወደሚሆንበት አዲስ አሠራር እየተሸጋገረች ነው።

ይህ አሠራር በሚመጡ ተጨባጭ ለውጦች ለመለካት የሚሻ አዲስ የሀገር ግንባታ ማዕቀፍ ነው። ጠቅላይ ሚኒስትር ዐቢይ አሕመድ (ዶ/ር) "ኢትዮጵያ ታከናውናለች" በሚለው ብሔራዊ ጉባኤ ላይ በአጽንዖት እንደገለጹት፣ የሀገራችን አዲሱ የታሪክ ምዕራፍ በተስፋ ቃላት ላይ ሳይሆን በተግባራዊ ክንውን እና በጥራት ላይ የተመሠረተ ነው።

ይህ "ኢትዮጵያ ታከናውናለች" የሚለው መርሕ ከተራ መፈክር በላይ በመሆን፣ ኢትዮጵያ በሁሉም መስክ ያላትን የማስፈጸም አቅም እና የሥልጣኔ ልክ የምታሳይበት ዋነኛ መሣሪያ ሆኗል።

በአሁኑ ወቅት በሀገራችን እየታዩ ያሉ ስኬቶች መንግሥት ውጤት የማምጣት አቅሙን በተግባር ያረጋገጠባቸው ማሳያዎች ናቸው።

ከታላቁ የሕዳሴ ግድብ ግንባታን ከማጠናቀቅ እና ኃይል ማመንጨት ጀምሮ፣ በግብርናው ዘርፍ የተመዘገበው የስንዴ ኤክስፖርት እና የመስኖ ልማት ስኬት፣ የዲጂታል ትራንስፎርሜሽን እና የማክሮ ኢኮኖሚ ማሻሻያ እርምጃዎች፣ እንዲሁም የአዲስ አበባ እና የክልል ከተሞችን ገጽታ የቀየሩት የኮሪደር ልማት ሥራዎች የዚሁ ተግባራዊ ሕጋዊነት ውጤቶች ናቸው።

የአረንጓዴ ዐሻራ መርሐ ግብር እና የኢትዮጵያ ታምርት የኢንዱስትሪ ንቅናቄም ሀገራችን ትላልቅ ዕቅዶችን በተግባር የመለወጥ አቅም እንዳላት በተጨባጭ እያሳዩ ነው።

ዋናው ማዕቀፍ ግን የእነዚህ ፕሮጀክቶች መፈጸም ብቻ ሳይሆን፣ ጥቅሞቻቸው በሁሉም ክልሎች፣ ማንነቶች እና የፖለቲካ አመለካከቶች ውስጥ እኩል ሊሰርጹ መቻላቸው ላይ ነው። መንገዶች፣ የኤሌክትሪክ አቅርቦት እና ዘመናዊ መሠረተ ልማቶች ልማታዊ ውጤቶች ብቻ ሳይሆኑ፣ የፌዴራል ሥርዓቱን ልዩነቶች አቀናጅተው የጋራ ብሔራዊ ልምድን የሚፈጥሩ ሥልታዊ ድልድዮች ናቸው።

ይህ አካሄድ ቀደም ሲል ከነበረው እና ሥልጣኑን በረጅም ጊዜ ተስፋዎች ላይ ብቻ ይመሠርት ከነበረው "ልማታዊ መንግሥት" አስተሳሰብ በእጅጉ የላቀ ነው።

የአሁኑ የመፈጸም ሞዴል ሊለኩ በሚችሉ ውጤቶች፣ በትግበራ ፍጥነት እና በተቋማዊ ብቃት ላይ የተመሠረተ ነው። የሲንጋፖር፣ የቪየትናም እና የማሌዢያ ተሞክሮዎች እንደሚያሳዩት፣ ዘላቂ ማኅበራዊ ውል የሚገነባው እና ቢሮክራሲው የሚቀናጀው በተግባር በሚታይ የድህነት ቅነሳ እና የዜጎች የዕለት ተዕለት ሕይወት መሻሻል ላይ ነው።

መንግሥት ለኢኮኖሚ ችግሮች የሚሰጠው መፍትሔ በርዕዮተ ዓለም የታጠረ ሳይሆን፣ በተግባር በሚታይ ውጤት ላይ የተመሠረተ ገቢር ነበብ የኢኮኖሚ ፍልስፍና ነው።

ከለውጡ በፊት ኢኮኖሚው በከፍተኛ ዕዳ ተሸብቦ እና በማክሮ ኢኮኖሚ መዛባት ተፈትኖ የነበረ ቢሆንም፣ አሁን ላይ ይህን የውድቀት ታሪክ መቀየር ተችሏል።

"ለረጅም ጊዜ ኢትዮጵያ በችግሮቿ እንጂ በእምቅ አቅሟ ስትገለጽ አልኖረችም፤ ዛሬ ግን የተለየ ታሪክ ብቅ እያለ ነው" ሲሉ ነው ጠቅላይ ሚኒስትር ዐቢይ አሕመድ (ዶ/ር) የሀገራችንን አዲስ ምዕራፍ ያበሰሩት።

ይህ “ኢትዮጵያ ታከናውናለች” የሚለው መንፈስ በቴክኖሎጂ እና በዲጂታል ትራንስፎርሜሽኑ መስክም በጉልህ እየታየ ይገኛል። በ“ዲጂታል ኢትዮጵያ 2030” ስትራቴጂ አማካኝነት የፋይዳ ብሔራዊ ዲጂታል መታወቂያን ማቅረብ፣ የ“መሶብ” የአንድ ማዕከል የአገልግሎት መተግበሪያን መዘርጋት እና የ5 ሚሊዮን ኮደሮች ሥልጠና ንቅናቄን መተግበር ኢትዮጵያን ወደ ዘመናዊ እና ፈጣን ኢኮኖሚያዊ ሥርዓት እያሸጋገሯት ነው።

እነዚህ የዲጂታል መሠረቶች የቢሮክራሲውን ቅልጥፍና ከማሳደግ ባለፈ ዜጎች ከመንግሥት ጋር ያላቸውን ግንኙነት ፍጹም ዘመናዊ እና ግልጽ ያደርጉታል።

ይህ የተግባር ስኬት እና የማስፈጸም አቅም በሀገር ውስጥ ብቻ የተገደበ ሳይሆን በቀጣናዊ ዲፕሎማሲ እና በጂኦ-ፖለቲካ አቋማችን ላይም ትልቅ ተጽዕኖ እያሳደረ ነው።

ኢትዮጵያ በቀይ ባሕር አካባቢ ያላትን የባሕር በር የማግኘት ሕጋዊ መብት ለማረጋገጥ የምታደርገው ጥረት፣ በአፍሪካ ቀንድ ያላት የሰላም እና የፀጥታ ሚና እንዲሁም የአህጉራዊ እና ዓለም አቀፋዊ አጋርነቶቿን የማጠናከር ሥራ የዲፕሎማሲያዊ ቁመቷን በእጅጉ እያሳደገው ይገኛል።

የሀገር ውስጥ የልማት አቅም ሲጎለብት የውጭ ዲፕሎማሲያዊ ተሰሚነትም አብሮ እንደሚገነባ ይህ አካሄድ ሕያው ማሳያ ነው።

"ኢትዮጵያ ታከናውናለች" የሚለው ይፋዊ እውነት በተግባር እየተረጋገጠ በሄደ ቁጥር፣ ልማት ለብሔራዊ ትሥሥር እንደ ትሥሥር ገመድ ማገልገሉን ይቀጥላል። ይሄ የአፈጻጸም ሥልጣኔ ከተራ ፍልስፍና በላይ በመሆን አዲሲቷን ኢትዮጵያ በጠንካራ ዐለት ላይ የሚገነባ ተግባራዊ መሠረት ሆኖ ሊጸና ይገባል።

ኢትዮጵያ ታከናውናለች፤ በሕዝቦቿ ጥረት፣ በጠንካራ ሀገራዊ ተቋማት ግንባታ እና በዲጂታል ዘመን በሚፈጠሩ አዳዲስ ዕድሎች በመታገዝ የተሻለ እና ብሩህ ነገን ትቀርጻለች።

የኢቢሲ ዶትስትሪም ኤዲቶሪያል
#ebc #ethiopia #ebcdotstream #nationalinterest

የኢትዮጵያ የማዕድን አብዮት - ከ0.2 በመቶ የኢኮኖሚ ድርሻ ወደ ዋነኛ የኢኮኖሚ ሞተርነት
*************************

የኢትዮጵያ የማዕድን ዘርፍ ለበርካታ አሥርት ዓመታት በፖሊሲ ክፍተት፣ በሕገ-ወጥ የኮንትሮባንድ ንግድ እና በተደራጀ ብክነት ምክንያት እምቅ አቅሙ ሙሉ በሙሉ ተዘንግቶ ቆይቷል።

ዛሬ ላይ ግን በአዲሱ ሀገር በቀል የኢኮኖሚ ማሻሻያ ከሀገራችን 5 ዋና ዋና የኢኮኖሚ ምሰሶዎች አንዱ በመሆን ታሪካዊ ትንሣኤውን አብስሯል።

ሀገራችን ስትገነባው የቆየችው በመንግሥት ከፍተኛ ወጪ ላይ የተመሠረተ እና ለዕዳ ተጋላጭ ያደረጋት የኢኮኖሚ ሞዴል ፈታኝ ሆኖ መቆየቱ ይታወቃል።

ይህን በማክሮ ኢኮኖሚ አለመረጋጋት፣ በዋጋ ግሽበት እና በውጭ ምንዛሬ እጥረት የተተበተበ ማነቆ በዘላቂነት ለመቅረፍ የተተገበረው ሀገር በቀል የኢኮኖሚ ማሻሻያ፣ ማዕድንን ከመረሳት ወደ ብሔራዊ ኢኮኖሚ አንቀሳቃሽነት በውጤታማነት አሸጋግሮታል።

ይህ መዋቅራዊ ለውጥ በመረጃ እና በቁጥር ሲመዘን እጅግ አስደናቂ ሆኖ እናገኘዋለን። በ2010 ዓ.ም የማዕድን ዘርፍ ከጠቅላላ የሀገር ውስጥ ምርት (GDP) የነበረው ድርሻ 0.2 በመቶ ብቻ ነበረ። በ2017 ዓ.ም ይህ ቁጥር የ7 እጥፍ ብልጫ በማሳየት ወደ 1.4 በመቶ ማደግ ችሏል።

በተለይም በወርቅ ምርት እና ኤክስፖርት ላይ የታየው ለውጥ በታሪካችን ወደር የማይገኝለት እመርታ ነው።

ባህላዊ የማዕድን ቁፋሮን ወደ መደበኛ የንግድ ሥርዓት በማስገባት በተደረገው ስኬታማ የፖሊሲ ማሻሻያ፣ የሀገራችን የወርቅ ኤክስፖርት ገቢ ከ100 ሚሊዮን ዶላር ወደ 3.48 ቢሊዮን ዶላር በማደግ የ35 እጥፍ ጭማሪ አስመዝግቧል።

የኢትዮጵያ ብሔራዊ ባንክ በቅርቡ የተገበረው በገበያ ላይ የተመሠረተ የውጭ ምንዛሬ ተመን ሥርዓት ደግሞ አምራቾች ምርታቸውን በመደበኛው የፋይናንስ ሥርዓት እንዲያቀርቡ በማድረግ ለዚህ ስኬት ትልቅ ሞተር ሆኗል።

በሌላ በኩል "ኢትዮጵያ ታምርት" በተሰኘው ሀገራዊ ንቅናቄ የማዕድን ዘርፉ ከማኑፋክቸሪንግ ኢንዱስትሪው ጋር በጥብቅ በመተሳሰሩ፣ ገቢ ምርትን በሀገር ውስጥ በመተካት ከፍተኛ ድል ተመዝግቧል።

ለአብነት ያህል የአርጆ የድንጋይ ከሰል ማበልጸጊያ ፋብሪካን መመልከት በቂ ነው። ይህ ዘመናዊ ፋብሪካ በየዓመቱ የከሰል ድንጋይ ለማስገባት ይወጣ የነበረውን ከ300 ሚሊዮን ዶላር በላይ የውጭ ምንዛሬ ሙሉ በሙሉ በሀገር ውስጥ ምርት እንዲተካ አስችሏል።

በተመሳሳይ የኖራ ድንጋይ የሀገር ውስጥ ምርት ድርሻ ከ17 በመቶ ወደ 75 በመቶ ከፍ ማለቱ፣ እንደ ለሚ ናሽናል ሲሚንቶ እና ሙገር የመሳሰሉ ግዙፍ ፋብሪካዎች የማምረቻ ወጪያቸውን በከፍተኛ ደረጃ እንዲቀንሱ አድርጓል።

ይህ በማዕድን ዘርፉ የታየው ዕድገት በማክሮ ኢኮኖሚው ላይ ብቻ ሳይሆን፣ ሰፊ ማኅበራዊ ፋይዳንም አምጥቷል።

በአሁኑ ወቅት ኢንዱስትሪው ከ1 ሚሊዮን በላይ ለሚሆኑ ዜጎቻችን ቀጥተኛ የሥራ ዕድል ፈጥሯል። ከ4 ሚሊዮን በላይ ኢትዮጵያውያን ደግሞ ኑሯቸውን በቀጥታም ሆነ በተዘዋዋሪ በዚህ ዘርፍ ላይ መስርተዋል።

በአጠቃላይ ሀገር በቀል የኢኮኖሚ ማሻሻያው የማዕድን ዘርፉን ከድቅድቅ ጨለማ አውጥቶ የሀገራችንን የኢንዱስትሪ ሽግግር የሚያፋጥን ሞተር አድርጎታል።

ይህ የማዕድን ዘርፍ ስኬት ዘርፉ የኢትዮጵያን የብልጽግና ጉዞ ዕውን የሚያደርግ አስተማማኝ ምሰሶ መሆኑን በተግባር እያረጋገጠ ይገኛል።

በለሚ ታደሰ
#ethiopia #mining #madeinethiopia #economicreform #goldexport #ebc

የተስፋው ቀለም፦ የኢትዮጵያ አዲስ የብልጽግና ስትራቴጂ
**********************

( የዕለቱ መልዕክት)

የአንድ ሀገር መልክዓ-ምድር ሲቀየር፣ ከምድር ገፅታው ጀርባ ያለው የምጣኔ ሀብት የደም ስርም አብሮ ይመታል። ለዘመናት በድርቅ፣ በአፈር መሸርሸርና በተራቆቱ ተራሮች ስትፈተን የኖረችው ኢትዮጵያ፣ ዛሬ ታሪኳን በለመለመ አረንጓዴ ቀለም አዲስ ምዕራፍ እየፃፈችው ትገኛለች።

ይህ በአገራችን ምድር ላይ በክንድና በጉልበት እየታየ ያለው አረንጓዴ ማዕበል ተራ የአይን ማረፊያ ወይም የውበት ጉዳይ አይደለም፤ ይልቁንም የሀገራችንን የማክሮ-ኢኮኖሚ መዋቅር ከስር መሰረቱ እያደሰ እና ቀጣናዊና ዓለም አቀፋዊ ዲፕሎማሲያዊ ተሰሚነቷን ወደ ላቀ ከፍታ እያሻገረ ያለ ታላቅ ሀገራዊ ተግባር ነው።

የአረንጓዴ አሻራ መርሃ-ግብር ከስነ-ምህዳር ጥበቃነቱ እጅግ በላቀ ሁኔታ "ከጥላ ማግኘት ወደ ኪስ ማዳበር" የተሸጋገረ ስትራቴጂካዊ የኢኮኖሚ ሽግግር ሞተር ነው።

ባለፉት ሰባት የለውጥ ዓመታት በተከናወኑ አገራዊ የተቀናጁ ሥራዎች የሀገሪቱን የደን ሽፋን ወደ 23 ነጥብ 6 በመቶ ማሳደግ መቻሉ ለዚህ እውነታ ህያው ምስክር ነው።

ይህ ስኬት በተለይም የታላቁ የኢትዮጵያ ሕዳሴ ግድብና የሌሎች የኃይል ማመንጫዎቻችን ተፋሰሶች በደን እንዲጠበቁ በማድረግ፣ የደለል አደጋን በከፍተኛ ደረጃ ቀንስቷል፤ የውሃና የኃይል ዋስትናችንንም በዘላቂነት አረጋግጧል።

በሌላ በኩል ቀደም ሲል ወደ ውጭ ይላክ የነበረውን 230 ሺህ ቶን የቡና ምርት በአረንጓዴ አሻራ በተሰራ ጠንካራ ስራ ወደ 475 ሺህ ቶን ማሳደግ መቻሉና እንደ አቮካዶ ያሉ ከፍተኛ የገበያ ዋጋ ያላቸው ፍራፍሬዎች በጥራት ወደ አውሮፓ ህብረት ገበያ መላክ መጀመራቸው ለአገራችን አዲስና አስተማማኝ የውጭ ምንዛሬ ምንጭ ፈጥሯል።

ንቅናቄው እስከ 700 ሺህ የሚደርሱ አረንጓዴ የሥራ ዕድሎችን በመፍጠርና የተቀናጁ የግብርና-ኢንዱስትሪ ፓርኮችን በጥሬ ዕቃ በመመገብ የ"ኢትዮጵያ ታምርት" ብሔራዊ ንቅናቄን በጽኑ መሠረት ላይ እየደገፈው ይገኛል።

የዚህ ታላቅ ሀገራዊ ፕሮጀክት ፋይዳ ከምጣኔ ሀብት አድማስ አልፎ በዓለም አቀፍ መድረክም አዲስ የፖሊሲ መደራደሪያና የተሰሚነት አቅም ፈጥሯል። የ21ኛው ክፍለ ዘመን ዓለም አቀፍ የፋይናንስ ሥርዓት "አረንጓዴነትን" ዋነኛ መመዘኛ ባደረገበት በዚህ ወቅት፣ ኢትዮጵያ የአየር ንብረት ለውጥን ለመቋቋም ያሳየችው ቁርጠኝነት በዲፕሎማሲው ረገድ ውጤታማ ፍሬዎችን እያፈራላት ነው።

አገራችን ሁለተኛውን የአፍሪካ የአየር ንብረት ጉባኤና የተባበሩት መንግሥታት የምግብ ሥርዓት ጉባኤን ጨምሮ ከ150 በላይ ዓለም አቀፍ መድረኮችን በስኬት ማስተናገዷ ብሔራዊ ተሰሚነታችን ማደጉን ያሳያል።

የዚሁ ዲፕሎማሲያዊ እምርታ ታላቅ ማሳያ ደግሞ ከ75 ሺህ በላይ ተሳታፊዎች የሚገኙበትን ታላቁን ዓለም አቀፍ የአየር ንብረት ለውጥ ጉባኤ (COP32) እንድታዘጋጅ ኢትዮጵያ መመረጧ ነው።

ወደ 50 ቢሊዮን ችግኞች የምናደርገው ጉዞም የምስራቅ አፍሪካን መራቆት የመቀልበስ ግብ የሰነቀ ሲሆን፣ ይህም ለአካባቢ ጥበቃ የሚውል አዲስ የ"ችግኝ ዲፕሎማሲ" ስትራቴጂ ወልዷል።

ይህ አካሄድ ከጎረቤት አገራት ጋር የችግኝ ስጦታዎችንና የጋራ ተከላዎችን በማከናወን ቀጣናዊ ትስስርንና ወንድማማችነትን የሚያጠናክር ጠንካራ ድልድይ ሆኗል።

በቢሊዮን ቶን የሚቆጠር የካርቦን ዳይኦክሳይድ ልቀትን የሚምጡት ደኖቻችን፣ ኢትዮጵያን በአፍሪካ ቀንድ ትልቁ የካርቦን ማከማቻ ባለቤት በማድረግ በዓለም አቀፍ ድርድር ላይ የቢሊዮን ዶላር አረንጓዴ የፋይናንስ ፈንድ በቀጥታ ወደ ሀገር ውስጥ ለማስገባት የሚያስችል የካርቦን ገበያ ዕድል እየፈጠሩላት ነው።

በአጠቃላይ የአረንጓዴ አሻራ መርሃ-ግብር ኢትዮጵያ ዘላቂ ብልጽግናን የምታረጋግጥበት፣ በዓለም መድረክም ክብሯንና ብሔራዊ ጥቅሟን በአረንጓዴ ዲፕሎማሲ የምታስከብርበት የትውልድ አሻራ ነው፤ ይህንኑ አኩሪ ውጤት ይበልጥ አጠናክሮ ማስቀጠል ደግሞ የሁላችንም ታሪካዊ ኃላፊነት ነው!

የኢቢሲ ዶትስትሪም ኤዲቶሪያል

Ethiopian Broadcasting Corporation #ethiopia #greenliving #አረንጓዴአሻራ

የቴክኖሎጂ እና የማኑፋክቸሪንግ ጥምረት - የሀገራዊ ብልጽግና አዲስ ሞተር
***********************
(የዕለቱ መልዕክት)

በሀገራችን የኢኮኖሚ መዋቅር ውስጥ እየታየ ላለው የተቀናጀ የለውጥ ጉዞ የማኑፋክቸሪንግ ዘርፉ ዋነኛ ማሳያ ነው።

ባለፉት አምስት ዓመታት የኢትዮጵያ የማኑፋክቸሪንግ እና የግንባታ ዘርፎች ትልቅ የለውጥ ማዕበል ፈጥረዋል።

ቀደም ሲል በባሕላዊ አሠራር የተተበተበው የግንባታ ኢንዱስትሪ እና በጥሬ ዕቃ ላኪነት የተወሰነው የማኑፋክቸሪንግ ዘርፍ፣ ዛሬ በቴክኖሎጂ ታግዘው እና እጅ እና ጓንት ሆነው የሀገር የጀርባ አጥንት ወደ መሆን ተሸጋግረዋል።

የመንግሥት ከፍተኛ የካፒታል በጀት ምደባ፣ የግዙፍ ብሔራዊ ፕሮጀክቶች መፈፀም፣ የከተሞች በፍጥነት መስፋፋት እንዲሁም የአረንጓዴ ዐሻራ እና የኮሪደር ልማት ፕሮጀክቶች ዘርፎቹን ወደ አዲስ ምዕራፍ አሸጋግረዋቸዋል።

በተለይም ባለፉት ዓመታት የተገነቡት የኢንዱስትሪ ፓርኮች ከግብርና መር ኢኮኖሚ ወደ ማኑፋክቸሪንግ ለሚደረገው ታሪካዊ መዋቅራዊ ሽግግር ተወዳዳሪ የሌለው ሚና በመጫወት ለግሉ ዘርፍ አዲስ የብርሃን በር ከፍተዋል።

አሁን በደረስንበት ደረጃ ላይ ሆነን ስንመዝነው፣ ይህ የዘመናት የልማት ሕልም ከወረቀት አልፎ በተግባር መሬት እየረገጠ ይገኛል። ጠቅላይ ሚኒስትር ዐቢይ አሕመድ (ዶ/ር) ትናንት የጎበኙት እና በ3ዲ ሕትመት፣ በቅድመ-ዝግጅት ቀላል ዓረብ ብረት እና በኮንቴይነር መኖሪያ ቤቶች ጥምረት በጥቂት ቀናት ውስጥ የተገነባው ዘመናዊ መንደር፣ ፍጥነት እና ጥራት እርስ በርስ የማይጋጩ መሆናቸውን ያረጋገጠ ሕያው ምስክር ነው።

በአሁኑ ወቅት የኢንዱስትሪ ፓርኮችን ወደ ልዩ የኢኮኖሚ ዞን የማሳደግ እና ማበረታቻዎችን በአፈጻጸም ላይ የመሠረቱ ፖሊሲዎች የውጭ ቀጥታ ኢንቨስትመንትን በከፍተኛ ሁኔታ እየሳቡ ይገኛሉ።

በግንባር ቀደምትነት የሚመራው የ“ኢትዮጵያ ታምርት” ንቅናቄም የገቢ ምርትን በሀገር ውስጥ በመተካት ረገድ አስደናቂ ድሎችን እያስመዘገበ ነው።

ባለፉት ዘጠኝ ወራት ውስጥ ብቻ 4 ነጥብ 85 ቢሊዮን ዶላር የሚገመት የገቢ ምርትን በጥራት መተካት መቻሉ እና የማኑፋክቸሪንግ ዘርፉ የ10.1% ዕድገት ማስመዝገቡ ትልቅ ስኬት ነው።

ቀደም ሲል ከፍተኛ የውጭ ምንዛሬ ይወጣባቸው የነበሩ እንደ መከላከያ እና ፖሊስ አልባሳት፣ ዘመናዊ የውኃ ቆጣሪዎች፣ የምግብ እና መጠጥ ውጤቶች አሁን ሙሉ በሙሉ በሀገር ውስጥ እየተመረቱ ይገኛሉ።

ከዚህ ባለፈም በሺዎች ለሚቆጠሩ ዜጎች፣ በተለይም ለወጣት ሴቶች የሥራ ዕድል መፈጠሩ እና የኤኮ-ኢንዱስትሪ ፓርኮች የአረንጓዴ ኢኮኖሚ ግንባታን በተግባር ማሳየታቸው አሁን ያለንበትን የላቀ ቁመና ያሳያል።

ሆኖም “ሳይቸግር ጤፍ ብድር” እንዲሉ የተመዘገቡት ስኬቶች በፈተናዎች እና በተግዳሮቶች የተከበቡ መሆናቸውን መዘንጋት የለብንም። የዓለም አቀፍ ሎጂስቲክስ መጓተት፣ የውጭ ምንዛሬ እጥረት፣ የኮንስትራክሽን ግብአቶች ፍላጎት እና አቅርቦት አለመመጣጠን አሁንም እየታገሉን ያሉ መዋቅራዊ ተግዳሮቶች ናቸው። ስለዚህ ይህ የተጀመረው የብልጽግና ጉዞ ዘላቂ እና ቀጣይ እንዲሆን ከተፈለገ ወደፊት በትኩረት ሊሠሩ የሚገባቸው ወሳኝ የቤት ሥራዎች አሉ።

በመጀመሪያ የውጭ ጥገኝነትን ሙሉ በሙሉ ለመቅረፍ የብረት እና ሌሎች ዋና ዋና የማጠናቀቂያ ቁሳቁሶችን በሀገር ውስጥ የማምረት አቅምን በከፍተኛ ደረጃ ማሳደግ ይገባል።

በሁለተኛ ደረጃ በግንባታው ዘርፍ የሕንፃ መረጃ ሞዴሊንግ (BIM) እና ዘመናዊ የዲጂታል መከታተያ መተግበሪያዎችን በስፋት በመጠቀም ብክነትን እና ጊዜን የመቀነስ የቴክኖሎጂ ሽግግር ተጠናክሮ ሊቀጥል ይገባል።

በሦስተኛ ደረጃ የሕግ እና የቁጥጥር ማዕቀፎችን በማጠናከር፣ የኮንትራት አስተዳደርን ማዘመን እና የግል እና የመንግሥት አጋርነትን (PPP) ማበረታታት የግድ ይላል።

“ካለፈው ስህተት የተማረ፣ ለወደፊቱ ብልህ ነው” እንደሚባለው፣ የተገኙትን መልካም አጋጣሚዎች በማስፋት እና ድክመቶችን በማረም፣ የጀመርነውን የኢንዱስትሪ ብልጽግና ጉዞ ብሩህ እና ተስፋ ሰጪ ማድረግ የምንችለው በዚሁ በቆራጥነት እና በጋራ የመሥራት ቀጣይነት ባለው መርሕ ላይ ስንጓዝ ብቻ ነው።

የኢቢሲ ዶትስትሪም ኤዲቶሪያል
#ethiopia #ebc #ebcdotstream #manufacturing #technology

ከኢኮኖሚ ዋስትና እስከ ቀጣናዊ ተሰሚነት፦ የባሕር በር ፍላጎት እና የኢትዮጵያ ስትራቴጂያዊ ጥቅሞች
************************

አንድ ሀገር የባሕር በር ማግኘቱ ከቀላል የንግድ ልውውጥ ባለፈ፣ የፖለቲካ ነፃነቱ፣ የኢኮኖሚ ዋስትናው እና የብሔራዊ ደኅንነቱ ማረጋገጫ ነው።

ኢትዮጵያ ካላት ግዙፍ የሕዝብ ቁጥር እና ፈጣን ዕድገት እያስመዘገበ ከሚገኘው ኢኮኖሚዋ አንጻር፣ ቀጥተኛ የባሕር በር ማጣቷ በሉዓላዊነቷ እና በረጅም ጊዜ ስትራቴጂያዊ ጥቅሟ ላይ ከፍተኛ ተፅዕኖ አለው።

በመሆኑም የባሕር በር ጥያቄ የቅንጦት ጉዳይ ሳይሆን፣ የሀገራችንን ቀጣይነት ለማረጋገጥ እና ብሔራዊ ጥቅማችንን ለማስጠበቅ ያለመ የሕልውና ጉዳይ ነው።

ኢትዮጵያ በአሁኑ ወቅት የወጪ እና ገቢ ንግዷን በአንድ ወደብ ብቻ ማካሄዷ ለከፍተኛ ጂኦፖለቲካዊ ስጋት እና ለሎጂስቲክስ መስተጓጎል ተጋላጭ አድርጓታል።

የጅቡቲ ወደብን ለመጠቀም በየዓመቱ የምታወጣው ከ1.5 እስከ 2 ቢሊዮን ዶላር የሚደርስ የውጭ ምንዛሬ በሀገራችን የማክሮ-ኢኮኖሚ መረጋጋት፣ በምርቶች የትርፍ ህዳግ እና በዜጎች የኑሮ ውድነት ላይ ቀጥተኛ ጫና እያሳደረ ይገኛል።

ስለሆነም የራስን የባሕር በር ወይም አስተማማኝ እና ዘላቂ የወደብ አማራጮችን በዲፕሎማሲያዊ መንገድ ማግኘት የሀገር ውስጥ ገበያን ከማረጋጋቱም በላይ፣ ከጎረቤት ሀገራት ጋር የሚኖረንን የኢኮኖሚ ትስስር እና የኃይል ሚዛን በብልሃት ለመምራት ያስችላል።

ሀገራችን እየተገበረችው ላለው ሀገር በቀል የኢኮኖሚ ማሻሻያ እና ከግብርና መር ወደ ኢንዱስትሪ መር ኢኮኖሚ ለጀመረችው ሽግግር ስኬት በተለይም እንደ "ኢትዮጵያ ታምርት" ላሉ ብሔራዊ ንቅናቄዎች ውጤታማነት ቀልጣፋና ተደራሽ የሎጂስቲክስ መስመር መኖሩ ወሳኝ ነው።

የባሕር በር ባለቤትነት የሀገር ውስጥ አምራቾች የግብርና እና የኢንዱስትሪ ምርቶቻቸውን በፈጣን ሂደት እና በተመጣጣኝ ወጪ በቀጥታ ወደ ዓለም ገበያ እንዲልኩ ሰፊ ዕድል ይፈጥራል።

ይህ ተወዳዳሪነት ደግሞ የውጭ ቀጥተኛ ኢንቨስትመንትን በስፋት ለመሳብ፣ የኢንዱስትሪ ፓርኮችን የማምረት አቅም ለማሳደግ እና የሀገራችንን የውጭ ምንዛሬ ገቢ በከፍተኛ ደረጃ ለማሳደግ አስተማማኝ ዋስትና ይሆናል።

የባሕር በር መኖር ከኢኮኖሚ ጠቀሜታው ባሻገር ብሔራዊ ደኅንነትን ለማስጠበቅ እና በቀጣናው አስተማማኝ ሰላም ለመገንባት ቁልፍ መሣሪያ ነው።

ኢትዮጵያ በቀይ ባሕር እና በኤደን ባሕረ ሰላጤ አቅራቢያ የሚስተዋሉ የፀጥታ ስጋቶችን፣ የባሕር ላይ ወንበዴነትን እና የዓለም አቀፍ ኃይሎችን የጂኦፖለቲካ ሽኩቻ ለመመከት ዘመናዊ የባሕር ኃይል በከፍተኛ የሰው ኃይል እና ቴክኖሎጂ መልሳ ገንብታለች።

አስተማማኝ የባሕር በር ማግኘት የባሕር ኃይሉን ስምሪት ውጤታማ በማድረግ፣ ሀገራችን በምሥራቅ አፍሪካ እና በቀይ ባሕር የደኅንነት መዋቅር ያላትን ተሰሚነት፣ የድርድር አቅም እና የሰላም አስከባሪነት ሚና በእጅጉ ከፍ ያደርገዋል።

የባሕር በር ጉዳይ የአጭር ጊዜ የፖለቲካ አጀንዳ ሳይሆን፣ ከትውልድ ትውልድ የሚሻገር የኢትዮጵያ የብሔራዊ ጥቅም ማዕቀፍ ነው።

ሀገራችን በዲፕሎማሲያዊ ጥረቶች፣ በጋራ ልማት መርሆዎች፣ በሰላማዊ ድርድር እና በሕጋዊ መንገዶች የባሕር በር ለማግኘት የምታደርገው ጥረት የኢኮኖሚ ጥገኝነትን ለመቀነስ፣ የንግድ መስመሮችን ለማስፋፋት እና የተሟላ ሉዓላዊነትን ለማረጋገጥ የሚደረግ ታሪካዊ እና ስትራቴጂያዊ ሂደት ነው።

በሔዋን ጌታቸው
#ethiopia #seaaccess #redsea #geopolitics #hornofafrica #nationalsecurity #ebc

"አምራች ኢንዱስትሪ የኢኮኖሚ የልብ ምት ነው " አሕመዲን ሙሐመድ ( ዶ.ር)

"ኢትዮጵያ ታምርት" ክልላዊ የማጠቃለያ መርሐ ግብር "ኢትዮጵያ ታምርት ለሁለንተናዊ ሉዓላዊነት" በሚል መሪ መልዕክት በኮምቦልቻ ከተማ ዛሬ ግንቦት 30 2018 ተካሂዷል።

በመርሐ ግብሩ ከባለሃብቶች እና ከባለድርሻ አካላት ጋር ውይይት ተደርጓል።

በውይይቱ የተገኙ ባለሃብቶች የግብዓት፣ የኀይል አቅርቦት እና የመሠረተ ልማት ዝርጋታ እንዲሟላ ጠይቀዋል። የክልሉን ኢንቨስትመንት ለማሳደግ ሰላምን ማረጋገጥ እንደሚገባም ተናግረዋል።

ክልሉ ተወዳዳሪ እንዲኾን ከተፈለገ ሰላምን ማረጋገጥ እና ለኢንዱስትሪ ማነቆ የኾኑ ችግሮችን መፍታት ይገባል ነው ያሉት። የማስፋፊያ ቦታዎችን ማመቻቸት እንደሚገባም ገልጸዋል። የፋይናንስ ተቋማት ለባለሃብቶች የብድር አቅርቦት እንዲያመቻቹም ጠይቀዋል።

የአማራ ክልል ኢንዱስትሪ እና ኢንቨስትመንት ቢሮ ኀላፊ እንድሪስ አብዱ የክልሉ ኢንዱስትሪ እና ኢንቨስትመንት ቢሮ ባለሃብቶች የሚያነሷቸውን ችግሮች በዘላቂነት ለመፍታት በትኩረት እየሠራ መኾኑንም ተናግረዋል።

ችግሮች እንዲፈቱ ተደጋጋሚ ውይይቶች እየተደረጉ እና አቅጣጫዎች እየተቀመጡ መኾናቸውንም ገልጸዋል። የፋይናንስ ተቋማት የብድር አቅርቦት እንዲያመቻቹ ውይይት መደረጉንም አንስተዋል። ጥያቄዎችን ደረጃ በደረጃ እንደሚፈቱም ገልጸዋል።

በምክትል ርእሰ መሥተዳድር ማዕረግ የከተማ ዘርፍ አስተባባሪ አሕመዲን ሙሐመድ (ዶ.ር) የኢትዮጵያ ታምርት ንቅናቄ የኢኮኖሚ መዋቅር ለውጥ ማምጣቱን ገልጸዋል። የኢትዮጵያ ታምርት ንቅናቄ ችግሮችን እየፈታ፣ የአምራች ኢንዱስትሪዎች ምርት እንዲጨምር ያደረገ ነው ብለዋል።

"አምራች ኢንዱስትሪው የኢኮኖሚው የልብ ምት ነው" ያሉት አስተባባሪው የልብ ምት የኾነውን ዘርፍ በቅንጅት ማሳደግ ይገባል ነው ያሉት። አምራች ኢንዱስትሪው ያለበትን ማነቆ እየፈቱ መሄድ እንደሚገባም አመላክተዋል።

የኀይል አቅርቦትን እና ሌሎች ችግሮችን መፍታት አለብን ነው ያሉት። ከተቋማት ጋር ያለን ቅንጅት ማጠናከር እንደሚያስፈልግም አንስተዋል። ለኢንዱስትሪ የሚመጥን የሰው ኀይል መገንባት እንደሚገባም አመላክተዋል። ባለሃብቶች ጥራቱን የጠበቀ ምርት እንዲያመርቱም አስገንዝበዋል። በተገቢው መንገድ በመሥራት ኢትዮጵያን ከኢኮኖሚ ጥገኝነት እንዲያላቅቁ እና በሁሉም መስክ ራሷን የቻለች እንድትኾን እንዲተጉም አሳስበዋል።

ለማይበገር ኢኮኖሚ ግንባታ የብዝሃ ዘርፍ አማራጮች …

አዲስ አበባ፣ ግንቦት 30፣ 2018 (ኤፍ ኤም ሲ) ዘላቂ እና የማይበገር ኢኮኖሚ በመገንባት ሂደት መሰረታዊ ለውጥ ማምጣት ያስፈልጋል።

ኢትዮጵያ በግብርና ዘርፍ ብቻ ተወስኖ የነበረውን የኢኮኖሚ መሰረት በማስፋት ብዝሃ ዘርፍ የኢኮኖሚ ስርዓትን መተግበር ጀምራለች።

የብዝሃ ዘርፍ ኢኮኖሚ ስርዓት ለሁሉም ዘርፎች ተገቢውን ትኩረት በመስጠት ባለፉት ዓመታት በተሰሩ ስራዎች ከፍተኛ ስኬት ማስመዝገብ ተችሏል።

ኢትዮጵያ በተለይም ሰፊ የግብርና፣ የሰው ኃይል እንዲሁም ጠንካራ የታዳሽ ኃይል መሰረት ያላት መሆኑ ወደ ብዝሃ ዘርፍ ኢኮኖሚ ለምታደርገው ሽግግር ጉልህ ሚና ይጫወታል፡፡

ይህንን በመገንዘብ በግብርና፣ ኢንዱስትሪ፣ ቱሪዝም፣ ማዕድንና ቴክኖሎጂ ዘርፎች ተግባራዊ በተደረጉ የብዝሃ ዘርፍ የኢኮኖሚ ስርዓት አመርቂ ውጤት እየተመዘገበ ይገኛል፡፡

ቀደም ሲል በግብርና ላይ ብቻ የተወሰነውን የኢኮኖሚ ስርዓት በማስፋት በቱሪዝም፣ በኢነርጂ፣ በአገልግሎትና አምራች ዘርፎች በተከናወኑ ሰፋፊ ስራዎች አበረታች እመርታ ተመዝግቧል፡፡

ለአብነትም በመላ ሀገሪቱ የተከናወኑ የቱሪዝም መዳረሻዎችን የማስፋት ስራዎች ይጠቀሳሉ።

በጠቅላይ ሚኒስትር ዐቢይ አሕመድ (ዶ/ር) ሀሳብ አመንጪነት ገበታ ለሸገር፣ ገበታ ለሀገር እና ገበታ ለትውልድ የመሳሰሉ መርሐ ግብሮች ተተግብረው የቱሪዝሙ አቅም ከፍተኛ መሆኑን ማሳየት ተችሏል።

ከዚህ በተጨማሪ ነባር የቱሪዝም መዳረሻዎችን በማዘመንና አዳዲስ መዳረሻዎችን በመገንባት የቱሪዝም ዘርፉ ያለውን የኢኮኖሚ ድርሻ ያሳደገ ውጤትና ተስፋ ተገኝቷል።

በአምራች ኢንዱስትሪ ዘርፍ በተለይም በኢትዮጵያ ታምርት ንቅናቄ አማካኝነት የውጭ ምንዛሪን ማስቀረት የሚችሉ ተኪ ምርቶች ላይ ትኩረት በማድረግ ተጨባጭ ውጤት ተመዝግቧል፡፡

ከ47 በመቶ ያልተሻገረውን የኢንዱስትሪዎች የማምረት አቅም ባለፉት ሦስት ዓመታት ብቻ ወደ 66 ነጥብ 3 በመቶ ማሳደግ ተችሏል፡፡

በተመሳሳይ በማዕድን ዘርፍ ከፍተኛ ስኬት የተመዘገበ ሲሆን፥ የወርቅ፣ የብረት፣ የከበሩ ማዕድናት እንዲሁም የሲምንቶ ምርት መጠን በእጅጉ ጨምሯል፡፡

የልማት ስራዎች በቴክኖሎጂ ታግዘው በሚፈለገው ፍጥነት እድገትን እንዲያረጋግጡ ባለፉት ዓመታት የቴክኖሎጂ መሰረተ ልማትን በማስፋፋት ረገድ በርካታ ተግባራት የተከናወኑ ሲሆን፤ በአርቲፊሻል ኢንተለጀንስ ዘርፍ አስደናቂ ውጤት መጥቷል።

በዚህም አገልግሎት አሰጣጥን በማዘመን የአገልግሎት ተደራሽነትን ከማስፋት ባሻገር የኅብረተሰቡን የቴክኖሎጂ ተጠቃሚነት ማሻሻል ተችሏል።

የሞባይል ተጠቃሚዎች ቁጥር ከ97 ሚሊየን መሻገሩ ዲጂታል የፋይናንስ እንቅስቃሴን በማጎልበት በኩል የራሱን ሚና እያበረከተ ነው።

"ሀገር የተሟላ ሉዓላዊነት እና ነፃነት የሚኖራት በሁሉም መስክ ራስን መቻል ሲቻል ነው" - የአማራ ክልል ርዕሰ መስተዳድር አረጋ ከበደ
*******************

የአማራ ክልል "ኢትዮጵያ ታምርት" የንቅናቄ ማጠቃለያ መርሐ ግብር "ኢትዮጵያ ታምርት ለሁለንተናዊ ሉዓላዊነት" በሚል መሪ መልዕክት በኮምቦልቻ ከተማ እየተካሄደ ይገኛል።

በመርሐ ግብሩ ላይ ተገኝተው መልዕክት ያስተላለፉት የአማራ ክልል ርዕሰ መስተዳድር አረጋ ከበደ፣ ክልሉን ተወዳዳሪ እና ቀዳሚ ለማድረግ ሁሉም አካል በቅንጅት እና በትብብር ሊሠራ እንደሚገባ አሳስበዋል።

የ"ኢትዮጵያ ታምርት" ንቅናቄ በራስ አቅም የማደግ፣ የራስን ምርት የማሳደግ እና የመጠቀም እንዲሁም ሀገርን በአንድነት የማበልጸግ እሳቤ የወለደው መሆኑን አቶ አረጋ ገልጸዋል።

"ሀገር የተሟላ ሉዓላዊነት እና ነፃነት የሚኖራት በሁሉም መስክ ራስን መቻል ሲቻል ነው" ያሉት ርዕሰ መስተዳድሩ፣ በምርት ራሱን ያልቻለ ሀገር የሌሎች ሀገራት የፖለቲካ፣ የኢኮኖሚ እና የማኅበራዊ ጥገኛ መሆኑ እንደማይቀር አስገንዝበዋል።

ኢትዮጵያ በቀኝ ግዛት ያልተገዛች ሀገር ብትሆንም፣ የተሟላ ነፃነት እና ሉዓላዊነት ለማረጋገጥ ሕዝቡን ከድህነት እና ኋላቀርነት ማላቀቅ እንዲሁም በምርት ራስን መቻል የውዴታ ሳይሆን ግዴታ መሆኑን አብራርተዋል።

የ"ኢትዮጵያ ታምርት" ንቅናቄ የኢትዮጵያን የኢንዱስትሪ ዕድገት በከፍተኛ ደረጃ እየቀየረው መምጣቱን ገልጸው፣ ከዚህ ቀደም የነበሩ የኃይል፣ የፋይናንስ አቅርቦት እና ሌሎች ማነቆዎች በሂደት እየተፈቱ መምጣታቸውን ተናግረዋል።

በሀገር አቀፍም ሆነ በክልል ደረጃ የአምራች ኢንዱስትሪ ዘርፉ የማምረት አቅም ከበፊቱ በከፍተኛ ሁኔታ ማደጉን ጠቁመው፣ አሁንም ግን ለአነስተኛ፣ መካከለኛ እና ከፍተኛ ኢንዱስትሪዎች ዕድገት ብዙ መሥራት እንደሚጠበቅ አስታውቀዋል።

የክልሉ ኢንዱስትሪ በፀጥታ ችግር ውስጥ ማለፉን በማስታወስም፣ ኢንዱስትሪዎችን ማስፋፋት ራሱ የፀጥታ ችግሩን እንደሚፈታው ተናግረዋል።

"ኢኮኖሚው ያደገ ሀገር እና ሕዝብ ወደ ግጭት አይገባም" በማለትም የኢንዱስትሪው ዕድገት ለሰላም ያለውን አስተዋፅኦ አጉልተዋል።

ይህንንም መሠረት በማድረግ፣ የአምራች ኢንዱስትሪ ዘርፉ የክልሉ የ25 ዓመታት የአሻጋሪ ዕድገት እና የዘላቂ ልማት ዕቅድ ቁልፍ የትኩረት አቅጣጫ መደረጉን ገልጸዋል።

የፀጥታ ችግር ሳይበግራቸው በክልሉ በመሥራት ለውጤት የበቁ ባለሀብቶችን አመስግነዋል።

"የኢትዮጵያ ታምርት" ንቅናቄ የክልሉን ጸጋ ለሀገር ውስጥ እና ለውጭ ባለሀብቶች ለማስተዋወቅ፣ የገበያ ትሥሥር ለመፍጠር እና የመንግሥት እና የባለሀብቱን ቅርርብ ለማሻሻል ዓይነተኛ ሚና መጫወቱን አብራርተዋል።

የክልሉ መንግሥት አዳዲስም ሆነ ነባር ባለሀብቶችን ለመደገፍ ዝግጁ መሆኑን በማረጋገጥ፣ ሌሎች ባለሀብቶችም ወደ ሥራ እንዲገቡ ጥሪ ማቅረባቸውን አሚኮ ዘግቧል።
#ethiopia #ebc #madeinethiopia #industry