የዩኤኢ ባለስልጣናት ማስጠንቀቂያ ሰጡ !

የዩናይትድ አረብ ኤምሬትስ ባለስልጣናት ለእንግሊዝ መንግሥት ማስጠንቀቂያ መላካቸውን ብሉምበርግ ዘገበ።

ባለሥልጣናቱ ማንችስተር ሲቲ ላይ ከባድ ቅጣት ከተጣለ ከእንግሊዝ ጋር ያላቸውን ግንኙነት ሊያሻክር እንደሚችል ገልጸዋል።

እንዲሁም በእንግሊዝ ትልቅ ኢንቨስትመንት ለማድረግ ያላቸው ፍላጎት ላይ አሉታዊ ተፅዕኖ ሊያስድር እንደሚችል ገልጸዋል።

የእንግሊዝ ጠቅላይ ሚኒስቴር አንዱ በርንሀም ከቀናት በፊት የማንችስተር ሲቲ ባለቤቶችን እንዳያጡ መስጋታቸውን ገልፀው ነበር።

የክለቡ ባለቤቶች ማንችስተርን ዘመናዊ ለማድረግ ከፍተኛ አስተዋጽኦ ማድረጋቸውን ጠቅላይ ሚኒስትሩ ተናግረው ነበር።

@tikvahethsport       kidusyoftahe

የፕሬስ መግለጫ፦ የኤርትራ የውጪ ጉዳይ ሚኒስትር

የኢትዮጵያ መንግሥት ዛሬ ባወጣው የፕሬስ መግለጫ፣ የኤርትራ ኤምባሲን በኢትዮጵያ እንዲዘጋ ማድረጉን እና በአፍሪካ ኅብረት የተመደቡትን የኤርትራ ዲፕሎማቶች ጨምሮ አሥር የኤርትራ ዲፕሎማቶችን፣ የኤምባሲውን ቻርጅ ዲ አፌርስን ጨምሮ፣ “persona non grata” (የማይፈለጉ ሰዎች) ብሎ መፈረጁን አስታውቋል።

የኢትዮጵያ መንግሥት እነዚህን ያልተገቡ የጠላትነት እርምጃዎች ለማስረዳት፣ ኤርትራን “በኢትዮጵያ ላይ ቀጥተኛና ቀጥተኛ ያልሆኑ የጠላትነትና የጦርነት እርምጃዎችን” በመፈጸም ከሷል።
ይህ በእርግጥ አስገራሚ ነው።

በእውነቱ፣ ላለፉት ሦስት ዓመታት በኤርትራ ሉዓላዊ ወደቦችና የባሕር ዳርቻዎች ላይ ወረራ በማድረግ “የባሕር በር ላይ ሉዓላዊ መዳረሻ ማግኘት” የሚለውን አስፈላጊ ዓላማ ለማሳካት በኤርትራ ላይ ቀጣይነት ያለው ጠላትነትን ስትከተል የቆየችው ኢትዮጵያ ናት፤ በተግባርም በይፋ የታወጀ የጦርነት አቋም ይመስላል።

ከእነዚህ ጠበኛ ዓላማዎች ጋር በተያያዘ፣ ኢትዮጵያ የ“ኤርትራ የታጠቁ ተቃዋሚ ቡድኖች” ብላ የምትጠራቸውን የተለያዩ ቡድኖች በማስተናገድ፣ በማሰልጠንና በመሣሪያ በመደገፍ በኤርትራ ውስጥ “የሥርዓት ለውጥ” ለማስከተል የውስጥ ግጭትን ለማባባስ ተጨማሪ እርምጃዎችን ወስዳለች።

በእነዚህ ፈታኝ ጊዜያት ሁሉ፣ ኤርትራ አደገኛ የግጭት መባባስን ለመከላከል በሚል ተስፋ ትዕግሥትና እገዳ አሳይታለች።
ነገር ግን በአሁኑ ሁኔታ፣ ኤርትራ እነዚህን እርምጃዎች በተመሳሳይ መንገድ ከመመለስና ከኢትዮጵያ ጋር ያላትን የዲፕሎማሲ ግንኙነት በከባድ ሁኔታ ከመቁረጥ ውጭ ሌላ አማራጭ የላትም፤ ይህም በርካታ አሉታዊ ውጤቶችን ያስከትላል።

የውጭ ጉዳይ ሚኒስቴር
አስመራ

ታካሚዎች ላይ ሞት እና የአካል ጉዳት ጭምር ያስከተሉ የህክምና ስህተት አቤቱታዎች መቅረባቸውንና የሚቀርቡ አቤቱታዎች እየጨመሩ መሆኑን የአዲስ አበባ ከተማ አስተዳደር የምግብና መድኃኒት ባለስልጣን ገለጸ።

የባለስልጣኑ የህግ፣ የጤና ባለሙያዎችና ሥነምግባር ክትትል ዳይሬክር አቶ መትከል ገብረመድህን ለቲክቫህ ኢትዮጵያ እንደተናገሩት ከሆነ፣ ከህክምና ስህተት ጋር በተያያዘ 42 አቤቱታዎች ቀርበዋል።

የቀረቡት አቤቱታዎች ምን የተመለከቱ ናቸው? በእነዚህ አቤቱታዎች በህክምና ስህተት የሞቱ፣ የአካል ጉዳት የደረሰባቸውን የሚመለከቱ አሉ? በሚል ላቀረብነው ጥያቄ ዳይሬክተሩ፣ "አዎን። እሱማ አለ። የአካል ጉዳትም አለ፤ ሞትም አለ" ብለዋል።

"ግን እንደዚህ አይነት ነገሮች ላይ ጥንቃቄ ያስፈልጋል። ሚዲያ ላይ ሲወጣ ባለሙያዎች ላይ የሚያሳድረው አሉታዊ ተፅዕኖ ቀላል አይደለም" ብለው፣ የሟችና ጉዳተኞችን ቁጥር ከመግለጽ ተቆጥበዋል።

የህክምና ስህተት ተፈጸመ በሚል የሚያቀረቡ አቤቱታ እየጨመረ ወይስ እየቀነሰ ነው? መንስኤው ምንድን ነው? ስንላቸው፣ "በተለያዩ መንገዶች በደንብ እየሰራን ስለሆነ ህብረተሰቡ ከጊዜ ወደ ጊዜ ግንዛቤው እየዳበረ መጥቷል። ግንዛቤ እየዳበረ በመምጣቱ የሚቀርበው የቅሬታ መጠንም ከፍ እያለ መጥቷል" ብለዋል።

"የቅሬታ መጠኑ ከጊዜ ወደ ጊዜ እየጨመረ ነው" ያሉን ሲሆን፣ "ይህ ማለት የህክምና ስህተት ጨምሮ ሊሆንም ላይሆንም ይችላል፤ ያ በጥናት ነው የሚረጋገጠው" ሲሉም ለቲክቫህ ኢትዮጵያ ተናግረዋል።

የሚቀርቡ አቤቱታዎች ሲጨምሩ በጤና ባለሙያዎች ላይ የሚወሰደው እርምጃ የመጨመር እድሉ ሰፊ መሆኑንም ገልጸዋል።

አቶ መትከል 42 አቤቱታዎች መቅረባቸውን ተከትሎ፣ "31 የሚሆኑ ጤና ባለሙያዎችን ተጠያቂ አድርገናል። በማጣራት ሂደት ብዙ ባለሙያዎች ናቸው የሚሳተፉት፤ ከበርካታ ባለሙያዎች መካከል ነው 31 ባለሙያዎችን ተጠያቂ ያደረግነው" ሲሉ ነግረውናል።

ዘንድሮ 42 ሰዎች ካቀረቧቸው አቤቱታዎች መካከል ዋና ዋናዎቹ ምን እንደሆኑ ስንጠይቃቸው፥ የሞት፣ የአካል ጉዳት አቤቱታዎች መሆናቸውን ተናግረዋል።

- በጨቅላ ህፃናት፣
- በነፍሰጡሮች፣
- በጥርስ ህክምና
- በዓይን ህክምና
- በውስጥ ደዌ በሽታዎች
- በወሊድ እና ከወሊድ ጋር በተያያዙ ጉዳዮች መሆኑንም አስረድተዋል።

ቲክቫህ ኢትዮጵያ፥ ጤና ባለሙያዎች የህክምና ስህተት ለመፈጸሙ ምክንያት የሚሉት ምንድን ነው? ሲል የጠየቃቸው አቶ መትከል፣ "የተለያዩ ምክንያቶች ሊያቀርቡ ይችላሉ። የሚያቀርቡት ምክንያት ግን ትክክለኛ ሊሆንም ላይሆንም ይችላል" የሚል ምላሽ ሰጥተዋል።

የህክምና ግብዓት እጥረት፣ የጤና ባለሙያዎች፣ "ትኩረት አለመስጠት"፣ "የሙያ ማነስ"፣ "የእውቀት እና ክህሎት ማነስ" ሊኖር እንደሚችል ዳይሬክተሩ ለቲክቫህ ኢትዮጵያ ተናግረዋል።

ባለስልጣኑ፣ "ከ42 አቤቱታዎች ውስጥ አስፈላጊው ማጣራት ተደርጎ ጥፋተኛ የተባሉትን፦
- 3 ሚድዋይፈሪ፣
- 9 ዶክተሮች፣
- 14 ነርሶች፣
- 3 ጤና መኮንን፣
- 1 አንስቴቲስት፣
- 1 የድንገተኛ ቀዶ ጥገና ባለሙያ በድምሩ 31 ጤና ባለሙያዎች ላይ የጥፋተኝነት ውሳኔ ተወስኖባቸዋል" ሲል አስታውቋል።

30 ባለሙያዎች ከአንድ ወር እስከ አንድ ዓመት ከሁለት ወር የሚደርስ የሙያ ፈቃድ እገዳ እንደተጣለባቸው፣ አንድ ባለሙያ ላይ ደግሞ የጽሑፍ ማስጠንቀቂያ እንደተሰጠ ገልጿል።

ቲክቫህ ኢትዮጵያ
አዲስ አበባ
መስከረም 19 ቀን 2019 ዓ/ም

@tikvahethiopia

"እናቶችን መስደብ የሞራል ስብራት ነው" ማስተር ሀገረሰላም በውድድር ወቅት በተሰነዘረበት የስድብ ቃል ማዘኑን ገለጸ

​በMMA ውድድር ላይ ተወዳዳሪ ማስተር ሀገረሰላም፣ በቅርቡ በተካሄደ ውድድር ወቅት በተቃራኒ ወገን በኩል በተሰነዘረበት የግል እና የእናት ስድብ ከፍተኛ ስሜት እና ሀዘን እንደፈጠረበት ገለጸ። ተወዳዳሪው በኢቢኤስ ቴሌቪዥን ፕሮግራም ላይ ቀርቦ በሰጠው አስተያየት፣ ማንኛውም ሰው የፈለገውን ተወዳዳሪ የመደገፍ ሙሉ መብት ያለው ቢሆንም፣ የሰዎችን እናቶች መስደብ ግን ተገቢ ያልሆነ እና የሞራል ውድቀት መሆኑን ተናግሯል።

​ማስተር ሀገረሰላም አክሎ እንደገለጸው፣ በውድድሩ ወቅት ትልቅ ዋጋ ከፍለው ልጆቻቸውን ያሳደጉ የኢትዮጵያውያን እናቶችን ያላማከለ የስድብ ቃል በመሰነዘሩ ምክንያት ውስጡ በቁጣ ስሜት ተነክቶ እንደነበር አስታውሷል። እናቶች እንጨት ተሸክመው፣ ጥጥ ፈትለው እና ደክመው ልጆቻቸውን ለቁም ነገር ያበቁ በመሆናቸው፣ በታላላቅ እንግዶች ፊት እንዲህ አይነት መጥፎ ቃላትን መጠቀም ቅስማቸውን እንደሚሰብረው ገልጿል።

​በወቅቱ የተሰማውን ቁጣ እና ሀዘን ተቆጣጥሮ ማሳለፉን የጠቆመው ተወዳዳሪው፣ ድርጊቱን የፈጸመው አካል ልቦና እንዲያገኝ ከመመኘት ባለፈ ምንም ዓይነት በቀል ወይም አሉታዊ ምላሽ ለመስጠት እንደማይፈልግ አስታውቋል። ውድድር በስፖርታዊ ጨዋነት እና በክብር መመራት እንዳለበትም መልእክቱን አስተላልፏል።

"በርበሬ" እና "አዝማሪ"ን ያካተተው አዲሱ ኦክስፎርድ መዝገበ ቃላት ኢትዮጵያን በረሀብ ምሳሌነት የሚያነሳውን ክፍል ሰረዘ

መስከረም 16 ቀን 2019 ዓ.ም.  (አሐዱ ሬዲዮ) የኦክስፎርድ ዩኒቨርሲቲ የሚያታትመው የኦክስፎርድ መዝገበ ቃላት የ2026 እትም «በርበሬ» እና «አዝማሪ» የሚሉ የአማርኛ ቃላትን ያካተተ ሲሆን፣ ቀደም ሲል ኢትዮጵያን በረኃብ ምሳሌነት ያነሳ የነበረውን ክፍል ማስወገዱ ተገልጿል።

የአዲስ አበባ ቱሪዝም ኮሚሽን ምስክትል ኮሚሽነር ቢኒያም ታዬ ለአሐዱ ሬድዮ እንደተናገሩት፣ «በርበሬ» እና «አዝማሪ» የሚሉት ቃላት መካተታቸው ከቃላቱ ጋር ተያይዘው ያሉ ትርጉሞችና ባህሎች በዓለም አቀፍ ደረጃ እንዲዳሰሱ በር ይከፍታል።

ምክትል ኮሚሽነሩ አክለውም፤ ከዚህ ቀደም ኢትዮጵያን በረኃብ የሚያነሱ ምሳሌዎች በአዲሶቹ መዝገበ ቃላት ላይ እንደሌሉ ገልጸዋል።

ይሁን እንጂ፤ ቀደም ሲል በነበረው የረኃብ ሁኔታ ላይ ተመስርተው የተሠሩ የመገናኛ ብዙኃን ሥራዎች አሁንም በሀገሪቱ ገጽታ ላይ አሉታዊ ተጽዕኖ ማሳደራቸውን ጠቁመዋል።

ዓለም አቀፍ ሚዲያዎች አሁንም የቀድሞውን ገጽታ ለማሳየት መፈለጋቸው በቱሪዝም ኮሚሽኑ ሥራ ላይ ፈተና መሆኑንም ተናግረዋል።

ይህንንም ሁኔታ በተቀናጀ ዘመቻ በመቀየር የመልካም ነገሮችን ማስተዋወቅ እንደሚገባ አስታውቀዋል።

በመሰረት ሙሉ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

(ዘ-ሐበሻ ሕይወት) የፍቅር ግንኙነቶች ሲያበቁ ጥላቻ እና መራራቅ መከተሉ የተለመደ ቢሆንም፣ የኒክ ካኖን እና የማሪያ ኬሪ ታሪክ ግን ፍጹም የተለየ ነው። ትዳራቸው ከፈረሰ ከአስር ዓመታት በላይ ቢያልፈውም የ“Wild ‘N Out” አዘጋጅ የሆነው ኒክ ካኖን እና ዝነኛዋ ድምጻዊት ማሪያ ኬሪ ዛሬም ድረስ በየዕለቱ ስልክ ይደዋወላሉ፤ የጠበቀ ወዳጅነታቸውንም እንደቀጠሉ ናቸው።

ከ2008 እስከ 2016 ዓ.ም በትዳር የቆዩት ሁለቱ ኮከቦች አሁን ላይ የ15 ዓመት ታዳጊ የሆኑት የሞሮካን እና ሞንሮ (መንታ ልጆች) ወላጆች ናቸው። ኒክ ካኖን ለዩኤስ ዊክሊ (Us Weekly) መጽሔት በሰጠው ቃለ ምልልስ፣ ማሪያን "ከሁሉ የላቀች ጓደኛዬ እና ታላቅ አስተማሪዬ" ሲል በከፍተኛ አድናቆት ገልጿታል።

"ያለፈውን ትተን ሰላማዊ በመሆን ለልጆቻችን ምርጥ ወላጆች መሆን ችለናል። እስከ ዛሬም ድረስ በየቀኑ ወይም በየሁለት ቀኑ በተለይ ስለ ልጆቻችን እናወራለን" ያለው ኒክ፣ የፍቺ ሂደታቸው ከባድ የነበረ ቢሆንም ጭቅጭቅ ያልበዛበት እንደነበር አስታውሷል። ከማሪያ ከተማረው ትልቅ የህይወት ትምህርት ውስጥ፣ የውጭ አሉታዊ ኃይልን ወደ ህይወት ሳያስገቡ በራስ የውስጥ ሰላም እና አዎንታዊነት መኖርን በዋናነት ይጠቅሳል። "በራሷ ዓለም እና የሃሳብ ልዕልና ውስጥ እንደ እሷ በብርሃን የምትጓዝ ሰው አይቼ አላውቅም" ሲልም የቀድሞ ሚስቱን ያወድሳል።

ከሌሎች አምስት እናቶች አስር ተጨማሪ ልጆች ያሉት ኒክ ካኖን፣ ከልጆቹ እናቶች ጋር ያለውን የተለያየ የአስተዳደግ ዘይቤ ለማመጣጠን እየሞከረ መሆኑን አልደበቀም። አንዳንድ ጊዜ ከልክ በላይ "ዘናጭ" (Cool) አባት መሆኑን እና ከግጭት ራሱን ማራቁ ሁልጊዜም ጠቃሚ እንዳልሆነ በግልጽ ተናግሯል።

በሌላ በኩል የቀድሞዎቹ ጥንዶች የበኩር ልጆቻቸው ስለሆኑት መንታዎቹ የኮሌጅ ዝግጅት ከወዲሁ ማሰብ ጀምረዋል። በተለይም ሴት ልጃቸው ሞንሮ የቤተሰቦቿን ፈለግ በመከተል ወደ መዝናኛው ኢንዱስትሪ የመግባት ከፍተኛ ፍላጎት አላት። ፔፐርዳይን ወይም ኒውዮርክ ዩኒቨርሲቲ (NYU) ገብታ የትያትር ትምህርት መከታተል እንደምትፈልግ የገለጸው ኒክ፣ አባታዊ ምክሩን እንዲህ ሲል አክሏል፦ "መሆን የምትፈልጊውን ሁሉ መሆን ትችያለሽ፤ ነገር ግን መጀመሪያ ሙያውን ውደጅው። የፊልም ኮከብ መሆን ሳይሆን፣ ታላቅ ተዋናይ መሆንን አልሚ።"

ይህ የኒክ እና የማሪያ የድህረ-ፍቺ ህይወት፣ መለያየት የጥል እና የጥላቻ ማሳረጊያ ሳይሆን፣ በጥልቅ መከባበር ላይ የተመሰረተ አዲስ የጓደኝነት ምዕራፍ መጀመሪያ ሊሆን እንደሚችል በመዝናኛው ዓለም ትልቅ ማሳያ ሆኗል።









(u12d8-u1210u1260u123b u1215u12edu12c8u1275) u12e8u134du1245u122d u130du1295u1299u1290u1276u127d u1232u12ebu1260u1241 u1325u120bu127b u12a5u1293 u1218u122bu122bu1245 u1218u12a8u1270u1209 u12e8u1270u1208u1218u12f0 u1262u1206u1295u121du1363 u12e8u1292u12ad u12abu1296u1295 u12a5u1293 u12e8u121bu122au12eb u12acu122a u1273u122au12ad u130du1295 u134du1339u121d u12e8u1270u1208u12e8 u1290u12cdu1362 u1275u12f3u122bu1278u12cd u12a8u1348u1228u1230 u12a8u12a0u1235u122d u12d3u1218u1273u1275 u1260u120bu12ed u1262u12ebu120du1348u12cdu121d u12e8u201cWild u2018N Outu201d u12a0u12d8u130bu1305 u12e8u1206u1290u12cd u1292u12ad u12abu1296u1295 u12a5u1293 u12ddu1290u129bu12cb u12f5u121du133bu12cau1275 u121bu122au12eb u12acu122a u12dbu122cu121d u12f5u1228u1235 u1260u12e8u12d5u1208u1271 u1235u120du12ad u12edu12f0u12cbu12c8u120bu1209u1364 u12e8u1320u1260u1240 u12c8u12f3u1305u1290u1273u1278u12cdu1295u121d u12a5u1295u12f0u1240u1320u1209 u1293u1278u12cdu1362

u12a82008 u12a5u1235u12a8 2016 u12d3.u121d u1260u1275u12f3u122d u12e8u1246u12e9u1275 u1201u1208u1271 u12aeu12a8u1266u127d u12a0u1201u1295 u120bu12ed u12e815 u12d3u1218u1275 u1273u12f3u130a u12e8u1206u1291u1275 u12e8u121eu122eu12abu1295 u12a5u1293 u121eu1295u122e (u1218u1295u1273 u120du1306u127d) u12c8u120bu1306u127d u1293u1278u12cdu1362 u1292u12ad u12abu1296u1295 u1208u12e9u12a4u1235 u12cau12adu120a (Us Weekly) u1218u133du1214u1275 u1260u1230u1320u12cd u1243u1208 u121du120du120du1235u1363 u121bu122au12ebu1295 \

ሎተስ — የሕንድ ብሔራዊ አበባ

* ከጭቃ ውስጥ ወጥቶ የንጽሕና፣ የመንፈሳዊነትና የሕይወት መነቃቃት ምልክት የሆነው አበባ

የጉዞ ማስታወሻ ( ክፍል - 18)
#ethiopia | ማኖጅ - Manoj V P.K. Vasudevan በመላ ሕንድ ( PAN INDIA) — እንዲያስጎበኝን የፕላቲኒየም ደረጃ (PLATINUM) ፈቃድ ተሰጥቶታል። የሕንድ መንግሥት የቱሪዝም ሚኒስቴር “Incredible India Tourist Guide” መታወቂያ ይዟል።

ማኖጅ ቪ - ለጉዟችንም፣ ለመረጃችንም በእጅጉን ጠቅሞናል። ሳይሰለች ፡ ሳይደክም በመንገድ ላይ እንደወይን ጠጅ የጣፈጡ ታሪኮችን በጥልቀት አጠጥቶናል።

ክብር ምስጋና - ለማኖጅ ቪ ይሁን።

በመንገድ ላይ ሎተስ አበባ ከወንዝ ዳርቻ ተመለከትኩ።

ሎተስ (Lotus)፣ በሳይንሳዊ ስሙ Nelumbo nucifera፣ የሕንድ ብሔራዊ አበባ ነው። በሕንድ ባህል ውስጥ ሎተስ ከአበባነት በላይ ትርጉም ያለው ምልክት ነው፤ በሃይማኖት፣ በፍልስፍና፣ በሥነ-ጥበብ፣ በሥነ-ሕንፃና በየዕለቱ የሕንድ ባህላዊ ምስል ውስጥ በጥልቅ የተሰረጸ ነው።

የሕንድ የባህል ተቋማትም ሎተስን በተለያዩ የሕንድ ቅርስ፣ ሥነ-ጥበብና የመንፈሳዊ ትርክቶች ውስጥ ያሳያሉ።

ሎተስ ምንድን ነው? - ስል ማኖጅን ጠየኩት።
እኔ እጠይቃለሁ - እርሱ ይመልሳል።

ሎተስ በውሃ ውስጥ የሚያድግ የውሃ ተክል ነው። ሥሩ በጭቃማ የውሃ ውስጥ ይገኛል፤ ግን ቅጠሉና አበባው ከውሃው ላይ ወጥተው ይታያሉ።

ይህ ባህሪው ለሕንዳውያን የጥልቅ ፍልስፍና ምሳሌ ሆኗል፦

“በጭቃ ውስጥ ቢያድግም ከጭቃው ንጹሕ ሆኖ ይወጣል።”

ስለዚህ ሎተስ ችግር ውስጥ እያለ ንጽሕናን መጠበቅ፣ ከአስቸጋሪ ሁኔታ ውስጥ ውበትን ማፍራትና ከጨለማ ወደ ብርሃን መውጣት የሚለውን ሐሳብ ይወክላል።

ሎተስና የሕንድ መንፈሳዊነት

ሎተስ በሂንዱ ሃይማኖታዊ ባህል እጅግ የተከበረ ነው። በብዙ የሕንድ ሥነ-ጥበብ ሥራዎች አማልክትና የመንፈሳዊ ምስሎች በሎተስ ላይ ቆመው ወይም ተቀምጠው ይታያሉ።

በተለይ ላክሽሚ (Lakshmi)፣ የብልጽግናና የሀብት አምላክት፣ በሎተስ ላይ ተቀምጣ በሚያሳይ ምስል በስፋት ትታወቃለች። ሎተስ ከብልጽግና፣ ውበትና ንጽሕና ጋር ይያያዛል።

በተጨማሪም በሕንድ ባህል ውስጥ ሎተስ ከፈጠራና ከመነሻ ጽንሰ-ሐሳቦች ጋር የተያያዙ ትርክቶች ይዟል።

በቡድሂዝም ውስጥ ያለው ትርጉም

ሎተስ በቡድሂስት ባህልም ከፍተኛ ምልክታዊ ትርጉም አለው።

የሰው ልጅ ከዓለማዊ መከራ፣ ጭንቀትና ፈተና ውስጥ እያለ ወደ ጥበብና መንፈሳዊ ንቃት ሊደርስ እንደሚችል ይወክላል።

ስለዚህ የሎተስ ምስል በቡድሂስት ቅርጻ-ቅርጽና ሥዕል ውስጥ በብዛት ይገኛል።

ለምን የሕንድ ብሔራዊ አበባ ሆነ?

ሎተስ ከሕንድ ሥልጣኔ ጋር ለረጅም ጊዜ የተያያዘ ተክል ነው። በሕንድ ታሪክ፣ ሥነ-ጥበብ፣ ሃይማኖታዊ ሥርዓቶችና ሥነ-ጽሑፍ ውስጥ የሚደጋገም ምስል ነው።

በመንፈሳዊ አስተሳሰብም ንጽሕናን፣ ትዕግሥትን፣ ውበትንና መነቃቃትን ስለሚወክል እንደ ብሔራዊ ምልክት ተስማሚ ሆኗል።

የሕንድ የባህል ሚኒስቴር ሰነዶች በሕንድ ብሔራዊ ምልክቶች መካከል ሎተስ - National Flower ሆኖ መመዝገቡን ያትታል።

ሎተስ በሕንድ ሥነ-ጥበብ

ሎተስ በሕንድ ሥዕል፣ ቅርጻ-ቅርጽ፣ ጌጣጌጥ፣ ጨርቃ-ጨርቅና ሥነ-ሕንፃ ውስጥ በብዛት ይገኛል።

የሕንድ የባህል ቅርስ ማስተዋወቂያ ሥራዎችም የሎተስ ምስል በተለያዩ የባህል ዕቃዎችና የጥበብ ሥራዎች ውስጥ ይታያሉ።

በተለይ የሎተስ ቅርጽ የተፈጥሮ ውበትን ከመንፈሳዊ ምልክት ጋር ያጣምራል።

ከተፈጥሮ ወደ ሥነ-ሕንፃ

በሕንድ ሥነ-ሕንፃም የሎተስ ቅርጽ በጣም የታወቀ ነው። የሎተስ አበባ የሚከፈትበት ቅርጽ እንደ መክፈት፣ መነቃቃትና ወደ ብርሃን መውጣት ተተርጉሞ በሕንድ የሥነ-ሕንፃ ባህል ውስጥ ተጠቅሷል።

የሎተስ ቀለም ምን ይወክላል?

ሮዝ ሎተስ — በተለይ ከመንፈሳዊነትና ከመለኮታዊ ክብር ጋር ይያያዛል።

ነጭ ሎተስ — ንጽሕናንና መንፈሳዊ ጸጥታን ይወክላል።

ሰማያዊ ሎተስ — በአንዳንድ የሥነ-ጥበብና መንፈሳዊ ትርጉሞች ጥበብና እውቀትን ያመለክታል።

ከጭቃ ወደ ውበት — የሕንድ ፍልስፍና

ሎተስን ከሕንድ ጋር የሚያገናኘው ትልቁ ምስላዊ መልዕክት ይህ ነው፦

ሥሩ በጭቃ ውስጥ ነው፤ ግን አበባው በውሃው ላይ ይከፈታል።

ይህ ለሕንድ ሥልጣኔ አንድ የሚያምር ፍልስፍናዊ ምሳሌ ሊሆን ይችላል፤ ሰው በዓለም ውስጥ ቢኖርም በዓለም አሉታዊ ጎኖች ሳይበከል ንጹሕ ሆኖ መኖር ይችላል የሚል ሐሳብ።

ስለዚህ ሎተስ ለሕንድ ብሔራዊ አበባ ብቻ አይደለም፤ የሕንድን የብዙ ሺህ ዓመታት ባህላዊ፣ መንፈሳዊና ፍልስፍናዊ ቅርስ የሚወክል ኃይለኛ ምልክት ነው።

የጉዞ ማስታወሻ ( ክፍል - 19)
ይቀጥላል ....

Getu Temesgen - (ጌጡ ተመስገን)
#india in Ethiopia (Embassy of India, Addis Ababa) #indiaethiopia #brics #financialcooperation #banking #economiccooperation #ministry of External Affairs, #government of IndiaIndia in Ethiopia (Embassy of India, #addis Ababa)Press Information Bureau - PIB, #government of IndiaDiaspora India ConnectMinistry of Information & Broadcasting, #government of #indiamygovindiaddnewsliveasian News #international (ANI)All India Radio News #india in ethiopia (embassy of india addis ababa) #manohar Lal #ethiopian Airlines #ministry of External Affairs
Government of India
# India - External Publicity & Public Diplomacy Division External Language Media Section #mr . Amit Raghav, Publicity Officer (XLM) #unesco #brics #bricssummit #india #newdelhi #diplomacy #economy #putin #modi #getutemesgen #getu #ጌጡ #ጌጡተመስገን #addisababa

ኪነጥበብ፤ የሀገር ግንባታ ረቂቅ ኃይል

አዲስ አበባ፣ መስከረም 9፣ 2019 (ኤፍ ኤም ሲ) ብዙ ጊዜ ዕድገት ሲባል አዕምሯችን በቀጥታ የሚስለው የህንጻዎችን ግንባታ፣ ዘመናዊ የአስፋልት መንገዶችን ወይም የፋብሪካዎችን መስፋፋት ነው።

በርግጥ እነዚህ ልማቶች የሀገር መሰረት ናቸው፤ ነገር ግን የህዝብን መንፈስ፣ ማህበራዊ ትስስርና ስብዕና የሚገነባው ከእነዚህ መሰረተ ልማቶች ጎን ለጎን ጥበብም ጭምር ነው።

ኪነጥበብ የማህበረሰቡ የህሊና ውቅር፣ የትናንት መዝገብ፣ የዛሬ መስታዎትና የነገ አቅጣጫ ጠቋሚ አመላካች ነው:: ሙዚቃ፤ ቴአትር፣ ሥነ-ጽሑፍና ሥዕል ድንበርና ቋንቋን ተሻግረው የሰዎችን ልብ የማገናኘት ተፈጥሯዊ ኃይል አላቸው።

ኢትዮጵያ በረጅም ዘመናት የታሪክ ጉዞዋ በኪነጥበብ፣ በባህልና በቅርስ የበለጸገች ሀገር ብትሆንም፤ ጥበብን ከሀገር ዕድገት ጋር አስተሳስሮ የመመልከት ልምዳችን ገና በጅምር ደረጃ ይገኛል።

ሆኖም በቅርብ ዓመታት መንግሥት ለዘርፉ እየሰጠ ያለው ትኩረት እና የፖሊሲ አቅጣጫ ለኪነጥበብ ዕድገት አዲስ ተስፋ ፈንጥቋል።

በዓለም አቀፍ ደረጃ የፈጠራ ኢኮኖሚ የሚባለው ይህ ዘርፍ ቢሊየን ዶላሮችን የሚያንቀሳቅስና ለሚሊየኖች የሥራ ዕድል የሚፈጥር ታላቅ ኢንዱስትሪ ነው።

ኢትዮጵያ በወጣት ማህበረሰብ ቁጥር የታደለች ሀገር እንደመሆኗ፤ ይህ ዘርፍ የፈጠራ ክህሎትን ለማዳበር እና የስራ አጥነትን ችግር ለመቅረፍ ትልቅ አቅም አለው።

ከዚህ ቀደም ኪነጥበብ እንደ አንድ የመዝናኛ ወይም የትርፍ ጊዜ ማሳለፊያ ተደርጎ የመታየት አዝማሚያ የነበረው ቢሆንም፤ በአሁኑ ወቅት ግን መንግሥት ዘርፉን በሀገራዊ የልማትና የዕድገት ስትራቴጂ ውስጥ እንደ አንድ ዋና አምድ አድርጎ መመልከት ጀምሯል።

በቅርብ ጊዜያት እውን በመሆን ላይ ያሉት ዘመናዊ የኪነጥበብና የባህል ማዕከላት፣ ቤተ-መጻሕፍት፣ ሙዚየሞች እና የታሪክ መዘክሮች ግንባታ ለጥበብ ስራዎች ትልቅ መድረክ ከፍተዋል።

እነዚህ መሰረተ ልማቶች የጥበብ ባለሙያዎች ስራቸውን እንዲያቀርቡ ብቻ ሳይሆን፤ ህብረተሰቡ የጥበብ ባህልን እንዲያዳብርና ለቱሪዝም ሳቢ ስፍራዎች እንዲሆኑም አድርገዋል።

አንዲት ሀገር በዓለም አቀፍ መድረክ የሚኖራት ስምና ገጽታ ለኢንቨስትመንትና ለቱሪዝም ዕድገት ወሳኝ ነው።

ኢትዮጵያ የድንቅ ታሪክና የባህል ባለቤት ብትሆንም፤ በዓለም ፊት፣ በውጭ ሚዲያዎች ሲነገሩ በቆዩ አሉታዊ ትረካዎች ስትነሳ ቆይታለች። ይህንን የተዛባ ምስል የመቀየር ኃይል ያለው ደግሞ ከኢኮኖሚ እድገትና ብልጽግና በተጨማሪ የባህል ዲፕሎማሲ እና ኪነጥበብ ነው።

በዚህም በቅርቡ የኢትዮጵያን ብሔሮች፣ ብሔረሰቦችና ሕዝቦች የሚወክሉ በርካታ የኪነጥበብ ቡድኖች በተለያዩ የዓለም ሀገራት በመጓዝ ሀገራቸውን የሚያስተዋውቁባቸው መድረኮችን መመልከት የተለመደ እየሆነ መጥቷል፡፡

መንግሥት የኢትዮጵያን ባህልና ጥበብ በዓለም አቀፍ ደረጃ ለማስተዋወቅ የሚያደርጋቸው ጥረቶች፤ የባህል ቡድኖችን መላክ፣ በዓለም አቀፍ ኤግዚቢሽኖች ላይ መሳተፍ እና የፊልም ኢንዱስትሪውን ማበረታታት የሀገሪቱን ውበትና ትክክለኛ መልክ በተገቢው መንገድ ይገልጣሉ። ይህም የቱሪስቶችን ቀልብ በመሳብ የቱሪዝም ዘርፉን ያነቃቃል።

እነዚህ የተቀናጁ ጥረቶች ኪነጥበብ የኢትዮጵያ ሁለገብ ዕድገት አካል ሆኖ እንዲቀጥል መሰረት ይጥላሉ።

ኪነጥበብ የሕዝብን መንፈስ የሚያነቃቃ፣ የፈጠራ አቅምን ወደ ኢኮኖሚ ሀብት የሚቀይርና የሀገርን መልካም ገጽታ በዓለም አቀፍ መድረክ የሚያጎላ ረቂቅ ኃይል ነው::

መንግሥት ለዘርፉ የሰጠውን ትኩረት አጠናክሮ በመቀጠል፤ ከጥበብ ባለሙያዎች፣ ከግል ባለሃብቶችና ከህብረተሰቡ ጋር በመቀናጀት የሚያደርገው ጥረት ለኪነጥበብ ህዳሴ ወሳኝ አቅም ይፈጥራል።

ዛሬ በጥበብና በባህል ላይ የምናደርገው ኢንቨስትመንት፣ ለነገ የሚገነባውን ትውልድ ስብዕና የሚያንጽና የሀገራችንን ሁለገብ ብልጽግና የሚያረጋግጥ ዘላቂ እሴት ነው::

በመልካም ፈቃዱ

(ዘ-ሐበሻ ዜና) በአዲስ አበባ የሚገኘው የዩናይትድ ስቴትስ ኤምባሲ ዛሬ ባወጣው አስቸኳይ መግለጫ በሶማሌ ክልል ዶሎ ዞን ሊኖር ስለሚችል የጸጥታ ስጋት አሜሪካውያንን ጨምሮ የውጭ ዜጎች ከፍተኛ ጥንቃቄ እንዲያደርጉ አሳሰበ።

ኤምባሲው በመግለጫው እንዳብራራው፣ ወደ ዶሎ ዞን በሚጓዙ የውጭ ዜጎች ላይ የጸጥታ አደጋ ሊያጋጥም እንደሚችል የሚያመላክቱ መረጃዎች ደርሰውታል። ይህንን ተከትሎም ማንኛውም የአሜሪካ መንግስት ሰራተኛ የተለየ የጸጥታ ፈቃድ ካላገኘ በስተቀር ወደ ዶሎ ዞን እንዳይጓዝ ሙሉ በሙሉ እገዳ ተጥሏል። የሀገሪቱ ዜጎችም በተመሳሳይ ወደዚህ አካባቢ ከማቅናት እንዲቆጠቡ ኤምባሲው ጥብቅ ማሳሰቢያ አስተላልፏል።

ከዚሁ ስጋት ጋር በተያያዘ በአካባቢው የሚገኙ ዜጎች ሊወስዷቸው የሚገቡ የጥንቃቄ እርምጃዎችን ኤምባሲው በአጽንኦት ገልጿል። ዜጎች የተጠቀሰውን አካባቢ እንዲርቁ፣ ሁልጊዜም ንቁ ሆነው ዙሪያቸውን እንዲቃኙ እና ከህዝብ ስብስብ ወይም መጨናነቅ ራሳቸውን እንዲያገሉ መክሯል። ከዚህም ባሻገር እያንዳንዱ ዜጋ የግል የደህንነት እቅዱን እንዲከልስ እና አስገዳጅ ሁኔታ ሲፈጠር አካባቢውን በአፋጣኝ ለቆ ለመውጣት የሚያስችል የመጠባበቂያ እቅድ አዘጋጅቶ እንዲጠብቅ ኤምባሲው አሳስቧል።

እንደ ሐምሊን ዩኒቨርሲቲው ስንታየሁ በላይ ገለጻ፣ ይህ የአሜሪካ ኤምባሲ የጸጥታ ማስጠንቀቂያ በሶማሌ ክልል ዶሎ ዞን እና በአጎራባች የድንበር አካባቢዎች አዲስ የጸጥታ ስጋት እያንዣበበ መሆኑን አመላካች ነው። ኤምባሲው ማስጠንቀቂያውን ሲሰጥ "በውጭ ዜጎች ላይ" ሊቃጣ የሚችል ስጋት መሆኑን ለይቶ መጥቀሱ፣ በአካባቢው ዒላማ ያደረገ የጠለፋ፣ የሽ፣ ብር ወይም የታጠቁ ኃይሎች እንቅስቃሴ ሊኖር እንደሚችል ይጠቁማል።

አክሎም "የአሜሪካ መንግስት ሰራተኞች እና ዜጎች ከዶሎ ዞን እንዲርቁ መደረጉ የችግሩን አሳሳቢነት የሚያሳይ ሲሆን፣ ይህ ሁኔታ በድንበር አካባቢ ባለው የንግድ እና የሰብዓዊ እርዳታ እንቅስቃሴ ላይ የራሱን አሉታዊ ተጽዕኖ ሊያሳድር ይችላል። በቀጣይ የፌደራል መንግስትም ሆነ የክልሉ የጸጥታ ኃይሎች ስለዚህ ጉዳይ የሚሰጡት ማብራሪያ በቀጠናው ያለውን ትክክለኛ የጸጥታ ሁኔታ ይበልጥ ግልጽ ያደርገዋል።" ብሏል።

የአውሮፓ ህብረት ከ15 ዓመት በታች ያሉ ታዳጊዎችን የማህበራዊ ሚዲያ አጠቃቀም ሊገድብ ነው
****************************

የአውሮፓ ህብረት ኮሚሽን ከ15 ዓመት በታች ያሉ ታዳጊዎችን የማህበራዊ ሚዲያ፣ የቪዲዮ ማጋሪያ እና የሰው ሰራሽ አስተውሎት (AI) አጠቃቀም የሚገድብ አዲስ የአውሮፓ ህብረት የህፃናት ህግ (EU KIDS Act) ይፋ ለማድረግ መዘጋጀቱ ገልጿል።

ይህ አህጉራዊ ውሳኔ እንደ ቲክቶክ እና ኢንስታግራም ያሉ አፕሊኬሽኖች የታዳጊዎችን አእምሯዊ ጤና በሚጎዱ አሰራሮቻቸው ላይ ከጤና ባለሙያዎች፣ ከፖለቲከኞች እና ከወላጆች ከፍተኛ ተቃውሞና ጫና እየበረታባቸው በመጣበት ወቅት የተወሰደ ነው።

ቀደም ሲል እንደ ፈረንሳይ፣ ኦስትሪያ፣ ዴንማርክ፣ ግሪክ እና ስፔን ያሉ ሀገራት ህፃናትን ከማህበራዊ ሚዲያ አሉታዊ ተፅዕኖ ለመጠበቅ በሀገር አቀፍ ደረጃ ህጎችን ማውጣት የጀመሩ ሲሆን፣ አዲሱ ህግ ደግሞ በመላው አውሮፓ ህብረት ደረጃ ወጥ የሆነ አሰራርን ለመዘርጋት ያለመ ነው።

አዲሱ ህግ እንደ እድሜ ደረጃቸው የተከፋፈሉ የመተግበሪያ አጠቃቀም ደንቦችን የሚያስቀምጥ ሲሆን፤ ከ13 ዓመት በታች ያሉ ህፃናት መተግበሪያዎችን መጠቀም የሚችሉት በወላጆች ሙሉ ቁጥጥር ስር ብቻ እንዲሆን ያደርጋል።

ከ13 እስከ 15 ዓመት ላሉ ታዳጊዎች ደግሞ ከማይታወቁ ሰዎች ጋር የሚደረጉ ግንኙነቶችን እና የሚያጠፉትን የስክሪን ጊዜ የሚገድብ፣ እንዲሁም የወላጅ ቁጥጥር የሚደረግበት አሰራር እንዲዘጋጅ ያስገድዳል። እድሜያቸው 15 እና ከዚያ በላይ የሆኑ ታዳጊዎች ደግሞ የራሳቸውን አካውንት መክፈት ይችላሉ።

ህጉ በማህበራዊ ሚዲያዎች፣ በቪዲዮ ማጋሪያዎች፣ በኦንላይን ጨዋታዎች እና በኤአይ (AI) ቻትቦቶች ላይ የሚተገበር ቢሆንም፣ የትምህርት ማግኛ ገጾችን እና መሳሪያዎችን ግን አይጨምርም።

በተጨማሪም ፕላትፎርሞቹ የተጠቃሚዎችን ትክክለኛ እድሜ የሚያረጋግጡበት የዲጂታል አሰራር እንዲኖራቸው የሚያስገድድ ሲሆን፣ ህጉን በበላይነት ለመቆጣጠርም ግዙፍ የቴክኖሎጂ ኩባንያዎች የቁጥጥር ክፍያ የሚከፍሉበት አሰራር ይዘረጋል ሲል ፖለቲኮ ዘግቧል።

በሃና ምንዳሁን
#eukidsact #socialmediarestriction #digitalsafety #techregulation #childsafetyonline

ከፖለቲካዊ ጣልቃ ገብነት ወደ ብቃት ማዕከል የኢትዮጵያ የትምህርት ዘርፍ አዲስ ምዕራፍ
**************

የኢትዮጵያ የትምህርት ሥርዓት ለረጅም ጊዜ ለከፍተኛ የፖለቲካ ጣልቃ ገብነት ተጋልጦ በመቆየቱ፣ ትምህርት የፖለቲካ መሣሪያ ሆኖ ዘልቋል።

አሠራሩ በብቃትና በታማኝነት ላይ የተመሠረተ ባለመሆኑም፣ ተማሪዎች በራሳቸው ችሎታና እውቀት መለካት ተስኗቸው ነበር።

የትምህርት ሚኒስትሩ ፕሮፌሰር ብርሃኑ ነጋ ከኢዜአ ጋር በነበራቸው ቆይታ እንደጠቀሱት በፊት የትምህርት ቤቶች አስተዳደር በፖለቲካዊ ታማኝነት ላይ መመሥረቱ በትምህርት ጥራት ላይ ቀጥተኛ አሉታዊ ተጽዕኖ ፈጥሯል ።

የመምህራን የማስተማር ፍላጎት መዳከም፣ የግብዓት እጥረት እና በክፍል ውስጥ ከፍተኛ የተማሪዎች ብዛት መኖር፣ የትምህርቱን ውጤታማነት በእጅጉ ጎድቶት እንደነበርም ሚኒስትሩ አስታውሰዋል።

ሥርዓቱ ተማሪዎችን ለገበያ ፍላጎት ወይም ለሕይወት ክህሎት ማዘጋጀት ባለመቻሉ፣ ከዩኒቨርሲቲ የሚመረቁ ተማሪዎች በሥራ ዓለም አቅም ማሳየት የማይችሉበት ደረጃ ላይ ደርሰው ነበር።

ኢትዮጵያን የአፍሪካ የብልፅግና ተምሳሌት ለማድረግ የሰለጠነ የሰው ኃይል የማይተካ ሚና እንዳለው በመገንዘብ፣ መንግሥት የትምህርት ዘርፉን የጥራትና የተደራሽነት ችግር ለመቅረፍ ስር ነቀል የሪፎርም እርምጃዎችን ወስዷል።

በዚህም የትምህርት ሥርዓቱን ከገበያ እና ከኢትዮጵያ ነባራዊ ፍላጎት ጋር ለማጣጣም የሥርዓተ ትምህርት ክለሳ ተደርጓል።

የግብረገብነት ትምህርትን ወደ ትምህርት ቤቶች መመለስ እና ቴክኒክና ሞያ በመባል የሚታወቁት የተግባር ክህሎቶች በትምህርት ስርአቱ እንዲካተቱ ተደርጓል፡፡

በትምህርት ዘርፉ የነበረው የፖለቲካ ጣልቃ ገብነት በመወገዱ፣ መምህራን እና የትምህርት ቤት አስተዳደሮች የሚመዘኑት በብቃታቸው፣ በችሎታቸው እና ለተማሪዎች በሚሰጡት እውቀት ብቻ ሆኗል።

ከዚህም በላይ የከፍተኛ ትምህርት ተቋማትን ከፖለቲካ ጣልቃ ገብነት ነፃ የማውጣትና ወደ ራስ-ገዝ አስተዳደርነት የመቀየር ሂደት ተጀምሯል።

የዩኒቨርሲቲ አመራሮችን በውድድር እና በብቃት የመምረጥ አዲስ ሥርዓት በመዘርጋቱ፣ ከኢትዮጵያም ሆነ ከውጭ አገር ብቁ ባለሙያዎች በዩኒቨርሲቲ አመራርነት እንዲወዳደሩ ዕድል ተከፍቷል።

ለተግባር ተኮር ትምህርት ትኩረት በመስጠት፣ ለተግባር እውቀቶች (እንደ አናጢነት፣ ግንበኝነት፣ ወዘተ) የነበረውን ዝቅተኛ የህብረተሰብ አመለካከት በመለወጥ፣ ተማሪዎች ወደ ተግባር ተኮር ትምህርቶች በስፋት እንዲገቡ እየተደረገ ነው።

ሪፎርሙ ተግባራዊ መሆን ከጀመረበት ጊዜ አንስቶ የመማር ማስተማር ሂደቱ መሻሻል እያሳየ ነው። ተማሪዎች በአካዳሚክ እና በተግባራዊ ክህሎት የተሻሉ መሆናቸውም በሥራ ገበያው ላይ በግልጽ እየታየ ነው፡፡

በላሉ ኢታላ
#ebc #ebcdotstream #ethiopian #education #reform

(ዘ-ሐበሻ ዜና) በበጎ አድራጎት ሥራዎቹ እና በማኅበራዊ ድጋፉ በስፋት የሚታወቀው ወጣት ምሕረትአብ ሙሉጌታ፣ የ2019 ዓ.ም አዲስ ዓመትን አስመልክቶ ዛሬ መስከረም 3 ቀን 2019 ዓ.ም በመቄዶንያ የአረጋውያን እና አእምሮ ሕሙማን መርጃ ማዕከል በመገኘት እጅግ ልብ የሚነካ ተግባር ፈጽሟል። በማዕከሉ ለሚረዱ 9,000 አቅመ ደካማ ወገኖች የተሟላ የምሳ ማዕድ በማዘጋጀት የዐውደ-ዓመቱን ደስታ አብሯቸው አሳልፏል።

ምሕረትአብ ለዚህ ታላቅ የምሳ ማብላት መርሃ ግብር 4.5 ሚሊዮን ብር ወጪ ያደረገ ሲሆን፣ ከዚህም በተጨማሪ ለማዕከሉ የ4 ሚሊዮን ብር ጥሬ ገንዘብ ድጋፍ በማድረግ በአጠቃላይ የ8.5 ሚሊዮን ብር ልግስና አበርክቷል።

በዚህ የደስታ ቀን መልእክቱን ያስተላለፈው ምሕረትአብ፣ መቄዶንያ የእግዚአብሔር ጸጋና በረከት የሞላበት ቅዱስ ስፍራ መሆኑን በመመስከር፣ እያንዳንዱ ኢትዮጵያዊ ይህንን ተቋም ከጎኑ ሆኖ ሊያግዝ እንደሚገባ ጥሪውን አቅርቧል። አክሎም ስለ መቄዶንያ እና ስለ በጎ አድራጎት ሥራው የማይገባ እና አሉታዊ ንግግር ለሚያደርጉ ሰዎች፣ "እግዚአብሔር ቀናውን ልቦና ይስጣቸው" ሲል መንፈሳዊ እና አስተማሪ ምላሹን ሰጥቷል።
የመቄዶንያ መሥራችና ሥራ አስኪያጅ ዶ/ር ቢኒያም በለጠ፣ በምሕረትአብ ደግነት እጅግ ተነክተው ባስተላለፉት መልእክት የሁልጊዜም ደጋፊያቸው መሆኑን መስክረዋል። "ምሕረትአብ በየጊዜው ነው የሚያግዘን። እሱ እንደሌሎች ባለሀብቶች የተትረፈረፈ ብዙ ሀብት ያለው ሰው ላይሆን ይችላል፤ ነገር ግን ያለውን እያመጣ በፍቅር የሚሰጠን ነው። መስጠት ልቡን ያስደስተዋል፤ ጓደኞቹንም እያስመጣ እንዲያግዙን ያደርጋል" ሲሉ አወድሰውታል።

ዶ/ር ቢኒያም ለዚህ ውለታውና ለሚያሳየው የማያቋርጥ ፍቅር እውቅና ለመስጠት፣ "በመቄዶንያ መስከረም 3ን 'የምሕረትአብ ቀን' ብለን ሰይመንለታል" በማለት ታላቅ አክብሮታቸውን አብስረዋል።
_____
ውድ የዘ-ሐበሻ ቤተሰቦች፣ ዶ/ር ቢኒያም እንዳሉት አንድ ሰው "ያለውን አካፍሎ" የሌሎችን ሕይወት እንዲህ ሲያበራ ማየት ምን ያህል የሞራል ስንቅ ይሰጠናል?

አዲስ ዓመት ለሁለንተናዊ ከፍታ

አዲስ አበባ፣ መስከረም 1፣ 2019 (ኤፍ ኤም ሲ) ምድር በአደይ አበባ ስታጌጥ፣ የበዓሉ ድባብ በአየሩ ላይ ሲናኝ ኢትዮጵያ አዲሱን ዓመት የምትቀበለው ሀገራዊ ሕዳሴዋን በማብሰር ጭምር ነው።

ለዓመታት የኢትዮጵያ ገጽታ ከጦርነት እና ርሃብን ከመሳሰሉ አሉታዊ ምስሎች ጋር ተያይዞ ይነሳ ነበር። ዛሬ ግን ያ የታሪክ ገጽታ በፅናት ተቀይሯል - ኢትዮጵያ በልማት እየገሰገሰች ነው፡፡

ኢትዮጵያ ከነበረችበት የቁልቁለት ጉዞ ባፉት አምስት ዓመታት ወደ ፈጣን ኢኮኖሚያዊ ዕድገት እየተሸጋገረች ይገኛለች፡፡

ኢትዮጵያ ዛሬ የዘመኗን መለወጥ ልዩ ትርጉም በሚሰጡ ውጤቶች እና ተስፋዎች ታጅባ ታበስራለች፡፡

የሜጋ ፕሮጀክቶች መጠናቀቅ፣ ስትራቴጂካዊ ኢኮኖሚ ማሻሻያዎች፣ የመሰረተ ልማት ማስፋፊያዎች፣ የከባቢ አየር እና የተፈጥሮ ሀብት እንክብካቤ እንዲሁም ሌሎች ስኬቶች የተመዘገቡበት ውጤታማ የታሪክ ምዕራፍ ነው።

ታላቁ የኢትዮጵያ ሕዳሴ ግድብ በመመረቁ የሀገር ውስጥ የኤሌክትሪክ ፍላጎትን ከ 50 በመቶ በላይ ከመሸፈን ባለፈ ለጎረቤት ሀገራት የኤሌክትሪክ ኃይል በመላክ ቀጣናዊ ትስስርን እያፋጠነች ትገኛለች።

ከውጭ በሚገቡ ምርቶች ላይ የነበራትን ጥገኝነት በመቀነስ፣ የስንዴ ምርትን ከ280 ሚሊዮን ኩንታል በላይ በማድረስ የምግብ ዋስትናዋን አረጋግጣ ወደ ውጭ የመላክ ደረጃ ተሸጋግራለች።

በአረንጓዴ አሻራ መርሃ ግብር ከ56 ቢሊየን በላይ ችግኞች ተተክለው የወደሙ ደኖች እንዲያገግሙ ተደርገዋል። በጎርፍ የታጠበ ለም መሬት ዳግም ምርታማ ሆኗል፤ በጥምር ደን ግብርና፣ የአትክልትና ፍራፍሬ ምርት የምግብ ዋስትና ማረጋገጥ ተችሏል፤ የውሀ አካላትም አንሰራረርተዋል ፡፡

የወረቀት ቢሮክራሲን በማስቀረት አገልግሎቶችን በዲጂታል አማራጮች ማዘመን ያስቻለው የዲጂታል ኢኮኖሚ ጉዞ በየቀኑ የሚሊየን ዜጎችን ህይወት እያቀለለ ያለ ለመሆኑ በተግባር እየታየ ሃቅ ነው።

በከተሞች ኮሪደር ልማት የተከናወኑ ተግባራት ኢትዮጵያ በአፍሪካ ሀገራት ዘንድ በዓርአያነት እንድትታይና የአፍሪካ መዲናነቷን የሚመጥን ገፅታ እንዲኖራት አድርጓል፡፡

እየተመዘገቡ ያሉት የልማት ውጤቶች የረጅም ጊዜ አገራዊ ግቦችን ያሳኩ ዋና ዋና መዋቅራዊ ስኬቶች ያሳያሉ።

ባለፉት አምስት ዓመታት የተተገበሩ የተቀናጁ የፖሊሲ ለውጦች የሀገሪቱን የኢኮኖሚ ከውድቀት ወደ አዲስ የማንሰራራት ምዕራፍ እንዳሸጋገሩት ሁሉ ቀጣዩ ዓመትም ይህንኑ ስኬት የሚያጎለብት እንደሚሆን ይጠበቃል፡፡

ኢትዮጵያ ለፈተናዎች እጅ አትሰጥም፤ ከውጭ እጅ አትጠብቅም፤ በራሷ አቅምና በልጆቿ ቆራጥ ትብብር መጻኢ ጊዜዋን የሚወስኑ ተግባራት ላይ በትኩረት ትሰራለች። ባለፉት ጥቂት ዓመታት ያሳየችው ፅናትና ውጤት ህዝቧ በአንድ ዓላማ ሲቆም ትልልቅ ሀገራዊ ግቦችን ማሳካት እንደሚችል አረጋግጧል።

አዲሱ ዓመትለእኛ ኢትዮጵያውያን አዲስ ተስፋን የሚሰጥ ለበለጠ ስኬት ወደ የሚያተጋን አዲስ ምዕራፍ መሻገሪያ በየተሰማራንበት ዘርፍ የበለፀገች ኢትዮጵያን ለመገንባት ቃል የምንገባበትም ጭምር ነው።

በምሕረት ደምሴ

(ዘ-ሐበሻ ዜና) በኮንቲኔንት መጽሔት ላይ ታትሞ በወጣ ምስል ላይ በተገኘው መረጃ መሰረት፣ ዛሬ ሴፕቴምበር 9 የአፍሪካ ሕብረት ቀን ሆኖ ይከበራል። ይህ ቀን ሕብረቱ የተመሰረተበትን ከሚያስበው የአፍሪካ ቀን የተለየ ሲሆን፣ ተቋሙ በአፍሪካውያን ዘንድ ያለውን አመለካከትና ተቀባይነት ለመገምገም ጥሩ አጋጣሚ ነው።

አፍሮባሮሜትር በ38 የአፍሪካ ሀገራት ላይ ባደረገው ሀገራዊ ውክልና ያለው ጥናት፣ ከግማሽ በላይ የሚሆኑት አፍሪካውያን (55 በመቶ) የአፍሪካ ሕብረት በሀገራቸው ላይ አዎንታዊ ተጽዕኖ እንዳለው ያምናሉ። እንዲሁም 56 በመቶ የሚሆኑት ሕብረቱ የሀገራቸውን ፍላጎት እና ጥቅም እንደሚገነዘብ ገልጸዋል።

በሌላ በኩል ድርጅቱ በሀገራቸው ላይ ጉዳት ያደርሳል ብለው የሚያስቡት 13 በመቶ ብቻ ሲሆኑ፣ የሀገራቸውን ፍላጎት አያውቅም የሚሉት ደግሞ 18 በመቶ መሆናቸውን ጥናቱ አመልክቷል።

ይህ አዎንታዊ አመለካከት በአምስቱም የአፍሪካ ቀጣናዎች ጎልቶ የሚታይ ቢሆንም፣ በመካከለኛው አፍሪካ የሚገኙ ዜጎች ግን ከሌሎች አካባቢዎች አንጻራዊ በሆነ መልኩ አሉታዊ አመለካከት የማንጸባረቅ ዝንባሌ ታይቶባቸዋል። ከጥናቱ ተሳታፊዎች መካከል ላይቤሪያውያን 75 በመቶ ድምጽ በመስጠት ሕብረቱ የሀገራቸውን ፍላጎት እንደሚረዳ በማመን ከ38ቱ ሀገራት ቀዳሚውን ስፍራ ሲይዙ፣ በማዳጋስካር፣ ሴራሊዮን እና ኮትዲቯር ያሉ ዜጎችም ተቀራራቢ ከፍተኛ አዎንታዊ ምላሽ ሰጥተዋል። በአንጻሩ በዘጠኝ ሀገራት ይህን ሀሳብ የሚቀበሉት ከግማሽ በታች ሲሆኑ፣ ዚምባብዌ 38 በመቶ በማስመዝገብ በመጨረሻው ስፍራ ላይ ትገኛለች።

ትኩረት ከሚስቡት የጥናቱ ግኝቶች መካከል ቁጥራቸው ቀላል የማይባል ዜጎች በሕብረቱ እንቅስቃሴ ላይ ግልጽ የሆነ አቋም አለመያዛቸው ነው። 26 በመቶ የሚሆኑት ሕብረቱ ገለልተኛ ተጽዕኖ እንዳለው ወይም ምንም እንደማያውቁ ሲገልጹ፣ 32 በመቶዎቹ ደግሞ ሕብረቱ የሀገራቸውን ጥቅም ስለመረዳቱ በተጠየቁት ጥያቄ ላይ ተመሳሳይ ምላሽ ሰጥተዋል። ይህ መረጃ የአፍሪካ ሕብረት ቀን መከበር ዋነኛ ዓላማ ተቋሙ እየሰራ ስላለው ሥራ በዜጎች ዘንድ ያለውን ግንዛቤ ማሳደግ መሆኑን በግልጽ ያሳያል።

የተባበሩት መንግስታት ድርጅት ጠቅላላ ጉባኤ የአፍሪካን አህጉር ትክክለኛ ስፋት የሚያሳይ አዲስ የዓለም ካርታ ጥቅም ላይ እንዲውል የቀረበውን የውሳኔ ሀሳብ አፀደቀ።

በቶጎ አቅራቢነት እና በአፍሪካ ህብረት ደጋፊነት የቀረበውን ይህንን የውሳኔ ሀሳብ በ164 ሀገራት ድጋፍ ሲጸድቅ ፣አሜሪካ ብቸኛ ተቃዋሚ ሀገር ሆና ተመዝግባለች። 6 ሀገራት ደግሞ በዉሳኔው ላይ ድምፅ ከመስጠት ተቆጥበዋል።
እስካሁን ጥቅም ላይ ሲውል የነበረው የመርኬተር ካርታ ከምድር ወገብ ርቀው የሚገኙ ሀገራትን አጉልቶ የሚያሳይ በመሆኑ የአህጉራትን እውነተኛ መጠን ያዛባ ነበር።
በነባሩ ካርታ ላይ ግሪንላንድ እና አፍሪካ እኩል ተደርገው ቢሳሉም፣ በእውነታው ግን አፍሪካ ከግሪንላንድ በ14 እጥፍ ያህል መብለጧ በጉባኤው ላይ በማሳያነት ቀርቧል።

ጉዳዩን በማነሳሳት ለጉባኤው እንዲቀርብ ያደረገችው የቶጎ የውጭ ጉዳይ ሚኒስትር ሮበርት ዱሴ ውሳኔውን "ታሪካዊ" ሲሉ አወድሰዉታል። ጉዳዩ «የካርታ ስራ ብቻ ሳይሆን የፍትህ፣ የክብር እና የእኩልነት» ጉዳይ መሆኑን ገልፀዋል።
አዲሱ የውሳኔ ሀሳብ ነባሩን ካርታ ሙሉ በሙሉ የሚያግድ ባይሆንም፣ ትምህርት ቤቶች፣ የቴክኖሎጂ ኩባንያዎች እና ዓለም አቀፍ ድርጅቶች በ2018 የተሰራውን እና ለችግሩ ምላሽ ይሰጣል የተባለውን የ"ኢኳል ኤርዝ" ካርታ እንዲጠቀሙ ጥሪ አቅርቧል።

የአፍሪካ ህብረት በበኩሉ ነባሩ የተዛባ ካርታ በትምህርት፣ በሚዲያ እና በፖለቲካ አስተሳሰብ ላይ አሉታዊ ተፅዕኖ ሲያሳድር መቆየቱን በመግለፅ አዲሱን ውሳኔ ደግፎታል።

DW Amharic

የኢትዮጵያ ቃለ ሕይወት ቤተክርስቲያን አቶ ጌትነት ለማን ከአገልግሎትና ውክልና አገደች

የኢትዮጵያ ቃለ ሕይወት ቤተክርስቲያን ዋና ጽሕፈት ቤት በነሐሴ 29 ቀን 2018 ዓ.ም በጻፈው ይፋዊ ደብዳቤ፣ የኢትዮጵያ ወንጌላውያን አብያተ ክርስቲያናት ካውንስል ጠቅላይ ፀሐፊ አቶ ጌትነት ለማ ከማንኛውም የቃለ ሕይወት ቤተክርስቲያን አገልግሎትና ውክልና ታግደው እንዲቆዩ መወሰኑን አስታወቀ።

በዋና ጸሐፊው በዶክተር ስምኦን ሙላቱ የተፈረመው ይህ ደብዳቤ እንደሚያስረዳው፣ ውሳኔው የተላለፈው በአቶ ጌትነት ለማ የሕይወትና የአገልግሎት ንጽሕና ላይ በማህበራዊ ሚዲያና በምዕመናን ዘንድ የተሰራጩ አሉታዊ ዘገባዎችን አስመልክቶ ቤተክርስቲያኗ ማጣራት በማድረጓ ነው።

ቀደም ሲል የቤተክርስቲያኗ ሥራ አስፈጻሚ ኮሚቴ በነሐሴ 22 ቀን 2018 ዓ.ም ከአቶ ጌትነት ጋር ውይይት አድርጎ እንደነበርና የተነሱት ክሶች እውነት ከሆኑ ንስሐ እንዲገቡ፣ ካልሆኑ ደግሞ ቤተክርስቲያኗ እውነቱን በማጣራት አስፈላጊውን እርምጃ እንደምትወስድ ማሳወቋ ተገልጿል።

በዚህም መሠረት የቤተክርስቲያኗ ሥራ አስፈጻሚ ኮሚቴ በነሐሴ 28 ቀን 2018 ዓ.ም ባደረገው አስቸኳይ ስብሰባ በመተዳደሪያ ደንቡ አንቀጽ 158.2 መሠረት የቀረቡት ክሶች በቦርድ ተጣርተው ውሳኔ እስከሚያገኙ ድረስ፣ ከነሐሴ 29 ቀን 2018 ዓ.ም ጀምሮ አቶ ጌትነት ለማ ከማንኛውም የቃለ ሕይወት ቤተክርስቲያን አገልግሎትና ውክልና ታግደው እንዲቆዩ ወስኗል።

በተጨማሪም ቤተክርስቲያኗ በዚህ ጊዜ ውስጥ ለአቶ ጌትነት ለማና ለቤተሰባቸው እግዚአብሔር በረዳቸው መጠን በፊቱ በንስሐ፣ በጸሎትና በምክር እንዲያልፉ እድል ለመስጠት የታሰበ መሆኑን ገልጻለች።

ባለፉት አምስት ዓመታት የፖለቲካ ምሕዳሩን ለማስፋት የተከናወኑ ሥራዎች ተጨባጭ ውጤት አስገኝተዋል - አቶ ከማል ሃሺ

አዲስ አበባ፣ ነሐሴ 28፣ 2018 (ኤፍ ኤም ሲ) ባለፉት አምስት ዓመታት የመገፋፋትና የሴራ ፖለቲካን ወደ ሃሳብ የበላይነት ለማሸጋገር የተከናወኑ ተግባራት አበረታች ውጤቶች አስመዝግበዋል አሉ የሕዝብ ተወካዮች ም/ቤት አባልና የምክር ቤቱ ጉዳዮች አማካሪ ኮሚቴ አባል አቶ ከማል ሃሺ።

አቶ ከማል ከፋና ሚዲያ ኮርፖሬሽን ጋር ባደረጉት ቆይታ እንዳሉት÷ የኢትዮጵያ ዘመናዊ የፖለቲካ ታሪክ ረጅም እድሜ ያለውና የተለያዩ የሥርዓት ለውጦችን ያስተናገደ ቢሆንም የስክነትና የሰለጠነ የፖለቲካ ባህል እጥረት ግን ይስተዋልበታል፡፡

በፖለቲካው ውስጥ የነበረው መጠላለፍ እና ለሕዝብና ለሀገር ከመቆም ይልቅ ለጊዜያዊ ሥርዓት የማደላት አባዜ ጠንካራ ሀገራዊ ተቋማት እንዳይገነቡ አድርጓል ብለዋል።

ይህም በኢኮኖሚው ላይ ምዝበራን፣ የሃብት ብክነትን እና የልሂቃንን ስደት ያስከተለ ሲሆን ÷ ማህበራዊ መስተጋብሩን በማላላት ረገድም ከፍተኛ አሉታዊ ተፅዕኖ አሳድሯል ነው ያሉት።

ይሁን እንጂ ባለፉት አምስት ዓመታት ከተከናወነው የፖለቲካ ለውጥ በኋላ ሀገሪቱን ወደ ሃሳብ የበላይነት ለማምጣት ትኩረት ተሰጥቶ ሲሠራ መቆየቱን አስታውሰዋል።

ለአብነትም የተለያዩ አቋም ያላቸው የፖለቲካ ኃይሎች በነፃነት ወደ ሀገራቸው ገብተው በሃሳብ እንዲፎካከሩ መደረጉን ጠቅሰዋል።

ይህም የመደመር ዕይታ ልዩነትን አቅፎ የጋራ ሀገራዊ አንድነትንና ብዝኃነትን ማዕከል ያደረገ አዲስ የፖለቲካ ባህል መፍጠሩን አብራርተዋል።

በቀደሙት ሥርዓቶች «አጋር» ተብለው ይጠሩ የነበሩት አካባቢዎች በሀገር ጉዳይ ላይ ሙሉ ውክልናና ውሳኔ ሰጪነት ተነፍገው እንደነበር ያነሱት አቶ ከማል ÷ አሁን ላይ ያ ዘመን ማብቃቱን አስረድተዋል።

እነዚህ ክልሎች አሁን በራሳቸው ጉዳይ ሙሉ በሙሉ የመወሰን መብታቸው ከመከበሩ ባሻገር እንደ ማዳበሪያና ጋዝ ልማት ያሉ በቢሊየን የሚቆጠሩ ትላልቅ ሀገራዊ ፕሮጀክቶች የሚከናወኑባቸውና በሀገሪቱ የወደፊት ዕድል ላይ እኩል የመወሰን አቅም ያገኙ መሆናቸውን ገልጸዋል።

በተጨማሪም የሃሳብ የበላይነትን በተግባር ለማረጋገጥ በተካሄደው ሀገራዊ ምርጫ ገዢው ፓርቲ ሙሉ ስልጣን የመያዝ እድል እያለው የተፎካካሪ ፓርቲ አመራሮች በፌዴራልና በክልል የካቢኔ አባል በመሆን ትላልቅ ተቋማትን እንዲመሩ ማድረጉን ጠቅሰዋል።

በቅርቡ በተካሄደው ምርጫም ተፎካካሪዎች ሰፊ ተሳትፎ እንዲኖራቸውና የተሻለ ወንበር እንዲያገኙ እድል የሚያሰፋ አሰራር መዘረጋቱን ገልጸው÷ ይህም በምክር ቤት ውስጥ የተለያዩ ድምፆች እንዲሰሙ የሚያስችል አቅም መፍጠሩን አብራርተዋል።

እንደ ኢትዮጵያ ሀገራዊ ምክክር ኮሚሽን ያሉ ገለልተኛ ተቋማት መመሥረታቸውና የቀደመውን የመሳሪያ ውጊያ ወደ ምክክር መድረክ እንዲሸጋገር ማድረጋቸው የዚሁ የሃሳብ ፖለቲካ ፍሬ መሆኑን ጠቁመዋል።

አሁንም የተጀመረው የሰለጠነ የፖለቲካ ጉዞ ግቡን እንዲመታ ከሀገሪቱ የፖለቲካና የአካዳሚክ ልሂቃን ትልቅ ሚና እንደሚጠበቅ አሳስበዋል።

ልሂቃኑ ሁልጊዜ በመተቸትና በጎራ መከፋፈል ላይ ብቻ ከማተኮር ይልቅ ጥናቶችን በማድረግ፣ ገንቢ ሃሳቦችን በማፍለቅና አስፈጻሚውን አካል በእውቀት በመመገብ ለሀገር ልማት፣ ሰላምና ብልጽግና የበኩላቸውን አስተዋፅኦ እንዲያበረክቱ ጥሪ አቅርበዋል፡፡

በዮናስ ጌትነት

(ዘ-ሐበሻ ዜና) በዘንድሮው የሚስ ወርልድ የቁንጅና ውድድር ኢትዮጵያን ወክላ በመሳተፍ ላይ የምትገኘው ሞዴል ሩት ይርጋለም ኢትዮጵያውያን ልዩነቶቻቸውን ወደ ጎን ትተው አንድ እንዲሆኑ ጥሪ አቀረበች። ሞዴሏ በኢንስታግራም ገጿ በተያያዘው መልዕክቷ፣ "አንድ ህዝብ፣ አንድ ልብ፣ አንድ ኢትዮጵያ ነን" በማለት አሁን ላይ ጥላቻ እና መለያየት ቦታ ሊኖራቸው እንደማይገባ አጽንኦት ሰጥታለች።

ውድድሩን ተከትሎ በማህበራዊ ሚዲያ ሊፈጠሩ የሚችሉ አሉታዊ ስሜቶችን ለማስቀረት በማሰብ ለደጋፊዎቿ ቃል ያስገባችው ሩት፣ እሷ የቆመችው ለአንድ ብሔር፣ ለአንድ ሃይማኖት ወይም ለአንድ የተለየ ቡድን ሳይሆን ለመላው ኢትዮጵያ መሆኑን በግልጽ አስምራበታለች። በዚህም ምክንያት ደጋፊዎቿ ስለ እሷ ብለው ማንንም እንዳይጠሉ እና በፍቅር ብቻ ከጎኗ እንዲቆሙ አደራ ብላለች።

ሩት ጨምራም ደጋፊዎቿ ለኢትዮጵያውያንም ሆነ ከሌሎች ሀገራት ለመጡ ተወዳዳሪዎች ደግ እና አዎንታዊ እንዲሆኑ፣ እንዲሁም ፍቅርን ብቻ እንዲያሰራጩ አሳስባለች። ኢትዮጵያ አንድ ስትሆን ምን ያህል እንደምታምር ለዓለም ማሳየት አለብን ያለችው ተወዳዳሪዋ፣ ይህ ውድድር የአንድ ግለሰብ ጉዞ ብቻ ሳይሆን የሀገር ገጽታ ግንባታ መሆኑን በመግለጽ "አንድ እንሁን፤ ኢትዮጵያ ትቅደም" ስትል ስሜት ቀስቃሽ መልዕክቷን አስተላልፋለች።

ቀረጥ ሳይከፈልባቸው ወደ ሀገር ውስጥ የገቡ ከ700 በላይ ተንቀሳቃሽ ስልኮችና ልዩ ልዩ ቁሳቁሶች ተያዙ፡፡

ተገቢውን የጉምሩክ ሂደት ያላለፉና በህገ ወጥ መንገድ ወደ ሀገር ውስጥ የገቡ የተለያዩ ዓይነትና መጠን ያላቸው ከ700 መቶ በላይ የሞባይል ቀፎዎች፣ ከሁለት ሺህ በላይ የቻርጀር ገመዶች፣ ልዩ ልዩ የኤሌክትሮኒክስ መለዋወጫዎችና አልበሳት በቁጥጥር ስር ዋሉ፡፡

በአዲስ ከተማ ክ/ከተማ ፖሊስ ዋና መምሪያ የመሣለሚያ አካባቢ ፖሊስ መምሪያ ነሐሴ 20 ቀን 2018 ዓ/ም በክ/ከተማው ወረዳ 8 ልዩ ቦታው አዲስ አበባ የገበያ ማዕከል ከምሽቱ 1፡00 ሠዓት ሲሆን አሰፋ ጸጋ እና አማኑኤል ብርሀኑ የተባሉ ተጠርጣሪዎች የኮንትሮባንድ ዕቃዎቹን የሠሌዳ ቁጥር B-77746 አ.አ በሆነ ሱዙኪ የጭነት ተሽከርካሪ ይዘው ሲንቀሳቀሱ ስራ ላይ በነበሩ የፖሊስ አባላት በቁጥጥር ስር ውለዋል፡፡

የክ/ከተማው ፖሊስ ዋና መምሪያ በተጠርጣሪዎቹ ላይ ተገቢውን የሰውና የሰነድ ማስረጃ በማደራጀት ክስ እንደሚያስመሰርት የገለፀ ሲሆን ህብረተሰቡም መሰል የወንጀል ድርጊት በሀገር ምጣኔ ሀብትና በህጋዊ ነጋዴዎች ላይ የሚያሳድረውን አሉታዊ ተፅዕኖ በመረዳት የመረጃ የመስጠት ባህሉን ሊያጠናክር እንደሚገባም የአዲስ አበባ ፖሊስ ዋና ጠቅላይ መምሪያ መልዕክቱን አስተላልፏል፡፡

Addis Ababa police

ሜታ በልጆች የሶሻል ሚዲያ ሱሰኝነት የቀረበበትን ክሶች በስምምነት ለመፍታት እስከ 18 ቢሊዮን ዶላር ለመክፈል ተስማማ
#ethiopia | ኦክላንድ፣ ካሊፎርኒያ — ሜታ ፕላትፎርምስ (Meta Platforms) ፌስቡክንና ኢንስታግራምን ወጣቶች ሱስ እንዲይዙ አድርጎ ነድፈዋል በሚል ከቀረቡበት ክሶች ጋር በተያያዘ ከሞላ ጎደል ከሁሉም የአሜሪካ ግዛቶች ጋር ስምምነት ላይ ደርሷል።

በስምምነቱ መሠረት ሜታ ታዳጊዎች ፌስቡክን እና ኢንስታግራምን የሚጠቀሙበትን ጊዜ እና መንገድ ይገድባል።

ስምምነቱ ኩባንያው የልጆችን ደህንነት አስመልክቶ ህዝብን አሳስቷል እና ምርቶቹም በህጻናት ላይ ጉዳት አድርሰዋል በሚል የቀጠለውን የፌዴራል ፍርድ ሂደት ያቋርጠዋል ተብሏል።

ካሊፎርኒያ፣ ኮሎራዶ፣ ኬንታኪ እና ኒው ጀርሲ የተባሉት አራት ግዛቶች በክሱ ሂደት ወደ 200 ቢሊዮን ዶላር የሚጠጋ የሲቪል ቅጣት ለመጠየቅ አቅደው ነበር።

የታዳጊዎች የሶሻል ሚዲያ አጠቃቀም ይገደባል
ሜታ በሚቀጥሉት 10 ዓመታት ታዳጊዎች ፌስቡክን እና ኢንስታግራምን በቀን ከሁለት ሰዓት በላይ እንዳይጠቀሙ የሚያደርግ ገደብ ይጥላል። የወላጅ ፈቃድ ከሌለ ደግሞ ከእኩለ ሌሊት 6፡00 ሰዓት ድረስ አጠቃቀም ይታገዳል።

በተጨማሪም ከጠዋቱ 2፡00 እስከ 9፡00 ሰዓት ባለው የትምህርት ጊዜ አብዛኛዎቹ የገፊ የሆኑ መልዕክቶች ለታዳጊዎች እንዳይላኩ ይደረጋል። ህጻናት የእድሜ ገደብ ያላቸው ይዘቶችን እንዳያገኙም ተጨማሪ የደህንነት ርምጃዎች ይጠናከራሉ።

እነዚህ ገደቦች ስናፕቻት፣ ቲክቶክ እና ዩቲዩብ ተመሳሳይ የህጻናት ጥበቃ ርምጃዎችን ከወሰዱ የበለጠ ሊጠናከሩ ይችላሉ።

እስከ 18 ቢሊዮን ዶላር የሚደርስ ክፍያ ሜታ ለ47 የአሜሪካ ግዛቶች፣ ለዋሺንግተን ዲሲ፣ ለፖርቶ ሪኮ፣ ለአሜሪካን ሳሞአ እና ለኖርዘርን ማሪያና ደሴቶች በአጠቃላይ እስከ 16.7 ቢሊዮን ዶላር የሚደርስ ክፍያ ለመፈጸም ተስማምቷል።

ከዚህ ውስጥ 12.7 ቢሊዮን ዶላር የተረጋገጠ ክፍያ ሲሆን፣ ተጨማሪ 5 ቢሊዮን ዶላር ደግሞ ስናፕ፣ ቲክቶክ እና ዩቲዩብ ተመሳሳይ የህጻናት ጥበቃ ርምጃዎችን የሚወስዱበት ሁኔታ ላይ የተመሰረተ ነው።

ካሊፎርኒያ ወደ 2.2 ቢሊዮን ዶላር የሚያገኝ ሲሆን፣ ኒው ዮርክ ደግሞ 1.1 ቢሊዮን ዶላር ያህል ሊያገኝ ይችላል። ቴክሳስ በበኩሉ ከ1 ቢሊዮን ዶላር በላይ የሚያወጣ የተለየ ስምምነት አድርጓል።

ከግዛቶቹ መካከል አንዳንዶቹ የሚቀበሉትን ገንዘብ በአጠቃላይ የመንግሥት ሂሳብ ላይ ለማስገባት ሲያቅዱ፣ ሌሎች ደግሞ የተወሰነውን ገንዘብ የህጻናት የአእምሮ ጤናን ለመደገፍ ለመጠቀም አቅደዋል።

የሜታ አሠራር ላይ የሚኖረው ለውጥ
የሰሜን ዌስተርን ዩኒቨርሲቲ የሕግ ፕሮፌሰር ጄምስ ስፔታ ስምምነቱ “ትልቅ ጉዳይ” መሆኑን ገልጸዋል።

እሳቸው እንደገለጹት፣ ሜታ እና ሌሎች ኩባንያዎች ክሱን ቢያሸንፉም ቢሸነፉም የንግድ አሠራራቸውን እንዲቀይሩ ከሕዝብ፣ ከኮንግረስ እና ከግዛት ሕግ አውጪዎች ጫና እየደረሰባቸው ነበር።

ሆኖም ስምምነቱ ሜታ የግል ምርጫዎችን የሚከተሉ የይዘት ምክረ ሃሳቦችን (personalized recommendations) ወይም የታለመ ማስታወቂያን (targeted advertising) እንዲያቆም አያስገድደውም።

በተጨማሪም ተመራማሪዎቹ በተለይ አሳሳቢ ናቸው ብለው የጠቀሷቸውን እንደ የሰውነት ቅርጽ ላይ አሉታዊ ስሜት የሚፈጥሩ የኢንስታግራም ጽሑፎች ያሉ አንዳንድ ይዘቶችን አይመለከትም።

ሜታ በክሱ ላይ ከስምምነትላይ ቢደርስም ጥፋት መፈጸሙን ግን አልተቀበለም። ኩባንያው የሚከፍለው ጠቅላላ ገንዘብ ከሜታ የሶስት እስከ አራት ወራት ትርፍ እና ወደ አንድ ወር ገቢ ያህል እንደሚሆን ገልጿል።

የካምብሪጅ አናሊቲካ የዳታ ጥሰት
በተለየ ጉዳይ ሜታ ከካምብሪጅ አናሊቲካ ቅሌት ጋር በተያያዙ የግላዊነት ክሶች ለመፍታት 459 ሚሊዮን ዶላር ለመክፈልም ተስማምቷል። ጉዳዩ የብዙ ሚሊዮን የፌስቡክ ተጠቃሚዎች የግል መረጃ ያለፈቃዳቸው መሰብሰቡን ይመለከታል።

የአሜሪካ የወረዳ ዳኛ ዮቮን ጎንዛሌዝ ሮጀርስ ዋናውን የስምምነት ሰነድ ረቡዕ ምሽት አጽድቀዋል። ዳኛዋ ከኦገስት 18 ጀምሮ የቀጠለውን የፍርድ ሂደት መርተው ነበር።

ተመሳሳይ ክሶች በመላው አሜሪካ ቀጥለዋል
ሜታ ላይ ከተመሰረቱት ክሶች በተጨማሪ በፌዴራል እና በግዛት ፍርድ ቤቶች በሺዎች የሚቆጠሩ ክሶች በሶሻል ሚዲያ ኩባንያዎች ላይ ቀጥለዋል።

እነዚህ ክሶች ኩባንያዎቹ ልጆችን ሆን ብለው ወደ ሱሰኝነት የሚያመሩ ምርቶችን ነድፈዋል እና በዚህም ከጭንቀትና ከድብርት እስከ ራስን ማጥፋት የሚደርስ የአእምሮ ጤና ቀውስ አባብሰዋል የሚል ክስን ያካትታሉ።

በተጨማሪም 29 ግዛቶች ሜታ የልጆችን የግል መረጃ ያለወላጆች ፈቃድ በማሰባሰብ እና መረጃውን የጄኔሬቲቭ አርቴፊሻል ኢንተለጀንስ ለማሰልጠን በመጠቀም በህጻናት የማኅበራዊ ሚዲያ አካውንቶች ላይ ግላዊነት ጥበቃ ሕግን ጥሷል ብለው ከሰዋል።

ኒው ሜክሲኮ እና ፍሎሪዳ ከስምምነቱ ውጭ ናቸው
ኒው ሜክሲኮ በረቡዕ በተደረገው ስምምነት አልተካተተችም። የግዛቱ ጠቅላይ ዓቃቤ ሕግ ራውል ቶሬዝ ስምምነቱ አዋቂዎች ህጻናትን ላይ እንዳያነጣጥሩ የሚደረጉ ጥበቃዎችን እና ከልጆች ጋር የጾታዊ ይዘት ያለው የAI ቻትቦት ግንኙነትን ለመከልከል የሚደረጉ ርምጃዎችን አልያዘም ብለዋል።

ፍሎሪዳም ስምምነቱን አልተቀበለችም እና ክሱን በፍርድ ቤት ለመቀጠል ወስናለች። የፍሎሪዳ ጠቅላይ ዓቃቤ ሕግ ጄምስ ኡዝሜየር፣ ለግዛቶች የሚከፈለው ገንዘብ ሜታ በልጆች ላይ ካደረሰው ከባድ ጉዳት ጋር ሲነጻጸር “በጣም ትንሽ” ነው በማለት ክሱን በፍርድ ቤት እንደሚቀጥሉ ገልጸዋል።

ስምምነቱ በዓለም ዙሪያ ካሉ ሌሎች ሺዎች የሚቆጠሩ በማህበራዊ ሚዲያ ኩባንያዎች ላይ ለቀረቡ ክሶች እንደ አብነት ሊያገለግል ይችላል ተብሏል፤ መንግስታት ደግሞ ህጻናት ጎጂ የማኅበራዊ ሚዲያ አካውንቶች ላይ ይዘቶችን እንዳያገኙ ለመግታት እየሰሩ ነው፤ ከእነዚህም መካከል አውስትራሊያ ከ16 ዓመት በታች ላሉ ህጻናት ማህበራዊ ሚዲያ አጠቃቀምን ማገዷ ይታወሳል።

https://www.reuters.com/bu...

"ህወሓት ታዳጊዎችን በግዳጅ ወደ ጦርነት እየማገደ ነው"፡- ሜጀር ጀነራል ዘውዱ ኪሮስ
****************

የትግራይ የሰላም ኃይል ከፍተኛ አመራር የሆኑት ሜጀር ጀነራል ዘውዱ ኪሮስ፣ ህወሓት ኋላቀር አስተሳሰብ ውስጥ የተዘፈቀና ከ18 ዓመት በታች የሆኑ ታዳጊዎችን በግዳጅ ወደ ጦርነት እየማገደ የሚገኝ ድርጅት መሆኑን አስታወቁ።

ጀነራል መኮንኗ ይህን የገለጹት በትግራይ ወቅታዊ ፖለቲካዊና ወታደራዊ ሁኔታ እንዲሁም በህዝቡ ላይ እየደረሰ ባለው እንግልት ዙሪያ ከኢቲቪ ትግርኛ ቋንቋ ዝግጅት ክፍል ጋር በነበራቸው ቆይታ ነው።

በቆይታቸውም የህወሓትን ድርጅታዊ ባህሪ አጥብቀው የነቀፉ ሲሆን፤ ድርጅቱ ራሱን ከጊዜው ጋር የማያሻሽል፣ ከእርሱ የተለየ ሀሳብን የማይቀበልና ጠባብ አስተሳሰብን የሚያስቀድም መሆኑን ተናግረዋል። አመራሮቹም የዚሁ "ድንቁርና" ማሳያ መሆናቸውን ገልጸዋል።

በተጨማሪም በትግራይ ያለው የፖለቲካ ምህዳር ይበልጥ የተወሳሰበ እንዲሆን የሠራዊቱ ጽንፈኛ አመራሮች አሉታዊ ሚና እየተጫወቱ መሆኑን ሜጀር ጀነራሏ አጋልጠዋል።

አክለውም፣ "የሠራዊት አመራር በተፈጥሮው ከማንኛውም የፖለቲካ ፓርቲ ገለልተኛ መሆን ሲገባው፣ በአሁኑ ወቅት የትግራይ ሠራዊት ጽንፈኛ አመራሮች በኔትወርክ ተሳስረው የአንድ ጽንፈኛ ድርጅት ጠበቃና አገልጋይ ሆነዋል" ብለዋል።

በክልሉ እየተፈጸመ ያለውን የሰብዓዊ መብት ጥሰት በተመለከተም፣ ዕድሜያቸው 16 እና 17 የሆኑ ታዳጊዎች ሳይወዱ በግዳጅ እየታፈሱ ወደ ጦርነት እየገቡ መሆኑን የጠቆሙት ጀነራል መኮንኗ፣ በዚህም የትግራይ ወጣት የድርጅቱ "የጥይት ማብረጃ" እየሆነ እንደሚገኝ በቁጭት ተናግረዋል።

ይህን የህወሓት ድርጊት በመቃወም የትግራይ እናቶች አደባባይ እየወጡ መሆኑን ያነሱት ሜጀር ጀነራል ዘውዱ፣ እናቶች ልጆቻቸውን ለሞት ለሚጋብዝ ድርጅት አንሰጥም በማለት ተቃውሟቸውን በግልጽ እያሰሙ መሆኑን ጠቁመው፤ ማንኛውም ሰላም ወዳድ አካል ድርጊቱን "በቃህ" ሊለው ይገባል ሲሉ ጥሪያቸውን አስተላልፈዋል።

በዛይድ ተስፋይ
#ethiopia #tigray #peace #ebc

የኮይሻ የውኃ ኃይል ማመንጫ ግድብ አጠቃላይ አፈጻጸም ከ77 በመቶ ደረሰ

የኮይሻ የውኃ ኃይል ማመንጫ ግድብ አጠቃላይ አፈጻጸም ከ77 በመቶ በላይ መድረሱን የፕሮጀክቱ ሥራ አስኪያጅ ኢንጂነር መብራቱ ተሾመ ገልፀዋል።

201 ሜትር ርዝመት ያለው የግድብ ግንባታው 6 ነጥብ 4 ሚሊዮን ሜትር ኪዩብ የአፈር ቁፋሮ በማካሄድ አጠቃላይ ግድቡ ከሚፈልገው 7 ነጥብ 72 ሚሊየን ሜትር ኪዩብ የኮንክሪት ሙሊት ውስጥ 81 ነጥብ 2 በመቶው ማለትም 6 ነጥብ 27 ሚሊዮን ሜትር ኪዩብ የኮንክሪት ሙሊት (RCC) ሥራ መከናወኑን ተናግረዋል።

የኃይል ማመንጫ ቤቱ የቁፋሮ ሥራ እንዲሁም የሲቪል ሥራው የመጀመሪያ ደረጃ የኮንክሪት ሙሌት ሙሉ በሙሉ መጠናቀቁንም ተናግረዋል።

የኤሌክትሮ መካኒካል ሥራውን በታቀደው ጊዜ ለማጠናቀቅ ዕቃዎች በበርካታ ፋብሪካዎች እንዲመረቱ መደረጉንም ገልጸዋል።

የፋይናንስ አቅርቦት በተለይም የውጭ ምንዛሬ እጥረት እና ተያያዥ ችግሮች በግንባታው ሂደት ላይ አሉታዊ ተፅዕኖ ፈጥሮ መቆየቱን ያስታወሱት ኢንጂነር መብራቱ፣ አሁን ላይ ተቋሙ ለፕሮጀክቱ የሚያስፈልገውን ፋይናንስ በራሱ በመሸፈኑ ግንባታው እየተፋጠነ ይገኛል ብለዋል።

Seledadotio
Seledadotio

ተደማምጦ ለልዩነቶች የጋራ መፍትሔ በመሻት ስልጣኔ የተቃኘው ሀገራዊ ምክክራችን
*****************

የሀገራዊ ምክክር ሂደቱ በየደረጃው ያሉ የህብረተሰብ ክፍሎችን በማሳተፍ እና የልዩነቶችን መነሻዎች በመለየት ወሳኝ ምዕራፍ ላይ ደርሷል።

ከወረዳ እና ከዞን ተነስቶ ሕዝባዊ መሠረቱን እያሰፋ የመጣው ይህ ሀገራዊ ንቅናቄ በጠረጴዛ ዙሪያ ተቀምጦ የመደማመጥ እና ለልዩነቶች የጋራ መፍትሔ የመፈለግ ስልጣኔን በተግባር አረጋግጧል።

የምክክር ሂደቱ አሁን የደረሰበት ደረጃ እና ያመጣው ተጨባጭ ውጤት ከየአቅጣጫው የሚነዙ የተዛቡ ትርክቶችን በሙሉ ያመከነ ሆኗል።

በረጅሙ የምክክር ሂደት በየደረጃው የተካሄዱት ውይይቶች በፖለቲካ ልሂቃን መካከል ብቻ የተደረጉ ተራ ስብሰባዎች ሳይሆኑ የመሬት ላይ እውነታን ያንፀባረቁ ሕዝባዊ መድረኮች ናቸው።

በእነዚህ መድረኮች አባቶች፣ እናቶች፣ ወጣቶች፣ የሃይማኖት አባቶች እና የፖለቲካ ፓርቲዎችን ጨምሮ ከሁሉም የህብረተሰብ ክፍሎች የተውጣጡ ተወካዮች ስጋታቸውን እና የነገ ራዕያቸውን በነፃነት አንሸራሽረዋል።

የቆዩ ታሪካዊ ቅሬታዎች፣ የትርክት ልዩነቶች እና የመልካም አስተዳደር እክሎች በየደረጃው በይፋ ተነስተው ለሀገራዊ መግባባት መነሻ የሚሆኑ ምክረ ሀሳቦች እየቀረበባቸው ይገኛሉ።

የምክክሩ ሂደት ፍሬ እያፈራ ወደ ከፍተኛ ደረጃ መሸጋገሩ የኢትዮጵያን የውስጥ ጥንካሬ ለማሰናከል ይሞክሩ ለነበሩ አካላት ግልጽ ምላሽ የሰጠ ነው።

ምክክሩ ሕዝባዊ መሠረት የሌለውና ለፖለቲካ ፍጆታ የሚደረግ ነው በሚል በውጭ ኃይሎች እና በአፍራሽ ሚዲያዎች ሲሰራጩ የነበሩ አሉባልታዎች በመሬት ላይ ባለው ሰፊ ሕዝባዊ ተሳትፎ ምክንያት ውድቅ ሆነዋል።

በሀገራዊ ምክክሩ ኢትዮጵያውያን የራሳቸውን ችግር በራሳቸው የምክክር እና የሽምግልና ባህል መፍታት እንደሚችሉ በማረጋገጥ አሉታዊ ሀሳቦችን እና የውጭ ጣልቃ ገብነትን መመከት ችለዋል።

በምክክሩ የተፈጠረው ሀገራዊ መግባባት ለወደፊቷ ሰላማዊት እና የበለፀገች ኢትዮጵያ ጠንካራ መዋቅራዊ እና ተቋማዊ መሠረት የሚጥል ነው።

በዚህ መልኩ የሚፈጠር ሀገራዊ መግባባት ዘላቂ ሰላምን ለማስፈን እንዲሁም የፍትህ እና የዴሞክራሲ ተቋማትን ለማጠናከር ወሳኝ አቅም ይሆናል።

በሐና ምንዳሁን
#ethiopia #nationaldialogue #inclusivedialogue #peace #sovereignty #ebc #ebcdotstream

በማህበራዊ ሚዲያ አንዲት ታዳጊ ስትደበደብ የሚያሳይ ቪዲዮን በተመለከተ ፖሊስ አስፈላጊውን ምርመራ ማጣራቱን አስታወቀ፡፡
***
ፈርዶስ መሃመድ ፣ ኤደን ዳዊት እና ሃኒ ሁሴን የተባሉ ታዳጊ ተማሪዎች በኮልፌ ቀራኒዮ ክፍለ ከተማ ወረዳ 4 አለም ባንክ አካባቢ ጓደኛቸውን ሲደበድቧት የሚያሳይ አሳዛኝ ቪዲዮ በማህበራዊ ሚዲያ መሰራጨቱን ተከትሎ ድርጊቱን የፈፀሙት ግለሰቦች በህግ እንዲጠየቁ ህብረተሰቡ አስተያየት እየሰጠ መሆኑ ይታወቃል፡፡

ድርጊቱ ጥቅምት 14 ቀን 2018 መፈፀሙን የአዲስ አበባ ፖሊስ ዋና ጠቅላይ መምሪያ አስታውቆ ቪዲዮው በማህበራዊ ሚዲያ ከመሰራጨቱ ከወራት በፊት ወንጀሉን የፈፀሙትን ሦስት ተጠርጣሪዎችን በቁጥጥር ስር በማዋል ምርመራ ማጣራቱን ፖሊስ ገልጿል፡፡
በወንጀሉ የተጠረጠሩት ሦስት ተማሪዎች ፍርድ ቤት ቀርበው በጊዜ ቀጠሮ ታስረው ፖሊስ አስፈላጊውን ማስረጃ በማሰባሰብ የምርመራ መዝገቡን አጠናቆ መዝገቡን ለሚመለከተው የፍትህ አካል መላኩን የአዲስ አበባ ፖሊስ አስታውቋል፡፡

ልጅቷ ስትደበደብ የሚያሳየው ቪዲዩ መለቀቁ በልጅቷም ሆነ በቤተሰቧ ላይ አሉታዊ ጫና የሚያሳድር በመሆኑ ቪዲዮውን የለቀቀውን አካል ለማረጋገጥ ፖሊስ ሦስቱን ተጠርጣሪዎች በድጋሚ በቁጥጥር ስር አውሎ ተጨማሪ ምርመራ እያጣራ መሆኑን ገልጿል፡፡

ህብረተሰቡ ድርጊቱን በማውገዝ ወንጀሉን የፈፀሙ ሰዎች በህግ መጠየቅ እንዳለባቸው ያሳየውን መቆርቆር የአዲስ አበባ ፖሊስ ዋና ጠቅላይ መምሪያ አድንቋል፡፡

3 ሚሊዮን ብር የሚገመት የሀበሻ አረቄ ተደፋ

በምዕራብ ኦሞ ዞን ቤሮ ወረዳ በህገ-ወጥ መንገድ ተዘጋጅቶ ለዝውውር የቀረበው ይህ አረቄ በገበያ ግምቱ ከ3 ሚሊየን ብር በላይ እንደሚገመት ተገልጿል።

ህገ-ወጥ ምርቱ እንዲደፋ እና እንዲወገድ በተደረገበት ወቅት ግልጽነትና ህጋዊ አሰራርን በተከተለ መልኩ የሂደቱ ታዛቢዎች ተገኝተዋል።

በቦታውም የወረዳው ፖሊስ መርማሪዎች የወረዳው አቃቤ ህግ የአካባቢውም የቀበሌ ስራ አስኪያጅ የከተማዋ ነዋሪዎችና ታዛቢዎች በተገኙበት በይፋ እንዲደፋ ተደርጓል።

የወረዳው ፖሊስ የወንጀል ምርመራ ክፍላ ኃላፊ ሳጅን ጌታሁን ክፍሌ እንደገለጹት ህገ-ወጥ አረቄ ማዘጋጀትና ማሰራጨት በማህበረሰቡ ጤና ላይ ከሚያደርሰው የጎንዮሽ ጉዳት ባለፈ በወረዳው የሚታየውን የወንጀል ድርጊት የሚያበዛና በህጋዊ የንግድ ስርዓት ላይ አሉታዊ ተጽእኖ የሚያሳድር በመሆኑ ቁጥጥሩ አሁንም ተጠናክሮ ይቀጥላል።

በተጨማሪም ህብረተሰቡ መሰል ህገ-ወጥ ድርጊቶችን በመጠቆም እና ከጸጥታ አካላት ጋር የሚያደርገውን አጋርነት አጠናክሮ እንዲቀጥል ጥሪ አቅርበዋል ሲል ከወረዳው ኮሙኒኬሽንን ጠቅሶ የደቡብ ምዕራብ ኢትዮጵያ ህዝቦች ክልል ፖሊስ ኮሚሽን የህዝብ ግኝኙነትና ኮሙኒኬሽን ዘግቧል

በማህበራዊ ሚዲያ አንዲት ታዳጊ ስትደበደብ የሚያሳይ ቪዲዮን በተመለከተ ፖሊስ አስፈላጊውን ምርመራ ማጣራቱን አስታወቀ፡፡

ፈርዶስ መሃመድ ፣ ኤደን ዳዊት እና ሃኒ ሁሴን የተባሉ ታዳጊ ተማሪዎች በኮልፌ ቀራኒዮ ክፍለ ከተማ ወረዳ 4 አለም ባንክ አካባቢ ጓደኛቸውን ሲደበድቧት የሚያሳይ አሳዛኝ ቪዲዮ በማህበራዊ ሚዲያ መሰራጨቱን ተከትሎ ድርጊቱን የፈፀሙት ግለሰቦች በህግ እንዲጠየቁ ህብረተሰቡ አስተያየት እየሰጠ መሆኑ ይታወቃል፡፡

ድርጊቱ ጥቅምት 14 ቀን 2018 መፈፀሙን የአዲስ አበባ ፖሊስ ዋና ጠቅላይ መምሪያ አስታውቆ ቪዲዮው በማህበራዊ ሚዲያ ከመሰራጨቱ ከወራት በፊት ወንጀሉን የፈፀሙትን ሦስት ተጠርጣሪዎችን በቁጥጥር ስር በማዋል ምርመራ ማጣራቱን ፖሊስ ገልጿል፡፡

በወንጀሉ የተጠረጠሩት ሦስት ተማሪዎች ፍርድ ቤት ቀርበው በጊዜ ቀጠሮ ታስረው ፖሊስ አስፈላጊውን ማስረጃ በማሰባሰብ የምርመራ መዝገቡን አጠናቆ መዝገቡን ለሚመለከተው የፍትህ አካል መላኩን የአዲስ አበባ ፖሊስ አስታውቋል፡፡

ልጅቷ ስትደበደብ የሚያሳየው ቪዲዩ መለቀቁ በልጅቷም ሆነ በቤተሰቧ ላይ አሉታዊ ጫና የሚያሳድር በመሆኑ ቪዲዮውን የለቀቀውን አካል ለማረጋገጥ ፖሊስ ሦስቱን ተጠርጣሪዎች በድጋሚ በቁጥጥር ስር አውሎ ተጨማሪ ምርመራ እያጣራ መሆኑን ገልጿል፡፡

ህብረተሰቡ ድርጊቱን በማውገዝ ወንጀሉን የፈፀሙ ሰዎች በህግ መጠየቅ እንዳለባቸው ያሳየውን መቆርቆር የአዲስ አበባ ፖሊስ ዋና ጠቅላይ መምሪያ አድንቋል፡፡

ከአፈሙዝ ወደ ውይይት ጠረጴዛ፦ የፖለቲካ ባህላችንን እየቀየረ ያለው ሀገራዊ ምክክራችን
**************************

በኢትዮጵያ እውን እየሆነ ያለው ሀገራዊ ምክክር ለዘመናት የሕዝብ ብሶቶች እና ጥያቄዎች እንዲሁም ለታሪክ ስብራቶች በሰለጠነ መንገድ እልባት ለመስጠት ያለመ አዲስ ልምምድ ነው።

በሀገራዊ ጉዳዮች ላይ የተለያዩ አመለካከቶችን ይዞ ወደ ውይይት ጠረጴዛ በመምጣት በእኩልነት መምከር መቻል በራሱ ትልቅ ታሪካዊ ስኬት ነው።

እንዲህ ያለው አካታች ምክክር ከዚህ ቀደም ለተነሱ ብቻ ሳይሆን ወደፊትም ሊነሱ ለሚችሉ የማኅበረሰብ ጥያቄዎች ዘላቂ እና አስተማማኝ ምላሽ የሚገኝበት ዋነኛ መንገድ ነው።

ምክንያቱም እውነተኛና ዘላቂ መፍትሔ የሚወለደው ሁሉን ወገኖች በማካተት ከሚደረግ የሰከነ ውይይት እንጂ ከታጣቂዎች አፈሙዝ ሊሆን አይችልም።

በሀገራዊ ምክክራችን ሂደት በተለያዩ አጋጣሚዎች ከተለያዩ አካላት የሚሰነዘሩ ከእውነታ የራቁ አሉባልታዎች እና አሉታዊ ሀሳቦች ወደ ዘላቂ ሰላም የጀመርነውን ጉዞ ሊያስተጓጉሉት አይችሉም።

እነዚህ አሉባልታዎች እና አሉታዊ ሀሳቦች የሕዝቡን ፍላጎት የማይወክሉ፣ ይልቁንም የሰላም ሂደቱን ለማስተጓጎል እና ጥርጣሬን ለመዝራት የሚደረጉ ከንቱ መፍጨርጨሮች ናቸው።

ከእልቂት እና ከውድመት በቀር ከጦርነት እና ከጽንፈኝነት ያተረፍነው አንዳች ጥቅም እንደሌለ ያለፈው ታሪካችን ሕያው ምስክር ነው።

በመሆኑም ከብጠመንጃ ይልቅ አሁን የጀመርነው የሰለጠነ የምክክር መንገድ ሁላችንንም አሸናፊ የሚያደርግ ብቸኛው አማራጭ ነው።

ሀገር የምትመራው እና የምትገነባው በሰከነ ውይይት እና በሕግ ጽኑ መሠረት ላይ እንጂ በኃይል እና በጠመንጃ አይደለም።

አሁን እያካሄድነው ያለው ሀገራዊ ምክክር የረጅም ሂደት ጅማሮ እንጂ መዳረሻው አለመሆኑን መገንዘብ ያስፈልጋል።

ምክክሩ ወደፊትም ሁሉንም የኅብረተሰብ ክፍሎች እና የፖለቲካ ኃይሎች እያሳተፈ፣ ድምጻቸው እንዲሰማ እያደረገ በተደራጀ እና በተጠናከረ ሁኔታ ይቀጥላል።

ሀገራዊ ምክክሩ ሁሉም የመፍትሔው አካል የሚሆንበት በመሆኑ፣ ለነገዋ ሰላማዊት እና የበለጸገች ኢትዮጵያ ጠንካራ መሠረት እየጣለ ይገኛል።

ምክክሩ ለዛሬ ሰላማችን የምንጠቀምበት ብቻ ሳይሆን ለወደፊቱ ትውልድ ጭምር በቅርስነት የሚተላለፍ የሰለጠነ የፖለቲካ ባህል ነው።

በሰከነ ሀገራዊ ምክክር ከግጭት አዙሪት በመውጣት ለቀጣዩ ትውልድ ሰላም እና አንድነቷ የተጠበቀ የበለጸገች ኢትዮጵያን ከሰለጠነ የፖለቲካ ባህል ጋር እናስረክባለን።

በሔዋን ጌታቸው
#ethiopia #nationaldialogue #peacebuilding #ebc

አዲስ አበባ-የምክር ሒደቱ ሥጋት እንዳሳደረባቸዉ 3 የፖለቲካ ፓርቲዎች አስታወቁ።

አዲስ አበባ ዉስጥ በተያዘዉ አገራዊ ምክር ላይ የሚሳተፉ 3 የፖለቲካ ፓርቲዎች በምክር ሒደቱ ቅሬታ፣ ጥርጣሬና ሥጋት እንደተሰማቸዉ አስታወቁ። እናት ፓርቲ (እፓ) ፣የነፃነትና እኩልነት ፓርቲ (ነእፓ) እና የአማራ ብሔራዊ ንቅናቄ (አብን) በየፊናቸዉ ባወጧቸዉ መግለጫዎችና ደብዳቤ እንዳሉት ምክክሩ እንዲሳካ ሒደቱ ሊታረም ይገባል።እናት ፓርቲና የነፃነትና እኩልነት ፓርቲ ቅሬታና ማሳሰቢያቸዉን በየፊናቸዉ ባወጡት መግለጫ ሲያስታዉቁ፣ የአማራ ብሔራዊ ንቅናቄ (አብን) በምክክር ሒደቱ ላይ ያለዉን ቅሬታ ለምክክር ኮሚሽን ለሶስተኛ ጊዜ በፃፈዉ ደብዳቤ መግለፁን አስታዉቋል።

እናት ፓርቲ በመግለጫዉ የምንመካከረው "አዲስ የእርስ በእርስ ጦርነት ለማዋለድ አይደለም" ሲል ሂደቱ ላይ ከፍተኛ ሥጋት እንዳለው ገልጿል።በምክር ሒደቱ የአዲስ አበባ ከተማን ለአንድ ቡድን ለማስረከብ እና "አዲስ የፀብ ግንባር ለመቀስቀስ" ጥረት እንዳለ መታዘባቸውን የፓርቲው ፕሬዝዳንት ዶ/ር ሠይፈ ሥላሴ አያሌው ገልፀዋል።ነፃነትና እኩልነት ፓርቲ ባወጣዉ መግለጫ ደግሞ ሐገራዊ ምክክሩ እንዲሳካ «ሁሉም የበኩሉን ያበርክት" የሚል ጥሪ አድርጓል።የፓርቲው መግለጫ አክሎም "የምክክር ሂደቱን ውጤታማ ለማድረግ የአንድ ወገንን ፍላጎትን በሌሎች ላይ ለመጫን ከሚደረግ ሙከራ መራቅ፣ በቀጥታም ሆነ በተዘዋዋሪ በምክክር ሂደቱ ላይ አሉታዊ ተጽእኖ ከሚያደርጉ አፍራሽ ተግባራት መቆጠብ ያስፈልጋል።" በማለት አሳስቧል።

የአማራ ብሔራዊ ንቅናቄ ተስተዋሉ ያላቸው ችግሮች ካልተስተካከሉ ከሂደቱ መውጣትን ጨምሮ «ተገቢ የፖለቲካ አቋም» ያለዉን እርምጃ እንደሚወስድ አስጠንቅቋል።አብን እንደሚለዉ በአዲስ አበባ ዙሪያ "አንድ ወገን በተደራጀ የቁጥር ብልጫ ሌላውን በሚደፈጥጥበት የድምፅ ውድድር ሊስተናገድ አይገባም" ሲል "የአዲስ አበባን አጀንዳ ከዚህ በላይ ለማስኬድ መሞከሩ ሀገራችንን ካለችበት ችግር የባሰ ውጥረት ውስጥ የሚከት በመሆኑ በአስቸኳይ ንግግሩ እንዲቆምና አጀንዳው እንዲያርፍ" አሳስቧል።ከ4ሺሕ በላይ ሰዎች ተሳትፈዉበታል የተባለዉ አገራዊ ምክክር በይፋ ከተጀመረ ነገ ወር ይደፍናል።

የአዲስ አበባዉ ወኪላችን ሰለሞን ሙጬ እንደዘገበዉ 29 ቀናት ያስቆጠረው ጉባኤ ለጥቂት ዓመታት ረገብ ብሎ የቆየውን የአዲስ አበባ ከተማን ጉዳይ ዳግም አንስቶ ተጨማሪ ውዝግብ እንዲቀሰቀስ ምክንያት መሆኑ ተስተውሏል።

DW Amharic

የምንመካከረው በብሔራዊ መግባባት አገርን ለማጽናት እንጂ የቡድን የበላይነትን ለማንበርና ሌላ አዲስ የእርስ በእርስ ጦርነት ለማዋለድ አይደለም!

በሀገራዊ ምክክሩ ሂደት ዙሪያ ከእናት ፓርቲ የተሰጠ የአቋም መግለጫ

ኢትዮጵያ ሀገራችን እያለፈችበት ያለውን ዘርፈ ብዙ ችግሮች ለመፍታት በምክክር ብሔራዊ መግባባት በመፍጠር አገር ልትጸና ይገባል በሚል ጽኑ እምነት ፓርቲያችን የበኩሉን ድርሻ ለመወጣት ያላሰለሰ ጥረት አድርጓል። በአገራዊ ምክክር ኮሚሽን ምሥረታው፣ በኮሚሽነሮች አመራረጥና በኮሚሽኑ የአሠራር ሂደት፣ የአካታችነት ችግሮች፣ እየተካሄዱ ያሉ ጦርነቶች በሚያሳድሩት አሉታዊ ተጽዕኖና መሰል አስቻይ ባልሆኑ ሁኔታዎች ላይ ጠንካራ ሀሳቦችንና የመፍትሔ ጥቆማዎችን ፓርቲያችን ሲያቀርብ መቆየቱም ይታወቃል። ፓርቲያችን በምክክሩ ሂደት እና ከምክክሩ አስቀድሞ ስኬታማ ምክክር ለማካሄድ ሊተገበሩ ይገባቸዋል ብሎ የሚያምንባቸውን ሃሳቦችና ቅድመ ሁኔታዎች በግልጽ አስቀምጦ ያለመታከት ሲያሳስብ የቆየ ቢሆንም ሰሚ ጆሮ በመጥፋቱ አገር ባለችበት ሁኔታ ወደ ምክክር እንድትገባ ተደርጓል። እናት ፓርቲ ይህን በትክክለኛው ጎዳና ተጉዞ በስኬታማ መልኩ ሊጠናቀቅ ቢችል የአገራችን መፃኢ ጉዞ ላይ ትልቅ ምዕራፍ ሊከፍት የሚችልን ሂደት ቅድመ ሁኔታዎች ስላልተሟሉ በማለት በቸልታ ሊመለከተው ያልፈለገ ሲሆን ይልቁን ሂደቱ ውስጥ በማሳተፍ ትክክለኛነቱን ካረጋገጠ ለአገር የሚበጁ ሀሳቦችን በማንሳት ለመሞገት ብሎም በተመካካሪዎች ዘንድ ተቀባይነት እንዲያገኝ በማድረግ በጎ ተጽዕኖ መፍጠርን በማሰብ በምክክሩ እየተሳተፈ ይገኛል።

አገር የገባችበት ችግር ከምንጊዜውም ይልቅ በተወሳሰበበት ሁኔታ ውስጥ የምክክሩ ሂደት ከነችግሮቹ እያነከሰ ሐምሌ 8 ቀን 2018 ዓ.ም ጀምሮ እየተካሄደ ያለው ሀገራዊ ምክክር ወደ መጨረሻው ምዕራፍ እየተሸጋገረ ያለ ቢሆንም በሂደቱ የጎሉ ችግሮች እየተስተዋሉበት ይገኛል። ለአብነትም በወረዳ ደረጃ ተደረጉ ከተባሉ ምክክሮች ጀምሮ የምክክር ተሳታፊዎች የገዥው ፓርቲ አባላት እና የሥርዓቱ ደጋፊዎች መሆናቸው ሲገለጽ የነበረ ሲሆን በአገር አቀፍ ደረጃ እየተደረገ ባለው በዚህ ምክክርም አብላጫውን ቁጥር የሚይዙ ተሳታፊዎች የገዥው ፓርቲ አባላት እና ደጋፊዎች መሆናቸውን መረዳት ችለናል። በምክክሩ ሂደት ድምጾች እንዳይሰሙ መገደብ፣ የአካታችነት ችግሮች፣ የተሳታፊዎች ምርጫና ምደባ፣ የፍትሓዊነት፣ የገለልተኝነት፣ የግልጽነት ማነስ፣ በጸጥታ አካላት ታጅቦ መወያየት፣ የውይይት ተሳትፎውን ለማጥበብ ከውስጥና ከውጭ የሚደረጉ ጫናና ወከባዎች፣ የምክክሩ አጠቃላይ ወለል ወይም ቀይ መሥመር ያለመኖር እና የመሳሰሉ ጉልህ ችግሮች የተስተዋሉበትን እውነታ ታዝበናል።

ምክክሩ ኢትዮጵያን ለማጽናት ሳይሆን እንዳለፈው ጊዜ ስሑት ትርክትና ሕገ መንግሥታዊ መሠረት ያለው የጨቋኝ ተጨቋኝ ትርክት ብሎም ሁሉ ለእኔ ብቻ ፍላጎት በአጠቃላይ ኢትዮጵያን አንደ ሀገር እና ዋና መገለጫ ጌጦቿን ኹሉ ለድርድር ያቀረበ ነው ቢባል ማጋነን አይሆንም። በዚኽም የምክክሩን ፍትሓዊነትና ቅቡልነት ጥያቄ ውስጥ የሚያስገባ ሆኖ አግኝተነዋል። ይኽ ደግሞ ፓርቲያችንና ሌሎች ተሳታፊዎች ከሂደቱ ራሳቸውን እንዲያገሉ እያስገደደ ይገኛል።

ምክክር የቅንጦት ጊዜ ኹነት ሳይኾን የቀውስ ጊዜ መፍትሔ ማመንጫ ውጥን ነው። ቀዳሚው ዘርና ጎሳ ላይ የተመሠረተው ፌዴራሊዝም ሀገራችንን ሊያጠፋት ከጫፍ ደርሶ እያለ ይህን ያፈጠጠ አደጋ ሊያስቀር ወይም ሊያለዝብ የሚችል መፍትሔ ይጠበቅ የነበረ ቢሆንም ምልክቱ እንኳ አለመታየቱ እጅግ የሚያስቆጭ ነው። እንዲያውም ገና ምክክሩ ሳይጠናቀቅ አንዳንድ ክልሎችን በስም ተጠርተው ሌላ ክልል ለማዋለድ ምክረ ሀሳብ ሲነሳ ብቻ በደስታ ይጨበጨባል፤ ሌላው ደግሞ ማን ነክቶን እያለ በማን አለብኝነት መግለጫ ይሰጣል። ይህም በዘርና በጎሳ ላይ የተመሠረተ ፖለቲካ ለሀገር አንድነትና ሕልውና ሥጋት መሆኑን አንዱ ማሳያ ነበር። በሌላ በኩል ይህ ምክክር እየተካሄደ ባለበት በአሁኑ ወቅት ቢያንስ ሦስት ክልሎች ላይ ጦርነቶች እየተካሄዱ ነው፤ ሌላውም መጣሁ እያለ ነው። የርስ በርስ ጦርነቱን ጉዳይ ብልጽግናን ጨምሮ ሁሉም ተዋጊ ኃይሎች ወደ ድርድር እንዲመጡ እውነተኛ፣ ጥልቅ ውይይትና ደፋር ምክረ ሀሳብ ይፈልግ የነበረ ቢሆንም ሂደቱ ግን እከከኝ ልከክህ ሆኖ የአንድን ወገን ጥቅምና ፍላጎት ለማስጠበቅ ቀድሞ የተወሰነን ውሳኔ በሀገራዊ ምክክር ስም ቅቡልነት እንዲኖረው ለማድረግ እየተከናወነ ነው። የታሪክና የትርክት መፋለሶች በናኙበት በዚህ ዘመን ቢያንስ እውነት አፈላላጊ ቡድኖችን አዋቅሮ ግማሽ መንገድ እንኳን ማቀራረብ ይገባ ነበር።

እነዚኽንና መሰል አንኳር ጉዳዮች እንጂ የኢትዮጵያ መሪ (ከፕሮቶኮል አንጻር ነው አመክንዮው) ጠቅላይ ሚንስትር ሳይሆን ፕሬዝዳንት መኾን ነው ያለበት ላይ አልነበረም የችግሮቹ ቋጠሮ ያለው። ዙሪያ ዙሪያዋን ሲሏት የነበረችውን አዲስ አበባ በወከባ ብዛት ለአንድ ቡድን ሆ ብሎ ለማሳቀፍና አዲስ የፀብ ግንባር ለመቀስቀስም አልነበረም ለምክክር የተቀመጥነው፡፡ ድሬዳዋ ከየት ወገን ትሑን የሚለው ሀገር ሊያፈርስ ደርሶም አልነበረም በሚሊዮን የሚቆጠር የሀገር ሀብት አባክነን ለምክክር የተቀመጥነው፡፡ በዓለም በልዩነት የምንታወቅበት ዘመን አቆጣጠር አሥሮ ይዞንም አልነበረም ምክክር ያስፈለገን፡፡ በአጠቃላይ የተጠቀሱና መሰል የተስተዋሉ ሳንካዎች ምክክሩ ከታለመለት ዓላማና በሀገሪቱ ያለውን ችግር ከሥሩ ከመፍታት ይልቅ ጠግኖ ለማስቀጠል፣ ለይምሰል የተደረገ፣ የአገዛዝ እና ቡድን(ኖች) ጠባብ ጊዜያዊ ፍላጎት ለማሳካት በሚመስል ሁኔታ እየተከናወነ እንዳለ ይሰማናል። በዚህም በመሠረታዊ የሀገር ሕልውና ጉዳዮች በዋናነት የርስ በርስ ጦርነትን በማስቆም፣ የዘርና ጎሳ ፌዴራሊዝምን ማስቀረት/ማለዘብ እንደ ዋና ግብ መያዝና መሰል የተጋረጡ ፈተናዎች በአግባቡ ተረድቶ እልባት የሚበጅበትን አቅጣጫ ሊያስቀምጥ ያልቻለ ሀገራዊ ምክክር ከመነሻው እንደከሸፈ ለመረዳት ነቢይ መሆን አይጠይቅም።

እናት ፓርቲ ከዚህ በመለስ ባሉ የምክክር አጀንዳዎች እና በምክክር ስም ተላለፉ በሚባሉ ስምምነቶች ላይ ፊርማውን የማያሰፍር መሆኑን ሕዝባችን እንዲያውቅ መልእክታችንን እናስተላልፋለን፡፡ በዚህም፤

1. ገዥው ፓርቲ በሀገራዊ ምክክሩ ስም ለማሳካት ከሚፈለግ ማንኛውም ፍላጎትና ሀገርን አስይዞ ከሚደረግ የፖለቲካ ቁማር እንዲታቀብ እናሳስባለን።

2. ተመካካሪዎች ለጊዜያዊ ጥቅምና የፖለቲካ ውሳኔዎች ሽፋን ከመስጠት እና በታሪክ ተወቃሽ ከሚያደርጉ ድርጊቶች በመቆጠብ ለሀገርና ለሕዝብ መቆምን በቀረችው አጭር ጊዜም ቢሆን በድፍረት እንዲያሳዩ በአክብሮት እንጠይቃለን።

3. ለመላው የኢትዮጵያ ሕዝብ ሀገራዊ ምክክሩ የጥቂት አካላትን ፍላጎት ማስፈጸሚያና ለአዲስ ቁርሾ የሚያዘጋጅ እንዳይሆን ሂደቱን በንቃትና በትኩረት እንዲከታተል እናሳስባለን።

ፈጣሪ አገራችን ኢትዮጵያንና ሕዝቧን ይጠብቅ!

እናት ፓርቲ
ነሐሴ ፮ ቀን ፳፻፲፰ ዓ.ም
አዲስ አበባ፣ ኢትዮጵያ

ሙስናን መዋጋት፤ ዘላቂ ልማትን ለማረጋገጥ

አዲስ አበባ፣ ነሐሴ 3፣ 2018 (ኤፍ ኤም ሲ) ኢትዮጵያ ኢኮኖሚዋን ለማሳደግና የዜጎችን የኑሮ ደረጃ ለማሻሻል በመደመር መንግሥት መሪነት የተለያዩ የልማትና የሪፎርም ሥራዎችን እያከናወነች ትገኛለች።

በዚህም ሀገር በቀል የኢኮኖሚ ማሻሻያ ተግባራዊ በማድረግ የኢንቨስትመንት እድሎችን ለማስፋት እንዲሁም ምርትና ምርታማነትን ለማሳደግ የሚያስችሉ ተግባራት ተከናውነዋል፡፡

ትውልድን ታሳቢ ባደረገው የልማት አቅጣጫ ገና ከጅምሩ እጅግ አስደናቂ ውጤቶች እየተመዘገቡ ነውጰ፤ ነገር ግን የሕዝብ ሀብት በሙስናና በሌብነት ከባከነ ይህንን የልማት ጉዞ ወደ ኋላ ይጎትታል፡፡

በዚህ መሠረት ሙስናን መዋጋት ከሌሎች የልማት ሥራዎች ተለይቶ የሚታይ ጉዳይ ሳይሆን የልማት ዘላቂነትን የማረጋገጥ ዋነኛ ተግባር ነው።

ለሕዝብ ጥቅም የሚውል መሰረተ ልማትን ለመገንባት የሚመደብ በጀት የግል ጥቅምን በሚያስቀድሙ ሙሰኞች ሲመዘበር የሀገር ሀብት የማመንጨት አቅም ይቀንሳል።

በተለይም በግዥ፣ በጨረታ፣ በፕሮጀክት አፈጻጸምና በበጀት አጠቃቀም የሚፈጠር ሙስና ለተጨማሪ ወጪ የሚዳርግ በመሆኑ ሙስና ገንዘብ ብቻ ሳይሆን የልማት ዕድልንም ያሳጣል።

በተጨማሪም ሙስና የኢንቨስትመንት እድሎችን የሚያጠብብ የልማት ጸር በመሆኑ ሙስናን መቆጣጠር የሕዝብ ሀብትን ከመጠበቅ ባሻገር የኢንቨስትመንት እምነትን የማጠናከሪያ መሳሪያም ነው።

በኢንቨስትመንት ላይ የሚሰማሩ አካላት መዋዕለ ንዋያቸውን የሚያፈሱበትን ሀገር ሲመርጡ የገበያ ዕድልን ብቻ ሳይሆን የሕግ የበላይነት፣ የተቋማት ተጠያቂነት፣ የአሠራር ግልጽነትና የውሳኔ ተገማችነትን ከግምት ያስገባሉ፡፡

በዚህም በተቋማት ውስጥ ጉቦና ሙስና ተስፋፍቷል የሚል ግንዛቤ ከተፈጠረ አልሚዎች በኢንቨስትመንት ለመሳተፍ ስጋት ያድርባቸዋል፡፡

ሙስና በአንዲት ሀገር ልማትና የእድገት ጉዞ ላይ የሚያሳድረው አሉታዊ ጫና ከሰነድ ባለፈ በዝቅተኛ ጥራት፣ በዘገየ ፕሮጀክትና በጠፋ የልማት ዕድል ይገለጣል፡፡

የልማት ፕሮጀክቶች በሙስና ምክንያት ጥራታቸውን ጠብቀው በወቅቱ ካልተጠናቀቁ ተጎጂው በመጨረሻ ሕዝብና ሀገር ነው።

ጠቅላይ ሚኒስትር ዐቢይ አሕመድ (ዶ/ር) እንዳሉት፥ ኢትዮጵያ ውስጥ ስብራትና የጥፋት መንገድ የሆነው ሌብነት ካልተገራ በስተቀር ለምናስበው የመበልጸግ ራዕይ እንቅፋት ነው፡፡

በዚህም የመደመር መንግሥት የኢትዮጵያን የልማት ጉዞና የሕዝቡን ሁለንተናዊ ተጠቃሚነት የሚያሰናክል ሙስናን ለመዋጋት ጠንካራ ርምጃዎችን እየወሰደች ትገኛለች፡፡

በኃይለማርያም ተገኝ