"አንድ ነጭ ቲሸርት ለመሥራት የአንድ ሰው የ2 ዓመት የመጠጥ ውኃ ይባክናል!"
#ethiopia |ፋብሪካዎች አንድ ነጭ ቲሸርት ብቻ ለማምረት 2,700 ሊትር ውሃ ይጠቀማሉ!

የጨርቃጨርቅና የልብስ አምራች ኩባንያዎች የሚያደርሱት የተፈጥሮ ሀብት ብክነትና የአካባቢ ጥፋት እጅግ አሳሳቢ ከሚባሉ ዓለም አቀፋዊ ችግሮች አንዱ ሆኗል።

በቅርብ ጊዜ የወጡ ጥናቶች እንደጠቆሙት ከሆነ ፋብሪካዎች አንድ ነጭ ቲሸርት ብቻ ለማምረት እስከ 2,700 ሊትር ውኃ ይጠቀማሉ።

ይህ የውኃ መጠን አንድ ሰው ቢያንስ ለ2 ዓመታት ያህል በየቀኑ የሚጠጣውን የውኃ መጠን ሙሉ በሙሉ ሊሸፍን የሚችል እጅግ ከፍተኛ መጠን መሆኑን በጥናቱ ተገልጿል።

ብክነቱ በዚህ ብቻ አያበቃም አንድ የጂንስ ሱሪ ለማምረት ደግሞ እስከ 7,500 ሊትር ውኃ እንደሚባክን ጥናቱ አብራርቷል።

ይህም የፋሽን ኢንዱስትሪው በዓለም አቀፍ የውኃ ሀብትና የተፈጥሮ ሚዛን ላይ እያደረሰ ያለው ጫና ምን ያህል ገዝፎ እንደሚገኝ በግልጽ አሳይቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #waterconservation #environment #fastfashion #sustainability #ecofriendly #climateaction

ያለ ውጭ እርዳታ 48 ቢሊዮን ችግኞች፦ የኢትዮጵያ የአረንጓዴ አሻራ ንቅናቄ ስኬት | Green Legacy Ethiopia
**************** #greenlegacy #ethiopia #climateaction #48billionseedlings

አረንጓዴ ዐሻራ፡- የኢትዮጵያውያን የሕብረትና የፅናት ህያው ሐውልት
**************************

ኢትዮጵያውያን በጋራ ስንቆም የሚያስቆመን ምድራዊ ኃይል እንደሌለ የቀደመው ታሪካችን ቁልጭ አድርጎ ያሳያል።

በዓድዋ ጦርነት በአንድ ልብ ተሰልፈን ቅኝ ግዛትን ድል እንደነሳነው እና ታላቁን የኢትዮጵያ ሕዳሴ ግድብን የሀገራዊ ቁርጠኝነት ምልክት አድርገን እንደገነባነው ሁሉ፣ ዛሬ ደግሞ በተፈጥሮ ጥበቃ ታሪክ አዲስ ሀገራዊ ገድል እየፈጸምን እንገኛለን።

በጠቅላይ ሚኒስትር ዐቢይ አሕመድ (ዶ/ር) አነሳሽነት በ2011 ዓ.ም የተጀመረው ታላቁ የአረንጓዴ ዐሻራ መርሐ ግብር፣ በሕብረትና በፅናት ከተጓዝን ሁለንተናዊ ለውጥን በተግባር ማምጣት እንደምንችል ያረጋገጠ ደማቅ የስኬት ማሳያ ሆኗል።

ባለፉት ስምንት ዓመታት ውስጥ እስከ 56 ቢሊዮን የሚጠጉ ችግኞችን በመትከል የሀገራችንን የደን ሽፋን ከ17.2 ወደ 23 ነጥብ 6 በመቶ ማሳደግ ተችሏል።

በቅርቡም "ተስፋን እንትከል" በሚል መሪ ቃል በአንድ ጀምበር ከ805 ነጥብ 3 ሚሊዮን በላይ ችግኞችን በመትከል ኢትዮጵያውያን በድጋሚ ዓለምን ያስደመመ ታላቅ የአንድነት ድል አስመዝግበዋል።

ይህ ከሊቅ እስከ ደቂቅ፣ ከአርሶ አደር እስከ ከተሜው የተሳተፈበት ሰፊ የህዝብ ንቅናቄ የተራቆቱ መሬቶችን ከማገገም ባሻገር፤ እንደ አቮካዶ፣ ማንጎ፣ ፓፓያና ቡና ያሉ የፍራፍሬ ችግኞችን በማካተት የምግብ ዋስትናን ለማረጋገጥና የኢኮኖሚ አቅምን ለመገንባት ትልቅ መሰረት ጥሏል።

ኢትዮጵያ በተፈጥሮ ጥበቃና በአረንጓዴ ኢኮኖሚ ግንባታ እያስመዘገበችው ያለው ይህ አስደናቂ ስኬት፣ በዓለም አቀፍ ደረጃ የተፈጥሮ እንክብካቤ ተምሳሌት እንድትሆን አድርጓታል።

ከዚህም የተነሳ ሀገራችን ቀጣዩን ታላቅ ዓለም አቀፍ የአየር ንብረት ለውጥ ጉባኤ (COP32) እንድታስተናግድ ታሪካዊ ኃላፊነት ተጥሎባታል።

የተተከሉትን ችግኞች በተከታታይ መንከባከብና ማሳደግ የነገ ሀገራዊ ፅናታችንን የሚያረጋግጥ በመሆኑ፣ እያንዳንዱ ዜጋ ይህን ኃላፊነት በመወጣት ለቀጣዩ ትውልድ የበለጸገችና ያሸበረቀች ኢትዮጵያን በሕብረት ሊያወርስ ይገባል።

በብሌን ደምበሎ
#greenlegacy #ethiopia #climateaction #planthope #cop32 #ebc

የአረንጓዴ ዐሻራ ንቅናቄ፤ የሕዝባዊ ትብብርና የብሔራዊ መግባባት አዲስ የለውጥ ማዕበል
**********************

​የተፈጥሮ አካባቢን መንከባከብና የአየር ንብረት ለውጥን መከላከል ከዓለም አቀፍ አጀንዳነቱ ባሻገር፣ በኢትዮጵያ ማኅበራዊና ባህላዊ እሴቶች ላይ አዲስ ምዕራፍ እየከፈተ ይገኛል።

ከጥቂት ዓመታት በፊት በሀገራዊ ጥሪ የተጀመረው የአረንጓዴ ዐሻራ መርሐ ግብር፣ ዛሬ በቀላሉ ዛፍ የመትከል ዘመቻ መሆኑ አብቅቶ የሕዝባዊ ባህል አካል እና የብሔራዊ መግባባት ትልቅ መድረክ ለመሆን በቅቷል።

​ይህ በየዓመቱ የሚካሄደው መርሐ ግብር በመላው ኢትዮጵያ አዲስ የማኅበረሰብ እንቅስቃሴን የፈጠረ ሲሆን፣ ዕድሜ፣ ጾታ፣ የትምህርት ደረጃ እና የኑሮ ሁኔታ ሳይለያያቸው ሁሉም የኅብረተሰብ ክፍሎች ለጋራ ዓላማ እንዲሰለፉ አድርጓቸዋል።

በአረንጓዴ ዐሻራ የሚተከለው ችግኝ "ሀገር የጋራችን ናት" የሚለውን እውነት በተግባር ያሳያል።

ከአንድ ክልል የተዘጋጁ ችግኞች ወደ ሌላ ክልል እየተጓጓዙ ሲተከሉም የሕዝብ ለሕዝብ ግንኙነትን እና ወንድማማችነትን ይበልጥ ያጠናክራሉ።

​የአረንጓዴ ዐሻራ ስኬት በሚተከሉት ችግኞች ብዛት ብቻ ሳይሆን በሚሰጠው ዘላቂ ጥቅምም ይለካል።

የአፈር መሸርሸርን በመከላከልና የውሃ ሀብትን በማደስ ለግብርናው ክፍለ-ኢኮኖሚ ዋስትና እየሆነ ይገኛል።

በተጨማሪም የፍራፍሬ እና የኢኮኖሚ ጠቀሜታ ያላቸው ችግኞች በመተከላቸው የምግብ ዋስትናን ለማረጋገጥና የዜጎችን ገቢ ለማሻሻል ከፍተኛ አስተዋፅኦ እያደረጉ ነው።
​
መርሐ ግብሩ ከአካባቢ ጥበቃ አልፎ የሀገራዊ አንድነትና የሕዝቦች አዎንታዊ ግንኙነት መገለጫ ሆኗል።

የተተከሉት ችግኞች ጸድቀው ለፍሬ እንዲበቁ ማድረግ የሁላችንም ዘላቂ ኃላፊነት ሲሆን፣ ሀገር በልማት፤ ማኅበረሰብ ደግሞ በመግባባትና በአንድነት አረንጓዴ ሆኖ ይበቅላል።

​በአድማሱ አራጋው

​#greenlegacy #ethiopia #climateaction #environmentalprotection #nationalunity #ebc

ከአፈር ጥበቃ እስከ ቀጠናዊ ዲፕሎማሲያዊ ስኬት፡ የኢትዮጵያ አረንጓዴ ዐሻራ ያስመዘገባቸው 10 ታሪካዊ እመርታዎች
*******************

ወደ አረንጓዴ ምድር የምታደርገውን ጉዞ በፅናት ያፋጠነችው ኢትዮጵያ፣ በአየር ንብረት ለውጥ ሳቢያ የሚከሰቱ ተፈጥሮአዊ ተጽዕኖዎችን የመቋቋም አቅሟን በተግባር እያረጋገጠች ትገኛለች።

የአረንጓዴ ዐሻራ መርሐ ግብር ተራ የዛፍ ተከላ ዘመቻ ሳይሆን፣ የአካባቢ ጥበቃን፣ የምግብ ዋስትናን፣ የማክሮ ኢኮኖሚ እመርታን እና የቀጣናዊ ዲፕሎማሲ የበላይነትን ያጣመረ ሀገር በቀል ስትራቴጂካዊ ተአምር ነው።

ለመሆኑ ይህ መርሐ ግብር ኢትዮጵያን በምን ዓይነት አዲስ የዕድገት ምዕራፍ ውስጥ አስገብቷታል? 10ን ዐበይት የአረንጓዴ ዐሻራ ውጤቶች እንመልከት፡-

✅ከዕቅድ በላይ የተመዘገበ ግዙፍ የቁጥር እመርታ
በ2011 ዓ.ም በጠቅላይ ሚኒስትር ዐቢይ አሕመድ (ዶ/ር) አነሳሽነት ሲጀመር የተያዘው እቅድ 4 ቢሊዮን ችግኞችን መትከል የነበረ ቢሆንም፣ በሕዝባዊ ንቅናቄው 4.7 ቢሊዮን ችግኞችን በመትከል ነበር ታሪካዊው ዘመቻ የተከፈተው።

ከዚህ ጠንካራ መነሻ በመነሳትም እስከ 2018 ዓ.ም ባሉት ስምንት ዓመታት ውስጥ ብቻ ወደ 56 ቢሊዮን የሚጠጉ ችግኞችን መሬት በማስያዝ ለዓለም አቀፉ ማኅበረሰብ አስደናቂ ተሞክሮ ማበርከት ተችሏል።

✅በዘመናዊ ቴክኖሎጂ የተደገፈ የክትትል እና የጽድቅ መጠን ጥራት
የተተከሉት ችግኞች ዝም ብለው የሚተው ሳይሆን በጂኦግራፊያዊ መረጃ ሥርዓት (GIS)፣ በጂፒኤስ (GPS) እና በሳተላይት ምስሎች ታግዘው የሚመሩ በመሆናቸው እያንዳንዱን እድገት ሳይንሳዊ በሆነ መንገድ መከታተል ተችሏል።

በዚህም ዘመናዊ አሠራር ምክንያት የተተከሉት ችግኞች የመጽደቅ መጠን 84 በመቶ መድረሱ በዳታ ተረጋግጧል።

✅የዓለምን ትኩረት የሳበው የአንድ ቀን የታሪክ ሪከርድ
ሐምሌ 2018 ዓ.ም በተካሄደው ሀገር አቀፍ ዘመቻ ከ26.2 ሚሊዮን በላይ ዜጎች በአንድ ጀምበር በመሳተፍ በ12 ሰዓታት ውስጥ ብቻ 805.3 ሚሊዮን ችግኞችን ተክለዋል።

ይህ ክንውን በ2017 ዓ.ም ተይዞ የነበረውን የ714 ሚሊዮን ሪከርድ በአዲስ መልክ የሰበረ ታሪካዊ ስኬት ሆኖ ተመዝግቧል።

✅የሥነ-ምህዳር መታደስ እና የደን ሽፋን ማደግ
በ2011 ዓ.ም 17.2 በመቶ ብቻ የነበረው የኢትዮጵያ የደን ሽፋን፣ ከተሰሩት ግዙፍ አረንጓዴ ስራዎች በኋላ አሁን ላይ ወደ 23.6 በመቶ እና ከዚያ በላይ አድጓል።

ይህም ከ297 ሚሊዮን ቶን በላይ ካርቦን ዳይኦክሳይድ በመምጠጥ ለዓለም አቀፍ የአየር ንብረት መረጋጋት ከፍተኛ አስተዋጽኦ እያበረከተ ይገኛል።

✅የመሬት ሀብትን የመጠበቅ እና የታላቁ ሕዳሴ ግድብ ደኅንነት
ከመርሐ ግብሩ ትግበራ በፊት በየዓመቱ ይሸረሸር የነበረው 1.9 ቢሊዮን ሜትሪክ ቶን አፈር እና ደለል አሁን በተሰራው የተፈጥሮ ጥበቃ ምክንያት ወደ 208 ሚሊዮን ሜትሪክ ቶን ዝቅ እንዲል ተደርጓል።

ይህም የታላቁ የኢትዮጵያ ሕዳሴ ግድብን ጨምሮ ሌሎች የውኃ አካላት በደለል ከመሞላት አደጋ የተጠበቁበት ታላቅ ስኬት ነው።

✅ሰፊ አረንጓዴ የሥራ ዕድል እና የማህበራዊ ፍትሕ ማረጋገጫ
በመላው ኢትዮጵያ ከተቋቋሙት 120 ሺህ በላይ የችግኝ ጣቢያዎች ጋር ተያይዞ ከ1.2 ሚሊዮን በላይ አረንጓዴ የሥራ ዕድሎች ተፈጥረዋል።

ከነዚህ ተጠቃሚዎች መካከል 60 በመቶ የሚሆኑት ሴቶች እና ወጣቶች በመሆናቸው ሥራ አጥነትን በመቀነስ ረገድ የላቀ ማኅበራዊ ፍትሕን አረጋግጧል።

✅የጥምር ደን ግብርና እና የምግብ ዋስትና እውን መሆን
ከተተከሉት አጠቃላይ ችግኞች መካከል ከ50 በመቶ በላይ የሚሆኑት ኢኮኖሚያዊ ጠቀሜታ ያላቸው ተክሎች ናቸው።
አቮካዶ፣ ማንጎ፣ ፓፓያ፣ ፖም፣ ሻይ እና ቡናን የመሳሰሉ ተክሎች በስፋት መተከላቸው የዜጎችን የዕለት ተዕለት ገቢ ከማሳደግ ባለፈ የምግብ ዋስትናን በአስተማማኝ ሁኔታ እያረጋገጠ ነው።

✅የማክሮ ኢኮኖሚ እመርታ እና የኤክስፖርት ንግድ ዕድገት
በመርሐ ግብሩ የተገኘው ምርት በ2011 ዓ.ም 246 ሺህ ቶን የነበረውን የቡና ኤክስፖርት መጠን በ2017/18 በጀት ዓመት ወደ 469 ሺህ ቶን አሳድጎታል።

በተጨማሪም የፍራፍሬ ምርት በከፍተኛ ሁኔታ መጨመሩ ኢትዮጵያ በአቮካዶ ኤክስፖርት ከአፍሪካ የሁለተኛ ደረጃን እንድትይዝ አስችሏታል።

✅ሕዝባዊ ባህል እና ብሔራዊ መግባባት
በየዓመቱ ከ25 ሚሊዮን በላይ ዜጎች በነቃ ሁኔታ በዘመቻው ይሳተፋሉ። ይህ ሰፊ ህዝባዊ ጥምረት የአካባቢ ጥበቃን ከመንግስት ፖሊሲነት ባለፈ ወደ ጠንካራ የህዝብ የዘወትር ባህልነት እና ብሔራዊ መግባባት የቀየረ አዲስ ማህበራዊ እሴት ሆኗል።

✅የረጅም ጊዜ ራዕይ እና የቀጠናዊ ዲፕሎማሲ የበላይነት
ኢትዮጵያ እስከ 2020 ዓ.ም ድረስ 65 ቢሊዮን ችግኞችን ለመትከል ዕቅድ ይዛ እየሠራች ሲሆን፣ ይህም በ2027 ለምታስተናግደው 32ኛው የዓለም አቀፍ የተባበሩት መንግሥታት የአየር ንብረት ለውጥ ጉባኤ (COP32) ትልቅ ድልድይ ነው።

ከዚህም በተጨማሪ ለጎረቤት ሀገራት እንደ ጂቡቲ፣ ደቡብ ሱዳን እና ኬንያ በሚሊዮን የሚቆጠሩ ችግኞችን በማካፈል ቀጠናዊ ወንድማማችነትን እና ዲፕሎማሲን በተጨባጭ እያጠናከረች ትገኛለች።

በአጠቃላይ የኢትዮጵያ የአረንጓዴ ዐሻራ መርሐ ግብር ከቀሊል የዛፍ ተከላ ዘመቻ አልፎ የተፈጥሮ ሀብት ጥበቃን፣ የምግብ ዋስትናን፣ የሥራ ዕድል ፈጠራን፣ የኢኮኖሚ ጥንካሬን እና የዲፕሎማሲ አቅምን በአንድ ላይ ያቀናጀ አህጉራዊ የመልማት ሞዴል ነው።

ይህ ታላቅ እንቅስቃሴ ኢትዮጵያ ለራሷ ብቻ ሳይሆን ለቀጠናው እና ለዓለም አቀፉ ማኅበረሰብ ያበረከተችው ዘላቂ የአረንጓዴ ህይወት ስጦታ ነው።

በለሚ ታደሰ
#ethiopia #ebc #greenlegacy #climateaction #sustainability #plantingourfuture

The National Pride #greenlegacy #ethiopia #treeplanting #climateaction

በአንድ ጀንበር 805.3 ሚሊዮን ችግኝ ተተክሏል #greenlegacy #ethiopia #greeneconomy #environmentalprotection #agroforestry #ethiopiannews #climateaction

በአረንጓዴ አሻራ የተተከሉ ችግኞች የጋምቤላን ማህበረሰብ ሁለንተናዊ ተጠቃሚነት እያረጋገጡ ነው፦ ርዕሰ መስተዳድር አለሚቱ ኡሞድ
**********************

በጋምቤላ ክልል በአረንጓዴ አሻራ መርሃ ግብር ባለፉት ዓመታት የተተከሉ የደን እና የፍራፍሬ ችግኞች የማህበረሰቡን ሁለንተናዊ ተጠቃሚነት እያሳደጉ እንደሚገኙ የክልሉ ርዕሰ መስተዳድር ወይዘሮ አለሚቱ ኡሞድ ገለጹ።

ርዕሰ መስተዳድሯ ይህንን ያብራሩት በዛሬው ዕለት ከፍተኛ የክልል አመራሮች እና በርካታ የህብረተሰብ ክፍሎች በተገኙበት እየተካሄደ በሚገኘው የችግኝ ተከላ መርሃ ግብር ላይ ነው።

በሀገር አቀፍ ደረጃ በሁሉም ኢትዮጵያውያን የጋራ ተሳትፎ 800 ሚሊዮን ችግኞችን በአንድ ጀምበር ለመትከል የተያዘውን ታሪካዊ ግብ ለማሳካት፣ የጋምቤላ ክልል ማህበረሰብም ከማለዳው ጀምሮ በነቃ ተሳትፎ ልዩ ልዩ ጠቀሜታ ያላቸውን የደንና የፍራፍሬ ችግኞች በመትከል ላይ ይገኛል፡፡

ርዕሰ መስተዳድር ወይዘሮ አለሚቱ መርሃ ግብሩን ባስጀመሩበት ወቅት እንደገለጹት፣ ባለፉት ሰባት ዓመታት በክልሉ በአረንጓዴ አሻራ የተከናወኑ ተግባራት የደን ሽፋኑ እንዲጨምር እና የምግብ ዋስትናን ለማረጋገጥ ዓይነተኛ ሚና ተጫውተዋል።

በተለይም የተተከሉ የፍራፍሬ ችግኞች ለቤት ውስጥ ምግብነት ከመዋል አልፈው ለገበያ በመቅረብ ላይ እንደሚገኙ የጠቆሙት ርዕሰ መስተዳድሯ፣ ይህም የማህበረሰቡን ኢኮኖሚያዊ ተጠቃሚነት በከፍተኛ ደረጃ ማሳደግ መቻሉን አስረድተዋል።

በቀጣይም በክልሉ የአየር ንብረት ለውጥ የሚያስከትለውን አሉታዊ ተፅዕኖ ለመቀነስ፣ የምግብ ዋስትናን ለማረጋገጥ እንዲሁም ለኢንዱስትሪዎች ግብዓት ሊሆኑ የሚችሉ የደንና የፍራፍሬ ችግኞችን በስፋት የመትከል ስራ ተጠናክሮ እንደሚቀጥል አረጋግጠዋል።

ከቅርብ ዓመታት ወዲህ በኢትዮጵያውያን ዘንድ ችግኝ የመትከል እና የመንከባከብ ባህል በሚገባ እየዳበረ በመምጣቱ፣ በዘንድሮው የአረንጓዴ አሻራ መርሃ ግብርም የታቀደውን ግብ በማሳካት የላቀ ስኬት ይመዘገባል ተብሎ በከፍተኛ ተስፋ ይጠበቃል።

በሚፍታህ አብዱልቃድር
#greenlegacy #gambella #ethiopia #treeplanting #climateaction

የጤናው ዘርፍ የአረንጓዴ አሻራ ተሳትፎ
‎
‎📌 ከ30 ሺህ በላይ ችግኞች በዛሬው እለት ተተክለዋል
‎
‎#ethiopia | ​በሀገር አቀፍ የአረንጓዴ አሻራ መርሃ-ግብር ላይ የጤና ሚኒስቴር እና የተጠሪ ተቋማት አመራሮች እንዲሁም ሰራተኞች ከኢትዮጵያ የአካል ድጋፍ አገልግሎት ከገፈርሳ ጉጄ ክፍለ ከተማ ጋር በመተባበር በዛሬ እለት በገፈርሳ ሰው ሰራሽ ሀይቅ ዳርቻ ከ30 ሺህ በላይ ችግኞች በዛሬው እለት ተተክለዋል።
‎
‎በሸገር ከተማ በገፈርሳ ጉጄ አካባቢ በተካሄደው በዚህ የችግኝ ተከላ መርሃ-ግብር ላይ የጤና ሚኒስትሯ ክብርት ዶክተር መቅደስ ዳባ፣ ሚኒስትር ዴኤታዎች እና የየደረጃው የአካባቢው አመራሮች እንዲሁም የሀገር መከላከያ ሰራዊት አባላትና የማህበረሰብ ክፍሎች ከማለዳው 1 ሰዓት ጀምሮ በመገኘት ችግኝ ተክለዋል።
‎
‎​የጤና ሚኒስቴር ሚኒስትር ዴኤታ ዶክተር ደረጄ ዱጉማ በዚሁ ወቅት ባደረጉት ንግግር፣ አረንጓዴ አሻራ እና የጤና ዘርፍ የማይለያዩ የአንድ ሳንቲም ሁለት ገጽታዎች መሆናቸውን ገልጸዋል። ችግኝ ለአካባቢ ጥበቃ ብቻ ሳይሆን ለህብረተሰብ ጤና፣ ለንጹህ አየር እና ለምግብ ዋስትና ማሻሻያ ወሳኝ ሚና እንደሚጫወት የጠቆሙት ሚኒስትር ዴኤታው፣ በተለይም ለአዲስ አበባ እና ለአካባቢው ህዝብ የንጹህ ውሃ ምንጭ የሆነውን የገፈርሳ አካባቢን መንከባከብ የሁላችንም ህብረ-ብሄራዊ ሀገራዊ ኃላፊነት እንደሆነ አስገንዝበዋል።
‎
‎​በዕለቱ በቦታው ተገኝተው ንግግር ያደረጉት የጤና ሚኒስትሯ ክብርት ዶክተር መቅደስ ዳባ በበኩላቸው፣ ኢትዮጵያ የተፈጥሮ አካባቢዋን ለመጠበቅ የምታደርገው ጥረት በንግግር ሳይሆን በተግባር የሚገለጽ መሆኑን አብራርተዋል።
‎
‎በዕለቱ ሚኒስቴሩ ከተጠሪ ተቋማት ጋር በመሆን ከ30 ሺህ በላይ ችግኞችን የተከለ ሲሆን፣ በክረምቱ የክረምት በጎ ፈቃድ መርሃ-ግብር ደግሞ በሀገር አቀፍ ደረጃ እስከ 250 ሺህ ችግኞችን ለመትከል እና ከ20 ሚሊዮን በላይ ዜጎችን ነጻ የህክምና አገልግሎት ለመስጠት ታቅዶ እየተሰራ እንደሚገኝ ሚኒስትሯ ገልጸዋል።
‎
‎​በመጨረሻም ክብርት ሚኒስትሯ፣ የጤና ባለሙያዎች እና መላው የሀገራችን ህዝብ ቀኑ ሳያልቅ እና ጀምበር ሳትጠልቅ የድርሻቸውን ችግኝ በመትከል የዚህ ታሪካዊ ኩነት አካል እንዲሆኑ ጥሪ አቅርበዋል።
‎
‎ከችግኝ ተከላው መርሐግብር ባሻገር የኢትዮጵያ የአካል ድጋፍ አገልግሎት በሸገር ከተማ ከ200 በላይ ለሚሆኑ ተማሪዎች የትምህርት ቁሳቁስ ድጋፍ ተደርጓል።
‎
‎በጌትነት ተመስገን
‎📷 ከበደ መክብብ
‎
‎#ministryofhealth ​#treeplanting
‎​#climateaction ​#publichealth
‎​#environmentalhealth ​#gefersa ​#cleanenvironment ​#greenethiopia
‎​#communitysupport

#ethiopia | "ኢትዮጵያውያን ዝቅ ብለው ለመሬት አደራ ይሰጣሉ፤ ምድርም የተሰጣትን አደራ እጥፍ አድርጋ ትመልሳለች፡፡"

- የመንግሥት ኮሙኒኬሽን አገልግሎት ሚኒስትር
እናት አለም መለሰ

***
በአንድ ጀምበር 800 ሚሊዮን ችግኞችን ለመትከል የተዘጋጀው ታሪካዊ ሀገራዊ መርሐ ግብር በይፋ ተጀመረ

ኢትዮጵያ በአንድ ቀን 800 ሚሊዮን ችግኞችን በመትከል አዲስ ታሪክ ለመጻፍ ያቀደችውን ሀገራዊ የአረንጓዴ አሻራ መርሐ ግብር ዛሬ በይፋ ጀምራለች።

የመንግሥት ኮሙኒኬሽን አገልግሎት ሚኒስትር እናትዓለም መለሰ በሰጡት መግለጫ፣ መላው ኢትዮጵያውያን የተጎሳቀለችውን ምድር ለመመለስና ለቀጣይ ትውልድ ዘላቂ አሻራ ለማኖር በአንድነት መነሳታቸውን ገልጸዋል።

ሚኒስትሯ፣ “ኢትዮጵያውያን ዝቅ ብለው ለምድር አደራ ይሰጣሉ፤ ምድርም የተሰጣትን አደራ እጥፍ አድርጋ ትመልሳለች” በማለት የሕዝቡን የአንድነት መንፈስና ለተፈጥሮ ያለውን ቁርጠኝነት አድንቀዋል።

በ“ኑ ተስፋን እንትከል” በሚል መሪ ሐሳብ የሚካሄደው የዘንድሮው ዘመቻ፣ በመደመር መርህ ሁሉም የማኅበረሰብ ክፍሎች በንቃት እንዲሳተፉና 800 ሚሊዮን ችግኞችን በአንድ ቀን የመትከል ግብ እንዲሳካ ጥሪ ቀርቧል።

መርሐ ግብሩ ዛሬ ሐምሌ 27/2018 ዓ.ም. እስከ ምሽቱ 12 ሰዓት ድረስ በመላው ኢትዮጵያ በሚገኙ ሁሉም ክልሎችና የማኅበረሰብ ክፍሎች ተሳትፎ በሰፊው እንደሚከናወን ተገልጿል።

ይህ የአረንጓዴ አሻራ መርሐ ግብር በአካባቢ ጥበቃ፣ የደን ሽፋን መጨመር፣ የአየር ንብረት ለውጥን መቋቋም እና ለቀጣዩ ትውልድ አረንጓዴ ኢትዮጵያን ለማስረከብ ከሚደረጉ ሀገራዊ ጥረቶች መካከል ቁልፍ ተነሳሽነት መሆኑ ተጠቅሷል።
#አረንጓዴአሻራ #greenlegacy #ethiopia #planttrees #climateaction #ጌጡተመስገን #getutemesgen

"ዛሬ ታሪክ የምንሰራበት ቀን ነው፤ 800 ሚሊዮን ተስፋዎችን አብረን እንትከል"

Ethiopian Broadcasting Corporation #ethiopia #climateaction #greenlegacy #አረንጓዴአሻራ #greenethiopia #ebc

በደቡብ ምዕራብ ኢትዮጵያ ክልል ለነገው የአንድ ጀምበር አረንጓዴ ዐሻራ የተደረገ ቅድመ ዝግጅት (በምሥል)
#ethiopia #climateaction #greenlegacy #southwestethiopiaregion #greenethiopia #ebc

በነገው የአንድ ጀምበር ችግኝ ተከላ በንቃት ለመሳተፍ ተዘጋጅተናል - የኢሉአባቦር ዞን ነዋሪዎች
*****************

የጠቅላይ ሚኒስትር ዐቢይ አሕመድን (ዶ/ር) ሀገራዊ ጥሪ በመቀበል በነገው ዕለት በሚካሄደው የአንድ ጀምበር የችግኝ ተከላ መርሐ ግብር በንቃት ለመሳተፍ መዘጋጀታቸውን የኢሉአባቦር ዞን ነዋሪዎች ገለጹ።

የዞኑ ነዋሪዎች እንዳሉት፣ ባለፉት ተከታታይ ዓመታት በአረንጓዴ ዐሻራ መርሐ ግብር በተከሏቸው ችግኞች በየአካባቢያቸው የተራቆቱ ስፍራዎች መልሰው አገግመዋል።

የአካባቢ ጥበቃ ሥራው ሥነ ምሕዳር እንዲያገግም፣ የአፈር ለምነት እንዲሻሻል እንዲሁም ምርትና ምርታማነት እንዲጨምር አስችሏል።

የተከሏቸውን ፍራፍሬ ለምግብነት በማዋል እና ለገበያ በማቅረብ ተጠቃሚ መሆን መጀመራቸውንም ነዋሪዎቹ ለኢቢሲ ተናግረዋል።

በዞን ደረጃ የነገውን የአንድ ጀምበር የችግኝ ተከላ ዕቅድ ለማሳካት የሚያስችል በቂ ቅድመ ዝግጅት ስለመደረጉ ተገልጿል።

አስቀድሞ በተለዩ 299 የችግኝ ተከላ ሳይቶች የጉድጓድ ቁፋሮ ተከናውኖ የሚተከሉ ችግኞችም ወደየስፍራው ተጓጉዘዋል ነው የተባለው።

በሚፍታህ አብዱልቃድር
#ethiopia #climateaction #greenlegacy #iluabbaborzone #greenethiopia #ebc

የሐረማያ ሐይቅ ማንሰራራት፦ የአረንጓዴ ዐሻራ ትሩፋት ማሳያ
********************

በተፈጥሯዊ እና በሰው ሰራሽ ምክንያት ሙሉ በሙሉ ደርቆ ወደ አቧራማ ሜዳነት ተቀይሮ የነበረው ታሪካዊው ሐረማያ ሐይቅ አሁን ላይ በዘላቂ የተፈጥሮ ሀብት ጥበቃ እና በአረንጓዴ ዐሻራ መርሐ ግብር አማካኝነት ወደ ቀድሞ ይዘቱ ተመልሷል።

የሐረማያ ሐይቅ በዚህ መልኩ ማገገሙ በዕቅድ እና በጋራ ጥረት የተራቆቱ ሌሎች ተፋሰሶችንም ወደነበሩበት ሁኔታ መመለስ እንደሚቻል የሚያሳይ ሕያው ማረጋገጫ ሆኗል።

ሐረማያ ሐይቅ ለሐረማያ እና ለሐረር ከተሞች፣ ለሐረማያ ዩኒቨርሲቲ እንዲሁም ለአካባቢው ነዋሪዎች ዋነኛ የንጹህ መጠጥ ውኃና የግብርና መሠረት የነበረ ቢሆንም፣ በከፍተኛ የደን መጨፍጨፍ እና በደለል መሞላት ምክንያት ውኃ የመያዝ አቅሙን አጥቶ ተስፋ ተቆርጦበት የነበረ ነው።

ሆኖም ባለፉት ዓመታት በሐይቁ የላይኛው ተፋሰስ አካባቢዎች በተከናወነ የችግኝ ተከላ እና የእርከን ሥራ ወደ ሐይቁ ይገባ የነበረውን ከፍተኛ ደለል ከምንጩ መግታት ተችሏል።

በሌላ በኩል በሐይቁ ዙሪያ በተሠሩ የውኃ ማሳረፊያዎች አማካኝነት የዝናብ ውኃ ወደ መሬት እንዲሰርግ በማድረግ የሐይቁን ከርሰ ምድር ውኃ ክምችት እንዲጨምር ሆኗል።

በዚህም ሐይቁ ዳግም ውኃ መያዝ በመጀመሩ ቀደም ሲል አካባቢውን ለቀው የተሰደዱ በርካታ አእዋፍ፣ የጠፉ ዓሳዎች እና ሌሎች የውኃ ሕይወቶች እየተመለሱ ይገኛሉ።

የሐረማያ ሐይቅ ተሞክሮ ነገ የሚካሄደው የአንድ ጀምበር አረንጓዴ ዐሻራ ሀገር አቀፍ ንቅናቄ ተራ የችግኝ ተከላ መርሐ ግብር ሳይሆን የታመመ ተፈጥሮን አክሞ የማዳን ሀገራዊ ጥረት መሆኑን የሚያስረግጥ ነው።

ይህ ተሞክሮ እያንዳንዱ ችግኝ የተራቆቱ አካባቢዎችን መልሶ የማቋቋም፣ የውኃ አካላትን የመታደግ እና የተጎዳ ተፈጥሮን የማከም ወሳኝ ድርሻ ይጫወታል።

ነገ በአንድ ጀምበር በጋራ የምናኖረው አረንጓዴ ዐሻራ የዛሬን የተፈጥሮ ቁስል እያከመ፣ የነገዋን ኢትዮጵያ በውኃ ሀብት እና በልምላሜ ሙሉ የሚያደርግ ታሪካዊ ተግባር ነው።

በሐና ምንዳሁን
#ethiopia #climateaction #greenlegacy #800milliontrees #lakeharamaya #ebc #ebcdotstream

በምስራቅ ሸዋ ዞን ለነገው የአንድ ጀምበር የችግኝ ተከላ መርሐ ግብር ዝግጅት ተጠናቅቋል
#ethiopia #climateaction #greenlegacy #eastshoazone #greenethiopia #ebc

የአረንጓዴ ዐሻራ የሰባት ዓመታት ሰባት አንኳር ስኬቶች
*************

አረንጓዴ ዐሻራ በኢትዮጵያ ምድር ከተጀመረበት ጊዜ አንስቶ ባለፉት ሰባት ዓመታት፣ ሀገራችንን ከአፈር መሸርሸር እና ከበረሃማነት የመታደግ ሀገራዊ ራዕይ ብቻ ሳይሆን፤ የምድርን ሕይወት የሚያድስ፣ የዜጎችን ሥነ-ልቦናዊ አስተሳሰብ የሚቀርጽ እና ኢኮኖሚያዊ አቅም የሚገነባ ታላቅ ሕዝባዊ ንቅናቄ ሆኖ ዘልቋል።

ይህ ሀገራዊ የሕልውና ጥረት ከሀገር በቀል የኢኮኖሚ ማሻሻያ ስትራቴጂዎች ጋር ተናብቦ ባለፉት ሰባት ዓመታት ያስመዘገባቸው ሰባት ዋና ዋና ተጨባጭ ስኬቶች እንደሚከተለው ተተንትነዋል።

1. የችግኝ ብዛትን ከጽድቀት ምጣኔ ጋር ያጣመረ አዲስ ታሪካዊ ሽግግር

ባለፉት ሰባት ዓመታት በቢሊዮኖች የሚቆጠሩ ችግኞች መተከላቸው ብቻ ሳይሆን፣ የተከላው ዋና ትኩረት ወደ ጥራት እና ድኅረ-ተከላ እንክብካቤ በማደጉ የችግኞች ጽድቀት ምጣኔ ከ80 በመቶ በላይ ማደግ ችሏል።

ይህም ቀደም ሲል የነበረውን "መተከል እንጂ አለመጽደቅ" የሚል የብክነት ታሪክን በመቀየር በቆላ እና በደጋ አካባቢዎች የተጎዱ መሬቶች በፍጥነት አረንጓዴ እንዲለብሱ እና ሥነ-ምኅዳራዊ ሚዛን እንዲጠበቅ አድርጓል።

2. ከአካባቢ ጥበቃ ወደ የምግብ ዋስትና የተደረገ መዋቅራዊ የኢኮኖሚ ሽግግር

አረንጓዴ ዐሻራ ከተፈጥሮ የደን ዛፎች ባሻገር እንደ አቮካዶ፣ ማንጎ፣ ፓፓያ፣ አፕል እና ቡና ያሉ ፍሬያማ ተክሎችን በስፋት አካትቷል።

ይህ ስትራቴጂያዊ እርምጃ ፕሮጀክቱን ከአካባቢ ጥበቃ ባለፈ የቤተሰብ የምግብ ዋስትናን የሚያረጋግጥ እና አባወራዎችን የገበያ ተጠቃሚ የሚያደርግ፣ ብሎም የሀገራችን የግብርና ምርት የወጪ ንግድ የሚያሳድግ የኢኮኖሚ ሞተር አድርጎታል።

ይህም የአካባቢ ጥበቃን ከዜጎች የዕለት ተዕለት ኑሮ ማሻሻል ግብ ጋር በማስተሳሰር ዘላቂነቱ የተረጋገጠ የልማት ምሰሶ እንዲሆን አስችሎታል።

3. የአረንጓዴ ኢኮኖሚ ግንባታ እና የወጣቶች የሥራ ዕድል ፈጠራ

በመላ ሀገራችን የተቋቋሙት በዐሥር ሺዎች የሚቆጠሩ የችግኝ ማፍያ ጣቢያዎች ለብዙ ዜጎች፣ በተለይም ለወጣቶች እና ለሴቶች አዲስ እና ዘላቂ የገቢ ምንጭ ሆነዋል።

ችግኝ ማፍላት፣ መንከባከብ እና ለገበያ ማቅረብ በራሱ አዲስ የኢንቨስትመንት ዘርፍ እና የሥራ ዕድል በመፍጠር፣ የሀገራችንን የአረንጓዴ ኢኮኖሚ ጅማሮ በጠንካራ መሠረት ላይ አኑሮታል።

ችግኞች ከተተከሉ በኋላ የሚደረገው ጥበቃ እና ክብካቤም በርካታ ወጣቶችን ተጠቃሚ ያደረገ ቋሚ የሥራ ዘርፍ መሆን ችሏል።

4. የውኃ ሀብት እና የታላላቅ ሀገራዊ የልማት ፕሮጀክቶች ዋስትና

በስፋት የተከናወነው የደን ልማት እና የአፈር ጥበቃ ሥራ የአፈር መሸርሸርን በመቀነስ፣ እንደ ታላቁ የኢትዮጵያ ሕዳሴ ግድብ ያሉ ሀገራዊ የሃይድሮ ኤሌክትሪክ ማመንጫዎች በደለል እንዳይሞሉ የመከላከል ታሪካዊ ሚና ተጫውቷል።

በተጨማሪም የከርሰ ምድር ውኃ መጠን እንዲያገግም እና የደረቁ የምንጭ ውኃዎች መልሰው እንዲፈልቁ በማድረግ አስተማማኝ የውኃ ዋስትናን እያረጋገጠ ይገኛል።

ይህ ታላላቅ መሠረተ ልማቶችን የመጠበቅ አቅም ለኢትዮጵያ ብልጽግና ብቻ ሳይሆን፣ ሀገራችን የውኃ ምንጭ ለሆነችላቸው የታችኛው ተፋሰስ ሀገራት ጭምር ትልቅ ትሩፋት ነው።

5. አረንጓዴ ዲፕሎማሲ እና የቀጣናዊ ትሥሥር ማጠናከሪያ

ኢትዮጵያ ያዘጋጀቻቸውን ችግኞች እንደ ጂቡቲ፣ ሶማሊያ፣ ደቡብ ሱዳን እና ኬንያ ላሉት ጎረቤት ሀገራት በማጋራት፣ የምሥራቅ አፍሪካን እና የአፍሪካ ቀንድን የቀጣና አየር ንብረት ለውጥ ተግዳሮት በጋራ የመከላከል መሪነት ሚናዋን በተግባር አሳይታለች።

ይህም አረንጓዴ ዐሻራን የድንበር ተሻጋሪ ዲፕሎማሲ፣ የቀጠናው ሰላም እና የጋራ ልማት መሣሪያ አድርጎታል።

በርካታ የአፍሪካ ሀገራትም የኢትዮጵያን ፈለግ በመከተል የአረንጓዴ ልማትን በሀገሮቻቸው እያስፋፉ ይገኛሉ።

ከዚህ ባሻገር፣ ኢትዮጵያ ባመጣቻቸው ተጨባጭ ስኬቶች “ዘላቂ የደን ልማት አያያዝ እና አጠቃቀም” በሚል ዘርፍ ከዓለም የምግብ እና እርሻ ድርጅት (FAO) ከፍተኛ እውቅናን አግኝታለች።

6. የከተሞች ሥነ-ምኅዳር መታደስ እና የኮሪደር ልማት ውበት

አረንጓዴ ዐሻራ በገጠር ተራራዎች ብቻ ተወስኖ ሳይቀር ወደ ከተሞች በመግባት የዘመናዊ ፓርኮች ግንባታ፣ የከተማ አረንጓዴ ልማት እና አሁን ላይ በስፋት እየተተገበረ ላለው የኮሪደር ልማት ዋነኛ አካል ሆኗል።

ይህም የከተሞችን የአየር ጥራት በከፍተኛ ደረጃ ከመጨመሩም በላይ፣ የሥነ-ሕይወት ስብጥርን ወደ ነበረበት በመመለስ እና ለዜጎች ምቹ የመዝናኛ እና የኑሮ አካባቢን በመፍጠር የከተሞቻችንን ገጽታ ሙሉ በሙሉ በመለወጥ ላይ ይገኛል።

7. ሕዝባዊ ንቅናቄ እና የዜግነት አገልግሎት ባህል ግንባታ

በአንድ ጀምበር በመቶ ሚሊዮኖች የሚቆጠሩ ዜጎች በነቂስ ወጥተው ችግኝ የመተከል ልምዳቸው፣ የአካባቢ ጥበቃን ከዘመቻነት አውጥቶ የባህል እና የዜግነት ግዴታ አካል አድርጎታል።

ይህም የሕዝባዊ ወንድማማችነትን ያጠናከረ እና የአካባቢ ጥበቃ ግንዛቤን በማሳደግ ለቀጣዩ ትውልድ የሚሻገር እጅግ ግዙፍ ማኅበራዊ እና ሥነ-ልቦናዊ ስኬት ነው።

በአጠቃላይ አረንጓዴ ዐሻራ ባለፉት ሰባት ዓመታት የተፈጥሮ ሀብታችንን ከመመለስ አልፎ ሀገራዊ አንድነትን ያጠናከረ፣ የማክሮ ኢኮኖሚ አቅማችንን የገነባ እና ኢትዮጵያን በዓለም አቀፍ መድረክ ለአየር ንብረት ለውጥ መፍትሔ አቅራቢ ሀገር ያደረገ አንጸባራቂ አዲስ የታሪክ ምዕራፍ ነው።

በለሚ ታደሰ
#ethiopia #ebc #greenlegacy #climateaction #greendiplomacy #greeneconomy

800 ሚሊዮን ችግኞች በአንድ ጀምበር ኢትዮጵያ ለዓለም የምታሳየው ታሪካዊ የአረንጓዴ አሻራ
************************

ኢትዮጵያ የአየር ንብረት ለውጥ የሚያስከትለውን ዘመነ-ተሻጋሪ ተጽዕኖ ለመቋቋም፣ የተጎዱ መሬቶችን ለማደስ እና የዜጎችን ማህበራዊና ኢኮኖሚያዊ ህይወት ለማሻሻል ያለመ ሀገራዊ ራዕይ ሰንቃ በመንቀሳቀስ ላይ ትገኛለች።

የዚሁ ዘላቂ ጥረት አካል የሆነውና በአንድ ጀምበር 800 ሚሊዮን ችግኞችን ለመትከል የተያዘው ግብ፣ ሀገራችን ለአረንጓዴ ልማትና ለአካባቢ ጥበቃ ያላትን ጽኑ ቁርጠኝነት ለዓለም አቀፉ ማህበረሰብ ዳግም በተግባር የሚያስመሰክር ታሪካዊ ምዕራፍ ነው።

ይህ ዘመቻ ተራ የችግኝ ተከላ መርሃ ግብር ብቻ ሳይሆን፣ ከጫፍ እስከ ጫፍ በመላው ኢትዮጵያ የሚገኙ የህብረተሰብ ክፍሎች በአንድ ልብና በአንድ ዓላማ በመነሳት የሚያደርጉት የተቀናጀ አቅምና አንድነት ማሳያ እንዲሁም የተፈጥሮ ሚዛንን ለመመለስ የተደረገ ትልቅ ሀገራዊ ንቅናቄ ነው።

በዚህ ታሪካዊ ቀን ከሚተከሉት ችግኞች መካከል ከፍተኛ ቁጥር ያላቸው እንደ አቮካዶ፣ ማንጎ፣ ፓፓያ እና ዘይቱን ያሉ ለምግብነት የሚውሉ የፍራፍሬ ተክሎች ይገኙበታል።

እነዚህ የፍራፍሬ ዛፎች የምግብ አቅርቦትን ከማሳደግ ባሻገር ለገበሬዎች የገቢ ምንጭ በመሆን የገጠር ኢኮኖሚን ለማጠናከር በከፍተኛ ሁኔታ ያግዛሉ።

በተጨማሪም የደን ሽፋን መጨመር የአፈር መሸርሸርን ከመከላከል ባለፈ የከርሰ ምድር ውሃ እንዲጎለብት ያደርጋል፤ ታላላቅ የኃይል ማመንጫ ግድቦች እና የመስኖ መሠረተ ልማቶች በደለል እንዳይሞሉ በመከላከል የአገልግሎት ዘመናቸውን ያራዝማል።

የአካባቢ ሙቀትን በመቀነስና የዝናብ ዘይቤን በማስተካከልም ለግብርናው ዘርፍ የተሻለ እና አስተማማኝ ሁኔታ ይፈጥራል።

የአረንጓዴ አሻራ መርሃ ግብር የነገዋን አረንጓዴ፣ በምግብ ራሷን የቻለች እና የተፈጥሮ ሀብቷ የተጠበቀ ኢትዮጵያን ለመገንባት የተጣለ ጠንካራ መሠረት ነው።

ዛሬ በትጋት መሬት የሚይዘው እያንዳንዱ ችግኝ የነገው የኢትዮጵያ ብሩህ ተስፋ፣ አረንጓዴ ተፈጥሮ እና ለቀጣዩ ትውልድ የሚተላለፍ ታሪካዊ አሻራ ደማቅ መገለጫ ነው።

በኢንቲሃድ አብራር
#greenlegacy #ethiopia #climateaction #treeplanting #sustainability

በቢሾፍቱ ከተማ ከአምስት ሺህ በላይ ችግኞች ተተከሉ
‎
‎#ethiopia | ​የኢትዮጵያ ምግብና መድኃኒት ባለሥልጣን ከጤና ሚኒስቴር እና ከተጠሪ ተቋማት ጋር በመተባበር «ጤናማ ምግብ ለአስተማማኝ ህይወት፣ አረንጓዴ ልማት ለነገ ትውልድ!» በሚል መሪ ቃል የክረምት በጎ አድራጎት የችግኝ ተከላ መርሃ ግብር በቢሾፍቱ ከተማ አካሂዷል።
‎
‎​በመርሃ ግብሩ ላይ ከፍተኛ የመንግሥት የሥራ ኃላፊዎች እና የባለሥልጣኑ ሠራተኞች የተገኙ ሲሆን፣ ኢትዮጵያ የምታስተናግደውን የኮፕ 32 (COP 32) አየር ንብረት ጉባኤን ከማገዝ ባሻገር አገር በቀል፣ ፍራፍሬ እና ለመድኃኒትነት የሚውሉ ተክሎችን በመትከል የአካባቢ ጥበቃ ሥራዎች ተከናውነዋል።
‎
‎በዕለቱም ከሰባት ነጥብ አንድ ሄክታር በላይ መሬት ላይ ከምግብነት ባለፈ ለመድኃኒትነት ጭምር የሚጠቅሙ እንደ ማንጎ እና አቮካዶ ያሉ ከአምስት ሺህ በላይ ችግኞች ተተክለዋል።
‎
‎የኢትዮጵያ ምግብና መድኃኒት ባለሥልጣን ዋና ዳይሬክተር ወይዘሮ ሄራን ገርባ እንደገለጹት፣ ኢትዮጵያ የሀገር ውስጥ መድኃኒት አምራቾችን አቅም ለማሳደግ እና የጥሬ ዕቃ አቅርቦትን በራስ አቅም ለመሸፈን በምታደርገው ጥረት ውስጥ የመድኃኒትነት እጽዋትን መንከባከብ ትልቅ ድርሻ አለው።

ችግኞችን ከመትከል ባለፈ ለዕድገታቸው ተገቢውን ቋሚ እንክብካቤ ማድረግ እንደሚገባ የጠቆሙት ዋና ዳይሬክተሯ፣ ይህንን አረንጓዴ ልማት ከምርምርና ከኢንዱስትሪ ጋር በማስተሳሰር የሀገር ውስጥ መድኃኒት ማምረት አቅምን ለማጠናከር እንደሚያግዝ አስገንዝበዋል።
‎
‎​የጤና ሚኒስትር ዴኤታ ዶክተር ደረጄ ዱጉማ በበኩላቸው፣ የጤና ሴክተሩ በበጎ ፈቃደኝነት መርሃ ግብሩ አጠቃላይ ከሁለት መቶ ኃምሳ ሺህ በላይ ችግኞችን ለመትከል ማቀዱን አንስተዋል።
‎
‎ከአዲስ አበባ እስከ ቢሾፍቱ ባለው የፍጥነት መንገድ ዳርቻ የተጀመረው ይህ የችግኝ ተከላ መርሃ ግብር ከአንድ ዓመት በኋላ ከፍተኛ የእጽዋት ሽፋን እንደሚፈጥር ጠቁመው፣ የተተከሉትን ችግኞች በባለቤትነት ስሜት በመንከባከብ ለታለመለት ዓላማ ማብቃት እንደሚገባ አሳስበዋል።
‎
‎ጌትነት ተመስገን
‎📷ከበደ መክብብ
‎
‎#greenlegacyethiopia​#ethiopia
‎​#bishoftu ​#climateaction #healthylife
‎​#cop32 ​#healthsector ​#treeplanting
‎

አረንጓዴ ዐሻራ፡ በኢትዮጵያውያን ዘንድ አዲስ የኅብረት እና የጋራ ዓላማ ባህልን የፈጠረ መርሐ-ግብር
**********************************

ኢትዮጵያ በ2011 ዓ.ም በጠቅላይ ሚኒስትር ዐቢይ አሕመድ (ዶ/ር) አነሳሽነት የጀመረችው የአረንጓዴ ዐሻራ መርሐ-ግብር ዛሬ ላይ የኢትዮጵያን ገጽታ ከመስዋብ አልፎ የምግብ ዋስትና እና የዲፕሎማሲ አቅም የለወጠ ታላቅ ሀገራዊ እና አህጉራዊ ንቅናቄ ሆኖ ታይቷል።

ባለፉት ሰባት ዓመታት የተመዘገቡት ስኬቶች ኢትዮጵያ በአየር ንብረት ለውጥ ተጽዕኖ ላይ ያሳየችውን ተግባራዊ ምላሽ እና ያስመዘገበችውን ዘላቂ ፍሬ በጥልቀት የሚያስረዱ ናቸው።

ከሥነ ምህዳር እና ተፈጥሮ ጥበቃ አንጻር ባለፉት ሰባት ዓመታት ውስጥ ከ48 ቢሊዮኖች በላይ ችግኞችን በመትከል ምድርን ለማከም ተችሏል። ይህም የኢትዮጵያ የደን ሽፋን ከነበረበት ዝቅተኛ ደረጃ በማስወጣት በአጭር ጊዜ ውስጥ የደን ሽፋኗ እንዲያገግም አስችላል።

በየዓመቱ የሚካሄደው ይህ ዘመቻ የአፈር መሸርሸርን ከመቀነስ፣ የከርሰ ምድር ውኃን ከማጎልበት እና የተጎዱ የሥነ ምህዳር ክፍሎችን መልሶ ከመገንባት አንጻር እጅግ የጎላ ሚና ተጫውቷል።

ቀደም ሲል በድርቅ እና በአፈር መሸርሸር የተጠቁ አካባቢዎች ዛሬ ላይ አረንጓዴ ለብሰው በማገገም ይገኛሉ።

የአረንጓዴ ዐሻራ መርሐ-ግብር ከተራ የተፈጥሮ ጥበቃ ባለፈ ወደ ሁሉን አቀፍ የኢኮኖሚ ምንጭነት ተሸጋግሯል። በተለይም ባለፉት ዓመታት ትኩረት የተሰጣቸው የተቀናጁ የፍራፍሬ (አቮካዶ፣ ማንጎ፣ ፓፓያ፣ ብርቱካን) እና የቡና ችግኞች ተከላ ዐበይት ውጤቶችን እያስገኙ ይገኛሉ።

ይህም ገቢያቸው አነስተኛ ለሆኑ አባወራዎች አዲስ የገቢ ምንጭ ከመፍጠሩም በላይ በሀገር ውስጥ የምግብ ዋስትናን ለማረጋገጥ እና ለውጭ ገበያ የሚላኩ ምርቶችን በማሳደግ የውጭ ምንዛሬ ግኝትን ለማጠናከር ትልቅ መሠረት ጥሏል።

መርሐ-ግብሩ በመላው ኢትዮጵያውያን ዘንድ አዲስ የኅብረት እና የጋራ ዓላማ ባህልን ፈጥሯል።

እድሜ፣ ጾታ፣ የፖለቲካም ሆነ የሃይማኖት ልዩነት ሳይበግረው በመላው ኢትዮጵያ የሚገኙ ሚሊዮኖች ዜጎች በአንድ ጀምበር ወጥተው ችግኝ የመትከል ልምድን ማዳበራቸው ሀገራዊ አንድነትን እና የመረዳዳት መንፈስን አጠናክሮታል።

ይህም ኢትዮጵያውያን በትብብር ከተነሱ የማይሻገሩት ፈተና እንደሌለ በተግባር ያሳዩበት ታላቅ ማኅበራዊ ሀብት ሆኗል።

የኢትዮጵያ አረንጓዴ ዐሻራ የሀገር ወሰንን ተሻግሮ ለአጎራባች ሀገራት ችግኞችን በማካፈል የቀጣናዊ ትስስር እና የ አረንጓዴ ዲፕሎማሲ ማሳያ መሆን ችሏል።

የአየር ንብረት ለውጥን ለመመከት ዓለም አቀፍ ድርጅቶች እና የፖለቲካ መሪዎች በሚታገሉበት በዚህ ወቅት ኢትዮጵያ በተግባር ያሳየችው ይህ ንቅናቄ በዓለም አቀፍ ደረጃ ከፍተኛ ሙገሳ እና ዕውቅና እንድታገኝ አድርጓታል።

ባለፉት 7 ዓመታት የተካሄደው የአረንጓዴ ዐሻራ ጉዞ ኢትዮጵያ በተፈጥሮ ሀብት ጥበቃ፣ በምግብ እራስን መቻል፣ በሕዝባዊ አንድነት እና በዓለም አቀፍ ተፅዕኖ ፈጣሪነት ያስመዘገበችው ድል ነው።

ኢትዮጵያውያን ይህን የተተከለውን ተስፋ ጠብቀው በማሳደግ እና ወደ ተሻለ ኢኮኖሚያዊ ጥቅም በመቀየር ለቀጣዩ ትውልድ አረንጓዴ፣ የተረጋጋች እና የበለፀገች ሀገርን ለማስረከብ ተሰናድተዋል።

​በሃና ምንዳሁን
#ebc #ethiopia ​#ebcdotstream #greenlegacy #greenethiopia #climateaction #ethiopiarising

የዘንድሮው አረንጓዴ ዐሻራ የነገዋ ኢትዮጵያ ስንቅ
*********************

የአየር ንብረት መዛባት መላውን ዓለም በፈተና ላይ በጣለበት በዚህ ዘመን፣ ኢትዮጵያ ከተለመደው የተቃውሞ እና የጭንቀት ጩኸት ባለፈ በተግባር የሚታይ ታላቅ ምላሽ እየሰጠች ትገኛለች።

ዘንድሮም “ተስፋን እንትከል” በሚል መሪ ሐሳብ የተጀመረው ሀገራዊ የአረንጓዴ ዐሻራ መርሐ ግብር፣ ከችግኝ ተከላነቱ ባለፈ የነገዋን አረንጓዴ እና የበለጸገች ኢትዮጵያን የመገንባት ትልቅ ሕዝባዊ ንቅናቄ ሆኖ ቀጥሏል።

በዚህም ባለፉት 7 ዓመታት በአረንጓዴ ዐሻራ መርሐ ግብር ከ48 ቢሊዮን በላይ ችግኞችን መትከል የቻለችው ሀገራችን በያዝነው ዓመት 8 ቢሊዮን ችግኞችን ለመትከል አቅዳ ወደ ተግባር ገብታለች።

ይህ መርሐ ግብር ተራራዎቻችንን ችግኝ ከማልበስ ባለፈ የአፈር መሸርሸርን ለመከላከል፣ የምግብ ዋስትናን ለማረጋገጥ እና ለትውልድ የሚተርፍ የተስፋ ስንቅ ለማስቀመጥ ያለመ ነው።

የአረንጓዴ ዐሻራ መርሐ ግብሩ ከተጀመረበት ጊዜ አንስቶ በመላው ሀገራችን ከፍተኛ መነሳሳት የታየበት እና ብዙ ሚሊዮን ዜጎች በነቂስ ወጥተው ኢትዮጵያን አረንጓዴ የማልበስ ጉዞ የራሱን ዐሻራ ያሳረፈበት ነው።

ከቅርብ ጊዜ ወዲህ የሚዘጋጁ ችግኞች እንደ ከዚህ ቀደሙ ለደን ልማት ብቻ ሳይሆን፣ ለኢኮኖሚ ጠቀሜታ ያላቸው እንደ ፍራፍሬ፣ ቡና እና የቅመም እፅዋት ላይ ትኩረት ያደረጉ ናቸው።

በዚህም መሰረት መርሐ ግብሩ የሕዝቡን ተጠቃሚነት በተግባር እያረጋገጠ ኢትዮጵያ ለጀመረችው የምግብ ዋስትናን የማረጋገጥ መርሐ ግብርም አስተዋጽኦ እያደረገ ነው።

ዘንድሮም ከሕፃናት እስከ አዛውንት፣ ከመንግሥት ሠራተኞች እስከ ግል ባለሀብቶች፣ ተማሪዎች እና የሃይማኖት አባቶች በጋራ በመውጣት “ተስፋን የመትከል” ድርሻቸውን እየተወጡ ናቸው።

የአረንጓዴ ዐሻራ መርሐ ግብር ከተጀመረ ወዲህ በኢትዮጵያ ያለው የደን ሽፋን በ2011 ዓ.ም 17.2 ከነበረበት አሁን ላይ ወደ 23.6 በከፍተኛ ደረጃ አድጓል፡፡

ይህም ሀገራችን የአየር ንብረት ለውጥን በመከላከል ረገድ በዓለም አቀፍ ደረጃ ያላትን ተጽዕኖ ፈጣሪነት ከፍ አድርጎታል።

ችግኝ መትከል የመጀመርያው ምዕራፍ እንጂ የመጨረሻ ባለመሆኑ የተከልነውን ተስፋ አጽድቀን ለውጤት ማብቃት ይጠበቅብናል።

በዚህ ረገድም በመርሐ ግብሩ ችግኝን መንከባከብ ከመትከል እኩል ትኩረት ተሰጥቶት ስለተሠራበት የጽድቀት መጠኑ ከ85 በመቶ በላይ መሆኑ ተረጋግጧል፡፡

ዛሬ የምንተክለው አረንጓዴ ዐሻራ ነገ ለልጆቻችን የሚጠለሉበት ጥላ፣ የሚተነፍሱት ንጹህ አየር እና የሚመገቡት ፍሬ ይሆናል።

በአድማሱ አራጋው
#ethiopia #ebc #greenlegacyethiopia #climateaction

"ከተፈጥሮ ጥበቃ ዶላር ማግኘት እንደሚቻል ማሳያ የሆነው የሁምቦ የደን ካርበን ፕሮጀክት"
********************

በተባበሩት መንግሥታት ድርጅት የንጹሕ ልማት ሥርዓት ተመዝግቦ የሚገኘውና በአፍሪካ የመጀመሪያው የሆነው የወላይታ ሁምቦ የደን ካርበን ፕሮጀክት፣ በተራቆቱ ተራሮች ላይ አዲስ ሕይወት በመዝራት የአየር ንብረት መዛባትን መከላከል እንደሚቻል ትልቅ ማሳያ እየሆነ ይገኛል።

ይህ ብቻ ሳይሆን፣ ከተፈጥሮ ጥበቃ ተጨባጭ የውጭ ምንዛሬ (ዶላር) ማግኘት እንደሚቻልም በተግባር ያሳየው ይህ ፕሮጀክት፤ በአፍሪካ አንደኛ፣ በዓለም ደግሞ ንጹሕ የደን ልማት ዘዴ ተጠቃሽ ፕሮጀክት ሆኖ በተባበሩት መንግሥታት ድርጅት በይፋ ተመዝግቧል።

በወላይታ ዞን በ2 ሺህ 728 ሄክታር መሬት ላይ ያረፈው ይህ ፕሮጀክት፣ ቀደም ሲል ጠፍተው የነበሩ ከ70 በላይ የአገር በቀል የዛፍ ዝርያዎች ተመልሰው እንዲያንሰራሩ ያደረገ ነው።

የአየር ንብረት ለውጥን ከመከላከል ረገድም ይህ ፕሮጀክት በዓመት በአማካይ ወደ 29 ሺህ 343 ሜትሪክ ቶን በላይ የካርቦን ዳይኦክሳይድ ጋዝ ከከባቢ አየር ውስጥ እንደሚያስወግድ ይታመናል።

በዛፎች ዕድገት እና በአየር ንብረት መለዋወጥ ውጤቶች ላይ በመመስረት ትክክለኛው የሚወገደው የካርቦን መጠን ከዓመት ዓመት ሊለያይ ቢችልም፤ 29 ሺህ343 ቶን በተባበሩት መንግሥታት ድርጅት የንጹሕ ልማት ዘዴ ምዝገባ ላይ የተቀመጠ ይፋዊ አማካይ ስሌት በመሆኑ፣ ለአለም አቀፉ የአየር ንብረት መረጋጋት ከፍተኛ አስተዋጽኦ እያበረከተ ይገኛል።

ይህ ስኬት ሊመዘገብ የቻለው “በአርሶ አደር የሚመራ የተፈጥሮ ደን መልሶ ማልማት የተባለውን ሳይንሳዊና ባህላዊ ጥበብ በማቀናጀት ደኑን በተደራጀ መልኩ በመንከባከብ ነው። በዚህም በተባበሩት መንግሥታት ድርጅት የንጹሕ ልማት ዘዴ መስፈርቶችን በአግባቡ በማሟላቱ በአህጉሪቱ ቀዳሚው ተጠቃሽ ፕሮጀክት ሊሆን ችሏል።

ደኑን ከመጠበቅ ባሻገር ለአካባቢው ማኅበረሰብ ዘላቂ የገቢ ምንጭ መፍጠር የቻለው ይህ ፕሮጀክት፤ በአሁኑ ወቅት 7 የደን ልማትና ጥበቃ የኅብረት ሥራ ማኅበራት በአንድ ዩኒየን ሥር ተደራጅተው ደኑን በባለቤትነት እየጠበቁት ይገኛል።

እነዚህ ማኅበራት በዓለም አቀፉ የበጎ አድራጎት ድርጅት "ዎርልድ ቪዥን" ድጋፍና አስተባባሪነት፣ የካርበን ፕሮጀክት ክሬዲትን ለዓለም ባንክ በመሸጥ በየዓመቱ በመቶ ሺዎች የሚቆጠር ዶላር ገቢ እያገኙ ነው። ይህም ለአካባቢው ነዋሪዎች የምግብ ዋስትናን ለማረጋገጥና የጤና መሻሻልን ለማምጣት ትልቅ አቅም ፈጥሯል።

የሁምቦ ፕሮጀክት ያሳየው ተጨባጭ ስኬት ኢትዮጵያ በረጅም ጊዜ ዕቅዷ በ2050 ዓ.ም የተለያዩ የአየር ንብረት ለውጥ መከላከያ ስትራቴጂዎችን በመተግበር፣ ወደ ከባቢ አየር የሚለቀቀውን የበካይ ጋዝ ወይም የካርበን ልቀት ፍጹም ዜሮ ለማድረግ ለጀመረችው አገራዊ ጉዞ ትልቅ ማሳያና አቅም የሚሆን ነው።

አሁን ላይ ይህ ስኬት ተስፋፍቶ በወላይታ ዞን ዳሞታ ተራራን ፕሮጀክት ጨምሮ በ9 ወረዳዎች ከ22,000 ሄክታር በላይ መሬት በካርበን ፕሮጀክት እየለማ የሚገኝ ሲሆን፤ 48 የደን ማኅበራት እና 3 የደን ዩኒዮኖች በዚሁ አረንጓዴና ትርፋማ ፕሮጀክት ላይ በንቅናቄ እየተሳተፉ ይገኛሉ።

በትዕግስቱ ቡቼ
#ebc #humbocarbonproject #wolaita #climateaction #greeneconomy

ከምድር ጥበቃ ወደ ማዕድ በረከት፤ የኢትዮጵያን የደን ሽፋን ያሳደገው የአረንጓዴ ዐሻራ ታሪካዊ ስኬት
************

ዛሬ ዓለማችን በአየር ንብረት ለውጥ ምክንያት የመጣውን የሙቀት መጨመር፣ የሰደድ እሳት፣ የጎርፍ እንዲሁም የድርቅ አደጋዎችን ለመቋቋም በብርቱ ትግል ውስጥ ትገኛለች።

አፍሪካ ለዓለም የሙቀት መጨመር ያበረከተችው አስተዋጽኦ እጅግ አነስተኛ ቢሆንም፣ የችግሩ ቀዳሚ ተጠቂ መሆኗ አልቀረም።

ኢትዮጵያ ይህንን የአየር ንብረት ለውጥ ተጽዕኖ ለመቀነስ ተግባራዊ እርምጃ በመውሰድ፣ አህጉራዊ እና ዓለም አቀፋዊ ተስፋን ማለምና ለውጥ ማምጣት እንደሚቻል በተግባር እያሳየች ትገኛለች።

በጠቅላይ ሚኒስትር ዐቢይ አሕመድ (ዶ/ር) አነሳሽነት በ2011 ዓ.ም የተጀመረው "የአረንጓዴ ዐሻራ መርሐ ግብር" በአሁኑ ወቅት የሀገር ውስጥ ስኬት ብቻ መሆኑ አብቅቶ፣ ለመላው የአፍሪካ አህጉር ብሩህ የተስፋ ስንቅና ታላቅ የተሞክሮ ምንጭ ለመሆን በቅቷል።

መርሐ ግብሩ ከተጀመረበት ጊዜ አንስቶ እስካሁን ድረስ በመላው ኢትዮጵያ ከ48 ቢሊዮን በላይ ችግኞች የተተከሉ ሲሆን፤ ይህም የሀገራችንን የደን ሽፋን በ2010 ዓ.ም ከነበረበት 17.2 በመቶ በአሁኑ ወቅት ወደ 23.6 በመቶ ከፍ እንዲል አድርጎታል።

በዘንድሮው የችግኝ ተከላ ወቅት ደግሞ ኢትዮጵያ ያስቀመጠችውን የ65 ቢሊዮን ታሪካዊ ግብ ለማሳካት በሚያስችል መልኩ ከ8 ቢሊዮን በላይ ችግኞች ዝግጁ ተደርገዋል።

ይህ ዓይነቱ መጠነ-ሰፊ ንቅናቄ የደን ሽፋንን ከማሳደግ ባለፈ፣ የሕዝቡን ማኅበራዊና ኢኮኖሚያዊ ሕይወት በመለወጥ ረገድ ከፍተኛ አስተዋጽኦ እያበረከተ ይገኛል።

መርሐ ግብሩ የተራቆቱ መሬቶች እንዲያገግሙ ከማድረጉ ባሻገር፣ እንደ አቮካዶ፣ ማንጎ፣ ፓፓያ እና አፕል ያሉ ለምግብነትና ለገበያ የሚውሉ የፍራፍሬ ችግኞችን በስፋት አካትቷል።

ይህም የዜጎችን የምግብ ዋስትና ለማረጋገጥና የውጭ ምንዛሬ ገቢን ለማሳደግ “ከምድር ጥበቃ ወደ ማዕድ በረከት” የተሻገረ ስትራቴጂ መሆኑን በተግባር አሳይቷል።

ጠቅላይ ሚኒስትር ዐቢይ አሕመድ (ዶ/ር) የአረንጓዴ ዐሻራ መርሐ ግብርን ሲያስጀምሩ የነበራቸው ራዕይ በሀገር ውስጥ ብቻ የተገደበ አልነበረም።

የአየር ንብረት ለውጥ ድንበር የለሽ በመሆኑ፣ መከላከል የሚቻለውም በጋራና በትብብር ሲሰራ ብቻ እንደሆነ በተደጋጋሚ ገልጸዋል።

በዚህም መሠረት ኢትዮጵያ የቀጣናውን በረሃማነት በጋራ ለመግታት በሚሊዮን የሚቆጠሩ ችግኞችን ለጎረቤት ሀገራት ማለትም ለጂቡቲ፣ ለደቡብ ሱዳንና ለኬንያ አበርክታለች።

ይህ ተግባር የፓን-አፍሪካኒዝም እሴትን በተግባር ያሳየ፣ ለመላው አፍሪካውያን አንድነትና አብሮነት አዲስ ትርጉም የሰጠ አርዓያነት ያለው ስኬት ነው።

የአረንጓዴ ዐሻራ መርሃ ግብር አፍሪካውያን የራሳቸውን ችግር በራሳቸው አቅም፣ በጋራና በትብብር መፍታት እንደሚችሉ ያሳዩበት ትልቅ የታሪክ ምዕራፍ ነው።

ኢትዮጵያ ያበሰረችው የአረንጓዴ ተስፋ ብርሃን አህጉሪቱን ከተጋረጠባት የበረሃማነትና የአየር ንብረት መዛባት አደጋ ታድጎ፣ የነገዋን አፍሪካ ውብና ለምለም ለማድረግ የበኩሉን ከፍተኛ ሚና እንደሚጫወት ይጠበቃል።

በላሉ ኢታላ
#greenlegacy #climateaction #greenethiopia #ethiopianbroadcastingcorporation

የአረንጓዴ ዐሻራ እና የሕዳሴ ግድብ ስትራቴጂያዊ ቁርኝት
***********************

የአረንጓዴ ዐሻራ መርሐ ግብር ለታላቁ የኢትዮጵያ ሕዳሴ ግድብ የውሃ ሙሌት ሂደት ቀጥተኛና ከፍተኛ አስተዋጽኦ እያበረከተ ይገኛል።

በመርሐ ግብሩ በየዓመቱ በቢሊዮን የሚቆጠሩ ችግኞችን በመትከል የተራቆቱ መሬቶችን መልሶ ማልማት ተችሏል።

በተለይ በዓባይ ተፋሰስ የሚከናወኑ የደን ልማት ሥራዎች መሬቱ ዝናብን አምቆ እንዲይዝ በማድረጋቸው ወደ ግድቡ የሚፈሰው የውሃ መጠን ወጥ እና አስተማማኝ እንዲሆን አስችሏል።

ይህ የተፈጥሮ ሚዛንን የመጠበቅ ሂደት ግድቡ ያለ ምንም የውኃ እጥረት በታቀደለት ጊዜ በሙሉ አቅሙ ውኃ እንዲይዝ ትልቅ አቅም ሆኗል።

ከውኃ ሙሌቱ ባለፈ የአረንጓዴ ዐሻራ ሥራ ግድቡ ለበርካታ ዓመታት አገልግሎት እንዲሰጥ እና የኃይል ማመንጨት ሂደቱ እንዳይስተጓጎል በማድረግ ረገድ ቁልፍ ሚና ይጫወታል።

በዓባይ ተፋሰስ የተተከሉ ችግኞች የአፈር መሸርሸርን በከፍተኛ ደረጃ ስለሚከላከሉ ወደ ግድቡ የሚገባው የደለል መጠን በእጅጉ ቀንሷል።

ይህም የግድቡን ውኃ የመያዝ አቅም ከመጠበቁም በላይ ኃይል የሚያመነጩ ተርባይኖችን ከብልሽት በመታደግ የኤሌክትሪክ ምርቱ በስኬት እንዲቀጥል እያደረገ ይገኛል።

የአረንጓዴ ዐሻራ ንቅናቄ የአየር ንብረት መጠበቂያ ብቻ ሳይሆን፣ የሕዳሴ ግድብን ኢንቨስትመንት እና የልማት ጉዞ የሚያስቀጥል ታላቅ ብሔራዊ ጋሻ ነው።

የአካባቢ ጥበቃ ሥራው ከግድቡ አሠራር ጋር መቀናጀቱ ዘላቂና አስተማማኝ የተፈጥሮ ሀብት አጠቃቀምን በተግባር ያሳየ ስኬታማ ሞዴል ሆኖ ይጠቀሳል።

የአረንጓዴ ዐሻራ እና ታላቁ የኢትዮጵያ ሕዳሴ ግድብ ቁርኝት ሀገራችን የልማት አጀንዳዋን በተፈጥሮ ጥበቃ የተደገፈ ለማድረግ ያላትን ቁርጠኝነት የሚያሳይ ነው።

በሃና ምንዳሁን
#ethiopia #climateaction #greenlegacy #gerd #environmentalprotection #watersecurity #ebc

አረንጓዴ ዐሻራ ከተጀመረ ወዲህ የዝናብ መጠን በመጨመሩ በዓመት እስከ 5 ጊዜ ማምረት እየተቻለ ነው - ርዕሰ መስተዳድር እንዳሻው ጣሰው (ዶ/ር)
************************

በማዕከላዊ ኢትዮጵያ ክልል የ2018 ዓ.ም አረንጓዴ ዐሻራ መርሐ ግብር ዛሬ በይፋ ተጀምሯል።

መርሐ ግብሩን የክልሉ ርዕሰ መስተዳድር እንዳሻው ጣሰው (ዶ/ር) አስጀምረዋል።

ርዕሰ መስተዳድሩ በዚሁ ወቅት፥ የአረንጓዴ ዐሻራ መርሐ ግብር ከተጀመረ ወዲህ የክልሉ የደን ሽፋን በመጨመሩ፣ የመሬቱ ለምነትና ውሃ የመያዝ አቅምም እያደገ መምጣቱን አንስተዋል።

በክልሉ ከዚህ ቀደም በዓመት አንዴ ወይም ሁለቴ ብቻ ይመረት እንደነር ያነሱት ርዕሰ መስተዳድሩ፣ አሁን የዝናብ መጠን በመጨመሩ በዓመት እስከ አምስት ጊዜ ማምረት እየተቻለ ነው ብለዋል።

የመሬት ለምነት እየተሻሻለ በመምጣቱም የግብርና ምርታማነት መጨመሩ ተገልጿል።

አሁን ላይ የክልሉ ሕዝብ ችግኝ መትከልን ባህሉ እያደረገ በመምጣቱ፣ በዘመቻ ብቻ ሳይሆን አመቺ በሆኑ ወቅቶች ሁሉ እየተከለ እንደሚገኝ ተገልጿል።

እስከ ሐምሌ 25 ቀን 2018 ዓ.ም የክልሉ ሕዝብ በነቂስ በመውጣት የተለያዩ ችግኞችን እንዲተክል በማስጀመሪያ መርሐ ግብሩ ላይ መልዕክት ተላልፏል።

በአስማረ ብርሃኑ
#ethiopia #climateaction #environmentalprotection #greenlegacy #centralethiopia #ebc

ዛሬ የሚተከሉ ችግኞች፣ የነገ የሀብት ምንጭ ናቸው፦ ርዕሰ መስተዳድር ጥላሁን ከበደ
******************

በደቡብ ኢትዮጵያ ክልል የ2018 ዓ.ም የአረንጓዴ ዐሻራ የችግኝ ተከላ መርሐ ግብር ዛሬ በይፋ ተጀምሯል።

ተከላውን በአርባምንጭ ዙሪያ ወረዳ፣ ኦቾሎ ላንቴ ቀበሌ ያስጀመሩት የክልሉ ርዕሰ መስተዳድር ጥላሁን ከበደ፥ ባለፉት ተከታታይ ዓመታት የተከናወነው የአረንጓዴ ዐሻራ ሥራ የአየር ንብረት ለውጥን ለመቋቋም ከፍተኛ አስተዋጽኦ ማበርከቱን ገልጸዋል።

ዛሬ የሚተከሉ ችግኞች፣ የነገ የሀብት ምንጭና የሥራ ዕድል መፍጠሪያ መሆናቸውን የጠቀሱት ርዕሰ መስተዳድሩ፤ መርሐ ግብሩን ውጤታማ ለማድረግ በቁርጠኝነት መሥራት እንደሚያስፈልግ ተናግረዋል።

በተለይም ክልሉ ለናዳ እና ለጎርፍ አደጋ ተጋላጭ በመሆኑ በተራራማ አካባቢዎች የአረንጓዴ ልማት ሥራው ተጠናክሮ ሊቀጥል እንደሚገባ አሳስበዋል።

የክልሉ ግብርና ቢሮ ኃላፊ አቶ አንደኛ ሽናሌ በበኩላቸው፥ ባለፉት 8 ዓመታት የክልሉን የደን ሽፋን ከነበረበት 19 በመቶ፣ ወደ 24.5 በመቶ ማሳደግ መቻሉን ጠቅሰዋል።

"ተስፋን እንትከል" በሚል መሪ ቃል በተካሄደው የችግኝ ተከላ መርሐ ግብር ላይ፣ የክልሉ ከፍተኛ የመንግሥት የሥራ ኃላፊዎችና የአርባምንጭ ዙሪያ ወረዳ ነዋሪዎች ተሳትፈዋል።

በሀገር አቀፍ ደረጃ በልዩ ንቅናቄ የሚከናወነው የአረንጓዴ ዐሻራ ሥራ፣ ችግኝ ከመትከል ያለፈ የተስፋ ምልክት መሆኑ ተገልጿል።

በተመስገን ተስፋዬ
#ethiopia #climateaction #environmentalprotection #greenlegacy #southethiopia #ebc

ከሕዳሴው ግድብ ቀጥሎ መላው ኢትዮጵያዊ በአንድ ፅኑ ሐሳብ የተመመበት የአረንጓዴ አሻራ ንቅናቄ
*******************

በ2011 ዓ.ም የተጀመረውና ላለፉት ሰባት ዓመታት በተከታታይ ከሕፃናት እስከ አዋቂ ከ20 ሚሊዮን በላይ ዜጎችን በብሔራዊ ንቅናቄ ያሳተፈው የአረንጓዴ አሻራ መርሃ-ግብር፣ በሀገሪቱ ሁለንተናዊ ገጽታ ላይ ታሪካዊና ተጨባጭ ለውጦችን እያስመዘገበ ይገኛል። እስካሁን ባለው ሂደት በመላው ሀገሪቱ ወደ 48 ቢሊዮን የሚጠጉ ችግኞች የተተከሉ ሲሆን፣ ይህም የሀገሪቱን የደን ሽፋን ከነበረበት 17.2 በመቶ ወደ 23.6 በመቶ ከፍ እንዲል አድርጎታል።

ይህ መርሃ-ግብር በሥነ-ምህዳርና በውሃ ሀብት ጥበቃ ላይ ያመጣው ተፅዕኖ ከፍተኛ ሲሆን፣ በተለይም ላለፉት 18 ዓመታት ደርቆ የነበረው የሐሮማያ ሐይቅ እና ከስምጥ ሸለቆ ሐይቆች አንዱ የሆነው የአባያ ሐይቅ እንዲያገግሙ አስችሏል። ከዚህም በተጨማሪ የተቆፈሩት ዘጠኝ አኃዝ ያላቸው ጉድጓዶች እንደ ሰው ሠራሽ የውሃ ማጠራቀሚያ ጋን በመሆን ውሃ ወደ መሬት እንዲሰርግ በማድረጋቸው፣ የከርሰ-ምድር ውሃ መጠን እንዲጨምርና ደርቀው የነበሩ ምንጮች ዳግም እንዲፈልቁ ምክንያት ሆኗል።

በአረንጓዴ አሻራው የምግብ ዋስትናን ከማረጋገጥ አኳያም መርሃ-ግብሩ እንደ አቮካዶ ባሉ ለምግብነት፣ ለንብ ማነብ፣ ለኢኮኖሚ ጠቀሜታና ለውጭ ገበያ የሚውሉ የፍራፍሬ ዝርያዎች በብዛት አንዲመረቱ በማስቻልም ረገድ ትልቅ እገዛ አድርጓል።

በቀጣናዊና ዓለም አቀፋዊ መድረኮችም ኢትዮጵያ የአብዛኞቹ የጎረቤት ሀገራት የውሃ መነሻ በመሆኗ፣ የምታከናውነው የተፋሰስ ልማት የቀጠናውን የውሃ ፍላጎት ለማዳረስ ከፍተኛ ሚና እያበረከተ ይገኛል። በዚህም ለአረንጓዴ ዲፕሎማሲ ማሳያ የሚሆን የችግኝና የልምድ አካፍሎት ለጅቡቲ፣ ለደቡብ ሱዳንና ለኬንያ የተደረገ ሲሆን፣ ከዛምቤዚ ሪቨር ኮርስ ኮሚሽን የተውጣጡ የ7 ሀገራት ልዑካንም የኢትዮጵያን ተሞክሮ ወስደዋል።

በተባበሩት መንግሥታት ድርጅት፣ በዓለም ኢኮኖሚ ፎረም እና በምግብና እርሻ ድርጅት (FAO) 80ኛ ዓመት የምሥረታ በዓል ላይ የኢትዮጵያ አረንጓዴ አሻራ ከፍተኛ ዓለም አቀፍ እውቅናን አትርፏል።

ከፖለቲካና ከግል ጥቅም ባለፈ ከ“እኔ” ይልቅ ለ“እኛ” የሚያስብ ብሔራዊ እሴት ሆኖ የዳበረው ይህ መርሃ-ግብር፣ በገጠርም በከተማም ሠራተኞች ከአለቆቻቸው ጋር በአንድነት ወጥተው የሚተክሉበትና የሚወያዩበት መድረክ በመፍጠሩ ተቋማዊ ተግባቦትን አጎልብቷል። በዚህም ከሕዳሴ ግድብ ቀጥሎ መላው ኢትዮጵያዊ በአንድ ፅኑ ሀሳብ የተመመበት ትልቁ የጋራ መግባባት መርሃ-ግብር ተደርጎ ይወሰዳል።

በብሌን ደምበሎ
#ethiopianbroadcastingcorporation #ethiopia #greenlegacy #climateaction #ecorestoration

In an era where climate change stands as our greatest global threat, the world is searching for real answers. Ethiopia recently took center stage at the prestigious Chatham House in London, where Dr. Gedion Timotheos unveiled the nation's staggering climate protection success over the past eight years.
#medemer #climateaction #greenlegacy #ethiopia #chathamhouse

ኢትዮጵያ ለዓለም አቀፍ ችግር ያበረከተችው ፍቱን መፍትሔ፦ አረንጓዴ ዐሻራ
***************

ኢትዮጵያ ባለፉት ዓመታት በአረንጓዴ ዐሻራ መርሐ ግብር ያስመዘገበችው ውጤት ከአካባቢ ጥበቃ የዘለለ ሰፊና ስትራቴጂያዊ ፋይዳ ያለው ነው።

ይህ ሀገራዊ ንቅናቄ የኢትዮጵያን ገጽታ በመገንባት፣ የዲፕሎማሲ ግንኙነቶቿን በማጠናከር እና ለቀጣናዊ የአየር ንብረት መዛባት መፍትሄ በመስጠት ረገድ የማይተካ ሚና ተጫውቷል።

አረንጓዴ ዐሻራ ሀገራችን ለልማት እና ለአካባቢ ጥበቃ ባላት ቁርጠኝነት በዓለም አቀፍ ደረጃ የምትታወቅ ሀገር አድርጓታል።

የተራቆቱ መሬቶችን መልሶ አረንጓዴ በማልበስ እና የደን ሽፋንን በማሳደግ የተገኘው ውጤት ኢትዮጵያ ለዓለም አቀፍ ፈተናዎች ያሏት በፈጠራ የታገዙ ምላሾች ማሳያ ነው።

አረንጓዴ ዐሻራ ኢትዮጵያን ለዘላቂ ልማት እንደምትሠራ የተፈጥሮ ሀብት ተንከባካቢ አርዓያ አድርጎ በማቅረብ በዓለም አቀፍ መድረኮች ያላትን ተቀባይነት ከፍ አድርጓል።

ከጎረቤት ሀገራት ጋር በጋራ የደን ልማት ሥራዎች ላይ በማሳተፍ በጋራ ሰላምና ጥቅም ላይ የተመሠረተ ቀጣናዊ ትስስርን አጠናክሯል።

በዚህም በአካባቢው ሀገራት መካከል የጋራ መተማመንን በመገንባት ዲፕሎማሲያዊ ግንኙነቶች ይበልጥ እንዲጠናከሩ አስችሏል።

አረንጓዴ ዐሻራ በቢሊዮኖች የሚቆጠሩ ችግኞችን በጋራ ከመትከል ባሻገር የተተከሉትን በመንከባከብ በዜጎች ዘንድ የባለቤትነት ስሜት እንዲዳብር አድርጓል።

በአሁኑ ወቅት ኢትዮጵያ በቴክኖሎጂ የታገዘ የዲጂታል ልህቀትን ከአረንጓዴ ዐሻራ ጋር በማጣመር ለቀጣዩ ትውልድ የማይጠፋ የልማት ዐሻራ እያኖረች ነው።

በጥቅሉ የኢትዮጵያን የብልጽግና ጉዞ በማፋጠን ላይ የሚገኘው የዚህ አረንጓዴ አብዮት ስኬት፣ ሕዝብ ለሀገሩ በአንድነት ሲቆም ምን ያህል ታላላቅ ሥራዎችን መከወን እንደሚችል ሕያው ምስክር ነው።

በሃና ምንዳሁን
#ethiopia #climateaction #greenlegacy #greendiplomacy #sustainabledevelopment #nationalpride #ebc

Through the Green Legacy initiative Ethiopia has planted over 48 billion trees and restored 15 million hectares of degraded land.
#greenlegacy #ethiopia #climateaction #ebc #afforestation #ebcdotstream

The Secret Behind 48 Billion Trees

#greenlegacy #ethiopia #unclimate #foodsecurity #climateaction #48billiontrees ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
The Secret Behind 48 Billion Trees

#greenlegacy #ethiopia #unclimate #foodsecurity #climateaction #48billiontrees