u121du12adu1275u120d u1320u1245u120bu12ed u121au1292u1235u1275u122d u1270u1218u1235u1308u1295 u1325u1229u1290u1205 u1260u121du1235u122bu1245 u1210u1228u122du130c u130bu122b u1219u1208u1273 u12ebu12f0u1228u1309u1275 u1309u1265u129du1275
#ebc #ethiopia #reconciliationu200b #historylessons #medemer #nationaldialogue #u1210u1228u122du130c ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
ምክትል ጠቅላይ ሚኒስትር ተመስገን ጥሩነህ በምስራቅ ሐረርጌ ጋራ ሙለታ ያደረጉት ጉብኝት
#ebc #ethiopia #reconciliation​ #historylessons #medemer #nationaldialogue #ሐረርጌ

(ዘ-ሐበሻ ዜና) ወልታ ጽድቅ ዘተዋሕዶ ዓለም አቀፍ የመነኮሳት ጉባኤ የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ አባላትን "ለሥልጣን እና ለመንግሥት ባለሥልጣናት በማጎብደድ መንጋውን ለተኩላ አሳልፈው ሰጥተዋል" ሲል በጽኑ የሚወቅስ ባለ ስድስት ነጥብ ይፋዊ መግለጫ አወጣ። ማኅበሩ ግንቦት 4 ቀን 2018 ዓ.ም ባወጣው እና "የሚያሰማራቸውን በጎች ለሚያጠፉ እና ለሚበትኑ እረኞች ወዮላቸው" በሚለው የነቢዩ ኤርምያስ ቃል በጀመረው በዚህ መግለጫ፣ የቤተ ክርስቲያኒቱ አባቶች አሁን ባለው የፈተና ጊዜ እያሳዩት ያለው ዝምታ ታሪካዊ እና መንፈሳዊ ተጠያቂነትን እንደሚያስከትልባቸው አሳስቧል።

ማኅበሩ በመግለጫው እንዳብራራው፣ ኦርቶዶክሳውያን በግፍ እየተገደሉ፣ ከቀያቸው እየተፈናቀሉ እና ቤተ ክርስቲያን ከፍተኛ ፈተና ውስጥ ባለችበት በዚህ ወቅት የቅዱስ ሲኖዶስ አባላት የህዝቡን ስቃይ እና ሰቆቃ ችላ ብለዋል። አባቶች ከመንግሥት ባለሥልጣናት ጋር ያላቸውን ግንኙነት ላለማበላሸት ሲሉ ብቻ እውነታውን መናገር መፍራታቸውን ጠቅሶ፣ "ከእግዚአብሔር ይልቅ ሰውን መፍራት" በሚል በብርቱ ኮንኗቸዋል። አያይዞም ሲኖዶሱ የሕዝብን እንባ ከማበስ ይልቅ ወቅታዊ ሁኔታን ያላገናዘቡ እና "ለባለሥልጣናት ማስታገሻ" የሚሆኑ መግለጫዎችን ማውጣቱን አጥብቆ ተችቷል።

የመነኮሳት ጉባኤው ለቅዱስ ሲኖዶሱ ካቀረባቸው ጥብቅ ማሳሰቢያዎች መካከል የኦርቶዶክሳውያን ደም መፍሰስ ጉዳይ ቀዳሚውን ስፍራ ይዟል። በተለያዩ የሀገሪቱ ክፍሎች (በተለይም በኦሮሚያ፣ በጅማ፣ በምዕራብ ሐረርጌ እና በሌሎችም አካባቢዎች) በምእመናን ላይ እየደረሰ ያለውን ሞት እና መፈናቀል አባቶች በግልጽ እንዲያወግዙ እና ዝምታቸውን እንዲሰብሩ ጠይቋል። አስመሳይ መግለጫዎችን ከማውጣት ይልቅ ለተገደሉት ጸሎተ ፍትሐት በማድረግ እና የተፈናቀሉትን በማጽናናት አባታዊ ኃላፊነታቸውን እንዲወጡ አሳስቧል።

በተጨማሪም የቤተ ክርስቲያኒቱ የገንዘብ እና የባንክ ሂሳብ ያለ ቤተ ክርስቲያኒቱ ፈቃድ በመንግሥት አካላት በግፍ መታገዱን እና መዘረፉን አስታውሶ፣ አባቶች ይህን ሕገ-ወጥ ድርጊት በዝምታ ማለፋቸው አሳዛኝ መሆኑን ገልጿል። ቤተ ክርስቲያን በማንም እየተደፈረች እና እየተሰደበች ባለችበት በዚህ ዘመን አባቶች የቤተ ክርስቲያን ጠበቃ መሆን ሲገባቸው፣ በተቃራኒው መንግሥትን ላለማስቀየም የሚያደርጉትን ጥረት በአስቸኳይ እንዲያቆሙ ሞግቷል።

መግለጫው ከሀገር ውስጥ አባቶች ባለፈ በውጭ ሀገር (ዲያስፖራ) በሚገኙ ሊቃነ ጳጳሳት ላይም ብርቱ ትችት ሰንዝሯል። እነዚህ አባቶች በውጭ ሀገር ሲሆኑ የምእመናንን ችግር እንደሚረዱ እና እንደሚቆረቆሩ መስለው እንደሚናገሩ፣ ነገር ግን ለቅዱስ ሲኖዶስ ስብሰባ አዲስ አበባ ሲገቡ አቋማቸውን እንደሚቀይሩ እና እውነታውን ለሲኖዶሱ ከማቅረብ ይልቅ ተባባሪ እንደሚሆኑ ማኅበሩ አጋልጧል። ይህ ዓይነቱ ድርብ ማንነት ሊታረም እንደሚገባው እና አባቶች የትም ቦታ ቢሆኑ ለቤተ ክርስቲያን እና ለእውነት ብቻ እንዲቆሙ አሳስቧል።

ወልታ ጽድቅ ዓለም አቀፍ የመነኮሳት ጉባኤ የቅዱስ ሲኖዶስ አባላት በንስሐ ተመልሰው የመንጋውን ድምጽ እንዲሰሙ፣ ያለበለዚያ ግን የእግዚአብሔር የፍርድ ሚዛን እንደማይምራቸው መንፈሳዊ ማስጠንቀቂያ በመስጠት መግለጫውን አጠናቋል።

የሕዝብ ለሕዝብ ትስስር የሰውነት እሴትን የሚያጎለብት ታላቅ ኃይል ነው፡- ርዕሰ መስተዳድር ኦርዲን በድሪ
****************

"የሕዝቦች ሰላምና አብሮነት ለጋራ ብልጽግና" በሚል መሪ ቃል የሕዝብ ለሕዝብ የሰላምና የአብሮነት ኮንፈረንስ በታሪካዊቷ የሐረር ከተማ በድምቀት ተካሂዷል።

የሐረሪ እና የኦሮሞ ሕዝቦችን ለዘመናት የዘለቀ ጠንካራ የአብሮነት እሴት ይበልጥ ለማጎልበት ያለመው ይህ መድረክ፣ በሁለቱ ሕዝቦች መካከል ያለውን ወንድማማችነት የሚያጠናክሩ ጉዳዮች ላይ ትኩረት አድርጓል።

በመድረኩ ላይ ተገኝተው ንግግር ያደረጉት የሐረሪ ክልል ርዕሰ መስተዳድር ኦርዲን በድሪ፣ ሰላም ለአንድ ሀገር ዕድገት፣ ለዜጎች ደህንነትና ለነገ ተስፋ መሠረት መሆኑን አጽንኦት ሰጥተው ገልጸዋል።

እንደ ርዕሰ መስተዳድሩ ገለጻ፣ ሰላም ማለት የጦርነትና የግጭት አለመኖር ብቻ ሳይሆን እርስ በርስ መከባበር፣ መደማመጥ እና ልዩነቶችን በውይይት መፍታት መቻል ጭምር ነው።

ልዩነቶቻችን የመከፋፈል ምክንያት ሳይሆኑ ይልቁንም የመቀራረብ ኃይል መሆን እንዳለባቸው የጠቆሙት አቶ ኦርዲን፣ የሕዝብ ለሕዝብ ትስስር የሰውነት እሴትን የሚያጎለብት ታላቅ ኃይል መሆኑን አስገንዝበዋል።

ርዕሰ መስተዳድሩ አክለውም የሐረሪ እና የኦሮሞ ሕዝቦች ለዘመናት በአንድ ገበያ የተገበያዩ፣ በአንድ ሰፈር የኖሩ፣ በደስታ ተሳስበው በችግርም የተደጋገፉ መሆናቸውን በመጥቀስ፣ ግንኙነታቸው በታሪክ፣ በደም እና በላብ የተገነባ ጠንካራ መሠረት እንዳለው አብራርተዋል።

በመድረኩ ከሐረሪ ክልል፣ ኦሮሚያ ክልል ምስራቅ ሐረርጌ ዞን እና ማያ ከተማ አስተዳደር የተውጣጡ የተለያዩ የማህበረሰብ ክፍሎች ተሳትፈዋል።

በቴዎድሮስ ታደሰ
#ethiopianbroadcastingcorporation #publicrelations #peaceandunity #harar #ethiopia

በምስራቅ ሐረርጌ "ሁለተኛ ልጅ አልወለደችልኝም" በሚል ባለቤቱን የገደለው ግለሰብ በ20 ዓመት እስራት ተቀጣ

​ መሐመድ እና ሟች ወጣት ኢብሲቱ በትዳራቸው የመጀመሪያ ዓመት አንዲት ሴት ልጅ ቢያፈሩም፣ ከዚያ በኋላ ባለቤቱ በድጋሚ ለመውለድ አለመቻሏ በትዳራቸው ውስጥ መቃቃር ፈጥሮ ነበር።

​ተከሳሹ ነሐሴ 15 ቀን 2017 ዓ.ም ምሽት ላይ፣ ባለቤቱ በሰላም ተኝታ ባለችበት ወቅት አስቀድሞ ባዘጋጀው ስለታም ቆንጨራ በመጠቀም በተከታታይ በሰነዘረው ጥቃት ሕይወቷ እንዲያልፍ አድርጓል።

ድርጊቱን የፈጸመው በተለያዩ ተባራሪ ወሬዎች በመገፋፋትና በቅናት ስሜት እንደሆነ ለፖሊስ ቢያምንም፣ በሟች ላይ የቀረበው የክህደት ክስ ግን በማስረጃ አልተደገፈም።

​የምስራቅ ሐረርጌ ዞን ከፍተኛ ፍርድ ቤት የካቲት 6 ቀን 2018 ዓ.ም በዋለው ችሎት፣ ድርጊቱ እጅግ አሰቃቂና ነውረኛ መሆኑን ገልጾ፣ በሁለት የቅጣት ማቅለያዎች ግለሰቡ በ20 ዓመት ፅኑ እስራት እንዲቀጣ መወሰኑን የምስራቅ ሐረርጌ ዞን ፖሊስ ዋና መምሪያ ገልፇል።

በምስራቅ ሐረርጌ ያለ ሙያ ፈቃድ ግርዛት ሲያከናውን የነበረው ግለሰብ በአራት አመት እስራት ተቀጣ

​በምስራቅ ሐረርጌ ዞን ቀርሣ ከተማ፣ የሰዎችን ሕይወት አደጋ ላይ የሚጥል አደገኛ የሕክምና ማጭበርበር ሲፈጽም የነበረ ግለሰብ በቁጥጥር ስር ውሎ የ4 ዓመት ጽኑ እስራት ተፈረደበት።

ድርጊቱ እንዴት ተደረሰበት?

ተከሳሹ አሕመድ አሚን የተባለ ግለሰብ፣ በሶዱ ቀበሌ ውስጥ "ክሊኒክ" በሚል ስያሜ የግል ተቋም ከፍቶ ሲሰራ ቆይቷል። ህዳር 3 ቀን 2018 ዓ.ም የቀርሣ ከተማ ጤና ጽሕፈት ቤት እና የፖሊስ ግብረ-ኃይል ባደረጉት የተቀናጀ ድንገተኛ ፍተሻ፣ ግለሰቡ፦
👉​ምንም ዓይነት የሕክምና የትምህርት ማስረጃ የሌለው፤

👉​የሙያ ብቃት ማረጋገጫ (Licence) የሌለው፤

👉​ተቋሙን ለማንቀሳቀስ የሚያስችል ፈቃድ ሳይኖረው ለረጅም ጊዜ አገልግሎት ሲሰጥ መቆየቱ ተረጋግጧል።

​⚠️ የከፋው አደጋ፦
ተከሳሹ በተቋሙ ውስጥ ቀላል የሚባሉ ሕክምናዎችን ብቻ ሳይሆን፣ እንደ "ግርዛት" ያሉ ከፍተኛ ጥንቃቄና የጸዳ የቀዶ ጥገና መሣሪያዎችን የሚሹ ተግባራትን ሲያከናውን መቆየቱ ፖሊስን አስደንግጧል።

እንዲህ ዓይነት ባልሰለጠነ እጅ የሚደረጉ የቀዶ ጥገና ሙከራዎች ለከፍተኛ ደም መፍሰስ፣ ለኢንፌክሽን (እንደ HIV እና ሄፓታይተስ ላሉ) አልፎ ተርፎም ለሕይወት ማለፍ ምክንያት ሊሆኑ እንደሚችሉ የጤና ባለሙያዎች ያስጠነቅቃሉ።

​⚖️ የፍርድ ቤት ውሳኔ፦
የቀርሣ ወረዳ ፍርድ ቤት የካቲት 10 ቀን 2018 ዓ.ም በዋለው ችሎት፣ ግለሰቡ በፈጸመው አደገኛ የሕክምና ማጭበርበር ጥፋተኛ ሆኖ በመገኘቱ በ4 ዓመት ጽኑ እስራት እና በ20 ሺህ ብር መቀጮ እንዲቀጣ ወስኖበታል።

​🌍 ዓለም አቀፍ ተመሳሳይ ክስተቶች
​ይህ የ"ሐሰተኛ ሐኪሞች" ችግር በኢትዮጵያ ብቻ ሳይሆን በሌሎች ታዳጊ ሀገራትም አሳሳቢ እየሆነ መጥቷል።

​በናይጄሪያ (ሌጎስ)፦ በቅርቡ ራሱን "ዶክተር" ብሎ በመጥራት ለ6 ዓመታት በግል ሆስፒታሎች ውስጥ ቀዶ ጥገና ሲያደርግ የነበረ ግለሰብ ተይዟል። ግለሰቡ የሌላ እውነተኛ ሐኪም የፈቃድ ቁጥር በመጠቀም (Identity Theft) ሲጠቀም እንደነበር ተደርሶበታል።

​በኬንያ (ናይሮቢ)፦ "ዶክተር ሙጋንዛ" የተባለ ግለሰብ ያለ ሕክምና ትምህርት ለዓመታት ትላልቅ ሆስፒታሎችን ሲያታልል ቆይቶ በቁጥጥር ስር መዋሉ ይታወሳል።

​እነዚህ ክስተቶች የሚያሳዩት፣ አጭበርባሪዎች የጤናው ዘርፍ ያለውን ክፍተት በመጠቀም በሰዎች ሕይወት ላይ ቁማር እየተጫወቱ መሆኑን ነው።

​💡 ለህብረተሰቡ የተላለፈ መልዕክት

​ባለሙያዎች እንደሚመክሩት፣ ማንኛውም ታካሚ ወደ ሕክምና ተቋም ሲሄድ የሚከተሉትን ነጥቦች ማረጋገጥ አለበት፦
​የተቋሙ የሥራ ፈቃድ በግልጽ በሚታይ ቦታ መለጠፉን።

​የባለሙያው የሙያ ፈቃድ መኖሩን።

​ያልተገቡ የገንዘብ ጥያቄዎችና ንጽሕናው የተጓደለ የሕክምና አካባቢ ካጋጠመ በፍጥነት ለጤና ቢሮ ጥቆማ መስጠት።

​"ጤናዎ በገንዘብ አይተመንም፤ ሕይወትዎን ለማያውቁት አጭበርባሪ አሳልፈው አይስጡ!"

ተከዳው በማለት በምስራቅ ሐረርጌ መንታ ልጆቿ የገደለችው ኡርጂ መሐመድ በ23 ዓመት እስራት ተቀጣች

​"ባደረገችው ነገር አልተቆጨችም፤ ይልቁንም 'አባት የሌላቸውን ልጆች ማሳደግ ከባድ ስለሆነ ነው የገደልኳቸው' ስትል ለፖሊስ ቃሏን ሰጥታለች።"

በምስራቅ ሐረርጌ ዞን ​በማያ ከተማ አስተዳደር አወዳይ ክፍለ ከተማ ጫልቱ ቀበሌ ውስጥ የተፈጸመው ይሄው አሰቃቂ ድርጊት፣ መላውን ነዋሪ አስደንግጧል። ጉዳዩ እንዲህ ነው፦

​የክህደቱ መጀመሪያ፦ ወጣት ኡርጂ በፍቅር ግንኙነት ውስጥ እያለች መንታ ልጆችን ትጸንሳለች። ይሁን እንጂ አባትየው እርግዝናውን እንደሰማ ጥሏት ይሰወራል።

​አሰቃቂው እርምጃ፦ ሰኔ 10 ቀን 2018 ዓ.ም ወንድና ሴት መንታ ልጆችን በሰላም ብትገላገልም፣ ከቤት እንደገባች ግን በጭካኔ አፍና በመግደል በጓሮዋ ቀብራቸዋለች።

​ሚስጥሩን ያጋለጠው ድንጋይ፦ ድርጊቱን የጠረጠረው ታናሽ ወንድሟ፣ በጓሮ የተቆለለ አፈርና በላዩ ላይ የተቀመጡ ሁለት ትላልቅ ድንጋዮችን ተመልክቶ ለሀገር ሽማግሌዎች ጥቆማ ይሰጣል።

​የህግ ውሳኔ፦ ፖሊስ ባደረገው ምርመራ አስከሬኖቹ የወጡ ሲሆን፣ የማያ ከተማ ከፍተኛ ፍርድ ቤትም በፈጸመችው ከባድ የሰው መግደል ወንጀል የ23 ዓመት ፅኑ እስራት በይኖባታል።

አዋሽ ባንክ ለላቀ የደንበኞች እርካታ እንተጋለን” በሚል መሪ ቃል የደንበኞች ሳምንት መርሃ-ግብር አስጀመረ
#ethiopia | አዋሽ ባንክ ከደንበኞቹ ጋር ያለውን ግንኙነት ወደ ላቀ ደረጃ ለማሸጋገርና ለማጎልበት ለላቀ የደንበኞች እርካታ እንተጋለን” በሚል መሪ ቃል በዋናው መስሪያ ቤት አሰልጣኝ ጀምሯል።

ባንኩ በሁሉም ቅርንጫፎች ለአንድ ሳምንት የሚቆይ የደንበኞች ሳምንት መርሃ-ግብር ዛሬ የካቲት 02 ቀን 2018 ዓ.ም በዋናው መስሪያ ቤት አስጀምሯል።

የአዋሽ ባንክ ዋና ስራ አስፈጻሚ አቶ ፀሀይ ሽፈራው በመርሃ-ግበሩ ማስጀመሪያ ስነ-ሥርዓት ላይ እንደገለጹት ባንኩ ከምስረታው ጊዜ ጀምሮ የደንበኞቹን ፍላጐት ለማርካት ደንበኞችን ማዕከል ያደረጉ ደንበኛ-ተኮር አገልግሎቶችን እያቀረበ ሰላሳ አንድ ዓመታትን በስኬት መጓዙን ተናግረዋል።

አዋሽ ባንክ ደንበኞቹ ያለብዙ ውጣ ውረድና ልፋት በአቅራቢያቸው እና በሚያመቻቸው የአገልግሎት መስጫ ማዕከላት የባንክ አገልግሎት እንዲያገኙ እያደረገ ይገኛል ብለዋል።

በቅርንጫፎች ስርጭት ረገድ በትኩረት እየሰራ መሆኑን ተናግረው በአሁኑ ወቅት የባንኩ የቅርንጫፎች ብዛት ከ1000 በላይ መድረሱንም ተናግረዋል፡፡

ከዚሀም ጋር በተያያዘ በቅርቡ በምስራቅ ሐረርጌ ዞን በኤጀርሰ ጎሮ ከተማ ለባንኩ ታሪካዊ የሆነውን አንድ ሺህ (1000ኛ) ቅርንጫፉን በታላቅ ድምቀት ማስመረቁንም አቶ ጸሐይ አክለው ተናግረዋል፡፡

አዋሽ ባንክ ደንበኞች በሳምንት ሰባቱንም ቀናት የ24 ሰዓት የተሟላ የባንክ አገልግሎት የሚያገኙበት ዲጂታል ቅርንጫፎችን በተለያዩ ትላልቅ የሀገራችን ከተሞች ከፍቶ አገልግሎት በመስጠት ላይ ይገኛል ብለዋለ።

በተጨማሪም ባንኩ ደረጃቸውን በጠበቁ ዘመናዊ ኤቲኤሞች፣ ፖስ ማሽኖች፣ አዋሽ ብር ፕሮ የሞባይል መተግበሪያ፣ የኤጀንሲ/ወኪል ባንኪንግ እና ኢንተርኔት ባንኪንግ በመታገዝ ቀልጣፋ እና ሁሉን ያማከለ አገልግሎት በመስጠት ላይ ይገኛል።

ከዚሁ ጋር በተያያዘ ባንኩ በዲጂታል ባንኪንግ አገልግሎት ዘርፍ ሰፊ ስራ እየሰራ ሲሆን፣ በባንኩ የዲጂታል ክፍያ ስርዓት ባለፉት 6 ወራት የተከናወነዉ የክፍያ መጠን አንድ ትሪሊየን ብር መድረሱን ስራ አስፈፃሚው ተናግረዋል።
#getutemesgen #getu #ጌጡ

ለነፍሳት የኖሩ ለፍትሕ የቆሰሉ፦ የብፁዕ አቡነ ዕንባቆም ልብ ሰባሪ ታሪክ

​በኢትዮጵያ ኦርቶዶክስ ተዋሕዶ ቤተ ክርስቲያን ሰፊው አጥር ውስጥ፣ የብዙዎችን ልብ በቅንነትና በፅናት የነኩ፣ ነገር ግን በሕይወታቸው መራራ የፈተናና የብቸኝነትን ጽዋ የጠጡ አባት ነበሩ – ብፁዕ አቡነ ዕንባቆም፡፡ የእርሳቸው ታሪክ የብርሃንና የጥላ፣ የትጋትና የመከራ፣ የድልና የመሰበር ውህደት ሆኖ፣ የብዙዎችን ልብ በሀዘን ያጠምቃል፡፡

​፩. የትውልድ ቤት ርቀት እና የትምህርት ጥማት መባባስ

​የብፁዕነታቸው ሕይወት የሚጀምረው በደብረ ብርሃን አውራጃ፣ በእነዋሪ ወረዳ፣ ልዩ ስሙ ከያዱር ከሚባለው ቀበሌ ነው፡፡ ከአባታቸው ከአቶ ባሳዝነው ወንድም አገኘሁና ከእናታቸው ከወ/ሮ አስካለ ማርያም ማናየ የተወለዱት ጸባቴ ተክለ ሐዋርያት ባሳዝነው ገና በሕፃንነታቸው የሕይወትን መራራነት ቀምሰዋል። የዘመኑን ችግር፣ የቤተሰብን ድህነት፣ እና የመንፈሳዊ ጥማትን ግለት ተሸክመው ነበር ያደጉት። ለትምህርት ደረሱ ሲባል፣ እንደሌሎች እኩዮቻቸው በገበታ ዙሪያ ከቤተሰብ ጋር የመቆየት ዕድል አልነበራቸውም፡፡ ወደ ደብረ ብሥራት ዜና ማርቆስ ገዳም በሕፃንነት ተሰደዱ። ፊደል ሲቆጥሩ የሕፃንነት ፈገግታቸው ከቤተሰብ ርቆ፣ በመነኮሳት ጸሎት መካከል ተቀበረ።

​የእውቀት ጥማታቸው በሕፃንነታቸው የጠጡት መራራ የብቸኝነት ጽዋ እየመራቸው፣ ከገዳም ወደ ገዳም እንዲንከራተቱ አደረጋቸው፡፡ ከሰቃ መድኃኔ ዓለም ገዳም ቅኔና ትርጓሜን ከመምህር ዘካርያስ ኃይለ ማርያም (ብፁዕ አቡነ ቀውስጦስ) ዘንድ ተማሩ። ከዚያም፣ መንፈሳዊ ዕውቀታቸውን ለማዳበርና ለማካበት በሚል ልባዊ ፍላጎት፣ የትውልድ ቦታቸውን ጥለው ወደ ታላቁ ደብረ ሊባኖስ ገዳም ተጓዙ።

​፪. የእውቀት ስደት፣ ብቸኝነት እና የገዳማዊ ሕይወት አስቸጋሪ ጎዳና

​በደብረ ሊባኖስ ተምረው አልጨረሱም፡፡ ውስጣቸው ያለው የእውቀት ጥማት “እስካሁን ያገኘሁት በቂ አይደለም” እያለ ሲያስጨንቃቸው፣ የብቸኝነትንና የድህነትን ሸክም ተሸክመው፣ በእግራቸው ተጉዘው ጎጃም ደንበጫ፣ ከዚያም በጌምድር ደራና ፎገራ ድረስ ደርሰዋል። በብርድና በረኃብ ተፈትነው፣ የእውቀት ስደተኛ ሆነው፣ ቅኔንና ድጓን ከተለያዩ አበው ተማሩ። የእያንዳንዱ ቀን ጉዞአቸው፣ እያንዳንዱ የምግብ ፍለጋቸው፣ እና እያንዳንዱ የሌሊት ብርዳቸው፣ ለቤተ ክርስቲያን አገልግሎት የሚከፈል መሥዋዕትነት ነበር።

​በገዳማዊ ሕይወት ውስጥ ብዙ ፈተናዎችን አሳለፉ። በአርድእትነት ለአንድ ዓመት፣ በጫጋል አማኑኤል በቅዳሴ ለአንድ ዓመት፣ በሌሎችም የገዳም አገልግሎቶች ላይ ተመድበው ብዙ መከራን በትዕግሥት አልፈዋል። ብዙ ጊዜ ምናልባትም በገዳሙ የውስጥ ሽኩቻዎችና የእርስ በርስ መናናቆች ውስጥ ሳይገቡ አልቀሩም። ትምህርታቸውን ሲጨርሱም፣ ገዳማዊ ሕይወት ለመኖር ወስነው የብቸኝነትን፣ የፆምንና የጸሎትን መንገድ ተያያዙ፡፡

​የመዐርገ ምንኵስና፣ ቅስና እና ቁምስና ሽግግሮቻቸው ሁሉ ከልብ የመነጨ ለፈጣሪ የመገዛት መገለጫዎች ነበሩ። ከብፁዕ አቡነ ሳዊሮስ የቅስናን፣ ከብፁዕ አቡነ ዮሴፍ ደግሞ የቁምስናን ማዕረግ ሲቀበሉ፣ በነዚህ ማዕረጎች የተሸከሙት ክብደት ብቻ ሳይሆን፣ ወደፊት የሚመጣባቸው ከባድ ኃላፊነት ጭምር ነበር።

​፫. የፀባቴነት ኃላፊነት እና የብቸኝነት ትግል

​ሰኔ ፲ ቀን ፲፱፻፺፬ ዓ.ም፣ በብፁዕ ወቅዱስ አቡነ ጳውሎስ ፈቃድ፣ ለታላቁ ደብረ ሊባኖስ ገዳም አስተዳዳሪ (ፀባቴ) ሆነው ተሾሙ። ይህ ሹመት የረጅም ዓመታት መንፈሳዊ ትጋታቸውና የትምህርት ጥረታቸው ፍሬ ቢመስልም፣ በተግባር ግን አዲስ የብቸኝነትና የትግል ምዕራፍ ጀመረ። በገዳሙ ውስጥ ብዙ የልማት ሥራዎችን ቢያስፋፉም፣ የፀባቴነት ኃላፊነት በተፈጥሮው ብዙ ግፊቶችና ሽኩቻዎች ያሉበት ነበር። ብዙ ሰዎች ምናልባትም ጀርባቸውን ሰጥተዋቸዋል፣ ጠላቶች አፍርተዋል፣ እና ብቸኝነታቸው ጨምሯል።

​፬. የጳጳስነት ማዕረግ እና የፍትሕ ዋጋ

​ሐምሌ ፱ ቀን ፲፱፻፺፯ ዓ.ም በጳጳሳት ምርጫ የድምፅ ብልጫ አግኝተው የደቡብ ኦሞ ሀገረ ስብከት ጳጳስ ሆኑ። ይህ ሹመት ለአንድ አዲስ ተመራቂ ጳጳስ ትልቅ ክብር ቢሆንም፣ የደቡብ ኦሞ ሀገረ ስብከት ገና በማደግ ላይ የነበረና ብዙ መሠረታዊ ችግሮች ያለበት ነበር። የበርካታ ነፍሳትን የሥላሴ ልጅነት ለማስገኘት ባደረጉት አስተዋጽኦ ብዙ መልካም ነገር ቢሠሩም፣ ይህ ክብር ግን ብዙም አልዘለቀም።

​ከዚያም የድሬዳዋና ምዕራብ ሐረርጌ ሊቀ ጳጳስ ሆኑ፡፡ በዚህ ወቅት ነበር የሕይወታቸውን እጅግ መራራ ፈተና የገጠማቸው፡፡ የሳባ ደብረ ኃይል ቅዱስ ገብርኤል ቤተ ክርስቲያን ግንባታ ላይ ከስምንት ሚልዮን ብር በላይ የምእመናን ገንዘብ መመዝበሩን የገለጸው የኦዲት ሪፖርት ሲወጣ፣ ብፁዕነታቸው ለፍትሕ ቆሙ፡፡ በወቅቱ ከነበሩት ከብፁዕ ወቅዱስ ፓትርያርክ አቡነ ጳውሎስ ጋር ቀጥተኛ ቅራኔ ውስጥ ገቡ፡፡

የአጥቢያ አብያተ ክርስቲያናት አገልጋዮችና ምእመናን ከጎናቸው ቢቆሙም፣ ብፁዕነታቸው ከፓትርያርኩ ጋር መፋጠጣቸው ትልቅ ዋጋ አስከፍሏቸዋል። የገዳሙ አለቃ ያለዕውቅናቸው ተነሥቶ ያለሥራ እንዲንገላታ ተደረገ፡፡ ምንም እንኳን ፓትርያርኩ በኋላ ይቅርታ ቢጠይቁም፣ ይህ ክስተት በብፁዕነታቸው ላይ የፈጠረው የአእምሮ ጫና ቀላል አልነበረም። የፍትሕ ጥሪያቸው በቤተ ክህነት ውስጥ ባለው የሥልጣን ተዋረድ ውስጥ ተመታ፡፡

ይህ ብቸኝነት ውስጥ የሚከት፣ ከባድ የሥነ ልቦና መቁሰል ነበር፡፡

​፭. የኢየሩሳሌም ስደት እና የመጨረሻው ትግል

​ከድሬዳዋ ወደ ኢየሩሳሌም የኢትዮጵያ ገዳማት ሊቀ ጳጳስ ሆነው ተመደቡ። ይህ የሥራ ምደባ ሽልማት ሳይሆን፣ ከቀደመው ውዝግብ ለመውጣት የተደረገ “የስደት ምደባ” እንደሆነ ብዙዎች ይገምታሉ። በቅድስት ሀገር ኢየሩሳሌም የአባቶችንና የእናቶችን እንባ በማበስ፣ ወጣቶችን በመርዳትና የገዳማትን ይዞታ በመጠበቅ ትልቅ ሥራ ቢሠሩም፣ ውስጣቸው ያለው ቁስል ግን አልደረቀም።
​በመጨረሻዎቹ የአገልግሎት ጊዜያቸው በኢትዮጵያ ኦርቶዶክስ ተዋሕዶ ቤተ ክርስቲያን የገዳማት መምሪያ የበላይ ኃላፊ ሊቀ ጳጳስ በመሆን አገልግለዋል። ይሁን እንጂ፣ ይህ ዘመን "በሕመምና በተለያዩ ጉዳዮች ታጥሮ የነበረ" እንደነበር ብፁዕ አቡነ ሄኖክ በመልዕክታቸው ተናግረዋል። የብፁዕነታቸው ሕመም፣ የአእምሮ ጭንቀት፣ እና የቀደሙት ውዝግቦች ትዝታዎች ሕይወታቸውን እጅግ አስቸጋሪ አድርገውት ነበር። ምናልባትም በዚህ ወቅት ነበር ብቸኝነታቸው እጅግ የባሰበት።

​፮. የዕረፍት ዜና እና የብዙዎች ዕንባ

​ጥር 18 ቀን 2018 ዓ.ም፣ የቤተ ክርስቲያን ደወሎች በሚያሳዝን ቃና ጮኹ። ብፁዕ አቡነ ዕንባቆም ከዚህ ዓለም ድካም አረፉ የሚለው ዜና እንደ መብረቅ በረታ። የረጅም ዓመታት መንፈሳዊ ጉዞ፣ የእውቀት ጥማት፣ የአስተዳደር ትግል፣ እና ከሁሉም በላይ የፍትሕ መጓደልን ለመታገል የከፈሉት ዋጋ፣ በሞት ተደመደመ። ብፁዕ አቡነ ሄኖክ በመልዕክታቸው "ሞት እንደዚህ መራራ ነውን?" ብለው ያነሷት ጥያቄ፣ የብዙዎችን ልብ በሀዘን አጥልቃለች።

​የብፁዕነታቸው የመጨረሻዎቹ የአገልግሎት ጊዜያት በሕመምና በጭንቀት ታጥሮ ማለፉ፣ በክርስቶስ ኢየሱስ ዕቅፍ ከዚህ ዓለም ድካም ቢያርፉም፣ ለቀሩት ምዕመናን ጥልቅ ሀዘን ትቶ አልፏል። ሥርዓተ ቀብራቸው ጥር 19 ቀን 2018 ዓ.ም በተማሩበት፣ በመነኮሱበትና ለረጅም ዓመታት ባገለገሉበት በታላቁ ደብረ ሊባኖስ ገዳም ይፈጸማል። ይህ የብቸኝነትና የትግል ጉዞ ማብቂያ ነው።

በኢትዮጵያ 334 ተፈጥሯዊ ዋሻዎችን በጥናት የለየው ብቸኛው የዋሻ ተመራማሪ - ናስር አሕመድ
#ethiopia | ​በኢትዮጵያ የመጀመሪያው፣ በአፍሪካ ደግሞ ሁለተኛው የዋሻ ተመራማሪ (Speleologist) የሆነው ኢትዮጵያዊው ናስር አሕመድ፤ እስካሁን ባደረገው ከፍተኛ ተጋድሎ የሚጠይቅ የምርምር ሥራ 334 ተፈጥሯዊ ዋሻዎችን በጥናት መለየቱን ገለጸ።

​ተመራማሪው በዘርፉ ላበረከተው አስተዋጽኦ አህጉሪቱን ወክሎ በጀርመን ሀገር ዕውቅና እና ሽልማት ተሰጥቶታል።

​ትምህርት እና ወደ ሀገር ቤት መመለስ
ተወልዶ ያደገው በምስራቅ ሐረርጌ ዞን ኮምቦልቻ ወረዳ የሆነው ናስር፤ የዋሻ ምርምር ትምህርቱን በፈረንሳይ፣ በጣሊያን እና በጀርመን ሀገራት ተከታትሏል።

በውጭ ዓለም የመኖር እና የመስራት ሰፊ ዕድል ቢኖረውም፤ "ሀገሬ በዚህ ሙያ እኔን ብቻ ስላላት፣ እንደ እኔ ያሉ በሺዎች የሚቆጠሩ ወጣቶችን ማፍራት አለብኝ" በሚል ወደ ሀገር ቤት ተመልሶ በኦሮሚያ ባሕልና ቱሪዝም ቢሮ በምርምር ሥራ ላይ ተሰማርቶ ይገኛል።

​የምርምር ውጤቶች እና ግኝቶች

ናስር እስካሁን ባደረገው ጥናት፡-
​334 ተፈጥሯዊ ዋሻዎችን መለየት የቻለ ሲሆን፣ በ200ዎቹ ላይ "Caves in Oromia" የተሰኘ መጽሐፍ አሳትሟል።

​ከጥንታዊው የኦሮሞ ሥልጣኔ ጋር የተያያዙ 133 የድንጋይ ላይ ጽሑፎችንና ስዕሎችን በዋሻዎች ውስጥ አግኝቷል።

​በዓለም አቀፍ ደረጃ የሚታወቀውን የሶፍ ዑመር ዋሻ አስመልክቶ ባለ 350 ገጽ መጽሐፍ አዘጋጅቶ ለምረቃ አድርሷል።

​በሐረርጌ የሚገኘው እና በስሙ የተሰየመው "ናሲኦል" ዋሻ፤ በሚሊዮን የሚቆጠሩ ዓመታት ዕድሜ እንዳለው በታይዋን ዩኒቨርሲቲ ላቦራቶሪ ተረጋግጧል።

​የሙያው አደገኛነት

የዋሻ ምርምር ከፍተኛ የአካል ብቃት እና ድፍረት የሚጠይቅ ሙያ ነው። ናስር እንዳብራራው፣ ወደ ዋሻዎች ለመግባት ከ60 እስከ 100 ሜትር ጥልቀት ያላቸውን ገደሎች በገመድ መውረድ የግድ ይላል።

በሂደቱ የኦክስጅን እጥረት፣ የድንጋይ መደርመስ እና እንደ ዘንዶ ያሉ አደገኛ አራዊት ማጋጠማቸው የተለመደ ነው።

በዓለም አቀፍ ደረጃ በዘርፉ ከተሰማሩ ተመራማሪዎች መካከል 25 በመቶ የሚሆኑት ለሕይወት መጥፋት እንደሚጋለጡም ተመራማሪው ጠቁሟል።

​የወደፊት ተስፋ እና ጥሪ

ዋሻዎች የሀገርን የጥንት የአየር ንብረት ሁኔታ ለማጥናት እና ለግብርና ምርምር ጠቃሚ መረጃዎችን የያዙ ናቸው።

በአሁኑ ወቅት የሶፍ ዑመር ዋሻ በዩኔስኮ (UNESCO) የዓለም ቅርስነት እንዲመዘገብ አስፈላጊው የጥናት ሰነድ በናስር እና በቡድኑ እየተዘጋጀ ይገኛል።

​ተመራማሪው መንግሥት ለዘርፉ ትኩረት በመስጠት የዋሻ ምርምር ተቋም እንዲያቋቁም እና ተተኪ ወጣቶችን ለማፍራት እንዲሰራ ጥሪ አቅርቧል።

"የሀገር ሀብትና ዕድገት በዋሻ ውስጥ ተደብቆ ይገኛል፤ ይህንን ሀብት ተንክባክቦ ለትውልድ ማስተላለፍ የሁላችንም ኃላፊነት ነው" ሲል መልዕክቱን አስተላልፏል።

Getu Temesgen - (ጌጡ ተመስገን)

"ወቅቱን ያልጠበቀ ዝናብ ስለሚኖር የደረሱ ሰብሎችን በፍጥነት ሰብስቡ" - የሜቲዎሮሎጂ ኢንስቲትዩት
#ethiopia | በአንዳንድ የመኸር አብቃይ የሀገሪቱ ክፍሎች ወቅቱን ያልጠበቀ ዝናብ ሊኖር ስለሚችል፣ አርሶ አደሮች የደረሱ ሰብሎችን በአፋጣኝ እንዲሰበስቡ የኢትዮጵያ ሚቲዎሮሎጂ ኢንስቲትዩት አሳሰበ።

ኢንስቲትዩቱ እንደገለጸው እስከ ጥር ወር መጀመሪያ ቀናት ድረስ በአብዛኛዎቹ አካባቢዎች ደረቃማ አየር ቢጠበቅም፣ በታኅሣሥ መጨረሻና በጥር መጀመሪያ ቀናት ግን በተወሰኑ አካባቢዎች ላይ አነስተኛ መጠን ያለውና ወቅቱን ያልጠበቀ ዝናብ ሊኖር ይችላል።

ዝናብ ሊኖርባቸው የሚችሉ አካባቢዎች፦🔎

ኢንስቲትዩቱ ዝናቡ ሊኖርባቸው ይችላል ያላቸውና ጥንቃቄ የሚያስፈልጋቸው አካባቢዎች የሚከተሉት ናቸው፦

* አማራ ክልል፦ ሰሜንና ደቡብ ጎንደር፣ ሰሜንና ምስራቅ ጎጃም፣ ባሕር ዳር ዙሪያ፣ ሰሜንና ደቡብ ወሎ እንዲሁም ሰሜን ሸዋ።
* ትግራይ ክልል፦ ደቡብ ምስራቅና ደቡብ ትግራይ ዞኖች።
* ኦሮሚያ ክልል፦ ምስራቅ ወለጋ፣ ሆሮ ጉድሩ ወለጋ፣ ጅማ፣ ቡኖ በደሌ፣ አርሲና ምዕራብ አርሲ፣ ባሌ፣ ምዕራብ ሐረርጌ፣ ምዕራብና ደቡብ ምዕራብ ሸዋ።
* ደቡብ ምዕራብ ኢትዮጵያ፦ የክልሉ የተለያዩ
ዞኖች።

📌የተሰጠ ምክረ-ሀሳብ፦

⛈ ወቅቱን ያልጠበቀው ዝናብ በሰብል ምርት ጥራትና መጠን ላይ ጉዳት እንዳያደርስ፣ አርሶ አደሩ የሚኖሩትን ደረቃማ ቀናት በመጠቀም ምርቱን በፍጥነት ሰብስቦ ለጥንቃቄ ወደሚሆን ስፍራ እንዲያስገባ ኢንስቲትዩቱ አሳስቧል።

Getu Temesgen - (ጌጡ ተመስገን)
#ethiopia #weatheralert #agriculture #harvest2018 #meteorology #farmersadvice #climatewatch

በተወሰኑ የመኸር አብቃይ አካባቢዎች ወቅቱን ያልጠበቀ አነስተኛ መጠን ያለው ዝናብ ሊኖር ስለሚችል የደረሱ ሰብሎችን በወቅቱ መሰብሰብ እንደሚገባ የኢትዮጵያ ሚቲዎሮሎጂ ኢንስቲትዩት አስታወቀ።

ወቅቱን ያልጠበቀ ዝናብ የሚጠበቅባቸው አካባቢዎች ሰሜን እና ደቡብ ጎንደር፣ ሰሜንና ምስራቅ ጎጃም፣ ባሕር ዳር ዙሪያ፣ የሰሜንና የደቡብ ወሎ ዞኖች፣ የሰሜን ሸዋ ዞኖች፣ ደቡብ ምስራቅና የደቡብ ትግራይ ዞኖች መሆናቸው ተገልጿል።

በተጨማሪም ምስራቅ ወለጋ፣ ሆሮ ጉድሩ ወለጋ፣ ጅማ፣ ቡኖ በደሌ ዞኖች፣ አርሲ እና ምዕራብ አርሲ፣ ባሌ ዞኖች፣ ምዕራብ ሐረርጌ፣ ምዕራብና ደቡብ ምዕራብ ሸዋ ዞኖች እንዲሁም የደቡብ ምዕራብ ኢትዮጵያ ክልል ዞኖች ዝናቡ ሊኖርባቸው የሚችሉ አካባቢዎች መሆናቸው ኢንስቲትዩቱ ገልፇል።

የቅዱስ ገብርኤል በዓል እየተከበረ ነው
#ethiopia | የሊቀ መላእክት ቅዱስ ገብርኤል ዓመታዊ በዓል ብፁዓን አበው ሊቃነ ጳጳሳት በተገኙበት በቁልቢ ደብረ ኃይል ቅዱስ ገብርኤል ገዳም በድምቀት እየተከበረ ነው።

በክብረ በዓሉ ላይ ብፁዕ አቡነ ሳዊሮስ የጠቅላይ ቤተክህነት ዋና ሥራ አስኪያጅ፣ የደቡብ ምዕራብ ሸዋና የሸገር ከተማ አህጉረ ስብከት ሊቀ ጳጳስና ብፁዕ አቡነ ዲዮስቆሮስ የቅዱስ ሲኖዶስ ዋና ጸሐፊና የራያ ሀገረ ስብከት ሊቀ ጳጳስ ፣ ብፁዕ አቡነ ኒቆዲሞስ የምሥራቅ ሐረርጌ የምሥራቅ ወለጋ እና ሆሮ ጉዱሩ አህጉረ ስብከት ጳጳስ የቅዱስ ሲኖዶስ አባል ፣ ብፁዕ አቡነ መልከጼዴቅ የጉራጌ ሀገረ ስብከት ሊቀ ጳጳስ፣ብፁዕ አቡነ ዜና ማርቆስ የጉጂ፣የምዕራብ ጉጂ ቦረና ሊበን ዞኖችና የምዕራብ አርሲ አህጉረ ስብከት ሊቀ ጳጳስ፣ብፁዕ አቡነ ፊሊጶስ የደቡብ ኦሞ፣አሪ ዞኖች አህጉረ ስብከት ሊቀ ጳጳስና የቅድስት ሥላሴ መንፈሳዊ ዩኒቨርሲቲ ፕሬዝዳንት፣ብፁዕ አቡነ ኤልሳዕ የሱማሌ ሀገረ ስብከት ሊቀ ጳጳስ፣የጠቅላይ ቤተክህነት ፣ የተለያዩ ሀገረ ስብከት የመምሪያ ኃላፊዎች እና በርካታ የእምነቱ ተከታዮች በተገኙበት ከትናንት ዋዜማ ጀምሮ በተለያዩ መንፈሳዊ መርሐግብሮች እየተከበረ ይገኛል።

በየአመቱ ታህሳስ 19 ቀን የሚከበረው በዓል በመጽሐፍ ቅዱስ ላይ እንደተገለጸው አናንያ (ሲድራቅ) ፤ አዛርያ (ሚሣቅ) ፤ ሚሣኤል (አብድናጎ) የተባሉ ታዳጊዎች "የምናመልከው አምላካችን ከሚነደው ከእሳቱ እቶኑ ሊያድነን ይችላል" ያሉበት ዕለትና ቅዱስ ገብርኤል ከእሣት ያዳቸው ዕለት መታሰቢያ በዓል ነው።

የጉዞ ማስታወሻ
ወደ ቁልቢ ቅዱስ ገብርኤል

(ክፍል ሁለት - የድሬዳዋ አቀባበል)
#ethiopia | የሌሊቱን ጉዞ በግርማ ሞገስ ሲያደርግ ያደረው የኢትዮ-ጂቡቲ ባቡር መስመር ቁጥር 202፣ የምሥራቋን ፈርጥ ድሬዳዋን ከተማ ዛሬ ታህሳስ 18 ቀን 2018ዓ.ም ከጠዋቱ 1:00 ሲሆን ደረሰ።

ድሬዳዋን "የበረሃዋ ንግሥት" ይሏታል። ዛሬ ግን ከንግሥትነቷ በላይ "የፍቅር ከተማ" መሆኗን በተግባር አሳይታናለች። ባቡሩ ቆሞ እግራችንን መሬት ሲረግጥ የጠበቀን አቀባበል ከመንፈሳዊ ጉዞ በላይ የአንድነትና የኢትዮጵያዊነት ማሳያ ነበር።

ከባቡር ጣቢያው ጀምሮ በከተማዋ የተለያዩ አካባቢዎች የተዘጋጁት በርካታ መርሃ-ግብሮች እጅግ ደማቅ ነበሩ።

የከተማዋ ከንቲባ አቶ ከድር ጁሀር እና ሌሎች ከፍተኛ አመራሮች በተለያዩ ስፍራዎች ተገኝተው፣ እንግዶችን ያለ እረፍት ሲያስተናግዱና ሲቀበሉ መዋላቸው የድሬዳዋን እንግዳ ተቀባይነት ሌላ ከፍታ ላይ ሰቅሎታል። ይህ ተግባር የሃይማኖት ልዩነት ሳይገታን፣ በፍቅርና በሰላም አብሮ የመኖር ትልቅ ተምሳሌት ነው።

ከሰዓት በኋላ ጉዟችን የድሬዳዋን ሙቀት ትቶ ወደ ቀዝቃዛማውና ተራራማው የሐረርጌ ምድር አቀና።

አረንጓዴ የለበሱት የሐረርጌ ተራሮችና በየመንገዱ ወደ ቁልቢ ቅዱስ ገብርኤል የሚጓዙ በእግሩ የሚጓዘው ወጣት፣ አዛውንትና ህጻናት ማየት ጉልበት ይሆነናል። አሁን አቅጣጫችን በመንፈሳዊ ዝማሬ ታጅበን ወደ ደብረ ኃይል ቁልቢ ቅዱስ ገብርኤል ገዳም ሆነ።

ይቀጥላል...
(ጌትነት ተመስገን)

የጉዞ አጋራችን
🙏 የኢትዮ-ጂቡቲ ባቡር
🙏 የዮዳሄ ሀገር አቀፍ መንፈሳዊ የጉዞ ማህበርን ከልብ እናመሠግናለን።

አዳም ታደሰ

ተወዳጅ ሚድያ እና ኮምዩኒኬሽን ፣ መዝገበ-አእምሮ ( የአማርኛ ኢንሳይክሎፒዲያ ) ፕሮጀክቱ ለአገር የሠሩ ሰዎችን ታሪክ እየሰነደ እንደሆነ ይታወቃል። ይህ ታሪክ በዲጂታል ሚድያዎች ፣በመፅሀፍ፣በድምፅ ትረካና በሌሎችም መንገዶች እየቀረበ እንደሆነ ይታወቃል።በተለይ ጉግል ላይ ታሪካቸው ሲፈለግ የማይገኝ ሰዎች አሁን የሙያ አበርክቷቸው በቀላሉ ኢንተርኔት ላይ በግልፅ ተቀምጦ ይገኛልደ ባለፉት 4 ዓመት ከ 5 ወር ጊዜ ውስጥ የ423 ሰዎችን የሕይወትና የሥራ ታሪክ ለመሰነድ የቻልን ሲሆን 600 ገፅ ባላቸው ሁለት የተለያዩ መፅሐፎች ላይም ታሪኮቹ ዘመን ተሻጋሪ ሆነው እንዲቀመጡ አድርገናል።

ከእነዚህ ውስጥ የሚድያ ሰዎችም ይገኙበታል። አጠቃላይ 74 ከፍተኛ የሚድያ አመራሮች፣ሚኒስትሮች ፣ሚኒስትር ዴኤታዎች፣ የግል ሚድያ መሥራቾች፣ዋና አዘጋጆች እና መካከለኛ አመራሮች ተካተዋል። 35 ያህሉ በዋና ሥራ አስፈጻሚ ደረጃ ያሉ ሲሆን የሁሉም ታሪክ በተሟላ ደረጃ ለመሰነድ ተችሏል። የእነዚህን አመራሮች እና የሚድያ ሰዎች ታሪክ ሰንዶ ለአንባቢ ተደራሽ ማድረግ ፈታኝ ቢሆንም አሳክተነዋል። በዚህ ተግባራችንም ተጠናክረን እንቀጥላለን።

በዚህ ፅሑፍ የሙያ ታሪኩ የሚሰነድለት ባለሙያ ጋዜጠኛ አዳም ታደሠ ነው። አዳም በሚድያ ሥራ 17 ዓመት ያገለገለ ሲሆን ከሪፖርተር እስከ ዳይሬክተር ደረጃ ማደግ የቻለ ነው። በፋና ሚድያ ኮርፖሬሽን እያገለገለ የሚገኘው አዳም በጤና እና በአለምአቀፍ ትንታኔ ሰጭነቱ በአድማጭ ተመልካቾች ከበሬታን አትርፏል። የመዝገበ አእምሮ ( የአማርኛ ኢንሳይክሎፒዲያ ) የኤዲቶሪያል አባላት በወሰኑት ውሳኔ መሠረት የአዳም ታደሠን የሙያ ታሪክ ለማቅረብ ችለናል። ባለ ታሪኩ አዳም የሰጠውን ማረጋገጫ እና ፈቃደኝነት በመያዝ የሕይወት ታሪኩን ቤርሳቤህ ጌቴ እንደሚከተለው አጠናክራዋለች።

ትውልድ ፣ ልጅነት ትምህርት

የዚህ ባለታሪክ ህይወት የሚጀምረው በታሪካዊቷና የብዙ ባህል መገናኛ በሆነችው የሐረር ከተማ ነው። አዳም ታደሰ ዳኛ ከነበሩት አባቱ አቶ ታደሰ ወንድምአገኘሁ እና ከእናቱ ወይዘሮ የኔነሽ ተፈራ በመጋቢት 17 1970 ዓ.ም ሐረር ላይ ተወለደ። በቤተሰቡ ውስጥ ከታላቅ እህቱ የኋላሸት ታደሰ ጋር ያደገ ሲሆን፣ የልጅነት ጊዜው በሐረር፣ ፈዲስ፣ ዓለማያ፣ ጂጂጋና ድሬደዋ ልዩ ልዩ ትዝታዎች የታጀበ ነበር። ትምህርትን ገና በለጋ እድሜው የጀመረ ሲሆን፣ ቤታቸው እንደ ቤተ-መጻሕፍት (ላይብረሪ) መሆኑና አባቱም ለትምህርት ትልቅ ቦታ መስጠታቸው ለዕውቀት ፍቅር እንዲኖረው አድርጎታል። እንደ ዘመኑ የሐረር ሕጻን በቤተክርስቲያንም በመድረሳም አልፏል፡፡ የአንደኛ ደረጃ ትምህርቱን በፈዲስ አንደኛና መለስተኛ ሁለተኛ ደረጃ ትምህርት ቤት ተከታትሏል።

የሁለተኛ ደረጃ ትምህርት ከሐረር እስከ መራቤቴ

አዳም ሁለተኛ ደረጃ ትምህርቱን በጂግጂጋ ከፍተኛ ሁለተኛ ደረጃ ት/ቤትና በመርሐቤቴ አርበኞች ከፍተኛ ሁለተኛ ደረጃ ት/ቤቶች ተምሯል፡፡ ከሐረርጌ ወጥቶ የማያውቀው አዳም የ11ኛና 12ኛ ክፍል ትምህርቱን ለመከታተል ከተወለደበትና ከለመደው አካባቢ ለቅቆ ፈፅሞ ወደማያውቀው ቦታ መሄድ የስነልቦና ዝግጅት ለማድረግ ቀላል ባይሆንለትም መራቤቴ ለእርሱ ትምህርት ቤት ብቻ አልነበረችም፤ ማንነቱ የተቀየረባት ልዩ ስፍራ እንጂ።
በሐረር ከተማ ያደገው ወጣት መራቤቴ ሲደርስ ራሱን ለባህሉና ለሕዝቡ ሙሉ በሙሉ አሳልፎ ሰጠ። የአካባቢው ማህበረሰብ ጠንካራነት፣ እንግዳ ተቀባይነትና ትውፊታዊ የአኗኗር ዘይቤ የሐረር ማንነቱን ቀስ በቀስ እንዲረሳው አደረገው። በአነጋገር፣ በአመለካከትና በአቋም ሙሉ በሙሉ "መሬ" (የመራቤቴ ሰው) ሆኖ ወጣ። የሁለት ዓመት ቆይታው በእምነቱም ጠንካራ እንዲሆንና ጽናትን እንዲማር በምሥራቃዊ ማንነቱ ላይ ማእከላዊነትን እንዲደርብ አድርጎታል፡፡ ታሪኩ የተከሰተው ከ30 ዓመታት በፊት ቢሆንም፣ የመራቤቴ ፍቅር ግን ዛሬም በውስጡ አለ። አሁንም ድረስ በሕይወቱ "ምርጥ" የሚላቸውን ጓደኞቹን ያገኘው ከዚያው ከመራቤቴ ቆይታው እንደሆነ በፍቅር ይገልጻል።

ወደ ዩኒቨርስቲ

ወደ ዩኒቨርሲቲ ሲገባ በልጅነቱ ያልመው የነበረው ጋዜጠኛ ወይም መምህር መሆን ቢሆንም፣ የዩኒቨርሲቲ ምደባው ግን ያልጠበቀው ሆነ። በጎንደር የሕክምና ሳይንስ ኮሌጅ የሜዲካል ላቦራቶሪ ቴክኖሎጂ (Medical Laboratory Technology) ተማሪ ሆኖ ተመደበ። ምንም እንኳን የሕክምናው ዘርፍ የእርሱ የመጀመሪያ ምርጫ ባይሆንም፣ በጎንደር ዩኒቨርሲቲ በነበረው ቆይታ የሕክምና ሳይንስን ብቻ ሳይሆን፣ እንደነ ሊቀ ሊቃውንት መንክር ካሉ አራት ዐይና የቤተክርስቲያን ሊቃውንትም ዘንድ መንፈሳዊ እውቀትንም በመቅሰም ማንነቱን ይበልጥ አበለጸገ። በነባር ማንነቱ ላይ ሰሜናዊነትን ደርቦ ሌሎች ምርጥ የሕይወት ዘመን ጓደኞችንም አፍርቶ ከጎንደር ሕክምና ኮሌጅ ተመረቀ፡፡ አዳም ሐረር ወለደችኝ፣ መሬ አሳደገችኝ፣ ጎንደር ፈጸመችኝ ማለትን ያዘወትራል፡፡ ሶስቱም ስፍራዎች አሁን ያለኝን ማንነት ያተሙ የሕይወቴ አልፋና ኦሜጋ ናቸው ይላል፡፡

የጤና ባለሙያው አዳም

ሕይወት ከምረቃ በኋላ ለአዳም ፍጹም ያለጠበቀው ስፍራ አውሎታል፤ ወቅቱ የኢትዮ ኤርትራ (በተለምዶ የባድመው) ጦርነት የጀመረበት ወቅት ነበርና አዳም እንደ ጤና ባለሙያነቱ ወደ ጦር ግንባር ዘምቷል፡፡ በቡሬ ግንባር በአዋሽ አርባ ሜካናይዝድ ማሰልጠኛ ውስጥ አገልግሏል፡፡ ለሁለት ዓመታት ብቻ ብሎ መከላከያን የተቀላቀለው አዳም የሠራዊቱ ጀግንነት፣ የሐገር ፍቅር ስሜትና ዲሲፕሊን ገዝቶኝ እዚያው ቀረሁ ይላል፡፡ አዋሽ አርባ ለ5 ዓመታት ያህል፣ በኋላም አዲስ አበባ ማዕከላዊ እዝ 3 ዓመታት ያህል ለሠራዊቱ ህክምናን ሰጥቷል፡፡ በሕይወቱ ከፈጸማቸውም ከሚፈጽማቸውም ሥራዎቹ ሁሉ እጅግ ከፍተኛ ኩራት የሚሰማው መከላከያ ሠራዊትን ያገለገለበትን ግዜ ነው፡፡ የአፋሯ አዋሽ አርባ ሌሎች የሕይወት ዘመን ጓደኞቹንም ያፈራባት ከተማ ናት፡፡ ብዙ ቦታዎችን መርገጡን እንደ እድለኛነት የሚቆጥረው አዳም ከሁሉም ባህል ተቀላቅዬ የተሠራሁ ምርጥ ኢትዮጲያዊ ነኝ ይላል፡፡
የጥንት የጋዜጠኝነት ፍቅሩ በባድመው ጦርነት ግዜ ብቸኛ የመረጃ ምንጩ በነበረው ሬድዮ ፍቅር ተነሳስቶ ጦርነቱ አብቅቶ ሰላም ሲሰፍን ጋዜጠኝነትን እማራለሁ ብሎ እንዲወስን አድርጎታል፡፡ በተለይም ሬድዮ ፋናና የኢትዮጵያ ሬዲዮ ምርጥ የበረሃ ጓደኞቹ ነበሩ፡፡ አዳም በዚያው በመከላከያ ኮሌጅና በሌሎችም ዩኒቨርሲቲዎች የሕክምና ትምህርቱን እንዲቀጥል አድል ቢመቻችለትም፤ ከሕክምናውም ከውትድርናውም አሰናብቱኝ ብሎ ጓዙን ጠቅሎ እንደገና የዩኒቨርሲቲ ትምህርቱን ለመማር አዲስ አበባ ዩኒቨርሲቲ ገባ፡፡

ፋና የመግባት ህልም እና ከመከላከያ መውጣት

በመከላከያ ውስጥ በነበረው የሥራ ዲሲፕሊንና ብቃት ይወዱት የነበሩት አለቆቹ በሕክምናው እንዲቀጥል ቢለምኑትም እኔ ጋዜጠኛ ነው የምሆነው ትምህርቴን ስጨርስም ፋና እገባለሁ በማለት ተሰናተ፡፡ ቤተሰቡና ጓደኞቹም እንዴት ሕክምናን የመሰለ ሙያ ትተህ ትወጣለህ ቢሉትም፣ ንስሀ አባቱ ሳይቀሩ ይሄ የሰይጣን ፈተና ይሆናልና ጸበል ተጠመቅ ቢሉትም ጋዜጠኝነት የጠራችው አዳም ግን ሁሉን ይቅርታ ጠይቆ ስድስት ኪሎ ፖለቲካ ሳይንስንና ሊትሬቸርን መርጦ ለ5 ዓመታት ያህል ተምሮ በኢትዮጵያ ሚሊኒየም 2000ዓ.ም ዲግሪውን በከፍተኛ ማእረግ ጨርሶ ተመረቀ፡፡

የፋና ቆይታ እና የተማራቸው ተጨማሪ ትምህርቶችእንደ ነፍሴ ነው የምወደው የሚለውን ሬድዮ ጣቢያ ፋናንም በዓመቱ ጥር 2001ዓ.ም ላይ ተቀላቀለ፡፡ ፋናም የቀድሞ ሙያውን ሕክምናን፣ የአሁኑ ሙያውን ፖለቲካ ሳይንስን ታሳቢ በማድረግ የጤና ፕሮግራሞችና የአፍሪካ ፖለቲካ ፕሮግራሞችን እንዲያዘጋጅ መደበው፡፡ ከእነዚህ በተጨማሪም ሌሎች ፕሮግራሞችንም በትጋት ይሰራ ነበር፡፡ ፍኖተ ጤና፣ መድሀኒት፣ የአፍሪካ ማህደር፣ ዓለም በፋና እና ሌሎች ዝግጅቶችም ላይ በስፋት ሠርቷል፡፡ በተለይ ለዜና ልዩ ፍቅር ያለው አዳም 90 ደቂቃ በተሰኘው የፋና ልዩ መለያ በሆነው የዜና ፕሮግራም ላይ ከ12 ዓመታት በላይ እየሰራ ነው፡፡
ሰው መማር ካቆመ ይሞታል የሚል እምነት ያለው አዳም ከአዲስ አበባ ዩኒቨርሲቲ ሁለተኛ ዲግሪውን በዓለም አቀፍ ግንኙነትና ዲፕሎማሲ (International Relations and Diplomacy) ሲማር፣ የጤና ትምህርቱን እንዳይረሳውም ከጅማ ዩኒቨርሲቲ በጤና ተግባቦትና ባህርያዊ ሳይንስ (Health Education and Behavioral Science) በመጀመሪያ ዲግሪ (BSc) ተመርቋል፡፡

የሰው ልጅ ሥጋ ብቻ አይደለም ነፍስና መንፈስም ነው የሚለው አዳም ለመንፈሳዊ ሕይወቴ ይጠቅመኛል በማለትም ወደ ነገረ መለኮት ትምህርትም ጎራ ብሏል፡፡ ከቅድስት ሥላሴ መንፈሳዊ ዩኒቨርሲቲ በከፍተኛ ማእረግ የነገረ መለኮት (Theology) ትምህርቱን አጠናቋል፤ በዚህም ብቻ ያልረካው አዳም አሜሪካ አገር ከሚገኘው የአጎራ ዩኒቨርሲቲም (Agora University) በነገረ መለኮት/ነገረ ክርስቶስ (Christology) ሁለተኛ ዲግሪውን ሰርቷል፡፡ በቅርቡም በአገር ውስጥ ወይም በውጪ አገር የሶስተኛ ዲግሪውን (Phd) ለመማር እየተዘጋጀ ነው፡፡
በጤና ተግባቦትና የማይተላለፉ በሽታዎች ስርጭት ላይ (Health Communication and Non Communicable Diseases) ላይ ከሰራው የመጀመሪያ ዲግሪ መመረቂያ ጽሁፉ ጀምሮ፣ የውሀ ፖለቲካ (Hydro Politics of Ethiopian Rivers) ፣ መከራና ስደት በሃይማኖት ውስጥ (Suffering and Persecution in Christianity) እንዲሁም ፖለቲካና ነገረ መለኮትን ያዛመደበት (Political Theology in Christianity) የሰራቸው የጥናት ጽሁፎቹ ናቸው፡፡

90 ደቂቃና አዳም የሚነፋፈቁ ጓደኛሞች ናቸው፡፡ በበዙ ትምህርቶች፣ በልምድና በዘወትር ንባብ የዳበረው አዳም የሚያወራው የማያልቅበት የሚያውቀውን ለማስረዳት የማይቦዝን ጋዜጠኛ ነው፡፡ አዳም ታደሰ በፋና ውስጥ በቆየባቸው 17 ዓመታት ውስጥ ከሪፖርተርነት እስከ ዳይሬክተርነት ደርሷል፡፡ የሚዲያ አመራርነትን ሲገልፀው "በመንግስት ፍላጎት፣ በሕዝብ ጥያቄና በጋዜጠኝነት ነፃነት መካከል ሆኖ ሚዛን መጠበቅ መቻል ነው" ይላል፡፡

አዳም ታደሰ በሙያዊ ጉዞው ውስጥም በርካታ የጋዜጠኝነት፣ የፖለቲካ ኮሙኒኬሽንና የአመራር ጥበብ ስልጠናዎችን በሀገር ውስጥና በውጭ ሀገራት ወስዷል። ከጋዜጠኝነቱ እኩል የሚወደውን መምህርነት በፋና ሥልጠና ማእከል እየተገበረው ሲሆን በሌሎች ተቋማት ግብዣም በኮሚኒኬሽን፣ በሚዲያ፣ በጋዜጠኝነት በጤና፣ በፖለቲካ፣ በአመራርነት በርካታ ስልጠናዎችን እየሰጠ ነው፡፡

ወደ ትዳር ዓለም

"ትምህርት ለትዳር አዘግይቶኛል የሚለው አዳም ከባለቤቱ ከአበራሽ ጥበበ ጋር 12 ዓመታትን በትዳር አሳልፏል፡፡ የ11 ዓመት ሴት ልጅ አባት የሆነው አዳም ልጁ ሐረርን እንድታስታውሰው ድሮ በሚዘፍነው የአሊ ቢራ ዲንቡሼ ገላ ሙዚቃ የተነሳ ድንቡሼ ሲላት መርሐቤቴና ጎንደር ከሄደ በኋላ በሚዘምረው ትንሣኤከ ለእለ አመነ መዝሙር የተነሳ ትንሣኤ ብሏታል፡፡
በቀሪ ዘመኑ ሁሉ ከጋዜጠኝነት መውጣት የማይፈልገው አዳም ሁለት ህልሞች አሉት። የራሱን የሬድዮ ጣቢያ ማቋቋምና ማሠልጠኛ ማዕከል መክፈት፡፡ አዳም አንድ መርህ አለው "ክርስቶስ ዳግመኛ ሲመጣ ትምህርት ስማር እንዲያገኘኝ እፈልጋለሁ" ይላል፡፡

በምስራቅ ሐረርጌ ዞን ማምሻውን በደረሰ የትራፊክ አደጋ የዘጠኝ ሰዎች ህይወት አለፈ
#ethiopia | በምስራቅ ሀረርጌ ዞን ቀርሳ ወረዳ ማምሻውን በደረሰ የተሽከርካሪ መገልበጥ አደጋ የዘጠኝ ሰዎች ህይወት ማለፉን ፖሊስ አስታወቀ።

የምስራቅ ሀረርጌ ዞን ፖሊስ ዋና መምርያ የኮሙኒኬሽን ፅ/ቤት ኃላፊ ምክትል ኢንስፔክተር ካስዬ አበበ ለብስራት ሬዲዮ እንደገለጹት አመሻሽ ላይ በደረሰ የተሽከርካሪ አደጋ የተሽከርካሪው ረዳት ጨምሮ የሰባት ወንድ እና የሁለት ሴቶች በአጠቃላይ የዘጠኝ ሰዎች ህይወት አልፏል።

የሰሌዳ ቁጥር ኮድ 3- 06860 ድሬ የሆነ የጭነት ተሽከርካሪ ለግዜው በውል ያልታወቀ ተሳፋሪን አሳፍሮ ከቀርሳ ከተማ ወደ ማያ ከተማ ሲጓዝ ቀርሳ ወረዳ አዋ መራ ቀበሌ ሲደርስ ቀርሳ ድልድይ ውስጥ ገብቶ አደጋው መድረሱ ተገልጿል ።

ህይወታቸውን ካጡ ዘጠኝ ሰዎች በተጨማሪ በአራት ሰዎች ላይ ከባድ ፣በሶስት ሰዎች ላይ ደግሞ ቀላል አደጋ መድረሱን ገልፀዋል።

የአደጋው መንስኤ እየተጣራ ቢሆንም አሽከርካሪው ተሳፋሪን ከእቃ ጋር ከመጠን በላይ በመጫን የተከሰተ ሳይሆን እንዳልቀረ ምክትል ኢንስፔክተር ካስዬ አበበ ጨምረው ገልፀዋል ። አሽከርካሪው ከአደጋው ቦታ ተሰውሮ ያመለጠ ሲሆን ፖሊስም በክትትል ላይ እንደሚገኝ ገልፀዋል። #dagu

የፋናው ፍስሐ ጌትነት እና ባልደረቦቹ ሊደነቁ ይገባል

ከዕዝራ እጅጉ( ተወዳጅ ሚድያ)
#ethiopia | ትናንት ምሽት ላይ ፋና ላይ ባየሁት የናሲዖል ዋሻ ዶክመንተሪ ተደንቄ ነበር። ተፈጥሮ ምን ያህል ረቂቅ፣ እግዚአብሔርም ድንቅ መሆኑን ያስተዋልኩበት ነው። የፋና የዘጋቢ ፊልም ቡድንም ደረጃውን በጠበቀ መልኩ ለዕይታ አቅርቦልናል። ይህን ዋሻ ያገኘው ብቸኛው የዋሻ ተመራማሪ ናስር አህመድ ሊጨበጨብለት ይገባል። በእርግጠኝነት የቱሪዝም ሚኒስትር በናሲዖል ዋሻ ላይ ተጨማሪ ጉብኝት እንደሚመራ አልጠራጠርም። ቁርጠኛዋ ሚኒስትር ሰላማዊት ካሣ ይህን ሀሣብ ይዘው ናሲዖልን የቱሪዝም መዳረሻ ወይም የሚጎበኝ ሥፍራ እንደሚያደርጉት ዕምነት አለኝ። ይህን ዶክመንተሪ የሠራው ጋዜጠኛ ፍሰሐ ጌትነት አድናቆት ሊቸረው ይገባል። እርሱ ብቻ ሳይሆን መላ የቀረፃ ቡድን መመስገን አለበት።ዋጋ ከፍለው ነው የሠሩት።

ፍሰሐ ጋዜጠኝነትን የጀመረው በጎንደር ፋና ኤፍ ኤም 98.1 ነው፡፡ ከዚያም በቁምነገር መጽሔት እስከ ዋና አዘጋጅነት አገልግሎት ሰጥቷል።በአዲስ ሚዲያ ኔትወርክ በስፖርት ጋዜጠኝነት፣ በዋልታ ቴሌቪዥን ከአዘጋጅ እስከ ክሬቲቭ ቡድን ዳይሬክተርነት እና አሁን ደግሞ በፋና ቴሌቪዥን የዶክመንተሪ ክፍል ረዳት ዋና አዘጋጅ በመሆን እየሠራ ይገኛል። ሥነ-ጽሁፍና ተፈጥሮን በእጅጉ ያደንቃል።

ወደ ናሲኦል ዋሻ

ለቀረጻ የተንቀሳቀሱት የፋና ቴሌቪዥን ቡድን አባላት ሦስት ነበሩ፡፡ ሾፌር ጀማል እንድሬ፣ የካሜራ ባለሙያችን መስፍን በሪሁን እና አዘጋጁ ፍሠሀ ጌትነት።

ፍሰሀ ስለ ዋሻው አስቀድሞ በሰበሰባቸው መረጃዎች የተለያዩ ፎቶዎችንና ጥቂት ተንቀሳቃሽ ምስሎችን በማየቱ ወደ ሥፍራው የመሄድ ጉጉቱ ከፍ ያለ ነበር፡፡ ናሲኦል ዋሻ ለመድረስ ከአዲስ አበባ ተነስተው ከ500 ኪሎ ሜትር በላይ በመኪና ተጉዘዋል። አቅጣጫው ወደ ሐረር መስመር ሲሆን ከቆቦ ከተማ በኋላ ወደ ቀኝ ታጥፈው በአስቸጋሪ የጠጠር መንገድ ተጉዘው ነው መልካ በሎ ወረዳ የደረሱት፡፡ መልካ በሎ የናሲኦል ዋሻ መገኛ ቦታ ነው፡፡

ፍሰሀ ለተወዳጅ ሚድያ በሰጠው ሀሣብ፦

"...የአካባቢው ነዋሪዎች ዋሻው በሚዲያዎች እንዲተዋወቅ በእጅጉ ይፈልጋሉ፡፡ በደረስንባቸው ትንንሽ ከተሞችና የገጠር መንደሮች በፍቅር እየተቀበሉ አስተናግደውናል፡፡ የዋሻው አናት ድረስ የሚወስደንን ጥርጊያ መንገድ በእጃቸውና ባገኙት መሣሪያ በማስተካከል ድካማችንን አቅልለውልናል፡፡ ዳስ ሠርተው ማደሪያ አዘጋጅተውልናል፡፡ " ሲል ፍሰሀ ለአካባቢው ነዋሪዎች ምስጋናውን ይቸራል።

ናሲኦል ዋሻ ዙሪያው በጫካ የተሸፈነ ከተራራ ስር የሚገኝ አስደናቂ ቦታ ነው፡፡ ይህን ዋሻ አስሶ ያገኘው በኢትዮጵያ ብቸኛው የዋሻ ተመራማሪ (ስፒሊዮሎጅስት) ናስር አህመድ ነው፡፡

ዋሻዎች ኃብትን፣ እውቀትንና ታሪክን በውስጣቸው የያዙ የሚስጢር ቋቶች ናቸው፡፡ ረጅሙ የሰው ልጆች የሕልውና ታሪክ የሚጀምረውም በዋሻዎች ውስጥ ነው፡፡

የዋሻ ተመራማሪ የሆኑት አቶ ናስር አሕመድ÷ በምስራቅ ሐረርጌ፣ ምዕራብ ባሌ እና አርሲ አካባቢዎች በርካታ አስደናቂ ዋሻዎች በብዛት እንደሚገኙ ይናገራሉ፡፡

ከ400 በላይ የሚሆኑትን ፈልጎ በማግኘትና በማጥናት በመጽሐፍ አሳትሞ ለዓለም ቱሪዝም ለማስተዋወቅ ሙከራ ያደረጉት ተመራማሪው÷ እነዚህን ዋሻዎች በተመለከቱበት ወቅት ለአንድ ልዩ ዋሻ የተለየ ፍቅር እንዳደረባቸው ያስረዳሉ፡፡

ይህ ዋሻ ናሲኦል በመባል የሚጠራ ሲሆን ÷ ዋሻውን ያገኙት፣ መርምረው ርዝመቱን የደረሱበትና በውስጡ ተጉዘው ውበቱን በመቅረጽ ለዋሻ አፍቃሪዎች ያስተዋወቁት ተመራማሪ አቶ ናስር ናቸው፡፡

የዋሻው ስያሜም ከተመራማሪው ስም በመነሳት የተሰጠ ነው፤ “ናሲኦል” የሚለው ስያሜ ትርጉሙ ከሁሉም የላቀ ማለት እንደሆነ አብራርተዋል።

የዘርፉ ባለሙያዎች ዋሻዎች ካላቸው ባህርይ አንጻር የሕክምና፣ ኢንዱስትሪ፣ ማዕድን፣ ፊዚዮቴራፒ እና የቱሪዝም ዋሻዎች በሚል እንደሚከፋፈሉ ያስረዳሉ።

በዚህ ረገድ በተለያዩ ሀገራት ተዘዋውረው ብዙ ዋሻዎችን የተመለከቱት አቶ ናስር በውበቱ ተወዳዳሪ እንደሌለው የመሰከሩለት ናሲኦል ከቱሪዝም ዋሻዎች ጎራ የሚመደብ መሆኑን ይጠቅሳሉ፡፡

በቅርብ ጊዜ የተለያዩ ሀገራት ዜጎች ወደ ኢትዮጵያ በመምጣት ይህንን ድንቅ ዋሻ እንደሚጎበኙት ያላቸውን እምነት ገልጸዋል፡፡

እነ ፍሰሀ 530 ሜትር ያህል ርዝመት ባለው ዋሻ ውስጥ ከካሜራ ባለሙያ መስፍን በሪሁን ጋር በመሆን በቀን እና በምሽት፣ በካሜራና እና በድሮን ቀረጻ አድርገዋል።

በእያንዳንዱ ቀረጻ ወቅት በትንሹ ከስድስት ሰዓት በላይ በውስጡ ቢቆዩም የዋሻው ውበት ድካምንም፣ ረሀብንም የሚያስረሳ እንደነበር ፍሰሀ ይናገራል።

".....በፎቶና በተንቀሳቃሽ ምስል ካየሁት በላይ እጅግ ድንቅ ነበር፡፡ በዋሻው ውስጥ ያለውን የኦክስጅን እጥረትና ከፍተኛ ሙቀት ተቋቁመን ለመጀመሪያ ጊዜ ከ500 ሜትር በላይ በውስጡ በመጓዝ ውበቱን በድሮን ካሜራ ጭምር ቀርጸን ለተመልካች ለማሳየት ችለናል። ናሲኦል ለእኔ በውበቱ ከሶፍ ኡመርም በላይ ነው፡፡ በኢትዮጵያ የሚገኙትን ጨምሮ በተለያዩ አገራት ተዘዋውሮ ዋሻዎችን የጎበኘው፣ ያጠናውና የመረመረው ናስር አህመድም ቢሆን ናሲኦልን ‹የውበት ልክ ነው ሲል ያወድሰዋል፡፡" በማለት ጋዜጠኛ ፍሰሀ ጌትነት አጫውቶናል። እኛም ይህን ዘጋቢ ፊልም ትመለከቱት ዘንድ ጋብዘናል።

https://www.facebook.com/r...

እስከ ዛሬ ያልተገለጠ የቱሪስት መዳረሻ፣ ናሲኦል ዋሻ
#ethiopia | ዋሻዎች ኃብትን፣ እውቀትንና ታሪክን በውስጣቸው የያዙ የሚስጢር ቋቶች ናቸው፡፡ ረጅሙ የሰው ልጆች የሕልውና ታሪክ የሚጀምረውም በዋሻዎች ውስጥ ነው፡፡

የዋሻ ተመራማሪ የሆኑት አቶ ናስር አሕመድ÷ በምስራቅ ሐረርጌ፣ ምዕራብ ባሌ እና አርሲ አካባቢዎች በርካታ አስደናቂ ዋሻዎች በብዛት እንደሚገኙ ይናገራሉ፡፡

ከ400 በላይ የሚሆኑትን ፈልጎ በማግኘትና በማጥናት በመጽሐፍ አሳትሞ ለዓለም ቱሪዝም ለማስተዋወቅ ሙከራ ያደረጉት ተመራማሪው÷ እነዚህን ዋሻዎች በተመለከቱበት ወቅት ለአንድ ልዩ ዋሻ የተለየ ፍቅር እንዳደረባቸው ያስረዳሉ፡፡

ይህ ዋሻ ናሲኦል በመባል የሚጠራ ሲሆን ÷ ዋሻውን ያገኙት፣ መርምረው ርዝመቱን የደረሱበትና በውስጡ ተጉዘው ውበቱን በመቅረጽ ለዋሻ አፍቃሪዎች ያስተዋወቁት ተመራማሪ አቶ ናስር ናቸው፡፡

የዋሻው ስያሜም ከተመራማሪው ስም በመነሳት የተሰጠ ነው፤ “ናሲኦል” የሚለው ስያሜ ትርጉሙ ከሁሉም የላቀ ማለት እንደሆነ አብራርተዋል።

በምስራቅ ሐረርጌ መልካ በሎ ወረዳ የተገኙት የፋና ሚዲያ ኮርፖሬሽን ቴሌቪዥን ዶክመንታሪ ቡድን አባላትም በዋሻው ውስጥ ከ500 ሜትር በላይ በመጓዝ የናሲኦልን ውበት በዓይናቸው ተመልክተው፤ በእጃቸው ዳስሰዋል፡፡

የዘርፉ ባለሙያዎች ዋሻዎች ካላቸው ባህርይ አንጻር የሕክምና፣ ኢንዱስትሪ፣ ማዕድን፣ ፊዚዮቴራፒ እና የቱሪዝም ዋሻዎች በሚል እንደሚከፋፈሉ ያስረዳሉ።

በዚህ ረገድ በተለያዩ ሀገራት ተዘዋውረው ብዙ ዋሻዎችን የተመለከቱት አቶ ናስር በውበቱ ተወዳዳሪ እንደሌለው የመሰከሩለት ናሲኦል ከቱሪዝም ዋሻዎች ጎራ የሚመደብ መሆኑን ይጠቅሳሉ፡፡

በቅርብ ጊዜ የተለያዩ ሀገራት ዜጎች ወደ ኢትዮጵያ በመምጣት ይህንን ድንቅ ዋሻ እንደሚጎበኙት ያላቸውን እምነት ገልጸዋል፡፡

https://www.facebook.com/1...

በላይተር ሲጫወቱ የነበሩ ህፃናት መካከል እሳት በመነሳቱ የአንዲት ታዳጊ ህጻን ህይወት አለፈ
#ethiopia | ቤተሰቦቻቸው በሌሉበት ላይተር እሳት ማቀጣጠያ ይዘው ሲጫወቱ የነበሩ ሁለት ሕፃናት መካከል አንደኛዋ የለበሰችዉ ልብስ በለኮሱት የላይተር እሳት በመቀጣጠሉ ህይወቷ ማለፉን ፖሊስ አስታውቋል።

የምስራቅ ሐረርጌ ፖሊስ ዋና መምርያ የኮሙንኬሽ ፅህፈት ቤት ሐላፊ ምክትል ኢንስፔክተር ካስዬ አበበ እንደገለፁት በጃርሶ ወረዳ ወልተኢ ቀበሌ ወላጆቻቸው በሌሉበት የአምስት አመት ሴት ልጅ እና የስምንት ዓመት ወንድ ልጅ ላይተር እሳት ማቀጣጠያ እየለኮሱ ሲጫወቱ የነበሩ ሕፃናት መካከል የአምስት አመትዋ ሴት ልጅ ቀሚሷ በእሳት በመቀጣጠሉ የሚያጠፋላት ጠፍቶ በቃጠሎው ህይወቷ አልፏል።

አደጋው የደረሰው ታህሳስ 6 ቀን 2018 ዓ.ም ከቀኑ ስምንት ሰዓት ሲሆን ላይተሩን የስምንት አመቱ ልጅ መለኮሱን የገለጹት ምክትል ኢንስፔክተር ካሳዬ በቃጠሎ የተጎዳችው ልጅ በጊዜው ወደ ጤና ተቋም ብታመራም መንገድ ላይ ህይወቷ ማለፉን ገልፀዋል።

ሁለቱ ሕፃናት ላይተሩን እየለኮሱ ሲጫወቱ ወላጆቻቸው በአጠገባቸው አለመኖራቸውንም ተነግሯል፤ወላጆች በእድሜ ያልበሰሉ ልጆች ፊት ተቀጣጣይ የሆኑ ነገሮችን ባያስቀምጡ እና ያለ ጠባቂ ብቻቸውን ጥለው መሄድ ለመሰል አደጋ እንደሚያጋልጥ ተመላክቷል።

ማንኛውም እድሜያቸው ከዘጠኝ አመት በታች የሆኑ ህፃናት በየትኛውም ወንጀል ተሳታፊ ቢሆኑም በህግ የሚጠየቁበት አግባብ እንደሌለ እና በወንጀሉ ድርጊት ለደረሰው ጉዳት የወንጀል አድራጊው ቤተሰብ ለተጎጂው ቤተሰብ ካሳ የመክፈል ግዴታ እንዳለበት የሰሜን ሸዋ ዞን አቃቤህግ ፅህፈት ቤት የተለያዩ ወንጀሎች ምርመራ ክፍል ሀላፊ አቃቤህግ አቢዮት አስፋው ለብስራት ሬዲዮ ተናግረዋል፡፡

በላይተር ሲጫወቱ የነበሩ ህፃናት መካከል እሳት በመነሳቱ የአንዲት ታዳጊ ህጻን ህይወት አለፈ

ቤተሰቦቻቸው በሌሉበት ላይተር እሳት ማቀጣጠያ ይዘው ሲጫወቱ የነበሩ ሁለት ሕፃናት መካከል አንደኛዋ የለበሰችዉ ልብስ በለኮሱት የላይተር እሳት በመቀጣጠሉ ህይወቷ ማለፉን ፖሊስ አስታውቋል።

የምስራቅ ሐረርጌ ፖሊስ ዋና መምርያ የኮሙንኬሽ ፅህፈት ቤት ሐላፊ ምክትል ኢንስፔክተር ካስዬ አበበ እንደገለፁት በጃርሶ ወረዳ ወልተኢ ቀበሌ  ወላጆቻቸው በሌሉበት የአምስት አመት ሴት ልጅ እና የስምንት ዓመት ወንድ ልጅ  ላይተር እሳት ማቀጣጠያ እየለኮሱ ሲጫወቱ የነበሩ ሕፃናት መካከል የአምስት አመትዋ ሴት ልጅ ቀሚሷ በእሳት በመቀጣጠሉ የሚያጠፋላት ጠፍቶ በቃጠሎው ህይወቷ አልፏል።
   
አደጋው የደረሰው ታህሳስ 6 ቀን 2018 ዓ.ም ከቀኑ ስምንት ሰዓት ሲሆን ላይተሩን የስምንት አመቱ ልጅ መለኮሱን የገለጹት ምክትል ኢንስፔክተር ካሳዬ በቃጠሎ የተጎዳችው ልጅ በጊዜው ወደ ጤና ተቋም ብታመራም መንገድ ላይ ህይወቷ ማለፉን ገልፀዋል።ሁለቱ ሕፃናት ላይተሩን እየለኮሱ ሲጫወቱ  ወላጆቻቸው በአጠገባቸው አለመኖራቸውንም ተነግሯል፤ወላጆች በእድሜ ያልበሰሉ ልጆች ፊት ተቀጣጣይ የሆኑ ነገሮችን ባያስቀምጡ እና ያለ ጠባቂ ብቻቸውን ጥለው መሄድ ለመሰል አደጋ እንደሚያጋልጥ  ተመላክቷል።

ማንኛውም እድሜያቸው ከዘጠኝ አመት በታች የሆኑ ህፃናት በየትኛውም ወንጀል ተሳታፊ ቢሆኑም በህግ የሚጠየቁበት አግባብ እንደሌለ እና በወንጀሉ ድርጊት ለደረሰው ጉዳት የወንጀል አድራጊው ቤተሰብ ለተጎጂው ቤተሰብ ካሳ የመክፈል ግዴታ እንዳለበት የሰሜን ሸዋ ዞን አቃቤህግ ፅህፈት ቤት የተለያዩ ወንጀሎች ምርመራ ክፍል ሀላፊ አቃቤህግ አቢዮት አስፋው ለብስራት ሬዲዮ ተናግረዋል፡፡

ዳጉ_ጆርናል

በሆሮ ጉዱሩ በታጣቂዎች የተገደሉት የኦርቶዶክስ ቤተ ክርስቲያን ቀሳውስት አስከሬን አለመገኘቱ ተነገረ

በኦሮሚያ ክልል፣ በሆሮ ጉዱሩ ወለጋ ዞን ሁለት የኢትዮጵያ ኦርቶዶክስ ተዋህዶ ቤተ ክርስቲያን አባቶች በታጣቂዎች ከተገደሉ ቀናት ቢቆጠርም አስከሬናቸው እንዳልተገኘ ተገለጸ።

ኅዳር 21 ቀን 2016 ዓ. ም. ቀሳውስቱ በሀራቶ ማርያም ቤተ ክርስቲያን ዓመታዊ ክብረ በዓል ታድመው ወደ ሻምቡ ከተማ እየተመለሱ ሳለ ነበር መኪናቸው በታጣቂዎች እንዲቆም ከተደረገ በኋላ ወደ ጫካ ተወስደው የተገደሉት።
በጉዞው ላይ አብረዋቸው ከነበሩት ቀሳውስት አንደኛው "በጅማ ገነቲ አካባቢ የቅድስት ማርያም ክብረ በዓል ነበር። ከሥነ ሥርዓቱ ስንመለስ 9 ሰዓት አካባቢ ታጣቂዎች አስቆሙን" ሲሉ ለቢቢሲ ተናግረዋል።
እኝህ የዐይን እማኝ በመኪናው ተሳፍረው የነበሩት "20 ሰዎች" እንደሆኑ ገልጸው፤ "ከ20ዎቹ መካከል አስሩን አስወርደው ወደ ጫካ ወሰዷቸው። የተቀሩት በበቆሎ ማሳ ውስጥ ተበታትነው በመሮጥ አመለጡ" ብለዋል።
ቄሱ እንደገለጹት፤ ታጣቂዎቹ በሻምቡ ከተማ መግቢያ ላይ መንገድ ዘግተው እና ስናይፐር መሣሪያ ይዘው ነበር።
ወደ ጫካ አካባቢ ከተወሰዱት ቀሳውስት መካከል የሆሮ ጉዱሩ ወለጋ አገረ ስብከት ሥራ አስኪያጅ፣ ሕጻናት እና መዘምራን እንደሚገኙበትም ተናግረዋል።
"ጫካው ውስጥ ወስደው በስም ጠሯቸው። አንድ በአንድ በስም ከጠሯቸው በኋላ ልጆቹ ታጣቂዎቹ ከያዙት የስም ዝርዝር ውስጥ ስላልነበሩ ለቀቋቸው" ብለዋል።
"አራቱ ሰዎች የሆሮ ጉዱሩ አገረ ስብከት ዋና ኃላፊ መልአከ ኤዶም ቀሲስ ዱጉማ ዱፋ፣ ቄስ ቀናሳ ጊዲሳ፣ ቄስ ደሳለኝ ነሞምሳ እና ቄስ ባቡሽን ጠሩ ናቸው" ሲሉም በስም ጠቅሰዋል።

መንግሥት 'ሸኔ' የሚለው እና በሽብር ቡድንነት የፈረጀው የኦሮሞ ነጻነት ሠራዊት ከእገታዎች እና ከግድያዎች ጋር በተያያዘ በተደጋጋሚ ተጠያቂ ቢደረግም ክሶቹን ያስተባብላል።
አሁን ከተፈጸመው ግድያ ጋር በተያያዘ በቀረበበት ክስ ላይም ምላሽ አልሰጠም።
ከቀሳውስቱ መካከል ሁለቱ ታግተው መለቀቃቸውን የዐይን እማኙ ገልጸዋል። ቄስ ዱጉማ ዱፋ እና ቄስ ደሳለኝ ነሞምሳ ደግሞ መገደላቸው የተገኘው መረጃ እንደሚያመለክት አክለዋል።
ታጣቂዎቹ "ሁለቱን ቀሳውስት ከገደሉ በኋላ ሁለቱን አርብ ዕለት ለቅቀዋቸዋል" ብለዋል።
ለቀሳውስቱ የመታሰቢያ ሥነ ሥርዓት በቤተ ክርስቲያኗ የተደረገ ሲሆን፣ የቀብር ሥነ ሥርዓታቸው እንዳይፈጸም ግን አስከሬናቸው እንዳልተሰጣቸው ገልጸዋል።
ሌላ በሆሮ ጉዱሩ ወለጋ የሚያገልግሉ እና ለደኅንነታቸው በመስጋት ስማቸው እንዳይጠቀስ የጠየቁ ቀሲስ ግድያው "የታቀደ" እንደነበረ ተናግረዋል።
"ከታገቱ በኋላ እንዲለቀቁ ለመጠየቅ ቤተሰቦቻቸው ስልክ ደውለዋል። እንደማይለቋቸው እና አስከሬናቸውንም እንደማይሰጡ ታጣቂዎቹ ገልጸዋል" ብለዋል።
በአካባቢው ባለው ኦርቶዶክስ ተዋህዶ ቤተ ክርስቲያን ውስጥ መከፋፈል እንደነበር እና የተለያዩ ቡድኖች ደጋፊዎች እና ነቃፊዎች እንዳሉ ገልጸዋል።
ግድያው ከክፍፍሉ ጋር የተያያዘ ሊሆን እንደሚችል ግምታቸውን ቢያስቀምጡም ቢቢሲ ጉዳዩን ከገለልተኛ ወገን ማጣራት አልቻለም።
"እነዚህ ሰዎች ፖለቲከኞች አይደሉም። ከታጣቂዎች ጋር ግንኙነት የላቸውም።ሰላም ለማምጣት ነው የሚጥሩት። ታጣቂዎቹ ማን እንደሆኑ እንኳን ስላላወቁ ስማቸውን እየጠሩ ነበር ማንነታቸውን የለዩት " ሲሉ ተናግረዋል።
ቀሳውስቱ ስማቸው ተመዝግቦ ሲጠራ እንደነበር በመጥቀስ ጥቃቱ "የተቀነባበረ እና ቀሳውስቱን ዒላማ ያደረገ" እንደሆነ ገልጸዋል።
ታጣቂዎቹ ቀሳውስቱ "በኦሮምኛ እንጂ በአማርኛ መስበክ የለባቸውም" ማለታቸውን የቢቢሲ ምንጭ ጠቁመዋል። ሆኖም ግን የተገደሉት ሁለቱም ቀሳውስት የኦሮሞ ተወላጆች ናቸው።
የሆሮ ጉዱሩ አገረ ስብከት ሥራ አስኪያጅ ዱጉማ ዱፋ ማኅበረሰባቸውን በቀናነት ሲያገለግሉ እንደነበር የዐይን እማኞቹ አክለዋል።
ከግድያው ጋር በተያያዘ በከተማው ውስጥ ተጠርጣሪዎች በቁጥጥር ሥር መዋላቸው ተገልጿል። ቢቢሲ ያነጋገራቸው ሁለት ቀሳውስት መንግሥት ስለ ግድያው ማብራሪያ እንዲሰጣቸው ጠይቀዋል።
የሻምቡ ከተማ የመንግሥት ኮምዩኒኬሽን ጉዳዮች ጽሕፈት ቤት በፌስቡክ ገጹ ላይ የሟቾቹን ስም ጠቅሶ በታጣቂዎች ተወስደው መገደላቸውን አስታውቋል።
የምሥራቅ ሐረርጌ፣ የምሥራቅ ወለጋ እና የሆሮ ጉዱሩ ወለጋ የአገረ ስብከት መሪ ሐዘናቸውን በማኅበራዊ ሚዲያ ገልጸዋል።
ቢቢሲ ስለ ግድያው ከኢትዮጵያ ኦርቶዶክስ ተዋህዶ ቤተ ክርስቲያን ምላሽ ለማግኘት ያደረገው ሙከራ አልተሳካም።

BBC

በጭሮ "የፍቅር አጋር ሁኚኝ" ያላትን ሴት "እምቢ! "በማለቷ ለጥበቃ በተሰጠው መሳሪያ በመግደሉ የ57 አመቱ ሰው የ22 አመት እስራት ተፈረደበት

ወንጀለኛው የሟች አንድ ሴት ጓደኛንም በጥይት መቶ አቁስሏል።

የምዕራብ ሐረርጌ ዞን ጭሮ ከተማ አስተዳደር ፖሊስ መምርያ መረጃ መሰረት ደብሩ ድሪባ  የተባለው የ57 ዓመት ግለሠብ ነዋሪነቱ በጭሮ ከተማ ቡርቃ ጭሮ ቀበሌ ሲሆን በአንድ ድርጅት ውስጥ በጥበቃ ስራ ተቀጥሮ ይሰራል፡

ደብሩ ከዚሕ ቀደም ካለች  ባለቤቱ ጋር  ሶስት ልጆች አፍርቶ  የተፋታ ሲሆን ከዛ በኋላ ብዙነሽ ሲሣይ ከተባለች የ35 ዓመት ሴት ጋር የፍቅር ግንኙነት ለመጀመር ሞክሮ ነበር።

ብዙነሽ ሲሳይም ቀደም ሲል ከነበራት ትዳር አንድ ልጅ  የነበራት።

ብዙነሽ አዜብ ስዩሜና አዜብ ፍቅሬ ከተባሉ  በእድሜ እኩያ ከሆኑ ወጣቶች ጋር ትውውቅ ጀምራ እየኖረች እያለ፤ደብሩ ደርቤ አብረን እንኑር የሚለው ጥያቄ ያቀርብላታል፡

ብዙነሽም የደብሩ ጥያቄን ከመቀበሏ በፊት ለሁለቱ ጓደኞቿ  ሀሣቡን አቅርባ  ከተነጋገሩበት በኃላ ጓደኞቿ ብቻሽን  ከምትሆኚ አብራችሁ ብትኖሩ መልካም ነው በማለት ይመክሯታል።

ደብሩና ብዙነሽ በአንድ ጎጆ መኖር ይጀምራሉ፡፡

ይሁን እንጂ ብዙነሽ እንደ አሰበችው ከደብሩ ጋር  ያላት ትዳር የተመቻቸ ባለመሆኑ ትታ ከቤቱ ትወጣለች።

በዚህ ግዜ ደብሩ ሁለቱን አዜቦች አስታርቁኝ ብሎ ሽምግልና ይልካል።የብዙነሽ ጓደኞች ለማስታረቅ ሙከራ ቢያደርጉም ብዙነሽ በገጠማት የጤና እክል ትታመማለች።

ደብሩ ግን "ታማ አይደልም አውቃ ነው"በሚል ነሐሴ 12 ቀን 2017 ዓ.ም ከቀኑ 10:30 ላይ ለድርጅት ጥበቃ የተሠጠውን የጦር መሳርያ በመያዝ ታማ የተኛችውን ብዙነሽ ሲሳይ በአንድ ጥይት መቶ ሕይወትዋ እንዲያልፍ ያደርጋል፡፡

በመቀጠልም በተመሳሳይ ቀንና ሰዓት  አዜብ ስዩሜ የተባለችውን የብዙነሽ ጓደኛ የምትሠራበት ቦታ ላይ ተኩሶ ጉዳት ያደርስባትና ከስፍራው ይሠወራል።

በዚሕም አላበቃም ሶስተኛ፣ አዜብ ፍቅሬ የተባለች ጓደኛዎን፣ለጥበቃ በተሠጠው መሣርያ ተኩሶ ለመምታት ሲል የጦር መሣርያው ይነክሣል።

በዚሕ ግዜ ጉዳት ሊደርስባት የነበረችው ሴት እየጮኽች የድረሱልኝ ጥሪ በማሰማት ስታመልጥ የፀጥታ አካላት ቀደሞ በተፈፀሙት ግድያ ና የግድያ ሙከራ ጉዳይ ክትትል ላይ በመሆናቸዉ  ደብሩ ደርቤን በቁጥጥር ስር ያውሉታል።

ፖሊስ የሟች ብዙነሽ ሲሣይ  አስክሬን ለምርመራ ወደ ሆስፒታል በመላክ  አዜብ ስዩሜን  በፍጥነት ለሕክምና በመላክ ህይወቷን ሊያተርፍ ችሏል።

ፖሊስ በተለያዩ ማስረጃዎች፣በአስክሬን ና በተጎጂዋ የሕክምና ማስረጃ እንዲሁም ወንጀል በተፈፀመበት የጦር  መሣርያ  ጭምር በማያያዝ የምርመራ መዝገቡን አጠናቆ ለአቃቢ ሕግ ላከ።

አቃቢ ሕግም ከፖሊስ የተላከውን የምርመራ መዝገብ ተመልክቶ በከባድ የሠው መግደል፣የአካል ማጉደል ና የመግደል ሙከራ ፣በድርብ ወንጀል ክስ ታሕሣስ 3 ቀን 2018 ዓም በዋለው ችሎት ተከሣሽ ደብሩ ደርቤ  በ 22 ዓመት እስራት እንዲቀጣ ወስኖበታል።

እናት እና ልጅ ምሳ ከበሉ በኋላ ለጊዜው ባልታወቀ  ምክንያት  በተከታታይ ሰዓት ሕይወታቸው አለፈ

  👉 ፖሊስ  የአሟሟታቸውን ሑኔታ በጥልቅ እየመረመረ ይገኛል

እንደ ምስራቅ ሐረርጌ ዞን ፖሊስ ዋና መምርያ የኮሙኒኬሽን ፅህፈት ቤት ኃላፊ ምክትል ኢንስፔክተር ካስዬ አበበ ገለፃ እናት እና ልጅ ምሳ ከበሉ በኋላ በተከታታይ ሕይወታቸው ማለፉን ተናግረዋል፡፡
 
እናት እና ልጅ ታህሣስ 3 ቀን 2018 ዓ.ም ከቀኑ አምስት ሰዓት ተኩል መስጊድ ሰላት ቆይተው ወደቤታቸው ገብተው ምሳቸውን ከበሉ በኋላ እናት ሻወር ለመውሰድ ሻወር ቤት ሲደርሱ አረፋ በመድፈቅ እና በመወራጨት ሲወድቁ የተመለከተች ልጅ በድንጋጤ በመጮህ የአካባቢው ሠው ሲደርስ ህይወታቸው ማለፉ ተረጋግጥዋል ሲሉ ተናግረዋል።

ከሰዓት ቆይታ በኃላም ልጅ እንደ እናቷ ከአፏ አረፋ በመድፈቅ ስትወድቅ ወደ ካራሚሌ ሆስፒታል ለህክምና ብትላክም በህክምና ላይ እያለች ህይወቷ አልፏል።ፖሊስ የሟቾችን አስክሬን ለምርመራ ወደ አዲስ አበባ ዳግማዊ ሚኒሊክ ሆስፒታል የላከ ሲሆን በተጨማሪ ለምሳ የተመገቡትን ምግብ እና የጠጡትን ውሀ ናሙና ለኢትዮጵያ ምግብና መድሐኒት ቁጥጥር ባለ ስልጣን በመላክ ስለ አሟሟታቸው ምክንያት ሰፊና ጥልቅ ምርመራ እያደረገ መሆኑን ብስራት ሬዲዮ ሰምቷል፡፡

seledadotio
seledadotio

በምስራቅ ሀረርጌ ከመስጂድ መልስ እናት እና ልጅ ምሳ ከበሉ በኋላ በሰአታት ልዩነት አረፋ ደፍቀው ህይወታቸው አለፈ

👉ለምሳ የተመገቡት ምግብ እንዲሁም የጠጡት ውሀ ናሙና ለኢትዮጵያ ምግብና መድሐኒት ቁጥጥር ባለ ስልጣን ተልኳል።

ታህሣስ 3, 2018 ዓ.ም እናት እና ልጅ እኩለ ቀን አካባቢ መስጂድ ሰላት አድርገው ወደቤታቸው ገብተው ምሳቸውን በሉ ።

እናት ገላዋን ለመታጠብ መታጠቢያ ቤት ስትደርስ አረፋ በመድፈቅ እና በመወራጨት ወደቀች።

ልጅ በድንጋጤ በመጮህ ለእርዳታ ጎረቤት ጠራች።የአካባቢው ሠው ተደናግጦ በቦታው ሲደርስ እናት ህይወቷ አልፎ ነበር ሲሉ የምስራቅ ሐረርጌ ዞን ፖሊስ ዋና መምርያ የኮሙኒኬሽን ፅህፈት ቤት ኃላፊ ምክትል ኢንስፔክተር ካስዬ አበበ ገልፀዋል።

ከእናቷ ህልፈት ከሰዓት ቆይታ በኃላም ልጅ እንደ እናቷ ከአፏ አረፋ በመድፈቅ ወደቀች ። ወደ ካራሚሌ ሆስፒታል ለህክምና ብትላክም በህክምና ላይ እያለች ህይወቷ ማለፉን ኢንስፔክተሩ ተናግረዋል።

ፖሊስ የሟቾችን አስክሬን ለምርመራ ወደ አዲስ አበባ ዳግማዊ ሚኒሊክ ሆስፒታል የላከ ሲሆን በተጨማሪ ለምሳ የተመገቡትን ምግብ እና የጠጡትን ውሀ ናሙና ለኢትዮጵያ ምግብና መድሐኒት ቁጥጥር ባለ ስልጣን በመላክ ስለ አሟሟታቸው ምክንያት ምርመራ እያደረገ ነው ተብሏል።

በምዕራብ ሀረርጌ ዶልፊን ከቦቴ መኪና ጋር ተጋጭቶ የ11 ሰዎች ህይወት አለፈ

በዶልፊኑ ውስጥ የነበሩት ሁሉም ሰዎች ሞተዋል። የቦቴው ሹፌር ተሰውሯል። ፖሊስ እየፈለገው ነው።

ዶልፊኑ በተቃራኒ አቅጣጫ ከሚመጣ የነዳጅ ማመላሻ መኪና ጋር ተጋጨ። ዶልፍኗ ውስጥ የነበሩት የስምንት ወንዶችና የሶስት ሴቶች ህይወት አልፏል።

የዶልፊኑ ሾፌር እና ረዳትም ስም ከማቾቹ መዝገቡ ውስጥ ነው።

አደጋው የደረሰው ትናንት ህዳር 20,2018 ዓ. ም. ከቀኑ አስር ሰአት ላይ ሲሆን መነሻውን ከሚኤሶን ከተማ ያደረገ የሠሌዳ ቁጥር ኮድ 3-96835 ኦሮ ዳልፊን የሕዝብ ማመላለሻ ተሽከርካሪ ዘጠኝ ተሣፋሪዎችን አሳፍሮ ወደ አዋሽ ከተማ ሲጓዝ  በተቃራኒ መንገድ ከአዲስ አበባ ወደ ጅቡቲ ሲጓዝ የነበረ የሰሌዳ ቁጥር ኮድ 3-ኤ-11805 ኢቲ  የነዳጅ ማመላለሻ ቦቴ  ቁቢ ቦርደዴ ወረዳ ጨቱ ቀበሌ በተባለ ስፍራ ፊት ለፊት በመጋጨቱ ነው።

የምዕራብ ሐረርጌ ዞን ፖሊስ ዋና መምርያ አንደገለፀው የአደጋው መንስኤ የዶልፊኑ ተሽከርካሪው መስመሩን ለቆ ወደ ተቃራኒ አቅጣጫ በመግባቱ ና ፊት ለፊት ከነዳጅ ጫኝ ቦቴው ጋር በመጋጨቱ ሲሆን የነዳጅ ቦቴ አሽከርካሪው ለግዜው ተሰውሯል።

ፖሊስ ከተሽከርካሪው ውስጥ የመንጃ ፈቃዱንና ሌሎች መረጃዎችን በማግኘቱ ክትትል ላይ መሆኑ ተገልፇል።

 የሟቾች አስክሬን ለምርመራ ወደ ሆስፒታል መላኩን ፖሊስ ገልፇል።

seledadotio
seledadotio

በምዕራብ ሀረርጌ ዶልፊን ከቦቴ መኪና ጋር ተጋጭቶ የ11 ሰዎች ህይወት አለፈ

በዶልፊኑ ውስጥ የነበሩት ሁሉም ሰዎች ሞተዋል። የቦቴው ሹፌር ተሰውሯል። ፖሊስ እየፈለገው ነው።

ዶልፊኑ በተቃራኒ አቅጣጫ ከሚመጣ የነዳጅ ማመላሻ መኪና ጋር ተጋጨ። ዶልፍኗ ውስጥ የነበሩት የስምንት ወንዶችና የሶስት ሴቶች ህይወት አልፏል።

የዶልፊኑ ሾፌር እና ረዳትም ስም ከማቾቹ መዝገቡ ውስጥ ነው።

አደጋው የደረሰው ትናንት ህዳር 20,2018 ዓ. ም. ከቀኑ አስር ሰአት ላይ ሲሆን መነሻውን ከሚኤሶን ከተማ ያደረገ የሠሌዳ ቁጥር ኮድ 3-96835 ኦሮ ዳልፊን የሕዝብ ማመላለሻ ተሽከርካሪ ዘጠኝ ተሣፋሪዎችን አሳፍሮ ወደ አዋሽ ከተማ ሲጓዝ  በተቃራኒ መንገድ ከአዲስ አበባ ወደ ጅቡቲ ሲጓዝ የነበረ የሰሌዳ ቁጥር ኮድ 3-ኤ-11805 ኢቲ  የነዳጅ ማመላለሻ ቦቴ  ቁቢ ቦርደዴ ወረዳ ጨቱ ቀበሌ በተባለ ስፍራ ፊት ለፊት በመጋጨቱ ነው።

የምዕራብ ሐረርጌ ዞን ፖሊስ ዋና መምርያ አንደገለፀው የአደጋው መንስኤ የዶልፊኑ ተሽከርካሪው መስመሩን ለቆ ወደ ተቃራኒ አቅጣጫ በመግባቱ ና ፊት ለፊት ከነዳጅ ጫኝ ቦቴው ጋር በመጋጨቱ ሲሆን የነዳጅ ቦቴ አሽከርካሪው ለግዜው ተሰውሯል።

ፖሊስ ከተሽከርካሪው ውስጥ የመንጃ ፈቃዱንና ሌሎች መረጃዎችን በማግኘቱ ክትትል ላይ መሆኑ ተገልፇል።

 የሟቾች አስክሬን ለምርመራ ወደ ሆስፒታል መላኩን ፖሊስ ገልፇል።

በዛሬው እለት በደረሰ የትራፊክ አደጋ በአንድ ዶልፊን ውስጥ የነበሩ 11 ሰዎች ሰዎች ህይወት አለፈ

📌 ከአደጋው የተረፈ ተሳፋሪ የለም
#ethiopia | በምዕራብ ሐረርጌ ዞን ጉቢ ቦርደዴ ወረዳ በዛሬው እለት አስር ሰዓት ላይ በደረሰ የትራፊክ አደጋ አንድ ዶልፊን ያሳፈራቸው አስራ አንድ ሠዎች ህይወታቸው ማለፉን የምዕራብ ሐረርጌ ዞን ፖሊስ ዋና መምርያ አስታውቋል።

የምዕራብ ሐረርጌ ዞን ፖሊስ ዋና መምርያ የትራፊክ ደሕንነት ና ቁጥጥር አስተባባሪ ምክትል ኢንስፔክተር ዳኙ ሶሪ ለብስራት ሬዲዬ እንደተናገሩት ዛሬ ህዳር 20 ቀን 2018 ዓም መነሻውን ከሚኤሶን ከተማ ያደረገ የሠሌዳ ቁጥር ኮድ 3-96835 ኦሮ ዳልፊን የሕዝብ ማመላለሻ ተሽከርካሪ ዘጠኝ ተሣፋሪዎችን አሳፍሮ ወደ አዋሽ ከተማ ሲጓዝ ነበር።

ተሸከርካሪው በተቃራኒ መንገድ ከአዲስ አበባ ወደ ጅቡቲ ሲጓዝ የነበረ የሰሌዳ ቁጥር ኮድ 3-ኤ-11805 ኢቲ የነዳጅ ማመላለሻ ቦቴ ቁቢ ቦርደዴ ወረዳ ጨቱ ቀበሌ በተባለ ስፍራ ፊት ለፊት ተጋጭተዋል።

በአደጋው በዶልፊኑ ውስጥ የነበሩ አሽከርካሪውን እና ረዳቱን ጨምሮ የስምንት ወንዶችና የሶስት ሴቶች በአጠቃላይ ተሽከርካሪው ውስጥ የነበሩ ሰዎች በሙሉ ህይወታቸው ማለፉን ገልፀዋል።

የአደጋው መንሴ የዶልፊኑ ተሽከርካሪው መስመሩን ለቆ ወደ ተቃራኒ አቅጣጫ በመግባቱ ና ፊት ለፊት ከነዳጅ ጫኝ ቦቴው ጋር በመጋጨቱ ሲሆን የነዳጅ ቦቴ አሽከርካሪው ለግዜው ተሰውሯል።

ፖሊስ ከተሽከርካሪው ውስጥ የመንጃ ፈቃዱን ና ሌሎች መረጃዎችን በማግኘቱ ክትትል ላይ መሆኑን ገልፀዋል።

የሟቾች አስክሬን ለምርመራ ወደ ሆስፒታል የተላከ ሲሆን በአንድ አደጋ ሙሉ ተሳፋሪ ህይወቱ ያለፈበት አጋጣሚ ከዚህ ቀደም የተመዘገበ እንደሌለ ምክትል ኢንስፔክተር ዳኙ ሶሪ ጨምረው ለብስራት ሬዲዮ ገልፀዋል።

በወተት ላይ መርዝ በመጨመር የአንድ ቤተሰብ አባላት የሆኑ ሶስት ግለሰቦችን የገደሉ ተከሳሾች በእስራት ተቀጡ

ተከሳሾቹ ሳራ መሃመድ ፣ሂንድያ አረባ ፣አብድራማን አብዲ የተባሉ ሶስት ግለሰቦች ነዋሪነታቸው በምስራቅ ሐረርጌ ዞን ጉርሱም ወረዳ ሐቃ ቀበሌ ነው። ግለሰቦቹ አብድር  አማን ከሚባል ጎረቤታቸው ጋር ከዚህ ቀደም ሰላማዊ የሆነ ግንኙነት የነበራቸው ሲሆን ከቅርብ ግዜ ወዲህ ግን የሚያጋጨው ነገር ተፈጠረ።ዋነኛ  የቅራኔ ምክንያታቸዉ  በጫት እርሻ ላይ የተፈጠረ  የመሬት ግጭት ሲሆን ይህም ተካሮ መጋቢት 16 ቀን 2017 ዓም ላይ ወደ ኃይለኛ ፀብ አምርቶ በአካባቢ ሰዎች ግልግል የከፋ ጉዳት ሳይደርስ ነገሮች ይረግባሉ።

ነገር ግን ሶስት ጎረቤቶች ማታ ላይ ተሰባስበው በተፈጠረው ፀብ ምክንያት ተወያይተውና ተመካክረው አንድ ነገር ለማድረግ  ውሳኔ ላይ ደረሱ።በነጋታውም መጋቢት 17ቀን 2017 ዓም ጠዋት አራት ሰዓት ላይ የአቶ አብድር አማን ቤተሠቦች በሌሉበት ሶስቱ ተከሳሾች የተዘጋ በር ከፍተው በመግባት ለጫት እርሻ የተዘጋጀ ፀረ አረም መድኃኒት በመያዝ በወተት ማጠራቀምያ ያለ ወተት ውስጥ በመጨመር እንደነበረ ከዳድነው የቤቱን በር ዘግተው ይወጣሉ።ከቀኑ አስር ሠዓት ላይ የአቶ አብደር አማን ቤተሠብ መካከል የአርባ አምስት ሴት፣የአስራ ሁለት አመት ታዳጊና የሁለት አመት ልጅ በፀረ አረም መድሐኒት የተበከለው ወተት ከማጠራቀሚያ ውስጥ አውጥተው እየቀዱ ሶስቱም መጠጣት እንደጀመሩ የጉርሱም ወረዳ ፖሊስ ፅህፈት ቤት የወንጀል ምርመራ ክፍል ኃላፊ ኢንስፔክተር ስንታየኁ አይደፈር ተናግረዋል።

በፀረ አረም መድሐኒት የተመረዘውን ወተት ከጠጡት መካከል የሑለት አመቱ ልጅ ከሠአታት በሗላ በሆድ ቁርጠት ና ማስመለስ ሲታመም ወደ ጤና ጣቢያ ሣይደርስ ሕይወቱ ማለፉን ብስራት ሬዲዮ ሰምቷል፡፡ከሰዓታት ቆይታም በኋላም የ12 ዓመቷ ታዳጊ በተመሳሳይ መንገድ በሆድ ቁርጠት ና ማስመለስ ህመም በሕክምና ላይ እያለች ህይወቷ ያልፋል።በነጋታው ደግሞ ሶስተኛዋ የአርባ አምስት ዓመት ሴት  የሕክምና እርዳታ ላይ እያለች ህይወቷ ያልፋል።ፖሊስ፣   የሶሰት ሰዎች ሕይወት የጠፋበትን ምክንያት ለማረጋገጥ የአስክሬን ምርመራ ከማድረግ  ባሻገር በፀረ አረም መድኃኒት የተበከለውን ወተት ለኢትዮጵያ የምግብ ና መድኃኒት ቁጥጥር ባለስልጣን በመላክ ባገኘው የምርመራ ውጤት ለምርመራ የተላከው የወተት ናሙና እጅግ አደገኛ በሆነ መርዛማ የአረምc መድኃኒት የተበከለ መሆኑን ማረጋገጫ እንደደረሰው ኢንስፔክተር ስንታየሁ ገልፀዋል።

ድርጊቱን ማን ሊፈፅም ይችላል ተብሎ በፖሊስ በኩል የምርመራ ቡድን ተቋቁሞ በተደረገው ማጣራት ሶስቱ ጎረቤታሞች በቁጥጥር ሲውሉ  ፣ተመካክረው እንደፈፀሙ አምነው የድርጊቱን አፈፃፀም መርተው አሳይተዋል፡፡ የምርመራ መዝገቡ በተገኘው የተመረዘ ወተትና የአስክሬን ምርመራ፣ በተከሳሾች የእምነት ቃል ተጠናክሮ ለአቃቢ ሕግ ተልኳል፡፡አቃቢ ሕግም ከፖሊስ የቀረበውን የምርመራ መዝገብ ተመልክቶ ክስ መስርቷል፣ ክሱን ሲከታተል የቆየው የምስራቅ ሐረርጌ ከፍተኛ ፍርድ ቤት ሕዳር 12 ቀን 2018 ዓም በዋለው ችሎት ሶስቱም ተከሣሾች  እያንዳዳቸው በ13 ዓመት እስራት እንዲቀጡ መወሰኑን ኢንስፔክተር ስንታየሁ አይደፈር ጨምረው ተናግረዋል፡፡

በምህረት ታደሰ
#ዳጉ_ጆርናል

በሞት በህይወት መካከል የነበረን የተጣለ ህፃን ጡቷን በማጥባት ነፍስ የዘራችበት የፖሊስ አባል በደሞዝ ሦስት እርከን እንድታድግና የገንዘብ ሽልማት ተበረከተላት
#ethiopia | በምስራቅ ሀረርጌ ዞን ቀርሳ ወረዳ የፖሊስ አባል የሆነች በረሀብ በሞት እና በህይወት መካከል የነበረ የተጣለ ሕፃንን ጡቷን በማጥባት ነብስ የዘራችበት የፖሊስ አባል ሽልማት ተበርክቶላታል።

ዋና ሳጅን ነይማ ጀማል የተባለች የምስራቅ ሐረርጌ ዞን የቀርሳ ወረዳ ፖሊስ ፅ/ቤት የሴቶች እና ህጻናት ጉዳይ ፅ/ቤት ሃላፊ ጥቅምት 29 ቀን 2018 ዓ.ም ጫካ ውስጥ የተጣለ የሶስት ወር ወንድ ልጅ ሕፃን ለተከታታይ ሦስት ቀናት በምግብ እጦት በመቆየቱ በሞትና በሕይወት መካከል ሆኖ ሳለ ጡቷን አጥብታ እንዳተረፈችው ብስራት ሬዲዮ ከዚህ በፊት መዘገቡ ይታወሳል።

የፖሊስ አባሏ ልጅ ከወለደች ገና የስድስት ወር አራስ የነበረች ሲሆን በሰብዓዊነት ጡቷን ለአንድ ሰዓት ያህል አጥብታ የተዳከመውን ህፃን ነብስ የዘራችበት በመሆኑ ለአደረገች ሰብዓዊነት የተሞላበት ድርጊት ሽልማት ተበርክቶላታል።

ለፖሊስ አባሏ ሽልማቱ የተበረከተላት የነጭ ሪቫን ቀን አስመልክቶ ሲሆን የስንቄ ባንክ የፖሊስ አባልዋ ላበረከተችው ድንቅ የሰብዓዊነት ተግባር ለመጀመርያ ግዜ የ50 ሺህ ብር የገንዘብ ስጦታ እንዳበረከተላት የምስራቅ ሐረርጌ ዞን ፖሊስ ዋና መምርያ ገልጿል።

የዋና መምርያው ሃላፊ ረዳት ኮሚሽነር ናስር መሃመድ ለብስራት ሬዲዮ እንደተናገሩት የፖሊስ በጀግንነት መጠበቅ በሰብዓዊነት ማገልገል የሚለውን መርህ ያንፀባረቀው የዋና ሣጅን ነይማ ጀማል ተግባር የክልሉን የፖሊስ አርማ ከፍ ያደረገ እና ያኮራ ተግባር በመሆኑ ካለችበት የደሞዝ እርከን በሶስት እርከን እንድታድግ የኦሮሚያ ፖሊስ ጠቅላይ መምርያ እንደፈቀደ ተናግረዋል።

የፖሊስ አባሏ ተግባር በኩሪ ገድል ታሪክ ላይ የሚመዘገብ መሆኑን የተናገሩት ረዳት ኮሚሽነር ናስር መሀመድ በቀጣይም በሴቶች እና ህጻናት ዙርያ የሚሰሩ ተግባራት ላይ አጠንክሮ ለመስራት እንደማሳያ እንደሚሆንም ገልፀዋል።

በዋና ሳጅን ነይማ ጀማል የጡት ወተት በህይወት የተረፈዉ የሶስት ወር ህፃን አሁን ላይ በፍጹም ጤንነት ላይ እንደሚገኝም ታውቋል ያለው ዳጉ ጆርናል ነው።

በሞት  በህይወት መካከል የነበረን የተጣለ ህፃን ጡቷን በማጥባት ነብስ የዘራችበት የፖሊስ አባል በደሞዝ ሶስት እርከን እንድታድግና የገንዘብ ሽልማት ተበረከተላት

በምስራቅ ሀረርጌ ዞን ቀርሳ ወረዳ የፖሊስ አባል የሆነች  በረሀብ በሞት እና በህይወት መካከል የነበረ የተጣለ ሕፃንን ጡቷን በማጥባት ነብስ የዘራችበት የፖሊስ አባል ሽልማት ተበርክቶላታል።ዋና ሳጅን ነይማ ጀማል  የተባለች የምስራቅ ሐረርጌ ዞን የቀርሳ ወረዳ  ፖሊስ ፅ/ቤት የሴቶች እና ህጻናት ጉዳይ ፅ/ቤት ሃላፊ  ጥቅምት 29 ቀን 2018 ዓ.ም ጫካ ውስጥ የተጣለ የሶስት ወር ወንድ ልጅ  ሕፃን   ለተከታታይ ሶስት ቀናት በምግብ እጦት  በመቆየቱ በሞትና በሕይወት መካከል ሆኖ ሳለ ጡቷን አጥብታ እንዳተረፈችው መዘገቡ ይታወሳል።

የፖሊስ አባሏ ልጅ ከወለደች ገና የስድስት ወር አራስ የነበረች ሲሆን በሰብዓዊነት ጡቷን ለአንድ ሰዓት ያህል አጥብታ የተዳከመውን ህፃን ነብስ የዘራችበት በመሆኑ ለአደረገች  ሰብዓዊነት የተሞላበት ድርጊት ሽልማት ተበርክቶላታል።ለፖሊስ አባሏ ሽልማቱ የተበረከተላት የነጭ ሪቫን ቀን አስመልክቶ ሲሆን የስንቄ ባንክ የፖሊስ አባልዋ ላበረከተችው ድንቅ የሰብዓዊነት ተግባር ለመጀመርያ ግዜ የ50 ሺህ ብር የገንዘብ ስጦታ እንዳበረከተላት የምስራቅ ሐረርጌ ዞን ፖሊስ ዋና መምርያ ገልጿል።

የዋና መምርያው ሃላፊ ረዳት ኮሚሽነር ናስር መሃመድ ለብስራት ሬዲዮ እንደተናገሩት የፖሊስ በጀግንነት መጠበቅ በሰብዓዊነት ማገልገል የሚለውን መርህ ያንፀባረቀው የዋና ሣጅን ነይማ ጀማል ተግባር  የክልሉን የፖሊስ አርማ ከፍ ያደረገ እና ያኮራ ተግባር በመሆኑ ካለችበት የደሞዝ እርከን በሶስት እርከን እንድታድግ የኦሮሚያ ፖሊስ ጠቅላይ መምርያ እንደፈቀደ ተናግረዋል።

የ12 ግለሰቦች አፅም ያረፈበትን ቦታ በማረስ ጫት የተከለው በ3 ዓመት እስራት ተቀጣ
#ethiopia | በምስራቅ ሐረርጌ ዞን ጐሮ ሙጢ ወረዳ፣ ወልተኢ ጃለላ ቀበሌ ውስጥ የአስራ ሁለት ግለሰቦች አፅም በክብር ያረፈበትን ቦታ በማረስ ጫት የተከለው ግለሠብ, በእስራትና በገንዘብ እንዲቀጣ የተወሰነበት መሆኑን የወረዳው አቃቤ ሕግ ፅህፈት ቤት አስታወቀ።

ሕግ ፅህፈት ቤቱ እንደገለፀው፤ ተከሳሽ ከድር አማን የተባለው ግለሰብ ለመካነ መቃብር የተከለለ ቦታ በመግባትና በማረስ ጫት ተክሏል፡፡

ተከሣሹ ሚያዝያ 22 ቀን 2017 ዓም ከቀኑ ስድስት ሰዓት ላይ በምስራቅ ሐረርጌ ዞን ጐሮ ሙጢ ወረዳ፣ ወልተአ ጃለላ በተባለ ስፍራ፣ የሙታን አፅም የክብር ማሣረፊያ መካነ መቃብር ውስጥ በመግባት፣ የአስራ ሁለት ሠዎች የመቃብር ቦታን በማረስ ጫት የተከለ በመሆኑ በፖሊስ ቁጥጥር ስር ውሎ ምርመራ ሲጣራበት እንደነበረ ተገልጧል።

በአቃቤ ሕግ የተመሠረተውን ክስ የተመለከተው የጐሮ ሙጢ ወረዳ ፍርድ ቤት፣ ጥቅምት 28 ቀን 2018 ዓ.ም በዋለው ችሎት፣ ተከሣሽ ከድር አማን በተመሠረተበት ክስ ሙሉ በሙሉ ጥፋተኛ ሆኖ በመገኘቱ በሦስት ዓመት እስራትና በአንድ ሺህ ብር መቀጮ እንዲቀጣ የተወሠነበት መሆኑን የአቃቤ ሕግ ፅህፈት ቤቱን ጠቅሶ ብስራት ዘግቧል።