ሀገርን በጸና መሠረት ላይ የማቆም ታሪካዊ እርምጃ
******************

የኢትዮጵያ ሀገራዊ ምክክር የመንግሥት ፖለቲካዊ ቁርጠኝነት የታየበት ሀገርን በጸና መሠረት ላይ የማቆም ታሪካዊና ስትራቴጂካዊ እርምጃ ነው።

ኢትዮጵያ በዚህ ታሪካዊ ሂደት "ምን ምን ሀሳብች ላይ እንመካከር ?" እንዴትስ መግባባት እንችላለን?" የሚሉ መሠረታዊ ጥያቄዎችን ስትጠይቅ ቆይታለች።

በእነዚህ ዓመታት ከተለያዩ የኢትዮጵያ አካባቢዎችና የማኅበረሰብ ክፍሎች ጥያቄዎችና ሀሳቦች ተሰብስበዋል፤ መፍትሔ የሚሹ አጀንዳዎች ተለይተው በምክክር የመግባባት መንገድ ሲፈለግበት ቆይቷል።

በውይይት የተነሱ ሀሳቦች፣ በምክክር የተለዩ አጀንዳዎች እና በተሳታፊዎች የቀረቡ ምክረ ሐሳቦች አሁን ወደ ተግባራዊ የፖሊሲ ሂደት የሚሸጋገሩበት አዲስ ምዕራፍ ተጀምሯል።

ይህ የለውጥ ምዕራፍ እውን መሆኑ የታወቀው ከኢትዮጵያ ሀገራዊ ምክክር የተገኙ የአጀንዳ ነጥቦችና ምክረ ሐሳቦች ለሕዝብ ተወካዮች ምክር ቤት፣ ለፌደራል መንግሥት እንዲሁም ለክልል መንግሥታት በይፋ በተላለፉበት የሰነድ ርክክብ መርሃ ግብር ላይ ነው።

ይህ ርክክብ በሀገራዊ ምክክሩ ሂደት ውስጥ አዲስ ምዕራፍ የሚከፍት ሲሆን፣ በምክክር የተሰበሰቡ ሀሳቦችን ወደ ተቋማዊና ተግባራዊ አሠራር የማሸጋገር ሥራ መጀመሩን ያበሥራል።

ባለፉት አራት ዓመታት በሀገር አቀፍ ደረጃ በተካሄዱ የአጀንዳ ማሰባሰብና የምክክር ሂደቶች፣ የተለያዩ ማኅበረሰቦች ለሀገራችን ቀጣይ ጉዞ ወሳኝ በሆኑ ጉዳዮች ላይ በነፃነት እንዲወያዩ ዕድል ተፈጥሯል።

በሐምሌ 8 ቀን 2018 ዓ.ም በይፋ በተጀመረው ጉባኤ 4 ሺህ ተመካካሪዎች በመሳተፍ በስምንት ሀገራዊ አጀንዳዎች ላይ ሰፊ ምክክር ማካሄዳቸው ይታወሳል።

የምክክሩ አወቃቀርም ተመካካሪዎች ሀሳባቸውን በነፃነት እንዲያቀርቡ፣ የሌሎችን አመለካከት እንዲያዳምጡ እና የመግባባት ነጥቦችን እንዲለዩ በሚያስችል መልኩ የተዋቀረ ነበር።

ይህም በታላቋ ሀገራችን በትልቅ ህዝብ ተመካካሪ ተሳታፊዎች ለወደፊት ትውልድ የሚተላለፍ ታላቅ የመግባባት ርዕይ ለመመስረት ምክንያት ሆኗል።

በልዩ እሸቱ
#ትልቅ_ሀገር #ትልቅ_ሕዝብ #ታላቅ_ርዕይ
#nationaldialogue #ethiopia #peaceandunity

''ኢሬቻ የሰላም፣ የአንድነት እና የአብሮነት'' የዋዜማ ድግስ
#ethiopia | ኢስት አፍሪካ ኢንተርቴይንመንት እና ኢቨንትስ የመስከረም 22ቱን ''ኢሬቻ የሰላም፣ የአንድነት እና የአብሮነት'' በሚል መሪ ቃል የሚካሄደው የዘንድሮው የፊንፊኔ ኢሬቻ ዋዜማ ፌስቲቫል፣ በዓል ዝግጅት አስመልከቶ በሰጠው መግለጫ፣ በጊዮን ሆቴል ግቢ ውስጥ ከጠዋት እስከ ማታ በሚካሄደው ፕሮግራም ላይ ከሩጫና ከሙዚቃ ኮንሰርቱ በተጨምሪ የ «ሚስ ዩኒቲ» የቁንጅና ውድድር እንደሚኖሩ አስታወቀ።

በዚህ በዓል ላይ ከተለያዩ የሀገሪቱ ክፍሎች የተወጣጡ ታዋቂ አርቲስቶች የሚሳተፉ ሲሆን አዘጋጆቹ ለታዳሚዎች ምቹ ሁኔታን ለመፍጠር በርካታ ቅድመ ዝግጅቶችን አድርገናል ብለዋል።

የዝግጅቱ ትኬት በአዲስ አበባ፣ በሸገር ከተማ እና በተለያዩ የክልል ከተሞች በኤጀንቶች በኩል እየተሸጠ የሚገኝ ሲሆን፣ በተጨማሪም በቴሌብር አፕሊኬሽን «East Africa Entertainment and Event Ticket» በሚለው ክፍል ገብቶ መግዛት ይቻላል ተብሏል።

ከክልል ከተሞች ለሚመጡ ታዳሚዎች ትኬት በሚገዙበት ወቅት የተዘጋጀ የትራንስፖርት አማራጭ ስላለ፣ ትኬት ከሚሸጡላቸው ወኪሎች መረጃውን በመጠየቅ በአንድነት ወደ ዝግጅቱ ቦታ መጓዝ የሚችሉ ሲሆን ፤ ታዳሚዎች ምግብና መጠጥ ለመፈለግ ከግቢ ውጭ በመውጣት ለተጨማሪ እንግልትና ወጪ እንዳይዳረጉም በግቢው ውስጥ በተመጣጣኝ ዋጋ የምግብና የመጠጥ አገልግሎት ተዘጋጅቷል።

በተጨማሪም ከሩቅ ለሚመጡና ታዳሚዎች የሚሆኑ ሰፋፊ የማረፊያ ድንኳኖች መተከላቸዉን የገለጹት አዘጋጆቹ ይህ በዓል ታዳሚዎች ከሚወዷቸው አርቲስቶች ጋር በመሆን ዘና የሚያሉበትና የማይረሱትን መልካም ትዝታ የሚያስቀሩበት እንዲሆን ተደርጎ የተዘጋጀ በመሆኑ ሙሉ የህብረተሰብ ክፍል በዝግጅቱ ላይ እንዲታደምና በዓሉን በአንድነት እንዲያከብር ጥሪ አቅርበዋል።

Getu Temesgen - (ጌጡ ተመስገን) #getutemesgen #getu
‎#irrecha #finfinnee #irrecha2019 #ethiopia #peaceandunity #irrechafestival #eastafricaentertainment

‎"ያሆዴ" በዓል በደማቅ ባህላዊ ድምቀት ተከበረ
‎
‎#ethiopia | የሀድያ ብሔር ዘመን መለወጫ “ያሆዴ” በዓል በሀድይ ነፈራ በደማቅ ባህላዊ ክዋኔዎች ተከበረ።

በዓሉ የሀድያ ማህበረሰብ ባህልና እሴቶችን በማስቀጠል የመተሳሰብ፣ የሰላምና የአንድነት መንፈስን የሚያጎለብት በዓል መሆኑ ተገልጿል።
‎
‎የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው (ዶ/ር) ያሆዴ የመተሳሰብ፣ የሰላምና የአንድነት በዓል መሆኑን ገልጸዋል።

በዓሉ ከረጅም ወራት የሥራ ጫናና ድካም በኋላ ዘመድ ወዳጅ የሚጠያየቅበት፣ ይቅርታ የሚደራረግበትና ማህበራዊ ትስስር የሚጠናከርበት ትልቅ በዓል መሆኑንም አስረድተዋል።
‎
‎ርዕሰ መስተዳድሩ በመልዕክታቸው መስከረም ወር ለማዕከላዊ ኢትዮጵያ ህዝቦች፣ በተለይም ለሀድያ ብሔር ተወላጆች፣ የመታደስና የአዲስ ተስፋ ወቅት መሆኑን ጠቁመዋል።

የያሆዴ በዓልም ለሀገር ሰላም፣ ለህዝቦች መከባበርና መፈቃቀር እንዲሁም ለጋራ ልማት የሚመከርበት አጋጣሚ መሆኑን ገልጸዋል።
‎
‎በዓሉ ለ11 ወራት ከትውልድ ቀያቸው ርቀው የቆዩ የማህበረሰቡ አባላት ወደ ቤተሰቦቻቸውና ወደ ቀዬአቸው ተመልሰው በጋራ የሚያከብሩበት በመሆኑ፣ የማህበራዊ ትስስርን ከማጠናከር ባለፈ በሰላምና በአካባቢ ልማት ጉዳዮች ላይ በጋራ ለመምከር ዕድል እንደሚፈጥር ተገልጿል።
‎
‎በዓሉ ከማዕከላዊ ኢትዮጵያ ክልል መመስረት ጀምሮ በህብረትና በደማቅ ሁኔታ ሲከበር መቆየቱን የጠቆሙት ዶ/ር እንዳሻው፣ ወደፊትም ያሆዴን በይበልጥ በማስፋትና በማስዋብ ማክበር እንደሚገባ አሳስበዋል።

በመጨረሻም አዲሱ ዓመት የሰላም፣ የፍቅርና የደስታ እንዲሆን እንዲሁም በሀገርና በክልሉ የተጀመሩ የልማት ሥራዎች በስኬት እንዲጠናቀቁ መልካም ምኞታቸውን ማስተላለፋቸውን ሀዲያ ቴሌቪዥን ዘግቧል።
#yahodefestival #hadiyaculture #hadiyapeople #hadiyanewyear #ethiopianculture #ethiopiantradition #culturalheritage #culturalfestival #peaceandunity #communityunity

የኢሬቻ ዋዜማ በደማቅ ዝግጅቶች ሊከበር ነው
‎
‎#ethiopia | «ኢሬቻ የሰላም፣ የአንድነት እና የአብሮነት» በሚል መሪ ቃል የሚካሄደው የዘንድሮው የፊንፊኔ ኢሬቻ ዋዜማ ፌስቲቫል፣ ባህልን፣ ስፖርትን፣ ኪነ-ጥበብንና ማህበራዊ ትስስርን በሚያጣምር መልኩ እንደሚከናወን ተገልጿል።
‎
‎ዝግጅቱን ከአዲስ አበባ ከተማ አስተዳደርና ከኦሮሚያ ክልል መንግሥት ጋር በመተባበር እያዘጋጀ ያለው ኢስት አፍሪካ ኢንተርቴመንት እና ኤቨንት ኦርጋናይዘር በዘርፉ ከ10 ዓመታት በላይ ልምድ ያለው ተቋም መሆኑም ኹነቱን አስመልክቶ በተሰጠው ጋዜጣዊ መግለጫ ላይ ተገልጿል።
‎
‎ፌስቲቫሉ መስከረም 22 ቀን 2019 ዓ.ም በጊዮን ሆቴል የሚካሄድ ሲሆን፣ ከታቀዱት ዋና ዋና መርሃ ግብሮች መካከል እስከ 50 ሺህ ተሳታፊዎችን የሚያሳትፈው የ10 ኪሎ ሜትር የጎዳና ላይ ሩጫ ይገኝበታል። ሩጫው ለሰላም፣ ለወንድማማችነት፣ ለመቻቻልና ለአንድነት መልዕክት የሚያስተላልፍ እንደሚሆን አዘጋጆቹ ገልጸዋል።
‎
‎የበዓሉ ሌላው ልዩ መርሃ ግብር የ10 ሺህ ሲኒ የቡና ሥነ-ሥርዓት ነው። በጊዮን ሆቴል ከ8 እስከ 10 ሜትር ርዝመት ባለው ግዙፍ እረከቦት ላይ የሚከናወነው ይህ መርሃ ግብር የሃይማኖት አባቶችን፣ የመንግሥት ከፍተኛ የስራ ኃላፊዎችን፣ ዲፕሎማቶችን፣ የሴቶችና የወጣቶች ተወካዮችን በማሳተፍ የሰላም ውይይት የሚካሄድበት ይሆናል።
‎
‎በዋዜማው ሌሊቱን ሙሉ የሚቆየው ታላቅ የሙዚቃ ኮንሰርትም በዓሉን ከሚያደምቁ ዝግጅቶች መካከል ተጠቅሷል። ከቀኑ 12 ሰዓት እስከ ንጋቱ 12 ሰዓት ድረስ በሚቆየው ኮንሰርት በርካታ ታዋቂ አርቲስቶች የሙዚቃ ሥራዎቻቸውን እንደሚያቀርቡ ተገልጿል።
‎
‎የ«ሚስ ዩኒቲ» የቁንጅና ውድድርም የፌስቲቫሉ አካል ሲሆን፣ የተለያዩ ባህሎችንና የሕብረ-ብሔራዊ አንድነትን ለማጉላት የታቀደ መሆኑ ታውቋል።
‎
‎ከእነዚህ ዝግጅቶች በተጨማሪ የኦሮሚያ ባህላዊ የምግብና መጠጥ ፌስቲቫል፣ የከተማዋን የኮሪደር ልማት ለማስተዋወቅ የሚደረግ ጉብኝት እና ከሰላም ውይይቶች ጋር የሚቀናጁ መርሃ ግብሮች እንደሚካሄዱ ተገልጿል።
‎
‎ለሙዚቃ ኮንሰርት የመግቢያ ትኬት ዋጋ መደበኛ 1,000 ብር፣ ቪአይፒ 10,000 ብር እና ቪቪአይፒ 20,000 ብር መሆኑም ተገልጿል።
‎
‎#irrecha #finfinnee #irrecha2019 #ethiopia #peaceandunity #irrechafestival #eastafricaentertainment

የኢትዮጵያ አዲስ ዓመት ምክንያት በማድረግ ማን ምን አለ?
#ethiopia | የኢትዮጵያ አዲስ ዓመት ምክንያት በማድረግ የተለያዩ የውጭ ሀገራት መሪዎች የዲፕሎማቲክ መሪዎችና እና አምባሳደሮች የመልካም ምኞት መልእክት አስተላልፈዋል።

የአውስትራሊያ ጠቅላይ ሚኒስትር አንቶኒ አልባኒዝ ለአዲሱ ዓመት ባስተላለፉት የአዲስ አመት መልእክት ለኢትዮጵያውያን እና አውስትራሊያውያ ውስጥ ለሚገኙ ኢትዮጵያዊያን አዲሱ አመት የሰላም የብልጽግና እና የደስታ ዓመት እንዲሆን ተመኝተዋል።

በተመሳሳይ የአውስትራሊያ የተቃዋሚ መሪ የሆኑት አንገስ ቴለር በበኩላቸው እንኳን ለ2019 የኢትዮጵያ አዲስ ዓመት አደረሳችሁ በማለት መልካም ምኞታቸውን ገልጸዋል።

በአዲስ አበባ የአውሮፓ ህብረት አምባሳደር ሶፊ ፍሮም ኤመሰበርገር
አውሮፓ ህብረት ከኢትዮጵያ ጎን እንዳለ በመግለፅ የሰላምና የደስታ ዘመን እንዲሆን ተመኝተዋል።

የካሜሩን አምባሳደር ኤዉምቡዌ ሞኖኖ አዲሱ ዓመት የተስፋ እና የእድገት እንዲሆን ምኞታቸውን አስተላልፈዋል።

የእስራኤል አምባሳደር አቭራሃም ንጉሴ የዕንቁጣጣሽ እና የእስራኤል "ሮሽ ሀሻናህ" አዲስ ዓመት በተመሳሳይ ወቅት መዋላቸውን በመጥቀስ "መልካም አዲስ ዓመት ዕንቁጣጣሽ" ብለዋል።

የተባበሩት አረብ ኤምሬትስ (UAE) አምባሳደር አብደላ ሀሰን አልሻምሲ
የሀገራቸውን እና የኢትዮጵያን ጠንካራ ወዳጅነት በማንሳት የሰላምና የፍቅር ዘመን እንዲሆን ተመኝተዋል።

የጀርመን፣ ፊንላንድ፣ ዴንማርክ፣ ስሪላንካ፣ የየመን እና ማሌዥያ ዲፕሎማቶች እና ኤምባሲዎችም በተመሳሳይ ለኢትዮጵያ ሕዝብና መንግሥት የእንኳን አደረሳችሁ መልእክት አስተላልፈዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ethiopiannewyear #enkutatash #ethiopia #newyear2019 #peaceandunity #diplomacy

1501ኛው የመውሊድ በዓል የእዝነት እና የብርሃን ድምቀትና መንፈሳዊ ፍቅር
******************

አላህ ለዓለማት እዝነት አድርጎ የላካቸውን የታላቁ ነቢይ መሐመድን (ሰዐወ) ልደት የሚዘክረው 1 ሺህ 501ኛው የመውሊድ በዓል በሙስሊም ማኅበረሰቦች ዘንድ በታላቅ መንፈሳዊ ድምቀት፣ በሶላት፣ በዱዓ እና በበጎ አድራጎት ሥራዎች እየተከበረ ይገኛል።

ይህ ታላቅ ዕለት የነቢዩን (ሰዐወ) መልካም ምግባር፣ ትህትና፣ ፍቅርና አስተምህሮ በዕለት ተዕለት ሕይወታችን ውስጥ እንዴት ልንተገብረው እንደሚገባ የምናስብበትና ራሳችንን የምንፈትሽበት አጋጣሚ ነው።

ነቢዩ መሐመድ (ሰዐወ) በምድር ላይ የነበራቸው ተልዕኮ የሰውን ልጅ ከነበረበት የጨለማ ዘመን ወደ እውቀትና እምነት ብርሃን፣ ከበደልና ከአድልዎ ወደ ፍትህና እኩልነት ማሸጋገር ሲሆን፤ የሰው ልጅ በዘሩ፣ በቆዳ ቀለሙና በሀብቱ ሳይሆን በትቅዋውና በመልካም ምግባሩ ብቻ የሚመዘንበትን መለኪያ አስተምረዋል።

የመውሊድ በዓል ይህንን ታላቅ እዝነት የምናስታውስበት፣ የነቢዩን (ሰዐወ) ፍቅር በልባችን የምናድስበትና የመቻቻልን እሴት ለዓለም የምናሳይበት ወቅት ነው።

በመሆኑም ሙስሊሙ ማኅበረሰብ በመስጂዶች በጋራ ተሰብስቦ የነቢዩን (ሰዐወ) ታሪክ የሚያወድሱ መንዙማዎችን እና ሶላቶችን የሚያደርስበት፣ የሰላምና የአንድነት መልዕክት የሚያስተላልፍበት ሆኗል።

ከዚህ ባለፈም የነቢዩን (ሰዐወ) አስተምህሮ መሠረት በማድረግ የተራቡትን በማብላት፣ የተጠሙትን በማጠጣት፣ የጎደላቸውንና ወላጅ የሌላቸውን ህጻናት እንዲሁም አቅመ-ደካሞችን በመደገፍና በሰዎች መካከል ያሉ ቅሬታዎችን በመፍታት ወንድማማችነትን በማጠናከር የሚከበር ታላቅ እሴት ነው።

በዓሉን ስናከብር የነቢዩን (ሰዐወ) የሕይወት ታሪክ በጥልቀት ማወቅና ለተከታዩ ትውልድ ማስተላለፍ ቀዳሚ ተግባራችን ሊሆን ይገባል።

የበዓሉን ደስታ ከጎረቤቶች እና ከአቅመ ደካሞች ጋር በማካፈል እውነተኛውን የእዝነት መንፈስ ማሳየት ይጠበቅብናል።

ከማንኛውም ጊዜ በላይ እርስ በእርስ በመከባበር፣ በመደጋገፍ እና አብሮነትን በማጠናከር የነቢዩን (ሰዐወ) የሰላምና የፍትህ አስተምህሮ በተግባር ማሳየት የሁላችንም ኃላፊነት ሲሆን፤ ይህ 1 ሺህ 501ኛው የመውሊድ በዓል ለሀገራችንና ለዓለም በሙሉ የሰላም፣ የፍቅር እና የጤና ወቅት እንዲሆን እንመኛለን።

በአድማሱ አራጋው
#ebc #mawlid #prophetmuhammad #mawlidalnabi #peaceandunity #ethiopia

የመጨረሻው ሰነድ ለ4,000 ሰዎች ነገ ይቀርባል

​#nationaldialogue #ethiopia #ethiopiannationaldialogue #nationalconsensus #peaceandunity

ከጥላቻ ይልቅ የጋራ መፍትሔ - የኮንሶ ማህበረሰብ ተወካዮች አስደናቂ መልእክት
#national #dialogue #konso #peaceandunity

" target="_blank" class="inline-link">https://new-en.yenevibe.co...

u1208u1290u1308u12cd u1275u12cdu120du12f5 u121du1295 u12a5u1293u12cdu122du1230u12cd?
#ethiopia #nationaldialogue #peaceandunity ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
ለነገው ትውልድ ምን እናውርሰው?
#ethiopia #nationaldialogue #peaceandunity

ከተመካከርን የማንሻገረው አረንቋና የማንፈታው የችግር ቋጠሮ አይኖርም - የኪነ-ጥበብ ባለሙያዎች
*******************

ታዋቂና አንጋፋ የኢትዮጵያ የኪነ-ጥበብ ባለሙያዎች፣ አሁን ላይ የተጀመረው ሀገራዊ የምክክር ሂደት ኢትዮጵያውያን የራሳቸውን ውስብስብ ችግሮች በራሳቸው መንገድና አገር በቀል እሴቶች የመፍታት ጥበባቸውን ለዓለም በተግባር የሚያሳዩበት ታሪካዊና ወሳኝ አጋጣሚ መሆኑን ገለጹ።

ከኤፍ ኤም አዲስ 97.1 ጋር ቆይታ ያደረጉት እነዚህ ባለሙያዎች፤ ምክክሩ ላለፉት ዓመታት በርካታ መሰናክሎችን አልፎ አሁን ለተጨባጭ ጉባኤ በመብቃቱ መላው ሕዝብ ዕድለኛ መሆኑን ጠቅሰው፣ ይህ ታላቅ ሂደት በስኬት ሲጠናቀቅ ኢትዮጵያ ቀድሞ የነበራትን ታሪካዊ ክብር ይበልጥ አጎናጽፎ ወደፊት እንድትራመድ ብርቱ መሠረት እንደሚጥልላት አስገንዝበዋል።

አንጋፋው ሙዚቀኛ ዳዊት ይፍሩ ከኤፍ ኤም አዲስ 97.1 ጋር ባደረገው ቆይታ፣ ሀገራችን ችግሮችን በሽማግሌዎች የመፍታት የዳበረ እሴት ያላት መሆኑን ጠቅሶ፣ አሁን ይህንን ለዓለም ጭምር አርአያ በሚሆን መልኩ የምንተገብርበት ወሳኝ ጊዜ ላይ እንገኛለን ሲል ተናግሯል።

ይህ የምክክር ጉዞ ላለፉት ዓመታት በርካታ መሰናክሎችን ቢያሳልፍም፣ ሁሉንም ተቋቁሞ ለመጨረሻው ታሪካዊ ጉባኤ በመብቃቱ ሁላችንም እጅግ ዕድለኞች ነን ሲል አስረድቷል።

ይህ ታሪካዊ ጉባኤ በስኬት ሲጠናቀቅ ኢትዮጵያ ከዚህ ቀደም የነበራትን ክብር ይበልጥ አጎናጽፎ ወደፊት እንድትራመድ ትልቅ በር እንደሚከፍትላት ያነሳው አርቲስቱ፤ ለዚህ ታሪካዊ ስኬት መላው ኢትዮጵያዊ በአንድነትና በኅብረት መቆም እንደሚገባው አሳስቧል።

ታዋቂው የኪነ-ጥበብ ባለሙያ ጥላሁን ጉግሳ በበኩሉ፣ ኢትዮጵያ በታሪኳ ያጋጠሟትን አገር በቀል ችግሮች በራሷ መንገድ ስትፈታ የኖረች ኩሩ አገር መሆኗን ጠቅሶ፤ አሁን የተጀመረው አገራዊ ምክክር እነዚህን ታሪካዊና ባህላዊ የችግር አፈታት እሴቶች ዳግም ለማነቃቃትና በዘመናዊ መንገድ ለመተግበር የተከፈተ ትልቅ ዕድል መሆኑን ጠቁሟል።

ምክክር ማለት እርስ በርስ በጠረጴዛ ዙሪያ መነጋገር መሆኑን የጠቀሰው አርቲስት ጥላሁን፤ "ከተመካከርን የማንፈነቅለው ቋጥኝ፣ የማንሻገረው አረንቋና የማንፈታው የችግር ቋጠሮ አይኖርም" ሲል የምክክርን አስደናቂ ኃይል አብራርቷል።

ታዋቂው የሬጌ ሙዚቃ ድምፃዊ ዘለቀ ገሠሠ፣ የኢትዮጵያ ውስብስብ ችግሮች በዘላቂነት ሊፈቱ የሚችሉት በምክክርና በሰላማዊ መንገድ ብቻ መሆኑን እንደሚያምን ተናግሯል።

በሀገሪቱ ለረጅም ዘመናት የቆዩ ችግሮች በጦርነትና በተኩስ ቢሞከሩም መፍትሔ እንዳልተገኘላቸው ጠቅሶ፣ አሁን የመጣውን ታሪካዊ የምክክር ዕድል በመጠቀም ችግሮችን በሰላማዊ መንገድ ለመፍታት ሁሉም ዜጋ የበኩሉን እንዲወጣ ጥሪ አቅርቧል።

ታዋቂው የኪነ-ጥበብ ባለሙያ ደበሽ ተመስገን በበኩሉ፣ በኢትዮጵያ የተጀመረው ሀገራዊ ምክክር የሀገሪቱን ውስብስብ ችግሮች በዘላቂነት ለመፍታት ትልቅ ተስፋ የተጣለበትና አዲስ የታሪክ ምዕራፍ የሚከፈትበት ታላቅ ሂደት መሆኑን ተናግሯል፡፡

ኢትዮጵያ በታሪኳ ለመጀመሪያ ጊዜ አለመግባባቶችን በውይይት ለመፍታት እንዲህ ዓይነት ታላቅ አጋጣሚ መፈጠሩ በራሱ ትልቅ የታሪክ ክስተት መሆኑንም አብራርቷል።

በየተመኙሽ አያሌው
#ebc #nationaldialogue #ethiopianartists #peaceandunity #homegrownsolutions

በአዲስ አበባ የተካሄደው “ኢትዮጵያ እየመከረች ነው” የጎዳና ላይ ሩጫ (በምስል)
#ethiopianbroadcastingcorporation #ኢትዮጵያእየመከረችነው #ሀገራዊምክክር #nationaldialogue #peaceandunity

በውይይት የምትጸና ሀገር፤ የኢትዮጵያ ሀገራዊ ምክክር ለቀጣዩ ትውልድ የተሰናዳ የሰላም ቅርስ
**************

የኢትዮጵያን የቆዩ ታሪካዊና ፖለቲካዊ ችግሮች በዘላቂነት ለመፍታት ከጠመንጃ ድምፅ ይልቅ የሰለጠነ ውይይትና ምክክር ብቸኛውና ሁሉንም አሸናፊ የሚያደርግ አማራጭ መሆኑ አጠያያቂ አይደለም።

"በውይይት ብቻ የምትጸና ሀገር" የሚለውን እሳቤ እንደ መርህ በማንገብ ወደ ሥራ የገባውና በየደረጃው የሕዝብ አስተያየትና አጀንዳ በማሰባሰብ ከመጨረሻው ምዕራፍ የደረሰው ሀገራዊ ምክክር ለሀገራችን ዘላቂ ሰላም፣ ለሰለጠነ ፖለቲካዊ ባህል ግንባታ እና ለጠንካራ ሀገረ መንግሥት ምስረታ ዋስትና የሚሆን ታሪካዊ ሁነት መሆኑ ተመላክቷል።

ይህንን ሀገራዊ ምክክር ከሌሎች የቀደሙ ውይይቶችና ንግግሮች ልዩ የሚያደርገው አንዱና ዋናው ነገር ከዚህ ቀደም በፖለቲካ ተዋናዮች ብቻ ይታጠር የነበረውን አሠራር በማስፋት በየደረጃው የሚገኘውን ሕዝብ ከሁሉም የማኅበረሰብ ክፍል ያሳተፈ መሆኑ ነው።

ሂደቱ ከፖለቲካ ፓርቲዎችና ከታዋቂ ግለሰቦች አልፎ አርሶ አደሩን፣ ወጣቱን፣ ሴቶችን፣ የሃይማኖትና የሀገር ሽማግሌዎችን እንዲሁም ልዩ ትኩረት የሚሹ የማኅበረሰብ ክፍሎችን ሁሉ ያካተተ ሲሆን፤ እያንዳንዱ የማኅበረሰብ ውይይትና የአጀንዳ ቀረጻ ሂደት በየጊዜው ለሕዝብ ይፋ መደረጉ የሂደቱን ግልጸኝነትና የጋራ አመኔታ ያረጋግጣል።

ኮሚሽኑ ተቋቁሞ ወደ ሥራ ከገባበት ጊዜ ጀምሮ አሳታፊነትንና አካታችነትን ግንባር ቀደም መርሆቹ በማድረግ ከቀዳሚ የሕብረተሰብ ክፍል ጀምሮ በክልል ደረጃ የተዋቀሩ ማኅበራትን፣ መንግሥታዊና መንግሥታዊ ያልሆኑ ተቋማትን፣ የፖለቲካ ፓርቲዎችን እና የሲቪክ ማኅበራትን በማሳተፍ የምክክሩ ባለቤት ሕዝብና ተቋማት እንዲሆኑ ጠንካራ መሠረት ጥሏል።

ታሪክ እንደሚያስተምረው በውስጣዊ ግጭትና በፖለቲካ ልዩነት አስቸጋሪ ሁኔታ ውስጥ ያለፉ እንደ ቱኒዚያ፣ ደቡብ አፍሪካ እና ኮሎምቢያ ያሉ ሀገራት ከመፈራረስ አደጋ ለመዳን የተጠቀሙበት ዋናው መሣሪያ "ሀገራዊ ምክክር" መሆኑ ይታወቃል።

የቱኒዚያው "ሀገራዊ የውይይት ስብስብ" ሀገሪቱን ከእርስ በርስ ጦርነት ታድጎ ለኖቤል ሰላም ሽልማት ያበቃ ሲሆን፣ የደቡብ አፍሪካው የ"እውነትና እርቅ ኮሚሽን" ያለፈውን በደል በይቅርታ በመሻገር ለአዲሲቷ ዲሞክራሲያዊት ደቡብ አፍሪካ መሠረት ጥሏል።

እንዲሁም ለአምስት አስርት ዓመታት የዘለቀውን የኮሎምቢያ ግጭት በድርድር መፍታት መቻሉ ምክክር የረጅም ጊዜ ትዕግስትና ቁርጠኝነትን የሚጠይቅ የጥንካሬ መገለጫ መሆኑንና ሰላም የውይይት እንጂ የግዳጅ ውጤት አለመሆኑን ለዓለም አቀፉ ማኅበረሰብ በተሞክሮነት አሳይቷል።

በአንጻሩ ምክክርን ችላ ያሉና የልዩነት ድምፆችን ያፈኑ ሀገራት በቀላሉ ወደ ደካማ መንግሥትነትና መፈራረስ እንደሚያመሩ የታየ በመሆኑ፣ ሀገራዊ ምክክር የሰላም አማራጭ ብቻ ሳይሆን የህልውና ዋስትና መሆኑ ይነገራል።

የኢትዮጵያ ሀገራዊ ምክክር የፖለቲካ ውይይት ብቻ ሳይሆን ሀገራችን በታሪኳ ያሳለፈቻቸውን የተዛቡ ትርክቶች እና የፖለቲካ ቁርሾዎች በውይይት በመፍታት ለቀጣዩ ትውልድ ሰላማዊና የተረጋጋች ሀገርን ለማስረከብ የሚደረግ ታሪካዊ የይቅርታና የመግባባት ጉዞ ነው።

ይህ ሂደት ትውልዱ ከጥላቻ ፖለቲካ ወጥቶ በጋራ እሴቶች ላይ እንዲታነጽና የውይይት ባህልን እንዲያዳብር የሚያስችለው ሲሆን፣ በተለይም ወጣቱ ትውልድ ጉልበቱን ለግጭት ሳይሆን ለፈጠራ፣ ለሀገር ኢኮኖሚ ግንባታና ለሳይንሳዊ ዕድገት እንዲያውል ዕድል የሚፈጥር ነው።

በጥቅሉ በሕዝቦች መካከል የጋራ መግባባትን በመፍጠር የዜግነት ክብርን የሚያሳድገውና በጋራ ሕልም ዙሪያ የሚተጋ ትውልድ የሚቀርጸው ይህ የኢትዮጵያ ሀገራዊ ምክክር፣ መላውን ሕዝብ ከክክፍል ወደ አንድነት፣ ከጥርጣሬ ወደ መተማመን እና ተስፋ የሚያሸጋግር ታላቅ ብሔራዊ ሁነት መሆኑ ተመላክቷል።

በብሌን ደምበሎ
#ethiopianbroadcastingcorporation #nationaldialogueethiopia #nationalconsultation #peaceandunity #inclusivedialogue

ኮሚሽኑ ለሀገራዊ ምክክር ጉባኤው የመገናኛ ብዙኃን የንቅናቄ ዘመቻ አስጀመረ
*************

የኢትዮጵያ ሀገራዊ ምክክር ኮሚሽን የሀገራዊ ምክክር ጉባኤውን ለማሳካት የሚያስችል የንቅናቄ ዘመቻ ለመጀመር በኢትዮጵያ ከሚገኙ የመገናኛ ብዙኃን ተቋማት ኃላፊዎችና ከፍተኛ ባለሞያዎች ጋር ውይይት አካሂዷል።

በውይይቱ የኮሚሽኑ ኮሚሽነር አምባሳደር መሀሙድ ድሪር፣ ኮሚሽነር መላኩ ወ/ማርያም እና ኮሚሽነር ዮናስ አዳዬ (ዶ/ር) መገናኛ ብዙሀን ከኮሚሽኑ ጋር በመስራት እስካሁን ላበረከቱት አስተዋፅኦ ምስጋና አቅርበዋል።

ቀጣዩ ሀገራዊ ጉባኤ ከቅድመ ጉባኤ ጀምሮ ጥንቃቄ የተሞላበት የአዘጋገብ ስልት ስለሚጠይቅ ይህንን ለማስገንዘብ እና ሰፊ የግንዛቤ ማስጨበጫ ዘመቻ ለመጀመር መድረኩ መዘጋጀቱን አክለዋል።

መገናኛ ብዙሀን የሀገራዊ ምክክሩን ሂደት ሲዘግቡ በአካታችነት መርሁ መሰረት የሁሉንም ዜጎች ድምፅ በማካተትት፣ የኮሚሽኑን ነፃና ገለልተኛ አሰራር በመጠበቅ እንዲሁም ዘላቂ ሰላምና መግባባት ለመፍጠር በሚያግዝ መልኩ መሆኑን እንዳለበት ነው አፅንኦት ሰጥተው ያስገነዘቡት።

ከቅድመ ሀገራዊ ምክክር ጉባኤ እስከ ድህረ ጉባኤ መገናኛ ብዙኃን ትክክለኛ፣ ሚዛናዊ እና ተደራሽ መረጃ በማቅረብ ሚናቸውን እንዲወጡም አክለዋል።

በመድረኩ የመወያያ ፅሁፍ ያቀረቡት በአዲስ አበባ ዩንቨርስቲ የጋዜጠኝነትና ኮሙኒኬሽን ትምህርት ክፍል ሀላፊ ዮሀንስ ሽፈራው (ዶ/ር) ዓለም አቀፍ ተሞክሮዎችን በመጥቀስ ሀገራዊ የምክክር ሂደቱ የተሳካ እንዲሆን መገናኛ ብዙሀን ሊከተሏቸው የሚገቡ የአዘጋገብ ስልቶችና ሙያዊ ስነምግባሮችን አመላክተዋል።

የመገናኛ ብዙኃን ኃላፊዎች በበኩላቸው የሀገራዊ ምክክር ሂደቱን ለሕዝብ በስፋት ለማስተዋወቅና በሂደቱ ዙሪያ የሚቀርቡ መረጃዎች ተዓማኒነት እንዲኖራቸው በትኩረት እንደሚሰሩ መግለጻቸውን የኮሚሽኑ መረጃ ያመላክታል።

በዕለቱ ኮሚሽኑ በራሱ የውስጥ አቅም ያዘጋጃቸውን 15 የክልል የምክክር መድረክ ዘጋቢ ፊልሞች፣ 19 የቴሌቪዥንና የማህበራዊ ሚዲያ የቅስቀሳ መልዕክቶችን፣ 6 የሬዲዮ መልዕክቶችን እንዲሁም በልዩ ልዩ ቋንቋዎች የተዘጋጁ አጫጫር መልዕክቶችን ለሚዲያ አመራሮቹ አስረክቧል።

ኮሚሽኑ ያስረከባቸው መልዕክቶች መገናኛ ብዙኃኑ በራሳቸው አቅም ከሚያዘጋጇቸው ተጨማሪ ሆነው እንደ ግብዓት እንደሚያገለግሉ ተነግሯል።

መልዕክቶቹን ከመጪው ሰኞ ሰኔ 15/2018 ዓ.ም ጀምሮ በስፋት ወደ ሕዝብ ለማድረስ በኮሚሽኑና በመገናኛ ብዙሀኑ መካከል መግባባት ላይ ተደርሷል።

በዚህ የንቅናቄ ማስጀመሪያ መድረክ ከ80 በላይ የቴሌቪዥን፣ የሬዲዮና የሕትመት ሚዲያ አመራሮችና ከፍተኛ ባለሞያዎች እንዲሁም የኢትዮ ቴሌኮሚ፣ የትምህርት፣ የጤና እና የትራንስፓርትና ሎጂስቲክስ ዘርፍ የኮሙኒኬሽን ሀላፊዎች እና የተለያዩ የክብር እንግዶች ተሳትፈዋል።

ኮሚሽኑ ባለፈው ሳምንት በመላ ሀገሪቱ የሚገኙ 50 የማህበረሰብ መገናኛ ብዙሀን ሀላፊዎችንና ባለሙያዎችን ያገኘበት መድረክ አከናውኖ ተመሳሳይ የሚዲያ ንቅናቄ ዘመቻ ማስጀመሩ ይታወሳል።
#ethiopianbroadcastingcorporation #ethiopiannationaldialoguecommission #nationaldialogue #mediacampaign #peaceandunity

የሕዝብ ለሕዝብ ትስስር የሰውነት እሴትን የሚያጎለብት ታላቅ ኃይል ነው፡- ርዕሰ መስተዳድር ኦርዲን በድሪ
****************

"የሕዝቦች ሰላምና አብሮነት ለጋራ ብልጽግና" በሚል መሪ ቃል የሕዝብ ለሕዝብ የሰላምና የአብሮነት ኮንፈረንስ በታሪካዊቷ የሐረር ከተማ በድምቀት ተካሂዷል።

የሐረሪ እና የኦሮሞ ሕዝቦችን ለዘመናት የዘለቀ ጠንካራ የአብሮነት እሴት ይበልጥ ለማጎልበት ያለመው ይህ መድረክ፣ በሁለቱ ሕዝቦች መካከል ያለውን ወንድማማችነት የሚያጠናክሩ ጉዳዮች ላይ ትኩረት አድርጓል።

በመድረኩ ላይ ተገኝተው ንግግር ያደረጉት የሐረሪ ክልል ርዕሰ መስተዳድር ኦርዲን በድሪ፣ ሰላም ለአንድ ሀገር ዕድገት፣ ለዜጎች ደህንነትና ለነገ ተስፋ መሠረት መሆኑን አጽንኦት ሰጥተው ገልጸዋል።

እንደ ርዕሰ መስተዳድሩ ገለጻ፣ ሰላም ማለት የጦርነትና የግጭት አለመኖር ብቻ ሳይሆን እርስ በርስ መከባበር፣ መደማመጥ እና ልዩነቶችን በውይይት መፍታት መቻል ጭምር ነው።

ልዩነቶቻችን የመከፋፈል ምክንያት ሳይሆኑ ይልቁንም የመቀራረብ ኃይል መሆን እንዳለባቸው የጠቆሙት አቶ ኦርዲን፣ የሕዝብ ለሕዝብ ትስስር የሰውነት እሴትን የሚያጎለብት ታላቅ ኃይል መሆኑን አስገንዝበዋል።

ርዕሰ መስተዳድሩ አክለውም የሐረሪ እና የኦሮሞ ሕዝቦች ለዘመናት በአንድ ገበያ የተገበያዩ፣ በአንድ ሰፈር የኖሩ፣ በደስታ ተሳስበው በችግርም የተደጋገፉ መሆናቸውን በመጥቀስ፣ ግንኙነታቸው በታሪክ፣ በደም እና በላብ የተገነባ ጠንካራ መሠረት እንዳለው አብራርተዋል።

በመድረኩ ከሐረሪ ክልል፣ ኦሮሚያ ክልል ምስራቅ ሐረርጌ ዞን እና ማያ ከተማ አስተዳደር የተውጣጡ የተለያዩ የማህበረሰብ ክፍሎች ተሳትፈዋል።

በቴዎድሮስ ታደሰ
#ethiopianbroadcastingcorporation #publicrelations #peaceandunity #harar #ethiopia

የትንሳኤ በዓል አስመልክቶ የጸሎት መርሐ-ግብር ተዘጋጀ

📌 7ኛው ሀገራዊ ምርጫ በሰላም እንዲጠናቀቅ ጸሎት ይደረጋል

​#ethiopia | ​የኢትዮጵያ ወንጌላውያን አብያተ ክርስቲያናት ህብረት የተመሰረተበትን 50ኛ ዓመት የወርቅ ኢዮቤልዩ በዓል እና የዘንድሮውን የትንሳኤ በዓል በማስመልከት፣ በሚሊዮኖች የሚቆጠሩ አማኞች የሚሳተፉበት ታላቅ መንፈሳዊ ጉባኤ በመጪው እሁድ ሚያዚያ 4 ቀን 2018 ዓ.ም በአዲስ አበባ ስቴዲየም እንደሚያካሂድ በዛሬው ዕለት በይፋ አስታውቋል።

ይህ ታላቅ መድረክ ከሃይማኖታዊ ስነ-ሥርዓት ባለፈ፣ መጪው 7ኛው ሀገራዊ ምርጫ በሰላምና በታማኝነት እንዲጠናቀቅ "የአደባባይ ጸሎት" የሚደረግበት ልዩ ሀገራዊ መርሃ-ግብር እንደሆነም በሰፊው ተገልጿል።

ህብረቱ በ1968 ዓ.ም በአዳማ ከተማ የመጀመሪያውን ጉባኤ ካካሄደበት ጊዜ አንስቶ ያለፈባቸውን አምስት አስርት ዓመታት ለመዘከር ልዩ ዝግጅቶችን እያከናወነ የሚገኝ ሲሆን፣ የዕለቱ ዝግጅትም የዚህ ታሪካዊ ጉዞና የኢዮቤልዩ በዓል አንድ አካል ተደርጎ ተወስዷል።

​የህብረቱ ፕሬዝዳንት ፓስተር ደረጀ ታፈሰ እንደገለጹት፣ ዋናው የኢዮቤልዩ በዓል በሐምሌ ወር የሚከበር ቢሆንም፣ በትንሳኤ በዓል ዕለት የሚከናወነው ጉባኤ የህብረቱን ምስረታ የሚዘክሩ የፎቶግራፍ ኤግዚቢሽኖች እና የታሪክ ምስክርነቶች የሚቀርቡበት ይሆናል።

ፓስተር ደረጀ ቤተክርስቲያን ለሀገር መረጋጋትና ለአንድነት ያላትን ኃላፊነት በይፋ እንደምትወጣ አረጋግጠው፣ በሃይማኖትና በብሔር ስም የሚነሱ የመለያየት አስተምህሮዎችን ህብረቱ በጽኑ እንደሚቃወም ገልጸዋል።

እውነተኛው የወንጌል አስተምህሮ ሰላምና ፍቅር እንጂ መቃቃር እንዳልሆነ በመጠቆም፣ በመጪው ምርጫ ዙሪያ አደባባይ ላይ የሚደረገው ጸሎት ለሀገር ትልቅ ሰላምን የሚያመጣ መሆኑን በንግግራቸው አጽንኦት ሰጥተውበታል።

​በተጨማሪም ህብረቱ "ትንሳኤና ሕይወት እኔ ነኝ" የሚለውን የመጽሐፍ ቅዱስ ቃል መሪ በማድረግ፣ በዕለቱ የተቸገሩ ወገኖችን የመርዳትና የማዕድ ማጋራት መርሐ-ግብር አዘጋጅቷል። ይህ ማህበራዊ አገልግሎት ህብረቱ በየዓመቱ በታላላቅ በዓላት የሚያከናውነው ልማድ ሲሆን፣ ዘንድሮም በከፍተኛ ሁኔታ ተጠናክሮ እንደሚቀጥል ተነግሯል።

ከማለዳው 12:00 ሰዓት ጀምሮ በአዲስ አበባ ስቴዲየም በሚካሄደው በዚህ ታላቅ መርሐ-ግብር ላይ፣ በአዲስ አበባና በዙሪያዋ የሚገኙ በሚሊዮን የሚቆጠሩ አማኞች ተገኝተው የትንሳኤውን በዓል በጋራ እንዲያከብሩና ስለ ሀገር ሰላም እንዲጸልዩ ጥሪ ተላልፏል።

​#ethiopia #easterinethiopia #evangelicalchurchesfellowship #nationalprayer #goldenjubilee #addisababastadium #peaceandunity #resurrectionpower

1,447ኛው የዒድ አል-ፈጥር በዓል በመላው ኢትዮጵያ በድምቀት ተከበረ

​#ethiopia | በመላው የእስልምና እምነት ተከታዮች ዘንድ በታላቅ ጉጉት ሲጠበቅ የቆየውና የረመዳን ጾም ማጠናቀቂያ የሆነው 1,447ኛው የዒድ አል-ፈጥር በዓል፣ ዛሬ በአዲስ አበባ ስታዲየምን ጨምሮ በመላው የሀገሪቱ ክፍሎች በታላቅ ድምቀት ተከብሯል።

​በአዲስ አበባ ከተማ ብቻ ከ15 በላይ በሚሆኑ ዋና ዋና የመስገጃ ስፍራዎች የሶላት ስነ-ሥርዓቱ የተከናወነ ሲሆን፣ ከማለዳው ጀምሮ በርካታ የእምነቱ ተከታዮች "አላሁ አክበር" እያሉ ወደ አደባባዮች በመሄድ በዓሉን በጋራ አክብረዋል።

​በዕለቱ የተገኙት የሃይማኖቱ ተከታዮች ባለፈው የአንድ ወር የጾም ወቅት የታዩ የመረዳዳት እና የመተሳሰብ እሴቶች ከበዓሉ በኋላም ተጠናክረው እንዲቀጥሉ ጥሪያቸውን አስተላልፈዋል። በተለይም አቅመ ደካሞችን በመርዳት እና ማዕድ በማጋራት ረገድ የታየው አንድነት ለሀገር ሰላምና እድገት ያለውን ፋይዳ ምዕመናኑ በአጽንኦት ገልጸዋል።

​በተመሳሳይ በሁሉም ክልሎች፣ በዋና ዋና ከተሞችና በገጠር ቀበሌዎች በርካታ የእምነቱ ተከታዮች በኢስላማዊ አደብ የሶላት ስነ-ሥርዓታቸውን አከናውነው በዓሉን በደስታ አክብረዋል።

​ጌጡ ተመስገን (Getu Temesgen)

​#getutemesgen #getu #ጌጡ #ethiopia #eidalfitr #eidmubarak #addisababa #1447theid #peaceandunity #ramadan2026 #celebration #islamicholiday

"ረመዳንን በመረዳዳት፣ በሰላም እና በዱዓ እናሳልፍ"

📍ሸይኽ ሐጂ ኢብራሂም ቱፋ
#ethiopia | የኢትዮጵያ እስልምና ጉዳዮች ጠቅላይ ምክር ቤት ፕሬዚዳንት ሸይኽ ሐጂ ኢብራሂም ቱፋ፣ 1447ኛው የታላቁ የረመዳን ወር መቃረቡን አስመልክቶ ለመላው የእምነቱ ተከታዮች የእንኳን አደረሳችሁ መልዕክት አስተላልፈዋል።

ፕሬዚዳንቱ በመግለጫቸው የረመዳን ወር መንፈሳዊ ፋይዳው የጎላና ሙስሊሙ ማኅበረሰብ በተለየ ትጋት ሊያሳልፈው የሚገባ ወር መሆኑን አጽንኦት ሰጥተዋል።

ከፌደራል ሸሪዓ ፍርድ ቤት በተገኘው መረጃ መሠረት፣ የጾሙ መጀመሪያ ቀን በጨረቃ መታየት ላይ የተመሠረተ ሲሆን ጨረቃ ማክሰኞ የካቲት 10 ምሽት ከታየች ረቡዕ የካቲት 11 ቀን የመጀመሪያው የጾም ቀን ይሆናል።

ጨረቃ ማክሰኞ ምሽት ካልታየች ጾሙ ሐሙስ የካቲት 12 ቀን 2018 ዓ.ም እንደሚጀምር ተገልጿል።

ሸይኽ ሐጂ ኢብራሂም ቱፋ በወሩ ሊከናወኑ በሚገባቸው ተግባራት ላይ የሚከተሉትን ዋና ዋና ነጥቦች አሳስበዋል ረመዳን የልግስና ወር በመሆኑ፣ አቅመ ደካሞችን በመርዳትና ማዕድን በማካፈል (ኢፍጣር) ማኅበራዊ ኃላፊነትን መወጣት እንደሚገባ ገልጸው አማኙ ከማንኛውም ግጭትና ፀብ በመራቅ በሰላም፣ በይቅርታና በእዝነት ወሩን ሊያሳልፍ ይገባልብለዋል።

መንፈሳዊ ልዕልና የሚኖረው ሰላም ሲኖር ነው ያሉት ፕሬዚዳንቱ፣ ለሀገራችን ኢትዮጵያ ሰላም፣ ለሕዝባችን ደኅንነትና ምእመኑ በጾም ወራት አጥብቆ ዱዓ እንዲያደርግ ጥሪ አቅርበዋል።

ረመዳን ከአምስቱ የእስልምና ማዕዘናት አንዱ እንደመሆኑ፣ ሁሉም ሕዝበ ሙስሊም የአላህን ትዕዛዝ በመፈጸም በአምልኮ (ኢባዳ) እና በበጎ ሥራዎች ተጠምዶ እንዲቆይ አደራ ተብሏል።
#ramadan1447 #ramadaninethiopia #peaceandunity #ethiomuslims #hajiibrahimtufa #ramadankareem #ethiopia