" ሚኒስትሮች እና ሚኒስትር ዴኤታዎች ከፍተኛ ሚስጥራዊ ክትትል ሲደረግባቸው ነበር ! " - ጠ/ሚ ዐቢይ አሕመድ (ዶ/ር)

ጠቅላይ ሚኒስትር ዐቢይ አሕመድ (ዶ/ር) ስለ ሹም ሽሩ ምን አሉ ?

" ሌብነትን በሚመለከት ሁሉም ሚኒስትሮች እና ሚኒስትር ዴኤታዎች ቢያንስ ላለፈው አንድ ዓመት ከፍተኛ ሚስጥራዊ ክትትል ሲደረግባቸው ነበር።

በኢንተለጀንስ የተደገፈ፣ በሀገር ውስጥ እና በውጭ ያላቸው እንቅስቃሴ ፣ በልጆቻቸው፣ በሚስቶቻቸው፣ በአጎቶቻቸው ፣ ከሚገናኟቸው ሀብታሞች ጋር በሙሉ የመረጃ ክትትል ይደረግባቸው ነበር። በዚያ መሰረት ሲሪየስ ግምገማዎች አድርገናል። ዝም ብሎ አይደለም ሹም ሽሩ የተደረገው።

አንድ ሚኒስትር እራሱ ሌባ ላይሆን ይችላል። በአካባቢው ያለውን ሌብነት የመቆጣጠር በአካባቢው ያለውን ሌብነት ጥቆማ ሲሰጠው እንደ ግብአት ወስዶ የመፈተሽ ' አትድረሱብኝ ፣ አትንኩኝ እኔ አካባቢ ' ከሚል እሳቤ አለመውጣትም ጭምር የዚያ መመዘኛ አንዱ አካል ነበር።

ክትትል ብቻ ሳይሆን እያንዳንዱ ግለሰብ መጥቶ በሚታማበት ፣ በሚጠረጠርበት ጉዳይ እራሱን እንዲከላከል ተገምግሟል።
- ' ትጠረጠራለህ '
- ' ትጠጣለህ '
- ' ሀብታሞች ጋር ያልተገባ ግንኙነት አለህ '
- ' ደጋፊ ሳይሆን ትሻጠራለህ '
- ' በውስጥ አትከታተልም '
- ' ቢሮ አትገኝም ' 
ሰው እራሱን ዲፌንድ አድርጓል / ተከላክሏል።

አንዳንዱ ስሞታ፣ ወቀሳ ብቻ ሊሆን ይችላል አንዳንዱ ደግሞ በቂ ኢቪደንስ/ማስረጃ ያልተገኘባቸው ሊሆን ይችላል ፤ ምንም አይነት የጥርጣሬ ዝንባሌ ያለባቸውን ግን በነሱም ይሁን በአካባቢያቸው የካቢኔ አባላት አላደረግናቸውም።

ያ ጉዳይ ተገምግሞ ተፈትሾ ከዚያ በኋላ ቢያንስ አንድ ወር አንድ ወር ተኩል በጣም ሲሪየስ የሆነ ስልጠና ነበር በዚህ ስልጠና ውስጥ ተደጋጋሚ ፈተናዎች ነበሩ። ባለፉት 2 ወራት ሚኒስትሮች 2 ሰዓት እና 3 ሰዓት በላይ ተኝንተው አያውቁም።

የተሰጠን ኃላፊነት ትልቅ ነው ፤ የሚጠበቅብን ነገር ትልቅ ነው። በመድከም ብቻ ነው የምናሳካው የሚል እምነት ነው ያለው።

ሚኒስትሮች እውነት ለመናገር ከፊታቸው የሚጠብቃቸው የስቃይ ዘመን ነው። መተኛት ፣ ማላገጥ የሚባል ነገር አይፈቀድም። መስራት ካልሰራን ደግሞ መውጣት። "

ቲክቫህ ኢትዮጵያ
መስከረም 28 ቀን 2019 ዓ/ም

@tikvahethiopia Photo

ሁሉም ሚኒስትሮችና ሚኒስትር ዲኤታዎች ለአንድ አመት ያክል ከፍተኛ ሚስጥራዊ ክትትል ሲደረግባቸው እንደነበር ጠቅላይ ሚኒስትር አብይ አህመድ ገለጹ፡፡

መስከረም 28 ቀን 2019 ዓ.ም. (አሐዱ ሬድዮ) ጠቅላይ ሚኒስትር ዓብይ አህመድ በዛሬው እለት ሹመታቸው የፀደቀላቸውን የሚኒስትሮች መመዘኛ አስመልክቶ ለምክርቤት አባላት ባደረጉት ንግግር ሁሉም ሚኒስትሮችና ሚኒስትር ዲኤታዎች ቢያንስ ላለፉት አንድ አመታት ከፍተኛ ሚስጥራዊ ክትትል ሲደረግባቸው እንደነበር አስታውቀዋል።

ሚኒስትሮች በሌብነት የተሳተፉ እንዳይሆኑ ከፍተኛ ጥንቃቄ መደረጉን ያነሱት ጠቅላይ ሚኒስትሩ ሲደረግባቸው የቆየው ክትትልም በሀገር ውስጥና በውጪ ያላቸውን እንቅስቃሴ ያጠቃለለ ሲሆን ቤተሰቦቻቸውን ጨምሮ ከሚያገኙቸው ሀብታሞች ጋር በሙሉ የመረጃ ክትትል ይደረግ ነበር ብለዋል፡፡

በዚህም መሰረት በልዩ ትኩረት ግምገማዎች መደረጉን ገልፀው ሹም ሽር የተካሄደው ያለምክንያት እንዳልሆነም ጠቅሰዋል፡፡

ነገርግን አንድ ሚኒስትር ራሱ ሌባ ላይሆን ይችላል ሲሉ ገልፀው በከባቢው ያለውን ሌብነት የመቆጣጠርና ጥቆማ ሲሰጠው እንደ ግብዓት ወስዶ የመፈተሽ አንዱ ለተሿሚዎች መመዘኛ እንደነበር አንስተዋል።

ክትትል ብቻም ሳይሆን እያንዳንዱ ግለሰብ በሚጠረጠርበት ጉዳይ ለራሱ እንዲከላከል መገምገሙን የገለፁት ጠቅላይ ሚኒስትሩ በዚህም አንዳንዱ ወቀሳ ብቻ እና አንዳንዱ ደግሞ በቂ መረጃ ያልተገኘባቸው ሊሆኑ እንደሚችሉ አንስተዋል።

ምንም አይነት የጥርጣሬ ዝንባሌ ያለባቸውን ግን የካቢኔ አባላት አላደረግናቸውም ሲሉ ተናግረዋል። በዚህ አግባብ ግምገማቸው ካለፈ በኋላም እስከ አንድ ወር ከሁለት ሳምንት ድረስ ስልጠና እና ተደጋጋሚ ፈተና እንደነበር ገልፀዋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ባሌባ ለቶትንሀም ጨዋታ ሙሉ በሙሉ ዝግጁ ነው

[sully]

@Bisrat_Sport_433et
@Bisrat_Sport_433et

‎​‎" የኦቶና ሆስፒታል በተገቢው ሁኔታ መልሶ አለመገንባቱና አለመጠገኑ ታካሚዎችን ለአላስፈላጊ እንግልት እየዳረጋቸው ነው " - ነዋሪዎች እና የጤና ባለሙያዎች
‎
‎​ከአንድ ዓመት በፊት በድንገተኛ የእሳት አደጋ ከፍተኛ ጉዳት የደረሰበት የኦቶና ሆስፒታል አሁንም ድረስ ተገቢው ጥገናና መልሶ መገንባት ስላልተደረገለት ታካሚዎች ለዘርፈ ብዙ ችግሮች እና እንግልት እየተዳረጉ ስለመሆኑ የቲክቫህ ኢትዮጵያ ምንጮች ተናግረዋል።
‎
‎በጉዳዩ ላይ ያነጋገርናቸው ስማቸው እንዲገጸል ያልፈለጉ የሆስፒታሉ ታካሚዎች እና የጤና ባለሙያዎች እንደሚናገሩት ፣ የተቋሙ መልሶ አለመገንባት አጠቃላይ የሕክምና አገልግሎት አሰጣጡ ላይ ከፍተኛ እክል ስለመፍጠሩ ያስረዳሉ።
‎
‎ታካሚዎች ምን አሉ ?
‎
‎​ለረጅም ዓመታት በሕክምና ተቋሙ ይመላለሱ እንደነበር የገለጹት የመጀመሪያው ታካሚ ለቲክቫህ ኢትዮጵያ በሰጡት ቃል " በቃጠሎው ምክንያት በርካታ የአገልግሎት ክፍሎች ተዘግተው በመቆየታቸው በሆስፒታሉ ውስጥ ከፍተኛ መጨናነቅ ፈጥሮ ቆይቷል " ብለዋል።

በእንዲህ ያለው ሁኔታ በርካታ ሰዎች ለሕክምና መጥተው ሳይታከሙ ተስፋ ቆርጠው ሲመለሱ መመልከታቸውን ገልጸው " እኔም ብሆን የኢኮኖሚ አቅም ውሱንነት ስላለብኝ ባለሙያዎችን እየለመንኩ ለመታከም ተገደጃለሁ " ብለዋል።
‎
‎​አክለውም " ሆስፒታሉ ' ፈጥኖ ይታደሳል፣ ይጠገናል ' በሚል በተስፋ ስንጠባበቅ ብንቆይም፣ በአንድ ዓመት ጊዜ ውስጥ ምንም ዓይነት የተሻለ የጥገና እርምጃ አለመወሰዱ እጅግ አሳዝኖናል፤ ታካሚዎችንም ለከፍተኛ እንግልት ዳርጓል " ሲሉ ገልጸዋል።
‎
‎​ለቲክቫህ ኢትዮጵያ አስተያየታቸውን የሰጡት ሁለተኛው የመረጃ ምንጭ በበኩላቸው፤ " ሆስፒታሉ ከዚህ ቀደም ይሰጣቸው የነበሩና በቃጠሎው ምክንያት ሙሉ በሙሉ የቆሙ በርካታ የምርመራ ዓይነቶች አሉ " ብለዋል።
‎
‎​ቀጥለውም " በቅርቡም አንድ የቤተሰብ አባሌን ለማሳከም ወደ ሆስፒታሉ በሄድኩበት ወቅት፣ ከቃጠሎው በፊት እዚያው ይሰጡ የነበሩ ነገር ግን አሁን ላይ የቆሙ ምርመራዎችን ለማድረግ ሁለት ጊዜ ወደ ሌላ የግል ተቋም እንዲሁም ወደ አርባምንጭ ከተማ ጭምር ለመሄድ ተገደድናል " ሲሉ አስረድተዋል።
‎
‎የሆስፒታሉ የጤና ባለሙያዎች ምን አሉ ?
‎
‎ስማቸው እንዲገለጽ ያልፈለጉ ሁለት የሆስፒታሉ የጤና ባለሙያዎች ለቲክቫህ ኢትዮጵያ በሰጡት ቃል፤ " ተቋሙ በድንገተኛ ቃጠሎ ጉዳት ከደረሰበት በኋላ በሕክምና አገልግሎቱ ላይ ሰፊ ክፍተት ተፈጥሯል። የታካሚዎች እንግልትና ቅሬታ ሙሉ በሙሉ ተገቢና እኛም የምንጋራው እውነታ ነው " ብለዋል።
‎
‎​አክለውም " ለሆስፒታሉ መልሶ መገንባት ከፌዴራል ተጠሪ መስሪያ ቤት (ከጤና ሚኒስቴር) ጀምሮ እስከ ክልል አካላት፣ የተለያዩ ተቋማትና ግለሰቦች ድረስ ከፍተኛ የገንዘብና የቁሳቁስ ድጋፍ ቢደረግም፣ ብዙም ግልጽ ባልሆኑ ምክንያቶች እስካሁን ጥገናውና ግንባታው ሳይከናወን መቅረቱ አሳዛኝ ነው " ሲሉ ተናግረዋል።
‎
‎" ከሰሞኑ የተቃጠለውን ሕንፃ የማፀዳዳት ስራዎች እየተከናወኑ ነው " ያሉት ሁለቱ የጤና ባለሙያዎች " ሆስፒታሉ በአስቸኳይ ተጠግኖ የሕብረተሰቡን እንግልት ቢያስቀር ጥሩ ነው " ሲሉ አሳስበዋል።
‎
‎ባለድርሻ አካላት ምን አሉ ?
‎
‎​ቲክቫህ ኢትዮጵያ በጉዳዩ ላይ ፦
- ከወላይታ ሶዶ ዩኒቨርሲቲ፣
- ከወላይታ ሶዶ ጤና መምሪያ
- ከደቡብ ኢትዮጵያ ክልል ጤና ቢሮ ማብራሪያ ለማግኘት ያደረገው ሙከራ ስልክ ባለማንሳት እንዲሁም በሰሞኑ በተደረገው የደቡብ ኢትዮጵያ ክልል የአመራር ለውጥና ሽግሽግ ምክንያት የስራ ኃላፊዎች በመቀያየራቸው መረጃ ማግኘት አልተቻለም።

ተጨማሪ ሙከራዎችን አድርገን ምላሻቸውን ለማቅረብ እንሞክራለን።

ቲክቫህ ኢትዮጵያ
መስከረም 25 ቀን 2019 ዓ/ም

ፎቶ ፦ ፋይል

@tikvahethiopia ፎቶ ፦ በወላይታ ሶዶ ዩኒቨርሲቲ ኮምፕሪሄንሲቭ ስፔሻላይዝድ ሆስፒታል ውስጥ የተከሰተው የእሳት አደጋ በህዝቡ ብርቱ ጥረት በቁጥጥር ሥር ማዋል እንደተቻለ ተገልጿል። በአደጋው የሆስፒታሉ ቀዶ ሕክምና ፣ የውስጥ ደዌ ሕክምና እና ተመላላሽ ሕክምና ክፍሎች ላይ ጉዳት መድረሱ ተጠቁሟል። መንስኤው እየተጣራ ነው ተብሏል። #wolaitazoneadministration #tikvahethiopiafamilywolaitasodo…

ትልቅ ሀገር ትልቅ ሕዝብ ታላቅ ርዕይ

ኢትዮጵያን ለአልባሌ ጭልፊቶች አደጋ አናጋልጥም
#ትልቅ_ሀገር #ትልቅ_ሕዝብ #ታላቅ_ርዕይ

የመስቀል በዓል፤ የአብሮነታችን እና የሀገር ገጽታ መገንቢያ
**************

(የዕለቱ መልዕክቱ)

የመስቀል በዓል ብርሃን ጨለማን፣ እውነት ውሸትን ድል ማድረጉን በምሳሌነት የሚያሳይ ጥልቅ መንፈሳዊ ትርጉም ያለው በኢትዮጵያውያን ዘንድ በከፍተኛ ድምቀት ከሚከበሩ ታላላቅ በዓላት አንዱ ነው።

በኢትዮጵያ ማህበራዊ መዋቅር ውስጥ የመስቀል በዓል የትስስር እና የዕርቅ ማዕከል ነው። በዓሉ የትም የተበተነ የቤተሰብ አባል ወደ ትውልድ ቀዬው ተመልሶ በጋራ የሚያከብረው በተለይም በደቡብ የሀገራችን ክፍሎች እንደ ጉራጌ፣ ከምባታ፣ ሀዲያ፣ ወላይታ እና ሌሎችም አካባቢዎች የዘመድ አዝማድ መጠየቂያ፣የአብሮነት ማጠናከሪያ እና የናፍቆት መወጫ መድረክ ነው።

በደመራው ብርሃን ቂም በቀል ይወገዳል፣ የተጣላ ይታረቃል። የሃይማኖት አባቶች እና የሀገር ሽማግሌዎች በበዓሉ አጋጣሚ በማህበረሰቡ ውስጥ የተፈጠሩ አለመግባባቶችን በሰላማዊ መንገድ ይፈታሉ።

ይህ ደግሞ የመስቀል በዓል ከክርስትና እምነት ተከታዮች አልፎ ሌሎች የህብረተሰብ ክፍሎችም በጋራ ደስታውን የሚጋሩበት፣ የሀገር ባህል መገለጫ በመሆን ማህበረሰባዊ መስተጋብርን የሚያጎለብት የጋራ እሴት እንዲሆን አድርጎታል።

ይህ ማህበራዊ ካፒታል ከኢኮኖሚ አንፃርም ከፍተኛ ትርጉም አለው። በዓላት የንግድ ልውውጥን በማነቃቃት እና የገንዘብ ዝውውርን በማፍጠን ረገድ ያላቸው ሚና ከፍተኛ ሲሆን መስቀል ደግሞ ከእነዚህ ውስጥ ግንባር ቀደሙ ነው።

የበዓሉ መምጣት የግብርና ምርቶች ፍላጎት እንዲጨምር በማድረግ ለአርሶ አደሩ የገቢ ምንጭ ሲሆን በከተሞች ደግሞ የንግድ እንቅስቃሴን በማሳለጥ የሀገር ውስጥ ኢኮኖሚን ያነቃቃል።

የመስቀል ደመራ በዓል በተባበሩት መንግሥታት የትምህርት፣ የሳይንስና የባህል ድርጅት (ዩኔስኮ) በማይዳሰሱ የሰው ልጅ የባህል ቅርሶች ዝርዝር ውስጥ መመዝገቡ ደግሞ በርካታ የውጭ ሀገር ቱሪስቶችን በመሳብ በሆቴል እና ቱሪዝም ዘርፍ የውጭ ምንዛሪ ግኝትን በማሳደግ ለሀገራዊ ኢኮኖሚ ዕድገትና ለሀገር ገጽታ ግንባታ ጉልህ አስተዋጽኦ እያበረከተ ይገኛል።

እንደ መስቀል በዓል ያሉና የሕዝቦች ባሕላዊ እሴቶች ተደምረው የኢትዮጵያ ሀገራችን ገናና ማንነት ከትውልድ ወደ ትውልድ እየተሸጋገረ እንዲታወቅ፣ እንዲጠና፣ እንዲጠበቅ እና እንዲስፋፋ የመደመር መንግሥት አበክሮ እየሰራ ነዉ፡፡

ኢትዮጵያ የብዝኃ ባህል ብቻ ሳይሆን የብዝኃ ቋንቋም ሀገር በመሆኗ፣ የብሄር ብሄረሰቦችን ቋንቋ ከማልማትና ከማሳደግ አኳያ የቋንቋ ፖሊሲም ተቀርጾ ተግባራዊ ተደርጓል።

ክብረ በዓላት ለማህበራዊ ትስስርና ለኢኮኖሚያዊ ተጠቃሚነት ካላቸው ፋይዳ በመነሳት የመደመር መንግሥት በሰጠው ልዩ ትኩረት፤ የየብሔረሰቦች የዘመን መለወጫ በዓላት፣ ሀገር በቀል እውቀቶች እንዲሁም ሀይማኖታዊና ታሪካዊ ክብረ በዓላት ይዘታቸውን ጠብቀው በደመቀ ሁኔታ እንዲከበሩ ተደርጓል።

በዓላት የኢኮኖሚና የማህበራዊ ትስስር ማጠናከሪያ ሥፍራ እንዲሆኑ እንዲሁም የህዝቦች አብሮነትና ኅብረ ብሔራዊ አንድነት እንዲጎላ፣ የሚያስተሳሰሩን ብዙ የጋራ ጉዳዮች መኖራቸውን በማንጸባረቅ ለጋራ ትርክት ግንባታ መሰረት የሚጥሉ ስራዎች በትኩረት ተሰርተዋል።

ባህላዊ እሴቶቻችን ከሚሰጡት ማህበራዊ፣ ኢኮኖሚያዊና ፖለቲካዊ ፋይዳ በመነሳት የዓለም አቀፍ ጥበቃ እንዲኖራቸው ለማስቻል ባለፉት ዓመታት በርካታ ስራዎች ተከናዉነዋል።

በዩኔስኮ የማይዳሰስ ቅርስነት እንዲመዘገቡ ለማድረግ በተሰራው ሰፊ ስራ በቅርቡ የተመዘገበውን የጊፋታ በዓላዊ ክዋኔ ጨምሮ የፊቼ ጨምባላላ፣ የገዳ ስርዓት (ኢሬቻ)፣ የመስቀል፣ የጥምቀትና የሸዋሊድ በዓላት እንዲመዘገቡ እና ቀደም ብለው የተመዘገቡም ተገቢው የማስተዋወቅ ሥራ እንዲሰራ ተደርጓል።

የእነዚህ ቅርሶች መመዝገብ እና መተዋወቅ ከቅርስ ጥበቃ ባለፈ ለሀገራችን ቱሪዝም ዕድገትና ለሀገር ገጽታ ግንባታ ከፍተኛ ድርሻ እያበረከቱ ነው። ከማይዳሰሱ ቅርሶች ባለፈ፣ ለረጅም ጊዜ ጥገና ሳይደረግላቸው በከፍተኛ ደረጃ ተጎድተው ወደ መጥፋት ደረጃ እየደረሱ የሚገኙ ነባርና ታሪካዊ የሚዳሰሱ ቅርሶችን አድሶ የመጠበቅ ሥራም በትኩረት ተሰርቷል።

ታላቁ ቤተ-መንግስትን፣ የጎንደር ፋሲል ግቢን፣ የአባጅፋር ቤተመንግሥትን፣ የላሊበላ ውቅር አብያተ ክርስቲያናትን፣ የድሬዳዋ ምድር ባቡር ተርሚናልን፣ የደሴ ሙዝየምን፣ የሎሬት ሜትር አርቲስት አፈወርቅ ተክሌ መኖሪያ ቤትና ስቱዲዮን፣ የፖርቱጋል ድልድይን፣ ጢያን፣ ኮንሶን፣ አዲስ ዓለም ማርያምን፣ ቶንጎላ መስጊድን፣ አንደራቻ መድኃኔ ዓለምን፣ አውበርኸሌ ታሪካዊ መንደርን፣ ጎሬ የእንግሊዝ ቆንስላን፣ የአዲስ አበባ የቀድሞ ማዘጋጃ ቤትን፣ የጣይቱ ማዕከልን፣ የባሌ ሶፍ-ኡመር ዋሻን እና ሌሎችንም ጨምሮ ከ28 በላይ ቅርሶች ጥገና ተደርጎላቸዋል፡፡

የሀገራችን ቅርሶች ከለውጡ ማግስት ጀምሮ በሀገራችን ታሪክ ታይቶ በማይታወቅ ደረጃ በከፍተኛ በጀት ተመድቦ እንክብካቤና ጥገና ተደርጎላቸዋል።

በቀጣይም ኢትዮጵያ በብዝኃ ባሕል የከበረች፣ በኅብረ ብሔራዊነት የደመቀች፣ የታሪክ ውርሶቿን በሚገባ ተንከባክባ የምታስተላልፍ እና በወል ትርክት የተሳሰረች እንድትሆን የሚደረገው ሁለንተናዊ ጥረት ተጠናክሮ ሊቀጥል ይገባል ።

ዘላቂ ሀገረ-መንግሥትና ኅብረብሔራዊ አንድነት መገንባት፤ ልማትና ፍትሐዊ ተጠቃሚነትን የሚያረጋግጥ አካታች የኢኮኖሚ ሥርዓት መዘርጋት እንዲሁም ሁለንተናዊ ብልጽግናን የሚያሰፍን ማኅበራዊ ልማትን ማረጋገጥ ለጽኑ ሀገረ መንግስት ግንባታ ከፍተኛ አስተዋፅኦ የሚያበረክትና ለብሄራዊነት ትርክት ግንባታ ቁልፍ ሚና የሚጫወት ነዉ።

በመሆኑም የጸና ሀገረ-መንግስት ለመገንባት ልክ እንደ መስቀል ደመራው እንጨቶች ልዩነቶቻችንን አሰባስበን፣ በአንድነት ተደምረን እና ተያይዘን ደማቅ ሀገራዊ ብርሃን መፍጠር ይጠበቅብናል። የፀናው አንድነታችን፣ ወደ ታላቁ ብልፅግና ማማ በድል ያደርሰናል፡፡

መልካም የመስቀል በዓል ይሁንላችሁ!

የኢቢሲ ዶትስትሪም ኤዲቶሪያል



የመስቀል በዓል፤ የአብሮነታችን እና የሀገር ገጽታ መገንቢያ
**************

(የዕለቱ መልዕክቱ)

የመስቀል በዓል ብርሃን ጨለማን፣ እውነት ውሸትን ድል ማድረጉን በምሳሌነት የሚያሳይ ጥልቅ መንፈሳዊ ትርጉም ያለው በኢትዮጵያውያን ዘንድ በከፍተኛ ድምቀት ከሚከበሩ ታላላቅ በዓላት አንዱ ነው።

በኢትዮጵያ ማህበራዊ መዋቅር ውስጥ የመስቀል በዓል የትስስር እና የዕርቅ ማዕከል ነው። በዓሉ የትም የተበተነ የቤተሰብ አባል ወደ ትውልድ ቀዬው ተመልሶ በጋራ የሚያከብረው በተለይም በደቡብ የሀገራችን ክፍሎች እንደ ጉራጌ፣ ከምባታ፣ ሀዲያ፣ ወላይታ እና ሌሎችም አካባቢዎች የዘመድ አዝማድ መጠየቂያ፣የአብሮነት ማጠናከሪያ እና የናፍቆት መወጫ መድረክ ነው።

በደመራው ብርሃን ቂም በቀል ይወገዳል፣ የተጣላ ይታረቃል። የሃይማኖት አባቶች እና የሀገር ሽማግሌዎች በበዓሉ አጋጣሚ በማህበረሰቡ ውስጥ የተፈጠሩ አለመግባባቶችን በሰላማዊ መንገድ ይፈታሉ።

ይህ ደግሞ የመስቀል በዓል ከክርስትና እምነት ተከታዮች አልፎ ሌሎች የህብረተሰብ ክፍሎችም በጋራ ደስታውን የሚጋሩበት፣ የሀገር ባህል መገለጫ በመሆን ማህበረሰባዊ መስተጋብርን የሚያጎለብት የጋራ እሴት እንዲሆን አድርጎታል።

ይህ ማህበራዊ ካፒታል ከኢኮኖሚ አንፃርም ከፍተኛ ትርጉም አለው። በዓላት የንግድ ልውውጥን በማነቃቃት እና የገንዘብ ዝውውርን በማፍጠን ረገድ ያላቸው ሚና ከፍተኛ ሲሆን መስቀል ደግሞ ከእነዚህ ውስጥ ግንባር ቀደሙ ነው።

የበዓሉ መምጣት የግብርና ምርቶች ፍላጎት እንዲጨምር በማድረግ ለአርሶ አደሩ የገቢ ምንጭ ሲሆን በከተሞች ደግሞ የንግድ እንቅስቃሴን በማሳለጥ የሀገር ውስጥ ኢኮኖሚን ያነቃቃል።

የመስቀል ደመራ በዓል በተባበሩት መንግሥታት የትምህርት፣ የሳይንስና የባህል ድርጅት (ዩኔስኮ) በማይዳሰሱ የሰው ልጅ የባህል ቅርሶች ዝርዝር ውስጥ መመዝገቡ ደግሞ በርካታ የውጭ ሀገር ቱሪስቶችን በመሳብ በሆቴል እና ቱሪዝም ዘርፍ የውጭ ምንዛሪ ግኝትን በማሳደግ ለሀገራዊ ኢኮኖሚ ዕድገትና ለሀገር ገጽታ ግንባታ ጉልህ አስተዋጽኦ እያበረከተ ይገኛል።

እንደ መስቀል በዓል ያሉና የሕዝቦች ባሕላዊ እሴቶች ተደምረው የኢትዮጵያ ሀገራችን ገናና ማንነት ከትውልድ ወደ ትውልድ እየተሸጋገረ እንዲታወቅ፣ እንዲጠና፣ እንዲጠበቅ እና እንዲስፋፋ የመደመር መንግሥት አበክሮ እየሰራ ነዉ፡፡

ኢትዮጵያ የብዝኃ ባህል ብቻ ሳይሆን የብዝኃ ቋንቋም ሀገር በመሆኗ፣ የብሄር ብሄረሰቦችን ቋንቋ ከማልማትና ከማሳደግ አኳያ የቋንቋ ፖሊሲም ተቀርጾ ተግባራዊ ተደርጓል።

ክብረ በዓላት ለማህበራዊ ትስስርና ለኢኮኖሚያዊ ተጠቃሚነት ካላቸው ፋይዳ በመነሳት የመደመር መንግሥት በሰጠው ልዩ ትኩረት፤ የየብሔረሰቦች የዘመን መለወጫ በዓላት፣ ሀገር በቀል እውቀቶች እንዲሁም ሀይማኖታዊና ታሪካዊ ክብረ በዓላት ይዘታቸውን ጠብቀው በደመቀ ሁኔታ እንዲከበሩ ተደርጓል።

በዓላት የኢኮኖሚና የማህበራዊ ትስስር ማጠናከሪያ ሥፍራ እንዲሆኑ እንዲሁም የህዝቦች አብሮነትና ኅብረ ብሔራዊ አንድነት እንዲጎላ፣ የሚያስተሳሰሩን ብዙ የጋራ ጉዳዮች መኖራቸውን በማንጸባረቅ ለጋራ ትርክት ግንባታ መሰረት የሚጥሉ ስራዎች በትኩረት ተሰርተዋል።

ባህላዊ እሴቶቻችን ከሚሰጡት ማህበራዊ፣ ኢኮኖሚያዊና ፖለቲካዊ ፋይዳ በመነሳት የዓለም አቀፍ ጥበቃ እንዲኖራቸው ለማስቻል ባለፉት ዓመታት በርካታ ስራዎች ተከናዉነዋል።

በዩኔስኮ የማይዳሰስ ቅርስነት እንዲመዘገቡ ለማድረግ በተሰራው ሰፊ ስራ በቅርቡ የተመዘገበውን የጊፋታ በዓላዊ ክዋኔ ጨምሮ የፊቼ ጨምባላላ፣ የገዳ ስርዓት (ኢሬቻ)፣ የመስቀል፣ የጥምቀትና የሸዋሊድ በዓላት እንዲመዘገቡ እና ቀደም ብለው የተመዘገቡም ተገቢው የማስተዋወቅ ሥራ እንዲሰራ ተደርጓል።

የእነዚህ ቅርሶች መመዝገብ እና መተዋወቅ ከቅርስ ጥበቃ ባለፈ ለሀገራችን ቱሪዝም ዕድገትና ለሀገር ገጽታ ግንባታ ከፍተኛ ድርሻ እያበረከቱ ነው። ከማይዳሰሱ ቅርሶች ባለፈ፣ ለረጅም ጊዜ ጥገና ሳይደረግላቸው በከፍተኛ ደረጃ ተጎድተው ወደ መጥፋት ደረጃ እየደረሱ የሚገኙ ነባርና ታሪካዊ የሚዳሰሱ ቅርሶችን አድሶ የመጠበቅ ሥራም በትኩረት ተሰርቷል።

ታላቁ ቤተ-መንግስትን፣ የጎንደር ፋሲል ግቢን፣ የአባጅፋር ቤተመንግሥትን፣ የላሊበላ ውቅር አብያተ ክርስቲያናትን፣ የድሬዳዋ ምድር ባቡር ተርሚናልን፣ የደሴ ሙዝየምን፣ የሎሬት ሜትር አርቲስት አፈወርቅ ተክሌ መኖሪያ ቤትና ስቱዲዮን፣ የፖርቱጋል ድልድይን፣ ጢያን፣ ኮንሶን፣ አዲስ ዓለም ማርያምን፣ ቶንጎላ መስጊድን፣ አንደራቻ መድኃኔ ዓለምን፣ አውበርኸሌ ታሪካዊ መንደርን፣ ጎሬ የእንግሊዝ ቆንስላን፣ የአዲስ አበባ የቀድሞ ማዘጋጃ ቤትን፣ የጣይቱ ማዕከልን፣ የባሌ ሶፍ-ኡመር ዋሻን እና ሌሎችንም ጨምሮ ከ28 በላይ ቅርሶች ጥገና ተደርጎላቸዋል፡፡

የሀገራችን ቅርሶች ከለውጡ ማግስት ጀምሮ በሀገራችን ታሪክ ታይቶ በማይታወቅ ደረጃ በከፍተኛ በጀት ተመድቦ እንክብካቤና ጥገና ተደርጎላቸዋል።

በቀጣይም ኢትዮጵያ በብዝኃ ባሕል የከበረች፣ በኅብረ ብሔራዊነት የደመቀች፣ የታሪክ ውርሶቿን በሚገባ ተንከባክባ የምታስተላልፍ እና በወል ትርክት የተሳሰረች እንድትሆን የሚደረገው ሁለንተናዊ ጥረት ተጠናክሮ ሊቀጥል ይገባል ።

ዘላቂ ሀገረ-መንግሥትና ኅብረብሔራዊ አንድነት መገንባት፤ ልማትና ፍትሐዊ ተጠቃሚነትን የሚያረጋግጥ አካታች የኢኮኖሚ ሥርዓት መዘርጋት እንዲሁም ሁለንተናዊ ብልጽግናን የሚያሰፍን ማኅበራዊ ልማትን ማረጋገጥ ለጽኑ ሀገረ መንግስት ግንባታ ከፍተኛ አስተዋፅኦ የሚያበረክትና ለብሄራዊነት ትርክት ግንባታ ቁልፍ ሚና የሚጫወት ነዉ።

በመሆኑም የጸና ሀገረ-መንግስት ለመገንባት ልክ እንደ መስቀል ደመራው እንጨቶች ልዩነቶቻችንን አሰባስበን፣ በአንድነት ተደምረን እና ተያይዘን ደማቅ ሀገራዊ ብርሃን መፍጠር ይጠበቅብናል። የፀናው አንድነታችን፣ ወደ ታላቁ ብልፅግና ማማ በድል ያደርሰናል፡፡

መልካም የመስቀል በዓል ይሁንላችሁ!

የኢቢሲ ዶትስትሪም ኤዲቶሪያል

የሀገሪቱን 14 በመቶ የቆዳ ሽፋን በሚሸፍኑት 29 ብሔራዊ ፓርኮች ሰውሰራሽ አደጋ እየጨመረ እንደሆነ ተገለጸ

መስከረም 14 ቀን 2019 ዓ.ም.  (አሐዱ ሬዲዮ) በኢትዮጵያ የሀገሪቱን ከ14 በመቶ በላይ የቆዳ ሽፋን በሚሸፍኑ 29 ብሔራዊ ፓርኮች እና የዱር እንስሳት መጠለያዎች ላይ የሚፈጸሙ ሕገ-ወጥ ድርጊቶች ሰው ሰራሽ አደጋዎች ከጊዜ ወደ ጊዜ እንዲጨምሩ ማስገደዱን የኢትዮጵያ የዱር እንስሳት ጥበቃ ባለሥልጣን አስታውቋል።

የባለሥልጣኑ ምክትል ዳይሬክተር አቶ ሰለሞን መኮንን፤ "ሕገ-ወጥ ሰፈራ፣ ያልተቀናጀ የልማት እና የኢንቨስትመንት እንቅስቃሴ፣ ሕገ-ወጥ እርሻ እና አደን እንዲሁም በበጋ ወቅት በሰው ሰራሽ ምክንያት የሚነሱ የሰደድ እሳቶች በፓርኮቹ ህልውና ላይ ከፍተኛ ስጋት ደቅነዋል" ሲሉ ለአሐዱ ሬድዮ ተናግረዋል።

ምክትል ዳይሬክተሩ አክለውም፣ "የአካባቢው ሕብረተሰብ እና አመራሩ የዱር እንስሳት መኖሪያ ቦታዎችን ወደ እርሻ መሬትነት ለመቀየር የሚያደርጉት እንቅስቃሴ የግንዛቤ እጥረት ያለበት እና ለተፈጥሮ ሀብቱ ጥበቃ ተፎካካሪ ስጋት የሆነ ተግባር ነው" ብለዋል።

ባለሥልጣኑ እነዚህን የተደቀኑ አደጋዎች ለመግታት እና የተፈጥሮ ሀብቱን ለመጠበቅ በየደረጃው ከሚገኙ አካላት ጋር የግንዛቤ ማስጨበጫ ስራዎችን መስራት እና የጋራ ጥበቃን ማጠናከር የሚሉ ሁለት ዋና ዋና የመፍትሔ አቅጣጫዎችን ይዞ እየሰራ ይገኛል ተብሏል።

ደኖቹ እና የዱር እንስሳት መኖሪያዎቹ የአየር ንብረት ለውጥን ለመቋቋም ከፍተኛ አስተዋጽኦ የሚያበረክቱ መሆናቸውን ያስገነዘቡት አቶ ሰለሞን፣ በባሌ ተራሮች ብሔራዊ ፓርክ በአመራሩ እና በሕብረተሰቡ ቅንጅት የተከናወነው የጋራ ጥበቃ ስራ በጥሩ አርአያነት ወደ ሌሎች ፓርኮችም ሊሰፋ እንደሚገባ አስገንዝበዋል።

በወልደሐዋርያት ዘነበ
 
#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

በባሌ ሐረና ደን የወፍ እንቁላል ብቻ የምትመገብ አዲስ የእባብ ዝርያ ተገኘች
#ethiopia | በኢትዮጵያ በባሌ ሐረና ተፈጥሮ ደን ውስጥ የወፍ እንቁላልን ብቻ ለምግብነት የምትጠቀም አዲስ የእባብ ዝርያ መገኘቷን ተመራማሪዎች ይፋ አደረጉ።

“ዳሲፔልቲስ አልቢጉላሪስ” (Dasypeltis albogularis) በሚል የሳይንስ ስም የተሰየመችው ይህች እባብ፣ እንደ ሌሎች ተመሳሳይ ዝርያዎች ሥጋ ወይም ነፍሳትን የማትመገብ ሲሆን፣ ሙሉ በሙሉ በወፍ እንቁላል ላይ ብቻ ተመሥርታ የምትኖር ናት።

እባቧ እንቁላልን በሙሉነቱ ከዋጠች በኋላ፣ ልዩ በሆነ የሰውነት ክፍሏ አሠራር አማካይነት የእንቁላሉን ቅርፊት ተፍታ የማስወገድ አስደናቂ ተፈጥሯዊ ችሎታ አላት።

በተጨማሪም ራሷን ከጠላት ለመጠበቅ የምትጠቀምበት ዘዴ የተለየ ነው። መርዝ በመርጨት ወይም በመንከስ ፈንታ፣ ቆዳዋን እርስ በእርስ በማሸት በሚፈጠር ድምፅ አዳኞቿን በማስፈራራት ራሷን ትከላከላለች።

የሳይንስ ተመራማሪዎች የዚችን እባብ ልዩ ማንነትና ዝርያ ሳይንሳዊ በሆነ መንገድ ለማረጋገጥ፣ ለሰባት ዓመታት ያህል ዘለቄታ ያለው የዘረመል (ዲኤንኤ) ምርመራና ጥልቅ ጥናት ሲያካሂዱ ቆይተዋል።

ይህ አዲስ ግኝት የባሌ ሐረና ደን ያለውን የብዝሃ ሕይወት ሀብትና የኢትዮጵያን የተፈጥሮ ጸጋ በዓለም አቀፍ ደረጃ ትኩረት እንዲያገኝ የሚያደርግ ትልቅ የሳይንስ ስኬት መሆኑ ተመልክቷል።
#bale #wildlife #nature #science #ethiopianews #getutemesgen #getu #ጌጡ #ጌጡተመስገን #addisababa



በባሌ ሐረና ደን የወፍ እንቁላል ብቻ የምትመገብ አዲስ የእባብ ዝርያ ተገኘች
#ethiopia | በኢትዮጵያ በባሌ ሐረና ተፈጥሮ ደን ውስጥ የወፍ እንቁላልን ብቻ ለምግብነት የምትጠቀም አዲስ የእባብ ዝርያ መገኘቷን ተመራማሪዎች ይፋ አደረጉ።

“ዳሲፔልቲስ አልቢጉላሪስ” (Dasypeltis albogularis) በሚል የሳይንስ ስም የተሰየመችው ይህች እባብ፣ እንደ ሌሎች ተመሳሳይ ዝርያዎች ሥጋ ወይም ነፍሳትን የማትመገብ ሲሆን፣ ሙሉ በሙሉ በወፍ እንቁላል ላይ ብቻ ተመሥርታ የምትኖር ናት።

እባቧ እንቁላልን በሙሉነቱ ከዋጠች በኋላ፣ ልዩ በሆነ የሰውነት ክፍሏ አሠራር አማካይነት የእንቁላሉን ቅርፊት ተፍታ የማስወገድ አስደናቂ ተፈጥሯዊ ችሎታ አላት።

በተጨማሪም ራሷን ከጠላት ለመጠበቅ የምትጠቀምበት ዘዴ የተለየ ነው። መርዝ በመርጨት ወይም በመንከስ ፈንታ፣ ቆዳዋን እርስ በእርስ በማሸት በሚፈጠር ድምፅ አዳኞቿን በማስፈራራት ራሷን ትከላከላለች።

የሳይንስ ተመራማሪዎች የዚችን እባብ ልዩ ማንነትና ዝርያ ሳይንሳዊ በሆነ መንገድ ለማረጋገጥ፣ ለሰባት ዓመታት ያህል ዘለቄታ ያለው የዘረመል (ዲኤንኤ) ምርመራና ጥልቅ ጥናት ሲያካሂዱ ቆይተዋል።

ይህ አዲስ ግኝት የባሌ ሐረና ደን ያለውን የብዝሃ ሕይወት ሀብትና የኢትዮጵያን የተፈጥሮ ጸጋ በዓለም አቀፍ ደረጃ ትኩረት እንዲያገኝ የሚያደርግ ትልቅ የሳይንስ ስኬት መሆኑ ተመልክቷል።
#bale #wildlife #nature #science #ethiopianews #getutemesgen #getu #ጌጡ #ጌጡተመስገን #addisababa

በተቀጠረች በመጀመሪያ ቀን የሞባይል ስልክና አልባሳትን የሰረቀችው ግለሠብ በእስራት ተቀጣች።

በምስራቅ ባሌ ዞን ጊኒር ከተማ ውስጥ በተቀጠረች የመጀመሪያ ቀን ከተቀጠረችበት ቤት የስርቆት ወንጀል የፈፀመችው ግለሠብ በእስራት መቀጣቷን የጊኒር ከተማ አስተዳደር ፖሊስ ምርመራ ክፍል አስታውቋል፡፡

የከተማው ፖሊስ ምርመራ ክፍል ኃላፊ ምክትል ኢንስፔክተር አማን ቲቤሶ እንደተናገሩት ተከሳሽ ደራርቱ ገመዳ የተባለች የሃያ አምስት ዓመት ተቀጥራ ለመስራት ከገባችበት ቤት ሁለት የእጅ ስልኮችና አልባሳትን በሻንጣ ሞልታ ልትሠወር ስትል በቁጥጥር ስር ውላለች።

ተከሳሿ መስከረም 5ቀን 2019 ዓ.ም ከምሽቱ 12 ሰዓት ከ30 ደቂቃ ላይ ሲሆን አሰሪዋ ከቤት ስትወጣ ጠብቃ መኝታ ቤትዋ በመግባት አይፎን ፕሮማክስ እና ሳምሰንግ A 10 የተባሉ ሁለት የእጅ ስልኮችን፣ የተለያዪ የሴቶች አልባሣት እና የመዋቢያ ቁሣቁሶችን በሻንጣዋ ውስጥ አድርጋ በአንድ ሆቴል የመኝታ ክፍል ተከራይታ እንደተሸሸገች ተገልጿል።

የቤቱ ባለቤቶች ከሔዱበት ሲመለሱ መኝታ ክፍላቸው ተከፍቶ ንብረታቸው መዘረፉን በመረዳታቸው ወዲያው ለፖሊስ ያመለክታሉ።ፖሊስም የደረሠውን ጥቆማ መሠረት በማድረግ ባደረገው ክትትል ከምሽቱ አራት ሠዓት ላይ እራስዋን ለመለወጥ ተከናንባ ለብቻዋ ስትዝናና በምሽት የፖሊስ ጥበቃ አባላት በቁጥጥር ስር ልትውል ችላለች፡፡

የጊኒር ከተማ ፖሊስም ተከሳሿን በቁጥጥር ስር በማዋል በአስቸኳይ ውሳኔ እንዲሰጥባት የምርመራ መዝገቡን በተለያዪ ማስረጃዎች በማሰባሰብ የምርመራ መዝገቡን አጠናቆ ለአቃቢ ሕግ አስተላልፋል።አቃቢ ሕግም ከፖሊስ የቀረበውን የምርመራ መዝገብ ተመልክቶ በከባድ የስርቆት ወንጀል ክስ መስርቷል።

ክሱን የተመለከተው የጊኒር ከተማ ወረዳ ፍርድ ቤት መስከረም 7ቀን 2019 ዓም በዋለው ችሎት ተከሣሽ ደራርቱ ገመዳ፣የቤት ሠራተኛ ሆና ስራን ምክኒያት በማድረግ በአሠሪዋ ላይ ስርቆት መፈፀምዋ በማስረጃ አረጋግጧል።በዚህም መሰረት በ5 አመት ከ5 ወራት እስራት እንድትቀጣ የተወሠነባት መሆኑን ምክትል ኢንስፔክተር አማን ቲቤሶ ጨምረው ለጣቢያችን ገልፀዋል።

Via ዳጉ_ጆርናል

በተቀጠረች በመጀመሪያ ቀን የሞባይል ስልክና አልባሳትን የሰረቀችው ግለሠብ በእስራት ተቀጣች።

በምስራቅ ባሌ ዞን ጊኒር ከተማ ውስጥ በተቀጠረች የመጀመሪያ ቀን ከተቀጠረችበት ቤት የስርቆት ወንጀል የፈፀመችው ግለሠብ በእስራት መቀጣቷን የጊኒር ከተማ አስተዳደር ፖሊስ ምርመራ ክፍል አስታውቋል፡፡

የከተማው ፖሊስ ምርመራ ክፍል ኃላፊ ምክትል ኢንስፔክተር አማን ቲቤሶ እንደተናገሩት ተከሳሽ ደራርቱ ገመዳ የተባለች የሃያ አምስት ዓመት ተቀጥራ ለመስራት ከገባችበት ቤት ሁለት የእጅ ስልኮችና አልባሳትን በሻንጣ ሞልታ ልትሠወር ስትል በቁጥጥር ስር ውላለች።

ተከሳሿ መስከረም 5ቀን 2019 ዓ.ም ከምሽቱ 12 ሰዓት ከ30 ደቂቃ ላይ ሲሆን አሰሪዋ ከቤት ስትወጣ ጠብቃ መኝታ ቤትዋ በመግባት አይፎን ፕሮማክስ እና ሳምሰንግ A 10 የተባሉ ሁለት የእጅ ስልኮችን፣ የተለያዪ የሴቶች አልባሣት እና የመዋቢያ ቁሣቁሶችን በሻንጣዋ ውስጥ አድርጋ በአንድ ሆቴል የመኝታ ክፍል ተከራይታ እንደተሸሸገች ተገልጿል።

የቤቱ ባለቤቶች ከሔዱበት ሲመለሱ መኝታ ክፍላቸው ተከፍቶ ንብረታቸው መዘረፉን በመረዳታቸው ወዲያው ለፖሊስ ያመለክታሉ።ፖሊስም የደረሠውን ጥቆማ መሠረት በማድረግ ባደረገው ክትትል ከምሽቱ አራት ሠዓት ላይ እራስዋን ለመለወጥ ተከናንባ ለብቻዋ ስትዝናና በምሽት የፖሊስ ጥበቃ አባላት በቁጥጥር ስር ልትውል ችላለች፡፡

የጊኒር ከተማ ፖሊስም ተከሳሿን በቁጥጥር ስር በማዋል በአስቸኳይ ውሳኔ እንዲሰጥባት የምርመራ መዝገቡን በተለያዪ ማስረጃዎች በማሰባሰብ የምርመራ መዝገቡን አጠናቆ ለአቃቢ ሕግ አስተላልፋል።አቃቢ ሕግም ከፖሊስ የቀረበውን የምርመራ መዝገብ ተመልክቶ በከባድ የስርቆት ወንጀል ክስ መስርቷል።

ክሱን የተመለከተው የጊኒር ከተማ ወረዳ ፍርድ ቤት መስከረም 7ቀን 2019 ዓም በዋለው ችሎት ተከሣሽ ደራርቱ ገመዳ፣የቤት ሠራተኛ ሆና ስራን ምክኒያት በማድረግ በአሠሪዋ ላይ ስርቆት መፈፀምዋ በማስረጃ አረጋግጧል።በዚህም መሰረት በ5 አመት ከ5 ወራት እስራት እንድትቀጣ የተወሠነባት መሆኑን ምክትል ኢንስፔክተር አማን ቲቤሶ ጨምረው ለጣቢያችን ገልፀዋል።

#ዳጉ_ጆርናል

(ዘ-ሐበሻ ዜና) የኦሮሞ ፌደራሊስት ኮንግረስ (ኦፌኮ) ሊቀመንበር እና አንጋፋው የፖለቲካ ሰው ፕሮፌሰር መራራ ጉዲና በቅርቡ የፌደራል መንግሥትን ለመታገል በማሰብ ስለተመሰረተው አዲስ ጥምረት ፓርቲያቸው እስካሁን የተለየ አቋም እንዳልያዘ አስታወቁ። ፕሮፌሰሩ ይህንን ያሉት በአዲሱ ጥምረት ዙሪያ ከዋዜማ ራድዮ ለቀረበላቸው ጥያቄ ምላሽ ሲሰጡ ሲሆን፣ ጉዳዩን በቅርበት እየተከታተሉት መሆኑን ጠቅሰው ለጊዜው ዝርዝር አስተያየት ከመስጠት እንደሚቆጠቡ ገልጸዋል።

ይህ የፕሮፌሰር መራራ አስተያየት የተሰጠው ህወሓት፣ የኦሮሞ ነ*ፃነ*ት ሰ*ራዊት እና የአማራ ፋ*ኖ ኃይሎች "የህልውና ጥምረት" በሚል ስያሜ የጋራ ግምባር መፍጠራቸውን ይፋ ማድረጋቸውን ተከትሎ፣ በአገር ውስጥ እና በዓለም አቀፍ ደረጃ የጥምረቱን ዘላቂነት በተመለከተ ሰፊ የፖለቲካ ውይይት እየተካሄደ ባለበት ወቅት ነው።

የፖለቲካ ተንታኞች ለዘ-ሐበሻ እንደገለጹት ፕሮፌሰር መራራ ጉዲና እና የኦፌኮ ወቅታዊ ዝምታ (ጊዜ የመግዛት ስልት) ከጀርባው ጥልቅ የፖለቲካ ስሌት አለው። በሰላማዊ የፖለቲካ ትግል የሚያምነው ኦፌኮ፣ በአንድ በኩል በኦሮሚያ ክልል ውስጥ ሰፊ የህዝብ መሰረት እና ወታደራዊ እንቅስቃሴ ካለው የኦሮሞ ነ*ፃነት ሰ*ራ*ዊት ጋር በተመሳሳይ የፖለቲካ ማህበረሰብ ውስጥ የሚንቀሳቀስ ነው። በዚህ እጅግ ፖላራይዝድ በሆነ የፖለቲካ ትኩሳት ውስጥ ኦፌኮ ይህንን አዲስ የትጥቅ ጥምረት በይፋ ቢደግፍ፣ ከመንግሥት በኩል የፓርቲውን ህልውና እስከመዝጋት እና አመራሮቹን እስከማሰር የሚደርስ ከባድ የህግ እርምጃ ሊያመጣበት ይችላል።

በሌላ በኩል ደግሞ ጥምረቱን ወጥቶ በጽኑ ቢያወግዝ፣ ከተቃዋሚው ጎራ ራሱን እንደማግለል ሊቆጠርበት ከመቻሉም በላይ፣ በተለይም ጥምረቱ ውስጥ ካለው የኦ*ነ*ሰ ደጋፊዎች እና ለዚያ ሀሳብ ዝንባሌ ካላቸው የራሱ የኦፌኮ አባላት ዘንድ ከፍተኛ የፖለቲካ ክስረትን ሊያመጣበት ይችላል። ስለዚህ ፕሮፌሰር መራራ "ገና አቋም አልያዝንም፤ አስተያየት አንሰጥም" ማለታቸው፣ ፓርቲያቸው ይህ አዲስ "የህልውና ጥምረት" በመግለጫ ደረጃ ይቀር ወይስ በተግባር የኃይል ሚዛን ይቀይራል የሚለውን የነገሮች መልክ እስኪጠራ ድረስ፣ ፖለቲካዊ ሚዛኑን ሳይስት የሚጠቀምበት ስትራቴጂካዊ ብልሃት መሆኑን ያመላክታል።

u1240u12ed u1263u1215u122d u1260u1263u120cu121d u1260u1266u120cu121d
#u12e8u1200u1308u122du1309u12f3u12ed Ethiopian Broadcasting Corporation","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"User","__isEntity":"User","__isActor":"User","id":"100064325666044","url":"https://www.facebook.com/E... Broadcasting Corporation","work_info":null,"__module_operation_CometTextWithEntitiesRelay_textWithEntities":{"__dr":"ProfileGeminiWeakReferenceLink_user$normalization.graphql
ቀይ ባሕር በባሌም በቦሌም
#የሀገርጉዳይ Ethiopian Broadcasting Corporation

የሀገር እጣፈንታን የሚወስነው የመምህራን ትጋትና አደራ
*******************

ትምህርት ከጥቁር ሰሌዳውና ከፊደል ገበታ አልፎ የፈጠራ፣ የመልካም ሥነ-ምግባርና የመልካም ጓደኝነት መገንቢያ ነው።

በሂሳብ፣ በፊዚክስ፣ በሥነ-ሕይወትና በሌሎችም የትምህርት ክፍለ-ጊዜዎች ከሚመነጩ የፈጠራ ሀሳቦች የሚጎለብቱ ብሩህ አእምሮዎች የነገዋን ሀገር የመገንባት ታላቅ አቅም አላቸው፤ በሥነ-ጽሑፍ የዳበረ ጥልቅ ዕውቀት ደግሞ የሀገራችንን ታሪክ፣ ባህልና የስልጣኔ እሴት ለዓለም የማስተዋወቅ ትልቅ ተስፋን ይሰንቃል።

በዚህ አገራዊ የትውልድ ግንባታ ሂደት ውስጥ ከወላጆች ሀላፊነት በተጨማሪ የትምህርት ቤት፣ የተማሪና የማህበረሰቡ ዋና ማዕከል የሆኑትን መምህራንን ነጥሎ ማየት ፈጽሞ አይቻልም።

መምህራን ዕውቀትን ከማስተላለፍ ባለፈ ማርፈድንና ኩረጃን የሚፀየፉ፣ የአነጋገር ዘይቤያቸው በስነ-ስርዓት የታነጸ፣ በፈጠራና በክህሎት የዳበሩ እንዲሁም አቅማቸውን የሚያወጡ መልካም ዜጎችን የሚያንፁ ዋና ተዋናይ ናቸው።

ጠቅላይ ሚኒስትር ዐብይ አህመድ (ዶ/ር) የ2019 ዓ.ም የትምህርት ዘመን ጅማሮን ተከትሎ ባስተላለፉት መልዕክት፤ ወጣቱ ትውልድ የሀገራችን ትልቁ ሀብት በመሆኑ ብቁና በራሱ የሚተማመን ትውልድ ለመገንባት በሚደረገው ጥረት ውስጥ የመምህራን ትጋት የመሠረት ድንጋይ ነው ብለዋል።

መምህራን ተማሪዎችን ለነገው ተፎካካሪና ፈጣን ዓለም የሚያዘጋጅ ዘመናዊ ዕውቀት፣ ተግባራዊ ክህሎትና አገራዊ እሴቶችን የማስታጠቅ ታላቅ አደራ አለባቸው።

በዚህ ዘመን የማህበራዊ ሚዲያ ተፅዕኖ እያየለ በመሆኑ ተማሪዎች የአልባሌ ነገሮች ምርኮኛ ሳይሆኑ፣ ቴክኖሎጂ ያመጣቸውን በጎ ዕድሎችና የመረጃ ምንጮች ለጥናት፣ ለፈጠራና ለሀገራቸው ዕድገት እንዲጠቀሙ መምህራን የማስገንዘብና የመምራት ኃላፊነት አለባቸው።

ከዚህም ባለፈ እያንዳንዱ ተማሪ ውስጥ ያለውን ድብቅ ክህሎት በመፈለግና በማነቃቃት፣ በራሳቸው እንዲተማመኑና የሀገራቸውን ታላቅ የስልጣኔ ታሪክ ወደፊት ለማስቀጠል ቁርጠኛ እንዲሆኑ ማነሳሳት ከመምህራን የሚጠበቅ ዋነኛ ተግባር ነው።

ዕውቀትን በትውልዱ ላይ ለማበልፀግ በትምህርት ሚኒስቴርና በመንግሥት ደረጃ በተሰሩ ስራዎች ተማሪዎች በምግብ እጥረት ምክንያት ከትምህርት ገበታ እንዳይሰናከሉና ትኩረታቸው እንዳይበታተን ሰፊ የተማሪዎች ምገባ ፕሮግራም ተዘርግቶ አዎንታዊ ለውጥ ማምጣት ተችሏል።

የመንግሥት የልማትና የመሠረተ ልማት ስራዎች ከትምህርት ሚኒስቴር የአሰራር ማሻሻያዎች ጋር ተጣጥመው ሲቀጥሉ፣ የመምህራን ያልተቆጠበ ትጋትና የተማሪዎች ጽናት ተጨምሮበት ኢትዮጵያ በውጤታማና ብቁ ትውልድ እጅ ወደ ላቀ የስልጣኔ ማዕረግ ተሸጋግራ ትቀጥላለች።

በልዩ እሸቱ

199ኛው የማንቹሪያን ደርቢ - ማንቸስተር ዩናይትድ ከ ማንቸስተር ሲቲ
************************

በእንግሊዝ እግር ኳስ ካሉ የደርቢ ጨዋታዎች አንዱ የሆነው፣ በቅርብ ዓመታት በማንቸስተር ሲቲ ተደጋጋሚ ውጤታማነት እና በማንቸስተር ዩናይትድ ከሊጉ ኃያልነት ማፈግፈግ የተለየ መልክ እየያዘ የመጣው የከተማ ተቀናቃኞቹ ክለቦች የሚያደርጉት ጨዋታ ምሽት 12፡30 በኦልድ ትራፎርድ ይደረጋል።

ባለፈው የውድድር ዓመት ጥር ወር ላይ ማንቸስተር ዩናይትድ ያጋጠመውን የውጤት ማሽቆልቆል ተከትሎ የተሰናበቱትን ሩበን አሞሪምን በመተካት ጊዜያዊ አሰልጣኝነቱን የተረከበው ማይክል ካሪክ፣ ቡድኑን ወደ አውሮፓ መድረክ የመለሰውን ውጤታማ መንገድ የጀመረው በዚሁ የደርቢ ጨዋታ በሙሉ የበላይነት 2 ለ 0 በማሸነፍ ነበር። ይኸው ከ33 ወራት በኋላ ወደ አውሮፓ መድረክ የመለሳቸው መንገድ፣ ባሳለፍነው ሐሙስ በአዘርባጃኑ ሳባህ ላይ ባገኙት የ4 ለ 0 ድል ጀምሯል።

የሦስቱ ሳምንታት የፕሪሚየር ሊግ ቆይታው ግን በውጤት ረገድ ወጥነት የጎደለው ነበር። በደረጃ ሰንጠረዡ አራት ነጥብ በመያዝ 11ኛ ላይ ነው የተቀመጠው። ይህ ውጤት ግን የግብ ዕድሎችን በመፍጠር ከሁሉም የሊጉ ክለቦች ልቆ እንዲቀመጥ ያደረገውን ቁጥራዊ መረጃ የሚገልፅ አይደለም። በሦስቱ ሳምንታት ጨዋታዎች 68 የግብ እድሎችን ሲፈጥር፣ ከነዛ ውስጥ 19 የሚሆኑት ዒላማቸውን የጠበቁ ናቸው።

በአዲሱ የውድድር ዓመት ሦስቱንም የመጀመሪያ ጨዋታዎች ያሸነፉት ማንቸስተር ሲቲ እና አርሰናል ብቻ ናቸው። ሲቲዎች በመጀመሪያው የአውሮፓ ሻምፒዮንስ ሊግ ጨዋታቸውም ወደ ፖርቹጋል ተጉዘው ፖርቶን 2 ለ 0 የረቱበት ሌላኛው ለዚህ ጨዋታ ስንቅ የሚሆናቸው ውጤት ነው።

እያንዳንዳቸው ሦስት ግቦች ያስቆጠሩት ኤርሊንግ ሃላንድ እና ብሩኖ ፈርናንዴዝ በዚህ ጨዋታም በልዩነት ፈጣሪነት ከሚጠበቁ ተጫዋቾች ቀዳሚዎቹ ናቸው። በተለይ ኤርሊንግ ሃላንድ በ8 ግቦች ከሙሐመድ ሳላህና አለን ሺረር በመቀጠል ዩናይትድ ላይ በርካታ ግብ ያስቆጠረ ሦስተኛው ተጫዋች ነው።

በዩናይትድ የፊት መስመር በተከታታይ ግብ ካስቆጠረው ቤንጃሚን ሼሽኮ በተጨማሪ፣ ብሪያን እምቡሞ እና በዩናይትድም በአስቶንቪላም መለያ ሲቲ ላይ ግብ የማስቆጠር ልምድ ያለው ማርከስ ራሽፎርድ ሌላኛዎቹ የልዩነት ምንጭ እንደሚሆኑ የሚጠበቁ ተጫዋቾች ናቸው።

ማንቸስተር ዩናይትድ በቅርቦቹ የማንቹሪያን ደርቢ ጨዋታዎች የበላይነት አለው። ካለፉት አራት ጨዋታዎች በሁለቱ አሸንፎ፣ በአንዱ አቻ ወጥቷል።

አማድ ዲያሎ፣ ካርሎስ ባሌባ እና ማኑኤል ኡጋርቴ ጉዳት ከማንቸስተር ዩናይትድ ስብስብ ውጪ ያደረጋቸው ተጫዋቾች ሲሆኑ፣ የሉክ ሾውም ለጨዋታው ብቁ መሆን ገና አልተረጋገጠም። በሲቲ በኩል ኒኮ ኦራይሊ ለጨዋታው ብቁ እንደሆነ፣ ጄረሚ ዶኩ ግን ተጨማሪ የማገገሚያ ጊዜ እንደሚያስፈልገው አሰልጣኝ ኤንዞ ማሬስካ ተናግረዋል።

የኤርሊንግ ሃላንድ እና ፊል ፎደን ሁለት ሃትሪኮች ማንቸስተር ሲቲን 6 ለ 3 አሸናፊ ያደረጉበት፣ የማሪዮ ባሎቴሊ ትዕይንት፣ በ2009 የማይክል ኦውን የሽርፍራፊ ሴኮንዶች ድራማ፣ የዌይን ሩኒ የመቀስ ምት ግብ እና ሌሎችም ብዙ ትዝታዎች ያሉት ማንቹሪያን ደርቢ ዛሬም ሌላ የታሪክ አጋጣሚን ይዞ እንደሚመለስ ይጠበቃል።

ቀን 10፡00 ሰዓት በደረጃ ሰንጠረዡ ግርጌ 20ኛ ላይ የሚገኘው አዲስ አዳጊው ኮቨንትሪ ሲቲ ከብራይተን የሚያደርጉትም ከ4ኛ ሳምንት የሊጉ መርሐ ግብር ማጠቃለያ ጨዋታዎች አንዱ ነው።
#epl #premierleague #manchesterunited #manchestercityfc #matchday #football #sports #ebc

(ዘ-ሐበሻ ዜና) በኮንቲኔንት መጽሔት ላይ ታትሞ በወጣ ምስል ላይ በተገኘው መረጃ መሰረት፣ ዛሬ ሴፕቴምበር 9 የአፍሪካ ሕብረት ቀን ሆኖ ይከበራል። ይህ ቀን ሕብረቱ የተመሰረተበትን ከሚያስበው የአፍሪካ ቀን የተለየ ሲሆን፣ ተቋሙ በአፍሪካውያን ዘንድ ያለውን አመለካከትና ተቀባይነት ለመገምገም ጥሩ አጋጣሚ ነው።

አፍሮባሮሜትር በ38 የአፍሪካ ሀገራት ላይ ባደረገው ሀገራዊ ውክልና ያለው ጥናት፣ ከግማሽ በላይ የሚሆኑት አፍሪካውያን (55 በመቶ) የአፍሪካ ሕብረት በሀገራቸው ላይ አዎንታዊ ተጽዕኖ እንዳለው ያምናሉ። እንዲሁም 56 በመቶ የሚሆኑት ሕብረቱ የሀገራቸውን ፍላጎት እና ጥቅም እንደሚገነዘብ ገልጸዋል።

በሌላ በኩል ድርጅቱ በሀገራቸው ላይ ጉዳት ያደርሳል ብለው የሚያስቡት 13 በመቶ ብቻ ሲሆኑ፣ የሀገራቸውን ፍላጎት አያውቅም የሚሉት ደግሞ 18 በመቶ መሆናቸውን ጥናቱ አመልክቷል።

ይህ አዎንታዊ አመለካከት በአምስቱም የአፍሪካ ቀጣናዎች ጎልቶ የሚታይ ቢሆንም፣ በመካከለኛው አፍሪካ የሚገኙ ዜጎች ግን ከሌሎች አካባቢዎች አንጻራዊ በሆነ መልኩ አሉታዊ አመለካከት የማንጸባረቅ ዝንባሌ ታይቶባቸዋል። ከጥናቱ ተሳታፊዎች መካከል ላይቤሪያውያን 75 በመቶ ድምጽ በመስጠት ሕብረቱ የሀገራቸውን ፍላጎት እንደሚረዳ በማመን ከ38ቱ ሀገራት ቀዳሚውን ስፍራ ሲይዙ፣ በማዳጋስካር፣ ሴራሊዮን እና ኮትዲቯር ያሉ ዜጎችም ተቀራራቢ ከፍተኛ አዎንታዊ ምላሽ ሰጥተዋል። በአንጻሩ በዘጠኝ ሀገራት ይህን ሀሳብ የሚቀበሉት ከግማሽ በታች ሲሆኑ፣ ዚምባብዌ 38 በመቶ በማስመዝገብ በመጨረሻው ስፍራ ላይ ትገኛለች።

ትኩረት ከሚስቡት የጥናቱ ግኝቶች መካከል ቁጥራቸው ቀላል የማይባል ዜጎች በሕብረቱ እንቅስቃሴ ላይ ግልጽ የሆነ አቋም አለመያዛቸው ነው። 26 በመቶ የሚሆኑት ሕብረቱ ገለልተኛ ተጽዕኖ እንዳለው ወይም ምንም እንደማያውቁ ሲገልጹ፣ 32 በመቶዎቹ ደግሞ ሕብረቱ የሀገራቸውን ጥቅም ስለመረዳቱ በተጠየቁት ጥያቄ ላይ ተመሳሳይ ምላሽ ሰጥተዋል። ይህ መረጃ የአፍሪካ ሕብረት ቀን መከበር ዋነኛ ዓላማ ተቋሙ እየሰራ ስላለው ሥራ በዜጎች ዘንድ ያለውን ግንዛቤ ማሳደግ መሆኑን በግልጽ ያሳያል።

ብሬቭ ኸርትስ ኢትዮጵያ አዲሱን ዓመት በማስመልከት ከፍተኛ ውጤት ላስመዘገቡ 49 ተማሪዎች ሽልማት አበረከተ

በዋናነት በትምሕርት እና በሕጻናት ደሕንነት ላይ ትኩረት አድርጎ የሚሰራው ብሬቭ ኸርትስ ኢትዮጵያ የ2019 አዲሱን ዓመት በማስመልከት በትምሕርታቸው ከፍተኛ ውጤት ላስመዘገቡ ተማሪዎች የማበረታቻ ሽልማት አበርክቷል።

በዚሁ የመልካም ምኞት እና የእንኳን አደረሳችሁ መርሐ ግብር ላይ የተገኙት የብሬቭ ኸርትስ የቦርድ አባል ወይዘሮ ስሕን ሳሕሉ፣ ተማሪዎች በርትተው እንዲማሩ ጥሪ ያቀረቡ ሲሆን፤ በአማካይ ውጤታቸው 70 በመቶ እና ከዚያ በላይ ላመጡ 49 ተማሪዎች የትምሕርት መርጃ መሳሪያዎች እና የአልባሳት ሽልማት ተበርክቶላቸዋል።

ከእነዚህም መካከል በ12ኛ ክፍል መልቀቂያ ፈተና በጥሩ ውጤት ያለፉ ሶስት ተማሪዎች እንዲሁም የ6ኛ እና የ8ኛ ክፍል ተማሪዎች ይገኙበታል። በድጋፍ ስር ያሉ የ12ኛ ክፍል ተማሪዎች ሙሉ በሙሉ ማለፋቸው የተገለጸ ሲሆን፤ ተማሪዎቹ ሽልማታቸውን ከአሜሪካ የመጡት የክብር ዕንግዶች ወይዘሮ ሙሉነሽ ሃይለማርያም እና ወይዘሪት ገበያነሽ ሃይለማርያም እጅ ተረክበዋል። በተጨማሪም ወይዘሮ ስሕን ለተማሪዎቹ ቤተሰቦች ሽልማት ያበረከቱ ሲሆን፤ በገና በዓል ሰሞንም ተመሳሳይ ተማሪዎችን የሚያበረታታ የሽልማት መርሐ ግብር እንደሚኖር ተጠቁሟል።

የተቋሙ መምሕራን በበኩላቸው ድርጅቱ በርካታ ድጋፎችን ማድረጉን፣ የተማሪዎችን አቅም የማሳደግ ስራዎች በጥሩ ሁኔታ መከናወናቸውን እና በክረምቱ ወቅት የተሰጠው የቲቶሪያል ዕገዛና ከትምሕርት ውጪ የሆኑ ገንቢ ዕንቅስቃሴዎች (Extracurricular Activities) ውጤታማ እንደነበሩ ገልጸዋል። የተማሪዎች ወላጆችም ብሬቭ ኸርትስ ለልጆቻቸው እያደረገ ላለው ሁለገብ ድጋፍ እና ለላቀ ውጤት ማብቃቱ ከፍተኛ ምስጋናቸውን ለድርጅቱ መስራቾች አቅርበዋል።

በዕለቱ በክብር ዕንግድነት የተገኙት ኢንስትራክተር አብርሃም መብራቱ፣ ተቋሙ ወጣቶች ከአልባሌ ቦታዎች ርቀው ውጤታማ እንዲሆኑ ላደረገው አስተዋጽኦ እና ለዲያስፖራዎች ድጋፍ ምስጋና አቅርበዋል። አያይዘውም፣ የዛሬው ሽልማት የነገዎቹንም ተማሪዎች የሚያነቃቃ መሆኑን በመጥቀስ ለተሸላሚዎች እንኳን ደስ ያላችሁ ብለዋል።

ይኸውም መርሐ ግብር በየዓመቱ የሚከናወን እንደሆነ የብሬቭ ኸርትስ አመራሮች ተናግረዋል።

ብሬቭ ኸርትስ ኢትዮጵያ ከ11 ዓመታት በፊት በ2007 ዓ.ም. የተመሰረተ የግብረ ሰናይ ድርጅት ሲሆን፣ ወላጅ አልባ እና አቅም የሌላቸውን ህፃናት ይደግፋል። ሕጻናት በክፍለ ከተማ እና ወረዳ የሴቶችና ሕጻናት ቢሮዎች አማካይነት ከድርጅቱ ዓላማ ጋር ይጣጣማሉ ተብለው ከተለዩ በኋላ ነው።

ወርሃዊ የቤት ኪራይ እና ተያያዥ ወጪዎችን መሸፈን፣ በጥናት ፕሮግራም አማካይነት በበጎ ፈቃደኝነት የማብቃት ስራ መስራት፣ በስነ-ልቦና አማካሪዎች የምክር ድጋፍ መስጠት፣ እና ህፃናት ከሱስና ከጎዳና ህይወት እንዲላቀቁ ማድረግን ያካትታል። ልጆች በፍቅር እርስ በርስ እንዲዋወቁ ይደረጋል። ከተመረቁ በኋላም የስራ እድል የማፈላለግ ድጋፍ ይደረግላቸዋል። በተጨማሪም በማዕከሉ ውስጥ ወደ 24 ሺህ የሚጠጉ መጻህፍት ያሉት ቤተ-መጽሐፍት ይገኛል።

በውጭ አገር የሚኖሩ ኢትዮጵያውያን ለሚልኩት ግብዓት ምስጋና ይግባውና የሕጻናቱ ሞግዚት የሆኑ ጎልማሶች ራሳቸውን እንዲደግፉ የሚያስችሉ የገቢ ማመንጫ ስራዎች እንዲሰሩ ይደረጋል።

ድርጅቱ ከተመሰረተበት ጊዜ ጀምሮ በርካታ ተማሪዎችን ለውጤት ያበቃ ሲሆን፣ ለመጀመሪያ ጊዜ ወደ ድርጅቱ ከመጡ 38 ተማሪዎች መካከል 37ቱ ትምሕርታቸውን አጠናቅቀው ለምረቃ በቅተዋል።

(ዘ-ሐበሻ ስፖርት) ማንቸስተር ዩናይትድ በኦልድ ትራፎርድ ኢፕስዊች ታውንን 5-2 በሆነ አስገራሚ ውጤት ካሸነፈ በኋላ፣ አሰልጣኝ ማይክል ካሪክ ስለ ኮቢ ማይኖ ያቀረበው አድናቆት የብዙዎችን የዩናይትድ ደጋፊዎች ልብ የነካ ነበር። ካሪክ የወጣቱን አማካይ ብቃት "እጅግ አስደናቂ" ሲል በከፍተኛ ስሜት አወድሶታል።

በዓለም ዋንጫው ላይ አንድም ደቂቃ ሳይጫወት መቅረቱ ብዙዎችን ቢያስገርምም፣ ከዚያ ወዲህ ለመጀመሪያ ጊዜ በፕሪሚየር ሊጉ ቋሚ ሆኖ የጀመረው ማይኖ የብዙዎችን ትኩረት ስቧል። አምበሉ ብሩኖ ፈርናንዴዝ ሃት-ትሪክ በሰራበት በዚህ ድንቅ ምሽት፣ ካሪክ የ21 ዓመቱ ወጣት ብቃት እንዳይደበቅ አድርጓል። ይሁን እንጂ፣ ቀድሞው የዩናይትድ ግብ ጠባቂ ቤን ፎስተር የተለየ አመለካከት ነበረው። ፎስተር በማህበራዊ ትስስር ገጹ ላይ እንዲህ ሲል አስነብቧል፦ "ኮቢን እወደዋለሁ፤ እርሱ የክለቡ የወደፊት ተስፋ ነው፣ ግን ገና እዚያ አልደረሰም። እውነቱን እንነጋገር ከተባለ፣ በመጀመሪያዎቹ አራት እና አምስት ቋሚ ተሰላፊዎች ዝርዝር ውስጥ እንደማይገባ ግልጽ ነው። ለውሰት ተሰጥቶ የቡድኑ ቁልፍ ተጫዋች የሚሆንበት፣ በየጨዋታው የሚፈለግበት እና ሀላፊነት የሚወስድበት አንድ ዓመት ቢያሳልፍ፣ ማንቸስተር ዩናይትድ ቤት ሊያገኝ የማይችለውን ልምድ ያካብታል።"

ይህ የፎስተር አስተያየት ግን በማህበራዊ ሚዲያ የዩናይትድ ደጋፊዎች ዘንድ ጠንካራ ተቃውሞን አስተናግዷል። በርካቶች ማይኖ በእርግጥም በካሪክ ስብስብ ውስጥ "ከመጀመሪያዎቹ አራት ወይም አምስት" ተመራጮች ውስጥ ያለ ጥርጥር መካተት እንዳለበት ያምናሉ። ነገር ግን ይህ እውነት ከሆነ፣ ዩናይትድ በዚህ ክረምት የአማካይ ክፍሉን ለማጠናከር ሲል ከ150 ሚሊዮን ፓውንድ በላይ ያፈሰሰባቸው ሦስት ዓለም አቀፍ አማካዮች እጣ ፈንታ ምን ሊሆን ነው? የሚለው ጥያቄ የካሪክ ዋነኛ የቤት ስራ ሆኗል።

ዩናይትድ ወደ ሻምፒዮንስ ሊግ መመለሱ የሚያስከትለውን ጫና ማይክል ካሪክ በቅርቡ በተግባር ማየት ይጀምራል። ቡድኑ ከኤቨርተኑ ጨዋታ ጀምሮ ከመጀመሪያው የብሔራዊ ቡድን ጨዋታዎች እረፍት በፊት በ16 ቀናት ውስጥ 5 ከባድ ጨዋታዎችን ያደርጋል። በካራባኦ ዋንጫ ጉዞውን ከቀጠለ ደግሞ፣ እስከ ገና በዓል ድረስ አንዳችም የመሀል ሳምንት የእረፍት ጊዜ አይኖረውም። በዚህም ምክንያት በተገነባው አዲስ የአማካይ ክፍል ውስጥ የተጫዋቾች ሮቴሽን (ፈረቃ) ማድረግ ግድ ነው።

ካሪክ የቡድኑን አዳዲስ ፈራሚዎች አስመልክቶ ሲናገር ሚዛን (ባላንስ) ወሳኝ መሆኑን ያነሳል። ብራዚላዊው ካሴሚሮ ኮንትራቱ አልቆ ሲለቅ፣ ጉዳት ያስተናገደው ማኑኤል ኡጋርቴ ደግሞ እስከ ቀጣዩ ዓመት ከሜዳ ይርቃል። ማይኖ፣ ፈርናንዴዝ እና ሜሰን ማውንት ብቻቸውን ሲቀሩ ዩናይትድ ወደ ገበያ ወጥቶ ብራዚላዊውን አንድሬ ሳንቶስን ከቼልሲ በ48 ሚሊዮን ፓውንድ፣ በማግስቱ ደግሞ የ29 ዓመቱን ቤልጄማዊ ዩሪ ቴሌማንስን ከአስቶን ቪላ በ35 ሚሊዮን ፓውንድ አስፈረመ።

ካሪክ በአየርላንድ የቅድመ ውድድር ዝግጅት ላይ ሳንቶስን ሲያሞካሽ፣ "አንድሬ ገና ወጣት ቢሆንም ያለው ስብዕና እና ብስለት እጅግ አስደናቂ ነው። ቶሎ ለመማር ዝግጁ ነው፤ አብረውት ያሉትን ተጫዋቾች ይረዳል፣ በሜዳ ላይም በሚገባ ያወራል። ዩሪ ደግሞ በፕሪሚየር ሊጉ በደንብ የምናውቀው እና ልምድ ያለው ተጫዋች ነው። ሁለቱ አማካዮች ወደፊት ብዙ አቅም ይፈጥሩልናል" ብሏል።

በዚህ የኮከቦች ስብስብ ውስጥ ሌላኛው ከባድ ፈራሚ ካርሎስ ባሌባ ተቀላቅሏል። በ70 ሚሊዮን ፓውንድ የተዘዋወረው ካሜሩናዊው፣ በክለቡ ታሪክ ውድ ከሚባሉ ፈራሚዎች ተርታ ተሰልፏል። ይሄን ያህል ዋጋ የወጣበት ተጫዋች ቋሚ ተሰላፊ መሆን አለበት ተብሎ ይታሰባል።
እያንዳንዱ አማካይ ለቡድኑ የተለየ ኃይል ይዞ ይመጣል። ባሌባ ፍጥነት፣ ጉልበት እና የተከላካይነት ንቃት ሲሰጥ፤ ቴሌማንስ ኳስን በማረጋጋት፣ በማቀበል እና ሜዳን በማንበብ ወደር የለውም። ሳንቶስ በግል ግንኙነቶች (duels) እና ኳስን በማቋረጥ ሲጎላ፤ ማይኖ ደግሞ በጠባብ ቦታዎች ኳስን ተቆጣጥሮ ቡድኑን ወደ ፊት በማስኬድ ልዩ ችሎታ አለው። ይሁንና እነዚህ ሁሉ በአንድ ጊዜ በሜዳ ላይ ሊሰለፉ አይችሉም።

ከኤቨርተኑ ጨዋታ በፊት ይህን ፈተና በተመለከተ የተጠየቀው ካሪክ በፈገግታ እንዲህ ሲል አብራርቷል፦ "ልክ የአሰልጣኞች ክፍል ገብታችሁ ቋሚ አሰላለፍ እየመረጣችሁ ያለ ይመስላል! እኛ ቡድን የምንገነባው ለአንዱ እሁድ ጨዋታ ብቻ አይደለም፤ ሙሉውን የውድድር ዓመት የሚያሻግረን ጠንካራ ስብስብ ነው የሚያስፈልገን። ጨዋታዎች በየሦስት እና አራት ቀናት ሲመጡ አሰላለፍ መቀየር ግድ ነው። በጉዳትም ሆነ በቅጣት የሚመጣውን ክፍተት ለመድፈን እና የተሟላ ጥምረት ለመፍጠር ማንኛውም ወደ ሜዳ የሚገባ ተጫዋች የራሱ የሆነ ወሳኝ ሚና አለው።"

ያለፍላጎታቸው ሴቶችን በወሲብ ንግድ ላይ ያሰማሩት አምስት ግለሰቦች በእስራት ተቀጡ፡፡

በባሌ ዞን ሮቤ ከተማ አስተዳደር በመጠጥ ግሮሰሪ ንግድ ፈቃድ ሽፋን ሴቶችን ያለ ፍላጎታቸው ለወሲብ ንግድ ሲዳርጉና ጥቃት ሲፈጽሙ የነበሩ አምስት ግለሰቦች እስከ 23 ዓመት በሚደርስ ፅኑ እስራትና የገንዘብ መቀጮ መቀጣታቸውን የከተማው ፖሊስ ዋና መምሪያ አስታውቋል።

የሮቤ ከተማ አስተዳደር ፖሊስ ዋና መምሪያ የኮሙኒኬሽን ጽሕፈት ቤት ኃላፊ ኢንስፔክተር ጌታቸው ታምሩ ለብስራት ሬዲዮ እንደገለጹት፣ ተከሳሾቹ በዘይበላ ወላሼ ቀበሌ «ኤል ክላሲኮ» የተባለ የምሽት ጭፈራ ቤት በመክፈት ሴቶችን በአስተናጋጅነት ካስቀጠሩ በኋላ በግዳጅ ለዝሙት አዳሪነት እንዲሰማሩ አድርገዋል።

ፖሊስ ባደረገው ማጣራት አንደኛ ተከሳሽ ተሬሳ ፍቃዱ የንግድ ፈቃዱን በማውጣትና ከሌሎች ተከሳሾች ጋር በመሆን የተቀጠሩ አስተናጋጆችን ያለፍላጎታቸው የግብረ-ሥጋ ድፍረት ጥቃት እንዲፈጸምባቸው ማድረጉ በበቂ ማስረጃ ተረጋግጧል።የቀረበውን የዐቃቤ ሕግ ክስና የፖሊስ ማስረጃ የመረመረው የሮቤ ከተማ አስተዳደር ከፍተኛ ፍርድ ቤት የጥፋተኝነት ውሳኔ አስተላልፋል።

በዚህም መሰረት 1ኛ ተከሳሽ ተሬሳ ፍቃዱ ድርጊቱን በዋናነት በመምራትና በግዳጅ የመድፈር ጥቃት በመፈጸሙ በ23 ዓመት ፅኑ እስራት እና በ200 ሺህ ብር መቀጮ፤ 2ኛ ተከሳሽ ዳንኤል ደሴ በ10 ዓመት እስራት እና በ10 ሺህ ብር መቀጮ፤ 3ኛ ተከሳሽ ወርቁ ደሜ በ6 ዓመት እስራት እና በ45 ሺህ ብር መቀጮ፤ 4ኛ እና 5ኛ ተከሳሾች ተመስገን ፍቃዱ እና ቤክና መሐመድ ደግሞ እያንዳንዳቸው በ1 ዓመት ከ8 ወር እስራትእንዲቀጡ ተወስኖባቸዋል።

Seledadotio
Seledadotio

ቅርሶቻችን የሚገባቸውን ክብርና አያያዝ አግኝተዋል!

አዲስ አበባ፣ ነሐሴ 28፣ 2018 (ኤፍ ኤም ሲ) መንግስት ለቅርስ በሰጠው ትኩረት ልክ የኢትዮጵያ ብሔሮች፣ ብሔረሰቦችና ሕዝቦች አሻራ የሆኑ ቅርሶችን በፍትሃዊነት በማልማት፣ በመመዝገብ፣ በመጠገን፣ በማስተዋወቅ በተለይም በተባበሩት መንግስታት የትምህርት፣ የሳይንስና የባህል ድርጅት(ዩኔስኮ) በማስመዝገብ ሀገሪቱ ከዘርፉ ማግኘት የሚገባትን ፋይዳዎችን በተገቢው ልክ እንድታገኝ የበኩሉን ድርሻ እየተወጣ ይገኛል፡፡

ጠቅላይ ሚኒስትር ዐቢይ አሕመድ (ዶ/ር) “አዲሱ የኢኮኖሚ ሞተር" በሚል ባፈው ሰኔ በቱሪዝም ዙሪያ ባደረጉት ቆይታ የቅርሶችን ታሪክ ከሰፈርና ከመንደር አስተሳሰብ አውጥቶ የጋራ ትርክት መገንባት ይገባል በማለት ነው የቅርስን ጠቀሜታ የገለጹት፡፡

በተለይም ጉዳት የደረሰባቸውን ቅርሶች በመጠገን እ በማደስ፣ በተለያዩ ጊዜያት ተዘርፈው በውጭ ሀገር የሚገኙትን በማስመለስ፣ በዩኔስኮ እንዲመዘገቡ በማድረግ እና ሌሎች ተግባራት ተጨባጭ ለውጦች ማምጣት ተችሏል፡፡

ቅርሶቻችን የጋራ በረከቶቻችን እንጂ የዕዳ ምንጭ አይደሉም ያሉት ጠቅላይ ሚኒስትር ዐቢይ (ዶ/ር) ኢትዮጵያ በዘርፉ ያላትን ግዙፍ አቅም በመጠቀም የዜጎችን ሕይወት መቀየርና የሀገርን ገጽታ ማሳደግ እንደሚያስፈልግም ገልጸዋል፡፡

ባለፉት ሶስት ዓመታት በርካታ የሚዳሰሱና የማይዳሰሱ ወካይ ቅርሶች በዩኔስኮ ለማስመዝገብ የተቻለ ሲሆን ከፍተኛ ቁጥር ያላቸው ያላቸው ቅርሶችም በምዝገባ ሂደት ላይ ናቸው፡፡ ምዝገባቸው ከተጠናቀቀ ቅርሶች መካከል የ"ሔር ኢሴ" ባህላዊ ህግ፣ የሸዋል-ኢድ በዓል አከባበር፣ የጌዴኦ ባህላዊ መልክዓ ምድር፣ የመልካ ቁንጡሬ መካነ ቅርስ፣ የባሌ ተራሮች ብሔራዊ ፓርክ ተጠቃሽ ናቸው፡፡

እንደ ድሬ ሼክ ሁሴን፣ የሶፍ ኡመር ዋሻ፣ የአገው ፈረሰኞች ባህል፣ የአፋር መድዓ ስነ ስርዓት፣ የጉራጌ ክትፎ፣ የጋሞ ዱቡሻ ዎጋ ሀገር በቀል አስተዳደር ስርዓት፣ በጣና ኃይቅ ደሴተ-ገዳማት እና አዋሳኝ ባህር ሸሽ መልክዓ ምድር የባህልና የተፈጥሮ እና ሌሎችንም በዩኔስኮ ለማስመዝገብ በሂደት ላይ ይገኛሉ።

የተጎዱ፣ በአስቸጋሪ ሁኔታ ውስጥ ያሉ እና በሌሎች ምክንያቶች አደጋ የተጋረጠባቸው ቅርሶችን በማደስ እና በመጠገን ረገድ የተሰሩ ስራዎች አፍ አውጥተው ናገራሉ፡፡

የፋሲል ቤተ መንግስት ፣ የላሊበላ አብያተክርስቲናት፣ በአዲስ አበባ የሚገኘው የብሔራዊ ቤተ-መንግሥት፣ በአንድነት ፓርክ ውስጥ የሚገኘው ታላቁ የሚኒሊክ ቤተ መንግስት፣ የጅማ አባ ጅፋር ቤተ መንግስት የቅርሶችን ታሪካዊነትና የሀገርን ከፍታ በሚመጥን ደረጃ ታድሰው ለጉብኝት ክፍት ተደርገዋል፡፡

የኢትዮጵያ ህዝቦችን የሚወክሉ ልዩ ልዩ ቅርሶችን በዩኔስኮ ከማስመዝገብና እድሳትና ጥገና ከማድረግ ባሻገር መንግስት በተለያዬ ጊዜ ከሀገራችን ተዘርፈው የተወሰዱ ቅርሶችን የማስመለስ ስራዎችን ሰርቷል፡፡

እስካሁንም አስራ ስምንት ታሪካዊ መስቀሎችን ጨምሮ፣ በመቅደላ ጦርነት ወቅት በእንግሊዝ የተዘረፉ የአጼ ቴዎድሮስ የፀጉር ቁንዳል እና የልብስ ቁራጮች እንዲሁም የወርቅ አምባር ቅርሶች፣ የእቴጌ ጥሩወርቅ ዉቤ (የአጼ ቴዎድሮስ ባለቤት) የፀጉር ጌጥ በክብር ተረከበች፡ የአፄ ቴዎድሮስ ጋሻ፣ የራስ ደስታ ዳምጠው ካባ፣የኢትዮጵያ ኮከብ ኒሻን እና ሌሎች ቅርሶችን በስምምነት ማስመለስ ተችሏል፡፡

በሌላ በኩል የኢትዮጵያ ቅርሶች በተለያዩ የዓለም ሀገራት ለጨረታ ሲቀርቡ በህጋዊ መንገድ ከጨረታ እንዲወርዱ በማድረግ የማስመለስ ጥረቶች እየተደረጉ እና ወደ ሀገራቸው የመመለስ ተግባርም ተከናውኗል፡፡ ጥረቱ ተጠናክሮ እንደሚቀጥል የቅርስ ባለስልጣን አስታውቋል፡፡

በአጠቃላይ ኢትዮጵያ ካለፉት ስምንት ዓመታት ወዲህ በቅርስ ምዝገባ ብቻ ሳይሆን፣ ቅርሶቿን ከዘመናዊ የቱሪዝም መዳረሻዎች ጋር በማስተሳሰር ረገድ ትልቅ እምርታ አሳይታለች። ይህ ጉዞ የሀገሪቱን ብሔራዊ ኩራት ከማሳደጉም በላይ፣ የቱሪዝም ዘርፉን የኢኮኖሚ ምሶሶ ለማድረግ ያለውን ዝግጁነት ያረጋግጣል።

በቴዎድሮስ ሳሕለ

በአባቶች ምርቃት እና በልጆች ይቅርታ ጠያቂነት፣ እንዲሁም ጋቢ የማልበስ እና እግር የማጠብ መርሀግብር በታልቅ ድምቀት ተከናወነ።

ውዳሴ ዲያግኖስቲክ ማዕከል ለ17ኛ ጊዜ “ጳጉሜን ለጤና” የነፃ የሕክምና ምርመራና የበጎ አድራጎት መርሃ ግብር ከጳጉሜ 1 እስከ 5 ቀን ድረስ ሊያካሂድ ነው።

የማእከሉ ባለቤቶች አቶ ዳዊት እና ወ/ሮውዳሴ እንደገለጹ ከሆነ በሐኪም ሙሉ ምርመራ ታዞላቸው ምርመራውን ለማድረግ አቅማቸው ያልፈቀደላቸው የህብረተሰብ ክፍሎችን ለማገዝ የእድሜ ፣ የጾታ ፣ ገደብ ሳይኖረው ማንኛውም ታካሚ የእድሉ ተጠቃሚ እንዲሆን ጥሪ ያቀረቡ ሲሆን ፣ በጳጉሜ አምስቱ ቀናት ውስጥ የተለያዩ ማህበራዊ የበጎ አድራጎት ሥራዎችንም ያከናውናል ብለዋል።

በአምስቱ ቀናት የሚከናወኑ አንኳር ነጥቦች፣
1/.ነፃ የሕክምና ምርመራዎች፦
ሲቲ ስካን (CT Scan)፣ ኤምአርአይ (MRI)፣ አልትራሳውንድ፣ ኢኮ/ኢሲጂ፡ ኤክስሪ(X ray) እና የላቦራቶሪ አገልግሎቶች ከመንግስት የህክምና ተቋማት ምርመራ ለታዘዘላቸው ታካሚዎች በነፃ ይሰጣሉ።

2/.የማህበረሰብ ድጋፍና ጉብኝት፦
ማየት የተሳናቸው ዜጎች የተሟላ የጤና ምርመራ ይደረግላቸዋል። በተጨማሪም በተስፋ አዲስ ፋውንዴሽን የሚገኙ የካንሰር ሕሙማን፣ በጄኔሲስ ሪሃቢሊቴሽን ማዕከል የሚገኙ ወገኖች ይጎብኛሉ፤ ለአራዳ ክፍለ ከተማ ወረዳ 01 አቅም ለሌላቸው ቤተሰቦች የበዓል ስጦታ ይበረከታል እንዲሁም የደም ልገሳ ይከናወናል።

3.ልዩ የአባቶች ክብርና ቡራኬ፦
የዘንድሮው ልዩ መርሃ ግብር በትውልዶች መካከል ያለውን መከባበርና ፍቅር ለማጠናከር፣ ልጆች የአባቶቻቸውንና የአሳዳጊዎቻቸውን እግር በማጠብ ክብርና ምስጋና የሚገልጹበት እንዲሁም አባቶች አዲሱን ዘመን በቡራኬና በይቅርታ የሚጀምሩበት አውድ ፈጥሯል።

በመጨረሻም የነጻ ምርምር ለማድረግ ለመመዝገብ እና በቂ መረጃ ለማግኘት ስልክ ቁጥሮቻችንን መጠቀም የሚችሉ ሲሆን አገልግሎቱን ለማግኘት ከመንግስት የጤና ተቋማት ከላይ የተጠቀሱት ምርመራዎች የታዘዘላቸውን ማስረጃ በመያዝ ከነሐሴ 28 እስከ ጳጉሜ 2 ድረስ በስልክ መስመሮች 9888፣ 0940 04 04 04 ወይም 0940 05 05 05 በመደወል መመዝገብና ምርመራውን ማግኘት እንደሚችሉ ተገልጿል።

ሽማግሌዎች ፣ የሀይማኖት አባቶች ምርቃታቸውን እና ለድርጅቱ መስራቾች ባሌቶች ምስጋናቸውን አቅርበዋል።

(ዘ-ሐበሻ ስፖርት) ሴፕቴምበር 1 የዝውውር መስኮቱ በተዘጋበት የመጨረሻ ሰዓት፣ የማንቸስተር ዩናይትድ ደጋፊዎች በአንድ ጥያቄ ላይ አተኩረው ነበር፦ "የግራ መስመር ተከላካይስ?" የ2025-26 የውድድር ዘመን ከተጠናቀቀ በኋላ በማይክል ካሪክ ስብስብ ውስጥ በጉልህ የሚታየውን ይህንን ክፍተት ክለቡ እንደሚደፍነው በስፋት ይጠበቅ ነበር። ነገር ግን መስኮቱ ሲዘጋ ዩናይትዶች ይህን ቦታ በተጫዋች ሳይሸፍኑ በመቅረታቸው አጓጊ እና አደገኛ ቁማር ውስጥ ገብተዋል።

በአሁኑ ሰዓት ሉክ ሾው ብቸኛው አንጋፋ የግራ መስመር ተከላካይ ነው። ምንም እንኳን ባለፈው የውድድር ዘመን ሁሉንም 38 የፕሪሚየር ሊግ ጨዋታዎች ቢጀምርም፣ የ31 ዓመቱ ተጫዋች ከ60 በላይ ጨዋታዎችን በሚያስተናግደው አዲሱ የውድድር ዘመን ሙሉ ጤንነቱን ጠብቆ ይዘልቃል ተብሎ አይታሰብም። ታይረል ማላሲያ ኮንትራቱ አልቆ ክለቡን መልቀቁ ደግሞ ክፍተቱን ይበልጥ አግዝፎታል።

ዩናይትድ የተለያዩ ተጫዋቾችን ለማስፈረም ቢሞክርም ሳይሳካ ቀርቷል። ከእነዚህም መካከል ዩናይትዶች አጥብቀው የፈለጉት የ22 ዓመቱ የኒውካስሉ ሉዊስ ሆል ይገኝበታል፤ ነገር ግን ኒውካስል የጠየቀው የተጋነነ ዋጋ ዝውውሩን አጨናግፎታል። በሌላ በኩል ክለቡ ያለውን ውስን በጀት ለግራ ተከላካይ ከማውጣት ይልቅ፣ የ70 ሚሊዮን ፓውንድ ትኩረቱን የአማካይ ስፍራውን በማጠናከር ላይ በማድረግ የብራይተኑን ካርሎስ ባሌባን አስፈርሟል። የባርሴሎናውን አሌሃንድሮ ባልዴ በውሰት ፈልጎት የነበረ ቢሆንም ባርሳ በሽያጭ ብቻ በመስማማቱ እንቅፋት ሲሆንበት፣ በመጨረሻው ሰዓት ከተቀናቃኛቸው ማንቸስተር ሲቲ ሪያን አያት-ኑሪን በውሰት ለማምጣት የተደረገው ሙከራም በሲቲ ውድቅ ተደርጓል።

የማይክል ካሪክ 'ፕላን ቢ' - "ከዚህ ቀደም እንደ አሌክስ ቴሌስ ወይም ሰርጂዮ ሬጉይሎን ያሉ ስሜታዊ እና የድንጋጤ ዝውውሮችን ከማድረግ፣ ጥራታቸው ባልተረጋገጠ ተጫዋቾች ላይ ገንዘብ አለማባከን ብልህነት ነው።"

አሁን ዩናይትድ ባለው ስብስብ ላይ ብቻ ተንጠልጥሏል። ሉክ ሾው ቀዳሚ ምርጫ ሲሆን፣ ለሞሮኮ ብሔራዊ ቡድን በዚሁ ቦታ የሚጫወተው ኑሳይር ማዝራዊ ተጠባባቂ ይሆናል። ከዚህ በተጨማሪም ቦታውን መሸፈን የሚችለው ዲዮጎ ዳሎት እና ገና ሚናው በግልጽ ያልታወቀው የ19 ዓመቱ አካዳሚ ምሩቅ ሃሪ አማስ አሉ።

በተለይም የተከላካይ ክፍሉን ለማመጣጠን የ20 ዓመቱን ፈጣን የመሀል ተከላካይ ሌኒ ዮሮ በቀኝ መስመር ላይ ማሰለፍ እንደ አማራጭ ተይዟል። ዮሮ ከኢፕስዊች ጋር በነበረው ጨዋታ በዚህ ቦታ ላይ ያሳየው ብቃት፣ ልክ ጆስኮ ግቫርዲዮል በማንቸስተር ሲቲ እንዳደረገው የተሳካ የቦታ ሽግግር ሊሆን እንደሚችል ተስፋ ሰጥቷል።

ይህ ስሜታዊነትን ያስወገደ የካሪክ ስሌት በአብዛኛው ትክክለኛ ውሳኔ ሊመስል ይችላል፤ ነገር ግን የውሳኔውን ትክክለኛነት ፈትኖ የሚወስነው የሜዳ ላይ ውጤት ብቻ ነው።

ይህ በማይክል ካሪክ የተወሰደው የዝውውር ስጋት በማንቸስተር ዩናይትድ የዋንጫ ጉዞ ላይ ምን ዓይነት ተጽእኖ የሚያመጣ ይመስልዎታል?

ሰላም፤ እንደምን አደራችሁ?

ጥንታዊቷና ውቢቷ ኢትዮጵያ፤ በተፈጥሮ ጸጋዎቿ፣ በታሪኳና ማህበራዊ እሴቶቿ ታላቅ የቱሪዝም ገነት ስለመሆኗ ምስክር አያስፈልገውም።

ከተራሮች እስከ ዝቅተኛው የጨው ሜዳ፣ ከጥንታውያን የድንጋይ ውቅር ሕንጻዎች እስከ ዘመናዊ የከተማ መዝናኛዎች ድረስ ኢትዮዽያ ለዓለም ህዝብ የምታቀርበው አስደናቂ እይታና የማይረሳ ገጠመኝ እጅግ ብዙ ነው።

የኢትዮጵያን ተፈጥሮአዊ ውበት ልዩ ከሚያደርጉት መዳረሻዎች መካከል የሰሜን ተራሮች ብሔራዊ ፓርክ በግንባር ቀደምትነት ይጠቀሳል።

በአስደናቂ የተራራ ሰንሰለቶቹ የሚታወቀው ይህ ስፍራ እንደ ዋልያ፣ ጭላዳ ዝንጀሮ እና የኢትዮጵያ ቀይ ቀበሮ ያሉ ብርቅዬ እንስሳት መኖሪያ ነው።

በተመሳሳይ መልኩ የባሌ ተራሮች ብሔራዊ ፓርክ የአፍሮ-አልፓይን ሥነ ምህዳር መገለጫ በመሆን ለተፈጥሮ አፍቃሪያን ልዩ እርካታን ይሰጣል።

ወደ ምስራቁ የሀገራችን ክፍል ስናቀና ደግሞ በአፋር ክልል የሚገኙት ኤርታአሌ እና ዳሎል የተፈጥሮ ተአምራትን ይገልጡልናል።

ኤርታአሌ በዓለም ላይ ካሉ ጥቂት ንቁ የእሳተ ገሞራ ሐይቆች አንዱ ሲሆን ዳሎል ደግሞ በተለያዩ ቀለማት ባበቡ የጨው ሜዳዎቹ የሚታወቅ ልዩ ተፈጥሮ ነው።

በተጨማሪም የዓባይ ምንጭ የሆነው ጣና ሐይቅ በዙሪያው ከሚገኙት ደሴት ገዳማትና ከታላቁ የዓባይ ፏፏቴ ጋር ተደምሮ ጎብኚዎችን በምትሐታዊ ውበቱ ያፈዝዛል።

የሰው ልጅ መገኛ ብቻ ሳትሆን የጥንታዊ ሥልጣኔዎች ባለቤትም የሆነችው ኢትዮጵያ ከድንጋይ ተፈልፍለው የተሰሩት የላሊበላ አብያተ ክርስቲያናት እና የአክሱም ሐውልቶች የኢትዮዽያን የገዘፈ ጥንታዊ ሥልጣኔ ይመሰክራሉ።

እንዲሁም የጎንደር ፋሲል አብያተ መንግሥታት የመካከለኛውን ዘመን ታሪክ ቁልጭ አድርጎ ያሳያል። በቅርቡ የተከናወነው የቅርስ እድሳት ደግሞ ታሪክን ከውበት ጋር በማጣመር ለጎብኚዎች ተመራጭ መዳረሻ አድርጎታል።

በዩኔስኮ የተመዘገበችው የሐረር ከተማ በኮሪደር ልማት በተዋቡ ጎዳናዎቿ፣ በቀለም ባሸበረቁ ባህላዊ ቤቶቿ እና እንግዳ ተቀባይ ባህሏ ልዩ ውበትን ትፈነጥቃለች።

ከዚህ በተጨማሪ በቅርብ ዓመታት ውስጥ የመዲናዋ አዲስ አበባ ከተማ ገጽታ በከፍተኛ ደረጃ እየተቀየረ ይገኛል።

የከተማ ቱሪዝምን በአዲስ መልክ ያደሱት ብሔራዊ ቤተ መንግሥት፣ አንድነት ፓርክ እና ወዳጅነት ፓርክ ታሪካዊ እሴቶችን ከዘመናዊ የመዝናኛ ስፍራዎች ጋር አጣምረው ለህዝብ ክፍት ሆነዋል።

ከዚህም በተጨማሪ የታሪክ ታላቅነት የሚያወሳው የዓድዋ ድል መታሰቢያ፣ ከተፈጥሮ ጋር ስፖርታዊ እንቅስቃሴዎችን የሚያጣመረው እንጦጦ ፓርክ እና ዘመናዊ ቴክኖሎጂን ከቱሪዝም ጋር የሚያገናኘው የሳይንስ ሙዚየም የመዲናዋን የወደፊት ራዕይ እና የፈጠራ አቅም ለዓለም የሚያሳይ ድንቅ እይታዎች ሆነዋል።

ኢትዮጵያ የተፈጥሮ፣ የታሪክ፣ የባህል እና የዘመናዊነት ውህደት የሆነች፣ እያንዳንዱ እርምጃ አዲስ ታሪክና ውበት የሚተርክባት፣ በዓለም አቀፍ ደረጃ ወደር የሌላት እውነተኛ የቱሪዝም ገነት ናት።

ማንቸስተር ዩናይትድ ከ ኢፕስዊች ታውን እና ቼልሲ ከ ብራይተን - የእንግሊዝ ፕሪሚየር ሊግ ሁለተኛ ሳምንት ጨዋታዎች
***************************

በእንግሊዝ ፕሪሚየር ሊግ ሁለተኛ ሳምንት መርሐ ግብር ማንቸስተር ዩናይትድ አዲስ አዳጊውን ኢፕስዊች ታውንን ምሽት 12፡30 ላይ በኦልድ ትራፎርድ ያስተናግዳል።

በመጀመሪያው ሳምንት በሌላኛው አዲስ አዳጊ ቡድን ሀል ሲቲ 2 ለ 0 የተሸነፉት በአሰልጣኝ ማይክል ካሪክ የሚመሩት ማንቸስተር ዩናይትዶች፣ በሜዳቸው ከኢፕስዊች ጋር ባደረጓቸው ያለፉት ስምንት ጨዋታዎች አለመሸነፋቸው ለአሸናፊነት ግምት እንዲሰጣቸው አድርጓል፡፡

ኢፕስዊች ታውን በመጀመሪያው የሊጉ ጨዋታ ሰንደርላንድን 2 ለ 1 በማሸነፍ ነው የውድድር ዓመቱን የጀመረው፡፡

በጨዋታው በማንቸስተር ዩናይትድ በኩል ማርከስ ራሽፎርድ ወደ መጀመሪያ አሰላለፍ ይመለሳል ተብሎ የሚጠበቅ ሲሆን፣ አማድ ዲያሎ እና አዲሱ ፈራሚው ካርሎስ ባሌባ ግን በጉዳት ምክንያት ከጨዋታው ውጭ ናቸው። በኢፕስዊች በኩል አዲስ የተጫዋች ጉዳት ዜና የለም።

ከዚህ ጨዋታ በፊት ቀን 10፡00 ሰዓት ላይ በአሰልጣኝ ዣቢ አሎንሶ ስር አዲስ ምዕራፍ የጀመረው ቼልሲ፣ በፕሪሚየር ሊጉ መክፈቻ እና በሊግ ካፕ ያገኘውን ተከታታይ ድል ለማስቀጠል ብራይተንን በስታምፎርድ ብሪጅ ያስተናግዳል።

ባለፈው የውድድር ዘመን በሜዳው 3 ለ 1 የተረታበትን ጨምሮ ቼልሲ በሁሉም ውድድሮች ከብራይተን ጋር በደረጋቸው ያለፉት አራት ጨዋታዎች መሸነፉን ተከትሎ ዛሬም ቀላል ፈተና እንደማይገጥመው ይጠበቃል።

በአሰልጣኝ ፋቢያን ሀልዝለር የሚመራው ብራይተን፣ በመጀመሪያው የሊግ ጨዋታ አስቶን ቪላን 4 ለ 0 በመርታት እና በኮንፈረንስ ሊግ ማጣሪያ ድል በማስመዝገብ ጥሩ ጅማሮ አድርጓል።

በቼልሲ በኩል ሞይሰስ ካይሴዶ ከጉዳት አገግሞ ወደ ልምምድ ቢመለስም በጨዋታው የመሰለፉ ጉዳይ አጠራጣሪ ሲሆን፣ ተከላካዩ ዌስሊ ፎፋና ከቅጣት ተመልሶ ለጨዋታ ዝግጁ ይሆናል ተብሎ ይጠበቃል።

በብራይተን በኩል ጃክ ሂንሼልውድ እና ጆርጂኒዮ ሩተር ለጨዋታው መድረሳቸው አልተረጋገጠም፤ እንደ ሚቶማ እና ኢቫን ፈርጉሰን ያሉ ተጫዋቾች ደግሞ በረጅም ጊዜ ጉዳት ምክንያት ከጨዋታው ውጪ ናቸው።

ዛሬ በተመሳሳይ ቀን 10:00 ሰዓት ሊድስ ዩናይትድ ከብሬንትፎርድ እና ሰንደርላንድ ከፉልሃም ጨዋታቸውን ያከናውናሉ፡፡

በዘረንቶስ ሰለሞን
#epl #premierleague #manchesterunited #arsenal #football #sports #ebc

በተጠናቀቀው በጀት ዓመት በክልሉ የማኅበረሰባችንን የልማትና የመልካም አስተዳደር ጥያቄዎችን መልሰናል - ርዕሰ መስተዳድር አረጋ ከበደ
************************

የአማራ ክልል ከፍተኛና መካከለኛ አመራሮች የ2018 በጀት ዓመት የፓርቲና የመንግሥት ሥራዎች እቅድ አፈፃፀም ግምገማ እና የ2019 በጀት ዓመት ዕቅድ ትውውቅ መድረክ በባሕርዳር ከተማ እየተካሄደ ነው።

የአማራ ክልል ርዕሰ መስተዳድር አረጋ ከበደ መድረኩን በንግግር ባስጀመሩበት ወቅት፣ በተጠናቀቀው በጀት ዓመት በክልሉ ያለውን እምቅ አቅም ታሳቢ ያደረገ ዘላቂ የልማት ዕቅድ በማቀድ በተደረገው የተቀናጀ ርብርብ ውጤታማ አፈፃፀም መመዝገቡን ተናግረዋል።

በኢኮኖሚው፣ በማኅበራዊ እና በፖለቲካው ዘርፎች በተሠራው ዘርፈ ብዙ ሥራም የማኅበረሰቡን የልማትና የመልካም አስተዳደር ጥያቄዎችን በመመለስ ውጤታማ ሥራዎች መከናወናቸውን ገልጸዋል።

በበጀት ዓመቱ በክልሉ የህግ የበላይነት ከማረጋገጥ ባሻገር የልማትና የመልካም አስተዳደር ጥያቄዎችን መመለሳቸውንም አመላክተዋል።

በተያዘው 2019 በጀት ዓመትም በክልሉ የተገኘውን ሰላም በዘላቂነት በማፅናት የህግ የበላይነትን የበለጠ በማረጋገጥ እና ከውስጥና ከውጭ የሚታዩ የፅንፈኝነት ዝንባሌዎችንና አዝማሚያዎችን በማክሰም እንደ ሀገር የጋራ ትርክቶችን በመገንባት ሁለንተናዊ ብልፅግና ለማረጋገጥ በትኩረት እንደሚሰራ አቶ አረጋ አረጋግጠዋል።

አመራሩ ከመቼውም ጊዜ በላይ ውስጣዊ ድክመቶቻችንን በማረምና ውጫዊ ተግዳሮቶችን በመታገል የማኅበረሰባችንን የልማትና የመልካም አስተዳደር ጥያቄዎች አሁንም መመለስ ላይ ትኩረት አድርጎ እንዲሠራ አሳስበዋል።

በተስፋሁን ደስታ
#ethiopia #ebc #amahararegion #budgetyearperformance

የማንቸስተር ዩናይትድ የዝውውር መስኮት ተሳትፎ
****************

ማንቸስተር ዩናይትድ አዲሱን የውድድር ዓመት በሽንፈት ይጀምር እንጂ፣ ካለፈው የውድድር ዓመት አጋማሽ በኋላ ቡድኑን በተረከበው ማይክል ካሪክ ስር ያሳየው ለውጥ በአዲሱ የውድድር ዓመት ብዙ እንዲጠበቅበት ያደረገ ሆኗል።

ከአንጋፋው አሰልጣኝ ሰር አሌክስ ፈርጉሰን ስንብት በኋላ ለአስራ ሦስት ዓመታት ወደራቀበት የእንግሊዝ ፕሪሚየር ሊግ ሻምፒዮንነት መመለስ፣ ብሎም በአውሮፓ መድረክ ጠንካራ ተፎካካሪ መሆን በአዲሱ የውድድር ዓመት የማንቸስተር ዩናይትድ ውጥኖች ናቸው።

ዩናይትድ በዝውውር መስኮቱ በአመዛኙ የመሀል ክፍሉን በማጠናከሩ ላይ ነው ትኩረት ያደረገው። አንድሬ ሳንቶስ ከቼልሲ፣ ዮሪ ቴሌማንስ ከአስቶንቪላ እንዲሁም ካርሎስ ባሌባ ከብራይተን፤ በማንቸስተር ዩናይትድ የዝውውር እንቅስቃሴ ወስጥ ጉልህ ስፍራ የሚሰጣቸው ዝውውሮች ሆነዋል።

በአንፃሩ ካሰሚሮን ጨምሮ በርካታ ተጫዋቾቻቸውን በውሰትና በቋሚ ዝውውር አሳልፈው ሰጥተዋል። የማንቸስተር ዩናይትድን የቅርብ ዓመታት ውጤት አልባ መንገድ መቀየርና የቀደመ ታሪኩን የሚመጥን የስኬት ጎዳና ላይ መገኘት የማይክል ካሪክ ስብስብ እቅድ ነው። ማንቸስተር ዩናይትድ በ2ኛ ሳምንት የፕሪሚየር ሊግ ጨዋታ ነገ ምሽት 12፡30 ሰዓት በኦልድትራፎርድ ኢፕስዊች ታውንን ያስተናግዳል።

የማንቸስተር ዩናይትድ የዝውውር ተሳትፎ የፕሪሚየር ሊግ ሻምፒዮንነትን ጨምሮ ቡድኑን አጠናክሮ ወደ ውጤታማነት ይመራዋል ብላችሁ ታስባላችሁ? ሃሳባችሁን አጋሩን።
#manchesterunited #epl #premierleague #football #sports #ebc Ethiopian Broadcasting Corporation

"ጆሊን፣ ጆሊን - ባሌን አትውሰጂብኝ!"
የሀገር በቀል ሙዚቃ ንግስት ዶሊ ፓርተን
#ethiopia | የዓለም አቀፍ የከንትሪ ሙዚቃ ንግስት፣ ድምፃዊትና የበርካታ በጎ አድራጎት ስራዎች ባለቤት የሆነችው ዶሊ ፓርተን በ80 ዓመቷ ከዚህ ዓለም በሞት ተለይታለች።

በስድስት አስርት ዓመታት የኪነ-ጥበብ ጉዞዋ ከ100 ሚሊዮን በላይ የሙዚቃ አልበሞችና ስራዎቿን በመሸጥ 11 የግራሚ አዋርዶችን ማሸነፍ ችላለች።

እንደ ጆሊን፣ አይ ዊል ኦልዌይስ ላቭ ዩ እና 9 ቱ 5 ያሉ ዓለም አቀፍ ተወዳጅነትን ያተረፉ ዜማዎችን በመጫወት ከ60 ዓመታት በላይ በሙዚቃው ዓለም ቆይታለች።

ከበርካታ ስኬታማ ሥራዎቿ መካከል በፈረንጆቹ 1973 ለአድማጭ የቀረበውና እስከ ዛሬ ድረስ በብዙዎች ዘንድ የማይረሳው ጆሊን የተሰኘው ዘፈኗ ይጠቀሳል።

ዶሊ ፓርተን እንደተናገረችው ይህ ዘፈን የተፃፈው ባለቤቷ ካርል ዴቪድ ዲን በባንክ ውስጥ በሚሠራበት ወቅት ከአንዲት ቆንጆ የባንክ ሰራተኛ ጋር ያሳየው የነበረውን ቀረቤታና ለእሱ ያደረገችውን ቅናት መሰረት በማድረግ ነው።

ጆሊን የሚለው ስም የመጣው ደግሞ በሙዚቃ ትርኢቷ ላይ ካገኘቻትና ፊርማዋን ከጠየቀቻት አንዲት ህፃን ልጅ ስም የተወሰደ ነው።

ዘፈኑ የተለመደውን የቁጣ ስሜት ሳይሆን አንዲት ማራኪና ውብ ሴት ፊት ተንበርክካ እባክሽን ባሌን አትውሰጂብኝ በማለት የምታቀርበውን የልመና ስሜት የሚያንፀባርቅ ነው።

የዘፈኑ መግቢያ የጊታር ምት እና የዶሊ ፈጣንና ስሜታዊ ድምፅ ዘፈኑ በሰዎች አእምሮ ውስጥ በቀላሉ እንዲቀረፅ አድርጎታል።

ስራው ከተለቀቀበት ጊዜ ጀምሮ በዓለም ዙሪያ በሚሊዮኖች የሚቆጠሩ አድናቂዎችን ያፈራ ሲሆን በሮሊንግ ስቶን የዓለማችን 500 ታላላቅ ዘፈኖች ዝርዝር ውስጥ ተካቷል።

ከማይሊ ሳይረስ እስከ በርካታ ዓለም አቀፍ ድምፃውያን ድረስ በራሳቸው የሙዚቃ ቅdirect መልሰው የተጫወቱት ዘመን ተሻጋሪ ስራ መሆን ችሏል።

ሔኖክ ወ/ገብርኤል
#countrymusic #usa #dollyparton #jolene #iwillalwaysloveyou #getutemesgen #getu #ጌጡ #ጌጡተመስገን #addisababa

በኢትዮጵያ የ12ኛ ክፍል ማጠናቀቂያ ፈተና ታሪክ
ከጠቅላላ 600 / 20.67 ብቻ በማስመዝገብ  እጅግ አነጋጋሪ የሆነ ዝቅተኛ ውጤት ያስመዘገበው የ22 አመቱ ተፈታኝ

በዘንድሮው 2018 ዓ/ም በአገር አቀፍ ደረጃ ይፋ የተደረገውን የ12ኛ ክፍል ማጠናቀቂያ ፈተና ውጤት ተከትሎ፣ በማኅበራዊ ሚዲያ ገጾች ላይ ሰፊ አጀንዳ የሆነና በርካታ ተከታታዮችን ያስገረመ የውጤት ዝርዝር ይፋ ሆኗል።

በማኅበራዊ ሚዲያ የመረጃ ገጾች (ጉርሻ ፔጅን ጨምሮ) ከተሰራጩት የውጤት ሰነዶች ማረጋገጥ እንደተቻለው፣ በሶሻል ሳይንስ (Social Science) ዘርፍ ፈተናውን የወሰደው የ22 ዓመት ወንድ ተፈታኝ፣ ከጠቅላላ 600 ነጥብ 20.67 ብቻ በማስመዝገብ በአማካይ 3.45% አስመዝግቧል።

ይህም በኢትዮጵያ የትምህርት ታሪክ ውስጥ በታችኛ ደረጃ ከተመዘገቡት ውጤቶች መካከል እጅግ አነስተኛው እና ያልተለመደው ተብሎ ተጠቅሷል።

ለሕዝብ ይፋ የተደረገው የተፈታኙ የትምህርት ዓይነቶች ውጤት ዝርዝር የሚከተለውን ይመስላል፦

1ኛ. እንግሊዝኛ (English): 8.00

2ኛ. የተፈጥሮ ዝንባሌ ፈተና (Scholastic Aptitude Test): 5.00

3ኛ. ታሪክ (History): 4.00

4ኛ. ጂኦግራፊ (Geography): 2.00

5ኛ. ሒሳብ (Mathematics): 1.67

6ኛ. ኢኮኖሚክስ (Economics): 0.00

የተፈታኙ ግላዊ መብትና  ለማክበር ስሙ ያልተጠቀሰው ይህ ተማሪ ያስመዘገበው እጅግ ዝቅተኛ ውጤት፣ በማኅበራዊ ሚዲያ ተጠቃሚዎችና በትምህርት ባለሙያዎች ዘንድ ሰፊ መነጋገሪያ ሆኗል። ብዙዎች እራሱን ወደ ሚዲያ እንዲወጣ እየጠየቁ ይገኛሉ ።

Seledadotio
Seledadotio

የማህበራዊ ትስስር እና የአብሮነት ገመድን የሚያጠናክረው የመውሊድ በዓል
***********

ነገ በመላው ዓለም በሚገኙ የእስልምና እምነት ተከታዮች ዘንድ የነቢዩ ሙሐመድ (ሰ.ዐ.ወ) የልደት ቀን (መውሊድ) በታላቅ መንፈሳዊ ሥነ-ሥርዓት፣ በፍቅር እና በደስታ በድምቀት ይከበራል።

በዓሉ የታላቁን ነቢይ ሕይወት፣ መልካም አርዓያነትና አስተምህሮ የምንዘክርበት ነው።

መንደሮች በመንዙማ (በነቢዩ ሙሐመድ ውዳሴ) ድምፅ ሲደምቁ፣ የመኖሪያ ቤቶች ደጃፎች በቡና እና በዕጣን መዓዛ ሲታወዱ፣ የደስታ መንፈስ እያንዳንዱን ማዕዘን ይሞላዋል።

በመስጂዶች፣ በታሪካዊ ሐድራዎች እና በመኖሪያ ቤቶች የነቢዩ ሙሐመድን (ሰ.ዐ.ወ) ምጡቅ ስብዕና፣ ገድል፣ ፍቅርና እዝነት የሚዘክሩ መንዙማዎች (ውዳሴዎች) ይከናወናሉ።

በሀገራችን የመውሊድ በዓል ሃይማኖታዊ ይዘቱን እንደጠበቀ፣ ከተለያዩ ብሔረሰቦች ባህላዊ ትውፊቶች ጋር ተዋህዶ የሚከበርበት መንገድ ለየት ያለ ኅብረ-ብሔራዊ ውበትን አጎናፅፎታል።

ከሐረር ጀጎል ታሪካዊ ግንቦች እስከ ወሎ የእስልምና ትምህርት ማዕከላት፣ ከጅማና ባሌ ሐድራዎች እስከ አዲስ አበባ መስጂዶች በዓሉ በየአካባቢው በድምቀት ይከበራል።

በየመንደሩ የሚደረጉ የጋራ ማዕድ ዝግጅቶች እና መስተንግዶዎች የኢትዮጵያውያንን የቆየ የእንግዳ ተቀባይነት ባህል ቁልጭ አድርገው የሚያሳዩ ናቸው።

መውሊድ ከመንፈሳዊነቱ በተጓዳኝ አቅመ-ደካሞችን በመደገፍና ማዕድ በማጋራት እንዲሁም የቲሞችን (ወላጅ አልባ ህፃናትን) በማስደሰት የማህበራዊ ትስስር እና የአብሮነት ገመድን እያጠናከረ ያለ ነው።

የነቢዩ ሙሐመድ (ሰ.ዐ.ወ) የሰላም፣ የፍትህ እና የሰብዓዊነት አስተምህሮ ለሀገራችን ዘላቂ ሰላምና አንድነት አስፈላጊ እሴት በመሆኑ፣ ይህን ታላቅ በዓል ስናከብር ልዩነቶችን በመደማመጥና በምክክር በመሻገር ሊሆን ይገባል።

መልካም የመውሊድ በዓል!

በሔዋን ጌታቸው
#ethiopia #mawlid #mawlidalnabi #peace #justice #mawlidmubarak #ebc

(ዘ-ሐበሻ ሕይወት) ዶረቲ ቦገስ እያንዳንዱን አዲስ ቀን የምትቀበለው በደስታና በንቃት ነው። ማለዳ ላይ አሮጌዋን ራዲዮ ከፍታ የ"Cha Cha Slide" ሙዚቃን ታስነካዋለች። ሙዚቃው ሲሰማ አንዴ ወደ ግራ አንዴ ወደ ቀኝ እየተወዛወዘች ወገቧን ታላቅቃለች... በሳቅ እየፈካች የዕለቱን ስፖርታዊ እንቅስቃሴዋን በኩሽናዋ ውስጥ ታደርጋለች። በመደርደሪያዋ ላይ በተቀመጠው የሻይ መጠጫ ኩባያ ላይ "109 ዓመት እና ድንቅ" የሚል ጽሑፍ በጉልህ ይነበባል።

ወደዚህ ድንቅ የእድሜ እርከን መድረስ ዶረቲን እጅግ ጥቂት ከሆኑት የአሜሪካ የዕድሜ ባለጸጎች ተርታ ያሰልፋታል። በአሜሪካ ከ100 ዓመት በላይ የመኖር እድልን የሚያገኙት ከህዝቡ 0.03 በመቶው ብቻ ናቸው። የዶረቲ ልዩ ዕድል ግን ይህ ብቻ አይደለም፤ ከእነዚህ ጥቂት የዕድሜ ባለጸጎች መካከል አንዷ፣ ከስምንት አስርት ዓመታት በላይ አብራዋት የዘለቀችው የልብ ጓደኛዋ ቬልማ ሎንግ መሆኗ ነው።

ቬልማ በቅርቡ 109ኛ የልደት በዓሏን ስታከብር፣ ዶረቲን ወደ ቤተክርስቲያን ጋብዛ በጋራ አክብረዋል። ዶረቲም በተመሳሳይ በግንቦት ወር 109ኛ ዓመቷን ስታከብር ቬልማ ከጎኗ ነበረች። የሁለቱ የዕድሜ ልክ ጓደኛሞች ታሪክ የሚጀምረው በሁለተኛው የዓለም ጦርነት ወቅት፣ ሁለቱም የ23 ዓመት ወጣቶች በነበሩበት ዘመን ነው።

በ1940ዎቹ መጀመሪያ ዶረቲ በአትላንታ የማህበራዊ ሳይንስ ትምህርቷን ስትከታተል፣ አሜሪካ በጦርነቱ ለምታደርገው ጥረት የበኩሏን ለማበርከት ወደ ዋሽንግተን ዲሲ አቀናች። ዶረቲ እና ቬልማ ወንዶች ወደ ጦር ግንባር ሲዘምቱ ክፍት የሆነውን የፋብሪካ፣ የመርከብ ግንባታ እና የቢሮ ሥራ ለመሸፈን ከተሰለፉት ታሪካዊዎቹ "ሮዚ ዘ ሪቬተርስ" መካከል ነበሩ።

ሁለቱም ለመንግሥት በጸሐፊነት ተቀጥረው ሲሰሩ ተገናኙ። ቬልማ ለባህር ኃይል፣ ዶረቲ ደግሞ ለጦርነት መምሪያ ይሠሩ ነበር። አስገራሚው የአጋጣሚ ግጥምጥሞሽ ደግሞ፣ ሁለቱም የህይወት አጋሮቻቸውን ያገኙት በዚሁ በሥራ ገበታቸው ላይ ሲሆን፣ ባሎቻቸው የአክስትና የአጎት ልጆች ነበሩ። ዶረቲ ያንን ጣፋጭ የትዝታ ጊዜ ወደኋላ መለስ ብላ ስታስታውስ፣ "ባሌ የእሷን ባል በጣም ይወደው ነበር። ብዙ ጊዜ አብረን እናሳልፍ ነበር፤ አብረንም ብዙ ቦታዎች ተጉዘናል" ትላለች።

ከ80 ዓመታት በላይ ዶረቲ እና ቬልማ በዋሽንግተን ዲሲ አቅራቢያ ተጎራብተው ኖረዋል። በወጣትነት ዘመናቸው አብረው ስፖርት ይሠሩ፣ የልጆቻቸውን የልደት በዓላት በጋራ ያከብሩ ነበር። ዛሬ ላይ እንደ ድሮው በተደጋጋሚ መገናኘት ባይችሉም፣ በየቀኑ በስልክ ድምጻቸውን ሳይሰማሙ አይውሉም።

"ሁለታችንም በርካታ የቅርብ ጓደኞቻችንን በሞት አጥተናል፤ እኛ አሁንም በህይወት መኖራችን አስገራሚ ነው" ትላለች ዶረቲ። ስለ ረጅም ዕድሜያቸው ምስጢር ሲጠየቁ፣ ጥሩ አመጋገብ እና ስፖርት መሥራት አስተዋጽኦ ቢኖረውም፣ ትልቁ ምስጢር ግን ማህበራዊ መስተጋብር እና የጓደኝነት ፍቅር መሆኑን ይናገራሉ። ከ23 ዓመት ዕድሜ ጀምሮ የሚያውቅህ ጓደኛ ሲኖርህ፣ ህይወት የተለየ ትርጉም ይኖረዋል።
ሁለቱም በማህበራዊ ስራ ዘርፍ ካገለገሉ በኋላ በ1970ዎቹ ጡረታ ከወጡ ጀምሮ ዓለምን ዞረዋል። ዶረቲ በአገራት ስም ቅደም ተከተል ያዘጋጀችው የጉብኝት ማስታወሻ ሲኖራት፣ ቬልማ ደግሞ በተለይ በረራን ታፈቅራለች። ህይወትን በሙሉ ደስታ፣ በጓደኝነት ፍቅር እና በተስፋ መኖር ዕድሜን ብቻ ሳይሆን የህይወትንም ጥራት እና ውበት እንደሚጨምር የዶረቲ እና የቬልማ የ109 ዓመታት ታሪክ ህያው ምስክር ነው።

እርስዎ ከልብ ጓደኛዎ ጋር ለስንት ዓመታት ቆይተዋል?

ማንቸስተር ዩናይትድ ካርሎስ ባሌባን ለማስፈረም ከብራይተን ጋር ስምምነት ላይ ደረሰ
*****************

ማንቸስተር ዩናይትድ የብራይተኑን አማካይ ካርሎስ ባሌባን ለማስፈረም ያቀረበው ሁለተኛዉ የ70 ሚሊዮን ፓውንድ ጥያቄ በብራይተን ተቀባይነት አግኝቷል።

ማንቸስተር ዩናይትዶች ካሜሮናዊውን የ22 ዓመት ተጫዋች ወደ ኦልድትራፎርድ ለማምጣት ካሳለፍነው ዓመት ጀምሮ ሲሰሩበት እንደነበር ይታወሳል።

ካርሎስ ባሌባ በቀጣይ ቀናት የህክምና ምርመራውን በማድረግ ቀያይ ሴጣኖቹን ይቀላቀላል ተብሎ ይጠበቃል።
#manutd #premierleague #manchesterunited #sports #football #ebc