ቆሻሻን ወደ ሀብት በመቀየር የሰርኩላር ኢኮኖሚን ለማጠናከር ያለመ አገራዊ የምክክር መድረክ ተካሄደ
#ethiopia | በኢትዮጵያ ቆሻሻን ወደ ተጨባጭ የኢኮኖሚ ሀብት በመለወጥ ረገድ ያለውን አቅም ለማሳደግ እና የሰርኩላር ኢኮኖሚ አሰራርን ለማጠናከር ያለመ አገራዊ የውይይት መድረክ በአዲስ አበባ ተካሂዷል።

መድረኩ በሪች ፎር ቼንጅ ኢትዮጵያ እና በአፍሪካ ሰርኩላር ኢኮኖሚ ኔትወርክ አዘጋጅነት የቀረበ ሲሆን፣ ተወጋጅ ቁሳቁሶችን እንደ ዋና የኢኮኖሚ ጥሬ ዕቃ በመጠቀም ከፍተኛ የፋይናንስና የሥራ አቅም መፍጠር እንደሚቻል ተመልክቷል።

በመድረኩ ላይ የተገኙት የአካባቢ ጥበቃ ባለሥልጣን ተወካይ ዶክተር ለምለም ተበጀ እንዳስታወቁት፣ አምራቾችና አስመጪዎች ለሚያመነጩት ቆሻሻ ቀጥተኛ ኃላፊነት እንዲወስዱ የሚያስገድድ አዲስ አሰራር እየተዘረጋ ይገኛል።

በተጨማሪም ብሔራዊ የሰርኩላር ኢኮኖሚ መመሪያ ወደ ሥራ መግባቱን ጠቁመው፣ ይህም አገሪቱ ዘላቂ የንግድ ሞዴሎችን እንድትከተል ጠንካራ መሠረት ይጥላል ብለዋል።

እስካሁን በተከናወኑ ተግባራት ከ1.8 ሚሊዮን ኪሎግራም በላይ ቆሻሻን መልሶ ጥቅም ላይ በማዋል ከ41 ሚሊዮን ብር በላይ ገቢ ማግኘት የተቻለ ሲሆን፣ ከ1 ሺህ 300 በላይ ለሚሆኑ ዜጎችም የሥራ ዕድል ተፈጥሯል።

በዘርፉ የሚሰሩ አዳዲስ የፈጠራ ሥራዎች በገበያ ውስጥ ተወዳዳሪ እንዲሆኑ በመንግሥት፣ በግል ሴክተር እና በፋይናንስ ተቋማት መካከል ያለው ትስስር ወሳኝ ደረጃ ላይ መድረሱን ባለድርሻ አካላት ገልጸዋል።
#circulareconomy #environment #recycling #ethiopianews #greenenergy #getutemesgen #getu #ጌጡ #ጌጡተመስገን #addisababa



ቆሻሻን ወደ ሀብት በመቀየር የሰርኩላር ኢኮኖሚን ለማጠናከር ያለመ አገራዊ የምክክር መድረክ ተካሄደ
#ethiopia | በኢትዮጵያ ቆሻሻን ወደ ተጨባጭ የኢኮኖሚ ሀብት በመለወጥ ረገድ ያለውን አቅም ለማሳደግ እና የሰርኩላር ኢኮኖሚ አሰራርን ለማጠናከር ያለመ አገራዊ የውይይት መድረክ በአዲስ አበባ ተካሂዷል።

መድረኩ በሪች ፎር ቼንጅ ኢትዮጵያ እና በአፍሪካ ሰርኩላር ኢኮኖሚ ኔትወርክ አዘጋጅነት የቀረበ ሲሆን፣ ተወጋጅ ቁሳቁሶችን እንደ ዋና የኢኮኖሚ ጥሬ ዕቃ በመጠቀም ከፍተኛ የፋይናንስና የሥራ አቅም መፍጠር እንደሚቻል ተመልክቷል።

በመድረኩ ላይ የተገኙት የአካባቢ ጥበቃ ባለሥልጣን ተወካይ ዶክተር ለምለም ተበጀ እንዳስታወቁት፣ አምራቾችና አስመጪዎች ለሚያመነጩት ቆሻሻ ቀጥተኛ ኃላፊነት እንዲወስዱ የሚያስገድድ አዲስ አሰራር እየተዘረጋ ይገኛል።

በተጨማሪም ብሔራዊ የሰርኩላር ኢኮኖሚ መመሪያ ወደ ሥራ መግባቱን ጠቁመው፣ ይህም አገሪቱ ዘላቂ የንግድ ሞዴሎችን እንድትከተል ጠንካራ መሠረት ይጥላል ብለዋል።

እስካሁን በተከናወኑ ተግባራት ከ1.8 ሚሊዮን ኪሎግራም በላይ ቆሻሻን መልሶ ጥቅም ላይ በማዋል ከ41 ሚሊዮን ብር በላይ ገቢ ማግኘት የተቻለ ሲሆን፣ ከ1 ሺህ 300 በላይ ለሚሆኑ ዜጎችም የሥራ ዕድል ተፈጥሯል።

በዘርፉ የሚሰሩ አዳዲስ የፈጠራ ሥራዎች በገበያ ውስጥ ተወዳዳሪ እንዲሆኑ በመንግሥት፣ በግል ሴክተር እና በፋይናንስ ተቋማት መካከል ያለው ትስስር ወሳኝ ደረጃ ላይ መድረሱን ባለድርሻ አካላት ገልጸዋል።
#circulareconomy #environment #recycling #ethiopianews #greenenergy #getutemesgen #getu #ጌጡ #ጌጡተመስገን #addisababa

በባሌ ሐረና ደን የወፍ እንቁላል ብቻ የምትመገብ አዲስ የእባብ ዝርያ ተገኘች
#ethiopia | በኢትዮጵያ በባሌ ሐረና ተፈጥሮ ደን ውስጥ የወፍ እንቁላልን ብቻ ለምግብነት የምትጠቀም አዲስ የእባብ ዝርያ መገኘቷን ተመራማሪዎች ይፋ አደረጉ።

“ዳሲፔልቲስ አልቢጉላሪስ” (Dasypeltis albogularis) በሚል የሳይንስ ስም የተሰየመችው ይህች እባብ፣ እንደ ሌሎች ተመሳሳይ ዝርያዎች ሥጋ ወይም ነፍሳትን የማትመገብ ሲሆን፣ ሙሉ በሙሉ በወፍ እንቁላል ላይ ብቻ ተመሥርታ የምትኖር ናት።

እባቧ እንቁላልን በሙሉነቱ ከዋጠች በኋላ፣ ልዩ በሆነ የሰውነት ክፍሏ አሠራር አማካይነት የእንቁላሉን ቅርፊት ተፍታ የማስወገድ አስደናቂ ተፈጥሯዊ ችሎታ አላት።

በተጨማሪም ራሷን ከጠላት ለመጠበቅ የምትጠቀምበት ዘዴ የተለየ ነው። መርዝ በመርጨት ወይም በመንከስ ፈንታ፣ ቆዳዋን እርስ በእርስ በማሸት በሚፈጠር ድምፅ አዳኞቿን በማስፈራራት ራሷን ትከላከላለች።

የሳይንስ ተመራማሪዎች የዚችን እባብ ልዩ ማንነትና ዝርያ ሳይንሳዊ በሆነ መንገድ ለማረጋገጥ፣ ለሰባት ዓመታት ያህል ዘለቄታ ያለው የዘረመል (ዲኤንኤ) ምርመራና ጥልቅ ጥናት ሲያካሂዱ ቆይተዋል።

ይህ አዲስ ግኝት የባሌ ሐረና ደን ያለውን የብዝሃ ሕይወት ሀብትና የኢትዮጵያን የተፈጥሮ ጸጋ በዓለም አቀፍ ደረጃ ትኩረት እንዲያገኝ የሚያደርግ ትልቅ የሳይንስ ስኬት መሆኑ ተመልክቷል።
#bale #wildlife #nature #science #ethiopianews #getutemesgen #getu #ጌጡ #ጌጡተመስገን #addisababa



በባሌ ሐረና ደን የወፍ እንቁላል ብቻ የምትመገብ አዲስ የእባብ ዝርያ ተገኘች
#ethiopia | በኢትዮጵያ በባሌ ሐረና ተፈጥሮ ደን ውስጥ የወፍ እንቁላልን ብቻ ለምግብነት የምትጠቀም አዲስ የእባብ ዝርያ መገኘቷን ተመራማሪዎች ይፋ አደረጉ።

“ዳሲፔልቲስ አልቢጉላሪስ” (Dasypeltis albogularis) በሚል የሳይንስ ስም የተሰየመችው ይህች እባብ፣ እንደ ሌሎች ተመሳሳይ ዝርያዎች ሥጋ ወይም ነፍሳትን የማትመገብ ሲሆን፣ ሙሉ በሙሉ በወፍ እንቁላል ላይ ብቻ ተመሥርታ የምትኖር ናት።

እባቧ እንቁላልን በሙሉነቱ ከዋጠች በኋላ፣ ልዩ በሆነ የሰውነት ክፍሏ አሠራር አማካይነት የእንቁላሉን ቅርፊት ተፍታ የማስወገድ አስደናቂ ተፈጥሯዊ ችሎታ አላት።

በተጨማሪም ራሷን ከጠላት ለመጠበቅ የምትጠቀምበት ዘዴ የተለየ ነው። መርዝ በመርጨት ወይም በመንከስ ፈንታ፣ ቆዳዋን እርስ በእርስ በማሸት በሚፈጠር ድምፅ አዳኞቿን በማስፈራራት ራሷን ትከላከላለች።

የሳይንስ ተመራማሪዎች የዚችን እባብ ልዩ ማንነትና ዝርያ ሳይንሳዊ በሆነ መንገድ ለማረጋገጥ፣ ለሰባት ዓመታት ያህል ዘለቄታ ያለው የዘረመል (ዲኤንኤ) ምርመራና ጥልቅ ጥናት ሲያካሂዱ ቆይተዋል።

ይህ አዲስ ግኝት የባሌ ሐረና ደን ያለውን የብዝሃ ሕይወት ሀብትና የኢትዮጵያን የተፈጥሮ ጸጋ በዓለም አቀፍ ደረጃ ትኩረት እንዲያገኝ የሚያደርግ ትልቅ የሳይንስ ስኬት መሆኑ ተመልክቷል።
#bale #wildlife #nature #science #ethiopianews #getutemesgen #getu #ጌጡ #ጌጡተመስገን #addisababa

በሣውላ ከተማ ሁለተኛው ታላቅ የጎዳና ላይ ሩጫ በታላቅ ድምቀት በመካሄድ ላይ ነው
#ethiopia | በጎፋ ዞን ሣውላ ከተማ ሁለተኛው ታላቅ የጎዳና ላይ ሩጫ ከፍተኛ ቁጥር ያላቸው የማህበረሰብ ክፍሎችና አመራሮች በተገኙበት በደማቅ ሁኔታ እየተካሄደ ይገኛል።

በዚህ መርሃ ግብር ላይ የጎፋ ዞን ዋና አስተዳዳሪ ኢንጂነር ዳግማዊ አየለ፣ የዞኑ ብልፅግና ፓርቲ ቅርንጫፍ ጽሕፈት ቤት ኃላፊ አቶ ጋሻያለው ገላን፣ የዞኑ የስራ አስተባባሪዎችና አመራሮች እንዲሁም ጥሪ የተደረገላቸው እንግዶች ከህብረተሰቡ ጋር በመሆን ተሳትፎ በማድረግ ላይ ናቸው።

የዚህ የጎዳና ላይ ሩጫ ዋነኛ ዓላማ ለጎፋ አንድነትና ሰላም በጋራ እንሮጣለን በሚል መልእክት ሲሆን፣ በተጨማሪም የጎፋ ጋዜ ማስቃላ እና የኦይዳ ዮኦ ማስቃላ ባህላዊ እሴቶችንና ጭፈራዎችን ለዓለም ማስተዋወቅና በዩኔስኮ ለማስመዝገብ የሚደረገውን ጥረት ለማገዝ ያለመ እንደሆነ ተነግሯል።

ለተከታታይ ሁለት ቀናት በሚከበረው በዓል የመጀመሪያ ቀን ውድድሩ በባህላዊ ጨዋታዎችና በህዝባዊ ተሳትፎ አምሮ የተጀመረ ሲሆን፣ ከዞኑ ልዩ ልዩ አካባቢዎች የተሰበሰቡ የህብረተሰብ ክፍሎች በነቃ ሁኔታ በመሳተፍ ላይ ይገኛሉ።

የጎዳና ላይ ውድድሩ ሲጠናቀቅ ለአሸናፊ መደበኛ ሯጮች የሽልማት ስነ ስርዓት እንደሚከናወንም ታውቋል።
#sawla #gofa #gofazone #streetrun #masqala #ethiopianews #getutemesgen #getu #ጌጡ #ጌጡተመስገን #addisababa

በሳዑዲ ዓረቢያ በአስቸጋሪ ሁኔታ የነበሩ 1,861 ኢትዮጵያውያን ወደ ሀገር ተመለሱ
#ethiopia | በሳዑዲ ዓረቢያ በአስቸጋሪ ሁኔታ የነበሩ 1,861 ኢትዮጵያውያን በ10 ዙር በተካሄደ የአየር በረራ ወደ ሀገራቸው መመለሳቸውን ዘገበ።

ከተመላሾቹ መካከል 1,313 ወንዶች፣ 485 ሴቶች እና 63 ሕፃናት ይገኙበታል። ከአጠቃላይ ተመላሾቹ ውስጥም 100 ዕድሜያቸው ከ18 ዓመት በታች የሆኑ ታዳጊዎች መኖራቸው ተገልጿል።

ተመላሽ ዜጎቹ በአየር ማረፊያና በማቆያ ማዕከላት ተገቢውን ድጋፍና እንክብካቤ እንዲያገኙ፣ እንዲሁም ከቤተሰቦቻቸው ጋር እንዲቀላቀሉ ሥራዎች እየተከናወኑ መሆኑ ተጠቁሟል።

በተጨማሪም፣ በመስከረም 5/2018 ዓ.ም. የተጀመረው ዜጎችን ከሳዑዲ ዓረቢያ ወደ ሀገር የመመለስ ሂደት እስከዚህ ወቅት ከ101 ሺህ 800 በላይ ኢትዮጵያውያንን ወደ ሀገር ማስመለስ መቻሉን የሴቶችና ማኅበራዊ ጉዳይ ሚኒስቴር መረጃ ማመላከቱን ዘገባው ገልጿል።
#ethiopia #saudiarabia #ethiopianreturnees #migration #amn #ethiopianews

የሐዋሳ ሐይቅ ዳርቻ ልማት አጋሮች ለወደፊቱ ትውልድ የሚሻገር ታሪካዊ አሻራ ማኖራቸውን ከንቲባ ጥራቱ በየነ ገለጹ
#ethiopia | የሐዋሳ ከተማ አስተዳደር ለሐዋሳ ሐይቅ ዳርቻ ልማት ፕሮጀክት ድጋፍ ላደረጉ ባለሀብቶች፣ ተቋማትና ልዩ ልዩ አጋሮች የምስጋናና የእውቅና መርሐ ግብር ያካሄደ ሲሆን፣ በዕለቱ የተገኙት የከተማዋ ከንቲባ ጥራቱ በየነ የአጋሮቹ አስተዋጽኦ ለቀጣዩ ትውልድ የሚሻገር አሻራ መሆኑን ገልጸዋል።

ከንቲባው በንግግራቸው በ2018 በጀት ዓመት የተከናወኑ የልማት ሥራዎች ስኬታማ ፍሬ ማፍራት የቻሉት በመንግሥት ጥረት ብቻ ሳይሆን በህዝቡና በአጋሮች ንቁ ተሳትፎ መሆኑን ጠቁመዋል።

በተለይም ለቀረበው ጥሪ ፈጣን ምላሽ በመስጠት ለሐይቅ ዳርቻው ልማት ድጋፍ ያደረጉ አካላት ምስጋና እንደሚገባቸው ተናግረዋል።

ፕሮጀክቱ የህዝብና የመንግሥት የጋራ ራዕይ ማሳያ መሆኑን የጠቀሱት ከንቲባ ጥራቱ፣ ለሥራው የተበረከተው የገንዘብ ድጋፍ ሙሉ በሙሉ ለታለመለት አላማ ውሎ ፕሮጀክቱ በተያዘለት ጊዜ እንዲጠናቀቅ በትኩረት እንደሚሠራ አረጋግጠዋል።

እስካሁን ድጋፋቸውን ገቢ ላደረጉት ምስጋና ያቀረቡ ሲሆን፣ ቃል ገብተው እስካሁን ያላስገቡ ወገኖች ደግሞ በአጭር ጊዜ ውስጥ ቃላቸውን ፈጽመው የልማቱ አካል እንዲሆኑ ጥሪ አቅርበዋል።

አዲሱ የ2019 ዓ.ም የጀመሩትን የልማት ጉዞ የሚያፋጥኑበት፣ አዳዲስ እቅዶችን ወደ ተግባር የሚቀይሩበትና የተሻለ ውጤት የሚያስመዘግቡበት ዓመት እንደሚሆንም ከንቲባው አብራርተዋል።
#hawassa #hawassalake #ethiopianews #development #infrastructure #getutemesgen #getu #ጌጡ #ጌጡተመስገን #addisababa

"ጥፋት ሳናጠፋ ይቅርታ አንጠይቅም!"
የአምስቱ ጋዜጠኞች ውሳኔ እና የሲፒጄ ጥሪ
#ethiopia | በእስር ላይ የሚገኙ አምስት ኢትዮጵያውያን ጋዜጠኞች ምንም አይነት ወንጀል ስላልፈጸሙ ይቅርታ ጠይቀው ከእስር እንዲፈቱ የቀረበላቸውን ሀሳብ አለመቀበላቸውን የጋዜጠኞች መብት ተሟጋች ድርጅት ወይም ሲፒጄ አስታወቀ።

ጋዜጠኞቹ ጎበዜ ሲሳይ፣ መስከረም አበራ፣ ገነት አስማማው፣ ዳዊት በጋሻው እና አባይ ዘውዱ ሲሆኑ በአማራ ክልል ከተቀሰቀሰው ግጭት ጋር በተያያዘ በፈረንጆች አቆጣጠር በ2023 የተያዙ ናቸው። ከዚያም በሽብርተኝነት ወንጀል ተከሰሰው የፍርድ ቤት ሂደታቸውን ሲከታተሉ ቆይተዋል።

የተከሳሾቹ ጠበቃ አቶ ሰሎሞን ገዛኸኝ እንደገለጹት የማረሚያ ቤት ኃላፊዎች ጋዜጠኞቹን ከሌሎች ታሳሪዎች በመለየትና በማስፈራራት መንግስት ያዘጋጀውን የይቅርታ ወረቀት ፈርመው ከእስር እንዲወጡ እንዲሁም የጋዜጠኝነት ስራቸውን እንዲተዉ ጫና ሲያደርጉባቸው ነበር። ነገር ግን ጋዜጠኞቹ ምንም ያጠፉት ጥፋት በሌለበት ሁኔታ ራሳቸውን እንደ ወንጀለኛ አድርገው መቁጠርና ማመንን ባለመቀበል የቀረበላቸውን ጥያቄ ፈፅመው ውድቅ አድርገውታል ብለዋል።

የሲፒጄ የአፍሪካ ፕሮግራም አስተባባሪ ሙቶኪ ሙሞ የኢትዮጵያ ባለስልጣናት ጋዜጠኞቹን ለረጅም ጊዜ ካሰሩ በኋላ በፍርድ ቤት ማረጋገጥ ያልቻሉትን ወንጀል በግዴታ አምነው እንዲቀበሉ ለማድረግ የሚያደርጉትን አካሄድ ኮንነዋል።

አስተባባሪዋ አክለውም በጋዜጠኞቹ ላይ የሚፈጸመው ያልተገባ ጫና በአስቸኳይ እንዲቆም፣ የተመሰረተባቸው ክስ ተነስቶ ያለ ምንም ቅድመ ሁኔታ እንዲፈቱ እንዲሁም ሙያቸውን በነጻነት ማከናወን እንዲችሉ ጥሪ አቅርበዋል።

በተመሳሳይ በአማራ ክልል ከተፈጠረው አለመረጋጋት ጋር በተያያዘ በሽብርተኝነት የተከሰሱ ከ300 በላይ ፖለቲከኞች፣ ጋዜጠኞች እና የተለያዩ ግለሰቦች የይቅርታ ቅጽ እንዲፈርሙ መጠየቃቸው ተመልክቷል። ነገር ግን ከነዚህ መካከል 30 የሚሆኑ ተከሳሾች ጉዳያቸው ገና በህግ ሂደት ላይ እያለ ራሳቸውን ጥፋተኛ አድርገው እንደማይፈርሙ በመግለጽ ጥያቄውን አለመቀበላቸው ታውቋል።

መንግስት ለጋዜጠኞቹ ያቀረበው ጥያቄ የተለመደ የይቅርታ አሰራር እንደሆነ ቢገልጽም ጠበቃ ሰሎሞን ገዛኸኝ ግን በሃገሪቱ ሕግ መሰረት ይቅርታ ሊደረግ የሚችለው አንድ ግለሰብ በስርዓቱ ፍርድ አግኝቶ ጥፋተኛ ከተባለ በኋላ ብቻ መሆኑን አስረድተዋል።

የጋዜጠኞቹ የችሎት ጊዜ በተደጋጋሚ በመሰረዙ የመከላከያ ምስክሮችን ለመስማት ለኖቬምበር 19 ተቀጥሯል።
#journalism #pressfreedom #ethiopianews #cpj #getutemesgen #getu #ጌጡ #ጌጡተመስገን #addisababa

የኦሮሚያ ኮንስትራክሽን ኮርፖሬሽን 17.59 ቢሊዮን ብር ገቢ አስመዘገበ

* ከአምና በ18 በመቶ የገቢ እድገት ተመዝግቧል
#ethiopia | አዳማ፦ የኦሮሚያ ኮንስትራክሽን ኮርፖሬሽን በ2018 በጀት ዓመት 17 ነጥብ 59 ቢሊዮን ብር ገቢ ማስመዝገቡን የኮርፖሬሽኑ ዋና ሥራ አስፈጻሚ ኢንጅነር አሸናፊ ዳባ ገለጹ።

ኮርፖሬሽኑ የ2018 ዓ.ም. የበጀት ዓመት አፈጻጸምና የ2019 ዓ.ም. የዕቅድ ግምገማ መድረክን በአዳማ ከተማ በገልማ አባገዳ አዳራሽ ጳጉሜን 1 እና 2 ቀን 2018 ዓ.ም. እያካሄደ ነው።

ዋና ሥራ አስፈጻሚው ኢንጅነር አሸናፊ ዳባ ከመድረኩ ጎን ለጎን ለድሬቲዩብ በሰጡት መግለጫ፣ የ2018 በጀት ዓመት የገቢ አፈጻጸም ከባለፈው ዓመት በ18 በመቶ ከፍ ማለቱን ገልጸዋል።

እንደ ኢንጅነር አሸናፊ ገለጻ፣ የገቢ እድገቱን ለማስመዝገብ የኮርፖሬሽኑ አመራርና ሠራተኞች ያጋጠሙ ችግሮችን በጋራ በመለየት፣ የአሠራር ሥርዓቶችን በማሻሻልና ቴክኖሎጂን በአግባቡ በመጠቀም መሥራታቸው ወሳኝ ሚና አበርክቷል።

በዚህም ከባለፈው ዓመት ጋር ሲነጻጸር ከ2 ቢሊዮን ብር በላይ ተጨማሪ ገቢ ማስገኘት መቻሉን ገልጸዋል። ለዚህ ውጤትም የአመራሩና የሠራተኛው ቅንጅታዊ ሥራ ወሳኝ እንደነበር አመልክተዋል።

በ2018 በጀት ዓመት የተከሰቱ የአሜሪካና ኢራን ጦርነት ተያያዥ ተጽዕኖዎች በነዳጅ፣ በመለዋወጫና በጥሬ ዕቃ ግዥና አቅርቦት ላይ ችግር መፍጠራቸውን ኢንጅነር አሸናፊ አስታውሰዋል።

ኮርፖሬሽኑ ያጋጠመውን ችግር በመወያየትና ባለው አቅም ላይ በማተኮር መሥራቱ ተጽዕኖዎቹን በመቋቋም የታቀዱ ሥራዎችን ማስቀጠል እንዳስቻለውም ጠቁመዋል።

በተጨማሪም ኮርፖሬሽኑ በዓለም አቀፍ ደረጃ ብቁና ተወዳዳሪ ተቋም ለመሆን የጥራት፣ የሥራ ቦታ ደህንነትና የአካባቢ ደህንነትን የሚመለከቱ የISO ስታንዳርዶችን በማሟላት በሦስቱም ዘርፎች የብቃት ዕውቅና ማግኘቱን ኢንጅነር አሸናፊ ገልጸዋል።

የኮርፖሬሽኑ ተሽከርካሪዎች ሙሉ በሙሉ በGPS የታገዘ ቁጥጥር ሥርዓት መዘርጋቱም ቀልጣፋና ወጪ ቆጣቢ አሠራርን ለማስፈን እንዳስቻለ ጠቁመዋል።

ኮርፖሬሽኑ በጠቅላይ ሚኒስትሩ አነሳሽነት እየተከናወኑ ባሉ ፕሮጀክቶች መካከል በጎዴ፣ በአቦምሳ፣ በነቀምትና በሐዲያ የሚገኙ ፕሮጀክቶች ላይ ተሳትፎ ማድረጉም ተገልጿል።

ከክልል ቢሮዎች ጋር በገባቸው የመግባቢያ ስምምነቶች መሠረትም በማዕከላዊ ኢትዮጵያ፣ በሲዳማና በሶማሌ ክልሎች የተለያዩ ፕሮጀክቶችን ማከናወኑ ተጠቅሷል።

የኦሮሚያ ኮንስትራክሽን ኮርፖሬሽን በመንገድ፣ በሕንፃ፣ በጉድጓድ ቁፋሮ፣ በመጠጥ ውሃ፣ በመስኖና በግድብ ግንባታ ዘርፎች በትላልቅ ፕሮጀክቶች ላይ የሚሳተፍ ሲሆን፣ 3 ሺህ 300 ቋሚና ጊዜያዊ ሠራተኞችን ቀጥሮ እየሠራ እንደሚገኝ ተገልጿል።

በተጨማሪም ኮርፖሬሽኑ ለ51 ሺህ ወገኖች ተያያዥ የሥራ ዕድል መፍጠሩ ተጠቁሟል።

ከዓመታዊ ጉባዔው ጎን ለጎንም የኮርፖሬሽኑ አመራሮችና ሠራተኞች የደም ልገሳ መርሐ ግብር ላይ ተሳትፈዋል።

​#oromiaconstructioncorporation #oromia #construction #ethiopianews #development #getutemesgen #getu #ጌጡ #ጌጡተመስገን #addisababa

አርቲስት አለማየሁ ታደሰ የዛጎል ኩባንያ አምባሳደር ሆኖ ተሾመ
#ethiopia | የኪነ ጥበብ ባለሙያው አርቲስት አለማየሁ ታደሰ የዛጎል (ZAGOL) የብራንድ አምባሳደር ሆኖ መመረጡን ኩባንያው አስታወቀ።

ዛጎል ሲስተምስ ትሬዲንግ አርቲስቱን የቆየ የስራ ልምዱንና ህዝባዊ ተደማጭነቱን ከግምት ውስጥ በማስገባት የተቋሙ ውክልና እንዲሰጠው መምረጡን ገልጿል።

በተደረገው ስምምነት መሰረትም አርቲስት አለማየሁ ታደሰ የድርጅቱን የጉዞ እና የትኬት ሽያጭ አገልግሎቶች የማስተዋወቅ ስራ ያከናውናል።

ዛጎል በተለይም የአየር መንገድ በረራ ትኬት መቁረጥን፣ የሆቴል አልጋ ማስያዝንና ሌሎች ተያያዥ የጉዞ አገልግሎቶችን በዘመናዊ የዲጂታል አማራጮች ለማቅረብ እየሰራ የሚገኝ ተቋም ነው።

በቴአትርና በፊልም ሙያ ከሶስት አስርት ዓመታት በላይ ያገለገለው አርቲስት አለማየሁ ታደሰ፣ የመጀመሪያ የሙያ ሽልማቱን ያገኘው በ1988 ዓ.ም እንደነበር አስታውሶ እስከ አሁንም በሙያው ማህበረሰቡን በማገልገል ላይ እንደሚገኝ ተናግሯል።

አርቲስቱ ለተሰጠው የብራንድ አምባሳደርነት ማዕረግ ፈጣሪውንና ቤተሰቦቹን አመስግኗል።

ከሙያ ስራው በተጨባጭ ከሚያከናውናቸው ህብረተሰባዊ አገልግሎቶች መካከልም ከኤስ ኦ ኤስ የህፃናት መንደሮች ኢትዮጵያ እና ከብሬክስ ህፃናት መደገፊያ ማህበር ጋር የሚሰራቸው የበጎ አድራጎት እንቅስቃሴዎች ይጠቀሳሉ።

አንጋፋው ባለሙያ ባለፉት ረጅም ዓመታት ያካበተውን ልምድና ዝህብራዊ ተቀባይነት በመጠቀም የዛጎልን አገልግሎቶች ለህዝብ ተዳራሽ ለማድረግ ይሰራል ተብሏል።
#alemayehutadesse #zagol #zagolsystems #ethiopianart #travelethiopia #ethiopianews #getutemesgen #getu #ጌጡ #ጌጡተመስገን #addisababa

🚨 የቶቶት ሬስቶራንት ባለቤት አቶ ጠንክር ቴኒ ዋስትና ጥያቄ ላይ ውሳኔ ተሰጠ #tenkirteni #ethiopianews #courtupdates #taxevasion #tototrestaurant

የዓለም ክብረወሰን ያስመዘገቡት አትሌት ዮሚፍ ቀጄልቻ እና አትሌት ፎቴን ተስፋይ አዲስ አበባ ሲገቡ ደማቅ አቀባበል ተደረገላቸው
#ethiopia | በአርጀንቲና ቦነስ አይረስ በተካሄደው የግማሽ ማራቶን ውድድር አዲስ የዓለም ክብረወሰን ያስመዘገበው አትሌት ዮሚፍ ቀጄልቻ እና የቦታውን ክብረወሰን በማሻሻል በሴቶች ያሸነፈችው አትሌት ፎቴን ተስፋይ አዲስ አበባ ሲገቡ በቦሌ ዓለም አቀፍ ኤርፖርት ደማቅ አቀባበል ተደርጎላቸዋል።

አትሌት ዮሚፍ ቀጄልቻ ርቀቱን 56 ደቂቃ ከ51 ሰከንድ በሆነ ጊዜ በመጨረስ፣ በዩጋንዳዊው አትሌት ጃኮብ ኪፕሊሞ ተይዞ የነበረውን 57 ደቂቃ ከ20 ሰከንድ የዓለም ክብረወሰን በማሻሻል አዲሱን የዓለም ፈጣን ሰዓት አስመዝግቧል።

በሴቶች ውድድር ደግሞ አትሌት ፎቴን ተስፋይ 1 ሰዓት ከ03 ደቂቃ ከ57 ሰከንድ በሆነ ጊዜ በመግባት የቦታውን ክብረወሰን በመስበር በአንደኝነት አጠናቃለች።

አትሌቶቹ አዲስ አበባ ሲደርሱ የባህልና ስፖርት ሚኒስቴር የስፖርት ልማት ዘርፍ ሚኒስትር ዴኤታ አቶ መኪዩ መሐመድ፣ የኢትዮጵያ አትሌቲክስ ፌዴሬሽን ፕሬዚዳንት ኮማንደር አትሌት ስለሺ ስህን፣ ተቀዳሚ ምክትል ፕሬዚዳንት ኢንጅነር ጌቱ ገረመው፣ የኢትዮጵያ አትሌቶች ማህበር ፕሬዚዳንት ኮሎኔል አትሌት የማነ ፀጋይ፣ የፌዴሬሽኑ ጽህፈት ቤት ኃላፊ ዶክተር አመንሲሳ ከበደ፣ አሰልጣኝ ገመዶ ደደፎ፣ የአትሌቶቹ ቤተሰቦችና ጥሪ የተደረገላቸው እንግዶች በተገኙበት በፌዴራል ፖሊስ ማርሽ ባንድ አጃቢነት አቀባበል ተደርጎላቸዋል።
#ethiopianathletics #yomifkejelcha #foteintesfay #halfmarathon #worldrecord #ethiopianews #getutemesgen #getu #ጌጡ #ጌጡተመስገን #addisababa

የክብር ዶክተር አርቲስት መሐሙድ አህመድ ለታሪክ የተሰኘ የመጨረሻ አዲስ አልበሙን ለአድማጮች ሊያቀርብ ነው
#ethiopia | ለስድስት አስርት ዓመታት በኢትዮጵያ ሙዚቃ ውስጥ የማይተካ ሚና የተጫወተው የክብር ዶክተር አርቲስት መሐሙድ አህመድ፣ ለትውልድ የሚሻገር አዲስ የሙዚቃ አሻራ ለማስቀመጥ ያዘጋጀውን ለታሪክ የተሰኘ 26ኛ አልበሙን አስመልክቶ በሸራተን አዲስ ሆቴል ጋዜጣዊ መግለጫ ሰጥቷል።

አልበሙ ለታሪክ የሚል ስያሜ የተሰጠው የቀደሙትን የኢትዮጵያ ሙዚቃ ቅርሶች፣ ውበትና ወግ ሳይለቁ ለአዲሱ ትውልድ ለማስረከብ ታስቦ ነው።

ሥራው የአርቲስቱን ልዩ የመድረክና የድምፅ ስልት መሠረት ያደረገ ሲሆን፣ ዘመናዊ የሙዚቃ መሳሪያዎችና ባህላዊ ቅኝቶች በተዋጣለት መልኩ ተዋህደውበታል።

በፍቅር፣ በሀገር፣ በህይወት ፍልስፍናና ማህበራዊ እሴቶች ላይ ያተኮሩ አዳዲስና በትዝታ የተቃኙ ዜማዎችንም አካትቷል።

በዚህ አልበም ዝግጅት ላይ አንጋፋና ወጣት የዜማና ግጥም ደራሲያን እንዲሁም የሙዚቃ አቀናባሪዎች በጋራ ተሳትፈዋል።

አርቲስቱ አልበሙ የኪነ ጥበብ ህይወቱ የመጨረሻ ሥራ መሆኑን ገልጾ፣ አዲሱ የሙዚቃ ትውልድ የሀገርን ባህልና ቅኝት ሳይለቅ ዘመናዊነትን እንዲቀላቅል ጥሪ አቅርቧል።

አልበሙ በስፖቲፋይ፣ አፕል ሙዚክ፣ യൂቱብ እና በሌሎች ዲጂታል መድረኮች ለህዝብ የሚሰራጭ ሲሆን፣ በይፋ ከመልቀቁ በፊት በእንቁጣጣሽ ዋዜማ አንድ ነጠላ ዜማ፣ ሙሉ አልበሙ ደግሞ በመስከረም አጋማሽ ለአድማጮች ይደርሳል።

ይህንን ሥራ በዓለም አቀፍ ደረጃ ከሚያሰራጨው የሙዚቃ ኩባንያ ጋር በአጋርነት የሚያስተባብረው ይሳቃል ኢንተርቴይመንት ነው።

ይሳቃል ኢንተርቴይመንት የሀገራችን አንጋፋ ባለሙያዎች እንዲዘከሩ ከማድረግ ባለፈ፣ የሀገርን ባህልና ታሪክ በዓለም አቀፍ መድረኮች በማስተዋወቅና ደረጃቸውን የጠበቁ የሙዚቃ ድግሶችንና ኮንሰርቶችን በማዘጋጀት ይታወቃል።
#mahmoudahmed #ethiopianmusic #letarik #yisakalentertainment #ethiopianews #getutemesgen #getu #ጌጡ #ጌጡተመስገን #addisababa

የእርዳታ ተማጽኖ
#ethiopia | ወጣት አብርሃም ጎበና ሎዲሳ በከባድ የጤና ችግር ምክንያት በየረር ጄኔራል ሆስፒታል ህክምና እየተከታተለ ይገኛል። በሳምንት 3 ጊዜ ዲያሊሲስ ማድረግ ያስፈልገዋል።

አሁን ግን ለቀጣይ ህክምናው የሚያስፈልገው የገንዘብ ድጋፍ በማጣቱ በከባድ ችግር ውስጥ ይገኛል።

ማንኛውም የሚችል ሰው በገንዘብ፣ በማጋራት (Share) ወይም በሌላ አይነት ድጋፍ ይህንን ወጣት እንዲደርስለት እንለምናለን።

ህክምና: የረር ጄኔራል ሆስፒታል
ስም: አብርሃም ጎበና ሎዲሳ
ስልክ: +251 91 187 9187
የኢትዮጵያ ንግድ ባንክ: 1000581893028

አንድ Share እንኳን ለአንድ ሰው ህይወት ተስፋ ሊሰጥ ይችላል! እባካችሁ እንድረስለት።

​#health #help #charity #ethiopianews #getutemesgen #getu #ጌጡ #ጌጡተመስገን #addisababa

ኢትዮጵያ የዓባይ ተፋሰስ ሀብቷን የማልማት ሙሉ ሉዓላዊ መብት እንዳላት ተገለጸ
#ethiopia | ሀገራችን ኢትዮጵያ በዓባይ ወንዝ ላይ ያላትን የተፈጥሮ ሀብት የመጠቀምና የማልማት ሉዓላዊ መብቷ የተከበረ በመሆኑ ከየትኛውም ወገን ፈቃድ መሻት እንደማያስፈልጋት የውሃ እና ኢነርጂ ሚኒስትሩ ዶክተር ሀብታሙ ኢተፋ አስታወቁ።

ሚኒስትሩ ከፐልስ ኦፍ አፍሪካ የብዙኃን መገናኛ ጋር ባደረጉት ቃለ ምልልስ እንደገለጹት፣ ታላቁ የሕዳሴ ግድብ ዓላማው የኤሌክትሪክ ኃይል ማመንጨት ብቻ ሲሆን፣ የሚመነጨውን የኤሌክትሪክ ኃይል ለጎረቤት ሀገራት በማቅረብ ቀጣናዊ የኃይል ትስስርን የሚያጠናክር ትልቅ ሀብት ነው።

በተጨማሪም ኢትዮጵያ ለታችኞቹ የተፋሰሱ ሀገራት ጥቅም ካላት ከፍተኛ ግምት የተነሳ፣ ከግድቡ በታች ሊለሙ የሚችሉ ከ230 ሺህ ሄክታር በላይ የመስኖ መሬቶችን ከልማት ውጪ በማድረግ የላቀ ኃላፊነቷን ማሳየቷን አብራርተዋል።

በሌላ በኩል ሚኒስትሩ ግድቡን በጋራ ለማስተዳደር የሚቀርቡ ጥያቄዎችን ፈጽመው ውድቅ አድርገዋል።

በራሳቸው የገንዘብና የጉልበት አስተዋጽኦ የገነቡትንና የብሔራዊ ኩራታቸው ማሳያ የሆነውን ይህን ታላቅ ፕሮጀክት፣ ሲቃወሙት የነበሩ አካላት አሁን መጥተው በጋራ እናስተዳድር ማለታቸው ሙሉ በሙሉ ተቀባይነት የሌለውና ሊታሰብ የማይችል ጉዳይ መሆኑን አብራርተዋል።

በመሆኑም የተፋሰሱ ሀገራት የኢትዮጵያን የመልማት መብት ከመጋፋት ይልቅ በመከባበር፣ በውይይትና በጋራ ተጠቃሚነት መبدእ ላይ ተመስርተው መስራት እንደሚገባቸው አሳስበዋል።
#abay #gerd #ethiopia #drhabtamuitefa #waterenergy #eastafrica #energytrade #ethiopianews #getutemesgen #getu #ጌጡ #ጌጡተመስገን #addisababa

የሲዳማ ዘመን መለወጫ እና የሲዳሙ አፎ አጀንዳዎች በሀገራዊ የምክክር ኮሚሽን ውድቅ መሆናቸው ተነገረ
#ethiopia | የፍቼ ጫምባላላ በዓል በብሔራዊ ካላንደር ውስጥ እንዲካተት እና የሲዳሙ አፎ የሀገሪቱ የሥራ ቋንቋ እንዲሆን የቀረቡት አጀንዳዎች በሀገራዊ የምክክር ኮሚሽን ጉባኤ ውይይት ሳይደረግባቸው ውድቅ መደረጋቸው ታወቀ።

በምክክሩ መጀመሪያ ላይ በአንዳንድ ተሳታፊዎች ጥረት ሁለቱ ነጥቦች በአጀንዳነት ተይዘው የነበረ ቢሆንም፣ ከክልሉ የመጡ አብዛኞቹ ባለሥልጣናትና የፓርቲ ተወካዮች አስፈላጊውን የመከራከሪያ ሀሳብ ባለማቅረባቸው ምክንያት አጀንዳዎቹ ወደ አራት ሺህ አካባቢ ወደሚሆኑት ዋና ተመካካሪዎች ሳይደርሱ ቀርተዋል።

በዩኔስኮ የማይዳሰስ የዓለም ቅርስ ሆኖ የተመዘገበው የፍቼ ጫምባላላ በዓል በብሔራዊ ደረጃ ዕውቅና አግኝቶ በካላንደር እንዲካተት የቀረበውን ሀሳብ በተመለከተ፣ የክልሉ ተወካዮች ድርጅታችን በዚህ ጉዳይ ላይ ተልዕኮ አልሰጠንም በሚል ዝምታን መምረጣቸው አጀንዳው ውድቅ እንዲሆን ምክንያት ሆኗል።

በተጨማሪም በስብሰባው ላይ የተገኙት የክልሉ ባህል፣ ቱሪዝምና ስፖርት ቢሮ ተወካዮች እንድንከራከር አልተነገረንም በሚል ምክንያታዊነት ሀሳቡን ሳይደግፉ መቅረታቸውን ተሳታፊዎች በቁጭት ገልጸዋል።

በሌላ በኩል በዩኔስኮ ያልተመዘገበው የኢሬቻ በዓል በሀገሪቱ ካላንደር ውስጥ እንዲካተት የቀረበው አጀንዳ አልፎ፣ በዓለም አቀፍ ደረጃ ዕውቅና ያለው የፍቼ ጫምባላላ በዓል ውድቅ መደረጉ የክልሉ ተወካዮች ያሳዩትን ከፍተኛ ቸልተኝነት እንደሚያሳይ ተጠቅሷል።

የሲዳሙ አፎ የሀገር የሥራ ቋንቋ እንዲሆን የቀረበው ሀሳብም ቢሆን በቂ የመከራከሪያ ድጋፍ አላገኘም። ከክልሉ ከተወከሉት ተመካካሪዎች መካከል አንዳንዶቹ ለሲዳሙ አፎ ከማጎልበት ይልቅ የወላይታ ቋንቋ የሥራ ቋንቋ እንዲሆን ጠንካራ መከራከሪያ ሲያቀርቡ እንደነበር የመረጃ ምንጮች ጠቁመዋል።

ለሲዳሙ አፎ ያልተከራከሩበትን ምክንያት ሲጠየቁም አንዲቷ ተወካይ ጠባብ ተብዬ እንዳልፈረጅ በማለት የሰጡት ምላሽ ተሳታፊዎችን ማበሳጨቱ ተገልጿል።

በአጠቃላይ ከክልሉ የተወከሉት ባለሥልጣናትና ተሳታፊዎች ያሳዩት አቋም፣ የቋንቋ እና የባህል አጀንዳዎቹ ወደ ዋናው የሀገራዊ ምክክር ጉባኤ እንዳያልፉ ትልቅ እንቅፋት ፈጥሯል።

ሆኖም ግን የተወሰኑ የሲዳማ ተወካዮች ሁለቱ ነጥቦች በድጋሚ በአጀንዳነት ተይዘው እንዲቀርቡ የፊርማ ማሰባሰብ ሥራ እያከናወኑ እንደሚገኙና አቤቱታቸውን ለኮሚሽኑ ለማስገባት በመዘጋጀት ላይ መሆናቸውን ከስፍራው የተገኘው መረጃ ያመለክታል።
#sidama #ficheechambalaala #sidamuaffo #nationaldialogue #consultationcommission #ethiopianews #getutemesgen #getu #ጌጡ #ጌጡተመስገን #addisababa

በዋና ከተማዋ የተፈጸሙ የትራፊክ ደንብ መጣሶች ቁጥር ከ1 ነጥብ 5 ሚሊዮን በላይ መድረሱ ተነገረ
#ethiopia | በአዲስ አበባ በያዝነው ዓመት ከተመዘገቡ የትራፊክ ደንብ መጣሶች መካከል ቁጥራቸው ከ1 ነጥብ 5 ሚሊዮን በላይ መሆኑን ዋና ኢንስፔክተር ሰለሞን አዳነ በኢትዮ ኤፍ ኤም 107 ነጥብ 8 ታዲያስ አዲስ የሬዲዮ ፕሮግራም ላይ በቀረቡበት ወቅት አስታውቀዋል።

ከተመዘገቡት ጥሰቶች ውስጥ ከ100 ሺህ በላይ የሚሆኑት የቀይ መብራት ጥሰው የማለፍ ድርጊቶች እንደሆኑ የተገለጸ ሲሆን በአሁኑ ሰዓት በከተማዋ ውስጥ ከ900 ሺህ በላይ ተሽከርካሪዎች እንደሚንቀሳቀሱ ተመልክቷል።

ዋና ኢንስፔክተሩ የትራፊክ ደንብን አለማክበር ለሰው ሕይወት ማለፍና ለንብረት ውድመት ዋነኛ ምክንያት መሆኑን አሳስበዋል።

ሆኖም በተደረገው ጥብቅ ቁጥጥርና የቅጣት አፈጻጸም ምክንያት አደጋዎችን በመቀነስ ረገድ አዎንታዊ ውጤት እየታየ ይገኛል።

በዚህም መሠረት በ2017 ዓመተ ምህረት 411 የነበረው የሞት አደጋ በ2018 ዓመተ ምህረት ወደ 382 ዝቅ ብሏል።

እንዲሁም የከባድ አደጋዎች ቁጥር ከ1 ሺህ 985 ወደ 1 ሺህ 865 በመቀነስ የ120 አደጋዎች ቅናሽ አሳይቷል።

በሌላ በኩል ግን ቀላል አደጋዎች ከ115 ወደ 735 ያደጉ ሲሆን የንብረት ጉዳቶች ደግሞ ከ34 ሺህ 84 ወደ 34 ሺህ 702 ከፍ ብለዋል።

በመጨረሻም አሽከርካሪዎች በቂ ግንዛቤ ኖሯቸው ሕግን በማክበር ማሽከርከር እንዳለባቸውና የሰዎችን ሕይወትና ንብረት ከውድመት እንዲታደጉ ጥሪ ተ አስተላልፏል።
#traffic #addisababatraffic #ethiopianews #getutemesgen #getu #ጌጡ #ጌጡተመስገን #addisababa

በሸገር ከተማ የሁለተኛ ደረጃ ትምህርት ቤት ተማሪዎች የቴክኖሎጂ ፈጠራ ኤግዚቢሽን እና ውድድር ተካሄደ
#ethiopia | በሸገር ከተማ ትምህርት ጽሕፈት ቤት እና በሲያትል አካዳሚ መካከል በተደረገው ስምምነት መሠረት ለሁለተኛ ደረጃ ትምህርት ቤት ተማሪዎች ለአራት ወራት የተሰጠው የቴክኖሎጂ ስልጠና መጠናቀቁን ተክተሎ በኤቨረስት አካዳሚ የፈጠራ ስራዎች ኤግዚቢሽን እና ውድድር ተካሂዷል።

ተማሪዎቹ በስልጠናው ወቅት በኮዲንግ፣ በሮቦቲክስ፣ በአርቲፊሻል ኢንተለጀንስ፣ በኮምፒዩቲንግ፣ በኤሌክትሮኒክስ ዲዛይን እና በፕሮግራሚንግ ዘርፎች የቀሰሙትን የላቀ እውቀት እና የቴክኖሎጂ ሽግግር ችሎታቸውን ለዕይታ አቅርበዋል።

ይህም ስራቸው ለሀገራችን የቴክኖሎጂ እድገት ትልቅ ተስፋ የሚሰጥ እና ወደፊት በዘርፉ አዎንታዊ ተፅዕኖ መፍጠር የሚችሉበትን አቅም ያሳየ እንደሆነ ተገልጿል።

በመድረኩ የሸገር ከተማ አስተዳደር፣ የኦሮሚያ ክልል አመራሮች እና ጥሪ የተደረገላቸው እንግዶች በተገኙበት ለተማሪዎቹ የፈጠራ ስራዎች ልዩ አድናቆት የተሰጠ ሲሆን በቀጣይም ተስፋ ሰጪ ለሆኑት እነዚህ ወጣቶች ያልተቋረጠ ድጋፍ እንደሚደረግላቸው ተረጋግጧል።

በተጨማሪም ስልጠናውን በማዘጋጀትና በመደገፍ ረገድ ከፍተኛ አስተዋፅኦ ላበረከተው የሲያትል አካዳሚ፣ የስልጠናውና የፕሮጀክቱ ሀሳብ አመንጪ እንዲሁም የትምህርት ቤቱ ባለቤትና ማናጀር ለሆኑት ለአቶ መንግስቱ ወዳጄ ልዩ ምስጋና እና እውቅና ተሰጥቷቸዋል።

በዚሁ ዝግጅት ላይ የከተማው አስተዳደር እና የትምህርት ጽሕፈት ቤት ኃላፊዎች የአድናቆት መልእክት ያስተላለፉ ሲሆን የዘርፉ ባለሙያዎችም ተገኝተው ልምዳቸውን አክፍለዋል።

የዲጂታል ቴክኖሎጂ ለሀገር እድገት ያለው አስተዋፅኦ ከፍተኛ በመሆኑ መሰል ድጋፎች ለኢትዮጵያ ወጣቶች ተጠናክረው መቀጠል እንዳለባቸው አፅንኦት ተሰጥቶበታል።

በመጨረሻም በውድድሩ የላቀ የቴክኖሎጂ ፈጠራ ስራቸውን ላቀረቡ ተማሪዎች የሽልማት እና የእውቅና መስጠት ሥነ ሥርዓት የተከናወነ ሲሆን ታናናሽ ህፃናትም የወደፊት ራዕያቸውን እንዲቀርጹና ፍላጎት እንዲያዳብሩ የመድረኩ ተሳታፊ እንዲሆኑ ተደርጓል።
#shegercity #seattleacademy #coding #robotics #artificialintelligence #ethiopianews #technologyinethiopia #getutemesgen #getu #ጌጡ #ጌጡተመስገን #addisababa

በዓለም አቀፍ የፍትህ ችሎት የኢትዮጵያን የአባይ ወንዝ ፍትሐዊ የመጠቀም መብት የሚያስከብርና የካሳ ጥያቄ የሚያነሳ ስትራቴጂካዊ ጥናት ተዘጋጀ
#ethiopia | ሀገራችን ኢትዮጵያ በአባይ ወንዝ ላይ ያላትን ፍትሐዊና ምክንያታዊ የመጠቀም መብት በዓለም አቀፍ የፍትህ ችሎት ለማስከበር እንዲሁም በዚሁ ሰበብ ለደረሱባት ጉዳቶች የካሳ ጥያቄ ለማቅረብ የሚያስችል ባለ 160 ገጽ አገራዊ ስትራቴጂካዊ ጥናት ተዘጋጅቶ ለጠቅላይ ሚኒስቴር ጽህፈት ቤት እና ለሚኒስትሮች ምክር ቤት ሊቀርብ እንደሆነ ተገለጸ።

በኢንጂነር አልጣህ ረጋስ ታቦር የቀረበው ይህ አጠቃላይ ጥናት በኢትዮጵያ አዕምሯዊ ንብረት ባለስልጣን የአምስት ዓመት ሕጋዊ ጥበቃ የተደረገለት ሲሆን በማመልከቻ ቁጥር LTR/W/11627/2018 እና በምዝገባ ቁጥር 1/2/5/00122 ይፋዊ ዕውቅና ተሰጥቶታል።

ይህ ሰነድ ኢትዮጵያ በአባይ ወንዝ ላይ ያላትን የሉዓላዊነት መብት በዓለም አቀፍ ሕግ፣ በዲፕሎማሲ፣ በቴክኒክ ማስረጃዎችና በሰላማዊ የሕግ ተቋማት አማካኝነት እንዴት ማስጠበቅ እንደሚቻል በጥልቀት ያብራራል።

ጥናቱ ሀገራዊ ጥቅምን ማዕከል በማድረግ የተዘጋጀ ሲሆን ፍትሐዊ ተጠቃሚነትን፣ ቀጣይነት ያለው ትብብርንና የትውልድን መብት ለማረጋገጥ እንዲሁም በሀገሪቱ ላይ ለደረሱ ሁሉን አቀፍ ጉዳቶች የካሳ ጥያቄ ማዕቀፍን አዘጋጅቶ ያቀርባል።

ሰነዱ የሕግ መሠረቶች፣ ዓለም አቀፍ ተሞክሮዎች፣ ስትራቴጂካዊ የውሳኔ ሃሳቦች እና አባሪዎች የተሰኙ አራት ዋና ዋና ክፍሎችን ያካተተ ሲሆን ኢትዮጵያ ከዚህ ቀደም ስትከተለው የቆየችውን ውጤት አልባ የድርድር መንገድ በመቀየር መብቷን በዓለም አቀፍ የፍትህ ችሎት ፊት በጽናት እንድትጠይቅ የሚያስችል አዲስ ፍኖተ ካርታ ነው።

የጥናቱ አዘጋጅ ኢንጂነር አልጣህ ረጋስ ታቦር በ1995 ዓ.ም ከአርባ ምንጭ ውሃ ቴክኖሎጂ ኢንስቲትዩት በመስኖ ምህንድስና የመጀመሪያ ዲግሪያቸውን ያገኙ ሲሆን ባለፉት 20 ዓመታት በላይ በውሃ ምህንድስና እና ኮንስትራክሽን ዘርፍ በሙያቸው አገልግለዋል።

በቀድሞው የውሃ ስራዎች ዲዛይን እና ቁጥጥር ኢንተርፕራይዝ በተለያዩ የውሃ ፕሮጀክቶች ላይ እስከ 2002 ዓ.ም የሰሩ ሲሆን ከዚያ በኋላ ባሉት ዓመታት በግል የምህንድስና አማካሪነት ስራ ላይ ተሰማርተው ይገኛሉ።

Getu Temesgen - (ጌጡ ተመስገን)
#nile #abbay #ethiopianrights #icj #internationallaw #waterengineering #ethiopianews #getutemesgen #getu #ጌጡ #ጌጡተመስገን #addisababa

ከሀገር መሪ እስከ ተፅዕኖ ፈጣሪ ባለሙያዎች ያፈሩት ድንቅ ኢትዮጵያዊት እናት
#ethiopia | የቀድሞው የኢትዮጵያ ጠቅላይ ሚኒስትር አቶ ሀይለማርያም ደሳለኝ ወላጅ እናት ለሀገርና ለወገን የሚጠቅሙ በርካታ ታዋቂና ስኬታማ ልጆችን በትጋት አሳድገው ለወግ ማዕረግ ያበቁ ምስጉን እናት ናቸው።

እሳቸው በጥንካሬና በቁርጠኝነት ኮትኩተው ካሳደጓቸውና ለሀገር ካበረከቷቸው ልጆቻቸው መካከል፡

1ኛ የቀድሞው የኢትዮጵያ ጠቅላይ ሚኒስትር
አቶ ኃይለማርያም ደሳለኝ

2ኛ የኢትዮጵያ ሲቪል ሰርቪስ ዩኒቨርሲቲ ፕሬዚዳንት ፕሮፌሰር ፍቅሬ ደሳለኝ

3ኛ የአዲስ አበባ መንገድ ትራንስፖርት የመንገድ ደህንነት ኃላፊ
ኢንጅነር ገነቱ ደሳለኝ

4ኛ የሐዋሳ ዩኒቨርሲቲ ሪፈራል ሆስፒታል መምህር
ዶክተር ብስራት ደሳለኝ

5ኛ የዱቦ ሆስፒታል የሰው ሀብት አስተዳደር ዳይሬክተር አቶ መስፍን ደሳለኝ

6ኛ የወላይታ ዞን የጤና መምሪያ ኃላፊ
አቶ ዳዊት ደሳለኝ

7ኛ የፌደራል መንገድ ትራንስፖርት ዳይሬክተር
ወይዘሮ ትዕግሥት ደሳለኝ

8ኛ ስኬታማ የግል ኢንቨስተር የሆኑት
አቶ ማርቆስ ደሳለኝ እና አቶ ደረጄ ደሳለኝ ይገኙበታል።

እነዚህ እናት አባትም እናትም ሆነው ልጆቻቸውን በስነ-ስርዓት በማሳደግ ለከፍተኛ የኃላፊነት ደረጃ ያበቁ አርአያነት ያላቸው ጀግና ኢትዮጵያዊት ናቸው።

ለእናት ረጅም ዕድሜና ሙሉ ጤንነት እንመኛለን።

Pharma College
#mothers #heroicmother #ethiopianwomen #hailemariamdesalegn #ethiopianews #getutemesgen #getu #ጌጡ #ጌጡተመስገን #addisababa

ጋምቤላና ደምቢዶሎ በአየር ሊገናኙ ነው
#ethiopia | የኢትዮጵያ አየር መንገድ የሀገር ውስጥ የበረራ አገልግሎቱን በማስፋት ከጋምቤላ ወደ ደምቢዶሎ እና ከደምቢዶሎ ወደ ጋምቤላ የሚደረግ ቋሚ የበረራ መስመር ከነሐሴ 6 ቀን 2018 ዓ.ም. ጀምሮ እንደሚጀምር አስታውቋል። ይህ አዲስ መስመር የአየር መንገዱ የሀገር ውስጥ ኔትወርኩን የማስፋትና የክልሎችን ትስስር የማጠናከር እቅድ አካል መሆኑ ተገልጿል።

አየር መንገዱ እንደገለጸው፣ አዲሱ የበረራ መስመር በጋምቤላና በደምቢዶሎ መካከል ያለውን የትራንስፖርት እንግልት በእጅጉ በመቀነስ ለንግድ፣ ለኢንቨስትመንት፣ ለመንግሥታዊ አገልግሎቶች እና ለማኅበራዊ ግንኙነቶች አመቺ ሁኔታ ይፈጥራል።

በተጨማሪም ይህ አዲስ መስመር በሁለቱ አካባቢዎች መካከል ያለውን ኢኮኖሚያዊና ማኅበራዊ ትስስር ይበልጥ እንደሚያጠናክር ተጠቁሟል። የኢትዮጵያ አየር መንገድም የዜጎችን የጉዞ ፍላጎት ለማሟላት የሀገር ውስጥ መዳረሻዎቹን በቀጣይነት እያሰፋ እንደሚቀጥል አረጋግጧል።
#ethiopianairlines #gambella #dembidolo #domesticflights #ethiopianews #aviation #ጋምቤላ #ደምቢዶሎ

u12e8u12a6u122eu121e u1270u12c8u12abu12eeu127d u130eu1303u121du1295u1363 u12e8u12a0u121bu122b u1270u12c8u12abu12eeu127d u12c8u1208u130bu1295 u1320u12e8u1241 #nationaldialogue #gojjam #wollega #ethiopianews #habesha ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
የኦሮሞ ተወካዮች ጎጃምን፣ የአማራ ተወካዮች ወለጋን ጠየቁ #nationaldialogue #gojjam #wollega #ethiopianews #habesha

የገዳሙ ሰቆቃ፡ በጸሎት እና በሥራ መሃል የወረደው ድንገተኛ መቅሰፍት #newsupdate #amhara #ethiopia #ethiopianews

መመካከር እንጂ መራራቅ መፍትሄ አይሆንም ምክክር ለኢትዮጵያ ቀጣይ የልማት ስራዎች ምሰሶ ነው
#ethiopiannationaldialogue #nationaldialoguecommission #peaceinethiopia #ethiopianews #nationaldialogue

u1260u121du12adu12adu122d u12e8u121du1275u1308u1290u1263 u1200u1308u122d u1273u1238u1295u134bu1208u127du1364 u1208u1200u1308u122d u1209u12d3u120bu12cau1290u1275u1293 u12a0u1295u12f5u1290u1275 u12e8u1270u1300u1218u1228u12cd u1273u122au12abu12ca u1309u12de
#ethiopiannationaldialogue #nationaldialoguecommission #peaceinethiopia #ethiopianews ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
በምክክር የምትገነባ ሀገር ታሸንፋለች፤ ለሀገር ሉዓላዊነትና አንድነት የተጀመረው ታሪካዊ ጉዞ
#ethiopiannationaldialogue #nationaldialoguecommission #peaceinethiopia #ethiopianews

ያልተመዘገቡ ዲጂታል ሚዲያዎችን ወደ ሕጋዊ መስመር የሚያመጣ የአዋጅ ማሻሻያ ሊደረግ ነው
‎
‎#ethiopia | ​የኢትዮጵያ መገናኛ ብዙኃን ባለሥልጣን አሁን ላይ በበይነ መረብ (ዲጂታል) ሚዲያው ዘርፍ የሚታየውን የሐሰተኛ መረጃና የጥላቻ ንግግር ስርጭት ለመግታት፣ ያልተመዘገቡ ሚዲያዎችን ወደ ሕጋዊ የምዝገባ ሥርዓት የሚያስገባ የአዋጅ ማሻሻያ ሊያደርግ መሆኑን አስታወቀ።
‎
‎የባለሥልጣኑ ዋና ዳይሬክተር ወ/ሮ ኃይማኖት ዘለቀ ይህንን የገለጹት፣ “ብቃት ያለው የበይነ መረብ መገናኛ ብዙኃን ለኢትዮጵያ ብሔራዊ ጥቅም” በሚል መሪ ቃል በተዘጋጀ የሚዲያ ኮንፈረንስ ላይ ባደረጉት ንግግር ነው።
‎
‎ዳይሬክተሯ በዚሁ ጊዜ እንዳብራሩት፣ ከአመታት በኋላ በሚዲያው ዘርፍ የተደረገውን ሰፊ ሪፎርም ተከትሎ ድረ-ገጾችን የማፈንና የመዝጋት አሰራር በመቅረቱ በኢትዮጵያ ውስጥ በርካታ ጠንካራና ሚዛናዊ የዲጂታል ሚዲያዎች ሊፈጠሩ ችለዋል።
‎
‎​ይሁን እንጂ ይህንን ምቹ ሁኔታ ተጠቅመው የሕዝብን አመኔታ ካገኙት ባሻገር፣ የተወሰኑት የዲጅታል ሚዲያዎች የሐሰተኛ መረጃና የጥላቻ ንግግር የሚያሰራጩ እንዲሁም የሀገርን ሉዓላዊነትና የጋራ ደህንነት አደጋ ላይ የሚጥሉ አካላት መበራከታቸውን ዳይሬክተሯ በንግግራቸው አብራርተዋል።
‎
‎ይህንን አሳሳቢ ተግዳሮት ለመቅረፍም ባለሥልጣኑ በርካታ ተከታዮች እያሏቸው ነገር ግን ሳይመዘገቡ በዘፈቀደ የሚንቀሳቀሱ ሚዲያዎችን ሕጋዊ ለማድረግ የሚያስችል የአዋጅ ማሻሻያ ዝግጅት እያጠናቀቀ መሆኑን አስታውቀዋል።
‎
‎አዲሱ አሰራር በፓርላማ ጸድቆ ሲተገበርም፣ ማንኛውም ዲጂታል ሚዲያ በሕጋዊ ማዕቀፍ ውስጥ ገብቶ ለሀገር ሰላምና ለብሔራዊ ጥቅም በኃላፊነት ስሜት መሥራት እንደሚኖርበት አሳስበዋል።
‎
‎​የባለሥልጣኑ ዋና ዓላማ ተቋማትን መቅጣት፣ መዝጋት ወይም መቆጣጠር ብቻ አለመሆኑን ያነሱት ወ/ሮ ኃይማኖት፣ ተቋሙ ከቁጥጥር ይልቅ በአቅም ግንባታ፣ በምክክር እና ልዩ ልዩ ድጋፎችን በማድረግ ላይ እንደሚያተኩር ገልጸዋል።
‎
‎በመሆኑም ሕጋዊ ሆነው ለሚመዘገቡ የዲጂታል ሚዲያ ባለሙያዎች የጋዜጠኝነት መታወቂያ ከመስጠት ጀምሮ የፋይናንስና የቴክኒክ ድጋፎችን የሚያካትቱ የማበረታቻ ሥርዓቶች እንደሚዘረጉ ተናግረዋል።
‎
‎በመጨረሻም የዘርፉ ባለሙያዎች እርስ በርስ የሚተራረሙበት፣ ለሙያዊ ሥነ-ምግባር መከበር የሚቆምና በሌሎች ሀገራት እንደሚታየው ራሳቸውን በራሳቸው እንዲቆጣጠሩ የሚያስችል ጠንካራ የጋዜጠኞች ማኅበር በማቋቋም በጋራ እንዲሰሩ ጥሪያቸውን አቅርበዋል።
‎
‎በጌትነት ተመስገን
📷 ኢመብባ
‎Getu Temesgen - (ጌጡ ተመስገን)
‎
‎#getutemesgen #getu #ጌጡ
‎
‎#ethiopia #ethiopianmedia #digitalmedia #journalism #mediaregulation #ethiopianews

2ኛ ዓለም አቀፍ ኮንፈረንስ በባሌ ተከፈተ
#ethiopia | ባሌ ሮቤ— በመደ ወላቡ ዩኒቨርሲቲ አዘጋጅነት 2ኛው ዓለም አቀፍ ኮንፍረንስ - የቱሪዝም እና ሆስፒታሊቲ ትምህርትን በሰው ሰራሽ አስተውሎት ( AI ) በአዲስ እሳቤ ማላቅ - ( የወደፊት ክህሎቶችን፣ የፈጠራ አቅምንና እና ሥነ ምግባራዊ ሰው - ተኮር አሰራርን ማጎልበት ) ” በሚል መሪ ሃሳብ ከተለያዩ የዓለም ሀገራት የመጡ ተናጋሪዎች፣ ተመራማሪዎች፣ ምሁራን እና ተሳታፊዎች በተገኙበት ሁለተኛው ዓለም አቀፍ ኮንፈረንስ በዛሬው ዕለት በይፋ ተጀምሯል።

የኮንፈረንሱ አስተናጋጅ የመደ ወላቡ ዩኒቨርሲቲ ፕሬዝዳንት ዶ/ር ብርሃነመስቀል ጠና (PhD) የእንኳን ደህና መጣችሁ ንግግር ያደረጉ ሲሆን፣ በንግግራቸውም የምንኖርበት ዘመን በአርቲፊሻል ኢንተለጀንስ፣ በማሽን ትምህርት (Machine Learning) እና በአውቶሜሽን ምክንያት ከፍተኛ የቴክኖሎጂ ሽግግር እየታየበት ያለና የሆስፒታሊቲውን ዘርፍ ሙሉ በሙሉ እየቀየረው የሚገኝ መሆኑን ጠቁመዋል።

የኮንፈረንሱ አስተናጋጅ የመደ ወላቡ ዩኒቨርሲቲ ፕሬዝዳንት ዶ/ር ብርሃነመስቀል ጠና (PhD) የእንኳን ደህና መጣችሁ ንግግር ያደረጉ ሲሆን፣ በንግግራቸውም የምንኖርበት ዘመን በአርቲፊሻል ኢንተለጀንስ፣ በማሽን ትምህርት (Machine Learning) እና በአውቶሜሽን ምክንያት ከፍተኛ የቴክኖሎጂ ሽግግር እየታየበት ያለና የሆስፒታሊቲውን ዘርፍ ሙሉ በሙሉ እየቀየረው የሚገኝ መሆኑን ጠቁመዋል።

ፕሬዝዳንት ዶ/ር ብርሃነመስቀል ጠና አያይዘውም፣ ቴክኖሎጂው ሰብአዊ እሴቶችን፣ የሰዎችን ግላዊነት፣ ፍትሃዊነትንና ባህልን በጠበቀ መልኩ ጥቅም ላይ መዋል እንዳለበትና ተማሪዎችንም ለነገው ያልተፈጠሩ የሥራ ዕድሎች በዲጂታል ክህሎትና በሰብአዊ እሴቶች ማነጽ እንደሚገባ አፅንዖት ሰጥተዋል።

የባሌን ምድር አንድ ፓርክ፣ ብዙ ዓለማት" ሲሉ የገለጹት ዶ/ር ብርሃነመስቀል፣ እንደ ባሌ ተራሮች ብሔራዊ ፓርክ፣ የሶፍ ዑመር ዋሻ፣ የቱሉ ዲምቱ ጫፍ እና የዲሬ ሸኽ ሁሴን መካነ መቃብር ያሉ የተፈጥሮና የታሪክ ጸጋዎች መገኛ የሆነው ይህ ቀጠና ለዩኒቨርሲቲው ትልቅ ሕያው የመማሪያ ክፍል መሆኑንና የዩኒቨርሲቲውም ስኬት የሚለካው በምርምር ወረቀቶች ብቻ ሳይሆን በማኅበረሰቡ ውስጥ በሚያመጣው እውነተኛ ለውጥ መሆኑን አስታውቀዋል።

ከዚሁ የኮንፈረንስ መክፈቻ ጎን ለጎን፣ መደ ወላቡ ዩኒቨርሲቲ ከዩናይትድ ኪንግደም (UK) የመጡ የባለሙያዎች ቡድን በቅርብ ትብብር ያበለጸገውንና ዓለም አቀፍ ደረጃውን የጠበቀውን አዲሱን የዩኒቨርሲቲውን ድረ-ገጽ (Website) በይፋ መርቋል።

ይህ አዲስ ዲጂታል መድረክ ዩኒቨርሲቲው በዓለም አቀፍ ደረጃ ያለውን ተደራሽነትና የዲጂታል ትራንስፎርሜሽን ጉዞ ወደ ላቀ ደረጃ የሚያሸጋግር የሽርክና ውጤት መሆኑ ተገልጿል።

ለዚህ ፕሮጀክት መሳካት በዩናይትድ ኪንግደም የኢትዮጵያ ምክትል አምባሳደር ክቡር አምባሳደር ሌሊሳ ጫላ እና አቶ ሙሉጌታ ላበረከቱት ከፍተኛ አስተዋጽኦ እና መሪነት ፕሬዝዳንቱ የላቀ ምስጋናቸውን አቅርበው፣ የባለሙያዎቹ ቡድንና ጥሪ የተደረገላቸው ክብራን እንግዶች መድረክ ላይ በመውጣት ድረ-ገጹን በጋራ እንድሚርቁ አድርገዋል።

በመጨረሻም፣ የኢኖቬሽንና ቴክኖሎጂ ሚኒስትር እና የቦርድ ሰብሳቢ ክቡር ዶ/ር በለጠ ሞላ ለሁለት ቀናት የሚቆየውን ይህንን ሁለተኛውን ዓለም አቀፍ ኮንፈረንስ በይፋ የከፈቱ ሲሆን፣ በቆይታውም ከተለያዩ የዓለም ክፍሎች በመጡ ምሁራን አርቲፊሻል ኢንተለጀንስን ከቱሪዝም ልማት ጋር ያገናዘቡ በርካታ የምርምር ሥራዎችና ውይይቶች እንደሚቀርቡ ይጠበቃል።

በዚህ ታላቅ መድረክ ላይ የኢኖቬሽንና ቴክኖሎጂ ሚኒስትር እና የዩኒቨርሲቲው የሥራ አመራር ቦርድ ሰብሳቢ ክቡር ዶ/ር በለጠ ሞላ፣ የመስኖና ቆላማ አካባቢ ሚኒስትር እና የዕለቱ ቁልፍ ተናጋሪ ክቡር ዶ/ር አብርሃም በላይ፣ የቱሪዝም ስቴት ሚኒስትር ክቡር ዶ/ር እንደገና አበበ፣ የባሌ ዞን አስተዳደር ዋና አዛዥ ክቡር አቶ አብዱልሀኪም አሊዪ እና የባሌ-ሮቤ ከተማ አስተዳደር ከንቲባ ክቡር አቶ ዲኖ አሚን ጨምሮ ከፍተኛ የፌዴራልና የክልል መንግሥት የሥራ ኃላፊዎች ተገኝተዋል።

በተጨማሪም ከአውሮፓ፣ ከእስያ፣ ከአፍሪካና ከተለያዩ የዓለም ክፍሎች የተውጣጡ በርካታ ምሁራን፣ ተመራማሪዎች፣ የዘርፉ የልማት አጋሮች እና ስፖንሰሮች በአካልና በበይነ-መረብ (ኦንላይን) በጋራ እየታደሙ ናቸው።
#maddawalabuuniversity #ai #tourism #hospitality #conference #robe #ethiopianews #education #innovation #mwu

መደ ወላቡ ዩኒቨርሲቲ በአርቴፊሻል ኢንተለጀንስና ቱሪዝም ዙሪያ ዓለም አቀፍ ኮንፍረንስ ሊያካሂድ ነው
#ethiopia | ሮቤ – በኦሮሚያ ክልል ባሌ ዞን ሮቤ ከተማ የሚገኘው መደ ወላቡ ዩኒቨርሲቲ በቱሪዝምና ሆስፒታሊቲ ትምህርት ዘርፍ የአርቴፊሻል ኢንተለጀንስ (AI) ሚናን የሚመለከት ሁለተኛውን ዙር ዓለም አቀፍ ኮንፍረንስ ከሰኔ 15 እስከ 16 ቀን 2018 ዓ.ም. እንደሚያካሂድ ዶ/ር ተሰማ ታደሰ (ተባባሪ ፕሮፌሰር) የመደ ወላቡ ዩኒቨርሲቲ የህዝብ እና ዓለም አቀፍ ግንኙነት ስራ አስፈፃሚ አስታውቋል።

“Reimagining Tourism and Hospitality Education through Artificial Intelligence: Building Future-Ready Skills, Innovation Capacity, and Ethical Human-Centered Practice” በሚል መሪ ሃሳብ የሚካሄደው ኮንፍረንስ ከተለያዩ የዓለም ሀገራት የመጡ ቁልፍ ተናጋሪዎች፣ ተመራማሪዎች፣ ምሁራን እና ተሳታፊዎችን ያሳትፋል።

እንግሊዝ፣ ጣሊያን፣ ኢንዶኔዢያ፣ ሩሲያ፣ ካሜሩን እና ሌሎች ሀገራት ተሳታፊዎች እንደሚገኙ የተገለጸ ሲሆን፣ ከኢትዮጵያ ደግሞ ከተለያዩ ዩኒቨርሲቲዎች፣ ከመንግስት ተቋማት እና ከቱሪዝም ዘርፍ ባለድርሻ አካላት ተወካዮች ይሳተፋሉ።

በኮንፍረንሱ ወቅት ዘመናዊ የምረቃ አዳራሽ ምረቃ፣ በውጭ አጋሮች ድጋፍ የተገነባ አዲስ የዩኒቨርሲቲው ድረ-ገጽ (Website) ምረቃ እና ሌሎች ተቋማዊ መርሃ ግብሮች እንደሚከናወኑም ተጠቁሟል።

ከ430 ኪሎ ሜትር በላይ ከአዲስ አበባ ርቀት ላይ የሚገኘው መደ ወላቡ ዩኒቨርሲቲ በ1999 ዓ.ም. የተመሰረተ ሲሆን በሮቤ፣ ጎባ እና ሻሸመኔ ካምፓሶች በመዋቀር 52 የመጀመሪያ ዲግሪ፣ 58 የማስተርስ እና 6 የዶክትሬት መርሃ ግብሮችን እያስተማረ ይገኛል።

ዩኒቨርሲቲው እስካሁን ከ46 ሺህ በላይ ተማሪዎችን በማስመረቅ ለአገሪቱ ልማት አስተዋፅኦ እያደረገ ሲሆን በትምህርት፣ በምርምር እና በማህበረሰብ አገልግሎት ዘርፎች ያለውን ሚና እያጠናከረ መሆኑን ገልጿል።

የዩኒቨርሲቲው አመራሮች ኮንፍረንሱን በአካል ወይም በተለያዩ የማህበራዊ ሚዲያ መድረኮቹ እንዲከታተሉ ለምሁራን፣ ለተማሪዎች እና ለህዝብ ዶ/ር ተሰማ ታደሰ (ተባባሪ ፕሮፌሰር)
የመደ ወላቡ ዩኒቨርሲቲ የህዝብ እና ዓለም አቀፍ ግንኙነት ስራ አስፈፃሚ ጥሪ አቅርበዋል።
#maddawalabuuniversity #ai #tourism #hospitality #conference #robe #ethiopianews #education #innovation #mwu

በአሰቃቂ የትራፊክ አደጋ የ11 ሰዎች ሕይወት አለፈ
#ethiopia | ከአልቾ ውሪሮ ወረዳ 18 ተጓዦችን አሳፍሮ በጠረጋ ከተማ በኩል ወደ ዋና ከተማዋ አዲስ አበባ በመጓዝ ላይ የነበረ አንድ አነስተኛ የህዝብ ማመላለሻ ተሽከርካሪ ከሰዓታት በፊት ከመስመር ውጭ በመውጣት ወደ ገደል ወድቋል።

በዚህ አሰቃቂ አደጋም በሰው ህይወትና በንብረት ላይ ከፍተኛ ውድመት ደርሷል።

በደረሰው አደጋ ምክንያት እናቶች፣ ህጻናት፣ ወጣቶችና አባቶችን ያካተቱ 11 ተጓዦች ህይወታቸውን ያጡ ሲሆን፣ ከአሽከርካሪ ጋር ሌላ ሁለት ሰዎች በድምሩ ሦስት ግለሰቦች ላይ ከባድ የአካል ጉዳት ደርሶ የህክምና እርዳታ እየተደረገላቸው ይገኛል።

በአንጻሩ ሁለት ህጻናትን ጨምሮ አራት ተጓዦች ከአደጋው ምንም አይነት ጉዳት ሳይደርስባቸው በሰላም ለመትረፍ ችለዋል።

የአልቾ ውሪሮ ወረዳ አስተዳደር በአደጋው ህይወታቸውን ያጡትን ወገኖች አስክሬን ከቡታጀራ ሆስፒታል ወደ ወራቤ ኮምፕሬሄንሲቭ ስፔሻላይዝድ ሆስፒታል በማጓጓዝ ለቤተሰቦቻቸው የማስረከብ ስራ እየሰራ መሆኑን አስታውቋል።

በተመሳሳይ ሁኔታ ከባድ ጉዳት የደረሰባቸው ወገኖች በቡታጀራ እና በወራቤ ሆስፒታሎች ተገቢውን የህክምና ክትትል እንዲያገኙ በማድረግ ላይ ይገኛል።
#trafficaccident #roadsafe #ethiopianews #wolaita #butajira #worabe #getutemesgen #getu #ጌጡ #ጌጡተመስገን #addisababa

ወዳጆቼ ተረዱኝ #zehabeshatiktok #zehabesha #ethiopia #ethiopianews

የቤተ መቅደስ ግንባታን ለማጠናቀቅ
የቀረበ የክብር እና የባህር ጥሪ
#ethiopia | በመሪ እያዩ መካነ ሕይወት አቡነ ገብረ መንፈስ ቅዱስ ቤተ ክርስቲያን እየተከናወነ የሚገኘውን የሕንጻ ቤተ መቅደስ ግንባታ ዳር ለማድረስ ታላቅ የገቢ ማሰባሰቢያ መርሐ ግብር ተዘጋጅቷል።

ግንባታውን ለማስቀጠል የታቀደው ይህ የባህር እና የክብር ጥሪ ግንቦት 8 እና 9 ቀን 2018 ዓ.ም ከጠዋቱ 3:00 ሰዓት ጀምሮ ይካሄዳል።

በዕለቱ በተዘጋጀው ባህር ላይ በመገኘት ማዕድ እየተቆረሰ ለቤተ ክርስቲያኑ ግንባታ የሚውል የገቢ ማሰባሰቢያ ይደረጋል።

ምዕመናን በዚህ የበረከት ተካፋይ እንዲሆኑ የቤተ ክርስቲያኑ የሕንጻ አሰሪ ኮሚቴ ጥሪውን ያስተላልፋል።

ለበለጠ መረጃ
ስልክ
+251947980166
+251912 609 000
+251911241074

ድጋፍ ለማድረግ

በኢትዮጵያ ንግድ ባንክ
የቁጠባ ሂሳብ ቁጥር
1000321686854

በአባይ ባንክ
የቁጠባ ሂሳብ ቁጥር
0505

አድራሻ ፡-
በመሪ ትምህርት ቤት ፊት ለፊት ከ 40 በ 60 ኮንዶሚኒየም በታች እና በዞን 2 አያት መኖሪያ ቤቶች
#ethiopianorthodox #churchbuilding #spiritualcall #ethiopianews #getutemesgen #getu #ጌጡ #ጌጡተመስገን #addisababa

ያንጎ ግሩፕ ለ2026 የፌሎውሺፕ መርሃ ግብር ኢትዮጵያውያንን ጨምሮ የ24 ተሳታፊዎችን ዝርዝር ይፋ አደረገ
#ethiopia | ያንጎ ግሩፕ ከስድስት የአፍሪካ ሀገራት የተውጣጡና ከ600 በላይ ከሚሆኑ አመልካቾች መካከል የተመረጡ 24 የ2026 የያንጎ ፌሎውሺፕ ፕሮግራም ተሳታፊዎችን ስም ዝርዝር በይፋ አስታውቋል።

እነዚህ ተሳታፊዎች በ12 ሳምንታት የቆይታ ጊዜያቸው የቴክኒክ ክህሎታቸውን በመጠቀም በሳይንስና ቴክኖሎጂ ላይ የተመሰረቱ የፈጠራ ስራዎችን የሚያከናውኑ ሲሆን በመጨረሻም በአቢጃን በሚዘጋጅ ልዩ መድረክ ላይ ውጤታቸውን ያቀርባሉ።

ተሳታፊዎቹ ከኢትዮጵያ፣ ከኮት ዲቯር፣ ከዛምቢያ፣ ከሴኔጋል፣ ከሞዛምቢክ እና ከጋና የመጡ ናቸው።

መርሃ ግብሩ በዘንድሮው የጥናት ዓመት ተደራሽነቱን በማስፋት ከሁለት ወደ ስድስት ሀገራት ማደጉ ተገልጿል።

የዘንድሮው ትኩረትም በአርቴፊሻል ኢንተሊጀንስ ወይም በሰው ሰራሽ አስተውሎት (AI) ተግባራዊ አጠቃቀም ላይ ያተኮረ ነው።

በዚህም እንደ ጤና፣ የኃይል ቁጥጥር፣ የትራፊክ ማሻሻያ እና የትምህርት መፍትሄዎችን ያካተቱ የቴክኖሎጂ ውጤቶች ለዕይታ ይቀርባሉ።

ይህ የፌሎውሺፕ መርሃ ግብር በሶስት ዋና ዋና ክፍሎች የተከፈለ ሲሆን ችግር ፈቺ ጥናቶችን ማካተት፣ የምርት ልማት እና የመጨረሻ የአቀራረብ ደረጃዎችን ይይዛል።

በፕሮግራሙ ማጠቃለያ ላይ በሚከናወነው የዲሞ ደይ ዝግጅት ተሳታፊዎች ስራቸውን ለባለሙያዎች የሚያቀርቡ ሲሆን ተስፋ ላላቸው ፕሮጀክቶችም የፋይናንስ ድጋፍ ሊደረግላቸው እንደሚችል ተጠቁሟል።

የያንጎ ግሩፕ ዋና የንግድ ጉዳዮች ኃላፊ አዴኒዪ አዴባዮ እንደገለጹት ፕሮግራሙ በአካባቢው የቴክኖሎጂ እድገት ላይ የሚደረግ የረጅም ጊዜ ኢንቨስትመንት ነው።

ተቋሙ የአፍሪካን የቴክኖሎጂ ፍላጎት የሚፈቱ የፈጠራ ባለቤቶችን ለመደገፍ እና ከአንድ ሀገር በላይ ሊሰሩ የሚችሉ ምርቶች እንዲበለጽጉ ለማገዝ ፍላጎት እንዳለውም አክለዋል።

በአሁኑ ወቅት አፍሪካ ከ2.5 ሚሊዮን በላይ የሳይንስ፣ ቴክኖሎጂ፣ ኢንጂነሪንግ እና ሂሳብ (STEM) ባለሙያዎች እጥረት እንዳለባት የዓለም ባንክ መረጃ ያሳያል።

በመሆኑም ይህ ፕሮግራም በተግባራዊ ስልጠና እና በባለሙያዎች ምክር የታገዘ በመሆኑ ለዘርፉ እድገት ትልቅ አስተዋጽኦ ይኖረዋል።

ቀደም ሲል የነበሩ ተሳታፊዎች በተለያዩ ማህበራዊ አገልግሎቶች ላይ ውጤታማ ስራዎችን የሰሩ ሲሆን አንዳንዶቹም የራሳቸውን የዲጂታል ምርቶችና ኩባንያዎች መመስረት መቻላቸው ተመላክቷል።

ያንጎ ግሩፕ የተለያዩ የቴክኖሎጂ ውጤቶችን ወደ እለት ተእለት አገልግሎት በመቀየር የሚታወቅ ዓለም አቀፍ ኩባንያ ነው።

ተቋሙ በትራንስፖርት፣ በማድረስ፣ በመዝናኛ እና በሌሎች ዲጂታል ዘርፎች በአፍሪካና በተለያዩ የዓለም ክፍሎች አገልግሎት በመስጠት ላይ ይገኛል።
#yangogroup #yangofellowship #technology #africatech #ai #innovation #stem #ethiopianews #getutemesgen #getu #ጌጡ #ጌጡተመስገን #addisababa