ሀገራዊ አንድነትን ለማጠናከር፣ በወል ትርክት እና በጋራ ርዕይ ላይ ጠንክሮ መሥራት ይገባል
***********************

ኢትዮጵያውያን የብዝኃ ባህል፣ ቋንቋ እና ሃይማኖት ባለቤት መሆኗ የልዩነትና የግጭት ምንጭ ሳይሆን፤ የትብብር፣ የወንድማማችነትና አብሮ የማደግ መሠረት ተደርጎ መታየት እንዳለበት በአውሮፓ የኢትዮጵያ ዳያስፖራ አስተባባሪ ኤፍሬም ዘውዱ ገለጹ።

ይህን እሳቤ ለማጠናከር የጋራ ተቋማትን እና የወል ማንነትን መገንባት እንደሚያስፈልግ የገለጹት የሀዋሳ ዩኒቨርሲቲ መምህሩ ሮብሰን ባልቻ በበኩላቸው፣ ይህ የጋራ ማንነት ግንባታም የተለያዩ ባህሎች እና ማንነቶችን የኢትዮጵያውያን የጋራ ባህል አካል በማድረግ ላይ የተመሠረተ መሆን እንዳለበት ጠቁመዋል።

በዚህ ረገድ የተለያዩ ብሔር፣ ብሔረሰቦች እና ሕዝቦች ቋንቋቸውን፣ ባህላቸውን እና ማንነታቸውን እንደጠበቁ በጋራ የሚሳተፉባቸው የባህል መድረኮች፣ ልዩነትን ወደ የወል ሀብት ለመቀየር የሚያግዙ አጋጣሚዎች መሆናቸውን አቶ ኤፍሬም እና መምህር ሮብሰን ከኢቢሲ ጋር በነበራቸው ቆይታ ተናግረዋል።

በአውሮፓ የኢትዮጵያ ዳያስፖራ አስተባባሪ አቶ ኤፍሬም በዚሁ ወቅት፥ በልዩነቶች ላይ ያተኮሩ ትርክቶችን ተከትሎ የሚፈጠሩ ግጭቶችን በኃይል ለመፍታት የተደረጉ ሙከራዎች ዘላቂ መፍትሄ እንዳላመጡ ገልጸዋል።

አሁን ላይ ያሉ የፖለቲካ አመለካከት ልዩነቶችን ጨምሮ በታሪክ ሂደት የተፈጠሩ የዘመናት ቅራኔዎችን በተለያየ ጊዜ እና መንገድ በውይይት እየፈቱ መሄድ እንደሚገባ ተናግረዋል።

የሀዋሳ ዩኒቨርሲቲ መምህሩ ሮብሰን ባልቻ በበኩላቸው፥ በብሔራዊ ጥቅምና በጋራ ጉዳዮች ዙሪያ መሰባሰብ እንደሚያስፈልግ በመግለጽ፤ በጋራ ሀገር፣ በወል ትርክት እና በጋራ ርዕይ ላይ ጠንክሮ መሥራት ብሔራዊ መግባባትን እና ሀገራዊ አንድነትን ያጠናክራል ብለዋል።

የኢትዮጵያ ሀገራዊ ምክክር ሂደትም የጋራ ትርክትን ለመገንባት ከሚያግዙ መንገዶች አንዱ መሆኑን በማንሳት፣ ሥር የሰደዱ ችግሮችን በማከምና የጋራ በሆኑ ሀገራዊ ጉዳዮች ላይ መግባባት በመፍጠር ጠንካራ ኢትዮጵያን ለመገንባት ውይይት የማይተካ ሚና ይጫወታል ብለዋል።

የሀገራችንን እምቅ ሀብቶች በሚገባ በመጠቀም የበለጸገች እና የተከበረች ኢትዮጵያን ለትውልድ ለማስተላለፍ የውስጥ ልዩነቶችን በውይይት እየፈቱ ተቀራርቦ በጋራ መሥራት እንደሚገባ አመላክተዋል።

ከጠንካራ ተቋማት ግንባታ ጎን ለጎን አሰባሳቢ ትርክቶችን ማጉላት አስፈላጊ መሆኑን በመግለጽ፣ የተለያዩ ክልሎችና ማኅበረሰቦች በጋራ ጉዳዮች ዙሪያ የሚገናኙበትን መንገድ ማጠናከር ይገባል ብለዋል።

በዚህ መንገድ ሕዝብን በብሔራዊ የጋራ ርዕይ ዙሪያ በማሰባሰብ፣ የኢትዮጵያን አንድነትና ልማት ማጠናከር እንዲሁም ሁሉም ዜጎች ተጠቃሚ የሆኑባትን የጋራ ሀገር መገንባት የሁሉም ኃላፊነት ሊሆን እንደሚገባው ገልጸዋል።

በኢንቲሃድ አብራር
#ethiopia #peaceanddialogue #nationalconsensus #sharedidentity #nationalunity #ethiopiandiaspora #ebc
ሀገራዊ አንድነትን ለማጠናከር፣ በወል ትርክት እና በጋራ ርዕይ ላይ ጠንክሮ መሥራት ይገባል
***********************

ኢትዮጵያውያን የብዝኃ ባህል፣ ቋንቋ እና ሃይማኖት ባለቤት መሆኗ የልዩነትና የግጭት ምንጭ ሳይሆን፤ የትብብር፣ የወንድማማችነትና አብሮ የማደግ መሠረት ተደርጎ መታየት እንዳለበት በአውሮፓ የኢትዮጵያ ዳያስፖራ አስተባባሪ ኤፍሬም ዘውዱ ገለጹ።

ይህን እሳቤ ለማጠናከር የጋራ ተቋማትን እና የወል ማንነትን መገንባት እንደሚያስፈልግ የገለጹት የሀዋሳ ዩኒቨርሲቲ መምህሩ ሮብሰን ባልቻ በበኩላቸው፣ ይህ የጋራ ማንነት ግንባታም የተለያዩ ባህሎች እና ማንነቶችን የኢትዮጵያውያን የጋራ ባህል አካል በማድረግ ላይ የተመሠረተ መሆን እንዳለበት ጠቁመዋል።

በዚህ ረገድ የተለያዩ ብሔር፣ ብሔረሰቦች እና ሕዝቦች ቋንቋቸውን፣ ባህላቸውን እና ማንነታቸውን እንደጠበቁ በጋራ የሚሳተፉባቸው የባህል መድረኮች፣ ልዩነትን ወደ የወል ሀብት ለመቀየር የሚያግዙ አጋጣሚዎች መሆናቸውን አቶ ኤፍሬም እና መምህር ሮብሰን ከኢቢሲ ጋር በነበራቸው ቆይታ ተናግረዋል።

በአውሮፓ የኢትዮጵያ ዳያስፖራ አስተባባሪ አቶ ኤፍሬም በዚሁ ወቅት፥ በልዩነቶች ላይ ያተኮሩ ትርክቶችን ተከትሎ የሚፈጠሩ ግጭቶችን በኃይል ለመፍታት የተደረጉ ሙከራዎች ዘላቂ መፍትሄ እንዳላመጡ ገልጸዋል።

አሁን ላይ ያሉ የፖለቲካ አመለካከት ልዩነቶችን ጨምሮ በታሪክ ሂደት የተፈጠሩ የዘመናት ቅራኔዎችን በተለያየ ጊዜ እና መንገድ በውይይት እየፈቱ መሄድ እንደሚገባ ተናግረዋል።

የሀዋሳ ዩኒቨርሲቲ መምህሩ ሮብሰን ባልቻ በበኩላቸው፥ በብሔራዊ ጥቅምና በጋራ ጉዳዮች ዙሪያ መሰባሰብ እንደሚያስፈልግ በመግለጽ፤ በጋራ ሀገር፣ በወል ትርክት እና በጋራ ርዕይ ላይ ጠንክሮ መሥራት ብሔራዊ መግባባትን እና ሀገራዊ አንድነትን ያጠናክራል ብለዋል።

የኢትዮጵያ ሀገራዊ ምክክር ሂደትም የጋራ ትርክትን ለመገንባት ከሚያግዙ መንገዶች አንዱ መሆኑን በማንሳት፣ ሥር የሰደዱ ችግሮችን በማከምና የጋራ በሆኑ ሀገራዊ ጉዳዮች ላይ መግባባት በመፍጠር ጠንካራ ኢትዮጵያን ለመገንባት ውይይት የማይተካ ሚና ይጫወታል ብለዋል።

የሀገራችንን እምቅ ሀብቶች በሚገባ በመጠቀም የበለጸገች እና የተከበረች ኢትዮጵያን ለትውልድ ለማስተላለፍ የውስጥ ልዩነቶችን በውይይት እየፈቱ ተቀራርቦ በጋራ መሥራት እንደሚገባ አመላክተዋል።

ከጠንካራ ተቋማት ግንባታ ጎን ለጎን አሰባሳቢ ትርክቶችን ማጉላት አስፈላጊ መሆኑን በመግለጽ፣ የተለያዩ ክልሎችና ማኅበረሰቦች በጋራ ጉዳዮች ዙሪያ የሚገናኙበትን መንገድ ማጠናከር ይገባል ብለዋል።

በዚህ መንገድ ሕዝብን በብሔራዊ የጋራ ርዕይ ዙሪያ በማሰባሰብ፣ የኢትዮጵያን አንድነትና ልማት ማጠናከር እንዲሁም ሁሉም ዜጎች ተጠቃሚ የሆኑባትን የጋራ ሀገር መገንባት የሁሉም ኃላፊነት ሊሆን እንደሚገባው ገልጸዋል።

በኢንቲሃድ አብራር
#ethiopia #peaceanddialogue #nationalconsensus #sharedidentity #nationalunity #ethiopiandiaspora #ebc

ከተዋስዖ መር እስከ ላቀ መግባባት፡ አዲሱ የሀገር ግንባታ መንገድ በኢትዮጵያ
*****************

ተዋስዖ መር ዴሞክራሲ በዘመናዊው የፖለቲካ ሳይንስ ዓለም ውስጥ በስፋት መታወቅ የጀመረው በ1980ዎቹ አካባቢ ቢሆንም፣ የፅንሰ ሐሳቡ ስረ መሠረት ግን ከጥንቷ ግሪክ የፖለቲካ ልምምድ የሚነሳ ነው።

በጥንቷ አቴንስ ዜጎች በአደባባይ ተሰብስበው ጉዳዮችን በምክንያት እና በውይይት ይወስኑ ከነበረው ልምምድ ይመነጫል። ነገር ግን ፅንሰ ሐሳቡ በዓለም አቀፍ ደረጃ ትልቅ ተቀባይነትን ያገኘው እና ጀርመናዊው ዩርገን ሀበርማስ እና አሜሪካዊው ጆን ሮልስ ባዳበሩት "የፐብሊክ ሪዝን ፅንሰ ሐሳቦች አማካኝነት በስፋት ታውቋል።

ተዋስዖ መር ዴሞክራሲ የድምፅ ብልጫን መሠረት በማድረግ ውሳኔ ከማሳለፍ ባለፈ፣ በጥልቅ የሐሳብ ልውውጥ፣ በመደማመጥ እና የጋራ መግባባትን በመፍጠር ላይ ሲቆም እውነተኛ የሕዝብ የሥልጣን ባለቤትነትን ያረጋግጣል። በኢትዮጵያ ሀገረ መንግሥት ግንባታ ሂደት ውስጥ "ተዋስዖ መር ዴሞክራሲ" እና ከ"መደመር" እሳቤ ጋር በጥብቅ ተቆራኝቶ የሚነሳው ለዚሁ ነው።

ተዋስዖ መር ዴሞክራሲ፣ የሐሳብ ልዩነቶችን በጠረጴዛ ዙሪያ በማምጣት፣ ያልተደመጡ ድምፆችን በማካተት እና የልሂቃንን ተቃርኖ ከማስፋት ይልቅ ወደ የጋራ ማዕከል በማምጣት ላይ ያተኩራል። አሸናፊ እና ተሸናፊ ከሚፈጥረው የአንዱ አገኘ ሌላው ሲያጣ ዕሳቤ በመውጣት፣ በጋራ አሸናፊ ወደምንሆንበት አዎንታዊ የሰላም ግንባታ የሚያሸጋግር ቁልፍ መሣሪያ ነው።

የኢትዮጵያን ነባራዊ ሁኔታ ስንመለከት፣ ኢትዮጵያ እጅግ ሰፊ የባህል፣ የቋንቋ እና የማንነት ብዝኃነት ያላት ሀገር ናት። ይህን ብዝኃነት በአብላጫ (Majoritarian) የዴሞክራሲ ሥርዓት እና በውህደት (Integrationist) አቀራረብ ብቻ ለማስተዳደር መሞከር፣ ብዙ የሕብረተሰብ ፍላጎቶችን ከማፈኑም ባለፈ በቁጥር አነስተኛ የሆኑ ማህበረሰቦችን ፍላጎት በመደፍጠጥ፣ ላለፉት አስርት ዓመታት ፖለቲካዊ መገለልን፣ የልሂቃን ጽንፈኝነትን እና ማለቂያ የሌላቸውን ግጭቶችን ሲወልድ ቆይቷል።

የመደመር እሳቤ ይህንን የፖለቲካ ስብራት በጥልቀት በመገንዘብ፣ በብቸኝነት ጉድለት ውስጥ ከምትዳክር ሀገር በመውጣት፣ ችግሮቻችንን ከራሳችን ባህላዊ ዕሴቶቻችን በመነሳት እንድንፈታ አቅጣጫ ያስቀምጣል።

የኢትዮጵያውያን የቆየ የመተሳሰብ፣ የመቻቻል፣ የሽምግልና፣ የይቅርታ እና የእርቅ ባህሎች ለመግባባት ዴሞክራሲ ጠንካራ መደላድሎች እና ማኅበራዊ ካፒታሎች ናቸው። ተዋስዖ መር ዴሞክራሲ እነዚህን ዕሴቶች ተቋማዊ በማድረግ፣ ዜጎች በሀገራቸው ጉዳይ ላይ እውነተኛ ባለቤት የሚሆኑበትን ሰፊ ምህዳር ይከፍታል።

አሁን ባለንበት ወቅት ይህ ተዋስዖ መር የዴሞክራሲ ግንባታ ከንድፈ ሐሳብ አልፎ ወደ ተግባር ሲቀየር በጉልህ እያየነው ነው። በተለይም በቅርቡ በታላቅ ስኬት የተጠናቀቀው የኢትዮጵያ ሀገራዊ የምክክር ጉባኤ፣ የዚህ ዴሞክራሲያዊ ሽግግር ማሳያና የዘመኑ ትልቁ የፖለቲካ ትሩፋት ነው።

በታሪካችን ለመጀመሪያ ጊዜ የተለያየ የፖለቲካ አቋም፣ የተለያዩ ትርክቶች እና የተራራቁ ፍላጎቶች ያላቸው አካላት በአንድ መድረክ ተሰባስበው፣ በውይይትና በድርድር ሀገራዊ ስምምነት ላይ መድረስ መቻላቸው የተዋስዖ መር ዴሞክራሲ አንጸባራቂ ስኬት ነው።

የኢትዮጵያ ሀገራዊ ምክክር በስኬት መቋጨት፣ መግባባት የተደበቀ አቅማችንን አውጥቶ አንድነታችንን ያጠነከረበት እንዲሁም ዜጎች በጠብመንጃ ሳይሆን በሐሳብ ልዕልና እና በምክንያታዊነት የተወያዩበት ታሪካዊ ክስተት ነው።

በእንዲህ ዓይነት መድረኮች የሚካሄዱ ተዋስዖ መር ድርድሮች ለመፍትሔና ለአቋም ከመሮጥ በፊት፣ ግንኙነቶችን በማስተካከል እና ታፍነው የቆዩ ሐሳቦችን ወደ አደባባይ በማውጣት ጠንካራ ማኅበራዊ መሰረት ይጥላሉ።

በመጨረሻም፣ ተዋስዖ መር ዴሞክራሲ የአንድ ጊዜ ክስተት ሳይሆን፣ ቀጣይነት ያለው የፖለቲካ ባህል ነው። ከሀገራዊ የምክክር ጉባኤ ስኬታማ መቋጨት በኋላ የሚኖረን የኢትዮጵያ ሀገረ መንግሥት ግንባታ ጉዞ፣ በተገኙት ዘላቂ ስምምነቶች ላይ ተመስርቶ ፍትሐዊ፣ አካታች እና ተጠያቂነት ያለው ተቋማዊ ሥርዓት መገንባትን አጥብቆ ይጠይቃል።

ኢትዮጵያ በውስጧ ያሉትን ልዩነቶችና ብዝኃነቶች እንደ ጸጋ በመቀበል፣ በመደመር ዕሳቤ የተቃኘ የመግባባት ዴሞክራሲን እውን ማድረግ የምትችለው የጀመረችውን የንግግር፣ የድርድርና የተዋስዖ ባህል ማጽናት ስትችል ነው።

የምክክሩ ስኬትና የዘመኑ ትሩፋት የሰጠን ብሩህ ተስፋ፣ ጠንካራና የሲቪክ ባህል የዳበረባትን ኢትዮጵያን በጋራ አቅም መገንባት እንደምንችል ነው። በመሆኑም፣ በምክንያታዊነት እና በመግባባት ላይ የቆመው ይህ ሥርዓት ኢትዮጵያን ከባለፉት የታሪክ ስብራቶች በማላቀቅ፣ ወደ ላቀ የሥልጣኔ፣ የትብብርና ብልጽግና ከፍታ የሚያሸጋግራት አስተማማኝ የጋራ ድልድያችን ነው።

በአዶኒያስ ወልደአረጋይ
#ethiopia #ebc #nationbuilding #nationaldialogue #nationalconsensus

ከነጣጣይ ትርክት ወደ የጋራ ሀገር፦ የታሪክ እውነታ እና የነገዋ ኢትዮጵያ
*******************

የታሪክ አተረጓጎም ማህበራዊ ትስስርን የመገንባትም ሆነ የማፍረስ አቅም ያለው፤ የሀገርን የሰላም እና የልማት ጎዳና በቀጥታ የሚወስን ስትራቴጂያዊ ጉዳይ ነው።

የታሪክ ሰነድን የአንዱ ወገን ድል እና የሌላው ወገን ሽንፈት ማሳያ አድርጎ የማቅረብ አጥፊ አካሄድ በማኅበረሰቦች መካከል የቂም እና የጥርጣሬ ግንብ ሲገነባ ቆይቷል።

ዛሬ ግን ታሪክን ከርካሽ የፖለቲካ መጠቀሚያነት በማውጣት የሁሉም ማኅበረሰቦች አስተዋጽኦ እና ተሞክሮ የሚንጸባረቅበት አካታች የጋራ ሀብት መደረጉ ለአዲሱ የሀገረ መንግሥት ግንባታ ወሳኝ እርምጃ ሆኗል።

የቆዩ የታሪክ ቁርሾዎች እና ስብራቶችን ከማባባስ ይልቅ በሰለጠነ መንገድ ተቃኝተው ለነገ የጋራ መግባባት እና ዕድገት ትምህርት እንዲሆኑ ማድረግ ይገባል።

በዚህ ረገድ፣ የሀገር ታሪክ የተወሰኑ ቡድኖች የብቻ ገድል ሳይሆን የሁሉም ማኅበረሰቦች የጋራ ፈተና፣ መሥዋዕትነት፣ ስኬት እና ውርስ መሆኑን ማስረጽ ተችሏል።

የነጠላ ትርክት ወይም ልዩነቶችን የማጥፋት ፍላጎት ዘላቂ ሰላምን እንደማያመጣ በተግባር የተረጋገጠ እውነት ነው፤ ስለዚህም የሁሉም ማኅበረሰቦች ቋንቋ፣ ባህል እና ማንነት በእኩልነት ሲከበር እና ሲጎለብት ብቻ፣ የጸና ሀገራዊ አንድነት ይፈጠራል።

የብሔር ማንነት እና ሀገራዊ ዜግነት ተቃራኒዎች ሳይሆኑ፣ አንዱ ሌላውን የሚደግፉ እና የሚያጠናክሩ የመደመር ምሰሶዎች ናቸው።

ጠንካራ እና የማይበገር ሀገረ መንግሥት ሊገነባ የሚችለው ሁሉንም ድምፆች እና እሴቶች በእኩል ደረጃ በሚያስተናግድ ሰፊ ምህዳር ውስጥ ብቻ ነው።

የትናንትን የታሪክ ስብራት በፍትሐዊነት መጠገን፣ ነገ በጋራ ለሚገነባው ሀገር እና ለሚረጋገጠው ብልጽግና ትልቅ አበርክትዎ አለው።

ታሪክ የፖለቲካ መቆመሪያ እንዳይሆን መታደግ፣ መጪው ትውልድ በትናንት የታሪክ ዕዳ ምትክ የነገን ብሩሕ ተስፋ እንዲወርስ ያስችለዋል።

በምክክር የጸና የጋራ መግባባት ዜጎች በሀገራቸው ጉዳይ ሙሉ ተሳታፊ እና እኩል ባለቤት እንዲሆኑ ያደርጋል።

የአንድ ወገን ነጠላ ትርክት አክትሞ ታሪክ ሁሉንም ማኅበረሰቦች ያካተተ ሀብት ሲሆን፣ ለነገዋ ኢትዮጵያ የማይናወጥ የጋራ መግባባት እና የብልጽግና መሠረት ሆኖ ያገለግላል።

በሐና ምንዳሁን
#ethiopia #democracy #multiculturalism #nationaldialogue #nationalconsensus #nationalunity #peacebuilding #sharedhistory #ebc #ebcdotstream

ከእምነት ድንበር የተሻገረ የኢትዮጵያውያን የምክክር ማዕድ ያበራው ፍቅርና የመተሳሰብ ተስፋ
******************

በሀገራዊ ምክክር መድረክ ላይ የተስተዋለው ልዩ ውበትና በሰው ልጆች ልብ ውስጥ የሚቀመጥ ድንቅ አጋጣሚ፣ ከቃል በላይ ሆኖ የብዙዎችን ልብ በደስታና በተስፋ ሞልቷል።

በምክክር ወቅት የተከሰተው ድንቅ የልብ መገናኘት፣ ኢትዮጵያ በውስጧ የሸሸገችውን ጥልቅ የመተሳሰብና የመከባበር እሴት ዳግም ለዓለም ያሳየችበት ታሪካዊ አጋጣሚ ሆኖ ተመዝግቧል።

በተለይም ከዱባይ መጥታ በምክክር መድረኩ ላይ የታደመችው ተሳታፊ ሮዛ ቢያኢሳ፣ በመድረኩ ላይ የታዘበችው ድንቅ አጋጣሚ የምክክሩን ሂደት ውጤታማነትና የሕዝባችንን አዎንታዊ ስነ-ልቦና በተግባር ያስመሰከረ መሆኑን ገልጻለች።

በውይይት መድረኩ ላይ የተቀመጡት ተሳታፊዎች የራሳቸውን ፍላጎት ብቻ ከማስቀደም ይልቅ የሌላውን ህመም እንደራስ አድርገው በመመልከት ያሳዩት ተሳትፎና ቅንነት በመድረኩ ላይ ልዩ መንፈስን ፈጥሯል።

መድረኩ የሰው ልጅ የራሱ መብት እንዲከበርለት በመጀመሪያ የሌላውን ማክበር እንዳለበት በተግባር የታየበት መሆኑ ነው።

የሙስሊም እህቶችን መብት አስመልክቶ ጥያቄዎችን በግንባር ቀደምትነት ያነሱትና የተቆረቆሩት ሙስሊም ያልሆኑ እህቶች መሆናቸው መድረኩን የፍቅርና የመተሳሰብ መድረክ አድርጎታል።

ይህ አጋጣሚ "ኢትዮጵያዊነት" ከሃይማኖት ድንበር በላይ ሰፊና ሁሉንም አቃፊ መሆኑን ዳግም ያረጋገጠ ትልቅ መንፈሳዊና ማህበራዊ ትምህርት ሆኖ አልፏል።

ይህ በእምነት ድንበር ያልተገደበ ግልጽነትና ቅንነት ተሳታፊዎች በውይይቱ ሂደት ውስጥ እርስ በእርስ እንዲደማመጡና እንዲተማመኑ ትልቅ መንገድ ከፍቷል።

አንዱ ለሌላው በሚያስብበትና በሚጨነቅበት ይበልጥ ሰፊ ለሆኑ ውይይቶችና ለሃገራዊ መግባባት የሚበጅ ጠንካራ መሠረት መጣሉ መድረኩ ተመልክቷል።

በምክክሩ ለመጪው ትውልድ የሚተርፍ አዲስ ታሪክ የሚጻፍበት ወርቃማ እድል መሆኑ በመድረኩ ታይቷል።

ከአርሶ አደር እስከ ምሁራን በአንድ ማዕድ ተቀምጠው መወያየታቸው፣ ኢትዮጵያ በመነጋገርና በመደማመጥ የማይፈታ ችግር እንደሌለባት ለዓለም ያሳየችበት ትልቅ የስኬት ማሳያ ነው።

በምክክር የማይፈታ ልዩነት እንደሌለ የታየበት ይህ መድረክ፣ ኢትዮጵያ ተመካክራ እንደምትሻገርና ለአፍሪካም ሆነ ለዓለም የተስፋ ተምሳሌት እንደምትሆን ትልቅ ማረጋገጫ ሰጥቷል።
#ethiopiannationaldialogue #interfaithharmony #nationalconsensus #socialcohesion #hopeforethiopia

u12e8u12a2u1275u12eeu1335u12eb u12a5u12cdu1290u1275 u1260u12a1u1201u1229 u12acu1292u12ebu1273 u12a0u1295u12f0u1260u1275 #ethiopia #nationaldialogue #nationalconsensus ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
የኢትዮጵያ እውነት በኡሁሩ ኬኒያታ አንደበት #ethiopia #nationaldialogue #nationalconsensus

u12a8u121du12adu12adu1229 u1266u1273 u12e8u1270u1230u121bu12cd u121du1235u1322u122d...u12e8u1353u122du1272u12ceu1279 u1230u1265u1233u1262 u12e8u1308u1208u1321u1275 u12a5u12cdu1290u1275... | u12e8u1200u1308u122d u1309u12f3u12ed |
#ethiopiannationaldialogue #ethiopia #nationalconsensus #ethiopianpolitics #u12e8u1200u1308u122du1309u12f3u12ed ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
ከምክክሩ ቦታ የተሰማው ምስጢር...የፓርቲዎቹ ሰብሳቢ የገለጡት እውነት... | የሀገር ጉዳይ |
#ethiopiannationaldialogue #ethiopia #nationalconsensus #ethiopianpolitics #የሀገርጉዳይ

የመጨረሻው ሰነድ ለ4,000 ሰዎች ነገ ይቀርባል

​#nationaldialogue #ethiopia #ethiopiannationaldialogue #nationalconsensus #peaceandunity

ታላቋ ኢትዮጵያን አሸናፊ የምናደርገው "የእኔ ሀሳብ ብቻ ይጽደቅ" ከሚል ግትር አቋም ስንወጣ ነው
*********************

በኢትዮጵያ ዘመናዊ የፖለቲካ ታሪክ ውስጥ ለዘመናት የዘለቀው እና ዋነኛ ማኅበራዊ ፈተና ሆኖ የቆየው አካሄድ አሸናፊ እና ተሸናፊን ብቻ የሚያመርተው የጥሎ ማለፍ የፖለቲካ ባህል ነው።

ይህ አንዱ ወገን አሸንፎ የራሱን ፍላጎት ብቻ የሚጭንበት እና ሌላውን የሚያገልልበት አካሄድ፣ ዘላቂ ሰላምን ከመገንባት ይልቅ ቂምና በቀልን በማርገዝ ለተከታታይ ግጭቶች በር ሲከፍት ቆይቷል።

አሁን እየተካሄደ ያለው የኢትዮጵያ ሀገራዊ ምክክር ግን ይህን አጥፊ ባህል በዘላቂነት የመቀየር ትልቅ ዓላማ አንግቧል።

አንዱ ሲያሸንፍ ሌላው የሚወድቅበትን ጎጂ ውድድር አስቀርቶ፣ ኢትዮጵያን ማዕከል ባደረገ መልኩ ሁሉም ዜጎች ተጠቃሚ የሚሆኑበትን የጋራ አሸናፊነት ማዕቀፍ ለመፍጠር እየሠራ ይገኛል።

ጠቅላይ ሚኒስትር ዐቢይ አሕመድ (ዶ/ር) እንደገለጹት፥ ተሸናፊው ለከርሞ ግጭትን አርግዞ ስለሚመለስ እና አሸናፊውም ዘወትር ድሉን ለማስጠበቅ ስለሚታገል፣ ማንም ተሸናፊ የማይሆንበት እና የጋራ ሕልውና የሚረጋገጥበት ሀገራዊ ምክክር ትልቅ ዕድል ነው።

ይህን ታሪካዊ ኃላፊነት ከዳር ለማድረስ የተቋቋመው የኢትዮጵያ ሀገራዊ ምክክር ኮሚሽን ነፃ እና ገለልተኛ ሆኖ የተመሠረተ በመሆኑ፣ መሠረታዊ የሆኑ ልዩነቶችን በሰላማዊ መንገድ ለመፍታት የሚያስችል ሰፊ መዋቅር ዘርግቷል።

ኮሚሽኑ አካታችነትን፣ ግልጽነትን፣ ተዓማኒነትን፣ መቻቻልን እና የሕግ የበላይነትን መርህ አድርጎ መነሳቱ ለሀገራችን አዲስ የተስፋ ጭላንጭል ፈንጥቋል።

ከሕዝብ ተወካዮች ምክር ቤት እስከ ታችኛው የወረዳ መዋቅር ድረስ የተዘረጋው የምክክር ሰንሰለት፣ ከ1 ሺህ 200 ወረዳዎች ሕዝባዊ አጀንዳዎችን በማሰባሰብ ለ4 ሺህ ተመካካሪዎች አቅርቧል።

የእነዚህ ተመካካሪዎች ስብጥር የፖለቲካ ፓርቲዎችን፣ ሲቪል ማኅበራትን፣ የሃይማኖት ተቋማትን፣ ሴቶችን፣ ወጣቶችን እና የዳያስፖራውን ማኅበረሰብ ያካተተ በመሆኑ ሂደቱን እጅግ አሳታፊ አድርጎታል።

በውይይቱ የሚነሱ በርካታ ሀሳቦችን እና ፍላጎቶችን በሥርዓት ለማስተናገድ ሲባል፣ ኮሚሽኑ አጀንዳዎችን በስምንት ዋና ዋና የጽንሰ-ሀሳብ አዕማድ ከፍሎ በሥራ ቡድኖች እያወያየ ይገኛል።

ከዚህም ባሻገር 120 አባላት ያሉት የማስማማት ቡድን በማቋቋም ከተለያዩ የሥራ ቡድኖች የሚነሱ ተቃራኒ ሀሳቦችን የማስተካከል፣ መደራረቦችን የማስቀረት እና ጽንፍ የያዙ ሀሳቦችን በማለዘብ ወደ አንድ የተቀናጀ ሀገራዊ ማዕቀፍ የማምጣት ጥበብ የተሞላበት ሥራ እየተከናወነ ነው።

በምክክሩ ሂደት ውስጥ የሁሉም ተሳታፊዎች ሀሳብ መቶ በመቶ ተቀባይነት ካላገኘ "ምክክሩ ከሽፏል" ብሎ ማሰብ ትልቅ ስህተት ነው።

የተለያዩ ማኅበራዊ እና ፖለቲካዊ ዳራ ያላቸው 4 ሺህ ሰዎች የሚያቀርቧቸው ፍላጎቶች በተፈጥሯቸው የሚቃረኑ ሊሆኑ ይችላሉ።

ሆኖም የምክክሩ ስኬት የሚለካው እያንዳንዱ ሀሳብ ሙሉ በሙሉ በመተግበሩ ሳይሆን፣ እርስ በርስ የሚቃረኑ ሀሳቦች ተጣርተው እና ተስማምተው ኢትዮጵያን የሚያሸጋግር የጋራ መሠረት መጣሉ ላይ ነው።

ይህ የስምምነት ግንባታ ሂደት በዓለም አቀፍ ደረጃ በተካሄዱ ተመሳሳይ ምክክሮች ውጤታማነቱ የተረጋገጠ አሠራር ነው።

በሰፊ ሀገራዊ ምክክሮች ውስጥ መቶ በመቶ ምሉዕ ስምምነት ማግኘት በተግባር የማይቻል በመሆኑ፣ "ብቁ ስምምነት" የሚለው መርህ ተመራጭ የመፍትሔ ማዕቀፍ ሆኖ ያገለግላል።

ለዚህም ትልቅ ማሳያ የሚሆነው በደቡብ አፍሪካ የአፓርታይድ ሥርዓትን በሰላማዊ መንገድ ለማስወገድ በተደረገው ድርድር ወቅት የተተገበረው አሠራር ነው።

በወቅቱ ጥቂት ቡድኖች ሂደቱን ድምፅን በድምፅ የመሻር መብት ተጠቅመው እንዳያስተጓጉሉ በማሰብ የዋና ዋና ባለድርሻዎች እና የብዙኃኑ ስምምነት ከተገኘ ሂደቱ ወደፊት እንዲገፋ ተደርጓል።

ይህ አካሄድ የደቡብ አፍሪካን ሕዝብ ከእርስ በርስ ጦርነት የታደገ አሻጋሪ ሕገ መንግሥት እንዲዘጋጅ እና ታሪካዊ ምርጫ እንዲካሄድ አስችሏል።

በኢትዮጵያም አሻጋሪ ሀሳብ ሊመጣ የሚችለው ተመካካሪዎች "የእኔ ሀሳብ ብቻ ይጽደቅ" ከሚል ግትርነት ወጥተው የሁሉንም ደኅንነት የሚያረጋግጥ ማዕቀፍ ሲቀበሉ ብቻ ነው።

ውይይትን ሊዘጉ ከሚችሉ ጽንፈኛ አቋሞች ይልቅ የዜጎችን መብት፣ ማንነት እና ደኅንነት በተሻለ ሁኔታ የሚያስጠብቁ መፍትሔዎች ላይ መወያየት አማራጭ የሌለው ጉዳይ ነው።

በምክክሩ ያልጸደቁ ሀሳቦችም ቢሆኑ በነፃነት ተመዝግበው ለወደፊት የሕግ ማሻሻያዎች ማጣቀሻ ሆነው ያገለግላሉ።

ስለሆነም ዜጎችም ሆኑ መገናኛ ብዙኃን ይህን ሀገራዊ ምክክር እንደ ስፖርት ውድድር አንዱ አሸንፎ ሌላው የሚሸነፍበት አድርገው ከመገምገም መቆጠብ አለባቸው።

ይልቁንም ምክክሩ ኢትዮጵያውያን ልዩነቶቻቸውን ወደ ጎን በመተው ሥር የሰደዱ መዋቅራዊ ችግሮቻቸውን በጋራ የሚፈቱበት የሰላም እና የስምምነት ድልድይ እንደሆነ አድርገው ሊገነዘቡት እና በፅኑ ሊደግፉት ይገባል።

ምክንያቱም መጨረሻ ላይ ዋናዋ አሸናፊ መሆን ያለባት መተኪያ የሌላት ሀገራችን ኢትዮጵያ ናትና!

በለሚ ታደሰ
#ethiopia #nationaldialogue #nationalconsensus #peacebuilding #ebc

ሀሳብ በጠረጴዛ ዙሪያ ሲያሸንፍ ድሉ የሁሉም ነው
#ethiopia #nationaldialogue #ethiopiannews #peacebuilding #nationalconsensus

u1270u1218u12abu12abu122a u12e8u12f3u12ebu1235u1353u122b u12a0u1263u120bu1275 u1235u1208 u1200u1308u122bu12ca u12e8u121du12adu12adu122d u1309u1263u12a4u12cd u121du1295 u12a0u1209?
#ebcdotstream #ethiopiannationaldialogue #ethiopiandiaspora #nationalconsensus #u1200u1308u122bu12cau121du12adu12adu122d ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
ተመካካሪ የዳያስፓራ አባላት ስለ ሀገራዊ የምክክር ጉባኤው ምን አሉ?
#ebcdotstream #ethiopiannationaldialogue #ethiopiandiaspora #nationalconsensus #ሀገራዊምክክር

በሀገራዊ ምክክሩ አዲስ ታሪክ እየጻፈች ያለችው ኢትዮጵያ እና የምሁራን ድርሻ !
#ethiopia #nationaldialogue #peace #unity #nationalconsensus

" target="_blank" class="inline-link">https://new-en.yenevibe.co...

የሀገርን ዕጣ ፈንታ ከፖለቲካ ልሂቃን እጅ ፈልቅቆ ለዜጎች ያስረከበው ሀገራዊ ምክክክር
*********************

በኢትዮጵያ የፖለቲካ ታሪክ ውስጥ አንዱ የኅብረተሰብ ክፍል እንደ ወርቃማ የታሪክ ዘመን የሚያየውን፣ ሌላው እንደ ጭቆና እና መገለል ዘመን ሲመለከተው መኖሩ የተለመደ ክስተት ሆኖ ቆይቷል።

ይህ የተራራቀ የታሪክ ግንዛቤ እና ያልተፈቱ መዋቅራዊ ቅራኔዎች ሀገራችንን ከትውልድ ወደ ትውልድ ለሚሸጋገር የትርክት ግጭት ዳርገዋታል።

ዘውዳዊውን ሥርዓት ተክቶ የመጣው ወታደራዊ አገዛዝም ሆነ፣ እርሱን ተከትሎ የመጣው የኢሕአዴግ ሥርዓት የዜጎችን የዴሞክራሲ፣ የፍትህ እና የእኩልነት ጥያቄዎች በዘላቂነት መፍታት አልቻሉም።

በተለይም ላለፉት ሦስት አሥርት ዓመታት የተዘረጋው የልዩነት ፖለቲካ፣ በዜጎች መካከል መጠራጠርን በማንገሥ የጋራ ሀገራዊ ማንነታችንን በጽኑ ፈትኖታል።

የ2010 ዓ.ም ሀገራዊ ለውጥ የፈጠረው የፖለቲካ መነቃቃት ትልቅ ተስፋን ያሰነቀ ቢሆንም፣ ከዴሞክራሲያዊ ባህል ማነስ እና ከጽንፈኛ ብሔርተኝነት ጋር ተዳምሮ አዳዲስ ሀገራዊ ስጋቶችን መፍጠሩ አልቀረም።

ይሁንና ከእነዚህ ሁሉ ውጣ ውረዶች ኢትዮጵያውያን አንድ ትልቅ ትምህርት ቀስመዋል። ይኸውም ታሪካዊ እና መዋቅራዊ ቀውሶችን በጦርነት፣ በኃይል እና በአሸናፊነት ሥነ-ልቦና ለመፍታት የሚደረግ ማንኛውም ሙከራ ጊዜያዊ ማስታገሻ እንጂ ዘላቂ መፍትሔ እንደማያመጣ ነው።

እውነተኛው መፍትሔ ያለው ጠብመንጃን አስቀምጦ በጠረጴዛ ዙሪያ በመቀመጥ፣ በመደማመጥ እና በሀሳብ ልዕልና በማመን ላይ ብቻ መሆኑ ታምኖበታል።

ይህን ታሪካዊ የዕይታ ሽግግር እውን ለማድረግ ነው የኢትዮጵያ ሀገራዊ ምክክር ኮሚሽን በአዋጅ ቁጥር 1265/2014 ተቋቁሞ ወደ ሥራ የገባው። ከተቋሙ አወቃቀር ጀምሮ ሂደቱ ፍፁም የተለየ ነበር።

ከመነሻው፣ ከ632 እጩዎች ውስጥ በሕዝብ ተሳትፎ የተመረጡ 11 ኮሚሽነሮች ገለልተኛ ሆነው ኃላፊነቱን እንዲወስዱ ተደርጓል።

ይህ እርምጃ የፖለቲካ ልሂቃን ብቻ የሀገርን ዕጣ ፈንታ ሲዘውሩበት የነበረውን ባህል በመስበር፣ መሠረታዊው ዜጋ የሀገሩን ዕጣ ፈንታ በራሱ እንዲወስን ዕድል የፈጠረ አዲስ የፖለቲካ ምዕራፍ ነው።

የሀገራዊ ምክክር ኮሚሽን ባለፉት ሁለት ዓመታት ከ1 ሺህ 200 በላይ ወረዳዎችን በማዳረስ ያከናወነው የአጀንዳ ማሰባሰብ ሥራ በኢትዮጵያ ታሪክ ታይቶ የማይታወቅ የዜጎች ተሳትፎ የተረጋገጠበት ነው።

ሴቶች፣ ወጣቶች፣ አርሶ አደሮች፣ የሃይማኖት አባቶች፣ አካል ጉዳተኞች፣ የፖለቲካ ፓርቲዎች፣ ተፈናቃዮች እንዲሁም ታጥቀው የሚንቀሳቀሱ አካላት እና የዳያስፖራው ማኅበረሰብ ሳይቀሩ በምክክሩ እንዲሳተፉ መደረጉ የሂደቱን አካታችነት እና ህዝባዊ መሠረት ያጎላዋል።

በአሁኑ ወቅት በመዲናችን አዲስ አበባ እየተካሄደ ያለው የሀገራዊ ምክክር ጉባኤ የዚህ ሁነኛ ማሳያ ነው።

ከ4 ሺህ በላይ በሕዝብ የተመረጡ ተወካዮች በራሳቸው ባህልና ቋንቋ፣ በነፃነት ስጋታቸውን እና ምኞታቸውን እያንፀባረቁበት ይገኛሉ።

ይህ ጉባኤ ስብሰባ ብቻ ሳይሆን፣ የተዛባውን የሀገራችንን ትርክት አርሞ፣ የተበታተነውን ሰፍቶ አንድ ላይ የሚያያይዝ የትውልዶች ድልድይ ነው።

መላ ኢትዮጵያውያን የራሳቸውን ችግር በራሳቸው አቅም፣ በሰከነ እና ዴሞክራሲያዊ በሆነ የምክክር ባህል ለመፍታት ያሳዩት ይህ ቁርጠኝነት ጠንካራ መሠረት ያለን ሀገረ-መንግሥት እንድንሆን ያስችለናል።

ጉባኤው የሚያቀርባቸው የፖሊሲ አማራጮች እና የሚያስቀምጣቸው የመፍትሔ አቅጣጫዎች፣ ለቀጣናው ሰላም ብቻ ሳይሆን በውስብስብ የፖለቲካ ቀውስ ውስጥ ለሚገኙ የዓለም ሀገራት ጭምር ትልቅ ተምሳሌት እንደሚሆኑ ይጠበቃል።

በሰለሞን ገዳ
#ethiopia #nationaldialogue #nationalconsensus #peacebuilding #ebc

በሀገራዊ ምክክር ጉባኤው እየተሳተፉ ያሉ ተመካካሪዎች ምን አሉ?
******************

✅ሰፊ እና ያልተገደበ አካታችነት፦ ውይይቱ የታጠቁ የፖለቲካ ኃይሎችን፣ ባለሥልጣናትን፣ ሴቶችን፣ አካል ጉዳተኞችን፣ የሃይማኖት አባቶችን እና የፖለቲካ ፓርቲዎችን ያሳተፈ ከመሆኑም በላይ ሁሉም በእኩል ደረጃ የሚወያዩበት መድረክ ነው።

✅ከታች ወደ ላይ (Bottom-Up) የመጣ የአጀንዳ ቀረጻ፦ ውይይት እየተደረገባቸው ያሉት ስምንት አጀንዳዎች የግለሰቦች ሳይሆኑ ከመሰረታዊው ኅብረተሰብ የተሰበሰቡ እና ተጨምቀው የቀረቡ ናቸው፤ እንዲሁም ውይይቱ ፍሬያማ እንዲሆን እስከ አስር አባላት ባሏቸው ትንንሽ ቡድኖች ተከፋፍሎ እየተካሄደ ነው።

✅ የስሜት ተጋሪነት (በሌላው ጫማ ውስጥ ሆኖ ማሰብ)፦ ተሳታፊዎች ከራሳቸው ሰፈር እና አካባቢ ወጥተው የሰሜኑን በደቡብ፣ የደቡቡን በምሥራቅ ችግር ለመረዳት እና የሌላውን ስጋት፣ ፍላጎት እና ባህል በራሳቸው ጫማ ውስጥ ሆነው ለመመልከት ዝንባሌ እያሳዩ ነው።

✅ሀገር በቀል ዕውቀትን እና ውይይትን እንደ ሥልጣኔ መጠቀም፦ እንደ ከዚህ ቀደም ከሩቅ ሆኖ ከመወጋገዝ ይልቅ በጠረጴዛ ዙሪያ ቁጭ ብሎ የሌላውን ስጋት መረዳት ያስፈልጋል፤ ለዘመናት ለነበሩ ቁርሾዎች ነባር ሀገር በቀል ዕውቀቶችን መፍትሔ አድርጎ መጠቀም ለችግሮቻችን ፍቱን መድኃኒት ነው።

✅ከግል እና ከቡድን ፍላጎት ይልቅ ሀገርን ማስቀደም፦ ተሳታፊዎች የነበሯቸውን የፖለቲካ፣ የሃይማኖት እና የግል ጥቅሞች ወደ ጎን በመተው ለቀጣዩ ትውልድ የሚጠቅም መልካም ታሪክ ለማስቀመጥ እና ሀገርን ለማስቀደም እየተወያዩ ነው።

✅ሙሉ የሃሳብ ነፃነት እና የውጫዊ ተጽዕኖ አለመኖር፦ ውይይቱ ያለ ምንም ስጋት፣ ፍርሃት እና ውጫዊ ግፊት የሚካሄድ ነው፤ ተመካካሪዎች የወከሏቸውን የኅብረተሰብ ክፍሎች ድምጽ በነፃነት የሚያሰሙበት መድረክም ነው።

✅ከተቀመጡ አጀንዳዎች በላይ የሆኑ መፍትሔዎችን ማመንጨት፦ ከተሰጡት ስምንት አጀንዳዎች ውጭ ተሳታፊዎች ትልልቅ ሀገራዊ የመፍትሔ አቅጣጫዎችን ማመንጨት በመቻላቸው፣ ሂደቱ ለአፍሪካ እና ለቀሪው ዓለም ተምሳሌት የሚሆን ልምድ እየፈጠረ ነው።
#ethiopia #nationaldialogue #nationalconsensus #ebc

"የተሰደድኩበትን ቂም ትቼ ልመካከር መጥቻለሁ" - ፓስተር ፖች ኦኩዌር
******************

ከ22 ዓመታት በፊት በጋምቤላ በደረሰው አሳዛኝ ግጭት አባታቸውን፣ አጎታቸውንና የቅርብ ቤተሰቦቻቸውን በአንድ ቀን ያጡት ፓስተር ፖች ኦኮዌር፤ ለዓመታት የዘለቀውን የልብ ስቃይና ቁስል በበቀል ሳይሆን በይቅርታ ለመፈወስ የወሰኑበትን ታሪክ ያካፍላሉ።

ያ ከባድ ሀዘን እና ቁርሾ ውስጣቸውን ለዘመናት ሲያንገበግበው ቢኖርም፤ "ያኔ ብንመክር ይህ አይፈጠርም ነበር፤ ዛሬ መክረን መጠፋፋት በእኛ ይብቃ ልንል ይገባል" በማለት ቂማቸውን ወደ ይቅርታ በመቀየር በሀገራዊ ምክክሩ ላይ እየተሳተፉ ይገኛሉ።

ከአውስትራሊያ በመምጣት በዚሁ ታሪካዊ የምክክር መድረክ ላይ የተገኙት ፓስተር ፖች፣ ሀገራዊ መግባባት የሚጀምረው ከግል ይቅርታ እንደሆነ ይመሰክራሉ።

ፓስተር ፖች፤ ላለፉት በርካታ ዘመናት በኢትዮጵያ ውስጥ የተከማቹ በርካታ ቁስሎችና አለመግባባቶች ዋናው ምክንያት አለመነጋገርና አለመመካከር መሆኑን ይናገራሉ።

ሰዎች በግልጽ በሚነጋገሩበት ወቅት አንዱ የሌላውን ሕመም የመረዳት አቅም ያገኛል፤ ይህ ደግሞ በቂም የተዘጉ በሮችን በመክፈት የጠፉ ፍቅሮችንና የቤተሰባዊነት ስሜትን ይመልሳል ይላሉ።

የቤተሰብ አባልን በግፍ ማጣት ከፍተኛ የልብ ስቃይ የሚያስከትል ቢሆንም፣ በበቀል ስሜት የሚወሰድ እርምጃ ግን ጥፋቱን ከትውልድ ወደ ትውልድ የሚያስተላልፍ ተጨማሪ ቁስል ከመፍጠር እንደማይዘል ፓስተር ፖች ይገልፃሉ።

ይቅርታ ማድረግ የደረሰውን በደል መካድ ሳይሆን፣ የበቀልን ከባድ ሸክም አውርዶ በማስቀመጥ ለተሻለና ለሰላማዊ ነገ መንገድ የመክፈት ጥበብ መሆኑንም ይናገራሉ።

ዛሬ በኢትዮጵያ እየተካሄደ ያለው ሰፊና አካታች መክክር ለሀገሪቱ ትንሣኤ ትልቅ ጅምር መሆኑን በመጥቀስ፤ በተለይም አዲሱ ትውልድ ከቂም፣ ከጥላቻና ከመገዳደል አዙሪት ወጥቶ በፍቅርና በመቻቻል እንዲኖር ትልቅ በር እንደሚከፍት ይገልጻሉ።

ከተለያዩ የኢትዮጵያ አካባቢዎች የመጡ ሁሉም የህብረተሰብ ክፍሎች በእኩልነት የሚሳተፉበት መድረክ መፈጠሩ ለነገዋ ኢትዮጵያ ትልቅ ተስፋ እንደሆነም ይጠቁማሉ።

በእውነትና በይቅርታ ላይ የተመሰረተ ውይይት ሀገራችንን ወደ ተሻለች ከፍታ እንደሚያሸጋግራት ፓስተር ፖች ያላቸውን ፅኑ እምነት ገልፀዋል።
#ebc #ethiopia #ethiopiannationaldialogue #nationalconsensus

ሙሉ ታሪኩን በአስተያየት መስጫው ላይ ያገኙታል፡-

ከ22 ዓመት የስደት ቁስል እስከ ሀገራዊ ምክክር፣ በሕይወት ስጋት የተደረገው አውስትራሊያ ጉዞ እና የሀገራዊ ምክክሩ ተስፋ
#pastorpochokuwer #nationaldialogue #ethiopianreconciliation #ethiopiandiaspora #nationalconsensus

የምክክር ጉባኤው የነገዋ ኢትዮጵያ በምን ዓይነት መሠረት ላይ መገንባት እንዳለባት ሁላችንም ቆም ብለን እንድናስብ አድርጎናል - ኡስታዝ አህመዲን ጀበል
******************

አሁን በሂደት ላይ ያለው የኢትዮጵያ ሀገራዊ ምክክር ጉባኤ በሀገራችን ለዘመናት ሳይፈቱ የቆዩ ታሪካዊ፣ ፖለቲካዊና ማህበራዊ ልዩነቶችን ለመፍታት ትልቅ ዕድል መፍጠሩን የጉባኤው ተሳታፊ የሆኑት ኡስታዝ አህመዲን ጀበል ገለጹ።

ኡስታዝ አህመዲን ስለጉባኤው ሂደት በሰጡት አስተያየት፣ ምክክሩ ሁሉንም ችግሮቻችንን በአንዴ ሊያራግፍልን ባይችል እንኳ፣ አጀንዳ ያለው ሁሉም የኅብረተሰብ ክፍል በመድረኩ በመገኘት በዋና ዋና ሀገራዊ ችግሮቻችን ላይ ተወያይቶ የመፍትሔው አካል መሆን እንደሚገባ አሳስበዋል።

የምክክር ጉባኤው በተለይ የሙስሊሙ ማኅበረሰብ፣ የብሔር ብሔረሰቦች እና በአጠቃላይ የዜጎች የውክልና ጥያቄዎች የሚመለሱበትን እና የሕዝቦች አብሮነት የሚጠናከርበትን ማዕቀፍ ለመፍጠር ያለመ መሆኑን ተናግረዋል።

እንደ ኡስታዝ አህመዲን ገለጻ፣ በምክክር ጉባኤው እስከ አሁን የተካሄዱት ውይይቶች ሁለት ዋና ዋና አዎንታዊ ፋይዳዎችን አስገኝተዋል፦

አንደኛ፣ ከተለያዩ የሀገራችን አካባቢዎች የተወከሉ ተሳታፊዎች ያሏቸውን ቅሬታዎች በመጋራት እርስ በርስ እንዲተዋወቁና አንዱ የሌላውን ብሶት እንዲረዳ ጉባኤው ሰፊ በር ከፍቷል።

በዚህም፣ ቀደም ሲል በየአካባቢው ታፍነው የቆዩ ቅሬታዎች ይፋ በመውጣታቸው የጋራ ግንዛቤ መፍጠር ተችሏል።

ሁለተኛ፣ ለረጅም ጊዜ ሳይፈቱ የቆዩ አከራካሪ የሆኑ ጉዳዮችም ጠረጴዛ ላይ ቀርበው ውይይት እንዲደረግባቸው አስችሏል።

ውይይቱ ሙሉ መፍትሔ ባያመጣ እንኳ፣ በልዩነቶቹ ዙሪያ መነጋገር መቻሉ በራሱ የመግባባት መንፈስ ይፈጥራል ብለዋል።

በተጨማሪም የምክክር ሂደቱ የነገዋ ኢትዮጵያ በምን ዓይነት መሠረት ላይ መገንባት እንዳለባት ሁሉም ወገን ቆም ብሎ እንዲያስብ መንገድ የከፈተ መሆኑን አስገንዝበዋል።

በአጠቃላይ የሀገራዊ ምክክር ጉባኤው ሁሉንም ወገኖች የመፍትሔ አካል በማድረግ ኢትዮጵያዊ አብሮነትን ለማጠናከር በሚያስችል ተስፋ ሰጪ ሂደት ላይ መሆኑን ኡስታዝ አህመዲን ጀበል ገልጸዋል።

በመሐመድ ፊጣሞ
#ethiopia #nationaldialogue #nationalconsensus #ebc

“ታሪካዊው ሀገራዊ ምክክር በኃይለ ቃል ጀምሮ በኃይለ እርምጃ የሚደመደመውን የኢትዮጵያን የፖለቲካ አዙሪት የሚሰብር ነው”፦ ጠቅላይ ሚኒስትር ዐቢይ አሕመድ (ዶ/ር)
********************

ጠቅላይ ሚኒስትር ዐቢይ አሕመድ (ዶ/ር) በሀገራዊ የምክክር ጉባኤ ማስጀመሪያ ሥነ-ሥርዓት ላይ ተገኝተው ባደረጉት ንግግር፤ መድረኩ ኢትዮጵያ በኃይለ ቃል ጀምሮ በኃይለ እርምጃ የሚደመደመውን የፖለቲካ አዙሪት በመስበር በንግግር እና በውይይት የምትተካበት ታሪካዊ አጋጣሚ መሆኑን ገለጹ።

ጠቅላይ ሚኒስትሩ በንግግራቸው ይህ ጉባኤ ኢትዮጵያ በገዛ እጇ አዲስ ታሪክ እንድትጽፍ የሚያስችላትን “ብዕር እና ብራና” ያገኘችበት መሆኑን ጠቅሰዋል።

መድረኩ በቀጣዮቹ ሳምንታት አራት ሺህ ተሳታፊዎችን በአንድ ጣሪያ ሥር የሚያሰባስብ መሆኑን በማንሣት፣ ሂደቱም በመቶ ሺዎች የሚቆጠሩ ዜጎችን በማሳተፍ ከታች ወደ ላይ በዘለቀ የአጀንዳ ማሰባሰብ ሥራ ላይ የተመሠረተ እንደሆነ አስታውቀዋል።

ለዚህ ታላቅ ሀገራዊ ጉዞ መሳካት ላበረከቱት አስተዋጽኦም ለሀገራዊ ምክክር ኮሚሽኑ ኮሚሽነሮች ምስጋናቸውን አቅርበዋል።

ይህ በኢትዮጵያ ዘመናዊ ታሪክ ውስጥ ግዙፍ እና ታላቅ ዓላማ ያለው ጉባኤ፣ ሀገራችን የገጠሟትን ፈተናዎች ወደ መልካም አጋጣሚዎች በመቀየር ሰላማዊ የሥልጣን ሽግግር ባህልን ለማጽናት እንደሚያስችል አስገንዝበዋል።

ዛሬ የሚዘራው መልካም ዘር ለቀጣዩ ትውልድ የሚተርፍ እና ልጆች ፍሬውን የሚቋደሱት መሆኑንም አክለዋል።

የምክክሩ ተሳታፊዎች ከሰፈር አስተሳሰብ ወጥተው ስለ ኢትዮጵያ እና ስለ መጪው ትውልድ በማሰብ ፍሬያማ ውይይት እንዲያደርጉ ጥሪ አቅርበዋል።

ሀገራዊ ችግሮችን በውስጥ ውይይት እና በይቅርታ መፍታት ሀገርን ከውጭ ጣልቃ ገብነት እንደሚታደግም በመጠቆም፣ የምክክሩ ውጤት ለኢትዮጵያ መልካም፣ ለአፍሪካ አስተማሪ እና ለመላው ኢትዮጵያውያን እውነተኛ እረፍትን የሚያመጣ ታሪካዊ ስኬት እንዲሆን ጠቅላይ ሚኒስትር ዐቢይ አሕመድ (ዶ/ር) መልዕክታቸውን አስተላልፈዋል።
#ethiopia #ebc #pmabiyahmed #nationaldialogue #nationalconsensus

በሕዝባዊ የባለቤትነት መንፈስ የተሰናዳው ታሪካዊ ጉባኤ
********************

ላለፍት አራት ዓመታት ከቅድመ ዝግጅት ምዕራፍ ጀምሮ ሰፊና አሳታፊ ሥራዎችን ሲያከናውን የቆየው የኢትዮጵያ ሀገራዊ ምክክር ኮሚሽን በ8 የተለዩ አጀንዳዎች ላይ ለመምከር የመጨረሻ የዝግጅት ምዕራፉን አጠናቆ ዋዜማ ላይ ይገኛል።

የምክክር ሂደቱ አካታች፣ አሳታፊ እና ተዓማኒ እንዲሆን በተደረገው ከፍተኛ ጥረት በውጭ ሀገር የሚኖሩ ኢትዮጵያውያንም በሂደቱ ንቁ ተሳትፎ እንዲያደርጉ መደረጉ፣ ከተለያዩ አቅጣጫዎች የሚነሱ ወሳኝ ጥያቄዎችን በተሟላ መንገድ ለመመለስ ትልቅ ዕድል የሚፈጥር ነው፡፡

ነገ በአዲስ አበባ በይፋ ለሚጀመረው ለዚሁ ታላቅ የሀገራዊ ምክክር ጉባኤ ከመላው ኢትዮጵያ የተወከሉ 4 ሺህ የሕብረተሰብ ክፍሎች (ተመካካሪዎች) በአሁኑ ወቅት አዲስ አበባ የገቡ ሲሆን፣ በኮሚሽኑ ቅጥር ግቢ ውስጥም ደማቅና ታሪካዊ አቀባበል ተደርጎላቸዋል።

ይህንን ታላቅ ምዕራፍ አስመልክተው የኮሚሽኑ ዋና ኮሚሽነር ፕሮፌሰር መስፍን አርአያ ባስተላለፉት መልዕክት፤ ተመካካሪዎቹ ከማንኛውም ስሜታዊነት በፀዳ መልኩ፣ ኢትዮጵያን ብቻ ማዕከል አድርገው በመወያየት የዘላቂ ሰላምን መንገድ እንደሚያቀኑ ታላቅ ተስፋ እንዳላቸው ገልጸዋል።

በዚህ ታሪካዊ ጉባኤ ላይ ልሂቃን በሂደቱ ውስጥ ለሚነሱ ውስብስብ ጉዳዮች ታሪካዊ አመጣጥና የታዩ ክስተቶችን በጥናትና ምርምር አስደግፈው በማቅረብ፣ ተመካካሪዎች ወደ ጋራ መረዳትና ወደ ዘላቂ መፍትሔ እንዲያመሩ የማገዝ ታላቅ ኃላፊነት እንዳለባቸውም ተመልክቷል።

ነገ በሚከናወነው በዚህ ታላቅ ጉባኤ ላይ የሀገር ውበት የሆነው “አንተ ትብስ፣ አንቺ ትብሽ” የመባባል ኩሩ እሴትና የኢትዮጵያውያን ሕብረ-ቀለማት ደምቀው የሚታዩበት ይሆናል። ከሀገሪቱ ልዩ ልዩ ማዕዘናት የተውጣጡ ወገኖች ልዩነቶቻቸውን ወደ ጎን ትተው፣ ያለ ምንም የውጭ ጣልቃ ገብነት ለጋራ ዕጣ ፈንታቸው በአንድነት ለመምከር በከፍተኛ ጉጉት ላይ ይገኛሉ።

ለረጅም ዘመናት የኢትዮጵያ የፖለቲካ እና የማኅበራዊ ውጥረቶች መፍትሔ ከውጭ ሲጠበቅ የቆየበት አሮጌ አዝማሚያ ተቀይሮ፣ ዛሬ የችግሮቹ ባለቤቶች የሆኑት ኢትዮጵያውያን ራሳቸው መፍትሔ ፍለጋ በአንድ ጠረጴዛ ዙሪያ መሰየማቸው ትልቅ ብሔራዊ ስኬት ነው።

መላው የኢትዮጵያ ሕዝብ ለሂደቱ የሰጠው ከፍተኛ ትኩረት እና ያሳየው የባለቤትነት መንፈስ እጅግ የሚያበረታታ ሲሆን፣ ታሪክ የማይረሳው ሀገራዊ ኃላፊነትም እየተወጣ ይገኛል። ይህ ታሪካዊ ጉባኤ የአንድ ወገን አሸናፊነት ሳይሆን፣ የኢትዮጵያና የሕዝቦቿ የጋራ ድል የሚረጋገጥበት፣ ለቀጣዩ ትውልድ ደግሞ የሰላም ውርስ የሚተውበት ደማቅ አሻራ ሆኖ በታሪክ ማህደር ላይ ይመዘገባል።

በብሌን ደምበሎ
#ebc #ethiopia #nationaldialogue #nationalconsensus #inclusiveethiopia

4ቱ ቁልፍ ተሳታፊ ባለድርሻ አካላት
*************

✅ የየወረዳው የሕብረተሰብ ክፍል ወኪሎች

✅ የክልል እና ከተማ አስተዳደር ባለድርሻ አካላት ወኪሎች

✅ የፌዴራል ባለድርሻ አካላት ወኪሎች

✅ የዲያስፖራ ማኅበረሰብ ወኪሎች
#ebc #ethiopia #nationaldialogue #nationalconsensus

ልዕለ አጀንዳችን፡ ምክክር!
******************

በዚህ ታሪካዊ የለውጥ ምዕራፍ፣ ከምንም በላይ ገዝፎ የሚወጣው እና ሀገራችንን ከገባችበት ውስብስብ ማነቆ የሚያወጣት ትልቁ እና ብቸኛው ሀገራዊ ጉዳይ ቢኖር "ሀገራዊ ምክክር" ነው! ኢትዮጵያችን ይህን የብርሃን ዘመን ለማየት፣ የጥይት ድምፅ በሀሳብ ልዕልና የሚሸነፍበትን ዕለት ለመመስከር፣ እንዲሁም ልዩነቶቿን በሰለጠነ የጠረጴዛ ዙሪያ ውይይት ለመፍታት በትዕግስት እና በናፍቆት ረጅም ጊዜ ጠብቃለች። ይህን የተቀደሰ እና የሰለጠነ የምክክር መድረክ እውን ለማድረግ፣ ሀገርን ሊገነቡ የሚችሉ አያሌ ትውልዶች በከንቱ ባክነዋል፤ ኢትዮጵያም በእርስ በርስ ፍጅት እና በጦርነት አዙሪት ውስጥ ገብታ በዋጋ የማይተመን እጅግ ከባድ መስዋዕትነትን ከፍላለች።

እንሆ፣ ያ ያለፈው ትውልድ በፅኑ የተመኘው፣ ውድ ህይወቱን የገበረለት፣ ነገር ግን በህይወት ዘመኑ ሊያየው ያልታደለው ታላቅ የምክክር ዕድል ዛሬ በዘመናችን እውን ሆኗል። ይህ በአጋጣሚ የተገኘ ተራ የፖለቲካ ኩነት ወይም የዕለት ተለት ክስተት ሳይሆን፣ በታሪክ አጋጣሚ በቀላሉ ሊገኝ የማይችል፣ የኢትዮጵያን የነገ ዕጣ ፈንታ በፅኑ መሠረት ላይ የሚያቆም ወርቃማ ዕድል ነው። ዛሬ ላይ የገዛ የፖለቲካ ቁስላችንን በገዛ እጃችን አክመን፣ የቆዩ ልዩነቶቻችንን በሰለጠነ መንገድ አቻችለን፣ ብዝኃነትን የሚያከብር አዲስና ጠንካራ ማህበራዊ ውል የምናስርበት ይህ ሀገራዊ ምክክር፣ ከምንም ነገር በላይ ቅድሚያ የምንሰጠው "ልዕለ አጀንዳችን" ነው!

በዚህ ወሳኝ እና ታሪካዊ ወቅት፣ ሀገራችንን ከማፅናት፣ ከመምከር እና ከመደማመጥ በላይ ሌላ ትልቅ አጀንዳ ፈፅሞ የለም። እናም፣ ይህ ታሪካዊ ልዕለ አጀንዳችን ከግብ ደርሶ ኢትዮጵያን ወደ ብሩህ ተስፋ እንዲያሻግር፣ የጥቂት የፖለቲካ ልሂቃንን ሩጫ ብቻ ሳይሆን፣ የመላው ኢትዮጵያውያንን የነቃ፣ የተባበረ እና ያልተቋረጠ ርብርብ ይጠይቃል። ሁላችንም ይህን ወደር የለሽ ዕድል ተጠቅመን፣ ተመካክረን፣ ተደማምጠን እና ተባብረን ሀገራችንን ወደ አዲስ የሰላም እና የብልጽግና ከፍታ ማሸጋገር ትልቁ ታሪካዊ ግዴታችን ነው!

በአዶኒያስ ወልደአረጋይ
#ethiopia #natinaldialogue #nationalconsensus #socialcontract #ebc

የኢትዮጵያ ሀገራዊ ምክክር መርሆዎች
*****

• የጋራ መግባባት እና ሰላም
የሀገራችን የረዥም ጊዜ የፖለቲካ እና ማኅበራዊ ልዩነቶች በውይይት በመፍታት፣ በሁሉም ወገን ተቀባይነት ያለው ዘላቂ ሰላም እና ብሔራዊ መግባባት ላይ መድረስ።

• ሁሉን አቀፍ ተሳትፎ
የፖለቲካ ፓርቲዎችን፣ የሲቪል ማኅበረሰብ ድርጅቶችን፣ የሀገር ሽማግሌዎችን፣ ምሁራንን እና የተለያዩ የኅብረተሰብ ክፍሎችን ባሳተፈ መልኩ የሚካሄድ ፍትኸዊ ሂደት።

• በሕዝብ ፍላጎት ላይ የተመሰረተ አጀንዳ
ለሀገራዊ ምክክሩ የሚሆኑ ዋና ዋና አጀንዳዎች ከሕዝብ ግብዓት እና ፍላጎት በመነሳት የሚለዩ እና የሚቀረጹ ናቸው፤ ይህም የውይይቱን ተአማኒነት ይጨምራል።

• ገለልተኛነት እና ግልጽነት
የሀገራዊ ምክክር ኮሚሽኑ ምንም አይነት የፖለቲካ ወገንተኝነት እና ጫና አይደረግበትም፤ ይህም የምክክር ሂደቱ በግልጽነት እና በገለልተኝነት እንዲከናወን የሚደረግ ነው።

• የጋራ ራዕይ ለወደፊት
ያለፉትን አለመግባባቶች በመፍታት እና አዲስ የፖለቲካ ባህል በመገንባት፣ ለቀጣይ ትውልድ ጠንካራ፣ የተባበረች እና የበለጸገች ኢትዮጵያን የማስረከብ የጋራ ራዕይ።
#ethiopia #nationaldialogue #nationalconsensus #ebc

ኢትዮጵያውያን ለመነጋገርና ለመደማመጥ በአንድነት መሰባሰባቸው ትልቅ ምዕራፍ ነው!
- ፕሮፌሰር መስፍን አርዓያ
#ethiopia | የኢትዮጵያ ሀገራዊ ምክክር ኮሚሽን ከሐምሌ 8 ቀን 2018 ዓ.ም. ጀምሮ ለሚያካሂደው ሀገራዊ የምክክር ጉባኤ በመዘጋጀት፣ ለተሳታፊ ተመካካሪዎች የቅድመ ምክክር ገለጻ በአድዋ ድል መታሰቢያ እየሰጠ ነው።

የኮሚሽኑ ዋና ኮሚሽነር ፕሮፌሰር መስፍን አርዓያ በመክፈቻ ንግግራቸው፣ ኢትዮጵያውያን ስለ ሀገራቸው ሰላም፣ ሀገር ግንባታ፣ ሰብዓዊ መብት፣ ማኅበራዊ ጉዳዮችና ሌሎች ወሳኝ ጉዳዮች ለመነጋገርና ለመደማመጥ በአንድነት መሰባሰባቸው በኢትዮጵያ ታሪክ ትልቅ ምዕራፍ መሆኑን ገልጸዋል።

ፕሮፌሰር መስፍን አክለውም፣ ሀገሪቱ በአንድነትና በመተባበር ነፃነቷን እንዳስጠበቀች ሁሉ፣ ዛሬም በረጅም የመንግሥት ግንባታ ሂደት የተፈጠሩ አለመግባባቶችንና ቁርሾዎችን በውይይት ለመፍታት መሰባሰቧ ከችግሮች ለመውጣት ያለውን ፅኑ ቁርጠኝነት የሚያሳይ መሆኑን ጠቁመዋል።

በዛሬው መርሃ ግብር ኮሚሽኑ ምክክሩ በሚመራበት ስልት፣ ተሳታፊዎች በሚኖራቸው ሚና እና በምክክሩ መርሆዎች ዙሪያ ሰፊ ገለጻ ሰጥቷል። በዚህም አካታችነት፣ አሳታፊነት፣ ትብብር፣ እኩልነት፣ መልካም ግንኙነት ግንባታ፣ የጋራ አስተሳሰብን ማጎልበት እና ሰፊ ስምምነትን መፈለግ እንደ መሠረታዊ እሴቶች ቀርበዋል።

በተጨማሪም የምክክር ሂደቶች፣ የቡድን አደረጃጀት፣ የጊዜ ሰሌዳ እና የተሳታፊዎች ኃላፊነት ዙሪያ ዝርዝር ማብራሪያ የተሰጠ ሲሆን፣ ይህ መድረክ ወደ ሀገራዊ መግባባት ለመድረስ የሚደረገውን ሂደት በይፋ ያስጀመረ መሆኑ ተገልጿል።
#ethiopia #nationaldialogue #nationalconsensus

በምክክሩ የኢትዮጵያ ጠላቶች ሴራ ይከሽፋል!
***********************

የአንድ ሀገር ሉዓላዊነት በድንበሯ ምሰሶዎች እና በጦር ኃይሏ ላይ ብቻ ሳይሆን፣ በሕዝቦቿ ልብ ውስጥ በሚታነጸው የጋራ መግባባት እና በማይናወጠው የአንድነት ዐለት ላይ የቆመ ነው። ታላቋ ኢትዮጵያ፣ የዘመናት ፈተናዎችን ተሻግራ፣ በታሪክ አውሎ ንፋስ ውስጥ አልፋ ዛሬ ላይ የደረሰችው፣ በልጆቿ ደም እና አጥንት በተከፈለ መስዋዕትነት ብቻ ሳይሆን፣ ከልዩነት ማዕበል በላይ በገነነ የውስጥ መተባበር እና የሕብረት ጸጋ ነው። ነገር ግን የኢትዮጵያ ታሪካዊ ጠላቶች ሀገራችን ቀና ብላ እንዳትራመድ፣ የጋራ ቋንቋ እና አንድ የልብ ትርታ እንዳይኖራት የባቢሎንን የመከፋፈል እርግማን ሲያዘንቡባት ኖረዋል። አንድ ሆነን የብልጽግናን ግንብ እንዳንገነባ ቋንቋችንን በማዘበራረቅ፣ አንዱን ወገን በመደለልና ሌላውን በማግለል ከጥንት ጀምሮ የልዩነት እና የጥላቻ መርዝ ሲግቱን ቆይተዋል።

የጠላቶቻችን ሴራ ጊዜና መልኩን ይቀይራል እንጂ ዓላማው አንድ እና ጥርት ያለ ነው፤ እርሱም ኢትዮጵያን የእርስ በርስ ጦርነት አውድማ ማድረግ፤ ከሁለቱ ውሃዎቿ ማራቅ ነው። ወንድም በወንድሙ ላይ ጠመንጃ እንዲያነሳ፣ እልህ አስጨራሽ እና ትውልድ አምካኝ የእርስ በርስ መተላለቅ ውስጥ እንድንዘፈቅ ጠላቶቻችን ያልሸረቡት አሻጥር፣ ያልቆፈሩት የጥፋት ጉድጓድ አልነበረም። አንዱን ወገን በስውር በማስታጠቅ፣ ሌላውን በማዳከም ለዘመናት በወንድማማቾች ደም ሲነግዱ ኖረዋል። ከዚህም አልፎ የኢትዮጵያን ጂኦፖለቲካዊ ጡንቻ በማዛል፣ ተፈጥሯዊ እና ታሪካዊ የባህር በሯን በማሳጣት፣ የውሃ ላይ እትብቷን በመበጠስ፣ በየብስ እንድትታጠር አድርገዋል። በኢኮኖሚ ደቅቃ፣ በፖለቲካ ተከፋፍላ እንደ ምስጥ በውስጧ በምትበላ ሀገር ላይ የራሳቸውን የባንዳ ዙፋን ለመትከል ያልፈነቀሉት ቋጥኝ አልነበረም።

ሆኖም የኢትዮጵያ የእምቢተኝነት፣ የአልደፈር ባይነት መንፈስ በመከራ ውስጥ የሚጠነክር፣ በእሳት የሚፈተን ወርቅ ነው! ጠላቶቻችን "ተበታተኑ፣ ፈረሱ፣ አከተመላቸው" ሲሉን፣ እኛ ግን ከውድቀታችን አፈር ውስጥ ዳግም እንመዘዛለን። እነሆ የፊታችን ሐምሌ 8 የሚጀመረው ታሪካዊው የሀገራዊ ምክክር ጉባኤ የፖለቲካ ስብራታችንን የምንጠግንበት፣ የዘመናት ቁስላችንን በይቅርታ የምናክምበት የሕልውና እና የሉዓላዊነታችን ዋነኛ ምሰሶ ነው። ይህ ጉባዔ ተራ የፖለቲካ ልሂቃን የቃላት ጦርነት የሚደረግበት አውድማ ሳይሆን፣ ኢትዮጵያውያን በአንድ ጣሪያ ስር ተሰባስበው፣ በገዛ ሀገራቸው እጣ ፈንታ ላይ የራሳቸውን የስምምነት ማህተም የሚያኖሩበት የነጻነት መድረክ ነው። ይህ የሰለጠነ ምክክር በራሱ የሉዓላዊነት ትልቅ መገለጫ ነው፤ የውጭ ኃይሎች ጣልቃ ገብነትን በጽኑ የሚዘጋ፣ የጠላትን ሴራ ከሥሩ የሚነቅል የብሔራዊ መግባባት የጋራ ቃል ኪዳን ነው።

ታሪክ እንደመሰከረው፣ ኢትዮጵያውያን በአንድ ልብ ሲመክሩ እና ሲተባበሩ የውጭ ጠላቶች ሐፍረት ይከናነባሉ። ልዩነቶቻችንን ወደ ጎን ትተን፣ "እኔ" ከሚለው ራስ ወዳድነት ወጥተን "እኛ" በሚል ጽኑ መንፈስ በአንድነት ስንቆም፣ የማይደፈረውን የዓባይን ወንዝ ገድበን ታላቁን የሕዳሴ ግድብ እውን አድርገናል። በተመሳሳይ፣ ከዘመናት የመልክዓ ምድር እስራታችን በጥሰን ለመውጣት፣ ታሪካዊ የባሕር በር እና የወደብ ባለቤትነት መብታችንን ለማረጋገጥ በምናደርገው ፍትሐዊ የዲፕሎማሲ እና የጂኦፖለቲካ ጉዞ፣ ዳግም ብሔራዊ አንድነታችንን ለዓለም እያረጋገጥን ነው። በባቢሎን ሕዝብ ላይ እንደሆነው ጠላት ቋንቋችንን ሊያዘበራርቅ ሲጥር፣ እኛ ግን የልማት፣ የሰላም እና የብልጽግናን አንድ ቋንቋ መናገር ጀምረናል።

በመሆኑም፣ ሐምሌ 8 የሚጠነሰሰው ሀገራዊ ምክክር፣ ኢትዮጵያን ከውስጥ አጽንቶ፣ ከውጭ የሚመጣባትን የጥፋት ማዕበል የሚመክት የማይበገር ጋሻችን ነው። በምክክሩ፣ ለዘመናት የተነዛው የጥላቻ እና የመከፋፈል ትርክት ይከሽፋል፤ በምክክሩ፣ ሀገረ-መንግሥቱን ለማፍረስ የተወጠነው የጠላት ሴራ የሸረሪት ድር ሆኖ ይበጣጠሳል! ዛሬ ከስሜት ፖለቲካ ወጥተን በምክንያት እና በስክነት ስንመክር፣ የዘመናት የኢትዮጵያ ጠላቶች አንገታቸውን ይደፋሉ። የኢትዮጵያ ሕዳሴ በልጆቿ የጠረጴዛ ዙሪያ ምክክር፣ በጥልቅ መከባበር እና በጽኑ አንድነት በዐለት ላይ ተመስርቶ ወደ ፊት ይገሰግሳል። አዎ! በምክክሩ የጠላት ሴራ ይከሽፋል፤ ታላቂቱ ኢትዮጵያም ለዘለዓለም በክብር ጸንታ ትኖራለች!

በአዶኒያስ ወልደአረጋይ
#ethiopia #nationaldialogue #nationalconsensus #socialcontract #ebc

የምክክር ድባብ የሞቃት አዲስ አበባ፤ የኢትዮጵያ ልጆች ለዘላቂ መግባባት በአንድ ማዕከል እየተሰባሰቡ ነው
***************

ዛሬ ልዩ ቀን ነው፤ በክረምቱ መዲናችን አዲስ አበባ በታሪካዊው የምክክር ድባብ ተሟሙቃለች። ሰማዩ ደመና አዝሎ፣ ቆፈኑ አይሎና ዝናብ ምድሪቱን እያረሰረሰ ባለበት በዚህ የክረምት ወቅት፣ ኢትዮጵያችን ደግሞ የታላቅ የምክክር ድግስ ጠንስሳ አዲስ አበባን ሞቅ ደመቅ እያደረገችው ትገኛለች።

የሀገራዊ ምክክር ተሳታፊዎች የምክክር ስንቅ ሸክፈውና የመግባባት ዓላማን አንግበው ወደ አዲስ አበባ መግባት የጀመሩ ሲሆን፣ የኢትዮጵያ ልጆች ተመካክረው ለመግባባት በአንድ ማዕከል ተሰባስበዋል።

ከመላው ኢትዮጵያ በሀገር ጉዳይ ላይ ስለ ሀገር ለመምከር የተሰናዱ ኢትዮጵያዊያን የማረፊያ ቦታቸውን እየያዙ በመሆናቸው በአሁኑ ወቅት ያለው ድባብ እጅግ ልዩ ነው።

ተሳታፊዎቹ ረዥም ኪሎሜትሮችን አቆራርጠው ቢመጡም ሀገርን ለማጽናትና ለማቅናት ስለተጓዙ ፊታቸው ላይ የሚነበበው ትልቅ ደስታና ተስፋ ብቻ ነው። ጥንታዊቷ እና የአናብስት ምድር ኢትዮጵያ ልጆቿ ዛሬም በአደራ ጠብቀው ለቀጣዩ ትውልድ ሊያሻግሯት እየተዘጋጁ ይገኛሉ።

በኢትዮጵያ ሲቪል ሰርቪስ ዩኒቨርሲቲ የሚገኙ የማረፊያ ሥፍራዎች ሁሉን ነገር አሟልተው እንግዶችን እየተቀበሉ ሲሆን፤ የኢትዮጵያ ሀገራዊ ምክክር ኮሚሽን ሠራተኞች፣ በጎ ፈቃደኞችና የጸጥታ ኃይሎች በመቀናጀት የምክክር ጉባኤ ተሳታፊዎችን በፈገግታና በከፍተኛ እንክብካቤ እያስተናገዱ ነው።

ከአራቱም አቅጣጫ ወደ ዋና ከተማቸው የተመሙት ኢትዮጵያውያን የክረምቱን ቅዝቃዜ አስረስተው አዲስ አበባን ሞቅ ደመቅ ያደረጓት ሲሆን፣ ዘመናትን የተሻገሩ ያለመግባባት መንስኤዎች ሁሉ በምክክር የሚሻሩበት ቀን ተቆርጧል።

መላው ኢትዮጵያውያን በተስፋ የሚጠብቁት ይህ ታሪካዊ ሀገራዊ የምክክር ጉባኤ ሐምሌ 8 ቀን 2018 ዓ.ም በይፋ ይጀመራል።

ሀገራዊ ምክክር፤ ለሀገራዊ መግባባት!

የኢትዮጵያ ሀገራዊ ምክክር ኮሚሽን!
#nationaldialogue #nationalconsensus #addisababa #unityindiversity #ethiopia #ethiopianbroadcastingcorporation

ሀገራዊ ምክክሩ የሀሳብ ብዝኃነትን ለማስተናገድ የፈጠረው ምቹ ሁኔታ የሚደነቅ ነው፦ ምሁራን
****************

ኢትዮጵያውያን በጋራ መምከራቸው የሀሳብ ብዝኃነትን ለማስተናገድ ምቹ ሁኔታ በመፍጠሩ ሀገራዊ ምክክር እስከአሁን የደረሰበት ደረጃ የሚደነቅ ነው ሲሉ ምሁራን ተናገሩ።

በወላይታ ሶዶ ዩኒቨርሲቲ የታሪክና ቅርስ አስተዳደር ትምህርት ክፍል መምህርና ተመራማሪ አበሻ ሽርኮ (ዶ/ር) እንዳሉት፣ በኢትዮጵያ ታሪክ የመጀመሪያ የሆነው ሀገራዊ ምክክር የተለያዩ ምዕራፎችን አልፎ ፍሬ ለማፍራት ተቃርቧል።

ሂደቱ የመንግሥት፣ የሃይማኖት፣ የልሂቃን፣ የብሔር ብሔረሰቦች፣ የፖለቲካ ፓርቲዎችና የሌሎች ማህበራዊ መሠረቶችን ጣልቃ ገብነት የማይፈቅድ በመሆኑ በመሆኑ ተቀባይነቱ የላቀ ሆኗል ሲሉ ተናግረዋል።

በወላይታ ሶዶ ዩኒቨርሲቲ የግብርና ኮሌጅ መምህርና ምክትል ዲን አልማዝ ባልጣ (ዶ/ር) በበኩላቸው፣ ምክክሩ የተገለሉ የኅብረተሰብ ክፍሎችን ጨምሮ ሁሉንም ማህበራዊ መሠረቶች በማሳተፍ እዚህ መድረሱ የሚደነቅ ነው ብለዋል።

ሀገራዊ ምክክሩ ዘላቂ ሰላም ለማስፈን ካለው ቁልፍ ፋይዳ ባሻገር መተሳሰብ እና አንድነትን ለማጎልበትም ጉልህ አስተዋጽኦ እንደሚያበረክት ምሁራኑ ገልጸዋል።

በተመስገን ተስፋዬ
#ethiopia #nationaldialogue #nationalconsensus #peace #unity #ebc

ከመመካከር ቁም ነገር አለ፤ ካለመመካከር ምንም!
*****************

የሰው ልጅ የሥልጣኔ ማማ፣ የዕድገትና የመሻገር ምስጢር በመነጋገር፣ በመደማመጥ እና የሀሳብ ልዕልናን በማክበር ላይ የተመሠረተ ነው። ነገር ግን፣ ዛሬ ላይ ቆመን ራሳችንን በሐቅ ልንጠይቅ ይገባል፤ እ... ምን ቀረን፣ ካለመመካከር ውጪ? ለምንስ ተመካክረን አንሞክረውም? ወይስ ደግመን እንታኮስ?

ባለፉት ዘመናት የሃሳብ ልዩነቶችን በአግባቡ ማስተናገድ አቅቶን አሰቃቂ ዋጋ ስንከፍል ኖረናል።

የሃሳብ ልዩነትን በአግባቡ ማስተናገድ አቅቶን ዜጎች ከሀገር ተሰደዋል፣ በሃሳብ ልዩነት ብዙ ወጣቶች ሞተዋል፣ አንድ ትውልድ ረግፏል። አንዱን ገሎ ስልጣን ላይ መውጣት፣ የተለየ ሀሳብን ማጥፋት እና ስልጣንን ከጠመንጃ አፈሙዝ ብቻ መፈለግ የፖለቲካችን ዋነኛ መገለጫ ሆኖ ቆይቷል።

ይህ ሰው ወለድ ጭቆና እና ጠባብ የፖለቲካ እይታ፣ ሀገሪቱን ጽንፍ የያዙ ነጠላ ትርክቶች እንድትታመስና ሀገራዊ የጋራ ትርክት እንዳይኖረን በማድረግ እጅግ ውድ ዋጋ አስከፍሎናል።

እስኪ ቆም ብለን ወደ ሌሎች እንመልከት፤ አውሮፓውያን በምክንያታዊነት ዘመን (Period of Enlightenment) በጠረጴዛ ዙሪያ ሃሳቦቻቸውን ሞግተው፣ የሰላ የሃሳብ ፍጭት አድርገው፣ ልዩነቶቻቸውን አቻችለው ጠንካራ ሀገረ መንግሥታትን መገንባት ችለዋል። የፓርላማና የሊበራል አመለካከቶችን በማዳበር በማይናጋ መሠረት ላይ የቆመ የፖለቲካ ማህበረሰብ ፈጥረዋል።

ታዲያ እኛ ምን ያንሰናል? አባቶቻችን በባህላዊ እሴቶቻቸው ተመካክረው ታላላቅ ሥልጣኔዎችን በገነቡበት ሀገር፣ ዛሬ እኛ ለመመካከር ምጥ የሚይዘን ለምንድን ነው?

ላለፉት ዘመናት ውይይትን የሚጸየፉ እና የተለየ ሀሳብን የሚጠሉ መንግሥታት በነበሩበት ሀገር፣ ዛሬ የመመካከርን በሮች ወለል አድርጎ የከፈተ እና "የሀገራችንን ቀሪ ዕጣ ፈንታ በጋራ እንወስን" የሚል የለውጥ መንግሥት እና ሰፊ የፖለቲካ ምህዳር ተፈጥሯል።

ስለሆነም፣ ይህ ትውልድ ከፊቱ ሁለት ግልጽና ወሳኝ ምርጫዎች ቀርበውለታል፡-
• ወደ ሀሳብ ጠረጴዛ መምጣት፣ መወያየት፣ በመነጋገር ውስጥ የሀሳብ ልዩነቶችን ማጥበብ፣ የጋራ አቋም መያዝና ብሔራዊ መግባባት ፈጥሮ ሀገርን ማዳን። ይህ አካሄድ የተሰበረውን ሀገረ መንግሥት ለመጠገንና በህዝብ ዘንድ ቅቡልነት ያለው ዴሞክራሲያዊ ሥርዓት ለመገንባት የሚያስችል ብቸኛው አማራጭ ነው።
• የጥፋት መንገድ፣ ውይይትን መግፋት፣ እንዳለፉት ጊዜያት እርስ በርስ መጠፋፋት፣ እየተታኮሱ መኖር እና የደም ዘመን እንዲቀጥል ማድረግ።

አሁን በተከፈተው የውይይት መድረክ ላይ አለመሳተፍ፣ ለመነጋገር ፈቃደኛ አለመሆን እና መመካከርን መጥላት አመፀኝነት ነው።

የሰላምን በር ዘግቶ የጥፋትን መንገድ መምረጥ የሀገርን ሕልውና አደጋ ላይ የሚጥል ታሪካዊ ስህተት ነው። ያልተመካከረ ውግዝ ነው፤ ያልተመካከረ አመፀኛ ነው!

እኛ ኢትዮጵያውያን የትናንት ገናና ታሪክ፣ ጠንካራ ማህበራዊ ትስስር፣ በመከራም በደስታም አብሮ የመቆም ልምድ እና የዳበሩ ባህላዊ የዴሞክራሲ እሴቶች ያሉን ህዝቦች ነን። እነዚህን ነባር እሴቶች ተጠቅመን፣ ሁሉንም ህዝቦች በእኩልነት የሚያስተናግድ አሳታፊና አካታች የሆነ የመግባባት ዴሞክራሲ ማነጽ ይጠበቅብናል።

በመሆኑም፣ ዛሬ ላይ ዴሞክራሲ፣ መወያየት እና ብሔራዊ ምክክር ለኢትዮጵያውያን የቅንጦት ጉዳይ ሳይሆን የሕልውና ጥያቄ ነው። ሀገራችንን ጥቂቶች ብቻቸውን ሮጠው ሊያሻግሯት አይችሉም፤ ኢትዮጵያ የምትገነባውና የምትጸናው በሁሉም ልጆቿ የነቃ ትብብርና ተሳትፎ ብቻ ነው።

እጣ ፈንታችን በእጃችን ነው፤ ከመመካከር ብዙ ነገር አለ፣ ካለመመካከር ምንም! የተከፈተልንን የመመካከር ዕድል ተጠቅመን ኢትዮጵያን በጽኑ መሠረት ላይ ለመገንባት በአንድነት እንነሳ!

በአዶኒያስ ወልደአረጋይ
#ethiopia #nationaldialogue #nationalconsensus #democracy #peace #statebuilding #ebc

ከቁጥሮች በስተጀርባ ያለው ሀገራዊ ተስፋ
**********

ሀገራዊ ምክክር የፖለቲካ ልሂቃን መድረክ ብቻ ሳይሆን የጠቅላላው ኅብረተሰብ ድምፅ የሚሰማበት ታሪካዊ ሂደት ነው።

የኢትዮጵያ ሀገራዊ ምክክር ኮሚሽን ከተመሠረተበት ጊዜ ጀምሮ ያከናወናቸውን ተግባራት ስታቲስቲካዊ መረጃዎች ስንመረምር፣ ተቋሙ በመሬት ላይ ያሉ ፈተናዎችን እየተጋፈጠ ምን ያህል ሰፊ ርቀት መጓዝ እንደቻለ ቁጥሮቹ በራሳቸው ጉልህ ምስክርነት ይሰጣሉ።

የአንድ ሀገራዊ ምክክር ስኬት በዋናነት የሚለካው ባረጋገጠው የተደራሽነት መጠን እና ሽፋን ነው።
ኮሚሽኑ በአዲስ አበባ ከሁሉም የማኅበረሰብ ከፍል የተወከሉ 400 ተሳታፊዎችን ያካተተ መድረክ በማዘጋጀት ነው ሥራውን የጀመረው። በአሁኑ ወቅት የሀገራችንን 93 በመቶ መልክዓ ምድራዊ ወሰን መሸፈን ችሏል።

ከ11 ክልሎች እና ከ2 የከተማ አስተዳደሮች የተውጣጡ ከ1 ሺህ 234 በላይ ወረዳዎች ተወካዮቻቸውን በመለየት ለአጠቃላይ ምክክሩ የሚሆኑ የአጀንዳ ሐሳቦችን ለኮሚሽኑ አስረክበዋል።

ሙሉ መረጃውን በአስተያየት መስጫው ካጋራነው ሊንክ ያገኙታል።

በለሚ ታደሰ
#ethiopian #nationaldialogue #inclusivedialogue #nationalconsensus #ebc