europe

1 month ago

የ2026/27 የአውሮፓ ሻምፒዮንስ ሊግ የጨዋታ ድልድል ይፋ ተደረገ
#ethiopia | የ2026/27 የአውሮፓ ሻምፒዮንስ ሊግ ውድድር የጨዋታ ድልድል በዛሬው ዕለት በሞናኮ ይፋ ሆኗል። እንደ መርሃ ግብሩ ገለጻ ውድድሩ በጳጉሜን 3 ቀን 2018 ዓ.ም የሚጀመር ይሆናል።

የአውሮፓ እግር ኳስ ማህበር ከ2016 ዓ.ም የውድድር ዘመን ጀምሮ የቀደመውን የምድብ ድልድል አሰራር በመቀየር 36 ክለቦች በ 4 ቋቶች ተከፋፍለው የሚወዳደሩበትን የሊግ ደረጃ አዲስ ፎርማት መተግበሩ ይታወቃል።

በዚህም መሰረት በዘመነኛው ውድድር የተካተቱት 36 ክለቦች በእያንዳንዱ ቋት 9 ቡድኖች እንዲይዙ ተደርገው ተከፋፍለዋል።

በቋት አንድ ውስጥ የወቅቱ ሻምፒዮን ፒኤስጂን ጨምሮ ሪያል ማድሪድ፣ ባየር ሙኒክ፣ ማንችስተር ሲቲ፣ አርሰናል፣ ባርሴሎና፣ ኢንተር ሚላን፣ ሊቨርፑል እና አትሌቲኮ ማድሪድ ተካተዋል።

በቋት ሁለት ደግሞ ቦሩሲያ ዶርትሙንድ፣ ሮማ፣ ስፖርቲንግ ሊዝበን፣ አስቶንቪላ፣ ፖርቶ፣ ማንችስተር ዩናይትድ፣ ክለብ ብሩዥ፣ ሪያል ቤቲስ እና ፒኤስቪ አይንድሆቨን ይገኛሉ።

በቋት ሶስት ላይፕዚግ፣ ቪያሪያል፣ ናፖሊ፣ ሊል፣ ፌይኖርድ ሮተርዳም፣ ቦዶ ግሊምት፣ ፊነርባቼ፣ ሻክታር ዶኔስክ እና ጋላታሳራይ ተደልድለዋል።

በቋት አራት ስቱትጋርት፣ ሌንስ፣ ስላቪያ ፕራግ፣ ስሎቫን ብራቲስላቫ፣ ኤኢኬ አቴንስ፣ ላስክ፣ ኮሞ፣ ቫይኪንግ እና ሳባህ ተመድበዋል።

በአዲሱ አሰራር መሰረት አንድ ክለብ ከራሱ ቋት ከተካተቱ ሁለት ቡድኖች እንዲሁም ከቀሪዎቹ ሶስት ቋቶች ከእያንዳንዳቸው ከሁለት ክለቦች ጋር የሚጫወት በመሆኑ በጠቅላላው 8 ጨዋታዎችን ያደርጋል።

በሊግ ደረጃ ከሚወዳደሩት 36 ክለቦች መካከል በ 8 ጨዋታዎች ከፍተኛ ነጥብ የሚያስመዘግቡ የመጀመሪያዎቹ 8 ቡድኖች በቀጥታ ወደ 16ቱ ጥሎ ማለፍ ዙር ያልፋሉ።

ከ 9ኛ እስከ 24ኛ ደረጃ የሚይዙት ደግሞ በሁለት ዙር የማጣሪያ ጨዋታዎች ተወዳድረው ቀሪዎቹን 8 የጥሎ ማለፍ ቦታዎች ይይዛሉ። ከጥሎ ማለፉ ዙር ጀምሮ ያለው የጨዋታ ፎርማት ከዚህ ቀደም ይተገበር ከነበረው ጋር ተመሳሳይ ነው።

በመጀመሪያው ሳምንት ከሚጠበቁ Select Item ጨዋታዎች መካከል ሪያል ማድሪድ ከአርሰናል፣ ማንቸስተር ሲቲ ከባርሴሎና፣ ማንቸስተር ዩናይትድ ከባየር ሙኒክ፣ ባርሴሎና ከፒኤስጂ እና ሊቨርፑል ከአትሌቲኮ ማድሪድ የሚያደርጓቸው ተጠቃሽ ናቸው።

የጣሊያኑ ኮሞ እና የአዘርባጃኑ ሳባህ በታሪካቸው ለመጀመሪያ ጊዜ በሻምፒዮንስ ሊጉ የሚሳተፉ ይሆናል።
#championsleague #ucl #uefa #football #sports #soccer #europe #realmadrid #barcelona #manchesterunited #arsenal #getutemesgen #getu #ጌጡ #ጌጡተመስገን #addisababa

Getu Temesgen

2 months ago

ሀገሪቷ ቤት በነፃ ውሰዱ ብላለች!
#ethiopia | አብዛኞቹ የአውሮፓና የዓለም ሀገራት ለጎዳና ተዳዳሪዎች መኖሪያ ቤት ለመስጠት ቅድመ ሁኔታዎችን ያስቀምጣሉ።

ከአልኮልና ከእፅ ነፃ መሆንን፣ ቋሚ ሥራ መያዝን ወይም "ለቤት ዝግጁ መሆንን" እንደ መስፈርትን ያስቀምጣሉ።

ፊንላንድ ግን ይህን ቅድመ ሁኔታ ሙሉ በሙሉ በመሻር ያለምንም መስፈርት ለዜጎቿ አፓርታማዎችንና ቋሚ መኖሪያዎችን መስጠት ጀምራለች።

ዜጎች ማደሪያ ፍለጋ በየጎዳናው ከማንገላታት ይልቅ የማንነታቸው መግለጫ የሆነ ቋሚ አድራሻና የራሳቸው የቤት ቁልፍ ሲኖራቸው ስለ ጤንነታቸው ማሰብ ይጀምራሉ የሚል ዕምነት እንዳላት ገልፃለች።

ዜጎች ቤት ሲኖራቸው እንደ ህክምና፣ ከሱስ መላቀቅ፣ ሥራ መያዝና የፋይናንስ መረጋጋት ባሉ ዘላቂ መፍትሔዎች ላይ ትኩረት አድርገው ለመስራት የተሻለ እድል ያገኛሉም ብላለች።

ሀገሪቷ ይህንን ፖሊሲ ተግባራዊ ማድረግ ከጀመረችበት ጊዜ አንስቶ የጎዳና ተዳዳሪነት በ68 በመቶ መቀነስ መቻሏ ነው የተገለፀው።

ፊንላንድ ችግሩን መቶ በመቶ መቅረፍ ባትችልም የዓለምን አስተሳሰብ መቀየር ችላለች።

የሰው ልጅ ህይወቱን ለማስተካከልና ለመለወጥ በመጀመሪያ የሚቆምበት የተረጋጋ የራሱ የሆነ መኖሪያ ቤት ያስፈልገዋል ስትል ገልፃለች።

ሔኖክ ወ/ገብርኤል
#ethiopia #getutemesgen #finland #europe #homelessness #house #gifts #shelters #emergency #healthcare

Getu Temesgen

2 months ago

ፕሬዝዳንቱ የኖቤል የሰላም ሽልማት እጩ ሆነው ቀረቡ!
#ethiopia | የፕሬዚዳንት ቮሎዲሚር ዘሌንስኪ ለ2026 የኖቤል የሰላም ሽልማት እጩ ሆነው መቅረባቸው ዓለም አቀፍ ትኩረት አግኝቷል።

በኖርዌይ ኦስሎ ዩኒቨርሲቲ የሃይማኖት ጥናት ፕሮፌሰር የሆኑት ዶክተር ዳግ ኦይስቴይን ኤንድስዮ ጥቆማውን በጥር ወር ይፋ ማድረጋቸው ይታወሳል።

ፕሮፌሰሩ ጥቆማውን ይፋ ባደረጉበት ወቅት የዩክሬን ሕዝብ ከ2014 ጀምሮ እንዲሁም ፕሬዚዳንት ዘሌንስኪ ከ2019 ጀምሮ አገራቸውን ከውጭ ወረራ በመጠበቅ ያሳዩት ፅናት ለዚህ ሽልማት እጩ እንዲሆኑ እረድቷቸዋል ሲሉ ገልፀዋል።

ዜሌኒስኪ የራሳቸውን ሰላም ብቻ ሳይሆን የመላው አውሮፓን ሰላም እና ዴሞክራሲያዊ እሴቶች ለማስጠበቅ ከፍተኛ አስተዋጽኦ ማበርከታቸውንም ገልጸዋል።

ለ2026ቱ የኖቤል የሰላም ሽልማት በርካታ እጩዎች የቀረቡ ሲሆን የኖርዌይ ኖቤል ኮሚቴ አሸናፊውን በያዝነው የፈረንጆች ዓመት ጥቅምት ወር ላይ ይፋ እንደሚያደርግ አስታውቋል።

ሔኖክ ወ/ገብርኤል
#ethiopia #getutemesgen #ukraine #russia #usa #europe #war #nobel #peace #prize