ሁለቱም ዳኞች ከፕሪሚየር ሊጉ ታገዱ!
#ethiopia | በማንቸስተር ደርቢ የቪዲዮ ረዳት ዳኛ የነበሩት ማት ዶኖሁ እና ብሌክ አንትሮቡስ በጊዜያዊነት ከፕሪሚየር ሊጉ ታግደዋል።

በእንግሊዝ ፕሪሚየር ሊግ ማንቸስተር ዩናይትድ እና ማንቸስተር ሲቲ ባደረጉት የደርቢ ጨዋታ ላይ በተፈጠረ የዳኝነት ውሳኔ ስህተት ምክንያት በዕለቱ የቪዲዮ ረዳት ዳኛ (VAR) የነበሩት ማት ዶኖሁ እና ረዳታቸው ብሌክ አንትሮቡስ በጊዜያዊነት ከሊጉ ጨዋታዎች መታገዳቸው ታወቀ።

ይህ ከባድ ውሳኔ የተላለፈው የእንግሊዝ ፕሮፌሽናል ዳኞች ማህበር ዋና ኃላፊ ሃዋርድ ዌብ እና በስራ አመራር ቦርዱ በተደረገ አስቸኳይ ግምገማ መሆኑ ተገልጿል።

የእገዳው ዋና ምክንያት በማንቸስተር ሲቲው አጥቂ ኤርሊንግ ሃላንድ ያስቆጠረው የማሸነፊያ ግብ ዙሪያ የተወሰነው ውሳኔ ነው።

ግቡ ከመቆጠሩ በፊት ወይም በሂደቱ ውስጥ የነበረውን ጥፋት ቫር ሳያርመው እንዲጸድቅ ማድረጉ ትልቅ የውሳኔ ስህተት መሆኑን ማህበሩ ገልጿል።

ረዳት ዳኞቹ አጠራጣሪ መሆኑን እያወቁ ጎሉ እንዲጸድቅ ከማድረጋቸው በፊት ዋናው ዳኛ ስክሪኑን እንዲመለከቱ ማድረግ ነበረባቸው ሲል የዳኞች ማህበር ተናግሯል።

ሁለቱ የቫር ዳኞች ለቀጣይ የፕሪሚየር ሊግ ጨዋታዎች በዋና ዳኝነትም ሆነ በቫር ክፍል እንዳይመደቡ እግድ አውጥቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #manchesterderby #premierleague #epl #var #mancity #manutd #erlinghaaland #pgmol #footballnews

ከፍተኛ ግምት የተሰጠው የእንግሊዝ ፕሪሚየር ሊግ አዲስ የውድድር ዘመን ዛሬ ምሽት ይጀመራል
#ethiopia | የዓለም ዋንጫ ፍጻሜ በኒው ጀርሲ ከተጠናቀቀ ከአምስት ሳምንታት በኋላ፣ በዓለም ዙሪያ ከፍተኛ ተወዳጅነት ያለው የእንግሊዝ ፕሪሚየር ሊግ ዛሬ ምሽት በታላቅ ድምቀት ይጀምራል።

የዘንድሮው የውድድር ዘመን በርካታ ታዋቂ ተጫዋቾችና አሰልጣኞች ክለቦቻቸውን የለቀቁበት፣ በሌላ በኩል ደግሞ አዳዲስ ኮከቦችና ታዳጊዎች ብቅ የሚሉበት እጅግ አፎካካሪና ግምቶችን የሚፈታተን እንደሚሆን ይጠበቃል።

በክለቦች በኩል የተደረጉ ዋና ዋና እንቅስቃሴዎች፡

ማንቸስተር ሲቲ፡ አሰልጣኝ ፔፕ ጓርዲዮላን ጨምሮ እንደ ሮድሪ፣ በርናርዶ ሲልቫ እና ጆን ስቶንስ ያሉ ቁልፍ ተጫዋቾቹን አጥቷል።

ኒውካስል ዩናይትድ፡ አሰልጣኝ ኤዲ ሃው ክለቡን የለቀቁ ሲሆን በ38 ዓመቱ ማቲያስ ያይስሌ ተተክተዋል። በተጨማሪም ሳንድሮ ቶናሊን ለቶተንሃም፣ ብሩኖ ጊሜሬሽን ለአርሰናል እንዲሁም አንቶኒ ጎርዶንን ለባርሴሎና ሽጠዋል።

ቶተንሃም እና ቼልሲ፡ ቶተንሃሞች በ237 ሚሊዮን ፓውንድ አዳዲስ ተጫዋቾችን ያስፈረሙ ሲሆን፣ ቼልሲዎች ደግሞ የቀድሞውን የባየር ሌቨርኩሰን አሰልጣኝ ዣቢ አሎንሶን በዋና አሰልጣኝነት ሰይመዋል።

አርሰናል፡ የዋንጫ አሸናፊ ስብስቡን እንደያዘ ከ120 ሚሊዮን ፓውንድ በላይ ወጪ በማድረግ የሀገር ውስጥ ኮከቦችን በመቀላቀል የበላይነቱን ለማስቀጠል ተዘጋጅቷል።

በዚህ የውድድር ዘመን አብዛኞቹ የፕሪሚየር ሊግ ክለቦች ከአውሮፓ ውጪ ካሉ ሊጎች ይልቅ በፕሪሚየር ሊጉ ልምድ ያላቸውን ተጫዋቾች በከፍተኛ ገንዘብ ለመግዛት መርጠዋል። የዝውውር መስኮቱ ከመዘጋቱ በፊት የሀገር ውስጥ ዝውውር ወጪ 1 ቢሊዮን ፓውንድ ይደርሳል ተብሎ ይገመታል።

እንደ ሞሃመድ ሳላህ እና ሮድሪ ያሉ ታላላቅ ኮከቦች ሊጉን ለቀው መውጣታቸው የታዋቂ ተጫዋቾችን ቁጥር ቢቀንሰውም፣ እንደ ኤርሊንግ ሃላንድ፣ ብሩኖ ፈርናንዴዝ፣ ቡካዮ ሳካ እና ኮል ፓልመር ያሉ ኮከቦች የሊጉ ዋነኛ ተስፋዎች ሆነው ይቀጥላሉ።

በአሰልጣኞች በኩልም ከአስር ዓመታት በፊት ከነበሩት አንጋፋ አሰልጣኞች ይልቅ አሁን በታላላቁ ስድስት ክለቦች ዕድሜያቸው ከ44 እስከ 47 የሆኑ ወጣት አሰልጣኞች ሊጉን ተቆጣጥረውታል።

የ2026/27 ፕሪሚየር ሊግ ዛሬ ምሽት ሲጀመር ሚኬል አርቴታ የበላይነቱን ለማስቀጠል፣ አዳዲሶቹ አሰልጣኞች ደግሞ ስማቸውን በታሪክ ለማስፈር ጠንካራ ፉክክር ያደርጋሉ።

Getu Temesgen
#premierleague #football #sports #england #arsenal #mancity #chelsea #tottenham #ethiopia #getutemesgen #getu #ጌጡ #ጌጡተመስገን #addisababa

ማን ያሸንፋል?!
አርሰናል እና ማንችስተር ሲቲ ለኮሚኒቲ ሺልድ ክብር ይፋለማሉ
#ethiopia | የእንግሊዝ የእግር ኳስ የውድድር ዘመን መክፈቻ የሆነው የኮሚኒቲ ሺልድ የዋንጫ ጨዋታ ዛሬ ይካሄዳል።

ይህ ውድድር የፕሪሚየር ሊግ እና የኤፍ ኤ ካፕ አሸናፊዎችን የሚያገናኝ ሲሆን አንድ ክለብ ሁለቱንም ዋንጫዎች ካነሳ በሊጉ ሁለተኛ የወጣው ቡድን ይሳተፋል።

በዚህ መሠረት የፕሪምየር ሊጉ አሸናፊ አርሰናል የኤፍ ኤ ካፕ ባለድሉን ማንችስተር ሲቲን የሚገጥም ይሆናል።

ይህ ጨዋታ የዋንጫ ፍልሚያ ቢሆንም በእንግሊዝ እግር ኳስ የሚሰጠው ግምት አነስተኛ ነው። አንዳንዶች እንደ ጠንካራ የወዳጅነት ጨዋታ የሚቆጥሩት ሲሆን ዋንጫውም እንደ ዋና ዋና ውድድሮች አይታሰብም። ይህም ሆኖ ክለቦች ዋንጫውን ለማንሳት ከፍተኛ ጥረት ያደርጋሉ።

ዛሬ አርሰናል እና ማንችስተር ሲቲ በ104ኛው የኮሚኒቲ ሺልድ ጨዋታ የሚያደርጉት ፍልሚያ ዋና ዓላማ ጋሻ መሰሉን ዋንጫ ማሸነፍ ነው።

ከ22 ዓመታት በኋላ የፕሪሚየር ሊግ ዋንጫን በማንሳት ለዚህ ጨዋታ የበቃው አርሰናል የኮሚኒቲ ሺልድን 17 ጊዜ ማሸነፍ ችሏል።

የሰሜን ለንደኑ ክለብ በዚህ ዘርፍ የሚበለጠው 21 ጊዜ ካሸነፈው ማንችስተር ዩናይትድ ብቻ ነው። መድፈኞቹ ለመጨረሻ ጊዜ ይህን ዋንጫ ያነሱት ማንችስተር ሲቲን በመለያ ምት በማሸነፍ ነበር።

በሌላ በኩል ማንችስተር ሲቲ ዋንጫውን ሰባት ጊዜ ያነሰ ሲሆን ለመጨረሻ ጊዜ ያሸነፈው በ2024 ማንችስተር ዩናይትድን በመለያ ምት አሸንፎ እንደነበር ይታወሳል።

በዛሬው ጨዋታ በአርሰናል በኩል ቡካዮ ሳካ፣ ዴክላን ራይስ፣ ማርቲን ዙቢሜንዲ እና አዲሱ ፈራሚ ብሩኖ ጊማሬሽ ይሰለፋሉ ተብሎ ይጠበቃል።

በማንችስተር ሲቲ በኩል ደግሞ ኧርሊንግ ሀላንድ እና አዲሱ ፈራሚ ኤሊዮት አንደርሰን የመጫወት ዕድል ያላቸው ሲሆን አማካዩ ሮድሪ ግን ይሰለፋል ተብሎ አይጠበቅም።

በካርዲፍ ሚሊኒየም ስታዲየም የሚካሄደው ይህ ጨዋታ ምሽት 11:00 ሰዓት ላይ ይጀምራል።
#arsenal #mancity #communityshield #football #getutemesgen #getu #ጌጡ #ጌጡተመስገን #addisababa

ማንችስተር ሲቲዎች አዲስ ታሪክ በመጻፍ ለአራተኛ ተከታታይ ዓመት የኤፌ ካፕ ፍፃሜ ላይ ደርሰዋል
#ethiopia | ​በአሰልጣኝ ፔፕ ጋርዲዮላ የሚመራው የውድድር ዓመቱ የፕሪሚየር ሊግ ዋንጫ ያመለጠው ማንችስተር ሲቲ፣ በ2023 ማንችስተር ዩናይትድን አሸንፎ የነገሰበትን የኤፌ ካፕ ዋንጫ በድጋሚ ወደ ካቢኔው ለመጨመር የዛሬው የፍፃሜ ጨዋታ ወሳኝ እና ታላቅ ዕድሉ ሆኖለታል።

ሰማያዊዎቹ በ2024 በከተማ ተቀናቃኛቸው ማንችስተር ዩናይትድ እንዲሁም ባለፈው የ2025 የውድድር ዓመት በክሪስታል ፓላስ ተሸንፈው ዋንጫውን ማጣታቸው የሚታወስ ሲሆን፣ የዛሬው ፍፃሜ ግን ለክለቡ የዓመቱን ክብር ለማስመለስ ብቸኛውና የመጨረሻው የዋንጫ ዕድላቸው ነው።

Getu Temesgen - (ጌጡ ተመስገን) #getutemesgen #getu
​#manchestercity #facup #pepguardiola #facupfinal #footballnews #mancity

The title race is coming down to the wire! 🏆

Will Arsenal or Manchester City take home the trophy? 🤔

በእንግሊዝ ፕሪሚየር ሊግ የዋንጫ ፉክክር የመጨረሻው ምዕራፍ ላይ በመደረሱ የእግር ኳስ አፍቃሪው ዓለም ትኩረት ሁሉ ወደ አርሰናል እና ማንቸስተር ሲቲ ተሰብስቧል።
#ethiopia | በአሁኑ ሰዓት የደረጃ ሰንጠረዡን በበላይነት እየመራ የሚገኘው አርሰናል ከረጅም ዓመታት በኋላ የሊጉን ድል ለመቀዳጀት ከፍተኛ ጥረት እያደረገ ይገኛል።

መድፈኞቹ በሜዳ ላይ የሚያሳዩት ጥንካሬ እና የአሸናፊነት መንፈስ ለደጋፊዎቻቸው ትልቅ ተስፋን ሰጥቷል።

ሆኖም ግን ዋንጫውን ለማንሳት በቀሪ ጨዋታዎች ላይ ምንም ዓይነት ስህተት የመሥራት ዕድል የላቸውም።

በሌላ በኩል ባለፉት ዓመታት ሊጉን በበላይነት ሲቆጣጠር የነበረው ማንቸስተር ሲቲ ዋንጫውን አሳልፎ ለመስጠት ፈቃደኛ አለመሆኑን በተከታታይ ድሎች እያሳየ ነው።

ልምድ ባለው አሰልጣኝ ፔፕ ጋርዲዮላ የሚመራው የዝሆን ጥርስ ስብስብ በመጨረሻዎቹ ሳምንታት ግፊት የመቋቋም ብቃቱ የሚታወቅ በመሆኑ የአርሰናልን መዘናጋት በጥንቃቄ እየጠበቀ ይገኛል።

የዘንድሮው የዋንጫ ፉክክር እስከ መጨረሻው የጨዋታ ቀን ድረስ ሊዘልቅ እንደሚችል የሚገመት ሲሆን ሁለቱም ክለቦች የሚሰበስቡት እያንዳንዱ ነጥብ የሻምፒዮንነቱን ባለቤት የሚወስን ይሆናል።

አርሰናል ከዓመታት በኋላ ወደ ክብሩ ይመለሳል ወይንስ ማንቸስተር ሲቲ የበላይነቱን ያስቀጥላል የሚለው ጉዳይ እጅግ አጓጊ ሆኗል።
#arsenal #mancity #premierleague #football #soccer #getutemesgen #getu #ጌጡ #ጌጡተመስገን #addisababa

ማንቸስተር ሲቲ ብሬንትፎርድን በመርታት የዋንጫ ተፎካካሪነቱን አጠናከረ
#ethiopia | በእንግሊዝ ፕሪሚየር ሊግ የ36ኛ ሳምንት መርሃ ግብር ማንቸስተር ሲቲ በገዛ ሜዳው ኢቲሃድ ስታዲየም ብሬንትፎርድን አስተናግዶ 3 ለ 0 በሆነ ውጤት አሸንፏል።

ጨዋታው እስከ 60ኛው ደቂቃ ድረስ ያለምንም ግብ ቢቀጥልም በሁለተኛው አጋማሽ የሲቲ አጥቂዎች ባሳዩት ድንቅ ብቃት ድል ቀንቷቸዋል።

ለውሃ ሰማያዊዎቹ ግቦቹን ጄረሚ ዶኩ፣ አርሊንግ ሃላንድ እና ኦማር ማርሙሽ ከመረብ አሳርፈዋል።

ይህንን ውጤት ተከትሎ ማንቸስተር ሲቲ በሊጉ 22ኛ ድሉን በማስመዝገብ ነጥቡን ወደ 74 ከፍ አድርጓል።

ይህም ከመሪው አርሰናል ጋር ያለውን የነጥብ ልዩነት ወደ ሁለት ብቻ ዝቅ እንዲል አድርጎታል።

ኖርዌያዊው የግብ ማሽን አርሊንግ ሃላንድ በሊጉ ያስቆጠራቸውን ጎሎች ብዛት 25 በማድረስ ከፍተኛ ግብ አስቆጣሪነቱን በበላይነት እየመራ ይገኛል።

በሌላ በኩል በሊጉ መሪነት ላይ የሚገኘው አርሰናል ነገ ከዌስትሃም ዩናይትድ ጋር የሚያደርገው ጨዋታ በዋንጫ ፉክክሩ ላይ ትልቅ ተጽዕኖ ይኖረዋል ተብሎ ይጠበቃል።

ብሬንትፎርድ በበኩሉ በዚህ የውድድር ዓመት የ13ኛ ሽንፈቱን ያስተናገደ ሲሆን በ51 ነጥብ 8ኛ ደረጃ ላይ ተቀምጧል።

በተያያዘ ዜና ማንቸስተር ዩናይትድ እና ሊቨርፑል በሳምንቱ መርሃ ግብራቸው ነጥብ መጋራታቸው ታውቋል።
#manchestercity #premierleague #footballnews #mancity #haaland #getutemesgen #getu #ጌጡ #ጌጡተመስገን #addisababa

የፕሪሚየር ሊጉ የዋንጫ ፉክክር
በአርሰናል እና በማንችስተር ሲቲ መካከል ከፍተኛ መነቃቃትን ፈጥሯል
#ethiopia | በእንግሊዝ ፕሪሚየር ሊግ የዋንጫ ሽኩቻ ውስጥ ወሳኝ ግምት ተሰጥቶት የነበረው የማንችስተር ሲቲ እና የኤቨርተን ጨዋታ በሦስት እኩል ውጤት ተጠናቋል።

ማንችስተር ሲቲ በዚህ ጨዋታ ነጥብ መጣሉን ተከትሎ የደረጃ ሰንጠረዡን በበላይነት እየመራ ለሚገኘው አርሰናል ትልቅ የደስታ ዜና ሆኖለታል።

በአሁኑ ሰዓት አርሰናል በሰባ ስድስት ነጥብ አንደኛ ደረጃ ላይ ሲቀመጥ ሲቲ ደግሞ በአንድ ቀሪ ጨዋታ ሰባ አንድ ነጥብ በመያዝ ይከተላል።

ኤቨርተን በሜዳው ባደረገው በዚህ ጨዋታ ላይ ሲቲን ነጥብ በማስጣል የሊጉን የዋንጫ ጉዞ ይበልጥ አስገራሚ እንዲሆን አድርጎታል።

የሊጉ ጨዋታዎች ወደ ማጠቃለያው እየተቃረቡ በመሆናቸው እያንዳንዱ ነጥብ ለሁለቱም ክለቦች ወሳኝ ሆኗል።
#premierleague #arsenal #mancity #everton #footballnews #titlerace #getutemesgen #getu #ጌጡ #ጌጡተመስገን #addisababa

አርሰናል መሪነቱን ከሲቲ ተረከበ!
#ethiopia | ​የመድፈኞቹ የለንደን ጉዞ በድል ታጅቧል! በአስደናቂው የእንግሊዝ ፕሪሚየር ሊግ 34ኛ ሳምንት ፍልሚያ፣ አርሰናል በሜዳው ኤምሬትስ ኒውካስትል ዩናይትድን 1 ለ 0 በማሸነፍ በሊጉ አናት ላይ ተቀምጧል።

ድንቅ ብቃቱን እያሳየ የሚገኘው ኤቤሬቺ ኤዜ ያስቆጠራት ብቸኛ ግብ መድፈኞቹን ለድል አብቅታለች።

​አርሰናል ካጋጠሙት ሁለት ተከታታይ ሽንፈቶች በኋላ ወሳኝ 3 ነጥብ በመያዝ ወደ ድል ጎዳና ተመልሷል።

​ አርሰናል በ73 ነጥብ መሪነቱን ከማንችስተር ሲቲ በመረከብ የዋንጫ ተፎካካሪነቱን በይፋ አረጋግጧል።

ይህ ድል ለአርሰናል ተራ 3 ነጥብ አይደለም፤ የዋንጫ ተስፋቸውን ዳግም ያለመለመ ትልቅ ስኬት ነው። ኤዜ ያስቆጠራት ግብ የኤምሬትስን ስታዲየም ያስገመገመችና የማንችስተር ሲቲን ካምፕ ያስጨነቀች ናት። መድፈኞቹ አሁን መሪነቱን ይዘዋል፤ እስከ መጨረሻው ይዘልቁበት ይሆን? የሊጉ ትንቅንቅ አሁን ገና ተጋጋለ!"

​መድፈኞቹ ነክሰዋል፣ መሪነቱንም ተረክበዋል!

​#getu #arsenal #premierleague #eberechieze #coyg #mancity #newcastleunited #footballnews #breakingnews #አርሰናል #እንግሊዝፕሪሚየርሊግ #መድፈኞቹ #ሰበርመረጃ #ጌጡተመስገን #getutemesgen

''የሮድሪ ጉዳት ለአርሰናል ብስራት ነው''ጋሪ ኔቭል
#ethiopia | ​የእንግሊዝ ፕሪምየር ሊግ የዋንጫ ሽሚያ ወደ ማጠናቀቂያው ምዕራፍ እየተቃረበ ባለበት በዚህ ወቅት፣ በባለሙያዎችና በቀድሞ ተጨዋቾች መካከል የሚሰነዘሩ አስተያየቶች ትኩረትን እየሳቡ ይገኛሉ። በተለይም የማንቸስተር ሲቲው የቁልፍ ሰው ሮድሪ ጉዳት በፉክክሩ ላይ ሊያመጣ የሚችለው ተፅዕኖ የብዙዎች መነጋገሪያ ሆኗል።

​የቀድሞው የማንቸስተር ዩናይትድ ተከላካይ ጋሪ ኔቭል እንደገለጸው፣ የሮድሪ ከሜዳ መራቅ ለለንደኑ ክለብ አርሰናል ትልቅ ዕድል የሚፈጥር ነው። "ሮድሪ ለሁለት ወይም ለሦስት ሳምንታት እንኳን ቢርቅ፣ በዋንጫ ፉክክሩ ለአርሰናል ትልቅ ብስራት ሊሆን ይችላል" ሲል ኔቭል ተናግሯል።

​ኔቭል አክሎም የአርሰናሉን አማካይ ዴክላን ራይስን እንቅስቃሴ በተለየ መንገድ ተመልክቶታል። ራይስ "ፉክክሩ ገና አላበቃም" የሚል ተስፋ ያለው ንግግር ቢያደርግም፣ ኔቭል ግን የተጫዋቹን የፊት ገጽታና የሰውነት ቋንቋ በመጥቀስ "ሁሉም ነገር አብቅቷል" የሚል ስሜት ውስጥ እንዳለ ገምቷል።

"ራይስ ቡድኑን ለማነሳሳት ሲሞክር ቢታይም፣ እኔ ግን የተሰማኝ ተስፋ የቆረጠ ይመስለኛል" ብሏል።

​በተቃራኒው የአርሰናሉ የምንግዜም ኮከብ ኢያን ራይት አሁንም በክለቡ ላይ ያለውን ፅኑ እምነት አጋርቷል። ራይት ምንም እንኳን ፉክክሩ ጠንካራ ቢሆንም፣ "አሁንም ቢሆን እኛ አርሰናሎች ሊጉን እንደምናሸንፍ አምናለሁ" በማለት ለደጋፊዎች ያለውን ተስፋ ገልጿል።

​የሮድሪ ጉዳት ማንቸስተር ሲቲን ዋጋ ያስከፍል ይሆን ወይስ አርሰናል የተፈጠረለትን አጋጣሚ ተጠቅሞ የዓመታት የዋንጫ ጥማቱን ያረካል? የሚለው ጥያቄ በሳምንቱ መጨረሻ ጨዋታዎች ምላሽ የሚያገኝ ይሆናል።
​
Getu Temesgen - (ጌጡ ተመስገን) #getutemesgen #getu
​#arsenal #mancity #premierleague #garyneville #ianwright #rodri #footballnews #declanrice #epl #titlerace

“አርሰናል የእንግሊዝም የአውሮፓም ምርጡ ቡድን ነው” — ፔፕ ጋርዲዮላ
#ethiopia | የማንችስተር ሲቲው ስኬታማ አሰልጣኝ ፔፕ ጋርዲዮላ፣ መድፈኞቹ ባለፉት ጥቂት ዓመታት የገነቡት ቡድን እጅግ የሚደነቅ መሆኑን ገልጸው የአውሮፓ ምርጡ ስብስብ ነው ሲሉ አወደሱ።

ጋርዲዮላ ስለ አርሰናል ወቅታዊ አቋም በሰጡት አስተያየት “አርሰናል የእንግሊዝም የአውሮፓም ምርጡ ቡድን ነው፤ ቁጥሮችም የሚያሳዩት ይህንኑ ነው” ብለዋል። ቡድኑ በተለይም የሚያሳየው ወጥነት (Consistency) ዋነኛ ጥንካሬው መሆኑንና እነሱን ማሸነፍ እጅግ ፈታኝ እየሆነ መምጣቱን አክለዋል።

አሰልጣኙ አርሰናል አሁን ለደረሰበት ደረጃ ትልቅ አድናቆት ሊሰጠው እንደሚገባ ጠቁመው፣ ሲቲም በሳምንቱ አጋማሽ ጨዋታዎች የሚሳተፍበትና አርሰናል አሁን ያለበት ደረጃ ላይ ቢሆን እንደሚመኙ በንግግራቸው ፍንጭ ሰጥተዋል።

በተጨማሪም ከካራባኦ ካፕ የፍፃሜ ጨዋታ በፊት በቡድናቸው ስኬት ላይ ጥርጣሬ የነበራቸውን ወገኖች በማስታወስ፣ አርሰናል የገነባው ስብስብ አሁን ላይ ለማንም የማይበገር መሆኑን በአፅንኦት ገልጸዋል።

Getu Temesgen - (ጌጡ ተመስገን)
#getutemesgen #getu #tikvahsport #arsenal #mancity #guardiola #premierleague #footballnews #አርሰናል #ማንችስተርሲቲ #ጋርዲዮላ #እንግሊዝፕሪሚየርሊግ #ስፖርትዜና

"ማንችስተር ሲቲን የማንረታበት ምክንያት የለም" ሊያም ሮሴንየር
#ethiopia | የቼልሲው አሰልጣኝ ሊያም ሮሴንየር ቡድናቸው ከማንችስተር ሲቲ ጋር ከሚያደርገው ወሳኝ የሊግ ፍልሚያ በፊት ለተጋጣሚያቸው ያላቸውን አክብሮት ቢገልጹም፣ በድል ላይ ያላቸው እምነት ግን ፍጹም አልተናወጠም።
ሮሴንየር በሰጡት መግለጫ ላይ ያተኮሩባቸው ዋና ዋና ነጥቦች እነሆ፦

"ለፔፕ ትልቅ ክብር አለኝ፤ እሱ የማይታመንና ለሁላችንም መነሳሳት የሆነ አሰልጣኝ ነው" በማለት ለተቃራኒው ጎራ አድናቆታቸውን ችረዋል።

ምንም እንኳን ጨዋታው ከባድ ፈተና እንደሚሆን ቢገነዘቡም፣ ቡድናቸው እሁድ ዕለት በሜዳ ላይ ምን መስራት እንደሚችል ለማሳየት በጉጉት እንደሚጠብቁ ገልጸዋል።

አሰልጣኙ በልበ ሙሉነት "ማንችስተር ሲቲን ማሸነፍ እንችላለን" በማለት ለተጫዋቾቻቸውና ለደጋፊዎቻቸው የድል መልእክት አስተላልፈዋል።

ከዚህ ቀደም ከሲቲ ጋር የነበራቸው ሪከርድ ለአሁኑ ጨዋታ ምንም አይነት ጥቅም እንደሌለውና ትኩረታቸው በአሁኑ 90 ደቂቃ ላይ ብቻ መሆኑን አረጋግጠዋል።

ሮሴንየር እና ልጆቻቸው የፔፕን ስብስብ በመግጠም ጥንካሬያቸውን ለማሳየት ቆርጠው የተነሱ ይመስላሉ። እሁድ የሚደረገው ጨዋታ የሮሴንየር ታክቲክ በሲቲ ላይ ይሰራ እንደሆነ የሚታይበት ይሆናል።

Getu Temesgen - (ጌጡ ተመስገን)
#tikvahsport #getutemesgen #getu #chelseafc #mancity #liamrosenior #premierleague #footballnews #matchday #ethiopia

ቼልሲ ፖርት ቫልን 7 ለ 0 በማሸነፍ ግማሽ ፍጻሜ ገባ
#ethiopia | ​በእንግሊዝ ኤፍ ኤ ካፕ የሩብ ፍጻሜ ጨዋታ ቼልሲ ድንቅ ብቃቱን በማሳየት የሊግ አንዱን ፖርት ቫልን 7 ለ 0 በሆነ ሰፊ ውጤት አሸንፏል። በዚህም ከማንችስተር ሲቲ በመቀጠል ለግማሽ ፍጻሜው የደረሰ ሁለተኛው ክለብ ሆኗል።

በወጣቱ አሰልጣኝ ሊያም ሮሰኒየር የሚመራው ቼልሲ በየተራ ግቦችን አከታትሏል፦

​ጆርል ሃቶ
​ጃኦ ፔድሮ
​ቶሲን አዳራቢዮ
​አንድሬ ሳንቶስ
​ኤስቲቫኦ ዊሊያን
​አሌሃንድሮ ጋርናቾ
​ጋብርኤል (በራሱ መረብ ላይ)

​በሊግ አንድ የሚሳተፈው ፖርት ቫል ጠንካራ ተቃውሞ ለማሳየት ቢሞክርም፣ በቼልሲ የፊት መስመር ተጫዋቾች ብቃት ተሸንፎ ጉዞው በሩብ ፍጻሜው ሊገታ ችሏል።

አሁን የሁላችንም ዓይን ወደ ምሽቱ 4:00 ጨዋታ ዞሯል፦

🔴 አርሰናል ከ ሳውዝሀምፕተን (መድፈኞቹ ሶስተኛው የግማሽ ፍጻሜ ተፋላሚ ለመሆን ወደ ሜዳ ይገባሉ)።

​#getu #facup #chelseafc #portvale #stamfordbridge #goalfest #londonisblue #footballethiopia #mancity #arsenal #ቼልሲ #ኤፍኤካፕ #እግርኳስ #ድል #ጌጡተመስገን #getutemesgen

ማንችስተር ሲቲ ሊቨርፑልን 4 ለ 0 በመርታት ግማሽ ፍጻሜውን ተቀላቀለ!
#ethiopia | ​ዛሬ በኢትሀድ ስታዲየም የተደረገው የኤፍ ኤ ካፕ (FA Cup) የሩብ ፍጻሜ ፍልሚያ፣ በማንችስተር ሲቲ ፍጹም የበላይነት ተጠናቋል።

የካራባዎ ዋንጫ አሸናፊዎቹ ሲቲዎች፣ የየርገን ክሎፕን ሊቨርፑል ያለምንም ምህረት 4 ለ 0 በሆነ ሰፊ ውጤት አሸንፈዋል።

​ አስፈሪው አጥቂ ኧርሊንግ ሃላንድ በጨዋታ ሁለት ጎሎችን፣ በአንድ የፍጹም ቅጣት ምት ደግሞ ሦስተኛ ጎሉን በማስቆጠር ድንቅ ሃትሪክ ሰርቷል።

ሌላኛዋን አራተኛ ግብ ሴሚኒዮ ከመረብ ጋር በማገናኘት የሲቲን ድል አረጋግጧል።

​ሊቨርፑሎች በጨዋታው ያገኙትን የፍጹም ቅጣት ምት መሀመድ ሳላህ ሳይጠቀምበት በመቅረቱ፣ የመርሲሳይዱ ክለብ ባዶ እጁን እንዲወጣ ሆኗል።

የኤፍ ኤ ካፕ የሩብ ፍጻሜ ፍልሚያዎች ዛሬም ቀጥለው ይካሄዳሉ፦

​ምሽት 1:15፦ ቼልሲ ከ ፖርት ቫል (በስታምፎርድ ብሪጅ)

​ምሽት 4:00፦ አርሰናል ከ ሳውዝሀምፕተን (ከሜዳው ውጪ)

​#getu #facup #mancity #liverpool #haaland #guardiola #arsenal #chelsea #footballnews #ethiopiasports #ማንችስተርሲቲ #ሊቨርፑል #ሃላንድ #ኤፍኤካፕ #እግርኳስ #ድል #ጌጡተመስገን #getutemesgen

ማንችስተር ሲቲ ከ ሊቨርፑል (ቀን 8፡45)
ቼልሲ ከ ፖርት ቫል (ምሽት 1፡15)
አርሰናል ከ ሳውዝሀምፕተን (ምሽት 4፡00)
#ethiopia | የቢግ ፋይቭ ፍልሚያ በኤፍ ኤ ካፕ፦ የዘመን መለወጫ ወይንስ የበላይነት ማረጋገጫ?

​ዛሬ በእንግሊዝ ኤፍ ኤ ካፕ ሩብ ፍጻሜ፣ የዓለም እግር ኳስ ዓይኖች ወደ ኢትሀድ ስታዲየም ያርፋሉ። ማንችስተር ሲቲ እና ሊቨርፑል የሚያደርጉት ጨዋታ ከግማሽ ፍጻሜ መድረስ በላይ ትርጉም አለው።

​🔥 ማንችስተር ሲቲ ከ ሊቨርፑል (ቀኑ 8፡45)

​ ከ2017/18 ጀምሮ ሊጉን በበላይነት የተቆጣጠሩት የሁለቱ ቡድኖች የ8 ዓመት ፉክክር መጋረጃው እየተዘጋ ይመስላል። የሳላህ መልቀቅና የዴ ብሮይን መሄድ የዚህ ማሳያ ነው።

​ ጋርዲዮላ በአሰልጣኝነት ዘመኑ ብዙ የተሸነፈው በሊቨርፑል ነው (10 ጊዜ)። ዛሬ ካሸነፈ ግን የሽንፈትና ድል ታሪኩን እኩል (9-9) የማድረግ ዕድል አለው።

​ሳላህ በ23 ጨዋታዎች ለ19 ግቦች ምክንያት በመሆን ሲቲን ሲያስጨንቅ ቆይቷል። ዛሬም በቋሚነት እንደሚሰለፍ ይጠበቃል።

​አሊሰን ቤከር (ሊቨርፑል) እና ጆስኮ ግቫርዲዮል (ሲቲ) በጉዳት አይሰለፉም።

​🔴 አርሰናል ከ ሳውዝሀምፕተን (ምሽት 4፡00)

​የካራባዎ ዋንጫን በሲቲ የተነጠቀው አርሰናል፣ በኤፍ ኤ ካፕ ወደ ግማሽ ፍጻሜ ለመግባት ከሻምፒዮንሺፑ ክለብ ሳውዝሀምፕተን ጋር ይገናኛል።

በመጋቢት ወር ሁሉንም ጨዋታዎች ያሸነፈው አርሰናል በጥሩ ግስጋሴ ላይ ይገኛል። ሆኖም የኤዜ፣ የቲምበርና የኦዴጋርድ ጉዳት ጥያቄ ምልክት ውስጥ ነው።

​🔵 ቼልሲ ከ ፖርት ቫል (ምሽት 1፡15)

​ አሰልጣኝ ሊያም ሮሰኒየር ኢንዞ ፈርናንዴዝን በሥነ-ምግባር ምክንያት ከስብስቡ ውጪ ማድረጋቸው በመልበሻ ክፍል አለመረጋጋት ፈጥሯል። ቼልሲ ከ96 ዓመት በኋላ ከፖርት ቫል ጋር ይገናኛል።
#ጌጡተመስገን

​#getu #facup #mancity #liverpool #arsenal #chelsea #salah #guardiola #footballethiopia #premierleague #ማንችስተርሲቲ #ሊቨርፑል #አርሰናል #ቼልሲ #ኤፍኤካፕ #እግርኳስ #ጌጡተመስገን #getutemesgen

አርሰናል 0 ለ 0 ማንችስተር ሲቲ
#ethiopia | ​በእንግሊዝ ፕሪሚየር ሊግ 30ኛ ሳምንት በኢቲሃድ ስታዲየም እየተደረገ የሚገኘው የሁለቱ የሊጉ ተፎካካሪዎች ታላቅ ጨዋታ የመጀመሪያ አጋማሽ ያለ ምንም ግብ 0 ለ 0 በሆነ ውጤት ተጠናቋል።

ጨዋታው በከፍተኛ ጥንቃቄ የታጀበ ሲሆን፣ ሁለቱም ቡድኖች ወደ ግብ ለመድረስና የነጥብ ልዩነታቸውን ለማስፋት ጠንካራ ፉክክር እያደረጉ ይገኛሉ።

ማንችስተር ሲቲ የኳስ ቁጥጥር የበላይነት ለማሳየት ቢሞክርም፣ የአርሰናል ተከላካዮች ግን እስካሁን ለሲቲ አጥቂዎች ዕድል አልሰጡም።

​በሁለተኛው አጋማሽ ጨዋታው ተቀይሮ ግቦች ይቆጠሩ ይሆን?

ውጤቱን ተከታትለን የምናደርሳችሁ ይሆናል።

​#getu #arsenal #mancity #premierleague #footballnews #etihadstadium #epl #አርሰናል #ማንችስተርሲቲ #ፕሪሚየርሊግ #እግርኳስ #ጌጡተመስገን #getutemesgen

"በእግርኳስ የማይቻል ነገር የለም፤ አዳዲስ ሀሳቦች አሉኝ!" ፔፕ ጋርዲዮላ
#ethiopia | የማንችስተር ሲቲው ስትራቴጂስት ፔፕ ጋርዲዮላ፣ ነገ ከሪያል ማድሪድ ጋር ለሚጠበቀው ወሳኝ ፍልሚያ ቡድናቸው ዝግጁ መሆኑን ገለጹ። አሰልጣኙ ውጤቱን ለመቀልበስ "ፍጹም" የሆነ እንቅስቃሴ እንደሚያስፈልግ አሳስበዋል።

የፔፕ ጋርዲዮላ ዋና ዋና ነጥቦች፦

* ተስፋ አልቆረጥንም፦ "በእግርኳስ ሁሉም ነገር ሊፈጠር ይችላል፤ እኛም ውጤቱን ለመቀልበስ እንሞክራለን። ነገር ግን ይህ እንዲሆን ፍፁም የሆነ የሜዳ ላይ እንቅስቃሴ ያስፈልገናል።"

* የማጥቃት ፈተና፦ በሪያል ማድሪድ ላይ ከሶስት ጎሎች በላይ ማስቆጠር ቀላል እንዳልሆነ የገለጹት ፔፕ፣ ቡድናቸው በርትቶ መከላከልና ሳይሰለች መሞከር እንዳለበት ተናግረዋል።

* አዳዲስ ታክቲኮች፦ "ለነገው ጨዋታ የተወሰኑ ሀሳቦች አሉኝ፤ እነሱን በሜዳ ላይ ለመተግበር ጥሩ እድል አለን" በማለት በታክቲክ ረገድ ለውጦች ሊኖሩ እንደሚችሉ ፍንጭ ሰጥተዋል።

* የደጋፊዎች ሚና፦ በኢቲሃድ ስታዲየም የሚኖረው ድባብ ለቡድኑ ተጨማሪ ጉልበት እንደሚሰጥ ሙሉ እምነት እንዳላቸው ገልጸዋል።

ማንችስተር ሲቲ ለጨዋታው ዝግጅት

እንዲረዳው ለተጫዋቾቹ የዛሬውን ቀን እረፍት የሰጠ ሲሆን፣ ነገ ከጨዋታው በፊት የመጨረሻ ልምምዳቸውን እንደሚያደርጉ ታውቋል። "ቢሳካም ባይሳካም ያለንን ሁሉ እንደምንሰጥ አውቃለሁ" ሲሉ ጋርዲዮላ ለደጋፊዎቻቸው ቃል ገብተዋል።

Getu Temesgen - (ጌጡ ተመስገን)
#getutemesgen #getu #ጌጡ #mancity #realmadrid #ucl #pepguardiola #championsleague #footballnews #ethiopia

የመድፈኞቹ ግስጋሴ እና የሲቲ መንገራገጭ
የፕሪሚየር ሊጉ ዋንጫ ወደ ሰሜን ለንደን እያመራ ነው?
#ethiopia | የእንግሊዝ ፕሪሚየር ሊግ የዋንጫ ፉክክር አዲስ ምዕራፍ ላይ ደርሷል።

በሳንቲያጎ ቤርናቢዮ በፌዴ ቫልቬሬዴ የሃትሪክ ጥቃት የደረሰበት ሀንጎቨር ገና ያልለቀቀው የሚመስለው የፔፕ ጋርዲዮላ ማንችስተር ሲቲ፣ ወደ መዶሻው መንደር (ዌስትሃም) አቅንቶ ሁለት ነጥብ ጥሏል።

በኦሎምፒክ ኤልዛቤት ፓርክ ዌስትሃም ለሲቲ አድፍጦ ነጥብ ማስጣሉ፣ ለአርሰናል የዋንጫ ጉዞ ትልቅ ውለታ ሆኖ ተመዝግቧል።

የአርሰናል የበላይነት እና የታዳጊው ማክስ ዶውማን ታሪክ
ማንችስተር ሲቲ ነጥብ በጣለበት በዚሁ ሳምንት፣ አርሰናል በታዳጊው ማክስ ዶውማን አስገራሚ ታሪክ ታጅቦ ኤቨርተንን በመርታት የነጥብ ልዩነቱን ወደ ዘጠኝ አድርሷል።

አሁን ላይ ለ22 ዓመታት የተናፈቀው የፕሪሚየር ሊግ ዋንጫ ራዳሩን ወደ ሰሜን ለንደን አቅጣጫ አድርጓል። አርሰናል ከመቼውም ጊዜ በላይ ለድል የፀና እና ጫናን የመቋቋም አቅሙን ያሳደገ ቡድን ሆኖ ቀርቧል።

አርሰናል እንደ ልማዱ ከታህሳስ እና ጥር በኋላ ይንገዳገዳል ተብሎ ቢጠበቅም፣ ዘንድሮ ግን በአሰልጣኝ ማይክ አርቴታ መሪነት ከመቼውም ጊዜ በላይ ጠንካራ ሆኖ ታይቷል። የቡድኑ ያለመሸነፍ ስነ ልቦና እና በወሳኙ ሰዓት ውጤት ይዞ መውጣቱ፣ አርሰናልን በሊጉ አቻ የሌለው ቡድን አድርጎታል። 31ኛው ሳምንት እንደመሰከረው፣ አርሰናል ወደ መጨረሻው የድል መስመር (Final Lap) በልበ ሙሉነት እየተጠጋ ይገኛል።

በሌላ በኩል፣ የወትሮው ፍጹም የሆነው የፔፕ ጋርዲዮላ ማንችስተር ሲቲ ዘንድሮ ለደጋፊዎቹ ህልም ሆኖባቸዋል።

ሲቲ በእራሱ በአርሰናል ጥሪ የተጋበዘ ቢመስልም፣ አሁን ላይ ግን በመሪው እና በተከታዩ መካከል ያለው የዘጠኝ ነጥብ ልዩነት አርሰናልን ወደ ንግስናው ይበልጥ አቅርቦታል።
#አርሰናል #ማንችስተርሲቲ #ፕሪሚየርሊግ #ማይክአርቴታ #ማክስዶውማን #እንግሊዝ #ስፖርት #ጌጡተመስገን #getutemesgen #arsenal #mancity #premierleague

የአውሮፓ ሻምፒዮንስ ሊግ፦
ሪያል ማድሪድ ሲቲን፣ ፒኤስጂ ቼልሲን አሸነፉ
#ethiopia | ​በአውሮፓ ሻምፒዮንስ ሊግ የጥሎ ማለፍ የመጀመሪያ ዙር ጨዋታዎች አስገራሚ ውጤቶች ተመዝግበዋል። በሳንቲያጎ ቤርናባው የተደረገው ታላቅ ፍልሚያ በሪያል ማድሪድ የበላይነት ተጠናቋል።

​ ሪያል ማድሪድ 3 - 0 ማንችስተር ሲቲ

​የጨዋታው ኮከብ፦
ኡራጓያዊው አማካይ ፌደሪኮ ቫልቨርዴ በመጀመሪያው 45 ደቂቃ ውስጥ ብቻ ሀትሪክ በመስራት ማድሪድን ለድል አብቅቷል።

​ያመለከተ ዕድል፦
ቪኒሺየስ ጁኒየር ያገኘውን የፍጹም ቅጣት ምት ሳይጠቀምበት የቀረ ቢሆንም፣ ማድሪድ ለሩብ ፍጻሜው ያለውን ዕድል በሰፊው አስፍቷል።

​የመልስ ጨዋታ፦
ማንችስተር ሲቲ በቀጣይ ሳምንት በሜዳው ኢቲሃድ ስታዲየም ማድሪድን በድምር ውጤት ለማሸነፍ ቢያንስ 4 ግቦችን አስቆጥሮ ማሸነፍ ይኖርበታል።

​ፒኤስጂ 5 - 2 ቼልሲ

​የፒኤስጂ ግቦች፦ ኪቪቻ ካቫርስኬሊያ (2 ግቦች)፣ ኡስማን ደምቤሌ፣ ብራድሊ ባርኮላ እና ቪቲንሃ አስቆጥረዋል።
​የቼልሲ ግቦች፦ ማሎ ጉስቶ እና ኢንዞ ፈርናንዴዝ ለለንደኑ ክለብ መጽናኛ ግቦችን አስገኝተዋል።

​ፒኤስጂ በፓርክ ዴስ ፕሪንስ ያሳየው የማጥቃት ብቃት ለቼልሲ የመልስ ጨዋታ ከባድ የቤት ስራ ጥሎባቸዋል።

​የዓመቱ ክስተት፦ ቦዶ ግሊምት

​ኖርዌያዊው ክለብ ቦዶ ግሊምት ስፖርቲንግ ሊዝበንን 3 ለ 0 በማሸነፍ በውድድሩ እያስመዘገበ ያለውን አስገራሚ ጉዞ ቀጥሏል።

​ጎል አግቢዎች፦
ሶንደር ፊት፣ ኦሌ ብሉምበርግ እና ካስፐር ሆጅ።

​የዘንድሮው ሻምፒዮንስ ሊግ ባልተጠበቁ ውጤቶችና በግል ብቃቶች የታጀበ ሆኗል። በተለይ የቫልቨርዴ ሀትሪክ እና የቦዶ ግሊምት ጥንካሬ የብዙዎችን ትኩረት ስቧል።

​#ucl #realmadrid #mancity #psg #chelsea #bodoglimt #championsleague #football #getu #temesgen #getutemesgen #ጌጡ #ተመስገን #ጌጡተመስገን

አርሰናል መሪነቱን ሲያጠናክር፣
ማንቼስተር ሲቲ ነጥብ ጥሏል
#ethiopia | ​በእንግሊዝ ፕሪሚየር ሊግ የ29ኛ ሳምንት ጨዋታዎች ትላንት ምሽት ሲቀጥሉ፣ መድፈኞቹ አርሰናል ወሳኝ ድል ሲቀዳጁ ተቀናቃኛቸው ማንቼስተር ሲቲ ደግሞ ባልተጠበቀ ውጤት ነጥብ ተጋርቷል።

​የምሽቱ ዋና ዋና ውጤቶች እንደሚከተለው ቀርበዋል፦

​🔴 አርሰናል መሪነቱን አረጋገጠ

​አርሰናል ወደ አሜክስ ስታዲየም ተጉዞ ብራይተንን የገጠመ ሲሆን፣ በቡካዮ ሳካ ብቸኛ ግብ 1 ለ 0 አሸንፏል። ይህ ውጤት አርሰናል ከሲቲ ጋር ያለውን የነጥብ ልዩነት ወደ 7 ከፍ በማድረግ ለዋንጫው ያለውን ጉዞ ይበልጥ እንዲያጠናክር ረድቶታል።

​🔵 የሲቲ መንሸራተት

​ማንቼስተር ሲቲ በኢትሃድ ስታዲየም ኖቲንግሃም ፎረስትን አስተናግዶ 2 ለ 2 በሆነ አቻ ውጤት ተለያይቷል። ሲቲ በሜዳው ነጥብ መጣሉ ለዋንጫው ፉክክር ትልቅ እንቅፋት ሆኖበታል።

​ ቼልሲና የዦአዎ ፔድሮ ድንቅ ብቃት

​ቼልሲ ወደ ቪላ ፓርክ አቅንቶ አስቶን ቪላን 4 ለ 1 በሆነ ሰፊ ውጤት ቀጥቅጧል። በጨዋታው ዦአዎ ፔድሮ ሦስት ግቦችን በማስቆጠር (ሀትሪክ) የምሽቱ ደማቅ ተጫዋች ሆኗል።

​የዌስትሃም የህልውና ትግል

​በወራጅ ቀጠናው የሚገኘው ዌስትሃም ዩናይትድ ወደ ፉልሃም ተጉዞ 1 ለ 0 በማሸነፍ፣ ከወራጅ ቀጠናው ለመውጣት የሚያደርገውን ጥረት የሚያግዝ ወሳኝ ሦስት ነጥብ ይዞ ተመልሷል።

​#arsenal #mancity #chelsea #epl #premierleague #footballnews #getu #temesgen #getutemesgen #ጌጡ #ተመስገን #ጌጡተመስገን

የፕሪሚየር ሊጉ ትኩሳት
ማንችስተር ሲቲ የአርሰናልን መሪነት ስጋት ላይ ጣለ

​በእንግሊዝ ፕሪሚየር ሊግ የ28ኛ ሳምንት መርሃ ግብር፣ ማንችስተር ሲቲ ከሜዳው ውጪ ሊድስ ዩናይትድን 1 ለ 0 በማሸነፍ ወሳኝ ሦስት ነጥብ ይዞ ተመልሷል።

​ብቸኛዋ ግብ፦
አንቶኒዮ ሴሜኒዮ ማንችስተር ሲቲን ድል ያቀዳጀችውን ብቸኛ ግብ አስቆጥሯል።

​የነጥብ ልዩነት፦
ይህን ድል ተከትሎ ማንችስተር ሲቲ ከሊጉ መሪ አርሰናል ጋር ያለውን ልዩነት ወደ 2 ነጥብ ብቻ አጥብቧል።

​ታላቅ ፍልሚያ፦ አርሰናል Vs ቼልሲ

​አሁን ኳሷ ወደ አርሰናል ሜዳ ተመልሳለች! መሪነቱን ለማጠናከርና ልዩነቱን መልሶ ለማስፋት አርሰናል በለንደን ደርቢ ቼልሲን በኤምሬትስ ያስተናግዳል።

​የአርሰናል ግዴታ፦ በጨዋታው ማሸነፍ ካልቻሉ ለፔፕ ጋርዲዮላው ማንችስተር ሲቲ የሊጉን መሪነት አሳልፈው የመስጠት አደጋ ተደቅኖባቸዋል።

​የቼልሲ ሚና፦
ቼልሲዎች በለንደን ደርቢ አርሰናልን በማሰናከል ለሲቲ የዋንጫ መንገዱን ሊያመቻቹ ይችላሉ?

​ በኤምሬትስ ስታዲየም በሚደረገው የለንደን ደርቢ ማን ያሸንፋል? አርሰናል መሪነቱን ያስጠብቃል ወይስ ቼልሲ ድንገቴ እንቅፋት ይሆንባቸዋል?

​#epl #አርሰናል #ማንችስተርሲቲ #ቼልሲ #ለንደንደርቢ #እግርኳስ #arsenalvschelsea #mancity #premierleague #getutemesgen #getu #ጌጡ #ጌጡተመስገን

🏆 የሻምፒዮንስ ሊግ የጥሎ ማለፍ ዕጣ ዛሬ ይወጣል፦ የአውሮፓ ነገሥታት ይፋለማሉ! ⚽️🔥
#ethiopia | ​ዛሬ በስዊዘርላንድ ኒዮን የሚወጣው የሻምፒዮንስ ሊግ የሩብ ፍጻሜ ድልድል፣ ከወዲሁ የእግር ኳስ ዓለምን ትኩሳት ከፍ አድርጎታል። ስድስት ክለቦችን ይዞ የመጣው የእንግሊዝ ፕሪሚየር ሊግ የበላይነቱን ሲይዝ፣ ላሊጋ በሦስት ክለቦች ይከተላል።

​ በጉጉት የሚጠበቁ ድልድሎች (Scenarios)፦

ዛሬ በሚወጣው ዕጣ የሚከተሉት ትልልቅ ክለቦች የመገናኘት ዕድላቸው ሰፊ ነው ተብሏል፦

​ሪያል ማድሪድ 🆚 ማንችስተር ሲቲ ወይም ስፖርቲንግ ሊዝበን
​ፒኤስጂ 🆚 ባርሴሎና ወይም ቼልሲ
​አታላንታ 🆚 አርሰናል ወይም ባየር ሙኒክ
​ኒውካስትል 🆚 ባርሴሎና ወይም ቼልሲ
​ጋላታሳራይ 🆚 ሊቨርፑል ወይም ቶተንሀም

​የአርሰናል እና የባየር ሙኒክ ልዩ ሁኔታ፦

በምድብ ጨዋታዎች ሁሉንም ያሸነፈው አርሰናል እና በደረጃ ሰንጠረዡ 2ኛ የነበረው ባየር ሙኒክ፣ እስከ ግማሽ ፍጻሜው ቢጓዙ እንኳ ሁሉንም የመጀመሪያ ጨዋታዎቻቸውን ከሜዳቸው ውጭ (Away) የሚያደርጉ ይሆናል።

​📅 የጨዋታ ቀናት፦
​የመጀመሪያ ጨዋታዎች፦ በሚያዚያ ወር መጀመሪያ።
​የመልስ ጨዋታዎች፦ ከመጀመሪያው ጨዋታ ከስምንት ቀናት በኋላ።

​#ucldraw #championsleague #realmadrid #mancity #arsenal #fcbarcelona #bayernmunich #footballethiopia #getutemesgen #getu #ጌጡ #ጌጡተመስገን

"አንድ ሽንፈት ከፉክክሩ ያስወጣናል!" — የፔፕ ጋርዲዮላ
#ethiopia | የማንችስተር ሲቲው አለቃ ፔፕ ጋርዲዮላ፣ የፕሪሚየር ሊጉ የዋንጫ ፉክክር እጅግ አሳሳቢ ደረጃ ላይ መድረሱን ገልጸዋል። የውድድር ዓመቱ ሊጠናቀቅ የሦስት ወራት ዕድሜ ብቻ በቀረበት በዚህ ወቅት፣ ስህተት መሥራት ዋጋ እንደሚያስከፍል አሰልጣኙ አስገንዝበዋል።

"ሁሉም ጨዋታዎች የፍጻሜ ናቸው"

"ከአሁን በኋላ የምናደርጋቸው ጨዋታዎች በሙሉ ለእኛ የፍጻሜ ያህል ናቸው" ያሉት ጋርዲዮላ፣ እያንዳንዱ ግጥሚያ የሞት ሽረት መሆኑን ሲያብራሩ፦ "አንድ ጨዋታ ከተሸነፍን ከፉክክሩ እንወጣለን፤ ዳግም ለማገገም ዕድል የለንም" ሲሉ የሁኔታውን አሳሳቢነት ገልጸዋል። ይህም ለተጫዋቾቻቸው "ምንም ዓይነት መዘናጋት አይፈቀድም" የሚል ግልጽ መልዕክት ነው።

የሳቪንሆ መመለስ ለሲቲ ትልቅ ፋይዳ አለው
ከዚህ ጠንከር ካለ ማስጠንቀቂያ ጎን ለጎን፣ ጋርዲዮላ ለደጋፊዎቻቸው የምስራች አላቸው። ወጣቱ እና ተስፈኛው ተጫዋች ሳቪንሆ ከጉዳቱ አገግሞ ወደ ሜዳ ለመመለስ መቃረቡን አሰልጣኙ አረጋግጠዋል። የሳቪንሆ መመለስ ሲቲ በቀጣዮቹ ወሳኝ ጨዋታዎች ላይ ለሚኖረው የማጥቃት አማራጭ ትልቅ ጉልበት እንደሚሆን ይታመናል።

Getu Temesgen - (ጌጡ ተመስገን)
#getutemesgen #getu #ጌጡ #mancity #pepguardiola #premierleague #savinho #footballnews #etsports #citizens #titlerace

የሳምንቱ መጨረሻ የእግር ኳስ ድግስ!
#ethiopia | ከጣሊያን ሴሪ አ የኤል ክላሲኮ ያህል የሚጠበቀው የኢንተር ሚላን እና ጁቬንቱስ ፍልሚያ እስከ ስፔን ላሊጋው የሪያል ማድሪድ ብርቱ ፈተና፤ እንዲሁም በእንግሊዝ ካራባኦ ካፕ እና በጀርመን ቡንደስሊጋ የሚደረጉ ጨዋታዎች የዛሬውን ምሽት ልዩ ያደርጉታል።
የዛሬ ተጠባቂ መርሐግብሮች በኢትዮጵያ ሰዓት አቆጣጠር፦

የእንግሊዝ ካራባኦ ካፕ እና ሌሎች
* 9:15 | ቡርተን ከ ዌስትሀም ዩናይትድ
* 12:00 | ማንችስተር ሲቲ ከ ሳልፎርድ
* 2:45 | አስቶን ቪላ ከ ኒውካስል ዩናይትድ
* 5:00 | ሊቨርፑል ከ ብራይተን
የጀርመን ቡንደስሊጋ
* 11:30 | ወርደር ብሬመን ከ ባየር ሙኒክ
የጣሊያን ሴሪ አ (ደርቢ ዲ ኢታሊያ)
* 4:45 | ኢንተር ሚላን ከ ጁቬንቱስ
የስፔን ላሊጋ
* 5:00 | ሪያል ማድሪድ ከ ሪያል ሶሴዳድ
#አውሮፓ #እግርኳስ #mancity #realmadrid #interjuve #liverpool #bayernmunich #footballupdate #ethiopia

"ሰደተኞች ሀገራቸውን ጠልተው አይደለም የሚሰደዱት" — ፔፕ ጋርዲዮላ
#ethiopia | ጋርዲዮላ ለሰር ጂም ራትክሊፍ ያላቸውን ክብር ከገለጹ በኋላ፣ ትኩረታቸውን በዓለም አቀፍ ደረጃ አሳሳቢ ወደሆነው የስደተኞች ጉዳይ አዙረዋል። "ችግሩ ሁሉም ሀገራት ስደተኞችን እንደ ስጋት ወይም እንደ ችግር መመልከታቸው ነው" ያሉት አሰልጣኙ፣ ማንም ሰው ያለምክንያት ቀዬውን እንደማይለቅ ተናግረዋል።
የጋርዲዮላ ቁልፍ መልእክቶች፡

* የስደት መንስኤ፦ ሰዎች ሀገራቸውን ጥለው የሚሰደዱት ስለሚጠሏት ሳይሆን፣ በሀገራቸው ካለ ችግር ለማምለጥ ወይም የተሻለ ህይወት ለመፈለግ እንደሆነ አስገንዝበዋል።

* የእኩልነት መርህ፦ ዜግነት፣ የቆዳ ቀለም ወይም የትውልድ ቦታ በአንድ ሰው ማንነት ላይ ከሌላው የተሻለ ለውጥ እንደማያመጡ ገልጸዋል።

* ግላዊ ምሳሌ፦ "እኔ ካታላን መሆኔ ከእናንተ በምንም ነገር የተሻለ አያደርገኝም" በማለት የሰው ልጆች ሁሉ እኩል መሆናቸውን በአጽንኦት ተናግረዋል።

ጋርዲዮላ አክለውም፣ ዓለም የሰዎችን እኩልነት ተረድታ እዛ ደረጃ ላይ ለመድረስ ገና ረጅም ጊዜ እንደሚወስድባት ያላቸውን ስጋት አልሸሸጉም።

Getu Temesgen - (ጌጡ ተመስገን)
#getutemesgen #getu #ጌጡ #pepguardiola #mancity #refugees #humanity #equality #footballandlife #ethiosport #europe #citizens

ልዩነቱ 3 ደርሷል! ⚽️🔥

​🔵 ማንችስተር ሲቲ አርሰናልን በቅርብ ርቀት መከተሉን ቀጥሏል!

​#ethiopia | ወጣቶቹ እና ሀላንድ በኢትሀድ የጎል ድግስ አደረጉ... በርንሌይ አስደናቂ ተአምር ሰራ

​በ26ኛ ሳምንት የእንግሊዝ ፕሪሚየር ሊግ ማንችስተር ሲቲ በሜዳው ኢትሀድ ፉልሀምን አስተናግዶ 3 ለ 0 በሆነ ውጤት በማሸነፍ የአርሰናልን የነጥብ ልዩነት ማጥበብ ችሏል።

​የጨዋታው ኮከቦች:

በዚህ ጨዋታ የሲቲን የድል ግቦች ያስቆጠሩት፦

⚽️ አንቱዋን ሴሜኒዮ
⚽️ ኒኮ ኦሪል እና
⚽️ ኤርሊንግ ሃላንድ ናቸው።

​የሊጉ ደረጃ:
ይህንን ውጤት ተከትሎ ማንችስተር ሲቲ ነጥቡን ወደ 53 ከፍ በማድረግ ከመሪው አርሰናል ያለውን ልዩነት ወደ 3 ነጥብ ብቻ አጥብቦ 2ኛ ደረጃ ላይ ተቀምጧል።

ፉልሀም በበኩሉ የውድድር ዓመቱ 12ኛ ሽንፈቱን አስተናግዷል።

​የሌሎች ጨዋታዎች ውጤት:
​አስቶን ቪላ 1-0 ብራይተን (ሂንስሺልውድ በራሱ ግብ ላይ)
​በርንሌይ 3-2 ክሪስታል ፓላስ (ከመመራት ተነስቶ ያሸነፈበት)
​ኖቲንግሀም ፎረስት 0-0 ዎልቭስ

​የዋንጫ ፉክክሩ ይበልጥ ተጋግሏል!
ሲቲ ወይስ አርሰናል?

​#mancity #premierleague #arsenal #haaland #astonvilla #burnley #epl #football #getutemesgen #getu #ጌጡ #ጌጡተመስገን

🔵 ማንችስተር ሲቲ አንፊልድ ላይ ነግሷል! የዋንጫው ፉክክር እንደገና ተጋጋለ! 🏟️🔥

​ሊቨርፑል 1 - 2 ማንችስተር ሲቲ
#ethiopia | ​በ25ኛ ሳምንት የእንግሊዝ ፕሪሚየር ሊግ ማንችስተር ሲቲ ወደ አንፊልድ አምርቶ ሊቨርፑልን 2 ለ 1 በመርታት ከመሪው አርሰናል ጋር ያለውን የነጥብ ልዩነት አጥብቧል።

​የጨዋታው ድምቀቶች:

⚽️ ጎሎች:
ለሲቲ በርናርዶ ሲልቫ እና ኤርሊንግ ሀላንድ (በፍጹም ቅጣት ምት) ሲያስቆጥሩ፤ ለሊቨርፑል ዶሚኒክ ሶቦዝላይ ድንቅ የቅጣት ምት ግብ አስቆጥሯል።

🟥 ቀይ ካርድ:
የሊቨርፑሉ ግብ አስቆጣሪ ሶቦዝላይ በጨዋታው መጠናቀቂያ (ባከነ ሰዓት) ላይ ሀላንድ ላይ በሰራው ጥፋት በቀይ ካርድ ከሜዳ ተሰናብቷል።

​የሊጉ ደረጃ እና ፉክክር:
ይህንን ውጤት ተከትሎ የዋንጫው ፉክክር ወሳኝ ምዕራፍ ላይ ደርሷል፡

1️⃣ አርሰናል: 56 ነጥብ
2️⃣ ማንችስተር ሲቲ: 50 ነጥብ (ልዩነቱ 6 ብቻ!)
...
6️⃣ ሊቨርፑል: 39 ነጥብ (Top 4 የመግባት ተስፋው እየቀዘቀዘ ነው)

​ሲቲ የዋንጫውን ጉዞ ሊቀለብሰው ይችላል?
አርሰናልስ መሪነቱን ያስጠብቃል?

​#mancity #liverpool #pl #haaland #szoboszlai #arsenal #titlerace #premierleague #getutemesgen #getu #ጌጡ #ጌጡተመስገን

ፔፕ ጋርዲዮላ አርሰናልን አሞካሹ
#ethiopia | የማንችስተር ሲቲው ስልጡን አሰልጣኝ ፔፕ ጋርዲዮላ፣ ለኤፍ ኤ ካፕ (FA Cup) የፍፃሜ ጨዋታ ለሚገጥሙት አርሰናል ያላቸውን አድናቆት ገለጹ። ጋርዲዮላ መድፈኞቹን "የአውሮፓ አልፎም የዓለም ምርጡ ቡድን" ሲሉ አሞካሽተዋል።

ከጋርዲዮላ ንግግር የተወሰዱ ዋና ዋና ነጥቦች፦

* የቡድኑ ጥንካሬ፦ አርሰናል በአሁኑ ሰዓት በአውሮፓ ውስጥ ካሉ ክለቦች ሁሉ የላቀ ብቃት ላይ እንደሚገኝ አሰልጣኙ መስክረዋል።

* የጨዋታው ድባብ፦ "ከአርሰናል ጋር መጫወት ሁልጊዜም አስደሳች ነው" ያሉት ፔፕ፣ እንዲህ ያሉ ጠንካራ ጨዋታዎች ለሲቲ ተጫዋቾች ብቃት መጨመር ትልቅ አስተዋጽኦ እንዳላቸው ገልጸዋል።

* የፍፃሜው ጉዞ፦ ጨዋታው በለንደን (ዌምብሊ) መደረጉን አስመልክቶ ሲናገሩ "ለፍፃሜ ጨዋታ ወደ ለንደን መጓዝ ልምዳችን ነው፤ ተጋጣሚያችን እዛው ይጠብቀናል" በማለት የቡድናቸውን ለፍፃሜ የመድረስ ልምድ በኩራት ተናግረዋል።

ይህ የሁለቱ ታላላቅ ክለቦች ፍልሚያ፣ በታክቲክ የበሰሉትን ጋርዲዮላን እና የቀድሞ ረዳታቸውን ሚኬል አርቴታን ዳግም የሚያገናኝ በመሆኑ በጉጉት እየተጠበቀ ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #mancity #arsenal #pepguardiola #facup #footballnews #ethiopia #ስፖርት

የፔፕ ጋርዲዮላ እና የማንችስተር ሲቲ ፍቺ ቀርቧል?
#ethiopia | የእንግሊዙ ሻምፒዮን ማንችስተር ሲቲ ስኬታማው አሰልጣኙ ፔፕ ጋርዲዮላ በውድድር ዘመኑ መጨረሻ ክለቡን ሊለቁ እንደሚችሉ የሚጠቁሙ መረጃዎች በስፋት እየወጡ ይገኛሉ። ምንም እንኳን አሰልጣኙ በቅርቡ የሁለት ዓመት አዲስ ውል ቢፈርሙም፣ ይህ ስምምነት ግን የታሰበውን ያህል ዘላቂ ላይሆን እንደሚችል ተገምቷል።

የውሉ ሚስጥር ምን ይሆን?

እንደ ምንጮች ዘገባ ከሆነ፣ ጋርዲዮላ የሁለት ዓመት ውል እንዲፈርሙ የተደረገው አሰልጣኙ በዚህ የውድድር ዘመን ላይ ብቻ ትኩረት አድርገው፣ ያለምንም ውጫዊ ጫና እና "ይለቃሉ ወይስ አይለቁም?" የሚሉ ጥያቄዎች ሳይረብኟቸው በነፃነት እንዲሰሩ ለማስቻል ነበር። ይሁን እንጂ ውሉ የተፈረመው ለአንድ ዓመት ቆይታ ብቻ ታስቦ እንደሆነ ይነገራል።

ተተኪ ፍለጋው ተጀምሯል?

የክለቡ አመራሮች ጋርዲዮላን የማቆየት ከፍተኛ ፍላጎት ቢኖራቸውም፣ አሰልጣኙ ግን ውሳኔያቸውን የገፉበት ይመስላል። ማንችስተር ሲቲም የፔፕን መልቀቅ በፀጋ ለመቀበልና አስቀድሞ ለመዘጋጀት በሚል፣ ተተኪ ሊሆኑ የሚችሉ አሰልጣኞችን ማነጋገር መጀመሩ ተሰምቷል። ይህ እንቅስቃሴ ደግሞ አሰልጣኙን ከጫና ነፃ የማድረግ እቅዱ ሳይሳካ እንዲቀር አድርጎታል።

ፔፕ ጋርዲዮላ በኢቲሃድ የቆዩበትን ዘጠኝ የውድድር ዘመናት በድል አጠናቅቀው በክብር ይሰናበቱ ይሆን ወይስ የቀረውን የአንድ ዓመት ውል ያከብራሉ? የሚለው ጉዳይ የዓመቱ መጨረሻ ትልቅ ጥያቄ ሆኖ ይቀጥላል።

Getu Temesgen - (ጌጡ ተመስገን)
#getutemesgen #getu #ጌጡ #pepguardiola #manchestercity #transfernews #epl #footballupdate #mancity #ፔፕጋርዲዮላ #ማንችስተርሲቲ

የዛሬ ጨዋታዎች

የኢትዮጵያ ፕሪሚየር ሊግ እና የጥሎ ማለፍ ፍልሚያዎች

የአገር ውስጥ እግር ኳስ ዛሬ በታላላቅ ክለቦች ግጥሚያ ይሞቃል። በተለይ በ "አፄዎቹ" እና በ "ፈረሰኞቹ" መካከል የሚደረገው ጨዋታ የሁሉንም ትኩረት ስቧል።

* 07:00 | ወልዋሎ አዲግራት ዩ. ከ አርባምንጭ ከተማ

* 09:00 | መቐለ 70 እንደርታ ከ ኢትዮጵያ ቡና

* 10:00 | ፋሲል ከነማ ከ ቅዱስ ጊዮርጊስ (ተጠባቂው የሳምንቱ ጨዋታ)

* 12:00 | ኢትዮጵያ ንግድ ባንክ ከ ነጌሌ አርሲ

🏴󠁧󠁢󠁥󠁮󠁧󠁿 የእንግሊዝ ፕሪሚየር ሊግ

በእንግሊዝ ሊግ ዛሬ የምሽቱ ማሳረጊያ የሚሆነው በቶተንሀም እና በማንችስተር ሲቲ መካከል የሚደረገው ፍልሚያ ነው። ፔፕ ጋርዲዮላ ወደ ሰሜን ለንደን የሚያቀኑት ወሳኝ ነጥብ ፍለጋ ነው።

* 11:00 | አስቶን ቪላ ከ ብሬንትፎርድ
* 11:00 | ማንችስተር ዪናይትድ ከ ፉልሀም
* 01:30 | ቶተንሀም ከ ማንችስተር ሲቲ

ላ ሊጋ እና ሴሪ አ
በስፔን ሪያል ማድሪድ የደረጃ ሰንጠረዡን ለመምራት ራዮን ያስተናግዳል፤ በጣሊያን ደግሞ ጁቬንቱስ እና ኢንተር ሚላን የድል ጉዟቸውን ለመቀጠል ወደ ሜዳ ይገባሉ።

* 10:00 | ሪያል ማድሪድ ከ ራዮ ቫይካኖ
* 11:00 | ኮሞ ከ አታላንታ
* 02:00 | ክሪሞኔንሴ ከ ኢንተር ሚላን
* 04:45 | ፓርማ ከ ጁቬንቱስ

መልካም የኳስ ምሽት ይሁንላችሁ!

Getu Temesgen - (ጌጡ ተመስገን)
#getutemesgen #getu #ጌጡ #ethiopianpremierleague #premierleague #laliga #seriea #matchday #footballethiopia #realmadrid #mancity #saintgeorgesa

🚨 "ከሜዳ ሊያርቀኝ ይችል ነበር!" — ጄርሚ ዶኩ ስለ ዳሎት ጥፋት ተናገረ
#ethiopia | የማንችስተር ሲቲው ወጣት ኮከብ ጄርሚ ዶኩ፣ በቅርቡ በተደረገው የማንችስተር ደርቢ ጨዋታ የዩናይትዱ ተከላካይ ዲያጎ ዳሎት የፈጸመበት ጥፋት እጅግ አስፈሪ እንደነበር ገልጿል።

"የእውነት ከባድ ነበር"

ዶኩ ከጨዋታው በኋላ በሰጠው አስተያየት፣ የጥፋቱን ምስል መመልከቱን ጠቅሶ ጉዳቱ የከፋ ሊሆን ይችል እንደነበር እንዲህ ሲል አብራርቷል፦

> "ምስሉን እንደተመለከታችሁት የሰራብኝ ጥፋት የእውነት ከባድ ነበር፤ ለረጅም ጊዜ ከሜዳ ሊያርቀኝ ይችል ነበር።"
>
የመታደል ጉዳይ

ዶኩ ጨምሮ እንደገለጸው፣ ጥፋቱ አስፈሪ ቢሆንም ምንም ዓይነት ከባድ ጉዳት
ሳይደርስበት በመውጣቱ እፎይታ ተሰምቶታል። "ነገር ግን እንደመታደል ሆኖ ሁሉም ነገር ጥሩ ሆኗል፤ አሁን ያለፈ ነገር ነው" ሲል ጉዳዩን በይቅርታ ማለፉን አመልክቷል።

ይህ አጋጣሚ በጨዋታው ወቅት በደጋፊዎችና በተንታኞች ዘንድ ከፍተኛ ክርክር አስነስቶ የነበረ ሲሆን፣ ዶኩ አሁን በሰላም ወደ ልምምድ መመለሱ ለፔፕ ጋርዲዮላ ቡድን ትልቅ እፎይታ ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #ጌጡተመስገን #manchestercity #manchesterderby #jeremydoku #diogodalot #mancity #pl #footballnews #ethiopia #