አግቢ እንጂ፤ ቆመሽ ቀረሽ እኮ!

በዶ/ር ኃይለልዑል መኮንን (የአዕምሮ ሕክምና ስፔሻሊስት)
#ethiopia | አንዲት ሴት በህይወቷ ስኬታማ ሆና ራሷን ለመለወጥ ስትጥር ማህበረሰቡ ዕውቅና ከመስጠት ይልቅ የትዳር ሁኔታዋን እንደ ዋነኛ መመዘኛ ሲወስደዉ ይስተዋላል።

የቱንም ያህል ብትማር፣ ብትመራመርና ተፅዕኖ ፈጣሪ ብትሆኖም ትዳር እስካልያዘች ድረስ እንደ "ጎዶሎ" እንድትቆጠር ይደረጋል። ይህ የስነ ልቦና ጫና ሴቷ በራሷ እንዳትተማመንና ማንነቷን በትዳር መስታወት ውስጥ ብቻ እንድትፈልግ ትገደዳለች።

“አግቢ እንጂ፤ ቆመሽ ቀረሽ እኮ!” የሚለው አባባል ለብዙ ሴቶች ሰላማቸውን የሚነሳ የጭንቀት ምንጭ ሊሆን የሚችልና በራሷ ላይ ያላትን እምነት እንድታጣ በማድረግ ሥር የሰደደ ማህበራዊ ውጥረት ሊያስከስት ይችላል።

ሴቷ የጎደለኝ ነገር አለ ወይም ቤተሰቦቼን እያሳፈርኩ ነው የሚል የጥፋተኝነት ስሜት ውስጥ እንድትወድቅ ከማድረጉም በላይ ለድብርት እና ለጭንቀት ህመም በር ይከፍታል።

የማህበረሰቡ ንዝነዛ ከሚፈጥራቸው አስከፊ ውጤቶች አንዱ ሴቶች ካልተዘጋጁበትና ካልወደዱት ሰው ጋር ወደ ትዳር ዓለም እንዲገቡ መገፋፋታቸው ነው። ከማህበረሰቡ ወቀሳ ለማምለጥ ሲባል ብቻ የሚደረግ እና በፍቅር ሳይሆን በጫና የተመሰረተ ትዳር ዉስጥ እንድትገባ ያደርጋታል።

የማህበረሰባችን ትልቁ ስህተት ትዳርን እንደ ስኬት ብቸኝነትን ደግሞ እንደ ውድቀት መቁጠሩ ነው ብዬ አስባለሁ። ትዳር ሁለት ሰዎች በዝግጁነት የሚመሰርቱት ህብረት ሆኖ ሳለ ማህበረሰቡ “ቆመሽ ቀረሽ” እያለ በሚወረውረው ቃል አንዲት ሴት የነገ ህይወቷን ገደል ውስጥ እንድትጨምር እያደረጋት መሆኑን ሊገነዘብ ይገባል።

ስለዚህ እህቴ ሆይ ማንም ሰው ስላንቺ ደስታና ሰላም ካንቺ በላይ ሊጨነቅ አይችልም። በጫና የምትገቢበት ትዳር ደግሞ ነገ ለሚመጣው ስብራት ማንም ሃላፊነት አይወስድምና የአእምሮ ሰላምሽን አስቀድሚ።

ወላጆችና ዘመድ አዝማድ የሆናችሁ ደግሞ ትዳር እንዲመሰርቱ የምታደርጉት ግፊት የዉስጥ ሰላማቸዉን ሊረብሽ ይችላልና “መቼ ነው የምታገቢው?” ከማለት ይልቅ “እንዴት ነሽ?” የሚለው ጥያቄ ይቅደም በማለት ሙያዊ ምክሬን ለግሳለሁ።

እናንተስ በዚህ ጉዳይ ላይ ምን ትላላችሁ?

ኢካርዲ መኪና እንዳያሽከረክር ታገደ !

ማውሮ ኢካርዲ በመፈፀም የደንብ ጥሰት ምክንያት በአርጀንቲና እስከ 2099 ድረስ መኪና እንዳያሽከረክር ታግዷል።

አርጀንቲናዊው ተጨዋች ኢካርዲ የተላለፈበት እግድ ሲጠናቀቅ የ 105 አመት አዛውንት ይሆናል።

ተጨዋቹ ለቅጣት የተዳረገው የትዳር አጋሩ የደህንነት ቀበቶ ሳታስር በመስኮት ወጥታ መታየቷን ተከትሎ ነበር።

ተጨዋቹ በመኪናው ውስጥ የነበረውን ክስተት በማህበራዊ ሚዲያ ላይ ለጥፎ ነበር።

በተደረገው ምርመራ ኢካርዲ የታደሰ መንጃ ፍቃድ እንደሌለው ማረጋገጡን የሀገሪቱ ትራንስፖርት ሚኒስቴር ገልጿል።

@tikvahethsport      kidusyoftahe

በሰሜን ሸዋ ዞን ባሶና ወራና ወረዳ የሰባት ልጆቹን እናት በመጥረቢያ የገደለው ግለሰብ   በ17 ዓመት ጽኑ እስራት ተቀጣ

​ጥንዶቹ በሰባት ልጆች የተባረከ አርአያነት ያለው የትዳር ሕይወት ሲመሩ ቢቆዩም፣ ከትዳር ውጭ በተወለደ ልጅ ምክንያት በተፈጠረ አለመግባባት ቅራኔ ውስጥ ገብተው ነበር።

ይህ ውዝግብ እየተባባሰ በመሄዱ፣ የካቲት 20 ቀን 2018 ዓ.ም ባል አቶ አሠበ በላይነሕ ባለቤታቸውን ወ/ሮ ሒሩት ጌታቸውን በዱላ መተው መሬት ላይ ከጣሉ በኋላ በመጥረቢያ ደጋግመው በመምታት ሕይወታቸው እንዲያልፍ አድርገዋል።

​ተከሳሹ ወንጀሉን ከፈጸመ በኋላ እጁን ለፖሊስ የሰጠ ሲሆን፣ ፖሊስ ምርመራውን አጠናቆ ለፍትሕ መምሪያ በመላኩ የከባድ ሰው መግደል ክስ ተመስርቶበታል።

የሰሜን ሸዋ ዞን ከፍተኛ ፍርድ ቤትም ድርጊቱ ጨካኝና ከባድ ቢሆንም፣ ሁለት የክስ ማቅለያዎችን በመመልከት ተከሳሹን በ17 ዓመት ጽኑ እስራት እንዲቀጣ ወስኗል።

Seledadotio
Seledadotio

(ዘ-ሐበሻ ዜና) በአሜሪካ ዋሽንግተን ዲሲ፣ አንድ የእንጀራ አባት የትዳር አጋሩ ከሌላ ሰው የወለደቻትን የሁለት ወር መንታ ህጻን ህይወት በማጥፋት እና ወንጀሉን ኦቲዝም ባለበት የ7 ዓመት ልጁ ላይ ለማላከክ በመሞከሩ በቁጥጥር ስር መዋሉን ፖሊስ አስታወቀ።

ዲሜትሪየስ ቢቲ የተባለው ይህ ግለሰብ፣ ካሚያህ ኦነስቲ የተባለችውን የሁለት ወር ህጻን ህይወት በማጥፋት፤ በአንደኛ ደረጃ የነፍስ ግድያ እና በህጻናት ላይ ጭካኔ የተሞላበት ወንጀል መፈጸም ክስ ተመስርቶበታል። አቃቤ ህግ ለፍርድ ቤት ባቀረበው ሰነድ መሰረት፣ ግለሰቡ ይህን አሳዛኝ ድርጊት የፈጸመው ህጻኗ ከሌላ አባት በመወለዷ ባደረበት የቅናት ስሜት መሆኑ ተገልጿል።

ባለፈው ኦገስት 16 ምሽት የህጻኗ እናት ወደ ገበያ በሄደችበት ወቅት፣ ግለሰቡ ለፖሊስ (911) ስልክ በመደወል "መናገር የማይችለው የ7 ዓመት ኦቲስቲክ ልጄ ህጻኗን ክፉኛ ጎድቷታል" በማለት የፈጸመውን ወንጀል በልጁ ላይ ለመለጠፍ ሞክሮ ነበር። ሆኖም የህክምና ባለሙያዎች ባደረጉት ምርመራ፣ በህጻኗ ላይ የደረሰው ከባድ ጉዳት በ7 ዓመት ልጅ ሊፈጸም እንደማይችል በሳይንሳዊ መንገድ አረጋግጠዋል።

የፍርድ ቤት ሰነዶች እንደሚያሳዩት ከግድያው አንድ ሳምንት በፊት ግለሰቡ መንታ ህጻናቱን ጥላቸው ከሄደች "ህይወታቸው እንደሚያልፍ" ለእናትየው ዛቻ አዘል ማስጠንቀቂያ ሰጥቶ ነበር። በዕለቱ ፖሊስ ወደ ቤቱ ሲደርስ፣ ሌሎች የቤተሰቡ ህጻናትም ተገቢ ያልሆነ አያያዝ እና መጠነኛ ጉዳቶች ታይቶባቸው ስለነበር፣ በአስቸኳይ ከተጠርጣሪው ተነጥለው ለዲሲ የህጻናት እና ቤተሰብ ደህንነት ተቋም እንክብካቤ እንዲሰጣቸው ተደርጓል።

በአሁኑ ወቅት ተጠርጣሪው ዲሜትሪየስ ቢቲ ምንም አይነት የዋስትና መብት ሳይፈቀድለት በማረሚያ ቤት እንዲቆይ የተወሰነ ሲሆን፣ በመጪው ሴፕቴምበር 28 ለሚሰማው የመጀመሪያ የፍርድ ቤት ቀጠሮ እየተጠባበቀ ይገኛል። አቃቤ ህግ ይህን መሰል በህጻናት ላይ የሚፈጸም ወንጀል ፈጽሞ ተቀባይነት የሌለው መሆኑን በአጽንኦት ገልጿል።

(የአዘጋጁ ማስታወሻ፦ ይህ አሳዛኝ ክስተት በቤተሰብ ውስጥ ያሉ ህጻናት ደህንነት ላይ ምን ያህል ጥንቃቄ እና ትኩረት ሊደረግ እንደሚገባ ትልቅ ማሳሰቢያ የሚሰጥ ነው።)

👑💍🕊️ዐዲስ ምዕራፍ የመጀመሪያ ገጽ ሲጻፍ ከእኛ ጋር ኹኑ!
#ethiopia | 30 መጻሕፍትን ጻፍኩ፤ አሁን ግን ከሁሉም የሚለየውን መጽሐፍ ልጀምር ነው፤ ብዕሩ ፍቅር፣ ቀለሙ ቃል ኪዳን፣ ርዕሱም “ትዳር” ነው!

30ኛ መጽሐፌን አጠናቅቄ አስመርቄ፤ አሁን ደግሞ የሕይወቴን ዐዲስና ውብ ምዕራፍ ከወት ሣምራዊት ጋር ልከፍት ነው። ፨

አንድ ሰው መጽሐፍን ብቻውን ሊጽፍ ይችላል፤ የትዳርን ታሪክ ግን ኹለት ልቦች በአንድ ቃል ኪዳን ይጽፉታል።

እሑድ መስከረም 10 ቀን 2019 ዓ.ም.
በተቀጸል ጽጌ፣
በበዓለ ጼዴንያ፣
በበዓለ መስቀል ዕለት፣

በቶታል ሰፈረ ገነት ቅድስት ሥላሴ ካቴድራል፣ ከወይዘሪት ሣምራዊት መልአኩ ጋር ጋብቻችንን በቅዱስ ሥርዓተ ተክሊል እንፈጽማለን።

ውድ ወዳጆቼ፣ ዘመዶቼ፣ በሕይወት ጉዞዬ አብራችሁኝ የቆያችሁ ኹላችሁ፤ በዕለቱ በሌሊትም ይኹን በጠዋቱ የዐውደ ምሕረት መርሐ ግብር ላይ ወደ ቤተ ክርስቲያን መጥታችሁ የጸሎታችን፣ የበረከታችንና የደስታችን ተካፋይ እንድትኾኑ በታላቅ ፍቅር እጋብዛችኋለሁ።

የቤተ ክርስቲያኑ አድራሻ፦
ከጦር ኃይሎች ወደ ቶታል በሚወስደው መንገድ፣ ከዱባይ (United Arab Emirates Embassy) አጠገብ፣ ቶታል ሰፈረ ገነት ቅድስት ሥላሴ ካቴድራል።

30ኛው መጽሐፌ ተጠናቀቀ፤
የሕይወቴ ዐዲስ ምዕራፍ ይከፈታል፤
በክርስቶስ በመስቀሉ ጥላ ሥር ሁለት ሕይወት በአንድ ቃል ኪዳን ይተሳሰራል።

እስከዛሬ 30 መጻሕፍትን ጽፌ ለአንባቢዎቼ አቀረብኩ፤
ከዚህ በኋላ ግን እግዚአብሔር የሚመራውን የሕይወት ታሪክ ሁለት ሆነን እንጽፋለን።

ኑ፤ የዚህ ዐዲስ ምዕራፍ የመጀመሪያ ገጽ ሲጻፍ ከእኛ ጋር ኹኑ!

መጋቤ ሐዲስ ዶክተር ሮዳስ ታደሰ
💍
ወ/ት ሣምራዊት መልአኩ

«የእናቴ ሮሚዮ» መጽሐፍ በአድዋ መታሰቢያ ሙዚየም ተመረቀ!
#fastmereja :- የጋዜጠኛና ደራሲ ስመኝ ግዛው አዲስ «የእናቴ ሮሚዮ» የተሰኘ አጭር ልቦለዶችን ያቀፈ መጽሐፍ ታዋቂ የሥነ-ጽሑፍ ባለሙያዎች፣ ምሁራን፣ አርቲስቶችና በርካታ አንባቢያን በተገኙበት በአድዋ መታሰቢያ ሙዚየም በድምቀት ተመረቀ።

መጽሐፉ ከምርቃቱ ቀደም ብሎ ለአንባቢያን የቀረበ ሲሆን ይህም አንባቢያን ያዩትን የተሰማቸዉን በነፃነት እንዲገልፁ እና ገንቢ አስተያየት እንዲሰጡበት ታስቦ ሲሆን፣ በዕለቱ በሥራው ጥበባዊ ይዘት እና የቴክኒክ ጥራት ላይ ጥልቅ ሂስና ዳሰሳ ቀርቧል።

የመጽሐፉን ዳሰሳ ያቀረቡት ረዳት ፕሮፌሰር መኩሪያ መካሻ እንደገለጹት፣ «የእናቴ ሮሚዮ» አንባቢን አጥብቆ የመያዝ እና ከፍተኛ ምስል ከሳችነት ያለው ጥበብ የተላበሰ ድንቅ ሥራ ነው፡፡

በምርቃት ሥነ-ሥርዓቱ ላይ የኪነ-ጥበብ ት ትዕይንቶች የቀረቡ ሲሆን፣ ከመጽሐፉ የተወሰደው «የሳቄ ኦዲተር» የተሰኘው ድርሰት ተዘጋጅቶ በመድረክ ተውኔት መልክ ቀርቧል። በተጨማሪም አንጋፋው ድምጻዊ ጌታቸው ጋዲሳ እና የሀገር መከላከያ ሰራዊት ማርች ባንድ በመድረኩ ላይ በመገኘት ዝግጅቱን አደምቀውታል።

ጋዜጠኛና ደራሲ ስመኝ ግዛው በሥነ-ሥርዓቱ ላይ ባደረገችው ንግግር፣ መጽሐፉን ለመጻፍ ባሳለፈችበት ወቅት የነበረባትን ከባድ የጤና እክል አልፋ ለዚህ በመብቃቷ እግዚአብሔርን አመስግናለች።

ደራሲ ስመኝ አክላም በመጽሐፉ ውስጥ የትዳርና የቤተሰብ ሕይወት ተቋማዊ እሴቶችን ለመጠበቅና እውነተኛ ታሪኮችን ለማቅረብ ከፍተኛ ጥንቃቄ ማድረጓን ገልጻለች።

«የእናቴ ሮሚዮ» መጽሐፍ ተመረቀ
‎
‎#ethiopia | ​ከእውነተኛው ሕይወት ገጽታዎች የተቀዱ ውብ አጫጭር ታሪኮችን ያቀፈው የጋዜጠኛና ደራሲ ስመኝ ግዛው «የእናቴ ሮሚዮ» መጽሐፍ ታዋቂ የሥነ ጽሑፍ ባለሙያዎች፣ ምሁራን፣ አርቲስቶችና በርካታ አንባብያን በተገኙበት በድምቀት ተመረቀ።
‎
‎መጽሐፉ ከምርቃቱ ቀደም ብሎ ለአንባብያን የደረሰ በመሆኑ፣ በዕለቱ በሥራው ላይ ጥልቅ ግምገማና ዳሰሳ የቀረበ ሲሆን፣ ከመጽሐፉ የተወሰዱ ታሪኮችም በታዋቂ ተዋንያን አማካኝነት በመድረክ ላይ ቀርበዋል።
‎
‎ደራሲዋ መጽሐፉን አስቀድሞ ለንባብ ማብቃቷ አንባብያን ያዩትንና የተሰማቸውን በነፃነት እንዲገልጹ እንዲሁም ገንቢ ሂስና አስተያየት እንዲሰጡበት ሰፊ መድረክ የከፈተ መሆኑን ገልጻለች።
‎
‎​በምርቃት ሥነ ሥርዓቱ ላይ ንግግር ያደረገችው ደራሲ ስመኝ ግዛው፣ መጽሐፉን ለመጻፍ ባሳለፈችበት ወቅት ከባድ የጤና እክል ይፈታተናት እንደነበርና ያንን ሁሉ የጽናት ጉዞ አልፋ ለዚህ በመብቃቷ እግዚአብሔርን አመስግናለች።
‎
‎ለአንድ ደራሲ ከመነበብና በሥራው ላይ ውይይት ከመደረጉ በላይ ትልቅ ሽልማት የለውም ያለችው ደራሲዋ፣ በመጽሐፉ ውስጥ የትዳርና የቤተሰብ ሕይወት ተቋማዊ እሴቶችን ለመጠበቅና ማንኛውም አንባቢ ራሱን የሚያገኝበትን እውነተኛ ታሪክ ለማቅረብ ከፍተኛ ጥንቃቄ ማድረጓን ተናግራለች።
‎
‎​አዳራሹን በነጻ ከመስጠት ጀምሮ እስከ ዝግጅቱ ማብቂያ ድረስ ከጎኗ ለቆሙ ድርጅቶችና ባልደረቦቿ፣ ለሀገር መከላከያ ማርች ባንድ ሙዚቀኞች፣ ለቤተሰቦቿ እንዲሁም ሁልጊዜም ከጎኗ ሆነው ለሚያበረታቷት ወዳጆቿ ልባዊ ምስጋናዋን አቅርባለች።
‎
‎📷 ከበደ መክብብ
‎
‎​#yenateromeo #semegngizaw #amharicbooks #ethiopianliterature #booklaunch #ethiopianwriters #ethiopianauthors #amharicliterature #ethiopianarts #newbookrelease
‎

“ልጆቻችን አይሰሙንም …” ተመረቀ
#ethiopia | በዶክተር መዝገብ ገደፌ የተዘጋጀው በልጆች አስተዳደግ ዙሪያ የተዘጋጀው “ልጆቻችን አይሰሙንም፤ ያዩናል እንጂ” በሚል ርዕስ የተዘጋጀው መጽሐፍ ባሳለፍነው ሐሙስ እጅግ በርካታ እንግዶች በተገኙበት የራስ አምባ ሆቴል አዳራሽ በይፋ ተመረቀ፡፡ መጽሐፉ የወላጆች አርአያነት የልጆችን አሁናዊ እና መጪ ማንነት እንደሚቀርጽ ባማረ ቋንቋ እና ምሳሌያዊ ታሪኮች የቀረበ ሲሆን በ312 ገጾች ተቀንብቧል፡፡

የምርቃቱ መሪ ቃል “የልጆች አስተዳደግ ጉዳይን የማሕበረሰባችን መነጋገሪያ ጉዳይ እናድርገው” በሚል ሲሆን መድረኩ በታዋቂዋ ገጣሚ ረድኤት ተረፈ የተመራ ሲሆን በዝግጅቱ ላይ የጸሐፊው አብሮ አደጎች፣ የቀድሞ አስተማሪዎች.፣ የስራ ባለደረቦች ስለጸሐፊው አጠቃላይ ማንነት ንግግር ያደረጉ ሲሆን ስለመጽሐፉ አጠቃላይ ይዘት እና ስለልጆች አስተዳደግ ያላቸውን ምልከታ ደራሲ እና የሕግ አማካሪ አቶ ዳግማዊ አሰፋ፣ በመሰል ፕሮግራሞች ላይ ሐሳቦቻቸውን እና የማይጠገቡ ጨዋታዎቻቸውን በማቅረብ የሚታወቁት አቶ በኃይሉ ገብረመድኅን፣ ደራሲ ኃይለመለኮት መዋእል እና በቤተሰብ ዙሪያ በርካታ ጠቃሚ አስተዋጽኦ እያበረከቱ የሚገኙት ፓስተር ቸሬ እና የፋሚሊ ትምህርት ቤቶች እና የክቡር ኮሌጅ ባለቤት አቶ ደሳለኝ መኩሪያ በመድረኩ ላይ እይታቸውን አካፍለዋል፡፡

በመጨረሻም ለመጽሐፉ ሕትመት እና ላማረው የምርቃት ዝግጅት ውጤታማነት አስተዋጽኦ ላበረከቱ የደራሲው ወዳጆች ደራሲ ዶ/ር እንዳለጌታ ከበደ ስጦታዎችን አበርክተው የፕሮግራሙ ፍጻሜ ሆኗል፡፡

ወዳጆቻቸውን ውደዱላቸው - የወላጆች ጊዜ

ወላጆች ለልጆቻቸው ሊሰጧቻ ከሚችሉ ነገሮች ትልቁ ነገር እርስ በእርስ የሚኖራቸው ፍቅር ነው፡፡ ስለዚህም የትዳር አጋሮች ሁልጊዜም መተያየት ያለባቸው እንደ ባልና ሚስት ብቻ ሳይሆን እንደ ፍቅረኛም ነው፤ ልክ እንደዱሮው!1

· ‘ቀሪ ሀብቴ’ ተባባሉ፡ ዘወትር የፍቅር ቃላት መለዋወጥን፤ ባገኛችሁት አጋጣሚ ሁሉ መተቃቀፍን፣ መሳሳምን፣ መቀላለድን እና በፍቅር ዐይን መተያየትን ልማድ አድርጉ። ‘አብራ ኗሪዬ’፣ ‘አብሮ ኗሪዬ’ ተባባሉ።

· ‘ያዥልኝ/ያዝልኝ ቀጠሮ’ ተባባሉ፡ ያላችሁን ትርፍ ጊዜ አብቃቅታችሁ ከቤት ውጪ ተቀጣጥራችሁ ዘና ያለ የብቻ ጊዜ አሳልፉ። ልጆቻችሁም ሆነ ሌሎች ሰዎች ይህንን ጊዜያችሁን እንዲሻሙባችሁ አትፍቀዱ። ይህ ፍቅራችሁን ያድስላችኋል። በተጨማሪም በልጆችም ሆነ በሌላ ቤተሰባዊ ጉዳይ ላይ ትኩረት የተሞላበት ውይይት እንድታደርጉ ያስችላችኋል። ስለዚህ ‘ያዥልኝ ቀጠሮ’፣ ‘ያዝልኝ ቀጠሮ’ ተባባሉና ወጣ ብላችሁ ተጨዋወቱ። ተዝናኑ።

· ‘በስልክ አነጋግረኝ’ ይበሉ: የብቻ ጊዜ ቢጠፋ እንኳን በስልክ ረዘም ላሉ ሰዓታት ማውራትም አንዱ መፍትሔ ነው። ውድ ወላጅ የልጅዎን አባት “በስልክ አነጋግረኝ፤ በቀጭኑ ሽቦ” ይበሉት። ካልሆነ ግን “ትወደኝ አትወደኝ አላውቅም” መባባል ይመጣል።

ከመጽሐፉ የተቀነጨበ

ደራሲው ዶ/ር መዝገብ ገደፌን

Facebook- Mezgeb Gedefe Molla (https://www.facebook.com/m...

Linkdin፡ Mezgeb Gedefe

ላይ ብትከታተሏቸው በርካታ ጠቃሚና ሳይንሳዊ የልጅ አስተዳደግ መርሆችን ታገኛላችሁ፡፡

ለበለጠ መረጃ፡ 0944724444 / 0911563764/ 0911149869

“ኩላሊቴን አምጪ አሊያም 1.5 ሚሊዮን ዶላር ክፈይ!”
#ethiopia | የለገስኩሽን ኩላሊቴን መልሽልኝ ያለው የዶክተሩ አስገራሚ የፍቺ ክስ አነጋጋሪ ሆኗል።

በአሜሪካ ሎንግ አይላንድ የሚኖሩት የቀዶ ጥገና ሐኪም ዶ/ር ሪቻርድ ባቲስታ የባለቤታቸውን ዶኔልን ሕይወት ለማዳን ሲሉ አንዱን ኩላሊታቸውን በፈቃዳኝነት ለግሰው ነበር።

ነገር ግን ከሦስት ዓመታት በኋላ በትዳራቸው መካከል በተፈጠረው አለመግባባት ዶኔል የፍቺ ጥያቄ አቀረበች።

በዚህ ጊዜ ታሪኩ ያልተጠበቀ አቅጣጫ ያዘ።

ዶ/ር ሪቻርድ ኩላሊቱን የሰጡት በትዳር ውስጥ እያሉ በመሆኑ አካሉ ተመልሶ እንዲሰጠው ወይም የገንዘብ ካሳ እንዲከፈለው ጠየቀ።

ዶክተሩ ለኩላሊቱ 1.5 ሚሊዮን ዶላር ካሳ ጠየቀ።

ሕክምናዊ በሆነ መንገድ ኩላሊቱ ተነቅሎ እንደሚመለስ ባይጠብቅም የኩላሊቱ ዋጋ በትዳር ሀብት ክፍፍል ውስጥ ተካቶ ሊታሰብበት ይገባል የሚል ነበር።

ዳኛው የቀረበውን ጥያቄ ሙሉ በሙሉ ውድቅ አደረጉት።

ኩላሊቱ በፈቃደኝነት የተሰጠ ስጦታ እንጂ በገንዘብ ሊተመን የሚችል የጋራ የትዳር ሀብት ሊሆን እንደማይችል ወሰኑ።

በሕግ ታሪክ ከተመዘገቡት አስገራሚ የፍቺ ክርክሮች መካከል አንዱ የሆነው ይህ ጉዳይ በነፃ ፈቃድ የተሰጠ የሰውነት አካልን በሕግ ተከራክረው ማስመለስም ሆነ በገንዘብ ማስከፈል አይቻልም በሚል ውሳኔ ተጠናቋል።

ሔኖክ ወ/ገብርኤል
#ethiopia #getutemesgen #divorcesettlement #doctor #donations #kidney #wife #divorce #surgeon #marriage

(ዘ-ሐበሻ ዜና) ከ51 ሚሊዮን ብር በላይ ጉዳት አድርሰዋል በሚል በኦዲት ሪፖርት የተጋለጡ ዳዊት ብርሀኑ ታስረው ዋሉ | አቶ ዳዊት የባለአክሲዮኖችን አደራ ትተው ከባለቤታቸው ትዕግስት ዳምጤ ጋር በወር ከ3.3 ሚሊዮን ብር በላይ ደመወዝ እና ጥቅማጥቅም ለራሳቸው ይከፍሉ እንደነበር የኦዲት ሪፖርት አጋልጧል::

ከውስጥ የመረጃ ምንጮቻችን ባገኘነው መረጃ አቶ ዳዊት ብርሀኑ የዌብስፕሪክስ አይቲ ሶሉሽን ኃላፊነቱ የተወሰነ የግል ማህበር ዋና ስራ አስኪያጅ ሆነው ሲሰሩ በነበረበት ጊዜ በንግድ ድርጅቱ ላይ አድርሰውታል የተባለው ጉዳት በውጭ ኦዲተር እንዲጣራ ተደርጎ በድምሩ የብር 51,280,000.00 ጉዳት ማድረሳቸው በኦዲት ሪፖርት በመረጋገጡ በማህበሩ ላይ ወንጀል ፈጸምመዋል በሚል በአዲስ አበባ ከተማ ቦሌ ክፍለከተማ ፖሊስ መምርያ በተጀመረባቸው ምርመራ ጠዋት ከቢሯቸው በፖሊስ ተይዘው ወደ መምርው ተወስደው ነበር፡፡ ሙሉ ቀን በፖሊስ ምርመራ ሲደረግባቸው ውለዋል፡፡

አቶ ዳዊት ብርሀኑ በፖሊስ ምርመራ የተደረገባቸው በኦዲት ሪፖርቱ ላይ በተገለጹት በሚከተሉት ምክንያቶች መሆኑን ተረድተናል፡፡

በኩባንያው የዳይሬክተሮች ቦርድ እና በጠቅላላ ጉባኤ ውሳኔ እንዲሰጥበት ሳያደርጉ በስራ አስኪያጅነታቸው ሲከፈላቸው የነበረውን የወር ደመወዝ እና ጥቅማጥቅም በድምሩ ብር 266,500.00 የወር ደመወዝ እና ጥቅማ ጥቅም ማሻሻያ በሚል ለራሳቸው በሰጡት ውሳኔ በኢትዮጵያ የግል የንግድ ድርጅቶች ለአንድ ስራ አስኪያጅ ተከፍሎ በማያውቅ ሁኔታ በድምሩ በወር ብር 2,894,174.50 እንዲከፈላቸው በማሳደግ በአንድ ወር ክፍያ ላይ የብር 2,627,674.50 ጭማሪ በማድረግ ድርጊታቸው በኩባንያው የዳይሬክተሮች ቦርድ ተደርሶበት እስከታገደበት ድረስ ለ6 ወር ክፍያ በመውሰድ በኩባንያው ላይ የብር 15,766,047.00 ጉዳት አድርሰዋል፡፡

ከዚህ ቀደም በታክስ ስወራ፣ የተጨማሪ ታክስ አለመክፈል፣ በኮንትሮባንድ እና በሕገ-ወጥ መንገድ የተገኘውን ገንዘብ ሕጋዊ አስመስሎ በማቅረብ ወንጀል ተጠርጥረው ለወራት ታስረው የተለቀቁት አቶ ዳዊት ብርሀኑ ወ/ሮ ትእግስት ዳምጤ ገ/እየሱስ የተባሉ የትዳር አጋራቸውን በኩባንያው ውስጥ በቺፍ ማርኬቲንግ ኦፊሰርነት በመቅጠር በወር ብር 468,000.00 እንዲከፈላቸው አድርገዋል፡፡ በዚሕ ድርጊታቸው ባል እና ሚስት በደመወዝ እና ጥቅማ ጥቅም ስም ሽፋን በድምሩ በወር ብር 3,362,174.50 እንዲከፈላቸው በማድረግ በኩባንያው ላይ ከባድ ጉዳት አድርሰዋል፡፡ በዚሕ ምክንያት የኩባንያው የዳይሬክተሮች ቦርድ ወ/ሮ ትግስት ዳምጤን የስራ ውላቸውን በማቋረጥ ያሰናበታቸው ቢሆንም አቶ ዳዊት ብርሀኑ የዳይሬክተሮች ቦርድ ውሳኔን በመጣስ ከስራ ከተሰናበቱ በኋላ በስልጣናቸው ለወ/ሮ ትግስት ዳምጤ ብር 234,000.00 እንዲከፈላቸው አድርገዋል፡፡

አቶ ዳዊት ብርሀኑ የኩባንያውን ገንዘብ ምክንያቱ ባልታወቀ ሁኔታ ካሳ ለራሳቸው እንዲከፈል በማድረግ ብር 29,580,000.00 (ሃያ ዘጠኝ ሚሊዮን አምስት መቶ ሰማንያ ብር) መውሰዳቸውን ዘ-ሐበሻ የተመለከተው የኦዲት ሪፖርቱ ያሳያል።

እዲሁም አቶ ዳዊት ብርሀኑ የንግድ ማህበሩን ገንዘብ ለራሳቸውም ሆነ ለሶስተኛ ወገን እንዲያበድሩ ሥልጣን ሳይኖራቸው በራሳቸው ውሳኔ ብድር በማለት ብር 11,700,000.00 እንዲከፈላቸው በማድረግ ወስደዋል፡፡ ከዚሕ ብድር ውስጥ ብር 6,000,000.00 ተመላሽ አድርገው አሁን ብር 5,700,000.00 ይቀርባቸዋል ይላል ያነበበነው ሪፖርቱ።

በዚሕ መልኩ አቶ ዳዊት ብርሀኑ በድምሩ በኩባንያው ላይ የብር 51,280,000.00 ጉዳት አድርሰዋል በሚሉ የኦዲት ግኝቶች ነው፡፡
ፖሊስ ምክንያቱ ባልታወቀ ሁኔታ ምሽት ላይ አቶ ዳዊት ብርሀኑን ወደ ፍርድ ቤት ሳያቀርብ በፖሊስ በዋስ እንደለቀቃቸው የፖሊስ ምንጮች ለዘሐበሻ ገልጸዋል። አክስዮን የገዙ ሰዎቸ እንደሚሉት ባለአክሲዮኖች ለሚመርጧቸው አመራሮች ስልጣን ገድበው መስጠት እንዳለባቸው፣ መንግስትም የባለ አክሲዮኖችን ደህንነትና በሃገሪቱ በሚገኙ የካፒታል ገበያዎች ላይ በነጻነት ተንቀሳቅሰው ገንዘባቸውን ኢንቨስት እንዲያደርጉና የፈለጉትን አክሲዮን በነፃነት እንዲገዙ የሕዝብን ገንዘብ በሚያጭበረብሩ አላግባብ በሚጠቀሙ አመራሮችና ባለስልጣኖች ላይ ህጋዊ እርምጃ ሊወስድ ይገባል ሲሉ ያሳስባሉ። ዘ-ሐበሻ የአቶ ዳዊት እና ዌብስፕሪክስ አይቲ ሶሉሽን ዙሪያ ያሉ ተጨማሪ ሰፊ የምርመራ ዘገባዎችን ይዞ ይመለሳል።

😆አውስትራሊያ ለሥራ አጥ ዜጎቿ በየሁለት ሳምንቱ ከ91,000 ብር በላይ ትከፍላለች
# ይህን ግን ያውቁ ኖሯል⁉

አውስትራሊያ ለሥራ አጥ ዜጎቿ የምታደርገው የገንዘብ ድጋፍ
#አውስትራሊያ "JobSeeker Payment" በተሰኘው የመንግሥት የማህበራዊ ዋስትና ፕሮግራም አማካኝነት፣ ሥራ አጥ ለሆኑና መስፈርቱን ለሚያሟሉ ዜጎቿ በየሁለት ሳምንቱ የፋይናንስ ድጋፍ ታደርጋለች።

* እንደ እ.ኤ.አ 2026 መረጃ መስረት ልጅ የሌለው/ላት አንድ ነጠላ ግለሰብ በየሁለት ሳምንቱ እስከ 808.70 የአውስትራሊያ ዶላር (A$808.70) ማግኘት ይችላል/ትችላለች።

ወደ ብር ስንመነዝረው በየሁለት ሳምንቱ 91 ሺህ 335 ብር ከ87 ሳንቲም ይሆናል፤ ማለትም በወር 182 ሺህ 671 ብር ከ74 ሳንቲም ይደርሳል።

* የሚከፈለው የገንዘብ መጠን እንደ ግለሰቡ የኑሮ ሁኔታ (ልጅ መኖር፣ የትዳር አጋር መኖር ወይም ሌላ የገቢ ምንጭ መኖር) ይወሰናል።

ሥራ አጥ የሆነ ሰው ሁሉ ክፍያው በቀጥታ አይሰጠውም። አመልካቾች የነዋሪነት ሁኔታን፣ የገቢና የንብረት መጠን ምርመራን ማለፍ እንዲሁም በንቃት ሥራ የመፈለግ ግዴታ አለባቸው።

በዓለም ዙሪያ ያሉ አገራት ሥራ አጥ ዜጎቻቸውን ለመደገፍ የተለያዩ አሰራሮችን የሚከተሉ ሲሆን፣ የአውስትራሊያ "JobSeeker" ፕሮግራም የመንግሥት የማህበራዊ ዋስትና (Social Safety Net) አንዱ ማሳያ ነው።

Seledadotio
Seledadotio

በኮሬ ዞን የገዛ ባሏን የገደለችው ግለሰብ በ20 ዓመት ፅን እስራት ተቀጣች

በደቡብ ኢትዮጵያ ክልል ኮሬ ዞን ሳርማለ ወረዳ ደርባ ማናና ቀበሌ ልዩ ቦታዉ ወካለ ወይም ወይዶ ተብሎ በሚጠራ ቦታ ነው የወንጀል ድርጊቱ ተፈጽሟል።

ተከሳሽ ተስፋይነሽ ዘለቀ የተባለች ሲሆን ከምሽቱ 2:00 ሰዓት አከባቢ ድርጊቱን ፈጽማለች።

ተከሳሽ ከትዳር አጋሯ ሳሪያ ጋር በተነሳ አለመግባባት ምክንያት ምሽት ላይ ከቤት ወጥታ እንደተሰወረች ተገልጿል።የትዳር አጋሯም ተከሳሽን ለመፈለግ ወደ ጎረቤት ቤት ሲሄድ ወደዚያ አልመጣችም የሚል ምላሽ ያገኛል። በመቀጠልም ወደ መኖሪያ ቤቱ ተመልሶ በጓሮ በኩል ባትሪ እያበራ ሲፈልጋት ተከሳሽ ተደብቃ በነበረችበት ቦታ አጠገቧ እያለፈ እያለ ይዛዉ በነበረው ቆጮ መቁረጫ የቀኝ አንገቱን አንድ ጊዜ በመቁረጥ ህይወቱ እንዲያልፍ ማድረጉን የኮሬ ዞን ፖሊስ መምሪያ አዛዥ ምክትል ኮማንደር ሲዳሞ ማዳሞ ለብስራት ሬዲዮ ተናግረዋል።

ፖሊስም ተከሳሽን በቁጥጥር ስር በማዋል የክስ መዝገቧን ለአቃቤ ህግ ያቀርባል።

አቃቤ ህግም ተከሳሽ በፈፀመችው ከባድ የሰዉ ግድያ ወንጀል ክስ መስርቶ ለፍርድ ቤት ያቀርባል።

ፍርድ ቤቱም ተከሻሽ ጥፋተኛ መሆኗን በቀረበለት የክስ መዝገብ በማጣራት በ20 ዓመት ጽኑ እስራት እንድትቀጣ ወስኖባታል ሲሉ ምክትል ኮማንደር ሲዳሞ ማዳሞ ለብስራት ሬዲዮ ተናግረዋል።

Via በሳምራዊት ስዩም
©️ዳጉ_ጆርናል #viagem

(ዘ-ሐበሻ ሕይወት) ሞት የሰው ልጅ የጋራ እጣ ፈንታ ቢሆንም፣ የህይወት አጋርን እና የልብ ወዳጅን ማጣት የሚያሳድረው ሀዘን እጅግ ጥልቅ እና ከባድ ነው። በኢትዮጵያ የሙዚቃ መድረክ ላይ ለረጅም ዓመታት በጣፋጭ ድምጿ እና በማይጠገቡ ስራዎቿ የብዙዎችን ልብ ስታስደስት የኖረችው ተወዳጇ ድምፃዊት ገነት ማስረሻ፣ የህይወት አጋሯን እና የልጆቿን አባት አቶ አዱኛ ይስማቸውን በሞት ተነጥቃለች።

አቶ አዱኛ ይስማቸው የልጅነት አየራቸውን በተነፈሱባት እና በተወለዱባት ታሪካዊቷ የጎንደር ምድር፣ ልዩ ስሟ እንፍራዝ በተባለችው ውብ ከተማ በ1948 ዓ.ም ነበር ወደዚህ ዓለም የመጡት። በምድራዊ የህይወት ጉዟቸውም በውጣ ውረድ ውስጥ አልፈው 70 የተከበሩ ዓመታትን አስቆጥረዋል።

ድምፃዊት ገነት እና አቶ አዱኛ በፍቅር እና በመከባበር የታነፀ ፅኑ ትዳርን መስርተው፣ የትዳራቸው የፍቅር ማሳያ የሆኑ ሁለት ወንድ እና ሁለት ሴት ልጆችን አፍርተዋል። አቶ አዱኛ ለድምፃዊቷ የትዳር አጋር ብቻ ሳይሆኑ፣ በህይወት ጉዟዋ ሁሉ ከጎኗ የቆሙ ፅኑ ደጋፊዋ፣ የደስታዋ ተካፋይ እና የልብ ወዳጇ ነበሩ።

ገነት ሆይ! የሰው ልጅ ውጫዊ አካሉ ቢያልፍም፣ አብራችሁ ያሳለፋችሁት መልካም ጊዜ፣ የተካፈላችሁት ጥልቅ ፍቅር፣ እና ያፈራችኋቸው አራት ውድ ልጆች ሁሌም ከጎንሽ ሆነው የህያውነቱ ማረጋገጫ ይሆናሉና በርቺ... ፅኚ! ሀዘንሽን እንጋራለን፤ ፈጣሪ ልብሽን ያፅናው።

የዚህ የተከበሩ የቤተሰብ አባት እና ውድ የትዳር አጋር የቀብር ስነስርዓት፣ ሐምሌ 29 ቀን 2018 ዓ.ም በቦሌ አራብሳ ደብረ ገነት ቅዱስ ገብርኤል ቤተክርስቲያን ከቀኑ 6፡00 ሰዓት ላይ ወዳጅ ዘመዶቻቸው፣ የጥበብ ቤተሰቦች እና አድናቂዎቻቸው በተገኙበት የሚፈፀም ይሆናል።

ነፍሳቸውን ፈጣሪ በገነት ያኑርልን!

“ከምኩራቡ በስተጀርባ”፡ የቤተ-እስራኤላውያንን ስውር ታሪክ የሚያወሳው አዲስ መጽሐፍ ተመረቀ

​የቤተ-እስራኤላውያንን ህይወት እና ስውር ታሪክ የሚያወሳው “ከምኩራቡ በስተጀርባ” የተሰኘው አዲስ መጽሐፍ በስቴይ ኢዚ ፕላዛ በድምቀት ተመርቋል።

በደራሲ ዶክተር ኢዮስያስ እሱንዳለ የተሰናዳው ይህ አጓጊ ሥራ፣ በኢትዮጵያ ማህበራዊ ታሪክ ውስጥ “ባለእጆች” እየተባሉ የሚጠሩትን የቤተ-እስራኤላውያን ማህበረሰብ ሕይወት፣ የደረሰባቸውን ማህበራዊ ጫና እና የማንነት ጥያቄ በልብ-ወለድ መዋቅር ውስጥ ፈትሾ ያቀርባል።

​መጽሐፉ ደራሲው በዶክትሬት (PhD) ጥናታቸው ላይ ተመርኩዘው ያዘጋጁት ሲሆን፣ ታሪኩ ከአዲስ አበባው ቀጨኔ እና ጉለሌ ሰፈሮች ተነስቶ እስከ መርሃቤቴ ይዘልቃል። በዘመናዊ እውቀት የሰለጠነው አባተ የተባለ ወጣት ምሁር የሚያደርገውን ውስጣዊ የማንነት ፍለጋ፣ የቀጨኔን ምኩራብ አምልኮ እና የታሪካዊውን "ዘመቻ ሙሴ" ምስጢራዊ የስደት ውጣ ውረዶች በከፍተኛ የታሪክ መረጃዎች አስደግፎ አቅፏል።

​በምርቃቱ ሥነ-ሥርዓት ላይ ደራሲው የወላጆቻቸውን የ55 ዓመት የጋብቻ ዘመን በካባ በማልበስ ያከበሩ ሲሆን፣ መጽሐፉም የአባ ቢተውና የባለቤታቸውን የ60 ዓመታት የትዳር ጽናት፣ ባህላዊ የዕራት ማዕድ ሥርዓት እና ጠንካራ የማህበረሰብ እሴቶችን ያጎላል። በተጨማሪም አባተ ከአውቶብስ ጉዞ ላይ ከተዋወቃት «ሰላም» ከተባለች ነርስ ጋር ያሳለፈውን ጥልቅ የፍቅር ታሪክ አካቷል።

​የመጽሐፉ የቋንቋ አማካሪ ዶክተር ዘላለም ግርማ እንደገለጹት፤ ሥራው የቆየውን የአዲስ አበባ ሰፈር ድባብ እና ህያው የቋንቋ ዘይቤ በከፍተኛ ጥራት የጠበቀ፣ የፍትህ፣ የፍቅርና የጽናት መገለጫ የሆነ የታሪክ ሀብት ነው። መጽሐፉ እንደ «ፈ ላሻ» እና «ካይላ” ያሉ ስሞች ለዘመናት እንዴት እንደ ስ ድብ ያገለግሉ እንደነበር በመተንተን፣ በማህበረሰቡ ላይ የደረሰውን የስነ-ልቦና ጠባሳ በግልጽ ያወጣል።
​በምርቃት መርሃ-ግብሩ ላይ ለማህበረሰቡ ትልቅ አስተዋጽኦ ያበረከቱ ታዋቂ ግለሰቦች የተገኙ ሲሆን፣ ከእነሱም መካከል ደራሲና ገጣሚ ከፈለኝ ዘለለው፣ መጋቢ ዶክተር ሰለሺ ከበደ፣ የህክምና ድጋፍ አስተባባሪዋ ወ/ሮ ዘነበች እና የማህበረሰብ ተወካዩ አባ እሸቱ ይገኙበታል። እንዲሁም በልማት ስራዎች የተሰማሩት አቶ ሰለሞን አሰፋ፣ መጋቢ ደምስ ማሞ እና የሰሊሆም ድርጅት መስራች ወጣት ሚኪያስ ለገሰ ታድመዋል።

​የጽሑፉ ገምጋሚዎች እንዳመለከቱት፣ መጽሐፉ እውነተኛ ታሪክን ከልብ ወለድ ትረካ ጋር አዋህዶ ማቀረቡ ለአንባቢው ሳቢና ቀልብ ገዢ ያደርገዋል። ፀሐፊው በማህበረሰባዊ መገለልና በማንነት ክፍፍል ላይ የነበረውን አመለካከት በመቃወም፣ በእውቀት እና በጽናት ላይ የተመሰረተ ማህበራዊ ፍትህ እንዲሰፍን ጥሪ ያቀርባል።

​በአጠቃላይ “ከምኩራቡ በስተጀርባ” መጽሐፍ ለዘመናት ተሸፍነው የቆዩ ታሪካዊ እውነታዎችን፣ የስደት ጉዞዎችን እና የማህበረሰቡን ሃይማኖታዊና ባህላዊ አደራ ለትውልድ የሚያስተላልፍ ውድ ቅርጽ ሆኖ ለአንባቢያን ተበርክቷል።

ከምኩራቡ በስተጀርባ
#ethiopia | የቤተ እስራኤላዊያንን ስውር ታሪክ የሚያወሳው መጽሐፍ ተመረቀ።

በደራሲ ዶክተር ኢዮስያስ እሱንዳለ የተሰናዳው ይህ አጓጊ ሥራ፣ በኢትዮጵያ ማህበራዊ ታሪክ ውስጥ “ባለእጆች”እየተባሉ የሚጠሩትን የቤተ-እስራኤላውያን ማህበረሰብ ሕይወት፣ የደረሰባቸውን ማህበራዊ ጫና እና የማንነት ጥያቄ በልብ-ወለድ መዋቅር ውስጥ ፈትሾ ያቀርባል።

​መጽሐፉ ደራሲው በዶክትሬት (PhD) ጥናታቸው ላይ ተመርኩዘው ያዘጋጁት ሲሆን፣ ታሪኩ ከአዲስ አበባው ቀጨኔ እና ጉለሌ ሰፈሮች ተነስቶ እስከ መርሃቤቴ ይዘልቃል።

በዘመናዊ እውቀት የሰለጠነው አባተ የተባለ ወጣት ምሁር የሚያደርገውን ውስጣዊ የማንነት ፍለጋ፣ የቀጨኔን ምኩራብ አምልኮ እና የታሪካዊውን "ዘመቻ ሙሴ" ምስጢራዊ የስደት ውጣ ውረዶች በከፍተኛ የታሪክ መረጃዎች አስደግፎ አቅፏል።

​በምርቃቱ ሥነ-ሥርዓት ላይ ደራሲው የወላጆቻቸውን የ55 ዓመት የጋብቻ ዘመን በካባ በማልበስ ያከበሩ ሲሆን፣ መጽሐፉም የአባ ቢተውና የባለቤታቸውን የ60 ዓመታት የትዳር ጽናት፣ ባህላዊ የዕራት ማዕድ ሥርዓት እና ጠንካራ የማህበረሰብ እሴቶችን ያጎላል።

በተጨማሪም አባተ ከአውቶብስ ጉዞ ላይ ከተዋወቃት «ሰላም» ከተባለች ነርስ ጋር ያሳለፈውን ጥልቅ የፍቅር ታሪክ አካቷል።

​የመጽሐፉ የቋንቋ አማካሪ ዶክተር ዘላለም ግርማ እንደገለጹት፤ ሥራው የቆየውን የአዲስ አበባ ሰፈር ድባብ እና ህያው የቋንቋ ዘይቤ በከፍተኛ ጥራት የጠበቀ፣ የፍትህ፣ የፍቅርና የጽናት መገለጫ የሆነ የታሪክ ሀብት ነው።

መጽሐፉ እንደ «ፈላሻ» እና «ካይላ” ያሉ ስሞች ለዘመናት እንዴት እንደ ስድብ ያገለግሉ እንደነበር በመተንተን፣ በማህበረሰቡ ላይ የደረሰውን የስነ-ልቦና ጠባሳ በግልጽ ያወጣል።

​በምርቃት መርሃ-ግብሩ ላይ ለማህበረሰቡ ትልቅ አስተዋጽኦ ያበረከቱ ታዋቂ ግለሰቦች የተገኙ ሲሆን፣ ከእነሱም መካከል ደራሲና ገጣሚ ከፈለኝ ዘለለው፣ መጋቢ ዶክተር ሰለሺ ከበደ፣ የህክምና ድጋፍ አስተባባሪዋ ወ/ሮ ዘነበች እና የማህበረሰብ ተወካዩ አባ እሸቱ ይገኙበታል።

እንዲሁም በልማት ስራዎች የተሰማሩት አቶ ሰለሞን አሰፋ፣ መጋቢ ደምስ ማሞ እና የሰሊሆም ድርጅት መስራች ወጣት ሚኪያስ ለገሰ ታድመዋል።

​የጽሑፉ ገምጋሚዎች እንዳመለከቱት፣ መጽሐፉ እውነተኛ ታሪክን ከልብ ወለድ ትረካ ጋር አዋህዶ ማቀረቡ ለአንባቢው ሳቢና ቀልብ ገዢ ያደርገዋል።

ፀሐፊው በማህበረሰባዊ መገለልና በማንነት ክፍፍል ላይ የነበረውን አመለካከት በመቃወም፣ በእውቀት እና በጽናት ላይ የተመሰረተ ማህበራዊ ፍትህ እንዲሰፍን ጥሪ ያቀርባል።

​በአጠቃላይ “ከምኩራቡ በስተጀርባ” መጽሐፍ ለዘመናት ተሸፍነው የቆዩ ታሪካዊ እውነታዎችን፣ የስደት ጉዞዎችን እና የማህበረሰቡን ሃይማኖታዊና ባህላዊ አደራ ለትውልድ የሚያስተላልፍ ውድ ቅርጽ ሆኖ ለአንባቢያን ተበርክቷል።

ሔኖክ ወ/ገብርኤል
#ethiopia #getutemesgen #getunews

#ቤተልሔም_ሸረፈዲን - " የልጅ ልብና የአዋቂ ጆሮ ያላት "
( የአልፎ ሂያጁ ማስታወሻ )
**********************************************
ቴዎድሮስ ተ/አረጋይ

#በመጨረሻም ፦ ጽሑፉ ለፌስቡክ ረጅም ( አረፍ አረፍ እየተባለ ተነቦ የሚያልቅ ) ነው ። አጥሮ ሁሉም ጋ ከሚደርስ ረዝሞ የሚመለከታቸውና የሚያስፈልጋቸው ቢያነቡት መርጬ ነው ። ሆነ ብዬ ነው ማለት ነው ። ይሁን ። እንግዲህ እያረፋችሁም ፣ እያለፋችሁም አንብቡት ።

ለግጥምም ፣ ለዜማም አልፎ ሂያጅ ነኝ። ( በተለይ ) ለግጥም አልፎ ሂያጅ መሆኔ ያስቆጨኛል ። ግጥም ምኞቴ ነው ፤ ጉድለቴም ። ማንም እንደሚሰማውና እንደሚረዳው ነኝ ። አዚያዚያምን መረዳትም ላይ ጨዋ አላዋቂ ነኝ ። ቤተልሔም ሸረፈዲን " ደስተኛ " ብላ ስለሰየመችው አዲሱ አልበሟ የተሰማኝን ልላችሁ ነው ዳር ዳር የምለው ።

እኔ የምለው ፣ ቤተልሔም ሸረፈዲን ግን ስንት ዓመቷ ነው ? በቅርቡ ትንሽ ልጅ አልነበረችም እንዴ ? ከመቼው አደገች ? ከምኔው አብባ አፈራች ? አልበሟ በተለቀቀበት " ኩራ ስትሪም " ላይ ገጣሚው ናትናኤል ግርማቸው ( ናቲ ) እንደ ገጣሚነቱ ቃላት ቆጥቦና ሀሳቡን አስውቦ " የልጅ ልብና የአዋቂ ጆሮ አላት
" እንዳላት ሆና ነው የመጣችው ። የጥበብ ስራ አመዛኙን ሁለቱን ይፈልጋል ። እውቀትም ፣ ተሰጥዖም በዝቶ ኖሯቸው የትም ሳይደርሱ የቀሩ " እገሌ ፣ እገሌ " የምንላቸው ጥቂት የማይባሉ የጥበብ ሰዎች በየአልባሌው ወድቀው ቀርተዋል ። እስቲ እነዚህን ሰዎች አስቧቸው ። የህጻን ልብም ፣ የአዋቂ ጆሮም አታገኙባቸውም ።

10 ዘፈኖች የያዘው " ደስተኛ " አልበም ናትናኤል ግርማቸውና ታምሩ አማረ በጥምረት ፕሮዲዩስ ያደረጉት ነው ። ከጀርባቸው ደግሞ ከብዙ ጥበባትና የጥበብ ሰዎች ጀርባ ያለው ዘላለም ኩራባቸው " ኩራ ስትሪም " ን ይዞ አለ ። ቅንብሩን ፣ ሚክሲንግ እና አሬንጅመንቱን ታምሩ አማረ ፣ ግጥሞቹን ( በሙሉ ) ናትናኤል ግርማቸው ( ናቲ ) ፣ " ባለቤቴ " እና " እንዴት " ዜማዎችን ዮሴፍ በቀለ ( ጆ ) ፣ " አይታለፍም " ዜማ እሱባለው ይታየው ( የሺ ) ፣ የቀሪዎቹን 7 ስራዎች ዜማዎች በምህረተአብ ደስታ ሲፈጠሩ ከእነዚህ ውስጥ የእበሙ መጠሪያ የሆነው " ደስተኛ " ን ዜማ ናቲና ምህረተአብ በጋራ ሰርተዋቸዋል ።

በአሁኑ ጊዜ አንድ ነጠላ ዜማ መስራት የምረቃ ፕሮግራም ያዘጋጃል ፤ ወዳጅ ዘመድ ያጠራራል ፤ " ሰይፉ በኢቢኤስ " ላይ ያስቀርባል ፤ ማህበራዊ ሚዲያው ላይ አላስቆም አላስቀምጥ ያስብላል ። አልበም መስራት ( አድማጭ ያልተቀበለውም ቢሆን እንኳ ) እንደ አራሷ ሴት " ምጡን ተዪው ፤ ልጁን እዪው " እየተባለና የስቃዩ ጊዜ እየተረሳ እንጂ ደጋግሞ በስሜት ሞቶ መነሳት ነው ። የሚያገጫጭ ፣ የሚያነጫንጭ ፣ የሚያቀያይምንና " ሁለተኛ ብንገናኝ ! " የሚያባብል ነው ። የምጡ ጊዜ አልፎ ልጁ ሲታይ እየተረሳ ነው አንዱ ሙዚቀኛ ከሌላው ጋር የኖረው ። ቤተልሔም መልካሞችና ህልም ያላቸው ሙያተኞች እጅ ላይ አሳርፏት እንጂ ጀምሮ አለመጨረስ ፣ ወድቆ አለመነሳትም አለ ። ገና በመጀመሪያው አልበም ፣ በትንሽ እድሜ ፣ በጀማሪነት አረዳድ እንዲህ ያለ ስኬታማ አልበም መስራት ደጋግሞ የማያጋጥም ነው ። ህብስት ጥሩነህ እነ አየለ ማሞ ( ማንዶሊን ) እና ታንጎ ሙዚቃ ቤትን እንዳገኘችው አይነት እድለኛነት ይጠይቃል ። የናቲ እና ታምሩ ጥምረት ደግሞ የእነ ኤሌክራትን እና አምባሰልን ዘመን ያስታውሰናል ።

ናቲ " ኩራ ስትሪም " ላይ 4 ዓመት ስላለፈው " ደስተኛ " አልበም ሲናገር " አልበሙን ጀምረነው ባልነው ጊዜ ያልጨረስነው እኛ በዚያ ውስጥ እየተሰራን ስለነበረ ነው " ይለዋል ። ፕሮዲዩሰሮቹ በምን በምን እንደተሰሩ አላውቅም ። ቤተልሔምን ግን በእርግጥም ሰርተዋታል ። አፈሩን ቆፍረውና አልመው ፣ አቡክተው ቤተልሔምን እንደ ውቡ ሸክላ አስጊጠው ሰርተዋታል ። እሷ እንደምትለውም ትንሿ ቤተልሔም " ከብዙ ልምምድ በኋላ የመጣ አልበም " ባለቤት እንትሆን አድርገዋታል ። ቤተልሔም ሸረፈዲን የተባለች ጥንቅቅ ፣ ጥፍጥ ያለ ስራ ያላት ድምጻዊትን ለዘመኑ የሙዚቃ ኢንዱስትሪ ( ? ) አበርክተዋል ። አሁን የኢትዮጵያ ዘመናዊ ሙዚቃ ቤተልሔም ሸረፈዲን የምትባል ብስል ፣ ትክን ያለች ድምጻዊት አለችለት ። ቤተልሔም ስለ አዲሱ አልበሟ ለኩራ ስትሪም ስትናገር " ይሄን አልበም እንደ መጀመሪያም ፣ እንደ መጨረሻም ስራ አድርጌ ነው የማየው ። " ብላለች ።

ናትናኤል ግርማቸው ገጣሚነት ተሰጥቶታል ። ገጣሚነቱ የቃላት ድርደራ ሳይሆን የሀሳብ ስፋት የታደለው ነው ። ናቲን በራሄል ጌቱ " ኢትዮጵያዬ " ነው ያወቅኩት ። የራሷን የራሄል ጌቱን " ያገሬ ሰው " ፣ በኋላም " ወረት " ን ሰርቶ አስደንቆኛል ። ናቲን በራሄል ጌቱ ( በስራዎቿ ) በኩል ነው ያገኘሁት ። ይህ ሰው ነው ደግሞ ከታምሩ አማረ ጋር ሆኖ ቤተልሔም ሸረፈዲንን ያገኛት ። ሁለቱ በፕሮዲዩሰርነት ባይከሰቱ ቤተልሔም ሸረፈዲን ቢያንስ በዚህ ጊዜ አትወለድም ። የጀርባ አቅሟን ባላውቅም የ10 ግጥም ፣ የ10 ዜማ ፣ የ10 ዜማዎች ቅንብር ፣ ሚክሲንግ እና ማስተሪንግ ክፍያን አትወጣውም ( ብዬ እገምታለሁ ) ። ከሁሉም በላይ ደግሞ ዘላለም ኩራባቸውን አታገኘውም ። ዘላለም ኩራባቸው ወደ ሙዚቃ ማምረት ስራ ሲገባ ከገንዘብ የነፍስ ጥሪ ትርፉን አስቦ እንደሚሆን አምናለሁ ። ካሁን ቀደም በተናጠል ሲያደርግ የነበረውን ሙያውንና ሙያተኛውን እንደ ታላቅ ወንድም አጋር የመሆን ዝንባሌውን ተቋማዊ ቅርጽ ሰጥቶት መምጣቱ ይመስለኛል ። ቤተልሔም እድለኛ ናት ። እነ ንዋይ ደበበ ፣ ሀመልማል አባተ ፣ ጸሐዬ ዮሀንስ እና ዘመንኞቻቸው በመጡበት መንገድ ነው የመጣችው ። ሌላም እድለኛነት ( ከችሎታ ጋር ) አላት ።እነ ጠረፍ ካሳሁን ፣ ራሄል ጌቱ ፣ ለምለም ኃ/ሚካኤል ፣ ዘቢባ ግርማ ተሰርተው የወጡበት " የኛ " ፕሮጀክት ፣ የእነ አይዳ አሸናፊ እጅም አርፎባታል ።

ከአስሩ የ " ደስተኛ " አልበም ስራዎች በተሸከመው ሀሳብ ( ለእኔ ) " ባለቤቴ " ን የሚያህልልኝ አላገኘሁም ። ለዚህ ዘፈን ከ " ባለቤቴ " ይልቅ " አትክልተኛው " ስምም ሆኖልኛል ። ምናልባት ግን " አትክልተኛው " ለዘፈን ርዕስነት ያንስ ( አይሆን ) እንደሆን አላውቅም ። ሙሉ ዘፈኑን ስንሰማው ገጸባሕሪዋ በምናቧ ከዋለለችለት የምናብ ባለቤቷ ይልቅ የሰው ያልሆነ ፣ ለሰው አዕምሮ " ሞኝ " የሚባል ፣ ለፍጽምና የቀረበ በዝናብም ፣ በጸሐይም ስራውን የማያስተጓጉል ፣ ብርሀን መርጦ የማይመጣ ፣ በጭለማ የማይሸሸግ ፣ የማግኘትም ፣ የማጣትም ጊዜ ወዳጅ ፣ እንደ አምላክ ያለ ብርቱ ሰው ነው ። ባለቤትነቱ ህልም ሲሆን ብርቱ አትክልተኝነቱ ግን እውን ነው ። ይህ ሰው ትትርናውና ቸርነቱ እንደ አምላክ ያለ ነው ። ከማንም ፣ ከምንም የማይጠብቅ ። መስጠት ብቻ የሆነ ። በአበቦቹ መሐል ብቻ አይደለም ያለው ። ልብ ባለበት ሁሉ ነው ።

" በዝናብ አካሉም በዶፉ እየረሰረሰ
የአትክልቶቹን ስር ሲያጠጣ የልምዱን ውሀ እያፈሰሰ
አሉት የማን ነው ጅል ያን አትክልተኛ
ሳቁበት እንደሞኝ ወይኔ
አላወቁም የእሱ ዝናብ መጣ ቀረ
ንፍገትን ለልቡ እንዳላስተማረ ።
*************************
አሰብኩት ከሆነ እንዲህ ለአትክልቱ
እንዴት መልካም ይሆን ለሚወዳት ሚስቱ "
ያለችውን ብርቱና ቸር ሰው ነው . . .
" ቢዘንብም ቢያካፋም ከጎኔ የማይጠፋ
እንደ ባለ አጸዱ ጽኑ ለመውደዱ
ሳላውቅህ ልንገርህ የነገ ውሀ አጣጬ
አርገኝ እንዳልከስም ፍቅርን ተጠምቼ "

እያለች ምኞቷን ፣ መሻቷን ፣ የወደፊት ህልሟን ትነግረናለች ። መልካምነት መስጠት ብቻ ሳይሆን መቀበልንም ይፈልጋል ። ምርጥ ዘር ምርጥ አፈርንም ይፈልጋል ። በተዘራበት ሁሉ አይበቅልም ። እንደ እሷ የሚረዳ ካልተገኘ ሌሎቹ እንዳሉት " የማነው ሞኝ ? " ያስብላል ።

በርዕሰ ጉዳይ ደረጃ የዚህ የወደድኩት ብርቱ አትክልተኛ ተቃራኒ ቢሆንም የእኔ ከ1ኛ - 3ኛ " ቻው ( ዎ ) " ነው ።

" አልነበረም ከዓይን የተሰወረ
መንገድህን ሳላየው መች ቀረ
ሰነባብቷል መንፈስህ ሸፍቷል
ልቤን ልብህ ቻው ካለው ቆይቷል ።
አልታወጀም እንጂ ፊትም የእኛ ነገር
የተለያየነው አብረን ሆነን ነበር ።
እንባዬ ተማጽኖህ እንዳያስታርቀን
ያለቀው ያኔ ነው ልብህ የሄደ ቀን ።
እያንዳንዱን ቀናት በእንባ እየሰፈርኩኝ
ቻው ስልህ ኖሬያለሁ እየሸራረፍኩኝ ።
ዛሬም ለበደልህ አረከኝ ጣል ጣል
ቻው ማለት ብቻ ነው የቀረኝ አንድ ቃል ። "

ይኽ መቸም በየፍቅር ጎጆው ፣ በየትዳር ማጀቱ ፣ በየጓደኝነቱና ወዳጅነቱ አደባባይ የሚታይ የወቅቱ እውነታ ነው ። በየግንኙነታችን " ቻው ማለት ብቻ ነው የቀረኝ አንድ ቃል " ። አብዛኛዎቻችን አንድ ላይ ቆመናል እንጂ አብረን አይደለንም ። " አንድ ላይ ብንሆንም ተለያይተናል " እንዳለው ድምጻዊው ። እግሮቻችን ብቻ አብረው ይጓዛሉ ፤ አካላችን አንድ ላይ ይታያል ፤ ነፍስ የሌለው ስጋ ነው ። አብረን ውለን እናድራለን ፤ በልባችን ግን ተለያይተናል ። አልታወቀን ይሆናል እንጂ እንደ ግልም ፣ እንደ ሀገርም እንዲህ ሆነናል ። ለዚህ ነው አሁን ያለንበት ላይ ያለነው ። ለዚህ ነው በየሰበቡ ሕይወት የሚታክተን ። ለዚህ ነው መኖር ትግል ፣ አብሮነት መተናነቅ የሚሆንብን ( የሆነብን ) ። የቤተልሔም ሸረፈዲን " ቻው " ለአንድ ተፈቃሪ ወንድ የተሰራም ቢሆን ሀሳቡ ግን እዚህ ድረስም የሚመጣ ነው ። ናቲ " ቃሉ ከዜማው ጋር ነው የመጣው " ያለውና ራሷን ድምጻዊቷን አስለቅሶ የተገለጠው " ቻው " ገና ብዙውን ልብ የሚነካ ስራ ይሆናል ።

" ልቤን " ን ላልወደው አስቤ ነበረ መሰለኝ ። የእድሜም ፣ የፍላጎትም ጉዳይ ሆኖ ፈጠን ላሉ ምቶች አልደነግጥ ሆኖ ይሆናል እንጂ ምን ሆኜ ነው ዜማው ፣ ምቱ ፣ በተለይ የድምጻዊቷ አዘፋፈን ከፍ ብሎ የታየበትን ይህን ስራ " ይቆየኝ " ያልኩት ? ባልወደውና ደጋግሜ ባልሰማው ይቆጨኝ ነበር ። ( ለነገሩ ካልወደድኩት ለምን ይቆጨኛል ? ) " ደስተኛ " ርዕስና ሀሳቡ ደስተኛ ካልሆነች ፣ " አልወድሽም " ከተባለችና ከተገፋች ገጸባህሪ የተገኘ ነው ። " ቢከፋም ፣ ቢለማም ባለኝ ደስተኛ ነኝ " ትላለች ። " አልወድሽም " ተብላና " ብትጎዘጉዝ አበባ ዛሬ አይረባ " ያለች ሴት ራሷን ማታለል ሳይሆን " ቢከፋም ፣ ቢለማም ባለኝ ደስተኛ ነኝ " ስትል ካዋጣትና ከተቻላት ያድርግላት ። ከእሷ እንባና የልብ ስብራት ምን ጉዳይ አለን ? ብቻ ከአፏ ሳይሆን ከልቧ ይሁን ።

" እንደ ውሀ መውረድ ፣ እንደ ጸሐይ መውጣት
እንደ ጊዜው መክነፍ ፣ እንደ አሸዋ መብዛት
እውነታ መሆኑን ቅንጣት ሳልጠረጥር
እኔስ አምነዋለሁ የልብህን ፍቅር "

ያለችበት " አካልዬ " ለረጋ ያለ ሙዚቃ አፍቃሪ ይሁነኝ ተብሎ የተቀመረ ስራ ነው ። በምርጤነት ከተቀበልኳቸው መካከል አንዱ ነው ።

አንደኛው ሙዚቃ አስተያየት መስጫ ውስጥ ገብቼ ሳነብ " የዚህ አልበም ትልቁ ችግሩ ውስጡ ያሉት ዘፈኖች 10 ብቻ መሆናቸው ነው " ሲል " አድናቆቱን " ገልጿል ። እኔም እንደዚያ ሆኖ ይሰማኛል ። ከአስሩ ሰባቱን ስራዎች በልዩ ሁኔታ ወድጃቸዋለሁ ። አንዱ የዋለልኩበትና ሁለቱ ደግሞ ልብ ያልሰጠኋቸው ናቸው ። ይህ በአንድ አለበም ውስጥ ከበቂ በላይ ስኬታማነት ነው ። ከብዙ ዓመት በኋላ ተሟልቶ ያገኙሁት ምርጤ ነው " ደስተኛ " አልበም ።

እዚህ አልበም ላይ ያለኝ አንድ ( ግላዊ ) ቅሬታ አስሩም ስራዎች የተቃራኒ ጾታ ፍቅር ላይ ብቻ ያተኮሩ መሆናቸው ነው ። እንዳይሆኑ የሚከለክል ደንብ የለም ። ፕሮዲዩሰሮቹ የቤተልሔምን እድሜና የፍቅር ጊዜዋን አስበው ያደረጉት ሊሆን ይችላል ። ያም ቢሆን በዚህ ውጥንቅጡ የወጣ የመከራ ጊዜ ፣ በብዙ ሰው ሰራሽና የአስተሳሰብ ሰንሰለት እግር ከወርች ታስረን መሔጃ ባጣንበት ዘመንና ሀገር ፣ ላለንበት ጊዜ ፣ ለስሜታችን ፣ ለህመማችን ፣ ለሰለለው ተስፋችን የሚሆን አንድ ስራ ልናጣ አይገባም ብዬ አስባለሁ ። ናቲና ምህረተአብ ለራሄል ጌቱ እንደሰጧት " ያገሬ ሰው " ያለ ስራ ቢመርቁልን እንዴት መልካም ነበረ ?

ከቀናት በፊት አስቴር አወቀ ( በድጋሚ ስራዎቿም ቢሆን ) በትንሿ ቤተልሔም ሸረፈዲን ላይ ተደርባ አልበሟን መልቀቋ አስፈርቶኝ ነበረ ። ይህን የመሰለ አልበም ፣ የ4 ዓመት የሚነገርና የማይነገር እልህ አስጨራሽ ድካም መና እንዳይቀር ሰግቼ ነበረ ። ስጋቴ ስጋት ብቻ ሆኖ ቀርቷል ። ቤተልሔም የዋርካው ጥላ ሳያርፍባት አልፋለች ። ገና ገና ትቀጥላለች ፤ ትቀጣጠላለች ።

" ቢዘንብም ቢያካፋም ከጎኔ የማይጠፋ
እንደ ባለ አጸዱ ጽኑ ለመውደዱ
ሳላውቅህ ልንገርህ የነገ ውሀ አጣጬ
አርገኝ እንዳልከስም ፍቅርን ተጠምቼ "

እያለች ምኞቷን ፣ መሻቷን ፣ የወደፊት ህልሟን ትነግረናለች ። መልካምነት መስጠት ብቻ ሳይሆን መቀበልንም ይፈልጋል ። ምርጥ ዘር ምርጥ አፈርንም ይፈልጋል ። በተዘራበት ሁሉ አይበቅልም ። እንደ እሷ የሚረዳ ካልተገኘ ሌሎቹ እንዳሉት " የማነው ሞኝ ? " ያስብላል ።

በርዕሰ ጉዳይ ደረጃ የዚህ የወደድኩት ብርቱ አትክልተኛ ተቃራኒ ቢሆንም የእኔ ከ1ኛ - 3ኛ " ቻው ( ዎ ) " ነው ።

" አልነበረም ከዓይን የተሰወረ
መንገድህን ሳላየው መች ቀረ
ሰነባብቷል መንፈስህ ሸፍቷል
ልቤን ልብህ ቻው ካለው ቆይቷል ።
አልታወጀም እንጂ ፊትም የእኛ ነገር
የተለያየነው አብረን ሆነን ነበር ።
እንባዬ ተማጽኖህ እንዳያስታርቀን
ያለቀው ያኔ ነው ልብህ የሄደ ቀን ።
እያንዳንዱን ቀናት በእንባ እየሰፈርኩኝ
ቻው ስልህ ኖሬያለሁ እየሸራረፍኩኝ ።
ዛሬም ለበደልህ አረከኝ ጣል ጣል
ቻው ማለት ብቻ ነው የቀረኝ አንድ ቃል ። "

ይኽ መቸም በየፍቅር ጎጆው ፣ በየትዳር ማጀቱ ፣ በየጓደኝነቱና ወዳጅነቱ አደባባይ የሚታይ የወቅቱ እውነታ ነው ። በየግንኙነታችን " ቻው ማለት ብቻ ነው የቀረኝ አንድ ቃል " ። አብዛኛዎቻችን አንድ ላይ ቆመናል እንጂ አብረን አይደለንም ። " አንድ ላይ ብንሆንም ተለያይተናል " እንዳለው ድምጻዊው ። እግሮቻችን ብቻ አብረው ይጓዛሉ ፤ አካላችን አንድ ላይ ይታያል ፤ ነፍስ የሌለው ስጋ ነው ። አብረን ውለን እናድራለን ፤ በልባችን ግን ተለያይተናል ። አልታወቀን ይሆናል እንጂ እንደ ግልም ፣ እንደ ሀገርም እንዲህ ሆነናል ። ለዚህ ነው አሁን ያለንበት ላይ ያለነው ። ለዚህ ነው በየሰበቡ ሕይወት የሚታክተን ። ለዚህ ነው መኖር ትግል ፣ አብሮነት መተናነቅ የሚሆንብን ( የሆነብን ) ። የቤተልሔም ሸረፈዲን " ቻው " ለአንድ ተፈቃሪ ወንድ የተሰራም ቢሆን ሀሳቡ ግን እዚህ ድረስም የሚመጣ ነው ። ናቲ " ቃሉ ከዜማው ጋር ነው የመጣው " ያለውና ራሷን ድምጻዊቷን አስለቅሶ የተገለጠው " ቻው " ገና ብዙውን ልብ የሚነካ ስራ ይሆናል ።

" ልቤን " ን ላልወደው አስቤ ነበረ መሰለኝ ። የእድሜም ፣ የፍላጎትም ጉዳይ ሆኖ ፈጠን ላሉ ምቶች አልደነግጥ ሆኖ ይሆናል እንጂ ምን ሆኜ ነው ዜማው ፣ ምቱ ፣ በተለይ የድምጻዊቷ አዘፋፈን ከፍ ብሎ የታየበትን ይህን ስራ " ይቆየኝ " ያልኩት ? ባልወደውና ደጋግሜ ባልሰማው ይቆጨኝ ነበር ። ( ለነገሩ ካልወደድኩት ለምን ይቆጨኛል ? ) " ደስተኛ " ርዕስና ሀሳቡ ደስተኛ ካልሆነች ፣ " አልወድሽም " ከተባለችና ከተገፋች ገጸባህሪ የተገኘ ነው ። " ቢከፋም ፣ ቢለማም ባለኝ ደስተኛ ነኝ " ትላለች ። " አልወድሽም " ተብላና " ብትጎዘጉዝ አበባ ዛሬ አይረባ " ያለች ሴት ራሷን ማታለል ሳይሆን " ቢከፋም ፣ ቢለማም ባለኝ ደስተኛ ነኝ " ስትል ካዋጣትና ከተቻላት ያድርግላት ። ከእሷ እንባና የልብ ስብራት ምን ጉዳይ አለን ? ብቻ ከአፏ ሳይሆን ከልቧ ይሁን ።

" እንደ ውሀ መውረድ ፣ እንደ ጸሐይ መውጣት
እንደ ጊዜው መክነፍ ፣ እንደ አሸዋ መብዛት
እውነታ መሆኑን ቅንጣት ሳልጠረጥር
እኔስ አምነዋለሁ የልብህን ፍቅር "

ያለችበት " አካልዬ " ለረጋ ያለ ሙዚቃ አፍቃሪ ይሁነኝ ተብሎ የተቀመረ ስራ ነው ። በምርጤነት ከተቀበልኳቸው መካከል አንዱ ነው ።

አንደኛው ሙዚቃ አስተያየት መስጫ ውስጥ ገብቼ ሳነብ " የዚህ አልበም ትልቁ ችግሩ ውስጡ ያሉት ዘፈኖች 10 ብቻ መሆናቸው ነው " ሲል " አድናቆቱን " ገልጿል ። እኔም እንደዚያ ሆኖ ይሰማኛል ። ከአስሩ ሰባቱን ስራዎች በልዩ ሁኔታ ወድጃቸዋለሁ ። አንዱ የዋለልኩበትና ሁለቱ ደግሞ ልብ ያልሰጠኋቸው ናቸው ። ይህ በአንድ አለበም ውስጥ ከበቂ በላይ ስኬታማነት ነው ። ከብዙ ዓመት በኋላ ተሟልቶ ያገኙሁት ምርጤ ነው " ደስተኛ " አልበም ።

እዚህ አልበም ላይ ያለኝ አንድ ( ግላዊ ) ቅሬታ አስሩም ስራዎች የተቃራኒ ጾታ ፍቅር ላይ ብቻ ያተኮሩ መሆናቸው ነው ። እንዳይሆኑ የሚከለክል ደንብ የለም ። ፕሮዲዩሰሮቹ የቤተልሔምን እድሜና የፍቅር ጊዜዋን አስበው ያደረጉት ሊሆን ይችላል ። ያም ቢሆን በዚህ ውጥንቅጡ የወጣ የመከራ ጊዜ ፣ በብዙ ሰው ሰራሽና የአስተሳሰብ ሰንሰለት እግር ከወርች ታስረን መሔጃ ባጣንበት ዘመንና ሀገር ፣ ላለንበት ጊዜ ፣ ለስሜታችን ፣ ለህመማችን ፣ ለሰለለው ተስፋችን የሚሆን አንድ ስራ ልናጣ አይገባም ብዬ አስባለሁ ። ናቲና ምህረተአብ ለራሄል ጌቱ እንደሰጧት " ያገሬ ሰው " ያለ ስራ ቢመርቁልን እንዴት መልካም ነበረ ?

ከቀናት በፊት አስቴር አወቀ ( በድጋሚ ስራዎቿም ቢሆን ) በትንሿ ቤተልሔም ሸረፈዲን ላይ ተደርባ አልበሟን መልቀቋ አስፈርቶኝ ነበረ ። ይህን የመሰለ አልበም ፣ የ4 ዓመት የሚነገርና የማይነገር እልህ አስጨራሽ ድካም መና እንዳይቀር ሰግቼ ነበረ ። ስጋቴ ስጋት ብቻ ሆኖ ቀርቷል ። ቤተልሔም የዋርካው ጥላ ሳያርፍባት አልፋለች ። ገና ገና ትቀጥላለች ፤ ትቀጣጠላለች ።

የ4 ዓመት ህጻን ልጅ በማገት 5 ሚሊዮን ብር የጠየቁ ባልና ሚስት በጽኑ እስራት ተቀጡ

ወንጀሉ የተፈፀመው ነሐሴ 12 ቀን 2017 ከጠዋቱ 3 ሰአት በአቃቂ ቃሊቲ ክፍለ ከተማ ወረዳ 6 ልዩ ቦታው ቀጠና አራት እየተባለ ከሚጠራው አካባቢ ነው።

ተጠርጣሪ መታደል ታደሰ በ4ሺ ብር የወር ደመወዝ በቤት ሰራተኝነት በአቶ መልካሙ ረዳቴ እና በወ/ሮ ጥጋብ ጌታሁን መኖሪያ ቤት ትቀጠራለች።

ግለሰቧ በተቀጠረች በ10ኛ ቀን የቀጣሪዎቿን ወደ ስራ መሄድን እንደ አጋጣሚ በመጠቀም የ4 አመት እድሜ ያለውን ህፃን ዮሴፍ መልካሙን ችብስ ልግዛልህ በማለት ይዛው ትሰወራለች።የህፃኑ ወላጆች ስራ ውለው ወደ ቤታቸው ሲገቡ ልጃቸውን እና የቀጠሯትን የቤት ሰራተኛ ከቤት ያጧቸዋል።

የቤት ሰራተኛቸው የትዳር አጋር የሆነው ግለሰብ ወደህጻኑ ወላጅ አባት ስልክ በመደወል ልጅህን አግተንዋል 5 ሚሊየን ብር አምጣ ብሎ ስልኩን ይዘጋል ። የልጃቸውን መታገት ተደውሎ የተነገራቸው ወላጅ አባት እና እናትም ለአዲስ አበባ ፖሊስ ዋና ጠቅላይ መምሪያ ያመለክታሉ።

ፖሊስ የቤት ሠራተኛዋ መታደል ታደሰ ከትዳር አጋሯ መሠረት አየለ ጋር በመሆን ወደ ሰሜን ሸዋ ዞን ደብረ ብርሀን ከተማ ጫጫ ክፍለ ከተማ ህፃኑን እንደወሰዱት ይደርስበታል።

ኋላም ተጠርጣሪዎች ቤት ተከራይተው ልጁን ካስቀመጡበት በቁጥጥር ስር በማዋል ታግቶ የነበረው ህፃን ዮሴፍ መልካሙን ከነሙሉ ጤንነቱ ለወላጆቹ አስረክቧል። የምርመራ መዝገብ በማደራጀትና በማጠናቀቅ ለሚመለከተው የፍትህ አካል በመላክ ክስ እንዲመሰረት አድርጓል።

የፌዴራል ከፍተኛ ፍርድ ቤት 1ኛ ወንጀል ችሎት ተከሳሾቹ ጥፋተኛ ሆነው በማግኘቱ 1ኛ:- ተከሳሽ መታደል ታደሰ በ8አመት ከ4ወር 2ኛ :-ተከሳሽ መሰረት አየለ ደግሞ በ7አመት ከ9ወር ፅኑ እስራት እንዲቀጡ ወስኗል ።

Seledadotio

የዋሊያዎቹ እና የንግድ ባንኩ ኮከብ አዲስ ግደይ ትዳር መሰረተ!
#ethiopia | ​የኢትዮጵያ ብሔራዊ ቡድን (ዋሊያዎቹ) እና የኢትዮጵያ ንግድ ባንክ እግር ኳስ ክለብ የመስመር አጥቂና የወቅቱ አምበል አዲስ ግደይ በቤተክርስቲያን ሥርዓተ ተክሊል የጋብቻ ሥነ-ሥርዓቱን በደመቀ ሁኔታ ፈጽሟ።

ቀደም ሲል በስልጤ ወራቤ ባሳየው አስደናቂ ብቃት የብዙዎችን ቀልብ በመሳብ ከስፖርት ቤተሰቡ ጋር የተዋወቀው ይህ ተጫዋች ለሲዳማ ቡና እና ለቅዱስ ጊዮርጊስ ክለቦች ጭምር በታማኝነት ማገልገሉ ይታወሳል።

ዛሬ ደግሞ ሕይወቱን ይበልጥ ወደተሟላ ምዕራፍ በማሸጋገር ከረጅም ጊዜ የሕይወት ጓደኛው ጋር የቃል ኪዳን ጋብቻውን በይፋ ፈጽሟል።

ለኮከቡ ተጫዋች አዲስ ግደይ እና ለውድ ባለቤቱ ደስ የሚልና የሰመረ የትዳር ዘመን እንዲሆንላቸው እንመኛለን።

credit : balageru tv

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ዜና) የኤርትራ ማስታወቂያ ሚኒስቴር ዛሬ ሐሙስ ባወጣው እና ዘ-ሐበሻ በተመለከተው ይፋዊ መግለጫ መሠረት፣ የኤርትራው ፕሬዝዳንት ኢሳይያስ አፈወርቂ እናት የሆኑት ወይዘሮ አዳነሽ በርሀ በተወለዱ በ97 ዓመታቸው ጁን 22 ቀን 2026 ከዚህ ዓለም በሞት ተለይተዋል። የዕረፍት ዜናቸውን ተከትሎም ሰኔ 24 ቀን 2026 ልጃቸው ፕሬዝዳንት ኢሳይያስ አፈወርቂ፣ ከፍተኛ የመንግስት ባለስልጣናት፣ የሃይማኖት አባቶች እና ወዳጅ ዘመዶች በተገኙበት "ጸሎት" በተሰኘው የመቃብር ስፍራ ሥርዓተ ቀብራቸው በክብር ተፈጽሟል።

መግለጫው ላይ እንደተመለከትነው ከሆነ፣ ወይዘሮ አዳነሽ ከአባታቸው አቶ በርሀ ወልደሐዋርያት እና ከእናታቸው ወይዘሮ መድህን ስእሉ በ1929 በአስመራ ከተማ ተወለዱ። ለትምህርት በደረሱበት ወቅት በስኳላ ቪቶርዮ አስመራ የአንደኛ ደረጃ ትምህርታቸውን ተከታትለዋል። በወቅቱ በነበረው የህብረተሰብ ባህል መሠረት ገና የዘጠኝ ዓመት ታዳጊ እያሉ ከአቶ አፈወርቂ አብርሃም ጋር ትዳር የመሰረቱ ሲሆን፣ ለአካለ መጠን እስኪደርሱ በወላጆቻቸው እንክብካቤ ስር ከቆዩ በኋላ የራሳቸውን ቤተሰብ ማስተዳደር ጀምረው በ15 ዓመታቸው የበኩር ልጃቸውን ወልደዋል።

በ42 ዓመታት የትዳር ዘመናቸው አስራ አራት ልጆችን ያፈሩት ወይዘሮ አዳነሽ፣ ዘጠኙን ልጆቻቸውን ለኤርትራ የነጻነት ትግል አበርክተዋል። ከእነዚህም መካከል ሁለቱ በትግሉ ህይወታቸውን ያጡ ሲሆን፣ አንደኛው ደግሞ በ1966 በ20 ዓመቱ የዩኒቨርሲቲ ትምህርቱን አቋርጦ ትግሉን የተቀላቀለው እና በኋላም የሀገሪቱ ፕሬዝዳንት የሆነው ኢሳይያስ አፈወርቂ ነው። ወይዘሮ አዳነሽ ታጋይ ልጆችን እና በተለይም በወቅቱ የትግሉ መሪ የነበሩትን የኢሳይያስ አፈወርቂን እናት በመሆናቸው ምክንያት በእሳቸው፣ በባለቤታቸው እና በቀሪ ቤተሰባቸው ላይ ከፍተኛ የደህንነት ስጋት እና ጫና ደርሶባቸው ነበር።

በነበረው አስጨናቂ የፖለቲካ ድባብ ምክንያት በአስመራ ከተማ መኖር ባለመቻላቸው፣ በ1978 ስትራቴጂካዊ ማፈግፈግ በተደረገበት ወቅት በበረሃ አቋርጠው ጥቂት ልጆቻቸውን እና የልጅ ልጆቻቸውን ይዘው ወደ አሜሪካ ተሰደዋል። ኤርትራ ነጻነቷን ከተቀዳጀች በኋላ ወደ ሀገራቸው የተመለሱት ወይዘሮ አዳነሽ፣ በ1993 ባለቤታቸው አቶ አፈወርቂ አብርሃም ከዚህ ዓለም በሞት ቢለዩዋቸውም፣ ቀሪውን የህይወት ዘመናቸውን በልጆቻቸው እና የልጅ ልጆቻቸው ተከበው አሳልፈዋል። መግለጫው በማከከልም ለቤተሰቦቻቸው እና ለወዳጆቻቸው መጽናናትን ተመኝቷል።

“በቻይና የጋብቻ ገበያ ተቋቋመ”‼️
በቻይና ሻንጋይ በሚገኝ አንድ የሕዝብ ፓርክ ውስጥ ወላጆች ለልጆቻቸው የትዳር አጋር የሚፈልጉበት ልዩ “የጋብቻ ገበያ”  በየሳምንቱ መጨረሻ እየተካሄደ መሆኑን ቢቢሲ (BBC) እና ሲኤንኤን (CNN) የዜና ምንጮች ዘግበዋል።

​ወላጆች የልጆቻቸውን ዕድሜ፣ ቁመት፣ የትምህርት ደረጃ፣ ገቢ እና የቤት ባለቤትነት ዝርዝር መረጃ በወረቀት ላይ በመጻፍ በጃንጥላዎች ወይም በገመዶች ላይ ይሰቅላሉ።

​ገበያውን በብዛት የሚያደምቁት በትዳር ዕድሜ ላይ ለደረሱ ነገር ግን በሥራ መብዛት ወይም በሌላ ምክንያት አጋር ላላገኙ ልጆቻቸው የሚጨነቁ ወላጆች ናቸው።

​ በገበያው ውስጥ ከፍቅራዊ ስሜት ይልቅ የኢኮኖሚ አቅም፣ የትምህርት ደረጃና ማኅበራዊ መደብ ለትዳር መሠረት ተደርገው በሰፊው ይገመገማሉ።

Seledadotio
Seledadotio

በጋብቻ ውስጥ በግብይት የተገኙ ንብረቶች የግል ወይንስ የጋራ?

ጠበቃና የህግ አማካሪ ፋንታሁን ደለለው

መግቢያ #ethiopia | በጋብቻ ውስጥ ሊከሰቱ የሚችሉ አለመግባባቶችን ቀድሞ ለመከላከል እንዲሁም ንብረቶችን ሰላማዊ በሆነ መንገድ በህግ እውቅና ተሰጥቶት ለማስተዳደር የግልና የጋራ ንብረቶችን በህግ አግባብ በመለየት ማስተዳደሩ ለጤናማ የትዳር ህይወት ቀዳሚ መፍትሄ ነው።

1. በግብይት የተገኙ ንብረቶች ማለት ምን ማለት ነው።

በግብይት የተገኙ ንብረቶች ማለት በፌደራል የተሻሻለው የቤተሰብ ህግ 58 መሠረት አንድ የትዳር አጋር የግል ንብረቱን በጋብቻ ውስጥ እያለ በመሸጥ ሌላ የሚገዛው ንብረት ነው። የግል ንብረት ሲባልም ህግ የአንዱ ተጋቢ የግሉ ንብረት ስለመሆኑ ህጋ ጥበቃ ያደረገለት ነው። ይህንን ቀጥሎ የምንገልጸው ይሆናል።

2. የአንዱ ተጋቢ የግል ንብረት ማለት ምን ማለት ነው?

የተጋቢ የግል ንብረቶች አስቀድሞ ከመጋባታቸው በፊት በእያንዳንዳቸው ያፈሩት ወይም ያለግብይት የተገኙ ንብረቶች ናቸው። እነዚህን አጠር ባለ መንገድ እናስረዳ።

2.1 ተጋቢዎች አስቀድመው ከጋብቻ በፊት ያፈሩዋቸው ወይም የግላቸው ነው በማለት እንዴት ይገለጻል?

እነዚህ ንብረቶች አስቀድመው በየግላቸው ያፈርዋቸው ንብረቶች ሲሆን በጋብቻ ውላቸው ፈቀደው እና ወደው የጋራቸው እንዲሆን ካልፈቀዱ በቀር የግላቸው ሆኖ የሚቀጥሉ ሲሆኑ በስጦታ ወይም በውርስ ያገኙአቸው ከሆኑም የግል ንብረት ተደርገው ይቆጠራሉ።

ይህም ሲባል የአንዱ ተጋቢ የግል ንብረት ማለት በዚህ በተሻሻለው ህግ አንቀጽ 57 መሠረት ያለግብይት ብሎ የሚያስቀምጣቸው ተጋቢዎች ጋብቻ ሲፈጽሙ አስቀድሞ የነበርዋቸው ንብረቶች፣ በውርስ፣በስጦታ የሚያገኝዋቸው ንብረቶች ያለግብይት የተገኙ የግል ንብረቶች ሲሆኑ የጋራ እንዲሆኑ ካልፈቀዱ በቀር የግላቸው ሆነው ይቀጥላሉ።

3. በጋብቻ ውስጥ በግብይት የተገኙ ንብረቶች

ተጋቢዎች የግል ንብረቶቻቸውን በተለያየ ምክንያት ሸጠው በሌላ ንብረት ለመለወጥ ሀሳብ ሲመጣላቸው ሸጠው ለመቀየር ይፈልጋሉ። በዚህን ጊዜ ማድረግ እንደሚችሉ በቤተሰብ ህጉ አንቀጽ 58/1/ ላይ ተቀምጧል። ምክንያቱም የራስን ንብረት መሸጥ መለወጥ ህገመንግስታዊ መብት እንደ መሆኑ መጠን
ይህን ማድረግ ይችላሉ።

ይሁን እንጂ ይህን ሲያደርጉ ወይም የግል ንብረታቸውን ሽጠው
ሌላ ንብረት ሲገዙ የተገዛውን ንብረት በግል ለማስቀጠል ህጉ ግዴታ ይጥልባቸዋል። ይህም የተገዛውን ንብረት በፍርድ ቤት የግል ስለመሆኑ ማጸደቅ ይጠበቅባቸዋል። የሚያጸደቁትም በፍርድ ቤት ሊሆን የሚገባ ነው።

እዚህ ላይ እንግዲህ ጉዳዩ ወደ ፍርድ ቤት መጥቶ እንዲጸድቅ
አቤቱታ ሲቀርብ አመልካች አንዳቸው በግብይት የቀየሩት ሲሆኑ አንዳቸው ተጠሪ ሌላ የትዳር አጋራቸው መሆናቸው የሚካድ አይደለም። ተጠሪ በአቤቱታው ላይ ባይኖር እንኳን ፍርድ ቤት በዚህ አግባብ መልስ አንዲሰጡበት አድርጎ ማጣራት ይጠበቅበታል። ለዚህም ዋናው ምክንያት ንብረቱ የሌላው መብት ይኖርበታል በሚል ነው።

4. ስለዚህ የግል ንብረቱን ሸጦ አዲስ ንብረት የሚገዛው ተጋቢ ማድረግ ያለበት ምንድ ነው?

ይህ የግል ንብረቱን ሽጦ ለመቀየር ያሰበው ተጋቢ በመጀመሪያ ደረጃ ከመሸጡ በፊት ሁነኛ ማስረጃ በእጁ ሊኖር ይገባል። ለምሳሌ ቤት ከሆነ የራሱ ስለመሆኑ የሚያሳይ የቤቱ ማረጋገጫ ካርታ ፣ ሊዝ ፣ሰነዶች፣ የመሳሰሉት እንዲሁም ቀድሞ ንብረቱ የግሉ የሆነበት አግባብ በስጦተ፣በውርስ፣የሚለውን የሚያሳይ ማስረጃ ሊኖረው ይገባል።

እነዚህን ማስረጃዎች ኮፒ በማድረግ መያዝ የሚጠበቅበት ሲሆን ሲሸጠው እነዚህን ማስረጃዎች በመጥቀስ ህጋዊ ውል ሊያደርግ ይገባል። ይህም ውል ወሳኝ ራሱ ብቻ ራሱ ብቻ ሻጭ መሆኑን የሚያሳይ ነው። ሲቀጥል ከገዢ የተላለበት የሽያጭ ገንዘብ የባንክ መግለጫ/statement/ የሚያስፈልግ ሲሆን ሌሎችም የስም ዝውውር ከማድረግ ጋር ተያይዞ አስፈላጊ ናቸው የሚባሉትን ማስረጃዎች በመያዝ ለፍርድ ቤት ከግል ንብረት የተገኘ ንብረት ስለመሆኑ በማስረዳት ማጸደቅ የሚቻል ነው።

5. የጹህፉ ማጠቃለያ እና የህግ ምክር

ተጋቢዎች የግል ንብረቶቻቸውን ሽጠው ሌላ ከመግዛታቸው
በፊት የህጉን አካሄድ እና ውጤት በሚገባ አውቀው ግብይት ሊፈጽሙ እንደሚገባ እና ለዚህም የህግ ባለሙያ በማማከርም ጭምር ማድረግ ይገባል።

ማጣቀሻ/references/
የተሻሻለው የቤተሰብ ህግ
https://www.facebook.com/s...
https://t.me/Fantahunlawye...
0929101037,0983337690

ዜና እረፍት
#ethiopia | የታዋቂው አርቲስትና ተባባሪ ፕሮፌሰር ተስፋዬ ገሠሠ የረጅም ዘመን የትዳር አጋር የነበሩት ወይዘሮ መንበረ ግርማ በ75 ዓመታቸው ከዚህ ዓለም በሞት ተለይተዋል።

ለ37 ዓመታት ያህል በትዳር አብረው የዘለቁት ወይዘሮ መንበረ ግንቦት 30 ቀን 2018 ዓ.ም ማረፋቸው ታውቋል።

የስንብት እና የቀብር ሥነ ሥርዓታቸው ሰኞ፣ ሰኔ 1 ቀን 2018 ዓ.ም ከሰዓት በኋላ በ9:00 ሰዓት በመንበረ ጸባኦት ቅድስት ሥላሴ ካቴድራል ይፈጸማል።

ለቤተሰቦቻቸው፣ ለወዳጅ ዘመዶቻቸውና ለናፈቋቸው ሁሉ መጽናናትን እንመኛለን።
#tesfayegesese #bereavement #ethiopianartist #condolences #getutemesgen #getu #ጌጡ #ጌጡተመስገን #addisababa

💍 ጋዜጠኛ አዳነ አረጋ እና ባለቤቱ ቢታንያ በሰይፉ_ሾው ያደረጉት አስገራሚ ቆይታ እና ያልተሰሙ እውነታዎች! 💕
#ethiopia | ታዋቂው ጋዜጠኛ አዳነ አረጋ እና ውብ ባለቤቱ ቢታንያ በሰይፉ ሾው ቀርበው ስለ ፍቅራቸው፣ ስለ ትዳራቸው እና ስለ ህይወታቸው ጣፋጭና አስቂኝ ገጠመኞችን አካፍለዋል። ከቆይታቸው የተወሰዱ ድንቅ ነጥቦች እነሆ፦

🎙 ጋዜጠኛ አዳነ አረጋ...

* ⚽️ "የሰርጌ ቀን አርሰናል ዋንጫ ካልበላ አላገባም ብዬ ነበር!"

* 📺 "ሚዲያ ላይ ስለማታውቀኝ ነው የጠቀመኝ፤ ለእኔ እሷን ለማጥናት 6 ወር በቂ ነበር። ከውበቷ ውጪ አስተሳሰቧ 'ውይ' የሚያስብል ነው፤ በትውውቅ 4 ዓመት ሆኖናል።"

* 🎬 "ማስታወቂያ እንድትሰራ እኔ ነኝ በግድ ያስገባኋት፤ ፈጣሪ የሰጣትን ቁንጅና እና አቋም መጠቀም አለባት።"

* 👩‍ያ "እናትዬ ብዬ ነው የምጠራት።"

* 💼 "በጋዜጠኝነት ደመወዝ ብቻ ልትኖር አትችልም። ስራ እወዳለሁ፤ የተለያዩ ኢቨንቶችን እሰራለሁ።"

* 🍲 "የማይሰለቸኝ ምግብ ሽሮ ነው።"

* 📺 "ቀጥታ ስርጭት ዜና እያነበብኩኝ ወንበሩ ሰምጦብኝ ያውቃል! ካሜራ ማናችንም ከነካሜራው ከአውሮፕላን ላይ ወድቆብናል።"

* 🎶 "የሀገር ካስማ ከተሰኘው ዘፈን ፕሮዲውሰሮች አንዱ ነበርኩኝ። የቴዲ ታደሰን 'በቸር ይደር' እና የጥላሁንን 'አምሳሉ' ዘፈኖችን እወዳለሁ።"

* ⛰ "ጊሸን ሄጄ እንደመጣሁ ነው ፀሎቴ የሰመረልኝ። መስከረም 21 እኔም እናቴም የተወለድንበት ቀን ነው።"

* 🎤 "የሰርጌ ቀን ድምፃዊ ጎሳዬ፣ አብነት እና ዳዊት ይኖራሉ።"

👸 ባለቤቱ ቢታንያ ...

* 🏪 "እኔ ሱቅ እቃ ሊገዛ መጥቶ ነው የተዋወቅነው። ሰዎች እስኪነግሩኝ ድረስ ጋዜጠኛ መሆኑን አላውቅም ነበር።"

* 💍 "የ'ታገቢኛለሽ' ሰርፕራይዙ በጣም ደስ ይል ነበር።"

* 🐕 "አዳነ ውሻ አምጥቶልኝ ሰርፕራይዝ አድርጎኛል። 'አባትዬ' ብዬ ነው የምጠራው።"

* 👩‍❤️‍👨 "አዳነ ፍቅር መስጠት ይችላል፤ የተካነበት ነው። ልክ እንደ አባቴ አይነት ባል ነው ያገኘሁት።"

* 💭 "ሰዎች ተጋብተው ከሚጣሉ ይልቅ መጀመሪያ ተጣልተው ነው መጋባት ያለባቸው።"

* 🥩 "ጥሬ ስጋ እና ጭኮ እወዳለሁ፤ የንዋይ ደበበን 'አሜን' ዘፈን እመርጣለሁ።"

* 📱 "የእድል ቁጥሬ 6 ስለሆነ 6 ልጆች ቢኖሩኝ ደስ ይለኛል!

የአዴ እና የቢቱ ፍቅር ፍጻሜው ለሰርግ በቃ! አዴ አንተ ሰው አክባሪና ትሁት ጋዜጠኛ እንኳን ደስ አለህ። ለሁለታችሁም ዘላቂና ደስተኛ የትዳር ዘመን እንመኛለን! 🥂🎉

Via Zerihun Teznanu

የጋዜጠኛና ደራሲ ስመኝ ግዛው አዲስ መጽሐፍ በቅርቡ ለንባብ ይበቃል
#ethiopia | ለዛ ባላቸው ጽሁፎቿ የምትታወቀው ጋዜጠኛ፣ ገጣሚና ደራሲ ስመኝ ግዛው የእናቴ "ሮሚዮ" እና ሌሎች አጫጭር ታሪኮች የተሰኘ አዲስ መጽሐፏን ለገበያ ልታቀርብ መሆኑን ገልጻለች።

የእናቴ "ሮሚዮ" መጽሐፍ ተራ የሚመስሉ ነገር ግን ጥልቅ ትርጉም ያላቸውን የሕይወት ክስተቶች በረቂቅ አጻጻፍ የሚያስቃኙ 20 አጫጭር ታሪኮችን በውስጡ አካትቷል።

ታሪኮቹ በእውነተኛ የፍቅርና የትዳር ሕይወት ውጣ ውረዶች ላይ የሚያተኩሩ ሲሆን ስሜትን በሚነኩ ግጥሞችም የታጀቡ መሆናቸውን ደራሲዋ አስታውቃለች።

በ 220 ገጾች ተቀንብቦ የቀረበው ይህ ሥራ በአዲስ አበባ ዩኒቨርሲቲ የጋዜጠኝነትና ኮሙኒኬሽን ረዳት ፕሮፌሰር መኩሪያ መካሻ ግምገማ የተደረገበት ሲሆን መጽሐፉ በሳል ይዘትና ልዩ አቀራረብ እንዳለው ምሁሩ ምስክርነታቸውን ሰጥተዋል።

የመጽሐፍ ምርቃቱ ከጥቂት ቀናት በኋላ እንደሚከናወንም ታውቋል።
#የእናቴሮሚዮ #ስመኝግዛው #አዲስመጽሐፍ #ስነጽሁፍ #ኢትዮጵያ #አጫጭርታሪኮች #getutemesgen #getu #ጌጡ #ጌጡተመስገን #addisababa

የሦስት አስርተ ዓመታት የፍቅር እና የጽናት ጉዞ የአንጋፋዎቹ ተወዛዋዦች ዳምጠው ወርቁ እና ጌጤ በሰይፉ አስደናቂ የትዳር ምስጢር
#ethiopia | በትዳር መፍረስ ዜናዎች በበዙበት በዚህ ዘመን ለሰላሳ ዓመታት በፍቅር እና በአንድነት የዘለቁት አንጋፋዎቹ የሀገር ፍቅር ቴአትር ተወዛዋዦች ዳምጠው ወርቁ እና ጌጤ በሰይፉ ሾው ላይ ቀርበው ያካፈሉት ተሞክሮ ለብዙዎች አርአያ የሚሆን ነው። ይህ ለረጅም ጊዜ የዘለቀው የትዳር ሕይወታቸው ስኬት ቁልፉ መቻቻል እና ትዕግስት መሆኑን ጥንዶቹ ገልጸዋል።

ትዳር እንደ አንድ ትልቅ ተቋም በሂደት የሚገነባ መሆኑን የገለጹት እነዚህ ጥንዶች ከባልና ሚስትነት ባለፈ ወደ ጥልቅ ጓደኝነት እና እንደ እህትና ወንድም ወደ መተሳሰብ ደረጃ መሸጋገር መቻሉ ለፍቅራቸው መጽናት ትልቁ ምስጢር እንደሆነ አስረድተዋል።

ለአስራ ስምንት ዓመታት በአሜሪካ ቢኖሩም ኢትዮጵያዊ ማንነታቸውን እና ባህላቸውን ጠብቀው የቆዩት ጥንዶቹ ዛሬም ድረስ በማንኛውም የደስታ ስፍራ አብረው በመጨፈር ይታወቃሉ።

ዳምጠው ወርቁ እንደገለጸው እንደ ጉራጊኛ፣ ወላይትኛ እና ትግርኛ ያሉ የሀገራችን ባህላዊ ውዝዋዜዎች ከየትኛውም የሰውነት ማጎልመሻ ስፖርት በላይ ለጤና ተመራጭ እና ለረጅም ዕድሜ ጠቃሚ ናቸው።

ባለቤቱ ጌጤ በበኩሏ ስጋን ከመመገብ በመቆጠብ እና ጤናማ የአኗኗር ዘይቤን በመከተል ውበቷን እና ወጣትነቷን መጠበቅ እንደቻለች ተናግራለች።

በስደት ዓለም የሚገጥሙትን የሥራ ጫናዎች በጽናት በማለፍ እና ልጃቸውን በመልካም ስነምግባር በማሳደግ ውጤታማ መሆን የቻሉት ጥንዶቹ በተለያዩ የበጎ አድራጎት ስራዎች ላይ በመሳተፍ ለወገናቸው ያላቸውን ፍቅር በተግባር እያሳዩ ይገኛሉ።

በተለይም ባለቤታቸው ለሥራ ጉዳይ ለስምንት ወራት በራቁበት ወቅት ጌጤ በብቸኝነት ያሳለፈችው የእርግዝና ጊዜ ለትዳራቸው ጥንካሬ ትልቅ ትምህርት እንደሆነ አስታውሰዋል።

በመጨረሻም ለሀገራቸው ኢትዮጵያ ሰላም እና አንድነት ያላቸውን መልካም ምኞት በመግለጽ ለፍቅር ቅድሚያ መስጠት እንደሚገባ መክረዋል።
#ethiopianart #marriageadvice #loveandresilience #ethiopianculture #relationshipgoals #inspiration #getutemesgen #getu #ጌጡ #ጌጡተመስገን #addisababa

የሦስት አስርተ ዓመታት የፍቅር እና የጽናት ጉዞ የአንጋፋዎቹ ተወዛዋዦች ዳምጠው ወርቁ እና ጌጤ በሰይፉ አስደናቂ የትዳር ምስጢር
#ethiopia | በትዳር መፍረስ ዜናዎች በበዙበት በዚህ ዘመን ለሰላሳ ዓመታት በፍቅር እና በአንድነት የዘለቁት አንጋፋዎቹ የሀገር ፍቅር ቴአትር ተወዛዋዦች ዳምጠው ወርቁ እና ጌጤ በሰይፉ ሾው ላይ ቀርበው ያካፈሉት ተሞክሮ ለብዙዎች አርአያ የሚሆን ነው። ይህ ለረጅም ጊዜ የዘለቀው የትዳር ሕይወታቸው ስኬት ቁልፉ መቻቻል እና ትዕግስት መሆኑን ጥንዶቹ ገልጸዋል።

ትዳር እንደ አንድ ትልቅ ተቋም በሂደት የሚገነባ መሆኑን የገለጹት እነዚህ ጥንዶች ከባልና ሚስትነት ባለፈ ወደ ጥልቅ ጓደኝነት እና እንደ እህትና ወንድም ወደ መተሳሰብ ደረጃ መሸጋገር መቻሉ ለፍቅራቸው መጽናት ትልቁ ምስጢር እንደሆነ አስረድተዋል።

ለአስራ ስምንት ዓመታት በአሜሪካ ቢኖሩም ኢትዮጵያዊ ማንነታቸውን እና ባህላቸውን ጠብቀው የቆዩት ጥንዶቹ ዛሬም ድረስ በማንኛውም የደስታ ስፍራ አብረው በመጨፈር ይታወቃሉ።

ዳምጠው ወርቁ እንደገለጸው እንደ ጉራጊኛ፣ ወላይትኛ እና ትግርኛ ያሉ የሀገራችን ባህላዊ ውዝዋዜዎች ከየትኛውም የሰውነት ማጎልመሻ ስፖርት በላይ ለጤና ተመራጭ እና ለረጅም ዕድሜ ጠቃሚ ናቸው።

ባለቤቱ ጌጤ በበኩሏ ስጋን ከመመገብ በመቆጠብ እና ጤናማ የአኗኗር ዘይቤን በመከተል ውበቷን እና ወጣትነቷን መጠበቅ እንደቻለች ተናግራለች።

በስደት ዓለም የሚገጥሙትን የሥራ ጫናዎች በጽናት በማለፍ እና ልጃቸውን በመልካም ስነምግባር በማሳደግ ውጤታማ መሆን የቻሉት ጥንዶቹ በተለያዩ የበጎ አድራጎት ስራዎች ላይ በመሳተፍ ለወገናቸው ያላቸውን ፍቅር በተግባር እያሳዩ ይገኛሉ።

በተለይም ባለቤታቸው ለሥራ ጉዳይ ለስምንት ወራት በራቁበት ወቅት ጌጤ በብቸኝነት ያሳለፈችው የእርግዝና ጊዜ ለትዳራቸው ጥንካሬ ትልቅ ትምህርት እንደሆነ አስታውሰዋል።

በመጨረሻም ለሀገራቸው ኢትዮጵያ ሰላም እና አንድነት ያላቸውን መልካም ምኞት በመግለጽ ለፍቅር ቅድሚያ መስጠት እንደሚገባ መክረዋል።
#ethiopianart #marriageadvice #loveandresilience #ethiopianculture #relationshipgoals #inspiration #getutemesgen #getu #ጌጡ #ጌጡተመስገን #addisababa

አንጋፋው ሰዓሊና ቀራጺ መጋቢ ጥበባት ሃይለማርያም ሰንበታ ከዚህ አለም ድካም አረፉ
#ethiopia | የኢትዮጵያ ሰዓሊዎችና ደራሲዎች ማህበር መስራች አባልና የኢዮቤልዩ ቤተመንግስት ሰዓሊ እንዲሁም በኢትዮጵያ ቤተክርስቲያን የስዕልና ቅርጻቅርጽ ታሪክ ውስጥ ጉልህ ድርሻ የነበራቸው መጋቢ ጥበባት ሃይለማርያም ሰንበታ ከዚህ አለም ድካም አርፈዋል፡፡

ቀብራቸውም ዛሬ በደብረሊባኖስ አቡነ ተክለሃይማኖት ገዳም ተፈጽሟል፡፡

ከአባታቸው ከአቶ ሰንበታ በዳኔ እና ከእናታቸው ከወይዘሮ ፋይቱ ዶዮ በቀድሞ አጠራር በሰላሌ አውራጃ ኢደቡ አቦቴ ወረዳ ስሬ ሞረሴ ቀበሌ ገበሬ ማህበር በ1921 ዓ.ም የተወለዱት መጋቢ ጥበባት ሃይለማርያም ሰንበታ በለጋ ዕድሜያቸው ስሬ መድሃኔአለም አለቃ ጥበቡ ገሜ እግር ስር የቤተክርስቲያን ትምህርት ተከታትለዋል፡፡

ትምህርታቸውን ሲያጠናቅቁም ከአዲስ አበባ መንበረ ጸባኦት ቅድስት ልደታ ቤተክርስቲያን የዲቁና ማዕረጋቸውን አግኝተዋል፡፡

መጋቢ ጥበባት ሃይለማርያም ሰንበታ ዲቁናቸውን ካገኙ በኋላ በጀሊሳ ተክለሃይማኖት ቤተክርስቲያን ለበርካታ አመታት በላቀ መንፈሳዊ ልዕልና ቤተክርስቲያኑን በዲቁና አገልግለዋል፡፡
መጋቢ ጥበባት ሃይለማርያም ሰንበታ ቤተክርስቲያንን በዲቁና ብቻ ያገለገሉ አባት አልነበሩም፡፡

ከፈጣሪ የተሰጣቸው የስዕል እና የቅርጻቅርጽ ጥበብ ባለቤትም ነበሩ፡፡ መምህራቸው የነበሩት የስሬ መድሃኔአለም ገዳም መምህር አለቃ ጥበቡ ይህንን መክሊታቸውን በማየት ለዚያን ጊዜው ዲያቆን ለአሁኑ መጋቢ ጥበባት ሃይለማርያም ሰንበታ የቤተክርስቲያን ስዕልና ቅርጻቅርጽ ትምህርት አስተምረዋቸዋል፡፡

ይህ የጥበብ ሙያቸው ከቤተክርስቲያን አገልግሎታቸው ጋር ተደምሮ ከትውልድ ሃገራቸው አልፎ በሃገርአቀፍ ደረጃ ከፍተኛ አድናቆትንና ተፈላጊነትን ስለፈጠረላቸውም ከ1949 ዓ.ም ጀምሮ ወደአዲስ አበባ እንዲመጡ ተደርጎ በታላቁ ገነተ ልዑል ቤተመንግስት በቋሚነት ተቀጥረው ከሌሎች የሃገራችን ታላላቅ ሰዓሊያን ጋር ለ12 ዓመታት በከፍተኛ ትጋትና ታማኝነት የቤተመንግስቱ ሰዓሊ ሆነው አገልግለዋል፡፡

ለጥበብ ስራዎቻቸውም ከተለያዩ ታዋቂ ግለሰቦችና ንጉሳውያን ቤተሰቦች እውቅናና ምስጋና ተችሯቸዋል፡፡

በቤተክርስቲያን የነበራቸውን የበርካታ ዘመናት አገልጋይነትና በተለይም በቤተክርስቲያን ጥንታዊ ስዕሎችና ቅርጻቅርጾች ላይ ያሳረፉትን የላቀ አሻራ ከግምት በማስገባትም የኢትዮጵያ ኦርቶዶክስ ቤተክርስቲያን ለረጅም ዘመን የክህነት አገልግሎትና የጥበብ አዋቂነት የምትሰጠውንና ከፍተኛ የሆነውን የ “መጋቢ ጥበባት” ማዕረግ ሰጥታቸዋለች፡፡

የመጋቢ ጥበባት ሃይለማርያም ሰንበታ ታማኝነት፣ ታታሪነትና የቤተክርስቲያን አስተዋዕጾ እጅግ ያስደነቃቸው የወቅቱ የኢትዮጵያ ንጉሰነገስት አጼ ሃይለስላሴ በዚያው ገነተ ልዑል ቤተመንግስት በተካሄደ ስነስርዓት በራሳቸው እጅ የንጉሰነገስቱን የክብር ሽልማት ሰጥተዋቸዋል፡፡

መጋቢ ጥበባት ሃይለማርያም ሰንበታ በሃገራዊ የጥበብ ታሪክ ላይ የነበራቸው አሻራ በዚህ ብቻ የሚቋጭ አይደለም፡፡ በጊዜው በነበረው የጽህፈት ሚኒስቴር ስር በኢትዮጵያ የመጀመሪያ የሆነውንና ለበርካታ አመታት የሃገሪቱን የጥበብ ሰዎች ሲያሰባስብ የኖረውን ታላቁን የኢትዮጵያ ሰዓሊያን እና ደራሲያን ማህበር ሜትር አርቲስት አፈወርቅ ተክሌና መቶ አለቃ ለማ ጉያን ከመሳሰሉ የሙያ ባልደረቦቻቸው ጋር በመሆን መስርተው በታታሪነት አገልግለዋል፡፡

መጋቢ ጥበባት ቀድሞ በዲቁና ሲያገለግሉበት የነበረው ጀሊሳ ተክለሃይማኖት ቤተክርስቲያን ካህን የነበሩትን የመምሬ ገብረስላሴ ልጅ ወይዘሮ ከበቡሽ ገብረስላሴን አጭተው በ1947 ዓ.ም በዚያው ቤተክርስቲያን ጋብቻቸውን ፈጽመዋል፡፡

መጋቢ ጥበባት ከወይዘሮ ከበቡሽ ጋር በነበራቸው የረጅም አመታት የትዳር ዘመን 14 ልጆችን ወልደው ለወግ ለማዕረግ በማብቃት 27 የልጅ ልጆችንና 8 የልጅ ልጅ ልጅ አይተዋል፡፡

ከሚወዷቸው ባለቤታቸው ህልፈተ ህይወት በኋላ ብዙም ጤና ያልነበራቸው መጋቢ ጥበባት ሃይለማርያም በተወለዱ በ97 ዓመታቸው ሚያዝያ 23 ቀን 2018ዓ.ም ከዚህ አለም በሞት ተለይተው ቀብራቸው ሚያዝያ 25 ቀን በታላቁ የደብረሊባኖስ ገዳም ወዳጅ ዘመዶቻቸው በተገኙበት በታላቅ የቤተክርስቲያን ስነስርዓት ተፈጽሟል፡፡

የብፁዕ አቡነ ማቴዎስ ወላጅ እናት እማሆይ አስካለ ማርያም የሥርዓተ ቀብር ሥነ ሥርዓት ተከናወነ
#ethiopia | በኢትዮጵያ ኦርቶዶክስ ተዋሕዶ ቤተክርስቲያን የመገናኛ ብዙኃን ድርጅት እና የአፋን ኦሮሞ ቴሌቪዥን ጣቢያ የበላይ ኃላፊ እንዲሁም የምሥራቅና ሰሜን አፍሪካ አህጉረ ስብከት ሊቀ ጳጳስ የሆኑት የብፁዕ አቡነ ማቴዎስ ወላጅ እናት እማሆይ አስካለ ማርያም (ወይዘሮ አምሳለ ወርቅ ማሞ) በ85 ዓመታቸው ከዚህ ዓለም ድካም አርፈዋል።

እማሆይ አስካለ ማርያም በ1933 ዓም በሰሜን ሸዋ ምንጃር ሸንኮራ ወረዳ መምህር አገር ቦሰቄ በተባለ ሥፍራ ከአባታቸው አቶ ማሞ ወልደየስና ከእናታቸው ወይዘሮ አጸደ በየነ ተወለዱ።

ዕድሜያቸው ለትምህርት ሲደርስም በአካባቢያቸው በሚገኝ ትምህርት ቤት የመሠረተ ትምህርት እውቀትን ገብይተዋል።

በ1948 ዓም ከአባ ክንፈ ሚካኤል (አቶ ጌታነህ የኋላሸት) ጋር ትዳር በመመሥረት ስድስት ወንዶችና ሁለት ሴቶችን በድምሩ ስምንት ልጆችን ወልደው በሃይማኖትና በሥነ ምግባር ኮትኩተው አሳድገዋል።

ሟች እናት ለስምንት ልጆች እናት ከመሆናቸውም ባለፈ ለ38 የልጅ ልጆች፣ ለ20 የልጅ ልጆች ልጆች እንዲሁም ለ4 ቅም አያት ለመሆን የበቁ የልጅ ጸጋ የበዛላቸው እናት ነበሩ።

በሰው ዘንድ እጅግ የተወደዱ፣ ትሑት፣ እንግዳ ተቀባይና ለችግረኞች ሩኅሩኅ በመሆናቸው በአካባቢው ማኅበረሰብ ዘንድ ትልቅ ስም ነበራቸው።

የትዳር አጋራቸው ካረፉ በኋላ ቀሪ ሕይወታቸውን በጾም፣ በጸሎትና በትህርምት በመምራት አምላካቸውን ሲያገለግሉ ቆይተው ሚያዝያ 19 ቀን 2018 ዓም በ85 ዓመታቸው አርፈዋል።

የሥርዓተ ቀብር ሥነ ሥርዓታቸውም በሉሜ ሞጆ ወረዳ ኤጀሬ ደብረ ገነት ቅዱስ ጊዮርጊስ ቤተክርስቲያን ተፈጽሟል።

በቀብር ሥነ ሥርዓቱ ላይ የመንበረ ፓትርያርክ ጠቅላይ ቤተክህነት ዋና ሥራ አስኪያጅ ብፁዕ አቡነ ሳዊሮስን ጨምሮ የቅዱስ ሲኖዶስ ዋና ጸሐፊ ብፁዕ አቡነ ዲዮስቆሮስና በርካታ ብፁዓን አበው ሊቃነ ጳጳሳት ተገኝተዋል።

እንዲሁም የጠቅላይ ቤተክህነት መምሪያ ኃላፊዎች፣ የገዳማትና አድባራት አስተዳዳሪዎች፣ ሊቃውንተ ቤተክርስቲያንና ወዳጅ ዘመዶቻቸው በተገኙበት በታላቅ ድምቀት ተሸኝተዋል።
#orthodoxtewahedo #eotc #abunemathewos #mojjo #ethiopianorthodox #getutemesgen #getu #ጌጡ #ጌጡተመስገን #addisababa

የ"ጅንኑ" ባለቤት ምስጢር
የጋሽ ታምራት አዲስ ፈገግታ! - ዶ/ር ሰላማዊት ሞገስ በሰይፉ ሾው! 💍🎭
#ethiopia | ​ተወዳጇ የጥርስ ሐኪም ዶ/ር ሰላማዊት ሞገስ በቅርቡ ትዳር መመስረቷንና አስደናቂ የሙያ ጉዞዋን በሰይፉ በኢቢኤስ ፕሮግራም ላይ በዝርዝር አጋርታለች።

​💍 የ"ጅንኑ" ባለቤት ምስጢር፦
ሰላማዊት ከባለቤቷ ከአንዷለም ታረፈ ጋር ያላትን ትዳር "ጅንኑ" (ኩሩ) በሚል ቅጽል ስም እያቆላመጠች፣ የግል ሕይወታቸውን ሰላም ለመጠበቅ ሲሉ ፎቶ ደብቀው መቆየታቸውን ገልጻለች። የባለቤቷ ወንድነትና ኩራት እንደማረካትም በፈገግታ ተናግራለች።

​🎭 አንጋፋው ተዋናይ ጋሽ ታምራት ኃይሌ በደረሰባቸው የጥርስ ችግር ሳቢያ ፈገግታቸው ጠፍቶ የነበረ ቢሆንም፣ ዶ/ር ሰላማዊትና ቡድኗ በነጻ ባደረጉላቸው ዘመናዊ የጥርስ ተከላ (Implant) አሁን ወጣት መስለውና በልበ ሙሉነት እየሳቁ ቀርበዋል።

​ "ኋይት ሃውስ" (White House)፦
በምስራቅ አፍሪካ ደረጃ ተወዳዳሪ የሆነና በማይክሮስኮፕ የታገዘ ዘመናዊ የጥርስ ውበት ማዕከል መክፈቷን ገልጻለች። አሁን ላይ ከአሜሪካና ከአውሮፓ ሳይቀር ሰዎች ታካሚ ሆነው ወደ ኢትዮጵያ መምጣት ጀምረዋል።

​🙏 በየዓመቱ መቅዶንያ በመሄድ ለአረጋውያንና ለአእምሮ ሕሙማን የምታደርገው ነጻ የሕክምና አገልግሎት በሰይፉ ፋንታሁን ከፍተኛ አድናቆት ተችቶታል።

​"ፈገግታን መመለስ ታላቅ ደስታ ነው!" ለዶ/ር ሰላማዊትና ለባለቤቷ መልካም የትዳር ዘመን እንመኛለን! ❤

​#getu #drselamawitmoges #whitehousedental #tamrathaile #seifuonebs #ethiopianexcellence #dentalcare #humanitarian #successstory #ዶርሰላማዊት #ጋሽታምራት #ፈገግታ #ኋይትሃውስ #ጌጡተመስገን #getutemesgen