“የንባብ ከተማ” የተሰኘ የህጻናት ቲያትር በድምቀት ተመረቀ
‎
‎​#ethiopia | የህፃናትን የንባብ ባህል ለማዳበር ታሳቢ ተደርጎ የተዘጋጀው “የንባብ ከተማ” የተሰኘው አዲስ የህፃናት ቴአትር ዛሬ ረፋድ ላይ ለእይታ በቃ።
‎
‎​የአዲስ አበባ ከተማ አስተዳደር የቲያትር ቤቶች አስተዳደር፣ የህጻናትን እና የወጣቶችን ጥበባዊ ተሰጥኦ ለማሳደግና ታሪክን ከትውልድ ወደ ትውልድ ለማሸጋገር ዘመናዊ የቲያትር መድረኮችን በስፋት እየተጠቀመ ይገኛል።
‎
‎የአዲስ አበባ ቲያትር ቤቶች አስተዳደር ዘርፍ ምክትል ዋና ስራ አስፈጻሚ አቶ ተስፋገኘው ለገሠ እንደገለጹት፣ ከተማዋ ዘመናዊ የንባብና የመዝናኛ ቦታዎችን በመገንባት ለህብረተሰቡ ተደራሽ ለማድረግ በትኩረት እየሰራች ነው።
‎
‎በዚህም መሰረት በቅርቡ ተመርቆ አገልግሎት እየሰጠ በሚገኘው እና ፍላሚንጎ አካባቢ በሚገኘው የህጻናት እና ወጣቶች ቲያትር ቤት ለህጻናት የተዘጋጀ አዲስ ቲያትር በይፋ መመረቁን ጠቅሰው፣ ይህንን መድረክ ለታለመለት አላማ ሙሉ ለሙሉ ለመጠቀም እየተሰራ መሆኑን አስታውቀዋል።
‎
‎​“የንባብ ከተማ” ቴአትር ከሚቀጥለው እሁድ ጀምሮ በቋሚነት ዘወትር እሁድ ከጠዋቱ 4፡00 ሰዓት ጀምሮ ለታዳሚዎች እንደሚቀርብ ተገልጿል።
‎
‎ለህፃናትና ለወላጆች ምቹ በሆነው በዚህ አዳራሽ፣ ከቴአትር በተጨማሪ ማራኪ ሙዚቃዎችና አስተማሪ የታሪክ መርሐግብሮች እንደሚኖሩት ተጠቁሟል።
‎
‎ጌትነት ተመስገን
‎📷ከበደ መክብብ
‎
‎#addisababa #theaterlife #culturalheritage #ethiopianarts #kidstheater #citydevelopment #performingarts #communityengagement

🎭 "እንዝታ" ትውፊታዊ ቴአትር — በባህር ዳር!
#ethiopia | ​በታሪካዊ ትውፊት የተዋቀረውና በብዙዎች ዘንድ በጉጉት ሲጠበቅ የነበረው "እንዝታ" የተሰኘው ትውፊታዊ ቴአትር፣ ነገ መጋቢት 6 ቀን 2018 ዓ.ም በታላቅ ድምቀት ለእይታ ይቀርባል።

የጥበብ አፍቃሪዎች ሁሉ በዚህ ልዩ መድረክ ላይ እንዲገኙ ተጋብዘዋል።

​ የዝግጅቱ ቦታ እና ሰዓት
​ቦታ፦ ባህር ዳር ከተማ፣ በሙሉዓለም ባሕል ማዕከል
​ቀን፦ ነገ መጋቢት 6 ቀን 2018 ዓ.ም
​
​ደራሲያን፦
ደሳለኝ ድረስ (መረዋ) እና ንብረት ያለው
​አዘጋጅ፦ አባይነህ በለጠ
​ረዳት አዘጋጅ፦ ህሩይ አበበ
​ፕሮዳክሽን ማናጀር፦ ይስማው ዮሐንስ
​መብራት፦ ደጉ ሙልጌታ
​ስፖት ላይት፦ መንግስቱ መኮንን
​መድረክ ግንባታ፦ ሙልጌታ አለኸኝ
​ድምጽ ግብዓት፦ በለጠ ወንዴ
​አልባሳት እና ቁሳቁስ፦ የዝና አዱኛ

​🎭 ተዋንያን
​በርካታ ተሰጥኦ ያላቸው ተዋንያን በመድረኩ ላይ ይከሰታሉ፦

​ግዮን አለምሰገድ፣ አሳሱሁ መንግሥቱ፣ ይታየው አንዴ፣ ያለምስራ ገድፍ፣ ጊዜኔው አዲስ፣ መማር አለባቸው፣ ስዩም መኮነን፣ አመልማል ተክሉ፣ ብርሃኑ ውብአየሁ፣ ተዋቸው ወረታው፣ አመለወርቅ ወንዲራድ፣ ማስተዋል አድማሱ፣ ይኽነው ባለህ እና ሌሎችም።

​ፕሮዳክሽን
​የአማራ ብሔራዊ ክልላዊ መንግሥት ባህል፣ ኪነ-ጥበብና ዝክረ ታሪክ ጽሕፈት ቤት

Getu Temesgen - (ጌጡ ተመስገን)
#getutemesgen #getu #ጌጡ
#enzita #traditionaltheatre #ethiopiantheatre #bahirdar #mulualemculturalcenter #amharaculture #ethiopianarts #ethiopianhistory #culturalheritage #bahirdarevents

🎨 የኪነ-ጥበብ መንደር በታሪካዊቷ ጎንደር! 🏰
#ethiopia | ​"ጎንደርን የኪነ-ጥበብ መናገሻ የሚያደርግ የጥናት ስራ ተጀምሯል።"

​የ«ኪን-ኢትዮጵያ» የጥበብ እና የባህል መድረክ የመጀመሪያ ሀገር አቀፍ ጉዞውን በጎንደር ከተማ ባደረገበት ወቅት አንድ ትልቅ ብስራት ተሰምቷል።

​ምን ተባለ?
የጎንደር ከተማ ተቀዳሚ ከንቲባ አቶ ቻላቸው ዳኘው እንደገለጹት፤ ከተማዋ ያላትን የኪነ-ጥበብ አቅም ለመጠቀም እና ለባለሙያዎች ምቹ ሁኔታ ለመፍጠር "ዘመናዊ የኪነ-ጥበብ መንደር" ለመገንባት የሚያስችል ጥናት እየተካሄደ ነው።

​በመድረኩ የተላለፉ ቁልፍ መልዕክቶች፡-
✅ ሚኒስትር ሸዊት ሻንካ: "ኪነ-ጥበብ የአንድነታችን ማገር ነው" ሲሉ የጎንደር ህዝብ ላደረገው ኢትዮጵያዊ አቀባበል ምስጋና አቅርበዋል።

✅ አቶ መልካሙ ጸጋዬ: በክልሉ ነጠላ ትርክቶችን በማክሰም አሰባሳቢ ትርክትን ለመፍጠር ኪነ-ጥበብ ቁልፍ መሳሪያ መሆኑን ገልጸዋል።

​ይህ የኪነ-ጥበብ መንደር እውን ሲሆን ለሀገራችን ጥበብ እድገት ትልቅ አስተዋጽኦ እንደሚኖረው ይታመናል።

​ጌትነት ተመስገን

​#gonder #artvillage #ethiopianart #culture #unity #addisababa #kinethiopia #gonder #ethiopianarts

የ“ኪን ኢትዮጵያ” የባህልና ኪነ-ጥበባት ልዑካን ቡድን ጎንደር ገባ
#ethiopia | የሕዝብ ለሕዝብ ትስስርን ለማጠናከርና የአብሮነት እሴቶችን ለማጎልበት ያለመው የ“ኪን ኢትዮጵያ” የባህልና ኪነ-ጥበባት ልዑካን ቡድን በታሪካዊቷ ጎንደር ከተማ ደመቅ ያለ አቀባበል ተደረገለት።

ከሁሉም የሀገሪቱ ብሔሮች፣ ብሔረሰቦችና ሕዝቦች የተወጣጡ የኪነ-ጥበብ ባለሙያዎች፣ የሀገር ሽማግሌዎችና ጥሪ የተደረገላቸው እንግዶች የያዘው የልዑካን ቡድኑ ጎንደር አጼ ቴዎድሮስ አውሮፕላን ማረፊያ ሲደርስ ከፍተኛ የመንግሥት የሥራ ኃላፊዎችና የሀገር ሽማግሌዎች ተገኝተው ተቀብለዋቸዋል።

በአቀባበል ሥነ-ሥርዓቱ ላይ የተገኙት የአማራ ክልል ባህልና ቱሪዝም ቢሮ ኃላፊ አቶ መልካሙ ጸጋዬ፤ ለመላው የልዑካን ቡድን አባላት የእንኳን ደህና መጣችሁ መልዕክት አስተላልፈዋል። ይህ መድረክ ኢትዮጵያውያን ያላቸውን ባህላዊ መስተጋብር ይበልጥ ለማቀራረብና ወንድማማችነትን ለማጽናት ትልቅ ፋይዳ እንዳለውም ተገልጿል።

ይህ የባህልና የኪነ-ጥበብ መድረክ በፌዴራል ባህልና ስፖርት ሚኒስቴር ከአማራ ክልል ባህል፣ ቱሪዝም እና ስፖርት ቢሮ ጋር በመተባበር የተዘጋጀ ሲሆን፣ በቆይታውም የተለያዩ ጥናታዊ ጽሁፎች፣ የባህል ትርኢቶችና የሕዝብ ለሕዝብ ውይይቶች ይካሄዱበታል ተብሎ ይጠበቃል።

መርሐ-ግብሩ በዋናነት በሕዝቦች መካከል ያለውን አብሮነት በኪነ-ጥበብ አማካኝነት ወደ ላቀ ደረጃ ለማሸጋገር ያለመ መሆኑ ተመላክቷል።

ጌትነት ተመስገን

Getu Temesgen - (ጌጡ ተመስገን)
#ethiopia #gondar #culturalexchange #nationalunity #ethiopianarts