ፕራይም ሪል እስቴት የቦሌ ሚሊኒየም ፕላዛ አፓርትመንት ፕሮጀክቱን አስመረቀ፤ ለደንበኞቹም ቁልፍ አስረከበ
#ethiopia | ፕራይም ሪል እስቴት የቦሌ ሚሊኒየም ፕላዛ አፓርትመንት ፕሮጀክቱን በተያዘለት ጊዜ ሳይሆን ከውል ጊዜው ቀድሞ በማጠናቀቅ ለደንበኞቹ ቁልፍ አስረክቧል።

የፕሮጀክቱ ምረቃና የቁልፍ ርክክብ መርሐ ግብር ጥቅምት 2 ቀን 2019 ዓ.ም. በቦታው የሪባን ቆረጣ ሥነ ሥርዓት እና በሸራተን አዲስ ሆቴል በተዘጋጀ መርሐ ግብር ተካሂዷል።

እንደ ኩባንያው መረጃ፣ በሁለት ዓመት ውስጥ እንዲጠናቀቅ የታቀደው ፕሮጀክት በ18 ወራት ውስጥ ተጠናቋል። ይህም ከውል ጊዜው በስድስት ወራት ቀድሞ የተጠናቀቀ ሲሆን፣ ኩባንያው ለደንበኞቹ የገባውን ቃል በተግባር ለማሳየት ያደረገው ጥረት መሆኑን ገልጿል።

ፕራይም ሪል እስቴት ፕሮጀክቱ በጥራት፣ በፍጥነትና በታማኝነት የተገነባ መሆኑን በመግለጽ፣ የደንበኞቹን እምነትና እርካታ ከሚያስቀድማቸው የሥራ መርሆዎች መካከል እንደሚመድብ አመልክቷል።

ለፕሮጀክቱ መሳካትም ከፍተኛ ጥረት ላደረጉ የኩባንያው ሠራተኞች፣ የግንባታ አማካሪዎች፣ ባለሙያዎች፣ የአካባቢው ተቋማትና ነዋሪዎች ምስጋና አቅርቧል።

በዚሁ መርሐ ግብር ላይ የቦሌ ሜጋ የሪል እስቴት ሳይትም ለሽያጭ በይፋ መቅረቡ ተገልጿል። ይህም ኩባንያው በቀጣይ ለደንበኞቹ የቤት ባለቤት የመሆን ዕድሎችን ለማስፋት እየሠራ እንደሚገኝ ያመለክታል።

ኩባንያው በቀጣይ ፕሮጀክቶቹም ተመሳሳይ የግንባታ ጥራትን፣ የጊዜ አጠባበቅንና የደንበኞችን እምነት ለማስጠበቅ ዕቅድ እንዳለው አስታውቋል።

በዚህ ረገድ ከእህት ኩባንያዎቹ ኖር ሸገር እና ሴንትራል ፕሮፐርቲስ ጋር በመተባበር በቀጣይ ፕሮጀክቶች ላይ በፍጥነትና በጥራት ለመሥራት ማቀዱን ገልጿል።

የቦሌ ሚሊኒየም ፕላዛ ፕሮጀክት ምረቃና የቁልፍ ርክክብ የደንበኞችን የቤት ባለቤት የመሆን ምኞት ከማሳካት ባሻገር፣ በሪል እስቴት ዘርፍ የግንባታ ጊዜንና የጥራት አፈጻጸምን ማስጠበቅ ያለውን አስፈላጊነት የሚያጎላ ክስተት ሆኗል።

ለተጨማሪ መረጃና ለቀጣይ ፕሮጀክቶች ምዝገባ፦

ስልክ፦ +251 940 777 766

ድረ ገጽ፦ https://Primerealestateplc...

አድራሻ፦ ከሸዋ ዳቦ አጠገብ፣ ከጌቱ ኮሜርሻል ፊት ለፊት

ፕራይም ሪል እስቴት — ቃልን በተግባር!
#primerealestate #bolemillenniumplaza #realestate #addisababa #getutemesgen

ሐረማያ ዩኒቨርሲቲ በ2019 ዓ.ም ወደ ተቋሙ የተመደቡ አዲስ ገቢ ተማሪዎችን ለመቀበል በአዲስ አበባ እና በአዳማ ከተሞች አስተባባሪዎችን በመመደብ የትራንስፖርት አገልግሎት እገዛ ለተማሪዎቹ እንደሚያደርግ ገልጿል፡፡

ከላይ በምስሉ ላይ የተቀመጡት የስልክ ቁጥሮችን ብቻ በመጠቀም እገዛ ማግኘት እንደምትችሉ ዩኒቨርሲቲው ጠቁሟል፡፡

ሐረማያ ዩኒቨርሲቲ በ2019 ዓ.ም የከፍተኛ ትምህርታቸውን በተቋሙ እንዲከታተሉ የተመደቡ አዲስ የቅድመ-ምረቃ ፕሮግራም ተማሪዎች ሪፖርት ማድረጊያ ቀናት ከጥቅምት 05-08/2019 ዓ.ም እንደሆነ መግለጹ ይታወቃል።

@tikvahuniversity #haramayauniversity በ2019 ዓ.ም የከፍተኛ ትምህርታችሁን በሐረማያ ዩኒቨርሲቲ እንድትከታተሉ የተመደባችሁ አዲስ የቅድመ-ምረቃ ፕሮግራም ተማሪዎች ሪፖርት ማድረጊያ ቀናት ከጥቅምት 05-08/2019 ዓ.ም መሆኑን ዩኒቨርሲቲው አሳውቋል። የምዝገባ ቦታ፦ ሐረማያ በሚገኘው የዩኒቨርሲቲው ዋና ግቢ ወደ ዩኒቨርሲቲው ስትሔዱ ልትይዟቸው የሚገቡ፦ ➻ የ8ኛ ክፍል ሰርቲፍኬት፣ ➻ ከ9ኛ-12ኛ ክፍል…

#mekelleuniversity

መቐለ ዩኒቨርሲቲ በ2019 ዓ.ም ለተመደቡ አዲሰ ገቢ የቅድመ-ምረቃ እና የሪሚዲያል ተማሪዎች ወደ ዩኒቨርሲቲ የመግቢያ ጊዜን ወደፊት እንደሚያሳውቅ ገልጿል።

በሌላ በኩል የሁሉም የመቐለ ዩኒቨርሲቲ ነባር ተማሪዎች የ2019 ዓ.ም ትምህርት ዘመን ረቡዕ ጥቅምት 04/2019 ዓ.ም የሚጀመር መሆኑን ዩኒቨርሲቲው አሳውቋል።

@tikvahuniversity #moe ትምህርት ሚኒስቴር በትግራይ ክልል በሚገኙ ዩኒቨርሲቲዎች ሲማሩ ለነበሩ ነባር ተማሪዎች ካደረገው ጊዜያዊ ምደባ ጋር በተያያዘ ለቀረቡ ቅሬታዎች የማጣራት ሥራ አጠናቆ ምላሽ ሰጥቷል። በጊዜያዊነት የተመደባችሁበትን ዩኒቨርሲቲ ለመመልከት 👇 https://student.ethernet.e... የምደባ መረጃችሁ በቀጥታ ለየዩኒቨርሲቲዎቹ የሚላክ ሲሆን፣ ተቋማቱ በሚያወጡት…

በ2019 ዓ.ም ቀብሪደሃር ዩኒቨርሲቲ የተመደባችሁ የሪሚዲያል ፕሮግራም ተማሪዎች የምዝገባ ጊዜ ወደ ጥቅምት 12 እና 13/2019 ዓ.ም የተራዘመ መሆኑን ዩኒቨርሲቲው አሳውቋል።

የምዝገባ ቦታ፦
በዩኒቨርሲቲው ዋናው ግቢ ሬጂስትራር ጽ/ቤት

በ2019 ዓ.ም ቀብሪደሃር ዩኒቨርሲቲ የተመደባችሁ አዲስ የቅድመ-ምረቃ (ፍሬሽማን) የምዝገባ ጊዜ ቀድሞ በተገለፀው ጥቅምት 02 እና 03/2019 ዓ.ም መሆኑ ተገልጿል።

በተገለጹት ቀናት ወደ ዩኒቨርሲቲው ስትሔዱ ለምዝገባ የሚያስፈልጉ ትምህርት ማስረጃዎችን መያዝ ይኖርባችኋል፡፡

ሪሚዲያል ተማሪዎች ወደ ካምፓስ ከመምጣታችሁ በፊት
በ https://forms.cloud.micros... አማካኝነት በጊዚያዊነት መመዝገብ ይኖርባችኋል ተብሏል።

@tikvahuniversity Photo

ከንግግር ባለፈ በተጨባጭ ፕሮጀክቶች የሚረጋገጥ የብልጽግና ጉዞ

አዲስ አበባ፣ መስከረም 30፣2019 (ኤፍ ኤም ሲ) ኢትዮጵያ ታሪካዊ የእድገት ምዕራፍ ላይ ትገኛለች። የኢትዮጵያ የመነሳት ዘመን በቃል ደረጃ የሚገለጽ የፖለቲካ መፈክር ሳይሆን በመሬት ላይ በሚታዩ ዘላቂና ግዙፍ ፕሮጀክቶች የሚረጋገጥ ሀገራዊ እውነታ ሆኗል።

ሀገሪቱ ለዘመናት የገባችበትን የጥሬ ዕቃ ኤክስፖርት ጥገኝነት በመስበር አዲስ የኢንዱስትሪና የኢኮኖሚ መዋቅር የመገንባት ስትራቴጂ በስፋት እየተተገበረ ይገኛል። በዛሬው ዕለት የተመረቀው ብሔራዊ የውድ ማዕድናት ማጣሪያ ፋብሪካም የዚህ ታላቅ አገራዊ ርዕይ አካል ነው።

ጠቅላይ ሚኒስትር ዐቢይ አሕመድ (ዶ/ር) በምረቃው ወቅት እንደገለጹት÷ በማዳበሪያ ፋብሪካ የጀመርነውን ሥራ በወርቅ ማጣሪያ ደግመነዋል፤ በሌሎችም ዘርፎች እንዲህ ዓይነት ሥራዎችን በመስራት ኢትዮጵያ በሚቀጥሉት 5 እና 10 ዓመታት ጥሬ ልኮ የበሰለ መቀበልን ታቆማለ ብለዋል።

ይህ ስኬት ሀገራችን ተፈጥሮአዊ ሀብቶቿን እሴት ጨምራ ለዓለም ገበያ ለማቅረብ ያላትን ቁርጠኝነት ያሳያል።

ይህ እሴት የመጨመር ጉዞ በወርቅና በማዳበሪያ ዘርፍ ብቻ የሚገደብ ሳይሆን በሌሎች ቁልፍ የኢኮኖሚ መስኮችም ሊደገምና ሊሰፋ የሚገባው መዋቅራዊ ሽግግር ነው።

በግብርናው ዘርፍ ሀገሪቱ የምታመርታቸውን እንደ ቡና፣ ሰሊጥና የቅባት እህሎች ያሉ ጥሬ ምርቶች በሀገር ውስጥ የማቀናበር ሥራ አጠናክሮ መሥራት አስፈላጊ ነው።

በተመሳሳይ በጨርቃጨርቅና አልባሳት ዘርፍ የተፈጥሮ ጥጥን በጥሬው ከመላክ ይልቅ በሀገር ውስጥ ፋብሪካዎች ፈትሎና አልብሶ ለውጭ ገበያ ማቅረብ ይገባል።

ኢትዮጵያ ያቀደችውን የብልጽግና ጉዞ እውን ለማድረግ የተጀመሩት ሀገራዊ ፕሮጀክቶች አዎንታዊ ውጤት እያመጡ ይገኛሉ።

ጥሬ ዕቃዎችን ብቻ ከመላክ ተላቃ እሴት የተጨመረባቸውን ምርቶች ወደ ዓለም ገበያ የማቅረብ ሂደቱ ተጠናክሮ ሲቀጥል ደግሞ ኢትዮጵያ አህጉራዊና ዓለም አቀፋዊ ተወዳዳሪነቷን በማረጋገጥ የጀመረችውን የብልጽግና ግብ በጽኑ መሠረት ላይ እንድታቆም ያስችላልታል።

በዮናስ ጌትነት

ናሽናል አቪዬሽን ኮሌጅ ለ13ኛ ዙር ያሰለጠናቸውን 1ሺ 102 ተማሪዎችን አስመረቀ

👉ኮሌጁ በ2020 ወደ ናሽናል ኤሮስፔስ ዩኒቨርስቲ ይሸጋገራል።

ናሽናል አቪዬሽን ኮሌጅ በዚህ ዓመት ከድህረ ምረቃ፣ ከመጀመሪያ ዲግሪ፣ ከቴክኒክና ሙያ ስልጠና እና ከሰርተፊኬት የሙያ ስልጠና ፕሮግራሞች በድምሩ 1ሺ 102 ተማሪዎች በዛሬው እለት አስመርቋል።

ናሽናል አቪዬሽን ኮሌጅ የናሽናል ኢንቨስትመንት ግሩፕ አባልና የናሽናል ኤርዌይስ እህት ኩባንያ ሲሆን፣ በኢትዮጵያ የሰው ሀይል ልማት፣ በተለይም በአቪዬሽን፣ ቱሪዝም፣ ሆቴል፣ ሎጂስቲክስና ቢዝነስ ዘርፎች ጉልህ አስተዋፅኦ እያደረገ ይገኛል።

ናሽናል አቪዬሽን ኮሌጅ ከአለም አቀፍ የአየር ትራንስፖርት ማህበር (IATA)፣ ከዓለም ኮሜርሻል ሜኔጅመንት (ICM) እና ከኢትዮጵያ ሲቪል አቪዬሽን ባለስልጣን ጋር  እየሰራ እንደሚገኝ ብስራት ሰምቷል።

ኮሌጁ በአሁኑ ወቅት ወደ ናሽናል ኤሮስፔስ ዩኒቨርስቲ የመሸጋገር ሂደት ላይ ይገኛል። የናሽናል ኤሮስፔስ ዩኒቨርስቲ ራዕይ የተቋሙን አቅም ከአቪዬሽን ስልጠና አልፎ ወደ ኤሮስፔስ፣ የአየር እና የጠፈር ቴክኖሎጂ፣ ምርምር፣ ፈጠራ እና ከፍተኛ የሙያ ትምህርት የሚያስፋፋ መሆኑን ብስራት ሬዲዮ ሰምቷል።

ሰላማዊ ነጋሲ

#ዳጉ_ጆርናል

የኢትዮጵያ ታዳሽ ኢነርጂ ዘርፍን የሚያጠናክረው የ«ኤ ቱ ዜድ ኢነርጂስ» እና «አልፕ ሶላር/ሊጎ» የጋራ ኩባንያ በይፋ ተመሠረተ።

የኢትዮጵያን ታዳሽ የኢነርጂስ ዘርፍ ይበልጥ ለማዘመንና አቅሙን ከፍ ለማድረግ ታላቅ መሰረት የሚጥል አዲስ የጋራ ኩባንያ (Joint Venture) የምረቃ መርሐ ግብር ተካሄዷል።

«ኤ ቱ ዜድ ኢነርጂስ » (A to Z Energies) ከተባለው አገር በቀል ድርጅት ጋር፣ ዓለም አቀፍ ዝናን ካተረፉት የቻይና የኢነርጂስ እና የባትሪ ማኔጅመንት ሲስተም (BMS) ግዙፍ ካምፓኒዎች ከሆኑት ከ«አልፕ ሶላር / ሊጎ» (AlpSolarr / Ligoo) ጋር በመተባበር በኢትዮጵያ የተመሰረተው ይህ አዲስ ኩባንያ በይፋ ስራ መጀመሩ ተበስሯል።

ኩባንያው በ50 ሚሊዮን ዶላር የሼር ማዕቀፍ የተቋቋመ ሲሆን፣ ዘመናዊ ምርቶችን በቀጥታ ለአገር ውስጥ ገበያ እና ለምስራቅ አፍሪካ ቀጣና ማቅረብ የኩባንያው ዕቅድ ነው። IATF16949፣ ISO26262 እና ASPICE CL2ን በርካታ ዓለም አቀፍ የደህንነት እና የጥራት ማረጋገጫ ሰርተፊኬቶች ያሉት አውቶሞቲቭ-ግሬድ (Vehicle-grade) ምርቶች በኩባንያው እንደሚቀርቡ ተገልጿል።

ዋና አጋር የሆነው «ሊጎ» (Ligoo) እጅግ ዘመናዊ የሆኑ የባትሪ ማኔጅመንት ሲስተሞችን (BMS) በማልማት የ15 ዓመታት ልምድ ያለው ሲሆን፣ ከዓለም አቀፍ አውቶሞቲቭ ግዙፎች ጋር በመስራት ከፍተኛ የገበያ ድርሻ አለው። ከእነዚህም መካከል BYD፣ ጂሊ (Geely)፣ ቼሪ (Chery)፣ ኤስ.ጂ.ኤም.ደብሊዩ (SGMW) እና ቴስላ (Tesla) ይገኙበታል፡፡

በድርጅቱ ከሚቀርቡ ዋና ዋና ዘመናዊ የኢነርጂ መፍትሄዎች መካከል የቤት ውስጥ (Residential) እና የንግድ/ኢንዱስትሪ (C&I) የኢነርጂስ ማከማቻ ሲስተሞች (ESS)፣ ሃይብሪድ ኢንቨርተሮች (Hybrid Inverters) እና የሃይል ፍላጎትን በዘላቂነት ለማስተናገድ የተዘጋጁ የየኢነርጂ አስተዳደር አማራጮች ስለመሆናቸው ተነግሯል።

የኤ ቱ ዜድ ኢነርጂስ መሥራች እና ዋና ስራ አስፈጻሚ ሙጂብ አስመራ በሰጡት አስተያየት፣ "ይህ ትብብር የኩባንያችን ብቻ ሳይሆን የኢትዮጵያ የዘመናዊ ቴክኖሎጂ እና የኢነርጂስ ተደራሽነት ጉዞ ትልቅ ምዕራፍ ነው። ከዓለም አቀፍ አጋሮቻችን ከሊጎ እና አልፕ ሶላር ጋር በመሆን ሀገራችንን በኢነርጂስ አስተዳደር ዘርፍ የተሻለ ደረጃ ላይ ለማድረስ ቁርጠኞች ነን" ብለዋል።

ይህ የምረቃ መርሐ ግብር የሀገራችንን የኢንቨስትመንት ከፍታ የሚያሳይ አበረታች ምዕራፍ መሆኑ ተመላክቷል። ድርጅቱ ጎተራ ፔፒሲ 300 ሜትር አለፍ ብሎ ወደ ቄራ መንገድ በሚገኘው ሾው ሩም ጥሪ የተደረገላቸው ከፍተኛ የመንግስት ስራ ኃላፊዎች የሶሻም ሚዲያ ተፅዕኖፈጣሪዎች ተገኝተዋል።

የኤደን ኃይሉ "የምድረ በዳ ውሃ" መጽሐፍ ለንባብ ሊበቃ ነው
#ethiopia | በኢቲቪ፣ በኤልሻዳይ ቴሌቪዥን እና እንዲሁም በመንፈሳዊ አገልግሎት የምትታወቀው ኤደን ኃይሉ በህይወት ያለፈችበትን መንገድ በመጽሐፍ አስፍራ ለማስነበብ ተዘጋጅታለች።

ከልጅነቷ አንስቶ ያለፈችበትን ውጣ ውረድ መጽሐፏ ላይ ተርካዋለች።

የመፅሐፉ የእርማት፣ የማስተባበር እና የአርትኦት ተግባር የተከናወነው በተወዳጅ ሚድያ እና ኮምዩኒኬሽን ሲሆን ደራሲ ዝናው ደነቀ የቅድመ አርትኦት ሥራውን አከናውኗል። እዝራ እጅጉ እና ታደሰ ማሞ የፍፃሜ እርማቱን ያከናወኑ ሲሆን ታሪኩ ተፅፎ ለመጠናቀቅ 1አመት በላይ እንደወሰደ ታውቋል።

ኤደን ኃይሉ ካናዳ በኑሮ፣ በመንፈሳዊ አገልግሎት እግዚአብሔር በህይወቷ ያደረገላትን ድንቅ ተኣምር በመፅሐፉ ላይ የመሰከረች ሲሆን ታሪኩም በርካታ ፎቶግራፎችን በማስረጃነት አካቷል።

መጽሐፉን ያነበቡ ባለሙያዎችም የጀርባ ሽፋን ላይ አስተያየት ያሰፈሩ ሲሆን ሀሣብ ከሰጡት መካከል ዶክተር ማሙሻ ፋንታ፣ ወንድም ንጉሤ ቡልቻ፣ሐዋርያ ዮሐንስ ግርማ እና ሰይፉ ፋንታሁን ይገኙበታል ።

ኤደን ኃይሉ ይህን የምድረ በዳ ውሃ የተሰኘ መጽሐፍ እግዚአብሔር ረድቷት ለፍፅሜ በማብቃቷ በቀዳሚት ምሥጋናዋን ለፈጣሪ አቅርባለች። መጽሐፉ በቅርቡ በካናዳ ለምረቃ የሚበቃ ሲሆን ታላላቅ ሰዎችም ይገኛሉ ተብሎ ይጠበቃል።

የአገልግሎት ክፍያ ጭማሪ በተማሪዎች ላይ ከፍተኛ ቅሬታ ፈጥሯል።

በትምህርት ምዘናና ፈተናዎች አገልግሎት የተደረገውን የአገልግሎት ክፍያ ጭማሪ ተከትሎ በርካታ ተማሪዎችና ተፈታኞች ቅሬታቸውን ገልጸዋል።

አገልግሎቱ ባወጣው አዲስ የክፍያ ተመን፣ ቀደም ሲል 750 ብር የነበረው የዩኒቨርሲቲ መውጫ ፈተና ክፍያ ወደ 2,000 ብር ከፍ ብሏል። በተጨማሪም በድህረ-ምረቃ መግቢያ፣ በ12ኛ ክፍል ፈተና እና በሌሎች የማረጋገጫ አገልግሎቶች ላይ ተመሳሳይ የክፍያ ጭማሪ ተደርጓል።

በጉዳዩ ላይ ለቲክቫህ ኢትዮጵያ አስተያየታቸውን የሰጡ ተማሪዎች፣ አዲሱ የክፍያ ተመን በተለይ ለሥራ አጥና ዝቅተኛ ገቢ ላላቸው ተማሪዎችና ቤተሰቦች ተጨማሪ ጫና የሚፈጥር መሆኑን ገልጸዋል።

በ2017 ዓ.ም. ለመጀመሪያ ጊዜ የዩኒቨርሲቲ መውጫ ፈተና ወስዳ እንዳልተሳካላት የገለጸች አንዲት የመጀመሪያ ዲግሪ ተማሪ፣ ለ16 ዓመታት የለፋችበት ትምህርት ውጤት አልባ ሆኖ እንዳይቀር በድጋሚ 750 ብር እየከፈለች ፈተናውን መውሰዷን ተናግራለች። አሁንም ስላልተሳካላት ለሦስተኛ ጊዜ ለመሞከር እያሰበች ቢሆንም፣ አዲሱ የክፍያ ተመን እንዳስደነገጣት ገልጻለች።

" 2,000 ብር መክፈል በጣም ከባድ ነው። ሥራ አጥ ነኝ፣ በጣም የሚያስጨንቅ ውሳኔ ነው። ለሦስተኛ ጊዜ ለመፈተን እያሰብኩ ነበር። አሁን ግን 2 ሺህ ከፍዬ ከመፈተን ይልቅ አለመፈተንን መርጫለሁ " ብላለች።

የሁለተኛ ዲግሪ ትምህርታቸውን ለመጀመር እየሞከሩ ያሉ ተማሪዎችም የአገልግሎቱ አዲስ የክፍያ መጠን " ተስፋችንን የበለጠ አጨልሞታል፣ በትምህርት የሚያምኑ ሰዎችን ተስፋ የሚነጥቅ ነው " ብለዋል።

አንድ ተማሪ ለአገልግሎቱ 3,500 ብር እንዲከፈል መጠየቅ ምን ማለት ነው ? ሲሉ የጠየቁት ተማሪዎቹ  ትምህርት የቅንጦት ጉዳይ ሳይሆን ራስን ለማሳደግና ለማሻሻል የሚደረግ ነው። ታዲያ የተጋነነ ዋጋ እንድንከፍል የምንደረገው ለምንድን ነው ? " ብለዋል።

" የፈተናው ይዘት በራሱ የተማሪዎችን ችሎታ ለመመዘን አይመስልም " ያሉት ተማሪዎቹ ከ750 ብር ወደ 3,500 ብር ማሳደጉ ተማሪዎች ፈተናውን ደጋግመው እንዳይወስዱ እንቅፋት እንደሚሆን ገልጸዋል።

" አንዳንዴ ገቢ መሰብሰብ ብቻ የሚመስሉ አጋጣሚዎች አሉ " ሲሉ ወቅሰዋል።

ለጤና ባለሙያዎች አሁን ያለው ጊዜ አስቸጋሪ መሆኑን የገለጸ ተማሪ ደግሞ " በኑሮ ውድነቱ ከዘርፉ እየወጣን ነበር፣ አሁን ጭራሽ በሙያው ላይ የበለጠ ተስፋ እንድንቆርጥ እያደረጉን ነው " ብሏል።

ሌላው ተማሪ ደግሞ፣ " 3,500 ብር ከፍሎ መፈተን በጣም ያስፈራል " ሲል፣ ለትምህርት የሚወጡ ወጪዎች ቢያንስ ሁሉንም ያማከሉ መሆን እንዳለባቸው ገልጿል።

" በፈተና መውደቅ አለመውደቅ የተፈታኙ ኃላፊነት ሊሆን ይችላል። ቢያንስ ለመሞከር ግን እንደዚህ በሩ መጥበብ የለበትም " ብሏል።

ሌላ ተማሪ ደግሞ ሰዎች ትምህርት መማር እየፈለጉ ባላቸው ገቢና በኑሮ ውድነት ምክንያት መማር ካልቻሉ፣ ይህ ለሚመጣው ትውልድ የመማር ፍላጎትን ሊያወርድ እንደሚችል ገልጿል።

" ሰዎች እንዳይማሩ በዚህ ልክ ክፍያ መጠየቅ እንዴት ሊብራራ እንደሚችል አላውቅም! " ሲል ተናግሯል።

" ክፍያ የተጨመረበት ዓላማ ራሱ ምን እንደሆነ አይታወቅም። ተማሪ መሆን የሚፈልግ ነው ሁለተኛ ዲግሪውን የሚማረው፣ ስለዚህ ክፍያው ሁሉን ያማከለ ቢሆን ጥሩ ነው " ሲልም ሌላ ተማሪ ገልጿል።

የፈተናዎች ኤጀንሲ ያወጣውን አዲሱን የአገልግሎት ክፍያ መረጃ በቲክቫህ ኢትዮጵያ ላይ እንዳየ የገለጸ አንድ የ12ኛ ክፍል ተማሪ፣ መረጃውን በተመለከተበት ወቅት " እውነት ለመናገር ደንግጫለሁ፣ የማዘን ስሜትም ተሰምቶኝ ነበር፤ ያልጠበኩት ውሳኔ ነው " ብሏል።

ተማሪው ለ12ኛ ክፍል መልቀቂያ ፈተና 950 ብር መጠየቁን አግባብነት የሌለው እንደሆነ ገልጿል።

" የ12ኛ ክፍል ተማሪ ሥራው ትምህርት ነው፣ ክፍያ የለውም፣ ገቢ ወደሚያስገኝ ሥራ አልገባም፣ በቤተሰብ ላይ ጥገኞች ነን። ለፈተና ይሄን ያህል ክፈሉ ብሎ ሌላ ጫና መፍጠር፣ መክፈል በማይችሉት ላይ ችግር መፍጠር ነው " ብሏል።

አክሎም፣ " ተማሪዎችን የሚያገል ደንብ ነው። ፍትሐዊና ሁሉን ያማከለ አይደለም። ትምህርት የመማር መብት አለን፣ እንዳንማር የሚያደርጉ ውሳኔዎች ሊኖሩ አይገባም። አሁን ላይ ትምህርት ከመሠረታዊ መብትነት ይልቅ የተወሰኑ ገንዘብ ያላቸው የሀብታም ልጆች ብቻ እንዲማሩ እየተደረገ ነው " ሲል ተናግሯል።

በተጨማሪም የስም ስህተትን ጨምሮ እንደዚህ ያሉ ስህተቶችን ለማስተካከል የሚጠየቁ ክፍያዎች ሙሉ በሙሉ መቅረት እንዳለባቸው ተማሪዎቹ ገልጸዋል።

" በተቋማት በኩል በሚፈጠሩ ስህተቶች ተማሪዎች ልንጨነቅ አይገባም " ሲሉ ተናግረዋል።

ቲክቫህ ኢትዮጵያ በዚህ ጉዳይ ላይ ከትምህርት ምዘናና ፈተናዎች አገልግሎት ምላሽ ለማግኘት ጥረት ቢያደርግም ምላሽ ማግኘት ባለመቻሉ የአገልግሎቱ ምላሽ በዚህ ዘገባ ውስጥ አልተካተተም።

ቲክቫህ ኢትዮጵያ
አዲስ አበባ
#tikvahethiopia

@tikvahethiopia የዩኒቨርሲቲ መውጫ ፈተና ክፍያ ከ750 ወደ 2,000 ብር ከፍ አለ። የትምህርት ምዘናና ፈተናዎች አገልግሎት ለሚሰጣቸው ልዩ ልዩ አገልግሎቶች የሚከፈል ክፍያን የሚያሻሽል አዲስ ደንብ ወጥቷል። በዚህም ቀደም ሲል 750 ብር የነበረው የዩኒቨርሲቲ መውጫ ፈተና (Exit Exam) ክፍያ ወደ 2,000 ብር ከፍ ብሏል። ከዚህ ውስጥ 500 ብር የምዝገባ፣ 1,500 ብር ደግሞ የፈተና ክፍያ ሲሆን፣ ለውጭ ዜጎች…

(ዘ-ሐበሻ ዜና) የመቐለ ዩኒቨርሲቲ ለ2019 ዓ.ም የትምህርት ዘመን ነባር የቅድመ-ምረቃ እና የድኅረ-ምረቃ ተማሪዎች ምዝገባ ከመስከረም 28 ቀን 2019 ዓ.ም ጀምሮ በበይነመረብ እንደሚካሄድ ይፋ አደረገ።

ዩኒቨርሲቲው በሬጅስትራር እና አሉምናይ ዳይሬክቶሬት በኩል ባወጣው መግለጫ፣ ሁሉም ነባር ተማሪዎች በተጠቀሰው ቀን ጀምሮ በዩኒቨርሲቲው ፖርታል ወይም በአማራጭ የአይፒ አድራሻ (213.55.94.34) በመግባት ምዝገባቸውን ማካሄድ እንደሚችሉ አስታውቋል።

ከተመዝጋቢዎች መካከል ባለፈው የ2018 ዓ.ም የትምህርት ዘመን አንደኛ ዓመት የነበሩ የቅድመ-ምረቃ ተማሪዎች፣ የትምህርት ክፍል (ዲፓርትመንት) ምርጫቸውን በዚሁ ድረ-ገጽ ላይ ገብተው መምረጥ እንዳለባቸው ዩኒቨርሲቲው አሳስቧል።

በሌላ በኩል፣ ዘንድሮ በ2019 ዓ.ም በመቐለ ዩኒቨርሲቲ የተመደቡ አዲስ ገቢ የቅድመ-ምረቃ (ፍሬሽማን) እና የማሻሻያ (ሪሜዲያል) ተማሪዎችን በተመለከተ፣ ወደ ዩኒቨርሲቲው የሚገቡበትን ትክክለኛ ቀን ወደፊት በይፋ እንደሚያሳውቅ ተገልጿል።

ዴማ ሆፕ ሪል እስቴት ባለ 21 ፎቁን የቦሌ አደይ አበባ 1 ፕሮጀክት በ18 ወራት አጠናቆ አስመረቀ
#fastmereja I ዴማ ሆፕ ሪል እስቴት በ18 ወራት ውስጥ ግንባታውን ያጠናቀቀውንና ሁለተኛ ሳይቱ የሆነውን የቦሌ አደይ አበባ 1 ፕሮጀክት በዛሬው ዕለት በታላቅ ድምቀት አስመርቋል።

በምረቃው መርሃ-ግብር ላይ የድርጅቱ አመራሮች፣ የሳይት ኢንጂነሮች፣ አርክቴክቶች፣ የብራንድ አምባሳደሮች፣ ጥሪ የተደረገላቸው አጋሮች እና የኢትዮጵያ መከላከያ ሠራዊት ማርሽ ባንድ ተገኝተዋል። ኩባንያው ወደ ዘርፉ በገባ በ30 ወራት ውስጥ 11 የነቁ (Active) የግንባታ ሳይቶች ያሉት ሲሆን፣ ሁለቱን ሳይቶች በጥራት አጠናቆ በይዞታ ማረጋገጫ ካርታ ለደንበኞቹ ማስረከቡን አስታውቋል።

ዛሬ የተመረቀው ባለ 21 ፎቅ ዘመናዊ ሕንፃ ከንግድ ሱቆች እስከ ቅንጡ አፓርትመንቶች ያካተተ ሲሆን፤ የኳስ ሜዳ፣ ጂም፣ ሁለገብ አዳራሽ እና በርካታ የጋራ መጠቀሚያ አሜኒቲዎችን ያካተተ ነው።

የድርጅቱ አመራሮች በስነ-ስርዓቱ ላይ እንደገለጹት፤ በዘርፉ የሚታየውን የመኖሪያ ቤቶችን በወቅቱ አለማስረከብ ችግር በመቅረፍ፣ በጥራት እና በፈጣን ጊዜ ውስጥ ቤቶችን ከነካርታቸው አዘጋጅቶ ማስረከብ የኩባንያው ዋነኛ ዓላማ መሆኑን ተናግረዋል።

በተጨማሪም ኩባንያው ከደንበኞች ለቀረበለት የ"ድገሙልን" ጥያቄ ምላሽ ለመስጠት "አደይ አበባ 2" የተሰኘ አዲስ ፕሮጀክት እዛው በሳይት 1 ፊት ለፊት በይፋ ማስጀመሩን አብስሯል። አዲሱን ፕሮጀክት አስመልክቶ "እንደተወደደ ተደገመ" በሚል መሪ ቃል ከመስከረም 29 እስከ ጥቅምት 2, 2019 ዓ.ም ለሦስት ቀናት የሚቆይ ልዩ የሽያጭ እና የጉብኝት ኤክስፖ ከልዩ ቅናሽ ጋር ማዘጋጀቱ ተገልጿል።

ኢትዮጵያውያን ሀገራቸው ሆነው ከቱርክ ስፔሻሊስቶች የሕክምና አስተያየት የሚያገኙበት ቢሮ ተከፈተ!
#fastmereja :-በቱርክ በጤና አገልግሎት ዘርፍ ግንባር ቀደም ከሆኑ ተቋማት አንዱ የሆነው አጂባደም ኸልዝኬር ግሩፕ (Acıbadem Healthcare Group) በአዲስ አበባ አዲስ የታካሚዎች መረጃ መስጫ ቢሮ በዛሬዉ እለት ተመርቆ ስራ ጀምሯል።

ይህ ማዕከል፣ አጂባደም በዓለም ዙሪያ ከከፈታቸው ተመሳሳይ ቢሮዎች 52ኛው መሆኑ የተገለፀ ሲሆን ማዕከሉ ኢትዮጵያውያን ታካሚዎችና ቤተሰቦቻቸው ወደ ቱርክ ሳይጓዙ በሀገር ውስጥ ሆነው በአፍ መፈቻ ቋንቋቸው ስለ ሕክምና አማራጮች፣ ስለሚገመቱ ወጪዎችና የጊዜ ሰሌዳዎች ሙሉ መረጃ እንዲያገኙ የሚያስችል ስለመሆኑም ተገልጿል።

በተጨማሪም ማዕከሉ የታካሚዎችን ነባር የህክምና ሰነዶች በመገምገም ከቱርክ ስፔሻሊስቶች ሁለተኛ የሕክምና አስተያየት (second opinion) ማቅረብ፣ የሕክምና ቪዛ እና የጉዞ ሁኔታዎችን ማመቻቸት፣ እንዲሁም ሕክምና ተጠናቆ ወደ ሀገር ከተመለሱ በኋላ የሚደረግ ቀጣይነት ያለው የክትትል አገልግሎት እንደሚሰጥ ተገልጿል።

በምረቃ ስነ-ስርዓቱ ላይ የተገኙት የአጂባደም የአለም አቀፍ ግንኙነት ዳይሬክተር ሚስተር ኢሊያስ ቤንቬኒስቴ እንደገለጹት፣ ቢሮው ለአገልግሎት ፈላጊዎች መረጃ ከመስጠት ባለፈ ከኢትዮጵያ የጤና ባለሙያዎች ጋርበመተባበር የልምድና የእውቀት ሽግግር ለማድረግ ያለመ መሆኑን አስረድተዋል።

በዕለቱ በቦታው የተገኙት ታዋቂው የጉበት ንቅለ-ተከላ እና ሄፓቶቢሊየሪ ቀዶ ጥገና ስፔሻሊስት ፕሮፌሰር አሊ አዘርም ቀደም ሲል በቱርክ ሕክምና አድርገው ከነበሩ ኢትዮጵያውያን ታካሚዎች ጋር የተገናኙ ሲሆን፣ ከሀገር ውስጥ ሀኪሞች ጋርም ቀጣይነት ባለው ሙያዊ ትብብር ዙሪያ ተወያይተዋል።

አጂባደም ኸልዝኬር ግሩፕ በቱርክ፣ ቡልጋሪያ፣ ሰርቢያ፣ ኔዘርላንድስ እና መቄዶንያ 30 ሆስፒታሎችንና 15 የተመላላሽ ክሊኒኮችን የሚያስተዳድር ሲሆን፣ በየዓመቱ ከ50 ሺህ በላይ ዓለም አቀፍ ታካሚዎችን ያስተናግዳል።

#uog

በ2019 ዓ.ም ጎንደር ዩኒቨርሲቲ አዲስ የተመደባችሁ የመጀመሪያ ዓመት መደበኛ ተማሪዎች እንዲሁም በ2018 ዓ.ም የሪሚዲያል ትምህርታችሁን ተከታትላችሁ ያለፋችሁ ተማሪዎች የዩኒቨርሲቲ መግቢያ ቀናት ጥቅምት 04 እና 05/2019 ዓ.ም መሆኑን ዩኒቨርሲቲው አሳውቋል።

በተመሳሳይ በጎንደር ዩኒቨርሲቲ በድኅረ-ምረቃ ፕሮግራም ለመማር ያመለከታችሁ አዲስ ገቢ ተማሪዎች የመግቢያ ቀናት ጥቅምት 04 እና 05/2019 ዓ.ም መሆኑ ተገልጿል።

አዲስ ገቢ የመጀመሪያ ዲግሪ መደበኛ ተማሪዎች ለምዝገባ ልትይዟቸው የሚገቡ፦
● ከ9-12ኛ ክፍል ትራንስክሪፕት ዋናውና ኮፒው፣
● የ12ኛ ክፍል ሰርተፊኬት ዋናውና ኮፒው፣
● አራት 3x4 መጠን የሆኑ ጉርድ ፎቶግራፎች፣
● አንሶላ፣ ብርድ ልብስ፣ ትራስ ልብስ እና የስፖርት ልብስ።

የምዝገባ ቦታ፡-
● ለማኅበራዊ ሳይንስ መስክ መደበኛ አዲስ ገቢ ተማሪዎች በማራኪ ግቢ
● ለተፈጥሮ ሳይንስ መስክ መደበኛ አዲስ ገቢ ተማሪዎች በአጼ ቴዎድሮስ ግቢ
● ለድኅረ-ምረቃ ተማሪዎች በግቢው ረዳት ሬጅስትራር ጽ/ቤቶች

አዲስ ገቢ የመጀመሪያ ዲግሪ መደበኛ ተማሪዎች ወደ ዩኒቨርሰቲው ከመሔዳችሁ በፊት በኦንላይን (Registration.uog.edu.et) ምዝገባችሁን እንድትፈጸሙ ተብሏል። (የምዝገባ ሒደቱ ቅደም ተከተልን ከላይ ከተያያዘው ምስል ይመልከቱ።)

@tikvahuniversity

#dillauniversity

በ2019 ዓ.ም ዲላ ዩኒቨርሲቲ የተመደባችሁ አዲስ ገቢ (Freshman) ተማሪዎች እንዲሁም በ2018 ዓ.ም የሪሚዲያል ትምህርታችሁን በዲላ ዩኒቨርሲቲ ተከታትላችሁ የማለፊያ ውጤት ያመጣችሁ ተማሪዎች የምዝገባ ጊዜ ጥቅምት 05 እና 06/2019 ዓ.ም መሆኑን ዩኒቨርሲቲው አሳውቋል።

በተመሳሳይ በ2ኛ ዲግሪ (Masters) እና በ3ኛ ዲግሪ (PhD) ፕሮግራሞች ለመማር አመልክታችሁ ተቀባይነት ያገኛችሁ አዲስ ገቢ የድኅረ-ምረቃ መደበኛ ተማሪዎች የምዝገባ ጊዜ ጥቅምት 05 እና 06/2019 ዓ.ም መሆኑ ተገልጿል።

በ2019 ዓ.ም ወደ ዲላ ዩኒቨርሲቲ የተመደባችሁ አዲስ ገቢ የሪሚዲያል ፕሮግራም ተማሪዎች የምዝገባ ጊዜ ጥቅምት 19 እና 20/2019 ዓ.ም መሆኑ ተመላክቷል።

አዲስ ገቢ ተማሪዎች ለምዝገባ ስትሔዱ ልትይዟቸው የሚገቡ፦

● ከ9-12ኛ ክፍል የትምህርት ማስረጃዎች ዋናውና ኮፒው፣
● የ8ኛ ክፍል ፈተና ካርድ ዋናውና ኮፒው፣
● ስምንት 3x4 የሆነ ፎቶግራፎች፣
● አንሶላ፣ የትራስ ጨርቅ፣ ብርድ ልብስ እና የስፖርት ልብስ፣
● አንድ የሰነድ መያዣ ክላሰር።

የምዝገባ ቦታ፦
ኦዳያኣ ግቢ የሬጅስትራር ህንፃ ቁጥር 609 በአካል

@tikvahuniversity

የልዕልት ሊሲ (ልሳን ተፈሪ ፍቅረ ሥላሴ) ግለ-ታሪክ

ልዕልት ሊሲ—በይፋዊ መጠሪያዋ ልዕልት ልሳን ተፈሪ ፍቅረ ሥላሴ (Princess Lissan "Lissie" Selassie)—የኢትዮጵያን የብዙ ክፍለ ዘመናት ንጉሣዊ ታሪክ፣ የትውልድ መስመር እና ባህላዊ ቅርስ አጣጥማ የያዘች የዘመናችን ወጣት ንጉሣዊ ተወላጅ ናት።

በካሊፎርኒያ አሜሪካ አድጋ በባዮሎጂ ሳይንስ ዘርፍ የመጀመሪያ ዲግሪዋን ያጠናቀቀችው ልዕልት ሊሲ፣ በዓለም አቀፍ ደረጃ ኢትዮጵያን ባስተዋወቀችባቸው መድረኮች፣ በሳይንሳዊ ዕውቀቷ እና በማህበረሰብ በጎ አድራጎት እንቅስቃሴዎቿ የምትታወቅ ወጣት አርአያ ናት።

ታሪካዊ የትውልድ ሐረግ እና የአራት ሥርወ-መንግሥታት ትስስር

የልዕልት ሊሲ የደም መስመር የኢትዮጵያን ህብረ-ብሔራዊ ታሪክ እና ብዝሃነት የሚያንፀባርቅ ሲሆን፣ ከአራት ታላላቅ የኢትዮጵያ ንጉሣውያን እና መሪዎች ሥርወ-መንግሥታት የተገኘ ልዩ የትውልድ ሐረግ አላት፦

👉የሸዋ ሰለሞናዊ ሥርወ-መንግሥት፦ የቀዳማዊ አፄ ኃይለ ሥላሴ፣ የአልጋ ወራሽ አምኃ ሥላሴ (አስፋው ወሰን) እና የቀዳማዊ አፄ ኃይለ ሥላሴ የበኩር የልጅ ልጅ የነበሩት የልዕልት እጅጋየሁ አስፋው ወሰን የዘር ሃገረግ ትስስር ናት።

👉የወለጋ - ኦሮሞ ሥርወ-መንግሥት፦ በኦርቶዶክስ ተዋሕዶ እምነት ደጃዝማች ገብረእግዚአብሔር ተብለው ከተጠመቁት ከወለጋው ንጉሥ ኩምሳ ሞረዳ እና በኦሮሞ ማህበረሰብ ውስጥ የመሪነት ውርስ ከነበራቸው ከአያቷ ከንጉሥ ፍቅሬ ሥላሴ የሚመዘዝ የትውልድ መስመር አላት።

👉የትግራይ ሥርወ-መንግሥት፦ የትግራዩ ንጉሥ እና የኢትዮጵያ ንጉሠ ነገሥት አፄ ዮሐንስ 4 ኛ እንዲሁም የልጅ ልጃቸው የልዕልት ወለተ እስራኤል ስዩም የትውልድ ዘር ናት።

👉የወሎ ሥርወ-መንግሥት፦ የወሎው ንጉሥ ሚካኤል አሊ (መሐመድ አሊ) እና የልጅ ልጃቸው የቀዳማዊ አፄ ኃይለ ሥላሴ ባለቤት የእቴጌ መነን አስፋው የዘር ሃረግ ናት።

የቤተሰብ ሕይወትና አስተዳደግ

ልዕልት ሊሲ የታዋቂው አርቲስት ልዑል ይስሐቅ ፍቅረ ሥላሴ እና የቴክኖሎጂ ባለሙያ እንዲሁም የሰብአዊ መብት ተሟጋች ልዕልት አስኳል ተፈሪ ልጅ ስትሆን፣ የልዕልት እጅጋየሁ ፍቅረ ሥላሴ ታናሽ እህት ናት።

በሰሜን ካሊፎርኒያ አሜሪካ ያደገች ቢሆንም፣ ከኢትዮጵያ ባህል፣ እምነት እና ማህበረሰብ ጋር ባላት ጠንካራ ቁርኝት ትታወቃለች። እናቷ ገና በለጋ ዕድሜዋ ያስተማረቻትን አማርኛ ቋንቋ አቀላጥፋ ማንበብ፣ መጻፍ እና መናገር የምትችል ሲሆን፣ የኢትዮጵያን ባህላዊ እሴቶችና ታሪክ ጠብቆ በማስቀጠል ረገድ ከፍተኛ ፍላጎት አላት።

ትምህርት እና ሙያዊ ፍላጎት

ልዕልት ሊሲ በትምህርቷ የላቀ ስኬት ያስመዘገበች ሲሆን

👉ከካሊፎርኒያ ዩኒቨርሲቲ (University of California, Santa Cruz) በሶስት ዓመታት ብቻ በትምህርቷ በመግፋት በሞለኪውላር፣ ሴል እና ልማት ባዮሎጂ (Molecular, Cell, and Developmental Biology) የሳይንስ የመጀመሪያ ዲግሪዋን (B.S.) አግኝታለች።

👉በአሁኑ ወቅት ትኩረቷን በቤተ-ሙከራ ምርምር (Lab Research) እና በድህረ-ምረቃ (Master's programs) ትምህርቷ ላይ ያደረገች ሲሆን፣ ወደፊት በኢትዮጵያ የጤናው ዘርፍ አስተዋጽኦ የሚያበረክት ክሊኒክ የማቋቋም ትልቅ አልም አላት።

ዓለም አቀፍ ዝና እና የበጎ አድራጎት ሥራዎች

Le Bal des Débutantes (2023)፦ እ.ኤ.አ. በ2023 በፓሪሱ ሻንግሪ-ላ ሆቴል በተካሄደውና ከዓለም ዙሪያ የተተውጣጡ የንጉሣውያን እና የታዋቂ ቢሊየነሮች ቤተሰብ ወጣቶችን በሚያስተናግደው Le Bal des Débutantes ዝግጅት ላይ የመጀመሪያዋ ኢትዮጵያዊት ተካፋይ ሆና በመመረጥ ኢትዮጵያን በዓለም አቀፍ ደረጃ በክብር ወክላለች።በዝግጅቱም የላንቪን (Lanvin) ዲዛይን ቀሚስ እና የቪ-ሙሴ (V MUSE) ጌጣጌጦችን በመልበስ የፋሽንና የዜና መጽሔቶች ትኩረት ሆናለች።

የበጎ አድራጎት እንቅስቃሴ፦ በራሷ ተነሳሽነት በሸዋ ሮቢት እና በደብረ ብርሃን የሚገኙ ወጣት ልጃገረዶችን ትምህርት ለማገዝ እና ራሳቸውን የመቻል አቅም ለማጎልበት የተለያዩ የበጎ አድራጎት ሥራዎችን ታከናውናለች።

እ.ኤ.አበታህሳስ 2022/2023 ወደ ኢትዮጵያ በመጓዝ የማህበረሰብ ጉብኝትና ድጋፍ አድርጋለች።

#kabridaharuniversity

በ2019 ዓ.ም ቀብሪደሃር ዩኒቨርሲቲ የተመደባችሁ አዲስ የቅድመ-ምረቃ (ፍሬሽማን እና ሪሚዲያል) ተማሪዎች እንዲሁም በ2018 ዓ.ም የሪሚዲያል ትምህርታችሁን ተከታትላችሁ የማለፊያ ውጤት ያመጣችሁ ተማሪዎች የምዝገባ ጊዜ ጥቅምት 02 እና 03/2019 ዓ.ም መሆኑን ዩኒቨርሲቲው አሳውቋል።

የምዝገባ ቦታ፦
በዩኒቨርሲቲው ዋና ሬጂስትራር ጽ/ቤት

በተገለጹት ቀናት ወደ ዩኒቨርሲቲው ስትሔዱ ለምዝገባ የሚያስፈልጉ ትምህርት ማስረጃዎችን መያዝ ይኖርባችኋል፡፡

@tikvahuniversity

#haramayauniversity

በ2019 ዓ.ም የከፍተኛ ትምህርታችሁን በሐረማያ ዩኒቨርሲቲ እንድትከታተሉ የተመደባችሁ አዲስ የቅድመ-ምረቃ ፕሮግራም ተማሪዎች ሪፖርት ማድረጊያ ቀናት ከጥቅምት 05-08/2019 ዓ.ም መሆኑን ዩኒቨርሲቲው አሳውቋል።

የምዝገባ ቦታ፦
ሐረማያ በሚገኘው የዩኒቨርሲቲው ዋና ግቢ

ወደ ዩኒቨርሲቲው ስትሔዱ ልትይዟቸው የሚገቡ፦
➻ የ8ኛ ክፍል ሰርቲፍኬት፣
➻ ከ9ኛ-12ኛ ክፍል ትራንስክሪፕት፣
➻ የ12ኛ ክፍል ፈተና ሰርቲፍኬት ዋናውና ኮፒው፣
➻ 6 ፓስፖርት መጠን ፎቶግራፎች፣
➻ ብርድ ልብስ፣ አንሶላ፣ የትራስ ልብስ እና የስፖርት ልብስ።

ከላይ የተገለፁትን የትምህርት ማስረጃዎች እና ጉርድ ፎቶግራፍ ስካን በማድረግ በሶፍት ኮፒ መያዝ ይኖርባችኋል ተብሏል።

@tikvahuniversity

ህሩይ የፋሽንና የውበት ማሰልጠኛ ት/ቤት 140 ተማሪዎችን አስመረቀ
#ethiopia | በእንጅባራ ከተማ የሚገኘው ህሩይ የፋሽንና የውበት ማሰልጠኛ ት/ቤት በ5ኛ ዙር ያሰለጠናቸውን 140 ተማሪዎች በድምቀት አስመርቋል።

በምረቃ ሥነ-ሥርዓቱ የአዊ ብሔረሰብ አስተዳደር ሥራና ክህሎት ም/መምሪያ ኃላፊ ስንታየሁ መንግስቱ፣ ተቋሙ በከተማዋ የሚገኙ ወጣቶች በጋርመንት ቴክኖሎጂ ዘርፍ የሥራ ዕድል ተጠቃሚ እንዲሆኑ የበኩሉን ድርሻ እየተወጣ መሆኑን ገልጸዋል።

የፋሽንና የጋርመንት ዘርፍ በቀጣይነት አዳዲስ እሳቤዎችንና የላቀ ክህሎትን የሚጠይቅ በመሆኑ፣ ተመራቂዎቹ በሰለጠኑበት ሙያ ብቻ ሳይወሰኑ በቀጣይም እውቀታቸውንና ክህሎታቸውን ማሳደግ እንደሚጠበቅባቸው አስገንዝበዋል።

ዘርፉ የፈጠራ ክህሎትን የሚጠይቅ መሆኑን ያነሱት ኃላፊው፣ ወጣቶች በጋርመንት ቴክኖሎጂ በስፋት በመሰማራት የሥራ ዕድል ፈጥረው ተጠቃሚ እንዲሆኑ ጠይቀዋል። በተጨማሪም ሥራቸውን የማኅበረሰቡን ወግና ባህል በጠበቀ መልኩ እንዲያከናውኑ ለተመራቂዎቹ የሥራ መመሪያ ሰጥተዋል።

የህሩይ የፋሽንና የውበት ማሰልጠኛ ት/ቤት መስራችና ሥራ አስኪያጅ ወጣት ህሩይ አምደወርቅ በበኩሉ፣ ት/ቤቱ በፋሽንና በውበት ዘርፍ ለወጣቶች የሥራ ዕድል በመፍጠር የበኩሉን ድርሻ እየተወጣ ያለ ተቋም መሆኑን ተናግሯል።

በተለይም እየተነቃቃ የመጣውን የባህል አልባሳት በማዘመንና ከዘመኑ ፋሽን ጋር በማጣጣም ወጣቶችን የሙያ ባለቤት ማድረግ የት/ቤቱ ዋና ዓላማ መሆኑን ገልጿል።

ህሩይ የፋሽንና የውበት ማሰልጠኛ ት/ቤት በ5ኛ ዙር የገበያውን ፍላጎት ያሟላሉ ብሎ ያመናቸውን 140 ተማሪዎች አሰልጥኖ ማስመረቁንም ገልጿል።

ወጣት ህሩይ እንደገለጸው፣ የፋሽንና የጋርመንት ዘርፍ በአነስተኛ ወጪ የሥራ ዕድል ለመፍጠር ሰፊ አቅም ያለው ዘርፍ ነው። ይህም ሀገሪቱ የያዘችውን የዕድገት ጎዳና ለማፋጠን ጉልህ ሚና እንደሚኖረው ጠቁሟል።

ዘርፉ አሁንም በሀገር ውስጥ በሙሉ አቅሙ ያልተለማ መሆኑን የገለጸው ወጣት ህሩይ፣ ከውጭ የሚገቡ አልባሳትን በሀገር ውስጥ ምርት ለመተካት እየተደረገ ላለው ጥረት ተቋሙ የበኩሉን ድርሻ ለመወጣት ትኩረት ሰጥቶ እየሰራ መሆኑን አመላክቷል።

በምረቃ ሥነ-ሥርዓቱ የ5ኛ ዙር ሰልጣኝ ተመራቂዎች በሰሯቸው የሙያ ሥራዎች ተወዳድረው ለውጤታማ ተማሪዎች ሜዳሊያዎችና ሽልማቶች ተበርክተዋል።

ከተመራቂዎቹ መካከል 13 ዓመቷ ታዳጊ ፀደኒያ ታደለ ከመደበኛ ትምህርቷ ጎን ለጎን የሙያ ባለቤት ለመሆን በማሰብ ስልጠናውን በስኬት አጠናቃ ተመርቃለች።

ታዳጊዋ በምረቃው ዕለት በራሷ የሰራችውን የሙያ ሥራ ይዛ በውድድሩ ተሳትፋ አንደኛ ደረጃን በማስመዝገብ የወርቅ ሜዳሊያ ተሸላሚ ሆናለች።

ይህም የወጣቶችና የታዳጊዎች የሙያ ትምህርት ከመደበኛ ትምህርት ጋር ተጣምሮ ለቀጣይ ሕይወታቸው ጠቃሚ ክህሎት እንዲያገኙ የሚያስችል መሆኑን ያሳያል።

#ambouniversity

አምቦ ዩኒቨርሲቲ ለ2019 ዓ.ም በማስተርስ እና በፒ.ኤች.ዲ ፕሮግራሞች ቅበላ ላገኙ አመልካቾች ጥሪ አድርጓል።

በምስሉ ላይ በተገለፁት 16 የድኅረ-ምረቃ የትምህርት ፕሮግራሞች ቅበላ ያገኛችሁ አመልካቾች ከመስከረም 26-28/2019 ዓ.ም በዩኒቨርሲቲው ሬጅስትራር ጽ/ቤት በመገኘት ሪፖርት እንድታደርጉ ተብሏል።

አመልካቾች በተገለፁት ቀናት ብቻ ሪፖርት እንዲያደርጉ ያስገነዘበው ዩኒቨርሲቲው፤ ትምህርት ጥቅምት 02/2019 ዓ.ም እንደሚጀምር ገልጿል።

@tikvahuniversity

ኦሮሚያ ባንክ በሸገር ከተማ ገላን ክ/ከተማ ያስገነባዉን ለቅይጥ አገልግሎት የሚዉል ባለ 11 ወለል ህንፃ አስመረቀ።

ባንካችን በገላን ከተማ አስተዳደር  በሚገኘው  የልህቀት እና ኮንቬንሽን ማዕከሉ ወስጥ ያስገነባውን ባለ 11 ወለል የቅይጥ አገልግሎት ሕንፃ ከፍተኛ የመንግስት ባለስልጣናት፣ የባንካችን ከፍተኛ ባለአክሲዮች፣ ባለድርሻ አካላት እና ተጋባዥ እንግዶች በተገኙበት በታላቅ ድምቀት አስመርቋል።

በምረቃ ስነ ስርዓቱ ላይ የእንኳን ደህና መጣችሁ መልዕክት ያስተላለፉት የባንካችን ዋና ስራ አስፈጻሚ ኦቦ ተፈሪ መኮንን፣ ''ባንካችን የህዝብ ባንክ መሆኑን ገና በማለዳው በገባው ቃልኪዳን መሠረት ከህዝብ ያገኘውን ቅቡልነቱን እንደ ቀዳማይ ዓላማ ይዞ 17  የስኬት ዓመታትን ተጉዟል። ሁሌም ከባንክ አገልግሎቶቹ ባሻገር ማህበራዊ ዕሴቶቹን በማጎልበት የህዝብን ጥቅም ባማከሉ ጉዳዮች ላይ መዋዕለንዋዩን እያዋለ ይገኛል'' ብለዋል።

ለማዕከሉ ግንባታ የሚሆን መሬት ከማቅረብ ጀምሮ ከባንኩ  ያልተለዩት በኦሮሚያ ክልለል ም/ፕሬዝዳንት ማዕረግ የሸገር ከተማ ከንቲባ ክቡር ዶ/ር ተሾመ አዱኛ፣ የገላን ከተማ አስተዳደር፣የአንዶዴ ወረዳ አስተዳደር፣ እንዲሁም በህንጻዉ ግንባታ ላይ የተሳተፉትን ሁሉንም ባለድርሻ አካላት ኦቦ ተፈሪ አመስግነዋል።

የባንካችን የዳይሬክተሮች ቦርድ ሰብሳቢ ዶክተር አሰፋ ስሜ በበኩላቸው ኦሮሚያ ባንክ የፋይናንስ ተደራሽነትን ከማረጋገጥ ባሻገር ዘርፈ ብዙ ማህበራዊ እና ኢኮኖሚያዊ ችግሮችን የሚቀርፉ የተለያዩ መሠረተ ልማቶችን እየሰራ እንደሚገኝ እና ወደፊትም አጠናክሮ እንደሚቀጥል ተናግረዋል።

የዕለቱ የክብር እንግዳ የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት ክቡር ዶክተር ሼህ ሐጅ እብራሂም ቱፋ ኦሮሚያ ባንክ ከሁሉም ባንኮች ቀድሞ የሙስሊሙን ማህበረሰብ የባንክ ተጠቃሚ ያደረገ ከወለድ ነፃ የባንክ አገልግሎት እንዳስተዋወቀ ሁሉ በልማት ስራዎችም በግንባር ቀደምነት የሚሳተፍ የህዝብ ባንክ ነዉ ብለዋል።

በኦሮሚያ ክልል ም/ፕሬዝዳንት ማዕረግ የሸገር ከተማ ከንቲባ ክቡር ዶ/ር ተሾመ አዱኛ በበኩላቸው  ለገላን ከተማ ልዩ ድምቀት የሚሰጠዉ ይህ ህንፃ የተለያዩ የንግድ ስራ ለተሰማሩ የከተማዉ ነዋሪዎች መልካም ዕድል ከመምጣቱም በላይ መንግስት ስማርት ሲቲን ለመገንባት እያደረገ ላለዉ ርብርብ ተጨማሪ ዉበት የሚያላብስ መሆኑን ተናግረዋል።

#oromiabank

#aastu

አዲስ አበባ ሳይንስና ቴክኖሎጂ ዩኒቨርሲቲ በጂኦተርማል ኢንጂነሪንግ እና በጂኦተርማል ጂኦሳይንስ የድኅረ-ምረቃ ፕሮግራሞች ለመጀመር የውጪ ስርዓተ ትምህርት ግምገማ አካሒዷል።

በዩኒቨርሲቲው የማዕድን ፍለጋ፣ ማውጣት እና ማበልፀግ የልህቀት ማዕከል የውጪ ስርዓተ ትምህርት ግምገማውን አድርጓል።

ከአዲስ አበባ ዩኒቨርሲቲ፣ ከማዕድን ሚኒስቴር ከቱሉ ሞዬ ጂኦተርማል ኦፐሬሽንስ እና ከኮርቤቲ ጂኦተርማል የተውጣጡ ባለሙያዎች በስርዓተ ትምህርት ግምገማው ተሳትፈዋል።

የሚጀመሩ የማስተርስ ፕሮግራሞች
● MSc in Geothermal Geoscience
● MSc in Geothermal Engineering

የሚጀመር የፒ.ኤች.ዲ. ፕሮግራም
● PhD in Geothermal Geoscience

@tikvahuniversity

ኦሮሚያ ባንክ በሸገር ከተማ ገላን ክ/ከተማ ያስገነባዉን ለቅይጥ አገልግሎት የሚዉል ባለ 11 ወለል ህንፃ አስመረቀ።

ባንካችን በገላን ከተማ አስተዳደር በሚገኘው የልህቀት እና ኮንቬንሽን ማዕከሉ ወስጥ ያስገነባውን ባለ 11 ወለል የቅይጥ አገልግሎት ሕንፃ በዛሬዉ ዕለት ከፍተኛ የመንግስት ባለስልጣናት፣ የባንካችን ከፍተኛ ባለአክሲዮች፣ ባለድርሻ አካላት እና ተጋባዥ እንግዶች በተገኙበት በታላቅ ድምቀት አስመርቋል።

በምረቃ ስነ ስርዓቱ ላይ የእንኳን ደህና መጣችሁ መልዕክት ያስተላለፉት የባንካችን ዋና ስራ አስፈጻሚ ኦቦ ተፈሪ መኮንን፣
''ባንካችን የህዝብ ባንክ መሆኑን ገና በማለዳው በገባው ቃልኪዳን መሠረት ከህዝብ ያገኘውን ቅቡልነቱን እንደ ቀዳማይ ዓላማ ይዞ 17 የስኬት ዓመታትን ተጉዟል። ሁሌም ከባንክ አገልግሎቶቹ ባሻገር ማህበራዊ ዕሴቶቹን በማጎልበት የህዝብን ጥቅም ባማከሉ ጉዳዮች ላይ መዋዕለንዋዩን እያዋለ ይገኛል'' ብለዋል።

ለማዕከሉ ግንባታ የሚሆን መሬት ከማቅረብ ጀምሮ ከባንኩ ያልተለዩት በኦሮሚያ ክልለል ም/ፕሬዝዳንት ማዕረግ የሸገር ከተማ ከንቲባ ክቡር ዶ/ር ተሾመ አዱኛ፣ የገላን ከተማ አስተዳደር፣የአንዶዴ ወረዳ አስተዳደር፣ እንዲሁም በህንጻዉ ግንባታ ላይ የተሳተፉትን ሁሉንም ባለድርሻ አካላት ኦቦ ተፈሪ አመስግነዋል።

የባንካችን የዳይሬክተሮች ቦርድ ሰብሳቢ ዶክተር አሰፋ ስሜ በበኩላቸው ኦሮሚያ ባንክ የፋይናንስ ተደራሽነትን ከማረጋገጥ ባሻገር ዘርፈ ብዙ ማህበራዊ እና ኢኮኖሚያዊ ችግሮችን የሚቀርፉ የተለያዩ መሠረተ ልማቶችን እየሰራ እንደሚገኝ እና ወደፊትም አጠናክሮ እንደሚቀጥል ተናግረዋል።
የዕለቱ የክብር እንግዳ የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት ክቡር ዶክተር ሼህ ሐጅ እብራሂም ቱፋ ኦሮሚያ ባንክ ከሁሉም ባንኮች ቀድሞ የሙስሊሙን ማህበረሰብ የባንክ ተጠቃሚ ያደረገ ከወለድ ነፃ የባንክ አገልግሎት እንዳስተዋወቀ ሁሉ በልማት ስራዎችም በግንባር ቀደምነት የሚሳተፍ የህዝብ ባንክ ነዉ ብለዋል።

በኦሮሚያ ክልል ም/ፕሬዝዳንት ማዕረግ የሸገር ከተማ ከንቲባ ክቡር ዶ/ር ተሾመ አዱኛ በበኩላቸው ለገላን ከተማ ልዩ ድምቀት የሚሰጠዉ ይህ ህንፃ የተለያዩ የንግድ ስራ ለተሰማሩ የከተማዉ ነዋሪዎች መልካም ዕድል ከመምጣቱም በላይ መንግስት ስማርት ሲቲን ለመገንባት እያደረገ ላለዉ ርብርብ ተጨማሪ ዉበት የሚያላብስ መሆኑን ተናግረዋል።

ከምረቃ መርኃ ግብሩ በተጨማሪ በፊንፊኔ ከተማ ጎማ ቁጠባ አከባቢ ግንባታዉ የመጨረሻ ምዕራፍ ላይ የደረሰው ባለ 35 ወለል የባንካችን የሽግግር ዋና መሥሪያ ቤት ህንፃም ተጎብኝቷል።

በዳውሮ ዞን የተገነቡ ሞዴል የገጠር መንደሮች ተመረቁ
******************

መንደሮቹን መርቀው ለተጠቃማዎች ያስተላለፉት የደቡብ ምዕራብ ኢትዮጵያ ሕዝቦች ክልል ርዕሰ መስተዳድር ኢንጂነር ነጋሽ ዋጌሾ (ዶ/ር) ሞዴል የገጠር መንደሮች የግብርና እና የገጠር ሽግግርን ከማፋጠን ጎን ለጎን የአርሶ አደሩን የኑሮ ዘይቤ የሚያስዘመኑ ናቸው ብለዋል።

አርሶ አደሮች ማኅበራዊ ሕይወታቸውን የበለጠ እንዲያጠናክሩ ዕድል ከመፍጠሩም በላይ መሠረታዊ አገልግሎቶችን በአቅራቢያቸው እንዳያገኙም አስችሏቸዋል።

በክልሉ ውጤታማነቱ እያደገ ለመጣው የሌማት ትርፋት መርሐ ግብር የመንደሮቹ ግንባታ ዓይነተኛ አስተዋጽኦን እያበረከተ እንደሚገኝ እና ለምግብ ዋስትና መረጋገጥም ድርሻው የላቀ መሆኑን አስገንዝበዋል።

የመንደሮቹ ግንባታ የአርሶ አደሩን ሕይወት በመቀየር የክትመት ጽንሰ ሐሳብ መሠረት እንዲይዝ ማስቻሉንም ርዕሰ መስተዳድሩ አመላክተዋል።

የዳውሮ ዞን ዋና አስተዳዳሪ አቶ ዳዊት ገበየሁ በበኩላቸው፣ የመደመር መንግሥት የዜጎችን ሕይወት በተጨባጭ የሚቀይሩ ፕሮጀክቶችን ነድፎ ውጤታማ ሥራዎችን እየሠራ ይገኛል ብለዋል።

በዞኑ የተገነቡ ሞዴል የጠር መንደሮች ለዚሁ ውጤት አብነት ይሆናሉ ያሉት ዋና አስተዳዳሪው፣ በሂደቱም የተፈጠረው የሥራ ዕድል በርካታ የወጣቶች ተጠቃሚ እንዲሆኑ አስችሏል ብለዋል።

አርሶ አደሩ የኢኮኖሚ አቅሙን በዘላቂነት እንዲያጎለብት እና የምግብ ዋስትናውን እንዲያረጋግጥ የተጀመሩ ጥረቶችን የበለጠ ለማጠናከር የዞኑ አስተዳደር ጥረቱን አጠናክሮ እንደሚቀጥል አብራርተዋል።

የሞዴል ገጠር መንደሮች ግንባታ በክልሉ ሁሉም ወረዳዎች እየተከናወነ የሚገኝ ሲሆን በ16 ወረዳዎች በተሟላ ሁኔታ መፈጸሙ ተመላክቷል።

በምረቃው ሥነ ሥርዓት ርዕሰ መሰተዳድሩን ጨምሮ የክልሉ መንግሥት ዋና ተጠሪ አቶ ፍቅሬ አማን እና ሌሎችም ከፍተኛ የሥራ ኃላፊዎች ታድመዋል።

በሰለሞን ባረና
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #ebc #southwestethiopia #ruraldevelopment #modeldistricts























በዳውሮ ዞን የተገነቡ ሞዴል የገጠር መንደሮች ተመረቁ
******************

መንደሮቹን መርቀው ለተጠቃማዎች ያስተላለፉት የደቡብ ምዕራብ ኢትዮጵያ ሕዝቦች ክልል ርዕሰ መስተዳድር ኢንጂነር ነጋሽ ዋጌሾ (ዶ/ር) ሞዴል የገጠር መንደሮች የግብርና እና የገጠር ሽግግርን ከማፋጠን ጎን ለጎን የአርሶ አደሩን የኑሮ ዘይቤ የሚያስዘመኑ ናቸው ብለዋል።

አርሶ አደሮች ማኅበራዊ ሕይወታቸውን የበለጠ እንዲያጠናክሩ ዕድል ከመፍጠሩም በላይ መሠረታዊ አገልግሎቶችን በአቅራቢያቸው እንዳያገኙም አስችሏቸዋል።

በክልሉ ውጤታማነቱ እያደገ ለመጣው የሌማት ትርፋት መርሐ ግብር የመንደሮቹ ግንባታ ዓይነተኛ አስተዋጽኦን እያበረከተ እንደሚገኝ እና ለምግብ ዋስትና መረጋገጥም ድርሻው የላቀ መሆኑን አስገንዝበዋል።

የመንደሮቹ ግንባታ የአርሶ አደሩን ሕይወት በመቀየር የክትመት ጽንሰ ሐሳብ መሠረት እንዲይዝ ማስቻሉንም ርዕሰ መስተዳድሩ አመላክተዋል።

የዳውሮ ዞን ዋና አስተዳዳሪ አቶ ዳዊት ገበየሁ በበኩላቸው፣ የመደመር መንግሥት የዜጎችን ሕይወት በተጨባጭ የሚቀይሩ ፕሮጀክቶችን ነድፎ ውጤታማ ሥራዎችን እየሠራ ይገኛል ብለዋል።

በዞኑ የተገነቡ ሞዴል የጠር መንደሮች ለዚሁ ውጤት አብነት ይሆናሉ ያሉት ዋና አስተዳዳሪው፣ በሂደቱም የተፈጠረው የሥራ ዕድል በርካታ የወጣቶች ተጠቃሚ እንዲሆኑ አስችሏል ብለዋል።

አርሶ አደሩ የኢኮኖሚ አቅሙን በዘላቂነት እንዲያጎለብት እና የምግብ ዋስትናውን እንዲያረጋግጥ የተጀመሩ ጥረቶችን የበለጠ ለማጠናከር የዞኑ አስተዳደር ጥረቱን አጠናክሮ እንደሚቀጥል አብራርተዋል።

የሞዴል ገጠር መንደሮች ግንባታ በክልሉ ሁሉም ወረዳዎች እየተከናወነ የሚገኝ ሲሆን በ16 ወረዳዎች በተሟላ ሁኔታ መፈጸሙ ተመላክቷል።

በምረቃው ሥነ ሥርዓት ርዕሰ መሰተዳድሩን ጨምሮ የክልሉ መንግሥት ዋና ተጠሪ አቶ ፍቅሬ አማን እና ሌሎችም ከፍተኛ የሥራ ኃላፊዎች ታድመዋል።

በሰለሞን ባረና
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #ebc #southwestethiopia #ruraldevelopment #modeldistricts

ኢብራሂም ትራኦሬ ሌላ ታሪካዊ እርምጃ ወሰዱ!
#ethiopia | ቡርኪና ፋሶ ከወርቅ የሚገኘውን ትርፍ በሀገር ውስጥ ለማስቀረት የሚያስችላትን ግዙፍ የወርቅ ማጣሪያ ፋብሪካ መረቀች።

ካፒቴን ትራውሬ በሀገሪቱ ታሪክ የመጀመሪያውን ግዙፍ የወርቅ ማጣሪያ ፋብሪካ መርቀው ከፍተዋል።

ቡርኪና ፋሶ የሀገሯን የወርቅ ሀብት እሴት ለመጨመር እና ገቢዋን በሀገር ውስጥ ለማስቀረት የመጀመሪያውን ግዙፍ የወርቅ ማጣሪያ ፋብሪካ መረቀች

የቡርኪና ፋሶ ወታደራዊ መንግሥት መሪ ካፕቴን ኢብራሂም ትራኦሬ ሀገሪቱ ከማዕድን ሀብቷ የምታገኘውን ጥቅም በሀገር ውስጥ ለማስቀረት ያለመ ግዙፍ የወርቅ ማጣሪያ ፋብሪካ በዋና ከተማዋ ዋጋዱጉ መርቀው ክፍት አድርገዋል።

ይህ በሀገሪቱ ታሪክ የመጀመሪያው የሆነው የማጣሪያ ፋብሪካ ቡርኪና ፋሶ ቀደም ሲል ወርቋን ሳይጣራ ወደ ውጭ ትልክ ነበር።

አሁን ወደ ውጭ ሀገር ከመላክ ይልቅ በሀገር ውስጥ አጣርታ ከፍተኛ ኢኮኖሚያዊ ጥቅም እንድታገኝ ያስችላታል ተብሏል።

ካፕቴን ኢብራሂም ትራኦሬ በምረቃው ወቅት እንደተናገሩት እርምጃው ሀገሪቱ በተፈጥሮ ሀብቷ ላይ ሙሉ ቁጥጥር እንድታደርግ አቅም ይፈጥራል ብለዋል።

እንደዚሁም የሀገሪቱ ሀብት ለውጭ ኩባንያዎች ከመዳረግ ይልቅ የወርቅ ማዕድን ቁፋሮው ክፍያና ትርፍ በሀገር ውስጥ እንዲቀር የሚያስችል ወሳኝ ምዕራፍ ነው ብለዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #burkinafaso #ibrahimtraore #goldrefinery #africaneconomy #ouagadougou

ነጻ የትምህርት ዕድል!

ደባርቅ ዩኒቨርሲቲ የከፍተኛ ትምህርት ዕድልን ለተለያዩ የማኅበረሰብ ክፍሎች ተደራሽ ለማድረግ ያለመ የነጻ ትምህርት ዕድል (Scholarship Opportunity) መስጠት መጀመሩን አሳውቋል።

ዩኒቨርሲቲው ለ2019 የትምህርት ዘመን በሁለተኛ ዲግሪ እና በመጀመሪያ ዲግሪ መደበኛ መርሐግብሮች በተለያዩ የመንግሥት መስሪያ ቤቶች ውስጥ በማገልገል ላይ የሚገኙ ሠራተኞችን አወዳድሮ በመቀበል በነጻ የትምህርት ዕድል ማስተማር ይፈልጋል፡፡

በምስሉ ላይ የተዘረዘሩ የ2ኛ ዲግሪ (Masters) እና የመጀመሪያ ዲግሪ የትምህርት መስኮች ለመማር የተገለፁ የቅበላ መስፈርቶችን የምታሟሉ አመልካቾች እስከ ሰኞ መስከረም 25/2019 ዓ.ም ማመልከት የምትችሉ መሆኑ ተገልጿል፡፡

መስፈርቶችን የምታሟሉ አመልካቾች የስኮላርሺፕ ዕድሉ ተጠቃሚ ለመሆን ከምትሰሩበት ተቋም የድጋፍ ደብዳቤ ማቅረብ የይጠበቅባችኋል፡፡

የምዝገባ ቦታ፦
ደባርቅ ዩኒቨርሲቲ ዋና ሬጅስትራር ጽ/ቤት

ለማመልከት ስትሔዱ ከ8ኛ ክፍል ጀምሮ ያሉ የትምህርት ማስረጃዎች ዋናውና ኮፒውን መያዝ አይዘንጉ፡፡

የ2ኛ ዲግሪ አመልካቾች ጊዜው ያላለፈበት ሀገር አቀፍ የድኅረ-ምረቃ ፕሮግራም መግቢያ ፈተና (NGAT) ሰርትፍኬት ማቅረብ ይኖርባችኋል፡፡

@tikvahuniversity

🕊️ የክብር ጥሪ 🕊️📖

“ሰው ከንቱን ነገር ይመስላል፤ ዘመኑም እንደ ጥላ ያልፋል።”
— መዝሙር 143፥4

የሰው ዘመን ያልፋል፤ የተወው መልካም አሻራ ግን ለትውልድ ይቀራል።

🌿 በክብር እንጋብዣቹኃለሁ ! 🌿

📅 መስከረም 24 በቦሌ ደብረ ሰላም መዳኒዓለም ሁለገብ አዳራሽ ከቀኑ 7:00 ጀምሮ

📖 የብጹዕ አባታችን አቡነ ቀውስጦስ የሕይወትና የአገልግሎት አሻራ የያዘው መጽሐፍ በድምቀት ይመረቃል!

🙏 ይህን የተቀደሰ የትውስታና የክብር ቀን ከእኛ ጋር እንዲያሳልፉ፣ በምረቃው ላይ በመገኘት ክብርዎን እንዲገልጹ በአክብሮት እንጋብዛችኋለን።

🕊️ ኑ! በጋራ እንዘክር፣ እናክብር፣ የአባታችንን መልካም አሻራ ለትውልድ እናስተላልፍ። 📖🙏

#aastu

በአዲስ አበባ ሳይንስና ቴክኖሎጂ ዩኒቨርሲቲ የተከታታይ ትምህርት ፕሮግራም ለቅድመ-ምረቃ ትምህርት ፕሮግራሞች ያመለከታችሁ አመልካቾች የመግቢያ ፈተና የሚሰጠው ነገ መስከረም 20/2019 ዓ.ም ከሰዓት 8:00 በዩኒቨርሲቲው ቅጥር ግቢ አዲሱ ዲጂታል ላይብራሪ ህንጻ ቁ. 46 መሆኑን ዩኒቨርሲቲው ገልጿል፡፡

ከላይ በተያያዘው ምስል ዝርዝር ውስጥ ስማችሁ ያልተጠቀሰ አመልካቾች ያለመግቢያ ፈተና የምትመዘገቡ መሆኑን ተገልጿል።

ለፈተና የምትቀርቡ አመልካቾች ማንነታችሁን የሚገልጽ መታወቂያ ይዛችሁ የሚጠበቅባችሁ ሲሆን ምንም አይነት ኤሌክትሮኒክስ መሳሪያ ወደመፍተኛ ክፍል ይዞ መግባት እንደማይቻል ተመላክቷል።

@tikvahuniversity

#reminder

የአዳማ ሳይንስና ቴክኖሎጂ ዩኒቨርሲቲ መደበኛ አዲስ ገቢ የቅድመ-ምረቃ ተማሪዎች ወደ ዩኒቨርሲቲ መግቢያ እና መመዝገቢያ ቀናት መስከረም 20 እና 21/2019 ዓ.ም መሆኑ ይታወቃል።

የኦንላይን መመዝገቢያ ቁጥር እና የይለፍ ኮድ በመግቢያ ፈተና ወቅት በተሰጣችሁ ኢሜይል የተለካላችሁ መሆኑ ተገልጿል።

የተመደባችሁበትን የማደሪያ ህንጻ ቁጥር እና የዶርም ቁጥር estudent.astu.edu.et ላይ በመግባትና የተሰጣችሁን Username እና Password በመጠቀም መመልከት ትችላላችሁ ተብሏል።

@tikvahuniversity

ኤርትራ አዲስ ያስገነባችውን ግድብ አስመረቀች
#fastmereja I ​በኤርትራ ማዕከላዊ ዞን በገላ-ነፍሒ ንኡስ ዞን ስር በሚገኘው ዓዲ ሓዎሻ አስተዳደር አካባቢ በ11 ሚሊዮን ናቅፋ ገደማ ወጪ የተገነባ አዲስ የውሃ ግድብ መስከረም 16 ቀን 2019 ዓ.ም ተመረቀ። ግድቡን የመረቁት በሀገሪቱ የጦር ኃይሎች ውስጥ ከፍተኛ አመራር የሆኑት ማጀር ጄኔራል ረመዳን ኦስማን አወልያይ መሆናቸው ታውቋል።

​ይህ በአካባቢው ነዋሪዎች እና በሕዝባዊ ግንባታ አስተዋጽኦ በጋራ የተገነባው ግድብ፣ እስከ 180 ሺህ ሜትር ኩብ ውሃ የማከማቸት አቅም ያለው ሲሆን፣ ለአካባቢው ማህበረሰብ ንጹህ የመጠጥ ውሃ ለማቅረብና ለመስኖ ልማት ስራዎችን ለማስፋፋት ከፍተኛ አስተዋጽኦ እንደሚኖረው ተገልጿል። በግንባታው ሂደትም የሀገር መከላከያ ኃይል አባላትና ነዋሪዎች ንቁ ተሳትፎ አድርገዋል።

​በምረቃው ስነ-ስርዓት ወቅት የተገኙ የመንግሥት ባለስልጣናት አካባቢው ያገኘውን ይህን የውሃ ሀብት ህብረተሰቡ በአግባቡና በዘላቂነት እንዲጠቀምበት ጥሪ አቅርበዋል። በተጨማሪም ለግድቡ ግንባታ መሳካት የጎላ አስተዋጽኦ ላበረከቱ አካላትና ነዋሪዎች የእውቅና ሰርተፊኬት መሰጠቱን ሻባይት ዘግቧል።

የዩኒቨርሲቲ መውጫ ፈተና ክፍያ ከ750 ወደ 2,000 ብር ከፍ አለ።

የትምህርት ምዘናና ፈተናዎች አገልግሎት ለሚሰጣቸው ልዩ ልዩ አገልግሎቶች የሚከፈል ክፍያን የሚያሻሽል አዲስ ደንብ ወጥቷል።

በዚህም ቀደም ሲል 750 ብር የነበረው የዩኒቨርሲቲ መውጫ ፈተና (Exit Exam) ክፍያ ወደ 2,000 ብር ከፍ ብሏል። ከዚህ ውስጥ 500 ብር የምዝገባ፣ 1,500 ብር ደግሞ የፈተና ክፍያ ሲሆን፣ ለውጭ ዜጎች 100 ዶላር ተወስኗል።

በተጨማሪም፦

👉 የድህረ-ምረቃ መግቢያ ፈተና (NGAT) ፦ ለኢትዮጵያውያን 3,500 ብር፤ 500 ብር የምዝገባና 3,000 ብር የፈተና ክፍያ። ለውጭ ዜጎች 100 ዶላር።

👉 የ12ኛ ክፍል ፈተና ምዝገባ ፦ ለኢትዮጵያውያን 950 ብር፤ ለውጭ ዜጎች 100 ዶላር።

👉 የሙያ ፈቃድና ብቃት ምዘና ፦ ለኢትዮጵያውያን 3,500 ብር፤ 1,000 ብር የምዝገባና 2,500 ብር የፈተና ክፍያ። ለውጭ ዜጎች 150 ዶላር።

👉 የትምህርት ማስረጃ ምትክ ሰርተፊኬት ፦ ለኢትዮጵያውያን 600 ብር ፤ ለውጭ ዜጎች 115 ዶላር።

👉 ምትክ ሰርተፊኬትና ማረጋገጫ ፦ ለኢትዮጵያውያን 900 ብር ፤ ለውጭ ዜጎች 170 ዶላር።

👉 የትምህርት ማስረጃ ማረጋገጥ/ማጣራት ፦ ለኢትዮጵያውያን 400 ብር፤ ለውጭ ዜጎች 75 ዶላር።

👉 በስም ላይ የፊደል ግድፈት ለማስተካከል ፦ ለኢትዮጵያውያን 700 ብር፤ ለውጭ ዜጎች 130 ዶላር።

👉 ኦፊሴላዊ ትራንስክሪፕት መላክ ፦ ለኢትዮጵያውያን 750 ብር፤ ለውጭ ዜጎች 50 ዶላር።

የፈተና ውጤት መረጃን ለምርምር ለሚጠይቁ ተቋማት በአንድ ጥናት 10,000 ብር፣ ለውጭ ተቋማት 1,875 ዶላር ክፍያ ተወስኗል። ለግለሰቦች ደግሞ ለኢትዮጵያውያን 1,000 ብር፣ ለውጭ ዜጎች 190 ዶላር እንደሚከፈል ተገልጿል።

በተጨማሪም ያገለገሉ የምዘና መሳሪያዎችን ለመጠቀም ከጠቅላላ ወጪው 5 በመቶ፣ አዲስ የምዘና መሳሪያ ለማዘጋጀት ደግሞ 10 በመቶ ክፍያ እንደሚፈጸም ደንቡ ያስቀምጣል።

ደንቡ ለሌሎች የምዘናና የማረጋገጫ አገልግሎቶችም አዳዲስ የክፍያ ተመኖችን አካቷል።

የተሻሻለው ደንብ ቁጥር 593/2018 ሙሉ ይዘት ከላይ በተያያዘው ምስል ላይ ይገኛል።

@tikvahethiopia