"የመንገድ ትዝብት" ~ ሰለሞን ኦሊ
#ethiopia | ዛሬ ጠዋት ኮዬ ወደ ጎሮ የሚወስደዉ መንገድ ኪዳነ ምህረት ቤ/ክርስቲያን አካባቢ አንድ ከባድ የመንገድ ሥራ ማሽን በሚኒባስ ታክሲ ላይ ወድቆ ስድስት ሰዎች ሕይወታቸውን ያጡበት አሳዛኝ አደጋ ተከስቷል::

ይህን ዓይነት አደጋ በ“ሾፌሩ ስህተት”፣ “የማሽኑ ብልሽት” ወይም “የመንገድ ሁኔታ” ብቻ መግለጽ በቂ አይደለም። የሚጠየቀው ጥያቄ፦

1. የመንገድ ሥራ ከመጀመሩ በፊት የአደጋ ግምገማ ያስፈልጋል

ማንኛውም የመንገድ ፕሮጀክት ከመጀመሩ በፊት የሚከተሉት ጥያቄዎች መመለስ አለባቸው:-
👉የሥራ ቦታው ምን ያህል የትራፊክ እንቅስቃሴ አለው?
👉ሠራተኞች ከተሽከርካሪ ጋር የመጋጨት አደጋ አለ?
👉ከባድ ማሽኖች ከሕዝብ ትራፊክ ጋር የሚገናኙት የት ነው?
👉የማሽን ክፍል ወደ ሕዝብ መንገድ ሊወድቅ ይችላል?
👉የመንገዱ አንድ ክፍል ቢዘጋ ትራፊኩ እንዴት ይመራል?
👉እግረኞች እንዴት ይጠበቃሉ?
👉አምቡላንስ ወይም የእሳት አደጋ መኪና እንዴት ይደርሳል?

ይህ የአደጋ ግምገማ ከሥራ በፊት ብቻ ሳይሆን የሥራው ሁኔታ ሲቀየር በየጊዜው መዘመን አለበት።

2. የጊዜያዊ ትራፊክ አስተዳደር ዕቅድ ያስፈልጋል

የመንገድ ሥራ በሚካሄድበት ጊዜ ትራፊክ እንዴት እንደሚቀጥል ከመጀመሪያው መወሰን አለበት።

የዕቅዱ አካላት:-

👉የሥራ ቦታ አቀማመጥ
👉የመንገድ መዘጋት
👉የመኪና መስመር መቀነስ
👉የትራፊክ ማዞሪያ
👉ጊዜያዊ ምልክቶች
👉የፍጥነት ቁጥጥር
👉የእግረኛ መንገድ
👉የከባድ ማሽን መግቢያና መውጫ
👉የአደጋ ጊዜ መድረሻ
👉 የትራፊክ ተቆጣጣሪዎች
👉የአደጋ ምላሽ ሥርዓት

3. የሥራ ቦታ ከሕዝብ ትራፊክ መለየት

በመንገድ ሥራ ቦታ ላይ ኮኖችን መትከል ብቻ በቂ አይደለም።

እንደ ሁኔታው:-አጥር፣መከላከ፣የትራፊክ ምልክቶች፣የጊዜያዊ መንገድ መስመሮ፣አንጸባራቂ ምልክቶች፣የማታ መብራቶች እና የአደጋ መከላከያ ባሪየሮ መጠቀም ይገባል።

የሥራ ቦታው ለአሽከርካሪው ግልጽ፣ ቀድሞ ሊታይ የሚችል እና የማያሳስት መሆን አለበት።

4. የፍጥነት ቁጥጥር

በመንገድ ሥራ ቦታ የፍጥነት ቁጥጥር በጣም ወሳኝ ነው።

ምልክት ብቻ መትከል አይበቃም። አሽከርካሪው በቂ ርቀት ቀድሞ እንዲያውቅ፣ ፍጥነቱን እንዲቀንስ እና በሥራ ቦታው በደህንነት እንዲያልፍ የተቀናጀ ሥርዓት ያስፈልጋል።

5. ከባድ ማሽኖች ለብቻቸው የእንቅስቃሴ ዕቅድ ሊኖራቸው ይገባል

ኤክስካቫተር፣ ሎደር፣ ቡልዶዘር ወይም ሌላ ከባድ ማሽን ከሥራ ቦታ ወደ ሌላ ሲጓጓዝ ወይም ወደ ሥራ ቦታ ሲገባ የራሱ የእንቅስቃሴ ዕቅድ ሊኖረው ይገባል።

በተለይ፦

መጫን 👉መቆለፍ 👉ማሰር 👉 መፈተሽ 👉መጓጓዝ 👉ወደ ሥራ ቦታ መግባት እያንዳንዱ ደረጃ በቁጥጥር ሥር መሆን አለበት።

ኤክስካቫተር በሚጓጓዝበት ጊዜ ተንቀሳቃሽ ክፍሎቹ በትክክል መቆለፍ፣ በተገቢው የማሰሪያ መሳሪያ መጠበቅ እና ከመነሳቱ በፊት ሙሉ ምርመራ መደረግ አለበት።

Hydraulic ስርዓት ብቻ ላይ መተማመን በቂ አይደለም።

6. የጭነት ማሰሪያ በራሱ የደህንነት ስርዓት ነው

የከባድ ማሽን ክፍል በመንገድ ላይ ከተለቀ ወይም ከወደቀ ውጤቱ ከባድ ሊሆን ይችላል።

ስለዚህ የማሰሪያ ሰንሰለቶችና ሌሎች መሳሪያዎች፦

👉የጭነቱን ክብደት ሊቋቋሙ የሚችሉ
👉በተገቢ ቦታ የተያያዙ
👉 የማይበላሹ
👉የማይለቀቁ
👉በጉዞ ወቅት እንደገና የሚፈተሹ
መሆን አለባቸው።

7. እግረኞችን መርሳት የለብንም

የመንገድ ሥራ ዕቅድ መኪናን ብቻ ማስተናገድ የለበትም።

እግረኞች፣ ብስክሌተኞች፣ ሞተር ሳይክል ተጠቃሚዎች፣ አካል ጉዳተኞች እና ሌሎች የመንገድ ተጠቃሚዎች በዕቅዱ ውስጥ መካተት አለባቸው።

የእግረኛ መንገድ ከተዘጋ ደህንነቱ የተጠበቀ ጊዜያዊ መንገድ መሰጠት አለበት።

8. በሥራ ቦታ የማሽንና የሰው እንቅስቃሴ መለየት

በኤክስካቫተር ዙሪያ የሚንቀሳቀስ ሰው ለአደጋ በጣም ተጋላጭ ነው።

በሚያስፈልግበት ጊዜ ማሽኑን የሚመራ የመሬት ላይ አስተባባሪ መመደብ እና ማሽኑ የሚሰራበትን የአደጋ ክልል መለየት ያስፈልጋል።

9. የአደጋ ጊዜ ዕቅድ

አደጋ ከተከሰተ በኋላ ምን እናድርግ? የሚለው ጥያቄ ከአደጋው በፊት መመለስ አለበት።

የአደጋ ጊዜ ዕቅድ፦

ማስጠንቀቅ 👉 ትራፊክ ማቆም/መቆጣጠር 👉 አደጋውን መለየት → የሕክምና እርዳታ 👉 የእሳት አደጋ/ማዳን 👉ፖሊስ👉መንገዱን መልሶ ማስኬድየሚል ግልጽ ሂደት ሊኖረው ይገባል።

10. የሥራ ቦታ በየጊዜው መመርመር
የTraffic Management Plan አንድ ጊዜ ተዘጋጅቶ በፋይል ውስጥ የሚቀመጥ ሰነድ ብቻ መሆን የለበትም።
“ዕቅዱ አሁንም የሥራ ቦታውን ደህንነት ያረጋግጣል?” ብሎ መጠየቅ ያስፈልጋል።

11. ኃላፊነት በአንድ ሰው ላይ ብቻ አይጣልም

እንዲህ ያለ አደጋ ሲከሰት በአንድ ሾፌር ወይም ኦፕሬተር ላይ ብቻ ጥፋተኝነትን መጫን የስርዓቱን ችግር ሊደብቅ ይችላል። መመርመር ያለበት፦

ባለማሽኑ👉ኮንትራክተር 👉 የማጓጓዣ አካል 👉ሾፌር 👉የሥራ ቦታ አስተዳደር

12. የኢንሹራንስ ኢንዱስትሪም ሚና አለው

ኢንሹራንስ ማለት አደጋ ከተከሰተ በኋላ ገንዘብ መክፈል ብቻ አይደለም።

‘’የመንገድ ሥራ የሚለካው በተሰራው ኪሎሜትር ብቻ ሳይሆን፣ ሥራው በምን ያህል ደህንነት እንደተከናወነ ጭምር መሆን አለበት።’’

ሰሎሞን ኦሊ
የኢንሹራንስና ሪስክ ማኔጅመንት አማካሪና ባለሙያ ተፃፈ #roadsafety #roadworksafety #trafficmanagement #riskmanagement #constructionsafety #ethiopia #insurance #publicsafety #roadinfrastructure

በማህበራዊ ሚዲያ ትኩረት ለማግኘት
ባለጭምብሎቹ : የአምስት ታዳጊዎች መጨረሻ
#ethiopia | በአየርላንድ አውራ ጎዳና ላይ አምስት ታዳጊዎች ሕይወታቸውን ያጡበትና አንድን ቤተሰብ ለከባድ አደጋ የዳረገ አስከፊ የመኪና ግጭት ከመከሰቱ አስቀድሞ ታዳጊዎቹ አደገኛ አሽከርካሪነታቸውን የሚያሳዩ ቪዲዮዎችን በማህበራዊ ሚዲያ ላይ ሲያሰራጩ እንደነበር ተገለጸ።

በአየርላንድ ኪልዳሬ ግዛት ኤም9 በተባለው አውራ ጎዳና ላይ አምስት ታዳጊዎች የተሳፈሩበት የተሰረቀ ቢኤምደብሊው መኪና ከሌላ የተሽከርካሪ ጋር በደረሰው የፊት ለፊት ግጭት የሁሉም ታዳጊዎች ሕይወት አልፏል።

አደጋው ከመከሰቱ አስቀድሞ ታዳጊዎቹ ላለፉት ሁለት ሳምንታት በየአካባቢው ቤት በመስበር፣ መኪና በመስረቅ እና ከፖሊስ አሳዳጅነት ለማምለጥ የሻተሩባቸውን አደገኛ እንቅስቃሴዎች በቪዲዮ ቀርጸው በቲክቶክ እና በሌሎች የማህበራዊ ሚዲያ መድረኮች ላይ ሲያሰራጩ እንደነበር ተረጋግጧል።

የሞቱት ታዳጊዎች ዕድሜያቸው ከ15 እስከ 18 ዓመት የሆኑ ሲሆን፣ አደጋው በደረሰበት ወቅት ሁሉም ፊታቸውን በደብቅ ጭንብል ሸፍነው እንደነበር ፖሊስ አስታውቋል።

ታዳጊዎቹ ከተቃራኒ አቅጣጫ በሚመጡ ተሽከርካሪዎች መስመር ላይ በፍጥነት በመንዳት እና ከፖሊስ አሳዳጅነት ሲያመልጡ የሚያሳዩ ምስሎችን በማህበራዊ ሚዲያ ላይ በማሰራጨት እርስ በርስ ለመፎካከር ይሞክሩ እንደነበርም ተጠቅሷል።

በሌላኛው መኪና ውስጥ የነበሩ አራት የአንድ ቤተሰብ አባላት ለሰርግ ወደ እንግሊዝ ለመጓዝ ወደ ደብሊን አውሮፕላን ማረፊያ በመሄድ ላይ ሳሉ ለዚህ አደጋ ተዳርገዋል።

ተጎጂዎቹ ሦስት እህትማማቾች እና አንድ የሰባት ዓመት ህፃን ሲሆኑ፣ በአሁኑ ወቅት በሆስፒታል በከባድ ህክምና ላይ ይገኛሉ።

ድርጊቱ በማህበራዊ ሚዲያ ትኩረት ለማግኘት ሲባል የሚደረግ እጅግ አደገኛና ኃላፊነት የጎደለው ተግባር መሆኑን የሀገሪቱ ባለስልጣናት እና የፖሊስ አዛዦች ገልጸዋል።

የአየርላንድ ፍትህ ሚኒስትር በተቃራኒ አቅጣጫ የሚያሽከረክሩ መጨረሻቸው እስር ቤት ወይም መቃብር እንደሚሆንet በማስጠንቀቅ፣ መሰል ድርጊቶችን የሚያስቀጡ አዳዲስ ህጎችን ለማውጣት እየሰራን ነው ብለዋል።

Getu Temesgen - (ጌጡ ተመስገን)
#ireland #kildare#trafficaccident#m9crash #roadsafety #crimenews #socialmedia #getutemesgen #getu#ጌጡ#ጌጡተመስገን #addisababa

በኢትዮጵያ ለመጀመሪያ ጊዜ መስማት የተሳናቸውን የሚያመለክት የትራፊክ ምልክት ተመረቀ
#ethiopia | በኢትዮጵያ ለመጀመሪያ ጊዜ መስማት የተሳናቸውን ሰዎች የሚያመለክት አዲስ የትራፊክ ምልክት በይፋ ተመርቋል። ይህ እርምጃ መስማት የተሳናቸው ዜጎች በትራፊክ አደጋ እንዳይጋለጡ እና የመንገድ ደህንነታቸው እንዲጠበቅ ያለመ ነው።

በምረቃ ሥነ ሥርዓቱ የተደረገውን የመክፈቻ ንግግር ያቀረቡት የDCDO ስራ አስኪያጅ አቶ ናትናኤል ሽፈራው፣ ይህ ቀን መስማት የተሳናቸው ዜጎች በሀገሪቱ የትራፊክ ደህንነት ሥርዓት ውስጥ በይፋ የተካተቱበት ታሪካዊ ዕለት መሆኑን ገልጸው፣ ለሁሉም እንኳን ደስ አላችሁ ብለዋል።

አዲሱ የትራፊክ ምልክት በተለይ በመስማት የተሳናቸው ሰዎች የሚንቀሳቀሱባቸው አካባቢዎች አሽከርካሪዎች ተጨማሪ ጥንቃቄ እንዲያደርጉ፣ ፍጥነታቸውን እንዲቀንሱ እና የሚደርሱ አደጋዎችን በከፍተኛ መጠን እንዲቀንስ ይጠቅማል ተብሏል። በመሆኑም ምልክቱን ለሕዝብና ለአሽከርካሪዎች በስፋት ማስተዋወቅ አስፈላጊ መሆኑ ተጠቁሟል።

የምረቃ ፕሮግራሙም በፓናል ውይይት፣ በግጥም፣ በሰርከስ ትርኢት፣ በደም ልገሳ፣ በባዛር እና በሌሎች የግንዛቤ ማስጨበጫ ዝግጅቶች ታጅቦ በደማቅ ሁኔታ ተካሂዷል።

Getu Temesgen - (ጌጡ ተመስገን)
#ethiopia #roadsafety #trafficsafety #inclusivetransport #deafcommunity #trafficsigns #roadsafetyawareness

ከካሳ ክፍያ ወደ አደጋ መከላከል ...
#ethiopia | ከካሳ ክፍያ ወደ አደጋ መከላከል፤ በክረምት ወቅት የኢንሹራንስ ኩባንያዎችና የአዲስ አበባ ትራፊክ ማኔጅመንት የጋራ የግንዛቤ ዘመቻ ለምን አስፈላጊ አያደርጉትም ወገን?

የክረምት ወቅት በኢትዮጵያ የዝናብ፣ የጭጋግ፣ የመንገድ መንሸራተት እና የእይታ መቀነስ ወቅት ነው። በዚህ ጊዜ በተለይ በአዲስ አበባ እና በዋና ዋና የአገሪቱ መንገዶች ላይ የትራፊክ አደጋዎች የመጨመር ዕድላቸው ከፍ ይላል። ይህም የሰው ሕይወት፣ የንብረት ጉዳት፣ የንግድ ሥራ መስተጓጎል፣ የሕክምና ወጪ እና የኢኮኖሚ ኪሳራን ያስከትላል።

በብዙ ጊዜ የኢንሹራንስ ዘርፉ የሚታየው አደጋ ከተፈጠረ በኋላ ካሳ በመክፈል ብቻ ነው። ሆኖም የዘመናዊ ኢንሹራንስ መርህ “አደጋን ከመክፈል በፊት መከላከል” ነው። የኢንሹራንስ ኩባንያዎች ከሪስክ ማስተዳደር ባለሙያነታቸው በመነሳት ከትራፊክ ባለሥልጣናት ጋር በመተባበር የአደጋ መከላከል ባህልን በማጠናከር ትልቅ አስተዋፅኦ ማበርከት ይችላሉ።

🙋 ለምን የጋራ የግንዛቤ ዘመቻ?

የአዲስ አበባ ትራፊክ ማኔጅመንት ዋና ዓላማ የመንገድ ደህንነትን ማረጋገጥ ነው። የኢንሹራንስ ኩባንያዎች ደግሞ ሪስክን መቀነስና የጉዳት ተፅዕኖን ማሳነስ ይፈልጋሉ። ሁለቱም ተቋማት የሚጋሩት የመጨረሻ ግብ አንድ ነው፤ የሰው ሕይወትን መጠበቅ እና አደጋን መቀነስ።

ስለዚህ በክረምት ወቅት የጋራ የመንገድ ደህንነት ዘመቻ ማካሄድ ለሁሉም አሸናፊ (Win–Win) መፍትሔ ነው።

☀️የሚገኙ ጠቀሜታዎች

1. የሰው ሕይወትን ማዳን

ማንኛውም የኢንሹራንስ ካሳ የጠፋ ሕይወትን ሊመልስ አይችልም። ስለዚህ የመጀመሪያው ትኩረት አደጋውን ከመከሰቱ በፊት መከላከል መሆን አለበት።

2. የኢንሹራንስ ወጪን መቀነስ

አደጋ ሲቀንስ የሞተር ካሳ፣ የሦስተኛ ወገን ጥያቄዎች፣ የሕክምና ክፍያዎች እና የሕግ ወጪዎች ይቀንሳሉ። ይህም የኢንሹራንስ ኩባንያዎችን የፋይናንስ ጥንካሬ ያሻሽላል።

3. የአሽከርካሪዎችን ባህሪ መቀየር

የግንዛቤ ዘመቻዎች አሽከርካሪዎችን ፍጥነት እንዲቀንሱ፣ በቂ ርቀት እንዲጠብቁ፣ የመኪናቸውን ጎማ፣ ብሬክ፣ መብራት እና ዋይፐር እንዲመረምሩ ያበረታታሉ።

4. የኢንሹራንስ ዘርፉን ምስል ማሻሻል

የኢንሹራንስ ኩባንያዎች የካሳ ከፋዮች ብቻ ሳይሆኑ የሪስክ መከላከል አጋሮች መሆናቸውን ያሳያሉ። ይህም የሕዝብ እምነትን ያጠናክራል።

5. የኢኮኖሚ ጥቅም

አደጋዎች መቀነሳቸው የጥገና ወጪ፣ የሕክምና ወጪ፣ የሥራ ሰዓት መጥፋት እና የንግድ መስተጓጎልን ይቀንሳል። ይህም ለአገሪቱ ኢኮኖሚ ቀጥተኛ ጥቅም አለው።

👉ሊተገበሩ የሚችሉ ተግባራት

📍በዋና ዋና መንገዶች የጋራ የግንዛቤ ዘመቻዎች።

📍በሬዲዮ፣ በቴሌቪዥን እና በዲጂታል ሚዲያ የመንገድ ደህንነት መልዕክቶች።

📍ከኢንሹራንስ ኩባንያዎች ድጋፍ ጋር ነፃ የተሽከርካሪ የደህንነት ፍተሻ።

📍ለታክሲ፣ ለአውቶቡስ፣ ለጭነት መኪና እና ለድርጅት አሽከርካሪዎች ልዩ ስልጠናዎች።

📍በትምህርት ቤቶች፣ በዩኒቨርሲቲዎች እና በትላልቅ ድርጅቶች የመንገድ ደህንነት ፕሮግራሞች።

📌የፖሊሲ ምክረ ሐሳብ

የኢትዮጵያ ኢንሹራንስ ኢንዱስትሪ፣ የአዲስ አበባ ትራፊክ ማኔጅመንት፣ የትራንስፖርት ተቋማት፣ የመንገድ ባለስልጣናት፣ የሚዲያ ተቋማት እና ሌሎች ባለድርሻ አካላት በየዓመቱ በክረምት ወቅት የተቀናጀ “Road Safety and Insurance Awareness Week” ቢያካሂዱ ዘላቂ ውጤት ሊያመጣ ይችላል።

📍መደምደሚያ

የኢንሹራንስ ኢንዱስትሪ ስኬት በተከፈለ ካሳ መጠን ብቻ ሳይሆን በተከላከሉት አደጋዎች ብዛትም ሊለካ ይገባል። የመንገድ ደህንነት የአንድ ተቋም ኃላፊነት ብቻ አይደለም፤ የመንግሥት፣ የግል ዘርፍ እና የማህበረሰብ የጋራ ኃላፊነት ነው።

የኢንሹራንስ ኩባንያዎችና የአዲስ አበባ ትራፊክ ማኔጅመንት በክረምት ወቅት በጋራ የግንዛቤ ዘመቻ ቢያካሂዱ ሕይወት ማዳን፣ አደጋ መቀነስ፣ የኢንሹራንስ ወጪ መቀነስ እና የመንገድ ደህንነት ባህልን ማጠናከር የሚቻልበት ትልቅ እድል ይፈጠራል።

“ከሚከፈል ካሳ የበለጠ ዋጋ ያለው፣ በቅድሚያ የተከላከሉት አደጋ ነው።”

📞ለዚህ ዘመቻ ፕሮፖዛል ተዘጋጅቷል 0911443836

ፀሀፊ ሰሎሞን ኦሊ ገብሩ (MBA)
በተለያዩ ኢንሹራንስ ተቋሞች ውስጥ ለረዥም አመት የሰራ በአሁኑ ወቅት ፍሪላንሰር፣ የማርኬቲንግ እና የኢንሹራንስ አማካሪ ኤክስፐርት ፣ ስትራቴጂክ ፓርትነርሺፕ ላይ እየሰራ ይገኛል።
#roadsafety #riskmanagement #motorinsurance #insurance #accidentprevention #ethiopia #addisababatrafficmanagment #publicprivatepartnership #winterdriving #insuranceawareness #ethiopianinsurersassociation

ባቡርና ሲኖትራክ መካከል አደጋ ተከሰተ!
#ethiopia | ​ዛሬ መጋቢት 23 ቀን 2018 ዓ.ም ከቀኑ 5፡55 ሰዓት ላይ በየካ ክፍለ ከተማ ሰዓሊተ ምህረት አካባቢ በሚገኘው የባቡር መስመር ላይ የትራፊክ አደጋ ደርሷል።

​የኢትዮ-ጅቡቲ ምድር ባቡር ንብረት የሆነ ሲኖትራክ (ታርጋ ቁጥር 5-82D11-2) እና የአዲስ አበባ ቀላል ባቡር (ኮድ 111)።

​ሲኖትራኩ ከላምበረት ወደ ጃክሮስ በሚጓዝበት ወቅት፣ ከአያት ወደ መገናኛ ይጓዝ ከነበረው ባቡር ጋር ተጋጭቷል።

​በባቡሩ ውስጥ ተሳፍረው በነበሩ ሁለት ሰዎች ላይ ቀላል የአካል ጉዳት ደርሷል።

​ፖሊስ በአሁኑ ወቅት የአደጋውን መንስኤ እያጣራ ሲሆን፣ በሲኖትራኩ ላይ ያለውን ከባድ ጭነት በማንሳት መንገዱን ለትራፊክ ክፍት ለማድረግ ጥረት እያደረገ ይገኛል።

​አሽከርካሪዎች ፍጥነታቸውን እንዲቆጣጠሩና ለመንገዱ አቀማመጥ ተገቢውን ጥንቃቄ እንዲያደርጉ የአዲስ አበባ ፖሊስ ጠቅላይ መምሪያ አሳስቧል።

​#getu #addisababa #trafficaccident #lightrail #yeka #roadsafety #breakingnews #ethiopia #አዲስአበባ #ትራፊክአደጋ #ቀላልባቡር #ሰዓሊተምህረት #ጥንቃቄ #ጌጡተመስገን #getutemesgen

በአዲስ አበባ ኮተቤ 02 አሰቃቂ የትራፊክ አደጋ ተከሰተ
#ethiopia | በአዲስ አበባ ከተማ የካ ክፍለ ከተማ "አንቆርጫ" ተብሎ በሚጠራው ቁልቁለት መንገድ ላይ፣ ዛሬ ንጋት 11፡30 አካባቢ በደረሰ የትራፊክ አደጋ በሰው አካል እና በንብረት ላይ ከፍተኛ ጉዳት መድረሱ ታወቀ።

አደጋው የተከሰተው ከየረር ወደ አንቆርጫ በሚወስደው ቁልቁለት ላይ ሲሆን፣ አንድ የሕዝብ ማመላለሻ ታክሲ የመንገድ አካፋይን ጥሶ በመገልበጡ ነው። የአዲስ አበባ ትራፊክ ማኔጅመንት ባለስልጣን እንዳረጋገጠው፣ ተሽከርካሪው በወቅቱ ከተፈቀደለት የሰው ቁጥር በላይ 19 ተሳፋሪዎችን ጭኖ ይጓዝ ነበር።

የየካ ቅርንጫፍ ጽሕፈት ቤት ሥራ አስኪያጅ አቶ ተክሌ ካሳዬ እንደገለጹት፣ በአደጋው ሳቢያ በተሳፋሪዎች ላይ ከባድ የአካል ጉዳት ደርሷል። የቴክኒክ ባለሙያዎች ባደረጉት የመጀመሪያ ደረጃ ምርመራ፣ ተሽከርካሪው ከአቅሙ በላይ መጫኑ ለአደጋው መከሰትና ለጉዳቱ ስፋት ዋነኛ ምክንያት መሆኑ ተጠቁሟል።

በአሁኑ ወቅት የፖሊስ የትራፊክ ምርመራ ክፍል የአደጋውን ትክክለኛ መንስኤ እያጣራ ይገኛል። አሽከርካሪዎች የትርፍ ጭነት የሚያስከትለውን አስከፊ መዘዝ ተገንዝበው፣ የሰዎችን ሕይወት ለመታደግ ጥንቃቄ እንዲያደርጉ ጥሪ ቀርቧል።

Getu Temesgen - (ጌጡ ተመስገን)
#getutemesgen #getu #addisababa #trafficaccident #ethiopianews #yeka #roadsafety #breakingnews #አዲስአበባ #ትራፊክአደጋ #የካ

በአዲስ አበባ በ3 ቀናት ውስጥ 215 አሽከርካሪዎች በ’ጠጥቶ ማሽከርከር’ ተቀጡ
#ethiopia | በአዲስ አበባ ከተማ እየተተገበረ ባለው የመንገድ ደህንነት ንቅናቄ፣ ባለፉት ሶስት ቀናት ብቻ ጠጥተው ሲያሽከረክሩ የተገኙ 215 አሽከርካሪዎች ላይ ጠንከር ያለ አስተዳደራዊ እርምጃ መወሰዱን የአዲስ አበባ ትራፊክ ማኔጅመንት ባለስልጣን አስታወቀ።

እንደ ባለስልጣኑ ገለጻ፣ እርምጃው የተወሰደው በአዲሱ ደንብ ቁጥር 557/2016 መሰረት ሲሆን፣ ጥፋቱ በ"ልዩ ደረጃ" ተመድቦ የገንዘብ ቅጣት ተጥሎባቸዋል። የባለስልጣኑ የኮሙኒኬሽን ዳይሬክተር ወ/ሮ ገነት ዲባባ እንደገለጹት፣ ቁጥጥሩ የተካሄደው በተመረጡ ሶስት ክፍለ ከተሞች ላይ ባተኮረ የድንገተኛ ኦፕሬሽን ነው።

የቁጥጥር ውጤቱ በየቅርንጫፍ ጽህፈት ቤቱ፦

* በቦሌ ክፍለ ከተማ፦ ከምሽቱ 2 ሰዓት እስከ ሌሊቱ 10 ሰዓት በተደረገ ፍተሻ 1,376 አሽከርካሪዎች በትንፋሽ መመርመሪያ መሳሪያ የተመረመሩ ሲሆን፣ ከእነዚህም ውስጥ 107ቱ ከሕግ አግባብ በላይ ጠጥተው ተገኝተዋል።
* በጉለሌ ክፍለ ከተማ፦ በአዲሱ ገበያ አካባቢ በተካሄደ ጥብቅ ቁጥጥር 72 አሽከርካሪዎች የእርምት እርምጃ ተወስዶባቸዋል።

* በየካ ክፍለ ከተማ፦ በወሰን መስመር 675 አሽከርካሪዎች ተፈትሸው፣ 34ቱ በሊትር ከ0.24 ሚሊግራም በላይ የአልኮል መጠን በደማቸው ውስጥ ተገኝቶ ቅጣት ተጥሎባቸዋል።

ይህ "የጥር ወር የመንገድ ደህንነት ንቅናቄ" ግንዛቤ ከመፍጠር ባለፈ፣ ለትራፊክ አደጋ ዋነኛ መንስኤ በሆነው ጠጥቶ ማሽከርከር ላይ ያነጣጠረ ሲሆን፣ ቁጥጥሩ እስከ ጥር 30 ድረስ ተጠናክሮ እንደሚቀጥል ታውቋል። አሽከርካሪዎች ለራሳቸውም ሆነ ለሌሎች ደህንነት ሲሉ ከእንዲህ አይነት አደገኛ ድርጊት እንዲታቀቡም ጥሪ ቀርቧል።

Getu Temesgen - (ጌጡ ተመስገን)
#bisrat tv #getutemesgen #getu #ጌጡ #የመንገድደህንነት #አዲስአበባ #ትራፊክማኔጅመንት #ኢትዮጵያ #roadsafety #addisababa

🚨 ከቦሌ ብራስ ወደ ኤድናሞል የሚወስደው መንገድ ለጊዜው ተዘግቷል!
#ethiopia | በአዲስ አበባ ከተማ እያተከናወነ ባለው የመንገድ ጥገና እና ማሻሻያ ስራ ምክንያት፣ በቦሌ አካባቢ የሚገኙ አሽከርካሪዎች አማራጭ መንገዶችን እንዲጠቀሙ ጥሪ ቀርቧል።

ምን ተፈጠረ?

የአዲስ አበባ ከተማ መንገዶች ባለስልጣን ከቦሌ ብራስ ወደ ኤድናሞል በሚወስደው መስመር ላይ ተደራቢ አስፋልት የማንጠፍ ስራ እያከናወነ ይገኛል።

ዋና ዋና ነጥቦች፦
* የመንገዱ ሁኔታ፦ ስራው ተጠናቆ ለትራፊክ ክፍት እስኪሆን ድረስ መንገዱ ሙሉ በሙሉ ዝግ ሆኖ ይቆያል።

* የባለስልጣኑ መልዕክት፦ አሽከርካሪዎች አላስፈላጊ የእንቅስቃሴ መስተጓጎል እንዳይገጥማቸው አስቀድመው አማራጭ መንገዶችን እንዲጠቀሙ አሳስቧል።

* ዓላማው፦ የመንገዱን ጥራት በማሻሻል ለትራፊክ ፍሰት አመቺ ለማድረግ የታለመ ነው።
ለጉዞዎ አስቀድመው እቅድ በማውጣት የትራፊክ መጨናነቅን ያስወግዱ!

Getu Temesgen - (ጌጡ ተመስገን)
#ethiopia #addisababa #trafficalert #roadwork #bole #roadsafety #addisroads #notice