የዲጂታል ኢትዮጵያ ህልም በኢትዮ ኮደርስ ሚሊዮን ወጣቶችን ለነገው ዓለም የሚያዘጋጀው ሀገራዊ የቴክኖሎጂ አብዮት
********************

ኢትዮጵያ የዲጂታል ኢኮኖሚ ግንባታዋን ለማፋጠን እና ወጣቶችን የቴክኖሎጂ ባለቤት ለማድረግ ካለመቻቸው ትልልቅ ኢኒሼቲቮች መካከል በጠቅላይ ሚኒስትር ዐቢይ አሕመድ (ዶ/ር) አሳቢነት ከተባበሩት አረብ ኤምሬትስ መንግሥት ጋር በትብብር የሚተገበረው የ"ኢትዮ ኮደርስ" ሥልጠና በግንባር ቀደምትነት ይጠቀሳል።

ይህ በዓለም አቀፍ ደረጃ ተፈላጊ የሆኑ እንደ መሠረታዊ ዳታ ሳይንስ፣ መሠረታዊ ፕሮግራሚንግ፣ መሠረታዊ አርቲፊሻል ኢንቴሊጀንስ እና መሠረታዊ አንድሮይድ ኮትሊን ዴቬሎፐር ያሉ አራት ወሳኝ የቴክኖሎጂ ዘርፎችን ያካተተው ነፃ የኦንላይን ሥልጠና፣ ሀገራችን ወደ ሙሉ ዲጂታላይዜሽን የምታደርገውን ጉዞ የማፋጠን ትልቅ አቅም አለው።

ሥልጠናው ወጣቶች መረጃዎችን የመተንተን፣ ውህድ አርቲፊሻል ኢንቴሊጀንስን የመተግበር እና ሞባይል መተግበሪያዎችን የመሥራት አቅማቸውን በማጎልበት በሀገር ውስጥም ሆነ በዓለም አቀፍ ደረጃ የሥራ ዕድሎችን እንዲያገኙ መንገድ ከመክፈቱ ባሻገር፣ የራሳቸውን የቴክኖሎጂ ድርጅቶች (Startups) በመመሥረት ሀገራዊ ችግሮችን በዲጂታል መፍትሔዎች እንዲፈቱ ከፍተኛ አስተዋጽኦ ያበረክታል።

ጠቅላይ ሚኒስትር ዐቢይ አሕመድ (ዶ/ር) “የኢትዮጵያ ወጣቶች ክረምታቸው በከንቱ እንዲያልፍ ሊፈቀድ የማይገባ ትልቅ ዕድል መጥቷል” ሲሉ ገልጸው፣ የሚሰጠው የምስክር ወረቀት ዓለም አቀፍ ዕውቅና ያለው በመሆኑ ሚሊዮኖች ቀድመው የወሰኑበትን ይህን ነፃ ዕድል ወጣቶች እንዲጠቀሙበት ጥሪ ማቅረባቸው ይታወሳል።

"ትውልድ ይማር፣ ትውልድ ይሰልጥን፣ ከዓለም ጋር ይፎካከር" በሚል መሪ ሐሳብ የተጀመረው የ5 ሚሊዮን ኢትዮጵያውያን ኮደሮች ውጥን በሦስት ዓመት ለማሳካት የታቀደውን ሥልጠና በሁለት ዓመት በማሳካት፣ አሁን ግቡን ወደ 7 ሚሊዮን ከፍ ማድረግ ተችሏል።

የኮዲንግ እና የሶፍትዌር ልማት መሠረታዊ እውቀቶችን በማስጨበጥ የሰው ኃይል ልማቱን የሚደግፈው ይህ ፕሮግራም፣ የመንግሥት እና የግል ዘርፍ አገልግሎቶችን ወደ ዲጂታል ለመቀየር የሚደረገውን ጥረት የሚያፋጥን የክህሎት መሠረት በመጣል የኢትዮጵያ ዲጂታል ትራንስፎርሜሽን ዋና ምሰሶ ሆኖ በማገልገል ላይ ይገኛል።

በአድማሱ አራጋው
#ethiocoders #digitalethiopia #techinnovation #codingskill #youthempowerment

ከ“ምናባዊ ዕቅድ” ወደ ተጨባጭ አህጉራዊ የኢኮኖሚ ልዕልና
******************

ጠቅላይ ሚኒስትር ዐቢይ አሕመድ (ዶ/ር)፣ የኢትዮጵያ ዲጂታል ትራንስፎርሜሽን ጉዞ የወደፊቱን የማክሮ-ኢኮኖሚ መዋቅር እና የአፍሪካን አህጉራዊ ተወዳዳሪነት የሚወስን ስትራቴጂያዊ መሳሪያ ስለመሆኑ በተደጋጋሚ ያስገነዝባሉ።

ይህ አቋም፣ ዲጂታል ኢትዮጵያ 2030 ተዓምራዊ ለውጥ ይዞ እንደሚመጣ እና በ2036 የኢትዮጵያ ኢኮኖሚ በአፍሪካ ትልቁ ኢኮኖሚ እንደሚሆን በሙሉ ልበ-ሙሉነት ከገለጹባቸው መልዕክቶች ጋር በጥብቅ የተቆራኘ ነው።

ይህ ስትራቴጂያዊ ራዕይ ቀደም ሲል “ዲጂታል ኢትዮጵያ 2025” ሲቀረጽ “መሬት የማይነካ ምናባዊ ዕቅድ ነው” በማለት ይሞግቱ የነበሩ ወገኖችን ትችት በተግባር በተረጋገጡ እውነታዎች እና ስኬቶች የቀለበሰ ነው።

የዲጂታል ኢኮኖሚ ግንባታው አዳዲስ የገበያ ዕድሎችን ከመፍጠር ባሻገር የመንግሥት አገልግሎቶችን ግልጽነት በማረጋገጥ፣ የታክስ አሰባሰብ አቅምን በማሳደግ እንዲሁም የፋይናንስ አካታችነትን በማስፋት ጠቅላላ ብሔራዊ ምርትን በከፍተኛ ሁኔታ በማሳደግ ላይ ይገኛል።

ለዚህም የዘመናዊ ቴሌኮም መሠረተ ልማቶች መስፋፋት፣ የአራተኛው ትውልድ (4G) እና አምስተኛው ትውልድ (5G) ኔትወርክ ተደራሽነት እንዲሁም የግዙፍ የዳታ ማዕከላት ግንባታ ዋነኛ ሞተሮች በመሆን እያገለገሉ ነው።

የዲጂታል ጉዞው ስኬት ይበልጥ ጎልቶ የሚታየው ደግሞ በዲጂታል የፋይናንስ ሥርዓት እና በዲጂታል መታወቂያ ዘርፎች በተመዘገቡት ተጨባጭ እመርታዎች ነው።

የዚህ ተግባራዊ ለውጥ ማሳያዎች የቴሌብር እና የፋይዳ ዲጂታል መታወቂያ ተጠቃሚዎች ፈጣን ዕድገት ነው። ወቅታዊ የኢቲዮ ቴሌኮም ሪፖርቶች እንደሚያሳዩት፥ የቴሌብር ተጠቃሚዎች ቁጥር 60.6 ሚሊዮን የደረሰ ሲሆን፣ የመተግበሪያው ጠቅላላ የግብይት መጠን ከ9.13 ትሪሊዮን የኢትዮጵያ ብር አልፏል።

መተግበሪያው በቀን በአማካይ 11 ቢሊዮን ብር የገንዘብ ዝውውር የሚያስተናግድበት ደረጃ ላይ የደረሰ ሲሆን፣ ከ19.72 ሚሊዮን በላይ ዜጎች ደግሞ የዲጂታል ብድር አገልግሎት ተጠቃሚ መሆን ችለዋል።

በተመሳሳይ በብሔራዊ ዲጂታል መታወቂያ ፕሮግራም መረጃ መሠረት፣ የፋይዳ ዲጂታል መታወቂያ ተመዝጋቢዎች ቁጥር 50 ሚሊዮን ተቃርቧል። ይህ የፋይዳ አሠራር ሥርዓት ከ150 በላይ ተቋማት ጋር በመተሳሰር ከ190 ሚሊዮን በላይ ደኅንነታቸው የተጠበቀ ማረጋገጫዎችን አስተናግዷል።

በዲጂታል አገልግሎት አሰጣጥ በኩልም ሰፋፊ የለውጥ ሥራዎች በመተግበር ላይ ናቸው። ከ800 በላይ የመንግሥት አገልግሎቶችን በኤሌክትሮኒክ ፖርታል የማቅረብ እና የመሶብ የአንድ ማዕከል አገልግሎትን በስፋት የማዳረስ ሥራ በከፍተኛ ፍጥነት እየተከናወነ ነው።

በተቋማት መካከል የዲጂታል ፊርማ እና የክላውድ ቴክኖሎጂዎችን በመተግበር የተቀናጀ ወረቀት-አልባ የመንግሥት አሠራር እየተዘረጋ ይገኛል።

የፋይዳ ዲጂታል መታወቂያ፣ የመረጃ ልውውጥ ሥርዓት እና የተቀናጀ የዲጂታል ክፍያ ሥርዓት በጋራ የሚሠሩበት ዲጂታል የሕዝባዊ መሠረተ ልማት ማዕቀፍ የቴክኖሎጂ አጠቃቀምን ወደ ተጨባጭ ኢኮኖሚያዊ ውጤት የቀየረ ጠንካራ መሠረት ጥሏል።

እነዚህን የ“ዲጂታል ኢትዮጵያ 2025” ስኬቶች መሠረት በማድረግ የ“ዲጂታል ኢትዮጵያ 2030” ስትራቴጂያዊ ማዕቀፍ በ2030 የዲጂታል ኢኮኖሚውን የጥቅል ሀገራዊ ምርት ድርሻ ወደ 12 በመቶ ለማሳደግ አቅዶ ወደ ሥራ ገብቷል።

ይህ ስትራቴጂ፥ ዜጎችን እና ተቋማትን ማብቃት፣ አካታች የዲጂታል ኢኮኖሚ ዕድገትን ማፋጠን፣ ሁለንተናዊ የዲጂታል ተደራሽነትን ማረጋገጥ እና ኢትዮጵያን የዲጂታል የውጭ ቀጥታ ኢንቨስትመንት ቀዳሚ መዳረሻ ማድረግ የሚሉ ዓላማዎችን አንግቧል።

በተለይም በሰው ሠራሽ አስተውሎት፣ ‘ማሽን ለርኒንግ' እና የነገሮች ኢንተርኔትን (The Internet of Things) የመሳሰሉ የኢንዱስትሪ 5.0 ቴክኖሎጂዎችን በስፋት መተግበር የስትራቴጂው ዋነኛ አካል ነው።

ከዚህ ጋር ተያይዞ ከተባበሩት ዓረብ ኢምሬትስ ጋር በመተባበር የተጀመረውን የ5 ሚሊዮን ኮደሮች ስልጠና ፕሮግራም አድማስ በማስፋት 7 ሚሊዮን ኮደሮችን ለማፍራት የተያዘው ግብ በቴክኖሎጂው ዘርፍ ያለውን የክህሎት ክፍተት ለመሙላት ወሳኝ ሚና ይጫወታል።

መደበኛ ያልሆነውን ኢኮኖሚ ወደ መደበኛው የፋይናንስ ሥርዓት በማስገባት እና የታክስ መሠረትን በማስፋት ኢትዮጵያ በ2036 በአፍሪካ ትልቁ ኢኮኖሚ ለመሆን የሰነቀችው ብሔራዊ ራዕይ በጠንካራ የዲጂታል መሠረት ላይ እውን እየሆነ ይገኛል።

በለሚ ታደሰ
#ethiopia #digitaleconomy #digitalethiopia2030 #digitaltransformation #techinnovation #ebc

የብሪክስ ሀገራት በቴክኖሎጂ እና በፋይናንስ ትብብር ግዙፍ የኢኮኖሚ ዕድገት ማስመዝገብ እንደሚችሉ አዲስ ጥናት አመለከተ
******************

የብሪክስ አባል አገራት በቴክኖሎጂ ዘርፍ የሚያሳዩት ፈጣን እድገት ዓመታዊ የሀገር ውስጥ ጠቅላላ ምርትን (GDP) በ656 ቢሊዮን ዶላር ማሳደግ እንደሚችል አዲስ የወጣ ጥናት አመለከተ።

በተጨማሪም በአባል አገራቱ መካከል ያለው ጠንካራ ትብብርና ቅንጅት ከ2.7 ትሪሊዮን ዶላር በላይ ተጨማሪ የኢኮኖሚ አቅም እንደሚፈጥር ተጠቅሷል።

ይህ ጥናት የሩሲያ የገንዘብ ሚኒስቴር ከማዕከላዊ ዩኒቨርሲቲ ጋር በመተባበር ያዘጋጀው ሲሆን፣ በቅርቡ በተካሄደ ዓለም አቀፍ የኢኮኖሚ መድረክ ላይ ይፋ ሆኗል።

የፋይናንስ መሠረተ ልማቶችን ማቀናጀትና የካፒታል ገበያን ማሳደግ ለአገራቱ የኢኮኖሚ እድገት ዋነኛ ተስፋዎች እንደሆኑ በጥናቱ ተመላክቷል።

አባል አገራቱ የቴክኖሎጂ ኩባንያዎቻቸውን የገበያ እሴት ለማሳደግና ባለሃብቶች በጋራ የገበያ መድረኮች እንዲሳተፉ ለማስቻል በትኩረት እየሰሩ ይገኛሉ።

አማራጭ የፋይናንስ ገበያ ስርዓቶችን መዘርጋት ብቻውን በየዓመቱ እስከ 12 ቢሊዮን ዶላር የሚደርስ ተጨማሪ የኢኮኖሚ እድገት እንደሚያስገኝ የዘርፉ ባለሙያዎች ገልጸዋል።

በሰለሞን ገዳ
#brics #economicgrowth #techinnovation #financialcooperation #globaleconomy

የኢትዮጵያ አዲሱ የዲጂታል ዘመን ስኬቶች
*************

ኢትዮጵያ ባለፉት ጥቂት ዓመታት በዲጂታል ቴክኖሎጂ እና በቴሌኮሙኒኬሽን ዘርፍ እያስመዘገበች ያለችው ፈጣን ዕድገት ከተበታተኑ አሠራሮች ወጥታ የተቀናጀ የኢኮኖሚ መሠረት እንድትጥል እያስቻላት ይገኛል።

የቴሌኮም ዘርፉን በማዘመን እና ለገበያ ክፍት በማድረግ የተጀመረው ይህ ጉዞ ሀገራችንን ወደ ላቀ የዲጂታል ዘመን እያሸጋገራት ነው።

የመሠረተ ልማት እና የክፍያ ሥርዓት አብዮት

በቅርብ ዓመታት የቴሌኮም ደንበኞች ቁጥር ከ37.9 ሚሊዮን ወደ 85 ሚሊዮን በላይ መድረሱ ለሀገራዊው የዲጂታል ትሥሥር እና ለገበያ ተሳትፎ የማይናወጥ መሠረት ጥሏል።

የዲጂታል ክፍያ ሥርዓት መስፋፋት ደግሞ ሌላው ታሪካዊ ስኬት ነው። ከዚህ ቀደም በውል የማይታወቀው ዓመታዊ የዲጂታል ግብይት መጠን አሁን ላይ ወደ 24.2 ትሪሊዮን የኢትዮጵያ ብር ከፍ ብሏል።

ይህ ግዙፍ አሃዝ በጥሬ ገንዘብ ላይ የተመሠረተውን ግብይት በመቀነስ ግልጽነትን የፈጠረ ሲሆን፣ ለፖሊሲ አውጪዎች ግልጽ የሆነ እና የታለመ የፋይናንስ እርምጃ ለመውሰድ የሚያስችል ምቹ ሥርዓት ፈጥሯል።

አካታችነትን ያረጋገጠው ዲጂታል መታወቂያ

የፋይዳ ብሔራዊ ዲጂታል መታወቂያ ሥርዓት የዜጎችን ማኅበራዊ እና ኢኮኖሚያዊ ተሳትፎ በማሳደግ በኩል ቁልፍ ሚና እየተጫወተ ነው።

ይህ ፕሮጀክት ከባዶ ተነሥቶ በአጭር ጊዜ ውስጥ ከ46.4 ሚሊዮን በላይ ዜጎችን መመዝገብ ቸሏል።

ፋይዳ በገበያ የሚጠየቀውን የምዝገባ እና የማረጋገጫ ወጪዎችን በእጅጉ በመቀነስ ረገድ ትልቅ አስተዋፅኦ እያበረከተ ይገኛል።

አስተማማኝ የማንነት ማረጋገጫ በመስጠትም የፋይናንስ አካታችነትን ይበልጥ እውን እያደረገ ነው።

ሀገር በቀል የቴክኖሎጂ አቅም እና የወደፊቱ ራዕይ

በሦስት ዓመታት ውስጥ ለማሳካት ታቅዶ ከሁለት ዓመት ባነሰ ጊዜ ውስጥ የተሳካው የ"5 ሚሊዮን የኢትዮጵያ ኮደሮች" ኢኒሼቲቭ የዲጂታል ኢትዮጵያን መጻኢ ተስፋ ያረጋገጠ ነው።

ሐምሌ 16 ቀን 2016 ዓ.ም ከተጀመረበት ጊዜ አንሥቶ በኮምፒውተር ፕሮግራሚንግ፣ በመረጃ ትንተና፣ በአንድሮይድ ሶፍትዌር ልማት እና በአርቴፊሻል ኢንተለጀንስ 5 ሚሊዮን 5 ሺህ 146 ሰልጣኞች ተመዝግበዋል።

ከ4 ሚሊዮን በላይ የሚሆኑት ደግሞ በዓለም አቀፍ ደረጃ እውቅና ያለውን የምስክር ወረቀት አግኝተዋል።

ይህ በዲጂታሉ ዓለም የተጀመረው ታሪካዊ ምዕራፍ የጉዞው ማብቂያ ሳይሆን ብሔራዊ ራዕይን ይበልጥ ማፋጠኛ መነሻ ነው።

በመሆኑም እስከ ነሐሴ 2018 ዓ.ም ድረስ የሠልጣኞችን ቁጥር 7 ሚሊዮን ለማድረስ አዲስ ግብ ተሰንቋል።

በተለይም ወጣት ተማሪዎች የክረምቱን ወቅት በዋዛ ከማሳለፍ ይልቅ ሙሉ በሙሉ በነጻ የሚሰጠውን ይህንን ሥልጠና በመውሰድ በዓለም አቀፍ ደረጃ ዕውቅና ያላቸው የዲጂታል መሪዎች እንዲሆኑ ጥሪ ቀርቧል።

እነዚህ ሁሉ እመርታዎች ኢትዮጵያ በዓለም አቀፉ የዲጂታል ኢኮኖሚ ፉክክር ውስጥ ተወዳዳሪ ብቻ ሳትሆን መሪም እንድትሆን የሚያደርጓት ጽኑ መሠረቶች ናቸው።

በለሚ ታደሰ
#ethiopia #ebc #digitalethiopia #digitaltransformation #techinnovation

ይምረጡ | Vote - የብሄራዊ ኩራት ጥሪ
ናትናኤልን የዓለም ሻምፒዮን እናድርገው! 🏆
#ethiopia | ​ኢትዮጵያዊው የሶፍትዌር መሃንዲስ ናትናኤል ጌታነው በአማዞን (AWS) የዓለም አቀፍ AI ውድድር ላይ ከ10,000 ተወዳዳሪዎች መካከል ተለይቶ ለፍፃሜ ደርሷል! የፈጠረው "Ivy" የተሰኘው መተግበሪያ ኢንተርኔት በሌለበት ሁኔታ ተማሪዎችን የሚያስተምር ድንቅ የቴክኖሎጂ ውጤት ነው።

ናትናኤል በዓለም 1ኛ ደረጃ ላይ ተቀምጦ የነበረ ቢሆንም፣ አሁን ግን የህንድና የአውሮፓ ተወዳዳሪዎች ከፍተኛ ድምፅ በማሰባሰብ 1ኛነቱን ለመንጠቅ እየተረባረቡ ነው።

ውድድሩ ሊጠናቀቅ የቀረው 34 ሰዓታት ብቻ ነው!

​ናትናኤልን ለማሸለም እነዚህን 3 ደረጃዎች ይከተሉ፦

​ሊንኩን ይጫኑ፦ የናትናኤል የውድድር ገጽ

​ይግቡ (Sign In)፦
በGoogle ወይም በኢሜልዎ "Sign in" ያድርጉ (ይህ ድምፅዎ ትክክለኛ መሆኑን ለማረጋገጥ ነው)።

​ላይክ (👍 Like) ያድርጉ፦
የላይክ ምልክቷን በመጫን ናትናኤልን ወደ 1ኛነት ይመልሱት።

​የኢትዮጵያዊያን ስኬት የሁላችንም ኩራት ነው፤ በቴክኖሎጂው ዓለም ዋንጫውን ወደ ሀገራችን እናምጣ!

​#getu #nathnaelgetaneh #aws #ai #ivyai #ethiopiangenius #voteforethiopia #techinnovation #africarising #ናትናኤልጌታነው #ኢትዮጵያ #አማዞን #ድምፅእንስጥ #ጌጡተመስገን #getutemesgen

ዳሸን ባንክ አዳዲስ የዲጂታል አገልግሎቶችን ይፋ አደረገ

​#ethiopia | ዳሸን ባንክ የቴክኖሎጂ አድማሱን በማስፋት እስከ 6 ሚሊዮን ብር የሚደርስ የገንዘብ ሽልማት የሚያስገኝ የሱፐር አፕ ማስተዋወቅ ውድድርን ጨምሮ አራት አዳዲስ የዲጂታል አገልግሎቶችን ዛሬ መጋቢት 24 ቀን 2018 ዓ.ም በአዲስ አበባ ዩኒቨርሲቲ የንግድ ሥራ ትምህርት ቤት ባዘጋጀው ደመቅ ያለ ስነ-ሥርዓት ላይ በይፋ አስጀምሯል።

ባንኩ ያስጀመራቸው እነዚህ አገልግሎቶች የደንበኞችን የባንክ አጠቃቀም ዘመናዊና ምቹ ለማድረግ የታለሙ ሲሆኑ፣ በተለይም የይዘት ፈጣሪዎች ስለ ዳሸን ሱፐር አፕ የሚሰሩት የቲክቶክ ቪዲዮ ከአንድ ሚሊዮን በላይ ዕይታ ሲያገኝና በደጋፊዎች ድምፅ ሲታጀብ ቀዳሚ ለሚወጡት የ3 ሚሊዮን፣ የ2 ሚሊዮን እና የ1 ሚሊዮን ብር ሽልማቶችን በቅደም ተከተል የሚያበረክት ይሆናል።

​ከሽልማቱ ጎን ለጎን ባንኩ የፋይዳ ብሄራዊ መታወቂያን በመጠቀም ደንበኞች ባሉበት ሆነው በስልካቸው ብቻ የባንክ ሒሳብ እንዲከፍቱ የሚያስችለውን የዲጂታል ኦን-ቦርዲንግ አገልግሎት አስተዋውቋል፤ ይህም በኢትዮጵያ የባንክ ኢንዱስትሪ ውስጥ አዲስ የታሪክ ምዕራፍ የከፈተ አሰራር ሆኖ ተመዝግቧል።

ከዚህ በተጨማሪ የዳሸን ሱፐር አፕ ተጠቃሚዎች መተግበሪያውን ለሌሎች በማስተዋወቅ የማበረታቻ ክፍያ እንዲያገኙ የሚያስችለው የዳሸን ስታር ሪፈራል ፕሮግራም የተጀመረ ሲሆን፣ በተለይም የከፍተኛ ትምህርት ተቋማት ተማሪዎች በዚህ ፕሮግራም ተሳታፊ በመሆን ተጠቃሚ እንዲሆኑ ጥሪ ቀርቧል።

​ሌላው በዕለቱ ይፋ የተደረገው ትልቅ አገልግሎት ከማስተር ካርድ ጋር በመተባበር የቀረበው የዳሸን ቨርቹዋል ካርድ ሲሆን፣ ይህ አገልግሎት ደንበኞች እንደ አማዞን፣ አሊባባ እና ኔትፍሊክስ ባሉ ዓለም አቀፍ የንግድ ድረ-ገጾች ላይ ክፍያዎችን በቀላሉ እንዲፈፅሙና ከውጭ ሀገር የሚላክላቸውን ሐዋላ በተሻለ ሁኔታ እንዲቀበሉ ያስችላቸዋል።

በአሁኑ ወቅት ከሁለት ሚሊዮን በላይ ተጠቃሚዎችን ያፈራውና ከ250 ቢሊዮን ብር በላይ የገንዘብ ዝውውር ያስተናገደው የዳሸን ሱፐር አፕ፣ ከነዚህ አዳዲስ አገልግሎቶች በተጨማሪ እስከ 30 ሚሊዮን ብር የሚደርስ ጠቅላላ የሽልማት ገንዘብ ያለው የዕድል ጨዋታ በማቅረብ የደንበኞቹን ተጠቃሚነት ለማረጋገጥ እየሰራ መሆኑ ተገልጿል።

Getu Temesgen - (ጌጡ ተመስገን)
#getutemesgen #getu #ጌጡ

​#dashenbank #dashensuperapp #digitalbanking #ethiopianbanking #tiktokchallenge #virtualcard #mastercard #digitalonboarding #faydaid #techinnovation

ኢትዮ ቴሌኮም "teleSign" የተሰኘውን የዲጂታል ፊርማ መድረክ በይፋ አስጀመረ

​#ethiopia |​ ኢትዮ ቴሌኮም ከውጭ ጉዳይ ሚኒስቴር፣ ከፍትህ ሚኒስቴር እና ከሰነዶች ማረጋገጫና ምዝገባ አገልግሎት ጋር በመተባበር "teleSign" የተሰኘ አዲስ የዲጂታል ፊርማ መድረክ በይፋ ወደ ሥራ አስገብቷል።

ይህ ዘመናዊ መድረክ የመንግስት ተቋማት የአሰራር ስርዓታቸውን ወደ ዲጂታል በመቀየር ለዜጎች ቀልጣፋ፣ ግልፅና ወረቀት አልባ አገልግሎት እንዲሰጡ የሚያስችል ሲሆን፣ "ዲጂታል ኢትዮጵያ 2030" ራዕይን ለማሳካት የሚደረገውን ጉዞ በእጅጉ ያፋጥነዋል።

ቴክኖሎጂው በአርቴፊሻል ኢንተለጀንስ (AI) የታገዘ የማንነት ማረጋገጫ (Liveness Detection) ስርዓትን የሚጠቀም በመሆኑ፣ የሰነድ መጭበርበርንና ስርቆትን በመከላከል ረገድ ከፍተኛ አስተማማኝነትን ያረጋግጣል።

​በማስጀመሪያ መርሃ ግብሩ ላይ የተገኙት የውጭ ጉዳይ ሚኒስትር ዴኤታ ክቡር አምባሳደር ብርሃኑ ጸጋዬ፣ መድረኩ በተለይ በውጭ ሀገር ለሚኖሩ ኢትዮጵያውያንና ትውልደ ኢትዮጵያውያን ያለውን ፋይዳ አጽንኦት ሰጥተው አብራርተዋል።

እንደ አምባሳደሩ ገለጻ፣ ቀደም ሲል ዳያስፖራው የውክልና ሥልጣንና ሌሎች የሰነድ ማረጋገጫ አገልግሎቶችን ለማግኘት በአካል ኤምባሲዎች መገኘት ይገደድ የነበረ ቢሆንም፣ አሁን ግን ይህ "ድንበር የለሽ ቴክኖሎጂ" ዜጎች ባሉበት ሆነው በደቂቃዎች ውስጥ ጉዳያቸውን እንዲያስፈጽሙ በማድረግ እንግልትንና ወጪን በእጅጉ ይቀንሳል።

​የፍትህ ሚኒስትር ዴኤታ አቶ በላይሁን ይርጋ በበኩላቸው፣ የዲጂታል ፊርማው በሀገሪቱ የዲጂታል ፊርማ አዋጅ መሠረት ሙሉ የሕግ ከላላና ተቀባይነት ያለው መሆኑን ገልጸዋል። የአሰራር ስርዓቱን ከሰው ንክኪ ነፃ ማድረጉ በፍትህ ሥርዓቱ ውስጥ ሊያጋጥሙ የሚችሉ ሕገ-ወጥ ድርጊቶችን ለመከላከል ትልቅ አቅም እንደሚፈጥርም ጠቁመዋል።

ከዚሁ ጋር በተያያዘ የሰነዶች ማረጋገጫና ምዝገባ አገልግሎት ዋና ዳይሬክተር አቶ ሀሚድ ኪኒሶ እንደገለፁት ፣ ከተቋሙ ባህላዊ አሰራር ወደ ዘመናዊ ዲጂታል ሽግግር የተደረገ ወሳኝ እርምጃ መሆኑንና ከብሔራዊ መታወቂያ (Fayda) ጋር መገናኘቱ ማንነትን በአስተማማኝ ሁኔታ ለማረጋገጥ እንደሚያስችል ገልጸዋል።

​የኢትዮ ቴሌኮም ዋና ሥራ አስፈጻሚ ወይዘሪት ፍሬህይወት ታምሩ፣ ኩባንያቸው ከግንኙነት አገልግሎት አቅራቢነት ወደ ዲጂታል አገልግሎት አቅራቢነት እያደረገ ያለውን ስኬታማ ሽግግር አውስተዋል።

የቴሌሳይን መድረክ የላቀ የቴክኖሎጂ ውጤቶችንና የቴሌብር (telebirr) ክፍያ ሥርዓትን በማቀናጀት ለተቋማትም ሆነ ለግለሰቦች ደህንነቱ የተጠበቀና ፈጣን ዲጂታል ምህዳር እንደሚፈጥር አስረድተዋል።

ተገልጋዮች ይህንን አገልግሎት በቴሌሳይን መተግበሪያ (teleSign App)፣ በድረ-ገፅ ወይም በQR ኮድ አማካኝነት በቀላሉ ማግኘት የሚችሉ ሲሆን፣ ይህም ኢትዮጵያ በአለም አቀፍ ደረጃ ተወዳዳሪ የዲጂታል ኢኮኖሚ ባለቤት እንድትሆን ከፍተኛ ሚና ይጫወታል።

Getu Temesgen - (ጌጡ ተመስገን)
#getutemesgen #getu #ጌጡ

​#ethiotelecom #telesign #digitalethiopia2030 #digitalsignature #telebirr #techinnovation #ethiopiadigitaltransformation

በሰከንድ አንድ ሚሊዮን ጥሪዎችን ማስተናገድ የሚችል የትራንስፖርት አማራጭ ይፋ ተደረገ
#ethiopia | ይህንን አዲስ የክፍያ አማራጭ ወደ ዘርፉ ያስገባው ዘማይ የተባለው የግል ማህበር ነው።

ይህንን አማራጭ የሚፈልጉ ዜጎች ወደ 6312 የጥሪ ማዕከል በመደወል መገልገል ይችላሉ ነው የተባለው።

ማህበሩ "ዘማይ ጉዞ" እና "ዘማይ ብር " የተሰኙ ሁለት አገልግሎቶች ዛሬ በመስቀል አደባባይ ባከናወነው ስነስርአት ለህዝብ ይፋ አድርጓል።

ድርጅቱ ስራውን በ1,680 የኤሌክትሪክ ተሽከርካሪዎች የጀመረ ሲሆን በቀጣይም ቁጥራቸውን ወደ 30,000 የማሳደግ ሰፊ እቅድ መያዙን ገልጿል።

​እነዚህ ተሽከርካሪዎች ሙሉ በሙሉ በኤሌክትሪክ የሚሰሩ በመሆናቸው ከአካባቢ ብክለት ነጻ ከመሆናቸውም በላይ ለሀገሪቱ የአረንጓዴ አሻራ መርሃ ግብር ትልቅ እገዛ ያደርጋሉ ተብሏል።

​የጉዞ መነሻ ዋጋው 100 ብር ሆኖ በየኪሎሜትሩ ደግሞ 12 ብር በሚታሰብበት ዋጋ ለህብረተሰቡ አቅርቢያለሁ ብሏል።

​ከደህንነት አንጻርም አሽከርካሪዎቹ በቂ ስልጠና የተሰጣቸው ሲሆን ተሽከርካሪዎቹም ተሳፋሪዎች ንብረት ቢረሱ የሚጠቁም የደወል ምልክትና ገመድ አልባ የስልክ ቻርጀር የተገጠመላቸው ናቸው ተብሏል።

​የመኪናዎቹ ንጽህና በዘመናዊ የእንፋሎት እጥበት የሚከናወን በመሆኑ የኤሌክትሪክ አካላቶቻቸው ከውሃ ንክኪ ተጠብቀው እንዲቆዩ ያስችላል ተብላል።

​ከዚህ በተጨማሪም ዘማይ ብር የተሰኘው መተግበሪያ ከባንኮችና ከቴሌብር ጋር የተሳሰረ በመሆኑ ለደንበኞች የ20 በመቶ ቅናሽና ቀልጣፋ የክፍያ አማራጭን ይዞ መጥቷል።

​ድርጅቱ በሰከንድ አንድ ሚሊዮን ጥሪዎችን ማስተናገድ የሚችል 6312 የጥሪ ማዕከል በማቋቋም ለሁሉም የህብረተሰብ ክፍሎች ሰፊ የስራ እድልና ዘመናዊ አገልግሎት ለመስጠት ዝግጁቱን ማጠናቀቁን ገልጿል።

Getu Temesgen - (ጌጡ ተመስገን)
#getutemesgen #getu #ጌጡ

​#zemayguzo #zemaybirr #electricvehicles #ethiopia #digitaleconomy #greentransport #techinnovation #addisababa

የምስራች ለባለባጃጆች
አብሪ ሞተርስ የነዳጅ ባጃጆችን ወደ ኤሌክትሪክ ሊቀይር ነው!
#ethiopia | ​የኤሌክትሪክ ተሽከርካሪዎችን በማስመጣትና በመገጣጠም የሚታወቀው አብሪ ሞተርስ (Abri Motors)፣ በሀገራችን ያሉ የነዳጅ ተጠቃሚ ባጃጆችን ወደ ኤሌክትሪክ ለመቀየር የሚያስችል ታሪካዊ ስምምነት ከቻይናው Jingshan Mining and Supply Chain Technology PLC ጋር ተፈራርሟል።

​አንዲት የነዳጅ ባጃጅ በወር እስከ 24 ሺህ ብር ለነዳጅ የምታወጣውን ወጪ፣ ወደ ኤሌክትሪክ በመቀየር ወደ 10 ሺህ ብር ዝቅ ለማድረግ ታቅዷል።

ባለባጃጆች የኤሌክትሪክ ባትሪውን በመግዛት ወይም በኪራይ መጠቀም ይችላሉ።

​ባትሪ ለመሙላት የሚባክነውን 4 ሰዓት ለማስቀረት፣ አንዱን ባትሪ ተጠቅመው ሲጨርሱ ሌላ ተሞልቶ የተዘጋጀ ባትሪ የሚቀይሩበት (Battery Swapping) አሠራር ተመቻችቷል።

የመንግሥትን የነዳጅ ጥገኝነት የመቀነስና የ"ግሪን ሌጋሲ" (Green Legacy) መርሐ ግብርን ዳር ለማድረስ ትልቅ እገዛ ያደርጋል።

​አብሪ ሞተርስ የነዳጅ መኪናዎችን ወደ ኤሌክትሪክ በመቀየር፣ አዳዲስ የኤሌክትሪክ መኪናዎችን በማቅረብና ምቹ የብድር አገልግሎቶችን በማመቻቸት የሚታወቅ ሀገር በቀል ድርጅት ነው።

​#getu #abrimotors #electricbajaj #greenenergy #ethiopia #transportation #techinnovation #sustainabletransport #addisababa #fueltoelectric #አብሪሞተርስ #የኤሌክትሪክባጃጅ #ቴክኖሎጂ #ኢትዮጵያ #ጌጡተመስገን #getutemesgen

ቻይና የዓለማችን ቀዳሚዋ መኪና ላኪ በመሆን ታሪካዊ የበላይነትን ተቀዳጀች
#ethiopia | ቻይና ለረጅም ዓመታት በዘርፉ በጠነከሩት ጃፓን እና ጀርመን ተይዞ የነበረውን የገበያ የበላይነት በመስበር፣ የዓለማችን ቁጥር አንድ መኪና ላኪ ሀገር መሆኗ ተረጋግጧል። ይህ ስኬት በዓለም አቀፉ የመኪና ኢንዱስትሪ ውስጥ ትልቅ የኃይል ሚዛን ለውጥ ማምጣቱ ተነግሯል።

ሀገሪቱ ለኤሌክትሪክ መኪና ምርት በሰጠችው ከፍተኛ ትኩረት የኤክስፖርት መጠኗን በከፍተኛ ሁኔታ ማሳደግ ችላለች።

የቻይና መኪና አምራቾች በባትሪ ቴክኖሎጂ፣ በአቅርቦት ሰንሰለት እና በዘመናዊ የፋብሪካ አውቶሜሽን ላይ ያደረጉት ከፍተኛ ኢንቨስትመንት ውጤት አምጥቷል።

ጥራቱን የጠበቀና በዋጋው ተወዳዳሪ የሆነ ምርት ማቅረብ መቻሏ በዓለም ገበያ ተመራጭ አድርጓታል።

በአሁኑ ወቅት የቻይና መኪናዎች ወደ አውሮፓ፣ መካከለኛው ምስራቅ እና በማደግ ላይ ያሉ ሀገራት ገበያ በስፋት እየተሰራጩ ይገኛሉ።

የዘርፉ ተንታኞች እንደሚሉት፣ ቻይና ትኩረቷን በኤሌክትሪክ መኪናዎች ላይ ማድረጓ የዓለምን የመኪና ኢንዱስትሪ መልክ ሙሉ በሙሉ እየቀየረው ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #china #automotiveindustry #electricvehicles #globaltrade #ev #carexport #techinnovation #economy

ኢትዮ ቴሌኮም የ“ቴሌስትሪም” የተሰኘ አገልግሎት አስተዋወቀ
#ethiopia | የኢትዮ ቴሌኮም የሀገሪቱን የዲጂታል ትራንስፎርሜሽን ጉዞ ለማፋጠንና ዘመናዊ የዲጂታል ሥነ-ምህዳር ለመፍጠር የሚያስችለውን “ቴሌስትሪም” (teleStream) የተሰኘ የይዘት ማስተላለፊያ አገልግሎት በዛሬው ዕለት በይፋ አስጀምሯል።

አገልግሎቱ በፋይበርና በቴሌ ክላውድ መሰረተ-ልማት ላይ የተገነባ መሆኑን የጠቀሱት የኢትዮ ቴሌኮም ዋና ሥራ አስፈጻሚ ወይዘሪት ፍሬህይወት ታምሩ እንደገለጹት፣ ደንበኞች እጅግ ጥራት ያላቸውን ከ60 በላይ የቀጥታ ስርጭት የቴሌቪዥን ጣቢያዎችንና ከ350 በላይ ቪዲዮዎችን ያለ ሳተላይት ዲሽ በቤት ውስጥ የዋይ-ፋይ (Wi-Fi) አማካኝነት በቀላሉ እንዲያገኙ እንደሚያደርግ አስታውቀዋል።

ወይዘሪት ፍሬህይወት አክለውም፣ ኩባንያው የዲጂታል አገልግሎት አሰጣጡን ለማዘመንና የደንበኞችን ተሞክሮ ለማሳደግ የሚያስችለውን “ንክኪ-አልባ” የዲጂታል አሠራር መተግበሩን ገልጸው፣ ይህም ደንበኞች ወደ አገልግሎት መስጫ ማዕከላት ሳይሄዱ በኦንላይን አገልግሎት እንዲያገኙ የሚያስችል መሆኑን አብራርተዋል።

በተጨማሪም የ“ኮፐር ስዊች-ኦፍ” ፕሮጀክትን በማፋጠን እስካሁን ከ79 ሺህ በላይ ደንበኞችን ወደ ፋይበር ኢንተርኔት ማሸጋገር እንደተቻለና ይህም ደንበኞች እጅግ ፈጣንና አስተማማኝ የኢንተርኔት አገልግሎት እንዲያገኙ ዕድል የፈጠረ መሆኑን ዋና ሥራ አስፈጻሚዋ ጠቁመዋል።

የቴሌስትሪም አገልግሎት ለቤተሰቦች፣ ለሆቴሎችና ለንግድ ተቋማት የተሻለ የዲጂታል መዝናኛ አማራጭ ይዞ መምጣቱን የገለጹት ዋና ሥራ አስፈጻሚዋ፣ አገልግሎቱ የሀገሪቱን የዲጂታል 2030 ራዕይ ከግብ ለማድረስ ትልቅ ፋይዳ እንዳለውም አረጋግጠዋል።

📷 ከበደ መክብብ #ethiotelecom #telestream #digitalethiopia #fiberbroadband #techinnovation #zerotouch #telecloud #ethiopiadigital2030

የ60 ሚሊዮን ብር የዲጂታል ሎተሪ ባለዕድለኞች ሽልማታቸውን ተረከቡ
#ethiopia | በኢትዮጵያ የሎተሪ ታሪክ ውስጥ ግዙፍ የተባለውን 60 ሚሊዮን ብር ጨምሮ የሌሎች ከፍተኛ ሽልማቶች የዕጣ አወጣጥ እና የሽልማት አሰጣጥ ሥነ-ሥርዓት በስካይላይት ሆቴል በደመቀ ሁኔታ ተከናውኗል።

👉 አቶ ብርሃኑ ጎበዜ (ከባሌ ጎባ ከተማ) የ60 ሚሊዮን ብር አሸናፊ
👉 አቶ ማስረሻ መላኩ (ከአዲስ አበባ) የ20 ሚሊዮን ብር አሸናፊ
👉 አቶ ብዙነህ ታደሠ (ከቢሾፍቱ ከተማ) የ10 ሚሊዮን ብር አሸናፊ

በተጨማሪም 12 ዕድለኞች እያንዳንዳቸው የ1 ሚሊዮን ብር ባለቤት ሆነዋል።

ባለፉት ሦስት ወራት ከጥቅምት 9 እስከ ጥር 9 በቆየው በዚህ የዲጂታል ሎተሪ መርሃ-ግብር ላይ ከ2 ሚሊዮን በላይ ዜጎች በኢትዮ ሎተሪ ድረ-ገጽ፣ በቴሌ ብር፣ በ8989 አጭር የፅሁፍ መልዕክት (SMS) እና በባንኮች አማካኝነት በቤታቸው ሆነው ዕድላቸውን ሲሞክሩ ቆይተዋል።

በዚህ መርሃ-ግብር ለአሸናፊዎች ከተበረከተው ገንዘብ ባሻገር የኢትዮጵያ ሎተሪ አገልግሎት ከታምኮን ሶፍትዌር ሶሉሽን በመተባበር ለሶስት መንግስታዊ ተቋማት የገንዘብ ድጋፍ አበርክተዋል።

በዚህም መሰረት፡
📍 ለባሌ ሮቤ ከተማ አቅመ ደካሞች የጤና መድህን 1.8 ሚሊዮን ብር፣
📍 ለአዲስ አበባ የፅዳት አስተዳደር ኤጀንሲ 2 ሚሊዮን ብር፣
📍 ለአዲስ አበባ የደንብ ማስከበር ባለስልጣን 2.5 ሚሊዮን ብር ድጋፍ ተደርጓል።

የኢትዮጵያ ሎተሪ አገልግሎት ከታምኮን ሶፍትዌር ሶሉሽን ጋር በመተባበር ያዘጋጀው ይህ የዲጂታል ሽግግር፣ ደህንነቱና ግልፅነቱ የተጠበቀ ዘመናዊ አሰራር መሆኑን በተግባር አሳይቷል።
#ethiopianlottery #digitallottery #bigwin #tamconsoftware #ethiopia #techinnovation #8989sms #telebirr #socialresponsibility #addisababa