በሣውላ ከተማ ሁለተኛው ታላቅ የጎዳና ላይ ሩጫ በታላቅ ድምቀት በመካሄድ ላይ ነው
#ethiopia | በጎፋ ዞን ሣውላ ከተማ ሁለተኛው ታላቅ የጎዳና ላይ ሩጫ ከፍተኛ ቁጥር ያላቸው የማህበረሰብ ክፍሎችና አመራሮች በተገኙበት በደማቅ ሁኔታ እየተካሄደ ይገኛል።

በዚህ መርሃ ግብር ላይ የጎፋ ዞን ዋና አስተዳዳሪ ኢንጂነር ዳግማዊ አየለ፣ የዞኑ ብልፅግና ፓርቲ ቅርንጫፍ ጽሕፈት ቤት ኃላፊ አቶ ጋሻያለው ገላን፣ የዞኑ የስራ አስተባባሪዎችና አመራሮች እንዲሁም ጥሪ የተደረገላቸው እንግዶች ከህብረተሰቡ ጋር በመሆን ተሳትፎ በማድረግ ላይ ናቸው።

የዚህ የጎዳና ላይ ሩጫ ዋነኛ ዓላማ ለጎፋ አንድነትና ሰላም በጋራ እንሮጣለን በሚል መልእክት ሲሆን፣ በተጨማሪም የጎፋ ጋዜ ማስቃላ እና የኦይዳ ዮኦ ማስቃላ ባህላዊ እሴቶችንና ጭፈራዎችን ለዓለም ማስተዋወቅና በዩኔስኮ ለማስመዝገብ የሚደረገውን ጥረት ለማገዝ ያለመ እንደሆነ ተነግሯል።

ለተከታታይ ሁለት ቀናት በሚከበረው በዓል የመጀመሪያ ቀን ውድድሩ በባህላዊ ጨዋታዎችና በህዝባዊ ተሳትፎ አምሮ የተጀመረ ሲሆን፣ ከዞኑ ልዩ ልዩ አካባቢዎች የተሰበሰቡ የህብረተሰብ ክፍሎች በነቃ ሁኔታ በመሳተፍ ላይ ይገኛሉ።

የጎዳና ላይ ውድድሩ ሲጠናቀቅ ለአሸናፊ መደበኛ ሯጮች የሽልማት ስነ ስርዓት እንደሚከናወንም ታውቋል።
#sawla #gofa #gofazone #streetrun #masqala #ethiopianews #getutemesgen #getu #ጌጡ #ጌጡተመስገን #addisababa

በሳውላ አጠቃላይ ሆስፒታል አራት መንትዮችን ለወለደችው እናት ማህበራዊና ቁሳቁሳዊ ድጋፍ ተደረገ
#ethiopia | በጎፋ ዞን ሳውላ አጠቃላይ ሆስፒታል በአንድ ጊዜ አራት ህፃናትን በሰላም የተገላገለችውን እናት የዞኑ እና የከተማ አስተዳደሩ ከፍተኛ አመራሮች በአካል ተገኝተው ጠይቀዋል።

የሳውላ ከተማ ከንቲባ አቶ በላይነህ ባህሩ እና የጎፋ ዞን አስተዳደር ጽህፈት ቤት ኃላፊ አቶ ባንቲ ጎሽመን ጨምሮ ሌሎች አመራሮች በሆስፒታሉ በመገኘት ለእናቲቱ እና ለህፃናቱ መልካም ምኞታቸውን አስተላልፈዋል።

በተጨማሪም በመጀመሪያ ዙር የሚሆኑ የምግብ ቁሳቁሶችን፣ የንፅህና መጠበቂያዎችን እና አልባሳትን በስጦታ አበርክተዋል።

አመራሮቹ የህፃናቱን እና የእናቲቱን ሁኔታ በቀጣይነት በመከታተል የዞኑ እና የከተማ አስተዳደሩ አስፈላጊውን ድጋፍ አጠናክረው እንደሚቀጥሉ አረጋግጠዋል።

በሆስፒታሉ በተደረገላቸው የህክምና ክትትል መሰረት በአሁኑ ወቅት እናቲቱም ሆነ አራቱ ህፃናት በጥሩ ጤንነት ላይ ይገኛሉ።

ይህ አጋጣሚ ትልቅ ደስታን የፈጠረ ሲሆን፣ የተደረገው ድጋፍም የማህበረሰቡን ደግነት እና ለእናቶችና ህፃናት የሚሰጠውን ከፍተኛ ትኩረት ያሳያል።
#gofa #sawla #health #maternalhealth #ethiopiannews #getutemesgen #getu #ጌጡ #ጌጡተመስገን #addisababa

በሦስት ሕፃናት ላይ አሰቃቂ ግድያ የፈጸመው ግለሰብ በሞት እንዲቀጣ ተወሰነ
#ethiopia | የጎፋ ዞን ከፍተኛ ፍርድ ቤት፣ በሦስት ሕፃናት ላይ የግድያ ወንጀል እና በአንድ ሕፃን ላይ ደግሞ የግድያ ሙከራ በፈጸመ ግለሰብ ላይ የሞት ቅጣት አስተላለፈ።

የፍርድ ቤቱን ውሳኔ የተመለከቱ ዋና ዋና ነጥቦች፦

* የወንጀሉ ዝርዝር፦ ተከሳሹ አቶ አሮን ዮሐንስ፣ በገዜ ጎፋ ወረዳ አንኮ ጎልማ ቀበሌ ውስጥ ሕዳር 11 ቀን 2018 ዓ.ም ሦስት ሕፃናትን በአሰቃቂ ሁኔታ በመግደል እና በአንዲት ሕፃን ላይ የግድያ ሙከራ በማድረግ በአራት የክስ መዝገቦች ተከሷል።

* የሕግ ጥሰቱ፦ ግለሰቡ የኢ.ፌ.ዴ.ሪ የወንጀል ሕግ አንቀፅ 539 ንዑስ አንቀፅ 1(ሀ)ን በመተላለፍ ክስ ተመስርቶበታል።

* የፍርድ ሂደቱ፦ ፍርድ ቤቱ የዐቃቤ ሕግን የሰውና የሰነድ ማስረጃዎች ከመረመረ በኋላ ተከሳሹ እንዲከላከል ቢጠየቅም፣ "የመከላከያ ማስረጃ የለኝም" በማለቱ በአራቱም ክሶች ጥፋተኛ ተብሏል።

* የቅጣት ውሳኔው፦ ወንጀሉ የተፈጸመው በሕፃናት ላይ መሆኑና ድርጊቱም እጅግ አሰቃቂና ጨካኝ በመሆኑ፣ ዐቃቤ ሕግ የቅጣት ማክበጃ አቅርቧል። በዚህም መሠረት ፍርድ ቤቱ መጋቢት 9 ቀን 2018 ዓ.ም በዋለው ችሎት ተከሳሹ በሞት እንዲቀጣ በአንድ ድምፅ ወስኗል።

Getu Temesgen - (ጌጡ ተመስገን)
#መናኸሪያFM #getutemesgen #getu #ጌጡ #gofa #justice #ethiopia #courtruling #childsafety #news #humanrights

🎓 የነፃነት ጮራ!
ለ60 ዓመታት ትውልድ የቀረፁት መምህር ጠምቀ...
#ethiopia | ​ከአክሱም ማይብራዚዬ ገዳም የቤተ ክህነት እውቀት እስከ ጎንደር ዘመናዊ ትምህርት... ከዚያም ወደ አዲስ አበባ በመምጣት በ1957 ዓ.ም በቄራ እና ጎፋ አካባቢ "የነፃነት ጮራ ትምህርት ቤትን" የመሰረቱት ታላቁ አባት!

​መምህር ጠምቀ፤ ትምህርት ቤታቸው በደርግ ዘመን ቢወረስም፤ ዓላማቸውን ግን ማንም አልወረሰባቸውም።

በፅናት እና በታማኝነት መምህርነትን እንደ ሥራ ሳይሆን እንደ ሕይወት ተልዕኮ በመቁጠር በርካታ ሀኪሞችን፣ ኢንጂነሮችን፣ ጋዜጠኞችን እና ተመራማሪዎችን አፍርተዋል።

​ልዩ የክብር መርሐግብር!
እኚህን በሕይወት ያሉ ታላቅ ባለውለታ ለመዘከር እና ያበረከቱትን አስተዋጽኦ ለማክበር፤ በቀድሞ ተማሪዎቻቸው፣ ወዳጆቻቸው እና ቤተሰቦቻቸው ጥያቄ መሰረት ልዩ ዝግጅት ተሰናድቷል።

​📅 ጥር 16 ቀን 2018 ዓ.ም

​በዕለቱ ምን ይጠበቃል?
📘 የሕይወት ታሪካቸውን የሚዘክረው "የትምህርት ጮራ" የተሰኘ ባለ 80 ገጽ መጽሐፍ ይመረቃል።

🎙 ከትምህርት ባልደረቦቻቸው እና ከተማሪዎች ጋር የፓናል ውይይት ይደረጋል።

🎖 የትምህርት ቢሮ እና የመንግስት የሥራ ኃላፊዎች በተገኙበት ምስጋና ይቀርባል።

​በሕይወት እያሉ ባለውለታዎቻችንን እናክብር!
የነፃነት ጮራ ፍሬዎች እንኳን ደስ አላችሁ!

​#netsanetchora #school #education #teachertemke #tribute #addisababa #kera #gofa #ethiopia​ #alumni​ #education #hero #teacher #netsanetchora #thankyouteacher