በአርባምንጭ ከተማ የኮሪደር ልማት የመብራት ምሰሶ ላይ ጉዳት ያደረሰው አሽከርካሪ 1 ሚሊዮን ብር ተቀጣ

በአርባምንጭ ከተማ በኮሪደር ልማት ሥራ የተተከለ ዘመናዊ የመንገድ ዳር መብራት ምሰሶ (ፖል) በመግጨት ውድመት ያደረሰ አሽከርካሪ በቁጥጥር ሥር ውሎ 1 ሚሊዮን ብር እንዲቀጣና የወደመውን ሀብት በራሱ ወጪ ወደ ነበረበት እንዲመልስ ተወሰነ።

በከተማዋ ሲቀላ ክፍለ ከተማ አሽከርካሪው ተሽከርካሪ ለማንቀሳቀስ ባልተፈቀደ ቦታ ላይ በማሽከርከር በከፍተኛ ወጪ የተተከለውን ስማርት የመብራት ምሰሶ በመግጨት ከፍተኛ ጉዳት ማድረሱ ተገልጿል።

ድርጊቱ ከተፈጸመ በኋላ የአርባምንጭ ከተማ ደንብ አስከባሪ ጽሕፈት ቤት ከከተማው ትራፊክ ፖሊስ ጋር ባደረጉት የተቀናጀ ክትትል ጥፋተኛውን አሽከርካሪ በቁጥጥር ሥር ማዋል ተችሏል።

የከተማው ደንብ አስከባሪ ጽሕፈት ቤት ኃላፊ አቶ ሰራዊት ገዛኸኝ እንዳስታወቁት፣ በቸልተኝነት በሚፈጸሙ ጥፋቶች የመንግሥትና የሕዝብ ሀብት እንዳይባክን እና አስተማሪ ሕጋዊ እርምጃ ለመውሰድ ሲባል የተሰበረውንና የወደመውን ስማርት የመብራት ምሰሶ በራሱ ወጪ ወደ ነበረበት እንዲመልስ።

ጥፋተኛውን በቁጥጥር ሥር ለማዋል ከነዋሪዎች የተገኘው የጥቆማ ትብብር ከፍተኛ ሚና እንደነበረው የገለጹት አቶ ሰራዊት፣ ለኅብረተሰቡ ምስጋናቸውን አቅርበዋል።

ኃላፊው አክለውም ለከተማዋ እድገትና ለነዋሪዎች ምቾት በከፍተኛ ወጪ የተገነቡ የኮሪደር ልማት ሥራዎችንና ሌሎች መሠረተ ልማቶችን በሚያበላሹ ወይም ሕግ በሚተላለፉ አካላት ላይ የሚወሰደው ሕጋዊ እርምጃ ተጠናክሮ እንደሚቀጥል አሳስበዋል።

Seledadotio
Seledadotio

‎የኢትዮጵያ ኤሌክትሪክ አገልግሎት በ2018 በጀት ዓመት 118.91 ቢሊዮን ብር ገቢ ሰበሰበ
‎
‎#ethiopia | ​የኢትዮጵያ ኤሌክትሪክ አገልግሎት በ2018 በጀት ዓመት አስመዝግቦት የነበረውን አጠቃላይ የሥራ አፈጻጸም እና የ2019 በጀት ዓመት ዕቅዱን አስመልክቶ የድርጅቱ ዋና ሥራ አስፈጻሚ ኢንጂነር ጌቱ ገረመው ለሚዲያ አካላት መግለጫ ሰጥተዋል።
‎
‎በመግለጫቸውም ተቋሙ በበጀት ዓመቱ ያቀዳቸውን አብዛኞቹን ዋና ዋና ግቦች በላቀ ደረጃ ማሳካት መቻሉን እና በተለይም በአዳዲስ ደንበኞች ትስስር ረገድ በተቋሙ ታሪክም ሆነ በአፍሪካ ደረጃ አዲስ ምዕራፍ የከፈተ ውጤት ማስመዝገቡን ይፋ አድርገዋል።
‎
‎​በበጀት ዓመቱ 800 ሺህ አዳዲስ ደንበኞችን የአገልግሎቱ ተጠቃሚ ለማድረግ ታቅዶ የነበረ ሲሆን፣ 664 ሺህ 505 አባወራዎችን በማገናኘት የ83.1 በመቶ ስኬት ተመዝግቧል።
‎
‎ይህም አፈጻጸም ከቀደመው ዓመት ጋር ሲነጻጸር የ32.5 በመቶ እድገት ያሳየ ሲሆን፣ ተቋሙን በዓይነቱ ከአፍሪካ መሰል የኃይል አቅርቦት ኩባንያዎች የመሪነት ደረጃ ላይ አሰልፎታል።
‎
‎በተጨማሪም የገጠር ኤሌክትሪፊኬሽን ፕሮግራሙን በማጠናከር ከዋናው ግሪድ እና ከኦፍ-ግሪድ የፀሐይ ኃይል አማራጮች 205 አዳዲስ የገጠር ቀበሌዎችንና መንደሮችን የኃይል ተጠቃሚ ማድረግ የተቻለ ሲሆን፣ ይህም በአገሪቱ አጠቃላይ የኤሌክትሪክ ተደራሽ የሆኑ የገጠር አካባቢዎችን ቁጥር ወደ 7 ሺህ 908 አድርሶታል።
‎
‎​በፋይናንስና በገቢ አሰባሰብ ረገድም ተቋሙ አስደናቂ ስኬት ያስመዘገበ ሲሆን፣ ከኢነርጂ ሽያጭ፣ ከአዳዲስ ደንበኞች መስተንግዶና ከሌሎች ልዩ ልዩ የገቢ ምንጮች 115.86 ቢሊዮን ብር ለመሰብሰብ አቅዶ 118.91 ቢሊዮን ብር በመሰብሰብ የ103 በመቶ አፈጻጸም አሳይቷል።
‎
‎ይህ የገቢ መጠን ከቀደመው በጀት ዓመት ጋር ሲነጻጸር የ88.4 በመቶ ከፍተኛ እድገት ያሳየ ነው። ለዚህ አፈጻጸም መሻሻል የዲጂታል ክፍያ አማራጮች መስፋፋት ከፍተኛ አስተዋጽኦ ያበረከተ ሲሆን፣ በአሁኑ ወቅት የዲጂታል ክፍያ የሚጠቀሙ ደንበኞች ቁጥር 95.3 በመቶ ደርሷል።
‎
‎በተጨማሪም ተቋሙ ከስርቆትና ከኃይል ብክነት የመከላከል ሥራዎችን በማጠናከር ከ2.2 ቢሊዮን ብር በላይ ለተቋሙ ገቢ ማድረግ ችሏል።
‎
‎​ተቋሙ የአገልግሎት ጥራትን ለማሻሻልና የኃይል መቆራረጥን ለመቀነስ ሰፊ የዲስትሪቢዩሽን መስመሮች ማሻሻያ፣ የትራንስፎርመር ጥገናና የአቅም ማሳደግ ሥራዎችን ያከናወነ ቢሆንም፣ አሁንም የመሰረተ ልማት እርጅና፣ የግብዓትና የነዳጅ እጥረት እንዲሁም የመሰረተ ልማቶች ስርቆትና ውድመት ዋና ዋና ተግዳሮቶች እንደነበሩ ተገልጿል።
‎
‎ሆኖም ተቋሙ የተደቀኑበትን ተግዳሮቶች በመቋቋም የቴክኖሎጂ ትግበራዎችን አጠናክሮ በመቀጠል፣ ለሀገር ኢኮኖሚ እድገትና ለዲጂታል ኢትዮጵያ 2030 ስኬት የሚጠበቅበትን የላቀ ሚና አጠናክሮ እንደሚቀጥል ዋና ሥራ አስፈጻሚው ገልጸዋል።
‎
‎ጌትነት ተመስገን
‎
‎#ethiopianelectricutility #eeu #ethiopia #energysector #ethiopianeconomy #digitalethiopia2030 #ruralelectrification #offgridenergy #performancereport #africaenergy

(ዘ-ሐበሻ ዜና) በአሜሪካ ዋሽንግተን ዲሲ አቅራቢያ በሚገኘው የሜሪላንድ ግዛት ውስጥ፣ በ13 ዓመት ታዳጊ እየተነዳ በነበረ የተሰረቀ መኪና እና በሌላ ተሽከርካሪ መካከል በደረሰ ከባድ ግጭት የ58 ዓመት አዛውንት ህይወት ማለፉን የሞንትጎመሪ ካውንቲ ፖሊስ መምሪያ አስታወቀ።

አደጋው ነሐሴ 4 ቀን 2026 እኩለ ሌሊት አልፎ ንጋት ላይ በጀርማንታውን አካባቢ የተከሰተ ሲሆን፣ በቦታው የደረሱ የድንገተኛ አደጋ ሰራተኞች ኋይት 2015 ኪያ ኦፕቲማ እና 2007 ዮዮታ ማትሪክስ የተባሉትን ሁለቱን ተሽከርካሪዎች ከፍተኛ ውድመት ደርሶባቸው አግኝተዋቸዋል። በአደጋው የቶዮታ መኪና አሽከርካሪ የነበረው እና የቨርጂኒያ ግዛት ነዋሪ ዊሊያም ቫንስ ፓይን ዳግማዊ በቦታው ላይ ህይወቱ ማለፉ ተረጋግጧል።

ፖሊስ ባደረገው ማጣራት ከተከሰቱት ሰዓታት በፊት ተሰርቆ የነበረው የኪያ መኪና ውስጥ ዕድሜያቸው ከ12 እስከ 15 ዓመት የሆኑ ሰባት ህጻናት ተሳፍረው እንደነበር ተገልጿል። መኪናውን እየነዳ የነበረው የ13 ዓመት ወንድ ታዳጊ ሲሆን፣ አደጋውን ተከትሎ በከባድ የጉዳት ሁኔታ ወደ ሆስፒታል ተወስዷል። ሌሎች በጉዞው ላይ የነበሩት ህጻናትም ወደ አካባቢው የድንገተኛ ህክምና ማዕከላት መዘዋወራቸውን የፖሊስ ተናጋሪዎች አረጋግጠዋል።

ህይወቱ ያለፈው ዊሊያም ቫንስ ፓይን የብሔራዊ የደረጃዎች እና ቴክኖሎጂ ኢንስቲትዩት (NIST) የሜካኒካል ኢንጂነሪንግ ባለሙያ እና የአምስት ልጆች አባት ሲሆን፣ አደጋው የደረሰው ወደ ስራ በመጓዝ ላይ በነበረበት ወቅት ነው። የሞንትጎመሪ ካውንቲ ፖሊስ መምሪያ በጉዳዩ ላይ ጥልቅ ምርመራ መጀመሩን ገልጾ፣ የወላጆችን ክትትል እና የልጆችን ደህንነት በተመለከተ አሳሳቢ መሆኑን አመልክቷል።

መኪና ያላችሁ ወላጆች ጥንቃቄ አድርጉ!

(ዘ-ሐበሻ ዜና) ጃኬን አሳታሚ ኃላፊነቱ የተወሰነ የግል ማህበር ባለፉት ጥቂት ቀናት ውስጥ በድርጅቱ፣ በሰራተኞቹ እና በንብረቶቹ ላይ የተፈጸሙ ተከታታይ እና ከባድ ጥቃቶችን አስመልክቶ ለአጋሮቹ፣ ለዲፕሎማቲክ ማህበረሰቡ፣ ለሰብአዊ መብት ተሟጋቾች እና ለመላው ህዝብ ይፋዊ መግለጫ አውጥቷል።

በመግለጫው መሰረት ቅዳሜ ኦገስት 1 ቀን 2026 የ'አዲስ ስታንዳርድ' ዋና አዘጋጅ የሆነው ዮናስ ከድር በጸጥታ ኃይሎች ታፍኖ ከተወሰደ በኋላ ለ24 ሰዓታት ያህል አካላዊ ጥቃት እና የተራዘመ ምርመራ ተፈጽሞበታል። ዋና አዘጋጁ ከተለቀቀ በኋላ በደረሰበት ጥቃት ዙሪያ ዝርዝር የጽሁፍ ሪፖርት ለድርጅቱ የህግ ክፍል ያቀረበ ሲሆን፣ ይህም ማስረጃ ለቀጣይ የህግ ሂደት አካል ሆኖ መያዙን አሳታሚው ገልጿል።

በማግስቱ እሁድ ኦገስት 2 ቀን 2026 ደግሞ ከባድ መሳሪያ የታጠቁ የጸጥታ እና የደህንነት ኃይሎች ያለምንም ህጋዊ ሂደት ወደ አዲስ ስታንዳርድ ቢሮ በመግባት በልዩ ሁኔታ ከተገነባው የፕሮዳክሽን ስቱዲዮ ውስጥ ከፍተኛ መጠን ያላቸውን የመልቲሚዲያ እቃዎች ወስደዋል። ከጥቃቱ በኋላ የድርጅቱ የሰው ሀብት አስተዳደር እና የህንፃው አስተዳደር ባደረጉት ማጣራት፣ በርካታ ፕሮፌሽናል 4K የቪዲዮ ካሜራዎች፣ ትሪፖዶች፣ የድምፅ መቅረጫ መሳሪያዎች እና ሌሎች ለስራው እጅግ አስፈላጊ የሆኑ የብሮድካስት ግብዓቶች መወሰዳቸውን አረጋግጠዋል። በተጨማሪም በስቱዲዮው የብርሃን ስርዓቶች እና በተያያዥ መሳሪያዎች ላይ ሆን ተብሎ የተፈጸመ የውድመት ድርጊት መስተዋሉን አሳታሚው ጠቁሟል። የጠፉት እና የወደሙት ንብረቶች ሙሉ ዝርዝር እና ግምት ለህግ ሂደት እንዲያገለግል ተሰንዶ ተቀምጧል።

በድርጅቱ ላይ ያለው ጫና ይበልጥ ተባብሶ ሰኞ ኦገስት 3 ቀን 2026፣ ጃኬን አሳታሚ ላለፉት 16 ዓመታት ሲሰራበት የነበረው ህንፃ አስተዳደር በፖሊስ በተደረገበት ጫና ምክንያት ኩባንያው በሶስት ቀናት ውስጥ ቢሮውን ለቆ እንዲወጣ የማስጠንቀቂያ ደብዳቤ እንዲሰጥ ተገዷል። ሆኖም የጃኬን የህግ ክፍል ይህ የማስወጣት እርምጃ ህጋዊ የውል መሰረት የሌለው እና አስገዳጅ የሆነውን የኪራይ ውል የሚጥስ መሆኑን በመግለጽ ማስጠንቀቂያውን ለመቃወም ህጋዊ እርምጃ መጀመሩን አስታውቋል።

እነዚህ ተከታታይ ክስተቶች የተፈጸሙት ጃኬን አሳታሚ የኢትዮጵያ ሚዲያ ባለስልጣን የ'አዲስ ስታንዳርድ'ን የኦንላይን ሚዲያ ምዝገባ ፈቃድ ለመሰረዝ ያሳለፈውን ውሳኔ በመቃወም ፍርድ ቤት ባቀረበው አቤቱታ ላይ የህግ ክትትል እያደረገ ባለበት ወቅት ነው። ይህ የድርጊቶች ቅደም ተከተል ነጻ የሚዲያ ተቋማት ከማስፈራራት እና ከህገ-ወጥ ጣልቃ ገብነት ነጻ ሆነው ለመስራት ያላቸውን አቅም፣ እንዲሁም የህግ የበላይነት መኖር ላይ ጥልቅ ስጋት የሚፈጥር ነው ሲል ድርጅቱ ገልጿል።

ጃኬን አሳታሚ የፍትህ ሚኒስቴር፣ የኢትዮጵያ ፌደራል ፖሊስ እና የአዲስ አበባ ፖሊስ ኮሚሽን የድርጅቱ የህግ ክፍል በሚያደርገው ማጣራት ላይ ሙሉ ትብብር እንዲያደርጉ፣ የተወሰደው እርምጃ ህጋዊ መሰረት እንዲገለጽ እና ተጠያቂነት እንዲሰፍን ጥሪ አቅርቧል። እንዲሁም የሀገሪቱ የፍትህ ተቋማት የህግ ሂደትን እንዲያከብሩ እና በህገ-መንግስቱ የተረጋገጠውን የሀሳብን በነጻነት የመግለጽ፣ የፕሬስ ነጻነት እና የህግ የበላይነት መብቶችን እንዲያስጠብቁ አሳስቧል።

ጃኬን አሳታሚ ኃ/የተ/የግ/ማህበር እና አዲስ ስታንዳርድ ሚዲያ ይህ ሁሉ ያልተጠበቀ ፈታኝ ሁኔታ ቢኖርም፣ ለነጻ፣ ሙያዊ እና የህዝብን ጥቅም ለሚያስቀድም የጋዜጠኝነት ስራ ያላቸውን ቁርጠኝነት አጠናክረው እንደሚቀጥሉ አረጋግጠዋል። ድርጅቱም የሰራተኞቹን ደህንነት ለመጠበቅ እና መብቱን ለማስከበር ሁሉንም ህጋዊ አማራጮች እንደሚጠቀም አስታውቋል።

(ዘ-ሐበሻ ዜና) የዓለም ጤና ድርጅት ዋና ዳይሬክተር ዶ/ር ቴድሮስ አድሃኖም በአማራ ክልል፣ ፃድቃኔ ማርያም ገዳም አቅራቢያ በተከሰተው አውዳሚ የመሬት መንሸራተት አደጋ የቤተሰቦቻቸውን እና ወዳጅ ዘመዶቻቸውን ላጡ ወገኖች የተሰማቸውን ጥልቅ ሀዘን ገልጸዋል።

ዶ/ር ቴድሮስ በይፋዊ ኤክስ ገጻቸው ባሰፈሩት አጭር መልእክት፣ አደጋው የደረሰበትን ታሪካዊ ገዳም እና የአካባቢውን ቀጠና ከዚህ ቀደም በተደጋጋሚ ጊዜያት መጎብኘታቸውን አስታውሰዋል።

በአደጋው የደረሰውን ጉዳት አስመልክተውም "ለብዙዎች ጥልቅ ትርጉም ባለው በዚህ ስፍራ ላይ የደረሰውን ውድመት ማየት እጅግ ያሳዝናል" ሲሉ የተሰማቸውን ጥልቅ ሀዘን እና የልብ ስብራት አጋርተዋል።

(ዘ-ሐበሻ ዜና) የሶማሊያ መንግስት በአማራ ክልል የሰዎችን ህይወት በቀጠፈው እና ከባድ ውድመት ባስከተለው አሳዛኝ የመሬት መንሸራተት አደጋ የተሰማውን ጥልቅ ሀዘን በመግለፅ፣ በዚህ የሀዘን ጊዜ ከጎረቤት ሀገር ኢትዮጵያ ጎን እንደሚቆም አስታውቋል።

የሶማሊያ መንግስት ባወጣው ይፋዊ መግለጫ፣ "የሶማሊያ ፌደራላዊ ሪፐብሊክ በአማራ ክልል በደረሰው አውዳሚ የመሬት መንሸራተት ምክንያት ለኢትዮጵያ ጥልቅ ሀዘኗን ትገልፃለች" ብሏል። አክሎም "በዚህ አስቸጋሪ ጊዜ ሶማሊያ ከኢትዮጵያ ጎን ትቆማለች፤ ሀሳባችንም ከአደጋው ተጎጂዎች ጋር ነው" ሲል አጋርነቱን አሳይቷል።

ይህ የመሬት መንሸራተት አደጋ የተከሰተው፣ ኢትዮጵያ በተለያዩ የሀገሪቱ ክፍሎች ከባድ ዝናብ እና ጎርፍን ጨምሮ ተደጋጋሚ የአየር ንብረት ነክ አደጋዎች እያጋጠሟት ባለበት ወቅት መሆኑ ተገልጿል።

ሶማሊያ እና ኢትዮጵያ የረጅም ጊዜ የዲፕሎማሲ እና የፀጥታ ግንኙነት ያላቸው ሲሆን፣ ሁለቱ ሀገራት በቀጣናው መረጋጋት እንዲሰፍን እንዲሁም በአፍሪካ ቀንድ የሚንቀሳቀሱ ታጣቂ ቡድኖችን ለመዋጋት በጋራ በመስራት ላይ እንደሚገኙ ዘገባው አስታውሷል።

(ዘ-ሐበሻ ዜና) የጀርመን የጂኦ-ሳይንስ ምርምር ማዕከል ባወጣው መረጃ መሰረት፣ በግብጽ የ5.4 ማግኒቲዩድ መጠን ያለው የመሬት መንቀጥቀጥ ተከስቷል። ይህ የመሬት መንቀጥቀጥ ከመሬት ወለል በታች 10 ኪሎ ሜትር (6 ማይል) ጥልቀት ላይ የተከሰተ መሆኑን ማዕከሉ አረጋግጧል።

የመሬት መንቀጥቀጡ በግብጽ ብቻ ሳይወሰን፣ አቋርጦ በማለፍ በደቡባዊ እና መካከለኛው እስራኤል ክፍሎችም ድረስ በስፋት ተሰምቷል።

የግብጽ ቀይ ጨረቃ ማህበር አደጋው በተሰማባቸው ግዛቶች ውስጥ የአስቸኳይ ጊዜ ምላሽ እቅዱን ወደ ተግባር ማስገባቱን አስታውቋል። ይሁን እንጂ ማህበሩ እስካሁን ባለው መረጃ የደረሰ የሰው ህይወት መጥፋትም ሆነ የንብረት ውድመት ሪፖርት እንዳልደረሰው ገልጿል።

ባለሥልጣናቱ አጠቃላይ ሁኔታውን ማጣራታቸውን እስኪጨርሱ ድረስ፣ ነዋሪዎች የመሰነጣጠቅ ወይም የጉዳት ምልክት ከሚያሳዩ ሕንፃዎች ርቀው እንዲቆዩ እና ይፋዊ መረጃዎችን ብቻ እንዲከታተሉ ቀይ ጨረቃ ማህበር አጥብቆ አሳስቧል።

🚨😱 በአዲስ አበባ የመሰረተ ልማት ዝርፊያ ምን ያህል አሳሳቢ ደረጃ ላይ ደርሷል?
ይህ ቪዲዮ የሚያሳየው ሰሚት ኮንዶሚኒየም (ኤል ጂ ኮሌጅ አካባቢ) የተፈጸመውን አሳዛኝ የንብረት ዝርፊያ ነው! ከዚህ ቀደም በመንገድ መብራት ምሰሶዎች (ፖሎች) ላይ የነበሩ የኤሌክትሪክ ገመዶች ተዘርፈው ምንም ዓይነት የእርምት እርምጃ እና ቁጥጥር ባለመደረጉ፣ አሁን ደግሞ ሌቦች ዓይን ባወጣ ድፍረት መሬት በመቆፈር የከርሰ ምድር የመንገድ ዳር መብራት ገመዶችን በቪዲዮው በምታዩት መልኩ ዘርፈው ወስደዋል!
ለዘ-ሐበሻ በደረሰው መረጃ መሠረት፤ በዚህ ጥፋት ምክንያት በግቢው ውስጥ ያሉት የመንገድ ዳር መብራቶች ሙሉ በሙሉ በሚባል ደረጃ ከጥቅም ውጭ ሆነዋል።
አካባቢው በጨለማ በመዋጡ ለነዋሪዎች ደህንነት እጅግ አስጊ ሆኗል!
ይህ የህዝብ እና የሀገር ሀብት ውድመት ዝም ተብሎ ሊታለፍ አይገባም! ቪዲዮውን ሼር (Share) በማድረግ ለሚመለከተው አካል ድምጻችንን እናድርስ! #addisababa #ethiopia #summitcondominium #addisababacity #ethiopiannews

ፀጉራሙ ድመትና የሚምዘገዘገው ጭልፊት

ኢትዮጵያና አዘርባጃን፣ ከዲፕሎማሲ ወደ ስትራቴጂካዊ አጋርነት

አዲስ አበባ፣ ሐምሌ 23፣ 2018 (ኤፍ ኤም ሲ) ከቅርብ ዓመታት ወዲህ ኢትዮጵያና አዘርባጃን ጠንካራ ዲፕሎማሲዊ ግንኙት እየገነቡ መጥተዋል፡፡

በተለያዩ የዓለም ክፍሎች የሚገኙት እነዚህ ሁለት ሀገራት የፖለቲካ፣ ኢኮኖሚ፣ ኢንቨስትመንት፣ የመከላከያ እና የቴክኖሎጂ ትብብሮችን ወደ ጠንካራና አዲስ ምዕራፍ ለማሳደግ እየሰሩ ናቸው።

ሀገራቱ የሶቪየት ኅብረት መፍረስን ተከትሎ አዘርባጃን ሪፐብሊክ ራሷን የቻለች ሀገር ከሆነች በኋላ ግንኙነታቸውን ቀስ በቀስ እያጠናከሩ መጥተዋል።

ኢትዮጵያና አዘርባጃን ለበርካታ ዓመታት በዘለቀው ግንኙነታቸው የየሀገራቱ ከፍተኛ የመንግሥት ባለስልጣናት ጉብኝቶችን አድርገዋል፡፡

ሕዳር 2017 ዓ.ም አዘርባጃን ባስተናገደችው የተባበሩት መንግሥታት የአየር ንብረት ለውጥ ጉባዔ (ኮፕ29) ለመሳተፍ ፕሬዚዳንት ታዬ አጽቀ ሥላሴ ወደ ባኩ ተጉዘው ነበር፡፡

በቆታቸውም የአዘርባጃንን የዲጂታል አገልግሎት አሰጣጥ ተዘዋውረው ጎብኝተዋል፡፡

እንዲሁም በ2017 ዓ.ም በአዲስ አበባ 3ኛው የኢትዮ-አዘርባጃን የፖለቲካ ምክክር መድረክ የተካሄደ ሲሆን÷ መድረኩ የሁለቱን ሀገራት የፖለቲካ ትስስር ወደ ከፍተኛ ደረጃ መድረሱን የሚያመላክት ነበር፡፡

በመቀጠልም የካቲት 2018 ዓ.ም ላይ የጠቅላይ ሚኒስትር ዐቢይ አሕመድ (ዶ/ር) የባኩ ይፋዊ የሥራ ጉብኝት የሁለቱን ሀገራት ግንኙነት ወደ አዲስ ምዕራፍ ከፍ አድርጓል።

በዚህ ሳምንት ደግሞ የአዘርባጃን ሪፐብሊክ የፓርላማ አፈ ጉባዔ ሳሂባ ጋፋሮቫ ኢትዮጵያን እየጎበኙ የሚገኙ ሲሆን÷ ከጠቅላይ ሚኒስትር ዐቢይ አሕመድ (ዶ/ር)፣ ከሕዝብ ተወካዮች ምክር ቤትና ከፌደሬሽን ምክር ቤት አፈ ጉባዔዎች ጋር መክረዋል፡፡

ኢትዮጵያና አዘርባጃን በታሪክና በጂኦግራፊያዊ አቀማመጣቸው ቢለያዩም በርካታ የጋራ ባህሪያት አሏቸው።

ሁለቱም ጂኦፖለቲካዊ ፉክክር ባሉባቸው ቀጣናዎች ይገኛሉ፤ ኢትዮጵያ በአፍሪካ ቀንድ ፤ አዘርባጃን ደግሞ በደቡብ ካውካሰስ ክልል፡፡ በየቀጣናቸው ሁለቱም ሀገራት ለሰላምና ደህንነት ቁልፍ ሚና እየተጫወቱ ነው፡፡

በዓለም አቀፍ ፖለቲካም ሁለቱ ሀገራት ከምሥራቅና ከምዕራቡ ዓለማት ጋር ሚዛኑን የጠበቀ የውጭ ግንኙነት ፖሊሲን ይከተላሉ፡፡

ኢትዮጵያ እና አዘርባጃን መሠረተ ልማትን፣ ዲጂታል ሽግግርን፣ ኢንዱስትሪን እና የውጭ ኢንቨስትመንትን ለልማትና ዕድገታቸው ትኩረት ሰጥተው እየሰሩባቸው ያሉ ዘርፎች ናቸው።

ጠቅላይ ሚኒስትር ዐቢይ አሕመድ (ዶ/ር) አዘርባጃንን በጎበኙበት ወቅት የሀገሪቱ ፕሬዚዳንት ኢልሃም አሊየቭ የሀገራቱን ግንኙነት አስመልክተው ሲገልጹ፣ "አጋርነታችን በርካታ ጠቃሚ ጉዳዮችን ያካተተ ነው" ነበር ያሉት።

ሁለቱ ሀገራት በኢኮኖሚ፣ በወታደራዊ፣ በኢንቨስትመንት፣ በቴክኖሎጂ፣ በአየር ንብረት ለውጥ እና በሌሎች ዘርፎች ግንኙነታቸው እያደገ መምጣቱን መሪዎቹ በተለያዩ ጊዜያት ገልጸዋል፡፡

ፕሬዚዳንት ኢልሃም አሊየቭ ብልፅግና ፓርቲ 7ኛውን ጠቅላላ ምርጫ ማሸነፉን አስመልክቶ በላኩት የደስታ መልዕክት፣ "በአዘርባጃን እና በኢትዮጵያ መካከል ያለው ግንኙነት በአዎንታዊ አቅጣጫ እያደገ መሆኑ የሚያስደስት ነው" በማለት የሁለቱ ሀገራት ግንኙነት በአዲስ መልክ እየተጠናከረ መምጣቱን አንስተዋል።

ጠቅላይ ሚኒስትር ዐቢይ (ዶ/ር) በጉብኝታቸው ወቅት እንዳሉት÷ ባለፉት ዓመታት ኢትዮጵያ እና አዘርባጃን በአቪዬሽን፣ በኢንዱስትሪ ፓርኮችና በነጻ የንግድ ቀጣናዎች ረገድ የተከናወኑ የጋራ የኢኮኖሚዊ ትብብሮች፣ የሁለቱን ሀገራት አጋርነት እያደገ መምጣት ያመለከተ ነው ብለዋል።

ሁለቱ ሀገራት አንደኛቸው ከሌላኛው በበርካታ ዘርፎች ልምዶችን እየተለዋወጡ ሲሆን÷ ለአብነትም ኢትዮጵያ መሶብ የአንድ ማዕከል አገልግሎት ከአዘርባጃኑ አሳን ክድመት (ASAN Khidmet) የመንግሥት ዲጂታል አገልግሎት ልምድ የተወሰደ የዲጂታል አሰራር ሥርዓት ነው።

አዘርባጃን በበኩሏ በኢትዮጵያ በኩል ወደ አፍሪካ ገበያ ለመግባት ጥሩ መደላድል ታገኛለች። በዚህ መልኩ ሁለቱ ሀገራት የጋራ ጥቅምን በማስፋት በዓለም ኢኮኖሚና ጂኦፖለቲካ አወቃቀር ውስጥ ይበልጥ የሚጎለብት አጋርነት ሊገነቡ ይችላሉ።

ሁለቱ ሀገራት የሚጋሯቸው የልማት ርዕይ፣ የመሠረተ ልማት ግንባታ፣ የዲጂታል ሽግግር፣ የኢኮኖሚ ብዝሃነት እና ቀጣናዊ ትብብሮች ግንኙነታቸውን ከፍ ወዳለ ስትራቴጂካዊ አጋርነት የሚያሳድግ ነው።

በቴዎድሮስ ሳህለ

ሐዋሳ በከባድ ዝናብ ተመታች‼️

👉ጎርፍና ኃይለኛ ንፋስ ከዝናብ ጋር በቀጣይ ቀናቶችም ሊቀጥሉ ይችላሉ።

​አሁን ባለው የክረምት ወቅት ሀዋሳን ጨምሮ በዙሪያዋ ከፍተኛ መጠን ያለው ዝናብ እየጣለ ይገኛል። የኢትዮጵያ ሜትሮሎጂ ባለስልጣን በሰጠው መረጃ መሠረትም የዝናቡ መጠን በቀጣዮቹ ቀናት ተጠናክሮ ሊቀጥል እንደሚችል ተገልጿል።

​በከተማዋ እየጣለ ባለው ከባድ ዝናብ፣ በረዶና ኃይለኛ ንፋስ በአንዳንድ አካባቢዎች ዛፎችንና የኤሌክትሪክ ምሰሶዎችን በመጣሉ በሰው ሕይወትና በንብረት ላይ ጉዳት አስከትሏል። በተጨማሪም በመሠረተ ልማት ላይ በደረሰ ውድመት ምክንያት በአንዳንድ የከተማዋ ክፍሎች የመብራት አገልግሎት ተቋርጧል።

​የከተማ አስተዳደሩ በደረሰው ጉዳት የተሰማውን ጥልቅ ሀዘን ገልፆ፤ በተጎዱ አካባቢዎች ፈጥኖ በመድረስ ተጎጂዎችን ወደ ሕክምና የማድረስና በንብረት ላይ የደረሰውን ጉዳት በመለየት ተገቢውን ድጋፍ የማድረግ ሥራዎችን አስጀምሯል።

​በቀጣይም የክረምቱ ወቅት እስኪያልቅ ድረስ መሰል የተፈጥሮ አደጋዎች ሊያጋጥሙ ስለሚችሉ፣ ጉዳቱን ለመቀነስና ለመከላከል የሚያስችሉ የቅድመ ጥንቃቄ ሥራዎች ተጠናክረው እየተከናወኑ ይገኛሉ።

​በመሆኑም በቀጣዮቹ ቀናት ኃይለኛ ንፋስ የታጀበ ዝናብና የጎርፍ አደጋ ሊከሰት ስለሚችል ህብረተሰቡ አስፈላጊውን ጥንቃቄ እንዲያደርግ አስተዳደሩ ያሳስባል።

​በተለይም ዛፎች፣ ያረጁ የኤሌክትሪክ ምሰሶዎች እና አጥሮች ሊወድቁ ስለሚችሉ፣ በዝናብ ወቅት ከእነዚህ አካባቢዎች በመራቅ ራሳችሁንና ቤተሰቦቻችሁን እንድትጠብቁ ከተማ አስተዳደሩ ጥሪ አቅርቧል።
ሐዋሳ ከተማ ኮሙኒኬሽን

Seledadotio
Seledadotio

በምስራቅ አርሲ ዞን በታጣቂዎች የተፈጸሙ ከባድ የሰብዓዊ መብቶች ጥሰቶች ይፋ ሆኑ

​#fastmereja I የኢትዮጵያ ሰብዓዊ መብቶች ጉባዔ (ኢሰመጉ) በኦሮሚያ ክልል ምስራቅ አርሲ ዞን በተለያዩ ወረዳዎች ከ2014 ዓ.ም እስከ ግንቦት 2018 ዓ.ም ባለው ጊዜ ውስጥ በታጣቂ ቡድኖች በተፈጸሙ ጥቃቶች ላይ ያከናወነውን የምርመራ ግኝት የያዘ 158ኛ ልዩ መግለጫውን ይፋ አድርጓል። በዞኑ በሚገኙ ሽርካ፣ ሮቤ፣ ጀጁ፣ መርቲ፣ ጉና፣ ሆንቆሎ ዋቤ፣ አርሲ ሲሬ፣ ሙኒሳ እና አሰኮ ወረዳዎች በተፈጸሙት ጥቃቶች በሃይማኖትና ማንነት ላይ ያነጣጠሩ የሰዎች ግ ድያ፣ አካል ጉዳት፣ እገታ፣ መፈናቀል እና የንብረት ውድመት መከሰታቸው ተረጋገጧል።

​ኢሰመጉ ከመጋቢት 3 እስከ 9 ቀን 2018 ዓ.ም ባደረገው የመስክ ምርመራና ከሟች ቤተሰቦች፣ ተጎጂዎች፣ የዓይን እማኞች እና የአርሲ ሀገረ ስብከት ቤተክህነት ጽሕፈት ቤቶች ባሰበሰባቸው መረጃዎች መሰረት በጥቃቱ በርካታ ንጹሃን ዜጎች ሕይወታቸውን አጥተዋል። ከ2014 ዓ.ም እስከ ግንቦት 24/2018 ዓ.ም ዓ.ም የተፈጸሙ የሰብዓዊ መብቶች ጥሰቶች የምርመራ ስራን አከናውኗል፡፡ በተሰበሰበው መረጃ መሰረት:-
📌 በሽርካ ወረዳ 116፣
📌 በመርቲ ወረዳ 117፣
📌 በጀጁ ወረዳ 101፣
📌 በሮቤ ወረዳ 47፣
📌 በጉና ወረዳ 26፣
📌 በሆንቆሎ ዋቤ ወረዳ 20፣
📌 በሙኒሳ ወረዳ 19፣
📌 በአሰኮ ወረዳ 5 ንጹሃን እና 4 የጸጥታ አካላት (ሚሊሻዎች) እንዲሁም
📌 በሲሬ ወረዳ 3 ሰዎች ተገ ድለዋል።

​ከግድ ያው በተጨማሪ ከፍተኛ የእገታ ወንጀል የተፈጸመ ሲሆን፣
📍በሮቤ ወረዳ 156 ሰዎች፣
📍በጀጁ ወረዳ 182 ሰዎች፣
📍በመርቲ ወረዳ 29 ሰዎች
📍በሽርካ ወረዳ 39 ሰዎች ታግተው በርካቶቹ በካሳ ክፍያ የተለቀቁ ቢሆንም የበርካታ ታጋቾች የደረሱበት ሁኔታ እስከ አሁን አይታወቅም። እንዲሁም በሕፃናትና አዛውንቶች ላይ የቆሰሉና አካል ጉዳት የደረሰባቸው ሲሆን፣ በሺዎች የሚቆጠሩ ነዋሪዎች ከቀያቸው ተፈናቅለዋል። የአሰኮ ወረዳ የጠለታ ጨፋ ቅዱስ ገብርኤል ቤተክርስቲያንን ጨምሮ በርካታ አብያተ ክርስቲያናት መዘረፋቸውና መቃጠላቸው፣ የመኖሪያ ቤቶች መፍረሳቸው እና የቀንድና የጋማ ከብቶች መዘረፋቸው በምርመራው ተረጋግጧል።

​ኢሰመጉ መንግስት የዜጎችን በሕይወት የመኖርና የንብረት ጥበቃ የማድረግ ሕገ-መንግሥታዊ ግዴታውን እንዲወጣ፣ በጥሰቱ የተሳተፉ አካላት በሕግ እንዲጠየቁ እና ለተፈናቀሉት ዘላቂ መፍትሔ እንዲሰጥ ጥሪ አቅርቧል።

የኢሰመጉ 158ኛ ልዩ መግለጫ፡

በምስራቅ አርሲ ዞን በሃይማኖትና ማንነት ላይ ያነጣጠሩ የሰብዓዊ መብቶች ጥሰቶች መቀጠላቸውን ኢሰመጉ ይፋ አደረገ

የኢትዮጵያ ሰብዓዊ መብቶች ጉባዔ (ኢሰመጉ) ሐምሌ 2018 ዓ.ም ባወጣው 158ኛ ልዩ መግለጫው፣ በኦሮሚያ ክልል ምስራቅ አርሲ ዞን በሚገኙ በርካታ ወረዳዎች ከ2014 ዓ.ም እስከ ግንቦት 2018 ዓ.ም ባለው ጊዜ ውስጥ ሃይማኖትንና ማንነትን መሰረት ያደረጉ ከባድ የሰብዓዊ መብቶች ጥሰቶች መፈጸማቸውን ገለጸ።

ተቋሙ ከመጋቢት 3 እስከ 9 ቀን 2018 ዓ.ም ባካሄደው የምርመራ ወቅት በተሰበሰቡ አስረጂዎች፣ በዞኑ የሚንቀሳቀሱ የታጠቁ ቡድኖች በዋናነት የኦርቶዶክስ ተዋሕዶ እምነት ተከታዮች ላይ ያነጣጠረ የግድያ፣ የአካል ጉዳት፣ የእገታ፣ የመፈናቀል እና የንብረት ውድመት ድርጊት መፈጸማቸውን አረጋግጫለሁ ብሏል።

የጥቃቶቹ ስፋትና የደረሰው ጉዳትበኢሰመጉ የምርመራ ግኝት መሰረት በተጠቀሱት ዓመታት ውስጥ በምስራቅ አርሲ ዞን ወረዳዎች በግድያ ህይወታቸውን ያጡ ሰላማዊ ሰዎች ቁጥር የሚከተለውን ይመስላል፦

መርቲ ወረዳ፦ 117 ሰዎች

-ሽርካ ወረዳ፦ 116 ሰዎች

-ጀጁ ወረዳ፦ 101 ሰዎች

-ሮቤ ወረዳ፦ 47 ሰዎች

-ጉና ወረዳ፦ 26 ሰዎች (በአንድ ጉድጓድ የተቀበሩ 5 ሰዎችን ጨምሮ)

-ሆንቆሎ ዋቤ ወረዳ፦ 20 ሰዎች

-አሰኮ ወረዳ፦ 5 ንጹሃን ዜጎች እና
4 የመንግስት ሚሊሻዎች

አርሲ ሲሬ ወረዳ፦ 3 ሰዎች

በተጨማሪም በህጻናትና አረጋውያን ላይ የከፋ የአካል ጉዳት መድረሱን የጠቆመው ሪፖርቱ፣ በጉና ወረዳ በፈጸመ ጥቃት የ4 እና የ8 ዓመት ህጻናት በጥይት መመታታቸውንና የአንዱ ህጻን እግር ሊቆረጥ መቻሉን በአብነት ጠቅሷል።

እገታ፣ መፈናቀል እና የንብረት ውድመት

ኢሰመጉ ባቀረበው ዝርዝር መረጃ መሰረት፦

እገታ፦

በሮቤ ወረዳ 156 ሰዎች፣
በጀጁ 182 ሰዎች፣
በምርቲ 29 ሰዎች እንዲሁም
በሽርካ 39 ሰዎች ታግተው ከፍተኛ የገንዘብ ransom የተጠየቀባቸው ሲሆን
በርካቶቹ በገንዘብ ቢለቀቁም የበርካታ ታጋቾች ያሉበት ሁኔታ እስካሁን አይታወቅም።

መፈናቀል፦

በጥቃቱ ስጋት ምክንያት በሺዎች የሚቆጠሩ ዜጎች ከቀያቸው የተፈናቀሉ ሲሆን፤ ከጀጁ ወረዳ 6,216፣ ከሽርካ 3,746፣ ከአሰኮ 2,133፣ ከሮቤ 1,270 እና ከመርቲ 1,036 ሰዎች ተፈናቅለው በከፍተኛ ችግር ውስጥ ይገኛሉ።

የንብረት ውድመት፦

በርካታ አብያተ ክርስቲያናት መዘረፋቸውንና መቃጠላቸውን (ለምሳሌ በ101 ዓመት ዕድሜ ያለው የጠለታ ጨፋ ቅዱስ ገብርኤል ቤተክርስቲያን)፣ ቤቶች መፍረሳቸውንና መቃጠላቸውን እንዲሁም በርካታ የጋማና የቀንድ ከብቶች መዘረፋቸውን ሰነዱ ያመላክታል።

የህግ ግዴታዎችና የኢሰመጉ ጥሪ

ኢሰመጉ ድርጊቶቹ በስልታዊና በተስፋፋ መልኩ በሲቪል ህዝብ ላይ የተፈጸሙ በመሆናቸው በሰብዓዊነት ላይ የሚፈጸሙ ወንጀሎች (Crimes Against Humanity) ባህሪ ያላቸው መሆኑን በመጠቆም፣ የፌደራል እና የኦሮሚያ ክልል መንግስታት የሚከተሉትን እርምጃዎች እንዲወስዱ ጥሪ አቅርቧል፦

ተጠያቂነትን ማረጋገጥ፦ በጥቃቱ የተሳተፉ ታጣቂዎችንና ሀላፊነታቸውን ያልተወጡ የጸጥታና የአስተዳደር አካላትን በአስቸኳይ ለህግ ማቅረብ።

ሰብዓዊ እርዳታና መልሶ ማቋቋም፦ ለተፈናቀሉ ዜጎች ህክምና ማቅረብ እንዲሁም በይስሙላ ሳይሆን በዘላቂ ሰላም ወደ ቀያቸው የሚመለሱበትን መንገድ ማመቻቸት።

የፌደራል መንግስት ጣልቃ ገብነት፦ የክልሉ መንግስት የዜጎችን ደህንነት ማስጠበቅ ካልቻለ፣ በህግ በተደነገገው መሰረት (አዋጅ ቁጥር 359/2003) የፌደራል መንግስት ጣልቃ በመግባት የዜጎችን ህይወት እንዲታደግ።

በሐሳብ ልዕልና ሀገራዊ መግባባትን እንገነባለን
****************

በኢትዮጵያ ሁለንተናዊ ጉዞ ውስጥ ዘላቂ ሰላም የሚረጋገጠው እና ሀገራዊ መግባባት የሚፈጠረው በኃይል አማራጭ ሳይሆን በሥልጡን የሐሳብ ማዕድ ነው።

ጠቅላይ ሚኒስትር ዐቢይ አሕመድ (ዶ/ር) በአንድ ወቅት እንደገለጹት፣ በአሁኑ ወቅት ሀገራችን በጽኑ የምትሻው እና የሚያስፈልጋት ጠብመንጃ ያነገቡ የጥፋት ኃይሎችን ሳይሆን፣ በሐሳብ ብስለት፣ በእውነት፣ በዕውቀት እና በጽናት ታጥቀው የተሰናዱ የሰላም ታጋዮችን ነው።

ስለሆነም ከዚሁ መሠረታዊ ሐሳብ በመነሣት የታሪክ አጋጣሚዎች እና የዓለማችን ተሞክሮዎች እንደሚያስረዱት በብረት ኃይል የሚመጣ ስኬት ጊዜያዊ እና ሀገርን ወደ ከፋ ውድመት የሚያስገባ እንጂ ዘላቂ መፍትሔ አይሆንም።

የጠብመንጃ መንገድ የጥላቻ እና የጥፋት አዙሪትን ከማንገሥ ባለፈ የማኅበረሰብ እሴቶችን የሚያፈርስ ሲሆን በሐሳብ ብስለት እና በዕውቀት የታጠቁ የሰላም ታጋዮች ግን የተለያዩ አመለካከቶችን አቃፊ በሆነ መንገድ በማስተናገድ የሕዝቦችን የጋራ የወደፊት ዕድል በጽኑ መሠረት ላይ ይገነባሉ።

በእውነት እና በዕውቀት ላይ የተመሠረተ ምክክር ለዘመናት የዘለቁ ሀገራዊ አለመግባባቶችን እና ስብራቶችን የመጠገን ከፍተኛ አቅም አለው።

እውነተኛ የሰላም ታጋይነት ሀገራዊ እውነታዎችን በግልጽነት ለመቀበል፣ ታሪካዊ ጠባሳዎችን በጥበብ ለማከም እና የልዩነቶችን ምንጭ በጥልቅ ዕውቀት መርምሮ ዘላቂ መፍትሔ ለማስቀመጥ ያስችላል።

ይህም ሀገራዊ ምክክሩ ከይስሙላ የፖለቲካ ድርድር አልፎ የሕዝቦችን እውነተኛ አንድነት የሚያመጣ የታሪክ ምዕራፍ እንዲሆን ያደርገዋል።

የውይይት እና የእርቅ መንገድ ከግጭት በተቃራኒ የረጅም ጊዜ ትዕግሥትን፣ የሐሳብ ልዕልናን እና የመደማመጥ ባህልን ይጠይቃል።

በመሆኑም የማኅበረሰብ መሪዎች፣ ምሁራን፣ ወጣቶች እና መላው ሕዝብ በጠብመንጃ ቦታ የሐሳብ የበላይነት እንዲነግሥ በማድረግ ረገድ ታሪካዊ ኃላፊነታቸውን መወጣት ይጠበቅባቸዋል።

አሁን እየተካሄደ ያለው ሀገራዊ ምክክር በሐሳብ ብስለት እና በዕውቀት የተዘጋጁ የሰላም ታጋዮች ሀገራቸውን የሚታደጉበት ታላቅ መድረክ ነው።

በሃና ምንዳሁን
#ebc #ethiopia #nationaldialogue #peace #reason #ethiopiarising

የቅዱስ ፓትርያርኩ መግለጫ

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወእጨጌ ዘመንበረ ተክለሃይማኖት ወቅታዊ ጉዳዮች በማስመልከት አባታዊ መልእክት አስተላለፉ።

ሓምሌ 18 ቀን 2018 ዓ.ም.
አዲስ አበባ፣ ኢትዮጵያ

ቅዱስነታቸው ያስተላለፉት አባታዊ መልእክት እንደሚከተለው ነው፦

መልእክተ ብፁዕ ወቅዱስ ፓትርያርክ

በስመ አብ ወወልድ ወመንፈስ ቅዱስ አሐዱ አምላክ አሜን!

"ገባሬ ሣህል እግዚአብሔር፥ ወይፈትህ ለኩሉ ግፉዓን፦
እግዚአብሔር ይቅርታ አድራጊ ነው፤ ለተበደሉ ሁሉ ይፈርዳል።"
(መዝሙር ፻፪፥፮)

ከሁሉ በማስቀደም በሀገር ውስጥ እና በመላው ዓለም የምትኖሩ ኦርቶዶክሳውያን የመንፈስ ቅዱስ ልጆቻችንን ሐምሌ 19 ቀን 2018 ዓመተ ምሕረት በከፍተኛ መንፈሳዊ ሥነ ሥርዓት ለሚከበረው፤ ሊቀ መላእክት ቅዱስ ገብርኤል ከእግዚአብሔር ዘንድ ተልኮ በእምነታቸው የጸኑትን ቅዱስ ቂርቆስንና ቅድስት ኢየሉጣን በመከራቸው መካከል እየተራዳ የእሳቱን ነበልባል እንደክረምት ውኃ ላቀዘቀዘበት፤ በእግዚአብሔር ቃል ኪዳን የታመኑትንም እስከ ሰማዕትነት ፍጻሜ ድረስ የሚያጸና መሆኑን ለምንዘክርበት ታላቅ በዓል እንኳን አደረሳችሁ ለማለት እንወዳለን።

የኢትዮጵያ ኦርቶዶክስ ተዋሕዶ ቤተ ክርስቲያን ከዘመነ ሐዋርያት ጀምሮ የወንጌልን ብርሃን በማብራት፣ የሰላምን መንገድ በማስተማር፣ ፍትሕን በማጽናት፣ የተጨነቁትንም በማጽናናት፣ ሕዝብንና ሀገርን እየደገፈች የኖረች ናት።

በዚህ ቅዱስ ተልእኮ ውስጥም መናንያን መነኮሳት እና መነኮሳይያት ዓለምንና ከዓለም የሚገኘውን ጊዜያዊ ክብር፣ ጥቅም፣ ምቾትና የመሳሰሉትን በፈቃዳቸው ትተው፤ በየገዳማቱ በበአታቸው በጾም፣ በጸሎት ተወስነው፤ ሕይወታቸውን በትሕትና ለእግዚአብሔር በመስጠት፤ ስለ ራሳቸው ብቻ ሳይሆን ስለ ሀገር፣ ስለ ሕዝብ፣ ስለ ሰላምና ስለ ዓለም ደኅንነት በመዓልትና በሌሊት የሚጸልዩ የምድራችን በረከቶች ናቸው።

መስቀልን በተሸከሙ፣ ጸሎትን መከታ ባደረጉ፣ ለፍጥረት ሁሉ ምሕረትን በሚለምኑ፣ ራሳቸውን ለመከላከልም ምንም ዓይነት ቁሳዊ ዝግጅት በሌላቸው በእነዚህ መናንያን ላይ እጅን ማንሣት በእግዚአብሔር ዘንድ የተከለከለ፣ በታሪክ ፊትም የሚያሳፍር ድርጊት ነው።

የተወደዳችሁ የመንፈስ ቅዱስ ልጆቻችን!

በደቡብ ወሎ ሀገረ ስብከት በቦረና ወረዳ በግዮን አባይ ገዳመ አስቄጥስ ቅድስት አርሴማ፣ አቡነ አረጋዊና ቅዱስ ቂርቆስ የአባቶችና የእናቶች አንድነት ገዳም ሐምሌ 15 ቀን 2018 ዓመተ ምሕረት በተፈጸመው ጥቃት የመናንያን መነኮሳይያት ሕይወት በግፍ መጥፋቱን፤ በርካቶች መቁሰላቸውን፤ በገዳሙና በንዋየ ቅድሳቱ ውድመት መድረሱን ከሀገረ ስብከቱ መግለጫ በከፍተኛ ሐዘን የሰማን ሲሆን፤ በተመሳሳይም በዚሁ ዕለት በሀድያና ስልጤ ሀገረ ስብከት የአምልኮ ሥፍራ በኃይል መፍረሱና በምእመናን ላይ ጥቃት መድረሱ የሚያሳዝንና በፍጹም ተቀባይነት የሌለው የተወገዘ ተግባር ነው።

በመሆኑም የጸሎት፣ የትምህርት፣ የሰላምና የመንፈሳዊ እሴት ማዕከል የሆኑትን ገዳማት መጠበቅ የአንድ ሃይማኖት ጉዳይ ብቻ ሳይሆን፣ የሰው ልጅ ክብርን፣ የሕግ የበላይነትንና የሀገር ሰላምን የማስጠበቅ ሓላፊነት ያላቸው በየደረጃው የሚገኙ ባለሥልጣናትና የሕግ አስከባሪ አካላት ጭምር እንደመሆኑ አሰቃቂ ጥቃት የፈጸሙት ተጠያቂዎች ለፍትሕ እንዲቀርቡ፤ ሌሎች ገዳማትና አድባራት ደኅንነታቸው እንዲጠበቅልን፤ ለተጎዱትም ተገቢው ድጋፍ እንዲደረግልን ዛሬም አበክረን እንጠይቃለን ።

በመጨረሻም ሕዝበ ክርስቲያንና መላው ኢትዮጵያውያን የጥቃት ሰለባ ከሆኑት ወገኖች ጋር በመንፈሳዊም ሆነ በሰብአዊ ድጋፍ አብራችሁ እንድትቆሙ ከአደራ ጭምር እያሳሰብን፤ በጽድቅ የሚፈርደው እግዚአብሔር አምላካችን ለተበደሉት ፍትሕን፣ ለቆሰሉት ፈውስን፣ በግፍ ሕይወታቸውን ለተነጠቁት ዕረፍተ ነፍስን፣ ለቤተ ክርስቲያናችንና ለሀገራችን ፍጹም ሰላምን ይስጥልን እያልን አባታዊ መልእክታችንን በእግዚአብሔር ስም እናስተላልፋለን።

እግዚአብሔር አምላክ ኢትዮጵያንና ሕዝቦችዋን ይባርክ!!

ወስብሐት ለእግዚአብሔር!!!
አሜን።

አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት
ሐምሌ 18 ቀን 2018 ዓ.ም.
አዲስ አበባ፣ ኢትዮጵያ

© የብፁዕ ወቅዱስ ፓትርያርክ ልዩ ጽሕፈት ቤት

በደቡብ ወሎ ገዳም በተፈጸመው ጥቃት ፓትርያርኩ ተጠያቂዎች ለፍትሕ እንዲቀርቡ ጠየቁ

​ብፁዕ ወቅዱስ አቡነ ማትያስ በደቡብ ወሎ ሀገረ ስብከት በቦረና ወረዳ በግዮን አባይ ገዳም ላይ ሐምሌ 15 ቀን 2018 ዓ.ም. በተፈጸመው ጥቃት ጥብቅ መግለጫ አወጡ።

​በጥቃቱ የመነኮሳይያት ሕይወት ማለፉን፣ በርካቶች መቁሰላቸውንና በንዋየ ቅድሳቱ ላይ ውድመት መድረሱን የገለጹት ቅዱስነታቸው፣ በዚሁ ዕለት በሀድያና ስልጤ ሀገረ ስብከት የአምልኮ ሥፍራ መፍረሱንና በምእመናን ላይ ጥቃት መድረሱን አውግዘዋል።

​መንፈሳዊ ማዕከላት የሰላምና የእሴት ምንጭ በመሆናቸው፣ ገዳማትን መጠበቅ የባለሥልጣናትና የሕግ አስከባሪዎች ኃላፊነት መሆኑን አስገንዝበዋል።

አሰቃቂውን ድርጊት የፈጸሙ አካላት በአስቸኳይ ለፍትሕ እንዲቀርቡ፣ ለሌሎች ገዳማት ጥበቃ እንዲደረግና ለተጎዱት ድጋፍ እንዲያገኝ ጥሪ አቅርበዋል።

​በመጨረሻም ሕዝበ ክርስቲያኑ ከተጎዱት ጎን እንዲቆም አሳስበው፣ ለተበደሉት ፍትሕንና ለሀገሪቱ ሰላምን ተመኝተዋል።

Seledadotio
Seledadotio

ዓይኖቹን ወደ ማስታወቂያ ሰሌዳነት የለወጠው ጉደኛ አትሌት
#ethiopia | ​በ1996ቱ የአትላንታ ኦሊምፒክ ወቅት አዘጋጆቹ የፑማ ኩባንያን የንግድ ምልክት ከስፖርት መድረኩ ለማራቅ ጥረት አድርገው ነበር።

ነገር ግን እንግሊዛዊው የሩጫ ሻምፒዮን ሊንፎርድ ክሪስቲ የኦሊምፒክ ባለስልጣናትን ያስደነገጠ ሌላ ዕቅድ ይዞ ቀረበ። የወንዶች የ100 ሜትር ውድድር ከመጀመሩ አንድ ቀን ቀደም ብሎ ክሪስቲ ጥቁር መነፅር አድርጎ የጋዜጣዊ መግለጫ ላይ ተገኘ።

​አትሌቱ ጥቁር መነፅሩን ሲያወልቅ በቦታው የነበሩ ጋዜጠኞችና ፎቶግራፈሮች ያልተጠበቀ ነገር ገጠማቸው።

ከዓይኖቹ ላይ ያደረጋቸው ደማቅ ሰማያዊ ኮንታክት ሌንሶች የፑማን ታዋቂ የዘላይ ድመት አርማ ይዘው ነበር። የፎቶግራፈሮች ካሜራዎች ምስሉን ወዲያውኑ የቀረፁ ሲሆን የክሪስቲ የንግድ አርማ ያረፈባቸው ዓይኖች ምስል በዓለም ዙሪያ በፍጥነት ተሰራጩት።

​ምንም እንኳን የኦሊምፒክ ባለስልጣናት አትሌቱ በውድድሩ ወቅት ሌንሶቹን እንዳያደርግ በኋላ ላይ ቢከለክሉም ኩባንያው የሚፈልገውን ዓላማ አስቀድሞ አሳካ።

ክሪስቲም ቢልቦርድ፣ የቴሌቪዥን ማስታወቂያ ወይም በትራክ ልብሱ ላይ የሰፈረ አርማ ሳይያስፈልገው የራሱን ዓይኖች ወደ ማስታወቂያ ሰሌዳነት በመለወጥ በስፖርቱ ታሪክ ከታዩት ድብቅ ማስታወቂያ ስልቶች አንዱን ፈጽሟል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

ብፁዕ ወቅዱስ አቡነ ማትያስ በገዳማትና በምእመናን ላይ የተፈጸሙ ጥቃቶችን በማስመልከት ጥብቅ አባታዊ መልእክት አስተላለፉ

የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ ብፁዕ ወቅዱስ አቡነ ማትያስ ቀዳማዊ፣ በደቡብ ወሎ እና በሀድያና ስልጤ አህጉረ ስብከት በገዳማትና በምእመናን ላይ የተፈጸሙ ጥቃቶችን በመኮነን አባታዊ መልእክት አስተላለፉ። ቅዱስነታቸው በደቡብ ወሎ ቦረና ወረዳ በግዮን አባይ ገዳመ አስቄጥስ በተፈጸመው ጥቃት የመነኮሳይያት ሕይወት ማለፉን፣ መቁሰልና የንዋያተ ቅድሳት ውድመት መድረሱን፤ እንዲሁም በሀድያና ስልጤ የአምልኮ ሥፍራ በኃይል መፍረሱን በከፍተኛ ሐዘን መረዳታቸውን ገልጸዋል።

በመግለጫቸውም ምንም ዓይነት ቁሳዊ ዝግጅት በሌላቸው መናንያን ላይ እጅ ማንሣት በታሪክና በእግዚአብሔር ፊት የሚያሳፍር ድርጊት መሆኑን ያሰመሩበት ቅዱስነታቸው፣ መንግሥትና የሕግ አስከባሪ አካላት ድርጊቱን የፈጸሙ አካላትን ለፍትሕ እንዲያቀርቡና የገዳማትን ደኅንነት እንዲያስጠብቁ በጥብቅ ጠይቀዋል። በተጨማሪም መላው ሕዝበ ክርስቲያንና ኢትዮጵያውያን ለተጎዱት ወገኖች አስፈላጊውን ሰብአዊና መንፈሳዊ ድጋፍ እንዲያደርጉ አደራ ብለዋል።

የብፁዕ ወቅዱስ ፓትርያርኩ አባታዊ መልእክት ሙሉ ይዘት
በስመ አብ ወወልድ ወመንፈስ ቅዱስ አሐዱ አምላክ አሜን!**

ገባሬ ሣህል እግዚአብሔር፥ ወይፈትህ ለኩሉ ግፉዓን፦ እግዚአብሔር ይቅርታ አድራጊ ነው፤ ለተበደሉ ሁሉ ይፈርዳል።" (መዝሙር ፻፪፥፮)

ከሁሉ በማስቀደም በሀገር ውስጥ እና በመላው ዓለም የምትኖሩ ኦርቶዶክሳውያን የመንፈስ ቅዱስ ልጆቻችንን ሐምሌ 19 ቀን 2018 ዓመተ ምሕረት በከፍተኛ መንፈሳዊ ሥነ ሥርዓት ለሚከበረው፤ ሊቀ መላእክት ቅዱስ ገብርኤል ከእግዚአብሔር ዘንድ ተልኮ በእምነታቸው የጸኑትን ቅዱስ ቂርቆስንና ቅድስት ኢየሉጣን በመከራቸው መካከል እየተራዳ የእሳቱን ነበልባል እንደክረምት ውኃ ላቀዘቀዘበት፤ በእግዚአብሔር ቃል ኪዳን የታመኑትንም እስከ ሰማዕትነት ፍጻሜ ድረስ የሚያጸና መሆኑን ለምንዘክርበት ታላቅ በዓል እንኳን አደረሳችሁ ለማለት እንወዳለን።

የኢትዮጵያ ኦርቶዶክስ ተዋሕዶ ቤተ ክርስቲያን ከዘመነ ሐዋርያት ጀምሮ የወንጌልን ብርሃን በማብራት፣ የሰላምን መንገድ በማስተማር፣ ፍትሕን በማጽናት፣ የተጨነቁትንም በማጽናናት፣ ሕዝብንና ሀገርን እየደገፈች የኖረች ናት።

በዚህ ቅዱስ ተልእኮ ውስጥም መናንያን መነኮሳት እና መነኮሳይያት ዓለምንና ከዓለም የሚገኘውን ጊዜያዊ ክብር፣ ጥቅም፣ ምቾትና የመሳሰሉትን በፈቃዳቸው ትተው፤ በየገዳማቱ በበአታቸው በጾም፣ በጸሎት ተወስነው፤ ሕይወታቸውን በትሕትና ለእግዚአብሔር በመስጠት፤ ስለ ራሳቸው ብቻ ሳይሆን ስለ ሀገር፣ ስለ ሕዝብ፣ ስለ ሰላምና ስለ ዓለም ደኅንነት በመዓልትና በሌሊት የሚጸልዩ የምድራችን በረከቶች ናቸው።

መስቀልን በተሸከሙ፣ ጸሎትን መከታ ባደረጉ፣ ለፍጥረት ሁሉ ምሕረትን በሚለምኑ፣ ራሳቸውን ለመከላከልም ምንም ዓይነት ቁሳዊ ዝግጅት በሌላቸው በእነዚህ መናንያን ላይ እጅን ማንሣት በእግዚአብሔር ዘንድ የተከለከለ፣ በታሪክ ፊትም የሚያሳፍር ድርጊት ነው።

የተወደዳችሁ የመንፈስ ቅዱስ ልጆቻችን!
በደቡብ ወሎ ሀገረ ስብከት በቦረና ወረዳ በግዮን አባይ ገዳመ አስቄጥስ ቅድስት አርሴማ፣ አቡነ አረጋዊና ቅዱስ ቂርቆስ የአባቶችና የእናቶች አንድነት ገዳም ሐምሌ 15 ቀን 2018 ዓመተ ምሕረት በተፈጸመው ጥቃት የመናንያን መነኮሳይያት ሕይወት በግፍ መጥፋቱን፤ በርካቶች መቁሰላቸውን፤ በገዳሙና በንዋየ ቅድሳቱ ውድመት መድረሱን ከሀገረ ስብከቱ መግለጫ በከፍተኛ ሐዘን የሰማን ሲሆን፤ በተመሳሳይም በዚሁ ዕለት በሀድያና ስልጤ ሀገረ ስብከት የአምልኮ ሥፍራ በኃይል መፍረሱና በምእመናን ላይ ጥቃት መድረሱ የሚያሳዝንና በፍጹም ተቀባይነት የሌለው የተወገዘ ተግባር ነው።

በመሆኑም የጸሎት፣ የትምህርት፣ የሰላምና የመንፈሳዊ እሴት ማዕከል የሆኑትን ገዳማት መጠበቅ የአንድ ሃይማኖት ጉዳይ ብቻ ሳይሆን፣ የሰው ልጅ ክብርን፣ የሕግ የበላይነትንና የሀገር ሰላምን የማስጠበቅ ሓላፊነት ያላቸው በየደረጃው የሚገኙ ባለሥልጣናትና የሕግ አስከባሪ አካላት ጭምር እንደመሆኑ አሰቃቂ ጥቃት የፈጸሙት ተጠያቂዎች ለፍትሕ እንዲቀርቡ፤ ሌሎች ገዳማትና አድባራት ደኅንነታቸው እንዲጠበቅልን፤ ለተጎዱትም ተገቢው ድጋፍ እንዲደረግልን ዛሬም አበክረን እንጠይቃለን።

በመጨረሻም ሕዝበ ክርስቲያንና መላው ኢትዮጵያውያን የጥቃት ሰለባ ከሆኑት ወገኖች ጋር በመንፈሳዊም ሆነ በሰብአዊ ድጋፍ አብራችሁ እንድትቆሙ ከአደራ ጭምር እያሳሰብን፤ በጽድቅ የሚፈርደው እግዚአብሔር አምላካችን ለተበደሉት ፍትሕን፣ ለቆሰሉት ፈውስን፣ በግፍ ሕይወታቸውን ለተነጠቁት ዕረፍተ ነፍስን፣ ለቤተ ክርስቲያናችንና ለሀገራችን ፍጹም ሰላምን ይስጥልን እያልን አባታዊ መልእክታችንን በእግዚአብሔር ስም እናስተላልፋለን።

እግዚአብሔር አምላክ ኢትዮጵያንና ሕዝቦችዋን ይባርክ!!
ወስብሐት ለእግዚአብሔር!!!
አሜን።
አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት

ሐምሌ 18 ቀን 2018 ዓ.ም.
አዲስ አበባ፣ ኢትዮጵያ

አማራጭ የሌለው ዘላቂ የመፍትሔ መንገድ

ኢትዮጵያ የረጅም ዘመናት ታሪክን፣ አያሌ የዳበሩ እሴቶችን፣ የባህል ብዝሃነትን እና የተፈጥሮ ጸጋዎችን አቅፋ የያዘች ሀገር ናት።

ሆኖም ላለፉት አስርት ዓመታት ፖለቲካዊ፣ ብሔራዊ እና አስተዳደራዊ አለመግባባቶች ምክንያት ያደረጉ ከፍተኛ ፈተናዎች ሲያጋጥሟት ቆይተዋል።

በእነዚህ ሀገራዊ ተግዳሮቶች ምክንያት የተከሰቱ ግጭቶች ደግሞ የበርካታ ሰብዓዊና ቁሳዊ ጉዳት ደርሷል፤ የህዝቦች አብሮ የመኖር እሴትም ተፈትኗል።

ለችግሮቹ መፍትሔ ለመሻት በሚደረገው ጥረት ለሀገር የትኛው መንገድ ይበጃል የሚለው ጥያቄ የብዙዎች የሁልጊዜ ጥያቄ ነው።

በሀገራችን የፖለቲካ ታሪክ ውስጥ ልዩነቶችንና ቅሬታዎችን በኃይልና በመሳሪያ አማራጭ ለመፍታት የተሄደባቸው መንገዶች ሁሉ ዘላቂ መፍትሔ ማምጣት አለመቻላቸውን ታሪክ ይመሰክራል።

ኃይልን ወይም የመሳሪያ አማራጭን መጠቀም የሰብአዊና ቁሳዊ ሀብት ውድመት፣ የበቀልና የጽንፈኝነት ዑደት፣ የዴሞክራሲ ባህል መሸርሸር፣ ምጣኔ ሀብታዊ መዛባት እና የመሳሰሉትን ዋና ዋና ጉዳቶች ያስከትላል፡፡

ስለሆነም፣ ኃይልን እንደ መፍትሔ አማራጭ መውሰድ ለኢትዮጵያ ዘላቂ ሰላም፣ ልማትና ዴሞክራሲ ለማምጣት ፍጹም የማይበጅና ሀገርን ወደባሰ ውድመት ያስገባል።

በኢትዮጵያ ከሳምንት በፊት የተጀመረውና እስከ አሁንም ድረስ በመካሄድ ላይ ያለው ሀገራዊ ምክክር ጉባኤ፣ ሀገራችንን ካለችበት ውስብስብ ችግር ለማውጣትና ወደ አዲስ ምዕራፍ ለማሸጋገር የተዘጋጀ ታሪካዊ ዕድል ነው።

ምክክሩ ለዘላቂ ሰላም መሠረት በመጣል፣ ለብሔራዊ መግባባትና አንድነት ግንባታ፣ ለልማትና ምጣኔ ሀብት ዕድገት መንገድ በመክፈት እንዲሁም የዴሞክራሲ ሥርዓት ግንባታን በማጠናከር ረገድ የጎላ ፋይዳ አለው።

የምክክር ባህል የዴሞክራሲ ዋና አምድ በመሆኑ ተቃራኒ ሃሳቦችን ማዳመጥ፣ መከባበርና በውይይት መፍትሔ መፈለግ ሲለመድ ጠንካራ ዴሞክራሲያዊ ተቋማት ለመፍጠር ምቹ ሁኔታን ይፈጥራል፤ የሕግ የበላይነትም ለማስፈን ከፍ ያለ ሚና ይጫወታል።

ስለሆነም ሀገራችን ካለችበት ውስብስብ የታሪክ ምዕራፍ አኳያ፣ ሀገራዊ የምክክር ኮሚሽኑ የጀመረው አካታች የሀገራዊ ምክክር ሂደት እጅግ ወሳኝ እና አማራጭ የሌለው የመፍትሔ መንገድ ነው።

በሀገራችን ዘላቂ ሰላም፣ የተፋጠነ ልማትና እውነተኛ ዴሞክራሲ እውን ማድረግ የሚቻለው በአሁኑ ወቅት የተጀመረውን ሀገራዊ ምክክር በቅንነት፣ በቁርጠኝነት እና በሙሉ አቅም መደገፍና በመተግበር ይገባል።

ለስኬቱ ሁሉም ኢትዮጵያዊያን፣ ተቋማት፣ የፖለቲካ ፓርቲዎች፣ የሲቪል ማህበረሰብ ድርጅቶች እና የሚዲያ አካላት በትብብር መስራት አለባቸው።

በአመለወርቅ ደምሰው

ኳታር በኢራን ለተፈጸመባት ጥቃት ካሳ እንዲከፈላት ጥያቄ አቀረበች

ኳታር ለተባበሩት መንግሥታት ድርጅት የፀጥታው ምክር ቤት በጻፈችው ደብዳቤ ኢራን በግዛቷ ላይ ለፈጸመችው ጥቃት ሙሉ ተጠያቂ መሆኗን ገልጻ ለደረሰባት ውድመት የካሳ ጥያቄ አቀረበች።
ኳታር በደብዳቤዋ ላይ ከሁለት ሳምንት በፊት በሆርሙዝ ወሽመጥ አቅራቢያ የነዳጅ ጫኝ መርከቧን ዒላማ ማድረጓን እንዲሁም ከዚያ በኋላ በሁለት የተለያዩ ቀናት ደግሞ በግዛቷ ላይ የሚሳዔል ጥቃት መፈጸሟን ገልጻለች።
የኳታር ባለሥልጣናት ኢራን በአገራቸው ላይ ከሳምንት በፊት የፈጸመችውን የሚሳዔል ጥቃት ተከትሎ ለማክሸፍ በተደረገው ጥረት መካከል ፍንጣሪዎች በመኖሪያ ስፍራ በመውደቃቸው አንድ ሕጻንን ጨምሮ ሦስት ሰዎች ተጎድተዋል ብለዋል።

ደብዳቤው ጨምሮም ኢራን በኳታር ግዛት ላይ የፈጸመችው “የጠብ ጫሪነት ጥቃት” የአገሪቱን ሉዓላዊነት በግልጽ የጣሰ እና ለደኅንነቷ እንዲሁም ለግዛት አንድነቷ ቀጥተኛ ስጋት ነው በማለት አውግዞታል።
ኳታር “ሉዓላዊነቷን፣ ደኅንነቷን እና የዜጎቿን ሕይወት ለመካከል ማንኛውንም ዓይነት አስፈላጊ እርምጃ ከመውሰድ ወደኋላ እንደማትል” አሳውቃለች።
በአሜሪካ እና በኢራን መካከል የሚካሄደው ጦርነት መልሶ ካገረሸ በኋላ ኢራን የሚፈጸምባትን ጥቃት ለመበቀል በመካከለኛው ምሥራቅ በሚገኙ አገራት ውስጥ በሚገኙ የአሜሪካ ጦር ሰፈሮች ላይ የአጸፋ ጥቃት እየፈጸመች ነው።

ኢራንም በአካባቢው አገራት የምትጽማቸው ጥቃቶች ዒላማ ያደረጉት የአሜሪካ ጦር ሰፈሮችን እና በአገራቱ ውስጥ የሰፈሩ ኃይሎቿን ነው ብላለች።

BBC

(ዘ-ሐበሻ ዜና) ከሱዳን እየተስፋፋ የመጣው የእርስ በርስ ግጭት በቀጠናው ላይ የደኅንነት ስጋት እያሳደረ ባለበት በአሁኑ ወቅት፣ ኢትዮጵያ በሀገሪቱ የሚገኙ ከአንድ ነጥብ አንድ ሚሊዮን በላይ ስደተኞችን ወደ ማኅበራዊና ኢኮኖሚው መዋቅር ለማዋሃድ የጀመረችው አዲስ ፕሮጀክት ለዓለም አቀፉ የስደተኞች ቀውስ እንደ አዲስ አርአያነት ያለው አማራጭ እየተጠቀሰ ይገኛል። ይሁን እንጂ ይህ ተስፋ ሰጪ እርምጃ እየተራመደ ያለው፣ በምዕራብ ኢትዮጵያ አሶሳ ከተማ አቅራቢያ በሚገኝ ወታደራዊ የጦር ሰፈር ውስጥ የሱዳኑ የፈጣን ድጋፍ ኃይሎች (RSF) ምስጢራዊ ማሰልጠኛ መክፈታቸውን ተከትሎ በስደተኞች ላይ ከፍተኛ ፍርሃትና ድንጋጤ በነገሰበት ማዕቀፍ ውስጥ መሆኑን የእንግሊዙ ዘ ጋርዲያን ጋዜታ ጋዜጠኛ ማርክ ታውንሰንድ ከአሶሳ የላከው ዘገባ ያመለክታል።

ከአሶሳ ወታደራዊ ካምፕ ጥቂት ርቀት ላይ በሚገኘው የኡራ ስደተኞች መጠለያ ውስጥ የሚኖሩ 14 ሺህ 500 የሚጠጉ የሱዳን ስደተኞች፣ ከአሰቃቂው የዳርፉር እና የካርቱም ጭፍጨፋ አምልጠው የመጡ ቢሆንም፣ አሁን ደግሞ የሕዋሃት/አር ኤስ ኤፍ ታጣቂዎች በአቅራቢያቸው መገኘታቸው በኢትዮጵያ ምድር ውስጥ ጭምር ሊያድኑንና የባለስልጣናትን የግድያ ዝርዝር ሊያዘጋጁ ይችላሉ በሚል ታላቅ ስጋት ውስጥ ወድቀዋል።

ይህ በእንዲህ እንዳለ ጠቅላይ ሚኒስትር ዐቢይ አሕመድ በቅርቡ የተካሄደውን አጠቃላይ ምርጫ በድጋሚ ማሸነፋቸውን ተከትሎ፣ የፖለቲካ እና የደኅንነት ተንታኞች የሀገሪቱን የወደፊት ዕጣ ፈንታ በከፍተኛ ጥንቃቄ እየተከታተሉት ይገኛሉ። አንዳንድ ምሁራን አዲሱ የሥልጣን ዘመን አዳዲስ የውስጥና የውጭ ግጭቶችን ሊያስተናግድ ይችላል የሚል ስጋት ያላቸው ሲሆን፣ በተለይም ኢትዮጵያ በጎረቤት ሱዳን ግጭት ውስጥ ልትገባ የምትችልበት ዕድል ቀውስ ሊፈጥር እንደሚችል ያስጠነቅቃሉ።

ይህ የጂኦ-ፖለቲካዊ ሽኩቻ የሱዳን መደበኛ ጦር፣ የኤርትራ ሰራዊት፣ የትግራይ አማፂያን እና የኢትዮጵያ ታሪካዊ ባላጋራ የሆነችው ግብፅን በአንድ ወገን አሰልፎ ኢትዮጵያን ሊገጥም የሚችልበትን እጅግ አደገኛና ሁለቱንም ወገኖች ሊያጠፋ የሚችል የክልላዊ ጦርነት ስጋት የደቀነ መሆኑን የገለጸው የዘጋርዲያን ዘገባ፣ ይህ ዓይነቱ መጠነ ሰፊ ውድመት ሊያስከትል የሚችለው ፍርሃት ራሱ በአካባቢው አዲስ ጦርነት እንዳይቀሰቀስ እገዳ ሆኗል የሚሉ ዲፕሎማቶች አሉ።

ነገር ግን ይህ ሁሉ ውጥረት ባለበት ሁኔታ የኢትዮጵያ መንግሥት ስደተኞችን በተመለከተ ፍጹም የተለየና ተራማጅ የሆነ ፖሊሲ ይዞ ብቅ ብሏል። መንግሥት በአዲስ አበባው ዓድዋ ድል መታሰቢያ ሙዚየም ባዘጋጀው ደማቅ ሥነ-ሥርዓት፣ “ማካተት” የተሰኘ አቅኚ ፕሮጀክትን በይፋ አስጀምሯል። ይህ ስትራቴጂ በአፍሪካ ካሉ ትላልቅ የስደተኞች ቁጥሮች አንዱ የሆነውን የሀገሪቱን ስደተኞች በረድኤት ድርጅቶች ዕርዳታ ላይ ጥገኛ ከማድረግ ይልቅ፣ ወደ ትምህርት፣ ጤና ጥበቃ እና የሥራ ገበታ እንዲገቡ በማድረግ የሀገሪቱ የኢኮኖሚና ማኅበራዊ አካል፣ እንዲሁም ግብር ከፋይ ነዋሪዎች እንዲሆኑ ታስቦ የተነደፈ ነው። ይህ አሠራር በአሁኑ ወቅት በአሜሪካና በአውሮፓ ከሚታየው ስደተኞችን የመግፋትና ፀረ-ስደተኛ አጀንዳ ፍጹም ተቃራኒ በመሆኑ፣ ለዓለም አቀፉ የስደት ቀውስ አዲስና ዘላቂ መፍትሔ ሊሆን እንደሚችል ባለሙያዎች ያምናሉ።

የተባበሩት መንግሥታት ድርጅት የስደተኞች ከፍተኛ ኮሚሽነር (UNHCR) አዲሱ መሪ እና የቀድሞው የኢራቅ ፕሬዝዳንት የነበሩት ባርሃም ሳሊህ፣ የኢትዮጵያን አካሄድ በዓለም ላይ በሚሊዮን የሚቆጠሩ ሰዎችን መፈናቀል ለመፍታት እስካሁን ከተደረጉት ሙከራዎች ሁሉ እጅግ ታላቅና ደፋር እርምጃ ሲሉ አሞካሽተውታል። እሳቸው ራሳቸው የቀድሞ ስደተኛ እንደመሆናቸው መጠን፣ በዓለም ዙሪያ ካሉ 41 ነጥብ 6 ሚሊዮን ስደተኞች መካከል 70 በመቶ ያህሉ ለዓመታት በአስቸጋሪ ሁኔታ ውስጥ ተዘግተው እንደሚገኙ ጠቅሰው፣ የሰብዓዊ ዕርዳታ ፈንድ በከፍተኛ ሁኔታ እየቀነሰ ባለበት በዚህ ዘመን ሰዎችን ዘላቂ ባልሆነ ዕርዳታ ላይ ብቻ ጥገኛ ማድረግ እንደማይቻል አስገንዝበዋል። በመሆኑም ምዕራባውያን አገራት ከዚህ ፖለቲካዊ የስደተኞች ጉዳይ ከመሸሽ ይልቅ፣ እንደ ኢትዮጵያ ዓይነት ስደተኞችን ራሳቸውን እንዲችሉ የሚያደርግ የአሠራር ዘይቤን መከተልና የስብአዊ መብት አቀራረባቸውን በድጋሚ መተርጎም እንዳለባቸው በጥብቅ አሳስበዋል።

(ዘ-ሐበሻ ዜና) የጆርዳን ጦር ዛሬ ቅዳሜ ማለዳ የሀገሪቱን የአየር ክልል ጥሰው የገቡ 10 የኢራን ሚሳኤሎችን በአየር መከላከያ ሥርዓቱ አማካኝነት መትቶ መጣሉን እና ማክሸፉን አስታውቋል።

ጦሩ እንዳስታወቀው፣ ይህ ወታደራዊ እርምጃ የተወሰደው የሀገሪቱን ሉዓላዊነት ለመጠበቅ እና የሕዝብን ደኅንነት ለማረጋገጥ ከሚተገበሩት መደበኛ የመከላከያ እርምጃዎች ጋር በተጣጣመ መልኩ ነው።

ከነዚህ ሚሳኤሎች መክሸፍ ጋር በተያያዘ የደረሰ የሰው ሕይወት መጥፋትም ሆነ የንብረት ውድመት አለመኖሩን የገለጸው ጦሩ፤ የሮያል መሃንዲሶች አሃድ ሚሳኤሎቹ ከወደቁባቸው ስፍራዎች ላይ ፍርስራሾችን የማንሳት እና አካባቢውን ደህንነቱ የተጠበቀ የማድረግ ሥራ ጀምሮ እያከናወነ መሆኑን አክሎ አስታውቋል።

(ዘ-ሐበሻ ዜና) በሚኒሶታ ግዛት ሮዝማውንት ከተማ ሰኞ ዕለት በደረሰ ከባድ የእሳት አደጋ፣ ምዕመናን ወደ አዲሱ ህንጻቸው በገቡ በጥቂት ወራት ውስጥ ህንጻው ሙሉ በሙሉ መውደሙ ህዝበ ክርስቲያኑን ለከፍተኛ ሀዘንና ድንጋጤ ዳርጓል።

የደብረ ብስራት ቅዱስ ገብርኤል እና ቅድስት አርሴማ የኢትዮጵያ ኦርቶዶክስ ተዋህዶ ቤተክርስቲያን መሪዎች እንደገለጹት፣ ቀደም ሲል በሴንት ፖል ከተማ የነበረው ቦታ ከቁጥራቸው መበራከት የተነሳ ባለመበቃቱ ህንጻውን ከስድስት ወራት በፊት ገዝተውት ነበር። ምዕመናኑ ህንጻውን በይፋ ሚያዝያ (ኤፕሪል) ወር ላይ ከመክፈታቸው በፊት ለወራት ያህል የእድሳት ስራዎችን ሲያከናውኑ ቆይተዋል።

የደብሩ ዲያቆን ዳግም ትልሁን ለኬር 11 ቴሌቭዥን በሰጠው መግለጫ፣ "በእድሳት ስራው ላይ ከፍተኛ ልፋት አፍስሰናል፤ ሁሉም ሰው ሳይተኛ ሌሊትና ቀን 24/7 እዚህ ነበር" ብሏል። ነገር ግን ቤተክርስቲያኑ ለአገልግሎት ዝግጁ ሆኖ ምዕመናኑን ማገልገል ከጀመረ ከሦስት ወራት በኋላ ሰኞ ዕለት በደረሰው አደጋ ህንጻው ሙሉ በሙሉ ወድሟል። የእሳቱ መንስኤ ምን እንደሆነ እና ህንጻውን መልሶ መገንባት የሚቻል መሆን አለመሆኑ እስካሁን አልታወቀም። ዲያቆኑ አክሎም "ክስተቱ እጅግ የሚያሳዝን እና ልብ የሚሰብር ነው። በርካታ ሰዎች እዚህ ሲያለቅሱ አይቻለሁ" ሲል ሀዘኑን ገልጿል።

ይህ የህንጻው መውደም ከበርካታ አስርት ዓመታት በፊት ጀምሮ ከቦታው ጋር የቆየ ትውስታ የነበራቸውን የአካባቢው ነዋሪዎችንም ጭምር አሳዝኗል። የሌክቪል ነዋሪ የሆነችው ላሪን ናርቫ በልጅነቷ በዚያ ህንጻ ውስጥ የሰንበት ትምህርት ቤት ትከታተል እንደነበር፣ እዚያው ጋብቻ መመስረቷንና ልጆቿም በቤተክርስቲያኑ እንቅስቃሴዎች ውስጥ ሲሳተፉ ማየቷን አስታውሳለች። "ጉዳዩ በጣም እንግዳ ነው፤ ምክንያቱም ባለፉት ዓመታት ውስጥ የነበሩትን ክስተቶች ሳስብ እንዲህ አይነት ነገር ይፈጠራል ብዬ አስቤ አላውቅም" ስትል ስሜቷን ገልጻለች።

ከደረሰው ከባድ ሀዘንና የንብረት ውድመት ጀርባ ግን የወቅቱ የደብሩ አባላት ተስፋቸውን አላጡም። ዲያቆን ዳግም ትልሁን "ይህንን ቤተክርስቲያን ከመሰረቱ ጀምረን የገነባነው እና ሁሉንም ነገር ያደስነው እኛ ነን፤ ሁላችንም በአንድ ላይ ከቆምን ልናደርገው የማንችለው ነገር የለም" ሲል የመልሶ ግንባታ ተስፋውን ገልጿል።

የአካባቢው ባለስልጣናት ማክሰኞ ዕለት ባወጡት ማረጋገጫ በአደጋው የትኛውም ሰው ላይ የአካልና የህይወት ጉዳት እንዳልደረሰ አስታውቀዋል። በአሁኑ ወቅት ምዕመናኑ ቀጣይ እርምጃዎችን እንዲወስዱ እና ቤተክርስቲያኑን መልሰው እንዲገነቡ ለመርዳት የኦንላይን (የእርዳታ ማሰባሰቢያ) ገጽ ተከፍቶ ርብርብ እየተደረገ ይገኛል።

በሚኒሶታ የሚገኘው የደብረ ብሥራት ቅዱስ ገብርኤልና ቅድስት አርሴማ ቤተክርስቲያን በከፍተኛ የእሳት አደጋ ተጎዳ
#ethiopia | በአሜሪካ ሚኒሶታ ግዛት ሮዝማውንት (Rosemount) ከተማ የሚገኘው የደብረ ብሥራት ቅዱስ ገብርኤልና ቅድስት አርሴማ የኢትዮጵያ ኦርቶዶክስ ተዋሕዶ ቤተክርስቲያን በድንገት በተከሰተ የእሳት አደጋ ክፉኛ ተጎድቷል።

አደጋው የደረሰው ሐምሌ 6 ቀን 2018 ዓ.ም. (ጁላይ 13፣ 2026) የቅድስት አርሴማ ወርሃዊ በዓል የቅዳሴ ሥርዓት ከተጠናቀቀ በኋላ ሲሆን፣ እሳቱ በህንጻው ጣሪያና በውስጣዊ ክፍሎች ላይ በፍጥነት ተዛምቶ ከፍተኛ ጉዳት አድርሷል።

በርካታ የእሳት አደጋ መከላከያ ቡድኖች እሳቱን ለመቆጣጠር ከፍተኛ ርብርብ ቢያደርጉም፣ በህንጻው ላይ የደረሰው ውድመት እጅግ ከባድ መሆኑ ተገልጿል። በአደጋው ወቅት በህንጻው ውስጥ ሰው ባለመኖሩ የሕይወት መጥፋትም ሆነ የአካል ጉዳት አልተመዘገበም።

በሚኒሶታና አካባቢው ሀገረ ስብከት ሊቀ ጳጳስ ብፁዕ አቡነ ናትናኤል በአደጋው ቦታ በመገኘት ለደብሩ ካህናት፣ ለሰበካ ጉባኤ አባላትና ለምዕመናን አባታዊ ማጽናኛ ሰጥተው፣ ቤተክርስቲያኑን በድጋሚ ለማቋቋም በአንድነት እንዲረባረቡ ጥሪ አቅርበዋል።

ይህ ቤተክርስቲያን በቅርቡ ከ2.2 ሚሊዮን ዶላር በላይ በሆነ ወጪ ተገዝቶ፣ ለምዕመናን አገልግሎት መስጠት የጀመረ በመሆኑ አደጋው የበለጠ አሳዛኝ መሆኑ ተጠቁሟል።

በበኩላቸው የአካባቢው ፖሊስና የእሳት አደጋ መርማሪዎች የአደጋውን መንስኤ ለማወቅ ምርመራ መጀመራቸውን አስታውቀዋል።

ምንጭ፦ CBS Minnesota (WCCO-TV)፣ FOX 9 Minneapolis–St. Paul፣ KARE 11 News

በሸዋሮቢት ከተማ በደረሰ ከባድ የእሳት አደጋ በመኖሪያ ቤቶችና ንብረት ላይ ጉዳት ደረሰ!
#fastmereja I ከሌሊቱ 9፡00 ገደማ፣ በሸዋሮቢት ከተማ አስተዳደር 02 ቀበሌ መግቢያ መንገድ አካባቢ ባጋጠመ ድንገተኛ የእሳት አደጋ በመኖሪያ ቤቶች እና በንብረት ላይ ከፍተኛ ውድመት ደርሷል።

ምንም እንኳን የእሳት አደጋው በንብረት ላይ የከፋ ጉዳት ቢያስከትልም፤ በሰው ህይወትና አካል ላይ ያደረሰው ምንም አይነት ጉዳት አለመኖሩ ተረጋግጧል።

ለጊዜው የዚህ አሳዛኝ የእሳት አደጋ መነሻ መንስኤ ያልታወቀ ሲሆን፤ የከተማው ፖሊስ በአደጋው ዙሪያ ጥብቅ ማጣራት እያካሄደ ይገኛል። ፖሊስ የምርመራውን ውጤት እንዳጠናቀቀ ትክክለኛውን መረጃ ለህዝብ ይፋ እንደሚያደርግ አስታውቋል።

(ዘ-ሐበሻ ዜና) የኢትዮጵያ ሕዝባዊ አብዮታዊ ፓርቲ (ኢሕአፓ) ዛሬ ሰኔ 21 ቀን 2018 ዓ.ም ባወጣው መግለጫ፣ ገዥው ስርዓት ህዝቡን እርስ በእርስ ለማጋጨት የመጨረሻ ያለውን "የሃይማኖት ካርድ" እየተጠቀመ ነው ሲል ከባድ ክስ አቀረበ። ፓርቲው በቅርቡ በዳንግላ እና በባቲ ከተሞች የተፈጸሙትን የሃይማኖት አባቶች አሳዛኝ ግድያ በጽኑ በማውገዝ፣ ምዕመናን ራሳቸውን እና ሃይማኖታቸውን ከጥቃት እንዲጠብቁ ጥሪ አቅርቧል።

በኢሕአፓ መግለጫ መሰረት አገዛዙ ስልጣን ከያዘበት ጊዜ አንስቶ ለዘመናት በወንድማማችነት እና በመከባበር አብሮ በኖረው የኢትዮጵያ ህዝብ መካከል ግጭት እና እልቂት እንዲፈጠር ሆን ብሎ ሲሰራ ቆይቷል። ይህ እኩይ ሴራው ባሰበው ልክ ህዝቡን ባለማጋጨቱ፣ አሁን ላይ የሃይማኖት አባቶችን ኢላማ ያደረጉ ጥቃቶችን እያባባሰ መምጣቱን ፓርቲው አስታውቋል። ለዚህም በቅርቡ በዳንግላ ከተማ የኹጥባ መስጂድ ኢማም የሆኑት ሸይኽ ሱፍያን ሙሀመድ ወደ ቤታቸው በመመለስ ላይ ሳሉ በጥይት ተመትተው መገደላቸውን፣ እንዲሁም ሰኔ 17 ቀን 2018 ዓ.ም በባቲ ከተማ የጓሀ ጽባህ አቡነ ተክለሃይማኖት ቤተክርስቲያን አገልጋይ የሆኑት ቄስ ፍሬው ሀብታሙ መኖሪያ ቤታቸው ውስጥ በተከፈተባቸው ተኩስ ህይወታቸው ማለፉን በአብነት ጠቅሷል።

ከእነዚህ የቅርብ ጊዜ ክስተቶች በተጨማሪ ቀደም ሲል በወለጋ እና በአርሲ በኦርቶዶክስ ተዋሕዶ ምዕመናን እና አገልጋዮች ላይ የደረሰውን ግድያ እና መፈናቀል ፓርቲው በመግለጫው አስታውሷል። በተመሳሳይ በጦርነት ስም በመላው ኢትዮጵያ በሚገኙ አብያተ-ክርስቲያናት እና መስጂዶች ላይ የደረሰውን ውድመት፣ እንዲሁም ፍትህ በጠየቁ ንጹሃን ላይ የተፈጸመውን እስራት፣ አገዛዙ የሃይማኖት ካርዱን ተግባራዊ እያደረገ ለመሆኑ በቂ ማሳያዎች ናቸው ብሏል።

በእምነት አባቶች እና በምዕመናን ላይ የሚደርሰውን ጥቃት ለማስቆም እና ፍትህ ለማስፈን የሚሰራ መዋቅር ባለመኖሩ፣ ህዝቡ ተደራጅቶ ራሱን እና እምነቱን ሊጠብቅ እንደሚገባ ኢሕአፓ አሳስቧል። በተለይም የተደራጀ ጥቃት ሰለባ የሆኑት የኢትዮጵያ ኦርቶዶክስ ተዋሕዶ እና የእስልምና እምነት ተከታዮች፣ ከተደገሰላቸው የጥፋት ሴራ እርስ በእርስ በመጠበቅ፣ ታሪካዊ የወንድማማችነት እና የመከባበር እሴታቸውን አጠናክረው እንዲቀጥሉ ፓርቲው አደራ ብሏል።

ሲያጠናቅቅም ፓርቲው ለተገደሉት የሃይማኖት አባቶች (ለሸይኽ ሱፍያን ሙሀመድ እና ለቀሲስ ፍሬው ሀብታሙ) ቤተሰቦች እና ወዳጅ ዘመዶች መጽናናትን ተመኝቷል።

በቬንዙዌላ በደረሰው ከባድ የመሬት መንቀጥቀጥ አደጋ የሟቾች ቁጥር 920 ደረሰ
*******************

በቬንዙዌላ በተከሰተው ድርብ የመሬት መንቀጥቀጥ አደጋ ሕይወታቸው ያጡ ሰዎች ቁጥር 920 መድረሱን እና ከ 3,360 በላይ ሰዎች ደግሞ ቀላል እና ከባድ ጉዳት እንደደረሰባቸው የሀገሪቱ ባለስልጣናት አስታውቀዋል።

በአንድ ደቂቃ ልዩነት ውስጥ የተከሰቱት ሁለት ከባድ የመሬት መንቀጥቀጥ አደጋዎች በአገሪቱ ላይ ከፍተኛ ውድመት ማድረሳቸው ተገልጿል፡፡

በሬክተር ስኬል 7.2 እና 7.5 የሆነ የኃይል መጠን ያላቸው እነዚ ተከታታይ የመሬት መንቀጥቀጦች፣ ሀገሪቱ ባለፉት 100 ዓመታት ውስጥ ካስተናገደቻቸው እጅግ አስከፊ አደጋዎች መካከል የሚመደቡ ናቸው ተብሏል፡፡

ከአደጋው በኋላ በሕይወት የተረፉ ሰዎችን ለመፈለግና ለማዳን ዓለም አቀፍ የነፍስ አድን ቡድኖች የአገሪቱን የነፍስ አድን ሠራተኞች እየተቀላቀሉ ይገኛል።

በዚህም አሁን ላይ 80 የሚሆኑ የስዊዘርላንድ የነፍስ አድን ባለሙያዎች እና የሜክሲኮ የረድኤት ሠራተኞች ቡድን በቦታው ላይ ድጋፍ በመስጠት ላይ እንደሚገኙ ተጠቁሟል።

የሀገር ውስጥ የነፍስ አድን ቡድኖች በዋና ከተማዋ ካራካስ እና በላ ጉዋይራ ግዛት ውስጥ በፈረሱ ሕንጻዎች ፍርስራሽ ሥር ሙሉ ፍለጋ እያካሄዱ ሲሆን፤ አደጋው በደረሰባቸው ቦታዎች የሚገኙ በርካታ ሰዎችም የደረሱበት ያልታወቁ ቤተሰቦቻቸውን ዘመዶቻቸውን ለማግኘት ከፍተኛ ጥረት እያደረጉ እንደሚገኙ ተናግረዋል፡፡

ሁለቱ የመሬት መንቀጥቀጦች ረቡዕ ምሽት በአንድ ደቂቃ ልዩነት ውስጥ የተከሰቱ ሲሆን፤ በተለይም ሁለተኛው እ.ኤ.አ ከ1900 በኋላ በቬንዙዌላ ታሪክ የተመዘገበ እጅግ ከፍተኛውና ኃይለኛው የመሬት መንቀጥቀጥ መሆኑን ቢቢሲ ዘግቧል።
#ethiopianbroadcastingcorporation #venezuela #earthquake #disasterrelief #internationalaid

(ዘ-ሐበሻ ዜና) እሮብ ምሽት በቬንዙዌላ ከአንድ ደቂቃ ባነሰ ልዩነት ውስጥ የተከሰቱ ሁለት ኃይለኛ የመሬት መንቀጥቀጦች በሀገሪቱ ከባድ አደጋን አስከትለዋል። የመጀመሪያው በሬክተር ስኬል 7.2 የተመዘገበ የመሬት መንቀጥቀጥ መነሻውን ከዋና ከተማዋ ካራካስ 20 ኪሎ ሜትር ርቀት ላይ በምትገኘው የካራቦቦ ግዛት ያደረገ ነበር። የአሜሪካ የጂኦሎጂካል ጥናት ተቋም እንዳስታወቀው፣ ከ39 ሰከንዶች በኋላ ብቻ በሬክተር ስኬል 7.5 የተመዘገበ ይበልጥ ኃይለኛ የሆነ ሁለተኛ የመሬት መንቀጥቀጥ ተከስቷል።

በዋና ከተማዋ ካራካስ ህንጻዎች የፈረሱ ሲሆን፣ የነዳጅ አቅርቦትም ተቋርጧል። በፈረሱ ህንጻዎች ፍርስራሽ ስር የገቡ ሰዎች የእርዳታ ጥሪ እያሰሙ እንደሚገኙ ተገልጿል። እስካሁን የደረሰው የጉዳት መጠንም ሆነ የሟቾች ቁጥር በውል ባይታወቅም፣ የአሜሪካ የጂኦሎጂካል ጥናት ተቋም እንዳስጠነቀቀው ከሆነ ከ10 ሺህ በላይ ሰዎች የመሞት 44 በመቶ እንዲሁም ከ100 ሺህ በላይ ሰዎች የመሞት 30 በመቶ እድል አለ። ይህ ሁኔታ ከፍተኛ የህይወት መጥፋት እና መጠነ ሰፊ የንብረት ውድመት ሊያስከትል እንደሚችል በስፋት ተገምቷል። አደጋውን ተከትሎ የሀገሪቱ የሀገር ውስጥ ጉዳይ ሚኒስትር ነዋሪዎች መኖሪያ ቤቶቻቸውን ለቀው ወደ ደህንነቱ የተጠበቀ ስፍራ እንዲወጡ አሳስበዋል።

ክስተቱን በተመለከተ የዓይን እማኝነቷን የሰጠችው ጋዜጠኛ ሙንዶ ኒኮል ኮልስተር "በህይወቴ አይቼው የማላውቀው እጅግ ኃይለኛ የመሬት መንቀጥቀጥ ነው" በማለት ገልጸዋለች። የመሬት መንቀጥቀጡ ሲጀምር በማዕከላዊ ካራካስ፣ ፓሎስ ግራንዴስ በተባለ አካባቢ በሚገኝ አንድ አፓርታማ 7ኛ ፎቅ ላይ ነበረች።

መስኮቶች ሲንቀጠቀጡ ስታይ እራሷን ለመከላከል በዋናው በር እና ጠንካራ ነው ብላ ባሰበችው የድንጋይ ግድግዳ መካከል መደበቋን ተናግራለች። ጎረቤቶች ሁሉም ሰው ወደ መንገድ እንዲወርድ ሲጮሁ እስከምትሰማ ድረስ እዛው መቆየቷን ያስታወሰችው ጋዜጠኛዋ፣ "ህንጻው በላዬ ላይ የሚፈርስ መስሎኝ ነበር" ስትል የነበረውን አስፈሪ ሁኔታ አስረድታለች።

(ዘ-ሐበሻ ዜና) የተባበሩት መንግስታት ድርጅት (ተመድ) እና የተለያዩ የሰብዓዊ መብት ተሟጋች ተቋማት፣ በሱዳን ሰሜን ኮርዶፋን ግዛት በምትገኘው ኤል-ኦበይድ ከተማ "በቅርቡ የጅምላ ጭፍጨፋ እና የሰብዓዊ መብት ጥሰቶች ሊፈጸሙ ይችላሉ" ሲሉ አፋጣኝ ማስጠንቀቂያ ሰጥተዋል። ይህ ስጋት ያየለው፣ የፈጣን ድጋፍ ሰጪ ኃይሎች በክልሉ በሚገኘው መደበኛ የሱዳን ጦር ላይ የሚያደርጉትን ጥቃት አጠናክረው በመቀጠላቸው ነው።

በጀነራል መሀመድ ሀምዳን ዳግሎ (ሄሜድቲ) የሚመራው የፈጣን ድጋፍ ሰጪ ኃይል፣ አብዛኛው ነዋሪዋ ሙስሊም የሆነባትን ይህችን የኮርዶፋን ቀጠና ከተማ ለወራት ከበባ ውስጥ አቆይቷታል። የተመድ የፀጥታው ምክር ቤት ቅዳሜ ዕለት ባወጣው መግለጫ፣ የፈጣን ድጋፍ ሰጪ ኃይሎች በከተማዋ ዙሪያ ከፍተኛ ወታደራዊ ስምሪት እያደረጉ መሆናቸውን በሚያሳዩ ሪፖርቶች ላይ "ጥልቅ ስጋቱን" ገልጿል። ምክር ቤቱ ሁሉም ተፋላሚ ወገኖች ግጭታቸውን እንዲያቆሙና አባል ሀገራትም ሁከቱን ከሚያባብስ ማንኛውም ጣልቃ ገብነት እንዲቆጠቡ ጥሪ አቅርቧል።

የሱዳን የሀኪሞች ትስስር በበኩሉ፣ ባለፉት ሳምንታት በትምህርት ቤቶች፣ በሆስፒታሎች፣ በጤና ጣቢያዎች እና በተፈናቃዮች መጠለያ ካምፖች ላይ የድሮን ጥቃቶች መጨመራቸውን አጋልጧል። በቅርቡም በኤል-ኦበይድ የኤሌክትሪክ ማመንጫ ላይ በደረሰ ጥቃት ከተማዋ በጨለማ እንድትዋጥ ከመደረጓም በላይ የውሃ አቅርቦት ተቋርጧል።

የኖርዌይ የስደተኞች ምክር ቤት አማካሪ ኤልያስ አቡ አታ እንደገለጹት፣ ኤል-ኦበይድ ተራ ከተማ ሳትሆን የቀጠናው የንግድ እና የሰብዓዊ እንቅስቃሴዎች ማዕከል ናት። ከተማዋ ፈጣን ድጋፍ ሰጪ ኃይሉ በተቆጣጠረው ዳርፉር እና መደበኛው ጦር በያዘው የምስራቅ ሱዳን መካከል የምትገኝ ወሳኝ የሽግግር ቀጠና መሆኗም የውጊያውን ስጋት ከፍ አድርጎታል።

የተመድ ዋና ፀሃፊ አንቶኒዮ ጉተሬዝ እና በሱዳን የተመድ ልዩ ልዑክ ፔካ ሃቪስቶ፣ በከተማዋ ላይ አደጋ አንዣብቧል በማለት ሄሜድቲ ኤል-ኦበይድን ከጥቃት እንዲታደጓት አሳስበዋል። ጉተሬዝ "በኤል-ፋሸር የታየው አሰቃቂ ድርጊት በኤል-ኦበይድ እንዲደገም መፍቀድ የለብንም" ሲሉ አጥብቀው አስጠንቅቀዋል።

ተመድ ይህን ስጋት ያቀረበው፣ የፈጣን ድጋፍ ሰጪ ኃይሉ ዳርፉር ውስጥ በምትገኘው ኤል-ፋሸር ከተማ ላይ ከ500 ቀናት ከበባ በኋላ በከፈተው ጥቃት የዘር ማጥፋት ምልክት ያላቸው የጅምላ ጭፍጨፋዎች እና አስገድዶ መድፈር ወንጀሎችን መፈጸሙን የተመድ አጣሪ ቡድን ማረጋገጡን ተከትሎ ነው።

የአውሮፓ ህብረትም በተመሳሳይ የፈጣን ድጋፍ ሰጪ ኃይሉ በሰላማዊ ዜጎች ላይ የሚያደርገውን ጭፍጨፋ፣ ብሔርን መሰረት ያደረጉ ጥቃቶችን እና በመሰረተ ልማቶች ላይ የሚያደርሰውን ውድመት በአስቸኳይ እንዲያቆም ጠይቋል።

እ.ኤ.አ. ከሚያዝያ 2023 ጀምሮ በሱዳን እየተካሄደ ያለው ይህ አውዳሚ ጦርነት፣ እስካሁን ቢያንስ 59 ሺህ ሰዎችን ህይወት የቀጠፈ ሲሆን፣ ወደ 13 ሚሊዮን የሚጠጉ ዜጎችን አፈናቅሏል፤ እንዲሁም ከ30 ሚሊዮን በላይ ሱዳናውያንን አስቸኳይ የሰብዓዊ እርዳታ ጠባቂ አድርጓቸዋል።

በእምነት ተቋም ላይ ጥቃትና ዝርፊያ የፈጸሙ 21 ግለሰቦች በቁጥጥር ስር ዋሉ

ለበአዲስ አበባ ከተማ ለሚ ኩራ ክፍለ ከተማ ውስጥ በሚገኝ አንድ የእምነት ተቋም ላይ በኃይል በመግባት ከፍተኛ የንብረት ውድመትና ዝርፊያ የፈጸሙ 21 ተጠርጣሪዎች በቁጥጥር ስር መዋላቸውን ፖሊስ አስታወቀ።

የወንጀል ድርጊቱ የተፈጸመው ሰኔ 13 ቀን 2018 ዓ/ም ከምሽቱ 12:00 ሰዓት ላይ በለሚ ኩራ ክፍለ ከተማ ወረዳ 3 ልዩ ቦታው አያት 49 ቁጥር-2 የጋራ መኖሪያ ቤቶች (ኮንዶሚኒየም) አካባቢ መሆኑ ታውቋል።

ጥቃት የደረሰበት ስፍራ በከተማ አስተዳደሩ ካቢኔ ውሳኔ መሰረት ቦታ ተሰጥቶት፣ ግንባታ ተከናውኖበት አገልግሎት እየሰጠ የሚገኘው “ የመንግስተ ሰማይ እንደራሴዎች ዓለም አቀፍ ቤተክርስቲያን» መሆኑ ታውቋል።

ቁጥራቸው 21 የሚሆኑ የጋራ መኖሪያ መንደሩ ነዋሪዎች በቡድን በመደራጀት "ቦታው የእኛ ነው" በሚል ሰበብ የቤተክርስቲያኑን ቅጥር ግቢ በኃይል ሰብረው በመግባት ጥቃቱን ፈጽመዋል።

ተጠርጣሪዎቹ በፈጸሙት የጋራ ዝርፊያና ውድመት በግምት 10 ሚሊዮን 132 ሺህ (10,132,000) ብር የሚያወጣ ንብረት ማውደማቸውና መዝረፋቸው ተገልጿል።

Seledadotio
Seledadotio