የህንድ የውጭ ጉዳይ ሚኒስትር ለይፋዊ የሥራ ጉብኝት አዲስ አበባ ገቡ
****************

የህንድ የውጭ ጉዳይ ሚኒስትር ሱብራህማንያም ጃይሻንካር (ዶ/ር) ለይፋዊ የሥራ ጉብኝት ዛሬ ምሽት አዲስ አበባ ገብተዋል።

ሚኒስትሩ ቦሌ ዓለም አቀፍ አውሮፕላን ማረፊያ ሲደርሱ የኢፌዴሪ የውጭ ጉዳይ ሚኒስትር ዴኤታ አምባሳደር ብርሃኑ ጸጋዬ አቀባበል አድርገውላቸዋል።

አምባሳደር ብርሃኑ ጸጋዬ፤ ጉብኝቱ በሁለቱ ሀገራት መካከል ያለውን ዘመናት የተሻገረና ሁለንተናዊ የሁለትዮሽ አጋርነት ወደ ላቀ ደረጃ የሚያሸጋግሩ ውጤታማ ውይይቶች የሚካሄዱበት እንደሚሆን ገልፀዋል።

ሚኒስትሩ በኢትዮጵያ ቆይታቸው ከከፍተኛ የኢትዮጵያ መንግሥት የሥራ ኃላፊዎች ጋር በሁለትዮሽ፣ በቀጠናዊና ዓለም አቀፋዊ ጉዳዮች ዙሪያ ፍሬያማ ምክክር ያደርጋሉ ተብሎ እንደሚጠበቅ የውጭ ጉዳይ ሚኒስቴር መረጃ አመልክቷል።
#የመደመርመንግሥት
#ethiopia #ebc #medemer #india #diplomacy

ዛሬ ሹመታቸውን የተቀበሉት ጌዲዮን ጢሞቴዎስ (ዶ/ር) ከተመድ ምክትል ዋና ጸሐፊ ጋር ውይይት አደረጉ
#ethiopia | የኢፌዴሪ የውጭ ጉዳይ ሚኒስትር ጌዲዮን ጢሞቴዎስ (ዶ/ር) ከተባበሩት መንግሥታት ድርጅት (ተመድ) ምክትል ዋና ጸሐፊ አሚና ጄን መሐመድ ጋር ዛሬ ተወያይተዋል።

ሁለቱ ወገኖች በውይይታቸውም በአፍሪካ ቀንድ ወቅታዊ የፀጥታ እና የደህንነት ጉዳዮች ላይ ምክክር አድርገዋል፡፡

ለይፋዊ የስራ ጉብኝት አዲስ አበባ የገቡት ምክትል ዋና ፀሐፊዋ አሚና ጄን ሙሀመድ ኢትዮጵያ እና የተባበሩት መንግሥታት ድርጅት ቅድሚያ በሚሰጧቸው የጋራ ጉዳዮች ላይ ትኩረት በማድረግ እንደሚመክሩ ተመላክቷል፡፡

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

“የባሕር በር ጉዳይ ብሔራዊ አጀንዳችን ነው” - የምክር ቤት አባላት
*******************

የባሕር በር ጉዳይ የግለሰብ ወይም የፓርቲ አጀንዳ ሳይሆን የሁሉም ኢትዮጵያዊ ዜጋ ሀገራዊ አጀንዳ መሆኑን የሕዝብ ተወካዮች ምክር ቤት አባላት ገለጹ።

ጉዳዩ የኢትዮጵያን ብሔራዊ ጥቅም ከማስጠበቅ እንዲሁም የሀገራችንን ልማትና ሥልጣኔ ከማስቀጠል ጋር በቀጥታ የተያያዘ መሠረታዊ ጉዳይ መሆኑንም አስገንዝበዋል።

በሰጥቶ መቀበል መርህ በሰላማዊ መንገድ የባሕር በር ለማግኘት እየተሠራ መሆኑን ጠቁመው፣ ይህ ብሔራዊ አጀንዳ እንዲሳካ ኢትዮጵያውያን ሁላችንም በአንድነት መቆም አለብን ብለዋል።

ብሔራዊ ጥቅምን ማስቀደም፣ አንድነትን ማጠናከርና በሀገራዊ ጉዳዮች ላይ በጋራ መቆም ወቅቱ የሚጠይቀው ዋነኛ ሀገራዊ ኃላፊነት መሆኑንም አባላቱ ገልጸዋል።

የፖለቲካ ፉክክርና አብሮ መሥራት ሚዛኑን ጠብቆ ለሀገር ጥቅም እንዲውል ቅድሚያ መስጠት እንደሚገባም ጠቁመዋል።

“ሁላችንም ሀገራችንን ማስቀደም መቻል አለብን” ያሉት አባላቱ፣ የተጀመረው አዲስ የፖለቲካ ባህል ተጠናክሮ መቀጠል እንዳለበትና አብሮ መሥራት እንደሚገባ አመላክተዋል።

በሀገራዊ ጉዳይ ላይ ልዩነት ካለም በግጭት ሳይሆን በምክክር መፍታት እንደሚገባ የገለጹት አባላቱ፣ የሕዝብን ሰላም ማረጋገጥ ለሀገር ልማትና ዕድገት መሠረት መሆኑን አክለዋል።

በተጨማሪም መሶብ የአንድ ማዕከል አገልግሎትን ጨምሮ የዲጂታላይዜሽን ሪፎርሞች አገልግሎት አሰጣጥን ከማሳለጥ ባለፈ ብልሹ አሠራርና ሌብነትን ለመቀነስ የሚያግዙ መሆናቸውን ተናግረዋል።

የተጠያቂነት ሥርዓትን ማስፈን፣ መንግሥታዊ አገልግሎትን ከብልሹ አሠራር ማጽዳትና መልካም አስተዳደርን በአስተሳሰብ እና በተግባር ጭምር ማስረጽ እንደሚገባም ጠቁመዋል።

ሀገራዊ አንድነት፣ ሰላም፣ ምርታማነትና ብሔራዊ ጥቅምን ማስጠበቅ በጋራ መሥራትን የሚጠይቁ ዋነኛ ሀገራዊ አጀንዳዎች መሆናቸውን በማንሳት፣ የባሕር በር አጀንዳም በዚሁ አግባብ በትብብር ሊሠራበት የሚገባ የሁሉም ዜጎች የጋራ አጀንዳ መሆኑን ገልጸዋል።

በኢንቲሃድ አብራር
#ethiopia #seaaccess #nationalinterest #nationalunity #peace #accountability #ebc

ዓለም አቀፉ የMMA ተፋላሚ ቢኒያም ሽብሬ ወደ ዳውሮ ዞን ለሚያደርገው ጉብኝት ዝግጅት እየተደረገ ነው

ዓለም አቀፉ የMMA ተፋላሚ፣ ሁለገብ አርቲስት እና የሆሊዉድ እስታንት ማን ቢኒያም ሽብሬ በቀጣይ በደቡብ ምዕራብ ኢትዮጵያ ህዝቦች ክልል በዳውሮ ዞን የሚያደርገውን ጉብኝት እና የሚደረግለትን ደማቅ የአቀባበል ስነ-ስርዓት በተመለከተ የምክክር መድረክ ተካሄደ። በውይይቱ ላይ የደቡብ ምዕራብ ኢትዮጵያ ሙዚቀኞች ማህበር አመራሮች እና በርካታ ተወዳጅ ሙዚቀኞች በአዲስ አበባ ተገኝተው ዝግጅቱን በተመለከተ መክረዋል።

ይህ የባህል እና ስፖርት አምባሳደሩ ጉብኝት በዞኑ የሚገኙ የተፈጥሮ እና የባህል ሃብቶችን ለማስተዋወቅ እንዲሁም ለአካባቢው ወጣቶች መነቃቃትን ለመፍጠር ያለመ መሆኑ ተገልጿል። በውይይቱ ወቅት የማህበሩ አመራሮች አቀባበሉ በታላቅ ደመቅ እና ባህላዊ እሴቶችን በጠበቀ መልኩ እንዲከናወን አስፈላጊው ዝግጅት እየተደረገ መሆኑን አረጋግጠዋል።

የኢትዮጵያን የውጪ ግንኙነት ከተቀባይነት ወደ ተጽዕኖ ፈጣሪነት የሚያሻግር እና የደመኝነት እይታ ያላቸውን የሚመክር ስራ እንደሚሰራ ፕሬዝዳንት ታዬ አፅቀስላሴ ተናገሩ

መስከረም 27 ቀን 2019 ዓ.ም. (አሐዱ ሬድዮ) ፕሬዝዳንቱ ይህን የተናገሩት የኢፌዲሪ የሕዝብ ተወካዮች ምክርቤት እና የፌዴሬሽን ምክርቤት 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ ባደረጉት ንግግር ነው።

በንግግራቸውም የ2019 ዓ.ምን ዋና ዋና ትኩረቶች የዘረዘሩ ሲሆን በአንደኛነት ሰላም ለኢትዮጵያ እድገትና ግስጋሴ ያለውን ዋጋ ያጠና እና ከማንኛውም ጊዜ በላይ ህብረትን፣ ትብብርንና ኢትዮጵያን የሚያስቀድም ተግባር እንደሚከናወን አስታውቀዋል።

ጥራትን መሰረት ያደረገ ሁለንተናዊ መዋቅራዊ ሽግግርም የሚደረግ ሲሆን ትምህርት፣ ጤናና ማህበራዊ ጥበቃን ከስፋት ወደ ጥራት በማሸጋገር ዜጋን ማእከሉ ያደረገ ልማት እንደሚፋጠንም አረጋግጠዋል።

ለእድገታችን ቁልፍ ፋይዳ ባላቸው የኢንዱስትሪና የግብርና ግብአቶች እንዲሁም ዘመናዊ የመሰረተ ልማት ግንባታ አቅማችን ራሱን እንዲችል ይደረጋል ሲሉም ገልፀዋል።

የፕሮጀክትና የፕሮጀክት ፋይናንስ አፈጻጸም ዘመናዊ፣ ፈጣን፣ ቀልጣፋና ተጠያቂነት ያለው እንዲሆን መስራትም ሌላኛው የትኩረት አቅጣጫ በመሆኑ የመንግስት ገቢና ወጪን በአግባቡ የመቆጣጠር አቅም ያድጋል ብለዋል።

በፌደራል መንግስትና በክልሎች መካከል ያለው የስራ ቅንጅት እና የአፈጻጸም ኩነት የተባበረ፣ የተደጋገፈ፣ ቀልጣፋና እንከን አልባ እንዲሆን እንደሚደረግም አክለዋል።

በሌላ በኩል የኢትዮጵያን የውጭ ግንኙነት ከተቀባይነት ወደ ተጽእኖ ፈጣሪነት የሚያሻግር፣ በተለይም ወዳጆችን በማበራከት የሚተጋ፣ የደመኝነት እይታ ያላቸውን ደግሞ የሚመክር፣ ለቀጠናዊ ሰላምና ኢኮኖሚያዊ ትስስር ምንጊዜም ቅድሚያ የሚሰጥ፣ ተነሳሽነቶች ያሉትና አለም አቀፍ ተቀባይነታችንን የሚያሳድግ ይሆናል ሲሉ ተናግረዋል።

ፕሬዝዳንቱ አክለውም እነዚህን ዋና ዋና ትኩረቶች መሰረት በማድረግ በማህበራዊ፣ ኢኮኖሚያዊና የአገልግሎት ዘርፍ ከፍተኛ ምርታማነት ይመዘገብባቸዋል ተብለው ከሚጠበቁት መካከል የኤሌክትሪክ ተደራሽነት 65 በመቶ እንደሚያድግ ገልፀዋል።

የውሃ ተጠቃሚነትም በስፋት እንዲዳረስ የሚደረግ ሲሆን የጤና መድህን ሽፋን ወደ 85 በመቶ እንዲያድግ እና የደን ሽፋን ደግሞ አሁን ካለበት 26 በመቶ ከፍ እንዲል እንዲሁም የመሶብ አገልግሎት ማእከላት ቁጥር እንዲበራከቱና ከፍ እንዲሉ፣ የተማሪዎች ምገባ ሽፋንም 70 በመቶ እንዲያድግ ይደረጋል ብለዋል።

የሀገራችን የፍትህ ዘርፍ እንዲዘምንና በሀገራዊ ምክክር የቀረቡ ምክረ ሀሳቦች ወደ ተግባር እንዲገቡ እንደሚሰራ አስታውቀዋል።

የ2019 ዓ.ም የትኩረት አቅጣጫዎችንና ያለፉትን የስራ ክንዋኔዎች በሚገባ የተነተነ፣ መልካሙንና ክፍተቶችን የለየ እና የኢትዮጵያን ብሄራዊ ጥቅሞች ይበልጥ የሚያስከብርና ፈጣን እድገቷን የሚያረጋግጥ እንደሚሆን ገልፀዋል።

እነዚህን እውን ለማድረግም በተያዘው አመት አዳዲስ አሰራሮችንና አደረጃጀቶችን መከተሉ ከማንኛውም ጊዜው በላይ አስፈላጊ መሆኑን ያነሱ ሲሆን የአመቱን እቅድ ለመፈጸም የሚመደቡ አካላት የህዝብን ፍላጎት ያስቀደሙ፣ የዛሬንና የወደፊት ራእያችንን ጭምር የሚያመለከቱ እንዲሁም ዋዛ ፈዛዛ ልምምድን የሚጠየፉ እና ትጋት ያላቸው አገልጋዮች እንዲሆኑ እንደሚጠበቅ ፕሬዝዳንቱ አሳስበዋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

👉ፕሬዚዳንት ታዬ ምን አሉ?
👉የሀገራዊ ምክክር ፋይዳ

(ዘ-ሐበሻ ዜና) የኢፌዴሪ ፕሬዚዳንት ታዬ አጽቀስላሴ መንግስት በ2019 በጀት ዓመት ትኩረት አድርጎ የሚሰራባቸውን ዋና ዋና አቅጣጫዎች እና ሀገራዊ ግቦችን ይፋ አድርገዋል።

ፕሬዚዳንቱ በንግግራቸው እንዳብራሩት .. ዘንድሮ ሰላምን፣ ህብረትን እና የሀገርን አንድነት ማስቀደም ቀዳሚ ትኩረት ይሆናል። ከዚህም ጋር ተያይዞ በፌደራል መንግስት እና በክልሎች መካከል ያለውን የስራ ቅንጅት እንከን አልባ ማድረግ፣ እንዲሁም በሀገራዊ ምክክሩ የቀረቡ የምክረ-ሃሳቦችን ወደ ተግባር መቀየር ዋነኛ ተግባራት መሆናቸውን አስታውቀዋል። የሀገሪቱን የውጭ ግንኙነት ከተቀባይነት ወደ ተጽዕኖ ፈጣሪነት ለማሸጋገር፣ ወዳጆችን ለማብዛት እና ቀጠናዊ ሰላምን ለማረጋገጥ እንደሚሰራም ጠቁመዋል።

በኢኮኖሚው ዘርፍ መንግስት በያዝነው በጀት ዓመት የ10.1 በመቶ እድገት ለማስመዝገብ በትጋት እንደሚሰራ ፕሬዚዳንቱ ገልጸዋል። ከዚህም በተጨማሪ የዋጋ ግሽበትን ወደ ነጠላ አሃዝ ዝቅ ማድረግ፣ የታክስ ገቢን ከጠቅላላ የሀገር ውስጥ ምርት (GDP) አንጻር ወደ 9.62 በመቶ ማሳደግ፣ የፕሮጀክቶች አፈጻጸምን ማዘመን፣ እንዲሁም አስተማማኝ የባህር በርን በሰላማዊ መንገድ እና በጋራ ጥቅም መርህ ማረጋገጥ ቁልፍ የኢኮኖሚ ግቦች መሆናቸው ተገልጿል።

በማህበራዊ እና መሰረተ ልማት ዘርፎችም ሰፊ ስራዎች የታቀዱ ሲሆን፤ የኤሌክትሪክ ተደራሽነትን 65 በመቶ፣ የጤና መድህን ሽፋንን 85 በመቶ፣ እንዲሁም የተማሪዎች ምገባ ሽፋንን 70 በመቶ ለማድረስ ግብ ተቀምጧል። የውሃ ተጠቃሚነትን በስፋት ማዳረስ፣ የደን ሽፋንን አሁን ካለበት 26 በመቶ ከፍ ማድረግ እና የፍትህ ዘርፉን ይበልጥ ማዘመን ሌሎች የትኩረት አቅጣጫዎች ናቸው።

በመጨረሻም በዓለም አቀፍ መድረክ ኢትዮጵያ ኃላፊነት የተቀበለችበትን 32ኛውን የአየር ንብረት ለውጥ ጉባኤ (COP 32) በስኬት ለማዘጋጀት ትኩረት ተሰጥቶ የሚሰራ ሲሆን፣ በበጀት ዓመቱም ከ1.6 ሚሊዮን በላይ የውጭ ጎብኚዎችን ወደ ሀገር ውስጥ ለመሳብ ሁለገብ ጥረት ይደረጋል ብለዋል።

ታዬ እነዚህን ብለዋል፡ -

* የሀገራችን የኤሌክትሪክ ተደራሽነት 65 በመቶ የሚያድግ ይሆናል።
* የውሃ ተጠቃሚነት በስፋት እንዲዳረስ ይደረጋል።
* የጤና መድህን ሽፋን ወደ 85 በመቶ እንዲያድግ ይደረጋል።
* የደን ሽፋን አሁን ካለበት 26 በመቶ ከፍ እንዲል ይደረጋል።
* የመሶብ አገልግሎት ማዕከላት ቁጥር እንዲበራከቱና ከፍ እንዲሉ ይደረጋል።
* የተማሪዎች ምገባ ሽፋን 70 በመቶ እንዲያድግ ይደረጋል።
* የሀገራችን የፍትህ ዘርፍ የበለጠ እንዲዘምን ይደረጋል።
* በሀገራዊ ምክክር የቀረቡ የምክረ ሃሳቦች ወደ ተግባራ እንዲገቡ ይደረጋል።
* አሰማማኝ የባህር መሻታችን በጋራ ጥቅም፣ ሰጥቶ በመቀበል እና በሰላማዊ መንገድ እውን እንዲሆን ጥረት ይደረጋል።
* አጠቃላይ የታክስ ገቢ ከጠቅላላ የሀገር ውስጥ ምርት አንጻር ወደ 9.62 በመቶ ከፍ እንዲል ይደረጋል።
* የዋጋ ግሽበት ወደ ነጠላ አሃዝ እንዲወርድ ይደረጋል።
* አጠቃላይ የታክስ ገቢም ከፍ እንዲል ይደረጋል።
* በዓለም መድረክ ኢትዮጵያ ኃላፊነት የተቀበለችው 32ኛው የአየር ንብረት ለውጥ ጉባኤ (ኮፕ 32) ዝግጅት ሀገራችን ለጉዳዩ ያላትን ከፍ ያለ የሃሳብ እና የተግባር ተርታ በዓለም ፊት የምታሳይበት በመሆኑ፣ በቁም ነገሩ ወይም በሰብስቴንሲቭ ጉዳዮች እና በመሰናዶ ዝግጅት የተሟላለት እና ተጠቃሽ ጉባኤ እንዲሆን ይሰራል።
* በተጨማሪም ከ1.6 ሚሊዮን በላይ ሰዎች ኢትዮጵያን እንዲጎበኙ ሁለገብ ጥረት ይደረጋል።
* እነዚህንም በማሳካት የኢኮኖሚ እድገታችን 10.1 በመቶ እንዲሆን በትጋት የሚሰራ ይሆናል።

#constitution

" በቀጣይ ጊዜያት በሀገራዊ ምክክር ምክረ ሃሳቦች መሰረት የህገመንግስት ማሻሻያ ይደረጋል " ሲሉ ጠ/ሚ ዐቢይ አሕመድ (ዶ/ር) ገልጸዋል።

መስከረም 25 ቀን 2019 ዓ/ም

@tikvahethiopia " መረር ያለ እርምጃ እንወስዳለን " ጠ/ሚ ዐቢይ አሕመድ (ዶ/ር) ሙስናን ፣ ሌብነትን ፣ የዘመድ አሰራርን እንዲሁም ወገንተኝነትን ለማስወገድ መንግስታቸው መረር ያለ እርምጃ እንደሚወስድ አሳውቀዋል። በሌላ በኩል ከበጀት ጋር በተያያዘ " ጠንካራ ቁጥጥር እና ክትትል የሚደረግበት የበጀት አካሄድን እንከተላለን " ሲሉም አሳውቀዋል። https://www.youtube.com/li...

"የሕገ መንግሥት ማሻሻያ ይደረጋል!"
#ethiopia | በሀገራዊ ምክክሩ ምክረ-ሐሳብ መሠረት በቀጣይ የሕገ መንግሥት ማሻሻያ ይኖራል።

በ7ኛው የሕዝብ ተወካዮች ምክር ቤት መደበኛ ስብሰባ ላይ ቃለ መሐላ ፈጽመው የተሾሙት ጠቅላይ ሚኒስትር ዶ/ር ዐቢይ አሕመድ ባደረጉት ንግግር “ኢትዮጵያ አሸናፊ እንጂ ተሸናፊ ልጆች የሌሏት ሀገር ናት” ሲሉ ገልጸዋል።

ሀገርን መገንባት የሚቻለው በውይይት በመሆኑ፣ በየጫካው የታጠቁና ያኮረፉ ኃይሎች የሰላም አማራጭን ተቀብለው ከሕዝብና ከመንግሥት ጋር እንዲሰሩ ጥሪ ቀርቧል።

54 ሚሊዮን ዜጎች የተሳተፉበት 7ኛው ብሔራዊ ምርጫ በብዙ ፈተናዎች ውስጥ አልፎ የኢትዮጵያን ዲሞክራሲ ያጠናከረና ለጠንካራ የመንግሥት ሥርዓት መሠረት የጣለ ነው።

ኢትዮጵያ ባለፉት የኢንዱስትሪ አብዮቶች ተጠቃሚ ሳትሆን ማለፏን በማስታወስ፣ ከአለም አቀፍ ተለዋዋጭ ሁኔታዎች ጋር ለመራመድ አሁናዊ ዝግጅት ማድረግ አስፈላጊ መሆኑ ገልጸዋል።

በሀገራዊ ምክክር ኮሚሽኑ ከሚቀርቡ የምክረ-ሐሳብ ውጤቶች በመነሳት አስፈላጊ የሕገ መንግሥት ማሻሻያዎችን እንደሚኖሩ አመላክተዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen

የህገመንግስት ማሻሻያ እንደሚደረግ ጠቅላይ ሚኒስትሩ ፍንጭ ሰጡ

በዛሬዉ ዕለት በ7ኛው የሕዝብ ተወካዮች ም/ቤት 1ኛ ዓመት የሥራ ዘመን የምክር ቤቱ መመስረቻ 1ኛ መደበኛ ስብሰባ ተከናዉኗል፡፡

ዐቢይ አሕመድ (ዶ/ር) የኢፌዴሪ ጠቅላይ ሚኒስትር ሆነው በድጋሜ ተሰይመዋል።

ጠቅላይ ሚኒስትር አብይ ባደረጉት ንግግር፤ በቀጣይ ጊዜያት በሀገራዊ ምክክር ምክረ ሀሳቦች መሠረት የህገመንግስት ማሻሻያ ይኖረናል ሲሉ ተናግረዋል።

ጠቅላይ ሚኒስትሩ በንግግራቸው ስለ ሀገሪቱ ቀጣናዊ ጉዳዮች አንስተዋል።

ቁምነገር አየለ

በሀገራዊ ምክክር መሰረት በቀጣይ ህገ መንግስቱ እንደሚሻሻል ጠቅላይ ሚንስትር አብይ አህመድ ዛሬ በህዝብ ተወካዮች ምክር ቤት ባደረጉት ንግግር ገለጹ።

የአራቱ ሀገራት መሪዎች በቀይ ባህር ጉዳይ ከቀጣናው ሀገራት ውጭ ማንም አይመለከታቸውም አሉ፤ በዓባይ ወንዝ ላይ ደግሞ የግብፅን አቋም አንፀባረቁ!

ግብፅ፣ ኤርትራ እና ሱዳን በሰሜን ኢትዮጵያ ባለው ጦርነት እጃቸው አለበት በሚል ክስ ከቀረበባቸው በኋላ ሱዳንን ጨምረው ባካሄዱት ስብሰባ፤ የቀይ ባህር ጉዳይ የሚመለከተው ተዋሳኝ ሀገራትን እንጂ ሌሎችን አይደለም ሲሉ አቋም ያዙ፡፡ በስም አይጥቅሱ እንጂ ኢትዮጵያ የባህር በር ጥያቄን ከ2015 ዓ.ም ክረምት አንስቶ እያንጸባረቀች መሆኑ ይታወቃል፡፡

በግብጹ ፕሬዝዳንት አብዱል ፋታህ አል-ሲሲ አስተናጋጅነት፤ የኤርትራው ፕሬዝዳንት ኢሳያስ አፈወርቂ፣ የሶማሊያው ፕሬዝዳንት ሐሰን ሼኽ ሞሃሙድ እና የሱዳን ሉዓላዊ የሽግግር ምክር ቤት ሊቀመንበር ጄነራል አብዱል ፋታህ አል-ቡርሃን የተሳተፉበት አራትዮሽ የምክክር ጉባኤ ትናንትና መስከረም 24 ቀን 2019 ዓ.ም  በግብጿ አዲስ ከተማ ኤል አላሜይን ከተማ ተካሂዶ የጋራ አቋማቸውን ይፋ አድርገዋል።

መሪዎቹ በጋራ ያወጡት መግለጫ፤ የኤል-አላሜይን ስምምነት  በቀጣናዊና ወቅታዊ ጉዳዮች፣ በፖለቲካዊ፣ በንግድ እና በኢኮኖሚ ትብብር እንዲሁም በአካባቢያዊ መረጋጋት ዙሪያ ላይ ያተኮረ መሆኑን ያመላክታል።

መሪዎቹ ኢትዮጵያ በተደጋጋሚ በምታነሳው የቀይ ባህር ጉዳይ ላይ ሰፊ ወይይት አድርገዋል።

በቀይ ባህር ላይ የካርጎና መርከቦች የነፃ ዝውውር መብት መከበር እንዳለበት መሪዎቹ ያረጋገጡ ሲሆን፣ የቀይ ባህር አስተዳደር እና ቁጥጥር ብቸኛ ኃላፊነትና መብት ቀይ ባህር ዳርቻ ላይ ያሉ ሀገራት ብቻ እንደሆነ ገልጸዋል።

የዓባይ ወንዝን ጨምሮ ድንበር ተሻጋሪ ወንዞችን የሚገዙ ዓለም አቀፍ ህጎች መከበር እንዳለባቸው የጠቀሰው የመሪዎቹ መግለጫ፣ ጉዳት የሚመጣ መሆን እንደለሌበት ጠቅሰው በቅድሚያ  ማስታወ፣ በምክክርና በስምምነት መስራት አስፈላጊ ነው ሲሉ አሳስበዋል።

አክለውም፤ የታችኛውን የዓባይ ተፋሰስ ሀገራት የውሃ ጥቅም የሚጎዱ ማንኛቸውንም በአንድ ወገን ብቻ የሚወሰዱ እርምጃዎች  በጽኑ እንደሚቃወሙ አስታውቀዋል። ግብፅ፤ ኢትዮጵያን የተናጠል እርምጃ እየወሰደች መሆኗን ስትገልጽ መቆየቷ የሚታወስ ሲሆን ይህ የጋራ መግለጫቸውም የተለመደውን የግብፅን አቋም ያንፀባረቀ ነው።

በሌላ በኩል ደግም የሶማሊያ የግዛት አንድነትና ሉዓላዊነት ሙሉ በሙሉ እንደሚደግፉ የገለፁት መሪዎቹ፣ የሶማሊያን ግዛታዊ አንድነት የሚሸረሽሩ ማንኛቸውንም ጣልቃ ገብነቶች፣ በተለይም ለሶማሊላንድ የሉዓላዊ ሀገርነት እውቅና የመስጠት ጥረቶችን ውድቅ ማድረጋቸውን አስታውቀዋል። በተጨማሪም ሶማሊያ ሽብርተኝነትን ለመዋጋት የምታደርገውን ጥረት በመደገፍ ለአፍሪካ ህብረት የማረጋጋት ተልእኮ (አውሶም) ዘላቂ በጀት እንዲመደብ ጥሪ አቅርበዋል።

በተጨማሪም ለሱዳን ሉዓላዊነት፣ አንድነት እና ህጋዊ ብሔራዊ ተቋማት አለን ያሉትን ድጋፍ እናረጋግጣለን ያሉ ሲሆን ከህጋዊ ተቋማት ውጪ ትይዩ አካላትን ማቋቋምም ሆነ የውጭ ቅጥረኛ ተዋጊዎችን ማሳተፍ ተቀባይነት እንደሌለው አሳስበዋል።አራቱ ሀገራት የጉባኤውን ውሳኔዎችና ስምምነቶች አፈጻጸም የሚከታተል እና በየጊዜው እየተሰበሰበ ቅንጅታቸውን የሚያጠናክር በጋራ የሚከታተል ቡድን ለማቋቋም ተስማምተዋል።

[Addis Maleda]
@YeneTube FikerAssefa

ሀገርን በጸና መሠረት ላይ የማቆም ታሪካዊ እርምጃ
******************

የኢትዮጵያ ሀገራዊ ምክክር የመንግሥት ፖለቲካዊ ቁርጠኝነት የታየበት ሀገርን በጸና መሠረት ላይ የማቆም ታሪካዊና ስትራቴጂካዊ እርምጃ ነው።

ኢትዮጵያ በዚህ ታሪካዊ ሂደት "ምን ምን ሀሳብች ላይ እንመካከር ?" እንዴትስ መግባባት እንችላለን?" የሚሉ መሠረታዊ ጥያቄዎችን ስትጠይቅ ቆይታለች።

በእነዚህ ዓመታት ከተለያዩ የኢትዮጵያ አካባቢዎችና የማኅበረሰብ ክፍሎች ጥያቄዎችና ሀሳቦች ተሰብስበዋል፤ መፍትሔ የሚሹ አጀንዳዎች ተለይተው በምክክር የመግባባት መንገድ ሲፈለግበት ቆይቷል።

በውይይት የተነሱ ሀሳቦች፣ በምክክር የተለዩ አጀንዳዎች እና በተሳታፊዎች የቀረቡ ምክረ ሐሳቦች አሁን ወደ ተግባራዊ የፖሊሲ ሂደት የሚሸጋገሩበት አዲስ ምዕራፍ ተጀምሯል።

ይህ የለውጥ ምዕራፍ እውን መሆኑ የታወቀው ከኢትዮጵያ ሀገራዊ ምክክር የተገኙ የአጀንዳ ነጥቦችና ምክረ ሐሳቦች ለሕዝብ ተወካዮች ምክር ቤት፣ ለፌደራል መንግሥት እንዲሁም ለክልል መንግሥታት በይፋ በተላለፉበት የሰነድ ርክክብ መርሃ ግብር ላይ ነው።

ይህ ርክክብ በሀገራዊ ምክክሩ ሂደት ውስጥ አዲስ ምዕራፍ የሚከፍት ሲሆን፣ በምክክር የተሰበሰቡ ሀሳቦችን ወደ ተቋማዊና ተግባራዊ አሠራር የማሸጋገር ሥራ መጀመሩን ያበሥራል።

ባለፉት አራት ዓመታት በሀገር አቀፍ ደረጃ በተካሄዱ የአጀንዳ ማሰባሰብና የምክክር ሂደቶች፣ የተለያዩ ማኅበረሰቦች ለሀገራችን ቀጣይ ጉዞ ወሳኝ በሆኑ ጉዳዮች ላይ በነፃነት እንዲወያዩ ዕድል ተፈጥሯል።

በሐምሌ 8 ቀን 2018 ዓ.ም በይፋ በተጀመረው ጉባኤ 4 ሺህ ተመካካሪዎች በመሳተፍ በስምንት ሀገራዊ አጀንዳዎች ላይ ሰፊ ምክክር ማካሄዳቸው ይታወሳል።

የምክክሩ አወቃቀርም ተመካካሪዎች ሀሳባቸውን በነፃነት እንዲያቀርቡ፣ የሌሎችን አመለካከት እንዲያዳምጡ እና የመግባባት ነጥቦችን እንዲለዩ በሚያስችል መልኩ የተዋቀረ ነበር።

ይህም በታላቋ ሀገራችን በትልቅ ህዝብ ተመካካሪ ተሳታፊዎች ለወደፊት ትውልድ የሚተላለፍ ታላቅ የመግባባት ርዕይ ለመመስረት ምክንያት ሆኗል።

በልዩ እሸቱ
#ትልቅ_ሀገር #ትልቅ_ሕዝብ #ታላቅ_ርዕይ
#nationaldialogue #ethiopia #peaceandunity

ሀገራዊ ምክክር ኮሚሽን ሕገ-መንግስታዊ ማሻሻያን ጨምሮ 81 መሰረታዊ ምክረ ሐሳቦችን ለመንግስት አስረከበ

የኢትዮጵያ ሀገራዊ ምክክር ኮሚሽን ሕገ-መንግስታዊ ማሻሻያ እና አዲስ ፖሊሲ የሚፈልጉ 81 መሰረታዊ ምክረ ሐሳቦችን ለመንግስት ማስረከቡን አስታውቋል።

ኮሚሽኑ በአጠቃላይ 394 ምክረ ሐሳቦችን አዘጋጅቶ ማስረከቡን የኮሚሽኑ ዋና ኮሚሽነር ፕሮፌሰር መስፍን አርአያ ገልጸዋል።

የኮሚሽኑ ዋና ኮሚሽነር ፕሮፌሰር መስፍን አጀንዳዎቹን ለክልል ርዕሰ መስተዳደሮች እንዲሁም ለአዲስ አበባ እና ድሬዳዋ ከተማ አስተዳደር ከንቲባዎች አስረክበዋል።

የትግራይ ክልልን አጀንዳ የፌደሬሽን ምክር ቤት አፈ ጉባኤ አቶ አገኘው ተሻገር በይፋ ተረክበዋል። የፌደራል መንግስትን የተመለከተውን አጀንዳ ከምክረ ሐሳብ ጋር የሕዝብ ተወካዮች ምክር ቤት አፈ ጉባኤ አቶ ታገሰ ጫፎ ተረክበዋል።

ፕሮፌሰር መስፍን የቀረቡት ምክረ ሐሳቦች ወደ ተግባር እንዲገቡ አሳስበዋል። ዋና ኮሚሽነሩ በኮሚሽኑ ማቋቋሚያ አዋጅ ቁጥር 1265/2014 መሰረት ትግበራዊ ክትትል እንደሚያስፈልገው ጠቁመዋል።

በተለይም አዲስ የሚቋቋመው መንግስት በዚህ ላይ ውሳኔ እንዲሰጥ ጠይቀዋል።

ኮሚሽኑ በአዋጅ የተሰጠው የሦስት ዓመት የሥራ ዘመን የነበረ ቢሆንም በሕዝብ ተወካዮች ምክር ቤት የሥራ ጊዜው ሁለት ጊዜ ተራዝሞለታል። በዚሁ መሰረት በየካቲት 2017 ዓ.ም ለአንድ ዓመት እንዲሁም በየካቲት 2018 ዓ.ም ለተጨማሪ ስምንት ወራት መራዘሙ ይታወሳል። የኮሚሽኑ የተራዘመ የሥራ ዘመን በያዝነው የ2019 ዓ.ም. ጥቅምት ወር በይፋ ያበቃል።

አሐዱ_ሬዲዮ

የምክትል ጠቅላይ ሚኒስትር ተመስገን ጥሩነህ መልዕክት፡

የፖለቲካ ስብራቶቻችንን እና የሃገረ መንግስት ህመሞቻችንን ለማከም ሃገራዊ ምክክርን የመሰሉ ብሔራዊ መፍትሄዎችን ለመስጠት መስራታችን ለነገዋ ኢትዮጵያ የማሰባችን እና የመተግበራችን አንዱ ማሳያ ነው።

የፖለቲካ ስብራቶቻችንን እና የሃገረ መንግስት ህመሞቻችንን ለማከም ሃገራዊ ምክክርን የመሰሉ ብሔራዊ መፍትሄዎችን ለመስጠት መስራታችን ለነገዋ ኢትዮጵያ የማሰባችን እና የመተግበራችን አንዱ ማሳያ ነው።

ይህ ትውልድ በምክክር፣ በውይይትና በሃሳብ የበላይነት የጸናች፣ ጠንካራ ሀገር የመገንባት ታሪካዊና ወርቃማ ዕድል ዛሬ በእጁ ላይ ወድቋል። ልዩነቶቻችንን በጠረጴዛ ዙሪያ በመፍታት፣ በጋራ ጉዳዮቻችን ላይ ሀገራዊ መግባባትን ለመፍጠር የምናደርገውን ጥረት አጠናክረን እንቀጥላለን።

እየተወያየን፣ እየተግባባን እና እየተሻገርን እንጓዛለን።

"የፖለቲካ ስብራቶቻችንን እና የሃገረ መንግስት ህመሞቻችንን ለማከም ሃገራዊ ምክክርን የመሰሉ ብሔራዊ መፍትሄዎችን ለመስጠት መስራታችን ለነገዋ ኢትዮጵያ የማሰባችን እና የመተግበራችን አንዱ ማሳያ ነው። ይህ ትውልድ በምክክር፣ በውይይትና በሃሳብ የበላይነት የጸናች፣ ጠንካራ ሀገር የመገንባት ታሪካዊና ወርቃማ ዕድል ዛሬ በእጁ ላይ ወድቋል። ልዩነቶቻችንን በጠረጴዛ ዙሪያ በመፍታት፣ በጋራ ጉዳዮቻችን ላይ ሀገራዊ መግባባትን ለመፍጠር የምናደርገውን ጥረት አጠናክረን እንቀጥላለን። እየተወያየን፣ እየተግባባን እና እየተሻገርን እንጓዛለን።"

ምክትል ጠቅላይ ሚኒስትር ተመስገን ጥሩነህ

ሀገራዊ ምክክር ኮሚሽን ሕገ-መንግስታዊ ማሻሻያን ጨምሮ 81 መሰረታዊ ምክረ ሐሳቦችን ለመንግስት አስረከበ

የኢትዮጵያ ሀገራዊ ምክክር ኮሚሽን ሕገ-መንግስታዊ ማሻሻያ እና አዲስ ፖሊሲ የሚፈልጉ 81 መሰረታዊ ምክረ ሐሳቦችን ለመንግስት ማስረከቡን አስታውቋል።

ኮሚሽኑ በአጠቃላይ 394 ምክረ ሐሳቦችን አዘጋጅቶ ማስረከቡን የኮሚሽኑ ዋና ኮሚሽነር ፕሮፌሰር መስፍን አርአያ ገልጸዋል።

የኮሚሽኑ ዋና ኮሚሽነር ፕሮፌሰር መስፍን አጀንዳዎቹን ለክልል ርዕሰ መስተዳደሮች እንዲሁም ለአዲስ አበባ እና ድሬዳዋ ከተማ አስተዳደር ከንቲባዎች አስረክበዋል።

የትግራይ ክልልን አጀንዳ የፌደሬሽን ምክር ቤት አፈ ጉባኤ አቶ አገኘው ተሻገር በይፋ ተረክበዋል። የፌደራል መንግስትን የተመለከተውን አጀንዳ ከምክረ ሐሳብ ጋር የሕዝብ ተወካዮች ምክር ቤት አፈ ጉባኤ አቶ ታገሰ ጫፎ ተረክበዋል።

ፕሮፌሰር መስፍን የቀረቡት ምክረ ሐሳቦች ወደ ተግባር እንዲገቡ አሳስበዋል። ዋና ኮሚሽነሩ በኮሚሽኑ ማቋቋሚያ አዋጅ ቁጥር 1265/2014 መሰረት ትግበራዊ ክትትል እንደሚያስፈልገው ጠቁመዋል።

በተለይም አዲስ የሚቋቋመው መንግስት በዚህ ላይ ውሳኔ እንዲሰጥ ጠይቀዋል።

ኮሚሽኑ በአዋጅ የተሰጠው የሦስት ዓመት የሥራ ዘመን የነበረ ቢሆንም በሕዝብ ተወካዮች ምክር ቤት የሥራ ጊዜው ሁለት ጊዜ ተራዝሞለታል። በዚሁ መሰረት በየካቲት 2017 ዓ.ም ለአንድ ዓመት እንዲሁም በየካቲት 2018 ዓ.ም ለተጨማሪ ስምንት ወራት መራዘሙ ይታወሳል። የኮሚሽኑ የተራዘመ የሥራ ዘመን በያዝነው የ2019 ዓ.ም. ጥቅምት ወር በይፋ ያበቃል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ሀገራዊ ምክክር ኮሚሽን ያሰባሰባቸውን የአጀንዳ ነጥቦችና ምክረ ሐሳቦች ለመንግስት አስረከበ

የኢትዮጵያ ሀገራዊ ምክክር ኮሚሽን ከብሔራዊ የምክክር ሂደቱ ያሰባሰባቸውን የአጀንዳ ነጥቦችና ምክረ ሐሳቦች ጠቅላይ ሚኒስትር ዐቢይ አሕመድን (ዶ/ር) ጨምሮ ከፍተኛ የፌደራል እና የክልል አመራሮች በተገኙበት መርሃ ግብር ለሕዝብ ተወካዮች ምክር ቤት እንዲሁም ለፌደራልና ለክልል መንግሥታት ዛሬ በይፋ አስረክቧል።

ይህ የሰነድ ርክክብ ኢትዮጵያ የገጠሟትን የቆዩ ሀገራዊ ፈተናዎች በሰላማዊ መንገድና በውይይት ለመፍታት በተዘረጋው ሕጋዊና ተቋማዊ ማዕቀፍ ውስጥ ትልቅ ምዕራፍ ተደርጎ ተወስዷል።

የጠቅላይ ሚኒስትር ጽሕፈት ቤት ባወጣው መረጃ ሂደቱ ልዩ ልዩ አመለካከቶች የሚንፀባረቁበት ሰፊ ውይይት የሚደረግበትና የጋራ መግባባት የሚፈጠርበት አካታች መድረክ መሆኑን ገልጿል።

ባለፉት አራት ዓመታት በተደረገው በዚህ ሂደትም በሀገር ውስጥ የሚገኙ ዜጎችን ብቻ ሳይሆን በውጭ የሚኖሩ ኢትዮጵያውያንና ትውልደ ኢትዮጵያውያንን በስፋት ማሳተፍ እንደተቻለ ተጠቁሟል።

ተሳታፊዎች ባደረጓቸው ሰፊ ውይይቶች የተለያዩ እይታዎቻቸውን ለማንጸባረቅና የጋራ መግባባት የተደረሰባቸውን ሀሳቦች ለመለየት ዕድል ማግኘታቸውን የገለጸው ጽሕፈት ቤቱ የዛሬው ርክክብም በምክክሩ የተሰበሰቡ የመፍትሄ ሐሳቦችን ከተነሳሽነት ወደ ተግባራዊ የውሳኔ ምዕራፍ ለማሸጋገር የተወሰደ ትልቅ እርምጃ መሆኑን አስታውቋል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

የኢትዮጵያ ሀገራዊ ምክክር የአጀንዳ ነጥቦች እና ምክረ ሐሳቦች ርክክብ
#ትልቅ_ሀገር #ትልቅ_ሕዝብ #ታላቅ_ርዕይ ! #pmoethiopia

የመደመር መንግሥት ችግሮችን ወደ ዕድል እየቀየረ ውጤቶችን እያስመዘገበ ነው - ጠቅላይ ሚኒስትር ዐቢይ (ዶ/ር)

አዲስ አበባ፣ መስከረም 22፣ 2019 (ኤፍ ኤም ሲ) የመደመር መንግሥት የተፈጥሮና ሰው ሰራሽ ችግሮችን ወደ ዕድል እየቀየረ በማህበራዊ፣ በኢኮኖሚያዊና በፖለቲካው መስክ ታላላቅ ውጤቶችን እያስመዘገበ ነው አሉ ጠቅላይ ሚኒስትር ዐቢይ አሕመድ (ዶ/ር)።

ጠቅላይ ሚኒስትሩ የኢሬቻ በዓልን በማስመልከት ባስተላለፉት የእንኳን አደረሳችሁ መልዕክት÷ ኢትዮጵያ ታላቅ ሀገር ሆና ሳለች የስሟን ያህል ሳትጠቀም እና ልክ እንደ ስሟ ሳትሆን ረጅም ዘመናትን ማሳለፏን አውስተዋል።

ሀገሪቱ በርካታ የተፈጥሮና ሰው ሰራሽ ሃብቶች እያሏት በዕውቀትና በሥርዓት ስላልተመራች ብቻ እነዚህን ጸጋዎች ወደ ተጨባጭ አቅም መለወጥ ሳትችል መቆየቷንና በድህነት ተምሳሌትነት ስትጠቀስ መኖሯን ገልጸዋል።

በተጨማሪም ረጅም ዘመናት ያስቆጠረ የሀገረ መንግሥትነት ታሪክ ቢኖራትም፤ የሕዝብን መሠረታዊ ችግር የሚፈታና ሀገርን የሚያሻግር ዘመናዊ አስተዳደር ለመገንባት ስትቸገር ቆይታለች ነው ያሉት፡፡

ከራሷ አልፎ ዓለም አቀፍ ተጽዕኖ ማሳደር የሚያስችል ስትራቴጂካዊ የመልክዓ ምድር አቀማመጥ ቢኖራትም ሳትጠቀምበት መቆየቷን ያነሱት ጠቅላይ ሚኒስትሩ ÷በዚህም ምክንያት በእህል ጎተራ ላይ ተቀምጦ የሚራብ፣ የውሃ ሀብት እያለው የሚጠማና እያለው ያጣ ሕዝብ ሆነን ኖረናል ብለዋል።

የኢትዮጵያን ራዕይ ዕውን ለማድረግ የተያዘው ግብም በጠንካራ አንድነት ላይ የተመሠረተች፣ ሉዓላዊነቷ የተከበረ፣ በስፋት የምታመርት፣ ማንኛውንም ዓይነት ፈተና ተቋቁማ የምታልፍና ለአፍሪካ ግንባር ቀደም ተምሳሌት የሆነች ሀገርን መገንባት መሆኑን አስገንዝበዋል።

ኢትዮጵያን ወደ ታላቅ ስልጣኔ የማሻገር ስትራቴጂያዊ ዕቅድ በአሁኑ ወቅት በተግባር እየተተገበረ እንደሚገኝ ጠቁመው÷ የመደመር መንግሥት የተፈጥሮና ሰው ሰራሽ ፈተናዎችን ወደ መልካም ዕድል በመቀየር በፖለቲካዊ፣ ኢኮኖሚያዊና ማህበራዊ መስኮች ታላላቅ ውጤቶችን እያስመዘገበ መሆኑን አመልክተዋል፡፡

ታላቁ የኢትዮጵያ ሕዳሴ ግድብ ግንባታ በስኬት መጠናቀቁ፣ ሀገራዊ የምክክር ሒደት በተሳካ ሁኔታ መከናወኑ፣ የማዳበሪያ ፋብሪካና የነዳጅ ማጣሪያ ፕሮጀክቶች መጀመራቸው እንዲሁም የቢሾፍቱ ዓለም አቀፍ አውሮፕላን ማረፊያ ግንባታ መጀመር ለዚህ ታላቅ ስኬት አበይት ማሳያዎች እንደሆኑ ጠቅሰዋል።

እነዚህ ተግባራት የኢትዮጵያ የስልጣኔና የብልጽግና ጀንበር ብቅ እያለች ለመሆኗ ግልጽ ማረጋገጫዎች መሆናቸውንም ጠቅላይ ሚኒስትር ዐበይ (ዶ/ር) በመልዕክታቸው አብራርተዋል።





የመደመር መንግሥት ችግሮችን ወደ ዕድል እየቀየረ ውጤቶችን እያስመዘገበ ነው - ጠቅላይ ሚኒስትር ዐቢይ (ዶ/ር)

አዲስ አበባ፣ መስከረም 22፣ 2019 (ኤፍ ኤም ሲ) የመደመር መንግሥት የተፈጥሮና ሰው ሰራሽ ችግሮችን ወደ ዕድል እየቀየረ በማህበራዊ፣ በኢኮኖሚያዊና በፖለቲካው መስክ ታላላቅ ውጤቶችን እያስመዘገበ ነው አሉ ጠቅላይ ሚኒስትር ዐቢይ አሕመድ (ዶ/ር)።

ጠቅላይ ሚኒስትሩ የኢሬቻ በዓልን በማስመልከት ባስተላለፉት የእንኳን አደረሳችሁ መልዕክት÷ ኢትዮጵያ ታላቅ ሀገር ሆና ሳለች የስሟን ያህል ሳትጠቀም እና ልክ እንደ ስሟ ሳትሆን ረጅም ዘመናትን ማሳለፏን አውስተዋል።

ሀገሪቱ በርካታ የተፈጥሮና ሰው ሰራሽ ሃብቶች እያሏት በዕውቀትና በሥርዓት ስላልተመራች ብቻ እነዚህን ጸጋዎች ወደ ተጨባጭ አቅም መለወጥ ሳትችል መቆየቷንና በድህነት ተምሳሌትነት ስትጠቀስ መኖሯን ገልጸዋል።

በተጨማሪም ረጅም ዘመናት ያስቆጠረ የሀገረ መንግሥትነት ታሪክ ቢኖራትም፤ የሕዝብን መሠረታዊ ችግር የሚፈታና ሀገርን የሚያሻግር ዘመናዊ አስተዳደር ለመገንባት ስትቸገር ቆይታለች ነው ያሉት፡፡

ከራሷ አልፎ ዓለም አቀፍ ተጽዕኖ ማሳደር የሚያስችል ስትራቴጂካዊ የመልክዓ ምድር አቀማመጥ ቢኖራትም ሳትጠቀምበት መቆየቷን ያነሱት ጠቅላይ ሚኒስትሩ ÷በዚህም ምክንያት በእህል ጎተራ ላይ ተቀምጦ የሚራብ፣ የውሃ ሀብት እያለው የሚጠማና እያለው ያጣ ሕዝብ ሆነን ኖረናል ብለዋል።

የኢትዮጵያን ራዕይ ዕውን ለማድረግ የተያዘው ግብም በጠንካራ አንድነት ላይ የተመሠረተች፣ ሉዓላዊነቷ የተከበረ፣ በስፋት የምታመርት፣ ማንኛውንም ዓይነት ፈተና ተቋቁማ የምታልፍና ለአፍሪካ ግንባር ቀደም ተምሳሌት የሆነች ሀገርን መገንባት መሆኑን አስገንዝበዋል።

ኢትዮጵያን ወደ ታላቅ ስልጣኔ የማሻገር ስትራቴጂያዊ ዕቅድ በአሁኑ ወቅት በተግባር እየተተገበረ እንደሚገኝ ጠቁመው÷ የመደመር መንግሥት የተፈጥሮና ሰው ሰራሽ ፈተናዎችን ወደ መልካም ዕድል በመቀየር በፖለቲካዊ፣ ኢኮኖሚያዊና ማህበራዊ መስኮች ታላላቅ ውጤቶችን እያስመዘገበ መሆኑን አመልክተዋል፡፡

ታላቁ የኢትዮጵያ ሕዳሴ ግድብ ግንባታ በስኬት መጠናቀቁ፣ ሀገራዊ የምክክር ሒደት በተሳካ ሁኔታ መከናወኑ፣ የማዳበሪያ ፋብሪካና የነዳጅ ማጣሪያ ፕሮጀክቶች መጀመራቸው እንዲሁም የቢሾፍቱ ዓለም አቀፍ አውሮፕላን ማረፊያ ግንባታ መጀመር ለዚህ ታላቅ ስኬት አበይት ማሳያዎች እንደሆኑ ጠቅሰዋል።

እነዚህ ተግባራት የኢትዮጵያ የስልጣኔና የብልጽግና ጀንበር ብቅ እያለች ለመሆኗ ግልጽ ማረጋገጫዎች መሆናቸውንም ጠቅላይ ሚኒስትር ዐበይ (ዶ/ር) በመልዕክታቸው አብራርተዋል።

የዓድዋ አባቶቻችንን ጀግንነት በማስቀጠል ኢትዮጵያን ከጠላት እየጠበቅን እንገኛለን፡- ጠቅላይ ሚኒስትር ዐቢይ አሕመድ (ዶ/ር)
********************

ጠቅላይ ሚኒስትር ዐቢይ አሕመድ (ዶ/ር) ለዘንድሮው የኢሬቻ በዓል ባስተላለፉት የእንኳን አደረሳችሁ መልእክት፣ "የዓድዋ አባቶቻችንን ጀግንነት በማስቀጠል ኢትዮጵያን ከጠላት እየጠበቅን እንገኛለን" ብለዋል።

ጠቅላይ ሚኒስትሩ በመልእክታቸው አባቶች ባሰመሩልን ድንበር ውስጥ እኩልነት፣ ሰላምና ብልፅግና እንዲረጋገጥ መንግሥት በፅናት እየሠራ እንደሚገኝ ጠቁመዋል።

የገዳ ሥርዓትን እሴቶች መነሻ በማድረግ የሐሳብ ልዩነቶችን በመደማመጥ ለመፍታት ሀገራዊ የምክክር ውይይት መካሄዱንም አውስተዋል።

በሌላ በኩል፣ የሀገራችንን ጥቅም አሳልፈው ለመስጠት ከሚንቀሳቀሱ ጠላቶችና ባንዳዎች ፊት በመቆም የኢትዮጵያን ብሔራዊ ጥቅም እንደሚያስከብሩ አረጋግጠዋል።

#ትልቅ_ሀገር፣ #ትልቅ_ህዝብ፣ #ታላቅ_ርዕይ

በመሐመድ ፊጣሞ


የዓድዋ አባቶቻችንን ጀግንነት በማስቀጠል ኢትዮጵያን ከጠላት እየጠበቅን እንገኛለን፡- ጠቅላይ ሚኒስትር ዐቢይ አሕመድ (ዶ/ር)
********************

ጠቅላይ ሚኒስትር ዐቢይ አሕመድ (ዶ/ር) ለዘንድሮው የኢሬቻ በዓል ባስተላለፉት የእንኳን አደረሳችሁ መልእክት፣ "የዓድዋ አባቶቻችንን ጀግንነት በማስቀጠል ኢትዮጵያን ከጠላት እየጠበቅን እንገኛለን" ብለዋል።

ጠቅላይ ሚኒስትሩ በመልእክታቸው አባቶች ባሰመሩልን ድንበር ውስጥ እኩልነት፣ ሰላምና ብልፅግና እንዲረጋገጥ መንግሥት በፅናት እየሠራ እንደሚገኝ ጠቁመዋል።

የገዳ ሥርዓትን እሴቶች መነሻ በማድረግ የሐሳብ ልዩነቶችን በመደማመጥ ለመፍታት ሀገራዊ የምክክር ውይይት መካሄዱንም አውስተዋል።

በሌላ በኩል፣ የሀገራችንን ጥቅም አሳልፈው ለመስጠት ከሚንቀሳቀሱ ጠላቶችና ባንዳዎች ፊት በመቆም የኢትዮጵያን ብሔራዊ ጥቅም እንደሚያስከብሩ አረጋግጠዋል።

#ትልቅ_ሀገር፣ #ትልቅ_ህዝብ፣ #ታላቅ_ርዕይ

በመሐመድ ፊጣሞ

"የኢሬቻ በዓል የመልካም ምኞት፣ የምስጋና እና የሰላም መግለጫ ነው" ጠቅላይ ሚኒስትር ዐቢይ አህመድ

የኢትዮጵያ ፌደራላዊ ዲሞክራሲያዊ ሪፐብሊክ ጠቅላይ ሚኒስትር ጽሕፈት ቤት በሰጠው መግለጫ የኢሬቻ በዓል ክረምቱ በሰላም አልፎ ለብርሃንና ለበጎ ነገር በመበቃቱ ለፈጣሪ ምስጋና የሚቀርብበት፣ የምስጋና እና የሰላም በዓል መሆኑን ገልጿል።

የበዓሉ መከበር የኦሮሞ ህዝብን ባህል፣ ቋንቋ እና አባታዊ እሴቶች የሚያጎላና ወደ መደበኛው ስርዓት ተመልሶ በድምቀት እንዲከበር የተደረገ መሆኑ ተመላክቷል።

ጠቅላይ ሚኒስትሩ ባስተላለፉት መልእክት፤ ሀገሪቱ ያጋጠሟታትን አስቸጋሪ ወቅቶችና የክረምት ጨለማዎች በመሻገር ወደ መልካም ምዕራፍ ተሸጋግራለች ብለዋል።
በተለይም የሕዳሴው ታላቅ ግድብ ውኃ ሙሌት መጠናቀቅ፣ ሀገራዊ የምክክር ሂደቶች፣ የከተሞች የኮሪደር ልማት ፕሮጀክቶች እና የቦሌ አቪዬሽን ከተማ ፕሮጀክት አዲሱ የስልጣኔና የብልጽግና ምዕራፍ ማሳያዎች መሆናቸው ተገልጻል።
መግለጫው አክሎም፤ የመደመር ፍልስፍናን መሰረት በማድረግ የጋራ እውቀትን፣ ፍትሃዊ ስርዓትንና ደህንነትን በመገንባት ሀገራዊ ስልጣኔን እውን ለማድረግ ሰፊ ስራዎች እየተከናወኑ ይገኛሉ ብሏል።

በተጨማሪም፤ በሀገሪቱ ዘላቂ ሰላምና አንድነት እንዲሰፍን የሀሳብ ልዩነቶችን በመደማመጥ ለመፍታት የሚያስችሉ የሰላም ስርዓት ስራዎች መከናወናቸው ተመላክቷል።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ሀገራዊ አንድነትን ለማጠናከር፣ በወል ትርክት እና በጋራ ርዕይ ላይ ጠንክሮ መሥራት ይገባል
***********************

ኢትዮጵያውያን የብዝኃ ባህል፣ ቋንቋ እና ሃይማኖት ባለቤት መሆኗ የልዩነትና የግጭት ምንጭ ሳይሆን፤ የትብብር፣ የወንድማማችነትና አብሮ የማደግ መሠረት ተደርጎ መታየት እንዳለበት በአውሮፓ የኢትዮጵያ ዳያስፖራ አስተባባሪ ኤፍሬም ዘውዱ ገለጹ።

ይህን እሳቤ ለማጠናከር የጋራ ተቋማትን እና የወል ማንነትን መገንባት እንደሚያስፈልግ የገለጹት የሀዋሳ ዩኒቨርሲቲ መምህሩ ሮብሰን ባልቻ በበኩላቸው፣ ይህ የጋራ ማንነት ግንባታም የተለያዩ ባህሎች እና ማንነቶችን የኢትዮጵያውያን የጋራ ባህል አካል በማድረግ ላይ የተመሠረተ መሆን እንዳለበት ጠቁመዋል።

በዚህ ረገድ የተለያዩ ብሔር፣ ብሔረሰቦች እና ሕዝቦች ቋንቋቸውን፣ ባህላቸውን እና ማንነታቸውን እንደጠበቁ በጋራ የሚሳተፉባቸው የባህል መድረኮች፣ ልዩነትን ወደ የወል ሀብት ለመቀየር የሚያግዙ አጋጣሚዎች መሆናቸውን አቶ ኤፍሬም እና መምህር ሮብሰን ከኢቢሲ ጋር በነበራቸው ቆይታ ተናግረዋል።

በአውሮፓ የኢትዮጵያ ዳያስፖራ አስተባባሪ አቶ ኤፍሬም በዚሁ ወቅት፥ በልዩነቶች ላይ ያተኮሩ ትርክቶችን ተከትሎ የሚፈጠሩ ግጭቶችን በኃይል ለመፍታት የተደረጉ ሙከራዎች ዘላቂ መፍትሄ እንዳላመጡ ገልጸዋል።

አሁን ላይ ያሉ የፖለቲካ አመለካከት ልዩነቶችን ጨምሮ በታሪክ ሂደት የተፈጠሩ የዘመናት ቅራኔዎችን በተለያየ ጊዜ እና መንገድ በውይይት እየፈቱ መሄድ እንደሚገባ ተናግረዋል።

የሀዋሳ ዩኒቨርሲቲ መምህሩ ሮብሰን ባልቻ በበኩላቸው፥ በብሔራዊ ጥቅምና በጋራ ጉዳዮች ዙሪያ መሰባሰብ እንደሚያስፈልግ በመግለጽ፤ በጋራ ሀገር፣ በወል ትርክት እና በጋራ ርዕይ ላይ ጠንክሮ መሥራት ብሔራዊ መግባባትን እና ሀገራዊ አንድነትን ያጠናክራል ብለዋል።

የኢትዮጵያ ሀገራዊ ምክክር ሂደትም የጋራ ትርክትን ለመገንባት ከሚያግዙ መንገዶች አንዱ መሆኑን በማንሳት፣ ሥር የሰደዱ ችግሮችን በማከምና የጋራ በሆኑ ሀገራዊ ጉዳዮች ላይ መግባባት በመፍጠር ጠንካራ ኢትዮጵያን ለመገንባት ውይይት የማይተካ ሚና ይጫወታል ብለዋል።

የሀገራችንን እምቅ ሀብቶች በሚገባ በመጠቀም የበለጸገች እና የተከበረች ኢትዮጵያን ለትውልድ ለማስተላለፍ የውስጥ ልዩነቶችን በውይይት እየፈቱ ተቀራርቦ በጋራ መሥራት እንደሚገባ አመላክተዋል።

ከጠንካራ ተቋማት ግንባታ ጎን ለጎን አሰባሳቢ ትርክቶችን ማጉላት አስፈላጊ መሆኑን በመግለጽ፣ የተለያዩ ክልሎችና ማኅበረሰቦች በጋራ ጉዳዮች ዙሪያ የሚገናኙበትን መንገድ ማጠናከር ይገባል ብለዋል።

በዚህ መንገድ ሕዝብን በብሔራዊ የጋራ ርዕይ ዙሪያ በማሰባሰብ፣ የኢትዮጵያን አንድነትና ልማት ማጠናከር እንዲሁም ሁሉም ዜጎች ተጠቃሚ የሆኑባትን የጋራ ሀገር መገንባት የሁሉም ኃላፊነት ሊሆን እንደሚገባው ገልጸዋል።

በኢንቲሃድ አብራር
#ethiopia #peaceanddialogue #nationalconsensus #sharedidentity #nationalunity #ethiopiandiaspora #ebc
ሀገራዊ አንድነትን ለማጠናከር፣ በወል ትርክት እና በጋራ ርዕይ ላይ ጠንክሮ መሥራት ይገባል
***********************

ኢትዮጵያውያን የብዝኃ ባህል፣ ቋንቋ እና ሃይማኖት ባለቤት መሆኗ የልዩነትና የግጭት ምንጭ ሳይሆን፤ የትብብር፣ የወንድማማችነትና አብሮ የማደግ መሠረት ተደርጎ መታየት እንዳለበት በአውሮፓ የኢትዮጵያ ዳያስፖራ አስተባባሪ ኤፍሬም ዘውዱ ገለጹ።

ይህን እሳቤ ለማጠናከር የጋራ ተቋማትን እና የወል ማንነትን መገንባት እንደሚያስፈልግ የገለጹት የሀዋሳ ዩኒቨርሲቲ መምህሩ ሮብሰን ባልቻ በበኩላቸው፣ ይህ የጋራ ማንነት ግንባታም የተለያዩ ባህሎች እና ማንነቶችን የኢትዮጵያውያን የጋራ ባህል አካል በማድረግ ላይ የተመሠረተ መሆን እንዳለበት ጠቁመዋል።

በዚህ ረገድ የተለያዩ ብሔር፣ ብሔረሰቦች እና ሕዝቦች ቋንቋቸውን፣ ባህላቸውን እና ማንነታቸውን እንደጠበቁ በጋራ የሚሳተፉባቸው የባህል መድረኮች፣ ልዩነትን ወደ የወል ሀብት ለመቀየር የሚያግዙ አጋጣሚዎች መሆናቸውን አቶ ኤፍሬም እና መምህር ሮብሰን ከኢቢሲ ጋር በነበራቸው ቆይታ ተናግረዋል።

በአውሮፓ የኢትዮጵያ ዳያስፖራ አስተባባሪ አቶ ኤፍሬም በዚሁ ወቅት፥ በልዩነቶች ላይ ያተኮሩ ትርክቶችን ተከትሎ የሚፈጠሩ ግጭቶችን በኃይል ለመፍታት የተደረጉ ሙከራዎች ዘላቂ መፍትሄ እንዳላመጡ ገልጸዋል።

አሁን ላይ ያሉ የፖለቲካ አመለካከት ልዩነቶችን ጨምሮ በታሪክ ሂደት የተፈጠሩ የዘመናት ቅራኔዎችን በተለያየ ጊዜ እና መንገድ በውይይት እየፈቱ መሄድ እንደሚገባ ተናግረዋል።

የሀዋሳ ዩኒቨርሲቲ መምህሩ ሮብሰን ባልቻ በበኩላቸው፥ በብሔራዊ ጥቅምና በጋራ ጉዳዮች ዙሪያ መሰባሰብ እንደሚያስፈልግ በመግለጽ፤ በጋራ ሀገር፣ በወል ትርክት እና በጋራ ርዕይ ላይ ጠንክሮ መሥራት ብሔራዊ መግባባትን እና ሀገራዊ አንድነትን ያጠናክራል ብለዋል።

የኢትዮጵያ ሀገራዊ ምክክር ሂደትም የጋራ ትርክትን ለመገንባት ከሚያግዙ መንገዶች አንዱ መሆኑን በማንሳት፣ ሥር የሰደዱ ችግሮችን በማከምና የጋራ በሆኑ ሀገራዊ ጉዳዮች ላይ መግባባት በመፍጠር ጠንካራ ኢትዮጵያን ለመገንባት ውይይት የማይተካ ሚና ይጫወታል ብለዋል።

የሀገራችንን እምቅ ሀብቶች በሚገባ በመጠቀም የበለጸገች እና የተከበረች ኢትዮጵያን ለትውልድ ለማስተላለፍ የውስጥ ልዩነቶችን በውይይት እየፈቱ ተቀራርቦ በጋራ መሥራት እንደሚገባ አመላክተዋል።

ከጠንካራ ተቋማት ግንባታ ጎን ለጎን አሰባሳቢ ትርክቶችን ማጉላት አስፈላጊ መሆኑን በመግለጽ፣ የተለያዩ ክልሎችና ማኅበረሰቦች በጋራ ጉዳዮች ዙሪያ የሚገናኙበትን መንገድ ማጠናከር ይገባል ብለዋል።

በዚህ መንገድ ሕዝብን በብሔራዊ የጋራ ርዕይ ዙሪያ በማሰባሰብ፣ የኢትዮጵያን አንድነትና ልማት ማጠናከር እንዲሁም ሁሉም ዜጎች ተጠቃሚ የሆኑባትን የጋራ ሀገር መገንባት የሁሉም ኃላፊነት ሊሆን እንደሚገባው ገልጸዋል።

በኢንቲሃድ አብራር
#ethiopia #peaceanddialogue #nationalconsensus #sharedidentity #nationalunity #ethiopiandiaspora #ebc

(ዘ-ሐበሻ ዜና) የአሜሪካ የውጭ ጉዳይ ሚኒስትር ማርኮ ሩቢዮ ከሳዑዲ አረቢያ አቻቸው ልዑል ፋይሰል ቢን ፋርሃን አል ሳዑድ ጋር ዛሬ በዋሽንግተን ዲሲ ተገናኝተው መምከራቸውን የአሜሪካ የውጭ ጉዳይ ሚኒስቴር ቃል አቀባይ ጽሕፈት ቤት ባወጣው መግለጫ አስታወቀ።

ሁለቱ ከፍተኛ ዲፕሎማቶች ከተባበሩት መንግስታት ጠቅላላ ጉባኤ ጀምሮ ሲያደርጉት የነበረውን ውይይት በማስቀጠል፣ በቀጣናዊ የጸጥታ እና መረጋጋት እንዲሁም የሁለትዮሽ ትብብር ዙሪያ ሰፊ ምክክር አድርገዋል። በውይይታቸውም በተለይም በኢራን፣ በጋዛ፣ በሊባኖስ፣ በሱዳን እና በሌሎችም የመካከለኛው ምስራቅ እና አፍሪካ ቀንድ ጉዳዮች ላይ በጋራ ለመስራት እና የተቀናጀ የዲፕሎማሲ ጥረት ለማድረግ መስማማታቸው ተገልጿል።

ይህ የሁለቱ ሀገራት ከፍተኛ ባለስልጣናት ስብሰባ የሚካሄደው በመካከለኛው ምስራቅ በተለይም በእስራኤል፣ ሀ*ማስ እና ሄ*ዝቦላህ መካከል ያለው ጦርነት እጅግ አሳሳቢ ደረጃ ላይ በደረሰበት እንዲሁም በሱዳን ያለው የእርስበርስ ጦርነት የቀጠናውን ሰላም ክፉኛ በፈተነበት ወሳኝ ወቅት ነው።
አሜሪካ እና ሳዑዲ አረቢያ በቀጠናው ወሳኝ የፖለቲካ እና የኢኮኖሚ ተጽዕኖ ፈጣሪ ሀገራት እንደመሆናቸው፣ የእነዚህ መሪዎች በዋሽንግተን መገናኘት በቀጣይ ዲፕሎማሲያዊ እና የጸጥታ እርምጃዎች ላይ የራሱ የሆነ ትልቅ አሻራ ይኖረዋል ተብሎ ይጠበቃል። በተለይ ለኢትዮጵያ እና ለአፍሪካ ቀንድ ነዋሪዎች፣ በሱዳን ጉዳይ ላይ አሜሪካ እና ሳዑዲ አረቢያ የሚያደርጉት የተቀናጀ የሰላም ጥረት (የጂዳው ድርድርን ጨምሮ) እጅግ ወሳኝ ትርጉም አለው። በተጨማሪም የኢራንን ቀጣናዊ ተጽዕኖ ለመግታት ሁለቱ ሀገራት ያላቸውን የጋራ አቋም በድጋሚ ያረጋገጡበት ውይይት ነው።









(ዘ-ሐበሻ ዜና) የአሜሪካ የውጭ ጉዳይ ሚኒስትር ማርኮ ሩቢዮ ከሳዑዲ አረቢያ አቻቸው ልዑል ፋይሰል ቢን ፋርሃን አል ሳዑድ ጋር ዛሬ በዋሽንግተን ዲሲ ተገናኝተው መምከራቸውን የአሜሪካ የውጭ ጉዳይ ሚኒስቴር ቃል አቀባይ ጽሕፈት ቤት ባወጣው መግለጫ አስታወቀ።

ሁለቱ ከፍተኛ ዲፕሎማቶች ከተባበሩት መንግስታት ጠቅላላ ጉባኤ ጀምሮ ሲያደርጉት የነበረውን ውይይት በማስቀጠል፣ በቀጣናዊ የጸጥታ እና መረጋጋት እንዲሁም የሁለትዮሽ ትብብር ዙሪያ ሰፊ ምክክር አድርገዋል። በውይይታቸውም በተለይም በኢራን፣ በጋዛ፣ በሊባኖስ፣ በሱዳን እና በሌሎችም የመካከለኛው ምስራቅ እና አፍሪካ ቀንድ ጉዳዮች ላይ በጋራ ለመስራት እና የተቀናጀ የዲፕሎማሲ ጥረት ለማድረግ መስማማታቸው ተገልጿል።

ይህ የሁለቱ ሀገራት ከፍተኛ ባለስልጣናት ስብሰባ የሚካሄደው በመካከለኛው ምስራቅ በተለይም በእስራኤል፣ ሀ*ማስ እና ሄ*ዝቦላህ መካከል ያለው ጦርነት እጅግ አሳሳቢ ደረጃ ላይ በደረሰበት እንዲሁም በሱዳን ያለው የእርስበርስ ጦርነት የቀጠናውን ሰላም ክፉኛ በፈተነበት ወሳኝ ወቅት ነው።
አሜሪካ እና ሳዑዲ አረቢያ በቀጠናው ወሳኝ የፖለቲካ እና የኢኮኖሚ ተጽዕኖ ፈጣሪ ሀገራት እንደመሆናቸው፣ የእነዚህ መሪዎች በዋሽንግተን መገናኘት በቀጣይ ዲፕሎማሲያዊ እና የጸጥታ እርምጃዎች ላይ የራሱ የሆነ ትልቅ አሻራ ይኖረዋል ተብሎ ይጠበቃል። በተለይ ለኢትዮጵያ እና ለአፍሪካ ቀንድ ነዋሪዎች፣ በሱዳን ጉዳይ ላይ አሜሪካ እና ሳዑዲ አረቢያ የሚያደርጉት የተቀናጀ የሰላም ጥረት (የጂዳው ድርድርን ጨምሮ) እጅግ ወሳኝ ትርጉም አለው። በተጨማሪም የኢራንን ቀጣናዊ ተጽዕኖ ለመግታት ሁለቱ ሀገራት ያላቸውን የጋራ አቋም በድጋሚ ያረጋገጡበት ውይይት ነው።

ከ"አይቻልም" ትርክት ወደ "የማድረግ አቅም"፦ የመደመር ትውልድ ሀገራዊ ተጋድሎ
******************

ኢትዮጵያ በታሪክ ሂደቷ ካስተናደቻቸው ዋና ዋና ማነቆዎች አንዱ የተጀመሩ ግዙፍ ፕሮጀክቶችንና ሀገራዊ ራዕዮችን በጥራት፣ በፍጥነትና በውጤታማነት አጠናቆ የመጨረስ የአቅም ክፍተት ነበር፡፡ ይህም ሀገራችንን የልማትና የስኬት ናፋቂ እንዲሁም የበይ ተመልካች አድርጓት ቆይቷል። ፈተናው የሃሳብ እጥረት ሳይሆን ሃሳቦቹን በፍጥነትና በጥራት ወደ መሬት የመቀየር አቅም እንደነበር ይነሳል።

ዛሬ ግን ይሄ ታሪክ በመደመር ዕሳቤ፣ በመንግሥት ቁርጠኝነትና በአዲሱ የመደመር ትውልድ የሥራ ባህል ተቀይሯል። ስር ሰድዶ የቆየው የተስፋ መቁረጥና የ"አይቻልም" ትርክት ፈርሶ፣ "ኢትዮጵያ ማድረግ ትችላለች" በሚል ተግባራዊ እውነታ ተተክቷል። የተመዘገቡት ስኬቶች በቂ ናቸው ብሎ ከመቀመጥ ይልቅ ለበለጠ ስኬት መትጋት የመደመር ዕሳቤ መመሪያ በመሆኑ፣ በየዘርፉ አዲስ የሥራ ባህል ተፈጥሯል።

ቀደም ሲል ዓመታትን ይወስዱ የነበሩ ግዙፍ ፕሮጀክቶች በተቀመጠላቸው ጊዜና ጥራት ተጠናቀው መቻልን አሳይተዋል። የኮሪደር ልማት፣ የ“ገበታ” ፕሮጀክቶች፣ ልዩ ልዩ የመሠረተ ልማት ግንባታዎችና ታሪክ ቀያሪው የመስኖ ስንዴ ልማት የዚህ አዲሱ የመስራት አቅም ቁልፍ አመላካቾች ናቸው።

በሌላ በኩል የራሳችንን ችግር በራሳችን አቅምና ክህሎት የመፍታት አቅማችንን ያሳየንባቸው በርካታ ሀገራዊ ክዋኔዎች ተመዝግበዋል። የዚህ የአዲሱ የትጋት ባህል ሕያው ማረጋገጫ ደግሞ ታላቁ የኢትዮጵያ ሕዳሴ ግድብ ነው። ግድቡ የኤሌክትሪክ ኃይል ማመንጫ ብቻ ሳይሆን፣ የኢትዮጵያውያን የጽናትና፣ የቆራጥነት ተምሳሌት ነው።

በውጭ ተጽዕኖና በዲፕሎማሲያዊ ጫና ሳይበገሩ፣ የራስን ሀብትና ጉልበት አስተባብሮ ግዙፍ ሀገራዊ ፕሮጀክትን ማጠናቀቅ እንደሚቻል በሕዳሴ ግድቡ ለዓለም አሳይተናል። ይህ ስኬት "አይቻልም" የሚለውን አሳሪ እሳቤ በማስወገድ፣ በራስ አቅም ማንኛውንም ፈተና ማለፍ እንችላለን የሚል ታሪክ ጽፏል፤ አዲስ መሠረትም ጥሏል።

የማድረግ አቅማችን በፖለቲካዊና በማኅበራዊ መስኮችም ጭምር ታይቷል። ሀገራችን በታሪኳ ለልዩነትና ለክፍፍል የዳረጓትን ፈተናዎች በዘላቂነት ለመፍታት የጀመረችው ሀገራዊ ምክክር፣ ነገን በአንድነት የመገንባት ታላቅ ጥበብ ማሳያ ነው። የራሳችንን ችግር በጠረቤዛ ዙሪያ በውይይትና በመግባባት የመፍታት ሂደት፣ ለነገው የጋራ ቤታችን ደህንነት ጽኑ ዋስትናም ሆኖ ተቀምጧል።

እነዚህ ታሪካዊ እጥፋቶች በኢትዮጵያ ታሪክ ውስጥ እየተመዘገቡ ያሉት እንዲሁም ሀገራችን ከነበረችበት የታሪክና የኢኮኖሚ ማነቆ ተላቅቃ ወደሚመጥናት ታላቅነት እየተሸጋገረች ያለችው በዚህ በመደመር ትውልድ አዲስ የትጋት ባህል ነው።

የመደመር ትውልድ በቃላትና በተስፋ ብቻ የሚኖር ሳይሆን፣ ሀገራዊ አቅሙን አውቆና ተጋድሎ አድርጎ ተስፋውን በእጁ ሥራ ወደ እውነታ የሚቀይር አምራች ኃይል ነው።

የዛሬው የመደመር ትውልድ ተጋድሎና እየተገነባ ያለው ተቋማዊ አቅም ለነገው ትውልድ የምናስረክበው ደማቅ ታሪካዊ ድል ነው፡፡

በዓይናለም ሃድራ
ከ"አይቻልም" ትርክት ወደ "የማድረግ አቅም"፦ የመደመር ትውልድ ሀገራዊ ተጋድሎ
******************

ኢትዮጵያ በታሪክ ሂደቷ ካስተናደቻቸው ዋና ዋና ማነቆዎች አንዱ የተጀመሩ ግዙፍ ፕሮጀክቶችንና ሀገራዊ ራዕዮችን በጥራት፣ በፍጥነትና በውጤታማነት አጠናቆ የመጨረስ የአቅም ክፍተት ነበር፡፡ ይህም ሀገራችንን የልማትና የስኬት ናፋቂ እንዲሁም የበይ ተመልካች አድርጓት ቆይቷል። ፈተናው የሃሳብ እጥረት ሳይሆን ሃሳቦቹን በፍጥነትና በጥራት ወደ መሬት የመቀየር አቅም እንደነበር ይነሳል።

ዛሬ ግን ይሄ ታሪክ በመደመር ዕሳቤ፣ በመንግሥት ቁርጠኝነትና በአዲሱ የመደመር ትውልድ የሥራ ባህል ተቀይሯል። ስር ሰድዶ የቆየው የተስፋ መቁረጥና የ"አይቻልም" ትርክት ፈርሶ፣ "ኢትዮጵያ ማድረግ ትችላለች" በሚል ተግባራዊ እውነታ ተተክቷል። የተመዘገቡት ስኬቶች በቂ ናቸው ብሎ ከመቀመጥ ይልቅ ለበለጠ ስኬት መትጋት የመደመር ዕሳቤ መመሪያ በመሆኑ፣ በየዘርፉ አዲስ የሥራ ባህል ተፈጥሯል።

ቀደም ሲል ዓመታትን ይወስዱ የነበሩ ግዙፍ ፕሮጀክቶች በተቀመጠላቸው ጊዜና ጥራት ተጠናቀው መቻልን አሳይተዋል። የኮሪደር ልማት፣ የ“ገበታ” ፕሮጀክቶች፣ ልዩ ልዩ የመሠረተ ልማት ግንባታዎችና ታሪክ ቀያሪው የመስኖ ስንዴ ልማት የዚህ አዲሱ የመስራት አቅም ቁልፍ አመላካቾች ናቸው።

በሌላ በኩል የራሳችንን ችግር በራሳችን አቅምና ክህሎት የመፍታት አቅማችንን ያሳየንባቸው በርካታ ሀገራዊ ክዋኔዎች ተመዝግበዋል። የዚህ የአዲሱ የትጋት ባህል ሕያው ማረጋገጫ ደግሞ ታላቁ የኢትዮጵያ ሕዳሴ ግድብ ነው። ግድቡ የኤሌክትሪክ ኃይል ማመንጫ ብቻ ሳይሆን፣ የኢትዮጵያውያን የጽናትና፣ የቆራጥነት ተምሳሌት ነው።

በውጭ ተጽዕኖና በዲፕሎማሲያዊ ጫና ሳይበገሩ፣ የራስን ሀብትና ጉልበት አስተባብሮ ግዙፍ ሀገራዊ ፕሮጀክትን ማጠናቀቅ እንደሚቻል በሕዳሴ ግድቡ ለዓለም አሳይተናል። ይህ ስኬት "አይቻልም" የሚለውን አሳሪ እሳቤ በማስወገድ፣ በራስ አቅም ማንኛውንም ፈተና ማለፍ እንችላለን የሚል ታሪክ ጽፏል፤ አዲስ መሠረትም ጥሏል።

የማድረግ አቅማችን በፖለቲካዊና በማኅበራዊ መስኮችም ጭምር ታይቷል። ሀገራችን በታሪኳ ለልዩነትና ለክፍፍል የዳረጓትን ፈተናዎች በዘላቂነት ለመፍታት የጀመረችው ሀገራዊ ምክክር፣ ነገን በአንድነት የመገንባት ታላቅ ጥበብ ማሳያ ነው። የራሳችንን ችግር በጠረቤዛ ዙሪያ በውይይትና በመግባባት የመፍታት ሂደት፣ ለነገው የጋራ ቤታችን ደህንነት ጽኑ ዋስትናም ሆኖ ተቀምጧል።

እነዚህ ታሪካዊ እጥፋቶች በኢትዮጵያ ታሪክ ውስጥ እየተመዘገቡ ያሉት እንዲሁም ሀገራችን ከነበረችበት የታሪክና የኢኮኖሚ ማነቆ ተላቅቃ ወደሚመጥናት ታላቅነት እየተሸጋገረች ያለችው በዚህ በመደመር ትውልድ አዲስ የትጋት ባህል ነው።

የመደመር ትውልድ በቃላትና በተስፋ ብቻ የሚኖር ሳይሆን፣ ሀገራዊ አቅሙን አውቆና ተጋድሎ አድርጎ ተስፋውን በእጁ ሥራ ወደ እውነታ የሚቀይር አምራች ኃይል ነው።

የዛሬው የመደመር ትውልድ ተጋድሎና እየተገነባ ያለው ተቋማዊ አቅም ለነገው ትውልድ የምናስረክበው ደማቅ ታሪካዊ ድል ነው፡፡

በዓይናለም ሃድራ

የመደመር መንግሥት ታላቅ ራእይ፦ ጠንካራ ተቋማትና የማትበገር ኢትዮጵያን መገንባት
*********************

ሀገር መገንባት በጥቂት ዓመታት የሚጠናቀቅ ስራ ሳይሆን ትውልዶች የሚፈፅሙት ታላቅ ጉዞ ነው፤ ኢትዮጵያም ዛሬ በዚህ የዘመናት የታሪክ ምእራፍ ውስጥ ትገኛለች።

የሀገራችን የወደፊት አቅጣጫ የሚወስኑ ወቅታዊ የፖለቲካ የማህበራዊ እና የኢኮኖሚ ፈተናዎችን ወደ ተቋማዊ መፍትሄ ለማሸጋገር የሚደረገው ጥረት የሀገረ መንግስት ግንባታን በጠንካራ መሰረት ላይ የመጣል አስፈላጊነትን አጉልቶ አሳይቷል።

የመደመር መንግስትም ጊዜያዊ ስኬትን ብቻ ሳይሆን ለዘመናት የሚፀና ሀገረ መንግስት የመገንባት ራእይ ይዞ ተነስቷል።

ይህ የሀገረ መንግስት ግንባታ ራእይ በሶስት ዋና ዋና ምሰሶዎች ላይ መልህቁን የጣለ ነው፡፡ የመጀመሪያው ምሰሶ የፀና ሀገረ መንግስት ግንባታ ሲሆን በዚህ ረገድ ኢትዮጵያ በርካታ ፈተናዎች ባሉበት ሁኔታ እንኳ ዜጎቿ በነቂስ ወጥተው ድምፃቸውን የሰጡበትን ነፃ ሰላማዊና ዲሞክራሲያዊ ጠቅላላ ምርጫ በስኬት አጠናቃለች።

ምርጫ የዲሞክራሲያዊ ስርዓት ማጠናከሪያ በመሆኑ ይህ እርምጃ ትልቅ ስኬት ነው፡፡ ጠንካራ ሀገር የሚገነባው ደግሞ በጠንካራ ተቋማት ብቻ በመሆኑ እንደ ምርጫ ቦርድ፣ ሀገራዊ ምክክር ኮሚሽን፣ የፍትህና የፀጥታ ተቋማት እንደ አዲስ ተደራጅተው በስኬት ጎዳና ላይ ይገኛሉ።

ሁለተኛው ምሰሶ የማትበገር ሀገር መገንባት ላይ ያተኮረ ነው፡፡ ስርአቶችና መንግስታት ቢያልፉም ተቋማት ሲጠነክሩ ሀገር መሻገሯ አይቀሬ ነው። በመሆኑም ዛሬ የሚገነቡት ተቋማትና ሀሳቦች ሀገርን ከትውልድ ወደ ትውልድ የሚያሸጋግሩ ናቸው።

ሶስተኛው ምሰሶ የብልፅግና ተምሳሌትነት ሲሆን የትናንትናውን ታሪካዊ ቅርስ በማደስ የዛሬውን ትውልድ በማነቃቃትና ነገንም በማሻገር የትውልድ ተከታታይነት በተግባር እየተረጋገጠ ይገኛል።

ከዚህ ሁሉ በላይ ግን የኢትዮጵያ ህዝቦች ከሰሜን እስከ ደቡብ ከምስራቅ እስከ ምእራብ በጥልቅ የተሳሰረ ማንነት የሚያጋሩ መሆናቸው ዋናው መሰረት ነው አንዳንዶች ልዩነትን ለመዝራት ቢሞክሩም አብሮነቱ ከጥንት ጀምሮ የነበረና የጋራ ሀገር የመገንባት ፍላጎት ውጤት ነው።

በስኬት የጠናቀቀዉም ሀገራዊ የምክክር ሂደትም የዘመናት የታሪክ ስብራቶችን በመጠገን ብሄራዊ መግባባትን ለመፍጠር ከፍተኛ ሚናን ተጫዉቷል።

ይህ ያልተቋረጠ ርብርብ የሚያስፈልገው የሀገረ መንግስት ግንባታ ሂደት ከተራ የአስተዳደር መዋቅር ማጠናከር ባለፈ በመንግስትና በዜጎች መካከል አዲስ "ማህበራዊ ውል" የሚፈጥር ነው።

በዚህ ማእቀፍ ውስጥ መንግስት የህግ የበላይነትን ፍትህ የሰላምንና የልማት እድሎችን የማረጋገጥ ሀላፊነት ሲወስድ ዜጎች ደግሞ ተመልካች ሳይሆኑ ባለቤት በመሆን ህግን በማክበርና የሀገራዊ ጥቅምን በማስቀደም ይሳተፋሉ።

ዘላቂ ሰላምና የኢኮኖሚ ጥንካሬ ከዚህ የጋራ ባለቤትነት ጋር በቀጥታ የተሳሰሩ በመሆናቸው አዲሱ ማህበራዊ ውል የዛሬን ፈተናዎች ከመመለስ አልፎ ለቀጣይ ትውልድ የሚሻገር ተቋማዊና ማህበራዊ መሰረት የሚጥል ይሆናል።

በብሌን ደምበሎ
የመደመር መንግሥት ታላቅ ራእይ፦ ጠንካራ ተቋማትና የማትበገር ኢትዮጵያን መገንባት
*********************

ሀገር መገንባት በጥቂት ዓመታት የሚጠናቀቅ ስራ ሳይሆን ትውልዶች የሚፈፅሙት ታላቅ ጉዞ ነው፤ ኢትዮጵያም ዛሬ በዚህ የዘመናት የታሪክ ምእራፍ ውስጥ ትገኛለች።

የሀገራችን የወደፊት አቅጣጫ የሚወስኑ ወቅታዊ የፖለቲካ የማህበራዊ እና የኢኮኖሚ ፈተናዎችን ወደ ተቋማዊ መፍትሄ ለማሸጋገር የሚደረገው ጥረት የሀገረ መንግስት ግንባታን በጠንካራ መሰረት ላይ የመጣል አስፈላጊነትን አጉልቶ አሳይቷል።

የመደመር መንግስትም ጊዜያዊ ስኬትን ብቻ ሳይሆን ለዘመናት የሚፀና ሀገረ መንግስት የመገንባት ራእይ ይዞ ተነስቷል።

ይህ የሀገረ መንግስት ግንባታ ራእይ በሶስት ዋና ዋና ምሰሶዎች ላይ መልህቁን የጣለ ነው፡፡ የመጀመሪያው ምሰሶ የፀና ሀገረ መንግስት ግንባታ ሲሆን በዚህ ረገድ ኢትዮጵያ በርካታ ፈተናዎች ባሉበት ሁኔታ እንኳ ዜጎቿ በነቂስ ወጥተው ድምፃቸውን የሰጡበትን ነፃ ሰላማዊና ዲሞክራሲያዊ ጠቅላላ ምርጫ በስኬት አጠናቃለች።

ምርጫ የዲሞክራሲያዊ ስርዓት ማጠናከሪያ በመሆኑ ይህ እርምጃ ትልቅ ስኬት ነው፡፡ ጠንካራ ሀገር የሚገነባው ደግሞ በጠንካራ ተቋማት ብቻ በመሆኑ እንደ ምርጫ ቦርድ፣ ሀገራዊ ምክክር ኮሚሽን፣ የፍትህና የፀጥታ ተቋማት እንደ አዲስ ተደራጅተው በስኬት ጎዳና ላይ ይገኛሉ።

ሁለተኛው ምሰሶ የማትበገር ሀገር መገንባት ላይ ያተኮረ ነው፡፡ ስርአቶችና መንግስታት ቢያልፉም ተቋማት ሲጠነክሩ ሀገር መሻገሯ አይቀሬ ነው። በመሆኑም ዛሬ የሚገነቡት ተቋማትና ሀሳቦች ሀገርን ከትውልድ ወደ ትውልድ የሚያሸጋግሩ ናቸው።

ሶስተኛው ምሰሶ የብልፅግና ተምሳሌትነት ሲሆን የትናንትናውን ታሪካዊ ቅርስ በማደስ የዛሬውን ትውልድ በማነቃቃትና ነገንም በማሻገር የትውልድ ተከታታይነት በተግባር እየተረጋገጠ ይገኛል።

ከዚህ ሁሉ በላይ ግን የኢትዮጵያ ህዝቦች ከሰሜን እስከ ደቡብ ከምስራቅ እስከ ምእራብ በጥልቅ የተሳሰረ ማንነት የሚያጋሩ መሆናቸው ዋናው መሰረት ነው አንዳንዶች ልዩነትን ለመዝራት ቢሞክሩም አብሮነቱ ከጥንት ጀምሮ የነበረና የጋራ ሀገር የመገንባት ፍላጎት ውጤት ነው።

በስኬት የጠናቀቀዉም ሀገራዊ የምክክር ሂደትም የዘመናት የታሪክ ስብራቶችን በመጠገን ብሄራዊ መግባባትን ለመፍጠር ከፍተኛ ሚናን ተጫዉቷል።

ይህ ያልተቋረጠ ርብርብ የሚያስፈልገው የሀገረ መንግስት ግንባታ ሂደት ከተራ የአስተዳደር መዋቅር ማጠናከር ባለፈ በመንግስትና በዜጎች መካከል አዲስ "ማህበራዊ ውል" የሚፈጥር ነው።

በዚህ ማእቀፍ ውስጥ መንግስት የህግ የበላይነትን ፍትህ የሰላምንና የልማት እድሎችን የማረጋገጥ ሀላፊነት ሲወስድ ዜጎች ደግሞ ተመልካች ሳይሆኑ ባለቤት በመሆን ህግን በማክበርና የሀገራዊ ጥቅምን በማስቀደም ይሳተፋሉ።

ዘላቂ ሰላምና የኢኮኖሚ ጥንካሬ ከዚህ የጋራ ባለቤትነት ጋር በቀጥታ የተሳሰሩ በመሆናቸው አዲሱ ማህበራዊ ውል የዛሬን ፈተናዎች ከመመለስ አልፎ ለቀጣይ ትውልድ የሚሻገር ተቋማዊና ማህበራዊ መሰረት የሚጥል ይሆናል።

በብሌን ደምበሎ

ከፈተናዎች ባሻገር፡ የኢትዮጵያ የማይቀለበስ የብልጽግና ጉዞ

አዲስ አበባ፣ መስከረም 18፣ 2019 (ኤፍ ኤም ሲ) ኢትዮጵያ ታሪካዊ ስህተቶችን በማረም፣ የጋራ ብሔራዊ ምክክር በማድረግ እና ሁሉንም አሳታፊ የሆኑ የልማት ፕሮጀክቶችን በመቅረጽ ወደ ኋላ የማይቀለበስ፣ ጠንካራና ዲሞክራሲያዊት ሀገርን የመገንባት ታሪካዊ ምዕራፍ ላይ ትገኛለች።

የማይቀለበሰው የኢትዮጵያ ማንነት በየዘመኑ ፈተናዎች ውስጥ እያለፈ ይበልጥ እየጠነከረ እንዲሁም በተጨባጭ መሬት ላይ በሚታዩ እውነታዎች እየተረጋገጠ ይገኛል።

ኢትዮጵያ ባለፉት ዓመታት በርካታ ውጣ ውረዶችን፣ የውስጥ ፈተናዎችን ብታስተናግድም ማንም ሊቀለብሰው ወይም ሊለውጠው የማይችል ትልልቅ ስኬቶችን ማስመዝገብ የቻለች ሀገር ናት።

የኢትዮጵያ ሕብረ ብሔራዊ ማንነት የመዳከሟ ምክንያት ሳይሆን በአስቸጋሪ የታሪክ አጋጣሚዎች ሁሉ አንድ ላይ ቆማ እንድትሻገር ያደረጋት ጥንካሬዋ ነው።

የታሪክ፣ የጽናት፣ የባህል እና የነፃነት ህያው ተምሳሌት የሆኑት ኢትዮጵያውያን ለዘመናት ይዘዋቸው የዘለቁት የመከባበር እና የአብሮነት እሴቶች የትኛውንም ከፋፋይ ሃሳብ እንዲያሸንፉ አድርጓቸዋል፡፡

በሌላ በኩል ኢትዮጵያ የዓባይ ወንዝ መነሻ እና የአፍሪካ ቀንድ እምብርት መሆኗ በዓለም መድረክ ላይ የማይናወጥ ስትራቴጂካዊ ሚና እንዲኖራት አድርጓታል።

የተፈጥሮ ጸጋዎቿ፣ ወጣት የሰው ኃይሏ እና በአህጉራዊ መድረኮች ያላት ቀዳሚ ሚና፣ ሀገሪቱ ወደፊት ለምትጓዝበት የብልጽግና መንገድ የማይቀለበስ አቅጣጫ ያስቀመጠላት ነው።

ህዝቦቿም የመደጋገፍ እና አብሮ የመኖር እሴት በማንኛውም ፖለቲካዊ ወይም ማህበራዊ ማዕበል የማይበጠስ ጠንካራ ገመድ ሆኖ ተገምዷል።

በተጨማሪም ባላት ሰፊ የሰው ኃይል፣ የተፈጥሮ ፀጋ፣ የቴክኖሎጂና የዲጂታል አሰራር እንዲሁም በተግባር የተደገፈ ቁርጠኝነት ያሰበችውን የምታሳካ ታላቅ ሀገር መሆኗን እና የብልጽግና ጉዞዋ የማይቀለበስ መሆኑን ለዓለም እየመሰከሩ ይገኛሉ።

በአጠቃላይ የማይቀለበሰው የኢትዮጵያ ማንነት በሕዝቦቿ አጥንትና ደም የተቀረጸ፣ በትናንት የድል ታሪክ ላይ ቆሞ የነገውን ብልጽግና የሚያልም ጽኑ እውነት ነው። ያለፈችባቸው የታሪክ እቶኖች ማንነቷን አቅልጠው አላጠፉትም፤ ይልቁንም ይበልጥ አጠንክረውታል።

ኢትዮጵያ ትናንት የነበረች፣ ዛሬ ያለች እና ነገም በማይቀለበስ ታሪካዊና ባህላዊ ማንነቷ ጸንታ የምትኖር የታላቅነት ማሳያ ሀገር ናት።

በትዕግስት ግዛቸው





ከፈተናዎች ባሻገር፡ የኢትዮጵያ የማይቀለበስ የብልጽግና ጉዞ

አዲስ አበባ፣ መስከረም 18፣ 2019 (ኤፍ ኤም ሲ) ኢትዮጵያ ታሪካዊ ስህተቶችን በማረም፣ የጋራ ብሔራዊ ምክክር በማድረግ እና ሁሉንም አሳታፊ የሆኑ የልማት ፕሮጀክቶችን በመቅረጽ ወደ ኋላ የማይቀለበስ፣ ጠንካራና ዲሞክራሲያዊት ሀገርን የመገንባት ታሪካዊ ምዕራፍ ላይ ትገኛለች።

የማይቀለበሰው የኢትዮጵያ ማንነት በየዘመኑ ፈተናዎች ውስጥ እያለፈ ይበልጥ እየጠነከረ እንዲሁም በተጨባጭ መሬት ላይ በሚታዩ እውነታዎች እየተረጋገጠ ይገኛል።

ኢትዮጵያ ባለፉት ዓመታት በርካታ ውጣ ውረዶችን፣ የውስጥ ፈተናዎችን ብታስተናግድም ማንም ሊቀለብሰው ወይም ሊለውጠው የማይችል ትልልቅ ስኬቶችን ማስመዝገብ የቻለች ሀገር ናት።

የኢትዮጵያ ሕብረ ብሔራዊ ማንነት የመዳከሟ ምክንያት ሳይሆን በአስቸጋሪ የታሪክ አጋጣሚዎች ሁሉ አንድ ላይ ቆማ እንድትሻገር ያደረጋት ጥንካሬዋ ነው።

የታሪክ፣ የጽናት፣ የባህል እና የነፃነት ህያው ተምሳሌት የሆኑት ኢትዮጵያውያን ለዘመናት ይዘዋቸው የዘለቁት የመከባበር እና የአብሮነት እሴቶች የትኛውንም ከፋፋይ ሃሳብ እንዲያሸንፉ አድርጓቸዋል፡፡

በሌላ በኩል ኢትዮጵያ የዓባይ ወንዝ መነሻ እና የአፍሪካ ቀንድ እምብርት መሆኗ በዓለም መድረክ ላይ የማይናወጥ ስትራቴጂካዊ ሚና እንዲኖራት አድርጓታል።

የተፈጥሮ ጸጋዎቿ፣ ወጣት የሰው ኃይሏ እና በአህጉራዊ መድረኮች ያላት ቀዳሚ ሚና፣ ሀገሪቱ ወደፊት ለምትጓዝበት የብልጽግና መንገድ የማይቀለበስ አቅጣጫ ያስቀመጠላት ነው።

ህዝቦቿም የመደጋገፍ እና አብሮ የመኖር እሴት በማንኛውም ፖለቲካዊ ወይም ማህበራዊ ማዕበል የማይበጠስ ጠንካራ ገመድ ሆኖ ተገምዷል።

በተጨማሪም ባላት ሰፊ የሰው ኃይል፣ የተፈጥሮ ፀጋ፣ የቴክኖሎጂና የዲጂታል አሰራር እንዲሁም በተግባር የተደገፈ ቁርጠኝነት ያሰበችውን የምታሳካ ታላቅ ሀገር መሆኗን እና የብልጽግና ጉዞዋ የማይቀለበስ መሆኑን ለዓለም እየመሰከሩ ይገኛሉ።

በአጠቃላይ የማይቀለበሰው የኢትዮጵያ ማንነት በሕዝቦቿ አጥንትና ደም የተቀረጸ፣ በትናንት የድል ታሪክ ላይ ቆሞ የነገውን ብልጽግና የሚያልም ጽኑ እውነት ነው። ያለፈችባቸው የታሪክ እቶኖች ማንነቷን አቅልጠው አላጠፉትም፤ ይልቁንም ይበልጥ አጠንክረውታል።

ኢትዮጵያ ትናንት የነበረች፣ ዛሬ ያለች እና ነገም በማይቀለበስ ታሪካዊና ባህላዊ ማንነቷ ጸንታ የምትኖር የታላቅነት ማሳያ ሀገር ናት።

በትዕግስት ግዛቸው

ለግሸን ደብረ ከርቤ ክብረ በዓል 2 ሚሊዮን ጎብኝዎችን ለመቀበል መዘጋጀቱን የክልሉ ቱሪዝም ቢሮ አስታወቀ

መስከረም 18 ቀን 2019 ዓ.ም.  (አሐዱ ሬዲዮ) በአማራ ክልል ደቡብ ወሎ ዞን መስከረም 21 ለሚከበረው የግሸን ደብረ ከርቤ ማሪያም ክበረ በዓል በደማቅ ሁኔታ ለማክበር እስከ 2 ሚሊዮን የሚጠጉ የሀገር ውስጥና የውጭ ጎብኝዎችን ለመቀበል ዝግጅት ማጠናቀቁን ለአሐዱ የገለጸው የአማራ ክልል ባህል፣ ቱሪዝም እና ስፖርት ቢሮ ነው።

የቢሮው የህዝብ ግንኙነት ኃላፊ አቶ አበበ እምቢያለ በዓሉ ያለምንም የጸጥታ ችግር በሰላም እንዲከበር እና እንግዶችን ለመቀበል ዝግጅት መደረጉን ተናግረዋል፡፡

ከሀይማኖት አባቶች፣በየደረጃው ካሉ የጸጥታ መዋቅሮች፣ ከወጣቶች እና ከሀገር ሽማግሌዎች ጋር በጋራ ምክክር በማድረግ ዝግጅት መደረጉን አንስተዋል፡፡

በተጨማሪም በደሴ፣ ኮምቦልቻ እና አካባቢው ያሉ ሆቴሎችና የአገልግሎት ሰጪ ተቋማት በቂ ዝግጅት ማድረጋቸውን ጠቁመዋል፡፡

ይገኛሉ ተብሎ ከሚጠበቁ የውጭ እና የሀገር ውስጥ ጎብኝዎች ከ5 ሚሊዮን ብር በላይ ገቢ ለመሰብሰብ መታቀዱንም ተናግረዋል፡፡

የግሸን ደብረ ከርቤ ክብረ በዓል በሰላም እንዲከበር ለማድግ የክልሉ ነዋሪዎችን ጨምሮ ሁሉም ሀላፊነቱን ሊወጣ አንደሚገባም አሳስበዋል፡፡
 
በደረጄ መንግስቱ 

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

“በቂ ዝግጅት እየተደረገ ነው “
ጀነራል አስራት ደኔሮ የአዲስ አበባ ፖሊስ ኮሚሽን ኮሚሽነር

መጭው የመስቀልና የእሬቻ በዓላትን ያለ ምንም የፀጥታ ችግር እንዲከበር ቅድመ ዝግጅት ማጠናቁን የአዲስ አበባ ፖሊስ አስታወቀ ።

የአዲስ አበባ ፖሊስ ኮሚሽነር ጀነራል አስራት ደኔሮ ከፀጥታ አካላት ጋር ባደረጉት ምክክር በመጭው ሳምንት በአዲስ አበባ ከተማ የሚከበሩት የመስቀልና የእሬቻ በዓላት ያለ ምንም የፀጥታ ችግር እንዲጠናቀቅ ትዕዛዝ አስተላልፈዋል ።

ጀነራሉ አዲስ አበባ የብሄር ብሄረሰቦች እና የበርካታ ዲፕሎማቶች መቀመጫ በመሆኗ በዓላቶቹ እስኪጠናቀቁ ድረስ የፀጥታ ሀይሉ ከአጋር አካላት ጋር ጥምር ፈጥሮ በመስራት ያለ ምንም ኮሽታ እንዲጠናቀቅ ትዕዛዝ አስተላልፈዋል ።

አክለውም ፖሊስ: ከደንብ ማስከበር : ከሰላም ሰራዊት ጋር እጅ ለ እጅ ተያይዞ በተጠንቀቅ እንዲቆም ትዕዛዝ ያስተላለፉ ሲሆን በየ ክፍለ ከተማው : በየቀበሌው : በየቀጠናው ከሚኖረው ህዝብ ጋር ጥብቅ ትስስር እንዲፈጥር አሳስበዋል ።










“በቂ ዝግጅት እየተደረገ ነው “
ጀነራል አስራት ደኔሮ የአዲስ አበባ ፖሊስ ኮሚሽን ኮሚሽነር

መጭው የመስቀልና የእሬቻ በዓላትን ያለ ምንም የፀጥታ ችግር እንዲከበር ቅድመ ዝግጅት ማጠናቁን የአዲስ አበባ ፖሊስ አስታወቀ ።

የአዲስ አበባ ፖሊስ ኮሚሽነር ጀነራል አስራት ደኔሮ ከፀጥታ አካላት ጋር ባደረጉት ምክክር በመጭው ሳምንት በአዲስ አበባ ከተማ የሚከበሩት የመስቀልና የእሬቻ በዓላት ያለ ምንም የፀጥታ ችግር እንዲጠናቀቅ ትዕዛዝ አስተላልፈዋል ።

ጀነራሉ አዲስ አበባ የብሄር ብሄረሰቦች እና የበርካታ ዲፕሎማቶች መቀመጫ በመሆኗ በዓላቶቹ እስኪጠናቀቁ ድረስ የፀጥታ ሀይሉ ከአጋር አካላት ጋር ጥምር ፈጥሮ በመስራት ያለ ምንም ኮሽታ እንዲጠናቀቅ ትዕዛዝ አስተላልፈዋል ።

አክለውም ፖሊስ: ከደንብ ማስከበር : ከሰላም ሰራዊት ጋር እጅ ለ እጅ ተያይዞ በተጠንቀቅ እንዲቆም ትዕዛዝ ያስተላለፉ ሲሆን በየ ክፍለ ከተማው : በየቀበሌው : በየቀጠናው ከሚኖረው ህዝብ ጋር ጥብቅ ትስስር እንዲፈጥር አሳስበዋል ።

(ዘ-ሐበሻ ዜና) በውጭ ጉዳይ ሚኒስትር ኡስማን ሳላህ የተመራው የኤርትራ ልዑካን ቡድን በ81ኛው የተባበሩት መንግስታት ድርጅት (ተመድ) ጠቅላላ ጉባኤ ላይ እየተሳተፈ ይገኛል። የኤርትራ ማስታወቂያ ሚኒስትር አቶ የማነ ገብረመስቀል ባወጡት መረጃ መሰረት ሚኒስትር ኡስማን ሳላህ ከተመድ ዋና ጸሃፊ አንቶኒዮ ጉቴሬዝ ጋር በወቅታዊ ቀጠናዊ እና ዓለም አቀፋዊ ጉዳዮች ዙሪያ ሰፊ ውይይት አድርገዋል። በውይይታቸው ወቅት ሚኒስትር ኡስማን፣ የኢትዮጵያ ገዥው ብልጽግና ፓርቲ በጎረቤት ሀገራት ላይ የተመድን ቻርተር እና የዓለም አቀፍ ህግጋት መሰረታዊ መርሆችን በግልጽ የጣሰ የትንኮሳ ድርጊት እየፈጸመ ነው ሲሉ ከሰዋል።

በተጨማሪም የውጭ ጉዳይ ሚኒስትሩ በዚሁ መድረክ ላይ በሱዳን እና በቀይ ባህር ጉዳዮች ላይ የሀገራቸውን አቋም አብራርተዋል። ኤርትራ የተባበረች፣ ሉዓላዊነቷ የተከበረ እና የተረጋጋች ሱዳንን እንደምትደግፍ ገልጸው፤ በሱዳናውያን ባለቤትነት የሚመራ እና በቀጠናዊና ዓለም አቀፋዊ ተቋማት የሚደገፍ አካታች የፖለቲካ ሂደት እንዲኖር ጠይቀዋል። የቀይ ባህር እና የባብ-ኤል ማንደብ ደህንነትን በተመለከተም፣ የባህር ዳርቻ ሀገራትን ሉዓላዊነት እና ህጋዊ ፍላጎት ባከበረ መልኩ ደህንነቱ የተጠበቀ የባህር ላይ ጉዞ እና ዓለም አቀፍ ትብብርን ኤርትራ እንደምትደግፍ አረጋግጠዋል።

ሚኒስትሩ የሀገራት ሉዓላዊ እኩልነት፣ የግዛት አንድነት፣ የፖለቲካ ነጻነት፣ በውስጥ ጉዳይ ጣልቃ አለመግባት እና ግጭቶችን በሰላማዊ መንገድ መፍታት የሚሉት የተመድ መርሆች አሁንም ወሳኝ መሆናቸውን አስምረውበታል። በሌላ ዜና፣ ኤርትራ የ81ኛው የተመድ ጠቅላላ ጉባኤ ምክትል ፕሬዝዳንት ሆና የተመረጠች ሲሆን፣ አምባሳደር ሶፊያ ተስፋማሪያም ኤርትራን ወክለው በጉባኤው መክፈቻ ዕለት የምሽቱን የምክክር መድረክ በምክትል ፕሬዝዳንትነት መምራታቸው ታውቋል።









(ዘ-ሐበሻ ዜና) በውጭ ጉዳይ ሚኒስትር ኡስማን ሳላህ የተመራው የኤርትራ ልዑካን ቡድን በ81ኛው የተባበሩት መንግስታት ድርጅት (ተመድ) ጠቅላላ ጉባኤ ላይ እየተሳተፈ ይገኛል። የኤርትራ ማስታወቂያ ሚኒስትር አቶ የማነ ገብረመስቀል ባወጡት መረጃ መሰረት ሚኒስትር ኡስማን ሳላህ ከተመድ ዋና ጸሃፊ አንቶኒዮ ጉቴሬዝ ጋር በወቅታዊ ቀጠናዊ እና ዓለም አቀፋዊ ጉዳዮች ዙሪያ ሰፊ ውይይት አድርገዋል። በውይይታቸው ወቅት ሚኒስትር ኡስማን፣ የኢትዮጵያ ገዥው ብልጽግና ፓርቲ በጎረቤት ሀገራት ላይ የተመድን ቻርተር እና የዓለም አቀፍ ህግጋት መሰረታዊ መርሆችን በግልጽ የጣሰ የትንኮሳ ድርጊት እየፈጸመ ነው ሲሉ ከሰዋል።

በተጨማሪም የውጭ ጉዳይ ሚኒስትሩ በዚሁ መድረክ ላይ በሱዳን እና በቀይ ባህር ጉዳዮች ላይ የሀገራቸውን አቋም አብራርተዋል። ኤርትራ የተባበረች፣ ሉዓላዊነቷ የተከበረ እና የተረጋጋች ሱዳንን እንደምትደግፍ ገልጸው፤ በሱዳናውያን ባለቤትነት የሚመራ እና በቀጠናዊና ዓለም አቀፋዊ ተቋማት የሚደገፍ አካታች የፖለቲካ ሂደት እንዲኖር ጠይቀዋል። የቀይ ባህር እና የባብ-ኤል ማንደብ ደህንነትን በተመለከተም፣ የባህር ዳርቻ ሀገራትን ሉዓላዊነት እና ህጋዊ ፍላጎት ባከበረ መልኩ ደህንነቱ የተጠበቀ የባህር ላይ ጉዞ እና ዓለም አቀፍ ትብብርን ኤርትራ እንደምትደግፍ አረጋግጠዋል።

ሚኒስትሩ የሀገራት ሉዓላዊ እኩልነት፣ የግዛት አንድነት፣ የፖለቲካ ነጻነት፣ በውስጥ ጉዳይ ጣልቃ አለመግባት እና ግጭቶችን በሰላማዊ መንገድ መፍታት የሚሉት የተመድ መርሆች አሁንም ወሳኝ መሆናቸውን አስምረውበታል። በሌላ ዜና፣ ኤርትራ የ81ኛው የተመድ ጠቅላላ ጉባኤ ምክትል ፕሬዝዳንት ሆና የተመረጠች ሲሆን፣ አምባሳደር ሶፊያ ተስፋማሪያም ኤርትራን ወክለው በጉባኤው መክፈቻ ዕለት የምሽቱን የምክክር መድረክ በምክትል ፕሬዝዳንትነት መምራታቸው ታውቋል።