“በእምነታችን የተለያየን ብንሆንም፣ ሰውነታችን እና የጋራ ሀገራችን አንድ ያደርጉናል” - ሊቀ ትጉኃን ቀሲስ ታጋይ ታደለ
***********

15ኛ ዓመት የምስረታ በዓሉን፥ “እምነትን በተግባር፡ ሰላምን ለሁለንተናዊ ልማት በኢትዮጵያ” በሚል መሪ ቃል ያከበረው የኢትዮጵያ የሃይማኖት ተቋማት ጉባኤ፤ በተጓዳኝ 18ኛ መደበኛ ጠቅላላ ጉባኤውንም አካሂዷል።

የጉባኤው ዋና ጸሐፊ ሊቀ ትጉኃን ቀሲስ ታጋይ ታደለ በዚሁ ወቅት፣ ኢትዮጵያ የበርካታ እምነቶች፣ ባህሎች እና ቋንቋዎች የጋራ ቤት መሆኗን አንስተዋል።

አክለውም፣ የሃይማኖቶች ስምምነት በጋራ ማዕድ ከመቋደስ አልፎ የሀገርን ዳር ድንበር ለማስከበር እስከ መስዋዕትነት የጸና ነው ብለዋል።

ኢትዮጵያዊነት እና ሃይማኖት ልክ እንደ ውብ የጥበብ ሸማ የተሰናሰሉ መሆናቸውን ተናግረዋል።

የተለያዩ ቀለማት ያሏቸው ክሮች ተዋህደው ውብ ልብስ እንደሚሆኑ ሁሉ፤ ሃይማኖቶችም ሰላምን በመስበክ እና ትውልድን በመቅረጽ በጋራ ሀገርን ይገነባሉ ነው ያሉት።

አያይዘውም፣ “እኛ በእምነታችን የተለያየን ብንሆንም፣ ሰውነታችን እና የጋራ ሀገራችን አንድ ያደርጉናል፤ ሃይማኖት የግላችን፣ ኢትዮጵያ ደግሞ የጋራ ቤታችን ናት” ሲሉ ገልጸዋል።

ይህን ወርቃማ እሴት ጠብቆ ለትውልድ ማስተላለፍ እንደሚገባም አደራ ብለዋል።

አሁን ያለው ትውልድ ልዩነትን እንደ ስጋት ሳይሆን እንደ ውበት የሚያይ፣ በሀገር ብሔራዊ ጥቅም የማይደራደር እና ለሰላም ዘብ የሚቆም መሆኑንም መስክረዋል።

በአብሮነት ጉዞ ውስጥ ልዩነቶችን በመጠቀም ግጭት ለመፍጠር የሚደረጉ ሙከራዎች እንደነበሩ ያነሱት ዋና ጸሐፊው፤ ማኅበራዊ ሚዲያ ከሰላም ይልቅ የግጭት መስበኪያ ሆኖ እንዳይቀጥል ከመንግሥት ጋር በትብብር መሥራት እንደሚገባ ጠቁመዋል።

የሃይማኖት አባቶችም በኅብረተሰቡ ዘንድ ያላቸውን የላቀ ተቀባይነት ተጠቅመው የተጣላን በማስታረቅ እና የተራራቀን በማቀራረብ ኃላፊነታቸውን እንዲወጡ ጥሪ አቅርበዋል።

መከባበር ጥሩ ቢሆንም፣ በቂ አይደለም፤ ረሃብ እና በሽታ ሃይማኖት ስለማይመርጡ፣ ከመከባበርም አልፎ በመተባበር እና አብሮነትን በማሳደግ በሀገራዊ ጉዳዮች ላይ በጋራ መሥራት ይገባናል ሲሉም ለመላው ኢትዮጵያውያን መልዕክት አስተላልፈዋል።

በሔዋን ጌታቸው
#ethiopia #interreligiouscouncilofethiopia #socialcohesion #peacebuilding #ebc

ከነጣጣይ ትርክት ወደ የጋራ ሀገር፦ የታሪክ እውነታ እና የነገዋ ኢትዮጵያ
*******************

የታሪክ አተረጓጎም ማህበራዊ ትስስርን የመገንባትም ሆነ የማፍረስ አቅም ያለው፤ የሀገርን የሰላም እና የልማት ጎዳና በቀጥታ የሚወስን ስትራቴጂያዊ ጉዳይ ነው።

የታሪክ ሰነድን የአንዱ ወገን ድል እና የሌላው ወገን ሽንፈት ማሳያ አድርጎ የማቅረብ አጥፊ አካሄድ በማኅበረሰቦች መካከል የቂም እና የጥርጣሬ ግንብ ሲገነባ ቆይቷል።

ዛሬ ግን ታሪክን ከርካሽ የፖለቲካ መጠቀሚያነት በማውጣት የሁሉም ማኅበረሰቦች አስተዋጽኦ እና ተሞክሮ የሚንጸባረቅበት አካታች የጋራ ሀብት መደረጉ ለአዲሱ የሀገረ መንግሥት ግንባታ ወሳኝ እርምጃ ሆኗል።

የቆዩ የታሪክ ቁርሾዎች እና ስብራቶችን ከማባባስ ይልቅ በሰለጠነ መንገድ ተቃኝተው ለነገ የጋራ መግባባት እና ዕድገት ትምህርት እንዲሆኑ ማድረግ ይገባል።

በዚህ ረገድ፣ የሀገር ታሪክ የተወሰኑ ቡድኖች የብቻ ገድል ሳይሆን የሁሉም ማኅበረሰቦች የጋራ ፈተና፣ መሥዋዕትነት፣ ስኬት እና ውርስ መሆኑን ማስረጽ ተችሏል።

የነጠላ ትርክት ወይም ልዩነቶችን የማጥፋት ፍላጎት ዘላቂ ሰላምን እንደማያመጣ በተግባር የተረጋገጠ እውነት ነው፤ ስለዚህም የሁሉም ማኅበረሰቦች ቋንቋ፣ ባህል እና ማንነት በእኩልነት ሲከበር እና ሲጎለብት ብቻ፣ የጸና ሀገራዊ አንድነት ይፈጠራል።

የብሔር ማንነት እና ሀገራዊ ዜግነት ተቃራኒዎች ሳይሆኑ፣ አንዱ ሌላውን የሚደግፉ እና የሚያጠናክሩ የመደመር ምሰሶዎች ናቸው።

ጠንካራ እና የማይበገር ሀገረ መንግሥት ሊገነባ የሚችለው ሁሉንም ድምፆች እና እሴቶች በእኩል ደረጃ በሚያስተናግድ ሰፊ ምህዳር ውስጥ ብቻ ነው።

የትናንትን የታሪክ ስብራት በፍትሐዊነት መጠገን፣ ነገ በጋራ ለሚገነባው ሀገር እና ለሚረጋገጠው ብልጽግና ትልቅ አበርክትዎ አለው።

ታሪክ የፖለቲካ መቆመሪያ እንዳይሆን መታደግ፣ መጪው ትውልድ በትናንት የታሪክ ዕዳ ምትክ የነገን ብሩሕ ተስፋ እንዲወርስ ያስችለዋል።

በምክክር የጸና የጋራ መግባባት ዜጎች በሀገራቸው ጉዳይ ሙሉ ተሳታፊ እና እኩል ባለቤት እንዲሆኑ ያደርጋል።

የአንድ ወገን ነጠላ ትርክት አክትሞ ታሪክ ሁሉንም ማኅበረሰቦች ያካተተ ሀብት ሲሆን፣ ለነገዋ ኢትዮጵያ የማይናወጥ የጋራ መግባባት እና የብልጽግና መሠረት ሆኖ ያገለግላል።

በሐና ምንዳሁን
#ethiopia #democracy #multiculturalism #nationaldialogue #nationalconsensus #nationalunity #peacebuilding #sharedhistory #ebc #ebcdotstream

በውይይትና በምክክር ታሪክን ቀይራ አዲስ ምዕራፍ ላይ የደረሰችው ኢትዮጵያ | Ethiopia | National Dialogue
#ethiopia #nationaldialogue #peacebuilding #historicalconciliation

" target="_blank" class="inline-link">https://new-en.yenevibe.co...

የኅብረ ብሔራዊነቷ ትልቅነትና የታሪክ ምዕራፍ፦ ኦሉሴጉን ኦባሳንጆ ለሀገራዊ ምክክሩ ስኬት ያስተላለፉት መልዕክት
*********************

የቀድሞው የናይጄሪያ ፕሬዚዳንት እና በአፍሪካ ኅብረት የአፍሪካ ቀንድ ልዩ መልዕክተኛ ኦሉሴጉን ኦባሳንጆ፣ ኢትዮጵያ እያከናወነች ያለችው ሀገራዊ ምክክር ለመላው አፍሪካ ታላቅ ምሳሌ የሚሆን ታሪካዊ ስኬት መሆኑን ገልጸዋል።

በሀገራዊ ምክክር ጉባኤው የመዝጊያ ሥነ-ሥርዓት ላይ ተገኝተው ንግግር ያደረጉት ኦባሳንጆ፣ ለዚህ ታላቅ ሀገራዊ ራዕይ መሳካት ለጠቅላይ ሚኒስትር ዐቢይ አሕመድ (ዶ/ር) እና ለሀገራዊ ምክክር ኮሚሽኑ የእንኳን ደስ አላችሁ መልዕክት አስተላልፈዋል።

ሰላም የሁሉ ነገር መሠረትና ዋጋ ሊከፈልበት የሚገባ ታላቅ ሀብት መሆኑን ያሰመሩበት ኦባሳንጆ፣ ለ4 ዓመታት ዝግጅት ተደርጎበት ለ46 ቀናት በአራት ሺህ ተሳታፊዎች የተካሄደው ይህ ምክክር የሕዝቦችን የጋራ ድምፅና ሀገራዊ ሕልውና ለመስማት የተደረገ ታላቅ ጥረት መሆኑን ገልጸዋል።

ዘላቂ ሰላም ማምጣት የሚቻለው ሁሉንም የኅብረተሰብ ክፍል ያካተተ ውይይት ሲኖር ብቻ መሆኑን ያብራሩት ኦባሳንጆ፣ በሂደቱ በቀጥታ ያልተሳተፉ ክፍሎች ካሉ በውጤቱ ትግበራ ወቅት ቦታ ሊሰጣቸው እንደሚገባ እና የተደረሱ ስምምነቶች በተግባር መተርጎም እንዳለባቸው ጠቁመዋል።

ኢትዮጵያ ያለፉትን የልዩነት እና የጥል ታሪኮች ወደ ጎን በመተው ወደ አዲስ የሰላም፣ የውህደትና የብልጽግና ምዕራፍ የምትሸጋገርበት ታሪካዊ ወቅት አሁን መሆኑንም አብራርተዋል።

በሐና ምንዳሁን
#ebc #nationaldialogue #ethiopianpeace #africanleadership #peacebuilding #ethiopia

ኢትዮጵያውያን መከሩ፤ ኢትዮጵያም አሸነፈች! - የመንግሥት ኮሙኒኬሽን አገልግሎት
***********

ኢትዮጵያ የኃይልና የግጭት ፖለቲካን በቃ በማለት ልዩነቶቿን በሰለጠነ የምክክር መድረክ ለመፍታት የወሰደችው እርምጃ፣ የሀገራችንን የፖለቲካ ምህዳር በአዲስ መሠረት ላይ የጣለ ታሪካዊ ድል ሆኗል ሲል የኢፌዴሪ የመንግሥት ኮሙኒኬሽን አገልግሎት ገለጸ።

የመንግሥት ኮሙኒኬሽን አገልግሎት የመዝጊያ ሥነ-ሥርዓቱ ዛሬ የተከናወነውን የሀገራዊ ምክክር ጉባኤ በተመለከተ በፌስቡክ ማህበራዊ ትስስር ገጽ ባጋራው መልዕክት፥ በኢትዮጵያ የጥቂት ልሂቃን የጥቅም ድርድር የነበሩ የዝግ በር ልማዶችን የቀየረና፣ ሰፊውን ሕዝብ የውሳኔው ቀጥተኛ ባለቤት ያደረገ አዲስ ምዕራፍ ተከፍቷል ብሏል።

በዚህም ዜጎች ለዘመናት ያጋጠሟቸውን ታሪካዊ ስብራቶች፣ ጥልቅ አለመግባባቶችና የሐሳብ ልዩነቶች በኃይል ሳይሆን በመደማመጥና በጋራ ጥበብ መፍታት እንደሚችሉ በተግባር አስመስክረዋልም ብሏል አገልግሎቱ።

በሁሉም ክልልሎች ከቀበሌ እስከ ፌደራል በተወከሉ የኅብረተሰብ ክፍሎች ሴቶች፣ ወጣቶች፣ አርሶ/ አርብቶ አደሮች፣ አረጋውያን፣ አካል ጉዳተኞች፣ የፖለቲካ ፓርቲ ተወካዮች፣ የሀገር ሽማግሌዎች፣ የብሔር-ብሔረሰቦችና እምነቶች ተወካዮች እንዲሁም ምሁራንና ሊቃውንት በስምንት አጀንዳዎች ላይ ባደረጉት ሁሉን አቀፍ ውይይት የ130 ሚሊዮን ኢትዮጵያውያንን ድምፅ ማድመጣቸውን ገልጿል።

በዚህም ዘላቂ ሰላም የሚረጋገጠው በንግግር ብቻ መሆኑን ፍጹም አካታች በሆነ አርዓያነት አረጋግጠዋል ነው ያለው።

አገልግሎቱ አክሎ እንዳለው፣ የኢትዮጵያ ታሪካዊ ጠላቶች ከባንዳዎቸ ጋር ተጣምረው በዲጂታል ሚዲያ የሐሰት መረጃና ውዥንብር ለመፍጠር ቢሞክሩም፣ የምክክር ኮሚሽኑ ተቋማዊ ገለልተኝነቱን በጥብቅ ዲስፕሊን በመመራት በጽናት አስከብሯል።

ከ54 በላይ የሚዲያ ተቋማትና 461 ጋዜጠኞች ሂደቱን በቀጥታ ሽፋን በመስጠት ትክክለኛ መረጃን ለህብረተሰቡ ተደራሽ ማድረግ መቻላቸውን ጠቅሷል።

በልጆቿ ፍጹማዊ ፅናት በተከናወነው በዚህ ታሪካዊ ክንውን፣ ኢትዮጵያ የራሷን ዕድል በገዛ እጇ መወሰን እንደምትችል በተግባር አሳይታለች፤ ኢትዮጵያውያን መከሩ፣ ኢትዮጵያም አሸነፈች ብሏል የኢፌዴሪ የመንግሥት ኮሙኒኬሽን አገልግሎት።
#ethiopia #nationaldialogue #peacebuilding #historicconsensus #ethiopiawins #ebc

"እየተማከርን ሀገር እንገነባለን፣ ሀገር እየገነባንም እንማከራለን" - ፕሬዚዳንት ታየ አጽቀ ሥላሴ
******************

የኢፌዴሪ ፕሬዚዳንት ታየ አጽቀ ሥላሴ በሀገራዊ ምክክር ጉባኤ የመዝጊያ ሥነ-ሥርዓት ላይ ባደረጉት ንግግር፣ በኢትዮጵያውያን መካከል የታየው የመከባበር እና የመደማመጥ እሴት ለነገ ተስፋችን ትልቅ ጸጋ መሆኑን ገለጹ።

ፕሬዚዳንቱ ለጉባኤው ተሳታፊዎች ባስተላለፉት መልዕክት፣ ተመካካሪዎች ሀሳብ ለሀሳብ መለዋወጣቸውን እና ከሁሉም በላይ ደግሞ ፍላጎታቸውን እንዲሁም መንፈሳቸውን ማጋመዳቸውን ገልጸዋል።

ይህ ሂደት በኢትዮጵያ የፖለቲካ ባህል ውስጥ አዲስ ጎዳና መሆኑን የጠቆሙት ፕሬዚዳንት ታየ፣ በዚህ አዲስ ጎዳና ለሕዝብ እና ለእውነት መታመን ያለው የሞራል ኃላፊነት ከፍተኛ መሆኑን አሳስበዋል።

ተሳታፊዎች ሕዝብ የሰጣቸውን አደራ በአክብሮት በመወጣታቸውም ፕሬዚዳንቱ ምስጋና አቅርበዋል።

በጉባኤው የቀረበው ምክረ-ሀሳብ በአንድ ጀምበር የሚጠናቀቅ ሳይሆን ኢትዮጵያን በማጽናት በየትውልዱ እያደገ፣ እየበለጸገ እና እየጎመራ የሚሄድ ሕያው እሳቤ መሆኑን ገልጸዋል።

"ዛሬ ያስመሰከርነው ጉዳይ ቢኖር እኛ ኢትዮጵያውያን ሁልጊዜም መምከር እንደምንችል ነው" ያሉት ፕሬዚዳንቱ፣ ምክክር እና የሀገር ግንባታ የማይነጣጠሉ እና ቀጣይነት ያላቸው ሂደቶች መሆናቸውን ተናግረዋል።

በምክክሩ የተገኙት ምክረ-ሀሳቦች በቀጣይ ለሕዝብ ተወካዮች ምክር ቤት፣ ለአስፈጻሚ አካላት እና ለሌሎችም ባለድርሻ አካላት እንደሚቀርቡ አንስተዋል።

አያይዘውም፣ እነዚህን ምክረ-ሀሳቦች የሚረከቡ አካላት የሀሳቦቹ ግለት እና ራዕይ ሳይቀዘቅዝ የኢትዮጵያን እርምጃ ወደ ብሩህነት እንደሚያሻግሩት ያላቸውን የላቀ ተስፋ ገልጸዋል።

አክለውም፣ "የሀሳባችሁ፣ የዕውቀታችሁ፣ የላባችሁ እና የትጋታችሁ ሁሉ ዳኛ የኢትዮጵያ ሕዝብ መሆኑን አውቃችሁ፣ ሕዝባችን የሰጣችሁን አመኔታ በአክብሮት በመወጣታችሁ ምስጋናዬ ከፍተኛ ነው!" በማለት ለተሳታፊዎች የምስጋና መልዕክታቸውን አስተላልፈዋል።

በለሚ ታደሰ
#ethiopia #nationaldialogue #peacebuilding #historicconsensus #ethiopiawins #ebc

"እንኳን ደስ አላችሁ!!"
ምክክራችን ለዛሬው አለቀ

* ሙሐዘ ጥበባት ዲያቆን ዳንኤል ክብረት እንደጻፉት!...
#ethiopia | የምክክር ሂደታችን የዚህ ምዕራፍ ተጠናቅቋል። ሌላውን ምዕራፍ ቀጣዩ ትውልድ አሻሽሎ ይቀጥልበታል።
ምክክር ሆኖብን ነው እንጂ ጦርነት ቢሆን ኖሮ ዐርባ ቀን አይፈጅብንም ነበር። የዐድዋን ጦርነት በ9 ስዓት ውስጥ የጨረስን ጀግኖች ነንኮ። የጦርነትን ያህል ምክክር ልምድ የለንም። አትፍረዱብን።

እንዲህ ሆነ እንዲያ ተፈጠረ የምንለው ምክክር ሆኖብን ነው እንጂ ጦርነት ቢሆንማ ይህ ሁሉ ወሬ ከየት ይመጣል።

እኛም ተከታታዮች ምክክሩን በጦርነት መንፈስ ስለተከታተልነው ነው - ተኮሰ- ሳተ- መከተ-ሸሸ- ፈረጠጠ -አሸነፈ-ተሸነፈ- ስንል የከረምነው።

በጦርነት ልማድ ምክክርን መሥራትና መከታተል እንዴት ፈታኝ መሰላችሁ።

እንኳን ደስ አላችሁ።

​#nationaldialogue #consultationprocess #peacebuilding #ethiopianpolitics #getutemesgen #getu #ጌጡ #ጌጡተመስገን #addisababa

ታላቋ ኢትዮጵያን አሸናፊ የምናደርገው "የእኔ ሀሳብ ብቻ ይጽደቅ" ከሚል ግትር አቋም ስንወጣ ነው
*********************

በኢትዮጵያ ዘመናዊ የፖለቲካ ታሪክ ውስጥ ለዘመናት የዘለቀው እና ዋነኛ ማኅበራዊ ፈተና ሆኖ የቆየው አካሄድ አሸናፊ እና ተሸናፊን ብቻ የሚያመርተው የጥሎ ማለፍ የፖለቲካ ባህል ነው።

ይህ አንዱ ወገን አሸንፎ የራሱን ፍላጎት ብቻ የሚጭንበት እና ሌላውን የሚያገልልበት አካሄድ፣ ዘላቂ ሰላምን ከመገንባት ይልቅ ቂምና በቀልን በማርገዝ ለተከታታይ ግጭቶች በር ሲከፍት ቆይቷል።

አሁን እየተካሄደ ያለው የኢትዮጵያ ሀገራዊ ምክክር ግን ይህን አጥፊ ባህል በዘላቂነት የመቀየር ትልቅ ዓላማ አንግቧል።

አንዱ ሲያሸንፍ ሌላው የሚወድቅበትን ጎጂ ውድድር አስቀርቶ፣ ኢትዮጵያን ማዕከል ባደረገ መልኩ ሁሉም ዜጎች ተጠቃሚ የሚሆኑበትን የጋራ አሸናፊነት ማዕቀፍ ለመፍጠር እየሠራ ይገኛል።

ጠቅላይ ሚኒስትር ዐቢይ አሕመድ (ዶ/ር) እንደገለጹት፥ ተሸናፊው ለከርሞ ግጭትን አርግዞ ስለሚመለስ እና አሸናፊውም ዘወትር ድሉን ለማስጠበቅ ስለሚታገል፣ ማንም ተሸናፊ የማይሆንበት እና የጋራ ሕልውና የሚረጋገጥበት ሀገራዊ ምክክር ትልቅ ዕድል ነው።

ይህን ታሪካዊ ኃላፊነት ከዳር ለማድረስ የተቋቋመው የኢትዮጵያ ሀገራዊ ምክክር ኮሚሽን ነፃ እና ገለልተኛ ሆኖ የተመሠረተ በመሆኑ፣ መሠረታዊ የሆኑ ልዩነቶችን በሰላማዊ መንገድ ለመፍታት የሚያስችል ሰፊ መዋቅር ዘርግቷል።

ኮሚሽኑ አካታችነትን፣ ግልጽነትን፣ ተዓማኒነትን፣ መቻቻልን እና የሕግ የበላይነትን መርህ አድርጎ መነሳቱ ለሀገራችን አዲስ የተስፋ ጭላንጭል ፈንጥቋል።

ከሕዝብ ተወካዮች ምክር ቤት እስከ ታችኛው የወረዳ መዋቅር ድረስ የተዘረጋው የምክክር ሰንሰለት፣ ከ1 ሺህ 200 ወረዳዎች ሕዝባዊ አጀንዳዎችን በማሰባሰብ ለ4 ሺህ ተመካካሪዎች አቅርቧል።

የእነዚህ ተመካካሪዎች ስብጥር የፖለቲካ ፓርቲዎችን፣ ሲቪል ማኅበራትን፣ የሃይማኖት ተቋማትን፣ ሴቶችን፣ ወጣቶችን እና የዳያስፖራውን ማኅበረሰብ ያካተተ በመሆኑ ሂደቱን እጅግ አሳታፊ አድርጎታል።

በውይይቱ የሚነሱ በርካታ ሀሳቦችን እና ፍላጎቶችን በሥርዓት ለማስተናገድ ሲባል፣ ኮሚሽኑ አጀንዳዎችን በስምንት ዋና ዋና የጽንሰ-ሀሳብ አዕማድ ከፍሎ በሥራ ቡድኖች እያወያየ ይገኛል።

ከዚህም ባሻገር 120 አባላት ያሉት የማስማማት ቡድን በማቋቋም ከተለያዩ የሥራ ቡድኖች የሚነሱ ተቃራኒ ሀሳቦችን የማስተካከል፣ መደራረቦችን የማስቀረት እና ጽንፍ የያዙ ሀሳቦችን በማለዘብ ወደ አንድ የተቀናጀ ሀገራዊ ማዕቀፍ የማምጣት ጥበብ የተሞላበት ሥራ እየተከናወነ ነው።

በምክክሩ ሂደት ውስጥ የሁሉም ተሳታፊዎች ሀሳብ መቶ በመቶ ተቀባይነት ካላገኘ "ምክክሩ ከሽፏል" ብሎ ማሰብ ትልቅ ስህተት ነው።

የተለያዩ ማኅበራዊ እና ፖለቲካዊ ዳራ ያላቸው 4 ሺህ ሰዎች የሚያቀርቧቸው ፍላጎቶች በተፈጥሯቸው የሚቃረኑ ሊሆኑ ይችላሉ።

ሆኖም የምክክሩ ስኬት የሚለካው እያንዳንዱ ሀሳብ ሙሉ በሙሉ በመተግበሩ ሳይሆን፣ እርስ በርስ የሚቃረኑ ሀሳቦች ተጣርተው እና ተስማምተው ኢትዮጵያን የሚያሸጋግር የጋራ መሠረት መጣሉ ላይ ነው።

ይህ የስምምነት ግንባታ ሂደት በዓለም አቀፍ ደረጃ በተካሄዱ ተመሳሳይ ምክክሮች ውጤታማነቱ የተረጋገጠ አሠራር ነው።

በሰፊ ሀገራዊ ምክክሮች ውስጥ መቶ በመቶ ምሉዕ ስምምነት ማግኘት በተግባር የማይቻል በመሆኑ፣ "ብቁ ስምምነት" የሚለው መርህ ተመራጭ የመፍትሔ ማዕቀፍ ሆኖ ያገለግላል።

ለዚህም ትልቅ ማሳያ የሚሆነው በደቡብ አፍሪካ የአፓርታይድ ሥርዓትን በሰላማዊ መንገድ ለማስወገድ በተደረገው ድርድር ወቅት የተተገበረው አሠራር ነው።

በወቅቱ ጥቂት ቡድኖች ሂደቱን ድምፅን በድምፅ የመሻር መብት ተጠቅመው እንዳያስተጓጉሉ በማሰብ የዋና ዋና ባለድርሻዎች እና የብዙኃኑ ስምምነት ከተገኘ ሂደቱ ወደፊት እንዲገፋ ተደርጓል።

ይህ አካሄድ የደቡብ አፍሪካን ሕዝብ ከእርስ በርስ ጦርነት የታደገ አሻጋሪ ሕገ መንግሥት እንዲዘጋጅ እና ታሪካዊ ምርጫ እንዲካሄድ አስችሏል።

በኢትዮጵያም አሻጋሪ ሀሳብ ሊመጣ የሚችለው ተመካካሪዎች "የእኔ ሀሳብ ብቻ ይጽደቅ" ከሚል ግትርነት ወጥተው የሁሉንም ደኅንነት የሚያረጋግጥ ማዕቀፍ ሲቀበሉ ብቻ ነው።

ውይይትን ሊዘጉ ከሚችሉ ጽንፈኛ አቋሞች ይልቅ የዜጎችን መብት፣ ማንነት እና ደኅንነት በተሻለ ሁኔታ የሚያስጠብቁ መፍትሔዎች ላይ መወያየት አማራጭ የሌለው ጉዳይ ነው።

በምክክሩ ያልጸደቁ ሀሳቦችም ቢሆኑ በነፃነት ተመዝግበው ለወደፊት የሕግ ማሻሻያዎች ማጣቀሻ ሆነው ያገለግላሉ።

ስለሆነም ዜጎችም ሆኑ መገናኛ ብዙኃን ይህን ሀገራዊ ምክክር እንደ ስፖርት ውድድር አንዱ አሸንፎ ሌላው የሚሸነፍበት አድርገው ከመገምገም መቆጠብ አለባቸው።

ይልቁንም ምክክሩ ኢትዮጵያውያን ልዩነቶቻቸውን ወደ ጎን በመተው ሥር የሰደዱ መዋቅራዊ ችግሮቻቸውን በጋራ የሚፈቱበት የሰላም እና የስምምነት ድልድይ እንደሆነ አድርገው ሊገነዘቡት እና በፅኑ ሊደግፉት ይገባል።

ምክንያቱም መጨረሻ ላይ ዋናዋ አሸናፊ መሆን ያለባት መተኪያ የሌላት ሀገራችን ኢትዮጵያ ናትና!

በለሚ ታደሰ
#ethiopia #nationaldialogue #nationalconsensus #peacebuilding #ebc

ከአፈሙዝ ወደ ውይይት ጠረጴዛ፦ የፖለቲካ ባህላችንን እየቀየረ ያለው ሀገራዊ ምክክራችን
**************************

በኢትዮጵያ እውን እየሆነ ያለው ሀገራዊ ምክክር ለዘመናት የሕዝብ ብሶቶች እና ጥያቄዎች እንዲሁም ለታሪክ ስብራቶች በሰለጠነ መንገድ እልባት ለመስጠት ያለመ አዲስ ልምምድ ነው።

በሀገራዊ ጉዳዮች ላይ የተለያዩ አመለካከቶችን ይዞ ወደ ውይይት ጠረጴዛ በመምጣት በእኩልነት መምከር መቻል በራሱ ትልቅ ታሪካዊ ስኬት ነው።

እንዲህ ያለው አካታች ምክክር ከዚህ ቀደም ለተነሱ ብቻ ሳይሆን ወደፊትም ሊነሱ ለሚችሉ የማኅበረሰብ ጥያቄዎች ዘላቂ እና አስተማማኝ ምላሽ የሚገኝበት ዋነኛ መንገድ ነው።

ምክንያቱም እውነተኛና ዘላቂ መፍትሔ የሚወለደው ሁሉን ወገኖች በማካተት ከሚደረግ የሰከነ ውይይት እንጂ ከታጣቂዎች አፈሙዝ ሊሆን አይችልም።

በሀገራዊ ምክክራችን ሂደት በተለያዩ አጋጣሚዎች ከተለያዩ አካላት የሚሰነዘሩ ከእውነታ የራቁ አሉባልታዎች እና አሉታዊ ሀሳቦች ወደ ዘላቂ ሰላም የጀመርነውን ጉዞ ሊያስተጓጉሉት አይችሉም።

እነዚህ አሉባልታዎች እና አሉታዊ ሀሳቦች የሕዝቡን ፍላጎት የማይወክሉ፣ ይልቁንም የሰላም ሂደቱን ለማስተጓጎል እና ጥርጣሬን ለመዝራት የሚደረጉ ከንቱ መፍጨርጨሮች ናቸው።

ከእልቂት እና ከውድመት በቀር ከጦርነት እና ከጽንፈኝነት ያተረፍነው አንዳች ጥቅም እንደሌለ ያለፈው ታሪካችን ሕያው ምስክር ነው።

በመሆኑም ከብጠመንጃ ይልቅ አሁን የጀመርነው የሰለጠነ የምክክር መንገድ ሁላችንንም አሸናፊ የሚያደርግ ብቸኛው አማራጭ ነው።

ሀገር የምትመራው እና የምትገነባው በሰከነ ውይይት እና በሕግ ጽኑ መሠረት ላይ እንጂ በኃይል እና በጠመንጃ አይደለም።

አሁን እያካሄድነው ያለው ሀገራዊ ምክክር የረጅም ሂደት ጅማሮ እንጂ መዳረሻው አለመሆኑን መገንዘብ ያስፈልጋል።

ምክክሩ ወደፊትም ሁሉንም የኅብረተሰብ ክፍሎች እና የፖለቲካ ኃይሎች እያሳተፈ፣ ድምጻቸው እንዲሰማ እያደረገ በተደራጀ እና በተጠናከረ ሁኔታ ይቀጥላል።

ሀገራዊ ምክክሩ ሁሉም የመፍትሔው አካል የሚሆንበት በመሆኑ፣ ለነገዋ ሰላማዊት እና የበለጸገች ኢትዮጵያ ጠንካራ መሠረት እየጣለ ይገኛል።

ምክክሩ ለዛሬ ሰላማችን የምንጠቀምበት ብቻ ሳይሆን ለወደፊቱ ትውልድ ጭምር በቅርስነት የሚተላለፍ የሰለጠነ የፖለቲካ ባህል ነው።

በሰከነ ሀገራዊ ምክክር ከግጭት አዙሪት በመውጣት ለቀጣዩ ትውልድ ሰላም እና አንድነቷ የተጠበቀ የበለጸገች ኢትዮጵያን ከሰለጠነ የፖለቲካ ባህል ጋር እናስረክባለን።

በሔዋን ጌታቸው
#ethiopia #nationaldialogue #peacebuilding #ebc

ኢትዮጵያውያን በአንድ የምክክር ጠረጴዛ ዙሪያ፦ የልዩነት ታሪክን በውይይት የመሻር አገራዊ ሂደት | National Dialogue Ethiopian Broadcasting Corporation
#nationaldialogue #ethiopia #ethiopianunity #peacebuilding

" target="_blank" class="inline-link">https://new-en.yenevibe.co...

ሀሳብ በጠረጴዛ ዙሪያ ሲያሸንፍ ድሉ የሁሉም ነው
#ethiopia #nationaldialogue #ethiopiannews #peacebuilding #nationalconsensus

ትናንት አንዱ ከሌላው ጥቃት እንዲታደጋቸው መንግሥትን ሲወተውቱ የነበሩ ኃይሎች ዛሬ ጥምረት መፍጠራቸው እየተዳከሙ መምጣታቸውን ያሳያል - ጠቅላይ ሚኒስትር ዐቢይ አሕመድ (ዶ/ር)
**********************

ጠቅላይ ሚኒስትር ዐቢይ አሕመድ (ዶ/ር) ከኦሮሚያ ብሮድካስቲንግ ኔትወርክ (ኦቢኤን) ጋር በነበራቸው ቆይታ፣ በሀገራችን ብሎም በኦሮሚያ ክልል ለሚታየው የጸጥታ ችግር መሠረታዊ ምክንያቶችን በዝርዝር አብራርተዋል።

ለችግሮቹ ዋና ዋና ምክንያቶች ያሏቸውም የፖለቲካ ሽግግሩ ተፈጥሯዊ ፀባይ፣ የሥልጣን ማዕከል ሽግግር እና የትጥቅ ኃይሎች መዳከምን ተከትሎ የተፈጠረ ያልተጠበቀ ጥምረት መሆናቸውን አስረድተዋል።

የሥልጣን ማዕከል ሽግግር እና የፖለቲካው ተፈጥሯዊ ፀባይን በተመለከተ ሲያብራሩ፣ ቀድሞ ኢትዮጵያን በብቸኝነት ሲመራ የነበረው ቡድን ሥርዓቱ ሁሉንም አሳታፊ ወደሆነ መንገድ መግባቱን ባለመቀበል ሥልጣን በጉልበት ለመመለስ እያደረገው ያለው ጥረት ለግጭቶች መንስኤ መሆኑን አንስተዋል።

ኢትዮጵያ የብዙ እምነቶች፣ ቋንቋዎች እና ባህሎች ባለቤት በመሆኗ በአንድ ብሔር ወይም ቡድን የበላይነት ብቻ ልትመራ እንደማትችልም አጽንኦት ሰጥተዋል።

ጠቅላይ ሚኒስትሩ አያይዘውም፣ የትጥቅ ኃይሎች መዳከምን ተከትሎ ስለተፈጠረው ያልተጠበቀ ጥምረት ማብራሪያ ሰጥተዋል።

በኦሮሚያ፣ በአማራ እና በትግራይ ክልሎች የሚንቀሳቀሱ ታጣቂ ኃይሎች መንግሥትን ማሸነፍ እንደማይችሉ ሲገነዘቡ ያልተቀደሰ ጋብቻ መፍጠራቸውን ጠቅሰዋል።

ትናንት አንዱ ከሌላው ጥቃት እንዲታደጋቸው መንግሥትን ሲወተውቱ የነበሩ ኃይሎች፣ ዛሬ ተጣምረው መሰለፋቸው ምን ያህል እንደተዳከሙ እና ተስፋ እንደቆረጡ የሚያሳይ ነው ብለዋል።

ከዚህም አልፎ እነዚህ ኃይሎች እንደ ኤርትራ እና ሱዳን ያሉ የውጭ አካላትን ለእርዳታ እየጋበዙ መሆኑን ሕዝቡ ሊገነዘበው እንደሚገባ ተናግረዋል።

የተዛባ ትርክትን በማረም እንዲሁም አፍራሽ ከሆነ አስተሳሰብ በመውጣት ሁሉንም የሚያስታርቅ እና የተሻለ ሀሳብ የሚያመጣ ውህድ መንገድ መከተል አማራጭ የሌለው ጉዳይ መሆኑንም ጠቅላይ ሚኒስትሩ አስገንዝበዋል።

በለሚ ታደሰ
#ethiopia #unity #politics #security #peacebuilding

"የጥላቻ ትርክት፣ አንደኛውን አጥፊ አንደኛውን ገዳይ አድርጎ የመሳሉ ጉዳይ ህዝቦች በጥርጣሬና በጠላትነት መንፈስ እንዲተያዩ አድርጓል። መፍትሄ የወል ትርክትን መገንባት ነው።" - ጠቅላይ ሚኒስትር ዐቢይ አሕመድ (ዶ/ር)
#ethiopia #abiyahmed #peacebuilding #ethiopianbroadcastingcorporation

መሣሪያን በብዕር የተኩ እጆች፤ የሀገራዊ ምክክር ታሪካዊ ምዕራፍ
***************

የግጭትን መንገድ ትቶ ወደ ሰላማዊ ውይይት በመምጣት በአንድ መድረክ ላይ በእጃቸው መሳሪያ ሳይሆን ብዕርን በመያዝ ሀሳባቸውን ለማስፈር መላው ኢትዮጵያውያን ተገናኝተዋል።

የሀገር ግንባታ መሠረቱ የሚጠነክረው በግጭት ሳይሆን በመደማመጥ፣ እንዲሁም በጋራ በሚገነባ የሀሳብ ራዕይ መሆኑን በማስረፅ።

በዚህ እሳቤ መሠረት ነው የሀገራዊ ምክክር ሂደት "የሁሉም ሀሳብ ለኢትዮጵያ ያስፈልጋል" በሚል መርህ የሁሉንም ድምፅ ለማዳመጥ በር የከፈተው።

ሀገራዊ ምክክር ዓላማው ልክ እንደ ውድድር አሸናፊና ተሸናፊ መለየት ሳይሆን በሕዝቦች ዘንድ የተወከሉ ተወካዮች ተጠናክረው የጋራ መፍትሔ በመፈለግ በሁሉም ውስጥ ኢትዮጵያን አሸናፊ ማድረግ ነው።

ለዚህም ዋና ማሳያ የሆነው ከ4 ሺህ በላይ ተመካካሪዎች በስምንት ዋና ዋና ሀገራዊ አጀንዳዎች ዙሪያ ከመላው ኢትዮጵያ የተወከሉ በቡድን ተከፋፍለው እየተወያዩ ይገኛሉ።

ዓመታትን በትጥቅ ትግል ያሳለፉ ተመካካሪዎች ዛሬ መሣሪያን አስቀምጠው ብዕር በመያዝ ሐሳባቸውን በውይይት እያቀረቡ ይገኛሉ፤ ይህ የሚጠቁመው ምልክት የጦርነትን ኃይል ሳይሆን በመመካከር ችግሮች ሊፈቱ እንደሚችሉ የሚያሳይ ተስፋ ሰጪ ምልክት እና የሰላም መንገድ ለሁሉም ክፍት መሆኑን ያረጋግጣል።

ተመካካሪዎቹ ከ250 አባላት ወደ 50 አባላት፣ በመጨረሻም ወደ 10 አባላት በመከፋፈል ሁሉም ተመካካሪ ያመጣውን የማኅበረሰብ ጥያቄና ሐሳብ ያለ ግፊት፣ ያለ ፍርሃት እና ያለ ተፅዕኖ በነፃነት እንዲያቀርብ ዕድል ተፈጥሮለታል።

ልዩነታቸው ውበታቸው የሆነው የኢትዮጵያውያን ሐሳቦች ሲገናኙ፣ ልዩነቶች ሲከበሩ እና ሁሉም ድምፅ የመደመጥ ዕድል ሲያገኝ፣ የነገዋ ኢትዮጵያ በተስፋ እና በመተማመን የተመሠረተች ትሆናለች። ለዘመናት የቆዩ ቁርሾዎችን በጠረጴዛ ዙሪያ በመፍታት የሰላም ባህልን ማጠናከር የዚህ ሂደት ትልቁ ስኬት ነው።

በዚህ መድረክ ላይ የሚጻፉት ቃላት በወረቀት ላይ ብቻ አይቀሩም፤ ወደ ታሪክ በመሻገር ከአዳራሹ አልፈው የቀጣዮቹን ትውልዶች ሊመሩ የሚችሉ እና ተስፋን፣ ይቅርታን፣ የጋራ ራዕይን የሚተክሉ ናቸው።

በዚህም ሀገር የምትገነባው በዜጎቿ የተረጋጋ ውይይት በመሆኑ ወደ ምክክር መምጣት የድክመት ምልክት ሳይሆን የብስለት፣ የኃላፊነት እና የጋራ የወደፊት ዕጣ ፈንታን በሰላማዊ መንገድ ለመወሰን የተወሰደ ጠንካራ እርምጃ ነው።

መሣሪያን በብዕር የተኩ እጆች የሚጽፉት የአንድ ቡድን ታሪክ አይደለም፤ የሁሉም ኢትዮጵያውያን የጋራ የወደፊት ምዕራፍን ነው።

በልዩ እሸቱ
#nationaldialogue #peacebuilding #futureethiopia #inclusion #unityindiversity #reconciliation

የሀገርን ዕጣ ፈንታ ከፖለቲካ ልሂቃን እጅ ፈልቅቆ ለዜጎች ያስረከበው ሀገራዊ ምክክክር
*********************

በኢትዮጵያ የፖለቲካ ታሪክ ውስጥ አንዱ የኅብረተሰብ ክፍል እንደ ወርቃማ የታሪክ ዘመን የሚያየውን፣ ሌላው እንደ ጭቆና እና መገለል ዘመን ሲመለከተው መኖሩ የተለመደ ክስተት ሆኖ ቆይቷል።

ይህ የተራራቀ የታሪክ ግንዛቤ እና ያልተፈቱ መዋቅራዊ ቅራኔዎች ሀገራችንን ከትውልድ ወደ ትውልድ ለሚሸጋገር የትርክት ግጭት ዳርገዋታል።

ዘውዳዊውን ሥርዓት ተክቶ የመጣው ወታደራዊ አገዛዝም ሆነ፣ እርሱን ተከትሎ የመጣው የኢሕአዴግ ሥርዓት የዜጎችን የዴሞክራሲ፣ የፍትህ እና የእኩልነት ጥያቄዎች በዘላቂነት መፍታት አልቻሉም።

በተለይም ላለፉት ሦስት አሥርት ዓመታት የተዘረጋው የልዩነት ፖለቲካ፣ በዜጎች መካከል መጠራጠርን በማንገሥ የጋራ ሀገራዊ ማንነታችንን በጽኑ ፈትኖታል።

የ2010 ዓ.ም ሀገራዊ ለውጥ የፈጠረው የፖለቲካ መነቃቃት ትልቅ ተስፋን ያሰነቀ ቢሆንም፣ ከዴሞክራሲያዊ ባህል ማነስ እና ከጽንፈኛ ብሔርተኝነት ጋር ተዳምሮ አዳዲስ ሀገራዊ ስጋቶችን መፍጠሩ አልቀረም።

ይሁንና ከእነዚህ ሁሉ ውጣ ውረዶች ኢትዮጵያውያን አንድ ትልቅ ትምህርት ቀስመዋል። ይኸውም ታሪካዊ እና መዋቅራዊ ቀውሶችን በጦርነት፣ በኃይል እና በአሸናፊነት ሥነ-ልቦና ለመፍታት የሚደረግ ማንኛውም ሙከራ ጊዜያዊ ማስታገሻ እንጂ ዘላቂ መፍትሔ እንደማያመጣ ነው።

እውነተኛው መፍትሔ ያለው ጠብመንጃን አስቀምጦ በጠረጴዛ ዙሪያ በመቀመጥ፣ በመደማመጥ እና በሀሳብ ልዕልና በማመን ላይ ብቻ መሆኑ ታምኖበታል።

ይህን ታሪካዊ የዕይታ ሽግግር እውን ለማድረግ ነው የኢትዮጵያ ሀገራዊ ምክክር ኮሚሽን በአዋጅ ቁጥር 1265/2014 ተቋቁሞ ወደ ሥራ የገባው። ከተቋሙ አወቃቀር ጀምሮ ሂደቱ ፍፁም የተለየ ነበር።

ከመነሻው፣ ከ632 እጩዎች ውስጥ በሕዝብ ተሳትፎ የተመረጡ 11 ኮሚሽነሮች ገለልተኛ ሆነው ኃላፊነቱን እንዲወስዱ ተደርጓል።

ይህ እርምጃ የፖለቲካ ልሂቃን ብቻ የሀገርን ዕጣ ፈንታ ሲዘውሩበት የነበረውን ባህል በመስበር፣ መሠረታዊው ዜጋ የሀገሩን ዕጣ ፈንታ በራሱ እንዲወስን ዕድል የፈጠረ አዲስ የፖለቲካ ምዕራፍ ነው።

የሀገራዊ ምክክር ኮሚሽን ባለፉት ሁለት ዓመታት ከ1 ሺህ 200 በላይ ወረዳዎችን በማዳረስ ያከናወነው የአጀንዳ ማሰባሰብ ሥራ በኢትዮጵያ ታሪክ ታይቶ የማይታወቅ የዜጎች ተሳትፎ የተረጋገጠበት ነው።

ሴቶች፣ ወጣቶች፣ አርሶ አደሮች፣ የሃይማኖት አባቶች፣ አካል ጉዳተኞች፣ የፖለቲካ ፓርቲዎች፣ ተፈናቃዮች እንዲሁም ታጥቀው የሚንቀሳቀሱ አካላት እና የዳያስፖራው ማኅበረሰብ ሳይቀሩ በምክክሩ እንዲሳተፉ መደረጉ የሂደቱን አካታችነት እና ህዝባዊ መሠረት ያጎላዋል።

በአሁኑ ወቅት በመዲናችን አዲስ አበባ እየተካሄደ ያለው የሀገራዊ ምክክር ጉባኤ የዚህ ሁነኛ ማሳያ ነው።

ከ4 ሺህ በላይ በሕዝብ የተመረጡ ተወካዮች በራሳቸው ባህልና ቋንቋ፣ በነፃነት ስጋታቸውን እና ምኞታቸውን እያንፀባረቁበት ይገኛሉ።

ይህ ጉባኤ ስብሰባ ብቻ ሳይሆን፣ የተዛባውን የሀገራችንን ትርክት አርሞ፣ የተበታተነውን ሰፍቶ አንድ ላይ የሚያያይዝ የትውልዶች ድልድይ ነው።

መላ ኢትዮጵያውያን የራሳቸውን ችግር በራሳቸው አቅም፣ በሰከነ እና ዴሞክራሲያዊ በሆነ የምክክር ባህል ለመፍታት ያሳዩት ይህ ቁርጠኝነት ጠንካራ መሠረት ያለን ሀገረ-መንግሥት እንድንሆን ያስችለናል።

ጉባኤው የሚያቀርባቸው የፖሊሲ አማራጮች እና የሚያስቀምጣቸው የመፍትሔ አቅጣጫዎች፣ ለቀጣናው ሰላም ብቻ ሳይሆን በውስብስብ የፖለቲካ ቀውስ ውስጥ ለሚገኙ የዓለም ሀገራት ጭምር ትልቅ ተምሳሌት እንደሚሆኑ ይጠበቃል።

በሰለሞን ገዳ
#ethiopia #nationaldialogue #nationalconsensus #peacebuilding #ebc

የታሪክ ስህተቶችን በማረም ለነገይቱ ጠንካራ ኢትዮጵያ መሠረት የሚጥለው ሀገራዊ ምክክር
*******************

ታሪካዊው የሀገራዊ ምክክር ዋና ጉባኤ በስኬት እንዲጠናቀቅ እና ዘላቂ ውጤት እንዲያመጣ፣ ጠቅላይ ሚኒስትር ዐቢይ አሕመድ (ዶ/ር) ያስተላለፉት መልዕክት ለውይይቱ መነሻ የሚሆን ጠንካራ እሳቤን ይዟል።

ይህ መልዕክት የኢትዮጵያ የትናንት ሕመም፣ የዛሬ ፈተና እና የነገ ተስፋ በግልጽ የተንጸባረቀበት ነው።

የውስጥ ድክመት እና የውጭ ጣልቃ ገብነት አንደምታ

ጠቅላይ ሚኒስትሩ በሀገራችን ውስጣዊ ክፍተቶች ምክንያት የሚመጡ የውጭ ጣልቃ ገብነቶችን እና የጂኦፖለቲካ አደጋዎችን በምሳሌ አስረድተዋል።

የዚህ መልዕክት ትልቁ አንደምታ ግልጽ ነው፤ እኛ እርስ በርሳችን በውስጥ ጉዳዮቻችን ስንጨቃጨቅ እና ስንወዛገብ፣ የውጭ ኃይሎች መዳከማችንን እንደ መልካም አጋጣሚ በመጠቀም የራሳቸውን ፍላጎትና ጥቅም በላያችን ላይ ይጭናሉ።

ይህን እውነት ለማሳየትም ታሪካዊ ስህተቶቻችንን አስታውሰዋል። ቀደም ባሉ ጊዜያት ልዩነቶቻችንን በውይይት መፍታት አለመቻላችን እና ውስጣዊ አንድነታችን መላላቱ ኢትዮጵያ ቀይ ባሕርን እንድታጣ አድርጓታል።

ይህም በታሪክ "የጂኦግራፊ እስረኛ" እንድንሆን አድርጎናል። የዚህ ታሪካዊ እውነት አንደምታ፣ የውስጥ መከፋፈል የአንድ ትውልድ ስህተት ብቻ ሳይሆን የብዙ ትውልዶችን የወደፊት ዕጣ ፈንታ የሚያጨልም ታሪካዊ ኪሳራ ማስከተሉን ሊያስተምረን ይገባል የሚል ነው።

"እኔ ብቻ" ከሚል ግትርነት ወደ መደማመጥ ባህል

የምክክሩ ስኬት የሚጀምረው ከአስተሳሰብ ለውጥ ነው። ጠቅላይ ሚኒስትሩ "እኔ ያልኩት ብቻ" በሚል ግትርነት የውይይት ባህልን የመቁረጥ አደገኛ አካሄድ መታረም እንዳለበት አሳስበዋል።

መደማመጥ ምን ያህል አስፈላጊ እንደሆነ ለማስረዳትም የሀገራችንን ሁለት ድንቅ አባበሎች ጠቅሰዋል።

"መልካም ንግግር ከመልካም አልጋ በተሻለ ያሳርፋል" የሚለው የኦሮሞ አባቶች ይትበሃል እና "በአንድ ወገን ቆመህ የሌላውን ችግር መረዳት አትችልምና፣ ተነስተህ ሂድና አድምጥ" የሚለው የአፋሮች ጥልቅ ምክር የዚህ ማሳያ ናቸው።

የነዚህ አባባሎች አንደምታ ቀላልና ግልጽ ነው፤ ሰላም እና መግባባት የሚመጣው በጉልበት ሳይሆን በሃሳብ ልዕልና ነው።

እውነተኛ መግባባት የሚፈጠረው ደግሞ ከራሳችን ጠባብ አጥር ወጥተን የሌላውን ወገን ስሜት፣ ሃሳብ እና ስጋት ለመረዳት ስንሞክር ብቻ ነው።

በአሁኑ ወቅት የተሰበሰቡት 4 ሺህ ተሳታፊዎች ዋነኛ ሥራም ይህን የመደማመጥ ባህል በማዳበር ለሀገራችን ዘላቂ ሕገ-መንግሥታዊ ዋስትና ያለው ሥራ መሥራት ነው።

የውሸት ፕሮፓጋንዳ እና የሀገር ሕልውና

ሌላው ትልቁ መልዕክት፣ ተሳታፊዎች በውሸት ፕሮፓጋንዳዎች እንዳይዘናጉ የቀረበው አደራ ነው። ይህንንም "ቀፎዋን የጣለች ንብ፣ ማር አትሰጥም" በሚል ምሳሌ አስገንዝበዋል።

ሀገር ከሌለች ግለሰባዊም ሆነ ቡድናዊ ሕልውና ሊኖር አይችልም። ማር መሥራት የሚቻለው ቀፎው ሲኖር እና ንቦቹ በጋራ ሲሠሩ ብቻ ነው።

በመሆኑም በሀሰተኛ መረጃዎች እና አሉባልታዎች ተታልለን የጋራ ቀፎአችን የሆነችውን ሀገራችንን ማፍረስ፣ ከሁለት ያጣ እንደሚያደርገን መረዳት ያስፈልጋል።

ወደ አዲሱ የሰላም ሞዴል

ይህ ታሪካዊ የምክክር መድረክ እርስ በርስ በመደማመጥ አሁን ያለውን የዜሮ ድምር ፖለቲካ በምክክር እና መደማመጥ ላይ ወደተመሠረተ ዘላቂ ሰላም እና ልማት ለመለወጥ የተዘጋጀ ትልቅ በር ነው።

የፍትህ እና የዴሞክራሲ ተቋማት ገለልተኛ እንዲሆኑ በማድረግ፣ ኢትዮጵያን ለአፍሪካ ቀንድ እና ለመላው አህጉር አርአያ የሚሆን የሰላም ሞዴል የማድረግ ታላቅ ሀገራዊ ኃላፊነት አሁን በተመካካሪዎቹ እጅ ላይ ይገኛል።

በለሚ ታደሰ
#ethiopia #pmabiyahmed #nationaldialogue #peacebuilding #reconciliation #ebc

ብቸኛው እና ዘላቂው የሰላም መንገድ #ethiopiannationaldialogue #peacebuilding #ebcdotstream

Ethiopia’s Historic National Dialogue 8 Agendas
#ethiopia #nationaldialogue #peacebuilding #ebcdotstream

ከመጠፋፋት ፖለቲካ ወደ ታላቁ የኢትዮጵያ ምክክር
******************

“ውይይት ማለት የራስን ሃሳብ በሌላው ላይ በሃይል መጫን ሳይሆን፣ የጋራ እውነትን ፍለጋ በአክብሮትና በክፍት ልቦና አብሮ መጓዝ ማለት ነው።”

ኢትዮጵያ የጥንታዊ ሥልጣኔ ባለቤት ብቻ ሳትሆን፣ እጅግ የላቀና የዳበረ የውይይት፣ የሙግትና የአደባባይ ምክክር (Public Deliberation) ዕሴት የነበራት ታላቅ ሀገር ናት።

አባቶቻችን ከዘመናት በፊት ጀምሮ በየማህበረሰቡ ውስጥ በዛፍ ጥላ ሥር፣ በገዳ አደባባይ፣ በኦዳ ስር፣ በበላ ልበልሀ በመካቦንና በተለያዩ ባህላዊ ሸንጎዎች ተሰብስበው የህዝብን ጉዳይ በነጻነት ሲሞግቱና ሲመክሩ የኖሩ ናቸው።

በህዝቦች ዘንድ የአደባባይ ውይይቶች፣ ስነ-ምክንያታዊ ሙግቶች እና የተራቀቁ የሃሳብ ፍጭቶች ባህላዊ መገለጫችን ነበሩ።

ይሁንና፣ ይህ የዳበረና የሚያኮራ የውይይት ባህላችን ከቅርብ ጊዜ ወዲህ በዘመናዊው የሀገረ መንግሥት ግንባታ ሂደታችን ውስጥ ክፉኛ ተሰበረ።

የፖለቲካ ልሂቃኑ የሃሳብን ልዕልና ወደ ጎን በመተው፣ ወደ ጽንፍ የያዙ ትርክቶችና የዜሮ ድምር (Zero-sum) ፖለቲካ ውስጥ ገቡ።

በዚህም ምክንያት መወያየት እንደ ኃጢአት፣ መደማመጥ እንደ ሽንፈት፣ መቻቻልም እንደ ፍርሃት የታየበት ጨለማ ዘመን ውስጥ ወደቅን።

ልዩነቶችን በጠረጴዛ ዙሪያ ከመፍታት ይልቅ፣ በመገዳደል፣ በጠመንጃ አፈሙዝና በደም ላይ የቆመ አግላይ ፖለቲካ ሲገነባ ቆየ።

ይህ በደም የታጠበ ፖለቲካ ሀገራችንን ምን ያህል ዋጋ እንዳስከፈላት፣ የሀገረ መንግሥት ግንባታችንን እንዴት እንዳጨናገፈውና ህዝባችንን ለዘመናት በድህነትና በግጭት አዙሪት ውስጥ እንዳቆየው የቅርብ ጊዜ ትዝታችን ነው።

ይህንን አሳዛኝ የታሪክ አዙሪት በመቀየር፣ ኢትዮጵያን ወደ ታላቁ የውይይትና የምክክር ማዕድ የመለሳት የለውጡ መንግሥት መምጣት ነው።

የለውጡ መንግሥት የደም ፖለቲካን ምዕራፍ ዘግቶ፣ ሀገራችን ወዳዳበረችው ጥንታዊ የአደባባይ ውይይት (Public Deliberation) ባህል እንድትመለስ አዲስ በር ከፈተ።

የኢትዮጵያ ሀገራዊ ምክክር ኮሚሽን እንዲቋቋምና ነፃ ሆኖ እንዲሰራ በማድረግ፣ ልዩነቶቻችንን በሰለጠነና ዴሞክራሲያዊ በሆነ መንገድ እንድንፈታ መደላድሉን አመቻቸ።

ይህ መንግሥት ያመቻቸው ሀገራዊ ምክክር፣ ሀገራችን ከገባችበት ጥልቅ የፖለቲካ ቀውስ የምትወጣበት የነፍስ አድን ገመድ ነው።

ይህ ሀገራዊ ምክክር ለኢትዮጵያ ተራ የፖለቲካ ክንዋኔ አይደለም። ይልቁንም የመዳኛ መንገዳችን ነው።

ላለፉት ዘመናት ተከማምረው የመጡ ታሪካዊና ፖለቲካዊ ቁስሎቻችንን የምናክምበት፣ የቆሰለችው ኢትዮጵያ የምትፈወስበት ብቸኛ የህክምና ማዕከል ነው።

የሀገረ መንግሥት ማጽኛ ነው፤ በደም የተገነባውን የፖለቲካ ባህል አፍርሰን፣ በሃሳብ ላይ የተመሰረተ (Idea-based) ዴሞክራሲን የምንገነባበት ጠንካራ መሠረት ነው።

የአንድነት ድልድይ ነው፤ የብዝሃነታችን ውበት ተጠብቆ፣ የሁላችንም ድምፅ በእኩልነት የሚደመጥባትንና እያንዳንዱ ማህበረሰብ የባለቤትነት ስሜት የሚሰማባትን አዲስ ኢትዮጵያ የምንፈጥርበት ሂደት ነው።

ሀገራዊ ምክክሩ አሁን ለደረሰበት ወሳኝ ምዕራፍ ስኬት፣ የሁሉም ኢትዮጵያዊ የነቃ ተሳትፎና ጽናት ወሳኝ ነው።

ኢትዮጵያ የምትድነው፣ የምትታከመውና የምትፈወሰው እኛው ራሳችን በክፍት ልቦና ስንወያይ ብቻ ነው።

በመሆኑም፣ መላው የፖለቲካ ኃይሎች፣ ወጣቶች፣ ሴቶች፣ ምሁራንና የሀገር ሽማግሌዎች ይህንን የለውጡ መንግሥት ያመቻቸውን ታሪካዊ ዕድል በመጠቀም ከምክክሩ ጎን በጽናት እንድትቆሙ ታሪካዊ ጥሪ ቀርቦላችኋል።

መገዳደልን፣ መነጠልንና የደም ፖለቲካን ታሪክ አድርገን፣ ወደ አባቶቻችን የውይይትና የሙግት አደባባይ እንመለስ። ልዩነቶቻችንን በጋራ ተባብረን ወደ ጥንካሬ እንቀይር።

ለዚህም ሁላችንም እጅ ለእጅ ተያይዘን፣ በጽናትና በአንድነት ለሀገራችን ፈውስ በጋራ እንቁም!

በአዶኒያስ ወልደአረጋይ

Ethiopian Broadcasting Corporation #ethiopian #corporation #ምክክር #ሰላም #ኢትዮጵያ #nationaldialogue #ethiopia #peacebuilding #dialogue

ምክክር፦ ብቸኛው የፈተናዎቻችን ማለፊያ
*****************

ኢትዮጵያ በዘመናት ፈተና ውስጥ አልፋ ለዛሬ የደረሰችው በሕዝቦቿ ልዩ መስተጋብር እና ጥብቅ አንድነት ነው።

ታሪካችንን ወደኋላ ስንቃኝ በሕብረት ጦርነቶችን አሸንፈን የጋራ ነጻነታችንን ያስከበርን፣ በአንድ መሶብ ዙሪያ ከብበን በጋራ የበላን፣ "እኔ ልደፋልህ/ልደፋልሽ" መባባልን የመሰለ ድንቅ ባህል ያዳበርን ሕዝቦች ነን።

ሀገር በባዕዳን ተደፈረች ሲባል የውስጥ ልዩነታችንን ወደ ጎን ትተን ወደ ጦር ሜዳ የተመምነው እና ኢትዮጵያን በፈተናዎች ውስጥ ጠብቀን ያኖርነው በዚህ የጋራ ሥነ-ልቦና ነው።

ይሁን እና ይህ ሁሉ ታሪክ እያለን ዛሬ ላይ "በአንድ ጠረጴዛ ዙሪያ ቁጭ ብለን በመመካከር ችግሮቻችንን መፍታት ለምን ተሳነን?" የሚለው ጥያቄ አፋጣኝ ምላሽ የሚሻ ጉዳይ ነው።

የዘመናዊው የኢትዮጵያ ፖለቲካ አመጣጥ ከታሪካዊ እሴቶቻችን ጋር በእጅጉ የተላተመ ነው። የፖለቲካው ስብራት ያመጣው ትልቁ መጥፎ ጠባሳ የጋራ ትርክትን አዳክሞ የልዩነት፣ የመጠፋፋት እና የጥላቻ ትርክትን ማንገሡ ነው።

አንዱን አግልሎ እና ሙሉ ለሙሉ አሸንፎ ሥልጣን ላይ የመውጣት የዜሮ ድምር ፖለቲካ የኢትዮጵያ ትልቁ በሽታ ነው።

ይህ አካሄድ እርስ በርስ የመደጋገፍና ችግርን የመካፈል መልካም ባህላችንን በመሸርሸር፣ “እኔ ካልመራሁ ሀገር ትፍረስ” ወደሚል አደገኛና ራስ ወዳድነት የተሞላበት አስተሳሰብ አሸጋግሮናል።

ይህ የውስጥ መከፋፈልና ቀውስ ደግሞ ለውጭ ኃይሎች ጣልቃ ገብነትና ተፅዕኖ ሰፊ በር ከፍቷል።

ኢትዮጵያ በዚህ የታሪክ አዙሪት ውስጥ ስታልፍ ሥጣኔዋን ማስቀጠል ተስኗታል። በሕብረት ለነጻነት በጦር የተዋደቁት ልጆቿ ድህነትን ለማጥፋት ባለመተባበራቸው የተሟላ ሉዓላዊነቷን ማረጋገጥ ተስኗት ኖራለች።

የሚያሳዝነው እውነታ ይህን የፖለቲካ ቋጠሮ ለመፍታት የሚያስችል ለዘመናት የኖረ ድንቅ ሀገር በቀል የሽምግልና እና የዕርቅ ባህል እያለን በበቂ ሁኔታ አለመጠቀማችን ነው።

ችግሮቻችንን ከማኅበረሰባዊ እሴቶቻችን፣ ከሃይማኖት አባቶች ተሰሚነት እንዲሁም እንደ ገዳ፣ የጆካ፣ አባጋር፣ መካባን ከመሳሰሉ ጠንካራ ማኅበረሰባዊ የፍትሕ እና የዕርቅ ሥርዓቶቻችን ማዕቀፍ ውጪ በሆነ መንገድ ለመፍታት መሞከራችን ከባድ ዋጋ አስከፍሎናል።

ከውጭ በገቡ ፖለቲካዊ ርዕዮተ ዓለሞች ብቻ ለመጓዝ መሞከራችን እና ባህላዊ የዕርቅ ሥርዓቶቻችንን ከፖለቲካ መጠቀሚያነት ነጻ አድርገን አለማጎልበታችን ለዛሬው የውይይት ባህል መጥፋት ትልቁን ድርሻ ይወስዳል።

ታዲያ አሁን ምን ማድረግ አለብን?

መፍትሔው ወደ አውዳችን መመለስ ነው። የውጭ ተፅዕኖን ለመቋቋም መጀመሪያ የራስን ቤት ማጽዳት እና ሕብረትን ማጠናከር የግድ ይላል።

ፖለቲከኞች እና የሐሳብ መሪዎች የመሸናነፍ ሳይሆን የመደማመጥ እንዲሁም ለሀገር ሰላም ሲሉ ግትር የሆነ አቋምን የማለዘብ ባህልን በተግባር ሊያሳዩ ይገባል።

በተለይም ወጣቱ ትውልድ በዲጂታሉ ዓለም ያለውን ስሜታዊነት ወደ ጎን በመተው ምክንያታዊ ውይይቶችን ሊያበረታታ ይገባል።

ሚዲያው፣ የትምህርት ሥርዓቱ፣ የኪነ-ጥበብ ዘርፉ ካለፉት ቁስሎች ይልቅ ወደ ፊት በሚያገናኙን የጋራ እሴቶች እና የወደፊት ዕጣ ፈንታችን ላይ ሊያተኩር ግድ ይላል።

በዚህ ወሳኝ የታሪክ ምዕራፍ ላይ የኢትዮጵያ ሀገራዊ ምክክር ኮሚሽን ሚና እጅግ የጎላ ነው። ኮሚሽኑ የጠፋውን የጠረጴዛ ዙሪያ ውይይት ለመመለስ የተዘረጋ ዘመናዊ የቤተሰብ መሶባችን ሊሆን ይገባዋል።

አሁን የተጀመሩት የምክክር ሂደቶች ሁሉን አሳታፊ፣ ከፖለቲካዊ ጨዋታ ነጻ የሆኑ እና እውነተኛ ማኅበረሰባዊ ስብራቶቻችንን የሚጠግኑ እንዲሆኑ የሚቻለው ሁሉ ተደርጓል።

ሀገራዊ ምክክሩ ባህላዊ የዕርቅ እሴቶቻችንን ከዘመናዊ የመንግሥት ግንባታ ጋር አዋሕዶ የዘለቄታ ሰላም የምናመጣበት ታላቅ ዕድል ነው።

በጠረጴዛ ዙሪያ የማይፈታ የትኛውም የፖለቲካ ችግር በጦር ሜዳ ዘላቂ መፍትሔ እንደማያገኝ ታሪካችን ከበቂ በላይ አስተምሮናል።

በመሆኑም ሁላችንም ወደኋላ ከጎተተን የ“እኔ እበልጥ” ክፉ ልማድ ወጥተን ለምክክሩ ስኬት የበኩላችንን ልንወጣ ይገባል።

በለሚ ታደሰ
#ethiopia #ebc #nationaldialogue #dotstream #peacebuilding #nationalunity

u12a8u1320u1218u1295u1303 u12a0u1348u1219u12dd u12c8u12f0 u1210u1233u1265 u120du12d5u120du1293! | 1,234 u12c8u1228u12f3u12ceu127du1295 u12ebu12abu1270u1270u12cd u12e8u1200u1308u122bu12ca u121du12adu12adu122d u1273u122au12abu12ca u122au1356u122du1275u1362
https://youtu.be/DSXJ_y6eQ... #nationaldialogue #ethiopiand #pmabiyahmed #peacebuilding #ethiopianbrodcastingcorporetion ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"ExternalUrl","__isEntity":"ExternalUrl","url":"https://l.facebook.com/l.p...
ከጠመንጃ አፈሙዝ ወደ ሐሳብ ልዕልና! | 1,234 ወረዳዎችን ያካተተው የሀገራዊ ምክክር ታሪካዊ ሪፖርት።
https://youtu.be/DSXJ_y6eQ... #nationaldialogue #ethiopiand #pmabiyahmed #peacebuilding #ethiopianbrodcastingcorporetion

የትግራይ ክልል የአጀንዳ ማሰባሰብ ሂደት በአዲስ አበባ እንዲካሄድ ተወሰነ
#ethiopia | የኢትዮጵያ ሀገራዊ ምክክር ኮሚሽን በትግራይ ክልል ተገኝቶ ማከናወን የነበረበትን የተሳታፊዎች ልየታ እና የአጀንዳ ማሰባሰብ ሂደት በአዲስ አበባ ለማካሄድ መወሰኑን አስታወቀ። ኮሚሽኑ ዛሬ በሰጠው ጋዜጣዊ መግለጫ፣ በክልሉ ውስጥ ሂደቱን ለማስጀመር አስቻይ ሁኔታዎች ባለመፈጠራቸው ስራውን በአዲስ አበባ ለማከናወን መገደዱን አረጋግጧል።

የውሳኔው ምክንያት እና ዝርዝር ሁኔታዎች
ኮሚሽኑ ከዚህ ቀደም በትግራይ ክልል አምስት የዞን ከተሞች ላይ ስራውን ለመጀመር ከጊዜያዊ አስተዳደሩ ጋር ስምምነት ላይ ደርሶ የነበረ ቢሆንም፣ ባልታወቀ ምክንያት ፍቃድ ሳይገኝ መቅረቱን ገልጿል።

የአጀንዳ ማሰባሰቡ ከመጋቢት 23 እስከ 25 ቀን 2018 ዓ.ም ይካሄዳል።

በአዲስ አበባ እና በመቀሌ የሚገኙ የክልሉ ተወላጆች፣ የሲቪል ማህበራት ተወካዮች እና ሌሎች ባለድርሻ አካላት ይሳተፋሉ።

ከ400 በላይ ተሳታፊዎች ይገኛሉ ተብሎ የሚጠበቅ ሲሆን፣ ለትራንስፖርት ምቾት ከኢትዮጵያ አየር መንገድ ጋር ትብብር ይደረጋል።

የኮሚሽኑ ሰብሳቢ ኮሚሽነር መስፍን አርአያ እንደገለጹት፣ ሀገራዊ ምክክር ኮሚሽኑ በአጠቃላይ ማከናወን ከነበረበት ተግባር 93 በመቶ የሚሆነውን አጠናቋል። ቀሪው 7 በመቶ የትግራይ ክልል ስራ ሲሆን፣ ኮሚሽኑ ይህንንም ለማጠናቀቅ በትኩረት እየሰራ መሆኑን ገልጸዋል።

ከዚህ ቀደም በጊዜያዊ አስተዳደሩ የተቀመጡ ቅድመ ሁኔታዎች ሂደቱን በክልሉ ውስጥ ለማከናወን እንቅፋት ሆነው መቆየታቸው ይታወሳል። ኮሚሽኑ ስራውን ለማጠናቀቅ ስምንት ወራት ተጨማሪ ጊዜ ተሰጥቶት ወደ ተግባር መግባቱም የሚታወስ ነው።

Getu Temesgen - (ጌጡ ተመስገን)
#getutemesgen #getu #ጌጡ #ethiopia #nationaldialogue #tigray #addisababa #peacebuilding #newsupdate #etbusinessview #ሀገራዊምክክር

"ምክክር እውነት ፍለጋ መንገድ ነው!"
— ዶ/ር ዮናስ አዳዬ
#ethiopia | በሀገራችን ዘላቂ ሰላም ለመገንባትና ጠንካራ ሀገረ መንግሥት ለመመሥረት ከመመካከር ውጭ አማራጭ እንደሌለ የሀገራዊ ምክክር ኮሚሽን ኮሚሽነር ዶ/ር ዮናስ አዳዬ በድጋሚ አስገንዝበዋል።

ዛሬ በአዳማ ከተማ ከሚዲያ ተቋማት ጋር ምክክር እያደረገ ይገኛል።

የምክክሩ ዋና ዓላማዎችና ፋይዳዎች፦

* እውነትን ማፈላለግ፦
ያለፉ ስህተቶችን በቅንነት በመፈተሽ፣ እውነተኛ ታሪክን በመረዳትና መፍትሔዎችን በማመንጨት የጋራ "እውነት" ላይ መድረስ።

* ሀገር በቀል እውቀትና ዘመናዊነት፦
የኢትዮጵያን ጥንታዊ የዕርቅና የውይይት እሴቶች ከዘመናዊ ሥርዐተ-ማኅበር ጋር በማቀናጀት የሰላም መሠረት መጣልን ያለመ ነው።

* የባለድርሻ አካላት ሚና፦
ተጽዕኖ ፈጣሪዎች፣ የሃይማኖት አባቶችና የፖለቲካ ፓርቲዎች የምክክሩን አስፈላጊነት ለሕዝብ የማድረስ ታላቅ ኃላፊነት አለባቸው።

* ምርምር ተኮር ውይይት፦
ስሜት ላይ ብቻ ሳይሆን እውቀትና ምርምርን መሠረት ያደረጉ መድረኮችን መፍጠር።

"እውነት ሲገኝ ፍትህ ይነግሳል፤ ፍትህ ሲኖር ደግሞ ሰላም የጸና ይሆናል።" — ዶ/ር ዮናስ

🙏 የእኛ የዜግነት ድርሻ፦
ኢትዮጵያ አሁን ባለችበት ነባራዊ ሁኔታ፣ ካለፈው ቁስል ተፈውሰን ለነገው ትውልድ የምታኮራ ሀገር ለማስተላለፍ የሁላችንም ቅንነትና እውነትን የመቀበል ዝግጁነት ወሳኝ ነው።

ተመካክረን ኢትዮጵያን ለትውልድ እናሻግር
#ሀገራዊምክክር #ኢትዮጵያ #ዘላቂሰላም #እውነት #ፍትህ #nationaldialogue #ethiopia #peacebuilding #dryonasadaye #getutemesgen #getu #ጌጡ #ጌጡተመስገን