የማይሞተው ብቸኛው የምድር ፍጡር

እርጅናን በመቀልበስ የሕይወት ዑደቱን ወደ ሕፃንነት በመመለስ ለዘላለም መኖር የሚችል “የማይሞት” አስገራሚ ፍጡር በባሕር ጥልቀት ውስጥ መገኘቱ ዓለም አቀፍ ሳይንቲስቶችን አስደምሟል።

“ቱሪቶፕሲስ ዶርኒ” (Turritopsis dohrnii) የተባለውና በጣም አነስተኛ መጠን ያለው ይህ የጄሊፊሽ (Jellyfish) ዝርያ በሕይወት ዘመኑ ላይ አደጋ፣ በሽታ ወይም እርጅና ሲደቅንበት የራሱን ሴሎች ሙሉ በሙሉ በማደስ ወደ መጀመሪያው የፅንስ (Polyp) ደረጃ የመመለስ አስደናቂ የተፈጥሮ ብቃት አለው።

ይህ ማለት ፍጡሩ ሲያረጅ ከመሞት ይልቅ ልክ እንደገና ተወልዶ ወደ ሕፃንነቱ ይመለሳል፤ ይህንን ሂደት ደግሞ ሳይሞት ለዘላለም ደጋግሞ ማከናወን ይችላል።

ተመራማሪዎች የዚህን ፍጡር የዲኤንኤ (DNA) ምስጢር ለመፍታት ሌሊትና ቀን እየሠሩ የሚገኙ ሲሆን፣ ግኝቱ ለሰው ልጅ የእርጅና መከላከያ እና የካንሰር ሕክምና ምርምር ትልቅ ተስፋን የፈነጠቀ በመሆኑ በማኅበራዊ ሚዲያና በሳይንሱ ዓለም ከፍተኛ መነጋገሪያ ሆኗል።

Seledadotio
Seledadotio

ከሁለት አባት ከአንድ እናት የተወለዱ መንትዮች

​#fastmereja I ላቪኒያ እና ሚሼል ኦስቦርን የተባሉ መንታ ልጆች በተደረገላቸው የዲኤንኤ ምርመራ የተለያዩ አባቶች እንዳሏቸው ተረጋገጠ። ይህ በሕክምናው ዓለም "Heteropaternal Superfecundation" ተብሎ የሚጠራው ብርቅዬ ክስተት፣ በዩናይትድ ኪንግደም በታሪክ ለመጀመሪያ ጊዜ በሰነድ የተመዘገበ የመጀመሪያው ጉዳይ ሆኗል።

​በአሁኑ ወቅት ዕድሜያቸው 49 ዓመት የሆኑት እነዚህ መንታ እህቶች፣ ሚስጥሩ ሊታወቅ የቻለው ሚሼል ኦስቦርን እ.ኤ.አ. በ2022 ባደረገችው የDNA ምርመራ ነው። ምርመራው ሁለቱም እህቶች በአንድ ማህፀን አብረው ቢያድጉና በደቂቃዎች ልዩነት ቢወለዱም፣ ባዮሎጂካዊ አባቶቻቸው ግን የተለያዩ መሆናቸውን አረጋግጧል።

​ክስተቱ ሊከሰት የቻለው እናታቸው በአንድ የወር አበባ ዑደት ውስጥ ከአንድ በላይ እንቁላል አፍርታ፣ በተለያዩ የግብረ-ሥጋ ግንኙነቶች አማካኝነት በተለያዩ ወንዶች ዘር እንዲዳበሩ በመደረጉ እንደሆነ ተገልጿል። በዓለም አቀፍ ደረጃ እስካሁን የተመዘገቡት እንዲህ ዓይነት ክስተቶች ከ20 የማይበልጡ በመሆናቸው ጉዳዩን እጅግ አስገራሚ አድርጎታል ይላል የቢቢሲ ዘገባ።

​ላቪኒያ እና ሚሼል አስቸጋሪ የልጅነት ጊዜን አብረው ያሳለፉ ሲሆን፣ ውጤቱ መጀመሪያ ላይ አስደንጋጭ ቢሆንባቸውም አሁንም ያላቸው "የመንትያነት" ትስስር የማይበጠስ መሆኑን ተናግረዋል። በአሁኑ ወቅት ሁለቱም እህቶች የየራሳቸውን እውነተኛ አባቶች ማግኘት የቻሉ ሲሆን፣ ላቪኒያ ከአባቷ ከአርተር ጋር የጠበቀ ግንኙነት መመሥረት ችላለች።

📌 የዘመን ምልክት፦ እየሩሳሌም እና የሦስተኛው ቤተ መቅደስ ግንባታ ዝግጅት

በዓለማችን ላይ ካሉ እጅግ አነጋጋሪ እና ውስብስብ ፖለቲካዊና መንፈሳዊ ጉዳዮች መካከል በኢየሩሳሌም የሦስተኛው ቤተ መቅደስ መገንባት ቀዳሚው ነው። ብዙዎች እንደ ተራ ወሬ ቢመለከቱትም በእስራኤል ምድር ግን ጉዳዩ ከወሬ አልፎ ወደ ተግባራዊ ዝግጅት ከተሸጋገረ ሰነባብቷል።

በተለይ "The Temple Institute" (የቤተ መቅደስ ተቋም) የተባለው ድርጅት ላለፉት ዓመታት ሲያደርጋቸው የቆያቸው ዝግጅቶች አሁን ፍጻሜያቸው ላይ ደርሰዋል። እስኪ ዝርዝር ነጥቦቹን እንመልከት፦

1. የመቅደስ ዕቃዎች ዝግጅት (The Sacred Vessels)

በብሉይ ኪዳን መመሪያ መሠረት በቤተ መቅደስ ውስጥ የሚያገለግሉ ከ90 በላይ ዕቃዎች በድጋሚ ተሠርተው አልቀዋል። ከእነዚህም መካከል፦

* ወርቃማው መቅረዝ (The Golden Menorah): ከአንድ ወጥ ወርቅ የተሠራውና በሚሊዮን የሚቆጠር ዶላር የወጣበት ግዙፍ መቅረዝ ተረክቦ በአሁኑ ወቅት በአሮጌው እየሩሳሌም ለጉብኝት ክፍት ሆኗል።

* የዕጣን መሠዊያ፣ የገበታ ጠረጴዛና የካህናት አልባሳት ሁሉም በኦሪት ዘጸአት መመሪያ መሠረት በጥንቃቄ ተሠርተው መጋዘን ውስጥ የግንባታውን መጀመር እየተጠባበቁ ይገኛሉ።

2. "ቀይ ጊደር" (The Red Heifers)፦ ለምን አስፈለጉ?

ይህ ለብዙዎች እንግዳ ሊሆን ይችላል። እንደ አይሁድ ሃይማኖታዊ ሕግ (ኦሪት ዘኍልቍ 19) ቤተ መቅደሱን ለመቀደስና የሚያገለግሉትን ካህናት ለማንጻት "ነውር የሌለባት ቀይ ጊደር" ታርዳ አመዷ በውኃ መበጥበጥ አለበት።

* ባለፉት ሁለት ሺህ ዓመታት ይህንን መስፈርት የሚያሟላ እንስሳ አልተገኘም ነበር።
* አሁን ግን ከአሜሪካ (ቴክሳስ) በልዩ ጥበቃ የመጡ አምስት ቀይ ጊደሮች እስራኤል ውስጥ ይገኛሉ።

እነዚህ ጊደሮች ጥርሳቸው ሳይነቀልና አንዲት ሌላ ቀለም ያለው ፀጉር ሳይገኝባቸው ዕድሜያቸው ለሥርዓቱ እስኪደርስ ድረስ በልዩ ባለሙያዎች ክትትል እየተደረገላቸው ነው።

3. የካህናት ሥልጠና (The Priesthood)

ህንፃው ቢገነባና ዕቃዎቹ ቢሟሉ እንኳ ሥርዓቱን የሚፈጽም ካህን ያስፈልጋል። ተቋሙ የአሮን ዘር መሆናቸው በ DNA የተረጋገጡ ወጣቶችን በመለየት በጥንታዊው የቤተ መቅደስ አምልኮ ሥርዓት ላይ ጥልቅ ሥልጠና እየሰጠ ይገኛል።

🔍 ለምን ትኩረት ያስፈልገዋል?

(የክርስቲያኖች እይታ)
እኛ ክርስቲያኖች ይህንን ጉዳይ በሁለት ትልልቅ ነጥቦች እንረዳዋለን፦

* የትንቢት መፈጸም፦ መጽሐፍ ቅዱስ በመጨረሻው ዘመን ቤተ መቅደሱ እንደሚኖር ይናገራል (2ኛ ተሰሎንቄ 2:4)። ስለዚህ የዚህ ግንባታ መቃረብ የጌታችን የኢየሱስ ክርስቶስ ዳግም ምጽዓት መቃረቡን የሚያሳይ ትልቅ "የደወል ድምፅ" ነው።

* የመሥዋዕትነት ትርጉም፦ እኛ በክርስቶስ ደም አንድ ጊዜ ለዘላለም እንደነጻን እናምናለን። አይሁድ ግን ገና መሢሑን እየጠበቁ በመሆናቸው ወደ ብሉይ ሥርዓት ለመመለስ እየጣሩ ነው።

ይህ በራሱ ዓለም ወደ መጨረሻው ምዕራፍ እየገባች መሆኑን ያሳያል።

⚠️ ትልቁ ፈተና

ቤተ መቅደሱ ሊገነባ የታሰበበት ቦታ (Temple Mount) በአሁኑ ወቅት የአል-አቅሳ መስጊድ ያለበት ስፍራ በመሆኑ፣ ግንባታው መጀመር ማለት የዓለም ፖለቲካዊ መልክ ሙሉ በሙሉ ይቀየራል ማለት ነው።

ዓለም ወደ ማጠቃለያው ምዕራፍ እየተቃረበች እንደሆነ የሚያሳዩ እነዚህ ምልክቶች ለሁላችንም የመንቃት ጥሪ ናቸው። "ዘመኑን ዋጁ" የተባለው ቃል ዛሬ በዓይናችን ፊት እየተፈጸመ ይገኛል።

እናንተስ ስለዚህ ጉዳይ ምን ታስባላችሁ? ትንቢቱ በቅርቡ ይፈጸማል ብላችሁ ታምናላችሁ? አስተያየታችሁን በኮመንት አጋሩን። 👇 #israel #thirdtemple #prophecy #endtimes #jerusalem #bibleprophecy #faith

የማይክል ካሪክ ማንቸስተር ዩናይትድ
ከውድቀት አረንቋ ወደ አውሮፓ ቻምፒየንስ ሊግ ደጃፍ
#ethiopia | ​ማንቸስተር ዩናይትድ የቀድሞ ኮከቡን ማይክል ካሪክን በጊዚያዊ አሰልጣኝነት ካገኘ በኋላ፣ በውርደት ሽንፈት ተከናንቦ ከነበረበት ዝቅታ ወጥቶ በክብር የሚዋደቅ እና ውጤት የሚያስመዘግብ ቡድን ለመሆን በቅቷል። የካሪክ ዩናይትድ ተቸግሮም አይሸነፍም፤ በቀይ ካርድ ተጫዋች ተነጥቆም ቢሆን ለክለቡ ባጅ እስከመጨረሻው የሚፋለም ጠንካራ ስብስብ ሆኗል።

​የበርንማውዝ ጨዋታ እና የካሪክ አሻራ
​በቫይታሊቲ ስታዲየም ከበርንማውዝ ጋር የተደረገው አስቸጋሪ ጨዋታ የካሪክን ቡድን ጥንካሬ በድጋሚ ያሳየ ነበር።

ምንም እንኳ ዩናይትድ በግልጽ የተከለከለው ፔናሊቲ እና የሃሪ ማጉየር ቀይ ካርድ ፈተና ቢገጥመውም፣ በብሩኖ ፈርናንዴዝ መሪነት ጨዋታውን ሁለት አቻ በማጠናቀቅ ነጥብ ተጋርቶ ወጥቷል። ካሪክ ከመጣ በኋላ ቡድኑ አንድ ጊዜ ብቻ በኒውካስትል መሸነፉ፣ አሰልጣኙ በአጭር ጊዜ ውስጥ የፈጠሩትን የውጤት ወጥነት ያሳያል።

​ከደረጃ ሰንጠረዡ ግርጌ ወደ 3ኛ ደረጃ
​እንደ ሩበን አሞሪም ባሉ አሰልጣኞች የቀዘቀዘው የተጫዋቾች ፍላጎት ላይ ነፍስ የዘሩት ማይክል ካሪክ፣ በሦስት ወራት ባልሞላ ጊዜ ውስጥ ዩናይትድን በደረጃ ሰንጠረዡ 3ኛ ላይ እንዲቀመጥ አድርገዋል።

እንደ አስቶን ቪላ፣ ቼልሲ፣ ሊቨርፑል እና ኒውካስትል ያሉ ተፎካካሪዎችን በነጥብ በልጦ፣ የአውሮፓ ቻምፒየንስ ሊግ ተሳትፎ ዕድሉን በእራሱ እጅ እንዲያደርግ አስችለውታል።

​የካሪክ ስኬት እና የቋሚ ኮንትራት ጥያቄ
​ሲቲን፣ አርሰናልን እና ቶተንሃምን ተራ በተራ የረታው የካሪክ ስልጠና፣ ለቋሚ ኮንትራት የሚያበቃው ውጤታማ ጉዞ መሆኑን በተግባር አሳይቷል።

ምንም እንኳ የቀድሞ የቡድን አጋሮቻቸው ሳይቀሩ ጥርጣሬ ቢኖራቸውም፣ ካሪክ ግን የማንቸስተርን የድል አድባር DNA ጠንቅቆ በመረዳት ክለቡን ነጻ አውጥቷል። አሁን ዩናይትድ ከ32ኛ ሳምንት የሊድስ ጨዋታ በፊት ለ24 ቀናት የሚቆይ የእረፍት እና የዝግጅት ጊዜ ይኖረዋል።

​የውጤት ማጠቃለያ፦
በርንማውዝ 2 - ማንቸስተር ዩናይትድ 2 (ከቫይታሊቲ ስታዲየም)

​#getu #manchesterunited #michaelcarrick #mufc #premierleague #brunofernandes #championsleague #oldtrafford #ማንቸስተርዩናይትድ #ማይክልካሪክ #ብሩኖፈርናንዴዝ #ፕሪሚየርሊግ #ጌጡተመስገን #getutemesgen

ጾም እና ሳይንሳዊው የአውቶፋጂ (Autophagy) ሚስጥር፦ የውስጥ መታደሻችን ቁልፍ! ✨
#ethiopia | ​የጃፓኑ የባዮሎጂ ባለሙያ ዮሺኖሪ ኦሱሚ በ2016 የኖቤል ሽልማትን ያሸነፉበት "አውቶፋጂ" የተሰኘው ግኝት፣ ለዘመናት በሃይማኖታዊ ትውፊት የቆየውን የጾም ሥርዓት ሳይንሳዊ ምስክርነት ሰጥቶታል።

​🔄 "አውቶፋጂ" ምንድነው?

ቃሉ ከግሪክ የተወረሰ ሲሆን "ራስን መብላት" ማለት ነው። ሰውነታችን በጾም ወቅት ከውጭ የሚገባ ምግብ ሲያጣ፣ ሴሎቻችን በውስጣቸው ያሉትን፦
​አሮጌና የተጎዱ ክፍሎችን፣
​ለበሽታ መንስኤ የሚሆኑ ዝቃጮችን፣
​እና የተሰበሩ ፕሮቲኖችን እንደ "ኃይል ምንጭ" በመጠቀም ራሳቸውን ያጸዳሉ። ይህ ሂደት የሴሎች ሪሳይክሊንግ (Cellular Recycling) ይባላል።

​የጾም ድንቅ የጤና ፋይዳዎች፦

​የውስጥ ጽዳት (Internal Detox)፦
ሴሎቻችን ቆሻሻን አስወግደው አዲስ ንጹሕ ኃይል እንዲፈጥሩ ያደርጋል።

​እርጅናን መከላከል፦
የተጎዱ ዲ.ኤን.ኤዎች (DNA) ስለሚጠገኑ የሰውነት የመታደስ ዕድሜ ይረዝማል።

​የአእምሮ ንቃት (Mental Clarity)፦
አላስፈላጊ ዝቃጮች ሲወገዱ አእምሯችን ለፈጠራ ስራዎችና ለጥልቅ አስተሳሰብ ይበልጥ ዝግጁ ይሆናል።

​በሽታን መከላከል፦
እንደ ካንሰር እና የነርቭ ሕመሞች ያሉ ስጋቶችን ለመቆጣጠር ይረዳል።

​🙏 ሳይንስ እና ሃይማኖት ሲገናኙ፦
ቤተክርስቲያን ጾምን "የነፍስ መፈወሻና የሥጋ መቆጣጠሪያ" ስትል ስታስተምር ቆይታለች፤ ሳይንስ ደግሞ ዛሬ "የሴሎች መታደሻ" ብሎ አረጋገጠው። ይህ የሚያሳየው ጥንታውያን አባቶቻችን በጸጋ የሚያውቁትን እውነት ሳይንስ ዘግይቶ በቤተ-ሙከራ እንደደረሰበት ነው።

​ልክ ንስሐ የውስጥን እድፍ አስወግዶ አዲስ ማንነትን እንደሚፈጥር ሁሉ፣ አውቶፋጂም ሥጋዊ ማንነታችንን በሴል ደረጃ ያድሳል።

​#ጾም #አውቶፋጂ #ጤና #ሳይንስናሃይማኖት #ዐቢይጾም #fasting #autophagy #scienceandreligion #getutemesgen #getu #ጌጡ #ጌጡተመስገን

በሻሸመኔ የቀድሞ ፍቅረኛዬን አገባክ በሚል ቅናት ተነሳስቶ የገዛ ጓደኛውን የገደለው ወጣት በ22 ዓመት እስራት ተቀጣ

👉የሟች እሬሳ በአውሬ ተበልቶ ነበር

​በአሩፋ ክፍለ ከተማ "ቻይና ካፕ" ተብሎ በሚጠራው አካባቢ ለዓመታት ጓደኛሞች የነበሩት  እና  ዳፋ መካከል የተፈጠረ ቅናት ለሞት አድርሷል።

ተከሳሽ የ25 ዓመቱ ሀብታሙ የቀድሞ ፍቅረኛ የነበረችው ልጅ  የ27 ዓመቱ ኮርሜ ገልገሉ ህጋዊ ባለቤት መሆኗ ቅናት አሳድሮበት ​ኮርሜ ገልገሉ ገሎ በድንገት ከአካባቢው ተሰወረ።

የሟች ቤተሰቦቹ ለፖሊስ ልጃቸው መጥፋቱን ለፖሊስ አሳውቀው ፖሊስ ፍለጋ ላይ እያለ በአካባቢው ጫካ ውስጥ በአውሬ የተበላ የሰው ቅሪተ አካል ይገኛል።

​ፖሊስ የቀረውን ጥቂት ቅሪተ አካል በማንሳትና ከቤተሰብ ደም በመውሰድ ባደረገው የDNA ምርመራ፣ ቅሪተ አካሉ የጠፋው የኮርሜ ገልገሉ መሆኑን አረጋግጧል።

​የሻሸመኔ ከተማ አስተዳደር ከፍተኛ ፍርድ ቤት የካቲት 26 ቀን 2018 ዓ.ም በዋለው ችሎት ​ተከሳሽ ሀብታሙ ዳፋ በፈፀመው ከባድ የሰው መግደል ወንጀል ጥፋተኛ ሆኖ በመገኘቱ በ22 ዓመት ፅኑ እስራት እንዲቀጣ ወስኖበታል።

seledadotio.
seledadotio

በሻሸመኔ የቀድሞ ፍቅረኛዬን አገባክ በሚል ቅናት ተነሳስቶ የገዛ ጓደኛውን የገደለው ወጣት በ22 ዓመት እስራት ተቀጣ

👉የሟች እሬሳ በአውሬ ተበልቶ ነበር

​በአሩፋ ክፍለ ከተማ "ቻይና ካፕ" ተብሎ በሚጠራው አካባቢ ለዓመታት ጓደኛሞች የነበሩት  እና  ዳፋ መካከል የተፈጠረ ቅናት ለሞት አድርሷል።

ተከሳሽ የ25 ዓመቱ ሀብታሙ የቀድሞ ፍቅረኛ የነበረችው ልጅ  የ27 ዓመቱ ኮርሜ ገልገሉ ህጋዊ ባለቤት መሆኗ ቅናት አሳድሮበት ​ኮርሜ ገልገሉ ገሎ በድንገት ከአካባቢው ተሰወረ።

የሟች ቤተሰቦቹ ለፖሊስ ልጃቸው መጥፋቱን ለፖሊስ አሳውቀው ፖሊስ ፍለጋ ላይ እያለ በአካባቢው ጫካ ውስጥ በአውሬ የተበላ የሰው ቅሪተ አካል ይገኛል።

​ፖሊስ የቀረውን ጥቂት ቅሪተ አካል በማንሳትና ከቤተሰብ ደም በመውሰድ ባደረገው የDNA ምርመራ፣ ቅሪተ አካሉ የጠፋው የኮርሜ ገልገሉ መሆኑን አረጋግጧል።

​የሻሸመኔ ከተማ አስተዳደር ከፍተኛ ፍርድ ቤት የካቲት 26 ቀን 2018 ዓ.ም በዋለው ችሎት ​ተከሳሽ ሀብታሙ ዳፋ በፈፀመው ከባድ የሰው መግደል ወንጀል ጥፋተኛ ሆኖ በመገኘቱ በ22 ዓመት ፅኑ እስራት እንዲቀጣ ወስኖበታል።
​

👑 የዓለም አቀፍ የመስማት የተሳናቸው የቁንጅና ውድድር አሸናፊዎች ታወቁ

​በፊሊፒንስ ሲካሄድ የቆየው የ2026 Miss & Mister Deaf International ውድድር ፍፃሜ አግኝቷል።

​የኢትዮጵያ ተሳትፎ:
ሀገራችንን የወከለችው ሀብታሟ ግርማ (ሪታ) ድንቅ ብቃቷን በማሳየት የሰርተፊኬት ተሸላሚ ሆናለች።

​የዘንድሮ አሸናፊዎች:
👸 ሴቶች (Miss):
​Ariadna Liubimova (ሩሲያ)
​Jealie Lozano (ፊሊፒንስ)
​Kayleigh Kotze (ደቡብ አፍሪካ)

​🤴 ወንዶች (Mister):
​Faeem Karodia (ደቡብ አፍሪካ)
​Withaya Yangam (ታይላንድ)

​ሪታ ስላኮራሽን እናመሰግናለን! 🇪🇹

​#missdeaf #ethiopia #results #philippines #getutemesgen #getu #ጌጡ #ጌጡተመስገን

​🗞 በስህተት የተወለደችው ጥቁር ህጻን እና የነጩ ጥንዶች አስገራሚ ታሪክ! 🇺🇸

​በአሜሪካ ፍሎሪዳ የሚኖሩ ነጭ ጥንዶች በሰው ሰራሽ የማህፀን ማዳቀል (Artificial Insemination) አማካኝነት ልጅ ለመውለድ ወስነው ነበር። ነገር ግን ልጇ ስትወለድ ጥቁር ሆና መገኘቷ መላውን ቤተሰብ አስገርሟል።

​የተፈጠረው ምንድን ነው?
በተደረገው የዲኤንኤ (DNA) ምርመራ ህጻኗ ከሁለቱም ወላጆች ጋር ምንም አይነት የደም ዝምድና እንደሌላት ተረጋግጧል። ጥንዶቹ ከዓመታት በፊት የራሳቸውን ፅንስ (Embryo) አስቀምጠው የነበረ ቢሆንም፣ የህክምና ባለሙያዎች በፈጠሩት ከፍተኛ ስህተት የሌላ ሴትን ፅንስ ቀይረው በማስገባቸው ህጻኗ ልትወለድ ችላለች።

​የቤተሰቡ ውሳኔ፦
ምንም እንኳን በደም ባይገናኙም፣ ጥንዶቹ ከህጻኗ ጋር "በጣም ጠንካራ ስሜታዊ ትስስር" በመፍጠራቸው እሷንኑ አሳድገው ለመኖር ወስነዋል።

​ያልተፈታው ስጋት፦
ይህ አጋጣሚ ለጥንዶቹ ትልቅ ደስታ ቢሆንም፣ የራሳቸው ፅንስ ለሌላ ሴት ተሰጥቶ የእነሱ እውነተኛ የደም ልጅ በሌላ ቦታ እያደገ ሊሆን ይችላል የሚለው ስጋት ግን እረፍት ነስቷቸዋል።

የኒውክሌር ሙከራዎች በአለም ላይ የ4 ሚሊዮን ሰዎችን ሕይወት ቀጥፈዋል

​በዓለም ዙሪያ ለበርካታ አስርት ዓመታት የተካሄዱ የኒውክሌር መሣሪያ ሙከራዎች ቢያንስ 4 ሚሊዮን ሰዎችን ያለ ዕድሜያቸው ለሞት መዳረጋቸውን አንድ አዲስ ጥናት ይፋ አደረገ።

"የኖርዌይ የሰዎች እርዳታ" (NPA) የተባለ ድርጅት ያወጣው ይሄው ሪፖርት፣ የኒውክሌር ሙከራዎች ያስከተሉት ጠባሳ ዛሬም ድረስ በሰው ልጅና በተፈጥሮ ላይ ከፍተኛ ጥፋት እያደረሰ መሆኑን አጋልጧል።

​📌 ዋና ዋና የሪፖርቱ ግኝቶች፦

​የሙከራዎቹ ስፋት፦ ከ1945 እስከ 2017 ባለው ጊዜ ውስጥ በዓለም ዙሪያ ከ2,400 በላይ የኒውክሌር መሣሪያዎች ተፈትነዋል።

​የሞት መንስኤ፦ ለጨረር መጋለጥ በሰውነት ውስጥ የዲ ኤን ኤ (DNA) ለውጥን በማምጣት ለካንሰር፣ ለልብ ሕመም እና ለተለያዩ በዘር ለሚተላለፉ የጤና እክሎች ምክንያት ሆኗል።

​መጪው አደጋ፦ እ.ኤ.አ እስከ 1980 ድረስ የተደረጉ የከባቢ አየር ሙከራዎች ብቻ ለተጨማሪ 2 ሚሊዮን የካንሰር ሞቶች ምክንያት እንደሚሆኑ ይጠበቃል።

​💔 "መርዘውናል" — የተጎጂዎች ድምፅ

​የ37 ዓመቷ የታሂቲ የፓርላማ አባል ሂናሞኤራ ክሮስ፣ ፈረንሳይ በአካባቢያቸው የመጨረሻውን የኒውክሌር ሙከራ ስታደርግ የ7 ዓመት ልጅ ነበረች። ዛሬ እሷ በደም ካንሰር (Leukemia) ስትሰቃይ፣ እናቷ፣ አያቷ እና አክስቷ ደግሞ በታይሮይድ ካንሰር ተጠቅተዋል። "መርዘውናል" ስትል የችግሩን ጥልቀት ትገልጻለች።

​🌍 አገራቱና አሁናዊው ስጋት
​በአሁኑ ወቅት የኒውክሌር መሣሪያ አላቸው ተብለው የሚታወቁት ዘጠኝ አገራት (ሩሲያ፣ አሜሪካ፣ ቻይና፣ ፈረንሳይ፣ ብሪታንያ፣ ፓኪስታን፣ ሕንድ፣ እስራኤል እና ሰሜን ኮሪያ) ቢሆኑም፣ ከ1990ዎቹ ወዲህ ሙከራ በማድረግ ላይ የምትገኘው ሰሜን ኮሪያ ብቻ ነች።

​ሆኖም የቀድሞው የአሜሪካ ፕሬዝዳንት ዶናልድ ትራምፕ፣ አሜሪካ የኒውክሌር ሙከራን ልትጀምር ትችላለች ማለታቸው እና ሩሲያና ቻይናን በተመሳሳይ መክሰሳቸው ዓለምን ዳግም ስጋት ላይ ጥሎታል።

​⚠️ የተደበቀው እውነት

​ሪፖርቱ እንደሚያመለክተው፣ አገራት ሙከራዎቹን በሚስጥር መያዛቸው እና በቂ መረጃ አለመስጠታቸው ተጎጂ ማህበረሰቦች ተገቢውን ሕክምናና ፍትህ እንዳያገኙ እንቅፋት ሆኖባቸዋል።

አብዛኞቹ የሙከራ ጣቢያዎች የሚገኙት በ15 አገራት ውስጥ ሲሆን፣ ብዙዎቹ የቀድሞ ቅኝ ተገዥ አገራት ናቸው።

በጀርመን በአስከሬኖች ላይ ወሲባዊ ጥቃት ፈጸሟል የተባለው ሰራተኛ በቁጥጥር ስር ዋለ

​በጀርመን ቢንደ ከተማ በሚገኝ አንድ ሆስፒታል ውስጥ፣ የሟቾችን አስከሬን በጾታዊ ግንኙነት ሲያረክስ የነበረ ግለሰብ በቁጥጥር ስር መዋሉ ተገለጸ።
​
​ተጠርጣሪው የ39 ዓመት ግለሰብ በሆስፒታሉ የፓቶሎጂ ክፍል ውስጥ በጽዳት እና ጥገና ስራ ላይ ተሰማርቶ የነበረ ሲሆን፣ ይህንኑ አጋጣሚ በመጠቀም በሟቾች ላይ ጥቃት ሲፈጽም እንደነበር ተደርሶበታል ሲሉ ሰሞኑን የሀገሪቱ መገናኛ ብዙሃን ዘግበዋል።

እንደ ፖሊስ መረጃ ​ድርጊቱ የተፈጸመው በሰኔ እና በታህሳስ ወር 2025 (እ.ኤ.አ) ውስጥ ሲሆን ​ጥቃቱ በአንድ ወንድ እና በአንዲት ሴት አስከሬን ላይ ተፈጽሟል ተብሏል።

​የሆስፒታሉ የህክምና ባለሙያዎች የአስከሬኖቹን አቀማመጥ እና በቦታው ላይ የተገኙ አጠራጣሪ ምልክቶችን ተከትሎ ለህግ አካላት ጥቆማ ሰጥተዋል።

​ፖሊስ በተጠርጣሪው መኖሪያ ቤት ባደረገው ፍተሻ የተለያዩ የኤሌክትሮኒክስ መሣሪያዎችን እና ማስረጃዎችን የያዘ ሲሆን፣ ግለሰቡም ለDNA ምርመራ የሚሆን የምራቅ ናሙና እንዲሰጥ ተደርጓል።
​
​በጀርመን የወንጀለኛ መቅጫ ህግ መሰረት፣ ድርጊቱ "የሟቾችን ሰላም እና ክብር ማናጋት" በሚል ወንጀል የሚመደብ ሲሆን፣ ጥፋተኛ ሆኖ ከተገኘ እስከ 3 ዓመት በሚደርስ እስራት ሊቀጣ ይችላል።

🧬 የትራምፕ ልጅ ነኝ ያለችው የ55 ዓመቷ ቱርካዊት የዲኤንኤ (DNA) ምርመራ ጠየቀች
#ethiopia | ሁልጊዜም በውዝግቦች የማይታጡት ዶናልድ ትራምፕ፣ አሁን ደግሞ ከቱርክ አገር አዲስ የይገባኛል ጥያቄ ቀርቦባቸዋል። የ55 ዓመቷ ቱርካዊት ኔክላ ኦዝመን፣ የፕሬዝዳንቱ "ባዮሎጂካል ሴት ልጅ" መሆኗን በይፋ አስታውቃለች።

🔍 "እውነቱን ማወቅ ብቻ ነው የምፈልገው"

ኔክላ ኦዝመን ለሀገሯ ጋዜጣ በሰጠችው ቃል፣ ዓላማዋ ችግር መፍጠር ሳይሆን እውነታውን ማረጋገጥ እንደሆነ ገልጻለች። "የምፈልገው አባቴ ለጄኔቲክ ናሙና የሚሆን ነገር እንዲሰጠኝና በዲኤንኤ ምርመራ አባትነቱ እንዲረጋገጥ ነው" ስትል ጥሪዋን አቅርባለች። አክላም ትራምፕ አባትነቷን እንደማይክዱ ያላትን እምነት ገልጻ፣ በምርመራው ከተረጋገጠም በአካል አግኝታው ለማውራት እንደምትፈልግ ተናግራለች።

📜 ታሪኩ እንዴት ተጀመረ?

በአንካራ በወላጆቿ በሳቲ እና በዱርሱን ኦዝመን ያደገችው ኔክላ፣ ይህንን የቤተሰብ ምስጢር ያወቀችው ከስምንት ዓመታት በፊት (እ.ኤ.አ. በ2017) እንደሆነ ገልጻለች። በወቅቱ እናቷ እውነተኛ አባቷ ዶናልድ ትራምፕ መሆኑን እንደነገረቻት ትናገራለች።

⚖️ ቀጣዩ እርምጃ

ኔክላ አባትነቱን ለማረጋገጥ ህጋዊ እንቅስቃሴዎችን መጀመሯን የገለጸች ሲሆን፣ ጉዳዩ በዓለም አቀፍ ደረጃ መነጋገሪያ ሆኗል። ፕሬዝዳንት ትራምፕም ሆኑ የዋይት ሃውስ ባለስልጣናት እስካሁን ለቀረበው ጥያቄ የሰጡት ምላሽ የለም።

​ Getu Temesgen - (ጌጡ ተመስገን)
#ዶናልድትራምፕ #ቱርክ #ዲኤንኤ #ዜና #ትራምፕ #dna #donaldtrump #turkey #worldnews #familysecret

"እውነተኛ አባቴ ዶናልድ ትራምፕ ናቸው!" - በቱርክ ፍርድ ቤትን ያነጋገረው አስገራሚ የ55 ዓመቷ ሴት ክስ

​በቱርክ መዲና አንካራ ውስጥ በቅርቡ የተጠናቀቀው የፍርድ ቤት ክርክር በዓለም አቀፍ ሚዲያዎች ዘንድ ከፍተኛ ትኩረትን ስቧል። ነክላ ኦዝመን የተባሉ የ55 ዓመት ሴት፣ የቀድሞው የአሜሪካ ፕሬዝዳንት ዶናልድ ትራምፕ "እውነተኛ አባቴ ናቸው" በማለት ክስ መስርተዋል።

ሴትየዋ ለፍርድ ቤቱ ባቀረቡት አቤቱታ፣ ያሳደጓቸው እናታቸው ከመሞታቸው በፊት የነገሯቸው "ሚስጥር" ትክክለኛ ማንነታቸውን እንደገለጠላቸውና ትራምፕ በወቅቱ ሶፊያ ከተባለች አሜሪካዊት ሴት ጋር ከነበራቸው ግንኙነት እንደተወለዱ በፅኑ እንደሚያምኑ ገልጸዋል።

​እንደ ነክላ ገለፃ፣ ታሪኩ የሚጀምረው እ.ኤ.አ. በ1970 ነው። በወቅቱ በናቶ (NATO) ውስጥ ይሰራ የነበረው አሳዳጊ አባታቸው፣ ሶፊያ የተባለችውን አሜሪካዊት ያውቃት እንደነበርና ሴትየዋ ልጇን በምስጢር ለነክላ አሳዳጊ እናት ሰጥታ እንደጠፋች ይናገራሉ።

ነክላ ይህንን እውነታ ያወቁት በ2017 ትራምፕን በቴሌቪዥን መስኮት ሲመለከቱ አሳዳጊ እናታቸው "አባትህ ይሄ ሰው ነው" ብለው እንደነገሯቸው በመጥቀስ፣ በትራምፕ እና በሳቸው መካከል ያለውን ዝምድና ለማረጋገጥ የዲኤንኤ (DNA) ምርመራ እንዲደረግ ለፍርድ ቤቱ ጥያቄ አቅርበው ነበር።

​ይሁን እንጂ የአንካራው የቤተሰብ ፍርድ ቤት የቀረበው ክስ ምንም ዓይነት ተጨባጭ ማስረጃ የሌለውና በወሬ ላይ የተመሰረተ ነው በሚል ውድቅ አድርጎታል። ፍርድ ቤቱ የዲኤንኤ ምርመራ እንዲደረግ የቀረበውን ጥያቄም ያልተቀበለው ሲሆን፣ ጉዳዩ በህግ አግባብ ሊቀጥል የሚችልበት መሠረት እንደሌለው አስታውቋል።

ነክላ ኦዝመን በበኩላቸው በውሳኔው እንዳልረኩና ለከፍተኛ ፍርድ ቤት ይግባኝ በማለት እውነቱን ለማውጣት ትግላቸውን እንደሚቀጥሉ ለቱርክ ጋዜጠኞች በሰጡት መግለጫ አረጋግጠዋል።

​በአሁኑ ወቅት ይህ "የዶናልድ ትራምፕ ህገወጥ ልጅ" ታሪክ በማህበራዊ ሚዲያዎች ላይ እንደ አንድ አስገራሚ የከተማ ወሬ እየተነገረ ይገኛል። ነክላ ኦዝመን ግን አሁንም ተስፋ ሳይቆርጡ "ትራምፕን መገናኘት እፈልጋለሁ፤ እሳቸው መጥፎ ሰው አይደሉም፣ እውነቱን ቢረዱ እንደማይገፉኝ አምናለሁ" በማለት መልእክታቸውን እያስተላለፉ ነው።

እስከዚያው ድረስ ግን ይህ አወዛጋቢ ጥያቄ ያለ ምንም ሳይንሳዊ ማስረጃ በቱርክ ፍርድ ቤቶች መዝገብ ላይ እንደ ተረት ተመዝግቦ ይቆያል።

seledadotio
seledadotio

​"እውነተኛ አባቴ ዶናልድ ትራምፕ ናቸው!" - በቱርክ ፍርድ ቤትን ያነጋገረው አስገራሚ የ55 ዓመቷ ሴት ክስ

​በቱርክ መዲና አንካራ ውስጥ በቅርቡ የተጠናቀቀው የፍርድ ቤት ክርክር በዓለም አቀፍ ሚዲያዎች ዘንድ ከፍተኛ ትኩረትን ስቧል። ነክላ ኦዝመን የተባሉ የ55 ዓመት ሴት፣ የቀድሞው የአሜሪካ ፕሬዝዳንት ዶናልድ ትራምፕ "እውነተኛ አባቴ ናቸው" በማለት ክስ መስርተዋል።

ሴትየዋ ለፍርድ ቤቱ ባቀረቡት አቤቱታ፣ ያሳደጓቸው እናታቸው ከመሞታቸው በፊት የነገሯቸው "ሚስጥር" ትክክለኛ ማንነታቸውን እንደገለጠላቸውና ትራምፕ በወቅቱ ሶፊያ ከተባለች አሜሪካዊት ሴት ጋር ከነበራቸው ግንኙነት እንደተወለዱ በፅኑ እንደሚያምኑ ገልጸዋል።

​እንደ ነክላ ገለፃ፣ ታሪኩ የሚጀምረው እ.ኤ.አ. በ1970 ነው። በወቅቱ በናቶ (NATO) ውስጥ ይሰራ የነበረው አሳዳጊ አባታቸው፣ ሶፊያ የተባለችውን አሜሪካዊት ያውቃት እንደነበርና ሴትየዋ ልጇን በምስጢር ለነክላ አሳዳጊ እናት ሰጥታ እንደጠፋች ይናገራሉ።

ነክላ ይህንን እውነታ ያወቁት በ2017 ትራምፕን በቴሌቪዥን መስኮት ሲመለከቱ አሳዳጊ እናታቸው "አባትህ ይሄ ሰው ነው" ብለው እንደነገሯቸው በመጥቀስ፣ በትራምፕ እና በሳቸው መካከል ያለውን ዝምድና ለማረጋገጥ የዲኤንኤ (DNA) ምርመራ እንዲደረግ ለፍርድ ቤቱ ጥያቄ አቅርበው ነበር።

​ይሁን እንጂ የአንካራው የቤተሰብ ፍርድ ቤት የቀረበው ክስ ምንም ዓይነት ተጨባጭ ማስረጃ የሌለውና በወሬ ላይ የተመሰረተ ነው በሚል ውድቅ አድርጎታል። ፍርድ ቤቱ የዲኤንኤ ምርመራ እንዲደረግ የቀረበውን ጥያቄም ያልተቀበለው ሲሆን፣ ጉዳዩ በህግ አግባብ ሊቀጥል የሚችልበት መሠረት እንደሌለው አስታውቋል።

ነክላ ኦዝመን በበኩላቸው በውሳኔው እንዳልረኩና ለከፍተኛ ፍርድ ቤት ይግባኝ በማለት እውነቱን ለማውጣት ትግላቸውን እንደሚቀጥሉ ለቱርክ ጋዜጠኞች በሰጡት መግለጫ አረጋግጠዋል።

​በአሁኑ ወቅት ይህ "የዶናልድ ትራምፕ ህገወጥ ልጅ" ታሪክ በማህበራዊ ሚዲያዎች ላይ እንደ አንድ አስገራሚ የከተማ ወሬ እየተነገረ ይገኛል። ነክላ ኦዝመን ግን አሁንም ተስፋ ሳይቆርጡ "ትራምፕን መገናኘት እፈልጋለሁ፤ እሳቸው መጥፎ ሰው አይደሉም፣ እውነቱን ቢረዱ እንደማይገፉኝ አምናለሁ" በማለት መልእክታቸውን እያስተላለፉ ነው።

እስከዚያው ድረስ ግን ይህ አወዛጋቢ ጥያቄ ያለ ምንም ሳይንሳዊ ማስረጃ በቱርክ ፍርድ ቤቶች መዝገብ ላይ እንደ ተረት ተመዝግቦ ይቆያል።

ልጇን ፍለጋ 32 ዓመት የተንከራተተችው እናት ፤ ተሳካላት
#ethiopia | የአንድ እናት ፍቅር እና ተስፋ የማይቻል የሚመስለውን ነገር እውን አደረገ። በቻይና ዢአን ከተማ በ1988 ዓ.ም የሁለት ዓመት ህፃን እያለ በጠላፊዎች የተወሰደባት ሊ ጂንግዢ፣ ከ32 ዓመታት አድካሚ ፍለጋ በኋላ ልጇን በሰላም አግኝታለች።

🕔 የታሪኩ መነሻ

ታሪኩ የጀመረው ከሦስት አስርተ ዓመታት በፊት ማኦ ዪን የተባለው ህፃን ከአባቱ ጋር ከትምህርት ቤት ሲመለስ በታጠቁ ሰዎች ተጠልፎ ሲወሰድ ነበር። እናት ሊ ጂንግዢ ልጇን ለማግኘት ስራዋን ጭምር በመተው በቻይና ግዛቶች ሁሉ ፍለጋዋን ጀመረች።
የፍለጋው ሂደትና ማህበራዊ አበርክቶ
ሊ ጂንግዢ ባለፉት ዓመታት ያላደረገችው ጥረት አልነበረም፦

* በሺዎች የሚቆጠሩ የጥቆማ ወረቀቶችን በትናለች።
* በተለያዩ የሚዲያ አማራጮች ተማጽኖዋን አቅርባለች።
* ልጇን ስትፈልግ በነበረበት ጉዞ፣ በጠለፋ የተወሰዱ 29 ሌሎች ህፃናት ከቤተሰቦቻቸው ጋር እንዲገናኙ መንገድ በመጥረግ ለብዙዎች የብርሃን ምንጭ ሆናለች።

💻 የቴክኖሎጂው እገዛ

ለዓመታት ያልተቋረጠው ፍለጋ እልባት ያገኘው በዘመናዊው የፊት ገጽታ መለያ ቴክኖሎጂ (Facial Recognition) አማካኝነት ነው። ፖሊስ ባደረገው ከፍተኛ ክትትል፣ በሌላ ከተማ "ጉ ኒንግኒንግ" በሚል ስም በሌላ ቤተሰብ ውስጥ ያደገውን ወጣት በማግኘት የዲኤንኤ (DNA) ምርመራ አደረገ። ውጤቱም ወጣቱ ከ32 ዓመታት በፊት የጠፋው ማኦ ዪን መሆኑን በይፋ አረጋገጠ።

የልጅ እና እናት ዳግም መገናኘት

ዛሬ በ34 ዓመቱ ላይ የሚገኘው ማኦ ዪን፣ ከእናቱ ጋር ሲገናኝ የታየው ስሜታዊ ትዕይንት መላውን ዓለም ያስለቀሰ ነበር። ወጣቱ የቀሪ ህይወቱን ዘመን ከወላጅ እናቱ ጋር ለማሳለፍ ወስኖ ወደ ቤቱ ተመልሷል። የሊ ጂንግዢ ታሪክ የእናትነት ጽናትና ተስፋ አለመቁረጥ ምን ያህል ታላቅ ውጤት እንደሚያመጣ ለዓለም ህዝብ ትልቅ ትምህርት ሰጥቷል።

Getu Temesgen - (ጌጡ ተመስገን)
#የእናት_ፍቅር #ቻይና #ተስፋ #ሰብአዊ_ታሪክ #ቴክኖሎጂ #ሊ_ጂንግዢ

በኢንግሊዝ አንዲትን አረጋዊት ደፍሮ በመግደል የሸሸው ግለሰብ ከ58 ዓመታት በኋላ ተይዞ የተፈረደበት ሰው ታሪክን እንጋራቹ;

​በእንግሊዝ፣ ብሪስቶል ውስጥ የምትኖር የ75 ዓመቷ ሉዊዛ ደን በ1967 ዓ.ም በቤቷ ውስጥ ተደፍራና ተገድላ ተገኘች። በወቅቱ ጥቃቱን የፈጸመው አካል ሊገኝ አልቻለም ነበር። ብቸኛው ተጨባጭ ማስረጃ ከአንድም ሰው ጋር ያልተገጣጠመ የመዳፍ አሻራ በመሆኑ መዝገቡ ተዘግቶ ቆይቷል።

​እ.ኤ.አ. በሰኔ 2023፣ ያልተፈቱ የወንጀል መዝገቦችን የምትመረምረው ጆ ስሚዝ (Jo Smith) ይህንን ጉዳይ አገኘችው።

በማህደር ክፍል ውስጥ ተረስተው የተቀመጡ የማስረጃ ሳጥኖችን በመፈተሽ፣ ማስረጃዎቹ በዘመናዊ የፎረንሲክ ዘዴዎች በድጋሚ እንዲመረመሩ አደረገች።

​ከስምንት ወራት በኋላ፣ ከሉዊዛ ደን ቀሚስ ላይ በተገኘው የDNA ምርመራ አማካኝነት በብሔራዊ የመረጃ ቋት ውስጥ ካለ መረጃ ጋር የሚመሳሰል ውጤት ተገኘ።

ተጠርጣሪው የ92 ዓመቱ ራይላንድ ሄድሊ በህይወት እንዳለ ተረጋገጠ። ሄድሊ ቀደም ሲልም በአረጋውያን ሴቶች ላይ ተመሳሳይ የጾታ ጥቃት የመፈጸም ታሪክ እንደነበረው ታወቀ።

​ከአስራ አንድ ሳምንታት በኋላ ሄድሊ በቁጥጥር ስር ዋለ። እ.ኤ.አ. በሰኔ 2024 ጥፋተኛ ሆኖ በመገኘቱ የዕድሜ ልክ እስራት ተፈረደበት። ይህ መዝገብ በአገሪቱ ታሪክ ውስጥ ረጅሙን ጊዜ የፈጀ የወንጀል ምርመራ በመሆን ተመዝግቧል። መርማሪ ስሚዝ ሲናገሩ፦ "ለፍትህ የቀጠሮ ገደብ እንደሌለው አሳይተናል" ብለዋል።

መረጃ ‼️

በአማራ ክልል ያለውን ግጭት በሰላማዊ መንገድ ለመቋጨት ጥረት እያደረኩ ነው ሲሉ የክልሉ መንግሥት አስታወቀ፡፡

የአማራ ክልል መንግሥት ኮሙኒኬሽ ቢሮ ኃላፊ መንገሻ ፈንታው (ዶ/ር) ለጋዜጣ ፕላስ እንደተናገሩት፤ በክልሉ ያለውን ግጭት ለማስቆም በርካታ ስራዎች እየተሰሩ ነው ብለዋል።

በክልሉ ያለው ግጭት ሀብት፤ ንብረትና የሰው ነፍስ ላይ ውድመት እያደረሰ ነው፤ ግጭቱ እያደረሰ ያለውን ውድመት በማስቆም የተጀመሩ የልማት ፕሮጀክቶችን ለማጠናቀቅ ግጭቱን በድርድር ለመፍታት እየተደረገ ያለው ጥረት ተጠናክሮ ቀጥሏል ብለዋል፡፡

ግጭቱን በድርድር ለማስቆም እየተሰራ ያለው ስራ አሁንም ተጠናክሮ ቀጥሏል ሲሉ ተናግረዋል፡፡

በክልሉ ያለውን ግጭት በሰላማዊ መንገድ ለመቋጨት አመራሩን ከላይ እስከ ታች ድረስ የማደራጀት፤ የጸጥታ ኃይሉ ላይ ሪፎርም የመስራት፤ የሰላም ጥሪ የማድረግ ስራዎች መሰራታቸውን ተናግረዋል።(adnafta)

seledadotio
seledadotio

https://www.youtube.com/li...

ሲቲ ስካን (CT Scans) ከዚህ ቀደም ከታሰበው በላይ ብዙ የካንሰር በሽታዎችን ሊያስከትል ይችላል ተባለ
የሲቲ ስካን (CT Scans) ምርመራዎች ከዚህ ቀደም ከታሰበው በላይ ለብዙ የካንሰር በሽታዎች መንስኤ ሊሆኑ እንደሚችሉ የህክምና ባለሙያዎች እና የሳይንስ ጥናቶች እየጠቆሙ ነው።

የሲቲ ስካን በሚጠቀምበት ከፍተኛ መጠን ያለው የጨረር (radiation) መጠን ምክንያት፣ ይህ የጤና ስጋት ሊፈጥር እንደሚችል እየተነገረ ነው።

የሲቲ ስካን ምርመራዎች የሰውነትን የውስጥ ክፍል በዝርዝር ለመመልከት የሚያስችል ዘመናዊ የህክምና መሳሪያ ነው። ሆኖም ይህ መሳሪያ የአቶም ቅንጣቶችን የሚከፋፍል (ionizing radiation) ጨረር ይጠቀማል ነው የተባለው።

ይህ ጨረር የሕዋሶችን ዲኤንኤ (DNA) ሊጎዳ ስለሚችል፣ በጊዜ ሂደት የካንሰር ሕዋሳት እንዲፈጠሩ ሊያደርግ ይችላል ተብሏል።

የካንሰር ተጋላጭነቱ በተለይ ህጻናት እና ተደጋጋሚ ምርመራ የሚያደርጉ ሰዎች ላይ የጎላ ሊሆን እንደሚችል ተመላክቷል።

የህጻናት ሕዋሳት ገና በማደግ ላይ ስለሆኑ ለጨረር የበለጠ ስሜታዊ ናቸው የተባለ ሲሆን ከህጻንነታቸው ጀምሮ ረጅም እድሜ ስለሚኖራቸው ለካንሰር የመጋለጥ እድላቸው ከፍ ያለ ነው ተብሏል።

ተደጋጋሚ ምርመራ የሚያደርጉ ሰዎች በበኩላቸው ሥር የሰደዱ በሽታዎች ያሏቸው እና ብዙ ጊዜ የሲቲ ስካን ምርመራ የሚያስፈልጋቸው ሰዎች የጨረር መጠናቸው እየጨመረ ስለሚሄድ ተጋላጭነታቸው ከፍ ይላል ነው የተባለው።

የህክምና ባለሙያዎች እንደሚናገሩት፣ በሲቲ ስካን ምክንያት የሚፈጠር የካንሰር ስጋት ዝቅተኛ ነው። ነገር ግን የምርመራው አጠቃቀም በዓለም ዙሪያ እየጨመረ በመምጣቱ፣ በጥቅሉ ሲታይ ለብዙ የካንሰር ጉዳዮች መንስኤ ሊሆን እንደሚችል ጥናቶች አመላክተዋል።

የሲቲ ስካን ምርመራ የአደጋ ጊዜ ህክምናዎችን፣ የካንሰርን አይነትና ደረጃን ለመለየት፣ እንዲሁም ሌሎች ከባድ የጤና ችግሮችን ለመመርመር ወሳኝ እና ጠቃሚ መሳሪያ ነው። የህክምና ባለሙያዎች ይህንን ጥቅም እና ሊያስከትል የሚችለውን ስጋት በማመዛዘን፣ ምርመራውን አስፈላጊ ሲሆን ብቻ መጠቀም እንዳለባቸው ይመክራሉ።

ለታካሚው ደህንነት ሲባልም፣ ዝቅተኛ የጨረር መጠን የሚጠቀሙ ዘዴዎችን መጠቀም ተገቢ መሆኑንም ያሳስባሉ።

በመሆኑም፣ "የሲቲ ስካን ከዚህ ቀደም ከታሰበው በላይ ብዙ የካንሰር በሽታዎችን ሊያስከትል ይችላል" የሚለው መረጃ በህክምና ማህበረሰብ ውስጥ በሰፊው የሚነገር እና ቀጣይነት ያለው የጥናት ርዕስ ነው ተብሏል።
Seledadotio
Seledadotio

የደበበ እስጢፋኖስ ከዲቁና እስከ ቅስና ያለው
ስልጣነ ክህነት መሻሩን ብፁዕ አቡነ ፋኑኤል አስታወቁ ።
#ethiopia | የዋሽንግተን ዲሲና አካባቢው ሀገረ ስብከት ሊቀ ጳጳስ ብፁዕ
አቡነ ፋኑኤል ሐምሌ 7ቀን 2017 ዓ/ም በቁጥር ሀ/ስ/053/17 በጻፉት ደብዳቤ የደበበ እስጢፋኖስን ከዲቁና እስከ ቅስና ያላቸውን ሥልጣነ ክህነት መሻራቸውን አስታወቁ።

ብፁዕነታቸው በደብዳቤያቸው እንደገለጹት ሰኔ 23,2017 ዓ.ም በቁጥር ሀ/ስ/050/17 በተጻፈ ደብዳቤ ደበበ እስጢፋኖስ ክብረ ክህነትን በሚያጎድፍ ድርጊት ስለተጠረጠሩ ጉዳዩ እስኪጣራ እንዲሁም ለጉዳዩ ትኩረት ሰጥተው አስፈላጊውን የዘረመል (DNA) ምርመራ አድርገው ነገሩ እስኪረጋገጥ ድረስ ስልጣነ ክህነታቸው ቀደም ሲል ተይዞ እንደነበር አስታውሰዋል።

ይሁን እንጂ ደበበ እስጢፋኖስ የእግድ ደብዳቤውን ወደ ጎን በመተው በንቀትና በድፍረት ቀኖና ቤተ ክርስቲያንን ጥሰዋል።
ያሉት ብፁዕነታቸው በፍትሀ ነገሥት አንቀጽ 6 ቁ.228”ቄስ ወይም ዲያቆን ኤጴስ ቆጶሱን ቢንቀው ብቻውን ቤተ መቅደስ ቢሰራ እርሱ ከማዕረጉ ይሻር ተከታዮቹም ይሻሩ በሚለው ድንጋጌ እና ” በፍት.አን.6 ቁ.227”በታወቀች ኃጢአት በእርግጥ የተሻረ ቄስ ወይም ዲያቆን ቢኖር ከዚህም በኋላ ቀድሞ ሳይሻር በሰሞኑ ወራት ይሠራው የነበረውን የአገልግሎት ሥራ ተደፋፍሮ ቢሠራ ከቤተ ክርስቲያን ፈጽሞ ይለይ ሥራውንም እያወቀ ከርሱ ጋር አንድ የሆነ ሁሉ ይሻር” በሚለው ሕግ መሠረት ለሕግ ተገዢ ባለመሆናቸው እንዲሁም ክህነታቸው መያዙን እያወቁ በዕለተ ሰንበት ሰኔ 29 ቀን እንዲሁም ሐምሌ 6 ቀን 2017 ዓ.ም በድፍረትና በማን አለብኝነት ቀድሰው በማቁረብ ቀኖና ቤተክርስቲያንን መሻራቸውን ብፁዕነታቸው በደብዳቤያቸው ገልጸዋል።

ስለዚህ ከዲቁና እስከ ቅስና ያላቸው ክህነት የተሻረ መሆኑን የገለጹት ብፁዕነታቸው ከደበበ እስጢፋኖስ ጋር አብሮ የሚቀድስ ዲያቆንም ሆነ ቄስ በቀኖናው መሠረት ከክህነቱ የሚሻር መሆኑን ገልጸው ምእመናንም በቤተ ክርስቲያን ክህነቱ ከተሻረ ጋር ሕብረት ካደረጉ የሚወገዙና ከምእመናን አንድነት የሚለዩ መሆኑን ከወዲሁ እናሳውቃለን።ብለዋል።

አጥቢያ አብያተ ክርስቲያናትም ይህንን ቀኖናዊ ውሳኔ
አክብረው እንዲሰሩ በጥብቅ እናሳሰባለን። በማለት የገለጹት ብፁዕነታቸው የደብረ ቁስቋም ቅ/ማርያም አስተዳደር፣ ካህናትና ምእመናን ስለ ቀጣዩ የቤተክርስቲያኑ አገልግሎት ምክክር ለማድረግ ወደ ሀገረ ስብከቱ መምጣት እንደሚኖርባቸው በዚሁ ደብዳቤ በግልባጭ የታዘዙ መሆኑን እናሳውቃለን።
በማለት በጥብቅ አስታውቀዋል። #eotc_pr