A name we’re proud to carry ❤️

Net profits from ManchesterUnitedFoundation shirt printing at the Megastore will support their work in Greater Manchester and beyond 👆

















A name we’re proud to carry ❤️

Net profits from ManchesterUnitedFoundation shirt printing at the Megastore will support their work in Greater Manchester and beyond 👆

ማንቸስተር ዩናይትድና ፉልሃም 1-1 ተለያዩ
#ethiopia | በ5ኛ ሳምንት የእንግሊዝ ፕሪሚየር ሊግ መርሐ ግብር ማንቸስተር ዩናይትድ ከፉልሃም ጋር 1-1 አቻ ተለያይቷል።

በክራቨን ኮቴጅ ስታዲየም በተደረገው ጨዋታ፣ ፉልሃም በ63ኛው ደቂቃ በማንቸስተር ዩናይትድ ተከላካይ ሊሳንድሮ ማርቲኔዝ በራሱ መረብ ላይ በተቆጠረች ግብ መሪነቱን ወስዷል።

ዩናይትድ ግን ጨዋታው ወደ መገባደጃው ሲደርስ በ89ኛው ደቂቃ ማቲያስ ኩኛ ባስቆጠራት ግብ ውጤቱን አመጣጥኗል።

ይህ ውጤት ማንቸስተር ዩናይትድ በአምስት የሊግ ጨዋታዎች ያስመዘገበው ሁለተኛው አቻ ውጤት ሲሆን፣ ቡድኑ በ5 ነጥቦች 12ኛ ደረጃ ላይ ተቀምጧል።

ፉልሃም በበኩሉ በውድድር ዓመቱ ለሁለተኛ ጊዜ አቻ ውጤት ያስመዘገበ ሲሆን፣ በ1 ነጥብ 19ኛ ደረጃ ላይ ይገኛል።
#epl #premierleague #manchesterunited #fulham #matchday #football #sports #ebc

በእንግሊዝ ካራባዎ ዋንጫ ማንቸስተር ሲቲ ኖርዊች ሲቲን 5 ለ 0 በማሸነፍ ወደ 4ኛው ዙር አለፈ
************************

በእንግሊዝ ካራባዎ ዋንጫ 3ኛ ዙር ጨዋታ ማንቸስተር ሲቲ በኢቲሀድ ስታዲየም ኖርዊች ሲቲን አስተናግዶ 5 ለ 0 በሆነ ሰፊ ውጤት በማሸነፍ ወደ ተከታዩ ዙር አልፏል።

የማንቸስተር ሲቲን የማሸነፊያ ግቦች ፍሎይድ ሳምባ (ሁለት)፣ ሪያን ቸርኪ፣ አለን ኤልያስ እና ማካይዶ ከመረብ አሳርፈዋል።

በጨዋታው ላይ ሪያን አይት-ኑሪ ሁለት ለግብ የሚሆኑ ኳሶችን አመቻችቶ አቀብሏል።

ይህንን ድል ተከትሎ ማንቸስተር ሲቲ በውድድሩ 4ኛ ዙር ከብራይተን ጋር የሚገናኝ ይሆናል።
#eflcup #carabaocup #manchesterunited #norwich #football #sports #ebc

የቡሩኖ ማለያ የጨረታ ገበያውን ተቆጣጠረ!
#ethiopia | የብሩኖ ፈርናንዴዝ ታሪካዊ ማሊያ በ22,549 ፓውንድ በጨረታ ተሸጠ።

ማንችስተር ዩናይትድ ኢፕስዊች ታውንን 5 ለ 2 በረታበት ጨዋታ ላይ የቡድኑ አምበል ብሩኖ ፈርናንዴዝ ሀትሪክ መስራት መቻሉ ይታወሳል።

የፖርቱጋላዊው አማካይ በዚህ ድንቅ ጨዋታ ላይ አድርጎት የተጫወተው እና ፊርማውን ያረፈበት ማሊያ በተካሄደ የጨረታ መርሃ ግብር በከፍተኛ ዋጋ ተሸጧል።

በጨረታው የመጨረሻ ዋጋ መሰረት ማሊያው በ22,549 ፓውንድ ወይም አሁን ባለው የምንዛሬ ዋጋ በኢትዮጵያ ብር ከ3.6 ሚሊዮን በላይ በሆነ ዋጋ ተሽጧል።

በመደበኛ ሁኔታ የማንችስተር ዩናይትድ ተጫዋቾች ለበጎ አድራጎትና ለጨረታ የሚያቀርቧቸው ማሊያዎች በአማካይ እስከ 1,000 ፓውንድ አካባቢ እንደሚሸጡ ይታወቃል።

ነገር ግን የፖርቱጋላዊው ማሊያ ይህንን መደበኛ ሪከርድ መስበር ችሏል።

ይህም የውድድር ዓመቱ የመስከረም ወር በጨረታ ገበያው ላይ ከተመዘገቡ ከፍተኛ የሸያጭ ዋጋዎች በግንባር ቀደምትነት እንዲቀመጥ አድርጎታል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #brunofernandes #manchesterunited #mufc #ipswichtown #premierleague #footballnews

199ኛው የማንቹሪያን ደርቢ - ማንቸስተር ዩናይትድ ከ ማንቸስተር ሲቲ
************************

በእንግሊዝ እግር ኳስ ካሉ የደርቢ ጨዋታዎች አንዱ የሆነው፣ በቅርብ ዓመታት በማንቸስተር ሲቲ ተደጋጋሚ ውጤታማነት እና በማንቸስተር ዩናይትድ ከሊጉ ኃያልነት ማፈግፈግ የተለየ መልክ እየያዘ የመጣው የከተማ ተቀናቃኞቹ ክለቦች የሚያደርጉት ጨዋታ ምሽት 12፡30 በኦልድ ትራፎርድ ይደረጋል።

ባለፈው የውድድር ዓመት ጥር ወር ላይ ማንቸስተር ዩናይትድ ያጋጠመውን የውጤት ማሽቆልቆል ተከትሎ የተሰናበቱትን ሩበን አሞሪምን በመተካት ጊዜያዊ አሰልጣኝነቱን የተረከበው ማይክል ካሪክ፣ ቡድኑን ወደ አውሮፓ መድረክ የመለሰውን ውጤታማ መንገድ የጀመረው በዚሁ የደርቢ ጨዋታ በሙሉ የበላይነት 2 ለ 0 በማሸነፍ ነበር። ይኸው ከ33 ወራት በኋላ ወደ አውሮፓ መድረክ የመለሳቸው መንገድ፣ ባሳለፍነው ሐሙስ በአዘርባጃኑ ሳባህ ላይ ባገኙት የ4 ለ 0 ድል ጀምሯል።

የሦስቱ ሳምንታት የፕሪሚየር ሊግ ቆይታው ግን በውጤት ረገድ ወጥነት የጎደለው ነበር። በደረጃ ሰንጠረዡ አራት ነጥብ በመያዝ 11ኛ ላይ ነው የተቀመጠው። ይህ ውጤት ግን የግብ ዕድሎችን በመፍጠር ከሁሉም የሊጉ ክለቦች ልቆ እንዲቀመጥ ያደረገውን ቁጥራዊ መረጃ የሚገልፅ አይደለም። በሦስቱ ሳምንታት ጨዋታዎች 68 የግብ እድሎችን ሲፈጥር፣ ከነዛ ውስጥ 19 የሚሆኑት ዒላማቸውን የጠበቁ ናቸው።

በአዲሱ የውድድር ዓመት ሦስቱንም የመጀመሪያ ጨዋታዎች ያሸነፉት ማንቸስተር ሲቲ እና አርሰናል ብቻ ናቸው። ሲቲዎች በመጀመሪያው የአውሮፓ ሻምፒዮንስ ሊግ ጨዋታቸውም ወደ ፖርቹጋል ተጉዘው ፖርቶን 2 ለ 0 የረቱበት ሌላኛው ለዚህ ጨዋታ ስንቅ የሚሆናቸው ውጤት ነው።

እያንዳንዳቸው ሦስት ግቦች ያስቆጠሩት ኤርሊንግ ሃላንድ እና ብሩኖ ፈርናንዴዝ በዚህ ጨዋታም በልዩነት ፈጣሪነት ከሚጠበቁ ተጫዋቾች ቀዳሚዎቹ ናቸው። በተለይ ኤርሊንግ ሃላንድ በ8 ግቦች ከሙሐመድ ሳላህና አለን ሺረር በመቀጠል ዩናይትድ ላይ በርካታ ግብ ያስቆጠረ ሦስተኛው ተጫዋች ነው።

በዩናይትድ የፊት መስመር በተከታታይ ግብ ካስቆጠረው ቤንጃሚን ሼሽኮ በተጨማሪ፣ ብሪያን እምቡሞ እና በዩናይትድም በአስቶንቪላም መለያ ሲቲ ላይ ግብ የማስቆጠር ልምድ ያለው ማርከስ ራሽፎርድ ሌላኛዎቹ የልዩነት ምንጭ እንደሚሆኑ የሚጠበቁ ተጫዋቾች ናቸው።

ማንቸስተር ዩናይትድ በቅርቦቹ የማንቹሪያን ደርቢ ጨዋታዎች የበላይነት አለው። ካለፉት አራት ጨዋታዎች በሁለቱ አሸንፎ፣ በአንዱ አቻ ወጥቷል።

አማድ ዲያሎ፣ ካርሎስ ባሌባ እና ማኑኤል ኡጋርቴ ጉዳት ከማንቸስተር ዩናይትድ ስብስብ ውጪ ያደረጋቸው ተጫዋቾች ሲሆኑ፣ የሉክ ሾውም ለጨዋታው ብቁ መሆን ገና አልተረጋገጠም። በሲቲ በኩል ኒኮ ኦራይሊ ለጨዋታው ብቁ እንደሆነ፣ ጄረሚ ዶኩ ግን ተጨማሪ የማገገሚያ ጊዜ እንደሚያስፈልገው አሰልጣኝ ኤንዞ ማሬስካ ተናግረዋል።

የኤርሊንግ ሃላንድ እና ፊል ፎደን ሁለት ሃትሪኮች ማንቸስተር ሲቲን 6 ለ 3 አሸናፊ ያደረጉበት፣ የማሪዮ ባሎቴሊ ትዕይንት፣ በ2009 የማይክል ኦውን የሽርፍራፊ ሴኮንዶች ድራማ፣ የዌይን ሩኒ የመቀስ ምት ግብ እና ሌሎችም ብዙ ትዝታዎች ያሉት ማንቹሪያን ደርቢ ዛሬም ሌላ የታሪክ አጋጣሚን ይዞ እንደሚመለስ ይጠበቃል።

ቀን 10፡00 ሰዓት በደረጃ ሰንጠረዡ ግርጌ 20ኛ ላይ የሚገኘው አዲስ አዳጊው ኮቨንትሪ ሲቲ ከብራይተን የሚያደርጉትም ከ4ኛ ሳምንት የሊጉ መርሐ ግብር ማጠቃለያ ጨዋታዎች አንዱ ነው።
#epl #premierleague #manchesterunited #manchestercityfc #matchday #football #sports #ebc

በአውሮፓ ሻምፒዮንስ ሊግ ማንቸስተር ዩናይትድ ሳባህን 4 ለ 0 አሸነፈ
*********************

በ2026/27 የአውሮፓ ሻምፒዮንስ ሊግ የመጀመሪያ ሳምንት ሦስተኛ ቀን በኦልድ ትራፎርድ የአዘርባጃኑን ሳባህ ያስተናገደው ማንቸስተር ዩናይትድ 4 ለ 0 በሆነ ውጤት አሸንፏል።

ከ2023 የውድድር ዓመት ወዲህ፣ ከ33 ወራት ቆይታ በኋላ የመጀመሪያ የአውሮፓ ሻምፒዮንስ ሊግ ጨዋታውን ላደረገው ማንቸስተር ዩናይትድ የማሸነፊያዎቹን ግቦች ማቲያስ ኩኛ፣ ብሩኖ ፈርናንዴዝ እና ቤንጃሚን ሼሽኮ በመጀመሪያው አጋማሽ ሲያስቆጥሩ፤ በሁለተኛው አጋማሽ ሊሳንድሮ ማርቲኔዝ ቀሪዋን ግብ ከመረብ አሳርፏል።

ባየር ሙኒክ የኖርዌዩን ቦዶ ግሊምት አስተናግዶ በጀማል ሙሲያላ፣ ሃሪ ኬን፣ አልፎንሶ ዴቪስ እና ማይክል ኦሊሴ(2) ግቦች 5 ለ 0 አሸንፏል።

የመጀመሪያ የአውሮፓ ሻምፒዮንስ ሊግ ተሳትፎውን እያደረገ የሚገኘው፣ በሴስክ ፋብሪጋስ የሚመራው የጣሊያኑ ኮሞ የጀርመኑን አርቢ ሌይፕዢግን 4 ለ 1 ረቷል።

የስሎቫኪያው ክለብ ስላቪያ ፕራግ በፈረንሳዩ ሌንስ 3 ለ 2 የተረታበት ሌላኛው ከደቂቃዎች በፊት የተጠናቀቀ መርሐ-ግብር ነው።

ቀደም ብለው ፌነርባቼ ከ ሮማ እንዲሁም ሻካታር ዶኔስክ ከ ፒኤስቪ አይንድሆቨን ያደረጓቸው ጨዋታዎች በተመሳሳይ 1 ለ 1 በሆነ አቻ ውጤት ተጠናቅቀዋል።
#uefa #uefachampionsleague #manchesterunited #bayernmunich #sabahfk #asroma #como1907 #matchday #football #sports #ebc

ማንቸስተር ዩናይትድ ወደ ፕላን ቢ? #manchesterunited #sports

ማንቸስተር ዩናይትድ ከ ኢፕስዊች ታውን እና ቼልሲ ከ ብራይተን - የእንግሊዝ ፕሪሚየር ሊግ ሁለተኛ ሳምንት ጨዋታዎች
***************************

በእንግሊዝ ፕሪሚየር ሊግ ሁለተኛ ሳምንት መርሐ ግብር ማንቸስተር ዩናይትድ አዲስ አዳጊውን ኢፕስዊች ታውንን ምሽት 12፡30 ላይ በኦልድ ትራፎርድ ያስተናግዳል።

በመጀመሪያው ሳምንት በሌላኛው አዲስ አዳጊ ቡድን ሀል ሲቲ 2 ለ 0 የተሸነፉት በአሰልጣኝ ማይክል ካሪክ የሚመሩት ማንቸስተር ዩናይትዶች፣ በሜዳቸው ከኢፕስዊች ጋር ባደረጓቸው ያለፉት ስምንት ጨዋታዎች አለመሸነፋቸው ለአሸናፊነት ግምት እንዲሰጣቸው አድርጓል፡፡

ኢፕስዊች ታውን በመጀመሪያው የሊጉ ጨዋታ ሰንደርላንድን 2 ለ 1 በማሸነፍ ነው የውድድር ዓመቱን የጀመረው፡፡

በጨዋታው በማንቸስተር ዩናይትድ በኩል ማርከስ ራሽፎርድ ወደ መጀመሪያ አሰላለፍ ይመለሳል ተብሎ የሚጠበቅ ሲሆን፣ አማድ ዲያሎ እና አዲሱ ፈራሚው ካርሎስ ባሌባ ግን በጉዳት ምክንያት ከጨዋታው ውጭ ናቸው። በኢፕስዊች በኩል አዲስ የተጫዋች ጉዳት ዜና የለም።

ከዚህ ጨዋታ በፊት ቀን 10፡00 ሰዓት ላይ በአሰልጣኝ ዣቢ አሎንሶ ስር አዲስ ምዕራፍ የጀመረው ቼልሲ፣ በፕሪሚየር ሊጉ መክፈቻ እና በሊግ ካፕ ያገኘውን ተከታታይ ድል ለማስቀጠል ብራይተንን በስታምፎርድ ብሪጅ ያስተናግዳል።

ባለፈው የውድድር ዘመን በሜዳው 3 ለ 1 የተረታበትን ጨምሮ ቼልሲ በሁሉም ውድድሮች ከብራይተን ጋር በደረጋቸው ያለፉት አራት ጨዋታዎች መሸነፉን ተከትሎ ዛሬም ቀላል ፈተና እንደማይገጥመው ይጠበቃል።

በአሰልጣኝ ፋቢያን ሀልዝለር የሚመራው ብራይተን፣ በመጀመሪያው የሊግ ጨዋታ አስቶን ቪላን 4 ለ 0 በመርታት እና በኮንፈረንስ ሊግ ማጣሪያ ድል በማስመዝገብ ጥሩ ጅማሮ አድርጓል።

በቼልሲ በኩል ሞይሰስ ካይሴዶ ከጉዳት አገግሞ ወደ ልምምድ ቢመለስም በጨዋታው የመሰለፉ ጉዳይ አጠራጣሪ ሲሆን፣ ተከላካዩ ዌስሊ ፎፋና ከቅጣት ተመልሶ ለጨዋታ ዝግጁ ይሆናል ተብሎ ይጠበቃል።

በብራይተን በኩል ጃክ ሂንሼልውድ እና ጆርጂኒዮ ሩተር ለጨዋታው መድረሳቸው አልተረጋገጠም፤ እንደ ሚቶማ እና ኢቫን ፈርጉሰን ያሉ ተጫዋቾች ደግሞ በረጅም ጊዜ ጉዳት ምክንያት ከጨዋታው ውጪ ናቸው።

ዛሬ በተመሳሳይ ቀን 10:00 ሰዓት ሊድስ ዩናይትድ ከብሬንትፎርድ እና ሰንደርላንድ ከፉልሃም ጨዋታቸውን ያከናውናሉ፡፡

በዘረንቶስ ሰለሞን
#epl #premierleague #manchesterunited #arsenal #football #sports #ebc

የማንቸስተር ዩናይትድ የዝውውር መስኮት ተሳትፎ
****************

ማንቸስተር ዩናይትድ አዲሱን የውድድር ዓመት በሽንፈት ይጀምር እንጂ፣ ካለፈው የውድድር ዓመት አጋማሽ በኋላ ቡድኑን በተረከበው ማይክል ካሪክ ስር ያሳየው ለውጥ በአዲሱ የውድድር ዓመት ብዙ እንዲጠበቅበት ያደረገ ሆኗል።

ከአንጋፋው አሰልጣኝ ሰር አሌክስ ፈርጉሰን ስንብት በኋላ ለአስራ ሦስት ዓመታት ወደራቀበት የእንግሊዝ ፕሪሚየር ሊግ ሻምፒዮንነት መመለስ፣ ብሎም በአውሮፓ መድረክ ጠንካራ ተፎካካሪ መሆን በአዲሱ የውድድር ዓመት የማንቸስተር ዩናይትድ ውጥኖች ናቸው።

ዩናይትድ በዝውውር መስኮቱ በአመዛኙ የመሀል ክፍሉን በማጠናከሩ ላይ ነው ትኩረት ያደረገው። አንድሬ ሳንቶስ ከቼልሲ፣ ዮሪ ቴሌማንስ ከአስቶንቪላ እንዲሁም ካርሎስ ባሌባ ከብራይተን፤ በማንቸስተር ዩናይትድ የዝውውር እንቅስቃሴ ወስጥ ጉልህ ስፍራ የሚሰጣቸው ዝውውሮች ሆነዋል።

በአንፃሩ ካሰሚሮን ጨምሮ በርካታ ተጫዋቾቻቸውን በውሰትና በቋሚ ዝውውር አሳልፈው ሰጥተዋል። የማንቸስተር ዩናይትድን የቅርብ ዓመታት ውጤት አልባ መንገድ መቀየርና የቀደመ ታሪኩን የሚመጥን የስኬት ጎዳና ላይ መገኘት የማይክል ካሪክ ስብስብ እቅድ ነው። ማንቸስተር ዩናይትድ በ2ኛ ሳምንት የፕሪሚየር ሊግ ጨዋታ ነገ ምሽት 12፡30 ሰዓት በኦልድትራፎርድ ኢፕስዊች ታውንን ያስተናግዳል።

የማንቸስተር ዩናይትድ የዝውውር ተሳትፎ የፕሪሚየር ሊግ ሻምፒዮንነትን ጨምሮ ቡድኑን አጠናክሮ ወደ ውጤታማነት ይመራዋል ብላችሁ ታስባላችሁ? ሃሳባችሁን አጋሩን።
#manchesterunited #epl #premierleague #football #sports #ebc Ethiopian Broadcasting Corporation

የ2026/27 የአውሮፓ ሻምፒዮንስ ሊግ የጨዋታ ድልድል ይፋ ተደረገ
#ethiopia | የ2026/27 የአውሮፓ ሻምፒዮንስ ሊግ ውድድር የጨዋታ ድልድል በዛሬው ዕለት በሞናኮ ይፋ ሆኗል። እንደ መርሃ ግብሩ ገለጻ ውድድሩ በጳጉሜን 3 ቀን 2018 ዓ.ም የሚጀመር ይሆናል።

የአውሮፓ እግር ኳስ ማህበር ከ2016 ዓ.ም የውድድር ዘመን ጀምሮ የቀደመውን የምድብ ድልድል አሰራር በመቀየር 36 ክለቦች በ 4 ቋቶች ተከፋፍለው የሚወዳደሩበትን የሊግ ደረጃ አዲስ ፎርማት መተግበሩ ይታወቃል።

በዚህም መሰረት በዘመነኛው ውድድር የተካተቱት 36 ክለቦች በእያንዳንዱ ቋት 9 ቡድኖች እንዲይዙ ተደርገው ተከፋፍለዋል።

በቋት አንድ ውስጥ የወቅቱ ሻምፒዮን ፒኤስጂን ጨምሮ ሪያል ማድሪድ፣ ባየር ሙኒክ፣ ማንችስተር ሲቲ፣ አርሰናል፣ ባርሴሎና፣ ኢንተር ሚላን፣ ሊቨርፑል እና አትሌቲኮ ማድሪድ ተካተዋል።

በቋት ሁለት ደግሞ ቦሩሲያ ዶርትሙንድ፣ ሮማ፣ ስፖርቲንግ ሊዝበን፣ አስቶንቪላ፣ ፖርቶ፣ ማንችስተር ዩናይትድ፣ ክለብ ብሩዥ፣ ሪያል ቤቲስ እና ፒኤስቪ አይንድሆቨን ይገኛሉ።

በቋት ሶስት ላይፕዚግ፣ ቪያሪያል፣ ናፖሊ፣ ሊል፣ ፌይኖርድ ሮተርዳም፣ ቦዶ ግሊምት፣ ፊነርባቼ፣ ሻክታር ዶኔስክ እና ጋላታሳራይ ተደልድለዋል።

በቋት አራት ስቱትጋርት፣ ሌንስ፣ ስላቪያ ፕራግ፣ ስሎቫን ብራቲስላቫ፣ ኤኢኬ አቴንስ፣ ላስክ፣ ኮሞ፣ ቫይኪንግ እና ሳባህ ተመድበዋል።

በአዲሱ አሰራር መሰረት አንድ ክለብ ከራሱ ቋት ከተካተቱ ሁለት ቡድኖች እንዲሁም ከቀሪዎቹ ሶስት ቋቶች ከእያንዳንዳቸው ከሁለት ክለቦች ጋር የሚጫወት በመሆኑ በጠቅላላው 8 ጨዋታዎችን ያደርጋል።

በሊግ ደረጃ ከሚወዳደሩት 36 ክለቦች መካከል በ 8 ጨዋታዎች ከፍተኛ ነጥብ የሚያስመዘግቡ የመጀመሪያዎቹ 8 ቡድኖች በቀጥታ ወደ 16ቱ ጥሎ ማለፍ ዙር ያልፋሉ።

ከ 9ኛ እስከ 24ኛ ደረጃ የሚይዙት ደግሞ በሁለት ዙር የማጣሪያ ጨዋታዎች ተወዳድረው ቀሪዎቹን 8 የጥሎ ማለፍ ቦታዎች ይይዛሉ። ከጥሎ ማለፉ ዙር ጀምሮ ያለው የጨዋታ ፎርማት ከዚህ ቀደም ይተገበር ከነበረው ጋር ተመሳሳይ ነው።

በመጀመሪያው ሳምንት ከሚጠበቁ Select Item ጨዋታዎች መካከል ሪያል ማድሪድ ከአርሰናል፣ ማንቸስተር ሲቲ ከባርሴሎና፣ ማንቸስተር ዩናይትድ ከባየር ሙኒክ፣ ባርሴሎና ከፒኤስጂ እና ሊቨርፑል ከአትሌቲኮ ማድሪድ የሚያደርጓቸው ተጠቃሽ ናቸው።

የጣሊያኑ ኮሞ እና የአዘርባጃኑ ሳባህ በታሪካቸው ለመጀመሪያ ጊዜ በሻምፒዮንስ ሊጉ የሚሳተፉ ይሆናል።
#championsleague #ucl #uefa #football #sports #soccer #europe #realmadrid #barcelona #manchesterunited #arsenal #getutemesgen #getu #ጌጡ #ጌጡተመስገን #addisababa

ማንቸስተር ዩናይትድ ከ ሀል ሲቲ - የእንግሊዝ ፕሪሚየር ሊግ ሁለተኛ ቀን ተጠባቂ ጨዋታ
***********************

ማንቸስተር ዩናይትድ 13 የፕሪሚየር ሊግ ዋንጫዎችን ካስገኙለት ሰር አሌክስ ፈርጉሰን ስንብት በኋላ፤ ከዋንጫው የራቀባቸውን 13 ዓመታት ማብቂያ እንዲሆን የሚያደርገውን ሌላ ሙከራ ዛሬ 8:30 ላይ ሀል ሲቲን በመግጠም የውድድር ዓመቱን ይጀምራል።

አማካይ ክፍሉን በማጠናከሩ ሂደት ላይ አተኩሮ በዝውውር መስኮቱ የተሳተፈው ዩናይትድ፣ ከቀደመው የውድድር ዓመት አጋማሽ በኋላ በማይክል ካሪክ ስር ያሳለፈውን ውጤታማ ጊዜ የማስቀጠል ውጥን ይዞ ወደ ሜዳ ይገባል።

ካሪክ ዩናይትድን በመራባቸው 17 ጨዋታዎች በ12ቱ በማሸነፍ ፣ ከሁሉም የፕሪሚየር ሊጉ ክለቦች በላቀ ሁኔታ 39 ነጥብ ነው የሰበሰበው። ለዚህም ነው ሀሪ ማጓየር “በዚህ የውድድር ዓመት 21ኛ የፕሪሚየር ሊግ ዋንጫችንን ለማንሳት አቅደናል” የሚል ሀሳብ የሰነዘረው።

ማንቸስተር ዩናይትድ ከሀል ሲቲ ጋር በፕሪሚየር ሊጉ ካደረጋቸው አስር ጨዋታዎች በስምንቱ አሸንፎ፣ በሁለት ጨዋታዎች አቻ በመውጣት ሙሉ የበላይነት አለው።

በዛሬው የኤም ኬ ኤም ስታዲየም ጨዋታ ማንቸስተር ዩናይትድ አዲስ ፈራሚዎቹን ዩሪ ቴሌማንስና አንድሬ ሳንቶስን እንደሚጠቀም ይጠበቃል።

ማቲያስ ዴሊክት በጉዳት ምክንያት እንደማይሰለፍ፣ ቤንጃሚን ሼሽኮ ወደ ልምምድ እንደተመለሰ እንዲሁም ሜሰን ማውንት በስብስቡ ውስጥ ሊካተት እንደሚችል አሰልጣኝ ማይክል ካሪክ ተናግሯል። ማርከስ ራሽፎርድም ከ18 ወራት በኋላ በሊጉ ለዩናይትድ ሊጫወት እንደሚችል ፍንጭ ሰጥቷል።

በቀደመው የውድድር ዓመት በጥቂት ርቀት ከመውረድ የተረፈውና ሳንድሮ ቶናሊን እንዲሁም ማቲየስ ፈርናንዴዝን በመሰሉ ውድ ዝውውሮች ቡድኑን ያጠናከረው ቶተንሃም ሆትስፐር ብሬንትፎርድን ምሽት 1:30 ሲል የሚገጥምበት ሌላኛው የዕለቱ ተጠባቂ መርሐ-ግብር ነው።

ኤቨርተን ከ ክሪስታል ፓላስ፣ ኢፕስዊች ታውን ከ ሰንደርላንድ እንዲሁም ኖቲንግሃም ፎረስት ከ ሊድስ ዩናይትድ ሌሎቹ የዛሬ የመጀመሪያ ሳምንት የእንግሊዝ ፕሪሚየር ሊግ ጨዋታዎች ናቸው።

ትላንት በአርሰናል የ 3 ለ 0 ድል በተጀመረው የእንግሊዝ ፕሪሚየር ሊግ፤ ዛሬስ ማንቸስተር ዩናይትድና ሌሎቹ ክለቦች ምን ሊገጥማቸው ይችላል? ግምታችሁን አጋሩን።

በእድሪስ አህመድ
#premierleague #epl #manchesterunited #hullcity #sports #football #matchday #ebcdotstream

ማንቸስተር ዩናይትድ ካርሎስ ባሌባን ለማስፈረም ከብራይተን ጋር ስምምነት ላይ ደረሰ
*****************

ማንቸስተር ዩናይትድ የብራይተኑን አማካይ ካርሎስ ባሌባን ለማስፈረም ያቀረበው ሁለተኛዉ የ70 ሚሊዮን ፓውንድ ጥያቄ በብራይተን ተቀባይነት አግኝቷል።

ማንቸስተር ዩናይትዶች ካሜሮናዊውን የ22 ዓመት ተጫዋች ወደ ኦልድትራፎርድ ለማምጣት ካሳለፍነው ዓመት ጀምሮ ሲሰሩበት እንደነበር ይታወሳል።

ካርሎስ ባሌባ በቀጣይ ቀናት የህክምና ምርመራውን በማድረግ ቀያይ ሴጣኖቹን ይቀላቀላል ተብሎ ይጠበቃል።
#manutd #premierleague #manchesterunited #sports #football #ebc

''ትልቁን ምስል መመልከት ወሳኝ ነዉ'' ሰር አሌክስ ፈርጉሰን
#alexferguson #manchesterunited

በወዳጅነት ጨዋታ ማንቸስተር ዩናይትድ እና አርሰናል በመለያ ምት ተጋጣሚዎቻቸውን አሸነፉ
**************************

በቅድመ ውድድር ዘመን የወዳጅነት መርሐ-ግብር ሊድስ ዩናይትድን የገጠመው ማንቸስተር ዩናይትድ 1 ለ 1 በሆነ አቻ ውጤት ጨዋታውን አጠናቅቋል።

ለማንቸስተር ዩናይትድ ጆሹዋ ዚርክዚ ሲያስቆጥር፣ ለሊድስ የኣቻነቷን ግብ ብሬንደን አሮንሰን ከመረብ አሳርፏል።

አሸናፊውን ለመለየት ጨዋታው ወደ መለያ ምት አምርቶ ማንቸስተር ዩናይትድ 5 ለ 4 ረቷል።

በሌላ የወዳጅነት ጨዋታ አርሰናል ኮሞ 1907ን ገጥሞ በተመሳሳይ 1 ለ 1 በሆነ ውጤት ጨዋታውን አጠናቅቋል።

ልዊስ ስኬሊ ለአርሰናል፣ ማርቲን ባቱሪና ደግሞ ለኮሞ ግቦቹን ያስቆጠሩ ተጫዋቾች ናቸው።

አሸናፊውን ለመለየት ጨዋታው ወደ መለያ ምት አምርቶ አርሰናል 4 ለ 3 አሸንፏል።
#arsenalfc #manchesterunited #leedsunited #como1907 #football #sports #ebcdotstream

ራሽፎርድ ልምምድ ሰርቷል ቀጣይስ?
#ethiopia | ማርከስ ራሽፎርድ ወደ ካሪንግተን ከተመለሰ በኋላ በካሪንግተን የመጀመርያ ልምምዱን ሰርቷል።

ተጫዋቹ ከማንችስተር ዩናይትድ ደጋፊዎች ጋርም ፎቶ ተነስቷል።

የማንችስተር ዩናይትድ አጥቂ ማርከስ ራሽፎርድ ዛሬ በካሪንግተን የስልጠና ማዕከል በመገኘት ወደ ልምምድ ተመልሷል።

ተጫዋቹ በማዕከሉ ደጃፍ ከተሰበሰቡ የክለቡ ደጋፊዎች ጋር ፎቶግራፍ በመነሳትና ፊርማ በመፈረም ሞቅ ያለ አቀባበል ተደርጎለታል።

በባርሴሎና በውሰት ያሳለፈው ቆይታ ከተጠናቀቀ በኋላ ባርሳ በቋሚነት የመግዛት አማራጩን ባለመጠቀሙ ወደ ማንቼስተር ዩናይትድ ተመልሷል።

ካሪክ እንዳረጋገጠው ራሽፎርድ ከኮቢ ማይኑ እና ሊሳንድሮ ማርቲኔዝ ጋር በመሆን ቡድኑ ወደ አየርላንድ ለሚያደርገው የቅድመ ውድድር ዘመን ስልጠና ካምፕ አብሮ ተጉዟል ብሏል።

አሰልጣኝ ማይክል ካሪክ ተጫዋቹን በ2026/27 የውድድር ዘመን በዩናይትድ ቆይቶ እንዲጫወት ፍላጎት እንዳላቸው ገልጸዋል።

ሔኖክ ወ/ገብርኤል
#ethiopia #getutemesgen #getunews #manchesterunited #marcusrashford

ሮናልዶ እናት ክለቡን ለመቅጣት ተነስቷል
#ethiopia | ክርስቲያኖ ሮናልዶ የማንችስተር ዩናይትዱን ብሩኖ ፈርናንዴዝ የሳውዲ አረቢያውን ክለብ አል ናስርን እንዲቀላቀል የማሳመን ስራ እየሰራ መሆኑ ተነገረ።

ሮናልዶ ቡርኖን ለማሳመን ከፍተኛ እና ተከታታይ ጥረት እያደረገ እንደሚገኝ ነው የተዘገበው።

የማንቸስተር ዩናይት የአማካይ ክፍል አንቀሳቃሽ ብሩኖ ፈርናንዴዝ በዝውውር መስኮቱ ከተለያዩ ክለቦች ጥያቄዎች የሚቀርቡለት ቢሆንም ባለፈው የዝውውር መስኮት የወደፊት እጣ ፈንታውን ክለቡ እንዲወስን አድርጎ ነበር።

በወቅቱ በኦልድ ትራፎርድ የመቆየት ፍላጎት የነበረው ቢሆንም ክለቡ እሱን ለመሸጥ ከፈለገ ግን ለመልቀቅ ዝግጁ እንደነበር ይታወሳል።

ነገር ግን ማንቸስተር ዩናይትድ ተጫዋቹን ላለመሸጥ የሰጠውን ውሳኔ ተከትሎ ፈርናንዴዝ በክለቡ የተጣለበትን እምነት በብቃት መልሷል።

በውድድር ዘመኑ 21 ግቦችን አመቻችቶ በማሲያዝ የኢንግሊዝ ፕሪሚየር ሊግ የአንድ ውድድር ዘመን ከፍተኛ የጎል አሲስት (Assist) ታሪክን በስሙ ማስመዝገብ ችሏል።

አሁን ላይ ደግሞ ሮናልዶ የቀድሞ የቡድን አጋሩን ወደ ሳውዲ ፕሮ ሊግ ለመውሰድ የሚያደርገው ጥረት በዝውውር መስኮቱ ከሚጠበቁት የዝውውር ወሬዎች አንዱ እንደሚሆን ይጠበቃል።

ሔኖክ ወ/ገብርኤል
#ethiopia #getutemesgen #getunews #manchesterunited #cristianoronaldo #burunoferenandez

በክሪስቲያኖ ሮናልዶ የስልክ ጥሪ በኦልድትራፎርድ የደመቁት መንትዮች - ራፋኤል እና ፋቢዮ ዳ ሲልቫ
********************************

ቁመናቸው፣ መልካቸው እና የአጨዋወት ዘይቤያቸው እጅግ በመመሳሰሉ ምክንያት፣ ታላቁ አሰልጣኝ ሰር አሌክስ ፈርጉሰን እንኳን ለመለየት እንደሚቸገሩ የሚነገርላቸው ራፋኤል እና ፋቢዮ ዳ ሲልቫ፤ በኦልድ ትራፎርድ በነበራቸው ቆይታ የማንቸስተር ዩናይትድ ደጋፊዎችን ልብ የገዙ ተጫዋቾች ናቸው።

ብራዚላውያኑ የሪዮ ዲ ጄኔሮ ተወላጅ መንትዮች ከልጅነታቸው ጀምሮ በአንድ ቡድን፣ በአንድ ክፍልና በአንድ ህልም ያደጉት መንትዮቹ፤ በ15 ዓመታቸው እ.አ.አ በ2005 በሆንግ ኮንግ በተደረገ የወጣቶች ውድድር ላይ በዩናይትድ የስካውቲንግ ቡድን አይን ውስጥ ገቡ።

በወቅቱ አርሰናልን ጨምሮ በርካታ የአውሮፓ ታላላቅ ክለቦች ተጫዋቾቹን ለማስፈረም ከፍተኛ ፉክክር ውስጥ ቢገቡም፣ የውሳኔያቸውን አቅጣጫ የቀየረው ያልተጠበቀ የስልክ ጥሪ ነበር።

በወቅቱ የዩናይትድ ኮከብ የነበረው ክርስቲያኖ ሮናልዶ በቀጥታ ደውሎ፣ "ወደ ማንቸስተር ዩናይትድ ኑ፤ በፍጹም አትቆጩም!" በማለት አበረታታቸው። ይህ ጥሪ የመንትዮቹን ውሳኔ አስቀይሮ፣ በጥር 2008 በይፋ የ"ቲያትር ኦፍ ድሪምስ" አባል እንዲሆኑ አደረጋቸው።

በወቅቱ የአውሮፓ እግር ኳስን በበላይነት ለሚመራው ማንቸስተር ዩናይትድ አዲስ ጉልበትና ተስፋ ይዘው የመጡት ታዳጊዎች፤ በአሰልጣኝ ሰር አሌክስ ፈርጉሰን ዘንድ "የወደፊቶቹ ኮከቦች" የሚል ታላቅ ሙገሳን አገኙ።

ሆኖም በመጀመሪያዎቹ ቀናት ሁለቱን መለየት እጅግ አስቸጋሪ ነበር። ተጫዋቾች፣ የክለቡ ሰራተኞች እና ሰር አሌክስ ራሳቸው ጭምር ብዙ ጊዜ ያሳስቷቸው ነበር።

በአንድ ወቅት በዩናይትድ ፖድካስት ላይ እንደተናገሩት፤ በአንድ ጨዋታ ላይ ራፋኤል ስህተት ይሰራል። በእረፍት ሰዓት ፈርጉሰን በቁጣ ወደ መልበሻ ክፍል በመግባት ፋቢዮን ራፋኤል መስሏቸው አጥብቀው ገሰጹት። ሪዮ ፈርዲናንድ እና ማይክል ካሪክ ግን "ያ ራፋኤል አይደለም፣ ፋቢዮ ነው" ብለው ሲነግሯቸው፤ ፈርጉሰን "ሁለቱም አንድ ናቸው!" ብለው ቁጣቸውን መቀጠላቸው እስከዛሬ በዩናይትድ ደጋፊዎች ዘንድ በፈገግታ ይታወሳል።

አንዳንድ ጊዜ ፋቢዮ ጥፋት አጥፍቶ ራፋኤል ካርድ የተቀበለበት አጋጣሚም ነበር። በልምምድ ሜዳም አሰልጣኞችን ለማደናገር ሆን ብለው ማሊያቸውንና ጫማቸውን እንደሚቀያይሩ ከዓመታት በኋላ በሳቅ ታጅበው የገለጡት የኦልድትራፎርድ ምስጢራቸው ነው።

መንትዮቹ በዩናይትድ ቆይታቸው በርካታ ስኬቶችን አስመዝግበዋል። በተለይም ራፋኤል በቀኝ ተከላካይ መስመር የጋሪ ኔቪልን ቦታ በብቃት መተካት የቻለ ድንቅ ተጫዋች ነው። 170 ጨዋታዎችን አድርጎ 5 ግቦችን አስቆጥሯል፤ 3 የፕሪሚየር ሊግ፣ 1 የሊግ ካፕ እና 1 የክለቦች ዓለም ዋንጫ አንስቷል።

በሌላ በኩል ፋቢዮ በግራ ተከላካይ መስመር ላይ ከፓትሪስ ኤቭራ ጋር ከባድ ፉክክር ነበረበት። ለዩናይትድ 56 ጨዋታዎች ላይ ተሰልፎ 3 ግቦችን አስቆጥሯል፤ 1 የፕሪሚየር ሊግ ዋንጫንም አሽንፏል። 2011 ላይ ዩናይትድ በባርሴሎና በተሸነፈበት የሻምፒዮንስ ሊግ ፍፃሜ ላይ በቋሚነት የመጀመር ዕድል አግኝቷል።

የሰር አሌክስ ፈርጉሰን ከማንቸስተር መልቀቅና የሉዊስ ቫን ሀል ወደ አሰልጣኝነት መምጣት ለመንትዮቹ የኦልድትራፎርድ ቆይታ ማብቃት ምክንያት ሆነ።

ቫን ሀል ለብራዚላውያኑ መንትዮች ዕድል የመስጠት ፍላጎት እንዳልነበራቸው ራፋኤል ከዓመታት በኋላ ለሚዲያ በግልጽ ተናግሯል።

በዚህም ምክንያት ራፋኤል በ2015 ወደ ፈረንሳዩ ሊዮን አቀና። በዚያም ለ5 ዓመታት ስኬታማ ቆይታ ካደረገ በኋላ፣ ወደ ቱርኩ ባሻክሼሂር አምርቶ በሻምፒዮንስ ሊግ የቀድሞ ክለቡ ማንቸስተር ዩናይትድን በመግጠም ጭምር አሸንፏል።

ፋቢዮ ደግሞ ከዩናይትድ በኋላ በካርዲፍ ሲቲ፣ ሚድልስብሮ እና በፈረንሳዩ ናንትስ ክለቦች ተጫውቷል።

ትላንት 36ኛ ዓመት የልደት በዓላቸውን ያከበሩት መንትዮቹ፤ በአሁኑ ሰዓት በትውልድ ሀገራቸው ብራዚል ይገኛሉ። ራፋኤል ለቦታፎጎ፣ ፋቢዮ ደግሞ በግሬሚዮ በመጫወት ላይ ናቸው።

ዛሬም ቢሆን ማንቸስተር ዩናይትድ ያላቸው ፍቅር አልቀነሰም። በቅርቡ በ"ኢንሳይድ ካሪንግተን" ፖድካስት ላይ ተገኝተው ስለ ዩናይትድ የቆይታ ዘመናቸው፣ ስለ ፈርጉሰን እና ስለ ማይክል ካሪክ በኩራት ተናግረዋል። አሁንም የዩናይትድን ውጤቶች በቅርበት እንደሚከታተሉና ልባቸው ኦልድትራፎርድ እንደሚገኝ ይገልጻሉ።

ራፋኤል እና ፋቢዮ ዳ ሲልቫ በዩናይትድ ታሪክ ውስጥ እንደ ሮናልዶ ወይም ሩኒ በግንባር ቀደምትነት ላይጠቀሱ ይችላሉ፤ ነገር ግን ባሳዩት የማይበገር የብራዚላውያን ስሜት፣ ለክለቡ በሰጡት ታማኝነትና ሜዳ ላይ በሚያሳዩት ውብ ፈገግታ በደጋፊዎች ልብ ውስጥ ምንጊዜም የማይረሳ አሻራ ጥለው ያለፉ ድንቅ መንትዮች ናቸው።

በአዲስ የሺዋስ
#manchesterunited #theatreofdreams #cr7cristianoronaldo #fabiodasilva #rafaeldasilva #twinbrothers #football #sports

ብሩኖ ፈርናንዴዝን በኦልድ ትራፎርድ ለማቆየት አዲስ ውይይት ተጀምሯል
#ethiopia | ​ማንቸስተር ዩናይትድ የቡድኑን መሪ እና ቁልፍ ተጫዋች ብሩኖ ፈርናንዴዝን በክለቡ ለማቆየት አዲስ የኮንትራት ስምምነት ላይ የውስጥ ውይይት መጀመሩ ተሰማ።

​ታዋቂው የስፖርት ጋዜጠኛ ፋብሪዚዮ ሮማኖ እንደዘገበው ከሆነ፣ ዩናይትድ በዚህ የክረምት የዝውውር መስኮት ፖርቹጋላዊውን አማካይ አሳልፎ የመስጠት ምንም ዓይነት ፍላጎት የለውም። ከበስተጀርባ እየተካሄደ ባለው በዚህ ንግግር ላይ የክለቡ ባለቤቶች፣ የአስተዳደር አባላት፣ የአሰልጣኝ ስታፍ እና የቡድን አጋሮቹ ተጫዋቹን በኦልድ ትራፎርድ ለማቆየት ሙሉ ስምምነት ላይ ደርሰዋል።

​በዚህ የውድድር ዘመን ለዩናይትድ እጅግ አስደናቂ ብቃቱን ያሳየው ፈርናንዴዝ፣ በፕሪሚየር ሊጉ ላይ 21 ለጎል የሚሆኑ ኳሶችን አመቻችቶ በማሳለፍና በአጠቃላይ 30 የጎል አስተዋፅዖዎችን በማስመዝገብ የቡድኑ የማጥቃት መስመር የጀርባ አጥንት መሆኑን በድጋሚ አስመስክሯል።

​ከአውሮፓ ታላላቅ ክለቦች እና ከሳውዲ አረቢያ የሚቀርቡለትን ፈታኝ ጥያቄዎች ለመከላከል የቆረጠው ማንቸስተር ዩናይትድ፣ ከካፒቴኑ ጋር የሚያደርገውን ንግግር በሂደት ላይ ያለ ስራ ("work in progress") በሚል በንቃት እየገፋበት ይገኛል።

Getu Temesgen - (ጌጡ ተመስገን)
#getutemesgen #getu
​#manchesterunited #brunofernandes #fabrizioromano #mufc #premierleague #transfernews #oldtrafford #የስፖርትዜና

የማይክል ካሪክ የማንቸስተር ዩናይትድ ቋሚ አሰልጣኝነት ጉዳይ የብዙዎችን ትኩረት እየሳበ ነው
#ethiopia | ቀድሞ በማንቸስተር ዩናይትድ ቤት በነበረው የተጫዋችነት ዘመኑ እና አሁን ደግሞ በአሰልጣኝነት ስራው ውጤታማ እየሆነ የሚገኘው ማይክል ካሪክ የክለቡ ቋሚ አሰልጣኝ ሆኖ መሾም አለበት ወይ የሚለው ጥያቄ በስፖርቱ ቤተሰብ ዘንድ ከፍተኛ ክርክር እያስነሳ ይገኛል።

ካሪክ በሚድልስብሮ እያሳየ ያለው የአመራር ብቃት እና የእግር ኳስ ፍልስፍና ለዩናይትድ የቀድሞ ክብር መመለስ ትልቅ ግብዓት ሊሆን ይችላል የሚሉ ወገኖች ጥሪ እያቀረቡ ነው።

በሌላ በኩል ደግሞ ክለቡ አሁን ካለበት አስቸጋሪ ሁኔታ አንጻር የበለጠ ልምድ ያለው እና በአውሮፓ መድረክ የተፈተነ አሰልጣኝ ያስፈልገዋል የሚሉ ደጋፊዎች አልጠፉም።

ማይክል ካሪክ የክለቡን ባህል ጠንቅቆ የሚያውቅ መሆኑ እንደ ትልቅ ጥንካሬ ቢታይም ዩናይትድን የመሰለ ግዙፍ ክለብ የመምራት ኃላፊነት ግን ቀላል እንደማይሆን በስፋት እየተወራ ይገኛል።

አሁንም ድረስ የክለቡ ባለቤቶች እና አመራሮች ለወደፊቱ አሰልጣኝነት የተለያዩ እጩዎችን እያጠኑ ሲሆን የካሪክ ስም ደግሞ ከፊት ተጠቃሽ ሆኖ ቀጥሏል።

የእርስዎ አስተያየት ምንድነው?
#manchesterunited #michaelcarrick #premierleague #mufc #footballnews #coachingdebate #getutemesgen #getu #ጌጡ #ጌጡተመስገን #addisababa

ማንችስተር ዩናይትድ ከ ሊቨርፑል
************

በ35ኛ ሳምንት የእንግሊዝ ፕሪሚየር ሊግ፣ ዛሬ 11 ሰዓት ከ30 ላይ ማንችስተር ዩናይትድ እና ሊቨርፑል የሚያደርጉት ጨዋታ ይጠበቃል። ትላንት በተደረገው ጨዋታ ብራይተን በኒውካስትል ዩናይትድ መሸነፉን ተከትሎ የአውሮፓ ሻምፒዮንስ ሊግ ተሳትፎውን ያረጋገጠው ማንችስተር ዩናይትድ የአውሮፓ ሻምፒዮንስ ሊግ ተሳትፎውን ለማረጋገጥ ከሚታገለው ሊቨርፑል ይጫወታል፡፡

ከዩናይትድ በሦስት ነጥብ ዝቅ ብሎ በ58 ነጥብ 4ኛ ደረጃ ላይ የተቀመጠው የመርሲሳይዱ ክለብ፣ የዛሬውን ጨዋታ ካሸነፈ የአውሮፓ ሻምፒዮንስ ሊግ ተሳትፎውን በይፋ የሚያረጋግጥ ይሆናል። ዩናይትድ ከሊቨርፑል ጋር በተገናኘባቸው ያለፉት 19 የፕሪሚየር ሊግ ጨዋታዎች ማሸነፍ የቻለው ሦስቱን ብቻ ሲሆን፣ በኦልድ ትራፎርድ ባደረጋቸው ያለፉት አምስት ጨዋታዎችም በሦስቱ ተሸንፏል፡፡

ማይክል ካሪክ ሩብን አሞሪምን ተክቶ ወደ ኦልድ ትራፎርድ ከመጣ በኋላ፣ እንደ እሱ ብዙ ነጥብ የሰበሰበ አሰልጣኝ በሊጉ የለም። ለዛሬው ጨዋታ ማቲያስ ኩኛ ከጉዳቱ በማገገሙ ሊሰለፍ ይችላል ተብሎ የሚጠበቅ ሲሆን፣ ሉክ ሾውም በተመሳሳይ ወደ ሜዳ ሊመለስ ይችላል። ሆኖም ማቲያስ ዴሊክት ልምምድ ቢጀምርም በዛሬው ስብስብ ውስጥ እንዳልተካተተ ማይክል ካሪክ አረጋግጠዋል።

በሊቨርፑል በኩል በርካታ የጉዳት ያሉ ሲሆን ግብ ጠባቂዎቹ አሊሰን ቤከር እና ጆርጂ ማማርዳሽቪል በጉዳት ከቡድኑ ውጭ በመሆናቸው፣ ሦስተኛው ግብ ጠባቂ ፍሬዲ ውድማን በቋሚነት የሚሰለፍ ይሆናል። በተጨማሪም ሞሃመድ ሳላህ፣ ሁጎ ኢኪቲኬ እና ኮኖር ብራድሊ በጉዳት ምክንያት ከዛሬው ስብስብ ውጭ ናቸው። ሁለቱ ክለቦች ዛሬ ለ244ኛ ጊዜ ይገናኛሉ፡፡

በሊጉ ለመቆየት እየታገለ የሚገኘው ቶተንሀም ሆትስፐር ምሽት 3 ሰዓት ላይ ከሜዳው ውጭ ከአስቶን ቪላ ጋር ይጫወታል። በ34 ነጥብ ወራጅ ቀጠና ውስጥ የሚገኘው የሰሜን ለንደኑ ክለብ፣ የአውሮፓ ሻምፒዮንስ ሊግ ተሳትፎን ለማግኘት ከሚታገለው አስቶን ቪላ ሌላ ከባድ ፈተና ይጠብቀዋል።

ዌስትሃም ትላንት በብሬንትፎርድ መሸነፉን ተከትሎ፣ ቶተንሃም ዛሬ ካሸነፈ ከወራጅ ቀጠናው የመውጣት ዕድል ይኖረዋል። ሆኖም ስፐርስ ዛሬም እንደ ሞሃመድ ኩዱስ፣ ቤን ዴቪስ፣ ቪካሪዮ እና ክርስቲያን ሮሜሮ ያሉ ወሳኝ ተጫዋቾችን በጉዳት ምክንያት የማይጠቀም ይሆናል። በተጨማሪም 10 ሰዓት ላይ ቦርንማውዝ ከክሪስታል ፓላስ ጨዋታቸውን ያደርጋሉ።

በአንተነህ ሲሳይ
#ethiopiabroadcastingcorporation #epl #manchesterunited #liverpool

ኮቢ ማይኖ በካሪንግተን ለረጅም ጊዜ ለመቆየት ፊርማውን አኑሯል!
#ethiopia | ​የማንችስተር ዩናይትድ የካሪንግተን ተረኛ ኮከብ ኮቢ ማይኖ በክለቡ ያለውን ቆይታ የሚያራዝም አዲስ ውል መፈረሙ ተረጋገጠ።

​ወጣቱ እንግሊዛዊ አማካይ በኦልድትራፎርድ እስከ 2031 ድረስ ለመቆየት የሚያስችለውን ስምምነት በዛሬው እለት ያከናወነ ሲሆን፣ ክለቡ ለተጫዋቹ ብቃት እውቅና በመስጠት ከፍተኛ የደሞዝ ጭማሪ ማድረጉ ተገልጿል።

በዚህም መሰረት የ21 ዓመቱ ማይኖ አሁን ላይ በክለቡ የመጀመሪያ ቡድን ውስጥ ካሉ ከፍተኛ ተከፋይ ተጫዋቾች ጋር የሚመጣጠን የደሞዝ እርከን ላይ እንዲቀመጥ ተደርጓል።

​ባለፈው የጥር የዝውውር መስኮት በውሰት ለመውጣት ተቃርቦ የነበረው ማይኖ፣ በአሰልጣኝ ማይክል ካሪክ ስር አስደናቂ የሚባል መነሳሳትን አሳይቷል። ካሪክ ቡድኑን በኃላፊነት ከመሩባቸው ያለፉት 13 የሊግ ጨዋታዎች መካከል በ12ቱ ላይ ማይኖ በቋሚነት ተሰልፎ መጫወት የቻለ ሲሆን፣ አንድ ጨዋታ ብቻ በጉዳት ምክንያት አምልጦታል።

​ይህ አዲስ ስምምነት ማንችስተር ዩናይትድ የወደፊት የቡድን ግንባታውን በማይኖ ዙሪያ ለማድረግ ማቀዱን የሚያሳይ ትልቅ ማሳያ ተደርጎ ተወስዷል።

Getu Temesgen - (ጌጡ ተመስገን) #getutemesgen #getu
​#kobbiemainoo #manchesterunited #mufc #transfernews #michaelcarrick #epl #carrington #manutd_update

ማንችስተር ዩናይትድ ወደ አውሮፓ ሻምፒዮንስ ሊግ ለመመለስ የሚያስችለውን እጅግ ወሳኝ ውጤት አገኘ
#ethiopia | በእንግሊዝ ፕሪሚየር ሊግ የ34ኛ ሳምንት መርሐ ግብር ማንችስተር ዩናይትድ በሜዳው ኦልድትራፎርድ ብሬንትፎርድን አስተናግዶ 2 ለ 1 በሆነ ውጤት አሸንፏል።

በጨዋታው ካሲሚሮ እና ቤንጃሚን ሼስኮ የዩናይትድን የማሸነፊያ ግቦች ሲያስቆጥሩ ለብሬንትፎርድ ብቸኛዋን ግብ ማቲያስ የንሰን አስቆጥሯል።

ምንም እንኳን ብሬንትፎርድ የኳስ ቁጥጥር የበላይነት ቢኖረውም የተገኙትን አጋጣሚዎች በአግባቡ የተጠቀመው ማንችስተር ዩናይትድ ነጥቡን ይዞ መውጣት ችሏል።

ይህ ውጤት ዩናይትድ በሊጉ የደረጃ ሰንጠረዥ በ61 ነጥብ ሦስተኛ ደረጃ ላይ እንዲቀመጥና ለቀጣዩ ዓመት የሻምፒዮንስ ሊግ ተሳትፎ እጅግ እንዲቃረብ አድርጎታል።

በሌላ በኩል ሽንፈት የገጠመው ብሬንትፎርድ በ48 ነጥብ ዘጠነኛ ደረጃ ላይ ሲቀመጥ ባለፉት ስድስት ጨዋታዎች ድል መራቆቱን ቀጥሏል።

በዚህ ጨዋታ ላይ ብሩኖ ፈርናንዴዝ ለቤንጃሚን ሼስኮ ግብ መሆን ምክንያት የሆነችውን ኳስ በማቀበል በውድድር ዓመቱ ለጎል የሚሆኑ ኳሶችን የማመቻቸት ብዛቱን ወደ 19 አሳድጓል።

የ34ኛ ሳምንት ጨዋታዎች በዚህ ውጤት የተጠናቀቁ ሲሆን የ35ኛ ሳምንት መርሐ ግብር ከሚያዚያ 23 ቀን 2018 ዓ.ም ጀምሮ የሚቀጥል ይሆናል።
#manchesterunited #brentford #premierleague #football #getutemesgen #getu #ጌጡ #ጌጡተመስገን #addisababa

ማቲያስ እንዴት ነው?
#ethiopia | ለረጅም ጊዜ በጉዳት ምክንያት ከሜዳ ርቆ የቆየው የቀያይ ሰይጣኖቹ የጥንካሬ ምንጭ ማቲያስ ዴሊት፣ በመጨረሻም ወደ ካሪንግተን የልምምድ ማዕከል ተመልሷል።

ክለቡ ይፋ ባደረገው መረጃ መሰረት፣ ተጨዋቹ የግል ልምምዶችን እና የማገገሚያ እንቅስቃሴዎችን በከፍተኛ ጥንካሬ መጀመሩ ታውቋል።

​አሁን ላይ ዴሊት ከክለቡ የህክምና ቡድን ጋር በቅርበት በመሆን የማገገሚያ ሂደቱን እየተከታተለ ይገኛል። ዋነኛው ትኩረቱም የተሟላ የአካል ብቃት ደረጃ ላይ ደርሶ በቶሎ ወደ ዋናው ቡድን ስብስብ መቀላቀል እና ለቡድኑ የሚጠበቀውን ግልጋሎት መስጠት ነው።

​የተከላካዩ ወደ ልምምድ መመለስ ለኤሪክ ቴን ሀግ ስብስብ ትልቅ መነቃቃትን እንደሚፈጥር ይጠበቃል።
​
Getu Temesgen - (ጌጡ ተመስገን) #getutemesgen #getu
​#manchesterunited #matthijsdeligt #mufc #epl #footballnews #deligt #oldtrafford #leadtheplot #sportsnews

''በእንግሊዝ ምድር የሚገኝ ምርጡ ክለብ ዩናይትድ ነው'' ካሴሚሮ
#ethiopia | ​ብራዚላዊው የሊድ አማካይ ካሴሚሮ ስለ ክለቡ ማንችስተር ዩናይትድ ያለውን ከፍተኛ አድናቆትና ክብር ገልጿል። ተጫዋቹ ዩናይትድን በታሪክም ሆነ በክብር ከዓለም ታላላቅ ክለቦች ጎን አሰልፎታል።
​
​ካሴሚሮ ማንችስተር ዩናይትድ በታሪክም ሆነ በዝግጅት በእንግሊዝ ምድር የሚገኝ "ምርጡ ክለብ" መሆኑን በልበ ሙሉነት ተናግሯል።

ክለቡ በዓለም አቀፍ ደረጃም ቢሆን ከአንደኛ እስከ ሦስተኛ ካሉት ታላላቅ የኳስ ተቋማት ተርታ እንደሚመደብ ገልጿል።
​
"ለማንችስተር ዩናይትድ መጫወት የተለየ ስሜትና ትርጉም አለው" ሲል ለክለቡ ያለውን ፍቅር አጋርቷል።​ይህ የካሴሚሮ አስተያየት ክለቡ ካለው ታሪካዊ ዝና እና በዓለም ዙሪያ ካለው ደጋፊ ብዛት አንፃር የቀረበ መሆኑን ተከታዮች እየገለጹ ይገኛሉ።

Getu Temesgen - (ጌጡ ተመስገን) #getutemesgen #getu
​#manutd #casemiro #premierleague #footballnews #manchesterunited #mufc #ethiopia #football

ሀሪ ማጓየር በኦልድትራፎርድ ለመቆየት ተስማማ፤ ውሉንም እስከ 2027 አራዘመ!
#ethiopia | የማንችስተር ዩናይትዱ ተከላካይ ሀሪ ማጓየር በክለቡ ያለውን ቆይታ የሚያራዝም አዲስ ስምምነት በይፋ ተፈራርሟል። እንደ ክለቡ መግለጫ ከሆነ፣ እንግሊዛዊው የመሀል ተከላካይ እስከ 2027 ድረስ በኦልድትራፎርድ የሚያቆየውን ውል ነው ያደሰው።

ማጓየር በክለቡ ያለውን ውል ለተጨማሪ አንድ ዓመት ያራዘመ ሲሆን፣ ይህም እስከ 2027 በክለቡ እንዲቆይ ያደርገዋል።

ክለቡ እንደ አስፈላጊነቱ የሀሪ ማጓየርን ውል ለተጨማሪ አንድ ዓመት (እስከ 2028) ማራዘም የሚችልበት አንቀጽ በስምምነቱ ውስጥ ተካቷል።

"ማንችስተር ዩናይትድን ወክሎ መጫወት ትልቅ ክብር ነው። በዚህ አስደናቂ ክለብ ቢያንስ ለ8 ዓመታት ለመቆየት በመስማማቴ እና በደጋፊዎቻችን ፊት መጫወቴን በመቀጠሌ በጣም ደስተኛ ነኝ" ሲል ስሜቱን ገልጿል።

የክለቡ የእግር ኳስ ዳይሬክተር ጄሰን ዊልኮክስ ስለ ማጓየር ሲናገሩ፦

> "ሀሪ ለማንችስተር ዩናይትድ ለመጫወት የሚያስፈልገውን ጠንካራ ስነ-ልቦና እና ፅናት በተግባር የሚያሳይ ተጫዋች ነው" ብለዋል።
>

በ2019 በ80 ሚሊየን ፓውንድ የተከላካዮችን የዝውውር ክብረ-ወሰን በመስበር ከሌስተር ሲቲ ነበር የተቀላቀለው።

እስካሁን ለቀያይ ሰይጣኖቹ 266 ጨዋታዎችን አድርጓል።

ከክለቡ ጋር የሊግ ካፕ (Carabao Cup) እና የኤፍ ኤ ካፕ (FA Cup) ዋንጫዎችን ማሳካት ችሏል።

ክለቡን ከተቀላቀለ በ5 ወራት ጊዜ ውስጥ በኦሌ ጉናር ሶልሻ አምበል ሆኖ መሾሙ ይታወሳል።

የ33 ዓመቱ ተከላካይ አሁን በፈረመው አዲስ ውል መሰረት፣ ልምዱን ለክለቡ ወጣት ተከላካዮች በማካፈል እና የተከላካይ ክፍሉን በማጠናከር ረገድ ትልቅ ሚና ይኖረዋል ተብሎ ይጠበቃል።

Getu Temesgen - (ጌጡ ተመስገን)
#getutemesgen #getu #harrymaguire #mufc #manchesterunited #contractextension #oldtrafford #footballnews #premierleague

የማይክል ካሪክ ማንቸስተር ዩናይትድ
ከውድቀት አረንቋ ወደ አውሮፓ ቻምፒየንስ ሊግ ደጃፍ
#ethiopia | ​ማንቸስተር ዩናይትድ የቀድሞ ኮከቡን ማይክል ካሪክን በጊዚያዊ አሰልጣኝነት ካገኘ በኋላ፣ በውርደት ሽንፈት ተከናንቦ ከነበረበት ዝቅታ ወጥቶ በክብር የሚዋደቅ እና ውጤት የሚያስመዘግብ ቡድን ለመሆን በቅቷል። የካሪክ ዩናይትድ ተቸግሮም አይሸነፍም፤ በቀይ ካርድ ተጫዋች ተነጥቆም ቢሆን ለክለቡ ባጅ እስከመጨረሻው የሚፋለም ጠንካራ ስብስብ ሆኗል።

​የበርንማውዝ ጨዋታ እና የካሪክ አሻራ
​በቫይታሊቲ ስታዲየም ከበርንማውዝ ጋር የተደረገው አስቸጋሪ ጨዋታ የካሪክን ቡድን ጥንካሬ በድጋሚ ያሳየ ነበር።

ምንም እንኳ ዩናይትድ በግልጽ የተከለከለው ፔናሊቲ እና የሃሪ ማጉየር ቀይ ካርድ ፈተና ቢገጥመውም፣ በብሩኖ ፈርናንዴዝ መሪነት ጨዋታውን ሁለት አቻ በማጠናቀቅ ነጥብ ተጋርቶ ወጥቷል። ካሪክ ከመጣ በኋላ ቡድኑ አንድ ጊዜ ብቻ በኒውካስትል መሸነፉ፣ አሰልጣኙ በአጭር ጊዜ ውስጥ የፈጠሩትን የውጤት ወጥነት ያሳያል።

​ከደረጃ ሰንጠረዡ ግርጌ ወደ 3ኛ ደረጃ
​እንደ ሩበን አሞሪም ባሉ አሰልጣኞች የቀዘቀዘው የተጫዋቾች ፍላጎት ላይ ነፍስ የዘሩት ማይክል ካሪክ፣ በሦስት ወራት ባልሞላ ጊዜ ውስጥ ዩናይትድን በደረጃ ሰንጠረዡ 3ኛ ላይ እንዲቀመጥ አድርገዋል።

እንደ አስቶን ቪላ፣ ቼልሲ፣ ሊቨርፑል እና ኒውካስትል ያሉ ተፎካካሪዎችን በነጥብ በልጦ፣ የአውሮፓ ቻምፒየንስ ሊግ ተሳትፎ ዕድሉን በእራሱ እጅ እንዲያደርግ አስችለውታል።

​የካሪክ ስኬት እና የቋሚ ኮንትራት ጥያቄ
​ሲቲን፣ አርሰናልን እና ቶተንሃምን ተራ በተራ የረታው የካሪክ ስልጠና፣ ለቋሚ ኮንትራት የሚያበቃው ውጤታማ ጉዞ መሆኑን በተግባር አሳይቷል።

ምንም እንኳ የቀድሞ የቡድን አጋሮቻቸው ሳይቀሩ ጥርጣሬ ቢኖራቸውም፣ ካሪክ ግን የማንቸስተርን የድል አድባር DNA ጠንቅቆ በመረዳት ክለቡን ነጻ አውጥቷል። አሁን ዩናይትድ ከ32ኛ ሳምንት የሊድስ ጨዋታ በፊት ለ24 ቀናት የሚቆይ የእረፍት እና የዝግጅት ጊዜ ይኖረዋል።

​የውጤት ማጠቃለያ፦
በርንማውዝ 2 - ማንቸስተር ዩናይትድ 2 (ከቫይታሊቲ ስታዲየም)

​#getu #manchesterunited #michaelcarrick #mufc #premierleague #brunofernandes #championsleague #oldtrafford #ማንቸስተርዩናይትድ #ማይክልካሪክ #ብሩኖፈርናንዴዝ #ፕሪሚየርሊግ #ጌጡተመስገን #getutemesgen

🔴 "በየሶስት ቀኑ መጫወት ነው የምመርጠው!"
#ethiopia |የማንችስተር ዩናይትዱ የፊት መስመር ተሰላፊ ብሪያን ምቤሞ ለጨዋታ ካለው ከፍተኛ ጉጉት የተነሳ ተደራራቢ ግጥሚያዎችን ማድረግ እንደሚመርጥ ገለጸ። ተጫዋቹ በሳምንት አንድ ጊዜ ብቻ ሜዳ ላይ ከመታየት ይልቅ በየሶስት ቀኑ በሚደረጉ ጨዋታዎች ላይ መሳተፍን እንደሚመርጥ በይፋ ተናግሯል።
የምቤሞ ዋና ዋና ነጥቦች፦

* የጨዋታ ጥማት፦ "በአንድ ሳምንት አንድ ጨዋታ ከማደርግ ይልቅ በየሶስት ቀኑ መጫወትን እመርጣለሁ" ሲል ለስፖርቱ ያለውን ቁርጠኝነት አሳይቷል።

* ስለ ታዳጊው ጄጄ ጋብሬል፦ በቅርቡ ከዋናው ቡድን ጋር ልምምድ ስለጀመረው ወጣት ተሰጥኦ ጄጄ ጋብሬል አስተያየቱን የሰጠው ምቤሞ፣ ታዳጊው ልዩ ብቃት እንዳለውና "ምርጥ ተጫዋች" መሆኑን መስክሯል።

ምቤሞ ይህን ያለው ክለቡ በማንችስተር ዩናይትድ ቤት ያለውን ፉክክር እና ተከታታይ ጨዋታዎችን ለመወጣት ያለውን ዝግጁነት ለማሳየት እንደሆነ ተነግሯል።

Getu Temesgen - (ጌጡ ተመስገን)
#getutemesgen #getu #ጌጡ #manchesterunited #bryanmbeumo #jjgabriel #mufc #premierleague #footballnews #manutd #sportsupdate

🔴 የኦልድ ትራፎርድ የህልም ፕሮጀክት በፈተና ውስጥ!
#ethiopia | የማንችስተር ዩናይትድ አዲሱ የስታዲየም ግንባታ እቅድ በከፍተኛ የዋጋ ግሽበት እና በመሬት ይዞታ ውዝግብ ምክንያት እንቅፋት እየገጠመው መሆኑ ተሰማ። 100 ሺህ ተመልካቾችን የመያዝ አቅም እንዲኖረው ታስቦ የታቀደው ይህ ግዙፍ ፕሮጀክት፣ አሁን ላይ ካለበት መዘግየት አኳያ ወጪው ከአምስት ጣራ ሊነካ እንደሚችል ተገምቷል።

ወቅታዊ የሆኑ ዋና ዋና ነጥቦች፦

* የዋጋ ንረት፦ ቀድሞ በ 2 ቢሊዮን ፓውንድ ይጠናቀቃል ተብሎ የታሰበው ግንባታ፣ አሁን ባለው ሁኔታ እስከ 3 ቢሊዮን ፓውንድ ሊያሻቅብ እንደሚችል ተነግሯል።

* የመሬት ግብግብ፦ ለግንባታው በሚፈለገው መሬት ላይ ክለቡ 50 ሚሊዮን ፓውንድ ሲያቀርብ፣ የመሬቱ ባለቤቶች ግን እስከ 400 ሚሊዮን ፓውንድ በመጠየቃቸው ድርድሩ ቆሟል።

* የጊዜ ገደብ ስጋት፦ ግንባታው በአፋጣኝ የማይጀመር ከሆነ፣ ሂደቱ እስከ አስር ዓመታት ሊራዘም እንደሚችል የዘርፉ ባለሙያዎች እያስጠነቀቁ ይገኛሉ።

* የአመራር ጫና፦ ሰር ጂም ራትክሊፍ በጉዳዩ ላይ የሰጡት አስተያየት እና በሂደቱ ላይ ያላቸው አቋም በፕሮጀክቱ ቀጣይነት ላይ የራሱ የሆነ ተፅዕኖ ሊኖረው እንደሚችል እየተነገረ ነው።
ይህ "የሰሜኑ ኦልድ ትራፎርድ" ተብሎ የሚጠራው ታላቅ ተስፋ፣ በፋይናንስ እና በዲፕሎማሲያዊ ድርድሮች መካከል ሆኖ ቀጣይ እጣ ፈንታው በጉጉት እየተጠበቀ ነው።

Getu Temesgen - (ጌጡ ተመስገን)
#getutemesgen #getu #ጌጡ #manchesterunited #oldtrafford #stadiumconstruction #sirjimratcliffe #footballnews #mufc #stadiumproject #sportnews

⚽️ ሰር አሌክስ ፈርጉሰን በአዲስ መጽሐፍ እየመጡ ነው!
#ethiopia | የማንችስተር ዩናይትድ የዝነኛው ዘመን ቀማሪ ሰር አሌክስ ፈርጉሰን፣ የእግር ኳስ ህይወታቸውን የሚዘክር አዲስ መጽሐፍ በሚመጣው ጥቅምት ወር ለንባብ እንደሚያበቁ አስታወቁ።

ይህ መጽሐፍ ከወትሮው ለየት የሚያደርገው፣ በታሪክ ድርሳናት ውስጥ በስፋት የሚታወቁትን ሳይሆን፣ በራሳቸው በፈርጉሰን ልብ ውስጥ ትልቅ ቦታ ያላቸውን 21 የተመረጡ ጨዋታዎች ላይ ትኩረት ማድረጉ ነው።

📖 ከመጽሐፉ ምን ይጠበቃል?

* ያልታዩ ምስሎች፡ ከፈርጉሰን የግል ማህደር የወጡ እና ከዚህ ቀደም ለህዝብ እይታ ያልበቁ ብርቅዬ ፎቶግራፎች ተካተዋል።

* የግል ማስታወሻዎች፡ በአሰልጣኝነት ዘመናቸው በጨዋታ ወቅት የከወኗቸው ማስታወሻዎች እና ስልታዊ ትንታኔዎች ለመጀመሪያ ጊዜ ይፋ ይሆናሉ።

* ብርቅዬ ትዝታዎች፡ ሰር አሌክስ እንደሚሉት፣ የመረጧቸው ጨዋታዎች በቴሌቪዥን ማህደር የማይገኙ፣ ነገር ግን በአእምሯቸው ውስጥ እንደ ትኩስ ምስል የሚመላለሱ ናቸው።

"ምርጫዬ ሊያስገርማችሁ ይችላል፤ ምክንያቱም በቀላሉ የምናስታውሳቸው ወይም መነጋገሪያ የነበሩት ብቻ አይደሉም። አብዛኞቹ ጨዋታዎች በየትኛውም የቴሌቪዥን ማህደር ውስጥ የሉም፤ ነገር ግን እኔ በሀሳቤ ደጋግሜ እመለከታቸዋለሁ።" — ሰር አሌክስ ፈርጉሰን

ይህ መጽሐፍ የአንድን ስኬታማ አሰልጣኝ የውስጥ ሃሳብ እና ጨዋታን የሚያይበትን ጥልቅ እይታ ለመረዳት ለሚፈልጉ ሁሉ ድንቅ ስጦታ እንደሚሆን ይጠበቃል።

Getu Temesgen - (ጌጡ ተመስገን)
#getutemesgen #getu #ጌጡ #siralexferguson #manchesterunited #footballhistory #newbook #mufc #የእግርኳስታሪክ #ሰርአሌክስፈርጉሰን #ማንችስተርዩናይትድ

በ10 ተጫዋች የተጫወተው ኒውካስትል ማንችስተር ዩናይትድን አሳፈረ

​በእንግሊዝ ፕሪሚየር ሊግ 29ኛ ሳምንት ተጠባቂ ጨዋታ፣ ኒውካስትል ዩናይትድ በሜዳው ሴንት ጄምስ ፓርክ ማንችስተር ዩናይትድን 2 ለ 1 በማሸነፍ አስደናቂ ውጤት አስመዝግቧል።

​የጨዋታው ዋና ዋና ኩነቶች እንደሚከተለው ቀርበዋል፦

​ የኒውካስትል ጀግንነት

​የጎል ምንጮች፦
አንቶኒ ጎርደን በፍጹም ቅጣት ምት መሪ ሲያደርጋቸው፣ ኦሱላ ደግሞ በአለቀ ሰዓት ሁለተኛውን ጎል በማስቆጠር የ"መግደያ" ድል አጎናጽፏቸዋል።

​ፈተናው፦
ኒውካስትል የመጀመሪያው አጋማሽ መጠናቀቂያ ላይ ጃኮብ ራምሴን በሁለት ቢጫ (ቀይ) ካርድ በማጣቱ፣ ለ45 ደቂቃዎች በጎደሎ ተጫዋች ለመጫወት ተገዷል። ሆኖም ይህ ጫና ሳይበግረው ሦስት ነጥብ ይዞ ወጥቷል።

​የማንችስተር ዩናይትድ መንገራገጭ

​የማይክል ካሪክ የመጀመሪያ ሽንፈት፦
ሩብን አሞሪምን ተክቶ ኦልድ ትራፎርድ የደረሰው ማይክል ካሪክ፣ ቡድኑን በበላይነት መምራት ከጀመረ በኋላ ለመጀመሪያ ጊዜ ሽንፈት አስተናግዷል።

​የደረጃ ሰንጠረዥ፦
በ3ኛ ደረጃ ላይ ተቀምጦ የነበረው ማንችስተር ዩናይትድ፣ ነጥቡን በማስፋት ፉክክሩን የማጠናከር ዕድል ነበረው፤ ሆኖም ዕድሉን ሳይጠቀምበት ቀርቷል።

​ይህ ሽንፈት ለማይክል ካሪክ ስብስብ ትልቅ የቤት ስራ ሲሆን፣ ለኒውካስትል ደግሞ በ10 ተጫዋች አጥብቆ የመከላከልና ውጤት የመቀየር ብቃታቸውን በተግባር ያሳዩበት ሆኗል።

​#newcastleunited #manchesterunited #epl #michaelcarrick #premierleague #footballnews #getu #temesgen #getutemesgen #ጌጡ #ተመስገን #ጌጡተመስገን