ግብ ጠባቂው ንጉሣዊ ዙፋን ሊደፋ ነው!
#ethiopia | በእንግሊዝ ሦስተኛ ዲቪዚዮን በመጫወት ላይ የሚገኘው የ36 አመቱ ግብ ጠባቂ በኡጋንዳ የሚገኘውን የቶሮ ንጉሣዊ ዙፋን ለመረከብ ተመርጧል።

ከሰሞኑ በ34 አመታቻው ህይወታቸው ያለፈው የቀድሞ የቶሮ ንጉሥ የነበሩት ንጉሥ ኦዮ ኒዪምባ 4ኛ የሚተካ ይሆናል።

የሟቹ ንጉስ የአጎት ልጅ የሆነው የ36 አመቱ ጆርጅ ዴስሞንድ ካሙራሲ የንጉስነት ቦታውን እንዲረከብ መመረጡ ታውቋል።

የቶሮ ንጉሣዊ የዙፋን ተከታይ ኮሚቴ ባካሄደው ድምፅ አሰጣጥ ካሙራሲ ከተሰጡት 18 ድምፆች 15ቱን በማግኘት አዲሱ ንጉሥ እንዲሆን በኮሚቴው ተመርጧል።

ካሙራሲ የቀድሞው ንጉሥ ጆርጅ ሩኪዲ 3ኛ የልጅ ልጅ እና የሟቹ ንጉሥ ኦዮ የአጎት ልጅ ነው።

ካሙራሲ የንጉሥነት ዘውዱን ለመደፋትና ባህላዊ ኃላፊነቱን ለመረከብ የእግር ኳስ ሕይወቱን አቋርጦ ወደ ምዕራብ ኡጋንዳ ለመጓዝ በመዘጋጀት ላይ እንደሚገኝ ተገልጿል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #uganda #toorokingdom #georgekamurasi #footballnews #africanews

የዲኤንኤ ምርመራ ካደረጉ አባቶች አብዛኞቹ የልጆቻቸው ባዮሎጂካዊ አባት አለይደሉም
#ethiopia | በማላዊ በትዳር አጋሮቻቸው ታማኝነት ላይ ጥርጣሬ አድሮባቸው የዲኤንኤ ምርመራ ያደረጉ ወንዶችን አስመልክቶ የወጣው መረጃ ትልቅ መነጋገሪያ ሆኗል።

በሀገሪቱ የዘር ፍሬ ምርመራ ካደረጉት ጥርጣሬ ያደረባቸው ወንዶች መካከል 80 በመቶ ያህሉ የልጆቹ እውነተኛ አባቶች አለመሆናቸው ተገልጿል።

ይህ ይፋ የሆነው አኃዝ በብዙ ቤተሰቦች ዘንድ ከፍተኛ ስጋትንና ክርክርን ጭሯል።

ነገር ግን ይህ ስታቲስቲክስ የሚያመለክተው ቀድሞውኑ ጥርጣሬ አድሮባቸው ወደ ምርመራ ተቋማት የሄዱትን ወንዶች ብቻ ነው።

በመሆኑም መረጃው በጠቅላላው በማላዊ የሚገኙ አባቶችን ሁኔታ የሚያንጸባርቅ እንዳልሆነና የሁሉም አባቶች እውነታ ተደርጎ መወሰድ እንደሌለበት ባለሙያዎች ያብራራሉ።
#malawi #dna #dnatest #africa #africanews #family #getutemesgen #getu #ጌጡ #ጌጡተመስገን #addisababa

ፍሬ ያፈራው ፖሊሲ
#ethiopia | ታንዛኒያ በወርቅ ክምችት ከአፍሪካ ቀዳሚ ለመሆን ጥረቷን አጠናክራለች።

የታንዛኒያ ማዕከላዊ ባንክ ባለፉት 18 ወራት ብቻ ወደ 28 ቶን የሚጠጋ ወርቅ መግዛቱ ገልጿል።

ወደ ማዕከላዊ ባንክ የገባው ወርቅ ጠቅላላ ዋጋም 3.7 ቢሊዮን የአሜሪካ ዶላር ነው ተብሏል።

ይህ እርምጃ የሀገሪቱን የውጭ ምንዛሪ ክምችት ለማጠናከር እና የታንዛኒያ ገንዘብ የመግዛት አቅም ለመደገፍ የተወሰደ ስትራቴጂ አካል ነው ብላለች።

ይህ ስኬት የመጣው የታንዛኒያ መንግስት በ2024 ያወጣውን ፖሊሲ ነው ብሏል።

ፖሊሲው የማዕድን ኩባንያዎች እና የወርቅ ነጋዴዎች ከሚልኩት የወርቅ ምርት ውስጥ 20 በመቶውን በቀጥታ ለታንዛኒያ ማዕከላዊ ባንክ እንዲሸጡ የሚያስገድድ ነው።

አሁን ታንዛኒያ በዓለም አቀፍ ገበያ ጥገኛ ከመሆን ይልቅ በራሷ ምርት ላይ በመመሥረት የወርቅ ክምችቷን እያሳደገች ተረገኛለች ተብሏል።

የታንዛኒያ የመንግስት ባለሥልጣናት እንደገለጹት ይህ ስትራቴጂ የሀገሪቱን የውጭ ምንዛሪ ክምችት ወደ 6 ቢሊዮን ዶላር እንዲያድግ አስችሏል ይላሉ።

በተጨማሪም በሺዎች የሚቆጠሩ አነስተኛ የወርቅ አምራቾች እና ነጋዴዎች የባንክ አካውንት እንዲከፍቱ በማድረግ የፋይናንስ ተጠቃሚነታቸውን እያረጋገጠ ይገኛልም ብለዋል።

ታንዛኒያ የወሰደችው እርምጃ ብዙ ሀገራት የውጭ ምንዛሪ ክምችታቸውን ለማሳደግ ሁነኛ መፍትሔ ነው ተብሏል።

ሀገራት በዶላር ላይ ያላቸውን ጥገኝነት ለመቀነስ የወርቅ ክምችታቸውን እየጨመሩ ከመጡበት አጠቃላይ የዓለም አቀፍ አዝማሚያ ጋር የተጣጣመ መሆኑን የኢኮኖሚ ባለሙያዎች ተናግረዋል።

ሔኖክ ወ/ገብርኤል
#ethiopia #getutemesgen #getunews #tanzaniagoldreserve #africanews

🚨😱 አሜሪካ ጦርነቱን ለኢትዮጵያ ተወችው! የዶናልድ ትራምፕ አዲሱ ፖሊሲ! #ethiopia #uspolicy #habesha #trump #africanews #geopolitics

ከፍተኛ ባለስልጣናት በአንድ አውቶቡስ እንዲጓዙ ተወሰነ
#ethiopia | በመካከለኛው ምስራቅ እየተባባሰ የመጣው ጦርነት በዓለም አቀፍ የነዳጅ አቅርቦትና ዋጋ ላይ እያሳደረ ያለውን ጫና ተከትሎ፣ ታንዛኒያ የመንግሥትን ወጪ ለመቀነስ ጥብቅ መመሪያ አወጣች።

የሀገሪቱ ፕሬዚዳንት ሳሚያ ሱሉሁ ሀሰን ባለስልጣኖቻቸው ለስራ በሚንቀሳቀሱበት ወቅት በየግል መኪኖቻቸው ከመሄድ ይልቅ በአንድ አውቶቡስ በጋራ እንዲጓዙ ትዕዛዝ አስተላልፈዋል። ይህ ውሳኔ በጦርነቱ ምክንያት የተከሰተውን የነዳጅ ዋጋ ንረትና የኢኮኖሚ ጫና ለመቋቋም ያለመ መሆኑ ተገልጿል።

ፕሬዚዳንቷ በሰጡት መመሪያ፣ የዓለም አቀፉ የነዳጅ ቀውስ ታንዛኒያንም እየፈተናት በመሆኑ የመንግሥትን ሀብት በከፍተኛ ዲሲፕሊን መጠቀም ግዴታ መሆኑን አሳስበዋል።
በዚህም መሰረት ባለስልጣናቱ ለይፋዊ የሥራ ጉብኝቶችም ሆነ ለተለያዩ ስብሰባዎች በሚንቀሳቀሱበት ወቅት በተናጠል መኪና መጠቀም አቁመው በአንድ አውቶቡስ ተሰባስበው እንዲጓዙ ይደረጋል።

ከዚህ ቀደምም መንግሥት ወጪን ለመቆጠብ በሚያደርገው ጥረት፣ የፕሬዚዳንቷን አጀብ ተሽከርካሪዎች ቁጥር እንዲቀነሱ ማድረጉ ይታወሳል።

በአሁኑ ወቅት በታንዛኒያ አንድ ሊትር ቤንዚን በ3 ሺህ 820 የታንዛኒያ ሽልንግ እየተሸጠ የሚገኝ ሲሆን፣ ሀገሪቱ የነዳጅ ምርትን ሙሉ በሙሉ ከውጭ የምታስገባ በመሆኗ ለዓለም አቀፍ የዋጋ መዋዠቅ ተጋላጭ ሆና ትገኛለች።

ይህ የታንዛኒያ እርምጃ ሌሎች የአፍሪካ ሀገራትም የነዳጅ ቀውሱን ለመቋቋም ተመሳሳይ የቁጠባ እርምጃዎችን ሊከተሉ እንደሚችሉ ማሳያ ተደርጎ ተወስዷል።

Getu Temesgen - (ጌጡ ተመስገን)
#getutemesgen #getu #fmc #tanzania #samiasul #fuelcrisis #africanews #economy #fuelprice #tanzanianews

በነዳጅ ዋጋ ንረት ሳቢያ የሴኔጋል መንግሥት በባለስልጣናት ላይ ጥብቅ የጉዞ እገዳ ጣለ
#ethiopia | በመካከለኛው ምሥራቅ የተቀሰቀሰውን ጦርነት ተከትሎ በዓለም አቀፍ ደረጃ የተከሰተውን ከፍተኛ የነዳጅ ዋጋ ንረት ለማቋቋም፣ የሴኔጋል መንግሥት በከፍተኛ ባለስልጣናቱ ላይ የውጭ አገር የጉዞ እገዳ መጣሉን አስታወቀ።

የሀገሪቱ ጠቅላይ ሚኒስትር ዑስማን ሶንኮ በቀጣይ ጊዜያት ሀገሪቱን "እጅግ ፈታኝ" የሆኑ ሁኔታዎች ሊገጥሟት እንደሚችል ጠንከር ያለ ማሳሰቢያ ሰጥተዋል። ይህንንም ተከትሎ ጠቅላይ ሚኒስትሩ ራሳቸው ለሥራ ጉዳይ ወደ ኒጀር፣ ስፔን እና ፈረንሳይ ሊያደርጉት የነበረውን ጉዞ በመሰረዝ አርአያነት ያለው እርምጃ ወስደዋል።

አዲሱ የመንግሥት መመሪያ ከሚኒስትሮች ጀምሮ እስከ ተለያዩ ከፍተኛ የመንግሥት የሥራ ኃላፊዎችን የሚያጠቃልል ሲሆን፣ ባለስልጣናቱ ከሚመሩት ተቋም ዋና ዓላማ ጋር ቀጥተኛና ወሳኝ ግንኙነት የሌላቸውን ማናቸውንም የውጭ ሀገር ጉዞዎች እንዳያደርጉ በይፋ ታግደዋል።

የዓለም አቀፉ የነዳጅ ገበያ አለመረጋጋት በሴኔጋል ኢኮኖሚ ላይ ከባድ ጫና እያሳደረ ይገኛል። መንግሥት የዘንድሮውን ዓመታዊ በጀት ሲያቅድ የአንድ በርሜል ድፍድፍ ነዳጅ ዋጋ 62 ዶላር ይሆናል በሚል ስሌት ላይ ተመሥርቶ የነበረ ቢሆንም፣ በአሁኑ ወቅት የብሬንት ድፍድፍ ነዳጅ ዋጋ በከፍተኛ ፍጥነት አሻቅቦ 115 ዶላር መድረሱ ለሀገሪቱ በጀት አፈጻጸም ትልቅ ፈተና ደቅኗል።

የገጠመውን የነዳጅ ዋጋ ንረትና የኢኮኖሚ ጫና በተሻለ ሁኔታ ለመምራት የሚያስችሉ ተጨማሪና ዝርዝር የመንግሥት መመሪያዎች በሚቀጥለው ሳምንት ይፋ እንደሚደረጉ ተገልጿል።

Getu Temesgen - (ጌጡ ተመስገን)
#getutemesgen #getu #ሴኔጋል #የነዳጅ_ዋጋ #ዓለም_አቀፍ_ዜና #ዑስማን_ሶንኮ #ኢኮኖሚ #senegal #africanews

ኢትዮጵያ የአፍሪካ ሕብረት የሰላምና ፀጥታ ምክር ቤት የሚያዝያ ወር ሊቀመንበርነትን ተረከበች
#ethiopia | ኢትዮጵያ በያዝነው የሚያዝያ ወር የአፍሪካ ሕብረት የሰላምና ፀጥታ ምክር ቤትን በሊቀመንበርነት ለመምራት ኃላፊነቷን መረከቧን የውጭ ጉዳይ ሚኒስቴር አስታውቋል። አገሪቱ ባለፈው ዓመት ሚያዝያ ወር ምክር ቤቱን በድጋሚ ከተቀላቀለች በኋላ በሊቀመንበርነት ስትሰየም ይህ የመጀመሪያዋ ነው።

ሚኒስቴሩ ባወጣው መግለጫ መሠረት፤ ኢትዮጵያ በሊቀመንበርነት የሥራ ቆይታዋ የምክር ቤቱን ቁልፍ አጀንዳዎች በይፋ መምራት ትጀምራለች። በተለይም በአኅጉራዊ የሰላምና ፀጥታ ጉዳዮች፣ ሀገር በቀል መፍትሔዎች እና ጭብጥ ተኮር በሆኑ አበይት ርዕሰ ጉዳዮች ላይ የሚደረጉ ውይይቶችን በግንባር ቀደምትነት የምትመራ ይሆናል።

የአፍሪካ ሕብረት የሰላምና የፀጥታ ምክር ቤት እ.ኤ.አ. በ2004 ከተመሠረተበት ጊዜ አንስቶ ኢትዮጵያ የመሥራችነት ሚና የነበራት ሲሆን፣ እስካሁንም አራት ጊዜ በምክር ቤቱ ውስጥ በአባልነት አገልግላለች።

Getu Temesgen - (ጌጡ ተመስገን)
#getutemesgen #getu #ብስራትfm #ኢትዮጵያ #አፍሪካ_ሕብረት #ሰላምና_ፀጥታ #ውጭ_ጉዳይ #ethiopia #africanunion #au_psc #peaceandsecurity #diplomacy #africanews

የአፍሪካ ሕብረት የማኪ ሳልን የተባበሩት መንግሥታት ዋና ፀሐፊነት ዕጩነት ውድቅ ማድረጉ ተሰማ
#ethiopia | የአፍሪካ ሕብረት የቀድሞውን የሴኔጋል ፕሬዝዳንት ማኪ ሳልን ለተባበሩት መንግሥታት ዋና ፀሐፊነት ለማቅረብ የነበረውን የውሳኔ ሃሳብ ውድቅ ማድረጉ ተገለጠ።

ይህ ውሳኔ የተላለፈው ለጉዳዩ በተቀመጠው የ24 ሰዓታት የድምፅ አሰጣጥ የጊዜ ገደብ ውስጥ፣ 20 የሚጠጉ አባል አገራት የውሳኔ ሃሳቡን በመቃወም "ዝምታቸውን በመስበራቸው" መሆኑ ታውቋል። ይህም የዕጩነት ሂደቱ እንዳይጸድቅና ታግዶ እንዲቆይ አድርጎታል።

የአፍሪካ ሕብረት ጉባኤ ቢሮ ቀደም ሲል ባወጣው መረጃ፣ የማኪ ሳልን የአመራር ብቃትና በኃያላን አገራት መካከል መግባባትን የመፍጠር አቅማቸውን በመጥቀስ ዕጩነታቸው ተቀባይነት ያገኘ አስመስሎ ነበር። ሆኖም ግን፣ ትናንት በሕብረቱ የሴኔጋል ቋሚ መልዕክተኛ ቢሮ በሰጠው መግለጫ፣ የሴኔጋል መንግሥት የቀድሞው ፕሬዝዳንት ለዚህ ትልቅ ቦታ እንዲወዳደሩ በጭራሽ ድጋፍ ሰጥቶ እንደማያውቅ በማስታወቅ ጉዳዩን ይበልጥ አወዛጋቢ አድርጎታል።

ይህ ድንገተኛ ክስተት በአፍሪካ ሕብረት እና በሴኔጋል ወቅታዊ መንግሥት መካከል ያለውን ዲፕሎማሲያዊ ግንኙነት እንዲሁም የአህጉሪቱን የጋራ ዕጩ የመምረጥ ሂደት ጥያቄ ውስጥ ከትቶታል።

Getu Temesgen - (ጌጡ ተመስገን)
#getutemesgen #getu #ጌጡ #africanunion #mackysall #unitednations #senegal #africanews #diplomacy #au #unsg

አሜሪካ ደቡብ አፍሪካ ከቡድን 7 (G7) ጉባኤ እንድትገለል ፈረንሳይ ላይ ጫና እያሳደረች ነው
#ethiopia | በፈረንሳይ ኤቪያን ከተማ በግንቦት 2018 ዓ.ም (እንደ ኢትዮጵያ አቆጣጠር) በሚካሄደው የቡድን 7 (G7) አባል ሀገራት ጉባኤ ላይ ደቡብ አፍሪካ እንዳትሳተፍ አሜሪካ በፈረንሳይ ላይ ከፍተኛ ዲፕሎማሲያዊ ጫና እያሳደረች መሆኑን የደቡብ አፍሪካ ፕሬዝዳንት ጽሕፈት ቤት አስታውቋል።

ይህ የአሜሪካ እንቅስቃሴበሁለቱ ሀገራት መካከል ለወራት የዘለቀውና እየተሻከረ የመጣው ግንኙነት ውጤት እንደሆነ ተገልጿል።

ደቡብ አፍሪካ የአሜሪካ የቅርብ ወዳጅ በሆነችው እስራኤል ላይ በዓለም አቀፍ ፍርድ ቤት የመሰረተችው የዘር ማጥፋት ወንጀል ክስ ዋነኛው የውጥረት ምንጭ ሆኗል።

ፕሬዝዳንት ዶናልድ ትራምፕ “ነጭ አፍሪካውያን ከሀገሪቱ እየተሰደዱ ነው” በማለት የሰነዘሩት አወዛጋቢ መከራከሪያ ለዲፕሎማሲያዊ ፍጥጫው ተጨማሪ ምክንያት መሆኑ ተጠቁሟል።

ይህ ውሳኔ በዓለም አቀፍ መድረኮች ላይ የአፍሪካን ድምፅ የመወከል አቅም ባላት ደቡብ አፍሪካ እና በምዕራባውያን ኃያላን መካከል ያለውን ልዩነት ይበልጥ ያሰፋዋል ተብሎ ተሰግቷል።

Getu Temesgen - (ጌጡ ተመስገን)
#getutemesgen #getu #ጌጡ #southafrica #usa #g7summit #france #diplomacy #internationalrelations #g7 #breakingnews #africanews #etbusinessview

Yederaw Support:
አሜሪካ ደቡብ አፍሪካ ከቡድን 7 (G7) ጉባኤ እንድትገለል ፈረንሳይ ላይ ጫና እያሳደረች ነው
#ethiopia | በፈረንሳይ ኤቪያን ከተማ በግንቦት 2018 ዓ.ም (እንደ ኢትዮጵያ አቆጣጠር) በሚካሄደው የቡድን 7 (G7) አባል ሀገራት ጉባኤ ላይ ደቡብ አፍሪካ እንዳትሳተፍ አሜሪካ በፈረንሳይ ላይ ከፍተኛ ዲፕሎማሲያዊ ጫና እያሳደረች መሆኑን የደቡብ አፍሪካ ፕሬዝዳንት ጽሕፈት ቤት አስታውቋል።

ይህ የአሜሪካ እንቅስቃሴበሁለቱ ሀገራት መካከል ለወራት የዘለቀውና እየተሻከረ የመጣው ግንኙነት ውጤት እንደሆነ ተገልጿል።

ደቡብ አፍሪካ የአሜሪካ የቅርብ ወዳጅ በሆነችው እስራኤል ላይ በዓለም አቀፍ ፍርድ ቤት የመሰረተችው የዘር ማጥፋት ወንጀል ክስ ዋነኛው የውጥረት ምንጭ ሆኗል።

ፕሬዝዳንት ዶናልድ ትራምፕ “ነጭ አፍሪካውያን ከሀገሪቱ እየተሰደዱ ነው” በማለት የሰነዘሩት አወዛጋቢ መከራከሪያ ለዲፕሎማሲያዊ ፍጥጫው ተጨማሪ ምክንያት መሆኑ ተጠቁሟል።

ይህ ውሳኔ በዓለም አቀፍ መድረኮች ላይ የአፍሪካን ድምፅ የመወከል አቅም ባላት ደቡብ አፍሪካ እና በምዕራባውያን ኃያላን መካከል ያለውን ልዩነት ይበልጥ ያሰፋዋል ተብሎ ተሰግቷል።

Getu Temesgen - (ጌጡ ተመስገን)
#getutemesgen #getu #ጌጡ #southafrica #usa #g7summit #france #diplomacy #internationalrelations #g7 #breakingnews #africanews #etbusinessview

ራፕር ባሌንድራ የኔፓል ጠቅላይ ሚኒስትር በመሆን ተሾሙ
#ethiopia | የራፕ ሙዚቀኛ ባሌንድራ ሻህ፣ በታሪክ በዕድሜ ትንሹ የኔፓል ጠቅላይ ሚኒስትር በመሆን ዛሬ ቃለ-መሃላ ፈጽሟል። ይህ በኔፓል ፖለቲካ ውስጥ አዲስ ምዕራፍ የከፈተ ትልቅ ክስተት ሆኖ ተመዝግቧል።

ባሌንድራ በሙዚቃው ይገልጻቸው የነበሩት የሙስና እና የማህበራዊ እኩልነት ትችቶች ለወጣቱ ትውልድ ድምፅ በመሆን ለፖለቲካ ስኬቱ መንገድ ጠርገዋል።

የሀገሪቱን የወደፊት ተስፋ የሚያሳየውና "አንድ ኔፓል" በሚል የለቀቀው ዘፈን በሰዓታት ውስጥ ለ2 ሚሊዮን ተመልካቾች መድረሱ በሀገሪቱ የጥበብ ታሪክ አዲስ ክስተት ሆኖ አልፏል።

ወደ ከፍተኛው ስልጣን ከመምጣቱ በፊት ለሦስት ዓመታት የዋና ከተማዋ ካትማንዱ ከንቲባ በመሆን ያገለገለው ባሌንድራ፣ በሀገራዊ ምርጫው የሚመራው ራስትሪያ ስዋታንትራ ፓርቲ በከፍተኛ ድምፅ እንዲያሸንፍ አድርጓል።

አዲሱ ጠቅላይ ሚኒስትር ዛሬ ቃለ-መሃላ በፈጸሙበት ወቅት አምስት ሴቶች የተካተቱበትን አዲስ ካቢኔ ይፋ ማድረጋቸውን "ዘ ዊክ" መፅሄት ዘግቧል።
ይህ የወጣቱ መሪ ወደ ስልጣን መምጣት በኔፓል ብቻ ሳይሆን በደቡብ እስያ ፖለቲካ ላይ አዲስ ተስፋን የፈነጠቀ ክስተት ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #nepal #balendrashah #youngleaders #rsp #onenepal #globalpolitics #newsupdate #

ፕሬዚዳንት ሩቶ የአደጋ ጊዜ ግብረ-ኃይል አሠማሩ
#ethiopia | በኬንያ መዲና ናይሮቢ የተከሰተውን ከባድ የጎርፍ መጥለቅለቅ ተከትሎ፣ ፕሬዚዳንት ዊሊያም ሩቶ የተቀናጀ የአደጋ ጊዜ ምላሽ ሰጪ ቡድን ወደ ሥራ እንዲገባ አዘዋል።

ፕሬዚዳንቱ በሰጡት መግለጫ ግብረ-ኃይሉ የሚከተሉትን ዋና ዋና ተግባራት እንደሚያከናውን አስታውቀዋል፡

* የነፍስ አድን ሥራ፡ በአደጋው የተከበቡ ዜጎችን የማውጣት እና የማስተባበር ተግባር።

* ደህንነቱ የተጠበቀ መጠለያ፡ ለአደጋ ተጋላጭ የሆኑ የማኅበረሰብ ክፍሎችን ወደ አስተማማኝ ቦታዎች ማዛወር።

* የሰብዓዊ ድጋፍ፡ መንግሥት የእርዳታ እህል፣ የሕክምና ወጪ ሽፋን እና ሌሎች አስቸኳይ ቁሳቁሶችን ያቀርባል።

"የፌዴራል መንግሥቱ ከናይሮቢ ከተማ አስተዳደርና ከክልሎች ጋር በመቀናጀት ለዜጎች ደህንነት ቅድሚያ ይሰጣል" ያሉት ፕሬዚዳንት ሩቶ፣ መንግሥታቸው አደጋውን ለመቀነስ በትኩረት እንደሚሠራ ገልጸዋል።

Getu Temesgen - (ጌጡ ተመስገን)
#getutemesgen #getu #ጌጡ #kenya #nairobifloods #williamruto #emergencyresponse #africanews #ethiopia

በናይጄሪያ በ20 ቀናት ውስጥ የ323 ሰዎች ሕይወት አለፈ
#ethiopia | በናይጄሪያ በየካቲት ወር የመጀመሪያዎቹ 20 ቀናት ብቻ በተለያዩ አካባቢዎች በተፈጸሙ ጥቃቶች ቢያንስ 323 ሰዎች መገደላቸውን ዓለም አቀፉ የሰብዓዊ መብት ተሟጋች ድርጅት አምነስቲ ኢንተርናሽናል አስታወቀ።

ደካማ የመንግሥት ጥበቃ እና "የማስጠንቀቂያ ደብዳቤዎች"
አምነስቲ ባወጣው መግለጫ፣ ይህ ከፍተኛ የሟቾች ቁጥር የፕሬዝዳንት ቦላ ቲኑቡ አስተዳደር ለዓመታት በታጠቁ ቡድኖችና ግለሰቦች የሚፈጸሙ የጭካኔ ድርጊቶችን ለማስቆም የሚያስችል ውጤታማ ስትራቴጂ እንደሌለው ማሳያ ነው ብሏል።

በተለይ ደግሞ በአንዳንድ አካባቢዎች ታጣቂዎቹ ጥቃት ከመፈጸማቸው በፊት ለነዋሪዎቹ የማስጠንቀቂያ ደብዳቤ እንደሚልኩ የተገለጸ ሲሆን፣ ይህ እየታወቀ ግን ጥቃቱን መከላከል አለመቻሉ የመንግሥትን ድክመት ይበልጥ አጉልቶታል።

"መንግሥት አሳልፎ ሰጥቶናል" - ነዋሪዎች
በአካባቢው የሚገኙ ነዋሪዎች መንግሥት ለደኅንነታቸው ቅድሚያ ከመስጠት ይልቅ "ለታጣቂዎች አሳልፎ ሰጥቶናል" የሚል ከፍተኛ ቅሬታ እያቀረቡ ይገኛሉ። አምነስቲ ኢንተርናሽናል በበኩሉ መንግሥት የዜጎቹን ደኅንነት የመጠበቅና የመከላከል ቀዳሚ ግዴታውን እንዳልተወጣ በማሳሰብ፣ አስቸኳይ እርምጃ እንዲወሰድ ጥሪ አቅርቧል።

Getu Temesgen - (ጌጡ ተመስገን)
#getutemesgen #getu #ጌጡ #nigeria #amnestyinternational #humanrights #securitycrisis #africanews #የናይጄሪያዜና

ሚኒስትሮች በወር ከአንድ የሀገር ውስጥ ጉዞ በላይ እንዳያደርጉ ታገዱ
#ethiopia | የማላዊው ፕሬዚዳንት ፒተር ሙታሪካ በመንግስት ባለስልጣናት ላይ ጥብቅ የወጪ መቆጣጠሪያ መመሪያ አስተላለፉ። አዲሱ መመሪያ ሚኒስትሮች እና ምክትል ሚኒስትሮች በወር ውስጥ ከአንድ የሀገር ውስጥ ጉዞ በላይ እንዳያደርጉ የሚገድብ ነው።

የእገዳው ዋና ምክንያቶች፦
* የበጀት ጫና፦ ሀገሪቱ በከፍተኛ የፋይናንስ ችግር ውስጥ ባለችበት በዚህ ወቅት፣ ለባለስልጣናት ጉዞ የሚወጣው የአበልና የነዳጅ ወጪ መንግስትን እየፈተነ መሆኑ ተገልጿል።

* የጉዞዎች መብዛት፦ ፕሬዚዳንቱ በቅርብ ጊዜያት በሚኒስትሮቻቸው የሚደረጉ የሀገር ውስጥ ጉዞዎች ያለመጠን መጨመራቸው እንዳሳሰባቸው ገልጸዋል።

ከአሁን በኋላ ማንኛውም ሚኒስትር ከአንድ በላይ ተጨማሪ ጉዞ ማድረግ ካስፈለገው፣ በቀጥታ ከፕሬዚዳንቱ ልዩ ይሁንታ ማግኘት እንዳለበት ተደንግጓል። ይህ እርምጃ ሀገሪቱ ያለባትን የኢኮኖሚ ጫና ለማቃለልና ያለአግባብ የሚባክኑ የህዝብ ሀብቶችን ለመታደግ ያለመ መሆኑ ተመልክቷል።

Getu Temesgen - (ጌጡ ተመስገን)
#getutemesgen #getu #ጌጡ #ማላዊ #malawi #petermutharika #africanews #economy #austerity #governance #የአፍሪካዜና

🚨 ሱዳን በኢትዮጵያውያን ተዋጊዎች ላይ የሞት ፍርድ ልታስተላልፍ ነው!
#ethiopia | በሱዳን እየተካሄደ ባለው የእርስ በእርስ ጦርነት "ለፈጥኖ ደራሽ ኃይሎች (RSF)" ወግነው ተሰልፈዋል የተባሉ ኢትዮጵያውያንን ጨምሮ 122 የውጭ ሀገር ዜጎች ላይ ክስ መመስረቱ ተሰማ።

የክሱ ዝርዝር እና የተከሳሾቹ ማንነት፦

የሱዳን ወንጀል ምርመራ ቢሮ ዳይሬክተር እንቲሳር አብዱልሙታር እንደገለጹት፣ እነዚህ ተከሳሾች ከኢትዮጵያ፣ ኮሎምቢያ፣ ቻድ እና ደቡብ ሱዳን የመጡ "ቅጥረኛ ተዋጊዎች" ናቸው። ተከሳሾቹ በሱዳን ጦር ላይ በግንባር ቀደምትነት ሲዋጉ እንደነበር ተገልጿል።

ጥብቅ ማስጠንቀቂያ፦

ዳይሬክተሯ አጽንኦት ሰጥተው እንደተናገሩት፣ ተከሳሾቹ የተመሰረተባቸው ክስ "የግድያ ወንጀል" በመሆኑ፣ ጥፋተኝነታቸው ሲረጋገጥ የሚጠብቃቸው ቅጣት "በእርግጠኝነት የሞት ፍርድ" እንደሆነ አስታውቀዋል።

ሌሎች አስደንጋጭ መረጃዎች፦

* ጦርነቱ ከተጀመረ ወዲህ በሱዳን 188 ሺሕ 405 የሚጠጉ የተለያዩ የወንጀል ክሶች ተመስርተዋል።

* በግዳጅ ተሰልፈው ሲዋጉ የተገኙ 135 ህፃናት ተለይተው ለቤተሰቦቻቸው መመለሳቸው ተገልጿል።

ይህ ክስ በኢትዮጵያ እና በሱዳን መካከል ያለውን ግንኙነት ምን ያህል ሊያሻክረው እንደሚችል የብዙዎች ስጋት ሆኗል። በተለይም በሞት ፍርድ ዙሪያ የሚሰጡ ውሳኔዎች የዓለም አቀፉን ማህበረሰብ ትኩረት ይስባሉ ተብሎ ይጠበቃል።

Getu Temesgen - (ጌጡ ተመስገን)
#thiqah #sudan #ethiopia #rsf #sudanwar #breakingnews #legalaction #africanews #ethiopiannews #sudantribune

አፍሪካ በ25 ዓመት ውስጥ ከፍተኛ ነው የተባለን የኮሌራ ወረርሽኝ እያስተናገደች ነው
#ethiopia | የአፍሪካ የበሽታዎች መከላከልና መቆጣጠር ማዕከል ሲዲሲ አፍሪካ በሩብ ምዕተ አመት ውስጥ ከፍተኛ ነው የተባለ የኮሌራ ወረርሽኝ ቀውስ ውስጥ ገብታለች ብሏል።

ማዕከሉ 300,000 ያህል ሰዎች በበሽታው መያዛቸውንና 7000 ያህሉ መሞታቸውን ገልፆ የሟቾች ቁጥር ከባለፈው አመት በ30% ጨምሯል ብሏል።

በሽታው ከቅርብ ጊዜ ወዲህ በአንጎላና ቡሩንዲ በከፍተኛ ሁኔታ እየጨመረ ነው ሲባል የበሽታው ማዕከል በነበረችው ኮንጎ በሽታውን መቆጣጠር ስለመቻሉ ሲዲሲ ገልጿል።
#africanews #tm