አንድ የኢቦላ ሞት በኬንያ መመዝገቡ አህጉራዊ ስርጭት ሊሰፋ ይችላል የሚል ስጋት ፈጠረ፡፡

በዲሞክራቲክ ሪፐብሊክ ኮንጎ የተከሰተው የኢቦላ ወረርሽኝ ወደ ጎረቤት ሀገራት ሊስፋፋ ይችላል የሚል ስጋት እያየለ መምጣቱ ተገልጿል።

በተለይም በኬንያ አንድ ሰው በኢቦላ ምክኒያት ህይወቱ በማለፉ የበሽታው ስርጭት ከታሰበው በላይ ሊሆን ይችላል የሚለውን ስጋት አባብሶታል።የዓለም ጤና ድርጅት እንዳስታወቀው በኬንያ ህይወቱ ያለፈው ሰው ኢቦላ ከተከሰተበት የዲሞክራቲክ ሪፐብሊክ ኮንጎ መነሻውን ያደረገ ሲሆን ግለሰቡ በየብስ ወደ ዩጋንዳ ከተጓዘ በኋላ በአውሮፕላን ወደ ኬንያ ናይሮቢ መግባቱ ተገልጿል።

ይህ ሁኔታ ቫይረሱ በሰዎች እንቅስቃሴ ከአንድ ሀገር ወደ ሌላ ሀገር ሊሰራጭ የሚችልበትን አደጋ ከፍ አድርጎታል። በተጨማሪም ከወረርሽኙ ነፃ መሆኗን ያስታወቀችው ዩጋንዳ በእርግጥ ከበሽታው ነፃ መሆኗን በተመለከተም ጥያቄ አስነስቷል።የኢቦላ ወረርሽኙ ከዲሞክራቲክ ሪፐብሊክ ኮንጎ ተነስቶ በአካባቢው በመስፋፋት ከፍተኛ የሰው ህይወት እንዲጠፋ ማድረጉን የዓለም ጤና ድርጅት መረጃ ያመለክታል። በወረርሽኙ ቢያንስ 4 ሺህ 148 ሰዎች ህይወታቸውን ሲያጡ 8 ሺህ 300 በላይ የተጠረጠሩ የበሽታው ተጠቂዎችም ተመዝግበዋል።

የበሽታው ወረርሽኝ ወደ ዩጋንዳም ተሻግሮ የነበረ ሲሆን በሀገሪቱ 20 የሚጠጉ ታካሚዎች መመዝገባቸውን ተከትሎ በሐምሌ ወር ከኢቦላ ነፃ መሆኗ ተገልጾ ነበር። በኬንያ የተመዘገበው ሞት ግን በክልሉ ያለውን የበሽታውን ስርጭት በተመለከተ አዲስ ስጋትን ፈጥሯል።

በዚህም የተነሳ ኬንያ ከፍተኛ ተጋላጭነት ባላቸው የመግቢያ በሮች ላይ የጤና ምርመራን እያጠናከረች መሆኑን የዓለም ጤና ድርጅት ገልጿል። በተለይም ከተጠቂ አካባቢዎች የሚመጡ ሰዎችን መከታተልና የበሽታውን ምልክቶች በፍጥነት መለየት ላይ ትኩረት ተደርጓል።

የኬንያው የኢቦላ ሞት በክልሉ የበሽታውን ስርጭት በጥብቅ የመከታተል፣ የጤና ምርመራን የማጠናከርና ቫይረሱ ወደ ሌሎች ሀገራት እንዳይስፋፋ የጋራ ጥረት የማድረግ አስፈላጊነትን አጉልቶ አሳይቷል።

በትግስት ላቀው
#ዳጉ_ጆርናል Photo

የሴኔጋል እና ሞሮኮ የአፍሪካ ዋንጫ ውዝግብ በስዊዘርላንድ ፍርድ ቤት ሊታይ ነው፡፡

​የሴኔጋል እና የሞሮኮ ብሔራዊ ቡድኖች ለአፍሪካ ዋንጫ ባለቤትነት የሚያደርጉት ፍልሚያ በድጋሚ ሀሙስ ዕለት ይካሄዳል ተብሏል።

ፍልሚያው በሜዳ ላይ ሳይሆን በስዊዘርላንድ በሚገኘው ዓለም አቀፍ የስፖርት አርቢትሬሽን ፍርድ ቤት ውስጥ የሚከናወን ይሆናል።ካፍ እርምጃውን የወሰደው በወቅቱ በተካሄደው ውጥረት በተሞላው የፍፃሜ ጨዋታ ወቅት የሴኔጋል ተጫዋቾች የተሰጠባቸውን ፍፁም ቅጣት ምት በመቃወም ከሜዳ ወጥተው በመሄዳቸው ነበር።

በሴኔጋል ደጋፊዎች እና በሞሮኮ ፖሊሶች መካከል ከፍተኛ ግጭት ያስነሳው እና አጨቃጫቂ ውዝግብ ያስከተለው ይህ ሁከት የበዛበት ጨዋታ ዳኛው በራባት የመጨረሻውን የፊሽካ ድምፅ ካሰሙ ከዘጠኝ ወራት በኋላ በስዊዘርላንድ በሚገኘው ከፍተኛው የስፖርት ፍርድ ቤት በድጋሚ እንደሚታይ ተነግሯል።

በተጨማሪ ሰዓት ሞሮኮን 1 ለ 0 በማሸነፍ በሜዳ ላይ በተቀዳጁት ውጤት የተሰጣቸውን ዋንጫ የተቀሙትን የሴኔጋል ተጫዋቾች ይግባኝ በሚመለከተው ውሳኔ ላይ የኮንጎው ዋና ዳኛ ዣን ዣክ ንዳላ ስልጣን እና የወሰዷቸው ውሳኔዎች ወሳኝ ሚና ሊኖራቸው እንደሚችል ተጠቁሟል።

ሰላማዊ ነጋሲ
#ዳጉ_ጆርናል

በጎረቤት ኬንያ የኢቦላ ቫይረስ ታካሚ ሕይወት ማለፉ ተገለጸ
#ethiopia | የኬንያ መንግሥት በዲሞክራቲክ ሪፐብሊክ ኮንጎ ይኖር በነበረ ኬንያዊ ዜጋ ላይ በ«ቡንዲቡግዮ» የቫይረስ ዝርያ የተያዘ የኢቦላ ታካሚ መገኘቱን አስታወቀ።

ግለሰቡ በዲአር ኮንጎ እያለ በበሽታው ተይዞ በተለያዩ ሆስፒታሎች ሕክምና ሲከታተል ከቆየ በኋላ፣ በኡጋንዳ ካምፓላ በኩል ወደ ናይሮቢ ተጓዞ ትናንት ሕይወቱ ማለፉ ተገልጿል።

የዓለም ጤና ድርጅት የበሽታውን ሥርጭት በቁጥጥር ስር ለማዋልና ተጨማሪ የታመሙ ሰዎችን በፍጥነት ለመለየት ከኬንያ፣ ዲአር ኮንጎ እና ኡጋንዳ መንግሥታት ጋር በመተባበር ከታካሚው ጋር የተገናኙ ሰዎችን የመከታተል፣ የምርመራና የቅኝት ሥራዎችን በማከናወን ላይ እንደሚገኝ አስታውቋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

#ebola⚠️

በጎረቤት ሃገር ኬንያ የመጀመሪያው ከውጭ የገባ የኢቦላ ቫይረስ ተጠቂ ግለሰብ መሞቱ ሲረጋገጥ በቫይረሱ የተያዘው ሰው ጋር ንክኪ ያላቸውን ሰዎች የመለየት ስራ እየተሰራ መሆኑን የሃገሪቱ ጤና ጥበቃ ሚኒስቴር አሳውቋል።

• የኢትዮጵያ ጤና ሚኒስቴር ሚኒስትር ዶ/ር መቅደስ ዳባ " በወረርሽኞች ዙሪያ ሁሌም ዝግጁ ነን " ያሉ ሲሆን የተለመዱና የአየር እና የየብስ መግቢያዎቻችን ላይ የሚሰሩ የምርመራ ስራዎች በሙሉ የቀጠሉ መሆናቸውን ለቲክቫህ ኢትዮጵያ ገልጸዋል።

በጎረቤት ሀገር ኬንያ የመጀመሪያው ከውጭ የገባ የኢቦላ (ቡንዲቡግዮ) ቫይረስ በሰው ላይ መገኘቱና የታካሚው ሕይወት ማለፉ የኬንያ ጤና ጥበቃ ሚኒስቴር በትላንትናው ዕለት ይፋ አድርጓል።

የኬንያ ጤና ጥበቃ ሚኒስቴር ባወጣው መግለጫ እንዳስታወቀው፣ በቫይረሱ ተይዞ ሕይወቱ ያለፈው ግለሰብ ላለፉት ሰባት ዓመታት በኮንጎ ዴሞክራሲያዊት ሪፐብሊክ (ዲ.አር.ሲ) ይኖር የነበረ የኬንያ ዜጋ ነው።

ግለሰቡ ከዲ.አር.ሲ በየብስ ጉዞ ወደ ዩጋንዳ ካምፓላ ካመራ በኋላ፣ ኦክቶበር 3 ቀን 2026 (እ.ኤ.አ) በአውሮፕላን ናይሮቢ ጆሞ ኬንያታ ዓለም አቀፍ አውሮፕላን ማረፊያ መድረሱ ተገልጿል።

በሆስፒታል በለይቶ ማቆያ ውስጥ ህክምና ሲከታተል የቆየ ቢሆንም፣ በብሔራዊ የቫይሮሎጂ ሪፈረንስ ላቦራቶሪ (NVRL) እና በኬኤምአርአይ (KEMRI) በተደረገ ምርመራ በቡንዲቡግዮ ኢቦላ ቫይረስ (Bundibugyo Ebola Virus) መያዙ ተረጋግጦ ሕይወቱ አልፏል።

ኬንያ ከሟቹ ጋር ንክኪ የነበራቸውን የቤተሰብ አባላት፣ የጤና ባለሙያዎችና አብረውት የተጓዙ መንገደኞችን የመለየትና በለይቶ ማቆያ የማስገባት ስራ እያከናወነች ትገኛለች ተብሏል።

ቲክቫህ ኢትዮጵያ የኢትዮጵያ የቅርብ ጎረቤት የሆነችው ኬንያ ላይ በሽታው መከሰቱን ተከትሎ የኢትዮጵያ ዝግጁነት ምን እንደሚመስል የጤና ሚኒስቴርን ጠይቋል።

የጤና ሚኒስቴር ሚኒስትር ዶክተር መቅደስ ዳባ በሰጡን ምላሽ በወረርሽኞች ዙሪያ ሁሌም ዝግጁ ነን ያሉ ሲሆን የተለመዱና የአየር እና የየብስ መግቢያዎቻችን ላይ ሁሌም የሚሰሩ የምርመራ ስራዎች አሉ እነዛን በሙሉ እየተሰሩ የቀጠሉ መሆናቸውን አብራርተዋል።

ዶ/ር መቅደስ የዓለም ጤና ድርጅት (WHO) ማንቂያ ደወል ሲያሰማና ሀገራት በሽታው መግባቱን ይፋ ሲያደርጉ፣ ከእነዚያ ሀገራት በሚገቡ መንገደኞች ላይ ጥብቅ ፍተሻና የክትትል ስራዎች ወዲያውኑ እንደሚተገበሩ አመልክተዋል።

"እኛ ሁልጊዜ ዝግጅት ላይ ነን፤ ስክሪን እንሰራለን፣ በአየርም በየብስም ያለው ይሰራል" ያሉት ሚኒስትሯ "ዘ ሞመንት ደብሊው ኤች ኦ (WHO) አክቲቬት ሲያደርግና አገሮች ዲክሌር ካደረጉበት ሰዓት ጀምሮ ከዛም አገር የሚመጡት ላይ ተመሳሳይ ነገሮችን ኢንፎርስ ይደረጋል፤ የተለመዱ ስራዎች ስላሉን እነዛን በሙሉ አክቲቬት አድርገናል" ብለዋል።

ቫይረሱ ከዚህ ቀደም በዲ.አር.ሲ እና በዩጋንዳ በታየበት ወቅት ጀምሮ የቅድመ ዝግጅት እርምጃዎች ሲወሰዱ መቆየታቸውን ያስታወሱት ዶ/ር መቅደስ፣ አሁን በሽታው ወደ ኬንያ መግባቱ ሲረጋገጥም የዝግጅት ደረጃው ተጠናክሮ መቀጠሉን አብራርተዋል።

"ገና ዲአርሲ ገባ ከተባለበት ጊዜ ጀምሮ፣ ዩጋንዳም ሲመጣ፣ አሁን ደግሞ እዚህኛውም(ኬንያ) ሲመጣ ደረጃው እያሻሻለ እየጨመረ የሚሰሩ ስራዎች ጀምረናል። ከባለድርሻ አካላት ጋር፣ የድንበር አካባቢ (ክሮስ ቦርደር) ከሚሰሩት ጋር በመረጃ መነባበብ፣ ቅድመ ዝግጅት፣ ቅኝትና ምላሽ እነዚህን በሙሉ አክቲቬት አድርገናል፤ በዛ መልክ ላይ ነው ያለነው" ሲሉ የኢትዮጵያን ወቅታዊ አቋምና ዝግጁነት ለቲክቫህ ኢትዮጵያ አስረድተዋል።

ቲክቫህ ኢትዮጵያ
አዲስ አበባ
መስከረም 27 ቀን 2019 ዓ/ም

@tikvahethiopia

በኬንያ የመጀመሪያው የኢቦላ ቫይረስ ታካሚ ሕይወት አለፈ

​ኬንያ የመጀመሪያውን ከዲሞክራቲክ ሪፐብሊክ ኮንጎ የገባ የኢቦላ ቫይረስ ተጠቂ ማረጋገጧንና ታካሚውም ሕይወቱ ማለፉን የጤና ሚኒስትሩ አደን ዱአሌ ገለፁ።

​ለሰባት ዓመታት በኮንጎ የኖረው ይህ የኬንያ ዜጋ፣ በኡጋንዳ አድርጎ በመስከረም 23 ቀን ናይሮቢ ጆሞ ኬንያታ ኤርፖርት በጃምቦጄት በረራ ገብቷል።

ከኤርፖርት ቀጥታ ወደ ናይሮቢ ሆስፒታል በመሄድ በለይቶ ማቆያ ቢደረግም  ህይወቱ አልፏል።

​የኬንያ የጤና ባለስልጣናት የበሽታውን ስርጭት ለመግታት ከሟቹ ጋር ንክኪ የነበራቸውን 28 ሰዎች (የቤተሰብ አባላትና የጤና ባለሙያዎችን) ለይተው ክትትል እያደረጉ ይገኛሉ።

ኢቦላ በበሽታው ከተያዘ ሰው የሰውነት ፈሳሽ ወይም ደም ጋር በሚደረግ ቀጥተኛ ንክኪ የሚተላለፍ በመሆኑ፣ በሀገሪቱ በኤርፖርቶችና ድንበሮች ላይ ጥብቅ የጤና ቁጥጥር እየተደረገ ነው።

Seledadotio
Seledadotio

ኬንያ የመጀመሪያው የኢቦላ በሽታ በሀገሯ መገኘቱን ማረጋገጫ ሰጠች
 
👉ከዲሞክራቲክ ሪፐብሊክ ኮንጎ መነሻውን አድርጎ የተጓዘው ታካሚም በናይሮቢ ህይወቱ አልፏል
 
ኬኒያ የመጀመሪያውን የኢቦላ ቫይረስ ተጠቂ ማረጋገጧን የጤና ሚኒስትሩ አደን ዱዋሌ አስታውቀዋል። ህይወቱ ያለፈው ኬኒያዊ ዜጋ ላለፉት ሰባት ዓመታት በዲሞክራቲክ ሪፐብሊክ ኮንጎ ኑሮውን ያደረገ ሲሆን፣ ወደ ኬኒያ ከመመለሱ ከአንድ ወር አስቀድሞ በህመም ተይዞ ነበር።
 
ታካሚው በጤና ተቋማት ህክምናን ከተከታተለ በኋላ በየብስ ትራንስፖርት ወደ ጎረቤት ሀገር ኡጋንዳ ተጉዟል። ከዚያም ከኡጋንዳ በጃምቦጀት አውሮፕላን ተሳፍሮ በአውሮፓውያኑ አቆጣጠር ጥቅምት 3 ቀን ከቀኑ 7 ሰአት ከ10 ደቂቃ ላይ ናይሮቢ ከሚገኘው ጆሞ ኬንያታ ዓለም አቀፍ አውሮፕላን ማረፊያ ደርሷል።

 በአውሮፕላን ማረፊያው የተለመደውን የህዝብ ጤና ምርመራ ካደረገ በኋላ፣ ዘመድ አዝማዶቹ እና ጓደኞቹ በቀጥታ ከኤርፖርት ወደ ናይሮቢ ሆስፒታል ወስደውት ወዲያውኑ በለይቶ ማቆያ እንዲገባ የተደረገ ሲሆን በሆስፒታል ቆይታው በ‘ቡንዲቡግዮ የኢቦላ ዝርያ መያዙ ተረጋግጦ ህይወቱ አልፏል።

 የጤና ባለስልጣናት ወረርሽኙ እንዳይስፋፋ ለመከላከል ፈጣን እርምጃዎችን የወሰዱ ሲሆን ከሟቹ ጋር ንክኪ ነበራቸው የተባሉ የቤተሰብ አባላትና የጤና ሰራተኞችን ጨምሮ 28 ግለሰቦችን ለይተዋል።በኮንጎ፣ በኡጋንዳ እና በናይሮቢ የተደረገው የታካሚው የአውሮፕላን በረራ እንዲሁም ከቤተሰብ እና ከህክምና ባለሙያዎች ጋር የነበረው ንክኪ አሁን ላይ በመንግስት የክትትል ሰንሰለት ውስጥ ተካቷል።
 
ኢቦላ በበሽታው ከተያዘ ሰው ሰውነት ውስጥ ከሚወጡ ፈሳሾች ወይም በበሽታው ከተበከሉ ነገሮች ጋር ቀጥተኛ ንክኪ በሚፈጠርበት ወቅት የሚተላለፍ አደገኛ በሽታ በመሆኑ የጤና ባለስልጣናት የኢቦላን ስርጭት ለመቆጣጠር የተለዩትን ግለሰቦች በቅርበት እየተከታተሉ ይገኛሉ።
 
ትግስት ላቀው
#ዳጉ_ጆርናል Photo

እናት ባንክ የGABV የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው
‎
‎#ethiopia | እናት ባንክ የዓለም አቀፍ እሴት መር ባንኮች ህብረት (GABV) የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው።
‎
‎“የባንክ ሥርዓትን መለወጥ፤ የአካባቢ፣ የማህበራዊና የአስተዳደር መርሆችን እና ቴክኖሎጂን ለፋይናንስ ተጽዕኖ ማዋል” በሚል መሪ ሃሳብ የሚካሄደው ስብሰባው መስከረም 21 እና 22 ቀን 2019 ዓ.ም. በአዲስ አበባ እየተካሄደ ሲሆን፣ የGABV የአፍሪካ ቀጠና ስብሰባ በኢትዮጵያ ሲካሄድ ይህ የመጀመሪያ መሆኑ ተገልጿል።
‎
‎የእሴት መር ባንክ አሠራር የፋይናንስ ተቋማት የኢኮኖሚ ጥቅምን ብቻ ሳይሆን ማህበራዊና አካባቢያዊ ተጽዕኖንም በማገናዘብ ዘላቂ እና ረጅም ጊዜ የሚያስገኝ እሴት ለመፍጠር የሚያተኩር የባንክ አሠራር ነው።
‎
‎GABV በ45 አገራት የሚገኙ ከ70 በላይ የባንክና የፋይናንስ ተቋማትን ያሰባስባል። በአፍሪካ ቀጠናውም ከኢትዮጵያ፣ ኡጋንዳ፣ ማዳጋስካር፣ ናይጄሪያ፣ ዲሞክራቲክ ኮንጎ እና ጋና የተውጣጡ ዘጠኝ ባንኮች ተሳታፊ ናቸው። እነዚህ ባንኮች በጋራ ወደ 12 ሚሊዮን የሚጠጉ ደንበኞችን እንደሚያገለግሉ፣ ወደ 2 ቢሊዮን የአሜሪካ ዶላር ሀብት እንደሚያስተዳድሩና 15 ሺህ የሚጠጉ ሰራተኞችን እንደሚያሰማሩ ተገልጿል።
‎
‎የዘንድሮው የአፍሪካ ቀጠና ስብሰባ ከተለያዩ የአፍሪካ አገራት የተውጣጡ የባንክና የፋይናንስ ተቋማት መሪዎችን፣ የልማት ፋይናንስ አጋሮችን፣ ተቆጣጣሪዎችንና የዘርፉን ባለሙያዎች በአንድ መድረክ አሰባስቧል። ተሳታፊዎቹም የአፍሪካ የባንክ ዘርፍ እየተጋፈጣቸው ባሉ ዕድሎችና ተግዳሮቶች ላይ ልምድና ሀሳብ እየተለዋወጡ ነው።
‎
‎በስብሰባው ከሚመከሩ ቁልፍ ጉዳዮች መካከል የሳይበር ደህንነት፣ ሰው ሰራሽ እውቀት፣ ዲጂታል ለውጥ፣ የዘላቂነት ሪፖርት አያያዝ እና ለታዳሽ ኃይል ፕሮጀክቶች ፋይናንስ መስጠት ይገኙበታል።
‎
‎የGABV ዋና ሥራ አስፈጻሚ ማርቲን ሮነር ኢትዮጵያ በፋይናንስ ዘርፍ ልማት አዲስ ምዕራፍ ውስጥ እየገባች መሆኗን ጠቁመው፣ በዘርፉ የሚካሄዱ ማሻሻያዎች ለአዳዲስ ዕድሎችና ለበለጠ ውድድር መንገድ እየከፈቱ መሆናቸውን ገልጸዋል። ፈጠራን፣ አካታችነትንና የረጅም ጊዜ እሴት መፍጠርን የሚያጣምሩ የባንክ አሠራሮች እንደሚያስፈልጉም አመልክተዋል።
‎
‎የእናት ባንክ የቦርድ ሰብሳቢ ወ/ሮ አስቴር ሰሎሞን በበኩላቸው፣ ባንኩ የተመሰረተው በኢትዮጵያ ሴቶችና ቤተሰቦች የፋይናንስ ተደራሽነትን በማስፋት የኢኮኖሚ ዕድል ለመፍጠር መሆኑን ገልጸዋል። የእሴት መር የባንክ አሠራርና ዘላቂ የንግድ እድገት ተቃራኒ ጉዳዮች ሳይሆኑ ተደጋጋፊ መሆናቸውንም አስረድተዋል።
‎
‎እናት ባንክ በ11 ራዕይ ባላቸው ሴቶች የተመሰረተ ሲሆን፣ ከመጋቢት 5 ቀን 2005 ዓ.ም. ጀምሮ የባንክ አገልግሎት ሲሰጥ ቆይቷል። ባንኩ ከ24 ሺህ በላይ ባለአክሲዮኖችና ከ1.5 ሚሊዮን በላይ ንቁ ደንበኞች እንዳሉት ሲገለጽ፣ በመላ አገሪቱ 225 ቅርንጫፎችን በመክፈት ዘመናዊ የዲጂታል ባንክ አገልግሎቶችንም እያቀረበ ይገኛል።
‎
‎የሁለት ቀናት የGABV የአፍሪካ ቀጠና ስብሰባ በኢትዮጵያ ከሚካሄደው የፋይናንስ ዘርፍ ለውጥ ጋር የአፍሪካና የዓለም አቀፍ የባንክ ተቋማትን ልምድ ለማገናኘት፣ ትብብርን ለማጠናከር እንዲሁም በፈጠራ፣ በዲጂታል ለውጥ፣ በአካታች ፋይናንስና በዘላቂ ፋይናንስ ዙሪያ የጋራ ልምድ ለመፍጠር ያለመ መድረክ መሆኑ ተገልጿል።
‎
‎ጌትነት ተመስገን
‎📷 ከበደ መክብብ
‎
‎#enatbank #gabv #ethiopia #banking #finance #digitaltransformation #financialinclusion #sustainablefinance






እናት ባንክ የGABV የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው
‎
‎#ethiopia | እናት ባንክ የዓለም አቀፍ እሴት መር ባንኮች ህብረት (GABV) የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው።
‎
‎“የባንክ ሥርዓትን መለወጥ፤ የአካባቢ፣ የማህበራዊና የአስተዳደር መርሆችን እና ቴክኖሎጂን ለፋይናንስ ተጽዕኖ ማዋል” በሚል መሪ ሃሳብ የሚካሄደው ስብሰባው መስከረም 21 እና 22 ቀን 2019 ዓ.ም. በአዲስ አበባ እየተካሄደ ሲሆን፣ የGABV የአፍሪካ ቀጠና ስብሰባ በኢትዮጵያ ሲካሄድ ይህ የመጀመሪያ መሆኑ ተገልጿል።
‎
‎የእሴት መር ባንክ አሠራር የፋይናንስ ተቋማት የኢኮኖሚ ጥቅምን ብቻ ሳይሆን ማህበራዊና አካባቢያዊ ተጽዕኖንም በማገናዘብ ዘላቂ እና ረጅም ጊዜ የሚያስገኝ እሴት ለመፍጠር የሚያተኩር የባንክ አሠራር ነው።
‎
‎GABV በ45 አገራት የሚገኙ ከ70 በላይ የባንክና የፋይናንስ ተቋማትን ያሰባስባል። በአፍሪካ ቀጠናውም ከኢትዮጵያ፣ ኡጋንዳ፣ ማዳጋስካር፣ ናይጄሪያ፣ ዲሞክራቲክ ኮንጎ እና ጋና የተውጣጡ ዘጠኝ ባንኮች ተሳታፊ ናቸው። እነዚህ ባንኮች በጋራ ወደ 12 ሚሊዮን የሚጠጉ ደንበኞችን እንደሚያገለግሉ፣ ወደ 2 ቢሊዮን የአሜሪካ ዶላር ሀብት እንደሚያስተዳድሩና 15 ሺህ የሚጠጉ ሰራተኞችን እንደሚያሰማሩ ተገልጿል።
‎
‎የዘንድሮው የአፍሪካ ቀጠና ስብሰባ ከተለያዩ የአፍሪካ አገራት የተውጣጡ የባንክና የፋይናንስ ተቋማት መሪዎችን፣ የልማት ፋይናንስ አጋሮችን፣ ተቆጣጣሪዎችንና የዘርፉን ባለሙያዎች በአንድ መድረክ አሰባስቧል። ተሳታፊዎቹም የአፍሪካ የባንክ ዘርፍ እየተጋፈጣቸው ባሉ ዕድሎችና ተግዳሮቶች ላይ ልምድና ሀሳብ እየተለዋወጡ ነው።
‎
‎በስብሰባው ከሚመከሩ ቁልፍ ጉዳዮች መካከል የሳይበር ደህንነት፣ ሰው ሰራሽ እውቀት፣ ዲጂታል ለውጥ፣ የዘላቂነት ሪፖርት አያያዝ እና ለታዳሽ ኃይል ፕሮጀክቶች ፋይናንስ መስጠት ይገኙበታል።
‎
‎የGABV ዋና ሥራ አስፈጻሚ ማርቲን ሮነር ኢትዮጵያ በፋይናንስ ዘርፍ ልማት አዲስ ምዕራፍ ውስጥ እየገባች መሆኗን ጠቁመው፣ በዘርፉ የሚካሄዱ ማሻሻያዎች ለአዳዲስ ዕድሎችና ለበለጠ ውድድር መንገድ እየከፈቱ መሆናቸውን ገልጸዋል። ፈጠራን፣ አካታችነትንና የረጅም ጊዜ እሴት መፍጠርን የሚያጣምሩ የባንክ አሠራሮች እንደሚያስፈልጉም አመልክተዋል።
‎
‎የእናት ባንክ የቦርድ ሰብሳቢ ወ/ሮ አስቴር ሰሎሞን በበኩላቸው፣ ባንኩ የተመሰረተው በኢትዮጵያ ሴቶችና ቤተሰቦች የፋይናንስ ተደራሽነትን በማስፋት የኢኮኖሚ ዕድል ለመፍጠር መሆኑን ገልጸዋል። የእሴት መር የባንክ አሠራርና ዘላቂ የንግድ እድገት ተቃራኒ ጉዳዮች ሳይሆኑ ተደጋጋፊ መሆናቸውንም አስረድተዋል።
‎
‎እናት ባንክ በ11 ራዕይ ባላቸው ሴቶች የተመሰረተ ሲሆን፣ ከመጋቢት 5 ቀን 2005 ዓ.ም. ጀምሮ የባንክ አገልግሎት ሲሰጥ ቆይቷል። ባንኩ ከ24 ሺህ በላይ ባለአክሲዮኖችና ከ1.5 ሚሊዮን በላይ ንቁ ደንበኞች እንዳሉት ሲገለጽ፣ በመላ አገሪቱ 225 ቅርንጫፎችን በመክፈት ዘመናዊ የዲጂታል ባንክ አገልግሎቶችንም እያቀረበ ይገኛል።
‎
‎የሁለት ቀናት የGABV የአፍሪካ ቀጠና ስብሰባ በኢትዮጵያ ከሚካሄደው የፋይናንስ ዘርፍ ለውጥ ጋር የአፍሪካና የዓለም አቀፍ የባንክ ተቋማትን ልምድ ለማገናኘት፣ ትብብርን ለማጠናከር እንዲሁም በፈጠራ፣ በዲጂታል ለውጥ፣ በአካታች ፋይናንስና በዘላቂ ፋይናንስ ዙሪያ የጋራ ልምድ ለመፍጠር ያለመ መድረክ መሆኑ ተገልጿል።
‎
‎ጌትነት ተመስገን
‎📷 ከበደ መክብብ
‎
‎#enatbank #gabv #ethiopia #banking #finance #digitaltransformation #financialinclusion #sustainablefinance

ጠቅላይ ሚንስትር ዐቢይ አህመድ ኬንያ ናይሮቢ ገቡ ።

ጠቅላይ ሚንስትሩ ወደ ኬንያ የተጓዙት በላሙ የነዳጅ ማጣሪያ ጣቢያ የመሠረተ ድንጋይ የማስቀመጥ ስነስረዓት ለመታደም መሆኑን ጽ/ቤታቸው አስታውቋል። ናይጄሪያዊው ባለሃብት አሊኮ ዳንጎቴ ትልቁን ድርሻ በሚወስዱት እና በኬኒያዋ የላሙ ወደብ የሚገነባው የምስራቅ አፍሪቃ ግዙፍ የነዳጅ ማጣሪያ 16 ቢሊዮን ገደማ መዋዕለ ነዋይ ሊወስድ እንደሚችል ተገምቷል።

ዛሬ በይፋ የመሰረ ድንጋይ እየተቀመጠለት ያለው የነዳጅ ማጣሪያው በቀን እስከ 700 ሺ በርሜል ድፍድፍ ነዳጅ የማጣራት አቅም እንዳላው ተገልጿል። የነዳጅ ማጣሪያው ግንባታ 60 ሺ ያህል የስራ ዕድል እንደሚፈጥርና ይህም ለኬንያዉያን የተለየ ዕድል ይዞላቸው እንደሚመጣ የኬንያው ፕሬዚዳንት ዊልያም ሩቶ በኤክስ ገጻቸው አስፍረዋል። የነዳጅ ማጣሪያው ተገንብቶ ሲጠናቀቅ ቤንዚን ፤ ባፍጣ እና የአውሮፕላን ነዳጅን ጨምሮ በምስራቅ እና ማዕከላዊ አፍሪቃ ስምንት የገበያ መዳረሻዎች ይኖሩታል ተብሏል።
ከገበያ ማዳረሻዎቹ ኬንያን ጨምሮ ኢትዮጵያ፣ ኡጋንዳ፣ ታንዛኒያ፣ ሩዋንዳ፣ ብሩንዲ፣ ፣ ደቡብ ሱዳን እና ዲሞክራቲክ ሪፐብሊክ ኮንጎ ዋናዎቹ ናቸው ተብሏል። የነዳጅ ማጣሪያው ባለሃብቱ አሊኮ ዳንጎቴ 70 በመቶ ድርሻ ሲኖራቸው ባለሃብቱ ባቀረቡት ግብዣ መሰረት ኬንያ ፣ ኢትዮጵያ ፣ እና የሩዋንዳ መንግስታት እያንዳንዳቸው የ10 በመቶ ድርሻ ይኖራቸዋል ተብሏል። የነዳጅ ማጣሪያው ተገንብቶ ለመጠናቀቅ ሶስት አመታት ይወስዳል ፤ ተብሏል ።

የነዳጅ ማጣሪያው በላ ወደብ መገንባት እንደ ኢትዮጵያ ላሉ የተጣራ ነዳጅ ከርቀት ለሚያስገቡ ሃገራት የቅርብ መፍትሔ ይዞ ይመጣል ተብሎ ተስፋ ተጥሎበታል።
የነዳጅ ማጣሪያው መገንባቱ ለአፍሪቃ አዲስ ምዕራፍ ይዘው መምጣቱን የተናገሩት ባለሃብቱ አሊኮ ዳንጎቴ የአፍሪቃ መንግስታት አብረው አፍሪቃን መገንባት ስለመጀመራቸው ማሳያ ነው ብለዋል።

DW Amharic

በዴሞክራቲክ ሪፐብሊክ ኮንጎ በኢቦላ ቫይረስ የተያዙ ሰዎች ቁጥር ከ8ሺ በላይ ደርሷል፡፡

በሀገሪቷ በወረርሽኙ ዙሪያ ግንዛቤ ለመፍጠር የሞከረ ከፍተኛ ባለሥልጣን በህዝብ ተደብድቦ መገደሉ ተሰምቷል።
 
በዴሞክራቲክ ሪፐብሊክ ኮንጎ ወይም ዲአርሲ የኢቦላ ቫይረስ በወረርሽኝ መልክ ከተከሰተበት ጊዜ አንስቶ የተያዙ ሰዎች ቁጥር ከ8 ሺህ በላይ መድረሱን አልጀዚራ አስነብቧል፡፡ዲአርሲ በሀገሪቱ የሕብረተሰብ ጤና ኢንስቲትዩት ይፋዊ መረጃ መሠረት፣ በወቅታዊውና በታሪክ አሰቃቂ በሆነው የኢቦላ ወረርሽኝ የተያዙ ሰዎች ቁጥር 8ሺህ 67 ደርሷል። ከእነዚህ ውስጥም 3ሺህ901 የሚሆኑት ሕይወታቸው ማለፉ የተገለጸ ሲሆን፣ ይህም የሞት መጠኑን ወደ 48.4 በመቶ ከፍ አድርጎታል።
 
በሰሜን ኪቩ ግዛት ውስጥ በሚገኘው ቡተንቦ ከተማ፣ በወረርሽኙ ዙሪያ ግንዛቤ ለመፍጠር የሞከረ አንድ የገዥው ፓርቲ ከፍተኛ ባለሥልጣን በህዝብ ተደብድቦ መገደሉ ተሰምቷል። ይህ አሳዛኝ ድርጊት መንግሥት ቫይረሱን ለመቆጣጠር በሚያደርጋቸው ጥረቶች ላይ ሕዝቡ ያለው አለመተማመንና ቁጣ ከፍተኛ መሆኑን ያሳያል።
 
የአፍሪካ ኅብረት የጤና ኤጀንሲ (አፍሪካ ሲዲሲ) በበኩሉ፣ የወረርሽኙ ቁጥር ከቀድሞው ፍጥነት እኩል ባይጨምርም፣ ወረርሽኙ አሁንም "በቁጥጥር ስር አልዋለም" የሚል ስጋቱን ገልጿል። ባለሙያዎች እንደሚያብራሩት፣ ደካማ የጤና መሠረተ ልማት፣ የክልሉ ርቀት፣ እንዲሁም በአካባቢው ያለው ግጭት ለበሽታው መስፋፋት ዋነኛ ምክኒያቶች ሆነዋል።
 
በተጨማሪም አሁን የተከሰተው የቫይረሱ ዝርያ እስካሁን ድረስ ምንም ዓይነት የጸደቀ ክትባትም ሆነ ሕክምና የሌለው በመሆኑ፣ በሳይንቲስቶችና በጤና ባለሙያዎች ላይ ተጨማሪ ፈተናን ደቅኗል።
  
ትግስት ላቀው

#ዳጉ_ጆርናል

በደቡብ አፍሪካ የሚገኙ ስደተኞች፣ መስከረም 20 ሊጠናቀቅ የቀረውን የጊዜ ገደብ ተከትሎ ጥቃት ሊሰነዘር ይችላል በሚል ከባድ ስጋት ውስጥ መውደቃቸው ተሰማ።

“ማርች ኤንድ ማርች” የተባለ ፀረ-ስደተኞች ንቅናቄ ቡድን፣ በዚህ ዓመት በደቡብ አፍሪካ ሰልፎችን በማካሄድ መስከረም 20 ወይም እ.ኤ.አ መስከረም 30 የመጨረሻ የጊዜ ገደብ ማወጁ ለስደተኛ ማህበረሰቦች ከፍተኛ የስጋት ጥላ አጥልቷል። ቡድኑ ህጋዊ ሰነድ የሌላቸው የውጭ ዜጎች ሀገሪቱን ለቀው እንዲወጡ የጠየቀ ሲሆን፤ ጥያቄው ካልተመለሰ ተጨማሪ ተቃውሞዎችን እንደሚያደርግ አስጠንቅቋል።

ይሁን እንጂ በደርባን የሚገኙት ባሄብዋ እና ሌሎች ስደተኞች እንዳሉት፤ በሰነድ የተደገፈ ወይም ያልተደገፈ ስደተኛ የሚለው ልዩነት በመሬት ላይ ላለው እውነታ ምንም ዓይነት መፅናኛ የሚሰጥ አይደለም። የሚደርሰባቸው የጎዳና ላይ ጥቃትና ጥላቻ መቼም ቢሆን የወረቀት ምርመራን በመጠየቅ የሚጀምር አለመሆኑንም አስረድተዋል።በቀጣዩ ህዳር 4 ቀን ደቡብ አፍሪካ የአካባቢ መንግሥት ምርጫ ለማካሄድ እየተዘጋጀች ሲሆን፤ በዚህ የምርጫ ዘመቻ ውስጥ የስደተኞች ጉዳይ ዋነኛ የፖለቲካ እና ማህበራዊ አጀንዳ ሆኖ መምጣቱ ይታወሳል።

በመቶዎች የሚቆጠሩ ጥገኝነት ጠያቂዎች ከጸረ-ስደተኞች ጥቃት ለመሸሽ ሲሉ  ለወራት እንቅልፍ ማጣታቸው ተገልጿል። ከኮንጎ እና ቡሩንዲ እንዲሁም ከዩጋንዳ፣ ሞዛምቢክ እና ታንዛኒያ የመጡት እነዚህ ስደተኞች፤ የደህንነት ስጋት እጅግ አሳሳቢ ደረጃ ላይ መድረሱን በምሬት ገልጸዋል፡፡

በትግስት ላቀው
#ዳጉ_ጆርናል Photo

ዛሬ የሚደረጉ ጨዋታዎች

የአውሮፓ ኔሽንስ ሊግ

01:00 | ጆርጂያ ከ ዩክሬን 
01:00 | አርሜንያ ከ ሞንቴኔግሮ 
01:00 | ላቲቪያ ከ ሳይፕረስ 
03:45 | ቤልጂየም ከ ፈረንሳይ 
03:45 | ቱርክ ከ ጣልያን 
03:45 | ሰሜን አየርላንድ ከ ሃንጋሪ 
03:45 | ሮማኒያ ከ ቦስኒያ እና ሄርዞጎቪና 
03:45 | ሲዊደን ከ ፖላንድ 

🌍 የአፍሪካ ዋንጫ ማጣሪያ

01:00 | ኢኳቶሪያል ጊኒ ከ ሴራሊዮን 
01:00 | ዚምባብዌ ከ ዲሞክራቲክ ሪፐብሊክ ኮንጎ 
01:00 | ሴንትራል አፍሪካ
ከ ቡርኪና ፋሶ 
04:00 | ቦትስዋና ከ ቱኒዚያ

@Bisrat_Sport_433et @Bisrat_Sport_433et

የኢትዮጵያ ቦክስ ፌዴሬሽን በኬንያ እና በኮንጎ በሚካሄዱ ውድድሮች ላይ የኢትዮጵያ ብሄራዊ ቡድን የሚወክሉ ቦክሰኞችን መርጧል በዚህም መሰረት ....

-> ኬንያ ለሚደረገው World Boxing

በወንዶች

50kg.... እሱባለው
55kg.... ደሳለኝ ሲሳይ
60kg..... ሀይማኖት ደሳለኝ ( ታይሰን )
63kg..... አብርሀም አለም
70kg..... መስፍን ብሩ

በሴቶች

48kg... ፈጣን ቢጆ
50kg... ትዝታ ደመላሽ
60kg... ሚልዮን ጨፎ

-> በኮንጎ ለሚደረገው IBA africa

48kg... ቢንያም በሪሁን
51kg... ኢብራሂም አስራር
54kg... ሱራፌል አላዩም
57kg... ሳምሶን ጌታቸው
67kg... አቡበከር ሰይፉ

በሴቶች

50kg.... ወርቅነሽ ዋቅጅራ
52kg.... ነጌኛ ታደሰ
57kg.... ገነት ፀጋዬ

MMA_433 MMA_433

በኮንጎ የኢቦላ ወረርሽኝ ወደ ሁለት ተጨማሪ ዞኖች መስፋፋቱን የዓለም ጤና ድርጅት ገለፀ

መስከረም 16 ቀን 2019 ዓ.ም. (አሐዱ ሬዲዮ) የዓለም ጤና ድርጅት በዴሞክራቲክ ሪፐብሊክ ኮንጎ የተከሰተው የኢቦላ ወረርሽኝ ወደ ሁለት ተጨማሪ ዞኖች መስፋፋቱን አስታውቋል ።

በዚህም ወረርሽኙ የተስፋፋባቸው ዞኖች ብዛት 63 ደርሷል ። እስከ ሀሙስ ድረስ 7 ሺህ 890 የተረጋገጡ የኢቦላ ቫይረስ ተጠቂዎች ተመዝግበዋል ።

ከእነዚህም መካከል 3 ሺህ 799 ሰዎች መሞታቸውን ድርጅቱ ገልጿል።

የድርጅቱ ዋና ዳይሬክተር ቴዎድሮስ አድሃኖም ፣ በአካባቢው ያለው ግጭትና የሕዝብ መፈናቀል ቫይረሱን እያባባሰው መሆኑን ገልፀዋል ። ዘገባው የሮይተርስ ነው፡፡

በአበረ ስሜነህ
#አሐዱ_ሬዲዮ_94 .3
#አሐዱ_የኢትዮጵያውያን_ድምጽ
ፌስቡክ ገጽ፡- https://web.facebook.com/a...
ቴሌግራም ገጽ፡- https://t.me/ahaduradi

የአፍሪካ ዋንጫ ማጣሪያ !

እረፍት

ናምቢያ 0-0 ኮንጎ

@Bisrat_Sport_433et
@Bisrat_Sport_433et

ተጠባቂ የዛሬ መርሐ ግብሮች !

የአፍሪካ ዋንጫ ማጣሪያ

1:00 ዲ.ሪ ኮንጎ ከ ኢኳቶሪያል ጊኒ

4:00 ካሜሮን ከ ኮሞሮስ

4:00 ቱኒዚያ ከ ዩጋንዳ

4:00 አይቮሪ ኮስት ከ ጋና

የአውሮፓ ኔሽንስ ሊግ

3:45 ኔዘርላንድ ከ ጀርመን

3:45 ፖርቹጋል ከ ዌልስ

3:45 ኖርዌይ ከ ዴንማርክ

@tikvahethsport      kidusyoftahe

የዓለም መሪዎች ትልቅ ስጋት እየሆነ በመጣው በአርቴፊሻል ኢንተለጀንስዙሪያ ሊመክሩ ነው

የዓለም መሪዎች በመካከለኛው ምስራቅ እና በዩክሬን ባሉ ጦርነቶች፣ በ አርቴፊሻል ኢንተለጀንስ ላይ እየጨመረ ባለው ስጋት እንዲሁም እየተባባሰ በመጣው የኢኮኖሚ እና የአየር ንብረት ጫናዎች ታጅበው በዚህ ሳምንት በተባበሩት መንግስታት ድርጅት ለመምከር ተሰባስበዋል።

በጦርነት እና በከረረ መከፋፈል ጥላ ስር፣ የዓለም መሪዎች በዚህ ሳምንት በተባበሩት መንግስታት ድርጅት (ተመድ) የተሰበሰቡት ከቁጥጥር ውጪ በሆነ መልኩ አርቴፊሻል ኢንተለጀንስ በሰው ልጆች ላይ አደጋ ሊደቅን ይችላል ከሚል አዲስ ስጋት ጋር ተያይዞ ነው። ይህ በእንዲህ እንዳለ የአየር ንብረት መዛባት እና እየናረ የመጣው የኑሮ ውድነት የመቶ ሚሊዮኖችን ሕይወት ፈታኝ አድርጎታል።

በተመድ ጠቅላላ ጉባኤ ላይ የሚደረገው ዓመታዊ ከፍተኛ የባለስልጣናት ስብሰባ የአንበሳውን ድርሻ የሚይዘው በኢራን፣ ጋዛ፣ ዩክሬን፣ ሱዳን፣ ኮንጎ እና ምያንማር ባሉ ታላላቅ ጦርነቶች ላይ ሲሆን፣ መሪዎቹ እነዚህን ጦርነቶች ለማስቆም ምን ማድረግ ይችላሉ የሚለው ጥያቄ ዋነኛው መነጋገሪያ ይሆናል።

የምድራችንን የወደፊት ዕጣ ፈንታ አደጋ ላይ ከሚጥለው ዓመታዊ የምድር ሙቀት መጨመር፣  ከተዘጉ የመርከብ መስመሮች እና  ከኑሮ ውድነት መጨመር ጋር በተያያዘ መፍትሄ ይሆናል ባሉት ጉዳይ ላይ ይመክራሉ።

የተ.መ.ድ 193 አባል አገራት እና  የጸጥታ ምክር ቤት፣ ቁልፍ ተቋማትን ማሻሻልን ጨምሮ ሰፊ የሆነ የማሻሻያ ፓኬጅ ላይ ተስማምተዋል። በአሜሪካ፣ ሩሲያ፣ ቻይና፣ ብሪታንያ እና ፈረንሳይ ውድቅ የማድረግ መብት ስላላቸው ያልተመጣጠነ ተጽዕኖ አላቸው።

ሰላማዊ ነጋሲ
#ዳጉ_ጆርናል

(ዘ-ሐበሻ ዜና) የኦሮሞ ነፃነት ሠራዊት (በመንግሥት አጠራር ኦነግ ሸኔ) በኦሮሚያ ክልል ውስጥ በማዕድን ማውጣት እና የተፈጥሮ ሀብት ብዝበዛ ዘርፍ ለተሰማሩ የውጭም ሆነ የሀገር ውስጥ ኩባንያዎች "አስቸኳይ" ያለውን ጥብቅ ማስጠንቀቂያ አውጥቷል። ቡድኑ በማኅበራዊ ትስስር ገጹ ባሰራጨው ይፋዊ መግለጫ፣ ከዚህ በኋላ በክልሉ ውስጥ የሚደረጉ ማናቸውም የማዕድን ማውጣት እንቅስቃሴዎች አዲስ በተቀመጡ አስገዳጅ መስፈርቶች ላይ የተመሰረቱ መሆን እንዳለባቸው አስታውቋል።
በመግለጫው መሰረት ኩባንያዎቹ ሊያሟሏቸው የሚገቡ ሁለት ዋና ዋና ቅድመ ሁኔታዎች ተቀምጠዋል።

አንደኛው በክልሉ የሚንቀሳቀስ ማንኛውም ተቋም የአካባቢው ማኅበረሰብ በፕሮጀክቶቹ ውስጥ በቀጥታ ስለሚሳተፍበት እና ተጠቃሚ ስለሚሆንበት መንገድ ግልጽ እና ሁሉን አቀፍ ውይይት ማድረግ አለበት የሚል ነው። ምንም ዓይነት የማዕድን ማውጣት ስራ ይህንን የሕዝብ ተጠቃሚነት ስምምነት ሳያሟላ መጀመር እንደማይችል ተገልጿል። ሁለተኛው ደግሞ፣ ለማዕድን ቁፋሮው የሚያስፈልጉ የአካባቢ ጥበቃ መስፈርቶች በማንኛውም የሥራ ደረጃ ላይ ጥብቅ በሆነ እና ሊረጋገጥ በሚችል መልኩ ተግባራዊ መደረግ አለባቸው የሚል ነው። መግለጫው አክሎም፣ እነዚህ የአካባቢ ጥበቃ መስፈርቶች በፍጹም ለድርድር የማይቀርቡ መሆናቸውን አጽንኦት ሰጥቶ ገልጿል።

ቡድኑ እነዚህን ቅድመ ሁኔታዎች በማያሟሉ እና ትዕዛዙን ወደ ጎን በሚሉ ኩባንያዎች ላይ ለሚደርሰው ማንኛውም ነገር ሙሉ ኃላፊነት እንደሚወስዱና ከባድ እርምጃ እንደሚወስድ ዝቷል። ለዚህም በማሳያነት በምዕራብ ኦሮሚያ የሚገኘውን እና በጸጥታ ችግር ምክንያት በተደጋጋሚ ስራ ያቆመውን፣ እንዲሁም ሠራተኞቹ ጥቃት ሲደርስባቸው የነበረውን የግዙፉን የቱሉ ካፒ የወርቅ ማዕድን ፕሮጀክት እጣ ፈንታ እንደ ምሳሌ ጠቅሷል።

ይህ የኦሮሞ ነፃነት ሠራዊት ማስጠንቀቂያ፣ በታጠቁ ኃይሎች እና በመንግሥት መካከል ያለው ጦርነት ከፖለቲካዊ እና ወታደራዊ ፍልሚያ አልፎ ወደ ኢኮኖሚያዊ ማዕቀብ መሸጋገሩን ያሳያል። ታጣቂ ቡድኖች የውጭ ኢንቨስትመንቶችን እና የተፈጥሮ ሀብት ማውጫ ስፍራዎችን ኢላማ ማድረግ በዓለም አቀፍ ደረጃ የተለመደ የጦርነት ስትራቴጂ ነው። ለምሳሌ በዲሞክራቲክ ሪፐብሊክ ኮንጎ የሚገኙ ታጣቂዎች በማዕድን ማውጫዎች ላይ፣ ወይም በናይጄሪያ የኒጀር ዴልታ አማጺያን በነዳጅ ኩባንያዎች ላይ የሚያደርሱት ጫና ከመንግሥት ጋር ለመደራደር ወይም መንግሥትን ኢኮኖሚያዊ ደም ለማስለቀስ የሚጠቀሙበት ዋነኛ ስልት ነው። የዚህ ማስጠንቀቂያ ዋነኛ መዋቅራዊ ትርጉምም፣ ኢትዮጵያ በከፍተኛ የውጭ ምንዛሪ እጥረት በምትሰቃይበት እና የውጭ ቀጥታ ኢንቨስትመንት በምትሻበት በዚህ ወቅት፣ ዓለም አቀፍ የማዕድን ኩባንያዎች በጸጥታ ስጋት ምክንያት ኢንቨስትመንታቸውን እንዲያሽሹ የሚያደርግ ከባድ የስነ-ልቦና እና የተግባር ጫና መፍጠር ነው።

በኮንጎ የሰርግ ድግስ ወደ ሀዘን ተቀየረ፡ የ22 ሰዎች ህይወት በእሳት አደጋ አለፈ

ትናንት ቅዳሜ ​በዲሞክራቲክ ሪፐብሊክ ኮንጎ ዋና ከተማ ኪንሻሳ በሚገኘው ሊንግዋላ በተባለ አካባቢ በተካሄደ የሰርግ ስነ-ስርዓት ላይ በተነሳ ድንገተኛ የእሳት አደጋ የ22 ሰዎች ህይወት ሲያልፍ በርካቶች ደግሞ ለፅኑ ጉዳት ተዳረጉ።

​የአካባቢው አስተዳዳሪ ኖርበርት ሙሺንጋ እንደገለጹት አደጋው የተከሰተው ደስታቸውን ለማክበር በተሰበሰቡበት አዳራሽ ውስጥ ሲሆን፡ የሟቾች ቁጥር ሊጨምር እንደሚችል ስጋታቸውን ገልጸዋል።

በርካታ ተጎጂዎች በአቅራቢያ ወደሚገኙ ህክምና መስጫዎች ተወስደው ድገተኛ ህክምና እየተደረገላቸው ይገኛል።

​እስካሁን የአደጋው መንስኤ በውል ያልታወቀ ሲሆን፡ ባለስልጣናት በኤሌክትሪክ መስመር መበላሸት ወይም በአዳራሹ ጌጣጌጦች ምክንያት ሊሆን ይችላል በሚል ሰፊ ምርመራ እያካሄዱ ነው።

አደጋው በስፍራው የነበረውን ሙሉ ንብረት አውድሟል ሲሉ የሀገሪቱ መገናኛ ብዙሃን ዘግበዋል።

Seledadotio
Seledadotio

(ዘ-ሐበሻ ዜና) እስከ ቅርብ ጊዜ ድረስ የጦር ውርወራ ስፖርተኛ የነበረው የሃያ አንድ ዓመቱ ወጣት አትሌት አዲሱ ጎበና፣ እሁድ ዕለት በተካሄደው የሲድኒ ማራቶን የቦታውን ክብረ ወሰን በማሻሻል ደማቅ ታሪክ ጽፏል። አርባ ሺህ ገደማ ተወዳዳሪዎች በተሳተፉበት እና ኮረብታማ በሆነው በዚህ ታላቅ ውድድር ላይ፣ አዲሱ ርቀቱን በሁለት ሰዓት ከ አራት ደቂቃ ከ አርባ ሁለት ሴኮንድ በማጠናቀቅ ነው አሸናፊ የሆነው። ይህ ሰዓት ቀድሞ ከነበረው ክብረ ወሰን በአንድ ደቂቃ ተኩል ያህል ፈጣን ሆኖ ተመዝግቧል።

በውድድሩ የመጨረሻ ሁለት ኪሎ ሜትሮች ውስጥ አዲሱ ከሌላው ኢትዮጵያዊ አትሌት ጭምዴሳ ደበሌ ጉደታ ጋር በመሆን መሪ ከነበሩት ስድስት ተወዳዳሪዎች ተነጥሎ መውጣት ችሎ ነበር። ወደ ሲድኒ ኦፔራ ሃውስ በሚያመራው ቁልቁለት የማጠናቀቂያ መስመር ላይ በከፍተኛ ፍጥነት በመፈትለክም በአራት ሴኮንዶች ልዩነት አንደኛ ወጥቷል። ባለፈው ዓመት በተመሳሳይ ውድድር ከኃይለማርያም ኪሮስ ቀጥሎ ሁለተኛ ወጥቶ የነበረው አዲሱ፣ ዘንድሮ ድሉን ሲቀዳጅ ደስታውን በአየር ላይ ቡጢ በመሰንዘር አክብሯል። አትሌቱ ከድሉ በኋላ በሰጠው አስተያየት፣ ባለፈው ዓመት ከሰራው ስህተት ተምሮ እና ጠንክሮ በመስራት ዘንድሮ ለዚህ ስኬት መብቃቱን በደስታ ገልጿል።

በዚሁ የውድድር መደብ የሌሴቶው ተበሎ ራማኮንጎአና ሶስተኛ ደረጃን ይዟል። አምና ኃይለማርያም ኪሮስ አስመዝግቦት የነበረውን ክብረ ወሰን፣ ዘንድሮ ከአንደኛ እስከ ሰባተኛ የወጡት አትሌቶች በሙሉ መስበር መቻላቸው የዘንድሮውን ውድድር አስገራሚ ፍጥነት አስመስክሯል።

በሴቶች የማራቶን ውድድር ኬንያዊቷ ፔሬስ ጄፕቺርቺር ገና ከጅምሩ ርቃ በመምራት በሁለት ሰዓት ከ አስራ ስምንት ደቂቃ ከ ሰላሳ አንድ ሴኮንድ አሸናፊ ሆናለች። ይህ ድል አትሌቷ ቀደም ሲል በቦስተን፣ ኒውዮርክ እና ለንደን ካስመዘገበቻቸው ድሎች በመቀጠል ያገኘችው አራተኛው ታላቅ የማራቶን ድል ነው። በውድድሩ ሌላዋ ኬንያዊት አይሪን ቼፕታይ ሁለተኛ ስትወጣ፣ ኢትዮጵያዊቷ ሹሬ ደምሴ ዋሬ ሶስተኛ ደረጃን በመያዝ አጠናቃለች።

ከውድድሩ ድምቀት ጎን ለጎን አዘጋጆቹን አሳፋሪ ሁኔታ ውስጥ የከተተ ስህተት በሜዳሊያዎቹ ላይ ተከስቷል። ለአሸናፊዎች በተዘጋጀው ሜዳሊያ ላይ የሲድኒው አሊያንዝ ስታዲየም ምስል መታተም ሲገባው፣ በስህተት የጀርመኑ አሊያንዝ አሬና ስታዲየም ምስል ታትሞበት መገኘቱን አዘጋጆቹ አምነዋል።

በተሽከርካሪ ወንበር በተካሄደው ውድድር ደግሞ፣ አሜሪካዊው ዳንኤል ሮማንቹክ በወንዶች፣ እንዲሁም ስዊዘርላንዳዊቷ ማኑዌላ ሻር በሴቶች የቦታውን ክብረ ወሰን በማሻሻል አሸናፊ ሆነዋል። ዳንኤል ርቀቱን በአንድ ሰዓት ከ ሃያ ስድስት ደቂቃ ከ ሃምሳ ሴኮንድ ሲያጠናቅቅ፣ ማኑዌላ በአንድ ሰዓት ከ አርባ ሁለት ደቂቃ ከ አራት ሴኮንድ በመግባት የበላይነታቸውን አሳይተዋል።

ተጠናክሮ የቀጠለው ለአፍሪካዊ ችግሮች አፍሪካዊ መፍትሔ

አዲስ አበባ፣ ነሐሴ 22፣ 2018 (ኤፍ ኤም ሲ) ዴሞክራቲክ ኮንጎ በሀገሪቱ የተከሰቱ የሰላም እና ደህንነት ችግሮችን ለመፍታት ያለመ እና ለሶስት ወራት የሚቆይ ብሔራዊ ምክክር ማካሄድ ጀምራለች፡፡

ኢትዮጵያ ለዘመናት የቆዩ ልዩነቶችን ለማከም እና በሀገር ግንባታ ዙሪያ በጋራ ለመቆም ለሌሎች አፍሪካውያን አርአያ የሚሆን የሀገራዊ ምክክር ጉባዔ በተሳካ ሁኔታ ማካሄዷ ይታወቃል፡፡

የናይጄሪያ የቀድሞ ፕሬዚዳንት እና የምስራቅ አፍሪካ ልዩ መልዕክተኛ ኦሊሴጉን ኦባሳንጆ በቅርቡ በተካሄደው የኢትዮጵያ ሀገራዊ ምክክር ጉባዔ ማጠቃለያ ሥነ ሥርዓት ላይ ባደረጉት ንግግር÷ኢትዮጵያ ዘላቂ ሰላም እና ደህንነትን ለማረጋገጥ ያደረገችውን ስኬታማ ምክክር አድንቀዋል፡፡

አፍሪካዊ ችግሮች በአፍሪካውያን መፍትሔ ማግኘት አለባቸው ስንል ሌሎችን ለማግለል ሳይሆን አፍሪካውያን የራሳቸውን ችግር በራሳቸው የመፍታት የቆየ ልምድ ስላላቸው ነው ብለውም ነበር፡፡

በተጨማሪም ኢትዮጵያ ያካሄደችው ስኬታማ የሀገራዊ ምክክር ተሞክሮ በሌሎች ሀገራትም ተጠናክሮ እንደሚቀጥል ያላቸውን እምነት መግለጻቸው ይታወሳል፡፡

አሁን ላይም አፍሪካዊ ችግሮች በአፍሪካውያን መፍትሔ ማግኘት አለባቸው የሚለው ሃሳብ ተጠናክሮ ቀጥሎ በምክክር ልዩነትን በማረቅ ሀገራዊ መግባባትን የመፍጠር ሒደትን ዴሞክራቲክ ኮንጎም ተቀላቅላለች፡፡

ዴሞክራቲክ ኮንጎ በዛሬው ዕለት በሀገሪቱ የተከሰቱ የሰላም እና ደህንነት ችግሮችን ለመፍታት ያለመ እና ለሶስት ወራት የሚቆይ ብሔራዊ ምክክር ይፋ አድርጋለች፡፡

ምክክሩ በሀገሪቱ በሚገኙ 26 ግዛቶች በሚደረጉ ውይይቶች የሚጀመር ሲሆን÷ ከሶስት ወራት በኋላ በሀገሪቱ መዲና ኪንሻሳ ብሔራዊ ጉባዔ እንደሚካሄድ ተመላክቷል፡፡

በምክክሩ የሀገሪቱ ገዥ ፓርቲ፣ተፎካካሪ ፓርቲዎች፣ የሲቪል ማህበራት፣ የሃይማኖት ተቋማት፣ ባህላዊ መሪዎች፣ የኢኮኖሚው ዘርፍ ባለሙያዎች፣ ምሁራን፣ ሴቶች፣ ወጣቶች፣ በውጭ የሚኖሩ ዜጎች እና ሌሎች የማሕበረሰብ ክፍሎች ይሳተፋሉ፡፡

በማስጀመሪያ መርሐ ግብሩ በሀገሪቱ የትጥቅ እንቅስቃሴ የሚያደርገው ኤም 23 ታጣቂ ቡድን በምክክሩ እንዲሳተፍ ጥሪ የቀረበለት መሆኑን ስፑትኒክ ኒውስ ዘግቧል፡፡

በምክክሩ በሀገሪቱ የሚስተዋሉ የፀጥታ ችግሮች፣ በማሕበረሰቡ የሚስተዋሉ ግጭቶች፣ ብሔራዊ አንድነትን ለማጎልበት የሚያስችሉና እና ሌሎች ጉዳዮች በአጀንዳነት እንደሚቀርቡ ተጠቅሷል፡፡

በሚኪያስ አየለ

የዓለም ጤና ድርጅት ዋና ዳይሬክተር ዶ/ር ቴዎድሮስ አድሃኖም የስራ ዘመናቸውን በ2027 እንደሚያጠናቅቁ አስታወቁ

የዓለም ጤና ድርጅት ዋና ዳይሬክተር ዶ/ር ቴዎድሮስ አድሃኖም በመጪው የፈረንጆቹ ነሐሴ 2027 የስራ ዘመናቸውን እንደሚያጠናቅቁ ይፋ አደረጉ።

ዋና ዳይሬክተሩ አፍሪካ የራሷን የጤና አጀንዳ በባለቤትነት መምራት እንዳለባትና የውጭ ጥገኝነትን በማስቀረት ራሷን መቻል እንደምትችል ተናግረዋል።

ዶ/ር ቴድሮስ በዛሬው ዕለት በአዲስ አበባ በተጀመረው የድርጅቱ ቀጣናዊ ኮሚቴ ስብሰባ ላይ በቪዲዮ ባደረጉት ንግግር እንደገለጹት ኃላፊነታቸውን ከማጠናቀቃቸው በፊት ይህ በዋና ዳይሬክተርነት የተገኙበት የመጨረሻው የቀጣናዊ ኮሚቴ ስብሰባ መሆኑን ገልጸዋል።

ከዘጠኝ ዓመታት በፊት በ2017 በዚምባብዌ ባደረጉት ንግግር አባል ሀገራት የየራሳቸውን የጤና አጀንዳ በመሪነት መያዝ አለባቸው ማለታቸውን ያስታወሱት ዶ/ር ቴድሮስ አሁን ላይ ይህ ሀሳብ አፍሪካ የራሷን ጤና በፋይናንስ የምትደግፍበት ፣ የምታስተዳድርበት እና የምታቀርብበት መሰረታዊ መርህ እየሆነ መምጣቱን ተናግረዋል።

አህጉሪቱ አሁን ላይ ወሳኝ በሆነ የለውጥ ምዕራፍ ላይ እንደምትገኝ የገለጹት ዶ/ር ቴድሮስ አፍሪካ ከምታገኘው የውጭ እርዳታ ይልቅ በገንዘብ ዝውውር እና በከፍተኛ የዕዳ ክፍያ ምክንያት የምታጣው ሀብት በእጅጉ እንደሚበልጥ ጠቁመዋል።

የጤና ታክሶችን በአግባቡ በመጠቀም አፍሪካ የህዝቧን ጤና በራሷ አቅም መደገፍ እንደምትችል ዶ/ር ቴድሮስ በንግግራቸው ገልጸዋል።

ዶ/ር ቴድሮስ ሁላችንም በጋራ የምንፈልጋትን ጤናማ ፣ ደህንነቷ የተጠበቀ እና ፍትሃዊ የሆነች አፍሪካ መገንባት አለብን ብለዋል።

በተጨማሪም አባል ሀገራት በመጪው ግንቦት በሚካሄደው የዓለም ጤና ጉባኤ ላይ የድርጅቱን ዘላቂ የፋይናንስ አቅም ለማሳደግ የሚደረገውን የመዋጮ ጭማሪ እንዲያጸድቁ ዶ/ር ቴድሮስ ጠይቀዋል።

ሀገራቱ ከዓለም አቀፍ የጤና መዋቅር ማሻሻያ ጋር በንቃት እንዲሳተፉ ፣ በዲሞክራቲክ ሪፐብሊክ ኮንጎ ለተከሰተው የኢቦላ ወረርሽኝ እየተደረገ ያለውን ምላሽ እንዲደግፉና ድርጅቱን ይበልጥ ቀልጣፋ ለማድረግ የሚሰራውን ስራ እንዲያግዙ አሳስበዋል።

በመጨረሻም "የእናንተ ዋና ዳይሬክተር ሆኜ ማገልገል በሕይወቴ ትልቁ ክብር ነው" ሲሉ የተናገሩት ዶ/ር ቴድሮስ ኃላፊነታቸውን እስከሚያስረክቡ ድረስ በቀሪው አንድ ዓመት ላስቀመጡት ራዕይ አባል ሀገራቱና የድርጅቱ ባልደረቦች ድጋፋቸውን እንዲቀጥሉ ጠይቀዋል።

በፋሲል አረጋይ

(ዘ-ሐበሻ ዜና) የአሜሪካ መንግስት ለተባበሩት መንግስታት ድርጅት (ተመድ) መክፈል ከነበረበት በቢሊዮኖች ከሚቆጠር ውዝፍ እዳ ውስጥ 850 ሚሊዮን ዶላሩን ለመክፈል ማቀዱን ለሀገሪቱ ኮንግረስ አሳውቋል። ይህ ክፍያ የትራምፕ አስተዳደር የተመድ ዋነኛ የገንዘብ ደጋፊነቱን ለመቀጠል ተቋሙ ላይ መዋቅራዊ ማሻሻያ እንዲደረግ ከጠየቀ ወዲህ የሚፈጽመው ከፍተኛው ክፍያ መሆኑ ተነግሯል።

አሶሼትድ ፕሬስ ያገኘው መረጃ እንደሚያመለክተው፣ የአሜሪካ የውጭ ጉዳይ መስሪያ ቤት ካቀደው ጠቅላላ ክፍያ ውስጥ 725 ሚሊዮን ዶላሩ የተመድን መደበኛ በጀት ለመደገፍ የሚውል ነው። ቀሪው 125 ሚሊዮን ዶላር ደግሞ በሄይቲ እና በዲሞክራቲክ ሪፐብሊክ ኮንጎ ለሚካሄደው የተመድ የሰላም አስከባሪ ተልዕኮ የሚሰጥ ይሆናል።

እንደ ተባበሩት መንግስታት ድርጅት መረጃ፣ አሜሪካ ከድርጅቱ አባልነቷ ጋር ተያይዞ ያልከፈለችው ወደ 5 ቢሊዮን ዶላር የሚጠጋ ውዝፍ እዳ አለባት። ከዚህ ውስጥ ከ2 ቢሊዮን ዶላር በላይ የሚሆነው ለመደበኛ በጀት ሲሆን፣ 3 ቢሊዮን ዶላር ገደማ ደግሞ ለሰላም አስከባሪ ስራዎች መከፈል የነበረበት ነው።

የተመድ ዋና ጸሃፊ አንቶኒዮ ጉቴሬዝ ድርጅቱ የፋይናንስ አሰራሩን ካልቀየረ ወይም ሁሉም 193 አባል ሀገራት ክፍያቸውን በወቅቱ ካልፈጸሙ ተቋሙ አፋጣኝ የሆነ የገንዘብ ቀውስ አደጋ እንደተጋረጠበት በቅርቡ ማስጠንቀቃቸው ይታወሳል። ይህ በተለይም ለአሜሪካ የተላለፈ መልዕክት እንደነበር ሲገለጽ፣ የትራምፕ አስተዳደርም ይህንን ተከትሎ ባለፈው የካቲት ወር ላይ የ160 ሚሊዮን ዶላር ክፍያ ፈጽሞ ነበር።

(ዘ-ሐበሻ ዜና) የምዕራብ አፍሪካዊቷ ሀገር ላይቤሪያ፣ ከአሜሪካ የተባረሩ የ"ሶስተኛ ሀገር" ስደተኞችን የመጀመሪያ ቡድን ሀሙስ ዕለት መቀበሏን የአሜሪካ ባለስልጣናት አረጋግጠዋል። የላቲን አሜሪካ ስደተኞችን ጨምሮ ከተለያዩ ሀገራት የተውጣጡ ወደ 20 የሚጠጉ ስደተኞች ከአሜሪካ ከተባረሩ በኋላ ላይቤሪያ አርፈዋል።

ይሁን እንጂ ስደተኞቹን አሳፍራ የነበረችው አውሮፕላን ላይቤሪያ ከደረሰች በኋላ፣ ከስደተኞቹ መካከል ጥቂቶቹ ከአውሮፕላኑ አንወርድም በማለት ተቃውሞ ማሰማታቸውን አንድ የአሜሪካ ባለስልጣን ተናግረዋል። ከዚህም ጋር ተያይዞ በግዳጅ ከአውሮፕላኑ እንዲወርዱ ከተደረጉ በኋላ ዳግም ወደ አውሮፕላኑ መመለሳቸው የተገለጸ ሲሆን፣ አሁን ያሉበት ሁኔታ በትክክል አልታወቀም።

ፕሬዚዳንት ዶናልድ ትራምፕ ህገ-ወጥ ስደትን ለመግታት እየወሰዱት ባለው ጠንካራ እርምጃ እና ስደተኞችን ምንም ዓይነት ትስስር ወደሌላቸው "የሶስተኛ ሀገራት" ለማባረር ኋይት ሀውስ በጀመረው ዘመቻ መሰረት፣ ዜጎቿ ያልሆኑ ስደተኞችን የተቀበለች የቅርብ ጊዜ ሀገር ላይቤሪያ ሆናለች። የላይቤሪያ መንግስት በቀጣዩ ዓመት ከአሜሪካ የሚባረሩ እስከ 1,200 የሚደርሱ የሶስተኛ ሀገር ስደተኞችን ለመቀበል ማቀዱን እና አዲስ መጪዎቹም በሀገሪቱ የጥገኝነት ጥያቄ ማቅረብ እንደሚችሉ አስታውቋል። በዚህም መሰረት የትራምፕ አስተዳደር ባለፈው ዓመት በስህተት ወደ ኤልሳልቫዶር ተባርሮ ወደ አሜሪካ የተመለሰውን ኪልማር አብሬጎ ጋርሲያ የተባለውን ግለሰብ ወደ ላይቤሪያ ለማባረር እየሞከረ መሆኑ ተጠቁሟል።

የትራምፕ አስተዳደር በታጠቁ ግጭቶች፣ በፖለቲካዊ አለመረጋጋት እና በሰብአዊ መብት ጥሰቶች ከሚታመሱት ደቡብ ሱዳን፣ የመካከለኛው አፍሪካ ሪፐብሊክ እና የዲሞክራቲክ ሪፐብሊክ ኮንጎን ጨምሮ በዓለም ዙሪያ ካሉ በደርዘን የሚቆጠሩ ሀገራት ጋር የሶስተኛ ሀገር የስደተኞች ስምምነቶችን ተፈራርሟል።

ጋና፣ ኢኳቶሪያል ጊኒ እና ሌሎች የአፍሪካ ሀገራትም በተመሳሳይ ከሌሎች ሀገራት የሚመጡ ስደተኞችን ለመቀበል ተስማምተው መደበኛ የማባረር በረራዎችን እያስተናገዱ ይገኛሉ።

የሰብአዊ መብት ተሟጋቾች ይህንን የሶስተኛ ሀገር የስደት ማስወጣት እርምጃ ኢ-ሰብአዊ እና በዓለም አቀፍ ህግ መሰረት ህገ-ወጥ ነው ሲሉ አውግዘውታል። በተለይም አንዳንዶቹ ሀገራት ስደተኞቹን ከጭቆና ወደ ሸሹበት ሀገር መልሰው ሊልኳቸው ይችላሉ የሚል ከባድ ስጋት አላቸው። በአንጻሩ የትራምፕ አስተዳደር እርምጃው ህገ-ወጥ ስደትን ለመከላከል ውጤታማ መንገድ ነው በማለት ህጋዊነቱንና ጠቀሜታውን ይሟገታል። በአብዛኛው ይህ የአስተዳደሩ ጥረት ያነጣጠረው የትውልድ ሀገራቸው ከአሜሪካ የሚባረሩ ዜጎቻቸውን በማይቀበሉ ወይም ወደ ሀገራቸው እንዳይመለሱ ህጋዊ ጥበቃ ባገኙ ስደተኞች ላይ ነው።

ላይቤሪያ የሌሎች ሀገራት ዜጎችን ጨምሮ 1,200 ከአሜሪካ የሚባረሩ ሰዎችን ለመቀበል ተስማማች

​#fastmereja I ላይቤሪያ በፈረንጆቹ አዲስ ዓመት በተያዘው የጊዜ ሰሌዳ መሠረት የሌሎች ሀገራት ዜጎች የተካተቱባቸውን እስከ 1,200 ከዩናይትድ ስቴትስ የሚባረሩ ሰዎችን ለመቀበል መስማማቷ ተገለፀ። ከመካከላቸው የመጀመሪያዎቹ 20 ተባራሪዎች የፊታችን ሐሙስ ሞኖሮቪያ ይደርሳሉ ተብሎ የሚጠበቅ ሲሆን፣ የላይቤሪያ መንግሥት ግለሰቦቹ ሀገሪቱን ለቀው የመውጣት ወይም የጥገኝነት ጥያቄ የማቅረብ መብት እንዳላቸው አስታውቋል።

​ከቅርብ ጊዜ ወዲህ አሜሪካ ከግዛቷ የምታወጣቸውን ስደተኞች ለማስተናገድ የአፍሪካ ሀገራትን እንደ ማሸጋገርያ እየተጠቀመችበት ይገኛል። ጋና እና ኢኳቶሪያል ጊኒ ከላይቤሪያ በተጨማሪ ለአሜሪካ ተባራሪዎች ዋና ዋና የአፍሪካ ማሸጋገርያ ነጥቦች ሆነው በማገልገል ላይ ናቸው። በሌላ በኩል ኢስዋቲኒ ቀደም ሲል ከአሜሪካ ከተቀበለቻቸው 30 ተባራሪዎች መካከል ሁለቱ ወደ ትውልድ ሀገራቸው ሞሪታኒያ እና ዲሞክራቲክ ሪፐብሊክ ኮንጎ መመለሳቸውን ይፋ አድርጋለች።

የዴሞክራቲክ ኮንጎ የኢቦላ ወረርሽኝ፡
በአገሪቱ ታሪክ የከፋው ሆኖ ተመዘገበ

በዴሞክራቲክ ሪፐብሊክ ኮንጎ የተከሰተው የኢቦላ ወረርሽኝ በአገሪቱ ታሪክ እጅግ የከፋው ሆኖ መመዝገቡን የጤና ባለሥልጣናት አስታወቁ። ቫይረሱ ግንቦት ላይ መከሰቱ ከተወጀ ወዲህ ከ4,900 በላይ ሰዎች በበሽታው ሲያዙ፣ የሞቱት ሰዎች ቁጥር ደግሞ 2,325 ደርሷል። የተባበሩት መንግሥታት ድርጅት የወረርሽኙን የስርጭት ፍጥነት "በየ30 ደቂቃው ሰው እየገደለ ነው" ሲል የገለጸው ሲሆን፣ በሽታው ከኮንጎ ውጪ በዩጋንዳ፣ ጀርመን እና ፈረንሳይ በትንሹም ቢሆን መታየቱ ተገልጿል።

ይህ አሁን የተከሰተው የቡንዲቡግዮ የተባለው የኢቦላ ቫይረስ ዝርያ እጅግ ያልተለመደና እስካሁን የተረጋገጠ ክትባት የሌለው በመሆኑ ሁኔታውን የበለጠ አሳሳቢ አድርጎታል። በአገሪቱ ለዓመታት የዘለቀው ግጭትና የሰዎች እንቅስቃሴ ስርጭቱን ለመቆጣጠር የሚደረገውን ጥረት አስቸጋሪ ያደረገው ሲሆን፣ የዓለም ጤና ድርጅት የቫይረሱን ስርጭት በሦስት ወር ውስጥ ለመቀልበስ አልሞ እየሰራ ይገኛል።

Seledadotio
Seledadotio

ኮንጎ ለኤሎን መስኩ ተቋም ፍቃድ ሰጠች!
#ethiopia |የኤርቴል አፍሪካ እና የኢሎን መስክ ስታርሊንክ በጋራ በመሆን የመጀመሪያውን የሳተላይት ስልክ አገልግሎት አስጀመሩ።

ሁለቱ ተቋማት በዲሞክራቲክ ሪፐብሊክ ኮንጎ የሳተላይት ስልክ አገልግሎት በይፋ አስጀምረዋል።

ይህ አዲስ ቴክኖሎጂ የቴሌኮም ማማዎች በሌሉባቸው ወይም የኔትወርክ ሽፋን ባልደረሰባቸው ገጠራማ አካባቢዎች የሚተገበር ነው።

አገልግሎቱ የኤርቴል ደንበኞች ስልካቸውን በቀጥታ በህዋ ላይ ከሚገኙ የስታርሊንክ ሳተላይቶች ጋር እንዲያገናኙ ያስችላቸዋል ተብሏል።

በአሁኑ ወቅት አገልግሎቱ የጽሁፍ መልእክቶችን እና እንደ ዋትስአፕ ያሉ ቀላል መተግበሪያዎችን ለመጠቀም ያስችላል።

ሁለቱ ተቋማት ባደረጉት የአጋርነት ስምምነት መሠረት ወደ ሌሎች የአፍሪካ ሀገራት እየሰፋ ሲሄድ የድምፅና የቪዲዮ ጥሪዎችን ጨምሮ ተጨማሪ የዳታ አገልግሎቶችን ለማቅረብ ተስማምተዋል።

ሔኖክ ወ/ገብርኤል
#ethiopia #getutemesgen #airtelafrica #elonmusk #starlink #technology #congo

በዲሞክራቲክ ሪፐብሊክ ኮንጎ በኢቦላ ወረርሽኝ ምክንያት የሟቾች ቁጥር 2,000 አለፈ።

በዲሞክራቲክ ሪፐብሊክ ኮንጎ የተከሰተው እና በታሪክ እጅግ ፈጣኑ ተብሎ የተገለጸው የኢቦላ ወረርሽኝ የሟቾች ቁጥር 2,000 ማለፉን የሀገሪቱ የጤና ባለስልጣናት አስታውቀዋል።

ቁጥራዊ መረጃዎች እንደሚያመለክቱት እስካሁን ድረስ ፦

⚫ በአጠቃላይ 4,381 የተረጋገጠ የኢቦላ ተጠቂዎች ተመዝግበዋል፤

⚫ 2,011 ሰዎች ሕይወታቸውን አጥተዋል።

⚫ 704 ታካሚዎች በተለዩ የህክምና ማዕከላት ውስጥ ህክምና እየተደረገላቸው ይገኛል።

ወረርሽኙ ከተከሰተ በኋላ የመጀመሪያዎቹን 1,000 ሰዎች ለመግደል ዘጠኝ ሳምንታት ያህል የፈጀበት ቢሆንም፣ ሁለተኛውን 1,000 ሰዎች ለመግደል ግን የወሰደበት ጊዜ ሶስት ሳምንታት ብቻ ሆኖ ተመዝግቧል።

ይህ ወረርሽኝ እ.ኤ.አ. ከ2014 እስከ 2016 በምዕራብ አፍሪካ ከተከሰተው እና ከ11,000 በላይ ሰዎችን ከገደለው ወረርሽኝ ቀጥሎ በታሪክ ሁለተኛው ትልቁ የኢቦላ ወረርሽኝ ሆኗል።

በኢቱሪ ግዛት እና አካባቢው ባለው የታጠቁ አማፂያን ግጭት እንዲሁም የመሰረተ ልማት አለመሟላት ምክንያት የመከላከል ሥራው አስቸጋሪ እንዳደረገው ሲገለጽ የቆየ ሲሆን፥ አሁን ደግሞ የጤና ባለሞያዎች ከክፍያ ጋር በተያያዘ የሚያሰሟቸው ቅሬታዎችና አድማዎች ሌላ ፈተና ደቅነዋል ተብሏል።

Seledadotio
Seledadotio

የኢትዮጵያን የዓለም አቀፍ ቦክስ ማህበር አባልነት ጥያቄ ተቀባይነት አገኘ
#ethiopia | ​የዓለም አቀፉ ቦክስ ማህበር የስራ አስፈፃሚ ቦርድ የኢትዮጵያ ቦክስ ፌዴሬሽንን ጨምሮ የስድስት ሀገራትን የአባልነት ማመልከቻ መቀበሉን ይፋ አደረገ።

በውሳኔው መሰረት ከኢትዮጵያ በተጨማሪ የቻድ፣ የኮንጎ ዲሞክራሲያዊ ሪፐብሊክ፣ የሊቤሪያ፣ የኩዌት እና የየመን የቦክስ ፌዴሬሽኖች በወርልድ ቦክስ ዘንድ ተቀባይነት በማግኘት አዲስ የአባልነት ድጋፍ አግኝተዋል።

ይህ ውሳኔ የማህበሩን ተፅዕኖ በተለይም በአፍሪካ አህጉር ይበልጥ የሚያሰፋው ሲሆን፣ በዓለም አቀፍ ደረጃ በውድድሮች ላይ የመሳተፍ መብት ያላቸውን የፌዴሬሽኖች ቁጥር ወደ 184 አድርሶታል።

​እነዚህ አዳዲስ አባላት ጥብቅ የሆነውን የመስፈርቶች ግምገማ በማለፍ አዎንታዊ ምላሽ ያገኙ ሲሆን ግልጽ የምርጫ ስርዓት፣ የዓለም አቀፍ የጸረ-ዶፒንግ ደንቦች አተገባበር እና ነጻ የክርክር መፍቻ አሰራር ማሟላታቸውን ማረጋገጥ ችለዋል።

በአሁኑ ወቅት የ (Endorsed Member) ደረጃ የተሰጣቸው እነዚህ ፌዴሬሽኖች በዓለም አቀፍ ውድድሮች ላይ የመሳተፍ መብት የሚያገኙ ቢሆንም በመጪው ህዳር በፓናማ በሚካሄደው ጉባኤ ላይ ድምፅ የመስጠት መብት አይኖራቸውም።

ሙሉ አባልነታቸው በዚሁ ጉባኤ ላይ በድምፅ ሲረጋገጥ ብቻ ከ2027 ጀምሮ በውሳኔ ሰጪነት መሳተፍ የሚጀምሩ ይሆናል። በሌላ በኩል ማህበሩ አስፈላጊውን መስፈርት ሳታሟላ የቀረችውን የካሜሩን አባልነት የሰረዘ ሲሆን ከስምምነት ውጪ በመሆኗ የኢኳዶርን አባልነት በጊዜያዊነት አግዷል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

ቻድ ኢትዮጵያውያን ያለ ምንም የቪዛ መስፈርት ወደ ሀገሯ እንዲገቡ ፈቀደች

መላው አፍሪካውያንም የዚህ እድል ተጠቃሚዎች ናቸው
#ethiopia | ቻድ ከፈረንጆቹ አዲስ አመት ጀምሮ ለማንኛውም የአፍሪካ ሀገር ዜጋ ያለ ምንም የቪዛ መስፈርት ወደ ሀገሯ መግባት የሚያስችል አዲስ መመሪያ ይፋ አደረገች።

የሀገሪቱ ፕሬዝዳንት ማሃማት ኢድሪስ ዴቢ ይፋ ባደረጉት በዚህ አዲስ ፖሊሲ መሰረት፣ ህጋዊ ፓስፖርት ያለው ማንኛውም የአፍሪካ ሀገር ዜጋ ቅድመ ቪዛ ሳያስፈልገው በቀጥታ ወደ ቻድ መግባትና መንቀሳቀስ እንደሚችል ተገልጿል።

​ይህ ውሳኔ ቻድ ከአህጉራዊ ትስስርና ከዜጎች ነፃ እንቅስቃሴ አንጻር ትልቅ እርምጃ እንድትወስድ ያደረጋት ሲሆን ሀገሪቷም ከጋና፣ ቶጎ፣ ኮንጎ፣ ሩዋንዳ፣ ቤኒን፣ ሲሼልስ እና ጋምቢያ በመቀጠል ለአህጉሩ ዜጎች የቪዛ ገደብን ሙሉ በሙሉ ያነሳች 8ኛዋ የአፍሪካ ሀገር ያደርጋታል።

ይህ ውሳኔ የአፍሪካውያንን እርስ በእርስ የመቀራረብና የመንቀሳቀስ ዕድል የሚያጠናክር ከመሆኑም በላይ፣ አንዲት አፍሪካ በመፍጠር ትልም ላይ ትልቁ ጡብ ተቀምጧል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ዜና) የዓለም ጤና ድርጅት (WHO) ዋና ዳይሬክተር ዶ/ር ቴድሮስ አድሃኖም በኢቦላ በሽታ ዙሪያ አዲስ እና አስደሳች ዜና ይፋ አድርገዋል። በሁለት የእንስሳት ጥናቶች ላይ የተገኘው አዲስ መረጃ እንደሚያሳየው፣ እስካሁን ለዛይር የኢቦላ ቫይረስ እውቅና የተሰጠው ብቸኛው የሆነው «ኤርቬቦ» ክትባት፣ በቡንዲቡግዮ ቫይረስ ላይም የተወሰነ ደረጃ ያለው መከላከያ ሊሰጥ እንደሚችል አሳይቷል። እነዚህ ጥናቶች የተካሄዱት የዓለም ጤና ድርጅት ተጨማሪ ምርምሮች እንዲደረጉ ባቀረበው ጥሪ መሰረት መሆኑ ተገልጿል።

የዓለም ጤና ድርጅት የክትባት ምርምር የቴክኒክ አማካሪ ቡድን ይህንን አዲስ መረጃ ለመገምገም ባለፈው ዓርብ ስብሰባ አካሂዷል። ቡድኑ ባወጣው የውሳኔ ሃሳብ መሰረት፣ በአሁኑ ወቅት በዴሞክራቲክ ሪፐብሊክ ኮንጎ (DRC) ለተከሰተው የቡንዲቡግዮ ቫይረስ ምላሽ ለመስጠት፣ የኤርቬቦ ክትባት ቅድሚያ በተሰጠው የክብ ክትባት የክሊኒካል ሙከራ ውስጥ ሊገመገም እንደሚገባ መክሯል።

ድርጅቱ ይህንን የክሊኒካል ሙከራ በተቻለ ፍጥነት ለመጀመር ከሚመለከታቸው አጋር አካላት ጋር በቅንጅት እየሰራ ይገኛል። የቴክኒክ አማካሪ ቡድኑ በቀጣይም አዳዲስ መረጃዎች እና ማስረጃዎች ሲገኙ ክትትል በማድረግ፣ እንደ አስፈላጊነቱ በውሳኔ ሃሳቦቹ ላይ ማስተካከያዎችን እንደሚያደርግ ዶ/ር ቴድሮስ በመልዕክታቸው አረጋግጠዋል።