የኢሚግሬሽን እና የ"ፋይዳ" ሲስተሞችን ለማስተሳሰር ንግግር ተጀመረ

መስከረም 27 ቀን 2019 ዓ.ም. (አሐዱ ሬድዮ) የኢሚግሬሽንና ዜግነት አገልግሎት እና የብሔራዊ መታወቂያ ፕሮግራም (ፋይዳ) አገልግሎቶቻቸውን በዲጂታል ቴክኖሎጂ ለማስተሳሰርና የተቀናጀ አሰራር ለመዘርጋት የሚያስችላቸውን ንግግር ጀምረዋል።

የኢሚግሬሽንና ዜግነት አገልግሎት ዋና ዳይሬክተር ወ/ሮ ሰላማዊት ዳዊት እና የብሔራዊ መታወቂያ ፕሮግራም ዋና ስራ አስፈፃሚ አቶ ዮዳሄ አርዓያስላሴ በሁለቱ ተቋማት መካከል በሚከናወነው የሲስተም ትስስር ዙሪያ የጋራ ግምገማ ማድረጋቸው ተገልጿል።

ይህ የተጀመረው የሲስተም ትስስር ንግግር ከግብ ሲደርስ ዜጎች ለፓስፖርትም ሆነ ለሌሎች ተያያዥ አገልግሎቶች በተደጋጋሚ የአሻራና የገጽታመረጃ መስጠት አያስፈልጋቸውም ተብሏል።

በውይይቱ ወቅት እንደተገለጸው ይህ የቴክኖሎጂ ውህደት ሀገሪቱ ለጀመረችው የዲጂታል ትራንስፎርሜሽን ጉዞ ትልቅ አቅም የሚፈጥር ሲሆን ተገልጋዮች የፋይዳ ስርአትን በመጠቀም ፈጣን እና ቀልጣፋ አገልግሎት እንዲያገኙ ያስችላል።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

#odabultumuniversity

በ2019 ዓ.ም በኦዳ ቡልቱም ዩኒቨርሲቲ የተመደባችሁ አዲስ መደበኛ ተማሪዎች እና በ2018 ዓ.ም በኦዳ ቡልቱም ዩኒቨርሲቲ የሪሚዲያል ፕሮግራም ተከታትላችሁ የማለፊያ ውጤት ያመጣችሁ ተማሪዎች የምዝገባ ቀናት ጥቅምት 04 እና 05/2019 ዓ.ም መሆኑን ዩኒቨርሲቲው አሳውቋል።

ትምህርት ጥቅምት 06/2019 ዓ.ም ይጀመራል ተብሏል።

ለምዝገባ ስትሔዱ ልትይዟቸው የሚገቡ፦
● የ8ኛ ክፍል ሰርተፊኬት ዋናውና ኮፒው፣
● የ12ኛ ክፍል ሰርተፊኬት ዋናውና ኮፒው፣
● ከ9-12ኛ ክፍል ትራንስክሪፕት ዋናውና ኮፒው፣
● ስምንት ፓስፖርት መጠን ፎቶግራፎች፣
● አንሶላ፣ ብርድ ልብስ፣ ትራስ ልብስ እና የስፖርት ልብስ።

የምዝገባ ቦታ፡-
● በዩኒቨርሲቲው አዲሱ ካምፓስ

@tikvahuniversity

#haramayauniversity

በ2019 ዓ.ም የከፍተኛ ትምህርታችሁን በሐረማያ ዩኒቨርሲቲ እንድትከታተሉ የተመደባችሁ አዲስ የቅድመ-ምረቃ ፕሮግራም ተማሪዎች ሪፖርት ማድረጊያ ቀናት ከጥቅምት 05-08/2019 ዓ.ም መሆኑን ዩኒቨርሲቲው አሳውቋል።

የምዝገባ ቦታ፦
ሐረማያ በሚገኘው የዩኒቨርሲቲው ዋና ግቢ

ወደ ዩኒቨርሲቲው ስትሔዱ ልትይዟቸው የሚገቡ፦
➻ የ8ኛ ክፍል ሰርቲፍኬት፣
➻ ከ9ኛ-12ኛ ክፍል ትራንስክሪፕት፣
➻ የ12ኛ ክፍል ፈተና ሰርቲፍኬት ዋናውና ኮፒው፣
➻ 6 ፓስፖርት መጠን ፎቶግራፎች፣
➻ ብርድ ልብስ፣ አንሶላ፣ የትራስ ልብስ እና የስፖርት ልብስ።

ከላይ የተገለፁትን የትምህርት ማስረጃዎች እና ጉርድ ፎቶግራፍ ስካን በማድረግ በሶፍት ኮፒ መያዝ ይኖርባችኋል ተብሏል።

@tikvahuniversity

በውጭ ሀገራት የሚኖሩ ኢትዮጵያውያን በ25 ኤምባሲዎች ባሉበት ሆነው የፓስፖርት አገልግሎት እንዲያገኙ የሚያስችል አሰራር መዘርጋቱ ተገለጸ

በውጭ ሀገራት የሚኖሩ ኢትዮጵያውያን ባሉበት ሆነው የፓስፖርት አገልግሎት እንዲያገኙ በ25 ኤምባሲዎች በኩል ሥራ መጀመሩን የኢሚግሬሽንና ዜግነት አገልግሎት አስታውቋል።

ተገልጋዮች በአቅራቢያቸው በሚገኙ የኢትዮጵያ ኤምባሲዎች በመሄድ አገልግሎቱን ማግኘት እንደሚችሉ የተቋሙ የሕዝብ ግንኙነትና ኮሙኒኬሽን ዳይሬክተር አቶ አምቦ መቃሳ ለአሐዱ ሬድዮ ገልጸዋል።

ተቋሙ አገልግሎቱን በሀገር አቀፍ ደረጃ ይበልጥ ተደራሽ ለማድረግ የቅርንጫፍ ቢሮዎቹን ቁጥር ከ38 ወደ 40 ማሳደጉ ተገልጿል።

ከነባር ቅርንጫፎች በተጨማሪ በአዲስ አበባ አጣና ተራ እና ንፋስ ስልክ ክፍለ ከተሞች ተጨማሪ የፓስፖርት ቅርንጫፎች ተከፍተዋል።

በተያዘው የበጀት ዓመት በሁሉም የአንድ መሶብ ማዕከላት የፓስፖርት አሰጣጥ አገልግሎት ለማስጀመር ቅድመ ዝግጅት መጠናቀቁን አቶ አምቦ መቃሳ ተናግረዋል።

በህይወቴ ጌትነት

በውጭ ሀገራት የሚኖሩ ኢትዮጵያውያን በ25 ኤምባሲዎች ባሉበት ሆነው የፓስፖርት አገልግሎት እንዲያገኙ የሚያስችል አሰራር መዘርጋቱ ተገለጸ

በውጭ ሀገራት የሚኖሩ ኢትዮጵያውያን ባሉበት ሆነው የፓስፖርት አገልግሎት እንዲያገኙ በ25 ኤምባሲዎች በኩል ሥራ መጀመሩን የኢሚግሬሽንና ዜግነት አገልግሎት አስታውቋል።

ተገልጋዮች በአቅራቢያቸው በሚገኙ የኢትዮጵያ ኤምባሲዎች በመሄድ አገልግሎቱን ማግኘት እንደሚችሉ የተቋሙ የሕዝብ ግንኙነትና ኮሙኒኬሽን ዳይሬክተር አቶ አምቦ መቃሳ ለአሐዱ ሬድዮ ገልጸዋል።

ተቋሙ አገልግሎቱን በሀገር አቀፍ ደረጃ ይበልጥ ተደራሽ ለማድረግ የቅርንጫፍ ቢሮዎቹን ቁጥር ከ38 ወደ 40 ማሳደጉ ተገልጿል።

ከነባር ቅርንጫፎች በተጨማሪ በአዲስ አበባ አጣና ተራ እና ንፋስ ስልክ ክፍለ ከተሞች ተጨማሪ የፓስፖርት ቅርንጫፎች ተከፍተዋል።

በተያዘው የበጀት ዓመት በሁሉም የአንድ መሶብ ማዕከላት የፓስፖርት አሰጣጥ አገልግሎት ለማስጀመር ቅድመ ዝግጅት መጠናቀቁን አቶ አምቦ መቃሳ ተናግረዋል።

በህይወቴ ጌትነት

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

#jimmauniversity

ጅማ ዩኒቨርሲቲ በ2019 ዓ.ም ወደ ተቋሙ የተመደቡ የመጀመሪያ ዓመት (Freshman) ተማሪዎች የምዝገባ ጊዜ ጥቅምት 04 እና 05/2019 ዓ.ም መሆኑን አሳውቋል።

የምዝገባ ቦታ፦
● የተፈጥሮ ሳይንስ ተማሪዎች በቴክኖሎጂ ኢንስቲትዩት
● የማኅበራዊ ሳይንስ ተማሪዎች በግብርና ኮሌጅ እና በቬተርናሪ ሕክምና ኮሌጅ

ለምዝገባ የሚያስፈልጉ
● የ12ኛ ክፍል ሰርተፊኬት ዋናውና ኮፒው
● የ12ኛ ክፍል ትራንስክሪፕት ዋናውና ኮፒው
● አራት ፓስፖርት መጠን ፎቶግራፍ
● የመኝታ አልባሳት እና የስፖርት ልብስ

ወደ ተቋሙ የተመደቡ የሪሚዲያል ፕሮግራም ተማሪዎች የምዝገባ ጊዜ በሌላ ማስታወቂያ ወደፊት ይገለጻል ተብሏል።

@tikvahuniversity

ሐሰተኛ ሰነዶችን ለማረጋገጥ የሚያስችል ኢጌት (e-Gate) የተሰኛ አሰራር ተግበራዊ መደረጉ ተገለጸ፡፡

የኢሚግሬሽንና ዜግነት አገልግሎት በ 2019 በጀት ዓመት የሰዎችን ማንነት እና ሀሰተኛ ሰነዶችን በቀላሉ በመለየት የሚያስችል ኢጌት (e-Gate) የተሰኛ አሰራር ተግበራዊ እያደረገ መሆኑን አስታውቋል፡፡

ይሄ አሰራር በተቋሙ ያለውን የተገልጋዮች ሰልፍ የሚያስቀር መሆኑን የገለጹት የአገልግሎቱ የህዝብ ግንኙነትና ኮሚኒኬሽን ዳይሬክተር አቶአምቦ መቃሳ ናቸው።
ይህ ቴክኖሎጂ ፓስፖርት ወይም የመታወቂያ ካርድን በማንበብ እና የሰዎችን የፊት ገጽታ ወይም የጣት አሻራ በማመሳከር ያለ ሰው ንክኪ ፈጣን አገልግሎት ይሰጣል ብለዋል፡፡

ቴክኖሎጂው የሰዎችን ሰነድ በጥቂት ዳይቃዎች በመፈተሽ አገልግሎት ላይ ያለውን መጨናነቅ የሚያስቀር መሆኑን አንስተው ይሄ አሰራር በሌሎች ሀገራት ተግበራዊ እየተደረገ መሆኑንም ጠቁመዋል፡፡
የኢሚግሬሽን እና የደህንነት መረጃዎችን ከማዕከላዊ ዳታቤዝ ጋር በቀጥታ በማገናኘት የሐሰት ሰነዶችን በቀላሉ ለመለየት ከፍተኛ ጠቀሜታ ይኖረዋል ሲሉ ገልፀዋል።

ኢጌት (e-Gate) አገልግሎት መጀመሩ የሰው ኃይል ጉልበትን በመቆጠብ የደህንነት ሰራተኞች ይበልጥ ትኩረት በሚሹ ስራዎች ላይ እንዲሰማሩ የሚያደርግ መሆኑን ተናግረዋል።

በህይወቴ ጌትነት

ሐሰተኛ ሰነዶችን ለማረጋገጥ የሚያስችል ኢጌት (e-Gate) የተሰኛ አሰራር ተግበራዊ መደረጉ ተገለጸ፡፡

የኢሚግሬሽንና ዜግነት አገልግሎት በ 2019 በጀት ዓመት የሰዎችን ማንነት እና ሀሰተኛ ሰነዶችን በቀላሉ በመለየት የሚያስችል ኢጌት (e-Gate) የተሰኛ አሰራር ተግበራዊ እያደረገ መሆኑን አስታውቋል፡፡

ይሄ አሰራር በተቋሙ ያለውን የተገልጋዮች ሰልፍ የሚያስቀር መሆኑን የገለጹት የአገልግሎቱ የህዝብ ግንኙነትና ኮሚኒኬሽን ዳይሬክተር አቶአምቦ መቃሳ ናቸው።
ይህ ቴክኖሎጂ ፓስፖርት ወይም የመታወቂያ ካርድን በማንበብ እና የሰዎችን የፊት ገጽታ ወይም የጣት አሻራ በማመሳከር ያለ ሰው ንክኪ ፈጣን አገልግሎት ይሰጣል ብለዋል፡፡

ቴክኖሎጂው የሰዎችን ሰነድ በጥቂት ዳይቃዎች በመፈተሽ አገልግሎት ላይ ያለውን መጨናነቅ የሚያስቀር መሆኑን አንስተው ይሄ አሰራር በሌሎች ሀገራት ተግበራዊ እየተደረገ መሆኑንም ጠቁመዋል፡፡
የኢሚግሬሽን እና የደህንነት መረጃዎችን ከማዕከላዊ ዳታቤዝ ጋር በቀጥታ በማገናኘት የሐሰት ሰነዶችን በቀላሉ ለመለየት ከፍተኛ ጠቀሜታ ይኖረዋል ሲሉ ገልፀዋል።

ኢጌት (e-Gate) አገልግሎት መጀመሩ የሰው ኃይል ጉልበትን በመቆጠብ የደህንነት ሰራተኞች ይበልጥ ትኩረት በሚሹ ስራዎች ላይ እንዲሰማሩ የሚያደርግ መሆኑን ተናግረዋል።

በህይወቴ ጌትነት

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ባለስልጣኑ የህዝብ ተወካዮች ም/ቤት አባሉን ተሳደቡ

የአዲስአበባ ከተማ መስተዳድር የኢንዱስትሪ ቢሮ ሃላፊ አቶ ግርማ ሰይፉ በግላቸዉ የፌስቡክ ገጽ ላይ የኢትዮጵያ ኦሎምፒክ ኮሚቴ ፕሬዚዳንት እና የህዝብ ተወካዮች ም/ቤት አባሉን ዶ/ር አሸብር ወልደ ጊዮርጊስን ተችተዋል።

አቶ ግርማ በፌስቡክ ገጻቸዉ ላይ የጻፉትን መልዕክት ከታች አቅርበነዋል👇🏼

አሽብር
ስምን መልዓክ ያወጣዋል ይባላል። አሸብር የሚባል ፕሬዝዳንት የመባል ልክፍት ያለበት ፍጡር ስሞኑን እድል አጥቼ ያልተናገርኩት ብሎ ስሜን አንስቶ ሲዘልፈኝ ሰማሁት።  ነጠላ አቀብሉኝ ብዬ በስልክ ላጥረገርገው እችል ነበር። ግን በአደባባይ ድንቁርናውን ስለገለጸ ባደባባይ ምላሽ መስጠት ያስፈለገኝ ብዙ ወዳጅና ጠላት ስማኽው እያሉ ስላስቸገሩኝ ነው።

አሽብር የምክር ቤት አባልነትም ሆነ "የሴቶች" ማህበር ፕሬዝዳንት መሆን የሚፈልገው ለክልኒኮቹ በሻንጣ የሚያመላልስውን ውድ የጥርስ መለዋወጫ ለማምጣት የዱፕሎማቲክ ፓስፖርት እንዱኖረው ነው። በቃ!

ወደ ገደለው ስንገባ "ግርማ ማለት ያቀረበውን የተቃውሞ ሞሽን ድምጽ ሲስጥ ድምጸ ተዓቅቦ የሚያደርግ አስገራሚ ፍጡር ነው።" ብሎኛል።

በቃ አሽብር በምክር ቤት ወንበር ይጎለታል እንጂ ይህን ሁሉ ዓመት እንዴት ድምጽ እንደሚስጥ እንኳን አያውቅም። በምክር ቤት ቆይታዬ ፕሬዝዳንት በሚያቀርቡት የመክፈቻ ንግግር  ገዢው ፓርቲ የሚያቀርበው የድጋፍ ሞሽን በተቃራኒ የተቃውሞ ሞሽን የማቀርበው እኔ ብቻ ነኝ። በቀረበው የድጋፍና የተቃውሞ ሞሽን ውይይት ይደረግና እነ አሸብር የፕሬዝዳንቱ ንግግር በቀጣይ ገነት ሊያስገባ ይቻላል በሚያስብል ደረጃ ያንቆለጳጵሱና በቀጣይ መንግስት ባቀረበው የድጋፍ ሞሽን የፕሬዝዳንቱ ንግግር እንዱጸድቅ የምትደግፉ ይባላል። አሽብር አፉን ከፍቶ አፈ ጉባዔው እንዲያየው ቀና ብሎ የድጋፍ ድምጽ ይስጣል። የእኔ የተቃውሞ ሃስብ ከመመዝግበ ውጭ አይካተትም። ስለዚህ ድምጽ አልስጥም። ስለዚህ ብዙ ጊዜ ተዓቅቦ አደርጋለሁ። የእኔ ሃሳብ ባይካተትም፣ የቀረበው ሁሉ ስህተት ስለማይሆን መቃወም ስለሌለብኝ ተዓቅቦ አደርጋለሁ። ይህ ውስብስብ ፖለቱካ አሸብር አይገባውም።

ይህ ሞላጫ እድል አጥቼ ብሎ የተሳደበው  ለዚህ ነው። ወዳጅ ጠላቶቼ ጉዳዩ ይህ ነው። አሸብር ሀገር ማሸበር ስራው ያደረግ የተከበሩ በሚል ጥላ የሚሽቅጥ ባለጌ ነው። ይህ ይመዝገብልኝ።

👉🏼ዳጉ ጆርናል የአቶ ግርማ ሰይፉን ጽሁፍ ሳይጨመር ሳይቀነስ ሙሉ ለሙሉ ነዉ ያቀረበዉ።

#ዳጉ_ጆርናል

ቲክቶክ ላይ ስለአሜሪካ ፓስፖርት ያቀረብነው መረጃ።









ቲክቶክ ላይ ስለአሜሪካ ፓስፖርት ያቀረብነው መረጃ።

#epsu

የኢትዮጵያ ፐብሊክ ሰርቪስ ዩኒቨርሲቲ የ2019 ዓ.ም አዲስ ገቢ የመጀመሪያ ዲግሪ ተማሪዎች ወደ ተቋሙ ሪፖርት ማድረጊያ ጊዜ መስከረም 20 እና 21/2019 ዓ.ም መሆኑን ገልጿል።

ለምዝገባ ስትሔዱ ልትይዟቸው የሚገቡ፦

➻ የ12ኛ ክፍል መልቀቂያ ፈተና ሰርተፍኬት ዋናውና ኮፒው፣
➻ ከ9–12ኛ ክፍል ትራንስክሪፕት ዋናውና ኮፒው፣
➻ የ8ኛ ክፍል ሰርተፍኬት ዋናውና ኮፒው፣
➻ አራት ፓስፖርት መጠን ፎቶግራፍ፣
➻ የፋይዳ መታወቂያ ዋናውና ኮፒው፣
➻ የግብር ከፋይ መለያ ቁጥር (TIN)፣
➻ ብርድ ልብስ፣ አንሶላ እና የትራስ ልብስ፣
➻ የስፖርት ልብስ።

(ተጨማሪ መረጃ ከተያያዘው ምስል ይመልከቱ።)

@tikvahuniversity

በክልሉ መሶብ የአንድ ማዕከል ዜጎች የተቀናጀ የመንግሥት አገልግሎት እንዲያገኙ አስችሏል

አዲስ አበባ፣ መስከረም 13፣ 2019 (ኤፍ ኤም ሲ) በሶማሌ ክልል መሶብ የአንድ ማዕከል ዜጎች የተቀናጀ የመንግሥት አገልግሎት እንዲያገኙ አስችሏል አለ የክልሉ ኮሙኒኬሽን ቢሮ፡፡

የቢሮው ኃላፊ መሀመድ አደን ለፋና ዲጂታል እንዳሉት፥ መሶብ የአንድ ማዕከል አገልግሎት የሕዝብ አገልግሎቶችንና የመንግሥትን አሰራር ለማዘመን የተወሰደ ወሳኝ ርምጃ ነው።

በክልሉ ከጅግጅጋ በተጨማሪ በ13 ከተሞች የሚቋቋሙ የመሶብ ማዕከላት ዝግጅታቸው እየተጠናቀቀ መሆኑ ጠቁመዋል።

በጅግጅጋ የሚገኘው መሶብ የአንድ ማዕከል ዘጠኝ የመንግሥት ተቋማትን በአንድ ጣራ ሥር በማሰባሰብ 32 የተለያዩ አገልግሎቶችን እየሰጠ ነው ብለዋል።

በማዕከሉ ከሚሰጡ አገልግሎቶች መካከል የፓስፖርትና ኢሚግሬሽን፣ የሥራ ፈቃድ፣ የንግድ ምዝገባና ፈቃድ፣ የግብር አገልግሎት፣ የኢንቨስትመንት ፈቃድ፣ የመታወቂያና ወሳኝ ኩነት፣ የሰነድ ማረጋገጫ፣ የመሬትና የግንባታ ጉዳዮች እንዲሁም የዲጂታል ክፍያ ድጋፍ ይገኙበታል ነው ያሉት።

በዚህ አሰራር ተገልጋዮች መረጃ ከማግኘት ጀምሮ ማመልከቻ እስከማስገባት፣ ክፍያ እስከመፈጸምና የጉዳያቸውን ሂደት እስከመከታተል ድረስ አገልግሎቶችን በአንድ ቦታ ማግኘት እንደሚችሉ አስረድተዋል።

መሶብ የአንድ ማዕከል ዋና ዓላማ የተገልጋዮችን ጊዜና ወጪ መቀነስ እንዲሁም የመንግሥት አገልግሎትን የበለጠ ግልጽና ተደራሽ ማድረግ መሆኑን አንስተዋል።

የዲጂታል ሥርዓትም የመሶብ አገልግሎት አንዱ አካል ሲሆን፤ የተገልጋዮች ምዝገባ፣ የሰልፍ አስተዳደር፣ የሰነድ አቀራረብ ዲጂታል ክፍያና የጉዳይ ክትትልን ለማቀላጠፍ እንደሚረዳ ተናግረዋል።

ከጅግጅጋ ውጪ በ13 ከተሞች የሚቋቋሙት የመሶብ ማዕከላትም አገልግሎቱን ከክልሉ ዋና ከተማ ባሻገር በማስፋፋት በተለያዩ ከተሞች የሚኖሩ ዜጎች በአቅራቢያቸው የተቀናጀ የመንግሥት አገልግሎት እንዲያገኙ የሚያስችል መሆኑን አመልክተዋል።

በቀጣይም የአገልግሎት ዓይነቶችን ማስፋፋት፣ የኦንላይን አገልግሎቶችን ማጠናከርና የተቋማትን የመረጃ ቋት በማቀናጀት የተገልጋዮችን ጊዜና ወጪ የበለጠ ለመቀነስ ዕቅድ መያዙን ጠቅሰዋል።

በሶስና አለማየሁ

“የኢትዮጵያ ህዝብ ከልቤ እንደምወዳቸው ንገርልኝ!”

አትሌት ልቅና አምባው ከጋዜጠኛ ብሩክ ተስፋዬ ጋር ያደረገችው ልዩ ቆይታ
#ethiopia | የዓለም አትሌቲክስ አልቲሜት ሻምፒዮና (World Athletics Ultimate Championship) ድልን ካስመዘገበች ከአንድ ሳምንት በኋላ፣ አትሌት ልቅና አምባው በዴንማርክ ኮፐንሃገን በተካሄደው የሴቶች 5 ሺህ ሜትር ውድድር 14:41 በሆነ ሰዓት በማጠናቀቅ ሌላ ድል በስሟ አስመዝግባለች።

ከዚህ ታላቅ ስኬት በኋላ በስፔን የምትገኘውን አትሌቷን በስልክ ያገኘኋት ጋዜጠኛ ብሩክ ተስፋዬ፣ ስለ ድሏ፣ ስለ ዜግነቷ፣ ከኢትዮጵያ ጋር ስላላት ግንኙነትና ለኢትዮጵያ ህዝብ ስላላት ፍቅር አነጋግሯታል።

ብሩክ ተስፋዬ፦
በቅድሚያ እንኳን ደስ አለሽ። በአንድ ሳምንት ውስጥ ሁለት ታላላቅ ድሎችን አስመዝግበሻል። ስሜቱ እንዴት ነው?

ልቅና አምባው፦
እግዚአብሔር ይመስገን። በቃላት ልገልጸው አልችልም። ከኢትዮጵያ ህዝብ ያገኘሁት ፍቅርና ድጋፍ በጣም አስደስቶኛል።

ብሩክ ተስፋዬ፦
ዜግነትሽን ቀይረሻል፣ ፓስፖርትሽም የኢትዮጵያ አይደለም የሚል ወሬ ይሰማል። እውነት ነው?

ልቅና አምባው፦
በፍጹም እውነት አይደለም። እኔ አሁንም ኢትዮጵያዊት ነኝ። ስፔን ከመጣሁ 8 ዓመት ሆኖኛል፤ ስመጣም ልጅ ነበርኩ። እዚህ የምኖረው ከባለቤቴና ከማናጀሬ ጋር ነው። ያለኝ የመኖሪያ ፈቃድ እንጂ የቀየርኩት ዜግነት የለም። የኢትዮጵያ ፓስፖርት ያለኝ፣ ሀገሬን የምወድ አትሌት ነኝ።

ብሩክ ተስፋዬ፦
ለምን ከብሔራዊ ቡድኑ ጋር በሀገር ቤት ብዙ ጊዜ አትታዪም?

ልቅና አምባው፦
እንደነገርኩህ ኑሮዬ ስፔን ነው። ከባለቤቴና ከማናጀሬ ጋር እሰራለሁ። ውጤት እስካለኝና የተሻለ ነገር እስካመጣ ድረስ ለኢትዮጵያ ለመሮጥ ዝግጁ ነኝ።

ብሩክ ተስፋዬ፦
የኢትዮጵያ አትሌቲክስ ፌዴሬሽን ሥራ አስፈጻሚዎች ለኢትዮጵያ እንድትወዳደሪ በተደጋጋሚ ሊያገኙሽ ሞክረው እንዳልተሳካላቸው፣ በኋላም በኢሜይል ባለቤትሽንና ማናጀርሽን በማግኘት ለኢትዮጵያ እንድትወዳደሪ ጥያቄ እንዳቀረቡላቸው ይነገራል። ይህ እውነት ነው?

ልቅና አምባው፦
ስለዚህ ጉዳይ ምንም ማለት አልፈልግም፤ ይለፈኝ።

ብሩክ ተስፋዬ፦
ለዓለም ሻምፒዮና እንጠብቅሽ?

ልቅና አምባው፦
እግዚአብሔር ያውቃል። አቅም እስካለኝ ድረስ ሀገሬን አገለግላለሁ።

ብሩክ ተስፋዬ፦
ማመስገን የምትፈልጊው አካል ካለ?

ልቅና አምባው፦
በመጀመሪያ ልዑል እግዚአብሔርን አመሰግናለሁ። እንዲሁም ማናጀሬንና ባለቤቴን አመሰግናለሁ።

ብሩክ ተስፋዬ፦
ለኢትዮጵያ ህዝብ የምታስተላልፊው መልዕክት?

ልቅና አምባው፦
“የኢትዮጵያ ህዝብ ፍቅር ናቸው። በጣም ነው የምወዳቸው። አደራ ብሩክ፣ የኢትዮጵያ ህዝብ ከልቤ እንደምወዳቸው ንገርልኝ።”

ይህ የአትሌቷ ልቅና አምባው ከድሏ በኋላ ለኢትዮጵያውያን ያስተላለፈችው ከልብ የመነጨ መልዕክት ነው።

በዓለም መድረክ ላይ ድል እያስመዘገበች ብትሆንም፣ አትሌቷ ለሀገሯና ለህዝቧ ያላትን ፍቅር በግልጽ ቃላት ገልጻለች። በተለይም “አደራ ብሩክ፣ የኢትዮጵያ ህዝብ ከልቤ እንደምወዳቸው ንገርልኝ” የሚለው መልዕክቷ የቆይታው ዋና መልዕክት ሆኖ ቀርቧል።

(ዘ-ሐበሻ ስፖርት) ማክሰኞ ዕለት ማንቸስተር ዩናይትድን ለመልቀቅ በይፋ ደብዳቤ ያስገባው የጄጄ ገብርኤል ውሳኔ፣ በእግር ኳሱ ዓለም ያልታሰበ ማዕበል ፈጥሯል። ገና በ15 ዓመቱ በአውሮፓ ከሚገኙ እጅግ ተሰጥኦ ያላቸው ወጣቶች አንዱ ተብሎ የሚታሰበው ይህ ድንቅ አጥቂ፣ ከዘጠኝ ዓመቱ ጀምሮ ያሳለፈበትን ክለብ ለመሰናበት ቋምጧል፤ የአውሮፓ ታላላቅ ክለቦችም እሱን ለመጥለፍ አሰፍስፈዋል።

ሪያል ማድሪድ ዝውውሩን ለማጠናቀቅ በጥሩ ቁመና ላይ ሲገኝ፣ ባርሴሎና፣ ፓሪስ ሴንት ጀርሜን እና ባየር ሙኒክም ሁኔታውን በቅርበት እየተከታተሉ ነው። ዩናይትዶች ልጁን ለማቆየት ከፍተኛ ጥረት እያደረጉ ቢሆንም፣ ነገሮች ግን ከቁጥጥር ውጭ የሆኑ ይመስላሉ። ገብርኤል ባለፈው ሀሙስ በካሪንግተን የልምምድ ማዕከል ከ19 ዓመት በታች ቡድኑ ጋር በዩኤፋ የወጣቶች ሊግ ሀትሪክ ከሰራ በኋላ ወደ ስፍራው ድርሽ አላለም፤ አሁን ባለው ሁኔታም ይመለሳል ተብሎ አይጠበቅም። በዘርፉ ያሉ ባለሙያዎች ዩናይትድ ወደፊት 100 ሚሊዮን ፓውንድ ሊያወጣ የሚችልን አልማዝ በገዛ እጁ እያጣ መሆኑን ይገምታሉ።

ይህ ውሳኔ ድንገት የመጣ አይደለም። የችግሩ ጭላንጭል የታየው ባለፈው ሀሙስ ነበር። ገብርኤል በኦልድ ትራፎርድ በሻምፒዮንስ ሊግ ከሚጫወተው ዋናው ቡድን ጋር ከመሰለፍ ይልቅ፣ ከአዘርባጃኑ ሳባህ ጋር ለሚጫወተው የ19 ዓመት በታች ቡድን እንዲሰለፍ ተደረገ። በጨዋታው ሶስት ግቦችን ቢያስቆጥርም፣ እሱና ቤተሰቡ ግን የሻምፒዮንስ ሊግ ድባብን በዋናው ቡድን ውስጥ ሆኖ እንዲቀምስ ፈልገው ነበር። ይህ ክስተት ትልቅ ስብራት ፈጠረ፤ ውሳኔውም ወዲያውኑ ለክለቡ ተነገረ። ቅዳሜ ዕለት ከዋናው ቡድን አሰልጣኝ ማይክል ካሪክ ጋር ልምምድ ማድረግ ሲገባው፣ ከካሪንግተን በመቅረት ትልቅ የማስጠንቀቂያ ደወል አቃጨለ። ወዲያውም ከኢንስታግራም ገጹ ላይ ስለ ዩናይትድ የሚገልጹ መረጃዎችን በሙሉ አጠፋ። ሰኞ ዕለት ደግሞ ምዝገባው እንዲሰረዝለት የሚጠይቅ ደብዳቤ ለክለቡ አስገባ። የማንቸስተር ዩናይትድ ኃላፊዎች፣ በተለይም ዋና ስራ አስፈፃሚው ኦማር ቤራዳ እና አብሮ ባለቤቱ ሰር ጂም ራትክሊፍ በጉዳዩ ክፉኛ ተደናግጠዋል።

ሪያል ማድሪድ ይህንን ታዳጊ ለማስፈረም በስውር ሲሰራ ወራት አልፈውታል። ዕድሜው ከ18 ዓመት በታች በመሆኑ፣ የፊፋን ጥብቅ ህጎች ላለመጣስ ሲባል ክለቡ እጅግ ከፍተኛ ጥንቃቄ አድርጓል። የማድሪድ እቅድ ልጁን መጀመሪያ ለካስቲላ (የማድሪድ ሁለተኛ ቡድን) እና ከ19 ዓመት በታች ቡድን እንዲጫወት አድርጎ፣ ቀስ በቀስ ወደ ዋናው ቡድን ማሳደግ ነው። ይህ ከዚህ ቀደም በአያክሱ የ17 ዓመት ታዳጊ አብደላ ኦዋዛኔ ላይ ሊሞክሩት ያሰቡት ዓይነት ስልት ነው። የማድሪድ ሰዎች የገብርኤልን የሀሙስ ዕለት ሀትሪክ በቅርበት ሲከታተሉና ሲያከብሩ ነበር።

በህግ አግባብ ዩናይትድ የልጁን ውል የመቀደድ ፍላጎት የለውም። ነገር ግን ገብርኤል የአውሮፓ ህብረት ፓስፖርት ካገኘ፣ ልክ ጥቅምት 6 ቀን 16 ዓመት ሲሞላው ወደ ሌላ የአውሮፓ ክለብ መዘዋወር ይችላል። አባቱ ጆ ኦኬሩይል የተወለደው ለንደን ቢሆንም ለአየርላንድ ብሄራዊ ቡድን ተጫውቷል፤ እናቱም የሳይፕረስ ትውልድ አላት። ይህ ደግሞ ፓስፖርቱን በቀላሉ እንዲያገኝ በር ይከፍትለታል። ከዚህም ባሻገር፣ ገብርኤል መደበኛ የትምህርት ቤት ትምህርቱን በቤት ውስጥ የሚከታተል በመሆኑ፣ በዩናይትድ ሙሉ ጊዜ አካዳሚ ስር አይወድቅም፤ ይህም ክለቡ በልጁ ላይ ያለውን ሙሉ ቁጥጥር ያላላዋል። ገብርኤል ዩናይትድን የሚለቅ ከሆነ፣ ፊፋ ባስቀመጠው የካሳ ስሌት መሰረት ዩናይትድ ከ100,000 ፓውንድ በላይ የማሳደጊያ ካሳ ሊያገኝ ይችላል።

ገብርኤል ገና በዘጠኝ ዓመቱ የዩቲዩብ ቪዲዮዎች ላይ ሲወጣ ከሊዮኔል ሜሲ ጋር ይነጻጸር ነበር። ነገር ግን የእሱ ተወዳጅ ተጫዋች ኔይማር ሲሆን፣ ኳስን አጣብቆ የመያዝ፣ ፈጣን እንቅስቃሴ የማድረግ እና በሁለቱም እግሮቹ ግሩም አጨራረስ ያለው በመሆኑ የጨዋታ ስታይሉ ከብራዚላዊው ኮከብ ጋር በእጅጉ ይመሳሰላል። በዩናይትድ የዋናው ቡድን ልምምዶች ላይ በተደጋጋሚ በመሳተፍ፣ አንጋፋ ተጫዋቾችን ሳይቀር በቴክኒክ ብቃቱ አስገርሟል። በአካላዊ ጥንካሬ ከእሱ በሚበልጡ ተጫዋቾች ቢገፋም፣ በተፈጥሮ ያገኘው ክህሎት ወደፊት ከዓለማችን ምርጥ ተጫዋቾች ተርታ እንደሚያሰልፈው ብዙዎች ይስማሙበታል። ባለፈው ታህሳስ በኤፍኤ የወጣቶች ዋንጫ ለዩናይትድ በመሰለፍ እና ግብ በማስቆጠር ታሪካዊ ሪከርድ ሰብሯል፤ በወጣቶች ሊግ ባደረጋቸው 34 ጨዋታዎችም 31 ግቦችን እና 6 ለግብ የሚሆኑ ኳሶችን አመቻችቶ አቀብሏል።

ዩናይትድ ታዳጊዎችን ወደ ዋናው ቡድን በማሳደግ ታላቅ ታሪክ አለው። "በቂ ብቃት ካለህ፣ በቂ ዕድሜ አለህ" የሚለው የሰር ማት ባስቢ ብሂል ክለቡን ለዘመናት መርቶታል። ገብርኤልም የዚህ ታሪክ ቀጣይ አካል ይሆናል ተብሎ ሲጠበቅ ነበር። ነገር ግን በቅርብ ጊዜ የተፈጠሩ ክስተቶች ጥርጣሬን አጭረዋል። በክረምቱ የቅድመ ውድድር ዝግጅት ላይ በቂ የመጫወት ዕድል አላገኘም፤ በአትሌቲኮ ማድሪዱ ጨዋታ ከተፈጥሮ ቦታው ውጪ እንዲጫወት ሲደረግ፣ አዲሱ ፈራሚ የ18 ዓመቱ ታይናን ቶምሰን ግን በገብርኤል ተወዳጅ ቦታ በግራ ክንፍ ላይ የመሰለፍ ዕድል አግኝቷል። በሻምፒዮንስ ሊግ የ'ኤ' ዝርዝር ውስጥ ሳይካተት መቅረቱም ሌላው ቅር ያሰኘው ጉዳይ ነው። አርሰናል የ15 ዓመቱን ማክስ ዶውማንን በዝርዝሩ ውስጥ አካቶ ክብረ ወሰን ሲሰብር፣ የገብርኤል ስም ግን አልነበረም። አላማው በቋሚነት መሰለፍ ሳይሆን፣ ክለቡ በእሱ ላይ ያለውን እምነት በተጨባጭ ማየት ነበር።

ባለፈው ክረምት ማንቸስተር ሲቲ ገብርኤልን ለማስፈረም ከጫፍ ደርሶ የነበረ ቢሆንም፣ የዩናይትድ የስፖርት ዳይሬክተር ጄሰን ዊልኮክስ እና የድርድር ዳይሬክተሩ ማት ሀርግሪቭስ ጣልቃ ገብተው አክሽፈውት ነበር። ወደ ሌላ የእንግሊዝ ፕሪሚየር ሊግ ክለብ ማምራቱ በህግ አግባብ እጅግ ፈታኝ ነው። ባለፈው አንድ ዓመት ውስጥ ዩናይትድ ልጁን ለማሳመን ከቀድሞው አሰልጣኝ ሩበን አሞሪም እና ከታላቁ ሰር አሌክስ ፈርጉሰን ጋር ጭምር አገናኝቶታል። ማይክል ካሪክ በቅርበት ያሰለጠነው ሲሆን፣ የዋናው ቡድን ማሊያ ቁጥር 77ም ተሰጥቶታል።

አሁን ላይ ዩናይትዶች በቀጣዩ ወር 16ኛ ዓመት የልደት በዓሉን ሲያከብር የማበረታቻ የትምህርት ኮንትራት እና በ17 ዓመቱ ፕሮፌሽናል ውል ለማቅረብ እየተዘጋጁ ነበር። በፋይናንስ አቅርቦት ማንም ክለብ እንደማይበልጣቸው ያምናሉ። ነገር ግን የገብርኤል ውሳኔ የተቆረጠ ይመስላል፤ ስለዚህ ዩናይትድ ውጤቱን በትዕግስት ከመጠበቅ ውጪ ሌላ አማራጭ የለውም። አርብ ዕለትም ክለቡ ለቀረበው የምዝገባ ስረዛ ደብዳቤ ይፋዊ ምላሽ እንደሚሰጥ ይጠበቃል።

የኢትዮጵያ የመጓጓዣ ፓስፖርት አቅም ከዓለም ሀገራት በመጨረሻዎቹ ተርታ ላይ ተገኘ።

በ2026 ዓ.ም የዓለም አቀፍ ፓስፖርት አቅም ጠቋሚ ሪፖርት የኢትዮጵያ ፓስፖርት ደካማ የጉዞ አቅም ከላቸው እንደ፦
-ሶማሊያ፣
-የመን፣
-ሶሪያ እና አፍጋኒስታን ካሉ አገራት ተርታ ላይ ተቀምጦ 90ኛ ደረጃን ይዟል። 

በቅርቡ ይፋ የተደረገው የዓለም አቀፍ ፓስፖርት አቅም ሪፖርት መሰረት፤ የኢትዮጵያ ፓስፖርት ባለቤቶች ያለቪዛ መጓዝ የሚችሉባቸው የዓለም ሀገራት 17 ብቻ ናቸው።

ተጓዦቹ አውሮፕላን ማረፍያ ሲደርሱ በሚሰጥ ቪዛ (Visa on Arrival) መጓዝ የሚችሎባቸው ደግሞ 33 ሀገራትን ብቻ ናቸው።

ከ54 የአፍሪቃ ህብረት አባል ሀገራት መካከል
-ኬንያ፣
-ቤኒን፣
-ጋምቢያ፣
-ሩዋንዳ እና ቶጎ ለኢትዮጵያውያን ሙሉ በሙሉ ነፃ የጉዞ ቪዛ እድልን ይሰጣሉ። በዓለም ላይ ከኢትዮጵያ የባሰ ዝቅተኛ የፓስፖርት አቅም ያላቸው ደግሞ 10 አገራት ብቻ ናቸው። #dw

Seledadotio
Seledadotio

የኢትዮጵያ የመጓጓዣ ፓስፖርት አቅም ከዓለም ሃገራት በመጨረሻዎቹ ተርታ ነዉ ተባለ

የኢትዮጵያ ፓስፖርት በዓለም ላይ ካሉ ዝቅተኛ ደረጃ ከተሰጣቸው አገራት መካከል አንዱ መሆኑን የ2026 ዓ.ም የዓለም አቀፍ ፓስፖርት አቅም ጠቋሚ ሪፖርት አመለከተ። ኢትዮጵያ ፓስፖርት ደካማ የጉዞ አቅም ከላቸው ሀገራት እንደ ሶማሊያ፣ የመን፣ ሶሪያ እና አፍጋኒስታን ካሉ አገራት ተርታ ላይ ተቀምጦ 90ኛደረጃን ይዞ ይገኛል።

በቅርቡ ይፋ የተደረገው የዓለም አቀፍ ፓስፖርት አቅም ሪፖርት መሰረት ፤ የኢትዮጵያ ፓስፖርት ባለቤቶች ያለቪዛ መጓዝ የሚችሉባቸዉ የዓለም ሃገራት ወደ 17 ሀገራት ብቻ ናቸዉ። ተጓዦቹ አዉሮፕላን ማረፍያ ሲደርሱ በሚሰጥ ቪዛ (Visa on Arrival) መጓዝ የሚችሎባቸዉ ሃገሮች ደግሞ 33 ሀገራትን ብቻ ናቸው። ከ54 የአፍሪቃ ህብረት አባል አገራት መካከል ኬንያ፣ ቤኒን፣ ጋምቢያ፣ ሩዋንዳ እና ቶጎ ለኢትዮጵያውያን ሙሉ በሙሉ ነፃ የጉዞ ቪዛ እድልን ይሰጣሉ። በዓለም ላይ ከኢትዮጵያ የባሰ ዝቅተኛ የፓስፖርት አቅም ያላቸው ሃገራት ደግሞ 10 አገራት ብቻ ናቸው።

DW Amharic

#እንድታውቁት‼️

የኢሚግሬሽንና ዜግነት አገልግሎት ለኢ-ፓስፖርት ማመልከት የሚፈልጉ ዜጎች ከሐሰተኛ ድረ-ገጾች እንዲጠነቀቁ አሳስቧል።

አገልግሎቱ እንዳስታወቀው አንዳንድ አጭበርባሪዎች የኤምባሲዎችን ገጽ በመምሰል ሐሰተኛ የኢ-ፓስፖርት ማመልከቻ ፖርታሎችን እያሰራጩ ነው።

ይህም አመልካቾችን ለተጨማሪ ወጪና እንግልት ሊዳርግ እንደሚችል አገልግሎቱ ገልጿል።

በመሆኑም ለኢ-ፓስፖርት ማመልከት የሚፈልጉ ዜጎች https://immigration.gov.et... የሚለውን ይፋዊ ድረ-ገጽ ብቻ እንዲጠቀሙ አሳስቧል።

Seledadotio
Seledadotio

የቴክኖሎጂ አብዮት በኢትዮጵያ፡- ከ5 ሚሊዮን ኮደርስ እስከ አገልግሎት ዲጂታላይዜሽን
********************

ቀደም ሲል የመንግሥት አገልግሎቶችን ለማግኘት ይደርስ የነበረው ረጅም ሰልፍና እንግልት፣ ዛሬ በሀገራችን እየተካሄደ ባለው የዲጂታል ትራንስፎርሜሽን እያበቃ ይገኛል።

ሀገራችን "ዲጂታል ኢትዮጵያ 2025"ን በስኬት አጠናቅቃ ወደ "ዲጂታል 2030" ስትራቴጂ የተሸጋገረች ሲሆን፣ ይህም የአገልግሎት አሰጣጥንና የዜጎችን የአኗኗር ዘይቤ በመቀየር ላይ ነው።

በዲጂታል ትራንስፎርሜሽን ረገድ በመሰረተ ልማትና የቴክኖሎጂ ማዕከላት እንደ የሳይንስ ሙዚየም፣ የኢትዮጵያ አርቲፊሻል ኢንቴሊጀንስ ኢንስቲትዩት እና የስፔስ ሳይንስና ጂኦስፓሻል ኢንስቲትዩት ወደ ሙሉ ሥራ የገቡ ሲሆን፣ የ4G እና 5G የኢንተርኔት መረቦችም በስፋት እየተዘረጉ ይገኛሉ።

በቴሌብር እና በሞባይል ባንኪንግ አማካኝነት ያለ ጥሬ ገንዘብ የሚደረግ ግብይት ባህል ሆኗል። ብሔራዊ መታወቂያ (ፋይዳ) ደግሞ የዲጂታል ማህበረሰብ ግንባታን እውን እያደረገ ነው።

እንደ ኢ-ታክስ፣ ኢ-ፓስፖርት እና በተለያዩ የሀገራችን ክፍሎች የተከፈቱ "መሶብ" የአንድ ማዕከላት አገልግሎቶችን በአንድ ጣሪያ ስርና በበይነመረብ በማቅረብ ወጪን፣ ጊዜንና እንግልትን አስቀርተዋል።

ከተባበሩት አረብ ኤምሬትስ ጋር በመተባበር የእየተተገበረ የሚገኘው የ5 ሚሊዮን ኮደርስ ነፃ የኦንላይን ስልጠና ወጣቶችን በዳታ ሳይንስ፣ ፕሮግራሚንግ፣ ኤአይ (AI) እና አንድሮይድ ሶፍትዌር ግንባታ በማሰልጠን የራሳቸውን የቴክኖሎጂ ድርጅቶች እንዲፈጥሩ እያበቃቸው ይገኛል።

ዲጂታላይዜሽን የአሰራር ባህል ለውጥና የሀገርን የወደፊት አቅም የመገንባት ሂደት በመሆኑ፣ ቴክኖሎጂውን በአግባቡ መጠቀምና በዲጂታል እውቀት ማደግ የሁላችንም የጋራ ኃላፊነት ነው።

በብሌን ደምበሎ
#ebc #ethiopia #digitalethiopia #digitalethiopia2030 #artificialintelligence #mesob

(ዘ-ሐበሻ ዜና) የነዳጅ ዋጋ ጭማሪ እያሳየ ባለበት በአሁኑ ወቅት፣ ሰዎች እንደ ፓስፖርት የሚታጠፍ አዲስ የአፕል አይፎን ስማርት ስልክ ለመግዛት ሁለት ሺህ ዶላር ያወጡ ይሆን የሚል መነጋገሪያ ተፈጥሯል። ይሁን እንጂ መረጃዎች እንደሚያሳዩት፣ የነዳጅ ዋጋ ቢጨምርም ሆነ የኢኮኖሚ አለመረጋጋት ቢኖርም ሸማቾች ይበልጥ ውድ የሆኑ አይፎኖችን መግዛታቸውን አላቆሙም።

የጄፒ ሞርጋን ተንታኝ የሆኑት ሳሚክ ቻተርጂ እንዳስገነዘቡት፣ በበርካታ ዓመታት ውስጥ በአይፎን ዋጋ እና በሚሸጠው ምርት ብዛት መካከል ያለው ግንኙነት ውስን ነው። የስማርት ስልክ ገበያ በ2016 እና በ2017 ከፍተኛ ደረጃ ላይ ደርሶ የነበረ ቢሆንም፣ ከ2015 እስከ 2026 ባለው የበጀት ዓመት የአይፎን አማካይ የመሸጫ ዋጋ በ50 በመቶ ገደማ ሲጨምር የሽያጭ መጠኑ ደግሞ በ10 በመቶ አድጓል። ሸማቾችም ወደ ውድ ምርቶች ያዘነበሉ ሲሆን፣ የፕሮ እና ፕሮ ማክስ አይፎኖች ድርሻ በ2020 ከነበረበት 37 በመቶ በ2025 ወደ 65 በመቶ ከፍ ብሏል። በተጨማሪም ኩባንያው ከክላርና ጋር በመተባበር የሚያቀርበው የሊዝ ፕሮግራም የምርቶቹን ተደራሽነት እንደሚያሰፋው ይጠበቃል።

ዛሬ በስቲቭ ጆብስ ቲያትር የአፕል የሰርፕራይዝ ኤንድ ሻይን ዝግጅት ይካሄዳል። ይህ ዝግጅት ቲም ኩክን በመተካት በዚህ ወር ኃላፊነታቸውን ለተረከቡት አዲሱ ዋና ሥራ አስፈጻሚ ጆን ተርነስ የመጀመሪያው የምርት ትውውቅ በመሆኑ ለኩባንያው ታሪካዊ የሽግግር ወቅት ነው።
አይፎን አልትራ ሊባል እንደሚችል የተገመተው የኩባንያው የመጀመሪያው የሚታጠፍ አይፎን፣ መነሻ ዋጋው ከሁለት ሺህ ዶላር በላይ እንደሚሆን የሲቲ ተንታኞች ገልጸዋል። ሲቲ ባወጣው ግምት፣ አፕል ከዚህ አዲስ ምርት በዘንድሮው ዓመት ሁለተኛ አጋማሽ አምስት ሚሊዮን እንዲሁም በ2027 የመጀመሪያ ሩብ ዓመት 2 ነጥብ 3 ሚሊዮን ስልኮችን ይሸጣል። ኩባንያው ከሚታጠፈው ስልክ በተጨማሪ፣ ሙሉ የሆኑ የአይፎን 18 ፕሮ ስልኮችን፣ አዳዲስ የአፕል ሰዓቶችን እና በአርቴፊሻል ኢንተለጀንስ የታገዙ የሶፍትዌር ማሻሻያዎችን ይፋ ያደርጋል ተብሎ ይጠበቃል።

አዳዲስ አይፎኖች ይፋ ሲደረጉ የሚፈጠረው ድባብ ለአፕል አክሲዮን መልካም ዜና ይዞ ይመጣል። የባንክ ኦፍ አሜሪካ ተንታኝ ዋምሲ ሞሃን ባደረጉት ጥናት መሠረት፣ የምርት ትውውቅ ከተደረገ በኋላ ወዲያውኑ በአክሲዮን ገበያው ላይ መጠነኛ መዋዠቅ ቢታይም፣ በሚቀጥሉት 30 እና 60 ቀናት ውስጥ ግን አክሲዮኑ ያገግማል። ከ2007 የምርት ትውውቅ ጀምሮ በተደረገ ጥናት፣ የአፕል አክሲዮን አይፎን ይፋ በተደረገ በ60 ቀናት ውስጥ ለ17 ጊዜ ያህል ጭማሪ አሳይቷል። ከፍተኛው ጭማሪ የተመዘገበው በ2019 አይፎን 11 ይፋ በተደረገ በ60 ቀናት ውስጥ የታየው የ20 በመቶ ዕድገት ነው።
#iphonefold #newiphone

ወራት ይፈጅ የነበረው ፓስፖርት… አሁን በሰዓታት
#passport #immigration #ethiopia #digitalethiopia #governmentreform

ኢትዮጵያ ወደ ዲጂታል ዓለም

አዲስ አበባ፣ ነሐሴ 30፣ 2018 (ኤፍ ኤም ሲ) የዲጂታል ኢትዮጵያ ጉዞ የኢኮኖሚ ተሳትፎን በማሳደግ፣ ግልጽነትን በማጠናከር እና ጠንካራ የህዝብ ዲጂታል መሰረተ ልማትን በመገንባት ላይ ይገኛል።

ለዓመታት አስፈላጊ የመንግሥት አገልግሎቶችን ለማግኘት የወረቀት ቅጾችን መሙላት እና በቢሮዎች ረጅም ሰዓት መጠበቅ ግድ ይል ነበር።

ዛሬ ግን የመንግሥት ተቋማት አገልግሎቶችን በቀጥታ በዜጎች እጅ ላይ ለማድረስ የሚያስችል አጠቃላይ ማሻሻያ እያደረጉ ይገኛሉ።

ለአብነትም ለዜጎች የፋይዳ መታወቂያ በመሰጠቱ መጭበርበርን ለመቀነስ እና አስተማማኝ የባንክ አገልግሎቶችን በቀላሉ ለማግኘት የሚያስችል ጠንካራ መሰረት ጥሏል።

በመንግሥት ድረ ገጾች አማካኝነት ዜጎች በአካል ሳይገኙ እንደ ፓስፖርት ማመልከት፣ የንግድ ምዝገባ ማካሄድ እና የፍጆታ ክፍያዎችን መፈጸም ችለዋል።

በግብርናው ዘርፍ የማዳበሪያ ግዢ እና ስርጭትን በዲጂታል መንገድ በመምራት አርሶ አደሮች ጋር ማድረስ ተችሏል።

የማህበረሰብ አቀፍ ጤና መድህን ክፍያዎችን፣ የህክምና ተቋማት ሂሳቦችን እና የመድኃኒት አቅርቦት ሰንሰለትን በዲጂታል ማከናወን ተጀምሯል።

በሽግግሩ ለፋይናንስ አካታችነት ተብሎ የተጀመረው ቴሌብር፣ ዛሬ የገንዘብ ማስተላለፊያ መተግበሪያ ብቻ ሳይሆን ዋና የፋይናንስ አንቀሳቃሽ ሆኗል።

በ2018 በጀት ዓመት ብቻ ከ4 ትሪሊየን ብር በላይ ግብይት ተፈጽሟል፡፡ ከ 60 ነጥብ 6 ሚሊየን በላይ ተጠቃሚዎችን በማገልገል የዕለት ተዕለት የገንዘብ ዝውውሮችን፣ ክፍያዎችን እና ብድሮችን እያስተናገደ ይገኛል።

የሀገሪቱ የክፍያ መስመር በተለያዩ የባንክና የፋይናንስ መተግበሪያዎች ገንዘብ ማዘዋወር በማስቻሉ የመንግሥት እና የግል ባንኮች እንዲሁም ድርጅቶች የሞባይል ባንክ መተግበሪያዎቻቸውን አስፋፍተዋል።

በገቢዎች ሚኒስቴር የሚደረግ የዲጂታል ታክስ ስብሰባ እና በመላ ሀገሪቱ በነዳጅ ማደያዎች የተተገበረው የዲጂታል ክፍያ የአሰራር ብክነትን ቀንሷል፣ የታክስ ህጋዊነትን አሳድጓል፣ እንዲሁም የከተሞች ገቢ አሰባሰብን ዘመናዊ አድርጓል።

ባለፉት አምስት ዓመታት የተመዘገበው ውጤት ሽግግሩ በቀሪ ዘርፎች ላይም ተደራሽ ሆኖ በትኩረት እንዲሰራ የሚያበረታታ ነው።

እንደ 4G እና 5G ያሉ የኔትወርክ መሰረተ ልማቶችን ወደ ገጠር አካባቢዎች ማስፋፋት የክልል ማህበረሰቦች ከከተሞች እኩል የቴክኖሎጂው ተጠቃሚ እንዲሆኑ የሚያስችል ወሳኝ ርምጃ ነው።

የዲጂታል ስራዎች የህዝቡን የየዕለት አጠቃቀም በማሳደግ እያንዳንዱ ዜጋ ከከተማ ነጋዴ እስከ ገጠር አርሶ እና አርብቶ አደር በዲጂታል ኢኮኖሚው ሙሉ በሙሉ ተጠቃሚ እንዲሆን ማስቻል ነው፡፡

ኢትዮጵያ ወደ ዲጂታል ዓለም እያደረገች ያለችው ሽግግር ግልጽ የፖሊሲ አቅጣጫ፣ የዘመነ መሰረተ ልማት እና ሀገራዊ ቁርጠኝነት የታየበት ነው፡፡

በምሕረት ደምሴ

አስቸኳይ የጠፋ ፓስፓርት የአፋልጉን ማስታወቂያ

የቻይና ሀገር ቪዛ የተመታባቸው የ6 ሰዎች ፓስፖርቶች በድንገት በሚከተለው ሁኔታ ጠፍተዋል። የፓስፖርት ባለቤቶች፦
1. Abayneh Demeke
2. .Anteneh Tekalign
3. Engidu Tsegaye
4. Sara getu
5. Tizita Degu
6. Girma Tujo
ትናንት ዓርብ፣ ነሐሴ 29/2018 ዓ.ም፣ ከምሽቱ 12፡30 ሰዓት ከዘነበወርቅ ወደ ዓለም ባንክ በሚጓዝ ሰማያዊ ሚኒባስ ታክሲ ውስጥ ተሳፍረው ሲወርዱ ፓስፖርቶቹን በታክሲው ውስጥ ረስተው ወርደዋል።

ፓስፖርቶቹን በታክሲው ውስጥ ያገኛችሁ ወይም ስለፓስፖርቶቹ መረጃ ያላችሁ ሰዎች፣ የጉዞው ቀን የቀረው አንድ ቀን ብቻ በመሆኑ በአስቸኳይ ከታች ከተዘረዘሩት ስልክ ቁጥሮች በአንዱ በመደወል እንድታሳውቁን በትህትና እንጠይቃለን።

ፓስፖርቶቹን ላገኘ ሰው ተገቢውን ወረታ የምንከፍል መሆኑን እናሳውቃለን።
📞 የመገናኛ ስልኮች፦
[ስልክ ቁጥር 1] 0912377272
[ስልክ ቁጥር 2] 0945353331
[ስልክ ቁጥር 3] 0924666904

እባካችሁ ይህን መልዕክት ለሌሎች በማጋራት እንድትተባበሩን በትህትና እንጠይቃለን።

(ዘ-ሐበሻ ዜና) የአሜሪካ የውጭ ጉዳይ ሚኒስቴር ወላጆች ለልጆቻቸው የፓስፖርት ማመልከቻ ሲያስገቡ የራሳቸውን የዜግነት ወይም የኢሚግሬሽን ማስረጃ ማቅረብን የሚያስገድድ አዲስ ረቂቅ ሕግ አቅርቧል። ይህ እርምጃ ፕሬዚዳንት ዶናልድ ትራምፕ በቅርቡ የትውልድ ስፍራን መሠረት ያደረገ ዜግነትን ለመገደብ እያደረጉት ያለው ጥረት አካል ነው። ረቂቅ መመሪያው ነሐሴ 6 ቀን የወጣውን እና "የልደት ቱሪዝም" የተሰኘውን ድርጊት ኢላማ ያደረገውን የፕሬዚዳንቱን አስፈጻሚ ትዕዛዝ የውጭ ጉዳይ ሚኒስቴሩ እንዴት በሥራ ላይ ሊያውል እንደሚችል የሚያሳይ የመጀመሪያው ዝርዝር መረጃ ነው።

የውጭ ጉዳይ ሚኒስቴር ቃል አቀባይ ቶሚ ፒጎት በሰጡት መግለጫ፣ ፕሬዚዳንት ትራምፕ የአሜሪካን ዜግነት ትርጉም እና እሴት ለመጠበቅ ጽኑ አቋም እንዳላቸው እና የፓስፖርት አሰጣጥ ሂደቱም ይህንኑ መስፈርት የሚያንጸባርቅ መሆኑን ማረጋገጥ እንደሚፈልጉ ገልጸዋል። የትውልድ ስፍራን መሠረት ያደረገ ዜግነትን መገደብ ፕሬዚዳንቱ በስደተኞች ላይ ከሚወስዷቸው እርምጃዎች ውስጥ ቀዳሚው ጉዳይ ነው። ከዚህ ቀደም አውጥተውት የነበረው እና ከአንድ አሜሪካዊ ወይም ሕጋዊ ነዋሪ ለተወለዱ ልጆች ብቻ ዜግነትን የሚሰጠው ትዕዛዝ፣ የሀገሪቱን ሕገ መንግስት 14ኛ ማሻሻያ የሚጥስ ነው በሚል በአሜሪካ ጠቅላይ ፍርድ ቤት በ6 ለ 3 ድምጽ ውድቅ መደረጉ ይታወሳል።

አዲሱ እና በተወሰኑ ጉዳዮች ላይ ብቻ ያተኮረው የነሐሴ 6ቱ አስፈጻሚ ትዕዛዝ፣ እናቶች ልጆቻቸው ዜግነት እንዲያገኙ በማሰብ ብቻ ወደ አሜሪካ የሚያደርጉትን ጉዞ ወይም የልደት ቱሪዝምን ለመግታት ያለመ ነው። በዚህ መመሪያ መሠረት በአሜሪካ ውስጥ ለውጭ መንግሥት የሚሰሩ፣ ዜግነትን ለማግኘት በማጭበርበር ወይም በንግድ ልውውጥ የተሳተፉ፣ እንዲሁም ጠላት ተብለው የተፈረጁ ወላጆች ልጆች ዜግነት እንዳያገኙ ይከለከላሉ። ሕጉ ተግባራዊ ከተደረገ፣ ወላጆች ወይም ሕጋዊ አሳዳጊዎች የልጆቻቸውን የፓስፖርት ማመልከቻ ሲያስገቡ እንደ አሜሪካ ፓስፖርት፣ የልደት የምስክር ወረቀት፣ የኢሚግሬሽን ቅጽ ወይም የሕጋዊ ነዋሪነት ፈቃድ የመሳሰሉ ማስረጃዎችን ማቅረብ ይጠበቅባቸዋል። መረጃው ልጁ በአዲሱ ሕግ መሠረት ዜግነት ለማግኘት ብቁ መሆኑን ለመወሰን በመንግሥት ጥቅም ላይ ይውላል። በአሁኑ አሰራር ግን በአሜሪካ ለተወለዱ ልጆች ፓስፖርት ለማውጣት ወላጆች የወላጅነት ማረጋገጫ እና ፎቶግራፍ ያለበት መታወቂያ ማቅረብ ብቻ በቂ ሲሆን፣ ዜግነትን የሚያረጋግጥ ሰነድ ማቅረብ አይገደዱም።

ይህ በእንዲህ እንዳለ ዜግነታቸውን ሊያጡ በሚችሉ ሕጻናት ስም የክስ ሂደት የጀመሩ ጠበቆች፣ ይህ የትራምፕ አዲስ ትዕዛዝ ተግባራዊ እንዳይሆን ሁለት የተለያዩ የፌደራል ዳኞችን ጠይቀዋል። ከእነዚህ ክሶች አንዱ በዲሞክራቱ ፕሬዚዳንት ጆ ባይደን በተሾሙት የዲስትሪክት ዳኛ ዲቦራ ቦርድማን እየታየ ይገኛል። ዳኛዋ ዓርብ ዕለት በሜሪላንድ ግዛት በነበረው ችሎት በፕሬዚዳንቱ ትዕዛዝ ላይ ጥርጣሬያቸውን የገለጹ ሲሆን፣ ከሳሾች ክሳቸውን እንዲያሻሽሉ እና ሕጉን ስለማገድ ውሳኔ ለመስጠት ጊዜ ሰጥተዋል። በሌላ በኩል የፍትህ ሚኒስቴር ጠበቆች የፌደራል ኤጀንሲዎች ትዕዛዙን እንዴት እንደሚተገብሩ ይፋዊ መመሪያ እስካላወጡ ድረስ ክሱ ያለጊዜው የቀረበ በመሆኑ ሕጉን ማገዱ ተገቢ አይደለም ሲሉ ተከራክረዋል።

የኢሚግሬሽን አገልግሎት "በትግራይ ጊዜያዊ አስተዳደር" ማህተም ያልተረጋገጡ ሰነዶችን እንደማይቀበል አስታወቀ‼️

የኢትዮጵያ ኢሚግሬሽን እና ዜግነት አገልግሎት፤ ፓስፖርት ለማውጣትም ሆነ የተለያዩ አገልግሎቶችን ለማግኘት ከትግራይ ክልል የሚመጡ ዜጎች የሚያቀርቡት ሰነድ በክልሉ "ጊዜያዊ አስተዳደር" የተረጋገጠ ካልሆነ አገልግሎት እንደማይሰጥ አስታውቋል።

📌 የውሳኔው ዋና ዋና ዝርዝሮች፦

ተቀባይነት ያገኙ ሰነዶች፦ የልደት ካርድ፣ የመታወቂያ እና ሌሎችም ለፓስፖርት ማውጫነት የሚያገለግሉ ሰነዶች በሙሉ የትግራይ ጊዜያዊ አስተዳደር ማህተም እና 'ሄዲንግ' (Heading) ያረፈባቸው መሆን አለባቸው።

ውድቅ የተደረጉ ሰነዶች፦ "የትግራይ ብሔራዊ ክልላዊ መንግስት" በሚል ሄዲንግ እና ማህተም የተሰጡ ማንኛቸውም ሰነዶች ተቀባይነት የላቸውም።

የውሳኔው ምክንያት፦ የፌደራል መንግስቱ "የትግራይ ብሔራዊ ክልላዊ መንግስት" የሚለውን አጠራር ስለማይቀበለው እና እውቅና ስለማይሰጠው፤ እነዚህን ህገወጥ ማህተሞች የያዙ ሰነዶችን ይዘው ለሚመጡ ተገልጋዮች ተቋሙ አገልግሎት መስጠት ሙሉ በሙሉ ማቋረጡ ተገልጿል።

Seledadotio
Seledadotio

ኤምባሲ በሌለባቸው ሀገራት ለሚኖሩ ዜጎች የፓስፖርት አገልግሎት የሚሰጥበት አዲስ አሠራር ተዘረጋ

በሊባኖስ: በሱዳን፣ በጆርዳንና  የኢትዮጵያ ኤምባሲ በሌለባቸው ሀገራት የሚኖሩ ዜጎች ፓስፖርታቸውን ለማደስ የሚያስችላቸው አሠራር መዘርጋቱን ከኢትዮ ኤፍ ኤም ጋር ቁይታ ያደረጉት የኢሚግሬሽን እና ዜግነት አገልግሎት ህዝብ ግንኙነት ዳይሬክተር አቶ አምቦ መቃሳ ገለጸዋል ።

በእነዚህ ሀገራት የሚኖሩ ዜጎች በአቅራቢያቸው በሚገኝ የኢትዮጵያ ኤምባሲ ለምሳሌ በሱዳን ያሉ በደቡብ ሱዳን በኩል አገልግሎት እንዲያገኙ መመቻቸቱን አቶ አምቦ ገልጸዋል።

በተጨማሪም ተቋሙ የባዮሜትሪክስ መረጃዎችን የሚቀዱ ተንቀሳቃሽ መሣሪያዎችን ወደ እነዚህ ሀገራት በመላክ ዜጎች ባሉበት ቦታ ሆነው መረጃቸው እንዲያዝ ይደረጋል ብለዋል።

ፓስፖርታቸው ለረጅም ጊዜ የተቃጠለባቸውና ወደ ሀገር ቤት መግባት የሚፈልጉ ዜጎች ደግሞ በ“ሊሴ ፓሴ”  የጉዞ ሰነድ ወደ ሀገራቸው ገብተው ፓስፖርታቸውን እንዲያድሱ መመሪያ መሰጠቱ ታውቋል።

በተመሳሳይ በሀገር ውስጥ መጓዝ ለማይችሉ አረጋውያንና ሕሙማን በቤታቸው ተገኝቶ አገልግሎት የመስጠት መርሐ-ግብር በቅርቡ እንደሚጀመር ተጠቁሟል።

Seledadotio
Seledadotio

በሕግ ስር ያሉ ተጠርጣሪ (ተከሳሾች) የዋስትና መብቶች
በኢትዮጵያ ሕግ ማእቀፍ
መግቢያ

#ethiopia | የዋስትና መብት አጠቃላይ ይዘት ተከሳሹ ፍርዱን በውጭ ሆኖ እንዲከታተል መፍቀድ እና የፍትህ ስራው ሳይደናቀፍ ተከሳሹ ችሎት መቅረቡን ማረጋገጥ ነው። ይህ መብት የአለምአቀፍ ሆነ ህገመንግስታዊ መርህ ሲሆን በወንጀል ሕግ ሥርዓት ውስጥም የግለሰብ ነጻነትን እና የህዝብ ደህንነትን ሚዛን ለመጠበቅ የሚያገለግሉ ዋና ዋና ዓላማዎችን፣ ሕጋዊ መሠረቶችን እና መመዘኛዎችን በማካተት የሚደነግግ ነው።

በዚህ ጽሁፍ የተከሰሻችን ወይም የተጠርጣሪዎችን መብቶችን ፣ ዋስትና የሚያስከለክሉ መብቶችን ፣ የይግባኝ መብቶችን እንዲሁም ዋስትና የተከለከሉ ሰወች እንዴት በፍርድ ቤት ሊስተናገዱ እንደሚገባ በማካተት ለህግ ግንዛቤ ለእናንተ ቀርቧል።

1. በኢትዮጵያ የሕግ ማዕቀፍ ውስጥ ያለ ዋስትና እስር (Pre-trial detention without bail) የሚፈጸመው
የዋስትና (Bail) መብት ዓለም አቀፋዊ መርሆች በዋናነት የተመሠረቱት በሰብዓዊ መብቶች ድንጋጌዎች እና በዓለም አቀፍ የፍትሕ ሥርዓት ሥነ-ምግባር ላይ ነው። እነዚህ መርሆች አንድ ተጠርጣሪ ጥፋተኛነቱ በፍርድ ቤት ሳይረጋገጥ መታሰር የሌለበትን እና ነፃነቱን የማግኘት መብቱን የሚያስከብሩ ናቸው።
ዋና ዋናዎቹ ዓለም አቀፋዊ የዋስትና መርሆች የሚከተሉት ናቸው፦

1.1. የንጽሕና ግምት መርህ (Presumption of Innocence)ይህ የሁሉም መርሆች መሠረት ነው፤ ማንኛውም ሰው በሕግ ፊት ጥፋተኛነቱ እስካልተረጋገጠ ድረስ እንደ ንጹህ ሰው ይቆጠራል።በመሆኑም ተጠርጣሪን ያለ ፍርድ ማሰር ቅጣት መሆን ስለሌለበት፣ በመደበኛ ሁኔታ በዋስ የመፈታት መብት ሊኖረው ይገባል።

1.2. ነፃነት መርህ ነው፣ እስር ልዩ ሁኔታ ነው (Liberty as a Rule, Detention as an Exception)በዓለም አቀፍ የሲቪልና የፖለቲካ መብቶች ቃል ኪዳን (ICCPR አንቀጽ 9) መሠረት፣ የወንጀል ክስ የተመሠረተበት ሰው ፍርዱን በውጭ ሆኖ መከታተል አለበት።ቅድመ-ፍርድ እስር (Pre-trial detention) ጥቅም ላይ መዋል ያለበት ሌላ ምንም አማራጭ ከጠፋ ብቻ ነው።

1.3. የግለሰብ ሁኔታን ያገናዘበ መመዘኛ (Individualized Assessment)ዋስትና የመፍቀድ ወይም የመከልከል ውሳኔ በጅምላ ወይም በደፈናው መሆን የለበትም።ፍርድ ቤቶች የእያንዳንዱን ተጠርጣሪ የግል ታሪክ፣ የማምለጥ ስጋት፣ የደኅንነት ሁኔታ እና ከማኅበረሰቡ ጋር ያለውን ትስስር ለይተው ማየት አለባቸው።

1.4. የተመጣጣኝነት መርህ (Principle of Proportionality)
የዋስትና ሁኔታዎች እና የሚጠየቀው የገንዘብ መጠን ከተከሰሰበት ወንጀል ክብደት እና ከተጠርጣሪው የኢኮኖሚ አቅም ጋር የተመጣጠነ መሆን አለበት።ተጠርጣሪው ሊከፍለው የማይችለውን ከፍተኛ የገንዘብ መጠን መወሰን፣ በተዘዋዋሪ ዋስትናን የመከልከል ያህል ስለሚቆጠር በዓለም አቀፍ ሕግ የተከለከለ ነው።

1.5. የፍትሐዊነት እና የማድላት ነፃነት መርህ (Non-Discrimination)ዋስትና በሃብት፣ በዘር፣ በጾታ፣ በሃይማኖት ወይም በፖለቲካ አቋም ላይ ተመሥርቶ መገደብ የለበትም።ድሆች የዋስትና ገንዘብ መክፈል ባለመቻላቸው ብቻ እስር ቤት እንዲቆዩ መደረግ የለበትም፤ ለዚህም ነው ከገንዘብ ውጪ ያሉ የዋስትና አማራጮች (ለምሳሌ፦ በቃል መገደድ፣ የፓስፖርት እገዳ) እንዲተገበሩ የሚመከረው።

1.6. የፍርድ ቤት ቁጥጥር እና ይግባኝ መብት (Judicial Review and Right to Appeal)ዋስትናን የመከልከል ወይም የመፍቀድ ሥልጣን የገለልተኛ ፍርድ ቤት ብቻ መሆን አለበት (የፖሊስ ወይም የዓቃቤ ሕግ ውሳኔ ሊሆን አይችልም)።ተጠርጣሪው ዋስትና ከተከለከለ፣ ውሳኔውን ለከፍተኛ ፍርድ ቤት በይግባኝ የማስመርመር መብት ሊኖረው ይገባል።

2. በመርህ ደረጃ የዋስትና መብት ሕገ-መንግሥታዊ ጥበቃ የሚደረግለት ቢሆንም፣ በሕግ በተደነገጉ ልዩ ሁኔታዎችና ገደቦች ምክንያት ነው።የዚህ ሕጋዊ ማዕቀፍ ዋና ዋና ምሰሶዎች፣ መርሆዎች እና ልዩ ሁኔታዎች የሚከተሉት ናቸው፦

2.1. መሠረታዊው ሕገ-መንግሥታዊ መርህበኢፌዲሪ ሕገ-መንግሥት አንቀጽ 19(6) መሠረት፣ ማንኛውም የተያዘ ሰው በዋስ የመፈታት መብት አለው። ይህም ማለት በሕጉ መሠረት ዋስትና መፈቀድ መርህ (Rule) ሲሆን፣ መከልከል ወይም ያለ ዋስትና መታሰር ደግሞ ልዩ ሁኔታ (Exception) ነው።

2.2 ዋስትና ሙሉ በሙሉ የሚከለከልባቸው ወንጀሎች (Non-Bailable Offences)

በ1954 ዓ.ም የወጣው የወንጀለኛ መቅጫ ሥነ-ሥርዓት ሕግ ቁጥር 63 እና ሌሎች ልዩ ሕጎች መሠረት፣ አንድ ተጠርጣሪ በሚከተሉት ከባድ ወንጀሎች ሲጠረጠር ፍርድ ቤት ዋስትና የመከልከል ግዴታ አለበት፦የሞት ቅጣት ወይም ከ12 ዓመት በላይ ጽኑ እስራት የሚያስቀጡ ከባድ ወንጀሎች (ለምሳሌ፦ ግድያ፣ የሀገር ክህደት)።የሙስና ወንጀል፦ በተሻሻለው የፀረ-ሙስና ልዩ የሥነ-ሥርዓትና የማስረጃ ሕግ መሠረት፣ ወንጀሉ ከ10 ዓመት በላይ የሚያስቀጣ ከሆነ ወይም ተደራራቢ ወንጀሎች ተደምረው ከ10 ዓመት በላይ የሚያስቀጡ ከሆነ ዋስትና ይከለከላል።የሽብርተኝነት ወንጀል፦ በፀረ-ሽብርተኝነት ሕጉ ሥር የሚወድቁ አብዛኞቹ ከባድ ወንጀሎች ተጠርጣሪው ያለ ዋስትና በማረፊያ ቤት እንዲቆይ ያደርጋሉ።

2.3. ፍርድ ቤት በራሱ ሥልጣን ዋስትና የሚከለክልባቸው ምክንያቶችበወንጀለኛ መቅጫ ሥነ-ሥርዓት ሕግ ቁጥር 67 መሠረት፣ ወንጀሉ በዋስ የሚያስፈታ ቢሆንም እንኳ ፍርድ ቤቱ የሚከተሉት ስጋቶች ካሉት ዋስትና ሊከለክል ይችላል፦ተጠርጣሪው የዋስትና ግዴታውን አክብሮ አይቀርብም (ይጠፋል) ተብሎ ሲሰጋ ፣
በዋስ ቢለቀቅ ሌላ ወንጀል ሊፈጽም ይችላል የሚል ጠንካራ ጥርጣሬ ሲኖር ፣
የምስክሮችን ቃል በመቀየር ወይም ማስረጃዎችን በማጥፋት በምርመራ ሂደት ላይ እንቅፋት ይፈጥራል ተብሎ ሲታመን ነው።

2.4. የምርመራ ጊዜ ማራዘሚያ (Remand)

ፖሊስ የጀመረውን የወንጀል ምርመራ በተገቢው ሰዓት አጠናቆ ካልጨረሰ፣ በሕገ-መንግሥቱ አንቀጽ 19(4) መሠረት ፍርድ ቤቱን ተጨማሪ የምርመራ ጊዜ (ቀጠሮ) ሊጠይቅ ይችላል። ፍርድ ቤቱ የፍትሕ አሰጣጡን ሂደት ከግምት ውስጥ በማስገባት ተጠርጣሪው ያለ ዋስትና በማረፊያ ቤት ቆይቶ ምርመራው እንዲቀጥል እስከ 14 ቀናት (እና ከዚያ በላይ በተደራራቢ ቀጠሮዎች) ሊፈቅድ ይችላል።

3. የዋስትና ይግባኝ መብት

በኢትዮጵያ የሕግ ማዕቀፍ እና በዓለም አቀፍ መርሆች መሠረት፣ የዋስትና ይግባኝ መብት (Right to Appeal Bail Decisions) አንድ ተጠርጣሪ ወይም ዓቃቤ ሕግ የታችኛው ፍርድ ቤት በዋስትና ላይ የሰጠውን ውሳኔ ለበላይ ፍርድ ቤት አቅርቦ እንዲመረመርለት የመጠየቅ ሕጋዊ መብት ነው።ይህ መብት በኢትዮጵያ የወንጀለኛ መቅጫ ሥነ-ሥርዓት ሕግ እና በይግባኝ ሥርዓት ውስጥ የሚከተሉትን ዋና ዋና ነጥቦች ያጠቃልላል፦

3.1. የይግባኝ መብቱ ለማን ይሰጣል?

የዋስትና ይግባኝ መብት ለሁለቱም ወገኖች እኩል የተሰጠ መብት ነው፦

ለተጠርጣሪው/ተከሳሹ፦ የታችኛው ፍርድ ቤት ዋስትና ሙሉ በሙሉ ሲከለክለው ወይም ተከሳሹ ሊያሟላው የማይችለውን እጅግ ከፍተኛ የገንዘብ መጠን ወይም ከባድ ግዴታ ሲጥልበት ይግባኝ ማለት ይችላል።

ለዓቃቤ ሕግ (መንግሥት)፦ የታችኛው ፍርድ ቤት "ዋስትና ሊሰጠው የማይገባውን ከባድ ተጠርጣሪ በዋስ ለቋል" ወይም "የተወሰነው የዋስትና መጠን ከተፈጸመው ወንጀል አንጻር በጣም አነስተኛ ነው" ብሎ ካመነ ውሳኔውን በመቃወም ይግባኝ ማለት ይችላል።

3.2. በይግባኝ ጊዜ የዋስትና ውሳኔን የማገድ ሥልጣን (Stay of Execution)

የታችኛው ፍርድ ቤት ለተጠርጣሪው ዋስትና ሲፈቅድ፣ ዓቃቤ ሕግ ውሳኔውን በመቃወም ይግባኝ ለማለት ካሰበ የዋስትናው ውሳኔ ለጊዜው ታግዶ ተጠርጣሪው እሥር ቤት እንዲቆይ ፍርድ ቤቱን የመጠየቅ መብት አለው።ይሁን እንጂ ዓቃቤ ሕግ ይግባኙን በአጭር ቀናት ውስጥ (ብዙውን ጊዜ በ48 ሰዓት ወይም በሕጉ በተቀመጠው አጭር ጊዜ) ለበላይ ፍርድ ቤት ካላቀረበ፣ የእገዳ ትዕዛዙ ተነስቶ ተጠርጣሪው በዋስ ይፈታል።

3.3. የበላይ ፍርድ ቤት ሥልጣን (Powers of the Appellate Court)
የይግባኝ ሰሚው ፍርድ ቤት ጉዳዩን ከመረመረ በኋላ ሶስት ዓይነት ውሳኔዎችን ሊሰጥ ይችላል፦

ማጽናት (Affirm)፦ የታችኛው ፍርድ ቤት የሰጠው የዋስትና መከልከል ወይም መፍቀድ ውሳኔ ትክክል ነው ብሎ መወሰን።
መሻር (Reverse)፦ የታችኛው ፍርድ ቤት የከለከለውን ዋስትና መፍቀድ፣ ወይም የፈቀደውን ዋስትና ሰርዞ ተጠርጣሪው እንዲታሰር ማዘዝ ይሆናል።

ማሻሻል (Modify)፦ የተወሰነውን የዋስትና የገንዘብ መጠን መቀነስ/መጨመር ወይም የዋስትና ሁኔታዎችን (ለምሳሌ የማምለጫ ስጋትን ለመቀነስ የፓስፖርት እገዳ መጣል) መለወጥ።

3.4. መሠረታዊ ዓላማው

ፍርድ ቤቶች በዋስትና መብት ላይ ሊፈጽሙ የሚችሉትን የሕግ ስህተት ወይም የሥልጣን አጠቃቀም ጉድለት (Abuse of Discretion) ለማረም እና የአንድን ሰው ሰብዓዊና ሕገ-መንግሥታዊ የነፃነት መብት ያለ አግባብ እንዳይገደብ ዋስትና ለመስጠት ነው።

4. ዋስትና የተከለከሉ ሰወች ጉዳያቸው እንዴት ይታያል?
ዋስትና የተከለከሉ ተከሳሾች ጉዳያቸው በፍርድ ቤት በቶሎ እንዲታይ እና ውሳኔ እንዲያገኝ ማድረግ ፍትህን ለማረጋገጥ እና ሰብአዊ መብትን ለመጠበቅ በጣም አስፈላጊ ነው።ይህንን ሂደት ለማፍጠን የሚረዱ ዋና ዋና መንገዶችና መፍትሄዎች የሚከተሉት ናቸው።

4.1. የህግ እና የሥርዓት ማሻሻያዎችልዩ የችሎት ቀጠሮ፡ ዋስትና ለተከለከሉ ተከሳሾች ቀዳሚነት የሚሰጡ ተከታታይ የችሎት ቀናትን መመደብ።የጊዜ ገደብ ማስቀመጥ፡ ክስ ከቀረበበት ቀን ጀምሮ የመጨረሻ ውሳኔ የሚሰጥበትን ከፍተኛ የጊዜ ገደብ በህግ መወሰን።ቀላል የክስ ሂደቶች፡ ውስብስብ ያልሆኑ እና ግልጽ የሆኑ ክሶችን በአጭር ሥርዓት (Summary Procedure) ማየት።

4.2. የፍርድ ቤቶች አሰራርን ማዘመንየዲጂታል አሰራር (E-Court)፦ የክስ መዝገቦችን እና ማስረጃዎችን በኮምፒውተር በማደራጀት የቢሮክራሲ መዘግየትን መቀነስ።የቅድመ-ችሎት ስብሰባ (Pre-Trial Conference)፦ ከችሎት በፊት በዓቃቤ ህግ እና በተከሳሽ ጠበቃ መካከል የሚደረጉ ውይይቶችን በማበረታታት ክርክሮችን ማጥበብ።የዕለታዊ መዝገብ አስተዳደር፡ በአንድ ችሎት የሚታዩ መዝገቦችን ቁጥር በመመጠን ለእያንዳንዱ መዝገብ በቂ ጊዜ መስጠት።

4.3.. የባለድርሻ አካላት ቅንጅትየማስረጃ ዝግጁነት፡ ፖሊስና ዓቃቤ ህግ ሙሉ ማስረጃ ሳይኖራቸው ሰውን ከማሰር መቆጠብ እና ምርመራን በፍጥነት ማጠናቀቅ።የጠበቆች ተገኝነት፡ ለተከሳሾች በቂ የመንግስት መከላከል ጠበቃ (Public Defender) በወቅቱ መመደብ።የማረሚያ ቤቶች ትብብር፡ ተከሳሾችን ያለ ምንም መዘግየት በየቀጠሮው ፍርድ ቤት ማቅረብ።

4.4. አማራጭ የፍትህ መፍትሄዎችየጥፋተኝነት ድርድር (Plea Bargaining)፦ ተከሳሽ እና ዓቃቤ ህግ በህጉ መሠረት ተደራድረው ጉዳዩን በቶሎ እንዲያልቅ ማድረግ።የዋስትና ሁኔታዎችን እንደገና ማየት፡ ክርክሩ ከዘገየ የዋስትና እገዳውን በማንሳት በገንዘብ ወይም በሰው ዋስ እንዲፈቱ መፍቀድ፥
ዋና ዋና መሠረታዊ መብቶች ናቸው።

5. ማጠቃለያ
ዋስትና መሠረታዊ መብት ሲሆን ህጉ በተለየ ሁኔታ እንዲከለከል ያስቀመጠ እንደሆነ ዋስትና የሚከለከልበት ሁኔታ አለ። ይሁን እንጂ ዋስትና የተከለከለ ሰው ይግባኝ ህገመንግስታዊ መብት ነው። ዋስትና የተከለከሉ ሰወች ጉዳያቸው ከሌላው ይልቅ በቶሎ ኤንዲታይ ማድረግ ንጹህ ሆኖ የመገመት ህገመንግስታዊ መብትንና ፍትህ የማግኘት ህገመንግስታዊ መብትን ማስጠበቅ ነው።

ማጣቀሻዎች
1. የኢፊድሪ ሕገመንግስት
2. ዓለም አቀፍ ስምምነቶች
3. የኢፊዲሪ ወንጀል ሕግ
4. የኢፊድሪ ወንጀል ስነ ስርአት

በፋንታሁን ደለለው , Fantahun Delelew , Lawyer.
https://www.facebook.com/s...

ቻድ ኢትዮጵያውያን ያለ ምንም የቪዛ መስፈርት ወደ ሀገሯ እንዲገቡ ፈቀደች

መላው አፍሪካውያንም የዚህ እድል ተጠቃሚዎች ናቸው
#ethiopia | ቻድ ከፈረንጆቹ አዲስ አመት ጀምሮ ለማንኛውም የአፍሪካ ሀገር ዜጋ ያለ ምንም የቪዛ መስፈርት ወደ ሀገሯ መግባት የሚያስችል አዲስ መመሪያ ይፋ አደረገች።

የሀገሪቱ ፕሬዝዳንት ማሃማት ኢድሪስ ዴቢ ይፋ ባደረጉት በዚህ አዲስ ፖሊሲ መሰረት፣ ህጋዊ ፓስፖርት ያለው ማንኛውም የአፍሪካ ሀገር ዜጋ ቅድመ ቪዛ ሳያስፈልገው በቀጥታ ወደ ቻድ መግባትና መንቀሳቀስ እንደሚችል ተገልጿል።

​ይህ ውሳኔ ቻድ ከአህጉራዊ ትስስርና ከዜጎች ነፃ እንቅስቃሴ አንጻር ትልቅ እርምጃ እንድትወስድ ያደረጋት ሲሆን ሀገሪቷም ከጋና፣ ቶጎ፣ ኮንጎ፣ ሩዋንዳ፣ ቤኒን፣ ሲሼልስ እና ጋምቢያ በመቀጠል ለአህጉሩ ዜጎች የቪዛ ገደብን ሙሉ በሙሉ ያነሳች 8ኛዋ የአፍሪካ ሀገር ያደርጋታል።

ይህ ውሳኔ የአፍሪካውያንን እርስ በእርስ የመቀራረብና የመንቀሳቀስ ዕድል የሚያጠናክር ከመሆኑም በላይ፣ አንዲት አፍሪካ በመፍጠር ትልም ላይ ትልቁ ጡብ ተቀምጧል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

በውጭ ሀገር ለሚኖሩ ኢትዮጵያውያን የኤሌክትሮኒክስ ፓስፖርት አገልግሎት በቅርቡ እንደሚጀመር ተነገረ

የኢሚግሬሽንና ዜግነት አገልግሎት በውጭ ሀገራት ለሚኖሩ ኢትዮጵያውያንና ትውልደ ኢትዮጵያውያን ምቹ አሰራሮችን እየዘረጋ መሆኑን አስታውቋል።

ከእነዚህም መካከል አዲሱ የኤሌክትሮኒክስ ፓስፖርት  አገልግሎት በኤምባሲዎችና በቆንስላዎች በኩል በቅርቡ እንደሚጀመር ገልጿል።

የኢሚግሬሽን እና ዜግነት አገልግሎት ህዝብ ግንኙነት ዳይሬክተር አቶ አምቦ መቃሳ እንደገለጹት፥ለዲያስፖራው የሚሰጠው አገልግሎት እንዲቀላጠፍ አዲስ ድረ-ገጽ ተዘጋጅቷል።

ይህ ድረ-ገጽ ተገልጋዮች ባሉበት ሀገር ሳይገደቡ የፓስፖርት እድሳትና ሌሎች ተያያዥ ጉዳዮችን በቀላሉ እንዲያከናውኑ የሚያስችል ነው ብለዋል።

የቢጫ ካርድ ባለቤቶች ቀደም ሲልም በሀገር ውስጥ ኢንቨስት የማድረግና የመንቀሳቀስ መብት ያላቸው በመሆኑ፤አዲሱ የጎልደን ቪዛ የግድ አስፈላጊ ላይሆን እንደሚችል ተጠቁሟል።

እነዚህ ቅርንጫፎች በሁሉም የሀገሪቱ ክፍሎች የሚገኙ በመሆናቸው፣ ተገልጋዮች ወደ አዲስ አበባ ሳይመጡ በአቅራቢያቸው አገልግሎት እንዲያገኙ ያስችላቸዋል ተብሏል።

ከፓስፖርት ባለፈም፣ የነዋሪነት ፈቃድና የቪዛ አገልግሎቶች ሙሉ በሙሉ በዲጂታል መንገድ እየተሰጡ ይገኛሉ ብለዋል።

Seledadotio
Seledadotio

"18 ሰው ቀርቶብናል፥ እናትና ልጅም ይገኙበታል፥ ለአዘጋጆቹ ወዲያው አሳውቀናል" - የፕሮጀክቱ መስራች

ለጎቲያ ካፕ ወደ ስዊዲን ከሄዱ የኢትዮጵያ ቡድኖች መካከል ደብል ፓስ የእግር ኳስ ፕሮጀክት አንዱ ነው፤ ከቀሩት ተጫዋቾች አብዛኞቹ ከዚህ ስብስብስ የተገኙ በመሆናቸው ስለ ጉዳዩ ማብራሪያ እንዲሰጠን የፕሮጀክቱ መስራች ታዲዮስ ተክሉ ጋር ደውለን ተከታዩን ቆይታ አድርገናል፥ እነሆ፦

ታዲዮስ ስለ ትብብርህ በቅድሚያ እናመሰግናለን፤ ስለራስህና ስለ ፕሮጀክታችሁ በማስተዋወቅ እንጀምር እስኪ?

"ጉዳዩን ለማጥራት ስለደወልክልኝ ታምሩ እኔም አመሰግናለሁ፤ ታዲዮስ ተክሉ እባለሁ፤ የቀድሞ ተጫዋች የአሁን አሰልጣኝ ነኝ፤ ከጫካ ሜዳ ፕሮጀክት ጀምሮ የኢትዮጵያ ቡና፣ ንግድ ባንክና ኤሌክትሪክ ታዳጊ ቡድኖችን አሰልጥኛለሁ፤ የኢትዮጵያ ከ17 አመት በታች ብሄራዊ ቡድን አሰልጣኝ ሆኜም በሴካፋ ተሳትፌያለሁ፤ አሁን ደግሞ የቂርቆስ ክፍለ ከተማ ሴቶች ቡድንን አሰለጥናለሁ፤ በተጨማሪ የደብል ፓስ ፕሮጀክት መስራችና ዋና አሰልጣኝ ነኝ፤ ይህ ፕሮጀክት ከተቋቋመ ዘጠኝ አመት ሆኖታል፤ በአዲስ አበባ እግርኳስ ፌዴሬሽን ስር ተመዝግበን በከተማው ከ20 አመት በታች ውድድር ላይ እንሳተፋለን"

የስዊዲን ጎቲያ ካፕ እድልን እንዴት አገኛችሁ?

"በራሳችን ጥረት ተፃፅፈን ነው እድሉን ያገኘነው፤ ዘንድሮ ለሁለተኛ ጊዜ ነው የተሳተፍነው፤ ከዚህ ቀደም ዴንማርክ ላይም ውድድር አድርገናል"

እስኪ ስለ ስዊዲን ጉዟችሁ አጫውተን

"18 ተጫዋቾችንና 4 የአሰልጣኝ አባላትን በጥቅሉ 22 ልዑካንን ይዘን ነው የሄድነው፤ በውድድሩም ጥሩ ተሳትፎ ነበረን"

22 ሆናችሁ ሄዳችሁ ስንት ሆናችሁ ተመለሳችሁ?

"1 ተጫዋች( የዘማሪ አሸናፊ ገብረ ማርያም ልጅ ፣ ሚካኤል አሸናፊ ) ና 3 የአሰልጣኝ አባላት በአጠቃላይ 4 ሰዎች ብቻ ነው ወደ አዲስ አበባ የተመለሰው፤ 18ቱ አልመጡም"

ይህ እንዴት ሊፈጠር ቻለ?

"የሁላችንም መመለሻ ቀን ውድድሩ ከተጠናቀቀ ከሁለት ቀን በኋላ ነበር፤ ሆኖም የአንዱ ታዳጊ ተጫዋች የቅርብ ቤተሰብ ሰርግ ሀምሌ 12 ስለነበር ወላጆቹ ቶሎ ቢመጣልን አሉን፤ በእድሜው ምክንያት ብቻውን መላክ ስለማንችል እኔና ሁለት የአሰልጣኝ አባላት እንዲሁም ተጫዋቹን ጨምሮ አራት ሆነን ትኬታችንን አስተካክለን በፍፃሜው ቀን ቅዳሜ ሀምሌ 11/2018(ጁላይ 18/2026) ወደ አዲስ አበባ ተመለስን፤ ቀሪዎቹ 18ቱ ሰኞ ሀምሌ 13 ነበር የመመለሻ ቀናቸው፤ እኛ አዲስ አበባ ሳንደርስ ለትራንዚት በቆየንበት ኳታር ሆነን ግን ተጫዋቾቹ ቡድናችን ካረፈበት ትምህርት ቤት ሳያሳውቁ እንደወጡ ተነገረን"

ከዛ ምን አደረጋችሁ?

"ወዲያው ለአዘጋጆቹ አሳወቅናቸው፤ እነሱም ለመረጃው አመስግነውን ለሚመለከተው የፀጥታ አካል እንሳውቃለን አሉን፤ አዲስ አበባ ከደረስን በኋላ ድጋሚ አንዷ የቡድን መሪ ጋር ስደውል እንደማይመለሱ፥ ተጫዋቾቹንም ስዊዲን የሚኖሩ ቤተሰብና ዘመዶቻቸው እንደወሰዷቸው ነገረችን፤ ኢትዮጵያ ያሉ ወላጆችንም ጠየቅን፤ ልጆቹ ያሉበትን ቦታ ለመናገር ፈቃደኛ አልሆኑም፤ ይህንንም ለአዘጋጆቹ በድጋሚ አሳውቀናል፤ ከ10 ቀን በኋላ ዜናውን አወጡት"

ይህ እንዳይከሰት ቅድሚያ ዝግጅት አላደረጋችሁም?

"በደንብ አድርገናል፤ ውል አዘጋጅተን የሁሉንም ተጫዋቾች ወላጆች አስፈርመናል፤ ስዊዲን ከደረስን በኋላም የሁሉም ተጫዋቾች ፓስፖርት እኔ ጋር ነበር፤ ሆኖም እኔ ቀድሜ መመለስ ስለነበረብኝ ፓስፖርቱን ለቡድን መሪ ሰጠሁ፤ ተያይዘው ቀሩ፤ ውስጥ ውስጡን በደንብ ተዘጋጅተውበት ነበር"

ለመሆኑ ወጪያችሁን የሸፈነው ማነው?

"የተጫዋቾቹን የጉዞ ወጪ የቻሉት ወላጆቻቸው ናቸው"

ምን ያህል ከፈሉ?

" ለስልጠና፣ ለጉዞና ለተለያዩ አቅርቦቶች እያንዳንዳቸው 300ሺህ ብር ከፍለዋል፤ የተሻለ አቅም ያላቸው ደግሞ 400ሺህ ብር ከፍለው አግዘውናል"

ለምን 400ሺህ ብር?

"የመክፈል አቅም የሌላቸውን ሶስት ያህል ተጫዋቾችን ይዘን ሄደናል፤ የእነሱን ወጪ ደግሞ እኛና አቅም ያላቸው ወላጆች ሸፍነናል፤ ወላጆቹ ከ300ሺህ ብር በተጨማሪ 100ሺህ ብር እየጨመሩ 400ሺህ ብር እየከፈሉ አቅም የሌላቸው ተጫዋቾች እንዲሄዱ አግዘውናል"

ከተጫዋቾች በተጨማሪ ወላጆችስ ሄደዋል?

"አዎ ሁለት ተጫዋቾች ከእናቶቻቸው ጋር አብረው ወደ ስዊዲን ሄደዋል"

እና ተመለሱ?

"ሁለቱም ተጫዋቾችም ሆኑ እናቶቻቸው አልተመለሱም"

ተጓዥ ተጫዋቾች ከእግርኳስ ጋር ያላቸው ግንኙነትና ችሎታ ደካማ የሆኑ፥ የባለሀብትና የባለስልጣን ልጆች ናቸው ይባላል እውነት ነው?

"ፕሮጀክታችን በኢትዮጵያ እግርኳስ ፌዴሬሽንና በፊፋ ኮኔክት የተመዘገበ ነው፤ ሆኖም እድሜያቸው ከ16 አመት በታች ስለሆኑ ችሎታ ላይ ብቻ የተመሰረተ ምልመላ አናደርግም፤ ይህን መሰል አለም አቀፍ ውድድር ላይ ስንሳተፍ ደግሞ ቪዛ ለማግኘት አንዱ መስፈርት የወላጆቹ ኢኮኖሚያዊ አቅም ይታያል፤ ስለዚህ የባለሀብትም የባለስልጣንም ልጆች ይኖሩናል፤ ከቀሩት ውስጥ ግን የባለስልጣን ልጅ የለም"

የኢትዮጵያ እግርኳስ ፌዴሬሽን በተጫዋቾቹ መጥፋት አዝኛለሁ ሆኖም የኢትዮጵያ ብሄራዊ ቡድን አባላት አይደሉም ብሎ መግለጫ አውጥቷል፤ ምን ትላለህ?

"እንዳልኩህ በራሳችን ጥረት ነው ተሳትፎውን ያገኘነው፤ ከብሄራዊ ቡድን ጋርም አይገናኝም፤ በተፈጠረው ነገር ዋነኛ ተጎጂዎችም እኛ ነን፤ ስማችን ላይ ትልቅ አሉታዊ ተፅዕኖ አለው፤ በጣም አዝነናል"

በድጋሚ ለትብብርህ ላመስግንህና የመጨረሻ ጥያቄ ላንሳ፥ የቡድኑ ፎቶ ላይ አንድ ህፃን ልጅ ይታያል፤ ተጫዋች ነው?

"ኸረ አይደለም፤ የእኔ ልጅ ነው፤ ገና ስድስት አመቱ ነው፤ አብረን ሄደን አብረን ተመልሰናል"

★ ማስታወሻ፦ ከደብል ፓስ ፕሮጀክት በተጨማሪ በአሰልጣኝ እድሉ ደረጄ የሚመራው ኢዲዋይ እና ዳን አቢሲኒያ የተባሉ ቡድኖች በስዊዲን ጎቲያ ካፕ ተሳትፈዋል፤ እነሱም ማብራሪያ እንዲሰጡን ጠይቀን ምላሻቸውን እየጠበቅን ነው

(ታምሩ ዓለሙ)

(ዘ-ሐበሻ ዜና) የተባበሩት ዓረብ ኤሚሬቶች ለጎብኚዎች፣ ለንግድ ሰዎች እና ለቤተሰብ ጥሪ አገልግሎት የሚውል ለአምስት ዓመታት የሚያገለግል የብዙ ጊዜ መግቢያ (5-year multiple entry visa) ቪዛ በማቅረብ የዓለም አቀፍ የቱሪዝም እና የሥራ ማዕከልነቷን እያጠናከረች መሆኑን አስታወቀች። ይህ የቪዛ ዓይነት ማንኛውም የዓለም ዜጋ በየጊዜው አዲስ ቪዛ ማውጣት ሳያስፈልገው ለአምስት ዓመታት ያህል በተደጋጋሚ ወደ አገሪቱ እንዲገባና እንዲወጣ የሚያስችል ነው።

በአንድ ጊዜ መግቢያ ላይ ጎብኚዎች ለአምስት ዓመታት የቪዛ ዘመን ውስጥ በዓመት እስከ 90 ቀናት ድረስ መቆየት የሚችሉ ሲሆን፣ አስፈላጊ ሆኖ ሲገኝ ደግሞ ይህን የቆይታ ጊዜ ለተጨማሪ 90 ቀናት በማራዘም በአጠቃላይ በአንድ ዓመት ውስጥ እስከ 180 ቀናት እንዲቆዩ ይፈቅዳል። ይህ አሰራር በዓመቱ ውስጥ ጥቅም ላይ ያልዋሉ ቀናትን ወደሚቀጥለው ዓመት ለማዘዋወር አይፈቅድም።

የቪዛው አመልካቾች ማሟላት ከሚገባቸው ዋና ዋና መስፈርቶች መካከል ቢያንስ ለስድስት ወራት የሚያገለግል ፓስፖርት፣ የተረጋገጠ የጉዞ ትኬት፣ ሕጋዊ የጤና ኢንሹራንስ፣ እና ማመልከቻው ከመግባቱ በፊት ባለፉት ስድስት ወራት ውስጥ 4 ሺህ የአሜሪካ ዶላር ወይም ተመሳሳይ መጠን ያለው የባንክ ሂሳብ እንቅስቃሴ ማሳየት ይጠበቅባቸዋል። በተጨማሪም ከ18 ዓመት በታች ለሆኑ ሕፃናት የቤተሰብ ማመልከቻ ማቅረብ የሚቻል ሲሆን፣ የአንዳንድ አገራት ዜጎች ደግሞ የመታወቂያ ኮፒ ማያያዝ ይጠበቅባቸዋል።

አመልካቾች በይነመረብን በመጠቀም በስማርት አገልግሎቶች ወይም በአካል ወደ ደንበኞች ማዕከል በመሄድ ማመልከት የሚችሉ ሲሆን፣ የቪዛ ሂደቱም በ48 ሰዓታት ውስጥ ይጠናቀቃል። የቪዛው ክፍያ እንደ ማመልከቻው ቦታ የሚለያይ ሲሆን፣ የዋስትና ገንዘብን (ዲፖዚት) ጨምሮ ከ3,700 በላይ ዲርሃም ወጪ ይደረግበታል። ማመልከቻው ውድቅ ከተደረገ ወይም ከተሰረዘ የተቀመጠው የዋስትና ገንዘብ እና የኢንሹራንስ ክፍያ ተመላሽ የሚደረግ ሲሆን፣ የቆይታ ጊዜ ሕግ ከተጣሰ ግን የተቀመጠው የዋስትና ገንዘብ ለመንግሥት ገቢ ይሆናል።