(ዘ-ሐበሻ ስፖርት) የፔፕ ጋርዲዮላን ቦታ በመተካት የማንቸስተር ሲቲው አዲስ አሰልጣኝ የሆኑት ኤንዞ ማሬስካ የመጀመሪያ ፈተናቸውን በሆንግ ኮንግ አድርገዋል። ቡድናቸው ከጣሊያኑ ሀያል ክለብ ኢንተር ሚላን ጋር ባደረገው አጓጊ የአቋም መፈተሻ ጨዋታ 1 ለ 1 ከተለያየ በኋላ፣ በፍጹም ቅጣት ምት ሽንፈትን አስተናግዷል። ማሬስካ በሲቲ ቤት ህልም የሚመስል ጅምር አድርገው ነበር፤ ገና በ14ኛው ደቂቃ ላይ ዲቪን ሙባማ ከቅርብ ርቀት ባስቆጠራት ግብ ሲቲዎች ቀዳሚ መሆን ችለው ነበር። ነገር ግን ደስታቸው ብዙም አልቆየም፤ ከስድስት ደቂቃዎች በኋላ ቤንጃሚን ፓቫርድ ለኢንተር ሚላን የአቻነቷን ግብ አስቆጠረ። በሁለተኛው አጋማሽ ሁለቱም ቡድኖች የማሸነፊያ ግብ ለማግኘት ጥረት ቢያደርጉም ሳይሳካላቸው ቀርቷል። ጨዋታው ወደ ፍጹም ቅጣት ምት ሲያመራ ማንቸስተር ሲቲዎች የመጀመሪያዎቹን ሶስት ምቶች በማባከናቸው ዋጋ የከፈሉ ሲሆን፣ ማቲዮ ላቬሊ ለኢንተር ሚላን የማሸነፊያዋን ኳስ መረብ ላይ አሳርፏል።

የማንቸስተር ሲቲ ተጫዋቾች የሜዳ ላይ አቋም ምን ይመስል ነበር?

በቋሚ አሰላለፍ የገቡትን ስንመለከት ጂያንሉዊጂ ዶናሩማ (5) ሙሉውን 90 ደቂቃ ተጫውቷል። ጥሩ ኳስ አድኗል፣ ነገር ግን አልፎ አልፎ መደናገጦች ነበሩበት። ስህተት ሰርቶ ለተጋጣሚ ኳስ ቢሰጥም እድለኛ ሆኖ ግብ አልተቆጠረበትም።

ሪኮ ሉዊስ (7) በሁለተኛው አጋማሽ ወደ አማካይ ስፍራ ሲመጣ ብቃቱ በእጅጉ ተሻሽሏል። ከሳጥን ውጪ ያገኘውን ኳስ አየር ላይ ያባከነ ሲሆን፣ ከቅርብ ርቀት ያገኛትን ኳስ በተሻለ መጠቀም ሲገባው ሳይጠቀምባት ቀርቷል።

የኡዝቤኪስታናዊው ተጫዋች አብዱኮዲር ኩሳኖቭ (6) አቋም ወጣ ገባ ነበር። አንቶዋን ሴሜንዮ ግብ ሊያስቆጥርበት የነበረውን አስደናቂ ኳስ ያቀበለ ሲሆን፣ ወሳኝ ኳስም አግዷል። ነገር ግን የቢጫ ካርድ ሰለባ ከመሆኑም በላይ በፍጹም ቅጣት ምት ኳስ አስመልሶበታል።

የጆስኮ ግቫርዲዮል (5) ደካማ የኳስ አወጣጡ ለኢንተር ሚላን ግብ መቆጠር ምክንያት ሆኗል። ካለፈው የውድድር ዘመን የእግር ስብራት ጉዳት በኋላ ገና እውነተኛ አቋሙን እያፈላለገ ይገኛል።

ስቴፈን ምፉኒ (6) በቋሚነት ከጀመሩት ሁለት ወጣቶች አንዱ ሲሆን በአንዲ ዲዩፍ በቀላሉ ቢታለፍም ኢንተሮች ወደ ግብነት ሳይቀይሩት ቀርተዋል።

ስለ ቀጣይ የዝውውር ቆይታው ጥርጣሬዎች ቢኖሩም ማቲዮ ኮቫቺች (6) በተጫወተበት 45 ደቂቃ ውስጥ በመሀል ሜዳ ላይ ንቁ እና ተንቀሳቃሽ እንቅስቃሴ አድርጓል።

ቲጃኒ ሬይንደርስ (6) በመጀመሪያው አጋማሽ መሬት ለመሬት የመታው ሙከራ በግብ ጠባቂው ቢዳንም፣ ከዚያ ውጪ ብዙም አልታየም።

አንቶዋን ሴሜንዮ (8) የኢንተርን ተከላካይ ዲዩፍን ክፉኛ ሲፈትን አምሽቷል። ጋናዊው ኮከብ የመጀመሪያዋን ግብ የፈጠረ ሲሆን፣ አስደናቂ የብቻ ጥረቱን አድርጎ ግብ ማስቆጠር ሲገባው በግብ ጠባቂው ተመልሶበታል።

ወደ ቶተንሃም ሊያመራ እንደሚችል ቢነገርም ሳቪንሆ (7) በዚህ ጨዋታ ግን እጅግ ማራኪ እንቅስቃሴ አሳይቷል። ከቀኝ መስመር አፈትልኮ ገብቶ ያሻማትን ኳስ የቡድን አጋሩ ሳይጠቀምባት ቀርቷል።

ፊል ፎደን (6) የቡድኑን አምበልነት ኃላፊነት ወስዶ የቅጣት ምቶችን ሲያሻማ ቢውልም፣ ያን ያህል አደገኛ የግብ እድሎችን አልፈጠረም። ባለፈው ዓመት በስቶክ ሲቲ በውሰት ያሳለፈው ዲቪን ሙባማ (7) አሁን ዋናውን ቡድን ለመቀላቀል አጋጣሚውን እየተጠቀመበት ይገኛል፤ ያስቆጠራትም ግብ ለዚህ ማሳያ ናት።

ከተቀያሪዎቹ መካከል ራያን አኢት-ኑሪ (5) ድንቅ ኳስ ከግራ መስመር ቢያሻማም ኒኮ ጎንዛሌዝ አላስቆጠረውም። በፍጹም ቅጣት ምት መለያው ላይም ኳሷን አየር ላይ አውጥቷታል። ቪክቶር ሬስ (7) እጅግ ድንቅ 45 ደቂቃ አሳልፏል። የጨዋታ ንባቡን በማሳየት ወሳኝ ኳስ በማቋረጥ የተጋጣሚን ግብ ያዳነ ሲሆን፣ የእሱ ሙከራም በግቡ አግዳሚ ተመልሶበታል። ማክስ አሌይን (6) ኳስ ሲይዝ በራስ መተማመን ይታይበታል። ባለፈው የውድድር ዘመን ሰባት ጊዜ ለዋናው ቡድን ተሰልፎ የነበረ ሲሆን፣ ዘንድሮም የተሻለ እድል ሊያገኝ ይችላል። ኒኮ ጎንዛሌዝ (6) ኳስ ይዞ ጥሩ መንቀሳቀስ የቻለ ሲሆን፣ ለግብ የቀረበች ሙከራም አድርጓል። ሆኖም በፍጹም ቅጣት ምቱ ላይ ስቶታል። የወጣቱ ተጫዋች ራያን ማክኢዱ (7) አቋም እጅግ አስደናቂ ነበር። ግብ ለማስቆጠር ሞክሮ የግቡ ቋሚ የመለሰበት ሲሆን ሌላ ሙከራውም በትንሹ ወጥቶበታል። ማሃማዱ ሳንጋሬ (6) ተቀይሮ ከገባ በኋላ ኳስ እምብዛም አላገኘም። ክላውዲዮ ኤቼቬሪ (7) የማሸነፊያ ግብ ሊያስቆጥር ተቃርቦ የነበረ ቢሆንም ተመልሶበታል። በፍጹም ቅጣት ምቱ ያሳየው ደፋር የ‘ፓኔንካ’ አጨራረስ ነጥቡን ከፍ አድርጎለታል። ካደን ብሬዝዌት (6) ባገኘው ጥቂት የጨዋታ ጊዜ ጥሩ ትጋት አሳይቷል።

ያልተሰለፉ ተቀያሪዎች ጃክ ዊንት፣ ማክስ ቻቦት፣ ጀረሚ ሞንጋ፣ ፍሎይድ ሳምባ፣ ጄይደን ሄስኪ፣ ማቲ ሄንደርሰን-ሆል እና ዛቪዬር ፓርከር ነበሩ።

(ዘ-ሐበሻ ዜና) ማንችስተር ሲቲ ኤንዞ ማሪስካን በአሰልጣኝነት ቀጠረ፡፡ ማንችስተር ሲቲ ፔፕ ጋርዲዮላን የሚተካውን አሰልጣኝ ዛሬ ይፋ ያደረገ ሲሆን እሱም ጣሊያናዊው ኤንዞ ማሬስካ መሆኑን አስታውቋል፡፡ ማሬስካ ከክለቡ ጋር የ3 አመት ኮንትራት መፈራረሙ ተገልጿል፡፡

ጣሊያናዊው አሰልጣኝ ባለፈው ጃንዋሪ ወር ከቼልሲ ጋር የተለያየ መሆኑ ይታወቃል፡፡ ይሁንና ማንችስተር ሲቲ አሰልጣኙን ያስፈረመው ከቼልሲ ጋር ስምምነት አድርጎ ነው፡፡ አንዳንድ ዘገባዎች ሲቲ አሰልጣኙን ለመውሰድ 17 ሚሊዮን ፓውንድ ለቼልሲ መክፈሉን በመዘገብ ላይ ይገኛሉ፡፡ ማሬስካ ለማንችስተር ሲቲ እንግዳ አይደለም፡፡

ከዚህ ቀደም የክለቡን የወጣቶች ቡድን ያሰለጠነ ከመሆኑም በላይ እ.ኤ.አ በ2018/19 የውድድር ዘመን ሲቲ 3 ዋንጫዎችን ሲያገኝ የጋርዲዮላ ረዳት ሆኖ ሰርቷል፡፡ አዲስ ሀላፊነቱን በተመለከተ ሲናገር ‹‹ማንችስተር ሲቲ በደምብ የማውቀው ክለብ ነው፡፡ ይህንን ክለብ ለማሰልጠን መቻሌ ለእኔ ትልቅ አድል ነው፡፡ በብቃቴና ችሎታዬ ላይ እምነት አሳድረው ይህንን ስራ ለሰጡኝ በሙሉ አመሰግናለሁ›› ብሏል፡፡

ሻምፒዮኑ አርሰናል ከሻምፒዮንሺፑ አሸናፊ ኮቬንትሪ ሲቲ …

አዲስ አበባ፣ ሰኔ 13፣ 2018 (ኤፍ ኤም ሲ) የእንግሊዝ ፕሪሚየር ሊግ የ2026/27 የውድድር ዘመን የጨዋታ መርሐ ግብር በትናንትናው ዕለት ይፋ መደረጉ ይታወቃል፡፡

በዚህም የወቅቱ የሊጉ ሻምፒዮን አርሰናል ከሻምፒዮንሺፑ አሸናፊ ኮቬንትሪ ሲቲ ጋር በሜዳው ኢምሬትስ የሊጉን የመክፈቻ ጨዋታ ያደርጋል፡፡

ኮቬንትሪ ሲቲ ለመጨረሻ ጊዜ በአንግሊዝ ፕሪሚየር ሊግ የተሳተፈው በ2000/01 የውድድር ዓመት እንደነበር ይታወሳል፡፡

በዚያ የውድድር ዓመት በሊጉ ካደረጋቸው 38 ጨዋታዎች 34 ነጥብ በመሰብሰብ 19ኛ ደረጃን ይዞ ወደ ሻምፒዮንሺፕ ለመውረድ ተገዷል፡፡

ክለቡ በአሰልጣኝ ፍራንክ ላምፓርድ እየተመራ ከዓመታት በኋላ በአስደናቂ ብቃት
ለ2026/27 የውድድር ዘመን ወደ ፕሪሚየር ሊጉ ማደጉ ይታወሳል፡፡

የ2026/27 የውድድር ዓመት የእንግሊዝ ፕሪሚየር ሊግ የመክፈቻ ጨዋታ የፕሪሚየር ሊጉና የሻምፒዮንሺፑ አሸናፊ ቡድኖች በሚያደርጉት ጨዋታ ይጀምራል፡፡

አርሰናል በ3ኛ ሳምንት የሊጉ መርሐ ግብር በሜዳው ቼልሲን የሚያስተናግድበት የለንደን ደርቢ ጨዋታ ተጠባቂ ነው፡፡

አርሰናል በ9ኛ ሳምንት ከሊቨርፑል፣ በ12ኛ ሳምንት ከማንቼስተር ሲቲ፣ በ14ኛ ሳምንት ከቶተንሃም ሆትስፐር እንዲሁም በ16ኛ ሳምንት ከማንቼስተር ዩናይትድ ጋር ይገናኛል፡፡

ከአሰልጣኝ ፔፕ ጋርዲዮላ ጋር በመለያየት አሰልጣኝ ኢንዞ ማሬስካን በኃላፊነት የሾመው ማንችስተር ሲቲ በሜዳው ከቦርንማውዝ ጋር የመጀመሪያ ሳምንት ጨዋታውን የሚያደርግ ይሆናል፡፡

አሰልጣኝ ኢንዞ ማሬስካ በማንቼስተር ሲቲ ቤት ከዚህ ቀደም በምክትል አሰልጣኝነት የሰሩ ሲሆን፥ በአዲሱ የውድድር ዓመት በዋና አሰልጣኝነት የሚያደርጉት ጉዞ ይጠበቃል፡፡

ማንቼስተር ሲቲ ከማንቼስተር ዩናይትድ ጋር በ4ኛ ሳምንት እንዲሁም ከሊቨርፑል ጋር በ6ኛ ሳምንት መርሐ ግብር ይገናኛል።

በአሰልጣኝ ማይክል ካሪክ የሚመራው ማንቼስተር ዩናይትድ በበኩሉ ከአዲስ አዳጊው ሃል ሲቲ ጋር በመጀመሪያ ሳምንት ጨዋታው ይገናኛል፡፡

ማንቼስተር ዩናይትድ ከአሰልጣኝ ማይክል ካሪክ ቅጥር በኋላ በመሻሻል የአውሮፓ ሻምፒየንስ ሊግ ተሳትፎ ቦታን በማግኘት የውድድር ዓመቱን ማጠናቀቁ ይታወሳል፡፡

ከ4ኛ ሳምንት የማንቼስተር ደርቢ ጨዋታ በኋላ በ9ኛ ሳምንት ከቼልሲ፣ በ11ኛ ሳምንት ከሊቨርፑል እንዲሁም በ16ኛ ሳምንት ደግሞ ከወቅቱ የሊጉ ሻምፒዮን አርሰናል ጋር ይገናኛል፡፡

አንዶኒ ኢራዮላን በኋላፊነት የሾመው ሊቨርፑል ከኒውካስል ዩናይትድ የመጀመሪያ ሳምንት ጨዋታውን ያደርጋል፡፡

ሊቨርፑል በ6ኛ ሳምንት ከማንቼስተር ሲቲ፣ በ9ኛ ሳምንት ከአርሰናል፣ በ11ኛ ሳምንት ከማንቼስተር ዩናይትድ እንዲሁም በ12ኛ ሳምንት ደግሞ በመርሲሳይድ ደርቢ ከኤቨርተን ይፋለማል፡፡

ከአውሮፓ ውድድሮች ውጪ ሆኖ የውድድር ዓመቱን ያጠናቀቀው ቼልሲ በመጀመሪያ ሳምንት ከፉልሃም ጨዋታውን ያደርጋል፡፡

ቼልሲ አዲሱን የውድድር ዓመት በአሰልጣኝ ዣቢ አሎንሶ እየተመራ የሚጀምር ይሆናል፡፡

በመርሐ ግብሩ መሰረት አዲሱ የእንግሊዝ ፕሪሚየር ሊግ የውድድር ዘመን ነሐሴ 15 ቀን 2018 ዓ.ም የሚጀመር ይሆናል፡፡

በወንድማገኝ ጸጋዬ

(ዘ-ሐበሻ ስፖርት) ዓመቱ 2007 ነበር። በዙሪክ ኦፔራ ሃውስ መድረክ ላይ የዓለም የክብር ዘውድ ለብራዚላዊው ካካ ተቀዳጅቷል። ነገር ግን የዕለቱ የትኩረት ነጥብ የካካ ድል ሳይሆን፣ በዓለም እግር ኳስ ታሪክ ውስጥ የሚታወስ "አስቂኝ ስህተት" ነበር። የብራዚል እግር ኳስ አምላክ ፔሌ፣ የሁለተኛ ደረጃ ዋንጫውን ለክርስቲያኖ ሮናልዶ አሳልፎ ሊሰጥ ሲል፣ የፊፋው ፕሬዝዳንት ሴፕ ብላተር ጣልቃ በመግባት ሮናልዶ እና ሜሲ ዋንጫቸውን እንዲቀያየሩ ጠየቋቸው። ሁለቱም ኮከቦች በፊታቸው ላይ የሚነበበው የቅሬታ ስሜት፣ ለሚቀጥሉት አስር ዓመታት ዓለምን የሚያናውጠው የዘመናት ፍልሚያ የመጀመሪያው ምልክት ነበር።
ይህ ፍልሚያ ከቀለለ የክለብ እና የሀገር ፉክክር ያለፈ ነው። ይህ ለሁለት አሥርት ዓመታት እግር ኳስን የገነባ፣ ያፈረሰ፣ ያደራጀ እና መላውን ዓለም በክርክር ውስጥ የከተተ ታላቅ ድራማ ነው።

በአንድ በኩል "የሜዳው አርቲስት" ሊዮኔል ሜሲ አለ። በሌላ በኩል ደግሞ "የአካል ብቃት ጥግ" የደረሰው ክርስቲያኖ ሮናልዶ ይቆማል። የአዲዳስ እና የናይኪ ጦርነት፣ የፔፕ ጋርዲዮላ ባርሴሎና እና የጆዜ ሞሪንሆ ሪያል ማድሪድ ትርክት፣ የፈሪ እና የኢጎ ፉክክር። ነገር ግን፣ ጥልቅ ምርምር እንደሚያሳየው ሁለቱም ኮከቦች በውስጣቸው የተሸከሙት ፍላጎት ተመሳሳይ ነው። ሁለቱም ገና በልጅነት ዕድሜያቸው ቤታቸውን ጥለው ለህልማቸው የሄዱ፣ ከቤት ናፍቆት ጋር የታገሉ፣ ነገር ግን "የዓለም ምርጥ መሆን አለብኝ" የሚል የብረት ጥንካሬ የነበራቸው ናቸው።
እንደ ኤንጀል ዲ ማሪያ ያሉ በሁለቱም ጎን የተጫወቱ ተጫዋቾች፣ "እንደነሱ ያለ ተጫዋች፣ ለዚህ ያህል ዓመታት በከፍተኛ ደረጃ ሲፎካከሩ፣ ባሎንዶርን ሲሻሙ... እንደገና እንደምናያቸው አላስብም" በማለት ይናገራሉ።

ክርክሩ መቼም አያልቅም። "ክርስቲያኖ ሮናልዶ የዓለም ታላቅ ጎል አግቢ ነው፣ ሜሲ ደግሞ የዓለም ታላቅ ተጫዋች ነው" የሚለው የስፔን እግር ኳስ ተንታኝ ጊሌም ባላጌ አባባል፣ የክርክሩን መካከለኛ መንገድ ሊሆን ይችላል። ሮናልዶ በሻምፒዮንስ ሊግ ዋንጫዎች እና በጠቅላላ ግቦች ሊመራ ይችላል፤ ሜሲ ደግሞ በባሎንዶር ብዛት እና በቅርቡ ባሳካው የዓለም ዋንጫ ክብሩን ከፍ አድርጎታል።

እንደ ዲኮ ያሉ ተጫዋቾች እንደሚሉት፣ "በእግር ኳስ ታሪክ ለሁለት ወይም ለሶስት ዓመታት ድንቅ ነገር የሚሰሩ ተጫዋቾች ይኖራሉ፣ ነገር ግን ለ20 ዓመታት በዚህ ደረጃ መቆየት 'ተፈጥሯዊ' አይደለም።" ይህ ፉክክር እስከ ስልክ ማያ ገጻችን ድረስ ዘልቆ በመግባት፣ የሶሻል ሚዲያ መድረኮችን በግምት ያደራጀ፣ የሁለቱን ግዙፍ ብራንዶች ገበያ የገነባ ነው። ለዊተን እንደነበረው የቼዝ ጨዋታ ምስል፣ አድናቂዎችን ለሁለት የከፈለ፣ ነገር ግን የሁለቱን ኮከቦች የንግድ ተጽዕኖ በግልጽ ያሳየ ነበር።

ምናልባትም ታሪኩ መቋጫው ላይ ሊደርስ ይችላል። ሜሲ የዓለም ዋንጫውን በማንሳቱ የጎደለውን ሞልቷል። አሁን ጥያቄው "ማን ምርጥ ነው?" የሚለው ሳይሆን፣ "ይህንን ታላቅ ዘመን በጋራ እንዴት አየነው?" የሚለው ነው። ይህ የዘመናት ፍልሚያ፣ መቼም እንደማይረሳው የእግር ኳስ ትርኢት፣ ከእግር ኳስ ሜዳ አልፎ የሰው ልጅ ያለውን ያልተገደበ የላቀ የመሆን ፍላጎት ያሳየ ታላቅ ድራማ ሆኖ ይኖራል።

ሜሲ ወይስ ሮናልዶ?

የፕሪምየር ሊጉ የምንግዜውም ምርጡ አሰልጣኝ ማን ነው?

ሰር አሌክስ ፌርጉሰን ወይስ ፔፕ ጋርዲዮላ?

የፔፕ ጋርዲዮላ የማንችስትር ሲቲ ቆይታ በስተመጨረሻ ፍጻሜውን አግኝቷል።
#ethiopia | የባርሴሎና እና ባየር ሙኒክ አሰልጣኝ የኢትሀዱን ክለብ ሲለቅ ከምንግዜውም ምርጡ የሊጉ አሰልጣኝ ( አከራካሪ ቢሆንም) ሆኖ ነው።ከፌርጉሱንም በላይ ሊቀመጥ ይችላል።

ፔፕ በቆይታው ክለቡን ለታላላቅ 17 ዋንጫዎች ክብር አብቅቷል ። በ2016 ሀላፊነቱን ከተረከበ በኋላ ስድስት የፕሪምየት ሊግ አንድ የቻምፒየንስ ሊግ ሶስት የኤፍኤካፕ እና አምስት የካራቧ ካፕን አሸንፏል። በእንግሊዝ የእግር ኳስ ጨዋታ መንገድን ተጨባጭ ሊባል በሚችል መልኩ ቀይሯል።

ፌርጉሰን 28 አመት በተጠጋው የኦልድትራፎርዱ ክለብ ቆይታቸው ፕሪምየር ሊጉ በአዲስ ፎርማት መካሄድ ከጀመረበት 1992-93 ጀምሮ 28 ታላላቅ ዋንጫዎችን አሳክተዋል። በዚህ ጊዜ ውስጥ 13 የሊግ እና ሁለት የቻምፒየንስ ሊግን ማንሳት ችለዋል።

ፌርጉሰን ከፔፕ በላይ በ21 የፕሪምየር ሊግ የውድድር አመት የሀላፊነት ቆይታቸው 13 ሲያነሱ ፔፕ በበኩሉ በአስር አመት ውስጥ ስድስቱን ማሸነፍ ችሏል።የፌርጉሰን በሊጉ በጨዋታ የማሸነፍ ንጻሬ 61.9% ሲሆን የ55 አመቱ ጎልማሳ የፔፕ ጋርዲዮላ ደግሞ 60% ነው።

ፌርጉሰን በ1986-87 ክለቡን ከተረከቡበት ጊዜ ጀምሮ ያለውን ካካተትን 46.4% ሲሆን በጨዋታ የሚሰበስቡት ነጥብ ደግሞ 1.9 ነው።የፔፕ ጋርዲዮላ ቡድን በያዝነው የውድድር አመት የሊጉን ክብር ማሳካት ችሎ ቢሆን የማሽነፍ ንጻሬው ወደ 70% ያድጋል።

ዩናይትድ በ2011-12 በጎል ልዩነት እና 1994-95 በአንድ ነጥብ ተበልጦ ዋንጫ ያጣበትን ካካተትን ስኮትላንዳዊው የተሻለ ንጻሬ ይኖራቸዋል።

ፌርጉሰን በ19 አመት የፕሪምየር ሊጉ ዘመን ቆይታቸው ሁለት የቻምፒየንስ ሊግ በ1999 እና 2008 ሲያሳኩ በ2009 እና 2011 በፍጻሜው በፔፕ ጋርዲዮላ ቡድን ባርሴሎና ተረተው ዋንጫውን አጥተዋል።

ጋርዲዮላ በበኩሉ በአስር አመት የሲቲ ቤት ቆይታው በ2023 የመድረኩን ክብር ሲያሳካ በ2021 በፍጻሜው በቼልሲ ተረቷል። ፌርጉሰን ዩናይትድ በሀገር ቤት ከነበረው የበላይነት አንጻር የቻምፒየንስ ሊጉ ዋንጫ ክብራቸው አነስተኛ መሆኑን በተደጋጋሚ በቁጭት ይናገሩ ነበር።

በወጣቶች ላይ በሰሩት ስራ ፌርጊ "Class of 92" የወጣት ቡድን ስብስቡ ሪያን ጊግስ ፖል ስኮልስ ዴቪድ ቤካም ጋሪ እና ፊል ኔቭል ኒክ በትን በመያዝ ታላላቅ ዋንጫዎችን ማንሳት ችለዋል።

ፔፕ ጋርዲዮላ እንደ ላማሲያ ባይሆንም እንደ ፊል ፎደን እና ኒኮ ኦሬሊን በማብቃት ረገድ ትልቁን አስተዋጽኦ አበርክቷል።ሪኮ ልዊስ እና ኦስካር ቦብ እንደ ጅማሮአቸው ፍጻሜያቸው በክለቡ ያማረ ሊሆን አልቻለም።

ፌርጉሰን ዩናይትድን በ2013 ሲለቁ "Ferguson style of play" በኦልድትራፎርድ አኑረው አይደለም። ትኩረቱን ፍላጎት ቁርጠኝነት ጀብደኝነት እና ተፋላሚነት ያደረገን ቡድን ገንብተው አሸናፊነትን አሳይተዋል።

ፔፕ ከ2008-09 ጀምሮ በባርሴሎና ባየር ሙኒክ እና በሲቲ ከኋላ በግብ ጠባቂ ረገድ በምቾት በእግሩ የሚጫወት ተለዋጭ ሚና ያላቸው ፉልባኮችን ከአዝናኝ እግር ኳስ ጋር በፍልስፍና ደረጃ አሳይቶናል።

ፌርጊ ዩናይትድን ሲለቁ እድሜያቸው 71 ነበር። ፔፕ በበኩሉ ሌላ ሀላፊነትን በቀጣይ ሊረከብ በሚችልበት 55 ላይ ሆኖ ነው።

በሳምሶን አበበ(nbc)

Getu Temesgen - (ጌጡ ተመስገን)
#getutemesgen #getu

Yederaw Support:
HAPPY AFRICA DAY TO ALL OUR AFRICAN BROTHERS AND SISTERS!
#ethiopia | 63 years ago, our forefathers gathered right here in Addis Ababa and dared to dream of a free, united Africa, and that dream still burns bright.

Today, as the proud home of the African Union, Ethiopia stands shoulder to shoulder with every African nation in that same spirit of unity.The work is far from over. Let us move from words to action, from promises to progress.

Africa's greatest resource has always been her people, and together, WE RISE!

PM Abiy Ahmed (PhD)

Getu Temesgen - (ጌጡ ተመስገን)
#getutemesgen #getu #africaday #africa #ethiopia

የፕሪምየር ሊጉ የምንግዜውም ምርጡ አሰልጣኝ ማን ነው?

ሰር አሌክስ ፌርጉሰን ወይስ ፔፕ ጋርዲዮላ?

የፔፕ ጋርዲዮላ የማንችስትር ሲቲ ቆይታ በስተመጨረሻ ፍጻሜውን አግኝቷል።
#ethiopia | የባርሴሎና እና ባየር ሙኒክ አሰልጣኝ የኢትሀዱን ክለብ ሲለቅ ከምንግዜውም ምርጡ የሊጉ አሰልጣኝ ( አከራካሪ ቢሆንም) ሆኖ ነው።ከፌርጉሱንም በላይ ሊቀመጥ ይችላል።

ፔፕ በቆይታው ክለቡን ለታላላቅ 17 ዋንጫዎች ክብር አብቅቷል ። በ2016 ሀላፊነቱን ከተረከበ በኋላ ስድስት የፕሪምየት ሊግ አንድ የቻምፒየንስ ሊግ ሶስት የኤፍኤካፕ እና አምስት የካራቧ ካፕን አሸንፏል። በእንግሊዝ የእግር ኳስ ጨዋታ መንገድን ተጨባጭ ሊባል በሚችል መልኩ ቀይሯል።

ፌርጉሰን 28 አመት በተጠጋው የኦልድትራፎርዱ ክለብ ቆይታቸው ፕሪምየር ሊጉ በአዲስ ፎርማት መካሄድ ከጀመረበት 1992-93 ጀምሮ 28 ታላላቅ ዋንጫዎችን አሳክተዋል። በዚህ ጊዜ ውስጥ 13 የሊግ እና ሁለት የቻምፒየንስ ሊግን ማንሳት ችለዋል።

ፌርጉሰን ከፔፕ በላይ በ21 የፕሪምየር ሊግ የውድድር አመት የሀላፊነት ቆይታቸው 13 ሲያነሱ ፔፕ በበኩሉ በአስር አመት ውስጥ ስድስቱን ማሸነፍ ችሏል።የፌርጉሰን በሊጉ በጨዋታ የማሸነፍ ንጻሬ 61.9% ሲሆን የ55 አመቱ ጎልማሳ የፔፕ ጋርዲዮላ ደግሞ 60% ነው።

ፌርጉሰን በ1986-87 ክለቡን ከተረከቡበት ጊዜ ጀምሮ ያለውን ካካተትን 46.4% ሲሆን በጨዋታ የሚሰበስቡት ነጥብ ደግሞ 1.9 ነው።የፔፕ ጋርዲዮላ ቡድን በያዝነው የውድድር አመት የሊጉን ክብር ማሳካት ችሎ ቢሆን የማሽነፍ ንጻሬው ወደ 70% ያድጋል።

ዩናይትድ በ2011-12 በጎል ልዩነት እና 1994-95 በአንድ ነጥብ ተበልጦ ዋንጫ ያጣበትን ካካተትን ስኮትላንዳዊው የተሻለ ንጻሬ ይኖራቸዋል።

ፌርጉሰን በ19 አመት የፕሪምየር ሊጉ ዘመን ቆይታቸው ሁለት የቻምፒየንስ ሊግ በ1999 እና 2008 ሲያሳኩ በ2009 እና 2011 በፍጻሜው በፔፕ ጋርዲዮላ ቡድን ባርሴሎና ተረተው ዋንጫውን አጥተዋል።

ጋርዲዮላ በበኩሉ በአስር አመት የሲቲ ቤት ቆይታው በ2023 የመድረኩን ክብር ሲያሳካ በ2021 በፍጻሜው በቼልሲ ተረቷል። ፌርጉሰን ዩናይትድ በሀገር ቤት ከነበረው የበላይነት አንጻር የቻምፒየንስ ሊጉ ዋንጫ ክብራቸው አነስተኛ መሆኑን በተደጋጋሚ በቁጭት ይናገሩ ነበር።

በወጣቶች ላይ በሰሩት ስራ ፌርጊ "Class of 92" የወጣት ቡድን ስብስቡ ሪያን ጊግስ ፖል ስኮልስ ዴቪድ ቤካም ጋሪ እና ፊል ኔቭል ኒክ በትን በመያዝ ታላላቅ ዋንጫዎችን ማንሳት ችለዋል።

ፔፕ ጋርዲዮላ እንደ ላማሲያ ባይሆንም እንደ ፊል ፎደን እና ኒኮ ኦሬሊን በማብቃት ረገድ ትልቁን አስተዋጽኦ አበርክቷል።ሪኮ ልዊስ እና ኦስካር ቦብ እንደ ጅማሮአቸው ፍጻሜያቸው በክለቡ ያማረ ሊሆን አልቻለም።

ፌርጉሰን ዩናይትድን በ2013 ሲለቁ "Ferguson style of play" በኦልድትራፎርድ አኑረው አይደለም። ትኩረቱን ፍላጎት ቁርጠኝነት ጀብደኝነት እና ተፋላሚነት ያደረገን ቡድን ገንብተው አሸናፊነትን አሳይተዋል።

ፔፕ ከ2008-09 ጀምሮ በባርሴሎና ባየር ሙኒክ እና በሲቲ ከኋላ በግብ ጠባቂ ረገድ በምቾት በእግሩ የሚጫወት ተለዋጭ ሚና ያላቸው ፉልባኮችን ከአዝናኝ እግር ኳስ ጋር በፍልስፍና ደረጃ አሳይቶናል።

ፌርጊ ዩናይትድን ሲለቁ እድሜያቸው 71 ነበር። ፔፕ በበኩሉ ሌላ ሀላፊነትን በቀጣይ ሊረከብ በሚችልበት 55 ላይ ሆኖ ነው።

በሳምሶን አበበ(nbc)

Getu Temesgen - (ጌጡ ተመስገን)
#getutemesgen #getu

አርሰናልን ወደ ቀደመው ከፍታ የመለሰው ሚኬል አርቴታ

አዲስ አበባ፣ ግንቦት 16፣ 2018 (ኤፍ ኤም ሲ) ክቧ ኳስ በክቡ ምድር ከግለሰብ እስከ ታላላቅ ሀገራት መሪዎች ድረስ ጮቤ እያስረገጠች ነው።

በአርሰናል ጥላ ስር የነበሩ ደጋፊዎች ሁሉ ፈንጠዝያቸው እያደር አዲስ ያደረገው ደግሞ ''ትዕግስት መራራ ናት፤ ፍሬዋ ጣፋጭ'' የሚለውን አባባል ለ22 ዓመታት ስለተጋፈጡት መሆኑ ልብ ይለዋል።

የዚህ ሁሉ ዳንኪራና ድግስ፣ የጽናት እና የታማኝነት ገጾች ፀሐፊ ስፔናዊው ታክቲሽያን ሚካኤል አርቴታ ነው።

የ22 ዓመታት ውርስ ትርክት፣ የ6 ዓመታት እንደ እሳት የሚፋጀውን የአሰልጣኝነት መንበር ሽበት ጣል ጣል ሳይልበት፣ ፀጉሩም በብስጭት ሳይሸሸው፣ የተወረወሩበትን ጠጠሮች ላለፉት ቀናት ያየነውን የሀሴት ምትሃት ቀርጾበታል።

የአርሰናል እግር ኳስ ክለብን ወደ ቀደመ ክብሩ የመለሰ እና በስትራቴጂ የበሰለ ስብስብ መሃንዲስ በመሆን በዓለም አቀፍ ደረጃ ስሙ በግንባር ቀደምትነት እንዲነሳ ምክንያት ሆኗል።

ሚካኤል አርቴታ የተወለደው በስፔን ባስክ ግዛት ሳን ሰባስቲያን ውስጥ ሲሆን÷ ይህ አካባቢ ጠንካራ ስራን፣ ትህትናን እና ጥልቅ ታማኝነትን በሚያስተምረው ባህሉ ይታወቃል። ይህ አስተዳደግ በአርቴታ ስብዕና ላይ ትልቅ አሻራ ጥሏል።

የእግር ኳስ ተንታኞች አርቴታን ዝርዝር ጉዳዮችን አጥባቂ በማለት ይገልጹታል። በስልጠና ሜዳ ላይ የተጫዋቾቹ የሰውነት አቀማመጥ፣ ኳስ ከመቀበላቸው በፊት ያላቸው እይታ እና የሚሮጡበት ሰኮንድ ሳይቀር በጥንቃቄ እንዲሰላ ይፈልጋል። ይህ ባህሪው በሜዳ ላይ ብቻ ሳይሆን በግል ህይወቱም የሚንጸባረቅ ሲሆን÷ ንጽህናን፣ ሥነ ሥርዓትን እና የጊዜ አጠቃቀምን እጅግ አጥብቆ ይወዳል።

የማይታጠፍ ዲሲፕሊን እና የማይደፈሩ ህጎች አርቴታ አርሰናልን በተረከበ ማግስት ያስቀመጠው ትልቁ መርህ የባህል ለውጥ አምጥቶለታል። እሱ ዘንድ ለማንኛውም ተጫዋች ልዩ መብት አይሰጥም። ክለቡን፣ ደጋፊውን እና ባልደረባን ማክበር ቀዳሚው ግዴታ ነው። ይህንን ህግ የጣሱ እንደ ፒየር-ኤምሪክ ኦባምያንግ ያሉ ታላላቅ ኮከቦችን ከክለቡ እስከማሰናበት የደረሰበት ቆራጥ ርምጃ እሱ ለስኬት ያለው ታማኝነት ከግለሰቦች ከዋክብትነት በላይ መሆኑን አሳይቷል።

የአርቴታ የእግር ኳስ ቀለም ከታላላቅ መምህራን የተቀሰመ ለመሆኑ የኋላ ታሪኩ ነጋሪ ናቸው። እድገቱ ባርሴሎና ላ ማሲያ አካዳሚ፣ በሬንጀርስ፣ በፒኤስጂ እና በእንግሊዝ ኤቨርተን እና አርሰናል መጫወቱ ከጽንሰ ሐሳብ እስከ ተግባር እውቀቱን አሳድጎለታል።

በርካቶች እንደሚስማሙት ከእግር ኳስ ሊቁ አሰልጣኝ ፔፕ ጋርዲዮላ ስር በማንቼስተር ሲቲ ረዳት ሆኖ ያሳለፋቸው ዓመታት የታክቲክ ብስለቱን ስል አድርጎታል።

አርቴታ ቡድኑ የጨዋታውን ፍሰት እንዲቆጣጠር ይፈልጋል። ተጫዋቾቹ ሜዳውን ሙሉ በሙሉ ተጠቅመው ተጋጣሚን እንዲያስጨንቁ፣ ኳስ ሲያጡ በሰኮንዶች ውስጥ መልሰው እንዲነጥቁ ያደርጋል። ይህ የጨዋታ ፍልስፍና አርሰናልን በአውሮፓ ውስጥ ለማጥቃት እጅግ አስቸጋሪ እና በሊጉ ጠንካራ የተከላካይ ግድግዳ ያለው ቡድን አድርጎታል።

በአውሮፓ አምስት ታላላቅ ሊጎች ውስጥ አርሰናል አነስተኛ ግብ ያስተናገደ እና ብዙ ጨዋታዎችን ያለ ግብ ያደረገው ግስጋሴ በአውሮፓ ሻምፒየንስ ሊግ ለሁለተኛ ጊዜ ለዋንጫ እስኪቀርብ መርቶታል።

እንግሊዛዊው የስካይ ስፖርት ተንታኝ ጋሪ ኔቪል "አርቴታ ወደ አርሰናል ሲመጣ ክለቡ ማንነቱን አጥቶ ነበር፤ እሱ ግን ታላቅ ስራ ሰርቷል፤ የተጫዋቾችን አስተሳሰብ ቀይሯል፤ አርቴታ ሜዳ ላይ የሚሰጣቸው መመሪያዎች እና ተጫዋቾችን የሚከላከልበት መንገድ እውነተኛ የአመራር ጥበብ ምን ማለት እንደሆነ ያሳያል" ብሏል።

የአርሰናል የምንጊዜውም ኮከብ ፈረንሳዊው ቲዬሪ ኦንሪ በበኩሉ÷ "ሚኬል አርቴታን ልዩ የሚያደርገው ለክለቡ ያለው ጥልቅ ፍቅር ነው፤ እሱ የተጫዋቾችን ስሜት መኮረጅ ይችላል፤ በክፍል ውስጥ ሲያወራ ተጫዋቾቹ ለእሱ ሊሞቱለት ዝግጁ እስኪሆኑ ድረስ የማሳመን ብቃት አለው፤ አርሰናልን መልሶ ትልቅ ቡድን አድርጎታል" ሲል ገልጿል።

የሥነ ልቦና ባለሙያዎች እንደገለጹት÷ የአርቴታ ስኬት የመነጨው ከቤተሰባዊ መረጋጋቱ ነው። ከባለቤቱ ሎሬና በርናል (የቀድሞዋ ሚስ ስፔን) እና ከሦስት ልጆቹ ጋር ያለው ጠንካራ ትስስር፣ ከእግር ኳሱ ግፊት ውጭ ሰላማዊ ህይወት እንዲኖረው አድርጎታል። ይህ ሚዛናዊነት በሜዳ ላይ አስቸጋሪ ውሳኔዎችን በረጋ መንፈስ እንዲያስተላልፍ ይረዳዋል።

ሚኬል አርቴታ ለስራው ያለው ፍቅር፣ የማይናወጠው ግለሰባዊ ማንነቱ እና ስልታዊ ብልሃቱ አርሰናልን ብቻ ሳይሆን ዘመናዊው እግር ኳስ በሚመራበት መንገድ ላይ ተጽእኖ እስከመፍጠር እየደረሰ ይገኛል። አርቴታ ገና ወጣት አሰልጣኝ ቢሆንም፣ ያሳየው ስኬት እና ያሳደረው ተፅዕኖ ግን በዋንጫ መታጀብ ዛሬ በለንደር ጀምሯል።

በኃይለኢየሱስ መኮንን

መድፉ ተተኮሰ
#ethiopia | የእንግሊዝ ፕሪምየር ሊግ ፍጻሜ አርሰናል በድል ሲያጠናቅቅ ቶተንሃም በሊጉ መትረፉን አረጋግጧል ማንችስተር ሲቲ ደግሞ ሽንፈት አስተናግዷል

የ2025/26 የእንግሊዝ ፕሪምየር ሊግ የውድድር ዘመን ዛሬ በአንድ ሰዓት በተደረጉ አስር ጨዋታዎች ፍጻሜውን አግኝቷል።

ከ22 ዓመታት ረጅም ጥበቃ በኋላ የሊጉን ዘውድ የደፋው አርሰናል ወደ ክሪስታል ፓላስ ሜዳ በመጓዝ 2 ለ 1 በሆነ ውጤት ማሸነፍ ችሏል።

ለመድፈኞቹ የማሸነፊያ ግቦቹን ያስቆጠሩት ጋብርኤል ጄሱስ እና ኖኒ ማዱኤኬ ሲሆኑ ክለቡ የዓመቱን ጉዞ በ85 ነጥብ በበላይነት አጠናቋል።

ወደ ታችኛው ክፍል የመውረድ ከፍተኛ ስጋት ውስጥ የነበረው ቶተንሃም ሆትስፐርስ ኤቨርተንን 1 ለ 0 በማሸነፍ በሊጉ መቆየቱን አረጋግጧል።

ለለንደኑ ክለብ ወሳኟን የህልውና ግብ ያስቆጠረው ጆአኦ ፓልሂንሃ ነው። በሌላ በኩል ላለመውረድ ሲፋለም የነበረው ዌስትሃም ዩናይትድ ሊድስ ዩናይትድን 3 ለ 0 ቢያሸንፍም ከውድድር መውረዱን ሊያስቀር አልቻለም።

ክለቡ ከቶተንሃም በሁለት ነጥብ በማነሱ ምክንያት በርንሌይ እና ዎልቭስን ተከትሎ ወደ ቻምፒየንሺፕ ወርዷል።

ከማንችስተር ሲቲ ጋር ለመለያየት የወሰነው አሰልጣኝ ፔፕ ጋርዲዮላ በመጨረሻው የሊግ ጨዋታው በአስቶንቪላ 2 ለ 1 በሆነ ውጤት ሽንፈት ገጥሞታል።

ታዋቂ ተጫዋቾቹን ሞሐመድ ሳላህ እና አንዲ ሮበርትሰንን በክብር ያሰናበተው ሊቨርፑል ከብሬንትፎርድ ጋር ያደረገውን ጨዋታ በአቻ ውጤት አጠናቋል።

ለአሰልጣኝ ማይክል ካሪክ የአንድ ዓመት ተጨማሪ ውል ያበረከተው ማንችስተር ዩናይትድ ብራይተንን ከሜዳው ውጪ 3 ለ 0 በሆነ ሰፊ ውጤት አሸንፏል።

በዚህ ጨዋታ ላይ አንድ ግብ አስቆጥሮ ለሌላው ደግሞ አመቻችቶ ያቀበለው ብሩኖ ፈርናንዴዝ አዲስ ታሪክ አስመዝግቧል። ፖርቹጋላዊው አማካይ በአንድ የውድድር ዓመት ውስጥ 21 ግብ የሆኑ ኳሶችን በማመቻቸት ቀዳሚው ተጫዋች መሆን ችሏል።

ወደ ሊጉ በቅርቡ ያደገው ሰንደርላንድ ቼልሲን 2 ለ 1 በማሸነፍ በቀጣዩ ዓመት በአውሮፓ መድረክ ላይ የመሳተፍ መብቱን አግኝቷል።

በተያያዙ ዜናዎች ፉልሃም ኒውካስትል ዩናይትድን 2 ለ 0 ሲያሸንፍ ኖቲንግሃም ፎረስት ከቦርንማውዝ ጋር 1 ለ 1 ተለያይቷል።

ቀድመው መውረዳቸውን ያረጋገጡት በርንሌይ እና ዎልቭስ ያደረጉት ጨዋታም በተመሳሳይ 1 ለ 1 በሆነ አቻ ውጤት ተጠናቋል።
#የእንግሊዝፕሪምየርሊግ #አርሰናል #ቶተንሃም #ማንችስተርሲቲ #ማንችስተርዩናይትድ #ሊቨርፑል #እግርኳስ #getutemesgen #getu #ጌጡ #ጌጡተመስገን #addisababa

(ዘ-ሐበሻ ስፖርት) በእንግሊዝ ፕሪሚየር ሊግ ታሪክ ከባህር ማዶ መጥቶ እንደ ግብጹ "የአባይ ውሃ ዘመዳችን" መሀመድ ሳላህ የጎል መረብን ያንቀጠቀጠ የለም፤ 193 የማይታመኑ ጎሎች! ታሪኩ የሚጀምረው ነሐሴ 12 ቀን 2017 ነው። ሊቨርፑል ዋትፎርድን ሲገጥም፣ አሰልጣኝ የርገን ክሎፕ አዲስ ፈራሚውን «ወደ ፕሪሚየር ሊጉ እንኳን በደህና መጣህ!» በሚል አጭርና ግልጽ መልዕክት ወደ ሜዳ ሰደዱት። ያኔ የተጠነሰሰው አስፈሪው የሳላህ፣ ማኔ እና ፊርሚኖ የአጥቂ መስመር ጥምረት አሰልጣኝ ፔፕ ጋርዲዮላን ጭምር «ያናውጡኛል፣ አደገኞች ናቸው» እስኪል ድረስ ዓለምን ጉድ አሰኝቷል።

ሳላህ እና ማኔ የቅርብ ጓደኛሞች ባይሆኑም፣ በመካከላቸው የነበረው ጤናማ ውድድር እና ፊርሚኖ በሁለቱ መሀል የሚነሳውን እሳት በማጥፋት የተጫወተው ሚና፣ የሊቨርፑልን የድል ጉዞ የጀርባ አጥንት ሆኗል። የቡድኑ አጋሮቹ «ለእግር ኳስ የተፈጠረ» ብለው የሚመሰክሩለት ሳላህ፣ በምሳሌነት የሚመራ [ይላል] እና ለዝርዝር ነገሮች ከፍተኛ ትኩረት የሚሰጥ ጽኑ ተዋጊ ነው። ዋትፎርድን 5 ለ 0 ባሸነፉበት ጨዋታ ላይ፣ ጨዋታው እንደተጠናቀቀ ግብ ጠባቂውን ቤን ፎስተርን «ፍጹም ቅጣት ምት ቢሆን ኖሮ ወደየትኛው አቅጣጫ ትዘል ነበር?» ብሎ መጠየቁ ለስራው ያለውን ቁርጠኝነት ያሳያል።

በአንፊልድ ቆይታው አንዳንዴ ተስፋ መቁረጥ እና ቁጣ ታይቶበት ያውቃል። ባለፈው ታህሳስ ከዋና አሰልጣኙ አርኔ ስሎት ጋር የነበረው አለመግባባት አሁን ላለው ስንብት መነሻ ሆኗል። ይህ የውድድር ዘመን ለሊቨርፑል ስብስብ እጅግ ከባድ የነበረ ሲሆን፣ የቡድን አጋሩ ዲዮጎ ጆታ ህይወት ማለፍ ሳላህን ክፉኛ ጎድቶታል። «ከእረፍት በኋላ ወደ ሊቨርፑል መመለስ እንደዚህ ያስፈራኛል ብዬ አስቤ አውቅም» ሲል ሀዘኑን ገልጾ፣ በአንፊልድ ፊት እምባውን በማፍሰስ ሰብዓዊነቱን አሳይቷል።

በሜዳ ላይ ግን ሳላህ ከተፈጥሮ በላይ ነበር። በአንፊልድ የመጀመሪያ የውድድር ዘመኑ 58 የጎል ተሳትፎዎችን (በየ 71 ደቂቃው አንድ ጎል ላይ ተሳትፎ) በማድረግ ሜሲ እና ሮናልዶ ካሉበት ደረጃ ደርሷል። ማድሪድ ላይ ቶተንሃምን አሸንፈው የሻምፒዮንስ ሊግ ዋንጫ ሲያነሱ፣ በጉዲሰን ፓርክ ኤቨርተን ላይ የፑስካስ አዋርድ ያሸነፈባትን ጎል ሲያገባ፣ እና በኦልድ ትራፎርድ ማንችስተር ዩናይትድ ላይ ያሳየው ጀብዱ... ትዝታዎቹ ማለቂያ የላቸውም። የሲቲው አይሜሪክ ላፖርት ጭምር «ሳላህ በእኛ ላይ ሁልጊዜ እሳት ይተፋ ነበር፤ ለመከላከል ከገጠሙኝ ከባድ ተጫዋቾች አንዱ ነው» በማለት ይመሰክራል።

ሸሚዙን አውልቆ ደስታውን ሲገልጽም ሆነ በሱጁድ ፈጣሪውን ሲያመሰግን፣ የሳላህ ምስሎች መቼም አይረሱም። የቀድሞው አምበል ስቲቨን ጀራርድ «ቁጥሮቹ፣ ዋንጫዎቹ እና የገነባው ባህል የራሳቸው ታሪክ ይናገራሉ። መሀመድ ሳላህ በሁላችንም ዘንድ የተወደደ የክለቡ እውነተኛ ጀግና ነው» ሲል አወድሶታል። ትሬንት አሌክሳንደር አርኖልድም ለክለቡ ያላቸውን ዋጋ ሲገልጽ ሳላህን እና ጀራርድን በእኩልነት አንደኛ ደረጃ ላይ አስቀምጧቸዋል።

የ2024-25 የውድድር ዘመን ሊቨርፑል 20ኛውን የሊግ ዋንጫ ሲያነሳ፣ ሳላህ ከፍተኛ ጎል እና አሲስት በማድረግ በእንግሊዝ እግር ኳስ ታሪክ ውስጥ ደማቅ አሻራ አሳርፏል። አሁን ግን ሁሉም ነገር ፍጻሜ አለው። ከግብጽ የናይል ዴልታ የተነሳው የዚህ ድንቅ ተዋጊ ጉዞ፣ በሜርሲሳይድ አንፊልድ ላይ የማይረሳ ታሪክ ጽፎ ወደሚቀጥለው ምዕራፍ ተሸጋግሯል። የርገን ክሎፕ እንዳሉት፣ «ሲመጣ ሰዎች ምን እንደሚያስቡ ሳይሆን፣ ሲሄድ ምን እንደሚያስቡ ማወቁ ነው ትልቁ ነገር»። መሀመድ ሳላህ... ለአንፊልድ ትክክለኛው ተዋጊ፣ በትክክለኛው ጊዜ የመጣው ጀግና!

በፕሪሚየር ሊጉ ምርጡ የበላይነት ጊዜ የየትኛው ክለብ ነው?
#ethiopia | ማንቺስተር ዩናይትድ 1995-2001

የሰር አሌክስ ፌርጉሰን የመጀመሪያው ምርጡ ቡድን ነው።ቀያይ ሰይጣናቱ ከመጀመሪያ ዘጠኝ የፕሪሚየር ሊግ ዋንጫዎቻቸው ሰባቱን ያሳኩበት ነው።የ1998-99 የሶስትዮሽ ዋንጫን ያሳኩበት ውድድር አመት ደግሞ በምርጥነቱ የሚነሳው ነው።ግማሽ የሚሆነው የቡድን ስብስብ የተገኘው ደግሞ "ከclass of 92" ነው።እንደ ዴቪድ ቤካም ጋሪ እና ፊል ኔቭል ኒክ በት ሪያን ጊግስ እና ፖል ስኮልስ ያሉት ማለት ነው።
ኤሪክ ካንቶና ፒተር ሽማይክል ሮይ ኪን አንዲ ኮል እና ድዋይት ዮርክ በወቅቱ በቡድኑ ውስጥ የነበሩ ሌሎች ክዋክብት ተጫዋቾች ናቸው።

አርሰናል 2001-2004

የአርሰን ቬንገር አርሰናል የሰር አሌክስ ቡድንን በወጥነት ለሊጉ ዋንጫ ክብር መፎካከር የቻለ የመጀመሪያው ቡድን ነው።በ1997-98 እና 2001-02 የሁለትዮሽ ዋንጫን ክብር ያሳካ ሲሆን በ2003-04 ደግሞ "Invincible" ሆኖ ባለ ክብር ሆኗል።

ከ1999-2005 ስምንት ጊዜ ሁለተኛ ደረጃን በመያዝ አጠናቀዋል።በዚህ ቡድን ውስጥ ፈረንሳውያኑ ኮከቦች ቲዬሪ ሆነሪ ፖትሪክ ቪዬራ እና ሮበርት ፒሬዝ ሆላንዳዊው ጥበበኛ ዴኒስ ቤርካምፕ እንግሊዛውያኑ ተከላካዮች አሽሊ ኮል እና ሶል ካምቤል ከምርጦቹ መካከል ነበሩ።

ቼልሲ 2004-2007

ጆዜ ሞውሪንሆ በሰማያዊዮቹ ቤት በ2004 ከመጡ በኋላ የራሳቸውን ትልቁን አሻራ ማኖር የቻሉት በፍጥነት ነበር።

ራሳቸውን "The Special One" በማለት ለእንግሊዝ ሚዲያ ያስተዋወቁበት መንገድ ትልቁ የመነጋገሪያ ርዕስም ነበር።በመጀመሪያው ዙር ቆይታቸው ሁለት ጊዜ የሊጉን ዋንጫ ሲያነሱ በሶስተኛ የውድድር ዘመን የክለቡ ቆይታቸው ቡድናቸው ሁለተኛ ደረጃን ይዞ አጠናቋል።

በመጀመሪያ የውድድር አመት ቆይታቸው የሊጉን ዋንጫ ሲያሳኩ እስካሁን ያልተሰበሩ በርካታ ሪከርዶችን በመያዝ ነው።

እንግሊዛውያኑ ፍራንክ ላምፓርድ ጆን ቴሪ እና ጆ ኮል ግብ ጠባቂው ፔተር ቼክ የተከላካይ አማካዩ ክሎድ ማኬሌሌ እና አጥቂው ዲዲዬ ድሮግባ ከወርቃማው ቡድን ተጫዋቾች መካከል ዋነኞቹ ነበሩ።

ማንቺስተር ዩናይትድ ከ2006-2011

የፌርጉሰን ሁለተኛው ምርጡ ቡድን ነው።ለሶስት ተከታታይ የውድድር ዘመን የፕሪሚየር ሊጉን ዋንጫ ለማንሳት ከተሳነው በኋላም በአምስት አመት ውስጥ ለአራት ጊዜያት ያህል ባለ ክብር የሆነበት ነው።በ2007-08 ደግሞ የሻምፒየንስ ሊጉን ዋንጫ አሳክቷል።

ክርስቲያኖ ሮናልዶ እና ዌይን ሩኒ ግብ ጠባቂው ኤድዊን ቫንደርሳር አይረሴዎቹ የቡድኑ ቁልፍ ተጫዋቾች ነበሩ።

ማንቺስተር ሲቲ ከ2017-2024

በስተመጨረሻ የአሁኑን የጋርዲዮላ ቡድን እናገኛለን።በቶፕ ዲቪዥን ተከታታይ አራት የሊግ ክብሮችን በማሳካት የመጀመሪያው ቡድን ነው።በ2017- 18 100 ነጥቦችን በቀጣይ አመት ደግሞ 98 መሰብሰብ ችሏል። በ2022-23 የውድድር ዘመን የሶስትዮሽ ዋንጫን ክብር አሳክቷል። በዚህ ጊዜ የሲቲን የበላይነት ለመፈተን ጥረት ያደረገው ቡድን የየርገን ክሎፕ ሊቨርፑል ብቻ ነው ብሎ ማንሳት ይቻላል።

ኬቨን ዴብሩይነ ኤደርሰን በርናንዶ ሲልቫ ካይል ዎከር በልዩነት በዚህ ስኬታማ ጊዜ ውስጥ ስማቸው በትልቁ የሚነሳ ተጫዋቾች ናቸው።

(በሳምሶን አበበ)

Getu Temesgen - (ጌጡ ተመስገን)
#getutemesgen #getu

የማንቸስተር ሲቲው አሰልጣኝ ፔፕ ጋርዲዮላ እሁድ ከአስቶን ቪላ ጋር ከሚያደርጉት የውድድር ዘመኑ የመጨረሻ ጨዋታ በኋላ ክለቡን እንደሚለቁ ተነገረ

በፈረንጆቹ 2016 ክለቡን የተቀላቀሉት ስፔናዊው አሰልጣኝ፣ በኢትሃድ ስታዲየም ባሳለፏቸው 10 ስኬታማ ዓመታት ውስጥ 6 የፕሪሚየር ሊግ እና 1 የሻምፒዮንስ ሊግ ዋንጫዎችን ጨምሮ በአጠቃላይ 20 ዋና ዋና ዋንጫዎችን በማንሳት የክለቡ ታሪክ ስኬታማው አሰልጣኝ መሆን ችለዋል።

​ጋርዲዮላ በሰጡት መግለጫ “የምለቅበትን ምክንያት አትጠይቁኝ፤ ነገር ግን ጊዜዬ እንደበቃ በውስጤ አውቀዋለሁ፤ ዘላለማዊ የሚሆን ነገር የለም” ብለዋል።

አርሰናል የዘንድሮውን የፕሪሚየር ሊግ ዋንጫ ማሸነፉን ተከትሎ የመጣው ይህ ውሳኔ የስፖርቱን ዓለም አስደንግጧል።

ጋርዲዮላ ከክለቡ ቢለቁም በሲቲ ፉትቦል ግሩፕ (CFG) ውስጥ በዓለም አቀፍ አምባሳደርነት ሥራቸውን እንደሚቀጥሉ ታውቋል።

እሳቸውን ለመተካት የቀድሞው የቼልሲ አሰልጣኝ ኤንዞ ማሬስካ ቀዳሚ እጩ ሆነዋል።

​ምንጭ፦ BBC

seledadotio
seledadotio

ማንቼስተር ሲቲ ከፔፕ ጋርዲዮላ ጋር እንደሚለያይ አስታወቀ

አዲስ አበባ፣ ግንቦት 14፣ 2018 (ኤፍ ኤም ሲ) ማንቼስተር ሲቲ ከአሰልጣኝ ፔፕ ጋርዲዮላ ጋር በውድድር ዓመቱ መጨረሻ እንደሚለያይ ይፋ አድርጓል፡፡

ስፔናዊው አሰልጣኝ ፔፕ ጋርዲዮላ በኢትሃድ የአስር ዓመታት ቆይታቸው 20 ዋንጫዎችን አሳክተዋል፡፡

አሰልጣኝ ፔፕ ጋርዲዮላ በማንቼስተር ሲቲ ታሪክ በርካታ ዋንጫዎችን ያሳኩ ቀዳሚው አሰልጣኝ ናቸው፡፡

የ55 ዓመቱ አሰልጣኝ የፊታችን እሑድ ማንቼስተር ሲቲ በሜዳው ኢትሃድ ከአስቶን ቪላ ጋር በሚያደርገው ጨዋታ ክለቡን የሚሰናበቱ ይሆናል።

(ዘ-ሐበሻ ስፖርት) በእግር ኳስ ዓለም ጊዜ እጅግ በፍጥነት ይከንፋል። የዛሬ ዓመት የነበረው እውነት የዛሬ ዓመት አይሰራም። የዚህ ፈጣን ለውጥ ትልቁ ማሳያ ደግሞ፣ ኮል ፓልመር እና ፊል ፎደን በእንግሊዝ የዓለም ዋንጫ ስብስብ ውስጥ አለመካተታቸው ነው።

ከሁለት ዓመታት በፊት ይህንን ማሰብ እንኳን ዘበት ነበር። በዩሮ 2024 ፍጻሜ እንግሊዝ በስፔን ስትሸነፍ፣ ፎደን ቋሚ ተሰላፊ የነበረ ሲሆን፣ ፓልመር ደግሞ ከተጠባባቂ ወንበር ተነስቶ የእንግሊዝን ብቸኛ ግብ በማስቆጠር የ'ስሪ ላይንስ' የወደፊት የብርሃን ተስፋ ተደርጎ ተቆጥሮ ነበር። በማንቸስተር ሲቲ አካዳሚ በአንድ ዓመት ልዩነት አብረው ያደጉት እነዚህ ሁለት ኮከቦች፣ በ2026ቱ የዓለም ዋንጫ የእንግሊዝ ብሔራዊ ቡድን ወሳኝ ሞተሮች እንደሚሆኑ ምንም ጥርጥር አልነበረም።

አንደኛው ፔፕ ጋርዲዮላ ወደር የለሽ ኮከብ ያደረገው ፎደን ሲሆን፣ ሌላኛው ከኢትሃድ ስታዲየም ወጥቶ በቼልሲ ጀንበሩ የደመቀችው ፓልመር ነበር። ዛሬ ግን መንገዳቸው ዳግም ተገናኝቷል፤ ነገር ግን እንደ አጥቂዎች ሳይሆን፣ ከዓለም ዋንጫው ስብስብ እንደተገለሉ ተጫዋቾች!

ከሁለት ዓመታት በፊት ኮል ፓልመር በጋሬዝ ሳውዝጌት ስብስብ ውስጥ አዲስ ብቅ ያለ ፈርጥ ነበር። በዩሮ 2024 ሳውዝጌት ፓልመርን ወንበር ላይ ማስቀመጣቸው የበርካቶች ትችት አስነስቶባቸው የነበረ ሲሆን፣ በስፔኑ ጨዋታ ተቀይሮ ገብቶ በ3ኛው ደቂቃ ላይ ግብ ሲያስቆጥር የተቺዎች አንደበት እውነት መሆኑ ተረጋግጦ ነበር። በወቅቱ ገና የ22 ዓመት ወጣት የነበረው ፓልመር፣ የእንግሊዝ ኮከብ ተጫዋች እና የፒ.ኤፍ.ኤ የምንጊዜም ምርጥ ወጣት ተጫዋች ሽልማቶችን አጠቃሎ ወስዷል። ለቀጣዮቹ ዓመታት የእንግሊዝ ቁልፍ ተጫዋች እንደሚሆን ተነግሮለት ነበር።

የ23 ዓመቱ ፊል ፎደንም ከእርሱ ጎን የነበረ ሲሆን፣ የፒ.ኤፍ.ኤ (PFA) የዓመቱ ምርጥ ተጫዋች ሽልማትን በማንሳት በክብር ደምቆ ነበር። ነገር ግን፣ በእግር ኳስ "ክህሎት ቋሚ ቢሆንም፣ አቋም ግን ተለዋዋጭ ነው" እንደሚባለው፤ የሁለቱ ኮከቦች የአቋም መዋዠቅ የዓለም ዋንጫ ዕጣ ፈንታቸውን አጨልሞታል።

ፓልመር በመጀመሪያዎቹ ሁለት የቼልሲ የውድድር ዘመናት 37 የፕሪሚየር ሊግ ግቦችን አስቆጥሮ ነበር። ዘንድሮ ግን አቋሙ ክፉኛ ወርዷል። በ25 የሊግ ጨዋታዎች 9 ግቦችን ቢያስቆጥርም፣ ያ ድሮ ይታወቅበት የነበረው አስማታዊ ንክኪ እና የሜዳ ላይ ልዕልና ከድቶታል።

የፎደን የአቋም መውረድም ከፓልመር ባልተናነሰ (ምናልባትም ለረጅም ጊዜ) ሲንከባለል የቆየ ነው። ከገና በዓል በፊት በነበሩ 5 ጨዋታዎች 6 ግቦችን አስቆጥሮ ወደ ቀድሞ አቋሙ የተመለሰ ቢመስልም፣ ከዚያ ጊዜ ወዲህ ግን መረብ ማግኘት አልቻለም። ይህ በ2023-24 የውድድር ዘመን በሁሉም ውድድሮች 27 ግቦችን ካስቆጠረው ፎደን ጋር ሲነጻጸር የሰማይና የምድር ያህል ይራራቃል።

በቁጥር 10 ሚና ላይ ያለው ፉክክር እጅግ የጦፈ በመሆኑ፣ አሰልጣኝ ቶማስ ቱኸል ተጫዋቾችን "በስማቸው እና በዝናቸው" ብቻ መምረጥ አልነበረባቸውም።

ለፎደን የመጨረሻው የፈተና ጊዜ የነበረው በመጋቢት ወር ከኡራጓይ ጋር የተደረገው የወዳጅነት ጨዋታ ነበር። ሃሪ ኬን በሌለበት በዚህ ጨዋታ ፎደን የቁጥር 10 ሚናውን ወስዶ ሜዳ ላይ ቢሰለፍም፣ ምንም ዓይነት ተጽዕኖ መፍጠር ሳይችል፣ ኳስ ፍለጋ ወደ ኋላ እያፈገፈገ ሜዳ ላይ ጠፍቶ ዋለ። ሙከራው ከሽፎ ፎደን በሁለተኛው አጋማሽ በ11ኛው ደቂቃ ላይ ተቀይሮ ሲወጣ፣ በእርሱ ቦታ የገባው ራሱ ኮል ፓልመር ነበር። አሁን ወደ ኋላ መለስ ብሎ ሲታይ፣ አሰልጣኝ ቱኸል "እነዚህ ልጆች አይሆኑኝም" ብለው የመጨረሻ ውሳኔ ላይ የደረሱበት ጨዋታ ያ ምሽት እንደነበር ግልጽ ነው።

እንደ ጆን ስቶንስ ካሉ ጥቂት ለየት ያሉ ጉዳዮች ውጪ፣ አሰልጣኝ ቱኸል "ከዝና ይልቅ አቋም" እንደሚበልጥ በተግባር አሳይተዋል። የሪያል ማድሪዱ ጁድ ቤሊንግሃም ያለ ምንም ጥያቄ ወደ ስብስቡ ሲገባ፣ በአስቶን ቪላ ድንቅ ጊዜን እያሳለፈ ያለው ሞርጋን ሮጀርስ የቱኸልን እምነት አግኝቷል። ምንም እንኳን 14 ግቦችን ቢያስቆጥርም የኖቲንግሃም ፎረስቱ ሞርጋን ጊብስ-ዋይት ግን በቂ መስሎ አልታያቸውም።

ትልቁን የቁጥር 10 ጦርነት ያሸነፈው ግን የአርሰናሉ ኤቤሬቺ ኤዜ (Eberechi Eze) ነው። ምንም እንኳን በአርሰናል ማልያ የሊጉን ዋንጫ ሲያነሳ 7 ግቦች እና 2 አሲስቶች ብቻ ቢኖሩትም፣ ለቱኸል ግን በ6 የዓለም ዋንጫ ማጣሪያዎች 3 ወሳኝ ግቦችን አስቆጥሮላቸዋል።

በመጋቢት ወር ኤዜ በጉዳት ምክንያት ከወዳጅነት ጨዋታዎች ውጪ መሆኑ፣ ለፎደን እና ፓልመር ራሳቸውን እንዲያሳዩ በር ከፍቶላቸው ነበር። ነገር ግን እንግሊዝ ከኡራጓይ ጋር 1-1 አቻ ስትወጣ እና በጃፓን 1-0 ስትሸነፍ የሁለቱ ተጫዋቾች ደካማ አቋም አሰልጣኙን ክፉኛ አሳዝኗል። ይህ የኤዜ አለመኖር፣ እርሱ ከቤሊንግሃም እና ሮጀርስ የተለየ ፍጥነት፣ ያልተገመተ እንቅስቃሴ እና የጨዋታውን አቅጣጫ የመቀየር አቅም እንዳለው ለቱኸል በተግባር አረጋግጦላቸዋል።

አንድ ወቅት የእንግሊዝ ብሔራዊ ቡድን ቋሚ ተሰላፊ ይሆናሉ ተብለው የተጠበቁት ፎደን እና ፓልመር፣ አሁን ላይ ከኤዜ በታች አማራጭ መሆን እንኳን ሳይችሉ ቀርተዋል። የቱኸል ርህራሄ የለሽ ውሳኔ አንድ ግልጽ መልዕክት አስተላልፏል፦ "በትላንትና ታሪክህ ዛሬ ቦታ አታገኝም!"

በዘመናት መካከል የጸኑ ደጋፊዎች የደስታ ምሽት...

አዲስ አበባ፣ ግንቦት 11፣ 2018 (ኤፍ ኤም ሲ) "አርሰናል ዋንጫ ይበላል?" አዎ ሆኗል መልሱ። የለንደን ሰማይ ወደ ቀይነት ተቀይሯል። የመድፈኞቹ ትንሳኤ ከ22 አመት በኋላ በቬታሊቲ ስታዲየም ተበስሯል ።

ከሁለት አስርት ዓመታት በላይ (ከፈረንጆቹ 2004 ጀምሮ) የዘለቀው የአርሰናል ደጋፊዎች የዋንጫ ጥማት ሊሽር የአንዲት ነፍስ ወደ ምድር መጥታ ወጣት እስክትባል ተስፋ አስቆራጭ ነበር ።

ደጋፊዎቹ ግን በፅናት ስንት ጉድ መጥቶ በሄደበት ትንፋሻቸውን ውጠው ጠብቀዋል።

ዓለም ቅርጿን ብትቀያይር የአለም ዋንጫ ወደ አፍሪካ ምድር ቢመጣ፣ እነ ቤጂንግ የሉሏ ዘዋሪ ቢሆኑ፣ ኢትዮጵያ ዓባይን ገድባ ድግሷን ብትመርቅም አርሰናል ግን ዋንጫ አልበላም።

ዛሬ ግን ኤሚሬትስ ስታዲየም የናፈቀውን የፕሪሚየር ሊግ ክብር ዳግም አጊንቶ የደጋፊዎቹ ምድር ርዳለች ። ምድር አርግዳለች ።

ዋንጫው አርሰናል ዛሬ ላይ በቆመበት ደረጃ በአጋጣሚ የመጣ ሳይሆን፣ ባለፉት አራት ዓመታት ሚኬል አርቴታ በትዕግስት የገነባው ሂደትን የማመን ፍሬ ነው።

ታዋቂው የእግር ኳስ ተንታኝ ጂሚ ካራገር በቅርቡ በሰጠው ትንታኔ፣ "የዘንድሮው አርሰናል ካለፉት ሁለት ዓመታት የሚለየው በአእምሮ ጥንካሬው ነው" ብሎ ነበር።

መድፈኞቹ ቀደም ሲል ወሳኝ ጨዋታዎች ላይ የመንሸራተት ባህሪ ነበራቸው፤ ዘንድሮ ግን በሜዳቸውም ሆነ ከሜዳቸው ውጪ እንደ ሻምፒዮን መጫወትን ተላምደዋል።

በመከላከሉ ረገድ የገነቡት የብረት ግንብ ለሊጉ ጥቂት ጎል ተቆጣሪ ቡድን እንዲሆኑ አስችሏቸዋል።

በመካከለኛው ክፍል ደግሞ እንግሊዛዊው ዴክላን ራይስ የቡድኑ ሞተር በመሆን መከላከሉንና ማጥቃቱን በሚገርም ሁኔታ አስተሳስሮታል።

"እግር ኳስ በሜዳ ላይ ቢጫወትም አሸናፊው ግን በቁጥሮች ውስጥ ቀድሞ ይታያል" እንደሚባለው ሁሉ፣ የመረጃ ትንታኔዎች ለአርሰናል ትልቅ ተስፋ ነበራቸው።

አርሰናል ዘንድሮ በንፁህ ግብ መውጣት የሊጉን ክብረ ወሰን አድሷል ፤ ግብ ጠባቂው የወርቅ ዋንጫን ወስዷል።

እንግሊዛዊው ተንታኝ ጋሪ ኔቭል "አርሰናል ዘንድሮ ያንን የድል ተራራ መውጣት ብቻ ሳይሆን፣ ተራራው ላይ ባንዲራቸውን ለመትከል የሚያስችል ትጥቅ እንዳላቸው አሳይተዋል።"

ተንታኞች እንደሚስማሙት አርሰናል ካለፈው ዓመት ስህተቱ ተምሮ ስብስቡን በማስፋቱ፣ ተጫዋቾች ቢደክሙም የሚተኩት አቅም ተመሳሳይ ሆኗል።

የሊጉ ዋንጫ እጣ ፈንታ በሁለት ስፔናውያን አሰልጣኞች ፍልሚያ ሆኖ ፔፕ ጋርዲዮላን ለስንብት አርቴታን ለአሸናፊነት አብቅቷል።

ከመምህሩ ደቀ መዝሙሩ እንደሚባለው አርቴታ በጭንቅም ቢሆን የናፈቀውን ዋንጫ ለመሳም ታድሏል።

የ "ኖርዝ ለንደን ፎርኤቨር" መዝሙር በኤምሬትስ ሰማይ ስር በድል አድራጊነት እየተዘመረ ነው ።

የሉዊስ ደንፎርድ ግጥሞች "ይህ የደሜ ቀለም ነው፤ ለዘላለም የኔ ነው" እያሉ ሲያስተጋቡ፣ በደጋፊዎች አይን ላይ የሚታየው እንባ የክለቡን ጥልቅ ትስስር ያሳያል።

ይህ መዝሙር ደጋፊውን ከመጫወቻ ሜዳው ጋር በማስተሳሰር፣ ተጫዋቾቹ እስከ መጨረሻው ሰከንድ እንዲዋጉ የሚያደርግ የሞራል ስንቅ ነበር ።

ደጋፊዎቹ ቀይ ጭስ በማዘጋጀት ለንደንን ወደ ቀይ ቀለም ለመቀየር ቆርጠዋል። ይህ ድል ለደጋፊዎቹ ከእግር ኳስ ዋንጫ በላይ ነው፤ የለንደን የበላይነትን ዳግም የሚያረጋግጡበት ታላቅ ክስተት ነው።

አርሰናል ዋንጫ ይበላል? አዎ! የተወዳጁ የእንግሊዝ ፕሪሚየር ሊግ ተመልካች ዓለም ነዋሪዎች የሚቀበሉት እውነት ሆኗል።

የመድፈኞቹ የቀረረው እንባ በደስታ ፈንጠዝያ ባሉበት የምድር ጫፍ ተተክቷል።

በኃይለኢየሱስ መኮንን

(ዘ-ሐበሻ ስፖርት) እስኪ ያንተን የሰዓት እጅ ወደኋላ አሽከርክረው፤ አርሰን ቬንገር በስታዲየሙ መሀል ቆመው፣ ቲየሪ ኦነሪ መረቡን ሲቀደው፣ ፓትሪክ ቪዬራ መሀል ሜዳውን ሲገዛው እና ያ የማይበገረው የ"ኢንቪንሲብልስ" ስብስብ ወርቃማውን ዋንጫ ወደ ሰማይ ሲሰቅለው የነበረው ያ ድንቅ ዘመን! ያኔ 2003/04 ላይ ነበር። ከዚያ በኋላ ግን በመድፈኞቹ ቤት ዘመኑ የረሃብ፣ የናፍቆት እና የእንባ ሆነ። ያ ሁሉ ስቃይ፣ ያ ሁሉ መከራ ግን ዛሬ ማክሰኞ ምሽት አበቃለት!

ትዕይንቱ የተደገሰው በለንደን ሳይሆን በቪታሊቲ ስታዲየም ነበር። ማንቸስተር ሲቲ ዋንጫውን ከአርሰናል እጅ ለመንጠቅ የመጨረሻ የተስፋ ፍርሃቱን ይዞ ወደ ቦርማውዝ አቅንቶ ነበር። ሆኖም ግን የፔፕ ጋርዲዮላ ማሽን በቦርማውዝ ብረት ለበስ መከላከያ ፊት ተሰባበረ። ጨዋታው 1 ለ 1 በሆነ እኩል ውጤት ፍጻሜውን ሲያገኝ፣ ሰማያዊዎቹ የለንደኑን ንጉሥ ማሳደድ የማይችሉበት የነጥብ እርቀት ላይ መውደቃቸውን አረጋገጡ። በዚያችው ቅጽበት የለንደን ሰማይ በቀይና በነጭ ርችቶች ደመቀ፤ አርሰናል ከ22 ዓመታት በኋላ ለመጀመሪያ ጊዜ የኢንግሊሽ ፕሪሚየር ሊግ ሻምፒዮን መሆኑ በይፋ ታወጀ!

ይህ ዋንጫ ዝም ብሎ የመጣ አልነበረም። ለአሰልጣኝ ሚኬል አርቴታ እና ለልጆቹ ፍጹም የእሳት እራት የመሆን ያህል ከባድ ፈተና የተሻገሩበት ነው። በዘንድሮው የውድድር ዘመን አብዛኛውን ጊዜ የሊጉን አናት ተቆጣጥረውት የነበረ ቢሆንም፣ በሚያዝያ ወር ግን ያ የለመዱት የፍርሃት ጥላ ዳግም አጥልቶባቸው ነበር። ማንቸስተር ሲቲ እንደ ከርከሮ ከበስተጀርባቸው ይተነፍስባቸው ጀመር። ይባስ ብሎ በኢቲሃድ ስታዲየም 2 ለ 1 በሆነ ውጤት በሲቲ ሲሸነፉ፣ ብዙዎች "ታሪኩ ተደገመ፣ አርሰናል ዘንድሮም ዋንጫውን አሳልፎ ሰጠ" ብለው ፈርደውባቸው ነበር።

ነገር ግን የዘንድሮው ስብስብ የተለየ ብረት የተገነባ ነበር! ከተሸነፉበት ማግስት ጀምሮ እንደ ቆሰለ አንበሳ አገገሙ፤ አንዳችም ነጥብ ሳይጥሉ እስከ መጨረሻው ተዋጉ። ያንን የጋርዲዮላን አስፈሪ ሰራዊት አስከብበው በመያዝ፣ ከስድስት ዓመታት የዋንጫ ድርቅ በኋላ የክለቡን ታላቅ ታሪክ መልሰው ጻፉት። ይህ ድል ለአርሰናል በታሪኩ 14ኛው የሊግ ዋንጫው ሲሆን፣ ለአርቴታ ደግሞ በኤምሬትስ ስታዲየም ሁለተኛው ትልቅ የስኬት ማማው ነው።

አሁን መድፈኞቹ በ37 ጨዋታዎች 82 ነጥብ ሰብስበው የሊጉን አክሊል ደፍተዋል። ሰንጠረዡ እንደሚያሳየው ሲቲ በ78 ነጥብ ሁለተኛ ደረጃ ላይ ሲቀመጥ፣ ማንቸስተር ዩናይትድ እና አስቶን ቪላ ደግሞ ተከታዮቹን የቻምፒዮንስ ሊግ ቦታዎች ይዘዋል። አርሰናል ይህንን ታላቅ የፕሪሚየር ሊግ ዋንጫ እሁድ ዕለት በሴልኸርስት ፓርክ ከክሪስታል ፓላስ ጋር ከሚያደርገው የዓመቱ የመጨረሻ ጨዋታ በኋላ በይፋ ርክክብ ያደርጋል።

ነገር ግን ታሪኩ በዚህ አያበቃም! ለሰሜን ለንደኑ ክለብ ከፊት ለፊቱ ሌላ ታላቅ የክብር ማዕድ ተደግሶለታል። መድፈኞቹ በክለቡ ታሪክ ለመጀመሪያ ጊዜ የቻምፒዮንስ ሊግ ዋንጫን ለመጨበጥ ግንቦት 22 ቀን 2018 ዓ.ም (ማለትም ቅዳሜ ሜይ 30) በቡዳፔስት ከፈረንሳዩ ሀብታም ክለብ ፒኤስጂ ጋር ለፍጻሜ ይፋለማሉ።

አርሰናል አሁን አምኗል፤ ደጋፊዎቹም በደስታ ሰክረዋል። የ22 ዓመታት የበርሃ ጉዞ አብቅቶ፣ መድፈኞቹ ወደ ተስፋይቱ ምድር በክብር ገብተዋል!

ሊሊ ሞገስ - የዘ-ሐበሻ ስፖርት አዘጋጅ

የዋንጫው ባለቤት ዛሬ ይታወቃል ወይስ…

አዲስ አበባ፣ ግንቦት 11፣ 2018 (ኤፍ ኤም ሲ) የዘንድሮው የእንግሊዝ ፕሪሚየር ሊግ ዋንጫ ባለቤት የሚሆነውን ክለብ ሊወስን የሚችለው የቦርንማውዝ እና ማንቼስተር ሲቲ ጨዋታ ዛሬ ምሽት ይደረጋል፡፡

ማንቼስተር ሲቲ የምሽቱን ጨዋታ አቻ ካጠናቀቀ ወይም ሽንፈት ካስተናገደ አርሰናል አንድ ጨዋታ እየቀረው የ2025/26 ሻምፒዮን መሆኑን ዛሬ ምሽት ያረጋግጣል፡፡

ማንቼስተር ሲቲ የዋንጫ ተስፋውን እስከ መጨረሻው ሳምንት ለማስቀጠል የምሽቱን ጨዋታ የማሸነፍ ግዴታ ውስጥ ገብቷል፡፡

በውድድር ዓመቱ መጨረሻ ከሲቲ ጋር እንደሚለያዩ የሚጠበቁት ፔፕ ጋርዲዮላ በምሽቱ ጨዋታ የሚጠቀሙት ቋሚ አሰላለፍ ይፋ ሆኗል፡፡

ጂያንሉጂ ዶናሩማ፣ ማቲያስ ኑኔዝ፣ ኩሳኖቭ፣ ማርክ ጉሂ፣ ኒኮ ኦ'ሬሊ፣ ሮድሪ፣ ኮቫቺች፣ በርናርዶ ሲልቫ፣ ሴሜንዮ፣ ዶኩ እና ሀላንድ በቋሚነት ወደ ሜዳ ይገባሉ፡፡

ባለሜዳው ክለብ በርንማውዝ ፔትሮቪች፣ ትሩፌርት፣ ሴኔሲ፣ ስኮት፣ ኢቫኒልሰን፣ አዳምስ፣ ስሚዝ፣ ታቨርኔር፣ ክሩፒ ጁኒየር፣ ሂል እና ራያንን በቋሚ አሰላለፍ ይጠቀማል፡፡

ጨዋታው ምሽት 3 ሰዓት ከ30 የሚጀመር ሲሆን፥ የ47 ዓመቱ አንቶኒ ቴይለር በመሃል ዳኝነት ይመሩታል፡፡

በሌላ ጨዋታ በለንደን ደርቢ ቼልሲ በሊጉ ለመቆየት 1 ነጥብ የሚፈልገውን ቶተንሃም ሆትስፐር ምሽት 4 ሰዓት ከ15 በስታምፎርድ ብሪጅ ያስተናግዳል፡፡

መድፉ ምስጋና ለጠንቃቃ አለቃው አርቴታ ይግባና እንደተጨነቀ ለናፈቀው ዋንጫ ከመቼውም ግዜ በላይ ቀርቧል !!!

በኤፍሬም የማነ
#ethiopia | አርሰናል በሆነው ባልሆነው ይጨነቃል ። አርሰናል በልጦ በተቆጣጠረው ጨዋታም ይጨነቃል ። ለወረደውም ለረባው ላልረባውም ያምጣል ይጨነቃል ። በጊዜ ጨዋታ ማጠናቀቅ በመድፉ ቤት ብርቅና ድንቅ ነው ። አርሰናል ለአደጋ እራሱን እንደጋበዘ ለዛሬ የከፍታ ደረጃው በርካታ ውድ ሶስት ነጥቦችን ከያዘባቸው ጨዋታዎች መሃከል አንዱ የበርንሌይ ፍልሚያ ሆኗል ። ማይክ አርቴታ ዛሬም የአርሰናል ዋና አሰልጣኝም ዋና ተጋጣሚም መስሎ የወረደው በርንሌይን በቆመ ኳስ ጎሉ 1ለ0 ረቷል ። የመድፉ የዛሬ ከፍታ ዋና ተዋናይ አርቴታ በምሽቱ ጨዋታ ዋና አጥቂው ዮኬሬስን ከካይ ሃርቫርትዝ ለምን በቋሚነት እንዳላስጀመረ አይታወቅም ። አርቴታ ኦዴጋርድ እና ኤዜን በጋራ ሲጠቀም ዮኬሬስን ተጠባባቂ ያደርጋል ። ኦዴጋርድ እና ኤዜን ቤንች ያደረገ ዕለት በአንፃሩ ዋና አጥቂው ዮኬሬስን በቋሚነት ያለ አቅራቢዎቹ ያሰልፋል ። ይህ የማይክ አርቴታ አባዜ ለሁለም መነጋጋሪያ ሆኗል ።

በጨዋታው የተሻለው ቡድን በጊዜ ጨዋታውን መግደል እንደልማዱ እንደተሳነው በድል ፈፅሟል ። የቆመ ኳስ ዛሬም መድፉን አድኗል ። የጎሉ ባለቤት ካይ ሃርቫርትዝ 68 ኛው ደቂቃ በቀይ ካርድ ከሜዳ ያልተባረረው በዳኛው ችሮታ ሆኗል ። በልጦም ተበልጦም በሜዳውም ከሜዳው ውጭም ከተረፈውም ከወረደውም በሆነውም ባልሆነውም ጨዋታ ሁሉ በጊዜ ጨዋታን ማጠናቀቅ ለመድፈኛው ብርቅና ድንቅ እንደሆነ የሰሜን ለንደኑ ገናና ለሚመጥነው የሻምፒዮንነት ንግስናው ተቃርቧል ። አርሰናል በብዙ የአንድ ሻምፒዮን ቡድን የጥንካሬ መልኮች መዋቅር ከየትም ፍጪው ዱቄቱን አምጪው ጠንካራው የተከላካይ መስመር ቅኝቱ ጋር በታላቁ ፔፕ ጋርዲዮላ የስንብት ዋዜማ ወደ መጨረሻው ክብር ከመቼውም ግዜ በላይም ተጠግቷል ። የመድፉ የፀና የድል አሸናፊነት ጉዞ ዋና የውድድር ዓመቱ የጥንካሬ መለያ ቢሆንም አርሰናል ከአናት እየመራው በዘለቀው ገናና ሊግ ከህልሙ ጫፍ ለመድረስ የተሟላ የቡድን ጥልቀት የተጨዋቾች አማራጭ ይዞ በሁሉም የጨዋታ ቅርፆች ለወራጁ ሁሉ እላፊ መጨነቁ የበለጠውን ጨዋታ በጊዜ ለመግደል መቸገሩ ግን አጠያያቂ ነው ።

በሊጉ ብቻ በ22 ጨዋታዎች ለ18ኛ ጊዜ ከቆመ ኳስ የተቆጠረችው የካይ ሃርቫርትዝ ብቸኛ ጎል መድፈኛውን ለ22 ዓመት ከራቀው ታላቅ የዋንጫ ክብር ለማገናኘት የመጨረሻው መጨረሻ ቀጠሮው ይጠበቃል ። ምናልባትም የመድፉ የውድድር ዓመቱ በጭንቅ የቀጠለ ልፋት ነገም ከቫይታሊቲ ስቴዲየም የሲቲ በርንማውዝ ፍጥጫ ጋር ሊጠናቀቅ ሊፈፀም ይችላል ። ካልሆነ ግን ለተናፈቀው ዋንጫ ልጅን ከመድፉ መንደር ለማንሳት ምጡ መጨነቅ መንቆራጠጡ እስከ 38ኛው ሳምንት የሲዝኑ ፍፃሜ አሰልጣኝ ማይክ አርቴታ አንዴ አሸንፎ እስካልተገላገለ ድረስ መቀጠሉ ለመድፉ ወዳጆች ሁሉ ዕርግጥ ነው ።

Getu Temesgen - (ጌጡ ተመስገን) #getutemesgen #getu

(ዘ-ሐበሻ ስፖርት) በኤምሬትስ ስታዲየም ሰማዩ በደመና ቢጋረድም፣ በስታዲየሙ የታደሙት የመድፈኞቹ ደጋፊዎች ግን አንድ ትልቅ ባነር ከፍ አድርገው እሳቱን አንድደውት ነበር "ታሪክ ለመስራት ሶስት ጨዋታዎች ቀርተዋል!" አዎ፣ ሁለት የፕሪሚየር ሊግ ፍልሚያዎች እና በቡዳፔስት ከፒኤስጂ ጋር የሚደረገው የሻምፒዮንስ ሊግ የፋይናል ፍልሚያ! የ22 ዓመታት የዋንጫ ድርቅን ለመስበር የተቃረበው ሚኬል አርቴታ፣ በዚህ ወሳኝ ጨዋታ ላይ የልቡን ትንቢት ተከትሎ እጅግ አስፈሪ እና ክንድ የሚያደማ የማጥቃት ስብስብ ይዞ ወደ ሜዳ ገባ። ሳካ፣ ኦዴጋርድ፣ ኤዘ እና ካይ ሀቨርትዝ በአንድ ላይ ሲሰለፉ፣ የለንደኑ ምሽት ገና በጊዜ ይፋጅ ጀመር።

ጨዋታው ከጅምሩ በአርሰናል ፍጹም የበላይነት ተቀጣጠለ። ገና በባዶ እግራቸው ወደ ሻምፒዮንሺፕ መውረዳቸው የተረጋገጠው በርንሊዎች፣ በሊጉ መሪዎች ላይ ተአምር ለመስራት ቢሞክሩም የመድፈኞቹ ማዕበል ግን ሊቋቋሙት የማይችሉት ነበር። ሊአንድሮ ትሮሳርድ የመታው አስገራሚ ኳስ የጎል አምዱን ሲመታው፣ ቡካዮ ሳካ የበርንሊውን ተከላካይ ሉካስ ፒሬስን አውልቆ የጣለበትና መሬት ለመሬት የላከው አስደናቂ ኳስ የጎሉን ፊት ለፊት አቋርጦ ሲወጣ የኤምሬትስ ደጋፊዎች በቁጭት እጆቻቸውን ጭንቅላታቸው ላይ አረፉ።

ነገር ግን ጨዋታው 37ኛ ደቂቃ ላይ ሲደርስ ስታዲየሙ በደስታ ማዕበል ተናወጠ! ከአርሰናል መለያ ምልክቶች አንዱ የሆነውን ያንን የሙት ኳስ ቡካዮ ሳካ በጥበብ ሲያሻማው፣ ጀርመናዊው ኮከብ ካይ ሀቨርትዝ ከተከላካዮች መሃል ሾልኮ በመውጣት ኳሷን በግንባሩ ጨረፋ አድርጎ መረቡ ላይ አሳረፋት! 1 ለ 0!

ይህ ምሽት ግን ለሀቨርትዝ በደስታ ብቻ የተሞላ አልነበረም፤ እጅግ አስገራሚ ድራማዎችንም አስተናግዷል። በሌስሊ ኡጎቹኩ ላይ በሰራው ከባድ ጥፋት መጀመሪያ ቢጫ ካርድ የተሰጠው ሲሆን፣ የቪኤአር ዳኞች ጉዳዩን መርምረው ቀይ ካርድ ሊሰጡት ይችላሉ ተብሎ መላው ስታዲየም ትንፋሹን ውጦ ሲጠብቅ፣ ውሳኔው ሳይቀየር በቢጫ ብቻ መተርገፉ ለአርሰናሎች ትልቅ እፎይታን ሰጥቷል። በመሃል ሜዳ ላይ እንደ ከድንጋይ የተቀረጸ ግንብ ሆኖ ያመሸውና የጨዋታው ኮከብ ተብሎ በአማካይ 6.94 ነጥብ ያገኘው ዴክላን ራይስ፣ ከሪካርዶ ካላፊዮሪ ጋር በመሆን የበርንሊን የማጥቃት ሙከራዎች በሙሉ መክኖ አስቀርቷቸዋል።

ይህ ታላቅ ድል አርሰናልን 5 ነጥብ አርቆ የደረጃ ሰንጠረዡ አናት ላይ አስቀምጦታል። አሁን ዓይኖች በሙሉ ወደ ነገ ምሽት ይዞራሉ። ሁለተኛ ደረጃ ላይ የሚገኘው ማንቸስተር ሲቲ ነገ ምሽት በጥሩ አቋም ላይ ከሚገኘው በርንማውዝ ጋር ይጫወታል። ታዛቢዎች እንደሚሉት፣ ፔፕ ጋርዲዮላ እና ስብስቡ ነገ ምሽት ነጥብ የሚጥሉ ከሆነ፣ አርሰናል በይፋ የሊጉ ሻምፒዮን መሆኑ ይረጋገጣል!

እንዲያውም ሲቲ ነገ ቢያሸንፍ እንኳ፣ አርሰናል እሁድ ዕለት ክሪስታል ፓላስን ካሸነፈ የ22 ዓመታትን ናፍቆት አብቅቶ ታሪክ እንደሚሰራ ሚኬል አርቴታ እና ልጆቹ ጠንቅቀው ያውቃሉ። መድፈኞቹ ወደ ታላቅነት ክብር ለመድረስ አሁን የቀራቸው የአንድ ድል ርቀት ብቻ ነው!

የማንችስተር ሲቲው አሰልጣኝ ፔፕ ጋርዲዮላ በውድድር ዓመቱ ማብቂያ ላይ ክለቡን ሊለቅ እንደሆነ ተሰማ

​#fastmereja I በፈረንጆቹ የውድድር ዓመት ማጠናቀቂያ ላይ ስኬታማው የማንችስተር ሲቲ አሰልጣኝ ፔፕ ጋርዲዮላ ከክለቡ ለመልቀቅ መወሰኑን የእንግሊዙ 'ዘ ሰን' ጋዜጣ የውስጥ ምንጮችን ጠቅሶ ዘገበ። በርካታ ታላላቅ ድሎችን ለክለቡ ያስገኘው ስፔናዊው አሰልጣኝ፣ የአሁኑ ውድድር ዓመት ሲጠናቀቅ ኮንትራቱን ላለማደስ መወሰኑ ነው የተነገረው።

​ይህ የፔፕ ጋርዲዮላ ድንገተኛ ውሳኔ በማንችስተር ሲቲ ደጋፊዎችና በክለቡ አመራሮች ዘንድ ከፍተኛ ድንጋጤን የፈጠረ ሲሆን፣ ክለቡ በቀጣይ የእሱን ምትክ ለመፈለግ አሁን ላይ አስገዳጅ ሁኔታ ውስጥ መግባቱ ተመልክቷል። ጋርዲዮላ ከሲቲ ጋር በነበረው ቆይታ የሻምፒዮንስ ሊግ ዋንጫን ጨምሮ በርካታ የፕሪሚየር ሊግ ክብረወሰኖችንና ስኬቶችን ማስመዝገብ የቻለ መሆኑ ይታወቃል።

​ምንም እንኳን የ'ዘ ሰን' ዘገባ የወጣቱንና የስኬታማውን አሰልጣኝ መልቀቅ በስፋት ቢያስተጋባውም፣ ከማንችስተር ሲቲ ክለብም ሆነ ከአሰልጣኙ በኩል እስካሁን ይፋዊ መግለጫ አልተሰጠም። ክለቡ የጋርዲዮላን ውሳኔ ለመቀልበስ የመጨረሻ ጥረት እያደረገ እንደሆነ የሚጠቁሙ መረጃዎች ቢኖሩም፣ አሰልጣኙ ግን አዲስ ፈተናን ለመጋፈጥ መወሰኑ በስፋት እየተነገረ ይገኛል።

(ዘ-ሐበሻ ስፖርት) ማንችስተር ሲቲ የዘንድሮውን የኤፍ ኤ ካፕ ሻምፒዮንነት ማረጋገጡን ተከትሎ፣ በእንግሊዝ ፕሪሚየር ሊግ ክለቦች መካከል ለአውሮፓ መድረክ ተሳትፎ ለሚደረገው እልህ አስጨራሽ ፉክክር የራሱ የሆነ ወሳኝ ትርጉም ይዞ መጥቷል። የሲቲን ድል ተከትሎ በሊጉ የደረጃ ሰንጠረዥ 6ኛ እና 7ኛ ደረጃን ይዘው የሚያጠናቅቁ ክለቦች በቀጥታ የዩሮፓ ሊግ ተሳትፎን የሚያረጋግጡ ሲሆን፣ 8ኛ ደረጃን ይዞ የሚያጠናቅቀው ክለብ ደግሞ ወደ አዲሱ የኮንፈረንስ ሊግ የሚያመራ ይሆናል። ይሁን እንጂ አስቶን ቪላ የዩሮፓ ሊግን አሸንፎ በሊጉ 5ኛ ሆኖ ካጠናቀቀ ስሌቱ ይቀየራል፤ በዚህ ጊዜ 6ኛ ደረጃን የሚይዘው ክለብ የሻምፒዮንስ ሊግ ተሳትፎን ሲያገኝ፣ 7ኛው ደግሞ ወደ ኮንፈረንስ ሊግ የሚወርድ ይሆናል።

በዌምብሌይ የታየው የፍጻሜ ጨዋታ ማራኪ እና እልህ አስጨራሽ ፉክክር የተስተናገደበት ነበር። ቼልሲዎች ቢያንስ አንድ ዋንጫ ለማንሳት የተቻላቸውን ሁሉ ጥረት ቢያደርጉም፣ በማጥቃቱ ሲሶ የታየው የሲቲዎች የጥራት ብልጫ እና የልምድ ማነስ ዋጋ አስከፍሏቸዋል። የማንችስተር ሲቲው አሰልጣኝ ፔፕ ጋርዲዮላ በዚህ ድል ሌላ ተጨማሪ ዋንጫ ወደ ስብስባቸው በመቀላቀል ስኬታቸውን አስቀጥለዋል። በሌላ በኩል በጨዋታው የተሸነፈው ቼልሲ፣ በቀጣዩ ዓመት በአውሮፓ ውድድር ለመሳተፍ የሚያስችለውን ዕድል ለማግኘት እጅግ ፈታኝ አጣብቂኝ ውስጥ ወድቋል። ስለ ወሳኟ ግብ አስተያየት የሰጡ ታዛቢዎችም፣ "ማንችስተር ሲቲ ጠንካራውን እና እልህ አስጨራሹን የቼልሲ ተከላካይ ሰብሮ ለመግባት አንድ የተለየ የመነሳሳት አፍታ አስፈልጎት ነበር፤ አንትዋን ሴሜንዮ ይህንኑ እጅግ ልዩ በሆነ ግብ አሳክቶታል። ይህ በጥር የዝውውር መስኮት ወደ ክለቡ የመጣው ፈራሚ ያሳየው እጅግ ድንቅ የተረከዝ ኳስ (flick) አጨራረስ ነበር" በማለት አሞካሽተውታል።

ማንቼስተር ሲቲ የኤፍ ኤ ካፕ (FA Cup) ሻምፒዮን ሆነ

ማንቼስተር ሲቲ ቼልሲን በማሸነፍ የ2025/26 የውድድር ዓመት የኤፍ ኤ ካፕ ዋንጫን በድል አጠናቋል።

አመሻሽ ላይ በታሪካዊው **ዌምብሌይ ስታዲየም** በተካሄደው የፍጻሜ ፍልሚያ፣ ማንቼስተር ሲቲ ቼልሲን 1 ለ 0 በሆነ ውጤት በመርታት የውድድሩ አሸናፊ ሆኗል።

ለክለቡ ብቸኛዋንና የድል ግብ ያስቆጠረው አንቷን ሴሜንዮ ነው።

የዋንጫ ብዛት ማንቼስተር ሲቲ ለ8ኛ ጊዜ የኤፍ ኤ ካፕ ሻምፒዮን መሆን ችሏል።

ክለቡ ከ2023 በኋላ ይህንን ታላቅ ዋንጫ ለመጀመሪያ ጊዜ ወደ ቤቱ መልሷል።

የፔፕ ጋርዲዮላው ስብስብ በዚህ ድል የውድድር ዓመቱን በደመቀ ሁኔታ ማጠናቀቅ ችሏል።

የቼልሲ ደጋፊዎች እስከ መጨረሻው ሰዓት ድረስ ቡድናቸው አቻ ይሆናል ብለው ቢጠብቁም፣ የሲቲ መከላከያ ግን ሳይበገር ቀርቷል።

**#manchestercity #facupchampions #wembley #antoinesemenyo #footballnews #ethiopia #fbc **

ማንችስተር ሲቲዎች አዲስ ታሪክ በመጻፍ ለአራተኛ ተከታታይ ዓመት የኤፌ ካፕ ፍፃሜ ላይ ደርሰዋል
#ethiopia | ​በአሰልጣኝ ፔፕ ጋርዲዮላ የሚመራው የውድድር ዓመቱ የፕሪሚየር ሊግ ዋንጫ ያመለጠው ማንችስተር ሲቲ፣ በ2023 ማንችስተር ዩናይትድን አሸንፎ የነገሰበትን የኤፌ ካፕ ዋንጫ በድጋሚ ወደ ካቢኔው ለመጨመር የዛሬው የፍፃሜ ጨዋታ ወሳኝ እና ታላቅ ዕድሉ ሆኖለታል።

ሰማያዊዎቹ በ2024 በከተማ ተቀናቃኛቸው ማንችስተር ዩናይትድ እንዲሁም ባለፈው የ2025 የውድድር ዓመት በክሪስታል ፓላስ ተሸንፈው ዋንጫውን ማጣታቸው የሚታወስ ሲሆን፣ የዛሬው ፍፃሜ ግን ለክለቡ የዓመቱን ክብር ለማስመለስ ብቸኛውና የመጨረሻው የዋንጫ ዕድላቸው ነው።

Getu Temesgen - (ጌጡ ተመስገን) #getutemesgen #getu
​#manchestercity #facup #pepguardiola #facupfinal #footballnews #mancity

ማንቼስተር ሲቲ ወይስ ቼልሲ - ተጠባቂው የፍጻሜ ጨዋታ

አዲስ አበባ፣ ግንቦት 8፣ 2018 (ኤፍ ኤም ሲ) ማንቼስተር ሲቲን ከቼልሲ የሚያገናኘው የእንግሊዝ ኤፍ ኤ ካፕ የፍጻሜ ጨዋታ ዛሬ አመሻሽ 11 ሰዓት ላይ በዌምብሌይ ስታዲየም ይደረጋል፡፡

በአሰልጣኝ ፔፕ ጋርዲዮላ የሚመራው ማንቼስተር ሲቲ በግማሽ ፍጻሜው ሳውዛምፕተንን 2 ለ 1 በማሸነፍ ለፍጻሜ መብቃቱ ይታወሳል፡፡

ማንቼስተር ሲቲ የዘንድሮውን ጨምሮ ያለፉትን አራት ተከታታይ ዓመታት በኤፍ ኤ ካፕ የፍጻሜ ጨዋታ ላይ መገኘት ችሏል፡፡

ሆኖም ካለፉት ሦስት የኤፍ ኤ ካፕ የፍጻሜ ጨዋታዎች ማሸነፍ የቻለው አንዱን ብቻ ሲሆን፥ ለመጨረሻ ጊዜ የዋንጫው ባለቤት የሆነው በፈረንጆቹ 2023 ነበር፡፡

ማንቼስተር ሲቲ በታሪኩ ሰባት ጊዜ የኤፍ ኤ ካፕ ዋንጫን ማሳካት የቻለ ሲሆን፥ ለስምንተኛ ጊዜ ሻምፒዮን ለመሆን የሚያደርገው ፍልሚያ ይጠበቃል፡፡

አስቀድሞ የካራባኦ ዋንጫን ያሳካው ሲቲ በዚህ የውድድር ዓመት 2ኛ ዋንጫውን ፍለጋ ወደ ሜዳ ይገባል፡፡

በውድድር ዓመቱ የሦስትዮሽ ዋንጫ የማሳካት እድል ያለው ማንቼስተር ሲቲ ጉዞውን አጠናክሮ ለመቀጠል ይፋለማል፡፡

እስካሁን አሸናፊው ባልተለየበት የሊጉ የዋንጫ ፉክክር ውስጥ የሚገኘው ማንቼስተር ሲቲ ይህንን ዋንጫ ማሳካት ከቻለ የሦስትዮሽ ዋንጫ ጉዞውን እንደሚያጠናክርለት ይታመናል፡፡

ተጋጣሚው ቼልሲ በበኩሉ በግማሽ ፍጻሜው ሊድስ ዩናይትድን በኢንዞ ፈርናንዴዝ ብቸኛ ግብ በመርታት ለፍጻሜ መድረሱ አይዘነጋም፡፡

በታሪኩ ስምንት ጊዜ የኤፍ ኤ ዋንጫን ማሳካት የቻለው የምዕራብ ለንደኑ ክለብ ቼልሲ ለ9ኛ ጊዜ በመድረኩ ሻምፒዮን ለመሆን ይፋለማል፡፡

አሰልጣኞች ቢለዋውጥም መሻሻል ያልቻለው ቼልሲ የውድድር ዓመቱን ያለምንም ዋንጫ ላለማጠናቀቅ ብርቱ ፉክክር ያደርጋል ተብሎ ይጠበቃል፡፡

የምዕራብ ለንደኑ ክለብ ለመጨረሻ ጊዜ የኤፍ ኤ ዋንጫን ማሳካት የቻለው በፈረንጆቹ 2018 እንደነበር ይታወሳል፡፡

ከዚያ ወዲህ ቼልሲ በ2021 እና በ2022 የፍጻሜ ተፋላሚ መሆን ቢችልም ዋንጫውን ግን ማሳካት አልቻለም፡፡

በ1871/72 በጀመረው የእንግሊዝ ኤፍ ኤ ዋንጫ ውድድር አርሰናል 14 ጊዜ የዋንጫው ባለቤት በመሆን ቀዳሚው ሲሆን፥ ማንቼስተር ዩናይትድ 13 ጊዜ በመድረኩ ሻምፒዮን በመሆን ይከተላል፡፡

የዛሬ የፍጻሜ ተፋላሚው ቼልሲ፣ ሊቨርፑል እና ቶተንሃም ሆትስፐር በተመሳሳይ ስምንት ጊዜ ሻምፒዮን ሆነዋል፡፡

ሌላኛው የምሽቱ የፍጻሜ ተፋላሚ ማንቼስተር ሲቲ እንዲሁም አስቶንቪላ በተመሳሳይ ሰባት ጊዜ የኤፍ ኤ ዋንጫን በማንሳት በርካታ ጊዜ ሻምፒዮን ከሆኑ ቡድኖች መካከል ይጠቀሳሉ፡፡

በዌምብሌይ ስታዲየም አመሻሽ 11 ሰዓት ላይ የሚደረገውን ተጠባቂ የፍጻሜ ጨዋታ እንግሊዛዊው ዳኛ ዳረን ኢንግላንድ በመሐል ዳኝነት የሚመሩት ይሆናል፡፡

በወንድማገኝ ጸጋዬ

የማንቸስተር ሲቲው አሰልጣኝ ፔፕ ጋርዲዮላ ቡድናቸው ክሪስታል ፓላስን 3 ለ 0 ካሸነፈ በኋላ ለስካይ ስፖርት ተከታዩን ሰፋ ያለ አስተያየት ሰጥተዋል።

"የፕሪሚየር ሊጉን ዋንጫ ለማሸነፍ ከዋና ተቀናቃኛችን ጋር ባለፈው ጨዋታ ስላጋጠመው ነገር አላሰብንም ወይም አላወራንም። ማድረግ ያለብንን ነገር ብቻ ነው የምናደርገው። ይህንን ሁኔታ በዚህ ሊግ ውስጥ፣ እንዲሁም በባርሴሎና እና በሙኒክ ቆይታዬ ብዙ ጊዜ አሳልፌዋለሁ።

"ሁሉንም ተጫዋቾች ይዞ ወደ ኋላ አፈግፍጎ በሚከላከል ቡድን ላይ መጫወት ሁሌም ቀላል አይደለም፤ ነገር ግን ወደ ኋላ አፈግፍጎ የሚከላከልን ቡድን እንዴት ማጥቃት እንዳለብን ከመጀመሪያው ቀን ጀምሮ ስሰራበት የነበረ ጉዳይ ነው። ትክክለኛው ቦታ ላይ መገኘት እና ሌላውን መርሳት አለብኝ። ጥሩ ክለቦች እና ከፍተኛ ደረጃ ያላቸው ድንቅ ተጫዋቾች ልዩነት ይፈጥራሉ። ለምሳሌ ዛሬ እንደ ፊል (ፎደን) ያለ ተጫዋች ልዩነቱን ፈጥሯል፣ ወይም ባለፈው ጨዋታ ቼርኪ እንዳደረገው ማለት ነው - ከዚህ የዘለለ የተወሳሰበ ነገር የለውም።

"እርግጥ ነው የማሸነፍ እድላችንን እስከ መጨረሻው የውድድር ቀን ድረስ ይዘን መጓዝ እንፈልጋለን። ነገር ግን በሚያሳዝን ሁኔታ በብዙ ምክንያቶች ነገሩ በእኛ እጅ ላይ አይደለም። ይህ የተጫዋቾች ስብስብ ግን እጅግ አስደናቂ ነው። በዚህ የውድድር ዓመት በየቀኑ ከእነሱ ጋር ያሳለፍነው ደስታ ልዩ ነው፤ አሁን ደግሞ ሌላ የፍጻሜ ጨዋታ ላይ እንገኛለን።

"ከቦርንማውዝ እና አስቶንቪላ ጋር የሚኖሩን ቀጣይ ጨዋታዎች በቀላሉ የሚታዩ አይደሉም። ቦርንማውዝ በአውሮፓ ውድድር ላይ ለመሳተፍ እየተጫወተ ያለ አስደናቂ ቡድን ነው፤ ለመጨረሻ ጊዜ መቼ እንደተሸነፉ እንኳን አላውቅም። አሁን ግን እረፍት እንወስዳለን፤ የኤፍ ኤ ካፕ የፍጻሜ ጨዋታ ሙሉ ትኩረት እና ክብር ይገባዋል።

"ጨዋታዎችን እና ዋንጫን ለማሸነፍ ከወትሮው በጣም፣ በጣም፣ በጣም፣ በጣም የተሻልክ መሆን አለብህ። በአንዳንድ ሁኔታዎች ውስጥ ደግሞ ይህን ማድረግ አትችልም፤ ነገሩ ይህን ያህል ቀላል ነው።"

The title race is coming down to the wire! 🏆

Will Arsenal or Manchester City take home the trophy? 🤔

በእንግሊዝ ፕሪሚየር ሊግ የዋንጫ ፉክክር የመጨረሻው ምዕራፍ ላይ በመደረሱ የእግር ኳስ አፍቃሪው ዓለም ትኩረት ሁሉ ወደ አርሰናል እና ማንቸስተር ሲቲ ተሰብስቧል።
#ethiopia | በአሁኑ ሰዓት የደረጃ ሰንጠረዡን በበላይነት እየመራ የሚገኘው አርሰናል ከረጅም ዓመታት በኋላ የሊጉን ድል ለመቀዳጀት ከፍተኛ ጥረት እያደረገ ይገኛል።

መድፈኞቹ በሜዳ ላይ የሚያሳዩት ጥንካሬ እና የአሸናፊነት መንፈስ ለደጋፊዎቻቸው ትልቅ ተስፋን ሰጥቷል።

ሆኖም ግን ዋንጫውን ለማንሳት በቀሪ ጨዋታዎች ላይ ምንም ዓይነት ስህተት የመሥራት ዕድል የላቸውም።

በሌላ በኩል ባለፉት ዓመታት ሊጉን በበላይነት ሲቆጣጠር የነበረው ማንቸስተር ሲቲ ዋንጫውን አሳልፎ ለመስጠት ፈቃደኛ አለመሆኑን በተከታታይ ድሎች እያሳየ ነው።

ልምድ ባለው አሰልጣኝ ፔፕ ጋርዲዮላ የሚመራው የዝሆን ጥርስ ስብስብ በመጨረሻዎቹ ሳምንታት ግፊት የመቋቋም ብቃቱ የሚታወቅ በመሆኑ የአርሰናልን መዘናጋት በጥንቃቄ እየጠበቀ ይገኛል።

የዘንድሮው የዋንጫ ፉክክር እስከ መጨረሻው የጨዋታ ቀን ድረስ ሊዘልቅ እንደሚችል የሚገመት ሲሆን ሁለቱም ክለቦች የሚሰበስቡት እያንዳንዱ ነጥብ የሻምፒዮንነቱን ባለቤት የሚወስን ይሆናል።

አርሰናል ከዓመታት በኋላ ወደ ክብሩ ይመለሳል ወይንስ ማንቸስተር ሲቲ የበላይነቱን ያስቀጥላል የሚለው ጉዳይ እጅግ አጓጊ ሆኗል።
#arsenal #mancity #premierleague #football #soccer #getutemesgen #getu #ጌጡ #ጌጡተመስገን #addisababa

(ዘ-ሐበሻ ስፖርት) የፕሪሚየር ሊጉ የዋንጫ ፉክክር ወደ መጨረሻው እና ወሳኙ ምዕራፍ በተሸጋገረበት በዚህ ወቅት፣ ማንችስተር ሲቲ ማሸነፍ ግድ ይለው በነበረው ጨዋታ ብሬንትፎርድን በማንበርከክ የዋንጫ ተስፋውን አለምልሟል። ሰኞ እለት ከኤቨርተን ጋር 3 ለ 3 ተለያይተው ውድ ነጥብ ጥለው የነበሩት የፔፕ ጋርዲዮላ ልጆች፣ በሁለተኛው አጋማሽ ባስቆጠሯቸው ሶስት ግቦች የሊጉን መሪ አርሰናልን የነጥብ ልዩነት ወደ ሁለት ዝቅ ማድረግ ችለዋል። አሁን የሲቲ አይን ያረፈው፣ ሚካኤል አርቴታ የሚመራው አርሰናል እሁድ እለት ከመውረድ ስጋት ውስጥ ከሚገኘው ዌስትሃም ጋር በሚያደርገው ወሳኝ ጨዋታ ላይ ነው።

በሜዳው ላይ ልዩነት ፈጣሪ የነበረው ቤልጄሚያዊው ኮከብ ጀረሚ ዶኩ ነው። ገና በሁለተኛው ደቂቃ የብሬንትፎርዱን ግብ ጠባቂ ኩዊቪን ኬለኸርን የፈተነ ሙከራ ያደረገው ዶኩ፣ ብዙም ሳይቆይ ኤርሊንግ ሀላንድ በግንባር ገጭቶ ለሳተው ኳስም አመቻችቶ አቀብሎ ነበር። በመጀመሪያው አጋማሽ ሲቲዎች በርካታ ሙከራዎችን ቢያደርጉም ግብ ማስቆጠር ተስኗቸው በብስጭት ወደ መልበሻ ቤት አምርተዋል። ሀላንድ በቀጥታ በኬለኸር ላይ የሞከረው እና ክሪስቶፈር አየር ያዳነበት ኳስ የዚሁ ብስጭት ማሳያዎች ነበሩ።

ነገር ግን በ60ኛው ደቂቃ ላይ ያቺ የተጠበቀችው ወሳኝ ግብ ተቆጠረች። ጀረሚ ዶኩ ኳስን ወደ ውስጥ ይዞ በመግባት እጅግ ማራኪ በሆነ አጨራረስ የብሬንትፎርድን መረብ አናወጠ፤ ልክ ሰኞ እለት በኤቨርተን ላይ ቡድኑን ከሽንፈት በታደገበት አኳኋን! ከ15 ደቂቃዎች በኋላ (በ75ኛው ደቂቃ) ደግሞ ኤርሊንግ ሀላንድ በግፊያ ውስጥ ሁለተኛዋን ግብ በማስቆጠር የኢትሀድ ስታዲየምን ድባብ አቀለጠው። በጭማሪ ሰዓት (92ኛው ደቂቃ) ተቀይሮ የገባው ኦማር ማርሙሽ የሲቲን ሶስተኛ ግብ አክሎ የድሉን ሪቫን በቆረጠበት ሰዓት፣ ባለሜዳዎቹ ሙሉ ሶስት ነጥብ ማረጋገጥ ችለዋል።

ውጤቱ 3-0 ይሁን እንጂ እንግዳው ብሬንትፎርድ ቀላል ተጋጣሚ አልነበረም። የሲቲው ግብ ጠባቂ ጂያንሉዊጂ ዶናሩማ የጣሊያን ብሄራዊ ቡድን አምበልነቱን በሚመጥን ብቃት ቡድኑን ታድጓል። ማይክል ካዮዴ በረጅሙ የወረወረውን፣ ማቲያስ ጀንሰን ያሻማውን አደገኛ የቅጣት ምት፣ እንዲሁም ኢጎር ቲያጎ በሁለተኛው አጋማሽ በቅርብ ርቀት የሞከረውን ኳስ ዶናሩማ በሚገርም ቅልጥፍና አድኖታል። በዚህም ሲቲ መረቡን ሳያስደፍር ሲወጣ፣ ብሬንትፎርድ በሊጉ 8ኛ ደረጃ ላይ እንዲረጋ ሆኗል።

በእረፍት ሰዓት የሲቲ ደጋፊዎች በቡድኑ እንቅስቃሴ ቅሬታቸውን ሲያሰሙ ነበር። ነገር ግን ጋርዲዮላ ተጫዋቾቹን አነቃቅቶ በሁለተኛው አጋማሽ ባስቆጠሯቸው ግቦች አጓጊውን የዋንጫ ፉክክር ዳግም አሙቀውታል። አሁን ሲቲዎች ዋንጫውን ለማንሳት የአርሰናልን ነጥብ መጣል የሚጠብቁ ሲሆን፣ በቀጣይ ከክሪስታል ፓላስ እና በርንማውዝ ጋር የሚያደርጉትን ጨዋታ ማሸነፍ ግድ ይላቸዋል።

ይህ ድል ሲቲ በሜዳው ያለመሸነፍ ክብረ ወሰኑን ወደ 16 ጨዋታዎች ከፍ እንዲል አድርጎለታል (በነሐሴ ወር ከስፐርስ ከደረሰበት ሽንፈት ውጪ)። የሲቲ የግብ ልዩነት አሁን +40 የደረሰ ሲሆን፣ ከአርሰናል (+41) በአንድ ግብ ብቻ ዝቅ ብሏል። ተቀይሮ የገባው ፊል ፎደን ያደረገው ሙከራ በኬለኸር ባይድን ኖሮ የግብ ልዩነታቸውን እኩል ማድረግ በቻሉ ነበር። ይሁን እንጂ ዋናው ነገር ሶስቱ ነጥብ ነው።

አሰልጣኝ ኪዝ አንድሪውስ በመጀመሪያው የውድድር ዘመናቸው ጥሩ ስራ ቢሰሩም፣ አሁን ግን ቡድናቸው ከመጨረሻዎቹ 8 ጨዋታዎች ያሸነፈው አንዱን ብቻ ነው። በሊጉ 22 ግቦችን በማስቆጠር ሁለተኛ ደረጃ ላይ የሚገኘው አጥቂው ኢጎር ቲያጎም በዚህ ጨዋታ ላይ ከሀላንድ የተሻለ ተጽዕኖ መፍጠር አልቻለም።

ብሬንትፎርዶች በዕለቱ ዳኛ ማይክል ሳሊስበሪ ውሳኔዎች በእጅጉ ተበሳጭተዋል። በተለይም የሲቲው አምበል ቤርናርዶ ሲልቫ በመጀመሪያው አጋማሽ ናታን ኮሊንስ ላይ ላሳየው ጥቃት በቢጫ ካርድ ብቻ መታለፉ፣ እንዲሁም ማቲየስ ኑኔዝ በኬቪን ሻዴ ላይ የሰራቸው ሊሆኑ የሚችሉ ሁለት ጥፋቶች በቫር (VAR) ታይተው ምንም ሳይባል ማለፉ እንግዶቹን አስቆጥቷል። አሁን ብሬንትፎርድ ክሪስታል ፓላስን እና ሊቨርፑልን በሚገጥምባቸው ቀሪ ሁለት ጨዋታዎች ወደ አሸናፊነት በመመለስ የአውሮፓ ተሳትፎ ተስፋውን ለማለምለም እና ውድድር ዘመኑን በውበት ለማጠናቀቅ ይጥራል።

ማንችስተር ሲቲ ከ ብሬንትፎርድ፣ ሊቨርፑል ከ ቼልሲ
*************

በ36ኛ ሳምንት የእንግሊዝ ፕሪሚየር ሊግ ዛሬ ምሽት 1 ሰዓት ከ30 ላይ ማንችስተር ሲቲ ብሬንትፎርድን ያስተናግዳል። ከኤቨርተን ጋር ነጥብ መጋራቱን ተከትሎ የሊጉን ዋንጫ የማንሳት ዕድሉ ሙሉ በሙሉ ከእጁ የወጣው ማንችስተር ሲቲ፣ አሁንም ያለውን ጥቂት ዕድል ለመጠቀም እና በአርሰናል ላይ ጫና ለማሳደር ወደ ሜዳ ይገባል።

ሆኖም ዘንድሮ ጠንካራ የውድድር ጊዜ ያሳለፈው ብሬንትፎርድ፣ የአውሮፓ መድረክ ተሳትፎን ለማግኘት እየታገለ በመሆኑ ጨዋታው ለሲቲ እጅግ ፈታኝ እንደሚሆን ይጠበቃል። በተለይ ክሪስታል ፓላስ እና አስቶን ቪላ በዩሮፓ ሊግ እና በኮንፈረንስ ሊግ ለፍጻሜ መድረሳቸውን ተከትሎ፣ በቀጣይ ዓመት በአውሮፓ መድረክ የሚሳተፉ የእንግሊዝ ክለቦች ቁጥር ሊጨምር ስለሚችል በ51 ነጥብ 7ኛ ደረጃ ላይ የተቀመጠው ብሬንትፎርድ ይህንን አጋጣሚ ለመጠቀም ይፋለማል።

በኢትሃድ ስታዲየም በሚደረገው ጨዋታ ሮድሪ ለዛሬው ፍልሚያ ሊደርስ እንደሚችል አሰልጣኝ ፔፕ ጋርዲዮላ ተናግሯል። ጋርዲዮላ ትላንት በሰጠት መግለጫ "በዛሬው ጨዋታ ከተሸነፍን የዋንጫው ጉዞ በይፋ ያበቃል" ሲል የጨዋታውን ወሳኝነት ገልቷል። ሲቲ ካሸነፈ ከአርሰናል ያለውን የነጥብ ልዩነት ወደ ሁለት የሚያጠብ ይሆናል፡፡

ቀን 8 ሰዓት ከ30 ላይ ደግሞ ሊቨርፑል እና ቼልሲ የሚገናኙበት ጨዋታ ይጠበቃል። በፕሪሚየር ሊጉ ያለፉትን ስድስት ተከታታይ ጨዋታዎች የተሸነፈው ቼልሲ፣ ዛሬም በአንፊልድ ሌላ ከባድ ፈተና ይጠብቀዋል። ሊጉ ሊጠናቀቅ ሦስት ጨዋታዎች ብቻ እየቀሩት እስካሁን የአውሮፓ ሻምፒዮንስ ሊግ ተሳትፎውን ያላረጋገጠው ሊቨርፑል፣ ከዛሬው ጨዋታ ሦስት ነጥብ ካገኘ መሳተፉን በይፋ የሚያረጋግጥ ይሆናል። በአንፊልድ በሚደረገው ጨዋታ ሞሃመድ ሳላህ እና አሊሰን ቤከር አሁንም በጉዳት ከስብስቡ ውጭ ናቸው። በቼልሲ በኩል ሌቪ ኮልዊል እና ሬስ ጄምስ ለጨዋታው ሊደርሱ ይችላሉ ተብሏል።

በሻምፒዮንስ ሊግ መሳተፉን ቀድሞ ያረጋገጠመው ማንችስተር ዩናይትድ ከ ሜዳው ወጭ ከሰንደርላንድ 11 ሰዓት ላይ ጨዋታውን ያደርጋል፡፡ ብራይተን ከ ዎልቭስ እና ፉልሀም ከ ቦርንማውዝ ሌሎች ዛሬ የሚደረጉ ጨዋታዎች ናቸው፡፡

በአንተነህ ሲሳይ

"ሊጉን ለማሸነፍ ለመጨረሻዎቹ አራት ጨዋታዎች ዝግጁ ነን" - ሚኬል አርቴታ

"ከኤቨርተን ጋር የምናደርገው ጨዋታ ለእኛ የፍጻሜ ጨዋታ ነው" - ፔፕ ጋርዲዮላ

አዲስ አበባ፣ ሚያዚያ 23፣ 2018 (ኤፍ ኤም ሲ) ዛሬ ምሽት በሚጀምረው የእንግሊዝ ፕሪሚየር ሊግ የ35ኛ ሳምንት መርሐ ግብር በዋንጫ ፉክክሩ ወሳኝነት ያላቸው ጨዋታዎች ይደረጋሉ፡፡

አንድ ተስተካካይ ጨዋታ ከሚቀረው ማንቼስተር ሲቲ በሦስት ነጥብ በልጦ ሊጉን እየመራ የሚገኘው አርሰናል ነገ ምሽት 1 ሰዓት ከ30 በኢምሬትስ ፉልሃምን ያስተናግዳል፡፡

አሰልጣኝ ሚኬል አርቴታ ከነገው ጨዋታ በፊት በሰጡት አስተያየት፥ የሊጉን ዋንጫ ለማሸነፍ ስንቅ የሚሆን በቂ ተነሳሽነት አለን ሲሉ ተደምጠዋል፡፡

የነገውን ጨዋታ ጨምሮ አራቱም ቀሪ ጨዋታዎቻችን ዋንጫውን ለማሸነፍ ወሳኝ በመሆናቸው ለእያንዳንዱ ፈተና ዝግጁ ነን ብለዋል፡፡

አርሰናል በነገው ጨዋታ ፉልሃምን የሚያሸንፍ ከሆነ ከማንቼስተር ሲቲ ጋር ያለውን የነጥብ ልዩነት ወደ ስድስት ማስፋት ይችላል፡፡

ውሃ ሰማያዊዎቹ በመጪው ሰኞ ምሽት በሂል ዲኪንሰን ስታዲየም ኤቨርተንን የሚገጥሙ ሲሆን፥ ፔፕ ጨዋታው ለእኛ የፍጻሜ ያህል ነው ብለዋል፡፡

አሰልጣኝ ፔፕ ጋርዲዮላ በሰጡት አስተያየት፥ ከአርሰናል ጋር የስድስት ነጥብ ልዩነት ቢፈጠርም የተለየ ጫና እንደማይፈጥርባቸው ተናግረዋል፡፡

ማንችስተር ሲቲ :
የፕሪሚየር ሊጉን መሪነት ከአርሰናል ነጠቀ
#ethiopia | ​የኤርሊንግ ሃላንድ ቀድሞ የተቆጠረች ጎል ማንችስተር ሲቲን ወደ ሰንጠረዡ አናት መርታዋለች። ሲቲ ባርንለይን 1 ለ 0 በማሸነፍ፣ አርሰናል ለረጅም ወራት ተቆጣጥሮት የነበረውን መሪነት በይፋ ተረክቧል።

​ባርንለይ 0-1 ማንችስተር ሲቲ

​ ኤርሊንግ ሃላንድ (5')

ማንችስተር ሲቲ ይህንን ድል ተከትሎ በደረጃ ሰንጠረዡ አናት ላይ የተቀመጠ ሲሆን፣ በአንጻሩ መድፈኞቹ (አርሰናል) ወደ ሁለተኛ ደረጃ ዝቅ ለማለት ተገደዋል። የዘንድሮው የፕሪሚየር ሊግ ዋንጫ ሽኩቻ አሁን አዲስ ምዕራፍ ላይ ደርሷል።

ሲቲዎች በልምድ የታጀበው ግስጋሴያቸው አሁንም ዋጋ እያስገኘላቸው ይገኛል። አርሰናል ለረጅም ጊዜ መሪነቱን ቢይዝም፣ አሁን ግን ዋንጫው እጁ ላይ እንዲቆይ ጠንካራ ትግል ማድረግ ይኖርበታል። ሃላንድ አሁንም ለቡድኑ ወሳኝ ጎሎችን ማስቆጠር መቻሉ ለፔፕ ጋርዲዮላ ትልቅ እፎይታ ነው።

​የሊጉ ፉክክር አሁን ተጋጋለ

​#getu #manchestercity #arsenal #premierleague #haaland #footballnews #titlerace #epl #ማንችስተርሲቲ #አርሰናል #ፕሪሚየርሊግ #ሃላንድ #ስፖርት #ጌጡተመስገን #getutemesgen

ወሳኙ የውድድር ምዕራፍ ላይ መደነቃቀፍ ጀምሯል

በኤፍሬም የማነ
#ethiopia | የፔፕ ጋርዲዮላ ማንቸስተር ሲቲ በምዕራብ ለንደን ቼልሲን በምቾት ረታ ። ሲቲ የመድፉ ዳግም የዋንጫ ውሰድልን ግብዣንም በክብር መቀበሉን የሊያም ሮዚነየር ቀዳዴ ሚስተር ቼልሲን 3ለ0 በገዛ ሜዳው አሸንፎ በፍጥነት አረጋገጠ ።

አንደኛ ሆኖ አንደኝነቱን ተጠራጥሮ ለለመደው ሁለተኝነት ጠንክሮ እየታታረ የሚገኘው አርሰናል ሰርቶ ሰርቶ ልፋቱን መና ማስቀረት ፀጋ በረከቱ ከመሰለው ደንጋጣው አሰልጣኙ ማይክ አርቴታ ጋር ዘንድሮም የክብር ሙሽራነቱን ዘንግቶ ለለመደው አጃቢ ሚዜነት ወሳኙ የውድድር ምዕራፍ ላይ መደነቃቀፍ ጀምራል ።

የመድፉ ከዋንጫ ፊት መሽኮርመምን በአግባቡ እየተጠቀመ የሚገኘው ሲቲም የተወው ዋንጫን መልሶ ካስታወሰው አርሰናል ለመፋጠጥ በፀና አቋም ከብሪጅ ታይቷል ። አሁን ጊዜ ተገልብጦ ለትሪብል ዋንጫ የሚጫወተው ማንቸስተር ሲቲም መስሏል ።

ከኳርዳፕል ወደ ትሪብል ! ከትሪብል ወደ ሁለት የተነነው የአርሰናል የዋንጫ ጉዞ ተስፋ አለቃ አርቴታን ይዞ አሁንም በእጅ ላይ የሚገኘው አንድ ታላቅ ዋንጫን በክብር ማጠናቀቁ ለመድፉ ደጋፊዎች እራሱ አጠራጣሪ መስሏል ።

ማንቸስተር ሲቲም የመድፉ መንሸራተትን በአግባቡ ለመጠቀም ያለ ጫና ቼልሲን በገዛ ሜዳው ዘርሮ የአርሰናል ዳግም ግብዣን በክብር እንደተቀበለ አረጋግጧል ። ኦሮየሊ ጉዊ እና ዶኩ የሲትዚንስ ጎሎች ባለቤት ሆነዋል ። የቼልሲው አሰልጣኝ ሊያም ሮዚነየር ቀዳዴም ከጨዋታ በፊት ይፎክራሉ ። ከጨዋታ በኋላ ፎጣ ጥለው ይዘረራሉ ። ይህ የሚስተር ቼልሲ አዲሱ ህይወት ሆኗል ።

ከብሪጅ ወጣቱ አሰልጣኝ ከመጡ የቀጠለ የሰሚያዎቹ ዝብርቅርቅ ህይወት ኤንዞ ማሬስካን መልሶ አስናፍቋል ። እንደ ወሬያቸው ውለው ማደር ያልቻሉት አሰልጣኝ ሊያም ሮዚኒየርም ከቼልሲ የቀደሙት አሰልጣኝ ኤንዞ ማሬስካ ለምን እንደተባረሩ የተጨዋቾቻቸው የአደባባይ የለየለት ጥያቄ ጋር በቀደዳቸው ልክ መገኘት ተስኗቸው ቀጥለዋል ።

በsuper sunday ዶክተር ቶተንሃም ያው ዶክተር ቶተንሃም እንደሆነ ሰሚ ጠፋ እንጂ የተረጋገጠው ዕውነታ ነው ። አሰልጣኝ አበረረ ወይ ቀየረ እየዞረ ለተጋጣሚዎቹ እንደ ፍቱን መድሃኒት ውጤት ማከፋፈል ለዶክተር ቶተንሃም ኑሮው ነው ።

አዲሱ የፈረንጆቹ 2026 ከገባ አንስቶ ባለፉት 105 ቀናቶች አንድም ጨዋታ በሊጉ ያላሸነፈው ቶተንሃም የወራጅ ቀጠናው ቁልቁለቱንም እያፈጠነው ነው ። ተስፋ የተጣለበት የዶሮዋ አዳኝ እና የነገው ከፍታ ውጤት ቀያሽ እንደሚሆን ታምኖበት ሰሜን ለንደን የደረሰው አዲሱ አሰልጣኝ ሮቤሮቶ ዴዘርቢም በማይሆን ሰዐት ደፍሮ በተቀበለው ሃላፊነት ከስቴዲየም ኦፍ ላይት በሰንደርላንድ በሽንፈት ጀምሯል ።

ስፐርስም ሊጠናቀቅ በተቃረበው ገናና መድረክ የወራጅ ቀጠናው ዋና ሰብሳቢ እንደሆነ 6 ቀሪ ጨዋታዎች ብቻ በቀረው ሊግ 18ኛ ደረጃ ላይ በቀጭኑ መስመስር እንደቆመ አለ ።

Getu Temesgen - (ጌጡ ተመስገን)
#getutemesgen #getu