በንጽህና መጠበቂያ ምርቶች ላይ የታለመው የዋጋ ቅናሽ በተግባር ባለመዋሉ መንግስት ጥብቅ የገበያ ቁጥጥር እንዲያደርግ ተጠየቀ

የሲቪል ማህበረሰብ ድርጅቶች እና የልማት አጋሮች በሴቶች የወር አበባ ንጽህና መጠበቂያ ምርቶች ላይ የታለመው የችርቻሮ ዋጋ ቅናሽ ለተጠቃሚዎች በትክክል ተፈጻሚ ባለመሆኑ፣ የኢትዮጵያ መንግስት ጥብቅ የገበያ ቁጥጥር እና የተጠያቂነት አሰራር እንዲዘረጋ አሳሰቡ።

መንግስታዊ ያልሆኑ ድርጅቶች እንደሚሉት፤ በሴቶች ላይ የሚደርሰውን የኢኮኖሚ ጫና ለመቀነስ ቀደም ሲል የፊስካል ማሻሻያ እርምጃዎች ቢወሰዱም፣ መዋቅራዊ መሰናክሎች፣ ደካማ የአቅርቦት ሰንሰለት ቁጥጥር እና ዝቅተኛ ግንዛቤ ሂደቱን በማስተጓጎላቸው በሚሊዮን የሚቆጠሩ ሴቶች እና ልጃገረዶች አሁንም ለችግር ተጋልጠዋል።

የኤች.አይ.ቪ ጤና ጥበቃ ፈንድ (AHF) ኢትዮጵያ የቅድመ መከላከል፣ የአፍሪካ ህብረት ግንኙነት እና የዕድገት ድጋፍ ስራ አስኪያጅ አቶ ቶለሳ ኦላና ጉዳዩን በተመለከተ ለካፒታል ጋዜጣ እንደገለጹት፤ የወር አበባ ጤና መጠበቂያ ምርቶች እጥረት እና ያለመገኘት በኢትዮጵያ የፆታ እኩልነት፣ ጤና፣ ትምህርት እና የኢኮኖሚ ምርታማነት ላይ ትልቅ እንቅፋት እየሆነ መጥቷል።

በ 2017 የቀረበው እና በምርቶቹ ላይ የሚስተዋሉ መዋቅራዊ መሰናክሎችን ለማስወገድ በተዘጋጀው ረቂቅ የፖሊሲ ሰነድ ላይ ይህ ጉዳይ በስፋት ተዳሷል።

በጤና ሚኒስቴር፣ በትምህርት ሚኒስቴር እና ከ10 በላይ አጋር ድርጅቶች (AHF፣ ዩኒሴፍ እና ሌሎችም ጨምሮ) እንዲሁም በአገር ውስጥ በድጋሚ ጥቅም ላይ የሚውሉ ሞዴሶችን ከሚያመርቱ ድርጅቶች ጋር በጋራ የተዘጋጀው ይህ ረቂቅ ሰነድ እንደሚያሳየው፤ በአሁኑ ወቅት በኢትዮጵያ ዘመናዊ የወር አበባ ንጽህና መጠበቂያ ምርቶችን ማግኘት የሚችሉት 30 በመቶ ያህሉ ሴቶች ብቻ ናቸው።

የዚህ እጥረት መዘዝ ከባድ መሆኑን የገለጹት አቶ ቶለሳ፣ ከ10 ታዳጊ ልጃገረዶች መካከል አንዷ በወር አበባ ምክንያት መደበኛ የትምህርት ቀናት የምታጣ ሲሆን፣ ብዙ ሴቶች ደግሞ በስራ ቦታቸው ላይ ምርታማነታቸው እንዲቀንስ ወይም ከስራ ለመቅረት ተገድደዋል ብለዋል።

ምንም እንኳን መንግስት ቀደም ሲል የማስመጫ ታሪፎችን ቢያስተካክልም፣ ሊጣሉ በሚችሉ ሞዴሶች እና ሌሎች ምርቶች ላይ አሁንም 15 በመቶ ከፍተኛ የተጨማሪ እሴት ታክስ ይተገበራል። ችግሩ ይበልጥ የተወሳሰበው በተጠናቀቁ ምርቶች ላይ በሚጣለው 10 በመቶ የጉምሩክ ቀረጥ እና ለማምረቻነት በሚያገለግሉ ጥሬ ዕቃዎች ላይ በሚጣለው ከፍተኛ ታክስ ምክንያት ነው።

አቶ ቶለሳ ኦላና እንዳሉት፤ ከአስመጪዎች፣ ከችርቻሮ ነጋዴዎች እና ከማህበራዊ ማሻሻጫ አካላት ጋር ከፍተኛ የፖሊሲ ውይይቶች ቢደረጉም፣ በህብረተሰቡ ደረጃ የታየ ተጨባጭ ለውጥ የለም። ከአምራቾች፣ አስመጪዎች፣ አከፋፋዮች እና የማህበራዊ ማሻሻጫ መረቦች ጋር ሰፊ ውይይት ቢደረግም ስለ ታክስ ነፃ መብቶች ያለው ግንዛቤ አሁንም ዝቅተኛ መሆኑን ጠቁመዋል።

Via capital

በረከቷ ይደርብንና ሲንጋፖር ህጻናቶቿን በገንዘብ እየደገፈች ነው
#ethiopia | ​ሲንጋፖራውያን ሦስት እና ከዚያ በላይ ልጆችን እንዲወልዱ ለማበረታታት ታስቦ በተጀመረው አዲስ የመንግሥት የገንዘብ ድጋፍ መርሐግብር፣ በመጀመሪያው ዓመት ውስጥ ብቻ ወደ 5,000 የሚጠጉ ህጻናት ተጠቃሚ መሆናቸው ተገልጿል።

​በሀገሪቱ ጠቅላይ ሚኒስትር ላውረንስ ዎንግ ባለፈው ዓመት ይፋ በተደረገው ‘የትላልቅ ቤተሰቦች መርሐግብር’ መሠረት፣ ከየካቲት 11 ቀን 2017 ዓ.ም. ጀምሮ ለሚወለድ ሦስተኛና ከዚያ በላይ ለሆነ እያንዳንዱ ልጅ ቤተሰቦች እስከ 16,000 የሲንጋፖር ዶላር (12,427 የአሜሪካ ዶላር) የሚደርስ ተጨማሪ የገንዘብ ድጋፍ ያገኛሉ።

​ይህ የድጋፍ ማዕቀፍ የረጅም እና የአጭር ጊዜ የገንዘብ እፎይታን የሚሰጥ ሲሆን፣
ለልጁ አካውንት የሚደረግ የ10,000 የሲንጋፖር ዶላር ድጋፍ ገንዘቡ ለልጁ ወይም ለእህትና ወንድሞቹ የቅድመ-መደበኛ ትምህርት እና የጤና እንክብካቤ ወጪዎችን ለመሸፈን ይውላል።

ለእያንዳንዱ አዲስ ለሚወለድ ልጅ ከሚሰጠው መደበኛ የ5,000 ዶላር ድጋፍ በተጨማሪ፣ በቀጥታ በእናቲቱ አካውንት ውስጥ የሚገባ ተጨማሪ 5,000 የሲንጋፖር ዶላር ይሰጣል። ይህም ከእርግዝና፣ ከወሊድ፣ እንዲሁም ከቤተሰብ አባላት የሕክምና ወጪዎች ጋር የተያያዙ ክፍያዎችን ለመሸፈን ያገለግላል።

መሥፈርቱን የሚያሟሉ ህጻናት ዕድሜያቸው ከአንድ እስከ ስድስት ዓመት እስኪደርስ ድረስ በየዓመቱ የ1,000 የሲንጋፖር ዶላር የገንዘብ ድጋፍ ያገኛሉ። ይህ ደግሞ እንደ አስቤዛ፣ የውሃና መብራት ክፍያዎች፣ እንዲሁም የትራንስፖርት ወጪዎችን የመሳሰሉ የእለት ተእለት የቤተሰብ የኑሮ ጫናዎችን ለማቃለል ያለመ ነው።

​የሲንጋፖር የማህበራዊ እና ቤተሰብ ልማት ሚኒስቴር ቃል አቀባይ ለ‘ዘ ስትሬትስ ታይምስ’ ጋዜጣ እንደገለጹት፣ እስከ መጋቢት ወር ድረስ ወደ 5,000 የሚጠጉ ህጻናት የተሻሻለውን የልጆች ዕድገት እና የሕክምና የገንዘብ ድጋፎችን በተጨባጭ አግኝተዋል።

​መርሐግብሩ ከየካቲት 2025 (እ.ኤ.አ) ጀምሮ ተግባራዊ ከመደረጉ በፊት ሦስተኛና ከዚያ በላይ ልጅ የነበራቸው ቤተሰቦችም ከዚህ ዕድል ተጠቃሚ መሆን ይችላሉ። እነዚህ ቤተሰቦች ከጥር 1 ቀን 2019 እስከ የካቲት 17 ቀን 2025 የተወለደ ልጅ ካላቸው፣ የተወሰኑ ቅድመ-ሁኔታዎችን አሟልተው የዓመታዊ የገንዘብ ድጋፉ ተጠቃሚ መሆን እንደሚችሉ በዘገባው ተመላክቷል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

የአሜሪካዊው ፋንቱ ማንዶዬ ሞርጋን ፍሪማን በጎ ልብ

​#ethiopia | በዓለም ዙሪያ በሚማርክ ድምፃቸው እና አስደናቂ የትወና ብቃታቸው የሚታወቁት አንጋፋው ተዋናይ ሞርጋን ፍሪማን፣ ትርጉም ያለው ለውጥ ለማምጣት የሚተጉ ታዋቂ የሰብዓዊ መብትና የበጎ አድራጎት አምባሳደር መሆናቸው ይነገራል።

የሳቸው ዘርፈ ብዙ የበጎ አድራጎት ስራዎች በተለያዩ ቁልፍ ዘርፎች ላይ ያተኮሩ ሲሆን፣ ይህም በማህበረሰቡ ውስጥ አዎንታዊ ተጽዕኖ ለመፍጠር ያላቸውን ጥልቅ ፍላጎት የሚያንጸባርቅ ነው።

​ከእነዚህም የጎላ አስተዋፅኦዎቻቸው መካከል በተፈጥሮ አደጋ ለተጎዱ ወገኖች የሚያደርጉት ድጋፍ በዋናነት ይጠቀሳል። አውዳሚ የሆኑ አውሎ ነፋሶች ባስከተሉት አደጋ የተረፉ ሰዎችን ለመደገፍ የገቢ ማሰባሰቢያ መርሃ ግብሮችን በግንባር ቀደምትነት አስተባብረዋል።

በተጨማሪም በዓለም አቀፍ ደረጃ በተፈጥሮ አደጋ ለሚጎዱ ሰዎች ፈጣን እርዳታ ለማድረግ "የግሬናዳ የዕርዳታ ፈንድን" የተሰኘ ኢኒሼቲቭ የነበራቸው ሲሆን፣ ይህ ተቋም አሁን ላይ “ፕላን ኢት ናው” ወደሚባል ዓለም አቀፍ ድርጅት ተሸጋግሯል።

​ትምህርት የሌላኛው የበጎ አድራጎት ስራቸው የማዕዘን ድንጋይ ነው። እ.ኤ.አ. በ1991 በሚሲሲፒ ግዛት ውስጥ ለሚገኙ አቅመ ደካማ ታዳጊዎች የቅድመ መደበኛ ትምህርትን ለማስፋፋት ከልጃቸው ጋር በመሆን "የታላሃቺ ሪቨር ፋውንዴሽንን" መስርተዋል። ከዚህም ባሻገር፣ ለእንስሳት ደህንነት ልዩ ጥበቃ የሚያደርጉት ፍሪማን፤ እንደ 'ሚሲሲፒ የእንስሳት አድን ማህበር' ያሉ ድርጅቶችን በመደገፍ እና በእንስሳት ህክምና ኮሌጆች ውስጥ የጥናትና ምርምር ማዕከላትን በገንዘብ በማገዝ ላይ ይገኛሉ።

​በእነዚህና መሰል ሰብዓዊ ተነሳሽነቶች፣ ሞርጋን ፍሪማን ተሰሚነታቸው እና ተጽዕኖ ፈጣሪነታቸው ከፊልም ኢንዱስትሪው መድረክ እና ከካሜራ ዕይታ ውጭ ጭምር ነው።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

🏢 አዲስ እይታ፣ አዲስ ሕይወት — ከ Ultima Real Estate ጋር!
የቤተሰብዎን የ ሕልም ቤት እውን የሚሆንበት ወርቃማ ዕድል! በአዲስ አበባ እምብርት፣ በውኗ መስቀል ፍላወር ላይ የተገነቡት ዘመናዊ እና ቅንጡ አፓርታማዎቻችን ለእናንተ ዝግጁ ናቸው።

ለልጆችዎ ምቾት እና አስተማማኝ ነገን ለመፍጠር ዛሬውኑ ይወስኑ።

💥10% ቅድመ ክፍያ ብቻ!

ቀሪውን ረዘም ባለ የክፍያ አማራጭ።

የላቀ ጥራት፣ አስተማማኝ ደህንነት እና ማራኪ እይታ በአንድ ላይ።

📞 አሁኑኑ ይደውሉና የሕልምዎን ቤት ይረከቡ!
📱 +251 996 000 000
📱 +251 995 222 222

መረጃ‼️

የኢትዮጵያ አየር መንገድ፣ ወደ ደብረ ማርቆስ ከተማ ቅድመ-ምረቃ በረራዎችን ከዛሬ ሰኔ 6 ጀምሮ እንደሚያደርግ አስታወቀ።

አየር መንገዱ፣ ወደ ደብረ ማርቆስ መጓዝ የሚፈልጉ መንገደኞች የበረራ ቲኬቶችን በሁሉም የቲኬት መሸጫ ቢሮዎች ማግኘት እንደሚችሉ ዛሬ ባሠራጨው መረጃ ላይ ገልጧል።

ኾኖም አየር መንገዱ ወደ ደብረ ማርቆስ በሳምንት ስንት በረራዎችን ለማድረግ እንዳሰበ አልገለጠም።

አዲሱ የደብረ ማርቆስ አውሮፕላን ማረፊያ ከሦስት ሳምንት በፊት አንድ የሙከራ በረራ ማስተናገዱ ይታወሳል።

Seledadotio
Seledadotio

በሀገራዊ ጉባኤው ዘላቂ ሰላም እንዲረጋገጥ ጽኑ መሰረት እንጥላለን - ኮሚሽነር መስፍን አርዓያ (ፕ/ር)

አዲስ አበባ፣ ሰኔ 5፣ 2018 (ኤፍ ኤም ሲ) ሀገራዊ የምክክር ጉባኤው በመሰረታዊ አጀንዳዎች ላይ በሰለጠነ መንገድ በመነጋገር ለዘላቂ ሰላም ጽኑ መሰረት የሚጣልበት ነው አሉ ኮሚሽነር መስፍን አርዓያ (ፕ/ር)።

የሀገራዊ ምክክር ኮሚሽን ሀገራዊ የምክክር ጉባኤው ከሐምሌ 8/2018 ዓ.ም ጀምሮ ለሦስት ተከታታይ ሳምንታት በአዲስ አበባ እንደሚካሄድ በዛሬው ዕለት ይፋ አድርጓል፡፡

የሀገራዊ ምክክር ኮሚሽነር መስፍን አርዓያ (ፕ/ር) በዚሁ ወቅት እንዳሉት፥ የምክክር ሒደቱ ያጋጠሙ ተግዳሮቶችን በጽናት በማለፍ ወደ ዋናውና ወሳኙ የምክክር ምዕራፍ እየተሸጋገረ ይገኛል፡፡

የሀገራዊ ምክክሩ ቀጣይ ተግባራት በጉባኤው ላይ በኢትዮጵያ መሰረታዊ አጀንዳዎች ላይ በሰለጠነ መንገድ መነጋገርና ዘላቂ መግባባት ላይ መድረስ እንደሆነ አንስተዋል።

ውጤቱም በተለያዩ የህብረተሰብ ክፍሎች እንዲሁም በሕዝብና በመንግሥት መካከል ያለው ግንኙነት እንዲሻሻልና መተማመን የሰፈነበት አዲስ የፖለቲካ ሥርዓት እንዲገነባ ያደርጋል ነው ያሉት።

ጉባኤው ለዘመናት ሲንከባለሉ የነበሩ ውስጣዊ ችግሮች ተፈተው ዘላቂ ሰላም እንዲረጋገጥና ጠንካራ ቅቡልነት ያለው ሀገረ መንግሥት ለመገንባት ጽኑ መሰረት የሚጣልበት እንደሚሆን እምነታቸውን ገልጸዋል፡፡

የኢትዮጵያ ሕዝቦች ተከባብረው፣ ተነጋግረውና ተደማምጠው በመግባባት የሚያቀርቧቸው ምክረ ሃሳቦች በተግባር ተተርጉመው ሀገራችን ወደ አዲስ የሰላምና የእድገት ምዕራፍ እንድትሸጋገር የጋራ ቁርጠኝነትና ጥረት ይጠበቃል ሲሉ አስገንዝበዋል፡፡

በመሆኑም ለጉባኤው ስኬታማነት አስፈላጊ የሆኑ የቅድመ ምክክር ተግባራትን ለማከናወን እንዲቻል የጉባኤው ተሳታፊዎች ጉባኤው ከመጀመሩ አንድ ሳምንት ቀደም ብለው ተጠቃልለው እንዲገቡ እንደሚደረግ ኮሚሽነሩ ጠቁመዋል።

በብርሃኑ አበራ

ናይጄሪያ ዜጎቿን ከደቡብ አፍሪካ እያስወጣች ነው
#ethiopia | በደቡብ አፍሪካ ፀረ-ስደተኛ ስሜቶች እያደጉ መምጣታቸውን ተከትሎ፣ ናይጄሪያ የተወሰኑ ዜጎቿን ወደ ሀገራቸው እየመለሰች ያለች አራተኛዋ የአፍሪካ ሀገር ሆናለች።

ሐሙስ ጠዋት ከጆሀንስበርግ የተነሳችና 268 ናይጄሪያውያንን የጫነች አውሮፕላን ሌጎስ ገብታለች። እነዚህ ተጓዦች በደቡብ አፍሪካ የሚገኘው የናይጄሪያ ቆንስላ ጽሕፈት ቤት ወደ ሀገራቸው ለመመለስ ከተመዘገቡት ወደ 1,000 ገደማ ሰዎች መካከል የተወሰኑት ናቸው።

አንዳንድ የቅስቀሳ ዘመቻ አድራጊዎች ሰነድ የሌላቸው ስደተኞች ሀገሪቱን ለቀው እንዲወጡ ካስቀመጡት የሰኔ 30 የጊዜ ገደብ ቀደም ብለው ጋና፣ ዚምባብዌ እና ማላዊ ዜጎቻቸውን የማስወጣት ሥራ አከናውነዋል።

በጆሀንስበርግ ዋና ዓለም አቀፍ አውሮፕላን ማረፊያ ውስጥ፣ ከናይጄሪያውያን ተጓዦች አንዱ የሆነው ጀስቲን ከ1998 ጀምሮ በደቡብ አፍሪካ እንደኖረ ለቢቢሲ አፍሪካ ተናግሯል።

"እየወጣሁ ያለሁት እዚህ በሰጡን ቅድመ ሁኔታዎች ምክንያት ነው። እስከ ሰኔ 30 ድረስ ወይም ከዚያ በፊት መውጣት እንዳለብን እየነገሩን ነው። በተጨማሪም ሰዎችን፣ ወንድሞቻችንን እየተገደሉ ነው እና እኔ እዚህ ደኅንነት አይሰማኝም" ሲል ጀስቲን ተናግሯል።

ጀስቲን እርሱ ራሱ ቀደም ሲል የጥቃቱ ኢላማ ሆኖ እንደነበር ለቢቢሲ ገልጿል።

"በቅርቡ በአንድ ታክሲ ውስጥ ጥቃት ሰነዘሩብኝ። እኔም ዕቃዎቼን ጥዬ ሮጥኩ፤ ስልኬንና ሁሉንም ነገሬን ትቼ ነው ያመለጥኩት።"
"የተለያዩ ስሞችን እየሰጡ ይሰድቡናል፣ 'ይህችን ሀገር ለቃችሁ መውጣት አለባችሁ' ይሉናል። ልንለምናቸው ስንሞክር ደግሞ ማዋረድና መሳደብ ጀመሩ።"ብሏል፡፡

እሑድ ዕለት ፕሬዝዳንት ሲሪል ራማፎሳ ለተቃውሞ ሰልፎቹ ምላሽ ለመስጠት በቴሌቪዥን ባደረጉት ንግግር፣ ሕገ-ወጥ ስደትን ለመቆጣጠር የሚረዱ አዳዲስ ጠንካራ እርምጃዎችን ይፋ አድርገዋል።

እነዚህም እርምጃዎች ሰነድ የሌላቸውን ሠራተኞች የሚቀጥሩ አሰሪዎችን ማሰር፣ የስደት (የማባረር) ሂደቱን ለማፋጠን ልዩ ፍርድ ቤቶችን ማቋቋም እና የማንነት ስርቆትን ለመከላከል በሀገሪቱ ውስጥ የሚገኙትን ሁሉንም ሰዎች ባዮሜትሪክ (የአካል መገለጫ) መረጃ ቋት ማደራጀትን ያካትታሉ።

በተጨማሪም ፕሬዝዳንቱ ደቡብ አፍሪካውያን በሀገሪቱ ውስጥ በሕገ-ወጥ መንገድ ይኖራሉ ብለው የጠረጠሯቸውን ሰዎች ኢላማ በማድረግ ሕግን በገዛ እጃቸው እንዳይተረጉሙ አስጠንቅቀዋል ሲል የኢትዮ ኤፍ ኤም ዘገባ አስታውሷል።

Getu Temesgen - (ጌጡ ተመስገን)
#getutemesgen #getu

የመጀመሪያው የኢትዮጵያ 10 ኪሎ ሜትር የጎዳና ላይ ሩጫ ውድድር በባህርዳር ከተማ ሊካሄድ ነው
#ethiopia | የመጀመሪያው የኢትዮጵያ 10 ኪሎ ሜትር የጎዳና ላይ ሩጫ ውድድር የፊታችን እሁድ ሰኔ 7 ቀን 2018 ዓ.ም በባህርዳር ከተማ በደመቀ ሁኔታ እንደሚካሄድ ተነገረ።

የኢትዮጵያ አትሌቲክስ ፌዴሬሽን በውድድሩ ቅድመ ዝግጅት ስራዎች ዙሪያ ለመገናኛ ብዙሃን በሰጠው መግለጫ፣ የፌዴሬሽኑ ከፍተኛ የቴክኒክ ባለሙያዎች ወደ ስፍራው በማቅናት አስፈላጊውን ዝግጅት እያከናወኑ እንደሚገኙ አስታውቋል።

ይህ የውድድር መድረክ በዋናነት አዳዲስ ተተኪ አትሌቶችን ለማፍራትና የውድድር እድሎችን ለመፍጠር ያለመ መሆኑም ተገልጿል።

በዚሁ የጎዳና ላይ ሩጫ ውድድር ላይ የግል ተሳታፊዎችን ጨምሮ ከ6 የተለያዩ ክለቦች የተውጣጡ 91 አትሌቶች እንደሚሳተፉ ታውቋል። በውድድሩ ከ1ኛ እስከ 8ኛ ያለውን ደረጃ ይዘው ለሚያጠናቅቁ አትሌቶችም የገንዘብ ሽልማት እንደሚበረከትላቸው ተገልጿል።

ይህንን ጋዜጣዊ መግለጫ የኢትዮጵያ አትሌቲክስ ፌዴሬሽን የውድድርና ተሳትፎ ዳይሬክተር ተወካይ አቶ ጊዜ አድነው እና አቶ መሐሪ ነጋሽ በጋራ የሰጡት ሲሆን፣ ውድድሩ በአማራ ሚዲያ ኮርፖሬሽን በቀጥታ ስርጭት ለተመልካች እንደሚተላለፍ ታውቋል።
#ethiopianathletics #bahirdar #streetrace #10krun #ethiopiansport #getutemesgen #getu #ጌጡ #ጌጡተመስገን #addisababa

🏢 የሰመር ሪል እስቴት ልዩ የቤት ባለቤት የመሆን እድል!

በከተማችን እምብርት ቡልጋሪያ አደባባይ አካባቢ የሚገኙትን እጅግ ዘመናዊ፣ ሰፊ እና ምቹ የመኖሪያ አፓርታማዎችን በፈለጉት የካሬ አማራጭ ለሽያጭ አቅርበናል።

📐 የምርጫዎትን የካሬ እና የመኝታ አማራጮች ይምረጡ፦
🛏️ ባለ 1 መኝታ – 81 ካሬ
🛏️ ባለ 2 መኝታ – 111 እና 134 ካሬ
🛏️ ባለ 3 መኝታ – ከ168 ካሬ ጀምሮ

💰 እጅግ አስገራሚ ዋጋ እና ልዩ የክፍያ አማራጭ፦
💵 ዋጋ፦ በካሬ 89,000 ብር ብቻ!
📉 ቅድመ ክፍያ፦ 10% ብቻ በመክፈል ውል ያሰሩ!
🏦 የባንክ ብድር፦ 50% የባንክ ብድር የተመቻቸለት።

⏳ ጊዜ አይውሰዱ!
ይህ ታላቅ የዋጋ ቅናሽ የሚቆየው ለውስን ጊዜ ብቻ ስለሆነ፣ ቀድመው በመምጣት የዕድሉ ተጠቃሚ ይሁኑ።

📍 ቦታ፦ ቡልጋሪያ አደባባይ አካባቢ
📞 ለበለጠ መረጃ አሁኑኑ ይደውሉልን፦0912355631

የህልምዎን ቤት ዛሬውኑ በእጅዎ ያስገቡ! #summer #addisabababusiness #apartmentforrentplantation #shopforsale #apartmentforrent #amibaraproperties #realestate #የንግድቦታ #temerrealestate #teklehaymanotmall

በሁሉም የዓለም ዋንጫ የተሳተችፈው ብራዚል…

አዲስ አበባ፣ ሰኔ 5፣ 2018 (ኤፍ ኤም ሲ) ብራዚል በዓለም ዋንጫ መድረክ ከምስረታው ጀምሮ በእያንዳንዱ ውድድር ላይ በመሳተፍ ቀዳሚዋ እና ብቸኛዋ ሀገር ናት፡፡

የዓለም ሕዝብ በጉጉት የሚጠብቀው ትልቁ የሀገራት ውድድር የዓለም ዋንጫ በፈረንጆቹ 1930 ነው መደረግ የጀመረው፡፡

ብራዚል ከዓለም ዋንጫ ጅማሮ አንስቶ እስካሁን ድረስ በሁሉም የዓለም ዋንጫ የተሳተፈች ሲሆን ÷ የዘንድሮው ተሳትፎዋ ደግሞ ለተከታታይ 23ኛ ጊዜ ነው፡፡

በዚህም ብራዚል በሁሉም የዓለም ዋንጫ ውድድር ላይ በመሳተፍ እና በተከታታይ ለበርካታ ጊዜ በመድረኩ በመገኘት ቀዳሚዋ ሀገር ናት፡፡

በዓለም ዋንጫ ታሪክ ብራዚል አምስት ጊዜ ሻምፒዮን በመሆን ቀዳሚ ብሔራዊ ቡድን ስትሆን ÷ ለመጀመሪያ ጊዜ የዓለም ዋንጫን ያሳካችው በፈረንጆቹ 1958 ነበር፡፡

በመቀጠልም በፈረንጆቹ 1962 ሻምፒዮን በመሆን በተከታታይ ዋንጫውን አሳክታለች፡፡ ከተጨማሪም በ1970፣ 1994 እና 2002 ሻምፒዮን በመሆን በመድረኩ አምስት ጊዜ ዋንጫውን በማሳካት ቀዳሚ ናት፡፡

ሆኖም ግን የአምስት ጊዜ የመድረኩ አሸናፊዋ ሀገር ብራዚል በፈረንጆቹ 2014 እራሷ ባዘጋጀችው መድረክ በጀርመን የደረሰባት ሽንፈት የሚረሳ አይደለም፡፡

በወቅቱ ብራዚል በእራሷ ድግስ በጀርመን ብሔራዊ ቡድን አስከፊ የ7 ለ 1 ሽንፈት ማስመዝገቧ ይታወሳል፡፡

ብራዚል ኔይማር ጁኒየርን በሩብ ፍጻሜው በከባድ ጉዳት ማጣቷን ተከትሎ ያለ ወሳኝ ተጫዋቿ ነበር የግማሽ ፍጻሜ ጨዋታውን ያደረገችው፡፡

ብራዚል በ2014ቱ የዓለም ዋንጫ በግማሽ ፍጻሜው በጀርመን ያልጠበቀችው ሽንፈት ማስተናገዷ የሚታወስ ነው፡፡

በስታዲየሙ የታደሙ የብራዚል ብሔራዊ ቡድን ደጋፊዎች በጭንቀት ተውጠው እና በእንባ ታጅበው ተመሳስሎ የተሰራውን ዋንጫ አቅፈው ጨዋታውን መመለከታቸው አይዘነጋም፡፡

በወቅቱ ብሔራዊ ቡድኑን በአምበልነት እየመራ ወደ ሜዳ የገባው ዴቪድ ሉዊዝ በእንባ ታጅቦ ደጋፊዎቻቸውን ይቅርታ ጠይቋል፡፡

የብራዚል ብሔራዊ ቡድን ደጋፊዎችም የብሔራዊ ቡድናቸውን ማልያ መሬት ላይ በመጣል የረጋገጡ ሲሆን÷ ከዚያም አልፈው ማቃጠላቸው አይዘነጋም፡፡

ብራዚል በ2014 ዓለም ዋንጫ በግማሽ ፍጻሜው በጀርመን የደረሰባት አስከፊ ሽንፈት በዓለም ዋንጫ ወድድር ከማይረሱ ክስተቶች መካከል አንዱ ሆኖ በታሪክ ይወሳል፡፡

ለመጨረሻ ጊዜ በፈረንጆቹ 2002 የዓለም ዋንጫን ያሳካችው ብራዚል ለ6ኛ ጊዜ በመድረኩ ሻምፒዮን ለመሆን በ2026ቱ የዓለም ዋንጫ የምታደርገው ጉዞ ይጠበቃል፡፡

በአሰልጣኝ ካርሎ አንቸሎቲ የሚመራው ብሔራዊ ቡድኑ ኔይማር ጁኒየርን በስብስቡ ውስጥ አካትቷል፡፡

ኦፕታ የ2026ቱን የዓለም ዋንጫ ያሳካል በሚል ባስቀመጠው ቅድመ ትንተና መሰረት ብራዚል 6ኛ ደረጃ ላይ ተቀምጣለች፡፡

ብራዚል የ2026 ዓለም ዋንጫ የምድብ የመጀመሪያ ጨዋታዋን የፊታችን እሑድ ከሞሮኮ ጋር የምታደርግ ይሆናል፡፡

በወንድማገኝ ጸጋዬ

ለንግድዎ፣ ለቤተሰብዎ እና ለኢንቨስትመንትዎ ፍጹም ምርጫ — በሳር ቤት / ቡልጋሪያ!

የአፍሪካ ህብረት አቅራቢያ በሚገኘው ስትራቴጂካዊና ተፈላጊ ስፍራ በሆነው ሳር ቤት (ቡልጋሪያ ሳይት) ዘመናዊ የንግድ ሱቆችን እና ምቹ የመኖሪያ አፓርታማዎችን በተለያዩ የካሬ አማራጮች እያቀረብን ነው።

የንግድ ሱቆች (Commercial Shops)
የካሬ አማራጭ፦ ከ25 ካሬ እስከ 75 ካሬ

ተመራጭ ለ፦
• ፋርማሲ
• ሬስቶራንት
• ባንክ
• የተለያዩ የንግድ ተቋማት

የመኖሪያ አፓርታማዎች (Apartments)
የካሬ አማራጮች፦
ካሬ አማራጭ ቅድመ ክፍያ
• 81 ካሬ =727,128
• 111 ካሬ =996,435
• 134 ካሬ =1,202,904
.168 ካሬ = 1, 508,119
• 182 ካሬ =1, 633,795

ቀላል የክፍያ ስርዓት በ10% ቅድመ ክፍያ ብቻ የቤት ባለቤት ይሁኑ!

እጅግ ተመጣጣኝ ዋጋዎች እና ልዩ የክፍያ አማራጮች ተዘጋጅተዋል።

ማሳሰቢያ
ይህ ልዩ የዋጋ ቅናሽ የተዘጋጀው ለውስን ቤቶች ብቻ ነው። እድሉን እንዳያመልጥዎ አሁኑኑ ይደውሉ!

📞 +251-970-214 444
📞 +251-926- 777 011

የአራጣ ብድር ምንነት እና ተጠያቂነት
በኢትዮጵያ ህግ ማእቀፍ
ፋንታሁን ደለለው ጠበቃና የህግ አማካሪ

መግቢያ #ethiopia | የአራጣ ብድር በኢ.ፌ.ዲ.ሪ የወንጀል ሕግ የህሊናን ወይም የሰውን ችግር መሰረት በማድረግ የሚፈፀሙ ወንጀሎች ስር የሚካትት ወንጀል ሲሆን አስቀጪነቱም በሕጉ ተደንግጓል። ይህ ድርጊት በማኅበረሰብ ላይ መጠነ ሰፊ ጉዳት የሚያደርስ በመሆኑ በሕግም ሆነ በሞራል ተቀባይነት የሌለው ተግባር ነው። በዚህ ጽሑፍ የአራጣን ምንነት፣ በሕግ የተፈቀደን የወለድ መጠን፣ የአራጣ መንስኤዎችንና የሚያስከትላቸውን ጉዳቶች እና የአራጣ ብድር ተጠያቂነት እና መፍትሄዎችን ጭምር በአጭሩ እንዳስሳለን።

1. የአራጣ ምንነት
የሕግ መዝገበ ቃላት የሆነው ብላክስ ሎው መዝገበ ቃላት 8ኛው እትም እንደሚሰጠው ትርጉም ”USURY is an illegal contract for a loan or forbearance of money, goods, or things in action, by which illegal interest is reserved, or agreed to be reserved or taken.” ይህን ወደ አማርኛ በግርድፉ ስንመልሰው አራጣ ማለት ሕገ-ወጥ በሆነ የብድር ውል ወይም ገንዘብን፣ እቃዎችን ወይም በድርጊት ላይ ያሉ ነገሮችን መስጠት ሆኖ ሕጋዊ ያልሆነ ወለድ ለመጠበቅ ወይም ለመስጠት የሚደረግ ስምምነት ነው። በሌላ በኩል ማሪያም ዌብስተር የተሰኘው መዝገበ ቃላት አራጣን በተጋነነ የወለድ መጠን ገንዘብ ማበደር በማለት ይተረጉመዋል። በመሆኑም ከተለያዩ ትርጉሞች መረዳት እንደሚቻለው አራጣ ያልተገባ የወለድ ስሌት ተበዳሪዎችን በማስከፈል የሚፈፀም ድርጊት ነው፡፡ ተመጣጣኝ የወለድ መጠን ፋይናንስ ገበያው ወይም ብሔራዊ ባንኮች በሚወስኑት መሰረት ማሰብ ተገቢ ቢሆነም በሕግ ከተወሰነው የወለድ ምጣኔ በላይ ገንዘብ ማበደር በብዙ አገሮች ዘንድ ወንጀል ተደርጎ ተደንግጓል፡፡ ወንጀሉም አራጣ በመባል ይታወቃል፡፡

በሀገራችን በ1996 ዓ.ም በወጣው የኢ.ፌ.ዲ.ሪ የወንጀል ሕግ ለአራጣ ቀጥተኛ ትርጉም ባይሰጥም በአንቀጽ 712 በአራጣ ወንጀል የሚያስጠይቁ ተግባራትን ያስቀምጣል። ይኸውም ማንም ሰው የተበዳዩን ችግረኝነት፣ የበታችነቱን፣ ወይም የገንዘብ ችግሩን፣ ወይም መንፈሰ ደካማነቱን፣ ወይም ልምድ ወይም ችሎታ የሌለው መሆኑን መሰረት በማድረግ፡-

በሕግ ከተፈቀደው ወለድ በላይ ገንዘብ ያበደረው እንደሆነ ወይም
ካበደረው ገንዘብ ጋራ በግልፅ ተመጣጣኝነት የሌለው ንብረት በምትኩ እንዲሰጠው ያደረገው ወይም ቃል ያስገባው እንደሆነ የአራጣ ወንጀል በመፈፀም የሕግ ተጠያቂነት ይኖርበታል።

በመሆኑም በአጠቃላይ አራጣ ማለት በሕግ ከተፈቀደው በላይ የተጋነነ የወለድ መጠን በማስከፈል እና ከገንዘቡ ጋር ተመጣጣኝነት የሌለው መያዣ በመቀበል የሚደረግ የብድር ስምምነት ሲሆን ይህም የተበዳሪውን ሁኔታ ማለትም ችግረኝነቱን፣ የበታችነቱን፣ የገንዘብ ችግሩን፣ መንፈሰ ደካማነቱን... መሠረት በማድረግ የሚፈፀም ብዝበዛ" (Exploitation of distress) ነው፡፡

በኢትዮጵያ በሕግ የተፈቀደውን የወለድ መጠን ስንመለከት የፍትሐብሔር ሕጉ ቁጥር 1751 ሕጋዊ ወለድ (Legal Rate of Interest) ማለት በውል ያልተወሰነ ወለድ (ጥቅም) ከፋይ የሆነ ሰው በዓመት በመቶ ዘጠኝ (9%) ሂሳብ ይከፍላል ይላል። በተጨማሪም የፍትሐብሔር ሕጉ ቁጥር 2479(1) የብድር ውል ተዋዋይ ወገኖች ተበዳሪው ሊከፍለው የሚገባው የወለድ መጠን በወር ወይም በቀን ሳይሆን በዓመት ከአስራ ሁለት በመቶ (12%) በላይ ሊበልጥ እንደማይችል ይደነግጋል፡፡ በመሆኑም ሕጉ የፈቀደው የብድር ውል ወለድ መጠን በዓመት 12% ድረስ ብቻ እንደሆነ መረዳት ይቻላል።

2. የኢፊድሪ ህግ 1996 እና የኢትዮጵያ ፍትሀብሄር ህግ ተፈጻሚነት ወሰን

ይሁንና ይህ የወለድ መጠን በባንኮች እና በማይክሮ ፋይናንስ ተቋማት ላይ ተፈፃሚነት የለውም። ምክንያቱም የኢትዮጵያ ብሔራዊ ባንክ የገንዘብ ብድር አቅርቦት በተፈለገው መጠን መገኘትን፣ እንዲሁም የወለድ ተመንና ሌሎች ክፍያዎችን የመወሰንና የመቆጣጠር ሥልጣን የተሰጠው ሲሆን ብሔራዊ ባንክ በአዋጅ ቁጥር 591/2000 ዓ.ም አንቀፅ 5(4) እና በመመሪያ ቁጥር 12/2010 መሠረት የብድር ውል ለደንበኞቻቸው በሚሰጡበት ወቅት ላበደሩት ብድር የወለዱን ምጣኔ በራሳቸው እንዲወስኑ ሥልጣን ተሰጥቷቸዋል፡፡ እንዲሁም በኢትዮጵያ ብሄራዊ ባንክ የወለድ ተመን መመሪያ ቁጥር 295/2020 መሰረት በብድር እና በቅድመ ክፍያ ላይ የብድር መጠን በተመለከተ በእያንዳንዱ ባንክ በነፃነት የሚወሰን እንደሆነ ያስቀምጣል። በመሆኑም ባንኮች በሚሰጡት ብድር ላይ የሚታሰበው የወለድ ምጣኔ ከላይ በፍትሐብሔር ሕጉ እንደተመለከተው የወለድ ጣራው በዓመት እስከ 12% ብቻ ሳይሆን ከዛም በላይ ማድረግ ይችላሉ።

በዚሁ መሰረት የኢትዮጵያ ንግድ ባንክ ከየካቲት 28 ቀን 2017 ዓ.ም. ጀምሮ ተግባራዊ የሚደረግ በተለያዩ የብድር ዓይነቶች ላይ ጭማሪ ያደረገ ሲሆን በተደረገው ማስተካከያ መሰረት፣ የግብርና ብድሮች እስከ 15.5%፣ የንግድ ብድሮች እስከ 18%፣ የወጪ ንግድ ብድሮች እስከ 14%፣ የግል ብድሮች ደግሞ እስከ 15% ጭማሪ ተደርጎባቸዋል። ስለዚህ አራጣ ማለት ሕጉ ከፈቀደው የብድር ወለድ መጠን በላይ ተዋውሎ ማበደር ማለት ነው፡፡

3. የአራጣ ወንጀል የሚያስከትላቸው ጉዳቶች

አራጣ በተበዳሪዎች ላይ ከፍተኛ ጉዳት ሊያስከትል ይችላል። ተበዳሪዎች ለተበደሩት ገንዘብ እንዲከፍሉ የሚጠየቁት የወለድ መጠኑ በጣም የተጋነነ ስለሆነ ብድሩን መልሰው ሳይጨርሱ ጥሪታቸው ወይም በብድሩ ገንዘብ ሰርተው ያገኙትን ትርፍ አበዳሪው ስለሚወስድባቸው ለኪሳራ እና ለከፋ ድህነት ይዳረጋሉ፡፡ ተበዳሪዎች ጊዜያዊ ችግሮችን ለመቅረፍ ብለው በተበደሩት ገንዘብ ድህነትን ሸምተዉ ድሀ ሆነው ሲቀሩ፤ አበዳሪዎችም ምንም እሴት በኢኮኖሚ ውስጥ ሳይጨምሩ ሀብት የሚሰበስቡበት ሁኔታ ይፈጥራል፡፡

የአራጣ ወንጀል በግለሰቦች ላይ ከሚያደርሰው ጉዳት ባለፈ የድርጊቱ መበራከት ሀገራዊ ጉዳት በማስከተል የሀገር ኢኮኖሚ ላይ ሊያደርስ የሚችለው ተፅዕኖ ቀላል የሚባል አይሆንም። በአራጣ የሚዘዋወረው ገንዘብ ላይ መንግሥት እውቅና ስለማይኖረው ከትርፉ ላይ ግብር ስለማይከፈል መንግሥት ገቢ ሳይሰበስብ ይቀራል፡፡

ሌላው ጉዳት ገንዘብ ያላቸው ሰዎች ገንዘባቸውን ባንክ እንዳያስቀምጡ ከማድረጉ ጋር የተያያዘ ሲሆን ይህም የሚሆነው ጥቂትም ቢሆን ገንዘብ ያላቸው ሰዎች ገንዘባቸውን ባንክ ከማስቀመጥ ይልቅ አራጣ በማበደር እንዲሰማሩ በማድረጉ ነው፡፡ ገንዘቡ በባንክ ተቀመምጦ ለኢኮኖሚው ሊያበረክተው የሚችለውን አስተዋጽኦ የሚያስቀረው ሲሆን ወደ ባንኮች የሚገባው ተቀማጭ እየቀነሰ መሄዱ በመጨራሻም ባንኮች አቅም እያጠራቸው እንዲሄዱ ያደርጋቸዋል፡፡ ባንኮች ለብድር የሚውል ተቀማጭ ገንዘብ ሲያጥራቸው በተዘዋዋሪ አራጣ አበዳሪዎች የብድር አማራጭ ይሆናሉ፡፡ ይህ መሆኑ ደግሞ በተመጣጣኝ ወለድ መጠን ገንዘብ ተበድረው ሥራ ሊሰሩ የሚችሉ ሰዎች ብድር ሳያገኙ እንዲቀሩ ያደርጋቸዋል።

4. የአራጣ ብድር ተጠያቂነት

በአራጣ ብድር በሚያስከትሉ የወንጀል እና የፍትሀብሄር ተጠያቂነትን በዚህ ክፍል ያካተትን ሲሆን እንደማከተለው ቀርቧል።
4.1 የአራጣ ወንጀል የሕግ ተጠያቂነት
የአራጣ ወንጀል በወንጀል ሕጉ በአንቀፅ 712 ስር ሽፋን አግኝቷል። ከላይ እንደተገለፀው በድንጋጌው ላይ የዘረዘሩትን ተግባራት የፈፀመ ሰው በቀላል እስራት ወይም እንደነገሩ ሁኔታ ከ5 (አምስት አመት) በማይበልጥ ፅኑ እስራት እና በመቀጮ ይቀጣል፡፡ በተመሳሳይ ሁኔታ ማንኛውም ሰው ከላይ በተጠቀሰው ሀሳብ መነሻነት በአራጣ ላይ የተመሰረተ መብት የተቀበለ፣ በመከላከያነት የተጠቀመበት ወይም ለሌላ ሰው ያስተላለፈ እንደሆነ በተመሳሳይ ሁኔታ ይቀጣል፡፡

4.2 የአራጣ ብድር የፍትሀብሄር ተጠያቂነት

በፍትሃብሔር ህግ አንቀጽ 1162 መሠረት አላግባብ መበልጸግ በፍትሃብሔር ቀጥታ ወይም በሌላ መንገድ በእርግጥ ተጎጂ የሆነው ሰው ወይም አካል የተበዳሪውን ችግር ውስጥ መግባት ወይም የመንፈስ/ስነ ልቦና ደካማናት በመጠቀም በማበደር ያልተገባ፣በህግ ያልተደገፈ የወለድ ምጣኔን በመተመን የሚያበድሩ አካላት በፍትሃብሔር ውል ህጎቻችን ቁጥር 1676 ጀምሮ እንደሚደነግገው ከፍቃድ ውጪ እንደሆነ ተቆጥሮ አላግባብ ጥቅም ለማግኘት ሲባል በህገወጥ ስምምነት/1808(2) መሠረት እንዳልነበረ ሊቆጠር የሚችል ወይም ሊፈርስ የሚችል ውል በመሆኑ ተበዳሪው ከተበደረው ክፍያ በላይ በአበዳሪው ተጠይቆ እንደሆነ ይህንን ሊያስመልስ መብት አለው።

5. የአራጣ ብድር ውል ጉዳቶች

5.1 አራጣ በተበዳሪዎች ላይ ከፍተኛ ጉዳት ሊያስከትል ይችላል። ተበዳሪዎች ለተበደሩት ገንዘብ እንዲከፍሉ የሚጠየቁት የወለድ መጠኑ በጣም የተጋነነ ስለሆነ ብድሩን መልሰው ሳይጨርሱ ጥሪታቸው ወይም በብድሩ ገንዘብ ሰርተው ያገኙትን ትርፍ አበዳሪው ስለሚወስድባቸው ለኪሳራ እና ለከፋ ድህነት ይዳረጋሉ፡፡ ተበዳሪዎች ጊዜያዊ ችግሮችን ለመቅረፍ ብለው በተበደሩት ገንዘብ ድህነትን ሸምተዉ ድሀ ሆነው ሲቀሩ፤ አበዳሪዎችም ምንም እሴት በኢኮኖሚ ውስጥ ሳይጨምሩ ሀብት የሚሰበስቡበት ሁኔታ ይፈጥራል፡፡

5.2 የአራጣ ወንጀል በግለሰቦች ላይ ከሚያደርሰው ጉዳት ባለፈ የድርጊቱ መበራከት ሀገራዊ ጉዳት በማስከተል የሀገር ኢኮኖሚ ላይ ሊያደርስ የሚችለው ተፅዕኖ ቀላል የሚባል አይሆንም። በአራጣ የሚዘዋወረው ገንዘብ ላይ መንግሥት እውቅና ስለማይኖረው ከትርፉ ላይ ግብር ስለማይከፈል መንግሥት ገቢ ሳይሰበስብ ይቀራል፡፡

5.3 ሌላው ጉዳት ገንዘብ ያላቸው ሰዎች ገንዘባቸውን ባንክ እንዳያስቀምጡ ከማድረጉ ጋር የተያያዘ ሲሆን ይህም የሚሆነው ጥቂትም ቢሆን ገንዘብ ያላቸው ሰዎች ገንዘባቸውን ባንክ ከማስቀመጥ ይልቅ አራጣ በማበደር እንዲሰማሩ በማድረጉ ነው፡፡ ገንዘቡ በባንክ ተቀመምጦ ለኢኮኖሚው ሊያበረክተው የሚችለውን አስተዋጽኦ የሚያስቀረው ሲሆን ወደ ባንኮች የሚገባው ተቀማጭ እየቀነሰ መሄዱ በመጨራሻም ባንኮች አቅም እያጠራቸው እንዲሄዱ ያደርጋቸዋል፡፡ ባንኮች ለብድር የሚውል ተቀማጭ ገንዘብ ሲያጥራቸው በተዘዋዋሪ አራጣ አበዳሪዎች የብድር አማራጭ ይሆናሉ፡፡ ይህ መሆኑ ደግሞ በተመጣጣኝ ወለድ መጠን ገንዘብ ተበድረው ሥራ ሊሰሩ የሚችሉ ሰዎች ብድር ሳያገኙ እንዲቀሩ ያደርጋቸዋል።

6. የህግ ምክር

ገንዘብ ተበዳሪዎች ወይም ፈላጊዎች ባስፈለጋቸው የኢንቨስትመንት ወይም የብድር አገልግሎት መስክ በመሰማራት ካልተፈለገ ጉዳትና ኪሳራ እንዲድኑ እንዲሁም በዘመነ የፋይናንስ ስረአት ለመመራት ፤ የፋይናንስ ተቋማት ብድር በተጠየቁ ጊዜ ቀልጣፋና፣ማራኪ በሆነ አገልግሎት የብድር አገልግሎት እንዲያቀርቡ የአሰራር ማሻሻል እንዲኖር ተገቢውን ጥረት ማድረግ እንዲሁም ለማህበረሰቡ ማለትም ለተበዳሪውም ሆነ ለአበዳሪው
አግባብ ያለው የህግ ግንዛቤ እንዲኖረው ማስቻል የሀገራችን ኢኮኖሚ እድገት እና ለዜጎች የነፍስ ወከፍ ገቢ መጨመር ከፍተኛ አስተዋጽኦ ይኖረዋል።

ማጣቀሻዎች/References/
1. የኢፊድሪ ወንጀል ህግ 1996
2. የኢትዮጵያ ፍተሀብሔር ህግ 1952
3. የኢትዮጵያ ብሔራዊ ባንክ የተቋቋመበት አዋጅ ቁጥር 591/2002
4. የፍትህ ሚኒስተር የፊት /የፌስቡክ/ ገጽ
45 ሌሎች የባንክ ፥የማይክሮ ፋይናንስ አበዳሪ ተቋማት አዋጅ፣ደንብ፣መመሪያዎች

ጠበቃና የህግ አማካሪ ፋንታሁን ደለለው
https://t.me/Fantahunlawye...
0929101037

የመደመር አንቀጽ

ትውልድ በአንድ ቤተሰብ ደረጃ ሲታይ፤ ወደላይና ወደ ታች የሚፈስ ወንዝ ነው። አባትና እናት፣ አያት፣ ቅድመ አያት እያለ ወደላይ፤ ልጅ፣ የልጅ ልጅ በማለትም ወደታች የሚተረተር የቤተሰብ ሠንሠለት ነው።

ልጅ የነበረው አባት፤ አባት የነበረው አያት፤ ቅድመ አያት... እየሆነ የሚፈጥረው ቅጥልጣይ ገመድ ነው፡፡ የቤተሰቡ ጥንካሬና መልካም ስም በእያንዳንዱ አስተዋጽዖና መልካም ሥራ ላይ ይመሠረታል። ስለዚህም የቀደመው ትውልድ፡ ቀጣዩ ትውልድ በመልካም እሴቶች የታነጸ እንዲሆን አበክሮ ይሠራል።

ሀገር የምትሠራውም እንደ ቤተሰብ በትውልድ ቅጥልጣይ ውስጥ ነው። በሀገር ደረጃ ትውልድ ሲባል በተቀራራቢ ዕድሜ ደረጃ የሚገኙ፣ በተመሳሳይ የታሪክ አጋጣሚዎች ውስጥ ያለፉ፣ በዘመኑ የእሳቤ _ ማዕቀፍ ውስጥ የተቀረጹና፣ ተመሳሳይ _ ጠባይን የሚያንጸባርቁ የየዘመኑ የኅብረተሰብ ከፍሎች ናቸው።

ማብቂያ የሌለው የሀገር ግንባታ ሂደት የሚከወነው፤ የየዘመኑ ትውልድ በሚሠራው መልካም ሥራና በሚቀጥለው ትውልድ ላይ በሚፈጥረው መልካም ተፅዕኖ ላይ ተመሥርቶ ነው።

የመደመር ትውልድ
ገጽ - 4
#ebc #ethiopia #ebcdotstream #medemer Ethiopian Broadcasting Corporation #generatio

7ኛው ብሔራዊ ምርጫ ሀገራዊ መግባባት ሊያመጣ አይችልም ሲል ኦፌኮ ገለጸ፤ ሁሉን አቀፍ ውይይት እንዲደረግም ጥሪ አቀረበ

የኦሮሞ ፌደራላዊ ኮንግረስ (ኦፌኮ) ግንቦት 24 ቀን 2018 ዓ.ም. የተካሄደውን 7ኛውን ሀገር አቀፍ ምርጫ በተመለከተ ባወጣው ይፋዊ መግለጫ፣ ሂደቱ በከፍተኛ መዋቅራዊ ግድፈቶች የተሞላና በሚሊዮኖች የሚቆጠሩ ዜጎችን የመምረጥ መብት የነፈገ በመሆኑ ለሀገሪቱ ዘላቂ ሰላምና ዲሞክራሲያዊ አስተዳደር ሊያመጣ አይችልም ሲል በጽኑ ተቃወመ።

ፓርቲው ሰኔ 3 ቀን 2018 ዓ.ም. ባወጣው መግለጫ፣ ምርጫው ከመካሄዱ በፊት ተቃዋሚ ኃይሎች ያቀረቧቸው እንደ ግጭቶች በአስቸኳይ መቆም፣ የፖለቲካ እስረኞች መፈታት፣ የሚዲያና ሲቪል ማህበረሰብ አፋኝ ህጎች መሰረዝና ገለልተኛ የምርጫ ቦርድ መቋቋም የመሳሰሉ መሰረታዊ ቅድመ ሁኔታዎች በመንግስት በኩል ቸል መባላቸውን ገልጿል።

በዚህም ምክንያት ሂደቱ "ለይስሙላ የተደረገ የፖለቲካ ድራማ" ነው ያለው ኦፌኮ፣ ሕጉን ለማክበር ሲል ብቻ በጥቂት እጩዎች እጅግ የተገደበ ተምሳሌታዊ ተሳትፎ ማድረጉን አስታውቋል።

በኦሮሚያ እና በአማራ ክልሎች ባሉ አውዳሚ ጦርነቶች ምክንያት በሰፊው የገጠርና የከተማ ዳርቻዎች ምርጫ ማካሄድ ባለመቻሉ ሂደቱ በከፍተኛ ወታደራዊ ጥበቃ ስር ባሉ ዋና ዋና ከተሞች ብቻ መገደቡንና በትግራይ ክልል ደግሞ ሙሉ በሙሉ አለመካሄዱን ፓርቲው ጠቅሷል።

ምርጫ በተካሄደባቸው አካባቢዎችም ቢሆን፦
* የምርጫ አስፈፃሚዎች ግልጽ አድሎአዊነት መታየቱ፣
* በመራጮች ላይ ማስፈራራትና በተቃዋሚ ተወካዮች ላይ ትንኮሳና ከጣቢያ የማስወጣት ተግባር መፈጸሙ፣
* የሀገር ውስጥ ታዛቢዎች ስልታዊ በሆነ መንገድ መከልከላቸው፣ ሂደቱን ታማኝነት ያጣ እንዳደረገው ገልጿል።
የዓለም አቀፍ ታዛቢዎችን ሚና በተመለከተም ኦፌኮ ጠንካራ ትችት ሰንዝሯል።

የአፍሪካ ህብረት እና የኢጋድ ልዑካን ከ52 ሺህ በላይ የምርጫ ጣቢያዎች ውስጥ ደህንነታቸው በተጠበቁ 208 (0.4%) ጣቢያዎች ላይ ብቻ ተሰማርተው ያወጡትን "ሰላማዊና ግልጽነት" ሪፖርት የምርጫ ዕለት ቱሪዝም ሲል አጣጥሎታል።

የአውሮፓ ህብረት (EU) በበኩሉ በምድር ላይ ታዛቢ ሳይመድብ በርቀት የሰጠውን በጎ መግለጫ የዲፕሎማሲ ማባበያ" (Diplomatic appeasement) እና አምባገነናዊነትን የሚያጸና ነው ብሎታል።

በማግለልና በመዋቅራዊ ስርቆት የተከናወነ ምርጫ የሀገሪቱን ጥልቅ ፖለቲካዊና ኢኮኖሚያዊ ስብራት ሊጠግን እንዲሁም ለገዥው ፓርቲ ዓለም አቀፍ አመኔታ ሊያስገኝ አይችልም ያለው ኦፌኮ፣ ብቸኛው አዋጭ መንገድ በአሁኑ ወቅት ከመንግስት ጋር በጦርነት ላይ ያሉ ታጣቂ ኃይሎችንና ሁሉንም የፖለቲካ ወገኖች ያካተተ እውነተኛና ሁሉን አቀፍ የፖለቲካ ውይይትማድረግ ብቻ ነው ብሏል።

በማጠቃለያውም ፓርቲው ሶስት ዋና ዋና አስቸኳይ ጥሪዎችን አቅርቧል፦

1. ለመንግስት፦

ልዩነቶችን በኃይል የመፍታት ስልት እንደማይሰራ ተገንዝቦ፣ ግጭቶች በዓለም አቀፍ ክትትል በአስቸኳይ እንዲቆሙ፣ የፖለቲካ እስረኞች እንዲፈቱና ለሀገራዊ ውይይት ምቹ ሁኔታ እንዲፈጥር

2. ለኢትዮጵያ ሕዝቦች፦

መሰረታዊ ችግሮች በዚህ ምርጫ እንደማይፈቱ በመረዳት፣ ለእውነተኛ ራስን በራስ ማስተዳደርና ሕብረ-ብሔራዊ ፌዴራሊዝም በሚደረገው ሰላማዊ ትግል ላይ እንዲጸኑ

3. ለዓለም አቀፉ ማህበረሰብ

ሂደቱ ነፃና ፍትሃዊ እንዳልነበር አውቆ፣ መንግስት ሐቀኛና ሁሉን አቀፍ ሀገራዊ ውይይት እንዲያካሂድ ትርጉም ያለው ጫና እንዲያሳድር ጠይቋል።
ኦፌኮ ዴሞክራሲያዊትና ሰላማዊት ፌዴራል ኢትዮጵያን እውን ለማድረግ ትግሉን በቁርጠኝነት እንደሚቀጥል በመግለጫው ማብቂያ ላይ አስታውቋል።

🏢 የሰመር ሪል እስቴት ልዩ የቤት ባለቤት የመሆን እድል!

በከተማችን እምብርት ቡልጋሪያ አደባባይ አካባቢ የሚገኙትን እጅግ ዘመናዊ፣ ሰፊ እና ምቹ የመኖሪያ አፓርታማዎችን በፈለጉት የካሬ አማራጭ ለሽያጭ አቅርበናል።

📐 የምርጫዎትን የካሬ እና የመኝታ አማራጮች ይምረጡ፦
🛏️ ባለ 1 መኝታ – 81 ካሬ
🛏️ ባለ 2 መኝታ – 111 እና 134 ካሬ
🛏️ ባለ 3 መኝታ – ከ168 ካሬ ጀምሮ

💰 እጅግ አስገራሚ ዋጋ እና ልዩ የክፍያ አማራጭ፦
💵 ዋጋ፦ በካሬ 89,000 ብር ብቻ!
📉 ቅድመ ክፍያ፦ 10% ብቻ በመክፈል ውል ያሰሩ!
🏦 የባንክ ብድር፦ 50% የባንክ ብድር የተመቻቸለት።

⏳ ጊዜ አይውሰዱ!
ይህ ታላቅ የዋጋ ቅናሽ የሚቆየው ለውስን ጊዜ ብቻ ስለሆነ፣ ቀድመው በመምጣት የዕድሉ ተጠቃሚ ይሁኑ።

📍 ቦታ፦ ቡልጋሪያ አደባባይ አካባቢ
📞 ለበለጠ መረጃ አሁኑኑ ይደውሉልን፦0912355631

የህልምዎን ቤት ዛሬውኑ በእጅዎ ያስገቡ! #summer #addisabababusiness #apartmentforrentplantation #shopforsale #apartmentforrent #amibaraproperties #realestate #የንግድቦታ #temerrealestate #teklehaymanotmall

📌 ሳር ቤት ላይ አፓርታማ 📌

❇️አፓርትመንት ለመግዛት 40 እና 50 ሚሊየን በሚጠየቅባት ሳርቤት

❇️ቴምር ሪልእስቴት ከ 6.3 ሚሊዮን ብር ጠቅላላ ክፍያ ጀምሮ ይዘን ቀርበናል

❇️በ 20% ቅድመ ክፍያ ከ 1.8 ሚሊዮን ብር ቅድመ ክፍያ ጀምሮ የራስዎ ያድርጉ

❇️ ቀሪውን በ 16 ዙር ቀስ ብለው ካለወለድ ይከፍላሉ
የሳይት መገኛው እዛው ሳርቤት አደባባይ አዳምስ ፓቪልየን አጠገብ

ባለ 1, 2 እንዲሁም ባለ 3 መኝታም ማግኘት ይችላሉ

❇️ለየት የሚያደርገን በዶላርም ይሁን በኮንስትራክሽን ዕቃ ግሽበት የዋጋ ማስተካከያ አይደረግባችሁም

👉ልብ ይበሉ ሳርቤት ላይ በዚህ ዋጋ አፓርትመንት ማግኘት አይታሰብም❗️
👉 እንዲሁም በ ፒያሳ አደባባይ ፊኒሺንግ ላይ ያሉ ዘመናዊ የ ንግድ ሱቅ አሉን

👉ውስን ቤቶች ስለቀሩ ፈጥነው በ 0908770077 / 0910798353 ይደውሉ

በዋትሳፕ ያውሩን - https://wa.me/251910798353...
#investment #ethiopiarealestate #temerrealestate #property #realestate

ታላቅ የምስራች ከጊፍት ሪል ስቴት!
******
ጊፍት ሪል ስቴት በለገሃር መንደሩ ከሰኔ 10/2018 ዓ.ም. ጀምሮ የዓመቱ ማጠቃለያ ልዩ የሽያጭ ኤክስፖ ከአበረታች ሽልማቶች ጋር አዘጋጅቷል!

✅ በ5% ቅድመ ክፍያ
✅ 20% ልዩ ቅናሽ

ዘመኑን የዋጁ ዲዛይኖችን ከአዳዲስ ቴክኖሎጂዎች ጋር በማዋሃድ፣ የነገን ኑሮ ዛሬ እየገነባን እንገኛለን።
📍 በለገሃር
📍 በተክለሃይማኖት
📍 በ22 ማዞሪያ
📍 በአትላስ
📍 በሲኤምሲ
📍 በፈረስ ቤት

መኖር በጊፍት መንደር!

ጊፍት ሪል ስቴት
ማህበረሰብ እንገነባለን!

📞 ለበለጠ መረጃ፦
Website: https://www.giftrealestate...
+251984 65 65 65/+251979 65 65 65

የቴክኖሎጂ እና የማኑፋክቸሪንግ ጥምረት - የሀገራዊ ብልጽግና አዲስ ሞተር
***********************
(የዕለቱ መልዕክት)

በሀገራችን የኢኮኖሚ መዋቅር ውስጥ እየታየ ላለው የተቀናጀ የለውጥ ጉዞ የማኑፋክቸሪንግ ዘርፉ ዋነኛ ማሳያ ነው።

ባለፉት አምስት ዓመታት የኢትዮጵያ የማኑፋክቸሪንግ እና የግንባታ ዘርፎች ትልቅ የለውጥ ማዕበል ፈጥረዋል።

ቀደም ሲል በባሕላዊ አሠራር የተተበተበው የግንባታ ኢንዱስትሪ እና በጥሬ ዕቃ ላኪነት የተወሰነው የማኑፋክቸሪንግ ዘርፍ፣ ዛሬ በቴክኖሎጂ ታግዘው እና እጅ እና ጓንት ሆነው የሀገር የጀርባ አጥንት ወደ መሆን ተሸጋግረዋል።

የመንግሥት ከፍተኛ የካፒታል በጀት ምደባ፣ የግዙፍ ብሔራዊ ፕሮጀክቶች መፈፀም፣ የከተሞች በፍጥነት መስፋፋት እንዲሁም የአረንጓዴ ዐሻራ እና የኮሪደር ልማት ፕሮጀክቶች ዘርፎቹን ወደ አዲስ ምዕራፍ አሸጋግረዋቸዋል።

በተለይም ባለፉት ዓመታት የተገነቡት የኢንዱስትሪ ፓርኮች ከግብርና መር ኢኮኖሚ ወደ ማኑፋክቸሪንግ ለሚደረገው ታሪካዊ መዋቅራዊ ሽግግር ተወዳዳሪ የሌለው ሚና በመጫወት ለግሉ ዘርፍ አዲስ የብርሃን በር ከፍተዋል።

አሁን በደረስንበት ደረጃ ላይ ሆነን ስንመዝነው፣ ይህ የዘመናት የልማት ሕልም ከወረቀት አልፎ በተግባር መሬት እየረገጠ ይገኛል። ጠቅላይ ሚኒስትር ዐቢይ አሕመድ (ዶ/ር) ትናንት የጎበኙት እና በ3ዲ ሕትመት፣ በቅድመ-ዝግጅት ቀላል ዓረብ ብረት እና በኮንቴይነር መኖሪያ ቤቶች ጥምረት በጥቂት ቀናት ውስጥ የተገነባው ዘመናዊ መንደር፣ ፍጥነት እና ጥራት እርስ በርስ የማይጋጩ መሆናቸውን ያረጋገጠ ሕያው ምስክር ነው።

በአሁኑ ወቅት የኢንዱስትሪ ፓርኮችን ወደ ልዩ የኢኮኖሚ ዞን የማሳደግ እና ማበረታቻዎችን በአፈጻጸም ላይ የመሠረቱ ፖሊሲዎች የውጭ ቀጥታ ኢንቨስትመንትን በከፍተኛ ሁኔታ እየሳቡ ይገኛሉ።

በግንባር ቀደምትነት የሚመራው የ“ኢትዮጵያ ታምርት” ንቅናቄም የገቢ ምርትን በሀገር ውስጥ በመተካት ረገድ አስደናቂ ድሎችን እያስመዘገበ ነው።

ባለፉት ዘጠኝ ወራት ውስጥ ብቻ 4 ነጥብ 85 ቢሊዮን ዶላር የሚገመት የገቢ ምርትን በጥራት መተካት መቻሉ እና የማኑፋክቸሪንግ ዘርፉ የ10.1% ዕድገት ማስመዝገቡ ትልቅ ስኬት ነው።

ቀደም ሲል ከፍተኛ የውጭ ምንዛሬ ይወጣባቸው የነበሩ እንደ መከላከያ እና ፖሊስ አልባሳት፣ ዘመናዊ የውኃ ቆጣሪዎች፣ የምግብ እና መጠጥ ውጤቶች አሁን ሙሉ በሙሉ በሀገር ውስጥ እየተመረቱ ይገኛሉ።

ከዚህ ባለፈም በሺዎች ለሚቆጠሩ ዜጎች፣ በተለይም ለወጣት ሴቶች የሥራ ዕድል መፈጠሩ እና የኤኮ-ኢንዱስትሪ ፓርኮች የአረንጓዴ ኢኮኖሚ ግንባታን በተግባር ማሳየታቸው አሁን ያለንበትን የላቀ ቁመና ያሳያል።

ሆኖም “ሳይቸግር ጤፍ ብድር” እንዲሉ የተመዘገቡት ስኬቶች በፈተናዎች እና በተግዳሮቶች የተከበቡ መሆናቸውን መዘንጋት የለብንም። የዓለም አቀፍ ሎጂስቲክስ መጓተት፣ የውጭ ምንዛሬ እጥረት፣ የኮንስትራክሽን ግብአቶች ፍላጎት እና አቅርቦት አለመመጣጠን አሁንም እየታገሉን ያሉ መዋቅራዊ ተግዳሮቶች ናቸው። ስለዚህ ይህ የተጀመረው የብልጽግና ጉዞ ዘላቂ እና ቀጣይ እንዲሆን ከተፈለገ ወደፊት በትኩረት ሊሠሩ የሚገባቸው ወሳኝ የቤት ሥራዎች አሉ።

በመጀመሪያ የውጭ ጥገኝነትን ሙሉ በሙሉ ለመቅረፍ የብረት እና ሌሎች ዋና ዋና የማጠናቀቂያ ቁሳቁሶችን በሀገር ውስጥ የማምረት አቅምን በከፍተኛ ደረጃ ማሳደግ ይገባል።

በሁለተኛ ደረጃ በግንባታው ዘርፍ የሕንፃ መረጃ ሞዴሊንግ (BIM) እና ዘመናዊ የዲጂታል መከታተያ መተግበሪያዎችን በስፋት በመጠቀም ብክነትን እና ጊዜን የመቀነስ የቴክኖሎጂ ሽግግር ተጠናክሮ ሊቀጥል ይገባል።

በሦስተኛ ደረጃ የሕግ እና የቁጥጥር ማዕቀፎችን በማጠናከር፣ የኮንትራት አስተዳደርን ማዘመን እና የግል እና የመንግሥት አጋርነትን (PPP) ማበረታታት የግድ ይላል።

“ካለፈው ስህተት የተማረ፣ ለወደፊቱ ብልህ ነው” እንደሚባለው፣ የተገኙትን መልካም አጋጣሚዎች በማስፋት እና ድክመቶችን በማረም፣ የጀመርነውን የኢንዱስትሪ ብልጽግና ጉዞ ብሩህ እና ተስፋ ሰጪ ማድረግ የምንችለው በዚሁ በቆራጥነት እና በጋራ የመሥራት ቀጣይነት ባለው መርሕ ላይ ስንጓዝ ብቻ ነው።

የኢቢሲ ዶትስትሪም ኤዲቶሪያል
#ethiopia #ebc #ebcdotstream #manufacturing #technology

ከ14 ሺህ ዓመታት በፊት አምስት ሰዎች ከአንድ የውሻ ዝርያ ጋር የፓይን ዛፍ ቅርንጫፎችን በማብራት ወደ ጣሊያን ዋሻ መግባታቸውን ተመራማሪዎች ገለጹ
#ethiopia | በሰሜን ምዕራብ ጣሊያን በሚገኘው የባሱራ ዋሻ ላይ የተደረገ አዲስ ጥናት ከ14 ሺህ 400 ዓመታት በፊት በነበረው የድንጋይ ዘመን ማክተሚያ ላይ የነበሩ ሰዎች በጥልቀት ወደ ውስጥ በሚዘልቁ የመሬት ውስጥ መተላለፊያዎች ውስጥ እንዴት ይጓዙ እንደነበር አዳዲስ ማስረጃዎችን ይፋ አድርጓል።

ተመራማሪዎች በወቅቱ የነበሩ ሰዎች ዋሻውን ለማብራት የተጠቀሙበትን ዘዴ ለማወቅ የአበባ ብናኝ ጥናቶችን፣ የከሰል ፍርፋሪ ትንተናዎችን፣ የአርኪኦሎጂ ቁፋሮዎችን እና የተግባር ሙከራዎችን አቀናጅተው ሰርተዋል።

በእነዚህ ጥናቶች አማካኝነት በወቅቱ በዋሻው ውስጥ የእግር አሻራቸውን ጥለው ባለፉ አምስት ሰዎች ላይ ያተኮረ የመልሶ ግንባታ ስራ ተከናውኗል።

በትዊራኖ ከተማ አቅራቢያ የሚገኘው የባሱራ ዋሻ በጣሊያን ካሉ እጅግ ጠቃሚ የቅድመ ታሪክ ዋሻዎች አንዱ ነው። ይህ ዋሻ የሰው ልጆች የእግር አሻራዎችን፣ አብሯቸው የነበረ የውሻ ዝርያ ያላቸውን እንስሳት አሻራ፣ በግድግዳዎች ላይ ያሉ የከሰል ምልክቶችን እና የጥንታዊ ዋሻ ድቦች ቅሪቶችን በውስጡ ይዟል።

ከዚህ ቀደም የተደረጉ ጥናቶች እነዚህን አሻራዎች የኒያንደርታል ሰዎች እንደሆኑ አድርገው አስበውት የነበረ ቢሆንም የራዲዮካርቦን የዕድሜ መለኪያ ፍተሻ ግን ጉብኝቱ የበረዶ ዘመን ማብቂያ አካባቢ እንደነበር አረጋግጧል።

በ2016 ዓመተ ምህረት የተጀመረው አዲሱ ፕሮጀክት እነዚህ የጥንት ሰዎች እስከ 800 ሜትር በሚረዝመው የዋሻ መዋቅር ውስጥ እንዴት ይንቀሳቀሱ እንደነበር ለመረዳት ያለመ ነበር።

ምስጢራዊው አዳራሽ ተብሎ በሚጠራው ስፍራ በተደረገ ቁፋሮ የተገኙ የከሰል ቅሪቶች እንደሚያሳዩት ከሆነ አብዛኛዎቹ የከሰል ስብርባሪዎች ከፓይን ዛፍ ትናንሽ ቅርንጫፎች የተገኙ ናቸው።

ይህ አዲስ ግኝት ቀደም ሲል የነበሩ ተመራማሪዎች ሰዎች በትላልቅ ዱላዎች የተሰሩ ችቦዎችን ይይዙ ነበር በማለት ያቀረቡትን ሃሳብ ውድቅ አድርጎታል።

ይልቁንም ሰዎች ከዛፍ ላይ የቆረጧቸውን ትናንሽ የፓይን ቅርንጫፎችን እንደ ተንቀሳቃሽ መብራት ይጠቀሙ እንደነበር ያሳያል።

ይህን ሃሳብ በተግባር ለመፈተሽ ተመራማሪዎች ተመሳሳይ የአየር ንብረት ባለው ሌላ ዋሻ ውስጥ ሙከራ አድርገዋል። በሙከራው መሰረት ሁለት የሚቃጠሉ የፓይን ቅርንጫፎች ለአምስት ሰዎች ቡድን በቂ ብርሃን መስጠት እንደሚችሉና የሰዎች አይን ከጨለማው ጋር ሲላመድ እስከ አስር ሜትር ርቀት ድረስ በግልጽ ማየት እንደሚያስችል ታይቷል።

እነዚህ ትናንሽ ቅርንጫፎች አነስተኛ ጭስ የሚፈጥሩ ከመሆናቸውም በላይ ቡድኑ በጠባብ መተላለፊያዎች ውስጥ በቀላሉ እንዲንቀሳቀስ ረድተዋል።

ጥናቱ የጥንት የሰው ልጆች በአካባቢያቸው የሚገኙትን የተፈጥሮ ሀብቶች በጥቅም ላይ በማዋል ረገድ የነበራቸውን ከፍተኛ ብልሃት የሚያሳይ ነው።

Getu Temesgen - (ጌጡ ተመስገን)
#archaeology #italy #prehistory #science #history #getutemesgen #getu #ጌጡ #ጌጡተመስገን #addisababa

(ዘ-ሐበሻ ዜና) የሰብዓዊ መብቶች ተሟጋች ድርጅቱ (ሂውማን ራይት ዋች)፣ በኢትዮጵያ እና በአሜሪካ መካከል የተደረገው አዲስ የሁለትዮሽ የጤና ድጋፍ ስምምነት የኢትዮጵያን ብሔራዊ የጤና ፖሊሲ ሉዓላዊነት፣ የመረጃ ሚስጥራዊነት እና የባዮሎጂካል ሀብት ቁጥጥርን አደጋ ላይ የሚጥል መሆኑን በማስጠንቀቅ ከፍተኛ ስጋቱን ገልጿል። የአሜሪካ ተራድኦ ድርጅት (USAID) ከፈረሰ በኋላ በአዲሱ የአሜሪካ አስተዳደር "አሜሪካ ትቅደም" ፖሊሲ ማዕቀፍ ስር የተፈረመው ይህ ስምምነት፣ የጤና እርዳታን ከበርካታ ጥብቅ ቅድመ-ሁኔታዎች ጋር የሚያስተሳስር ነው።

ድርጅቱ ባወጣው ሂሳዊ ምልከታ መሰረት፣ የገንዘብ ድጋፉ የአሜሪካን ጥብቅ የስነ-ተዋልዶ ፖሊሲዎችን ማክበርን ግዴታ ያደርጋል፤ በተለይም ከፅንስ ማቋረጥ ጋር የተያያዘውን የሄልምስ ማሻሻያ ህግን አፈጻጸም መከታተልን ያካትታል። ይህንን መረጃ አሳልፎ አለመስጠት ወሳኝ የሆኑ የሀገሪቱን የጤና ፕሮግራሞች ሊያስተጓጉል ወይም ስምምነቱን ሙሉ በሙሉ ሊያቋርጥ እንደሚችል ተገልጿል።

ከዚህም በተጨማሪ ስምምነቱ ኢትዮጵያ አዳዲስ ተላላፊ በሽታዎችን የተመለከቱ ጥልቅ የባዮሎጂካል እና የፓቶጅን ናሙናዎችን ለአሜሪካ እንድታጋራ የሚያስገድድ ነው። ሆኖም ከእነዚህ ናሙናዎች ከሚሰሩ ክትባቶች እና መድኃኒቶች ላይ ኢትዮጵያ ፍትሃዊ ተጠቃሚነት እንደምታገኝ የሚያረጋግጥ ምንም ዓይነት ግልጽ ዋስትና በስምምነቱ ውስጥ አለመካተቱ ሌላኛው አብይ ስጋት ሆኗል።

ይህ የ1.46 ቢሊዮን ዶላር ስምምነት በውጫዊ ገጽታው የጤና ዘርፉን ለመደገፍ የታለመ ቢመስልም፣ በረዥም ጊዜ ግን የውጭ ሀገራትን ፍላጎት እና ቁጥጥር በኢትዮጵያ ብሔራዊ የጤና ፖሊሲ ውስጥ እንዲሰርጽ ሊያደርግ እንደሚችል ተንታኞች ያስጠነቅቃሉ። አያይዘውም ስምምነቱ በማህበረሰብ ላይ ለተመሰረቱ የጤና ተቋማት የሚሰጠውን ድጋፍ የሚያዳክም መሆኑን ጠቁመዋል።

ይህ ዓይነቱ እርዳታን ከመረጃ እና ሉዓላዊነት ጋር የሚያስተሳስር ስምምነት በአፍሪካ አህጉር ከፍተኛ አከራካሪ እየሆነ መጥቷል። ከዚህ ቀደም ጋና፣ ዛምቢያ እና ዚምባብዌ ተመሳሳይ የሆኑ የአሜሪካ የጤና ትብብር ስምምነቶችን በመረጃ ሚስጥራዊነት እና በሉዓላዊነት ስጋት ምክንያት ውድቅ ማድረጋቸው ይታወሳል። በመሆኑም ይህ የኢትዮጵያ ስምምነትም ከሚያስገኘው ጊዜያዊ የገንዘብ ጥቅም ባሻገር፣ በረዥም ጊዜ በሀገሪቱ የፖሊሲ ነጻነት ላይ የሚያመጣው ተጽዕኖ በጥልቀት ሊመረመር እንደሚገባ ጥሪ ቀርቧል።

ኮንትሮባንድ የጫኑ ተሽከርካሪዎች እንዲወረሱ ተወሰነ

መፍትሔ ወይስ ተጨማሪ ስጋት?

​የሕዝብ ተወካዮች ምክር ቤት የኮንትሮባንድ ማጓጓዣዎችን እስከ መውረስ የሚያደርስ የጉምሩክ ማሻሻያ አዋጅ በሁለት ተቃውሞና በአብላጫ ድምፅ አፅድቋል።

ቀደም ሲል የነበረው የ100 ሺህ ብር ቅጣት ማነስ ሕገ-ወጥ ንግዱን ሊያስቆም ባለመቻሉ ማሻሻያው ማስፈለጉ ተገልጿል።

​አዲሱ አዋጅ ዕቃ ለመደበቅ የተለወጡ ወይም ሙሉ በሙሉ ኮንትሮባንድ የጫኑ ተሽከርካሪዎች ያለዋጋ ግምታቸው ተወርሰው ቀጥታ ለመንግሥት ገቢ እንዲሆኑ በግልፅ ደንግጓል።

​የአስመጪዎችን የመከራከር መብት ለማስከበርም፣ ይግባኝ ለመጠየቅ ሙሉ ታክስ መክፈል የነበረበት አሰራር ተቀይሮ አከራካሪውን 50% ብቻ በማስያዝ እንዲከራከሩ ተፈቅዷል።

​ግዴታቸውን ባልተወጡ አጓጓዦችና መጋዘኖች ላይ ጠንከር ያለ አስተዳደራዊ ቅጣት የተጣለ ሲሆን፣ የጥንቃቄ ጉድለት ላሳዩ ባለቤቶችም የገንዘብ መቀጮ ተደንግጓል።

​ተንታኞች ግን አዋጁ የይግባኝ ቅድመ-ሁኔታን ማቃለሉ ለነጋዴው መብት መከበር ትልቅ እመርታ ቢሆንም፣ ተሽከርካሪን ሙሉ በሙሉ መውረስ ግን ንብረታቸው በሾፌሮች ወይም በባለገንዘቦች ለሕገ-ወጥ ተግባር ለሚበዘበዝባቸው ባለቤቶች ላይ መራራና ያልተመጣጠነ ኪሳራ ሊያስከትል ይችላል ሲሉ ስጋታቸውን እየገለፁ ይገኛሉ።

Seledadotio
Seledadotio

🏢 የሰመር ሪል እስቴት ልዩ የቤት ባለቤት የመሆን እድል!

በከተማችን እምብርት ቡልጋሪያ አደባባይ አካባቢ የሚገኙትን እጅግ ዘመናዊ፣ ሰፊ እና ምቹ የመኖሪያ አፓርታማዎችን በፈለጉት የካሬ አማራጭ ለሽያጭ አቅርበናል።

📐 የምርጫዎትን የካሬ እና የመኝታ አማራጮች ይምረጡ፦
🛏️ ባለ 1 መኝታ – 81 ካሬ
🛏️ ባለ 2 መኝታ – 111 እና 134 ካሬ
🛏️ ባለ 3 መኝታ – ከ168 ካሬ ጀምሮ

💰 እጅግ አስገራሚ ዋጋ እና ልዩ የክፍያ አማራጭ፦
💵 ዋጋ፦ በካሬ 89,000 ብር ብቻ!
📉 ቅድመ ክፍያ፦ 10% ብቻ በመክፈል ውል ያሰሩ!
🏦 የባንክ ብድር፦ 50% የባንክ ብድር የተመቻቸለት።

⏳ ጊዜ አይውሰዱ!
ይህ ታላቅ የዋጋ ቅናሽ የሚቆየው ለውስን ጊዜ ብቻ ስለሆነ፣ ቀድመው በመምጣት የዕድሉ ተጠቃሚ ይሁኑ።

📍 ቦታ፦ ቡልጋሪያ አደባባይ አካባቢ
📞 ለበለጠ መረጃ አሁኑኑ ይደውሉልን፦0912355631

የህልምዎን ቤት ዛሬውኑ በእጅዎ ያስገቡ! #summer #addisabababusiness #apartmentforrentplantation #shopforsale #apartmentforrent #amibaraproperties #realestate #የንግድቦታ #temerrealestate #teklehaymanotmall

ለኢትዮጵያ ዕድገት መሠረት የሆኑ ስኬታማ ሥራዎች ማከናወን ወቅቱ የሚጠይቀው ጉዳይ ነው
**********
ሰላምና ልማት እያንዳንዱ ዜጋ በባለቤትነት ስሜት ሊሳተፍባቸው የሚገቡ ወሳኝ ጉዳዮች ናቸው።

የኢኮኖሚ ልማት የሀገር ሉዓላዊነት መገለጫ እንደመሆኑ ሳይታክቱ መስራት እና
በሰላም ጥላ ስር ዐሻራን ማኖር ደግሞ የብልህነት መገለጫዎች ናቸው።

በአሁኑ ወቅት በኢትዮጵያ የተለያዩ ከተሞች የአረንጓዴ ዐሻራ መርሃ ግብርን በታቀደው ልክ ለማከናወን ሰፊ የቅድመ ዝግጅት ሥራዎችን እያከናወኑ ይገኛሉ።

ይህ የአካባቢ ጥበቃ ዝግጅት የከተሞችን ውበት ከመጠበቅ ባለፈ፣ ለአየር ንብረት ለውጥ የማይበገር ኢኮኖሚ ለመገንባት ትልቅ ፋይዳ አለው።

ከዚህ ጎን ለጎንም የምግብ ዋስትናን ለማረጋገጥ በትኩረት የሚከናወኑ የግብርና ልማት ሥራዎች ይበልጥ ተጠናክረው መቀጠል ይኖርባቸዋል።

ሰላምን በተግባር እያጸኑ ልማትን ማስቀጠል አማራጭ የሌለው ጉዳይ ነው። በዚህ ረገድ
የልማት ፕሮጀክቶች የሚጠበቅባቸውን ፍሬ እንዲያስገኙ ከእኔ ምን ይጠበቃል? የሚለውን ጉዳይ እያጤኑ፣ ኃላፊነትን መወጣት ያስፈልጋል።

በአጠቃላይ ሰላምን እያጸኑ በመጓዝ እና አረንጓዴ ልማትን ከግብርና ምርታማነት ጋር በማቀናጀት የሕዝብን የኑሮ ደረጃ ማሻሻል የጋራ ግባችን ሊሆን ይገባል።
#ethiopianbroadcastingcorporation #ethiopia #development

ፊሊፒንስ : በመሬት መንቀጥቀጥ የ 32 ሰዎች ሕይወት አለፈ
#ethiopia | በደቡባዊ ፊሊፒንስ ሚንዳናኦ ደሴት አቅራቢያ ያጋጠመ እና በሬክተር ስኬል 7.8 መለኪያ የተመዘገበ ከፍተኛ የመሬት መንቀጥቀጥ አደጋ የ32 ሰዎችን ሕይወት ማለፉ ተረጋግጧል።

የአገሪቱ ይፋዊ መግለጫዎች እንደሚያመለክቱት ከሟቾቹ በተጨማሪ ከአንድ መቶ በላይ የሚሆኑ ዜጎች ላይ የተለያዩ የአካል ጉዳቶች ደርሰዋል።

ይህ አውዳሚ የተፈጥሮ አደጋ መጀመሪያ ላይ በፊሊፒንስ፣ ኢንዶኔዥያ፣ ጃፓን እና አውስትራሊያ የባሕር ሞገድ ወይም የሱናሚ ሥጋት አሳድሮ የነበረ ቢሆንም፣ የተሰጡት የቅድመ ማስጠንቀቂያዎች ብዙም ሳይቆዩ ተነስተዋል።

አደጋው በመኖሪያ አካባቢዎች ላይ ባስከተለው የመሬት መንሸራተት እና የሕንፃዎች መደርመስ ምክንያት በተለይም በሳራንጋኒ እና በጄኔራል ሳንቶስ ክልሎች ላይ ከፍተኛ ውድመት አድርሷል።

እስከ አሁን ድረስ የሃያ ሰዎች ደብዛ የጠፋ ሲሆን፣ ወደ አሥር ሺሕ የሚጠጉ ነዋሪዎች ደግሞ ደህንነታቸው ወደተጠበቀ ስፍራ ለመሸሽ ከቀያቸው ለመፈናቀል መገደዳቸው ታውቋል።

የአገሪቱ ፕሬዝዳንት ፈርዲናንድ ማርኮስ ጁኒየር የመንግሥት የሥራ ኃላፊዎች የአደጋውን ጉዳት ለመቀነስ እና ድጋፍ ለማቅረብ በቅንጅት እየሰሩ መሆኑን ገልጸዋል።

እንደ ቢቢሲ ዘገባ ከሆነ በአካባቢው የሚገኙ የትምህርት ተቋማትም ለጊዜው ተዘግተው እንዲቆዩ ትዕዛዝ ተላልፏል።
#digitalhagerie #earthquake #philippines #naturaldisaster #asianews #getutemesgen #getu #ጌጡ #ጌጡተመስገን #addisababa

🏢 የሰመር ሪል እስቴት ልዩ የቤት ባለቤት የመሆን እድል!

በከተማችን እምብርት ቡልጋሪያ አደባባይ አካባቢ የሚገኙትን እጅግ ዘመናዊ፣ ሰፊ እና ምቹ የመኖሪያ አፓርታማዎችን በፈለጉት የካሬ አማራጭ ለሽያጭ አቅርበናል።

📐 የምርጫዎትን የካሬ እና የመኝታ አማራጮች ይምረጡ፦
🛏️ ባለ 1 መኝታ – 81 ካሬ
🛏️ ባለ 2 መኝታ – 111 እና 134 ካሬ
🛏️ ባለ 3 መኝታ – ከ168 ካሬ ጀምሮ

💰 እጅግ አስገራሚ ዋጋ እና ልዩ የክፍያ አማራጭ፦
💵 ዋጋ፦ በካሬ 89,000 ብር ብቻ!
📉 ቅድመ ክፍያ፦ 10% ብቻ በመክፈል ውል ያሰሩ!
🏦 የባንክ ብድር፦ 50% የባንክ ብድር የተመቻቸለት።

⏳ ጊዜ አይውሰዱ!
ይህ ታላቅ የዋጋ ቅናሽ የሚቆየው ለውስን ጊዜ ብቻ ስለሆነ፣ ቀድመው በመምጣት የዕድሉ ተጠቃሚ ይሁኑ።

📍 ቦታ፦ ቡልጋሪያ አደባባይ አካባቢ
📞 ለበለጠ መረጃ አሁኑኑ ይደውሉልን፦0912355631

የህልምዎን ቤት ዛሬውኑ በእጅዎ ያስገቡ! #summer #addisabababusiness #apartmentforrentplantation #shopforsale #apartmentforrent #amibaraproperties #realestate #የንግድቦታ #temerrealestate #teklehaymanotmall

በምግብ ወለድ በሽታዎች በዓለም ላይ በየዓመቱ እስከ 1.5 ሚሊዮን ሕዝብ ይሞታል ተባለ!
#fastmereja I በዓለም ላይ በየዓመቱ ወደ 866 ሚሊዮን የሚጠጉ ሰዎች በምግብ ወለድ በሽታዎች (Foodborne illnesses) የሚጠቁ ሲሆን፣ ከእነዚህም ውስጥ እስከ 1.5 ሚሊዮን የሚሆኑት ሕይወታቸውን እንደሚያጡ የዓለም ጤና ድርጅት (WHO) አዲስ ያወጣው መረጃ አመለከተ።

ይህ አስደንጋጭ የወረርሽኝ ጫና በተለይ ዕድሜያቸው ከ5 ዓመት በታች የሆኑ ሕፃናትን እና በማደግ ያሉ አገራትን በከፍተኛ ሁኔታ እያጠቃ እንደሚገኝ ተገልጿል።

ይህ የተገለጸው የኢትዮጵያ ምግብና መድኃኒት ባለሥልጣን (EFDA) ከዓለም የምግብ ፕሮግራም (WFP) ጋር በመተባበር “ከምግብ ደህንነት ችግሮች ወደ መፍትሔዎች በሁሉም ቦታ ደህንነቱ የተጠበቀ ምግብ” በሚል መሪ ቃል በዛሬዉ እለት በስካይላይት ሆቴል ባዘጋጁት የዉይይት መድረክ ላይ ነው።

መድረኩ በዓለም አቀፍ ደረጃ ለ8ኛ ጊዜ፣ በኢትዮጵያ ደግሞ ለ7ኛ ጊዜ የተከበረውን የዓለም የምግብ ደህንነት ቀንን ምክንያት በማድረግ የተዘጋጀ ሲሆን፣ ከፍተኛ የመንግሥት የሥራ ኃላፊዎችና ባለድርሻ አካላት ተገኝተዋል።

በመድረኩ ላይ ንግግር ያደረጉት በኢትዮጵያ የደብሊውኤፍፒ (WFP) የሰፕላይ ቼይን ኃላፊ የሆኑት ክላራ ሲልቫ እንደገለፁት ፣ እነዚህ ቁጥሮች ዝም ብለው ቁጥር ብቻ ሳይሆኑ አስቸኳይ የድርጊት ጥሪዎች መሆናቸውን ገልጸዋል።

ድርጅታቸው በአሁኑ ወቅት በኢትዮጵያ ለ3 ሚሊዮን ተጋላጭ ወገኖች ድጋፍ እያደረገ መሆኑን ጠቅሰው፣ ከ2026 እስከ 2030 ባለው ስትራቴጂካዊ ዕቅድ ምግብን ከውጭ ከማስገባት ይልቅ ወደ ሀገር ውስጥ ምርት ግዢ (Local Sourcing) ለማሸጋገር እየተሠራ መሆኑን አስታውቀዋል።

የኢትዮጵያ ምግብና መድሀኒት ባለስልጣን በበኩሉ የምግብ ቁጥጥር ሥርዓቱን "ከቅድመ-ገበያ እስከ ድኅረ‐ገበያ" ለማዘመን በርካታ ስኬቶችን ማስመዝገቡን ይፋ ያደረገ ሲሆን በተጨማሪም በኬላዎች ላይ ያለውን ቁጥጥር የሚያጠናክር ግዙፍና ዘመናዊ የላቦራቶሪ ኮምፕሌክስ ግንባታ ወደ ማጠናቀቂያው መድረሱ ተገልጿል።

እንዲሁም ማንኛውም ያልታወቀ ወይም ያልተረጋገጠ የምግብ ምርት ወደ አገር ውስጥ እንዳይገባ፣ ይዘቱና የአመራረት ሂደቱ በጥልቀት የሚገመገምበት ዘመናዊ የሰነድ ምዝገባ ሥርዓት ወደ ሥራ መግባቱን አስታዉቋል።

የባለሥልጣኑ ዋና ዳይሬክተር ወ/ሮ ሄራን ገርባ በመርሃ-ግብሩ ላይ እንደተናገሩት፣ ይህንን የጥራት ማረጋገጫና የቁጥጥር ሥርዓት ወደ ክልሎች፣ በተለይም የተቀናጁ የግብርና ማቀነባበሪያና የኢንዱስትሪ ፓርኮች ወደሚገኙባቸው አካባቢዎች የማውረድ ሥራ መጀመሩን ገልፀዋል።

ዋና ዳይሬክተሯ አክለዉም ክልሎች የችርቻሮ ንግዱንና የአቅርቦት መስመሩን የሚቆጣጠሩ በመሆናቸው፣ በታችኛው መዋቅር ላይ የጥራት ማረጋገጫ ሥርዓት መዘርጋት "የመደራደሪያ ጉዳይ አይደለም" ሲሉ ገልፀዋል።

ችግሩን በዘላቂነት ለመቅረፍም የክትትል ሥርዓትን ማጠናከር፣ በሳይንስ ላይ የተመሰረቱ ውሳኔዎችን መውሰድ፣ አርቴፊሻል ኢንተለጀንስን (AI) ጨምሮ አዳዲስ ቴክኖሎጂዎችን መጠቀም እና ከዓለም አቀፍ ተቋማት ጋር ያለውን ትብብር ማሳደግ እንደሚገባ በመድረኩ ላይ አቅጣጫ ተቀምጧል።

እንዲሁም በመርሀ-ግብሩ ላይ ባለድርሻ አካላት በጉዳዩ ዙሪያ የተለያዩ ገለፃዎችን ያቀረቡ ሲሆንየ2026 (እ.ኤ.አ) የዓለም የምግብ ደህንነት ቀን ዋና መሪ ቃል የሆነውን “ከችግር ወደ መፍትሄ - አስተማማኝ ምግብ በየትኛውም ቦታ” (From Burden to Solutions - Safe Food Everywhere) የሚለውን ሀሳብ መሰረት ያደረገ የፓናል ዉይይትም ተካሂዷል።

በአዲስ አበባ የፈጣን አውቶቢስ ትራንስፖርት ኮሪደር ግንባታ በጥሩ ፍጥነት ላይ እንደሚገኝ ተነገረ
#ethiopia | በአዲስ አበባ ከተማ ከጎፋ ማዞሪያ ተነስቶ በሜክሲኮ በኩል እስከ ፒያሳ የሚዘልቀው የፈጣን አውቶቢስ መስመር (BRT B2) ኮሪደር የልማት ፕሮጀክት ግንባታ በጥሩ ሁኔታ እየተከናወነ መሆኑ ታውቋል።

በፈረንሳይ የልማት ድርጅት እና በከተማዋ አስተዳደር በጋራ የገንዘብ ድጋፍ የሚከናወነውን የዚሁ የመጀመሪያ ምዕራፍ የሙከራ ፕሮጀክት ግንባታ የቻይናው ኮሚኒኬሽን ኮንስትራክሽን ካምፓኒ እያካሄደው ሲሆን፣ ሲስተራ የተባለው ተቋም ከኮር አማካሪ ድርጅት ጋር በመሆን የማማከርና የቁጥጥር ስራውን እያከናወኑት ይገኛሉ።

በአሁኑ ሰዓት ከቡልጋሪያ ማዞሪያ እስከ ገነት ሆቴል ባለው ወደ አንድ ኪሎ ሜትር ገደማ በሚጠጋው መንገድ ላይ የአፈር ቆረጣ፣ የፍሳሽ ማስወገጃ መስመር ዝርጋታ፣ የከልቨርት ቦክስ ግንባታና የሙሌት ስራዎች እየተከናወኑ እንደሚገኙ ከአዲስ አበባ ከተማ መንገዶች ባለሥልጣን የተገኘው መረጃ ያመለክታል።

ይህ ስምንት ነጥብ ሁለት ኪሎ ሜትር ርዝመት ያለው የመጀመሪያ ምዕራፍ ፕሮጀክት በተጠናከረ ሁኔታ እየቀጠለ ባለበት በዚህ ወቅት፣ ከጎፋ እስከ ጀሞ መብራት የሚዘልቀውን ሁለተኛውን ምዕራፍ ግንባታ ለመጀመር አስፈላጊው ቅድመ ዝግጅት እየተደረገ ነው።

ቀደም ሲል ከጀሞ ሚካኤል ትራፊክ መብራት እስከ ጀሞ ሶስት አደባባይ ያለው መስመር በአስፋልት ንጣፍ ተጠናቆ አገልግሎት እየሰጠ ይገኛል።

ይህ አዲሱ የፈጣን አውቶቢስ ኮሪደር ፕሮጀክት ሙሉ በሙሉ ሲጠናቀቅ የከተማዋን የህዝብ ትራንስፖርት ችግር በከፍተኛ ደረጃ ያቃልላል ተብሎ ይጠበቃል።
#አዲስአበባ #ትራንስፖርት #የመንገድግንባታ #brt #getutemesgen #getu #ጌጡ #ጌጡተመስገን #addisababa

እናታችን ቅድስት ድንግል ማርያም ከክፉ ነገር ሁሉ ትከልለን፤ ምልጃዋ እና ረድኤቷም አይለየን🙏

ነቢየ እግዚአብሔር ኢሳይያስ በትንቢቱ ኢሳ 7፡14 "ድንግል ትጸንሳለች፤ ወንድ ልጅም ትወልዳለች" ብሎ የተናገረላት ያቺ ድንግል በዚህች ዕለት ተወለደች፡፡ ይህች ቀን ልበ አምላክ ክቡር ዳዊት በመዝ 44÷9 "የወርቅ ልብስ ተጎናጽፋ ንግሥቲቱ በቀኝህ ትቆማለች" ብሎ የተናገረላት እመቤታችን ቅድስት ድንግል ማርያም የተገኘችባት ናት፡፡ ቅዱስ ዮሐንስም በራዕይ 12÷1 "ፀሐይን የተጎናጸፈች፣ ጨረቃን የተጫማች፣ አስራ ሁለት የክዋክብት አክሊል በራሷ ላይ ያላት" ብሎ የመሰከረላት የብርሃን እናቱ ድንግል ማርያም የተወለደችባት ቀን ናት፡፡ የእርስዋም ልደት እንደ እንግዳ ደራሽ እንደ ውኃ ፈሳሽ ድንገት የተከሰተ ሳይሆን አስቀድሞ በትንቢት፣ በምሳሌና በራዕይ የሰውን ልጅ ድኅነት በጉጉት ሲጠባበቁ ለነበሩ ቅዱሳን ሲገለጽ የነበረ መሆኑን ቅዱስ መጽሐፍ እንዲህ ያስረዳናል፡፡

በኦርቶዶክሳዊት ተዋሕዶ ቤተ ክርስቲያን ግንቦት አንድ ቀን (የግንቦት ልደታ) የእመቤታችን የቅድስት ድንግል ማርያም ልደት የሚከበርበት ዕለት ነው፡፡ ይህ ዕለት ቅዱስ ኤፍሬም በውዳሴ ማርያም ‹‹የመመኪያችን ዘውድ፣ የንጽሕናችንም መሰረት›› ያላት ወላዲተ አምላክ ድንግል ማርያም የተወለደችበት ነው፡፡ ጠቢቡ ንጉስ ሰሎሞን በመኃልይ 4÷8 "ንዒ እምሊባኖስ መርዓት ንዒ እምሊባኖስ፡ ሙሽራዬ ሆይ ከሊባኖስ ከእኔ ጋር ነይ፡፡" ብሎ እንደተናገረ በኦርቶዶክሳዊት ተዋሕዶ ቤተ ክርስቲያን መጻሕፍት መሰረት የእመቤታችን የትውልድ ስፍራ ሊባኖስ የተባለው ተራራማ ሀገር ነው፡፡

ቅድስት ድንግል ማርያም ግንቦት 1 ቀን በ15 ዓ.ዓ ቅድመ ልደተ ክርስቶስ በሊባኖስ ተራራ ተወልዳለች፡፡ ኢትዮጵያዊው ሊቅ ቅዱስ ያሬድ ስለእመቤታችን ልደት "ማርያምሰ ተኀቱ እምትካት ውስተ ከርሱ ለአዳም ከመ ባሕርይ ጸዓዳ/ ማርያም ግን ከጥንት ጀምሮ በአዳም ባሕርይ ውስጥ እንደ ነጭ ዕንቁ ታበራለች፡፡ በማለት እርሷ በደፈረሰው ዓለም በንጽሕና፣ በቅድስናና በድንግልና ስታበራ እንደነበርና ኋላም የዓለም ብርሃን የሆነውን ኢየሱስ ክርስቶስን መውለዷን አመስጥሮ ተናግሯል።

ኢትዮጵያዊ ቄርሎስ የተባለው የነገረ ማርያም ሊቅ አባ ጊዮርጊስ ዘጋሥጫ ሰሎሞን እመቤታችን በሊባኖስ እንደምትወለድ አስቀድሞ ሰሎሞን ስለእመቤታችን የተናገረውን ቃል መፈጸሙን ሲያመሰጠር "የአናብስት ልጅ አልኩሽ፡፡ ሙሽራዪት ሆይ ከሊባኖስ ተራራ ነዪ፤ ከአንበሶች ጒድጓድ ወጥተሽ ነዪ፤ ከምርጥ ነገድነት የተነሣ ከሚመካ ወገን የመወለድሽ ዜና እጅግ ግሩም ነው፡፡" ይላል፡፡ እመቤታችንም በሊባኖስ ተራራ እንድትወለድ ምክንያት የሆነው በማሕፀን ሳለች የአርሳባንን ልጅ ዓይን በማብራቷና ሳሚናስ የሚባለውን የጦሊቅን ልጅ ከሞት በማስነሳቷ አይሁድ በቅናት ተነሳስተውባቸው ስለነበር ሐናና ኢያቄም ወደ ሊባኖስ ተራራ እንዲሄዱ ታላቁ መልአክ ቅዱስ ገብርኤል ለኢያቄም ተገልጾ ስለነገራቸው እንደሆነ የቤተ ክርስቲያን መጻሕፍት ያስረዳሉ፡፡ ስለታላቅ መንፈሳዊ ተልዕኮ ሲባል ከሚያውቁት ቦታ መራቅን፣ ከለመዱት ቀዬ መሰደድን ከእመቤታችን የተረዱት ገዳማውያንም ዓለምን ንቀው ስሟን ስንቅ አድርገው ይመንናሉ። ገዳማቸውን ስንደግፍ ፣ በዓታቸውን ስናጸና የበረከታቸው ተሳታፊ እንሆናለን።

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

(ዘ-ሐበሻ ዜና ዳሰሳ) በሊባኖስ ሄዝቦላህ ላይ እስራኤል እየወሰደች ባለው ወታደራዊ እርምጃ ሳቢያ በኢራን፣ በእስራኤል እና በአሜሪካ መካከል ያለው ውጥረት ባለፉት ጥቂት ቀናት ከፍተኛ ደረጃ ላይ ደርሷል። እስራኤል በቤሩት ደቡባዊ ዳርቻዎች ላይ ዳግም ጥቃት ለመሰንዘር መወሰኗን ተከትሎ፣ ቴህራን ይህ ድርጊት ከተፈጸመ በሰሜን እስራኤል ላይ አዲስ ጥቃት እንደምትፈጽም ማስጠንቀቋ ይታወሳል።

በሊባኖስ ሊፈጠር የሚችለውን ሰፊ ግጭት ለመከላከል የአሜሪካው ፕሬዝዳንት ዶናልድ ትራምፕ፣ በኢራን እና በአሜሪካ መካከል በችግር ላይ ያለው የተኩስ አቁም ስምምነት እንዳይፈርስ በማሰብ እስራኤል ከእርምጃዋ እንድትታቀብ በጠንካራ ቋንቋ አሳስበዋል። ኔታንያሁ ይህንን ጥያቄ ቢቀበሉም፣ ሁኔታው ሄዝቦላህ ወደ ሰሜን እስራኤል ተጨማሪ ሮኬቶችን እስከማይተኩስ ድረስ የሚል ቅድመ ሁኔታ ተቀምጦበት ነበር።
በአሜሪካ አደራዳሪነት በእስራኤል እና በሊባኖስ መንግስታት መካከል አዲስ የተኩስ አቁም ስምምነት ቢደረግም፣ በምድር ላይ ያለው ሁኔታ ግን ሊረጋጋ አልቻለም። ሄዝቦላህ ወደ እስራኤል ሮኬት መተኮሱን በመቀጠሉ እስራኤል በቤሩት ላይ ጥቃት በመሰንዘሯ፣ ስምምነቱ መፍረሱን የሚያሳዩ ምልክቶች ታይተዋል።

የኢራን አብዮታዊ ጥበቃ ኃይል ከጥቂት ሰዓታት በፊት በገባው ቃል መሰረት፣ በኢራን በኩል በርካታ ሚሳኤሎች እና ድሮኖች ወደ እስራኤል ተተኩሰዋል። ኃይሉ ጥቃቱ ለሰባት ቀናት እንደሚቀጥል ቢያስታውቅም፣ የዘንድሮው ጥቃት እንደ ማስጠንቀቂያ የተወሰደ ሊሆን እንደሚችል የሚጠቁሙ ምልክቶች አሉ።

አሁን ያለው ሁኔታ በአብዛኛው የተመካው በእስራኤል ምላሽ ላይ ነው። በሁለቱ ሀገራት መካከል የሚቀጥል የጥቃት እና የአጸፋ ጥቃት ዑደት፣ ለረጅም ጊዜ ሲሰጋ የነበረውን የኢራን-እስራኤልን ጦርነት ሊያቀጣጥል ይችላል። በዚህ ውጥረት ውስጥ የአሜሪካው ፕሬዝዳንት ዶናልድ ትራምፕ ሁኔታውን ለማረጋጋት የሚያደርጉት ጥረት የሁኔታው ወሳኝ አካል ሆኗል።

ይህ አዲስ ክስተት በግልጽ ያሳየው ነገር ቢኖር፣ በሊባኖስ ያለው ግጭት በሰፊው ቀጠና ላይ ለሚፈጠሩት ቀጣይ ክስተቶች ሁሉ ዋነኛ ማጠንጠኛ መሆኑን ነው።

የኢትዮጵያ አዲስ የፖለቲካ ባህል ልምምድ …

አዲስ አበባ፣ ግንቦት 30፣ 2018 (ኤፍ ኤም ሲ) ባለፉት 5 ዓመታት የተፎካካሪ ፓርቲ አባላት በተለያዩ የመንግሥት ኃላፊነቶች ላይ እንዲሰሩ መደረጉ አዲስና ይበል የሚያሰኝ የፖለቲካ ባህል ልምምድ ነው አሉ የለውጥ አመራርና አስተዳደር መምህር ገለታ ሲሜሶ (ዶ/ር)።

ገለታ ሲሜሶ (ዶ/ር) ከፋና ፖድካስት ጋር ባደረጉት ቆይታ፤ በተፎካካሪ ፓርቲዎች መካከል ያለው ልዩነት የሃሳብ ብቻ መሆን አለበት ብለዋል።

ሀገርን በማልማት እና ብሔራዊ ጥቅምን በማስጠበቅ ረገድ ሁሉም በአንድነት ሊቆሙ እንደሚገባ አስገንዝበዋል።

በምርጫ የተሸነፈ ፓርቲ መንግሥት ለመመስረት አለመቻል እንጂ በልማት ተሳትፎ ከማድረግ የሚከለክለው ነገር እንደሌለ ተናግረዋል።

ፓርቲዎች የሚሰሩት ለሀገር በመሆኑ ከምርጫ በኋላ ለልማትና ለዕድገት በአንድነት መቆም ይጠበቅባቸዋል ነው ያሉት።

በ7ኛው ጠቅላላ ምርጫ የተሳካ የቅድመ ምርጫ ዝግጅቶች መደረጋቸው በምርጫው ዕለት ለታየው የመራጮች ተሳትፎ አስተዋፅኦ ማድረጉን ጠቅሰው፤ በምርጫ ቅስቀሳ እና ክርክር ወቅት ተፎካካሪ ፓርቲዎች ሃሳባቸውን ለህዝብ ማድረስ ችለዋል ብለዋል።

የተለያዩ የሚዲያ አማራጮች መኖራቸው መራጮች በመረጃ ላይ የተመሰረተ ግንዛቤ እንዲኖራቸው ማስቻሉን ገልጸዋል።

ይህም መራጮች በንቃት እንዲሳተፉና ያመኑበትን እንዲመርጡ አስችሏል ብለዋል።

በቴዎድሮስ ሳህለ

ገለታ ሲሜሶ (ዶ/ር) ከፋና ፖድካስት ጋር ያደረጉትን ቆይታ ለመከታተል ማስፈንጠሪያውን ይጫኑ
https://youtu.be/ICdybUio_...