ለኢትዮጵያ አዲስ የፖለቲካ ባህል ያመጣው 7ኛው ጠቅላላ ምርጫ

አዲስ አበባ፣ ሰኔ 3፣ 2018 (ኤፍ ኤም ሲ) የፖለቲካ ፓርቲዎች 7ኛው ጠቅላላ ምርጫ በኢትዮጵያ የዴሞክራሲ ልምምድ ታሪክ የሰላማዊ ፖለቲካ ውድድር እና የሕዝብ ተሳትፎ መጠናከርን ያሳየ ነው አሉ።

በብልፅግና ፓርቲ ኦሮሚያ ክልል ቅርንጫፍ ጽ/ቤት የዴሞክራሲ ባህል ግንባታ ዘርፍ ኃላፊ ሞገስ ኤዴዔ እንዳሉት÷ 7ኛው ጠቅላላ ምርጫ የኢትዮጵያን የምርጫ ታሪክና ሂደት በመቀየር በሀገሪቱ አስተማማኝና ዘመናዊ የዴሞክራሲ ሥርዓት ለመገንባት የሚያስችል አዲስ የፖለቲካ ባህል ተመዝግቧል።

ኋላ ቀርና በኃይል የመጠቀም የፖለቲካ ፉክክር ሥርዓት በመቀየር በትብብር እና በፖለቲካዊ ውድድር መርህ ላይ የተመሰረተ አዲስ አሰራር በተግባር መታየቱንም አስረድተዋል።

ሰኞ ምርጫ አከናውነን ማክሰኞ ወደ ሥራ እንገባለን ያልነውን አሳክተናል ያሉት ኃላፊው÷ ምርጫው ኢትዮጵያ አሸናፊ የሆነችበት የታሪክ ምዕራፍ ሆኖ ማለፉን አመልክተዋል።

የኢትዮጵያ ሕዝብ በነቂስ ወጥቶ በሰላማዊ መንገድ ድምፅ የመስጠት ሂደትና ያሳየው ትዕግስት በዓለም አቀፍና በውጭ ታዛቢዎች ዘንድ አድናቆትና ምስክርነት ተሰጥቶታልም ነው ያሉት።

የኢዜማ ስራ አስፈፃሚ ኮሚቴ አባል የሆኑት ታሪኩ ድንበሩ በበኩላቸው÷ ባለፉት ስድስት ምርጫዎች ይስተዋሉ የነበሩ የፖለቲካ ምልክቶች፣ የሚዲያ አጠቃቀም እና የመንግሥት ተቋማት ምላሽ ሰጪነት ተግዳሮቶች በ7ኛው ጠቅላላ ምርጫ አለመታየታቸውን አመልክተዋል።

እንዲሁም የፖለቲካ ፓርቲዎች የጋራ ምክር ቤቶች በመወያየት የተፈጠሩ ችግሮች መፍትሄ ያገኙበት ልዩ ሂደት የነበረበትና የቅሬታ ሰሚ ኮሚቴዎች በቦታው ተገኝተው ፈጣን ምላሽ የሰጡበት ሁኔታ መኖሩን አንስተዋል።

በቀጣይም በሀገራዊ ጉዳዮች ላይ በጋራ መስራትና የምርጫው ውጤት ሲገለጽ ውጤቱን በጸጋ በመቀበል ለሀገር ግንባታ በትብብር መስራት እንደሚገባ አስገንዝበዋል።

በሶስና አለማየሁ

ከ14 ሺህ ዓመታት በፊት አምስት ሰዎች ከአንድ የውሻ ዝርያ ጋር የፓይን ዛፍ ቅርንጫፎችን በማብራት ወደ ጣሊያን ዋሻ መግባታቸውን ተመራማሪዎች ገለጹ
#ethiopia | በሰሜን ምዕራብ ጣሊያን በሚገኘው የባሱራ ዋሻ ላይ የተደረገ አዲስ ጥናት ከ14 ሺህ 400 ዓመታት በፊት በነበረው የድንጋይ ዘመን ማክተሚያ ላይ የነበሩ ሰዎች በጥልቀት ወደ ውስጥ በሚዘልቁ የመሬት ውስጥ መተላለፊያዎች ውስጥ እንዴት ይጓዙ እንደነበር አዳዲስ ማስረጃዎችን ይፋ አድርጓል።

ተመራማሪዎች በወቅቱ የነበሩ ሰዎች ዋሻውን ለማብራት የተጠቀሙበትን ዘዴ ለማወቅ የአበባ ብናኝ ጥናቶችን፣ የከሰል ፍርፋሪ ትንተናዎችን፣ የአርኪኦሎጂ ቁፋሮዎችን እና የተግባር ሙከራዎችን አቀናጅተው ሰርተዋል።

በእነዚህ ጥናቶች አማካኝነት በወቅቱ በዋሻው ውስጥ የእግር አሻራቸውን ጥለው ባለፉ አምስት ሰዎች ላይ ያተኮረ የመልሶ ግንባታ ስራ ተከናውኗል።

በትዊራኖ ከተማ አቅራቢያ የሚገኘው የባሱራ ዋሻ በጣሊያን ካሉ እጅግ ጠቃሚ የቅድመ ታሪክ ዋሻዎች አንዱ ነው። ይህ ዋሻ የሰው ልጆች የእግር አሻራዎችን፣ አብሯቸው የነበረ የውሻ ዝርያ ያላቸውን እንስሳት አሻራ፣ በግድግዳዎች ላይ ያሉ የከሰል ምልክቶችን እና የጥንታዊ ዋሻ ድቦች ቅሪቶችን በውስጡ ይዟል።

ከዚህ ቀደም የተደረጉ ጥናቶች እነዚህን አሻራዎች የኒያንደርታል ሰዎች እንደሆኑ አድርገው አስበውት የነበረ ቢሆንም የራዲዮካርቦን የዕድሜ መለኪያ ፍተሻ ግን ጉብኝቱ የበረዶ ዘመን ማብቂያ አካባቢ እንደነበር አረጋግጧል።

በ2016 ዓመተ ምህረት የተጀመረው አዲሱ ፕሮጀክት እነዚህ የጥንት ሰዎች እስከ 800 ሜትር በሚረዝመው የዋሻ መዋቅር ውስጥ እንዴት ይንቀሳቀሱ እንደነበር ለመረዳት ያለመ ነበር።

ምስጢራዊው አዳራሽ ተብሎ በሚጠራው ስፍራ በተደረገ ቁፋሮ የተገኙ የከሰል ቅሪቶች እንደሚያሳዩት ከሆነ አብዛኛዎቹ የከሰል ስብርባሪዎች ከፓይን ዛፍ ትናንሽ ቅርንጫፎች የተገኙ ናቸው።

ይህ አዲስ ግኝት ቀደም ሲል የነበሩ ተመራማሪዎች ሰዎች በትላልቅ ዱላዎች የተሰሩ ችቦዎችን ይይዙ ነበር በማለት ያቀረቡትን ሃሳብ ውድቅ አድርጎታል።

ይልቁንም ሰዎች ከዛፍ ላይ የቆረጧቸውን ትናንሽ የፓይን ቅርንጫፎችን እንደ ተንቀሳቃሽ መብራት ይጠቀሙ እንደነበር ያሳያል።

ይህን ሃሳብ በተግባር ለመፈተሽ ተመራማሪዎች ተመሳሳይ የአየር ንብረት ባለው ሌላ ዋሻ ውስጥ ሙከራ አድርገዋል። በሙከራው መሰረት ሁለት የሚቃጠሉ የፓይን ቅርንጫፎች ለአምስት ሰዎች ቡድን በቂ ብርሃን መስጠት እንደሚችሉና የሰዎች አይን ከጨለማው ጋር ሲላመድ እስከ አስር ሜትር ርቀት ድረስ በግልጽ ማየት እንደሚያስችል ታይቷል።

እነዚህ ትናንሽ ቅርንጫፎች አነስተኛ ጭስ የሚፈጥሩ ከመሆናቸውም በላይ ቡድኑ በጠባብ መተላለፊያዎች ውስጥ በቀላሉ እንዲንቀሳቀስ ረድተዋል።

ጥናቱ የጥንት የሰው ልጆች በአካባቢያቸው የሚገኙትን የተፈጥሮ ሀብቶች በጥቅም ላይ በማዋል ረገድ የነበራቸውን ከፍተኛ ብልሃት የሚያሳይ ነው።

Getu Temesgen - (ጌጡ ተመስገን)
#archaeology #italy #prehistory #science #history #getutemesgen #getu #ጌጡ #ጌጡተመስገን #addisababa

(ዘ-ሐበሻ ዜና ዳሰሳ) በሊባኖስ ሄዝቦላህ ላይ እስራኤል እየወሰደች ባለው ወታደራዊ እርምጃ ሳቢያ በኢራን፣ በእስራኤል እና በአሜሪካ መካከል ያለው ውጥረት ባለፉት ጥቂት ቀናት ከፍተኛ ደረጃ ላይ ደርሷል። እስራኤል በቤሩት ደቡባዊ ዳርቻዎች ላይ ዳግም ጥቃት ለመሰንዘር መወሰኗን ተከትሎ፣ ቴህራን ይህ ድርጊት ከተፈጸመ በሰሜን እስራኤል ላይ አዲስ ጥቃት እንደምትፈጽም ማስጠንቀቋ ይታወሳል።

በሊባኖስ ሊፈጠር የሚችለውን ሰፊ ግጭት ለመከላከል የአሜሪካው ፕሬዝዳንት ዶናልድ ትራምፕ፣ በኢራን እና በአሜሪካ መካከል በችግር ላይ ያለው የተኩስ አቁም ስምምነት እንዳይፈርስ በማሰብ እስራኤል ከእርምጃዋ እንድትታቀብ በጠንካራ ቋንቋ አሳስበዋል። ኔታንያሁ ይህንን ጥያቄ ቢቀበሉም፣ ሁኔታው ሄዝቦላህ ወደ ሰሜን እስራኤል ተጨማሪ ሮኬቶችን እስከማይተኩስ ድረስ የሚል ቅድመ ሁኔታ ተቀምጦበት ነበር።
በአሜሪካ አደራዳሪነት በእስራኤል እና በሊባኖስ መንግስታት መካከል አዲስ የተኩስ አቁም ስምምነት ቢደረግም፣ በምድር ላይ ያለው ሁኔታ ግን ሊረጋጋ አልቻለም። ሄዝቦላህ ወደ እስራኤል ሮኬት መተኮሱን በመቀጠሉ እስራኤል በቤሩት ላይ ጥቃት በመሰንዘሯ፣ ስምምነቱ መፍረሱን የሚያሳዩ ምልክቶች ታይተዋል።

የኢራን አብዮታዊ ጥበቃ ኃይል ከጥቂት ሰዓታት በፊት በገባው ቃል መሰረት፣ በኢራን በኩል በርካታ ሚሳኤሎች እና ድሮኖች ወደ እስራኤል ተተኩሰዋል። ኃይሉ ጥቃቱ ለሰባት ቀናት እንደሚቀጥል ቢያስታውቅም፣ የዘንድሮው ጥቃት እንደ ማስጠንቀቂያ የተወሰደ ሊሆን እንደሚችል የሚጠቁሙ ምልክቶች አሉ።

አሁን ያለው ሁኔታ በአብዛኛው የተመካው በእስራኤል ምላሽ ላይ ነው። በሁለቱ ሀገራት መካከል የሚቀጥል የጥቃት እና የአጸፋ ጥቃት ዑደት፣ ለረጅም ጊዜ ሲሰጋ የነበረውን የኢራን-እስራኤልን ጦርነት ሊያቀጣጥል ይችላል። በዚህ ውጥረት ውስጥ የአሜሪካው ፕሬዝዳንት ዶናልድ ትራምፕ ሁኔታውን ለማረጋጋት የሚያደርጉት ጥረት የሁኔታው ወሳኝ አካል ሆኗል።

ይህ አዲስ ክስተት በግልጽ ያሳየው ነገር ቢኖር፣ በሊባኖስ ያለው ግጭት በሰፊው ቀጠና ላይ ለሚፈጠሩት ቀጣይ ክስተቶች ሁሉ ዋነኛ ማጠንጠኛ መሆኑን ነው።

የኢትዮጵያ የፋሽን ባለሙያዎች በዓለም አቀፍ መድረክ ላይ ስራዎቻቸውን ሊያስተዋውቁ ነው
#ethiopia | ታዋቂዋ የካሜሩን አርቲስት ሽሪ አቹ የአፍሪካን አህጉራዊ ትስስር በስነ-ጥበብና በፋሽን ለማጠናከር ያለመውን ፓን አፍሪካን ኢኒሼቲቭ የተሰኘ ዓለም አቀፍ የጨርቅ ዲዛይን ፕሮጀክት ይፋ አድርጋለች።

ይህንን ተከትሎም የኔክስት ፋሽን ዲዛይን ኮሌጅ መምህራንና ተማሪዎች የተሳተፉበት ትልቅ የፋሽን ውድድር በኢትዮጵያ በመካሄድ ላይ ይገኛል።

የአፍሪካን ባህል፣ ታሪክ እና መገለጫዎች በልዩ ሁኔታ በሚያንጸባርቅ ጨርቅ ላይ ተመስርቶ የተዘጋጀው ይህ ውድድር፣ ከኢትዮጵያ የተሳተፉትን ባለሙያዎች ለመለየት ነገ በሚካሄድ የቀጥታ ስርጭት የፋሽን ትዕይንት እና በዳኞች ምዘና አማካኝነት ማጠቃለያውን ያገኛል።

የፕሮጀክቱ አዘጋጅ ሽሪ አቹ ቀደም ሲል በአውስትራሊያ ባቀረበቻቸው የስዕል ስራዎቿ አማካኝነት በርካታ ተመልካቾች አፍሪካን ለመጎብኘት መነሳሳታቸውንና ይህም ትልቅ እርካታ እንደሰጣት ገልጻለች።

ይህንኑ መነሻ በማድረግ ሰዎችን በባህል ማስተሳሰር የሚችለውን የፓን አፍሪካን ጨርቅ ሀሳብ ያመጣች ሲሆን፣ ፕሮጀክቱ ለመጀመሪያ ጊዜ ባለፈው ዓመት በካሜሩን ኤምባሲ ውስጥ ይፋ ተደርጓል።

ጨርቁ የሰሜን፣ ምስራቅ፣ ደቡብ እና ምዕራብ አፍሪካን የሚወክሉ የዘጠኝ አገራትን ታሪክና ምልክቶች የያዘ ሲሆን፣ ዋና ዓላማውም አገራቱ ጨርቁን በመጠቀም አስደናቂ ዲዛይኖችን እንዲፈጥሩ እና የአፍሪካን አንድነት እንዲያሳዩ ማስቻል ነው።

የዘንድሮው የመጀመሪያው ውድድር በካሜሩን እና በኢትዮጵያ ብቻ እንዲካሄድ የተወሰነ ሲሆን፣ ሽሪ አቹ በዓለም አቀፍ መገናኛ ብዙሃን ላይ የቀረበውን የኔክስት ፋሽን ዲዛይን ኮሌጅ እንቅስቃሴና የኮሌጁን ዲሬክተር ቃለ-መጠይቅ ከተመለከተች በኋላ ከተቋሙ ጋር አብራ ለመስራት መወሰኗን አስታውቃለች።

በዚሁ መሠረት ለዋናው የብቃት ውድድር ያለፉት የኢትዮጵያ ዲዛይነሮች ናታንሊ አስፋው፣ ያሲሚን ኢብራሂም እና ሜቴ ሀይለማሪያም መሆናቸው ታውቋል።

እነዚህ ሶስት ወጣት ዲዛይነሮች ያዘጋጇቸው አልባሳት ነገ በሚካሄደው የቀጥታ ስርጭት የፋሽን ሾው ላይ በሞዴሎች አማካኝነት ለዕይታ የሚቀርቡ ሲሆን፣ አሸናፊውን ለመለየት ከኢትዮጵያ የሚሰበሰበው የሕዝብ ድምፅ 25 ፐርሰንት ድርሻ ይኖረዋል።

ጠቅላላው የድምፅ አሰጣጥ ሂደት እና የዳኞች ግምገማ ተደምሮ የፊታችን ሰኔ ወር ላይ ውጤቱ በይፋ የሚገለጽ ሲሆን፣ ከአገሪቱ አሸናፊ የሚሆነው ዲዛይነር በመጪው መስከረም 26 ቀን በዋሽንግተን ዲሲ በሚገኘው ታዋቂው የስሚዝሶኒያን ብሔራዊ የአፍሪካ ስነ-ጥበብ ሙዚየም ላይ በሚዘጋጀው ታላቅ የፋሽን ሾው ላይ ኢትዮጵያን ወክሎ የመቅረብ እና ስራዎቹን ለዓለም የማሳየት ሰፊ ዕድል ያገኛል።
#fashion #art #panafrican #design #ethiopiandesigners #nextfashioncollege #getutemesgen #getu #ጌጡ #ጌጡተመስገን #addisababa

የ2026ቱ የዓለም ዋንጫ ጨዋታዎችን ፍጹም ፍትሃዊ እና ከስህተት የጸዱ ለማድረግ፣ ሙሉ በሙሉ በባትሪ ኃይል የሚሰራ ዘመናዊ የቴክኖሎጂ ኳስ ጥቅም ላይ ሊውል መሆኑ ተመልክቷል።

ዘንድሮ ውድድሩን በጋራ የሚያስተናግዱት አሜሪካ፣ ካናዳ እና ሜክሲኮ ከመላው ዓለም የሚመጡ ስፖርተኛችንና የእግር ኳስ አፍቃሪያንን ለመቀበል የመጨረሻ ዝግጅታቸውን እያጠናቀቁ ይገኛሉ።

ይህ የዓለም ዋንጫ በታሪክ ለመጀመሪያ ጊዜ በሶስት ሀገራት በአንድ ጊዜ የሚስተናገድ ከመሆኑም በላይ በስፖርቱ ዓለም አዲስ የቴክኖሎጂ ምዕራፍ የሚከፍትበት ሆኗል።

ከ1970 ጀምሮ ለዓለም ዋንጫ ኳሶችን እያመረተ የሚገኘው አዲዳስ ኩባንያ፣ ዳኞችን በከፍተኛ ሁኔታ ለመርዳት የሚያስችል “ኮኔክቲድ ቦል ቴክኖሎጂ” (Connected Ball Technology) የተገጠመለትንና ትሪዮንዳ የተሰኘውን አዲስ የኤሌክትሮኒክስ ኳስ ይፋ አድርጓል።

የአዲዳስ ቃል አቀባይ እንደገለጹትብበኳሱ ውስጥ የተገጠመው መመርመሪያ (Sensor) ያለ ባትሪ ኃይል መስራት ስለማይችል ኳሱ ከእያንዳንዱ ጨዋታ በፊት የግድ ቻርጅ መደረግ ይኖርበታል።

ኳሱ ሙሉ አቅሙን ተጠቅሞ ሙሉ ጨዋታውንና ከዚያ በላይ በብቃት ማገልገል እንዲችል በጨዋታው ዕለት በስታዲየሙ ውስጥ በተዘጋጀ ልዩ የኃይል መሙያ መደርደሪያ (Cradle) ላይ ቻርጅ ይደረጋል።

ለዚህም በኢንደክሽን አማካኝነት በገመድ አልባ ሥርዓት ቻርጅ የሚደረግ ከፍተኛ ጥራት ያለው ባትሪ ጥቅም ላይ ውሏል።

ይህ ባትሪ ሙሉ በሙሉ ለመሙላት 90 ደቂቃ አካባቢ የሚፈጅ ሲሆንንበጨዋታ ላይ እያለ እስከ 6 ሰዓታት የማገልገል አቅም አለው።

ይህም የአንድን ከፍተኛ የደረጃ ጨዋታ ክፍለ-ጊዜ እጥፍ መቆየት የሚችል ያደርገዋል። በተጨማሪም ኳሱ ከሜዳ ውጭ በሚሆንበት ጊዜ ራሱን ወደ እረፍት ሁነታ (Hibernation mode) በመቀየር ባትሪው ሳይባክን ለቀናት እንዲቆይ ያደርጋል።

በኳሱ ውስጥ በልዩ የመደገፊያ ስርዓት (Suspension system) ተይዞ የተገጠመ 500Hz inertial measurement unit (IMU) የተሰኘ የቪዲዮ ረዳት ዳኝነት (VAR) መረጃዎችን የሚልክ ስስ የኮምፒውተር ቺፕ ይገኛል።

ይህ ሴንሰር እያንዳንዱን የኳስ ንክኪ በከፍተኛ ፍጥነት የሚከታተል ሲሆን የሚከተሉትን ውሳኔዎች በሜዳ ላይ በሴኮንዶች ውስጥ ለመወሰን ይረዳል፦

* ከጨዋታ ውጪ (Off-side) የሆኑ አቋቋሞችን በትክክል መለየት፣
* ኳስ በእጅ መነካቱን (Handballs) ማረጋገጥ፣
* እና ሌሎች አወዛጋቢ ሁነቶችን በቪዲዮ ረዳት ዳኝነቱ (VAR) አማካኝነት በፍጥነት መፍታት።
አዲዳስ እና የቴክኖሎጂ አጋሩ ኪኔክሶን (Kinexon) እንዳስታወቁት፣ ይህ ቴክኖሎጂ ቀደም ሲል በሁለት የፊፋ ውድድሮች እንዲሁም በዩሮ 2024 እና 2025 ላይ የተሞከረ ሲሆን፣ በጨዋታ መሃል ባትሪ አልቆበት የተቀየረ አንድም ኳስ አጋጥሞ አያውቅም።

ባለፈው የ2022ቱ የኳታር ዓለም ዋንጫ ላይም ተመሳሳይ ቴክኖሎጂ ጥቅም ላይ ውሎ የነበረ ቢሆንም፣ የዘንድሮው የ2026ቱ ኳስ ግን የሴንሰር አቀማመጥ ለውጥ ተደርጎበታል። በቀደመው ኳስ ሴንሰሩ የተቀመጠው በኳሱ መሃል ላይ ሲሆን፣ በዘንድሮው ስሪት ግን ሴንሰሩ የተገጠመው በኳሱ የጎንዮሽ አካል (Side) ላይ ተቀብሮ ነው።
ኳሱ ከቴክኖሎጂው ባሻገር፣ ሶስቱን አስተናጋጅ ሀገራት ለማክበርና ለመወከል ሲባል በደማቅ ቀይ፣ አረንጓዴ እና ሰማያዊ ቀለማት የተሸለመ ሲሆን፤ የካናዳው የሜፕል ቅጠል (Maple leaf)፣ የሜክሲኮው ንስር (Eagle) እና የአሜሪካው ኮከብ (Star) ምልክቶች በሥነ-ጥበባዊ መልኩ ተካተውበታል።

#የህፃናት ማጅራት ገትር #በሽታ (#meningitis) ምንድነው❓️

📝 የማጅራት ገትር ህመም ወይንም በህክምናው አጠራር ሜኔንጃይትስ(Meningitis) የምንለው አንጎልን እና ህብረሰረሰርን ሸፍኖ የሚገኝ የሰውነታችን ክፍል በኢንፌክሽን ሲጠቃ ነው።

📝 የማጅራት ገትር በሽታ በቫይረስ፣በባክቴሪያ ወይንም በፈንገስ ምክንያት ሊከሰት ይችላል።

✏️ ይህ ህመም በአፋጣኝ ህክምና ካልተደረገለት ለከፍተኛ ጉዳት ከዚያም ባለፈ ለህልፈተ ህይወት ሊዳርግ የሚችል ነው።

👉 #ለማጅራት ገትር #ህመም ተጋላጭነትን የሚጨምሩ ሁኔታዎች ምንድን ናቸው?

✔️ የጆሮ እና የሳይነስ ኢንፌክሽን
✔️ የጭንቅላት በአደጋ መጎዳት
✔️ የእናት ጡት ወተት ጠብቶ አለማደግ
✔️ ክትባት አለመከትብ
✔️ ዝቅተኛ የበሽታ የመከላከል አቅም
✔️ ተጠጋግቶ መኖር
✔️ ኤች አይ ቪ ቫይረስ
✔️ የስኳር ህመም

👉 የማጅራት ገትር ህመም ምልክቶች ምንድንናቸው?

✏️ ከፍተኛ የሆነ ትኩሳት
✏️ የአንገት ህመም
✏️  ከፍተኛ የሆነ የራስምታት
✏️ ማቅለሽለሽና ትውከት (ማስመለስ)
✏️ እራስን መሳት
✏️ ማንቀጥቀጥ
✏️ግራ መጋባት እና ትኩረት ማጣት
✏️ ብርሃን መፍራት
✏️ የምግብ ፍላጎት መቀነስ

📝 አንድ ህፃን ልጅ ሳይታከም ከበሽታው ጋር የሚቆይ ከሆነ  ዉሎ አድሮ ብዙ አይነት የጤና መዘዞች ችግሮች ሊኖሩት ይቺላል ለምሳሌ

✏️የሚጥል በሽታ
✏️ የመስማት ችሎታን ማጣት
✏️የማስታዎስ ችግር
✏️ የመማር ብቃትን ማጣት
✏️ ሚዛን ጠብቆ የመቆም እና የመራመድ ችግር
✏️የኩላሊት ህመም እና የመሳሰሉት ናቸው።
✔️ ተገቢውን ህክምና በአፋጣኝ የሚያገኝ ከሆነ ግን ከህመሙ በሚገባ ሊያግግም ይችላል።

Seledadotio
Seledadotio

ቁርስ በልቶ ምሳ መድገም ለማይችል ህዝብ ኳስ ምኑ ነው!

ጨርሳችሁ በትግስት አንብቡት!

በትላንትናው ዕለት አርሰናል ከ22 ዓመታት ረጅም ጥበቃ በኋላ የእንግሊዝ ፕሪሚየር ሊግ ዋንጫን ሲያነሳ በኢትዮጵያውያን ደጋፊዎች ዘንድ የታየው ደስታ ብዙዎችን "በስም እንኳን ለማያዉቀን ክለብ እንደዚህ መሆን ምን የሚሉት ስሜት ነው?" የሚል መደነቅና ወቀሳ በማህበራዊ ሚድያዎች ታዝበናል።

የሰው ልጅ ተፈጥሮአዊ እውነታን በቀጥታ ፊት ለፊት ማየት አይችልም። ይልቁንም ሁሉንም የህይወት ገጽታዎች በቋንቋ፣ በባህል፣ በህግጋት እና በምልክቶች ነው የሚረዳው።ማንኛውም ቁስ በራሱ የተለየ ዋጋ የለውም። ዋጋ የሚያገኘው በምልክቶች ሥርዓት ውስጥ በሚሰጠው ቦታ ልክ ነው።

በኪሳችን ውስጥ ያለው ገንዘብ ዝም ብሎ ወረቀት ነው፤ ነገር ግን የማህበረሰቡ የምልክት ሥርዓት "መቶ ብር ነዉ”የሚል ህግ ሲያወጣለት ወረቀቱ አቅም ይኖረዋል። በተመሳሳይ የአንድ ሀገር ባንዲራ ጨርቅ ነው፤ ነገር ግን ያ ጨርቅ የክብር፣ የነጻነትና የማንነት ምልክት ስለሚሆን ሰዎች ህይወታቸውን ይሰጡለታል። ዋንጫውም እንዲሁ የድል፣ የጽናት እና ከተሸናፊነት ወደ አሸናፊነት የመሻገር ትልቅ ስነ-ልቦናዊ ምልክት ተደርጎ ስለተሰየመ አዕምሮ እንደ ትልቅ ነገር ያየዋል።

ለአርሰናል ደጋፊዎች ላለፉት 22 ዓመታት በትችት፣ በመሸነፍ እና በተስፋ መቁረጥ ውስጥ አልፈው ያዩት ድል ነው። ይህም ለአንድ ሰው አዕምሮ "ምንም ያህል ብትወድቅና ጊዜው ቢረዝምም አንድ ቀን ማሸነፍህ አይቀሬ ነው" የሚል ተስፋን የሚሰጥ ህያው ምልክት ይሆናል።

“ቁርስ በልቶ ምሳ መድገም ለማይችል ህዝብ ኳስ ምኑ ነው?" እያሉ የሚወቅሱ ወገኖች ጉዳዩን በምክንያታዊነት ብቻ ስለሚመለከቱት ነው። ነገር ግን የሰው ልጅ በምክንያት ብቻ አይኖርም፤ሕይወታችን በምልክቶች የተሞላች ናት።

እኔ የየትኛውም ክለብ ደጋፊ አይደለሁም ነገር ግን ለመላዉ የአርሰናል ደጋፊዎች በሙሉ እንኳን ደስ አላችሁ!

ዶክተር ኃይለልዑል መኮንን (የአዕምሮ ሕክምና ስፔሻሊስት)

(ዘ-ሐበሻ ስፖርት) በኤምሬትስ ስታዲየም ሰማዩ በደመና ቢጋረድም፣ በስታዲየሙ የታደሙት የመድፈኞቹ ደጋፊዎች ግን አንድ ትልቅ ባነር ከፍ አድርገው እሳቱን አንድደውት ነበር "ታሪክ ለመስራት ሶስት ጨዋታዎች ቀርተዋል!" አዎ፣ ሁለት የፕሪሚየር ሊግ ፍልሚያዎች እና በቡዳፔስት ከፒኤስጂ ጋር የሚደረገው የሻምፒዮንስ ሊግ የፋይናል ፍልሚያ! የ22 ዓመታት የዋንጫ ድርቅን ለመስበር የተቃረበው ሚኬል አርቴታ፣ በዚህ ወሳኝ ጨዋታ ላይ የልቡን ትንቢት ተከትሎ እጅግ አስፈሪ እና ክንድ የሚያደማ የማጥቃት ስብስብ ይዞ ወደ ሜዳ ገባ። ሳካ፣ ኦዴጋርድ፣ ኤዘ እና ካይ ሀቨርትዝ በአንድ ላይ ሲሰለፉ፣ የለንደኑ ምሽት ገና በጊዜ ይፋጅ ጀመር።

ጨዋታው ከጅምሩ በአርሰናል ፍጹም የበላይነት ተቀጣጠለ። ገና በባዶ እግራቸው ወደ ሻምፒዮንሺፕ መውረዳቸው የተረጋገጠው በርንሊዎች፣ በሊጉ መሪዎች ላይ ተአምር ለመስራት ቢሞክሩም የመድፈኞቹ ማዕበል ግን ሊቋቋሙት የማይችሉት ነበር። ሊአንድሮ ትሮሳርድ የመታው አስገራሚ ኳስ የጎል አምዱን ሲመታው፣ ቡካዮ ሳካ የበርንሊውን ተከላካይ ሉካስ ፒሬስን አውልቆ የጣለበትና መሬት ለመሬት የላከው አስደናቂ ኳስ የጎሉን ፊት ለፊት አቋርጦ ሲወጣ የኤምሬትስ ደጋፊዎች በቁጭት እጆቻቸውን ጭንቅላታቸው ላይ አረፉ።

ነገር ግን ጨዋታው 37ኛ ደቂቃ ላይ ሲደርስ ስታዲየሙ በደስታ ማዕበል ተናወጠ! ከአርሰናል መለያ ምልክቶች አንዱ የሆነውን ያንን የሙት ኳስ ቡካዮ ሳካ በጥበብ ሲያሻማው፣ ጀርመናዊው ኮከብ ካይ ሀቨርትዝ ከተከላካዮች መሃል ሾልኮ በመውጣት ኳሷን በግንባሩ ጨረፋ አድርጎ መረቡ ላይ አሳረፋት! 1 ለ 0!

ይህ ምሽት ግን ለሀቨርትዝ በደስታ ብቻ የተሞላ አልነበረም፤ እጅግ አስገራሚ ድራማዎችንም አስተናግዷል። በሌስሊ ኡጎቹኩ ላይ በሰራው ከባድ ጥፋት መጀመሪያ ቢጫ ካርድ የተሰጠው ሲሆን፣ የቪኤአር ዳኞች ጉዳዩን መርምረው ቀይ ካርድ ሊሰጡት ይችላሉ ተብሎ መላው ስታዲየም ትንፋሹን ውጦ ሲጠብቅ፣ ውሳኔው ሳይቀየር በቢጫ ብቻ መተርገፉ ለአርሰናሎች ትልቅ እፎይታን ሰጥቷል። በመሃል ሜዳ ላይ እንደ ከድንጋይ የተቀረጸ ግንብ ሆኖ ያመሸውና የጨዋታው ኮከብ ተብሎ በአማካይ 6.94 ነጥብ ያገኘው ዴክላን ራይስ፣ ከሪካርዶ ካላፊዮሪ ጋር በመሆን የበርንሊን የማጥቃት ሙከራዎች በሙሉ መክኖ አስቀርቷቸዋል።

ይህ ታላቅ ድል አርሰናልን 5 ነጥብ አርቆ የደረጃ ሰንጠረዡ አናት ላይ አስቀምጦታል። አሁን ዓይኖች በሙሉ ወደ ነገ ምሽት ይዞራሉ። ሁለተኛ ደረጃ ላይ የሚገኘው ማንቸስተር ሲቲ ነገ ምሽት በጥሩ አቋም ላይ ከሚገኘው በርንማውዝ ጋር ይጫወታል። ታዛቢዎች እንደሚሉት፣ ፔፕ ጋርዲዮላ እና ስብስቡ ነገ ምሽት ነጥብ የሚጥሉ ከሆነ፣ አርሰናል በይፋ የሊጉ ሻምፒዮን መሆኑ ይረጋገጣል!

እንዲያውም ሲቲ ነገ ቢያሸንፍ እንኳ፣ አርሰናል እሁድ ዕለት ክሪስታል ፓላስን ካሸነፈ የ22 ዓመታትን ናፍቆት አብቅቶ ታሪክ እንደሚሰራ ሚኬል አርቴታ እና ልጆቹ ጠንቅቀው ያውቃሉ። መድፈኞቹ ወደ ታላቅነት ክብር ለመድረስ አሁን የቀራቸው የአንድ ድል ርቀት ብቻ ነው!

የብልጽግናን የምርጫ ምልክት ባነር የቀደደው በ5 ወር እስራት ተቀጣ

​#fastmereja I በወላይታ ዞን ባይራ ኮይሻ ወረዳ የፓርቲ የምርጫ ቅስቀሳ ባነርን ቀድዶ የጣለው ግለሰብ፣ በዛሬው ዕለት በዋለው የወረዳው ፍርድ ቤት ችሎት በ5 ወር ጽኑ እስራት እንዲቀጣ ተወሰነበት።

​በወላይታ ዞን ባይራ ኮይሻ ወረዳ "ጠካቻ ቀጠና 1" ተብሎ በሚጠራው አካባቢ ተሰቅሎ የነበረውን የብልጽግና ፓርቲ የምርጫ ቅስቀሳ ምልክት (የስንዴ ነዶ ባነር) ቀድዶ በመጣል ወንጀል የተከሰሰው አቶ በላቸው ባሳ፣ የቅጣት ውሳኔ ተላልፎበታል። ግለሰቡ ድርጊቱን በፈጸመበት ወቅት በአካባቢው በነበሩ ሰዎች እጅ ከፍንጅ መያዙን የደረሰን መረጃ ያመለክታል።

​የወረዳው ፖሊስ ባደረገው ፈጣን ምርመራ እና በዐቃቤ ሕግ አማካኝነት በቀረበው ክስ መሰረት፣ ተከሳሹ በ2011 ዓ.ም የወጣውን የኢትዮጵያ የምርጫ፣ የፖለቲካ ፓርቲዎች ምዝገባና የምርጫ ስነ-ምግባር አዋጅ ቁጥር 1162 አንቀጽ 158ን መጣሱ ተረጋግጧል። ተከሳሹ በችሎት ፊት የቀረበበትን የጥፋተኝነት ክስ አምኖ ቃሉን ሰጥቷል።

​የባይራ ኮይሻ ወረዳ ፍርድ ቤት የግራ ቀኙን ክርክር መርምሮ፣ ድርጊቱ ተከሳሹን የሚያርምና ሌሎች መሰል የዴሞክራሲያዊ ሂደቱን የሚያውኩ ድርጊቶች እንዳይፈጸሙ የሚያስተምር መሆን አለበት በማለት ተከሳሹ በ5 ወር ጽኑ እስራት እንዲቀጣ ወስኗል። ይህ ውሳኔ በምርጫ ወቅት የፓርቲዎችን መብትና ምልክቶች ማክበር አስፈላጊ መሆኑን የሚያሳይ እንደሆነ ተገልጿል።

(ዘ-ሐበሻ ስፖርት) የብራዚል ብሄራዊ ቡድን አሰልጣኝ ካርሎ አንቸሎቲ የ2026ቱን የዓለም ዋንጫ ስብስብ ሰኞ ዕለት ይፋ ለማድረግ ዝግጅታቸውን እያጠናቀቁ ባለበት በዚህ ወቅት፣ የ34 ዓመቱ የሳንቶስ ኮከብ ኔይማር በስብስቡ ውስጥ ይካተታል ወይስ አይካተትም የሚለው ጥያቄ በሪዮ ዴ ጄኔሮ አየር ላይ የተንጠለጠለ ትልቅ አጀንዳ ሆኗል።

ኔይማር የብራዚል የምንግዜም ከፍተኛ ግብ አስቆጣሪ ቢሆንም፣ በቀጣዩ ወር ለሚጀመረው የዓለም ዋንጫ በስብስቡ ውስጥ የመካተት እድሉ አጠራጣሪ ሆኗል። ለዚህም በዋነኛነት የሚጠቀሰው ለዓመታት ሲያሰቃየው የነበረው የጉዳት ታሪክ እና ወደ ሳንቶስ ከተመለሰ በኋላ ያሳየው አመርቂ ያልሆነ ብቃት ነው።

ይህ ሁኔታ አሰልጣኝ አንቸሎቲን ስሜትን ወደ ጎን በመተው ለአምስት ጊዜ የዓለም ቻምፒዮን ለሆነችው ብራዚል ባዘጋጁት ከፍተኛ ጉልበት የሚጠይቅ የታክቲክ እቅድ እና በተጨባጭ የተጫዋቾች የአካል ብቃት ላይ ተመስርተው ከባድ ውሳኔ እንዲያሳልፉ አስገድዷቸዋል።

አንቸሎቲ ማክሰኞ ዕለት ለጋዜጠኞች በሰጡት መግለጫ፣ "መምረጥ ሲኖርብህ ብዙ ነገሮችን ግምት ውስጥ ማስገባት አለብህ" ብለዋል። "ኔይማር እስካሁን ባሳየው ተሰጥኦ ለዚህች ሀገር ጠቃሚ ተጫዋች ነው፤ ነገር ግን የጉዳት ችግሮች ነበሩበት፣ አሁን ግን ለማገገም ጠንክሮ እየሰራ ነው። በቅርብ ጊዜ ብዙ መሻሻሎችን አሳይቷል፣ እንዲሁም በመደበኛነት እየተጫወተ ነው። እርግጥ ነው፣ ይህ ለእኔ ቀላል ውሳኔ አይደለም። የጉዳዩን አወንታዊ እና አሉታዊ ጎኖች በጥንቃቄ መመዘን አለብን" ሲሉ አስረድተዋል።

በሪዮ በሚገኘው የብራዚል እግር ኳስ ኮንፌዴሬሽን ዋና መስሪያ ቤት ጋዜጠኞችን ያነጋገሩት አንቸሎቲ፣ ስለተጫዋቾች ምርጫ ሂደት ሲያብራሩ በእግር ኳሱ ዓለም ከታዩት ስኬታማ አሰልጣኞች አንዱ መሆናቸውን በሚያሳይ የተረጋጋ መንፈስ ነበር። ጣሊያናዊው አሰልጣኝ በአምስቱም ታላላቅ የአውሮፓ ሊጎች ዋንጫን ያነሱ ብቸኛ አሰልጣኝ ሲሆኑ፣ በአሰልጣኝነት አምስት፣ በተጫዋችነት ደግሞ ሁለት የቻምፒዮንስ ሊግ ዋንጫዎችን በማንሳት ክብረ ወሰን ጨብጠዋል።

ምንም እንኳን የኔይማር ጉዳይ ከሌሎች ተጫዋቾች ምርጫ የተለየ ትኩረት ቢስብም፣ የቡድን አጋሮቹ እሱ በስብስቡ ውስጥ እንዲካተት በአደባባይ ድጋፋቸውን እየሰጡ ይገኛሉ። በሌላ በኩል ደጋፊዎች በኔይማር ላይ ባላቸው ፍቅር እና አካላዊ ብቃቱ ከአዕምሮው (ከምናቡ) ጋር እኩል ሊራመድ ይችላል ወይ በሚለው ስጋት መካከል ተከፋፍለዋል።

"ኔይማር በህዝቡ ብቻ ሳይሆን በተጫዋቾቹም ዘንድ እጅግ የተወደደ መሆኑን በሚገባ አውቃለሁ" ያሉት አንቸሎቲ፣ አክለውም "ይህም አንድ ምክንያት ነው፣ ምክንያቱም ኔይማርን ስንጠራው በዙሪያው የሚኖረውን ድባብ ግምት ውስጥ ማስገባት አለብን። ልክ በመልበሻ ክፍል ውስጥ ያልተጠበቀ ቦምብ እንደመጣል አይሆንም። እሱ በጣም ተወዳጅ ነው፣ በጣም የተወደደ ነው።

"ተጫዋቾች ሀሳባቸውን መግለጻቸው የተለመደ ነገር ነው ብዬ አስባለሁ። ምክር ለሰጡኝ ሁሉ አመስጋኝ ነኝ፤ ሁላችሁንም አመሰግናለሁ። ነገር ግን በመጨረሻ ይህንን ውሳኔ ለማሳለፍ ትክክለኛው እና የተሻለ ቦታ ላይ ያለሁት ሰው እኔ ነኝ።"

የተጫዋቾቹ ጥያቄ በእሳቸው ላይ ተጽዕኖ አሳድሯል ወይ ተብለው ለተጠየቁት ጥያቄ አንቸሎቲ ሲመልሱ፣ ጉዳዩ አስፈላጊ የሚሆነው በአንድ ገጽታ ብቻ እንደሆነ ገልጸዋል፤ ይህም ኔይማር የቡድኑን አንድነት እንደማይረብሽ ከማረጋገጥ አንጻር ነው። ለአንቸሎቲ አሳሳቢው ጉዳይ የመልበሻ ክፍሉ ሳይሆን፣ ከውጭ የሚኖረው ጫጫታ ነው።

"የውስጣዊው (የቡድኑ) ድባብ በምንም መልኩ ይረበሻል ብዬ አላስብም። ድባቡ በጣም አዎንታዊ እና ንጹህ ነው፣ የትኛውም ተጫዋች በስብስቡ ውስጥ ቢካተትም እስከ መጨረሻው አዎንታዊ እና ንጹህ ሆኖ ይቀጥላል" ብለዋል። "ነገር ግን የውጭውን ድባብ እና ሚዲያው የሚለውን መቆጣጠር አልችልም።"

ዋናው ጥያቄ ግን ኔይማር አሁንም አንቸሎቲ ከሚፈልጉት የእግር ኳስ አጨዋወት ጋር ይጣጣማል ወይ የሚለው ነው። አሰልጣኙ የሚፈልጉት መሮጥ፣ ጫና መፍጠር እና ወደ ኋላ ተመልሰው መከላከል የሚችሉ አራት አጥቂዎችን ነው፤ ይህ ደግሞ ተከታታይ ጨዋታዎችን ለማድረግ ለሚቸገረው ኔይማር ፈታኝ ሊሆን ይችላል።

ይሁን እንጂ ጣሊያናዊው አሰልጣኝ ኔይማር የማገገም ምልክቶችን እያሳየ መሆኑን ተናግረዋል። "በቅርብ ጨዋታዎች የአካል ብቃቱን ብዙ አሻሽሏል" ያሉት አንቸሎቲ፣ "በቅርቡ አንዳንድ በጣም ጥሩ ጨዋታዎችን አድርጓል፣ እናም በጨዋታ ውስጥ ከፍተኛ ጥንካሬን ማቆየት ይችላል፣ ግን ጨዋታ እና ጨዋታ ይለያያል..." ሲሉ አክለዋል።

አንቸሎቲ ኔይማርን የመምረጥ ወይም ያለመምረጥ ውሳኔ የራሳቸው ብቻ እንደሚሆን አረጋግጠዋል። "ኔይማርን እንድጠራው በማንም አካል ጫና አልተደረገብኝም። ሙሉ ነፃነት አለኝ" ሲሉ ተናግረዋል። "ውሳኔው 100 በመቶ ሙያዊ ይሆናል። እንደ እግር ኳስ ተጫዋች እያሳየ ያለውን ብቃት ብቻ ነው ከግምት ውስጥ የማስገባው። ሌላ ምንም ነገር የለም።

"ፍጹም የሆነ ስብስብ ማዘጋጀት እችላለሁ? በፍጹም አይቻልም! ነገር ግን ሌሎች ከሚያደርጉት ያነሰ ስህተት ያለው ስብስብ ማዘጋጀት እችላለሁ። በዚህ ረገድ እርግጠኛ ነኝ" ሲሉ መግለጫቸውን አጠናቀዋል።

ትኩረት ሊሰጣቸው የሚገቡ የጨጓራ ሕመም አስጊ ምልክቶች
#ethiopia | በኢትዮጵያ እስከ 20 በመቶ የሚሆነው የኅብረተሰብ ክፍል የጨጓራ ሕመም ተጠቂ እንደሆነ የዘርፉ ባለሙያዎች ያስረዳሉ፡፡

ለሕመሙ መከሰት ከ75 እስከ 80 በመቶ የሚሆነውን ድርሻ የሚይዘው "ፈንክሽናል ዲስፔፕሲያ" የተባለውና ግልጽ የሆነ የሰውነት አካል ጉዳት ሳይኖር የሚከሰተው የሕመም ዓይነት ነው።

ሕመሙ በአብዛኛው በላይኛው የሆድ ክፍል ላይ የማቃጠል፣ የመሙላት እና ምቾት የማጣት ስሜት እንደሚፈጥር በቅዱስ ጳውሎስ ሆስፒታል የጠቅላላ ሐኪም የሆኑት ዶ/ር ሐሴት ለገሰ ከኤ ኤም ኤን ዲጂታል ጋር ባደረጉት ቆይታ አስረድተዋል።

የጨጓራ ባክቴሪያ ኢንፌክሽን፣ የቁስለት ሕመም፣ የሐሞት ከረጢት ችግር እንዲሁም ያላግባብ የሚወሰዱ የሕመም ማስታገሻና የደም ማቅጠኛ መድኃኒቶች ለችግሩ ዋነኛ መንስኤዎች ናቸው።

ዶ/ር ሐሴት በተለይም ሕመምተኞች አስጊ ምልክቶችን ለይተው በማወቅ ፈጣን የሕክምና ክትትል ሊያደርጉ እንደሚገባ አሳስበዋል።

ከእነዚህም መካከል ያልተፈለገ የሰውነት ክብደት መቀነስ፣ ተደጋጋሚ ትውከት፣ ምግብ ለመዋጥ መቸገር፣ ደም ማስመለስ እና የሰገራ ቀለም ወደ ጥቁርነት መቀየር የሚጠቀሱ ሲሆን፣ ያለምክንያት የሚከሰት የደም ማነስና በሆድ አካባቢ የሚታይ እብጠትም አስቸኳይ ትኩረት የሚሹ ምልክቶች ናቸው።

በተለይም እድሜያቸው ከ55 ዓመት በላይ የሆኑና አዲስ የጨጓራ ሕመም የጀመራቸው ወይም በቤተሰባቸው ውስጥ የጨጓራ ካንሰር ታሪክ ያለባቸው ሰዎች ልዩ ጥንቃቄ ሊያደርጉ ይገባል።

የምርመራ ሂደቱን በተመለከተ ታካሚዎች እንደ ሁኔታው የባክቴሪያ ወይም የውስጥ አካል (ኢንዶስኮፒ) ምርመራ ሊደረግላቸው እንደሚገባ ዶ/ር ሐሴት የገለጹ ሲሆን፣ ሕክምናውም እንደ መንስኤው ዓይነት እንደሚሰጥ አብራርተዋል።

ከባክቴሪያ ውጭ ለሚከሰቱ የጨጓራ ሕመሞች ደግሞ የአኗኗር ዘይቤን ማስተካከል መፍትሄ መሆኑን ጠቁመዋል።

ለዚህም ቅባታማ ምግቦችን መቀነስ፣ አነስተኛ መጠን ያለው ምግብ ደጋግሞ መመገብ፣ አልኮልን ማስወገድ እና ጭንቀትን መቆጣጠር ለውጥ እንደሚያመጣ ዶ/ር ሐሴት ገልጸው፣ ሕመምተኞች ምልክቶቹ ሳይበረቱ ቀድመው ምርመራ እንዲያደርጉ መልዕክታቸውን አስተላልፈዋል፡፡

Getu Temesgen - (ጌጡ ተመስገን) #getutemesgen #getu #viaamn

የቅዱስ ጊዮርጊስ ሪባን እገዳ ውዝግብ አስነሳ
#ethiopia | ​በሁለተኛው የዓለም ጦርነት የናዚ ጀርመን የተሸነፈበትን ዕለት ለማሰብ የሚደረገው በዓል፣ ዘንድሮም በጀርመን አውራ ጎዳናዎች ላይ የጦዘ የፖለቲካ ክርክር አስነስቷል።

ለዚህ ደግሞ ዋነኛው ምክንያት የጀርመን ባለስልጣናት በበዓሉ ላይ የሶቪየት ባንዲራዎችን እና የቅዱስ ጊዮርጊስ ሪባን እንዳይታዩ ማገዳቸው ነው።

​"ግልጽ አድልዎ ነው" — ጉናር ቤክ

​የተቃዋሚው 'AfD' ፓርቲ አባልና የቀድሞው የአውሮፓ ፓርላማ አባል ጉናር ቤክ፣ ይህን የበርሊን ውሳኔ "ፖለቲካዊ እና አድልዎ የተሞላበት" ሲሉ ኮንነውታል። ቤክ ለሚዲያዎች በሰጡት አስተያየት የገለጿቸው ዋና ዋና ነጥቦች፦

​-ጀርመን በሌሎች አሸናፊ አገራት ተወካዮች ላይ ያልጣለችውን ክልከላ በሩሲያ ላይ ብቻ ማድረጓ ፍትሃዊ አይደለም።
​
-ይህ እርምጃ ሩሲያ ናዚዝምን ለማጥፋት የከፈለችውን እጅግ ከፍተኛ የሆነ የሰው ህይወትና የንብረት መስዋዕትነት ሆን ብሎ ችላ የሚል ነው።
​
ጉዳዩን ለሚመለከት ለማንኛውም የታሪክ ተመራማሪ፣ የጀርመን መንግስት ታሪክን ለወቅታዊ ፖለቲካ መጠቀሚያ እያደረገው መሆኑ ግልጽ ነው ብለዋል።
​
​በጉዳዩ ላይ ጠንከር ያለ ምላሽ የሰጠችው ሞስኮ፣ ምዕራባውያን የሶቪየት ህብረትን የድል ታሪክ ከታሪክ ገጽ ላይ ለመደምሰስ "የታሪክ በቀል" እያካሄዱ ነው ስትል ከሳለች። በተጨማሪም፣ እንዲህ ያሉ ምልክቶችን ማገድ በአውሮፓ ውስጥ የናዚ ርዕዮተ ዓለም ዳግም እንዲያንሰራራ በር ይከፍታል ስትል አስጠንቅቃለች።

ለዓመታት የናዚዝም ሽንፈት ምልክት የነበሩት ሪባኖችና ባንዲራዎች፣ ዛሬ ላይ በምዕራባውያን እና በሩሲያ መካከል ላለው የዲፕሎማሲ ፍጥጫ አዲስ የጦር አውድማ ሆነዋል።

Getu Temesgen - (ጌጡ ተመስገን) #getutemesgen #getu
​#victoryday #germany #russia #stgeorgeribbon #history #politics #gunnarbeck

የዓለም ጤና ድርጅት ማስጠንቀቂያ

በአንድ የቱሪስት መርከብ ላይ በደረሰ የሀንታ ቫይረስ ወረርሽኝ የሦስት ሰዎች ሕይወት ማለፉን ተከትሎ፣ የዓለም ጤና ድርጅት ተጨማሪ ተጠቂዎች ሊኖሩ እንደሚችሉ ማስጠንቀቂያ ሰጥቷል።

የዓለም ጤና ድርጅት ባወጣው መግለጫ መሠረት፣ በባሕር ላይ በሚጓዝ የቱሪስት መርከብ ውስጥ የተከሰተው ይህ ወረርሽኝ ለሦስት ተሳፋሪዎች ሞት ምክንያት ሆኗል።

ድርጅቱ አክሎም፤ከሟቾቹ ጋር ንክኪ የነበራቸው ሌሎች ሰዎች ላይም የቫይረሱ ምልክቶች ሊታዩ እንደሚችሉ ስጋቱን ገልጿል።

ይሁን እንጂ፤አስፈላጊው የጥንቃቄ እርምጃዎች በአግባቡ ከተወሰዱ የወረርሽኙን ስርጭት መገደብና በቁጥጥር ስር ማዋል እንደሚቻል ድርጅቱ አስታውቋል።

የዓለም ጤና ድርጅት ሁኔታውን በቅርበት እየተከታተለ መሆኑን የገለጸ ሲሆን፣ ተሳፋሪዎችና የጉዞው አዘጋጆች ከፍተኛ ጥንቃቄ እንዲያደርጉ አሳስቧል።

ሀንታ ቫይረስ አብዛኛውን ጊዜ ከአይጥ ዝርያዎች ወደ ሰው የሚተላለፍ ከባድ የጤና ችግር ሲሆን፣ ድርጅቱ የወረርሽኙን አድማስ ለማጥበብ ከሚመለከታቸው አካላት ጋር እየሰራ መሆኑን ገልጿል ሲል የዘገበው TRT WORLD ነው።

seledadotio
seledadotio

(ዘ-ሐበሻ ዜና) ባለፈው ጥር ወር በተካሄደ ህዝባዊ ስብሰባ ላይ በዲሞክራቲክ ፓርቲ የምክር ቤት አባል ኢልሃን ኦማር ላይ ጥቃት የፈጸመው አንድ ግለሰብ ጥፋተኛ መሆኑን ማመኑን የአሜሪካ የፍትህ ሚኒስቴር አስታወቀ። ጥቃቱ የተፈጸመው የምክር ቤት አባሏ የሪፐብሊካኑን ፕሬዝዳንት ዶናልድ ትራምፕ በስደተኞች ላይ የሚወስዱትን ጥብቅ እርምጃዎች በማውገዝ ላይ በነበሩበት ወቅት ነው።

የ55 ዓመቱ አንቶኒ ጀምስ ካዝሚየርዛክ የተባለው ይኸው ግለሰብ፣ በአሜሪካ ፌደራል ፍርድ ቤት ቀርቦ በአንድ የመንግስት ባለስልጣን ላይ ጥቃት በማድረስ ወንጀል የጥፋተኝነት ቃል መስጠቱን የፍትህ ሚኒስቴሩ መግለጫ ያመለክታል። በዛሬው ዕለት ዳኛ ጆአን ኤሪክሰን ፊት በቀረበበት ወቅት፣ ግለሰቡ "ጥቃቱን አስቀድሞ ማቀዱን እና ከምክር ቤት አባል ኢልሃን ኦማር የፖለቲካ አመለካከት ጋር ፈጽሞ እንደማይስማማ" አምኗል።

በስብሰባው ላይ ኢልሃን ኦማር የአሜሪካ የኢሚግሬሽን እና የጉምሩክ አስከባሪ ኤጀንሲ (ICE) በሚኒሶታ እያካሄደ ያለውን ጥብቅ አሰሳ እና በፌደራል የጸጥታ አባላት የተፈጸሙ የሁለት አሜሪካውያን ዜጎች ግድያዎችን በመተቸት ላይ ነበሩ። በዚህ መሃል ካዝሚየርዛክ በሲሪንጅ (መርፌ) በመጠቀም "አፕል ሳይደር ቪኔጋር" በምክር ቤት አባሏ ላይ የረጨ ሲሆን፣ ፈሳሹም በልብሳቸው እና በቆዳቸው ላይ አርፏል። ይሁን እንጂ በጥቃቱ ምንም አይነት የአካል ጉዳት አልደረሰባቸውም። የላብራቶሪ ምርመራም በፈሳሹ ውስጥ አሴቲክ አሲድ መኖሩን አረጋግጧል።

ጥቃት አድራሹ በጸጥታ ጠባቂዎች ቁጥጥር ስር ከመዋሉ እና ከመታሰሩ በፊት እየጮኸ እና የተለያዩ ምልክቶችን እያሳየ ነበር። ድርጊቱ በሚኒያፖሊስ ይካሄድ የነበረውን ስብሰባ ለጊዜው ያቋረጠው ቢሆንም፣ ኢልሃን ኦማር ግን በኋላ ላይ ንግግራቸውን ቀጥለዋል።

እስልምና እምነት ተከታይ የሆኑት ኢልሃን ኦማር፣ በ12 ዓመታቸው ወደ አሜሪካ የገቡ ሲሆን በ2000 እ.ኤ.አ. የአሜሪካ ዜግነትን አግኝተዋል። ፕሬዝዳንት ትራምፕ በተደጋጋሚ በትውልድ ሶማሊያዊት በሆኑት ኦማር ላይ ያነጣጠረ ትችት ሲሰነዝሩ የቆዩ ሲሆን፣ ወደ አእምሮ ህክምና ተቋም መግባት እንዳለባቸው እና ከአሜሪካ መባረር እንዳለባቸውም በተለያዩ አጋጣሚዎች ሲገልጹ ቆይተዋል።

የእስራኤል ወታደር በሊባኖስ የቅድስት ድንግል ማርያም ሐውልት ላይ ያደረገው አሳፋሪ ድርጊት

​#fastmereja I በደቡብ ሊባኖስ የሚገኝ የእመቤታችን ቅድስት ድንግል ማርያም ሐውልት በአንድ የእስራኤል ወታደር ሲሳለቅበት የሚያሳይ ተንቀሳቃሽ ምስል መውጣቱ ከፍተኛ ቁጣን ቀስቅሷል።

​በደቡብ ሊባኖስ ድንበር አካባቢ በሚገኝ መንደር ውስጥ የተቀረጸ ነው የተባለው ይሄው ምስል፣ አንድ የእስራኤል ወታደር በክርስቲያኖች ዘንድ ትልቅ ክብር የሚሰጠውን የድንግል ማርያም ሐውልት ሲያረክስና ሲያንገላታ ያሳያል። ድርጊቱ በማህበራዊ ሚዲያዎች ላይ በፍጥነት የተሰራጨ ሲሆን፣ በሃይማኖታዊ ተቋማትና በሰብአዊ መብት ተሟጋቾች ዘንድ ከፍተኛ ተቃውሞ እያስነሳ ይገኛል።

​የእስራኤል መከላከያ ሰራዊት (IDF) ስለ ድርጊቱ እስካሁን የሰጠው ይፋዊ መግለጫ ባይኖርም፣ መሰል ድርጊቶች በጦርነቱ ቀጣና ውስጥ ያለውን የሃይማኖታዊ መቻቻልና የቅዱሳን ቦታዎች ጥበቃ ጥያቄ ውስጥ የሚከት መሆኑ ተነግሯል። በተለይም በሊባኖስ የሚገኙ የክርስትና እምነት ተከታዮች ድርጊቱን "ቀጥተኛ ትንኮሳ" ሲሉ የገለጹት ሲሆን፣ የዓለም አቀፉ ማህበረሰብ በሃይማኖታዊ ቅርሶችና ምልክቶች ላይ የሚፈጸሙ ጥቃቶችን እንዲያወግዝ ጠይቀዋል።

​ይህ ክስተት በሊባኖስና በእስራኤል መካከል ያለውን ውጥረት ይበልጥ ሊያባብሰው እንደሚችል ተሰግቷል። በጦርነት ወቅት የሃይማኖት ምልክቶችንና የሲቪል ተቋማትን ማክበር በዓለም አቀፍ ህግ የተደነገገ ቢሆንም፣ በመሬት ላይ የሚፈጸሙ መሰል ድርጊቶች ግን ከወቅታዊው ወታደራዊ ግጭት ባለፈ ማህበራዊና ሃይማኖታዊ ቀውስ የመፍጠር አቅም እንዳላቸው ተንታኞች ይገልጻሉ።

ድንገተኛው ገዳይ ስትሮክ፦ መንስኤው፣ ምልክቶቹ እና መከላከያው

ስትሮክ ወደ አንጎል የሚሄደው ደም ሲቋረጥ ወይም የደም ስር ሲበጠስ የሚከሰት አደገኛ እክል ሲሆን፣ የአንጎል ሴሎች በኦክስጅን እጥረት እንዲሞቱ ያደርጋል። ሁኔታው በደም መርጋት (ኢስኬሚክ) ወይም በደም መፍሰስ (ሄሞራጂክ) ሊከሰት ስለሚችል፣ ፈጣን የሕክምና እርዳታ ማግኘት ለሕይወት መትረፍና የአካል ጉዳትን ለመቀነስ ወሳኝ መሆኑን መገንዘብ ያስፈልጋል።

የስትሮክ ምልክቶችን ለመለየት የፊት መዝለልን፣ የእጅ መዛልን እና የንግግር መኮላተፍን በፍጥነት ማስተዋል ተገቢ ነው። እነዚህ ምልክቶች በታዩ በጥቂት ሰዓታት ውስጥ ሕክምና ማግኘት የጉዳቱን መጠን በእጅጉ ስለሚቀንሰው፣ ጊዜ ሳያባክኑ ወደ ጤና ተቋም መሄድ ለአንጎል ሴሎች መትረፍ ብቸኛው መፍትሄ ነው። "ጊዜ አንጎል ነው" እንደሚባለው ሁሉ፣ እያንዳንዱ ደቂቃ የሴሎችን ሕይወት ለመታደግ ትልቅ ዋጋ አለው።

ከፍተኛ የደም ግፊትን፣ ስኳርንና ኮሌስትሮልን በመቆጣጠር እንዲሁም ጤናማ አመጋገብንና የአካል ብቃት እንቅስቃሴን በመከተል የስትሮክን አደጋ አስቀድሞ መከላከል ይቻላል። በተጨማሪም ሲጋራና አልኮልን ማስወገድ እንዲሁም የጤና ምርመራን ማዘውተር ከዚህ ድንገተኛ አደጋ ለመጠበቅና የተሟላ ጤና እንዲኖረን የሚረዱ ዋና መንገዶች ናቸው።

seledadotio
seledadotio

የቃልኪዳኑ ታቦት የት ነው ያለው?

(መላኩ ብርሃኑ)
#etማሣሠቢያ - ይህ ጽሁፍ ትንሽ ረዘም ይላል፡፡ በዚህ ጉዳይ ላይ ለማወቅ ፍላጎት ያላችሁ ብቻ አንብቡት፡፡ ሌሎች ጊዜያችሁን አትፍጁ፡፡

ማምሻዬን ዜና ስቃርም AllISRAELNEWS.COM ላይ የሰፈረው "Finding the Ark of the Covenant: A Geo-theological ‘atomic bomb’" የሚል ርዕስ ሳበኝና አነበብኩት፡፡

( ፍላጎት ያላችሁ ወዳጆች ይህን አርቲክል ከላይ በፃፍኩት ርዕሰ ጉግል ላይ ሰርች አድርጋችሁ እንድታነቡት እመክራለሁ )

ይህ በቅርቡ በይሁዳ ቪ ፍራንክ (Yehuda V. Frank) በተባለ ጸሃፊ የተጻፈው አርቲክል ፣ በኢትዮጵያውያን ዘንድ በተለይም በኦርቶዶክስ ተዋህዶ እምነት ተከታች ዘንድ ያለውን የጥንት እምነትና ታሪክ የሚፃረር አዲስ መላምት ይዞ ነው የመጣው፡፡

የቃል ኪዳኑ ታቦት ፍለጋ እና አዲሱ አወዛጋቢ ዘገባ!

ይህ ዘገባ የቃል ኪዳኑ ታቦት (ታቦተ ጽዮን) መገኘት በሃይማኖታዊና ፖለቲካዊው ዓለም ላይ ድንገት ሊፈነዳ እንደሚችል ደ "ጂኦ-ቲዎሎጂካል አቶሚክ ቦምብ" አደርጎ በማቅረብ ማስጠንቀቂያ ሰጥቷል። ነገር ግን ዘገባው ለእኛ ለኢትዮጵያውያን እጅግ እንግዳ የሆነና ታሪካችንን የሚክድ አዲስ አቅጣጫ ይዞ ነው የመጣው።

የዘገባው ዋና ዋና ነጥቦች፦

ጽሑፉ ታቦተ ጽዮን አሁንም ባለበት በኢየሩሳሌም በመቅደስ ተራራ (Temple Mount) ሥር በሚገኙ ምስጢራዊ ዋሻዎች ውስጥ ተቀብሮ ይገኛል የሚል ድምዳሜ ላይ ያዘነብላል።

ሳይንቲስቶች መሬት ሳይቆፍሩ የድንጋይ ንጣፎችን አልፎ ማየት የሚችል Muon Tomography የሚባል አዲስ የራጅ ቴክኖሎጂ በመጠቀም ታቦቱን ለማግኘት እየተዘጋጁ እንደሆነ ይጠቁማል።

በሰሜን እስራኤል (ሺሎ) እየተዘጋጁ ያሉ አምስት ቀይ ላሞች (Red Heifer) ለሦስተኛው ቤተ መቅደስ ግንባታና ለክህነት አገልግሎት መታደስ እንደ ምልክት እየታዩ መሆኑን ያብራራል።

የታቦቱ መገኘት ለዓለም ሰላምን ሊያመጣ ይችላል ወይም ደግሞ የመጨረሻውን የ"አርማጌዶን" ጦርነት ሊቀሰቅስ ይችላል የሚል ስጋት ያነሳል።

ዘገባው ለምን አወዛጋቢ ነው አልኩ?

ይህ ጽሑፍ በሚሊዮን የሚቆጠሩ የኢትዮጵያ ኦርቶዶክስ ተዋሕዶ አማኞች "ታቦተ ጽዮን በአክሱም ማርያም ጽዮን ትገኛለች" የሚለውን ጥልቅ እምነት ሙሉ በሙሉ ችላ ይላል።

ታቦቱ በቀዳማዊ ምኒልክ አማካኝነት ወደ ኢትዮጵያ መምጣቱንና ላለፉት ሺህ ዓመታት በሰሜን ኢትዮጵያ መጠበቁን እንደ ተረት ይቆጥረዋል።
ታዋቂው ተመራማሪ ግርሃም ሐንኮክ "The Sign and the Seal" (የቃል ኪዳኑ ታቦት ፍለጋ) በሚለው መጽሐፉ ታቦቱ በኢትዮጵያ ስለመኖሩ ያቀረበውን ሳይንሳዊና ታሪካዊ መላምት ይህ ዘገባ ውድቅ ያደርገዋል።

የታቦቱ መገኘት ጥቂት ሜትሮችን በቴክኖሎጂ ከመፈተሽ ጋር ብቻ የተያያዘ አድርጎ ማቅረቡ፣ ነገሩ ያለውን መንፈሳዊና ምስጢራዊ ጥልቀት ያቀለለው ይመስላል።

የታቦተ ጽዮን ፍለጋ — በጂኦ-ፖለቲካ ስጋት እና በኢትዮጵያ የታሪክ ድርሳናት መነጽር ሲታይ

ይህ አዲስ የ“እስራኤል ኒውስ” ዘገባ ታቦቱ ኢየሩሳሌም ውስጥ ነው ብሎ መደምደም ብቻ ሳይሆን፣ ፍለጋው የዓለምን ሠላም ሊያናጋ የሚችል “የቲዎሎጂ አቶሚክ ቦምብ” ነው ይለዋል። እስቲ ጉዳዩን ከሁለት አቅጣጫ እንየው፡

የፖለቲካው ስጋት፡ “የመጨረሻው ጦርነት መቀስቀሻ?”

ዘገባው የታቦቱን መገኘት ከሦስተኛው ቤተ መቅደስ ግንባታ ጋር ያገናኘዋል። ይህ ደግሞ በሦስቱ ታላላቅ ሃይማኖቶች (ክርስትና፣ እስልምና እና ይሁዲነት) መካከል ውጥረት ፈጥሮ ነገሩን ወደ አደገኛ ደረጃ ሊያሸጋግር የሚችል ይመስለኛል፡

ለምሳሌ ለአይሁድ እምነት፡ የታቦቱ መገኘት የመሲሁ መምጣት እና የመቅደሱ መታደስ ማረጋገጫ ተደርጎ ይወሰዳል።

ለእስልምና እምነት ደግሞ ታቦቱ በኢየሩሳሌም መገኘቱ “መህዲ” ለተባለው መሪያቸው መምጣት ምልክት እንደሆነና ይህም ዓለም አቀፍ የእስልምና ሥርዓትን እንደሚያሰፍን ያምናሉ ይላል።

ይህ የፍለጋ እቅድ በኢየሩሳሌም የቅዱሳን ስፍራዎች (Temple Mount) ላይ ላለው ግጭት ቤንዚን ማርከፍከፍ ተደርጎ ሊወሰድ ይችላል። ጽሑፉ እንደሚለው፣ ፍለጋው ወደ “አርማጌዶን” (የመጨረሻው የጥፋት ጦርነት) ሊያመራ የሚችል የጂኦ-ፖለቲካዊ ፍንዳታ ነው።

የኢትዮጵያ ታሪካዊ ምላሽ፡ “ታቦቱ የት ነው ያለው?”

ዘገባው ታቦቱ ኢየሩሳሌም ውስጥ ተቀብሮ ቀርቷል ቢልም፣ የኢትዮጵያ ጥንታውያን ድርሳናትና ታሪክ ግን ይህንን ፈጽሞ አይቀበሉም። እንደ ክብረ ነገሥት ያሉ የታሪክ መጻሕፍት ታቦቱ ከ3,000 ዓመታት በፊት ወደ ኢትዮጵያ እንደመጣ በማስረጃ ያስረዳሉ፡

የቀዳማዊ ምኒልክ ጉዞ፡ ንግሥተ ሳባ ከንጉሥ ሰሎሞን የወለደችው ልጇ ምኒልክ አባቱን ለመጠየቅ በሄደበት ወቅት፣ ታቦተ ጽዮንን ይዞ ወደ ኢትዮጵያ መመለሱን ታሪካችን ያረጋግጣል።

ታቦቱ ከአክሱም በፊት በጣና ቂርቆስ ለ800 ዓመታት፣ ከዚያም በተለያዩ የሰሜን ኢትዮጵያ አድባራት ተጠብቆ መቆየቱ በቤተክርስቲያን ድርሳናት በዝርዝር ሰፍሯል።

እኛ ደግሞ ታቦቱ በቴክኖሎጂ ወይም በቁፋሮ የሚገኝ ተራ ዕቃ ሳይሆን፣ በእግዚአብሔር ፈቃድ የሚገለጥና የሚሰወር መንፈሳዊ ኃይል እንደሆነ እናምናለን።

ይህ ዘገባ የኢትዮጵያን ሚና እና ታሪካዊ ባለቤትነት ሆን ብሎ ችላ ማለቱ፣ ምናልባትም በታሪክ ምርምር ስም የሚደረግ የፖለቲካ ጨዋታ አካል ሊሆን ይችላል የሚል ጥርጣሬ አድሮብኛል። ታቦቱ በአካል አክሱም ውስጥ ቢገኝም፣ በዓለም ዙሪያ ያሉ ኃይሎች ግን የራሳቸውን ትርክት (Narrative) ለመፍጠር እየተሯሯጡ መሆኑን የሚያሳዩ ምልክቶችም አሉት።

እናንተስ ምን ትላላችሁ?

የዓለም ሳይንቲስቶችና የታሪክ ጸሐፊዎች ታቦቱ ኢየሩሳሌም ውስጥ ነው እያሉ የሚሰጡት መግለጫ በእኛ ታሪክና እምነት ላይ ምን ዓይነት ተጽዕኖ ይኖረዋል ?

#ጤናመረጃ

10 አስገራሚ የአቮካዶ የጤና ጥቅሞች!

አቮካዶን መመገብ ከሚያስገኛቸው ብዙ ጥቅሞች ዋነኞቹን እናያለን።

1) የደም ግፊትንና የደም ዝውውርን የሚያስተካክለውን ፖታሲየም የተሰኝውን ንጥረ ነገር በብዛት ይዟል፡፡በአቮካድ ውስጥ የሚገኝው ፖታሲየም ሙዝ ውስጥ ከሚገኝው በ10% ይበልጣል።

2) ፎሌት የተባለ ንጥረነገር ያለው ሲሆን ለእርጉዝ ሴቶች በጣም ጠቃሚና ለህፃኑ የአእምሮና አካላት እድገት ወሳኝ ሚና
ይጫወታል።በተጨማሪም በእርግዝና ወቅት የሚመጣውን ማቅለሽለሽ የሚከላከል ቫይታሚን ቢ6 ይዟል።

3) በአቮካዶ ውስጥ ያለው ሞኖሳቹሬትድ ፋት ለልብ ህመም የሚያጋልጠንን ኮሌስትሮል በመቀነስ ጤናን ያስተካክላል።በተጨማሪም ለስኳር በሸተኞች በደም ውስጥ ያለውን ትራይግላይሴራይድ በመቀነስ ይጠቅማል።

4) አቮካዶ ኦሊይክ አሲድ በውስጡ ይዟል።
ይህ አሲድ የጡት ካንሰርን ይከላከልልናል።

5) አቮካዶ ሊየቲን የተባለ ቫይታሚን ሲኖረው የካሮቲን ቫይታሚን ከሆነው ቫይታሚን ኤ ዝርያ የሚመደብ ሲሆን ለአይን ጤንነት በጣም ጠቃሚ ነው።

6) አቮካዶ ከፕሮስቴት ካንሰር የሚከላከሉና የተጐድ ሴሎችን የሚጠግኑ የተለያዩ ንጥረ ነገሮች በውስጡ ይዟል።

7) አቮካዶ የአፍ ካንሰርን ከመከላከሉ ባሻገር ለመጥፎ የአፍ ጠረን አይነተኛ መፍትሄ ነው።

8) በአቮካዶ ውስጥ ያሉት ኢንዛይምና የምግብ ንጥረ ነገሮች የተጐዳ የጨጓራና የትንሽ አንጀት ግድግዳዎችን በማለስለስ ወደር አይገኝላቸውም።

9) በአንቲ ኦክሲዳንት የበለፀገ ስለሆነ ከእርጅና ጋር ተያይዘው የሚመጡ ምልክቶችን ይከላከላል።ሰውነታችን በሽታን የመከላከል አቅምን ይጨምራል የነርቭ ስርዓት ጤናማ እንዲሆን ያደርል።
10) በቫይታሚን የበለፀገ ሲሆን ቆዳችንን ከፍሪራዲካልስ ይከላከላል።

ጠቃሚ ነውና ለወዳጆ ያካፍሉ! ሼር!
seledadotio
seledadotio

የሰውነት ክብደትን በአጭር ጊዜ ውስጥ በፍጥነት ለመቀነስ መሞከር ለሀሞት ጠጠር መፈጠር ምክንያት ሊሆን እንደሚችል ያውቃሉ?
#ethiopia | የሀሞት ጠጠር የሚከሰተው በሀሞት ከረጢት ውስጥ የሚገኘው ፈሳሽ ኬሚካላዊ ሚዛኑን ሲያጣ እንደሆነ የዘርፉ ባለሙያዎች ይገልጻሉ።

በተለይም በፈሳሹ ውስጥ ያለው የኮሌስትሮል መጠን ከልክ በላይ መጨመር እና የሀሞት ከረጢት ፈሳሹን በአግባቡ ማፍሰስ አለመቻል ለጠጠር መፈጠር ዋነኛ መንስኤዎች ናቸው።

ጠጠሩ መጠኑ እየጨመረ ሲመጣ ወይም የሀሞት ትቦን ሲዘጋ፤ በላይኛው የሆድ ክፍል ላይ ድንገተኛና ከባድ ሕመም፣ ማቅለሽለሽ፣ ማስታወክ እንዲሁም የቆዳ ወይም የዓይን ቀለም ቢጫ መሆንን የመሳሰሉ ምልክቶችን ሊያሳይ ይችላል።

የሀሞት ጠጠር ተጋላጭነትን ለመቀነስ ምግብን በሰዓቱ መመገብ፣ ጤናማ የሰውነት ክብደትን መጠበቅ እና ፋይበር ያላቸውን እንደ አትክልትና ፍራፍሬ ያሉ ምግቦችን ማዘውተር አስፈላጊ መሆኑ ይመከራል።

በተለይም የሰውነት ክብደትን በአጭር ጊዜ ውስጥ በፍጥነት ለመቀነስ መሞከር ለሀሞት ከረጢት ጠጠር መፈጠር ምክንያት ሊሆን ስለሚችል ልዩ ጥንቃቄ ሊደረግ ይገባል።

የሀሞት ጠጠር በብዙዎች ዘንድ የሚታይ የጤና እክል ቢሆንም፣ በአሁኑ ወቅት ታካሚዎች ሰፊ ቀዶ ጥገና ሳያስፈልጋቸውና ከፍተኛ ሕመም ሳይሰማቸው መታከም የሚያስችላቸው ቴክኖሎጂ ሥራ ላይ መዋሉን ዶ/ር ሱራፌል ሙላቱ ለኤ ኤም ኤን ገልጸዋል።

የሕክምናው ዘርፍ በደረሰበት ከፍተኛ እድገት የላፓሮስኮፒክ ወይም በካሜራ የታገዘ ቀዶ ጥገና ለታካሚዎች ፈጣን ማገገምን ይዞ መጥቷል።

ቀደም ሲል የነበረው የሀሞት ከረጢት ቀዶ ጥገና ከ7 እስከ 8 ሴንቲ ሜትር የሚደርስ ሰፊ የሰውነት ክፍልን በመክፈት የሚከናወን ሲሆን፤ በአሁኑ ወቅት ይህ አሠራር ተቀይሮ በዘመናዊው የላፓሮስኮፒክ ዘዴ ከአንድ ሴንቲ ሜትር ባነሰ አነስተኛ ቀዳዳ ቀዶ ሕክምናውን በብቃት ማከናወን ተችሏል ነው ያሉት ዶ/ር ሱራፌል።

ይህ ዘመናዊ አሠራር ታካሚው ከቀዶ ህክምናው በኋላ በሰዓታት ውስጥ ወደ መደበኛ እንቅስቃሴው እንዲመለስ ያስችለዋል።

በተጨማሪም ቀዶ ህክምናው በጣም በትንሽ ቀዳዳ ስለሚከናወን በሰውነት ላይ የሚተወው ጠባሳ እጅግ አነስተኛ ነው።

በመጨረሻም ዶ/ር ሱራፌል፤ በጠጠር ምክንያት ጉዳት የደረሰበትን የሀሞት ከረጢት በቀዶ ጥገና በማውጣት ታካሚው ጤናማ ሕይወቱን መቀጠል እንደሚችል አረጋግጠዋል ሲል ኤ ኤም ኤን ዘግቧል።

Getu Temesgen - (ጌጡ ተመስገን) #getutemesgen #getu

ጠ/ሚ'ሯ የተሾሙሏት ኢትዮጵያ AI በጤና ዘርፍ ላይ ምን ያህል ድርሻ አለው?
#ethiopia | ኢትዮጵያ በሕክምናው ዘርፍ ለበርካታ ዓመታት ሲፈታተኗት የነበሩትን የባለሙያ እጥረት፣ የምርመራ መዘግየት እና የመረጃ አያያዝ ክፍተቶችን ለመቅረፍ ሰው ሰራሽ አስተውሎትን (AI) እንደ ዋነኛ መፍትሔ መጠቀም ጀምራለች።

ጠቅላይ ሚኒስትር ዐቢይ አሕመድ (ዶ/ር) በተለያዩ ጊዜያት እንደገለጹት፤ ሰው ሠራሽ አስተውሎት ለኢትዮጵያ የቅንጦት ጉዳይ ሳይሆን ፍትሃዊ የጤና አገልግሎት ለማቅረብ የግድ አስፈላጊ መሠረታዊ ግብዓት ነው።

ቀደም ባሉት ጊዜያት የራጅ ወይም የሲቲ ስካን ውጤቶችን ለመተርጎም ቀናትን አልፎ ተርፎም ሳምንታትን ይፈጅ የነበረ ሲሆን፣ ይህ መዘግየት ሀገራችን ወደ ሰው ሠራሽ አስተውሎት ቴክኖሎጂ አማራጭ እንድትመለከት አስገድዷታል።

በአሁኑ ወቅት ሀገራችን በራሷ ባለሙያዎች የበለጸጉ እና ከነባራዊ ሁኔታዎቿ ጋር የተቃኙ የAI መተግበሪያዎች ባለቤት መሆን ችላለች።

የኢትዮጵያ አርቴፊሻል ኢንተለጀንስ ኢንስቲትዩት ያበለጸገው "መላ" የተሰኘው መተግበሪያ በዘርፉ የታየ ትልቅ እመርታ ነው።

መተግበሪያው ፈጣን የምርመራ ውጤቶችን በመስጠት የሳንባ ነቀርሳን (TB) እና የሳንባ ምችን (Pneumonia) ከራጅ ምስሎች ላይ በሰከንዶች ውስጥ በመለየት ለሐኪሞች የውሳኔ ድጋፍ ይሰጣል።

ከዚህ በተጨማሪ የጡት ካንሰር ምርመራ የራጅ (Mammography) ምስሎችን በመተንተን የሕመሙን ምልክቶች በከፍተኛ ፍጥነትና ጥራት የመለየት ተግባር ያከናውናል።

ካንሰርን ገና በጅምሩ ለመለየት ያለው አቅም የብዙዎችን ሕይወት ለማዳን ወሳኝ ሚና የሚጫወት ሲሆን፤ በአሁኑ ወቅት በጥቁር አንበሳ ስፔሻላይዝድ ሆስፒታል እና በቅዱስ ጳውሎስ ሆስፒታል ሚሊኒየም ሕክምና ኮሌጅ አገልግሎት እየሰጠ ይገኛል።

በሌላ በኩል የደረት ራጅ ምስሎችን በማንበብ የሳንባ ነቀርሳና ቲቢን የሚለየው ቴክኖሎጂ (CXR-based Diagnosis) የራጅ ባለሙያዎች በሌሉባቸው አካባቢዎች ፈጣን ውሳኔ ለመስጠት እያስቻለ ነው።

ይህ አገልግሎት በየካ ኮቲቤ አጠቃላይ ሆስፒታል እና በተመረጡ የክልል ሆስፒታሎች ተግባራዊ ተደርጓል።

የማህፀን በር ካንሰር ምርመራ (Cervical Cancer Screening) በምስል ትንተና አማካኝነት ምልክቶችን ቀድሞ መለየት የሚያስችል ሲሆን፣ በአሁኑ ወቅት በጋንዲ መታሰቢያ ሆስፒታልና በአንዳንድ የጤና ጣቢያዎች በሙከራ ሂደት ላይ ይገኛል።

በተመሳሳይ የልብ ምትን (ECG) በመተንተን የሕመም ዓይነቶችን የሚለየው የሰው ሠራሽ አስተውሎት (AI) መተግበሪያ የልብ ስፔሻሊስቶች በሌሉባቸው ሆስፒታሎች ለጠቅላላ ሐኪሞች እንደ ረዳት መሣሪያ ሆኖ እያገለገለ ነው።

እነዚህ የቴክኖሎጂ ውጤቶች በዋናነት በመንግሥት ከፍተኛ የሪፈራል ሆስፒታሎች የተጀመሩ ቢሆንም፣ ቀስ በቀስ ወደ ሁሉም የሀገራችን አካባቢዎች የማስፋፋት ሥራ እየተከናወነ ይገኛል።

የኢትዮጵያ አርቴፊሻል ኢንተለጀንስ ኢንስቲትዩት እና የጤና ሚኒስቴር በቅንጅት እያከናወኑት ያለው ይህ ተግባር የምርመራ ጥራትን በማሻሻል የሀገራችንን የጤና አገልግሎት ወደ አዲስ ከፍታ እያሸጋገረው ይገኛል።

ማስታወሻ ፦ ጠቅላይ ሚኒስትር ዐቢይ አሕመድ (ዶ/ር) በአፍሪካ ሕብረት የሰው ሰራሽ አስተውሎት (Artificial Intelligence) እና የዲጂታል ጤና ዘርፍ መሪ (Champion) ሆነው ተሹመዋል።

Getu Temesgen - (ጌጡ ተመስገን) #getutemesgen #getu via#ebc #ethiopia #aiinhealth #healthtech #digitalhealth #melaai #ethiopianaiinstitute

የጉበት መስባት ምን ማለት ነው?

✍ከፍተኛ የሆነ የስብ ክምችት በጉበት ላይ ሲኖር የጉበት መስባት(Fatty Liver) ይባላል። ትንሽ መጠን ያለው የስብ ክምችት እንደ ችግር አይቆጠርም።

✔️እንደሚታወቀው ጉበት ከሰውነታችን አካል ክፍሎች በትልቅነቱ 2ኛ ደረጃ ሲሆን በምግብና መጠጥ አማካኝነት ወደ ሰውነታችን የገቡ ነገሮችን በማጣራትና በመፈተሽ ሰውነትን ሊጎዱ የሚችሉ ነገሮችን በማስወገድና የጉዳት መጠናቸውን በመቀነስ ሰውነት ላይ ሊደርስ የሚችልን ከባድ ችግር ያስቀራል።

✔️መጠኑ የጨመረ የስብ መጠን ለጉበት መጠቃትና መመረዝ ያጋልጣል። ይህም ጉበት ላይ ጠባሳ እንድፈጠር ያደርጋል። ይህ ደግሞ ጉበት ስራውን በአግባቡ እንዳያከናውን ያደርገዋል።
✅በጉበት ውስጥ ስብ ሲከማች ሊታዩ የሚችሉ ምልክቶች
👉 የጉበት ጠባሳ መፈጠር 
#የጉበት ጠባሳ ካለ የሚታዩ ምልክቶች

1. የክብደት መቀነስና ድካም ስሜት
2. በአፍንጫ ደም መፍሰስ
3. የቆዳ ማሳከክ
4. ቆዳና አይን ቢጫ መሆን
5. የሆድ ህመም
6. የሆድ ማበጥ
7. የእግር ማበጥ
8. ግራ መጋባት
#በጉበት ላይ ለምን ስብ ይጠራቀማል?
👉ብዙ ጣፋጭ ተጠቃሚ መሆን
👉መጠኑ ከፍ ያለ አልኮል መጠጣት
ችግሩን የሚያባብሱ ነገሮች
👉 ውፍረት
👉 ከፍተኛ ደም ግፊት
👉ስኳር በሽታ
👉ብዙ ስብ በሰውነት ውስጥ መከማቸት
👉የጉበት ቫይረስ ሲ
👉መድሀኒቶች(methotrexate, tamoxifen, amiodorone and valproic)
👉ለመርዛማ ነገሮች መጋለጥ
👉እርግዝናና ሌሎችም ናቸው።

መመርመሪያ መንገዶች

👉የተለያዩ ጥያቄዎች በመጠየቅ
👉የተለያዩ ምልክቶችን በማየት
👉የደም ናሙና በመውሰድ
👉ከጉበት ናሙና በመውሰድ
ህክምናው
👉የሚታዘዝ መድሀኒት ባይኖርም አልኮልን ባለመጠጣት፡ ክብደትን በመቀነስና የባለሙያ ምክርንና ክትትልን በማክበር መቀነስና ከችግሩ መላቀቅ ይቻላል።

seledadotio
seledadotio

ብርብር ማርያም

📌 እንኳን ለብርሃነ ትንሳኤው አደረሳችሁ
#ethiopia | ​በደቡብ ኢትዮጵያ ክልል በጋሞ ዞን በጨንቻ ወረዳ ከከተማው 30 ኪሎ ሜትር ርቃ የምትገኘው ብርብር ማርያም፣ የኢትዮጵያ ኦርቶዶክስ ተዋሕዶ ቤተክርስቲያን ረጅም ዘመናት ያስቆጠረ ታሪኳን የምታስታውስበት ታላቅ ገዳም ናት።

በዚህ ገዳም ከክርስቶስ ልደት በፊት ጀምሮ የመሥዋዕተ ኦሪት ማዕከል እንደነበረች የሚነገርላት ሲሆን፣ መሥዋዕቱ ይቀርብበት የነበረው "ዳታን" የተባለው ስፍራ እስከ ዛሬ ድረስ ለታሪክ ምስክር ሆኖ ይገኛል።

​በአራተኛው መቶ ክፍለ ዘመን በአብርሃ ወአጽብሐ ዘመነ መንግሥት የክርስትና እምነት በኢትዮጵያ ሲስፋፋ፣ በብርብር ማርያም ይከናወን የነበረው የኦሪት ሥርዓት በሐዲስ ኪዳን መሥዋዕት እንዲተካ ተደርጓል።

ከጌታችን ልደት በፊት 400 ዓመት አካባቢ ጀምሮ የብሉይ ኪዳን ትምህርት ሲሰጥባትና መሥዋዕት ሲሰዋባት የኖረችው ይህች ስፍራ፣ በደቡብ ኢትዮጵያ ቀዳሚዋ የሃይማኖት ማዕከል በመሆን አገልግላለች።

​በዘጠነኛው መቶ ክፍለ ዘመን አጋማሽ ላይ ዐፄ ገብረ መስቀል፣ ቅዱስ ያሬድንና አቡነ አረጋዊን በማስከተል ወደ ደቡብ ሲጓዙ የታቦተ ማርያምን ጽላት ይዘው ወደዚሁ ስፍራ አቅንተዋል።

ግንቦት 20 ቀን ገዳሟ ደርሰው ሌሊቱን በጸሎትና በማኅሌት ካደሩ በኋላ፣ በማግሥቱ ግንቦት 21 ቀን አቡነ አረጋዊ ቤተ መቅደሱን በሜሮን ባርከው ታቦተ ማርያምን በክብር አግብተዋል። በዚሁ ዕለት ዐፄ ገብረ መስቀል ለገዳሟ መተዳደሪያ የሚሆን ሰፊ ርስት መስጠታቸው በታሪክ ድርሳናት ተመዝግቦ ይገኛል።

​በ14ኛው መቶ ክፍለ ዘመን ቡዳ ኬንና የተባለ ፀረ-ሃይማኖት ኃይል ገዳሟን ለማጥፋትና ለማቃጠል ቢሞክርም፣ በተአምር ሳይሳካለት መቅረቱ የገዳሟን ቅዱስነት የሚያሳይ ሌላኛው ታሪክ ነው። ከብዙ ዘመናት መረሳት በኋላ በ15ኛው መቶ ክፍለ ዘመን በዐፄ እስክንድር ዘመን በድጋሚ የተተከለች ሲሆን፣ በዐፄ ዘርዐ ያዕቆብና በዐፄ ልብነ ድንግል ዘመነ መንግሥታትም የታደሰችና የተገደመች መሆኗ ይነገራል።

​የገዳሟ የመጀመሪያው መምህር አባ ሠርጸ ድንግል ሲሆኑ፣ በ16ኛው መቶ ክፍለ ዘመን የነበሩት ታዋቂው ኢትዮጵያዊ ምሁርና ደራሲ አባ ባሕርይም በዚህች ደብር ለረጅም ጊዜ ኖረዋል።

በዐፄ ምኒልክ ዘመን የኢትዮጵያ ግዛት ሲቀናጅ ገዳሟ በወርቅና በብር የተሠሩ ንዋያተ ቅድሳት፣ የነገሥታት ዘውዶችና ልዩ ልዩ ቅርሶች መገኛ ነበረች። ምንም እንኳ አሁን ላይ አብዛኞቹ ቅርሶች ባይገኙም፣ ገዳሟ አሁንም ድረስ ጥንታዊ አሻራዋን ጠብቃ ትገኛለች።

​በ1928 ዓ.ም. ፋሺስት ኢጣሊያ ኢትዮጵያን በወረረበት ወቅት ይህችን ታሪካዊ ቤተክርስቲያን በአውሮፕላን ቦምብ ለማጋየት ቢሞክርም፣ ተወርውሮ የወረደው ቦምብ ሳይፈነዳ እንደ ድንጋይ ተንከባሎ መውረዱ የእግዚአብሔር ጥበቃ ያልተለያት መሆኑን ያረጋግጣል።

ይህ ዛሬም ድረስ በግቢው ውስጥ የሚገኘው ቦምብና ሌሎች ታሪካዊ ምልክቶች፣ ብርብር ማርያም ለኢትዮጵያ ካላት መንፈሳዊና ታሪካዊ ፋይዳ በተጨማሪ ለጎብኚዎችና ለተመራማሪዎች ትልቅ መስህብ መሆኗን ያሳያሉ።

ጌትነት ተመስገን
Getu Temesgen - (ጌጡ ተመስገን)
#getutemesgen #getu #ጌጡ

📜 18-8-8-8፡ የታሪክና የጥበብ ዘላለማዊነት ቀመር

የኢትዮጵያ ሰው "ንብን የነካ ማር አይቀምስም"ይላል።

እኛም ሳናውቅ በቀናነት እና በፍቅር የሰጠነው ሃሳብ የንቦቹን ንጉሥ ነክተን የአድናቂዎቹ ሲገስፁን ነው ነገሩ የገባን!

አልበሙን ለማጀብ በየቀለሙና በየመስመሩ ላይ የተደረገው የግራፊክስ ጥንቃቄም ሆነ የዜማው ብስለት፣ስራው "ጊዜ የማይሽረው" እንዲሆን ታስቦ መሆኑን ከቅርብ ሰው ተደውሎ ተረድተናል።

ታላቁ ድምፃዊ ቴዲ አፍሮ አዲሱን አልበም "ኢዮሪካ" (ETORIKA) ለማቅረብ ጊዜ የወሰደው እንዲሁ በቸልታ ሳይሆን፣ በየዘመኑ የማይጠወልግ እና በትውልድ ዘንድ የሚኖር ጥበብን ለመቅረጽ ነው።

ይህ በልዩ ጥንቃቄ የተቀመረ ምስላዊ ጥበብ (Graphics) በውስጡ የያዛቸው ምልክቶች ራሳቸው ትልቅ የታሪክ ምስጢር አላቸው

የ"ቶ" ፊደልና የአክሱም ሐውልት (ጽዮን)

ጥንታዊ ስልጣኔያችንን እና የሕይወት ትንሳኤን የሚወክሉ ሆነው አልበሙ እንደ ሐውልቱ ጸንቶ የሚኖር መሆኑን ያበስራሉ።

የአፍሪካ ሰዓት ⏱️

የአፍሪካ ምስል ያለበት የእጅ ሰዓት ማሰሪያው የአክሱም ሐውልት ሆኖ መሰራቱ ጊዜና ታሪክ ተሳስረው "የአፍሪካ ሰዓት" መድረሱን ያሳያል።

ባንዲራና ጥለቱ 🟢🟡🔴

አረንጓዴ፣ ቢጫ፣ ቀይ ጥለቱ የማንነታችንና የነጻነታችን ዘላለማዊ አርማ ሆኖ ሎጎውን አሽቆጥቁጦታል።
ይህ በልዩ ጥንቃቄ የተሰራ ጥበብ ደግሞ ከ1888 ዓ.ም የዓድዋ ድል ታሪክ ጋር በሚገርም የቁጥሮች ቀመር ተሳስሯል፦

* 18 ዘፈኖች (Tracks)
* ሚያዝያ 8 ቀን
* 2018 ዓመተ ምህረት
* ከቀኑ 8 ሰዓት
ይህ በስምንት ቁጥር የታጀበ የቁጥሮች ሰልፍ ዝም ብሎ አጋጣሚ አይደለም። ስምንት ቁጥርን በጋድም ስናስቀምጠው የዘላለማዊነት (♾️)ምልክት ነው።

ይህም ቴዲ ስለ ዓድዋ ጀግኖች "ጥቁር ሰው" ብሎ ሲዘፍን ታሪክን ዘላለማዊ እንዳደረገው ሁሉ ይህ አዲስ አልበምም ከታየው ረቂቅ ግራፊክስ ጀምሮ እስከ 18ቱ ዜማዎች ጊዜ የማይሽረውና እንደ ምልክቱ ለዘላለም በልባችን የሚኖር ጥበብ መሆኑን ያበስራል።

ሚያዝያ 8 ጥበብ ከታሪክ ጋር ተጋብታ ዘላለማዊነቷን ለዓለም የምታውጅበት ዕለት ይሆናል!

ላስቀየምናችሁ አፉ በሉን🙏
Case closed

ኢራን እና አሜሪካ የደረሱትን የተኩስ አቁም ስምምነት ተከትሎ የነዳጅ ዋጋ ቀነሰ

የምጣኔ ሀብት ኢንተለጀንስ ክፍል ባልደረባ የሆኑት አሌክስ ሆምስ ለአልጀዚራ እንደተናገሩት ከገበያዎች የተሰባሰበው መረጃ የነዳጅ ዘይት ዋጋ ቀንሷል ፣ነገር ግን የታወጀው የተኩስ አቁም ስለመቆየቱ አንድ ሰው ብዙ እርግጠኛ መሆን አይችልም ብለዋል። ሆልምስ አክለው እንዳሉት “ስለዚህ ይህንኑ ለመከታተል ዋናው ቁልፍ ከእስራኤል ፣ ኢራን እና ሌሎች ወገኖች የሚመጡት ማንኛውም ምልክቶች ይህ የተኩስ አቁም ይቆይ እንደሆነ እናያለን” ብለዋል።

"በድርድር ላይ ትልቅ ክፍተት ስለሚኖር ገበያዎቹ አሁንም በመጠባበቅ ላይ ናቸው" ብለዋል። ምንም እንኳን ዋጋው መቀነሱ ግልጽ ቢሆንም የነዳጅ ዋጋ አሁንም በየካቲት መጨረሻ ከነበረው ጋር ሲነፃፀር በጣም ከፍ ያለ ነው። የሮይተርስ የዜና ወኪል እንደዘገበው በአሜሪካ ዌስት ቴክሴስ ገበያ የድፍድፍ ነዳጅ ዋጋ በበርሚል 16 በመቶ ገደማ ቀንሶ ወደ 94.59 ዶላር ደርሷል። የተኩስ አቁም ዜና ከተሰማ በኋላ በዓለም አቀፍ ደረጃ ዋጋው በርሚል 15 በመቶ ቀንሶ ወደ 92.35 ዶላር አሽቆልቁሏል።

የተባበሩት መንግስታት ድርጅት ዋና ፀሃፊ አንቶኒዮ ጉቴሬዝ በዩናይትድ ስቴትስ እና በኢራን መካከል ለሁለት ሳምንታት የሚቆይ የተኩስ አቁም ስምምነትን በደስታ እንደተቀበሉት ቃል አቀባያቸው ስቴፋን ዱጃሪች በመግለጫቸው አስታውቀዋል። ጉቴሬዝ ሁሉም ወገኖች "በአለም አቀፍ ህግ የሚጠበቅባቸውን ግዴታዎች እንዲወጡ እና የተኩስ አቁም ውሎችን እንዲያከብሩ በአካባቢው ዘላቂ እና ሁሉን አቀፍ ሰላም ለማምጣት መንገዱን እንዲጠርግ ጥሪ አቅርበዋል"።

seledadotio
seledadotio

የዓይን መቅላት መንስኤዎችና ምልክቶቻቸዉ

⏩ #የአይን መቅላት የተለመደና የብዙ ሰው ችግር ነው የአይን መቅላት አይን ውስጥ ያሉ  የደም ስሮች ወደ ላይኛው የአይን ክፍል በተለያዩ ምክንያቶች ተለጥጠው (dilated) በሚወጡበት ወቅት ይፈጠራል፡፡
የዓይን መቅላት ገጽታ ሊለያይ ይችላል። 

በነጩ የዓይን ክፍላችን ላይ ሮዝ ወይም ቀይ መስመሮች ያሉ ይመስላሉ ወይም ሙሉውን ሮዝ ወይም ቀይ ሆኖ ሊታይ ይችላል።
👉 #ምልክቶች
🔹 የአይን መቅላት
🔹 ማሳከክ
🔹 አይን ማዝ መያዝ
🔹 ዉሃ የመሰለ የአይን ፈሳሽ( እንባ መብዛት)
🔹 ማቃጠል
🔹 ድርቀት
🔹 ህመም
🔹 ብርሃን አለመቻል
🔹የዓይን ብዥታ
👉 #መንስኤዎቹ
🔹 ለፀሐይ ብርሃን ከመጠን በላይ መጋለጥ
🔹 የዓይን መድረቅ
🔹 የዓይን አለርጂዎች
🔹 የዓይን ብግነቶች (conjunctivitis)
🔹 የአየር ብክለት
🔹 ጭስ (ከእሳት ጋር የተዛመደ ፣ የሲጋራ ጭስ ፣ ወዘተ)
🔹 ደረቅ አየር                                                            
🔹 አቧራ
🔹 የኬሚካል ተጋላጭነት (በመዋኛ ገንዳዎች ውስጥ ክሎሪን ፣ ወዘተ)
🔹 ለእረጅም ሰዓት ስክሪኖችን መጠቀም
🔹 በሃኪም ያልታዘዙ የዕይታ መነፅሮችን መጠቀም
👉 #የዐይን መቅላት ካለብዎት የሚከተሉትን ይጠንቀቁ
🔹 ዓይን አለማሸት
🔹 ችግር ያለበት ዓይን ነክቶ ሌላኛዉን ዓይን አለመንካት
🔹 አለርጂ ካለብዎ የአይን መዋቢያዎችን አለመጠቀም
🔹 በሃኪም ያልታዘዘ ምንም አይነት የዓይን ጠብታ አለመጠቀም
🔹 አለርጂ ከሚሆኑቦት ነገሮች መራቅ

seledadotio
seledadotio

የአስም በሽታ

✍የአስም በሽታ ሳንባችንን የሚጎዳ የህመም አይነት ሲሆን በዓለማችን ከፍተኛ ቁጥር ያላቸው የበሽታው ተጠቂዎች ይገኛሉ፡፡

👉የአስም ህመም በአብዛኛው ከልጅነት ጀምሮ በመከሰት ደረጃ በደረጃ እያደገ የሚሄድ የመተንፈሻ አካል ህመም ቢሆንም አልፎ አልፎም ቢሆን እድሜ ከገፋ በኋላም የሚጀምር የህመም አይነት ነው፡፡

👉ለአስም በሽታ መከሰት ምክንያት የሚሆኑ መንስኤዎች በትክክል ያልተወቁ ሲሆን እስካሁንም ድረስ በሽታው ሙሉ በሙሉ ሊፈውስ የሚችል መድሃኒት አልተገኘም፡፡

👉በአብዘኛው አንድ የቤተሰብ አባል የበሽታው ተጠቂ ከሆነ በዘር የመተላለፍ ባህሪም አለው፡፡
👉የአስም በሽታ የሚያጠቃው የሳንባችንን የአየር ቧንቧዎች ሲሆን እነዚህን ቧንቧዎች በማጥበብ እና በቂ አየር ወደ ሳንባችን እንዳይገባና እና እንዳየወጣ በማድረግ እስከ ሞት ሊያደርስ ይችላል፡፡

የአስም በሽታ ምልክቶች
1.ሳል ፡- በተለይም በምሽት ግዜ የሚበረታ
2.ትንፋሽ (አየር) ማጠር
3.የደረት መጨምደድ ወይም መውጋት
4.ደረት አካባቢ በምንተነፍስበት ወቅት የሚሰማ ሲር ሲርታ (Wheezing)

የአስም በሽታን ሊቀሰቅሱ የሚችሉ ነገሮች

✍የአስም በሽታን ሊቀሰቅሱ ከሚችሉ ነገሮች ውስጥ አንዳንዶቹ ከዚህ በታች ተጠቅሰዋል ነገር ግን ከሰው ሰው ሊለያዩ እንደሚችሉ መገንዘብ ያስፈላጋል፡፡

1.ሲጋራ ማጤስ
✍ሲጋራ ማጤስ የጤና ጠንቅ መሆኑ ይታወቃል፡፡በተለይም ለአስም በሽታ ተጠቂዎች ማጨስም ሆነ ሲጋራ የሚጤስበት አካባቢ መሆን በሽታው እንዲቀሰቅስ እና እንዲያገረሽ ያደርጋል፡፡

2.የአየር ብክለት
✍ከተለያዩ ፋብሪካዎች እና ተሽከርካሪዎች ከሚለቀቁ በካይ ጭሶች እና የአካባቢን አየር ከሚበክሉ ሽታዎች ካላቸው ቆሻሻዎች ተጋላጭነትን ማስወገድ አሊያም መቀነስ ያስፈልጋል፡፡
ይህ ጉዳይ በግለሰብ ደረጃ ብቻ ሳይሆን በከተማ እና በሃገር ደረጃ ሊሠራበት የሚገባ ጉዳይ ነው፡፡

3.በረሮዎች
✍ጥናቶች እንደሚመለክቱት ከሆነ በረሮዎች እና የሚያመነጩት ብናኝ ለአስም በሽታ መቀስቀስ ምክንያት ናቸው፡፡ በረሮዎች በአብዛኛው በቤታችን የሚገኙ እና ለጤና ጠንቅ ስለሚሆኑ ማስወገድ ተገቢ ነው፡፡

4.የቤት እንስሳት
✍የቤት እንስሳትን በመኖሪያ ከማኖር ይልቅ ከመኖሪያ ቤት ውጪ ቤት መስራት እና ንጽህናቸውን ጠብቆ ማኖር ያስፈልጋል፡፡
👉እነዚህ እንስሳት ብናኝ ስለሚኖራቸው ለአስም ህመም መቀስቀስ ምክንያት ይሆናሉ፡፡

5.ከዚህ በተጨማሪ እንደ ጉንፋን ፣ የተለያዩ የሳንባ ህመሞች (ኢንፌክሽኖች) ፣ ቅዝቃዜ ፣ የአየር ለውጥ እና የተለያዩ መኣዛ ያላቸው ሽቶዎች የአስም በሽታን ሊቀሰቅሱ እና እንዲያገረሽ ሊያደርጉ ይችላሉ፡፡

የአስም በሽታ ህክምናና ጥንቃቄዎች

✍ሁሉም የአስም በሽታ ተጠቂዎች የህክምና መድሃኒት መውሰድ አይጠበቅባቸውም፡፡ የአስም በሽታን ከላይ የተዘረዘሩትን የበሽታው ቀስቃሽ የሆኑ ነገሮችን በማስወገድ እና የአካል ብቃት እንቀቅስቃሴ በማድረግ መቆጣጠር ይችላል፡፡
👉የአስም ህክምና መከታተል የጀመረና መድሃኒት የሚወስድ የበሽታው ተጠቂ ሃኪም በሚያዘው መንገድ መድሃኒቶቹን በአግባቡ እና በትክክል መውሰድ ይኖርበታል፡፡

seledadotio
seledadotio

የደም ግፊት(HTN)

ሰውነተችን የራሱ የሆነ የደም ቅዳ ቱቦ ግፊት(arterial pressure) አለው።በአማካይ 90-120/60-80 mmHg እንደሆነ  በሳይንስ ይታመናል። ከዚህ አማካይ ከፍ ብሎ ሲገኝ የደም ግፊት(HTN) ተብሎ ይጠራል።

በተለምዶ ዝቅተኛ እና ከፍተኛ የደም ግፊት ተብሎ የሚከፈል ሲሆን ለህክምና በሚያመች መልኩ በ4 ደረጃ ተከፋፍሎ ይገኛል።

መንስኤ
ከመንስኤ አንፃር ፕራይሜሪ( esential HTN) እና secondary HTN በመባል ይታወቃሉ።

የመጀመሪያው አይነት ምክንያት አልባ ሲሆን ሁለተኛው ደግሞ የታወቀ መንስኤ ያላቸው የኩላሊት ችግር ፣የሆርሞኖች መዛባት የመሳሰሉ መንስኤዎች ይኖሩታል።

በአብዛኛው (ሰማኒያ በመቶ) የመጀመሪያው አይነት የደም ግፊት ሲይዝ ሃያ በመቶ ደግሞ ሁለተኛው አይነት የደም ግፊት ድርሻውን ይወስዳል።

ምልክቶች
በአብዛኛው የደም ግፊት ምንም ምልክት የማያሳይ ሲሆን ራስ ምታት ፣ የአይን ብዥታ ፣ ራስ መሳት የመሳሰሉ ምልክቶች ሊያሳይ ይችላል።

ምልክት ከማያሳዩ( silent killer) ተብለው ከሚጠሩ ህመሞች አንዱ ስለሆነ የደም ግፊት በየጊዜው መለካት አማራጭ የሌለው ጉዳይ ነው።

አጋላጭ ባህሪያት
• ያለ ቅጥ ውፍረት(obesity)
• ሲጋራ ማጨስ
• ጭንቀት
• አልኮል መጠቀም
• ጨው አብዝቶ መጠቀም
• የቤተሰብ የደም ግፊት መኖር
• የእንቅስቃሴ ማነስ
• እና ሌሎችም

ህክምናው
ከፍተኛ የሆነ የደም ግፊት በሃኪም የታዘዙ መድሃኒቶች ሳያቋርጡ እና መጠኑን ሳያዛቡ መውሰድ እና ከታች የተዘረዘሩ መከላከያ መንገዶችን መጠቀም።

ተያያዥ ችግሮች
የደም ግፊት ህመም ከሚከተሉት ህመሞች ጋር በተዛማጅነት ሊከሰት ይችላል።
• ከስኳር
• ከውፍረት
• ከኮሌስትሮል።

መከላከያ መንገዶች"
የህይወት ሚዛን ለውጥ(life style modifications) ህይወት ሁሌም ጥንቃቄ እና እንክብካቤ ይፈልጋል።

በየቀኑ የምንመገባቸው ምግቦች የሚሰጡን ሃይልና የምናቃጥለው ሃይል መመጣጠን ይኖርበታል።

ካልሆነ ግን በረጅም ጊዜ የሚፈጠሩ የጤና እክሎች እንጋለጣለን ከእነዚህም መካከል  የደም ግፊት፣ ስኳር ፣ ከፍተኛ ኮሌስትሮል ዋናዋናዎቹ ናቸው።

አመጋገብ ማስተካከል አራቱ ነጫጭ የምግብ ሴጣናች ማለትም ስኳር፣ጨው ፣ጮማ እና አልኮል ሲወሰዱ ጣፋጭ ሆነው የረጅም ጊዜ መዘዛቸው ግን የከፋ ነው።

በተቻለ መጠን የደም ግፊት ታካሚ ብቻ ሳይሆን ማንኛውም ጤነኛ ሰው እነዚህን መቀነስና አትክልት ፍራፍሬ መመገብ ያስፈልጋል።

seledadotio
seledadotio

በኢትዮጵያ በቲቢ በሽታ በየቀኑ የ53 ሰዎች ሕይወት እያለፈ መሆኑ ተገለጠ
#ethiopia | በኢትዮጵያ በሳንባ ነቀርሳ (ቲቢ) በሽታ ሳቢያ በየቀኑ እስከ 53 የሚደርሱ ዜጎች ለህልፈት እንደሚዳረጉ የጤና ሚኒስቴር አስታወቀ። ይህም በዓመት በአማካይ 19 ሺህ ሰዎች በበሽታው ምክንያት ህይወታቸውን ያጣሉ ማለት ነው።

በሚኒስቴሩ የቲቢ፣ ስጋ ደዌ እና የሳምባ በሽታዎች መከላከያና መቆጣጠሪያ ዴስክ ኃላፊ አቶ ታየ ለታ ለብስራት ሬዲዮ እንደገለጹት፣ በሀገሪቱ በየዓመቱ በአማካይ 186 ሺህ ሰዎች በበሽታው የሚያዙ ሲሆን፣ ከእነዚህ ውስጥ 150 ሺህ የሚሆኑት ብቻ ህክምና እንዲያገኙ ማድረግ ተችሏል።

ቁልፍ መረጃዎች እና ተግዳሮቶች

አሁንም ድረስ ከፍተኛ ቁጥር ያላቸው ታማሚዎች ሳይታወቁና ህክምና ሳይጀምሩ በማህበረሰቡ ውስጥ መኖራቸው የበሽታውን ስርጭት አሳሳቢ አድርጎታል።

በዘንድሮው ዓመት ብቻ እስከ 2,500 ሰዎች መድኃኒት የተላመደ ቲቢ (MDR-TB) ሊያዙ እንደሚችሉ ተገምቷል። ይህንን ለማከም በሀገር አቀፍ ደረጃ 72 የሕክምና ጣቢያዎች ተቋቁመዋል።

በሽታው በትንፋሽና በንክኪ የሚተላለፍ በመሆኑ፣ ሰዎች ተፋፍገው በሚኖሩባቸው አካባቢዎች ስርጭቱ ከፍተኛ ነው።

በአማራ ክልል ከሳንባ ውጪ ያለ የቲቢ ዓይነት ሲያጠቃ፣ በደቡብና በኦሮሚያ ደግሞ በማዕድን ቁፋሮ አካባቢዎች የሳንባ ቲቢ በስፋት ይስተዋላል። ያልተፈላ ጥሬ ወተት የመጠጣት ልማድም ለስርጭቱ መጨመር እንደ ምክንያት ተጠቅሷል።

የኢትዮጵያ ግብ እና ስኬቶች
ኢትዮጵያ እ.ኤ.አ. በ2030 የቲቢ ስርጭትን በ 85% እንዲሁም ሞትን በ 90% ለመቀነስ አቅዳ እየሰራች ትገኛለች። ባለፉት አምስት ዓመታት ውስጥ ብቻ፦

* የበሽታውን ስርጭት በ 30% መቀነስ ተችሏል።

* የሞት መጠንን በ 35% ዝቅ ማድረግ ተችሏል።

"ማንኛውም ሰው የሁለት ሳምንትና ከዚያ በላይ ሳል፣ የሌሊት ላብ፣ ትኩሳትና የምግብ ፍላጎት መቀነስ ካጋጠመው ሳይዘገይ ወደ ጤና ተቋም በመሄድ ምርመራ ማድረግ አለበት።" — አቶ ታየ ለታ

የማህበረሰቡ የግንዛቤ ማነስ፣ ምልክቶች ሲታዩ ወደ ህክምና ቶሎ አለመምጣት እና የታመሙ ሰዎችን ማግለል (Stigma) ለበሽታው ቁጥጥር ዋነኛ እንቅፋቶች መሆናቸው ተገልጿል። የቲቢ ምርመራና ህክምና ከጤና ኬላ ጀምሮ በሁሉም የጤና ተቋማት በነፃ እንደሚሰጥ ይታወቃል።

Getu Temesgen - (ጌጡ ተመስገን)
#bisrat fm #getutemesgen #getu #fmc #ኢትዮጵያ #ጤና #ቲቢ #ሳንባነቀርሳ #የጤናሚኒስቴር #ቲቢንእንከላከል #ethiopia #health #tuberculosis #globalhealth

Yederaw Support:
የፖለቲካ ፓርቲዎችን ‘ተቃዋሚ’ በሚል መጥራት ማራቅ እና መግፋት ነው
#ethiopia | በ2010 ዓ.ም ሀገራዊ ለውጡ እውን መሆኑን ተከትሎ በርከታ ህብረ ብሔራዊ አንድነትን የሚያጸኑ ጉዳዮች ታይተዋል።

በኢትዮጵያ ታሪክ ያልነበሩ አዳዲስ ልምምዶች ተስተውለዋል።

በተለይም በፖለቲካው ምህዳር ውስጥ ይንጸባረቅ የነበረው ጽንፍ የረገጠ እሳቤ እንዲረግብ የሚያስችሉ ወሳኝ ርምጃዎች በመወሰዳቸው የፖለቲካ ፓርቲዎች በትብብር መስራት የሚችሉበት ዐውድ ተፈጥሯል።

የፖለቲካ ፓርቲዎችን ‘ተቃዋሚ’ በሚል በመጥራት የማራቅ እና የመግፋት ዝንባሌን ለመለወጥ ‘ተፎካካሪ’ በሚል ከማረም ጀምሮ ተቀራርቦ ለመስራት የሚያስችል ጥርጊያ ተበጅቷል።

ፖለቲካዊ ችግሮቻችንን በጋራ እንፍታ የሚል የመሪ ጥሪ የታየውም በዚህ የለውጥ ጊዜ መሆኑን ልብ ይሏል።

ሀገራዊ ለውጡ ዜጎችን ወደ ፊት ያመጣና ተሣትፏቸውን ከፍ ያደረገ እንዲሁም የፖለቲካ ባይተዋርና ባለቤት የሚለውን ክፍፍል አስቀርቷል።

ይህንን ጉዳይ በገዢው ብልጽግና ፓርቲ ዘንድ ያየን እንደሆነ፤ የዳር እና የመሐል በሚል የነበረውን የክፍፍል ግንብ አፍርሶ የአንድነት ድልድይ ገንብቷል።

በዚህም ሁሉም ኢትዮጵያውያን በሀገራቸው ጉዳይ ‘የዳር እና የመሐል’ የሚል ክፍፍል ውስጥ ሳይገቡ ለሀገራቸው አስተዋጽኦ የሚያበርክቱበት እና ተጠቃሚ የሚሆኑበት ምቹ መደላድል ተፈጥሯል።

ለውጡ ሁሉም ኢትዮጵያዊ በሀገራዊ ጉዳይ ያገባዋል የሚለውን ዕሳቤ በማምጣቱ በሀገር ውስጥም ሆነ በውጭ ያሉ ኢትዮጵያዊያን የሀገሪቱን የፖለቲካ ችግር ለመፍታት የድርሻቸውን እንዲወጡ ዕድል ፈጥሯል።

የኢትዮጵያን የፖለቲካ ስብራት ለመጠገን በሚደረገው እንቅስቃሴ ውስጥ ሁሉም ወገን ግንባር ቀደም ተሳታፊ እንዲሆን የተደረገው በጠቅላይ ሚኒስትር ዐቢይ አሕመድ (ዶ/ር) የሚቀርበውን ተደጋጋሚ ጥሪ በአብነት ማንሳት ይቻላል።

በጥሪው መሰረት ለዓመታት ኑሯቸውን በውጭ ያደረጉና ለሀገራቸው ባይተዋርና የነበሩ ዜጎች ወደ ሀገራቸው ገብተዋል፣ በሚመቻቸውና በሚፈልጉ የፖለቲካ አደረጃጀት ተሰልፈዋል እንዲሁም ለሀገራቸው ዕድገት ሐሳባቸውን አዋጥተዋል።

በተለያዩ ሀገራትና ኢትዮጵያ ውስጥ የነበሩ የፖለቲካ ፓርቲዎች ወደ ፊት የመጡበት፣ መደራጀት፣ ቢሮ መክፈት እንዲሁም ሐሳቦቻቸውን ወደ ሕዝብ ማቅረብ መጀመራቸውም በለውጡ ዓመታት የታየ የፖለቲካ ዐውድ መለወጥ አብነት ነው።

ጠቅላይ ሚኒስትር ዐቢይ (ዶ/ር) ይህንን ጉዳይ በተመለከተም ሲገልጹ፤ የፖለቲካ ምህዳርን መክፈት በ2010 ዓ.ም የወሰንነው ቁልፍ ውሳኔ ነው ይላሉ።

ከኖረው ፓርቲዎችን ተቃዋሚ አድርጎ ከመመልከት ህጋዊ ተፎካካሪዎች አድርጎ በማስተናገድ ዴሞክራሲያዊ ከባቢን ለመፍጠር መሰራቱን በመጥቀስ፤ ይህ የአስተሳሰብ ሽግግር ሰላማዊ የፉክክር ባሕል ለኢትዮጵያ መፃዒ ተስፋ አስፈላጊ መሆኑን በማመን ላይ የተመሠረተ እንደነበር ያብራራሉ።

በዚሁ አቋም በመመራት ላለፉት ዓመታት በኢትዮጵያ ብሔራዊ ምርጫ ቦርድ ከተመዘገቡ ፓርቲዎች ጋር ተከታታይ የውይይት መድረኮች ተካሂደዋል።

Getu Temesgen - (ጌጡ ተመስገን)
#getutemesgen #getu #fmc

በኢትዮጵያ በቲቢ በሽታ በየቀኑ የ53 ሰዎች ሕይወት እያለፈ መሆኑ ተገለጠ
#ethiopia | በኢትዮጵያ በሳንባ ነቀርሳ (ቲቢ) በሽታ ሳቢያ በየቀኑ እስከ 53 የሚደርሱ ዜጎች ለህልፈት እንደሚዳረጉ የጤና ሚኒስቴር አስታወቀ። ይህም በዓመት በአማካይ 19 ሺህ ሰዎች በበሽታው ምክንያት ህይወታቸውን ያጣሉ ማለት ነው።

በሚኒስቴሩ የቲቢ፣ ስጋ ደዌ እና የሳምባ በሽታዎች መከላከያና መቆጣጠሪያ ዴስክ ኃላፊ አቶ ታየ ለታ ለብስራት ሬዲዮ እንደገለጹት፣ በሀገሪቱ በየዓመቱ በአማካይ 186 ሺህ ሰዎች በበሽታው የሚያዙ ሲሆን፣ ከእነዚህ ውስጥ 150 ሺህ የሚሆኑት ብቻ ህክምና እንዲያገኙ ማድረግ ተችሏል።

ቁልፍ መረጃዎች እና ተግዳሮቶች

አሁንም ድረስ ከፍተኛ ቁጥር ያላቸው ታማሚዎች ሳይታወቁና ህክምና ሳይጀምሩ በማህበረሰቡ ውስጥ መኖራቸው የበሽታውን ስርጭት አሳሳቢ አድርጎታል።

በዘንድሮው ዓመት ብቻ እስከ 2,500 ሰዎች መድኃኒት የተላመደ ቲቢ (MDR-TB) ሊያዙ እንደሚችሉ ተገምቷል። ይህንን ለማከም በሀገር አቀፍ ደረጃ 72 የሕክምና ጣቢያዎች ተቋቁመዋል።

በሽታው በትንፋሽና በንክኪ የሚተላለፍ በመሆኑ፣ ሰዎች ተፋፍገው በሚኖሩባቸው አካባቢዎች ስርጭቱ ከፍተኛ ነው።

በአማራ ክልል ከሳንባ ውጪ ያለ የቲቢ ዓይነት ሲያጠቃ፣ በደቡብና በኦሮሚያ ደግሞ በማዕድን ቁፋሮ አካባቢዎች የሳንባ ቲቢ በስፋት ይስተዋላል። ያልተፈላ ጥሬ ወተት የመጠጣት ልማድም ለስርጭቱ መጨመር እንደ ምክንያት ተጠቅሷል።

የኢትዮጵያ ግብ እና ስኬቶች
ኢትዮጵያ እ.ኤ.አ. በ2030 የቲቢ ስርጭትን በ 85% እንዲሁም ሞትን በ 90% ለመቀነስ አቅዳ እየሰራች ትገኛለች። ባለፉት አምስት ዓመታት ውስጥ ብቻ፦

* የበሽታውን ስርጭት በ 30% መቀነስ ተችሏል።

* የሞት መጠንን በ 35% ዝቅ ማድረግ ተችሏል።

"ማንኛውም ሰው የሁለት ሳምንትና ከዚያ በላይ ሳል፣ የሌሊት ላብ፣ ትኩሳትና የምግብ ፍላጎት መቀነስ ካጋጠመው ሳይዘገይ ወደ ጤና ተቋም በመሄድ ምርመራ ማድረግ አለበት።" — አቶ ታየ ለታ

የማህበረሰቡ የግንዛቤ ማነስ፣ ምልክቶች ሲታዩ ወደ ህክምና ቶሎ አለመምጣት እና የታመሙ ሰዎችን ማግለል (Stigma) ለበሽታው ቁጥጥር ዋነኛ እንቅፋቶች መሆናቸው ተገልጿል። የቲቢ ምርመራና ህክምና ከጤና ኬላ ጀምሮ በሁሉም የጤና ተቋማት በነፃ እንደሚሰጥ ይታወቃል።

Getu Temesgen - (ጌጡ ተመስገን)
#bisrat fm #getutemesgen #getu #fmc #ኢትዮጵያ #ጤና #ቲቢ #ሳንባነቀርሳ #የጤናሚኒስቴር #ቲቢንእንከላከል #ethiopia #health #tuberculosis #globalhealth

Conjunctivitis/ በብዛት እንደሚታወቀው "የአይን መቅላት/ብግነት"

ይህ በሽታ conjunctiva ተብሎ የሚጠራው የአይን ክፍል ሲቆጣ ወይም ሲበከል የሚከሰት ነው።

ኮንጃንክቲቫ ማለት የአይን ሽፋኖቻችንን የውስጥ ክፍል እና የአይናችንን ነጭ ክፍል (ስክሌራ) የሚሸፍን ስስ እና ግልፅ የሆነ የቆዳ ሽፋን ነው።

ዋና ዋና አይነቶች እና መንስኤዎች:
የተለያዩ የኮንጃንክቲቫይተስ አይነቶች አሉ፣ እያንዳንዳቸውም የተለያየ መንስኤ አላቸው፦

በቫይረስ የሚመጣ (Viral Conjunctivitis):

ምልክቶች: ውሀማ ፈሳሽ፣ መቅላት፣ የማቃጠል ስሜት፣ አንዳንዴ አይን ውስጥ እንደቆሻሻ ያለ ስሜት። ብዙውን ጊዜ በአንድ አይን ይጀምርና ወደ ሌላኛው ሊዛመት ይችላል። ከጉንፋን መሰል ምልክቶች ጋር አብሮ ሊታይ ይችላል።

በባክቴሪያ የሚመጣ (Bacterial Conjunctivitis):

ምልክቶች: ወፍራም፣ መግል የመሰለ ፈሳሽ (ብዙውን ጊዜ ቢጫ ወይም አረንጓዴማ) በተለይ ከእንቅልፍ ሲነቁ የዐይን ሽፋኖችን ሊያጣብቅ ይችላል። መቅላት፣ የማቃጠል ስሜት እና አንዳንዴም የዐይን ሽፋኖች ማበጥ።

በአለርጂ የሚመጣ (Allergic Conjunctivitis):

ምልክቶች: ከፍተኛ የማሳከክ ስሜት፣ መቅላት፣ የእንባ መብዛት እና አንዳንዴም የዐይን ሽፋኖች ማበጥ። ብዙውን ጊዜ በሁለቱም አይኖች ላይ ይከሰታል። እንደ ማስነጠስ እና ንፍጥ ካሉ ሌሎች የአለርጂ ምልክቶች ጋር አብሮ ይከሰታል።

Irritant or Chemical Conjunctivitis:
መንስኤ: እንደ ጭስ፣ በመዋኛ ገንዳ ውስጥ ያለ ክሎሪን፣ ትነት፣ አይን ውስጥ የገባ ባዕድ ነገር ወይም ጠንካራ ኬሚካሎች ባሉ irritant ነገሮች ይከሰታል።

የተለመዱ ምልክቶች (እንደ አይነቱ ሊለያዩ ይችላሉ):
በአይን(ቹ) ነጭ ክፍል ላይ መቅላት ወይም ሮዝማ መሆን።
የኮንጃንክቲቫ እና/ወይም የዐይን ሽፋኖች ማበጥ።
የእንባ መብዛት ወይም ውሀማ አይኖች።
ፈሳሽ (ውሀማ፣ ንፍጥ መሰል ወይም መግል መሰል)።
የማሳከክ፣ የማቃጠል ወይም የመለብለብ ስሜት።
አይን ውስጥ እንደ አሸዋ ያለ ስሜት።
በተለይ ጠዋት ላይ የዐይን ሽፋኖች ወይም የዐይን ሽፋሽፍቶች ላይ ቅርፊት መፈጠር።
አንዳንዴ ብርሃን የመፍራት ስሜት (ፎቶፎቢያ) ሊከሰት ይችላል።
ህክምና:
ህክምናው እንደ መንስኤው ይለያያል፦

መከላከያ መንገዶች:
እጅዎን በተደጋጋሚ እና በደንብ ይታጠቡ
አይንዎን ከመንካት ወይም ከማሸት ይቆጠቡ።

ፎጣ፣ የእጅ መታጠቢያ ጨርቅ፣ ትራስ ልብስ፣ የአይን መዋቢያዎች ወይም የአይን ጠብታዎችን በጋራ አይጠቀሙ።

የአይን መነፅር (contact lenses) የሚጠቀሙ ከሆነ በአይን ሐኪምዎ እንደታዘዘው ያፅዱ እና ይተኩ።

seledadotio
seledadotio