(ዘ-ሐበሻ ዜና) የትራምፕ አስተዳደር ባለፈው ዓመት በውጭ ሀገር የዩኒቨርሲቲ እና የኮሌጅ ተማሪዎች ላይ የጀመረውን ጥብቅ ቁጥጥር ተከትሎ፣ ለቻይና እና ህንድ አመልካቾች የሚሰጠው የተማሪነት ቪዛ መጠን በከፍተኛ ሁኔታ መቀነሱን አዲስ ጥናት አመላከተ። መቀመጫውን ዋሽንግተን ያደረገው ሴንተር ፎር ኢሚግሬሽን ስተዲስ የተሰኘው ተቋም እንዳወጣው መረጃ፣ ከግንቦት እስከ ነሐሴ ሁለት ሺህ ሃያ አምስት ባለው ጊዜ ውስጥ ለቻይናውያን ተማሪዎች የተሰጠው ቪዛ በሁለት ሺህ አስራ ሰባት ከነበረው ተመሳሳይ ወቅት ጋር ሲነፃፀር በአርባ ስድስት በመቶ ቀንሷል። በህንድ ተማሪዎች ላይ ደግሞ የስልሳ በመቶ ቅናሽ ታይቷል።

ቻይናውያን እና ህንዳውያን ተማሪዎች በአሜሪካ የከፍተኛ ትምህርት ተቋማት ውስጥ ከሚማሩት አጠቃላይ የውጭ ሀገር ተማሪዎች ሃምሳ ሶስት በመቶውን ይሸፍናሉ። የተቋሙ ከፍተኛ የህግ ተመራማሪ ጆርጅ ፊሽማን ባወጡት ትንታኔ፣ ይህ የቪዛ ቅናሽ ለትምህርት ወደ አሜሪካ የሚገቡትን የውጭ ዜጎች አጠቃላይ ቁጥር በከፍተኛ ደረጃ የሚጎዳ መሆኑን አስገንዝበዋል። ፕሬዝዳንት ዶናልድ ትራምፕ በሁለተኛው የስልጣን ዘመናቸው የከፍተኛ ትምህርት ማሻሻያን ኢላማ በማድረግ የጀመሩት ጫና፣ ጉዳዩን ወደ ግላዊ ፍልሚያነት የቀየረው ይመስላል።

ከቅርብ ዓመታት ወዲህ የትምህርት ዘርፉ ከስደተኞች ጉዳይ እስከ የፆታ አመለካከት፣ እንዲሁም ከተማሪዎች የብድር ስረዛ እስከ ካምፓስ ውስጥ የመናገር ነፃነት ድረስ የባህል እና የፖለቲካ ሽኩቻዎች ማዕከል ሆኗል። የሪፐብሊካን ፓርቲ አባላት በከፍተኛ ትምህርት ተቋማት ላይ የቆየ ጥርጣሬ ያላቸው ሲሆን፣ ምሁራን ወጣቶችን አክራሪ በሆኑ የፖለቲካ አመለካከቶች እየመረዙ ነው ብለው ይከሳሉ። ትራምፕም የኮሌጅ ካምፓሶች ታይቶ በማይታወቅ ሁኔታ በአክራሪነት ተወርረዋል በማለት ወቀሳ አቅርበዋል። የፕሬዝዳንቱ ዋነኛ ትኩረት የብዝሃነት፣ የእኩልነት እና የአካታችነት ፖሊሲዎችን በመቀልበስ፣ የተወሰኑ ተማሪዎች ያላግባብ ተጠቃሚ እየሆኑ ነው ያሉትን አሰራር ማስቆም ላይ ያነጣጠረ ነው።

ፕሬዝዳንት ትራምፕ የፌደራል መንግስቱን ስልጣን በመጠቀም የዩኒቨርሲቲዎችን የገንዘብ ድጋፍ ለማቋረጥ በማስፈራራት እና የውጭ ሀገር ተማሪዎችን መብት በመገደብ ላይ ይገኛሉ። ዩኒቨርሲቲዎች ተማሪዎችን በሚቀበሉበት መንገድ፣ በትምህርት ስርዓታቸው እና በአጠቃላይ አሰራራቸው ላይ ታይቶ የማያውቅ ጣልቃ ገብነት እያደረጉ ነው። በአብዛኛው የፀረ ሴማዊነት ክሶችን ወይም የህግ እና ስርአት መርሆችን በመጠቀም የከፍተኛ ትምህርት አስተዳዳሪዎች ላይ ጥብቅ ምርመራ እንዲካሄድ እያስገደዱ ይገኛሉ። አሜሪካ ውስጥ የፍትሃዊነት ተደራሽነትን ለማረጋገጥ የወጡ የሲቪል መብቶች ህጎችን በመጠቀም፣ በታሪክ ተጨቁነው የነበሩ የህብረተሰብ ክፍሎችን የሚጠብቁ አሰራሮችን ወደ ኋላ ለመመለስ እየሰሩ መሆኑ ተጠቁሟል።

ይህ የትራምፕ አስተዳደር ከከፍተኛ ትምህርት ተቋማት ጋር የገጠመው ፍልሚያ ወደ አጠቃላይ ጦርነት ያደገ ሲሆን፣ በተለይም የእሳቸውን ፍላጎት ለማስተናገድ ፈቃደኛ ባልሆኑ እንደ ታዋቂው ሃርቫርድ ዩኒቨርሲቲ ባሉ ተቋማት ላይ ያነጣጠረ ጠንካራ እርምጃ እየተወሰደ መሆኑ በዘገባው ተብራርቷል።

(ዘ-ሐበሻ ስፖርት) ቤርናርዶ ሲልቫን ስንመለከት እግር ኳስ ተጫዋች ሳይሆን፣ የታሸን የጥበብ መጻሕፍትን በፀጥታ የሚያነብ አርክቴክት (የኪነ-ህንፃ ባለሙያ) ነው የሚመስለው።

ለዓይን የማይጮሁ ቀለል ያሉ ቲሸርቶች፣ የሊነን አልባሳት፣ ሰፋፊ ሱሪዎች፣ የበርከንስቶክ ጫማዎች እና ከክር የተሰሩ ፖሎ ሹራቦች፤ አካላዊ ገጽታውም ሆነ አለባበሱ አንዳችም ትኩረትን አይሻም።

እንደ እውነቱ ከሆነ አእምሮው የተገራ አማካይ የግድ እንደ ፊልም ኮከብ መታየት አያስፈልገውም። በሜዳ ላይ ሁሉም ነገር በከፍተኛ ፍጥነት በሚምዘገዘግበት እና ውጥረት በነገሰበት ፍልሚያ ውስጥ፣ በእርጋታ እና በሰከነ መንፈስ ማሰብ የሚችል መሪ መሆን ብቻ በቂው ነው።

ልዩ የፈጠራ አቅም... ጥልቅ ብስለት... አስገራሚ ትዕግስት... እና ረቂቅ ስሜት!

ቤርናርዶ ሲልቫ ልክ እንደ አለባበሱ ነው የሚጫወተው። በሜዳ ላይ ታላላቅ እና ወሳኝ ነገሮች በዙሪያው እንዲከናወኑ ያደርጋል እንጂ፣ እሱ ራሱ የሁሉ ነገር ማዕከል ሆኖ ጎልቶ ለመታየት አይሞክርም። አለባበሱም፣ አጨዋወቱም — የፍፁም እርጋታ እና የጥበብ መገለጫ ነው!

የሴዶ እና የጆኒ ታላቅ የMMA ፍልሚያ ነሐሴ 21 ይካሄዳል!
#fastmereja :-በኢትዮጵያ የማርሻል አርትስ እና የቦክስ ስፖርት ታሪክ ያልተነካውን እምቅ አቅም ለዓለም ለማሳየትና ስፖርቱን ለወጣቶች የቋሚ ገቢ ምንጭ ለማድረግ ያለመው ''አድዋ ፋይት ናይት 2" (ETFC 002) ታላቅ የውድድር ምሽት ነሀሴ 21 እንደሚካሄድ በዛሬዉ እለት ተገለፀ።

ነሀሴ 21 በሚካሄደው በዚህ ውድድር ላይ በስፖርት አፍቃሪያን ዘንድ ከፍተኛ ትኩረትን የሳበው እና በጉጉት የሚጠበቀው ዋና ፍልሚያ (Main Event) በጆኒ (Johnny) እና በሴዶ (Sedo) መካከል የሚደረገው ድብልቅ ማርሻል አርት (MMA) ግጥሚያ እንደሆነ ተገልጿል።

ዛሬ በተሰጠው የጋዜጣዊ መግለጫ ወቅት ተወዳዳሪዎች በፊት ለፊት ፍጥጫ (Face-to face) የተገናኙ ሲሆን እርስ በእርስ ያቀረቧቸው የተፎካካሪነት እና የስነ-ልቦና የበላይነት የመውሰጃ አስተያየቶች በስፍራው የነበረውን ስሜት ያጋገሉት ሲሆን፣ ሁለቱም ስፖርተኞች ለነሐሴ 21ዱ ታላቅ ፍልሚያ ያላቸውን ከፍተኛ ዝግጁነትና የማሸነፍ በራስ መተማመን አሳይተዋል።

የውድድሩ አዘጋጅና የስዊት ቦክስ መስራች እና ስራ አ አቶ ጌታቸው መለሰ በበኩላቸው፣ ETFC 002 የቀደመው ETFC 001 ከተካሄደበት ፍጥነትና ሁኔታ በተሻለ መልኩ በከፍተኛ ደረጃ ተዘጋጅቶ የቀረበ መሆኑን ገልጸዋል።

አዘጋጆቹ ለፕሮግራሙ መዘገየት ይቅርታ በመጠየቅ፣በተወዳዳሪዎቹ የስነ-ምግባር ጥንካሬ ላይ ሙሉ እምነት እንዳላቸውና ስፖርተኞቹ ሀገራቸውን በዓለም አቀፍ መድረክ ማስጠራት የሚችሉ መሆናቸውን አብራርተዋል።

በምሽቱ 11 የተመረጡ ፍልሚያዎች የሚካሄዱ ሲሆን፣ 4 የቦክስ (Boxing) 4 የኤምኤምኤ (MMA) 3 የሙአይ ታይ (Muay Thai) ፍልሚያዎች ናቸው።

በዝግጅቱ ላይ የሴቶች ተሳትፎ ልዩ ቦታ የተሰጠው ሲሆን፣ አትሌት አብስላት እና ዛራ በተወዳዳሪነት የሚሳተፉ ሲሆን በቀጣዩ «አድዋ ፋይት ናይት 003» ውድድር ላይ ደግሞ የሴት ተወዳዳሪዎች ቁጥር እንዲጨምርና ሰፊ ተሳትፎ እንዲኖራቸው ትኩረት ተሰጥቶ እንደሚሰራ ተጠቅሷል።

በሌላ በኩል፣ በቀደሙት ዝግጅቶች የነበረውን የመቀመጫ መደራረብ ችግር ሙሉ በሙሉ ለመቅረፍ የተሰራ ሲሆን በዚህም ተመልካቾች ትኬት በሚቆርጡበት ወቅት ቀጥታ የመቀመጫ ቦታቸውን (Seat) መርጠው እንዲይዙ እንደሚደረግም ነዉ የተገለፀዉ።

አዘጋጆቹ እንዳብራሩት፣ በቅርቡ በሚካሄዱት ETFC-003 እና ETFC-004 የውድድር መድረኮች ላይ የሀገር ውስጥ ስፖርተኞች ከውጭ ሀገር ተወዳዳሪዎች ጋር እንዲጋጠሙ እንደሚደረግ የተገለፀ ሲሆን ይህም በሚቀጥሉት ሁለት ዓመታት ውስጥ እንደ ኡሲክ (Usyk) ያሉ ታዋቂ የዓለም አቀፍ ቦክስ ውድድሮችን በኢትዮጵያ ውስጥ ለማዘጋጀት ለተያዘው ታላቅ ዕቅድ መንገድ የሚከፍት ነው ተብሏል።

ይህ ዝግጅት በአድዋ ድል መታሰቢያ፣ በአዲስ አበባ ወጣቶችና ስፖርት ቢሮ፣ የስፖርት አመራሮች እንዲሁም አጋር ድርጅቶች አስተዋጽኦ የሚካሄድ ሲሆን፣ የስፖርት አፍቃሪያን የነሐሴ 21ዱን የሴዶ እና ጆኒ ፍልሚያ በከፍተኛ ጉጉት በመጠበቅ ላይ ይገኛሉ።

📷 ከበደ መክብብ

የአሸናፊዎች አሸናፊ ውጊያ ይደረጋል‼️

ህወሃት የ 1983 ታሪክን እንደግማሁ እያለ ነው።

የሕወሓት ጽህፈት ቤት ሀላፊ ወይዘሮ ፈትለወርቅ ገብረእግዚአብሄር (ሞንጆሪኖ) ከሰሞኑ በአንድ መድረክ ላይ አነጋጋሪ አስተያየት ሰጥተዋል፡፡ አሁን ከተጣመርናቸው ኃይሎች ጋር መዋጋታችን አይቀርም ብለዋል፡፡ የሀላፊዋ ንግግር የጽምዶ ኃይሎችን የትብብር መሰረት የሚያናጋ ነው ተብሏል፡፡
ወይዘሮ ፈትለወርቅ ቃል በቃል የተናገሩ፡-

‹‹ዋናው ነገር ብልፅግናን ለመጣል ፍላጎት ያሳይ እንጂ የትኛውም ስብስብ እርስ በራሱ እሳትና ጭድ ቢሆንም እንኳን አብረን እንሰራለን። ብልፅግናን ከጣልን በኃላ ደግሞ የአሸናፊዎች አሸናፊ ለመለየት ሌላ ዙር ፍልሚያ ይኖረናል።

ለዚህም እየተዘጋጀን ነው፤ ይህ በተለያየ መልክ የተጀመረውን ትብብራችንን ስናየው የተለያየ ፍላጎት ያለን ሃይሎች ሆነን ነው ትብብር እየፈጠርን ያለነው። በአላማ፣ በፕሮግም፣ ወደፊት በረዥም ጊዜ እቅድ ምናምን አንድ ነን ማለት አይደለም። ትብብራችን በዛች በምታገናኘን ነገር ብቻ ነው።

እኛ ከፋኖ የምንለይበት የፖለቲካ አቋም አለን። ከሻዕቢያ ይሁን ከሌሎች የተለያዩ ሃይሎች የምንለያይባቸው መዓት ጉዳዮች አሉ። አንድ የሚያደርገን ግን የብልፅግና ስርዓት የሁላችንም ስጋት ነው የሚለው ነው። ይቺ ብቻ ናት የምታገናኘን።

እንደ ተሞክሮ ልንወስደው የሚገባን ነገር ደግሞ እንኳን አሁን በብዙ ጉዳዮች ልዩነት ካለንና በዓላማ ከማንገናኛቸው የተለያዩ ሃይሎች ጋር የምንፈጥረው ትብብር ይቅርና ኢህአዴግም እኮ ፈርሷል።

ኢህአዴግ እኮ የኦሮሞ፣የአማራ፣የደቡብ ኢትዮጵያ ሃይሎች አራት ድርጅቶች አንድ ላይ ሆነን የፈጠርነውና በፕሮግራም ወይም አላማ አንድ የነበረ ድርጅት ነበር። ግንኙነታችንም ስትራቴጂካዊ ነበር[ታክቲካል አልነበረም] ፣ በተለያየ ቋንቋ የተፃፈች አንዲት ፕሮግራም ነበር የነበረችን።

ግንባር ከመሆናችን ውጭ አንድ ድርጅት ማለት ነበርን፤ በዚህ ደረጃ የነበርን ሰዎች እኮ ተካክደናል[እንኳን ይሄ  በዓላማ ከማይመስሉን ሃይሎች ጋር የምንፈጥረው ትብብር ይቅርና]›› ወይዘሮ ፈትለወርቅ ገብረእግዚአብሄር
Via :- Andafta

Seledadotio
Seledadotio

(ዘ-ሐበሻ ስፖርት) የማንቸስተር ሲቲው አሰልጣኝ ኤንዞ ማሬስካ፣ የዓለም ዋንጫው ኮከብ እና የወርቅ ኳስ አሸናፊው ሮድሪ በቀጣዩ ሳምንት የወገብ ቀዶ ሕክምና እንደሚያደርግ ያረጋገጡ ሲሆን፣ ተጫዋቹ በኢቲሃድ ስታዲየም እንደሚቆይ ያላቸውን እምነት ገልጸዋል።

ሮድሪ ስፔይን በሰሜን አሜሪካ በተካሄደው የዓለም ዋንጫ ፍጻሜ አርጀንቲናን 1-0 በማሸነፍ ለሁለተኛ ጊዜ የዓለም ሻምፒዮን ስትሆን የቡድኑ አጋፋሪ እና የውድድሩ ኮከብ ተጫዋች ሆኖ መመረጡ ይታወሳል። በውድድሩ ወቅት 756 ስኬታማ ኳሶችን በማመቻቸት እና በርካታ ኳሶችን በመቀማት የቡድኑን የተከላካይ ክፍል በግንባር ቀደምትነት መርቷል።
የዓለም ዋንጫን፣ የአውሮፓ ሻምፒዮንነትን፣ አራት የፕሪሚየር ሊግ ዋንጫዎችን፣ የቻምፒዮንስ ሊግን፣ የባሎንዶርን እና ሌሎች በርካታ ዋንጫዎችን በስሙ ያጻፈው አማካይ፣ ኮንትራቱ ለመጠናቀቅ የመጨረሻ ዓመቱ ላይ በመድረሱ ወደ ማድሪድ በመመለስ ሪል ማድሪድን ሊቀላቀል ይችላል የሚሉ ዘገባዎች ሲወጡ ቆይተዋል።

ሆኖም አሰልጣኝ ኤንዞ ማሬስካ በሰጡት ጋዜጣዊ መግለጫ፣ ሮድሪ ማንኛውም አሰልጣኝ ሊያሰለጥነው የሚመኘው ድንቅ ተጫዋች መሆኑን ገልጸው፣ የዝውውር ጭ ወሬዎች በታላላቅ ተጫዋቾች ዙሪያ የተለመዱ በመሆናቸው ስጋት እንደሌላቸው ተናግረዋል።

አሰልጣኙ አክለውም ሮድሪ ሰኞ ዕለት ቀላል የወገብ ቀዶ ሕክምና እንደሚያደርግና ከቀዶ ሕክምናው በኋላ አስፈላጊውን ዕረፍት አድርጎ ወደ ቡድኑ እንደሚመለስ አስታውቀዋል። በዚህም ምክንያት ኦገስት 16 ከአርሰናል ጋር በሚደረገው የኮሚዩኒቲ ሺልድ ጨዋታ እና በፕሪሚየር ሊጉ የመክፈቻ ጨዋታ ከቦርንመስ ጋር በሚደረገው ፍልሚያ ላይ የመሰለፉ ነገር አጠራጣሪ ሆኗል።

(ዘ-ሐበሻ ዜና) የአሜሪካው ውጭ ጉዳይ ሚኒስትር ማርኮ ሩቢዮ በፊሊፒንስ ዋና ከተማ ማኒላ በተካሄደው የደቡብ ምሥራቅ እስያ መንግሥታት ማኅበር (አሴአን) ስብሰባ ላይ እንደገለጹት፣ ዋሽንግተን ከኢራን ጋር ያሉባትን ልዩነቶች በድርድር ለመፍታትና ዲፕሎማሲያዊ መንገዶችን ለመከተል አሁንም ዝግጁ ነች። ሚኒስትሩ ኢራን በቀጥታም ሆነ በተዘዋዋሪ መንገድ ከዋሽንግተን ጋር የመነጋገር ፍላጎት እንዳላት የሚጠቁሙ ግንኙነቶችን እያደረገች መሆኑን የጠቀሱ ቢሆንም፣ አሁን ያለው ዋናው ችግር ግን ቴህራን ለንግግሩ እውነተኛ ቁርጠኝነትና ፍላጎት ማጣቷ ነው ሲሉ ወቅሰዋል።

ሩቢዮ አክለውም ኢራን ለድርድር እውነተኛ ከሆነች አሜሪካም እውነተኛ እንደምትሆን፣ ካልሆነ ግን የአሜሪካንና የሕዝቦቿን እንዲሁም የአጋሮቿን ጥቅም ለማስጠበቅ አስፈላጊውን እርምጃ ሁሉ ለመውሰድ እንደማታቅማማና የገቡትን ቃል ካላከበሩ ከባድ መዘዝ እንደሚከተል አስጠንቅቀዋል። በሌላ በኩል ፕሬዝዳንት ዶናልድ ትራምፕ ዋሽንግተን ኢራን ትርጉም ላለው ድርድር ዝግጁ እስካልሆነች ድረስ የመገናኘት ምንም ዓይነት ፍላጎት እንደሌላት የገለጹ ሲሆን፣ ኢራን የኑክሌር ሴንትሪፊውጆቿን ወደ ፒክአክስ ተራራ ስላዛወረችበት ወሬ አሜሪካ በእጇ ላይ ያለው ይፋዊ መረጃ ባይኖርም፣ ያ ስፍራ ግን በቅርቡና በጣም በከባድ ሁኔታ እንደሚመታ በድጋሚ ዝተዋል።

ይህ የዋሽንግተን ዲፕሎማሲያዊና ወታደራዊ መግለጫ፣ የትራምፕ አስተዳደር በኢራን ላይ የከረረ ወታደራዊ ጫናን እና የዲፕሎማሲያዊ ማግባባትን ባለሁለት ገጽታ ስልት በጋራ እያራመደ መሆኑን ያሳያል። ውጭ ጉዳይ ሚኒስትሩ በአሴአን መድረክ ላይ ሆነው አሜሪካ ሁልጊዜም ለዲፕሎማሲ ዝግጁ ነች ማለታቸው፣ በዓለም አቀፉ ማኅበረሰብ ዘንድ ዋሽንግተን የጦርነት አጫሪ እንዳትመስልና በቀጠናው የሚገኙ አጋሮቿን የዲፕሎማሲ ድጋፍ ለማሰባሰብ የታለመ ስልታዊ እርምጃ ነው።

በተቃራኒው ግን ፕሬዝዳንት ትራምፕ ቴህራን ትርጉም ላለው ድርድር እስካልቀረበች ድረስ የመገናኘት ፍላጎት የለኝም ማለታቸውና የኑክሌር ጣቢያውን በከባድ ሁኔታ እመታዋለሁ ብለው በድጋሚ መዛታቸው፣ ኢራን በኩዌት የአሜሪካ ጦር ሰፈር ላይ ከፈጸመችው የድሮን ጥቃት እና ከቅርብ ጊዜው የጦርነት መባባስ በኋላ አሜሪካ ደካማ ሆና እንዳትታይና በቴህራን ላይ የበላይነቱን ለመያዝ የምታደርገውን የስነ-ልቦና ጦርነት ያሳያል።
ትራምፕ አሜሪካ ኢራን ሴንትሪፊውጆችን ወደ ፒክአክስ ተራራ ስለማዛወሯ መረጃ የላትም ማለታቸው ቀደም ሲል ይናፈሱ የነበሩ ወታደራዊ የደኅንነት ወሬዎችን የሚያረቅስ ቢሆንም፣ ጥቃቱ ግን በማንኛውም ሰዓት ሊፈጸም እንደሚችል መግለጻቸው ቀውሱን ይበልጥ አሳሳቢ ያደርገዋል።

ይህ የዋሽንግተን “እውነተኛ ካልሆናችሁ እርምጃ እንወስዳለን” የሚለው ጠንካራ አቋም፣ የዲፕሎማሲው በር መከፈት በኢራን በኩል ሙሉ በሙሉ እጅ መስጠትንና የአሜሪካን ቅድመ-ሁኔታዎች መቀበልን ብቻ ታሳቢ ያደረገ መሆኑን ያመላክታል። ስለሆነም የሁለቱ ሀገራት ድብቅና ይፋዊ ግንኙነቶች በፍጥነት ወደ ተጨባጭ የጠረጴዛ ዙሪያ ድርድር ካልተቀየሩ፣ የቃላት ፍልሚያውና መሬት ላይ ያለው የወታደራዊ ተቋማት የሃይል ልውውጥ መላውን መካከለኛው ምስራቅ ወደማይወጡበት መጠነ-ሰፊ ቀጠናዊ ጦርነት ሊከተው እንደሚችል ዓለም አቀፍ የዲፕሎማሲ ተንታኞች በጥብቅ ያስገነዝባሉ።

ታሪካዊው ምሽት በታላቅ ድምቀት ተጠናቋል !
🏆 23ኛው የዓለም ዋንጫ የፍፃሜ ጨዋታ ስፔን 🇪🇸 የዓለም ዋንጫን ስታነሳ፣ በስካይላይት ሆቴል የነበረው ደስታ ይለይ ነበረ!

የብዙ ሳምንታት ጉጉት ፍፃሜውን አግኝቶ ስፔን የዓለምን እግር ኳስ የበላይነት ስትቆጣጠር፣ ይህንን ታሪካዊ የድል ምሽት ኮካ ኮላ ከDStv ጋር በመተባበር በስካይላይት ሆቴል ያዘጋጀው ይህ ልዩ ምሽት በደማቅ ሁኔታ ተቆጭቶል!

ከፍፃሜው ጨዋታ በፊት በተወዳጆቹ ድምፃውያን ፀደኒያ ገ/ማርቆስ፣ አዲስ ለገሰ እና ልዑል ሲሳይ የሙዚቃ ትዕይንቶች ምሽቱ ሙሉ በሙሉ ደምቆ አምሽቷል። ቀዝቃዛ ኮካ ኮላ እየጠጡ፣ ይህንን ተጠባቂ ታላቅ ፍልሚያ በጋራ ከመመልከት በላይ ምን የሚያስደስት ነገር አለ!

በዝግጅቱ ላይ ተገኝታችሁ ይህንን የማይረሳ የዓለም ዋንጫ ትውስታ አብራችሁን ለተመለከታችሁ የክብር እንግዶቻችን ሁሉ የላቀ ምስጋናችንን እናቀርባለን።
#fifaworldcup2026 #cocacola #feelitall #ccbaethiopia #worldcupfinal #spainvsargentina #cocacolaethiopia #dstvethiopia

ታሪካዊው ምሽት በታላቅ ድምቀት ተጠናቋል !

🏆 23ኛው የዓለም ዋንጫ የፍፃሜ ጨዋታ ስፔን 🇪🇸 የዓለም ዋንጫን ስታነሳ፣ በስካይላይት ሆቴል የነበረው ደስታ ይለይ ነበረ!

የብዙ ሳምንታት ጉጉት ፍፃሜውን አግኝቶ ስፔን የዓለምን እግር ኳስ የበላይነት ስትቆጣጠር፣ ይህንን ታሪካዊ የድል ምሽት ኮካ ኮላ ከDStv ጋር በመተባበር በስካይላይት ሆቴል ያዘጋጀው ይህ ልዩ ምሽት በደማቅ ሁኔታ ተቆጭቶል!

ከፍፃሜው ጨዋታ በፊት በተወዳጆቹ ድምፃውያን ፀደኒያ ገ/ማርቆስ፣ አዲስ ለገሰ እና ልዑል ሲሳይ የሙዚቃ ትዕይንቶች ምሽቱ ሙሉ በሙሉ ደምቆ አምሽቷል። ቀዝቃዛ ኮካ ኮላ እየጠጡ፣ ይህንን ተጠባቂ ታላቅ ፍልሚያ በጋራ ከመመልከት በላይ ምን የሚያስደስት ነገር አለ!

በዝግጅቱ ላይ ተገኝታችሁ ይህንን የማይረሳ የዓለም ዋንጫ ትውስታ አብራችሁን ለተመለከታችሁ የክብር እንግዶቻችን ሁሉ የላቀ ምስጋናችንን እናቀርባለን።
#fifaworldcup2026 #cocacola #feelitall #ccbaethiopia #worldcupfinal #spainvsargentina #cocacolaethiopia #dstvethiopia

ለሜሲ ያማል!

አዲስ አበባ፣ ሐምሌ 13፣ 2018 (ኤፍ ኤም ሲ) በኒውዮርክ ሰማይ ስር የእግር ኳስ ታሪክ አዲስ ንጉስ መውለዱን ለዓለም አውጇል።

የሊዮኔል ሜሲን የመጨረሻ ዳንስ ለመመልከት በተሰበሰበው የዓለም ሕዝብ ፊት ሳይጠበቅ የመጣው የስፔን የአዳጊዎች ስብስብ የክብር ዘውዱን ነጥቋል።

ይህ ድል የስፔን ብቻ አይደለም፤ በሜሲ እጅ ገላውን ታጥቦ ያደገው የላሚን ያማል የንግስና ዘመን ይፋዊ ማብሰሪያ ጭምር እንጂ፡፡

ታሪካዊው ፍልሚያ ከመጀመሩ በፊት ዓለም ሁሉ ትኩረቱን በሜሲና በአዳጊው ያማል የ2007 ድንቅ የፎቶ ትዝታ ላይ አድርጎ ነበር።

ሜሲ በበጎ አድራጎት መርሐ ግብር ላይ ገላውን ያጠበው የያኔው ሕፃኑ ያማል፥ ዛሬ በ19 ዓመቱ ድንቅ ጥበብ እያሳየ ለአርጀንቲና ፈተና ሆኖ ቀረበ።

በኒውዮርክ ስታዲየም የታየው ትዕይንት ድንቅ ነበር፤ ሜሲ ዘውዱን ለተተኪው አስረክቦ የዓለም ዋንጫውን ሲያጠናቅቅ ያማል ደግሞ አዲሱ የዓለም እግር ኳስ መሪ መሆኑን አረጋግጧል።

ይህ የስፔን ወጣት ስብስብ በውድድሩ ጉዞው ቀላል አልነበረም።

ገና ከጅምሩ በጥንካሬና በማይበገረው የኬፕ ቨርዴ ስብስብ ብርቱ ፈተና ገጥሞት የነበረ ቢሆንም፤ ያንን አስቸጋሪ ውቅያኖስ በፅናት ተሻግሯል።

ሜሲ እና የአርጀንቲናው ወርቃማ ትውልድ የስፔንን የወጣቶች ስብስብ የዋንጫ ጥማት ግን ሊገቱት አልቻሉም።

ቫሞስ! አዲሱ ዘመን ጀምሯል።

"ለሜሲ ያማል" የሚለው ድምጽ አሁን በስታዲየሙ ውስጥ ያስተጋባል።

በአንድ በኩል ለታላቁ ንጉስ ሜሲ የመጨረሻ ጉዞ የተሰማ ቁጭት ሲሆን፥ በሌላ በኩል ደግሞ በላሚን ያማል መነሳት የተፈጠረ አዲስ እምቅ ስሜት ነው።

የስፔን ከዋክብት "ቫሞስ" እያሉ ዋንጫውን ወደ ሰማይ ሲያነሱ፥ እግር ኳስ አዲስ ምዕራፍ መጀመሯን አረጋግጣለች።

ታሪኩ ተፈጽሟል፤ ንጉሱ ሜሲ በታላቅ ክብር ተሰናብቷል፤ አዲሱ ንጉስ ያማል ደግሞ በኒውዮርክ ሰማይ ስር ዘውዱን ደፍቷል፡፡

በኃይለኢየሱስ መኮንን

"ዋው፣ ለዚህ ጨዋታ እንዴት ያለ የሚመጥን ፍፃሜ ነው! ጁድ ቤሊንግሃም እንዲህ ዓይነቱን አስደናቂ ግብ አስቆጥሮ ከማጠናቀቅ ውጭ፣ ለእንግሊዝ የዓለም ዋንጫ ቆይታ ከዚህ የተሻለና ይበልጥ የሚያምር ማሳረጊያ ሊኖር እንደማይችል መግለጽ ቃላት ያጥሩኛል። ጨዋታው እየገፋ በሄደ ቁጥር ለተጫዋቾቹ ያለው ዋጋና ትርጉም ይበልጥ እየጨመረ የመጣ ይመስላል። እዚህ ያሳለፍነው እንዴት ያለ እጅግ አስደናቂ የ90 ደቂቃ የእግር ኳስ ፍልሚያ ነው!"
የቀድሞው የእንግሊዝ ሚድፊልደር ዳኒ መርፌ

ከስንብት ሐዘን ማግስት የሚደረግ የክብር ፍልሚያ
*******************

በ23ኛው ዓለም ዋንጫ ፍፃሜ ዋዜማ ላይ ቆመናል። ዓለም ዋንጫ በግማሽ ፍፃሜ በለስ ያልቀናቸውን፣ ድል ከነርሱ ጋር ያልነበረውን እንዲሁ አያሰናብትም። ለሦስተኝነት ማዕረግ ዳግም ያፋልማል።

23ኛው ዓለም ዋንጫ ፍሎሪዳ ላይ የግማሽ ፍፃሜ ተሸናፊዎቹን ዛሬ እኩለ ሌሊት 6 ሰዓት ፍሎሪዳ ሚያሚ ላይ ያፎካክራል። በእርግጥ በብዙዎች፣ በተለይም በተሸናፊ ብሔራዊ ቡድኖች ዘንድ የደረጃው ጨዋታ ለመጫወት የተመረጠ አይደለም።

የዛሬው መርኃ ግብር ግን ብሔራዊ ቡድኖቹ ከሚያደርጉት ፉክክር ባልተናነሰ፣ በኮከብ ግብ አስቆጣሪነት በመላቅ የወርቅ ኳስ ሽልማቱን ለማግኘት ባለው ፉክክር ለውጥ እንደሚያስከትል ይጠበቃል። ከሊዮኔል ሜሲ ጋር የኮከብ ግብ አስቆጣሪነት ፉክክሩን በ8 ግቦች እየመራ የሚገኘው ኪሊያን ምባፔ እንዲሁም እያንዳንዳቸው ስድስት ግቦች ያስቆጠሩት ጁድ ቤሊንግሃም እና ሀሪኬን ከባለ አምስት ግቡ የዓለም ኮከብ ኡስማን ዴምቤሌ ጋር በሚያደርጉት የኮከብ ግብ አስቆጣሪነት ፉክክር ላይ አንዳች ለውጥ ሊያስከትል የሚችል ጨዋታ እንደሚሆን ታምኗል።

በዚህ መሀል ግን ከሽንፈት ማግስት የሚደረግ፤ ከዓለም ዋንጫ ስንብት ሀዘንም ሳያገግሙ የሚመጣ መርኃ ግብር መሆኑ የተጫዋቾችን ተነሳሽነት መቀነሱ፣ የተመልካቾችን ጉጉትም ማሳነሱ አይቀርም። ቶማስ ቱሄል ይህን የሚያስረግጥ ሃሳብ ነው የሰነዘሩት። "የእኛም ሆነ የፈረንሳይ ብሔራዊ ቡድን ተጫዋቾች ይህን ጨዋታ የማድረግ ፍላጎት የላቸውም" በማለት በውድድሩ ሙሉ የለፉትና የተዘጋጁት ለዓለም ሻምፒዮንነት በመሆኑና፤ ያም ባለመሳካቱ ለዚህ ጨዋታ የሚኖራቸውን ጉጉትና ፍላጎት እንደቀነሰው ተናግረዋል።

ቱሄል ይህንን ቢሉም የፈረንሳይ ብሔራዊ ቡድን አሰልጣኝ ዲዲየር ዴሻው ግን ከዚህ በአንፃራዊነት የተለየ ሃሳብ ነው የሰነዘሩት። 3ኛ ደረጃም ቢሆን የተሻለ መሆኑን በማንሳት፤ እርሱን ለማሳካት የቻሉትን ሁሉ እንደሚያደርጉ ተናግረዋል። አክለውም የተፈጠረው ሀዘን የዓለም ሻምፒዮን ከመሆን ፅኑ መሻት የመጣ መሆኑን ጠቅሰው፤ የሆነውን ከመቀበል ውጪ አማራጭ የለንም ብለዋል።

በግማሽ ፍፃሜው እንግሊዝ እየመራች የነበረችውን ጨዋታ የኋላ ኋላ በአርጀንቲና 2 ለ 1 ተሸንፋ የፍፃሜ መንገዷ ሲቋረጥ፤ በአንፃሩ ፈረንሳይ ባልተጠበቀ ሁኔታ በስፔን ፍፁም ብልጫ ተወስዶባት 2 ለ 0 ተረታ ነው ከፍፃሜው የቀረችው።

የ23ኛው ዓለም ዋንጫ 103ኛው ጨዋታ በሁለት ሃሳቦች መሀል፤ የጨዋታውን አስፈላጊነት ተጠይቅ ውስጥ በሚከቱና የኮከብ ግብ አግቢነት ፉክክሩ ላይ የሚኖረውን ሚና በሚያጎሉ መሀል ሆኖ፤ እኩለ ሌሊት 6፡00 ሰዓት በሚያሚ ጋርደን ሀርድ ሮክ ስታዲየም ይካሄዳል።

በእድሪስ አህመድ
#worldcup #fifaworldcup #fifaworldcup2026 #3rdplaceplayoff #england #france #football #sports

(ዘ-ሐበሻ ስፖርት) በአሜሪካ አትላንታ ከተማ የነበረውን የምሽት አየር የናኘው የእግር ኳስ እብደት፣ በሚሊዮኖች የሚቆጠሩ የእንግሊዝ ደጋፊዎችን ልብ በሀዘን ሰብሮ አርጀንቲናውያንን በደስታ ጫፍ ላይ ያሰጠመ ድራማዊ ፍጻሜን አስተናግዷል። የዓለም ዋንጫው ግማሽ ፍጻሜ በአትላንታ ስታዲየም ሲጀመር በሜዳውም ሆነ ከሜዳ ውጭ የነበረው ድባብ እጅግ የጋለና የተወጠረ ነበር። የአሜሪካው መሀል ዳኛ እስማኤል ኤልፋዝ በ19 የጥፋት ፊሽካዎች የታጀበውን እና ሻካራ አጨዋወት የበዛበትን የመጀመሪያ አጋማሽ ለመቆጣጠር ክፉኛ ሲታገሉ ታይተዋል። ጨዋታው ማራኪነት በራቀው ትንቅንቅ ቢቀጥልም፣ በ55ኛው ደቂቃ ላይ ግን ስታዲየሙን ያናወጠ ክስተት ተመዘገበ።

በአሰልጣኝ ቶማስ ቱሄል ስብስብ ውስጥ በድንገት የመሰለፍ ዕድል ያገኘው ሞርጋን ሮጀርስ በቀኝ መስመር በኩል አስደናቂ ኳስ ወደ ግብ ክልል ሲያሻማው፣ አንቶኒ ጎርደን በኋለኛው የግብ ቋሚ ስር ኳሷን መረብ ላይ አሳረፋት። በዚያች ቅጽበት እንግሊዞች ከ1966 ዓ.ም በኋላ ለመጀመሪያ ጊዜ ወደ ዓለም ዋንጫ ፍጻሜ ለመድረስ የነበራቸው ሕልም እውን መሆን የጀመረ ይመስል ነበር።ይሁን እንጂ ይህ የመሪነት ግብ ለአርጀንቲናውያን የተለየ መነሳሳትን ፈጠረ። ጨዋታው ሊጠናቀቅ አምስት ደቂቃ ብቻ ሲቀረው ኤንዞ ፈርናንዴዝ ከ25 ያርድ ርቀት ላይ የሰነዘረው አስደናቂና ኃይለኛ ምት ግብ ጠባቂውን ጆርዳን ፒክፎርድን አሸንፎ መረብ ላይ ሲያርፍ ስታዲየሙ በጩኸት ተናወጠ።

ውጥረቱ በበረታበት እና ጨዋታው ወደ ጭማሪ ሰዓት ያመራል ተብሎ በሚጠበቅበት በ92ኛው ደቂቃ ላይ ደግሞ የዓለማችን ድንቅ ኮከብ ሊዮኔል ሜሲ በድጋሚ ብቅ አለ። ሜሲ በቀኝ እግሩ ያሻማትን ድንቅ ኳስ ላውታሮ ማርቲኔዝ በግንባሩ ገጭቶ ወደ ግብነት ሲቀይረው የአርጀንቲናውያን ተጋድሎ ፍሬ አፍርቶ የጨዋታው ውጤት 2 ለ 1 ሆነ። በዚህም የ39 ዓመቱ ሊዮኔል ሜሲ ለሀገሩ ሁለተኛውን የዓለም ዋንጫ ለማንሳት እና እሁድ ዕለት ከስፔኑ ወጣት ኮከብ ላሚን ያማል ጋር ለሚደረገው ታላቅ የፍጻሜ ፍልሚያ ቡድኑን በድጋሚ መርቷል።

የእንግሊዙ አሰልጣኝ ቶማስ ቱሄል ያሳዩት ከልክ ያለፈ ጥንቃቄ እና የወሰዷቸው ውሳኔዎች ለቡድኑ ውድቀት ዋነኛ ምክንያት ሆነው ተጠቅሰዋል። እንግሊዝ መሪ መሆን ከቻለች በኋላ ልክ እንደ ቀድሞው አሰልጣኝ ሰር ጋሬዝ ሳውዝጌት ዘመን ሁሉ ቡድኑ በድንገት ወደ ኋላ ማፈግፈግ እና መከላከል ላይ ብቻ ማተኮር ጀመረ። ቱሄል ጨዋታው ሊጠናቀቅ 18 ደቂቃ እያለው ግብ አግቢውን ጎርደንን አስወጥቶ ተከላካዩን ኤዝሪ ኮንሳን ማስገባቱ እና የክለቡን ግዙፍ ተከላካይ ዳን በርንን ወደ ሜዳ በመላክ የአምስት ተከላካይ መስመር መዋቅር ለመፍጠር መሞከሩ ፍጹም አልሰራም።

ይህ ያለጊዜው የተደረገ ወደ ኋላ የማፈግፈግ ስልት አርጀንቲናዎች በተደጋጋሚ ወደ እንግሊዝ የግብ ክልል እንዲያጠቁ እና የሳጥን ከበባ እንዲያደርጉ በር ከፍቷል። አሌክሲስ ማክ አሊስተር የመታቸው ኳሶች በተደጋጋሚ የግብ ቋሚውን ቢመቱም፣ የእንግሊዝ መከላከያ ግን ማዕበሉን መቋቋም አቅቶት በመጨረሻው ሰዓት ተንኳኳ። ይህ ሽንፈት እንግሊዞች ለዋንጫ ለዘመናት ያደረጉትን ጥበቃ ይበልጥ ያራዘመው ሲሆን፣ አሁን የ3ኛ ደረጃን ለማግኘት ከፈረንሳይ ጋር የሚጫወቱ ይሆናል።

ይህ ምክክር ለዘመናት የተከማቹ ስር የሰደዱ ሀገራዊ ችግሮችን በጋራ ፈትቶ ለአዲሲቷ ኢትዮጵያ የሚበጅ አዲስ ማኅበራዊ ውል ለመፈረም የተዘጋጀ መድረክ ነው።

ምክክሩ ዜጎች ልዩነቶቻቸውን በኃይልና በግጭት ፈንታ በማዳመጥና በሰለጠነ የሃሳብ ፍልሚያ እንዲፈቱ በር ከፋች ነው።

ጠቅላይ ሚኒስትር ዐቢይ አሕመድ (ዶ/ር)

99'- 🏴󠁧󠁢󠁥󠁮󠁧󠁿 England 1-2 Argentina 🇦🇷

አርጀንቲና በአለቀ ሰዓት እንግሊዝን 2 ለ 1 በመርታት ለዓለም ዋንጫ ፍፃሜ አለፈች
#አትላንታ — በዓለም እግር ኳስ ታሪክ ውስጥ ለረጅም ዘመናት ከሚታወሱት እጅግ አስገራሚና አስደናቂ ጨዋታዎች መካከል አንዱ በዛሬው ዕለት በአትላንታ ስታዲየም ተመዝግቧል።

የዓለም ሻምፒዮን አርጀንቲና እስከ ጨዋታው ማጠናቀቂያ 85ኛው ደቂቃ ድረስ 1 ለ 0 በሆነ ውጤት ስትመራ ብትቆይም፣ በአስደናቂ ብቃትና መነሳሳት ባስቆጠረቻቸው ሁለት ፈጣን ግቦች እንግሊዝን 2 ለ 1 በማሸነፍ ለዓለም ዋንጫ ፍፃሜ መድረሷን አረጋግጣለች።

በዚህም መሠረት አርጀንቲና በተከታታይ ለዓለም ዋንጫ ፍፃሜ ማለፍ የቻለች ሲሆን፣ ዋንጫውን በድጋሚ ለማንሳትና የበላይነቷን ለማስጠበቅ በታላቁ የፍፃሜ ፍልሚያ ከስፔን ብሔራዊ ቡድን ጋር የምትገናኝ ይሆናል።

ጨዋታው ከመጀመሪያው አጋማሽ ጀምሮ እጅግ ማራኪና ታክቲካዊ ጥንቃቄ የበዛበት የነበረ ቢሆንም፣ በሁለተኛው አጋማሽ የእንግሊዙ ተቀይሮ የገባ ኮከብ አንቶኒ ጎርደን ባስቆጠራት አስደናቂ ግብ 1 ለ 0 መምራት ችለው ነበር።

እንግሊዝ እስከ 85ኛው ደቂቃ ድረስ ውጤቱን አስጠብቃ በመጓዝ ወደ ፍፃሜው ለመድረስ እጅግ ተቃርባ የነበረ ቢሆንም፣ የአርጀንቲናውያን የአሸናፊነት ሥነ-ልቦና ጨዋታውን በአጭር ደቂቃዎች ውስጥ ገልብጦታል።

የቼልሲው አማካይ ኢንዞ ፈርናንዴዝ የአርጀንቲናን ተስፋ ያለመለመችውን ወሳኝ ግብ ከመረብ አሳርፏል። ለዚህች ግብ መገኘት ደግሞ ታላቁ ኮከብ ሊዮኔል ሜሲ ድንቅ የሆነ የኳስ አመቻችቶ ማቀበል (Assist) ሥራ ሰርቷል።

የአሸናፊነቷ ግብ (90+')፦ ጨዋታው ወደ ተጨማሪ ሰዓት ያመራል ተብሎ በሚጠበቅበት በአለቀ ሰዓት፣ ተቀይሮ ወደ ሜዳ የገባው የኢንተር ሚላኑ አጥቂ ላውታሮ ማርቲኔዝ እንግሊዝን ሙሉ በሙሉ ያስደነገጠችውንና ለአርጀንቲና የፍፃሜ ትኬት የቆረጠችውን ድንቅ የማሸነፊያ ግብ አስቆጥሯል።

ይህን አስገራሚና ድራማዊ ጨዋታ ተከትሎ ታዋቂ የዓለም አቀፍ ስፖርት ሚዲያዎች ዘገባዎቻቸውን አውጥተዋል፦

"አርጀንቲናዎች ፈፅሞ እጅ እንደማይሰጡ በድጋሚ አሳይተዋል። ሜሲና የቡድን አጋሮቹ በመጨረሻዎቹ አምስት ደቂቃዎች የፈጠሩት ተአምር የዓለም ዋንጫን ታላቅነት በድጋሚ ያረጋገጠ ነው፤ እንግሊዝ በሰራችው ጥቂት መዘናጋት ዋጋ ከፍላለች።"
— ESPN

"ሊዮኔል ሜሲ ግብ ባያስቆጥርም ጨዋታውን የመቆጣጠርና የመምራት ብቃቱ አሁንም ወደር የለሽ መሆኑን አስመስክሯል። ለኢንዞ ፈርናንዴዝ ያቀበላት ኳስ የአርጀንቲናን የሞተ ተስፋ ቀስቅሳለች። አርጀንቲና አሁን አይኗን በተከታታይ የዓለም ዋንጫ ክብር ላይ ጥላለች።"
- BBC Sport

"የእንግሊዝ የልብ ስብራት! አንቶኒ ጎርደን በእንግሊዝ ደጋፊዎች ዘንድ ጀግና ለመሆን ጥቂት ደቂቃዎች ብቻ ቀርተውት ነበር። ነገር ግን ላውታሮ ማርቲኔዝ በአስገራሚ አጨራረስ የእንግሊዝን ህልም አክስሟል።"
— Sky Sports*

በአትላንታው ስታዲየም የታየው ይህ አስደናቂ ፍልሚያ ለአርጀንቲና ደጋፊዎች ታላቅ ደስታን ሲያበረክት፣ ለእንግሊዞች ግን እጅግ ልብ ሰባሪ ሽንፈት ሆኖ አልፏል።

አርጀንቲና ዋንጫውን በተከታታይ ለማንሳት ከስፔን ጋር የምታደርገው የፍፃሜ ጨዋታ ሌላው በጉጉት የሚጠበቅ ታላቅ መድረክ ይሆናል።

Getu Temesgen - (ጌጡ ተመስገን)

የዓለም ዋንጫ ግማሽ ፍፃሜ፡
የእንግሊዝና አርጀንቲና እጅግ ተጠባቂ ፍልሚያ በመጀመሪያው አጋማሽ ያለ ግብ ተጠናቋል
#አትላንታ — መላው የዓለም እግር ኳስ አፍቃሪ ትኩረቱን በሰበሰበበትና በጉጉት በሚጠብቀው የዓለም ዋንጫ የግማሽ ፍፃሜ ጨዋታ፣ በእንግሊዝና አርጀንቲና ብሔራዊ ቡድኖች መካከል በአትላንታ ስታዲየም እየተደረገ የሚገኘው ታሪካዊ ፍልሚያ የመጀመሪያ አጋማሽ 0 ለ 0 በሆነ አቻ ውጤት ተጠናቋል።

ወደ ፍፃሜው ለማለፍ የሚደረገው ይህ የምድራችን ታላቅ ጨዋታ በመጀመሪያው 45 ደቂቃ እጅግ ከፍተኛ ፉክክር፣ ፍጥነትና ታክቲካዊ ጥንቃቄ የታየበት ነበር።

ሁለቱም ቡድኖች ወደ ፍፃሜው ለመድረስ ያላቸውን ጉጉት በሜዳ ላይ እንቅስቃሴያቸው ያሳዩ ቢሆንም፣ በየተጫዋቾቹ ግለሰባዊ ብቃትና በተከላካዮች ጥንካሬ ሳቢያ የተፈጠሩት ጥቂት የግብ ዕድሎች ሳይጠቀሙባቸው ቀርተዋል።

ሁለተኛው አጋማሽ፡ ወሳኙ የፍፃሜ ትኬት ቆራጭ ማነው?

የመጀመሪያው አጋማሽ ያለምንም ግብ መጠናቀቁን ተከትሎ፣ አሰልጣኞቹ በዕረፍት ሰዓት በሚያደርጉት የታክቲክ ማሻሻያ ሁለተኛውና ወሳኙ አጋማሽ ይበልጥ ማራኪና ፈጣን እንደሚሆን ይጠበቃል።

ሁለቱም ቡድኖች ታሪካዊውን የዓለም ዋንጫ የማንሳት ህልማቸውን ለማሳካትና የፍፃሜውን ትኬት ለመቁረጥ በሁለተኛው አጋማሽ የሞት ሽረት ትግል እንደሚያደርጉ ግልጽ በመሆኑ፣ ጨዋታው ይበልጥ አስደሳችና አስገራሚ ክስተቶች የሚታዩበት እንደሚሆን የእግር ኳስ ተንታኞች እየገለጹ ይገኛሉ።

የስፔን የበላይነት እና የፈረንሳይ ጉዞ ማክተም

በእርግጥም ፈረንሳይ እስከ ግማሽ ፍፃሜው ድረስ ያሳየችው አስፈሪ እና አስደናቂ ብቃት በስፔን የተደራጀ ጨዋታ ፊት ፈዝዞ አምሽቷል። ስዊድን፣ ፓራጓይ እና ሞሮኮን እየረመረመች ለዋንጫው ትልቅ ግምት ተሰጥቷት የነበረችው ፈረንሳይ፣ ወሳኙ ሰዓት ላይ ግን ያንን ወታደራዊ ግርማዋን ይዛ መቅረብ አልቻለችም።

"ፈረንሳይ ሜዳውን በሽንፈት ስትሰናበት፣ ስፔን ግን ወደ ታላቁ የክብር መድረክ ተሻግራለች።"

ወደ ዋንጫው ፍልሚያ፡ ቀጣዩ ተጋጣሚ ማን ይሆን?

አሁን የስፔን አይኖች ሁሉ ያረፉት የዓለም ዋንጫውን ለማንሳት በሚደረገው የመጨረሻው ፍልሚያ ላይ ነው። ለዚህም ተጋጣሚዋን ለመለየት የሁለቱ ታላላቅ እግር ኳስ ሀገራት ፍልሚያ ይጠበቃል፡

አርጀንቲና 🆚 እንግሊዝ

የላቲን አሜሪካው ጥበብ ወይስ የአውሮፓው ሃይል ስፔንን በፍፃሜው ይገጥማል?

ፈረንሳይ ከስፔን - የፍጻሜ ተፋላሚ ለመሆን…

አዲስ አበባ፣ ሐምሌ 7፣ 2018 (ኤፍ ኤም ሲ) በአሜሪካ፣ ካናዳ እና ሜክሲኮ አስተናጋጅነት እየተካሄደ በሚገኘው የ2026 የዓለም ዋንጫ የግማሽ ፍጻሜ ጨዋታዎች ዛሬ ምሽት መደረግ ይጀምራሉ፡፡

በዚህም መሰረት ምሽት 4 ሰዓት ላይ ፈረንሳይ ከስፔን የሚያደርጉት ጨዋታ በጉጉት ይጠበቃል፡፡ለዋንጫው ቅድመ ግምት ካገኙት ከሁለቱ ብሔራዊ ቡድኖች መካከል የአንዳቸው ጉዞ ዛሬ ምሽት የሚያበቃ ይሆናል፡፡

ፈረንሳይ በዘንድሮው የዓለም ዋንጫ እስካሁን ድረስ ከሴኔጋል፣ ኢራቅ፣ ኖርዌይ፣ ስዊድን፣ ፓራጓይ እና ሞሮኮ ጋር ተገናኝታ ሁሉንም ጨዋታዎች አሸንፋለች፡፡

በአሰልጣኝ ዲዴ ዴሻምፕ የምትመራው ፈረንሳይ እስከ ሩብ ፍጻሜ ድረስ ባደረገቻቸው ጨዋታዎች 16 ግቦችን ተጋጣሚዎቿ ላይ አስቆጥራ የተቆጠረባት ሁለት ግብ ብቻ ነው፡፡

በፈረንሳይ ብሔራዊ ቡድን በኩል ኪሊያን ምባፔ፣ የባሎንዶር አሸናፊው ኦስማን ዴምቤሌ እና ኦሊሴ አስደናቂ ጊዜ እያሳለፉ ይገኛሉ፡፡

ኪሊያን ምባፔ 8 ግቦችን በማስቆጠር የ2026ቱን የከፍተኛ ግብ አስቆጣሪዎች ደረጃን ከሊዮኔል ሜሲ ጋር በጋራ እየመራ ሲሆን÷ በተጨማሪም ሦስት ለግብ የሚሆኑ ኳሶችን አመቻችቶ አቀብሏል፡፡

ኦስማን ዴምቤሌ ደግሞ አምስት ግቦችን አስቆጥሮ ሁለት ለግብ የሚሆኑ ኳሶችን አመቻችቶ ማቀበል ችሏል፡፡

ሌላኛው የብሔራዊ ቡድኑ ወሳኝ ተጫዋች ኦሊሴ አምስት ለግብ የሚሆኑ ኳሶችን አመቻችቶ ያቀበለ ሲሆን÷ በዘንድሮ የዓለም ዋንጫ በርካታ ለግብ የሚሆኑ ኳሶችን አመቻቶ በማቀበል ቀዳሚው ተጫዋች ነው፡፡

በ2018 እና 2022 የዓለም ዋንጫ የፍጻሜ ተፋላሚ የነበረችው ፈረንሳይ ለሦስት ተከታታይ ጊዜ በዓለም ዋንጫ ውድድር የፍጻሜ ጨዋታ ላይ ለመገኘት የምታደርገው ፍልሚያ ተጠባቂ ነው

ፈረንሳይ በፈረንጆቹ 1998 እና 2018 የዓለም ዋንጫን ያሳካች ሲሆን ÷ ለሦስተኛ ጊዜ በመድረኩ ሻምፒዮን ለመሆን የምታደርገውን ጉዞ ለማጠናከር ትፋለማለች፡፡

ሌላኛዋ ለዋንጫ የተገመተችው ተጋጣሚዋ ስፔን በፈረንጆቹ 2010 በታሪኳ ለመጀመሪያ ጊዜ የዓለም ዋንጫን ማሳካቷ ይታወሳል፡፡

ስፔን በዘንድሮው የዓለም ዋንጫ እስካሁን ድረስ ከኬፕ ቨርዴ፣ ሳዑዲ ዓረቢያ፣ ኡራጓይ፣ ኦስትሪያ፣ ፖርቹጋል እና ቤልጂዬም ጋር የተገናኘች ሲሆን÷ አምስቱን አሸንፋ ከኬፕ ቨርዴ ጋር ብቻ አቻ ተለያይታለች፡፡

ስፔን እስካሁን ድረስ ባደረገቻቸው ጨዋታዎች ተጋጣሚዎቿ ላይ 11 ግቦችን አስቆጥራለች፤ የተቆጠረባት ደግሞ አንድ ግብ ብቻ ነው፡፡

ለስፔን ብሔራዊ ቡድን በዘንድሮ የዓለም ዋንጫ አራት ግቦችን ያስቆጠረው እና አንድ ለግብ የሚሆን ኳስ አመቻችቶ ያቀበለው ኦያርዛባል በጨዋታው ከሚጠበቁ ተጫዋቾች መካከል አንዱ ነው፡፡

ተቀይሮ ወደ ሜዳ በመግባት ልዩነት እየፈጠረ የሚገኘው ስፔናዊው ተጫዋች ሜሪኖ በዛሬው ጨዋታ ልዩነት ይፈጥራሉ ተብለው ከሚጠበቁ ተጫዋቾች መካከል ይጠቀሳል፡፡

ስፔን ከ2010 በኋላ በድጋሚ በመድረኩ ለመንገስ የምታደርገውን ጉዞ ለማጠናከር ወደ ሜዳ ትገባለች፡፡

የሁለቱ ብሔራዊ ቡድኖች አሸናፊ ከእንግሊዝ እና አርጀንቲና አሸናፊ ጋር ለዋንጫው ይፋለማል፡፡

በወንድማገኝ ጸጋዬ

(ዘ-ሐበሻ ስፖርት) የዓለም ዋንጫው ግለት ጣሪያ ነክቷል! ረቡዕ ዕለት በአትላንታ ስታዲየም (ቢትዮጵያ አቆጣጠር ምሽት) በሚካሄደው የዓለም ዋንጫ የግማሽ ፍጻሜ ታላቅ ፍጥጫ፣ የአምናዋ ሻምፒዮኗ አርጀንቲና ከእንግሊዝ ብሄራዊ ቡድን ጋር ስትፋጠጥ ታዋቂውን ጥቁር ሰማያዊ የሜዳ ውጪ ማልያዋን አጥልቃ ወደ ሜዳ እንደምትገባ ታውቋል። በበኩሏ እንግሊዝ ሙሉ ነጭ የሆነውን የሜዳዋን ማልያ ለብሳ ለዚህ ትልቅ ጦርነት ትቀርባለች።

አርጀንቲና በዘንድሮው ውድድር ይህንን ማልያ የተጠቀመችው በምድብ ድልድሉ ጆርዳንን 3 ለ 1 ባሸነፈችበት ጨዋታ ላይ ብቻ ነው። ይሁን እንጂ... ይህ የማልያ ምርጫ ከፊፋ የደንብ አሰራር ባሻገር ትልቅ የስነ-ልቦና እና የ"እምነት" ሚስጥር እንዳለው በአርጀንቲና ሚዲያዎች በስፋት እየተነገረ ይገኛል። ምክንያቱም ይህ ጠቆር ያለ ሰማያዊ ማልያ፣ አርጀንቲናውያን በእንግሊዝ ላይ ታሪካዊ ድል ለተቀዳጁባቸው የ1986ቱ እና የ1998ቱ የዓለም ዋንጫዎች ትልቅ ትዝታ ያለው በመሆኑ ነው!
በተለይም በ1986ቱ የሩብ ፍጻሜ ጨዋታ ዲያጎ አርማንዶ ማራዶና በታሪካዊቷ "የአምላክ እጅ" ጎል እንግሊዝን 2 ለ 1 ሲያሸንፉ፣ እንዲሁም በ1998ቱ የፈረንሳይ ዓለም ዋንጫ የጥሎ ማለፍ (Last-16) ጨዋታ በፔናሊቲ መለያ ምት የሶስቱን አናብስት ስብስብ ሲያሸንፉ ያጠለቁት ይሄንኑ ማልያ ነበር።

በተቃራኒው ግን በ2002ቱ በጃፓን በተካሄደው የዓለም ዋንጫ የምድብ ጨዋታ እንግሊዝ ቀይ ማልያ ለብሳ፣ አርጀንቲና ደግሞ ባህላዊውን ባለ መስመር ማልያዋን ለብሳ በተገናኙበት ጨዋታ እንግሊዝ 1 ለ 0 ማሸነፏ የማይዘነጋ ነው።

የዓለም አቀፉ እግር ኳስ ማህበር (ፊፋ) አሰራር እያንዳንዱ ቡድን የሜዳውን የመጀመሪያ ምርጫ ማልያ እንዲለብስ ቅድሚያ የሚሰጥ ቢሆንም፣ የማልያ ቀለም መመሳሰል ካጋጠመ ግን የለቀቀ እና የደመቀ ቀለም እንዲኖር እርምጃ ይወስዳል። ይህም በተለይ colour blindness ችግር ላለባቸው ደጋፊዎች ጨዋታውን በቀላሉ እንዲከታተሉ ታስቦ የሚደረግ ጥንቃቄ ነው።

ወደዚህ ግዙፍ የግማሽ ፍጻሜ ጦርነት ለመድረስ ሁለቱም ቡድኖች ፈታኝ መንገድ አልፈዋል። እንግሊዝ ባለፈው ቅዳሜ ኖርዌይን በጭማሪ ሰዓት 2 ለ 1 ስታሸንፍ፤ አርጀንቲና ደግሞ እሁድ ዕለት 10 ተጫዋቾች ብቻ ቀርተውባት ከነበረችው ስዊዘርላንድ ጋር ባደረገችው እጅግ አጓጊ ጨዋታ በጭማሪ ሰዓት 3 ለ 1 አሸንፋ ማለፏ ይታወቃል። አሁን የዓለም እግር ኳስ አፍቃሪዎች ዓይን በአትላንታው የረቡዕ ምሽት ፍልሚያ ላይ አርፏል!

የመጨረሻው ፊሽካ ድራማ፤
የ90 ደቂቃ ፍልሚያ፣ የፅናት እና የከዋክብት እልህ

በአለባቸው ደሳለኝ አበሻ
#ethiopia | እግር ኳስን ከቀላል ስፖርትነት አውጥቶ ወደ እውነተኛ የህይወት ድራማነት የሚቀይረው ምንድን ነው? የቴክኒክ ብቃት? የታክቲክ ስልት? ወይስ ሜዳው ላይ የሚፈሰው ጥሬ ስሜት?

ትናንት ምሽት በእንግሊዝና በኖርዌይ መካከል የተደረገው የ2026 የዓለም ዋንጫ ሩብ ፍጻሜ ጨዋታ ለዚህ ጥያቄ ፍጹም ምላሽ የሰጠ ነበር።

ጨዋታው የ90 ደቂቃ ፉክክር ብቻ አልነበረም፤ ተስፋ፣ ፅናት እና ታሪክ በአንድ አረንጓዴ ሳር ላይ የተፃፉበት ድንቅ ትዕይንት እንጂ።

የጨዋታው መጀመሪያ ፊሽካ ሲነፋ በስታዲየሙ የነበረው ድባብ የጦርነት ያህል የበረታ ነበር። ሁለቱም ቡድኖች አንድም እርምጃ ወደ ኋላ ለመመለስ ፍቃደኛ አልነበሩም። ኳሷ በፍጥነት ትመላለሳለች፣ ተጫዋቾች በሙሉ ኃይላቸው ይታገላሉ፣ ደጋፊዎችም ከወንበራቸው ተነስተው ስታዲየሙን በጩኸት ያናውጡታል።

የቫይኪንጎች አስደንጋጭ ጥቃት እና የሀላንድ ብልጭታ
የኖርዌይ ብሔራዊ ቡድን የጨዋታውን መሪነት ለመውሰድ ብዙ ጊዜ አልፈጀበትም።

በተለይ በገዛ ፍጥነቱ እና በአስፈሪ የአጨዋወት ዘይቤው የሚታወቀው ኤርሊንግ ሀላንድ፣ የእንግሊዝን ተከላካዮች ያስጨነቀበት መንገድ የሚደነቅ ነበር። ኖርዌይ በፈጣን መልሶ ማጥቃት ያገኘችውን ወርቃማ እድል ሀላንድ በልምዱ እና በአጥቂነት ጥበቡ ወደ ጎልነት ቀየረው።

ኳሷ መረቡን ስትነካ የኖርዌይ ደጋፊዎች ደስታ ምድሩን አናወጠው። ውጤቱ 1ለ0! እንግሊዝ ከባድ ጫና ውስጥ ወደቀች፤ ኖርዌይ ደግሞ አዲስ ታሪክ ልትፅፍ እንደምትችል ለዓለም አሳየች። ነገር ግን ታላላቅ ቡድኖች የሚለዩት በፈተና ጊዜ ነው። እንግሊዞች ሳይደናገጡ፣ የጨዋታውን ምት ተቆጣጥረው ከእረፍት በፊት የአቻነት ጎል በማስቆጠር ራሳቸውን ታደጉ።

የሦስቱ አንበሶች መንቃት እና የተጨማሪ ሰዓት ድራማ

ከእረፍት መልስ ግን ፍጹም የተለየች እንግሊዝን አየን። የመሃል ሜዳውን በአምባገነንነት ተቆጣጠሩት፣ በመስመሮች ላይ ፍጥነታቸውን ጨመሩ። ጨዋታው 1 ለ 1 በሆነ ውጤት ወደ ተጨማሪ ሰዓት ሲያመራ ስሜቱ ይበልጥ እየናረ ሄደ። ልብ ሰቃዩ ቅጽበት የተከሰተው ግን ከተቀያሪ ወንበር በ上がው ወጣት አጥቂ አማካኝነት ነበር። ቡካዮ ሳካ ከቀኝ መስመር በጥንቃቄ ያሻገረውን ኳስ፣ ይህ ወጣት በአስደናቂ የግንባር ምት መረቡ ላይ አሳረፈው።

ጎል! እንግሊዝ 2፣ ኖርዌይ 1!

ይህች ጎል የውጤት ቁጥርን ብቻ ሳይሆን የጨዋታውን መንፈስ ጭምር የቀየረች ነበረች።

በዚህ ሁሉ ትንቅንቅ ውስጥ የኮከብነቱን ብርሃን ያበራው ግን ጁድ ቤሊንግሃም ነበር።

በተረጋጋ አዕምሮው፣ በድንቅ የእግር ችሎታው እና ጨዋታን አስቀድሞ የማንበብ ብቃቱ የእንግሊዝን የድል ጎል በመፍጠር ረገድ ቀዳሚውን ሚና ተጫውቷል።

የመጨረሻው ፊሽካ ሲሰማ የእንግሊዝ ተጫዋቾች በደስታ ተቃቀፉ፤ የኖርዌይ ተጫዋቾች ግን በክብር ተሸነፉ።

"ንፁህ ድራማ" — ከባለሙያዎች አንደበት

ይህ አስደናቂ ፍልሚያ የዓለም ታዋቂ የስፖርት ተንታኞችንም ያስደመመ ነበር። ድምፀ-መረዋው ፒተር ድሩሪ የጨዋታውን ውበት እንዲህ ሲል ገልጾታል፦

"ኦህ… ሶስቱ አንበሶች በዚህ አስደናቂ ምሽት ድምፃቸውን አሰምተዋል። ኖርዌይ ታሪክ ልትፅፍ ተቃርባ ነበር፤ ነገር ግን እንግሊዝ ተስፋ መቁረጥን አታውቅም። ይህ እግር ኳስ ብቻ አይደለም፤ ንፁህ ድራማ ነው።"

ጠንከር ያሉ አስተያየቶችን በመስጠት የሚታወቀው ሮይ ኪን በበኩሉ ኖርዌይ ከመራች በኋላ ጨዋታውን መቆለፍ እንደነበረባት ጠቁሞ፣ *"እንግሊዝ በሁለተኛው አጋማሽ ያሳየችው የአሸናፊነት መንፈስ እጅግ የሚደነቅ ነው"* ሲል አሞካሽቷል።

ጋሪ ሌንከር ደግሞ በፈገግታ ታጅቦ፣ *"ልባችን ሊቆም ምንም አልቀረም! የእንግሊዝ ተቀያሪዎች የጨዋታውን አቅጣጫ ቀይረውታል። አሁን 'ዋንጫው ወደ ቤት ይመለስ ይሆን?' የሚለው ጥያቄ እንደገና ተነስቷል"* ብሏል።

የእምነት እና የፅናት ስንቅ

በመጨረሻም፣ ይህ ፍልሚያ ለአጠቃላዩ የስፖርት ቤተሰብ አንድ ትልቅ እውነት አስተምሯል፦ በእግር ኳስ ውስጥ የመጨረሻው ፊሽካ እስኪነፋ ድረስ ምንም ነገር አያልቅም። ፅናት፣ የቡድን መንፈስ እና እምነት ብዙ ጊዜ ከግል ችሎታ በላይ ውጤት ያመጣሉ።

እንግሊዝ አሁን ዓይኗን ወደ ግማሽ ፍጻሜው አቅንታለች፤ ደጋፊዎቿም ከ1966 በኋላ ዋንጫውን በድጋሚ የመሳም ተስፋቸው እጅግ ለምልሟል።

ኳስ ከ90 ደቂቃ ፉክክር በላይ መሆኑን የመሰከረበት ሌላኛው ውብ እሁድ አልፏል።

ታላቁ ዓለም አቀፍ የMMA ፍልሚያ ወደ አዲስ አበባ ሊመጣ ነው!
#ethiopia | ለኢትዮጵያ ስፖርት ታሪክ አዲስ ምዕራፍ የሚከፍት፣ መላውን የስፖርት አፍቃሪ በጉጉት የሚያስነቅፍ እጅግ አስደሳች መረጃ አሁን ደርሶናል! ለመጀመሪያ ጊዜ ታላቁ ዓለም አቀፉ የMMA (Mixed Martial Arts) ፍልሚያ በይፋ ወደ አዲስ አበባ መምጣቱ ተረጋግጧል።

ኢትዮ ፉይት ናይት (Ethio Fight Night)
ከዩናይትድ ኤምኤምኤ (United MMA) እና ከዮኒ ቬጋስ ጋር በመተባበር፣ በሚመጣው ነሐሴ 23 ቀን በአዲስ አበባ በሚካሄደው ታሪካዊ ፍልሚያ ላይ የሚሳተፉ የመጀመሪያዎቹን አራት ዓለም አቀፍ ድንቅ ተፋላሚዎች በይፋ አስታውቋል!

የመጡበትን ሀገር የሚወክሉ የመጀመሪያዎቹ አትሌቶች፡
ስፔንና ፖርቱጋልን ወክለው ወደ መድረኩ የሚገቡት የመጀመሪያዎቹ የተረጋገጡ ዝነኛ አትሌቶች የሚከተሉት ናቸው፡

ሚሞታሩ
ኪንግ ቢ
ሱፐር ቾክ
አኑስ
እነዚህ ብርቱ ተፋላሚዎች ለኢትዮጵያውያን ደጋፊዎቻቸው ባስተላለፉት መልእክት፤ "ጠብቁን፣ እውነተኛና ማራኪ ፍልሚያ እናሳያችኋለን!" በማለት የስሜት ሙቀቱን አሁን ወዲሁ ጨምረውታል።

ከላስ ቬጋስ እስከ አዲስ አበባ፡ ቢኒያም ሺብሬ ሊሰለፍ ነው!
የዚህ ታሪካዊ ምሽት ሌላኛው ትልቅ ድምቀት ደግሞ በላስ ቬጋስ ኔቫዳ የሚኖረውና በጉጉት የሚጠበቀው ታዋቂው ኢትዮጵያዊ ፋይተር ቢኒያም ሺብሬ በዚህ ፍልሚያ ላይ ለመሳተፍ በይፋ መፈራረሙ ነው። ቢኒያም በትውልድ ሀገሩ መድረክ ላይ ምን ዓይነት ድንቅ ብቃት እንደሚያሳይ ለማየት ሁሉም በከፍተኛ ጉጉት ላይ ይገኛል።

የዝግጅቱ ሁኔታና ቀጣይ እርምጃዎች
በገራሚ ኤቬንትስ (Gerami Events) አዘጋጅነት እጅግ ደማቅ ሆኖ የሚቀርበው የዚህ ታሪካዊ ዝግጅት ተወዳዳሪዎች፣ በነሐሴ ወር ልዩ በሆነ የቻርተር በረራ ወደ አዲስ አበባ የሚገቡ ይሆናል። በሚቀጥሉት ሳምንታትም የሌሎች ተጨማሪ ዓለም አቀፍ አትሌቶች ስም ይፋ እንደሚደረግ ይጠበቃል።

የእናንተ ግምት ምንድን ነው?
ታዲያ እነዚህን ዓለም አቀፍ ከዋክብት የሚገጥሟቸው **ኢትዮጵያውያን ተጋጣሚዎቻቸው እነማን የሚሆኑ ይመስላችኋል? የትኞቹ የሀገራችን ጀግኖች መድረኩን ይቆጣጠሩታል? የእናንተን ግምት አሁኑኑ በኮሜንት ላይ ጻፉልን!

ይህንን እውነተኛና ታሪካዊ የMMA ፍልሚያ በአዲስ አበባ በአካል ለመመልከት ምን ያህል ተዘጋጅታችኋል?

(ዘ-ሐበሻ ስፖርት) ላስ ቬጋስ፣ ቲ-ሞባይል አሬና - UFC 329 | የኦክታጎኑ (የስምንት ማዕዘኑ ቅጥር ግቢ) ደም አፋሳሽ ድራማዎች ማክተሚያ የላቸውም! መላው ዓለም በከፍተኛ ጉጉት ሲጠብቀው የነበረው የቲ-ሞባይል አሬና የታላቁ አይሪሻዊ ኮኖር ማክግሬጎር ዳግም ምላሽ (Comeback)፣ ማንም ባልገመተው እና በአሰቃቂ ሁኔታ በ69 ሰከንዶች ውስጥ በሽንፈት ተቋጭቷል። ማክግሬጎር ከዓመታት በኋላ ወደ መድረኩ የተመለሰበት ጨዋታ ማክስ ሆሎዌይን ፊት ለፊት አግኝቶት የነበረ ቢሆንም፣ የ37 ዓመቱ ተዋጊ ያጋጠመው አሰቃቂ የጉልበት ጉዳት ግን ሁሉንም ነገር ገደል ሰዶታል።

በUFC 329 ዋና መርሃ-ግብር ላይ ማክግሬጎር ጨዋታው እንደተጀመረ ገና ከመጀመሪያው ሰከንድ አንስቶ በከፍተኛ ማዕበል እና በሁለት አስፈሪ የከፍታ እግሮች ምት ተቀናቃኙን ለማውደም ሞክሮ ነበር። ሆኖም ግን ሁለቱም ሙከራዎቹ ኢላማቸውን ሳቱ፤ በተለይም የመጀመሪያውን የክብ ምት (roundhouse kick) ሲሰነዝር በነበረው ጫና ምክንያት ቀኝ ጉልበቱ ክዳኑን የለቀቀ ይመስል ክፉኛ ተጣመመ። ማክግሬጎር እዚያው ምንጣፉ ላይ ተዘረረ። ተነስቶ ለመቆም ቢሞክርም እግሮቹ ሚዛናቸውን ጠብቀው መቆም አልቻሉም፤ ሰውነቱ ሲወዛወዝ የተመለከተው አንጋፋው ዳኛ ማይክ ቤልትራን ወዲያውኑ በእጆቹ ምልክት ጨዋታው ማክተሙን አወጀ።

ይህ ሽንፈት ማክግሬጎር እ.ኤ.አ በ2021 ከደስቲን ፖይሪየር ጋር ባደረገው ፍልሚያ እግሩ ተሰብሮ ከሜዳ ከራቀ በኋላ ያደረገው የመጀመሪያው የUFC ትዕይንት ነበር። ይሁንና ይህ አዲስ ውድቀት በታሪኩ 7ኛው፣ እንዲሁም ካደረጋቸው የቅርብ አምስት ጨዋታዎች 4ኛ ሽንፈቱ ሆኖ ተመዝግቧል። ከ2016 ወዲህ ማክግሬጎር ያስመዘገበው ድል አንድ ብቻ መሆኑ፣ በታላቅነቱ ማግስት ላይ ጥቁር ጥላ ጥሏል።

በሌላ በኩል፣ የቀድሞው የፊዘርዌይት ሻምፒዮን ማክስ ሆሎዌይ፣ እ.ኤ.አ በ2013 በማክግሬጎር ደርሶበት የነበረውን ሽንፈት ለመበቀል እና የ13 ዓመታት እዳውን ለመክፈል ወደ አዲሱ የዌልተርዌይት የክብደት ክፍል አድጎ ለመጀመሪያ ጊዜ ተሰልፏል። ይህ ድል የ37 ዓመቱ የሃዋይ ተወላጅ ሆሎዌይ የቦክስ ሪከርዱን በ37 ፍልሚያዎች 28 ድሎች እንዲያደርስ ቢያስችለውም፣ የድሉ አጨራረስ ግን ያንን የቆየ የበቀል ጥሙን ያረካው አልሆነም።

ሆሎዌይ ከጨዋታው በኋላ ማይክራፎኑን ጨብጦ ስሜቱን ሲገልጽ፦ "እናንተ ሰዎች እድለኞች ናችሁ፤ ምክንያቱም አሁን ሆሎዌይ ከ ማክግሬጎር 3ኛ ዙር ጨዋታ መኖሩ አይቀሬ ሆኗል! የሆነው ሆኗል። ከUFC ኃላፊዎች ጋር እቀመጣለሁ። ለዚህ ጨዋታ የነበረው ማስታወቂያ እና ጉጉት እጅግ ግዙፍ ነበር። ስለዚህ በድጋሚ ልንገናኝ ይገባል፤ አንድ ተጨማሪ ፍልሚያ ያስፈልገናል። እኔ ለዚህ ጨዋታ ትልቅ ዝግጅት አድርጌ ነበር፤ ወደ 170 ፓውንድ ለማደግ እና ይህንን ሰው ለመግጠም ጠንክሬ ሰርቻለሁ። ነገር ግን ጨዋታው በእንዲህ አይነት ሁኔታ መጠናቀቁ በእውነት ያበሳጫል" ብሏል።

ሆሎዌይ በUFC ታሪክ ውስጥ 15 ታላላቅ ውድድሮችን በዋናነት የመራ፣ በተለይም በUFC 300 ላይ ጀስቲን ጌቺን በመጨረሻዎቹ ሰከንዶች ላይ ቁልቁል በመምታት ያስቆጠረው ፍፁም አውዳሚ የኖክአውት (KO) ድል በታዋቂው ተንታኝ ጆ ሮጋን "የክፍለ ዘመኑ ምርጥ ኖክአውት" ተብሎ የተመሰከረለት የደጋፊዎች የልብ ትርታ ነው። አሁን ግን ሆሎዌይ ወደ ፊት ምን መወሰን እንዳለበት ከባድ አጣብቂኝ ውስጥ ገብቷል፤ በዌልተርዌይት ክፍል ቆይቶ የማክግሬጎርን መመለስ መጠበቅ (ይህም ትልቅ ቁማር ነው) ወይስ ወደ ቀድሞው የላይትዌይት ክፍል ወርዶ የሻምፒዮንነት ወርቁን ለማደን ጌቺን በድጋሚ መግጠም?

ከዚህ አሰቃቂ ሽንፈት ባሻገር፣ በኮኖር ማክግሬጎር ዙሪያ ያሉ የትችት ናዳዎች በከፍተኛ ሁኔታ እየጎረፉ ይገኛሉ። በርካታ የቦክስ ሂስ አቅራቢዎች ማክግሬጎር ከቅርብ ዓመታት ወዲህ ካሳያቸው በርካታ ጥቁር ታሪኮች በኋላ አሁንም ይህንን የUFC ደማቅ መብራት እና ትኩረት ሊሰጠው ይገባል ወይ? የሚሉ ጥያቄዎችን እያነሱ ነው።

በተለይም በኖቬምበር 2024 በፍትሐ-ብሔር ክስ፣ ኒኪታ ሐንድ የተባለች ሴት ማክግሬጎርን አስገድዶ በመድፈር በከፈተችበት ክስ የካሳ ክፍያ ውሳኔ ማሸነፏ ይታወሳል። ከዚህም በተጨማሪ ማክግሬጎር በ12 ወራት ጊዜ ውስጥ ሶስት የዕፅ ምርመራዎችን ባለማድረጉ ምክንያት የተጣለበትን የ18 ወራት የዕገዳ ቅጣት ተቀብሎ፣ እገዳው ያለፈው መጋቢት ወር ላይ መጠናቀቁ አይዘነጋም።

ምንም እንኳን እነዚህ ከባድ የባህሪ እና የህግ ቀውሶች በዙሪያው ቢኖሩም፣ የUFC የበላይ ኃላፊዎች ግን የማክግሬጎር ስም አሁንም ለስፖርቱ ከፍተኛ ተመልካች እና ግዙፍ ገቢ እንደሚያስገኝ በማመናቸው እድል ሰጥተውት ነበር። የሁሉንም ሰው ቀልብ የገዛው ስሌት ማክግሬጎር ለማሸነፍ የግድ በመጀመሪያዎቹ ደቂቃዎች ፈጣን የኖክአውት ድል ማስመዝገብ እንዳለበት ነበር፤ እሱም የድል መንገዱ እዚያ ላይ ብቻ እንደሆነ አምኖ በከፍተኛ ሁኔታ ቢወረወርም፣ ጉልበቱ ግን አልታዘዝ አለውም።
አሁን ትልቁ ጥያቄ፦ የ37 ዓመቱ አይሪሻዊው ‘ኖቶሪየስ’ ኮኖር ማክግሬጎር ዳግም ወደዚህ ጨካኝ የስምንት ማዕዘን ቅጥር ግቢ ይመለሳል ወይስ የስፖርቱ ታሪክ በዚህ አሳዛኝ ምሽት ለዘላለም ተደመደመ?

በዚሁ የUFC 329 ምሽት ላይ እንግሊዛዊው ተዋጊ ፒምብሌት በ52 ሰከንዶች ውስጥ ያገኘው አስገራሚ ድል የሻምፒዮንነት ጥያቄውን ይበልጥ እንዲያጠናክር ቢያስችለውም፣ የላስ ቬጋሱ ምሽት ግን ሁልጊዜም በኮኖር ማክግሬጎር የ69 ሰከንዶች ውድቀት ታውሶ ይኖራል።

"ቶማስ ቱሄል ይህንን ጨዋታ እየተመለከተ 'ጉድ እኮ ነው! ታውቃላችሁ ግን... ስዊዘርላንዶችን ባለመግጠማችን እውነትም ደስ ብሎኛል' ብሎ ሲያስብ በዓይነ ሕሊናዬ ይታየኛል። በዚያ ምሽት ስዊዘርላንዶች የተሻለው ቡድን ነበሩ፤ ነገር ግን 'እንግሊዝ ከ አርጀንቲና' - ይሄኛው ፍጹም የላቀ እና ማራኪ መርሃ-ግብር ነው። ሁላችንም በጉጉት ልናየው የምንፈልገው እውነተኛው ፍልሚያ ይሄው ነው። ደግሞም እንግሊዝ ይህንን የአርጀንቲና ቡድን ለምን መፍራት እንዳለባት ምንም አይነት ምክንያት አይታየኝም።"
የእግር ኳስ ተንታኙ ክሪስ ሱተን

እንግሊዞች እስከዛሬ ከማረሱት የማራዶና “የፈጣሪ እጅ" ታሪካዊ ጎል እስከ የማይክል ኦዌን አስደናቂ ድንቅ ጎል። የፊታችን ረቡዕ የሚደረገው የግማሽ ፍጻሜ ጨዋታ በአርጀንቲና እና በእንግሊዝ መካከል በዓለም ዋንጫ ታሪክ 5ኛው ፍልሚያቸው ይሆናል።
የቀድሞ የዓለም ዋንጫ ግንኙነቶቻቸው ውጤት፦
* እንግሊዝ 3-1 አርጀንቲና — 1962
* እንግሊዝ 1-0 አርጀንቲና — 1966
* አርጀንቲና 2-1 እንግሊዝ — 1986
* አርጀንቲና 2-2 እንግሊዝ (በመለያ ምት አርጀንቲና 4-3 አሸነፈች) — 1998
* እንግሊዝ 1-0 አርጀንቲና — 2002

በሊዮኔል ሜሲ የመጨረሻው የዓለም ዋንጫ የክብር ማጠቃለያ እና በጁድ ቤሊንግሃም በሚመራው አስፈሪው የአዲሱ ትውልድ የእንግሊዝ ሃይል መካከል የሚደረገውን ይህንን ያበደ የዓለም ዋንጫ ክላሲክ ፍልሚያ ማን ያሸንፋል? ትውልድ እልህ እና የታሪክ ቁርሾ ያለበት እውነተኛ የእግር ኳስ ጦርነት ነው!

የ2026 የዓለም ዋንጫ ድራማዊ እና አስደናቂ ትዕይንቶች በከፍተኛ ስሜት ቀጥለዋል። የዓለም ሻምፒዮኗ አርጀንቲና፣ እስከ መጨረሻው ሰዓት ድረስ በአስደናቂ ፅናት ስትታገል የነበረችውን እና በሁለተኛው አጋማሽ በ10 ተጫዋቾች ለመጫወት የተገደደችውን ስዊዘርላንድን በከባድ ፉክክር 3ለ1 በመርታት ወደ ግማሽ ፍፃሜው ማለፏን አረጋግጣለች። ይህንን ታሪካዊ ድል ተከትሎ... አርጀንቲና በሴሚ ፋይናሉ ኖርዌይን በአስጨናቂ ሁኔታ አሸንፋ የደረሰችውን የእንግሊዝ ብሔራዊ ቡድንን የምትገጥም ይሆናል።

የጨዋታው የመጀመሪያ አጋማሽ ግን ለገለልተኛ ተመልካች ያን ያህል ማራኪና ሳቢ አልነበረም። ስዊዘርላንዶች ወደ ፊት ተጭነው በመጫወት በጥሩ የሜዳው ክፍሎች ላይ ኳሶችን በተደጋጋሚ መንጠቅ ቢችሉም፣ ወደ አርጀንቲና የግብ ክልል ሲደርሱ ግን የሚያስፈልገው ጥራት እና የማጥቃት መጨረሻ በከፍተኛ ሁኔታ ጎድሏቸው ታይቷል። ይሁንና በመጀመሪያው አጋማሽ የአርጀንቲናውን እምብርት ሊዮኔል ሜሲን ጸጥ በማሰኘት እና ከጨዋታው ውጪ በማድረግ በኩል የስዊዘርላንድ ተከላካዮች ፍጹም ድንቅ ስራ ሰርተው ነበር።

ጨዋታው ለእረፍት ሲወጣ ግን በአርጀንቲና ካምፕ ውስጥ ትልቅ ድንጋጤ ተፈጥሮ ነበር። መሪው ሊዮኔል ሜሲ ከዓይኑ ጥቂት ከፍ ብሎ በደረሰበት አስቀያሚ እና ከባድ የመቆረጥ አደጋ ምክንያት በውሃ እረፍት ሰዓቱ ላይ በሀኪሞች ከፍተኛ የሕክምና እርዳታ ሲደረግለት ተስተውሏል። አርጀንቲና ጨዋታውን ለመቆጣጠር ተጨማሪ ግቦች እንደሚያስፈልጓት በግልጽ በታየበት በዚያ ፈታኝ ወቅት፣ የሜሲ መጎዳት የቡድኑን የወደፊት እጣ ፈንታ ጥያቄ ውስጥ ጥሎት ነበር።

በሁለተኛው አጋማሽ ግን የጨዋታው መልክ ሙሉ በሙሉ ተቀየረ። የጨዋታው ትልቅ ማዕበል የተነሳው የስዊዘርላንዱ አጥቂ ብሪል እምቦሎ በቀይ ካርድ ከሜዳ መባረሩን ተከትሎ ስዊዘርላንድ በ10 ተጫዋች እንድትቀጥል ስትገደድ ነው። እምቦሎ በቡድን አጋሮቹ እየተፅናና በእንባ ታጥቦ ሜዳውን የለቀቀ ሲሆን፣ ስዊዘርላንድ ተአምር ሰርታ ብታልፍ እንኳ እሱ በግማሽ ፍጻሜው መሰለፍ እንደማይችል በማወቁ የተሰማው ከባድ ሀዘን በግልጽ ይታይ ነበር። ይህንን የቁጥር ብልጫ በአግባቡ የተጠቀሙት አርጀንቲናውያን፣ የአጥቂ መስመራቸውን በማስፋት የስዊዘርላንድን የተከላካይ ግንብ ሰብረው በመግባት ጨዋታውን 3ለ1 በሆነ አስገራሚ ውጤት ሊያጠናቅቁ ችለዋል።

ዳኛው የጨዋታውን ማጠናቀቂያ ፊሽካ ሲነፉ በመላው ስታዲየም ውስጥ ያለው የደጋፊዎች ጩኸትና ሁካታ በአንድ ጊዜ በአስደናቂ ሁኔታ ፈንድቷል! አርጀንቲና ድሉን ሙሉ በሙሉ በማረጋገጥ ጉዳዩን ቋጭታዋለች። በአንጻሩ ስዊዘርላንዶች ያላቸውን አቅም፣ ጉልበትና ጥረት ሁሉ በሜዳው ላይ አፍስሰው እስከ መጨረሻው ሰከንድ ድረስ የተዋጉ ቢሆንም በመጨረሻ ግን መሸነፋቸው አይቀሬ ሆኗል። ጨዋታው እንደተጠናቀቀ በርካታ የስዊዘርላንድ ተጫዋቾች ፍፁም በሆነ ሐዘንና ቁጭት ተሰብረው በጉልበታቸው ሜዳው ላይ ተንበርክከው ታይተዋል።

ጨዋታው ሊጠናቀቅ ጥቂት ደቂቃዎች ሲቀሩት በመላው ስታዲየም ውስጥ "ሜሲ፣ ሜሲ፣ ሜሲ" የሚለው የሺዎች ደጋፊዎች ነጎድጓዳዊ የክብር ጩኸት እና መዝሙር በአስደናቂ ሁኔታ አስተጋብቷል። አርጀንቲና አሁን ወደ ግማሽ ፍፃሜው ተሻግራለች። ይህ ድል አርጀንቲናን እና እንግሊዝን እ.ኤ.አ ከ2005 ዓ.ም በኋላ ለመጀመሪያ ጊዜ ፊት ለፊት የሚያገናኝ ታሪካዊ አጋጣሚን ፈጥሯል። የፊታችን ረቡዕ የሚጠበቀው ይህ የአርጀንቲና እና የእንግሊዝ ፍልሚያ፣ የሊዮኔል ሜሲ የመጨረሻው የዓለም ዋንጫ ክብር እና በጁድ ቤሊንግሃም የሚመራው የአዲሱ ትውልድ የእንግሊዝ ሃይል የሚጋጩበት እውነተኛ የእግር ኳስ ክላሲክ እንደሚሆን ምንም ጥርጥር የለውም።

አርጀንቲና የ10ሩን ስዊዘርላንድ በፅናት ሰብራ ድሉን ስታረጋግጥ፣ ከ2005 ወዲህ ለመጀመሪያ ጊዜ ከእንግሊዝ ጋር የሚያገናኛት ታሪካዊ ፍልሚያ ይጠብቃታል!

እንግሊዝ በቤሊንግሃም አስደናቂ ብቃት ለግማሽ ፍጻሜ አለፈች
#ethiopia |​የዓለም ዋንጫ የሩብ ፍጻሜ ጨዋታዎች በከፍተኛ ትንቅንቅ እየቀጠሉ ይገኛሉ። ዛሬ በተደረገው እጅግ አስደናቂ ጨዋታ እንግሊዝ ኖርዌይን 2 ለ 1 በሆነ ውጤት በማሸነፍ ወደ ግማሽ ፍጻሜው መሸጋገሯን አረጋግጣለች።

​ የጨዋታው Highlights

​የኖርዌይ መሪነት፡ የውድድሩ አስደናቂ ክስተት በመሆን የቀጠለችው ኖርዌይ በሽልድረፕ ግብ መሪነትን ይዛ የነበረ ቢሆንም፣ የሶስት አንበሶቹን አስፈሪ ጥቃት መቋቋም አልቻለችም። በዚህም የኖርዌይ አስደናቂ ጉዞ በሩብ ፍጻሜው ተገቷል።

​የቤሊንግሃም ድምቀት፡ 120 ደቂቃ በወሰደው በዚህ አስደናቂ ፍልሚያ የሪያል ማድሪዱ ኮከብ ጁድ ቤሊንግሃም ሁለቱንም የእንግሊዝን ግቦች በማስቆጠር የቡድኑ ባለውለታ ሆኗል።

​ለኮከብ ግብ አስቆጣሪነት የሚደረግ ፉክክር

​ቤሊንግሃም በመድረኩ በተከታታይ ሁለት ግቦችን ያስቆጠረ ሲሆን፣ በዘንድሮው የዓለም ዋንጫ ላይ ያስቆጠረውን አጠቃላይ የግብ ብዛት 6 አድርሷል። ይህም ለውድድሩ ከፍተኛ ግብ አስቆጣሪነት ክብር (ወርቃማው ጫማ) በግንባር ቀደምትነት እንዲፎካከር አድርጎታል።

​ ቀጣይ ተጋጣሚ ማነው?

​ወደ ግማሽ ፍጻሜው ያለፈችው እንግሊዝ፣ ቀጣይ ተጋጣሚዋን ለማወቅ ከአርጀንቲና እና ስዊዘርላንድ ጨዋታ አሸናፊ የሚወጣውን ቡድን የምትጠብቅ ይሆናል።

​Getu Temesgen - (ጌጡ ተመስገን)

​#worldcup2026 #judebellingham #england #norway #footballnews #getutemesgen

ከፖለቲካ ሽኩቻ የላቀው የጋራ ተቋማችንን እናክብር
****************

የአንድ ሀገር ጥንካሬ ከሚገለጽባቸው መሠረታዊ ጉዳዮች መካከል አንዱ ዜጎች በጋራ የሚግባቡባቸው እና በኩራት የሚጠሯቸው ጠንካራ ብሔራዊ ተቋማት መኖራቸው ነው።

ከእነዚህ ተቋማት መካከል ደግሞ የሀገር መከላከያ ሠራዊት ቀዳሚውን እና የክብር ማማውን ስፍራ ይይዛል።

የዓለም አቀፍ ተሞክሮዎችን ስንመለከት፣ በሠለጠኑ ዴሞክራሲያዊ ሀገራት የሠራዊት አባላትን ማክበር ከፖለቲካዊ ሽኩቻዎች የላቀ ብሔራዊ መግባባት የተገነባበት ጉዳይ ሆኖ እናገኘዋለን።

በአሜሪካ የፖለቲካ ምኅዳር ውስጥ በፓርቲዎች መካከል የጎላ ርዕዮተ ዓለማዊ ልዩነት ቢኖርም፣ ሠራዊቱን ከፖለቲካ ፉክክር ውጪ የማድረግ ብሔራዊ ስምምነት አለ።

የፖለቲካ ፓርቲዎች የመንግሥትን ፖሊሲ በሚተቹበት ወቅት እንኳ በጦር ግንባር የተሰማሩትን ወታደሮች እንደ ጀግና በመቁጠር ውዳሴ እና ክብር ያቀርባሉ።

በዩናይትድ ኪንግደም "የጦር ኃይሎች ቃል ኪዳን" (Armed Forces Covenant) የተሰኘው ብሔራዊ ሰነድ የሠራዊት አባላት ልዩ ክብር እንዲያገኙ ያደርጋል።

ካናዳ ለአርበኞች ልዩ ሚኒስቴር መሥሪያ ቤት ስታቋቁም፣ ፈረንሳይ ደግሞ ሠራዊቷን የሀገሯ የክብር እና የአጋርነት ብሔራዊ ተምሳሌት በማድረግ በትልቅ ማዕረግ ትዘክራለች።

ወደ ሀገራችን ነባራዊ ሁኔታ ስንመጣ የኢትዮጵያ መከላከያ ሠራዊት በባሕርይው እጅግ ሕዝባዊ የሆነ፣ ከሀገር አልፎ ለዓለም የሰላም ዘብ በመሆን ደሙን የገበረ የቁርጥ ቀን ልጅ ነው።

የኢትዮጵያ ወታደር በኮሪያ ልሳነ ምድር በቃኘው ሻለቃ አማካኝነት "አንድም ወታደር አልተማረከም፤ የሞተ ጓዱንም ጥሎ አልመጣም" የሚል የዓለምን አስደናቂ ሪከርድ ያስመዘገበ ጀግና ነው።

በኮንጎ፣ በሩዋንዳ፣ በቡሩንዲ፣ በላይቤሪያ፣ በአብዬ፣ በዳርፉር እና በሶማሊያ የሰላም ማስከበር ተልዕኮዎች ላይ በመሰማራት አፍሪካውያን ወንድሞቹን ከእልቂት የታደገ፣ የራሱን ሬሽን እያካፈለ የውጭ ሀገር ዜጎችን ያኖረ የሰብአዊነት ተምሳሌት ነው።

ይህ ሠራዊት በሀገር ውስጥም ቢሆን ጦር መሣሪያውን አስቀምጦ በክረምት የገበሬውን ማሳ ሲያርስ እና በመኸር ሲያጭድ፣ የተፈጥሮ አደጋ ሲያጋጥም ከነፍስ አድን ሥራ እስከ አንበጣ መንጋ ማባረር ድረስ ከሕዝቡ ጎን የቆመ ታላቅ አለኝታ ነው።

ነገር ግን አለመታደል ሆኖ፣ የሀገራችን መከላከያ ሠራዊት በፖለቲካ ኃይሎች መካከል በሚደረጉ ፍልሚያዎች ውስጥ የከፉ ምኞቶች ሰለባ ሲሆን ይስተዋላል።

አንዳንዴም የፖለቲካ ልዩነትን እና የሀገርን የፀጥታ ምሰሶ መለየት ያቃታቸው አካላት ሠራዊቱን የማንቋሸሽ አዝማሚያ ያሳያሉ።

የሀገር መከላከያ ሠራዊትን ማክበር እና ለሀገር ሕልውና የሚከፍለውን ዋጋ ማወቅ የአንድ ማኅበረሰብ የሥልጣኔ መገለጫ መሆኑን ጠቅላይ ሚኒስትር ዐቢይ አሕመድ (ዶ/ር) በተደጋጋሚ አስገንዝበዋል።

ጠቅላይ ሚኒስትሩ በቅርቡ በፓርላማ ባደረጉት ንግግር፣ ሀገርን ጠብቆ የሚያኖርን ኃይል እንደ "ገዳይ" መፈረጅ እና ተቋማዊ ክብሩን አለማወቅ የሲቪል-ወታደራዊ ግንኙነትን አለመረዳት እና ያለመሠልጠን ማሳያ መሆኑን ገልጸዋል።

መንግሥት እና ፖሊሲ አውጪዎችን በጥብቅ መተቸት የዴሞክራሲ አካል ነው። ነገር ግን ለሀገር ሕልውና አጥንቱን የሚከሰክሰውን ሠራዊት ከተቋማዊ ትችት ነፃ አድርጎ በጀግንነት መዘከር ይገባል።

በመሠረቱ ሠራዊቱ ሕዝብን የመጠበቅ ግዴታ ሲኖርበት፣ መንግሥት እና ሕዝብ ደግሞ የሠራዊቱን መሥዋዕትነት የመካስ የሞራል ግዴታ አለባቸው።

ኢትዮጵያ ባለፉት የለውጥ ዓመታት ትኩረት አድርጋ ከሠራችባቸው የሪፎርም ሥራዎች መካከል የፀጥታ ተቋማት ግንባታ ዋነኛው የሆነውም ለዚሁ ነው።

ሠራዊታችን ከፖለቲካ ልዩነቶቻችን በላይ የሆነ የጋራ የብረት አጥራችን እና የሕልውናችን ምሰሶ በመሆኑ ዘወትር ክብር እና ሞገስ ይገባዋል።

በለሚ ታደሰ
#ethiopia #ebc #endf #nationalpride #standwithourtroops

ሚኬል ሜሪኖ በድጋሚ የስፔን ጀግና ሆነ፤ ስፔን ቤልጅየምን አሸንፋ ለግማሽ ፍፃሜ አለፈች
#ethiopia | በ2026 የፊፋ ዓለም ዋንጫ ሩብ ፍፃሜ በተደረገ ከፍተኛ ፉክክር የታየበት ጨዋታ፣ ስፔን ቤልጅየምን 2 ለ 1 በማሸነፍ ወደ ውድድሩ ግማሽ ፍፃሜ መድረስ ችላለች።

በሎስ አንጀለስ በተካሄደው ጨዋታ ስፔን በ30ኛው ደቂቃ ፋቢያን ሩይዝ ባስቆጠረው ጎል መሪ መሆን ችላ ነበር። ሆኖም ቤልጅየም በ41ኛው ደቂቃ ቻርልስ ዴ ኬቴላሬ ባስቆጠረው ጎል ጨዋታውን ወደ እኩልነት መልሳለች።

ሁለቱ ቡድኖች በሁለተኛው አጋማሽ የድል ጎል ፍለጋ ጠንካራ ፍልሚያ ቢያደርጉም፣ የስፔን ተቀይሮ የገባው ሚኬል ሜሪኖ በ88ኛው ደቂቃ የድል ጎል በማስቆጠር ቡድኑን ወደ ቀጣዩ ዙር አሳልፏል።

ሜሪኖ በዚህ ዓለም ዋንጫ ከመጨረሻ ደቂቃዎች ጋር የተያያዘ የድል ታሪክ እየፃፈ ይገኛል። በፖርቱጋል ላይ በ85ኛው ደቂቃ ገብቶ በ90+1 ደቂቃ ጎል ሲያስቆጥር፣ በቤልጅየም ላይ ደግሞ በ86ኛው ደቂቃ ገብቶ ከሁለት ደቂቃ በኋላ የድል ጎል አስመዝግቧል።

ቤልጅየም እስከ መጨረሻው ደቂቃ ድረስ ለመመለስ ብትጥርም፣ የስፔንን መከላከያ መስበር አልቻለችም። በተለይም የቡድኑ ግብ ጠባቂ ቲቦ ኩርቱዋ በጉዳት ከሜዳ መውጣቱ ለቤልጅየም ተጨማሪ ፈተና ሆኗል።

በዚህም ስፔን የ2026 ዓለም ዋንጫ የግማሽ ፍፃሜ ተሳታፊ ሆናለች፤ በቀጣዩ ዙርም ከፈረንሳይ ጋር ለዋንጫው ፍፃሜ ቦታ ትፋለማለች።
#worldcup2026 #spain #belgium #football #getutemesgen #ጌጡተመስገን

ስፔን ቤልጂየምን 2 ለ 1 በሆነ ውጤት በማሸነፍ የውድድሩን ግማሽ ፍጻሜ ተቀላቅላለች። በዚህ ወሳኝ ፍልሚያ ላይ ሚኬል ሜሪኖ እውነተኛ የ"ድንቅ ተቀያሪ" ሚናን በሚገባ ተጫውቷል። ተጫዋቹ ከተጠባባቂ ወንበር ተነስቶ ወደ ሜዳ በገባ በ117ኛው ሰከንድ ውስጥ መረብን በማነቃነቅ ስፔንን አሸናፊ ያደረገችውን ወሳኝ ግብ አስቆጥሯል። ሚኬል ሜሪኖ ለሁለተኛ ተከታታይ ጨዋታ ከተጠባባቂ ወንበር ተቀይሮ በመግባት ቡድኑን መሪ ማድረግ የቻለበትን ድንቅ ብቃት አስመዝግቧል። ተቀይሮ ወደ ሜዳ ከገባ ከሁለት ደቂቃ ባነሰ ጊዜ ውስጥ ማግባት መቻሉ የጨዋታው ትልቅ መነጋገሪያ ሆኗል። በሜሪኖ ፈጣን እና ወሳኝ እንቅስቃሴ ስፔን ግማሽ ፍጻሜውን እንድትቀላቀል ትልቅ አስተዋጽኦ ያበረከተ ሲሆን፣ ተጫዋቹም በስፖርቱ ዓለም እጅግ ወሳኝ ከሚባሉ ተቀያሪ ተጫዋቾች ተርታ ስሙን ማስጠራት ችሏል።

(ዘ-ሐበሻ ስፖርት) ከሰላሳ ቀናት በፊት የዓለም ዋንጫው ሲጀመር… ከዚህ ቀደም በውድድሩ ላይ ደምቀው ከነበሩት በርካታ ኮከቦቿ የተላቀቀችው ቤልጂየም ዋንጫውን ልታነሳ ትችላለች ብሎ የገመተ ሰው አልነበረም። በተለይም በጥሎ ማለፉ ጨዋታ ከሴኔጋል ጋር ስትገናኝ እስከ ሰማንያ አምስተኛው ደቂቃ ድረስ ሁለት ለ ባዶ እየተመራች ይህንን ገደል አልፋ ትመጣለች ብሎ ማሰብ ፈጽሞ የማይቻል ነበር። ነገር ግን ቀያዮቹ ሰይጣኖች (ቤልጂየሞች) ሴኔጋልን በማሸነፍ በዓለም ዋንጫ ታሪክ ከታዩት አስገራሚ የመልሶ ማጥቃት ድሎች አንዱን ካስመዘገቡ በኋላ፣ አስተናጋጇን አሜሪካን በሜዳዋ አራት ለ አንድ በሆነ ሰፊ ውጤት በማሸነፍ በልበ ሙሉነት ወደ ሩብ ፍፃሜው ተቀላቅለዋል።

ምንም እንኳን እንደ ኤደን ሃዛርድ፣ ሙሳ ዴምቤሌ፣ ማሩዋን ፌላኒ እና ቪንሰንት ኮምፓኒ ያሉ ታላላቅ ተጫዋቾች ከቡድኑ ቢሰናበቱም፤ ቲቦ ኩርቱዋ፣ ሮሜሉ ሉካኩ፣ ኬቨን ደብሩይን እና አክሰል ዊትሰልን ያካተተው ስብስብ መካከለኛ የነበረውን የውድድር ጅማሮ ወደ ታላቅ የድል ጉዞ ቀይሮታል። ዛሬ ምሽት ለግማሽ ፍፃሜ ለማለፍ ከስፔን ጋር ለሚያደርጉት ወሳኝ ፍልሚያ ሲዘጋጁ፣ የቤልጂየም ወርቃማ ትውልድ ጊዜው አልፏል ተብሎ በቶሎ ተገምቶ ይሆን? ወይስ አሰልጣኝ ሩዲ ጋርሲያ የተጫዋቾቹን አቅም በተለየ መንገድ እየተጠቀሙበት ነው? የሚለው ጥያቄ በብዙዎች ዘንድ ይነሳል።

ቤልጂየም በሁለት ሺህ አስራ አራት በብራዚል ሩብ ፍፃሜ፣ በሁለት ሺህ አስራ ስምንት በሩሲያ ግማሽ ፍፃሜ በመድረስ በከፍተኛ ብቃት ላይ ብትገኝም፣ በኳታሩ የሁለት ሺህ ሀያ ሁለት የዓለም ዋንጫ ግን ከሞሮኮ እና ክሮኤሺያ በታች በመሆን በምድብ ድልድሉ መሰናበቷ ይታወሳል። በአራተኛ የዓለም ዋንጫው ላይ እየተሳተፈ የሚገኘው የሪያል ማድሪዱ ግብ ጠባቂ ቲቦ ኩርቱዋ ከአሜሪካው ጨዋታ በፊት በሰጠው አስተያየት፣ ይህ ለእኛ አዲስ ዘመን ነው። ከወርቃማው ዘመን የመጡ ተጫዋቾች ቢኖሩም፣ የኳታሩ የዓለም ዋንጫ ለእኛ ጥሩ አልነበረም። አሁን ግን ታላላቅ ነገሮችን ለማድረግ እና ለቤልጂየም አዲስ ታሪክ ለመጻፍ የተዘጋጁ ወጣት እና አዳዲስ ተጫዋቾችን የያዘ ሌላ ትውልድ አለን ብሏል። የኩርቱዋ ንግግር እውነትነት አለው፤ ምክንያቱም ወጣቶቹ ተጫዋቾች የቡድኑን ትልቅ ኃላፊነት ከጫንቃቸው ላይ እየተወጡ ይገኛሉ።

ከሁለት ሺህ አስራ አራት እና አስራ ስምንቱ ስብስብ ውስጥ ከተረፉት አራት ተጫዋቾች መካከል፣ የሰላሳ አራት ዓመቱ ኩርቱዋ በዚህ ውድድር ሁሉንም ደቂቃዎች ተጫውቷል። ነገር ግን ዴብሩይን፣ ሉካኩ እና ዊትሰል በቋሚነት የመሰለፍ እድላቸው ቀንሷል። የሰላሳ ሰባት ዓመቱ የመሀል ሜዳ ተጫዋች አክሰል ዊትሰል በአሜሪካው ጨዋታ መገባደጃ ላይ ለአንድ ደቂቃ ብቻ ነው የተሰለፈው። የሰላሳ ሶስት ዓመቱ ሉካኩ ሶስት ግቦችን በማስቆጠር ድንቅ ብቃት ቢያሳይም፣ አብዛኛውን ጊዜ በተቀያሪነት በመግባት ከሃምሳ በመቶ በታች የሆኑ ደቂቃዎችን ብቻ ነው የተጫወተው። በተለይም የሀያ አምስት ዓመቱ የአታላንታ አጥቂ ቻርለስ ዴኬቴላየር በሚፈጥረው ከፍተኛ ጫና የደከሙ ተከላካዮችን በመጠቀም ሉካኩ የግብ እድሎችን በሚገባ ተጠቅሟል። የሰላሳ አምስት ዓመቱ ዴብሩይን በሴኔጋሉ ጨዋታ ላይ ጉዳት ማስተናገዱ ይታወሳል። እሱ ከሜዳ ከመውጣቱ በፊት ቤልጂየም ከሶስት ጨዋታዎች አንድ ብቻ ያሸነፈች ሲሆን፣ ከዚያ በኋላ ግን በሁለት ጨዋታዎች ሰባት ግቦችን በማስቆጠር አሸንፋለች።

ይህ ማለት ግን ነባር ተጫዋቾች አስተዋጽኦ አላደረጉም ማለት አይደለም። ኩርቱዋ አሁንም ከዓለም ምርጥ ግብ ጠባቂዎች አንዱ ነው፤ የሉካኩ ግቦች ወሳኝ ነበሩ፤ ዴብሩይንም ከጉዳቱ በፊት የቡድኑ ምርጥ ተጫዋች ነበር። ነገር ግን በቡድኑ ውስጥ ያላቸው ሚና እየተቀየረ ነው። አሁን የቡድኑን አጠቃላይ የጨዋታ ጥራት ከመሸከም ይልቅ፣ በወሳኝ ጊዜያት ላይ ልዩነት በመፍጠር ላይ ትኩረት አድርገዋል። እስካሁን ባለው ሂደት አሰልጣኝ ጋርሲያ እና ቤልጂየም፣ የኮከቦቻቸውን የመዳከም የሽግግር ጊዜ ሌሎች ቡድኖች ከሚያደርጉት በተሻለ ሁኔታ እያስተዳደሩት ይገኛሉ። አሰልጣኙ የዕድሜ ጉዳይ ትኩረት ሊሰጠው እንደማይገባ ያምናሉ። በውድድሩ መጀመሪያ ላይ በሰጡት አስተያየት፣ አራቱ መሪዎቼ አዛውንት እየተባሉ ሲጠሩ አልወድም፤ ይህ አስቀያሚ እና አስከፊ ነው። አንዲት ሀገር እንዲህ አይነት ከፍተኛ ብቃት ያላቸው ተጫዋቾች በማግኘቷ እድለኛ ከሆነች፣ ሊበረታቱ ይገባል በማለት ተከላክለውላቸዋል።

ቤልጂየም አሁን ላለችበት ደረጃ.. በሁለት ሺህ አስራ አራት እና አስራ ስምንት ከፍተኛ ጫና ውስጥ ያልነበሩ፣ ነገር ግን በአውሮፓ ታላላቅ ክለቦች በመጫወት ሰፊ ልምድ ያካበቱ ተጫዋቾች ከፍተኛ አስተዋጽኦ አድርገዋል። የአርሴናሉ ሊያንድሮ ትሮሳርድ በዚህ ውድድር አስራ ሰባት የግብ እድሎችን በመፍጠር ከማንኛውም ተጫዋች የላቀ ብቃት ያሳየ ሲሆን፣ ሁለት ግቦችን በማስቆጠር እና ሁለት ኳሶችን በማመቻቸት ለቡድኑ ትልቅ አቅም ሆኗል። ዴኬቴላየር ብዙ ግብ ባያስቆጥርም፣ ሁለት ግቦችን አግብቶ አንዱን አመቻችቷል፤ እንዲሁም ለመስመር አጥቂዎች ሰፊ ቦታን ይፈጥራል። የክለብ ብሩጁ የሰላሳ ሶስት ዓመት አማካይ ሃንስ ቫናከን፣ ከቤልጂየም ውጭ ተጫውቶ ባያውቅም አንድ ግብ እና ሁለት አሲስት አስመዝግቧል። አምበሉ ዩሪ ቴሌማንስ ደግሞ በሴኔጋሉ ጨዋታ የአቻነቷን እና የማሸነፊያዋን ግብ አስቆጥሯል። ከሀያ አምስት ዓመት በታች ከሆኑ አስራ ሶስት ተጫዋቾች መካከል፣ የማንችስተር ሲቲው የመስመር አጥቂ ጀረሚ ዶኩ ከፍተኛ ብቃት ያለው ተጫዋች ተደርጎ ይወሰዳል።

ቤልጂየሞች በአስራ ስድስቱ ጥሎ ማለፍ፣ ዓለም አቀፉ የእግር ኳስ ማህበር በአሜሪካው አጥቂ ፎላሪን ባሎገን ላይ የጣለውን የአንድ ጨዋታ እገዳ ማንሳቱን ተከትሎ በተፈጠረው ውዝግብ ይበልጥ የተነሳሱ ይመስሉ ነበር። ተጫዋቾቹ ፕሬዝዳንት ትራምፕ በምርጫ ቅስቀሳቸው ላይ የሚያሳዩትን ዳንስ በሜዳ ላይ በመድገም መሳቂያ አድርገዋቸዋል። ከጨዋታው በኋላ ጋርሲያ የቡድናቸውን አንድነት ሲያወድሱ፣ ስብስቡ በጣም የበሰለ ነው፤ የሚረዱን መሪዎች አሉን ብለዋል።

የቤልጂየም መሪዎች አንዱ መለያቸው የቋንቋ ብዝሃነት መሆኑ ነው። ቤልጂየም ያላት የታሪክ ዳራ እና የአውሮፓ ህብረት ማዕከል መሆኗ፣ ቡድኑን ከተለያዩ ሀገራት ማለትም ከዲሞክራቲክ ሪፐብሊክ ኮንጎ፣ ጋና፣ ጊኒ ቢሳው፣ ሴኔጋል፣ ፈረንሳይ፣ ጣሊያን፣ ፖርቱጋል እና ስፔን ዝርያ ካላቸው ተጫዋቾች እንዲዋቀር አድርጎታል። ሉካኩ ብቻውን ስድስት ቋንቋዎችን አቀላጥፎ ይናገራል።

አንዳንድ ተጫዋቾች ከሀገሪቱ ሰሜናዊ ክፍል የመጡ እና የደች ቋንቋ ተናጋሪዎች ሲሆኑ፣ ሌሎቹ ደግሞ ከፈረንሳይኛ ተናጋሪው ክልል የመጡ ናቸው። ብዙዎቹ ሁለቱንም ቋንቋዎች ቢናገሩም፣ ሁሉም ግን አይችሉም፤ በዚህም ምክንያት ተጫዋቾቹ በጋራ ለመግባባት የእንግሊዝኛ ቋንቋን በስፋት ይጠቀማሉ። በአንትወርፕ ዩኒቨርሲቲ የቋንቋ ጥናት ከፍተኛ መምህር የሆኑት ዶክተር ጂም ዩሬል እንዳሉት፣ ይህ በጣም ስትራቴጂካዊ እርምጃ ነው። ቋንቋ በቤልጂየም ውስጥ ስሱ እና ከማንነት እንዲሁም ከፖለቲካ ጋር በጥብቅ የተቆራኘ ጉዳይ ነው። የደች ተናጋሪዎች ለፈረንሳይኛ ተናጋሪዎች ማዘንበል አይፈልጉም፣ በተቃራኒውም እንዲሁ። ስለዚህ ተጫዋቾቹ አንዱን ቢመርጡ ችግር ሊፈጥር ይችላል። በዚህ ጊዜ እንግሊዝኛ ወሳኝ መፍትሄ ይሆናል፤ በተለይም ወጣት እግር ኳስ ተጫዋቾች ይህን ቋንቋ በሚገባ ስለሚናገሩ እና አብዛኞቹም በእንግሊዝኛ ተናጋሪ ሀገራት ስለሚጫወቱ ልዩነቱን ያጠባዋል።

ቤልጂየም ስፔንን አሸንፋ ጉዞዋን ለመቀጠል ከፈለገች… ሉካኩ እና ሌሎች የቡድኑ መሪዎች በየትኛውም ቋንቋ ቢሆን ተጫዋቾቹን ይበልጥ ማነሳሳት ይጠበቅባቸዋል። ይህ የቤልጂየም ስብስብ የወርቃማው ትውልድ የመጨረሻ ሙከራ ሳይሆን፣ ልምድ ያካበቱ አንጋፋ ተጫዋቾች አዲስ አባታዊ ኃላፊነት ወስደው የነገ ተረካቢዎቻቸውን ወደ ፊት እየመሩበት ያለ አስደናቂ ጉዞ ነው።