በቅድሚያ ለረዳኝ ላገዘኝ በመንገዴ ሁሉ ከኔ ጋራ ለነበረ ክብር ለሆነኝ ለአምላኬ ከፍ ያለ ምስጋናዬ ይድረሰው!!🙏🏾🙏🏾🙏🏾

ክቡራትና ክቡራን - በድጋሚ ለማገልገል እድል ያገኛችሁ እንዲሁም አዲስ ለተሾማችሁ የካቢኔ አባላት እንኳን ደስ አላችሁ!! በጋራ በታላቅ ፍቅር በትብብርና በአብሮነት መንፈስ ለነበረን ቆይታ ከልብ እያመሠገንኩ መልካም የስራ ጊዜ እንዲሆንላችሁ እመኛለሁ!!

ላለፉት ስምንት (8) አመታት በሚኒስትርነት ወደ ትልቅ የሀገርና የህዝብ ሀላፊነት በመምጣት በታማኝነት ለማገልገል እንዲሁም የተቻለኝን ሁሉ ማበርከት እንድችል ታላቅ ዕድል በማግኘቴ ክብር ይሰማኛል ! ለዚህም መንግስትን ፓርቲዬንና መላው ህዝባችንን በታላቅ ክብር አመሠግናለሁ🙏🏾

በተለይ ክቡር ጠ/ሚ ዶ/ር ዐብይም በቀድሞ የካቢኔዎ አባል ሆኜ ለ2 ጊዜ የማገልገል ዕድል ስለሰጡኝ ለዚህም እምነት ስላሳደሩብኝ በነጻነት እንድሰራና ሀላፊነቴን እንድወጣ ስላበረታቱኝ ስለደገፉኝ ከልብ አመሠግናለሁ!! ፈጣሪ ረጅም እድሜ ጤናን ጥበብና ሞገስን ይስጥዎ🙏🏾
ለስራዬ መቃናት ድጋፍና ትብብር ስታደርጉልኝ ለነበራችሁ የምወዳችሁ ቤተሰቦቼ የስራ ሀላፊዎችና ባልደረቦቼ የአጋር አካላት እንዲሁም መላው ማህበረሰባችን አክብሮቴን ምስጋናዬንና ፍቅሬን ከልቤ ልገልጽላችሁ እወዳለሁ 🙏🏾

በቀሪ ዘመኔም ፈጣሪዬ በፈቀደልኝ ሁኔታ ሁሉ አገሬንና ህዝቤን አገለግላለሁ!!
ክብር ይስጥልኝ! አመሠግናለሁ! 🙏🏾🙏🏾🙏🏾
ዶክተር ኤርጎጌ ተስፋዬ የቀድሞ የሴቶች እና ማህበራዊ ጉዳይ ሚኒስቴር ሚንስትር

(ዘ-ሐበሻ መረጃ) Updated - በአዲሱ የጠቅላይ ሚኒስትር ዐቢይ አህመድ ካቢኔ ውስጥ ያልተካተቱ 11 የቀድሞ ሚኒስትሮች የሚከተሉት ናቸው።

1.የሥራና ክህሎት ሚኒስትሯ ወይዘሮ ሙፈሪያት ካሚል፣
2. የኢንዱስትሪ ሚኒስትሩ አቶ መላኩ አለበል
3. የትራንስፖርት እና ሎጂስቲክስ ሚኒስትሩ ዶክተር አለሙ ስሜ፣
4. የሴቶችና ማህበራዊ ጉዳይ ሚኒስትሯ ዶክተር ኤርጎጌ ተስፋዬ፣
5. የኢኖቬሽንና ቴክኖሎጂ ሚኒስትሩ ዶክተር በለጠ ሞላ
6. የመከላከያ ሚኒስትሯ ኢንጂነር አይሻ መሐመድ
7. የከተማና መሰረተ ልማት ሚኒስትሯ ወይዘሮ ጫልቱ ሳኒ
8 የማዕድን ሚኒስትሩ አቶ ሃብታሙ ተገኝ
9. የንግድና ቀጣናዊ ትስስር ሚኒስትር ዶክተር ካሳሁን ጎፌ
10. የመስኖና ቆላማ አካባቢ ሚኒስቴር ሚኒስትር ዶ/ር አብርሃም በላይ
11. የገንዘብ ሚኒስትሩ አህመድ ሽዴ

ጠቅላይ ሚኒስትር ዐቢይ አሕመድ (ዶ/ር) የካቢኔያቸውን እጩ አባላት ለምክር ቤቱ አቅርበዋል፡፡

በዚሁ መሠረት፡

1. ተመስገን ጥሩነህ - ምክትል ጠቅላይ ሚኒስትር
2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
3. አዲሱ አረጋ (ዶ/ር) - የግብርና ሚኒስትር
4. ፍጹም አሰፋ (ዶ/ር) - የገንዘብ ሚኒስትር
5. አቶ መሃመድ እድሪስ - የመከላከያ ሚኒስትር
6. ብርሃኑ ነጋ (ፕ/ር) - የትምህርት ሚኒስትር
7. ወ/ሮ ሃና አርአያሥላሴ - የፍትሕ ሚኒስትር
8. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
9. ፍስሃ ይታገሱ (ዶ/ር) - የኢንዱስትሪ ሚኒስትር
10. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
11. መቅደስ ዳባ (ዶ/ር) - የጤና ሚኒስትር
12. አቶ አወሉ አብዲ- የሥራና ክህሎት ሚኒስትር
13. ወ/ሮ አይናለም ንጉሴ - የገቢዎች ሚኒስትር
14. አቶ በረከት ፍስሃጽዮን - የብሔራዊ ስትራቴጂ ሚኒስትር
15. ሰላማዊት ካሳ- የባህልና ቱሪዝም ሚኒስትር
16. ወ/ሮ ዓለምጸሃይ ጳውሎስ - የማዕድን ሚኒስትር
17. አቶ ሳዳት ነሻ - የሎጂስቲክስ ሚኒስትር
18. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
19. አቶ ሙሳ አደም - የሰላም ሚኒስትር
20. ወ/ሮ ፍሬሕይወት ታምሩ - የኢኖቬሽንና ቴክኖሎጂ ሚኒስትር
21. መሃመድ አብዱራሃማን (ኢ/ር) - የከተማና መሰረተ ልማት ሚኒስትር
22. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
23. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው በእጩነት ቀርበዋል፡፡

@YeneTube FikerAssefa

የሚኒስትሮች ሹመት ፀደቀ።

ጠ/ሚ ዐቢይ አሕመድ (ዶ/ር) ለህ/ ተ/ም/ቤት ያቀረቧቸው ዕጩ ሚኒስትሮች በሙሉ ድምጽ ፀድቀዋል።

በዚህም መሰረት፦

1. አቶ ተመስገን ጥሩነህ - ምክትል ጠቅላይ ሚኒስትር
2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
3. አቶ አዲሱ አረጋ (ዶ/ር) - የግብርና ሚኒስትር
4. ፍጹም አሰፋ (ዶ/ር) - የገንዘብ ሚኒስትር
5. አቶ መሃመድ እድሪስ - የመከላከያ ሚኒስትር
6. ብርሃኑ ነጋ (ፕ/ር) - የትምህርት ሚኒስትር
7. ወ/ሮ ሃና አርአያሥላሴ - የፍትሕ ሚኒስትር
8. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
9. ፍስሃ ይታገሱ (ዶ/ር) - የኢንዱስትሪ ሚኒስትር
10. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
11. መቅደስ ዳባ (ዶ/ር) - የጤና ሚኒስትር
12. አቶ አወሉ አብዲ- የሥራና ክህሎት ሚኒስትር
13. ወ/ሮ አይናለም ንጉሴ - የገቢዎች ሚኒስትር
14. አቶ በረከት ፍስሃጽዮን - የብሔራዊ ስትራቴጂ ሚኒስትር
15. ወ/ሮ ሰላማዊት ካሳ- የባህልና ቱሪዝም ሚኒስትር
16. ወ/ሮ ዓለምጸሃይ ጳውሎስ - የማዕድን ሚኒስትር
17. አቶ ሳዳት ነሻ - የሎጂስቲክስ ሚኒስትር
18. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
19. አቶ ሙሳ አደም - የሰላም ሚኒስትር
20. ወ/ሮ ፍሬሕይወት ታምሩ - የኢኖቬሽንና ቴክኖሎጂ ሚኒስትር
21. መሃመድ አብዱራሃማን (ኢ/ር) - የከተማና መሰረተ ልማት ሚኒስትር
22. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
23. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው ተሹመዋል።

መስከረም 28 ቀን 2019 ዓ/ም

@tikvahethiopia

የሕዝብ ተወካዮች ም/ቤት መደበኛ ስብሰባ መካሄድ ተካሂዷል

ለሚንስትርነት ስፍራው እጩዎች በጠ/ሚ አማካኝነት አቀርበዋል

👉አቶ ተመስገን ጥሩነህ ምክትል ጠቅላይ ሚኒስትር

👉ጌዲዮን ጢሞቲዎስ (ዶ/ር) የውጭ ጉዳይ ሚኒስትር

👉ፍጹም አሰፋ (ዶ/ር) የገንዘብ ሚኒስትር

👉 ፕ/ር ብርሃኑ ነጋ በድጋሚ የትምህርት ሚኒስትር

👉 ወ/ሮ ሀና አርያስላሴ የፍትህ ሚኒስትር

👉አቶ መሀመድ እድሪስ የሀገር መከላከያ ሚኒስትር

👉 አቶ አዲሱ አረጋ የግብርና ሚኒስትር

👉 ዶ/ር መቅደስ ዳባ የጤና ሚኒስትር

👉 ፍስሃ ይታገሱ (ዶ/ር) የኢንዱስትሪ ሚኒስትር

👉 ዶክተር ኢንጂነር ሀብታሙ ኢተፋ የውሃና ኢነርጂ ሚኒስትር

👉 ወ/ሮ ያስሚን ወሀብረቢ የንግድና ቀጠናዊ ስትትር ሚኒስትር

👉 ወ/ሮ ሰላማዊት ካሳ ለባሕልና ቱሪዝም ሚኒስትር

👉 አቶ አወሉ አብዲ የስራና ክህሎት ሚኒስትር

👉 አቶ በረከት ፍስሃፅዮን የብሔራዊ ስትራቴጂ ሚኒስትር

👉 አቶ ሳዳት ነሻ የሎጅስቲክስ ሚኒስትር

👉 ወ/ሮ ሸዊት ሻንካ የሴቶችና ማህበራዊ ጉዳይ ሚኒስትር

👉 አቶ ሙሳ አደም የሰላም ሚኒስትር

👉 ፍሬህይወት ታምሩ የኢኖቬሽንና ቴክኖሎጂ ሚኒስትር

👉ወ/ሮ አይናለም ንጉሴ የገቢዎች ሚኒስትር ሆነው እንዲሾሙ በጠ/ሚ ዐቢይ አሕመድ (ዶ/ር) በዕጩነት ቀርበዋል።

#ዳጉ_ጆርናል

የዓለም ሻምፒዮኑ ጀግናው ክብሮም ንጉሴKebrom muaythia and kickboxing champion . ደማቅ የእውቅና እና የምስጋና ፕሮግራም ሊደረግለት ነው!

የሀገራችንን ሰንደቅ ዓላማ በዓለም አቀፍ መድረክ ላይ ከፍ ላደረጉ፣ የኢትዮጵያን ስም በኩራት ላስጠሩ ጀግኖች እውቅና መስጠትና ማበረታታት የሁላችንም ታሪካዊ ድርሻ ነው!
ኢትዮጵያውስጥ Ethio Fight Night አሸናፊ እንዲሁም
በታኅሣሥ ወር 2023 ዓ.ም (December 2023) በጣሊያን ሀገር በታዋቂው Fight Clubbing አዘጋጅነት በተካሄደው የዓለም የሞይታይ ሻምፒዮና (Muay Thai World Championship) ላይ በ67 ኪሎ ግራም ክብደት ሙሉ ኢትዮጵያን ወክሎ በመወዳደር፣ የዓለም ሻምፒዮን (World Champion) በመሆን የወርቅ ሜዳሊያ ያስገኘውና የሀገር ኩራት የሆነው የሳሪስ አዲሱ ሰፈር ልጅ ክብሮም ንጉሴ (The King) ታላቅ የክብር እና የምስጋና መርሃ ግብር ተዘጋጅቶለታል።

ክብሮም ንጉሴ በዓለም አቀፍ የማርሻል አርት መድረኮች (እንደ Bellator እና WPG Combat ያሉ) የብራዚልና የሌሎች ሀገራት ጠንካራ ተፎካካሪዎችን በበላይነት በመርታት የሚታወቅ፣ የሁለት ጊዜ የጣሊያን K1 ሻምፒዮን እና የኢንተርኮንቲኔንታል ሻምፒዮን በመሆን በፅናትና በደምና በላቡ የተጓዘ እውነተኛ የኢትዮጵያ አልማዝ ነው።

ይህንን ታላቅ ድል እና የሀገር ባለውለታ በደማቅ ሁኔታ ለመዘከር፣ መላው የሳሪስ ወጣቶች ከተለያዩ አጋር ድርጅቶችና ባለድርሻ አካላት ጋር በመተባበር ደማቅ የምስጋና እና የእውቅና መርሃ ግብር (Appreciation & Recognition Ceremony) አዘጋጅተዋል።

ይህ የምስጋና እና የእውቅና መርሃ ግብር ከ 500 በላይ ታዳሚዎች የሚሳተፉበት ሲሆን፣ የኢትዮፋይት (EthioFight)night )&etfc አዘጋጆች ፡ተወዳዳሪዎች እና አዘጋጆች፣ ታዋቂ የማህበራዊ ሚዲያ ተፅዕኖ ፈጣሪዎች፣ የሳሪስ ወጣቶችና የአካባቢው ማህበረሰብ እንዲሁም የክብር እንግዶችና አጋር ድርጅቶች በነቂስ የሚገኙበት ይሆናል።
የሰፈራችንን፣ የከተማችንንና የሀገራችንን ጀግና በጋራ ሆነን እንቀበለው፤ እናበረታታው! ሁላችሁም ሚዲያዎችና ስፖርት አፍቃሪዎች በዚህ ታሪካዊ ፕሮግራም ላይ እንድትታደሙ ጥሪያችንን እናስተላልፋለን።

የአፋን ኦሮሞ ድምጻዊ አርቲስት ገላና ጋሮምሳ በማህበራዊ ገጹ መልዕክት አስተላለፈ "ሀገር ጎማ አይደለችም፣ ስኮርት የላትም" ያለው አርቲስቱ "አንድ ሀገር እንጂ ሁለት ሀገር የለንም፣ አንድ ያለችን ሀገር ደግሞ ብዙ ዋጋ ተከፍሎበታል።" ብሏል። "ለወንድም እንጂ ለወራሪ ትዕግስት የለንም፣ በሀገር ሉዓላዊነት ዝም አንልም። ጎማ እንጂ ሀገር ስኮርት የላትም። በሀገር እና በአይን ቀልድ አናውቅም።" ብሏል።

“ በአርጀንቲና ላለህ ስኬት ክብር አለኝ “ ሮናልዶ

ፖርቹጋላዊው ክርስቲያኖ ሮናልዶ ለሊዮኔል ሜሲ የስንብት መልዕክት በማህበራዊ ትሰስር ገፁ አስቀምጧል።

ሮናልዶ በሊዮኔል ሜሲ ማህበራዊ ትስስር ገፅ ስር ባስቀመጠው መልዕክት “ ሊዮ ሀገርህን ለአመታት ወክለህ የማይረሳ ታሪክም ፅፈሀል " ብሏል።

አክሎም “ ከአርጀንቲና ጋር ላሳካኸው ነገር ሁሉ አክብሮት አለኝ "ሲል ሮናልዶ ፅፏል።

ሊዮኔል ሜሲ ትላንት የአርጀንቲና ብሔራዊ ቡድንን በይፋ መሰናበቱ አይዘነጋም።

@tikvahethsport      kidusyoftahe

ኢትዮጵያ ውስጥ የኤርትራ ጦር ድንበር ጥሶ ገብቷል መባሉን ተከትሎ የዜጎች የተቃውሞ ድምፅ እየተሰማ ነው
#fastmereja I ​የኤርትራ ጦር የኢትዮጵያን ድንበር ጥሶ ወደ ሀገር ውስጥ ገብቷል በሚል በተስፋፋው መረጃ እና የተከሰተውን ሁኔታ አስመልክቶ በርካታ ኢትዮጵያውያን ከፍተኛ ተቃውሞ እያሰሙ መሆናቸውን የደረሰን መረጃ ያመለክታል። በወቅታዊው ጉዳይ ላይ ስጋታቸውን የገለጹት ዜጎች፣ የሀገሪቱ ሉዓላዊነትና የግዛት አንድነት በግልጽ እንደተደፈረ በመጥቀስ ጦሩ በአስቸኳይ ከኢትዮጵያ መሬት እንዲወጣ ጥሪ እያቀረቡ ይገኛሉ።

​የተከሰተውን አሳሳቢ ሁኔታ አስመልክቶ በተለያዩ ማህበራዊ ሚዲያ መድረኮች ላይ እየተሰሙ ያሉ ድምጾች እንደሚያሳዩት፣ ዜጎች የኢትዮጵያን ሉዓላዊነት መጠበቅ የሁሉንም ዜጋ ቀዳሚ ሃላፊነት መሆኑን በማስታወስ የሚመለከታቸው የመንግስት አካላት በአፋጣኝ እጅግ ጥብቅና ግልጽ የሆነ ምላሽ እንዲሰጡበት አጥብቀው እየጠየቁ ይገኛሉ። የድንበር ጥሰቱ በሁለቱ አገሮች መካከል ያለውን አንጻራዊ ሰላም ሊያናጋው ይችላል የሚል ስጋትም በህብረተሰቡ ዘንድ ጎልቶ እየታየ ነው።

​እስካሁን ባለው ሁኔታ ጉዳዩን አስመልክቶ ከፌዴራል መንግስትም ሆነ ከሚመለከታቸው የጸጥታ አካላት በይፋ የተሰጠ አጠቃላይ መግለጫ ያለመኖር ቢታወቅም፣ በሀገር ውስጥ ያለው የህዝብ ቁጣና ስጋት እየጨመረ መምጣቱን ከወጡት መረጃዎች ለመረዳት ተችሏል።

የኢትዮጵያን የውጪ ግንኙነት ከተቀባይነት ወደ ተጽዕኖ ፈጣሪነት የሚያሻግር እና የደመኝነት እይታ ያላቸውን የሚመክር ስራ እንደሚሰራ ፕሬዝዳንት ታዬ አፅቀስላሴ ተናገሩ

መስከረም 27 ቀን 2019 ዓ.ም. (አሐዱ ሬድዮ) ፕሬዝዳንቱ ይህን የተናገሩት የኢፌዲሪ የሕዝብ ተወካዮች ምክርቤት እና የፌዴሬሽን ምክርቤት 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ ባደረጉት ንግግር ነው።

በንግግራቸውም የ2019 ዓ.ምን ዋና ዋና ትኩረቶች የዘረዘሩ ሲሆን በአንደኛነት ሰላም ለኢትዮጵያ እድገትና ግስጋሴ ያለውን ዋጋ ያጠና እና ከማንኛውም ጊዜ በላይ ህብረትን፣ ትብብርንና ኢትዮጵያን የሚያስቀድም ተግባር እንደሚከናወን አስታውቀዋል።

ጥራትን መሰረት ያደረገ ሁለንተናዊ መዋቅራዊ ሽግግርም የሚደረግ ሲሆን ትምህርት፣ ጤናና ማህበራዊ ጥበቃን ከስፋት ወደ ጥራት በማሸጋገር ዜጋን ማእከሉ ያደረገ ልማት እንደሚፋጠንም አረጋግጠዋል።

ለእድገታችን ቁልፍ ፋይዳ ባላቸው የኢንዱስትሪና የግብርና ግብአቶች እንዲሁም ዘመናዊ የመሰረተ ልማት ግንባታ አቅማችን ራሱን እንዲችል ይደረጋል ሲሉም ገልፀዋል።

የፕሮጀክትና የፕሮጀክት ፋይናንስ አፈጻጸም ዘመናዊ፣ ፈጣን፣ ቀልጣፋና ተጠያቂነት ያለው እንዲሆን መስራትም ሌላኛው የትኩረት አቅጣጫ በመሆኑ የመንግስት ገቢና ወጪን በአግባቡ የመቆጣጠር አቅም ያድጋል ብለዋል።

በፌደራል መንግስትና በክልሎች መካከል ያለው የስራ ቅንጅት እና የአፈጻጸም ኩነት የተባበረ፣ የተደጋገፈ፣ ቀልጣፋና እንከን አልባ እንዲሆን እንደሚደረግም አክለዋል።

በሌላ በኩል የኢትዮጵያን የውጭ ግንኙነት ከተቀባይነት ወደ ተጽእኖ ፈጣሪነት የሚያሻግር፣ በተለይም ወዳጆችን በማበራከት የሚተጋ፣ የደመኝነት እይታ ያላቸውን ደግሞ የሚመክር፣ ለቀጠናዊ ሰላምና ኢኮኖሚያዊ ትስስር ምንጊዜም ቅድሚያ የሚሰጥ፣ ተነሳሽነቶች ያሉትና አለም አቀፍ ተቀባይነታችንን የሚያሳድግ ይሆናል ሲሉ ተናግረዋል።

ፕሬዝዳንቱ አክለውም እነዚህን ዋና ዋና ትኩረቶች መሰረት በማድረግ በማህበራዊ፣ ኢኮኖሚያዊና የአገልግሎት ዘርፍ ከፍተኛ ምርታማነት ይመዘገብባቸዋል ተብለው ከሚጠበቁት መካከል የኤሌክትሪክ ተደራሽነት 65 በመቶ እንደሚያድግ ገልፀዋል።

የውሃ ተጠቃሚነትም በስፋት እንዲዳረስ የሚደረግ ሲሆን የጤና መድህን ሽፋን ወደ 85 በመቶ እንዲያድግ እና የደን ሽፋን ደግሞ አሁን ካለበት 26 በመቶ ከፍ እንዲል እንዲሁም የመሶብ አገልግሎት ማእከላት ቁጥር እንዲበራከቱና ከፍ እንዲሉ፣ የተማሪዎች ምገባ ሽፋንም 70 በመቶ እንዲያድግ ይደረጋል ብለዋል።

የሀገራችን የፍትህ ዘርፍ እንዲዘምንና በሀገራዊ ምክክር የቀረቡ ምክረ ሀሳቦች ወደ ተግባር እንዲገቡ እንደሚሰራ አስታውቀዋል።

የ2019 ዓ.ም የትኩረት አቅጣጫዎችንና ያለፉትን የስራ ክንዋኔዎች በሚገባ የተነተነ፣ መልካሙንና ክፍተቶችን የለየ እና የኢትዮጵያን ብሄራዊ ጥቅሞች ይበልጥ የሚያስከብርና ፈጣን እድገቷን የሚያረጋግጥ እንደሚሆን ገልፀዋል።

እነዚህን እውን ለማድረግም በተያዘው አመት አዳዲስ አሰራሮችንና አደረጃጀቶችን መከተሉ ከማንኛውም ጊዜው በላይ አስፈላጊ መሆኑን ያነሱ ሲሆን የአመቱን እቅድ ለመፈጸም የሚመደቡ አካላት የህዝብን ፍላጎት ያስቀደሙ፣ የዛሬንና የወደፊት ራእያችንን ጭምር የሚያመለከቱ እንዲሁም ዋዛ ፈዛዛ ልምምድን የሚጠየፉ እና ትጋት ያላቸው አገልጋዮች እንዲሆኑ እንደሚጠበቅ ፕሬዝዳንቱ አሳስበዋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

በማህበራዊ ሚዲያ በሚደረጉ የመኖሪያ ቤት ምግብ ሽያጮች ላይ የጤና ስጋት ጥቆማ ከደረሰ ህጋዊ እርምጃ እንደሚወሰድ ተገለጸ

መስከረም 27 ቀን 2019 ዓ.ም. (አሐዱ ሬድዮ) በአሁኑ ወቅት በተለያዩ የማህበራዊ ሚዲያ አማራጮች አማካይነት የኦንላይን የምግብ ማዘዣዎችን በመቀበል፣ በግል መኖሪያ ቤቶችና በድብቅ ቦታዎች ተዘጋጅተው የሚቀርቡ የምግብ ምርቶች ላይ የጤናና የደህንነት ስጋት መኖሩ ከተጠቆመ ባለስልጣን መስሪያ ቤቱ ህጋዊ እርምጃ እንደሚወስድ የአዲስ አበባ ምግብና መድኃኒት ቁጥጥር ባለሥልጣን ለአሐዱ አስታውቋል።

ተቋሙ የብቃት ማረጋገጫ (ሰርተፊኬት) ሰጥቶ እውቅና ከሰጣቸው ህጋዊ የምግብና የጤና ተቋማት ውጭ በኦንላይንና በመኖሪያ ቤቶች ደረጃ በድብቅ የሚሰጡ አገልግሎቶችን ተቋሙ አስቀድሞ የማወቅና የመቆጣጠር አሰራር እንደሌለው ለአሐዱ የተናገሩት የባለሥልጣኑ የኮሙኒኬሽን ዳይሬክተር ወ/ሮ ወርቅነሽ ብርቄ ናቸው

ነገር ግን በማህበራዊ ሚዲያ በሚደረጉ የቤት ለቤት የምግብ ዝግጅትና ሽያጮች ላይ በህብረተሰቡ በኩል የጥራት፣ የደህንነት ወይም የጤና ስጋት መኖሩን የሚያመላክቱ ጥቆማዎች ከደረሱ፣ ባለስልጣን መስሪያ ቤቱ ጥቆማውን መሰረት በማድረግ የተገለጹትን ቦታዎች በመፈተሽና በመቆጣጠር አስፈላጊውን ህጋዊ እርምጃ እንደሚወስድ ተናግረዋል።

ማንኛውም የምግብ ዝግጅትና ማቅረብ ስራ ላይ ለመሰማራት የሚፈልግ አካል አስቀድሞ ወደ ባለስልጣን መስሪያ ቤቱ በመቅረብ የብቃት ማረጋገጫ መስፈርቶችን ማሟላት ይኖርበታል ብለዋል።

አስፈላጊውን ደረጃ አሟልተው የብቃት ማረጋገጫ ሰርተፊኬት ሳይይዙ ምግብ ማዘጋጀትና ማሰራጨት በራሱ ህገ-ወጥነት በመሆኑ፣ በጥቆማ በሚደረጉ ፍተሻዎች ጥፋተኛ ሆነው በተገኙ አካላት ላይ ተጠያቂነት እንደሚሰፍን አሳስበዋል።

አክለውም ፤የባለስልጣኑ ባለሞያዎች መስፈርቱን አሟልተው የተመዘገቡ ህጋዊ ተቋማትን በቀጣይነት በዓመት አራት ጊዜና እንደ አስፈላጊነቱ በየጊዜው የክትትልና የቁጥጥር ስራ እንደሚያከናውኑባቸው ገልጸዋል።

ህብረተሰቡም በጤናና በምግብ ደህንነት ላይ ስጋት የሚፈጥሩ መሰል ህገ-ወጥ አሰራሮችን ሲታዘብ ጥቆማ በመስጠት መተባበር እንዳለበት ጠቁመዋል።

በወልደሐዋርያት ዘነበ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

የእናቱን ውለታ በ10 ሚሊዮን ዶላር የዘከረው ጆርዳን!
#ethiopia | ማይክል ጆርዳን የእናቱን ውለታ ለማሰብ ለሰሜን ካሮላይና ዩኒቨርሲቲ የ10 ሚሊዮን ዶላር እርዳታ አደረገ

ኮከቡ የቅርጫት ኳስ ተጫዋች ማይክል ጆርዳን ለተማረበት የሰሜን ካሮላይና ዩኒቨርሲቲ የ10 ሚሊዮን ዶላር የገንዘብ ድጋፍ አደረገ።

ጆርዳን ይህንን ድጋፍ ያደረገው እናቱ ለማህበራዊ አገልግሎት እና ቤተሰቦችን ለመደገፍ የነበረት ከፍተኛ ፍቅርና አስተዋጽኦ ለመዘከር እና ለማክበር እንደሆነ ተገልጿል።

ይህ እርዳታ በትምህርት ቤቱ ታሪክ ውስጥ ከተደረጉት የገንዘብ ድጋፎች በሙሉ ትልቁ ድጋፍ እንደሆነ ተነግሯል።

ለእናቱ መስዋዕትነት እና አሪያነት እውቅና ለመስጠትም በትምህርት ቤቱ ስር የሚገኘው ዓለም አቀፍ የምርምር ማዕከል በስሟ ተሰይሟል።

ይህ ድጋፍ በትምህርት ቤቱ የሚገኙ ተማሪዎችን እና መምህራንን ለመደገፍ ይውላል ነው የተባለው።

በተለይም በማህበራዊ አገልግሎት ዘርፍ ያለውን የሰው ኃይል እጥረት ለመቅረፍ እና ለአደጋ የተጋለጡ ህፃናትና ቤተሰቦችን ለመደገፍ ለሚደረጉ የምርምርና የተግባር ስራዎች ላይ ይውላል ተብሏል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #michaeljordan #delorisjordan #uncsocialwork #motherlylove

ጥራትን ማዕከል ያደረገው የመደመር መንግሥት

አዲስ አበባ፣ መስከረም 27፣ 2019 (ኤፍ ኤም ሲ) የሀገርን ብሩህ መጻኢ ዕድል በጽኑ መሠረት ላይ ገንብቶ ዘላቂ ብልጽግናን ማረጋገጥ የሚቻለው ሕዝብን ማዕከል ያደረገ ልማት ሲረጋገጥ ነው።

የመደመር መንግሥትም በተለያዩ ዘርፎች ሕዝብን ማዕከል ያደረጉ ሁለንተናዊ መዋቅራዊ ሽግግሮችን ሲያከናውን ቆይቷል።

ይህ መዋቅራዊ ሽግግር በተለይም በትምህርት፣ በጤና እና በማህበራዊ ዘርፎች ላይ ያጠነጠነ፤ ዜጋን የልማቱ ዋና ተጠቃሚና ባለቤት ያደረገ የፖሊሲ እና የተግባር ርምጃን የወሰደ አካሄድ ነው።

ለአብነትም የትምህርት ሀገርን ተረካቢ ትውልድ የሚቀረጽበት ዋና ማዕከል እንደመሆኑ መጠን፣ በመደመር መንግሥት ትልቅ የመዋቅር ለውጥ ከተደረገባቸው ዘርፎች አንዱ ነው።

ቀደም ሲል የነበረውን የትምህርት ቤቶችን ቁጥር የማብዛት ብቻ ትኩረት ወደ ትምህርት ጥራት፣ የምዘና ሥርዓት ጥብቅነት ብሎም የትምህርት ፍኖተ- ካርታን እስከ ማሻሻል የተጓዘ ስር ነቀል አቋምን ተከትሏል።

የሀገር አቀፍ እንዲሁም ክልላዊ ፈተናዎች ከስርቆትና ማጭበርበር እንዲጸዱ መደረጉ የትምህርት ጥራትን ለማስጠበቅ ቁልፍ ርምጃ ሆኗል።

የቅድመ-መደበኛ፤ ሀገር በቀል እውቀቶች፤ የዜግነትና ግብረ-ገብ ትምህርት መስፋፋት እንዲሁም የዲጂታል እና የቴክኖሎጂ ስልጠናዎች ትግበራ ትውልዱን ለዘመኑ ዝግጁ የሚያደርጉ ውሳኔዎች ናቸው።

የተማሪዎች ምገባ መርሐ-ግብር ተማሪዎች በትምህርታቸው ላይ ብቻ እንዲያተኩሩና የማቋረጥ ምጣኔም እንዲቀንስ ከፍተኛ አስተዋጽኦ አበርክቷል።

እነዚህ ታሪካዊ ርምጃዎች ትምህርትን በቁጥር ብቻ ሳይሆን በጥራትና በትውልድ ግንባታ ሚዛን ለመለካት የተደረጉ ታላቅ ውሳኔዎች ናቸው።

ጤናማ ዜጋ ለሀገር እድገትና ምርታማነት መሠረት እንደመሆኑ መጠን፤ በተመሳሳይ በጤናው ዘርፍ የተከናወኑ ተግባራት መሠረታዊ የጤና አገልግሎትን ሽፋንን ከማስፋት ባለፈ ጥራቱን ለማሳደግ ያለመ መዋቅራዊ ለውጥ ተካሂዶበታል።

የማህበረሰብ አቀፍ ጤና መድህን ተዳራሽነትን በማስፋት የዜጎችን የሕክምና ወጪ ጫና መቀነስ ከመቻሉም ባሻገር የላቀ የሕክምና ማዕከላት ግንባታ፣ የሆስፒታሎች ደረጃ ማሻሻያ እና የእናቶችና ሕፃናት ጤና ጥበቃን የማጠንከር ሥራዎች በስፋት ተከናውነዋል።

የመድኃኒት አቅርቦት ሥርዓትን ማዘመን እና በቴክኖሎጂ የተደገፈ የሕክምና መረጃ አያያዝን በመዘርጋት፤ ዜጎች ጥራት ያለው የጤና አገልግሎት በቅርበት እንዲያገኙ ተችሏል።

የኢኮኖሚ እድገት ትርጉም የሚኖረው በኢኮኖሚያዊ አቅም ውስንነት ተጋላጭ የሕብረተሰብ ክፍሎችን ሲደግፍ ነው።

በዜጋ ተኮር ማህበራዊ ዘርፉ የተከናወኑ ሥራዎች ክብርና ሰብአዊነትን ማዕከል ያደረጉ ናቸው።

የከተሞች የሴፍቲኔት ፕሮግራሞች፣የሴቶች፤ የአረጋውያንና የአካል ጉዳተኞችን ማህበራዊና ኢኮኖሚያዊ ተሳትፎ የሚያረጋግጡ አሰራሮችን ዘርግተዋል።

በበጎ ፈቃድ አገልግሎት የመኖሪያ ቤቶች እድሳት፣ የምገባ ማዕከላት መመስረትና የዜጎችን ኑሮ የማሻሻል ዘመቻዎች ማህበራዊ ፍትሕንና አንድነትን በማጠናከር ረገድ ጉልህ ስኬትን አስመዝግበዋል፡፡

ፕሬዚዳንት ታዬ አጽቀ ሥላሴ የኢፌዲሪ የሕዝብ ተወካዮች እና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ እዳሉት÷ "ጥራትን መሰረት ያደረገ ሁለንተናዊ መዋቅራዊ ሽግግር እንዲኖር ይደረጋል፤ ትምህርት፣ ጤና እና ማህበራዊ ጥበቃን ከስፋት ወደ ጥራት በማሸጋገር ዜጋን ማዕከሉ ያደረገ ልማት ይፋጠናል፡፡"

ይህ የሚያሳየው፤ የመደመር መንግሥት የተከተለው ብሎም በቀጣይ የሚከተለው የልማት አቅጣጫ፤ ቁጥርና ስፋትን መሠረት ያደረገውን የተለምዶ አካሄድ ወደ ጥራት፣ ውጤታማነት እና የዜጎችን ሕይወት ማሻሻልን የትኩረት ማዕከሉ ወደ አደረገው እይታ ያሻገረ ነው።

ትምህርትን፣ ጤናን እና አጠቃላይ ማህበራዊ ዘርፉን በጥራት ማደራጀትና ማጠናከር ሰብዓዊ ልማትን ተጨባጭ ከማድረጉም በላይ የሀገር የመበልጸግ ርዕይን እውን ለማድረግ መዋቅራዊ መሠረት ጥሏል።
#የመደመር_መንግሥት

በመልካም ፈቃዱ

ሰላም፣ እንደምን አደራችሁ?

በነባራዊ ሁኔዎች የተቃኙ የመደመር መንግሥት አቅጣጫዎች

አዲስ አበባ፣ መስከረም 27፣ 2019 (ኤፍ ኤም ሲ) የመደመር መንግሥት በ2019 ዓ.ም ትኩረት የሚሰጣቸውን ዋና ዋና ስትራቴጂካዊ አቅጣጫዎች በሕዝብ ተወካዮችና ፌዴሬሽን ምክር ቤቶች 7ኛ የሥራ ዘመን 1ኛ ዓመት የጋራ መደበኛ ስብሰባ መክፈቻ ላይ ይፋ አድርጓል።

አቅጣጫዎቹ ኢትዮጵያ እየተጓዘችበት ያለውን ሀገራዊ እድገት ብሎም የሀገር ውስጥ፣ ቀጣናዊ እና ዓለም አቀፋዊ ሁኔታዎች ከግምት ውስጥ ያስገቡ ናቸው፡፡

እነዚህ አቅጣጫዎች ሀገራዊ አንድነትን ከመገንባት ጀምሮ፣ ኢኮኖሚያዊ እድገትና ብልጽግናን ማረጋገጥ፣ የአገልግሎት ዘርፉን ማዘመን እና የዲፕሎማሲ ተጽዕኖን ማሳደግ የሚያስችሉ አጠቃላይ የፖሊሲ ግቦችን ያካተቱ ናቸው።

ሰላም ለሀገር ሕልውና፣ ለልማት እና ለዜጎች ሁለንተናዊ እድገት መሰረት መሆኑን በጥልቀት በመገንዘብ፣ በ2019 ዓ.ም ከመቼውም ጊዜ በላይ ለዘላቂ ሰላም መረጋገጥ ትልቅ ትኩረት ይሰጣል።

በዚህም የሀገርን ዘላቂ ጥቅም የሚያስቀድም፣ የዜጎችን አንድነት የሚያጠናክር እና ከልዩነቶች ይልቅ የጋራ እሴቶችን የሚያጎላ አሰራር ይተገበራል። ይህም በማንኛውም መስክ የሚከናወኑ ተግባራት በሙሉ ሀገራዊ ሕልውናን እና ልማትን ማዕከል ያደረጉ ይሆናሉ።

ሀገራዊ ኢኮኖሚው እና ማህበራዊ የአሰራር እይታው ከብዛት ወይም ከቁጥር ባሻገር በጥራት ላይ የተመሰረተ ሽግግር እንዲያደርግ ይደረጋል።

በየዘርፉ የሚከናወኑ ተግባራት ዘላቂነትን፣ ምርታማነትን እና ዓለም አቀፍ ተወዳዳሪነትን ማዕከል በማድረግ ኢኮኖሚና ማህበራዊ ዘርፎች እርስ በርስ እየተደጋገፉ የሚራመዱበት አጠቃላይ ሀገራዊ ሽግግር እውን ይሆናል።

ባለፉት ዓመታት በትምህርት፣ በጤና እና በማህበራዊ ጥበቃ ዘርፎች የተመዘገቡትን የተደራሽነት ወይም የስፋት ስኬቶች ወደ ላቀ ጥራት የማሸጋገር ትኩረት ቀጣይ ተልዕኮ ነው።

ሀገራዊ የኢኮኖሚ እድገትን አስተማማኝ እና ዘላቂ ይሆን ዘንድ መሰረታዊ ግብዓቶች ማለትም ለኢንዱስትሪና ለግብርና ዘርፍ የሚሆኑ ምርቶችን በሀገር ውስጥ የማምረት አቅም ይጎልብታል።

ታላላቅ ፕሮጀክቶችን የትራንስፖርት፣ የኃይል እና የዲጂታል መሰረተ ልማቶችን መገንባት፣ ማስፋፋት እና ማዘመን በራስ አቅም ይከናወናል።

በዚህም ቀደም ብለው በስኬት እንደተጠናቀቁት እንደ ታላቁ የኢትዮጵያ ሕዳሴ ግድብ ያሉ ትላልቅ የልማት ፕሮጀክቶች በተያዘላቸው ጊዜ እና በጀት እንዲጠናቀቁ ይደረጋል።

የፋይናንስ አጠቃቀምን እና የፕሮጀክት አፈጻጸምን በዘመናዊ አሰራር የታገዘ፣ ግልጽነት እና ተጠያቂነት የሰፈነበት ማድረግ ዋነኛ የትኩረት አቅጣጫ ነው።

ሀገራዊ ዕዳን በሥርዓት እና በኃላፊነት ማስተዳደር፣ የመንግሥትን ወጪና ገቢ በጥብቅ ዲሲፕሊን መቆጣጠር እና የሀገር ውስጥ ገቢን ማሳደግና የሕዝብ አገልግሎትን ቀላልና ቀልጣፋ ማድረግ የዚህ ዓመት ሌላኛው አንኳር አጀንዳ ነው።

ከዓለም አቀፍ አጋሮች ጋር ያለውን ግንኙነት ማጠናከር እና አዳዲስ ወዳጆችን ማፍራት፣ ለአፍሪካ ቀንድ እና ለቀጣናው ሰላም፣ ፈጣን የኢኮኖሚ ትስስር እና የጋራ እድገት ግንባር ቀደም በመሆን የኢትዮጵያ የውጭ ግንኙነት እና ዲፕሎማሲያዊ ምሕዳርም ከተራ ተቀባይነት ወደ ተጽዕኖ ፈጣሪነት የሚሸጋገርበት መንገድ ም በቀጣይ የሚተገበር ነው፡፡

የ2019 ዓ.ም የመደመር መንግሥት የትኩረት አቅጣጫ፣ ኢትዮጵያን በጠንካራ ኢኮኖሚያዊ፣ ማህበራዊ እና ዲፕሎማሲያዊ መሰረት ላይ ለማቆም ያለመና ሕዝባዊ ተሳትፎን ማዕከል ያደረገ አጠቃላይ ሀገራዊ የልማት ጥሪ ነው።
#የመደመር_መንግሥት

በ 2019 በጀት ዓመት የኢትዮጵያን ኤሌክትሪክ ተደራሽነትን 65 በመቶ የጤና መድህን ሽፋንን ደግሞ 85 በመቶ ለማድረስ መታቀዱ ተገለጸ

የሕዝብ ተወካዮችና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ ላይ ንግግር ያደረጉት ፕሬዝዳንት ታዬ አጽቀስላሴ በ 2019 በጀት ዓመት በማህበራዊ እና ኢኮኖሚያዊ ዘርፎች የዜጎችን ተጠቃሚነት የሚያረጋግጡ አበይት ተግባራ እንደሚከናወኑ አስታውቀዋል።

በዚህም መሰረት የሀገሪቱን የኃይል ተደራሽነት 65 በመቶ ለማድረስ ታቅዷል ብለዋል።

በሌላ በኩል የማህበረሰብ አቀፍ የጤና መድህን ሽፋንን ወደ 85 በመቶ ከፍ ለማድረግ ፣ በትምህርት ቤት የተማሪዎች የምገባ ሽፋንን ወደ 70 በመቶ ለማሳደግ እንዲሁም የአካባቢ ጥበቃና የደን ሽፋንን አሁን ካለበት 26 በመቶ በላይ ከፍ ለማድረቅ መታቀዱን ገልጸዋል።

በበጀት ዓመቱ የንጹህ ውሃ አቅርቦት ተጠቃሚነትን በስፋት ማዳረስ እንዲሁም የመሶብ አገልግሎት ማዕከላት ቁጥርና አቅም በከፍተኛ ደረጃ እንዲበራከቱ ማድረግ ሌላው የመንግስት አቅጣጫ መሆኑን ጠቁመዋል።

ይህንን ዕቅድ እውን ለማድረግ መንግስት አዳዲስ አሰራሮችና አደረጃጀቶች እንደሚከተል የጠቆሙት ፕሬዝዳንቱ የዓመቱን ዕቅድ የሚያስፈጽሙ አካላት ዋዛ ፈዛዛ ልምምዶችን በመተው በትጋትና በህዝብ አገልጋይነት ስሜት መስራት እንዳለባቸው አሳስበዋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

መንግስት በ2019 በጀት ዓመት ትኩረት የሚያደርግባቸውን 8 አበይት ጉዳዮች ይፋ አደረገ

ፕሬዝዳንት ታዬ አጽቀስላሴ መንግስት በ2019 በጀት ዓመት ልዩ ትኩረት ሰጥቶ የሚንቀሳቀስባቸውን ስምንት ዋና ዋና ጉዳዮች  ይፋ አደረጉ።

የሕዝብ ተወካዮችና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ ላይ ንግግር ያደረጉት ፕሬዝዳንቱ መንግስት በበጀት ዓመቱ በዋናነት ሰላም ለሀገር እድገትና ግስጋሴ ያለውን ከፍተኛ ዋጋ በማጤን ህብረትን ፣ ትብብርን እና ኢትዮጵያን የሚያስቀድም ተግባር ያከናውናል ብለዋል።

በተጨማሪም ጥራትን መሰረት ያደረገ ሁለንተናዊ መዋቅራዊ ሽግግር ለማምጣት ትኩረት ተሰጥቶ እንደሚሰራ አስታውቀዋል።
 
በማህበራዊ ዘርፍ የትምህርት ፣ የጤና እና የማህበራዊ ጥበቃ ስራዎችን ከስፋት ወደ ጥራት በማሸጋገር ዜጋን ማዕከል ያደረገ ልማት ትኩረት እንደሚሰጥበት የገለጹት ፕሬዝዳንቱ ለእድገት ቁልፍ ፋይዳ ባላቸው የኢንዱስትሪና የግብርና ግብዓቶች እንዲሁም በዘመናዊ የመሰረተ ልማት ግንባታ ሀገራዊ አቅም ራሱን እንዲችል ለማድረግ እንደሚሰራ ተናግረዋል። 

በኢኮኖሚና ፋይናንስ ዘርፍ ደግሞ የፕሮጀክትና የፕሮጀክት ፋይናንስ አፈፃፀም ዘመናዊ ፣ ቀልጣፋ እና ተጠያቂነት ያለው እንዲሆን ይደረጋል ብለዋል።

የታክስ መሰረትን በማዘመን ዕዳን ወግ ባለው መልኩ ማስተዳደር እና የመንግስት ገቢና ወጪን በአግባቡ የመቆጣጠር አቅም እንዲያድግ ልዩ ትኩረት ይሰጣል ብለዋል። 

በአስተዳደር እና የውጭ ግንኙነት መስክም በፌዴራል መንግስት እና በክልሎች መካከል ያለው የስራ ቅንጅት እና የአፈጻጸም ክትትል እንከን አልባ እንዲሆን እንደሚሰራ ፕሬዝዳንቱ ገልጸዋል።

አክለውም የኢትዮጵያን የውጭ ግንኙነት ከተቀባይነት ወደ ተፅዕኖ ፈጣሪነት በማሸጋገር በተለይም ወዳጆችን በማብዛት እና ለቀጠናዊ ሰላምና ኢኮኖሚያዊ ትስስር ቅድሚያ የሚሰጡ ተነሳሽነቶችን በማጎልበት አለም አቀፍ ተቀባይነትን ለማሳደግ እንደሚሰራ ገልጸዋል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

(ዘ-ሐበሻ ዜና) የኢፌዴሪ ፕሬዚዳንት ታዬ አጽቀስላሴ መንግስት በ2019 በጀት ዓመት ትኩረት አድርጎ የሚሰራባቸውን ዋና ዋና አቅጣጫዎች እና ሀገራዊ ግቦችን ይፋ አድርገዋል።

ፕሬዚዳንቱ በንግግራቸው እንዳብራሩት .. ዘንድሮ ሰላምን፣ ህብረትን እና የሀገርን አንድነት ማስቀደም ቀዳሚ ትኩረት ይሆናል። ከዚህም ጋር ተያይዞ በፌደራል መንግስት እና በክልሎች መካከል ያለውን የስራ ቅንጅት እንከን አልባ ማድረግ፣ እንዲሁም በሀገራዊ ምክክሩ የቀረቡ የምክረ-ሃሳቦችን ወደ ተግባር መቀየር ዋነኛ ተግባራት መሆናቸውን አስታውቀዋል። የሀገሪቱን የውጭ ግንኙነት ከተቀባይነት ወደ ተጽዕኖ ፈጣሪነት ለማሸጋገር፣ ወዳጆችን ለማብዛት እና ቀጠናዊ ሰላምን ለማረጋገጥ እንደሚሰራም ጠቁመዋል።

በኢኮኖሚው ዘርፍ መንግስት በያዝነው በጀት ዓመት የ10.1 በመቶ እድገት ለማስመዝገብ በትጋት እንደሚሰራ ፕሬዚዳንቱ ገልጸዋል። ከዚህም በተጨማሪ የዋጋ ግሽበትን ወደ ነጠላ አሃዝ ዝቅ ማድረግ፣ የታክስ ገቢን ከጠቅላላ የሀገር ውስጥ ምርት (GDP) አንጻር ወደ 9.62 በመቶ ማሳደግ፣ የፕሮጀክቶች አፈጻጸምን ማዘመን፣ እንዲሁም አስተማማኝ የባህር በርን በሰላማዊ መንገድ እና በጋራ ጥቅም መርህ ማረጋገጥ ቁልፍ የኢኮኖሚ ግቦች መሆናቸው ተገልጿል።

በማህበራዊ እና መሰረተ ልማት ዘርፎችም ሰፊ ስራዎች የታቀዱ ሲሆን፤ የኤሌክትሪክ ተደራሽነትን 65 በመቶ፣ የጤና መድህን ሽፋንን 85 በመቶ፣ እንዲሁም የተማሪዎች ምገባ ሽፋንን 70 በመቶ ለማድረስ ግብ ተቀምጧል። የውሃ ተጠቃሚነትን በስፋት ማዳረስ፣ የደን ሽፋንን አሁን ካለበት 26 በመቶ ከፍ ማድረግ እና የፍትህ ዘርፉን ይበልጥ ማዘመን ሌሎች የትኩረት አቅጣጫዎች ናቸው።

በመጨረሻም በዓለም አቀፍ መድረክ ኢትዮጵያ ኃላፊነት የተቀበለችበትን 32ኛውን የአየር ንብረት ለውጥ ጉባኤ (COP 32) በስኬት ለማዘጋጀት ትኩረት ተሰጥቶ የሚሰራ ሲሆን፣ በበጀት ዓመቱም ከ1.6 ሚሊዮን በላይ የውጭ ጎብኚዎችን ወደ ሀገር ውስጥ ለመሳብ ሁለገብ ጥረት ይደረጋል ብለዋል።

ታዬ እነዚህን ብለዋል፡ -

* የሀገራችን የኤሌክትሪክ ተደራሽነት 65 በመቶ የሚያድግ ይሆናል።
* የውሃ ተጠቃሚነት በስፋት እንዲዳረስ ይደረጋል።
* የጤና መድህን ሽፋን ወደ 85 በመቶ እንዲያድግ ይደረጋል።
* የደን ሽፋን አሁን ካለበት 26 በመቶ ከፍ እንዲል ይደረጋል።
* የመሶብ አገልግሎት ማዕከላት ቁጥር እንዲበራከቱና ከፍ እንዲሉ ይደረጋል።
* የተማሪዎች ምገባ ሽፋን 70 በመቶ እንዲያድግ ይደረጋል።
* የሀገራችን የፍትህ ዘርፍ የበለጠ እንዲዘምን ይደረጋል።
* በሀገራዊ ምክክር የቀረቡ የምክረ ሃሳቦች ወደ ተግባራ እንዲገቡ ይደረጋል።
* አሰማማኝ የባህር መሻታችን በጋራ ጥቅም፣ ሰጥቶ በመቀበል እና በሰላማዊ መንገድ እውን እንዲሆን ጥረት ይደረጋል።
* አጠቃላይ የታክስ ገቢ ከጠቅላላ የሀገር ውስጥ ምርት አንጻር ወደ 9.62 በመቶ ከፍ እንዲል ይደረጋል።
* የዋጋ ግሽበት ወደ ነጠላ አሃዝ እንዲወርድ ይደረጋል።
* አጠቃላይ የታክስ ገቢም ከፍ እንዲል ይደረጋል።
* በዓለም መድረክ ኢትዮጵያ ኃላፊነት የተቀበለችው 32ኛው የአየር ንብረት ለውጥ ጉባኤ (ኮፕ 32) ዝግጅት ሀገራችን ለጉዳዩ ያላትን ከፍ ያለ የሃሳብ እና የተግባር ተርታ በዓለም ፊት የምታሳይበት በመሆኑ፣ በቁም ነገሩ ወይም በሰብስቴንሲቭ ጉዳዮች እና በመሰናዶ ዝግጅት የተሟላለት እና ተጠቃሽ ጉባኤ እንዲሆን ይሰራል።
* በተጨማሪም ከ1.6 ሚሊዮን በላይ ሰዎች ኢትዮጵያን እንዲጎበኙ ሁለገብ ጥረት ይደረጋል።
* እነዚህንም በማሳካት የኢኮኖሚ እድገታችን 10.1 በመቶ እንዲሆን በትጋት የሚሰራ ይሆናል።

(ዘ-ሐበሻ መዝናኛ ዜና) ታዋቂው አሜሪካዊ አርቲስት ክሪስ ብራውን አሁን ካለችው ፍቅረኛው ጃዳ ዋላስ ጋር አዲስ ልጅ ከማግኘቱ ጥቂት ቀናት አስቀድሞ፣ በልጅ ሞግዚትነት ጥያቄ የፍርድ ቤት ክስ እንደቀረበበት ተዘገበ።

እንደ ቲኤምዚ የዜና ዘገባ፣ የክሪስ ብራውን የቀድሞ ፍቅረኛ ዳይመንድ ብራውን የተወለደችውን የ4 ዓመቷን ልጃቸውን በተመለከተ በሚያዝያ 3 ሙሉ የህጋዊ እና አካላዊ ሞግዚትነት መብት እንድታገኝ ክስ መስርታለች። በክሱ ላይ ክሪስ ብራውን ልጁን የመጠየቅ መብት ሊሰጠው እንደሚችል የገለፀች ሲሆን የፍርድ ቤቱን ወጪ ግን ሙሉ በሙሉ እሱ እንዲሸፍን ጠይቃለች።

ይህ የህግ ሂደት ከመጀመሩ ጥቂት ሳምንታት በፊት በማህበራዊ ሚዲያ ላይ በዳይመንድ እና በአዲሷ የክሪስ ፍቅረኛ ጃዳ መካከል የቃላት ምልልስ ተፈጥሮ ነበር። ጃዳ፣ ዳይመንድ ክሪስን ልጁን እንዳያይ እየከለከለች ነው በማለት ስትወቅስ፤ ዳይመንድ ግን ይህንን አስተባብላ ክሪስ በአንድ ወቅት ባሳየው ፀባይ ምክንያት ከአንዴ ውጪ ልጁን እንዳያይ ከልክላ እንደማታውቅ ተናግራለች።

መምህራኖቿችሁን አመስግናችሁ ታውቃላችሁ ወይ?
#ethiopia | መስከረም 25 በዓለም አቀፍ ደረጃ "የመምህራን ቀን" ተብሎ ሲከበር፣ የትምህርት አባቶችንና እናቶችን ድካም፣ መስዋዕትነት እና የማይተካ ማህበራዊ ሚና ለማሰብና ለማስከበር ነው።

እ.ኤ.አ. በ1994 በዩኔስኮ ይፋ የተደረገው ይህ ታላቅ ዕለት፣ በየዓመቱ የመምህራንን ድምፅ ለማሰማትና ለትውልድ ግንባታ የሚያደርጉትን ያልተቋረጠ አስተዋጽዖ ለዓለም ለማስታወስ ያገለግላል።

መምህራን የማህበረሰብ መሰረትና የዕውቀት ብርሃን መሪዎች እንደመሆናቸው መጠን፣ አዲስ ትውልድን በስነ-ምግባር፣ በእውቀት እና በክህሎት ኮትኩቶ በማሳደግ ረገድ ቀዳሚውን ስፍራ ይይዛሉ።

በየትኛውም የሙያ መስክ የተሰማሩ ሀገር ተረካቢ ባለሙያዎች፣ከህክምና እስከ ኢንጂነሪንግ፣ ከአመራር እስከ ፈጠራ ባለቤቶች፣ሁሉም ያለፉበት የህይወት መንገድ የመምህር እጅና እይታ ያለበት በመሆኑ መምህር ማለት የነገዋን ዓለም ዛሬ በክፍል ውስጥ የሚቀርጽ ትልቅ ባለሙያ ነው።

ይሁን እንጂ ይህ ዓለም አቀፍ ቀን የምስጋናና የክብር መግለጫ ብቻ ሳይሆን የመምህራንን ነባራዊ ሁኔታና የሚጋፈጧቸውን ፈተናዎች በጥልቀት የምንፈትሽበትም አጋጣሚ ነው።

በአሁኑ ወቅት መምህራን ከስራቸው ክብደትና መስዋዕትነት ጋር ያልተመጣጠነ አነስተኛ ክፍያና የማህበራዊ ዋስትና እጥረት ይፈታተናቸዋል።

በተለይም በታዳጊ ሀገራት በቂ የመማሪያ ቁሳቁስና ምቹ የሥራ አካባቢ አለመኖር፣ እንዲሁም ከዘመናዊው የመረጃ ዘመን ጋር በፍጥነት ለመራመድ የሚያስችል ቀጣይነት ያለው ስልጠና እና የዲጂታል መሳሪያዎች እጥረት የሙያውን ጉዞ አዳጋች አድርጎታል።

ስለሆነም ቀኑን ማከበር በአንድ ቀን ስነ-ስርዓት ወይም መግለጫ ብቻ የሚገደብ ሳይሆን የመምህራንን ክብር በተግባር ለማደስ፣ የኑሮ ደረጃቸውን ለማሻሻል፣ ምቹ ሁኔታዎችን ለመፍጠር እና ቀጣዩ ትውልድ ወደ ሙያው በስፋት እንዲቀላቀል ማራኪ ሁኔታዎችን ለማመቻቸት የሚያስችል ሁለንተናዊ ንቅናቄን ይጠይቃል።

መምህርነት ተራ የሥራ ዘርፍ ሳይሆን የህይወት ጥሪና ተልዕኮ በመሆኑ፣ መስከረም 25 የህይወታችንን መንገድ ላበሩልን፣ እውቀታቸውን ለለገሱልን ለነዚህ የብርሃን ባለቤቶች ሁላችንም ከልብ የምናመሰግንበትና ከጎናቸው የምንቆምበት ታሪካዊ ዕለት ነው።

መምህሮቿቹሁን ዛሬ አመስግኗቸው...

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

(ዘ-ሐበሻ ዜና) ‹‹ክርስቲያኖ ሮናልዶን ይቅርታ አልጠይቀውም›› ሲሉ የፖርቹጋሉ አሰልጣኝ ተናገሩ፡፡ የፖርቹጋሉ አሰልጣኝ ጆርጅ ጀሱስ ከክርስቲያኖ ሮናልዶ ጋር የተፈጠረውን ውዝግብ ተከትሎ ከጋዜጠኞች ለቀረበላቸው ጥያቄ ‹‹ማንምም ይቅርታ አልጠይቅም›› ብለዋል፡፡ የአምስት ጊዜ የባሎን ዶር አሸናፊ ሮናልዶ አሁን እየተካሄደ ባለው አለም አቀፍ ውድድር በአሰልጣኙ ተመርጦ የነበረ ቢሆንም ውድድሩን ሳያጠናቅቅ የፖርቹጋልን ካምፕ ለቆ በግል አውሮፕላኑ መጓዙ ይታወቃል፡፡ ከዚያም በማህበራዊ ሚዲያው ላይ ለምን ለቆ እንደሄደ ከፖርቹጋል እግር ኳስ ፌዴሬሽን ጋር ከተነጋገረ በኋላ ‹‹ሚስጥሩን›› ይፋ እንደሚያደርግ ገልፆ ነበር፡፡

ነገር ግን የ41 አመቱ ተጨዋች ፖርቹጋል ከኖርዌይ ጋር ባደረገችው ግጥሚያ ወቅት ከ18 አመታት በኋላ ለመጀመሪያ ጊዜ የተቀያሪዎች ወንበር ላይ ማሳለፉ ይታወቃል፡፡ የብሄራዊ ቡድኑን ካምፕ ለቆ የወጣውም ከዚህ ጨዋታ በኋላ ነበር፡፡ አሰልጣኙ ጀሱስ ትላንት በሰጡት ጋዜጣዊ መግለጫ ወቅት ከሮናልዶ ጋር ስለተፈጠረው ጉዳይ፣ እንዲሁም ሮናልዶን ይቅርታ ይጠይቁት እንደሆነና በጉዳዩ ላይ ተጨማሪ ማብራሪያዎችን እንዲሰጡ ተጠይቀው ነበር፡፡ እሳቸውም ግራ በመጋባት ‹‹ይቅርታ የምጠይቀው በምን ጉዳይ ነው?›› የሚል ጥያቄ ካነሱ በኋላ ‹‹ማንምም ይቅርታ አልጠይቅም›› የሚል መልስ ሰጥተዋል፡፡ ስለተፈጠረው ጉዳይ ዝርዝር መረጃ ከመስጠት ቢቆጠቡም ብሄራዊ ቡድኑ ለሮናልዶ በሩን ዝግ እንደማያደርግ ገልፀዋል፡፡

ሲናገሩም ‹‹በሚቀጥለው የአለም አቀፍ ጨዋታዎች እረፍት ለሮናልዶ ጥሪ ይቀርብለታል፡፡ ከፈለገ ያንን ጥሪ ተቀብሎ ይመጣል፡፡ ውሳኔው ግን የእሱ ነው›› ብለዋል፡፡ ጨምረውም ‹‹ይህንን ሁሉ የፈጠረው የማሟሟቅና አለማሟሟቅ እንዲሁም ወደሜዳ መግባትና አለመግባት ነገር ነው፡፡ በእርግጥ እሱ በመሆኑ ብቻ ልክ ሊሆን ይችላል፡፡ ምክንያቱም ትልቅ ስም ያለውና ተምሳሌት ነው፡፡ ነገር ግን ዛሬ ስንት ተጨዋቾች አሟሙቀው ወደሜዳ አልገቡም? ከእነሱ መካከልስ ችግር የፈጠረ አለ? የለም›› በማለት አስረድተዋል፡፡

አንቶኒዮ ኮንቴ ቀጣይ ሊይዙት ስለሚችሉት ክለብ ተጠይቀዉ...

"በርከት ያሉ ክለቦች አሉ ቀድሞ በነበራቸው የታሪክ ከፍታ ላይ የማይገኙ። ወደእነዛ ክለቦች ሄጄ አዋራ የሸፈነዉ ታሪካቸዉን አራግፌ እንደገና እንዲያንጸባርቁ ብረዳ እመኛለሁ" ብለዋል።

ምናልባት ስለ ማንችስተር ዩናይትድ እያወሩ ይሆናል የሚለዉ በማህበራዊ ሚዲያ ተጠቃሚዎች ዘንድ ጥያቄ አጭሯል።

#ዳጉ_ጆርናል

የቅርጽ፣ የቀለም እና የማኅበራዊ ትርክት ውህደት፡ የአርቲስት ሉልስገድ ረታ የምስል ጥበብ ፍልስፍና
#ethiopia | በኢትዮጵያ ዘመናዊ የምስል ጥበብ (Ethiopian Visual Art) መድረክ ላይ ቀለሞችና ቅርጾች ተራ የውበት መግለጫ ብቻ ከመሆን አልፈው የሰውን ውስጣዊ ስሜት፣ ማንነትና ማኅበራዊ ሕይወት መተረኪያ መሣሪያ ሲሆኑ ይታያሉ። በዚህ የፈጠራ ምህዳር ውስጥ አርቲስት ሉዑልስገድ ረታ (Leulsged Retta) የሚያቀርባቸው የሥዕል ሥራዎች በቀለም ህብረ-ዜማ፣ በሰው ምስል ቅርጻ ቅርጽ እና በጠንካራ ማህበራዊ ይዘታቸው ተመልካቹን ወደ አዲስ የእይታና የህሊና ምልከታ የሚያስገቡ ናቸው።

የሰው ፊት እና የጂኦሜትሪያዊ ቅርጾች ውህደት

የአርቲስት ሉዑልስገድ ረታ የጥበብ ሥራዎች ዋነኛ ማዕከል የሰው ፊትና የሰው ልጅ ማንነት ነው። አርቲስቱ የሰው ፊትን በተፈጥሯዊ ምሳሌያዊነት (Realistic Style) ብቻ ከመሳል ይልቅ በጂኦሜትሪያዊ ቅርጾች፣ በተቆራረጡ የቀለም ክፍሎችና በጠንካራ መዋቅራዊ መስመሮች ከፋፍሎ ያቀርበዋል።

ይህ አቀራረብ ተመልካቹ ሥዕሉን እያየ አልፎ እንዲሄድ ሳይሆን፣ “በእነዚህ ፊቶች ጀርባ ያለው ታሪክ ምንድን ነው? የፊቶቹ እይታ ምን ዓይነት ማህበራዊና ስሜታዊ እውነትን ይናገራል?” ብሎ እንዲጠይቅ ያደርጋል።

በፊቶቹ ላይ የሚታዩት የተቆራረጡና የተያያዙ ቅርጾች የሰውን ልጅ ውስብስብ ማንነት፣ የባህሪይ ልዩነትና የሕይወት ውጣ ውረድን የሚያመላክቱ የእይታ ምልክቶች ናቸው።

የጠንካራ ቀለሞች ኃይልና የቀለም ንፅፅር (Color Dynamics)

በሉዑልስገድ ረታ ሥራዎች ውስጥ ቀለም እንዲሁ የሚቀባ ሳይሆን የራሱ ድምፅና መልእክት ያለው የቋንቋ አካል ነው። በጥቁር፣ በቀይ፣ በሰማያዊ፣ በቢጫ፣ በነጭ እና በብርቱካናማ ቀለሞች መካከል የሚፈጠረው ከፍተኛ ንፅፅር (High Contrast) ለሥራዎቹ ከፍተኛ የእይታ ኃይልና ሕያውነት ይሰጣቸዋል።

የቀለም ተምሳሌትነት፡
ጥቁርና ጠንካራ መስመሮች መዋቅራዊ ጥንካሬን ሲሰጡ፣ ሞቃት ቀለሞች (ቀይ፣ ቢጫ፣ ብርቱካናማ) የሕይወትን ጉልበትና ውስጣዊ ስሜትን ያንፀባርቃሉ።

የተደራረቡ ቀለሞች (Layering):
በሥዕሎቹ ላይ የሚታየው የቀለም መደራረብ ለሥራው ጥልቀት (Depth) በመስጠት ተመልካቹ በተለያየ የርቀት ደረጃ የተለዩ ምስሎችንና ትርጉሞችን እንዲያስተውል ያመቻቻል።

ከግለሰብ ፊት ወደ ማኅበራዊ ትርክት

የአርቲስቱ ጥበብ በአንድ ግለሰብ ምስል ወይም ፊት ላይ ብቻ የሚወሰን አይደለም። በሸራው ላይ የሚደረደሩት በርካታ ፊቶች፣ ጎን ለጎንና ተደራርበው የሚታዩት የሰው ምስሎች ሰውን እንደ ማህበራዊ ፍጡር (Social Being) ያቀርባሉ።

በሥዕሎቹ የሚንጸባረቁት የፊቶች ስብስብ የማህበረሰብን የጋራ ትውስታ፣ ተስፋ፣ ጭንቀትና ትስስር ያሳያሉ።

አርቲስቱ ተመልካቹን ከሥዕሉ ጋር በቃላት ያልተደገፈ ነገር ግን በስሜትና በህሊና የሚደረግ የውስጥ ውይይት (Silent Dialogue) እንዲጀምር ይጋብዛል።

በኢትዮጵያ ዘመናዊ ጥበብ ውስጥ ያለው ድርሻ

የኢትዮጵያ ሥነ-ጥበብ ታሪክ ከቤተ-ክርስቲያን ሥዕላትና ከባህላዊ የብራና ቅደሶች ተነስቶ ዛሬ ላይ የራሱ ዘመናዊ መልክና ዓለም አቀፋዊ ይዘት ይዟል። በዚህ የዕድገት ሂደት ውስጥ የሉዑልስገድ ረታ አቀራረብ፡

የኢትዮጵያን ባህላዊና ማህበራዊ እሴቶች ከዘመናዊ ረቂቅና ቅርጻዊ የሥዕል ስልቶች (Abstract / Figurative Expression) ጋር አዋህዶ ያቀርባል።

ባህላዊ የፊት ቅርጾችንና የቀለም አመራረጥን በዘመናዊ የምስል ጥበብ ውበት (Modern Visual Aesthetics) በማሸጋገር የራሱን መለያ አሻራ ያሳያል።

የአርቲስት ሉዑልስገድ ረታ “The Art of Leulsged Retta” በሚለው ማዕቀፍ ሥር የሚቀርቡት ሥራዎች በጠቅላላው ሲቃኙ፣ ሥዕል ከቀለም ድብልቅነት በላይ የሰው ልጅን ማንነት፣ ማህበራዊ ህልውና እና ውስጣዊ ስሜት መግለጫ መሆኑን ይመስክራሉ።

ቀለሞች ሲናገሩ፣ መስመሮች ሲጠይቁ እና ፊቶች ታሪክ ሲተርኩ የሚፈጠረው ይህ የእይታ ጥበብ፣ በኢትዮጵያ ዘመናዊ የምስል ጥበብ ዕድገት ውስጥ የራሱን ጠንካራ ድምፅና አሻራ የሚያሳርፍ የፈጠራ ጉዞ ነው።

Getu Temesgen - (ጌጡ ተመስገን)

የባህላዊ ዕቁብን ታማኝነትና አገልግሎት በዘመናዊ ቴክኖሎጂ ያስደገፈው ቨርቹዋል ዕቁብ፣ ከኢትዮጵያ ንግድ ባንክ ጋር በጋራ ለመስራት የሚያስችለውን ታሪካዊ ስምምነት ተፈራርሟል!

ይህ ስምምነት ምን ጥቅም ይሰጥዎታል?
መጠባበቅና መንገላታት ቀረ! በፈለጉበት ሰዓትና ቦታ ሆነው በ ንግድ ባንክ አፕሊኬሽን 'Pay for' በሚለው አማራጭ ዕቁብዎን በታማኝነትና በደህነንት መክፈል ይችላሉ።

አሁኑኑ ይመዝገቡና የዕቁብ አባል ይሁኑ

መተግበሪያዉን ለማውረድ እዚህ ይጫኑ https://onelink.to/2vm4e9

ለበለጠ መረጃ ወደ 📞 8171 ላይ ይደዉሉ

ማህበራዊ ድህረ ገጾቻችንን ይከተሉ! 👉https://virtualequb.com/so...

ቨርቹዋል ዕቁብ

ኑ ህልማችንን በጋራ እዉን እናርግ!

“ እውነቱን ነው ከትልቋ አክስቴ ጋርም ተጣልቻለሁ “ ምባፔ

ኪሊያን ምባፔ ሪያል ማድሪድ እና አሰልጣኝ ዚነዲን ዚዳን ባሎን ዶር እንዲያሸንፍ ዘመቻ ባለማድረጋቸው እንደተበሳጨ ሲነገር ነበር።

ምባፔ በበኩሉ መረጃውን ላሰራጨው ጋዜጠኛ በማህበራዊ ትስስር ገፁ ምላሽ ሰጥቷል።

ምባፔ በምላሹም “ መረጃው ትክክለኛ ነው ከትልቋ አክስቴ ጋርም በዚሁ ጉዳይ ተጣልቻለሁ “ ብሏል።

ጋዜጠኛው ባሰራጨው መረጃ ምባፔ በደርቢው ጨዋታ ያደረገው ነገር በክለቡ ተበሳጭቶ ነው ብሎ ነበር።

@tikvahethsport      kidusyoftahe

(ዘ-ሐበሻ ዜና) የግብፅ፣ የኤርትራ፣ የሶማሊያ እና የሱዳን መሪዎች በግብፇ ኤል-አላሜይን ከተማ ያልተጠበቀ የአራትዮሽ ጉባኤ አካሂደዋል። መሪዎቹ በቀጠናው እየተባባሰ ለመጣው ግጭት፣ በተለይም በሱዳን እና በሰሜን ኢትዮጵያ ለሚያገረሸው ጦርነት ሰላማዊ መፍትሄ እንዲፈለግ ጥሪ ቢያቀርቡም፤ ከስብሰባው በኋላ ያወጡት የጋራ መግለጫ ግን በቀጥታ የኢትዮጵያን ብሔራዊ የውጭ ፖሊሲዎች የሚሞግት ሆኖ ተገኝቷል።

የጋራ መግለጫው "የቀይ ባህር አስተዳደር የባህር ዳርቻ ሀገራት ብቻ መብት ነው" በማለት የኢትዮጵያን የባህር በር ፍላጎት በግልፅ ሲቃወም፤ በናይል ወንዝ ላይ "የአንድ-ወገን እርምጃ የታችኛውን ተፋሰስ ሀገራት ይጎዳል" በማለት የታላቁን ህዳሴ ግድብን አጀንዳ በድጋሚ ኮንኗል።
ይህ በእንዲህ እንዳለ፣ በሰሜን ኢትዮጵያ ጦርነቱ ዳግም አገርሽቶ የፌደራል መንግስት ኃይሎች የትግራይ ክልል ዋና ከተማ የሆነችውን መቀሌን ዳግም መቆጣጠራቸው ተዘግቧል። አዲስ አበባ ጎረቤቶቿን (ግብፅ፣ ሱዳን እና ኤርትራን) አማፂያንን በመደገፍ ብትከስምም፣ ሶስቱም ሀገራት ክሱን አስተባብለዋል። ይባስ ብሎ የኤርትራው የማስታወቂያ ሚኒስትር፣ "ኢትዮጵያ ኤርትራን ለማጥቃት የውሸት ሰበብ እየፈለገች ነው" ሲሉ በማህበራዊ ትስስር ገፃቸው ከባድ ክስ ሰንዝረዋል።

የፖለቲካ ተንታኞች ይህንን ክስተት ሲያብራሩ፣ ግብፅ የኢትዮጵያን ታሪካዊ ጎረቤቶች በአንድ በማሰባሰብ ጠንካራ የዲፕሎማሲያዊ እና የደህንነት ከበባ እየፈጠረች መሆኑን ያሳያል ይላሉ። ኢትዮጵያ በአንድ ጊዜ ከምስራቅ በሶማሊያ፣ ከምዕራብ በሱዳን፣ እና ከሰሜን በኤርትራ በኩል በከፍተኛ ጫና ውስጥ ወድቃለች። አዲስ አበባ የውስጥ ጦርነቷን በአጭሩ ቋጭታ ይህንን የተናበበ የውጭ ጥምረት መቋቋም ካልቻለች፣ የቀንድ አፍሪካ ጂኦ-ፖለቲካ ወደ ባሰ የደህንነት ስጋት ሊያመራ እንደሚችል ተገምቷል።
_____
🗣️ ውድ የዘ-ሐበሻ ቤተሰቦች... እናንተስ ምን ታስባላችሁ?
ይህ አዲሱ በግብፅ አቀናባሪነት የተመሰረተው የአራቱ ሀገራት ጥምረት በኢትዮጵያ ላይ ምን ዓይነት ተፅዕኖ ያመጣል? የውስጥ አንድነታችንንስ ለማስጠበቅ ምን መደረግ አለበት? ሀሳባችሁን ኮመንት ላይ አጋሩን!





(ዘ-ሐበሻ ዜና) የግብፅ፣ የኤርትራ፣ የሶማሊያ እና የሱዳን መሪዎች በግብፇ ኤል-አላሜይን ከተማ ያልተጠበቀ የአራትዮሽ ጉባኤ አካሂደዋል። መሪዎቹ በቀጠናው እየተባባሰ ለመጣው ግጭት፣ በተለይም በሱዳን እና በሰሜን ኢትዮጵያ ለሚያገረሸው ጦርነት ሰላማዊ መፍትሄ እንዲፈለግ ጥሪ ቢያቀርቡም፤ ከስብሰባው በኋላ ያወጡት የጋራ መግለጫ ግን በቀጥታ የኢትዮጵያን ብሔራዊ የውጭ ፖሊሲዎች የሚሞግት ሆኖ ተገኝቷል።

የጋራ መግለጫው "የቀይ ባህር አስተዳደር የባህር ዳርቻ ሀገራት ብቻ መብት ነው" በማለት የኢትዮጵያን የባህር በር ፍላጎት በግልፅ ሲቃወም፤ በናይል ወንዝ ላይ "የአንድ-ወገን እርምጃ የታችኛውን ተፋሰስ ሀገራት ይጎዳል" በማለት የታላቁን ህዳሴ ግድብን አጀንዳ በድጋሚ ኮንኗል።
ይህ በእንዲህ እንዳለ፣ በሰሜን ኢትዮጵያ ጦርነቱ ዳግም አገርሽቶ የፌደራል መንግስት ኃይሎች የትግራይ ክልል ዋና ከተማ የሆነችውን መቀሌን ዳግም መቆጣጠራቸው ተዘግቧል። አዲስ አበባ ጎረቤቶቿን (ግብፅ፣ ሱዳን እና ኤርትራን) አማፂያንን በመደገፍ ብትከስምም፣ ሶስቱም ሀገራት ክሱን አስተባብለዋል። ይባስ ብሎ የኤርትራው የማስታወቂያ ሚኒስትር፣ "ኢትዮጵያ ኤርትራን ለማጥቃት የውሸት ሰበብ እየፈለገች ነው" ሲሉ በማህበራዊ ትስስር ገፃቸው ከባድ ክስ ሰንዝረዋል።

የፖለቲካ ተንታኞች ይህንን ክስተት ሲያብራሩ፣ ግብፅ የኢትዮጵያን ታሪካዊ ጎረቤቶች በአንድ በማሰባሰብ ጠንካራ የዲፕሎማሲያዊ እና የደህንነት ከበባ እየፈጠረች መሆኑን ያሳያል ይላሉ። ኢትዮጵያ በአንድ ጊዜ ከምስራቅ በሶማሊያ፣ ከምዕራብ በሱዳን፣ እና ከሰሜን በኤርትራ በኩል በከፍተኛ ጫና ውስጥ ወድቃለች። አዲስ አበባ የውስጥ ጦርነቷን በአጭሩ ቋጭታ ይህንን የተናበበ የውጭ ጥምረት መቋቋም ካልቻለች፣ የቀንድ አፍሪካ ጂኦ-ፖለቲካ ወደ ባሰ የደህንነት ስጋት ሊያመራ እንደሚችል ተገምቷል።
_____
🗣️ ውድ የዘ-ሐበሻ ቤተሰቦች... እናንተስ ምን ታስባላችሁ?
ይህ አዲሱ በግብፅ አቀናባሪነት የተመሰረተው የአራቱ ሀገራት ጥምረት በኢትዮጵያ ላይ ምን ዓይነት ተፅዕኖ ያመጣል? የውስጥ አንድነታችንንስ ለማስጠበቅ ምን መደረግ አለበት? ሀሳባችሁን ኮመንት ላይ አጋሩን!

የትምህርት ሚኒስቴር የመምህራን ትምህርት ኮሌጆች የመግቢያ መቁረጫ ነጥብ ይፋ አደረገ

​የትምህርት ሚኒስቴር በ2018 ዓ.ም የ12ኛ ክፍል አገር አቀፍ ፈተና ለወሰዱና በ2019 ዓ.ም በመምህራን ትምህርት ኮሌጆች ለመሰልጠን ለሚወዳደሩ አመልካቾች የመግቢያ መቁረጫ ነጥብ ይፋ አድርጓል።

ሚኒስቴሩ ለክልልና ከተማ አስተዳደር ትምህርት ቢሮዎች በላከው ይፋዊ ደብዳቤ፣ ውሳኔው የክልሎችን ነባራዊ ሁኔታና የፈተና ውጤት ያገናዘበ መሆኑን ገልጿል።

​በዚህም መሰረት ለዲፕሎማ (12+2) ፕሮግራም፦
​ለተፈጥሮና ማህበራዊ ሳይንስ፡ ለወንዶች 215 እና ከዚያ በላይ፣ ለሴቶች 205 እና ከዚያ በላይ፤

​ለታዳጊ ክልሎች፣ አርብቶ አደሮችና አካል ጉዳተኞች፡ 185 እና ከዚያ በላይ፤

​ለዓይነ ስውራን (ማህበራዊ ሳይንስ)፡ 150 እና ከዚያ በላይ ሆኖ ተወስኗል።

​ለሰርተፊኬት (12+1) ፕሮግራም፦
​ለተፈጥሮና ማህበራዊ ሳይንስ፡ ለወንዶች 210 እና ከዚያ በላይ፣ ለሴቶች 195 እና ከዚያ በላይ፤

​ለታዳጊ ክልሎችና አርብቶ አደር አካባቢዎች፡ 180 እና ከዚያ በላይ መሆኑ ተገልጿል።

​ይህ መቁረጫ ነጥብ የሚያገለግለው ለ2019 ዓ.ም የዕጩ መምህራን ውድድር ብቻ ሲሆን፣ የቀሩት መስፈርቶች በመመሪያው መሰረት ተግባራዊ ይደረጋሉ ተብሏል።

Seledadotio
Seledadotio

የትምህርት ሚኒስቴር ለ2019 ዓ.ም የመምህራን ትምህርት ኮሌጆች መግቢያ የመቁረጫ ነጥብ ይፋ አድርጓል።

የትምህርት ሚኒስቴር በ2018 ዓ.ም የ12ኛ ክፍል አገር አቀፍ መልቀቂያ ፈተና ወስደው በ2019 ዓ.ም በመምህራን ትምህርት ኮሌጆች በዕጩ መምህርነት ለመሰልጠን ለሚወዳደሩ አመልካቾች መወዳደሪያ የመቁረጫ ነጥብ ይፋ አድርጓል።

ሚኒስቴሩ ለሁሉም ክልሎች እና ለከተማ አስተዳደሮች የትምህርት ቢሮዎች በጻፈው ይፋዊ ደብዳቤ፤ የመቁረጫ ነጥቡ የተወሰነው የክልሎችን ነባራዊ ሁኔታ እና የ2018 ዓ.ም የፈተና ውጤት ባገናዘበ መልኩ መሆኑን ገልጿል።

በዚህም መሰረት በዲፕሎማ (12+2) እና በሰርተፊኬት (12+1) የሙያ ስልጠናዎች መግቢያ ነጥብ እንደሚከተለው ተወስኗል፦

ለዲፕሎማ (12+2) ፕሮግራም ፦

◦ ለተፈጥሮ እና ማህበራዊ ሳይንስ ወንድ ተማሪዎች 215 እና ከዚያ በላይ

◦ ለተፈጥሮ እና ማህበራዊ ሳይንስ ሴት ተማሪዎች 205 እና ከዚያ በላይ

◦ ለአፋር፣ ሶማሌ፣ ቤኒሻንጉል ጉሙዝ እና ጋምቤላ ክልሎች የተፈጥሮ ወይም ማህበራዊ ሳይንስ ወንድና ሴት ተማሪዎች 185 እና ከዚያ በላይ

◦ ለአርብቶ አደርና ከፊል አርብቶ አደር አካባቢዎች የተፈጥሮ ወይም ማህበራዊ ሳይንስ ተፈታኞች 185 እና ከዚያ በላይ

◦ በተፈጥሮ ወይም ማህበራዊ ሳይንስ አካል ጉዳት ያለባቸው ወንድና ሴት ተማሪዎች 185 እና ከዚያ በላይ

◦ በማህበራዊ ሳይንስ የተፈተኑ ዓይነ ስውራን ወንድና ሴት ተማሪዎች 150 እና ከዚያ በላይ

ለሰርተፊኬት (12+1) ፕሮግራም ፦

- ለተፈጥሮ እና ማህበራዊ ሳይንስ ወንድ ተማሪዎች 210 እና ከዚያ በላይ

- ለተፈጥሮ እና ማህበራዊ ሳይንስ ሴት ተማሪዎች 195 እና ከዚያ በላይ

- ለአፋር፣ ሶማሌ፣ ቤኒሻንጉል ጉሙዝ እና ጋምቤላ ክልሎች 180 እና ከዚያ በላይ

- ለአርብቶ አደርና ከፊል አርብቶ አደር አካባቢዎች ተፈታኞች 180 እና ከዚያ በላይ

በደብዳቤው ላይ እንደተመለከተው፣ ይህ የተወሰነው መቁረጫ ነጥብ የሚያገለግለው ለ2019 ዓ.ም (2018 ዓም የ 12ኛ ክፍል ማጠናቀቂያ ፈተና ለወሰዱ) የዕጩ መምህራን ውድድር ብቻ ሲሆን፣ ሌሎች መስፈርቶች በዕጩ መምህራን ምልመላና መረጣ መመሪያ መሰረት ተግባራዊ እንደሚደረጉ ተጠቅሷል።

@tikvahethiopia

(ዘ-ሐበሻ ዜና) የሱዳን ጦር ሀይል 4ተኛ እግረኛ ክፍለ ጦር ከኢትዮጵያ ድንበር አቅራቢያ ሚንዛ እና ባሽካርካድ በተሰኙ አካባቢዎች በፈጥኖ ደራሽ ሀይሉ (RSF) እና አጋሮቹ የተሰነዘረበትን ጥቃት በብቃት መመከቱን አስታውቋል። ሱዳን ትሪቢዩን እንደዘገበው፣ የሱዳን ጦር ባካሄደው የመልሶ ማጥቃት እርምጃ የተፋላሚዎቹን በርካታ ወታደራዊ ተሸከርካሪዎች እና ቁሳቁሶች ማውደሙን እንዲሁም ታጣቂዎቹን አባርሮ ወደኋላ እንዲያፈገፍጉ ማድረጉን ገልጿል። ይህ ከባድ ውጊያ የተካሄደው ፈጥኖ ደራሽ ሀይሉ የብሉ ናይል ግዛት ዋና ከተማ በሆነችው ዳማዚን ላይ የድሮን ጥቃት ከፈፀመ ከጥቂት ሰዓታት በኋላ ነው። የሱዳን ባለስልጣናት የድሮን ጥቃቱ መፈፀሙን ቢያረጋግጡም፣ ስለደረሰው የጉዳት መጠን እስካሁን ያሉት ነገር የለም።

በሌላ በኩል፣ ይህ የሱዳን ጦር መግለጫ በወጣ በጥቂት ሰዓታት ውስጥ የፈጥኖ ደራሽ ሀይሉ አጋር የሆነው የሱዳን ህዝቦች ነፃ አውጭ ንቅናቄ - ሰሜን (SPLM-N) የራሱን የድል ዜና ይዞ ወጥቷል። አማፂ ቡድኑ ከኢትዮጵያ ድንበር እና ከዳማዚን ከተማ አቅራቢያ የሚገኘውን ስትራቴጂካዊውን "አል ካዳሎ" ዞን መቆጣጠሩን አስታውቋል። ንቅናቄው በዚህ ዞን ውስጥ የሚገኙ 8 ቦታዎችን መያዙን፣ 20 የውጊያ ተሽከርካሪዎችን መማረኩን እና በርካታ የሱዳን ጦር ወታደሮችን በቁጥጥር ስር ማዋሉን ገልጿል። ይህንን የድል የይገባኛል ጥያቄ የሚያሳይ የቪዲዮ መረጃም በማህበራዊ ሚዲያ ላይ መሰራጨቱን ዘገባው አመላክቷል።

የአማፂያኑ ቀጣይ ወታደራዊ ግብ የብሉ ናይል ዋና ከተማ ወደሆነችው ዳማዚን ከተማ ሰብሮ መግባት መሆኑ ተነግሯል። የሁለቱ ኃይሎች ተቃራኒ መግለጫዎች እና የውጊያው አድማስ ወደ ኢትዮጵያ ድንበር ይበልጥ መቅረብ፣ በቀጠናው ያለውን የፀጥታ ስጋት እጅግ አሳሳቢ ደረጃ ላይ አድርሶታል።








(ዘ-ሐበሻ ዜና) የሱዳን ጦር ሀይል 4ተኛ እግረኛ ክፍለ ጦር ከኢትዮጵያ ድንበር አቅራቢያ ሚንዛ እና ባሽካርካድ በተሰኙ አካባቢዎች በፈጥኖ ደራሽ ሀይሉ (RSF) እና አጋሮቹ የተሰነዘረበትን ጥቃት በብቃት መመከቱን አስታውቋል። ሱዳን ትሪቢዩን እንደዘገበው፣ የሱዳን ጦር ባካሄደው የመልሶ ማጥቃት እርምጃ የተፋላሚዎቹን በርካታ ወታደራዊ ተሸከርካሪዎች እና ቁሳቁሶች ማውደሙን እንዲሁም ታጣቂዎቹን አባርሮ ወደኋላ እንዲያፈገፍጉ ማድረጉን ገልጿል። ይህ ከባድ ውጊያ የተካሄደው ፈጥኖ ደራሽ ሀይሉ የብሉ ናይል ግዛት ዋና ከተማ በሆነችው ዳማዚን ላይ የድሮን ጥቃት ከፈፀመ ከጥቂት ሰዓታት በኋላ ነው። የሱዳን ባለስልጣናት የድሮን ጥቃቱ መፈፀሙን ቢያረጋግጡም፣ ስለደረሰው የጉዳት መጠን እስካሁን ያሉት ነገር የለም።

በሌላ በኩል፣ ይህ የሱዳን ጦር መግለጫ በወጣ በጥቂት ሰዓታት ውስጥ የፈጥኖ ደራሽ ሀይሉ አጋር የሆነው የሱዳን ህዝቦች ነፃ አውጭ ንቅናቄ - ሰሜን (SPLM-N) የራሱን የድል ዜና ይዞ ወጥቷል። አማፂ ቡድኑ ከኢትዮጵያ ድንበር እና ከዳማዚን ከተማ አቅራቢያ የሚገኘውን ስትራቴጂካዊውን "አል ካዳሎ" ዞን መቆጣጠሩን አስታውቋል። ንቅናቄው በዚህ ዞን ውስጥ የሚገኙ 8 ቦታዎችን መያዙን፣ 20 የውጊያ ተሽከርካሪዎችን መማረኩን እና በርካታ የሱዳን ጦር ወታደሮችን በቁጥጥር ስር ማዋሉን ገልጿል። ይህንን የድል የይገባኛል ጥያቄ የሚያሳይ የቪዲዮ መረጃም በማህበራዊ ሚዲያ ላይ መሰራጨቱን ዘገባው አመላክቷል።

የአማፂያኑ ቀጣይ ወታደራዊ ግብ የብሉ ናይል ዋና ከተማ ወደሆነችው ዳማዚን ከተማ ሰብሮ መግባት መሆኑ ተነግሯል። የሁለቱ ኃይሎች ተቃራኒ መግለጫዎች እና የውጊያው አድማስ ወደ ኢትዮጵያ ድንበር ይበልጥ መቅረብ፣ በቀጠናው ያለውን የፀጥታ ስጋት እጅግ አሳሳቢ ደረጃ ላይ አድርሶታል።

የትምህርት ሚኒስቴር ለ2019 ዓ.ም የመምህራን ትምህርት ኮሌጆች መግቢያ የመቁረጫ ነጥብ ይፋ አድርጓል።

የትምህርት ሚኒስቴር በ2018 ዓ.ም የ12ኛ ክፍል አገር አቀፍ መልቀቂያ ፈተና ወስደው በ2019 ዓ.ም በመምህራን ትምህርት ኮሌጆች በዕጩ መምህርነት ለመሰልጠን ለሚወዳደሩ አመልካቾች መወዳደሪያ የመቁረጫ ነጥብ ይፋ አድርጓል።

ሚኒስቴሩ ለሁሉም ክልሎች እና ለከተማ አስተዳደሮች የትምህርት ቢሮዎች በጻፈው ይፋዊ ደብዳቤ፤ የመቁረጫ ነጥቡ የተወሰነው የክልሎችን ነባራዊ ሁኔታ እና የ2018 ዓ.ም የፈተና ውጤት ባገናዘበ መልኩ መሆኑን ገልጿል።

በዚህም መሰረት በዲፕሎማ (12+2) እና በሰርተፊኬት (12+1) የሙያ ስልጠናዎች መግቢያ ነጥብ እንደሚከተለው ተወስኗል፦

ለዲፕሎማ (12+2) ፕሮግራም ፦

◦ ለተፈጥሮ እና ማህበራዊ ሳይንስ ወንድ ተማሪዎች 215 እና ከዚያ በላይ

◦ ለተፈጥሮ እና ማህበራዊ ሳይንስ ሴት ተማሪዎች 205 እና ከዚያ በላይ

◦ ለአፋር፣ ሶማሌ፣ ቤኒሻንጉል ጉሙዝ እና ጋምቤላ ክልሎች የተፈጥሮ ወይም ማህበራዊ ሳይንስ ወንድና ሴት ተማሪዎች 185 እና ከዚያ በላይ

◦ ለአርብቶ አደርና ከፊል አርብቶ አደር አካባቢዎች የተፈጥሮ ወይም ማህበራዊ ሳይንስ ተፈታኞች 185 እና ከዚያ በላይ

◦ በተፈጥሮ ወይም ማህበራዊ ሳይንስ አካል ጉዳት ያለባቸው ወንድና ሴት ተማሪዎች 185 እና ከዚያ በላይ

◦ በማህበራዊ ሳይንስ የተፈተኑ ዓይነ ስውራን ወንድና ሴት ተማሪዎች 150 እና ከዚያ በላይ

ለሰርተፊኬት (12+1) ፕሮግራም ፦

- ለተፈጥሮ እና ማህበራዊ ሳይንስ ወንድ ተማሪዎች 210 እና ከዚያ በላይ

- ለተፈጥሮ እና ማህበራዊ ሳይንስ ሴት ተማሪዎች 195 እና ከዚያ በላይ

- ለአፋር፣ ሶማሌ፣ ቤኒሻንጉል ጉሙዝ እና ጋምቤላ ክልሎች 180 እና ከዚያ በላይ

- ለአርብቶ አደርና ከፊል አርብቶ አደር አካባቢዎች ተፈታኞች 180 እና ከዚያ በላይ

በደብዳቤው ላይ እንደተመለከተው፣ ይህ የተወሰነው መቁረጫ ነጥብ የሚያገለግለው ለ2019 ዓ.ም (2018 ዓም የ 12ኛ ክፍል ማጠናቀቂያ ፈተና ለወሰዱ) የዕጩ መምህራን ውድድር ብቻ ሲሆን፣ ሌሎች መስፈርቶች በዕጩ መምህራን ምልመላና መረጣ መመሪያ መሰረት ተግባራዊ እንደሚደረጉ ተጠቅሷል።

ቲክቫህ ኢትዮጵያ የደብዳቤውን ትክክለኝነት ከትምህርት ሚኒስቴር አረጋግጧል።

ቲክቫህ ኢትዮጵያ
አዳስ አበባ
መስከረም 24 ቀን 2019 ዓ/ም

@tikvahethiopia

''የአንበሳ ጭራ ከመሆን የውሻ ጭንቅላት መሆን ይሻላል''

*የአእምሮ ጤና ዘገባዎች ጥንቃቄ እንዲደረግባቸው ለባለሙያዎች ስልጠና የተሰጠ ሲሆን ለመድኃኒት እጥረት መፍትሔ እንዲበጅ ተጠይቋል
#ethiopia | አዕምሮ ሁለተናችንን የሚያዝ ዋና ነገር ሆኖ ሲያበቃ ነገሬ ያላንለው የሰውነታችን ክፍል ነው።ታዲያ እንደማንኛውም የሰውነታችን ክፍል ይታመማል ከታከመም ይድናል።

በሀገራችን ኢትዮጵያ በሚዲያ አውታሮች በአዕምሮ ጤና ላይ የሚሰሩ ዘገባዎችን ለማሻሻል ያለመ የኢትዮጵያ የአዕምሮ ህክምና ማህበር ከአምሬፍ ሄልዝ አፍሪካ እና ከስፓኒሽ ኮርፖሬሽን ጋር በመተባበር ስልጠና ተሰጥቷል።

የማህበሩ አባልና የአዕምሮ ህክምና ስፔሻሊስት ዶክተር እስጢፋኖስ እንደገለጹት የስልጠናው ዋና ዓላማ የሚዲያ ባለሙያዎች በአእምሮ ጤና ላይ በቂ ግንዛቤ እንዲይዙና ዘገባዎችን በሚሰሩበት ጊዜ ሊከተሏቸው የሚገቡ የሙያ ስነ-ምግባሮችን ለማሳወቅ ነው።

በተለይም ራስን ማጥፋትን የመሳሰሉ ጉዳዮች ሲዘገቡ ሌሎች ሰዎችን ወደ ተመሳሳይ ድርጊት በማይገፋፋ ጥንቃቄ በተሞላበት መልኩ መሆን እንደሚገባው የገለጹት ዶክተር እስጢፋኖስ በማህበራዊም ሆነ በሌሎች ሚዲያዎች የሚተላለፉ ይዘቶች ችግሩን ከማባባስ ይልቅ በመፍትሔ፣ በመከላከል እና ተስፋ በመስጠት ላይ ትኩረት ሊያደርጉ እንደሚገባ አሳስበዋል።

በአሁኑ ወቅት በኢትዮጵያ ከ120 ሚሊዮን በላይ ለሚሆነው ህዝብ አገልግሎት የሚሰጡት ከ200 ገደማ የሳይካትሪስት ባለሙያዎች ብቻ በመሆናቸው በዘርፉ ከፍተኛ የባለሙያ እጥረት መኖሩ ተጠቅሷል።

ከዚህ በተጨማሪም ለህክምናው አስፈላጊ የሆኑ የመድኃኒቶች እጥረት ያለ ሲሆን፣ በተለይም ለ'ባይፖላር' ህመምተኞች እጅግ አስፈላጊ የሆነው 'ሊቲየም' የተባለው መድኃኒት በገበያ ላይ በመጥፋቱ ምክንያት ታካሚዎች ለከፍተኛ ችግር መዳረጋቸው ተገልጻል።

በመሆኑም የኢትዮጵያ መድኃኒት አቅራቢ አገልግሎት (EPSS) እና የሚመለከታቸው አካላት ለመድኃኒት አቅርቦት ችግሩ አስቸኳይ መፍትሔ እንዲሰጡ ማህበሩ ጥሪ አቅርቧል።

በተያያዘ ዜና፣ የዘንድሮው የዓለም የአእምሮ ጤና ቀን በዓለም አቀፍ ደረጃ ኦክቶበር 10፣ በሀገራችን ደግሞ መስከረም 30 ቀን በኤካ ኮተቤ ሆስፒታል በብሔራዊ ደረጃ ይከበራል።

የዘንድሮው በዓል የአእምሮ ህመም አጋጥሟቸው ያለፉ ሰዎችን እውነተኛ ድምጽ እና ተሞክሮ በማዳመጥ ላይ ትኩረቱን ያደረገ ሲሆን፣ በዕለቱም ከህመሙ ያገገሙ ሰዎች ተሞክሯቸውን የሚያካፍሉበት፣ የምርምር ውጤቶች፣ የፓናል ውይይቶች እና ዘጋቢ ፊልሞች ለታዳሚው የሚቀርቡበት ፕሮግራም መዘጋጀቱ ተገልጾል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu