የኢትዮጵያ የባሕር በር ፍላጎት ከኢኮኖሚ ሕልውና እስከ ቀጣናዊ ደኅንነትና የጋራ ብልፅግና
************************

የኢትዮጵያ የባሕር በር ፍላጎት ከታሪክ፣ ከጂኦፖለቲካ እና ከአሁናዊው የኢኮኖሚ እድገት ጋር የተያያዘ የሕልውና ጥያቄ ነው።

ከ130 ሚሊዮን በላይ ሕዝብ ያላት ኢትዮጵያ፣ በዓለም ላይ ካሉ የባሕር በር ከሌላቸው ሀገራት በሕዝብ ቁጥር የመጀመሪያዋ ስትሆን፣ ይህ ሁኔታ በሀገራችን የረጅም ጊዜ ዘላቂ ልማት፣ ንግድና ደኅንነት ላይ ከፍተኛ ተፅዕኖ እያሳደረ ይገኛል።

የሀገራችን ፈጣን የኢኮኖሚ እድገትና የማኑፋክቸሪንግ ዘርፍ መስፋፋት ቀጣይነት ያለውና አስተማማኝ የባሕር በር መዳረሻን ግዴታ ያደርገዋል።

በአሁኑ ወቅት የኢትዮጵያ ገቢና ወጪ ንግድ ከ90 በመቶ በላይ በጂቡቲ ወደብ ላይ ብቻ የተንተራሰ በመሆኑ ከፍተኛ የኪራይና የወደብ አገልግሎት ወጪ እንድታወጣ እና የንግድ ተወዳዳሪነቷ እንዲጎዳ አድርጎታል።

ቀይ ባሕርና የኤደን ባሕረ ሴላጤ የዓለም ንግድና የኃይል አቅርቦት የሚያልፍባቸው ዋና ዋና መስመሮች እንደመሆናቸው መጠን፣ የራሷ የባሕር በር ወይም አስተማማኝ የወደብ ባለቤትነት ማግኘት ኢትዮጵያ በዓለም አቀፍ የንግድ መስመር ላይ ቀጥተኛ ተሳትፎ እንድታደርግ ያስችላታል።

ቀይ ባሕር የታላላቅ ሀገራት ወታደራዊና ኢኮኖሚያዊ ፍላጎት የሚንጸባረቅበት ስትራቴጂካዊ ቀጣና እንደመሆኑ፣ በአካባቢው የሚታዩ የባሕር ላይ ዘረፋ፣ የህገ-ወጥ የሰዎችና የጦር መሣሪያ ዝውውር እንዲሁም የፅንፈኝነት ስጋቶች የአካባቢውን ደኅንነት እየተፈታተኑት ይገኛሉ።

በአፍሪካ ትልቅ ወታደራዊና የሕዝብ ቁጥር ያላት ኢትዮጵያ በባሕር ደኅንነት ጥበቃ ላይ መሳተፏ ለቀጣናው መረጋጋት ወሳኝ ሚና ይጫወታል።

የባሕር በር ጥያቄው የሌሎችን ሀገራት ሉዓላዊነት በሚጋፋ መልኩ ሳይሆን፣ በሕግና በድርድር ማዕቀፍ የሚተገበር በመሆኑ ቀጣናዊ ትስስርን ማዕከል ያደረገ፣ የጎረቤት ሀገራትን ጥቅም የሚያከብር እና በቀይ ባሕር ላይ የጋራ ደኅንነትን የሚያረጋግጥ የወደፊት አቅጣጫ መከተል ለኢትዮጵያም ሆነ ለአፍሪካ ቀንድ ሰላምና ብልፅግና መሠረት ነው።

በአድማሱ አራጋው
#ebc #redsea #hornofafrica #maritimesecurity #ethiopianeconomy #regionalintegration

“ኢትዮጵያ ቀይ ባህርን መፈለግ ብቻ ሳይሆን ቀይ ባህርም ኢትዮጵያን እየፈለገ ነው”፦ አቶ ቀጄላ መርዳሳ
***********************

ኢትዮጵያ ቀይ ባሕርን መፈለግ ብቻ ሳይሆን ቀይ ባሕርም ኢትዮጵያን ይፈልጋታል ሲሉ የጠቅላይ ሚንስትሩ የወጣቶችና ስፖርት አማካሪ አቶ ቀጄላ መርዳሳ ገለጹ።

የኢትዮጵያ የባሕር በር ጉዳይ በምሁራን እይታ በሚል የአዲስ አበባ አመራር አካዳሚ ባዘጋጀው የውይይት መድረክ ላይ የተገኙት አቶ ቀጄላ መርዳሳ ቀይ ባሕርና ዓባይ ከኢትዮጵያ ብሔራዊ ጥቅም ጋር በቀጥታ የተያያዙ መሆናቸውን ጠቁመዋል።

ቀይ ባህር እንደ ኢትዮጵያ የባህር በር ለሌላቸው ሌሎች ሀገራትም ከኢኮኖሚ፣ ከደህንነትና ከሉዓላዊነት አንጻር የህልውና ጉዳይ መሆኑንም ነው የተናገሩት።

የኢትዮጵያ የባህር በር ጥያቄ የኢኮኖሚ ህልውና ለማረጋገጥ የሚደረግ ጥረት ብቻ ሳይሆን ለቀይ ባህር ቀጠና አስተማማኝ ጸጥታና የደህንነት ዋስትና መሰረት መሆኑን አስምረውበታል።

ኢትዮጵያ በቀይ ባህር ዳርቻ መኖሯ ለቀጠናው ሀገራትና ለአለም አቀፍ ንግድ መርከቦች ተጨማሪ ደህንነትና ዋስትና የሚሰጥ እንጂ ስጋት የሚፈጥር አለመሆኑንም ገልጸዋል።

በሌላ በኩል አምባሳደር ዲና ሙፍቲ በበኩላቸው፣ ኢትዮጵያ ከቀይ ባህር አካባቢ የ60 ኪሎ ሜትር ርቀት ላይ የምትገኝ ሀገር ሆና ማግኘት ያለባትን ጥቅም እንዳታገኝ በሚፈልጉ አካላት የባህር በር እንዳታገኝ መደረጓን አስታውሳለች።

አምባሳደር ዲና አክለውም ኢትዮጵያ የባህር በር ጥያቄዋን የምታራምደው የማንንም ሀገር ሉአላዊነት በመጋፋት ወይም በሃይል እርምጃ ሳይሆን በሰላማዊ፣ በዲፕሎማሲያዊ እና በሰጥቶ መቀበል መርህ ላይ ተመስርታ መሆኑን ገልጸዋል።
«የኢትዮጵያ የባሕር በር ጉዳይ በምሁራን እይታ» በሚል የአዲስ አበባ አመራር አካዳሚ ያዘጋጀው የውይይት መድረክ
በሃይማኖት ከበደ
#redsea #ethiopia #redseadiplomacy #hornofafrica #maritimesecurity

በቀይ ባሕር ላይ የተደቀነው የደኅንነት አደጋ እና የማይተካው የኢትዮጵያ ሚና
*******************

የአፍሪካ ኅብረት ኮሚሽን በቀይ ባሕር እና በባብ ኤል-መንደብ ስትራቴጂያዊ መተላለፊያ ላይ እየተባባሰ የመጣውን ወታደራዊ ውጥረት የተመለከተ መግለጫ አውጥቷል።

ኮሚሽኑ በንግድ መርከቦች እና በኢኮኖሚ መሠረተ ልማቶች ላይ የሚፈጸሙ ጥቃቶችን በማስመልከት ያወጣው ይህ ይፋዊ መግለጫ የቀጣናውን አጣዳፊ የደኅንነት ስጋት ቁልጭ አድርጎ ያሳያል።

የዓለም አቀፍ ንግድ ከፍተኛው ድርሻ በሚንቀሳቀስበት በዚህ የባሕር መስመር ላይ የተከሰተው ቀውስ በአቅርቦት ሰንሰለት፣ በኃይል አቅርቦት ደኅንነት እንዲሁም በመላው አፍሪካ ኢኮኖሚ ላይ የከፋ አደጋ ደቅኗል።

ወታደራዊ ፍጥጫዎቹ ለአህጉራዊ እና ለቀጣናዊ ኢኮኖሚ ከፍተኛ ፈተና መሆናቸውን የጠቀሰው የአፍሪካ ኅብረት አደጋው ወደ ምሥራቅ አፍሪካ እንዳይስፋፋ አጥብቆ አስጠንቅቋል።

አሁን መላው ዓለም እና የአፍሪካ ኅብረት እየሰጉበት ያለው በቀይ ባሕር ቀጣና የተደቀነ የደኅንነት ክፍተት፣ ኢትዮጵያ ከዓመታት በፊት ቀድማ ስትተነብየው እና ስታስጠነቅቅበት የነበረ እውነት ነው።

ኢትዮጵያ በምሥራቅ አፍሪካ ቀጣና ሰላም እና መረጋጋት እንዲሰፍን ሽብርተኝነትን እና ጽንፈኝነትን በመዋጋት ረገድ የከፈለችው መሥዋዕትነት በታሪክ የጎላ ስፍራ አለው።

በሶማሊያ ተንሰራፍቶ የነበረውን አሸባሪው አል-ሸባብን በመመከት እና አካባቢውን በመታደግ ረገድ የነበራት የፊት መስመር ተሰላፊነት ኢትዮጵያ ለራስ ደኅንነት ብቻ ሳይሆን ለቀጣናዊ እና ዓለም አቀፋዊ ሰላም የቆመች ጠንካራ የደኅንነት መሠረት መሆኗን አስመስክሯል።

በዚህ ታሪካዊ እውነታ ላይ የተመሠረተው የባሕር በር ፍላጎት ከ130 ሚሊዮን በላይ ለሚሆነው ሕዝብ ህልውና እና ልማት ከማስፈልጉ ባሻገር፣ የቀይ ባሕር እና የምሥራቅ አፍሪካን ሰላም በጥንካሬ ለማስጠበቅ የሚደረግ የጋራ ጥረት አካል ነው።

ኢትዮጵያ በቀይ ባሕር ላይ የባሕር ኃይል እንዲኖራት ማድረጉ ለቀጣናው የተሟላ የደኅንነት ዋስትና ይሰጣል።

ኢትዮጵያ ያላት ጠንካራ እና የተፈተነ የሠራዊት አቅም፣ የፀረ-ሽብር ትግል ልምድ እንዲሁም ብሔራዊ ጥቅሟን ከዓለም አቀፍ የንግድ መስመር ነፃነት ጋር አስተሳስራ መመልከቷ የመርከቦችን ደኅንነት ከሚያውኩ ወንበዴዎች፣ አሸባሪዎች እና ሕገ-ወጥ ታጣቂዎች ለመጠበቅ የማይተካ ሚና እንድትጫወት ያደርጋታል።

ግዙፍ የሕዝብ ቁጥር እና እያደገ ያለ ኢኮኖሚ ያላት ኢትዮጵያ በባሕር መስመሩ ደኅንነት ላይ ቀጥተኛ ባለድርሻ መሆኗ ተሳትፎዋን ታማኝ፣ ተግባራዊ እና ዘላቂ ያደርገዋል።

ይሁን እንጂ ይህን አሳታፊ እና ሰላማዊ ጥያቄ እንደ ኤርትራ እና ግብፅ ያሉ ሀገራት በበጎ ካለመመልከታቸውም በላይ፣ ኢትዮጵያን ያገለሉ ጥምረቶችን ለመፍጠር ሲሯሯጡ ተስተውለዋል።

እነዚህ ሀገራት የባሕር ዳርቻ ተጋሪነትን ብቻ መሠረት ባደረገ ጠባብ አስተሳሰብ ኢትዮጵያን ያገለለ የቀይ ባሕር ጥምረት ፈጥረው ቢንቀሳቀሱም፣ አሁን በቀይ ባሕር ላይ የተከሰተውን የቀውስ ማዕበል እና የሁቲ ጥቃቶችን ለመግታት አቅምም ሆነ ፍላጎት አጥተው ተስተውለዋል።

በውኃ ወሰን ላይ ብቻ የተመሠረተው ይህ አግላይ አካሄድ በቀጣናው ያለውን የደኅንነት ክፍተት ከመጨመር ባለፈ ምንም ዓይነት ዘላቂ መፍትሔ ማምጣት አለመቻሉን የመሬት ላይ እውነታው አረጋግጧል።

ይህ የሚያሳየው በቀይ ባሕር እና በባብ ኤል-መንደብ መስመር ላይ አስተማማኝ ሰላም እና መረጋጋትን ለማስፈን ብቸኛው መፍትሔ ኢትዮጵያን ያሳተፈ የጋራ የደኅንነት መዋቅር መገንባት ብቻ መሆኑን ነው።

በቀጣናው እና በዓለም አቀፍ ማኅበረሰብ ዘንድ ዘላቂ ሰላምን ማረጋጋት የሚቻለው የኢትዮጵያን ሕልውናዊ ስጋት፣ የደኅንነት አቅም እና ታሪካዊ ሚና ያገናዘበ አሳታፊ የደኅንነት ማዕቀፍ ሲተገበር ብቻ ነው።

በለሚ ታደሰ
#ethiopia #ebc #redsea #seaaccess #africa #maritimesecurity

የባህር በር የፍትሃዊነት፣ የታሪክ እና የቀጣናዊ እድገት መሠረት
*****************

የቀይ ባህር ጉዳይ የኢትዮጵያ ታሪክ፣ ስልጣኔ፣ ሀገረ-መንግሥት ስሪት፣ ደህንነት እና ምጣኔ ሀብታዊ ራዕይ በእጅጉ የተቆራኘበት፤ የትውልዱ ህልውናና የሉአላዊነት ማረጋገጫ ጥያቄ በመሆኑ መንግሥት ጥያቄውን እውን ለማድረግ ሁለንተናዊ የዲፕሎማሲ ጥረቱን አጠናክሮ ቀጥሏል።

ኢትዮጵያ በቀይ ባህር አቅራቢያ የምትገኝ የታሪካዊ የባህር በር ባለቤት የነበረች ቢሆንም፣ በታሪክ አጋጣሚ የቀጣናው ታዛቢና የጂኦ-ፖለቲካ እስረኛ እንድትሆን ተደርጋለች።

ይሁን እንጂ የሕዝቧ ቁጥር በፍጥነት ማደጉንና የቀጣናውን የኢኮኖሚ እንቅስቃሴ ታሳቢ በማድረግ፣ የባህር በር ማግኘት የቅንጦት ፍላጎት ወይም የፖለቲካ አጀንዳ ሳይሆን የታሪክ፣ የሕግ፣ የፍትሃዊነት እና የመጭው ትውልድ የመኖርና ያለመኖር ሁለንተናዊ የህልውና ጉዳይ መሆኑን ጠቅላይ ሚኒስትር ዐቢይ አህመድ (ዶ/ር) በተደጋጋሚ በአፅንዖት ገልፀዋል።

ይህንን የሀገርና ሕዝብ ጥያቄ እውን ለማድረግ መንግሥት ከጎረቤት ሀገራት ጋር በሰላማዊ መንገድ፣ በንግድ፣ በሎጂስቲክስና በባህር ትስስር አብሮ ለማደግና በጋራ ተጠቃሚነት ላይ የተመሰረተ ውይይት ለማድረግ ጥሪ ማቅረቡን የቀጠለ ሲሆን፣ ጥያቄው የሌሎችን ሀገራት ሉዓላዊነት የመጋፋት ሳይሆን፣ የጋራ የንግድ ትስስርን በማጠናከር የምስራቅ አፍሪካን ቀጣና የሰላምና የብልጽግና ማዕከል የማድረግ ራዕይ ያለው ነው።

ኢትዮጵያ የባህር በር ባለቤት መሆኗ ለራሷ የኢኮኖሚ ዕድገት ብቻ ሳይሆን፣ ጠንካራ የባህር ኃይልና የወደብ መዋቅር በመገንባት በቀይ ባህር አካባቢ አስተማማኝ ሰላምና ደህንነት ለመፍጠር የጎላ ሚና ይኖረዋል።

ከዚሁ ጋር ተያይዞ የሚገነቡ የወደብ መሠረተ ልማቶች፣ የነጻ ንግድ ቀጣናዎችና የኢንዱስትሪ ፓርኮች ለዜጎች ሰፊ የሥራ ዕድል የሚፈጥሩ በመሆናቸው፣ መላው የኢትዮጵያ ሕዝብ መንግሥት ለብሔራዊ ጥቅም የያዘውን ጥንካሬና የዲፕሎማሲ ጥረት ድጋፉን በመስጠት ከጎኑ ተሰልፎ ይገኛል።

በአሁኑ ወቅት ዕቃዎችን ከጅቡቲ ወደብ ወደ ሞጆና አዲስ አበባ ደረቅ ወደቦች ለማጓጓዝ እጅግ ከፍተኛ ገንዘብ የሚወጣ ሲሆን፣ ዕቃዎች በወቅቱ ከወደብ ሳይነሱ ሲቀሩ በየቀኑ የሚታሰበው የኮንቴይነር መቆያ ቅጣትና የመጋዘን ኪራይ ወጪውን ይበልጥ ያንረዋል።

ኢትዮጵያ አሁን ያነሳችውን የባህር በር የባለቤትነት ጥያቄ ስታሳካ ግን ይህ ሁሉ ወጪ ቀርቶ ገንዘቡ ለሌሎች የልማት ሥራዎች የሚውል ከመሆኑም በላይ፣ በባህር ላይ የሉዓላዊነት ክብርን ለማስከበርና የንግድ መርከቦቿን ከደህንነት ስጋት ለመከላከል የሚያስችል ጠንካራ የባህር ኃይል አቅም ለመገንባት ያስችላታል።

ባለፈው ታሪክ የባህር በር በማጣቷ በርካታ ማህበራዊ እና ኢኮኖሚያዊ ዕድሎችን ያጣችው ኢትዮጵያ፣ የባህር በር ባለቤት መሆኗ የወደብ ኪራይ ወጪን በማስቀረትና ቀልጣፋ የንግድ ሥርዓት በመዘርጋት የሀገሪቱን ብልፅግና እንደሚያፋጥነው ተጠቅሷል።

በመሆኑም ይህንን ወሳኝ ሀገራዊ ግብ ማሳካት ኢትዮጵያ በሕዝብ ቁጥር፣ በወታደራዊ አቅም እና በዲፕሎማሲ በቀጣናውና በዓለም አቀፍ መድረክ ያላትን ተወዳዳሪነት እና ተፅዕኖ ፈጣሪነት ወደ ላቀ ደረጃ የሚያሸጋግር አዲስ የታሪክ ምዕራፍ ይሆናል።

በኢንቲሃድ አብራር
#redseaaccess #ethiopia #regionalintegration #maritimesecurity #economicgrowth

በሆርሙዝ ሰርጥ ዙሪያ የተቀሰቀሰው ጂኦፖለቲካዊ ውጥረት እና የኢራን ይፋዊ ምላሽ
********************

በኢራን እና በአሜሪካ መካከል ላለፉት ጊዜያት ሲብላላ የቆየው ወታደራዊና ፖለቲካዊ ውጥረት አሁን ላይ ወደ ከፋ ደረጃ እየተሸጋገረ ይገኛል።

የሁለቱ ሀገራት እሰጥ አገባ በተለይም ስትራቴጂካዊ ጠቀሜታ ባለው የሆርሙዝ ሰርጥ ዙሪያ ያጠነጠነ ሲሆን፣ አሁን ላይ ቀጠናው የኃያላን የጦርነትና የዲፕሎማሲ ፍጥጫ ማዕከል ሆኗል።

ይህ አደገኛ የቃላትና የተግባር ጦርነት ዳግም ሊያገረሽ የቻለው፣ የአሜሪካው ፕሬዝዳንት ዶናልድ ትራምፕ የሆርሙዝ ሰርጥን በቅርቡ "የአሜሪካ ግዛት" አድርገው ለማወጅ ማቀዳቸውን በይፋ መግለጻቸውን ተከትሎ ነው።

ይህንን የአሜሪካን ያልተጠበቀ የባለቤትነት ጥያቄና ዛቻ ተከትሎ የኢራን ውጭ ጉዳይ ሚኒስቴር ፈጣንና ጠንካራ ምላሽ በመስጠት አቋሙን አንጸባርቋል።

የኢራን ምክትል የውጭ ጉዳይ ሚኒስትር የሆኑት ካዜም ገርባባዲ በሰጡት መግለጫ፣ ይህ ታሪካዊና ስትራቴጂካዊ የባህር ሰርጥ በባዶ ዛቻ ወይም በማህበራዊ ሚዲያ የትዊተር መልእክት ብቻ በቀላሉ ሊወሰድ እንደማይችል በአጽንኦት አሳስበዋል።

አክለውም ይህ ወሳኝ የውሃ መንገድ ሙሉ በሙሉ በኢራን መንግስት ህጋዊ ቁጥጥር ስር መሆኑን በማስታወቅ፣ አሜሪካ በቀጠናው ያላትን ተጽዕኖ አጥብቀው ተቃውመዋል።

ከዚህም ባሻገር የኢራን መንግስት በወሰደው እርምጃ ወደ ኋላ እንደማይል በመግለፅ፣ አሜሪካ በይፋ ሽንፈቷን አምና ሳትቀበል እንዲሁም የታጠቁ ወታደራዊ ኃይሎቿን ከቀጠናው ሙሉ በሙሉ ሳታስወጣ በሰርጡ ላይ የተጣለው የባህር ላይ እገዳ በምንም ተአምር እንደማይነሳ አስጠንቅቋል።

በአሁኑ ወቅት ሁለቱ ሀገራት እጅግ ስትራቴጂካዊ በሆነው የሆርሙዝ ሰርጥ የባህር መንገድ ላይ የኃይል የበላይነታቸውን ለማሳየት እርስ በእርስ ተደጋጋሚ የባህር ላይ እገዳዎችን እያካሄዱ ሲሆን፣ ይህ አሳሳቢ ሁኔታም ዓለም አቀፉን የንግድና የደህንነት እንቅስቃሴ በእጅጉ ስጋት ውስጥ ጥሎት ይገኛል።

በሰለሞን ገዳ
#straitofhormuz #iranusrelations #geopolitics #middleeasttensions #maritimesecurity

u1355u122cu12ddu12f3u1295u1275 u121bu12adu122eu1295 u12ebu1230u1219u1275 u12e8u12a2u1275u12eeu1335u12eb u121du1235u122bu127eu127d | u12a2u1275u12ee u1218u120du1215u1245 | ETHIO MELHIK ETV | EBC | #ethiopia #france #ethiofrance #maritimesecurity #redsea #geopolitics #breakingnews #ethiomelhiq ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
ፕሬዝዳንት ማክሮን ያሰሙት የኢትዮጵያ ምስራቾች | ኢትዮ መልሕቅ | ETHIO MELHIK ETV | EBC | #ethiopia #france #ethiofrance #maritimesecurity #redsea #geopolitics #breakingnews #ethiomelhiq

በሆርሙዝ የባህር ሰርጥ የኢራን ስልታዊ የበላይነት እየተዳከመ መሆኑ ተገለጸ
#ethiopia | ​የባህር ላይ ደህንነት ተንታኞች እንደሚሉት፣ አሜሪካ በሆርሙዝ የባህር ሰርጥ በኩል የንግድ መርከቦችን በሃይል ማሳለፍ መቻሏ፣ ኢራን በቀጠናው ላይ የነበራትን የቁጥጥርና የመደራደር አቅም ጥያቄ ውስጥ ጥሎታል። ዋሽንግተን በባህረ ሰርጡ አዲስ የመተላለፊያ መንገድ መክፈቷን ተከትሎ፣ ወታደራዊና ስልታዊ ድል መቀዳጀቷ እየተነገረ ይገኛል።
​
​ኢራን በስልታዊ የበላይነት መዳከሟ ተስፋ በመቁረጥ፣ እንደ የተባበሩት አረብ ኤምሬትስ ባሉ የቀጠናው አጋር ሀገራት ላይ ጥቃት ልትሰነዝር ትችላለች የሚሉ ስጋቶች ተነስተዋል። ይሁን እንጂ የቴህራን ባለስልጣናት ለፖለቲካዊ ቀውሶች ወታደራዊ መፍትሄ እንደሌለ በመግለጽ የሚከተሉትን ነጥቦች አጽንኦት ሰጥተዋል፡-

አሜሪካ እና የተባበሩት አረብ ኤምሬትስ በሌሎች ሀገራት ግፊት ወደማይወጡበት የጦርነት አረንቋ እንዳይገቡ።

​ኢራን በኤምሬትስ ላይ የተሰነዘሩ ጥቃቶችን ባታረጋግጥም፣ ለዲፕሎማሲያዊ ንግግሮች በሯ ክፍት መሆኑን ገልጻለች።
​
የጎረቤት ሀገር ፓኪስታን በሁለቱ ወገኖች መካከል ያለውን ልዩነት ለማጥበብና ውጥረቱን ለማርገብ ከፍተኛ ጥረት እያደረገች መሆኑ ተመላክቷል።

​ይህ በአሜሪካ የሚመራው አዲስ የባህር ላይ እንቅስቃሴ፣ ለዓመታት የዓለምን የነዳጅ አቅርቦት መተላለፊያ በቁጥጥሯ ስር አድርጋ ለቆየችው ኢራን ትልቅ ፈተና እንደሚሆንባት ይጠበቃል።

Getu Temesgen - (ጌጡ ተመስገን) #getutemesgen #getu
​#iran #usa #hormuzstrait #geopolitics #middleeast #maritimesecurity #diplomacy

ዩናይትድ ስቴትስ የኢራን የባህር ኃይል ንብረት የሆኑ ሰባት ጀልባዎችን መታ መጣሏን አስታወቀች
#ethiopia | በመካከለኛው ምስራቅ ያለው ውጥረት ዳግም ማገርሸቱን ተከትሎ የኢራን ወታደራዊ ኃይሎች በሆርሙዝ ወሽመጥና በተባበሩት አረብ ኤሚሬቶች አቅራቢያ በሚንቀሳቀሱ መርከቦች ላይ የሚሳይልና የሰው አልባ አውሮፕላን ጥቃት ሰንዝረዋል።

ለዚህ ትንኮሳ አፋጣኝ ምላሽ የሰጡት ፕሬዝዳንት ዶናልድ ትራምፕ የአሜሪካ ጦር በንግድ መርከቦች ላይ እንቅፋት ለመፍጠር የሞከሩ ሰባት የኢራን ትናንሽ የጦር ጀልባዎችን ማውደሙን ይፋ አድርገዋል።

ይህ እርምጃ የተወሰደው ሁለቱ ሀገራት ደርሰውበት የነበረውን የተኩስ አቁም ስምምነት ኢራን መጣሷን ተከትሎ ሲሆን አሜሪካ ፕሮጀክት ፍሪደም በሚሰኘው የባህር ላይ ዘመቻዋ አማካኝነት በወሽመጡ ላይ ያላትን ጥበቃ አጠናክራ ቀጥላለች።

በጉዳዩ ላይ መግለጫ የሰጡት የኢራን ፓርላማ አፈ ጉባኤና ዋና ተደራዳሪ ሞሃመድ ባቄር ጋሊባፍ ሀገራቸው በሆርሙዝ ወሽመጥ ላይ የምታደርገው እንቅስቃሴ ገና ጅምር መሆኑን በመጥቀስ ማስፈራሪያ ሰጥተዋል።

አፈ ጉባኤው የአሜሪካና የባልደረቦቿ በወሽመጡ መገኘት ለአካባቢው ስጋት መሆኑን ገልጸው የአሜሪካ ተጽዕኖ በቅርቡ ያበቃል ብለዋል።

በሌላ በኩል ፕሬዝዳንት ትራምፕ ኢራን ያቀረበችውን ባለ አስራ አራት ነጥብ የሰላም ጥያቄ ውድቅ ለማድረግ ማቀዳቸውን ጠቁመው ሀገሪቱ ለፈጸመችው ድርጊት ተገቢውን ዋጋ እስካሁን አልከፈለችም ሲሉ ጠንከር ያለ አቋማቸውን አንጸባርቀዋል።
#usa #iran #middleeast #worldnews #maritimesecurity #getutemesgen #getu #ጌጡ #ጌጡተመስገን #addisababa

የሆርሙዝ ሰርጥ ውጥረት ወደ አዲስ ምዕራፍ ተሸጋግሯል! #us #iran #straitofhormuz #projectfreedom #middleeastconflict #maritimesecurity

አሜሪካ በሆርሙዝ ሰርጥ የንግድ መርከቦችን ለማጀብ ማቀዷን ተከትሎ ኢራን ጠንካራ ማስጠንቀቂያ ሰጠች
*****************

የአሜሪካው ፕሬዝዳንት ዶናልድ ትራምፕ የሀገራቸው የጦር መርከቦች በሆርሙዝ ሰርጥ የሚያልፉ ገለልተኛ የውጭ ሀገራት የንግድ መርከቦችን የማጀብ እና ደኅንነት የማስጠበቅ ሥራ እንደሚጀምሩ አስታውቀዋል።

ፕሬዝዳንቱ ይህንን ጥረት "ሰብዓዊ ተግባር" ሲሉ የገለጹት ሲሆን፤ ርምጃው የተዘጋውን የውኃ መስመር ለሚያቋርጡ መርከቦች ከለላ ለመስጠት ያለመ መሆኑን አመላክተዋል።

ፕሬዝዳንት ትራምፕ ለእስራኤሉ የመገናኛ ብዙኃን ተቋም 'ካን ኒውስ' በሰጡት ቃል፣ ጦርነቱን ለማስቆም በቅርቡ ከኢራን የቀረበውን የሰላም ሀሳብ መርምረው ተቀባይነት የሌለው ሆኖ እንዳገኙት ተናግረዋል።

የኢራን ሀሳብ ውድቅ ቢደረግም፤ አሜሪካ ለቴህራኑ የ14 ነጥብ የውሳኔ ሃሳብ ምላሽ የሚሆን አዲስ የተሻሻለ ረቂቅ ስምምነት ማቅረቧ ተገልጿል።

ይህንን የአሜሪካን ውሳኔ ተከትሎ ኢራን በበኩሏ ጠንካራ ማስጠንቀቂያ ሰጥታለች።

ለአሜሪካው ፕሬዝዳንት ንግግር ምላሽ የሰጡት የኢራን ብሔራዊ ደኅንነት ኮሚሽን ምክትል ሰብሳቢ ኢብራሂም አዚዚ፤ ማንኛውም የአሜሪካ ወታደራዊ ጣልቃ ገብነት በሆርሙዝ የውኃ መስመር ላይ የተደረሰውን የተኩስ አቁም ስምምነት የሚጥስ ነው ብለዋል።

የአሜሪካው ዜና አውታር 'አክሲዮስ' በዘገባው እንዳመለከተው ኢራን የሆርሙዝ ሰርጥን መልሳ ለመክፈት አሜሪካ የባሕር ላይ ከበባዋን እንድታነሳና ጦርነቱ እንዲያበቃ የአንድ ወር የድርድር ጊዜ ገደብ አስቀምጣለች።

በሌላ በኩል የአሜሪካ ማዕከላዊ ዕዝ (ሴንትኮም) በሆርሙዝ ሰርጥ ለሚያካሂደው ተልዕኮ ሚሳኤል አውዳሚ የጦር መርከቦችን፣ ከ100 በላይ የጦር አውሮፕላኖችን፣ ድሮኖችን እንዲሁም 15 ሺህ ወታደሮችን እንደሚያሰማራ አስታውቋል።

የመርከቦችን ደኅንነቱ በመጠበቅ ጉዞውን ወደ ነበረበት ለመመለስ የአሜሪካ ማዕከላዊ ዕዝ ኃይሎች ከዛሬ ጀምሮ ለ'ፕሮጀክት ፍሪደም' ዘመቻ ተግባራዊነት ርምጃ መውሰድ እንደሚጀምሩም ተጠቁሟል።

የአሜሪካ የባሕር ኃይል ማዕከላዊ ዕዝ አዛዥ አድሚራል ብራድ ኩፐር አሜሪካ የባሕር ላይ ከበባዋን አጠናክራ እንደቀጠለች ጠቁመው፤ ለዚህ የመከላከያ ተልዕኮ የሚደረገው ጥረት ለቀጣናው ደኅንነት ወሳኝ መሆኑን አስምረውበታል።

በሀና ምንዳሁን

#us #iran #straitofhormuz #projectfreedom #middleeastconflict #maritimesecurity

አሜሪካ የሆርሙዝ ሰርጥን እየዘጋች ነው
#ethiopia | በመካከለኛው ምስራቅ እጅግ ወሳኝ በሆነው የሆርሙዝ የባህር መስመር ላይ የአሜሪካ ባህር ኃይል ጥብቅ የቁጥጥር እርምጃ መውሰድ መጀመሩ ተሰማ። ይህ እርምጃ የተወሰደው የአሜሪካ ማዕከላዊ ዕዝ (CENTCOM) ከሚያዚያ 5/2018 ዓ.ም (እንደ ኢትዮጵያ አቆጣጠር) ጀምሮ ሰርጡን እንደሚዘጋ ካስታወቀ በኋላ ነው።

የአሜሪካ ማዕከላዊ ዕዝ በሰርጡ ላይ የሚደረገውን ማንኛውንም እንቅስቃሴ የመቆጣጠርና የመገደብ ሙሉ ኃላፊነት ወስዶ ወደ ተግባር መግባቱ ተገልጿል።

የአሜሪካው ፕሬዚዳንት ዶናልድ ትራምፕ የኢራን መርከቦች በተከለከለው የሰርጡ ክልል ውስጥ ቢገኙ "እስከወዲያኛው ይሰናበታሉ" (ይደመሰሳሉ) የሚል ጠንካራ ማስጠንቀቂያ አስተላልፈዋል። ዕዙም ከኢራን ወደቦች ወደ ሰርጡ የሚደረጉ እንቅስቃሴዎችን ሙሉ በሙሉ ለማገድ እየሰራ መሆኑን አስታውቋል።

የቴህራን አብዮታዊ ዘብ (IRGC) በበኩሉ አሜሪካ የወሰደችው እርምጃ ዓለም አቀፍ የባህር ህግጋትን የጣሰ ነው በማለት ወቅሷል። የኢራን ወታደራዊ ኃይሎች ለአሜሪካ እርምጃ ተመጣጣኝ ምላሽ እንደሚሰጡ ዝተዋል።

በአሁኑ ወቅት አንድ የአሜሪካ አውሮፕላን ተሸካሚ የጦር መርከብ እና ሁለት አውዳሚዎች በኦማን ባህረ ሰላጤ ላይ ተሰማርተው ዝግጁነታቸውን እያረጋገጡ መሆኑ ታውቋል።

ይህ በሆርሙዝ ሰርጥ ላይ የተጀመረው ወታደራዊ እንቅስቃሴ በዓለም አቀፉ የነዳጅ ገበያና በባህር ትራንስፖርት ደህንነት ላይ ከፍተኛ ስጋት ሊፈጥር እንደሚችል ተገምቷል።

Getu Temesgen - (ጌጡ
#nbc #getutemesgen #getu #hormuzstrait #usnavy #centcom #iran #trump #middleeasttension #maritimesecurity #globalnews #ኢራን #አሜሪካ #ሆርሙዝ #ወታደራዊዜና

በቀይ ባሕር ላይ ውጥረት ነግሷል
#ethiopia | የብሉምበርግ ዘገባ የዜና ምንጮቹን ዋቢ አድርጎ እንደገለጸው፣ ኢራን በየመን የሚገኙት የሁቲ አማፂያን በንግድ መርከቦች ላይ የሚያደርሱትን ጥቃት እንዲቀጥሉ ግፊት እያደረገች ነው።

ይህ የኢራን ፍላጎት የመነጨው አሜሪካ በኢራን ላይ የምታደርገውን ወታደራዊ ጫና ለመቀልበስና በንግድ መስመሩ ላይ መስተጓጎል በመፍጠር አጸፋዊ ተፅዕኖ ለማሳረፍ ካለ እቅድ መሆኑ ተመላክቷል።

በሁቲዎች መካከል ያለው የሐሳብ ልዩነት
ምንም እንኳን ሁቲዎች በቅርቡ ወደ እስራኤል በቀጥታ ሚሳኤሎችን በመተኮስ ግጭቱ ውስጥ ቢገቡም፣ በቀይ ባሕር ላይ የሚደረገውን የባሕር ላይ ጥቃት በድጋሚ ስለመጀመር ግን በቡድኑ አመራሮች መካከል መከፋፈል መኖሩ ተገልጿል።

ከዚህ ቀደም በጋዛ እየተካሄደ ያለውን ጦርነት ለማስቆም በሚል በንግድ መርከቦች ላይ የተሰነዘሩ ጥቃቶች በዓለም አቀፍ የንግድ ፍሰት ላይ ከፍተኛ ቀውስ አስከትሎ እንደነበር ይታወሳል። አሁን የተጀመረው አዲስ እንቅስቃሴ ቀጠናውን ወደ ከፋ የጸጥታ ስጋት ሊከተው እንደሚችል ተሰግቷል።

Getu Temesgen - (ጌጡ ተመስገን)
#getutemesgen #getu #redsea #breakingnews #middleeastconflict #houthi #iran #internationaltrade #maritimesecurity

አሜሪካ ሁለተኛውን የጦር አውሮፕላን ተሸካሚ መርከብ ወደ ኢራን ልትልክ ነው
#ethiopia | በመካከለኛው ምስራቅ ያለው ውጥረት በከፍተኛ ሁኔታ እየጨመረ ባለበት በዚህ ወቅት፣ አሜሪካ ዩኤስ ኤስ ጄራልድ ፎርድ (USS Gerald Ford) የተሰኘውን ሁለተኛውን ግዙፍ የጦር አውሮፕላን ተሸካሚ መርከብ ወደ ቀጣናው ለመላክ መዘጋጀቷ ተሰማ።
የተሰጡ መረጃዎች፡

* ተልዕኮው፦ ይህ ዘመናዊ መርከብ በቀጣናው ቀድሞ የሚገኘውን ዩኤስ ኤስ አብረሃም ሊንከን (USS Abraham Lincoln) የጦር መርከብን ይቀላቀላል ተብሎ ይጠበቃል።

* ወቅታዊ ሁኔታ፦ ጉዞው የሚጀምረው በቀጣዩ ሳምንት ሲሆን፣ ይህም የሆነው የአሜሪካ እና የኢራን ድርድር እየተካሄደ ባለበት ወቅት መሆኑ ጉዳዩን ትኩረት የሚስብ አድርጎታል።

* የፕሬዝዳንት ትራምፕ ማስጠንቀቂያ፦ ፕሬዝዳንት ዶናልድ ትራምፕ ኢራን ወደ ስምምነት እንድትመጣ ግፊት እያደረጉ ቢሆንም፣ አስፈላጊ ከሆነ ግን "የኃይል አማራጭን" ከመጠቀም ወደ ኋላ እንደማይሉ በተደጋጋሚ እያስጠነቀቁ ይገኛሉ።
የቀደመ ግጭት፦

ከዚህ ቀደም የመጀመሪያው የአሜሪካ የጦር መርከብ ወደ ግልፍ ሀገራት በገባበት ወቅት፣ ወደ መርከቡ ተጠግታ የነበረች የኢራን ድሮን በአሜሪካ ጦር መመታቷ የሚታወስ ነው። አሁን ሁለተኛው መርከብ መላኩ አሜሪካ በቀጣናው ያላትን ወታደራዊ የበላይነት ለማሳየትና በኢራን ላይ ጫና ለመፍጠር የታለመ መሆኑ ተመልክቷል።

Getu Temesgen - (ጌጡ ተመስገን)
#getutemesgen #getu #ጌጡ #usa #iran #military #ussgeraldford #trump #middleeast #geopolitics #maritimesecurity #አሜሪካ #ኢራን