እነማን ተሾሙ ?

በዛሬው ዕለት ጠ/ሚ ዐቢይ አሕመድ (ዶ/ር) በሚኒስትር ዴኤታነት ከሾሟቸው መካከል የቀድሞ የህወሓት አመራር እና የፌዴሬሽን ምክር ቤት አፈጉባኤ ወ/ሮ ኬሪያ ኢብራሂም ይገኙበታል።

ወ/ሮ ኬሪያ ኢብራሂም የሴቶችና የማህበራዊ ጉዳይ ሚኒስትር ዴኤታ ሆነው በጠ/ሚ ዐቢይ አሕመድ (ዶ/ር) ተሹመዋል።

ሌላው፥ የኢዜማው መሪ አቶ እዮብ መሳፍንት የከተማና መሠረተ ልማት ሚኒስትር ዴኤታ ሆነው ተሹመዋል።

የማዕከላዊ ኢትዮጵያ ክልል ፕሬዚዳንት የነበሩት ፣ ከዛ በፊት በፌዴራል ፖሊስ ኮሚሽነር ፣ በብሔራዊ መረጃና ደህነትም አመራር ሆነው ያገለገሉት እንደሻው ጣሰው (ዶ/ር) የሰላም ሚኒስትር ዴኤታ ተደርገዋል።

ሌላው በሲዳማ ክልል የብልፅግና ፓርቲ ቅ/ቤት ኃላፊ የነበሩት  አቶ አብርሃም ማርሻሎ የመከላከያ ሚኒስትር ዴኤታ ሆነው ተሹመዋል።

የኦሮሚያ ትምህርት ቢሮ ኃላፊ የነበሩት ቶላ በሪሶ (ዶ/ር) በፌዴራል ትምህርት ሚኒስቴር የትምህርት ሚኒስትር ዴኤታ ሆነው ተሹመዋል።

ሌላው  የትራንስፖርትና ሎጀስቲክስ ሚኒስቴር በነበረበት ወቅት ሚኒስትር ዴኤታ የነበሩት አቶ በረሆ ሀሰን የወጣቶችና ስፖርት ሚኒስትር ዴኤታ ተደርገዋል።

የፋይዳ ቨርስ ዋና ስራ አስፈፃሚው አቶ ዮዳሄ አርአያስላሴ የቀድሞ የኢትዮ ቴሌኮም ዋና ስራ አስፈጻሚ ፍሬህይወት ታምሩ በሚመሩት የኢኖቬሽንና ቴክኖሎጂ ሚኒስቴር በሚኒስትር ዴኤታነት ተሹመዋል።

መስከረም 30 ቀን 2019 ዓ/ም

@tikvahethiopia #ሹመት በዛሬው ዕለት 62 አመራሮችን ጠቅላይ ሚኒስትር ዐቢይ አሕመድ (ዶ/ር) በሚኒስትር ዴዔታነት ሾመዋል። (የተሿሚዎች ዝርዝር ከላይ ተያይዟል) መስከረም 30 ቀን 2019 ዓ/ም @tikvahethiopia

የኢዜማው መሪ አቶ እዮብ መሳፍንት እና ወ/ሮ ኬርያ ኢብራሂምን ጨምሮ 44 ሚኒስትር ዴኤታዎች ተሾሙ

መስከረም 30 ቀን 2019 ዓ.ም. (አሐዱ ሬድዮ) ጠቅላይ ሚኒስትር ዐቢይ አህመድ ዛሬ ባደረጉት ሹመት 44 ሚኒስትር ዴኤታዎችን ለተለያዩ የሀገሪቱ የሥራ ሃላፊነቶች አሾመዋል።

በዚሁ ሹመት ውስጥ ከተካተቱት መካከል የኢዜማ መሪ እና የቀድሞ የፌዴሬሽን ምክር ቤት አፈ ጉባኤ ተጠቃሽ ናቸው።

በዕለቱ ከተከናወኑት ሹመቶች መካከል

1. የኢዜማ መሪ አቶ እዮብ መሳፍንት 👉🏽 የከተማና መሠረተ ልማት ሚኒስትር ዴኤታ ሆነው ተሾመዋል።

2. ወ/ሮ ኬርያ ኢብራሂም 👉🏽 የሴቶችና ማህበራዊ ጉዳይ ሚኒስትር ዴኤታ ሆነው ተመድበዋል።

በተጨማሪም የብሔራዊ መታወቂያ ፕሮግራም (ፋይዳ) ዳይሬክተር በመሆን ሲያገለግሉ የቆዩት አቶ ዮዳሄ አርዓያስላሴ የኢኖቬሽንና ቴክኖሎጂ ሚኒስትር ዴኤታ ሆነው መሾማቸው ታውቋል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ችግሮችን ከጠብመንጃ ውጭ እንፍታ - ኢዜማ

ኢዜማ በአዲስ አበባ ጉዳይ ላይ የተዋቀረውን ኮሚቴን ውድቅ ማድረጉን ዛሬ በሰጠው መግለጫ አስታወቀ።

የኢትዮጵያ ዜጎች ለማኅበራዊ ፍትህ ፓርቲ (ኢዜማ) ዛሬ ረቡዕ በሰጠው መግለጫ፤ በአዲስ አበባ ጉዳይ ምክረ ሃሳብ እንዲያዘጋጅ የተሰየመው አስማሚ ኮሚቴ አሰራር የኮሚሽኑን ሕጋዊ ማዕቀፍ የጠበቀ አይደለም ብሏል።

የፓርቲው መሪ አቶ እዮብ መስፍን እንደገለጹት፤ የኮሚቴው አወቃቀርና አካሄድ የኮሚሽኑን ሕግ ያልተከተለ በመሆኑ ፓርቲው አጠቃላይ ሂደቱን ውድቅ በማድረግ ለሀገራዊ ምክክር ኮሚሽኑ ቅሬታ አቅርቧል።

ኢዜማአክሎም በአዲስ አበባ ጉዳይ ላይ ካለው ተቃውሞ በተጨማሪ፤ በምክክሩ ወቅት የቀረቡ 400 ያህል ምክረ ሃሳቦችና የውይይት ቃለ ጉባኤዎች ለሕዝብ ግልጽ እንዲሆኑ ጥሪ አቅርቧል።"

Seledadotio
Seledadotio

ኢዜማ ከአገራዊ ምክክሩ ጋር በተያያዘ አምስት ማሳሰቢያዎች ሰጠ

በአገራዊ ምክክሩ ላይ ከተሳተፉ የፖለቲካ ፓርቲዎች አንዱ የሆነው የኢትዮጵያ ዜጎች ለማኅበራዊ ፍትህ (ኢዜማ)፣ በቀጣይ የምክክር ሂደቱ ምዕራፎች መተግበር አለባቸው ያላቸውን አምስት ማሳሰቢያዎች ይፋ አደረገ።
ኢዜማ፣ ዛሬ ረቡዕ ነሐሴ 20/2018 ዓ.ም በሰጠው መግለጫ ተመካካሪዎች በሙሉ ድጋፍ ያልፈረሙባቸውን ምክረ-ሐሳቦች እንደማይቀበል ጨምሮ አስታውቋል።
4000 ተመካካሪዎችን አሳትፎ ከሐምሌ 8 ጀምሮ ከአንድ ወር በላይ የተካሔደው እና በርካታ ጥያቄዎች የተነሱበት የምክክር ሂደት ቅዳሜ ነሐሴ 16/2018 ዓ.ም. በተካሔደ የመዝጊያ ሥነ ሥርዓት ተጠናቅቋል።
ምክክሩ ቢጠናቀቅም፣ ኮሚሽኑ የመጨረሻውን ምክረ ሐሳቦች ለመንግሥት እና ለሕዝብ የሚያቀርቡበት እንዲሁም የትግበራ ሂደቶች እንደሚቀሩ ያነሳው ኢዜማ፣ እነዚህ ሁለት "ዋና ምዕራፎች በጥንቃቄ እንዲያዙ" ሲል ማሳሰቢያ ሰጥቷል።

ፓርቲው በማሳሰቢያው ከጠቀሳቸው አምስት ነጥቦች ቀዳሚው፣ የአገራዊ ምክክር ኮሚሽን ለመንግሥት እና ለሕዝብ የሚያቀርበው "በንባብ የቀረበውን የተመካካሪዎችን የመጨረሻ ምክረ-ሐሳብ ብቻ" መሆን እንዳለበት የሚገልፅ ነው። ኮሚሽኑ ምክረ-ሐሳቦችን በሚያቀርብበት ወቅት፣ በአጠቃላይ የምክክሩን መንፈስ ባከበረ መልኩ እንዲሆንም አሳስቧል።
"ኮሚሽኑ በተመካካሪዎች የቀረቡትን 400 ምክረ-ሐሳቦች ለሕዝብ ይፋ እንዲያደርግ" የሚለው ሌላው የኢዜማ ማሳሰቢያ ነው።
ይህንንም በምክክሩ ሒደት ከጥቃቅን ቡድኖች ጀምሮ የተደረጉ ውይይቶች ቃለ ጉባዔዎች በማገናዘብ እንዲከወን እና በማቋቋሚያ አዋጁ መሠረት የምክረ-ሐሳቦቹን አፈፃፀም እንዲከታተል አስገንዝቧል።

የአገራዊ ምክክሩ ሂደት ውጤታማ የሚሆነው የቀረቡት ምክረ-ሐሳቦች ሙሉ በሙሉ ተግባራዊ ይደረጉ እንደሆነ የጠቀሰው ፓርቲው፣ አፈፃፀሙም ከተገቢው በላይ ጊዜ እንዳይወስድ መንግሥት በፍጥነት እንዲፈፅም አሳስቧል
የምክክሩን ምክረ-ሐሳቦችን አተገባበር የሚከታተል ገለልተኛ እና ሕጋዊ አካል አንዲቋቋምም ኢዜማ በመግለጫው ጠይቋል።

ፓርቲው ማሳሰቢያውን በሰጠበት መግለጫው፣ ሀገራዊ ምክክሩ በይፋ ከተጀመረበት ሐምሌ 08/2018 ዓ.ም. ጀምሮ ባለው "ረጅም እና እልህ አስጨራሽ" ሂደት ውስጥ "በርካታ ስልታዊ ማነቆዎች እና አሠራርን ያላከበሩ ችግሮች" ማጋጠማቸውን ገልጿል።
ሆኖም ጉዳዩን ወደ አደባባይ ከማውጣት ይልቅ ለኮሚሽኑ

ምክር ቤት ቅሬታዎቹን በተደጋጋሚ ሲያቀርብ መቀጠሉን የገለፀ ሲሆን፣ ይህም "ሂደቱ እንዳይበላሽ በማሰብ" ያደረገው መሆኑን ነው የጠቀሰው።
አንዳንድ በኤክስፐርትነት እና በአስተባባሪነት ስም የተመደቡ አካላት በምክክሩ ሂደት "ግልጽ ወገንተኛነት እና የተዛባ አካሄድ" ማንፀባረቃቸው፣ በሂደቱ ላይ ካጋጠሙት ችግሮች መካከል መሆናቸውን በማንሳት፤ በርካታ ችግሮችን ከኮሚሽኑ ከፍተኛ አመራሮች ጋር በመወያየት እንዲፈቱ ማድረጉን አስታውቋል።
ከዚህ ቀደም የአማራ ብሔራዊ ንቅናቄ (አብን) የምክክር ሂደቱን በማስመልከት ባወጣው መግለጫ ሁለት የኮሚሽኑ አባላት ጣልቃ ገብተዋል ሲል ክስ አቅርቦ የነበረ ቢሆንም ኮሚሽኑ ግን አስተባብሏል።

ኢዜማ በመግለጫው፣ በስምንቱ የምክክር ቡድኖች ውስጥ የነበሩ ተመካካሪዎች "በውይይት አጎልብተውት፣ በሙሉ ድጋፍ ፈርመውበት ለጠቅላላው ጉባኤ ያቀረቧቸውን ምክረ-ሐሳቦች ብቻ የሚቀበላቸው" መሆኑን ይፋ አድርጓል።
በአጠቃላይ በሀገራዊ ምክክሩ የነበረውን ሂደት ከነጉድለቶቹም ቢሆን እንደ መልካም ጅምር እንደሚወስድ የገለፀው ኢዜማ፣ ይህ ሂደት ችግሮችን በጠረጴዛ ዙሪያ ብቻ የመፍታት ልማድ እንዲዳብር አዲስ በር እንደሚከፍት ያለውን እምነት ገልጿል።
በምክክር ሂደቱ ላይ በተለይ አዲስ አበባ ከተማን በተመለከተ የአካሔድ ግድፈቶች ተስተውለዋል በሚል በርካታ ቅሬታዎች መነሳታቸው ይታወቃል። በአጠቃላይ ከቀረቡት 400 ምክረ-ሐሳቦች ውስጥ አራት ጉዳዮች የልዩነት ምክረ-ሐሳብ ሆነው ቀርበዋል።

በመዝጊያው ሥነ ሥርዓት ላይ ንግግር ያደረጉት የሀገራዊ ምክክር ኮሚሽኑ ዋና ኮሚሽነር ፕሮፌሰር መስፍን ምክረ-ሐሳቦቹ "ወደየሚላኩበት ቦታ ይላካሉ" ብለዋል።
ከአራት ዓመታት በላይ ዋና ዋና በተባሉ አወዛጋቢ ሀገራዊ ጉዳዮች ላይ ምክክር ለማድረግ ሲካሄድ የነበረው ጥረት አጀንዳዎችን እና ተወያዮችን ከሀገር ውስጥ እና ከውጪ አሰባስቦ የመጨረሻው ምክክር አዲስ አበባ ውስጥ ተካሂዷል።

አራት ሺህ የሚሆኑ ተሳታፊዎች በስምንት ዋና ዋና ጉዳዮች ላይ ከአንድ ወር በላይ የተካሄደው ሀገራዊ ምክክር በአብዛኞቹ ጉዳዮች ላይ ከስምምነት በመድረስ ተጠናቋል።
ሂደቱን በተመለከተ የተለያዩ ወገኖች የድጋፍ እና የተቃውሞ ሐሳባቸውን ሲገልጹ የነበረ ሲሆን፣ በምክክሩ የተደረሰው ውጤት ለሚመለከታቸው አካላት ቀርበው ቀጣይ ሂደታቸውን በተመለከተ ውሳኔ ያገኛሉ ተብሎ ይጠበቃል።

BBC

ከሐሳብ ልዕልና ወደ መንገድ ላይ ስድብ

የኢዜማ ከፍተኛ አመራር ለህዝብ ጥያቄ የሰጡት አሳፋሪ ምላሽ!

በሀገራችን የፖለቲካ ምህዳር ውስጥ የዜግነት ፖለቲካን እና የሐሳብ ልዕልናን እንወክላለን የሚሉ ወገኖች የሚሰጡት ምላሽ እና የሚያሳዩት የሰለጠነ ውይይት ባህሪ ሁልጊዜም ሚዛን ላይ የሚወጣ ጉዳይ ነው።

አቶ ግርማ ሰይፉ ማሩ (የኢዜማ ከፍተኛ አመራር) በአንድ የአስተያየት መስጫ ሳጥን ላይ ለአንድ ጠያቂ የሰጡት ምላሽ የፓርቲያቸውን የፖለቲካ ብስለት እና ለተከታዮቻቸው ያላቸውን ንቀት በግልጽ የሚያሳይ አጋጣሚ ሆኗል።

አንድ የፖለቲካ ፓርቲ አመራር ቀርቶ ማንኛውም የህዝብ ተሳትፎ ያለው ግለሰብ ለቀረበለት ሀሳብ ወይም ጥያቄ "ለምን አትጽፍም፤ ደደብ!" የሚል የስድብ ምላሽ መስጠቱ የፖለቲካ ባህላችን ምን ያህል እንደወረደ ያሳያል።

አስተያየት ሰጪው የጠቀሰው አጀንዳ (የአዲስ አበባ ጉዳይ) ለብዙ ከተሜዎች የህልውና እና የፖለቲካ ውክልና ጥያቄ ነው። አመራሩ የፓርቲያቸውን አቋም በምክንያት እና በፖሊሲ ማስረዳት ሲገባቸው፣ ጥያቄውን በግል ስድብ ለማስቀየስ መሞከራቸው ከአጀንዳው የመሸሽ ስልት ነው።

የዜግነት ፖለቲካ መሰረቱ ግልጽነት፣ የሃሳብ ፍጭት፣ እና የዜጎችን መብትና ጥያቄ በአክብሮት ማዳመጥ ነው።

ጥያቄ የጠየቀን ዜጋ "ደደብ" ብሎ መሳደብ ከትምክህተኝነት እንጂ ከዲሞክራሲያዊ ባህል ጋር አይሄድም።

አንድ ከፍተኛ የፖለቲካ አመራር ከተራ ተከታይ የቀረበለትን የፖሊሲ እና የአቋም ጥያቄ በስድብ የሚያስተናግድ ከሆነ፡

1. ይህ ፓርቲ ስልጣን ቢይዝ የዜጎችን እና የተቃዋሚዎችን ትችት እንዴት ሊያስተናግድ ነው?

2. የሀገሪቱን ዋና ዋና አጀንዳዎች (እንደ አዲስ አበባ ጉዳይ ያሉ) በሰለጠነ መንገድ ለመወያየት ዝግጁነቱ አለው ወይስ አሁንም ጥያቄ የሚጠይቁትን ሁሉ በስም ማጠልሸት ይቀጥላል?

የፖለቲካ አመራርነት በስልጣን ወይም በቦታ ብቻ የሚገለጽ ሳይሆን፣ የሚወጡ ቃላቶች በሚያሳዩት ትዕግስት፣ ምክንያት እና የህዝብ አክብሮት ነው የሚለካው።

ህዝብ ከፓርቲ አመራሮች የሚጠብቀው የመፍትሔ ሃሳብ" እንጂ የመንገድ ላይ ስድብ አይደለም!

ኢዜማ ከሀገራዊ ምክክሩ ምን ይፈልጋል?

የኢትዮጵያ ዜጎች ለማኅበራዊ ፍትሕ (ኢዜማ) መሪ አቶ እዮብ መሳፍንት ፓርቲያቸው ወደ ሀገራዊ ምክክሩ መድረክ የገባው ለአጭር ጊዜ የሥልጣን መጋራት ስምምነት ሳይሆን መሠረታዊና ሥርዓታዊ ለውጥ ለማምጣት ታግሎ ለመለወጥ መሆኑን አሳሰቡ።

መሪው አክለውም ኢዜማ እስከ ምክክሩ መዝጊያ ቀን ድረስ በማይበገር አቋም የዜግነት ፖለቲካን፣ የነፃና ገለልተኛ መንግሥታዊ ተቋማትን ግንባታ እንዲሁም በብቃት ላይ የተመሠረተ ፍትሐዊ የኢኮኖሚ ሥርዓት መዘርጋትን እንደ ዋና መሠረታዊ ምሰሶዎች አድርጎ እንደሚቀጥል አስታውቀዋል።

  ትውልዱን ከግጭትና ከመከፋፈል አዙሪት ነፃ ለማውጣትና ጠንካራ ሀገራዊ ሥርዓት ለመገንባት እነዚህን መርሆዎች እውን ማድረግ እንደሚያስፈልግ የጠቆሙት አቶ እዮብ፣ የዜጋ ክብር ፍጹምና የማይደፈር የሆነባትን ዴሞክራሲያዊት ኢትዮጵያ በጋራ እውን እስከሚደረግ ድረስ ፓርቲያቸው ያለማቋረጥ እንደሚታገል አጽንኦት ሰጥተዋል።

Seledadotio
Seledadotio

የኢዜማ መሪ - እዮብ መሳፍንት ስለምክክሩ!...

የእሁድ ማለዳ ከዕለት ተዕለት ጫና ትንሽ ፋታ ወስደን፣ የወቅቱን ከባድነትና የተሸከምነውን ኃላፊነት የምናስብበት ጊዜ ይሰጠናል።

በተለይም ፍትሐዊት፣ አንድነቷ የተጠበቀና ዴሞክራሲያዊት ኢትዮጵያን የሚናፍቁ ሚሊዮኖችን ተስፋና ምኞት ይዘን እንደ ኢዜማ በሀገራዊ ምክክሩ መድረክ ላይ እየተሳተፍን ባለንበት በዚህ ወቅት መሆኑ የተለየ ያደርገዋል።

አንድ ነገር በግልጽ ላስቀምጥ፤ ኢዜማ ወደዚህ ምክክር የገባው በፖለቲካዊ ንግግር ብቻ ለመሳተፍ ወይም በአጭር ጊዜ የሥልጣን መጋራት ስምምነት ለመደራደር አይደለም። የመጣነው መሠረታዊና ሥርዓታዊ ለውጥ እንዲመጣ ለመታገል ነው።

ኢዜማ እስከ ምክክሩ የመጨረሻ ቀን ድረስ፣ በማይበገር አቋም የሚከተሉትን ሶስት መሠረታዊ ምሠሦዎች ያራምዳል፦

1. የማንደራደርበት የዜግነት ፖለቲካ፣

ኢትዮጵያዊ ዜጋ በሙሉ የሕገ መንግሥታዊ ሥርዓታችን ቀዳሚና የማይደፈር መሠረት መሆን አለበት። እያንዳንዱ ኢትዮጵያዊ ያለው መብት፣ ክብርና ዕድል በማንነቱ ወይም በሚኖርበት አካባቢ ሊወሰን፣ ሊገደብ ወይም ሊነፈግ ፈጽሞ አይገባም።

2. እውነተኛ ነፃና ገለልተኛ የመንግሥት ተቋማት፣

የፍትሕ አካላት፣ የሲቪል ሰርቪስ፣ የምርጫ ተቋማትና የፀጥታ ኃይሎች ከፖለቲካዊ ወገንተኝነትና ተጽዕኖ ሙሉ በሙሉ ነፃ መሆን አለባቸው። መንግሥታት ይመጣሉ፤ ይሄዳሉ። ተቋማት ግን የሕገ መንግሥቱና የኢትዮጵያ ሕዝብ ብቻ መሆን አለባቸው።

3. በዘመድ አዝማድና በፖለቲካዊ ወገንተኝነት ሳይሆን በብቃት ላይ የተመሠረተ ኢኮኖሚ፣

ሙስናን እንዲሁም በመንግሥት ድጋፍ የተቋቋሙ ገበያን ጠቅልለው የያዙ አካላትንና የጥቅም ትስስርን ማፍረስ ይገባል። ወጣት ኢትዮጵያውያን ሥራ ፈጣሪዎች በግንኙነት ወይም በወገንተኝነት ሳይሆን፣ በብቃታቸው፣ በፈጠራ ችሎታቸውና በትጋታቸው ውጤታማ የሚሆኑበትን ሥርዓት መገንባት አለብን።

አንድ ሀገር በትናንት ግጭቶቿ ታስራ ወደፊት መፈተን አትችልም።

ለኢትዮጵያ ወጣቶች፤ በዚህ የምክክር ጠረጴዛ ዙሪያ የተቀመጥነው የመከፋፈልንና የግጭትን አዙሪት ለመስበር፣ ለወደፊት ሕይወታችሁም የሚመጥን ጠንካራ ሀገራዊ ሥርዓት ለመገንባት ነው። ኢዜማ እነዚህ መርሆች የሪፐብሊካችን የዕለት ተዕለት እውነታ እስኪሆኑ ድረስ በጽናት ይቆማል፤ ያለማቋረጥም ይታገልላቸዋል።

የጋራ ዕጣ ፈንታችን ከተከፋፈለው ታሪካችን እጅግ የላቀ ነው። የዜጋ ክብር ፍጹምና የማይደፈር የሆነባትን ኢትዮጵያ በጋራ እንገንባ።

የሳምንቱ የመጨረሻ ቀናት ሰላማዊና የማሰላሰል ጊዜ የሞላበት መልካም የእረፍት ጊዜ እንደነበር በመተማመን መጪው ሳምንት ብሩህ እንዲሆንልን እመኛለሁ።
#ኢዜማ

የኢዜማ የድጋፍ መግለጫ
***
ለሰላም የቀረበውን ጥሪ አስመልክቶ ከኢዜማ የተሠጠ የድጋፍ መግለጫ!!

በ 8 ፓርቲዎችና 11 ሲቪክ ማሕበራት የተቋቋመው የትግራይ ሰላምና ለውጥ ፈላጊዎች እንቅስቃሴ ሕጋዊ አካልነቱን ባጣው ሕወሓት አማካኝነት በትግራይ ህዝብ ላይ እየተደረገ ያለው አፈና፣ ስቃይ እና እንግልት እንዲቆም እና ጦርነት እንዲቀር ጫና ለማድረግ ያለመ የሰላማዊ ሰልፍ በአዲስ አበባ እንደጠራ መረጃ ደርሶናል፤ የለውጥ እንቅስቃሴው ሁሉም ይህን ሰላማዊ ዓላማ የሚደግፉ ኢትዮጵያውያን በሰልፉ ድጋፋቸውን እንዲሰጡም ጥሪ አቅርቧል።

ፓርቲያችን ኢዜማ የትግራይን ህዝብ ከዳግም ጦርነት እና ስቃይ ለማዳን የሚደረጉ ሰላማዊ እንቅስቃሴዎች ሁሉ እንደሚደግፍ በተደጋጋሚ በገለፀው መሠረት ለዚህ ሰላማዊ ሰልፍ ይፋዊ ድጋፉን እየገለፀ የኢዜማ አባላትና ደጋፊዎችም በሰልፉ በመገኘት እምቢ ለጦርነት የሚል ድጋፋቸውን እንዲያሳዩ ጥሪውን ያቀርባል።

እምቢ ለጦርነት!
የኢትዮጵያ ዜጎች ለማኅበራዊ ፍትሕ (ኢዜማ)

በምርጫ አሸንፈው ምክር ቤት ከገቡ ተፎካካሪ ፓርቲዎች ጋር በጋራ የመስራት ዓላማ ያለው "ኮከስ" ለመመስረት ማቀዱን ኢዜማ አስታወቀ

የኢትዮጵያ ዜጎች ለማኅበራዊ ፍትሕ (ኢዜማ) በ2019 ዓ.ም. ሥራ በሚጀምረው የኢፌዲሪ የሕዝብ ተወካዮች ምክር ቤት፣ ከሌሎች ተፎካካሪ ፓርቲዎች ጋር በጋራ ለመስራት የሚያስችለውን "ኮከስ" በመመስረት የመሥራት እቅድ እንዳለው አስታውቋል።

ፓርቲው እንደ አብን ካሉ ምክር ቤት ለመግባት የሚያስችላቸውን ድምጽ ካገኙ የፖለቲካ ኃይሎች ጋር በመቀናጀት በሚያስማሙ የመታገያ አጀንዳዎች ላይ ለመስራት እንዳቀደ ገልጿል።

የኢዜማ የስራ አስፈጻሚ አባል አርክቴክት ዮሐንስ መኮንን እንደገለጹት፤ ፓርላማ በገቡ ተፎካካሪ ፓርቲዎች የሚመሰረተው ኮከስ አላማ በምክር ቤቱ የጋራ አጀንዳዎችን በማቅረብ ተጽዕኖ መፍጠር ነው።

ጥምረቱ ለሕዝብ የሚጠቅሙ ጉዳዮች በገዢው ፓርቲ ተቀባይነት እንዲያገኙ ከፍ ያለ አስተዋጽኦ ይኖረዋል። ለዚህ ተግባራዊነትም ፓርቲው ከአንዳንድ የፖለቲካ ድርጅቶች ጋር የመጀመሪያ ደረጃ ምክክር ጀምሯል ተብሏል።)አርክቴክት ዮሐንስ እንዳብራሩት፤ ጥምረቱ በዋናነት በሕዝብ ጥቅም ላይ ያተኮሩ ጉዳዮችን ለመደገፍ የታለመ ነው።

ፓርቲው የሀገርን ሉዓላዊነት ማስጠበቅና የብሔርተኝነት እሳቤን መታገል እንደ ዋና ግቡ ማስቀመጡን እና ህዝብን በሚጠቅሙ የጋራ ፍላጎቶች ላይ ግን ከሌሎች ተፎካካሪ ፓርቲዎች ጋር አብሮ ለመሥራት ዝግጁ መሆኑን አመልክተዋል።

ይህ የትብብር ስልት በምክር ቤቱ ውስጥ ለሚደረጉ ውይይቶች ሚዛን ይፈጥራል ብለው እንደሚያምኑ አርክቴክቱ ገልጸዋል
#አሐዱ

ጠቅላይ ሚኒስትር ዐቢይ አሕመድ (ዶ/ር)በሕዝብ ተወካዮች ምክር ቤት በፖለቲካ ዙሪያ ያነሷቸው ዋና ዋና ሀሳቦች፡-
**********************

👉🏽ላለፉት አምስት ዓመታት በምክር ቤቱ ውስጥ የሕዝብን እና የፓርቲያቸውን ድምጽ ሲያሰሙ ለነበሩ የተፎካካሪ ፓርቲ አባላት (እንደ ኢዜማ፣ አብን እና ሌሎችም) እንዲሁም ለብልጽግና አባላት ከፍተኛ ምስጋና አቅርበዋል።

👉🏽በዘንድሮው ምርጫ ምክንያት ወደ ምክር ቤት ለማይመለሱ የተፎካካሪ ፓርቲ አባላት፣ የመንግሥት ፍላጎት በጋራ መሥራት መሆኑን በመግለጽ፤ ከምክር ቤት ውጭም ቢሆን ሀገርን ለማልማት ከመንግሥት ጋር አብረው እንዲሠሩ ጥሪ አቅርበዋል።

👉🏽የዘንድሮው ምርጫ ከተለመደው የፖለቲካ ፉክክር ባለፈ፣ ራሱ ምርጫው እንዳይካሄድ በ"ባንዳዎች" እና ፀረ-ምርጫ ኃይሎች ከፍተኛ ጫና እና ማሸማቀቅ እንደነበረበት አንስተዋል።

👉🏽ሕዝቡ ማስፈራሪያዎችን ወደጎን በመተው ሌሊት ወጥቶ በመሰለፍ ድምፁን መስጠቱን፤ በዚህም ፅንፈኝነትን፣ ባንዳነትን እና ዘረኝነትን እንደማይፈልግ በአንድ ድምፅ ማሳየቱን ገልጸዋል።

👉🏽ሕዝቡ ለመንግሥት ጅምር ሥራዎች ዕውቅና በመስጠት ድምፁን ቢሰጥም፣ ይህ ድምጽ "ባዶ ቼክ" መሆኑን አሳስበዋል።

👉🏽ሕዝቡ ሥርአታዊ ሌብነት (ሙስና) እንዲጠፋ እና አገልግሎት እንዲሻሻል አደራ መስጠቱን፤ ይህን አደራ መንግሥት በአግባቡ ካልተወጣ፣ ጥይት ሳይፈራ የመረጠው ሕዝብ በተመሳሳይ ድፍረት የተቃውሞ እርምጃ ሊወስድ እንደሚችል አስጠንቅቀዋል።

👉🏽ብልጽግና ፓርቲ ለዴሞክራሲያዊ ሥርዓት ግንባታ ሲል፣ 15 በመቶ የሚሆነውን የምክር ቤት ወንበር ተፎካካሪ ፓርቲዎች ብቻቸውን እንዲወዳደሩበት ማድረጉን እና ይህም በርካታ ፓርቲዎች ፓርላማ እንዲገቡ ዕድል መፍጠሩን አብራርተዋል።

👉🏽በሀገራዊ ምክክሩ ላይ ብልጽግና ፓርቲ ይዞት ከሚቀርባቸው አጀንዳዎች አንዱ፣ በሥልጣን ላይ ያለ መንግሥት (መሪ) ከሁለት የምርጫ ዘመን በላይ መቆየት የለበትም የሚል የሕገ-መንግስት ማሻሻያ ሀሳብ መሆኑን አስታውቀዋል።

👉🏽ጠቅላይ ሚኒስትሩ ራሳቸው ከ225 በላይ፣ ፓርቲው ደግሞ ከ4 ሺህ በላይ የሕዝብ መድረኮችን ማካሄዱን፤ እንዲሁም የሀገራዊ ምክክር ኮሚሽኑ የሕዝብ ውይይቶችን በስፋት እያደረገ መሆኑን አንስተዋል።

👉🏽ታፍነው የቆዩ ብሶቶች በነጻነት እንዲወጡ በመደረጉ፣ ብሔርን ከብሔር እና ሃይማኖትን ከሃይማኖት የሚያጋጩ የሕዝብ ለህዝብ ግጭቶች በከፍተኛ ሁኔታ መቀነሳቸውን ገልጸዋል።

👉🏽አሁን የሚታዩት ግጭቶች የሕዝብ ለሕዝብ ሳይሆኑ፣ ኢትዮጵያን ማፍረስ በሚፈልጉ ኃይሎች የሚደገፉ "ሽፍቶች እና ባንዳዎች" የሚፈጥሩት መሆኑን ገልጸዋል። የፀጥታ ተቋማት (Law Enforcement Agencies) በሰው ኃይልም ሆነ በቴክኖሎጂ አቅማቸውን እያሳደጉ መሆኑን አረጋግጠዋል።

👉🏽በኦሮሚያም ሆነ በአማራ ክልል ያሉ የታጠቁ ኃይሎች ግጭት ወደ ድል ስለማያደርስ፣ ውይይት እና ድርድርን መርጠው ወደ ሰላማዊ መንገድ እንዲመለሱና በጋራ ሀገር እንዲገነቡ የሰላም ጥሪ አቅርበዋል።
#ethiopia #parliament #pmabiyahmed #politics #ebc

በምርጫው ያልጠበቃችሁት ሽንፈትና ድል ያገኛችሁት የት ነው? ከኢዜማ መሪ ኢዮብ መሳፍንት ጋር የተደረገ ቆይታ

" target="_blank" class="inline-link">https://new-en.yenevibe.co...

u1260u121du122du132bu12cd u12ebu120du1320u1260u1243u127du1201u1275 u123du1295u1348u1275u1293 u12f5u120d u12ebu1308u129bu127du1201u1275 u12e8u1275 u1290u12cd? u12a8u12a2u12dcu121b u1218u122a u12a2u12eeu1265 u1218u1233u134du1295u1275 u130bu122d u12e8u1270u12f0u1228u1308 u1246u12edu1273 #u134bu1293u121au12f2u12ebu12aeu122du1356u122cu123du1295 #fanamediacorporation ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
በምርጫው ያልጠበቃችሁት ሽንፈትና ድል ያገኛችሁት የት ነው? ከኢዜማ መሪ ኢዮብ መሳፍንት ጋር የተደረገ ቆይታ #ፋናሚዲያኮርፖሬሽን #fanamediacorporation

በጠቅላላ ምርጫው በርካታ ተፎካካሪ የፖለቲካ ፓርቲዎች የምክር ቤት ወንበር ማሸነፋቸው የዴሞክራሲ ምህዳሩን መስፋት ያረጋገጠ ነው፡- የተለያዩ የፖለቲካ ፓርቲ አመራሮች
*******************

የኢትዮጵያ ብሔራዊ ምርጫ ቦርድ በስኬት የተካሄደውን የሰባተኛው ጠቅላላ ምርጫ ውጤት ይፋ ማድረጉን ተከትሎ፣ በርካታ ተፎካካሪ የፖለቲካ ፓርቲዎች የምክር ቤት ወንበሮችን ማሸነፋቸው በኢትዮጵያ የዴሞክራሲ ምህዳሩ እየሰፋ መመጣቱን በተግባር ያሳየ መሆኑን የተለያዩ የፖለቲካ ፓርቲ አመራሮች ገለጹ።

ይህ ስኬት በክልል እና በሕዝብ ተወካዮች ምክር ቤት የተሻለ የሀሳብ ብዝኃነት እንዲኖርና ጠንካራ የመንግሥት ተቋማትን የመገንባት ሂደትን ለማሳካት ከፍተኛ አስተዋጽኦ እንዳለው ተጠቁሟል።

በተገለጸው የምርጫ ውጤት መሠረት ብልፅግና ፓርቲ ለሕዝብ ተወካዮች ምክር ቤት 438 መቀመጫዎችን ሲያገኝ፤ ኢዜማ 13፣ አብን 6፣ ነእፓ 3፣ መድረክ 3፣ አዴኃን 3፣ ትብብር ለኢትዮጵያ አንድነት 2 ወንበሮችን ያሸነፉ ሲሆን ሌሉች 10 ተፎካካሪ ፓርቲዎች ደግሞ እያንዳንዳቸው አንድ የምክር ቤት ወንበር አግኝተዋል።

ለክልል ምክር ቤት በተደረገው ውድድርም ኢዜማ 73፣ ነእፓ 35፣ ሰላም ለኢትዮጵያ ጥምረት 34፣ ኦብነግ 20፣ ጉህዴን 14፣ መድረክ 11፣ ትብብር ለኢትዮጵያ አንድነት 6፣ ሕዳሴ ፓርቲ 5 እና ቤህነን 5 ወንበሮችን ማሸነፍ ችለዋል።

የነጻነትና እኩልነት ፓርቲ የሕዝብ ግንኙነት ኃላፊ ወይዘሮ ነቢሃ መሀመድ ምርጫው የሕዝብ ድምፅ መንግሥት ለመመስረት ብቸኛው መንገድ መሆኑንና መንግሥት የሚመሰረተው በኃይል ሳይሆን በሐሳብ ብቻ መሆኑን ያስተማረ ነው ማለታቸውን ኢዜአ ዘግቧል።

አያይዘውም ፓርቲያቸው በሀገራዊ ጥቅም፣ በሉዓላዊነት፣ በወጣቶች የሥራ ዕድል ፈጠራና በምግብ ዋስትና ዙሪያ ከብልጽግና ፓርቲ ጋር በትብብር ለመሥራት ዝግጁ መሆኑን አረጋግጠዋል።

በሌላ በኩል የወሎ ሕዝቦች ዴሞክራሲያዊ ፓርቲ ፕሬዝዳንት አቶ ነጻነት ጣሰው ከተፎካካሪ ፓርቲዎች ጋር እስከ ታችኛው መዋቅር ተቀራርቦ መሥራት ሀገር ለማሻገር ቁልፍ ሚና እንዳለው በመጥቀስ፣ ለሀገረ መንግሥት ግንባታና ለሀገራዊ ምክክሩ መሳካት ፓርቲያቸው የፖሊሲ ምክረ ሐሳቦችን በጥናት ለይቶ በማቅረብ ኃላፊነቱን እንደሚወጣ አስታውቀዋል።
#ethiopiaelections #democracy #politicalpluralism #nationalunity #ethiopianbroadcastingcorporation

የሥልጣን መያዣው መንገድ በምርጫ ብቻ መሆን እንዳለበት ሕዝቡ በተግባር አሳይቷል፡- የኢዜማ መሪ አቶ እዮብ መሳፍንት
**********************

የኢትዮጵያ ዜጎች ለማኅበራዊ ፍትሕ (ኢዜማ) መሪ አቶ እዮብ መሳፍንት ከኢቲቪ ወቅታዊ ጋር ባደረጉት ቆይታ፣ የድህረ ምርጫ ወቅታዊ ሁኔታዎችንና የፓርቲያቸውን የቀጣይ የፖለቲካ አቅጣጫ በተመለከተ ሰፊ ማብራሪያ ሰጥተዋል፡፡

መሪው በምርጫው ወቅት የታየውን ከፍተኛ የሕዝብ ተሳትፎ ያደነቁ ሲሆን፣ ሕዝቡ በተለያዩ ተግዳሮቶች ሳይበግረው ረጅም ሰዓት ተሰልፎ መምረጡ ከሰላማዊ አማራጭ ውጪ በጠመንጃ ሥልጣን የመያዝ አባዜ ከኢትዮጵያ የፖለቲካ ባህል ውስጥ ሙሉ በሙሉ መወገድ እንዳለበት ያሳየበት ግልጽ መልዕክት ነው ብለዋል፡፡

ኢዜማ ወደ ምርጫው የገባው የኢትዮጵያን ተጨባጭ የፖለቲካ ምኅዳር በጥልቀት ገምግሞ መሆኑን የገለጹት አቶ እዮብ፣ ፓርቲው አስቀድሞ ካስቀመጠው ግብ አንጻር የአሁኑ ተሳትፎው ከሞላ ጎደል ስኬታማ እንደነበርና ምርጫ ሲደርስ ብቻ የሚደናገጥ ሳይሆን ራሱን ወዲያውኑ ለቀጣዩ ምርጫ ማዘጋጀት መጀመሩን አስታውቀዋል፡፡

ኢዜማ በክልልና በፌደራል ምክር ቤቶች በድምሩ 86 ወንበሮች ማግኘቱን የጠቀሱት መሪው፣ እነዚህን ወንበሮች በመጠቀም አማራጭ ፖሊሲዎችን ወደፊት ለመግፋትና መንግሥትን ለመጠየቅ በቁርጠኝነት እንደሚሰሩበት አረጋግጠዋል፡፡

አያይዘውም አሁን ለተመረጠው መንግሥት የተሰጠው ኃላፊነት ከተጠያቂነት ጋር የተሰጠ ሕዝባዊ አደራ እንጂ እንደፈለጉ የሚፈነጩበት ሥልጣን አለመሆኑን አሳስበዋል፡፡

በኢትዮጵያ ያለው የምርጫ ሥርዓት ተቀይሮ የአንድም ዜጋ ድምፅ እንዳይባክን የሚያደርግ “የተመጣጣኝ ውክልና ሥርዓት” ሊተገበር እንደሚገባ ፓርቲያቸው በፅኑ እንደሚያምንና ኢትዮጵያ ውስጥ ከፖለቲካና ከዘውግ ወገንተኝነት የጸዱ፣ በእውቀት ላይ የተመሰረቱ ገለልተኛ ተቋማትን (Institutions) ለመገንባት የገዥው ፓርቲ ቀዳሚ ኃላፊነት ቢሆንም የሁላችንም የጋራ ርብርብ ያስፈልገናል ብለዋል፡፡

የባሕር በር ጉዳይን በተመለከተ ማብራሪያ የሰጡት አቶ እዮብ መሳፍንት፣ የባሕር በር ጥያቄ የቅንጦት ሳይሆን ከ120 ሚሊዮን በላይ ሕዝብ ላላት ሀገር የልማት፣ የዕድገትና የደኅንነት ዋስትና መሆኑን ገልጸዋል።

ይህንን ብሔራዊ ጥቅም ከፊት ሆኖ ከሚያራምድ ከማንኛውም አካልና ከመንግሥት ጋር በትብብር ለመሥራት ፓርቲያቸው ዝግጁ መሆኑን በድፍረት ተናግረዋል፡፡

በመሐመድ ፊጣሞ
#ethiopianelection #ezema #peacefulpolitics #nationalinterest #ethiopianbroadcastingcorporation

ሰርገኛ መጣ በርበሬ ቀንጥሱ አይደለንም… ለቀይ ባሕር ግንባራችንን አናጥፍም - ኢዜማ | Ethiopia | Red Sea |

ከኢዜማ መሪ ኢዮብ መሳፍንት ጋር የተደረገ ቆይታ
ዛሬ ምሽት ይጠብቁን! #ethiopiabroadcastingcorporation #ebcdotstream #ezema

ከወንበር በላይ ሀገር !

የምርጫ ቦርድ የዘንድሮውን ሀገራዊ ምርጫ ውጤት ይፋ ውጤት የሀገሪቱን የፖለቲካ ካርታ ግልጽ አድርጎታል። ገዥው ብልጽግና ፓርቲ አብላጫውን ወንበር ወስዷል፤ ሀገራችንም ወደ ሌላ አዲስ የፖለቲካ ምዕራፍ ተሻግራለች።

ኢዜማ የለፋውን እና የደከመበትን ያህል ባይሆንም 86 ወንበሮችን አሸንፏል (13ቱ በፌደራል ፓርላማ፣ 73ቱ በክልል ምክር ቤቶች) በዚህ ውጤቱ ኢዜማ በፓርላማው ውስጥ ዋነኛው ተፎካካሪና አማራጭ ድምፅ ሆኖ ወጥቷል። ለመሆኑ ይህ ውጤት የለፋንለትና የተመኘነው ያህል ነው? ፈጽሞ አይደለም። ታዲያ በቀላሉ የምናጣጥለው እና ፋይዳቢስ የሚባልስ ነው? በፍጹም!

ፖለቲካ እንደ ሎተሪ ዕጣ በአንድ ጀምበር ሁሉንም እድል ጠራርጎ የሚወሰድበት ወይንም በተቃራኒው ሁሉንም ተበልቶ በባዶ እጅ እየቆዘሙ አንገት ደፍቶ ወደቤት የሚኬድበት የዕድል ጨዋታ አይደለም። ለኢዜማ 86 ወንበሮች በማሸነፍ፣ ጠንካራ መዋቅርን ለመሥራት እና ቀጣዩ ምርጫ እስኪደርስ መላውን አባላት በንቃት የሚያሳትፍ በርካታ የቤት ሥራ ይዞ መውጣትም በፖለቲካ ዐይን ተጨማሪ የዴሞክራሲ እርምጃ ነው።

ከእኛ ጋር ተፎካካሪ የነበሩ፤ የሕዝብ አመኔታ እና ድምጽ ሲያጡ እና እንዳለሙት ውጤት ሳይቀናቸው ሲቀር፣ የሌላውን ድካምና ውጤት ለማጣጣል እና ስም ለመለጠፍ የሚሮጡትን "አንዳንድ የተቃውሞ ነዋሪዎች" ስናይ... "ያጣ ለማኝ ተሳድቦ ይሄዳል" ከሚለው ነባር የሀገራችን ብሂል የተሻለ ምን ማስተማሪያ ሊገኝላቸው ይችላል?

ሌሎች ደግሞ አሉ። ዓላማቸው ከዓላማችን፤ መንገዳቸውም ከመንገዳችን ስላልገጠመ ብቻ ማኅበራዊ ሚዲያ ላይ ተጥደው ሲረግሙን ውለው ሲረግሙን በማደራቸው ፖለቲካ የተነተኑ የሚመስላቸው የቁራ ጯሂዎች! የተለመደው ቁርጥ ያለ መልሳቸን “ያዋጣል በምትሉት መንገድ ሂዱ! የእኛን መንገድ ለእኛ ተዉልን” የሚል ይሆናል። ዳር ቆመው ሰባራ ሳንቲም ሳያዋጡ ተዓምር ለሚናፍቁ የሰነፍ ቅምጥሎችና ‘የሶሻል ሚዲያ አርበኞች’ መልካም የምኞት ጊዜ ይሁንላቸው ከማለት ውጪስ ምን ይባላል?

እኛ ኢዜማውያን ግን ዲሞክራሲ የሚገነባው እጅጌን ሰብስቦ እና ቆፍጠን ብሎ መሬት ላይ ሥራ በመሥራት መሆኑን ስለምናምን ከባለፈው የምርጫ ተሳትፎአችን በብዙ እጥፍ የጨመረውን ውጤት በጸጋ ተቀብለን እና የሕዝብ ድምጽ አክብረን በጨዋነት እና በስለጠነ ዘመናዊ ፖለቲካ ተሳትፎ ወደፊት እንራመዳለን። በውድድር ውስጥ ማሸነፍን ብቻ ሳይሆን፣ ተሸንፎም ትልቁን ሀገራዊ ስዕል ማየት መቻል የፖለቲካ ብስለት መለኪያ ነውና።

አሁን የምርጫው አጀንዳ ከሞላ ጎደል ተጠናቅቋል፤ አሸናፊዎች ወደየምክር ቤቶቻቸው፤ የተቀረነውም ወደየ እለታዊ ተግባራችን እንመለሳለን። ሀገርን ማገልገል በምክር ቤቶች ተሳትፎ ብቻ አይወሰንም። የሀገር ግንባታ በምርምር ማዕከላት፣ በዩኒቨርሲቲዎች፣ በሙያ ማኅበራት፤ በሲቪክ መድረኮች፣ በልዩ ልዩ የማኅበረሰብ ከገልግሎቶች ውስጥ ይቀጥላል።

… እንዲያውም ሁሉም ሰው በድንገት የሕገ-መንግስት ተንታኝ፣ የጂኦፖለቲካው ነብይ፣ የፌደራሊዝም ሐዋርያ በሚሆንበት በዚያ ድራማዊ የቡና ጠረጴዛ ውይይት ውስጥ ጭምር ሕይወት እንደወትሮው ይቀጥላል።

እስካሁን የተጓዝንበትን ለሀገር እና ለወገን የሚጠቅም የፖለቲካ ተሳትፎን በኩራት እያከበርን፤ አሁን ደግሞ የፓርቲ ማሊያችንን አውልቀን፣ የሙያ ጃኬታችንን ለብሰን ወደ ዋናው ሥራችን ብንመለስ ምን ይለናል? የሽሚዞቻችን እጅጌ ስብስበን "ዳዬ ወደሥራ!" ብለናል።

እግረመንገድም ከአድካሚው እና እንደ ልቅሶ ቤት አግዳሚ ወንበር ከሊቅ እስከ ደቂቅ አኩል ተኮልኩሎ ከፊሉ ሲራገም ከፊሉ ሲመርቅ ከሚውልበት የማኅበራዊ ሚዲያ መድረክም እስከውዲያኛውም ባይሆንም እረፍት መውጣት ተገቢ አይደለም ትላላቸሁ?

መልክም ጊዜ !

(አርኪቴክት ዮሐንስ መኮንን የኢዜማ ከፍተኛ አመራር)
#ኢትዮጵያ #ኢዜማ #ሀገርግንባታ #ምርጫ2018 #ዲሞክራሲ

ኢዜማ ለምርጫ አሸናፊው ብልፅግና ፓርቲ የእንኳን ደስ አላችሁ መልዕክት አስተላለፈ

የሀገር አቀፉ ምርጫ 2018 ውጤት ይፋ መሆኑን ተከትሎ ከኢዜማ የተሠጠ መግለጫ!!

ሀገር አቀፉ ምርጫ 2018 መጠናቀቁን በትላንትናው ዕለት የኢትዮጵያ ብሔራዊ ምርጫ ቦርድ ይፋዊ የምርጫ ውጤት በማሣወቅ አረጋግጧል፤ ምርጫው ከነእንከኖቹም ቢሆን በሰላም በመጠናቀቁ ፓርቲያችን እንኳን ደስ አለን ለማለት ይወዳል።

በተጨማሪም ፓርቲያችን ለውድድር በቀረበባቸው ቦታዎች 13 የሕዝብ ተወካዮች ምክር ቤት እና 73 የክልል እና የከተማ ምክር ቤት ወንበሮችን በድምሩ 86 መቀመጫዎችን በማግኘት በሀገር አቀፍ ደረጃ ቀዳሚው ተፎካካሪ ፓርቲ ሆኖ አጠናቋል። ይህንን ተጨባጭ ስኬት ላስመዘገቡ የፓርቲያችን ዕጩዎች፣ አባላት፣ ደጋፊዎች እና በሂደቱ በቅንነት ለተሳተፉ አካላት ሁሉ እንኳን ደስ አለን እንኳን ደስ አላችሁ ለማለት ይወዳል።

ፓርቲያችን ከቀጣዩ ምርጫ በፊት ባሉት ዓመታት ጠንካራ ጎኖቹን በማስቀጠል እንዲሁም የነበሩበትን ክፍተቶች በስትራቴጂ እና ሌሎች አስፈላጊ ተግባራት በመሙላት ተጨባጭ የተፎካካሪ ፓርቲነት ሚናውን ጊዜ ሳያባክን የሚጀምረው ዛሬ መሆኑን እየገለፅን፤ በነዚህ ዓመታት ከዚህ ቀደም ስናደርገው እንደነበረ ሁሉ ብሔራዊ ጥቅሞችን በሚያሣኩ ጉዳዮች ከሁሉም ኢትዮጵያዊ ኃይል ጋር በመተባበር የምንንቀሳቀስበት መፎካከሪያ አጀንዳዎች ላይ ማኅበረሰባችንን በሚመጥን ጨዋነት ልዩነቶቻችንን እና ትችቶቻችንን እያቀረብን የጀመርነውን ጤናማና ዘመናዊ የፖለቲካ ባሕል የማዋለድ ተግባራችንን በተጠናከረ መልኩ የምንቀጥልበት እንዲሁም ለተጨማሪ ስኬት የምንንደረደርበት እንደሚሆን ቃል እንገባለን።

በመጨረሻም ገዢ ሆኖ እንዲቀጥል ለተመረጠው ብልጽግና ፓርቲ እንዲሁም በውድድሩ ተሳትፋችሁ የሕዝብ ውክልናን ላሳካችሁ ተፎካካሪዎች እንኳን ደስ አላችሁ ለማለት እንወዳለን።

አሸናፊው ፓርቲ ከዛሬ ጀምሮ ዴሞክራሲያዊ ተቋማትን ለመገንባትና ፍትሐዊ የፖለቲካ ምህዳርን ለሁሉም እኩል ተደራሽ ለማድረግ በቁርጠኝነት እንዲሠራ፤ ለሀገር እድገትና ለውጥ ጠቃሚ ሀሳቦች ከማንኛውም ወገን ሊገኙ እንደሚችሉ በመረዳት አማራጭ ሃሳቦችን እንዲሰማ፤ እንዲሁም ትችቶችን በሆደ ሰፊነት እያስተናገደ ሀገራችን የሚያስፈልጋትን ዴሞክራሲ በጋራ እንድንገነባ ጥሪ እናቀርባለን።

ኢዜማ

ኢዜማ በ7ኛዉ ዙር ሀገር አቀፍ ምርጫ 86 መቀመጫዎችን በማግኘት ቀዳሚዉ ተፎካካሪ ፓርቲ ሆኖ ማጠናቀቁን ገለፀ

የኢትዮጵያ ዜጎች ለማሕበራዊ ፍትሕ ኢዜማ ሀገር አቀፉ ምርጫዉ ከነእንከኖቹም ቢሆን በሰላም በመጠናቀቁ ደስተኛ ነኝ ሲል መግለጫ ሰጥቷል፡፡

ይህን ተከትሎም ፓርቲዉ ለውድድር በቀረበባቸው ቦታዎች 13 የሕዝብ ተወካዮች ምክር ቤት እና 73 የክልል እና የከተማ ምክር ቤት ወንበሮችን በድምሩ 86 መቀመጫዎችን በማግኘት በሀገር አቀፍ ደረጃ ቀዳሚው ተፎካካሪ ፓርቲ ሆኖ ማጠናቀቁን አስታዉቋል።

ኢዜማ ከቀጣዩ ምርጫ በፊት ባሉት ዓመታት ጠንካራ ጎኖቹን በማስቀጠል እንዲሁም የነበሩበትን ክፍተቶች በስትራቴጂ እና ሌሎች አስፈላጊ ተግባራት በመሙላት ተጨባጭ የተፎካካሪ ፓርቲነት ሚናውን ጊዜ ሳያባክን የሚጀምረው ተግባር መሆኑን ጠቁሟል፡፡

ፓርዉ አክሎም ገዢ ሆኖ እንዲቀጥል ለተመረጠው ብልጽግና ፓርቲ እና ለውድድሩ ተሳታፊዎች የእንኳን ደስያላችሁ መልዕክቱን አሥተላልፏል፡፡

በተጨማሪም አሸናፊው ፓርቲ ከዛሬ ጀምሮ ዴሞክራሲያዊ ተቋማትን ለመገንባትና ፍትሐዊ የፖለቲካ ምህዳርን ለሁሉም እኩል ተደራሽ ለማድረግ በቁርጠኝነት እንዲሠራ፤ አማራጭ ሃሳቦችን እንዲሰማ፤ እንዲሁም ትችቶችን በሆደ ሰፊነት እያስተናገደ የሀገሪቱን ዴሞክራሲ በጋራ ለመገንባት ቁርጠኛ እንዲሆን ጥሪዉን አቅርቧል፡፡

Seledadotio
Seledadotio

የኢዜማ የምርጫ 2018 86 መቀመጫዎችን ማሸነፉን አስታወቀ

​#fastmereja I የኢትዮጵያ ብሔራዊ ምርጫ ቦርድ የ2018 ሀገር አቀፍ ምርጫ ይፋዊ ውጤትን ይፋ ማድረጉን ተከትሎ፣ የኢትዮጵያ ዜጎች ለማኅበራዊ ፍትህ (ኢዜማ) በምርጫው ያገኘውን ውጤት በመግለጽ ለቀጣይ የሥራ አቅጣጫዎች ጥሪ አቅርቧል። ፓርቲው በምርጫው በድምሩ 86 መቀመጫዎችን በማሸነፍ አጠናቋል።

​የኢትዮጵያ ብሔራዊ ምርጫ ቦርድ ትላንት ባወጣው ይፋዊ ውጤት መሠረት፣ ኢዜማ በሀገር አቀፍ ደረጃ የተወዳደረባቸውን የሕዝብ ተወካዮች ምክር ቤት 13 ወንበሮች እንዲሁም 73 የክልልና የከተማ ምክር ቤት ወንበሮችን በማሸነፍ አጠቃላይ 86 መቀመጫዎችን ይዟል።

​ፓርቲው በሰጠው መግለጫ፣ ምርጫው በሰላም መጠናቀቁን በመጥቀስ ለዕጩዎቹ፣ ለአባላቱ እና ለደጋፊዎቹ የእንኳን ደስ አላችሁ መልእክት አስተላልፏል። ኢዜማ በውጤቱ በመደሰት ብቻ ሳይወሰን፣ የቀጣዮቹን ዓመታት የሥራ አቅጣጫ በግልጽ አስቀምጧል።

​ለብልጽግና ፓርቲ የእንኳን ደስ አላችሁ መልእክት ያስተላለፈው ኢዜማ፤ ገዢው ፓርቲ ዴሞክራሲያዊ ተቋማትን በመገንባት፣ ፍትሐዊ የፖለቲካ ምህዳርን በመፍጠር፣ አማራጭ ሀሳቦችን በመቀበል እና ትችቶችን በሆደ ሰፊነት በማስተናገድ ኃላፊነቱን እንዲወጣ ጥሪ አቅርቧል።

ኢዜማ 86 መቀመጫዎችን በማግኘት በሀገር አቀፍ ደረጃ ቀዳሚው ተፎካካሪ ፓርቲ ሆኖ ማጠናቀቁን አስታወቀ
*******************

የሀገር አቀፉ ምርጫ 2018 ውጤት ይፋ መሆኑን ተከትሎ ከኢዜማ የተሠጠ መግለጫ!!

ሀገር አቀፉ ምርጫ 2018 መጠናቀቁን በትላንትናው ዕለት የኢትዮጵያ ብሔራዊ ምርጫ ቦርድ ይፋዊ የምርጫ ውጤት በማሣወቅ አረጋግጧል፤ ምርጫው ከነእንከኖቹም ቢሆን በሰላም በመጠናቀቁ ፓርቲያችን እንኳን ደስ አለን ለማለት ይወዳል።

በተጨማሪም ፓርቲያችን ለውድድር በቀረበባቸው ቦታዎች 13 የሕዝብ ተወካዮች ምክር ቤት እና 73 የክልል እና የከተማ ምክር ቤት ወንበሮችን በድምሩ 86 መቀመጫዎችን በማግኘት በሀገር አቀፍ ደረጃ ቀዳሚው ተፎካካሪ ፓርቲ ሆኖ አጠናቋል። ይህንን ተጨባጭ ስኬት ላስመዘገቡ የፓርቲያችን ዕጩዎች፣ አባላት፣ ደጋፊዎች እና በሂደቱ በቅንነት ለተሳተፉ አካላት ሁሉ እንኳን ደስ አለን እንኳን ደስ አላችሁ ለማለት ይወዳል።

ፓርቲያችን ከቀጣዩ ምርጫ በፊት ባሉት ዓመታት ጠንካራ ጎኖቹን በማስቀጠል እንዲሁም የነበሩበትን ክፍተቶች በስትራቴጂ እና ሌሎች አስፈላጊ ተግባራት በመሙላት ተጨባጭ የተፎካካሪ ፓርቲነት ሚናውን ጊዜ ሳያባክን የሚጀምረው ዛሬ መሆኑን እየገለፅን፤ በነዚህ ዓመታት ከዚህ ቀደም ስናደርገው እንደነበረ ሁሉ ብሔራዊ ጥቅሞችን በሚያሣኩ ጉዳዮች ከሁሉም ኢትዮጵያዊ ኃይል ጋር በመተባበር የምንንቀሳቀስበት መፎካከሪያ አጀንዳዎች ላይ ማኅበረሰባችንን በሚመጥን ጨዋነት ልዩነቶቻችንን እና ትችቶቻችንን እያቀረብን የጀመርነውን ጤናማና ዘመናዊ የፖለቲካ ባሕል የማዋለድ ተግባራችንን በተጠናከረ መልኩ የምንቀጥልበት እንዲሁም ለተጨማሪ ስኬት የምንንደረደርበት እንደሚሆን ቃል እንገባለን።

በመጨረሻም ገዢ ሆኖ እንዲቀጥል ለተመረጠው ብልጽግና ፓርቲ እንዲሁም በውድድሩ ተሳትፋችሁ የሕዝብ ውክልናን ላሳካችሁ ተፎካካሪዎች እንኳን ደስ አላችሁ ለማለት እንወዳለን።

አሸናፊው ፓርቲ ከዛሬ ጀምሮ ዴሞክራሲያዊ ተቋማትን ለመገንባትና ፍትሐዊ የፖለቲካ ምህዳርን ለሁሉም እኩል ተደራሽ ለማድረግ በቁርጠኝነት እንዲሠራ፤ ለሀገር እድገትና ለውጥ ጠቃሚ ሀሳቦች ከማንኛውም ወገን ሊገኙ እንደሚችሉ በመረዳት አማራጭ ሃሳቦችን እንዲሰማ፤ እንዲሁም ትችቶችን በሆደ ሰፊነት እያስተናገደ ሀገራችን የሚያስፈልጋትን ዴሞክራሲ በጋራ እንድንገነባ ጥሪ እናቀርባለን።

Ethiopian Broadcasting Corporation #ምርጫ #ኢዜማ #ኢትዮጵያ

ብልጽግና ፓርቲ አሸነፈ!
- የኢትዮጵያ ብሔራዊ ምርጫ ቦርድ
#ethiopia | አዲስ አበባ – የኢትዮጵያ ብሔራዊ ምርጫ ቦርድ ዛሬ ይፋ ባደረገው የምርጫ ውጤት መሠረት፣ ገዥው ብልጽግና ፓርቲ በሕዝብ ተወካዮች ምክር ቤት ምርጫ ከፍተኛ ድል አስመዝግቧል።

የምርጫ ቦርዱ ሰብሳቢ ወይዘሮ መላትወርቅ ኃይሉ እንዳስታወቁት፣ ብልጽግና ፓርቲ ውድድር ከተካሄደባቸው 486 የፓርላማ መቀመጫዎች ውስጥ 438 መቀመጫዎችን በማሸነፍ ከፍተኛ አብላጫ አግኝቷል።

ምርጫው ሰኔ 1 ቀን ቢካሄድም፣ በትግራይ፣ በአማራ እና በኦሮሚያ ክልሎች የሚገኙ አንዳንድ አካባቢዎች በጸጥታ ችግሮች ምክንያት ምርጫው ሳይካሄድ ቀርቷል።

በሌሎች የአገሪቱ ክፍሎች ግን በታቀደው የጊዜ ሰሌዳ መሠረት ተከናውኗል።

በምርጫው ከ40 በላይ ፓርቲዎች ቢሳተፉም፣ ብዙዎቹ በፋይናንስ እጥረት ምክንያት ሰፊ ተሳትፎ ማድረግ አልቻሉም። በ64 የምርጫ ክልሎች ውስጥም ብልጽግና ፓርቲ ያለ ተቀናቃኝ ለብቻው ተወዳድሯል።

ከተፎካካሪ ፓርቲዎች ውስጥ ኢዜማ 293 ዕጩዎችን ለውድድር ያቀረበ ሲሆን፣ ብልጽግና ፓርቲ 461 ዕጩዎችን አቅርቦ ነበር። የምርጫ ቦርዱ እንደገለጸው፣ የብልጽግና ፓርቲ ድል ውድድር ከተካሄደባቸው መቀመጫዎች 90 በመቶ የሚጠጋውን ይሸፍናል።

የሕዝብ ተወካዮች ምክር ቤት ጠቅላይ ሚኒስትሩን የሚሰይም በመሆኑ፣ ይህ ውጤት ጠቅላይ ሚኒስትር አብይ አህመድ በስልጣን ላይ ለተጨማሪ አምስት ዓመታት የሚቆዩበትን እድል እንደሚያሰፋ ተገልጿል።

በሌላ በኩል፣ አንዳንድ የፖለቲካ ተንታኞች በተወሰኑ የአማራ፣ የኦሮሚያ እና የትግራይ አካባቢዎች ምርጫው አለመካሄዱ በአገሪቱ ውስጥ ያሉ የፀጥታና የፖለቲካ ችግሮች አሁንም ቀጣይነት እንዳላቸው የሚያሳይ መሆኑን ገልጸዋል።

– የኢትዮጵያ ብሔራዊ ምርጫ ቦርድ

(ዘ-ሐበሻ ዜና) የኢትዮጵያ ብሔራዊ ምርጫ ቦርድ ዛሬ እሁድ ዕለት ይፋ ባደረገው የምርጫ ውጤት መሠረት፣ የጠቅላይ ሚኒስትር አብይ አህመድ ብልጽግና ፓርቲ ከፍተኛ አብላጫ ድምፅ በማግኘት አሸንፏል።
የብሔራዊ ምርጫ ቦርድ ሰብሳቢ ወይዘሮ ሜላትወርቅ ኃይሉ እንዳስታወቁት "ገዥው ብልጽግና ፓርቲ በሕዝብ ተወካዮች ምክር ቤት ውድድር ከተካሄደባቸው 486 መቀመጫዎች ውስጥ 438ቱን አሸንፏል"።

ሰኔ አንድ ቀን የተካሄደው ይኸው የፓርላማ ምርጫ፣ በትግራይ፣ በአማራ እና በኦሮሚያ ክልሎች ውስጥ በሚገኙ አንዳንድ አካባቢዎችን ጨምሮ በተወሰኑ የሀገሪቱ ክፍሎች ሳይካሄድ ቢቀርም፣ በተቀረው የሀገሪቱ ክፍል ግን በተያዘለት መርሃ ግብር መሰረት ተከናውኗል።

ከጠቅላይ ሚኒስትር አብይ አህመድ የብልጽግና ፓርቲ ጋር ከ40 በላይ ፓርቲዎች የተወዳደሩ ቢሆንም፣ አብዛኛዎቹ የፋይናንስ እጥረት የነበረባቸው በመሆኑ ገዥው ፓርቲ በ64 የምርጫ ክልሎች ውስጥ ያለ ምንም ተቀናቃኝ ለብቻው ተወዳድሯል። ከተፎካካሪ ፓርቲዎች በተሻለ ከፍተኛ የዕጩዎች ውክልና የነበረው ኢዜማ 293 ዕጩዎችን ሲያቀርብ፣ ብልጽግና ፓርቲ በበኩሉ 461 ዕጩዎችን ለውድድር አቅርቦ ነበር።
"የብልጽግና ፓርቲ ድል ውድድር ከተካሄደባቸው መቀመጫዎች ውስጥ ወደ 90 በመቶ የሚጠጋውን ይሸፍናል" ሲል የምርጫ ቦርድ በመግለጫው አብራርቷል።

የሕዝብ ተወካዮች ምክር ቤት (ፓርላማው) ጠቅላይ ሚኒስትሩን የሚሰይም በመሆኑ፣ ይህ አብላጫ የምርጫ ውጤት እ.ኤ.አ ከ2018 ጀምሮ በስልጣን ላይ ላሉት አብይ አህመድ ሀገሪቱን ለተጨማሪ አምስት ዓመታት በቢሮ ሆነው እንዲመሩ ሰፊ ዕድል የሚሰጣቸው ይሆናል።
ይሁን እንጂ አንዳንድ የፖለቲካ ተንታኞች በአማራ፣ በኦሮሚያ እና በትግራይ የተወሰኑ አካባቢዎች ምርጫው ሳይካሄድ መታገዱ፣ እስካሁን እልባት ያላገኙ የውስጥ ግጭቶች በሀገሪቱ ፖለቲካዊ እንቅስቃሴ ላይ እያሳደሩ ያለውን ከፍተኛ ጫና በጉልህ የሚያሳይ ነው ሲሉ አስተያየታቸውን ሰጥተዋል።

የ7ኛው ጠቅላላ ምርጫ የክልል ምክር ቤት ውጤት

👉ሀረሪ ክልል - የክልል ምክር ቤት መቀመጫ ብዛት 36

ብልጽግና ፓርቲ - 32 መቀመጫዎች
የኢትዮጵያ ብሔራዊ አንድነት ፓርቲ - 1 መቀመጫ
ነጻነት እና እኩልነት ፓርቲ - 1 መቀመጫ
የሐረር ዴሞክራሲያዊ ፓርቲ - 1 መቀመጫ
የግል ተወዳዳሪው ጀማል አባገሮ አሕመድ - 1 መቀመጫ

👉ማዕከላዊ ኢትዮጵያ ክልል - የክልል ምክር ቤት መቀመጫ ብዛት 170

ብልጽግና ፓርቲ - 143 መቀመጫዎች
ኢዜማ - 12 መቀመጫዎች
ነጻነት እና እኩልነት ፓርቲ - 7 መቀመጫዎች
ትብብር ለኢትዮጵያ አንድነት - 3 መቀመጫዎች
ጎጎት ለጉራጌ አንድነት እና ፍትሕ ፓርቲ - 3 መቀመጫዎች
የወሎ ሕዝቦች ዴሞክራሲያዊ ፓርቲ - 1 መቀመጫ
የወለኔ ሕዝብ ዴሞክራሲያዊ ፓርቲ - 1 መቀመጫ

👉ሲዳማ ክልል - የክልል ምክር ቤት መቀመጫ ብዛት 190

ብልጽግና ፓርቲ - 175 መቀመጫዎች
የኢትዮጵያ ፌደራላዊ ዴሞክራሲያዊ አንድነት መድረክ - 8 መቀመጫዎች
ሲዳማ አንድነት ፓርቲ - 3 መቀመጫዎች
የሲዳማ ሕዝብ አንድነት ዴሞክራሲያዊ ድርጅት - 1 መቀመጫ
ባልደራስ ለእውነተኛ ዴሞክራሲ - 1 መቀመጫ
የኢትዮጵያ ዴሞክራቲክ ሕብረት - 1 መቀመጫ
የመላው ሲዳማ ሕዝብ ዴሞክራሲያዊ አንድነት ፓርቲ - 1 መቀመጫ

ጠቅላይ ሚኒስትሩ እና ምክትል ጠቅላይ ሚኒስትሩ በተወዳደሩበት ምርጫ ክልሎች አሸነፉ።

ጠቅላይ ሚኒስትር አብይ አህመድ ለፓርላማ በተወዳደሩበት ምርጫ ክልል ማሸነፋቸውን ምርጫ ቦርድ ይፋ አድርጓል።

ጠቅላይ ሚኒስትር አብይ አህመድ በኦሮሚያ ክልል  ለፓርላማ በተወዳደሩበት ጎማ ሁለት ምርጫ ክልል ማሸነፋቸውን ዛሬ ምሽት ምርጫ ቦርድ ይፋ አድርጓል።

በምርጫ ክልሉ ብልጽግና ፓርቲ፣የኢትዮጵያ ዜጎች ለማህበራዊ ፍትህ ፓርቲ ኢዜማ እና ነጻነት እና እኩልነት ፓርቲ ተወዳድረው ነበር።

በክልሉ ከፍተኛ ድምጽ ያገኘው በልጽግና ነው ።

በተጨማሪም በአማራ ክልል ባህርዳር ከተማ ምርጫ ክልል ምክትል ጠቅላይ ሚኒስትሩ ተመስገን ጥሩነህ አሸንፈዋል ብሏል ምርጫ ቦርድ።

Seledadotio
Seledadotio

ጠቅላይ ሚኒስትሩ እና ምክትል ጠቅላይ ሚኒስትሩ በተወዳደሩበት ምርጫ ክልሎች አሸነፉ።

ጠቅላይ ሚኒስትር አብይ አህመድ ለፓርላማ በተወዳደሩበት ምርጫ ክልል ማሸነፋቸውን ምርጫ ቦርድ ይፋ አድርጓል።

ጠቅላይ ሚኒስትር አብይ አህመድ በኦሮሚያ ክልል ለፓርላማ በተወዳደሩበት ጎማ ሁለት ምርጫ ክልል ማሸነፋቸውን ዛሬ ምሽት ምርጫ ቦርድ ይፋ አድርጓል።

በምርጫ ክልሉ ብልጽግና ፓርቲ፣የኢትዮጵያ ዜጎች ለማህበራዊ ፍትህ ፓርቲ ኢዜማ እና ነጻነት እና እኩልነት ፓርቲ ተወዳድረው ነበር።

በክልሉ ከፍተኛ ድምጽ ያገኘው በልጽግና ነው ።

በተጨማሪም በአማራ ክልል ባህርዳር ከተማ ምርጫ ክልል ምክትል ጠቅላይ ሚኒስትሩ ተመስገን ጥሩነህ አሸንፈዋል ብሏል ምርጫ ቦርድ።

ዘገባው የሸገር ሬዲዮ ነው

በ25 ድምፅ ወደ ምክር ቤት፤ በ7ኛው ጠቅላላ ምርጫ እጅግ ዝቅተኛ በሆነ የድምፅ ቁጥር የተመረጡ ተፎካካሪ ዕጩዎች መኖራቸው ታወቀ!
 
ምርጫ ቦርድ ባወጣቸው ተከታታይ መግለጫዎች ያጸደቃቸው ከፊል ውጤቶች፣ በርካታ ተፎካካሪ በሌለባቸው የምርጫ ክልሎች የሚወዳደሩ የተቃዋሚ ዕጩዎች እጅግ ዝቅተኛ በሆነ የመራጮች ድምፅ ወደ ምክር ቤቶች መግባታቸውን አሳይተዋል።
 
ከእነዚህ መካከል ለድሬዳዋ ከተማ ምክር ቤት በኩርቱ የምርጫ ክልል የተመረጡት የነፃነትና እኩልነት ፓርቲ ዕጩ አቶ ጀማል ኡመር ኢብራሂም፣ ከተመዘገቡት 2,204 መራጮች መካከል ያገኙት ድምፅ 25 ብቻ (1% ገደማ) እንደሆነ ተገልጿል።

በጀሎበጂና የምርጫ ክልልም የአዲስ ትውልድ ፓርቲ ተወካዩ አቶ ረመዳን መሐመድ ሰኢድ 200 ድምፅ (3%) ብቻ በማግኘት ወደ ምክር ቤት መግባት ችለዋል።ለዚህም ዋነኛው ምክንያት በእነዚህ የምርጫ ክልሎች ከወንበሮቹ ቁጥር እኩል ከሆኑት ዕጩዎች ውጪ ሌላ ተወዳዳሪ ፓርቲ ባለመኖሩ ነው።
 
እስካሁን ከተመረጡት 8 ተቃዋሚዎች መካከል እውነተኛ የአብላጫ ድምፅ (ከ50% በላይ) ያገኙት የኦብነግ ተወካይ አቶ መሀሙድ ሀሰን (73%) እና የአብን ዕጩ አቶ ጣሂር መሀመድ (59%) ብቻ ሲሆኑ፣ ቀሪዎቹ 6ቱ ዕጩዎች የኢዜማውን መሪ አቶ እዮብ መሳፍንትን (42%) ጨምሮ ከ50% በታች ድምፅ አግኝተዋል።ስምንቱም የተቃዋሚ ወኪሎች ያሸነፏቸው ወንበሮች ብልፅግና ፓርቲ ውክልናን ለማሳደግ በሚል ሆነ ብሎ ዕጩ ያላቀረበባቸው መሆኑ ታውቋል።
ኢትዮጵያ ኢንሳይደር

Seledadotio
Seledadotio

በህወሓት ላይ እርምጃ ይወሰድ-ኢዜማ‼️
የፌዴራል መንግሥቱ ሕውሓት ላይ እርምጃ እንዲወስድ ኢዜማ ጠየቀ‼️
አካሄዱ ‹መኢሶንን ይመስላል› በሚል የሚተቸው ኢዜማ በትግራይ ያንዣበበውን ወታደራዊ ውጥረት በተመለከተ መግለጫ አውጥቷል፡፡ የፌዴራል መንግስቱ ሕውሓት ላይ እርምጃ እንዲወስድም ጠይቋል፡፡ ሕውሓት ደርግን ጥሎ ስልጣን ከተቆጣጠረ አንስቶ የሰራቸውን ጥፋቶች የሚዘረዝረው መግለጫው፤ አሁን ላለው አገራዊ ችግር መንስኤው ሕውሓት ያሠፈነው የብሔር ፖለቲካ እንደሆነ አንስቷል፡፡

ለፕሪቶሪያ ስምምነት አለመተግበር እና ለተፈናቃዮች አለመመለስ ሕውሓትን ብቻ ተጠያቂ ያደገው የፓርቲው መግለጫ፤ ‹‹ይህንን ኃይል በቃህ ማለት እና በትግራይ ያሉ ወገኖቻችንን ከማያባራ መከራ መታደግ የሁላችንም ኢትዮጵያውያን የጋራ የቤት ሥራ ሊሆን ይገባል፤ ጦርነትን ሳይጀመር በፊት ማስቆም ይገባናል›› ሲል ጠይቋል፡፡

‹‹እንደ ሕወሓት ዓይነት ደም የማይጠረቃ አካል እና እሱን የሚዘውሩ ጥቂት ግለሰቦች በቃችሁ ብሎ ለማስቆም እና የትግራይ ህዝብን ካላስፈላጊ መከራ ለመታደግ በህዝብ ላይ ምንም አይነት መስዋዕትነት በማያስከትል መልኩ በሕገወጥ ቡድኑ ላይ ብቻ ያነጣጠረ አስፈላጊ ሕጋዊ እርምጃ በመንግሥት እና ከመንግሥት ጋር በጋራ በሚቆሙ ማንኛውም ለትግራይ ማኅበረሰብ በሚቆረቆር አካል ሊወሰድ እንደሚገባ ያምናል›› በማለት ሕውሃት ላይ እርምጃ እንዲወሰድ ጠይቋል፡፡

Seledadotio
Seledadotio

ለኢትዮጵያ አዲስ የፖለቲካ ባህል ያመጣው 7ኛው ጠቅላላ ምርጫ

አዲስ አበባ፣ ሰኔ 3፣ 2018 (ኤፍ ኤም ሲ) የፖለቲካ ፓርቲዎች 7ኛው ጠቅላላ ምርጫ በኢትዮጵያ የዴሞክራሲ ልምምድ ታሪክ የሰላማዊ ፖለቲካ ውድድር እና የሕዝብ ተሳትፎ መጠናከርን ያሳየ ነው አሉ።

በብልፅግና ፓርቲ ኦሮሚያ ክልል ቅርንጫፍ ጽ/ቤት የዴሞክራሲ ባህል ግንባታ ዘርፍ ኃላፊ ሞገስ ኤዴዔ እንዳሉት÷ 7ኛው ጠቅላላ ምርጫ የኢትዮጵያን የምርጫ ታሪክና ሂደት በመቀየር በሀገሪቱ አስተማማኝና ዘመናዊ የዴሞክራሲ ሥርዓት ለመገንባት የሚያስችል አዲስ የፖለቲካ ባህል ተመዝግቧል።

ኋላ ቀርና በኃይል የመጠቀም የፖለቲካ ፉክክር ሥርዓት በመቀየር በትብብር እና በፖለቲካዊ ውድድር መርህ ላይ የተመሰረተ አዲስ አሰራር በተግባር መታየቱንም አስረድተዋል።

ሰኞ ምርጫ አከናውነን ማክሰኞ ወደ ሥራ እንገባለን ያልነውን አሳክተናል ያሉት ኃላፊው÷ ምርጫው ኢትዮጵያ አሸናፊ የሆነችበት የታሪክ ምዕራፍ ሆኖ ማለፉን አመልክተዋል።

የኢትዮጵያ ሕዝብ በነቂስ ወጥቶ በሰላማዊ መንገድ ድምፅ የመስጠት ሂደትና ያሳየው ትዕግስት በዓለም አቀፍና በውጭ ታዛቢዎች ዘንድ አድናቆትና ምስክርነት ተሰጥቶታልም ነው ያሉት።

የኢዜማ ስራ አስፈፃሚ ኮሚቴ አባል የሆኑት ታሪኩ ድንበሩ በበኩላቸው÷ ባለፉት ስድስት ምርጫዎች ይስተዋሉ የነበሩ የፖለቲካ ምልክቶች፣ የሚዲያ አጠቃቀም እና የመንግሥት ተቋማት ምላሽ ሰጪነት ተግዳሮቶች በ7ኛው ጠቅላላ ምርጫ አለመታየታቸውን አመልክተዋል።

እንዲሁም የፖለቲካ ፓርቲዎች የጋራ ምክር ቤቶች በመወያየት የተፈጠሩ ችግሮች መፍትሄ ያገኙበት ልዩ ሂደት የነበረበትና የቅሬታ ሰሚ ኮሚቴዎች በቦታው ተገኝተው ፈጣን ምላሽ የሰጡበት ሁኔታ መኖሩን አንስተዋል።

በቀጣይም በሀገራዊ ጉዳዮች ላይ በጋራ መስራትና የምርጫው ውጤት ሲገለጽ ውጤቱን በጸጋ በመቀበል ለሀገር ግንባታ በትብብር መስራት እንደሚገባ አስገንዝበዋል።

በሶስና አለማየሁ