ታይላንድን እንዳየኋት፤ የ"Destination" ሳይሆን የ"Experience Economy" አገር

የጉዞ ማስታወሻ | በገብረማሪያም ይርጋ
#ethiopia | በዓለም የቱሪዝም ካርታ ላይ ታይላንድ በብዙ ጊዜ እንደ ውብ መዳረሻ ትጠቀሳለች። ነገር ግን አገሪቱን በቅርብ ለሚመለከት ሰው የሚታየው ከውብ ዳርቻዎች፣ ከቤተመቅደሶች ወይም ከሌሊት ሕይወቷ በላይ የሆነ እውነታ አለ፤ ታይላንድ ቱሪዝምን እንደ "ልምድ" በመሸጥ ኢኮኖሚዋን የምታንቀሳቅስ አገር ሆናለች።

የተባበሩት መንግስታት የቱሪዝም ድርጅት (UN Tourism) እና የዓለም ጉዞና ቱሪዝም ካውንስል (WTTC) እንደሚገልጹት፣ ታይላንድ በዓለም ከፍተኛ የቱሪስት ፍሰት ከሚያስተናግዱ አገራት መካከል ትገኛለች፤ ይህም የሆነው ተፈጥሮ ሀብቷ ብቻ ሳይሆን በተቀናጀ የልምድ ኢኮኖሚ ስርዓቷ ምክንያት ነው።

ቱሪዝም ማለት ቦታ ሳይሆን ልምድ ነው

ዛሬ ዓለም አቀፍ የቱሪዝም ገበያ ተቀይሯል። ተጓዦች "ምን አየሁ?" ከማለት ይልቅ "ምን አጋጠመኝ?" ብለው የሚያስታውሱትን ጉዞ ይፈልጋሉ።

በባንኮክ የጎዳና ምግብ ማጣጣም፣ በቺያንግ ማይ የባህል በዓል መካፈል፣ በፉኬት የባሕር ስፖርት መሞከር፣ የታይ ማሳጅና የWellness አገልግሎት መውሰድ፣ የምሽት ገበያዎችን መጎብኘት፤ እነዚህ ሁሉ ተጣምረው የሚሸጠው "ታይላንድ" የተባለውን ልምድ ነው።

የሀብት እሴት በአቀራረብ ይወሰናል

ታይላንድ ያላትን ቅርስ እና ተፈጥሮ በሙያዊ የመዳረሻ አስተዳደር፣ በጠንካራ ብራንዲንግ፣ በዲጂታል ግብይት፣ በጥራት አገልግሎት እና በማህበረሰብ ተሳትፎ አዋህዳ የዓለም ገበያ ምርት አድርጋዋለች።

ይህ ትምህርት ለኢትዮጵያም ትልቅ መልዕክት አለው።

ኢትዮጵያ ያላት ሀብት ከብዙዎች ይበልጣል

የሰው ልጅ መገኛ ታሪክ፣ የዓለም ቅርሶች፣ የተራሮች ውበት፣ የባህል ልዩነት፣ የቡና ታሪክ፣ ሃይማኖታዊ ቅርሶች፣ የዱር እንስሳት፣ ባህላዊ ምግቦች እና የሙዚቃ ቅርስ፤ እነዚህ ሁሉ በአንድ አገር ውስጥ የተሰበሰቡ የቱሪዝም ሀብቶች ናቸው።

ስለዚህ የወደፊቱ ጥያቄ "ምን አለን?" መሆን የለበትም። "ዓለም ሌላ ቦታ ማያገኘውን ምን ዓይነት ልምድ እንፈጥራለን?" መሆን አለበት።

የወደፊቱ አቅጣጫ

ዓለም አቀፍ ተሞክሮዎች እንደሚያሳዩት የቱሪዝም ስኬት በአምስት ዋና መሠረቶች ላይ ይቆማል፦

ዘመናዊ የመዳረሻ አስተዳደር (Destination Management)

የማይረሳ የቱሪስት ልምድ ንድፍ (Experience Design)

ለተለያዩ የዓለም ገበያዎች የተለየ የብራንድ እና የግብይት ስትራቴጂ

የቱሪዝም ገቢ ለአካባቢ ማህበረሰቦች የሚደርስበት የእሴት ሰንሰለት

በመረጃ የሚመራ የቱሪዝም እቅድና ውሳኔ

መደምደሚያ

ታይላንድ የሰጠችኝ ትልቁ ትምህርት አንድ ነው፤ ቱሪዝም በመስህብ ብዛት አይለካም፣ በተጓዦች ልብ ውስጥ በሚቀር ልምድ ይለካል።

ኢትዮጵያ የሌሎችን ሞዴል መቅዳት አያስፈልጋትም። የራሷን ታሪክ፣ ባህል፣ ተፈጥሮ እና ማንነት በዘመናዊ አቀራረብ ወደ ዓለም ገበያ ማቅረብ ብቻ ይበቃታል።

የወደፊቱ የቱሪዝም ውድድር በተፈጥሮ ሀብት ብቻ አይወሰንም፤ ሀብትን ወደ ምርት → ልምድ → ብራንድ → ገበያ → ዘላቂ ኢኮኖሚ የመቀየር ብቃት ይወስነዋል።

እናም ዛሬ ኢትዮጵያ ራሷን ልትጠይቅ የሚገባት አንድ ጥያቄ ብቻ ነው፦

"ዓለም ሌላ ቦታ ፈጽሞ ማያገኘውን ምን ዓይነት ልምድ በኢትዮጵያ ብቻ ማቅረብ እንችላለን?"

Getu Temesgen - (ጌጡ ተመስገን)

(ዘ-ሐበሻ ዜና) ለሳምሰንግ አዲሱ የጋላክሲ ዜድ ፎልድ 8 ተከታታይ ስማርት ስልክ፤ ሰዎች እንደ ስልክ፣ ታብሌት፣ የስራ መሳሪያ፣ የመዝናኛ ስክሪን እና አሁን ደግሞ የሰው ሰራሽ አስተውሎት (AI) አጋር ሆኖ ከሚያገለግል መሳሪያ ምን እንደሚፈልጉ ባለፉት ሰባት ተከታታይ ስሪቶች (ትውልዶች) ውስጥ ከተማረው ልምድ የተገኘ ውጤት ነው። በለንደን በተዘጋጀ የሚዲያ መድረክ ላይ፣ የሳምሰንግ የሞባይል ምርምር እና ልማት የሃርድዌር ኃላፊ እና ምክትል ፕሬዝዳንት የሆኑት ሱንግሁን ሙን እንዳሉት፣ የኩባንያው የቅርብ ጊዜ ተጣጣፊ ስልኮች የደንበኞችን አስተያየት፣ የአስተማማኝነት መረጃዎችን እና የምህንድስና ትምህርቶችን መሰረት አድርገው የተሰሩ ናቸው። ኃላፊው "ላለፉት ሰባት ተከታታይ ሞዴሎቻችን የደንበኞቻችንን እና የተለዋዋጭ አጠቃቀም ስርዓቶችን በቅርበት በመከታተል ውሳኔያችንን አሳልፈናል" ብለዋል።

ይህ የደንበኞችን ፍላጎት ማዕከል ያደረገ አሰራር የአዲሱ ጋላክሲ ዜድ ተከታታይ ስልኮች የጀርባ አጥንት ነው። ሳምሰንግ እንደሚለው፣ ተጠቃሚዎች ይበልጥ ሰፊ እና ማራኪ ማሳያዎች ቀጭን እና ቀላል አካል፣ የተሻለ ጥንካሬ፣ እንዲሁም ከፍተኛ አፈጻጸም እንዲኖራቸው ሲጠይቁ ቆይተዋል። ይህንን ሁሉ በአንድ ጊዜ ማሳካት ግን ከባድ ፈተና ነበር። ለዚህም የሳምሰንግ መፍትሄ የተጣጣፊ ስልኩን የውስጥ እና የውጭ አሰራር ሙሉ በሙሉ መቀየር ነበር።

ከትላልቆቹ የሃርድዌር ለውጦች አንዱ፣ ተጣጣፊውን ስክሪን ይበልጥ ቀጭን፣ ጠንካራ እና ማራኪ ለማድረግ የተነደፈው አዲሱ የማሳያ ድጋፍ ቴክኖሎጂ የሆነው 'ፍሌክስ ቲታኒየም' ነው። ኃላፊው ሱንግሁን ሙን ቲታኒየም ለቅርብ ጊዜው ስሪት ዋነኛ ግብዓት የሆነው፣ ሳምሰንግ በተጣጣፊ ማሳያዎች ዙሪያ የነበሩትን የረጅም ጊዜ ተግዳሮቶች ሊፈታ ይችላል ብሎ ስላመነ መሆኑን አስረድተዋል። "በተጣጣፊ ስልኮች የእድገት ደረጃዎች ውስጥ ስናልፍ ቁጥር ስፍር የሌላቸውን ግብዓቶች ተጠቅመናል፤ በዚህኛው ስሪት ግን ቲታኒየም የተጣጣፊ ስልክ ቴክኖሎጂን ወደ ላቀ ደረጃ ሊያሸጋግረው የሚችል ጥራት እንዳለው አምነናል" ብለዋል።

በየቀኑ ለሚታጠፍ መሳሪያ ቲታኒየም ተመራጭነት ያለው ግብዓት ላይመስል ይችላል። ኃላፊውም ቲታኒየምን ለተጣጣፊ ስልክ ምቹ ወደሆነ መዋቅር መቀየር ለሳምሰንግ መሀንዲሶች እጅግ በጣም ፈታኝ ከነበሩት ጉዳዮች አንዱ እንደነበር አምነዋል። ይህ 'ፍሌክስ ቲታኒየም' ቴክኖሎጂ ሁለት በቲታኒየም ላይ የተመሰረቱ አካላትን ይጠቀማል፤ እነሱም ከማሳያው ስር የሚገኝ የተጣራ የቲታኒየም ንጣፍ እና እጅግ በጣም ቀጭን የሆነ የቲታኒየም-አሎይ ፊልም ናቸው። ይህ ፊልም የሰውን ልጅ ፀጉር ውፍረት አንድ ሶስተኛ በሚያህል እጅግ በጣም ስስ በሆነ ውፍረት የተሰራ ነው። ይህም የማሳያውን መዋቅር ለማጠናከር፣ የማጠፊያ መስመሩን እምብዛም እንዳይታይ ለማድረግ እና የእይታ ጥራትን ለማሻሻል እንደሚረዳ ሳምሰንግ ገልጿል።

ይህ አስደናቂ የምህንድስና ጥበብ በሌሎች የስልኩ ክፍሎችም ላይ አዎንታዊ ተጽዕኖ አሳድሯል። የማሳያውን ሞጁል ውፍረት በ10 በመቶ በመቀነስ፣ ሳምሰንግ ለባትሪ፣ ለሙቀት መቆጣጠሪያ ስርዓት እና ለካሜራ የሚሆን ተጨማሪ የውስጥ ክፍተት መፍጠር ችሏል። አዲሱ Galaxy Z Fold8 Ultra ይበልጥ ቀጭን በሆነው አካሉ ውስጥ 5,000mAh አቅም ያለው ባትሪ የያዘ ሲሆን፣ በ45W ፈጣን ቻርጅ በ30 ደቂቃ ውስጥ ብቻ እስከ 67 በመቶ መሙላት ያስችላል። ኃላፊው እንዳብራሩት ይህ መሻሻል የባትሪን ግብዓት በመቀየር ብቻ የመጣ ሳይሆን፣ በአጠቃላይ የባትሪ ስርዓቱ እና አወቃቀሩ ላይ የተደረገ ሁለንተናዊ ማሻሻያ ነው።

በተጨማሪም አዲሶቹ የጋላክሲ ዜድ ተከታታይ ስልኮች ከመውደቅ፣ ደጋግሞ ከመታጠፍ፣ ከጫና፣ ከእርጥበት፣ ከቆሻሻ እና ከሌሎች የዕለት ተዕለት አደጋዎች አንጻር ከመቶ በላይ የአስተማማኝነት ማረጋገጫ ፈተናዎችን ማለፋቸው ተገልጿል። እነዚህ ተጣጣፊ ስልኮች አሁን ላይ ለሙከራ የሚቀርቡ ሳይሆኑ፣ በተለይም የሰው ሰራሽ አስተውሎት (AI) ከሞባይል አጠቃቀም ጋር ይበልጥ እየተዋሃደ በመምጣቱ የዕለት ተዕለት የህይወት አጋር እና ቀዳሚ ስልኮች እንዲሆኑ ታስበው የተሰሩ ናቸው። ሱንግሁን ሙን በማጠቃለያቸው "ይህ ስኬት የተጣጣፊ ስልክ ቴክኖሎጂን ወደ አዲስ ምዕራፍ እንደሚያሸጋግረው እናምናለን" ብለዋል።

ልዕለ አጀንዳችን፡ ምክክር!
******************

በዚህ ታሪካዊ የለውጥ ምዕራፍ፣ ከምንም በላይ ገዝፎ የሚወጣው እና ሀገራችንን ከገባችበት ውስብስብ ማነቆ የሚያወጣት ትልቁ እና ብቸኛው ሀገራዊ ጉዳይ ቢኖር "ሀገራዊ ምክክር" ነው! ኢትዮጵያችን ይህን የብርሃን ዘመን ለማየት፣ የጥይት ድምፅ በሀሳብ ልዕልና የሚሸነፍበትን ዕለት ለመመስከር፣ እንዲሁም ልዩነቶቿን በሰለጠነ የጠረጴዛ ዙሪያ ውይይት ለመፍታት በትዕግስት እና በናፍቆት ረጅም ጊዜ ጠብቃለች። ይህን የተቀደሰ እና የሰለጠነ የምክክር መድረክ እውን ለማድረግ፣ ሀገርን ሊገነቡ የሚችሉ አያሌ ትውልዶች በከንቱ ባክነዋል፤ ኢትዮጵያም በእርስ በርስ ፍጅት እና በጦርነት አዙሪት ውስጥ ገብታ በዋጋ የማይተመን እጅግ ከባድ መስዋዕትነትን ከፍላለች።

እንሆ፣ ያ ያለፈው ትውልድ በፅኑ የተመኘው፣ ውድ ህይወቱን የገበረለት፣ ነገር ግን በህይወት ዘመኑ ሊያየው ያልታደለው ታላቅ የምክክር ዕድል ዛሬ በዘመናችን እውን ሆኗል። ይህ በአጋጣሚ የተገኘ ተራ የፖለቲካ ኩነት ወይም የዕለት ተለት ክስተት ሳይሆን፣ በታሪክ አጋጣሚ በቀላሉ ሊገኝ የማይችል፣ የኢትዮጵያን የነገ ዕጣ ፈንታ በፅኑ መሠረት ላይ የሚያቆም ወርቃማ ዕድል ነው። ዛሬ ላይ የገዛ የፖለቲካ ቁስላችንን በገዛ እጃችን አክመን፣ የቆዩ ልዩነቶቻችንን በሰለጠነ መንገድ አቻችለን፣ ብዝኃነትን የሚያከብር አዲስና ጠንካራ ማህበራዊ ውል የምናስርበት ይህ ሀገራዊ ምክክር፣ ከምንም ነገር በላይ ቅድሚያ የምንሰጠው "ልዕለ አጀንዳችን" ነው!

በዚህ ወሳኝ እና ታሪካዊ ወቅት፣ ሀገራችንን ከማፅናት፣ ከመምከር እና ከመደማመጥ በላይ ሌላ ትልቅ አጀንዳ ፈፅሞ የለም። እናም፣ ይህ ታሪካዊ ልዕለ አጀንዳችን ከግብ ደርሶ ኢትዮጵያን ወደ ብሩህ ተስፋ እንዲያሻግር፣ የጥቂት የፖለቲካ ልሂቃንን ሩጫ ብቻ ሳይሆን፣ የመላው ኢትዮጵያውያንን የነቃ፣ የተባበረ እና ያልተቋረጠ ርብርብ ይጠይቃል። ሁላችንም ይህን ወደር የለሽ ዕድል ተጠቅመን፣ ተመካክረን፣ ተደማምጠን እና ተባብረን ሀገራችንን ወደ አዲስ የሰላም እና የብልጽግና ከፍታ ማሸጋገር ትልቁ ታሪካዊ ግዴታችን ነው!

በአዶኒያስ ወልደአረጋይ
#ethiopia #natinaldialogue #nationalconsensus #socialcontract #ebc

ዛሬ ሐምሌ 4 እና 5 ከቀኑ 9 ሰዓት ጀምሮ እናም ቦታው ደግሞ ከፍላሚንጎ ሬስቶራንት ገባ ብሎ በሚገኘው የህፃናት እና ወጣቶች የቴያተር እና ሲኒማ ኮምፕሌክስ
ታላቅ የፎቶ ኤግዚብሽን እና የሙዚቃ ድግስ ተዘጋጅቷል!
መግቢያ በነፃ!

ባንኩ እያጋጠመው ካለው ብልሹ አሰራርና ስርቆት ለመታደግ ከአንበሳ ባንክ የዳይሬክተሮች ቦርድ አባላት ለመንግስት የህግ አስከባሪ አካላት የሚሰጥ ጥቆማ

አንበሳ ኢንተርናሽናል ባነክ አ.ማ በኢትዮጵያ ፌደራላዊ ሪፐብሊክ የባንኮች መቋቋሚያ አወጅ ቁጥር 592/2000 በተከፈለ ካፒታል ብር 108.2 ቢሊየን በባለአክሲዮኖች ብዛት 3,739 ተቋቁሞ እ.ኤ.አ ጥር 6 2007 ጀምሮ በስራ ላይ እንደሆነ ይታወቃል፡፡ በዚህም በተመሰረተበት የስራዘርፍ ለባለ አክሲዮኖች የትርፍ ክፍፍል በመስጠት፣ ካገኘው ትርፍ ለመንግስት ተገቢውን ግብር በመክፈል፣ በአገሪቱ ላይም የስራ አጥነት በመቀነስ እና ሌሎች ማህበራዊ ኃላፊነቱን እየተወጣ እንደነበረ ይታወቃል፡፡ ነገር ግን ይህ እንዳለ ሆኖ በተለያዩ ጊዜያት የተከሰቱ ያሉ አንዳንድ ብልሹ አሰራሮች በተጨባጭ እየታዩ እንደሆኑ ከሚቀርበው አመታዊ ሪፖርት እና የተለያዩ መረጃዎች መረዳት ችለናል፡፡ ድርጊቱን የሚፈፅሙት የባንኩ የበላይ የስራ ኃላፊዎችም ይሁኑ በበላይነት ባንኩን የሚመሩት ቦርዶችም ለተፈጠሩት ብልሹ አሰራሮች ተገቢውን ትኩተት በመስጠት በኃላፊነት እና በተጠያቂነት መንፈስ ከመከታተል ይልቅ ነገሮችን የማድበስበስ አዝማሚያ ነው እየታዩ ያሉት ብሎም አንዳንድ የስራ ኃላፊዎችም አገር ለቀው ሄደዋል አንዳንዶች ደሞ ሚስጢር አፍኖ ለማስቀረት የገቡት ቃልኪዳን እንዳለ በሚመስል መልኩ ጥፋቶችን በመሸፋፈን ተጨማሪ የጥፋት ድርጊታቸውን በማስቀጠል ላይ ተጠምደው ይገኛሉ፡፡ እነዚህ ከታች የተዘረዘሩት ብልሹ አሰራሮች በሚመለከታቸው ተቆጣጣሪ አካል ብሔራዊ ባንክ ይሁን ሌላ የመንግስት አስከባሪ አካል ተገቢውን ትኩረት ተሰጥቶት ምርመራ በማካሄድ አፋጣኝ እርምጃ ካልወሰደ የአገሪቱን ህግና ስርአት በመተማመን መዋእለ ነዋዩን ያፈሰሰ ባለአክሲዮን፣ ለመንግስት ለሚከፈለው የትርፍ ግብር፣ በሰራተኞች ላይ በሚያደርሰው የሞራል ጉዳት እንዲሁም እንዳጠቃላይ በአገሪቱ ጤናማ ያልሆነ የኢኮኖሚ ችግር ስርአት አልባነት ያስከትላል ብለን እናምናለን፡፡

ዋና ዋና ጥቆማዎች
1. በተለያዩ ጊዜያት ባንኩ ለአስመጪዎች የፈቀደላቸው የውጭ ምንዛሪ ተመጣጣኝ የሆነ ንብረት ወደ አገር ባለመግባቱ ምክንያት ባንኩ ከUSD 1,800,000.00፣ ከUSD 220,000.00, እና በላይ በተሰብሳቢነት ያለ ስንቅ /provision/ ከ8 ዓመት በላይ ተይዞ ይገኛል፡፡ በዚህ ምክንያት ለግለሰቦች የግል ጥቅም ሲባል የብዙሀኑ ባለአክስዮኖች እና መንግስት በግብር መልክ ሊያገኘው የሚገባው ጥቅም ወደጎን በመተው የብሔራዊ ባንክ መመሪያ FXD/07/1998 በግልፅ ተጥሰዋል፡፡

2. ለላኪዎች ፍቃድ በመስጠት ግምታቸው USD 1,100,000.00 በላይ የሚገመት ንብረት ከአገራችን ወደ ውጭ ሀገር የተላከ ሲሆን የሚጠበቅባቸውን የውጭ ምንዛሪ ሳያስገቡ ቀድመው ከባንኩ በብር የተሰጣቸው ሲሆን ሲጠበቅ የነበረው የውጭ ምንዛሪ እስካሁን ሙሉ ለሙሉ ወደ አገር ውስጥ ባለመግባቱ ባንኩ ከ7 አመት በላይ በተሰብሳቢነት ያለ ስንቅ /provision/ ይዞት ይገኛል፡፡ በዚህ ምክንያት ለግለሰቦች የግል ጥቅም ሲባል የብዙሀኑ ባለአክስዮኖች እና መንግስት በግብር መልክ ሊያገኘው የሚገባው ጥቅም ወደጎን በመተው የብሔራዊ ባንክ መመሪያ FXD/07/1998 በግልፅ ተጥሰዋል፡፡

3. ለአንድ ግለሰብ ከተሰጠው ብድር ብር 70 ሚሊዮን ውስጥ እስከ ብር 28,000,000.00 ከባንክ አሰራር ውጪ በሆነ በባንኩ ወጪ ብድሩ የተዘጋለት ሲሆን ይህም ማለት የባንኩን ሃብት ከህግና ስርአት ውጪ ለግለሰቦች ጥቅም ማዋል ሲሆን በመንግስት ግብር አከፋፈልም ይሁን በባለአክሲዮኖች ትርፍ ክፍፍል ላይ ከፍተኛ ጉዳት ደርሰዋል፡፡ በዚህ ምክንያት ለግለሰቦች የግል ጥቅም ሲባል የብዙሀኑ ባለአክስዮኖች እና መንግስት በግብር መልክ ሊያገኘው የሚገባው ጥቅም ወደጎን በመተው የብሔራዊ ባንክ መመሪያ SBB/69/2018 በግልፅ ተጥሰዋል፡፡

4. በብድር አሰራም ቢሆን በተራ ቁጥር ሦስት ላይ እንደ አብነት ተገለፀ እንጂ እጅግ በጣም ብዙ ችግሮች እነዳሉበት ግልፅ ነው ምክንያቱም ከጠቅላላ ብድር እስከ ብር 5 ቢሊዮን የሚሆን በተበላሸ ብድር ውስጥ ገብተዋል ከነዚህ ውስጥም ዋስትና የሌላቸው እስከ ብር 2.2 ቢሊዮን በላይ የሚሆን ነው ከዚህ ውስጥም ከብር 1.6 ቢሊዮን በላይ ሳይሰበሰብ ከአንድ አመት በላይ የሆነው ማለት ነው (Loss)፡፡ ይህ ብቻ ሳይሆን ከአንድ አመት በላይ ሳይከፈሉ የቆዩ ብድሮች ላይ የሚወልደው ወለድም ሳይሰበሰብ በዋናው ገንዘብ ላይ እየተጨመረ ማለተም ካፒታላይዝድ እየተደረገ ከብድር አሰራር ውጪ ሪፖርት እየተደረገ ይገኛል፡፡ በዚህ ምክንያት ለግለሰቦች የግል ጥቅም ሲባል የብዙሀኑ ባለአክስዮኖች እና መንግስት በግብር መልክ ሊያገኘው የሚገባው ጥቅም ወደጎን በመተው የብሔራዊ ባንክ መመሪያ SBB/69/2018 በግልፅ ተጥሰዋል፡፡

5. እንደሚታወቀው ባንኩ በአሁኑ ሰአት ያልተከፈለ የውጭ ምንዛሪ እዳ ውስጥ እንዳለ ይታወቃል ማለትም ለተከታታይ አምስት አመት ከፍሎ ያልጨረሰው ማለት ነው ይህ የሆነበት ደሞ ከአምስት አመት በፊት በተፈቀዱ ሁለት የውጭ ምንዛሪ ማፅደቂያ ቃለ ጉባኤዎች ከባንኩ የውጭ ምንዛሪ የመሰብሰብ አቅም በላይ ሃላፊነት በጎደለው በጨበጣ የተፈቀዱት የውጭ ምንዛሪ ያመጣው ጣጣ ነው፡፡ ይህን ሁሉ የፈፀሙት የባንኩ አመራሮች ግን አንዳንዶቹ ባንኩን ጥለው ከአገር ወጥተዋል አንዳንዶቹ ደግሞ አሁንም ያለምንም ተጠያቂነት የጥፋት ተግባራቸውን በማስቀጠል ላይ ይገኛሉ፡፡

6. እነዚህ ከላይ የተዘረዘሩት እጅግ በጣም ዓይን ያወጡ ተግባታር ስለሆኑ ለጥቆማ ያህል ተገለፁ እንጂ ባነኩ በአሁኑ ሰዓት በብዙ ችግሮች ተተብትቦ በጣም አስጊ በሚባል ደረጃ ላይ ይገኛል፡፡ ምርመራ በሚጀመርበት ወቅት በተለያዩ ዘዴዎች ማለትም ከሰራተኞች ጋር በመተባበት፣ በፎርጅድ ሰነዶች በመጠቀም፤ እና በተለያዩ ምክንያቶች ከባንኩ የጠፉ ገንዘቦች ስለመኖራቸው ልናረጋግጥላቹ እንወዳለን፡፡

ስለሆነም እነዚህ ከላይ የተገለፁት ችግሮች እንደመነሻ እንድትጠቀሙበት እየጠቆምን ጠቅላላ ባንኩ ያለበት
ደረጃ እጅግ አስጊ ደረጃ ላይ ስለደረሰ አንዳአነድ ችግሮችም ከድንበር ዘለል የህግ ማጣታት ጋር ስለሚያያዝ በዋነኝነት የባለድርሻዎችን መብትና ጥቅም ከማስከበር፣ በመንግስት በግብር አሰባሰብ ላይ እያስከተለ ያለውን ጉደት ከግምት ውስጥ በማስገባት፣ በሰራተኞች እና ሌሎች ባለድርሻ አካላት ላይ እየደረሰ ያለውን ጉዳት ተገቢውን ትኩረት በመስጠት የመንግስታዊ ተቆጣጣሪ አካል የሚጠበቅባችሁን ኃላፊነት እንድትጡ እና አጥፊዎች በህግ ተጠይቀው ያለአግባብ የተበተነው እና የተዘረፈው ገንዘብ እንዲመለስ የህግ የበላይነት እንዲረጋገጥ በአፅንኦት እንጠይቃለን፡፡

ቀኑ ከሰኔ 27 እስከ ሐምሌ 5፣ ሰዓቱ ከቀኑ 9 ሰዓት ጀምሮ እናም ቦታው ደግሞ ከፍላሚንጎ ሬስቶራንት ገባ ብሎ በሚገኘው የህፃናት እና ወጣቶች የቴያተር እና ሲኒማ ኮምፕሌክስ
ታላቅ የፎቶ ኤግዚብሽን ተዘጋጅቷል!

የTecno Camon 50 Proን እጅግ አስደናቂ የካሜራ ጥራት እና የላቀ የAI ቴክኖሎጂ በጋራ እንድንመለከት ሁላችሁም ተጋብዛችኋል!

እዚያም ሆኖ ግጥም መጻፉ አይቀርም!
#ethiopia | ነቢይ ግጥም ሲጽፍ ነው የኖረው፤ ግጥም ብቻ ግን አይደለም፣ ምርጥ ቲያትሮችንም ጽፏል፡፡ ከፍተኛ ተወዳጅነትን ያተረፈለት “ባለጉዳይ” የቴሌቪዥን ድራማውም አይረሳም፡፡ የትርጉም ሥራዎቹም ድንቅና ልዩ ናቸው፡፡

ነቢይ የብዕር ሰው ብቻ አልነበረም፤ ጨዋታው አፍ የሚያስከፍት አንደበተ ርቱዕም ነበረ እንጂ፡፡ ሰብአዊነት የተላበሰ፣ ደግና የፍቅር ሰው፣ የእውነትም ሰው ነበር።

ከነበረን ቅርበት የተነሳ ከለገሰኝ ወንድማዊ ምክሮቹ መካከል “ጭብጨባ ወዳለበት ሥፍራ አታዘወትር” የሚለው ሁሌም ከሕሊናዬ አይጠፋም፤ እጅጉን ጠቅሞኛልም። ጊዜ ተወስዶ በጥሞና የሚጻፉ ሌሎች ብዙ አይረሴ ቁምነገሮችንም ነግሮኛል፡፡

ግን ግን አሁንም ነፍሱ ከግጥም የምትለይ አይመስለኝም፡፡ ነፍሱና ግጥም የአንድ ሳንቲም ሁለት ገጽታዎች ናቸው፡፡ እናም ሰማይ ቤት ሆኖም ግጥም እየጻፈ ያለ ይመስለኛል፤ ክፋቱ ግን እኛ አናነበውም፡፡ በሞት መለየቱ፣ ሌላው ቢቀር ብዙ ግጥሞችን አሳጥቶናል፡፡ ይሁንና የፈጣሪ ፈቃድ ነውና ነፍሱ በሰላም ትረፍ፡፡

ሁሌም አንረሳህም!

የሥራ ባልደረባህ

በትግራይ ወጣቶች እየታፈሱ መሆኑ ተሰማ

በትግራይ ክልል ወጣቶች ላይ እየተፈጸመ ስላለው እፈሳ በርካታ የጉርሻ ፔጅ ተከታታዮች በከፍተኛ ስጋት ጥቆማዎችን እያጋሩን ይገኛል።

ጉርሻ ፔጅ ነገሩን ይበልጥ ለማጣራት ባደረገው ቆይታ፣ ከትምህርት ቤት እየተመለሱ ያሉ ወጣቶች በኃይል እየተወሰዱ መሆናቸውን ስማቸውን መግለጽ የማይፈልጉ የአካባቢው ነዋሪዎች ገልጸውልናል።

ዛሬ በመቀሌ ቀበሌ 06 ከትምህርት ቤት አካባቢ በተቀረጸና ለእኛ በደረሰን የቪዲዮ ማስረጃ ላይ እናቶች መሬት እያመቱ በከፍተኛ ጩኸትና ኃዘን ሲያለቅሱ ይታያል።

ጉርሻ ፔጅ ከድሮም ጀምሮ በእርስ በእርስ ጦርነት የማያምን፣ እንዲሁም ከዚህ ቀደም በተካሄደው ጦርነት ላይ እጁን ያላስገባ ሰላማዊ መድረክ መሆኑ ይታወቃል።

የትግራይ ወጣቶች እንደማንኛውም ክልል ያሉ ወጣቶች የመስራት፣ የመለወጥና የማደግ ትልቅ እሳቤና ህልም ያላቸው በመሆኑ ይህ የወደፊት ተስፋቸው ሊቀጭ አይገባም ብለን እናምናለን።

ስለሆነም የሚመለከተው የክልሉ አካልም ሆነ የፌዴራል መንግስቱ ይህንን ነገር በአስቸኳይ እንዲያስቆመው በትህትና እንጠይቃለን።

ጠግበህ በልተህ እንኳን የበላህ የማይመስላት የትግራይ እናት አደይ አሁን ማልቀስ የለባትም። gursha

Seledadotio
Seledadotio

የኢትዮጵያ የኢነርጂ ዲፕሎማሲ - ለቀጣናዊ ትሥሥር የተዘረጋ ድልድይ
*************************

(የዕለቱ መልዕክት)

ኢትዮጵያ በታሪኳ አዲስ እና ስልታዊ ምዕራፍ ላይ ትገኛለች። ይህ ምዕራፍ የተፈጥሮ ጸጋዎችን በኩራት ከመቁጠር እና ከመቀኘት ባለፈ እነዚያን እምቅ ሀብቶች ወደ ተጨባጭ የኢኮኖሚ እና የጂኦፖለቲካ አቅም በመለወጥ ሀገራዊ ልዕልናን ለማረጋገጥ የሚደረግ የታሪክ መታጠፊያ ነው።

ለረጅም ዘመናት በድህነት፣ በዕርዳታ ጥገኝነት እና በውስጥ ስጋቶች ታጥሮ የቆየው የቀድሞው ዲፕሎማሲ ዛሬ በተግባር ተረትቷል። በምትኩም ቀጣናዊ ትሥሥርን የሉዓላዊነት እና የአህጉራዊ መሪነት ማረጋገጫ ያደረገው የመደመር መንግሥት ስልታዊ ራዕይ በተጨባጭ መሬት እየረገጠ ይገኛል።

በተለይም የታዳሽ ኃይል ሀብትን የኢኮኖሚ ዲፕሎማሲ ዋና ምሰሶ አድርጎ የመጠቀም ስትራቴጂ፣ የሀገርን የፖለቲካ ተጽዕኖ እና "ለስላሳ ኃይል" (Soft Power) ከፍ ወዳለ ማዕረግ እያሸጋገረው ነው።

ኃይል ለአዳዲስ የቴክኖሎጂ አብዮቶች፣ ለዲጂታል ኢኮኖሚ እና ለሰው ሠራሽ አስተውሎት (AI) መሠረታዊ ግብዓት በሆነበት በዚህ በ21ኛው ክፍለ ዘመን፣ ኢትዮጵያ የአፍሪካ የኃይል ማዕከል የመሆን ሕልሟን ወደ እውንነት እየቀየረችው ነው።

ይህ እውነታ በወረቀት ላይ በሰፈሩ የይስሙላ ስምምነቶች ሳይሆን፣ በድንበር ተሻጋሪ የኤሌክትሪክ መስመሮች በተግባር የተመሰከረ ሐቅ ነው። ባለፉት ጥቂት የለውጥ ዓመታት የተወሰዱት ቁርጠኛ እርምጃዎች ሱዳን፣ ጅቡቲ እና ኬንያ የኢትዮጵያ የኤሌክትሪክ ኃይል ዋነኛ ተጠቃሚዎች እንዲሆኑ አስችለዋል።

የታላቁ የሕዳሴ ግድብ፣ የኮይሻ እና ሌሎች ግዙፍ ፕሮጀክቶች የሀገር ውስጥ ፍላጎትን ከመሙላት ባለፈ፣ የቀጣናውን የጋራ ዕድገት የሚያረጋግጡ የትሥሥር ድልድዮች ሆነዋል። አሁን ደግሞ ይህ ቁርኝት ወደ ሌሎች ጎረቤት ሀገራት ጭምር መሻገሩ የነገውን ቀጣናዊ ትሥሥር ይበልጥ ብሩህ ያደርገዋል።

ከጎረቤት ሀገራት ጋር የሚደረገው ይህ ዘላቂ ትሥሥር፣ ከንግድ ልውውጥ እና ከገቢ ምንጭነት ባሻገር፣ አንዱ ሀገር ለሌላው የሕልውና ዋስትና የሚሆንበት እና የቀጣናውን ዘላቂ ሰላም በጽኑ መሠረት ላይ የሚገነባ ስልታዊ መሣሪያ መሆኑ ሊሰመርበት ይገባል።

በኢኮኖሚ ዲፕሎማሲው ረገድም ሀገራችን ከታሪካዊው የልመና አዙሪት ወጥታ በክብር እና በጋራ ተጠቃሚነት ላይ የተመሠረተ ፖሊሲን በቁርጠኝነት እየተገበረች ትገኛለች። የአፍሪካ አህጉራዊ ነፃ የንግድ ቀጣና ስምምነትን መተግበር፣ የዓለም ንግድ ድርጅት አባልነት እና የብሪክስ አባል መሆን የኢትዮጵያን የፋይናንስ እና የኢንቨስትመንት አድማስ በሰፊው ከፍቶታል።

ይህ የፖሊሲ መዋቅር የውጭ ቀጥተኛ ኢንቨስትመንትን በመሳብ ለመቶ ሺዎች ዜጎች የሥራ ዕድል መፍጠሩ ብቻ ሳይሆን፣ የሀገር ውስጥ ባለሀብቶችም በጎረቤት ሀገራት ኢንቨስት በማድረግ አህጉራዊ የኢኮኖሚ አሻራቸውን እንዲያስፋፉ ምቹ ሁኔታ ፈጥሯል።

የኢትዮጵያ የነገ ራዕይ ከአፍሪካ ቀንድ ተሻግሮ እስከ ሰሜን አፍሪካ እና አውሮፓ የሚዘልቅ ታላቅ የኃይል መረብ የመዘርጋት ታላቅ አልሚነት ነው። በቀጣዮቹ አሥር ዓመታት ከውኃ ኃይል በተጨማሪ በፀሐይ፣ በነፋስና በጂኦተርማል ኃይል ላይ የሚደረገው ኢንቨስትመንት የታዳሽ ኃይል ብዝኃነትን በማረጋገጥ፣ ኢትዮጵያን የቀጣናው አስተማማኝ የኃይል "ባንክ" ያደርጋታል።

ይህ ዘላቂ ጉዞ ሀገራችንን ከተረጂነት አዙሪት ሙሉ በሙሉ በማውጣት፣ በዓለም አቀፍ መድረክ በራሷ የምትቆም፣ ክብሯ የተጠበቀ እና የምሥራቅ አፍሪካ የሰላም እና የብልጽግና ፋና እንድትሆን ያደርጋታል።

ምክንያቱም የዚህች ታላቅ ሀገር እውነተኛ እና ዘላቂ ብልጽግና ሊረጋገጥ የሚችለው፣ በራሷ አቅም በልጽጋ ለጎረቤቶቿም የብርሃን እና የዕድገት ዋስትና መሆን ስትችል ብቻ ነው ብለን እናምናለን።

የኢቢሲ ዶትስትሪም ኤዲቶሪያል
#ethiopia #ebc #ebcdotstream #energy #diplomacy

ቀኑ ከሰኔ 27 እስከ ሐምሌ 5፣ ሰዓቱ ከቀኑ 9 ሰዓት ጀምሮ እናም ቦታው ደግሞ ከፍላሚንጎ ሬስቶራንት ገባ ብሎ በሚገኘው የህፃናት እና ወጣቶች የቴያተር እና ሲኒማ ኮምፕሌክስ
ታላቅ የፎቶ ኤግዚብሽን ተዘጋጅቷል!

የTecno Camon 50 Proን እጅግ አስደናቂ የካሜራ ጥራት እና የላቀ የAI ቴክኖሎጂ በጋራ እንድንመለከት ሁላችሁም ተጋብዛችኋል!

የTecno Camon 50 Series መግዛት ይፈልጋሉ? አሁኑኑ ከTekEasyን ቴሌግራም ግሩፕ (TekEasy_Et)

ላይ ይሸምቱ፡፡

ሰውየው ስንት ናቸው ?

በኤፍሬም የማነ
#ethiopia | የፊፋው አድራጊ ፈጣሪ ፈላጭ ቆራጭ ፕሬዝዳንት ጂያኒ ኢንፋንቲኖ ለአጅሬ ትራምፕ ታዘው እስካደሩ ድረስ በሰሜን አሜሪካ ሰማይ ስዞር ውዬ ባድር ማን ይነካኛል ማንስ ይከለክለኛል ምንስ አገባችሁ የሚሉ ይመሥላሉ ? የሰውየው የግል ጄት በአሜሪካ ካናዳ ሜክሲኮ ሰማይ በሚሊዮን ዶላሮች ወጪ እየተንፈላሰሰች ነው ። ምክንያታቸው ደግሞ ሁሉንም የኳስ ጨዋታ በንቃት የእግር ኳሱ ዋና አለቃ እያየሁ ነው ለማለት !!!

ለፕላኔታችን የአየር ንብረት ጥበቃ የበኩላቸውን እንደሚወጡ በተደጋጋሚ ሰውየው ቢናገሩም፣ በዓለም ዋንጫው ወቅት በግል ጄት (Private jet) ወደ 35,000 ማይልስ የሚጠጋ ርቀት በቀናቶች ውስጥ ተጉዘዋል።

ሰውየው ከስቴዲየም ስቴዲየም ከጨዋታ ጨዋታ ከከተሞች ከተሞች እየዘለሉ በርካቶችን አስገርመዋል ። እንዴት በዚህ ፍጥነት ከጨዋታ ጨዋታ መታየታቸው ዕኚህ ሰው ስንት ናቸው ያስባለም ሆኗል። ​የፊፋው ፕሬዝዳንት በ18 ቀናት ውስጥ ብቻ 27 ጨዋታዎች ላይ ታይተዋል።

ነገሩ ጨዋታዎችን ለመከታተል ነው ወይስ ለፎቶ የሚለው ጥያቄ ይቆይና ዓለም ዋንጫው በሚካሄድባቸው 16 ከተሞች በየጨዋታው አንዴ በሸሚዝ አንዴ በሱፍ ከበርካታ ዝነኞች መታየታቸው የፊፋው አለቃ የኳስ ፍቅር ሱስ ነው ወይስ የሰሜን አሜሪካ ፈጣን የአየር ላይ ጉብኝት ያስብላል ።

ጂያኒ ኢንፋንቲኖ በምድብ ጨዋታዎች ወቅት ወደ ተለያዩ አስተናጋጅ ከተሞች 27 ያህል በረራዎችን ያካሄዱ ሲሆን እስከ ዓለም ዋንጫው ፍፃሜ ድረስ ይህ ቁጥር በዕጥፍ ሊጨምር እንደሚችል እየተዘገበ ነው ።

የዓለም ዋንጫው በሚካሄድባቸው አሜሪካ ካናዳ እና ሜክሲኮ 16 ከተሞች የአውሮፕላን በረራ የማይል ርቀቶች አጭሩ እስከ 92 Mile 148 km ሲሆን ረጅሙ ደግሞ 2800 mile 4507 km ይደርሳል ።

አንዳንዶቹ በረራዎች ሁለት ሶስት አራት ሰዓታት ይፈጃሉ ። እናም በጥቅሉ እስካሁን በ18 ቀናት ውስጥ በ26 ጨዋታዎች ላይ ከምድብ አስከ ጥሎ ማለፍ የዛሬ ጨዋታዎች ድረስ ሰውየው አንዱ ጨዋታ እንዳለቀ ወደ አንዱ ከተማ ከስቴዲየም ስቴዲየም ከከተማ ከተማ ከሀገር ሀገር በvvip ኢንትራንስ ሲዟዟሩ መታየታቸው የፊፋን በረብጣ ቢሊዮን ዶላሮች የደለበ የካዝና ቋት እንደ ልባቸው ማድረጋቸው ይቆይና ሰውየው ለመሆኑ ስንት ናቸው በርካቶችን ያስባለ አነጋጋሪ የዓለም ዋንጫው ጉዳይ ሆኗል ።

Getu Temesgen - (ጌጡ ተመስገን)
#getutemesgen #getu

ብራዚል ያነባች ዕለት - የጀርመኑ ዓለም ዋንጫ ትዝታዎች
****************

ያኔ ብራዚል እንዲህ ትሆናለች፣ በመሰል ደረጃ ላይ ትገኛለች ብለው ብዙዎች አልጠበቁም። ሁለት አስርት ዓመታት አልፈው ወደ ኋላ መለስ ብለው ሲያስታውሱት የሆነው ግን እንደዚያ ነው። የ2006 ዓለም ዋንጫ ሩብ ፍፃሜ የቀደመውን አሸናፊ ፈረንሳይ እና የወቅቱን ሻምፒዮን ብራዚልን አገናኝቷል።

የ21ኛው ክፍለ ዘመን የብራዚል ወርቃማ ትውልድ፣ ኳስ የጥበብ አውድማ መሆኑን ዳግም ያስመሰከሩት ጥበበኞች ስብስብ ጀርመን ምድር ለዓለም ዋንጫው ሲዘልቁ ለ6ኛ የመድረኩ አሸናፊነት፣ ለተከታታይ ሻፒዮንነት ነው የታጩት።

ሮናልዶ ሉዊስ ናዛሪዮ ዴሊማ፣ ሮናልዲንሆ ጎቾ፣ ካካ፣ ካፉ፣ ሮቤርቶ ካርሎስ፣ አድሪያኖ እና ዚ ሮቤርቶን የመሰሉ ክዋክብት እንደ ምን ይዘነጋሉ? የሰው አዕምሮ ሊዘነጋቸው ቢፈቅድ እንኳ የእግር ኳስ ታሪክ ሊረሳቸው አይቻለውም። ትዝታቸው ርቆ ያልራቀ፣ ደብዝዞ ያልጠፋ፣ ቀጥኖ ያልተበጠሰ ህልው ነው። ከመዘንጋት የራቀ ታሪክ!

የዚያች ዕለት ግን ቀን ከነርሱ በተቃራኒ የቆመች መሰለች። የፈረንሳይ ብሔራዊ ቡድን በተለይም ዚነዲን ዚዳን በዚያች ቀን ስል፣ አስፈሪ እና ባለ ግርማ ሞገስ ሆነው ነው የቀረቡት።

ዚዳን ፀጉሩ እንደከዳው፣ የጎልማሳነት ደጃፉ ላይ እንደቆመ፣ ከእግር ኳስ የመሰናበቻ ቀናቱ እንደደረሰ ሳይሆን የ20ዎቹ አጋማሽ ላይ እንደሚገኝ ወጣት ነበር ይቦርቅ የነበረው።

በዚያ ጨዋታ ዚዳን የነበረው እንቅስቃሴ በዓለም ዋንጫ ታሪክ በግለሰብ ደረጃ ከተደረጉ እንቅስቃሴዎች ምርጡ እንደሆነ የብዙዎች እምነት ነው። የዘመን ተጋሪው ሮናልዶ ሉዊስ ናዛሪዮ ዴሊማም ያን ጨዋታ አስመልክቶ በሰጠው ቃለ-መጠይቅ “በዚያ ጨዋታ ዚዳን ያደረገው እንቅስቃሴ ያለማወላዳት በዓለም ዋንጫው ታሪክ ከታዩ ምርጥ ብቃቶች እንደ አንዱ ሊመደብ የተገባ ነው” ነበር ያለው።

ፈረንሳይ በቴሪ ሄንሪ አማካኝነት ባስቆጠረችው ግብ ጨዋታውን 1 ለ 0 አሸንፋ የወቅቱን የዓለም ሻምፒዮን ከውድድሩ አሰናበተቻት። ያኔ ብዙ አለማመኖች ነበሩ፣ የሆነው ከብዙዎቹ ጥበቃ በተቃራኒ ነው።

የ1998 ዓለም ዋንጫ አሸናፊ፣ የነ ዚነዲን ዚዳን ሀገር የወቅቱን የዓለም ሻምፒዮን ከዓለም ዋንጫ አስወጣቻት የሚለው በመጨረሻ የዳኛውን ፊሽካ ተከትሎ የተሰማው ዜና ነበር።

ያ ታሪክ በፍራንክፈርቱ ባልድ ስታዲየም የመጫወቻ ሜዳ ብቻ ተፈፅሞ ያበቃ አልሆነም። ወደ ካናሪንሀ መልበሻ ክፍልም ተከትሎ አምርቷል። በዕለቱ ልዩ የነበረው፣ ለቴሪ ሄንሪም ለግብ የምትሆነውን ኳስ አመቻችቶ ያቀበለው ዚነዲን ዚዳን ወደዚያች መልበሻ ክፍል አመራ።

አንድም ሊያፅናና አንድም በትልልቅ የእግር ኳስ መድረኮች እንደተለመደው መለያ ሊቀያየር።

‛ኤል ፌኖሜኖ’ ይህን የዚዳን ተግባር በበጎ አልተመከተውም። ሮናልዶ ከ20 ዓመታት በኋላ ሁነቱን አስመልክቶ ሲናገር “ሁላችንም ዛሬ ድረስ አብረን የቀጠልን ጓደኛሞች ነን፣ እርሱ ወደ መልበሻ ክፍል ሲገባ ግን የነበረው ድባብ አስፈሪ ነበር።

ብዙ ተጫዋቾች እያነቡ ነበር፤ እናም መለያ ለመቀያየር ወደ መልበሻ ክፍሉ የመጣበት ሰዓት ትክክለኛ እንዳልሆነና እንዲመለስ አስረግጬ ነገርኩት” ይላል።

እንደ ሮናልዶ እምነት ያች ዕለት የዓለም ዋንጫን ታሪክ ራሱን ቀይራለች። በእርግጥም በብራዚል በኩል ሆኖ ለተመለከተው ብዙ እውነት የሚመስሉ ነገሮችን የያዘ ሃሳብ ነው።

ለዓለም እግር ኳስ የስኬታማነት ናሙና የሆኑ ክዋክብትን ያበረከተችው ብራዚል ከትልቁ መድረክ አሸናፊነት እንደተናጠበች ሩብ ምዕተ ዓመታት እየተቆጠሩ ነው። እነዛን ኮከቦች ግን እግር ኳስ ሊዘነጋቸው አይቻለውም።

በእርግጥ ፈረንሳይ አስከ ፍፃሜ ብትጓዝም፣ በዚነዲን ዚዳን እና ማርኮ ማታራዚ ድራማ በታጀበው ጨዋታ፣ በነ ማርሴሎ ሊፒ እና አንድሪያ ፒርሎ ጣሊያን ተረታ ለሌላ ዓለም ዋንጫ አሸናፊነት 12 ዓመታት ለመጠበቅ ተገዳለች።

ዚዳንን የ2006ቱ ዓለም ዋንጫ ‛አንተ በእግር ኳስ ስንብትህ ደጃፍ ላይ ቆመህ በእኔ ያበራህ ኮከብ ነህ’ ብሎታል።

ዓለም ዋንጫ ትዝታ ነው። ድልና ሽንፈት፣ ደስታ እና ሀዘን፣ ሳቅ እና ለቅሶ የሚመላለስበት የስፖርት አውድማ፤ የትውስታ መቼት ነው። መንገዱ ይቀጥላል!

በእድሪስ አህመድ
#worldcup #brazil #sports #japan #ebc Ethiopian Broadcasting Corporation EBC-መዝናኛ EBC SPORT ኢቢሲ ስፖርት

“በሳቅዎ ይክፈሉ”
ሐረር ቢራ፣ ሳቃችንን እየመነዘረ ከጓደኞቻችንና ከምንወዳቸው ጋር የሚያገናኘንን አዲስ «ሳቅፔ» (SAQPay) የተሰኘ መተግበሪያ ይዞልን ከች ብሏል!

ለመሆኑ የማህበራዊ ህይወታችን እውነተኛ ዋጋ በገንዘብ ልውውጥ ብቻ ይለካል እንዴ? ከወዳጆቻችን ጋር የምናሳልፈው ያ ደስ የሚል ጊዜ እንጂ! ይህንን እውነት መነሻ በማድረግ፣ ሐረር ሳቃችንን በቀጥታ
ልንመነዝረው ወደምንችለው ጥቅም የሚቀይር አዲስ ፈጠራ ይዞ መጥቷል። ትኩረቱንም ሰዎች ከኪሳቸው ከሚያወጡት ወጪ ይልቅ፣ በጋራ ወደሚጋሩት ሳቅ እና ጨዋታ አዙሮልናል!

ነገሩ እንዲህ ነው፤ «በሳቅዎ ይክፈሉ» በሚለው አዲስ ሃሳብ፣ የሳቅፔ (SAQPay) መተግበሪያ እውነተኛ ሳቅን በመለየት ለሳቃችን ነጥብ ይሰጠናል። ተንቀሳቃሽ ስልካችን ላይ ነጥቡን እያጠራቀምን ደግሞ ሐረር ቢራን በተመረጡ ቦታዎች በቅናሽ እንድንናኝ ያስችለናል!

ሐረር ቢራ የሀገራችንን የፈጠራና የኪነጥበብ ዘርፍ የሚደግፍ ከመሆኑም በላይ፣ ሰዎች በአንድነት ተገናኝተው የሚዝናኑበት ሰፊ እድል በመፍጠር ላለፉት 40 ዓመታት ማህበረሰባችንን በሳቅና በጨዋታ ሲያገናኝ ቆይቷል። ይሄ አዲስ ሃሳብም የዚሁ የረጅም ጊዜ ቁርጠኝነታችን አንዱ ማሳያ ነው!

"ለእኛ ለሐረሮች፣ ከገንዘብ ልውውጥ ይልቅ እጅግ ትርጉም ያለው ነገር አብረን የምንጋራው ደስታ እና በእውነተኛ ሳቅ ውስጥ የሚፈጠረው አብሮነት እንደሆነ እናምናለን። «በሳቅዎ ይክፈሉ» ይሄንኑ እውነት በተግባር የምናሳይበት መንገዳችን ነው። ምክንያቱም መዝናናት ለሁሉም ክፍት ሲሆን፣ ሰዎች በአንድ ላይ ከመሰባሰብ አልፈው የእርስ በርስ ትስስራቸው ይበልጥ ይጠነክራልና!" ካሳሁን ፈለቀ፣ የሃይኒከን ኢትዮጵያ የማርኬቲንግ ዳይሬክተር

ሁሉም «በሳቅዎ ይክፈሉ» ላይ የምናደርጋቸው እንቅስቃሴዎች በተመረጡ ቦታዎች ብቻ የሚካሄዱ ሲሆን፤ ህጋዊ የእድሜ ገደብን እና ኃላፊነት የተሞላበት መጠጥ አጠቃቀም መመሪያዎችን ሙሉ በሙሉ ያከበሩ ናቸው።

ቅዱስ ገብርኤል ከክፉ ነገር ሁሉ ይከልለን፣ የልባችንን መልካም መሻትም ይሙላልን🙏

ከክርስቶስ ልደት በፊት በ500 ዓመተ ዓለም ግንቦት 10 ቀን የእረፍታቸው መታሰቢያ ሲሆን፣ በየዓመቱ ታሕሣስ 02 ደግሞ ዓመታዊ መታሰቢያቸው ነው፡፡ በትንቢተ ዳንኤል ታሪካቸው በሰፊው ተጽፎ የሚገኘው “ሠለስቱ ደቂቅ” ወይም ሦስቱ ሕፃናት አናንያ፣ አዛርያ፣ ሚሳኤል የባቢሎኑ ንጉስ ናቡከደነጾር ኢየሩሳሌምን ባጠፋት ጊዜ ማርኮ ከወሰዳቸው እስራኤላውያን ውስጥ ይገኙበታል፡፡

በንጉሱ ቤት እንዲቀመጡ ከተመረጡት ምርኮኞች ውስጥም እነዚህ የይሁዳው ንጉስ የኢዮአቄም ልጆችና ነቢዩ ቅዱስ ዳንኤል ተጠቃሽ ናቸው፡፡
የሀገራቸው ነገር ዘወትር ያሳስባቸዋልና በጾምና በጸሎት ይተጉ ነበር፡፡ እናም በቤተ መንግስት ከሚዘጋጀው ምግብ ይልቅ ጥራጥሬ መብላት ነበር የመረጡት፡፡ በንጉሱ ፊት የሚቀርቡብት ቀን ሲደርስም ከሌሎቹ ሕፃናት ይልቅ ወዝተውና አምረው ይታዩ ነበር፡፡ በቤተ መንግስቱ ከሚኖሩ ወጣቶችና ከባቢሎናውያን ወገንም የእነርሱን ያህል ጥበበኛ አልተገኘም፡፡
ንጉስ ናቡከደነጾርም ወዷቸዋልና በአማልክቱ ስም ሲድራቅ፣ ሚሳቅና አብደናጎ ብሎ ሰየማቸው፡፡ ይህ በንጉሱ ዘንድ ያገኙት ተቀባይነት በባቢሎናውያኑ የቤተ መንግስቱ ሰዎች ዘንድ ከፍተኛ ቅናት ፈጠረ፡፡ እናም ነገር መጎንጎን ጀመሩ፡፡

ንጉሱ ለክብሩ መገለጫ ቁመቱ 60 ክንድ የሆነ የወርቅ ምስል አቁሞ ሕዝቡን ሁሉ እንዲያሰግድ፣ የማይሰግድ ቢኖር እስከ ሞት በሚደርስ ቅጣት እንዲቀጣ ምክር አቀረቡና አስተገበሩት፡፡ ሦስቱ ሕጻናት ግን ለመስገድ ፈቃደኛ ሳይሆኑ ቀሩ፡፡
ይህን ጊዜም በእሳት ተቃጥለው እንዲሞቱ ተፈረደባቸው፡፡ 49 ክንድ የሆነ እሳት ነዶም ወደዚያ ተጣሉ፡፡ እነርሱ ግን በእሳቱ ውስጥ ሆነው አምላካችን እግዚአብሔርን ያመሰግኑ ነበር፡፡ በዚህ መካከል ንጉሱ በእሳት ውስጥ አራት ሰዎች እየተመለከተ እንደሆነ ገለጸ፡፡
አራተኛው ሊያድናቸው የመጣው ሊቀ ማላዕክት ቅዱስ ገብርኤል ነበር፡፡ ከልብሳቸው አንዲት ክር፣ ወይም ከጸጉራቸው አንዲት ነቁጥ ሳትቃጠል ወጥተዋል፡፡ ወደ እሳቱ የጣሏቸው ሰዎች ግን በወላፈኑ ተለብልበው ሞተዋል፡፡
አስገራሚው ነገር ንጉሱ ናቡከደነጾር እጅግ ይወዳቸው ነበርና ሲሞት በመካከላቸው እንዲቀብሩት ትዕዛዝ በማስተላለፉ በእነርሱ መቃብር ነው የተቀበረው፡፡

አሁን በዘመናችንም ዓለምና አምሮቷን ንቀው፣ በገዳማትና በየዋሻው ያሉ አባቶቻችን በቀን አንድ ጊዜ መናኛ ነገር እየተመገቡ በመንፈስ ቅዱስ ኃይል ነው ጸንተው የሚኖሩት፡፡ የበረከታቸው ማሳያ የሆነው ደግሞ የጸሎታቸው ኃይል ነው፡፡ ድውያን ይፈወሳሉ፣ ተአምራት ያደርጋሉ፡፡ እነዚህን ገዳማት በመደገፍና በዓታቸውን በማጽናት የበረከቱ ተሳታፊ እንሁን፡፡

ድጋፍ ለማድረግ :-ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለተጨማሪ መረጃ:-
የገዳሙ ስልክ ቁጥር:-0918077957
ወይም 0938644444

"በጣሊያን የሚገኝ አንድ ጥንታዊ የኦስትሮ-ሀንጋሪ ቤተ መንግስትን በጎበኘሁበት ወቅት፣ ከዘመናት በፊት የተሳለ አንድ ታሪካዊ የአፍሪካ ቀንድ ካርታን አየሁ። እናም እውነታው ምን መሰላችሁ... ልክ እንደ ዛሬው ሁሉ፣ በዚያን ጊዜም ቢሆን ሶማሊያ ሶማሊላንድን በውስጧ አላካተተችም ነበር!"
- አምባሳደር ቲቦር ናጅ የምታዩትን ካርታ ለጥፈው ያስተላለፉት መዕልክት

ለኢትዮጵያ ሰብዓዊ መብት ኮሚሽን (ኢሰመኮ)
አዲስ አበባ

ጉዳዩ:- ኮሚሽኑ በአርሲ፣ አሰኮ ፍጅትን በተመለከተ ያወጣውን ሪፖርት በተመለከተ::

የኢትዮጵያ ሰብዓዊ መብት ኮሚሽን(ኢሰመኮ) ከነችግሩም ቢኾን ባለፉት ዓመታት በሀገር ውስጥ የሚፈጸሙ ግፎችን ከቦታው በመረጃና ማስረጃ እያስደገፈ መፍትሔ የሚለውንም እየጠቆመ ያቀርብ እንደነበረ ይታወሳል። ኾኖም ከቅርብ ጊዜያት ወዲኽ ይኽ ትጋትና እውነትን የማፈላለግ ሂደት እየተቀየረ የመጣና ምን አልባትም ሪፖርት ከወጣ እንዲያውም ከሚታወቅበት ወጣ ያለ የማድበስበስ ተግባር እየተስተዋለ ይመስለናል።

ለማሳያ ከሰሞኑ በአርሲ ዞን፣ አሰኮ ወረዳ ሃይማኖትንና ማንነትን ማዕከል ያደረገ የተቀናጀ ፍጅትና ጥንታዊ ቤተክርስቲያን ቃጠሎን በተመለከተ ኮሚሽኑ ሰኔ 1 ቀን 2018 ዓ.ም ባወጣው ሪፖርት የሟቾችን ቊጥር 3(ሦስት) ያደረገ ሲኾን፣ ጥቃቱም ሃይማኖትን ማዕከል ያላደረገና የፈጸመውም "ኦነግ ሸኔ" እንደኾነ በእርግተኝነት ደምድሟል። ትብብራችን ባለው መረጃ የሟቾች ቊጥር ከተጠቀሰው በአሥር እጥፍ እንደኾነ፣ ፍጅቱም በአጋጣሚ የተፈጠረ ሳይኾን ሃይማኖትን ማዕከል ያደረገ መኾኑን ከታማኝ ምንጮች አረጋግጧል። ለፍጅቱ የአካባቢው መንግሥት መዋቅር እጁ አለበት የሚለው የሰለባዎች ተደጋጋሚ ቅሬታና በአጠቃላይ በአርሲ የሚደርስ የተቀናጀ ዘር ፍጅት የብዙ አካላት እጅ የሚሳተፍበት መኾኑ እየታወቀ ኮሚሽኑ በፍጥነት ድምዳሜ ላይ መድረስ ፖለቲካዊ ዓላማና ማድበስበስ የተፈለገ አስመስሎታል። ከኮሚሽኑ የሚወጡ ሪፖርቶችንም ሕዝብ እንዳያምናቸው አድርጓል ብለን እናምናለን::

ስለኾነም ኮሚሽኑ ይኽን ሰተሳሳተ ሪፖርት ማውጣት የፈለገበትን መግፍኤና እንደገና በማጣራት የስህተቱን ማስተካከያ ለሕዝብ ይፋ እንዲያደረግ፣ እንዲኹም የመንግሥት መዋቅሩን ድርሻ በመጥቀስ ተጠያቂነት እንዲኖር ብሎም ሕዝቡ ተፈጥራዊ መብቱን ተጠቅሞ ራሱን እንዲከላከል የሚያደርግ መፍትሔ እንዲጠቁም ጭምር በአክብሮት እንጠይቃለን።

ፈጣሪ አገራችን ኢትዮጵያንና ሕዝቧን ይጠብቅ!

አቶ አብረሃም ጌጡ
የትብብር ለኢትዮጵያ አንድነት ፕሬዝዳንት

''አሁን የብርድ ወራት በመሆኑ ልጄ እየታመመች ነበር''
#ethiopia | በደቡብ አፍሪካ ደርባን ከተማ ውስጥ ለሳምንታት ሰፍረው የነበሩ ከ1,000 በላይ የማላዊ ዜጎችን ወደ ሀገራቸው ለመመለስ የሚያስችል የሰነድ ማጣራት ሂደት መጠናቀቁ ተገለጠ።

የማላዊ ኤምባሲ ዜጎቹን ወደ ትውልድ ሀገራቸው ለማጓጓዝ የሚያስችሉ አውቶቡሶችን ያዘጋጀ ሲሆን፣ እስካሁንም በደርባን ሸርዉድ አካባቢ የትራንስፖርት እገዛ ሲጠባበቁ ከነበሩት በሺዎች የሚቆጠሩ ማላውያን መካከል የ1,140 ሰዎችን ማንነት ማረጋገጥ ተችሏል። በጥቅሉ ለጉዞው ቅድሚያ የተሰጣቸው ለሕፃናትና ለሴቶች መሆኑ ታውቋል።

​የኳዙሉ-ናታል ግዛት ሃላፊ ታሚ ንቱሊ እንደገለጹት፣ የመመለስ ሂደቱ ሰብአዊ መብትን፣ ክብርንና አክብሮትን በጠበቀ መልኩ እየተመራ ይገኛል። ሃላፊው አክለውም፦

“ወንድሞቻችንና እህቶቻችን ሕግ ሳይጥሱ እንዲመለሱ ከተለያዩ ሀገራት ጋር እጅና ጓንት ሆነን በመስራታችን ደስተኛ ነኝ። ወደፊት መመለስ ቢፈልጉ እንኳ ፈቃድ ይዘው መምጣት ይኖርባቸዋል” ብለዋል።

አያይዘውም “ሕጋዊ ሰነድ ያላቸው በርካታ የውጭ ዜጎች ከእኛ ጋር ይኖራሉ። ደቡብ አፍሪካውያንም በሌሎች ሀገራት እንደሚኖሩ ስለምንረዳ ይህ ለእኛ ችግር አይደለም፤ ደቡብ አፍሪካ የሁሉም ሀገር ነች ብለን እናምናለን። ዜጎች ነገር ግን በማንኛውም ሌላ ሀገር ውስጥ ሲኖሩ ሕጋዊ ሰነድ መያዝ ግድ ይላል” ሲሉ አስገንዝበዋል።

​ባለቤታቸውንና ልጃቸውን ለመሸኘት የመጡ አንድ የማላዊ ዜጋ “ጉዟችን በመጀመሩ በጣም ደስተኞች ነን፤ ሴቶችና ሕፃናት ደግሞ ቅድሚያ ማግኘታቸው ተገቢ ነው” ሲሉ ስሜታቸውን ገልጸዋል። ባለቤታቸው በበኩሏ ወደ ሀገሯ ለመመለስ በጉጉት ላይ መሆኗን ጠቅሳ “ለሁለት ሳምንታት ያህል ከባድ መከራ አሳልፌአለሁ፤ ዛሬ ግን ወደ ሀገሬ በመመለሴና ቤተሰቦቼን ለማየት በመታደሌ በጣም ደስተኛ ነኝ። አሁን የብርድ ወራት በመሆኑ ልጄ እየታመመች ነበር። እዚህ እኛ ባዕድ በመሆናችን ወደ ሆስፒታል መሄድ አትችሉም ተብለን ነበር፤ አሁን ግን ወደ ሀገሬ ተመልሼ የሕክምና አገልግሎት ማግኘት ስለምችል ነፃነት ይሰማኛል” ስትል ተናግራለች።

​በሌላ በኩል፣ በክሩገርስዶርፕ ከሚገኘው የሊንዴላ መመለሻ ማዕከል ወደ 980 የሚጠጉ ማላውያን የሰነድ ማጣራታቸውን ጨርሰው፣ ሐሙስ ምሽት በ14 አውቶቡሶች አማካኝነት ወደ ሀገራቸው መሸኘታቸው ታውቋል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ዜና) "አዲሱ አዋጅ አላማ የትግራይን ህዝብ ህልውናና ደህንነት ማረጋገጥ ነው" ሲሉ አቶ አማኑኤል አሰፋ ገለፁ፡፡ ከጊዜያዊ አስተዳደሩ ስልጣኑን ነጥቆ በዶክተር ደብረፅዮን ገብረሚካኤል የተመሰረተው የትግራይ ክልል መንግስት አዲስ አዋጅ ማውጣቱ ይታወቃል፡፡ ይህንን አዋጅ በተመለከተ በዛሬው እለት በመቀሌ ከክልሉ የፍትህና የፀጥታ አካላት ጋር ውይይት መካሄዱ ተዘግቧል፡፡

ከተለያዩ የክልሉ ዞኖች ከተውጣጡ የፍትህና የፀጥታ አካላት ጋር በተደገረው በዚህ ውይይት ማብራሪያ የሰጡት የክልሉ ምክትል ፕሬዝደንትና የፍትህ ቢሮ ሀላፊ የሆኑት አቶ አማኑኤል አሰፋ ናቸው፡፡ ሲናገሩም ‹‹ህይወት ተፈጥሯዊ መብት ነው፡፡ ይህንን መብት ለማስጠበቅ ግን ህግ ያስፈልጋል›› ብለዋል፡፡

አቶ አማኑኤል ጨምረውም ‹‹የዚህ አዋጅ አላማ የትግራይን ህዝብ ህልውናና ደህንነት ማረጋገጥ ነው፡፡ የትግራይ ህዝብ ሰብአዊና ዲሞክራሲያዊ መብቶቹ አደጋ ላይ ወድቀዋል፡፡ እናም አቅማችንን በሚገባ ለመጠቀም የሚያስችል ህግ ማውጣት አስፈልጓል፡፡ የትግራይ ህዝብ ምንም አይነት ልዩነት ቢኖርበትም ለህልውናና ለደህንነት በጋራ መታገል ይኖርበታል›› በማለት አስረድተዋል፡፡ ይህ አዲሱ ህግ አስገዳጅ ወታደራዊ ምልመላን የሚያካትት ከመሆኑም በላይ እስከሞት የሚደርስ ቅጣት የሚጥል መሆኑ ይታወቃል፡፡

የዲጂታል ኢኮኖሚ አዲስ ምዕራፍ - ከስትራቴጂ ወደ ስኬት
***********************

(የዕለቱ መልዕክት)

ዛሬ ዓለማችን በቴክኖሎጂ እና በኢኖቬሽን ፈጣን ግስጋሴ ውስጥ ትገኛለች። ኢትዮጵያም ይህንን ዓለም አቀፋዊ እውነት በውል በመገንዘብ፣ ሁለንተናዊ ኢኮኖሚዋን ከመሠረቱ የሚቀይር ታሪካዊ የዲጂታል ሽግግር እያከናወነች ትገኛለች።

በተለይም ባለፉት አምስት ዓመታት ሀገራችን ያለባትን ዘላቂ የቢሮክራሲ እና የኢኮኖሚ ፈተናዎች ለመቅረፍ ዲጂታላይዜሽንን እንደ ዋነኛ ስትራቴጂያዊ መሣሪያ በመውሰድ እየሠራችበት ትገኛለች።

ይህ ጉዞ የሀገርን የልማት ምሰሶ በጽኑ መሠረት ላይ የሚያጸና የመንግሥት የረጅም ጊዜ ቁርጠኝነት ማሳያ ነው ብለን እናምናለን።

በአንድ ወቅት የዲጂታል ኢኮኖሚ ግንባታ እንደ ሩቅ ሕልም ይታይ እንደነበር አይዘነጋም፤ ባለፉት አምስት ዓመታት በተከናወኑት መሠረታዊ ሥራዎች ግን ዛሬ ላይ ሊሻር በማይችል እውነታ ላይ የቆመ መሠረት ተጥሏል።

መንግሥት ያደረጋቸው ሰፊ የፖሊሲ እና የሕግ ማሻሻያዎች “ዲጂታል ኢትዮጵያ 2025” ስትራቴጂን በስኬት ለማጠናቀቅ አስችለዋል።

አሁን ደግሞ የሀገራችንን የትራንስፎርሜሽን ጉዞ ይበልጥ የሚያፋጥን እና ይበልጥ ስኬታማ የሚያደርገው “ዲጂታል ኢትዮጵያ 2030” የተሰኘው ብሔራዊ ስትራቴጂ ፀድቆ ወደ ሥራ እንዲገባ መደረጉ የሂደቱን ቀጣይነት ያረጋግጣል።

ከዚህ ጎን ለጎን የሰው ሠራሽ አስተውሎት ኢንስቲትዩት መቋቋም ለችግር ፈቺ የቴክኖሎጂ መፍትሔዎች መበልጸግ ምቹ ሁኔታን መፍጠሩ የሚበረታታ እርምጃ ነው።

በዚህ ዘመናዊ የታሪክ እጥፋት ውስጥ የ“ፋይዳ” ብሔራዊ የዲጂታል መታወቂያ ፕሮግራም እና የ“ኢትዮኮደርስ” ኢኒሼቲቭ ሚና እጅግ የላቀ ነው።

የዲጂታል መታወቂያ ለኢኮኖሚው ግንባታ ልክ እንደ ቤት መሠረት ነው። እስከ 90 ሚሊዮን ዜጎችን በሥርዓቱ ውስጥ ለማቀፍ የታቀደው ይህ ግዙፍ መርሐ ግብር ለባንክ፣ ለፋይናንስ፣ ለንግድ እንቅስቃሴ እና ለዴሞክራሲያዊ ሥርዓት ግንባታ ወሳኝ ምሰሶ ነው።

“የቆጠሩት እህል አያልቅም” እንደሚባለው የሀገርን የሰው ኃይል በዕውቀት ሳያደራጁ ዘላቂ ስኬትን ማሰብ አይቻልም። በመሆኑም በ“ኢትዮኮደርስ” ኢኒሼቲቭ 5 ሚሊዮን ዜጎች የዲጂታል ክህሎት ሥልጠና እንዲያገኙ ማድረግ የነገዋን የበለጸገች ኢትዮጵያ የሚረከቡ ባለሙያዎችን ለማፍራት የተጣለ ታላቅ መሠረት ነው።

የአገልግሎት አሰጣጥን ለማዘመን በሁሉም አካባቢዎች እየተገነባ ያለው “የመሶብ” የአንድ ማዕከል አገልግሎትም የተንዛዛ ቢሮክራሲን እና የዜጎችን እንግልት በማስቀረት የመንግሥትን ግልጽነት እና ተጠያቂነት በከፍተኛ ደረጃ አሳድጎታል። ይህ ዓይነቱ አሠራር ሙስና እና ብክነትን በዘላቂነት ለመከላከል የሚያስችል አስተማማኝ ተቋማዊ አቅም ይፈጥራል።

በፋይናንስ ዘርፍም ቢሆን በ2017 በጀት ዓመት ብቻ በዲጂታል የተከናወነው የግብይት ዋጋ 16 ትሪሊዮን ብር መድረሱ የዲጂታል ኢኮኖሚው ምን ያህል ውጤታማ እና ተደራሽ እየሆነ ለመምጣቱ ሕያው ማሳያ ነው።

ይህ ስኬት ዝቅተኛ ገቢ ያላቸው ዜጎች እና ጥቃቅን ኢንተርፕራይዞች በቀላሉ የብድር እና የቁጠባ አገልግሎት እንዲያገኙ በማድረግ የፋይናንስ አካታችነትን በተግባር አረጋግጧል።

ለወደፊቱም መሠረታዊ የመንግሥት አገልግሎቶችን ሙሉ በሙሉ በዲጂታል ፕላትፎርሞች ተደራሽ ለማድረግ የታቀደው ዕቅድ የሀገራችንን የነገ ገጽታ በእጅጉ የሚቀይር ነው።

መንግሥት የሳይበር ሉዓላዊነትን በማረጋገጥ እና የስታርትአፕ ሥነ ምኅዳርን በማጠናከር፣ የዲጂታል ሽግግር ሂደቱን አስተማማኝ እና ደኅንነቱ የተጠበቀ እያደረገው ይገኛል።

በአጠቃላይ ይህ ታሪካዊ ጉዞ የዜጎችን የዕለት ተዕለት ኑሮ የሚያቀልል፣ ሀገራችንን በዓለም አቀፍ ደረጃ ተወዳዳሪ የሚያደርግ እና የኢኮኖሚ ልማታችንን ከሕልም ወደ እውነት የለወጠ የጋራ ብሔራዊ ስኬታችን በመሆኑ ሁሉም አካላት ለስኬቱ የበኩላቸውን ድርሻ ሊወጡ ይገባል።

የኢቢሲ ዶትስትሪም ኤዲቶሪያል
#ethiopia #ebc #digitalethiopia #5millioncoders #success #𝐃𝐢𝐠𝐢𝐭𝐚𝐥𝐄𝐜𝐨𝐧𝐨𝐦𝐲

አዲሱ የተሽከርካሪ ሰሌዳ በአዲስ አበባ ተመዝግበው ሰሌዳ እየተጠባበቁ ባሉ አዳዲስ ተሽከርካሪዎች ላይ ከዛሬ ጀምሮ ተግባራዊ መደረግ ጀምሯል

ይህ የአዲሱ ተሽከርካሪ ሰሌዳ ETH የሚል አለምአቀፋዊ ኮድ የያዘ መሆኑ የተገለፀ ሲሆን የአተገባበር ሂደቱ በአዲስ አበባ መጀመሩ ተገልፆል።

የታርጋ ዋጋዉን በተመለከተ የወጣ ስትራቴጂ ያለ መሆኑን እና ህዝብ በብዛት የሚጠቀማቸው የብዙሃን ትራንስፓርት እና የግል ተሽከርካሪዎች የሰሌዳ ዋጋዉ ላይ ልዩነት እንደሚኖር ሰምተናል።

የአዲስ አበባ ከተማ አስተዳደር የአሽከርካሪ እና ተሽከርካሪ ቁጥጥር ባለስልጣን የአዲሱ የተሽከርካሪ ሰሌዳ ይዘት÷ አተገባበር እና አስፈላጊነት ዙሪያ ለመገናኛ ብዙሃን ጋዜጣዊ መግለጫ ሰጥቷል።

ባለስልጣኑ በመግለጫዉ በመዲናይቱ አሁን ላይ ተመዝግበው ሰሌዳ በመጠባበቅ ላይ የሚገኙ ተሽከርካሪ ላይ ተግባራዊ እንዲሆን መወሰኑ ተገልፆል።

የመጀመሪያዉ ሰሌዳ ባለስልጣኑ ካሉት 11 ቅርንጫፍ ፅህፈት ቤቶች አንዱ በሆነዉ የየካ ቅርንጫፍ ፅህፈት ቤት መሰጠቱ ተነግሯል።

መግለጫዉን የሰጡት የባለስልጣኑ ዋና ዳይሬክተር አቶ ዘገየ በላይነህ እንደገለፁት አዲሱ የሰሌዳ ሀገራዊ ይዘት ያለዉ እንዲሁም ሰሌዳዉ ፎርጂድ አይሰራም ብለን እናምናለን ሲሉ ገልፀዋል።

አዲሱ የተሽከርካሪ ሰሌዳ ለህግ ማስከበር የሚመች እና ምን አይነት ተሽከርካሪ እና የተሽከርካሪ ባለቤት ማነዉ የሚል ማሳያዎችን ይዟል ተብሏል።

የረዥም ጊዜ የሚያገለግል እና የሀብት ብክነት የሚቀንስ መሆኑ አንድ ተሽከርካሪ አንድ ሰሌዳ ብቻ የሚጠቀም የሚያደርግ ነዉ ሲል ባለስልጣኑ በመግለጫው ተነግሯል።

አዲሱ ሰሌዳ ተሽከርካሪዉ እስኪወገድ ድረስ የሚያገለግል ይሆናል ያለዉ ባለስልጣኑ ከ800 ሺህ በላይ ተሽከርካሪዎች አሉ ሰሌዳዉ ተወስዶ መች ይጠናቀቃል በሚኒስቴር መስሪያ ቤቱ የሚወሰን ይሆናል ተብሏል።

በሁሉም ተሽከርካሪዎች አዲሱን ሰሌዳ ተግባራዊ ለማድረግ በትራንስፖርት እና ሎጀስቲክ ሚኒስቴር በሚያስቀምጣቸው የጊዜ እቅድ ሰሌዳዉን የመቀየር ሂደቱ እንደሚተገበር ነዉ የተገለፀው።

የአዲስ አበባ ከተማ አስተዳደር የአሽከርካሪ እና ተሽከርካሪ ቁጥጥር ባለስልጣን 1050/2017 መመሪያን በዛሬዉ እለት መተግበር መጀመሩን አሳዉቋል።

ቁምነገር አየለ

የአሜሪካ የተወካዮች ምክር ቤት የትራምፕን የጦርነት ስልጣን ለመገደብ ድምፅ ሰጡ

የአሜሪካ የተወካዮች ምክር ቤት ፕሬዝዳንት ዶናልድ ትራምፕ በኢራን ላይ ተጨማሪ የወታደራዊ እርምጃ እንዳይወስዱ የሚያግድ የውሳኔ ሃሳብ አሳልፈዋል፡፡

በየካቲት ወር የጀመረውን ጦርነት በአደባባይ በመቃወም አራት ሪፐብሊካኖች ከዲሞክራቶች ጋር ከተቀላቀሉ በኋላ፤ የውሳኔ ሃሳቡ በ2መቶ15 ለ 2መቶ8 ድምፅ ሊጸድቅ ችሏል።

ይህ የተወካዮች ምክር ቤት በትራምፕ የጦርነት ስልጣን ላይ ገደብ ለመጣል የሞከረው ለአራተኛ ጊዜ ሲሆን፤ ተቺዎች ፕሬዝዳንቱ የኮንግረሱን ፈቃድ ሳያገኙ እርምጃ እየወሰዱ ነው በማለት ይወቅሳሉ።

የምክር ቤቱ የውሳኔ ሃሳብ አሁንም በሪፐብሊካኖች በሚመራው የአሜሪካ ሴኔት መፅደቅ ይኖርበታል፤ይሁን እንጂ ሴኔቱ ቢቀበለው እንኳ እርምጃው በኢራን ላይ የሚሰነዘረውን ወታደራዊ እንቅስቃሴ ሙሉ በሙሉ ለመግታት መቻሉ አጠራጣሪ ነው፡፡

ውሳኔው ከዚህ ቀደም ሰባት ጊዜ ሳይሳካ ቀርቶ ባለፈው ግንቦት ወር ሴኔቱ መሰል የውሳኔ ሃሳብን ያራመደ ቢሆንም እስካሁን ሙሉ ድምፅ ለመስጠት ወደ መድረክ አላመጣውም።

እሮብ ዕለት የተካሄደው ድምፅ በትራምፕ እና ሪፐብሊካን ፓርቲ ውስጥ ያለውን ልዩነት የሚያሳይ የቅርብ ጊዜ ምልክት ነው ፡፡

ይህ የሆነው ደግሞ በኮንግረስ ውስጥ ባሉ ወግ አጥባቂዎች ተቃውሞ ምክንያት አስተዳደሩ ለፖለቲካ አጋሮቹ ሊመድበው የነበረውን የ1.8 ቢሊየን ዶላር "ፀረ-የጦር መሣሪያ ታጣቂነት" ፈንድ ዕቅዱን ለመሰረዝ በተገደደ በጥቂት ቀናት ውስጥ ነው።

በተወካዮች ምክር ቤት የሚገኙ ቶማስ ማሲ፣ ብሪያን ፊትዝፓትሪክ፣ ቶም ባሬት እና ዋረን ዴቪድሰን የተባሉ ሪፐብሊካኖች ከዲሞክራቶች ጋር በመተባበር ረቡዕ ዕለት የቀረበውን የውሳኔ ሃሳብ አሳልፈዋል፡፡

በተጨማሪም ከዚህ ቀደም መሰል እርምጃዎችን ተቃውመው የነበሩት የሜይን ግዛት ዲሞክራት ጃሬድ ጎልደን በዚህ ጊዜ ድጋፋቸውን ሰጥተዋል።

ከሚቺጋን የመጡት ሪፐብሊካን ቶም ባሬትበበኩላቸው "ጦርነት የሚያውጀው ኮንግረስ ብቻ ነው፤ ይህ ደግሞ በእርግጥ ልንጠብቀው የሚገባ ጉዳይ ነው" ብለዋል።

በዚህ ድምፅ አሰጣጥ ምክንያት ከትራምፕ ሊሰነዘርባቸው ስለሚችለው የአጸፋ እርምጃ ተጠይቀው ሲመልሱ፡ "ትክክል ነው ብዬ ላመንኩበት ነገር በህሊናዬ ነው ድምፅ የሰጠሁት እናም የሚመጣውን ማንኛውንም ነገር ለመቀበል ዝግጁ ነኝ" ብለዋል።

በተወካዮች ምክር ቤት የውጭ ጉዳይ ኮሚቴ መሪ የሆኑት ዲሞክራቱ ግሬገሪ ሚክስ፣ የተሰጠውን ድምፅ "በፕሬዝዳንት ትራምፕ ህገ-ወጥ እና ከፍተኛ ኪሳራ እያስከተለ ባለው የኢራን ጦርነት ላይ የተሰነዘረ ጠንካራ የሁለቱ ፓርቲዎች ተግሳጽ እና ጦርነቱን ለአንዴና ለመጨረሻ ጊዜ ለማቆም የተነገደ የመጀመሪያው እርምጃ ነው" ሲሉ ገልጸውታል።

ሚክስ አክለውም ትራምፕ በሀገር ውስጥ የነዳጅ ዋጋ እንዲንር ከማድረጋቸው እና ለኢራን የኒውክሌር መርሃ ግብር ዲፕሎማሲያዊ መፍትሄ የመፈለጉን ሂደት ይበልጥ አስቸጋሪ ከማድረጋቸው ባለፈ የጦርነቱን የተቀመጡ ግቦች ማሳካት አልቻሉም ብለዋል።

የውሳኔ ሃሳቡን በጋራ ያዘጋጁት ሚክስ "የዚህ ውሳኔ መጽደቅ ትልቅ የማዕዘን ድንጋይ ነው ቁጥራቸው ከጊዜ ወደ ጊዜ እየጨመረ የመጣ ሪፐብሊካኖች በመካከለኛው ምስራቅ ሌላ ማብቂያ የሌለው ጦርነት የማይፈልጉትን የመራጮቻቸውን ድምፅ እየሰሙ ነው" ብለዋል።

ዩናይትድ ስቴትስ እና እስራኤል በየካቲት 28 በኢራን ላይ ጥቃት መሰንዘራቸው የሚታወቁ ሲሆን ኢራንም በእስራኤል እና በባህረ ሰላጤው ለሚገኙ የአሜሪካ አጋር ሀገራት ላይ ጥቃት በመሰንዘር ምላሽ የሰጠች ሲሆን ለአለም አቀፍ የመርከብ ትራንስፖርት ወሳኝ የውሃ መስመር የሆነውን የሆርሙዝ ወሽመጥ በውጤታማነት ዘግታለች።

(ዘ-ሐበሻ ዜና) ዛሬ ጌታቸው ረዳ በቲአርቲ ቴሌቭዥን የተናገራቸውን ማቅረባችን ይታወሳል። ለጌታቸው ረዳ በዛው ቲሌቭዥን የሰጠውን ምላሽ ተከትሎ ከቀረቡት መካከል የአማራ ማህበር በሰሜን አሜሪካ አባሉ ሮቤል ዓለሙ አንዱ ነው። እርሱ የሰጠው አስተያየት እንደሚከተለው ቀርቧል።

"ሰኞ ዕለት [የምርጫው ቀን] የታየው ነገር የዲሞክራሲ አስመሳይነት ነበር፤ ምክንያቱም በኢትዮጵያ ያለው የአሁኑ እውነታ ከዚያ የራቀ ነው። ይህን ለመረዳት የዐቢይ አሕመድን አስተዳደር የሰብዓዊ መብት አያያዝ ታሪክ መመልከት ብቻ በቂ ነው፣ ይህም በዓለም ላይ ካሉ በጣም አስከፊዎች መካከል ይመደባል። እንደ ምሳሌ ብንወስድ... ባለፉት አምስት ዓመታት የታጠቁ ግጭቶች ሲካሄዱበት በነበረው፣ እና ባለፉት ሦስት ዓመታት ደግሞ በዐቢይ 'የኦሮሞ ብልጽግና ፓርቲ' አስተዳደር ሥር ባሉ የመንግሥት ኃይሎች በኩል የአማራ ክልል የዕለት ተዕለት የጭካኔ ድርጊቶች እያስተናገደ ይገኛል። ባለፈው ወር የለምኪን ኢንስቲትዩት የዐቢይ ጦርነት በአማራ ሕዝብ ላይ የዘር ማጥፋት ነው በማለት የዘር ማጥፋት ማስጠንቀቂያ አውጥቷል፤ እናም ድርጅታችን በመንግሥት ኃይሎች የጤና ጣቢያዎችን፣ ትምህርት ቤቶችን፣ ቤቶችን፣ የአምልኮ ቦታዎችን እና ሌሎች የሲቪል ተቋማትን ዒላማ ያደረጉ፣ እና በሺዎች የሚቆጠሩ ሰዎችን ለሞት የዳረጉ ከ370 በላይ የአየር ድብደባዎችን መዝግቧል። የቅርብ ጊዜ የቢቢሲ ሪፖርት ከአነስተኛ የጤና ማዕከላት በተወሰደ ናሙና፣ በአማራ ክልል በሺዎች የሚቆጠሩ የአስገድዶ መድፈር ጉዳዮችን ያሳየ ሲሆን፣ አብዛኛዎቹ በመንግሥት ኃይሎች የተፈጸሙ መሆናቸው ተመላክቷል። ባለፈው ሳምንትም፣ የጤና እና የግጭት ጥበቃ ጥምረት በጤና አጠባበቅ ላይ እየጨመረ ያለውን ጥቃት የሚያሳይ ሪፖርት አውጥቷል።

"ዩኒሴፍ ከ9 ሚሊዮን በላይ ልጆች ከትምህርት ገበታ ውጪ መሆናቸውን ሪፖርት አድርጓል፣ ከነዚህ ውስጥ ግማሹ ከአማራ ክልል ናቸው። እናም በአጎራባች ኦሮሚያ ክልል፣ በብሔረሰብ አማራዎች እና በኦርቶዶክስ ክርስቲያን ማኅበረሰቦች ላይ የሚደርሰው ጥቃት ቀጥሏል። ምርጫው ዕለትም በምስራቅ አርሲ አካባቢ የነቃ ጭፍጨፋ ሲካሄድ፣ የአካባቢው ታጣቂዎች ተሳታፊ ሆነዋል። በወለጋ አካባቢ ደግሞ በፌዴራል እና በኦሮሚያ ክልል ኃይሎች በኩል ቀጣይነት ያለው ጥቃት እና የከበባ ሁኔታ ይታያል። ስለዚህ በጣም አሳሳቢ የሆነ የሰብዓዊ መብት ቀውስ አለ፣ የፖለቲካ ብዝሃነት የለም፣ የሐሳብ ነጻነት የለም፣ የተዘጋ የሲቪክ ምህዳር አለ፣ ነጻ ፕሬስ የለም፣ በሺዎች የሚቆጠሩ ሰዎች በአማራ ማንነታቸው፣ በፖለቲካዊ እምነታቸው ታስረዋል፣ ወይም በአንዳንድ ሁኔታዎች ያለምንም ምክንያት ታስረዋል። ከእነዚህም መካከል የተቃዋሚ ፓርቲ አመራሮች፣ የፓርላማ አባላት፣ ነጻ ጋዜጠኞች፣ የሲቪል ማኅበረሰብ መሪዎች ይገኛሉ፤ እነዚህ ሰዎች በጣም ከባድ በደል ይደርስባቸዋል።"

"በሚሊዮን የሚቆጠሩ ሰዎች ጠቅላይ ሚኒስትሩን እና ፖሊሲዎቻቸውን ይደግፋሉ። እንዲሁም በምንም ዓይነት ምክንያት ፖሊሲዎቻቸውን የሚቃወሙ በሚሊዮኖች የሚቆጠሩ ሰዎች አሉ። ነገር ግን ይህ የተለየ ምርጫ፣ እኔ እስከምረዳው ድረስ፣ የእርሳቸው ተወዳጅነት ምን ያህል እንደሆነ የሚፈትሽ ብቻ ሳይሆን፣ ሰዎች በየቦታው ባለው አነስተኛ ግጭት እና ሁከት ምን ያህል እንደተማረሩ የሚያሳይ ነው።

"ሰሞኑን ጅማ ነበርኩ... አሁን ደግሞ አዲስ አበባ ነኝ፣ ቢያንስ በጅማ እና አዲስ አበባ ምርጫ ሲካሄድ አይቻለሁ። ሰዎች በነቂስ ወጥተው ድምጽ ይሰጡ ነበር። በአንዳንድ አካባቢዎች የተወሰኑ የተቃዋሚ ኃይሎች የጦር መሣሪያዎችን እና ፈንጂዎችን ጭምር በመጠቀም ድምጽ አሰጣጡን ለማስቆም መሞከራቸውን አውቃለሁ። ነገር ግን በሺዎች፣ አልፎ ተርፎም በመቶ ሺዎች የሚቆጠሩ ሰዎች የዚህን ዓይነት ሙከራዎች ተቋቁመው ድምጻቸውን ለመስጠት ሲወጡ አውቃለሁ።

"እናም ጠቅላይ ሚኒስትሩንና ፖሊሲዎቻቸውን የሚደግፉ እና በዚህም መሠረት ድምጽ የሚሰጡ በሚሊዮኖች የሚቆጠሩ ሰዎች እንዳሉ ሁሉ፣ ሌሎች በሚሊዮን የሚቆጠሩ ሰዎች የጠቅላይ ሚኒስትሩን ወይም የገዥውን ፓርቲ ፖሊሲዎች ቢቃወሙም፣ በአንዳንድ የሀገሪቱ ክፍሎች እየተስፋፋ በመጣው የሁከት ድርጊት የተጸየፉ እንደሆኑ ለማመን የሚያስችል ምክንያት አለኝ። ስለዚህ ምርጫው የርሳቸውን ፖሊሲዎች እንደመደገፍ ሁሉ፣ ሁከትንም የመቃወም ጉዳይ ነበር።"

ጌታቸው ረዳ ለቱርኩ ቲአርቲ ከሰጡት ቃለምልልስ

ቃለ መጠይቅ አድራጊዋ ጋዜጠኛ "ትልቅ አብላጫ ድምጽ ማግኘትን በተመለከተ... በተቃዋሚዎች ላይ ያለው ትልቅ ችግር ምንድነው ብለው ያስባሉ? ለምንድነው እንዲህ በከፍተኛ ሁኔታ የሚሸነፉት?" በሚል ጠየቀች።
አቶ ጌታቸው ረዳ ምላሽ የሚከተለው ነው፡

"እንግዲህ፣ ይህንን እነግርዎታለሁ። በሚሊዮን የሚቆጠሩ ሰዎች ጠቅላይ ሚኒስትሩን እና ፖሊሲዎቻቸውን ይደግፋሉ። እንዲሁም በምንም ዓይነት ምክንያት ፖሊሲዎቻቸውን የሚቃወሙ በሚሊዮኖች የሚቆጠሩ ሰዎች አሉ። ነገር ግን ይህ የተለየ ምርጫ፣ እኔ እስከምረዳው ድረስ፣ የእርሳቸው ተወዳጅነት ምን ያህል እንደሆነ የሚፈትሽ ብቻ ሳይሆን፣ ሰዎች በየቦታው ባለው አነስተኛ ግጭት እና ሁከት ምን ያህል እንደተማረሩ የሚያሳይ ነው።
ሰሞኑን ጅማ ነበርኩ፣ አሁን ደግሞ አዲስ አበባ ነኝ፣ ቢያንስ በጅማ እና አዲስ አበባ ምርጫ ሲካሄድ አይቻለሁ። ሰዎች በነቂስ ወጥተው ድምጽ ይሰጡ ነበር። በአንዳንድ አካባቢዎች የተወሰኑ የተቃዋሚ ኃይሎች የጦር መሣሪያዎችን እና ፈንጂዎችን ጭምር በመጠቀም ድምጽ አሰጣጡን ለማስቆም ሲሞክሩ አውቃለሁ። ነገር ግን በሺዎች፣ አልፎ ተርፎም በመቶ ሺዎች የሚቆጠሩ ሰዎች የዚህን ዓይነት ሙከራዎች ተቋቁመው ድምጻቸውን ለመስጠት ሲወጡ አውቃለሁ።

"እናም ጠቅላይ ሚኒስትሩንና ፖሊሲዎቻቸውን የሚደግፉ እና በዚህም መሠረት ድምጽ የሚሰጡ በሚሊዮኖች የሚቆጠሩ ሰዎች እንዳሉ ሁሉ፣ ሌሎች በሚሊዮን የሚቆጠሩ ሰዎች የጠቅላይ ሚኒስትሩን ወይም የገዥውን ፓርቲ ፖሊሲዎች ቢቃወሙም፣ በአንዳንድ የሀገሪቱ ክፍሎች እየተስፋፋ በመጣው የሁከት ድርጊት የተጸየፉ እንደሆኑ ለማመን የሚያስችል ምክንያት አለኝ። ስለዚህ ምርጫው የርሳቸውን ፖሊሲዎች እንደመደገፍ ሁሉ፣ ሁከትንም የመቃወም ጉዳይ ነበር።

"እኔ ድምጽ አልሰጠሁም፣ ምክንያቱ ግልጽ ነው፣ የመጣሁት ከትግራይ ነው፤ ትግራይ ደግሞ ምርጫ እያካሄደች አይደለም። ነገር ግን፣ የግድ ለገዥው ፓርቲ ባይሆንም፣ ሁከትን በመቃወም ድምጽ እሰጥ ነበር።"

(ዘ-ሐበሻ ዜና) የቲአርቲ ጋዜጠኛዋ ዛሬ ጌታቸው ረዳን ስትጠይቅ "በመጀመሪያ ማንም ሰው በተለይ እንደ ኢትዮጵያ ባለ የተከፋፈለ ሀገር ውስጥ፣ አንድ ፖለቲከኛ ከ80 እስከ 90 በመቶ ሀገራዊ ድምጽ አገኘ ሲባል ሲሰማ፣ የዚህ ምርጫ ፍትሃዊነት ላይ ምክንያታዊ ጥርጣሬዎች መፈጠራቸው አይቀርም። ስለዚህ አሁን ይህ ምርጫ ፍትሃዊ ነበር ማለት ይችላሉ?" አለች።

ጌታቸው ረዳ ሲመልሱ... "እንግዲህ ለአንደኛው ነገር ማን እንዳሸነፈ እና በስንት በመቶ እንዳሸነፈ የተሰጠ ምንም ዓይነት መግለጫ እስካሁን አልሰማሁም። ይህ እንዳለ ሆኖ፣ ባለፉት 20 ምናምን ዓመታት በዚህች ሀገር ፖለቲካ ውስጥ እንደመቆየቴ፣ እኔ አባል የነበርኩበት ገዥ ፓርቲ 90 ምናምን በመቶ ድምጽ ያሸነፈበት ጊዜ ነበር። ለዚህ ማብራሪያዎች አሉት። የነገሩ እይታ እና ሁሉም ነገር ትክክል ላይመስል ይችላል፣ እናም ሰዎች 90 በመቶ ድምጽ በማግኘታቸው የተለየ ኩራት አይሰማኝም። ነገር ግን አንደኛው ጉዳይ፣ በሀገሪቱ ያለው የምርጫ ሥርዓት 'አብላጫ ድምጽ ያገኘ የሚያሸንፍበት' በመሆኑ፣ ብዙ ዕጩዎች በሚኖሩበት ጊዜ በቀላሉ ከፍተኛ ድምጽ ያገኘው ወንበሩን ያሸንፋል ማለት ነው። ይህ ደግሞ በመጨረሻ ሲታይ በርካታ የሕዝብ ድምጽ ያገኙት እንኳን አንድም ወንበር ሳያገኙ ሊቀሩ ይችላሉ ማለት ነው። ፍትሃዊ ላይሆን ይችላል፣ ያ አሠራር ፍትሃዊ ላይሆን ይችላል፣ ነገር ግን ሕገ-መንግሥቱ የሚለው ያንን ነው፣ በሌሎች የዓለም ክፍሎችም የምዕራባውያን ዴሞክራሲዎችን ጨምሮ የሚከሰተው ይሄው ነው።

"ሌላኛው ማብራሪያ ደግሞ፣ ከምርጫው በፊት ለ5 ወይም ለ9 ወራት ብቻ ቅስቀሳ የሚጀምሩ "ወቅት ጠባቂ" የፖለቲካ ፍላጎት ያላቸው ፓርቲዎች ሲኖሩ፣ አብዛኛውን ጊዜ በሥልጣን ላይ ያለው አካል በእነዚህ ወቅት ጠባቂ ፖለቲከኞች ላይ ብልጫ ይኖረዋል።"

ዛሬ የአርሰናል እግር ኳስ ክለብን እና በኢትዮጵያ የሚገኙ እልል ያሉ ላደጋፊዎቹ ያለንን አድናቆት እና አክብሮት የምንገልጸበትን ይህን ድንቅ ዝግጅት በመደገፋችን እጅግ ኩራት ይሰማናል። አርሰናል በአለም ላይ ካሉ እውቅ የእግር ኳስ ክለቦች አንዱ ሲሆን፣ በአገራችንም ለክለቡ ጥልቅ ፍቅር ያላቸው ታማኝ ደጋፊዎች አሉት።

ከኢትዮጵያ ብራንዶች በግንባር ቀደም ከሚጠሩት መሃል እንደመሆናችን፣ ሐበሻ በእግር ኳስ፣ በመዝናኛ እና የስፖርት አድናቂዎችን በአንድነት የሚያሰባስበው የዚህ ዝግጅት አካል በመሆኗናችን ክብር ይሰማናል።

በሐበሻ የላቀ ጥራትን፣ ከኢትዮጵያ ባህል፣ ቅርስ እና እሴቶች ጋር ያለንን ጠንካራ ትስስር ይበልጥ እያጠበቅን፣ ከፍተኛ ጥራት ያላቸውን ምርቶች እና የማይረሱ ልምዶችን ለደንበኞቻችን እንዲሁም ለስፖርት ቤተሰቡ በሙሉ በማቅረባችን እንኮራለን።

የጋራ ፍላጎቶችን እና መገለጫዎችን በማክበር እና ማሕበረሰቡን የሚያቀራርቡ ሁኔታዎችን በመፍጠር ረገድ ታላላቅ ብራንዶች ከምርት ያለፈ ፋይዳ እንዳላቸው እናምናለን። እንደዚህ ባሉ አጋርነቶች አማካኝነትም ተጠቃሚዎቻችንን የሚያነሳሱ፣ የሚያሳትፉ እና የሚያዝናኑ መድረኮችን መደገፋችንን እንቀጥላለን።

ለዝግጅቱ አዘጋጆች፣ ለአርሰናል ደጋፊዎች እና ዛሬ ከእኛ ጋር ለተገኙት በሙሉ እናመሰግናለን።
ሐበሻ – በኢትዮጵያዊነታችን የምንኮራ፣ ለጥራት የቆምን፣ በፈጠራ የምንመራ፣ እና ልዩ ድባብ በመፍጠር ሰዎችን በአንድነት ለማዝናናት በቁርጠኛነት የተነሳን።

"ኢትዮጵያ በመከፋፈል ሳይሆን በአንድነት የደመቀ... አገር ሆና እንድትቀጥል ለማየት ነው ምኞታችንና ጸሎታችን!!"
#ethiopia | የዘንድሮውን የ7ኛ ዙር አገራዊ ምርጫ ለመታዘብ የሚያስችለኝን ዕድል አግኝቼ ነበር። እናም በግልና የተለያዩ ተቋማትን ወክለን የመጣን የአገር ውስጥ ታዛቢ ቡድን አባላት ምርጫውን ለመታዘብ ከመጡ የአፍሪካ ኅብረት እና የኢጋድ የታዛቢ ቡድን አባላት ጋር በስካይ ላይት ሆቴል የትውውቅና ሰፋ ያለ የጋራ ውይይት አድርገን ነበር።

በዚህ ውይይት ላይም የኢጋድ የምርጫ ታዛቢ ቡድን መሪና የቀድሞ የኡጋንዳ የቀድሞው ምክትል ፕሬዚደንት የነበሩት ዶ/ር ዋንዲራ ካዚብዌ በምክር መልኩ ለወጣቶች ያነሱት ሐሳብ ቀልቤን ገዛው። እናም ከእኚህ ጉምቱ ፖለቲከኛ አፍሪካዊ እናት ከሐሳባቸው ጥቂት ሰበዞችን ለመምዘዝ ወደድኹ።

በአገራቸው ኡጋንዳ ፖለቲካ ውስጥ የሴቶችን/የእናቶችን የፖለቲካ ተሳትፎ ትርጉም ባለው መንገድ በመቀየር ጉልህ አሻራ ያኖሩት የህክምና ሳይንስን ከሥነ-መንግሥት ትምህርት ጋር ያጣጣሙ እኚህ አፍሪካዊ ምሁር እናት በውይይታችን መካከል እንዲህ አሉን።

"When women lead, even water climbs uphill."
"ሴቶች ሲመሩ ውኃ ሳይቀር እንኳን ሽቅብ ይፈሳል፤" የሚል አፍሪካዊ አባባል አለ።

መቼም ለዚህ አባባል እናንት ኢትዮጵያውያን ሕያው ምስክሮች ናችሁ። ከኢትዮጵያዊቷ ንግሥት ሳባ፣ የዐድዋውን ጦርነት በሴትነት ብልሃት ከመሩት እቴጌ ጣይቱ ድረስ የአገራችሁ የፖለቲካ ታሪክ በሴቶች ጉልህ ተሳትፎና አሻራ የደመቀ ነው።

በእውነት በእነዚህ ጀግኖች እናቶቻችሁ ታሪክ ልትኮሩ፤ ልትደነቁ ይገባችኋል።

ዶ/ር ካዚብዌ ቁጭት በቀላቀለ ስሜት ያነሱትን ሌላኛው የሐሳባቸውን ሰበዝ ለዚህች አጭር ማስታወሻ መደምደሚያ ይሆነኝ ዘንድ መረጥኩት።

እኛ አፍሪካውያን ዲሞክራሲያዊ ሥርዓትን እንደ ሸቀጥ ዕቃ ሙሉ በሙሉ ከምዕራቡ ዓለም ለማስገባት የምናደርገውን ልፋት ቆም ብለን መፈተሽ ይገባናል። ከሌሎች የምንቀበለውን ያህል እኛ አፍሪካውያን ለተቀረው ዓለም ልንሰጠው የምንችላቸው በርካታ ነገሮች አሉን።

አፍሪካ ለሺህ ዓመታት የቆየ የራሷ የሆነ ግዙፍ ታሪክ፤ ገናና ሥልጣኔ፤ በዘመናት ተፈትኖ ያለፈ የዳበረ ባህላዊ የፖለቲካ ሥርዓት ያላት አህጉር ናት። እናንት ኢትዮጵያውያን ደግሞ በዚህ የአኅጉራችን የአፍሪካ የሺህ ዘመናት ታሪክና ባህል ውስጥ የአንበሳውን ድርሻ ትወስዳላችሁ።

ከአክሱም ገናና ሥልጣኔ የቅኝ ገዢዎችንና የተስፋፊዎችን ቅስም እስካንኮታኮተው የዐድዋ ድል ድረስ አኩሪ ታሪክ ያላችሁ ታላቅ ሕዝብ ናችሁ።

አብዛኛው የታሪካችሁ ምዕራፍ ሲገለጽም- የአንድነትን፤ የኅብረትን ኃይል ቀድሞ የተረዳችሁ ጠቢባን ሕዝቦች መሆናችሁን ነው የሚመስክረው። እናም ዛሬ ልዩነታችሁን በማጥበብ አንድነታችሁን አጠናከሩ፤ ኅብረታችሁን አጎልብቱ። አንድነት ኃይል ነው!!

ኢትዮጵያ በመከፋፈል ሳይሆን በአንድነት የደመቀ፤ በጦርነት ሳይሆን በሰላም ያሸበረቀ፤ በጥላቻ ሳይሆን በፍቅር የተዋበ አፍሪካዊ ተምሳሌትነቷንና እናትነቷን ያስመሰከረች አገር ሆና እንድትቀጥል ነው ምኞታችን፤ ተስፋችንና ጸሎታችን።

እግዚአብሔር አፍሪካን ይባርክ፤ አምላክ ኢትዮጵያንና ሕዝቦቿን ይባርክ!!

ነገርን ነገር ያነሳዋል እንዲሉ አበው፤ ጠቅላይ ሚ/ር ዶ/ር ዐብይ አሕመድ ወደ ሥልጣን በመጡ ማግሥት- ኢትዮጵያውያን እናቶች ይጸልዩልኛል፤ የእናቶቼ ጸሎታቸውና ምርቃታቸው ያግዘኛል፤ ጉልበት ይሆነኛል። የሚል ቃልን አብዝተን ከአንደበታቸው አንሰማ ነበር። ዛሬስ...?!

ታላቁ መጽሐፍ፤ "የእናት ምርቃት ቤትን ያጸናል፤" እንዲል በእናቶቻችን ምርቃትና ጸሎት የሁላችን ቤት የሆነች ኢትዮጵያ፤ አፍሪካ የአንድነት መሠረቷ ጸንቶና ሰላሟ ተጠብቆ በአንድነት ጸንታ ትኖር ዘንድ በመመኘት ልሰናበት።

ሰላም!!

በተረፈ ወርቁ (ዲ/ን)፤

ሰላም! ደህና አደራችሁ ውድ ኢትዮጵያውያን?

በ7ኛው ጠቅላላ ምርጫ ህዝቡ በነቂስ ወጥቶ ድምጹን ላሻው በመስጠት ሀገር ወዳድነቱን እና የዴሞክራሲ ልምምድ ፍላጎቱን በተግባር አሳይቷል።

ድምጽ የመስጠቱ ሂደት ማለዳ 12:00 ጀምሮ ሲካሄድ የቆየ ቢሆንም ምሽት 12:00 ድረስ ባለመጠናቀቁ ምርጫ ቦርድ መራጩ የመምረጥ መብቱን እንዲጠቀም እስከ ለሊት 6:00 አራዝሞለት መራጩም እድሉን ተጠቅሟል።

በዚህ ምርጫ ህዝቡ እኔ አውቅልሃለሁ ለሚለው ሁሉ፣ በሰላም ወጥቶ በመምረጥ ባሳየው ቁርጠኝነት አይ እኔ ለራሴ አውቃለሁ፣ ሀገሬን በሰላማዊ መንገድ ለትውልድ አሻግራለሁ ያለበት ነው።

ማሳያውም የምርጫ ውሎው ነው።

እርጅና፣ አካል ጉዳት፣ ህመም፣ ኅዘን፣ ወሊድ፣ ሰርግ፣ ብርድ፣ ዝናብ፣ ፀሐይ፣ ጭለማ አልበገረውም።

ድምጹን ይወክለኛል ላለው በነፃነት ያለማንም ጫና ሰጥቷል።

በየምርጫ ጣቢያው የነበረውን ኢትዮጵያዊ ጨዋነት የአፍሪካ ሕብረት፣ የኢጋድ እና የሀገር ውስጥ የምርጫ ታዛቢዎች መስክረዋል።

በዚህ ምርጫ የተሳተፈው የመራጭ ቁጥር እና የመራጩ ጨዋነት ሲታይ ሰላማዊ የስልጣን ሽግግር እንጂ ጩኸትና የጠብመንጃ ማስፈራሪያ አያስፈልገኝም ያለበት ነው።

እናም ከዚህ በኋላ በኢትዮጵያ ምድር ጠብመንጃ እያወዛወዙ በኃይል ካልገዛሁህ ለሚሉት ሁሉ መሻታቸው ጊዜ ያለፈበት ተረት ተረት መሆኑን በተጨባጭ በድምጹ ወስኗል።

የሚበጀውም የህዝቡን የካርድ ምርጫ መጠበቅና ውሳኔውን መቀበል ብቻ ነው።

ህዝቡ አንዴ ወስኗል። ኢትዮጵያ የፍላጎቷን መርጣለች፤ ለውጤቱ ደግሞ ምርጫ ቦርድን ብቻ በትእግስት መጠበቅ ነው።

እኛ ኢትዮጵያውያንን በቅጡ የማያውቁ አካላት ሊለዩን፣ ሊበትኑን ብዙ ጊዜ ሞክረዋል። ከባእዳን በተጨማሪም የውስጥ ባንዳዎች ብዙ ጥረዋል።

ነገር ግን ለልዩነት የማንመች እና እርስ በራስ የተሰናሰልን ሀገራችንን የምንወድ ህዝቦች በመሆናችን ዛሬ ደርሰናል።

ትናንት ለሚወክለን ካርዳችንን በነጻነት ሰጥተናል።

በዚህ ዙርም ሊያውኩን ሞከረዋል፤ ነገር ግን አልሆነላቸውም፤ እኛ የዴሞክራሲ ልምምድን መርጠናል።

እነሱ ገና የድንጋይ ዘመን ላይ ናቸው። ወጋችንም አይገጥምም።

እኛ የጀግኖቹ የእናት አባቶቻችን ልጆች ነን።

ቀደምት እናት አባቶቻችን ከግል ፍላጎታቸው ይልቅ ለሀገራቸው ቅድሚያ በመስጠት የላብ፣ የደም፣ የአጥንት እና የህይወት መስዋእትነት ከፍለው ሀገር አውርሰውናል።

የአሁኑ ትውልድም ሀገሩን በሰላምና በዴሞክራሲያዊ መንገድ ለቀጣይ ትውልድ ለማሻገር በካርዱ ወስኗል።

በካርዳችን የሚሻንን መርጠናል። ማንም ቢያሸንፍ ሀገር ከፖለቲካ እና ከሁኔታዎች ሁሉ በላይ ናት።

አብሮነታችን ውበታችን ነው። በእናት አባቶቻችን ሀገር ወዳድነት ኢትዮጵያን ወርሰናል። እኛም በድምጻችን ሀገር ለማሻገር ተልመናል። ጉዟችን ወደ ሰላማዊው ዴሞክራሲ ብቻ ነው።

ኢትዮጵያ መርጣለች! ውሳኔዋንም እንቀበላለን!

ከከተማ ውጡ.....

የመርሣ ሰዳቱ አቡነ ተክለሃይማኖት ገዳም ጥሪ

የተክለሃይማኖት የቆብ ልጆች እንዲበተኑ የተክልዬ ወዳጆችማ አይፈቅዱም ፤ ገዳሙ በውኃ ጥም ሊፈታ ነው። ምእመናን ከከተማ ውጡና የገጠሩን አገልግሎት ጎብኙት። ታለቅሳላችሁ። ታዝናላችሁ። እናም ከከተማ ውጡና ጎብኙን።

ታሪክ የመልክዐ ምድር ውበት ፈዋሽ ጠበል ድንቅ የአብነት ት ቤት ደግሞ የውሃ እጦትና የውሃ ጥም አደጋ
መርሳ ሰዳቱ አቡነ ተክለሃይማኖት አንድነት ገዳም ከአዲስ አበባ ወደ መርሳ ተጉዘው መርሳ ሲደረሱ ከዋናው መንገድ ወደ አንድ ቅዱስ ተራራ 5ኪሎ ሜትር ሲወጡ በዚያ ውብ በአገር በቀል ዕጽዋት በተሸፈነው ተራራ ላይ 154 ዘመን ያስቆጠረው የጻድቁ አብነ ተክለ ሃይማንት ጽላት ያለበት አንድነት ገዳም ይገኛል ።

በዚህ ገዳም በተጨማሪ የአቡነ ዘርዐ ብሩክ፣ የመጥምቁ ዮሐንስ የእመቤታችን ቅድስት ድንግል ማርያም ጽላቶች ይገኛሉ ። በቦታው የሚገኘው ጠበል ከኪንታሮት ከነቀርሳ ከመናፍስተ ርኩስ በሽታ እየፈወሰ አንዳንዱን በምነና እዛው በገዳሙ አገልጋይ አድርጎ አስቀርቶታል ።

የዛሬ 20 ዓመት ገደማ ቦታው ሊጠፋ ታሪኩ ሊረሳ የነበረ ቦታ በሙስሊም ህብረተሰብ ርብርብ ሳይቀር በዝክረ ቅዱሳን በማህበረ ሥላሴ በማህበረ ሐዋርያት እልህ አስጨራሽ የ20 ዓመታት ጉዞ ገዳሙ አሁን ያለበት ሁኔታ ከማስደነቁም በላይ ወደፊት ደብረ ሊባኖስን ይመስላል የሚለው የመናንያኑ ትንቢትና በልማቱ ሲደክሙ የኖሩ አገልጋዮች ተስፋ የደረሰ ይመስላል ።

ታዲያ ይህ የፈውስ ቦታ የአብነት ት/ቤት የተራራ ላይ ከተማ አደጋ ተጋርጦበታል መናንያኑን የሚፈትን የአብነት ተማሪዎቹን የሚበትን ስለዚህም ዛሬም የቦታው ቅድስና ምስጢር የገባቸውና የወደፊቱ ተስፋ የታያቸው በቦታው በረከት የተጠቀሙ አገልጋዮች ማህበራት ከገዳሙ ልማት ኮሚቴ ጋር ሆነው ገዳሙን ከውሃ እጦት ለመታደግ 10 ሚሊየን ለሚጠይቀው የውሃ ፕሮጀክት ግንቦት 29 እና 30/ 2018 ከምሽቱ 1 ስአት ጀምሮ የቀጥታ ስርጭት(ኦን ላይን) ገቢ ማሰባሰቢያ መርሐ ግብር አዘጋጅተው በዓለም ዙሪያ ያላችሁ ኦርቶዶክሳውያን እንድረስላቸው ይሉናል ።
የተክለሃይማኖት የሆነ አለን ይበለን

ገዳሙ እና የገዳሙ የልማት ኮሚቴ

አቢሲኒያ-2555552222
አማራ ባንክ-9900050734076
013200269023200 አዋሽ
1000753661615ንግድ

https://cash.app/$Abunetek...

0911644781
0911981096
0911216958
0911671379
0911631126

(ዘ-ሐበሻ ነቆራ) ይሄ የኮሪደር ልማት እና የአርሰናል ድል በአንድ ላይ ሲገጣጠሙ ነገሩ ሌላ መልክ ይዟል። ለካስ ካድሬው እና ባለስልጣኑ ሁሉ በውስጥ ታዋቂነት የ'ጋነርስ' ደጋፊ ኖሮዋል! ባለስልጣናቱ አደባባይ ወጥተው በመጨፈር ሳያበቁ፣ በማህበራዊ ሚዲያ ገጻቸው ላይ "ፓርቲያችን ጽናትን እና ተስፋ አለመቁረጥን ከአርሰናል ነው የተማረው!" እያሉ ፖለቲካውን ከእግር ኳስ ጋር አዋህደው አሞቁት።
ግን ምን ያደርጋል! የፖለቲከኛው "ጽናት" ከነዋሪው ጥንታዊ "ሶፍትዌር" ጋር ሲላተም ጉድ ፈላ።

ነገሩ እንዲህ ነው። ያ የዘመናት ትዕግስተኛው የአርሰናል ደጋፊ (ባለስልጣኑንም ጨምሮ)፣ ክለቡ ለስንት ዘመን የራቀውን ድል ሲያመጣለት ደስታውን መሸከም አቅቶት ከተማዋን አጥለቀለቃት። የዘመናት ብሶት በቢራ እና በተለያዩ ፈሳሾች ታጅቦ ጉሮሮን አራስ። ማታ ላይ ደስታው ወደ እብደት ሲቀየር፣ የተጠጣው ፈሳሽ መውጫ መፈለግ ጀመረ። የተፈጥሮ ጥሪ መጣ።

እዚህ ላይ ነው እንግዲህ የባለስልጣናቱ የ"ጽናት" ፍልስፍና ገደል የገባው!
መንግስት የሰራው ሽንት ቤት ጥቂት ሜትሮች እርቀት ላይ ቆሞ ይጠራዋል። የኛ ሰው ግን ገና አልዘመነም። ያ "ለ22 ዓመታት ዋንጫ እስኪመጣ በጽናት የጠበቅን ነን" እያለ ፌስቡክ ላይ ሲያቅራራ የዋለው ደጋፊ፣ 50 ሜትር ተራምዶ ሽንት ቤት ለመድረስ ግን ፊኛው "ጽናት" የሚባል ነገር አልፈጠረበትም! የኢትዮጵያዊ ፊኛ ዲሞክራሲ ይወዳል፤ ንጹህ አየር እና ሰፊ ቪው ካላገኘ አይፈስም። ዘመናዊውን ሽንት ቤት ሲያየው መስታወት ቤት ውስጥ ታፍኖ መሽናት እስር ቤት የገባ ያህል ሆኖበታል።

እናም ደጋፊው ምርጫ አደረገ። ‘ሬንጀር’ ልብሱን ለብሶ፣ የጠጣበትን ቦታ ሽንት ቤት ትቶ፣ ራሱ መንግስት በቢሊዮን ብር በሰራው፣ በመብራት ደምቆ በሚታየው ንጹህ የእግረኛ መንገድ እና የሚያምር ግድግዳ ላይ ዚፑን ፈታው። ይህ በሚሊዮን የሚቆጠሩ ብር የፈሰሰበት ንጹህ አስፋልት እና ግድግዳ፣ በአርሰናል ደጋፊ ‘የደስታ ፏፏቴ’ ተመረቀ።

እንግዲህ አስቡት... ከመንግስት ኮሪደር መስራትን ተምሯል፣ ከአርሰናል ደግሞ "ጽናትን" ተምሬያለሁ ብሏል፤ ግን ከሽንት ቤት ውጪ መንገድ ላይ መሽናትን ከየትኛው የጎዳና ውሻ እንደተማረ አይታወቅም! ለሃያ ዓመት ዋንጫ ጠብቆ ያልፈነዳው አንጀት፣ ሀምሳ ሜትር ታግሶ ሽንት ቤት ለመድረስ እንዴት ያቅተዋል?

ቀን ቀን ሪባን ለመቁረጥ መቀስ የያዘ እጅ፣ ማታ ማታ አርሰናል አሸነፈ ተብሎ በውድ ኮሪደር ላይ ዚፕ ሲፈታ ማየት በእውነትም "የሰውነት ሶፍትዌር" ችግር ነው። አየህ... መንግስት ኮሪደሩን አዘምኗል። ነገር ግን የሰውን ልጅ አእምሮ እና ፊኛ ከድንጋይ ዘመን አውጥቶ ለማዘመን፣ የፓርቲ ጽናት ብቻ ሳይሆን፣ የፊኛ ጽናትም ያስፈልገናል! አሊያማ መንገዳችን የፓሪስ፣ ፊኛችን ግን አሁንም የጥንት ሆኖ ይቀጥላል።

አበጀ በለው የላኩልን