የጤና ሚኒስትሯ ዶ/ር መቅደስ ዳባ ለዶ/ር ደረጄ ዱጉማ የእንኳን ደስ አለዎት እና የምስጋና መልእክት አስተላለፉ
#ethiopia | የጤና ሚኒስትር ዶ/ር መቅደስ ዳባ፣ ላለፉት በርካታ ዓመታት በኢትዮጵያ የጤና ዘርፍ ላበረከቱት ከፍተኛ አስተዋጽኦ ለዶ/ር ደረጄ ዱጉማ ልባዊ ምስጋናቸውን በማቅረብ ለአዲሱ የሥራ ኃላፊነታቸው የእንኳን ደስ አለዎት መልእክት አስተላለፉ።

ዶ/ር መቅደስ ዳባ ባስተላለፉት የመልካም ምኞት መልእክት፣ ዶ/ር ደረጄ ዱጉማ የሀገሪቱን የጤና ዘርፍ ለማሳደግና ለማሻሻል ያሳዩትን ከፍተኛ ትጋት፣ ቁርጠኝነት እና በጋራ የተከናወኑ ስራዎችን በላቀ ሁኔታ አንስተዋል።

ሚኒስትሯ አክለውም ዶ/ር ደረጄ በተሰጣቸው አዲስ የሥራ ኃላፊነት የተሳካ፣ ፍሬያማ እና ውጤታማ የአገልግሎት ዘመን እንዲሆንላቸው መልካም ምኞታቸውን ገልጸዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

የትውልድ ቅብብሎሽ፡ የቀደምት አባቶቹን አርበኝነት ከዘመናዊ ወታደራዊ ሳይንስ አዋህዶ የተገነባው የኢፌዴሪ መከላከያ ሠራዊት
**********************

ኢትዮጵያ የውጭ ወረራዎችን እና የውስጥ ተግዳሮቶችን ጨምሮ በርካታ ፈተናዎችን አልፋ ለዛሬው ቁመናዋ የበቃችው በልጆቿ የማይበገር የሀገር ፍቅር፣ የጽናትና የመስዋዕትነት እሴት ነው።

ይህ ከትውልድ፣ ትውልድ ሲሸጋገር የመጣው የአልበገር ባይነት መንፈስ የኢትዮጵያን ታሪካዊ ድል ከአሁኑ ዘመናዊና ኃያል የኢፌዴሪ መከላከያ ሠራዊት ጋር የሚያያይዝ የማይበጠስ ጠንካራ ገመድ ነው።

የኢፌዴሪ መከላከያ ሠራዊት ጥንካሬና አይበገሬነት በድንገት የተገነባ ሳይሆን፣ በሺዎች ዓመታት የሚቆጠሩ ዘመናትን ከተሻገረ የታሪክ ማህደር ውስጥ የተቀዳ ቱባ እሴት ነው።

በዓድዋ ተራሮች ላይ በጥቁር ሕዝቦች ታሪክ ደማቁን ምዕራፍ የጻፉት አባቶቻችን በዘመናዊ መሣሪያ የተደራጀውን ወራሪ ኃይል በሀገር ፍቅርና አልደፈርም ባይነት ያሸነፉበት መንፈስ በካራማራ እንዲሁም በተለያዩ አህጉራዊና ዓለም አቀፋዊ የሰላም ማስከበር ተልዕኮዎች ላይም ሲንጸባረቅ ቆይቷል።

ይህ ታሪካዊ የትውልድ ቅብብሎሽ የሚያሳየው የኢትዮጵያ መከላከያ ሠራዊት የውጊያ ስንቅና ዋነኛ የድል ምስጢር ከቴክኖሎጂና ከቁሳዊ ዝግጅት በላይ በደሙ ውስጥ የሚዘዋወረው የማይበገር የሀገር ፍቅር ወኔና የመንፈስ ጽናት መሆኑን ነው።

ቀደምት አባቶች የሀገርን ሉዓላዊነትና ዳር ድንበር ሳያስደፍሩ ጠብቀው ያስረከቡትን አደራ፣ የዛሬው ትውልድ ሠራዊት አቅሙን በዘመናዊ ወታደራዊ ሳይንስ፣ በስልጠናና በቴክኖሎጂ በማበልጸግ አደራውን በላቀ ብቃት በመወጣት ላይ ይገኛል።

የኢፌዴሪ መከላከያ ሠራዊት የትናንቷ ኢትዮጵያ ታሪክና አደራ ጠባቂ ብቻ ሳይሆን ለነገይቱ ኢትዮጵያ ሰላም፣ ልማትና ሕልውናም ዋስትና ሆኖ ቆሟል።

ሠራዊቱ የኢትዮጵያን የግዛት አንድነትና ክብር ከማንኛውም ውስጣዊና ውጫዊ ስጋት የመጠበቅ ተልዕኮውን በከፍተኛ ዲስፕሊንና ጽናት እየተወጣ ይገኛል።

የሠራዊቱ ዋነኛ የኃይል ምንጭ ከራሱ ከሕዝቡ የወረሰው ሕዝባዊ ባህሪው ነው። አባላቱ ለሀገር ሉዓላዊነትና ለሕዝብ ደህንነት ሲሉ ውድ ሕይወታቸውን አሳልፈው ለመስጠት ያላቸው ዝግጁነት መከላከያ ሠራዊቱ በሕዝባዊና ሀገራዊ ፍቅር ጽኑ መሠረት ላይ የታነጸ መሆኑን ያረጋግጣል።

የመከላከያ ሠራዊቱ የአይበገሬነት ምስጢር ትናንት ከዓድዋ፣ ከካራማራና ከተለያዩ ገድሎች የወረሰውን የቀደምት አባቶች የሀገር ፍቅርና የጀግንነት እሴት ከዘመናዊ ወታደራዊ ሳይንስ፣ ከቴክኖሎጂ የበላይነትና ከስትራቴጂያዊ አደረጃጀት ጋር አዋህዶ መገንባቱ ነው።

በሃና ምንዳሁን
#ethiopia #ethiopiandefenseforces #ethiopianpatriotism #heroiclegacy #adwavictory #ebc

(ዘ-ሐበሻ ዜና) የየመኑ አንሳር አላህ (ሁቲ) ቡድን በሳዑዲ ዓረቢያ በሚመራው ጥምረት በሰንዓ እና በሆዴይዳ ዓለም አቀፍ አየር ማረፊያዎች ላይ የተጣለውን ከበባ እና የበረራ እገዳ ለመመከት፣ በሁሉም የሳዑዲ አየር ማረፊያዎች ላይ አጸፋዊ እገዳ ለመጣል ማቀዱን አስታወቀ። ቡድኑ ይህንን "የእገዳ በእገዳ" እና "የአየር ማረፊያ በአየር ማረፊያ" ስሌት ተግባራዊ እያደረገ የሚገኘው፣ በሳዑዲ አየር ማረፊያዎች ላይ ተከታታይ ጥቃቶችን በመሰንዘር የሳዑዲ መንግስት የጣለውን ከበባ እንዲያነሳ ዲፕሎማሲያዊ እና ወታደራዊ ጫና ለመፍጠር እንደሆነ ተገልጿል።

ይህ እንቅስቃሴ ሁቲዎች በምዕራባዊ ታኢዝ፣ በባቢል መንደብ የባሕር መተላለፊያ አቅራቢያ፣ በዱህባብ እና በሞቻ ከተሞች ላይ በሳዑዲ ጥምረት የተከፈተባቸውን መጠነ-ሰፊ የአየር ጥቃቶች ለማስቆም የሚጠቀሙበት የመከላከያ ስልት መሆኑ ተመላክቷል። በሳዑዲ የሚደገፈው እና በዓለም አቀፍ ደረጃ እውቅና ያለው የየመን መንግስት በበኩሉ፣ የተፈጠረውን ወታደራዊ ጫና እንደ ምቹ አጋጣሚ በመጠቀም ባለፈው ወር በሁቲዎች ተይዘውበት ወደነበሩ ቁልፍ ይዞታዎች ዳግም ለመጠጋት እና ለመቆጣጠር ጥረት እያደረገ ይገኛል።

በሁለቱ ወገኖች መካከል እየተባባሰ የመጣው ይህ የተካረረ ግጭት፣ በቀይ ባሕር አካባቢ ያለውን የንግድ መርከቦች ጉዞ እና ዓለም አቀፍ የበረራ ደህንነት ዳግም ወደ ከፋ ቀጠናዊ አለመረጋጋት እንዳይከተው ስጋት አጭሯል።

ካፒታል ሆቴል እና ሆሴ ሪል እስቴት ለሜቄዶንያ ከ4 ሚሊዮን ብር  በላይ ድጋፍ አደረጉ

መስከረም 29 ቀን 2019 ዓ.ም. (አሐዱ ሬድዮ) መስከረም 29 "የካፒታል ሆቴል ቀን" ተብሎ መሰየሙን የሜቄዶኒያ በጎ አድራጎት ማህበር ገልጿል።
 
ካፒታል ሆቴል ከሆሴ ሪል እስቴት ጋር በመተባበር ለማህበሩ በጥሬ ገንዘብ እና በዓይነት በአጠቃላይ የ4.5 ሚሊዮን ብር ድጋፍ ማድረጋቸውን የሜቄዶኒያ የበጎ አድራጎት ማህበር አስታውቋል።
​
የካፒታል ሆቴል ዋና ስራ አስኪያጅ አ/ቶ ተስፉ ፍፅም እንደገለጹት፤ ሆቴሉ በጥሬ ገንዘብ አንድ ሚሊዮን ብር እንዲሁም በዓይነት 1.5 ሚሊዮን ብር የሚያወጣ የቁሳቁስ ድጋፍ ተደርጓል ብለዋል።

በተጨማሪም ሆሴ ሪል እስቴት የ2 ሚሊዮን ብር ጥሬ ገንዘብ ድጋፍ ያደረገ ሲሆን፣ በአጠቃላይ 4.5 ሚሊዮን ብር ድጋፍ ተደርጓል ።

​ከዚህ በተጨማሪም ከ350 በላይ የሚሆኑ የካፒታል ሆቴል ሰራተኞች እና አስተዳደር አባላት ከደመወዛቸው በመለገስ ማህበሩን ለመደገፍ ቃል ገብተዋል ።
​
የሜቄዶንያ የበጎ አድራጎት ማህበር መስራች ቢንያም በለጠ በበኩላቸው፣ ተቋማቱ እና ሰራተኞቻቸው ላደረጉት ቀጣይነት ያለው አጋርነት ምስጋናቸውን አቅርበዋል።

ማህበሩ ቋሚ የውጭ ፈንድ ወይም ገቢ የለውም ያሉት መስራቹ ከ9 ሺህ በላይ ሰዎችን ለመመገብና ለመንከባከብ የሁሉም አጋርነት አስፈላጊ መሆኑን ጠቁመዋል።

በደረጄ መንግስቱ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ድምፃዊ ዳዊት ጽጌ የሴንቸሪ ሪል እስቴት ይፋዊ የብራንድ አምባሳደር ሆኖ ተሾመ!
#fastmereja :- ሴንቸሪ ኢንቨስትመንት ግሩፕ (ሴንቸሪ ሪል እስቴት) ተወዳጁን ድምፃዊ ዳዊት ጽጌን ይፋዊ የብራንድ አምባሳደሩ አድርጎ ሾመ።

ድርጅቱ አምባሳደሩን ይፋ ያደረገው "ደሞ በዚህ ላይ... ሥራዎቻችን ምስክሮቻችን!" በሚል መሪ ቃል ባዘጋጀው ልዩ የምስጋና እና የእውቅና መርሃ-ግብር ላይ ነው።

በኢንዱስትሪ፣ በኮንስትራክሽን፣ በብረታ ብረት እና በማዕድን ዘርፎች የ70 ዓመታት የንግድ ታሪክ ያለው ሴንቸሪ ኢንቨስትመንት ግሩፕ፣ ባለፉት 30 ዓመታት በሪል እስቴት ዘርፍ ጠንካራ ስም መገንባት ችሏል።

ባለፉት 10 ዓመታት ብቻ በአዲስ አበባ 16 ስትራቴጂካዊ ቦታዎች ላይለንግድ፣ ለቢሮ እና ለመኖሪያ የሚሆኑ ዘመናዊ ህንፃዎችን በመገንባት ላይ ይገኛል።

ከተጠናቀቁና ለባለቤቶቻቸው ከተረከቡ ፕሮጀክቶቹ መካከል በቦሌ መድኃኒያለም የሚገኘው ሴንቸሪ
ራዲያንስ፣ በቦሌ ብራስ የሚገኘው ሴንቸሪ አዲስ ትሬዠር፣ በቦሌ አትላስ የሚገኘው ሴንቸሪ ሼባ ሆምስ፣ በካሳንቺስ የሚገኘው ሴንቸሪ ሴንትራል፣ በተክለሃይማኖት የሚገኘው አስመን ተክለሃይማኖት እንዲሁም በቦሌ ቡልቡላ የሚገኘው ኦክ አፓርትመንት ይጠቀሳሉ።

ከንግድ እንቅስቃሴው በተጨማሪ ድርጅቱ ሁለገብ ማህበራዊ ኃላፊነት ተግባራትን እያከናወነ ይገኛል። ከእነዚህም መካከል ለ2,000 በላይ ተማሪዎች የትምህርት ቁሳቁስ ድጋፍ ማድረግ፣ በየካ ክፍለ ከተማ በገነባው የምግብ ማዕከል በየቀኑ ለ250 በላይ ወገኖች የምግብ አገልግሎት መስጠት፣ከ500 በላይ አረጋውያንን በቋሚነት በበጀት መደገፍ ይጠቀሳል።

እንዲሁም በአዲስ አበባ እና በቢሾፍቱ ከ50 በላይ አዳዲስ ቤቶችን ገንብቶ ማስረከብ እና ንጹህ የመጠጥ ውሃ ማቅረብ፣ በሀገራዊ የልማት ፕሮጀክቶች (በገበታ ለትውልድ፣ በገበታ ለሀገር፣ በአረንጓዴ አሻራ እና በኮሪደርልማት) ንቁ ተሳትፎ ማድረግ ይገኙበታል።

ሴንቸሪ ሪል እስቴት ከአዲሱ የብራንድ አምባሳደሩ ድምፃዊ ዳዊት ጽጌ ጋር በመሆን በኦሎምፒያ፣ ሜክሲኮ፣ ቦሌ ሰላም መንገድ እና ሴቶች አደባባይ አካባቢ የሚያከናውናቸውን አዳዲስ ግንባታዎች አፋጥኖ ለማጠናቀቅ እንደሚሰራ ገልጿል።

በኢትዮጵያ የመጀመሪያው ያለ ኢንተርኔት የሚሰራ የኤአይ (AI) የሳይበር ደህንነት መጠበቂያ ይፋ ተደረገ
#ethiopia | ኤስ.አር.ኢ ማኑፋክቸሪንግ እና ትሬዲንግ ኃ/የተ/የግ/ማህበር የተባለው ሀገር በቀል ኩባንያ ያለ ኢንተርኔት አገልግሎት መስጠት የሚችል ''ኤ አይ ሳይበር ጋርድ'' የተሰኘ የሳይበር ደህንነት መጠበቂያ መተግበሪያ ለህዝብ ይፋ አደረገ።

ኩባንያው ዛሬ በሰጠው ጋዜጣዊ መግለጫ እንዳሳወቀው መተግበሪያው በሰው ሰራሽ አስተውሎት የታገዘና ከግል ስልኮች ጀምሮ የገንዘብ ተቋማትንና የተለያዩ ግዙፍ ተቋማትን ከሳይበር ጥቃት የመከላከል አቅም ያለው ነው።

አገልግሎቱ ድረ-ገጾችን፣ የተቋማት ኔትወርኮችን፣ የባንክና የገንዘብ ተቋማት ሲስተሞችን እንዲሁም የግል መሣሪያዎችን ሙሉ በሙሉ የመጠበቅ አቅም ያለው ሲሆን፣ ዋነኛ ልዩ ባህሪው ያለ ኢንተርኔት ኮኔክሽን መስራት መቻሉ ነው።

ይህም የኢንተርኔት መቆራረጥ በሚኖርበት ጊዜም እንኳ ጥበቃው ሳይቋረጥ እንዲቀጥል ያስችለዋል።

በተጨማሪም የጥቃት ምልክቶችን ቀድሞ መለየት፣ አደጋዎችን መከላከል፣ ፈጣን ምላሽ መስጠትና ለወንጀል ምርመራ ስራዎች አስፈላጊውን ዲጂታል መረጃ በማቅረብ ረገድ ከፍተኛ እገዛ ያደርጋል።

የሳይበር ጥቃት በሚከሰትበት ጊዜም ከፍተኛ የቴክኖሎጂ እውቀት ለሌላቸው ሰዎች በሚገባ ቀላል ቋንቋ የችግሩን ሁኔታ ያስረዳል።

የድርጅቱ ስራ አስኪያጅ አቶ ሳሙኤል ከፈለኝ በሰጡት ማብሪርያ ተቋማትና ግለሰቦች ወደ ዲጂታል አሰራር በሚሸጋገሩበት በዚህ ወቅት የመረጃ ምንተፋ፣ የማንነት ስርቆትና የድረ-ገጽ ጠለፋ አደጋዎች እየጨመሩ መምጣታቸውን ጠቁመዋል።

ይህንን አደጋ ለመግታትም የ24 ሰዓት ንቁ ክትትል የሚያደርግና ለጥቃት ተጋላጭ የሆኑ አሰራሮችን የሚቆጣጠር ዘመናዊ የኤአይ ጥበቃ አስፈላጊ በመሆኑ መተግበሪያውን ለማልማት መቻላቸውን ገልጸዋል።

በኢትዮጵያ የቅጅ መብት ህግ መሠረት ሙሉ የአዕምሯዊ ንብረት ጥበቃ ያገኘው ይህ ሀገር በቀል ፈጠራ፣ ተቋማት የደህንነት ስጋታቸውን በአንድ መድረክ ላይ ተከታትለው በጊዜው እርምጃ እንዲወስዱ ያስችላቸዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

አንድን ሹፌር በሰደፍ ሲመታ እና ሲደበድብ የሚታየው የፖሊስ አባል በቁጥጥር ስር መዋሉን ፖሊስ ለቲክቫህ ኢትዮጵያ ገለጸ።
‎
ሰሞኑን በማህበራዊ ሚዲያዎች ላይ በርካቶችን ያስቆጣ አንድ ቪድዮ እየተዘዋወረ ይገኛል።

ይህ ቪድዮ ሁለት የጭነት መኪናዎች በቆሙበት ለዜጎች የሕግ ከለላና ሰላም መስጠት የነበረበት አንድ የፖሊስ አባል አንድ ግለሰብ ላይ ኢ-ሰብአዊ ድርጊት እና ድብደባ ሲፈጽም የሚያሳይ ነው።

በርካታ ሰዎች የተፈጸመውን ድርጊት " ከህግ የወጣ እና ኢሰብዓዊ ፤ በየቦታው በሹፌሮች ላይ የሚፈጸመውን በደል ጭምር በገሃድ የሚያሳይ " ሲሉ ኮንነውታል።

" አልተቀረጸ እንጂ ሹፌሮች በየቦታው ይህን መሰል ተግባር ነው የሚገጽማቸው " ሲሉም ገልጸዋል።

ድርጊቱ መቼ እና የት ተፈጸመ ?

ብዙሃንን ያስቆጣው ድርጊት የተፈጸመው ‎በደቡብ ኢትዮጵያ ክልል፣ በጋሞ ዞን፣ ቦረዳ ወረዳ " ጠንጠሌ " ተብሎ በሚጠራ አከባቢ ነው።

‎ቲክቫህ ኢትዮጵያም ከጉዳዩ ጋር በተያያዘ በጋሞ ዞን የቦረዳ ወረዳ ፖሊስ አዛዥ ም/ኢንስፔክተር አብረሃም አየለን አነጋግሯቸዋል።
‎
‎አዛዡ ለቲክቫህ ኢትዮጵያ በሰጡት ቃል ድርጊቱ የተፈፀመው መስከረም 23 ቀን 2019 ዓ/ም ከሰዓት በኋላ ነው።

" በወረዳው ጠንጠሌ አከባቢ ' ዮ ሆልዲንግ ' ከተሰኘ የድንጋይ ከሰል አቅራቢ ድርጅት ሳይት ከሰል ጭነው በመውጣት ላይ የነበሩ የዳንጎቴ የጭነት መኪና አሽከርካሪዎች በአከባቢው ከነበሩ የፖሊስ አባላት ጋር ያለመግባባት ተፈጥሮ ነበር " ብለዋል።

" የፖሊስ አባሉ ፍጹም ተገቢ ባልሆነ መንገድ አሽከርካሪውን ሲመታው የሚያሳይ ምስል በዚያው ቅፅበት በማህበራዊ ሚዲያ ተሰራጭቶ መረጃው በስልክ ነው የደረሰኝ " ሲሉ ገልጸዋል።
‎
‎" መረጃው እንደደረሰን በዕለቱ ድርጊቱ በተፈፀመ 30 ደቂቃ በማይሞላ ጊዜ ውስጥ ነው አባሉን በቁጥጥር ስር ያዋልነው " ያሉት አዛዡ " በአሁኑ ወቅት  ምርመራ ተጀምሯል የፍርድ ቤት የጊዜ ቀጠሮ እየተጠበቀ ነው " ሲሉ  ለቲክቫህ ኢትዮጵያ ተናግረዋል።
‎
‎" ድርጊቱ በየትኛውም አይነት መመዘኛ ትክክል አይደለም " ያሉ ሲሆን " የተፈጸመው ድርጊት ግለሰቡን እንጂ የወረዳውን ፣ የዞኑንና የክልሉን ፖሊስ የማይወክል ሆኖ ሳለ በተለያዩ ማህበራዊ ሚዲያዎች የሚሳራጩት አንዳንድ ማብራሪያና ፍረጃዎች ተገቢነት የላቸውም " ብለዋል።
‎
‎ቲክቫህ ኢትዮጵያ ከጉዳዩ ጋር በተያያዘ ከዳንጎቴ ተቋም በኩል መረጃ ለማግኘት ሙከራ አድርጎ አልተሳካም።

አንድ በተቋሙ ለዞኑ የተፃፈ ደብዳቤን ግን ተመልክቷል።

" ይህ የአሁኑን ጨምሮ በሌሎችም ጊዜያት የተለያዩ ክፍያዎችን እየከፈሉ ቢሆንም የድርጅቱን አሽከርካሪዎች እና መኪኖች ላይ ያለአግባብ የማንገላታት ሁኔታዎች አሉ " ይላል።
‎
‎ድርጅቱ  " ለልማት ማህበር፣ ለፋይናንስ ቢሮ፣ ለከተማ ልማት እንዲሁም ያለደረሰኝ 'የተራ እና ሽራ አሰራ' በሚል በድምሩ እስከ 27,100 ብር ህጋዊና ህገ-ወጥ ክፍያዎችን እየከፈለ " መሆኑን ጠቁሟል።

በተጨማሪም "ፓርኪንግ" በሚል ያልቆሙበትን ክፍያ ለመጠየቅ ሲባል ወጣቶች በመደራጀት ሾፌሮቹን ከ3 እስከ 4 ቀናት በማስቆም ከፍተኛ እንግልት እንደሚያደርሱባቸው ገልጿል።
‎
‎​" በመንገድ ላይ የተመደቡ ፖሊሶች ያለአግባብ ከሾፌሮች ከ200 እስከ 500 ብር ይጠይቃሉ " የሚለው የድርጅቱ ደብዳቤ " ክፍያውን ያልፈጸሙ አሽከርካሪዎችን በማንገላታትና በመደብደብ ጉዳት መድረሱን " አመልክቷል።

አንድ አሽከርካሪ በደረሰበት ከፍተኛ ድብደባ ምክንያት ደብዳቤ እንደተፃፈለትም ጠቅሷል።

እነዚህ አሰራሮች በአስቸኳይ እንዲቆሙ፣ የህግ የበላይነት እንዲከበር፣ አሽከርካሪዎች ያለስጋት ስራቸውን እንዲያከናውኑ እና ስልጣናቸውን ያለአግባብ በመጠቀም ህገ-ወጥ ድርጊት የፈጸሙ አካላት በህግ እንዲጠየቁ ጠይቋል።

ቲክቫህ ኢትዮጵያ
ሀዋሳ
መስከረም 28 ቀን 2019 ዓ/ም

@tikvahethiopia

የኢትዮጵያ ሥልጣኔ ያለ ባሕር በር እውን ሊሆን አይችልም!
*******************

ከጥንታዊቷ እስከ ዘመናዊቷ ኢትዮጵያ ቀይ ባህር የግዛቷ አካል ሆኖ መርከቦቿ ሲጠቀሙበት የኖሩ ሲሆን ጥንታዊት ኢትዮጵያን በአለም ላይ ከነበሩት ታላላቅ ሀይሎች አንዷ እንድትሆን ያደረጓት በወቅቱ ታስተዳድራቸው የነበሩት ወደቦቿ፣ የንግድ ትስስሮቿ እና "ባህረ ነጋሽ" የሚለው የማእረግ መጠሪያ ስያሜ እንደነበሩ ይታወቃል።

ሆኖም ሀገራችን በታሪክ አጋጣሚዎች እና በተደረጉባት እኩይ ሴራዎች ምክንያት ከሶስት አስርት አመታት በላይ የባህር በር አልባ ሆና በመቆየቷ ለከፍተኛ የኢኮኖሚ የጂኦ ፖለቲካ እና የብሄራዊ ደህንነት ማነቆዎች ተዳርጋ ኖራለች።

በተባበሩት መንግስታት የንግድና ልማት ጉባኤ መረጃ መሰረትም የባህር በር የሌላቸው ሀገራት ከአለም አማካይ የትራንስፖርትና ሎጂስቲክስ ወጪ በላይ ተጨማሪ ክፍያ ለማውጣት የሚገደዱ በመሆኑ ይህ ተፅእኖ በዜጎች እለታዊ የሸመታ አቅም፣ በሀገራችን የኢንቨስትመንት እድሎች እንዲሁም በአለም አቀፍ ደረጃ ከ95 በመቶ በላይ የሚሆነውን የዲጂታል መረጃ በሚያስተላልፉት ከባህር በታች ያሉ የፋይበር ኦፕቲክስ መስመሮች ተጠቃሚነት ላይ ከፍተኛ ጫና ሲፈጥር ቆይቷል።

ጠቅላይ ሚኒስትር ዐቢይ አሕመድ (ዶ/ር) የመደመር መንግስት ምስረታ ወቅት በህዝብ ተወካዮች ምክር ቤት እንደገለፁት የኢትዮጵያ ስልጣኔ ያለ ባህር በር እውን ሊሆን አይችልም፡፡

በመሆኑም በሰጥቶ መቀበል መርህ ኢትዮጵያ ወጥቶ መግቢያ በር እንዲኖራት አጥብቀን እንሰራለን ያሉም ሲሆን፤ ይህንን ታሪካዊ ስህተት እና የትውልድ ቁጭት ለመቅረፍ "የመደመር መንግስት" የባህር በር ጥያቄን ከወቅታዊ ፖለቲካ እና ከፓርቲ ወገንተኝነት በላይ በሆነ ትውልድ ተሻጋሪ ብሄራዊ አጀንዳ አድርጎ እንደሚሰራበት ተናግረዋል።

የመደመር መንግስት በያዘዉ ጠንካራ አቋም የኢትዮጵያ ስልጣኔና እድገት ያለ ባህር በር እውን ሊሆን ስለማይችል ሀገራችን በሰጥቶ መቀበል በጋራ ተጠቃሚነት እና በሰላማዊ ዲፕሎማሲ መርህ ወደ አለም የምትወጣበትን መስመር የማረጋገጥ ጉዞዋ ተጠናክሮ ይቀጥላል።

እውነተኛ ብሄራዊ ደህንነትና ሉአላዊነት የሚረጋገጠው ስትራቴጂካዊ ቁሳቁሶች ያለ ምንም የውጭ ጫና እገዳ ወይም የጎረቤት ሀገራት በጎ ፈቃድ በቀጥታ ወደ ሀገር ውስጥ መግባት ሲችሉ እንደመሆኑ መጠን ቀጥተኛ የባህር በር ማግኘት የኢንዱስትሪና ኢንቨስትመንት እድሎችን በመክፈት የወጣቶችን ስራ አጥነት ከመቅረፉ ባሻገር ኢትዮጵያ በቀይ ባህር እና በስትራቴጂካዊ የውሃ አካላት ቀጠናዊ ውሳኔዎች ላይ ያላትን የዲፕሎማሲና የፖለቲካ ተሰሚነት ከፍ ያደርገዋል።

በአሁኑ ወቅት ኢትዮጵያ የቀይ ባህር ተፈጥሯዊ እና ታሪካዊ አካል እንጂ ከሩቅ የመጣች እንግዳ እንዳልሆነችና በጂኦ ፖለቲካዊ ሴራዎች የባህር በር አልባ እንድትሆን መደረጓን ለአለም እያስረዳች ትገኛለች።

ኢትዮጵያ ቀይ ባህር ላይ እግሯን እንዳትተክል የሚደረጉ የተለያዩ የፖለቲካ የዲፕሎማሲ እና የፕሮፓጋንዳ ሸፍጦች አልቆሙም እነዚህን ሸፍጦች ሲጠነስሱ እንቅልፍ አጥተው የሚያድሩ አካላት መፍጨርጨራቸው ባይገታም ኢትዮጵያን በዘላቂነት ሊያግዷት አይችሉም።

ኢትዮጵያ የአፍሪካ ቀንድ የሰላም እና የአካባቢያዊ ትስስር ዋና ምሰሶ እንደመሆኗ የባህር በር ማግኘቷ ለአካባቢው ሀገራትም ቢሆን ትልቅ የኢኮኖሚ ጥቅም የሚያስገኝ በመሆኑ በቅርብም በሩቅም ያሉ ሀገራት ለኢትዮጵያ ቀና ምላሽ በመስጠት በጋራ መስራትን ተመራጭ ያደርጋሉ።

ፈጣን እድገት እያስመዘገበ ያለው ኢኮኖሚና ትልቅ ህዝብ ያላት ሀገር መሆኗም ይህን ግስጋሴ የሚያስተናግድ የባህር በር የማግኘት ትልሟን እውን ለማድረግ ትልቅ አቅም ይሆናታል።

በአጠቃላይ የታሪክ እውነታ የህግ መብት እና የህልውና ጥያቄ የኢትዮጵያን የባህር በር ባለቤትነት ጉዳይ አይቀሬ ያደርጉታል።

ይህንን አገራዊና ታሪካዊ ሀላፊነት ከግብ ለማድረስ የውስጥ አንድነትን ማፅናትና ደህንነትን ማረጋገጥ የሃሳብ ፖለቲካን ማጠናከር እና በጋራ ጥቅም ላይ የተመሰረተ ሀገራዊ መግባባትን መፍጠር ወሳኝ መፍትሄ ነው።

በአለም አቀፍ የባህር ህግጋት እና በዲፕሎማሲያዊ አማራጮች የታገዘው ይህ ጥረት የመጪውን ትውልድ መብትና እድል የማስከበር የታሪክ ጥሪም ሲሆን ኢትዮጵያን በጠንካራ መሰረት ላይ ገንብቶ ለዘላቂ ብልፅግና የሚያሸጋግር ጨዋታ ቀያሪ ምእራፍ ነው።

ዛሬ ብርቱዋ ኢትዮጵያ ለሶስት አስርት አመታት ካቀረቀረችበት ቀና ብላለች የቀይ ባህር ተጋሪነቷን ለማደናቀፍ የሚደረጉ ማናቸውም ሸፍጦች ጊዜያዊ እንቅፋት ሊሆኑ ይችላሉ እንጂ የህዝቧን የታሪክ እና የተፈጥሮ መብት ሊያጠፉ አይችሉም።

ኢትዮጵያ አትቆምም የጂኦ-ፖለቲካ ሴራዎችን ሁሉ በጣጥሳ ከባህሩ ትደርሳለች ባህር ሀይሏና መርከቦቿም በቀይ ባህር ዳግም ይጓዛሉ።

በብሌን ደምበሎ
#የመደመርመንግሥት
#ethiopia #ebc #medemer #seaaccess #redsea #diplomacy

Tigray Region 📍

መቐለ

እስከ ጥቅምት 05 ቀን 2019 ዓ.ም. ባሉት ቀናት ውስጥ የመቐለ ከተማ መደበኛ የፖሊስ አባላት ወደ መደበኛ የሥራ ገበታቸው እንዲመለሱ ጥሪ ቀርቦላቸዋል።

የመቐለ ከተማ ፖሊስ፣ አባላቱ በተቀመጠላቸው የጊዜ ሰሌዳ ውስጥ ሪፖርት ካላደረጉ በራሳቸው ፍላጎት ከሥራ እንደለቀቁ እንደሚቆጠሩ አሳውቋል።

ቲክቫህ ኢትዮጵያ ባገኘው መረጃ ዛሬ አንዳንድ ፖሊስ አባላት በቀረበው ጥሪ መሰረት ወደ ስራቸው ለመመለስ ሪፖርት ማድረግ መጀመራቸውን ተረድቷል።

ይህ በእንዲህ እንዳለ መቐለ አሁን ላይ ካለፉት ቀናት በተሻለ መረጋጋት እና ወደ መደበኛው የዕለት ተዕለት እንቅስቃሴ እየገባች ትገኛለች።

ቃለቸውን የሰጡን ነዋሪዎች፤ የሚፈጸሙ ዝርፊያዎች እና የፀጥታ ስጋቶች በእጅጉ መሻሻል አሳይተዋል።

የሀገር መከላከያ እና የትግራይ ሰላም ኃይል እንቅስቃሴ

የሀገር መከላከያ ሰራዊት እና የትግራይ የሰላም ኃይል የደቡባዊ እና ደቡብ ምስራቅ አካባቢዎችን ከተቆጣጠሩ በኋላ ወደ ሰሜናዊ ምዕራብ፣ ምስራቃዊ እና ማዕከላዊ ዞኖች አምርተዋል።

በማዕከላዊ ዞን ሶስተኛዋ ትልቅ ከተማ የሆነችው ዓብዪ ዓዲን በቁጥጥር ስር መዋላቸውን ነዋሪዎች ተናግረዋል።

በሰሜናዊ ምዕራብ ዞን በኩል፥ የዞኑን መቀመጫ የሆነችው የእንዳስላሴ (ሽረ) ከተማን ለመቆጣጠር በቅርብ ርቀት ላይ እንደሚገኙ ነዋሪዎች ገልጸዋል።

በምስራቃዊ ዞን የአጉላዕ እና ውቕሮ ከተሞችን በቁጥጥር ሥር በማዋል ወደ ዞኑ ዋና መናገሻ ዓዲግራት ከተማ እያመሩ መሆኑ ተነግሯል።

የኤርትራ (ሻዕቢያ) ሰራዊት

የኤርትራ (ሻዕቢያ) ሰራዊት ወደ ኢትዮጵያ ምድር ትግራይ ክልል ዘልቆ መግባቱ ይታወቃል።

ኤጀንሲ ፋራንስፕሬስ (AFP) በርከታ ምንጮች የኤርትራ ወታደሮች ዓዲግራት ከተማ ዙሪያ መሰማራታቸውን እንደገለጹለት ዘግቧል።

የግጭት ክትትል ተቋም የሆነው ACLED ይፋ ባደረገው መረጃ፤ በዓዲግራት አካባቢ "የኤርትራ ወታደሮች" ላይ ያነጣጠሩ በርካታ የድሮን ጥቃቶች መፈጸማቸውንና ኃይሎቹ መመታታቸው ተገልጿል።

በስማቸው እንዳይገለጹ የጠየቁ የዓይን እማኞች ለAFP እንደተናገሩት፤ " ትናንት በርካታ የድሮን ጥቃቶች ነበሩ። የኤርትራ የጭነት መኪኖች ወድመዋል። ከዛ በኋላ በጎዳናዎች ላይ አልታዩም "  ሲሉ አስረድተዋል።

ሌላው እማኝ በሌሊት ከፍተኛ ፍንዳታዎችን መስማቱን እና በድሮን ጥቃት የተመቱ የኤርትራ ወታደራዊ ተሽከርካሪዎችን በአይኑ መመልከቱን ገልጿል።

ሦስተኛ እማኝ ደግሞ ከጥቃቶቹ በኋላ የኤርትራ ወታደሮች ወደ ሰሜን አቅጣጫ እያፈገፈጉ የሚመስል እንቅስቃሴ ላይ ናቸው ብሏል።

ቲክቫህ ኢትዮጵያ ያነጋገራቸው ነዋሪዎች ደግሞ " የሻዕቢያ ሰራዊት " በዛላንበሳ መስመር ማፈግፈጉን ጠቁመዋል።

ቲክቫህ ኢትዮጵያ
መስከርም 28 ቀን 2019 ዓ/ም

@tikvahethiopia Photo

አንድ የኢቦላ ሞት በኬንያ መመዝገቡ አህጉራዊ ስርጭት ሊሰፋ ይችላል የሚል ስጋት ፈጠረ፡፡

በዲሞክራቲክ ሪፐብሊክ ኮንጎ የተከሰተው የኢቦላ ወረርሽኝ ወደ ጎረቤት ሀገራት ሊስፋፋ ይችላል የሚል ስጋት እያየለ መምጣቱ ተገልጿል።

በተለይም በኬንያ አንድ ሰው በኢቦላ ምክኒያት ህይወቱ በማለፉ የበሽታው ስርጭት ከታሰበው በላይ ሊሆን ይችላል የሚለውን ስጋት አባብሶታል።የዓለም ጤና ድርጅት እንዳስታወቀው በኬንያ ህይወቱ ያለፈው ሰው ኢቦላ ከተከሰተበት የዲሞክራቲክ ሪፐብሊክ ኮንጎ መነሻውን ያደረገ ሲሆን ግለሰቡ በየብስ ወደ ዩጋንዳ ከተጓዘ በኋላ በአውሮፕላን ወደ ኬንያ ናይሮቢ መግባቱ ተገልጿል።

ይህ ሁኔታ ቫይረሱ በሰዎች እንቅስቃሴ ከአንድ ሀገር ወደ ሌላ ሀገር ሊሰራጭ የሚችልበትን አደጋ ከፍ አድርጎታል። በተጨማሪም ከወረርሽኙ ነፃ መሆኗን ያስታወቀችው ዩጋንዳ በእርግጥ ከበሽታው ነፃ መሆኗን በተመለከተም ጥያቄ አስነስቷል።የኢቦላ ወረርሽኙ ከዲሞክራቲክ ሪፐብሊክ ኮንጎ ተነስቶ በአካባቢው በመስፋፋት ከፍተኛ የሰው ህይወት እንዲጠፋ ማድረጉን የዓለም ጤና ድርጅት መረጃ ያመለክታል። በወረርሽኙ ቢያንስ 4 ሺህ 148 ሰዎች ህይወታቸውን ሲያጡ 8 ሺህ 300 በላይ የተጠረጠሩ የበሽታው ተጠቂዎችም ተመዝግበዋል።

የበሽታው ወረርሽኝ ወደ ዩጋንዳም ተሻግሮ የነበረ ሲሆን በሀገሪቱ 20 የሚጠጉ ታካሚዎች መመዝገባቸውን ተከትሎ በሐምሌ ወር ከኢቦላ ነፃ መሆኗ ተገልጾ ነበር። በኬንያ የተመዘገበው ሞት ግን በክልሉ ያለውን የበሽታውን ስርጭት በተመለከተ አዲስ ስጋትን ፈጥሯል።

በዚህም የተነሳ ኬንያ ከፍተኛ ተጋላጭነት ባላቸው የመግቢያ በሮች ላይ የጤና ምርመራን እያጠናከረች መሆኑን የዓለም ጤና ድርጅት ገልጿል። በተለይም ከተጠቂ አካባቢዎች የሚመጡ ሰዎችን መከታተልና የበሽታውን ምልክቶች በፍጥነት መለየት ላይ ትኩረት ተደርጓል።

የኬንያው የኢቦላ ሞት በክልሉ የበሽታውን ስርጭት በጥብቅ የመከታተል፣ የጤና ምርመራን የማጠናከርና ቫይረሱ ወደ ሌሎች ሀገራት እንዳይስፋፋ የጋራ ጥረት የማድረግ አስፈላጊነትን አጉልቶ አሳይቷል።

በትግስት ላቀው
#ዳጉ_ጆርናል Photo

"ዞር ስል ወደ ኋላ ታሪኬ ሚናገረው ባወራው ማላፍርበት ረዳቴ እግዚአብሔር ነው’’ አዲሱ የወጣቶችና ስፖርት ሚኒስትር ዶክተር አክሊሉ ታደሰ
#fastmereja I አዲሱ የወጣቶችና ስፖርት ሚኒስትር ዶክተር አክሊሉ ታደሰ በተሰጣቸው አዲስ የመንግሥት ሹመት ዙሪያ ባስተላለፉት መልዕክት፣ የተጣለባቸውን ከፍተኛ አደራና ኃላፊነት በመረዳት ሀገራቸውን በታማኝነትና በአገልጋይነት መንፈስ ለማገልገል ዝግጁ መሆናቸውን ገለጹ። ሚኒስትሩ በሰጡት አጭር መግለጫ፣ የተሰጣቸው አደራ ትልቅ ክብር ከመሆኑም በላይ ከፍተኛ ሸክም መሆኑን ጠቁመው፣ የተጣለባቸውን እምነት ምክንያት በማድረግ ለጠቅላይ ሚኒስትሩ ምስጋና አቅርበዋል።

​ኢትዮጵያ በርካታ ጸጋዎች ያሏት ታላቅ ሀገር ብትሆንም አሁንም ድረስ ያሉባትን ተቃርኖዎችና ፈተናዎች ለመቅረፍ በትጋት መስራት እንደሚገባ ዶክተር አክሊሉ አሳስበዋል። በተለይም የወጣቶችን አቅም በማስተባበርና የጋራ ጥረት በማድረግ፣ በኢኮኖሚ የበለፀገች፣ የተረጋጋችና አንድነቷ የጸናች ሀገር ለመገንባት በሚደረገው ጉዞ ውስጥ የበኩላቸውን ታሪካዊ ድርሻ ለማበርከት መዘጋጀታቸውን አረጋግጠዋል።

​"ያለብን ኃላፊነት ሉዓላዊነቷና አንድነቷ የተጠበቀ፣ የምታመርትና የበለፀገች ሀገር ግንባታ ላይ ክንዳችንን ማረባረብ ነው" ያሉት አዲሱ ሚኒስትር፣ በጋራ በመስራትና በትጋት በመንቀሳቀስ የበለፀገች ሀገር መሰረት የመጣል ታሪክ እንደሚጻፍ እምነታቸውን ገልጸዋል። በመጨረሻም "እኛ እንሮጣለን ፈጣሪ ያሳካልናል" ሲሉ መልዕክታቸውን አጠናቀዋል።

ሀሰተኛ ሰነዶችን በመጠቀም  ፓስፖርት ለማውጣት የሞከረው ኤርትራዊ ግለሰብ በቁጥጥር ስር ዋለ

​የጋሞ ዞን ፖሊስ መምሪያ እንደገለፀው ግለሰቡ ሀሰተኛ ሰነዶችን ተጠቅሞ ፓስፖርት ለማውጣት ሲሞክር መያዙን አስታውቋል።

ግለሰቡ  ዳዊት ጎይቶም የተባለ ሲሆን በኦንላይን ያመለከተውን የፓስፖርት ጥያቄ ለማስፈጸም ሀሰተኛ ሰነዶችን በመያዝ ወደ ኢሚግሬሽንና ዜግነት አገልግሎት አርባምንጭ ቅርንጫፍ ጽሕፈት ቤት በመጣበት ወቅት በተፈጠረ ጥርጣሬ እና በተሰጠ ጥቆማ በቁጥጥር ስር ውሏል።

የዞኑ ፖሊስ ባደረገው ማጣራት ተጠርጣሪው ከአዲስ አበባ የተሰጠ ሀሰተኛ የፋይዳ መታወቂያ፣ ከትግራይ ክልል ትምህርት ቢሮ የተሰጠ የ8ኛ ክፍል የትምህርት ሰነድ  ኮፒ እንዲሁም ከአርባምንጭ ከተማ የተሰጡ ሀሰተኛ የቀበሌ መታወቂያና የወሳኝ ኩነት ሰነዶችን አዘጋጅቶ ሲጠቀም ተገኝቷል።

​በተደረገው የማጣራት ስራ ግለሰቡ  የቀድሞ የኤርትራ ባሕር ኃይል አባል እንደነበርና ከሠራዊቱ በመኮብለል በትግራይ ክልል በኩል ወደ አዲስ አበባ ገብቶ ይኖር እንደነበር ተረጋግጧል።በዚህም ፖሊስ ግለሰቡን በቁጥጥር ስር አውሎ የክስ መዝገቡን በማጣራት ላይ እንደሚገኝ  የደቡብ ኢትዮጵያ ክልል ፖሊስ ኮሚሽን የሕዝብ ግንኙነትና ገፅታ ግንባታ ዳይሬክተር ምክትል ኮማንደር አሸናፊ ኃይሌ ለብስራት ሬዲዮ ተናግረዋል።

የጋሞ ዞን ፖሊስ መምሪያ ተጠርጣሪውን በቁጥጥር ስር ለማዋል ጥቆማ በመስጠትና በማስፈጸም ረገድ ላደረጉት ከፍተኛ ትብብር ለኢሚግሬሽንና ዜግነት አገልግሎት አርባምንጭ ቅርንጫፍ ጽሕፈት ቤት አመራሮችና ሠራተኞች ምስጋና አቅርቧል።

በሳምራዊት ስዩም
#ዳጉ_ጆርናል

ሜኬል አርቴታ በወይራ ዛፍ ምን አስተማሩ ?

ስፔናዊው የአርሰናል ዋና አሰልጣኝ ሚኬል አርቴታ በትውልድ መንደራቸው ስፔን ውስጥ የወይራ ዛፎች አሏቸው።

ሚኬል አርቴታ አርሰናልን ሲረከቡ ክለቡ በጥሩ መንገድ ላይ እየተጓዘ ባለመሆኑ የተለያዩ ነገሮችን አስበው እንደነበር ተገልጿል።

አርቴታ በወቅቱ ቃል ከመግባት ይልቅ በጠንካራ ስራ ትልቅ ነገር መገንባት እንደሚቻል ማሳየት ፈልገው ነበር።

ለዚህም እቅዳቸው አርቴታ ከአርሰናል እኩል 140 አመት እድሜ ያለው የወይራ ዛፋቸውን ከስፔን አምጥተው ቢሯቸው ፊት መትከላቸው ተነግሯል።

የአርሰናል አትክልተኛ ረጅም እድሜ ያለው ዛፍ ቦታ መቀየር ሊያጠፋው ይችላል የሚል ስጋቱን ገልፆላቸው ነበር።

ይሁን እንጂ ሚኬል አርቴታ በራሳቸው ዛፉን ዕለት ተዕለት መንከባከባቸው ተገልጿል።

ሚኬል አርቴታ የወይራ ዛፉን ስኬት በትዕግሥት እና ለጥቃቅን ነገሮች ትኩረት በመስጠት እንደሚመጣ ማስተማሪያነት መጠቀማቸው ተነግሯል።

@tikvahethsport      kidusyoftahe

በቅድሚያ ለረዳኝ ላገዘኝ በመንገዴ ሁሉ ከኔ ጋራ ለነበረ ክብር ለሆነኝ ለአምላኬ ከፍ ያለ ምስጋናዬ ይድረሰው!!🙏🏾🙏🏾🙏🏾

ክቡራትና ክቡራን - በድጋሚ ለማገልገል እድል ያገኛችሁ እንዲሁም አዲስ ለተሾማችሁ የካቢኔ አባላት እንኳን ደስ አላችሁ!! በጋራ በታላቅ ፍቅር በትብብርና በአብሮነት መንፈስ ለነበረን ቆይታ ከልብ እያመሠገንኩ መልካም የስራ ጊዜ እንዲሆንላችሁ እመኛለሁ!!

ላለፉት ስምንት (8) አመታት በሚኒስትርነት ወደ ትልቅ የሀገርና የህዝብ ሀላፊነት በመምጣት በታማኝነት ለማገልገል እንዲሁም የተቻለኝን ሁሉ ማበርከት እንድችል ታላቅ ዕድል በማግኘቴ ክብር ይሰማኛል ! ለዚህም መንግስትን ፓርቲዬንና መላው ህዝባችንን በታላቅ ክብር አመሠግናለሁ🙏🏾

በተለይ ክቡር ጠ/ሚ ዶ/ር ዐብይም በቀድሞ የካቢኔዎ አባል ሆኜ ለ2 ጊዜ የማገልገል ዕድል ስለሰጡኝ ለዚህም እምነት ስላሳደሩብኝ በነጻነት እንድሰራና ሀላፊነቴን እንድወጣ ስላበረታቱኝ ስለደገፉኝ ከልብ አመሠግናለሁ!! ፈጣሪ ረጅም እድሜ ጤናን ጥበብና ሞገስን ይስጥዎ🙏🏾
ለስራዬ መቃናት ድጋፍና ትብብር ስታደርጉልኝ ለነበራችሁ የምወዳችሁ ቤተሰቦቼ የስራ ሀላፊዎችና ባልደረቦቼ የአጋር አካላት እንዲሁም መላው ማህበረሰባችን አክብሮቴን ምስጋናዬንና ፍቅሬን ከልቤ ልገልጽላችሁ እወዳለሁ 🙏🏾

በቀሪ ዘመኔም ፈጣሪዬ በፈቀደልኝ ሁኔታ ሁሉ አገሬንና ህዝቤን አገለግላለሁ!!
ክብር ይስጥልኝ! አመሠግናለሁ! 🙏🏾🙏🏾🙏🏾
ዶክተር ኤርጎጌ ተስፋዬ የቀድሞ የሴቶች እና ማህበራዊ ጉዳይ ሚኒስቴር ሚንስትር

(ዘ-ሐበሻ ዜና) በኢራን የሚደገፈው የየመኑ የሁቲ አማፂ ቡድን ሐሙስ ዕለት ባወጣው መግለጫ በሳዑዲ ዓረቢያ ዋና ከተማ ሪያድ በሚገኘው ዋነኛ ዓለም አቀፍ አውሮፕላን ማረፊያ ላይ የባሊስቲክ ሚሳኤል ጥቃት ማድረሱን ይፋ አድርጓል። ይህ ጥቃት ቡድኑ በሳዑዲ ዓረቢያ ግዛት ውስጥ ከፈጸማቸው ተከታታይ ጥቃቶች መካከል አዲሱ ነው።

የቡድኑ ወታደራዊ ቃል አቀባይ ያህያ ሳሬ በኤክስ ማኅበራዊ ትስስር ገጻቸው ላይ ባሰፈሩት መልዕክት፣ "የታጠቁ ኃይሎቻችን በሪያድ የሚገኘውን የኪንግ ካሊድ ዓለም አቀፍ አውሮፕላን ማረፊያ በባሊስቲክ ሚሳኤል በተሳካ ሁኔታ ኢላማ አድርገዋል፤ ሚሳኤሉም ኢላማውን በትክክል በመምታት የአውሮፕላን ማረፊያውን መደበኛ እንቅስቃሴ አቋርጧል" ሲሉ ጥቃቱን በተመለከተ ማረጋገጫ ሰጥተዋል።

ይህ የሁቲዎች መግለጫ የሚያሳየው አማፂያኑ ከወታደራዊ ኢላማዎች አልፈው የሲቪል አቪዬሽን እና ከፍተኛ የኢኮኖሚ መሠረተ ልማቶችን ኢላማ የማድረግ ስልታቸውን አጠናክረው መቀጠላቸውን ነው። የኪንግ ካሊድ ዓለም አቀፍ አውሮፕላን ማረፊያ በሳዑዲ ዓረቢያ እጅግ ሥራ ከሚበዛባቸው የሲቪል አየር ማረፊያዎች አንዱ በመሆኑ፣ ይህ ጥቃት የሀገሪቱን ዕለታዊ እንቅስቃሴ ከማስተጓጎል ባለፈ ዓለም አቀፍ መንገደኞች ላይ ከፍተኛ የደህንነት ስጋት የሚፈጥር ነው። የሳዑዲ መንግስት በአውሮፕላን ማረፊያው ላይ ስለደረሰው ጉዳት መጠን እስካሁን የሰጠው ይፋዊ መግለጫ ባይኖርም፣ የሁቲዎች የረጅም ርቀት ሚሳኤል የማስወንጨፍ አቅም የመካከለኛው ምሥራቅን የጸጥታ ቀውስ ይበልጥ ውስብስብ እያደረገው ይገኛል።

ይህ እየተባባሰ የመጣው የሁቲዎች የረጅም ርቀት ሚሳኤል ጥቃት በቀጠናው ሰላም ላይ ምን ዓይነት አዲስ ቀውስ ሊፈጥር ይችላል ብላችሁ ታስባላችሁ?

የዓለም ሻምፒዮኑ ጀግናው ክብሮም ንጉሴKebrom muaythia and kickboxing champion . ደማቅ የእውቅና እና የምስጋና ፕሮግራም ሊደረግለት ነው!

የሀገራችንን ሰንደቅ ዓላማ በዓለም አቀፍ መድረክ ላይ ከፍ ላደረጉ፣ የኢትዮጵያን ስም በኩራት ላስጠሩ ጀግኖች እውቅና መስጠትና ማበረታታት የሁላችንም ታሪካዊ ድርሻ ነው!
ኢትዮጵያውስጥ Ethio Fight Night አሸናፊ እንዲሁም
በታኅሣሥ ወር 2023 ዓ.ም (December 2023) በጣሊያን ሀገር በታዋቂው Fight Clubbing አዘጋጅነት በተካሄደው የዓለም የሞይታይ ሻምፒዮና (Muay Thai World Championship) ላይ በ67 ኪሎ ግራም ክብደት ሙሉ ኢትዮጵያን ወክሎ በመወዳደር፣ የዓለም ሻምፒዮን (World Champion) በመሆን የወርቅ ሜዳሊያ ያስገኘውና የሀገር ኩራት የሆነው የሳሪስ አዲሱ ሰፈር ልጅ ክብሮም ንጉሴ (The King) ታላቅ የክብር እና የምስጋና መርሃ ግብር ተዘጋጅቶለታል።

ክብሮም ንጉሴ በዓለም አቀፍ የማርሻል አርት መድረኮች (እንደ Bellator እና WPG Combat ያሉ) የብራዚልና የሌሎች ሀገራት ጠንካራ ተፎካካሪዎችን በበላይነት በመርታት የሚታወቅ፣ የሁለት ጊዜ የጣሊያን K1 ሻምፒዮን እና የኢንተርኮንቲኔንታል ሻምፒዮን በመሆን በፅናትና በደምና በላቡ የተጓዘ እውነተኛ የኢትዮጵያ አልማዝ ነው።

ይህንን ታላቅ ድል እና የሀገር ባለውለታ በደማቅ ሁኔታ ለመዘከር፣ መላው የሳሪስ ወጣቶች ከተለያዩ አጋር ድርጅቶችና ባለድርሻ አካላት ጋር በመተባበር ደማቅ የምስጋና እና የእውቅና መርሃ ግብር (Appreciation & Recognition Ceremony) አዘጋጅተዋል።

ይህ የምስጋና እና የእውቅና መርሃ ግብር ከ 500 በላይ ታዳሚዎች የሚሳተፉበት ሲሆን፣ የኢትዮፋይት (EthioFight)night )&etfc አዘጋጆች ፡ተወዳዳሪዎች እና አዘጋጆች፣ ታዋቂ የማህበራዊ ሚዲያ ተፅዕኖ ፈጣሪዎች፣ የሳሪስ ወጣቶችና የአካባቢው ማህበረሰብ እንዲሁም የክብር እንግዶችና አጋር ድርጅቶች በነቂስ የሚገኙበት ይሆናል።
የሰፈራችንን፣ የከተማችንንና የሀገራችንን ጀግና በጋራ ሆነን እንቀበለው፤ እናበረታታው! ሁላችሁም ሚዲያዎችና ስፖርት አፍቃሪዎች በዚህ ታሪካዊ ፕሮግራም ላይ እንድትታደሙ ጥሪያችንን እናስተላልፋለን።

" ከዚህ ቀደም በነበረ ጦርነት ወቅት የኤርትራ ወታደሮችን አልባሳትና ተሽከርካሪዎቻቸውን ስለምናውቅ በቀላሉ ለመለየት ችለናል " - ነዋሪዎች

የ2013ቱን የትግራይ ጦርነት ተከትሎ ወደ ኢትዮጵያ፣ ትግራይ ክልል ገብተው የነበሩትና ከዛ በኋላ የኢትዮጵያን የተለያዩ አካባቢዎች ይዘው የሚገኙ የኤርትራ (ሻዕቢያ) ወታደሮች አሁን ላይ ወደ ትግራይ ክልል ዘልቀው እየገቡ ናቸው።

ከህወሓት ጋር የተሰለፉት የሻዕቢያ ወታደሮች ትግራይ ክልል ውስጥ መጠነ ሰፊ ወታደራዊ እንቅስቃሴ እያደረጉ ይገኛሉ።

ቢቢሲ ዛሬ ያነጋገራቸው የዓዲግራት ነዋሪዎች ትግራይ ውስጥ ዘልቀው ገብተዋል።

" ከፍተኛ ቁጥር ያላቸው የኤርትራ ወታደሮች ከረቡዕ መስከረም 27 ቀን 2019 ዓ/ም ማለዳ ጀምሮ በዓዲግራት በኩል ወደ ሌሎች የትግራይ አካባቢዎች በጭነት ተሽከርካሪዎችና በእግራቸው ሲያቋርጡ ተመልክተናል " ብለዋል።

ነዋሪዎች ከኤርትራ ድንበር 40 ኪሎ ሜትር የምትርቀውን ዓዲግራት ከተማን በማለፍ የኤርትራ ወታደሮች ወደ መቐለ አቅጣጫ ሲጓዙ ማየታቸውን ገልጸዋል።

" ወታደሮቹ በጭነት መኪኖችና በእግራቸው ወደ መቐለ መስመር ወዳለችው እዳጋ ሐሙስ አልፈው ሲሄዱ ተመልክተናል " ብለዋል።

በአካባቢው የትግራይም ሆነ የፌደራሉ መንግሥት ሠራዊት አባላት ባለመኖራቸውና ከዚህ ቀደም በነበረው ጦርነት ወቅት የኤርትራ ወታደሮችን አልባሳትና ተሽከርካሪዎቻቸውን ስለሚያውቁ በቀላሉ ለመለየት እንደቻሉ ገልጸዋል።

ወታደሮቹ ከመኪና በተጨማሪ በእግርም የሚጓዙ ስለነበሩ ለመለየት ያልተቸገሩት ነዋሪዎቹ፣ ነጣ ያለ እና ቅጠልያ ወደታራዊ ልብስ የለበሱ ናቸው።

" መኪኖቻቸው ሲኖ የሚመስሉ የጭነት መኪኖች እና የኤርትራ የሰሌዳ ቁጥር ያላቸው ናቸው " ብለዋል።

በቀደሙት ቀናት ከኤርትራ ተነስተው በዛላምበሳ በኩል ፋጺ ወደሚባል አካባቢ የኤርትራ ወታደሮች መግባታቸውን ሲሰሙ እንደነበርም አመልክተዋል። ዛሬ ደግሞ ዓዲግራትን ሲተልፉ ነበር።

ነዋሪዎቹ ወታደሮቹን ጭነው የገቡት የጭነት መኪኖች "በግምት ከ40 በላይ" እንደሚሆኑና በእግር ሲጓዙ የነበሩት "ብዙ" መሆናቸውን ጠቅሰዋል።

አንድ የዓዲግራት ከተማ ባለሥልጣን ስማቸው ሳይጠቀስ ለኤኤፍፒ እንደተናገሩት፣ የኤርትራ ወታሮች ለቀናት በአካባቢው እንደነበሩና " ሕዝቡ ስጋት እንደተፈጠረበት " ገልጸዋል።

አንድ የዐይን ምስክር ደግሞ " በትላልቅ የጭነት መኪኖች፣ በክፍት መኪኖች እና በሌሎች ተሽከርካሪዎች የተጫኑ የኤርትራ ወታሮች ከከባድ መሣሪያዎች ጋር " ከዓዲግራት በስተደቡብ እያመሩ መሆናቸውን ለኤኤፍፒ ተናግረዋል።

በተመሳሳይ ሮይተስ ያነጋገራቸው የዓዲግራት ነዋሪዎች በከተማዋ በኩል በሁለት የጭነት መኪኖች የተጫኑ በርካታ የኤርትራ ወታደሮችን ረቡዕ ጠዋት ማየታቸውን ገልጸዋል።

ለሮይተርስ ቀላቸውን የሰጡ የታጠቁ ግጭቶች ቦታና ክስተቶች መረጃ ፕሮጀክት (ACLED) የምስራቅ አፍሪካ ባለሙያ የኤርትራ ኃይሎች በዛላምበሳ በኩል ድንበር አልፈው ዓዲግራት መድረሳቸውን ገልጸዋል። እንደ ባለሙያው ገለጻ፣ የኢትዮጵያ ጦር እነዚህ ወታደሮችን የጫኑ ተሽከርካሪዎችን በጉዋዳ አካባቢ በድሮን መምታቱን ተናግረዋል።

የኤርትራ የማስታወቂያ ሚኒስትር የሆኑት የማነ ገብረመስቀል ፤ የኤርትራ ወታደሮች በኢትዮጵያ ድንበር ተሻግረው ተገኝረዋል መባሉን ውድቅ አድርገዋል።

በከዚህ ቀደሙ ጦርነት ወቅትም ኤርትራ ሰራዊቷ በኢትዮጵያ እንደሌለ፣ ጦሯ የሚወነጀልባቸውን ግፎች እንዳልፈጸመ በተደጋጋሚ ስትክድ እነደነበር የሚዘነጋ አይደለም።

ቢቢሲ፣ ሮይተርስ
መስከረም 27 ቀን 2019 ዓ/ም

@tikvahethiopia የዓዲግራት ከተማ ነዋሪዎች የኤርትራ (ሻዕቢያ) ጦር ሠራዊት ወደ ከተማቸው እንደገባ አሳወቁ። የኤርትራ ጦር በኢትዮጵያ ምድር፣ ትግራይ ክልል ወደ ምትገኘው የዓዲግራት ከተማ መግባቱን ነዋሪዎች ለጀርመን ድምጽ ሬድዮ ተናግረዋል። ነዋሪዎቹ ፥ ወታደሮቹ ወደ መቐለ መስመር / አቅጣጫ ሲያመሩ እንደተመለከቱ ገልጸዋል። በመቐለ ከተማ የሚገኙ የመረጃ ምንጭ የኤርትራ ወታደሮች " በበርካታ ከባድ ተሽከርካሪዎች…

የኤርትራ ኃይሎች ያለምንም ቅድመ ሁኔታ
ከኢትዮጵያ ግዛት እንዲወጡ መንግሥት አስጠነቀቀ

የኤርትራ ጦር ወደ ትግራይ ክልል ገብቶ አዲግራት ከተማን መቆጣጠሩን ሲነገር፣ የኢትዮጵያ መንግሥት ይህንን ድርጊት "ወረራ" ሲል በይፋ ኮንኗል። የመንግሥት ኮሙኒኬሽን አገልግሎት ሚኒስትር ወ/ሮ እናትዓለም መለሰ ለብሉምበርግ እንደተናገሩት፣ የኤርትራ ኃይሎች ያለምንም ቅድመ ሁኔታ ከኢትዮጵያ ግዛት እንዲወጡ አሳስበዋል። ይህ መግለጫ የኤርትራ ጦር ሀገሪቱን በቀጥታ መውረሩን ያረጋገጠ ይፋዊ አቋም ነው።

ይህ ውጥረት የተፈጠረው ህወሓት ከሌሎች አማፂ ቡድኖች ጋር አብሮ አዲስ ጥቃት ከከፈተ በኋላ ነው። መንግሥት እንደሚለው፣ ኤርትራ እነዚህን አማፂያን ከጀርባ ስትደግፍ ቆይታ አሁን ደግሞ ጦሯን በቀጥታ በማስገባቷ ሁለቱ አገራት ወደ ቀጥተኛ ጦርነት ሊገቡ ይችላሉ የሚል ከፍተኛ ስጋት ፈጥሯል።

#ዳጉ_ጆርናል

የኤርትራ ኃይሎች ያለምንም ቅድመ ሁኔታ
ከኢትዮጵያ ግዛት እንዲወጡ መንግሥት አስጠነቀቀ

የኤርትራ ጦር ወደ ትግራይ ክልል ገብቶ አዲግራት ከተማን መቆጣጠሩን ሲነገር፣ የኢትዮጵያ መንግሥት ይህንን ድርጊት "ወረራ" ሲል በይፋ ኮንኗል። የመንግሥት ኮሙኒኬሽን አገልግሎት ሚኒስትር ወ/ሮ እናትዓለም መለሰ ለብሉምበርግ እንደተናገሩት፣ የኤርትራ ኃይሎች ያለምንም ቅድመ ሁኔታ ከኢትዮጵያ ግዛት እንዲወጡ አሳስበዋል። ይህ መግለጫ የኤርትራ ጦር ሀገሪቱን በቀጥታ መውረሩን ያረጋገጠ ይፋዊ አቋም ነው።

ይህ ውጥረት የተፈጠረው ህወሓት ከሌሎች አማፂ ቡድኖች ጋር አብሮ አዲስ ጥቃት ከከፈተ በኋላ ነው። መንግሥት እንደሚለው፣ ኤርትራ እነዚህን አማፂያን ከጀርባ ስትደግፍ ቆይታ አሁን ደግሞ ጦሯን በቀጥታ በማስገባቷ ሁለቱ አገራት ወደ ቀጥተኛ ጦርነት ሊገቡ ይችላሉ የሚል ከፍተኛ ስጋት ፈጥሯል።

@Yenetube Fikerassefa

የኤርትራ ኃይሎች ያለምንም ቅድመ ሁኔታ
ከኢትዮጵያ ግዛት እንዲወጡ መንግሥት አስጠነቀቀ

የኤርትራ ጦር ወደ ትግራይ ክልል ገብቶ አዲግራት ከተማን መቆጣጠሩን ሲነገር፣ የኢትዮጵያ መንግሥት ይህንን ድርጊት "ወረራ" ሲል በይፋ ኮንኗል። የመንግሥት ኮሙኒኬሽን አገልግሎት ሚኒስትር ወ/ሮ እናትዓለም መለሰ ለብሉምበርግ እንደተናገሩት፣ የኤርትራ ኃይሎች ያለምንም ቅድመ ሁኔታ ከኢትዮጵያ ግዛት እንዲወጡ አሳስበዋል። ይህ መግለጫ የኤርትራ ጦር ሀገሪቱን በቀጥታ መውረሩን ያረጋገጠ ይፋዊ አቋም ነው።

ይህ ውጥረት የተፈጠረው ህወሓት ከሌሎች አማፂ ቡድኖች ጋር አብሮ አዲስ ጥቃት ከከፈተ በኋላ ነው። መንግሥት እንደሚለው፣ ኤርትራ እነዚህን አማፂያን ከጀርባ ስትደግፍ ቆይታ አሁን ደግሞ ጦሯን በቀጥታ በማስገባቷ ሁለቱ አገራት ወደ ቀጥተኛ ጦርነት ሊገቡ ይችላሉ የሚል ከፍተኛ ስጋት ፈጥሯል።

Seledadotio
Seledadotio

ኢትዮጵያ ውስጥ የኤርትራ ጦር ድንበር ጥሶ ገብቷል መባሉን ተከትሎ የዜጎች የተቃውሞ ድምፅ እየተሰማ ነው
#fastmereja I ​የኤርትራ ጦር የኢትዮጵያን ድንበር ጥሶ ወደ ሀገር ውስጥ ገብቷል በሚል በተስፋፋው መረጃ እና የተከሰተውን ሁኔታ አስመልክቶ በርካታ ኢትዮጵያውያን ከፍተኛ ተቃውሞ እያሰሙ መሆናቸውን የደረሰን መረጃ ያመለክታል። በወቅታዊው ጉዳይ ላይ ስጋታቸውን የገለጹት ዜጎች፣ የሀገሪቱ ሉዓላዊነትና የግዛት አንድነት በግልጽ እንደተደፈረ በመጥቀስ ጦሩ በአስቸኳይ ከኢትዮጵያ መሬት እንዲወጣ ጥሪ እያቀረቡ ይገኛሉ።

​የተከሰተውን አሳሳቢ ሁኔታ አስመልክቶ በተለያዩ ማህበራዊ ሚዲያ መድረኮች ላይ እየተሰሙ ያሉ ድምጾች እንደሚያሳዩት፣ ዜጎች የኢትዮጵያን ሉዓላዊነት መጠበቅ የሁሉንም ዜጋ ቀዳሚ ሃላፊነት መሆኑን በማስታወስ የሚመለከታቸው የመንግስት አካላት በአፋጣኝ እጅግ ጥብቅና ግልጽ የሆነ ምላሽ እንዲሰጡበት አጥብቀው እየጠየቁ ይገኛሉ። የድንበር ጥሰቱ በሁለቱ አገሮች መካከል ያለውን አንጻራዊ ሰላም ሊያናጋው ይችላል የሚል ስጋትም በህብረተሰቡ ዘንድ ጎልቶ እየታየ ነው።

​እስካሁን ባለው ሁኔታ ጉዳዩን አስመልክቶ ከፌዴራል መንግስትም ሆነ ከሚመለከታቸው የጸጥታ አካላት በይፋ የተሰጠ አጠቃላይ መግለጫ ያለመኖር ቢታወቅም፣ በሀገር ውስጥ ያለው የህዝብ ቁጣና ስጋት እየጨመረ መምጣቱን ከወጡት መረጃዎች ለመረዳት ተችሏል።

(ዘ-ሐበሻ ዜና) የኤርትራ ጦር ወደ ትግራይ ክልል ይበልጥ ጠልቆ በመግባት ከመቀሌ ቀጥላ ክልሉ ሁለተኛዋ ትልቅ ከተማ የሆነችውን አዲግራትን መቆጣጠሩን ተከትሎ፣ የኢትዮጵያ መንግስት የኤርትራን ድርጊት "ወረራ" ሲል በይፋ ኮነነ።

የመንግስት ኮሙኒኬሽን አገልግሎት ሚኒስትር ወ/ሮ እናትዓለም መለሰ ለብሉምበርግ የዜና አውታር እንደተናገሩት፣ "በትግራይ ውስጥ የሚንቀሳቀሱት የኤርትራ ኃይሎች ያለምንም የጊዜ ገደብ ከኢትዮጵያ ሉዓላዊ ግዛት ለቀው መውጣት አለባቸው" በማለት የመንግስትን ጥብቅ አቋም አንጸባርቀዋል። ምንም እንኳን የኤርትራ ጦር በኢትዮጵያ ግዛት ውስጥ መኖሩ ከዚህ ቀደም በከፍተኛ የፖለቲካ እና የወታደራዊ መኮንኖች ሲነገር ቢቆይም፣ የሚኒስትሯ የዛሬው መግለጫ ግን ኤርትራ ጦሯን በቀጥታ በማስገባት ሉዓላዊ አገር መውረሯን የሚያረጋግጥ "ይፋዊ የመንግስት ማረጋገጫ" ሆኖ ተመዝግቧል።

ይህ ወታደራዊ ውጥረት ያገረሸው፣ ከ2014ቱ የትግራይ ጦርነት ማብቃት በኋላ ከፌደራል መንግስት ጋር ዳግም መቃቃር ውስጥ የገባው ህወሓት፣ ከመስከረም 13 ቀን ጀምሮ አዲስ ወታደራዊ ጥቃት መክፈቱን ተከትሎ ነው። ህወሓት ይህንን ጥቃት የከፈተው በአማራ ክልል ከሚንቀሳቀሰው 'AFN*M' እና በኦሮሚያ ከሚንቀሳቀሰው የኦሮ*ሞ ነጻነት ሠ*ራዊት (O*LA) ጨምሮ ከስድስት ሌሎች አማፂ ቡድኖች ጋር አዲስ ወታደራዊ ጥምረት ከፈጠረ በኋላ ነው።

መንግስት እንደሚከሰው፣ የኤርትራ መንግስት ይህንን የኢትዮጵያ አማፂያን ጥምረት በተለይም ህወሓትን በስተጀርባ ስትደግፍ ቆይታለች። እንደ መንግስት ትንተና የ"አስመራ ስትራቴጂ የራሷን ጦር ሳታስገባ፣ በእጅ አዙር አማፂያኑን በመደገፍ የኢትዮጵያን መንግስት ማተራመስ እና የመከላከያ ሠራዊቱን አቅም ማዳከም ነበር። የኢትዮጵያ መከላከያ ሠራዊት አቅም ከኤርትራ ጦር እጅግ የገዘፈ በመሆኑ፣ አስመራ ይህንን የእጅ አዙር የከበባ ስትራቴጂን እንደ ዋነኛ መከላከያዋ አድርጋ ወስዳው ነበር።"

የፖለቲካ ተንታኞች እንደሚሉት "በአሁኑ ወቅት አዲስ አበባ ድንበሯን የመጠበቅ እና ሉዓላዊነቷን የማስከበር እጅግ ፈታኝ አጣብቂኝ ውስጥ ትገኛለች። የውጭ አገር ጦር በዚህ ደረጃ ወደ አገር ውስጥ ጠልቆ መግባቱ፣ የቆየውን ፖለቲካዊ ስጋት ወደ አስቸኳይ ብሔራዊ አደጋ የቀየረው ሲሆን፣ የኤርትራ እርምጃም ሁለቱን አገራት ወደ ለየለት ቀጥተኛ ጦርነት ይበልጥ አቅርቧቸዋል።"

የየካ አባዶ ምዕመናን እንኳን ደስ አላችሁ‼️

ከመስከረም 28- ጥቅምት 1 የትም አይኬድም🔴

ለየካ አባዶ ምዕመናን አገልግሎት ከሚሰጡ አብያተ ክርስቲያናት መካከል
የደብረ ልዕልና ቅድስት አርሴማ ቤተክርስቲያን አንዷ ናት።ይህች ቤተ ክርስቲያን ከፍተኛ ውጣ ውረድ ያሳለፈችና በተለያዩ ምክንያቶች 3ት ጊዜ ፈርሳ የተሰራች ቆራጥ በሆኑ የአካባቢው ምዕመናን ከታላቅ እስከ ታናሽ በእንባ፣ ጸሎት በአንድነትና በልዩ ተጋድሎ የጸናች የአካባቢው ልዩ መገለጫ ስትሆን ለምዕመኑን ከምትሰጠው የበረከት አገልግሎት ጎን ለጎን ልዩ የማስተሳሰሪያ ገመድ ሆና እያገለገለች ትገኛለች።

የየካ አባዶ ደ/ልዕልና ቅድስት አርሴማ ከምስረታዋ አንስቶ በብዙ ተዓማራት እና ጸሎትን በመስማት የምትታወቅ ቤተክርስቲያን ናት። ልዩ ልዩ ውስጣዊ እና ውጫዊ ደዌዎችን(የካንሰር፣ የኩላሊት፣ የአንጀት፣ የአጽም፣ የቆዳ፣ የደም ግፊት፣ የስኳር እና መሰል ህመሞች) እንዲሁም የሚጥል በሽታዎችበመፈወስ የሚታወቅ ሲሆን ለዚህም ከህመማቸውና ከደዌአቸው የተፈወሱ ልዩ ልዩ እርዳታዋን ያገኙ በርካታ ምዕመናን በየጊዜው ምስክርነታቸውን ሰጥተዋል። ጸበሏን በመጠጣት እምነቷን በመቀባት በሚገባ እምነትና ሕይወት የተመላለሱባት ብዙ ችግራቸው ተወግዷል፤ ልጅ ያጡ አግኝተውበታል፤ ሥራ ያጡ ሥራ ይዘውበታል፤ ሠላም ያጡ ሠላማቸው ተመልሶላቸዋል፤ በእምነት የጠየቀ የሚገባውንበየሚመለስለት ልዩ የበረከት አደባባይ ናት።

ይህች ቤተ ክርስቲያን ታዲያ ለዚህ ሁሉ የማኅበረሰብ ክፍል ይህንን ዘርፈ ብዙ አገልግሎት የምትሰጠው ሦስት ጊዜ ፈርሶ በተሰራው የቆርቆሮ መቃኞ የነበረ ሲሆን ይህም፡-

1ኛ. የከበረ ታቦተ ሕጉ ያረፈበት ቤተ መቅደስ ለእግዚአብሔር ክብር ይሁን ለአገልግሎት አመቺ ባለመሆኑ

2ኛ. የአካባቢው ምዕመናን የሚገባ ቤተ ክርስቲያን ይሰራለትና አገልግሎቱ ተደራሽ ይሆንለት ዘንድ ለብዙ ጊዜ የሚጠይቅና ለዚህም ሳያቋርጥ የሚተጋ ስለነበር

3ኛ. የአካባቢው ምዕመን ቁጥር በየጊዜው እየጨመረ በመሆኑና ለዚሁ ምዕመን አገልግሎት ለመስጠት እጅግ ፈታኝ በመሆኑ ሕንጻ ቤተ ክርስቲያኑን መገንባት አስፈላጊ ሆኖ ተገኝቷል
በአምላክችን በመድኃኒታችን በኢየሱስ ክርስቶስ አምላካዊ ፈቃድ፣ በሰማዕቷ ቅድስት አርሴማ ረድኤት በአዲስ አበባ ሀገረ ስብከት እና በለሚ ኩራ ክ/ከተማ ወረዳ ቤተ ክህነት ፈቃድ

1ኛ. የቤተ ክርስቲያኗን የይዞታ ካርታ በሚመለከተው የመንግሥት አካል ሕጋዊ በማድረግና ሕጋዊ ካርታ በመያዝ

2ኛ. ከሚመለከተው የመንግሥት አካል የግንባታ ፈቃድ በማውጣት

3ኛ. በሀገረ ስብከቱ አሰራር መሠረት ሁሉንም ሕጋዊ ሁኔታዎችን በማሟላት

4ኛ. የተለያየ የሙያ ስብጥር ያለው ብቁ የሕንጻ አሰሪ ኮሚቴ በሚመለከተው ሕጋዊ አካል በማዋቀር

5ኛ. ደረጃውንና ሕጋዊነቱን የጠበቀ የኮንትራክተር እና የአማካሪ ድርጅት እንዲሁም ሁሉንም የምህንድስና ሞያዎች ያካተተ የቴክኒክ ኮሚቴ በማዋቀር

6ኛ. ሥርዓተ ቤተ ክርስቲያንንና የቦታ አቀማመጡን ያማከለሁለት ቤተ መቅደስ (ቤዝመንት ጨምሮ) ያለው የሕንጻ ቤተክርስቲያን ዲዛይን ለመስራት በሚመለከተው የቤተ ክርስቲያኗ አካል በማጸደቅ ወደ ሕንጻ ግንባታው ሥራ ተገብቷል

የየካ አባዶ ደ/ልዕልና ቅድስት አርሴማ ቤተ ክርስቲያን ሰበካመንፈሳዊ ጉባኤና የሕንጻ አሰሪ ኮሚቴው አስፈላጊ ቅድመ ሁኔታዎችን በማሟላት የዛሬ አንድ ዓመት ከ3 ወር የቤተክርስቲያኗን ቁፋሮ፣ የፓድ መሙላትና ማዋቀር እንዲሁም እንዲሁም ኮለን ማቆም ሥራ የጀመረ ሲሆን የአካባቢው ምዕመናን፣ ማኅበረ ካህናት፣ በሃገር ውስጥም ውጭም ሃገርም ያሉ የሰማዕቷ ወዳጆች እና የሚዲያ ባለሞያዎች ባደረጉት ከፍተኛ ርብርብ እና እጅግ ቆራጥነት የታየበት ልዩ ድጋፍበአንድ ዓመት ከሦስት ወር ጊዜ ውስጥ ተዓምራዊ በሆነ መልኩ

1ኛ. የታችኛው ቤተ መቅደስ (Basement)፡- የውጨኛው የድንጋይጥርብ ጌጥ ሥራና የበር ሥራ ጨምሮ ሙሉ በሙሉ ያለቀናለአንዳንድ አገልግሎቶች ዝግጁ ለማድረግ የቻክ እና የመብራትገጠማ ሥራ ብቻ የቀረው

2ኛ. የላይኛው ቤተ መቅደስ፡- (ዋናው) ሥራ structure” ሥራአልቆ የካንች ሥራ እየተገባደደ ሲሆን የጣራ ቆርቆሮለማልበስም የቆርቆሮ ማምረት (በፋብሪካ) ሥራ እየተሰራ ነው

3ኛ. የብሎኬት ሥራ የተገባደደ ሲሆን የውጩ የጥርብ ድንጋይጌጥ ሥራም በግማሽ አልቋል
4ኛ. አካባቢውን የማጽዳትና እና የቤተልሔም ሥራንምለመጀመር ቅድመ ሁኔታዎችን የጨረሰን በመሆኑ ይህ ጋዜጣዊመግለጫ ለሦስት ምክንያቶች አስፈልጓል።

1ኛ. በዚህ ደረጃ ለተሠራው ሥራ እግዚአብሔርን አምላካችንንእና ሰማዕቷ ቅድስት አርሴማን እንዲሁም በከፍተኛመሰዋዕትነት ሥራውን ከዚህ ላደረሱት ለአካባቢው ምዕመናን፣ ማኅበር ካህናት፣ የሰማዕቷ ወዳጆችና የሚዲያ ባለሞያች ምስጋናለማቅረብ፣ የሥራውን ውጤት ያለበትን ደረጃ መግለጽ የሚገባበመሆኑ

2ኛ. በዋናነት በጥቅምት 01/2019 ዓ.ም እሁድ ዕለት (ከ05 ቀናትበኋላ) ብፁአን ሊቃነ ጳጳሳት፣ የሚመለከታቸው የቤተ ክርስቲያንየአዲስ አበባ ሀገረ ስብከትና ወረዳ ቤተ ክህነት ኃላፊዎች፣ የቤተክህነት አስተዳዳሪዎች፣ ጥሪ የተደረገላቸው አካላት፣ ሙሉየአካባቢው ምዕመን፣ በርካርታ የሚዲያ አካላት እና የሰማዕቷወዳጆች በሚገኙበት የጉልላት መስቀል መርሐ ግብር የተዘጋጀበመሆኑ ሁሉም የሰማዕቷ ወዳጆች፣ የሚዲያ አካላት እና አጋርአካላት ከጠዋቱ 1 ሰዓት ጀምሮ በየካ አባዶ ደ/ልዕልና ቅድስትአርሴማ ቤተ ክርስቲያን በመገኘት አብራችሁ በመሆን የበረከቱእና የደስታችን ተከፋዮች እንዲሆኑ ጥሪ ለማስተላለፍ ነው

3ኛ. ቤተ ክርስቲያናችንን በአጭር ጊዜ አጠናቀን ለአገልግሎትምቹ ለማድረግና ለማሳወቅ በብዙ እንግልትና ፈተና ውስጥላለው ምዕመንም ለማስረከብ የሚከተሉትን ቀሪ ሥራዎች
1. የቤተልሔም ሥራ
2. የማርብል ሥራ
3. የቻክ ሥራ
4. የስዕል ሥራ
5. የቤተ መቅደስ በሮች
6. የዶም መስኮቶች ሥራ
7. የመብራት ሥራ
8. የሳውንድ ሲስተም ሥራ
9. ምንጣፍ እና የመሳሰሉት
እነዚህን ሥራዎች ሁሉም የሰማዕቷ ወዳጆች በተለመደውትብብርና ዕርብርብ አስተዋጽኦ እንድታደርጉልንበእግዚአብሔር ስም ለመጠየቅ ነው
በሀገር ውስጥም ሆነ ውጭ ያላችሁ ምዕመናን
1ኛ. በዕለቱ የጉልላት መስቀል መርሐ ግብር በጋራ በመስቀልበአካልና በተለያዩ የሚዲያ አውታሮች የበረከቱ ተሰታፊእንድትሆኑ
2ኛ በአካል መምጣት የምትችሉ የሰማዕቷ ወዳጆች በአካልበመምጣት የሥራውን ሁኔታ እንድታዩ የቦታውን በረከትንእንድትሳተፉ በማለት መንፈሳዊ ጥሪያችንን እናስተላልፋለን

የደብሩ ሕንጻ አሰሪ ኮሚቴ ከሰበካ ጉባኤ ጋርበመተባበር

አዲስ አበባ ኢትዮጵያ

የኢትዮጵያን የውጪ ግንኙነት ከተቀባይነት ወደ ተጽዕኖ ፈጣሪነት የሚያሻግር እና የደመኝነት እይታ ያላቸውን የሚመክር ስራ እንደሚሰራ ፕሬዝዳንት ታዬ አፅቀስላሴ ተናገሩ

መስከረም 27 ቀን 2019 ዓ.ም. (አሐዱ ሬድዮ) ፕሬዝዳንቱ ይህን የተናገሩት የኢፌዲሪ የሕዝብ ተወካዮች ምክርቤት እና የፌዴሬሽን ምክርቤት 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ ባደረጉት ንግግር ነው።

በንግግራቸውም የ2019 ዓ.ምን ዋና ዋና ትኩረቶች የዘረዘሩ ሲሆን በአንደኛነት ሰላም ለኢትዮጵያ እድገትና ግስጋሴ ያለውን ዋጋ ያጠና እና ከማንኛውም ጊዜ በላይ ህብረትን፣ ትብብርንና ኢትዮጵያን የሚያስቀድም ተግባር እንደሚከናወን አስታውቀዋል።

ጥራትን መሰረት ያደረገ ሁለንተናዊ መዋቅራዊ ሽግግርም የሚደረግ ሲሆን ትምህርት፣ ጤናና ማህበራዊ ጥበቃን ከስፋት ወደ ጥራት በማሸጋገር ዜጋን ማእከሉ ያደረገ ልማት እንደሚፋጠንም አረጋግጠዋል።

ለእድገታችን ቁልፍ ፋይዳ ባላቸው የኢንዱስትሪና የግብርና ግብአቶች እንዲሁም ዘመናዊ የመሰረተ ልማት ግንባታ አቅማችን ራሱን እንዲችል ይደረጋል ሲሉም ገልፀዋል።

የፕሮጀክትና የፕሮጀክት ፋይናንስ አፈጻጸም ዘመናዊ፣ ፈጣን፣ ቀልጣፋና ተጠያቂነት ያለው እንዲሆን መስራትም ሌላኛው የትኩረት አቅጣጫ በመሆኑ የመንግስት ገቢና ወጪን በአግባቡ የመቆጣጠር አቅም ያድጋል ብለዋል።

በፌደራል መንግስትና በክልሎች መካከል ያለው የስራ ቅንጅት እና የአፈጻጸም ኩነት የተባበረ፣ የተደጋገፈ፣ ቀልጣፋና እንከን አልባ እንዲሆን እንደሚደረግም አክለዋል።

በሌላ በኩል የኢትዮጵያን የውጭ ግንኙነት ከተቀባይነት ወደ ተጽእኖ ፈጣሪነት የሚያሻግር፣ በተለይም ወዳጆችን በማበራከት የሚተጋ፣ የደመኝነት እይታ ያላቸውን ደግሞ የሚመክር፣ ለቀጠናዊ ሰላምና ኢኮኖሚያዊ ትስስር ምንጊዜም ቅድሚያ የሚሰጥ፣ ተነሳሽነቶች ያሉትና አለም አቀፍ ተቀባይነታችንን የሚያሳድግ ይሆናል ሲሉ ተናግረዋል።

ፕሬዝዳንቱ አክለውም እነዚህን ዋና ዋና ትኩረቶች መሰረት በማድረግ በማህበራዊ፣ ኢኮኖሚያዊና የአገልግሎት ዘርፍ ከፍተኛ ምርታማነት ይመዘገብባቸዋል ተብለው ከሚጠበቁት መካከል የኤሌክትሪክ ተደራሽነት 65 በመቶ እንደሚያድግ ገልፀዋል።

የውሃ ተጠቃሚነትም በስፋት እንዲዳረስ የሚደረግ ሲሆን የጤና መድህን ሽፋን ወደ 85 በመቶ እንዲያድግ እና የደን ሽፋን ደግሞ አሁን ካለበት 26 በመቶ ከፍ እንዲል እንዲሁም የመሶብ አገልግሎት ማእከላት ቁጥር እንዲበራከቱና ከፍ እንዲሉ፣ የተማሪዎች ምገባ ሽፋንም 70 በመቶ እንዲያድግ ይደረጋል ብለዋል።

የሀገራችን የፍትህ ዘርፍ እንዲዘምንና በሀገራዊ ምክክር የቀረቡ ምክረ ሀሳቦች ወደ ተግባር እንዲገቡ እንደሚሰራ አስታውቀዋል።

የ2019 ዓ.ም የትኩረት አቅጣጫዎችንና ያለፉትን የስራ ክንዋኔዎች በሚገባ የተነተነ፣ መልካሙንና ክፍተቶችን የለየ እና የኢትዮጵያን ብሄራዊ ጥቅሞች ይበልጥ የሚያስከብርና ፈጣን እድገቷን የሚያረጋግጥ እንደሚሆን ገልፀዋል።

እነዚህን እውን ለማድረግም በተያዘው አመት አዳዲስ አሰራሮችንና አደረጃጀቶችን መከተሉ ከማንኛውም ጊዜው በላይ አስፈላጊ መሆኑን ያነሱ ሲሆን የአመቱን እቅድ ለመፈጸም የሚመደቡ አካላት የህዝብን ፍላጎት ያስቀደሙ፣ የዛሬንና የወደፊት ራእያችንን ጭምር የሚያመለከቱ እንዲሁም ዋዛ ፈዛዛ ልምምድን የሚጠየፉ እና ትጋት ያላቸው አገልጋዮች እንዲሆኑ እንደሚጠበቅ ፕሬዝዳንቱ አሳስበዋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

ወ/ሮ ለሊሴ ዱጋ ከስድስት ዓመታት አገልግሎት በኋላ የኦሮሚያ ቱሪዝም ኮሚሽን መሪነታቸውን አጠናቀቁ
#ethiopia | ለስድስት ዓመታት የኦሮሚያ ቱሪዝም ኮሚሽንን በኮሚሽነርነት ሲመሩ የቆዩት ወይዘሮ ለሊሴ ዱጋ ከኃላፊነታቸው መሰናበታቸው ተገለጸ።

ወ/ሮ ለሊሴ በቆይታቸው በኢትዮጵያ የቱሪዝም እንቅስቃሴ ውስጥ ከፍተኛ አሻራ ያሳረፉ ሲሆን በተለይም «ቪዚት ኦሮሚያ» የተሰኘውን የቱሪዝም ብራንድ ከምንም በመነሳት በሀገር አቀፍ እና በዓለም አቀፍ ደረጃ ስሙ ከፍ ብሎ እንዲጠራና ለሌሎች ክልሎችም አርአያ እንዲሆን አስችለዋል።

የኦሮሚያን የቱሪዝም ሀብት በዓለም አቀፍ ደረጃ የማስተዋወቅ፣ አዳዲስ መዳረሻዎችን የማልማት፣ የሥራ አጋርነትን የማጠናከር፣ ዲጂታል ቱሪዝምን የማሳደግ፣ «የኦሮሚያ ቱሪዝም ሳምንት»ን ወደ ዓለም አቀፍ መድረክ የማሳደግ እንዲሁም ለኢንቨስትመንትና ለሥራ ዕድል ፈጠራ አዳዲስ መንገዶችን የመክፈት አበይት አሻራዎችን አሳርፈዋል።

በተጨማሪም የሀገሪቱንና የክልሉን የተፈጥሮና የባህል መስህቦች ዓለም በሚረዳው ቋንቋና መንገድ በማስተዋወቅ ረገድ ትልቅ ኢንሼቲቭ በመቅረፅና በመተግበር ረገድ የጎላ ሚና ተጫውተዋል።

ኮሚሽነሯ በሥራ አፈጻጸማቸው፣ በትህትናቸውና ሰዎችን ለመርዳት ባላቸው ዝግጁነት የሚታወቁ ሲሆንበሥራ አጋጣሚያቸው ወቅት ያጋጠማቸውን የካንሰር ሕመም በጽናት ታግለው በማሸነፍ ለሌሎችም የጽናት ማሳያ ሆነዋል።

''የኦሮሚያ ቱሪዝም ሳምንት'' በተከበረበት ወቅት በለተቋሙና ለዘርፉ ላበረከቱት ላቅ ያለ አስተዋጽኦና አገልግሎት ምስጋና የቀረበላቸው ሲሆን በሚቀጥለው አዲስ የሕይወትና የሥራ ምዕራፋቸውም መልካም ሁሉ እንመኛለን።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

ኬንያ 109 የተደራጁ ወንጀለኛ ቡድኖችን ዝርዝር ይፋ አደረገች።

የኬንያ መንግሥት በሀገሪቱ 109 የተደራጁ የወንጀል ቡድኖችን ለይቶ ማውጣቱን አስታውቋል። ይህ ቁጥር በ2016 በGazette Notice No. 10427 ህገ-ወጥ ከተባሉ 89 ቡድኖች ጭማሪ ነው።

የተደራጁ የወጣት ቡድኖች ለፖለቲካ ማስፈራራት፣ ጥቃት እና ትንኮሳ ውስጥ መሳተፋቸው በስጋትነት ሲጠቀስ፥ ኬኒያ በ2027 ለምታካሂደው አጠቃላይ ምርጫ ከባድ የደህንነት ፈተና ሊሆን እንደሚችልም ተጠቁሟል።

«ጥቃት፣ ማስፈራራት እና የወንጀል ቡድኖችን ለፖለቲካ ጥቅም መጠቀም በዚህ ሂደት ውስጥ ቦታ የላቸውም» ብለዋል።

መንግሥት ባወጣው መረጃ መሰረት ምዕራብ ኬንያ 38 የሚሆኑ የተደራጁ ወንጀለኛ ቡድኖች የሚገኙባት ግዛት ስትሆን ሪፍት ቫሊ 22፤ እንዲሁም ናይሮቢ 20 የተመዘገቡባቸው ግዛቶች ሆነዋል።

በናይሮቢ የህዝብ ትራንስፖርት እና አነስተኛ ንግድ ላይ የሚደረግ ማስገደድ፣ በባህር ዳርቻ በቢላና በስለት የሚፈጸም ጥቃት፣ በሪፍት ቫሊና በድንበር ደግሞ የመሳሪያ ዝውውርና የከብት ዘረፋ የቆዩ መታወቂያዎች ሲሆኑ፣ እነዚህ ቡድኖች በፖለቲካ ውስጥ መሳተፍ መጀመራቸው ስጋት ሆኖ ተቀምጧል።

መንግሥት ምርመራውን ከግለሰብ ወንጀለኞች ባሻገር የቡድን መሪዎችን፣ ቅጥረኞችን እና ፋይናንስ አቅራቢዎችን እየተከታተለ መሆኑን ሲገልጽ፣ የተወሰኑ እንቅስቃሴዎች ድንበር ተሻጋሪ በመሆናቸው ከጎረቤት ሀገራት ጋር የሚደረግ ትብብርም  እየተጠናከረ ነው ሲል አስታውቋል።

ቲክቫህ ኢትዮጵያ
መስከረም 27 ቀን 2019 ዓ.ም

@TikvahethMagazine

በአዲስ አበባ ፌስታል ይዘው የተገኙ ተቋማት ከ480ሺህ ብር በላይ ተቀጡ በ30 ማዳበሪያ ከረጢት የተከማቸ ፌስታል መወረሱ ተገልጿል

መስከረም 27 ቀን 2019 ዓ.ም.  የአካባቢ ጥበቃ ባለስልጣን በአዲስ አበባ ከተማ አዋጅ ቁጥር 1383/2017 መሰረት ያደረገ የፕላስቲክ ክልከላ፣ ቁጥጥርና የእርምት እርምጃ በሁሉም ክፍለ ከተሞች በተጠናከረ ሁኔታ እየተካሄደ እንደሚገኝ ገልፆ በዚህም ከ480ሺህ በላይ የገንዘብ ቅጣትን ጨምሮ በርካታ የተከለከሉ ኩንታልና ማዳበሪያ ፌስታሎች መወረሳቸውን አስታውቋል።

በተደረገው የቁጥጥር ዘመቻ መሰረትም በአቃቂ ቃሊቲ ክፍለ ከተማ በሚገኙ 38 ንግድ ተቋማት ማለትም ሱቆች፣ ዳቦ ቤቶች፣ ጫት ቤቶችና ስጋ ቤቶች ላይ በተደረገ ቁጥጥር አዋጁን ጥሰው የተገኙ 4 ተቋማት እያንዳንዳቸው 50 ሺህ ብር እንዲሁም 7 ተቋማት እያንዳንዳቸው 5ሺህ ብር በአጠቃላይ 235ሺህ ብር ቅጣት እንዲቀጡ ተደርጎ ፌስታሎች መወረሳቸው ታውቋል።

Seledadotio
Seledadotio

ሼር

በኤምሬትስ የ7 ዓመት ህጻን ህይወት
የታደገችው ጀግናዋ ኢትዮጵያዊት!

በተባበሩት አረብ ኤምሬትስ ፉጃይራህ ግዛት ውስጥ አንዲት የ25 ዓመት ወጣት ኢትዮጵያዊት የቤት ሠራተኛ የሰራችው አስደናቂ የጀግንነት ስራ ብዙዎችን እያነጋገረ ይገኛል። ወጣቷ በምትሰራበት ቤት ጀርባ የነበረ ጥልቅ የውሃ ጉድጓድ ክዳን በድንገት ሲሰበር፣ እርሷ እና የ7 ዓመት ታዳጊ ህጻን አብረው ወደ ጉድጓዱ ውስጥ ወድቀዋል።

በወደቀችበት ቅጽበት የአንደኛ እግሯ አጥንት ቢሰበርም የራሷን ህመም ወደ ጎን በመተው የብረት መዋቅር ተደግፋ ህጻኑን አጥብቃ በመያዝ የአደጋ ጊዜ ሰራተኞች እስኪደርሱ ድረስ ሳትለቅ አቆይታዋለች። የፖሊስ እና የሲቪል ዲፌንስ ቡድኖች ደርሰው የማውጣት ስራ ሲጀምሩም ጀግናዋ ወጣት እሷ ከመውጣቷ በፊት ህጻኑ ቅድሚያ ተሰጥቶት ህይወቱ እንዲተርፍ አድርጋለች። ታዳጊው በሆስፒታል ታክሞ በጤንነት ሲመለስ፣ ወጣቷ በደረሰባት የእግር ጉዳት በፉጃይራህ ሆስፒታል በህክምና ላይ ትገኛለች።

ታዳጊው በሆስፒታል ታክሞ በጤንነት ወደ ቤተሰቡ ሲመለስ፣ ጀግናዋ ወጣት ግን በደረሰባት ከባድ የእግር ጉዳት በሆስፒታል በህክምና ላይ ትገኛለች። የፉጃይራህ ሲቪል ዲፌንስ ምክትል ዳይሬክተር በሆስፒታል ተገኝተው ወጣቷን የጎበኙ ሲሆን፣ ገልፍ ኒውስ እንደዘገበው፤ ወጣቷ ላሳየችው የላቀ መስዋዕትነትና ጀብዱ ከፍተኛ እውቅና እና ምስጋና ተሰጥቷታል።

ሼር

በአዲስ አበባ ፌስታል ይዘው የተገኙ ተቋማት ከ480ሺህ ብር በላይ ተቀጡ በ30 ማዳበሪያ ከረጢት የተከማቸ ፌስታል መወረሱ ተገልጿል

መስከረም 27 ቀን 2019 ዓ.ም. የአካባቢ ጥበቃ ባለስልጣን በአዲስ አበባ ከተማ አዋጅ ቁጥር 1383/2017 መሰረት ያደረገ የፕላስቲክ ክልከላ፣ ቁጥጥርና የእርምት እርምጃ በሁሉም ክፍለ ከተሞች በተጠናከረ ሁኔታ እየተካሄደ እንደሚገኝ ገልፆ በዚህም ከ480ሺህ በላይ የገንዘብ ቅጣትን ጨምሮ በርካታ የተከለከሉ ኩንታልና ማዳበሪያ ፌስታሎች መወረሳቸውን አስታውቋል።

በተደረገው የቁጥጥር ዘመቻ መሰረትም በአቃቂ ቃሊቲ ክፍለ ከተማ በሚገኙ 38 ንግድ ተቋማት ማለትም ሱቆች፣ ዳቦ ቤቶች፣ ጫት ቤቶችና ስጋ ቤቶች ላይ በተደረገ ቁጥጥር አዋጁን ጥሰው የተገኙ 4 ተቋማት እያንዳንዳቸው 50 ሺህ ብር እንዲሁም 7 ተቋማት እያንዳንዳቸው 5ሺህ ብር በአጠቃላይ 235ሺህ ብር ቅጣት እንዲቀጡ ተደርጎ ፌስታሎች መወረሳቸው ታውቋል።

@Yenetube Fikerassefa

በአዲስ አበባ ፌስታል ይዘው የተገኙ ተቋማት ከ480ሺህ ብር በላይ ተቀጡ

👉 በ 30 ማዳበሪያ ከረጢት የተከማቸ ፌስታል መወረሱ ተገልጿል

የአካባቢ ጥበቃ ባለስልጣን በአዲስ አበባ ከተማ አዋጅ ቁጥር 1383/2017 መሰረት ያደረገ የፕላስቲክ ክልከላ፣ ቁጥጥርና የእርምት እርምጃ በሁሉም ክፍለ ከተሞች በተጠናከረ ሁኔታ እየተካሄደ እንደሚገኝ ገልፆ በዚህም ከ480ሺህ በላይ የገንዘብ ቅጣትን ጨምሮ በርካታ የተከለከሉ ኩንታልና ማዳበሪያ ፌስታሎች መወረሳቸውን አስታውቋል።

በተደረገው የቁጥጥር ዘመቻ መሰረትም በአቃቂ ቃሊቲ ክፍለ ከተማ በሚገኙ 38 ንግድ ተቋማት ማለትም ሱቆች፣ ዳቦ ቤቶች፣ ጫት ቤቶችና ስጋ ቤቶች ላይ በተደረገ ቁጥጥር አዋጁን ጥሰው የተገኙ 4 ተቋማት እያንዳንዳቸው 50 ሺህ ብር እንዲሁም 7 ተቋማት እያንዳንዳቸው 5ሺህ ብር በአጠቃላይ 235ሺህ ብር ቅጣት እንዲቀጡ ተደርጎ ፌስታሎች መወረሳቸው ታውቋል።

በየካ ክፍለ ከተማ ደግሞ 116 ተቋማት ላይ ቁጥጥር ተደርጎ ለ 25 ተቋማት ማስጠንቀቂያ የተሰጠ ሲሆን 3 ሙሉ ኩርቱ ፌስታል ተወርሷል።

አዲስ ከተማ ክፍለ ከተማ በተደረገ ድንገተኛ ቁጥጥር ከ 200ሺህ ብር በላይ ግምት ያለው 30 መዳበሪያ ፌስታል ተወርሷል።

በተመሳሳይ በልደታ ክፍለ ከተማ ከአምስት ተቋማት ፣ በቂርቆስ ክፍለ ከተማ በወረዳ 10 ደብረ ወርቅ ህንፃ ውስጥ ካሉ ልብስና ጫማ ቤቶች እንዲሁም ቡቲኮች ላይ ቁጥጥር ተደርጎ ከ11 ተቋማት መካከል ስምንቱ ተኪ ምርት እንደሚጠቀሙ ተገልጿል።
ሕግ ተላልፈው በተገኙ ላይ የገንዘብ ቅጣት እንዲጣልባቸው ለደንብ ማስከበር መተላለፋቸው ታውቋል።

በንፋስ ስልክ ላፍቶ ክፍለ ከተማ ወረዳ 7፣ 9 እና 10 በተደረገ ቁጥጥር አዋጁን በተላለፉ ተቋማት ላይ እስከ 50 ሺህ ብር ቅጣት የተጣለ ሲሆን፣ በህገ ወጥ መንገድ የፕላስቲክ ክምችትና ችርቻሮ ያካሄዱ 8 ተቋማት ተጠያቂ ተደርገዋል ተብሏል።

በቦሌ ክፍለ ከተማ በወረዳ 13 እና 14 ገርጂ ሮባ አካባቢ አዋጁን በተላለፉ ተቋማት ላይ እርምጃ መወሰዱ ተገልጿል።

በለሚ ኩራ ክፍለ ከተማ ደግሞ በ 20 ተቋማት ላይ ቁጥጥር ተደርጎ አዋጁን በጣሱ ሁለት ተቋማት ላይ የ 200 ሺህ ብር ቅጣት እንደተጣለ ታውቋል።

በአጠቃላይ በአራዳ፣ ጉለሌ እና ልደታ ክፍለ ከተሞች በሚገኙ የንግድ ተቋማት ላይ ቁጥጥር ተደርጎ የተከለከሉ ፌስታሎች እንዲወረሱ፣ የእርምት እርምጃዎች እንዲወሰዱና ተኪ ምርት የሚጠቀሙ ነጋዴዎችን ደግሞ የማበረታታት ስራ መሰራቱ ተገልጿል።

የአካባቢ ጥበቃ ባለስልጣን ህብረተሰቡና የንግዱ ማህበረሰብ የአካባቢ ብክለትን ለመከላከል የተጣለውን የፕላስቲክ ክልከላ አዋጅ አክብረው እንዲንቀሳቀሱና ከተከለከሉ ፌስታሎች ይልቅ ተኪና አካባቢን የማይበክሉ ምርቶችን እንዲጠቀሙ አሳስቧል።
#አሐዱ_ሬዲዮ