''ጦርነት ይቁም' ኢሰመኮ
#ethiopia | የኢትዮጵያ ሰብዓዊ መብቶች ኮሚሽን (ኢሰመኮ) በትግራይ፣ በአማራ እና በአፋር አዋሳኝ አካባቢዎች በድጋሚ ያቀረሸው የትጥቅ ግጭት በአፋጣኝ እንዲቆም ጥሪ አቀረበ።

ኮሚሽኑ እንዳወጣው መግለጫ፣ በነዚህ አዋሳኝ ስፍራዎች እንደገና ያገረሸው ግጭት በሰብዓዊ መብቶች አጠባበቅ ላይ ተደራራቢ ጉዳት እንደሚያደርስ በመጠቆም፣ ልዩነቶች በውይይት ብቻ እንዲፈቱና ለሲቪሎች እንዲሁም ለሲቪል መሠረተ-ልማቶች አስፈላጊው ጥበቃ እንዲደረግ አሳስቧል።

የኢሰመኮ ዋና ኮሚሽነር ብርሃኑ አዴሎ የፕሪቶሪያውን የግጭት ማቆም ስምምነት ፈራሚዎች ጨምሮ ሁሉም አካላት ዓለም አቀፍ የሰብዓዊነት ሕጎችን እንዲያከብሩና ዓለም አቀፉ ማኅበረሰብም በዲፕሎማሲያዊ ጥረቱ በኩል ወገኖችን ወደ ንግግር እንዲመልስ ጠይቀዋል።

​በያፌት ገ/ህይወት

Getu Temesgen - (ጌጡ ተመስገን)
​#ethiopia #ehrc #humanrights #news #amhara #tigray #afar





''ጦርነት ይቁም' ኢሰመኮ
#ethiopia | የኢትዮጵያ ሰብዓዊ መብቶች ኮሚሽን (ኢሰመኮ) በትግራይ፣ በአማራ እና በአፋር አዋሳኝ አካባቢዎች በድጋሚ ያቀረሸው የትጥቅ ግጭት በአፋጣኝ እንዲቆም ጥሪ አቀረበ።

ኮሚሽኑ እንዳወጣው መግለጫ፣ በነዚህ አዋሳኝ ስፍራዎች እንደገና ያገረሸው ግጭት በሰብዓዊ መብቶች አጠባበቅ ላይ ተደራራቢ ጉዳት እንደሚያደርስ በመጠቆም፣ ልዩነቶች በውይይት ብቻ እንዲፈቱና ለሲቪሎች እንዲሁም ለሲቪል መሠረተ-ልማቶች አስፈላጊው ጥበቃ እንዲደረግ አሳስቧል።

የኢሰመኮ ዋና ኮሚሽነር ብርሃኑ አዴሎ የፕሪቶሪያውን የግጭት ማቆም ስምምነት ፈራሚዎች ጨምሮ ሁሉም አካላት ዓለም አቀፍ የሰብዓዊነት ሕጎችን እንዲያከብሩና ዓለም አቀፉ ማኅበረሰብም በዲፕሎማሲያዊ ጥረቱ በኩል ወገኖችን ወደ ንግግር እንዲመልስ ጠይቀዋል።

​በያፌት ገ/ህይወት

Getu Temesgen - (ጌጡ ተመስገን)
​#ethiopia #ehrc #humanrights #news #amhara #tigray #afar

🚨 የሸገር ከተማ የፍትሕ በሮች ተዘጉ! ካርታ የሌላቸው ተፈናቃዮች ለፍርድ ቤት ክስ እንዳያቀርቡ በሕገ-ወጥ ትዕዛዝ ተከለከሉ! #ethiopia #shegercity #justicesystem #humanrights #geopolitics

በወረቀት ላይ የቀረው የ78 አመቱ ድንጋጌ!

*የዓለም አቀፉ የሰብአዊ መብቶች የመጀመሪያው ረቂቅ ድንጋጌ ይህንን ይመስል ነበር።
#ethiopia | በፈረንጆቹ 1948 የተባበሩት መንግስታት ድርጅት ጠቅላላ ጉባኤ በፈረንሳይ ፓሪስ ተሰብስቦ ይህንን ታሪካዊ ሰነድ አጸደቀ።

ሰነዱ ሁለተኛው የዓለም ጦርነት ያስከተለውን ዘግናኝ እልቂትና የሰብአዊ መብቶች ጥሰት ተከትሎ የተዘጋጀ ነበር።

ሁለተኛው የዓለም ጦርነት ያስከተለውን ዘግናኝ እልቂት ተከትሎ ከእንግዲህ በሰው ልጅ ላይ ግፍ አይፈጸምም በሚል መርህ የተረቀቀው ይህ ታሪካዊ ሰነድ ዛሬ 78 አመት ሞልቶታል።

በጦርነትና በመብት ጥሰት በታመሰችው ዓለማችን ውስጥ
በወረቀት ላይ የቀረ ሰነድ
ሆኗል በሚል ከባድ ትችት እየቀረበበትም ይገኛል።

ይህ ሰነድ የሰው ልጅ መሠረታዊ መብቶችና ነጻነቶች በመላው ዓለም ያለ ምንም ልዩነት እንዲከበሩና እንዲጠበቁ ጠንካራ መሠረት ጥሏል።

ድንጋጌው የሰው ልጅ ከተወለደበት ጊዜ ጀምሮ ሊኖሩት የሚገቡ መሠረታዊ የሲቪል፣ የፖለቲካ፣ የኢኮኖሚ የማህበራዊ እና የባህል መብቶችን በዝርዝር ያካተተ የመጀመሪያው ዓለም አቀፍ ስምምነት ነው።

የሰነዱ መጸደቅ በዓለም ዙሪያ ለሚገኙ ጭቁን ህዝቦች፣ ለነጻነት ታጋዮች እና ለሰብአዊ መብት ተከራካሪዎች የትግል መነሻና የፍትህ መጠየቂያ መሳሪያ በመሆን ሰፊ ሚና ተጫውቷል።

ዘር፣ ቀለም፣ ጾታ፣ ቋንቋ፣ ሃይማኖት ወይም የፖለቲካ አቋም ሳይለይ እያንዳንዱ የሰው ልጅ በእኩልነትና በነጻነት የመኖር መብት እንዳለው አሳውቋል።

ይህ የሰብአዊ መብቶች ድንጋጌ የሰው ልጅ በታሪኩ ካስመዘገባቸው ታላላቅ ሁነቶች አንዱ ተደርጎ ይወሰዳል።

ሔኖክ ወ/ገብርኤል
#ethiopia #getutemesgen #universal #declaration #humanrights #democracy #france #paris #inherited

በሳዑዲ ዓረቢያ 200 የሚጠጉ ኢትዮጵያውያን የሞት ፍርዳቸውን እየተጠባበቁ መሆኑ ተዘገበ
#ethiopia | በሳዑዲ ዓረቢያ የተለያዩ እስር ቤቶች ውስጥ የሚገኙ ወደ 200 የሚጠጉ ኢትዮጵያውያን ስደተኞች የሞት ፍርዳቸውን እየተጠባበቁ እንደሚገኙ የMiddle East Eye ዘገባ አመልክቷል።

እንደ ዘገባው፣ በእስር ላይ ያሉ አንዳንድ ኢትዮጵያውያን በዓረብኛ ቋንቋ የተዘጋጀና ይዘቱን በውል ያልተረዱትን የጥፋተኝነት ሰነድ እንዲፈርሙ መገደዳቸውን ለዜና ተቋሙ በሚስጥር መናገራቸው ተጠቅሷል። ይህም በእስረኞቹና በቤተሰቦቻቸው መካከል ከፍተኛ ስጋት መፍጠሩ ተነግሯል።

በተጨማሪም፣ በካሚስ ሙሻይት እስር ቤት ብቻ 58 ኢትዮጵያውያን መታሰራቸውን የጠቀሰው ዘገባ፣ ባለፈው ሚያዝያ ወር ሦስት ኢትዮጵያውያን ላይ የሞት ቅጣት መፈጸሙንም አስታውሷል።

ጉዳዩ በሳዑዲ ዓረቢያ በእስር ላይ ያሉ ኢትዮጵያውያንን ለመታደግ የዲፕሎማሲና የሰብዓዊ መብት ጥረቶች እንዲጠናከሩ ጥሪ እያቀረበ ነው። ይሁን እንጂ እነዚህ ክሶች በሳዑዲ ባለሥልጣናት በይፋ ስለመረጋገጣቸው ወይም ስለመሰጠቱ ምላሽ በዘገባው አልተገለጸም።
#ethiopia #saudiarabia #humanrights #ethiopianmigrants #migrantcrisis

በገልፍ አገራት ያለው የደመወዝ መድልዎ እጅግ አሳዛኝ እውነታ ነው! 😔 አዲሱ የ2026 ጥናት እንደሚያሳየው፣ በሁሉም የገልፍ (GCC) አገራት ውስጥ እጅግ ዝቅተኛውን ደመወዝ የሚከፈላቸው ኢትዮጵያውያን የቤት ሰራተኞች ናቸው። የሰውን ልጅ የድካም ዋጋ በዜግነቱ መለካት የሚያበቃው መቼ ይሆን? 💔 #wagegap #middleeast #humanrights #fairpay #ethiopiandiaspora

በገልፍ አገራት ያለው የደመወዝ መድልዎ እጅግ አሳዛኝ እውነታ ነው! 😔 አዲሱ የ2026 ጥናት እንደሚያሳየው፣ በሁሉም የገልፍ (GCC) አገራት ውስጥ እጅግ ዝቅተኛውን ደመወዝ የሚከፈላቸው ኢትዮጵያውያን የቤት ሰራተኞች ናቸው። የሰውን ልጅ የድካም ዋጋ በዜግነቱ መለካት የሚያበቃው መቼ ይሆን? 💔 #wagegap #middleeast #humanrights #fairpay #ethiopiandiaspora
በገልፍ አገራት ያለው የደመወዝ መድልዎ እጅግ አሳዛኝ እውነታ ነው! 😔 አዲሱ የ2026 ጥናት እንደሚያሳየው፣ በሁሉም የገልፍ (GCC) አገራት ውስጥ እጅግ ዝቅተኛውን ደመወዝ የሚከፈላቸው ኢትዮጵያውያን የቤት ሰራተኞች ናቸው። የሰውን ልጅ የድካም ዋጋ በዜግነቱ መለካት የሚያበቃው መቼ ይሆን? 💔 #wagegap #middleeast #humanrights #fairpay #ethiopiandiaspora

ጋዜጠኛ ሳልሳዊት ባይነሳኝ ለአንድ ሳምንት ታስራ መቆየቷ ተገለጠ
#ethiopia | ጋዜጠኛ ሳልሳዊት ባይነሳኝ ሰኔ 1 ቀን 2018 ዓ.ም አመሻሽ ላይ ከመኖሪያ ቤቷ በፖሊስ ቁጥጥር ስር መዋሏንና እስካሁን ፍርድ ቤት እንዳልቀረበች ታናሽ እህቷ ሃይማኖት ባይነሳኝ ለዶይቸ ቬለ ገልጻለች።

መጀመሪያ ላይ ከቤት ሰራተኛዋ ጋር በቁጥጥር ስር የዋለችው ጋዜጠኛዋ፣ በአሁኑ ወቅት ፒያሳ ጊዮርጊስ አካባቢ በሚገኘው 3ኛ ፖሊስ ጣቢያ የምትገኝ ሲሆን፣ የአራት ዓመት ህፃን ልጇን ትታ ለእስር መዳረጓ ታውቋል።

ጋዜጠኛዋ የተያዘችበት ይፋዊ ምክንያት እስካሁን ባይገለጽም፣ የክስ መዝገቡ በነዲያቆን ዘላለም መዝገብ ስር በመሆኑ እስሯ ከሰሞኑ የአርሲ ግድያ ጋር በተያያዘ በሰራችው ፕሮግራም ሊሆን እንደሚችል ቤተሰቦቿ ይጠረጥራሉ።
#freesalsawitbaynesagn #journalismisnotacrime #ethiopia #humanrights #justiceforsalsa

ዶ/ር ቴዎድሮስ በደቡብ አፍሪካ በኢትዮጵያውያን
ላይ የተፈጸመውን አሳዛኝ የጥላቻ ጥቃት አወገዙ
#ethiopia | የዓለም ጤና ድርጅት ዋና ዳይሬክተር ዶ/ር ቴዎድሮስ አድኃኖም ገብረኢየሱስ በደቡብ አፍሪካ በቅርቡ ያገረሸውንና በውጭ ዜጎች ላይ ያነጣጠረውን አሰቃቂ የመጤ ጥላቻ (Xenophobia) ጥቃት አጥብቀው ኮነኑ።

በጥቃቱ ሳቢያ ቢያንስ አምስት ኢትዮጵያውያንና አምስት የሞዛምቢክ ዜጎች ሕይወታቸው ማለፉን የገለጹት ዋና ዳይሬክተሩ፣ ድርጊቱን «እጅግ ልብ ሰባሪ» እና ደቡብ አፍሪካ ከአፓርታይድ ሥርዓት ለመውጣት በታገለችበት ወቅት አፍሪካውያንና በተለይም ኢትዮጵያ ለኔልሰን ማንዴላ ያሳዩትን ታሪካዊ አጋርነት የካደ «አሳዛኝ ድርጊት» ሲሉ ገልጸውታል።

ዶ/ር ቴዎድሮስ በማኅበራዊ ገጻቸው ባስተላለፉት መልእክትም፣ ማንኛውም ቅሬታ በሕግ የበላይነት እንጂ በቡድን ጥቃት መፈታት እንደሌለበት አሳስበው፣ ጥላቻው በአስቸኳይ እንዲቆምና ተጋላጭ ወገኖች ጥበቃ እንዲደረግላቸው ጥሪ አቅርበዋል።

በደቡብ አፍሪካ የሚኖሩ ኢትዮጵያውያን በተለይም «ኦፕሬሽን ዱዱላ» ከተሰኘው ንቅናቄ ጋር በተያያዘ ከሚሰነዘሩ የማግለልና የማጥቃት ቅስቀሳዎች የተነሳ በከፍተኛ ፍርሃትና ስጋት ውስጥ እንደሚገኙም ገልጸዋል።

የደቡብ አፍሪካ ባለሥልጣናት የዜጎችን ደኅንነት ለመጠበቅ ቃል ቢገቡም፣ የማስፈራራት፣ የአካላዊ ጥቃትና የዝርፊያ አደጋዎች አሁንም ቀጥለዋል።

የኢትዮጵያ የውጭ ጉዳይ ሚኒስቴርና የኤምባሲ ልዑካን ቡድን ከደቡብ አፍሪካ ባለሥልጣናት ጋር ተወያይተው ማረጋገጫ ማግኘታቸውንና ዲፕሎማሲያዊ ጥረት እያደረጉ መሆኑን ቢገልጹም፣ በአካባቢው የሚኖሩ አንዳንድ ስደተኞች ግን የመንግሥት ምላሽ ከችግሩ አጣዳፊነት አንጻር «የዘገየ» ነው ሲሉ ተችተዋል።
#stopxenophobia #southafrica #ethiopia #humanrights #africaunite #drtedros

ሰበር - አንድ የሕወሐት ታጣቂ ለሱዳን ጦርነት ተሳትፎ የሚከፈለው ስንት ነው? - እስካሁን የምናወቀው መረጃ #tigray #humanrights #newsupdate #sudan #stayinformed

7ኛው ጠቅላላ ምርጫ ሰብዓዊ መብቶችን ባከበረ መልኩ የተካሄደ ነው - የኢትዮጵያ የሰብዓዊ መብቶች ድርጅቶች ኅብረት
*****************

7ኛው ጠቅላላ ምርጫ ሰብዓዊ መብቶችን ባከበረ መልኩ በስኬት የተካሄደና የሰከነ የፖለቲካ ፉክክር የታየበት መሆኑን የኢትዮጵያ የሰብዓዊ መብቶች ድርጅቶች ኅብረት ገለጸ።

የኢትዮጵያ የሰብዓዊ መብቶች ድርጅቶች ኅብረት ዳይሬክተር መስዑድ ገበየሁ እንደገለጹት፤ የዘንድሮው ምርጫ ሂደት ከሰብዓዊ መብቶች አያያዝ አንጻር በጥሩ ሁኔታ የተከናወነና ስኬታማ ነበር።

አቶ መስዑድ እንዳሉት፣ በዘንድሮው ምርጫ ዜጎችና የፖለቲካ ፓርቲዎች ለዴሞክራሲ ባህል ግንባታ ቁርጠኝነታቸውን አሳይተዋል።

በምርጫው የፉክክር ሂደት፣ ፖለቲካ ፓርቲዎች የፖሊሲ ሃሳባቸውን ለህዝብ ሲያቀርቡ በኢትዮጵያ ብሔራዊ ጥቅም ዙሪያ የነበራቸው መናበብ አስደማሚ እንደነበር መታዘባቸውን ዳይሬክተሩ ገልጸዋል።

ይህም ፖለቲካ ፓርቲዎች የባሕር በር ባለቤትነትን ጨምሮ ለኢትዮጵያ ሁለንተናዊ ብሔራዊ ጥቅሞች መከበር የሰከነ የፖለቲካ ምኅዳር በመፍጠር እየተሳተፉ መሆኑን እንደሚያረጋግጥ አክለዋል።

በምርጫው ወቅት የተስተዋለው የምርጫ ጣቢያዎች አሠራርም ከሁሉም የህብረተሰብ ክፍል የተውጣጡ ዜጎችን የመምረጥ መብት ያረጋገጠ ነበር ብለዋል።

በተለይ ለአካል ጉዳተኞች፣ መስማት ለተሳናቸው፣ ለነፍሰ ጡሮችና ጨቅላ ሕፃናት ለያዙ ወላጆች ምቹ ምኅዳር ተፈጥሮ እንደነበር በአብነት መጥቀሳቸውን ኢዜአ ዘግቧል።
#ethiopia #democracy #government #humanrights #ethiopiaprevails #ebc

ወ/ሮ አሸነፈች አበበ የኢሰመኮ ኮሚሽነር ሆነው ተሾሙ

​በፍትህ ስርዓቱ ውስጥ በታማኝነትና በብቃት የሚታወቁት ክብርት ወ/ሮ አሸነፈች አበበ፣ በኢፌዲሪ የህዝብ ተወካዮች ምክር ቤት የኢትዮጵያ ሰብዓዊ መብቶች ኮሚሽን (ኢሰመኮ) የሴቶችና ህፃናት ጉዳዮች ዘርፍ ኮሚሽነር ሆነው ተሹመዋል።

ላለፉት 6 ዓመታት በላይ በፌደራል የመጀመሪያ ደረጃ ፍርድ ቤት ምክትል ፕሬዚዳንት በመሆን በከፍተኛ ኃላፊነት አገልግለዋል።

​በኢሰመኮ የሴቶችና ህፃናት መብት ጥበቃ ዘርፍን በኮሚሽነርነት ይመራሉ ተብሎ ይጠበቃል።

የፌደራል የመጀመሪያ ደረጃ ፍርድ ቤት ለቀድሞ ምክትል ፕሬዚዳንቱ የተሰማውን ደስታ እየገለጸ፣ የተሳካ የሥራ ዘመን እንዲሆንላቸው መልካም ምኞቱን አስተላልፏል።

ወ/ሮ አሸነፈች ያላቸው የዳኝነትና የአመራር ልምድ፣ በሀገራችን የሴቶችና የህፃናት መብት ይበልጥ እንዲከበርና የፍትህ ተደራሽነት እንዲሰፋ ለማድረግ ትልቅ ሚና ይኖረዋል። እንዲህ ያሉ ብቁ ሴት አመራሮች ወደ ቁልፍ የሰብዓዊ መብት ተሟጋች ተቋማት መምጣታቸው ለሀገራችን የዲሞክራሲ ስርዓት ግንባታ ትልቅ ፋይዳ አለው።

​ለክብርት ወ/ሮ አሸነፈች አበበ እንኳን ደስ አለዎት!

​#getu #breakingnews #appointment #ehrc #ethiopia #humanrights #womenandchildren #justicesystem #ኢሰመኮ #ሹመት #ሰብዓዊመብት #ፍትህ #ጌጡተመስገን #getutemesgen

ትራምፕ በኢራን ሊገደሉ የነበሩ 8 ሴቶችን ከሞት ታደጉ
#ethiopia | ​ዓለምን ያስደመመ ዲፕሎማሲ! ፕሬዝዳንት ዶናልድ ትራምፕ በኢራን የሞት ፍርድ ተፈርዶባቸው የነበሩ ስምንት ሴት ተቃዋሚዎች በእርሳቸው ቀጥተኛ ጣልቃ ገብነትና ጥያቄ ከሞት ቅጣት መትረፋቸውን በይፋ አስታወቁ።

​ ከስምንቱ ሴቶች መካከል አራቱ ወዲያውኑ እንዲፈቱ፣ ቀሪዎቹ አራቱ ደግሞ የአንድ ወር እስራት ብቻ ተፈርዶባቸው እንዲቆዩ ከኢራን መሪዎች ጋር ስምምነት ላይ ተደርሷል።

​ትራምፕ በ"ትሩዝ ሶሻል" ገጻቸው ባሰፈሩት መልዕክት፣ የኢራን መሪዎች የአሜሪካ ፕሬዝዳንት በመሆናቸው ያቀረቡትን ጥያቄ በማክበራቸው "ከፍተኛ ምስጋና" እንዳላቸው ገልጸዋል።

ይህ እርምጃ በሁለቱ ሀገራት መካከል ባለው ከፍተኛ ውጥረት ውስጥ ለሰላም ድርድር አዲስ በር ሊከፍት እንደሚችል ተስፋ ተጥሎበታል።

ትራምፕ በምርጫ ቅስቀሳ ወቅት "እኔ ከመጣሁ ጦርነት ይቆማል" ያሉትን ቃል በተግባር እያሳዩ ይመስላል። የኢራን መሪዎች ለትራምፕ ጥያቄ እንዲህ ያለ አዎንታዊ ምላሽ መስጠታቸው፣ ከትራምፕ ጋር በጠረጴዛ ዙሪያ ለመደራደር ያላቸውን ፍላጎት ያሳያል። ይህ "የድርድር ጥበብ" (Art of the Deal) ውጤት ይሆን?

​ዲፕሎማሲው ከጦርነቱ ድምጽ ይልቅ እያየለ ነው!

​#getu #breakingnews #trumpiran #hostagerelease #diplomacy #humanrights #artofthedeal #middleeastpeace #trumpnews #ትራምፕ #ኢራን #ዲፕሎማሲ #ሰበርዜና #ጌጡተመስገን #getutemesgen

ስምንቱ ኢራናውያን ሴቶች ከሞት አፋፍ ተመለሱ!
#ethiopia | ​በኢራን መንግስት የሞት ፍርድ ተፈርዶባቸው የነበሩ ስምንት ሴት ተቃዋሚዎች፣ በፕሬዝዳንት ዶናልድ ትራምፕ አስተዳደር ቀጥተኛ ጣልቃ ገብነትና ዲፕሎማሲያዊ ጥረት ከሞት ቅጣት መትረፋቸው በይፋ ተነገረ።

​ፕሬዝዳንት ትራምፕ ይህንን የምስራች በማህበራዊ ገፃቸው ባስተላለፉት መልዕክት፣ ከኢራን ባለስልጣናት ጋር ሲደረግ የነበረው ረጅም ድርድር ስኬታማ በሆነ መንገድ መጠናቀቁን አረጋግጠዋል።

​እንደ ፕሬዝዳንቱ ገለጻ፣ ስምምነቱ በሁለት መልክ ተግባራዊ ሆኗል፦
​አራቱ ሴቶች ያለምንም ቅድመ ሁኔታ በአስቸኳይ ከእስር እንዲፈቱ ተወስኗል።
​
ቀሪዎቹ አራቱ ደግሞ የነበረባቸው የሞት ፍርድ ተሰርዞ፣ በአንድ ወር ቀላል እስራት ብቻ እንዲቀጣ ተደርጓል።
​
​ይህ ያልተጠበቀ እርምጃ ለዓመታት ሻክሮ በቆየው በአሜሪካ እና በኢራን ግንኙነት መካከል አዲስ የሰላም ተስፋ ጭሯል።

ፕሬዝዳንት ትራምፕ ለኢራን መሪዎች ምስጋናቸውን በማቅረብ፣ ይህ ውሳኔ ለወደፊት የሁለቱ ሀገራት የሰላም ድርድር እንደ "ትልቅ የመልካም ፈቃድ ማሳያ" እንደሚቆጠር ገልጸዋል።

​በአሁኑ ወቅት በመላው ዓለም የሚገኙ የሰብዓዊ መብት ተሟጋቾች እና ዓለም አቀፍ ተቋማት ዜናውን በደስታ እየተቀበሉት ሲሆን፣ ድርጊቱ በዲፕሎማሲ አማካኝነት የሰው ልጆችን ሕይወት መታደግ እንደሚቻል ማሳያ ተደርጎ ተወስዷል።

Getu Temesgen - (ጌጡ ተመስገን) #getutemesgen #getu
​#ትራምፕ #ኢራን #የሰብዓዊመብት #ዲፕሎማሲ #ሰላም #trump #iran #humanrights #peaceagreement

ኢትዮጵያዊቷ የሕግ ባለሙያ ሜሮን አራጋው በአፍሪካ ተጽዕኖ ፈጣሪ ተባለች
#ethiopia | ​ናይጄሪያ መቀመጫውን ያደረገውና በመላው አፍሪካ ያሉ ከፍተኛ የህግ ባለሙያዎች ስብስብ የሆነው "ኮርትሩም ሜይል 100" (Courtroom Mail 100) ለ2026 የዓመቱ ተጽዕኖ ፈጣሪ 100 አፍሪካውያን ሴት የህግ ባለሙያዎችን ይፋ ሲያደርግ፣ ከኢትዮጵያ ሜሮን አራጋው በብቸኝነት ተመርጣለች።

​ሜሮን አራጋው ለምን ተመረጠች?

​የላቀ ሙያዊ ብቃት፦
በስርዓተ-ፆታ፣ በወጣቶችና በማህበራዊ ጉዳዮች ዙሪያ በአለምአቀፍ ድርጅት ከፍተኛ አማካሪ ሆና በመስራት ላይ ትገኛለች።

​ታሪካዊ አመራር፦
የኢትዮጵያ የህግ ባለሙያ ሴቶች ማህበር (EWLA) ስራ አስፈጻሚ ዳይሬክተር በመሆን የብዙዎችን መብት በማስከበር ረገድ ትልቅ አሻራ አሳርፋለች።

​የመንግስት አገልግሎት፦
በአዲስ አበባ ከተማ አስተዳደር የሴቶችና ህፃናት ቢሮ ምክትል ኃላፊ በመሆን የፖሊሲ ለውጦች እንዲመጡ ሰርታለች።

​አርአያነት፦
ከዚህ ቀደም ይህንን እውቅና ካገኘችው ከታዋቂዋ የህግ ባለሙያ ብርቱካን ሚደቅሳ በመቀጠል፣ ኢትዮጵያን በአፍሪካ መድረክ ያስጠራች ብርቱ ሴት ሆናለች።

​ለሀገራችን የፍትህ ስርዓት መጠናከርና ለሴቶች መብት መከበር የምትተጋው ሜሮን አራጋው እንኳን ደስ አለሽ!

​#getu #meronaragaw #courtroommail100 #influentialwomen #africanlawyers #ethiopianexcellence #womeninlaw #humanrights #ethiopia #ሜሮንአራጋው #የህግባለሙያ #ኢትዮጵያ #እውቅና #ጌጡተመስገን #getutemesgen

በላሚን ያማል ላይ የተሰነዘረው አስነዋሪ የዘረኝነት ጥቃት
#ethiopia | በትላንትናው ምሽት በባርሴሎና እና በአትሌቲኮ ማድሪድ መካከል በተደረገው ተጠባቂ ጨዋታ፣ የባርሴሎናው ወጣት ኮከብ ላሚን ያማል የአትሌቲኮ ማድሪድ ደጋፊዎች ኢ-ሰብአዊ ለሆነ የዘረኝነት ጥቃት ሰለባ ሆኗል።

በጨዋታው ወቅት በስታዲየሙ የተገኙ ደጋፊዎች ያማልን "በጣም አስቀያሚ ነህ" በማለት ሲሳደቡ የሚያሳይ ቪዲዮ በስፋት የተሰራጨ ሲሆን፣ ከዚህም ባለፈ የዘር ማንነቱን በመጥቀስ "ወደ ሞሮኮ ተመለስ" የሚሉ የጥላቻ መልዕክቶችን ሲያስተላልፉ ተደምጠዋል።

በዚህ ድርጊት ክፉኛ የተበሳጨው ወጣቱ ተጫዋች፣ ጨዋታው ሲጠናቀቅ በከፍተኛ ስሜት ውስጥ ሆኖ ሜዳውን ለቆ መውጣቱ ተስተውሏል። ላሚን ያማል ከዚህ ቀደም በስፔን ደጋፊዎች አማካኝነት በእምነት ላይ የሚሰነዘሩ ትንኮሳዎችን በጽኑ ሲያወግዝ እንደነበር ይታወሳል።

ይህ ተደጋጋሚ እየሆነ የመጣው የዘረኝነት ድርጊት በስፔን እግር ኳስ ላይ ጥቁር ነጥብ እየጣለ ሲሆን፣ የሚመለከታቸው አካላት ተገቢውን እርምጃ እንዲወስዱ ጥሪዎች እየቀረቡ ይገኛሉ።

Getu Temesgen - (ጌጡ ተመስገን)
#getutemesgen #getu #lamineyamal #notoracism #fcbarcelona #laliga #footballnews #humanrights #stopracism #barcelona #atleticomadrid

በቴህራን የታጠቁ ህፃናት ታዩ!
#ethiopia | በኢራን መዲና ቴህራን ባልተለመደ መልኩ ህፃናትና ታዳጊዎች የጦር መሳሪያ ታጥቀው በኬላዎች (Checkpoints) ላይ ፍተሻ ሲያካሂዱ መታየታቸው በዓለም አቀፍ ደረጃ ከፍተኛ ድንጋጤንና መነጋገሪያን ፈጥሯል።

የኢራን አብዮታዊ ጋርድ ያወጣው አዲስ መመሪያ ተከትሎ ነው የተባለው ይህ እርምጃ፣ በከተማዋ ዋና ዋና መንገዶች ላይ የታዩት ታዳጊዎች የጦር መሣሪያ ይዘው መገኘታቸው የብዙዎችን ትኩረት ስቧል።

የታዳጊዎቹ እድሜ እና የመንግስት ውሳኔ
በስፍራው የታዩት ታዳጊዎች እድሜያቸው ከ15 ዓመት በታች እንደሆነ የሚገመት ሲሆን፣ የኢራን መንግስት ይህንን እርምጃ ለመውሰድ ለምን ተገደደ? የሚለው ጥያቄ ሰፊ መላምቶችን እያስነሳ ይገኛል። አንዳንድ መረጃዎች እንደሚያመለክቱት፣ መንግስት የውስጥ የጸጥታ ስጋቶችን ለመቋቋም "የህዝባዊ ሚሊሻ" አባላትን እያሳተፈ መሆኑን ቢገልጽም፣ ህፃናትን ለእንዲህ አይነት አደገኛ ተልዕኮ ማሰማራቱ ግን ከባድ ጥያቄዎችን ጭሯል።

የሰብአዊ መብት ተሟጋቾች ተቃውሞ
የአለም አቀፍ የሰብአዊ መብት ተሟጋቾች ድርጊቱን በጽኑ እያወገዙት ይገኛሉ። ህፃናትን በጦርነትም ሆነ በጸጥታ ስራዎች ላይ ማሳተፍ ዓለም አቀፍ ስምምነቶችን የሚጥስና የታዳጊዎቹን ደህንነት ለአደጋ የሚያጋልጥ መሆኑን በመግለጽ፣ የኢራን መንግስት ድርጊቱን በአስቸኳይ እንዲያቆም እየጠየቁ ነው።

Getu Temesgen - (ጌጡ ተመስገን)
#getutemesgen #getu #iran #tehran #breakingnews #humanrights #geopolitics #middleeast #securityalert #revolutionaryguard #worldpolitics #tehranstreets

በሦስት ሕፃናት ላይ አሰቃቂ ግድያ የፈጸመው ግለሰብ በሞት እንዲቀጣ ተወሰነ
#ethiopia | የጎፋ ዞን ከፍተኛ ፍርድ ቤት፣ በሦስት ሕፃናት ላይ የግድያ ወንጀል እና በአንድ ሕፃን ላይ ደግሞ የግድያ ሙከራ በፈጸመ ግለሰብ ላይ የሞት ቅጣት አስተላለፈ።

የፍርድ ቤቱን ውሳኔ የተመለከቱ ዋና ዋና ነጥቦች፦

* የወንጀሉ ዝርዝር፦ ተከሳሹ አቶ አሮን ዮሐንስ፣ በገዜ ጎፋ ወረዳ አንኮ ጎልማ ቀበሌ ውስጥ ሕዳር 11 ቀን 2018 ዓ.ም ሦስት ሕፃናትን በአሰቃቂ ሁኔታ በመግደል እና በአንዲት ሕፃን ላይ የግድያ ሙከራ በማድረግ በአራት የክስ መዝገቦች ተከሷል።

* የሕግ ጥሰቱ፦ ግለሰቡ የኢ.ፌ.ዴ.ሪ የወንጀል ሕግ አንቀፅ 539 ንዑስ አንቀፅ 1(ሀ)ን በመተላለፍ ክስ ተመስርቶበታል።

* የፍርድ ሂደቱ፦ ፍርድ ቤቱ የዐቃቤ ሕግን የሰውና የሰነድ ማስረጃዎች ከመረመረ በኋላ ተከሳሹ እንዲከላከል ቢጠየቅም፣ "የመከላከያ ማስረጃ የለኝም" በማለቱ በአራቱም ክሶች ጥፋተኛ ተብሏል።

* የቅጣት ውሳኔው፦ ወንጀሉ የተፈጸመው በሕፃናት ላይ መሆኑና ድርጊቱም እጅግ አሰቃቂና ጨካኝ በመሆኑ፣ ዐቃቤ ሕግ የቅጣት ማክበጃ አቅርቧል። በዚህም መሠረት ፍርድ ቤቱ መጋቢት 9 ቀን 2018 ዓ.ም በዋለው ችሎት ተከሳሹ በሞት እንዲቀጣ በአንድ ድምፅ ወስኗል።

Getu Temesgen - (ጌጡ ተመስገን)
#መናኸሪያFM #getutemesgen #getu #ጌጡ #gofa #justice #ethiopia #courtruling #childsafety #news #humanrights

ተመድ በፓኪስታን የአየር ጥቃት ሳቢያ የተከሰተውን ሰብአዊ ቀውስ አወገዘ
#ethiopia | የተባበሩት መንግስታት ድርጅት (ተመድ) ፓኪስታን በአፍጋኒስታን ካቡል በሚገኝ ሆስፒታል ላይ የፈጸመችውን እና የከፋ የሰው ህይወት መጥፋት ያስከተለውን ጥቃት በፅኑ አውግዟል።

ድርጅቱ በጥቃቱ ህይወታቸውን ላጡ ወገኖች የተሰማውን ጥልቅ ሀዘን በመግለጽ፣ ሀገራት ለአለም አቀፍ ህጎች ተገዥ እንዲሆኑና የሌሎችን ሉዓላዊነት እንዲያከብሩ ጥሪ አቅርቧል።

ተመድ በተለይም የህክምና ተቋማት፣ የጤና ባለሙያዎች እና ንፁሃን ዜጎች ላይ የሚሰነዘሩ ጥቃቶች በምንም መልኩ ተቀባይነት እንደሌላቸው አሳስቧል።

በካቡል ሆስፒታል ላይ በተፈጸመው በዚህ ጥቃት ከ400 በላይ ሰዎች ለህልፈት ሲዳረጉ፣ ከ250 በላይ የሚሆኑት ደግሞ ከባድና ቀላል የመቁሰል አደጋ ደርሶባቸዋል።

ፓኪስታን በበኩሏ ጥቃቱ የታለመው በአፍጋኒስታን የጦር ሰፈሮች ላይ እንደነበር በመጥቀስ የቀረበባትን ክስ ለማስተባበል ሞክራለች። ሆኖም የአፍጋኒስታን መንግስት ድርጊቱን በከፍተኛ ሁኔታ በመቃወም፣ በፓኪስታን ላይ ተመጣጣኝ የአፀፋ እርምጃ እንደሚወስድ አስጠንቅቋል።

ክስተቱ በሁለቱ ጎረቤት ሀገራት መካከል ያለውን ውጥረት ይበልጥ እንዳባባሰው ተገልጿል።

Getu Temesgen - (ጌጡ ተመስገን)
#getutemesgen #getu #ጌጡ #unitednations #afghanistan #pakistan #kabul #internationalnews #breakingnews #humanrights #globalconflict

ዶናልድ ትራምፕ ለኢራን ሴት ብሔራዊ ቡድን ተጫዋቾች የጥገኝነት ጥሪ አቀረቡ
#ethiopia | የአሜሪካው ፕሬዝዳንት ዶናልድ ትራምፕ በከፍተኛ የደህንነት ስጋት ላይ ለሚገኙት የኢራን ሴት ብሔራዊ ቡድን ተጫዋቾች የፖለቲካ ጥገኝነት ለመስጠት ዝግጁ መሆናቸውን አስታወቁ።

የክስ መነሻው ምንድን ነው?

የኢራን ብሔራዊ ቡድን ተጫዋቾች በሀገሪቱ ይፋዊ ቴሌቪዥን በ"ሀገር ክህደት" ወንጀል መከሰሳቸው የዓለም አቀፉን ማህበረሰብ ትኩረት ስቧል። ተጫዋቾቹ ወደ ሀገራቸው ቢመለሱ ከፍተኛ ስቃይ አልፎ ተርፎም የሞት ቅጣት ሊጠብቃቸው እንደሚችል የሀገሪቱ መገናኛ ብዙሃን እየዘገቡ ይገኛሉ።

የትራምፕ አቋም

ፕሬዝዳንት ትራምፕ በማህበራዊ ትስስር ገጻቸው ባስተላለፉት መልዕክት የሚከተሉትን ነጥቦች አንስተዋል፦

* ለአውስትራሊያ የቀረበ ጥሪ፦ በአሁኑ ወቅት ተጫዋቾቹን ይዛ የምትገኘው አውስትራሊያ በምንም መልኩ አሳልፋ እንዳትሰጥ እና ጥገኝነት እንድትሰጣቸው ጠይቀዋል።

* የአሜሪካ አማራጭ፦ አውስትራሊያ ይህንን የማታደርግ ከሆነ፣ ተጫዋቾቹ ወደ አሜሪካ እንዲመጡና አስተማማኝ የፖለቲካ ጥገኝነት እንዲሰጣቸው ሀሳብ አቅርበዋል።

ይህ እርምጃ በኢራን እና በምዕራባውያን መካከል ያለውን ዲፕሎማሲያዊ ግንኙነት ይበልጥ ሊያከርረው እንደሚችል እየተገመተ ይገኛል። በተለይም በስፖርተኞች ሰብአዊ መብት ዙሪያ ትልቅ ክርክር ቀስቅሷል።

Getu Temesgen - (ጌጡ ተመስገን)
#getutemesgen #getu #ጌጡ #trump #iran #womensfootball #asylum #usa #humanrights #politicalnews #ethiopia #sportnews

ከህግ በላይ ማንም የለም! የዩኒፎርም ክብርና የዜጎች ደህንነት

ዛሬ በማህበራዊ ሚዲያ የተሰራጨው ምስል/ቪዲዮ እጅግ ልብ የሚሰብርና የሚሰቀጥጥ ነው አንድ የአይሱዙ ሹፌር "ደርቦ ነድተሃል/ገልብጠኸኝ ነበር " በሚል ሰበብ በመከላከያ ሰራዊት አባል በክላሽንኮቭ ተገዶ ተንበርክኮ ሲደበደብ ማየት ማንንም ሰብአዊ ፍጡር ያሳዝናል።

የትራፊክ ጥፋትም ሆነ አደጋ ቢከሰት ውሳኔ መስጠት ያለበት የትራፊክ ፖሊስና የፍትህ አካላት እንጂ በግል መሳሪያን አውጥቶ መቅጣት አይደለም ዩኒፎርም የህግ ማስከበሪያ እንጂ የጭቆና መገልገያ መሆን የለበትም የኢትዮጵያ መከላከያ ሰራዊት የህዝብ አለኝታና የሀገር ጋሻ ነው።

እንዲህ ያሉ ጥቂት ግለሰቦች የሚፈጽሙት የዲሲፕሊን ጉድለትና የግል በቀል ደምና አጥንቱን እየገበረ ያለውን መላውን የሰራዊቱን ስም ያጎድፋል።

ማንኛውም ዜጋ ጥፋተኛ እንኳን ቢሆን ሰብአዊ ክብሩ ተጠብቆ በህግ ፊት የመቅረብ መብት አለው።

አንድን ሹፌር አንበርክኮ መደብደብ የለየለት ወንጀልና ስርዓት አልበኝነት ነው።
የሚመለከተው የመከላከያ ከፍተኛ አመራርና የፍትህ አካላት ይህንን ድርጊት የፈጸመውን ግለሰብ ህግ ፊት ማቅረብ አለባቸው

ሰራዊቱ የህዝብ ወገንተኝነቱን በተግባር እንዲያሳይ እንዲህ ያሉ በስሜት የሚነዱ አባላትንም ከቅዱስ ሙያው እንዲያርቅ ይመከራል

ፍትህ ለተበዳዩ ሹፌር!
ክብር ለህግ የበላይነት! #ethiopia #humanrights #accountability #ethiopiandefenseforce #justice

በናይጄሪያ በ20 ቀናት ውስጥ የ323 ሰዎች ሕይወት አለፈ
#ethiopia | በናይጄሪያ በየካቲት ወር የመጀመሪያዎቹ 20 ቀናት ብቻ በተለያዩ አካባቢዎች በተፈጸሙ ጥቃቶች ቢያንስ 323 ሰዎች መገደላቸውን ዓለም አቀፉ የሰብዓዊ መብት ተሟጋች ድርጅት አምነስቲ ኢንተርናሽናል አስታወቀ።

ደካማ የመንግሥት ጥበቃ እና "የማስጠንቀቂያ ደብዳቤዎች"
አምነስቲ ባወጣው መግለጫ፣ ይህ ከፍተኛ የሟቾች ቁጥር የፕሬዝዳንት ቦላ ቲኑቡ አስተዳደር ለዓመታት በታጠቁ ቡድኖችና ግለሰቦች የሚፈጸሙ የጭካኔ ድርጊቶችን ለማስቆም የሚያስችል ውጤታማ ስትራቴጂ እንደሌለው ማሳያ ነው ብሏል።

በተለይ ደግሞ በአንዳንድ አካባቢዎች ታጣቂዎቹ ጥቃት ከመፈጸማቸው በፊት ለነዋሪዎቹ የማስጠንቀቂያ ደብዳቤ እንደሚልኩ የተገለጸ ሲሆን፣ ይህ እየታወቀ ግን ጥቃቱን መከላከል አለመቻሉ የመንግሥትን ድክመት ይበልጥ አጉልቶታል።

"መንግሥት አሳልፎ ሰጥቶናል" - ነዋሪዎች
በአካባቢው የሚገኙ ነዋሪዎች መንግሥት ለደኅንነታቸው ቅድሚያ ከመስጠት ይልቅ "ለታጣቂዎች አሳልፎ ሰጥቶናል" የሚል ከፍተኛ ቅሬታ እያቀረቡ ይገኛሉ። አምነስቲ ኢንተርናሽናል በበኩሉ መንግሥት የዜጎቹን ደኅንነት የመጠበቅና የመከላከል ቀዳሚ ግዴታውን እንዳልተወጣ በማሳሰብ፣ አስቸኳይ እርምጃ እንዲወሰድ ጥሪ አቅርቧል።

Getu Temesgen - (ጌጡ ተመስገን)
#getutemesgen #getu #ጌጡ #nigeria #amnestyinternational #humanrights #securitycrisis #africanews #የናይጄሪያዜና

ለፍትህ፣ ለእኩልነት እና ለሰው ልጅ ክብር ሲታገሉ የኖሩት ታላቁ ሰው ጄሲ ጃክሰን ብለዋል
#ethiopia | ታዋቂው የሰብዓዊ መብት ተሟጋችና የፖለቲካ መሪ ሬቨረንድ ጄሲ ጃክሰን በ84 ዓመታቸው ከዚህ ዓለም በሞት መለየታቸው ተሰምቷል።

ጃክሰን ከዶክተር ማርቲን ሉተር ኪንግ ጁኒየር ጎን ቆመው የጀመሩትን የነጻነት ትግል፣ ለብዙ አስርተ ዓመታት በጽናት በመቀጠል በሚሊዮኖች ልብ ውስጥ የተስፋ ብርሃን የለኮሱ ታላቅ ሰው ነበሩ።

የማይረሳ አሻራ

* የነጻነት ታጋይ፦ በዘረኝነት እና በጭቆና ላይ ያሳዩት የማይበገር ጽናት።

* ቀዳሚ መሪ፦ ለጥቁር አሜሪካውያን በፖለቲካው መድረክ በር የከፈቱ እና "Rainbow Coalition" በሚለው ንቅናቄያቸው ብዙሃኑን ያስተባበሩ።

* የሰላም መልዕክተኛ፦ በአለም ዙሪያ ለታሰሩና ለተገፉ ወገኖች ድምፅ በመሆን የኖ
የተኖረ ህይወት ማለት እንዲህ ነው—ለራስ ብቻ ሳይሆን ለሌሎች ብርሃን ሆኖ ማለፍ።

ነፍስ ይማር

Getu Temesgen - (ጌጡ ተመስገን)
#getutemesgen #getu #ጌጡ #jessejackson #civilrightsicon #restinpower #legacy #humanrights #justice #jessejacksonrip

ሩሲያ ጾታ የቀየሩ ግለሰቦች ልጆችን በማደጎ እንዳይወስዱ የሚያግደውን ሕግ አጸደቀች
#ethiopia | የሩሲያ ፕሬዝዳንት ቭላድሚር ፑቲን በሀገሪቱ የሚገኙ ትራንስጀንደር ግለሰቦች ህፃናትን በጉዲፈቻም ሆነ በሞግዚትነት እንዳያሳድጉ የሚከለክለውን አዲስና ጠንካራ ሕግ በይፋ ፈርመው አጽድቀዋል። ይህ ውሳኔ ሞስኮ "ባህላዊ የቤተሰብ እሴቶችን" ለመጠበቅ በሚል ከወሰደቻቸው ተከታታይ እርምጃዎች መካከል ዋነኛው ሆኖ ተመዝግቧል።

ይህ አዲስ ድንጋጌ በሩሲያ ምድር ጾታን ለመቀየር የሚደረጉ ማንኛውንም ዓይነት የሕክምና ሂደቶችን፣ የቀዶ ጥገና እና የሆርሞን ሕክምናዎችን ሙሉ በሙሉ ያግዳል። በተጨማሪም ግለሰቦች በመንግሥት መታወቂያ ሰነዶቻቸው ላይ ጾታቸውን መቀየር የማይችሉ ሲሆን፣ ከዚህ ቀደም ጾታቸውን ቀይረው ትዳር የመሠረቱ ግለሰቦች ጋብቻም በሕግ ፊት ተቀባይነት እንደሌለው እና እንደሚፈርስ ተደንግጓል።

የሕጉ ተጽዕኖ በሩሲያ ዜጎች ላይ ብቻ የተገደበ አይደለም። ጾታ መቀየርን በሕግ የሚፈቅዱ የውጭ ሀገራት ዜጎች ከሩሲያ ልጆችን በጉዲፈቻ እንዳይወስዱ በቋሚነት እገዳ ተጥሎባቸዋል። የሩሲያ ባለሥልጣናት ይህንን እርምጃ "ከምዕራባውያን አጥፊ ተጽዕኖዎች እና ከተፈጥሮ ውጪ ከሆነ አስተሳሰብ" ሕፃናትን ለመታደግ የተወሰደ ወሳኝ እርምጃ ነው ሲሉ ተከራክረዋል።

በሌላ በኩል፣ ዓለም አቀፍ የሰብአዊ መብት ተሟጋች ድርጅቶች ሕጉ አድሎአዊ፣ ጭካኔ የተሞላበት እና የዜጎችን መሠረታዊ የጤና እና የመኖር መብት የሚጋፋ ነው ሲሉ አጥብቀው ተቃውመዋል። ሩሲያ ከዚህ ቀደም ዓለም አቀፍ የኤል.ጂ.ቢ.ቲ.ኪው (LGBTQ+) ንቅናቄን "አክራሪ" ድርጅት በሚል መፈረጇ የሚታወስ ሲሆን፣ ይህ አዲስ ሕግ በሀገሪቱ ያለውን የሰብአዊ መብት አያያዝ ይበልጥ ጥያቄ ውስጥ ከቶታል።

Getu Temesgen - (ጌጡ ተመስገን
#getutemesgen #getu #ጌጡ #russia #putin #transrights #newlaw #adoptionban #lgbtq #worldnews #humanrights #ሩሲያ #ፑቲን #ዓለምአቀፍዜና #ትራንስጀንደር

🤝 የተቃዋሚ ፓርቲ አመራሮች ከአሜሪካ ኤምባሲ ጋር ተወያዩ!
#ethiopia | ​"ጦርነቶች እንዲቆሙ እና የፖለቲካ እስረኞች እንዲፈቱ አቋማቸውን ገልጸዋል"

​የ"ትብብር ለኢትዮጵያ አንድነት" አመራሮች በዛሬው ዕለት ከአሜሪካ ኤምባሲ የስራ ኃላፊዎች ጋር መወያየታቸውን አሕአፓ (መኢአድ) አስታውቋል።

​በውይይቱ የተነሱ ዋና ዋና ጉዳዮች፡

ፓርቲው በማህበራዊ ትስስር ገጹ እንደገለጸው፤ በውይይቱ ወቅት በሀገሪቱ ስላሉ አንገብጋቢ ጉዳዮች ምክክር ተደርጓል። ከነዚህም መካከል፡-

📌 ወቅታዊ የሀገሪቱ ሁኔታ እና የጦርነት ጉዳይ፣
📌 የፖለቲካ እስረኞች አያያዝ እና የሚዲያ አፈና፣
📌 የንጹሀን እልቂት እና አጠቃላይ የፖለቲካ ምሕዳሩ መውረድ (መጥበብ) ተነስተዋል።

​የቅንጅቱ አቋም ምንድን ነው?

አመራሮቹ ለኤምባሲው እንዳስታወቁት፤ ቅንጅቱ በሚከተሉት ነጥቦች ላይ ጠንካራ አቋም አለው፡-

1️⃣ በትግል ላይ ያሉ ሁሉም አካላት የሚያምኑበት ትክክለኛ ፖለቲካዊ ድርድር ተደርጎ ጦርነቶች እንዲቆሙ፣

2️⃣ የንጹሀን ግድያ በአስቸኳይ እንዲበቃ፣

3️⃣ ሁሉም የፖለቲካ እና የማንነት እስረኞች ያለምንም ቅድመ ሁኔታ እንዲፈቱ፣

4️⃣ የፖለቲካ ምሕዳሩ እንዲሰፋ ትግሉን አጠናክሮ ይቀጥላል።

​ምንጭ፡ አሕአፓ

​#oppositionparties #usembassy #ethiopianpolitics #dialogue #humanrights #aapo #ethiopia #getutemesgen #getu #ጌጡ #ጌጡተመስገን

በእንግሊዝ በፆታዊ ትንኮሳ የተጠረጠረው ኢትዮጵያዊ ወጣት ክሱን አስተባበለ
#ethiopia | በእንግሊዝ ሳውዝአምፕተን ከተማ በሚገኝ የስደተኞች መጠለያ ሆቴል ውስጥ "ፆታዊ ትንኮሳ ፈጽመሃል" ተብሎ የተከሰሰው የ23 ዓመቱ ወጣት መላኩ ገብረሰንበት፣ የቀረበበትን ወንጀል አለመፈጸሙን ለፍርድ ቤት ገለጸ።

የጉዳዩ ዝርዝር፦
* ክሱ፦ ተጠርጣሪው በሳውዝአምፕተን በሚገኘው "ሀይፊልድ ሀውስ" ሆቴል አንዲት ሴትን ቀርቦ በመያዝ ትንኮሳ ፈጽሟል ተብሎ ባለፈው አርብ በቁጥጥር ስር ውሏል።

* የተጠርጣሪው ምላሽ፦ ረቡዕ ዕለት ፍርድ ቤት የቀረበው መላኩ፣ የቀረበበትን የትንኮሳ ክስ ሙሉ በሙሉ አስተባብሏል።

* የጥገኝነት ቆይታ፦ ተጠርጣሪው በኤርትራ ተወልዶ የኢትዮጵያ ዜግነት ያለው ሲሆን፣ የጥገኝነት ጥያቄው ምላሽ ሳያገኝ ለአምስት ዓመታት ያህል በመጠባበቅ ላይ እንደነበረ ጠበቃው ገልጸዋል።

የፍርድ ቤቱ ውሳኔ፦
ፍርድ ቤቱ የተጠርጣሪውን የዋስትና ጥያቄ ውድቅ በማድረግ፣ ለተጨማሪ ምርመራና ለዋስትና ክርክር ሌላ ቀጠሮ ሰጥቷል።
ከባቢ ሁኔታዎች፦

ይህ ክስተት የተመዘገበበት "ሀይፊልድ ሀውስ" ሆቴል፣ ከቅርብ ጊዜ ወዲህ በስደተኞች ላይ በሚቃወሙና ስደተኞችን በሚደግፉ (Stand Up to Racism) ቡድኖች መካከል ከፍተኛ ውጥረትና የተቃውሞ ሰልፍ ሲካሄድበት የቆየ ቦታ መሆኑ ጉዳዩን አነጋጋሪ አድርጎታል።
ማስታወሻ፦

ከጥቂት ወራት በፊት በተመሳሳይ የፆታዊ ትንኮሳ ወንጀል ጥፋተኛ የተባለው ሐዱሽ ቅባቱ የተባለ ኢትዮጵያዊ ስደተኛ፣ ከእስር በኋላ ከሀገር እንዲባረር ተደርጎ ወደ ኢትዮጵያ መመለሱ ይታወሳል።

Getu Temesgen - (ጌጡ ተመስገን)
#uknews #southampton #legalnews #ethiopiandiaspora #migrantnews #humanrights #ukcourt #communitynews

🛑 "ፍቅረኛዬን አልወደዳችሁትም" በሚል በገዛ ልጆቿ ላይ አሰቃቂ በደል የፈፀመችው እናት በ25 ዓመት ፅኑ እስራት ተቀጣች!
#ethiopia | በምስራቅ ባሌ ዞን ጊኒር ከተማ "ያፈቀርኩትን ሰው አልወደዳችሁትም" በሚል ምክንያት በሁለት ለጋ ልጆቿ ላይ ዘግናኝ የአካል እና የስነ-ልቦና ጥቃት ስትፈፅም የነበረችው ልእልቲ አበበ የተባለች ግለሰብ፣ በከፍተኛ ፍርድ ቤት የ25 ዓመት ፅኑ እስራት ተፈረደባት።

📍 የጉዳዩ ዝርዝር

የ37 ዓመቷ ልእልቲ አበበ፣ ከቀድሞ ትዳሯ ያፈራቻቸውን የ7 እና የ15 ዓመት ሴት ልጆቿን ከአባታቸው ዘንድ በማምጣት አብረዋት እንዲኖሩ ታደርጋለች። ይሁን እንጂ ግለሰቧ ካፈቀረችው ሰው ጋር ለመዳራት ስትል ልጆቿን በመፀዳጃ ቤት (ሽንት ቤት) ውስጥ እንዲያድሩ ታስገድድ እንደነበር የፖሊስ ምርመራ ያሳያል።

⛓️ የተፈፀሙ በደሎች፦

ልጆቹ ይህንን ኢ-ሰብአዊ ድርጊት በመቃወማቸውና የእናታቸውን ፍቅረኛ ባለመውደዳቸው ምክንያት፦

* ተደጋጋሚ ድብደባና የአካል ጉዳት ይደርስባቸው ነበር።

* ትልቋ ልጅ ትምህርቷን እንድታቋርጥ ተደርጋ በጉልበት ስራ እንድትሰማራ ተገዳለች።
* ትንሿ የ7 ዓመት ህፃን ደግሞ "ገበናዬን ለሰው አወራሽ" በሚል በቃጠሎ ጭምር የሚገለጽ አሰቃቂ እንግልት ደርሶባታል።

⚖️ የፍርድ ቤቱ ውሳኔ፦

ለሁለት ዓመታት በሚስጥር የታቀፈው ይህ ግፍ፣ ህዳር 9 ቀን 2018 ዓ.ም ታዳጊዋ ለምህራኖቿ በፈሰሰችው እንባ አማካኝነት ለፖሊስ ደርሷል። የምስራቅ ባሌ ዞን ከፍተኛ ፍርድ ቤት የቀረቡትን የህክምና ማስረጃዎች እና የተጎጂዎችን ቃል መርምሮ፣ ተከሳሿ "ታስቦ በሚፈፀም ከባድ የአካል ጉዳት እና በህፃናት ጉልበት ብዝበዛ" ጥፋተኛ መሆኗን አረጋግጧል።

በዚህም መሰረት ጥር 6 ቀን 2018 ዓ.ም በዋለው ችሎት፣ ልእልቲ አበበ በ 25 ዓመት ፅኑ እስራት እንድትቀጣ ወስኖባታል።

Getu Temesgen - (ጌጡ ተመስገን)
#justiceforchildren #childabuse #ethiopianews #bale #policenews #legalaction #humanrights #protectourchildren

ሩሲያ "የሰይጣን አምልኮን" በአክራሪነት ፈርጃ አገደች
#ethiopia | የሩሲያ ጠቅላይ ፍርድ ቤት "የሰይጣን አምልኮን" እና "ዓለም አቀፍ የሰይጣን አምላኪዎች ንቅናቄን" በአክራሪነት (Extremist) በመፈረጅ፣ በመላው ሀገሪቱ ማንኛውም ዓይነት እንቅስቃሴ እንዳያደርጉ ሙሉ በሙሉ ማገዱን አስታወቀ።

በዳኛ ኦሌግ ኔፌዶቭ የተመራውና በዝግ ችሎት የተካሄደው የፍርድ ቤት ክርክር፣ የሰይጣን አምልኮ መርሆዎችንና ማናቸውንም መናፍስታዊ ሥርዓቶች በሕግ የታገዱ መሆናቸውን አጽንቷል። ውሳኔውን ተከትሎ የሩሲያ አቃቤ ሕግ በሰጠው መግለጫ፣ እርምጃው "በመልካም እና በክፉ መካከል ለዘመናት ለሚካሄደው ትግል የተገኘ የሕግ ድል ነው" ብሎታል።

የእገዳው መነሻና የቤተ ክርስቲያን ሚና
ይህ ውሳኔ ከመተላለፉ በፊት ላለፈው አንድ ዓመት ያህል በመንግሥት ባለሥልጣናት እና በሃይማኖት መሪዎች ዘንድ ሰፊ ቅስቀሳ ሲደረግ ቆይቷል። በተለይም የሩሲያ ኦርቶዶክስ ቤተ ክርስቲያን መሪ ፓትርያርክ ኪሪል፣ የሰይጣን አምልኮ ቡድኖች ወጣቶችን እየመለመሉ ነው በሚል መንግሥት እርምጃ እንዲወስድ በይፋ አሳስበው ነበር።

ሰፊ አንድምታ ያለው ፈረጃ

ዘገባዎች እንደሚያመለክቱት፣ ይህ አዲስ እገዳ ከሰይጣን አምልኮ በተጨማሪ ሌሎች ማህበራዊ ጉዳዮችንም ያጠቃልላል። በዘመቻው ወቅት የሚከተሉት አካላት ከሰይጣን አምልኮ ጋር ተያይዘው ሲፈረጁ ቆይተዋል፦

* የኤል.ጂ.ቢ.ቲ (LGBT) ማህበረሰብ አባላት፣

* ፅንስ ማስወረድን የሚደግፉ ወገኖች፣

* ልጅ ላለመውለድ (Child-free) የሚሟገቱ ስብስቦች።
የመብት ተሟጋቾች ስጋት

በሌላ በኩል፣ የሰብዓዊ መብት ተሟጋቾች እና የሕግ ባለሙያዎች በውሳኔው ላይ ስጋታቸውን እየገለጹ ይገኛሉ። "ዓለም አቀፍ የሰይጣን አምላኪዎች ንቅናቄ" የሚባል አንድ ወጥ ድርጅት በሌለበት ሁኔታ፣ እንዲህ ዓይነት ሰፊ እገዳ መጣሉ መንግሥት "ባህላዊ እሴቶችን ይቃረናሉ" የሚላቸውን ግለሰቦች እና ቡድኖች ለማጥቃት እንደ ሽፋን ሊጠቀምበት ይችላል የሚል ስጋት አሳድሯል።

ይህን ውሳኔ ያስተላለፉት ዳኛ ኦሌግ ኔፌዶቭ፣ በ2023 በተመሳሳይ መልኩ ዓለም አቀፍ የኤል.ጂ.ቢ.ቲ ንቅናቄን በአክራሪነት ፈርጀው ማገዳቸው የሚታወስ ነው።

Getu Temesgen - (ጌጡ ተመስገን)
#ሩሲያ #የሰይጣንአምልኮ #የሕግውሳኔ #ሞስኮ #ዓለምአቀፍዜና #russia #satanismban #legalnews #humanrights #olegnefedov

በኢራን የተጫረው እሳት አልጠፋ አለ

🔴 የኢራን ውጥረት የሟቾች ቁጥር 36 ደረሰ
#ethioopia | በኢራን በተከሰተው የኢኮኖሚ ቀውስ ሳቢያ የተቀሰቀሰው ህዝባዊ ተቃውሞ ወደ አስከፊ ግጭት ማምራቱ ተገለጠ። ላለፉት 10 ቀናት በዘለቀው በዚህ ተቃውሞ ቢያንስ 36 ሰዎች መገደላቸውን መቀመጫውን በውጭ ያደረገው "ሀራና" የተሰኘው የሰብአዊ መብት ተሟጋች ድርጅት አስታውቋል።

📊 የጉዳቱ ዝርዝር በአኃዝ

እንደ ተሟጋች ድርጅቱ ዘገባ ከሆነ፦

* ሟቾች፦ 34 ተቃዋሚዎች እና 2 ከጸጥታ ሃይሎች ጋር ግንኙነት ያላቸው ሰዎች።
* እስራት፦ በአጠቃላይ 2,076 ሰዎች በቁጥጥር ስር ውለዋል።
* ጉዳት፦ ከ60 በላይ ተቃዋሚዎች ላይ የመቁሰል አደጋ ደርሷል።
* ስርጭት፦ ተቃውሞው ከአገሪቱ 31 አውራጃዎች ውስጥ ወደ 27ቱ ተስፋፍቷል።

🏥 የሆስፒታሎች ወረራ እና ዓለም አቀፍ ውግዘት

አምነስቲ ኢንተርናሽናል ባወጣው መግለጫ፣ የኢራን አብዮታዊ ጥበቃ እና የፖሊስ ልዩ ሃይሎች በሆስፒታሎች ላይ ጥቃት መፈጸማቸውን ገልጿል። የጸጥታ ሃይሎቹ ወደ ሆስፒታል ግቢ ውስጥ አስለቃሽ ጭስ በመተኮስ፣ የመስታወት በሮችን በመሰባበር እና የህክምና ሰራተኞችን ጨምሮ በውስጥ ያሉትን ሰዎች በመደብደብ "ዓለም አቀፍ ህግን የጣሰ" እርምጃ መውሰዳቸውን ድርጅቱ አጋልጧል።

የዩናይትድ ስቴትስ ግዛት ዲፓርትመንት በበኩሉ በሆስፒታሉ ላይ የተፈጸመውን ወረራ “በሰብአዊነት ላይ የተፈጸመ ግልጽ ወንጀል” ሲል አውግዞታል።

⚖️ የመንግስት ምላሽ

የኢራን ባለስልጣናት እስካሁን አጠቃላይ የሟቾችን ቁጥር ይፋ ባያደርጉም፣ ሶስት የጸጥታ አባላት መገደላቸውን አረጋግጠዋል። ከፊል መንግስታዊ ሚዲያዎች በበኩላቸው፣ የጸጥታ ሃይሎች "ሁከት ፈጣሪዎች" ባሏቸው ወገኖች ላይ እርምጃ መውሰዳቸውን እየዘገቡ ይገኛሉ።

Getu Temesgen - (ጌጡ ተመስገን)
#ኢራን #ህዝባዊተቃውሞ #ሰብአዊመብት #አምነስቲ #ኢኮኖሚቀውስ #ዓለምአቀፍዜና #iranprotests #humanrights

ሳዑዲ ዓረቢያ በ2025 በታሪኳ ከፍተኛውን የሞት ቅጣት መፈጸሟ ተገለጸ፤ 356 ሰዎችን ቀጥታለች
#ethiopia | ሳዑዲ ዓረቢያ በተጠናቀቀው የ2025 የፈረንጆቹ ዓመት 356 ሰዎችን በሞት መቅጣቷ ተነገረ። ይህም ሀገሪቱ በአንድ ዓመት ውስጥ የፈጸመችው ከፍተኛው የሞት ቅጣት ቁጥር ሆኖ መመዝገቡ ተገልጿል።

ከእፅ ዝውውር ጋር የተያያዘው የቅጣት ጭማሪ
ለተመዘገበው ከፍተኛ ቁጥር ዋነኛው ምክንያት ከእፅ ዝውውር ጋር የተያያዙ ወንጀሎች መሆናቸው ታውቋል። ከጠቅላላው የሞት ቅጣት ሰለባዎች መካከል 243ቱ (ወይም 68 በመቶ ያህሉ) ከእፅ ዝውውር ጋር በተያያዘ የተከሰሱ መሆናቸው ተመልክቷል።

የፖሊሲ ለውጥ🔎

ሳዑዲ ዓረቢያ በ2022 እ.ኤ.አ ከእፅ ጋር በተያያዙ ወንጀሎች ሰዎችን በሞት መቅጣት አቁማ የነበረ ቢሆንም፣ በ2025 ግን ይህንን አሠራር ዳግም አስጀምራለች። ይህ የቅጣት እርምጃ በአንድ ዓመት ውስጥ በዚህ መጠን ሲፈጸም በሀገሪቱ ታሪክ የመጀመሪያው መሆኑን መረጃዎች ያመለክታሉ።

ዓለም አቀፍ ስጋት 🎲

ይህ በከፍተኛ ሁኔታ የጨመረው የሞት ቅጣት አፈጻጸም በዓለም አቀፍ የሰብዓዊ መብት ተሟጋች ድርጅቶች ዘንድ ከፍተኛ ስጋትን ፈጥሯል። በተለይም ሀገሪቱ ቀደም ሲል የጀመረችውን የማሻሻያ እርምጃዎች ወደኋላ የሚመልስ ነው በሚል ትችቶች እየቀረቡባት ይገኛሉ።

Getu Temesgen - (ጌጡ ተመስገን)
#ሳዑዲዓረቢያ #የሞትቅጣት #እፅዝውውር #ሰብዓዊመብት #ዓለምአቀፍዜና #ሪያድ #saudiarabia #deathpenalty #drugtrafficking #humanrights #news