ከመኪና ሽያጭ ጋር ተያይዞ የሕግ ጥሰቶች የሚፈጸሙ አካላት ላይ እርምጃ እየተወሰደ ነው - የአዲስ አበባ ገቢዎች ቢሮ

በመዲናዋ በመኪና አስመጪዎች እና በኮሚሽን ሠራተኞች በኩል የሚፈጸምን የታክስ ስወራ እና የግብር ማጭበርበር ድርጊት ለመግታት ጠንካራ የሕግ ማስከበር ሥራ እየሠራ መሆኑን የአዲስ አበባ ገቢዎች ቢሮ አስታወቀ።

ቢሮው በሰጠው መግለጫ እንደገለጸው፣ በርካታ የመኪና አስመጪዎች ለከተማ አስተዳደሩ የሚገባውን ወርሃዊ ቫት እና ዓመታዊ ግብር ላለመክፈል ሲሉ ሽያጮቻቸውን በኮሚሽን ሠራተኞች አማካይነት እያካሄዱ ይገኛሉ።

በተጨማሪም አብዛኞቹ አስመጪዎች አድራሻቸው ሳይታወቅ ከዋጋ በታች ደረሰኝ በመቁረጥ ከፍተኛ የግብር ስወራ ወንጀል እንደሚፈጽሙ በተካሄደው ጥናት መረጋገጡ በመግለጫው ተጠቅሷል።

በታክስ ሕጉ መሠረት በሌሎች ክልሎች የተመዘገቡ አስመጪዎች አዲስ አበባ ውስጥ ሽያጭ ለማካሄድ በሚያስችል መልኩ የክልል ንግድ ፈቃዱን ማስጠቀስ፣ የመሸጫ ቦታ መከራየት እና የሽያጭ መመዝገቢያ ማሽኖቻቸውን ማስተካከል ይጠበቅባቸዋል።

ማንኛውም አስመጪ ያስገባውን መኪና መሸጥ ያለበት በኮሚሽን ሠራተኞች አድራሻ ሳይሆን ንግድ ፈቃድ ባወጣበት ቦታ ብቻ ሊሆን እንደሚገባም ቢሮው አሳስቧል።

የኮሚሽን ንግድ ፈቃድ ያላቸው ሠራተኞችም ቢሆኑ በኮሚሽን ፈቃድ የመኪና መሸጫ ግቢዎችን ተከራይተው ከአስመጪዎች የተረከቧቸውን መኪኖች መሸጥ በሕግ ተጠያቂ የሚያደርግ የታክስ ስወራ ወንጀል መሆኑን ተገንዝበው ከድርጊቱ እንዲቆጠቡ ጥሪ ቀርቧል።

ቢሮው ከመኪና ሽያጭ ጋር ተያይዞ የሕግ ጥሰቶችን የሚፈጸሙ አካላት ላይ ከሚመለከታቸው አካላት ጋር በመቀናጀት ሕግ የማስከበር እርምጃውን አጠናክሮ እንደሚቀጥልም ገልጿል።

በግብር አመቱ ከተፈቀደላቸው ዘርፎች ውጪ የሂሳብ መዝገብ ሳያቀርቡ በሚቀሩ ግብር ከፋዮች ላይ በግብር ህጉ መሰረት ቅጣት በማድረግ ህጉ ተፈጻሚ እንዲሆን መመሪያ ተሰጠ።

​የአዲስ አበባ ከተማ አስተዳደር ገቢዎች ቢሮ በህጉ የተቀመጠውን የሂሳብ መዝገብና መግለጫ የማቅረብ ግዴታ ወደ ጎን በመተው ገቢያቸውን ለመደበቅ በሚሞክሩ አካላት ላይ አስተማሪ እርምጃ እንዲወሰድ መመሪያ ሰጥቷል።

ቢሮው የ2018 የግብር ዘመን የማሳወቂያ ጊዜ የሂሳብ መዝገብ የማይዙ ግብር ከፋዮች የሚስተናገዱበትን የአሰራር ስርዓትን የሚዘረጋ መመሪያ አውጥቷል።

ቢሮው ባወጣው መመሪያ እንዳስታወቀው፣ የሂሳብ መዝገብ አለመያዝ እንደ አማራጭ ሊወሰድ እንደማይችልና አሰራሩን ጥሰው በሚገኙ ከፋዮች ላይ አስተማሪ የህግና የአስተዳደር ቅጣቶች ይጣላሉ።

​እንደ ገቢዎች ቢሮ ማብራሪያ፣ በተሻሻለው የፌዴራል ገቢ ግብር አዋጅ ቁጥር 1395/2017 አንቀጽ 3/ሀ፣ 6 እና አንቀጽ 50/ለ እንዲሁም በገቢ ግብር አዋጅ ቁጥር 979/2008 አንቀጽ 21፣ 33 እና 82 ድንጋጌዎች መሰረት ማንኛውም የደረጃ «ሀ» እና ደረጃ «ለ» ግብር ከፋይ አመታዊ ጠቅላላ ገቢውን በሰነድና በሂሳብ መዝገብ አስደግፎ የማሳወቅ፣ ሰነዶችን የመያዝ እና ግብር የመክፈል ሙሉ ግዴታ አለበት።

ሆኖም መመሪያው በልዩ ሁኔታ ካካተታቸው የተወሰኑ ዘርፎች ውጪ ሆነው ሰነድ ሳያቀርቡ የሚቀሩ አካላት ድርጊት በቀጥታ «ግብርን ለመሰወር የሚደረግ ድርጊት» ተደርጎ የሚወሰድ ነው ብሏል።

​በመሆኑም ይህንን የህግ ጥሰት በፈጸሙ ግብር ከፋዮች ላይ በግብር ህጉ መሰረት የሚከተሉት ቅጣቶች ተፈፃሚ የሚደረጉ መሆኑም ገልጿል፦

- በገቢ ግብር አዋጅ ቁጥር 979/2008 አንቀጽ 80 መሰረት፣ በደንብ ቁጥር 410/2009 ለደረጃ «ሐ» ግብር ከፋዮች የተቀመጠው የትርፋማነት ህዳግ ለእነዚህ አካላት በእጥፍ  አድጎ እንዲሰላ ይደረጋል።

- በታክስ አስተዳደር አዋጅ ቁጥር 983/2008 አንቀጽ 109 እና 110 ድንጋጌዎች መሰረት፣ ታክሱን ባለማሳወቃቸው ምክንያት በሚፈጠረው የታክስ ጉድለት ላይ 40 በመቶ እንዲሁም በዋናው የታክስ መጠን ላይ 200 በመቶ ተጨማሪ የገንዘብ ቅጣት እንዲጣል ይደረጋል።

​የአዲስ አበባ ከተማ ገቢዎች ቢሮ አክሎ እንዳሳሰበው፣ በዚህ መልኩ በቅጣትና በእጥፍ የትርፍ ህዳግ የሚስተናገዱ ማናቸውም ግብር ከፋዮች ዝርዝር ፋይልና መረጃ ተደራጅቶ ለህግ ተገዥነት ዘርፍ እንዲተላለፍ ይደረጋል።

ቲክቫህ ኢትዮጵያ
አዲስ አበባ
መስከረም 30 ቀን 2019 ዓ/ም

@tikvahethiopia Photo

ኦሮሚያ ባንክ ጠቅላላ ሀብቱን ከ105.7 ቢሊዮን ብር በላይ ማድረሱን አስታወቀ
#fastmereja I ኦሮሚያ ባንክ በ2025/2026 የበጀት ዓመት በሁሉም ዋና ዋና ቁልፍ የአፈፃፀም መለኪያዎች አመርቂ ውጤት ማስመዝገቡን አስታወቀ። የባንኩ 17ኛው መደበኛ እና 6ኛው አስቸኳይ የባለአክሲዮኖች ጠቅላላ ጉባዔ በአዲስ ኢንተርናሽናል ኮንቬንሽን ማዕከል የተካሄደ ሲሆን፤ የባንኩ የዳይሬክተሮች ቦርድ ሰብሳቢ ዶ/ር አስፋ ስሜ ለጉባዔው ዓመታዊ የስራ ሪፖርት አቅርበዋል። እንደ ባንኩ መግለጫ፣ የፋይናንስ ዘርፉ በአለም አቀፍ እና ሀገራዊ ተግዳሮቶች እየተፈተነ ቢገኝም፣ ባንኩ ለፈተናዎቹ ሳይበገር ጠቅላላ ሀብቱን ከ105.7 ቢሊዮን ብር በላይ ማድረስ ችሏል። ይህ አፈፃፀም ካለፈው የበጀት ዓመት ጋር ሲነፃፀር የ24 በመቶ እድገት አሳይቷል።

በበጀት ዓመቱ አጠቃላይ የተቀማጭ ገንዘብ መጠን 88.1 ቢሊዮን ብር የደረሰ ሲሆን፣ የተከፈለ ካፒታል በ14 በመቶ በማደግ 7.8 ቢሊዮን ብር፣ አጠቃላይ ካፒታል ደግሞ 14 ቢሊዮን ብር ደርሷል። እንዲሁም በሂሳብ ዓመቱ 15.24 ቢሊዮን ብር ጠቅላላ ገቢ የተገኘ ሲሆን፣ ከዲሲፕሊን ጋር ከተመራ የወጪ አስተዳደር ጋር ተዳምሮ ከታክስ በፊት 3.82 ቢሊዮን ብር አጠቃላይ ትርፍ ተገኝቷል። ይህ የትርፍ አፈፃፀም ካለፈው ዓመት ጋር ሲነፃፀር የ49 በመቶ ብልጫ ማሳየቱን ከባንኩ የተገኘው መረጃ ያመለክታል።

በተጨማሪም የባንኩ የተበላሸ ብድር (NPLs) ምጣኔ 2.43 በመቶ በመሆን በኢትዮጵያ የባንክ ኢንዱስትሪ የተሻለ የብድር ጥራት ካላቸው ቀዳሚ ባንኮች ተርታ አሰልፎታል። የዲጂታል አገልግሎቶች ተጠቃሚ ደንበኞች ቁጥር 5.7 ሚሊዮን የደረሰ ሲሆን፣ ባንኩ ከአለም አቀፍ የዲጂታል ክፍያ መሪ ከሆኑት ቪዛ (Visa) እና ፕሪሚየር ስዊች ሶሉሽንስ (PSS) ጋር በመተባበር “ኦሮ ቪዛ ክላሲክ”፣ “ጎልድ” እና “ፕላቲንየም” የተሰኙ ዓለም አቀፍ የክፍያ ካርዶችን ለአገልግሎት አብቅቷል። በጉባዔው ማጠናቀቂያ ላይም ብሔራዊ ባንክ ባወጣው የኮርፖሬት ገቨርነንስ መመሪያ መሰረት ለቀጣይ 3 ዓመታት ባንኩን የሚመሩ የዳይሬክቶሬት ቦርድ አባላት ምርጫ ተካሂዷል።

8 ፍሬያማ ዓመታት፤ ትሩፋት ላለው ሕይወት!

የኢትዮ ቴሌኮም ዋና ሥራ አስፈጻሚ ክብርት ፍሬሕይወት ታምሩ በደንበኞቻችን እና በኩባንያችን ቤተሰብ አጠራር "ፍርዬ" ባለፉት ስምንት ዓመታት ባሳዩት ወደር የለሽ ጽናት፣ ብስለትና ቁርጠኛ አመራር ተቋማችን ዘመን ተሻጋሪና አመርቂ ታሪካዊ ስኬቶችን እንዲያስመዘግብ አስችለዋል።

ዋና ሥራ አስፈጻሚያችን ከስምንት ዓመታት በፊት አንጋፋውን ኩባንያችንን ሲረከቡ፣ ተቋሙ ሰፊ መሠረተ ልማትና እምቅ አቅም ቢኖረውም ወደ ተጨባጭ ውጤት ያልተቀየረ፣ “ያንቀላፋ ግዙፍ” (The Sleeping Giant) ተብሎ የሚታወቅ፣ በከፍተኛ የዕዳ ጫና የተተበተበ፣ የታሪፍ ውድነት ቅሬታ የነበረበት እንዲሁም የአገልግሎት አማራጮቹ በ3ጂ እና በጥቂት አካባቢዎች ብቻ በ4ጂ የሞባይል ዳታ የተገደቡበት እንደነበር ይታወሳል።

ሆኖም ‘ኢትዮ ቴሌኮምን በመቀየር የሀገራችንን ዕድገት ማፋጠን እንችላለን’ የሚል የጋራ ራዕይ በማስረጽ፣ ሰውን ያማከለ (Human Centric) እሴትን በማስፈንና ልህቀትን (Excellence) መርህ በማድረግ መላውን ሠራተኛ በአንድ ዓላማ አሰልፈዋል። የተቀመጡትን ስትራቴጂያዊ ግቦች መላው የተቋማችን ቤተሰብ በከፍተኛ ዲሲፕሊንና ትጋት ወደ ተግባር በመቀየሩም፣ ዛሬ በዓለም አቀፍ ደረጃ ተወዳዳሪና ለሀገር ኩራት የሆነ ተቋም እንደገና መገንባት ተችሏል።

በዋና ሥራ አስፈጻሚያችን የላቀ አመራር መሠረታዊውን የቴሌኮም ግንኙነት (Connectivity) አገልግሎት ለሁሉም ዜጎች በጥራትና በተመጣጣኝ ዋጋ ተደራሽ ለማድረግ በተከናወኑ መጠነ-ሰፊ የመሠረተ ልማት ማስፋፊያና ማሻሻያ ሥራዎች፣ የደንበኞቻችን ቁጥር ከ37.9 ሚሊዮን ወደ 90.1 ሚሊዮን አድጓል፤ 99.8 በመቶ ሕዝባችን የአውታረ መረብ (Network) ሽፋን ሲያገኝ ደንበኛ የመሸከም አቅማችን 115.1 ሚሊዮን ደርሷል። የ4ጂ የሕዝብ ሽፋናችን ከ82.2 በመቶ በላይ የደረሰ ሲሆን፣ ሀገራችን ዘመናዊውን የ5ጂ ቴክኖሎጂ ቀድመው ተግባራዊ ካደረጉ ጥቂት የአፍሪካ ሀገራት ተርታ እንድትሰለፍ በማድረግ ዛሬ አገልግሎቱ በ33 ከተሞች ተደራሽ እንዲሆን ተደርጓል።

በፋይናንስ አስተዳደር ረገድ በተወሰዱ ቁልፍ እርምጃዎች የኩባንያችን ዓመታዊ ገቢ ከ37.16 ቢሊዮን ብር ወደ 215.8 ቢሊዮን ብር፣ ከወለድና ከታክስ በፊት ያለው ትርፍ (EBITDA) ከ14.9 ቢሊዮን ብር ወደ 92.99 ቢሊዮን ብር አድጓል። በተጨማሪም በአቅራቢዎች የፋይናንስ ድጋፍ (Vendor Financing) ለተገነቡ መሠረተ ልማቶች የተወሰደው 1.7 ቢሊዮን የአሜሪካ ዶላር ብድር ሙሉ በሙሉ ተከፍሎ ተጠናቋል።

በዋና ሥራ አስፈጻሚያችን ሃሳብ አመንጪነት የሀገራችን ፈር ቀዳጅ የሞባይል ፋይናንስ አገልግሎት የሆነውን “ቴሌብር”ን እውን በማድረግ፣ የክፍያ ሥርዓቱን ከማዘመን ባለፈ ሁሉን አቀፍ የፋይናንስ ተደራሽነትን ከማረጋገጥ ባሻገር አጠቃላይ የዲጂታል ሥነምህዳሩን ለማነቃቃት ተችሏል። ያለማስያዣ የሚሰጡ የብድር አገልግሎቶችን፣ የቁጠባ ባህልንና አጠቃላይ የዲጂታል ግብይትን ወደ ማኅበረሰቡ በማስረጽ፣ ቴሌብር ዛሬ ከ60 ሚሊዮን በላይ ደንበኞች ምርጫ በመሆን ከ9.13 ትሪሊዮን ብር በላይ ግብይት ማስተናገድ ችሏል።

ባለፉት ዓመታት ተግባራዊ የተደረጉት ዘመኑን የዋጁ ሦስት ስትራቴጂዎች ኩባንያችንን ከመሠረታዊ የቴሌኮም አገልግሎት አቅራቢነት ወደ የተቀናጀ የዲጂታል መፍትሔዎች መሪነት አሸጋግረውታል። የዳታ ማዕከልና የቴሌክላውድ አገልግሎቶች፣ ዘኔክሰስ፣ ቴሌስትሪም፣ ዘመን ገበያ እንዲሁም የፋይበር መስመር ዝርጋታና የሆራይዘን ፋይበር ኢኒሼቲቮች በማከናወን የማኅበረሰቡን አኗኗር በማቅለል፣ የመንግሥት ተቋማትን አሠራር በማዘመንና የንግድ እንቅስቃሴን በማቀላጠፍ የሀገራችንን ዲጂታል ራዕይ ዕውን የማድረግ ሂደትን በግንባር ቀደምትነት መርተዋል።

በክብርት ዋና ሥራ አስፈጻሚያችን ፍሬሕይወት ታምሩ አመራር ተነድፎ በመተግበር ላይ የሚገኘው “ቀጣዩ አድማስ፡ ዲጂታልና ከዚያም ባሻገር 2028” (Next Horizon: Digital and Beyond 2028) ስትራቴጂ የሀገራችንን የልማት አቅጣጫና የዘርፉን የወደፊት ዕድሎች ያገናዘበ ነው።

ለተቋማችን ታላቅ ዕድገትና ትራንስፎርሜሽን መሳካት ጉልህ አሻራ ያሳረፉት፣ በኢትዮ ቴሌኮም ታሪክ የመጀመሪያዋ ሴት ዋና ሥራ አስፈጻሚና ለመላው የሀገራችን ሴቶች የጥንካሬ ተምሳሌት የሆኑት ክብርት ፍሬሕይወት ታምሩ የኢኖቬሽንና ቴክኖሎጂ ሚኒስቴር ሚኒስትር ሆነው በመሾማቸው የተሰማንን ልባዊ ደስታ እየገለጽን፣ በቀጣዩ የሥራ ዘመናቸው የላቀ ውጤትና ስኬት እንዲጎናጸፉ ከልብ እንመኛለን።

የኢኖቬሽንና ቴክኖሎጂ ሚኒስቴር ሚኒስትር ክብርት ፍሬሕይወት ታምሩ በተቋማችን ውስጥ ባሳዩን ፍቅር፣ የማይናወጥ ጥንካሬና የቁርጠኝነት ተምሳሌትነት ምንጊዜም በልባችን በከፍተኛ አክብሮትና ፍቅር የሚኖሩ ሲሆን፤ መላው የተቋማችን ቤተሰብ እርሳቸው የጣሉብንን አደራ በጽናት ይዞ ይቀጥላል።

በዚህም የ'ቀጣዩ አድማስ' ስትራቴጂን ከዳር በማድረስ፣ የሚገነቡ መሠረተ ልማቶችና የሚቀርቡ ዲጂታል መፍትሔዎች ለሕዝባችን ተጨባጭ ፋይዳ እንዲሰጡ በማድረግ የሀገራችንን የዲጂታል ትራንስፎርሜሽን ጉዞ በማፋጠን ዋና ሥራ አስፈጻሚያችን ክብርት ፍሬሕይወት ታምሩ ሁሌም የሚኮሩብን ታታሪ ቤተሰብ ሆነን እንዘልቃለን።

ንስር ማይክሮፋይናንስ በበጀት ዓመቱ ከግማሽ ቢሊዮን ብር በላይ ትርፍ ማስመዝገቡን አስታወቀ

ንስር ማይክሮፋይናንስ ኢንስቲትዩሽን አክሲዮን ማኅበር በተጠናቀቀው የበጀት ዓመት ከታክስ በፊት 522 ነጥብ 7 ሚሊዮን ብር ማትረፉን ይፋ አደረገ። ተቋሙ ከታክስ በኋላ ያስመዘገበው የተጣራ ትርፍም 384 ነጥብ 9 ሚሊዮን ብር ደርሷል።

ተቋሙ 13ኛውን መደበኛ እና 5ኛውን አስቸኳይ የባለአክሲዮኖች ጠቅላላ ጉባዔ ባካሄደበት ወቅት እንዳስታወቀው፤ የተጣራ ትርፉ ከቀዳሚው ዓመት ጋር ሲነጻጸር የ207 ነጥብ 6 በመቶ ከፍተኛ ዕድገት አሳይቷል። በዚህም ለአንድ ሺህ ብር የአክሲዮን ድርሻ 625 ብር የትርፍ ድርሻ ተመድቧል።

በበጀት ዓመቱ በርካታ የኢኮኖሚና የፋይናንስ ዘርፍ ተግዳሮቶች ቢኖሩም፤ የተቋሙ አጠቃላይ ሀብት ከ5 ነጥብ 5 ቢሊዮን ብር ወደ 9 ነጥብ 4 ቢሊዮን ብር ከፍ ብሏል።

በተመሳሳይ የተሰበሰበው ተቀማጭ ገንዘብ 6 ነጥብ 1 ቢሊዮን ብር፣ የብድር መጠኑ ደግሞ 6 ነጥብ 69 ቢሊዮን ብር ደርሷል። የተቋሙ የተበላሹ ብድሮች ምጣኔ 2 ነጥብ 87 በመቶ ብቻ ሆኖ በብሔራዊ ባንክ ከተቀመጠው ገደብ በታች መገኘቱ ተጠቁሟል።

ንስር ማይክሮፋይናንስ በቀጣይ ሦስት ዓመታት ሀብቱን ወደ 34 ቢሊዮን ብር ለማሳደግ ስትራቴጂካዊ ዕቅድ ማውጣቱን ገልጿል።

በዚህም በ2019 ዓ.ም ብቻ 10 አዳዲስ ቅርንጫፎችን በመክፈት አጠቃላይ ቅርንጫፎቹን 30 ለማድረስ፣ በአዲስ አበባ አራዳ ክፍለ ከተማ የጀመረውን የዘመናዊ ዋና መሥሪያ ቤት ሕንፃ ግንባታ ለማጠናከር እንዲሁም የዲጂታል አገልግሎቱን ይበልጥ ለማስፋፋት አቅዶ እየሠራ መሆኑን አስታውቋል።

በሰብል አበበ
#ዳጉ_ጆርናል

ኢትዮጵያ አዲስ የኢንቨስትመንት ቀረጥና ታክስ ማበረታቻ መመሪያ እያዘጋጀች ነው

የኢትዮጵያ ገንዘብ ሚኒስቴር ለባለሀብቶች የሚሰጡ የቀረጥና የታክስ ማበረታቻዎችን አፈጻጸም የሚመለከት አዲስ የመመሪያ ረቂቅ አዘጋጅቶ ከተለያዩ ባለድርሻ አካላት ጋር ውይይት ማድረጉን አስታወቀ።

አዲሱ የመመሪያ ረቂቅ ዋነኛ ዓላማ መንግሥት ለባለሀብቶች በሚሰጣቸው የታክስና የቀረጥ ማበረታቻዎች ምክንያት ከሚያጣውን ገቢ ከባለሀብቶቹ ለአገሪቱ ኢኮኖሚ ዕድገት ከሚያበረክቱት አስተዋጽኦ ጋር ማመጣጠን እንደሆነ ተገልጿል።

የመመሪያው ዝግጅት የታክስ ማበረታቻዎች አፈጻጸምን በተሻለ ሁኔታ ለመምራትና የመንግሥትን ገቢ ከኢንቨስትመንት ዕድገት ጋር ለማጣጣም የታለመ ነው።

Seledadotio
Seledadotio

ለድኅረ ክፍያ አገልግሎት በቴሌብር ክፍያ ከፈጸሙ በኋላ ቫትና ኤክሳይዝ ታክስን ያካተተ ደረሰኝ እንዴት በቀላሉ ማግኘት እንደሚችሉ ይመልከቱ!

How to get a receipt after paying for a post-paid service using telebirr?
#ethiotelecom #telebirr #telebirrsuperapp #digitalafrica #digitalethiopia #realizingdigitalethiopia #postpaid #telecombill

ዘመን ባንክ በተጠናቀቀው የበጀት ዓመት ከታክስ በፊት የ10 ቢሊዮን ብር ገደማ ትርፍ ማግኘቱን ይፋ አደረገ
#ethiopia | ዘመን ባንክ በ2018 በጀት ዓመት ከታክስ በፊት 9 ነጥብ 97 ቢሊዮን ብር አጠቃላይ ትርፍ ማስመዝገቡን በዛሬው ዕለት ባካሄደው የባለአክሲዮኖች ዓመታዊ ጉባኤ ላይ አስታውቋል።

በበጀት ዓመቱ የባንኩ በጥቅል የሀብት መጠን የ31 ነጥብ 3 በመቶ እድገት በማሳየት 116 ቢሊዮን ብር ደርሷል።

በተጨማሪም የባንኩ የተከፈለ ካፒታል 14 ነጥብ 3 ቢሊዮን ብር እንዲሁም ጠቅላላ ካፒታሉ 26 ቢሊዮን ብር መድረሱ ተገልጻል።

የዘመን ባንክ የዳይሬክተሮች ቦርድ ሰብሳቢ ወይዘሮ እንዬ ቢምር በበኩላቸው 2018 የበጀት ዓመት ለባንኩ ጠንካራ የፋይናንስ አፈጻጸምና ቀጣይነት ያለው እድገት የታየበት ወቅት መሆኑን ገልጸዋል።

ባለአክሲዮኖች በአንድ አክሲዮን የሚያገኙት የትርፍ ድርሻ 53 ነጥብ 9 በመቶ መድረሱን የጠቆሙት ሰብሳቢዋ፣ ይህ ስኬት የባንኩን ጠንካራ አፈጻጸም፣ የደንበኞችንና ባለአክሲዮኖችን እምነት እንዲሁም የሰራተኞችን ቁርጠኝነት የሚያንጸባርቅ ነው ብለዋል።

የባንኩ ዋና ሥራ አስፈጻሚ አቶ ደረጀ ዘበነ ባስተላለፉት መልዕክት፣ ዘመን ባንክ በተጠናቀቀው በጀት ዓመት 17 ነጥብ 9 ቢሊዮን ብር አጠቃላይ ገቢ በማግኘት 6 ነጥብ 75 ቢሊዮን ብር የተጣራ ትርፍ ማተረፉን አብራርተዋል።
#zemenbank #banking #bankingsector #ethiopianbanking #getutemesgen #getu #ጌጡ #ጌጡተመስገን #addisababa

ዘመን ባንክ 10 ቢሊዮን ብር  የሚጠጋ ትርፍ ማግኘቱን አስታወቀ።

ባንኩ የአንድ አክሲዮን ትርፍ ድርሻ 53.9 በመቶ መድረሱን አስታውቋል።

ዛሬ መስከረም 26 ቀን 2019 ዓ.ም ባካሄደው ዓመታዊ የባለአክሲዮኖች ስብሰባ ላይ እንዳስታወቀው፣ ከተመዘገበው ከታክስ በፊት ትርፍ ውስጥ 6.75 ቢሊዮን ብር የተጣራ ትርፍ ማግኘት ችሏል።

የዘመን ባንክ የዳይሬክተሮች ቦርድ ሰብሳቢ ወ/ሮ እንዬ ቢምር ለብስራት ሬድዮ እንደተናገሩት በበጀት ዓመቱ የባንኩ አጠቃላይ ገቢ 17ነጥብ9 ቢሊዮን ብር የደረሰ ሲሆን፣ አጠቃላይ ሀብቱም በ31ነጥብ3 በመቶ በማደግ 116 ቢሊዮን ብር ደርሷል።

2018 በጀት ዓመት ለዘመን ባንክ ጠንካራ የፋይናንስ አፈጻጸምና ቀጣይነት ያለው እድገት የተመዘገበበት ዓመት ነበር ያሉ ሲሆን  የተመዘገበው ውጤት የባንኩን ጠንካራ የሥራ አፈፃፀም፣ የደንበኞችና ባለአክሲዮኖችን እምነት እንዲሁም የሠራተኞችን ቁርጠኝነት እንደሚያሳይ ገልጸው፤ በቀጣይም በፈጠራና በደንበኛ ተኮር አገልግሎቶች እድገቱን ለማስቀጠል እንደሚሰራ አረጋግጠዋል።

የባንኩ ዋና ሥራ አስፈጻሚ አቶ ደረጀ ዘበነ በበኩላቸው፣ የባንኩ የተከፈለ ካፒታል 14ነጥብ3 ቢሊዮን ብር፣ ጠቅላላ ካፒታሉ ደግሞ ወደ 26 ቢሊዮን ብር ከፍ ማለቱን ጠቁመዋል። ዋና ሥራ አስፈጻሚው ለተገኘው ስኬት ለሠራተኞች፣ ለደንበኞችና ለአጋሮች ላደረጉት ድጋፍ ምስጋና አቅርበዋል።

በዘርፉ ቁልፍ የአፈጻጸም መለኪያዎች ሲገመገም የዘመን ባንክ የፋይናንስ ውጤት በኢትዮጵያ የባንክ ኢንዱስትሪ ውስጥ ከሚታዩ ጠንካራ አፈጻጸሞች መካከል አንዱ እንደሆነ ተመልክቷል።

Seledadotio
Seledadotio

መንግስት በ2019 በጀት ዓመት ትኩረት የሚያደርግባቸውን 8 አበይት ጉዳዮች ይፋ አደረገ

ፕሬዝዳንት ታዬ አጽቀስላሴ መንግስት በ2019 በጀት ዓመት ልዩ ትኩረት ሰጥቶ የሚንቀሳቀስባቸውን ስምንት ዋና ዋና ጉዳዮች  ይፋ አደረጉ።

የሕዝብ ተወካዮችና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ ላይ ንግግር ያደረጉት ፕሬዝዳንቱ መንግስት በበጀት ዓመቱ በዋናነት ሰላም ለሀገር እድገትና ግስጋሴ ያለውን ከፍተኛ ዋጋ በማጤን ህብረትን ፣ ትብብርን እና ኢትዮጵያን የሚያስቀድም ተግባር ያከናውናል ብለዋል።

በተጨማሪም ጥራትን መሰረት ያደረገ ሁለንተናዊ መዋቅራዊ ሽግግር ለማምጣት ትኩረት ተሰጥቶ እንደሚሰራ አስታውቀዋል።
 
በማህበራዊ ዘርፍ የትምህርት ፣ የጤና እና የማህበራዊ ጥበቃ ስራዎችን ከስፋት ወደ ጥራት በማሸጋገር ዜጋን ማዕከል ያደረገ ልማት ትኩረት እንደሚሰጥበት የገለጹት ፕሬዝዳንቱ ለእድገት ቁልፍ ፋይዳ ባላቸው የኢንዱስትሪና የግብርና ግብዓቶች እንዲሁም በዘመናዊ የመሰረተ ልማት ግንባታ ሀገራዊ አቅም ራሱን እንዲችል ለማድረግ እንደሚሰራ ተናግረዋል። 

በኢኮኖሚና ፋይናንስ ዘርፍ ደግሞ የፕሮጀክትና የፕሮጀክት ፋይናንስ አፈፃፀም ዘመናዊ ፣ ቀልጣፋ እና ተጠያቂነት ያለው እንዲሆን ይደረጋል ብለዋል።

የታክስ መሰረትን በማዘመን ዕዳን ወግ ባለው መልኩ ማስተዳደር እና የመንግስት ገቢና ወጪን በአግባቡ የመቆጣጠር አቅም እንዲያድግ ልዩ ትኩረት ይሰጣል ብለዋል። 

በአስተዳደር እና የውጭ ግንኙነት መስክም በፌዴራል መንግስት እና በክልሎች መካከል ያለው የስራ ቅንጅት እና የአፈጻጸም ክትትል እንከን አልባ እንዲሆን እንደሚሰራ ፕሬዝዳንቱ ገልጸዋል።

አክለውም የኢትዮጵያን የውጭ ግንኙነት ከተቀባይነት ወደ ተፅዕኖ ፈጣሪነት በማሸጋገር በተለይም ወዳጆችን በማብዛት እና ለቀጠናዊ ሰላምና ኢኮኖሚያዊ ትስስር ቅድሚያ የሚሰጡ ተነሳሽነቶችን በማጎልበት አለም አቀፍ ተቀባይነትን ለማሳደግ እንደሚሰራ ገልጸዋል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

ዘመን ባንክ 10 ቢሊዮን ብር  የሚጠጋ ትርፍ ማግኘቱን አስታወቀ።

ባንኩ የአንድ አክሲዮን ትርፍ ድርሻ 53.9 በመቶ መድረሱን አስታውቋል።

ዛሬ መስከረም 26 ቀን 2019 ዓ.ም ባካሄደው ዓመታዊ የባለአክሲዮኖች ስብሰባ ላይ እንዳስታወቀው፣ ከተመዘገበው ከታክስ በፊት ትርፍ ውስጥ 6.75 ቢሊዮን ብር የተጣራ ትርፍ ማግኘት ችሏል።

የዘመን ባንክ የዳይሬክተሮች ቦርድ ሰብሳቢ ወ/ሮ እንዬ ቢምር ለብስራት ሬድዮ እንደተናገሩት በበጀት ዓመቱ የባንኩ አጠቃላይ ገቢ 17ነጥብ9 ቢሊዮን ብር የደረሰ ሲሆን፣ አጠቃላይ ሀብቱም በ31ነጥብ3 በመቶ በማደግ 116 ቢሊዮን ብር ደርሷል።

2018 በጀት ዓመት ለዘመን ባንክ ጠንካራ የፋይናንስ አፈጻጸምና ቀጣይነት ያለው እድገት የተመዘገበበት ዓመት ነበር ያሉ ሲሆን  የተመዘገበው ውጤት የባንኩን ጠንካራ የሥራ አፈፃፀም፣ የደንበኞችና ባለአክሲዮኖችን እምነት እንዲሁም የሠራተኞችን ቁርጠኝነት እንደሚያሳይ ገልጸው፤ በቀጣይም በፈጠራና በደንበኛ ተኮር አገልግሎቶች እድገቱን ለማስቀጠል እንደሚሰራ አረጋግጠዋል።

የባንኩ ዋና ሥራ አስፈጻሚ አቶ ደረጀ ዘበነ በበኩላቸው፣ የባንኩ የተከፈለ ካፒታል 14ነጥብ3 ቢሊዮን ብር፣ ጠቅላላ ካፒታሉ ደግሞ ወደ 26 ቢሊዮን ብር ከፍ ማለቱን ጠቁመዋል። ዋና ሥራ አስፈጻሚው ለተገኘው ስኬት ለሠራተኞች፣ ለደንበኞችና ለአጋሮች ላደረጉት ድጋፍ ምስጋና አቅርበዋል።

በዘርፉ ቁልፍ የአፈጻጸም መለኪያዎች ሲገመገም የዘመን ባንክ የፋይናንስ ውጤት በኢትዮጵያ የባንክ ኢንዱስትሪ ውስጥ ከሚታዩ ጠንካራ አፈጻጸሞች መካከል አንዱ እንደሆነ ተመልክቷል።

#ዳጉ_ጆርናል

(ዘ-ሐበሻ ዜና) የኢፌዴሪ ፕሬዚዳንት ታዬ አጽቀስላሴ መንግስት በ2019 በጀት ዓመት ትኩረት አድርጎ የሚሰራባቸውን ዋና ዋና አቅጣጫዎች እና ሀገራዊ ግቦችን ይፋ አድርገዋል።

ፕሬዚዳንቱ በንግግራቸው እንዳብራሩት .. ዘንድሮ ሰላምን፣ ህብረትን እና የሀገርን አንድነት ማስቀደም ቀዳሚ ትኩረት ይሆናል። ከዚህም ጋር ተያይዞ በፌደራል መንግስት እና በክልሎች መካከል ያለውን የስራ ቅንጅት እንከን አልባ ማድረግ፣ እንዲሁም በሀገራዊ ምክክሩ የቀረቡ የምክረ-ሃሳቦችን ወደ ተግባር መቀየር ዋነኛ ተግባራት መሆናቸውን አስታውቀዋል። የሀገሪቱን የውጭ ግንኙነት ከተቀባይነት ወደ ተጽዕኖ ፈጣሪነት ለማሸጋገር፣ ወዳጆችን ለማብዛት እና ቀጠናዊ ሰላምን ለማረጋገጥ እንደሚሰራም ጠቁመዋል።

በኢኮኖሚው ዘርፍ መንግስት በያዝነው በጀት ዓመት የ10.1 በመቶ እድገት ለማስመዝገብ በትጋት እንደሚሰራ ፕሬዚዳንቱ ገልጸዋል። ከዚህም በተጨማሪ የዋጋ ግሽበትን ወደ ነጠላ አሃዝ ዝቅ ማድረግ፣ የታክስ ገቢን ከጠቅላላ የሀገር ውስጥ ምርት (GDP) አንጻር ወደ 9.62 በመቶ ማሳደግ፣ የፕሮጀክቶች አፈጻጸምን ማዘመን፣ እንዲሁም አስተማማኝ የባህር በርን በሰላማዊ መንገድ እና በጋራ ጥቅም መርህ ማረጋገጥ ቁልፍ የኢኮኖሚ ግቦች መሆናቸው ተገልጿል።

በማህበራዊ እና መሰረተ ልማት ዘርፎችም ሰፊ ስራዎች የታቀዱ ሲሆን፤ የኤሌክትሪክ ተደራሽነትን 65 በመቶ፣ የጤና መድህን ሽፋንን 85 በመቶ፣ እንዲሁም የተማሪዎች ምገባ ሽፋንን 70 በመቶ ለማድረስ ግብ ተቀምጧል። የውሃ ተጠቃሚነትን በስፋት ማዳረስ፣ የደን ሽፋንን አሁን ካለበት 26 በመቶ ከፍ ማድረግ እና የፍትህ ዘርፉን ይበልጥ ማዘመን ሌሎች የትኩረት አቅጣጫዎች ናቸው።

በመጨረሻም በዓለም አቀፍ መድረክ ኢትዮጵያ ኃላፊነት የተቀበለችበትን 32ኛውን የአየር ንብረት ለውጥ ጉባኤ (COP 32) በስኬት ለማዘጋጀት ትኩረት ተሰጥቶ የሚሰራ ሲሆን፣ በበጀት ዓመቱም ከ1.6 ሚሊዮን በላይ የውጭ ጎብኚዎችን ወደ ሀገር ውስጥ ለመሳብ ሁለገብ ጥረት ይደረጋል ብለዋል።

ታዬ እነዚህን ብለዋል፡ -

* የሀገራችን የኤሌክትሪክ ተደራሽነት 65 በመቶ የሚያድግ ይሆናል።
* የውሃ ተጠቃሚነት በስፋት እንዲዳረስ ይደረጋል።
* የጤና መድህን ሽፋን ወደ 85 በመቶ እንዲያድግ ይደረጋል።
* የደን ሽፋን አሁን ካለበት 26 በመቶ ከፍ እንዲል ይደረጋል።
* የመሶብ አገልግሎት ማዕከላት ቁጥር እንዲበራከቱና ከፍ እንዲሉ ይደረጋል።
* የተማሪዎች ምገባ ሽፋን 70 በመቶ እንዲያድግ ይደረጋል።
* የሀገራችን የፍትህ ዘርፍ የበለጠ እንዲዘምን ይደረጋል።
* በሀገራዊ ምክክር የቀረቡ የምክረ ሃሳቦች ወደ ተግባራ እንዲገቡ ይደረጋል።
* አሰማማኝ የባህር መሻታችን በጋራ ጥቅም፣ ሰጥቶ በመቀበል እና በሰላማዊ መንገድ እውን እንዲሆን ጥረት ይደረጋል።
* አጠቃላይ የታክስ ገቢ ከጠቅላላ የሀገር ውስጥ ምርት አንጻር ወደ 9.62 በመቶ ከፍ እንዲል ይደረጋል።
* የዋጋ ግሽበት ወደ ነጠላ አሃዝ እንዲወርድ ይደረጋል።
* አጠቃላይ የታክስ ገቢም ከፍ እንዲል ይደረጋል።
* በዓለም መድረክ ኢትዮጵያ ኃላፊነት የተቀበለችው 32ኛው የአየር ንብረት ለውጥ ጉባኤ (ኮፕ 32) ዝግጅት ሀገራችን ለጉዳዩ ያላትን ከፍ ያለ የሃሳብ እና የተግባር ተርታ በዓለም ፊት የምታሳይበት በመሆኑ፣ በቁም ነገሩ ወይም በሰብስቴንሲቭ ጉዳዮች እና በመሰናዶ ዝግጅት የተሟላለት እና ተጠቃሽ ጉባኤ እንዲሆን ይሰራል።
* በተጨማሪም ከ1.6 ሚሊዮን በላይ ሰዎች ኢትዮጵያን እንዲጎበኙ ሁለገብ ጥረት ይደረጋል።
* እነዚህንም በማሳካት የኢኮኖሚ እድገታችን 10.1 በመቶ እንዲሆን በትጋት የሚሰራ ይሆናል።

የአዲስ አበባ ከተማ ገቢዎች ቢሮ የሂሳብ መዝገብ የማይዙ ግብር ከፋዮች የሚስተናገዱበትን የአሰራር ስርዓትን የሚዘረጋ ማስተናገጃ መመሪያ ይፋ አደረገ።

• ይህ ሁሉን አቀፍ የማስተናገጃ አሰራር ተግባራዊ የሚሆነው ለ2018 የግብር ዘመን ብቻ ነው።

​የአዲስ አበባ ከተማ አስተዳደር ገቢዎች ቢሮ በ2018 የበጀት ዓመት የግብር ማሳወቂያ ወቅት የሂሳብ መዝገብ የማቅረብ ግዴታቸውን መወጣት ላልቻሉ የተወሰኑ የንግድና አገልግሎት ዘርፎች የተዘጋጀውን ዝርዝር የማስተናገጃ የአሰራር ስርዓት ይፋ አፍርጓል።

ቢሮው መስከረም 2019 ዓ.ም ባወጣው የክንውን መመሪያ እንዳብራራው፣ በተሻሻለው የፌዴራል ገቢ ግብር አዋጅ ቁጥር 1395/2017 እንዲሁም በነባሮቹ አዋጆች ቁጥር 979/2008 እና 983/2008 መሰረት የደረጃ «ሀ» እና «ለ» ግብር ከፋዮች የሂሳብ መዝገብና መግለጫ መያዝ ህጋዊ ግዴታቸው ቢሆንም፣ በርካታ ከፋዮች የስራ ባህሪያቸውን ጠቅሰው ቅሬታ በማቅረባቸው ፍትሃዊ የታክስ አሰባሰብን ለማረጋገጥ የመጨረሻ የሽግግር አሰራር ዘርግቷል።

​በመመሪያው ላይ በዝርዝር እንደተቀመጠው፣ ስራዎችን ከመንግስት ጋር በተገባ ውል ብቻ የሚያከናውኑ እና የተለየ ድጋፍ የሚሹ ግብር ከፋዮች ማለትም:-

- በትምህርት ቤቶችና በምግብ ማዕከላት ውስጥ በምግብ አቅራቢነት የተደራጁ መጋቢ እናቶች፣

- በከተማ ፅዳትና ውበት፣

- በደረቅ ቆሻሻ አሰባሰብ እና በገፀ-ምድር ማስዋብ ላይ የተሰማሩ ማህበራት ከመንግስት ተቋማት የተከፈላቸውን ዓመታዊ ክፍያ የሚያሳይ ሰነድ ሲያቀርቡ፣ በደንብ ቁጥር 410/2009 ሠንጠረዥ «ሐ» መሠረት ግብራቸው ተሰልቶ እንዲከፍሉ ይደረጋል።

ከዚህም በተጨማሪ የሸገር ዳቦ የሚሸጡ ማህበራት በተጓዳኝ የሚያከናውኑት ተጨማሪ ንግድ መኖሩ በመስክ ምልከታ ከተረጋገጠ ተጨማሪው ስራ ብቻ ተለይቶ ግብር እንዲጣልበት ይደረጋል።

• የጫኝና አውራጅ፣

• የኢትዮጵያ መብራት ኃይል ኤሌክትሪክ ምሰሶ ጉድጓድ ቆፋሪዎች፣

• በጥበቃ ስራ የተደራጁ ማህበራት እንዲሁም የታክሲ ታራ አስከባሪዎች የሂሳብ መዝገብ መያዝ ሲኖርባቸው ያልያዙ ግብር ከፋዮች ለዘርፉ በተቀመጠው የትርፍ ህዳግ መሰረት ግብራቸው ይሰላል።

​በሌላ በኩል፣ የንግድ ስራ ፈቃድ ሳይኖራቸው በሙያ ፈቃድ ብቻ አገልግሎት የሚሰጡ እንደ ጠበቆች፣ የኢንሹራንስ ወኪሎች፣ የኢንሹራንስ ጉዳት ገማቾች እና በአዋጁ የተዘረዘሩ ሌሎች 8ቱ ዘርፎች የሂሳብ መዝገብ ማቅረብ የሚጠበቅባቸው ቢሆንም፣ የገንዘብ ሚኒስቴር ወጪን በተመለከተ ዝርዝር መመሪያ እስካላወጣ ድረስ ቀደም ሲል በተጠኑ ጥናቶች መሰረት ከተገኘው አጠቃላይ ገቢ ላይ 35 በመቶው እንደ ወጪ እንዲያዝላቸው፣ ቀሪው 65 በመቶ ደግሞ ግብር የሚሰላበት የተጣራ ገቢ ሆኖ በሠንጠረዥ «ሐ» እንዲስተናገዱ ይደረጋል።

በግምት ግብር አዋሳኝ አዋጅ ቁጥር 138/2010 መሰረት የደረጃ «ሀ» የንግድና የመኖሪያ ኪራይ ገቢ ያላቸው አካላትም መዝገብ ካላቀረቡ በተመሳሳይ መልኩ 35 በመቶ ወጪ ተቀናሽ ተደርጎ በ65 በመቶ ገቢያቸው ላይ ግብሩ ይሰላል።
​
መመሪያው የትራንስፖርት ዘርፉን እና የአነስተኛ ግብር ከፋዮችን እድገት በተመለከተም ዝርዝር መፍትሔዎችን አስቀምጧል።

በትራንስፖርት ዘርፍ የተሰማሩ የደረጃ «ሀ» ግብር ከፋዮች በ2016 ወይም በ2017 የበጀት ዓመት የ57 በመቶ የዋጋ ግሽበት ማስተካከያ ተደርጎላቸው በደረጃ «ለ» ቀመር መሰረት ግብራቸውን እንዲያሳውቁ ይደረጋል።

በአዋጅ ቁጥር 979/2008 መሰረት በደረጃ «ለ» እና «ሐ» ስር ቆይተው በአዲሱ ማሻሻያ አዋጅ ቁጥር 1395/2017 ወደ ደረጃ «ሀ» ያደጉ ግብር ከፋዮችም የ2017 ዓመታዊ የንግድ ስራ ግብር እና የትርፍ ድርሻ ክፍያቸው ተወስዶ በደረጃ «ለ» አሰራር እንዲሰላ ተወስኗል።

በአዋጅ ቁጥር 1395/2017 አንቀጽ 23 አማራጭ አነስተኛ ግብር ለደረጃ «ሀ» ግብር ከፋዮች የተደነገገውም ከ2 ሚሊዮን ብር አማራጭ አነስተኛ ግብር 2.5 በመቶ ጋር ተነጻጽሮ የተሻለው ተወስዶ ግብር ይወሰናል።

​ቢሮው በመሪሪያው ላይ እንዳመለከተው ፣ ይህ ሁሉን አቀፍ የማስተናገጃ አሰራር ተግባራዊ የሚሆነው ለ2018 የግብር ዘመን ብቻ ነው።

በዚህ እድል ተጠቃሚ የሚሆኑ ማናቸውም ግብር ከፋዮች ለቀጣዩ የበጀት ዓመት የሂሳብ መዝገብ ይዘው ለመቅረብ ህጋዊ የቃል-መሐላ እንዲፈፅሙ የሚደረግ ሲሆን፣ የሰነድ አለመያዝ አስተዳደራዊ ቅጣትም አብሮ ተግባራዊ እንደሚሆንባቸው ተመላክቷል።

ቲክቫህ ኢትዮጵያ
አዲስ አበባ
መስከረም 23 ቀን 2019 ዓ/ም

@tikvahethiopia

(ዘ-ሐበሻ ዜና) የኦሮሚያ ክልላዊ መንግሥት በክልሉ የሚገኙ ስምንት ግዙፍ የኢኮኖሚ እና የንግድ ማዕከል የሆኑ ከተሞችን ከዞን አስተዳደር በማውጣት በቀጥታ በማዕከላዊው የክልሉ መንግሥት ስር እንዲተዳደሩ መወሰኑን አስታወቀ፡፡ የክልሉ ርዕሰ መስተዳድር አቶ ሺመልስ አብዲሳ ከኦቢኤን ጋር ባደረጉት ቃለ ምልልስ፣ የከተሞቹን የፋይናንስ፣ የእቅድ እና የሰው ኃይል ምደባ ክልሉ በቀጥታ እንደሚመራው አረጋግጠዋል።

በክልሉ መንግሥት ቀጥተኛ እዝ ስር የገቡት ከተሞች አዳማ፣ ሸገር፣ ነቀምት፣ ጂማ፣ ሻሸመኔ፣ ሮቤ፣ ማያ እና ቢሾፍቱ መሆናቸውን ርዕሰ መስተዳድሩ ገልጸዋል፡፡ በሌላ በኩል፣ ቀሪዎቹ 15 የከተማ አስተዳደሮች አዲስ በተዋቀሩት ስድስት ዞኖች ስር ሆነው እንደሚተዳደሩ ተገልጿል፡፡
ይህ የአስተዳደር መዋቅር ለውጥ የኢኮኖሚ ባለሙያዎች እና የፖለቲካ ታዛቢዎች ዘንድ ትልቅ ትኩረት የሳበ ሲሆን፣ ውሳኔው የክልሉን ዋነኛ የኢኮኖሚ ሞተሮች ከመቆጣጠር ጋር ቀጥተኛ ተያያዥነት እንዳለው ይነገራል፡፡

እነዚህ ስምንት ከተሞች የክልሉን አጠቃላይ የከተማ ኢኮኖሚ፣ የግብር ገቢ እና የኢንቨስትመንት ፍሰት በበላይነት የሚቆጣጠሩ ናቸው፡፡ ለአብነትም ሸገር እና ቢሾፍቱ የክልሉን የማኑፋክቸሪንግ፣ የኢንዱስትሪ ዞኖች እና የቱሪዝም ገቢ ሲይዙ፤ አዳማ ከ70 በመቶ በላይ የኢትዮጵያ የገቢና ወጪ ንግድ የሚያልፍባት ዋነኛ የሎጂስቲክስና የትራንዚት ቋት ነች፡፡ ጂማ እና ማያ በቢሊዮን የሚቆጠር የውጭ ምንዛሬ የሚያስገኘውን የቡና እና የጫት ንግድ ሲቆጣጠሩ፣ ሻሸመኔ፣ ሮቤ እና ነቀምት ደግሞ የግብርና ምርቶች፣ የማዕድን እና የንግድ መተላለፊያ ማዕከላት ሆነው ያገለግላሉ፡፡

የከተሞቹ በቀጥታ በክልሉ መንግሥት ስር መሆን፣ ክልሉ በቢሊዮን የሚቆጠር የግብር፣ የታክስ እና የመሬት ሊዝ ገቢን ያለ ዞን አስተዳደሮች ጣልቃ ገብነት በቀጥታ ወደ ማዕከላዊ ካዝናው እንዲያስገባ ያስችለዋል፡፡ ይህ የፋይናንስ ማዕከላዊነት፣ የክልሉ መንግሥት ያለውን የፋይናንስ አቅም እና የፖለቲካ ቁጥጥር እጅግ ግዙፍ ያደርገዋል ተብሎ ይታመናል፡፡

ከዚህም ባሻገር በእነዚህ ከተሞች ላይ የሰው ኃይል ምደባን ክልሉ መምራቱ፣ በከተሞቹ የሚሾሙ ከንቲባዎች እና የካቢኔ አባላት በቀጥታ በማዕከላዊው መንግሥት እይታ ስር እንዲወድቁ ያደርጋቸዋል።

በአንጻሩ አዳዲሶቹ ስድስት ዞኖች ቀሪዎቹን 15 ከተሞች እንዲያስተዳድሩ ቢደረግም፣ ከፍተኛ ገቢ የሚያመነጩትን ስምንቱን ከተሞች በመነጠቃቸው ጠንካራ የፋይናንስ አቅም እንዳይኖራቸው ያደርጋል የሚል ስጋት ፈጥሯል፡፡ ይህም አዲሶቹ ዞኖች ለበጀታቸው እና ለልማት እንቅስቃሴያቸው ሙሉ በሙሉ በክልሉ መንግሥት ፈቃድ እና ድጎማ ላይ ብቻ ጥገኛ እንዲሆኑ ሊያደርጋቸው እንደሚችል ትንታኔዎች ያሳያሉ፡፡
በአጠቃላይ የኦሮሚያ ክልል አዲሱ የከተሞች አስተዳደር መዋቅር፣ ስልጣንን ወደ ታች የማውረድ ሳይሆን፣ የኢኮኖሚ እና የፖለቲካ ሀብትን በማዕከላዊ መንግሥት እጅ የመጠቅለል ግልጽ እርምጃ መሆኑን ምሁራን ያስገነዝባሉ፡፡ ውሳኔው የክልሉን መንግሥት የፋይናንስ አቅም እጅግ የሚያጎለብት ቢሆንም፣ በዞን እና በከተማ አስተዳደሮች መካከል ያለውን የሀብት ክፍፍል አዲስ መልክ የሚያሲዝ መሆኑ ተጠቁሟል።








(ዘ-ሐበሻ ዜና) የኦሮሚያ ክልላዊ መንግሥት በክልሉ የሚገኙ ስምንት ግዙፍ የኢኮኖሚ እና የንግድ ማዕከል የሆኑ ከተሞችን ከዞን አስተዳደር በማውጣት በቀጥታ በማዕከላዊው የክልሉ መንግሥት ስር እንዲተዳደሩ መወሰኑን አስታወቀ፡፡ የክልሉ ርዕሰ መስተዳድር አቶ ሺመልስ አብዲሳ ከኦቢኤን ጋር ባደረጉት ቃለ ምልልስ፣ የከተሞቹን የፋይናንስ፣ የእቅድ እና የሰው ኃይል ምደባ ክልሉ በቀጥታ እንደሚመራው አረጋግጠዋል።

በክልሉ መንግሥት ቀጥተኛ እዝ ስር የገቡት ከተሞች አዳማ፣ ሸገር፣ ነቀምት፣ ጂማ፣ ሻሸመኔ፣ ሮቤ፣ ማያ እና ቢሾፍቱ መሆናቸውን ርዕሰ መስተዳድሩ ገልጸዋል፡፡ በሌላ በኩል፣ ቀሪዎቹ 15 የከተማ አስተዳደሮች አዲስ በተዋቀሩት ስድስት ዞኖች ስር ሆነው እንደሚተዳደሩ ተገልጿል፡፡
ይህ የአስተዳደር መዋቅር ለውጥ የኢኮኖሚ ባለሙያዎች እና የፖለቲካ ታዛቢዎች ዘንድ ትልቅ ትኩረት የሳበ ሲሆን፣ ውሳኔው የክልሉን ዋነኛ የኢኮኖሚ ሞተሮች ከመቆጣጠር ጋር ቀጥተኛ ተያያዥነት እንዳለው ይነገራል፡፡

እነዚህ ስምንት ከተሞች የክልሉን አጠቃላይ የከተማ ኢኮኖሚ፣ የግብር ገቢ እና የኢንቨስትመንት ፍሰት በበላይነት የሚቆጣጠሩ ናቸው፡፡ ለአብነትም ሸገር እና ቢሾፍቱ የክልሉን የማኑፋክቸሪንግ፣ የኢንዱስትሪ ዞኖች እና የቱሪዝም ገቢ ሲይዙ፤ አዳማ ከ70 በመቶ በላይ የኢትዮጵያ የገቢና ወጪ ንግድ የሚያልፍባት ዋነኛ የሎጂስቲክስና የትራንዚት ቋት ነች፡፡ ጂማ እና ማያ በቢሊዮን የሚቆጠር የውጭ ምንዛሬ የሚያስገኘውን የቡና እና የጫት ንግድ ሲቆጣጠሩ፣ ሻሸመኔ፣ ሮቤ እና ነቀምት ደግሞ የግብርና ምርቶች፣ የማዕድን እና የንግድ መተላለፊያ ማዕከላት ሆነው ያገለግላሉ፡፡

የከተሞቹ በቀጥታ በክልሉ መንግሥት ስር መሆን፣ ክልሉ በቢሊዮን የሚቆጠር የግብር፣ የታክስ እና የመሬት ሊዝ ገቢን ያለ ዞን አስተዳደሮች ጣልቃ ገብነት በቀጥታ ወደ ማዕከላዊ ካዝናው እንዲያስገባ ያስችለዋል፡፡ ይህ የፋይናንስ ማዕከላዊነት፣ የክልሉ መንግሥት ያለውን የፋይናንስ አቅም እና የፖለቲካ ቁጥጥር እጅግ ግዙፍ ያደርገዋል ተብሎ ይታመናል፡፡

ከዚህም ባሻገር በእነዚህ ከተሞች ላይ የሰው ኃይል ምደባን ክልሉ መምራቱ፣ በከተሞቹ የሚሾሙ ከንቲባዎች እና የካቢኔ አባላት በቀጥታ በማዕከላዊው መንግሥት እይታ ስር እንዲወድቁ ያደርጋቸዋል።

በአንጻሩ አዳዲሶቹ ስድስት ዞኖች ቀሪዎቹን 15 ከተሞች እንዲያስተዳድሩ ቢደረግም፣ ከፍተኛ ገቢ የሚያመነጩትን ስምንቱን ከተሞች በመነጠቃቸው ጠንካራ የፋይናንስ አቅም እንዳይኖራቸው ያደርጋል የሚል ስጋት ፈጥሯል፡፡ ይህም አዲሶቹ ዞኖች ለበጀታቸው እና ለልማት እንቅስቃሴያቸው ሙሉ በሙሉ በክልሉ መንግሥት ፈቃድ እና ድጎማ ላይ ብቻ ጥገኛ እንዲሆኑ ሊያደርጋቸው እንደሚችል ትንታኔዎች ያሳያሉ፡፡
በአጠቃላይ የኦሮሚያ ክልል አዲሱ የከተሞች አስተዳደር መዋቅር፣ ስልጣንን ወደ ታች የማውረድ ሳይሆን፣ የኢኮኖሚ እና የፖለቲካ ሀብትን በማዕከላዊ መንግሥት እጅ የመጠቅለል ግልጽ እርምጃ መሆኑን ምሁራን ያስገነዝባሉ፡፡ ውሳኔው የክልሉን መንግሥት የፋይናንስ አቅም እጅግ የሚያጎለብት ቢሆንም፣ በዞን እና በከተማ አስተዳደሮች መካከል ያለውን የሀብት ክፍፍል አዲስ መልክ የሚያሲዝ መሆኑ ተጠቁሟል።

የባለሙያዎችን ፍልሰት ለመግታት የማበረታቻ ስርዓት ሊዘረጋ መሆኑን የፌደራል ታክስ ይግባኝ ኮሚሽን ገለጸ

የፌደራል ታክስ ይግባኝ ኮሚሽን ከፍተኛ ክህሎት ያላቸው የሕግ እና የታክስ ባለሙያዎች ተቋሙን ለቀው እንዳይሄዱ ለማድረግ አፈጻጸምን መሠረት ያደረገ የማበረታቻ ስርዓትና የሙያ ዕድገት መዋቅር ሊዘረጋ መሆኑን አስታወቀ።

ኮሚሽኑ ለአሐዱ ሬድዮ በላከው መረጃ እንዳስታወቀው፣ በ2019 የበጀት ዓመት ሊያጋጥሙ ከሚችሉ ዋና ዋና ስጋቶች መካከል የሰለጠነ የሰው ኃይል ፍልሰት እና የማስፈጸም አቅም ዝቅተኛነት በግንባር ቀደምትነት የተቀመጡ ናቸው።

ይህንን የሰው ኃይል ፍልሰት ለመከላከል ግልጽ የሆነ የሙያ ዕድገት መዋቅር ከመዘርጋት ባሻገር የሥራ አካባቢን ምቹ ማድረግ እና አፈጻጸምን መሠረት ያደረጉ ማበረታቻዎችን መተግበር እንደ መፍትሔ በሪፖርቱ ተካተዋል።

በተጨማሪም፤ በአገልግሎት ዘርፉ በሰው ኃይል የማስፈፀም አቅም ዝቅተኛነት እና የተገልጋይ እርካታ መቀነስ በበጀት ዓመቱ ተግዳሮት እንደሚሆኑ ኮሚሽኑ ጠቁሟል።

የተነሱትን ተግዳሮቶች መሠረት ያደረጉ መፍትሔዎችን ለመተግበር የቴክኖሎጂ ዘርፉ እንደሚጠናከር ተገልጿል።
በዚህም የመረጃ ስርዓቶችን በማላመድ ቀልጣፋ አገልግሎት ለመስጠት እና የተገልጋይን እርካታ ለማሳደግ ታቅዷል።

በዓለምነው ሹሙ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

የሚኒስትሮች ምክር ቤት በዛሬው ዕለት ባካሄደው 59ኛ መደበኛ ስብሰባ በተለያዩ ጉዳዮች ላይ ተወያይቶ ውሳኔ አሳልፏል

1. ምክር ቤቱ በቅድሚያ የተወያየው የአስፈጻሚ አካላትን አደረጃጀት፣ ሥልጣንና ተግባር ለመወሰን በቀረበ ረቂቅ አዋጅ ላይ ነው፡፡ በኢ.ፌ.ዴ.ሪ ህገ መንግስት እና ምርጫ ህግ በየአምስት አመቱ የሚደረገውን ሀገራዊ ምርጫ ተከትሎ በህገ መንግስቱ አንቀጽ 56 መሰረት አዲስ የአስፈጻሚ አካላት ስልጣንና ተግባር ማደራጀት የሚጠበቅ በመሆኑ፣ በ2018 ዓ.ም በተደረገው ሀገራዊ ምርጫ ተከትሎ የፌዴራል አስፈጻሚ አካላትን በአዲስ መልክ ለማቋቋም እንዲያስችል ረቂቁ ተዘጋጅቶ ለምክር ቤቱ ቀርቧል፡፡ ምክር ቤቱም በረቂቅ አዋጁ ላይ በሰፊው ከተወያየበት በኋላ ግብአቶችን በማከል ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

2. ቀጥሎም ምክር ቤቱ የተወያየው ብሔራዊ የዳታ አስተዳደር ረቂቅ አዋጅ ላይ ነው፡፡ የኢትዮጵያ የዲጂታል ትራንስፎርሜሽን ግቦችን ለማሳካት፣ የዳታ ደህንነትንና ሉዓላዊነትን ለማረጋገጥ፣ የዳታ መጋራትን፣ የዳታ ተናባቢነትንና የዳታ መልሶ አጠቃቀምን በማጠናከር የመንግሥት አገልግሎቶችን ለማዘመን፣ የአርቲፊሻል ኢንተለጀንስ ምርምርና የፈጠራ አቅምን ለማጎልበት፣ የኢኖቬሽንና የዲጂታል ኢኮኖሚ እድገትን ለማፋጠን እና በዳታ የተመራ የኢኮኖሚ ልማት ሥርዓት ለመገንባት እንዲያስችል ረቂቅ አዋጁ ተዘጋጅቶ ለሚኒስትሮች ምክር ቤት ቀርቧል፡፡ ምክር ቤቱም በረቂቁ ላይ በሰፊው ከተወያየበት በኋላ ግብአቶችን በማከል ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

3. ከዚያም ምክር ቤቱ የተወያየው ከዓለም አቀፍ የልማት ማህበር ጋር በተፈረመው ለኃይል ሴክተር ሪፎርም፣ ኢንቨስትመንትና ዝመና ምዕራፍ አንድ ፕሮጀክት ማስፈጸሚያ የሚውል የአንድ መቶ አርባ አምስት ሚሊዮን ስምንት መቶ ሺ ኤስ.ዲ.አር ብድር ስምምነት ማጽደቂያ ረቂቅ አዋጅ ላይ ነው፡፡ ምክር ቤቱም ስምምነቱ ከሀገራችን የብድር ፖሊሲ ጋር የሚጣጣም መሆኑን በማጋገጥ ረቂቅ አዋጁ ለህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

4. የፌዴራል ገቢ ግብር ማሻሻያ ደንብ ሌላው ምክር ቤቱ የተወያየበት አጀንዳ ነው፡፡ ደንቡ የፌዴራል የገቢ ግብር ግልጽነትንና አስተዳደራዊ ቅልጥፍናን ለማረጋገጥ እና ከተሻሻለው የፌዴራል ገቢ ግብር አዋጅ ቁጥር 979/2008 ጋር የተጣጣመ እንዲሆን ለማድረግ እንዲቻል የተሻሻለውን የሚኒስትሮች ምክር ቤት የገቢ ግብር ደንብ ቁጥር 410/2009 እንደገና ማሻሻል አስፈላጊ ሆኖ በመገኘቱ ረቂቁ ተዘጋጅቶ ለምክር ቤቱ ቀርቧል፡፡ ምክር ቤቱም በረቂቅ ደንቡ ላይ በሰፊው ከተወያየ በኋላ ግብአቶችን በማከል በፌዴራል ነጋሪት ጋዜጣ ታትሞ ከወጣበት ቀን ጀምሮ በስራ ላይ እንዲውል በሙሉ ድምጽ ወስኗል፡፡

5. እንዲሁም ምክር ቤቱ የፌዴራል ተጨማሪ እሴት ታክስ ማሻሻያ ደንብ ላይ ተወያይቷል፡፡ ቀደም ሲል የሙያ አገልግሎት እና ሌሎች አቅርቦቶችን እየሰጡ የተርን ኦቨር ታክስ ይሰበስቡ የነበሩ ግብር ከፋዮች የተርን ኦቨር ታክስ የተሻረ በመሆኑ እነዚህ ግብር ከፋዮች ለተጨማሪ እሴት ታክስ ተመዝግበው ታክሱን እንዲሰበስቡ ለማድረግ፣ በአንዳንድ አቅርቦቶች ላይ የተጣለው ታክስ ለህብረተሰቡ በሚቀርቡ መሰረታዊ አቅርቦቶች እና በአገር ውስጥ ኢንዱስትሪዎች ተወዳዳሪነት ላይ ጫናን ያሳደረ በመሆኑ አቅርቦቶቹን ከታክሱ ነፃ ለማድረግ እንዲያስችል ማሻሻያ ደንቡ ተዘጋጅቶ ለምክር ቤቱ ቀርቧል፡፡ ምክር ቤቱም በረቂቅ ደንቡ ላይ በሰፊው ከተወያየ በኋላ ግብአቶችን በማከል በፌዴራል ነጋሪት ጋዜጣ ታትሞ ከወጣበት ቀን ጀምሮ በስራ ላይ እንዲውል በሙሉ ድምጽ ወስኗል፡፡

6. በመጨረሻም ምክር ቤቱ የተወያየው የመከላከያ ሠራዊት አዋጅን ለማሻሻል የቀረበ ረቂቅ አዋጅ ላይ ነው፡፡ ተቋሙ በኢ.ፌ.ዴ.ሪ ህገ መንግስት አንቀጽ 87 ድንጋጌዎች መሰረት የተሰጡትን ሃገራዊ ተልዕኮዎች በህግ አግባብ ለመፈፀም እንዲችል የመከላከያ ሠራዊት አዋጅ ቁጥር 1286/2015 ማሻሻል አስፈላጊ ሆኖ በመገኘቱ ረቂቁ ተዘጋጅቶ ለምክር ቤቱ ቀርቧል፡፡ ምክር ቤቱም በጉዳዩ ላይ በሰፊው ከተወያየበት በኋላ ግብአቶችን በማከል ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

ማንቸስተር ዩናይትድ የሜዳ ላይ ሳሩን ለሽያጭ ማቅረቡ ግርምትን ፈጠረ

ማንቸስተር ዩናይትድ ቀደም ሲል ባርሴሎና ይጠቀምበት የነበረውን የገቢ ማግኛ መንገድ በመከተል የኦልድ ትራፎርድ ስታዲየሙን የሜዳ ሳር ለደጋፊዎች መሸጥ መጀመሩ ተዘግቧል።

ክለቡ 7 ሴንቲሜትር ስፋት ያለውን የኦልድ ትራፎርድ የሜዳ ሳር በብርጭቆ ዕቃ (Turf Cube) ውስጥ አሽጎ በ125 ፓውንድ ለገበያ አቅርቦታል ተብሏል።

በታዋቂው የስፖርት ዘጋቢ ፖል ሂርስት እና በታዋቂ የስፖርት መገናኛ ብዙኃን ዘገባ መሠረት፣ ማንቸስተር ዩናይትድ የባርሴሎናን የካምፕ ኑ አሰራር በመከተል የታዋቂውን ኦልድ ትራፎርድ ስታዲየም የሜዳ ሳር ለአንደኛ ደረጃ የትኬት ባለቤቶች (Season-ticket holders) እና ለደጋፊዎች መቸርቸር ጀምሯል።

ክለቡ ከ14 ዓመታት በኋላ ለመጀመሪያ ጊዜ የኦልድ ትራፎርድን ሙሉ የሜዳ ሳር በአዲስ መቀየሩን ተከትሎ፣ በቅርቡ የፋይናንስ ሪፖርቱን ይፋ ባደረገበት እና የ47 ሚሊዮን ፓውንድ ዓመታዊ ከታክስ በፊት ኪሳራ ባጋጠመበት ወቅት ይህንን ማድረጉ ተጨማሪ የገቢ ማስገኛ መንገዶችን ለመፈለግ በሚያደርገው ጥረት አካል እንደሆነ ተገልጿል።

ክለቡ ጥቂት ግራም ሳር በ125 ፓውንድ ከፍተኛ ዋጋ መሸጡን ተከትሎ ጉዳዩ በእግር ኳስ ደጋፊዎችና በማህበራዊ ሚዲያ ተጠቃሚዎች ዘንድ መነጋገሪያ እና የቀልድ ርዕስ ሆኗል።

Seledadotio
Seledadotio

የታክስ ይግባኝ ኮሚሽን የዲጂታል አሰራር ትግበራና ቅንጅታዊ ስራዎችን ሊያጠናክር እንደሆነ ተገለጸ

መስከረም 14 ቀን 2019 ዓ.ም.  (አሐዱ ሬዲዮ) የፌደራል ታክስ ይግባኝ ኮሚሽን በ2019 በጀት ዓመት አዲሱን የዲጂታል አሰራር ትግበራ ለማጠናከር እና ከቅንጅት አሰራር መላላት ጋር ተያይዘው የሚነሱ ስጋቶችን ለመቅረፍ የሚያስችሉ ስራዎችን እንደሚያከናውን አስታውቋል።

ኮሚሽኑ ለአሐዱ ሬዲዮ በላከው መረጃ እንዳመለከተው፣ በበጀት ዓመቱ እቅድ ላይ ሊያጋጥሙ ከሚችሉ ስጋቶች መካከል ሰራተኞች እና ግብር ከፋዮች አዲሱን የኢ-ፋይሊንግ እና የኢ-ሰርቪስ የቴክኖሎጂ አሰራር በቀላሉ አለመልመድ አንዱ ነው።

ይህንን ችግር ለመከላከል በ1ኛው ሩብ ዓመት ለሰራተኞች ተግባራዊ የኮምፒውተር ስልጠና ይሰጣል። ለግብር ከፋዮች ደግሞ አሰራሩን የሚያስረዱ የቪዲዮ እና የጽሑፍ መመሪያዎች እንደሚዘጋጁ በላከው መረጃ ገልጿል።

ከዚህ በተጨማሪም ከገቢዎች ሚኒስቴር፣ ከጉምሩክ ኮሚሽን እና ከፍርድ ቤቶች የሚፈለጉ መረጃዎችና ሰነዶች በወቅቱ አለመድረስ እንዲሁም የቅንጅት አሰራር መላላት እንደስጋት ተይዟል።

ይህንን ሰነዶች በወቅቱ አለመድረስ ችግር ለመከላከል በ2ኛው ሩብ ዓመት በሚፈረመው የአጋርነት ስምምነት መሠረት መረጃዎች የሚለዋወጡበትን የጊዜ ገደብና የጋራ ኮሚቴ በህግ ለማቋቋም ታቅዷል።

በአጠቃላይ አገልግሎት አሰጣጡን ለማዘመን የሚዘረጉ የቴክኖሎጂ አሰራሮችን ለባለሙያዎች ስልጠና በመስጠት እና ቅንጅታዊ አሰራርን በሚያረጋግጥ መልኩ እንደሚሰራ ኮሚሽኑ አስታውቋል።

በዓለምነው ሹሙ
 
#አሐዱ_ሬዲዮ_94 .3
#አሐዱ_የኢትዮጵያውያን_ድምጽ
ፌስቡክ ገጽ፡- https://web.facebook.com/a...
ቴሌግራም ገጽ፡- https://t.me/ahaduradi

ፀደይ ባንክ ከታክስ በፊት 4 ነጥብ 3 ቢሊዮን ብር ጠቅላላ ትርፍ አስመዘገበ
#ethiopia | ባንኩ የ2025/26 በጀት ዓመት እቅድ አፈጻጸም እና የ2026/27 እቅድ ትውውቅ መድረኩን ማካሔድ ጀምሯል፡፡

ከሐምሌ 26-28/2018 ዓ.ም በባንኩ ዋና መሥሪያ ቤት እየተካሔደ በሚገኘው የአፈጻጸም ውይይትና የእቅድ ትውውቅና መድረክ፣ የዳይሬክተሮች ቦርድ አባላት፣ የባንኩ ከፍተኛ የሥራ ኃላፊዎች፣ መካከለኛ የሥራ መሪዎች፣ የዐሥራ አንዱም ዲስትሪክቶች ሥራ አስኪያጆች፣ በመላ ሀገሪቱ ከሚገኙ 637 የፀደይ ባንክ ቅርንጫፎች የመጡ ሥራ አስኪያጆች እንዲሁም ጥሪ የተደረገላቸው እንግዶች እየተሳተፉ ይገኛሉ፡፡

ይህ መድረክ ፀደይ ባንክ በተጠናቀቀው በጀት ዓመት በዋና ዋና መመዘኛዎች ማለትም በሀብት አሰባሰብ፣ በብድር አቅርቦትና ማስመለስ፣ በውጭ ምንዛሬ ክምችት፣ የባንኩን ጥሬ ገንዘብ (ሊኩዊዲቲ) በአግባቡ በማሥተዳደር እና በሌሎችም መመዘኛዎች አመርቂ ውጤት ባስመዘገበበት ወቅት የሚካሔድ፣ ትልቅ ትርጉም ያለው፣ ለአንድ ዓላማ በመትጋት ባንኩን ወደ ላቀ ከፍታ ለማሸጋገር ውይይት የሚደረግበትና መግባባት ላይ የሚደረስበት እንደሚሆን የባንኩ ፕሬዝዳንት ዶክተር ዮሐንስ አያሌው ተናግረዋል።

የፀደይ ባንክ የዳይሬክተሮች ቦርድ ሰብሳቢ ዶክተር ድረስ ሳህሉ፣ ባንኩን ውጤታማ ለማድረግ ቦርዱ አፋጣኝ ውሳኔዎችን በማሳለፍ ተቋማዊ ሪፎርም ማድረጉን አስታውሰዋል።

በዚህም ጠንካራ አመራር እና ታታሪ ሠራተኛን ማገናኘት መቻሉንና በአጭር ጊዜ አስደናቂ ውጤት ማስመዝገቡን ዶክተር ድረስ አስታውቀዋል፡፡

ባንኩን ወደ ላቀ ደረጃ ለማሸጋገርና ራእዩን ለማሳካት በጋራ መትጋት እንደሚገባም አሳስበዋል።

ሙሉ ዘገባውን ለማንበብ ማስፈንጠሪያውን ይጫኑ፡- https://www.tsedeybank.com...

ገዳ ባንክ በበጀት ዓመቱ ከ1 ቢሊዮን ብር በላይ የትርፍ አፈጻጸም ማስመዝገቡን ገለጸ

ገዳ ባንክ 5ኛውን መደበኛ የባለአክሲዮኖች
ጠቅላላ ጉባኤውን ባካሄደበት ወቅት በበጀት ዓመቱ ባሳየው ጠንካራ የፋይናንስ እንቅስቃሴ ከታክስ በፊት ከ1 ቢሊዮን ብር በላይ ትርፍ ማስመዝገቡን ገልጿል።

በጉባኤው ላይ የዳይሬክተሮች ቦርድ እና የውጭ ኦዲተሮች ሪፖርት ቀርቦ ውይይት የተደረገበት ሲሆን፣ የባንኩን የካፒታል አቅም ለማሳደግ የተገኘውን ትርፍ ወደ ካፒታል ለማዋደድ እና በቀጣይም የካፒታል መጠኑን በከፍተኛ ደረጃ ለማሳደግ የሚያስችሉ ውሳኔዎች ተላልፈዋል።

የባንኩ ዋና ሥራ አስፈጻሚ አቶ ወልዴ ቡልቶ እንደገለጹት፣ ባንኩ ሥራ በጀመረ በ3 ዓመት ከ6 ወር አጭር ጊዜ ውስጥ ፈጣን ዕድገት በማስመዝገብ የደንበኞቹን ቁጥር ከ1 ሚሊዮን በላይ ማድረስ ችሏል።

እንደ ሥራ አስፈጻሚው ገለጻ፣ ባንኩ በበጀት ዓመቱ 1 ቢሊዮን 5 ሚሊዮን ብር አጠቃላይ ትርፍ ያስመዘገበ ሲሆን፣ ይህም ካለፈው ዓመት 444 ሚሊዮን ብር አንጻር ሲነጻጸር ከ120 በመቶ በላይ ከፍተኛ ዕድገት ያሳየበት ነው።

በተመሳሳይ የባንኩ አጠቃላይ ሀብት የ64 በመቶ ዕድገት በማሳየት 16.5 ቢሊዮን ብር ደርሷል። የባንኩ የተቀማጭ ገንዘብ መጠን በ65 በመቶ፣ አጠቃላይ ገቢው በ77 በመቶ፣ እንዲሁም ወጪው በ55 በመቶ ያደጉ ሲሆን፤ የተፈቀደ ካፒታሉ 7 ቢሊዮን ብር፣ የተከፈለ ካፒታሉ ደግሞ 1.65 ቢሊዮን ብር መድረሱ ተገልጻል።

Seledadotio
Seledadotio

(ዘ-ሐበሻ ዜና) ገዳ ባንክ በተጠናቀቀው የበጀት ዓመት ከታክስ በፊት 1.05 ቢሊዮን ብር ማትረፉን በ5ኛው መደበኛ የባለአክሲዮኖች ጠቅላላ ጉባኤ ላይ አስታወቀ። ይህ የትርፍ መጠን ካለፈው ዓመት 444 ሚሊዮን ብር ጋር ሲነጻጸር ከ120 በመቶ በላይ (ከእጥፍ በላይ) ዕድገት ያሳየ መሆኑ ተገልጿል።

ዘ-ሐበሻ የተመለከተው በጉባኤው ላይ የቀረበው ሪፖርት እንደሚያሳየው፣ የባንኩ አጠቃላይ ሀብት በ64 በመቶ በማደግ ካለፈው ዓመት 10.06 ቢሊዮን ብር ወደ 16.5 ቢሊዮን ብር ከፍ ብሏል። የተቀማጭ ገንዘብ መጠንም የ65 በመቶ ዕድገት አሳይቷል። በተመሳሳይ አጠቃላይ ገቢው በ77 በመቶ በማደግ 2.69 ቢሊዮን ብር የደረሰ ሲሆን፣ ወጪው ደግሞ የባንኩን የሥራ ማስፋፋት እንቅስቃሴ ተከትሎ በ55 በመቶ ጨምሯል። የባንኩ የተፈቀደ ካፒታል 7 ቢሊዮን ብር ሲሆን፣ የተከፈለ ካፒታሉ 1.65 ቢሊዮን ብር መድረሱ ተመላክቷል።

የባንኩ ዋና ሥራ አስፈጻሚ አቶ ወልዴ ቡሎ ለባለአክሲዮኖች እንደገለጹት፣ የፋይናንስ አገልግሎትን ተደራሽ የማድረግ ራዕይ ሰንቆ የተነሳው ገዳ ባንክ፣ ወደ ሥራ በገባ በሦስት ዓመት ተኩል ጊዜ ውስጥ ብቻ ከአንድ ሚሊዮን በላይ ደንበኞችን ማፍራት ችሏል። ይህ ፈጣን ዕድገት በኢትዮጵያ የባንክ ኢንዱስትሪ ውስጥ ከተቀላቀሉ አዳዲስ ባንኮች ተርታ ቀዳሚ ያደርገዋል።

በተለይም ከወለድ ነጻ የባንክ አገልግሎት የባንኩ ቁልፍ የገቢ ምንጭ ሆኖ ብቅ ያለ ሲሆን፣ ከአጠቃላይ ገቢው ውስጥ 56 በመቶውን ሸፍኗል። ይህ ዘርፍ በኢትዮጵያ ውስጥ ከቅርብ ዓመታት ወዲህ ከፍተኛ ዕድገት እያሳየ የሚገኝ ሲሆን፣ ገዳ ባንክም የሸሪዓ ሕግን የተከተለ የፋይናንስ አገልግሎት የሚፈልጉ ደንበኞችን በስፋት ማግኘት አስችሎታል። በሌላ በኩል ባንኩ 85.1 ሚሊዮን የአሜሪካን ዶላር የውጭ ምንዛሬ ማግኘቱን ሪፖርቱ ያሳያል።

የባንኩ አክሲዮን ሽያጭ አሁንም ቀጥሎ የሚገኝ ሲሆን፣ እስካሁን ለገበያ ከቀረበው አክሲዮን ውስጥ 64 በመቶው መሸጡ የባለሀብቶችን አመኔታ ያሳያል ተብሏል። በጉባኤው ማጠቃለያ ላይ፣ ባለአክሲዮኖቹ የተገኘውን ትርፍ ወደ ካፒታል ለማዞር የቀረበውን የውሳኔ ሐሳብ ያጸደቁ ሲሆን፣ ይህም የባንኩን የካፒታል አቅም ይበልጥ ለማጠናከር እና ቀጣዩን የማስፋፋት ምዕራፍ ለመደገፍ ያለመ ነው።

ወጋገን ባንክ 16.4 ቢሊዮን ብር ገቢ አስመዘገበ
‎
‎#ethiopia | ወጋገን ባንክ አ.ማ. በ2025/26 በጀት ዓመት 16.4 ቢሊዮን ብር ጠቅላላ ገቢ ማስመዝገቡን አስታወቀ። ይህም ከባለፈው ዓመት ጋር ሲነፃፀር የ21 በመቶ እድገት ነው።
‎
‎ባንኩ ይህን ያስታወቀው በአዲስ አበባ ሂልተን ሆቴል በተካሄደው 33ኛ መደበኛ እና 16ኛ አስቸኳይ የባለአክሲዮኖች ጠቅላላ ጉባዔ ላይ ነው። የባንኩ የቦርድ ሰብሳቢ አቶ አብዲሹ ሁሴን ባንኩ ከታክስ በፊት 4.3 ቢሊዮን ብር ትርፍ ማስመዝገቡንም ገልጸዋል።
‎
‎የባንኩ ጠቅላላ ሀብት 111.3 ቢሊዮን ብር ሲደርስ፣ ተቀማጭ ገንዘቡ 81.3 ቢሊዮን ብር እና ጠቅላላ የብድር አቅርቦቱ 67.3 ቢሊዮን ብር መድረሱን ባንኩ አስታውቋል። በውጭ ምንዛሪም 366 ሚሊዮን ዶላር ማግኘቱን ገልጿል።
‎
‎ባንኩ ከ5 ሚሊዮን በላይ ደንበኞች ያሉት ሲሆን፣ ከ4 ሚሊዮን በላይ የሞባይል ባንኪንግ ተጠቃሚዎች እንዳሉት ተገልጿል። እስከ ሰኔ 30 ቀን 2026 ድረስም 458 ቅርንጫፎችን በመላ ሀገሪቱ ከፍቶ እየሰራ መሆኑን አስታውቋል።
‎
‎#wegagenbank #wegagenbankethiopia #banking #ethiopia #financialservices #digitalbanking #businessnews

#ethiopia

ከሠራተኞች ወርሃዊ ደመወዝ እስከ 2 በመቶ ሊቆረጥ ነው።

የክልል መንግስታት ከሠራተኞች ወርሃዊ ደመወዝ ላይ ከዜሮ ነጥብ 5 በመቶ እስከ 2 በመቶ የሚደርስ የአደጋ ጊዜ መጠባበቂያ ፈንድ መዋጮ የሚቆርጡበት አሠራር መዘርጋታቸውን ተሰምቷል።

ከሠራተኞች ደመወዝ የሚቆረጥ መዋጮ በረቂቅ ደረጃ ተይዞ የነበረ ሲሆን፣ በመጨረሻ በጸደቀው የኢትዮጵያ የአደጋ ሥጋት ሥራ አመራር አዋጅ ላይ ግን ቀሪ መደረጉ ይታወሳል።

ክልሎች ለመሰብሰብ የወሰኑት መዋጮ ተመሳሳይ ሲሆን፣ የቤኒሻንጉል ጉሙዝ ክልል ግን ከሁሉም ከፍ ያለ መጠን ማለትም ከ1 እስከ 2 በመቶ ለመቁረጥ ወስኗል።

በተያያዘ ዘገባ፦ ዓለም ባንክ ኢትዮጵያን ጨምሮ በማሳደግ ላይ ያሉ አገራት ዝቅተኛ ገቢ ያላቸው ዜጎች ላይ ጫና ሳያደርጉ ገቢያቸውን ማሳደግ የሚችሉበትን የፖሊሲ ጥናት ይፋ ማድረጉ ተገልጿል።

ባንኩ የኢትዮጵያ የታክስ ገቢ ከአገር ውስጥ ጠቅላላ ምርት አንጻር ያለው ድርሻ በታሪክ እጅግ ዝቅተኛው 7.5 በመቶ መሆኑን ጠቁሟል።

ይህ አፈጻጸም፣ ከሰሃራ በታች ካሉ አገራት 13 በመቶ አማካይ አጠቃላይ ገቢና በተለይም እንደ፦
-ኬንያ፣
-ሩዋንዳ እና
-ኡጋንዳ ካሉ ሀገራት ጋር ሲነጻጸር እጅግ ዝቅተኛ መሆኑን ባንኩ ጠቅሷል።

ለሀገሪቱ የታክስ ገቢ ማነስ፣ ሕገወጥ ንግድ፣ የታክስ ነጻ መብቶች መብዛትና በግብር አሰባሰብ መዋቅር ላይ ያሉ ድክመቶች ዋና ምክንያት ናቸው ተብሏል። ባንኩ፣ በሀገራት የመዋቅራዊ አቅም ምድብ፣ ኢትዮጵያን 'በቅድሚያ መሰረታዊ አሰራሮችን በማጠናከር ሒደት' ምድብ ውስጥ እንደምትገኝ ገልጿል።

Seledadotio
Seledadotio

የቡድን 7 ሀገራት ተፅዕኖን የቀለበሰው የብሪክስ ስብስብ

አዲስ አበባ፣ መስከረም 3፣ 2019 (ኤፍ ኤም ሲ) ብሪክስ ከዓለም ጠቅላላ ምርት 40 በመቶውን በመሸፈን በገበያ አቅም ጥንካሬ የቡድን 7 ሀገራትን ስብስብ በመብለጥ ቀዳሚ መሆን ችሏል፡፡

የደቡባዊ ዓለም ሀገራት ድምፃቸውን የሚያሰሙበት የብሪክስ ስብስብ ከመመስረቱ አስቀድሞ የቡድን 7 (G7) አባል ሀገራት ስብስብ የዓለምን ኢኮኖሚና ፖለቲካዊ አቅጣጫ የሚወስን ተፅዕኖ ፈጣሪ ስብስብ ነበር፡፡

አሜሪካ፣ ዩናይትድ ኪንግደም፣ ፈረንሳይ፣ ጀርመን፣ ጣሊያን፣ ጃፓን እና ካናዳን ያቀፈው ስብስቡ ከ28 በመቶ በላይ የሚሆነውን የዓለም ጠቅላላ የሀገር ውስጥ ምርት እንደሚሸፍን የዓለም አቀፉ የገንዘብ ተቋም (IMF) መረጃ ያመላክታል፡፡

የቡድን 7 አባል ሀገራት እንደ አይ ኤም ኤፍ እና የዓለም ባንክ ባሉ የፋይናንስ ተቋማት ላይ ከፍተኛ የውሳኔ ሰጪነት ሚና የነበራቸው ሲሆን፤ ዓለም አቀፍ የንግድ፣ የታክስና የፋይናንስ ህጎችን በማውጣት ረገድ መሪም ነበሩ፡፡

የቡድን 7 ሀገራት አብዛኞቹ የኔቶ አባላት በመሆናቸው በዓለም አቀፍ ደህንነትና ወታደራዊ ስትራቴጂዎች ላይ ትልቅ ተፅዕኖ አላቸው።

በተለይ ሦስቱ ሀገራት (አሜሪካ፣ ብሪታንያ፣ ፈረንሳይ) የተባበሩት መንግሥታት የፀጥታው ምክር ቤት ቋሚ አባላት ሲሆኑ፤ በዓለም ላይ የሚነሱ ግጭቶችን ለማስቆም ወይም ተፅዕኖ ለማሳደር ኢኮኖሚያዊና ፖለቲካዊ ማዕቀቦችን በጋራ ሲጥሉ ቆይተዋል፡፡

ሀገራቱ በብቸኝነት በሚወስኑት ፖለቲካዊና ኢኮኖሚያዊ ውሳኔዎች፤ መገለል የተሰማቸው ሀገራት በፈረንጆቹ 2006 ብሪክስን በመመሰረት የመጀመሪያ ጉባኤያቸውን በ2009 አካሂደዋል፡፡

የዓለምን 49 ነጥብ 5 በመቶ ህዝብ የሚወክለው ብሪክስ አሁን ላይ የአባላቱን ቁጥር 11 ያደረሰ ሲሆን፤ የፖለቲካ እና ኢኮኖሚ ተፅዕኖው ከጊዜ ወደ ጊዜ እየጨመረ መጥቷል፡፡

የብሪክስ ስብስብ ባለፉት አምስት ዓመታት ከዓለም አቀፍ ጠቅላላ የሀገር ውስጥ ምርት (Global GDP) 40 በመቶውን ሲሸፍን፤ ይህ ምርት በገንዘብ ሲሰላ ወደ 88 ትሪሊየን ዶላር ገደማ መሆኑን የዓለም አቀፉ የገንዘብ ድርጅት መረጃ ያመለክታል፡፡

በአንጻሩ የቡድን 7 አባል ሀገራት ከዓለም ኢኮኖሚ 28 በመቶውን ሲሸፍኑ በገንዘብ 62 ትሪሊየን ዶላር አካባቢ ይገመታል፡፡

አሁን ላይም የብሪክስ አባል ሀገራት የንግድና የኢኮኖሚ ትብብርን ማጠናከር በአባል ሀገራቱ መካከል ያለውን የንግድ፣ የኢንቨስትመንትና የቴክኖሎጂ ሽግግር እያሳደጉ ይገኛሉ፡፡

አባል ሀገራቱ እርስ በርሳቸው በሚያደርጉት የንግድ ልውውጥ በራሳቸው የመገበያያ ገንዘብ መጠቀማቸው፤ የአሜሪካ ዶላር በዓለም ገበያ ላይ ያለውን ፍጹም የበላይነት ለመገዳደር አስችሏል፡፡

የዓለም ፖለቲካ በአንድ ወይም በሁለት ኃያላን ሀገራት ፍላጎት ብቻ ከመመራት ይልቅ፤ ታዳጊና በፈጣን ዕድገት ላይ ያሉ ሀገራትም እኩል ተጽዕኖ የሚፈጥሩበት ዓለም አቀፍ ሥርዓት በመገንባት ረገድ ተጨባጭ ውጤት ማስመዝገብ ችለዋል፡፡

ኢትዮጵያ በፈረንጆቹ ጥር 2024 የብሪክስ አባል ከሆነች ጊዜ ጀምሮ በስብስቡ ውስጥ በተለይም በኢኮኖሚ፣በዲፕሎማሲና በአየር ንብረት ልማት ዘርፎች ንቁ ተሳትፎን እያደረገች ትገኛለች፡፡

በሚኪያስ አየለ

የቴክኖሎጂ አብዮት በኢትዮጵያ፡- ከ5 ሚሊዮን ኮደርስ እስከ አገልግሎት ዲጂታላይዜሽን
********************

ቀደም ሲል የመንግሥት አገልግሎቶችን ለማግኘት ይደርስ የነበረው ረጅም ሰልፍና እንግልት፣ ዛሬ በሀገራችን እየተካሄደ ባለው የዲጂታል ትራንስፎርሜሽን እያበቃ ይገኛል።

ሀገራችን "ዲጂታል ኢትዮጵያ 2025"ን በስኬት አጠናቅቃ ወደ "ዲጂታል 2030" ስትራቴጂ የተሸጋገረች ሲሆን፣ ይህም የአገልግሎት አሰጣጥንና የዜጎችን የአኗኗር ዘይቤ በመቀየር ላይ ነው።

በዲጂታል ትራንስፎርሜሽን ረገድ በመሰረተ ልማትና የቴክኖሎጂ ማዕከላት እንደ የሳይንስ ሙዚየም፣ የኢትዮጵያ አርቲፊሻል ኢንቴሊጀንስ ኢንስቲትዩት እና የስፔስ ሳይንስና ጂኦስፓሻል ኢንስቲትዩት ወደ ሙሉ ሥራ የገቡ ሲሆን፣ የ4G እና 5G የኢንተርኔት መረቦችም በስፋት እየተዘረጉ ይገኛሉ።

በቴሌብር እና በሞባይል ባንኪንግ አማካኝነት ያለ ጥሬ ገንዘብ የሚደረግ ግብይት ባህል ሆኗል። ብሔራዊ መታወቂያ (ፋይዳ) ደግሞ የዲጂታል ማህበረሰብ ግንባታን እውን እያደረገ ነው።

እንደ ኢ-ታክስ፣ ኢ-ፓስፖርት እና በተለያዩ የሀገራችን ክፍሎች የተከፈቱ "መሶብ" የአንድ ማዕከላት አገልግሎቶችን በአንድ ጣሪያ ስርና በበይነመረብ በማቅረብ ወጪን፣ ጊዜንና እንግልትን አስቀርተዋል።

ከተባበሩት አረብ ኤምሬትስ ጋር በመተባበር የእየተተገበረ የሚገኘው የ5 ሚሊዮን ኮደርስ ነፃ የኦንላይን ስልጠና ወጣቶችን በዳታ ሳይንስ፣ ፕሮግራሚንግ፣ ኤአይ (AI) እና አንድሮይድ ሶፍትዌር ግንባታ በማሰልጠን የራሳቸውን የቴክኖሎጂ ድርጅቶች እንዲፈጥሩ እያበቃቸው ይገኛል።

ዲጂታላይዜሽን የአሰራር ባህል ለውጥና የሀገርን የወደፊት አቅም የመገንባት ሂደት በመሆኑ፣ ቴክኖሎጂውን በአግባቡ መጠቀምና በዲጂታል እውቀት ማደግ የሁላችንም የጋራ ኃላፊነት ነው።

በብሌን ደምበሎ
#ebc #ethiopia #digitalethiopia #digitalethiopia2030 #artificialintelligence #mesob

የኢትዮጵያ ንግድ ባንክ የተጣራ ትርፍ በ75.8% ማደጉን አስታወቀ

የኢትዮጵያ ንግድ ባንክ በተጠናቀቀው የበጀት ዓመት ከታክስ በኋላ የሚያገኘውን የተጣራ ትርፍ በ75.8% በማሳደግ 38.71 ቢሊዮን ብር ማድረሱን ይፋ በተደረገው የኦዲት ሪፖርት ላይ ገለጸ።

በባንኩ የቦርድ ሰብሳቢ አህመድ ሽዴ እና በፕሬዚዳንቱ አብይ ሳኖ የጸደቀው የኦዲት አገልግሎት ኮርፖሬሽን ሪፖርት እንደሚያሳየው፣ የተቋሙ የወለድ ገቢ በ30.7% አድጎ 132.06 ቢሊዮን ብር ደርሷል። በሌላ በኩል የባንኩ የወለድ ወጪዎች በ1.8% ብቻ አድገው 45.31 ቢሊዮን ብር መሆናቸው ተገልጿል።

በተመሳሳይ ከወለድ ውጭ ያለው ገቢ በ77.5% እድገት በማሳየት 60.52 ቢሊዮን ብር መድረሱ በሪፖርቱ ተመላክቷል። ሆኖም የሰራተኞች እና ሌሎች የሥራ ማስኬጃ ወጪዎች በእጥፍ በመጨመር 113.71 ቢሊዮን ብር መድረሳቸው ተጠቁሟል።

Seledadotio
Seledadotio

ኬንያ ሕጋዊ የመኖሪያ ፈቃድ ለሌላቸው #የምስራቅ_አፍሪካ ዜጎች ጊዜያዊ ምሕረት ሰጠች

ኬንያ ከውጭ አገር በመጡ አነስተኛ ነጋዴዎች ላይ እርምጃ ሊወሰድ ይችላል የሚል ስጋት አድሮባቸው በመቶዎች የሚቆጠሩ የቡሩንዲ ዜጎች ሰኞ ዕለት በናይሮቢ ወደሚገኘው የአገራቸው ኤምባሲ የጉዞ ሰነዶችን ፍለጋ በሄዱበት ወቅት ነው የኬንያ መንግሥት ሕጋዊ የመኖሪያ ፈቃድ ለሌላቸው የምስራቅ አፍሪካ ዜጎች ጊዜያዊ ምሕረት የሰጠው።

የኬንያው ፕሬዝዳንት ዊሊያም ሩቶ በባለፈው ሳምንት ከታክስ ማሻሻያ ጋር በተያያዘ ተቃውሞ ካቀረቡ የኬንያ ነጋዴዎች ጋር ከተወያዩ በኋላ፣ ባለሥልጣናት ከሰኞ ጀምሮ በውጭ አገር ነጋዴዎች የሚካሄዱ ሁሉንም አነስተኛ የንግድ እንቅስቃሴዎች እንዲዘጋ ጥሪ አቅርበው እንደነበር ይታወሳል።

የኬንያ ንግድ ሚኒስቴር ያለ ሥራ ፈቃድ በሚሰሩ የውጭ አገር ዜጎች ላይ እንደሚተገበር የተናገረው ይህ ትዕዛዝ፣ ሰኞ እለት በቡሩንዲ ኤምባሲ ውጭ ሁከትና ብጥብጥ የቀሰቀሰ ሲሆን፣ የቡሩንዲ ዜጎች የሩቶን ንግግር ተከትሎ ከጎረቤቶቻቸው ማስፈራሪያ እንደደረሳቸው ተናግረዋል።

ሰኞ ዕለት በናይሮቢ ምንም አይነት የእርምጃ ምልክቶች ያልታዩ ሲሆን፣ የሩቶ አስተዳደር ቃል አቀባይ በኋላ እንደተናገሩት፣ መንግሥት ማንኛውንም አይነት ትንኮሳ፣ ማስፈራራት ወይም የውጭ ዜጎች ጠልነትን በፍጹም የመታገስ ፖሊሲ እንደሌለው ገልጸው፣ ሕጋዊ የመኖሪያ ፈቃድ የሌላቸው የምስራቅ አፍሪካ አገራት ዜጎች፣ በተለይም የቡሩንዲ ዜጎች በኤምባሲዎቻቸው ሕጋዊ ምዝገባ እንዲያካሄዱ አሳስበዋል።

"በዚህ በተወሰነው የምዝገባ ወቅት፣ ምዝገባ የሚያካሄዱ ግለሰቦች በኬንያ ሪፐብሊክ ውስጥ በሕጋዊ መንገድ እንደተገኙ ይቆጠራሉ።

Seledadotio
Seledadotio

(ዘ-ሐበሻ ዜና) መንግስት የሀገር ውስጥ ኢንቨስትመንትን ለማበረታታት በማሰብ ለተወሰኑ ፕሮጀክቶች ከቀረጥ ነጻ የአርማታ ብረት እንዲያስገቡ የፈቀደውን ልዩ መብት መከታ በማድረግ፣ ከፍተኛ መጠን ያለው እና ጥራቱን ያልጠበቀ ብረት በሕገወጥ መንገድ ገበያ ላይ እየዋለ መሆኑ ተጋለጠ። ይህ ድርጊት መንግስትን ለከፍተኛ የውጭ ምንዛሬ ብክነት እና የታክስ ኪሳራ ከመዳረጉም ባሻገር፣ ጥራቱን ያልጠበቀው ብረት በመሬት መንቀጥቀጥ ቀጠና ውስጥ በሚገነቡ ሕንጻዎች ላይ ጥቅም ላይ መዋሉ በሕዝብ ደህንነት ላይ ከባድ የሞት እና የሽረት አደጋ ደቅኗል።

የኢንዱስትሪ ሚኒስትር እና የገንዘብ ሚ/ር የቀረጥ ነፃ መብት ጥያቄዎችን ገምገመው በሚሰጡት የድጋፍ ደብዳቤ መሰረት፣ የገቢዎችና ጉምሩክ ባለሥልጣን እቃዎቹ ከቀረጥ ነጻ እንዲገቡ ይፈቅዳል። ነገር ግን እነዚህን መብቶች ያገኙ ድርጅቶች ብረቱን ለታለመለት የኢንቨስትመንት ዓላማ ከማዋል ይልቅ፣ ግዙፍ መጋዘኖች ውስጥ በማከማቸት በሕገወጥ መንገድ ለገበያ እያቀረቡት ይገኛሉ። ይህ አሰራር መንግሥት በየዓመቱ ማግኘት ከሚገባው ከ100 ቢሊዮን ብር በላይ የታክስ ገቢ እንዲያጣ እያደረገው ሲሆን፣ በዚህ ከፍተኛ የሀገር ሀብት ላይ ጥብቅ ቁጥጥር ማድረግ የነበረባቸው እንደ ገቢዎችና ጉምሩክ ባለሥልጣን፣ የኢንቨስትመንት ኮሚሽን እና የኢንዱስትሪ ሚኒስቴር ያሉ ተቋማት ኃላፊነታቸውን በአግባቡ ባለመወጣታቸው አሰራሩ ለከፋ ሙስና እና ብልሹነት ተጋልጧል።

የዓለም የገንዘብ ድርጅት (አይ ኤም ኤፍ) ከዚህ ቀደም ለኢትዮጵያ መንግሥት በሰጠው የፖሊሲ ምክረ ሐሳብ ላይ፣ መንግሥት ኢንቨስትመንትን ለመሳብ በሚል ከዘረጋው የቀረጥ ነፃ መብት ሥርዓት የሚያገኘው ጥቅም እጅግ አነስተኛ መሆኑን አብራርቶ ነበር። ከዚህ ይልቅ በየዓመቱ በነጻ ከሚተወው ቀረጥ የሚሰበሰበው ገንዘብ ግዙፍ ሀገራዊ ሜጋ ፕሮጀክቶችን በሙሉ አቅም ሊሸፍን እንደሚችል በማስረገጥ፣ መንግስት ይህንን የቀረጥ ነፃ መብት ሥርዓት እንዲያጥፍ ማሳሰቡ የሚታወስ ነው።

ከኢኮኖሚያዊ ኪሳራው በከፋ መልኩ ጉዳዩን እጅግ አሳሳቢ የሚያደርገው፣ ወደ ሀገር ውስጥ እየገባ ያለው የአርማታ ብረት መዋቅራዊ የጥራት ደረጃ ነው። በስምጥ ሸለቆ (ሪፍት ቫሊ) ቀጠና ውስጥ ለምትገኘው እና ለመሬት መንቀጥቀጥ ተጋላጭ ለሆነችው ኢትዮጵያ፣ የግንባታ ግብዓቶች የጥራት ደረጃ የህዝብ ደህንነት ዋስትና ነው።

በሕገወጥ ነጋዴዎቹ "የቱርክ አርማታ ብረት" በሚል የውሸት ስያሜ እና የሀሰት የጥራት ደረጃ እየተለጠፈባቸው ገበያ ላይ የሚውሉት እነዚህ ብረቶች፣ ከደረጃ በታች የሆኑ ናቸው። በዓለም አቀፍ የስትራክቸራል ኢንጂነሪንግ ስታንዳርድ መሰረት ለትላልቅ ሕንጻዎች ቢያንስ "ግሬድ 60" ወይም 500 ሜጋ ፓስካል የመለጠጥ እና የመሸከም አቅም ያለውብረት ያስፈልጋል። ነገር ግን ከቀረጥ ነጻ በኮንትሮባንድ መልክ የሚገቡት አብዛኞቹ የሀሰት ብረቶች የመሸከም አቅማቸው ከ300 ሜጋ ፓስካል በታች የሆኑ እና ምንም ዓይነት የመለጠጥ ባህሪ የሌላቸው በመሆናቸው፣ አነስተኛ የርዕደ መሬት ንዝረት በሚፈጠርበት ጊዜ በቀላሉ ተሰብረው ለከፍተኛ የሕንጻ መደርመስ አደጋ የሚያጋልጡ ናቸው።

በአንጻሩ የሀገር ውስጥ የአርማታ ብረት አምራቾች፣ ጥራታቸውን በመንግስት የጥራት ደረጃዎች ኤጀንሲ ጥብቅ ቁጥጥር ስር የሚያመርቱ በመሆናቸው፣ አስተማማኝ እና ከውጭ ከሚገባው የውሸት ብረት በእጅጉ የተሻለ ጥራት አላቸው። ነገር ግን ይህ በኢንቨስትመንት ስም በመጋዘን እየተከማቸ ያልተገባ የውሸት ግሬድ እየተለጠፈበት የሚሸጠው ብረት፣ ትክክለኛዎቹን የሀገር ውስጥ አምራቾች ከገበያ እያስወጣ እና ኢንዱስትሪውን ክፉኛ እየጎዳው ይገኛል።

አሁንም ድረስ በጅቡቲ ወደብ በኩል በሺዎች የሚቆጠሩ ቶን ሕገወጥ የአርማታ ብረቶች ወደ ሀገር ውስጥ ለመግባት ተጭነው እንደሚገኙ እና ይህ የጥፋት ፍሰት በስፋት ቀጥሎ እንዳለ ታማኝ ምንጮች ለዘ-ሐበሻ አረጋግጠዋል። ይህ ድርጊት መንግስትን በቢሊዮኖች ከማክሰር እና ኢንዱስትሪውን ከማዳከም አልፎ፣ ነገ በሚሊዮን የሚቆጠር ህዝብ ለሚኖርባቸው ሕንጻዎች የጅምላ መቃብር ከመሆኑ በፊት፣ የሚመለከታቸው የመንግስት የጸጥታ እና የቁጥጥር አካላት በአስቸኳይ ጣልቃ ገብተው የማያዳግም እርምጃ እንዲወስዱ የዘርፉ ባለሙያዎች በጥብቅ እያሳሰቡ ይገኛሉ።

እመርታ ለዘላቂ ከፍታ!

እንኳን ለእመርታ ቀን አደረሳችሁ! እመርታ ከአሉበት የከፍታ ደረጃ ወደ ላይኛዉ መስፈንጠር ነው፡፡ ከፍታን በአዝጋሚ ሂደትም ዘመናትን ወስዶ ማሻሻል ይቻላል፤ በዚያ አግባብ የሚመጣ መሻሻል ከታለመዉ ግብ ለመድረስ የትውልዶችን ጥረት የሚጠይቅ ነው፡፡

ኢትዮጵያውያን ግን በቁጭት ለዘመናት ከቆየንበት ኋላ ቀርነት እና ድህነት በአዝጋሚ ጉዞ ለመላቀቅ ስለማይቻል እመርታዊ ለውጥ ማምጣትን ግብ አድርገን ሠርተን ስኬቶችን እያስመዘገብን ነው፡፡ ያለፉት ጥቂት ዓመታት ጥረቶቻችን ውጤቶች የሚያሳዩትም ይህንኑ ነው፡፡

የኢትዮጵያን ጀርባ ያጎበጡ የውጭ ዕዳዎችን ጫና በመቀነስ፣ ገቢ የመሰብሰብ ዐቅምን በማሳደግ፣ የኢንዱስትሪዎችን የማምረት ዐቅም በማሻሻል፣ የማዕድን ሀብቶች አጠቃቀምን በማላቅ እመርታዊ ለውጦች ተመዝግበዋል፡፡

የመንግሥት አጠቃላይ የማድረግ ዐቅም በእጅጉ ተለውጧል፡፡ ይህንን እመርታዊ ስኬት ማስመዝገብ የተቻለው ሀገር በቀል የኢኮኖሚ ማሻሻያዎችን በማድረግ፤ የመንግሥት አገልግሎት አሰጣጥን በማሻሻል፤ የዜጎችን ተሳትፎ እና ተጠቃሚነት በማሳደግ፤ የቢዝነስ ሥርዐቱን ቀልጣፋና ግልጽ በማድረግ፤ የኢትዮጵያን የዲፕሎማሲ ዐቅም ከዜጋ ተኮር እና ብሔራዊ ጥቅም አንጻር በመግራት የመደመር መንግሥት ባደረገዉ ሰፊ ጥረት ነው፡፡

ኢትዮጵያ የማዕድን ሀብቶቿን በላቀ የኃላፊነት ስሜት በሕጋዊ አግባብ መጠቀም ጀምራለች፤ ታዳሽ ኃይልን በማምረት ከራስ አልፎ ለቀጠናዉ የኃይል ምንጭ ኾናለች፤ ብዝኃ ዘርፍ ኢኮኖሚን በመተግበር ኹለንተናዊ ዕድገቶችን እያስመዘገበች መጥታለች፤ የኢንዱስትሪ ምርቶችን በዓለም ገበያ ተወዳድራ የመሸጥ ዐቅም ፈጥራለች፡፡ የመንግሥት የልማት ዕቅድ ከቁጥ ቁጥ ወጥቶ ትውልድን ታሳቢ ያደረገ ግብ አስቀምጦ እየተተገበረ ነው፡፡

በ2018 ዓ/ም በሁሉም መስክ ከተስፋ ብርሃን ወደሚጨበጥ ለውጥ የመሸጋገር ሀገራዊ ራዕይን ማሳካት ተችሏል፡፡ ኢትዮጵያን በ2023 ዓ.ም አፍሪካዊት የብለጽግና ተምሳሌት የማድረግ ግብ ተቀምጦ ርብርብ እየተደረገ የስኬቱ ዋዜማ እየተቃረበ ነው፡፡

ኢትዮጵያ ባለፉት ጥቂት ዓመታት በመደመር መንግሥት በተነደፉ የፖሊሲ ሐሳቦች ኹለንተናዊ ሉዓላዊነትን የማረጋገጥ ጉዞን ጀምራለች፡፡ በገቢ አሰባሰብ ላይ የታየዉ እመርታ አንዱ አብነት ነው፡፡ የግብር እና ታክስ መሠረትን በማስፋት፣ ገቢ የመሰብሰብ ዐቅምን በማሳደግ፤ የግብር ከፋዩን የመንግሥት አገልግሎት እርካታ በመሶብ አንድ ማእከል እና በዲጂታል አገልግሎቶች ከፍ በማድረግ የላቀ አፈጻጸም ማሳየት ተችሏል፡፡ በዚህም የበጀት ጉድለትን በእጅጉ ማጥበብ ተችሏል፡፡

ባለፉት ጥቂት ዓመታት የመንግሥት ፕሮጀክቶችን የመፈጸም ዐቅም በእጅጉ አድጓል፡፡ ፕሮጀክቶች መቼ እንደሚጀመሩ እና በምን ያህል በጀት እንደሚፈጸሙ ብቻ ሳይኾን መቼ ተጠናቅቀው በትክክል አገልግሎት እንደሚሰጡ ጭምር በከፍተኛ የራስ መተማመን የመሠረት ድንጋይ ሲቀመጥ መናገር የሚቻልበት ቁመና ላይ ተደርሷል፡፡

እመርታዊ ስኬቶችን ዕውቅና ለመስጠት፣ በቀጣዮቹም ዓመታት የበለጠ እመርታዊ ስኬቶችን ለማስመዝገብ መዘጋጀት አስፈላጊ በመኾኑ ዛሬ ጳጒሜን 01 ቀንን “የኢትዮጵያ ማንሰራራት!” በሚል መሪ መልእክት እያከበርን ነው፡፡

እንኳን ለእመርታ ቀን አደረሳችሁ፣ አደረሰን!

ጳጉሜን 01 ቀን 2018 ዓ.ም

# የመንግሥት ኮሙኒኬሽን አገልግሎት

ኢትዮጵያ ወደ ዲጂታል ዓለም

አዲስ አበባ፣ ነሐሴ 30፣ 2018 (ኤፍ ኤም ሲ) የዲጂታል ኢትዮጵያ ጉዞ የኢኮኖሚ ተሳትፎን በማሳደግ፣ ግልጽነትን በማጠናከር እና ጠንካራ የህዝብ ዲጂታል መሰረተ ልማትን በመገንባት ላይ ይገኛል።

ለዓመታት አስፈላጊ የመንግሥት አገልግሎቶችን ለማግኘት የወረቀት ቅጾችን መሙላት እና በቢሮዎች ረጅም ሰዓት መጠበቅ ግድ ይል ነበር።

ዛሬ ግን የመንግሥት ተቋማት አገልግሎቶችን በቀጥታ በዜጎች እጅ ላይ ለማድረስ የሚያስችል አጠቃላይ ማሻሻያ እያደረጉ ይገኛሉ።

ለአብነትም ለዜጎች የፋይዳ መታወቂያ በመሰጠቱ መጭበርበርን ለመቀነስ እና አስተማማኝ የባንክ አገልግሎቶችን በቀላሉ ለማግኘት የሚያስችል ጠንካራ መሰረት ጥሏል።

በመንግሥት ድረ ገጾች አማካኝነት ዜጎች በአካል ሳይገኙ እንደ ፓስፖርት ማመልከት፣ የንግድ ምዝገባ ማካሄድ እና የፍጆታ ክፍያዎችን መፈጸም ችለዋል።

በግብርናው ዘርፍ የማዳበሪያ ግዢ እና ስርጭትን በዲጂታል መንገድ በመምራት አርሶ አደሮች ጋር ማድረስ ተችሏል።

የማህበረሰብ አቀፍ ጤና መድህን ክፍያዎችን፣ የህክምና ተቋማት ሂሳቦችን እና የመድኃኒት አቅርቦት ሰንሰለትን በዲጂታል ማከናወን ተጀምሯል።

በሽግግሩ ለፋይናንስ አካታችነት ተብሎ የተጀመረው ቴሌብር፣ ዛሬ የገንዘብ ማስተላለፊያ መተግበሪያ ብቻ ሳይሆን ዋና የፋይናንስ አንቀሳቃሽ ሆኗል።

በ2018 በጀት ዓመት ብቻ ከ4 ትሪሊየን ብር በላይ ግብይት ተፈጽሟል፡፡ ከ 60 ነጥብ 6 ሚሊየን በላይ ተጠቃሚዎችን በማገልገል የዕለት ተዕለት የገንዘብ ዝውውሮችን፣ ክፍያዎችን እና ብድሮችን እያስተናገደ ይገኛል።

የሀገሪቱ የክፍያ መስመር በተለያዩ የባንክና የፋይናንስ መተግበሪያዎች ገንዘብ ማዘዋወር በማስቻሉ የመንግሥት እና የግል ባንኮች እንዲሁም ድርጅቶች የሞባይል ባንክ መተግበሪያዎቻቸውን አስፋፍተዋል።

በገቢዎች ሚኒስቴር የሚደረግ የዲጂታል ታክስ ስብሰባ እና በመላ ሀገሪቱ በነዳጅ ማደያዎች የተተገበረው የዲጂታል ክፍያ የአሰራር ብክነትን ቀንሷል፣ የታክስ ህጋዊነትን አሳድጓል፣ እንዲሁም የከተሞች ገቢ አሰባሰብን ዘመናዊ አድርጓል።

ባለፉት አምስት ዓመታት የተመዘገበው ውጤት ሽግግሩ በቀሪ ዘርፎች ላይም ተደራሽ ሆኖ በትኩረት እንዲሰራ የሚያበረታታ ነው።

እንደ 4G እና 5G ያሉ የኔትወርክ መሰረተ ልማቶችን ወደ ገጠር አካባቢዎች ማስፋፋት የክልል ማህበረሰቦች ከከተሞች እኩል የቴክኖሎጂው ተጠቃሚ እንዲሆኑ የሚያስችል ወሳኝ ርምጃ ነው።

የዲጂታል ስራዎች የህዝቡን የየዕለት አጠቃቀም በማሳደግ እያንዳንዱ ዜጋ ከከተማ ነጋዴ እስከ ገጠር አርሶ እና አርብቶ አደር በዲጂታል ኢኮኖሚው ሙሉ በሙሉ ተጠቃሚ እንዲሆን ማስቻል ነው፡፡

ኢትዮጵያ ወደ ዲጂታል ዓለም እያደረገች ያለችው ሽግግር ግልጽ የፖሊሲ አቅጣጫ፣ የዘመነ መሰረተ ልማት እና ሀገራዊ ቁርጠኝነት የታየበት ነው፡፡

በምሕረት ደምሴ