"ዜጎችን በሙያ በማብቃት ከጥገኝነት ለማውጣት እየሰራን ነው!" ወይዘሮ ሀናን ሙሐመድ
#ethiopia | ባቡል ኸይር የበጎ አድራጎት ድርጅት ተረጂነትን በክህሎት የመተካት ራዕዩን ለማሳካት ለሰባተኛ ጊዜ ያሰለጠናቸውን ወጣቶች ዛሬ አስመርቋል፡፡

በልዩ ልዩ የሙያ መስኮች ትምህርታቸውን ሲከታተሉ የቆዩ 80 ሰልጣኞች የመንግስት ከፍተኛ የስራ ኃላፊዎችና ጥሪ የተደረገላቸው እንግዶች በተገኙበት በደመቀ ሁኔታ የምረቃ ስነ ስርዓታቸውን አካሂደዋል፡፡

የድርጅቱ መስራችና ሥራ አስኪያጅ ወይዘሮ ሀናን ሙሀመድ በመርሃ ግብሩ ላይ ባስተላለፉት መልዕክት ተቋሙ ከስድስት ዓመታት በፊት በ16 ሴቶች ጥረት በምግብ ድጋፍ ስራ መጀመሩን አስታውሰው፤ ዛሬ ላይ ዜጎችን በክህሎት አብቅቶ ወደ አምራችነት የሚያሸጋግርበት ደረጃ ላይ መድረሱ ትልቅ ስኬት መሆኑን ገልጸዋል፡፡

ተመራቂዎቹም ያገኙትን እውቀት በመጠቀም ራሳቸውን እንዲለውጡና ለሀገራቸው የበኩላቸውን አስተዋጽኦ እንዲያበረክቱ ጥሪ አቅርበዋል፡፡

በዕለቱ ከተመረቁት መካከል 52ቱ በልብስ ስፌት፣ 21ዱ በመሰረታዊ የኮምፒውተር ስልጠና እንዲሁም 7ቱ በቋንቋ ትምህርት የሰለጠኑ ናቸው፡፡

ሰልጣኞቹ ወደ ስራው ዓለም በቀላሉ እንዲገቡ ለማገዝ እንደ ውጤታቸው የልብስ ስፌት ማሽኖችና የገንዘብ ሽልማቶች ተበርክቶላቸዋል፡፡

ባቡል ኸይር እስካሁን ከ500 በላይ ዜጎችን ያስመረቀ ሲሆን፤ በቀጣይም የራሱን የጋርመንት ፋብሪካ በማቋቋም ሰልጣኞቹን በቋሚነት ቀጥሮ ለማሰራት እቅድ ይዞ እየተንቀሳቀሰ ይገኛል፡፡

በምረቃው ላይ የተገኙት የአዲስ ከተማ ክፍለ ከተማ እና የአዲስ አበባ ፋይናንስ ቢሮ የስራ ኃላፊዎች በበኩላቸው፤ ድርጅቱ ችግረኞችን በዘላቂነት ለመደገፍና ወደ ስራ ለማስገባት እያከናወነ ያለው ተግባር የሚደነቅና ተጠናክሮ ሊቀጥል የሚገባው መሆኑን ገልጸዋል፡፡
#ባቡልኸይር #ምረቃ #ሙያዊስልጠና #በጎአድራጎት #ኢትዮጵያ #አዲስአበባ #ክህሎት #getutemesgen #getu #ጌጡ #ጌጡተመስገን #addisababa

ያልታሰበ ደስታ ወደ ቤታችሁ ይግባ በመወለዷ ደስ የተሰኛችሁ ስሟን ጥሩት ልደትሽ ልደታችን ነው በሏት

" በእርሷ መወለድ ሁላችን ደስ ተሰኘን
"'የመወለድሽ ዜና እጅግ ግሩም እጅግ ድንቅ ነው ነው """"

​"ኪዳነ ምሕረት" ብሎ የጻፈውን የልቡን መሻት ትፈጽምለት፤ በምልጃዋ ደስታንና በረከትን ታጎናጽፋችሁ።

አሜን!

በሀድያና ስልጤ ዞን፣ በሶሮ ወረዳ የሚገኘው የቅድስት ኪዳነ ምህረት እና የቅዱስ ሩፋኤል ቤተክርስቲያን የእናንተን እገዛና ድጋፍ ይፈልጋል።

​እንዴት መርዳት ይቻላል?

​አንድ ሰው 200 ብር ብቻ በመለገስ የዚህ ታላቅ በረከት ተካፋይ መሆን ይችላል።

​የኢትዮጵያ ንግድ ባንክ (CBE): 1000644937128

​ደረሰኝና የክርስትና ስም ለመላክ፦ በቴሌግራም በ 0954441078 ላይ ይላኩ።

​"የሚሰጥ ሰው ይባረካል!"
#ሃይማኖት #ኪዳነምሕረት #ልገሳ #በጎአድራጎት #ኢትዮጵያ #getutemesgen #getu #ጌጡ #ጌጡተመስገን #addisababa

የአንድ ወጣት መታሰቢያ ለብዙዎች ተስፋ ሆነ

📌የኢዮብ ተስፋ ድርጅት የ27 ሚሊዮን ብር የሕክምና ቁሳቁስ ድጋፍ አደረገ

​#ethiopia | በድንገተኛ የልብ ሕመም ሕይወቱ ያለፈውን ወጣት ኢዮብ አበባውን ለመዘከር የተቋቋመው “ኢዮብ ተስፋ ለሕጻናትና ለወጣቶች በጎ አድራጎት ድርጅት”፣ በኢትዮጵያ የልብ ሕመም ላለባቸው ሕፃናትና ወጣቶች የሚውሉ የ180 ሺህ ዶላር (ከ27.5 ሚሊዮን ብር በላይ) ግምት ያላቸው የሕክምና ቁሳቁሶችን ለሦስት የጤና ተቋማት አስረከበ።
​
​ድርጅቱ ያሰባሰባቸውን ነፍስ አድን ቁሳቁሶች ለሚከተሉት ተቋማት በስጦታ አበርክቷል፦

-​ለጥቁር አንበሳ ስፔሻላይዝድ ሆስፒታል

-​ለቅዱስ ጳውሎስ ሆስፒታል ሚሊኒየም የሕክምና ኮሌጅ

-​ለኢትዮጵያ የልብ ሕሙማን ሕፃናት መርጃ ማዕከል

​የድርጅቱ መሥራችና የኢዮብ አባት የሆኑት አቶ አበባው አንበሳው እንደገለጹት፣ ቁሳቁሶቹ የተገኙት ከድርጅቱ ደጋፊዎችና ከታዋቂው የሜድትሮኒክ (Medtronic) ኩባንያ ጋር በተደረገ ትብብር ነው። ድርጅቱ ከተመሠረተባቸው አራት ዓመታት ወዲህ በኢትዮጵያ የልብ ሕክምና ዘርፍ ላይ በርትቶ እየሠራ የሚገኝ ሲሆን፣ እስካሁን በልብ ሕሙማን ሕፃናት መርጃ ማዕከል ብቻ የ100 ሕፃናትን ሕክምና በቀጥታ መደገፍ ችሏል።

አቶ አንበሳው ​"የልጃችንን ሕይወት በድንገት ብናጣም፣ የእሱን ስም ይዘን በሺዎች የሚቆጠሩ ኢትዮጵያውያን ሕፃናትን ልብ ለመጠገንና ተስፋ ለመስጠት እየሠራን እንገኛለን"ብለዋል።

​የሆስፒታሎቹ ኃላፊዎች ድጋፉ ለታካሚዎች የሚሰጠውን አገልግሎት በእጅጉ እንደሚያሳልጥ ገልጸው፣ ለድርጅቱ ላቅ ያለ ምስጋና አቅርበዋል።

ድርጅቱ በቀጣይም መሰል ድጋፎችን አጠናክሮ እንደሚቀጥል አስታውቆ፣ በየትኛውም የዓለም ክፍል የሚገኙ ግለሰቦችና ተቋማት ለዚህ በጎ ተግባር እጃቸውን እንዲዘረጉ ጥሪውን አስተላልፏል።

Getu Temesgen - (ጌጡ ተመስገን) #getutemesgen #getu
​#ኢዮብተስፋ #የልብሕክምና #በጎአድራጎት #ኢትዮጵያ #eyobtesfa #hearthealthethiopia #charity

የክቡር መቶ አለቃ ለማ አሰፋ የላቀ የሥራ ስኬትና የላቁ ተግባራት በቢሾፍቱ ከተማ ተዘከሩ
#ethiopia | በኢትዮጵያ የግብርናና የኢንዱስትሪ ዘርፎች ውስጥ ለሰላሳ ዓመታት በሳቅ መሪነትና በታታሪነት ሲሰሩ የቆዩት የክቡር መቶ አለቃ ለማ አሰፋ የሕይወት ጉዞና የሥራ ውጤቶች የሚዘከርበት መርሃ ግብር ዛሬ በቢሾፍቱ ከተማ ተካሂዷል።

በዕለቱም የቤተሰቦቻቸውን የሥራ ቅብብሎሽ ይፋ የማድረግ ስነ ስርዓት ተከናውኗል።

ባለፈው የካቲት ወር 2018 ዓም በድንገተኛ አደጋ ከዚህ ዓለም በሞት የተለዩት መቶ አለቃ ለማ አሰፋ በ1969 ዓም የኢትዮጵያ አየር ኃይልን በመቀላቀል እስከ መቶ አለቃ ማዕረግ ድረስ ሀገራቸውን በታማኝነት ያገለገሉ የጦር መኮንን ነበሩ።

ከወታደራዊ ግዳጃቸው ጎን ለጎንም በአሥመራ ዩኒቨርሲቲ በሕዝብ አስተዳደር የመጀመሪያ ዲግሪያቸውን በመያዝ እውቀታቸውን ያዳበሩ አንጋፋ ሰው ነበሩ።

በግል የንግድ ዘርፍም ቀዳሚ ከሆኑት መካከል አንዱ የነበሩት እኚህ ባለሀብት በኢትዮጵያ የመጀመሪያውን ዓለም አቀፍ የዶሮና የእንስሳት መኖ ማምረቻ ድርጅት ከመመስረታቸው ባሻገር አለማ ፋርምስ እና ሊዮስ የምግብ ዘይት ፋብሪካን የመሳሰሉ ግዙፍ ተቋማትን በማቋቋም በግብርናው ዘርፍ የሚታየውን የግብዓት እጥረት ለመቅረፍ ግንባር ቀደም ሆነው ሰርተዋል።

ከግማሽ ሺህ በላይ ለሚሆኑ ዜጎች የሥራ ዕድል የፈጠሩትና በተለያዩ የሙያ ማህበራት የቦርድ አመራር በመሆን ለሀገር ኢኮኖሚ የላቀ አስተዋጽኦ ያበረከቱት መቶ አለቃ ለማ በጥረታቸውና በእውቀታቸው ለኢትዮጵያ ወጣቶች ትልቅ አርአያ ሆነው ማለፋቸው በመታሰቢያው ፕሮግራም ላይ ተገልጿል።

ክቡር አቶ አባዱላ ገመዳ እና ሌሎች ከፍተኛ የመንግሥት ኃላፊዎች እንዲሁም ታዋቂ ባለሀብቶች በተገኙበት በዚህ መድረክ ላይ ሊዮስ የምግብ ዘይትና አኩሪ ምርቶች ድርጅት በቢሾፍቱ ለሚገኘው የኛ ለኛው የአረጋውያን መርጃ ማዕከል የ500 ሺህ ብር ድጋፍ በማድረግ የሟቹን በጎ አድራጊነት በግብር አሳይቷል።
#ቢሾፍቱ #አለማፋርምስ #ሊዮስዘይት #ኢንቨስትመንት #በጎአድራጎት #ኢንዱስትሪ #getutemesgen #getu #ጌጡ #ጌጡተመስገን #addisababa

ፕሬዝዳንት ታዬ አጽቀሥላሴ ኢትዮ-ኢስታንቡል ሆስፒታልን ጎበኙ

የኢፌዴሪ ፕሬዝዳንት ክቡር ታዬ አጽቀሥላሴ በኢትዮ-ኢስታንቡል ሆስፒታል ተገኝተው በኢትዮጵያዊያንና በውጭ ሀገር ስፔሻሊስቶች እየተከናወነ በሚገኘው የልብ ህሙማን ህፃናት የነፃ ቀዶ ጥገና አገልግሎት ተጠቃሚ የሆኑ ህፃናትን ጎብኝተዋል።

ፕሬዝዳንቱ በጉብኝታቸው ወቅት ሆስፒታሉ እያከናወነ ያለውን ዘመናዊ የሕክምና አገልግሎትና የበጎ አድራጎት ሥራ አድንቀው በኢትዮጵያ የሕክምና ዘርፉ ወደ አዲስ ምዕራፍ መሸጋገሩን ጠቁመዋል።

ለሕክምናው ቡድን አገልግሎት "Heart to Heart Children’s Aid" የተሰኘው ፋውንዴሽን ካሰባሰበው የእርዳታ ገንዘብ እና Ethio-Istanbul General Hospital ባደረገው ሙሉ የሆስፒታል አገልግሎትና የባለሙያዎች አቅርቦት በሚያደርጉት ድጋፍ ከፍተኛ ሚና እየተጫወቱ ሲሆን፣ በፕሮፌሰር ሳሻ የሚመራው የጣሊያኑ የ"ፔድሬ ፓዮ" የሕክምና ቡድንም በሥፍራው ተገኝቶ ከኢትዮ ኢስታንቡል ሆስፒታል ባለሙያዎች ጋር በመዋሀድ እየሰጠ ባለው አገልግሎት በ12 ቀናት ውስጥ ብቻ በአዲስ አበባ 58 በጅግጅጋ 16 በድምሩ የ74 ሕፃናት የልብ ቀዶ ጥገና በተሳካ ሁኔታ ተጠናቋል።
​
​የሆስፒታሉ መስራችና ዋና ሥራ አስፈፃሚ አቶ ብርሃን ተድላ እንደገለጹት፣ ኢትዮ-ኢስታንቡል ሆስፒታል አሁን የተሰሩትን 74 ህፃናት ሳይጨምር ባለፉት ሁለት ዓመታት ለ114 ሕፃናት በብር 120,000,000.00 (አንድ መቶ ሃያ ሚሊዮን ብር) በሚገመት ወጪ ነፃ ሕክምና ሰጥቷል።
ሆስፒታሉ ከተመሰረተ ሦስት ዓመት ቢሆነውም፣ ከ86 በላይ የሰብስፔሻሊስት ዶክተሮችን በመያዝ ውስብስብ የልብ፣ የካንሰር፣ የደም ስር የጭንቅላት የህብለሰረስና የአጥንት ቀዶ ጥገና ህክምናና በሌሎችም አገልግሎቶች ላይ ሰፊ አገልግሎት በመስጠት ላይ ይገኛል።

​አቶ ብርሃን አክለውም፣ ሆስፒታሉን ለማቋቋም ያነሳሳቸው በራሳቸው ላይ የደረሰ የሕክምና እንግልትና ዜጎች ለሕክምና ወደ ውጭ ሀገር ሄደው የሚደርስባቸውን የገንዘብ ወጪና የሞራል ጉዳት ለማስቀረት ካላቸው ራዕይ መሆኑን በመግለፅ አገልግሎቱን ከዚህ በተሻለ በስፋት ለመስጠት እንዲያስችላቸው ላቀረቡት የቦታ ጥያቄ መንግስት ትኩረት እንዲሰጥላቸው አሳስበዋል።
​
​ፕሬዝዳንት ታዬ አጽቀሥላሴ በንግግራቸው፣ "ያስተማረንን ሕዝብ ማስታወስ ትልቅ በረከት ነው" በማለት በውጭ ሀገር የሚገኙ ኢትዮጵያውያን ባለሙያዎች ወደ ሀገራቸው ተመልሰው እንዲያገለግሉ ጥሪ አቅርበዋል።

እንዲህ ያሉ ለትርፍ ብቻ ታስበው ሳይሆን ለመልካም አገልግሎት የተቋቋሙ የላቁ የሕክምና ተቋማት መኖራቸው ዜጎች ወደ ውጭ በመሄድ ከሚያወጡት ከፍተኛ ወጪና ከሚደርስባቸው እንግልት እንደሚታደጋቸውም ገልጸዋል።

​በተያያዘም ክቡር ፕሬዝዳንት ታዬ አፅቀስላሴ ለሕክምና ቡድኑ ባስተላለፉት የምስጋና መልእክት፣ በሕፃናቱና በቤተሰቦቻቸው ላይ የታየውን ደስታ "የተስፋ ብርሃን" በማለት ገልጸውታል። በተለይም የሕክምና ቡድኑ ወደ ጅግጅጋ በመጓዝ አገልግሎት መስጠቱ የሁለቱን ሀገራት (ኢትዮጵያና ጣሊያን) ግንኙነት ይበልጥ እንደሚያጠናክር ጠቁመዋል።

በዕለቱ ምስክርነታቸውን የሰጡ ወላጆች፣ የሕክምናውን ወጪ በመሸፈን ልጆቻቸው ማሳከም ባለመቻላቸው ለዓመታት ሲሰቃዩ መቆየታቸውን ገልፀው አሁን ባገኙት ነፃ የልብ ቀዶ ጥገና ልጆቻቸው ዳግም ሕይወት ማግኘታቸውን በደስታና በምርቃት ገልጸዋል።

ይህ የህፃናት ነፃ የልብ ሕክምና አገልግሎት በቀጣይነት ወደ ኦሮሚያ፣ አማራ፥ ትግራይ፣ ሲዳማ፣ ደቡብና ሌሎችም ክልሎች በመጓዝ ቀሪዎቹን ሕፃናት ለማከም ዕቅድ መያዙን አቶ ብርሃን ተድላ ገልፀው ለዚህ ዘመቻ መሳካት ከፍተኛ አስተዋፅኦና ትብብር ላደረጉት ለጤና ሚኒስቴር፣ ለጉምሩክ ኮሚሽን፣ ለኢትዮጵያ አየር መንገድ፣ ለስካይላይት ሆቴል፣ ለኢትዮጵያ የምግብና መድኃኒት ቁጥጥር ባለሥልጣንና ለሌሎችም በዘመቻው ለተሳተፉ የህክምና ተቋማት እንዲሁም የገንዘብ ድጋፍ ላደረጉ በጎ አድራጊዎችና ለፋውንዴሽኑ የቦርድ አባላት ከፍተኛ ምስጋና አቅርበዋል። #ኢትዮኢስታንቡልሆስፒታል #የልብሕክምና #በጎአድራጎት #ጤና #ታዬአጽቀሥላሴ #ኢትዮጵያ #getutemesgen #getu #ጌጡ #ጌጡተመስገን #addisababa

ነገ ለሚካሄደው የዛይድ የበጎ አድራጎት የሩጫ ውድድር ዝግ የሚሆኑ የአዲስ አበባ መንገዶች
#ethiopia | መነሻውንና መድረሻውን በመስቀል አደባባይ የሚያደርገው ዓለም አቀፉ የዛይድ የበጎ አድራጎት የ5 ኪሎ ሜትር የጎዳና ላይ ሩጫ ነገ በአዲስ አበባ ከተማ ይካሄዳል።

ቀደም ሲል በዱባይ፣ ኒውዮርክ፣ ቤጂንግ እና ናይሮቢ ሲካሄድ የቆየው ይህ ታላቅ ስፖርታዊ ኩነት በመዲናችን ሲከናወን የትራፊክ ፍሰትን ለማሳለጥ የተወሰኑ መንገዶች ለተሽከርካሪ ዝግ እንደሚሆኑ የአዲስ አበባ ፖሊስ አስታውቋል።

የሩጫው መስመር ከመስቀል አደባባይ ተነስቶ በለገሃር፣ በብሔራዊ ቴአትር እና በቀድሞው ኢቢሲ መብራት በኩል ዞሮ በሠንጋ ተራ፣ በሜክሲኮ አደባባይ እንዲሁም በቡናና ሻይ በኩል አድርጎ ፍጻሜውን በመስቀል አደባባይ ያደርጋል።

በዚህም ምክንያት ነገ ሚያዚያ 25 ቀን 2018 ዓ.ም ከጠዋቱ 12 ሰዓት ጀምሮ ውድድሩ እስከሚጠናቀቅ ድረስ የሚከተሉት መንገዶች ዝግ ይሆናሉ፦

ከቅዱስ ዑራኤል ወደ መስቀል አደባባይ (ባምቢስ ወይም መቅረዝ ሆስፒታል ላይ)

ከኦሎምፒያ አደባባይ ወደ መስቀል አደባባይ (ኦሎምፒያ አደባባይ ላይ)

ከጥላሁን አደባባይ ወደ መስቀል አደባባይ (ጥላሁን አደባባይ ላይ)

ከለገሀር መብራት ወደ መስቀል አደባባይ (ለገሀር መብራት ላይ)
ከለገሀር ቴሌ ማቋረጫ ወደ ስታድየም (ለገሀር ቴሌ ማቋረጫ ላይ)

ከሀራምቤ መብራት ወደ መስቀል አደባባይ (ሀራምቤ መብራት ላይ)

ከብሔራዊ ቤተ መንግስት ወደ መስቀል አደባባይ (ብሔራዊ ቤተ መንግስት መስቀለኛ ላይ)

በተጨማሪም ከዛሬ ሚያዚያ 24 ቀን 2018 ዓ.ም ከምሽቱ 12 ሰዓት ጀምሮ በሩጫ መስመሮቹ ላይ ማንኛውንም ተሽከርካሪ አቁሞ መሄድ የተከለከለ መሆኑን ፖሊስ አሳስቧል።

ህብረተሰቡ ማንኛውም የፀጥታ ስጋት ወይም አጠራጣሪ ነገሮች ሲያጋጥሙት በነጻ የስልክ መስመሮች 990፣ 991፣ 987፣ 816 ወይም በመደበኛ ስልክ ቁጥሮች 011-1-26-43-59፣ 011-5-52-63-02 በመደወል ጥቆማ እንዲሰጥ ጥሪ ቀርቧል።
#ዛይድሩጫ #የበጎአድራጎትሩጫ #የመንገድዝግጅት #አዲስአበባፖሊስ #ትራፊክ #getutemesgen #getu #ጌጡ #ጌጡተመስገን #addisababa

ሰይፉ ፋንታሁን ለአዲስ አበባ ዩኒቨርሲቲ ተማሪዎች የፍቅር ስጦታ አበረከተ
#ethiopia | የአዲስ አበባ ዩኒቨርሲቲ የባህል ማዕከል ባዘጋጀው የ53ኛው ሳምንት መርሃ ግብር ላይ በክብር እንግድነት የቀረበው ታዋቂው የሚዲያ ባለሙያ ሰይፉ ፋንታሁን ለተማሪዎች ያልተጠበቀ ስጦታ አበርክቷል።

ሰይፉ በዚህ መርሃ ግብር ላይ ለዘንድሮው የዩኒቨርሲቲው ተመራቂ ተማሪዎች የሚሆኑ 25 ሙሉ የሱፍ ልብሶችን በስጦታ መልክ ሰጥቷል።

ታዋቂው የቪዲዮ እና የሬዲዮ ጋዜጠኛ ሰይፉ ፋንታሁን በአዲስ አበባ ዩኒቨርሲቲ የባህል ማዕከል እንግዳ ሆኖ በቀረበበት ወቅት ለተመራቂ ተማሪዎች የላቀ ደግነቱን አሳይቷል።

ሰይፉ ለዘንድሮ ተመራቂዎች የ25 ሱፍ ልብሶችን ድጋፍ ያደረገ ሲሆን ይህም ተማሪዎቹ በምረቃ ቀናቸው ደምቀው እንዲታዩ ለማስቻል የታለመ ነው።

ይህ ዓይነቱ የበጎ አድራጎት ተግባር ለሰይፉ ፋንታሁን የመጀመሪያው አይደለም። ባለፉት ዘጠኝ ተከታታይ ዓመታት በአማካኝ በየዓመቱ ለ40 ተማሪዎች የሱፍ ልብስ ሲያበረክት መቆየቱ ይታወሳል።

የሚዲያ ባለሙያው በየዓመቱ የሚያደርገው ይህ ድጋፍ በኢኮኖሚ አቅም ደካማ የሆኑ ተማሪዎች የምረቃ ቀናቸውን በደስታ እንዲያሳልፉ ትልቅ እገዛ እያደረገ ይገኛል።
#ሰይፉፋንታሁን #አዲስአበባዩኒቨርሲቲ #ደግነት #ምረቃ #በጎአድራጎት #getutemesgen #getu #ጌጡ #ጌጡተመስገን #addisababa

የትንሳኤ ስጦታ
ዳሽን ቢራ ለ5 አንጋፋ አርቲስቶች ቤት ገንብቶ አስረከበ
#ethiopia | ዳሽን ቢራ ፋብሪካ አ.ማ የትንሳኤ በዓልን ምክንያት በማድረግ፣ ላለፉት ዓመታት ጥበብን ሲያገለግሉ ለቆዩ 5 አንጋፋ አርቲስቶች አዲስ የገነባላቸውን መኖሪያ ቤቶች በዛሬው ዕለት አስረክቧል።

የአርቲስቶቹ የነበሩ የጭቃ ቤቶች ሙሉ በሙሉ ፈርሰው በዘመናዊ መልክ የተገነቡ ሲሆን፣ ሙሉ የቤት ቁሳቁስም ተሟልቶላቸዋል።

ተ/ዋና ስራ አስፈፃሚ አቶ ማትያስ ጌታቸው እንደገለጹት፣ ፋብሪካው ላለፉት 25 ዓመታት ለማህበራዊ ኃላፊነት ከ1.6 ቢሊዮን ብር በላይ ወጪ አድርጓል።

የኮከብ መልቲ ሚዲያና ማስታወቂያ ስራ አስኪያጅ አቶ ልዑል፣ ዳሽን ቢራ ላደረገው ፈጣን ምላሽ ምስጋናቸውን አቅርበው፤ ፋብሪካው "የኢትዮጵያ ኪነጥበብ ባለሙያዎች በጎ አድራጎት ማህበር የክብር አምባሳደር" ሆኖ እንዲሾም መወሰኑን ገልጸዋል።

በስነ-ስርዓቱ ላይ አንጋፋና ወጣት አርቲስቶች እንዲሁም የዳሽን ከፍተኛ አመራሮች በተገኙበት ቤቶቹ ለባለቤቶቻቸው ተረክበዋል።

"ጥበብን ማክበር - ታሪክን ማክበር ነው!" 🙏
#getu #dashinbeer #ethiopianartists #philanthropyethiopia #eastergift #addisababa #ethiopia #artcommunity #buildinglives #ዳሽንቢራ #ኪነጥበብ #ትንሳኤ #በጎአድራጎት #ጌጡተመስገን #getutemesgen

የፋሲካ በረከት
ህብር የኪነ ጥበባት ማህበር ማዕድ አጋራ! ✨🙏
#ethiopia | ​"ጥበብ ለበጎነት!" በሚል መሪ ቃል የሚንቀሳቀሰውና በወጣት ሙሉጌታ ቱሉ የሚመራው ህብር የኪነ ጥበባት ማህበር፣ የዘንድሮውን የፋሲካ በዓል ምክንያት በማድረግ ለአቅመ ደካሞች ደማቅ የማዕድ ማጋራት መርሃ ግብር አከናውኗል።

ዛሬ ሚያዝያ 2/2018 ዓ.ም በተደረገው በዚህ ተግባር፣ ለበርካታ እናቶችና አባቶች ለበዓል መዋያ የሚሆኑ፦
​ዱቄት፣ ዶሮ፣ እንቁላል እና ዘይት ያሉ መሰረታዊ ፍጆታዎች ተከፋፍለዋል።

​ የማህበሩ ታሪክ በአጭሩ፦
​መቼ ተመሠረተ?
በ2002 ዓ.ም በወጣት ሙሉጌታ ቱሉና ጓደኞቹ።

​ ባለፉት 15 ዓመታት በኦሮሚያ፣ በአማራ፣ በትግራይና በተለያዩ የሀገሪቱ ክልሎች በመዘዋወር ለተፈናቀሉና ለተቸገሩ ወገኖች ደራሽ ሆኗል።

ዘር፣ ቀለምና ሃይማኖት ሳይለይ ለሰው ልጅ ያለውን ክብር በተግባር እያስመሰከረ ይገኛል።

​"ካላችሁ ላይ ይጨምርላችሁ!" በማለት እናቶችና አባቶች ምርቃታቸውን ለገንቢዎቹ አፍስሰዋል። እንደ ህብር ያሉ ማህበራት ከመንግስት ጎን ቆመው ህዝብን በማገልገላቸው ሊመሰገኑ እንደሚገባም የክፍለ ከተማው ባለስልጣናት ገልጸዋል።

​መልካም የፋሲካ በዓል ለሁላችሁም!

​#getu #hibirartassociation #charityethiopia #easterethiopia #mulugetatulu #artforgood #addisababa #lideta #helpinghands #ethiopia #ህብር #ጥበብለበጎነት #ፋሲካ #በጎአድራጎት #ጌጡተመስገን #getutemesgen

የኦሮሚያ ባንክ የፋሲካ በዓል ስጦታ፦ ለ7 ግብረሰናይ ድርጅቶች የ5 ሚሊዮን ብር ድጋፍ! 🇪🇹✨

​ኦሮሚያ ባንክ ማህበራዊ ኃላፊነቱን በመወጣት ረገድ ያለውን ቁርጠኝነት በድጋሚ አሳይቷል። የዘንድሮውን የፋሲካ በዓል ምክንያት በማድረግ ለተለያዩ ማህበራዊ ችግሮች ተጋላጭ የሆኑ ወገኖችን ለሚረዱ 7 ሀገር በቀል ድርጅቶች የገንዘብ ድጋፍ አድርጓል።

​የድጋፉ ዝርዝር፦

​የኢኦተቤ የልማትና ተራድኦ ኮሚሽን፦ 1,000,000 ብር

​አበበች ጎበና በጎ አድራጎት ድርጅት፦ 1,000,000 ብር

​የኩላሊት ህመምተኞች እጥበት በጎ አድራጎት፦ 1,000,000 ብር

​የአዲስ አበባ ከተማ የምገባ ማዕከል፦ 500,000 ብር

​ኦዳ አዳሪ ትምህርት ቤት፦ 500,000 ብር

​ተስፋ አዲስ (የህጻናት ካንሰር ህሙማን)፦ 500,000 ብር

​ሰበታ የአይነ ስዉራን ትምህርት ቤት፦ 500,000 ብር

​የባንኩ መልዕክት፦

የባንኩ ዋና ስራ አስፈጻሚ ኦቦ ተፈሪ መኰንን እንደገለጹት፣ ይህ ድጋፍ ለበዓል መዋያ ብቻ ሳይሆን ተረጂ ወገኖቻችን ቀጣይ ህይወታቸው የሚሻሻልበት እንዲሆን የታለመ ነው። ባንኩ ከዚህ ቀደም የረመዳን ወርን ምክንያት በማድረግ መሰል ድጋፎችን ማድረጉ ይታወሳል።

​በጎነት ለራስ ነው!
ለኦሮሚያ ባንክ ምስጋና ይገባዋል። 🙏

​#getu #oromiabank #csr #ethiopia #charity #easterdonation #socialresponsibility #abebechgobena #kidneydialysis #cancersupport #ኦሮሚያባንክ #በጎአድራጎት #ፋሲካ #ኢትዮጵያ #ጌጡተመስገን #getutemesgen

የሰሚት ደብረ ብርሃን ቅዱስ ጊዮርጊስ እና ቅድስት አርሴማ ቤተክርስቲያን የግንባታ ማጠናቀቂያ ጥሪ

​የሰማዕቱን ቤት እንሥራ፤ በበረከቱም እንሳተፍ!

​በ50,000 ብር መነሻ ካፒታል በ2010 ዓ.ም ግንባታው የተጀመረው ታላቁ ሕንጻ ቤተክርስቲያን፣ 8 ዓመታትን አስቆጥሮ አሁን ለፍጻሜ የሚሆን የፊኒሺንግ (የማጠናቀቂያ) ሥራ ላይ ደርሷል።

በአካባቢው ካለው ከፍተኛ የሕዝብ ቁጥር አኳያ አሁን ያለው መገልገያ ጠባብ በመሆኑ፣ ይህንን ታላቅ ፕሮጀክት ማጠናቀቅ የሁላችንም ክርስቲያናዊ ግዴታ ነው።

​🎯 የ8,000 ብር "የአንድ ካሬ" ቻሌንጅ

​የቤተክርስቲያኑ አጠቃላይ የድንጋይ ንጣፍ ስፋት 2,600 ካሬ ነው። ይህንን ሥራ በፍጥነት ለመጨረስ፦

​የአንድ ካሬ ዋጋ፦ 8,000 ብር

​የሰዎች ብዛት፦
2,800 ምዕመናን እያንዳንዳችን የ1 ካሬ ዋጋ (8,000 ብር) ብናዋጣ የድንጋዩን ሥራ በአንድነት እንወጣዋለን!

​📅 የርክክብ ቀን
​ግንባታውን በጋራ አጠናቅቀን የፊታችን ሚያዚያ 23 ቀን 2019 ዓ.ም በድምቀት ለማስመረቅ ቀጠሮ ይዘናል።

​💰 የልገሳ አማራጮች (የባንክ ሒሳብ ቁጥሮች)
​የአቅማችንን በመለገስ የቅዱሳኑን በረከት እንካፈል።

​የኢትዮጵያ ንግድ ባንክ
1000200637268

​አሃዱ ባንክ
0073908710901

​አባይ ባንክ
2306

​ቴሌብር (Telebirr)
0945230023

​"እግዚአብሔር በደስታ የሚሰጠውን ይወዳል" (2ኛ ቆሮ. 9:7)

​ይህንን መረጃ ለወዳጅ ዘመድዎ Share በማድረግ ለቤተክርስቲያኑ መጠናቀቅ የበኩሎን ድርሻ ይወጡ።

​#ሰሚትጊዮርጊስ #ቅድስትአርሴማ #ቤተክርስቲያን #በጎአድራጎት #ኢትዮጵያ #summitgiyorgis #orthodoxtewahedo

የልብ ሕሙማን ሕፃናት ተስፋ
170 ሕፃናት በ45 ቀናት ውስጥ ነፃ ሕክምና ሊያገኙ ነው
#ethiopia | በኢትዮጵያ በልብ ሕመም ሳቢያ በሕክምና ወረፋ ላይ ላሉና ለከፋ ችግር ለተጋለጡ ሕፃናት ትልቅ የምስራች ተሰምቷል።

የኸርት ቱ ኸርት ቺልድረንስ ኤይድ (Heart to Heart Children's Aid) ፋውንዴሽን "በኢትዮጵያውያን የልብ ሐኪሞች - ለኢትዮጵያውያን ሕጻናት ልብ ጤና!!" በሚል መሪ ቃል፣ 170 ሕፃናትን በ45 ቀናት ውስጥ ለማከም የሚያስችል ታሪካዊ ስምምነት መጋቢት 20/2018 ዓ.ም በስካይላይት ሆቴል ፈጽሟል።

የስምምነቱ ዋና ዋና ነጥቦች፦

ሕክምናው ከሚያዝያ 12/2018 (April 20) ጀምሮ ባሉት 45 ቀናት ውስጥ ተጠናቆ ለሕፃናቱ ይደርሳል።

በስምምነቱ ላይ የጤና ሚኒስቴር፣ የጥቁር አንበሳና የቅዱስ ጳውሎስ ሆስፒታሎች፣ የኢትዮ ኢስታንቡል፣ ጣዝማና ኤሊዘር የልብ ሕክምና ማዕከላት እንዲሁም የዘርፉ ማህበራት በጋራ ለመሥራት ቃል ገብተዋል።

አቶ ብርሃን ተድላ (የፋውንዴሽኑ መስራችና የቦርድ ሰብሳቢ) እንደገለጹት፣ ፋውንዴሽኑ አስፈላጊውን የሕክምና ግብዓትና ወጪ በመሸፈን ተልዕኮውን ይመራል።

ከጣልያን አገር የሚመጣ የሕክምና ቡድንም የዚሁ ጥረት አካል ሲሆን፣ ለ50 ሕፃናት ሕክምና ይሰጣል።

ይህ ትብብር በሕክምና ወረፋ ብዛት ሕይወታቸው የሚያልፍ ሕፃናትን ለመታደግ ከመጣጣሩም በላይ፣ የሀገር ውስጥ የሕክምና ባለሙያዎችና ተቋማት ተቀናጅተው ትልቅ ለውጥ ማምጣት እንደሚችሉ በተግባር ያሳየ ነው።
#getu #hearttoheart #childrenshealth #cardiacsurgery #ethiopiahealth #humanitarianaid #ethioistanbulhospital #ministryofhealth #savinglives #addisababa #የልብሕክምና #ሕፃናት #በጎአድራጎት #ጤና #ጌጡተመስገን #getutemesgen

ቴምር ፕሮፐርቲስ ለወንድም ካሊድ ፋውንዴሽን የ5 ሚሊዮን ብር ድጋፍ አደረገ
#ethiopia | በቤት ልማት ዘርፍ ግንባር የተሰማራው ቴምር ፕሮፐርቲስ፣ ሰብአዊ ድጋፍ ለሚያደርገው የወንድም ካሊድ ፋውንዴሽን የአምስት ሚሊዮን ብር ድጋፍ ማድረጉን አስታወቀ።

ኩባንያው ድጋፉን ይፋ ያደረገው ዛሬ ማክሰኞ የካቲት 24 ቀን 2018 ዓ.ም ባከናወነው የኢፍጣር መርሐ ግብር ላይ ሲሆን ይህ የገንዘብ ድጋፍ ፋውንዴሽኑ ለሚያከናውናቸው የበጎ አድራጎት ሥራዎች ትልቅ አቅም እንደሚሆን ተገልጿል።

"ደግ ለመሆን ደግ ልብ ያስፈልጋል"

በዕለቱ የክብር እንግዳ ሆነው የተገኙት የዲቦራ ፋውንዴሽን መሥራችና የቀድሞ የሕዝብ ተወካዮች ምክር ቤት አፈ ጉባኤ አቶ አባዱላ ገመዳ ባደረጉት ንግግር፦ “ደግ ለመሆን ደግ ልብ ነው የሚያስፈልገው” በማለት የቴምር ፕሮፐርቲስን ተግባር አድንቀዋል። የወንድም ካሊድ ፋውንዴሽን መሥራች አቶ ኻሊድ ናስር በበኩላቸው፣ ተቋማቸው ለሚያደርገው እንቅስቃሴ የተበረከተውን ግዙፍ ድጋፍ በማመስገን የላቀ ምስጋናቸውን አቅርበዋል።

ስለ ተቋማቱ ባጭሩ

* ቴምር ፕሮፐርቲስ፦ ከ2008 ዓ.ም ጀምሮ በኢትዮጵያ የቤት ልማትና የሪል ስቴት ዘርፍ በስፋት እየተንቀሳቀሰ የሚገኝ ተቋም ነው።

* የወንድም ካሊድ ፋውንዴሽን፦ ከ600 በላይ የሚሆኑ በጎዳና ላይ የሚኖሩ ዜጎችን በማንሳት መጠለያ፣ ምግብና አስፈላጊውን ድጋፍ እያደረገ የሚገኝ ግብረ-ሰናይ ድርጅት ነው።
ይህ ዓይነቱ የግል ኩባንያዎችና የረድኤት ድርጅቶች ትብብር፣ በማኅበረሰቡ መካከል ያለውን የመረዳዳት ባሕል ይበልጥ እንደሚያጠናክረው በዝግጅቱ ላይ ተመላክቷል።

Getu Temesgen - (ጌጡ ተመስገን)
#getutemesgen #getu #ጌጡ #ቴምርፕሮፐርቲስ #ወንድምካሊድፋውንዴሽን #በጎአድራጎት #ኢፍጣር #ሰብአዊነት #ኢትዮጵያ

የጀግኖች ውለታ በቁም ተመለሰ
ለኢትዮጵያ ባለውለታ አንጋፋ አትሌቶች የተደረገ ታሪካዊ ድጋፍ! 🇪🇹
#ethiopia | ​የአዲስ አበባ ከንቲባ አዳነች አቤቤ፣ ከኢትዮጵያ አንጋፋ አትሌቶች ማህበር ጋር በመተባበር፣ በተለያዩ ማህበራዊና የጤና ችግሮች ውስጥ የሚገኙ 11 ጀግኖቻችንን በመለየት ከፍተኛ የገንዘብና የቤት ድጋፍ አድርገዋል።

ለሀገር ትልቅ ውለታ የዋለችው አትሌት ጌጤ ኡርጌ ካለችበት የጤና ሁኔታ አንጻር የሚከተለውን ድጋፍ አግኝታለች፡-
​10 ሚሊዮን ብር የገንዘብ ስጦታ።
​ባለ 3 መኝታ መኖሪያ ቤት ከሙሉ የቤት እቃ ጋር።
​የጤና ሁኔታዋን የሚከታተል የቀጣይ ህክምና ድጋፍ።

​ለሌሎች 10 አንጋፋ አትሌቶች የተደረገ ድጋፍ፦
የሚከተሉት ጀግኖች አትሌቶች ለእያንዳንዳቸው የ2 ሚሊዮን ብር ድጋፍ ተደርጎላቸዋል፦

​ዋሚ ቢራቱ
​አጥሬ በዛብህ
​ሸዋንግዛው ወርቁ
​ወርቁ በሮ
​ግርማ ወ/ሃና
​ሸምሱ ሀሰን
​ሻይቱ ሽፈራው
​ዘውዴ ሀ/ማሪያም
​ጌታቸው ከበደ
​ወልዴ ሮባሌ

​ከንቲባዋ ለዚህ ጥሪ ምላሽ በመስጠት "ካላቸው ቆርሰው ለሰጡ" ሀገር ወዳድና ልበ ቀና ባለሀብቶች በአትሌቶቹ ስም ምስጋናቸውን አቅርበዋል። ጀግኖቻችን ለራሳቸው ገንዘብ ከመስራት ይልቅ የሀገርን ስም በማስጠራት የኖሩ በመሆናቸው፣ ይህ ድጋፍ የሚገባቸውና ዘግይቶም ቢሆን የተደረገ ታላቅ ተግባር ነው።

​#አዳነችአቤቤ #አትሌቲክስ #ኢትዮጵያ #ጌጤኡርጌ #ዋሚቢራቱ #በጎአድራጎት #አዲስአበባ #athleticsethiopia #geteurge #wamibiratu #adanechabiebie #getutemesgen #getu #ጌጡ #ጌጡተመስገን

የሰብዓዊነት እና የአብሮነት ጥሪ
3,000 ወገኖች የሚታደሙበት የታላቁ የብርሃን ድግስ! ✨

​"ሁሉን ያዘጋጀ እግዚአብሔር ነው" (ዕብራውያን 3÷4)
#ethiopia | ​የብርሃን ልጆች የሕፃናት እና የአረጋውያን መንደር፣ በታላቁ የዐቢይ ፆም እና በረመዳን ፆም ወቅት የአብሮነት ምሳሌ የሆነ ታላቅ የፍቅር መርሃ ግብር አዘጋጅቷል። በዚህ ልዩ ቀን 3,000 አረጋውያን፣ አካል ጉዳተኞች እና በጎዳና የሚኖሩ ወገኖቻችን በአንድ ማዕድ ይሰባሰባሉ።

​📍 መቼ እና የት?
​ቀን፦ ቅዳሜ የካቲት 28/2018 ዓ.ም
​ሰዓት፦ ከረፋዱ 5:00 ጀምሮ
​ቦታ፦ በቅድስት ሥላሴ ዩኒቨርሲቲ 4ኛ ፎቅ አዳራሽ

​ሁለንተናዊ አብሮነት፦ ዘር፣ ቀለም እና ሃይማኖት ሳይለይ ሰብዓዊነትን ብቻ በማስቀደም የሚደረግ የፍቅር ድግስ።
​ደግ ተቋማት፦ ከ20 በላይ ደግ ተቋማት በልግስና የሚሳተፉበት ታላቅ መድረክ።

​የጥበብ እና የመንፈስ ምግብ፦ የሃይማኖት አባቶች፣ መምህራን፣ ዘማርያን እና የኪነ ጥበብ ባለሙያዎች በመገኘት በረከቱን ያጋራሉ።
​
​📅 የመርሃ ግብሩ ዝርዝር፦
​5:00 - 6:00፦ የሁለቱ ሃይማኖቶች መንፈሳዊ መልዕክቶች እና ዝማሬ።
​6:15 - 6:30፦ የተጠቃሚዎች ልብ የሚነካ ምስክርነት።
​6:30 - 7:30፦ የታላቁ የፍቅር ምሳ መርሃ ግብር።
​7:30 - 8:00፦ የአረጋውያን ምርቃት እና የተቋማት እውቅና።

መምህር ያሬድ ብርሃኑ (የመሥራችና ዋና ሥራ አስኪያጅ) በዕለቱ ተገኝታችሁ የዚህ ታላቅ በረከት ተሳታፊ እንድትሆኑ በአክብሮት ጠርተዋችኋል።
​
​#የብርሃንልጆች #አብሮነት #በጎአድራጎት #ኢትዮጵያ #ፆም #ረመዳን #ሰብዓዊነት #getutemesgen #getu #ጌጡ #ጌጡተመስገን

ያንጎ ኢትዮጵያ፣ በገና በዓል ለሰላም የሕጻናት መንደር የበጎአድራጎት ድርጅት ድጋፍ አደረገ!
…
አዲስ አበባ፣ ኢትዮጵያ – ጥር 2018ዓ.ም.: ከጂቱጂ አይቲ ሶሉሽንስ እና ከኤሌጋንስ ኢምፖርት ኤንድ ኤክስፖርት ፒ.ኤል.ሲ በተጨማሪ ከተለያዩ የፍራንቻይዝ አጋሮች ጋር በመሆን በኢትዮጵያ ውስጥ ሥራውን የሚያከናዉነዉ ያንጎ ኢትዩፒያ ፣ የገና በዓልን አስመልክቶ ለህጻናት እና ወጣቶች እንክብካቤ፣ ትምህርት እና ሁለንተናዊ እድገት ለሚተጋው ሰላም የህጻናት መንደር በጎ አድራጎት ድርጅት - አስፈላጊ የሆኑ ቁሳቁሶችን እና መጫወቻዎችን ለግሷል።

ያንጎ፣ ማኅበራዊ ኃላፊነቱን በመወጣት በሰላም የህጻናት መንደር ለሚኖሩ 481 ህጻናት አስፈላጊ የሆኑ ምግቦችን፣ የንፅህና መጠበቂያ መገልገያዎችን እና መጫወቻዎችን አቅርቧል። ድጋፉ፣ 500 ኪሎ ግራም ስኳር፣ 48 ካርቶን ፓስታ፣ 481 ኪሎግራም ሩዝ፣ 962 የልብስ ማጠቢያ እና 966 የላይፍቦይ ንፅህና መጠበቂያ ሳሙናዎችና ዕቃዎች፣ እንዲሁም የልጆች መጫወቻዎችን ያካተተ ሲሆን ይህም አስፈላጊውን ግብዓት በማሟላት እፎይታን የሚሰጥ እና በበዓል ሰሞን መሆኑ ደግሞ ደስታን እንደሚፈጥር ታምኖበታል፡፡

በኢትዮጵያ የያንጎ ተወካይ የሆኑት ዶ/ር ይቀናለም አበበ፣ በኢንሼቲቩ ላይ አስተያየታቸውን የሰጡ ሲሆን ኩባንያው የኢትዮጵያ ገና፣ በመተሳሰብና በልግስና የሚከበር እንዲሁም ደማቅ ማኅበረሰባዊ እሴቶች ከፍ ብለው የሚታዩበት በዓል መሆኑን እንደሚያምን ተናግረዋል፡፡ አክለውም "የገናን በዓል ምክንያት በማድረግ በሰላም የህፃናት መንደር በጎ አድራጎት ድርጅት የተደረገው የያንጎ ድጋፍ፣ ለምናገለግለው ማኅበረሰብ ያለንን ክብር ያሳያል። ሕጻናትን በመደገፍ እና ነገ ላይ የተሻለ ሕይወት እንዲገነቡ ለመርዳት በየቀኑ በትጋት ከሚሠሩ ድርጅቶች ጋር በአጋርነት መቆም፣ ትርጉም ያለውና ዘላቂ ተጽእኖ እንደሚያመጣም እናምናለን።" ብለዋል፡፡

ተነሣሽነቱ በአፍሪካ ውስጥ ሰፊ የያንጎ የማኅበረሰባዊ ኃላፊነት ጥረቶች አካልን የሚመሠርት ሲሆን ይህም በአካባቢው ላይ ባለ ጠንካራ አጋርነት ላይ የሚያጠነጥን፣ እውነተኛ የማኅበረሰብ ፍላጎቶችን በመረዳት ችግሮችንየሚፈታ እና ዘላቂነት ባላቸውን በጎ ማኅበራዊ አበርክቶዎች ላይ የሚያተኩር ነው።

በ1986 (ዓ.ም - እ.አ.አ.) የተመሠረተው ሰላም የሕጻናት መንደር የበጎ አድራጎት ድርጅት፣ በዝቅተኛ የኑሮ ደረጃ ላይ የሚገኙ የማህበረሰብ ክፍሎችንና ወላጆቻቸውን ላጡና ለማጣት በአደጋ ላይ ያሉ ሕጻናትን በዘላቂ እና ትምህርትን፣ ጤናን፣ ማኅበረሰባዊ ሁነቶችን፣ አእምሯዊ ጤናን እና የኑሮ ክሂሎቶችን ባማከሉ ድጋፎች ማገዝ ከጀመረ አራት አሥርት ዓመታትን አሥቆጥሯል፡፡ ከ16 ዓመታት በፊት ግን፣ ተቋሙ አሠራሩ ላይ ለውጥ በማድረግ ልጆች በቤተሰብ መሐል አስፈላጊውን ቤተሰባዊ ድጋፍ፣ ፍቅር እና ጥበቃ አግኝተው እንዲያድጉ በማሰብ ወደ ቤተሰባዊ ሞዴል መንደርነት ተሸጋግሯል፡፡

በዚህ የገና በዓል ድጋፍ እና ተነሣሽነት ላይ ያንጎ፣ እንዲህ ዓይነት ማኅበረሰባዊ ግዴታቸውን በመወጣት ረገድ ቁርጠኛ አቋም ያላቸውን እና በጎ ማኀበረሰባዊ ለውጥ ለማምጣት የሚተጉ ግብረ ሰናይ ድርጅቶችን ለመደገፍ እና ማኅበረሰባዊ ኃላፊነቱን ለመወጣት ከሚሰጠው የትራንስፖርትና የቴክኖሎጂ አገልግሎት ጎን ለጎን ሁልጊዜም ዝግጁ መሆኑን አሳውቋል፡፡

- ###-
#ስለያንጎ ግሩፕ
ያንጎ ግሩፕ፣ ዋና መሥሪያ ቤቱን በዱባይ ያደረገ ዓለም አቀፍ የቴክኖሎጂ ኩባንያ ሲሆን በዓለም አቀፍ ደረጃ ያሉ ዘመን አፈራሽ ቴክኖሎጂዎችን ወደ ዕለታዊና ኑሮን የሚያቀሉ አገልግሎቶች በመቀየር ማኅበረሰቦችን የሚያገለግል ተቋም ነው። ለፈጠራ ባለው የማያወላውል ቁርጠኝነት፣ ከዓለም ዙሪያ መሪ ቴክኖሎጂዎችን ወደተለያዩ የዓለም ክፍሎች ያለምንም እንከን ወደ የተቀናጀ የዕለት ተዕለት አገልግሎቶች ይቀይራል፤ በየጊዜውም ያዘምናል፡፡ ተልእኳችን መሪ የዓለም ፈጠራዎችን ለሁሉም በማዳረስ በዓለም ሕዝቦች መካከል ያለውን ልዩነት ማቃለል፣ ግንኙነቶችን ማጎልበት እና የዕለት ተዕለት የኑሮ ልምዶችን ማጎልበት ነው።

የያንጎ ባለብዙ-ተግባር መተግበሪያ በአፍሪካ፣ በላቲን አሜሪካ፣ በአውሮፓ እና በመካከለኛው ምሥራቅ ባሉ ከ20 በላይ ሀገራትውስጥ በርካታ የዲጂታል ከተማ አገልግሎቶችን ይሰጣል። የያንጎ ብዙ ቋንቋ ተናጋሪ መተግበሪያ በአንድሮይድ እና አይኦኤስ ላይ በነጻ ይገኛል።
#ስለ ሰላም የሕጻናት መንደር
በ1986 የተቋቋመው ሰላም የሕጻናት መንደር ሀገር በቀል የበጎ አድራጎት ድርጅት፣ መንግሥታዊ ያልሆነ እና ለትርፍ ያልተቋቋመ ግብረ ሰናይ ድርጅት ሲሆን በዝቅተኛ የኑሮ ደረጃ ላይ የሚገኙ የማህበረሰብ ክፍሎችንና ወላጆቻቸውን ላጡና ለማጣት በአደጋ ላይ ያሉ ሕጻናትን በመደገፍ በሁለንተናዊ ድጋፍ ማለትም አእምሯዊ እና አካላዊ ደኅንነታቸው ተጠብቆ እንዲያድጉ፣ እንዲማሩ ብሎም የተሻለ ነገ እንዲኖራቸው ከሁሉም እኩል የተመቻቸ ዕድል እንዲያገኙ የሚሠራ ተቋምነው፡፡

🌟 የጎንደሩ ታላቅ ፕሮጀክት
#ethiopia |የግሎሪ የተቀናጀ ልማት ፋውንዴሽን መስራች ወይዘሮ አስማሩ በሪሁን ከበደ እንደገለጹት፣ የመጀመሪያው ግዙፍ የአዳሪ ትምህርት ቤት መንደር በጎንደር ከተማ በ72,000 ካሬ ሜትር ቦታ ላይ ይገነባል።

ይህ ፕሮጀክት ተጠናቆ ወደ ስራ ሲገባ፦

* ነፃ ትምህርት፦ ከ9ኛ - 12ኛ ክፍል ለሆኑ ውጤታማ ተማሪዎች ምግብና መኝታን ጨምሮ ጥራት ያለው ትምህርት በነፃ ይሰጣል።

* ተግባር ተኮር ስልጠና፦
ለወጣቶች ራሳቸውን እንዲችሉ የሚያደርግ የሙያ ስልጠና ያቀርባል።

* ልዩ ትኩረት ለሴቶች፦ ልጃገረዶች በሁሉም ዘርፍ ተጠቃሚ እንዲሆኑ ይሰራል፡፡

🎭 የአምባሳደርነት ስያሜ እና የክብር እንግዶች

በዚሁ መርሃ ግብር ላይ ታዋቂዎቹ አርቲስት ጸደንያ ገብረ ማርቆስ እና አርቲስት ደሳለኝ ሀይሉ የተገኙ ሲሆን፣ አርቲስት ደሳለኝ ሀይሉ ለፋውንዴሽኑ ስራ ከፍተኛ ንቅናቄ እንዲፈጥር "የድርጅቱ አምባሳደር" ሆኖ ተሰይሟል።

🤝 የልግስና ጥሪ

ግሎሪ የተቀናጀ ልማት ፋውንዴሽን በሲቪል ማህበረሰብ ድርጅቶች ባለስልጣን (በቁጥር 7356) ተመዝግቦ የሚንቀሳቀስ ህጋዊ የበጎ አድራጎት ድርጅት ሲሆን፣ ይህንን በጎ አላማ መደገፍ ለምትፈልጉ በሚከተሉት የባንክ ሂሳቦች እርዳታ ማድረግ ትችላላችሁ፦

* የኢትዮጵያ ንግድ ባንክ፦ 1000656405302
* አባይ ባንክ፦ 9281811942385026
* ዳሽን ባንክ፦ 5815864198011

አድራሻ፦ አዲስ አበባ፣ ካዛንችስ፣ ግሎሪ ህንጻ 6ኛ ፎቅ
ስልክ፦ 0980340707 ወይም 0950319843 (ጎንደር)

​Getu Temesgen - (ጌጡ ተመስገን)
#ግሎሪፋውንዴሽን #ትምህርት #ኢትዮጵያ #ጎንደር #በጎአድራጎት #ልዩአዳሪትምህርትቤት #gloryfoundation #ethiopia #education

በእግዚአብሔር ቸርነት በእናንተ አጋዥነት ከዓመት እስከ ዓመት የሚከናወን የአቅመ ደካማ ወገኖቻችን ምገባ ።

🙏 በነፍስ ይማር ስም

🙏 በልደት ስም

🙏 በመንፈሳዊ በዓላት ስም

🙏 በሠርግ

🙏 ከአደጋ በተረፋችሁበት ቀን ስም

አድራሻ ፦ ከአዲሱ ሚካኤል ቤ/ክ ፊትለፊት ከገነት ህንጻ አጠገብ በሚገኘው የአቅመ ደካማ ወገኖች ቦታ ተገኝተው ነዳያንን ይመግቡ ። በጉልበትዎ በዕውቀትዎ ያግዙ ።

Emama zenashe charitable endowment
1000642627148 ንግድ ባንክ
195860971 አቢሲኒያ ባንክ

0949465946
0961555557
0961555556

በጎነትን ጨምሩ !
#እማማዝናሽ_በጎአድራጎት_ድርጅት

ምን አይነት ጭካኔ ነው?

ይህ የ7 ዓመት ህፃን #አብዱልጀሊል_አብዲ መስከረም 17 የበዓል እለት ክርስቲያን ጎረቤት ጓደኞቹ ጋር ዶሮ ስላየ አራስ ለሆነችው እናቱ "እማዬ ለኔም ዶሮ ግዢ "ብሎ ከተማፀናት በኋላ ቦሌ አራብሳ ከሚገኘው ኮንዶሚኒየም ቤታቸው ወጥታ ገዝታለት ስትመለስ የመጀመሪያ ልጇ አብዱን ግን ልታገኘው አልቻለችም‼️

ቤተሰብ በጭንቀትና በፍለጋ ተንከራተው ማግኘት ሲያቅታቸው ትላንት ወደኛ ደውለው "እረ ልጃችንን አፋልጉን ግራ ገባን"ብለው የተፈጠረውን ሲነግሩን እንደተለመደው ወደ እናንተ አምጥተን "እባካችሁ በማፋለግ እናግዛቸው"አልናችሁ!!

ዛሬም የመገኘቱን ብስራት በተስፋ እየጠበቅን በሚያስደነግጥና ልብ በሚሰብር ሁኔታ ይህን ምስኪን ህፃን ብዙ ያዩበትን ልጃቸው አንገቱን ቀ ጭ ተው ገ ድለውት ቤታቸው ፊትለፊት የሚገኝ ወንዝ ዳር ጥለውት ተገኝቷል!! ምን አይነት ነውረኝነት ነው?
ምን አይነት አውሬነት ነው?

የፈለገውን ዶሮ ገዝታለት ልታበላው የነበረችው እናት በምን ቃል ትፅናናለች? እነዚህ አውሬዎችስ ማናቸው? ብቻ #ያማል😭😭

via: ባይሽ ኮልፌ በጎአድራጎት

ለአንድ ሰው የጾም 150 ብር የፍስክ 250 ብር

እማማ ዝናሽ በጎ አድራጎት ድርጅት !

ከአንድ ሰው ጀምራችሁ ነዳያንን መመገብ ትችላላችሁ

0961555557 / 0961555556 / 0949465946

- EMAMA ZENASHE CHRITABLE ENDOWMENT
- 1000642627148 ንግድ ባንክ
- 195860971 አቢሲኒያ ባንክ
- 0961555557 ቴሌ ብር
#እማማዝናሽ_በጎአድራጎት_ድርጅት

ሱዌስ ሞተርስ እና ጀቱር ኢትዮጵያ ማህበራዊ ኃላፊነታቸውን ለመወጣት የምግብ መስርያ ቁሳቁስ እና የንጽህና መጠበቅያ
መገልገያ እቃዎችን ለስለእናት በጎ አድራጎት ድርጅት አበረከቱ

ሱዌስ ሞተርስ እና ጀቱር ኢትዮጵያ በዛሬው እለት በሰለ እናት የበጎ አድታጎት ድርጅት በመገኘት የምግብ መስርያ ቁሳቁስ መገልገያ እቃዎች፣ የንጽህና መጠበቅያና በተቋሙ ለሚገኙ ወገኖች አስፈላጊ የሆኑ ሌሎች ድጋፎችን አደረገ ።
‎
‎እ.አ.አ. ከ2018 ጀምሮ በኢትዮጵያ ውስጥ ተሽከርካሪ አሴምብል በማካሄድ ለበርካቶች የሥራ እድሎችን በመከፈት በተፈጥሯዊ ሰዉ ሰራሽና ድንገተኛ አደጋዎች ፈጥኖ በመድረስ የሚታወቀው ሱዌስ ሞተርስ በዛሬው እለት ላለፉት 23 ዓመታት በተለያዩ የሀገሪቱ ከልሎች እና አሁን ላይ ደግሞ በአዲስአበባ እና በኦሮሚያ ሻሸመኔ ከተማ ላይ ላሉ ወላጆቻቸውን በተለያዩ ምክንያት ላጡ ህጻናት እና አቅመ ደካማ ቤተሰቦች ድጋፍ እያደረገ በሚገኘው ስለእናት የበጎአድራጎት ድርጅት በመገኘት የተለያዩ ለድርጂቱና በዉስጡ ለሚገኙ ወገኖች መሰረታዊ የሆኑ ድጋፎችን አድርገዋል ። ።
‎
‎ከተደረጉት ድጋፎች መካከልም የምግብ ማብሰያ ቁሳቁስና መገልገዪ እቃዎች፣ የንጽህና መጠበቅያ እና ሌሎች የአስፈላጊ ቁሳቁሶችንም ይካተታሉ።
‎
‎ኩባንያው ከመነሻው ጀምሮ በመላዉ ሃገሪቱ ለብዙ ኢትዮጵያውያንና ለተወሰኑ የውጪ ዜጎች የሥራ እድሎችን በመፍጠር የሚታወቅ ሲሆን፣ በማህበራዊ ኃላፊነት ደግሞ በተለያዩ ጊዜአት በከፋ ችግር ለተጋለጡ በሰዉ ሰራሽና ተፈጥሮ አደጋዎች ለተዳረጉ የማህበረሰብ ክፍሎችና በሀገራዊ ጉዳዮችን ላይ በመሳተፍ በሃገር አቀፍ ደረጃ ተግባራዊ ምላሽ በመስጠት ይታወቃል ።
‎
‎በዛሬዉ እለት በስለ እናት የበጎአድራጎት ድርጂት በመገኘት ድጋፍ ያደረጉት ሱዌስ ሞተርስ እና ጀቱር ኢትዮጵያ ኩባንያ ኑሯቸውን በጎዳና ያደረጉና በአስቸጋሪ ሁኔታ ውስጥ የሚገኙ ወገኖችን እየታደጉ ያሉ ተቋማትን አቅም ያላቸው ሁሉ እንዲደግፏቸው ጥሪ አስተላልፈዋል።
‎
‎ ሕብረተሰቡ በኢትዮጵያ አንድም ሰው በምግብ፣ በውሃና በመሰል ችግሮች እንዳይጎዳ ጥረት እንዲያደርግም ተማጽነዋል
‎
‎አክለዉም " እኛ ሁሉ በመተባበር ለተጎዱት እጆቻችንን እንዘርጋ፣ የሀገራችንን እድገት እና ልማት የወደፊት ተስፋ የሆኑት ህጻናት ላይ በአንድነት እንገንባ።" ሲሉ ተቋማትና ድርጂቶች ልክ እንደ ሱዌስ ሞተርስ ማህበራዊ አገልግሎቶች ላይ እንዲሳተፍ ጥሪ አቅርበዋል ።
‎
‎አዲስ አበባ, ነሐሴ 10, 2017 ዓ.ም

የህፃኑ ስቃይ ሲያሳዝን‼️

ይህ ቆንጅዬ ህፃን #ረያን_አብዱልከሪም ይባላል!በደም ካንሰር ህመም ህክምና ሲያደርግ ቆይቶ እያገገመ "ዳንኩ" ብሎ ተስፋ ቢያደርግም እንደገና አገርሽቶበት ዶክተሮች "ልጃችሁ በህይወት ለመቆየት ብቸኛ አማራጩ ንቅለተከላ ነው"ብለዋል!!ውጪ ሄዶ ለመታከም ደግሞ ከ7ሚሊዮን ብር በላይ ያስፈልጋቸዋል!

እናትና አባት ተጨንቀዋል😭በሁሉ የሚወደደው ረያን በሞት አፋፍ ላይ ሆኖ "አድኑኝ እንደጓደኞቼ ልማር"ብሎ ይጣራል!! #እንድረስለት🙏 ምንም ማድረግ ካልቻልን #በፀሎትና #በሼር እንተባበር🙏
"ለመልካም ስራ ረፍዶ አያውቅም" #አካውንት የኢትዮጵያ ንግድ ባንክ
1000239022597-ሰዲያ ሁሴን
1000440849036-አብዱልከሪም አልይ(አባት) #ስልክ
0911757631-ሳዲያ(እናት)
0910417118-አብዱልከሪም #ጎፈንድሚ
https://gofund.me/5dc21ab6
#ባይሽ_ኮልፌ_በጎአድራጎት

የእማማ ዝናሽ በጎ አድራጎት ድርጅት አቅመ ደካሞችን በመመገብ የአቅመ ደካሞችን ቤት በማደስ እንዲሁም የአቅመ ደካሞችን ንጽህና በመጠበቅ ላይ የሚሰራ አገር በቀል የበጎ አድራጎት ድርጅት ነው ።

- 1000642627148 ንግድ ባንክ
- 195860971 አቢሲኒያ
- EMAMAZENASHE CHRITABLE
ENDO WMENT

0961555557
0961555556
0949465946

ፖስታ ሳጥን ቁጥር
9320
#እማማዝናሽ_በጎአድራጎት_ድርጅት

ሙዳይ በጎ አድራጎት የፍቅር ሀገር በሆነችው ድሬ ቅርኝጫፍ ሊከፍት ነው

በበጎ አድራጎት ማህበር የሚሰሩ ስራዎች ውጤታማ እንዲሆኑ ባለድርሻ አካላትና ማህበረሰቡ ድጋፍ እንዲያደርግ ተጠየቀ።

ሙዳይ በጎ አድራጎት ማህበር ከድሬዳዋ አስተዳደር ጋር በጋራ በመሆን ከባለ ድርሻ አካላት ጋር የምክክር መድረክ አካሒዷል።

ሙዳይ በጎ አድራጎት ድርጅት በድሬዳዋ አስተዳደር በይፋ ስራውን መጀመር በሚያስችለው ጉዳዮች ላይ ከከንቲባ ጽህፈት ቤት ጋራ በጋራ በተዘጋጀ መድረክ ምክክር አካሂዷል።

በሴቶችና ማህበራዊ ጉዳይ ቢሮ የማህበራዊ ጉዳይ ኤጀንሲ ስራ አስኪያጅ የሆኑት አብዱረህማን ሙሳ ባደረጉት ንግግር ማህበሩ ወደ አስተዳደሩ መምጣቱ እንዳስደሰታቸው ገልጸዉ በቀጣይ በቢሯቸው የሚያስፈልገውን ትብብር እንደሚያደርጉ ተናግረዋል ።

ሙዳይ በጎ አድራጎት ማህበር ያካበተውን ልምድ በተለይ በሴቶችና ህፃናት ላይ እንዲሁም ማህበራዊ አገልግሎት ላይ በመድገም ውጤታማ እንዲሆን አስተዳደሩ ድጋፍና ክትትል የሚያደርግ መሆኑን የገለጹት በከንቲባ ጽፈት ቤት የማህበራዊ ዘርፍ አማካሪ ተወካይ የሆኑት ወይዘሮ መስከረም ተክለሃይማኖት ናቸው።

የሙዳይ በጎአድራጎት ድርጅት ቅርንጫፍ ስራ አስኪያጅ የሆኑት ዶክተር አንተነህ ለገሰ በመድረኩ እንዳብራሩት ማህበሩ የፋይናንስ አቅሙን ለማመንጨት ከተለያዩ ግለሰቦች, መንግስታዊ ና መንግስታዊ ካልሆኑተቋማት ገቢ በማሰባሰብና በጋራ በመሆንና ማህበሩ በራሱ ገቢ በማመንጨት ስራዎችን በመስራት እራሱን እንደሚደግፍ ገልጸዋል፡፡

ሙዳይ በጎ አድራጎት የፍቅር ሀገር በሆነችው ድሬ ቅርኝጫፍ ሊከፍት ነው
#ethiopia | በበጎ አድራጎት ማህበር የሚሰሩ ስራዎች ውጤታማ እንዲሆኑ ባለድርሻ አካላትና ማህበረሰቡ ድጋፍ እንዲያደርግ ተጠየቀ።

ሙዳይ በጎ አድራጎት ማህበር ከድሬዳዋ አስተዳደር ጋር በጋራ በመሆን ከባለ ድርሻ አካላት ጋር የምክክር መድረክ አካሒዷል።

ሙዳይ በጎ አድራጎት ድርጅት በድሬዳዋ አስተዳደር በይፋ ስራውን መጀመር በሚያስችለው ጉዳዮች ላይ ከከንቲባ ጽህፈት ቤት ጋራ በጋራ በተዘጋጀ መድረክ ምክክር አካሂዷል።

በሴቶችና ማህበራዊ ጉዳይ ቢሮ የማህበራዊ ጉዳይ ኤጀንሲ ስራ አስኪያጅ የሆኑት አብዱረህማን ሙሳ ባደረጉት ንግግር ማህበሩ ወደ አስተዳደሩ መምጣቱ እንዳስደሰታቸው ገልጸዉ በቀጣይ በቢሯቸው የሚያስፈልገውን ትብብር እንደሚያደርጉ ተናግረዋል።

ሙዳይ በጎ አድራጎት ማህበር ያካበተውን ልምድ በተለይ በሴቶችና ህፃናት ላይ እንዲሁም ማህበራዊ አገልግሎት ላይ በመድገም ውጤታማ እንዲሆን አስተዳደሩ ድጋፍና ክትትል የሚያደርግ መሆኑን የገለጹት በከንቲባ ጽፈት ቤት የማህበራዊ ዘርፍ አማካሪ ተወካይ የሆኑት ወይዘሮ መስከረም ተክለሃይማኖት ናቸው።

የሙዳይ በጎአድራጎት ድርጅት ቅርንጫፍ ስራ አስኪያጅ የሆኑት ዶክተር አንተነህ ለገሰ በመድረኩ እንዳብራሩት ማህበሩ የፋይናንስ አቅሙን ለማመንጨት ከተለያዩ ግለሰቦች መንግስታዊ ና መንግስታዊ ካልሆኑተቋማት ገቢ በማሰባሰብና በጋራ በመሆንና ማህበሩ በራሱ ገቢ በማመንጨት ስራዎችን በመስራት እራሱን እንደሚደግፍ ገልጸዋል፡፡