ደም መፍሰስን የሚቀንስ የሌዘር ቀዶ ሕክምና ቴክኖሎጂ በአራዳ የህክምና ማዕከል በይፋ ተጀመረ!
#fastmereja :በአዲስ አበባ ከተማ ለሁለት አስርት ዓመታት የሕክምና አገልግሎት ሲሰጥ የቆየው የአራዳ ሕክምና ማዕከል (አራዳ ጊዮርጊስ ጠቅላላ ሆስፒታል)፣ 20ኛ ዓመት የምስረታ በዓሉን በዛሬው ዕለት በተለያዩ ኩነቶች አክብሯል።

ማዕከሉ በምስረታ በዓሉ ዕለት በዘርፉ ያለውን የአገልግሎት እጥረት ይቀርፋል የተባለለትን የጆሮ፣ አፍንጫ እና ጉሮሮ (ENT) ከፍተኛ ስፔሻላይዝድ ክሊኒክ በዛሬዉ እለት በይፋ መርቆ አገልግሎት አስጀምሯል።

የማዕከሉ መስራችና ስራ አስኪያጅ አቶ ነጋ ገብረሚካኤል በምረቃው ሥነ-ሥርዓት ላይ እንደገለጹት፤ ተቋሙ በ1998 ዓ.ም በትንሽ ክሊኒክ ደረጃ ጉዞውን የጀመረ ቢሆንም፣ ባለፉት 20 ዓመታት ውስጥ ከ400 ሺህ በላይ ለሚሆኑ ዜጎች የሕክምና አገልግሎት ተደራሽ ማድረግ መቻሉን ገልፀዋል።

ተቋሙ ከሕክምናው ጎን ለጎን በጤና ባለሙያዎች ስልጠና ላይ በመሰማራትም እስካሁን ከ3,500 በላይ ነርሶችንና የላቦራቶሪ ባለሙያዎችን አሰልጥኖ ለሀገሪቱ የጤና ዘርፍ ማበርከቱ ተገልጿል።

ዛሬ በይፋ የተመረቀው ከፍተኛ የጆሮ፣ አፍንጫ እና ጉሮሮ (ENT) ስፔሻላይዝድ ክሊኒክ፣ በአዲስ አበባ ከተማ ውስጥ ይህን ልዩ አገልግሎት ከሚሰጡ ጥቂት (አምስት) ተቋማት አንዱ እንዲሆን አድርጎታል፡፡

ክሊኒኩ በዘርፉ አዲስ የሆነውን የሌዘር ማሽን (Laser Machine) በመጠቀም ደም መፍሰስን የሚቀንስ እና ስቃይ የሌለው ቀዶ ሕክምና መስጠት የጀመረ ሲሆን፣ በተጨማሪም አዲስ ለተወለዱ ሕፃናት የመስማት ችሎታ ምርመራ (Audiology) እና የስፒች ቴራፒ አገልግሎቶችን ያካተተ መሆኑ ተጠቁሟል።

ማዕከሉ የ20ኛ ዓመት የምስረታ በዓሉን በማስመልከት በርካታ የማኅበራዊ ኃላፊነት ተግባራትን እያከናወነ የሚገኝ ሲሆን በመንግሥት ሆስፒታሎች ረጅም የቀጠሮ ዝርዝር ውስጥ የነበሩ 20 ሕፃናትን በነፃ ቀዶ ጥገና ማድረግ፣ ለአረጋውያን ዘመናዊ የጆሮ ምርመራ (Endoscopy and Audiometry) በነፃ መስጠት፣ እንዲሁም ለአዲስ አበባ ከተማ አስተዳደር ሲቪል ሰርቪስ ሠራተኞች ነፃ የ ENT ምርመራ ማከናወን ይገኙበታል።

በተጨማሪም ማዕከሉ በቀጣይ አገልግሎቱን ሙሉ በሙሉ ወደ ዲጂታል (Digital Health) የመቀየር ራዕይ የሰነቀ ሲሆን ለኩላሊት እጥበት (Dialysis) እና ለካንሰር ሕክምና የሚውል ቦታ ከመንግሥት ጋር በመነጋገር ላይ መሆናቸውንና አገልግሎቶቹን በቅርቡ ለመጀመር ማቀዳቸውን በእለቱ ተገልጿል።

በመጨረሻም ላለፉት 20 ዓመታት በማዕከሉ ነፃ ሕክምና ሲደረግላቸው የቆዩ ታካሚዎች ምስጋናቸዉን ያቀረቡ ሲሆን፣ማዕከሉ ከሕክምና አገልግሎቱ ጎን ለጎን ከዩኤስ ኤይድ (USAID) ጋር በመተባበር በኤች አይ ቪ (HIV) ምርመራና በበጎ አድራጎት ስራዎች ላይ በስፋት ሲሳተፍ መቆየቱ ተገልጿል።

የሕይወት አድን ጥሪ
እህታችን መሠረት ፈንታቢልን (አስካለ ማርያምን) በጋራ እንታደጋት

​ከ2010 ዓ.ም. ጀምሮ በኩላሊት ሕመም ስትሰቃይ የቆየችው እህታችን መሠረት ፈንታቢል፣ አሁን ላይ ሕይወቷን ለማዳን የእያንዳንዳችን የጋራ ርብርብ ያስፈልጋታል።

መሠረት በባህር ዳር፣ በጎንደርና በአዲስ አበባ ቅዱስ ጳውሎስ ሆስፒታል ለዓመታት ስትታከም ቆይታለች።

በ2015 ዓ.ም. አረጋዊ አባቷ ኩላሊታቸውን ቢሰጧትም፣ ከሁለት ቀን በኋላ ሳይሳካ ቀርቶ ኩላሊቱ ሥራ አቁሟል።

ከኩላሊቱ በተጨማሪ በ2017 ዓ.ም. የልብ ቧንቧ ጥበት አጋጥሟት የልብ ሕክምና አድርጋለች።

​ በአሁኑ ወቅት በየሳምንቱ ሦስት ጊዜ የዲያሊሲስ (Dialysis) ሕክምና እያደረገች ሲሆን፣ ይህ ሕክምና አጥንቷንና ሌላው ሰውነቷን እየጎዳው ይገኛል።

​ልጆቿና ቤተሰቧ ካሉበት ጭንቀት እንዲገላገሉና መሠረት የተሻለ ሕክምና አግኝታ ወደ ጤናዋ እንድትመለስ የገንዘብ ድጋፍ ያስፈልጋታል።

​ድጋፍ ለማድረግ፦
​የኢትዮጵያ ንግድ ባንክ (CBE)
1000706400544

​አቢሲኒያ ባንክ (BoA)
230444447

https://gofund.me/0b08e84b...

​ነገ በእኛም ላይ ምን እንደሚገጥመን አናውቅምና፣ ዛሬ ለወገን ደራሽ በመሆን እህታችንን እናሳክማት።

አቅማችሁ የፈቀደውን በመለገስና ይህንን መረጃ ለሌሎች በማጋራት (Share) እንተባበር።

​#getu #ethiopia #healthalert #kidneyfailure #supportmeseret #addisababa #charityethiopia #communitysupport #savealife #እህታችንንእንታደጋት #የኩላሊትሕክምና #የሕይወትአድንጥሪ #ኢትዮጵያ #ጌጡተመስገን #getutemesgen

ሜሪ ጆይ በአዲስ አበባ አዲስ የኩላሊት እጥበት ማዕከል አስመረቀ! ✨
#ethiopia | ​ከተመሠረተ 32 ዓመታትን ያስቆጠረውና በሰብዓዊ አገልግሎቱ የሚታወቀው ሜሪ ጆይ ኢትዮጵያ፣ በአዲስ አበባ አስኮ አካባቢ የሚገኘውን ዘመናዊ የኩላሊት እጥበት ሕክምና ማዕከል የካቲት 20/2018 ዓ.ም በደማቅ ሁኔታ አስመርቋል።

​የማዕከሉ ዋና ዋና ገጽታዎች፦

​አገልግሎት፦
ማዕከሉ በ10 አልጋዎች ሥራ የጀመረ ሲሆን፣ ሕክምናውን ለዜጎች በተመጣጣኝ ዋጋ ለማቅረብ ያለመ ነው።

​ተገኝተው ያስመረቁ፦
የጤና ጥበቃ ሚኒስትር ዶ/ር መቅደስ ዳባ እና ሌሎች ከፍተኛ የመንግሥት ኃላፊዎች፣ ተቋማትና በጎ አድራጊዎች።

​ስፋት፦
ሜሪ ጆይ ቀደም ሲል በሀዋሳ ማዕከል የከፈተ ሲሆን፣ በቀጣይም በአርባ ምንጭ፣ በደብረ ብርሃን እና በሆሳዕና ከተሞች ተመሳሳይ አገልግሎት ለመጀመር ዝግጅቱን ጨርሷል።

​🤝 የወገን ደራሽነትና የክብር አባልነት፦
የማዕከሉ መሥራችና ሥራ አስኪያጅ ሲስተር ዘቢደር ዘውዴ፣ ለማዕከሉ መሳካት አስተዋፅኦ ያበረከቱትን አመስግነው፤ በዕለቱም በርካታ ግለሰቦችና ተቋማት የማዕከሉ "የክብር አባል" በመሆን ፊርማቸውን አኑረዋል።

​ከክብር አባላቱ መካከል፦

​ካዲስኮ (Kadisco)
​ዶ/ር መቅደስ ዳባ (የጤና ጥበቃ ሚኒስትር)
​ወ/ሮ ጠይባ ሀሰን (የስደትና ተመላሾች አገልግሎት ኮሚሽን ዳይሬክተር)
​አዋጭ ብድርና ቁጠባ
​የቶቶት ምግብ ቤት ባለቤት አቶ ጠንክር ቴኒ እና ሌሎችም...

የእርስዎ ሚና፦
የኩላሊት ሕመም ብዙዎችን ለከፍተኛ ወጪና ስቃይ የሚዳርግ በመሆኑ፣ እንዲህ ያሉ ማዕከላት እንዲጠናከሩ ሁላችንም ከሜሪ ጆይ ጎን ልንቆም ይገባል።

​#ሜሪጆይ #የኩላሊትእጥበት #ጤናኢትዮጵያ #ሲስተርዘቢደርዘውዴ #አዲስአበባ #maryjoyethiopia #dialysis #healthcare #ethiopia #getutemesgen #getu #ጌጡ #ጌጡተመስገን

የምስራች ለደሴ እና አካባቢው ነዋሪዎች፦ የኩላሊት እጥበት ማዕከል ግንባታ በይፋ ተጀመረ! 🏗️✨
#ethiopia | ​በደሴ አጠቃላይ ስፔሻላይዝድ ሆስፒታል ለዓመታት ሲጠበቅ የነበረው የኩላሊት እጥበት (Dialysis) ማዕከል ግንባታ ዛሬ በይፋ ተጀምሯል። ይህ ፕሮጀክት በክልሉ ያለውን የጤና አገልግሎት ክፍተት በመሙላት ረገድ ትልቅ ተስፋ ሰንቋል።

​ቁልፍ ነጥቦች፦
​💰 በጀት፦
ለግንባታውና ለማሽኖች ግዢ በአጠቃላይ 187 ሚሊዮን ብር ተመድቧል። ከዚህ ውስጥ 95 ሚሊዮን ብሩ ቀደም ሲል ለወሎ ቴርሸሪ ኬር ሆስፒታል ግንባታ ከህዝብ የተሰበሰበ መሆኑ ታውቋል።

​⏳ የጊዜ ገደብ፦
ግንባታውን በ 3 ወራት ውስጥ በፍጥነት አጠናቆ ስራ ለማስጀመር ታቅዷል።

​🌍 ተደራሽነት፦
ሆስፒታሉ ከአማራ ክልል ባለፈ ለአፋር እና ለትግራይ አጎራባች አካባቢዎች (ለ10 ሚሊዮን ዜጎች) አገልግሎት የሚሰጥ በመሆኑ፣ ማዕከሉ ወደ አዲስ አበባ የሚደረገውን እንግልትና ወጪ ያስቀራል።

​🙏 የታሪክ አሻራ፦
የወሎ ዩኒቨርሲቲ ፕሬዝዳንት ዶ/ር አወል ሰይድ እንደገለጹት፤ ማዕከሉ ከ15 ዓመት በፊት ገንዘባቸውን ላዋጡ የህብረተሰብ ክፍሎች እንደ ማስታወሻ የሚቆጠር ነው።

​በጥላሁን አበበ ጠቅላላ ሥራ ተቋራጭ የሚገነባው ይህ ማዕከል፣ በጥራትና በፍጥነት ተጠናቆ ለወገኖቻችን ደራሽ እንዲሆን እንመኛለን።

​#dessie #wollouniversity #healthnews #dialysiscenter #ethiopia #amharahealth #getutemesgen #getu #ጌጡ #ጌጡተመስገን

አይ ሲ ኤም ሲ በቱሉ ዲምቱ አዲስ የውስጥ ደዌ ሕክምና ማዕከል በይፋ አስመረቀ
#ethiopia | ለረጅም ዓመታት በልብ ሕክምና ዘርፍ አገልግሎት የሰጠው አይ ሲ ኤም ሲ (ICMC) አጠቃላይ ሆስፒታል፣ ተደራሽነቱን ይበልጥ በማስፋት በአቃቂ ቃሊቲ ክፍለ ከተማ ወረዳ 13 (ቱሉ ዲምቱ) ያስገነባውን ዘመናዊ የውስጥ ደዌ ሕክምና ማዕከል ዛሬ የካቲት 7 ቀን 2018 ዓ.ም መርቆ አገልግሎት ማስጀመሩን አስታውቋል።

ይህ አዲስ ማዕከል በተለይ ለቱሉ ዲምቱ፣ ኮዬ ፈጨ፣ አቃቂ ቃሊቲ፣ ሸገር ከተማ እና በአቅራቢያው ለሚገኙ የኦሮሚያ ክልል ከተሞች ነዋሪዎች ጥራት ያለው ሕክምና በቅርበት እንዲያገኙ ትልቅ ዕድል ይፈጥራል ተብሏል።

ሆስፒታሉ የውስጥ ደዌ ሕክምናየማማከር እና የታካሚዎች ክትትል ዘመናዊ ምርመራ፣የISO እውቅና ያለው ላብራቶሪ፣ የራጅ እና አልትራሳውንድ አገልግሎት፣የድንገተኛ አደጋ ሰው ሠራሽ መተንፈሻና የነፍስ አድን መሣሪያዎች የተገጠመላቸው ዘመናዊ አምቡላንሶች እንዳሉት ተገልጿል።

በቅርቡ የእናቶችና ሕፃናት ሕክምና እንዲሁም የኩላሊት እጥበት (Dialysis) አገልግሎት ለመጀመር ዝግጅቴን አጠናቅቃለሁ ብሏል።

እ.ኤ.አ በ2001 በትንሽ የልብ ክሊኒክነት ጉዞውን የጀመረው ተቋሙ፣ ዛሬ ላይ ከ3,000 በላይ ባለአክሲዮኖችን በማቀፍ ወደ ትልቅ አጠቃላይ ሆስፒታል አድጓል። ሆስፒታሉ የካትላብ (Cath Lab) መሣሪያን ጨምሮ ዘመናዊ የሕክምና ቴክኖሎጂዎችን በመጠቀም ዓለም አቀፍ ደረጃውን የጠበቀ አገልግሎት ለመስጠት ቁርጠኛ መሆኑን ገልጿል።

Getu Temesgen - (ጌጡ ተመስገን)
#getutemesgen #getu #ጌጡ #icmc #healthethiopia #tuludimtu #addisababa #medicalcenter #ethiopia #healthcare #አይሲኤምሲ #ጤና

የአይ ሲ ኤም ሲ (ICMC) ሜዲካል ሴንተር አዲስ የሕክምና ማዕከል በቱሉ ዲምቱ በይፋ አስመረቀ

​#fastmereja I ​አይ ሲ ኤም ሲ (ICMC) ሜዲካል ሴንተር ለኅብረተሰቡ ጥራት ያለው የሕክምና አገልግሎት ተደራሽ ለማድረግ የጀመረውን ጉዞ በማስፋት፣ በአቃቂ ቃሊቲ ክፍለ ከተማ ወረዳ 13 (ቱሉ ዲምቱ) ያስገነባውን አዲስ የውስጥ ደዌ ሕክምና ማዕከል ዛሬ የካቲት 7 ቀን 2018 ዓ.ም በይፋ አስመረቀ።

​ይህ አዲስ ማዕከል መከፈቱ ለቱሉ ዲምቱ፣ ለኮዬ ፈጨ፣ ለአቃቂ ቃሊቲ፣ ለሸገር ከተማ እንዲሁም አጎራባች ለሆኑ የኦሮሚያ ክልል ከተሞች ነዋሪዎች የሕክምና ፍላጎት ትልቅ ምላሽ የሚሰጥ ነው ተብሏል።

​አይ ሲ ኤም ሲ እ.ኤ.አ በ2001 በትንሽ የልብ ክሊኒክነት ተመስርቶ፣ ደረጃ በደረጃ በማደግ አሁን የደረሰበት ደረጃ ደርሷል። አክሲዮን ማህበሩ ​ከ3,000 በላይ ባለአክስዮኖችን ያቀፈ ሲሆን ​ስመጥር የሕክምና ባለሙያዎችንና በርካታ የልዩ ልዩ ሙያ ባለቤቶችን የያዘ ነው ተብሏል።

​በሆስፒታሉ የሚገኙ ዘመናዊ የሕክምና መሣሪያዎችን (ለምሳሌ የካትላብ መሣሪያ) እና የISO ዓለም አቀፍ እውቅና ያለውን የላብራቶሪ አገልግሎት በጋራ በመጠቀም የተሻለ አገልግሎት እንደሚሰጥ ተነግሯል።
​
​በማዕከሉ ውስጥ ​የውስጥ ደዌ ሕክምና የማማከርና የሕክምና አገልግሎት፣ የላብራቶሪ፣ የራጂ እና የአልትራ ሳውንድ ምርመራ፣ ሰው ሠራሽ መተንፈሻና የነፍስ አድን መሣሪያዎች የተገጠመላቸው ዘመናዊ አምቡላንሶች፣ ደረጃውን የጠበቀ ፋርማሲ፣ ​በተጨማሪም ሆስፒታሉ በቅርብ ጊዜ ውስጥ የእናቶችና የሕፃናት ሕክምና እንዲሁም የኩላሊት እጥበት (Dialysis) አገልግሎቶችን ለመጀመር ዝግጅቱን ማጠናቀቁን ገልጿል።

​አይ ሲ ኤም ሲ አጠቃላይ ሆስፒታል የተገልጋዮችን አቅም ያገናዘበና ዓለም አቀፍ ደረጃውን የጠበቀ አገልግሎት ለመስጠት ቁርጠኛ መሆኑ ተነግሯል።
#ጤና መረጃ

​😭 "መኖር እጓጓለሁ... ግን አቅም አጣሁ!" — የ21 ዓመቱ ወጣት የህልውና የድረሱልኝ ጥሪ!

​በዚህች አጭር እድሜው ሞትን እየጠበቁ መኖር ምንኛ ይከብዳል? በ21 ዓመቱ የሁለቱም ኩላሊቶቹ ስራ ማቆም ምክንያት በአልጋ ላይ ተኝቶ የሞት ጥላ እያንዣበበበት የሚገኘው ሁንዴ ኩምቢ፣ ዛሬ የሁላችንንም እጅ ይፈልጋል።

​💔 የድካሙ ፍሬ ለህመም ሆነ...
​ገና በ16 ዓመቱ የቤተሰቡን ድህነት ለመቀየር ቀን በጋራዥ፣ ማታ በታክሲ ሾፌርነት ሲባዝን የኖረው ይህ ብርቱ ወጣት፤ ዛሬ ራሱን መርዳት አቅቶት በአልጋ ላይ ወድቋል። "ጤነኛ ብሆን ኖሮ ደሀ ቤተሰቤን ዛሬ በረዳሁ ነበር" እያለ በቁጭትና በለቅሶ ይጠይቃል።

​😭 የእናት አንጀትና የገንዘብ እጥረት
​እናቱ አንዱን ኩላሊቷን ልግሳው ብላ ዝግጁ ናት። ነገር ግን የቀዶ ጥገናውን ወጪ የሚሸፍን 1 ሚሊዮን ብር ባለመኖሩ፣ እናት የልጇን ህይወት እያየች በቁም ትቃጠላለች።

​በሳምንት ሦስት ጊዜ የሚደረገው የኩላሊት እጥበት (Dialysis) የሚከፈልበት ገንዘብ ሲጠፋ፣ ሁንዴ ቀኑን በፍርሃት ይገፋል።

​"ሲነጋ እፈራለሁ" ይላል—ምክንያቱም እጥበቱ ካልተደረገ ህይወቱ እንደ ሻማ ትጠፋለች።

​🥀 "ደግሜ መለመን ያሸማቅቀኛል!"
​ይህ ወጣት ደጋግሞ መለመን አንገት ቢያስደፋውም፣ ለመኖር ካለው ጉጉት የተነሳ እጆቹን ወደ እኛ ዘርግቷል። "ሰው ነኝና መኖር እጓጓለሁ... ከእናንተ ውጪ አማራጭ የለኝም" የሚለው የልብ ሰባሪ ቃሉ፣ የሁላችንንም ህሊና ያንኳኳል።

​🙏 እንዴት እንርዳው?
​የወጣትነት ህልሙን በመታጠቢያ ማሽን የቀማው ይህ በሽታ፣ ህይወቱን እንዳይቀማው እንረባረብ። ለእናንተ ትንሽ የሆነችው ሳንቲም ለሁንዴ የትንፋሽ ዋጋ ናት።
​የኢትዮጵያ ንግድ ባንክ፦ 1000671495644
​ስም፦ ሁንዴ ኩምቢ
​የእናቱ ስልክ (ወይኒ ሮባ)፦ 0937926868

​"ዛሬ በጤና የምንተነፍሰው አየር በገንዘብ የማይገዛ መሆኑን አስቡና ለዚህ ወጣት የትንፋሽ እርዳታ ሁኑት።"