ማድሪድ ለጆዜ ሞሪንሆ ድጋፍ አሳይቷል !

የሪያል ማድሪዱ አሰልጣኝ ጆዜ ሞሪንሆ ትላንት ምሽት ከጨዋታው በኋላ ጋዜጣዊ መግለጫቸውን ሰርዘው ነበር።

አሰልጣኙ ከፍተኛ ንድት ውስጥ እንደነበሩ እና  በዚህ ምክንያት መግለጫውን መሰረዛቸው ተገልጿል።

አሁን ላይ ሪያል ማድሪድ አሰልጣኝ ጆዜ ሞሪንሆ መግለጫ መሰረዛቸውን በመደገፍ ከጎናቸው መቆሙ ተነግሯል።

አሰልጣኙ በመግለጫው ቢገኙ ምናልባት ለከፍተኛ ቅጣት የሚዳርግ ነገር ሊናገሩ ይችሉ እንደነበር ተዘግቧል።

ቪንሰስ ጁኒየር በጨዋታው የተመለከተውን ቀይ ካርድ ተከትሎ ሪያል ማድሪድ እንደ ክለብ መበሳጨቱ ተነግሯል።

@tikvahethsport      kidusyoftahe

በትግራይ ክልል የሚንቀሳቀሱ ታጣቂዎች ወደ ተሃድሶ መግባት እንዲችሉ በተለያዩ አካባቢዎች የቅበላ ማዕከላት ተዘጋጅተዋል። ብሔራዊ የተሃድሶ ኮሚሽን

መስከረም 30 ቀን 2019 ዓ.ም. (አሐዱ ሬድዮ) በትግራይ ክልል የሚንቀሳቀሱ ታጣቂዎች ወደ ተሃድሶ መግባት እንዲችሉ በተለያዩ አካባቢዎች የቅበላ ማዕከላት መዘጋጀታቸውን ብሔራዊ የተሃድሶ ኮሚሽን አስታወቀ።

የብሔራዊ ተሃድሶ ኮሚሽን ምክትል ኮሚሽነር ብርጋዴር ጄኔራል ደርቤ መኩሪያው በወቅታዊ ጉዳዮች ላይ በሰጡት ጋዜጣዊ መግለጫ፣ በአሁኑ ወቅት በትግራይ የሚንቀሳቀሱ ታጣቂዎች መንግስት ወደ አዘጋጀላቸው ማዕከላት ለመግባት ጥሪውን እየተጠባበቁ መሆኑ ታውቋል።

መንግሥት ወደ ሰላም አማራጭ የሚመጣ ማንኛውም አካል በተሃድሶ ሂደትን አልፎ፣ ወደ ማህበረሰቡ በመቀላቀል የተረጋጋ ሕይወት እንዲመራ ያለውን ጽኑ ፍላጎት ገልጸዋል፡፡

መከላከያ ሠራዊትም ወደ ሰላም የሚመጣውን ኃይል በአግባቡ የመቀበል፣ የማስተናገድ እና ወደ ብሔራዊ የተሃድሶ ኮሚሽን ማዕከላት የማድረስ ሥራውን በተደራጀ መንገድ እየተገበረ እንደሚገኝ አብራርተዋል።

ኮሚሽኑ ታጣቂዎቹና አመራሮቻቸው በተሐድሶ ሂደት እንዲያልፉ የመቀበያ ማዕከላትን በዞኖችንና ከተሞችን ማዘጋጀቱን ጠቁመዋል፡፡

በዚህም ደቡባዊ ዞን ራያ አካባቢ ማይጨው እና መሆኒ ከተሞች፤ ደቡብ ምስራቅ ዞን መቀሌና አካባቢው በመቀሌ ከተማ በሚገኘው የሰሜን እዝ ጠቅላይ መምሪያ፤ ምስራቃዊ ዞን በአዲግራት እና በውቅሮ ከተሞች የመቀበያ ማዕከላት መዘጋጀታቸውን ጠቅሰዋል፡፡

በተጨማሪም በማዕከላዊ ዞን በአድዋ፣ አክሱም እና አቢዓዲ ከተሞች እንዲሁም በሰሜን ምዕራብ ዞን በሽሬ ከተማ በሚገኘው የቀድሞው ማዕከላዊ እዝ ጠቅላይ መምሪያ ላይ የመቀበያ ማዕከል መዘጋጀቱን ነው የገለፁት።

የመከላከያ ሠራዊት አባለት ታጣቂዎችን ለመቀበል ዝግጁ መሆናቸውን አንስተው ታጣቂዎች በእጃቸው የሚገኘውን ትጥቅና ወታደራዊ ቁሳቁስ በማስረከብ ወደ ተዘጋጀላቸው የተሃድሶ ማዕከላት እንደሚገቡ አስታውቀዋል።

#አሐዱ_ሬዲዮ_94
#አሐዱ_የኢትዮጵያውያን_ድምጽ Photo

የእስራኤል ድሮን በኤርትራ‼️
ዘ- ጆርዳን ታየምስ የተባለው የደህንነት ሚዲያ መነሻውን ከእስራኤል ያደረገ አንድ የስለላ ድሮን በኤርትርራ ላይ የብዙ ሰአት ቅኝት ሲያደርግ ማምሸቱን ዘግቧል።
የሰሜኑ ጦርነት ወደ ኤርትራ መሬት እየተጠጋ ነው ያለው ይህ ጋዜጣ፣ አዲስ አበባ እራስን ለመከላከል በምታደረርገው ውጊያ ላይ እስራኤል አስፈላጊ የሆኑ ወታደራዊ የሳተላይት መረጃዎችን በመስጠት ውጊያው የቀይባህር መስመርን ሳያውክ እንዲጠናቀቅ እስራኤል የዶናልድ ትራፕን አመራር እያሳመነች ነው ብሏል።

እስራኤል በአፍሪካ ቀንድ ላይ የምታደርገውን እንቅስቃሴ ሲቃወምና ሲያወግዝ የነበረው የ35 አመቱ የአስመራው አገዛዝ ላይ ለውጥ እንዲመጣ ከፍተኛ ስራን እየሰራች መሆኑን የጠቀሰው ይህ ጋዜጣ፣ ግብፅ ኤርትራን በመጠቀም በኢትዮጵያ ላይ የረጅም ግዜ ውጊያ እንዲፈጠር አቅዳ እየሰራች ቢሆንም እስራኤል የጦርነቱን ሁኔታ አይታ የሲና በረሀን ለመቆጣጠር አዲስ ውጊያ መክፈት አስፈላጊነቱን እያጤነችበት ነው ሲል ነው የዘገበው።
እስራኤል ዜጎቿ ወደግብፅ መሬት እንዳይሄድ ያሳሰበችው ትናት ነው።
ሱሌማን አብደላ

Seledadotio
Seledadotio

7ኛው ሀገር አቀፍ የሳይበር ደህንነት ወር “ንቁ ዜጋ ደህንነቷ ለተጠበቀ ሀገር” በሚል መሪ ቃል ይከበራል

አዲስ አበባ፡ መስከረም 29/2019 ዓ.ም “ንቁ ዜጋ ደህንነቷ ለተጠበቀ ሀገር” በሚል መሪ ቃል ለቀጣዩ አንድ ወር የሚከበረውን 7ኛውን ሀገር አቀፍ የሳይበር ደህንነት ወር አስመልክቶ የኢንፎርሜሽን መረብ ደህንነት አስተዳደር (ኢመደአ) ዋና ዳይሬክተር ወ/ሮ ትዕግስት ሃሚድ ጋዜጣዊ መግለጫ ሰጡ።

ከጥቅምት 1 እስከ 30 ቀን 2019 ዓ.ም ድረስ በሚቆየው በዚህ ሀገራዊ መርሃ ግብር ላይ በሀገራችን የቴክኖሎጂ ተጠቃሚነት በፍጥነት ማደጉን ተከትሎ በዜጎች፣ በተቋማት እና ቁልፍ መሠረተ ልማቶች ላይ የሚደርሰው የሳይበር ጥቃት በከፍተኛ ሁኔታ እየጨመረ መምጣትቱን ዋና ዳይሬክተሯ ገልጸዋል።

ዋና ዳይሬክተሯ አክለው እንደገለጹት በዓለም አቀፍም ሆነ በሀገራችን ደረጃ የሳይበር ጥቃት መጠንና የሚያስከትለው ጉዳት በከፍተኛ ሁኔታ እያሻቀበ ይገኛል። በዓለም አቀፍ ደረጃ ዓመታዊ የኢኮኖሚ ኪሳራው ከ9.5 እስከ 10.5 ትሪሊዮን ዶላር የደረሰ ሲሆን፣ በኢትዮጵያም የጥቃት ሙከራው ከአመት ወደ አመት እያደገ መጥቶ በ2018 በጀት አመት ብቻ ከ71 ሺህ በላይ የሳይበር ጥቃት ሙከራዎች መደረጋቸውን አንስተዋል።

በመሆኑም ወሩ የተቋማትን እና የኅብረተሰቡን የሳይበር ደህንነት ንቃተ-ህሊና በማጎልበት፣ ለጉዳዩ ተገቢ ትኩረት እንዲሰጡ እና ራሳቸውን ከሳይበር ጥቃት መከላከል እንዲችሉ ከማድረግ አንጻር ከፍተኛ ፋይዳ እንዳለው አጽንኦት ሰጥተዋል።

የዘንድሮው የሳይበር ደህንነት ወር በዋናነት የህጻናት የበይነ-መረብ ጥብቃ (Child Online Safety) ላይ ትኩረት አድርጎ ይከናወናል ያሉት ዋና ዳይሬክተሯ ከዚህም ባሻገር የሰው ሰራሽ አስተውሎት እና የሳይበር ደህንነት (AI & Cybersecurity) ፣ በዲጂታል 2030 ሀገራዊ የሳይበር ደህንነት ዝግጁነት፣ እንዲሁም የቁልፍ መሠረተ ልማትና ተቋማት የሳይበር ደህንነት ዝግጁነት ማሳደግ የሚሉ ቁልፍ አጀንዳዎች መካተታቸዉን ጠቁመዋል።

በወሩ ውስጥ የሚከናወኑ ዋና ዋና መርሃ ግብሮችን በተመለከተ፤ የመክፈቻ መርሃ ግብር ጥቅምት 2/2019 ዓ.ም በኢመደአ ዋና መሥሪያ ቤት የሚካሄድ ሲሆን፤ በዕለቱም “የህጻናት የበይነ-መረብ ጥብቃ በኢትዮጵያ” በሚል ርዕስ የተሰራ ሀገራዊ ጥናት ቀርቦ ውይይት እንደሚደረግ ወ/ሮ ትዕግስት ተናግረዋል።

በወሩ ታዳጊዎችንና ወጣቶችን የሚያሳትፍ Catch the Flag (CTF) ውድድር የሚካሄድ ሲሆን የሁለተኛ ሳምንት መርሃ ግብር ደግሞ በሰው ሰራሽ አስተውሎት እና የሳይበር ደህንነት ላይ ትኩረት በማድረግ ከአዲስ አበባ ውጪ በአንድ የሀገራችን ክልል ላይ የውይይት መድረክ ብለዋል።

ከዚህ በተጨማሪ የጥቅምት ወርን ሙሉ የሕብረተሰቡን እና የተቋማትን የሳይበር ደህንነት ንቃተ-ህሊና የሚያጎለብቱ የሚዲያ ንቅናቄ ሥራዎች በስፋት ይሰራሉ።

በከፍተኛ ትምህርት ተቋማት የሚገኙ የሳይበር ደህንነት ክበባትን ለማበረታታት ሥራዎች የሚሰሩ ሲሆን፤ ዜጎች ስለሳይበር ደኅንነት ያላቸውን ግንዛቤ እየተፈተኑ የተለያዩ ሽልማቶችን የሚያገኙባቸው እና ከፍተኛ ሽልማት የሚያስገኙ የማህበራዊ ሚዲያ ንቅናቄና የአጭር ፊልም ውድድሮች መዘጋጀታቸዉን በመግለጫቸዉ አንስተዋል።

በመጨረሻም ዋና ዳይሬክተሯ ኢመደአ የሀገሪቱን የሳይበር ደህንነት የማስጠበቅ የመሪነት ኃላፊነቱን እየተወጣ እንደሚገኝ ገልጸው፤ የመንግስትና የግል ተቋማት የሳይበር ደህንነትን የማረጋገጥ ሥራ የሁሉንም የጋራ ኃላፊነት የሚጠይቅ በመሆኑ የጥቅምት ወርን የሰራተኞቻቸውን ንቃተ-ህሊና በሚያሳድጉ መልኩ እንዲያከብሩ ጥሪ አቅርበዋል። እንዲሁም የሚዲያ አካላት ለጉዳዩ ልዩ ትኩረት ሰጥተው ግንዛቤ እንዲፈጥሩ አሳስበዋል።

የሳይበር ደህንነት ወር በዓለም አቀፍ ደረጃ ለ23ኛ ጊዜ፣ በኢትዮጵያ ደግሞ ለ7ኛ ጊዜ መከበሩ ተመላክቷል።
#7ncsm

በኢትዮጵያ የመጀመሪያው ያለ ኢንተርኔት የሚሰራ የኤአይ (AI) የሳይበር ደህንነት መጠበቂያ ይፋ ተደረገ
#ethiopia | ኤስ.አር.ኢ ማኑፋክቸሪንግ እና ትሬዲንግ ኃ/የተ/የግ/ማህበር የተባለው ሀገር በቀል ኩባንያ ያለ ኢንተርኔት አገልግሎት መስጠት የሚችል ''ኤ አይ ሳይበር ጋርድ'' የተሰኘ የሳይበር ደህንነት መጠበቂያ መተግበሪያ ለህዝብ ይፋ አደረገ።

ኩባንያው ዛሬ በሰጠው ጋዜጣዊ መግለጫ እንዳሳወቀው መተግበሪያው በሰው ሰራሽ አስተውሎት የታገዘና ከግል ስልኮች ጀምሮ የገንዘብ ተቋማትንና የተለያዩ ግዙፍ ተቋማትን ከሳይበር ጥቃት የመከላከል አቅም ያለው ነው።

አገልግሎቱ ድረ-ገጾችን፣ የተቋማት ኔትወርኮችን፣ የባንክና የገንዘብ ተቋማት ሲስተሞችን እንዲሁም የግል መሣሪያዎችን ሙሉ በሙሉ የመጠበቅ አቅም ያለው ሲሆን፣ ዋነኛ ልዩ ባህሪው ያለ ኢንተርኔት ኮኔክሽን መስራት መቻሉ ነው።

ይህም የኢንተርኔት መቆራረጥ በሚኖርበት ጊዜም እንኳ ጥበቃው ሳይቋረጥ እንዲቀጥል ያስችለዋል።

በተጨማሪም የጥቃት ምልክቶችን ቀድሞ መለየት፣ አደጋዎችን መከላከል፣ ፈጣን ምላሽ መስጠትና ለወንጀል ምርመራ ስራዎች አስፈላጊውን ዲጂታል መረጃ በማቅረብ ረገድ ከፍተኛ እገዛ ያደርጋል።

የሳይበር ጥቃት በሚከሰትበት ጊዜም ከፍተኛ የቴክኖሎጂ እውቀት ለሌላቸው ሰዎች በሚገባ ቀላል ቋንቋ የችግሩን ሁኔታ ያስረዳል።

የድርጅቱ ስራ አስኪያጅ አቶ ሳሙኤል ከፈለኝ በሰጡት ማብሪርያ ተቋማትና ግለሰቦች ወደ ዲጂታል አሰራር በሚሸጋገሩበት በዚህ ወቅት የመረጃ ምንተፋ፣ የማንነት ስርቆትና የድረ-ገጽ ጠለፋ አደጋዎች እየጨመሩ መምጣታቸውን ጠቁመዋል።

ይህንን አደጋ ለመግታትም የ24 ሰዓት ንቁ ክትትል የሚያደርግና ለጥቃት ተጋላጭ የሆኑ አሰራሮችን የሚቆጣጠር ዘመናዊ የኤአይ ጥበቃ አስፈላጊ በመሆኑ መተግበሪያውን ለማልማት መቻላቸውን ገልጸዋል።

በኢትዮጵያ የቅጅ መብት ህግ መሠረት ሙሉ የአዕምሯዊ ንብረት ጥበቃ ያገኘው ይህ ሀገር በቀል ፈጠራ፣ ተቋማት የደህንነት ስጋታቸውን በአንድ መድረክ ላይ ተከታትለው በጊዜው እርምጃ እንዲወስዱ ያስችላቸዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

ኢትዮጵያ ብዙ አይነት ድሮን እያመረተች መሆኑ ተዘገበ።

አለም አቀፍ ተነባቢ የሆነው Defense Express ጋዜጣ ከሰሞኑ ኢትዮጵያ ከተለያዩ ሀገራት በማሰባሰብ ስለታጠቀቻቸው እና በምታመርታቸው  ድሮኖች ዙሪያ በሰጠው ማብራሪያ በአሁኑ ወቅት
- የቱርክ (Akinci እና Bayraktar TB2)
-የኢራን (Mohajer-6)፣ እና የቻይና (Wing Loong I) የሰው አልባ አውሮፕላኖችን (ድሮኖችን) በታጠቁ ኃይሎቿ ውስጥ በማካተት ሰፊ ስብስብ መገንባቷን ገልጿል።

በቅርቡ "ኢትዮጵያ የሩሲያ ስሪት የሆነው ‘Orion-E’ የተባለውን ዘመናዊ ሰው አልባ ድሮን መግዛቷ በተለያዩ አለም አቀፍ ሚድያዎች ሲዘዋወር የታየ ቢሆንም መረጃው የሀሰት መሆኑን እና ድሮኑ በኢትዮጵያ ባለሞያዎች በሀገር ውስጥ የተመረተ መለያ ስሙም " ነጋሽ" እንደሚባል ዘገባው ጠቅሷል።

Seledadotio
Seledadotio

#wolaitasodouniversity

ወላይታ ሶዶ ዩኒቨርሲቲ በትምህርት ሚኒስቴር የመንግሥት ከፍተኛ ትምህርት ተቋማት የፕሬዝዳንቶች አሰያየም መመሪያ ቁጥር 1146/2018 መሰረት ልምድ ያላቸውን አመልካቾች አወዳድሮ ለተቋሙ ፕሬዝዳንት መመደብ ይፈልጋል፡፡

ለፕሬዝዳንትነት ክፍት የሥራ መደቡ ለመወዳደር ተፈላጊ የትምህርት ደረጃ 2ኛ ዲግሪና ከዚያ በላይ መሆኑ ተገልጿል፡፡

ከላይ በምስሉ የተዘረዘሩ መሰፈርቶችን የሚያሟሉ አመልካቾች ይህ ማስታወቂያ በአዲስ ዘመን ጋዜጣ ከወጣበት ከመስከረም 20/2019 ዓ.ም ጀምሮ ባሉ 22 ተከታታይ የሥራ ቀናት ውስጥ በወላይታ ሶዶ ዩኒቨርሲቲ የብቃትና ሰው ሀብት አስተዳደር ሥራ አስፈፃሚ ቢሮ ቁጥር 28 እንዲሁም አዲስ አበባ በሚገኘው በወላይታ ሶዶ ዩኒቨርሲቲ ማሰተባበሪያ ጽ/ቤት ማመልከቻችሁን ማቅረብ የምትችሉ መሆኑ ተገልጿል፡፡

ለበለጠ መረጃ፦
ወላይታ ሶዶ ዩኒቨርሲቲ ሰው ሀብት አስተዳደር ስራ አሰፈፃሚ ስልክ ቁ.፦ 0461800602

በአዲስ አበባ የወላይታ ሶዶ ዩኒቨርሲቲ ማስተባበሪያ ጽ/ቤት ሰልክ ቁ. +251912661430 / +251938362357

(ዝርዝር ማስታወቂው ከላይ ተያይዟል፡፡)

@tikvahuniversity

ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ ለመስጠት ወሰነች

የጦርነቱ ተፅዕኖ ወደ ጎረቤት ሀገራት መዛመቱን እና በየመን እየከፋ የመጣውን የሰብአዊ ሁኔታ ግምት ውስጥ በማስገባት ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ እንደምትሰጥ አስታውቃለች።

የጃፓን መንግስት እርዳታውን ማክሰኞ ዕለት ማጽደቁን የሀገሪቱ ኤምባሲ ባወጣው ጋዜጣዊ መግለጫ ላይ ገልጿል።እርዳታው የባብ አል-መንደብ ወሽመጥ ዙሪያን ጨምሮ በመካከለኛው ምስራቅ ሰላምና መረጋጋትን ለመደገፍ አልሞ የተዘጋጀ መሆኑም ተነግሯል።

የጃፓን መንግስት ይህ የባህር ወሽመጥ በኢነርጂ ደህንነት ረገድ ለጃፓንም ሆነ ለዓለም አቀፉ ማህበረሰብ “እጅግ ከፍተኛ አስፈላጊነት” ያለው መሆኑን ገልጿል።

በዚህም መሰረት የመን በተባበሩት መንግስታት ድርጅት የዓለም የምግብ ፕሮግራም ፣ በዓለም አቀፉ የሬድ ክሮስ ኮሚቴ እና በዓለም አቀፉ የስደተኞች ድርጅት በኩል 8 ሚሊዮን ዶላር የምታገኝ ሲሆን፣ ጅቡቲ ደግሞ በተመድ የስደተኞች ኤጀንሲ በኩል 2 ሚሊዮን ዶላር ይደርሳታል ተብሏል ።

በሚኪያስ ጸሐዬ
#ዳጉ_ጆርናል

የየካ አባዶ ምዕመናን እንኳን ደስ አላችሁ‼️

ከመስከረም 28- ጥቅምት 1 የትም አይኬድም🔴

ለየካ አባዶ ምዕመናን አገልግሎት ከሚሰጡ አብያተ ክርስቲያናት መካከል
የደብረ ልዕልና ቅድስት አርሴማ ቤተክርስቲያን አንዷ ናት።ይህች ቤተ ክርስቲያን ከፍተኛ ውጣ ውረድ ያሳለፈችና በተለያዩ ምክንያቶች 3ት ጊዜ ፈርሳ የተሰራች ቆራጥ በሆኑ የአካባቢው ምዕመናን ከታላቅ እስከ ታናሽ በእንባ፣ ጸሎት በአንድነትና በልዩ ተጋድሎ የጸናች የአካባቢው ልዩ መገለጫ ስትሆን ለምዕመኑን ከምትሰጠው የበረከት አገልግሎት ጎን ለጎን ልዩ የማስተሳሰሪያ ገመድ ሆና እያገለገለች ትገኛለች።

የየካ አባዶ ደ/ልዕልና ቅድስት አርሴማ ከምስረታዋ አንስቶ በብዙ ተዓማራት እና ጸሎትን በመስማት የምትታወቅ ቤተክርስቲያን ናት። ልዩ ልዩ ውስጣዊ እና ውጫዊ ደዌዎችን(የካንሰር፣ የኩላሊት፣ የአንጀት፣ የአጽም፣ የቆዳ፣ የደም ግፊት፣ የስኳር እና መሰል ህመሞች) እንዲሁም የሚጥል በሽታዎችበመፈወስ የሚታወቅ ሲሆን ለዚህም ከህመማቸውና ከደዌአቸው የተፈወሱ ልዩ ልዩ እርዳታዋን ያገኙ በርካታ ምዕመናን በየጊዜው ምስክርነታቸውን ሰጥተዋል። ጸበሏን በመጠጣት እምነቷን በመቀባት በሚገባ እምነትና ሕይወት የተመላለሱባት ብዙ ችግራቸው ተወግዷል፤ ልጅ ያጡ አግኝተውበታል፤ ሥራ ያጡ ሥራ ይዘውበታል፤ ሠላም ያጡ ሠላማቸው ተመልሶላቸዋል፤ በእምነት የጠየቀ የሚገባውንበየሚመለስለት ልዩ የበረከት አደባባይ ናት።

ይህች ቤተ ክርስቲያን ታዲያ ለዚህ ሁሉ የማኅበረሰብ ክፍል ይህንን ዘርፈ ብዙ አገልግሎት የምትሰጠው ሦስት ጊዜ ፈርሶ በተሰራው የቆርቆሮ መቃኞ የነበረ ሲሆን ይህም፡-

1ኛ. የከበረ ታቦተ ሕጉ ያረፈበት ቤተ መቅደስ ለእግዚአብሔር ክብር ይሁን ለአገልግሎት አመቺ ባለመሆኑ

2ኛ. የአካባቢው ምዕመናን የሚገባ ቤተ ክርስቲያን ይሰራለትና አገልግሎቱ ተደራሽ ይሆንለት ዘንድ ለብዙ ጊዜ የሚጠይቅና ለዚህም ሳያቋርጥ የሚተጋ ስለነበር

3ኛ. የአካባቢው ምዕመን ቁጥር በየጊዜው እየጨመረ በመሆኑና ለዚሁ ምዕመን አገልግሎት ለመስጠት እጅግ ፈታኝ በመሆኑ ሕንጻ ቤተ ክርስቲያኑን መገንባት አስፈላጊ ሆኖ ተገኝቷል
በአምላክችን በመድኃኒታችን በኢየሱስ ክርስቶስ አምላካዊ ፈቃድ፣ በሰማዕቷ ቅድስት አርሴማ ረድኤት በአዲስ አበባ ሀገረ ስብከት እና በለሚ ኩራ ክ/ከተማ ወረዳ ቤተ ክህነት ፈቃድ

1ኛ. የቤተ ክርስቲያኗን የይዞታ ካርታ በሚመለከተው የመንግሥት አካል ሕጋዊ በማድረግና ሕጋዊ ካርታ በመያዝ

2ኛ. ከሚመለከተው የመንግሥት አካል የግንባታ ፈቃድ በማውጣት

3ኛ. በሀገረ ስብከቱ አሰራር መሠረት ሁሉንም ሕጋዊ ሁኔታዎችን በማሟላት

4ኛ. የተለያየ የሙያ ስብጥር ያለው ብቁ የሕንጻ አሰሪ ኮሚቴ በሚመለከተው ሕጋዊ አካል በማዋቀር

5ኛ. ደረጃውንና ሕጋዊነቱን የጠበቀ የኮንትራክተር እና የአማካሪ ድርጅት እንዲሁም ሁሉንም የምህንድስና ሞያዎች ያካተተ የቴክኒክ ኮሚቴ በማዋቀር

6ኛ. ሥርዓተ ቤተ ክርስቲያንንና የቦታ አቀማመጡን ያማከለሁለት ቤተ መቅደስ (ቤዝመንት ጨምሮ) ያለው የሕንጻ ቤተክርስቲያን ዲዛይን ለመስራት በሚመለከተው የቤተ ክርስቲያኗ አካል በማጸደቅ ወደ ሕንጻ ግንባታው ሥራ ተገብቷል

የየካ አባዶ ደ/ልዕልና ቅድስት አርሴማ ቤተ ክርስቲያን ሰበካመንፈሳዊ ጉባኤና የሕንጻ አሰሪ ኮሚቴው አስፈላጊ ቅድመ ሁኔታዎችን በማሟላት የዛሬ አንድ ዓመት ከ3 ወር የቤተክርስቲያኗን ቁፋሮ፣ የፓድ መሙላትና ማዋቀር እንዲሁም እንዲሁም ኮለን ማቆም ሥራ የጀመረ ሲሆን የአካባቢው ምዕመናን፣ ማኅበረ ካህናት፣ በሃገር ውስጥም ውጭም ሃገርም ያሉ የሰማዕቷ ወዳጆች እና የሚዲያ ባለሞያዎች ባደረጉት ከፍተኛ ርብርብ እና እጅግ ቆራጥነት የታየበት ልዩ ድጋፍበአንድ ዓመት ከሦስት ወር ጊዜ ውስጥ ተዓምራዊ በሆነ መልኩ

1ኛ. የታችኛው ቤተ መቅደስ (Basement)፡- የውጨኛው የድንጋይጥርብ ጌጥ ሥራና የበር ሥራ ጨምሮ ሙሉ በሙሉ ያለቀናለአንዳንድ አገልግሎቶች ዝግጁ ለማድረግ የቻክ እና የመብራትገጠማ ሥራ ብቻ የቀረው

2ኛ. የላይኛው ቤተ መቅደስ፡- (ዋናው) ሥራ structure” ሥራአልቆ የካንች ሥራ እየተገባደደ ሲሆን የጣራ ቆርቆሮለማልበስም የቆርቆሮ ማምረት (በፋብሪካ) ሥራ እየተሰራ ነው

3ኛ. የብሎኬት ሥራ የተገባደደ ሲሆን የውጩ የጥርብ ድንጋይጌጥ ሥራም በግማሽ አልቋል
4ኛ. አካባቢውን የማጽዳትና እና የቤተልሔም ሥራንምለመጀመር ቅድመ ሁኔታዎችን የጨረሰን በመሆኑ ይህ ጋዜጣዊመግለጫ ለሦስት ምክንያቶች አስፈልጓል።

1ኛ. በዚህ ደረጃ ለተሠራው ሥራ እግዚአብሔርን አምላካችንንእና ሰማዕቷ ቅድስት አርሴማን እንዲሁም በከፍተኛመሰዋዕትነት ሥራውን ከዚህ ላደረሱት ለአካባቢው ምዕመናን፣ ማኅበር ካህናት፣ የሰማዕቷ ወዳጆችና የሚዲያ ባለሞያች ምስጋናለማቅረብ፣ የሥራውን ውጤት ያለበትን ደረጃ መግለጽ የሚገባበመሆኑ

2ኛ. በዋናነት በጥቅምት 01/2019 ዓ.ም እሁድ ዕለት (ከ05 ቀናትበኋላ) ብፁአን ሊቃነ ጳጳሳት፣ የሚመለከታቸው የቤተ ክርስቲያንየአዲስ አበባ ሀገረ ስብከትና ወረዳ ቤተ ክህነት ኃላፊዎች፣ የቤተክህነት አስተዳዳሪዎች፣ ጥሪ የተደረገላቸው አካላት፣ ሙሉየአካባቢው ምዕመን፣ በርካርታ የሚዲያ አካላት እና የሰማዕቷወዳጆች በሚገኙበት የጉልላት መስቀል መርሐ ግብር የተዘጋጀበመሆኑ ሁሉም የሰማዕቷ ወዳጆች፣ የሚዲያ አካላት እና አጋርአካላት ከጠዋቱ 1 ሰዓት ጀምሮ በየካ አባዶ ደ/ልዕልና ቅድስትአርሴማ ቤተ ክርስቲያን በመገኘት አብራችሁ በመሆን የበረከቱእና የደስታችን ተከፋዮች እንዲሆኑ ጥሪ ለማስተላለፍ ነው

3ኛ. ቤተ ክርስቲያናችንን በአጭር ጊዜ አጠናቀን ለአገልግሎትምቹ ለማድረግና ለማሳወቅ በብዙ እንግልትና ፈተና ውስጥላለው ምዕመንም ለማስረከብ የሚከተሉትን ቀሪ ሥራዎች
1. የቤተልሔም ሥራ
2. የማርብል ሥራ
3. የቻክ ሥራ
4. የስዕል ሥራ
5. የቤተ መቅደስ በሮች
6. የዶም መስኮቶች ሥራ
7. የመብራት ሥራ
8. የሳውንድ ሲስተም ሥራ
9. ምንጣፍ እና የመሳሰሉት
እነዚህን ሥራዎች ሁሉም የሰማዕቷ ወዳጆች በተለመደውትብብርና ዕርብርብ አስተዋጽኦ እንድታደርጉልንበእግዚአብሔር ስም ለመጠየቅ ነው
በሀገር ውስጥም ሆነ ውጭ ያላችሁ ምዕመናን
1ኛ. በዕለቱ የጉልላት መስቀል መርሐ ግብር በጋራ በመስቀልበአካልና በተለያዩ የሚዲያ አውታሮች የበረከቱ ተሰታፊእንድትሆኑ
2ኛ በአካል መምጣት የምትችሉ የሰማዕቷ ወዳጆች በአካልበመምጣት የሥራውን ሁኔታ እንድታዩ የቦታውን በረከትንእንድትሳተፉ በማለት መንፈሳዊ ጥሪያችንን እናስተላልፋለን

የደብሩ ሕንጻ አሰሪ ኮሚቴ ከሰበካ ጉባኤ ጋርበመተባበር

አዲስ አበባ ኢትዮጵያ

የ«መልካም ወጣት» ፕሮጀክት ግንባታ ለማጠናቀቅ አዲስ የገቢ ማሰባሰቢያ ሊካሄድ ነው!
​ #fastmereja I ለዘጠኝ ዓመታት በሐገር ውስጥ እና በውጭ ሐገር እንዲሁም በማርሲል ቲቪ ጨምሮ ከ500,000 በላይ ወጣቶችን ተሳታፊ ያደረገው «የመልካም ወጣት» አገልግሎት፣ በሀዋሳ ከተማ የተጀመሩ የልማት ስራዎችን ይበልጥ ለማስፋፋት አዲስ የገቢ ማሰባሰቢያ መርሃ ግብር ሊጀምር መሆኑ በተሰጠ ጋዜጣዊ መግለጫ ተነገረ።

በመድረኩ ላይ እንደተነገረው ባለፉት ዓመታት ከ60,000 በላይ ሰዎች ጌታን እንደግል አዳኛቸው እንዲቀበሉ ምክንያት የሆነው ይህ አገልግሎት በወጣቶች ትውልድ ግንባታ ላይ ጉልህ ሚና እየተጫወተ እንደሚገኝ ተነግሯል።

​የአገልግሎቱ መሪዎች እንዳስታወቁት፣ በሀዋሳ ከተማ 5,000 ሰዎችን የሚይዝ አዳራሽ ተገንብቶ የተጠናቀቀ ሲሆን፤ አሁን ላይ አቅሙን ወደ 15,000 ሰዎች ለማሳደግ ተጨማሪ የግንባታ ስራዎች ተጠናክረው ቀጥለዋል። ከዚህም በተጨማሪ ከ5 ባለ 5 ወለል የተማሪዎች ማደሪያ ሕንፃዎች መካከል 3ቱ ተጠናቀው የመጨረሻ ስራዎች እየተከናወኑላቸው ይገኛል፤ ቀሪዎቹ 2ቱ ሕንፃዎች አሁንም በግንባታ ላይ ናቸው። እንዲሁም 10,000 ሰዎችን ማስተናገድ የሚችል ትልቅ አሬና እና ለአእምሮና ሰውነት ማጎልመሻ የሚሆን ስፍራም በመገንባት ላይ መሆኑ ተገልጿል።

​ይህንን ግዙፍ ፕሮጀክት ሙሉ በሙሉ ለማጠናቀቅ ከ250 ሚሊዮን እስከ 300 ሚሊዮን ብር የሚደርስ በጀት እንደሚያስፈልግ ተገልጿል። ገንዘቡን ለማሰባሰብም በቀጣዮቹ 10 ወራት ውስጥ በጅማ፣ ቦንጋ፣ ቡታጅራ፣ ባስኬቶ፣ ዳውሮ፣ ጅጅጋ፣ ጊዶሌ፣ ሻኪሶ፣ ሳውላ እና ቡሌ ሆራን ጨምሮ በሌሎችም ከተሞች ታላቅ የገቢ ማሰባሰቢያ ጉዞ ይደረጋል። የዚህ ጉዞ መነሻ ጥቅምት 6፣ 7 እና 8 ቀን 2019 ዓ.ም በጅማ ከተማ እንደሚጀመር ታውቋል።

​ይህ የወጣቱን ትውልድ በስነ-ምግባር እና በእውቀት ለመገንባት የሚደረግ የጋራ አህጉራዊና ሀገራዊ ጉዞ በመሆኑ፣ በተጠቀሱት ከተሞች የምትገኙ ማህበረሰቦች ሁሉ በጸሎት፣ በገንዘብ፣ በበጎ ፈቃድ አገልግሎት እና በአቅማችሁ ሁሉ ከጎናችው እንድትቆሙ አስተባባሪዎቹ ጥሪያቸውን አስተላልፈዋል።

በትግራይ ክልል በሚገኝ የተባበሩት መንግስታት ድርጅት (ተመድ) መጋዝን ላይ ከትላንት በስቲያ እሁድ ዘረፋ መፈጸሙን የድርጅቱ ዋና ጸሀፊ ምክትል ቃል አቃባይ ገለጹ።

በክልሉ ያሉ መንግስታዊ ያልሆኑ የዓለም አቀፍ እና ሀገር በቀል ድርጅቶች መጋዘኖች እና መገልገያዎች በተመሳሳይ መልኩ መዘረፋቸውንም ቃል አቃባዩ ተናግረዋል።

የመንግስታቱ ድርጅት ዋና ጸሀፊ አንቶኒዮ ጉተሬዝ ምክትል ቃል አቃባይ ፋራህን ሃቅ ይህንን የተናገሩት፤ ትላንት ሰኞ መስከረም 25፤ 2019 ምሽት በሰጡት ዕለታዊ ጋዜጣዊ መግለጫ ነው።

የእሁዱ ዘረፋ በትግራይ ክልል የትኛው አካባቢ እንደተፈጸመ እና በጋዜጣዊ መግለጫቸው ያልጠቀሱት ምክትል ቃል አቃባይ ፋራህን፤ ሆኖም በክስተቱ የሰብአዊ አቅርቦቶች መጥፋታቸውን አስረድተዋል።

በዘረፋው ከተሰረቁት ውስጥ ምግብ፣ ምርጥ ዘር፣ የአፈር ማዳበሪያዎች እና የውሃ ፖምፖች እንደሚገኙበት የተመድ ዋና ጸሀፊ ምክትል ቃል አቃባይ ገልጸዋል።

የሰብአዊ እርዳታ ሰራተኞች፣ ተቋማት እና ንብረቶች “በፍጹም የጥቃት ኢላማ ሊሆኑ አይገባም” ያሉት ፋራሃን፤ በሁሉም ጊዜያት “ጥበቃ ሊደረግላቸው እንደሚገባ” ጨምረው አሳስበዋል።

Via Ethiopia Insider
@YeneTube FikerAssefa

(ዘ-ሐበሻ ዜና) ‹‹ክርስቲያኖ ሮናልዶን ይቅርታ አልጠይቀውም›› ሲሉ የፖርቹጋሉ አሰልጣኝ ተናገሩ፡፡ የፖርቹጋሉ አሰልጣኝ ጆርጅ ጀሱስ ከክርስቲያኖ ሮናልዶ ጋር የተፈጠረውን ውዝግብ ተከትሎ ከጋዜጠኞች ለቀረበላቸው ጥያቄ ‹‹ማንምም ይቅርታ አልጠይቅም›› ብለዋል፡፡ የአምስት ጊዜ የባሎን ዶር አሸናፊ ሮናልዶ አሁን እየተካሄደ ባለው አለም አቀፍ ውድድር በአሰልጣኙ ተመርጦ የነበረ ቢሆንም ውድድሩን ሳያጠናቅቅ የፖርቹጋልን ካምፕ ለቆ በግል አውሮፕላኑ መጓዙ ይታወቃል፡፡ ከዚያም በማህበራዊ ሚዲያው ላይ ለምን ለቆ እንደሄደ ከፖርቹጋል እግር ኳስ ፌዴሬሽን ጋር ከተነጋገረ በኋላ ‹‹ሚስጥሩን›› ይፋ እንደሚያደርግ ገልፆ ነበር፡፡

ነገር ግን የ41 አመቱ ተጨዋች ፖርቹጋል ከኖርዌይ ጋር ባደረገችው ግጥሚያ ወቅት ከ18 አመታት በኋላ ለመጀመሪያ ጊዜ የተቀያሪዎች ወንበር ላይ ማሳለፉ ይታወቃል፡፡ የብሄራዊ ቡድኑን ካምፕ ለቆ የወጣውም ከዚህ ጨዋታ በኋላ ነበር፡፡ አሰልጣኙ ጀሱስ ትላንት በሰጡት ጋዜጣዊ መግለጫ ወቅት ከሮናልዶ ጋር ስለተፈጠረው ጉዳይ፣ እንዲሁም ሮናልዶን ይቅርታ ይጠይቁት እንደሆነና በጉዳዩ ላይ ተጨማሪ ማብራሪያዎችን እንዲሰጡ ተጠይቀው ነበር፡፡ እሳቸውም ግራ በመጋባት ‹‹ይቅርታ የምጠይቀው በምን ጉዳይ ነው?›› የሚል ጥያቄ ካነሱ በኋላ ‹‹ማንምም ይቅርታ አልጠይቅም›› የሚል መልስ ሰጥተዋል፡፡ ስለተፈጠረው ጉዳይ ዝርዝር መረጃ ከመስጠት ቢቆጠቡም ብሄራዊ ቡድኑ ለሮናልዶ በሩን ዝግ እንደማያደርግ ገልፀዋል፡፡

ሲናገሩም ‹‹በሚቀጥለው የአለም አቀፍ ጨዋታዎች እረፍት ለሮናልዶ ጥሪ ይቀርብለታል፡፡ ከፈለገ ያንን ጥሪ ተቀብሎ ይመጣል፡፡ ውሳኔው ግን የእሱ ነው›› ብለዋል፡፡ ጨምረውም ‹‹ይህንን ሁሉ የፈጠረው የማሟሟቅና አለማሟሟቅ እንዲሁም ወደሜዳ መግባትና አለመግባት ነገር ነው፡፡ በእርግጥ እሱ በመሆኑ ብቻ ልክ ሊሆን ይችላል፡፡ ምክንያቱም ትልቅ ስም ያለውና ተምሳሌት ነው፡፡ ነገር ግን ዛሬ ስንት ተጨዋቾች አሟሙቀው ወደሜዳ አልገቡም? ከእነሱ መካከልስ ችግር የፈጠረ አለ? የለም›› በማለት አስረድተዋል፡፡

የሚዲያ ጥሪ! - የየካ አባዶ ምዕመናን ታሪክ ሠርተዋል | በ14 ወራት እድሜ ብቻ የቅድስት አርሴማ ቤተክርስቲያን ህንጻ ግንባታ የጉልላት መስቀል ወደ መስቀል ደረጃ ደርሷል። ጥቅምት 1 በአለተ እሁድ ከጠዋቱ 1:00 ጀምሮ ብፁዓን አባቶች በተገኙበት በዝማሬ፣ በመለከትና በነጋሪት ድምጽ፣ በሆታ በእልልታ የጉልላት መስቀሉ በታላቅ ድምቀት ይሰቀላል።

ይህንን አስመልክቶ የየካ አባዶ ደብረ ልዕልና ቅድስት አርሴማ ቤተክርስቲያን ህንጻ አሠሪ ኮሚቴ መስከረም 26 ከጠዋቱ 3:00 ጀምሮ 5 ኪሎ በሚገኘው በማኅበረ ቅዱሳን ዋና ጽ/ቤት አዳራሽ ጋዜጣዊ መግለጫ ይሰጣል።

ሚዲያዎች በቦታው በመገኘት እንድትዘግቡልን ስንጋብዛችሁ ግንባታ ለዚህ ደረጃ በመድረሱ እንኳን ደስ አላችሁ ለማለት እንወዳለን። ለታላቋ ሰማዕት ለቅድስት አርሴማ መቅደስ ግንባታ ፍጻሜ መስኮቶች፣ በሮች፣ ቅዱሳት ስዕላት፣ ምንጣፍ፣ መንበር፣ መጋረጃና ንዋየ ቅድሳት መግዛት የምትፈልጉ በኢትዮዽያ ንግድ ባንክ 1000635044482 ድጋፍ እንድታደርጉ ጥሪ እናስተላልፋለን።

የየካ አባዶ ደ/ል/ቅ/አርሴማ ቤ/ክ ህንጻ አሠሪ ኮሚቴ

የእስራኤል ተጫዋቾች ከአየርላንድ ብሄራዊ ቡድን አሰልጣኞች አንዱ ላይ ምራቃቸውን ተፍተዋል ተባለ

ትላንት አየርላንድ እና እስራኤል በሁለተኛው የዩኤፋ ኔሽንስ ሊግ የመልስ ጨዋታቸው ላይ ዳግም ውጥረት የታየ ሲሆን፣ ይህም ልክ እንደ እግር ኳሱ ሁሉ በፖለቲካዊ ውጥረቶች የተሞላውን የሁለት ሳምንታት ጊዜ አጠናቋል።

ከአንድ ሳምንት በፊት በሃንጋሪ በዝግ ስታዲየም ባደረጉት የመጀመሪያ ጨዋታ አየርላንድ እስራኤልን 3 ለ 0 ከማሸነፏ በፊት፣ አንዳንድ የአየርላንድ ደጋፊዎች እና ፖለቲከኞች ቡድኑ ከእስራኤል ጋር የሚያደርገውን ጨዋታ እንዲሰርዝ ጥሪ አቅርበው ነበር።

የአየርላንዱ አሰልጣኝ ሄይሚር ሃልግሪምሰን ለጋዜጠኞች እንደተናገሩት፣ "ከእስራኤል ጋር ያደረግነውን ጨዋታ በመጨረሳችን እጅግ በጣም ደስተኛ ነኝ" ብለዋል።"ሁላችንንም አድክሞናል። ለተጫዋቾቹ ትልቅ ክብር እሰጣለሁ። በነበሩት ፈታኝ ጊዜያት እጅግ አስገራሚ ነበሩ፤ እንዲሁም ባለፉት ሁለት ሳምንታት እኛ ያለፍንበትን ፈተና ሌላ ማንኛውም ብሄራዊ ቡድን እንዲያልፍበት አልመኝም" ብለዋል።

አየርላንድ፣ እስራኤል በጋዛ ላይ የምታካሂደውን የዘር ማጥፋት ጦርነት አጥብቀው ከሚተቹ የአውሮፓ ሀገራት አንዷ ስትሆን፤ የአየርላንድ እግር ኳስ ማህበር ከጨዋታዎቹ ራሱን እንዲያገል ይደረግበት በነበረው ጫና ምክንያት፣ የእሁዱን ጨዋታ በሰርቢያ በዝግ ስታዲየም ለማካሄድ መርጧል።የአየርላንድ ብዙሃን መገናኛዎች እንደዘገቡት፣ ከአየርላንድ አሰልጣኞች አንዱ የሆኑት ዳሚየን ዶይል በእረፍት ሰዓት አንድ የእስራኤል ተጫዋች ምራቅ ተፍቶብኛል ሲሉ ከሰዋል።

ከጨዋታው በኋላ በተሰጠው ጋዜጣዊ መግለጫ ላይ ስለ ምራቅ መትፋት ክስተቱ ጥያቄ የቀረበላቸው የአየርላንዱ አሰልጣኝ ፣ ዝርዝር መረጃ ከመስጠት ተቆጥበዋል።ለጋዜጠኞች ሲመልሱም፣ "እዛው ነበርኩ። ምንም አይነት አስተያየት አልሰጥም። የዲሲፕሊን ኮሚቴ የሚመለከተው ጉዳይ ነው" ብለዋል።የእስራኤሉ አሰልጣኝ በበኩላቸው፣ ከሜዳው ዳርቻ ቀድመው ወጥተው ስለነበር የተፈጠረውን ነገር እንዳላዩ ተናግረዋል።

በሚኪያስ ጸሐዬ
#ዳጉ_ጆርናል Photo

(ዘ-ሐበሻ ዜና) የኢትዮጵያ ውጭ ጉዳይ ሚኒስትር ህንፃውን ለማደስ የባንኮችን ድጋፍ ጠየቀ፡፡ በዳግማዊ አፄ ሚኒሊክ ጎዳና የሚገኘውና ከግማሽ ምእተ አመት በላይ ያስቆጠረው የኢትዮጵያ ውጭ ጉዳይ ሚኒስቴር ዋና መስሪያ ቤት ህንፃ ሙሉ እድሳት ሊደረግለት ነው፡፡ ሚኒስትሩ ለዚህ እድሳት በኢትዮጵያ ውስጥ የሚገኙ ባንኮች ግማሽ ቢሊዮን ብር እንዲያዋጡ ጥያቄ ማቅረቡ ተሰምቷል፡፡

በዶክተር ጌዲዮን ጢሞቲዮስ የሚመራው ሚኒስትሩ ለባንኮች በፃፈው ደብዳቤ ወደ60 አመት የሞላውን ህንፃውን ሙሉ በሙሉ ለማደስ ያስፈለገው ‹‹ያረጀና አሁን ኢትዮጵያ ያለችበትን አቋም የማይገልፅ ነው›› በሚል አቅርቧል፡፡ እድሳቱን በአገር ውስጥ ባሉ አጋሮች መዋጮ ለማከናወን ማቀዱን ገልፆም ‹‹የእድሳቱን ወጪ የውጭ አገር አካላትን በማስተባበር ማከናወን እንችል ነበር፡፡ ነገር ግን የውጭ ተፅእኖን ለማስቀረትና የነፃነት ፖሊሲያችንን ለማስቀጠል በማሰብ በአገር ውስጥ ድጋፍ መስራትን መርጠናል›› ብሏል፡፡

በዚህ መሰረት በአገር ውስጥ ከሚገኙ ባንኮች 500 ሚሊዮን ብር የሚፈልግ መሆኑን አስታውቋል፡፡ ይህንን ተከትሎ ባንኮቹ የተጠየቁትን ገንዘብ ለማዋጣት ስምምነት ላይ ደርሰዋል፡፡ የኢትዮጵያ ንግድ ባንክ ፕሬዝደንት በሆኑት አቶ አቢ ሳኖ የሚመራው የኢትዮጵያ ባንኮች ማህበር በቀረበው ጥያቄ የተስማማ ሲሆን ከዚህ ገንዘብ ውስጥ ግማሹን የኢትዮጵያ ንግድ ባንክ እንደሚያዋጣና ቀሪውን 26ቱ ባንኮች እንዲሸፍኑት ወስኗል፡፡ መዋጮውም ባንኮቹ ባለፈው በጀት አመት ባገኙት ትርፍ መሰረት እንደሚሰላ አስታውቋል፡፡ እንደፎርቹን ጋዜጣ ዘገባ የመንግስት ተቋማት ለእድሳትና ለግንባታዎች የግል ድርጅቶችን እገዛ የመጠየቃቸው ነገር እየጨመረ መጥቷል፡፡

የኢትዮጵያ ባንኮች ማህበር ለሀዋሳ፣ ነቀምትና ጎንደር የኮሪደር ፕሮጀክቶች ከ1.5 ቢሊዮን ብር በላይ ማዋጣቱንም እንደማሳያ አስቀምጧል፡፡ አንድ ስማቸው እንዲጠቀስ ያልፈለጉ የባንክ ስራ አስፈፃሚ ለጋዜጣው ሲናገሩ እንዲህ አይነት ከመንግስት መስሪያ ቤቶች የሚቀርቡ የገንዘብ ጥያቄዎችን ማስተዳደር እንደሚከብድ ገልፀዋል፡፡ ሲናገሩም ‹‹እንደዚህ አይነት አስተዋፅኦዎች በገቢዎች መስሪያ ቤት እንደወጪ አይያዙም፡፡ ይህ ደግሞ አስቸጋሪ ቢሆንም እየታገልን ነው›› ብለዋል፡፡ የባንኮች ማህበሩ ዋና ፀሀፊ ደምሰው ካሳ ለጋዜጣው በሰጡት መግለጫ ሚኒስትሩ ባቀረበው ጥያቄ አባላቱ መስማማታቸውን ገልፀው አንዳንድ ባንኮች ገቢ ማድረግ መጀመራቸውን አስረድተዋል፡፡ ‹‹ይህ ብሄራዊ ቅርሳችን በመሆኑ የራሳችንን አሻራ ማሳረፍ እንፈልጋለን›› ሲሉም ተናግረዋል፡፡ ይህ በእንዲህ እንዳለ የሚኒስትሩ ህንፃ እድሳት ፕሮጀክት ምን ያህል ወጪ እንደሚጠይቅ የተባለ ነገር የለም፡፡፡







(ዘ-ሐበሻ ዜና) የኢትዮጵያ ውጭ ጉዳይ ሚኒስትር ህንፃውን ለማደስ የባንኮችን ድጋፍ ጠየቀ፡፡ በዳግማዊ አፄ ሚኒሊክ ጎዳና የሚገኘውና ከግማሽ ምእተ አመት በላይ ያስቆጠረው የኢትዮጵያ ውጭ ጉዳይ ሚኒስቴር ዋና መስሪያ ቤት ህንፃ ሙሉ እድሳት ሊደረግለት ነው፡፡ ሚኒስትሩ ለዚህ እድሳት በኢትዮጵያ ውስጥ የሚገኙ ባንኮች ግማሽ ቢሊዮን ብር እንዲያዋጡ ጥያቄ ማቅረቡ ተሰምቷል፡፡

በዶክተር ጌዲዮን ጢሞቲዮስ የሚመራው ሚኒስትሩ ለባንኮች በፃፈው ደብዳቤ ወደ60 አመት የሞላውን ህንፃውን ሙሉ በሙሉ ለማደስ ያስፈለገው ‹‹ያረጀና አሁን ኢትዮጵያ ያለችበትን አቋም የማይገልፅ ነው›› በሚል አቅርቧል፡፡ እድሳቱን በአገር ውስጥ ባሉ አጋሮች መዋጮ ለማከናወን ማቀዱን ገልፆም ‹‹የእድሳቱን ወጪ የውጭ አገር አካላትን በማስተባበር ማከናወን እንችል ነበር፡፡ ነገር ግን የውጭ ተፅእኖን ለማስቀረትና የነፃነት ፖሊሲያችንን ለማስቀጠል በማሰብ በአገር ውስጥ ድጋፍ መስራትን መርጠናል›› ብሏል፡፡

በዚህ መሰረት በአገር ውስጥ ከሚገኙ ባንኮች 500 ሚሊዮን ብር የሚፈልግ መሆኑን አስታውቋል፡፡ ይህንን ተከትሎ ባንኮቹ የተጠየቁትን ገንዘብ ለማዋጣት ስምምነት ላይ ደርሰዋል፡፡ የኢትዮጵያ ንግድ ባንክ ፕሬዝደንት በሆኑት አቶ አቢ ሳኖ የሚመራው የኢትዮጵያ ባንኮች ማህበር በቀረበው ጥያቄ የተስማማ ሲሆን ከዚህ ገንዘብ ውስጥ ግማሹን የኢትዮጵያ ንግድ ባንክ እንደሚያዋጣና ቀሪውን 26ቱ ባንኮች እንዲሸፍኑት ወስኗል፡፡ መዋጮውም ባንኮቹ ባለፈው በጀት አመት ባገኙት ትርፍ መሰረት እንደሚሰላ አስታውቋል፡፡ እንደፎርቹን ጋዜጣ ዘገባ የመንግስት ተቋማት ለእድሳትና ለግንባታዎች የግል ድርጅቶችን እገዛ የመጠየቃቸው ነገር እየጨመረ መጥቷል፡፡

የኢትዮጵያ ባንኮች ማህበር ለሀዋሳ፣ ነቀምትና ጎንደር የኮሪደር ፕሮጀክቶች ከ1.5 ቢሊዮን ብር በላይ ማዋጣቱንም እንደማሳያ አስቀምጧል፡፡ አንድ ስማቸው እንዲጠቀስ ያልፈለጉ የባንክ ስራ አስፈፃሚ ለጋዜጣው ሲናገሩ እንዲህ አይነት ከመንግስት መስሪያ ቤቶች የሚቀርቡ የገንዘብ ጥያቄዎችን ማስተዳደር እንደሚከብድ ገልፀዋል፡፡ ሲናገሩም ‹‹እንደዚህ አይነት አስተዋፅኦዎች በገቢዎች መስሪያ ቤት እንደወጪ አይያዙም፡፡ ይህ ደግሞ አስቸጋሪ ቢሆንም እየታገልን ነው›› ብለዋል፡፡ የባንኮች ማህበሩ ዋና ፀሀፊ ደምሰው ካሳ ለጋዜጣው በሰጡት መግለጫ ሚኒስትሩ ባቀረበው ጥያቄ አባላቱ መስማማታቸውን ገልፀው አንዳንድ ባንኮች ገቢ ማድረግ መጀመራቸውን አስረድተዋል፡፡ ‹‹ይህ ብሄራዊ ቅርሳችን በመሆኑ የራሳችንን አሻራ ማሳረፍ እንፈልጋለን›› ሲሉም ተናግረዋል፡፡ ይህ በእንዲህ እንዳለ የሚኒስትሩ ህንፃ እድሳት ፕሮጀክት ምን ያህል ወጪ እንደሚጠይቅ የተባለ ነገር የለም፡፡፡

“ሕወሓት በሀገር ላይ ከፍተኛ ክህደት ፈጽሟል”

የትግራይ የሰላም ተልዕኮ አስተባባሪ ሌተናንት ኮሎኔል ገብረዋሕድ ኃይሉ ለአዲስ ዘመን ጋዜጣ እንደገለጹት፣ ሕገወጡ የሕወሓት ቡድን ከውጭ ኃይሎችና ከሀገር ታሪካዊ ጠላቶች ጋር በመተባበር በሀገር እና በሕዝብ ላይ ከፍተኛ ክህደት ፈጽሟል። የቡድኑ የ30 ዓመታት የፖለቲካ ውድቀት ትግራይን የጦርነት አውድማ በማድረግ ሕዝቡን በማያባራ የኢኮኖሚ ውድቀት፣ የሥነ ልቦና ስቃይ እና ማኅበራዊ ውጥንቅጥ ውስጥ እንደከተተው ተመላክቷል።

በትግራይ ክልል ያለው ወቅታዊ ምስቅልቅል የቡድኑን የባንዳነት እና የፖለቲካ ከንቱነት የሚያሳይ መሆኑን ያስታወቁት ሌተናንት ኮሎኔሉ፣ ሕዝቡ ለፍትሕና ለዲሞክራሲ የከፈለው መስዋዕትነት ወደ ባርነት መቀየሩን ገልጸዋል። ይህንን የቁልቁለት ጉዞ ለመቀልበስ ከዜሮ በመነሳት የፖለቲካ ምኅዳሩን፣ የሲቪል ማኅበራትን እና የሥነ ልቦና ግንባታን እንደ አዲስ መጀመር የግድ እንደሚል አጽንኦት ተሰጥቷል።

በክልሉ ዘላቂ ሰላም ለማስፈን የትግራይ ለውጥ ኃይልና የፌደራል መንግሥት የየበኩላቸውን ድርሻ መወጣት እንዳለባቸው ተጠቁሟል። የትግራይ ሕዝብ የሚመጥነውን መሪ በዲሞክራሲያዊ መንገድ መምረጥ እንዲችል ፖለቲከኞች፣ ምሁራን፣ የሃይማኖት አባቶች እና ወጣቶች መለያየትን በመተው የጋራ መድረክ እንዲፈጥሩ ጥሪ ቀርቧል።

@Yenetube Fikerassefa

“ሕወሓት በሀገር ላይ ከፍተኛ ክህደት ፈጽሟል”

የትግራይ የሰላም ተልዕኮ አስተባባሪ ሌተናንት ኮሎኔል ገብረዋሕድ ኃይሉ ለአዲስ ዘመን ጋዜጣ እንደገለጹት፣ ሕገወጡ የሕወሓት ቡድን ከውጭ ኃይሎችና ከሀገር ታሪካዊ ጠላቶች ጋር በመተባበር በሀገር እና በሕዝብ ላይ ከፍተኛ ክህደት ፈጽሟል። የቡድኑ የ30 ዓመታት የፖለቲካ ውድቀት ትግራይን የጦርነት አውድማ በማድረግ ሕዝቡን በማያባራ የኢኮኖሚ ውድቀት፣ የሥነ ልቦና ስቃይ እና ማኅበራዊ ውጥንቅጥ ውስጥ እንደከተተው ተመላክቷል።

በትግራይ ክልል ያለው ወቅታዊ ምስቅልቅል የቡድኑን የባንዳነት እና የፖለቲካ ከንቱነት የሚያሳይ መሆኑን ያስታወቁት ሌተናንት ኮሎኔሉ፣ ሕዝቡ ለፍትሕና ለዲሞክራሲ የከፈለው መስዋዕትነት ወደ ባርነት መቀየሩን ገልጸዋል። ይህንን የቁልቁለት ጉዞ ለመቀልበስ ከዜሮ በመነሳት የፖለቲካ ምኅዳሩን፣ የሲቪል ማኅበራትን እና የሥነ ልቦና ግንባታን እንደ አዲስ መጀመር የግድ እንደሚል አጽንኦት ተሰጥቷል።

በክልሉ ዘላቂ ሰላም ለማስፈን የትግራይ ለውጥ ኃይልና የፌደራል መንግሥት የየበኩላቸውን ድርሻ መወጣት እንዳለባቸው ተጠቁሟል። የትግራይ ሕዝብ የሚመጥነውን መሪ በዲሞክራሲያዊ መንገድ መምረጥ እንዲችል ፖለቲከኞች፣ ምሁራን፣ የሃይማኖት አባቶች እና ወጣቶች መለያየትን በመተው የጋራ መድረክ እንዲፈጥሩ ጥሪ ቀርቧል።

Seledadotio
Seledadotio

በአየር ላንድ ጋዜጣዊ መግለጫ ምን ተፈጠረ ?

አየር ላንድ ነገ ከእስራኤል ጋር ከምታደርገው ጨዋታ በፊት በነበረ መግለጫ ላይ አለመግባባት ተፈጥሮ ነበር።

በመግለጫ ወቅት በአየርላንድ እና እስራኤል ጋዜጠኞች መካከል አለመግባባት ተፈጥሯል።

አንድ የእስራኤል ጋዜጠኛ የአየርላንድ ተጨዋቾች ተጨዋቾቻችንን ' ዝንጀሮ ' በማለት የዘረኝነት ጥቃት አድርሰውባቸዋል ሲሉ ጠይቋል።

የአየርላንድ እግርኳስ ፌዴሬሽን እውነት አይደለም ሲል ውድቀ በማድረግ ጋዜጠኛው ንግግሩን እንዲያቋርጥ አድርጓል።

ቀጥሎም በተፈጠረው ሁከት ምክንያት ጋዜጣዊ መግለጫው እንዲቋረጥ ተድርጓል።

የብሔራዊ ቡድኑ አሰልጣኝ የሀገሪቱ ጋዜጠኞች ብቻ በተገኙበት መግለጫ ለመስጠት ወደ ሌላ ቦታ መሄዳቸው ተገልጿል።.

@tikvahethsport      kidusyoftahe

(ዘ-ሐበሻ ዜና) ‹‹ሩሲያ የኬይቭ ነዋሪዎችን በግዳጅ ከዋና ከተማዋ ለማስወጣት እየሞከረች ነው›› ሲሉ ዘለንስኪ ገለፁ፡፡ የዩክሬይኑ ፕሬዝደንት ቮሎዶሚር ዘለንስኪ ዛሬ በሰጡት ቃለምልልስ የሩሲያ ሀይሎች በኬይቭ ሲቪል መሰረተ ልማቶችና ትምህርት ቤቶች ላይ የሚፈፅሙትን ጥቃት አጠናክረው መቀጠላቸውን አስታወቁ፡፡ ይህንንም የዋና ከተማዋ ነዋሪዎች ለቀው እንዲወጡ የሚደረግ ጫና አድርገው ገልፀውታል፡፡

ፕሬዝደንቱ ኤል ፓይስ ከተሰኘው የስፔን ጋዜጣ ጋር ባደረጉት ቃለ ምልልስ ሩሲያ ከቀናት በፊት በኬይቭ አንድ ትምህርት ቤት አቅራቢያ የድሮን ጥቃት መፈፀሟን አስረድተዋል፡፡ እንዲህ አይነት ድርጊት እየተደጋገመ መምጣቱን ገልፀውም የሩሲያ ስትራቴጂ አንድም ከተማዋን ማውደም፣ ሁለትም ነዋሪዎቹ ለቀው እንዲወጡ ማስገደድ እንደሆነ ተናግረዋል፡፡ ጨምረውም ከቅርብ ጊዜያት ወዲህ ሩሲያ ጥቃቷን አጠናክራ መቀጠሏን ገልፀው ይህንንም ‹‹ከአሜሪካ ፖለቲካ ጊዜ ሰሌዳ ጋር የተጣጠመ ነው›› ብለውታል፡፡ ሲያስረዱም በአሜሪካ በቅርቡ የሚካሄደውን የአጋማሽ ወይንም ሚድ ተርም ምርጫ ጠቅሰዋል፡፡ ፕሬዝደንቱ እንደገለፁት አሁን የሞስኮ መንግስት እየተጠቀመበት ያለው ስልት ይህ ጦርነት በተጀመረበት ወቅት ከነበረው ጋር ተመሳሳይ ነው፡፡ በየካቲት ወር 2022 ሩሲያ ወረራውን ስትጀምር ኬይቭን ለመቆጣጠርና የዩክሬይንን መንግስት በማዳከም መጠነ ሰፊ ጥቃት መክፈቷን አውስተዋል፡፡









(ዘ-ሐበሻ ዜና) ‹‹ሩሲያ የኬይቭ ነዋሪዎችን በግዳጅ ከዋና ከተማዋ ለማስወጣት እየሞከረች ነው›› ሲሉ ዘለንስኪ ገለፁ፡፡ የዩክሬይኑ ፕሬዝደንት ቮሎዶሚር ዘለንስኪ ዛሬ በሰጡት ቃለምልልስ የሩሲያ ሀይሎች በኬይቭ ሲቪል መሰረተ ልማቶችና ትምህርት ቤቶች ላይ የሚፈፅሙትን ጥቃት አጠናክረው መቀጠላቸውን አስታወቁ፡፡ ይህንንም የዋና ከተማዋ ነዋሪዎች ለቀው እንዲወጡ የሚደረግ ጫና አድርገው ገልፀውታል፡፡

ፕሬዝደንቱ ኤል ፓይስ ከተሰኘው የስፔን ጋዜጣ ጋር ባደረጉት ቃለ ምልልስ ሩሲያ ከቀናት በፊት በኬይቭ አንድ ትምህርት ቤት አቅራቢያ የድሮን ጥቃት መፈፀሟን አስረድተዋል፡፡ እንዲህ አይነት ድርጊት እየተደጋገመ መምጣቱን ገልፀውም የሩሲያ ስትራቴጂ አንድም ከተማዋን ማውደም፣ ሁለትም ነዋሪዎቹ ለቀው እንዲወጡ ማስገደድ እንደሆነ ተናግረዋል፡፡ ጨምረውም ከቅርብ ጊዜያት ወዲህ ሩሲያ ጥቃቷን አጠናክራ መቀጠሏን ገልፀው ይህንንም ‹‹ከአሜሪካ ፖለቲካ ጊዜ ሰሌዳ ጋር የተጣጠመ ነው›› ብለውታል፡፡ ሲያስረዱም በአሜሪካ በቅርቡ የሚካሄደውን የአጋማሽ ወይንም ሚድ ተርም ምርጫ ጠቅሰዋል፡፡ ፕሬዝደንቱ እንደገለፁት አሁን የሞስኮ መንግስት እየተጠቀመበት ያለው ስልት ይህ ጦርነት በተጀመረበት ወቅት ከነበረው ጋር ተመሳሳይ ነው፡፡ በየካቲት ወር 2022 ሩሲያ ወረራውን ስትጀምር ኬይቭን ለመቆጣጠርና የዩክሬይንን መንግስት በማዳከም መጠነ ሰፊ ጥቃት መክፈቷን አውስተዋል፡፡

(ዘ-ሐበሻ ዜና) የህንድ ፖሊስ በኢትዮጵያ ውስጥ የታገቱትን 3 ህንዳዊያን አስለቀቀ፡፡ የጉጀራት ግዛት ነዋሪ የሆኑ 3 ህንዳዊያን በኢትዮጵያ ውስጥ መታገታቸውን መዘገባችን ይታወሳል፡፡ አጋቾቹ ህንዳዊያን የማስለቀቂያ ገንዘብ መጠየቃቸውንም ዘግበን ነበር፡፡ ሩትቪክ ጃንሳሪ፣ ማምታ ቻቭዳና ማዩሪ የተባሉት እነዚህ ታጋቾች ተለቀው ዛሬ ሀሙስ ሙምባይ አለም አቀፍ አውሮፕላን ማረፊያ ደርሰዋል፡፡

ቤተሰቦቻቸውም በስፍራው ደርሰው አቀባበል አድርገውላቸዋል፡፡ የሩትቪክ አያት በአየር ማረፊያው ውስጥ ለጋዜጠኞች በሰጡት መግለጫ ሲናገሩ ‹‹የታገቱት የተለቀቁት ምንም አይነት የማስለቀቂያ ገንዘብ ሳንከፍል ነው፡፡ ለዚህ ደግሞ መንግስታችን ከፍተኛ ድጋፍ አድርጎልናል›› ብለዋል፡፡ እንደተገለፀው ታጋቾቹ ሊለቀቁ የቻሉት የህንድ ውጭ ጉዳይ ሚኒስትር ከጉጀራት ፖሊስ ጋር በመተባበር ባደረገው ዲፕሎማሲያዊ ጥረት ነው፡፡ ሁለቱ ተቋማት የታጋቾችን ቤተሰቦች ካገኙ በኋላ ልዩ ግብረ ሀይል በማቋቋም የእገታውን መረብ ከስር መሰረቱ ፈትሸዋል፡፡ በዚህም ህገ ወጥ ጉዞውን ያመቻቹትን ግለሰቦች በቁጥጥር ስር ማዋላቸው ተገልጿል፡፡

ይህንን ተከትሎ በኢትዮጵያ ውስጥ የሚገኙት አጋቾች ታጋቾቹን ያለምንም ቤዛ እንደለቀቋቸው ዴሽ ጉጃራት ጋዜጣ ዘግቧል፡፡ ከዚህ ቀደም እንደዘገብነው እነዚህ ህንዳዊያን ወደኢትዮጵያ የተጓዙት በህገ ወጥ ሰው አዘዋዋሪዎች አማካኝነት ወደአሜሪካ እንደሚሄዱ ቃል ተገብቶላቸው ነበር፡፡ ህንዳዊያኑ ከጉጃራት የተነሱት ሴፕቴምበር 20 ሲሆን ከዚያም በኢትሀድ አየር መንገድ አቡ ዳቢ ተጉዘዋል፡፡

ከዚያም ወደአዲስ አበባ የገቡ ሲሆን በአዲስ አበባ ጂኤስኤፍ የተሰኘ ገስት ሀውስ እንዲቆዩ ተደርገው ነበር፡፡ በገስት ሀውሱ ውስጥ ከሴፕቴምበር 20 እስከ 29 ቦታ ተይዞላቸው የነበረ ሲሆን ከሴፕቴምበር 19 እስከ ኦክቶበር 19 የሚያገለግል የኢትዮጵያ ኤሌክትሮኒክስ ቪዛ ያላቸው ናቸው፡፡ ነገር ግን ከነበሩበት ገስት ሀውስ በአንድ ህንዳዊ ኤጀንት ተወስደው የት እንዳሉ ሳይታወቅ ደብዛቸው ሊጠፋ ችሎ ነበር፡፡ ኤጀንቱም ሰዎቹን ለመልቀቅ የ1 ክኖር ሩፒ ወይንም የ120,000 ዶላር የቤዛ ጥያቄ ማቅረቡን መዘገባችን የሚታወስ ነው፡፡

የኢትዮጵያን የቦክስ ስፖርት አሁን ካለበት ደረጃ ከፍ የሚያድረግ ውድድር በኢሬቻ በዐል ዋዜማ ሊካሄድ መሆኑ ተገለጸ፡፡

አፍሮኮ ትሬዲንግና ኤች ኬ ኢንተርቴመንት ከአዲስ አበባ ወጣቶችና ስፖርት ቢሮ ጋር በመተባበር ያዘጋጁት ውድድር ከፌዴራልና ከኦሮሚያ ክልል ክለቦች የተውጣጡ አስራ ስድስት ቦክሰኞች ከ48 እስከ 80 ኪሎ ባለው ዘርፍ የሚፋለሙበት ነው።

በ57 ኪሎ ግራም በፌደራል ፖሊሱ ተወዳዳሪ ኮንስታብል ሳምሶን ጌታቸውና በዩናይትድ ስዊት ቦክስ ክለቡ አቡበከር አብዱልቃድር መካከል በሚካሄደው ዋና የእለቱ ግጥሚያ የሚያሸንፈው፣ ቀበቶ እንደሚሸለም የአፍሮኮ ስራ አስኪያጅ አቶ ኦብሳ አብዲሳ በኢሊሌ ሆቴል በተሰጠ ጋዜጣዊ መግለጫ አስታውቀዋል።

ሰባቱ ውድድሮች የወንዶች፣ አንዱ ደግሞ የሴቶች መሆኑ የተገለጸ ሲሆን በፌደራል ማረሚያ ቤቱ ማሞ ሞሲሳና በዩናይትድ ክለቡ በረከት ግሮ መካከል በ80 ኪሎ ግራም የሚካሄደው
በሴቶች የድሬደዋ ከነማዎቹ ነጌኛ ታደሰና ወርቅነሽ ዋቅጅራ ይገናኛሉ፡፡
ወርቅነሽ አውሮፓ ላይ በተካሄደ የዐለም ቦክስ ሻምፒዮና ተሳትፋ ለኢትዮጵያ ዲፕሎማ ያስገኘች ስፖርተኛ ነች፡፡
ሁለቱ ሴቶች ከሳምንት በኋላ ኬኒያ ላይ በሚከናወነው የአፍሪካ የቦክስ ውድድር ይሳተፋሉ፡፡

ኮንስታብል ሳምሶንና እሱባለው ሞላ የተባሉት የእሬቻው ግራንድ ፋይት ተወዳዳሪዎችም በኬኒያው ሻምፒዮና ይካፈላሉ፡፡
ዐርብ ምሽት አስራ ሁለት ሰዐት ላይ በአድዋ መታሰቢያ ሙዚየም አዳራሽ ለሚጀመረው መድረክ፣ ተወዳዳሪዎቹ ከሶስት ወራት በላይ ሲዘጋጁ መቆየታቸውን የኤች.ኬ. ዋና ስራ አስኪያጅ አቶ ሃብታሙ ታዬ ተናግረዋል፡፡

ውድድሩ ዕኩለ ለሊት ስድስት ሰዐት የሚጠናቀቅ ሲሆን ተመልካቾች የመግቢያ ትኬት በአዋሽ ባንክ በኩል የሚገዙበት መንገድ እየተመቻቸ ነው፡፡

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

የምግብ ምርቶች ማስታወቂያ ቁጥጥር ይደረጋል!
- የሚዲያ ተቋማትና አስተዋዋቂዎች ተጠያቂዎች ናቸው
#ethiopia | አዳማ — የኢትዮጵያ ምግብ፣ መድኃኒትና ጤና አገልግሎት ቁጥጥር ባለሥልጣን የምግብ ምርቶች ማስታወቂያ ለሕዝብ ከመሰራጨቱ በፊት በሕግና በሳይንሳዊ ማስረጃ ላይ የተመሠረተ፣ እውነተኛና አሳሳች ያልሆነ መሆኑን ለማረጋገጥ የሚያስችል የማስታወቂያ ቁጥጥር መመሪያ መኖሩን አስታወቀ።

ባለሥልጣኑ በአዳማ ክሎቨርዴል ሆቴል ዛሬ ባዘጋጀው የሚዲያ ግንዛቤ መድረክ፣ የምግብ ምርቶች ማስታወቂያ ቁጥጥርን በተመለከተ ለሚዲያ አካላት ሰፊ ማብራሪያ ተሰጥቷል።

የምግብ ምዝገባና ፈቃድ ባለሙያዋ ዳግማዊት ንጋቱ እንዳብራሩት፣ የማስታወቂያ አሰራጮች ከአስተዋዋቂዎች የሚቀበሉት መረጃ ትክክለኛነትና ማስታወቂያው የቁጥጥር መመሪያውን ማሟላቱን የማረጋገጥ ግዴታ አለባቸው።

በመመሪያው መሠረት የማስታወቂያ አሰራጭ ድርጅቶች በባለሥልጣኑ የተሰጠ ሕጋዊ የብቃት ማረጋገጫ ሊኖራቸው እንደሚገባና ባለሥልጣኑ በሚጠይቅበት ጊዜ ያስተላለፏቸውን ማስታወቂያዎች ቅጂና አስፈላጊ መረጃዎችን ማቅረብ እንዳለባቸው ገልጸዋል።

ያልተረጋገጡና የተጋነኑ የጤና ጥቅም ጥያቄዎች አይፈቀዱም

የምግብ ማስታወቂያዎች በተገቢ ሳይንሳዊ ማስረጃ ያልተደገፉ የጤና ጥቅም ወይም የፈውስ ተግባር እንዳላቸው አድርገው ማቅረብ እንደማይችሉ ተመላክቷል።

እንዲሁም “ብቸኛ”፣ “ለመጀመሪያ ጊዜ”፣ “ከዚህ ቀደም ያልነበረ”፣ “የሁሉም ምርጫ”፣ “ልዩ” እና “አንደኛ” የመሳሰሉ የተጋነኑ መግለጫዎች በተገቢው ማስረጃ ሳይደገፉ መጠቀም እንደማይፈቀድ ተገልጿል።

የአልኮል መጠጦች ማስታወቂያ ላይ ገደቦች

መመሪያው የአልኮል መጠጦች ለጤና ተስማሚ፣ ለማህበራዊ ስኬት ወይም ለአካላዊ ብቃት ጠቃሚ እንደሆኑ አድርጎ ማስታወቅን ይከለክላል።

በተጨማሪም ከ12 በመቶ በላይ የአልኮል ይዘት ያላቸው መጠጦችን ከቤት ውጭ ማስታወቂያ በስተቀር በቴሌቪዥን፣ በሬዲዮና በሌሎች የሚዲያ አውታሮች ማስታወቅ ላይ ገደቦች መኖራቸው ተጠቁሟል።

ከዚህ ባለፈ አካለ መጠን ያልደረሱ ሕፃናትን በአልኮል ማስታወቂያ ላይ መጠቀም፣ በሕፃናት ፕሮግራሞች ላይ የአልኮል ማስታወቂያ ማስተላለፍና ከ12 በመቶ በላይ የአልኮል ይዘት ያላቸው መጠጦች አምራቾች ወይም ነጋዴዎች ፕሮግራሞችን ስፖንሰር ማድረግ እንደማይችሉ ተገልጿል።

የጨቅላ ሕፃናት ምግብ ማስታወቂያ

የጨቅላ ሕፃናት ምግብን በቴሌቪዥን፣ በሬዲዮ፣ በጋዜጣና በኢንተርኔት ጨምሮ በማንኛውም የሚዲያ መድረክ ማስታወቅ እንደተከለከለ ተብራርቷል።

በምርቶቹ ማሸጊያ ላይም ከእናት ጡት ወተት ጋር ማወዳደር ወይም “የማይተካ” የሚሉ መግለጫዎችን መጠቀም እንደማይፈቀድ ተጠቁሟል። በሽያጭ ቦታዎች ናሙና መስጠትና የዋጋ ቅናሽ ማስታወቂያ መለጠፍም ከተገደቡት ተግባራት መካከል ናቸው።

ሕፃናትን ያማከሉ ማስታወቂያዎች

ሕፃናትን ያማከሉ ማስታወቂያዎች የልጆችን ዕድሜና የማስተዋል ደረጃ ያገናዘቡ መሆን እንዳለባቸው ተገልጿል።

አንድ ምግብ የተጠቀመ ልጅ ካልተጠቀመ ልጅ በላይ የማህበራዊ ወይም የአእምሮ ብልጫ እንዳለው ማሳየትና ሕፃናት ፈጣን ምግቦችን ከመጠን በላይ እንዲወስዱ ማበረታታት እንደማይፈቀድ ተመላክቷል።

በተጨማሪም የግለሰቦችን ምስክርነት ወይም የግል ልምድ በመጠቀም ስለ አንድ ምግብ ጣዕም፣ ይዘት ወይም ጥቅም ማስታወቅ በመመሪያው የተገደበ መሆኑ ተብራርቷል።

ለሚዲያ ተቋማት የተሰጠው መልዕክት

የምግብ ምርት ማስታወቂያን ከማስተላለፍ በፊት ይዘቱ ከተደነገጉት የሕግና የቁጥጥር መስፈርቶች ጋር መጣጣሙን ማረጋገጥ የሚዲያና የማስታወቂያ አሰራጭ ተቋማት ኃላፊነት መሆኑ በመድረኩ ተገልጿል።

መመሪያው ከነሐሴ 2 ቀን 2004 ዓ.ም. ጀምሮ የፀና መሆኑን የገለጸው ማብራሪያው፣ መመሪያውን በመጣስ የሚተላለፍ ማስታወቂያ ለሚያስተላልፉ አካላት ሕጋዊ ተጠያቂነት ሊያስከትል እንደሚችል አመልክቷል።

Getu Temesgen - (ጌጡ ተመስገን)

​#adama #media #foodregulation #getutemesgen #getu #ጌጡ #ጌጡተመስገን #addisababa








የምግብ ምርቶች ማስታወቂያ ቁጥጥር ይደረጋል!
- የሚዲያ ተቋማትና አስተዋዋቂዎች ተጠያቂዎች ናቸው
#ethiopia | አዳማ — የኢትዮጵያ ምግብ፣ መድኃኒትና ጤና አገልግሎት ቁጥጥር ባለሥልጣን የምግብ ምርቶች ማስታወቂያ ለሕዝብ ከመሰራጨቱ በፊት በሕግና በሳይንሳዊ ማስረጃ ላይ የተመሠረተ፣ እውነተኛና አሳሳች ያልሆነ መሆኑን ለማረጋገጥ የሚያስችል የማስታወቂያ ቁጥጥር መመሪያ መኖሩን አስታወቀ።

ባለሥልጣኑ በአዳማ ክሎቨርዴል ሆቴል ዛሬ ባዘጋጀው የሚዲያ ግንዛቤ መድረክ፣ የምግብ ምርቶች ማስታወቂያ ቁጥጥርን በተመለከተ ለሚዲያ አካላት ሰፊ ማብራሪያ ተሰጥቷል።

የምግብ ምዝገባና ፈቃድ ባለሙያዋ ዳግማዊት ንጋቱ እንዳብራሩት፣ የማስታወቂያ አሰራጮች ከአስተዋዋቂዎች የሚቀበሉት መረጃ ትክክለኛነትና ማስታወቂያው የቁጥጥር መመሪያውን ማሟላቱን የማረጋገጥ ግዴታ አለባቸው።

በመመሪያው መሠረት የማስታወቂያ አሰራጭ ድርጅቶች በባለሥልጣኑ የተሰጠ ሕጋዊ የብቃት ማረጋገጫ ሊኖራቸው እንደሚገባና ባለሥልጣኑ በሚጠይቅበት ጊዜ ያስተላለፏቸውን ማስታወቂያዎች ቅጂና አስፈላጊ መረጃዎችን ማቅረብ እንዳለባቸው ገልጸዋል።

ያልተረጋገጡና የተጋነኑ የጤና ጥቅም ጥያቄዎች አይፈቀዱም

የምግብ ማስታወቂያዎች በተገቢ ሳይንሳዊ ማስረጃ ያልተደገፉ የጤና ጥቅም ወይም የፈውስ ተግባር እንዳላቸው አድርገው ማቅረብ እንደማይችሉ ተመላክቷል።

እንዲሁም “ብቸኛ”፣ “ለመጀመሪያ ጊዜ”፣ “ከዚህ ቀደም ያልነበረ”፣ “የሁሉም ምርጫ”፣ “ልዩ” እና “አንደኛ” የመሳሰሉ የተጋነኑ መግለጫዎች በተገቢው ማስረጃ ሳይደገፉ መጠቀም እንደማይፈቀድ ተገልጿል።

የአልኮል መጠጦች ማስታወቂያ ላይ ገደቦች

መመሪያው የአልኮል መጠጦች ለጤና ተስማሚ፣ ለማህበራዊ ስኬት ወይም ለአካላዊ ብቃት ጠቃሚ እንደሆኑ አድርጎ ማስታወቅን ይከለክላል።

በተጨማሪም ከ12 በመቶ በላይ የአልኮል ይዘት ያላቸው መጠጦችን ከቤት ውጭ ማስታወቂያ በስተቀር በቴሌቪዥን፣ በሬዲዮና በሌሎች የሚዲያ አውታሮች ማስታወቅ ላይ ገደቦች መኖራቸው ተጠቁሟል።

ከዚህ ባለፈ አካለ መጠን ያልደረሱ ሕፃናትን በአልኮል ማስታወቂያ ላይ መጠቀም፣ በሕፃናት ፕሮግራሞች ላይ የአልኮል ማስታወቂያ ማስተላለፍና ከ12 በመቶ በላይ የአልኮል ይዘት ያላቸው መጠጦች አምራቾች ወይም ነጋዴዎች ፕሮግራሞችን ስፖንሰር ማድረግ እንደማይችሉ ተገልጿል።

የጨቅላ ሕፃናት ምግብ ማስታወቂያ

የጨቅላ ሕፃናት ምግብን በቴሌቪዥን፣ በሬዲዮ፣ በጋዜጣና በኢንተርኔት ጨምሮ በማንኛውም የሚዲያ መድረክ ማስታወቅ እንደተከለከለ ተብራርቷል።

በምርቶቹ ማሸጊያ ላይም ከእናት ጡት ወተት ጋር ማወዳደር ወይም “የማይተካ” የሚሉ መግለጫዎችን መጠቀም እንደማይፈቀድ ተጠቁሟል። በሽያጭ ቦታዎች ናሙና መስጠትና የዋጋ ቅናሽ ማስታወቂያ መለጠፍም ከተገደቡት ተግባራት መካከል ናቸው።

ሕፃናትን ያማከሉ ማስታወቂያዎች

ሕፃናትን ያማከሉ ማስታወቂያዎች የልጆችን ዕድሜና የማስተዋል ደረጃ ያገናዘቡ መሆን እንዳለባቸው ተገልጿል።

አንድ ምግብ የተጠቀመ ልጅ ካልተጠቀመ ልጅ በላይ የማህበራዊ ወይም የአእምሮ ብልጫ እንዳለው ማሳየትና ሕፃናት ፈጣን ምግቦችን ከመጠን በላይ እንዲወስዱ ማበረታታት እንደማይፈቀድ ተመላክቷል።

በተጨማሪም የግለሰቦችን ምስክርነት ወይም የግል ልምድ በመጠቀም ስለ አንድ ምግብ ጣዕም፣ ይዘት ወይም ጥቅም ማስታወቅ በመመሪያው የተገደበ መሆኑ ተብራርቷል።

ለሚዲያ ተቋማት የተሰጠው መልዕክት

የምግብ ምርት ማስታወቂያን ከማስተላለፍ በፊት ይዘቱ ከተደነገጉት የሕግና የቁጥጥር መስፈርቶች ጋር መጣጣሙን ማረጋገጥ የሚዲያና የማስታወቂያ አሰራጭ ተቋማት ኃላፊነት መሆኑ በመድረኩ ተገልጿል።

መመሪያው ከነሐሴ 2 ቀን 2004 ዓ.ም. ጀምሮ የፀና መሆኑን የገለጸው ማብራሪያው፣ መመሪያውን በመጣስ የሚተላለፍ ማስታወቂያ ለሚያስተላልፉ አካላት ሕጋዊ ተጠያቂነት ሊያስከትል እንደሚችል አመልክቷል።

Getu Temesgen - (ጌጡ ተመስገን)

​#adama #media #foodregulation #getutemesgen #getu #ጌጡ #ጌጡተመስገን #addisababa

🥊 ሆርጌ ሄሱስ Vs ሮናልዶ 🥊

ብዙውን ጊዜ በ ሁለት ሰዎች መሀከል
" አብዝቶ መከበር " የሚፈልግ አይነት ማንነት የሚኖር ከሆነ አብሮ መስራት ፣ መማር ፣ ጓደኝነት መፍጠር ከባድ ሊሆን ይችላል። በ እርግጥ መከበርን የማይፈልግስ ማን አለ? ነገር ግን አንድ ሰው ለረዥም አመታት በነበረው ሞያ ጋር ተያይዞ የሚመጣ ግዙፍ የስራ ፕሮፋይል ሳይወድ በግዱ ወደዚህ ብዙዎቻችን ወደምንፈልገው መከበር የሚለውን ስሜት ከ ትልቅ ቁጣ ጋር ይዞት ይመጣል። በ እግርኳሱ ደግሞ ይህ ስሜት በ ተጫዋች እና በ አሰልጣኝ መሀከል የሚፈጠር ከሆነ መልበሻ ክፍሉን ከ ቁጥጥር ውጪ የሚያደርገው ይሆናል።

በ 1954 በ ሀገረ ፖርቱጋል ተወልደው በ አማዶራ ከተማ እድገታቸውን ያደረጉትና በ ፖርቱጋል የማሰልጠንም ሆነ በመጫወት የስራ ህይወታቸውን የጀመሩት ሆርጌ ሄሱስ የበለጠ በ አሰልጣኝነት የስራ ህይወታቸው በርካቶቻ ያውቋቸዋል። አንዳንድ ሰዎች ፊታቸውን አይታቹ ገና ምን አይነት ማንነት ሊኖራቸው እንደሚችል ትገምታላቹ በ እርግጥ ቁጡ ፊት ያላቸው ሰዎች ሁሉ ተቆጪ ባይሆኑም። ሆርጌ ሄሱስ ግን የፊት ገፅታቸውን አይታቹ ስለ ሞገዳማ ባህሪያቸው ብትገምቱ አትሳሳቱም።

ከዚህ ቀደም በ ፍላሚንጎ ስኬታማ በነበረ የአሰልጣኝነት ቆይታቸው ወይንም በ ስፖርቲንግ ሊዝበን በቆዮባቸው እንዲሁም በ ቤኔፊካ ባሳለፏቸው ወቅቶች ላይ የነበራቸውን ጋዜጣዊ መግለጫዎች ወይንም ተጫዋቾቻቸውን የሚቆጣጠሩበትን መንገድ የሚያውቅ ሰው ከ ሰሞኑ ከ ሮናልዶ ጋር የገቡበትን እሰጣ ገባ በ ጥቂቱም ቢሆን ሊረዳ ይችላል። ወቅቱ 2016 ላይ ነበር እናም በ ስፖርቲንግ ሊዝበን ቤት በነበሩበት ወቅት ላይ አንድ ጋዜጠኛን በ ጋዜጣዊ መግለጫ ሰአት ላይ ቅር ተሰኝተውበት በ ቁጣ " ዝም ማለት ትችል ይሆን? " ሲሉ ተናግረውታል ፤ እሱ ብቻ ሳይሆን በቅርብ ጊዜ በ አልናስር አሰልጣኝነቱ ጊዜ ላይ ሳለ  አንድ ጋዜጠኛ ከዚህ ቀደምም በ ፖርቶ ሲያሰለጥን ይበልጥ የማሸነፍ ንፃሬ ሲወስደበት በቆየው ሰርጂዮ ኮንሴሳኦ ቡድን በ አል ኢትሀድ ተሸንፎ በቁጥሮቹ የበላይነት ስለተወሰደበት ይህንን ጥያቄ ሲያነሳለት " ይሄ ደግሞ ምን የሚሉት ጥያቄ ነው? " ሲል በ ቁጣ ተሞልቶ መልሶለት ነበር።

በ አጠቃላይ ሆርጌ ከ ጋዜጠኞች ጋር በ ጋዜጣዊ መግለጫ ሰአት ላይ ግብግብ ውስጥ የሚገባ ፣ ከ ክለብ ፕሬዚዳንት ወይንም ባለቤት ጋር በቀጥታ ፀብ ውስጥ ለመግባት ቅርብ የሆነ ፣ መልበሻ ክፍል ውስጥ ተጫዋቾቹ ሀሳቡን የሚፃረኑት ከሆነ ቅጣቱ ከበድ የሚል አይነት የአሰልጣኝነት ማንነት አለው። በ አንፃሩ ሮናልዶን በርካቶች ያውቁታል በታሪክ ከታዮ ትልቅ ተጫዋቾች መካከል ብቻ ሳይሆን ትልቅ የሚድያ መስእብ የሆነ እና ካሜራዎች ሁሉ ሌንሶቻቸውን የሚያነጣጥሩበት እሱም ቢሆን መሰማትን አብዝቶ የሚፈልግ እና ከ አሰልጣኞችም ቢሆን ለ በርካታ አመታት በገነባው ትልቅ የእግርኳሰ ስም ምክንያት መከበርን የሚፈልግ ተጫዋች ነው። ሆርጌ ከ ወራቶች በፊት በ አልናስር ቤት አብረውት ከሰሩት ሮናልዶ ጋር በ ፖርቱጋል ብሔራዊ ዳግም ሲጣመሩ ጥሩ ግንኙነት በ ሁለቱ መሀከል ይኖራል ተብሎ ቢጠበቅም ከሰሞኑ በተለይ ከ ኖርዌይ ጋር ተደርጎ በነበረው ጨዋታ ላይ ለ 30 ደቂቃ ያክል ተች ላይኑ ላይ ሲያሟሙቅ ቢቆይም ቀይረው ሳያስገቡት ቀርተው ከዛም አልፎ በ ጋዜጣዊ መግለጫ ሰአት ላይ የሰጧቸው ግልፍተኛ አስተያየቶች እና በ ውስጥ የተፈጠሩ ግልፅ ያልሆኑ አለመግባባቶች ምክንያት ሮናልዶ ትላንት ከ ኮፐንሀገን በ ግል ጀቱ ስፔን ማድሪድ ገብቷል።

በ ጋዜጣዊ መግለጫ ሰአት ላይ ሮናልዶን በተጠባባቂ ወንበር ላይ የማስቀመጥ ሙሉ መብት እንዳላቸው ደጋግመው ለመናገር ያልቦዘኑት ሆርጌ በ ብሔራዊ ቡድኑ ስለ አንድ ተጫዋች ብቻ መናገር ስለማይፈልጉ እና 23 ተጫዋቾቻቸውን ወክለው የ ፖርቱጋል ብሔራዊ ቡድንን እንደሚወክሉ እንዲሁም ከዚህ ቀደም በ አል ናስር ቤት በነበሩበት ወቅት ላይ ሮናልዶን 18 ጊዜ ቀይረው ማሶጣታቸውን ተናግረው የማይደፈር የሚመስለውን ሮናልዶን በተጠባባቂ ወንበር ላይ ለማስቀመጥ ድፍረት እንዳላቸው በ ጥቂቱም ቢሆን አብሪት የተሞላበት በሚመስል መልኩ ለ ጋዜጠኞች ተናግረዋል። ትላንት ከነዚህ ሁሉ ድራማዎች ቡሀላ ሮናልዶ የተፈጠረውን ወደፊት ግልፅ እንደሚያደርግ ተናግሮ ከ አሰልጣኙ እና ከ ፖርቱጋል ፌዴሬሽን ጋር ንግግር ማድረጉን ተናግሮ ለ ቡድን አጋሮቹ መልካም እድልን ተመኝቶ ካምፑን ለቆ ወቷል።

ሆርጌ እራሱ ሮናልዶ እሳቸው ወደ ብሔራዊ ቡድኑ ሲመጡ እሱን ካሻቸው በ ተጠባባቂ ወንበር ፣ ከፈልጉ ከነ ጭራሹ በ ጨዋታ ላይ አለማሳተፍ ወይንም ከደጋፊዎች ጋር ተቀምጦ ጨዋታውን እንዲከታተል የማድረግ ስልጣን እንዳላቸው አሳውቋቸው እንደነበር ተናግረው የ ሮናልዶ እዳ እንደሌለባቸው ለማሳወቅ ጥረዋል። ነገሮች በዚሁ ከቀጠሉ የ 41 አመቱ ሮናልዶ ከ ሀገሩ ፖርቱጋል ጋር ዳግም የሚጫወት አይመስልም። የበርካቶች ጥያቄ ታድያ ፊጎ ፣ ዮሴብዮ ወይንም ዴኮ ያላደረጉትን ስኬቶች ( የአውሮፓ ዋንጫ ፣ ኔሸንስ ሊግ 2x ) ማሳካት የቻለው ሮናልዶ ይህ ይገባዋል ወይ??? የሚለው ሆኗል በ ሶሻል ሚድያ ትልቅ ተፅእኖ ያላቸው የ 5 ጊዜ የ ባላንዲዮር አሸናፊው አድናቂዎችም ለ ፖርቱጋል ምላሻቸውን መስጠት የጀመሩት የ ፖርቱጋል ብሔራዊ ቡድን የ ሶሻል ሚድያ ገፆች UNFOLLOW በማድረግ ሆኗል። ለ ሀገሪቱ ከሜዳ ላይ ግልጋሎት ባለፈ ትልቅ የምስል ሽያጭ ትርፍ ሚያስገባው ሮናልዶ በ ኢኮኖሚው ክለቡን ምን ያሀል ይጎዳው ይሆን የሚለውም ጥያቄ ጭሯል።

በ መሳይ ተስፋዬ ✍️

በአሜሪካን ሐገር የ3 ዓመት ህፃን ልጅ ጥይት የተሞላበት ሽጉጥ የህፃናት ማቆያ ስፍራ ውስጥ ይዞ ተገኘ

በአሜሪካ ሚቺጋን ግዛት፣ ካንተን ታውንሺፕ በሚገኝ የህፃናት ማቆያ ውስጥ አንድ የሶስት ዓመት ህጻን ጥይት የተሞላበት ሽጉጥ በጀርባ ቦርሳው ይዞ ወደ ህጻናት ማቆያ መግባቱ የተሰማ ሲሆን፣ ድርጊቱን ተከትሎ የህጻኑ እናት በቁጥጥር ስር መዋሏን የጸጥታ አካላት አስታውቀዋል።

ይህ አስደንጋጭ ክስተት የተፈጠረው ‘ቺልድረንስ ዎርልድ’ በተሰኘው የህጻናት ማቆያ እና ማስተማሪያ ማዕከል ውስጥ ነው። የካንተን ፖሊስ አዛዥ ጆሴፍ ቢያሊ በሰጡት ጋዜጣዊ መግለጫ፣ ህጻኑ ሽጉጡን ከቦርሳው አውጥቶ ሲጫወትበት በክፍሉ ውስጥ የነበሩት መምህርት በአስቸኳይ ጣልቃ በመግባት መሳሪያውን በሰላም መቀማትና ማስጣል ችለዋል።

በዚህም ምክንያት በአካባቢው በነበሩት ህጻናትም ሆነ ሰራተኞች ላይ ምንም አይነት የአካል ጉዳት ሳይደርስ አደጋውን መከላከል ተችሏል።ፖሊስ እንዳስታወቀው ከሆነ ህጻኑ ይዞት የገባው መሳሪያ ‘ግሎክ’ የተሰኘ ሽጉጥ ሲሆን፣ የመሳሪያው ባለቤት ደግሞ የህጻኑ እናት መሆኗ ታውቋል። ሙያዋ ነርስ የሆነችው ይህቺው እናት በቸልተኝነት እና የጦር መሳሪያን በአግባቡ ባለመጠበቅ ወንጀል ተጠርጥራ በቁጥጥር ስር ውላለች።

የሚገርመው ነገር ደግሞ የህፃኑ ልጅ አባት በከተማው ውስጥ ህግ የሚያስከብር የከተማው ፖሊስ አባል መሆኑ ድርጊቱን ይባልጥ አነጋጋሪ አድርጎታል። ልጁ ግን ትምህርት ቤቱ ውስጥ ይዞት የተገኘው የፖሊስ አባቱን የመስሪያ ቤት ሽጉጥ እንዳልሆነ ተገልጿል።

መምህሯ መጀመሪያ ላይ ልጁ ሽጉጡን ከቦርሳው አውጥቶ ወደ ሌሎች ህፃናት ሽጉጡን ሲያነጣጥር ስትመለከት የአሻንጉሊት አርቴፊሻል ሽጉጥ መስሏት ነበር፣ በኋላ ግን ሽጉጡ ከፕላስቲክ ያልተሰራ እና የእውነተኛ ሽጉጥ መሆኑን ስታቅ፣ ከጀርባው ሄደ ቀስ ብላ ሽጉጡን ከህፃኑ ልትቀበለው ችላለች።የማዕከሉ መምህራን ላሳዩት ፈጣን እና ብልህ እርምጃ የፖሊስ አዛዡ ከፍተኛ ምስጋና ያቀረቡ ሲሆን፣ ጉዳዩ በዋይን ካውንቲ ዓቃቤ ህግ በኩል ተመርምሮ ክስ የመመስረት ሂደት ላይ እንደሚገኝ ተገልጿል።

ክስተቱ የወላጆችን የጦር መሳሪያ አያያዝ ጥንቃቄ በጥብቅ የፈተነ መሆኑን የመገናኛ ብዙኃን በስፋት እየዘገቡት ይገኛሉ።

#ዳጉ_ጆርናል

🚨 በክሪስቲያኖ ሮናልዶ እና በጆርጅ ጄሱስ መካከል የክህደት ስሜት ተፈጥሮ እንደነበር ተገልጿል።

ጆርጅ ጄሱስ ሁኔታውን ለማረጋጋት ባደረገው ጥረት፣ በግል ስብሰባቸው ወቅት ለክሪስቲያኖ ይቅርታ የጠየቀ ሲሆን... በዚያን ጊዜ ሁሉም ነገር ተፈትቶ ነበር።

ጆርጅ ጄሱስ ለሮናልዶ በጋዜጣዊ መግለጫው ወቅት በአደባባይም ይቅርታ እንደሚጠይቅ ነግሮት የነበረ ቢሆንም... ለክሪስቲያኖ ግን ዋሽቶታል። ይህንን ያላደረገ ሲሆን፣ በሚዲያ ፊትም "ብልህ" ለመምሰል ሞክሯል።

በዚህም ምክንያት ክሪስቲያኖ ሮናልዶ ክብር እንደተነፈገው ተሰምቶታል።

— EduAguirre7

@Bisrat_Sport_433et
@Bisrat_Sport_433et

(ዘ-ሐበሻ ዜና) እስራኤል 36 ዜጎቿን ከኢትዮጵያ ጦርነት ቀጣና አስወጣች፡፡ በአማራ ክልል ውስጥ በጦርነት ቀጣና ይገኙ የነበሩ 36 እስራኤላዊያን በሰላም አካባቢውን ለቀው መውጣታቸው ተዘገበ፡፡

ዋይኔት ኒውስ የተሰኘው የእስራኤል ጋዜጣ ባቀረበው ዘገባ እነዚህ እስራኤላዊያን ከአካባቢው እንዲወጡ የእስራኤል ውጭ ጉዳይ ሚኒስትር፣ በአዲስ አበባ የሚገኘው የእስራኤል ኤምባሲ፣ የዲያስፖራ ጉዳዮች ሚኒስትር፣ የእስራኤል ፓርላማ አባል የሆኑት ፕኒና ታማኖ ሻታና እስራኤላዊው ባለሀብት ሊዮር የሳይስ ዘመቻውን ማስተባበራቸውን አስረድቷል፡፡

እንዲሁም የኢትዮጵያ መከላከያ ሀይል ለዘመቻው ድጋፍ መስጠቱንና የደህንነት ጥበቃ ማድረጉን ገልጿል፡፡ ዘገባው በመቀጠልም በአሁኑ ወቅት ሌሎች 4 እስራኤላዊያን በላሊበላ ከተማ እንደሚገኙ ጠቅሶ እነዚህንም በሄሊኮፕተር ለማስወጣት ጥረት እየተደረገ መሆኑን አስረድቷል፡፡









(ዘ-ሐበሻ ዜና) እስራኤል 36 ዜጎቿን ከኢትዮጵያ ጦርነት ቀጣና አስወጣች፡፡ በአማራ ክልል ውስጥ በጦርነት ቀጣና ይገኙ የነበሩ 36 እስራኤላዊያን በሰላም አካባቢውን ለቀው መውጣታቸው ተዘገበ፡፡

ዋይኔት ኒውስ የተሰኘው የእስራኤል ጋዜጣ ባቀረበው ዘገባ እነዚህ እስራኤላዊያን ከአካባቢው እንዲወጡ የእስራኤል ውጭ ጉዳይ ሚኒስትር፣ በአዲስ አበባ የሚገኘው የእስራኤል ኤምባሲ፣ የዲያስፖራ ጉዳዮች ሚኒስትር፣ የእስራኤል ፓርላማ አባል የሆኑት ፕኒና ታማኖ ሻታና እስራኤላዊው ባለሀብት ሊዮር የሳይስ ዘመቻውን ማስተባበራቸውን አስረድቷል፡፡

እንዲሁም የኢትዮጵያ መከላከያ ሀይል ለዘመቻው ድጋፍ መስጠቱንና የደህንነት ጥበቃ ማድረጉን ገልጿል፡፡ ዘገባው በመቀጠልም በአሁኑ ወቅት ሌሎች 4 እስራኤላዊያን በላሊበላ ከተማ እንደሚገኙ ጠቅሶ እነዚህንም በሄሊኮፕተር ለማስወጣት ጥረት እየተደረገ መሆኑን አስረድቷል፡፡

“ ብሔራዊ ቡድኑን ለቅቄ ሄጃለሁ ” ሮናልዶ

የአምስት ጊዜ ባሎን ዶር አሸናፊው ክርስቲያኖ ሮናልዶ የፖርቹጋል የፖርቹጋል ብሔራዊ ቡድን ስብስብ መልቀቁን ይፋ አድርጓል።

“ ከቡድኑ መግለጫ እና ከፌዴሬሽኑ ፕሬዝዳንት ጋር ከተነጋገርኩ በኋላ የቡድኑን ስብስብ ለመልቀቅ ወስኛለሁ "ሲል ሮናልዶ ተናግሯል።

ሮናልዶ አክሎም “ ብሔራዊ ቡድኑን ለመልቀቅ ምን እንዳስወሰነኝ ጊዜው ሲደርስ ለፖርቹጋል ህዝብ አሳውቃለሁ ” ብሏል።

“ ለብሔራዊ ቡድኑ እና ለቡድን አጋሮቼ መልካሙን እመኛለሁ “ ሲል ሮናልዶ ባወጣው መግለጫ ገልጿል።

@tikvahethsport      kidusyoftahe ሮናልዶ የቡድኑን ስብስብ ሊለቅ ነው ! ክርስቲያኖ ሮናልዶ የፖርቹጋል ብሔራዊ ቡድን ስብስብ ለቆ ሊሄድ ማሰቡን ማርካ ዘግቧል። በአሁኑ ሰዓት ከቡድኑ ጋር በዴንማርክ የሚገኘው ክርስቲያኖ ሮናልዶ ዛሬ ልምምድ እንዳልሰራ ተገልጿል። አሰልጣኝ ጆርጅ ጄሱስ ከሰጡት ጋዜጣዊ መግለጫ በኋላ ሮናልዶ ስብስቡን ለመልቀቅ መወሰኑ ተነግሯል። አሰልጣኙ በሰጡት አስተያየት ከሮናልዶ ጋር የተፈጠረ ችግር የለም ማለታቸው…

ሮናልዶ የቡድኑን ስብስብ ሊለቅ ነው !

ክርስቲያኖ ሮናልዶ የፖርቹጋል ብሔራዊ ቡድን ስብስብ ለቆ ሊሄድ ማሰቡን ማርካ ዘግቧል።

በአሁኑ ሰዓት ከቡድኑ ጋር በዴንማርክ የሚገኘው ክርስቲያኖ ሮናልዶ ዛሬ ልምምድ እንዳልሰራ ተገልጿል።

አሰልጣኝ ጆርጅ ጄሱስ ከሰጡት ጋዜጣዊ መግለጫ በኋላ ሮናልዶ ስብስቡን ለመልቀቅ መወሰኑ ተነግሯል።

አሰልጣኙ በሰጡት አስተያየት ከሮናልዶ ጋር የተፈጠረ ችግር የለም ማለታቸው አይዘነጋም።

የክርስቲያኖ ሮናልዶ የግል ጄት ወደ ዴንማርክ ኮፐንሀገን ጉዞ መጀመሩ ተገልጿል።

በአሁኑ ሰዓት በርካታ ሰዎች የክርስቲያኖ ሮናልዶን የግል አውሮፕላን በበረራ መከታተያ እየተከታተሉ ይገኛሉ።

@tikvahethsport      kidusyoftahe “ ለቡድኑ አስተዋጽኦ እያደረግኩ እንዳልሆነ ከተሰማኝ ሻንጣዬን አንስቼ እሄዳለሁ " ሲል ክርስቲያኖ ሮናልዶ ተናግሯል።

"እኔ ቆምኩ አልቆምኩ የሚመጣ የውጤት ለውጥ የለም" - አሰልጣኝ ዮሐንስ ሳህሌ
#ethiopia | አሰልጣኝ ዮሐንስ ሳህሌ በቅርቡ ትናንት ከስፖርት ጋዜጠኞች ለቀረቡላቸው ጥያቄዎች በሰጡት ጋዜጣዊ መግለጫ፣ በቡድናቸው አጨዋወት፣ በሜዳ ላይ በሚያሳዩት እንቅስቃሴ እና በግብ ማስቆጠር ችግሮች ዙሪያ ሰፊ ማብራሪያ ሰጥተዋል።

አሰልጣኙ በጨዋታ 90 ደቂቃ ውስጥ ከወንበራቸው ተነስተው መመሪያ ሲሰጡ ለምን እንደማይታዩ ለቀረበላቸው ጥያቄ በሰጡት ምላሽ፣ ይህ የራሳቸው የቆየ አሰራር መሆኑን ገልጸዋል።

በልምምድ ወቅት በቂ ዝግጅት እንደሚሰሩና በጨዋታው ወቅት ተጫዋቾቹ የተማሩትን እንዲተገብሩ ነጻነት እንደሚሰጧቸው ያስረዱት አሰልጣኙ፣ ጣልቃ የሚገቡት ታክቲካዊ ስህተቶች ሲፈጠሩ ብቻ መሆኑን ተናግረዋል።

አክለውም አጋዥ አሰልጣኙ በዚሁ ሂደት ውስጥ የራሱን ድርሻ እንደሚወጣ አስታውቀዋል።

በሌላ በኩል ቡድኑ ተደጋጋሚ የግብ ማስቆጠር ችግር ለምን እንደገጠመው ለተነሳላቸው ጥያቄ፣ ችግሩ እድል ከመፍጠር ጋር የተያያዘ እንዳልሆነ አብራርተዋል። ቡድኑ ወደ ተጋጣሚ የግብ ክልል በተደጋጋሚ እንደሚደርስ የገለጹት አሰልጣኝ ዮሐንስ፣ ነገር ግን የተፈጠሩትን እድሎች ወደ ግብነት የመቀየር ኃላፊነቱን ተጫዋቾች በአግባቡ እየተወጡ እንዳልሆነ ጠቁመዋል።

በተለይም አንዳንዴ ተጫዋቾች የተሻለ ቦታ ላይ ላለ አጋራቸው ኳስን አሳልፎ ከመስጠት ይልቅ፣ ራሳቸው አግብተው አድናቆትን ለማግኘት በሚያደርጉት ጥረት የግብ እድሎች እንደሚባክኑ ተችተዋል።

በመጨረሻም የግብ አግቢ (ስትራይከር) እጥረትም የብሔራዊ ቡድኑ ብቻ ሳይሆን የጠቅላላ ሀገሪቱ እግርኳስ ችግር መሆኑን አጽንኦት ሰጥተዋል።

በሀገር ውስጥ ፕሪሚየር ሊግ ከፍተኛ ግብ አግቢ የሚባሉት ተጫዋቾች እንኳን ከ30 በላይ ጨዋታዎችን አድርገው የሚያስቆጥሩት ከ13 እስከ 14 ግቦችን ብቻ መሆኑን በማንሳት፣ የችግሩን ሀገር አቀፋዊ ስፋትና አሳሳቢነት አመላክተዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu





"እኔ ቆምኩ አልቆምኩ የሚመጣ የውጤት ለውጥ የለም" - አሰልጣኝ ዮሐንስ ሳህሌ
#ethiopia | አሰልጣኝ ዮሐንስ ሳህሌ በቅርቡ ትናንት ከስፖርት ጋዜጠኞች ለቀረቡላቸው ጥያቄዎች በሰጡት ጋዜጣዊ መግለጫ፣ በቡድናቸው አጨዋወት፣ በሜዳ ላይ በሚያሳዩት እንቅስቃሴ እና በግብ ማስቆጠር ችግሮች ዙሪያ ሰፊ ማብራሪያ ሰጥተዋል።

አሰልጣኙ በጨዋታ 90 ደቂቃ ውስጥ ከወንበራቸው ተነስተው መመሪያ ሲሰጡ ለምን እንደማይታዩ ለቀረበላቸው ጥያቄ በሰጡት ምላሽ፣ ይህ የራሳቸው የቆየ አሰራር መሆኑን ገልጸዋል።

በልምምድ ወቅት በቂ ዝግጅት እንደሚሰሩና በጨዋታው ወቅት ተጫዋቾቹ የተማሩትን እንዲተገብሩ ነጻነት እንደሚሰጧቸው ያስረዱት አሰልጣኙ፣ ጣልቃ የሚገቡት ታክቲካዊ ስህተቶች ሲፈጠሩ ብቻ መሆኑን ተናግረዋል።

አክለውም አጋዥ አሰልጣኙ በዚሁ ሂደት ውስጥ የራሱን ድርሻ እንደሚወጣ አስታውቀዋል።

በሌላ በኩል ቡድኑ ተደጋጋሚ የግብ ማስቆጠር ችግር ለምን እንደገጠመው ለተነሳላቸው ጥያቄ፣ ችግሩ እድል ከመፍጠር ጋር የተያያዘ እንዳልሆነ አብራርተዋል። ቡድኑ ወደ ተጋጣሚ የግብ ክልል በተደጋጋሚ እንደሚደርስ የገለጹት አሰልጣኝ ዮሐንስ፣ ነገር ግን የተፈጠሩትን እድሎች ወደ ግብነት የመቀየር ኃላፊነቱን ተጫዋቾች በአግባቡ እየተወጡ እንዳልሆነ ጠቁመዋል።

በተለይም አንዳንዴ ተጫዋቾች የተሻለ ቦታ ላይ ላለ አጋራቸው ኳስን አሳልፎ ከመስጠት ይልቅ፣ ራሳቸው አግብተው አድናቆትን ለማግኘት በሚያደርጉት ጥረት የግብ እድሎች እንደሚባክኑ ተችተዋል።

በመጨረሻም የግብ አግቢ (ስትራይከር) እጥረትም የብሔራዊ ቡድኑ ብቻ ሳይሆን የጠቅላላ ሀገሪቱ እግርኳስ ችግር መሆኑን አጽንኦት ሰጥተዋል።

በሀገር ውስጥ ፕሪሚየር ሊግ ከፍተኛ ግብ አግቢ የሚባሉት ተጫዋቾች እንኳን ከ30 በላይ ጨዋታዎችን አድርገው የሚያስቆጥሩት ከ13 እስከ 14 ግቦችን ብቻ መሆኑን በማንሳት፣ የችግሩን ሀገር አቀፋዊ ስፋትና አሳሳቢነት አመላክተዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

የዋልያዉ አለቃ ዮሀንስ ሳህሌ በዛሬዉ ጨዋታ አንድም ጊዜ ሳይቆሙ ሙሉ ጨዋታዉ ተቀምጠዉ መከታተላቸዉ በብዙዎች ዘንድ እያነጋገር ይገኛል።

ከጨዋታዉ መጠናቀቀ በኋላ በነበረዉ ጋዜጣዊ መግለጫ ስለጉዳዩ የተጠየቁት አሰልጣኙ ተከታዩን አስተያየብ ሰጥተዋል።

🗣 "በጨዋታዉ ወቅት ቆሞ ተጫዋቾቹን ሲመራ የነበረዉ ምክትል አሰልጣኜ ነበር። እኔ ሜዳ ላይ ልምምድ አሰራለዉ እሱ ደግሞ ጨዋታ ላይ ይመራል።

ልምምድ ላይ እኛ ስራችንን እንሰራለን ፤ በዛ መሰረት ሜዳ ላይ ደግሞ ተጫዋቾች የሚሰሩትን ጠንቅቀዉ ያዉቃሉ።

አስፈላጊ ታክቲካዊ ነገሮች ሲኖር ቆሜ ላስተላልፍ እችላለዉ ፤ ነገር ግን እኔ ሆንኩ ምክትሌ መቆማችን ለዉጥ የለዉም።"

@Bisrat_sport_433et
@Bisrat_sport_433et