በፕሬዚዳንቱ ገደብ ውስጥ ኢትዮጵያም ተካታለች
#ethiopia | ​ኢትዮጵያ፣ ናይጄሪያ፣ ታንዛኒያ፣ ኡጋንዳ፣ ዚምባብዌ፣ ቡሩንዲ እና ሴኔጋልን ጨምሮ የ30 የአፍሪካ ሀገራት ዜጎች ለንግድና ለጉብኝት (B1 እና B2) ወደ አሜሪካ ለመጓዝ የቪዛ ማመልከቻ በሚያስገቡበት ወቅት እስከ 20 ሺህ የአሜሪካ ዶላር የዋስትና ማስያዣ እንዲከፍሉ የሚገደዱበት አዲስ መመሪያ ተጣለ።

የፕሬዝዳንት ዶናልድ ትራምፕ አስተዳደር ይህ አሰራር የቪዛ ጊዜያቸውን አጠናቀው በህገ-ወጥ መንገድ የሚቀሩ ሰዎችን ቁጥር ለመቀነስ ያለመ ነው ሲል ገልጿል።

በአንጻሩ የስደተኞች እና የጉዞ መብት ተሟጋቾች ውሳኔው ህጋዊ ተጓዦችን በማስደንግጥና ከፍተኛ የኢኮኖሚ ጫና በመፍጠር ህጋዊ የሆኑ ጉዞዎችን የሚያስቀር ነው ሲሉ ተችተውታል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ስፖርት) የ'ሪያል ማድሪድ ፋውንዴሽን' በተጠናቀቀው የውድድር ዘመን በመላው አፍሪካ ካከናወናቸው ስኬታማ ተግባራት መካከል በኢትዮጵያ አዲስ የማህበራዊ ስፖርት አካዳሚ መክፈቱ በዋና ማሳያነት ተጠቅሷል። ፋውንዴሽኑ ኢትዮጵያን ጨምሮ በ23 የአፍሪካ ሀገራት ውስጥ 52 የማህበራዊ ስፖርት ፕሮጀክቶችን ያካሄደ ሲሆን፣ በዚህም 10,628 የሚሆኑ ህጻናትን፣ ታዳጊዎችን እና ወጣቶችን የዕድሉ ተጠቃሚ ማድረግ ችሏል።

በዘመኑ ከተመዘገቡት ትልልቅ ስኬቶች አንዱ በሀገራችን ኢትዮጵያ አዲስ የማህበራዊ ስፖርት አካዳሚ መከፈቱ ነው። ከኢትዮጵያ በተጨማሪም አንጎላ፣ ኬንያ፣ ዩጋንዳ፣ ታንዛኒያ፣ ሴኔጋል እና ግብጽን ጨምሮ በ23 የአፍሪካ ሀገራት ፕሮጀክቱ ተደራሽ ሆኗል።

በአካታችነት በኩል ፋውንዴሽኑ ሴት ታዳጊዎች በስፖርቱ ያላቸውን ተሳትፎ በማሳደግ እና ሴት አሰልጣኞችን በማበረታታት ላይ ልዩ ትኩረት ሰጥቷል። ከዚህም በተጨማሪ አካል ጉዳተኛ ህጻናት፣ ወጣት ስደተኞች እንዲሁም በከባድ ድህነት እና በግጭት የተጎዱ ማህበረሰቦችን የዕድሉ ተጠቃሚ አድርጓል። ከስፖርታዊ እንቅስቃሴዎች ባሻገር ትምህርታዊ ድጋፍን፣ ጤናማ የአኗኗር ዘይቤን፣ የህጻናት ጥበቃን፣ የጾታ እኩልነትን እና ማህበረሰባዊ ትስስርን ማጠናከር የትምህርት ቤቶቹ ዋነኛ የትኩረት አቅጣጫዎች ናቸው።

የአካባቢውን አሰልጣኞች አቅም በስልጠና፣ በክትትል እና በተሞክሮ ልውውጥ ማሳደግ የፕሮጀክቱ ሌላኛው ስኬት ነው። ይህ አካሄድ ከዚህ ቀደም የፕሮጀክቱ ተጠቃሚ የነበሩ ወጣቶች አሁን ላይ ለተተኪው ትውልድ አሰልጣኝ እና አርአያ የሚሆኑበትን ቀጣይነት ያለው ሞዴል ለመፍጠር አስችሏል።

ፋውንዴሽኑ ይህንን ዘላቂ እና አዎንታዊ ተጽዕኖ ለማምጣት ከተለያዩ ማህበራዊ ተቋማት፣ የኃይማኖት ተቋማት፣ ሌሎች ፋውንዴሽኖች፣ ኩባንያዎች እና የአካባቢው መንግስታዊ ያልሆኑ ድርጅቶች ጋር በቅንጅት ሲሰራ መቆየቱን አስታውቋል።

(ዘ-ሐበሻ ዜና) የአሜሪካ የውጭ ጉዳይ ሚኒስቴር ከኦገስት 1 ቀን 2026 ጀምሮ ከሰሃራ በታች ባሉ 25 የአፍሪካ ሀገራት በሚገኙ ዲፕሎማሲያዊ ሚሲዮኖች የሚሰጠውን መደበኛ የቪዛ ማስተናገጃ አገልግሎት ማቋረጡን አስታውቋል። የትራምፕ አስተዳደር ይህንን ውሳኔ በቅርብ ታሪክ ውስጥ ከተደረጉት የአሜሪካ ዲፕሎማሲያዊ የቪዛ አገልግሎቶች ትልቁ የማሻሻያ መርሃ ግብር ሲል ገልጾታል።

በአዲሱ አሰራር መሰረት የቪዛ አመልካቾች ከዚህ በኋላ በአቅራቢያቸው በሚገኝ የአሜሪካ ኤምባሲ ወይም ቆንስላ ጽህፈት ቤት ቀጠሮ መያዝም ሆነ የቪዛ ሂደታቸውን ማጠናቀቅ አይችሉም። ከዚህ ይልቅ በአህጉሪቱ ወደተመደቡ 20 ቀጠናዊ ማስተናገጃ ማዕከላት እንዲያቀኑ ይደረጋል።

የቪዛ አገልግሎታቸው የተቋረጠባቸው 25ቱ ሚሲዮኖች አቡጃ (ናይጄሪያ)፣ አንታናናሪቮ (ማዳጋስካር)፣ አስመራ (ኤርትራ)፣ ባማኮ (ማሊ)፣ ባንጁል (ጋምቢያ)፣ ብራዛቪል (የኮንጎ ሪፐብሊክ)፣ ቡጁምቡራ (ብሩንዲ)፣ ኮናክሪ (ጊኒ)፣ ኮቶኑ (ቤኒን)፣ ደርባን (ደቡብ አፍሪካ)፣ ፍሪታውን (ሴራሊዮን)፣ ጋቦሮኔ (ቦትስዋና)፣ ሃራሬ (ዚምባብዌ)፣ ጁባ (ደቡብ ሱዳን)፣ ሊብረቪል (ጋቦን)፣ ሊሎንግዌ (ማላዊ)፣ ሉሳካ (ዛምቢያ)፣ ማፑቶ (ሞዛምቢክ)፣ ማሴሩ (ሌሴቶ)፣ ምባባኔ (ኤስዋቲኒ)፣ ንጃሜና (ቻድ)፣ ኒያሜይ (ኒጀር)፣ ኑዋክሾት (ሞሪታኒያ)፣ ዋጋዱጉ (ቡርኪና ፋሶ) እና ዊንድሆክ (ናሚቢያ) ናቸው። በደቡብ አፍሪካ ደርባን የሚገኘው የቪዛ ማዕከል ቢዘጋም፣ በኬፕታውን የሚሰጠው ተመሳሳይ አገልግሎት ግን ሳይቋረጥ እንደሚቀጥል ተገልጿል።

20ዎቹ አዳዲስ ቀጠናዊ ማስተናገጃ ማዕከላት በአቢጃን፣ አክራ፣ አዲስ አበባ፣ ኬፕታውን (ደቡብ አፍሪካ)፣ ዳካር፣ ዳሬሰላም፣ ጅቡቲ፣ ጆሃንስበርግ፣ ካምፓላ፣ ኪጋሊ፣ ኪንሻሳ፣ ሌጎስ፣ ሎሜ፣ ሉዋንዳ፣ ማላቦ፣ ሞንሮቪያ፣ ናይሮቢ፣ ፖርት ሉዊስ፣ ፕራያ እና ያውንዴ የሚገኙ ይሆናሉ። እያንዳንዱ ማዕከል በርካታ ጎረቤት ሀገራትን የሚያስተናግድ ሲሆን፣ ለምሳሌ ከማሊ የሚመጡ አመልካቾች በዳካር (ሴኔጋል)፣ እንዲሁም ከቤኒን እና ኒጀር የሚመጡት ደግሞ በሎሜ (ቶጎ) የቪዛ ሂደታቸውን እንዲያከናውኑ ይመራሉ።

ሚኒስቴሩ ውሳኔውን የትራምፕ አስተዳደር ብሔራዊ ደህንነትን ለማጠናከር፣ የማጣራት ሂደቶችን ወጥ ለማድረግ፣ የመንግስት ወጪን ለመቀነስ እና የአሰራር ቅልጥፍናን ለማሻሻል ከሚያደርገው ጥረት አንዱ አካል መሆኑን አብራርቷል። ተመሳሳይ የውህደት ስራዎች በሌሎች የአፍሪካ ሀገራት እና በአውሮፓ ክፍሎች ቀደም ሲል መከናወናቸውን የገለጸው ሚኒስቴሩ፣ ፕሬዝዳንት ትራምፕ ብሔራዊ ደህንነትን በማጠናከር እና የመንግስትን ብክነት በመቀነስ አሜሪካን እና አሜሪካውያንን እያስቀደሙ ነው ብሏል።

ይህ ማሻሻያ ከሰሃራ በታች ባሉ የአፍሪካ ሀገራት የቪዛ ማመልከቻዎችን የሚያስተናግዱ የአሜሪካ ሚሲዮኖችን ቁጥር ከ50 ገደማ ወደ 20 ዝቅ ያደርገዋል። ይህ በአመልካቾች ላይ ጉልህ የሆነ ተግባራዊ ተጽእኖ የሚያሳድር ሲሆን፣ የአገር ውስጥ የቪዛ አገልግሎት በተቋረጠባቸው ሀገራት የሚገኙ ዜጎች በአካል ለሚደረግ ቃለ ምልልስ እና የጣት አሻራ (ባዮሜትሪክ) ምዝገባ አለም አቀፍ ድንበሮችን አቋርጠው ለመጓዝ ስለሚገደዱ ለተጨማሪ የትራንስፖርት እና የማረፊያ ወጪዎች ይዳረጋሉ።

20,000 ዶላር ዋስትና‼️
አሜሪካ የቪዛ ዋስትና ክፍያን ቋሚ አደረገች፣ ተጓዦች እስከ 20 ሺህ ዶላር ይጠየቃሉ።

​የአሜሪካ ውጭ ጉዳይ ሚኒስቴር ከኢትዮጵያ እና ከሌሎች 30 የአፍሪካ ሀገራት ጨምሮ የ50 ሀገራት ዜጎች ወደ ሀገሪቱ ለንግድና ለጉብኝት (B1/B2) ቪዛ ሲያመልክቱ እስከ 20 ሺህ የአሜሪካ ዶላር የቪዛ ዋስትና (Visa Bond) ማስያዝ የሚያስገድደውን መመሪያ በቋሚነት ማጽደቁን አስታወቀ።
​እንደ አዲሱ መመሪያ አሰራር፣ ተጓዦች የተሰጣቸውን የቪዛ ጊዜ ሳያሳልፉ እና የሀገሪቱን ህግ አክብረው ከተመለሱ ያስያዙት ገንዘብ ሙሉ በሙሉ ተመላሽ ይደረግላቸዋል። ነገር ግን ከተፈቀደላቸው ጊዜ በላይ የሚቆዩ ወይም የቪዛ ደንብ የሚጥሱ ከሆነ ያስያዙት ገንዘብ ለመንግስት ገቢ እንደሚሆን ተገልጻል።

​ይህ አሰራር ቀደም ሲል ለሙከራ ትግበራ ተዘርግቶ የነበረ ሲሆን፣ የውጭ ጉዳይ ሚኒስቴር ባደረገው ግምገማ ከቪዛ ጊዜ በላይ የመቆየት ችግርን በመቀነስ ረገድ ውጤታማ ሆኖ በመገኘቱ በቋሚነት ስራ ላይ እንዲውል ተወስኗል። የቆንስላ ክፍሎች እንደ አመልካቾቹ ሁኔታ ከ10 ሺህ፣ 15 ሺህ እስከ 20 ሺህ ዶላር የሚደርስ ገንዘብ በዋስትና መልክ እንዲያዝ የመወሰን ስልጣን ተሰጥቷቸዋል።

​በዚህ መመሪያ ውስጥ የተካተቱት የአፍሪካ ሀገራት ኢትዮጵያ፣ ናይጄሪያ፣ አልጄሪያ፣ አንጎላ፣ ቤኒን፣ ቦትስዋና፣ ቡሩንዲ፣ ኬፕ ቨርዴ፣ ማዕከላዊ አፍሪካ ሪፐብሊክ፣ ኮትዲቯር፣ ጅቡቲ፣ ጋቦን፣ ጋምቢያ፣ ጊኒ፣ ጊኒ ቢሳው፣ ሌሶቶ፣ ማላዊ፣ ሞሪታኒያ፣ ሞሪሸስ፣ ሞዛምቢክ፣ ናሚቢያ፣ ሳኦ ቶሜ እና ፕሪንሲፔ፣ ሴኔጋል፣ ሲሼልስ፣ ታንዛኒያ፣ ቶጎ፣ ቱኒዚያ፣ ኡጋንዳ፣ ዛምቢያ እና ዚምባብዌ ናቸው።

Seledadotio
Seledadotio

አሜሪካ የቪዛ ዋስትና ክፍያን ቋሚ አደረገች፣ ተጓዦች እስከ 20 ሺህ ዶላር ይጠየቃሉ!

​#fastmereja I የአሜሪካ ውጭ ጉዳይ ሚኒስቴር ከኢትዮጵያ እና ከሌሎች 30 የአፍሪካ ሀገራት ጨምሮ የ50 ሀገራት ዜጎች ወደ ሀገሪቱ ለንግድና ለጉብኝት (B1/B2) ቪዛ ሲያመልክቱ እስከ 20 ሺህ የአሜሪካ ዶላር የቪዛ ዋስትና (Visa Bond) ማስያዝ የሚያስገድደውን መመሪያ በቋሚነት ማጽደቁን አስታወቀ።

​ቀን፦ ነሐሴ 1 ቀን 2018 ዓ.ም. (August 1, 2026)

​እንደ አዲሱ መመሪያ አሰራር፣ ተጓዦች የተሰጣቸውን የቪዛ ጊዜ ሳያሳልፉ እና የሀገሪቱን ህግ አክብረው ከተመለሱ ያስያዙት ገንዘብ ሙሉ በሙሉ ተመላሽ ይደረግላቸዋል። ነገር ግን ከተፈቀደላቸው ጊዜ በላይ የሚቆዩ ወይም የቪዛ ደንብ የሚጥሱ ከሆነ ያስያዙት ገንዘብ ለመንግስት ገቢ እንደሚሆን ተገልጻል።

​ይህ አሰራር ቀደም ሲል ለሙከራ ትግበራ ተዘርግቶ የነበረ ሲሆን፣ የውጭ ጉዳይ ሚኒስቴር ባደረገው ግምገማ ከቪዛ ጊዜ በላይ የመቆየት ችግርን በመቀነስ ረገድ ውጤታማ ሆኖ በመገኘቱ በቋሚነት ስራ ላይ እንዲውል ተወስኗል። የቆንስላ ክፍሎች እንደ አመልካቾቹ ሁኔታ ከ10 ሺህ፣ 15 ሺህ እስከ 20 ሺህ ዶላር የሚደርስ ገንዘብ በዋስትና መልክ እንዲያዝ የመወሰን ስልጣን ተሰጥቷቸዋል።

​በዚህ መመሪያ ውስጥ የተካተቱት የአፍሪካ ሀገራት ኢትዮጵያ፣ ናይጄሪያ፣ አልጄሪያ፣ አንጎላ፣ ቤኒን፣ ቦትስዋና፣ ቡሩንዲ፣ ኬፕ ቨርዴ፣ ማዕከላዊ አፍሪካ ሪፐብሊክ፣ ኮትዲቯር፣ ጅቡቲ፣ ጋቦን፣ ጋምቢያ፣ ጊኒ፣ ጊኒ ቢሳው፣ ሌሶቶ፣ ማላዊ፣ ሞሪታኒያ፣ ሞሪሸስ፣ ሞዛምቢክ፣ ናሚቢያ፣ ሳኦ ቶሜ እና ፕሪንሲፔ፣ ሴኔጋል፣ ሲሼልስ፣ ታንዛኒያ፣ ቶጎ፣ ቱኒዚያ፣ ኡጋንዳ፣ ዛምቢያ እና ዚምባብዌ ናቸው።

​የአሜሪካ ባለስልጣናት እርምጃው የህገ-ወጥ ስደተኞችን ቁጥር እና የቪዛ ጊዜ ማለፍን ለመግታት ያለመ ነው ሲሉ ቢገልጹም፣ የስደት ህግ አዋቂዎችና የሰብአዊ መብት ተሟጋቾች ግን አሰራሩ ህጋዊ ተጓዦችን እንደሚያሰናክልና ከፍተኛ የፋይናንስ ጫና እንደሚፈጥር በመግለጽ ላይ ይገኛሉ።

ኮሎምቢያ በአዲስ አበባ የሚገኘውን ኤምባሲዋን ልትዘጋ ነው
#ethiopia | ​የኮሎምቢያ ተመራጭ ፕሬዚዳንት አበላርዶ ደላ ኤስፕሪዬላ በመንግሥት ወጪ ቅነሳ እና በውጭ ፖሊሲ ማሻሻያ ምክንያት በኢትዮጵያ የሚገኘውን ኤምባሲያቸውን ለመዝጋት ማቀዳቸው ተገለጸ።

በፊታችን ነሐሴ 1 ቀን ሥልጣናቸውን የሚረከቡት አዲሱ ፕሬዚዳንት በመጀመሪያው ዙር የዲፕሎማሲ መዋቅር ለውጥ ኢትዮጵያን፣ ደቡብ አፍሪካን፣ ጋናን እና ሴኔጋልን ጨምሮ በዓለም ዙሪያ የሚገኙ 14 ኤምባሲዎችን እና ወደ 15 የሚጠጉ ቆንስላዎችን የመዝጋት ዕቅድ አላቸው።

​ይህ እርምጃ ሀገሪቱ በአፍሪካ አህጉር ያላትን የዲፕሎማሲ ተሳትፎ በእጅጉ የሚያጠበው ነው ተብሏል።

ኤምባሲዎቻቸው በሚዘጋባቸው ሀገራት የሚኖሩ የኮሎምቢያ ዜጎችም በአቅራቢያቸው ከሚገኙ አጎራባች ሀገራት አገልግሎት የሚያገኙ ይሆናል።

ከዚህ የዲፕሎማሲ ቅነሳ የሚቆጠበው በጀት እንደ ጸጥታ፣ ጤና፣ ትምህርት እና መሠረተ ልማት ባሉ የሀገር ውስጥ ቅድሚያ በሚሰጣቸው ዘርፎች ላይ እንደሚዋልም ታውቋል።

​ከኤምባሲዎች መዘጋት ጎን ለጎን አዲሱ አስተዳደር በውጭ ፖሊሲው ላይ ከፍተኛ የሥራ አቅጣጫ ለውጥ የሚያደርግ ሲሆን ከእስራኤል ጋር የነበረውን ግንኙነት ማደስ ኤምባሲያቸውን ወደ ኢየሩሳሌም ማዛወር እንዲሁም ከኩባና ኒካራጓ ጋር የነበረውን መደበኛ ዲፕሎማሲያዊ ግንኙነት ሙሉ በሙሉ ማቋረጥን ያካትታል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

ኮሎምቢያ ኢትዮጵያን ጨምሮ በአፍሪካ የሚገኙ ኤምባሲዎቿን ልትዘጋ ነው

የኮሎምቢያ ፕሬዚዳንት አቤላርዶ ደ ላ ኤስፕሪኤላ ሀገራቸው ከምትከተለው አዲስ የውጭ ጉዳይ ፖሊሲ ማሻሻያ ጋር ተያይዞ፣ ኢትዮጵያን ጨምሮ በአፍሪካ እና በሌሎች ዓለም አቀፍ አካባቢዎች የሚገኙ 14 ኤምባሲዎችን ለመዝጋት ማቀዳቸውን አስታወቁ።

ይህ ውሳኔ የኮሎምቢያን የዲፕሎማሲ ወጪዎች ለመቀነስ እና የተረፈውን በጀት እንደ ጤና፣ ትምህርት፣ ጸጥታ እና መሠረተ ልማት ባሉ የሀገር ውስጥ ቁልፍ ጉዳዮች ላይ ለማዋል ያለመ መሆኑ ተገልጿል። በዕቅዱ መሠረት ከኢትዮጵያ በተጨማሪ በደቡብ አፍሪካ፣ ጋና እና ሴኔጋል የሚገኙ ኤምባሲዎች የሚዘጉ ሲሆን፣ በነዚህ ሀገራት የሚገኙ የኮሎምቢያ ዜጎች በአቅራቢያ በሚገኙ ሌሎች ተወካይ መሥሪያ ቤቶች አገልግሎት እንዲያገኙ ይደረጋል።

በተጨማሪም የኮሎምቢያው መጪ አስተዳደር ከቀድሞው አስተዳደር የተለየ አካሄድ በመከተል ከእስራኤል ጋር ያለውን ግንኙነት ለማደስ፣ የሀገሪቱን ኤምባሲ ወደ እየሩሳሌም ለማዛወር እና የንግድና ጸጥታ ትብብሮችን ለማጠናከር ማቀዱ ታውቋል። አዲሱ የሀገሪቱ ፕሬዚዳንት ይህ የዲፕሎማሲ መዋቅር ማሻሻያ በስልጣን ቆይታቸው የመጀመሪያዎቹ 100 ቀናት ውስጥ ሙሉ በሙሉ እንደሚገመገም ጠቁመዋል።

Via capital

በካናዳ የጥገኝነት ጥያቄ ካቀረቡ የአፍሪካ ሀገራት ሪፖርት ውረፈስጥ ኢትዮጵያም ተካታለች
#ethiopia | ​የካናዳ የኢሚግሬሽን እና የስደተኞች ቦርድ (IRB) እ.ኤ.አ በ2025 በካናዳ የጥገኝነት ጥያቄ ያቀረቡ አፍሪካውያንን በተመለከተ አዲስ መረጃ ይፋ አድርጓል።

ይፋ በሆነው መረጃ መሠረት በካናዳ ጥገኝነት በመጠየቅ ረገድ ናይጄሪያውያን በ21 ሺህ 573 ጥያቄዎች የአፍሪካን ቀዳሚ ስፍራ ሲይዙ፣ ጋና በ9 ሺህ 784 እንዲሁም ዲሞክራቲክ ሪፐብሊክ ኮንጎ በ6 ሺህ 752 የጥገኝነት ጥያቄዎች ሁለተኛ እና ሦስተኛ ደረጃ ላይ ተቀምጠዋል።

​ የጥገኝነት ጥያቄዎች ዝርዝር ውስጥ አልጄሪያ በ5 ሺህ 821፣ ጊኒ በ4 ሺህ 709፣ ኬንያ በ3 ሺህ 862 እንዲሁም ካሜሩን እና ሴኔጋል እያንዳንዳቸው በ3 ሺህ 579 ጥያቄዎች በከፍተኛ ደረጃ ከተጠቀሱት ሀገራት መካከል ይገኙበታል።

በተጨማሪም ሩዋንዳ፣ ኮትዲቯር እና ኡጋንዳ በቅደም ተከተል ይከተላሉ።
​ከምስራቅ አፍሪካ ሀገራት መካከል ኢትዮጵያ በ2 ሺህ 203 የጥገኝነት ጥያቄዎች በ12ኛ ደረጃ ላይ የምትገኝ ሲሆን፣ ቻድ፣ ቡሩንዲ፣ ግብፅ እና ቡርኪና ፋሶም በቅደም ተከተል የሚከተለውን ደረጃ ይዘዋል።

በአንጻሩ ሞሮኮ፣ ሱዳን፣ አንጎላ እና ቶጎ በቅደም ተከተል ከ900 እስከ 1,000 የሚደርሱ የጥገኝነት ጥያቄዎችን በማስመዝገብ በ20ሩ አፍሪካ ሀገራት ዝርዝር ማጠቃለያ ላይ ተቀምጠዋል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

ከ700 በላይ የዓለም መሪዎችንና ፈጣሪዎችን የሚያሰባስበው ጉባኤ በአዲስ አበባ ሊካሄድ ነው!
#fastmereja :- ታሪካዊው «የዓለም አቀፍ የሕዝቦች ጉባኤ አፍሪካ» (World Public Summit Africa) ከሐምሌ 22 እስከ 23 ቀን 2018 ዓ.ም. በዲፕሎማሲያዊቷ መዲና አዲስ አበባ በደመቀ ሁኔታ እንደሚካሄድ በዛሬዉ እለት በሰጡት ጋዜጣዊ መግለጫ አስታወቁ።

«አዲስ ዓለም አፍሪካ የጋራ መፃኢ እድልን በመቅረጽ ረገድ» በሚል መሪ ቃል በሚካሄደው በዚህ ጉባኤ ላይ ከ700 በላይ የመንግሥት መሪዎች፣ ዲፕሎማቶች፣ የቢዝነስ ባለሀብቶች፣ የፈጠራ አውጪዎች፣ ምሁራን፣ የሲቪል ማህበራት ተወካዮች፣ የብዙሃን መገናኛ ባለሙያዎች እና የባህል መሪዎች ከመላው አፍሪካና ከሌሎች የዓለም ክፍሎች ይሳተፋሉ።

ጉባኤው በስፖርት አማካኝነት በቢሊዮን የሚቆጠሩ ሰዎችን ከሚያቀራርበው የዓለም ዋንጫ ጋር በሚመሳሰል መልኩ፡ የተለያዩ ዓለም አቀፍ አካላትን በማሰባሰብ በጋራ ሀሳብ የመለዋወጥ፣ ጠንካራ አጋርነቶችን የመፍጠር እና ለዓለማችን መሠረታዊ ኢኮኖሚያዊ፣ ቴክኖሎጂያዊ፣ ማህበራዊ እና የልማት ጉዳዮች መፍትሔ የመፈለግ ዓላማን ማሰናዳቱን ተገልጿል።

ይህ ታላቅ መድረክ በአፍሪካ አህጉር ሲካሄድ ለመጀመሪያ ጊዜ ሲሆን፣ ይህም አፍሪካ በዓለም አቀፍ የንግድ፣የፈጠራ፣ የዘላቂ ልማት፣ የሕዝብ ዲፕሎማሲ እና የሁለገብ ትብብር ውይይቶች ላይ ያላትን እየጎለበተ የመጣ ማዕከላዊ ሚና የሚያንፀባርቅ እንደሆነ በመግለጫው ወቅት ተመላክቷል።

የጉባኤው ዋና ማዕከል ከሆኑት ዝግጅቶች አንዱ «አንድነት» (Unity) የተሰኘው ዓለም አቀፍ ዘመናዊ የኪነ-ጥበብ ኤግዚቢሽን መሆኑን አዘጋጆቹ ጠቁመዋል።

ኤግዚቢሽኑ ከ16 የአፍሪካ ሀገራት (ኢትዮጵያ፣ ካሜሩን፣ ኮንጎ ዲ/ሪ፣ ጋና፣ ኬንያ፣ ማዳጋስካር፣ ናሚቢያ፣ ናይጄሪያ፣ ሩዋንዳ፣ ሴኔጋል፣ ደቡብ አፍሪካ፣ ሱዳን፣ ታንዛኒያ፣ ቱኒዚያ፣ ዛምቢያ እና ዚምባብዌ) የተጣጣሙ ታዋቂ አርቲስቶችን እንዲሁም የአፍሪካና የዳያስፖራውን ታሪካዊ ቁርኝት የሚያሳይ አፍሮ-ብራዚላዊ አርቲስትን ያሰባስባል።

በተጨማሪም «የዛምቤዚ ወንዝ፡ ኢኮኖሚ፣ ማህበረሰብ እና መንፈስ» በሚል ርዕስ የተዘጋጀ ሳይንሳዊ ጥናት የሚቀርብ ሲሆን፣ ጥናቱ ወንዙ በስድስት የአፍሪካ ሀገራት (አንጎላ፣ ዚምባብዌ፣ ዛምቢያ፣ ናሚቢያ፣ ቦትስዋና እና ሞዛምቢክ) እድገት ላይ ያለውን ማህበራዊና ኢኮኖሚያዊ ተፅዕኖ በስፋት እንደሚመረምር ነዉ የተገለፀዉ።

የጠቅላላው ምክር ቤት ሊቀመንበር አማካሪ ያኒና ዱቤይኮቭስካያ እንደገለፁት «አንድነት ማለት ወጥ መሆን ማለት አይደለም፤ ይልቁንም ለባህል ብዝሃነት ከሚሰጥ አክብሮት፣ ከእርስ በእርስ እምነት፣ ክፍትነት እና ለመደማመጥ ከሚኖር ፈቃደኝነት የሚወለድ መሆኑን ገልፀዉ ስለዚህም ጥበብ ልክ እንደ ስፖርት ሁሉ የሰው ልጅ የጋራ ቋንቋ እና የሕዝብ ዲፕሎማሲ መሣሪያ ነው። ቃላት ብቻቸውን ማሳካት በማይችሉበት ቦታ ሰዎችን ያቀራርባል።» ብለዋል።

የሰርቭ ግሎባል (Serve Global) ምክትል የሀገርውስጥ ዳይሬክተር አቶ ታሪኩ ነጋሽ እንደገለፁት«ጉባኤው በንግድ ድርድር ላይ ሳይሆን አልሞ የተነሳና የእውነተኛ አንድነትን በማሳየት ለሁሉም የዓለም ሕዝቦች የሚሰራ አዲስ ዓለም ለመገንባት መንገድ ይጠርጋል።» ሲሉ ገልጸዋል።

ይህ በአዲስ አበባ የሚካሄደው የአፍሪካ ጉባኤ ዓመቱን ሙሉ የሚቀጥል ዓለም አቀፍ የትብብር መድረክ አካል ሲሆን፣ ቀጣዩ ዓለም አቀፍ መድረክ በመስከረም ወር በሩሲያ ሞስኮ እንደሚካሄድ ያኒና ዱቤይኮቭስካያ እና ታሪኩ ነጋሽ ጨምረው አስታውቀዋል።

ፈረንሳይ ከስፔን - የፍጻሜ ተፋላሚ ለመሆን…

አዲስ አበባ፣ ሐምሌ 7፣ 2018 (ኤፍ ኤም ሲ) በአሜሪካ፣ ካናዳ እና ሜክሲኮ አስተናጋጅነት እየተካሄደ በሚገኘው የ2026 የዓለም ዋንጫ የግማሽ ፍጻሜ ጨዋታዎች ዛሬ ምሽት መደረግ ይጀምራሉ፡፡

በዚህም መሰረት ምሽት 4 ሰዓት ላይ ፈረንሳይ ከስፔን የሚያደርጉት ጨዋታ በጉጉት ይጠበቃል፡፡ለዋንጫው ቅድመ ግምት ካገኙት ከሁለቱ ብሔራዊ ቡድኖች መካከል የአንዳቸው ጉዞ ዛሬ ምሽት የሚያበቃ ይሆናል፡፡

ፈረንሳይ በዘንድሮው የዓለም ዋንጫ እስካሁን ድረስ ከሴኔጋል፣ ኢራቅ፣ ኖርዌይ፣ ስዊድን፣ ፓራጓይ እና ሞሮኮ ጋር ተገናኝታ ሁሉንም ጨዋታዎች አሸንፋለች፡፡

በአሰልጣኝ ዲዴ ዴሻምፕ የምትመራው ፈረንሳይ እስከ ሩብ ፍጻሜ ድረስ ባደረገቻቸው ጨዋታዎች 16 ግቦችን ተጋጣሚዎቿ ላይ አስቆጥራ የተቆጠረባት ሁለት ግብ ብቻ ነው፡፡

በፈረንሳይ ብሔራዊ ቡድን በኩል ኪሊያን ምባፔ፣ የባሎንዶር አሸናፊው ኦስማን ዴምቤሌ እና ኦሊሴ አስደናቂ ጊዜ እያሳለፉ ይገኛሉ፡፡

ኪሊያን ምባፔ 8 ግቦችን በማስቆጠር የ2026ቱን የከፍተኛ ግብ አስቆጣሪዎች ደረጃን ከሊዮኔል ሜሲ ጋር በጋራ እየመራ ሲሆን÷ በተጨማሪም ሦስት ለግብ የሚሆኑ ኳሶችን አመቻችቶ አቀብሏል፡፡

ኦስማን ዴምቤሌ ደግሞ አምስት ግቦችን አስቆጥሮ ሁለት ለግብ የሚሆኑ ኳሶችን አመቻችቶ ማቀበል ችሏል፡፡

ሌላኛው የብሔራዊ ቡድኑ ወሳኝ ተጫዋች ኦሊሴ አምስት ለግብ የሚሆኑ ኳሶችን አመቻችቶ ያቀበለ ሲሆን÷ በዘንድሮ የዓለም ዋንጫ በርካታ ለግብ የሚሆኑ ኳሶችን አመቻቶ በማቀበል ቀዳሚው ተጫዋች ነው፡፡

በ2018 እና 2022 የዓለም ዋንጫ የፍጻሜ ተፋላሚ የነበረችው ፈረንሳይ ለሦስት ተከታታይ ጊዜ በዓለም ዋንጫ ውድድር የፍጻሜ ጨዋታ ላይ ለመገኘት የምታደርገው ፍልሚያ ተጠባቂ ነው

ፈረንሳይ በፈረንጆቹ 1998 እና 2018 የዓለም ዋንጫን ያሳካች ሲሆን ÷ ለሦስተኛ ጊዜ በመድረኩ ሻምፒዮን ለመሆን የምታደርገውን ጉዞ ለማጠናከር ትፋለማለች፡፡

ሌላኛዋ ለዋንጫ የተገመተችው ተጋጣሚዋ ስፔን በፈረንጆቹ 2010 በታሪኳ ለመጀመሪያ ጊዜ የዓለም ዋንጫን ማሳካቷ ይታወሳል፡፡

ስፔን በዘንድሮው የዓለም ዋንጫ እስካሁን ድረስ ከኬፕ ቨርዴ፣ ሳዑዲ ዓረቢያ፣ ኡራጓይ፣ ኦስትሪያ፣ ፖርቹጋል እና ቤልጂዬም ጋር የተገናኘች ሲሆን÷ አምስቱን አሸንፋ ከኬፕ ቨርዴ ጋር ብቻ አቻ ተለያይታለች፡፡

ስፔን እስካሁን ድረስ ባደረገቻቸው ጨዋታዎች ተጋጣሚዎቿ ላይ 11 ግቦችን አስቆጥራለች፤ የተቆጠረባት ደግሞ አንድ ግብ ብቻ ነው፡፡

ለስፔን ብሔራዊ ቡድን በዘንድሮ የዓለም ዋንጫ አራት ግቦችን ያስቆጠረው እና አንድ ለግብ የሚሆን ኳስ አመቻችቶ ያቀበለው ኦያርዛባል በጨዋታው ከሚጠበቁ ተጫዋቾች መካከል አንዱ ነው፡፡

ተቀይሮ ወደ ሜዳ በመግባት ልዩነት እየፈጠረ የሚገኘው ስፔናዊው ተጫዋች ሜሪኖ በዛሬው ጨዋታ ልዩነት ይፈጥራሉ ተብለው ከሚጠበቁ ተጫዋቾች መካከል ይጠቀሳል፡፡

ስፔን ከ2010 በኋላ በድጋሚ በመድረኩ ለመንገስ የምታደርገውን ጉዞ ለማጠናከር ወደ ሜዳ ትገባለች፡፡

የሁለቱ ብሔራዊ ቡድኖች አሸናፊ ከእንግሊዝ እና አርጀንቲና አሸናፊ ጋር ለዋንጫው ይፋለማል፡፡

በወንድማገኝ ጸጋዬ

(ዘ-ሐበሻ ስፖርት) ከሰላሳ ቀናት በፊት የዓለም ዋንጫው ሲጀመር… ከዚህ ቀደም በውድድሩ ላይ ደምቀው ከነበሩት በርካታ ኮከቦቿ የተላቀቀችው ቤልጂየም ዋንጫውን ልታነሳ ትችላለች ብሎ የገመተ ሰው አልነበረም። በተለይም በጥሎ ማለፉ ጨዋታ ከሴኔጋል ጋር ስትገናኝ እስከ ሰማንያ አምስተኛው ደቂቃ ድረስ ሁለት ለ ባዶ እየተመራች ይህንን ገደል አልፋ ትመጣለች ብሎ ማሰብ ፈጽሞ የማይቻል ነበር። ነገር ግን ቀያዮቹ ሰይጣኖች (ቤልጂየሞች) ሴኔጋልን በማሸነፍ በዓለም ዋንጫ ታሪክ ከታዩት አስገራሚ የመልሶ ማጥቃት ድሎች አንዱን ካስመዘገቡ በኋላ፣ አስተናጋጇን አሜሪካን በሜዳዋ አራት ለ አንድ በሆነ ሰፊ ውጤት በማሸነፍ በልበ ሙሉነት ወደ ሩብ ፍፃሜው ተቀላቅለዋል።

ምንም እንኳን እንደ ኤደን ሃዛርድ፣ ሙሳ ዴምቤሌ፣ ማሩዋን ፌላኒ እና ቪንሰንት ኮምፓኒ ያሉ ታላላቅ ተጫዋቾች ከቡድኑ ቢሰናበቱም፤ ቲቦ ኩርቱዋ፣ ሮሜሉ ሉካኩ፣ ኬቨን ደብሩይን እና አክሰል ዊትሰልን ያካተተው ስብስብ መካከለኛ የነበረውን የውድድር ጅማሮ ወደ ታላቅ የድል ጉዞ ቀይሮታል። ዛሬ ምሽት ለግማሽ ፍፃሜ ለማለፍ ከስፔን ጋር ለሚያደርጉት ወሳኝ ፍልሚያ ሲዘጋጁ፣ የቤልጂየም ወርቃማ ትውልድ ጊዜው አልፏል ተብሎ በቶሎ ተገምቶ ይሆን? ወይስ አሰልጣኝ ሩዲ ጋርሲያ የተጫዋቾቹን አቅም በተለየ መንገድ እየተጠቀሙበት ነው? የሚለው ጥያቄ በብዙዎች ዘንድ ይነሳል።

ቤልጂየም በሁለት ሺህ አስራ አራት በብራዚል ሩብ ፍፃሜ፣ በሁለት ሺህ አስራ ስምንት በሩሲያ ግማሽ ፍፃሜ በመድረስ በከፍተኛ ብቃት ላይ ብትገኝም፣ በኳታሩ የሁለት ሺህ ሀያ ሁለት የዓለም ዋንጫ ግን ከሞሮኮ እና ክሮኤሺያ በታች በመሆን በምድብ ድልድሉ መሰናበቷ ይታወሳል። በአራተኛ የዓለም ዋንጫው ላይ እየተሳተፈ የሚገኘው የሪያል ማድሪዱ ግብ ጠባቂ ቲቦ ኩርቱዋ ከአሜሪካው ጨዋታ በፊት በሰጠው አስተያየት፣ ይህ ለእኛ አዲስ ዘመን ነው። ከወርቃማው ዘመን የመጡ ተጫዋቾች ቢኖሩም፣ የኳታሩ የዓለም ዋንጫ ለእኛ ጥሩ አልነበረም። አሁን ግን ታላላቅ ነገሮችን ለማድረግ እና ለቤልጂየም አዲስ ታሪክ ለመጻፍ የተዘጋጁ ወጣት እና አዳዲስ ተጫዋቾችን የያዘ ሌላ ትውልድ አለን ብሏል። የኩርቱዋ ንግግር እውነትነት አለው፤ ምክንያቱም ወጣቶቹ ተጫዋቾች የቡድኑን ትልቅ ኃላፊነት ከጫንቃቸው ላይ እየተወጡ ይገኛሉ።

ከሁለት ሺህ አስራ አራት እና አስራ ስምንቱ ስብስብ ውስጥ ከተረፉት አራት ተጫዋቾች መካከል፣ የሰላሳ አራት ዓመቱ ኩርቱዋ በዚህ ውድድር ሁሉንም ደቂቃዎች ተጫውቷል። ነገር ግን ዴብሩይን፣ ሉካኩ እና ዊትሰል በቋሚነት የመሰለፍ እድላቸው ቀንሷል። የሰላሳ ሰባት ዓመቱ የመሀል ሜዳ ተጫዋች አክሰል ዊትሰል በአሜሪካው ጨዋታ መገባደጃ ላይ ለአንድ ደቂቃ ብቻ ነው የተሰለፈው። የሰላሳ ሶስት ዓመቱ ሉካኩ ሶስት ግቦችን በማስቆጠር ድንቅ ብቃት ቢያሳይም፣ አብዛኛውን ጊዜ በተቀያሪነት በመግባት ከሃምሳ በመቶ በታች የሆኑ ደቂቃዎችን ብቻ ነው የተጫወተው። በተለይም የሀያ አምስት ዓመቱ የአታላንታ አጥቂ ቻርለስ ዴኬቴላየር በሚፈጥረው ከፍተኛ ጫና የደከሙ ተከላካዮችን በመጠቀም ሉካኩ የግብ እድሎችን በሚገባ ተጠቅሟል። የሰላሳ አምስት ዓመቱ ዴብሩይን በሴኔጋሉ ጨዋታ ላይ ጉዳት ማስተናገዱ ይታወሳል። እሱ ከሜዳ ከመውጣቱ በፊት ቤልጂየም ከሶስት ጨዋታዎች አንድ ብቻ ያሸነፈች ሲሆን፣ ከዚያ በኋላ ግን በሁለት ጨዋታዎች ሰባት ግቦችን በማስቆጠር አሸንፋለች።

ይህ ማለት ግን ነባር ተጫዋቾች አስተዋጽኦ አላደረጉም ማለት አይደለም። ኩርቱዋ አሁንም ከዓለም ምርጥ ግብ ጠባቂዎች አንዱ ነው፤ የሉካኩ ግቦች ወሳኝ ነበሩ፤ ዴብሩይንም ከጉዳቱ በፊት የቡድኑ ምርጥ ተጫዋች ነበር። ነገር ግን በቡድኑ ውስጥ ያላቸው ሚና እየተቀየረ ነው። አሁን የቡድኑን አጠቃላይ የጨዋታ ጥራት ከመሸከም ይልቅ፣ በወሳኝ ጊዜያት ላይ ልዩነት በመፍጠር ላይ ትኩረት አድርገዋል። እስካሁን ባለው ሂደት አሰልጣኝ ጋርሲያ እና ቤልጂየም፣ የኮከቦቻቸውን የመዳከም የሽግግር ጊዜ ሌሎች ቡድኖች ከሚያደርጉት በተሻለ ሁኔታ እያስተዳደሩት ይገኛሉ። አሰልጣኙ የዕድሜ ጉዳይ ትኩረት ሊሰጠው እንደማይገባ ያምናሉ። በውድድሩ መጀመሪያ ላይ በሰጡት አስተያየት፣ አራቱ መሪዎቼ አዛውንት እየተባሉ ሲጠሩ አልወድም፤ ይህ አስቀያሚ እና አስከፊ ነው። አንዲት ሀገር እንዲህ አይነት ከፍተኛ ብቃት ያላቸው ተጫዋቾች በማግኘቷ እድለኛ ከሆነች፣ ሊበረታቱ ይገባል በማለት ተከላክለውላቸዋል።

ቤልጂየም አሁን ላለችበት ደረጃ.. በሁለት ሺህ አስራ አራት እና አስራ ስምንት ከፍተኛ ጫና ውስጥ ያልነበሩ፣ ነገር ግን በአውሮፓ ታላላቅ ክለቦች በመጫወት ሰፊ ልምድ ያካበቱ ተጫዋቾች ከፍተኛ አስተዋጽኦ አድርገዋል። የአርሴናሉ ሊያንድሮ ትሮሳርድ በዚህ ውድድር አስራ ሰባት የግብ እድሎችን በመፍጠር ከማንኛውም ተጫዋች የላቀ ብቃት ያሳየ ሲሆን፣ ሁለት ግቦችን በማስቆጠር እና ሁለት ኳሶችን በማመቻቸት ለቡድኑ ትልቅ አቅም ሆኗል። ዴኬቴላየር ብዙ ግብ ባያስቆጥርም፣ ሁለት ግቦችን አግብቶ አንዱን አመቻችቷል፤ እንዲሁም ለመስመር አጥቂዎች ሰፊ ቦታን ይፈጥራል። የክለብ ብሩጁ የሰላሳ ሶስት ዓመት አማካይ ሃንስ ቫናከን፣ ከቤልጂየም ውጭ ተጫውቶ ባያውቅም አንድ ግብ እና ሁለት አሲስት አስመዝግቧል። አምበሉ ዩሪ ቴሌማንስ ደግሞ በሴኔጋሉ ጨዋታ የአቻነቷን እና የማሸነፊያዋን ግብ አስቆጥሯል። ከሀያ አምስት ዓመት በታች ከሆኑ አስራ ሶስት ተጫዋቾች መካከል፣ የማንችስተር ሲቲው የመስመር አጥቂ ጀረሚ ዶኩ ከፍተኛ ብቃት ያለው ተጫዋች ተደርጎ ይወሰዳል።

ቤልጂየሞች በአስራ ስድስቱ ጥሎ ማለፍ፣ ዓለም አቀፉ የእግር ኳስ ማህበር በአሜሪካው አጥቂ ፎላሪን ባሎገን ላይ የጣለውን የአንድ ጨዋታ እገዳ ማንሳቱን ተከትሎ በተፈጠረው ውዝግብ ይበልጥ የተነሳሱ ይመስሉ ነበር። ተጫዋቾቹ ፕሬዝዳንት ትራምፕ በምርጫ ቅስቀሳቸው ላይ የሚያሳዩትን ዳንስ በሜዳ ላይ በመድገም መሳቂያ አድርገዋቸዋል። ከጨዋታው በኋላ ጋርሲያ የቡድናቸውን አንድነት ሲያወድሱ፣ ስብስቡ በጣም የበሰለ ነው፤ የሚረዱን መሪዎች አሉን ብለዋል።

የቤልጂየም መሪዎች አንዱ መለያቸው የቋንቋ ብዝሃነት መሆኑ ነው። ቤልጂየም ያላት የታሪክ ዳራ እና የአውሮፓ ህብረት ማዕከል መሆኗ፣ ቡድኑን ከተለያዩ ሀገራት ማለትም ከዲሞክራቲክ ሪፐብሊክ ኮንጎ፣ ጋና፣ ጊኒ ቢሳው፣ ሴኔጋል፣ ፈረንሳይ፣ ጣሊያን፣ ፖርቱጋል እና ስፔን ዝርያ ካላቸው ተጫዋቾች እንዲዋቀር አድርጎታል። ሉካኩ ብቻውን ስድስት ቋንቋዎችን አቀላጥፎ ይናገራል።

አንዳንድ ተጫዋቾች ከሀገሪቱ ሰሜናዊ ክፍል የመጡ እና የደች ቋንቋ ተናጋሪዎች ሲሆኑ፣ ሌሎቹ ደግሞ ከፈረንሳይኛ ተናጋሪው ክልል የመጡ ናቸው። ብዙዎቹ ሁለቱንም ቋንቋዎች ቢናገሩም፣ ሁሉም ግን አይችሉም፤ በዚህም ምክንያት ተጫዋቾቹ በጋራ ለመግባባት የእንግሊዝኛ ቋንቋን በስፋት ይጠቀማሉ። በአንትወርፕ ዩኒቨርሲቲ የቋንቋ ጥናት ከፍተኛ መምህር የሆኑት ዶክተር ጂም ዩሬል እንዳሉት፣ ይህ በጣም ስትራቴጂካዊ እርምጃ ነው። ቋንቋ በቤልጂየም ውስጥ ስሱ እና ከማንነት እንዲሁም ከፖለቲካ ጋር በጥብቅ የተቆራኘ ጉዳይ ነው። የደች ተናጋሪዎች ለፈረንሳይኛ ተናጋሪዎች ማዘንበል አይፈልጉም፣ በተቃራኒውም እንዲሁ። ስለዚህ ተጫዋቾቹ አንዱን ቢመርጡ ችግር ሊፈጥር ይችላል። በዚህ ጊዜ እንግሊዝኛ ወሳኝ መፍትሄ ይሆናል፤ በተለይም ወጣት እግር ኳስ ተጫዋቾች ይህን ቋንቋ በሚገባ ስለሚናገሩ እና አብዛኞቹም በእንግሊዝኛ ተናጋሪ ሀገራት ስለሚጫወቱ ልዩነቱን ያጠባዋል።

ቤልጂየም ስፔንን አሸንፋ ጉዞዋን ለመቀጠል ከፈለገች… ሉካኩ እና ሌሎች የቡድኑ መሪዎች በየትኛውም ቋንቋ ቢሆን ተጫዋቾቹን ይበልጥ ማነሳሳት ይጠበቅባቸዋል። ይህ የቤልጂየም ስብስብ የወርቃማው ትውልድ የመጨረሻ ሙከራ ሳይሆን፣ ልምድ ያካበቱ አንጋፋ ተጫዋቾች አዲስ አባታዊ ኃላፊነት ወስደው የነገ ተረካቢዎቻቸውን ወደ ፊት እየመሩበት ያለ አስደናቂ ጉዞ ነው።

ግብጽ የውድድር ጉዞዋን ከቤልጂየም ጋር ባደረገችው ጨዋታ የጀመረች ሲሆን፣ ቤልጂየማውያኑ ደግሞ ለአርጀንቲና ትልቅ መነሳሳትን የሚፈጥሩ ይሆናሉ። ቤልጂየም በጥሎ ማለፉ ጨዋታዋ እስከ 86ኛው ደቂቃ ድረስ በሴኔጋል 2 ለ 0 እየተመራች የነበረ ቢሆንም፣ በመጨረሻዎቹ ደቂቃዎች ሁለት ግቦችን አስቆጥራ ጨዋታውን ወደ ተጨማሪ ሰዓት በመውሰድ በመጨረሻዎቹ ሰከንዶች ውስጥ የማሸነፊያ ግብ በማግባት ማሸነፍ ችላለች። ይህ የዓለም ዋንጫ በአስገራሚ ክስተቶች የተሞላ ነው። በቀጣዩ ደቂቃዎች ውስጥም ሌሎች በርካታ ያልተጠበቁ ነገሮች ሊፈጠሩ ይችላሉ።

ፈረንሳይ ፓራጓይን አሸንፋ ወደ ሩብ ፍጻሜ አለፈች፤

* የአፍሪካ ተወካዮች በመጨረሻ ደቂቃዎች ተሰናበቱ
#ethiopia | በ23ኛው የዓለም ዋንጫ የ16 ቡድኖች ጥሎ ማለፍ ዙር ፈረንሳይ ፓራጓይን 1 ለ0 በማሸነፍ ወደ ሩብ ፍጻሜ አልፋለች።

የጨዋታውን ብቸኛ ግብ በ70ኛው ደቂቃ ኪሊያን ምባፔ ከፍጹም ቅጣት ምት አስቆጥሯል።

በሩብ ፍጻሜውም ፈረንሳይ ከሞሮኮ ጋር ትፋለማለች።

በሌላ በኩል የአፍሪካ ተወካዮች ታሪካዊ ውጤት ለማስመዝገብ በጣም ተቃርበው ቢደርሱም በመጨረሻ ደቂቃዎች ልፋታቸው ሳይሳካ ቀርቷል።

ደቡብ አፍሪካ በ91ኛው ደቂቃ፣

ኮትዲቯር በ87ኛው ደቂቃ፣

ዲሞክራቲክ ሪፐብሊክ ኮንጎ በ86ኛው ደቂቃ

እንዲሁም ኬፕ ቨርዴ በ111ኛው ደቂቃ ከውድድሩ ተሰናብተዋል።

ሴኔጋልም እስከ ተጨማሪ ሰዓት 120ኛው ደቂቃ ድረስ ተፋልማ በመጨረሻ ከውድድሩ ተሰናብታለች።

የእነዚህ ቡድኖች መሰናበት የአፍሪካ እግር ኳስ ደጋፊዎችን እጅግ አሳዝኗል፤ ቡድኖቹ ታሪክ ለመጻፍ በጣም ተቃርበው ቢደርሱም በመጨረሻ ደቂቃዎች የውድድሩን ጨካኝ ተፈጥሮ በድጋሚ ተጋፍጠዋል።

የአፍሪካ የኳስ ገጽታ

* ኮንጎ ዲሞክራቲክ ሪፐብሊክ በክብር ተሰናበተች፤ ሴኔጋል በመጨረሻ ደቂቃዎች የልብ ስብራት አስተናገደች
#ethiopia | በዓለም ዋንጫው የጥሎ ማለፍ ፉክክር ሁለት የአፍሪካ ቡድኖች በተለያየ መንገድ ቢሰናበቱም፣ ባሳዩት ተጋድሎና አፈጻጸም የእግር ኳስ አድናቂዎችን ልብ አሸንፈዋል።

ኮንጎ ዲሞክራቲክ ሪፐብሊክ፤ ሽንፈት ቢደርስባትም ተስፋን አስመለሰች

ከ1974 ወዲህ ለመጀመሪያ ጊዜ በዓለም ዋንጫ የተሳተፈችው ኮንጎ ዲሞክራቲክ ሪፐብሊክ በውድድሩ አስደናቂ ጉዞ አድርጋለች።

ቡድኑ በታሪኩ የመጀመሪያውን የዓለም ዋንጫ ድል በኡዝቤኪስታን ላይ ሲያስመዘግብ፣ ከፖርቱጋል ጋርም አቻ ተለያይቷል። በጥሎ ማለፉ ደግሞ ከእንግሊዝ ጋር እስከ መጨረሻ ደቂቃዎች ድረስ ተፎካክሮ በጠባብ ልዩነት ተሸንፎ ከውድድሩ ተሰናብቷል።

ምንም እንኳን ጉዞው በሽንፈት ቢያበቃም፣ የ"ሌስ ሌኦፓርድስ" አፈጻጸም በመላው ኮንጎ እንደገና ተስፋና እምነትን አስመልሷል።

ሴኔጋል፤ ከድል ወደ ልብ ስብራት

ሴኔጋል ደግሞ በውድድሩ እጅግ አሳዛኝ ከሆኑ ሽንፈቶች አንዱን አስተናግዳለች።

የታራንጋ አንበሶች እስከ 85ኛው ደቂቃ 2-0 እየመሩ ወደ 16 ቡድኖች ዙር መግባታቸውን አረጋግጠው የነበሩ ቢመስልም፣ ቤልጂየም በመጨረሻ ደቂቃዎች ሁለት ጎሎችን በማስቆጠር ጨዋታውን ወደ ተጨማሪ 30 ደቂቃ አሸጋግራለች።

ድራማው ግን በዚያ አላበቃም። በ120+5 ደቂቃ በVAR የተረጋገጠ ፔናሊቲ ለቤልጂየም ተሰጥቶ ወደ ጎል በመቀየሩ ሴኔጋል 3-2 ተሸንፋ ከውድድሩ ተሰናብታለች።

በአጭር ጊዜ ውስጥ ከድል ተስፋ ወደ መራራ ሽንፈት የተቀየረው ውጤት፣ ለሴኔጋል ተጫዋቾችና ደጋፊዎች የማይረሳ የልብ ስብራት ሆኗል።

አባሮሽ - በሴኔጋል ከቤልጂየም ጨዋታ ላይ
ቪድዮ፡ ሙሉቀን ጌታሁን ከሲያትል

ቤልጂየም ሴኔጋልን በማሸነፍ 16ቱን ተቀላቀለች

አዲስ አበባ፣ ሰኔ 24፣ 2018 (ኤፍ ኤም ሲ) በዓለም ዋንጫ የ32ቱ የጥሎ ማለፍ ጨዋታ ቤልጂየም ሴኔጋልን 3 ለ 2 በማሸነፍ 16ቱን ተቀላቅላለች።

ምሽት 5 ሰዓት ላይ በተካሄደው ጨዋታ ሴኔጋል በሀቢብ ዲያራ እና ኢስማኤላ ሳር ግቦች 2 ለ 0 ስትመራ ብትቆይም፤ በ86ኛው እና በ 89ኛው ደቂቃ ሮሜሉ ሉካኩ እና ዩሪ ቲሊሞንስ ባስቆጠሯቸው ግቦች ቤልጂየም የመደበኛውን ሰዓት ጨዋታ በአቻ ውጤት አጠናቅቃለች።

በዚህም ጨዋታው ወደ ጭማሪ 30 ደቂቃ አምርቶ ዩሪ ቲሊሞንስ እራሱ ላይ በተሰራ ጥፋት የተገኘውን ፍፁም ቅጣት ምት ወደ ግብነት በመቀየር ቤልጂየም 3 ለ 2 እንድታሸንፍ አድርጓል።

ሴኔጋል ከዓለም ዋንጫው ተሰናበተች::

እንግሊዝ ፓናማን 2-0 አሸነፈች
#ethiopia | በ2026 የዓለም ዋንጫ የምድብ 12 የመጨረሻ ጨዋታ እንግሊዝ ፓናማን 2-0 በማሸነፍ ምድቧን በአንደኝነት አጠናቃለች። በኒው ጀርሲ በሚገኘው ሜትላይፍ ስታዲየም በተካሄደው ጨዋታ እንግሊዝ በመጀመሪያው አጋማሽ ተቸግራ ብትታይም፣ በሁለተኛው 45 ደቂቃ ያሳየችው ብልጫ ድልን አስገኝቶላታል።

ቤሊንግሃም የጨዋታውን አቅጣጫ ቀየረ

የእንግሊዝ አማካይ ጁድ ቤሊንግሃም የጨዋታው ዋነኛ ተጫዋች ሆኖ ተገኝቷል። በ62ኛው ደቂቃ የመጀመሪያውን ጎል ካስቆጠረ በኋላ፣ ከአምስት ደቂቃዎች በኋላ ለካፒቴኑ ሃሪ ኬን ሁለተኛውን ጎል ያስቆጠረ ድንቅ አሲስት አድርጓል።

የስካይ ስፖርትስ ተንታኝ ጋሪ ኔቪል ከጨዋታው በኋላ፣

"ጁድ ቤሊንግሃም ፍጹም ልዕለ ኮከብ ነው፤ የጨዋታውም ምርጥ ተጫዋች ነበር" ሲል አድናቆቱን ገልጿል።

ሃሪ ኬን ታሪክ ሰራ

ካፒቴኑ ሃሪ ኬን በጭንቅላት ያስቆጠረው ጎል በዓለም ዋንጫ 11ኛ ጎሉ ሆኖ ተመዝግቧል። በዚህም ጋሪ ሊኔከርን በመብለጥ በዓለም ዋንጫ ታሪክ ከፍተኛውን የጎል ቁጥር ያስመዘገበ እንግሊዛዊ ተጫዋች ሆኗል።

እንግሊዝ ያሳየችው ጥንካሬና ድክመት

እንግሊዝ በመጀመሪያው አጋማሽ የፓናማን ዝቅተኛ የመከላከል አደረጃጀት (Low Block) ለመስበር ተቸግራ ነበር። የጎል ዕድሎቿም አነስተኛ ነበሩ፣ የቡድኑም እንቅስቃሴ ከሚጠበቀው በታች መሆኑን ተንታኞች ጠቁመዋል።

ከዚህ በተጨማሪ በቀኝ ተከላካይ ክፍል የተፈጠረው የጉዳት ችግር ለአሰልጣኝ ቶማስ ቱሄል አሳሳቢ ሆኗል። ሬስ ጄምስና ትሬንት አሌክሳንደር-አርኖልድ በጉዳት ከሜዳ ውጭ በመሆናቸው በቦታቸው የተሰለፈው ጃሬል ኳንሳ በጨዋታው ውስጥ ጉዳት አስተናግዶ ወጥቷል።

ፓናማ ተጋድላ ተሸነፈች

ፓናማ በመጀመሪያው አጋማሽ እንግሊዝን በጥሩ ሁኔታ በመቆጣጠር በፈጣን መልሶ ማጥቃት አደገኛ እድሎችን ፈጥራለች። ሆሴ ፋጃርዶ ያስቆጠረው ጎልም በኦፍሳይድ ተሰርዟል።

ሆኖም በሁለተኛው አጋማሽ የታክቲክ ትኩረቷን በማጣቷ በአምስት ደቂቃዎች ውስጥ ሁለት ጎሎችን አስተናግዳ ከምድቡ በሽንፈት ተሰናብታለች።

የዓለም ሚዲያ ምላሽ

የዓለም ስፖርት ሚዲያዎች አሰልጣኝ ቶማስ ቱሄል በሁለተኛው አጋማሽ ያደረገውን ስልታዊ ለውጥ አድንቀዋል።

ቱሄልም ከጨዋታው በኋላ፣

"ውድድሩ እየተራመደ በሄደ ቁጥር እኛም እየጠነከርን እንሄዳለን።"

በማለት በቡድኑ ላይ ያለውን እምነት ገልጿል።

ከ82,000 በላይ ደጋፊዎች በሜትላይፍ ስታዲየም ተገኝተው ጨዋታውን በቀጥታ ተከታትለዋል። የስታዲየሙ ድባብም በበርካቶች "እንደ ዌምብሊ ስታዲየም" ተመሳስሎ ተገልጿል።

ወደ ጥሎ ማለፍ

እንግሊዝ ምድቧን በአንደኝነት በማጠናቀቅ ወደ 32 ቡድኖች ጥሎ ማለፍ በመግባት ጥሩ መነቃቃት ፈጥራለች። የዓለም ስፖርት ሚዲያዎችም ቡድኑ በቀጣዩ ዙር ከሴኔጋል ወይም ከዲ.አር. ኮንጎ ጋር የሚያደርገውን ጨዋታ በተሻለ መንፈስ እንደሚገጥም ትንበያቸውን አቅርበዋል።

አለባቸው ደሳለኝ አበሻ | ለንደን 🇬🇧

የ32ቱ የጥሎ ማለፍ ጨዋታዎች

አዲስ አበባ፣ ሰኔ 21፣ 2018 (ኤፍ ኤም ሲ) በአሜሪካ፣ ካናዳ እና ሜክሲኮ እየተካሄደ በሚገኘው የ2026 የዓለም ዋንጫ የምድብ ጨዋታዎች ተጠናቅቀዋል።

ከየምድቦቻቸው 1ኛ እና 2ኛ በመሆን 24 ሀገራት በቀጥታ እንዲሁም ተጨማሪ 8 ሀገራት ምርጥ 3ኛ በመሆን የ32ቱን ጥሎ ማለፍ ተቀላቅለዋል።

በዚህም መሰረት የ32ቱ የጥሎ ማለፍ መርሐ ግብር ከምድብ 1 እና 2 ሁለተኛ ደረጃን በመያዝ ያጠናቀቁት ደቡብ አፍሪካ እና አዘጋጇ ሀገር ካናዳ ዛሬ ምሽት 4 ሰዓት በሚያደርጉት ጨዋታ ይጀምራል።

ምድብ ሦስትን በበላይነት ያጠናቀቀችው ብራዚል ከጃፓን እንዲሁም የምድብ 5 አሸናፊዋ ጀርመን ከፓራጓይ ተደልድለዋል።

ኔዘርላንድስ ከሞሮኮ፣ ኮትዲቯር ከኖርዌይ፣ ፈረንሳይ ከስዊድን፣ ሜክሲኮ ከኢኳዶር፣ እንግሊዝ ከዲሞክራቲክ ኮንጎ ሪፐብሊክ እንዲሁም ቤልጂዬም ከሴኔጋል ይገናኛሉ።

አሜሪካ ከቦሲኒያ ሄርዞጎቪና፣ ስፔን ከኦስትሪያ፣ ፖርቹጋል ከክሮሺያ፣ ስዊዘርላንድ ከአልጄሪያ፣ አውስትራሊያ ከግብጽ፣ አርጀንቲና ከኬፕቨርዴ እንዲሁም ኮሎምቢያ ከጋና ተደልድለዋል።

ሴኔጋል በቀጣይ ጥሎ ማለፍ ቤልጂየምን ትገጥማለች!

ሾጃ ካሊልዛዴህ በመጨረሻዎቹ ሴኮንዶች ላይ ለኢራን ያሸነፈ መስሎት ነበር፤ ነገር ግን እያንዳንዳቸው አንድ አንድ ነጥብ አግኝተው ግብፅ በሁለተኝነት አልፋለች። ኢራን ወደ ጥሎ ማለፍ ለማለፍ ዕድሏ ከሴኔጋል በታች ነው::

🇸🇳 ሴኔጋል ኢራቅን 5-0 በማሸነፍ ወደ ቀጣዩ ዙር የማለፍ ተስፋውን አጠናከረ!
#fifa | ሴኔጋል በተደረገው ጨዋታ ኢራቅን 5-0 በሆነ ሰፊ ውጤት በማሸነፍ በምድቡ ውስጥ ወደ ቀጣዩ ዙር የማለፍ እድሉን አጠናክሯል።

የሴኔጋልን የድል ጎሎች ሃማዱ ዲያራ (4')፣ ኢብራሂማ ሳር (56')፣ ፓፕ ጉዬ (59' እና 71') እንዲሁም ኢላይማን ንዲያዬ (82') አስቆጥረዋል።

ኢራቅ ደግሞ በ13ኛው ደቂቃ ተከላካዩ ረዋንድ ሱላካ ቀይ ካርድ በማየቱ ከጨዋታው ተሰናብቶ ቀሪውን ጊዜ በ10 ተጫዋቾች ለመጫወት ተገዷል።

ይህ ድል ለሴኔጋል በምድቡ ውስጥ ከፍተኛ ጠቀሜታ ያለው ሲሆን፣ ወደ ቀጣዩ ዙር የማለፍ ተስፋውን በእጅጉ አሳድጎታል።

ፈረንሳይ ኖርዌይን አሸነፈች

አዲስ አበባ፣ ሰኔ 19፣ 2018 (ኤፍ ኤም ሲ) በአሜሪካ፣ ካናዳ እና ሜክሲኮ ጥምር አስተናጋጅነት እየተካሄደ በሚገኘው 23ኛው የዓለም ዋንጫ የምድብ የመጨረሻ ጨዋታ ፈረንሳይ ኖርዌይን 4 ለ 1 አሸንፋለች።

በምድብ ዘጠኝ ያደረጓቸውን ሁለቱንም ጨዋታዎች በማሸነፍ አስቀድመው 32ቱን የተቀላቀሉት ፈረንሳይ እና ኖርዌይ ምሽት 4 ሰዓት ተገናኝተው፤ ፈረንሳይ በማሸነፏ 9 ነጥብ በመያዝ ምድቡን በበላይነት አጠናቅቃለች፡፡

የፈረንሳይን ሶስት ግቦች ኦስማን ዴምቤሌ በማስቆጠር ሃት-ሪክ የሰራ ሲሆን፤ አራተኛውን ግብ ዱዌ አስቆጥሯል።

የኖርዌይን ብቸኛ ግብ አስጋርድ ከመረብ አገናኝቷል።

በዚሁ ምድብ በተመሳሳይ ምሽት 4 ሰዓት ላይ ኢራቅን የገጠመችው አፍሪካዊቷ ሀገር ሴኔጋል 5 ለ 0 በማሸነፍ ምርጥ ሦስተኛ በመሆን 32ቱን ለመቀላቀል የሚያስችላትን ዕድል ፈጥራለች።

ሴኔጋል ኢራቅን ደረማመሰቻት። 5ለ0

የምድብ ዘጠኝ የመጨረሻ ጨዋታዎች፤ ፈረንሳይ ከ ኖርዌይ እና ሴኔጋል ከ ኢራቅ
************************

በ23ኛው የዓለም ዋንጫ የምድብ ዘጠኝ ተጠባቂ የመጨረሻ ጨዋታዎች በተመሳሳይ ዛሬ ምሽት 4:00 ሰዓት ላይ ሲደረጉ፣ የምድቡን መሪ ለመለየትና የምርጥ ሦስተኛ ደረጃ ዕድልን ለመጠቀም ብርቱ ፉክክር ያደርጋሉ ተብሎ ይጠበቃል፡፡

የዓለም ዋንጫን ሁለት ጊዜ ማንሳት የቻለችው ፈረንሳይ በምድቡ የመጨረሻ ጨዋታ ኖርዌይን ትገጥማለች፡፡

ፈረንሳይ ካደረገቻቸው ሁለት ጨዋታዎች ሁለቱንም በማሸነፍ፣ 6 ግቦችን አስቆጥራ 1 ብቻ በማስተናገድ በ6 ነጥብ የምድቡ መሪ ነች።

በአንጻሩ ኖርዌይ ካደረገቻቸው ሁለት ጨዋታዎች ሁለቱንም በማሸነፍ፣ 6 ነጥብ ይዛ በግብ ክፍያ በፈረንሳይ ተበልጣ ሁለተኛ ደረጃ ላይ ተቀምጣለች።

ኖርዌይ በዓለም ዋንጫ ተሳትፎ ታሪኳ በ1998 እስከ ጥሎ ማለፍ ድረስ መጓዝ የቻለችበት ታሪክ ያላት ሲሆን፣ ዛሬ ከፈረንሳይ ጋር በምታደርገው ጨዋታ የምድቡን የበላይነት ለመያዝ ትጫወታለች።

ሁለቱም ብሔራዊ ቡድኖች ቀደም ብለው ባከናወኗቸው የምድብ ጨዋታዎች ላይ ባስመዘገቡት ድል ወደ ቀጣይ ዙር ማለፋቸውን ያረጋገጡ ሲሆን፣ የዛሬውን ጨዋታ ምድቡን በአንደኝነት ለማጠናቀቅ ይጫወታሉ፡፡

በሌላኛው መርኃ ግብር ሴኔጋል ከኢራቅ ጋር በምታደርገው ጨዋታ ምርጥ ሦስተኛ ሆና ወደ ጥሎ ማለፍ ለመግባት ያላት ዕድል ጠባብ ሲሆን፣ ምንም እንኳ በእርሷ ማሸነፍ ብቻ የሚወሰን ባይሆንም ብሎም በምታስመዘግባቸው ግቦች ብዛት ቢመረኮዝም፣ በዚያ ጠባብ ዕድል ለመጠቀም የሚደረግ ወሳኝ ፍልሚያ ነው።

ሴኔጋል ካደረገቻቸው ሁለት ጨዋታዎች በሁለቱም በመሸነፏ ካለምንም ነጥብ ሦስተኛ ደረጃ ላይ ትገኛለች።

በ2002 የኮሪያ እና ጃፓን ዓለም ዋንጫ እስከ ሩብ ፍፃሜ ተጉዛ ታሪክ የጻፈችው ሴኔጋል፣ ዛሬ ኢራቅን በማሸነፍ ምርጥ ሦስተኛ ሆና ለማለፍ ያላትን ጠባብ ዕድል ለመጠቀም ትጫወታለች።
ኢራቅ በበኩሏ ካደረገቻቸው ሁለት ጨዋታዎች በሁለቱም በመሸነፏ፣ ከምድቡ የተሰናበተች ለመርኃ ግብር ማሟያ እና ለታሪክ ጨዋታዋን ታከናውናለች።

በአሁኑ ሰዓት ስዊድን እና ኢኳዶር በ4 ነጥብ ምርጥ ሦስተኛ ሆነው ለማለፍ ያለውን ዝርዝር እየመሩ ሲሆን፣ የዚህ ምድብ ውጤትም በምርጥ ሦስተኛነት በሚያልፉ ሀገራት ዝርዝር ላይ የራሱ ተጽዕኖ ይኖረዋል።

በዘረንቶስ ሰለሞን

Ethiopian Broadcasting Corporation EBC SPORT ኢቢሲ ስፖርት #worldcup #groupi #france #norway #senegal #iraq #football #sport

(ዘ-ሐበሻ ዜና) የተመድ ዋና ፀሀፊ ለቀድሞዋ የኢትዮጵያ ፕሬዝደንት አዲስ ሹመት ሰጡ፡፡ የቀድሞዋ የኢትዮጵያ ፕሬዝደንት ወይዘሮ ሳህለወርቅ ዘውዴ በተመድ ዋና ፀሀፊ ሀላፊነት እንደተሰጣቸው ተዘገበ፡፡ ዋና ፀሀፊው አንቶኒዮ ጉተሬዥ የሰጧቸው ይህ ሹመትም የተመድ የምእራብ አፍሪካና ሳህል ቢሮ ውስጥ ገለልተኛ ስትራቴጂያዊ ግምገማ እንዲያደርጉ የሚያስችል ነው፡፡

የተመድ የምእራብ አፍሪካና ሳህል ቢሮ በአካባቢው ለሚፈጠሩ ቀውሶች ዘገምተኛ ምላሽ በመስጠት ትችት የሚቀርበበት ሲሆን ወይዘሮ ሳህለወርቅ የተሰጣቸው ሀላፊነት የተቋሙን የአሰራር ክፍተት መመርመር ነው፡፡ ይህ የያዝነው የፈረንጆች ወር ማለትም ጁን ሲያበቃ አዲሱን ሀላፊነታቸውን የሚረከቡት የቀድሞዋ ፕሬዝደንት በመጀመሪያ ወደኒውዮርክ በማቅናት ከፀጥታው ምክር ቤት አባላት ማብራሪያ እንደሚሰጣቸው ተገልጿል፡፡

በመቀጠልም የተመድ የምእራብ አፍሪካና ሳህል ቢሮ ዋና መስሪያ ቤት ወደሚገኝበት ዳካር በመጓዝ ከሴኔጋል ከፍተኛ አመራሮች ጋር በመወያየት ወደስራ የሚገቡ ይሆናል፡፡ ለወይዘሮ ሳህለወርቅ ይህ ሀላፊነት ሊሰጣቸው የቻለው ቀደም ሲል በሴኔጋል፣ ማሊ፣ ጊኒና ኬፕ ቨርዲ የኢትዮጵያ አምባሳደር በመሆን በመስራታቸው ስለቀጠናው የተሻለ እውቀትና ግንዛቤ አላቸው በሚል ነው፡፡

ፈረንሳይና ኖርዌይ ወደ ጥሎ ማለፍ አለፉ፤
ሴኔጋል በድጋሚ ተሸነፈች
#ethiopia | በ23ኛው የዓለም ዋንጫ የምድብ ዘጠኝ ሁለተኛ ዙር ጨዋታዎች ፈረንሳይና ኖርዌይ ወደ ጥሎ ማለፍ መሸጋገራቸውን ሲያረጋግጡ፣ ሴኔጋል ደግሞ ሁለተኛ ተከታታይ ሽንፈቷን ተከናንባለች።

ኖርዌይ ከሴኔጋል ጋር ባደረገችው ጨዋታ 3 ለ 2 በሆነ ውጤት ድል ቀንታለች። ለኖርዌይ ማርከስ ፔደርሰን አንድ ግብ ሲያስቆጥር፣ ኧርሊንግ ሀላንድ ደግሞ ሁለት ግቦችን በማስቆጠር የቡድኑን ድል አረጋግጧል። ለሴኔጋል ኢስማኤሊያ ሳር ያስቆጠራቸው ሁለት ግቦች ቢኖሩም ቡድኑን ከሽንፈት ማዳን አልቻሉም።

በሌላኛው የምድቡ ጨዋታ ፈረንሳይ ኢራቅን 3 ለ 0 በማሸነፍ ሙሉ ሶስት ነጥብ አግኝታለች። ኪሊያን ምባፔ ሁለት ግቦችን ሲያስቆጥር፣ የባሎንዶር አሸናፊው ኡስማን ዴምቤሌ ደግሞ ሦስተኛዋን ግብ አክሏል።

በእነዚህ ውጤቶች ኖርዌይና ፈረንሳይ ከምድብ ዘጠኝ ወደ ጥሎ ማለፍ መሸጋገራቸውን በይፋ አረጋግጠዋል። ሴኔጋል ግን በመጨረሻው የምድብ ጨዋታዋ ከኢራቅ ጋር በምታደርገው ፍልሚያ በምርጥ ሦስተኛነት ለማለፍ ያላትን ጠባብ ዕድል ለመጠቀም ትሞክራለች።

በኮከብ ግብ አግቢነት ፉክክር ደግሞ ኪሊያን ምባፔ እና ኧርሊንግ ሀላንድ እያንዳንዳቸው አራት ግቦችን በማስቆጠር ውድድሩን እየመሩ ሲሆን፣ ቀጣዮቹ ጨዋታዎች የወርቃማ ጫማ ፉክክሩን የበለጠ አስደሳች ያደርጉታል።

(ዘ-ሐበሻ ስፖርት) በኒውጀርሲ በተካሄደው እጅግ አጓጊ እና ትንፋሽ አስቋራጭ የዓለም ዋንጫ ጨዋታ፣ የዘመናችን አደገኛው ግብ አዳኝ ኤርሊንግ ሀላንድ ለኖርዌይ ብሔራዊ ቡድን በድጋሚ ደምቆ አምሽቷል። ኖርዌይ ሴኔጋልን 3 ለ 2 በሆነ ጠባብ ውጤት በማሸነፍ ከምድቧ ወደ 32ቱ ጥሎ ማለፍ መቀላቀሏን በይፋ አረጋግጣለች።

ጨዋታው ሲጀመር በተወሰነ መልኩ የተቀዘቀዘ ቢመስልም፣ የመጀመሪያው አጋማሽ ሊጠናቀቅ ሲል ግን የሴኔጋሉ አምበል ካሊዱ ኩሊባሊ የሰራውን አስደንጋጭ ስህተት ተጠቅሞ ተቀይሮ የገባው ማርከስ ፔደርሰን ኖርዌይን ቀዳሚ አደረገ። በዚሁ አጋማሽ የ25 ዓመቱ ሀላንድ በተወሰነ መልኩ ተዳፍኖ የነበረ ሲሆን፣ እንዲያውም የሴኔጋሉን ግብ ጠባቂ ኤዶዋርድ ሜንዲን አታሎ ካለፈ በኋላ ያገኘውን ክፍት ጎል ቋሚ ገጭቶበት በማባከን ተመልካቹን አሳዝኖ ነበር።

ነገር ግን የሀላንድ ዝምታ ከእረፍት መልስ ብዙም አልዘለቀም! 48ኛው ደቂቃ ላይ አምበሉ ማርቲን ኦዴጋርድ ሰንጥቆ ያቀበለውን ወርቃማ ኳስ በፍጥነት ተረክቦ መረብ ላይ በማሳረፍ መሪነቱን ወደ ሁለት አሳደገ። ይህች ጎል ሀላንድን የኖርዌይ የምንግዜም የዓለም ዋንጫ ከፍተኛ ጎል አስቆጣሪ አድርጋዋለች። ሴኔጋሎች በበኩላቸው በቀላሉ እጅ አልሰጡም፤ በእስማኢላ ሳር አማካኝነት አንድ ጎል ቢመልሱም፣ ሀላንድ አላስቻላቸውም። ከአምስት ደቂቃ በኋላ፣ ብዙም በማይጠቀመው ቀኝ እግሩ አየር ላይ እንዳለ በበረራ የመታው ኳስ የግቡን አግዳሚ ታኮ ሲገባ ስታዲየሙ በጩኸት ተናጋ! ሀላንድ ማቆሚያ እንደሌለው በድጋሚ አረጋገጠ።

የጨዋታው ማብቂያ ላይ የክሪስታል ፓላሱ የክንፍ ተጫዋች እስማኢላ ሳር በጭማሪ ሰዓት ሁለተኛ ጎሉን አስቆጥሮ ጨዋታውን እጅግ አጓጊ አደረገው። እንዲያውም በመጨረሻዎቹ ሴኮንዶች ሳር በግንባር ገጭቶ የሞከራት ኳስ በትንሹ ወደ ውጪ ባትወጣ ኖሮ ሴኔጋል አቻ የምትሆንበት እድል ነበራት። በመጨረሻም የስታሌ ሶልባከን ስብስብ የሆነችው ኖርዌይ ውጤቱን አስጠብቃ ወጥታለች።

ይህ አጥቂ በእውነትም ጫና የሚባል ነገር አይፈጠርበትም! በሁለት የዓለም ዋንጫ ጨዋታዎች ብቻ አራት ጎሎችን አስቆጥሯል—ይህ ማለት በታሪክ ማንኛውም የኖርዌይ ተጫዋች ካስቆጠረው ጎል እጥፍ ማለት ነው! ከዚህም ባሻገር ለብሔራዊ ቡድኑ በተሰለፈባቸው ተከታታይ 12 የውድድር ጨዋታዎች ላይ ጎል ያስቆጠረ ሲሆን፣ ባለፉት ስድስት ጨዋታዎች ደግሞ ቢያንስ ሁለት ሁለት ጎሎችን ማግባት ችሏል። የትናንቱ ብቸኛ አስገራሚ ነገር ቢኖር ሀላንድ ሀት-ትሪክ ሰርቶ አለመውጣቱ ብቻ ነው!

በዚህ ውጤት መሰረት ኖርዌይ ከኃያሏ ፈረንሳይ ጋር ከምድብ 9 ማለፏን አረጋግጣለች፤ አርብ ዕለትም የምድቡን አንደኛ ለመለየት ሁለቱ ሀገራት እርስ በእርስ ይፋለማሉ። በሌላ በኩል ሴኔጋል ወደ ቀጣዩ ዙር የማለፍ ቀጭን ተስፋዋን ለማለምለም፣ በመጨረሻው የምድብ ጨዋታዋ ኢራቅን የግድ ማሸነፍ ይጠበቅባታል።

የፈረንሳይ ክዋክብት የታራንጋ አንበሶችን ፈተና አሸነፉ
#ethiopia | በችሎታ እና በጥራት እርስ በእርስ የሚመሳሰሉት ፈረንሳይ እና ሴኔጋል ያደረጉት ተጠባቂ ጨዋታ በፈረንሳይ አሸናፊነት ተጠናቋል።

በሁለቱ ቡድኖች መካከል የነበረው ዋነኛው ልዩነት እንደ ኪሊያን ምባፔ ዓይነት ፈጣንና ገዳይ አጥቂ፣ እንዲሁም በማንኛውም ቅፅበት ጨዋታን መቀየር የሚችሉት እንደ ማይክል ኦሊሴ እና አድሪያን ራቢዮ ያሉ ተፈጥሯዊ የቴክኒክ ክህሎት ያላቸው ኮከቦች በሴኔጋል በኩል አለመኖራቸው ነው።

እነዚህ የፈረንሳይ የፊት መስመር ተጫዋቾች በሰከንዶች ሹልክታ ከሴኔጋሉ ግብ ጠባቂ ኤድዋርድ ሜንዲ ጋር በመገናኘት በደቂቃዎች ውስጥ የጨዋታውን ውጤት መወሰን ችለዋል።

በዚህም ፈረንሳይ ጨዋታውን 3 ለ 1 በሆነ ውጤት ስታሸንፍ፣ ኪሊያን ምባፔ በጨዋታው ማጠናቀቂያ ላይ ባስቆጠራት አስደናቂ የሮኬት ግብ የፈረንሳይ ብሔራዊ ቡድን የምንጊዜውም ከፍተኛ ግብ አስቆጣሪ መሆን ችሏል።

ለ65 ደቂቃዎች ያህል በሁለቱ ቡድኖች መካከል የነበረው ብርቱና እልህ አስጨራሽ የአቻነት ትንቅንቅ በመጨረሻም በግል ተጫዋቾች የክህሎት ልዩነት ሊፈታ ችሏል።

የማድሪዱ ኮከብ ኪሊያን ምባፔ በዓለም ዋንጫው መድረክ ላይ በድጋሚ አስደናቂ ብቃቱን አሳይቷል። ሁለቱ ቡድኖች ከሜዳ አቀማመጥ ውጭ በጨዋታ እንቅስቃሴ ረገድ እምብዛም ሰፊ ልዩነት አልነበራቸውም።

በጠንካራ አካል ብቃት፣ ከፍተኛ ሩጫ፣ መውደቅ መነሳትና ፍልሚያ በታየበት በዚህ ዘመናዊ የእግር ኳስ ጨዋታ፣ በታክቲክ የበሰለው ትንቅንቅ እስከ 65ኛው ደቂቃ ድረስ በእኩልነት ቀጥሎ ነበር። ይሁን እንጂ በወሳኙ ሰዓት የፈረንሳይ የክዋክብት ስብስብ ጨዋታውን መለወጥ ችሏል።

የፓሪሱ ኮከብ ምባፔ አስማታዊ ብቃት ፈረንሳይን ለድል ሲያበቃ፣ የታራንጋ አንበሶቹ ሴኔጋል ግን ጨዋታን ለመቀየር ጥቂት ደቂቃዎች ብቻ የሚበቋቸው እንደ ምባፔ፣ ኦሊሴ እና ራቢዮ ያሉ ተጫዋቾች ባለመኖራቸው በመጨረሻ ለመሸነፍ ተገደዋል።

ጨዋታውም በፈረንሳይ 3 ለ 1 አሸናፊነት ተጠናቋል።
#worldcup #francevssenegal #mbappe #football #sportsnews #getutemesgen #getu #ጌጡ #ጌጡተመስገን #addisababa

ምባፔ... ምባፔ.... ፈረንሳይ 1 - 0 ሴኔጋል | 65ኛ ደቂቃ